16- طقس رسامة الأساقفة

ܢܽܘ̣ܗܳܪܳܐ:

ܒܳܬ̥ܰܪ ܨܠܽܘ̇ܬ̥ܳܐ ܕ̥ܰܬ̥ܠܳܬ̥ ܫܳܥܺܝ̈ܢ܆ ܥܳܐܶܠ ܦܰܛܪܺܝ̣ܰܪܟ̥ܳܐ ܠܒܶܝܬ̥ ܓ̊ܰܙܳܐ ܕ̥ܡܰܕ̥ܒ̊ܚܳܐ܆ ܘܩܳܪܶܐ ܠܩܰܪܝܳܐ ܘܠܰܬ̥ܪܶܝܢ ܐܶܦܣ̈ܩܽܘ̇ܦܶܐ ܥܰܡܶܗ ܠܚܽܘ̣ܕ̥ܰܝܗܽܘ̇ܢ. ܘܡܶܬ̊ܬ̊ܚܶܕ̥ ܐܰܦܰܝ̈ ܬ̊ܰܪܥܳܐ. ܘܗܳܝܕ̊ܶܝܢ ܗܽܘ ܦܰܛܪܺܝ̣ܰܪܟ̥ܳܐ ܣܳܐܶܡ ܠܶܗ ܫܽܘ̇ܫܶܦܳܐ ܥܰܠ ܪܺܝܫܶܗ ܟ̊ܰܕ̥ ܡܰܠܒܶܫ ܠܶܗ ܟ̊ܽܘ̇ܬ̊ܺܝ̣ܢܳܐ ܘܙܽܘ̣ܢܳܪܳܐ ܘܦܶܕ̈ܝܳܬ̥ܳܐ ܘܳܐܣܰܪ ܚܰܨܰܘܗ̱̈ܝ ܐܰܝܟ̥ ܥܝܳܕ̥ܳܐ ܘܩܳܛܰܪ ܠܶܗ ܫܰܕܳܝܳܐ܆ ܟܰܕ̥ ܐܶܦܣ̈ܩܽܘ̇ܦܶܐ ܠܳܒܟ̊ܺܝ̣ܢ ܒܗܳܠܶܝܢ܀

ܘܗܳܝܕܶܝܢ ܗܽܘ ܦܰܛܪܺܝ̣ܰܪܟ̥ܳܐ ܡܶܬ̥ܓ̊ܗܶܢ ܩܕ̥ܳܡܰܘܗ̱ܝ ܕ̊ܩܰܪܝܳܐ ܘܳܐܡܰܪ ܠܶܗ:

ܪܺܝܫܟ̊ܳܗ̈ܢܶܐ:

ܪܽܘ̣ܚܳܐ ܩܰܕ̊ܺܝ̣ܫܳܐ ܩܳܪܶܐ ܠܳܟ̥ ܕ̊ܬ̥ܶܗܘܶܐ ܡܺܝܛܪܳܦܽܘ̇ܠܺܝܛܳܐ [ܐܰܘ ܐܶܦܣܩܽܘܦܳܐ] ܠܕ̥ܽܘ̣ܟ̊ܬ̥ܳܐ [ܦܠܳܢܺܝ̣ܬ̥]܀

ܢܽܘ̣ܗܳܪܳܐ:

ܘܒܳܪܟ̊ܺܝ̣ܢ ܐܳܦ ܚܣܰܝܳـ̈ܐ ܠܺܐܝܩܳܪܶܗ ܕ̊ܦܰܛܪܺܝܰܪܟ̥ܳܐ ܘܳܐܦ ܩܰܪܝܳܐ ܢܳܦܶܠ ܥܰܠ ܐܰܦܰܘܗ̱̈ܝ ܩܕ̥ܳܡ ܦܰܛܪܺܝ̣ܰܪܟ̥ܳܐ ܘܳܐܡܰܪ:

ܩܰܪܝܳܐ:

ܫܳܠܶܡ ܐ̱ܢܳܐ ܘܰܡܩܰܒ̊ܶܠ ܐ̱ܢܳܐ܀

ܢܽܘ̣ܗܳܪܳܐ:

ܒܰܕ̥ܓ̥ܽܘ̇ܢ܆ ܟܰܕ̥ ܦܰܛܪܺܝ̣ܰܪܟ̥ܳܐ ܡܫܰܡܠܶܐ ܠܩܽܘ̣ܪܳܒܳܐ܆ ܗܳܝܕܶܝܢ ܐܶܦܣ̈ܩܽܘܦܶܐ ܡܩܰܪܒܺܝ̣ܢ ܠܶܗ ܠܩܰܪܝܳܐ ܟ̥ܰܕ̥ ܐܺܝ̣ܬ̥ ܥܠܰܘܗ̱ܝ ܡܰܨܢܰܦܬ̊ܳܐ ܘܺܐܝ̈ܕ̥ܰܘܗ̱ܝ ܦܟ̥ܺܝܪ̈ܳܢ ܘܰܡܩܺܝ̣ܡܺܝ̣ܢ ܠܶܗ ܩܕ̥ܳܡ ܬ̊ܪܽܘ̇ܢܽܘ̇ܣ. ܘܦܰܛܪܺܝ̣ܰܪܟ̥ܳܐ ܕ̥ܶܝܢ ܡܫܺܝܓ̥ ܨܶܒ̈ܥܳܬ̥ܶܗ ܒܰܡܫܰܡܫܳܢܺܝ̣ܬ̥ܳܐ ܘܳܐܚܶܕ̥ ܨܠܺܝ̣ܒ̥ܳܐ ܘܡܽܘܪܳܢܺܝ̣ܬ̥ܳܐ ܟ̥ܰܕ̥ ܩܠܺܝܪ̈ܺܝܩܽܘ ܐܳܡܪܺܝܢ:

ܡܫܰܡ̈ܫܳܢܶܐ:

ܛܽܘ̣ܒ̥ܰܝܗܽܘ̇ܢ ܠܥܰܒ̥̈ܕ̊ܶܐ ܛܳܒ̥̈ܶܐ. ܡܳܐ ܕ̥ܳܐܬ̥ܶܐ ܡܳܪܗܽܘ̇ܢ. ܡܶܫܟ̊ܰܚ ܠܗܽܘ̇ܢ ܟ̊ܰܕ̥ ܥܺܝ̣ܪܺܝ̣ܢ ܘܰܒ̥ܟ̥ܰܪܡܶܗ ܦ̊ܳܠܚܺܝ̣ܢ. ܐܳܣܰܪ ܚܰܨܰܘ̈ܗ̱ܝ: ܘܰܡܫܰܡܶܫ ܠܗܽܘ̇ܢ[2]. ܕ̊ܰܠܐܺܝ̣ܘ ܥܰܡܶܗ: ܡܶܢ ܨܰܦ̥ܪܳܐ ܠܪܰܡܫܳܐ. ܐܰܒ̥ܳܐ ܡܰܣܡܶܟ̥ ܦ̊ܰܠܳܚ̈ܰܘܗ̱ܝ ܘܰܒ̥ܪܳܐ ܡܫܰܡܶܫ ܠܗܽܘ̇ܢ. ܪܽܘ̣ܚ ܩܽܘ̣ܕ̥ܫܳܐ ܦ̥ܰܪܩܠܺܝܛܳܐ ܟ̥ܠܺܝ̣ܠܰܝ̈ܗܽܘ̇ܢ ܓ̊ܳܕ̥ܠܳܐ ܗ̄ ܘܣ݀ܳܝܡܳܐ ܒ̥ܪ̈ܺܝܫܰܝܗܽܘ̇ܢ܀

ܢܽܘ̣ܗܳܪܳܐ:

ܟ̊ܰܕ̊ ܕ̊ܶܝܢ ܠܒܺܝ̣ܫ ܩܰܪܝܳܐ ܡܰܨܢܰܦܬ̊ܳܐ܆ ܘܰܩܛܺܝ̣ܪ ܠܶܗ ܫܰܕܝܳܐ܆ ܘܰܦܟ̥ܺܝ̣ܪ̈ܳܢ ܐܺܝ̣ܕ̥ܰܘܗ̱̈ܝ ܥܰܠ ܚܰܕ̥ܝܶܗ܆ ܡܫܰܪܶܐ ܦܰܛܪܺܝܰܪܟ̥ܳܐ ܘܶܐܦܣ̈ܩܽܘ̇ܦܶܐ ܒܬ̥ܶܫܡܶܫܬ̊ܳܐ ܕ̥ܰܣܝܳܡܺܝ̣ܕ̥ܳܐ܆ ܒܺܐܝܕ̥ܳܐ ܒܺܐܝ̣ܕ̥ܳܐ ܐܰܝܟ̊ܰܢܳܐ ܕ̥ܡܶܢ ܠܬ̥ܰܚܬ̊ ܡܛܰܟ̊ܣܳܐ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܘܰܥܠܰܝܢ ܡܚܺܝ̣̈ܠܶܐ ܘܚܰܛܳܝ̈ܐ ܪ̈ܰܚܡܶܐ ܘܰܚܢܳܢܳܐ ܢܶܫܬ̊ܰܦܥܽܘ̣ܢ ܒܰܬ̥ܪ̈ܰܝܗܽܘ̇ܢ ܥܳܠ̈ܡܶܐ ܠܥܳܠܰܡ ܥܳܠܡܺܝ̣ܢ ܐܰܡܺܝ̣ܢ܀

ܨܠܽܘ̇ܬ̥ܳܐ ܕ̥ܫܽܘ̣ܪܳܝܳܐ

ܐܰܫܘܳܐ ܠܰܢ ܡܳܪܝܳܐ ܐܰܠܳܗܳܐ ܕ̥ܕܰܟ̥ܝܳܐܺܝ̣ܬ̥ ܘܩܰܕ̊ܺܝ̣ܫܳܐܺܝ̣ܬ̥ ܢܩܽܘ̣ܡ ܩܕ̥ܳܡ ܡܰܕ̥ܒ̊ܚܳܟ̥ ܩܰܕ̊ܺܝ̣ܫܳܐ. ܟ̊ܰܕ̥ ܫܳܐܠܺܝ̣ܢܰܢ ܡܶܢ ܡܪܰܚܡܳܢܽܘ̣ܬ̥ܳܟ̥ ܕ̊ܬ̥ܶܗܘܶܐ ܥܰܡܰܢ ܘܒܰܝܢܳܬ̥ܰܢ. ܘܰܬ̥ܫܰܟܶ̊ܢ ܠܰܢ ܥܽܘ̣ܬ̥ܪܳܐ ܫܦܺܝ̣ܥܳܐ ܕ̥ܡܰܘܗ̈ܒܳܬ̥ܳܟ ܐܰܠܳܗܳܝ̈ܳܬ̥ܳܐ܆ ܘܳܐܦ̥ ܒܥܶܕ̊ܳܢܳܐ ܗܳܢܳܐ. ܐܰܝܟ̊ܰܢܳܐ ܕ̥ܰܐܝܟ̥ ܨܶܒܝܳܢܳܟ̥ ܢܫܰܡܠܶܐ ܬ̥ܶܫܡܶܫܬܳ̊ܐ ܕ̥ܫܽܘ̣ܡܠܳܝ ܪܺܝܫܟ̊ܳܗ̈ܢܶܐ ܗܳܢܳܐ. ܘܢܰܣܶܩ ܠܳܟ̥ ܫܽܘ̣ܒ̥ܚܳܐ ܘܬ̥ܰܘܕܺܝ̣ܬ̥ܳܐ. ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܰܡ ܥܳܠܡܺܝ̣ܢ܀

أهّلنا أيّها الربّ الإله أن نمثُلَ أمام مذبحك المقدّس بالنقاوة والقداسة مُلتَمسين من رحمتك أن تكون معنا وبيننا وتمنحنا غزارة غنى مواهبك الإلهيّة. في هذا الوقت أيضاً لكي نكمل حسب مشيئتك خدمة رؤساء الكهنة. ونرفع إليك الحمد والشكر، أيّها الآب والابن والرّوح القدس، الآن وكلّ أوانٍ وإلى أبد الآبدين܀

ܩܽܘ̣ܩܰܠܺܝܽܘ̇ܢ [ܒܪܶܟ̥ܢܳܐ ܬ̥ܠܺܝ̣ܬ̥ܳܝܳܐ]

ܡܫܰܡ̈ܫܳܢܶܐ:

ܡܳܪܝܳܐ ܒܚܰܝܠܳܟ̥ ܢܶܚܕ̊ܶܐ ܡܰܠܟ̊ܳܐ ܗ̄ ܘܰܒܦܽܘ̣ܪܩܳܢܳܟ̥ ܢܕ̥ܽܘ̣ܨ ܪܰܘܪܒܳܐܺܝ̣ܬ̥܀ ܪܶܓ̊ܬ̥ܳܐ ܕ̥ܠܶܒܶܗ ܝܰܗ̱ܒ̥ܬ̊ ܠܶܗ ܗ̄ ܘܛܽܘ̣ܝܳܒܳܐ ܕ̥ܣܶܦ̈ܘܳܬ̥ܶܗ ܠܳܐ ܟ̥ܠܰܝܬ̊ܳܝܗ̱ܝ܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܟ̊ܰܕ̥ ܫܠܶܝܡܽܘ̇ܢ ܒܦ̈ܠܳܐܬ̥ܳܐ ܡܡܰܠܶܠ ܗ̱ܘܳܐ܆ ܕ̊ܡܰܢ ܕ̊ܳܕܶܟ̥ܝ ܫܰܦܺܝ̣ܪܬ̊ܳܐ. ܐܶܡܰܪܝ ܕ̊ܣܰܓ̊ܝ ܚܬ̥ܺܝ̣ܪܰܬ̊ܝ ܒܶܗ. ܕ̊ܳܕ̥ܳܐ ܕ̥ܺܝܠܝ ܐܶܬ̥ܓ̊ܒ̥ܺܝ ܡܶܢ ܣܽܘ̇ܓ̥ܐܳܐ ܕ̥ܪ̈ܶܒܘܳܬ̥ܳܐ. ܗܰܘ ܕ̊ܟ̥ܰܪܡܶܗ ܐܺܝ̣ܬ̥ܰܘܗ̱ܝ ܝܺܣܪܳܐܶܝܠ܆ ܚܶܘܳܪ ܡܶܢ ܓ̊ܦܶܬ̊ܳܐ ܕ̥ܝܰܥܩܽܘ̇ܒ. ܣܽܘ̣ܡܳܩ ܡܶܢ ܡܶܫܚܳܐ ܕ̥ܢܰܪܕܺܝܢ. ܩܰܛܺܝ̣ܢ ܡܶܢ ܐܰܪ̈ܙܶܐ ܕ̥ܠܶܒܢܳܢ. ܕܡܽܘ̣ܬ̥ܰܐ ܗ̱ܘ ܓ̊ܶܝܪ ܕ̊ܰܐܠܳܗܳܐ. ܗܰܘ ܕ̊ܠܶܗܽ ܗ̱ܘ ܡܫܰܒܚܺܝ̣ܢܰܢ. ܡܶܛܽܠ ܕ̊ܰܡܫܰܒܚܳܐ ܐܺܝ̣ܬ̥ܰܘܗ̱ܝ܀

ܡܫܰܡ̈ܫܳܢܶܐ:

ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀

ܨܠܽܘ̇ܬ̥ܳܐ

ܪܺܝܫܟ̊ܳܗ̈ܢܶܐ:

ܚܰܕ̊ܶܬ̥ ܒܰܢ ܝܽܘ̇ܡ ܡܶܢ ܝܽܘ̇ܡ ܓ̊ܽܘ̣ܥܠܳܢܰܝ̈ܟ̊ ܐܰܠܳܗ̈ܝܶܐ. ܘܨܶܡ̈ܚܶܐ ܕ̥ܫܽܘ̣ܟ̊ܳܢܰܝ̈ܟ̊ ܪ̈ܽܘ̣ܚܳܢܳܝܶܐ܆ ܪܽܘ̣ܚܳܐ ܩܰܕ̊ܺܝ̣ܫܳܐ ܕ̥ܰܡܩܰܕ̊ܶܫ ܟ̊ܽܠ. ܘܒܳܟ̥ ܘܡܶܢܳܟ̥ ܢܶܬ̥ܢܰܗܰܪ. ܘܢܶܬ̥ܗܰܕ̊ܰܪ ܒܡܰܘ̈ܗܒܳܬ̥ܳܟ̥ ܫܡܰܝܳܢ̈ܝܳܬ̥ܳܐ ܘܩܰܕ̊ܺܝ̣̈ܫܳܬ̥ܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܩܽܘ̣ܩܰܠܺܝܽܘ̇ܢ [ܒܪܶܟ̥ܢܳܐ ܪܒܺܝܥܳܝܳܐ]

ܡܫܰܡ̈ܫܳܢܶܐ:

ܐܰܒܰܥ ܠܶܒܝ ܦܶܬ̥ܓ̥ܳܡܶـ̈ܐ ܛܳܒ̥ܶـ̈ܐ ܗ̄ ܘܺܐܡܰܪ ܥܒ̥ܳܕ̥ܰܝ̈ ܠܡܰܠܟ̊ܳܐ܀ ܠܶܫܳܢܝ ܩܰܢܝܶܗ ܕ̊ܣܳܦܪܳܐ ܡܗܺܝ̣ܪܳܐ ܗ̄ ܫܰܦܺܝ̣ܪ ܚܶܙܘܶܗ ܡܶܢ ܒܢܰܝ̈ܢܳܫܳܐ܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܒܩܳܠܳܐ ܕ̥ܶܐܢܳܐ ܐ̱ܢܳܐ ܢܽܘ̣ܗܪܳܐ [ܒܪܶܟ̥ܢܳܐ ܪܒܺܝ̣ܥܳܝܳܐ]

ܡܫܰܡ̈ܫܳܢܶܐ

ܡܶܢܥܳܠܰܡ܀ ܒܥܶܕ̊ܳܢܶܗ ܕ̊ܨܰܦܪܳܐ ܚܙܳܐ ܡܽܘ̣ܫܶܐ܆ ܚܶܙܘܳܐ ܕ̥ܚܺܝ̣ܠܳܐ ܒܪܺܝܫ ܛܽܘܪܳܐ. ܡܰܠܐܰܟ̈ܶܐ ܕ̥ܢܽܘ̣ܪܳܐ ܘܰܕ̥ܪܽܘ̣ܚܳܐ܆ ܘܰܐܠܳܗܳܐ ܟ̥ܰܕ̥ ܡܶܙܕ̊ܰܝܰܚ. ܚܙܳܐ ܠܢܽܘ̣ܪܳܐ ܕ̥ܫܰܪܝܳܐ ܒܣܰܢܝܳܐ܆ ܘܡܶܬ̥ܓ̊ܰܘܙܠܳܐ ܒܶܗ ܘܠܳܐ ܝܳܩܶܕ̥܆ ܘܩܳܠܳܐ ܫܡܰܥ ܟ̊ܰܕ̥ ܐܳܡܰܪ ܠܶܗ: ܕ̊ܰܫܪܺܝ ܡܣܳܐܢܰܝ̈ܟ̊ ܡܶܢ ܪ̈ܶܓ̥ܠܰܝܟ̊܆ ܕ̊ܗܳܢ ܐܰܬ̥ܪܳܐ ܡܳܪܝܳܐ ܫܪܶܐ ܒܶܗ܀

ܡܫܰܡ̈ܫܳܢܶܐ:

ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀

ܥܶܛܪܳܐ

ܐܰܠܳܗܳܐ ܕ̥ܰܓ̥ܡܰܪ ܠܰܫܠܺܝ̣̈ܚܰܘܗ̱ܝ ܒܪܽܘ̣ܚܶܗ. ܘܙܰܝܶܢ ܠܰܐܬ̥ܠܺܝ̈ܛܰܘܗ̱ܝ ܒܰܫܪܳܪܶܗ. ܓ̊ܡܽܘ̇ܪ ܘܙܰܝܶܢ ܠܰܢ ܒܚܽܘ̣ܒܳܟ̥. ܘܚܰܙܶܩ ܡܚܺܝ̣ܠܽܘ̣ܬ̥ܰܢ ܒܰܫܪܳܪܳܟ̥. ܘܰܡܠܺܝ ܗܰܘܢܰܝ̈ܢ ܘܪ̈ܶܥܝܳܢܰܝܢ ܡܶܢ ܢܽܘ̣ܗܪܳܟ̥ ܩܰܕ̊ܺܝ̣ܫܳܐ ܘܰܫܡܰܝܳܢܳܐ. ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

أللهمّ يا من بروحه كمَّلَ رُسُلَهُ وسلَح أبطاله بحقّه، كمَّلنا وسلّحنا بمحبّتك، واشدد أزرَ ضعفنا بصدقك، وأفعم عقولنا وأذهاننا من نورك المقدّس السماوي، أيّها الآب والابن والرّوح القدس، الآن وكلّ أوان وإلى أبد الآبدين܀

ܩܽܘ̣ܩܰܠܺܝܽܘ̇ܢ [ܒܪܶܟ̥ܢܳܐ ܫܒܺܝ̣ܥܳܝܳܐ]

ܡܫܰܡ̈ܫܳܢܶܐ:

ܐܰܠܳܗܳܐ ܗܰܒ ܕ̊ܺܝܢܳܟ̥ ܠܡܰܠܟ̊ܳܐ ܗ̄ܘܗ̄ ܘܙܰܕܺܝ̣ܩܽܘܬ̥ܳܟ̥ ܠܒܰܪ ܡܰܠܟ̊ܳܐ܀ ܕܰܢܕ̥ܽܘ̣ܢ ܠܥܰܡܳܟ̥ ܒܙܰܕܺܝ̣ܩܽܘ̣ܬ̥ܳܐ ܗ̄ܘܗ̄ ܘܰܠܡܶܣܟܺܢܰܝ̈ܟ̊ ܒܕ̥ܺܝ̣ܢܳܐ܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܥܶܩܒܳܐ [ܒܪܶܟ̥ܢܳܐ ܕ̥ܰܒܓ̥ܰܘ ܥܺܕ̊ܰܬ̥ ܩܽܘ̣ܕ̥ܫܳܐ]

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܒܥܶܕ̊ܳܢ ܨܰܦܪܳܐ ܡܩܰܕ̊ܡܺܝ̣ܢܰܢ܆ ܣܳܓ̥ܕ̊ܺܝ̣ܢܰܢ ܠܪܽܘ̣ܚܳܐ ܕ̥ܩܽܘ̣ܕ̥ܫܳܐ܆ ܕ̊ܰܒܡܰܘܗܰܒܬ̥ܶܗ ܢܶܬ̥ܦܰܨ̈ܚܳܢ ܢܰܦ̈ܫܳܬ̥ܳܐ ܕ̥ܰܡܦܺܝ̣̈ܣܳܢ ܠܶܗ܀

ܐܚܪܺܢܳܐ: ܩܰܕ̊ܶܫܰܝܢܝ ܒܪܽܘ̣ܚܳܐ ܕ̥ܩܽܘ̣ܕ̥ܫܳܐ܆ ܐܰܢ̱ܬ̊ܽ ܗ̱ܘ ܡܳܪܝ ܕ̊ܡܶܬ̥ܩܰܕ̊ܰܫ ܐܰܢ̱ܬ̊܆ ܡܶܢ ܟ̊ܶܢ̈ܫܶܐ ܕ̥ܢܽܘ̣ܪܳܐ ܘܪܽܘ̣ܚܳܐ܆ ܒܝܰܕ̥ ܨܠܽܘ̇ܬ̥ ܟ̊ܽܠܗܽܘ̇ܢ ܩܰܕ̊ܺܝ̣̈ܫܶܐ܀

ܡܫܰܡ̈ܫܳܢܶܐ:

ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀

ܨܠܽܘ̇ܬ̥ܳܐ

ܛܰܝܒ̊ܽܘ̣ܬ̥ܳܐ ܡܫܰܡܠܰܝܬ̊ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ܆ ܡܠܰܝܬ̊ ܠܠܶܒ̈ܘܳܬ̥ܳܐ ܕ̥ܰܫܠܺܝ̣̈ܚܶܐ ܩܰܕ̊ܺܝ̣̈ܫܶܐ܆ ܡܫܺܝ̣ܚܳܐ ܐܰܠܳܗܳܐ. ܘܫܽܘ̣ܘܕ̊ܳܝܳܐ ܕ̥ܰܠܘܳܬ̥ܗܽܘ̇ܢ ܫܰܡܠܺܝܬ̊. ܒܝܰܕ̥ ܡܰܓ̊ܢܳܢܽܘ̣ܬ̥ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ. ܐܰܫܘܳܐ ܠܰܢ ܕ̊ܢܶܬ̥ܡܠܶܐ ܡܶܢ ܫܽܘ̣ܟ̊ܳܢ̈ܰܘܗ̱ܝ ܐܰܠܳܗܳܝ̈ܶܐ. ܘܡܶܢ ܚܰܝܠܶܗ ܡܰܢܗܪܳܢܳܐ ܘܦܳܪܽܘܩܳܝܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

قد ملأت أيّها المسيح الإله، قلوب الرّسل القدّيسين من نعمة الرّوح القدس الكاملة، وأنجزت وعدك لهم بحلول الرّوح القدس. أهّلنا أن نمتلىء من مواهبه الإلهيّة ومن بأسه المنير المنقذ، الآن وكلّ أوانٍ وإلى أبد الآبدين܀

ܡܫܰܡܫܳܢܳܐ:

ܣܛܳܘ ܡܶܢ ܩܰܐܠܽܘ̇ܣ ܩܽܘ̣ܪܝܶܐܠܶܝܣܽܘ̇ܢ

ܪܺܝܫܟܳܗ̈ܢܶܐ:

ܢܨܰܠܶܐ ܟ̥ܽܠܰܢ܆ ܘܪ̈ܰܚܡܶܐ ܘܰܚܢܳܢܳܐ ܡܶܢ ܡܳܪܝܳܐ ܢܶܒܥܶܐ ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀ ܬ̊ܶܫܒܽܘܚܬ̊ܳܐ ܘܬ̥ܰܘܕܺܝ̣ܬ̥ܳܐ ܘܗܶܕ̥ܪܳܐ ܘܩܽܘ̣ܠܳܣܳܐ ܘܪܽܘ̣ܡܪܳܡܳܐ ܛܳܒ̥ܳܐ ܕ̥ܠܳܐ ܒܳܛܶܠ ܐܰܡܺܝ̣ܢܳܐܺܝ̣ܬ̥ ܒܟ̥ܽܠܙܒܰܢ ܘܰܒܟ̥ܽܠܥܶܕܳܢ ܢܶܫܬ̊ܘܶܐ ܕ̥ܢܰܣܶܩ.

ܦ̊ܪܽܘ̇ܡܺܝ̣ܽܘ̇ܢ

ܫܽܘ̣ܒ̥̈ܚܶܐ ܠܳܐ ܡܶܬ̥ܦܰܚ̈ܡܳܢܶܐ ܘܰܕ̥ܠܳܐ ܫܶܠܝܳܐ܆ ܠܽܐܘ̣ܣܺܝܰܐ ܪܳܡܰܬ̥ ܡܶܢ ܟ̊ܽܠ ܐܽܘܣܺܝ̈ܰܐܣ ܘܒܳܪܝܰܬ̥ ܟ̊ܽܠ ܐܽܘ̣ܣܺܝܰܐ. ܬ̊ܰܘܕܺܝ̣ܬ̥ܳܐ ܠܳܐ ܡܶܬ̥ܦܰܣܩܳܢܺܝ̣ܬ̥ܳܐ ܠܛܳܒܽܘ̣ܬ̥ܳܐ ܡܥܰܠܝܰܬ̥ ܡܶܢ ܟ̊ܽܠ ܛܳܒܽܘ̣ܬ̥ܳܐ. ܘܝܳܗܒܰܬ̥ ܟ̊ܽܠ ܫܽܘ̣ܟ̊ܳܢ̈ܶܐ ܡܫܰܡ̈ܠܰܝܳܐ. ܣܶܓ̥ܕ̊ܬ̥ܳܐ ܗܰܘܢܳܢܳܝܬ̊ܳܐ ܠܰܐܠܳܗܽܘ̣ܬ̥ܳܐ ܬ̥ܠܺܝ̣ܬ̥ܳܝܰܬ̥ ܩܢܽܘ̈ܡܶܐ ܩܰܕ̊ܺܝ̣̈ܫܶܐ܆ ܘܡܳܪܰܬ̥ ܩܽܘܕ̥̈ܫܶܐ. ܗܳܝ ܕ̊ܡܶܢ ܨܶܡܚܶܝ̈ܗ̇ ܡܶܬ̥ܢܰܗܪܺܝ̣ܢ ܟ̊ܽܠܗܽܘ̇ܢ ܚܰܝ̈ܠܰܘܳܬ̥ܳܐ ܡܰܠܰܐܟ̥ܳܝ̈ܶܐ. ܘܰܒܕ̥ܽܘܟ̊ܳܝ̈ܶܐ ܕ̥ܡܶܢܳܗ̇ ܡܶܫܬ̊ܰܘܫܛܺܝ̣ܢ ܒܪܺܝܫ ܟ̊ܽܘ̣ܡܪܽܘ̣ܬ̥ܗܽܘ̇ܢ ܡܶܬ̥ܝܰܕ̥ܥܳܢܺܝ̣ܬ̥ܳܐ. ܗܳܝ ܕ̊ܗܺܝ ܐܺܝ̣ܬ̥ܶܝܗ̇ ܡܫܰܡܠܝܰܬ̥ ܟ̊ܳܗ̈ܢܶܐ ܘܰܡܨܰܒܬ̥ܰܬ̥ ܟ̊ܳܗ̈ܢܶܐ. ܗܳܝ ܝܳܗܒܰܬ̥ ܛܽܘ̣ܦ̥̈ܣܶܐ ܘܰܡܚܰܬ̥ܡܰܬ̥ ܐ̱ܪ̈ܳܙܶܐ ܐܰܠܳܗܳܝ̈ܐ. ܗܳܝ ܡܩܰܒܠܰܬ̊ ܕ̊ܶܒ̈ܚܶܐ ܘܰܡܫܰܟ̊ܢܰܬ̥ ܡܰܘܗ̈ܒܳܬ̥ܳܐ ܪ̈ܽܘ̣ܚܳܢܳܝܳܬ̥ܳܐ. ܗܳܝ ܕ̊ܰܓ̥ܢܺܝ̣ܙܳܐܺܝ̣ܬ̥ ܒܥܺܕ̈ܳܬ̥ܳܐ ܥܶܠܳܝ̈ܳܬ̥ܳܐ ܡܶܬ̥ܗܰܘܢܳܢܳܐܺܝ̣ܬ̥ ܡܶܫܬ̊ܰܒܚܳܐ. ܘܰܒܥܺܕ̊ܬ̊ܳܐ ܕ̥ܗܳܪܟ̊ܳܐ ܐ̱ܪܳܙܳܢܳܐܺܝ̣ܬ̥ ܡܶܬ̥ܩܰܠܣܳܐ ܘܡܶܬ̥ܪܰܡܪܡܳܐ܆ ܡܶܢ ܪ̈ܺܝܫܰܝ ܟ̊ܳܗ̈ܢܶܐ ܘܟ̥ܳܗ̈ܢܶܐ ܘܰܡܫܰܡ̈ܫܳܢܶܐ ܕ̥ܺܝܠܳܗ̇. ܗܳܝ ܕ̊ܒܰܐܒܳܐ ܝܳܠܽܘܕ̥ܳܐ ܘܠܳܐ ܝܺܠܺܝ̣ܕ̥ܳܐ ܘܒܰܒ̥ܪܳܐ ܝܺܠܺܝ̣ܕ̥ܳܐ ܘܠܳܐ ܝܳܠܽܘܕ̥ܳܐ܆ ܘܰܒܪܽܘ̣ܚܳܐ ܢܳܦܽܘܩܳܐ ܠܳܐ ܝܳܠܽܘܕ̥ܳܐ ܘܠܳܐ ܝܺܠܺܝ̣ܕ̥ܳܐ. ܡܶܬ̥ܗܰܝܡܢܳܐ ܟ̥ܺܝ̣ܬ̥ ܘܡܶܣܬ̊ܰܓ̥ܕܳ̊ܐ ܡܶܢ ܟ̊ܽܠܗܽܘ̇ܢ ܚܰܝ̈ܠܰܘܳܬ̥ܳܐ ܡܶܬ̥ܝܰܕ̈ܥܳܢܶܐ ܘܡܶܬ̥ܪ̈ܰܓ̥ܫܳܢܶܐ. ܕ̊ܠܶܗ ܝܳܐܶܐ ܫܽܘ̣ܒ̥ܚܳܐ ܘܺܐܝܩܳܪܳܐ ܘܣܶܓ̥ܕ̊ܬ̥ܳܐ ܒܗܳܢܳܐ ܥܶܕ̊ܳܢܳܐ ܕ̥ܡܰܥܰܠܬ̊ܶܗ ܠܡܰܪܥܺܝ̣ܬ̥ܶܗ ܘܡܰܘܬ̊ܒܶܗ ܕ̊ܥܰܠ ܟ̊ܽܘ̣ܪܣܝܶܗ ܘܰܒܟ̥ܽܠܗܽܘ̇ܢ ܥܺܐܕ̥̈ܶܐ ܘܥܶܕܳܢ̈ܶܐ ܘܫܳܥ̈ܐ ܘܙܰܒ̈ܢܶܐ ܟ̥ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܝ̈ܢ ܠܥܳܠܡܺܝ̣ܢ܀

تسابيح متفرّدة بغير هدوء، الجوهر المتعالي على كلّ جوهر وباري الجواهر كلّها. شكراً غير منقطع للجود الفائق كل جود، والواهب المواهب الكاملة، وسجوداً عقليّاً للاهوت المثلث الأقانيم المقدّسة وربّ الأقداس الذي تستنير من أشعّته الأجناد الملائكة، كلّها ويتدرجون بتطهيره إيّاهم في بدءِ حبريتهم الروحيّة وهو مكمّل الأحبار ومزيّن الكهنة، وهو واضع الرموز وخاتم الأسرار الإلهيّة، وهو قابل الذبائح ومانح المواهب الروحانيّة، الذي تمجّده البيع العلويّة تمجيداً محتجباً عقليّاً، ويمدحه ويعظّمه في بيعة الأرض هاهنا مدحاً سريّاً رؤساء كهنتها وكهنتها وشمامستها. وهو الذي يؤمن به جميع القوّات الروحيّة والحسيّة، إنّه آبٌ غير مولود، وابن مولود، وروح منبثق. ويسجدون له، الذي به يليق المجد والإكرام والسجود في وقت دخوله إلى رعيّته وتسنّمه عرشَه وفي كلّ الأعياد والأوقات وسائر أيّام حياتنا إلى الأبد܀

ܣܶܕ̥ܪܳܐ

ܐܰܠܳܗܳܐ ܗܰܘ ܡܥܰܠܰܝ ܡܶܢ ܟ̊ܽܠ ܦܽܘ̣ܚܳܡܳܐ ܘܶܐܣܟ̊ܺܝܡܳܐ. ܘܰܓ̥ܢܺܝ̣ܙ ܡܶܢ ܟ̊ܽܠ ܗܰܘܢܳܐ ܒܰܪܝܳܐ. ܗܰܘ ܐܰܒ̥ܳܐ ܡܬ̥ܽܘ̇ܡܳܝܳܐ ܕ̥ܰܒܪܳܐ ܗܰܘ ܡܬ̥ܽܘ̇ܡܳܝܳܐ. ܘܰܡܥܺܝ̣ܢܳܐ ܐܺܝ̣ܬ̥ܝܳܝܬ̊ܳܐ ܕ̥ܪܽܘ̣ܚܳܐ ܢܳܦܽܘܩܳܐ ܘܺܐܝܬ̥ܝܳܝܳܐ. ܗܰܘ ܝܳܗܽܘܒܳܐ ܕ̥ܟ̥ܽܠ ܫܽܘ̣ܟ̊ܳܢܳܐ ܪܺܝܫܳܢܳܝܳܐ ܘܡܰܘܗܰܒܬ̥ܳܐ ܛܳܒ̥ܬ̥ܳܐ. ܐܰܢ̱ܬ̊ܽ ܗ̱ܘ ܗܰܘ ܕ̊ܰܒܛܳܒܽܘ̣ܬ̥ܳܟ̥ ܐܽܘ̣ܣܝܳܝܬܳ̊ܐ ܘܠܳܐ ܡܶܬ̥ܦܰܚܡܳܢܺܝ̣ܬ̥ܳܐ܆ ܠܚܰܝ̈ܠܰܘܳܬ̥ܳܐ ܝܰܕ̊ܽܘܥ̈ܬ̥ܳܢܶܐ ܘܰܟ̥ܝܳܢ̈ܶܐ ܩܰܕ̥ܡܳܝ̈ܶܐ܆ ܠܘܳܬ̥ ܝܳܬ̥ܳܐ ܡܶܢ ܠܳܐ ܝܳܬ̥ܳܐ ܐܰܝܬ̊ܺܝܬ̊ ܘܩܰܝܶܡܬ̊. ܘܟ̥ܰܕ̥ ܒܫܰܦܺܝ̣ܪܽܘ̣ܬ̥ ܡܛܰܟ̊ܣܽܘ̣ܬ̥ܳܐ ܦܰܐܝܰܬ̥ ܠܗܰܘ̈ܢܶܐ ܡܶܬ̥ܝܰܕ̈ܥܳܢܶܐ ܘܰܡܕ̥ܰܝ̈ܠܳܢܶܐ ܠܠܳܐ ܓ̥ܫܺܝ̣̈ܡܶܐ ܨܰܒܶܬ̊ܬ̊܆ ܐܳܦ ܕܰܟ̥ܝܳܐܺܝ̣ܬ̥ ܘܡܰܢܗܪܳܢܳܐܺܝ̣ܬ̥ ܘܰܡܫܰܡܠܝܳܐܺܝ̣ܬ̥܆ ܡܶܢ ܫܽܘ̣ܟ̊ܳܢܰܝ̈ܟ̊ ܐܰܠܳܗܳܝ̈ܶܐ ܐܰܥܬ̊ܰܪܬ̊ ܐܶܢܽܘ̇ܢ. ܐܰܝܟ̊ܰܢܳܐ ܕ̥ܪܺܝܫܽܘ̣ܬ̥ ܟ̊ܳܗܢܳܐܺܝ̣ܬ̥ ܢܶܬ̊ܕ̊ܰܟ̊ܽܘ̇ܢ. ܘܢܶܬܢܰܗܪܽܘ̣ܢ ܘܢܰܢܗܪܽܘ̣ܢ. ܘܢܶܫܬ̊ܰܡܠܽܘ̇ܢ ܟ̊ܺܝ̣ܬ̥ ܘܰܢܫܰܡܠܽܘ̇ܢ. ܘܰܠܘܳܬ̥ ܡܶܬܥܰܠܝܳܢܽܘ̣ܬ̥ܳܐ ܕ̥ܰܠܘܳܬ̥ ܓ̊ܡܺܝ̣ܪܽܘ̣ܬ̥ ܢܽܘ̣ܗܪܳܐ ܕ̥ܛܳܒܽܘ̣ܬ̥ܳܟ̥ ܢܶܬܥܰܠܽܘ̇ܢ܀

ܠܘܳܬ̥ܳܟ̥ ܚܢܰܢ ܥܰܦܪ̈ܳܢܶܐ ܘܰܐܣܺܝ̣ܪ̈ܰܝ ܒܰܐܪܥܳܐ ܡܶܬ̥ܚܰܢܓ̥ܺܝ̣ܢܰܢ ܒܥܶܕ̊ܳܢܳܐ ܗܳܢܳܐ ܩܰܕ̊ܺܝ̣ܫ ܒܟ̥ܽܠ܆ ܕ̊ܫܽܘ̣ܡܠܳܝܳܐ ܕ̥ܬ̥ܶܫܡܶܫܬ̊ܳܐ ܗܳܕ̥ܶܐ ܟ̥ܳܗܢܳܝܬ̊ܳܐ ܘܰܚܣܺܝ̣ܡܬ̊ܳܐ ܕ̥ܒܳܗ̇ ܟ̊ܰܕ̥ ܒܳܗ̇ ܒܛܳܒܽܘ̣ܬ̥ܳܐ ܗܳܝ ܫܦܺܝ̣ܥܰܬ̥ ܒܟ̥ܽܠ ܘܡܰܥܬ̊ܪܰܬ̥ ܠܟ̥ܽܠ܆ ܬ̊ܶܬ̥ܦܢܶܐ ܪܶܚܡܰܬ̥ ܐ̱ܢܳܫܳܐܺܝ̣ܬ̥ ܘܒܰܣܺܝ̣ܡܳܐܺܝ̣ܬ̥ ܠܘܳܬ̥ ܡܶܬ̥ܟ̊ܰܫܦܳܢܽܘ̣ܬ̥ܳܐ ܕ̥ܺܝܠܰܢ ܥܰܒ̥ܕ̊ܰܝ̈ܟ̊ ܕܳܘ̈ܰܝܳܐ܆ ܕ̊ܩܳܝܽܘܡܽܘ̣ܬ̥ܳܐ ܪܳܥܝܳܝܬ̊ܳܐ ܗܰܝܡܶܢܬ̊ ܠܰܢ܆ ܘܬ̥ܶܫܡܶܫܬܳ̊ܐ ܚܣܺܝ̣ܬ̥ܳܐ ܫܰܟ̊ܶܢܬ̊܆ ܕ̊ܡܰܘܗܰܒܬ̥ܳܐ ܡܫܰܡܠܰܝܬ̊ܳܐ ܘܫܽܘ̣ܟ̊ܳܢܳܐ ܓ̥ܡܺܝ̣ܪܳܐ ܕ̥ܪܽܘ̣ܚܳܟ̥ ܗܰܘ ܛܳܒ̥ܳܐ ܘܰܡܦܰܠܓ̥ܳܢܳܐ ܕ̥ܥܽܘ̣ܬ̥ܪ̈ܶܐ ܐܰܠܳܗܳܝ̈ܶܐ܆ ܬ̊ܫܰܟ̊ܶܢ ܠܥܰܒ̥ܕ̊ܳܟ̥ ܗܳܢܳܐ ܕ̥ܰܩܕ̥ܳܡܰܝܟ̊ ܗܳܫܳܐ ܪܟ̥ܺܝ̣ܢ. ܘܰܠܘܳܬ̥ܳܟ̥ ܥܳܡܽܘܪܳܐ ܕ̥ܰܫܡܰܝܳܐ ܒܥܰܝ̈ܢܶܐ ܕ̥ܬ̥ܰܪܥܺܝ̣ܬ̥ܶܗ ܡܰܩܶܬ̥. ܘܟ̥ܰܕ̥ ܠܚܰܘ̈ܒܶܐ ܘܦܰܘ̈ܕܶܐ ܕ̥ܡܶܢܶܗ ܗܘܰܘ ܡܰܥܒ̊ܰܪ ܐܰܢ̱ܬ̊ ܐܰܝܟ̥ ܥܢܳܢܳܐ܆ ܘܚܽܘ̣ܣܳܝܳܐ ܘܕ̥ܽܘ̣ܟ̊ܳܝܳܐ ܡܰܣܪܰܚ ܐܰܢ̱ܬ̊ ܠܶܗ ܘܠܰܢ ܒܨܺܝ̣ܪ̈ܶܐ ܕ̥ܰܒܡܶܨܥܳܝܽܘ̣ܬ̥ܳܐ ܐܶܬ̥ܩܰܪܰܒ̥. ܡܠܺܝ̣ܘܗ̱ܝ ܡܶܢ ܚܰܝܠܳܐ ܕ̥ܛܰܝܒ̊ܽܘ̣ܬ̥ܳܟ̥ ܘܰܒܨܶܡܚܰܝ̈ܟ̊ ܐܰܢܗܰܪ ܠܗܰܘܢܶܗ. ܐܶܨܛܒܰܝ ܕ̊ܶܝܢ ܐܳܘ̃ ܡܳܪܝܳܐ ܒܡܶܬ̥ܩܰܪܒܳܢܽܘ̣ܬ̥ܶܗ ܕ̊ܰܠܘܳܬ̥ܳܟ̥. ܘܩܰܒܶܠܳܝܗ̱ܝ ܕ̊ܰܢܕ̥ܰܝܶܠ ܒܒܰܝܬ̊ܳܟ̥ ܩܰܕ̊ܺܝ̣ܫܳܐ. ܘܰܢܫܰܡܶܫ ܠܒܰܝܬ̊ܳܟ̥ ܚܰܣܝܳܐ. ܘܰܐܝܟ̊ܰܢܳܐ ܕ̥ܶܐܬ̥ܪܰܥܺܝܬ̊ ܘܶܐܬ̊ܬ̊ܢܺܝ̣ܚܬ̊ ܒܬ̥ܶܫܡ̈ܫܳܬ̥ܳܐ ܕ̥ܰܚܣܰܝ̈ܟ̊ ܗܳܢܽܘ̇ܢ ܕ̊ܡܶܢ ܥܳܠܰܡ ܕ̊ܡܶܢܳܟ̥ ܐܶܬ̥ܗܰܝܡܰܢܘ ܟ̊ܺܝܬ̥ ܘܶܐܬ̥ܦܪܶܫܘ ܠܩܳܝܽܘܡܽܘ̣ܬ̥ܳܐ ܘܬ̥ܶܫܡܶܫܬ̊ܳܐ ܕ̥ܐ̱ܪ̈ܳܙܰܝܟ̊ ܩܰܕ̊ܺܝ̣̈ܫܶܐ ܘܠܳܐ ܡܶܬ̥ܡܰܠ̈ܠܳܢܶܐ܆ ܡܽܘ̣ܫܶܐ ܘܰܐܗܪܽܘ̇ܢ ܗܳܢܽܘ̇ܢ ܫܒܺܝ̣̈ܚܶܐ ܒܟ̥ܽܘ̣ܡܪ̈ܶܐ. ܘܰܫܡܽܘܐܶܝܠ ܗܰܘ ܩܰܪܝܳܐ ܘܰܛܒ̥ܺܝ̣ܒ̥ܳܐ܆ ܘܶܐܫܰܥܝܳܐ ܗܰܘ ܚܰܙܳܝܳܐ ܕ̥ܬܶܫܒܽܘ̇ܚܬ̊ܳܐ܆ ܘܝܶܫܽܘ̇ܥ ܗܰܘ ܪܰܒ̊ܳܐ ܕ̥ܝܽܘܙܳܕܳܩ. ܘܰܠܚܰܪܬ̥ܳܐ ܫܠܺܝ̣̈ܚܶܐ ܛܽܘ̣ܒ̥ܬ̥ܳܢ̈ܶܐ ܗܳܢܽܘ̇ܢ ܚܰܙܳܝ̈ܶܐ ܘܰܡܫܰܡ̈ܫܳܢܶܐ ܕ̥ܶܐܘܰܢܓܶܠܺܝܽܘ̇ܢ ܕ̊ܺܝܚܺܝܕ̥ܳܝܳܟ̥ ܡܶܠܬ̥ܳܐ ܐܰܠܳܗܳܐ܆ ܗܳܢܽܘ̇ܢ ܕ̊ܚܰܕ̥ܬ̥ܳܐܺܝ̣ܬ̥ ܒܪܽܘ̣ܚܳܟ̥ ܩܰܕ̊ܺܝ̣ܫܳܐ ܐܶܬ̊ܕ̊ܰܟ̊ܺܝܘ܆ ܘܬ̥ܶܫܡܶܫܬ̊ܳܐ ܐܶܘܰܢܓܶܠܳܝܬ̊ܳܐ ܘܡܰܠܝܰܬ̥ ܛܰܝܒ̊ܽܘ̣ܬ̥ܳܐ ܗܳܝ ܪܽܘ̣ܚܳܢܳܝܬ̥ܳܐ ܩܰܒܶܠܘ܆ ܗܳܟ̥ܰܢܳܐ ܘܰܠܗܳܢܳܐ ܥܰܒ̥ܕ̊ܳܟ̥ ܩܰܒ̊ܶܠ. ܘܒܶܗ ܐܶܨܛܒܰܝ ܘܫܰܡܠܳܝܗ̱ܝ ܒܡܰܘܗܰܒܬ̥ܳܟ̥ ܓ̊ܡܺܝ̣ܪܰܬ̥ ܒܩܽܘ̣ܕ̥̈ܫܶܐ܆ ܐܰܝܟ̥ ܚܰܝܠܳܐ ܕ̥ܰܩܪܳܝܬ̊ܶܗ܆ ܠܘܳܬ̊ ܬ̊ܶܫܡܶܫܬ̊ܳܐ ܘܕ̥ܽܘ̣ܝܳܠܳܐ ܕ̥ܰܩܕ̥ܳܡ ܪܰܒܽܘ̣ܬ̥ܳܟ̥ ܐܰܝܟ̊ܰܢܳܐ ܕ̥ܟ̥ܰܕ̥ ܒܫܽܘ̣ܘ̈ܫܳܛܶܐ ܗܳܢܽܘ̇ܢ ܐܰܠܳܗܳܝ̈ܶܐ ܡܶܢ ܚܰܝܠܳܐ ܠܚܰܝܠܳܐ ܢܶܬ̥ܥܰܠܶܐ܆ ܡܶܬ̥ܐܰܪܙܳܢܳܐ ܚܰܟ̊ܺܝ̣ܡܳܐ ܘܡܰܐܪܙܳܢܳܐ ܠܳܐ ܛܳܥܽܘܫܳܐ ܘܛܽܘ̣ܒ̥ܬ̥ܳܢܳܐ ܢܶܗܘܶܐ. ܘܗܳܟ̥ܰܢܳܐ ܟ̥ܰܕ̥ ܪܳܒܝܳܐ ܥܺܕ̊ܬ̊ܳܟ̥ ܘܡܶܫܬ̊ܰܘܫܛܳܐ ܥܰܡܳܗ̇ ܡܛܰܟ̊ܣܽܘ̣ܬ̥ܳܐ ܦܐܺܝ̣ܬ̥ܳܐ܆ ܒܫܽܘ̣ܟ̊ܳܢ̈ܶܐ ܐܰܠܳܗܳܝ̈ܶܐ܆ ܡܶܢ ܟ̊ܽܠܗܽܘ̇ܢ ܛܶܟ̊ܣ̈ܶܐ ܘܩܰܘ̈ܡܳܬ̥ܳܐ ܕ̥ܗܳܢܽܘ̇ܢ ܕ̊ܰܡܫܰܡܫܺܝ̣ܢ܆ ܢܰܣܶܩ ܠܳܟ̥ ܫܽܘ̣ܒ̥ܚܳܐ ܐܰܡܺܝ̣ܢܳܐ ܒܡܶܠܬ̥ܳܐ ܘܰܒܣܳܥܽܘܪܽܘ̣ܬ̥ܳܐ ܘܥܰܡܳܟ̥ ܠܶܗ ܠܺܝܚܺܝܕ̥ܳܝܳܐ ܒܪܳܟ̥ ܡܳܪܝܳܐ ܕ̥ܶܝܢ ܕ̊ܺܝܠܰܢ ܝܶܫܽܘ̇ܥ ܡܫܺܝ̣ܚܳܐ. ܘܰܠܪܽܘ̣ܚܳܐ ܚܰܝܳܐ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

أللهمّ أيّها المتعالي على كلّ شبهٍ ومثالٍ، وهو محجوبٌ عن كلّ عقلٍ مخلوق. أيّها الآب الأزلي للابن الأزلي، والمصدر السرمدي للرّوح المنبثق السرمدي واهب كلّ هبةٍ كريمة وموهبة صالحة. يا من بجوده الجوهري العديم النظير أتى من العدم إلى الوجود بالأجناد العقليّة والعناصر الأولى وأنشأها. وإذ زخرفتها بجمال نظام يليق بالعقول الرّوحيّة والخدام غير المجسّمين، أغنيتها بمِنَحِك الإلهيّة بطهرٍ ونورٍ وكمال. لكي يتطهّروا ويُطهّروا بعمل رئاسة الكهنوت، ويستنيروا وينيروا ويتكمَّلوا ويُكمَّلوا فيرتفعوا إلى سموّ كمال نور جودك܀

لك نبتهلُ بخشوع نحن الترابيّين المتعلّقين بالأرض في هذا الوقت الجزيل القداسة وقت إنجاز هذه الخدمة الكهنوتيّة النقيّة، راغبين إلى جودك الفائض العميم المُغني الكلّ، أن تلتفت برأفة وبشاشة إلى تضرّعنا نحن عبيدك البائسين الذين ائتمنتهم على الوصايا الرعويّة، وحَبَوْتَهم هذه الخدمة الطاهرة لتمنح كامل موهبة روحك الصّالح الموزّع المواهب الإلهيّة الغنيّة وتنعم بالعطيّة التّامة على عبدك هذا المنحني الآن أمامك وهو يسمو إليك يا ساكن السماء بعين عقله، وإذا ما تجاوزت عن ذنوبه وهفواته وقشعتها كانقشاع السحاب تجود بالغفران والتطهير عليها وعلينا نحن الضعفاء إذ قد تقرّب بوساطتنا، املأه من قوت نعمتك. وأنر عقله بأشعّتك، وارتضِ اللهمَّ بدنوّه منك واقبله ليخدم في بيتك المقدّس، ويرتّل في هيكلك الطاهر، وكما رضيت وسُررت بخدم أتقيائك الذين ائتمنتهم منذ البدء وأفرزتهم لوكالة أسرارك المقدّسة وغير الموصوفة وخدمتها: من مثال موسى وهرون المجيدين بين الأحبار، وصموئيل الشهير الذائع الصيت، وأشعيا النبي الجليل، ويشوع العظيم بن يوزاداق. وكما رضيت أخيراً وسُررت بالرّسل المغبوطين الذين عاينوا وخدموا بشارة وحيدك الإله الكلمة وتطهّروا بروحك القدّوس تطهيراً جديداً، وتسلّموا خدمة التبشير الروحيّة والممتلئة نعمة، هكذا إقبل عبدك هذا وارتضِ به وكمِّله بموهبتك الكاملة بالأقداس، وفقِّهِ لقوة دعوته إلى الخدمة والتردّد أمام عظمتك، حتّى إذا ما ترقى من قوّة إلى قوّة في المدارج الإلهيّة يصبح متفقهاً حكيماً وفَقيهاً سديداً وسعيداً. فتنمو هكذا بيعتك ويتدرج فيها النظام البهيّ بالهبات الإلهيّة ويرفع إليك كل من يخدم بالقول والفعل. ومعك وإلى ابنك الوحيد ربّنا يسوع المسيح وإلى الرّوح الحيّ القدّوس. الآن وكلّ أوانٍ وإلى أبد الآبدين܀

ܪܺܝܫܟ̊ܳܗ̈ܢܶܐ:

ܡܶܢ ܐܰܠܳܗܳܐ ܢܩܰܒ̊ܶܠ ܚܽܘ̣ܣܳܝܳܐ ܕ̥ܚܰܘ̈ܒܶܐ ܘܫܽܘ̣ܒ̥ܩܳܢܳܐ ܕ̥ܰܚ̈ܛܳܗܶܐ ܒܰܬ̥ܪ̈ܰܝܗܽܘ̇ܢ ܥܳܠ̈ܡܶܐ ܠܥܳܠܰܡ ܥܳܠܡܺܝ̣ܢ܀

ܩܳܠܳܐ ܕ̥ܶܐܢܳܐ ܐ̱ܢܳܐ ܢܽܘ̣ܗܪܳܐ. [ܒܪܶܟ̥ܢܳܐ ܫܒܺܝ̣ܥܳܝܳܐ]

ܡܫܰܡ̈ܫܳܢܶܐ:

ܦܶܬ̥ܓ̥ܳܡܳܐ: ܫܡܰܥܘ ܗܳܕ̥ܶܐ ܟ̥ܽܠܟ̥ܽܘ̇ܢ ܥܰܡ̈ܡܶܐ: ܐܳܡܰܪ ܠܶܗ ܪܰܒ ܪ̈ܳܥܰܘܳܬ̥ܳܐ܆ ܠܫܶܡܥܽܘ̇ܢ ܪܺܝܫܳܐ ܕ̥ܰܫܠܺܝ̣̈ܚܶܐ. ܚܙܺܝ ܫܶܡܥܽܘ̇ܢ ܡܳܢܳܐ ܥܳܒ̥ܶܕ̥ ܐܰܢ̱ܬ̊܆ ܠܓ̥ܽܘ̣ܥܠܳܢܳܐ ܕ̥ܝܶܗܒ̊ܶܬ̥ ܒܺܐܝܕ̥ܰܝ̈ܟ̊. ܒܥܺܝ̣ܪܽܘ̣ܬ̥ܳܐ ܛܰܪ ܡܰܪܥܺܝ̣ܬ̥ܳܟ܆ ܡܶܢ ܣܽܘ̣ܓ̥ܦܳܢ̈ܶܐ ܘܚܶܪ̈ܝܳܢܶܐ܆ ܕ̊ܚܽܘ̣ܫܒܳܢܳܐ ܐܺܝ̣ܬ̥ ܠܳܟ̥ ܕ̊ܬ̊ܶܬ̊ܶܠ. ܩܕ̥ܳܡ ܕ̊ܰܝܳܢܳܐ ܕ̥ܟ̥ܺܐܢܽܘ̣ܬ̥ܳܐ܆ ܕ̊ܠܰܝܬ̊ ܒܕ̥ܺܝ̣ܢܶܗ ܡܰܣܰܒ ܒܰܐܦ̈ܶܐ܀ ܐܰܢܗܰܪܘ ܒܰܪ̈ܩܰܝܟ̊ ܠܬ̥ܺܒܶܝܠ: ܟ̊ܬ̥ܰܒ̥ ܗ̱ܘܳܐ ܠܶܗ ܦܰܘܠܽܘ̇ܣ ܛܽܘ̣ܒ̥ܳܢܳܐ܆ ܠܛܺܝܡܳܬ̥ܶܐܽܘ̇ܣ ܬ̊ܰܠܡܺܝ̣ܕ̥ܶܗ. ܚܙܺܝ ܐܰܚܽܘ̣ܢ ܡܳܢܳܐ ܥܳܒ̥ܶܕ̥ ܐܰܢ̱ܬ̊܆ ܡܶܢ ܥܺܕ̈ܬ̥ܳܐ ܕ̥ܰܡܫܺܝ̣ܚܳܐ. ܚܙܺܝ ܠܳܐ ܬ̊ܶܬ̊ܶܠ ܟ̊ܳܗܢܽܘ̣ܬ̥ܳܐ܆ ܠܳܐ ܠܪ̈ܳܡܶܐ ܘܠܳܐ ܠܙܰܠܺܝ̣̈ܠܶܐ܆ ܘܠܳܐ ܠܝܰܥ̈ܢܶܐ ܘܠܳܐ ܠܳܐܣܽܘ̈ܛܶܐ. ܐܶܠܳܐ ܠܢܺܝ̣̈ܚܶܐ ܘܡܰܟ̊ܺܝ̈ܟ̥ܶܐ܆ ܘܟ̥ܽܠ ܕܰ̊ܕ̥ܟ̥ܶܐ ܘܰܫܦܶܐ ܘܩܰܕ̊ܺܝ̣ܫ܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܟ̊ܰܕ̥ ܡܰܟ̥ܪܳܗ̇ ܚܰܬ̥ܢܳܐ ܫܡܰܝܳܢܳܐ܆ ܠܥܺܕ̊ܰܬ̥ ܩܽܘ̣ܕ̥ܫܳܐ ܡܗܰܝܡܰܢܬ̊ܳܐ. ܩܪܳܐ ܠܫܶܡܥܽܘ̇ܢ ܘܰܩܪܳܐ ܠܝܽܘ̇ܚܰܢܢ܆ ܘܦܰܩܶܕ̥ ܐܶܢܽܘ̇ܢ ܫܰܘܝܳܐܺܝ̣ܬ̥. ܠܫܶܡܥܽܘ̇ܢ ܥܰܒܕ̊ܶܗ ܪܰܒܒܰܝܬ̊ܳܐ܆ ܘܰܠܝܽܘ̇ܚܰܢܢ ܟ̊ܳܪܽܘܙܳܐ܆ ܩܪܳܐ ܐܶܢܽܘ̇ܢ ܘܦܰܩܶܕ̥ ܐܶܢܽܘ̇ܢ. ܕ̊ܒܰܙܗܺܝ̣ܪܽܘ̣ܬ̥ܳܐ ܢܶܛܪܽܘ̣ܢܳܗ̇܆ ܕ̊ܒܰܕ̥ܡܶܗ ܝܰܩܺܝ̣ܪܳܐ ܙܒܺܝ̣ܢܳܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܟ̊ܰܕ̥ ܩܰܒܶܠ ܫܶܡܥܽܘ̇ܢ ܒܰܪ ܝܰܘܢܳܐ܆ ܩܠܺܝ̣̈ܕ̥ܶܐ ܕ̥ܪܰܘܡܳܐ ܘܰܕ̥ܥܽܘ̣ܡܩܳܐ. ܐܶܡܰܪ ܠܶܗ ܪܰܒ ܪ̈ܳܥܰܘܳܬ̥ܳܐ܆ ܚܙܺܝ ܫܶܡܥܽܘ̇ܢ ܡܳܢܳܐ ܥܳܒ̥ܶܕ̥ ܐܰܢ̱ܬ̊. ܝܺܗܺܝ̣ܒ̥ܳܐ ܠܳܟ̥ ܡܰܪܥܺܝ̣ܬ̥ܳܐ܆ ܪܥܺܝ ܠܺܝ ܐܶܡܪ̈ܰܝ ܘܰܢ̈ܩܰܘܳܬ̥ܝ܆ ܕ̊ܚܽܘ̣ܫܒܳܢܳܐ ܐܺܝ̣ܬ̥ ܠܳܟ̥ ܕ̊ܬ̥ܶܥܒܶܕ̥܆ ܩܕ̥ܳܡ ܒܺܐܡܰܐ ܕ̥ܰܐܠܳܗܽܘ̣ܬ̥ܳܐ ܕ̥ܠܰܝܬ̊ ܩܕ̥ܳܡܶܝܗ̇ ܡܰܣܰܒ ܒܰܐܦ̈ܐ܀

ܡܫܰܡ̈ܫܳܢܶܐ:

ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀

ܥܶܛܪܳܐ

ܡܫܺܝ̣ܚܳܐ ܚܰܝܠܳܐ ܘܚܶܟ̥ܡܬ̥ܳܐ ܕ̥ܰܐܒ̥ܳܐ. ܕ̊ܩܰܪܶܒ ܗܽܘ ܠܶܗ ܚܠܳܦܰܝܢ ܪܺܝܚܳܐ ܒܰܣܺܝ̣ܡܳܐ ܘܕ̥ܶܒܚܳܐ ܡܩܰܒܠܳܐ. ܘܰܡܫܰܚ ܘܰܡܠܳܐ ܡܶܢ ܒܰܣܺܝ̣ܡܽܘ̣ܬ̥ ܪܺܝܚܶܗ ܡܶܬ̥ܝܰܕܥܳܢܳܐ܆ ܠܢܰܦ̈ܫܳܬ̥ܳܐ ܥܠܰܝ̈ܡܳܬ̥ܳܐ ܪ̈ܳܚܡܳܬ̥ܶܗ. ܩܰܒܶܠ ܥܰܡ ܒܶܣ̈ܡܶܐ ܗܳܠܶܝܢ ܠܫܽܘ̣ܒ̈ܚܶܐ ܘܬ̥ܰܘܕ̈ܝܳܬ̥ܳܐ ܕ̥ܺܝܠܰܢ. ܘܗܰܒ ܒܛܰܝܒ̊ܽܘ̣ܬ̥ܳܟ̥ ܥܰܬ̊ܺܝ̣ܪܬ̊ܳܐ ܠܥܰܒ̥ܕ̊ܳܟ̥ ܗܳܢܳܐ ܕ̥ܩܕ̥ܳܡܰܝܟ̊ ܪܟ̥ܺܝ̣ܢ܆ ܕ̊ܰܠܥܰܡܛܳܢܳܐ ܕ̥ܠܳܐ ܝܺܕ̥ܰܥܬ̥ܳܐ ܡܶܢ ܥܳܢ̈ܟ̥ ܢܶܩܦܽܘ̇ܠ. ܘܥܰܠ ܡܢܳܪܬ̊ܳܐ ܐܶܘܰܢܓܶܠܳܝܬ̊ܳܐ ܒܫܰܦܺܝ̣ܪܽܘ̣ܬ̥ ܡܰܘܬ̊ܒ̥ܳܐ ܫܠܺܝ̣ܚܳܝܳܐ ܢܰܨܡܰܚ. ܘܟ̥ܰܕ̥ ܚܳܕ̥ܶܐ ܢܰܓ̥ܥܶܠ ܠܳܟ̥ ܟ̊ܰܟ̊ܪܶܗ ܒܰܥܦܺܝ̣ܦܽܘ̣ܬ̥ ܝܽܘ̣ܬ̥ܪ̈ܳܢܶܐ. ܡܳܪܰܢ ܘܰܐܠܳܗܰܢ ܠܥܳܠܡܺܝ̣ܢ܀

أيّها المسيح يا قوّةَ الآب وحكمتَه، يا مَن قرّب ذاتَه عنّا عرفاً ذكيّاً وذبيحةً مقبولةً. ومسح بطيب أريجه الروحي وأفعم به النفوسَ الشابةَ التي يحبّها، تقبّل مع هذه العطور تسابيحَنا وشكرَنا وهَبْ بنعمتك الغنيّة عبدك هذا المُنحني أمامك أن يزيل غياهِب الجهل عن رعيّتك، وأن يشعّ على المنارة الإنجيليّة بجمال المقام الرسولي فيردّ إليك مسروراً وزنته بأرباح مضاعفة. يا ربّنا وإلهنا إلى أبد الآبدين܀

ܢܽܘ̣ܗܳܪܳܐ:

ܗܳܝܕ̊ܶܝܢ ܚܰܕ̥ ܡܶܢ ܚܣܰܝܳـ̈ܐ ܩܳܪܶܐ ܩܶܪܝܳܢܳܐ ܗܳܢܳܐ ܡܶܢ ܟ̊ܬ̥ܳܒ̥ܳܐ ܕ̥ܰܦܪܰܟ̊ܣܺܝܣ ܕ̊ܰܫܠܺܝ̣̈ܚܶܐ܀

ܙܽܘ̣ܡܳܪܳܐ

ܡܫܰܡ̈ܫܳܢܶܐ:

ܡܶܛܽܠ ܕ̊ܡܳܪܝܰܐ ܗ̱ܘ ܬ̊ܽܘ̣ܟ̥ܠܳܢܰܢ. ܘܩܰܕ̊ܺܝ̣ܫܳܐ ܕ̥ܺܝܣܪܳܐܶܝܠ ܡܰܠܟ̊ܰܢ. ܗܳܝܕ̊ܶܝܢ ܡܰܠܶܠ ܒܚܶܙ̈ܘܢܶܐ ܥܰܡ ܙܰܕ̈ܝ̣ܩܰܘܗ̱ܝ. ܘܶܐܡܰܪ ܕ̊ܣܳܡܶܬ ܥܽܘ̣ܕ̥ܪܳܢܳܐ ܠܓ̥ܰܒܪܳܐ. ܘܰܐܪܺܝܡܶܬ̥ ܓܰ̊ܒܝܳܐ ܡܶܢ ܥܰܡܳܐ. ܡܶܛܽܠ ܗܳܢܳܐ ܡܰܫܚܳܟ̥ ܐܰܠܳܗܳܐ ܐܰܠܳܗܳܟ̥. ܒܡܶܫܚܳܐ ܕ̥ܚܰܕ̥ܽܘ̣ܬ̥ܳܐ ܝܰܬ̊ܺܝ̣ܪ ܡܶܢ ܚܰܒܪ̈ܰܝܟ̊܀

ܙܽܘ̣ܡܳܪܳܐ ܐܚܪܺܢܳܐ

ܡܫܰܡ̈ܫܳܢܶܐ:

ܫܠܺܝ̣̈ܚܶܐ ܓ̥ܒܰܝ̈ܳܐ ܕ̥ܶܐܫܬܰ̊ܕ̊ܰܪܘ ܡܶܢ ܐܰܠܳܗܳܐ ܠܥܳܠܡܳܐ ܟ̥ܽܠܶܗ܆ ܘܰܢܦܰܩܘ ܐܰܟ̥ܪܶܙܘ ܣܒܰܪܬ̥ܶܗ ܕܰܒܪܳܐ ܒܶܝܬ̥ ܥܰܡ̈ܡܶܐ܆ ܠܥܶܒܪ̈ܶܝܗ̇ ܕܰܐܪܥܳܐ܆ ܣܰܒܰܪܘ ܗ̱ܘܰܘ ܡܰܠܟ̊ܽܘܬ̥ܳܐ ܕ̥ܰܫܡܰܝܳܐ ܟ̥ܰܕ̥ ܐܳܡܪܺܝ̣ܢ ܛܽܘ̣ܒ̥ܳܐ ܠܰܡܗܰܝܡ̈ܢܶܐ܀

ܡܫܰܡܫܳܢܳܐ:

ܡܶܢ ܦܪܰܟ̊ܣܺܝܣ ܕܰܫܠܺܝ̣̈ܚܶܐ ܐܰܒܳـ̈ܗܳܬ̥ܰܢ ܩܰܕ̊ܺܝ̣̈ܫܶܐ ܨܠܽܘ̇ܬ̥ܗܽܘ̇ܢ ܥܰܡܰܢ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܗܽܘ̇ܢ ܕ̊ܰܫܠܺܝ̣̈ܚܶܐ ܨܠܽܘ̇ܬ̥ܗܽܘ̇ܢ ܥܰܡܰܢ ܐܰܡܺܝ̣ܢ܀

ܥܕ̥ܰܡܳܐ ܠܝܰܘܡܳܐ ܗܰܘ ܕ̊ܒ̥ܶܗ ܐܶܣܬ̊ܰܠܰܩ ܡܶܢ ܒ̊ܳܬ̥ܰܪ ܕ̊ܦ̥ܰܩܶܕ̥ ܗ̱ܘܳܐ ܐܶܢܽܘ̇ܢ ܠܰܫܠܺܝ̈ܚܶܐ ܐܰܝܠܶܝܢ ܕ̊ܰܓ̥ܒ̥ܳܐ ܒ̥ܪܽܘ̣ܚܳܐ ܕ̥ܩܽܘ̣ܕ̥ܫܳܐ. ܗܳܢܽܘ̇ܢ ܕ̊ܳܐܦ̥ ܚܰܘܺܝ ܠܗܽܘ̇ܢ ܢܰܦ̥ܫܶܗ ܟ̊ܰܕ̥ ܚܰܝ ܡܶܢ ܒ̊ܳܬ̥ܰܪ ܕ̊ܚܰܫ ܒ̊ܳܐܬ̥̈ܘܳܬ̥ܳܐ ܣܰܓ̊ܺܝ̣̈ܐܳܬ̥ܳܐ ܒ̥ܝܰܘܡܺܝ̣̈ܢ ܐܰܪܒ̊ܥܺܝܢ ܟ̊ܰܕ̥ ܡܶܬ̥ܚܙܶܐ ܗ̱ܘܳܐ ܠܗܽܘ̇ܢ ܘܳܐܡܰܪ ܥܰܠ ܡܰܠܟ̊ܽܘ̣ܬ̥ܳܐ ܕ̥ܰܐܠܳܗܳܐ. ܘܟ̥ܰܕ̥ ܐܶܟ̥ܰܠ ܥܰܡܗܽܘ̇ܢ ܠܰܚܡܳܐ܆ ܦ̊ܰܩܶܕ̥ ܐܶܢܽܘ̇ܢ ܕ̊ܡܶܢ ܐܽܘ̇ܪܺܫܠܶܡ ܠܳܐ ܢܶܦ̥ܪܩܽܘ̣ܢ܆ ܐܶܠܳܐ ܕ̥ܰܢܩܰܘܽܘ̇ܢ ܠܫܽܘ̣ܘܕ̊ܳܝܶܗ ܕ̊ܰܐܒ̥ܳܐ ܗܰܘ ܕ̊ܰܫܡܰܥܬ̊ܽܘ̇ܢ ܡܶܢܝ. ܕ̊ܝܽܘ̇ܚܰܢܢ ܐܰܥܡܶܕ̥ ܒ̊ܡܰܝ̈ܳܐ܆ ܘܰܐܢ̱ܬ̊ܽܘ̇ܢ ܬ̊ܶܥܡܕ̥ܽܘ̣ܢ ܒ̊ܪܽܘ̣ܚܳܐ ܕ̥ܩܽܘ̣ܕ̥ܫܳܐ܆ ܠܳܐ ܒ̥ܳܬ̥ܰܪ ܝܰܘ̈ܡܳܬ̥ܳܐ ܣܰܓ̊ܺܝ̣̈ܐܶܐ. ܗܶܢܽܘ̇ܢ ܕ̊ܶܝܢ ܟ̊ܰܕ̥ ܟ̊ܢܺܝ̣ܫܺܝ̣ܢ܆ ܫܰܐܠܽܘ̣ܗ̱ܝ ܘܳܐܡܪܺܝ̣ܢ ܠܶܗ: ܡܳܪܰܢ ܐܶܢ ܒ̊ܗܳܢܳܐ ܙܰܒ̥ܢܳܐ ܡܰܦ̥ܢܶܐ ܐܰܢ̱ܬ̊ ܡܰܠܟ̊ܽܘ̣ܬ̥ܳܐ ܠܺܝܣܪܳܐܶܝܠ؟ ܐܳܡܰܪ ܠܗܽܘ̇ܢ ܗܽܘ: ܠܳܐ ܗ̱ܘܳܬ̊ ܕ̊ܺܝܠܟ̥ܽܘ̇ܢ ܗܳܕ̥ܶܐ ܠܡܶܕ̊ܰܥ ܙܰܒ̥ܢܳܐ ܐܰܘ ܙܰܒ̥̈ܢܶܐ. ܐܰܝܠܶܝܢ ܕ̊ܰܐܒ̥ܳܐ ܣܳܡ ܐܶܢܽܘ̇ܢ ܒ̊ܫܽܘ̣ܠܛܳܢܳܐ ܕ̥ܢܰܦ̥ܫܶܗ. ܐܶܠܳܐ ܟ̥ܰܕ̊ ܬ̊ܺܐܬ̥ܶܐ ܪܽܘ̣ܚܳܐ ܕ̥ܩܽܘ̣ܕ̥ܫܳܐ ܥܠܰܝܟ̊ܽܘ̇ܢ܆ ܬ̊ܩܰܒ̊ܠܽܘ̣ܢ ܚܰܝܠܳܐ ܘܬ̥ܶܗܘܽܘ̇ܢ ܠܺܝ ܣܳܗ̈ܕ̊ܶܐ ܒ̥ܽܐܘ̇ܪܺܫܠܶܡ ܘܰܒ̥ܟ̥ܽܠܳܗ̇ ܝܺܗܽܘܕ̥ ܘܳܐܦ̥ ܒ̊ܶܝܬ̥ ܫܳܡܪ̈ܳܝܶܐ ܘܰܥܕ̥ܰܡܳܐ ܠܣܰܘܦ̊ܶܝ̈ܗ̇ ܕ̊ܰܐܪܥܳܐ[3]܀ ܘܗܽܘܝܽܘ ܕ̥ܰܒ̥ܝܰܡܺܝ̣ܢܶܗ ܕ̊ܰܐܠܳܗܳܐ ܐܶܬ̊ܬ̊ܪܺܝ̣ܡ ܘܰܢܣܰܒ̥ ܡܶܢ ܐܰܒ̥ܳܐ ܫܽܘ̣ܘܕ̊ܳܝܳܐ ܕ̥ܥܰܠ ܪܽܘ̣ܚܳܐ ܕ̥ܩܽܘ̣ܕ̥ܫܳܐ ܘܶܐܫܰܕ̥ ܡܰܘܗܰܒ̥ܬ̥ܳܐ ܗܳܕ̥ܶܐ ܕ̥ܗܳܐ ܚܳܙܶܝܬ̊ܽܘ̇ܢ ܘܫܳܡܥܺܝܬ̊ܽܘ̇ܢ[4]܀

ܠܟ̥ܽܘ̇ܢ ܓ̊ܶܝܪ ܗܘܳܐ ܫܽܘ̣ܘܕ̊ܳܝܳܐ ܘܠܰܒ̥ܢܰܝ̈ܟ̊ܽܘ̇ܢ ܘܰܠܟ̥ܽܠܗܽܘ̇ܢ ܐܰܝܠܶܝܢ ܕ̊ܪܰܚܺܝ̣ܩܺܝ̣ܢ ܐܰܝܠܶܝܢ ܕ̊ܗܽܘ ܐܰܠܳܗܳܐ ܢܶܩܪܶܐ ܐܶܢܽܘ̇ܢ[5]܀

ܐܳܡܰܪ ܠܗܽܘ̇ܢ ܫܶܡܥܽܘ̇ܢ: ܬ̊ܽܘ̣ܒ̥ܘ ܘܰܥܡܰܕ̥ܘ ܐ̱ܢܳܫ ܐ̱ܢܳܫ ܡܶܢܟ̥ܽܘ̇ܢ ܒ̊ܰܫܡܶܗ ܕ̊ܡܳܪܝܳܐ ܝܶܫܽܘ̇ܥ ܠܫܽܘ̣ܒ̥ܩܳܢ ܚܛܳـ̈ܗܶܐ ܕ̥ܰܬ̥ܩܰܒ̊ܠܽܘ̣ܢ ܡܰܘܗܰܒ̥ܬ̥ܳܐ ܕ̥ܪܽܘ̣ܚܳܐ ܕ̥ܩܽܘ̣ܕ̥ܫܳܐ[6]܀

ܘܟ̥ܰܕ̥ ܨܰܠܺܝܘ܆ ܐܶܡܰܪܘ: ܐܰܢ̱ܬ̊ ܡܳܪܝܳܐ ܝܳܕ̥ܰܥ ܕ̊ܰܒ̥ܠܶܒ̊ܰܘ̈ܳܬ̥ܳܐ ܕ̥ܟ̥ܽܠ. ܚܰܘܳܐ ܚܰܕ̥ ܐܰܝܢܳܐ ܕ̥ܓ̥ܳܒ̥ܶܐ ܐܰܢ̱ܬ̊ ܡܶܢ ܗܳܠܶܝܢ ܬ̊ܪ̈ܰܝܗܽܘ̇ܢ. ܕ̊ܗܽܘ ܢܩܰܒ̊ܶܠ ܦ̊ܶܣܳܐ ܕ̥ܬ̥ܶܫܡܶܫܬ̊ܳܐ ܘܰܫܠܺܝ̣ܚܽܘ̣ܬ̥ܳܐ ܕ̥ܡܶܢܳܗ̇ ܦܪܰܩ ܝܺܗܽܘܕ̥ܳܐ ܕ̥ܢܺܐܙܰܠ ܠܶܗ ܠܰܐܬ̥ܪܶܗ. ܘܰܐܪܡܺܝ̣ܘ ܦܶܨ̈ܶܐ܆ ܘܣܶܠܩܰܬ̥ ܠܡܰܬ̊ܺܝܰܐ܆ ܘܶܐܬ̥ܡܢܺܝ ܥܰܡ ܚܕ̥ܰܥܣܰܪ ܫܠܺܝ̣̈ܚܶܐ[7]܀

ܘܟ̥ܰܕ̥ ܐܶܬ̥ܡܰܠܺܝܘ ܝܰܘ̈ܡܳܬ̥ܳܐ ܕ̥ܦ̊ܶܢܛܺܩܽܘ̇ܣܛܺܐ܆ ܟ̊ܰܕ̥ ܟ̊ܢܺܝ̣ܫܺܝ̣ܢ ܗ̱ܘܰܘ ܟ̊ܽܠܗܽܘ̇ܢ ܐܰܟ̥ܚܕ̥ܳܐ܆ ܗܘܳܐ ܡܶܢ ܫܶܠܝܳܐ ܡܶܢ ܫܡܰܝܳܐ ܩܳܠܳܐ ܐܰܝܟ̥ ܪܽܘ̣ܚܳܐ ܥܰܙܺܝ̣ܙܬ̊ܳܐ ܘܶܐܬ̥ܡܠܺܝ ܗ̱ܘܳܐ ܡܶܢܶܗ ܟ̊ܽܠܶܗ ܒ̊ܰܝܬ̊ܳܐ ܗܰܘ ܕ̊ܒ̥ܶܗ ܝܳܬ̥ܒ̊ܺܝ̣ܢ ܗ̱ܘܰܘ[8]܀

ܒ̊ܳܬ̥ܰܪܟ̊ܶܢ ܩܳܡ ܫܶܡܥܽܘ̇ܢ ܟ̊ܺܐܦ̥ܳܐ ܥܰܡ ܚܕ̥ܰܥܣܰܪ ܫܠܺܝ̣ܚܺܝ̣̈ܢ ܘܰܐܪܺܝܡ ܩܳܠܶܗ ܘܶܐܡܰܪ ܠܗܽܘ̇ܢ: ܓ̊ܰܒ̥ܪ̈ܶܐ ܝܽܗ̱ܘ̈ܕ̥ܳܝܶܐ ܘܟ̥ܽܠܗܽܘ̇ܢ ܕ̊ܥܳܡܪܺܝ̣ܢ ܒ̊ܽܐܘܪܺܫܠܶܡ܆ ܗܳܕ̥ܶܐ ܬ̥ܶܬ̥ܺܝܕ̥ܰܥ ܠܟ̥ܽܘ̇ܢ ܘܨܽܘ̣ܬ̥ܘ ܡܶܠܰܝ̈[9]܀

ܠܗܳܢܳܐ ܕ̥ܰܦ̥ܪܺܝ̣ܫ ܗ̱ܘܳܐ ܠܳܗ̇ ܠܗܳܕ̥ܶܐ ܒ̥ܰܡܩܰܕ̊ܡܽܘ̣ܬ̥ ܝܺܕ̥ܰܥܬ̥ܶܗ ܘܰܒ̥ܨܶܒ̥ܝܳܢܶܗ ܕ̊ܰܐܠܳܗܳܐ ܐܰܫܠܶܡܬ̊ܽܘ̇ܢܳܝܗ̱ܝ ܒ̊ܺܐܝܕ̥ܰܝ̈ ܪ̈ܰܫܺܝ̣ܥܶܐ ܘܰܙܩܰܦ̥ܬ̊ܽܘ̇ܢ ܘܰܩܛܰܠܬ̊ܽܘ̇ܢ[10]܀

ܘܰܩܪܰܘ ܬ̊ܪܰܥܣܰܪ ܫܠܺܝ̣̈ܚܶܐ ܠܟ̥ܽܠܶܗ ܟ̊ܶܢܫܳܐ ܕ̥ܬ̥ܰܠܡܺܝ̣̈ܕ̥ܶܐ ܘܶܐܡܰܪܘ ܠܗܽܘ̇ܢ: ܠܳܐ ܫܰܦ̊ܺܝ̣ܪ ܕ̊ܢܶܫܒ̊ܽܘ̇ܩ ܡܶܠܬ̥ܳܐ ܕ̥ܰܐܠܳܗܳܐ ܘܰܢܫܰܡܶܫ ܦ̊ܳܬ̥ܽܘܪ̈ܶܐ. ܒ̊ܨܰܘ ܗܳܟ̥ܺܝܠ ܐܰܚܰܝ̈܆ ܘܰܓ̥ܒ̥ܰܘ ܫܰܒ̥ܥܳܐ ܓ̥ܰܒ̥ܪ̈ܺܝ̣ܢ ܡܶܢܟ̥ܽܘ̇ܢ ܕ̊ܺܐܝܬ̥ ܥܠܰܝܗܽܘ̇ܢ ܣܳܗܕ̊ܽܘ̣ܬ̥ܳܐ ܘܰܡܠܶܝܢ ܪܽܘ̣ܚܶܗ ܕ̊ܡܳܪܝܳܐ ܘܚܶܟ̥ܡܬ̥ܳܐ܆ ܘܰܢܩܺܝ̣ܡ ܐܶܢܽܘ̇ܢ ܥܰܠ ܗܳܕ̥ܶܐ ܨܒ̥ܽܘ̣ܬ̥ܳܐ. ܘܰܚܢܰܢ ܢܶܗܘܶܐ ܐܰܡܺܝ̣ܢܺܝ̣ܢ ܒ̊ܰܨܠܽܘ̇ܬ̥ܳܐ ܘܰܒ̥ܬ̥ܶܫܡܶܫܬ̊ܳܐ ܕ̥ܡܶܠܬ̥ܳܐ. ܘܫܶܦ̥ܪܰܬ̥ ܗܳܕ̥ܶܐ ܡܶܠܬ̥ܳܐ ܩܕ̥ܳܡ ܟ̊ܽܠܶܗ ܥܰܡܳܐ܆ ܘܰܓ̥ܒ̥ܰܘ ܠܶܐܣܛܶܦ̥ܰܢܽܘ̇ܣ ܓ̊ܰܒ̥ܪܳܐ ܕ̥ܰܡܠܶܐ ܗ̱ܘܳܐ ܗܰܝܡܳܢܽܘ̣ܬ̥ܳܐ ܘܪܽܘ̣ܚܳܐ ܕ̥ܩܽܘܕ̥ܫܳܐ ܘܰܠܦ̥ܺܝܠܺܝܦ̊ܽܘ̇ܣ ܘܠܰܦ̊ܪܳܟ̥ܳܪܽܘ̇ܣ ܘܰܠܢܺܝܩܰܢܽܘ̇ܪ ܘܰܠܛܺܝܡܽܘ̇ܢ ܘܰܠܦ̊ܰܪܡܶܢܰܐ ܘܰܠܢܺܝܩܳܠܰܐܽܘ̇ܣ ܓ̊ܺܝܽܘܪܳܐ ܐܰܢܛܺܝܽܘ̇ܟ̥ܳܝܳܐ[11]܀

ܘܟ̥ܰܕ̥ ܫܡܰܥܘ ܫܠܺܝ̈ܚܶܐ ܕ̥ܒ̥ܽܐܘܪܺܫܠܶܡ ܕ̊ܩܰܒ̊ܶܠܘ ܥܰܡܳܐ ܕ̥ܫܳܡܪ̈ܳܝܶܐ ܡܶܠܬ̥ܳܐ ܕ̥ܰܐܠܳܗܳܐ܆ ܫܰܕ̊ܰܪܘ ܠܘܳܬ̥ܗܽܘ̇ܢ ܠܫܶܡܥܽܘ̇ܢ ܟ̊ܺܐܦ̥ܳܐ ܘܰܠܝܽܘ̇ܚܰܢܢ. ܘܰܢܚܶܬ̥ܘ ܘܨܰܠܺܝܘ ܥܠܰܝܗܽܘ̇ܢ ܐܰܝܟ̥ ܕ̊ܰܢܩܰܒ̊ܠܽܘ̣ܢ ܪܽܘ̣ܚܳܐ ܕ̥ܩܽܘ̣ܕ̥ܫܳܐ[12]܀

ܘܟ̥ܰܕ̥ ܚܙܳܐ ܣܺܝܡܽܘ̇ܢ܆ ܕ̊ܒ̥ܰܣܝܳܡ ܐܺܝ̣ܕ̥ܳܐ ܕ̥ܰܫܠܺܝ̣̈ܚܶܐ ܡܶܬ̥ܝܰܗܒ̥ܳܐ ܪܽܘ̣ܚܳܐ ܕ̥ܩܽܘ̣ܕ̥ܫܳܐ܆ ܩܰܪܶܒ̥ ܠܗܽܘ̇ܢ ܟ̊ܶܣܦ̊ܳܐ ܟ̥ܰܕ̥ ܐܳܡܰܪ: ܗܰܒ̥ܘ ܐܳܦ̥ ܠܺܝ ܫܽܘ̣ܠܛܳܢܳܐ ܗܳܢܳܐ ܕ̥ܰܐܝܢܳܐ ܕ̥ܶܐܣܺܝܡ ܥܠܰܘܗ̱ܝ ܐܺܝ̣ܕ̥ܳܐ ܢܶܗܘܶܐ ܡܩܰܒ̊ܶܠ ܪܽܘ̣ܚܳܐ ܕ̥ܩܽܘ̣ܕ̥ܫܳܐ. ܐܳܡܰܪ ܠܶܗ ܫܶܡܥܽܘ̇ܢ ܟ̊ܺܐܦ̥ܳܐ: ܟ̊ܶܣܦ̊ܳܟ̥ ܥܰܡܳܟ̥ ܢܺܐܙܰܠ ܠܰܐܒ̥ܕ̥ܳܢܳܐ. ܡܶܛܽܠ ܕ̊ܰܣܒ̥ܰܪܬ̊ ܕ̊ܡܰܘܗܰܒ̥ܬ̥ܶܗ ܕ̊ܰܐܠܳܗܳܐ ܒ̥ܩܶܢܝܳܢ ܥܳܠܡܳܐ ܡܶܬ̥ܩܰܢܝܳܐ. ܠܰܝܬ̊ ܠܳܟ̥ ܡܢܳܬ̥ܳܐ ܐܳܦ̥ܠܳܐ ܦ̥ܶܣܳܐ ܒ̥ܗܰܝܡܳܢܽܘ̣ܬ̥ܳܐ ܗܳܕ̥ܶܐ ܡܶܛܽܠ ܕ̊ܠܶܒ̊ܳܟ̥ ܠܳܐ ܗ̱ܘܳܐ ܬ̥ܪܺܝ̣ܨ ܩܕ̥ܳܡ ܐܰܠܳܗܳܐ[13]܀

ܒ̊ܰܪܢܰܒ̥ܰܐ ܕ̥ܶܝܢ ܘܫܳܐܘܳܠ ܦ̊ܢܰܘ ܡܶܢ ܐܽܘܪܺܫܠܶܡ ܠܰܐܢܛܺܝܽܘ̇ܟ̥ܺܝ ܡܶܢ ܒ̊ܳܬ̥ܰܪ ܕ̊ܫܰܠܶܡܘ ܬ̊ܶܫܡܶܫܬ̊ܗܽܘ̇ܢ ܘܰܕ̥ܒ̥ܰܪܘ ܥܰܡܗܽܘ̇ܢ ܠܝܽܘ̇ܚܰܢܢ ܗܰܘ ܕ̊ܶܐܬ̥ܟ̊ܰܢܺܝ ܡܰܪܩܽܘ̇ܣ[14]܀

ܘܟ̥ܰܕ̥ ܗܶܢܽܘ̇ܢ ܨܳܝܡܺܝ̣ܢ ܗ̱ܘܰܘ ܘܡܶܬ̥ܟ̊ܰܫܦ̥ܺܝ̣ܢ ܠܰܐܠܳܗܳܐ ܐܶܡܪܰܬ̥ ܠܗܽܘ̇ܢ ܪܽܘ̣ܚܳܐ ܕ̥ܩܽܘ̣ܕ̥ܫܳܐ: ܦ̊ܪܽܘ̇ܫܘ ܠܺܝ ܠܫܳܐܘܳܠ ܘܰܠܒ̥ܰܪܢܰܒ̥ܰܐ ܠܰܥܒ̥ܳܕ̥ܳܐ ܐܰܝܢܳܐ ܕ̥ܶܐܢܳܐ ܩܪܺܝܬ̥ ܐܶܢܽܘ̇ܢ. ܘܒ̥ܳܬ̥ܰܪ ܕ̊ܨܳܡܘ ܘܨܰܠܺܝܘ܆ ܣܳܡܘ ܥܠܰܝܗܽܘ̇ܢ ܐܺܝ̣ܕ̥ܳܐ ܘܫܰܕ̊ܰܪܘ ܐܶܢܽܘ̇ܢ. ܘܗܶܢܽܘ̇ܢ ܟ̊ܰܕ̥ ܐܶܫܬ̊ܠܰܚܘ ܡܶܢ ܪܽܘ̣ܚܳܐ ܕ̥ܩܽܘ̣ܕ̥ܫܳܐ܆ ܢܚܶܬ̥ܘ ܠܗܽܘ̇ܢ ܠܣܶܠܽܘ̇ܩܺܝܰܐ܆ ܘܡܶܢ ܬ̊ܰܡܳܢ ܪܕ̥ܰܘ ܒ̊ܝܰܡܳܐ ܥܕ̥ܰܡܳܐ ܠܩܽܘܦܪܽܘ̇ܣ[15]܀

إِلَى الْيَوْمِ الَّذِي ارْتَفَعَ فِيهِ بَعْدَ مَا أَوْصَى بِالرُّوحِ الْقُدُسِ الرُّسُلَ الَّذِينَ اخْتَارَهُمْ. اَلَّذِينَ أَرَاهُمْ أَيْضاً نَفْسَهُ حَيّاً بِبَرَاهِينَ كَثِيرَةٍ بَعْدَ مَا تَأَلَّمَ وَهُوَ يَظْهَرُ لَهُمْ أَرْبَعِينَ يَوْماً وَيَتَكَلَّمُ عَنِ الأُمُورِ الْمُخْتَصَّةِ بِمَلَكُوتِ اللهِ. وَفِيمَا هُوَ مُجْتَمِعٌ مَعَهُمْ أَوْصَاهُمْ أَنْ لاَ يَبْرَحُوا مِنْ أُورُشَلِيمَ بَلْ يَنْتَظِرُوا «مَوْعِدَ الآبِ الَّذِي سَمِعْتُمُوهُ مِنِّي لأَنَّ يُوحَنَّا عَمَّدَ بِالْمَاءِ وَأَمَّا أَنْتُمْ فَسَتَتَعَمَّدُونَ بِالرُّوحِ الْقُدُسِ لَيْسَ بَعْدَ هَذِهِ الأَيَّامِ بِكَثِيرٍ». أَمَّا هُمُ الْمُجْتَمِعُونَ فَسَأَلُوهُ: «يَا رَبُّ هَلْ فِي هَذَا الْوَقْتِ تَرُدُّ الْمُلْكَ إِلَى إِسْرَائِيلَ؟» فَقَالَ لَهُمْ: «لَيْسَ لَكُمْ أَنْ تَعْرِفُوا الأَزْمِنَةَ وَالأَوْقَاتَ الَّتِي جَعَلَهَا الآبُ فِي سُلْطَانِهِ لَكِنَّكُمْ سَتَنَالُونَ قُوَّةً مَتَى حَلَّ الرُّوحُ الْقُدُسُ عَلَيْكُمْ وَتَكُونُونَ لِي شُهُوداً فِي أُورُشَلِيمَ وَفِي كُلِّ الْيَهُودِيَّةِ وَالسَّامِرَةِ وَإِلَى أَقْصَى الأَرْضِ». وَإِذِ ارْتَفَعَ بِيَمِينِ اللهِ وَأَخَذَ مَوْعِدَ الرُّوحِ الْقُدُسِ مِنَ الآبِ سَكَبَ هَذَا الَّذِي أَنْتُمُ الآنَ تُبْصِرُونَهُ وَتَسْمَعُونَهُ܀

لأَنَّ الْمَوْعِدَ هُوَ لَكُمْ وَلأَوْلاَدِكُمْ وَلِكُلِّ الَّذِينَ عَلَى بُعْدٍ كُلِّ مَنْ يَدْعُوهُ الرَّبُّ إِلَهُنَا»܀

فَقَالَ لَهُمْ بُطْرُسُ: «تُوبُوا وَلْيَعْتَمِدْ كُلُّ وَاحِدٍ مِنْكُمْ عَلَى اسْمِ يَسُوعَ الْمَسِيحِ لِغُفْرَانِ الْخَطَايَا فَتَقْبَلُوا عَطِيَّةَ الرُّوحِ الْقُدُسِ܀

وَصَلَّوْا قَائِلِينَ: «أَيُّهَا الرَّبُّ الْعَارِفُ قُلُوبَ الْجَمِيعِ عَيِّنْ أَنْتَ مِنْ هَذَيْنِ الاِثْنَيْنِ أَيّاً اخْتَرْتَهُ لِيَأْخُذَ قُرْعَةَ هَذِهِ الْخِدْمَةِ وَالرِّسَالَةِ الَّتِي تَعَدَّاهَا يَهُوذَا لِيَذْهَبَ إِلَى مَكَانِهِ». ثُمَّ أَلْقَوْا قُرْعَتَهُمْ فَوَقَعَتِ الْقُرْعَةُ عَلَى مَتِّيَاسَ فَحُسِبَ مَعَ الأَحَدَ عَشَرَ رَسُولاً܀

وَلَمَّا حَضَرَ يَوْمُ الْخَمْسِينَ كَانَ الْجَمِيعُ مَعاً بِنَفْسٍ وَاحِدَةٍ وَصَارَ بَغْتَةً مِنَ السَّمَاءِ صَوْتٌ كَمَا مِنْ هُبُوبِ رِيحٍ عَاصِفَةٍ وَمَلأَ كُلَّ الْبَيْتِ حَيْثُ كَانُوا جَالِسِينَ܀

فَوَقَفَ بُطْرُسُ مَعَ الأَحَدَ عَشَرَ وَرَفَعَ صَوْتَهُ وَقَالَ لَهُمْ: «أَيُّهَا الرِّجَالُ الْيَهُودُ وَالسَّاكِنُونَ فِي أُورُشَلِيمَ أَجْمَعُونَ لِيَكُنْ هَذَا مَعْلُوماً عِنْدَكُمْ وَأَصْغُوا إِلَى كَلاَمِي܀

هَذَا أَخَذْتُمُوهُ مُسَلَّماً بِمَشُورَةِ اللهِ الْمَحْتُومَةِ وَعِلْمِهِ السَّابِقِ وَبِأَيْدِي أَثَمَةٍ صَلَبْتُمُوهُ وَقَتَلْتُمُوهُ܀

فَدَعَا الاِثْنَا عَشَرَ جُمْهُورَ التَّلاَمِيذِ وَقَالُوا: «لاَ يُرْضِي أَنْ نَتْرُكَ نَحْنُ كَلِمَةَ اللهِ وَنَخْدِمَ مَوَائِدَ. فَانْتَخِبُوا أَيُّهَا الإِخْوَةُ سَبْعَةَ رِجَالٍ مِنْكُمْ مَشْهُوداً لَهُمْ وَمَمْلُوِّينَ مِنَ الرُّوحِ الْقُدُسِ وَحِكْمَةٍ فَنُقِيمَهُمْ عَلَى هَذِهِ الْحَاجَةِ. وَأَمَّا نَحْنُ فَنُواظِبُ عَلَى الصَّلاَةِ وَخِدْمَةِ الْكَلِمَةِ». فَحَسُنَ هَذَا الْقَوْلُ أَمَامَ كُلِّ الْجُمْهُورِ فَاخْتَارُوا اسْتِفَانُوسَ رَجُلاً مَمْلُوّاً مِنَ الإِيمَانِ وَالرُّوحِ الْقُدُسِ وَفِيلُبُّسَ وَبُرُوخُورُسَ وَنِيكَانُورَ وَتِيمُونَ وَبَرْمِينَاسَ وَنِيقُولاَوُسَ دَخِيلاً أَنْطَاكِيّاً܀

وَلَمَّا سَمِعَ الرُّسُلُ الَّذِينَ فِي أُورُشَلِيمَ أَنَّ السَّامِرَةَ قَدْ قَبِلَتْ كَلِمَةَ اللهِ أَرْسَلُوا إِلَيْهِمْ بُطْرُسَ وَيُوحَنَّا اللَّذَيْنِ لَمَّا نَزَلاَ صَلَّيَا لأَجْلِهِمْ لِكَيْ يَقْبَلُوا الرُّوحَ الْقُدُسَ܀

وَلَمَّا رَأَى سِيمُونُ أَنَّهُ بِوَضْعِ أَيْدِي الرُّسُلِ يُعْطَى الرُّوحُ الْقُدُسُ قَدَّمَ لَهُمَا دَرَاهِمَ قَائِلاً: «أَعْطِيَانِي أَنَا أَيْضاً هَذَا السُّلْطَانَ حَتَّى أَيُّ مَنْ وَضَعْتُ عَلَيْهِ يَدَيَّ يَقْبَلُ الرُّوحَ الْقُدُسَ». فَقَالَ لَهُ بُطْرُسُ: «لِتَكُنْ فِضَّتُكَ مَعَكَ لِلْهَلاَكِ لأَنَّكَ ظَنَنْتَ أَنْ تَقْتَنِيَ مَوْهِبَةَ اللهِ بِدَرَاهِمَ. لَيْسَ لَكَ نَصِيبٌ وَلاَ قُرْعَةٌ فِي هَذَا الأَمْرِ لأَنَّ قَلْبَكَ لَيْسَ مُسْتَقِيماً أَمَامَ اللهِ܀

وَرَجَعَ بَرْنَابَا وَشَاوُلُ مِنْ أُورُشَلِيمَ بَعْدَ مَا كَمَّلاَ الْخِدْمَةَ وَأَخَذَا مَعَهُمَا يُوحَنَّا الْمُلَقَّبَ مَرْقُسَ܀

وَبَيْنَمَا هُمْ يَخْدِمُونَ الرَّبَّ وَيَصُومُونَ قَالَ الرُّوحُ الْقُدُسُ: «أَفْرِزُوا لِي بَرْنَابَا وَشَاوُلَ لِلْعَمَلِ الَّذِي دَعَوْتُهُمَا إِلَيْهِ». فَصَامُوا حِينَئِذٍ وَصَلُّوا وَوَضَعُوا عَلَيْهِمَا الأَيَادِيَ ثُمَّ أَطْلَقُوهُمَا. فَهَذَانِ إِذْ أُرْسِلاَ مِنَ الرُّوحِ الْقُدُسِ انْحَدَرَا إِلَى سَلُوكِيَةَ وَمِنْ هُنَاكَ سَافَرَا فِي الْبَحْرِ إِلَى قُبْرُسَ܀

ܡܫܰܡܫܳܢܳܐ:

ܡܶܢ ܐܶܓ̊ܰܪܬ̥ܳܐ ܩܰܕ̥ܡܳܝܬ̊ܳܐ ܕ̥ܦܶܛܪܽܘ̇ܣ ܫܠܺܝ̣ܚܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܫܠܺܝ̣ܚܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

ܡܶܛܽܠ ܗܳܢܳܐ ܚܙܽܘ̇ܩܘ ܚܰܨ̈ܶ ܕ̥ܬ̥ܰܪ̈ܥܝܳܬ̥ܟ̥ܽܘ̇ܢ ܘܶܐܬ̊ܬ̊ܥܺܝ̣ܪܘ ܓ̊ܡܺܝ̣ܪܳܐܺܝ̣ܬ̥ ܘܣܰܒ̊ܰܪܘ ܥܰܠ ܚܰܕ̥ܽܘ̣ܬ̥ܳܐ ܕ̥ܳܐܬ̥ܝܳܐ ܠܟ̥ܽܘ̇ܢ ܒ̊ܓ̥ܶܠܝܳܢܶܗ ܕ̊ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ[16]܀

ܐܶܠܳܐ ܗܘܰܘ ܩܰܕ̊ܺܝ̣ܫܺܝ̣̈ܢ ܒ̊ܟ̥ܽܠܗܽܘ̇ܢ ܗܽܘ̣ܦ̊ܳܟ̥ܰܝ̈ܟ̊ܽܘ̇ܢ ܐܰܝܟ̥ ܕ̊ܩܰܕ̊ܺܝ̣ܫ ܗܰܘ ܡܰܢ ܕ̊ܰܩܪܳܟ̥ܽܘ̇ܢ. ܡܶܛܽܠ ܕ̊ܰܟ̥ܬ̥ܺܝ̣ܒ̥: ܕ̊ܰܗܘܰܝܬ̊ܽܘ̇ܢ ܩܰܕ̊ܺܝ̣ܫܺܝ̣̈ܢ܆ ܐܰܝܟ̊ܰܢܳܐ ܕ̥ܳܐܦ̥ ܐܶܢܳܐ ܩܰܕ̊ܺܝ̣ܫ ܐ̱ܢܳܐ[17]܀

ܠܟ̥ܽܘ̇ܢ ܗܳܟ̥ܺܝܠ ܐܶܬ̥ܺܝܗܶܒ̥ ܗܳܢܳܐ ܐܺܝ̣ܩܳܪܳܐ ܠܰܐܝܠܶܝܢ ܕ̊ܰܡܗܰܝܡܢܺܝ̣ܢ. ܠܗܳܢܽܘ̇ܢ ܕ̊ܶܝܢ ܕ̊ܠܳܐ ܡܶܬ̊ܛܦ̊ܺܝ̣ܣܺܝ̣ܢ܆ ܟ̊ܺܐܦܰܐ ܗ̱ܘ ܕ̊ܬ̥ܽܘܩܰܠܬ̥ܳܐ ܘܰܐܒܢܳܐ ܕ̥ܟ̥ܶܫܠܳܐ[18]܀

ܒ̊ܳܥܶܐ ܐ̱ܢܳܐ ܕ̥ܶܝܢ ܡܶܢ ܩܰܫܺܝ̣̈ܫܶܐ ܕ̥ܺܐܝܬ̥ ܒ̊ܟ̥ܽܘ̇ܢ ܐܶܢܳܐ ܩܰܫܺܝ̣ܫܳܐ ܚܰܒ̥ܪܟ̥ܽܘ̇ܢ ܘܣܳܗܕ̊ܳܐ ܕ̥ܚܰܫܰܘܗ̱̈ܝ ܕ̊ܰܡܫܺܝ̣ܚܳܐ ܘܫܰܘܬ̊ܳܦ̥ܳܐ ܕ̥ܫܽܘ̣ܒ̥ܚܶܗ ܗܰܘ ܕ̊ܰܥܬ̥ܺܝ̣ܕ̊ ܕ̊ܢܶܬ̥ܓ̊ܠܶܐ. ܪܥܰܘ ܡܰܪܥܺܝ̣ܬ̥ܳܐ ܕ̥ܰܐܠܳܗܳܐ ܕ̥ܡܰܫܠܡܳܐ ܠܟ̥ܽܘ̇ܢ܆ ܘܰܣܥܽܘ̇ܪܘ ܪܽܘ̣ܚܳܢܳܐܺܝ̣ܬ̥. ܠܳܐ ܒ̥ܰܩܛܺܝ̣ܪܳܐ܆ ܐܶܠܳܐ ܒ̥ܨܶܒ̥ܝܳܢܳܐ. ܠܳܐ ܒ̥ܝܽܘ̣ܬ̥ܪ̈ܳܢܶܐ ܛܰܢ̈ܦ̊ܶܐ܆ ܐܶܠܳܐ ܡܶܢ ܟ̊ܽܠܶܗ ܠܶܒ̊ܟ̥ܽܘ̇ܢ. ܠܳܐ ܐܰܝܟ̥ ܡܳܪ̈ܰܝܳܐ ܕ̥ܡܰܪܥܺܝ̣ܬ̥ܳܐ܆ ܐܶܠܳܐ ܐܰܝܟ̥ ܕ̊ܬ̥ܶܗܘܽܘ̇ܢ ܠܗܽܘ̇ܢ ܕ̊ܡܽܘ̣ܬ̥ܳܐ ܫܰܦ̊ܺܝ̣ܪܬ̊ܳܐ. ܕ̊ܟ̥ܰܕ̥ ܢܶܬ̥ܓ̊ܠܶܐ ܪܰܒ̊ ܪ̈ܳܥܰܘܳܬ̥ܳܐ܆ ܬ̊ܩܰܒ̊ܠܽܘ̣ܢ ܡܶܢܶܗ ܟ̊ܠܺܝ̣ܠܳܐ ܕ̥ܫܽܘ̣ܒ̥ܚܳܐ ܕ̥ܠܳܐ ܚܳܡܶܐ[19]܀

لِذَلِكَ مَنْطِقُوا أَحْقَاءَ ذِهْنِكُمْ صَاحِينَ، فَأَلْقُوا رَجَاءَكُمْ بِالتَّمَامِ عَلَى النِّعْمَةِ الَّتِي يُؤْتَى بِهَا إِلَيْكُمْ عِنْدَ اسْتِعْلاَنِ يَسُوعَ الْمَسِيحِ܀

بَلْ نَظِيرَ الْقُدُّوسِ الَّذِي دَعَاكُمْ، كُونُوا أَنْتُمْ أَيْضاً قِدِّيسِينَ فِي كُلِّ سِيرَةٍ. لأَنَّهُ مَكْتُوبٌ: «كُونُوا قِدِّيسِينَ لأَنِّي أَنَا قُدُّوسٌ»܀

فَلَكُمْ أَنْتُمُ الَّذِينَ تُؤْمِنُونَ الْكَرَامَةُ، وَأَمَّا لِلَّذِينَ لاَ يُطِيعُونَ حَجَرَ صَدْمَةٍ وَصَخْرَةَ عَثْرَةٍ܀

أَطْلُبُ إِلَى الشُّيُوخِ الَّذِينَ بَيْنَكُمْ، أَنَا الشَّيْخَ رَفِيقَهُمْ، وَالشَّاهِدَ لآلاَمِ الْمَسِيحِ، وَشَرِيكَ الْمَجْدِ الْعَتِيدِ أَنْ يُعْلَنَ، ارْعَوْا رَعِيَّةَ اللهِ الَّتِي بَيْنَكُمْ نُظَّاراً، لاَ عَنِ اضْطِرَارٍ بَلْ بِالاِخْتِيَارِ، وَلاَ لِرِبْحٍ قَبِيحٍ بَلْ بِنَشَاطٍ، وَلاَ كَمَنْ يَسُودُ عَلَى الأَنْصِبَةِ بَلْ صَائِرِينَ أَمْثِلَةً لِلرَّعِيَّةِ، وَمَتَى ظَهَرَ رَئِيسُ الرُّعَاةِ تَنَالُونَ إِكْلِيلَ الْمَجْدِ الَّذِي لاَ يَبْلَى܀

ܗܽܘ̣ܠܳܠܳܐ

ܡܫܰܡ̈ܫܳܢܶܐ:

ܠܟ̥ܽܘ̣ܡܪ̈ܰܝܟ̊ ܐܰܠܒܶܫ ܦܽܘ̣ܪܩܳܢܳܐ܆ ܘܰܠܙܰܕ̊ܺܝ̣ܩܰܝ̈ܟ̊ ܫܽܘ̣ܒ̥ܚܳܐ ܗܰܠܶܠܽܘܝܰܗ܀

ܢܽܘ̣ܗܳܪܳܐ:

ܘܩܳܪܶܐ ܚܰܣܝܳܐ ܐ̱ܚܪܺܢܳܐ܆ ܩܶܪܝܳܢܳܐ ܗܳܢܳܐ ܕ̥ܦܰܘܠܽܘ̇ܣ ܫܠܺܝ̣ܚܳܐ ܡܶܢ ܐܶܓ̊ܰܪܬ̥ܳܐ ܩܰܕ̥ܡܳܝܬ̊ܳܐ ܕ̥ܰܠܘܳܬ̊ ܛܺܝܡܳܬ̥ܶܐܽܘ̇ܣ܀

ܚܰܣܝܳܐ:

ܡܶܢ ܐܶܓ̊ܰܪܬ̥ܳܐ ܩܰܕ̥ܡܳܝܬ̊ܳܐ ܕ̥ܦܰܘܠܽܘ̇ܣ ܫܠܺܝ̣ܚܳܐ ܕ̥ܰܠܘܳܬ̊ ܛܺܝܡܳܬ̥ܶܐܽܘ̇ܣ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܫܠܺܝ̣ܚܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

ܗܳܢܳܐ ܦ̥ܽܘ̣ܩܕ̊ܳܢܳܐ ܡܰܓ̥ܥܶܠ ܐ̱ܢܳܐ ܠܳܟ̥ ܒ̊ܶܪܝ ܛܺܝܡܳܬ̥ܶܐܽܘ̇ܣ ܐܰܝܟ̥ ܢܒ̥ܺܝ̈ܰܘܳܬ̥ܳܐ ܩܰܕ̥̈ܡܳܝܳܬ̥ܳܐ ܕ̥ܰܗܘܰܝ̈ ܥܠܰܝܟ̊ ܕ̊ܬ̥ܶܦ̥ܠܽܘ̇ܚ ܒ̊ܗܶܝܢ ܦ̊ܳܠܚܽܘ̣ܬ̥ܳܐ ܗܳܕ̥ܶܐ ܫܰܦ̊ܺܝ̣ܪܬ̊ܳܐ. ܒ̊ܗܰܝܡܳܢܽܘ̣ܬ̥ܳܐ ܘܰܒ̥ܬ̥ܺܐܪܬ̊ܳܐ ܛܳܒ̥ܬ̥ܳܐ[20]܀

ܡܗܰܝܡܢܳܐ ܗ̱ܝ ܡܶܠܬ̥ܳܐ ܕ̥ܶܐܢ ܐ̱ܢܳܫ ܪܳܐܶܓ̥ ܩܰܫܺܝ̣ܫܽܘ̣ܬ̥ܳܐ܆ ܥܒ̥ܳـ̈ܕ̥ܶܐ ܛܳܒ̥̈ܶܐ ܪܳܐܶܓ̥. ܘܳܠܶܐ ܕ̥ܶܝܢ ܕ̊ܢܶܗܘܶܐ ܩܰܫܺܝ̣ܫܳܐ ܐܰܝܢܳܐ ܕ̥ܡܽܘܡܳܐ ܠܳܐ ܡܶܫܬ̊ܟ̥ܰܚ ܒ̊ܶܗ܆ ܘܰܗܘܳܐ ܒ̥ܰܥܠܳܐ ܕ̥ܰܚܕ̥ܳܐ ܐܰܢ̱ܬ̊ܬ̥ܳܐ ܐܰܝܢܳܐ ܕ̥ܥܺܝ̣ܪ ܪܶܥܝܳܢܶܗ ܘܰܢܟ̥ܶܦ̥ ܘܰܡܛܰܟ̊ܰܣ ܘܪܳܚܶܡ ܐܰܟ̥ܣ̈ܢܳܝܶܐ ܘܡܰܠܦ̥ܳܢ. ܘܠܳܐ ܥܳܒ̥ܰܪ ܥܰܠ ܚܰܡܪܳܐ ܘܠܳܐ ܪܳܗܛܳܐ ܐܺܝ̣ܕ̥ܶܗ ܠܡܶܡܚܳܐ. ܐܶܠܳܐ ܢܶܗܘܶܐ ܡܰܟ̊ܺܝ̣ܟ̥ ܘܠܳܐ ܢܰܨܳܝ ܘܠܳܐ ܪܳܚܶܡ ܟ̊ܶܣܦ̊ܳܐ. ܘܰܡܕ̥ܰܒ̊ܰܪ ܒ̊ܰܝܬ̊ܶܗ ܫܰܦ̊ܺܝ̣ܪ ܘܰܐܚܺܝ̣ܕ̥ ܒ̊ܢܰܘܗ̱̈ܝ ܒ̊ܫܽܘ̣ܥܒ̊ܳܕ̥ܳܐ ܒ̥ܟ̥ܽܠܳܗ̇ ܕ̊ܰܟ̥ܝܽܘ̣ܬ̥ܳܐ. ܐܶܢ ܓ̊ܶܝܪ ܒ̊ܰܝܬ̊ܳܐ ܕ̥ܢܰܦ̥ܫܶܗ ܠܳܐ ܝܳܕ̥ܰܥ ܕ̊ܰܢܕ̥ܰܒ̊ܰܪ ܫܰܦ̊ܺܝܪ܆ ܐܰܝܟ̊ܰܢܳܐ ܡܶܫܟ̊ܰܚ ܥܺܕ̊ܬ̊ܶܗ ܕ̊ܰܐܠܳܗܳܐ ܕ̥ܰܢܕ̥ܰܒ̊ܰܪ. ܘܠܳܐ ܢܶܗܘܶܐ ܛܠܶܐ ܬ̥ܽܘ̣ܠܡܳܕ̥ܶܗ ܕ̊ܠܳܐ ܢܶܬ̊ܬ̊ܪܺܝ̣ܡ ܘܢܶܦ̊ܶܠ ܒ̊ܕ̥ܺܝ̣ܢܶܗ ܕ̊ܣܳܛܳܢܳܐ. ܘܳܠܶܐ ܕ̥ܶܝܢ ܕ̊ܳܐܦ̥ ܣܳܗܕ̊ܽܘ̣ܬ̥ܳܐ ܫܰܦ̊ܺܝ̣ܪܬ̊ܳܐ ܐܺܝ̣ܬ̥ ܠܶܗ ܡܶܢ ܒ̊ܰܪ̈ܳܝܶܐ ܕ̥ܠܳܐ ܢܶܦ̊ܶܠ ܒ̊ܚܶܣܕ̊ܳܐ ܘܰܒ̥ܦ̥ܰܚܶـ̈ܐ ܕ̥ܣܳܛܳܢܳܐ[21]܀

ܐܰܝܠܶܝܢ ܓ̊ܶܝܪ ܕ̊ܫܰܡܶܫܘ ܫܰܦ̊ܺܝ̣ܪ܆ ܕ̊ܰܪܓ̥ܳܐ ܛܳܒ̥ܳܐ ܩܳܢܶܝܢ ܠܢܰܦ̥ܫܗܽܘ̇ܢ ܘܡܰܓ̥ܠܶܐ ܐܰܦ̊̈ܶܐ ܣܰܓ̊ܺܝ̣ܐܳܐ ܒ̥ܗܰܝܡܳܢܽܘ̣ܬ̥ܳܐ ܕ̥ܝܶܫܽܘ̇ܥ ܡܫܺܝ̣ܚܳܐ[22]܀

ܗܳܠܶܝܢ ܐܶܢ ܬ̊ܶܗܘܶܐ ܡܰܠܶܦ̥ ܠܰܐܚܰܝ̈ܟ̊܆ ܡܫܰܡܫܳܢܳܐ ܛܳܒ̥ܳܐ ܬ̥ܶܗܘܶܐ ܕ̥ܝܶܫܽܘ̇ܥ ܡܫܺܝ̣ܚܳܐ[23]܀

ܡܗܰܝܡܢܳܐ ܗ̱ܝ ܡܶܠܬ̥ܳܐ ܘܫܳܘܝܳܐ ܗ̱ܝ ܠܰܡܩܰܒ̊ܳܠܽܘ̣ܬ̥ܳܗ̇[24]܀

ܗܳܠܶܝܢ ܐܰܠܶܦ̥ ܘܦ̥ܰܩܶܕ̥. ܘܠܳܐ ܐ̱ܢܳܫ ܢܰܒ̥ܣܶܐ ܥܰܠ ܛܰܠܝܽܘ̣ܬ̥ܳܟ̥܆ ܐܶܠܳܐ ܗܘܺܝ ܕ̥ܡܽܘ̣ܬ̥ܳܐ ܠܰܡܗܰܝܡ̈ܢܶܐ ܒ̥ܡܶܠܬ̥ܳܐ ܘܰܒ̥ܗܽܘ̣ܦ̊ܳܟ̥ܳܐ ܘܰܒ̥ܚܽܘ̣ܒ̊ܳܐ ܘܰܒ̥ܗܰܝܡܳܢܽܘ̣ܬ̥ܳܐ ܘܰܒ̥ܕ̥ܰܟ̥ܝܽܘ̣ܬ̥ܳܐ[25]܀

ܘܠܳܐ ܬ̥ܶܒ̥ܣܶܐ ܒ̥ܡܰܘܗܰܒ̥ܬ̥ܳܐ ܕ̥ܺܐܝܬ̥ ܒ̊ܳܟ̥ ܗܳܝ ܕ̊ܶܐܬ̥ܝܰܗܒ̊ܰܬ̥ ܠܳܟ̥ ܒ̊ܰܢܒ̥ܺܝܽܘ̣ܬ̥ܳܐ ܘܒ̥ܰܣܝܳܡ ܐܺܝ̣ܕ̥ܳܐ ܕ̥ܩܰܫܺܝ̣ܫܽܘ̣ܬ̥ܳܐ[26]܀

ܟ̊ܰܕ̥ ܗܳܠܶܝܢ ܓ̊ܶܝܪ ܬ̊ܶܥܒ̊ܶܕ̥܆ ܢܰܦ̥ܫܳܟ̥ ܬ̊ܰܚܶܐ ܘܠܰܐܝܠܶܝܢ ܕ̊ܫܳܡܥܺܝ̣ܢ ܠܳܟ̥[27]܀

ܒ̊ܩܰܫܺܝ̣ܫܳܐ ܠܳܐ ܬ̥ܶܓ̥ܥܽܘ̇ܪ ܐܶܠܳܐ ܐܰܦ̊ܺܝܣܳܝܗ̱ܝ ܐܰܝܟ̥ ܕ̊ܠܰܐܒ̥ܳܐ. ܘܠܰܐܝܠܶܝܢ ܕ̊ܰܛܠܶܝܢ܆ ܐܰܝܟ̥ ܕ̊ܠܰܐܚܰܝ̈ܟ̊. ܘܰܠܩܰܫܺܝ̣̈ܫܳܬ̥ܳܐ ܐܰܝܟ̥ ܐܶܡ̈ܗܳܬ̥ܳܐ܆ ܘܠܰܐܝܠܶܝܢ ܕ̊ܛܰܠ̈ܝܳܢ ܐܰܝܟ̥ ܕ̊ܠܰܐܚ̈ܘܳܬ̥ܳܟ̥ ܒ̊ܟ̥ܽܠܳܗ̇ ܕ̊ܰܟ̥ܝܽܘ̣ܬ̥ܳܐ. ܠܰܐܪ̈ܡܠܳܬ̥ܳܐ ܝܰܩܰܪ. ܠܰܐܝܠܶܝܢ ܕ̊ܰܐܪ̈ܡܠܳܬ̥ܳܐ ܐܶܢܶܝܢ ܒ̊ܰܫܪܳܪܳܐ[28]܀

ܥܰܠ ܩܰܫܺܝ̣ܫܳܐ܆ ܩܛܺܝ̣ܓ̥ܪܳܢܽܘ̣ܬ̥ܳܐ ܠܳܐ ܬ̥ܩܰܒ̊ܶܠ܆ ܐܶܠܳܐ ܥܰܠ ܦ̊ܽܘ̣ܡ ܬ̊ܪܶܝܢ ܘܰܬ̥ܠܳܬ̥ܳܐ ܣܳܗܕ̊ܺܝ̈ܢ. ܠܰܐܝܠܶܝܢ ܕ̊ܚܳܛܶܝܢ܆ ܩܕ̥ܳܡ ܟ̊ܽܠܢܳܫ ܟ̊ܰܘܶܢ ܕ̊ܳܐܦ̥ ܫܰܪܟ̊ܳܐ ܕ̥ܐ̱ܢܳܫ̈ܳܐ ܢܶܕ̥ܚܠܽܘ̣ܢ. ܡܣܰܗܶܕ̥ ܐ̱ܢܳܐ ܠܳܟ̥ ܩܕ̥ܳܡ ܐܰܠܳܗܳܐ ܘܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܘܡܰܠܰܐܟ̥ܰܘܗ̱̈ܝ ܓ̊ܒ̥ܰܝ̈ܳܐ܆ ܕ̊ܗܳܠܶܝܢ ܬ̊ܶܛܰܪ ܘܠܳܐ ܢܶܬ̥ܩܰܕ̊ܰܡ ܪܶܥܝܳܢܳܟ̥ ܠܡܶܕ̊ܶܡ. ܘܠܳܐ ܬ̥ܶܣܥܽܘ̇ܪ ܡܶܕ̊ܶܡ ܒ̊ܡܰܣܰܒ̥ ܒ̊ܰܐܦ̊̈ܶܐ. ܐܺܝ̣ܕ̥ܳܐ ܒ̥ܰܥܓ̥ܰܠ ܥܰܠ ܐ̱ܢܳܫ ܠܳܐ ܬ̥ܣܺܝ̣ܡ܆ ܘܠܳܐ ܬ̥ܶܫܬ̊ܰܘܬ̊ܰܦ̥ ܒ̊ܰܚ̈ܛܳܗܶܐ ܢܽܘ̣ܟ̥ܪ̈ܳܝܶܐ܆ ܢܰܦ̥ܫܳܟ̥ ܛܰܪ ܒ̊ܕ̥ܰܟ̥ܝܽܘ̣ܬ̥ܳܐ[29]܀

ܐܰܢ̱ܬ̊ ܕ̊ܶܝܢ ܐܳܘ̃ ܒ̊ܰܪܢܳܫܳܐ ܕ̥ܰܐܠܳܗܳܐ܆ ܡܶܢ ܗܳܠܶܝܢ ܥܪܽܘ̇ܩ ܘܗܰܪܛ ܒ̊ܳܬ̥ܰܪ ܙܰܕ̊ܺܝ̣ܩܽܘ̣ܬ̥ܳܐ ܘܒ̥ܳܬ̥ܰܪ ܟ̊ܺܐܢܽܘ̣ܬ̥ܳܐ ܘܒ̥ܳܬ̥ܰܪ ܗܰܝܡܳܢܽܘ̣ܬ̥ܳܐ ܘܒ̥ܳܬ̥ܰܪ ܚܽܘ̣ܒ̊ܳܐ ܘܒ̥ܳܬ̥ܰܪ ܡܣܰܝܒ̊ܪܳܢܽܘ̣ܬ̥ܳܐ ܘܒ̥ܳܬ̥ܰܪ ܡܰܟ̊ܺܝ̣ܟ̥ܽܘ̣ܬ̥ܳܐ. ܘܶܐܬ̥ܟ̊ܰܬ̊ܫ ܒ̊ܰܐܓ̥ܽܘܢܳܐ ܛܳܒ̥ܳܐ ܕ̥ܗܰܝܡܳܢܽܘ̣ܬ̥ܳܐ ܘܰܐܕ̥ܪܶܟ̥ ܚܰܝ̈ܶܐ ܕ̥ܰܠܥܳܠܰܡ ܕ̊ܰܠܗܽܘ̇ܢ ܐܶܬ̥ܩܪܺܝܬ̊ ܘܰܐܘܕ̊ܺܝܬ̥ ܬ̊ܰܘܕ̊ܺܝܬ̥ܳܐ ܛܳܒ̥ܬ̥ܳܐ ܩܕ̥ܳܡ ܣܳܗ̈ܕ̊ܶܐ ܣܰܓ̊ܺܝ̣̈ܐܶܐ. ܡܣܰܗܶܕ̥ ܐ̱ܢܳܐ ܠܳܟ̥ ܩܕ̥ܳܡ ܐܰܠܳܗܳܐ ܗܰܘ ܕ̊ܡܰܚܶܐ ܟ̥ܽܠ ܘܝܶܫܽܘ̇ܥ ܡܫܺܝ̣ܚܳܐ ܗܰܘ ܕ̊ܰܐܣܗܶܕ̥ ܩܕ̥ܳܡ ܦ̊ܶܢܛܺܝܽܘ̇ܣ ‌ܦ̊ܺܝܠܰܛܽܘ̇ܣ ܣܳܗܕ̊ܽܘ̣ܬ̥ܳܐ ܫܰܦ̊ܺܝ̣ܪܬ̊ܳܐ. ܕ̊ܬ̥ܶܛܪܺܝܘܗ̱ܝ ܦ̊ܽܘ̣ܩܕ̊ܳܢܳܐ ܕ̥ܠܳܐ ܛܽܘ̣ܠܫܳܐ ܘܰܕ̥ܠܳܐ ܡܽܘ̣ܡܳܐ ܥܕ̥ܰܡܳܐ ܠܓ̥ܶܠܝܳܢܶܗ ܕ̊ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ[30]܀

ܗܰܘ ܕ̊ܠܶܗ ܐܺܝ̣ܩܳܪܳܐ ܘܫܽܘ̣ܠܛܳܢܳܐ ܠܥܳܠܰܡ ܥܳܠܡܺܝ̣ܢ ܐܰܡܺܝ̣ܢ[31]܀

هَذِهِ الْوَصِيَّةُ أَيُّهَا الاِبْنُ تِيمُوثَاوُسُ أَسْتَوْدِعُكَ إِيَّاهَا حَسَبَ النُّبُوَّاتِ الَّتِي سَبَقَتْ عَلَيْكَ، لِكَيْ تُحَارِبَ فِيهَا الْمُحَارَبَةَ الْحَسَنَةَ، وَلَكَ إِيمَانٌ وَضَمِيرٌ صَالِحٌ܀

صَادِقَةٌ هِيَ الْكَلِمَةُ: إِنِ ابْتَغَى أَحَدٌ الأُسْقُفِيَّةَ فَيَشْتَهِي عَمَلاً صَالِحاً. فَيَجِبُ أَنْ يَكُونَ الأُسْقُفُ بِلاَ لَوْمٍ، بَعْلَ امْرَأَةٍ وَاحِدَةٍ، صَاحِياً، عَاقِلاً، مُحْتَشِماً، مُضِيفاً لِلْغُرَبَاءِ، صَالِحاً لِلتَّعْلِيمِ، غَيْرَ مُدْمِنِ الْخَمْرِ، وَلاَ ضَرَّابٍ، وَلاَ طَامِعٍ بِالرِّبْحِ الْقَبِيحِ، بَلْ حَلِيماً، غَيْرَ مُخَاصِمٍ، وَلاَ مُحِبٍّ لِلْمَالِ، يُدَبِّرُ بَيْتَهُ حَسَناً، لَهُ أَوْلاَدٌ فِي الْخُضُوعِ بِكُلِّ وَقَارٍ. وَإِنَّمَا إِنْ كَانَ أَحَدٌ لاَ يَعْرِفُ أَنْ يُدَبِّرَ بَيْتَهُ، فَكَيْفَ يَعْتَنِي بِكَنِيسَةِ اللهِ؟ غَيْرَ حَدِيثِ الإِيمَانِ لِئَلاَّ يَتَصَلَّفَ فَيَسْقُطَ فِي دَيْنُونَةِ إِبْلِيسَ. وَيَجِبُ أَيْضاً أَنْ تَكُونَ لَهُ شَهَادَةٌ حَسَنَةٌ مِنَ الَّذِينَ هُمْ مِنْ خَارِجٍ، لِئَلاَّ يَسْقُطَ فِي تَعْيِيرٍ وَفَخِّ إِبْلِيسَ܀

لأَنَّ الَّذِينَ تَشَمَّسُوا حَسَناً يَقْتَنُونَ لأَنْفُسِهِمْ دَرَجَةً حَسَنَةً وَثِقَةً كَثِيرَةً فِي الإِيمَانِ الَّذِي بِالْمَسِيحِ يَسُوعَ܀

إِنْ فَكَّرْتَ الإِخْوَةَ بِهَذَا تَكُونُ خَادِماً صَالِحاً لِيَسُوعَ الْمَسِيحِ܀

صَادِقَةٌ هِيَ الْكَلِمَةُ وَمُسْتَحِقَّةٌ كُلَّ قُبُولٍ܀

أَوْصِ بِهَذَا وَعَلِّمْ. لاَ يَسْتَهِنْ أَحَدٌ بِحَدَاثَتِكَ، بَلْ كُنْ قُدْوَةً لِلْمُؤْمِنِينَ فِي الْكَلاَمِ، فِي التَّصَرُّفِ، فِي الْمَحَبَّةِ، فِي الرُّوحِ، فِي الإِيمَانِ، فِي الطَّهَارَةِ܀

لاَ تُهْمِلِ الْمَوْهِبَةَ الَّتِي فِيكَ الْمُعْطَاةَ لَكَ بِالنُّبُوَّةِ مَعَ وَضْعِ أَيْدِي الْمَشْيَخَةِ܀

لأَنَّكَ إِذَا فَعَلْتَ هَذَا تُخَلِّصُ نَفْسَكَ وَالَّذِينَ يَسْمَعُونَكَ أَيْضاً܀

لاَ تَزْجُرْ شَيْخاً بَلْ عِظْهُ كَأَبٍ، وَالأَحْدَاثَ كَإِخْوَةٍ، وَالْعَجَائِزَ كَأُمَّهَاتٍ، وَالْحَدَثَاتِ كَأَخَوَاتٍ، بِكُلِّ طَهَارَةٍ. أَكْرِمِ الأَرَامِلَ اللَّوَاتِي هُنَّ بِالْحَقِيقَةِ أَرَامِلُ܀

لاَ تَقْبَلْ شِكَايَةً عَلَى شَيْخٍ إِلاَّ عَلَى شَاهِدَيْنِ أَوْ ثَلاَثَةِ شُهُودٍ. اَلَّذِينَ يُخْطِئُونَ وَبِّخْهُمْ أَمَامَ الْجَمِيعِ لِكَيْ يَكُونَ عِنْدَ الْبَاقِينَ خَوْفٌ. أُنَاشِدُكَ أَمَامَ اللهِ وَالرَّبِّ يَسُوعَ الْمَسِيحِ وَالْمَلاَئِكَةِ الْمُخْتَارِينَ أَنْ تَحْفَظَ هَذَا بِدُونِ غَرَضٍ، وَلاَ تَعْمَلَ شَيْئاً بِمُحَابَاةٍ. لاَ تَضَعْ يَداً عَلَى أَحَدٍ بِالْعَجَلَةِ، وَلاَ تَشْتَرِكْ فِي خَطَايَا الآخَرِينَ. احْفَظْ نَفْسَكَ طَاهِراً܀

وَأَمَّا أَنْتَ يَا إِنْسَانَ اللهِ فَاهْرُبْ مِنْ هَذَا، وَاتْبَعِ الْبِرَّ وَالتَّقْوَى وَالإِيمَانَ وَالْمَحَبَّةَ وَالصَّبْرَ وَالْوَدَاعَةَ. جَاهِدْ جِهَادَ الإِيمَانِ الْحَسَنَ، وَأَمْسِكْ بِالْحَيَاةِ الأَبَدِيَّةِ الَّتِي إِلَيْهَا دُعِيتَ أَيْضاً، وَاعْتَرَفْتَ الاِعْتِرَافَ الْحَسَنَ أَمَامَ شُهُودٍ كَثِيرِينَ. أُوصِيكَ أَمَامَ اللهِ الَّذِي يُحْيِي الْكُلَّ وَالْمَسِيحِ يَسُوعَ الَّذِي شَهِدَ لَدَى بِيلاَطُسَ الْبُنْطِيِّ بِالاِعْتِرَافِ الْحَسَنِ: أَنْ تَحْفَظَ الْوَصِيَّةَ بِلاَ دَنَسٍ وَلاَ لَوْمٍ إِلَى ظُهُورِ رَبِّنَا يَسُوعَ الْمَسِيحِ܀

الَّذِي لَهُ الْكَرَامَةُ وَالْقُدْرَةُ الأَبَدِيَّةُ. آمِينَ܀

ܙܽܘ̣ܡܳܪܳܐ

ܡܫܰܡ̈ܫܳܢܶܐ:

ܘܳܐܦ ܡܶܢ ܒܢܰܝ̈ܗܽܘ̇ܢ ܢܶܬ̊ܒܽܘ̣ܢ ܠܥܳܠܰܡ ܥܳܠܡܺܝ̣ܢ ܥܰܠ ܟ̊ܽܘ̣ܪܣܝܳܟ̥. ܡܶܛܽܠ ܕ̊ܰܨܒܳܐ ܡܳܪܝܳܐ ܒܨܶܗܝܽܘ̇ܢ ܘܰܓ̥ܒܳܗ̇ ܠܶܗ ܠܒܶܝܬ̥ ܡܰܥܡܪܳܐ܆ ܗܰܠܶܠܽܘܝܰܗ܀

ܢܽܘ̣ܗܳܪܳܐ:

ܘܩܳܐܶܡ ܦܰܛܪܺܝ̣ܰܪܟ̥ܳܐ ܥܰܠ ܕ̊ܰܪܓ̥ܳܐ ܩܕ̥ܳܡ ܦܳܬ̥ܽܘܪ ܚܰܝ̈ܐ ܘܰܐܦܰܘܗ̱̈ܝ ܠܡܰܥܪܒ̥ܳܐ. ܘܩܳܪܶܒ ܗܰܘ ܕ̊ܡܶܬ̊ܬ̊ܰܣܪܰܚ ܘܰܐܦܰܘܗ̱̈ܝ ܠܡܰܕ̥ܢܚܳܐ ܟ̥ܰܕ̥ ܡܰܪܟ̊ܰܢ ܪܺܝܫܶܗ. ܘܡܶܬ̊ܬ̊ܣܺܝ̣ܡ ܟ̊ܬ̥ܳܒ̥ܳܐ ܕ̥ܶܐܘܰܢܓܶܠܺܝܽܘ̇ܢ ܥܰܠ ܟ̊ܰܬ̥ܦ̈ܬ̥ܶܗ ܘܚܰܨܶܗ܆ ܥܕ̥ܰܡܳܐ ܕ̥ܰܡܫܰܡܠܶܐ ܗܽܘ ܦܰܛܪܺܝ̣ܰܪܟ̥ܳܐ ܠܩܶܪܝܳܢܳܐ ܗܳܢܳܐ ܕ̥ܶܐܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܡܶܢ ܡܰܬ̊ܰܝ ܫܠܺܝ̣ܚܳܐ܀

ܡܫܰܡܫܳܢܳܐ:

ܒܰܪܶܟ̥ܡܳܪܝ܆ ܥܰܡ ܫܶܠܝܳܐ ܘܕ̥ܶܚܠܬ̥ܳܐ ܘܢܰܟ̥ܦܽܘ̣ܬ̥ܳܐ ܢܨܽܘ̣ܬ̥ ܘܢܶܫܡܰܥ ܠܰܣܒܰܪܬ̥ܳܐ ܕ̥ܡܶܠ̈ܐ ܚܰܝ̈ܬ̥ܳܐ ܕ̥ܶܐܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܕ̥ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܕ̥ܡܶܬ̥ܩܪܶܐ ܥܠܰܝܢ܀

ܪܺܝܫܟ̊ܳܗ̈ܢܶܐ:

ܫܠܳܡܳܐ ܠܟ̥ܽܠܟ̥ܽܘ̇ܢ܀

ܡܫܰܡܫܳܢܳܐ:

ܘܥܰܡ ܪܽܘ̣ܚܳܐ ܕ̥ܺܝܠܳܟ̥܀

ܪܺܝܫܟ̊ܳܗ̈ܢܶܐ:

ܐܶܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܕ̥ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ܆ ܟ̊ܳܪܽܘܙܽܘ̣ܬ̥ܳܐ ܡܰܚܝܳܢܺܝ̣ܬ̥ܳܐ ܡܶܢ ܡܰܬ̊ܰܝ ܫܠܺܝ̣ܚܳܐ ܘܡܰܟ̥ܪܙܳܢܳܐ ܕ̥ܡܰܟ̥ܪܶܙ ܚܰܝ̈ܶܐ ܘܦܽܘ̣ܪܩܳܢܳܐ ܠܥܳܠܡܳܐ܀

ܡܫܰܡܫܳܢܳܐ:

ܒܪܺܝ̣ܟ̥ ܕ̊ܶܐܬ̥ܳܐ ܘܰܥܬ̥ܺܝ̣ܕ̥ ܕܢܺܐܬ̥ܶܐ܆ ܘܬ̥ܶܫܒ̈ܚܳܢ ܠܫܳܠܽܘܚܳܐ ܕ̥ܫܰܠܚܶܗ ܠܦܽܘ̣ܪܩܳܢܰܢ܆ ܘܥܰܠ ܟ̊ܽܠܰܢ ܪ̈ܰܚܡܰܘܗ̱ܝ ܠܥܳܠܡܺܝ̣ܢ܀

ܪܺܝܫܟ̊ܳܗ̈ܢܶܐ:

ܒܙܰܒܢܳܐ ܗܳܟ̥ܺܝܠ ܕ̊ܰܡܕ̥ܰܒܪܳܢܽܘ̣ܬ̥ܶܗ ܕ̊ܡܳܪܰܢ ܘܰܐܠܳܗܰܢ ܘܦܳܪܽܘܩܳܐ ܕ̥ܺܝܠܰܢ ܝܶܫܽܘ̇ܥ ܡܫܺܝ̣ܚܳܐ܆ ܡܶܠܬ̥ܳܐ ܕ̥ܚܰܝ̈ܶܐ ܐܰܠܳܗܳܐ ܕ̥ܶܐܬ̥ܒܰܣܰܪ ܡܶܢ ܒܬ̥ܽܘ̣ܠܬ̊ܳܐ ܩܰܕ̊ܺܝ̣ܫܬ̊ܳܐ ܡܰܪܝܰܡ܆ ܗܳܠܶܝܢ ܕ̊ܶܝܢ ܗܳܟ̥ܰܢܳܐ ܗܘܰܝ̈܀

ܥܰܡܳܐ:

ܡܗܰܝܡܢܺܝ̣ܢܰܢ ܘܡܰܘܕ̊ܶܝܢܰܢ܀

ܟ̊ܰܕ̊ ܕ̊ܶܝܢ ܐܶܬ̥ܳܐ ܝܶܫܽܘ̇ܥ ܠܰܐܬ̥ܪܳܐ ܕ̥ܩܶܣܰܪܺܝܰܐ ܕ̥ܦܺܝܠܺܝܦ̊ܽܘ̇ܣ ܡܫܰܐܶܠ ܗ̱ܘܳܐ ܠܬ̥ܰܠܡܺܝ̣̈ܕ̥ܰܘܗ̱ܝ ܘܳܐܡܰܪ: ܡܰܢܽܘ ܐܳܡܪܺܝ̣ܢ ܥܠܰܝ ܐ̱ܢܳܫ̈ܳܐ ܕ̥ܺܐܝܬ̥ܰܝ ܒ̊ܪܶܗ ܕ̊ܐ̱ܢܳܫܳܐ؟ ܗܶܢܽܘ̇ܢ ܕ̊ܶܝܢ ܐܶܡܰܪܘ: ܐܺܝ̣ܬ̊ ܕ̊ܳܐܡܪܺܝ̣ܢ: ܝܽܘ̇ܚܰܢܢ ܡܰܥܡܕ̥ܳܢܳܐ܆ ܐ̱ܚܪ̈ܳܢܶܐ ܕ̥ܶܝܢ ܐܶܠܺܝܳܐ܆ ܘܰܐ̱ܚܪ̈ܳܢܶܐ ܐܶܪܰܡܝܳܐ܆ ܐܰܘ ܚܰܕ̥ ܡܶܢ ܢܒ̥ܺܝܶـ̈ܐ. ܐܳܡܰܪ ܠܗܽܘ̇ܢ: ܐܰܢ̱ܬ̊ܽܘ̇ܢ ܕ̊ܶܝܢ ܡܰܢܽܘ ܐܳܡܪܺܝܬ̊ܽܘ̇ܢ ܕ̊ܺܐܝܬ̥ܰܝ؟ ܥܢܳܐ ܫܶܡܥܽܘ̇ܢ ܟ̊ܺܐܦ̥ܳܐ ܘܶܐܡܰܪ: ܐܰܢ̱ܬ̊ܽ ܗ̱ܘ ܡܫܺܝ̣ܚܳܐ ܒ̥ܪܶܗ ܕ̊ܰܐܠܳܗܳܐ ܚܰܝܳܐ. ܥܢܳܐ ܝܶܫܽܘ̇ܥ ܘܶܐܡܰܪ ܠܶܗ: ܛܽܘ̣ܒ̥ܰܝܟ̊ ܫܶܡܥܽܘ̇ܢ ܒ̊ܪܶܗ ܕ̊ܝܰܘܢܳܐ ܕ̥ܒ̥ܶܣܪܳܐ ܘܰܕ̥ܡܳܐ ܠܳܐ ܓ̥ܠܳܐ ܠܳܟ̥܆ ܐܶܠܳܐ ܐܳܒ̥ܝ ܕ̊ܒ̥ܰܫܡܰܝܳܐ. ܐܳܦ̥ ܐܶܢܳܐ ܐܳܡܰܪ ܐ̱ܢܳܐ ܠܳܟ̥: ܕ̊ܰܐܢ̱ܬ̊ܽ ܗ̱ܘ ܟ̊ܺܐܦ̥ܳܐ ܘܥܰܠ ܗܳܕ̥ܶܐ ܟ̥ܺܐܦ̥ܳܐ ܐܶܒ̥ܢܶܝܗ̇ ܠܥܺܕ̊ܬ̊ܝ ܘܬ̥ܰܪ̈ܥܶܐ ܕ̥ܰܫܝܽܘ̇ܠ ܠܳܐ ܢܶܚܣܢܽܘ̣ܢܳܗ̇. ܠܳܟ̥ ܐܶܬ̊ܶܠ ܩܠܺܝ̣̈ܕ̥ܶܐ ܕ̥ܡܰܠܟ̊ܽܘ̣ܬ̥ܳܐ ܕ̥ܰܫܡܰܝܳܐ ܘܟ̥ܽܠ ܡܶܕ̊ܶܡ ܕ̊ܬ̥ܶܐܣܽܘ̇ܪ ܒ̊ܰܐܪܥܳܐ ܢܶܗܘܶܐ ܐܰܣܺܝ̣ܪ ܒ̊ܰܫܡܰܝܳܐ ܘܡܶܕ̊ܶܡ ܕ̊ܬ̥ܶܫܪܶܐ ܒ̥ܰܐܪܥܳܐ ܢܶܗܘܶܐ ܫܪܶܐ ܒ̥ܰܫܡܰܝܳܐ[32]܀

وَلَمَّا جَاءَ يَسُوعُ إِلَى نَوَاحِي قَيْصَرِيَّةِ فِيلُبُّسَ سَأَلَ تَلاَمِيذَهُ: «مَنْ يَقُولُ النَّاسُ إِنِّي أَنَا ابْنُ الإِنْسَانِ؟» فَقَالُوا: «قَوْمٌ يُوحَنَّا الْمَعْمَدَانُ وَآخَرُونَ إِيلِيَّا وَآخَرُونَ إِرْمِيَا أَوْ وَاحِدٌ مِنَ الأَنْبِيَاءِ». قَالَ لَهُمْ: «وَأَنْتُمْ مَنْ تَقُولُونَ إِنِّي أَنَا؟» فَأَجَابَ سِمْعَانُ بُطْرُسُ: «أَنْتَ هُوَ الْمَسِيحُ ابْنُ اللَّهِ الْحَيِّ». فَقَالَ لَهُ يَسُوعُ: «طُوبَى لَكَ يَا سِمْعَانُ بْنَ يُونَا إِنَّ لَحْماً وَدَماً لَمْ يُعْلِنْ لَكَ لَكِنَّ أَبِي الَّذِي فِي السَّمَاوَاتِ. وَأَنَا أَقُولُ لَكَ أَيْضاً: أَنْتَ بُطْرُسُ وَعَلَى هَذِهِ الصَّخْرَةِ أَبْنِي كَنِيسَتِي وَأَبْوَابُ الْجَحِيمِ لَنْ تَقْوَى عَلَيْهَا. وَأُعْطِيكَ مَفَاتِيحَ مَلَكُوتِ السَّمَاوَاتِ فَكُلُّ مَا تَرْبِطُهُ عَلَى الأَرْضِ يَكُونُ مَرْبُوطاً فِي السَّمَاوَاتِ. وَكُلُّ مَا تَحُلُّهُ عَلَى الأَرْضِ يَكُونُ مَحْلُولاً فِي السَّمَاوَاتِ»܀

ܢܽܘ̣ܗܳܪܳܐ:

ܘܒܳܬ̥ܰܪ ܩܶܪܝܳܢܳܐ ܕ̥ܶܐܘܰܢܓܶܠܺܝܽܘ̇ܢ܆ ܝܳܬ̥ܶܒ̥ ܦܰܛܪܺܝ̣ܰܪܟ̥ܳܐ ܥܰܠ ܟ̊ܽܘ̣ܪܣܝܶܗ ܘܶܐܦܣ̈ܩܽܘ̇ܦܶܐ ܟ̥ܽܠ ܚܰܕ̥ ܒܕ̥ܰܪܓ̥ܶܗ. ܗܳܝܕ̊ܶܝܢ ܡܩܰܪܒܺܝ̣ܢ ܠܗܰܘ ܕ̊ܡܶܬ̊ܬ̊ܰܣܪܰܚ. ܘܩܳܐܶܡ ܠܘܳܬ̥ ܟܶ̊ܢܦܳܐ ܕ̥ܡܰܕ̥ܒ̊ܚܳܐ ܒܓ̥ܰܒ̊ܳܐ ܕ̥ܬ̥ܰܝܡܢܳܐ. ܘܟ̥ܰܕ̥ ܦܳܩܶܕ̥ ܠܶܗ ܦܰܛܪܺܝ̣ܰܪܟ̥ܳܐ܆ ܩܳܪܶܐ ܗܽܘ ܠܟ̥ܶܪܟ̊ܳܐ ܕ̥ܰܐܡܽܘ̇ܠܽܘ̇ܓ̥ܺܝܰܐ ܗܰܘ ܕܒܺܐܝ̣ܕ̥ܰܘ̈ܗ̱ܝ ܩܰܕ̊ܶܡ ܟ̊ܬ̥ܰܒ̥. ܘܟ̥ܰܕ̥ ܩܳܪܶܐ ܡܰܟ̥ܪܶܙ ܒܩܳܠܳܐ ܩܕ̥ܳܡ ܟ̊ܽܠܗܽܘ̇ܢ ܕ̊ܰܟ̥ܢܺܝ̣ܫܺܝ̣ܢ܆ ܕ̊ܕ̥ܰܐܝܟ̥ ܐܰܝܢܳܐ ܬ̥ܚܽܘ̣ܡܳܐ ܕ̥ܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܰܬ̥ ܫܽܘ̣ܒ̥ܚܳܐ ܡܶܫܬ̊ܰܘܕܶܐ ܕ̥ܢܳܛܰܪ ܘܡܰܟ̥ܪܶܙ ܘܡܰܠܶܦ. ܘܰܐܝܟ̥ ܐܰܝܠܶܝܢ ܩܳܢܽܘ̇ܢܶـ̈ܐ ܫܠܺܝ̣̈ܚܳܝܶܐ ܘܕ̥ܰܐܝܟ̥ ܐܰܝܢܳܐ ܫܽܘ̣ܥܒ̊ܳܕ̥ܳܐ ܢܳܛܰܪ ܠܟ̥ܽܘ̣ܡܪܳܐ ܪܰܒ̊ܳܐ ܦܰܛܪܺܝ̣ܰܪܟ̥ܳܐ ܕ̥ܰܐܢܛܺܝܽܘ̇ܟ̥ܺܝܰܐ ܘܰܕ̥ܟ̥ܽܠܳܗ̇ ܡܰܕ̥ܢܚܳܐ ܕ̥ܣܽܘ̣ܪ̈ܝܳܝܶܐ ܐܳܪ̈ܬ̥ܳܕܽܘܟ̊ܣܽܘ܀

ܒܫܶܡ ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܚܰܝܳܐ ܩܰܕ̊ܺܝ̣ܫܳܐ ܚܰܕ̥ ܐܰܠܳܗܳܐ ܫܰܪܺܝ̣ܪܳܐ ܐܰܡܺܝ̣ܢ

ܩܰܕܺܝ̣ܫܽܘ̣ܬ̥ܶܗ ܕ̊ܟ̥ܽܘ̣ܡܪܳܐ ܪܰܒ̊ܳܐ ܘܰܡܥܰܠܝܳܐ܆ ܡܳܪܰܢ ܡܳܪܝ ܐܺܝܓ̥ܢܰܛܺܝܽܘ̇ܣ [ܦܠܳܢ] ܦܰܛܪܺܝܰܪܟ̥ܳܐ ܡܫܰܒܚܳܐ ܕܟ̥ܽܘܪܣܝܳܐ ܫܠܺܝ̣ܚܳܝܳܐ ܕܰܐܢܛܺܝܽܘܟ̥ܺܝܰܐ ܘܰܕܟ̥ܽܠܳܗ̇ ܡܰܕ̥ܢܚܳܐ ܘܪܺܝܫܳܐ ܓ̥ܰܘܳܢܳܝܳܐ ܕ̥ܥܺܕ̊ܬ̊ܳܐ ܣܽܘܪܝܳܝܬ̊ܳܐ ܐܳܪܬ̥ܳܕܽܘ̇ܟ̊ܣܳܝܬ̊ܳܐ ܕܰܒܟ̥ܽܠܳܗ̇ ܬ̊ܒܶܝܠ ܡܪܰܡܪܰܡ ܘܰܡܗܰܕ̊ܰܪ ܒܡܳܪܝܳܐ܆ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

ܠܝܰܡܺܝ̣ܢܟ̥ܽܘ̇ܢ ܐܰܒܳܗܳܝܬ̊ܳܐ ܡܢܰܫܶܩ ܐ̱ܢܳܐ ܘܒܽܘ̣ܪ̈ܟ̊ܳܬ̥ܟ̥ܽܘ̇ܢ ܫܠܺܝ̣̈ܚܳܝܳܬ̥ܳܐ ܫܳܐܶܠ ܐ̱ܢܳܐ܆ ܘܳܐܡܰܪ ܐ̱ܢܳܐ:

ܡܶܟ̊ܺܝܠ ܕܰ̊ܨܒܰܝܬ̊ܽܘ̇ܢ ܕ̊ܠܺܝ̣ ܬ̥ܥܰܠܽܘ̣ܢ ܠܕ̥ܰܪܓ̥ܳܐ ܕ̥ܶܐܦܣܩܽܘ̇ܦܽܘ̣ܬ̥ܳܐ܆ ܘܳܠܶܐ ܠܺܝ̣ ܕ̥ܰܩܝܳܡܳܐ ܐܰ݀ܩܺܝ̣ܡ ܩܕ̥ܳܡ ܡܰܕ̥ܒ̊ܚܳܐ ܩܰܕ̊ܺܝ̣ܫܳܐ ܘܰܩܕ̥ܳܡ ܩܰܕ̊ܺܝ̣ܫܽܘ̣ܬ̥ܟ̥ܽܘ̇ܢ ܘܰܩܕ̥ܳܡ ܟ̊ܽܠܶܗ ܩܠܺܝܪܽܘ̇ܣ ܢܰܨܺܝ̣ܚܳܐ ܘܥܰܡܳܐ ܡܗܰܝܡܢܳܐ ܒܗܳܠܶܝܢ ܕ̊ܣܳܐܶܡ ܐ̱ܢܳܐ:

ܐ- ܠܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܬ̊ܳܐ ܢܳܛܰܪ ܐ̱ܢܳܐ ܐܰܟ̥ܡܳܐ ܕ̥ܰܐܫܠܡܳܗ̇ ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܠܰܫܠܺܝ̣̈ܚܰܘܗ̱ܝ ܩܰܕ̊ܺܝ̣̈ܫܶܐ܆ ܘܰܒܝܰܕ̥ܗܽܘ̇ܢ ܠܟ̥ܽܠܗܽܘ̇ܢ ܐܰܒܳܗ̈ܳܬ̥ܳܐ ܘܡܰܠ̈ܦܳܢܶܐ ܐܳܪ̈ܬ̥ܳܕܽܘܟ̊ܣܽܘ܆ ܘܶܐܬ̥ܝܰܒܠܰܬ̥ ܒܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ ܥܕ̥ܰܡܳܐ ܠܝܰܘܡܳܢܳܐ܀

ܒ- ܡܗܰܝܡܶܢ ܐܢܳܐ ܘܡܰܘܕ̊ܶܐ܆ ܒܰܐܒ̥ܳܐ ܘܒ̥ܰܒ̥ܪܳܐ ܘܰܒ̥ܪܽܘ̣ܚܳܐ ܩܰܕ̊ܺܝ̣ܫܳܐ. ܬ̊ܠܳܬ̥ܳܐ ܩܢܽܘ̈ܡܶܐ: ܚܰܕ̥ ܐܰܠܳܗܳܐ. ܐܰܒ̥ܳܐ ܡܰܢ ܝܳܠܽܘܕ̥ܳܐ܆ ܒܪܳܐ ܕ̥ܶܝܢ ܝ̣ܺܠܝ̣ܕ̥ܳܐ ܡܶܢ ܐܰܒ̥ܳܐ܆ ܘܪܽܘ̣ܚܳܐ ܩܰܕ̊ܺܝ̣ܫܳܐ ܬ̥ܽܘܒ ܕ̊ܡܶܢ ܐܰܒ̥ܳܐ ܢܳܦܶܩ. ܘܗܳܠܶܝܢ ܩܢܽܘ̈ܡܶܐ ܬ̥ܠܳܬ̥ܳܐ܆ ܫܘܶܝܢ ܐܶܢܽܘ̇ܢ ܒܪܰܒܽܘ̣ܬ̥ܳܐ ܘܚܰܝܠܳܐ ܘܫܽܘ̣ܠܛܳܢܳܐ ܘܡܳܪܽܘ̣ܬ̥ܳܐ܆ ܘܚܰܕ̥ ܟ̊ܝܳܢܳܐ ܐܺܝ̣ܬ̥ ܠܗܽܘ̇ܢ ܘܚܰܕ̥ ܨܶܒܝܳܢܳܐ ܘܰܚܕ̥ܳܐ ܐܽܘ̣ܣܺܝܰܐ.

ܓ- ܡܗܰܝܡܶܢ ܐܢܳܐ܆ ܕ̊ܰܩܢܽܘ̇ܡܳܐ ܕ̥ܶܝܢ ܬ̊ܪܰܝܳܢܳܐ ܕ̥ܰܬ̥ܠܺܝ̣ܬ̥ܳܝܽܘ̣ܬ̥ܳܐ ܩܰܕ̊ܺܝ̣ܫܬ̊ܳܐ ܕ̥ܺܐܝ̣ܬ̥ܰܘܗ̱ܝ ܡܶܠܬ̥ܳܐ ܕ̥ܰܐܠܳܗܳܐ. ܢܚܶܬ̥ ܡܶܢ ܫܡܰܝܳܐ ܒܨܶܒܝܳܢܶܗ ܘܨܶܒܝܳܢܳܐ ܕ̥ܰܐܒܽܘ̣ܗ̱ܝ ܘܰܕ̥ܪܽܘ̣ܚܶܗ ܩܰܕ̊ܺܝ̣ܫܳܐ܆ ܘܰܫܪܳܐ ܒܟ̥ܰܪܣܳܐ ܕ̥ܰܒܬ̥ܽܘ̣ܠܬ̊ܳܐ ܡܰܪܝܰܡ ܘܶܐܬ̥ܓܰ̊ܫܰܡ ܡܶܢܳܗ̇ ܘܡܶܢ ܪܽܘ̣ܚܳܐ ܩܰܕ̊ܺܝܫܳܐ ܪܶܚܡܰܬ̥ ܐ̱ܢܳܫܳܐܺܝ̣ܬ̥. ܘܳܐܦܶܢ ܒܟ̥ܰܪܣܳܐ ܗ̱ܘܳܐ ܕ̥ܰܒܬ̥ܽܘ̣ܠܬܳ̊ܐ܆ ܐܶܠܳܐ ܝܰܬ̊ܺܝ̣ܒ̥ ܗ̱ܘܳܐ ܒܰܫܡܰܝܳܐ ܥܰܠ ܟ̊ܽܘ̣ܪܣܝܶܗ ܡܬ̥ܽܘ̇ܡܳܝܳܐ ܘܟ̥ܶܢ ܐܶܬ̥ܺܝ̣ܠܶܕ̥ ܡܶܢܳܗ̇ ܘܺܐܝ̣ܬ̥ܰܘܗ̱ܝ ܐܰܠܳܗܳܐ ܕ̥ܶܐܬ̥ܒܰܪܢܰܫ. ܘܡܶܛܽܠ ܕܺܝ̣ܠܶܕ̥ܬ̥ܶܗ ܐܶܡܶܗ: ܐܰܠܳܗ ܒܰܪܢܳܫ܆ ܡܶܟ̊ܺܝܠ ܝܳܠܕ̊ܰܬ̥ ܐܰܠܳܗܳܐ ܐܺܝ̣ܬ̥ܶܝܗ̇. ܚܽܘ̣ܝܳܕ̥ܳܐ ܓ̥ܶܝܪ ܕ̊ܰܐܠܳܗܽܘ̣ܬ̥ܳܐ ܥܰܡ ܐ̱ܢܳܫܽܘ̣ܬ̥ܳܐ ܟ̥ܝܳܢܳܐܺܝ̣ܬ̥ ܘܰܩܢܽܘ̇ܡܳܐܺܝ̣ܬ̥ ܗܘܳܐ. ܕ̊ܠܳܐ ܚܽܘ̣ܠܛܳܢ ܐܰܘ ܡܽܘ̣ܙܳܓ̥ ܐܰܘ ܫܽܘ̣ܚܠܳܦ ܐܰܘ ܒܽܘ̣ܠܒܳܠ. ܘܠܶܗ ܠܰܐܠܳܗܳܐ ܕ̥ܶܐܬ̥ܓ̊ܰܫܰܡ ܡܒܰܝܬ̊ܶܝܢ ܐܶܢܽܘ̇ܢ ܣܽܘ̣ܥܪ̈ܳܢܶܐ ܕ̥ܪܳܡܺܝ̣ܢ ܘܡܳܟ̊ܺܝ̣ܢ ܐܰܟ̥ܚܕ̥ܳܐ. ܗܳܢܰܘ ܕ̊ܶܝܢ: ܣܳܥܰܪ ܠܶܗ ܬ̊ܶܕ̥ܡܪ̈ܳܬ̥ܳܐ ܘܚܳܐܶܫ. ܘܰܐܠܳܗܽܘ̣ܬ̥ܶܗ ܠܳܐ ܐܶܬ̥ܦܰܪܫܰܬ̥ ܡܶܢ ܐ̱ܢܳܫܽܘ̣ܬ̥ܶܗ ܘܠܳܐ ܚܰܕ̥ ܙܰܒܢܳܐ. ܐܰܠܳܗܳܐ ܓ̥ܶܝܪ ܕ̊ܶܐܬ̥ܒܰܣܰܪ ܘܰܣܥܰܪ ܬ̊ܶܕ̥ܡܪ̈ܳܬ̥ܳܐ ܗܽܘܝܽܘ ܒܰܩܢܽܘ̇ܡܶܗ ܕ̊ܚܰܫ ܘܰܛܥܶܡ ܡܰܘܬ̊ܳܐ ܦܰܓ̥ܪܳܢܳܐܺܝ̣ܬ̥ ܘܶܐܬ̥ܩܒܰܪ ܘܩܳܡ ܡܶܢ ܩܰܒܪܳܐ ܠܰܬ̥ܠܳܬ̥ܳܐ ܝܰܘܡܺܝ̣̈ܢ ܘܰܣܠܶܩ ܠܰܫܡܰܝܳܐ ܘܺܝ̣ܬ̥ܶܒ̥ ܡܶܢ ܝܰܡܺܝ̣ܢ ܐܰܒܽܘ̣ܗ̱ܝ܆ ܘܰܥܬ̥ܺܝ̣ܕ̥ ܕ̊ܢܺܐܬ̥ܶܐ ܠܰܡܕ̥ܳܢ ܥܳܠ̈ܡܶܐ܀

ܕ- ܡܗܰܝܡܶܢ ܐܢܳܐ ܒܪܽܘ̣ܚܳܐ ܩܰܕ̊ܺܝ̣ܫܳܐ ܗܰܘ ܕ̊ܡܶܢ ܐܰܒ̥ܳܐ ܢܳܦܶܩ܆ ܗܰܘ ܕ̊ܡܰܠܶܠ ܒܰܢ̈ܒܺܝܶܐ ܘܒܰܫܠܺܝ̣̈ܚܶܐ ܘܰܒܣܽܘ̣ܥܪܳܢܶܗ ܕ̊ܰܒܥܺܕ̊ܬ̊ܳܐ܀

ܗ- ܡܗܰܝܡܶܢ ܐܢܳܐ ܒܰܟ̥ܬ̥ܳܒ̥ܳܐ ܩܰܕ̊ܺܝ̣ܫܳܐ ܒܬ̥ܰܪܬ̊ܶܝܢ ܕ̊ܺܝܰܬ̥ܺܝܩܰܘܗ̱̈ܝ: ܥܰܬ̊ܺܝ̣ܩܬ̊ܳܐ ܘܰܚܕ̥ܰܬ̊ܳܐ܀

ܘ- ܡܗܰܝܡܶܢ ܐ̱ܢܳܐ ܒܫܰܒܥܳܐ ܐ̱ܪ̈ܳܙܶܐ ܕ̥ܥܺܕ̊ܬ̊ܳܐ. ܘܰܡܗܰܝܡܶܢ ܐ̱ܢܳܐ ܒ̥ܬ̥ܰܟ̥ܫܶܦܬ̊ܳܐ ܘܰܣܢܺܐܓ̥ܪܽܘ̣ܬ̥ܳܐ ܕ̥ܩܰܕ̊ܺܝ̣̈ܫܶܐ ܘܰܕ̥ܩܰܕ̊ܺܝ̣̈ܫܳܬ̥ܳܐ. ܘܡܰܘܕ̊ܶܐ ܐ̱ܢܳܐ ܒܙܳܕ̥ܩܳܝܽܘ̣ܬ̥ ܨܠܽܘ̇ܬ̥ܳܐ ܕ̥ܥܰܠ ܥܰܢܺܝ̣̈ܕ̥ܶܐ ܡܗܰܝ̈ܡܢܶܐ܆ ܘܰܒܡܶܐܬ̥ܺܝ̣ܬ̥ܳܐ ܕ̥ܬ̥ܰܪܬ̊ܶܝܢ܆ ܘܰܩܝܳܡܬ̊ܳܐ ܓ̥ܰܘܳܢܳܝܬ̊ܳܐ ܠܕ̥ܺܝ̣ܢܳܐ ܕ̥ܚܰܝ̈ܶܐ ܘܰܕ̥ܡܺܝ̣̈ܬ̥ܶܐ܀

ܙ- ܡܩܰܒܶܠ ܐ̱ܢܳܐ ܟ̥ܽܠܡܳܐ ܕ̥ܬ̥ܰܚܶܡܘ ܐܰܒܳܗ̈ܳܬ̥ܳܐ ܩܰܕ̊ܺܝ̣̈ܫܶܐ ܒܰܬ̥ܠܳܬ̥ ܣܽܘ̇ܢܳܗ̈ܕܽܘ̇ ܬܺܒܶܝ̈ܠܳܝܳܬ̥ܳܐ ܩܰܕ̊ܺܝ̣̈ܫܳܬ̥ܳܐ ܕ̥ܶܐܬ̥ܟܰ̊ܢܰܫܝ̈ ܒܪܽܘ̣ܚܳܐ ܕ̥ܰܐܠܳܗܳܐ: ܒܢܺܝܩܺܝܰܐ ܘܩܽܘ̣ܣܛܰܢܛܺܝܢܽܘ̇ܦܽܘ̇ܠܺܝ̣ܣ ܘܶܐܦܶܣܽܘ̇ܣ܀

ܚ- ܡܩܰܒ̊ܶܠ ܐ̱ܢܳܐ ܬ̥ܪܰܥܣܰܪ ܫܠܺܝ̣̈ܚܶܐ ܩܰܕܺ̊ܝ̣̈ܫܶܐ܆ ܘܫܰܒܥܺܝ̣ܢ ܘܰܬ̥ܪܶܝܢ ܡܣܰܒܪ̈ܳܢܶܐ ܘܰܐܒܳܗ̈ܳܬ̥ܳܐ ܩܰܕ̊ܺܝ̣̈ܫܶܐ ܗܳܢܽܘ̇ܢ ܕ̊ܶܐܬ̥ܟܰ̊ܬ̊ܰܫܘ ܥܰܠ ܐܰܦܰܝ̈ ܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܰܬ̥ ܫܽܘ̣ܒ̥ܚܳܐ. ܡܰܠܽܘ̇ܢ ܕ̊ܶܝܢ: ܡܳܪܝ ܐܺܝܓ̥ܢܰܛܺܝܽܘ̇ܣ ܢܽܘ̣ܪܳܢܳܐ܆ ܘܰܩܠܺܝ̣ܡܺܝ̣ܣ܆ ܕ̥ܺܝܽܘ̇ܢܽܘ̇ܣܺܝܽܘ̇ܣ܆ ܐܰܬ̥ܰܢܰܣܺܝܽܘ̇ܣ܆ ܝܽܘ̇ܠܺܝܽܘ̇ܣ܆ ܒܰܣܶܝܠܺܝܽܘ̇ܣ܆ ܓ̥ܪܺܝ̣ܓ̥ܽܘ̇ܪܺܝܽܘ̇ܣ܆ ܐܺܝܘܰܢܢܺܝܣ܆ ܩܽܘ̣ܪܺܝ̣ܠܽܘ̇ܣ܆ ܕܺܝܽܘ̇ܣܩܽܘ̇ܪܽܘ̇ܣ ܡܰܘܕ̊ܝܳܢܳܐ܆ ܛܺܝܡܳܬ̥ܶܐܽܘ̇ܣ܆ ܦܺܝܠܽܘ̇ܟ̊ܣܺܝ̣ܢܽܘ̇ܣ܆ ܐܰܢܬ̊ܺܝ̣ܡܽܘ̇ܣ܆ ܣܶܘܶܝܪܺܝܽܘ̇ܣ ܠܶܫܳܢܳܐ ܕܟ̥ܽܠܗܽܘ̇ܢ ܡܰܠ̈ܦܳܢܶܐ܆ ܡܳܪܝ ܒܰܪܨܰܘܡܳܐ ܪܺܝܫܳܐ ܕ̥ܰܐܒܺܝ̣̈ܠܶܐ܆ ܡܳܪܝ ܝܰܥܩܽܘ̇ܒ ܒܽܘܪܕܥܳܢܳܐ ܘܡܳܪܝ ܐܰܦܪܶܝܡ ܣܽܘ̣ܪܝܳܝܳܐ ܘܟ̥ܽܠܗܽܘ̇ܢ ܐܰܒ̥ܳܗ̈ܳܬ̥ܳܐ ܦܰܛܪܺܝ̣ܰܪ̈ܟ̥ܶܐ ܢܳܡܽܘ̇ܣܳܝ̈ܶܐ ܕ̥ܺܝ̣ܬ̥ܶܒ̥ܘ ܥܰܠ ܟ̊ܽܘ̣ܪܣܝܳܐ ܫܠܺܝ̣ܚܳܝܳܐ ܕ̥ܰܐܢܛܺܝܽܘ̇ܟ̥ܺܝܰܐ: ܡܳܪܝ ܦܶܛܪܽܘ̇ܣ ܐܳܡܰܪ ܐ̱ܢܳܐ: ܪܺܝܫܳܐ ܕܰܫܠܺܝ̣̈ܚܶܐ ܥܕ̥ܰܡܳܐ ܠܩܰܕܺܝ̣ܫܽܘ̣ܬ̥ܟ̥ܽܘ̇ܢ. ܡܶܫܬ̊ܰܘܕ̊ܶܐ ܐ̱ܢܳܐ ܬ̥ܽܘ̣ܒ̥ ܕ̊ܶܐܗܘܶܐ ܡܶܫܬ̊ܰܡܥܳܢܳܐ ܠܩܰܕ̊ܝ̣ܫܽܘ̣ܬ̥ܟ̥ܽܘ̇ܢ ܘܡܶܫܬ̊ܰܥܒܰ̊ܕ̥ ܠܦܽܘ̣ܩܕ̊ܳܢܰܝ̈ܟ̊ܽܘ̇ܢ ܫܠܺܝ̣̈ܚܳܝܶܐ ܘܠܳܐ ܐܶܣܛܶܐ ܡܶܢܗܽܘ̇ܢ ܠܳܐ ܠܝܰܡܺܝ̣ܢܳܐ ܘܠܳܐ ܠܣܶܡܳܠܳܐ܀

ܛ- ܡܰܚܪܶܡ ܐ̱ܢܳܐ ܟ̥ܽܠܗܽܘ̇ܢ ܐܶܪ̈ܶܛܺܝܩܽܘ܆ ܕ̊ܝܽܘ̣ܠ̈ܦܳܢܶܐ ܢܽܘ̣ܟ̥ܪ̈ܳܝܶܐ ܐܰܥܶܠܘ ܠܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܬ̊ܳܐ܆ ܘܶܐܬ̥ܩܰܬ̥ܪܰܣܘ ܡܶܢ ܥܺܕ̊ܬ̊ܳܐ ܩܰܬ̥ܽܘܠܺܝ̣ܩܺܝ̣ ܡܶܢ ܫܽܘ̣ܪܳܝܳܐ ܕ̥ܰܡܫܺܝ̣ܚܳܝܽܘ̣ܬ̥ܳܐ ܥܕ̥ܰܡܳܐ ܠܝܰܘܡܳܐ ܕ̥ܝܰܘܡܳܢܳܐ܀

ܝ- ܡܶܫܬ̊ܰܘܕ̊ܶܐ ܐ̱ܢܳܐ ܕ̥ܶܐܗܰܠܶܟ̥ ܙܰܗܝܳܐܺܝ̣ܬ̥ ܘܫܰܪܺܝ̣ܪܳܐܺܝ̣ܬ̥ ܘܰܕ̥ܠܳܐ ܡܽܘ̣ܡ ܘܰܕ̥ܠܳܐ ܡܰܐܺܝ̣ܢܽܘ̣ ܐܳܦܠܳܐ ܚܒܰܢܳܢܽܘ̣ ܒܬ̥ܶܫܡܶܫܬ̊ܶܗ ܕ̊ܒܰܝܬ̊ܶܗ ܕ̊ܰܐܠܳܗܳܐ ܕ̥ܰܡܗܰܝܡ̈ܢܶܐ ܟ̥ܰܕ̥ ܡܶܬ̥ܶܐܡܶܢ ܐ̱ܢܳܐ ܥܰܠ ܨܰܘܡܳܐ ܘܰܨܠܽܘ̇ܬ̥ܳܐ ܕ̥ܡܶܛܽܠܳܬ̥ܝ ܐܶܢܳܐ܆ ܘܡܶܛܽܠ ܡܰܪܥܺܝ̣ܬ̥ܳܐ ܕ̥ܶܐܬ̥ܗܰܝܡܢܶܬ̥ ܥܠܶܝܗ̇ ܕ̊ܶܐܪܥܶܝܗ̇܆ ܘܶܐܗܘܶܐ ܢܺܝ̣ܚܳܐ ܘܡܰܟ̊ܺܝ̣ܟ̥ܳܐ ܘܪܳܚܶܡ ܩܰܪ̈ܺܝ̣ܒܶܐ ܘܰܐܟ̥ܣ̈ܢܳܝܶܐ ܐܰܟ̥ܡܳܐ ܕ̥ܰܐܠܶܦ ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ. ܘܕ̥ܶܐܪܚܰܩ ܡܶܢ ܫܰܟ̥ܪܳܐ ܘܥܳܠܽܘܒܽܘ̣ܬ̥ܳܐ ܘܪܶܒܺܝ̣ܬ̥ܳܐ ܘܡܰܨܽܘ̣ܬ̥ܳܐ ܘܰܐܟ̊ܬ̥ܳܐ ܘܨܽܘܚܺܝ̣ܬ̥ܳܐ ܘܰܥܝܳܪܬ̊ܳܐ ܐܰܟ̥ܡܳܐ ܕ̥ܬ̥ܰܚܶܡ ܦܰܘܠܽܘ̇ܣ ܫܠܺܝ̣ܚܳܐ܀

ܘܣܳܟ̥ܳܐ ܕ̥ܶܝܢ܆ ܐܶܢܗܽܘ̣ ܕ̥ܫܰܚܠܦܶܬ̥ ܡܶܕ̊ܶܡ ܡܶܢ ܗܳܕ̥ܶܐ ܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܬ̊ܳܐ ܐܰܘ ܥܶܒܪܶܬ̥ ܥܰܠ ܗܳܠܶܝܢ ܫܽܘ̣ܘܕ̊ܳܝ̈ܶܐ ܐܰܘ ܩܳܡܶܬ̥ ܠܽܘ̣ܩܒ̥ܰܠ ܩܰܕ̊ܺܝ̣ܫܽܘ̣ܬ̥ܟ̥ܽܘ̇ܢ܆ ܢܽܘ̣ܟ̥ܪܳܝܳܐ ܐܶܗܘܶܐ ܡܶܢ ܗܳܕ̥ܶܐ ܫܶܕ̊ܬ̥ܳܐ ܕܡܰܓ̥ܥܠܺܝܬ̊ܽܘ̇ܢ ܠܳܗ̇ ܠܺܝ̣܆ ܘܪܰܚܺܝ̣ܩ ܡܶܢ ܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ ܕ̥ܰܐܠܳܗܳܐ܀

ܒܳܥܶܐ ܐ̱ܢܳܐ ܗܳܟ̥ܺܝܠ ܡܶܢ ܩܰܕ̊ܺܝ̣ܫܽܘ̣ܬ̥ܟ̥ܽܘ̇ܢ܆ ܕ̊ܰܬ̥ܫܰܟ̊ܢܽܘ̇ܢ ܠܺܝ̣ ܒܽܘ̣ܪܟ̊ܰܬ̥ܟ̥ܽܘ̇ܢ ܫܠܺܝ̣ܚܳܝܬ̊ܳܐ ܘܰܬ̥ܨܰܠܽܘ̇ܢ ܡܶܛܽܠܳܬ̥ܝ ܕܰ̊ܠܕ̥ܰܪܓ̥ܳܐ ܗܳܢܳܐ ܩܰܕ̊ܺܝ̣ܫܳܐ ܢܰܫܘܶܝܢܝ ܡܳܪܝܳܐ ܘܰܢܥܰܕ̊ܪܰܢܝ ܕ̊ܶܐܬ̊ܬ̊ܰܓܰ̊ܪ ܒܟ̥ܰܟ̊ܪܳܐ ܐܶܘܰܢܓ̊ܶܠܳܝܬ̊ܳܐ ܐܰܝܟ̥ ܕ̊ܰܦܐܶܐ ܠܪ̈ܰܒܰܝ ܟ̊ܳܗ̈ܢܶܐ ܫܰܪܺܝ̣ܪ̈ܶܐ ܕ̥ܶܐܫܬ̊ܘܶܐ ܠܦܽܘ̣ܪܥܳܢܳܐ ܕ̥ܪ̈ܰܒܰܝ ܒܳـ̈ܬ̊ܶܐ ܡܗܰܝܡ̈ܢܶܐ ܒܰܫܡܰܝܳܐ܆ ܥܰܡ ܐܰܒܽܘ̣ܗ̱ܝ ܘܪܽܘ̣ܚܶܗ ܩܰܕ̊ܺܝ̣ܫܳܐ܆ ܕ̊ܰܠܗܽܘ̇ܢ ܫܽܘ̣ܒ̥ܚܳܐ ܐܰܡܺܝ̣ܢܳܐ ܐܰܡܺܝ̣ܢ܀

ܒܰܪܶܟ̥ܡܳܪܝ ܥܰܠ ܫܽܘ̣ܒܩܳܢܳܐ. ܒܶܪܟ̥ܽܘ̇ܢ ܪܽܘ̣ܚܢܳܝܳܐ [ܦܠܢ] ܕ̊ܰܝܪܳܝܳܐ ܘܩܰܫܺܝ̣ܫܳܐ ܡܚܺܝ̣ܠܳܐ܀

ܒܫܶܡ ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܚܰܝܳܐ ܩܰܕ̊ܺܝ̣ܫܳܐ ܚܰܕ̥ ܐܰܠܳܗܳܐ ܫܰܪܺܝ̣ܪܳܐ ܐܰܡܺܝ̣ܢ

قداسة الحبر الأعظم سيدنا مار اغناطيوس زكا الأول عيواص بطريرك انطاكية وسائر المشرق الرئيس الأعلى للكنيسة السريانية الأرثوذكسية في العالم الكلي الطوبى والجزيل البر܀

ألثم يمينكم المقدسة طالباً البركة الرسولية والدّعاء الرضى وأقول:

حيث أن قداستكم قد رغبتم في ترقيتي إلى رتبة الأسقفية السامية، أقف بخشوع وأعلن صورة إيماني أمام هذا المذبح المقدس، وأمام قداستكم وأمام الأحبار الأجلاء والإكليروس الموقر، والشعب المؤمن، معلناً الأمور الآتية:

أولاً: إنني أحافظ على الإيمان القويم كما سلّمه ربنا يسوع المسيح إلى رسله الأطهار، وبوساطتهم إلى جميع الآباء والملافنة الأرثوذكسيين وتسلسل في الكنيسة المقدسة إلى يومنا هذا.

ثانياً: أقر وأعترف بالآب والابن والروح القدس ثلاثة أقانيم في إله واحد. الآب والدٌ والابنُ مولودٌ من الآب، والروح القدس منبثقٌ من الآب، وهذه الأقانيم الثلاثة متساوية في القوّة والسلطة والكرامة والعظمة، ولها طبيعةٌ واحدةٌ ومشيئةٌ واحدةٌ وجوهرٌ واحدٌ.

ثالثاً: أؤمن بأن الأقنوم الثاني من الثالوث الأقدس الذي هو الكلمة، نزل من السماء بمشيئته ومشيئة أبيه السماوي وروحه القدوس، وحلّ في أحشاء السيدة العذراء وتجسّد منها ومن الروح القدس لخلاص جنسنا البشري، وإذ كان في أحشاء العذراء، كان متربِّعاً أيضاً على عرشه الأزلي في السماء. ثمّ وُلِدَ منها فكان إلهاًَ متأنساً. وإذ وَلَدَتهُ أمه إلهاً متجسداً فهي إذاً والدة الله. واتّحد اللاهوت بالناسوت الكلمة المتجسد اتحاداً طبيعياً وأقنومياً بدون اختلاط ولا امتزاج ولا تبلبلٍ ولا استحالةٍ. ولم ينفصل لاهوته عن ناسوته ولا لحظةً واحدةً ولا طرفة عين. فالإله الذي تجسّد وصنع العجائب، هو بعينه تألم وذاق الموت بالجسد ودفن وقام من بين الأموات بعد ثلاثة أيام وصعد إلى السماء وجلس عن يمين أبيه ومزمعٌ أن يأتي ليدين العالم܀

رابعاً: أؤمن بالروح القدس الرب المحيي الكل، المنبثق من الآب، الذي نطق بالأنبياء والرسل، وبعمله في الكنيسة܀

خامساً: أؤمن بالكتاب المقدس بعهديه القديم والجديد܀

سادساً: أؤمن بأسرار الكنيسة السبعة وبشفاعة القديسين والقديسات وبالصلاة على الراقدين الأحباء وبالمجيء الثاني والقيامة العامة لدينونة البشر܀

سابعاً: أؤمن وأعترف بإيمان المجامع الثلاثة المقدسة في نيقية وقسطنطينية وأفسس وبكل ما حدّدته من قوانين وأنظمة܀

ثامناً: أقبل بالرسل الأطهار والمبشرين الإثنين والسبعين وآباء الكنيسة وملافنتها القديسين الذين دافعوا عن الإيمان القويم ولا سيّما: مار إغناطيوس النوراني واقليميس، وديونوسيوس وأثناسيوس، ويوليوس، باسيليوس، غريغوريوس، إيَّاونّيس، قوريلوس، ديوسقورس المعترف، طيموثاوس، فيلكسينوس، انتيموس، وسويريوس لسان جميع الملافنة. ومار برصوم رئيس النسّاك، ومار يعقوب البرادعي ومار أفرام السرياني، وكل الآباء البطاركة الشرعيّين الذين حافظوا لنا على الإيمان المستقيم الذي لا شائبة فيه، من مار بطرس هامة الرسل وخلفائه حتّى قداستكم. إذ اتعهّد بالطاعة لقداستكم والخضوع لأوامركم الرسولية السامية ولا أحيد عنها أبداً܀

تاسعاً: وأحرم جميع المبتدعين والهراطقة الذين أدخلوا تعاليم غريبة على الإيمان المستقيم، فنبذتهم الكنيسة المقدسة الواحدة الجامعة الرسولية منذ صدر النصرانية حتّى يومنا هذا܀

عاشراً: أعد أنني سأسلك بنزاهة وإخلاص في خدمتي بلا عيب ولا كسلٍ ولا مللٍ. وأن أخدم بيعة الله والمؤمنين بالمحبة ونكران الذات مواظباً على الصوم والصلاة وأكون وديعاً ومتواضعاً ومحباً للقريب والغريب كما علّم السيد المسيح، وأتحاشى السكر والشراهة والرِّبا والخصام والحسد والحِقد والشتم والإنتقام كما حدّد بولس الرسول܀

وأخيراً، إذا غيّرت شيئاً من هذا الإيمان القويم أو نكثت عهدي هذا أمامكم أو قاومت قداستكم، أكون غريباً عن هذه الرتبة التي تُقلِّدونني إياها، وبعيداً عن بيعة الله المقدسة܀

فألتمس من قداستكم أن تشملوني ببركتكم الرسولية وتصلّوا لأجلي كي يجعلني الربُّ أهلاً لهذه الرتبة المقدسة، وليساعدني على المتاجرة بالوزنة الإنجيلية كما يليق برؤساء الكهنة الحقيقيين فأحظى بمكافئة الوكلاء الأمناء في السماء مع أبيه وروحه القدوس لهم المجد الدّائم آمين܀

ܒܰܪܶܟ̥ܡܳܪܝ ܥܰܠ ܫܽܘ̣ܒܩܳܢܳܐ. ܒܶܪܟ̥ܽܘ̇ܢ ܪܽܘ̣ܚܢܳܝܳܐ [ܦܠܢ] ܕ̊ܰܝܪܳܝܳܐ ܘܩܰܫܺܝ̣ܫܳܐ ܡܚܺܝ̣ܠܳܐ܀

ܢܽܘ̣ܗܳܪܳܐ:

ܘܗܳܝܕܶ̊ܝܢ ܨܳܐܶܒ ܠܘܳܬ̥ ܦܰܛܪܺܝ̣ܰܪܟ̥ܳܐ ܠܡܶܪܡܳܐ ܠܟ̥ܺܝ̣ܪܰܬ̥ ܐܺܝ̣ܕ̥ܰܘܗ̱̈ܝ ܥܠܰܘܗ̱ܝ ܕ̊ܟ̥ܶܪܟ̊ܳܐ ܠܡܰܓ̥ܥܳܠܽܘ̣ܬ̥ܶܗ ܠܦܰܛܪܺܝ̣ܰܪܟ̥ܳܐ ܕ̥ܢܶܬ̥ܢܛܰܪ ܠܘܳܬ̥ܶܗ܀

ܪܺܝܫܡܫܡ̄:

ܣܽܘ̇ܦܺܝܰܐ ܬ̥ܶܐܽܘ̇ܦ̊ܪܽܘ̇ܣܟܽܘ̇ܡܶܢ ܢܩܽܘ̣ܡ ܫܰܦܺܝ̣ܪ ܟ̊ܽܠܰܢ ܒܰܨܠܽܘ̇ܬ̥ܳܐ ܘܟ̥ܽܘ̣ܡܪܳܐ ܪܰܒ̊ܳܐ ܘܰܡܥܰܠܝܳܐ ܢܶܥܢܶܐ ܘܢܺܐܡܰܪ:

ܪܺܝܫܟܳܗ̈ܢܶܐ:

ܡܗܰܝܡܢܺܝܢܰܢ ܘܡܰܘܕ̊ܶܝܢܰܢ ܒܚܰܕ̥ ܐܰܠܳܗܳܐ ܫܰܪܺܝ̣ܪܳܐ܀

ܥܰܡܳܐ:

ܐܰܒ̥ܳܐ ܐܰܚܺܝ̣ܕ̥ ܟ̊ܽܠ ܥܳܒ̥ܽܘܕ̥ܳܐ ܕ̥ܰܫܡܰܝܳܐ ܘܕ̥ܰܐܪܥܳܐ ܘܫܰܪܟ̊ܳܐ܀

ܢܽܘ̣ܗܳܪܳܐ:

ܘܒܳܬ̥ܰܪ ܗܳܟ̥ܰܢ܆ ܐܶܦܣ̈ܩܽܘ̇ܦܶܐ ܡܰܝܬ̊ܶܝܢ ܠܶܗ ܠܰܩܕ̥ܳܡ ܡܰܕ̥ܒ̊ܚܳܐ. ܘܒܳܪܶܟ̥ ܥܰܠ ܬ̊ܰܪ̈ܬ̊ܰܝܗܶܝܢ ܒܽܘ̣ܪ̈ܟ̊ܰܘܗܝ܆ ܘܰܡܫܰܪܶܐ ܪܺܝܫܟ̊ܳܗ̈ܢܶܐ ܒܬ̥ܶܫܡܶܫܬ̊ܳܐ ܬ̥ܪܰܝܳܢܺܝ̣ܬ̥ܳܐ܀

ܢܽܘ̣ܗܳܪܳܐ:

ܘܗܳܝܕ̊ܶܝܢ ܦܰܛܪܺܝ̣ܰܪܟ̥ܳܐ ܩܳܐܶܡ ܡܶܢ ܬ̥ܪܽܘ̇ܢܺܝܽܘ̇ܢ ܕ̊ܺܝܠܶܗ ܫܒ̥ܺܝ̣ܚܳܐ ܘܨܳܐܶܒ ܠܰܩܕ̥ܳܡ ܡܰܕ̥ܒ̊ܚܳܐ ܩܰܕ̊ܺܝ̣ܫܳܐ ܘܰܡܫܰܪܶܐ ܒܬ̥ܶܫܡܶܫܬ̊ܳܐ ܕ̥ܬ̊ܰܪܬ̊ܶܝܢ:

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܘܰܥܠܰܝܢ ܡܚܺܝ̣̈ܠܶܐ ܘܚܰܛܳܝ̈ܐ ܪ̈ܰܚܡܶܐ ܘܰܚܢܳܢܳܐ ܢܶܫܬ̊ܰܦܥܽܘ̣ܢ ܒܰܬ̥ܪ̈ܰܝܗܽܘ̇ܢ ܥܳܠ̈ܡܶܐ ܠܥܳܠܰܡ ܥܳܠܡܺܝ̣ܢ ܐܰܡܺܝ̣ܢ܀

ܨܠܽܘ̇ܬ̥ܳܐ ܕ̥ܫܽܘ̣ܪܳܝܳܐ

ܐܰܠܳܗܳܐ ܪܽܘ̣ܚܳܐ ܦܰܪܩܠܺܝܛܳܐ ܗܰܘ ܕ̊ܰܒܝܰܕ̥ ܫܽܘ̣ܟ̊ܳܢܰܘ̈ܗ̱ܝ ܐܰܠܳܗܳܝ̈ܶܐ܆ ܠܥܰܦܪ̈ܳܢܶܐ ܫܡܰܝܳܢ̈ܶܐ ܘܪ̈ܰܒܰܝ ܒܳـ̈ܬ̊ܶܐ ܡܗܰܝܡ̈ܢܶܐ ܘܚܰܟ̊ܺܝ̣̈ܡܶܐ ܥܒ̥ܰܕ̥. ܥܢܺܝ̣ ܠܰܢ ܐܳܦ ܗܳܫܳܐ ܕ̥ܩܳܪܶܝܢܰܢ ܠܳܟ̥. ܘܰܐܓ̊ܶܢ ܥܰܠ ܥܰܒ̥ܕ̊ܳܟ̥ ܕ̊ܰܡܣܰܟ̊ܶܐ ܠܡܰܘܗܰܒܬ̥ܳܟ̥ ܫܡܰܝܳܢܺܝ̣ܬ̥ܳܐ. ܘܢܰܣܶܩ ܠܳܟ̥ ܫܽܘ̣ܒ̥ܚܳܐ ܘܬ̥ܰܘܕܺܝ̣ܬ̥ܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

أيّها الإله الرّوح الفارقليط يا من بمنحه الإلهيّة جعل الترابيّين سماويّين، ومدبّرين حكماء وأمناء. إستجب لنا الآن أيضاً، إذ ندعوك وأحلُلْ على عبدك المترقّب موهبتك السماويّة. فنرفع إليك التسبيح والشكر، الآن وكلّ أوانٍ وإلى أبد الآبدين܀

ܥܶܢܝܳܢܳܐ ܕ̥ܪܰܚܶܡܥܠܰܝ [ܒܪܶܟ̥ܢܳܐ ܕ̥ܚܽܘ̣ܣܳܝܳܐ ܗܘܺܝ ܠܺܝ]

ܪܺܝܫܟ̊ܳܗ̈ܢܶܐ:

ܪܰܚܶܡܥܠܰܝ ܐܰܠܳܗܳܐ ܐܰܝܟ̥ ܛܰܝܒ̊ܽܘ̣ܬ̥ܳܟ̥܀

ܡܫܰܡ̈ܫܳܢܶܐ:

ܚܽܘ̣ܣܳܝܳܐ ܗܘܺܝ ܠܺܝ܆ ܐܰܢ̱ܬ̊ ܠܚܽܘ̇ܕ̥ܰܝܟ̊ ܣܰܓ̊ܺܝ ܪ̈ܰܚܡܶܐ ܐܰܠܳܗܳܐ. ܘܩܰܒܶܠܰܝܢܝ ܐܰܝܟ̥ ܕ̊ܰܠܗܰܘ ܒ̊ܪܳܐ ܐܳܣܽܘܛܳܐ ܘܪܰܚܶܡܥܠܰܝ܀

ܪܺܝܫܟ̊ܳܗ̈ܢܶܐ:

ܐܰܣܓ̊ܳܐ ܐܰܫܺܝܓ̥ܰܝܢܝ ܡܶܢ ܥܰܘܠܝ܀

ܡܫܰܡ̈ܫܳܢܶܐ:

ܐܰܒ̥ܳܐ ܩܰܕ̊ܺܝ̣ܫܳܐ܆ ܘܝܳܗܽܘܒܳܐ ܕ̥ܩܰܕ̊ܺܝ̣ܫܽܘ̣ܬ̥ܳܐ ܐܰܠܳܗܳܐ. ܩܰܕ̊ܶܫ ܒܛܰܝܒ̊ܽܘ̣ܬ̥ܳܟ̥܆ ܠܥܰܒ̥ܕ̊ܳܟ̥ ܕܰܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܡܰܘܗܰܒܬ̥ܳܟ̥ ܕ̊ܒܳܗ̇ ܢܶܬ̥ܩܰܕ̊ܰܫ [ܢܶܬ̥ܩܰܕ̊ܫܽܘ̣ܢ]܀

ܪܺܝܫܟ̊ܳܗ̈ܢܶܐ:

ܠܳܟ̥ ܒܰܠܚܽܘ̇ܕ̥ܰܝܟ̊ ܚܛܺܝܬ̥܀

ܡܫܰܡ̈ܫܳܢܶܐ:

ܒܪܳܐ ܕ̥ܰܒܡܰܘܗܰܒܬ̥ܶܗ܆ ܠܰܫܠܺܝ̣̈ܚܶܐ ܕ̥ܺܝܠܶܗ ܚܰܟ̊ܶܡ ܐܰܠܳܗܳܐ. ܚܰܟ̊ܶܡ ܒܡܰܘܗܰܒܬ̥ܳܟ̥ ܠܥܰܒ̥ܕ̊ܳܟ̥ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܪܽܘ̣ܚܳܟ̥ ܕ̊ܒܳܗ̇ ܢܶܬ̥ܚܰܟ̊ܰܡ [ܢܶܬ̥ܚܰܟ̊ܡܽܘ̣ܢ]܀

ܪܺܝܫܟ̊ܳܗ̈ܢܶܐ:

ܐܰܢ̱ܬ̊ ܕܶܝܢ ܒܩܽܘ̣ܫܬ̊ܳܐ ܨܒܰܝܬ̊܀

ܡܫܰܡ̈ܫܳܢܶܐ:

ܪܽܘ̣ܚܳܐ ܕ̥ܠܰܫܠܺܝ̈ܚܶܐ܆ ܒܠܶܫܳܢ̈ܶܐ ܕ̥ܢܽܘ̣ܪܳܐ ܚܰܟ̊ܶܡ ܐܰܠܳܗܳܐ. ܩܰܕ̊ܶܫ ܒܡܰܘܗܰܒܬ̥ܳܟ̥܆ ܠܥܰܒ̥ܕ̊ܳܟ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܪܽܘ̣ܚܳܟ̥ ܕ̊ܒܳܗ̇ ܢܶܬ̥ܩܰܕ̊ܰܫ [ܢܶܬ̥ܩܰܕ̊ܫܽܘ̣ܢ]܀

ܪܺܝܫܟ̊ܳܗ̈ܢܶܐ:

ܐܰܣܒܰܥܰܝܢܝ ܒܽܘ̣ܣܳܡܳܟ̥ ܘܚܰܕ̥ܽܘܬ̥ܳܟ̥܀

ܡܫܰܡ̈ܫܳܢܶܐ:

ܠܬ̥ܰܪ̈ܥܶܐ ܕ̥ܰܫܡܰܝ̈ܳܐ܆ ܬ̊ܶܦܬ̊ܰܚܝ ܛܰܝܒ̊ܽܘ̣ܬ̥ܳܟ̥ ܩܕ̥ܳܡܰܝܢ ܐܰܠܳܗܳܐ. ܘܰܐܓ̊ܶܢ ܝܰܡܺܝ̣ܢܳܟ̥܆ ܥܰܠ ܥܰܒ̥ܕ̊ܳܟ̥ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܳܗ̇ ܕ̊ܒܳܗ̇ ܢܶܬ̥ܒ̊ܰܪܰܟ̥ [ܢܶܬ̥ܒܰܪܟ̥ܽܘ̣ܢ]܀

ܪܺܝܫܟ̊ܳܗ̈ܢܶܐ:

ܠܶܒܳܐ ܕܰܟ̥ܝܳܐ ܒܪܺܝ ܒܺܝ ܐܰܠܳܗܳܐ܀

ܡܫܰܡ̈ܫܳܢܶܐ:

ܒܶܐܣܛܠܳܟ̥ ܢܶܨܛܰܒܰܬ̥܆ ܨܰܘܪܳܐ ܕ̥ܰܩܕ̥ܳܡܰܝܟ̊ ܪܟ̥ܺܝ̣ܢܽ ܗ̱ܘ ܐܰܠܳܗܳܐ. ܘܚܳܐܰܪ ܠܡܰܘܗܰܒܬ̥ܳܟ̥܆ ܕ̊ܒܳܗ̇ ܢܶܨܛܰܒܰܬ̥ ܒܨܶܒ̈ܬ̊ܶܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ܀

ܪܺܝܫܟ̊ܳܗ̈ܢܶܐ:

ܐܶܠܳܐ ܐܰܗܦܶܟ̥ ܠܺܝ ܒܽܘ̣ܣܳܡܳܟ̥ ܘܦܽܘ̣ܪܩܳܢܳܟ̥܀

ܡܫܰܡ̈ܫܳܢܶܐ:

ܟ̊ܶܢ̈ܫܶܐ ܫܡܰܝܳܢ̈ܶܐ܆ ܡܶܬ̥ܦܰܨܚܺܝ̣ܢ ܒܫܽܘ̣ܡܠܳܝ ܥܰܒ̥ܕ̊ܳܟ̥ [ܥܰܒ̥ܕ̊ܰܝ̈ܟ̊] ܐܰܠܳܗܳܐ. ܘܙܳܡܪܺܝ̣ܢ ܬ̊ܰܚ̈ܬ̊ܳܝܶܐ܆ ܬ̊ܶܫܒ̊ܽܘ̇ܚܬ̊ܳܐ ܠܰܕ̥ܚܰܠܛܶܗ [ܠܕ̥ܰܚܠܰܛ ܐܶܢܽܘ̇ܢ] ܒܶܝܬ̥ ܟ̊ܶܢܫܰܝ̈ܗܽܘ̇ܢ܀

ܪܺܝܫܟ̊ܳܗ̈ܢܶܐ:

ܦܰܨܳܢܝ ܡܶܢ ܕ̊ܡܳܐ ܐܰܠܳܗܝ ܐܰܠܳܗܳܐ ܕܦܽܘ̣ܪܩܳܢܝ܀

ܡܫܰܡ̈ܫܳܢܶܐ:

ܬ̊ܳܡܗܺܝ̣ܢ ܢܽܘ̣ܪ̈ܳܢܶܐ܆ ܟ̊ܰܕ̥ ܨܳܪܶܐ ܠܪܰܘܡܳܐ ܪܽܘ̣ܚܳܐ ܩܰܕ̊ܺܝ̣ܫܳܐ ܐܰܠܳܗܳܐ. ܘܢܳܚܶܬ̊ ܕ̊ܰܢܫܰܟ̊ܶܢ܆ ܡܰܘܗܰܒܬ̥ܳܐ ܒܺܐܝܕ̥ܰܝ̈ ܪܺܝܫܟ̊ܳܗ̈ܢܶܐ ܠܰܕ̥ܫܳܐܠܺܝ̣ܢ ܠܳܗ̇܀

ܪܺܝܫܟ̊ܳܗ̈ܢܶܐ:

ܡܶܛܽܠ ܕܠܳܐ ܨܒܰܝܬ̊ ܒܕܶܒ̈ܚܶܐ ܘܳܐܦܠܳܐ ܒܝܰܩ̈ܕܶܐ ܫܰܠ̈ܡܶܐ ܐܶܬ̥ܪܰܥܺܝܬ̊܀

ܡܫܰܡ̈ܫܳܢܶܐ:

ܠܳܐ ܡܶܣܬ̊ܰܝܟ̥ܳܢܳܐ܆ ܒܺܐܝܕ̥ܰܝ̈ܳܐ ܕ̥ܕܰܟ̥ܝ̈ܳܢ ܡܶܬ̊ܬ̊ܚܶܕ̥ ܪܽܘ̣ܚܳܐ ܐܰܠܳܗܳܐ. ܘܢܳܚܶܬ̊ ܕܰ̊ܢܫܰܟ̊ܶܢ܆ ܡܰܘܗܰܒܬ̥ܳܐ ܠܪܺܝܫܳܐ ܕ̥ܟ̥ܳܗ̈ܢܶܐ ܒܰܕܡܽܘ̣ܬ̥ ܐܰܗܪܽܘ̇ܢ܀

ܪܺܝܫܟ̊ܳܗ̈ܢܶܐ:

ܐܰܛܐܶܒ ܒܨܶܒܝܳܢܳܟ̥ ܠܨܶܗܝܽܘ̇ܢ ܘܰܒܢܺܝ ܫܽܘܪ̈ܶܝܗ̇ ܕܽܐܘ̇ܪܺܫܠܶܡ܀

ܡܫܰܡ̈ܫܳܢܶܐ:

ܡܕ̥ܰܟ̊ܝܳܢܳܐ ܕ̥ܚܰܘ̈ܒܶܐ܆ ܒܝܰܕ̥ ܡܰܓ̊ܢܳܢܽܘ̣ܬ̥ܶܗ ܕܪܽܘ̣ܚܳܐ ܐܰܠܳܗܳܐ. ܕ̊ܰܟ̊ܳܐ ܒܪܽܘ̣ܚܳܦܳܟ̥܆ ܠܥܰܒ̥ܕ̊ܳܟ̥ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰ̊ܡܣܰܟ̊ܶܝܢ] ܠܫܽܘ̣ܡܠܳܝܳܟ̥܆ ܕ̊ܒܶܗ ܢܶܬ̊ܕ̊ܰܟ̊ܶܐ [ܢܶܬ̊ܕ̊ܰܟ̊ܽܘ̇ܢ]܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܫܽܘ̣ܒ̥̈ܚܶܐ ܬ̥ܠܺܝ̈ܬ̥ܳܝܶܐ܆ ܠܗܰܘ ܚܰܕ̊ ܕܰ̊ܬ̥ܠܳܬ̥ܰܐ ܗ̱ܘ ܘܚܰܕ̥ܽ ܗ̱ܘ ܐܰܠܳܗܳܐ. ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܩܽܘ̣ܕ̥ܫܳܐ܆ ܚܰܕ̥ ܐܰܠܳܗܳܐ ܫܰܪܺܝ̣ܪܳܐ ܕ̥ܠܶܗ ܣܳܓ̥ܕ̊ܺܝ̣ܢܰܢ܀

ܡܫܰܡܫܳܢܳܐ:

ܣܛܳܘ ܡܶܢ ܩܰܐܠܽܘ̇ܣ ܩܽܘ̣ܪܝܶܐܠܶܝܣܽܘ̇ܢ

ܪܺܝܫܟ̊ܳܗ̈ܢܶܐ:

ܢܨܰܠܶܐ ܟ̥ܽܠܰܢ܆ ܘܪ̈ܰܚܡܶܐ ܘܰܚܢܳܢܳܐ ܡܶܢ ܡܳܪܝܳܐ ܢܶܒܥܶܐ ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀ ܬ̊ܶܫܒܽܘܚܬ̊ܳܐ ܘܬ̥ܰܘܕܺܝ̣ܬ̥ܳܐ ܘܗܶܕ̥ܪܳܐ ܘܩܽܘ̣ܠܳܣܳܐ ܘܪܽܘ̣ܡܪܳܡܳܐ ܛܳܒ̥ܳܐ ܕ̥ܠܳܐ ܒܳܛܶܠ ܐܰܡܺܝ̣ܢܳܐܺܝ̣ܬ̥ ܒܟ̥ܽܠܙܒܰܢ ܘܰܒܟ̥ܽܠܥܶܕܳܢ ܢܶܫܬ̊ܘܶܐ ܕ̥ܢܰܣܶܩ.

ܦ̊ܪܽܘ̇ܡܺܝ̣ܽܘ̇ܢ

ܫܽܘ̣ܒ̥ܚܳܐ ܝܺܚܺܝܕ̥ܳܝܳܐ ܘܰܬ̥ܠܺܝ̣ܬ̥ܳܝ ܨܶܡ̈ܚܶܐ. ܘܩܽܘ̣ܠܳܣܳܐ ܚܕ̥ܳܢܳܝܳܐ ܘܰܬ̥ܠܺܝ̣ܬ̥ܳܝ ܙܰܠܺܝ̣̈ܩܶܐ. ܘܪܽܘ̣ܡܪܳܡܳܐ ܠܚܽܘ̣ܕ̥ܳܝܳܐ ܘܰܬ̥ܠܺܝ̣ܬ̥ܳܝ ܢܽܘ̣ܗܪ̈ܶܐ. ܠܚܰܕ̥ ܢܽܘ̣ܗܪܳܐ ܕ̥ܡܶܢ ܢܽܘ̣ܗܪܳܐ܆ ܘܡܰܒܽܘ̣ܥܳܐ ܕ̥ܢܽܘ̣ܗܪܳܐ܆ ܕ̊ܡܶܬ̥ܢܰܗܪܺܝ̣ܢ ܡܶܢܶܗ ܚܰܝ̈ܠܰܘܳܬ̥ܳܐ ܥܶܠܳܝ̈ܶܐ ܘܡܶܬ̥ܝܰܕ̈ܥܳܢܶܐ ܡܰܢܗܪ̈ܳܢܶܐ ܘܡܶܬ̥ܢܰܗܪ̈ܳܢܶܐ. ܘܝܽܘ̣ܩܢܳܐ ܘܬ̥ܰܦܢܟ̥ܳܐ ܕ̥ܥܺܕ̊ܬ̊ܳܐ ܕ̥ܺܝܠܰܢ ܐܰܪ̈ܥܳܢܳܝܶܐ. ܗܰܘ ܕ̊ܰܒܢܽܘ̣ܗܪܳܐ ܕ̥ܺܝܕ̥ܰܥܬ̥ܳܐ ܕ̥ܡܶܢܶܗ܆ ܘܫܽܘ̣ܟ̊ܳܢ̈ܶܐ ܕ̥ܪܽܘ̣ܚܶܗ ܩܰܕ̊ܺܝ̣ܫܳܐ܆ ܐܰܢܗܰܪ ܠܰܫܠܺܝ̣̈ܚܰܘܗ̱ܝ ܐܰܠܳܗܳܝ̈ܶܐ. ܘܰܓ̥ܡܰܪ ܐܶܢܽܘ̇ܢ ܒܺܝܕ̥ܰܥܬ̥ܳܐ ܕ̥ܐ̱ܪ̈ܳܙܰܘܗ̱ܝ ܓ̊ܢܺܝ̣̈ܙܶܐ. ܘܰܐܓ̥ܥܶܠ ܠܗܽܘ̇ܢ ܫܽܘ̣ܠܛܳܢܳܐ ܕ̥ܫܽܘ̣ܟ̊ܳܢ̈ܶܐ ܪ̈ܽܘ̣ܚܳܢܳܝܶܐ܆ ܐܰܝܟ̊ܰܢܳܐ ܕ̥ܰܒܗܽܘ̇ܢ ܢܶܨܛܰܒܬ̥ܽܘ̣ܢ ܘܢܰܦܪܓ̥ܽܘ̣ܢ܆ ܗܳܢܽܘ̇ܢ ܕ̊ܡܶܢ ܪܽܘ̣ܚܳܐ ܡܶܬ̥ܓ̊ܒܶܝܢ ܘܡܶܫܬ̊ܰܡܠܶܝܢ ܒܡܶܨܥܳܝܽܘ̣ܬ̥ܗܽܘ̇ܢ ܘܡܶܬ̥ܓ̊ܰܡܪܺܝ̣ܢ ܒܡܰܘܗܰܒܬ̥ܳܐ ܕ̥ܡܶܢ ܩܕ̥ܳܡ ܐܰܒ̥ܳܐ ܕ̥ܢܽܘ̣ܗܪ̈ܶܐ ܢܳܚܬ̊ܳܐ܆ ܘܰܒܡܰܓ̊ܢܳܢܽܘ̣ܬ̥ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ ܡܶܫܬ̊ܰܟܢܳܐ. ܗܰܘ ܕ̊ܰܠܘܳܬ̥ܶܗ ܚܳܝܪܺܝ̣ܢ ܒܬ̥ܰܟ̥ܫܶܦܬ̊ܳܐ ܕ̥ܡܶܢ ܠܶܒܳܐ ܡܶܬ̥ܩܰܪܒܳܐ. ܐܰܝܟ̊ܰܢܳܐ ܕ̥ܢܶܦܬ̊ܰܚ ܬ̊ܰܪܥܳܐ ܕ̥ܪ̈ܰܚܡܰܘܗ̱ܝ ܠܒܳܥܽܘ̣ܬ̥ܰܢ. ܘܰܠܗܳܢܳܐ ܩܰܪܝܳܐ ܕ̥ܒܺܐܝ̣ܕ̥ܰܝ̈ܢ[34] ܢܶܓ̥ܡܽܘ̇ܪ ܘܰܢܫܰܡܠܶܐ ܘܡܳܐܢܳܐ ܠܬ̥ܶܫܒܽܘ̇ܚܬ̊ܶܗ ܢܩܺܝ̣ܡܺܝ̣ܘܗ̱ܝ܆ ܒܥܺܕ̊ܬ̊ܶܗ ܩܰܕ̊ܺܝ̣ܫܬ̊ܳܐ. ܟ̊ܰܕ̥ ܡܶܬ̊ܬ̊ܢܺܝ̣ܚ ܒܬ̥ܶܫܡܶܫܬܶ̊ܗ ܕ̊ܟ̥ܺܝ̣ܬ̥ܳܐ. ܘܰܐܝܟ̥ ܕ̊ܶܒܚܳܐ ܪܚܺܝ̣ܡܳܐ ܡܶܬ̥ܩܰܒܰܠ ܠܘܳܬ̥ܶܗ ܡܶܢ ܐܺܝ̣ܕ̥ܰܝ̈ܢ ܡܩܰܪ̈ܒܳܢܶܐ ܗܳܢܽܘ̇ܢ ܕ̊ܥܰܠ ܐܰܦܰܝ̈ ܡܰܘܗܒ̈ܬ̥ܶܗ ܕ̊ܰܠܘܳܬ̥ܰܢ ܡܰܘܕܶܝܢܰܢ ܘܣܳܓ̥ܕ̊ܺܝ̣ܢܰܢ ܘܰܡܫܰܒܚܺܝ̣ܢܰܢ. ܒܗܳܢܳܐ ܥܶܕ̊ܳܢܳܐ ܕ̥ܰܣܝܳܡܺܝ̣ܕ̥ܳܐ ܩܰܕ̊ܺܝ̣ܫܳܐ. ܘܰܒܟ̥ܽܠܗܽܘ̇ܢ ܥܺܐܕ̥̈ܶܐ ܘܥܶܕ̊̈ܳܢܶܐ ܘܫܳܥ̈ܶܐ ܘܙܰܒ̈ܢܶܐ ܘܟ̥ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܝ̈ܢ ܠܥܳܠܡܺܝ̣ܢ܀

تسبيحاً فرداً مثلث الأشعة، ومدحاً فذاً مثلث الإشراق، وتعظيماً متفرّداً مثلّث الأنوار، النّور الواحد من النّور ومُنبثق النّور الذي منه تستنير الأجناد العلويّة العقليّة المنيرة المستنيرة. وهو صورة بيعتنا نحن الأرضيّين وانموذجها. وقد أنار رسله الإلهيّين بنور معرفته وبمنح روحه القدّوس. كمّلهم بعلم أسراره المكنونة، وأودعهم سلطةَ الهبات الروحيّة لكي يزدانَ ويتلألأَ بها كلُّ من يصطفيه الرّوح ويكمّله بوساطتهم، فيتكملون بالموهبة التي تهبط من لَدُن أبي الأنوار، وتُمنَح بحلول الرّوح القدس، مَن إليه نتجه بتقريبنا تضرّعاً منبثقاً من القلب ليفتج باب رحمته لطلباتنا، ويقدّس بوساطتنا هذا المنتدب ويكمّله، ويقيمه في بيعته المقدّسة إناءً لمجده، مرتضياً بخدمته النقيّة ويتقبّله نظير ذبيحة حبيبةٍ إليه من أيدينا التي تقرّبه، له نشكر ما أسبغه علينا من المواهب ونسجد له ونسبّحه في وقت السيامة المقدّسة هذا، وفي سائر الأوقات والساعات والأزمنة وفي كلّ أيّام حياتنا، إلى أبد الآبدين܀

ܢܽܘ̣ܗܳܪܳܐ:

ܟ̊ܰܕ̥ ܦܰܛܪܺܝ̣ܰܪܟ̥ܳܐ ܠܣܶܕ̥ܪܳܐ ܗܳܢܳܐ ܣܳܐܶܡ܆ ܚܰܕ̥ ܡܶܢ ܐܶܦܣ̈ܩܽܘܦܶܐ ܡܰܟ̥ܪܶܟ̥ ܠܦܺܝܪܡܳܐ ܒܟ̥ܽܠܳܗ̇ ܥܺܕ̊ܬ̊ܳܐ܆ ܘܥܰܡܶܗ ܬ̊ܪܶܝܢ ܟ̊ܳܗ̈ܢܶܐ ܘܰܬ̥ܪܶܝܢ ܡܫܰܡ̈ܫܳܢܶܐ ܒܢܰܗܺܝ̣ܪ̈ܶܐ ܘܡܰܪ̈ܘܚܳܬ̥ܳܐ܀

ܣܶܕ̥ܪܳܐ

ܒܳܥܶܝܢܰܢ ܘܰܡܦܺܝ̣ܣܺܝ̣ܢܰܢ ܠܒܰܣܺܝ̣ܡܽܘ̣ܬ̥ ܪ̈ܰܚܡܰܝܟ̊ ܫܦܺܝ̣ܥܰܝ̈ ܒܟ̥ܽܠ ܘܥܰܠ ܟ̊ܽܠ ܘܰܒܟ̥ܽܠܙܒܰܢ܆ ܡܳܪܝܳܐ ܡܳܪܰܢ ܡܠܶܐ ܪ̈ܰܚܡܶܐ. ܒܳܪܽܘܝܳܐ ܘܥܳܒܽܘܕ̥ܳܐ ܘܰܡܬ̥ܰܩܢܳܢܳܐ ܕ̥ܟ̥ܽܠ. ܐܰܢ̱ܬ̊ ܡܳܪܝܳܐ ܐܰܠܳܗܰܢ ܕ̊ܡܶܢ ܡܰܠܰܐܟ̥̈ܶܐ ܡܶܫܬ̊ܰܡܰܫ ܐܰܢ̱ܬ̊ ܒܕ̥ܶܚܠܬ̥ܳܐ ܬ̥ܡܺܝ̣ܗܳܐܺܝ̣ܬ̥. ܘܡܶܢ ܣܪ̈ܳܦܶܐ ܡܶܬ̥ܩܰܕ̊ܰܫ ܐܰܢ̱ܬ̊ ܒܩܽܘ̣ܕ̥̈ܫܶܐ ܬ̥ܠܺܝ̈ܬ̥ܳܝܶܐ ܐܰܠܳܗܳܐܺܝ̣ܬ̥. ܘܡܶܢ ܟ̊ܽܠܗܽܘ̇ܢ ܬ̊ܶܓ̥ܡ̈ܶܐ ܕ̥ܚܰܝ̈ܠܰܘܳܬ̥ܳܐ ܪ̈ܽܘ̣ܚܳܢܳܝܶܐ ܘܰܕ̥ܠܳܐ ܓ̥ܫܽܘ̇ܡ ܒܙܰܘܥܳܐ ܡܶܬ̥ܪܰܡܪܰܡ ܐܰܢ̱ܬ̊܆ ܘܡܶܬ̥ܩܰܠܰܣ ܡܳܪܳܢܳܐܺܝ̣ܬ̥. ܥܢܺܝ ܠܰܢ ܠܥܰܦܪ̈ܳܢܶܐ ܘܰܐܣܺܝ̣ܪ̈ܰܝ ܒܰܐܪܥܳܐ. ܒܥܶܕ̊ܳܢܳܐ ܗܳܢܳܐ ܩܰܕ̊ܺܝ̣ܫܳܐ ܡܶܛܽܠ ܕ̊ܪܳܚܶܡ ܐ̱ܢܳܫܳܐ ܐܺܝ̣ܬ̥ܰܝܟ̊. ܘܰܒܛܺܝ̣ܠ ܠܳܟ̥ ܝܰܬ̊ܺܝ̣ܪܳܐܺܝ̣ܬ̥ ܥܰܠ ܒܢܰܝ̈ܢܳܫܳܐ. ܐܰܢ̱ܬ̊ ܡܪܰܚܡܳܢܳܐ ܘܣܰܓ̊ܺܝ ܛܰܝܒ̊ܽܘ̣ܬ̥ܳܐ܆ ܕ̊ܰܒܝܰܕ̥ ܪ̈ܰܚܡܶܐ ܕ̥ܒܳܟ̥ ܫܟ̥ܺܝ̣ܚܺܝ̣ܢ ܟ̊ܝܳܢܳܐܺܝ̣ܬ̥܆ ܨܒܰܝܬ̊ ܘܰܫܦܰܪ ܠܳܟ̥ ܕ̊ܰܒܬ̥ܶܫܒܽܘ̇ܚܬ̊ܳܐ ܪܽܘ̣ܚܳܢܳܝܬ̊ܳܐ ܕ̥ܫܰܟ̊ܶܢܬ̊ ܒܛܰܝܒ̊ܽܘ̣ܬ̥ܳܟ̥ ܠܰܫܡܰܝܳܢ̈ܶܐ܆ ܒܳܗ̇ ܬ̊ܫܰܘܬ̊ܶܦ ܠܰܟ̥ܝܳܢܰܢ ܐ̱ܢܳܫܳܝܳܐ ܘܒܶܣܪܳܢܳܝܳܐ. ܘܡܶܛܽܠ ܗܳܕ̥ܶܐ ܠܰܫܠܺܝ̣̈ܚܶܐ ܩܰܕ̊ܺܝ̣̈ܫܶܐ ܕ̥ܰܓ̥ܒܰܝܬ̊܆ ܛܶܟ̊ܣܶـ̈ܐ ܕ̥ܰܫܡܰܝܳܢܶـ̈ܐ ܐܰܓ̥ܥܶܠܬ̊. ܘܛܽܘ̣ܦ̥̈ܣܶܐ ܗܳܠܶܝܢ ܕ̊ܰܒܝܰܕ̥ ܡܽܘ̣ܫܶܐ ܘܰܢ̈ܒܺܝܶܐ ܩܰܕ̊ܶܡܘ ܐܶܬ̥ܪܫܶܡܘ ܒܰܗܽܘܪܳܐܺܝ̣ܬ̥ ܘܛܶܠܳܢܳܐܺܝ̣ܬ̥ ܒܝܰܕ̥ ܒ̊ܪܳܟ̥ ܚܰܒܺܝ̣ܒܳܐ ܡܳܪܰܢ ܘܰܐܠܳܗܰܢ ܪܰܒ̊ܳܐ ܦܳܪܽܘܩܰܢ ܝܶܫܽܘ̇ܥ ܡܫܺܝ̣ܚܳܐ܆ ܐܰܫܠܶܡܬ̊ ܫܪܳܪܳܐ ܓ̥ܰܠܝܳܐ ܘܢܽܘ̣ܗܪܳܐ ܡܫܰܡܠܝܳܐ ܘܰܓ̥ܡܺܝ̣ܪܳܐ܆ ܠܫܶܡܥܽܘ̇ܢ ܩܰܪܩܰܦܬ̥ܳܐ ܫܠܺܝ̣ܚܳܝܬ̊ܳܐ ܘܠܰܫܠܺܝ̣̈ܚܶܐ ܓ̥ܒܰܝܳـ̈ܐ. ܘܒܺܐܝܕ̥ܰܝ̈ܗܽܘ̇ܢ ܠܟ̥ܽܠܳܗ̇ ܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ ܥܕ̥ܰܡܳܐ ܠܫܽܘ̣ܠܳܡܶܗ ܕ̊ܥܳܠܡܳܐ. ܐܺܝܢ ܡܳܪܝܳܐ܆ ܘܳܐܦ̥ ܗܳܫܳܐ ܒܗܽܘ̇ܢ ܒܪ̈ܰܚܡܰܝܟ ܘܒܳܗ̇ ܒܛܰܝܒ̊ܽܘ̣ܬ̥ܳܟ̥. ܗܰܒ ܘܫܰܟ̊ܶܢ ܘܰܐܫܘܳܐ ܠܥܰܒ̥ܕ̊ܳܟ̥ ܗܳܢܳܐ܆ ܕ̊ܰܢܩܰܒ̊ܶܠ ܠܡܰܘܗܰܒܬ̥ܳܐ ܪܰܒܬ̥ܳܐ ܕ̥ܪܺܝܫܽܘ̣ܬ̥ ܟ̊ܳܗܢܽܘ̣ܬ̥ܳܐ. ܘܢܶܗܘܶܐ ܡܕ̥ܰܒܪܳܢܳܐ ܛܳܒ̥ܳܐ ܘܩܳܝܽܘܡܳܐ ܚܦܺܝ̣ܛܳܐ ܘܪܳܥܝܳܐ ܪܽܘ̣ܚܳܢܳܝܳܐ ܠܡܰܪܥܺܝ̣ܬ̥ܳܟ̥ ܡܒܰܪܰܟ̥ܬ̊ܳܐ. ܨܒܺܝ ܡܳܪܝܳܐ ܘܳܐܦ̥ ܒܰܡܩܰܪ̈ܒܳܢܰܘܗ̱ܝ ܘܠܳܐ ܬ̥ܰܣܠܶܐ ܘܬ̥ܶܕܚܽܘ̇ܩ ܠܰܢ ܡܶܛܽܠ ܠܳܐ ܫܰܘܝܽܘ̣ܬ̥ܰܢ. ܐܶܠܳܐ ܒܪ̈ܰܚܡܰܝܟ̊ ܣܥܽܘ̇ܪ ܠܰܢ. ܘܒܛܰܝܒ̊ܽܘ̣ܬ̥ܳܟ̥ ܩܰܒ̊ܶܠ ܒܳܥܽܘ̣ܬ̥ܰܢ. ܘܰܐܪܟ̊ܶܢ ܐܰܢ̱ܬ̊ ܠܳܟ̥ ܠܘܳܬ̥ܰܢ. ܘܰܓ̥ܡܽܘ̇ܪ ܘܫܰܡܠܳܐ ܠܥܰܒ̥ܕ̊ܳܟ̥ ܗܳܢܳܐ܆ ܡܳܐܢܳܐ ܠܬ̥ܶܫܡܶܫܬܳ̊ܟ̥. ܟ̊ܰܕ̥ ܡܕ̥ܰܟ̊ܶܐ ܐܰܢ̱ܬ̊ ܠܶܗ ܡܶܢ ܟ̊ܽܠ ܨܽܘ̣ܥ̈ܨܳܥܶܐ ܕ̥ܥܰܘܠܳܐ ܘܕ̥ܰܚܛܺܝ̣ܬ̥ܳܐ. ܨܰܒܶܬ̥ܳܝܗ̱ܝ ܒܩܰܕ̊ܺܝ̣ܫܽܘ̣ܬ̥ܳܐ ܘܰܒܕ̥ܰܟ̥ܝܽܘ̣ܬ̥ܳܐ ܕ̥ܢܰܦܫܳܐ ܘܰܕ̥ܦܰܓ̥ܪܳܐ. ܘܰܒܙܰܗܝܽܘ̣ܬ̥ܳܐ ܕ̥ܪܽܘ̣ܚܳܐ. ܘܰܒܕ̥ܽܘ̣ܒܳܪ̈ܶܐ ܛܳܒ̥ܶـ̈ܐ. ܘܫܰܪܰܪܳܝܗ̱ܝ ܒܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܰܬ̥ ܫܽܘ̣ܒ̥ܚܳܐ. ܐܰܝܟܰ̊ܢܳܐ ܕ̥ܠܳܐ ܢܶܬ̥ܒܰܣܰܪ ܒܚܽܘ̣ܠܛܳܢܳܐ ܗܶܪܶܛܺܝܩܳܝܳܐ. ܘܫܰܟ̊ܶܢ ܠܶܗ ܬ̊ܽܘ̣ܒ̥ ܡܳܪܝܳܐ ܐܰܠܳܗܳܐ܆ ܕ̊ܰܒܡܰܟ̊ܺܝ̣ܟ̥ܽܘ̣ܬ̥ܳܐ ܕ̥ܬ̥ܰܪܥܺܝ̣ܬ̥ܳܐ ܢܶܬ̥ܩܰܪܰܒ ܠܬ̥ܶܫܡܶܫܬ̊ܳܐ ܗܳܕ̥ܶܐ ܡܰܠܰܐܟ̥ܳܝܬ̊ܳܐ. ܘܰܒܕ̥ܶܚܠܬ̥ܳܐ ܘܒܰܪܬ̥ܺܝ̣ܬ̥ܳܐ ܢܶܓ̥ܫܽܘ̇ܦ ܒܦܽܘ̣ܠܚܳܢܳܐ ܩܰܕ̊ܺܝ̣ܫܳܐ ܕ̥ܐ̱ܪ̈ܳܙܰܝܟ̊ ܐܰܠܳܗܳܝ̈ܶܐ܆ ܕ̊ܰܒܗܽܘ̇ܢ ܢܶܫܟ̊ܰܚ ܫܽܘ̣ܘܙܳܒܳܐ ܓ̥ܡܺܝ̣ܪܳܐ ܠܚܰܝ̈ܰܘܗ̱ܝ ܘܚܽܘ̣ܣܳܝܳܐ ܕ̥ܚܰܘ̈ܒܶܐ ܘܫܽܘ̣ܒ̥ܩܳܢܳܐ ܕ̥ܰܚ̈ܛܳܗܶܐ܆ ܠܟ̥ܽܠܳܗ̇ ܡܰܪܥܺܝ̣ܬ̥ܳܟ̥ ܡܠܺܝ̣ܠܬ̊ܳܐ ܘܟ̥ܳܗܢܳܝܬ̊ܳܐ ܕ̥ܶܐܬ̥ܓܰ̊ܥܠܰܬ̥ ܠܶܗ܆ ܒܕ̥ܺܝ̣̈ܢܶܐ ܓ̥ܢܺܝ̣̈ܙܶܐ ܕ̥ܰܐܠܳܗܽܘ̣ܬ̥ܳܟ̥. ܒܛܰܝܒ̊ܽܘ̣ܬ̥ܶܗ ܕ̊ܶܝܢ ܘܰܒܪ̈ܰܚܡܰܘܗ̱ܝ ܕ̊ܺܝܚܺܝܕ̥ܳܝܳܐ ܒܪܳܟ̥܆ ܕ̊ܥܰܡܶܗ ܠܳܟ̥ ܦܐܶܐ ܫܽܘ̣ܒ̥ܚܳܐ ܘܺܐܝܩܳܪܳܐ ܘܽܐܘ̣ܚܕ̊ܳܢܳܐ ܥܰܡ ܪܽܘ̣ܚܳܟ̥ ܩܰܕ̊ܺܝ̣ܫ ܒܟ̥ܽܠ ܘܛܳܒ̥ܳܐ ܘܰܣܓ̥ܺܝ̣ܕ̥ܳܐ ܘܡܰܥܒ̊ܶܕ̥ ܚܰܝ̈ܶܐ ܘܰܫܘܶܐ ܠܳܟ̥ ܒܽܐܘ̣ܣܺܝܰܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

إنّنا نطلب مبتهلين ومتضرّعين إلى عذوبة مراحمك العميمة الفائضة على الجميع وفي كل حين أيّها الربّ ربنا المفعم رحمةً. يا خالق الجميع وصانعهم ومبدعهم. أيّها الربّ إلهنا يا مَن يسجد له ويسبّحه الملائكة على المدى، ويخدمه رؤساءُ الملائكة برهبةٍ وعجبٍ، ويقدّسه السرافيم بتقديسات ثلاثيّة إلهيّة ويعظمّه ويمدحه طغمات الأجناد الرّوحانيّة غير المجسّمة تعظيماً ربانيّاً. استجبنا يا ربّ في هذا الوقت المقدّس نحن الترابيّين المتشبثين بالأرض، لأنّك رؤوف وتعتني اعتناء جزيلاً بالبشر. فأنت أيّها الرحمن والغزير النعمة قد شئت واستحسنت بالرّحمة الكائنة فيك طبعاً أن تشرك طبيعتنا البشريّة الجسديّة في المجد الروحاني الذي جادت به نعمتك على السماويّين. ولذلك أودعت الرّسل القدّيسين الذين اصطفيتهم رتباً سماويّة، وما سبق موسى والأنبياء فرسموه من الرموز رسماً ظليّاً مبهماً قد سلّمته حقّاً جليّاً ونوراً تاماً كاملاً بوساطة ابنك الحبيب ربّنا وإلهنا العظيم ومخلّصنا يسوع المسيح، إلى شمعون هامّة الرّسل وإلى الرّسل المختارين وعلى يدهم سلّمته إلى كلّ البيعة المقدّسة حتّى انقضاء العالم. نعم أيّها الربّ الإله امنح الآن أيضاً وهب برحمتك ونعمتك وأهِّلْ عبدَك هذا ليناَل موهبةَ رئاسة الكهنوت العظيمة فيصبح مبدّبراً صالحاً وقهرماناً حريصاً وراعياً روحانيّاً لرعيّتك المباركة. وارضَ أللهمّ بنا أيضاً نحن المقرّبين له، ولا ترذلنا ولا ترفضنا من جراء عدم استحقاقنا، بل تفقدنا برحمتك، وتقبّل طلبتنا بنعمتك، وانعطف إلينا وقدّس عبدك هذا وكملّه إناءً لخدمتك، وطهّره من كلّ أدران الخطيّة والآثام، زيّنه بالقداسة وعفاف النفس والجسد ونقاء الرّوح وبالسيرة الصالحة. وطِّدهُ بالإيمان القويم، كي لا يُبَكَّت بمخالطة هرطوقيّة وامنحه أللّهمَّ أن يدنوَ من هذه الخدمة بنقاء الضمير ويباشر بمهابةٍ ورعدة خدمةَ أسرارك الإلهيّة خدمةً مقدّسة ليجد بها نجاةً تامّةً لحياته، وصفحاً عن الذنوب وغفراناً للخطايا لكل رعيّتك الناطقة المقدّسة التي أودعت له بأحكام لاهوتك الغامضة بنعمة ابنك الوحيد ورأفته الذي معه يليق بك المجد والكرامة والولاية مع روحك القدّوس الجوّاد والمسجود لك بالجوهر، الآن وكلّ أوانٍ وإلى أبد الآبدين܀

ܪܺܝܫܟ̊ܳܗ̈ܢܶܐ:

ܡܶܢ ܐܰܠܳܗܳܐ ܢܩܰܒ̊ܶܠ ܚܽܘ̣ܣܳܝܳܐ ܕ̥ܚܰܘ̈ܒ̥ܶܐ ܘܫܽܘ̣ܒ̥ܩܳܢܳܐ ܕ̥ܰܚ̈ܛܳܗܶܐ ܒܰܬ̥ܪ̈ܰܝܗܽܘ̇ܢ ܥܳܠ̈ܡܶܐ ܠܥܳܠܰܡ ܥܳܠܡܺܝ̣ܢ܀

ܥܶܢܝܳܢܳܐ ܕ̥ܫܰܒܰܚܘ ܠܡܳܪܝܳܐ [ܒܪܶܟ̥ܢܳܐ ܕ̥ܩܰܕ̊ܺܝ̣ܫܳܐ ܕ̥ܰܐܫܪܺܝ]

ܪܺܝܫܟ̊ܳܗ̈ܢܶܐ:

ܫܰܒܰܚܘ ܠܡܳܪܝܳܐ ܒܩܽܘ̣ܕ̥ܫܶܗ ܫܰܒܚܽܘ̣ܗ̱ܝ ܒܰܪܩܺܝ̣ܥܳܐ ܕ̥ܥܽܘ̣ܫܢܶܗ܀

ܡܫܰܡ̈ܫܳܢܶܐ:

ܩܰܕ̊ܺܝ̣ܫܳܐ ܕ̥ܰܐܫܪܺܝ ܫܟ̥ܺܝ̣ܢܬ̊ܶܗ܆ ܥܰܠ ܛܽܘ̣ܪ ܣܺܝܢܰܝ ܘܩܰܕ̊ܫܶܗ. ܗܽܘ ܢܺܐܬ̥ܶܐ ܘܢܶܫܪܶܐ ܘܢܰܓ̊ܶܢ܆ ܥܰܠ ܥܰܒܕ̊ܶܗ [ܥܰܒ̥ܕ̊ܰܘܗ̱̈ܝ] ܘܢܶܬ̥ܩܰܕ̊ܰܫ [ܘܢܶܬ̥ܩܰܕ̊ܫܽܘ̣ܢ]܀

ܪܺܝܫܟ̊ܳܗ̈ܢܶܐ:

ܫܰܒܚܽܘ̣ܗ̱ܝ ܒܚܰܝܠܬ̥ܳܢܽܘ̣ܬ̥ܶܗ܆ ܫܰܒ̊ܚܽܘ̣ܗ̱ܝ ܒܣܽܘ̇ܓ̥ܐܳܐ ܕ̥ܪܰܒ̊ܽܘ̣ܬ̥ܶܗ܀

ܡܫܰܡ̈ܫܳܢܶܐ:

ܨܠܳܐ ܪܳܡܳܐ ܥܰܠ ܛܽܘ̣ܪ ܣܺܝܢܰܝ܆ ܘܰܐܓ̊ܶܢ ܐܺܝ̣ܕ̥ܶܗ ܥܰܠ ܡܽܘ̣ܫܶܐ. ܘܡܽܘ̣ܫܶܐ ܣܳܡܳܗ̇ ܥܰܠ ܐܰܗܪܽܘ̇ܢ܆ ܘܶܐܬ̥ܝܰܒܠܰܬ̥ ܨܶܝܕ̥ ܝܽܘ̇ܚܰܢܢ܀

ܪܺܝܫܟ̊ܳܗ̈ܢܶܐ:

ܫܰܒܚܽܘ̣ܗ̱ܝ ܒܩܳܠܳܐ ܕ̥ܩܰܪܢܳܐ. ܫܰܒ̊ܚܽܘ̣ܗ̱ܝ ܒܩܺܝܬܳܪ̈ܶܐ ܘܰܒܟ̥ܶܢܳܪ̈ܶܐ܀

ܡܫܰܡ̈ܫܳܢܶܐ:

ܪܽܘ̣ܚܳܐ ܩܰܕ̊ܺܝ̣ܫܳܐ ܕ̥ܰܐܓ̊ܶܢ܆ ܥܰܠ ܫܠܺܝ̣̈ܚܶܐ ܒܓ̥ܰܘ ܥܶܠܺܝܬ̥ܳܐ. ܗܽܘ ܢܺܐܬ̥ܶܐ ܘܢܶܫܪܶܐ ܘܢܰܓ̊ܶܢ܆ ܥܰܠ ܥܰܒܕ̊ܶܗ [ܥܰܒ̥ܕ̊ܰܘܗ̱̈ܝ] ܘܢܶܬ̥ܩܰܕ̊ܰܫ [ܘܢܶܬ̥ܩܰܕ̊ܫܽܘ̣ܢ]܀

ܪܺܝܫܟ̊ܳܗ̈ܢܶܐ:

ܫܰܒܚܽܘ̣ܗ̱ܝ ܒܰܦ̈ܠܰܓܶܐ ܘܒܰܪ̈ܒܺܝ̣ܥܶܐ܆ ܫܰܒ̊ܚܽܘ̣ܗ̱ܝ ܒܡܶܢܶـ̈ܐ ܚܰܠ̈ܝܳܬ̥ܳܐ܀

ܡܫܰܡ̈ܫܳܢܶܐ:

ܪܽܘ̣ܚܳܐ ܕ̥ܡܰܠܶܠ ܒܰܢ̈ܒܺܝܶܐ܆ ܘܶܐܬ̥ܳܐ ܘܰܐܓ̊ܶܢ ܥܰܠ ܫܠܺܝ̣̈ܚܶܐ. ܗܽܘ ܢܺܐܬ̥ܶܐ ܘܢܶܫܪܶܐ ܘܢܰܓ̊ܶܢ܆ ܥܰܠ ܥܰܒ̥ܕ̊ܶܗ [ܥܰܒ̥ܕ̊ܰܘܗ̱̈ܝ] ܘܢܶܬ̥ܩܰܕ̊ܰܫ [ܘܢܶܬ̥ܩܰܕ̊ܫܽܘ̣ܢ]܀

ܪܺܝܫܟ̊ܳܗ̈ܢܶܐ:

ܫܰܒܚܽܘ̣ܗ̱ܝ ܒܨܺܝܨܠܰܝ̈ ܫܶܡܥܳܐ܆ ܫܰܒ̊ܚܽܘ̣ܗ̱ܝ ܒܩܳܠܳܐ ܘܒܰܩܥܳܬ̥ܳܐ܆ ܟ̊ܽܠ ܢܶܫܡܳܐ ܬ̥ܫܰܒܰܚܝ ܠܡܳܪܝܳܐ܀

ܡܫܰܡ̈ܫܳܢܶܐ:

ܛܳܒ̥ܳܐ ܕ̥ܰܐܓ̥ܥܶܠ ܠܰܫܠܺܝ̈ܚܰܘܗ̱ܝ܆ ܫܽܘ̣ܠܛܳܢܳܐ ܕ̥ܪܰܘܡܳܐ ܘܥܽܘ̣ܡܩܳܐ. ܐܰܫܪܳܐ ܫܟ̥ܺܝ̣ܢܬ̊ܳܟ̥ ܒܛܰܝܒܽܘ̣ܬ̥ܳܟ̥܆ ܥܰܠ ܥܰܒ̥ܕ̊ܳܟ̥ [ܥܰܒ̥ܕ̊ܰܝ̈ܟ̊] ܘܢܶܬ̥ܩܰܕ̊ܰܫ [ܘܢܶܬ̥ܩܰܕ̊ܫܽܘ̣ܢ]܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܰܐܒ̥ܐ ܩܰܕ̊ܺܝ̣ܫܳܐ܆ ܕ̊ܫܰܕ̊ܰܪ ܠܰܒܪܶܗ ܩܰܕ̊ܺܝ̣ܫܳܐ. ܘܰܒܝܰܕ̥ ܪܽܘ̣ܚܶܗ ܩܰܕ̊ܺܝ̣ܫܳܐ܆ ܝܳܗܶܒ ܩܽܘ̣ܕ̥̈ܫܶܐ ܠܩܰܕ̊ܺܝ̣̈ܫܶܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܪܽܘ̣ܚܳܐ ܩܰܕ̊ܺܝ̣ܫܳܐ ܕ̥ܩܰܕ̊ܶܫ܆ ܠܰܫܡܽܘ̇ܐܶܝܠ ܡܶܢ ܓ̊ܰܘ ܟ̊ܰܪܣܳܐ. ܗܽܘ ܢܺܐܬ̥ܶܐ ܘܢܶܫܪܶܐ ܘܢܰܓ̊ܶܢ܆ ܥܰܠ ܥܰܒ̥ܕ̊ܶܗ [ܥܰܒ̥ܕ̊ܰܘܗ̱̈ܝ] ܘܢܶܬ̥ܩܰܕ̊ܰܫ [ܘܢܶܬ̥ܩܰܕ̊ܫܽܘ̣ܢ]܀

ܡܫܰܡ̈ܫܳܢܶܐ:

ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀

ܨܠܽܘ̇ܬ̥ܳܐ ܕ̥ܦܺܝܪܡܳܐ

ܠܦܰܐܝܽܘ̣ܬ̥ ܫܽܘ̣ܒ̥ܚܳܐ ܕ̥ܪܰܒ̊ܽܘ̣ܬ̥ܳܟ̥ ܥܶܠܳܝ ܡܶܢ ܟ̊ܽܠ ܒܰܟ̥ܝܳܢܶܗ܆ ܩܰܪܶܒܢܰܢ ܠܒܶܣ̈ܡܶܐ ܗܳܠܶܝܢ܆ ܕ̊ܰܒܥܶܛܪܳܐ ܕ̥ܦܺܝܪܡܳܐ ܡܶܬ̥ܥܰܠܶܝܢ. ܘܡܶܢ ܥܽܘ̣ܡܩܳܐ ܕ̥ܰܐܪܥܳܐ ܠܶܒܳܢܳܝܬ̊ܳܐ܆ ܘܡܶܢ ܙܰܘ̈ܥܶܐ ܬ̥ܰܪ̈ܥܺܝ̣ܬ̥ܳܢܳܝܶܐ܆ ܥܰܠ ܚܽܘ̣ܦ̈ܢܶܐ ܕ̥ܗܰܘܢܳܐ ܚܰܪܺܝ̣ܦ ܚܙܳܝܳܐ ܡܶܬ̥ܩܰܪܒܺܝ̣ܢܰܢ܆ ܠܬ̥ܰܪܥܽܘ̣ܬ̥ܳܐ ܕ̥ܡܳܪܽܘ̣ܬ̥ܳܟ̥. ܐܰܢ̱ܬ̊ ܗܳܟ̥ܺܝܠ ܛܳܒ̥ܳܐ ܘܒܰܣܺܝ̣ܡܳܐ ܘܪܳܚܶܡ ܐ̱ܢܳܫܳܐ܆ ܒܡܰܘܗ̈ܒܳܬ̥ܳܐ ܕ̥ܫܽܘ̣ܟ̊ܳܢܰܝ̈ܟ̊ ܐܰܠܳܗܳܝ̈ܶܐ܆ ܠܢܰܦ̈ܫܳܬ̥ܳܐ ܡܦܰܠܦ̈ܠܳܬ̥ ܒܰܚ̈ܛܳܗܶܐ܆ ܕ̊ܰܟ̊ܳܐ ܘܩܰܕ̊ܶܫ. ܘܰܠܗܳܢܳܐ ܕ̥ܒܺܐܝܕ̥ܰܝ̈ܢ ܐܶܬ̥ܩܪܺܝ܆ ܓ̊ܡܽܘ̇ܪ ܘܫܰܡܠܳܐ ܒܛܰܝܒ̊ܽܘ̣ܬ̥ܳܟ̥. ܐܰܝܟ̊ܰܢܳܐ ܕ̥ܥܰܡ ܫܽܘ̣ܘܙܳܒܳܐ ܕ̥ܟ̥ܰܟ̊ܪܳܐ ܗܳܝ ܕ̊ܡܶܢ ܡܳܪܽܘ̣ܬ̥ܳܟ̥ ܠܶܗ ܡܶܬ̥ܓ̊ܰܥܠܳܐ܆ ܘܥܰܡ ܝܽܘ̣ܬ̥ܪ̈ܳܢܶܐ ܡܶܬ̥ܚܰܙܝܳܐ ܘܡܶܬ̥ܥܰܦܦܳܐ܆ ܢܶܬ̊ܬ̊ܰܘܣ̈ܦܳܢ ܠܶܗ ܐܳܦ ܠܰܢ܆ ܗܳܠܶܝܢ ܕ̊ܰܬ̥ܢܳܢ ܐܳܦ ܗܳܠܶܝܢ ܕ̊ܰܠܗܰܠ. ܘܫܽܘ̣ܒ̥ܚܳܐ ܘܺܐܝܩܳܪܳܐ ܘܣܶܓ̥ܕ̊ܬ̥ܳܐ ܢܰܣܶܩ ܠܳܟ̥ ܘܠܰܐܒܽܘ̣ܟ̥ ܘܰܠܪܽܘ̣ܚܳܟ̥ ܩܰܕ̊ܺܝ̣ܫܳܐ ܘܡܰܥܒ̊ܶܕ̥ ܚܰܝ̈ܶܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

إنّنا قرّبنا لسنى مجدِ عظمتِك المتعالي بطبعه على الكلّ هذه العطور، التي ترتفع بشذى البخور ومن أعماق قلبنا ومن شواعر ضميرنا، وهي تُقرّب على راحات العقل الحاد البصر لأرضاء ربوبيّتك، فأنت أيّها الكريم الحليم العطوف طهّر بمواهب عطاياك الإلهيّة وقدّس النفوسَ الملوثة بالخطايا، وكمّل ونقِّ بنعمتك عبدَكَ هذا المنتدب بوساطتنا، لكي ينجوَ بوزنته التي تودعه أيّاها ربوبيتك وتبدو مضاعفةً أرباحها فتزداد له ولنا أيضاً الهبات التي هنا والتي في الآخرة، ونرفع إليك وإلى أبيك وروحك القدّوس المحيي الحمد والوقار والسجود، الآن وكلّ أوانٍ وإلى أبد الآبدين܀

ܥܰܡܳܐ:

ܐܰܡܺܝܢ܀

ܪܺܝܫܡܫܡ̄:

ܩܽܘ̣ܪܝܶܠܶܝܣܽܘ̇ܢ܀

ܢܽܘ̣ܗܳܪܳܐ:

ܦܰܛܪܺܝ̣ܰܪܟ̥ܳܐ ܡܰܩܶܦ ܨܠܽܘ̇ܬ̥ܳܐ ܗܳܕ̥ܶܐ ܫܰܠܝܳܐܺܝ̣ܬ̥ ܥܰܠ ܢܰܦܫܶܗ ܟ̊ܰܕ̥ ܓ̊ܗܺܝ̣ܢ܀

ܓ̊ܗܳܢܬ̊ܳܐ

ܪܺܝܫܟ̊ܳܗ̈ܢܶܐ:

ܡܳܪܝܳܐ ܐܰܠܳܗܳܐ ܕ̥ܚܰܝ̈ܠܰܘܬ̥ܳܐ ܩܰܕ̊ܺܝ̈ܫܶܐ. ܗܰܘ ܕ̊ܣܳܡܬ̊ ܠܰܢ ܒܦܶܣܳܐ ܕ̥ܬ̥ܶܫܡܶܫܬ̊ܳܟ̥ ܗܳܕ̥ܶܐ. ܗܰܘ ܕ̊ܚܳܟ̥ܶܡ ܐܰܢ̱ܬ̊ ܠܗܰܘ̈ܢܶܐ ܕ̥ܰܒܢܰܝ̈ܢܳܫܳܐ. ܘܒܳܨܶܐ ܐܰܢ̱ܬ̊ ܠܶܒܰـ̈ܘܳܬ̥ܳܐ ܘܟ̥ܽܘܠ̈ܝܳܬ̥ܳܐ. ܫܡܰܥ ܠܰܢ ܡܶܛܽܠ ܣܽܘ̇ܓ̥ܐܳܐ ܕ̥ܪ̈ܰܚܡܰܝܟ̊. ܘܕ̥ܰܟ̊ܳܐ ܠܰܢ ܡܶܢ ܟ̊ܽܠܶܗ ܛܽܘ̣ܠܫܳܐ ܕ̥ܒܶܣܪܳܐ ܘܰܕ̥ܪܽܘ̣ܚܳܐ. ܐܰܥܒܰܪ ܚܛܳܗܰܝ̈ܢ ܐܰܝܟ̥ ܥܢܳܢܳܐ. ܘܰܐܝܟ̥ ܥܰܪܦܶܠܳܐ ܥܰܘܠܰܝ̈ܢ. ܡܠܺܝ ܠܰܢ ܡܶܢ ܚܰܝܠܳܐ ܕ̥ܺܝܠܳܟ̥. ܘܡܶܢ ܛܰܝܒ̊ܽܘ̣ܬ̥ܳܐ ܕ̥ܺܝܚܺܝܕ̥ܳܝܳܐ ܒܪܳܐ. ܘܡܶܢ ܡܰܥܒ̊ܕ̥ܳܢܽܘ̣ܬ̥ܳܐ ܕ̥ܪܽܘ̣ܚܳܐ ܕ̥ܺܝܠܳܟ̥ ܩܰܕ̊ܺܝ̣ܫ ܒܟ̥ܽܠ. ܘܰܐܣܦܶܩ ܠܰܢ ܕ̊ܢܶܗܘܶܐ ܡܫܰܡ̈ܫܳܢܶܐ ܕ̥ܕܺܝܰܬ̥ܺܝܩܺܐ ܕ̥ܺܝܠܳܟ̥ ܚܕ̥ܰܬ̊ܳܐ. ܐܰܝܟ̊ܰܢܳܐ ܕ̥ܢܶܫܟ̊ܰܚ ܕܰ̊ܐܝܟ̥ ܕ̊ܫܳܘܶܐ ܠܰܫܡܳܟ̥ ܩܰܕ̊ܺܝ̣ܫܳܐ܆ ܢܩܽܘ̣ܡ ܩܕ̥ܳܡܰܝܟ̊ ܠܰܡܫܰܡܳܫܽܘ̣ ܘܠܰܡܟ̥ܰܗܳܢܽܘ̣ ܠܐ̱ܪ̈ܳܙܰܝܟ̊ ܐܰܠܳܗܳܝ̈ܶܐ. ܘܠܳܐ ܬ̥ܶܫܒܽܘ̇ܩ ܠܰܢ ܕ̊ܫܰܘܬ̊ܳܦ̈ܐ ܢܶܗܘܶܐ ܕ̥ܰܚ̈ܛܳܗܶܐ ܢܽܘ̣ܟ̥ܪ̈ܳܝܶܐ. ܐܶܠܳܐ ܐܳܦ ܠܗܳܠܶܝܢ ܕ̊ܺܝܠܰܢ ܠܚܺܝ. ܘܗܰܒ ܠܰܢ ܡܳܪܝܳܐ܆ ܕ̊ܠܳܐ ܢܶܥܒ̊ܶܕ̥ ܡܶܕ̊ܶܡ ܒܡܶܨܛܰܠܝܳܢܽܘ̣ܬ̥ܳܐ. ܐܶܠܳܐ ܫܰܟ̊ܶܢ ܠܰܢ ܝܺܕ̥ܰܥܬ̥ܳܐ. ܠܡܶܓ̥ܒܳܐ ܠܗܳܠܶܝܢ ܕ̊ܫܳܘܶܝܢ ܘܠܰܡܩܰܪܳܒܘ̣ ܠܳܟ܀

ܬ̊ܠܳܝܬ̊ܳܐ

ܪܺܝܫܟ̊ܳܗ̈ܢܶܐ:

ܘܩܰܒ̊ܶܠ ܠܪܺܝܫ ܟ̊ܳܗ̈ܢܶܐ ܘܫܰܡܠܳܐ ܠܥܰܒ̥ܕ̊ܳܟ̥ ܗܳܢܳܐ ܕ̥ܗܳܪܟ̊ܳܐ ܩܰܪܺܝ̣ܒ܆ ܘܰܡܣܰܟ̊ܶܐ ܠܡܰܘܗܰܒܬ̥ܳܟ̥ ܫܡܰܝܳܢܺܝ̣ܬ̥ܳܐ. ܡܶܛܽܠ ܕ̊ܒܰܣܺܝ̣ܡܳܐ ܐܺܝ̣ܬ̥ܰܝܟ̊ ܘܣܰܓ̊ܺܝ ܪ̈ܰܚܡܶܐ ܠܟ̥ܽܠܗܽܘ̇ܢ ܗܳܢܽܘ̇ܢ ܕ̊ܩܳܪܶܝܢ ܠܳܟ̥. ܘܚܰܝܠܬ̥ܳܢ ܐܽܘ̣ܚܕ̊ܳܢܳܐ ܕ̥ܺܝܠܳܟ̥. ܘܕ̥ܺܝܚܺܝܕ̥ܳܝܳܐ ܒܪܳܐ ܕ̥ܺܝܠܳܟ̥. ܘܰܕ̥ܪܽܘ̣ܚܳܐ ܕ̥ܺܝܠܳܟ̥ ܩܰܕ̊ܺܝ̣ܫ ܒܟ̥ܽܠ. ܛܳܒ̥ܳܐ ܘܰܣܓ̥ܺܝ̣ܕ̥ܳܐ ܘܡܰܥܒ̊ܶܕ̥ ܚܰܝ̈ܶܐ. ܘܰܫܘܶܐ ܠܳܟ̥ ܒܽܐܘ̣ܣܺܝܰܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܡܫܰܡ̈ܫܳܢܶܐ:

ܐܰܡܺܝ̣ܢ ܒܰܪܶܟ̥ܡܳܪܝ܀

ܪܺܝܫܟܳܗ̈ܢܶܐ:

ܫܠܳܡܳܐ ܠܟ̥ܽܠܟ̥ܽܘ̇ܢ܀

ܥܰܡܳܐ:

ܥܰܡ ܪܽܘ̣ܚܳܐ ܕ̥ܺܝܠܳܟ̥܀

ܢܽܘ̣ܗܳܪܳܐ:

ܪܺܝܫܟ̊ܳܗ̈ܢܶܐ ܡܪܰܚܶܦ ܠܰܟ̥ܬ̥ܳܒ̥ܳܐ ܥܰܠ ܐܪ̈ܳܙܶܐ ܩܰܕ̊ܺܝ̣̈ܫܶܐ ܘܳܐܡܰܪ:

ܪܺܝܫܟ̊ܳܗ̈ܢܶܐ:

ܛܰܝܒܽܘ̣ܬ̥ܳܐ܆

ܢܽܘ̣ܗܳܪܳܐ:

ܘܗܳܝܕܶܝܢ ܦܳܩܶܕ̥ ܦܰܛܪܺܝ̣ܰܪܟ̥ܳܐ ܠܚܰܕ̥ ܡܶܢ ܐܶܦܣ̈ܩܽܘܦܶܐ ܘܡܰܟ̥ܪܶܙ ܠܟ̥ܳܪܽܘܙܽܘܬ̥ܳܐ ܗ̇ܕܶܐ܆ ܟ̊ܰܕ̥ ܚܰܕ̥ ܡܶܢ ܩܰܫܺܝ̣̈ܫܶܐ ܛܳܥܶܢ ܠܡܽܘܪܳܢܺܝ̣ܬ̥ܳܐ ܘܩܳܐܶܡ ܒܰܬ̥ܪܰܥ ܡܰܕ̥ܒ̊ܚܳܐ܀

ܚܰܣܝܳܐ:

ܐܰܠܳܗܳܝܬ̊ܳܐ ܗܳܝ ܕ̊ܠܰܡ̈ܚܺܝ̣ܠܳܬ̥ܳܐ ܡܰܐܣܝܳܐ ܘܰܠܚܰܣܺܝ̣ܪ̈ܳܬ̥ܳܐ ܡܡܰܠܝܳܐ. ܘܰܒܛܺܝ̣ܠ ܠܳܗ̇ ܥܰܠ ܥܺܕ̈ܬ̥ܳܐ. ܩܳܪܝܳܐ ܘܡܰܣܪܚܳܐ [ܠܰܦܠܳܢ] ܪܳܚܶܡ ܐܰܠܳܗܳܐ ܕ̥ܰܝܪܳܝܳܐ ܩܰܫܺܝ̣ܫܳܐ ܕ̥ܩܰܪܺܝܒ ܠܶܐܦܣܩܽܘ̇ܦܽܘ̣ܬ̥ܳܐ ܐܰܘ ܠܡܺܝܛܪܽܘ̇ܦܽܘ̇ܠܺܝܛܽܘ̣ܬ̥ܳܐ [ܕܰܦܠܳܢܺܝ̣ܬ̥] ܡܕ̥ܺܝܢ̱ܬ̊ܳܐ ܡܒܰܪܰܟ̥ܬ̊ܳܐ܆ ܢܨܰܠܶܐ ܟ̥ܽܠܰܢ ܗܳܟ̥ܺܝܠ ܕܬ̥ܺܐܬ̥ܶܐ ܥܠܰܘܗ̱ܝ ܛܰܝܒ̊ܽܘ̣ܬ̥ܳܐ ܘܡܰܓ̊ܢܳܢܽܘ̣ܬ̥ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ܆ ܘܢܰܙܥܶܩ ܘܢܺܐܡܰܪ ܬ̊ܠܺܝ̣ܬ̥ܳܐܺܝ̣ܬ̥܆ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܀

ܢܽܘ̣ܗܳܪܳܐ:

ܬ̊ܽܘ̣ܒ̥ ܦܰܛܪܺܝ̣ܰܪܟ̥ܳܐ ܡܨܰܠܶܐ ܨܠܽܘ̇ܬ̥ܳܐ ܗܳܕ̥ܶܐ ܟ̥ܰܕ̥ ܓ̊ܗܺܝܢ.

ܓ̊ܗܳܢܬ̊ܳܐ

ܪܺܝܫܟ̊ܳܗ̈ܢܶܐ:

ܐܺܝܢ ܡܳܪܝܳܐ܆ ܕ̊ܫܳܘܶܐ ܥܒܶܕ̥ܳܝܗ̱ܝ ܠܰܩܪܳܝܬ̊ܳܐ ܕ̥ܪܺܝܫܽܘ̣ܬ̥ ܟ̊ܳܗܢܽܘ̣ܬ̥ܳܐ. ܐܰܝܟ̊ܰܢܳܐ ܕ̥ܢܶܫܬ̊ܘܶܐ ܒܝܰܕ̥ ܪܶܚܡܰܬ̥ ܐ̱ܢܳܫܽܘ̣ܬ̥ܳܟ̥܆ ܕ̊ܰܐܝܟ̥ ܕ̊ܫܳܘܶܐ ܠܰܫܡܳܟ̥ ܢܶܦܠܽܘ̇ܚ ܠܳܟ̥ ܘܰܠܡܰܕ̥ܒ̊ܚܳܟ̥ ܩܰܕ̊ܺܝ̣ܫܳܐ. ܘܢܶܪܥܶܐ ܠܥܰܡܳܟ̥ ܒܚܰܣܝܽܘ̣ܬ̥ܳܐ ܘܩܰܕ̊ܺܝ̣ܫܽܘ̣ܬ̥ܳܐ ܘܙܰܕܺܝ̣ܩܽܘ̣ܬ̥ܳܐ܀

ܬ̊ܠܳܝܬ̊ܳܐ

ܪܺܝܫܟ̊ܳܗ̈ܢܶܐ:

ܘܢܶܫܟ̊ܰܚ ܝܳܪܬ̊ܽܘ̣ܬ̥ܳܐ ܕ̥ܩܰܕ̊ܺܝ̣ܫܰܝ̈ܟ̊. ܒܝܰܕ̥ ܪ̈ܰܚܡܶܐ ܕ̥ܺܝܚܺܝܕ̥ܳܝܳܐ ܒܪܳܟ̥ ܕ̊ܒܺܐܝ̣̈ܕ̥ܰܘܗ̱ܝ ܘܥܰܡܶܗ ܠܳܟ̥ ܦܐܶܐ ܫܽܘ̣ܒ̥ܚܳܐ ܘܺܐܝܩܳܪܳܐ ܘܽܐܘ̣ܚܕ̊ܳܢܳܐ ܥܰܡ ܪܽܘ̣ܚܳܟ̥ ܩܰܕ̊ܺܝ̣ܫܳܐ ܘܰܫܘܶܐ ܠܳܟ̥ ܒܽܐܘ̣ܣܺܝܰܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܥܰܡܳܐ:

ܐܰܡܺܝ̣ܢ܀

ܢܽܘ̣ܗܳܪܳܐ:

ܦܰܛܪܺܝ̣ܰܪܟ̥ܳܐ܆ ܣܳܐܶܡ ܐܺܝ̣̈ܕ̥ܰܘܗ̱ܝ ܬ̊ܰܪ̈ܬ̊ܰܝܗܶܝܢ ܥܰܠ ܦܰܓ̥ܪܳܐ ܩܰܕ̊ܺܝ̣ܫܳܐ܆ ܘܦܳܫܶܛ ܕܪ̈ܳܥܰܘܗ̱ܝ܆ ܘܰܡܟ̥ܰܢܶܫ ܬ̊ܠܳܬ̥ ܙܰܒܢܺܝ̈ܢ܆ ܟ̊ܰܕ̥ ܒܟ̥ܽܠ ܙܒܰܢ̱ܬ̊ܳܐ܆ ܐܳܦ ܥܰܠ ܟ̊ܳܣܳܐ ܡܰܘܒ̊ܶܠ ܠܗܶܝܢ ܠܚܽܘܦ̈ܢܰܘܗ̱ܝ ܟ̊ܰܕ̥ ܨܡܺܝ̣̈ܕ̥ܳܢ ܘܪܳܡܶܐ ܒܶܗ. ܘܗܳܦܶܟ̥ ܢܳܣܶܒ ܘܡܰܗܦܶܟ̥ ܠܘܳܬ̥ ܦܰܓ̥ܪܳܐ. ܘܟ̥ܰܕ̊ ܬ̊ܠܳܬ̥ ܙܰܒܢܺܝ̈ܢ ܥܰܠ ܦܰܓ̥ܪܳܐ ܡܪܰܚܶܦ܆ ܗܳܝܕܶܝܢ ܘܳܐܦ̥ ܥܰܠ ܟ̊ܳܣܳܐ ܗܳܟ̥ܘܳܬ̥ ܡܪܰܚܶܦ ܬ̊ܠܳܬ̥ ܙܰܒܢܺܝ̈ܢ. ܘܒܶܗ ܒܰܙܢܳܐ ܒܟ̥ܽܠ ܙܒܰܢ̱ܬ̊ܳܐ ܡܰܝܬ̊ܶܐ ܚܽܘܦ̈ܢܰܘܗ̱ܝ ܠܘܳܬ̥ ܦܰܓ̥ܪܳܐ ܘܪܳܡܶܐ ܒܶܗ. ܘܗܳܦܶܟ̥ ܢܳܣܶܒ ܘܡܰܗܦܶܟ̥ ܠܘܳܬ̥ ܟ̊ܳܣܳܐ. ܘܟ̥ܰܕ̥ ܡܫܰܡܠܶܐ ܬ̥ܠܳܬ̥ ܘܰܬ̥ܠܳܬ̥܆ ܗܳܝܕܶܝܢ ܡܟ̥ܰܣܶܝܢ ܠܺܐܝ̣̈ܕ̥ܰܘܗ̱ܝ ܒܦܶܕܬܳܐ. ܘܦܳܢܶܐ ܠܘܳܬ̥ ܗܰܘ ܕ̊ܡܶܬ̊ܬ̊ܰܣܪܰܚ ܘܪܳܡܶܐ ܥܰܠ ܪܺܝܫܶܗ ܘܡܳܫܰܚ. ܘܶܐܦܣ̈ܩܽܘܦܶܐ ܬ̥ܪܶܝܢ ܛܳܥܢܺܝ̣ܢ ܒܺܐܝ̣ܕ̥ܰܝ̈ܗܽܘ̇ܢ ܟ̊ܬ̥ܳܒ̥ܳܐ ܩܰܕ̊ܺܝ̣ܫܳܐ ܕ̥ܶܐܘܰܢܓܶܠܺܝܽܘ̇ܢ ܟ̊ܰܕ̥ ܦ̊ܬ̥ܺܝ̣ܚ ܐܰܝܟ̊ܳܐ ܕ̥ܳܐܡܰܪ:

”ܪܽܘ̣ܚܶܗ ܕ̊ܡܳܪܝܳܐ ܥܠܰܝ. ܘܡܶܛܽܠ ܗܳܢܳܐ ܡܰܫܚܰܢܝ ܠܰܡܣܰܒܳܪܘ̣ ܠܡܶܣ̈ܟ̊ܺܢܶܐ. ܘܫܰܠܚܰܢܝ ܠܡܰܐܣܳܝܽܘ̣ ܠܰܬ̥ܒܺܝ̣ܪ̈ܰܝ ܠܶܒܳܐ“ [ܠܘܩܐ ܕ̥: ܝܚ]. ܘܬ̥ܽܘܒ̥ ܐܰܝܟ̥ܳܐ ܕ̥ܳܐܡܰܪ: ”ܘܰܐܪܺܝܡ ܐܺܝ̣̈ܕ̥ܰܘܗ̱ܝ ܘܒܰܪܶܟ̥ ܐܶܢܽܘ̇ܢ“ [ܠܘܩܐ ܟ̥ܕ : ܢܢ]

ܠܥܶܠ ܡܶܢ ܐܺܝ̣̈ܕ̥ܰܘܗ̱ܝ ܕ̊ܦܰܛܪܺܝ̣ܰܪܟ̥ܳܐ. ܘܰܐ̱ܚܪ̈ܳܢܶܐ ܛܳܥܢܺܝ̣ܢ ܡܰܪ̈ܘܳܚܶܐ ܠܥܶܠ ܡܶܢ ܐܶܘܰܢܓܶܠܺܝܽܘ̇ܢ. ܘܗܳܝܕܶܝܢ ܦܰܛܪܺܝ̣ܰܪܟ̥ܳܐ ܡܪܺܝܡ ܐܺܝ̣̈ܕ̥ܰܘܗ̱ܝ ܘܦܳܫܶܛ ܕ̊ܪ̈ܳܥܰܘܗ̱ܝ. ܘܬ̥ܳܠܶܐ ܘܡܰܚܶܬ̥ ܠܗܶܝܢ ܬ̊ܠܳܬ̥ ܙܰܒܢܺܝ̈ܢ ܥܰܠ ܪܺܝܫܶܗ ܕ̊ܗܰܘ ܕ̊ܡܶܬ̊ܬ̊ܰܣܪܰܚ ܟ̊ܰܕ̥ ܐܶܦܣ̈ܩܽܘ̇ܦܶܐ ܥܰܡ ܐܺܝ̣̈ܕ̥ܰܘܗ̱ܝ ܕ̊ܦܰܛܪܺܝ̣ܰܪܟ̥ܳܐ ܡܪܺܝܡܺܝ̣ܢ ܠܰܟ̥ܬ̥ܳܒ̥ܳܐ ܕܶܐܘܰܢܓܶܠܺܝܽܘ̇ܢ܆ ܘܥܰܡ ܐܺܝ̣ܕ̥ܰܘܗ̱̈ܝ ܕ̊ܦܰܛܪܺܝ̣ܰܪܟ̥ܳܐ ܡܰܚܬ̥ܺܝ̣ܢ ܠܶܗ. ܟ̊ܰܕ̥ ܡܰܪ̈ܘܳܚܶܐ ܠܥܶܠ ܡܶܢ ܐܶܘܰܢܓܶܠܺܝܽܘ̇ܢ ܡܪܰܚܦܺܝ̣ܢ܀

ܗܳܝܕܶܝܢ ܣܳܐܶܡ ܦܰܛܪܺܝ̣ܰܪܟ̥ܳܐ ܝܰܡܺܝ̣ܢܶܗ ܥܰܠ ܪܺܝܫܶܗ ܕ̊ܗܰܘ ܕ̊ܗܳܐ ܡܶܬ̊ܬ̊ܰܣܪܰܚ. ܘܣܳܝܡܺܝ̣ܢ ܥܰܡܶܗ ܐܳܦ ܐܶܦܣ̈ܩܽܘ̇ܦܶܐ ܐܺܝ̣ܕ̥ܰܝ̈ܗܽܘ̇ܢ. ܘܰܡܟ̥ܰܣܶܐ ܦܰܛܪܺܝ̣ܰܪܟ̥ܳܐ ܠܶܗ ܠܡܶܬ̊ܬ̊ܰܣܪܚܳܢܳܐ ܒܦܰܝܢܶܗ. ܘܰܒܣܶܡܳܠܶܗ ܕ̊ܳܚܶܐ ܠܟ̥ܳܐ ܘܰܠܟ̥ܳܐ ܚܽܘ̣ܕ̥ܪܳܢܳܐܺܝ̣ܬ̥. ܟ̊ܰܕ̥ ܡܨܰܠܶܐ ܦܰܛܪܺܝ̣ܰܪܟ̥ܳܐ ܨܠܽܘ̇ܬ̥ܳܐ ܗܳܕ̥ܶܐ ܕ̥ܺܐܝܬ̥ܶܝܗ̇ ܕ̊ܰܩܪܳܝܬ̊ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ܆ ܟ̊ܰܕ̥ ܡܕ̥ܰܡܰܥ ܘܫܳܐܶܠ ܡܶܢ ܐܰܠܳܗܳܐ ܕ̥ܰܢܫܰܡܠܶܐ ܥܰܡܶܗ ܒܛܳܒܬ̥ܳܐ. ܘܳܐܡܰܪ ܗܳܟ̥ܰܢܳܐ ܟ̥ܰܕ̥ ܓ̊ܗܺܝ̣ܢ:

ܘܟ̥ܰܕ̥ ܦܰܛܪܺܝ̣ܰܪܟ̥ܳܐ ܩܳܪܶܐ ܠܰܨܠܽܘ̇ܬ̥ܳܐ ܕ̥ܰܩܪܳܝܬ̊ܳܐ ܫܰܠܝܳܐܺܝ̣ܬ̥. ܩܠܺܝܪ̈ܺܝܩܽܘ ܐܳܡܪܺܝ̣ܢ ܚܕ̥ܳܐ ܡܶܢ ܡܰܥܢ̈ܝܳܬ̥ܳܐ ܗܳܠܶܝܢ ܕ̊ܦܶܢܛܺܝܩܽܘܣܛܺܝ܀

ܦܶܬ̥ܓ̥ܳܡܳܐ: ܫܰܕ̊ܰܪ ܐܰܠܳܗܳܐ ܛܰܝܒ̊ܽܘ̣ܬ̥ܶܗ ܘܩܽܘ̣ܫܬ̊ܶܗ܀

ܬܰܟ̊ܫܶܦܬ̊ܳܐ ܒܩܺܝ̣ܢܬ̊ܳܐ ܚܡܺܝܫܳܝܬ̊ܳܐ ܒܩ̄: ܓ̊ܢܺܝ̣ܙ ܒܺܐܝ̣ܬ̥ܽܘ̣ܬ̥ܶܗ܀

ܡܫܰܡ̈ܫܳܢܶܐ:

ܟܽܠܡܶܕܶܡ ܣܳܥܰܪ. ܒܝܰܕ̥ ܡܰܘܗܰܒܬ̥ܶܗ. ܪܽܘ̣ܚܳܐ ܩܰܕ̊ܺܝ̣ܫܳܐ ܦܰܪܩܠܺܝܛܳܐ. ܢܶܒܥܰܐ ܗ̱ܘ ܕܰܢܒܺܝܽܘ̣ܬ̥ܳܐ. ܘܫܽܘ̣ܡܠܳܝܳܐ ܕ̥ܟ̥ܳܗܢܽܘ̣ܬ̥ܳܐ. ܝܳܗܶܒ ܚܶܟ̥ܡܬ̥ܳܐ ܠܰܦܫܺܝ̣̈ܛܶܐ. ܘܰܠܨܰܝܳܕ̈ܶܐ ܣܳܥܽܘܪܽܘ̣ܬ̥ܳܐ ܕ̥ܝܽܘ̣ܠ̈ܦܳܢܶܐ. ܘܰܒܟ̥ܽܠܗܶܝܢ ܐܺܝ̣ܬ̥ܰܘܗ̱ܝ ܡܚܰܟ̊ܡܳܢܳܐ ܕ̥ܥܺܕܰܬ̥ ܩܽܘ̣ܕ̥ܫܳܐ. ܒܰܪ ܟ̊ܝܳܢܳܐ ܘܒܰܪ ܡܰܘܬ̊ܒ̥ܳܐ ܕ̥ܰܐܒܳܐ ܘܕܰܒ̥ܪܳܐ ܪܽܘ̣ܚܳܐ ܩܰܕ̊ܺܝ̣ܫܳܐ ܫܽܘ̣ܒ̥ܚܳܐ ܠܳܟ̥܀

ܨܠܽܘ̇ܬ̥ܳܐ ܕ̥ܰܩܪܳܝܬ̊ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ

ܪܺܝܫܟ̊ܳܗ̈ܢܶܐ:

ܐܰܠܳܗܳܐ ܗܰܘ ܕ̊ܟ̥ܽܠܗܶܝܢ ܥܒ̥ܰܕ̊ܬ̊ ܒܚܰܝܠܳܟ̥. ܘܣܰܬ̊ܶܬ̊ܬ̊ ܠܬ̥ܺܒܶܝܠ ܒܨܶܒܝܳܢܳܐ ܕ̥ܺܝܚܺܝܕ̥ܳܝܳܟ̥. ܗܰܘ ܕܫܰܟ̊ܶܢܬ̊ ܠܰܢ ܗܰܘܢܳܐ ܕ̥ܰܫܪܳܪܳܐ. ܘܰܐܘܕ̊ܰܥܬ̊ ܠܰܢ ܚܽܘܒܳܟ̥ ܒܰܣܺܝ̣ܡܳܐ ܗܰܘ ܩܰܕ̊ܺܝ̣ܫܳܐ܆ ܗܰܘ ܪܺܝܫܳܝܳܐ. ܗܰܘ ܕ̊ܠܰܒܪܳܟ̥ ܚܰܒܺܝ̣ܒܳܐ ܝܺܚܺܝܕ̥ܳܝܳܐ ܡܶܠܬ̥ܳܐ ܝܶܫܽܘ̇ܥ ܡܫܺܝ̣ܚܳܐ ܡܳܪܝܳܐ ܕ̥ܫܽܘ̣ܒ̥ܚܳܐ܆ ܝܰܗ̱ܒܬ̊ ܪܳܥܝܳܐ ܘܳܐܣܝܳܐ ܕ̥ܢܰܦ̈ܫܳܬ̥ܰܢ. ܘܒܰܕ̥ܡܶܗ ܝܰܩܺܝ̣ܪܳܐ ܩܰܝܶܡܬ̊ ܠܥܺܕ̊ܬ̊ܳܟ̥. ܘܟ̥ܽܠܶܗ ܛܶܟ̊ܣܳܐ ܕ̥ܟ̥ܳܗܢܽܘ̣ܬ̥ܳܐ ܣܳܡܬ̊ ܒܳܗ̇. ܘܫܰܟ̊ܶܢܬ̊ ܠܰܢ ܡܗܰܕ̈ܝܳܢܶܐ ܠܘܳܬ̥ ܗܳܝ ܕ̊ܢܶܫܦܰܪ ܠܳܟ̥. ܒܗܳܝ ܕܺܝ̣ܕ̥ܰܥܬ̥ܳܐ ܕ̥ܰܫܡܳܐ ܕ̥ܰܡܫܺܝ̣ܚܳܟ̥ ܣܶܓ̥ܝܰܬ̥ ܘܶܐܫܬ̊ܰܦܥܰܬ̥ ܥܰܠ ܟܽܠܳܗ̇ ܬ̊ܺܒܶܝܠ. ܐܰܢ̱ܬ̊ ܫܰܕ̊ܰܪ ܥܰܠ ܥܰܒ̥ܕ̊ܳܟ̥ ܗܳܢܳܐ ܪܽܘ̣ܚܳܐ ܩܰܕ̊ܺܝ̣ܫܳܐ ܘܪܽܘ̣ܚܳܢܳܝܳܐ܆ ܠܘܳܬ̥ ܗܳܝ ܕ̊ܢܶܪܥܶܐ ܘܢܶܣܥܽܘ̇ܪ ܥܺܕ̊ܬ̊ܳܟ̥ ܗܳܝ ܕܶܐܬ̥ܗܰܝܡܢܰܬ̥ ܠܶܗ. ܕ̊ܰܢܣܺܝܡ ܟ̊ܳܗ̈ܢܶܐ܆ ܘܢܶܡܫܽܘ̇ܚ ܡܫܰܡ̈ܫܳܢܶܐ܆ ܘܰܢܩܰܕ̊ܶܫ ܡܰܕ̥ܒ̊̈ܚܶܐ ܘܥܺܕ̈ܬ̥ܳܐ܆ ܘܰܢܒܰܪܶܟ̥ ܒ̈ܬܶ̊ܐ܆ ܘܢܶܥܒ̊ܶܕ̥ ܩܪ̈ܳܝܳܬ̥ܳܐ ܡܰܥܒܕ̥ܳܢ̈ܝܳܬ̥ܳܐ܆ ܢܰܐܣܶܐ܆ ܢܕ̥ܽܘ̣ܢ܆ ܢܶܦܪܽܘ̇ܩ܆ ܢܫܰܘܙܶܒ܆ ܢܶܫܪܶܐ܆ ܢܶܩܛܽܘ̇ܪ܆ ܢܰܫܠܰܚ܆ ܢܰܠܒܶܫ܆ ܢܶܦܪܽܘ̇ܫ. ܘܟ̥ܽܠܶܗ ܫܽܘ̣ܠܛܳܢܳܐ ܕ̥ܩܰܕ̊ܺܝ̣ܫܰܝ̈ܟ̊ ܗܰܒ ܠܶܗ܆ ܗܰܘ ܕܝܰܗ̱ܒ̥ܬ̊ ܠܰܫܠܺܝ̣̈ܚܶܐ ܕ̥ܺܝܚܺܝܕ̥ܳܝܳܐ ܒܪܳܟ̥. ܐܰܝܟ̊ܰܢܳܐ ܕ̥ܢܶܗܘܶܐ ܪܺܝܫ ܟ̊ܳܗ̈ܢܶܐ ܕ̥ܬܶܫܒܽܘ̇ܚܬ̊ܳܐ܆ ܒܺܐܝܩܳܪܳܐ ܕ̥ܡܽܘܫܶܐ܆ ܒܕܰܪܓ̥ܳܐ ܕ̥ܰܐܗܪܽܘ̇ܢ܆ ܒܚܰܝܠܳܐ ܕ̥ܬܰܠܡܺܝ̣ܕ̥ܰܝ̈ܟ̊܆ ܒܡܰܥܒ̊ܕ̥ܳܢܽܘ̣ܬ̥ܳܐ ܕ̥ܝܰܥܩܽܘܒ ܚܰܣܝܳܐ܆ ܒܟ̥ܽܘ̣ܪܣܝܳܐ ܕ̥ܪ̈ܺܝܫܰܝ ܐܰܒܳܗ̈ܳܬ̥ܳܐ. ܐܰܝܟ̊ܰܢܳܐ ܕ̥ܢܶܬ̥ܩܰܝܰܡ ܥܰܡܳܟ̥ ܘܥܶܪ̈ܒܶܐ ܕ̥ܝܳܪܬ̊ܽܘ̣ܬ̥ܳܟ̥܆ ܒܝܰܕ̥ ܗܳܢܳܐ ܥܰܒ̥ܕ̊ܳܟ̥. ܗܰܒ ܠܶܗ ܚܶܟ̥ܡܬ̥ܳܐ ܘܺܝܕ̥ܰܥܬ̥ܳܐ. ܘܢܺܐܠܰܦ ܨܶܒܝܳܢܳܐ ܕ̥ܡܳܪܽܘ̣ܬ̥ܳܟ̥܆ ܕ̊ܢܶܫܬ̊ܰܘܕ̊ܰܥ ܚܛܳـ̈ܗܶܐ. ܘܢܶܕ̊ܰܥ ܬ̊ܚܽܘܡ̈ܶܐ ܕ̥ܙܰܕ̊ܺܝ̣ܩܽܘ̣ܬ̥ܳܐ ܘܕ̥ܺܝ̣̈ܢܶܐ. ܢܶܫܪܶܐ ܫܟܳܚ̈ܬ̥ܳܐ ܘܥܰܣ̈ܩܳܬ̥ܳܐ. ܘܢܶܫܪܶܐ ܟ̥ܽܠ ܐܶܣܳܪ̈ܶܐ ܕ̥ܥܰܘܠܳܐ܀

ܢܽܘ̣ܗܳܪܳܐ:

ܬܽܘܒ ܨܠܽܘ̇ܬ̥ܳܐ ܐܚܪܺܬ̥ܳܐ ܕ̥ܰܩܪܳܝܬ̊ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ ܕ̥ܺܐܝܬ̥ܶܝܗ̇ ܕܡܺܝܛܪ̈ܽܘܦܽܘܠܺܝܛܽܘ ܕ̥ܰܡܨܰܠܶܐ ܠܳܗ̇ ܦܰܛܪܺܝ̣ܰܪܟ̥ܳܐ ܟ̥ܰܕ̥ ܓ̊ܗܺܝ̣ܢ܀

ܓ̊ܗܳܢܬ̊ܳܐ

ܪܺܝܫܟ̊ܳܗ̈ܢܶܐ:

ܡܳܪܝܳܐ: ܗܰܘ ܕ̊ܺܐܝܬ̥ܰܘܗ̱ܝ ܡܳܪܝܳܐ ܐܰܠܳܗܳܐ ܐܰܚܺܝ̣ܕ̥ ܟ̊ܽܠ܆ ܐܰܒܽܘ̣ܗ̱ܝ ܕ̊ܡܳܪܰܢ ܘܦܳܪܽܘܩܰܢ ܝܶܫܽܘ̇ܥ ܡܫܺܝ̣ܚܳܐ܆ ܗܰܘ ܕ̊ܒܰܠܚܽܘ̇ܕ̥ܰܘܗ̱ܝ ܐܺܝ̣ܬ̥ܰܘܗ̱ܝ܆ ܘܰܕ̥ܠܳܐ ܪܺܝܫܳܐ ܘܠܳܐ ܡܶܬ̊ܬ̊ܰܡܠܟ̥ܳܢܳܐ܆ ܗܰܘ ܕ̊ܰܒܟ̥ܽܠܙܒܰܢ ܘܰܩܕ̥ܳܡ ܥܳܠ̈ܡܶܐ܆ ܗܰܘ ܕ̊ܰܒܟ̥ܽܠ ܠܳܐ ܣܢܺܝ̣ܩܳܐ ܐܺܝ̣ܬ̥ܰܘܗ̱ܝ܆ ܘܰܡܥܰܠܰܝ ܡܶܢ ܟ̊ܽܠ ܥܶܠܬ̥ܳܐ ܘܺܝܠܺܝ̣ܕ̥ܽܘ̣ܬ̥ܳܐ܆ ܗܰܘ ܕ̊ܒܰܠܚܽܘ̇ܕ̥ܰܘܗ̱ܝ ܫܰܪܺܝ̣ܪܳܐ܆ ܗܰܘ ܕ̊ܒܰܠܚܽܘ̇ܕ̥ܰܘܗ̱ܝ ܚܰܟ̊ܺܝ̣ܡܳܐ܆ ܗܰܘ ܕ̊ܺܐܝܬ̥ܰܘܗ̱ܝ ܒܰܠܚܽܘ̇ܕ̥ܰܘܗ̱ܝ ܡܪܰܝܡܳܐ܆ ܗܰܘ ܕ̊ܰܠܟ̥ܽܠ ܟ̊ܝܳܢܳܐ ܐܺܝ̣ܬ̥ܰܘܗ̱ܝ ܠܳܐ ܡܶܬ̥ܚܰܙܝܳܢܳܐ܆ ܗܰܘ ܕ̊ܗܽܘ ܐܺܝ̣ܬ̥ܰܘܗ̱ܝ ܝܺܕ̥ܰܥܬ̥ܳܐ ܗܳܝ ܕ̊ܰܕ̥ܠܳܐ ܫܽܘ̣ܪܳܝ܆ ܗܰܘ ܕ̊ܒܰܠܚܽܘ̇ܕ̥ܰܘܗ̱ܝ ܛܳܒ̥ܳܐ ܘܠܳܐ ܡܶܬ̥ܦܰܚܡܳܢܳܐ܆ ܗܰܘ ܕ̊ܰܠܟ̥ܽܠܗܶܝܢ ܝܳܕ̥ܰܥ ܐܰܢ̱ܬ̊ ܩܕ̥ܳܡ ܗܘܳܝܗܶܝܢ܆ ܗܰܘ ܝܳܕ̥ܽܘܥܳܐ ܕ̥ܟ̥ܰܣ̈ܝܳܬ̥ܳܐ܆ ܗܰܘ ܠܳܐ ܡܶܬ̥ܩܰܪܒܳܢܳܐ܆ ܗܰܘ ܕ̊ܠܰܝܬ̊ ܠܶܗ ܡܳܪܳܐ܆ ܐܰܠܳܗܳܐ ܘܰܐܒܳܐ ܕ̥ܰܒܪܳܟ̥ ܝܺܚܺܝ̣ܕ̥ܳܝܳܐ ܐܰܠܳܗܰܢ ܘܦܳܪܽܘܩܰܢ ܝܶܫܽܘ̇ܥ ܡܫܺܝ̣ܚܳܐ܆ ܗܰܘ ܥܳܒܽܘܕ̥ܳܐ ܕ̥ܟ̥ܽܠ ܒܺܐܝ̣ܕ̥ܰܘܗ̱̈ܝ܆ ܗܰܘ ܝܳܨܽܘܦܳܐ ܘܥܳܒܶܕ̥ ܫܰܦܺܝ̣ܪ̈ܳܬ̥ܳܐ܆ ܐܰܒ̥ܳܐ ܕ̥ܪ̈ܰܚܡܶܐ ܘܰܐܠܳܗܳܐ ܕ̥ܟ̥ܽܠܶܗ ܒܽܘ̣ܝܳܐܳܐ܆ ܗܰܘ ܕ̊ܒܰܡܪ̈ܰܘܡܶܐ ܥܳܡܰܪ ܐܰܢ̱ܬ̊ ܘܰܒܡܰܟ̊ܺܝ̣̈ܟ̥ܳܬ̥ܳܐ ܚܳܐܰܪ ܐܰܢ̱ܬ̊܆ ܐܰܢ̱ܬ̊ܽ ܗ̱ܘ ܕ̥ܝܰܗ̱ܒܬ̊ ܬ̊ܚܽܘ̈ܡܶܐ ܘܛܶܟ̊ܣܶـ̈ܐ ܕ̥ܥܺܕ̊ܬ̊ܳܐ܆ ܒܝܰܕ̥ ܡܶܐܬ̥ܺܝܬ̥ܳܐ ܕ̥ܒܰܒܣܰܪ ܕ̊ܰܡܫܺܝ̣ܚܳܟ̥܆ ܒܝܰܕ̥ ܡܰܓ̊ܢܳܢܽܘ̣ܬ̥ܳܐ ܕ̥ܪܽܘ̣ܚܳܐ ܦܰܪܩܠܺܝܛܳܐ܆ ܒܝܰܕ̥ ܫܠܺܝ̣̈ܚܶܐ ܕ̥ܺܝܠܳܟ̥܆ ܘܡܰܠܦܳܢܳܐ ܕ̥ܟ̥ܽܠܰܢ. ܐܶܦܣ̈ܩܽܘ̇ܦܶܐ ܗܳܠܶܝܢ ܕ̊ܰܒܛܰܝܒ̊ܽܘ̣ܬ̥ܳܐ ܕ̥ܺܝܠܳܟ̥ ܩܳܝܡܺܝ̣ܢܰܢ ܩܕ̥ܳܡܰܝܟ̊܆ ܗܰܘ ܕ̊ܩܰܕ̊ܶܡܬ̊ ܬ̊ܰܚܶܡܬ̊ ܘܣܳܡܬ̊ ܡܶܢ ܫܽܘ̣ܪܳܝܳܐ ܟ̥ܳܗ̈ܢܶܐ܆ ܠܩܳܝܽܘܡܽܘ̣ܬ̥ܳܐ ܕ̥ܥܰܡܳܐ ܕ̥ܺܝܠܳܟ̥ ܩܰܕ̥ܡܳܝܶـ̈ܐ: ܗܳܒܶܝܠ܆ ܫܺܝܬ̥܆ ܐܰܢܽܘ̇ܫ܆ ܚܢܽܘ̇ܟ̥܆ ܢܽܘ̇ܚ܆ ܡܰܠܟ̊ܺܝܙܕܶܩ܆ ܐܺܝܽܘ̇ܒ. ܗܰܘ ܕ̊ܚܰܘܺܝܬ̊ ܠܰܐܒܪܳܗܳܡ ܘܰܠܗܳܢܽܘ̇ܢ ܦܰܛܪܺܝ̣ܰܪ̈ܟ̥ܶܐ ܕ̥ܫܰܪܟ̊ܳܐ܆ ܥܰܡ ܡܢܺܝ̣̈ܚܳܢܶܐ ܕ̥ܺܝܠܳܟ̥ ܡܗܰܝܡ̈ܢܶܐ: ܡܽܘ̣ܫܶܐ܆ ܘܰܐܗܪܽܘ̇ܢ܆ ܘܶܐܠܺܝ̣ܥܳܙܳܪ܆ ܘܦܺܝܢܚܶܣ. ܗܰܘ ܕ̊ܰܐܣܪܰܚܬ̊ ܡܶܢܗܽܘ̇ܢ ܪ̈ܺܝܫܳܢܶܐ ܘܟ̥ܳܗ̈ܢܶܐ ܒܡܰܫܟ̊ܢܳܐ ܕ̥ܣܳܗܕ̊ܽܘ̣ܬ̥ܳܐ܆ ܗܰܘ ܕ̊ܠܰܫܡܽܘܐܶܝܠ ܓ̊ܒܰܝܬ̊ ܠܟ̥ܳܗܢܳܐ ܘܠܰܢܒܺܝܳܐ܆ ܗܰܘ ܕ̊ܠܳܐ ܫܒܰܩܬ̊ ܠܡܰܩܕ̊ܫܳܟ̥ ܕ̊ܠܳܐ ܬ̥ܶܫܡܶܫܬ̊ܳܐ܆ ܗܰܘ ܕ̊ܰܨܒܰܝܬ̊ ܠܡܶܫܬ̊ܰܒܳܚܽܘ̣ ܒܗܳܢܽܘ̇ܢ ܕ̊ܰܪܚܶܡܬ̊. ܐܰܢ̱ܬ̊ ܐܳܦ ܗܳܫܳܐ ܒܡܶܨܥܳܝܽܘ̣ܬ̥ܳܐ ܕ̥ܰܡܫܺܝ̣ܚܳܟ̥܆ ܒܺܐܝ̣ܕ̥ܰܝ̈ܢ ܚܰܛܳܝ̈ܐ ܐܰܫܽܘ̇ܕ̥ ܚܰܝܠܳܐ ܕ̥ܪܽܘ̣ܚܳܟ̥ ܪܽܘ̣ܚܳܢܳܝܳܐ܆ ܗܰܘ ܟ̊ܺܝܬ̊ ܕ̊ܰܡܫܰܡܶܫ ܘܰܡܫܰܡܠܶܐ ܣܽܘ̣ܥܪ̈ܳܢܶܐ܆ ܠܰܒܪܳܟ̥ ܚܰܒܺܝ̣ܒܳܐ ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܐܰܝܟ̥ ܫܘܶܐ ܒܺܐܝ̣ܩܳܪܳܐ܆ ܗܰܘ ܟ̊ܺܝܬ̊ ܕ̊ܫܰܟ̊ܶܢ ܠܰܫܠܺܝ̣̈ܚܶܐ ܕ̥ܺܝܠܳܟ̥ ܒܨܶܒܝܳܢܳܐ ܕ̥ܺܝܠܳܟ̥ ܐܰܠܳܗܳܐ ܕ̥ܰܠܥܳܠܰܡ܆ ܘܗܰܒ ܒܰܫܡܳܐ ܕ̥ܺܝܠܳܟ̥ ܐܰܠܳܗܳܐ: ܝܳܕ̥ܰܥ ܠܶܒܰـ̈ܘܳܬ̥ܳܐ܆ ܠܥܰܒ̥ܕ̊ܳܟ̥ ܗܳܢܳܐ ܕ̥ܰܓ̥ܒܰܝܬ̊ ܠܡܺܝܛܪܳܦܽܘ̇ܠܺܝܛܽܘ̣ܬ̥ܳܐ܆ ܠܡܶܪܥܳܐ ܠܡܰܪܥܺܝ̣ܬ̥ܳܐ ܕ̥ܺܝܠܳܟ̥ ܩܰܕ̊ܺܝ̣ܫܬ̊ܳܐ܆ ܘܠܰܡܟ̥ܰܗܳܢܽܘ̣ ܠܳܟ̥ ܪܺܝܫܽܘ̣ܬ̥ ܟ̊ܳܗܢܽܘ̣ܬ̥ܳܐ ܕ̥ܠܳܐ ܥܶܕ̥ܠܳܝ܆ ܟ̊ܰܕ̥ ܡܫܰܡܶܫ ܠܳܟ̥ ܒܠܺܠܝܳܐ ܘܒܺܐܝ̣ܡܳܡܳܐ܆ ܘܡܶܬ̥ܟ̊ܰܫܰܦ ܠܦܰܪܨܽܘ̇ܦܳܟ̥ ܠܰܡܟ̥ܰܢܳܫܽܘ̣ ܠܗܳܢܽܘ̇ܢ ܕ̊ܡܶܬ̥ܦܰܪܩܺܝ̣ܢ܆ ܘܠܰܡܩܰܪܳܒܽܘ̣ ܠܳܟ̥ ܩܽܘ̣ܪ̈ܒܳܢܶܐ ܕ̥ܥܺܕ̊ܬ̊ܳܐ ܕ̥ܺܝܠܳܟ̥ ܩܰܕ̊ܺܝ̣ܫܬ̊ܳܐ܆ ܘܗܰܒ ܠܶܗ ܡܳܪܝܳܐ ܐܰܚܺܝ̣ܕ̥ ܟ̊ܽܠ ܒܝܰܕ̥ ܡܫܺܝ̣ܚܳܟ̥܆ ܫܰܘܬ̊ܳܦܽܘ̣ܬ̥ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ܆ ܐܰܝܟ̊ܰܢܳܐ ܕ̥ܢܶܗܘܶܐ ܐܺܝ̣ܬ̥ ܠܶܗ ܫܽܘ̣ܠܛܳܢܳܐ ܠܡܶܫܒܰܩ ܚܛܳܗ̈ܐ ܐܰܝܟ̥ ܦܽܘ̣ܩܕ̊ܳܢܳܐ ܕ̥ܰܡܫܺܝ̣ܚܳܟ̥܆ ܠܡܶܬ̊ܰܠ ܦܶܨ̈ܐ ܘܛܶܟ̊ܣܶـ̈ܐ ܐܰܝܟ̥ ܦܽܘ̣ܩܕ̥ܳܢܳܐ ܕ̥ܰܒܪܳܟ̥ ܝܺܚܺܝ̣ܕ̥ܳܝܳܐ܆ ܠܡܶܫܪܳܐ ܡܶܢ ܟ̊ܽܠ ܩܶܛܪܳܐ ܘܶܐܣܳܪܳܐ ܕ̥ܥܰܘܠܳܐ܆ ܐܰܝܟ̥ ܫܽܘ̣ܠܛܳܢܳܐ ܗܰܘ ܕ̊ܝܰܗ̱ܒ ܠܰܫܠܺܝ̣̈ܚܶܐ ܕ̥ܺܝܠܶܗ܆ ܠܡܶܫܦܰܪ ܠܳܟ̥ ܕ̊ܶܝܢ ܒܡܰܟ̊ܺܝ̣ܟ̥ܽܘ̣ܬ̥ܳܐ ܘܰܒܠܶܒܳܐ ܕ̥ܰܟ̥ܝܳܐ ܕ̥ܠܳܐ ܫܽܘ̣ܚܠܳܦ܆ ܕ̊ܠܳܐ ܥܶܕ̥ܠܳܝ ܘܰܕ̥ܠܳܐ ܡܰܪܫܽܘ̣܆ ܟ̊ܰܕ̥ ܡܩܰܪܶܒ ܠܳܟ̥ ܕ̊ܶܒܚܬ̥ܳܐ ܕ̥ܟ̥ܺܝܬ̥ܳܐ ܘܰܕ̥ܠܳܐ ܕ̥ܡܳܐ܆ ܗܰܘ ܕ̊ܦܰܩܶܕ̊ܬ̊ ܒܝܰܕ̥ ܡܫܺܝ̣ܚܳܟ̥܆ ܠܐ̱ܪܳܙܳܐ ܕ̥ܕܺܝܰܬ̥ܺܝܩܺܐ ܚܕ̥ܰܬ̊ܳܐ܆ ܠܪܺܝܚܳܐ ܒܰܣܺܝ̣ܡܳܐ ܩܕ̥ܳܡܰܝܟ̊܆ ܒܺܐܝ̣ܕ̥ܰܘܗ̱̈ܝ ܕ̊ܺܝܠܶܗ ܕ̊ܰܒܪܳܟ̥ ܚܰܒܺܝ̣ܒܳܐ܆ ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܐܰܠܳܗܰܢ ܘܦܳܪܽܘܩܰܢ܆ ܕ̊ܒܺܐܝ̣ܕ̥ܰܘܗ̱̈ܝ ܘܥܰܡܶܗ ܠܳܟ̥ ܦܐܶܐ ܫܽܘ̣ܒ̥ܚܳܐ ܘܺܐܝ̣ܩܳܪܳܐ ܘܽܐܘ̣ܚܕ̊ܳܢܳܐ܆ ܥܰܡ ܪܽܘ̣ܚܳܐ ܕ̥ܺܝܠܳܟ̥ ܩܰܕ̊ܺܝ̣ܫܳܐ ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܘܟ̥ܰܕ̥ ܡܫܰܡܠܶܐ ܦܰܛܪܺܝ̣ܰܪܟ̥ܳܐ ܨܠܽܘ̇ܬ̥ܳܐ ܕ̥ܰܩܪܳܝܬܳܐ܆ ܡܶܬ̥ܦ̊ܢܶܐ ܠܡܰܕ̥ܢܚܳܐ ܘܬ̥ܳܠܶܐ ܩܳܠܶܗ ܘܳܐܡܰܪ:

ܬ̊ܠܳܝܬ̊ܳܐ

ܪܺܝܫܟ̊ܳܗ̈ܢܶܐ:

ܡܶܛܽܠ ܕ̊ܰܐܢ̱ܬ̊ ܐܺܝ̣ܬ̥ܰܝܟ̊ ܝܳܗܽܘܒܳܐ ܕ̥ܛܳܒ̥ܳـ̈ܬ̥ܳܐ. ܘܰܡܫܰܟ̊ܢܳܢܳܐ ܕ̥ܚܶܟ̥ܡܳـ̈ܬ̥ܳܐ ܘܰܕ̥ܡܰܘܗ̈ܒܳܬ̥ܳܐ ܐܰܠܳܗܳܝܳـ̈ܬ̥ܳܐ. ܘܠܳܟ̥ ܫܽܘ̣ܒ̥ܚܳܐ ܘܬ̥ܰܘܕܺܝ̣ܬ̥ܳܐ ܡܰܣܩܺܝ̣ܢܰܢ. ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܡܫܰܡ̈ܫܳܢܶܐ:

ܐܰܡܺܝ̣ܢ ܒܰܪܶܟ̥ܡܳܪܝ܀

ܪܺܝܫܟܳܗ̈ܢܶܐ:

ܫܠܳܡܳܐ ܠܟ̥ܽܠܟ̥ܽܘ̇ܢ܀

ܥܰܡܳܐ:

ܘܥܰܡ ܪܽܘ̣ܚܳܐ ܕ̥ܝܠܳܟ̥܀

ܡܫܰܡ̈ܫܳܢܶܐ:

ܩܽܘ̣ܪܝܶܠܶܝܣܽܘ̇ܢ܀

ܓ̊ܗܳܢܬ̊ܳܐ

ܪܺܝܫܟ̊ܳܗ̈ܢܶܐ:

ܚܽܘ̇ܪ ܒܰܢ ܡܳܪܝܳܐ ܘܰܒܬ̥ܶܫܡܶܫܬ̊ܰܢ܆ ܘܕ̥ܰܟ̊ܳܐ ܠܰܢ ܡܶܢ ܟ̊ܽܠܗܶܝܢ ܟ̊ܽܘ̣ܬ̥ܡܳـ̈ܬ̥ܳܐ܆ ܟ̊ܰܕ̥ ܡܶܢ ܫܡܰܝܳܐ ܝܳܗܶܒ ܐܰܢ̱ܬ̊ ܛܰܝܒ̊ܽܘ̣ܬ̥ܳܐ ܪܺܝܫ ܟ̊ܳܗܢܳܝܬ̊ܳܐ ܠܥܰܒ̥ܕ̊ܳܟ̥ ܗܳܢܳܐ. ܐܰܝܟ̊ܰܢܳܐ ܕ̥ܢܶܫܬ̊ܘܶܐ ܒܝܰܕ̥ ܡܰܘܗܰܒܬ̥ܳܟ̥܆ ܕ̊ܰܕ̥ܠܳܐ ܥܶܕ̥ܠܳܝ ܢܶܪܥܶܐ ܠܥܰܡܳܟ̥. ܘܰܢܩܽܘ̣ܡ ܚܠܳܦ ܥܺܕ̊ܬ̊ܳܟ̥܀

ܬ̊ܠܳܝܬ̊ܳܐ

ܪܺܝܫܟ̊ܳܗ̈ܢܶܐ:

ܡܶܛܽܠ ܕ̊ܰܐܠܳܗܳܐ ܕ̥ܨܳܒܶܐ ܒܪ̈ܰܚܡܶܐ ܐܺܝ̣ܬ̥ܰܝܟ̊. ܘܠܳܟ̥ ܦܐܶܐ ܫܽܘ̣ܒ̥ܚܳܐ ܘܺܐܝܩܳܪܳܐ ܘܽܐܘ̣ܚܕ̊ܳܢܳܐ ܘܠܰܒ̥ܪܳܟ̥ ܘܰܠܪܽܘ̣ܚܳܟ̥ ܩܰܕ̊ܺܝ̣ܫ ܒܟ̥ܽܠ ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܘܶܐܦܣ̈ܩܽܘܦܶܐ ܡܪܺܝ̣ܡܺܝ̣ܢ ܠܶܐܘܰܢܓܶܠܺܝܽܘ̇ܢ ܘܡܰܣܛܶܝܢ ܡܶܢ ܠܘܳܬ̥ܶܗ܆ ܘܡܶܬ̥ܦܢܶܐ ܦܰܛܪܺܝ̣ܰܪܟ̥ܳܐ ܠܘܳܬ̥ ܗܰܘ ܕ̊ܡܶܬ̊ܬ̊ܰܣܪܰܚ ܘܣܳܐܶܡ ܝܰܡܺܝ̣ܢܶܗ ܥܰܠ ܪܺܝܫܶܗ ܟ̊ܰܕ̥ ܐܳܡܰܪ:

ܪܺܝܫܟ̊ܳܗ̈ܢܶܐ:

ܐܶܬ̊ܬ̊ܰܣܪܰܚ ܒܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ ܕ̥ܰܐܠܳܗܳܐ܀

ܢܽܘ̣ܗܳܪܳܐ:

ܘܥܳܢܶܐ ܚܰܕ̥ ܡܶܢ ܐܶܦܣ̈ܩܽܘܦܶܐ.

[ܦܠܢ ܫܡܳܐ ܩܢܽܘ̇ܡܳܝܳܐ] ܐܶܦܣܩܽܘ̇ܦܳܐ [ܐܘ ܡܺܝܛܪܳܦܽܘܠܺܝܛܳܐ] ܕ̊ܰܡܕ̥ܺܝܢ̱ܬ̊ܳܐ [ܦܠܢܺܝ̣ܬ̥] ܡܰܪܥܺܝ̣ܬ̥ܳܐ ܡܒܰܪܰܟ̥ܬ̊ܳܐ܀

ܢܽܘ̣ܗܳܪܳܐ:

ܘܦܰܛܪܺܝ̣ܰܪܟ̥ܳܐ ܬ̥ܳܢܶܐ ܠܳܗ̇ ܠܟ̥ܳܪܽܘܙܽܘ̣ܬ̥ܳܐ ܟ̥ܰܕ̥ ܐܳܡܰܪ ܠܰܫܡܳܐ ܐܰܒܳܗܳܝܳܐ:

ܪܺܝܫܟ̊ܳܗ̈ܢܶܐ:

[ܦܠܳܢ ܫܡܳܐ ܐܰܒ̥ܳܗܳܝܳܐ] ܐܶܦܣܩܽܘ̇ܦܳܐ [ܐܰܘ ܡܺܝܛܪܳܦܽܘܠܺܝܛܳܐ] ܕ̊ܰܡܕ̥ܺܝܢ̱ܬ̊ܳܐ [ܦܠܳܢܺܝ̣ܬ̥] ܠܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ ܕ̥ܕܽܘ̣ܟ̊ܬ̥ܳܐ ܕ̥ܳܐܪ̈ܬ̥ܳܕܽܘܟ̊ܣܽܘ ܕ̥ܩܰܕ̊ܡܰܬ̥ ܐܶܫܬ̊ܰܡܗܰܬ̥܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܢܽܘ̣ܗܳܪܳܐ:

ܦܰܛܪܺܝ̣ܰܪܟ̥ܳܐ ܚܳܬ̥ܶܡ ܠܡܶܬ̊ܬ̊ܰܣܪܚܳܢܳܐ ܒܰܟ̥ܪܳܬ̥ܶܗ ܥܰܠ ܒܶܝܬ̥ ܥܰܝ̈ܢܰܘܗ̱ܝ ܒܪܽܘ̣ܫܡܳܐ ܕ̥ܰܨܠܺܝ̣ܒ̥ܳܐ ܟ̥ܰܕ̥ ܐܳܡܰܪ:

ܪܺܝܫܟ̊ܳܗ̈ܢܶܐ:

♱ ܒ̊ܰܫܡܳܐ ܕ̥ܰܐܒ̥ܳܐ܀ ܥܰܡܳܐ: ܐܰܡܺܝ̣ܢ܀ ܪܺܝܫܟܳܗ̈ܢܶܐ: ♱ ܘܕ̥ܰܒ̥ܪܳܐ. ܥܰܡܳܐ: ܐܰܡܺܝ̣ܢ܀ ܪܺܝܫܟ̊ܳܗ̈ܢܶܐ: ♱ ܘܰܕ̥ܪܽܘ̣ܚܳܐ ܚܰܝܳܐ ܩܰܕ̊ܺܝ̣ܫܳܐ ܠܚܰܝܶـ̈ܐ ܕ̥ܰܠܥܳܠܰܡ ܥܳܠܡܺܝ̣ܢ܀ ܥܰܡܳܐ: ܐܰܡܺܝ̣ܢ܀

ܢܽܘ̣ܗܳܪܳܐ:

ܟ̊ܰܕ̥ ܒܟ̥ܽܠ ܩܪܳܝܬ̊ܳܐ܆ ܥܳܒ̥ܶܕ̥ ܚܰܕ̥ ܨܠܺܝ̣ܒ̥ܳܐ ܥܰܠ ܒܶܝܬ̥ ܥܰܝ̈ܢܰܘܗ̱ܝ. ܗܳܝܕܶܝܢ ܠܳܒܶܟ̥ ܦܰܛܪܺܝ̣ܰܪܟ̥ܳܐ ܐܺܝ̣ܕ̥ܶܗ ܕ̊ܡܶܬ̊ܬ̊ܰܣܪܚܳܢܳܐ ܒܝܰܡܺܝ̣ܢܶܗ ܘܰܡܩܺܝ̣ܡ ܠܶܗ. ܟ̊ܰܕ̥ ܚܰܕ̥ ܡܶܢ ܐܶܦܣ̈ܩܽܘ̇ܦܶܐ ܡܰܟ̥ܪܶܙ ܘܳܐܡܰܪ ܬ̊ܠܳܬ̥ ܙܰܒܢܺܝ̈ܢ:

ܚܰܣܝܳܐ:

ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܀

ܢܽܘ̣ܗܳܪܳܐ:

ܗܳܝܕ̊ܶܝܢ ܦܰܛܪܺܝ̣ܰܪܟ̥ܳܐ ܣܳܐܶܡ ܥܰܠ ܪܺܝܫܶܗ ܕ̊ܡܶܬ̊ܬ̊ܰܣܪܚܳܢܳܐ ܡܰܨܢܰܦܬ̊ܳܐ ܘܳܐܡܰܪ:

ܪܺܝܫܟ̊ܳܗ̈ܢܶܐ:

ܠܬ̥ܶܫܒ̊ܽܘ̇ܚܬ̊ܳܐ ܘܠܺܐܝܩܳܪܳܐ ܘܗܶܕ̥ܪܳܐ ܘܪܽܘ̣ܡܪܳܡܳܐ ܕ̥ܰܬ̥ܠܺܝ̣ܬ̥ܳܝܽܘ̣ܬ̥ܳܐ ܩܰܕ̊ܺܝ̣ܫܬ̊ܳܐ ܘܫܰܘܝܰܬ̥ ܒܽܐܘ̣ܣܺܝܰܐ. ܘܰܠܫܰܝܢܳܐ ܘܒܶܢܝܳܢܳܐ ܕ̥ܥܺܕ̊ܬ̊ܳܐ  ܩܰܕ̊ܺܝ̣ܫܬ̊ܳܐ ܕ̥ܰܐܠܳܗܳܐ܀

ܩܠܺܝܪܽܘ̇ܣ 

ܠܬ̥ܶܫܒ̊ܽܘ̇ܚܬ̊ܳܐ ܘܠܺܐܝܩܳܪܳܐ ܘܗܶܕ̥ܪܳܐ ܘܪܽܘ̣ܡܪܳܡܳܐ ܕ̥ܰܬ̥ܠܺܝ̣ܬ̥ܳܝܽܘ̣ܬ̥ܳܐ ܩܰܕ̊ܺܝ̣ܫܬ̊ܳܐ ܘܫܰܘܝܰܬ̥ ܒܽܐܘ̣ܣܺܝܰܐ. ܘܰܠܫܰܝܢܳܐ ܘܒܶܢܝܳܢܳܐ ܕ̥ܥܺܕ̊ܬ̊ܳܐ  ܩܰܕ̊ܺܝ̣ܫܬ̊ܳܐ ܕ̥ܰܐܠܳܗܳܐ܀

ܢܽܘ̣ܗܳܪܳܐ:

ܘܗܳܟ̥ܰܢܳܐ ܦܰܛܪܺܝ̣ܰܪܟ̥ܳܐ ܠܶܗ ܠܟ̥ܽܠܶܗ ܛܶܟ̊ܣܳܐ ܕ̥ܪܺܝܫܽܘ̣ܬ̥ ܟ̊ܳܗܢܽܘ̣ܬ̥ܳܐ ܒܳܬ̥ܰܪ ܒܳܬ̥ܰܪ. ܘܠܳܗ̇ ܟ̥ܰܕ̥ ܠܳܗ̇ ܠܬ̥ܶܫܒܽܘ̇ܚܬ̊ܳܐ ܐܳܡܰܪ ܘܥܳܢܶܝܢ ܒܳܬ̥ܪܶܗ. ܬ̊ܽܘܒ̥ ܢܳܣܶܒ ܦܰܛܪܺܝ̣ܰܪܟ̥ܳܐ ܦܰܝܢܳܐ ܘܡܰܠܒܶܫ ܠܶܗ. ܘܠܳܗ̇ ܠܬ̥ܶܫܒܽܘ̇ܚܬ̊ܳܐ ܐܳܡܰܪ܀ ܬ̊ܽܘ̣ܒ̥ ܢܳܣܶܒ ܠܒܰܛܪܰܫܺܝܠ ܘܡܰܠܒܶܫ ܠܶܗ. ܘܠܳܗ̇ ܠܬ̥ܶܫܒܽܘ̇ܚܬ̊ܳܐ ܐܳܡܰܪ܀ ܘܥܳܢܶܝܢ ܒܳܬ̥ܪܶܗ ܐܶܦܣ̈ܩܽܘ̇ܦܶܐ ܘܟ̥ܽܠܶܗ ܩܠܺܝܪܽܘ̇ܣ܀

ܢܽܘ̣ܗܳܪܳܐ:

ܗܳܝܕܶܝܢ ܡܩܰܪܒܺܝ̣ܢ ܟ̊ܽܘ̣ܪܣܝܳܐ ܘܡܰܘܬ̊ܒܺܝ̣ܢ ܠܶܗ ܠܡܶܬ̊ܬ̊ܰܣܪܚܳܢܳܐ ܥܠܰܘܗ̱ܝ ܟ̊ܰܕ̥ ܐܰܦܰܘ̈ܗ̱ܝ ܠܡܰܥܪܒ̥ܳܐ. ܘܠܳܒܟ̊ܺܝ̣ܢ ܐܶܦܣ̈ܩܽܘ̇ܦܶܐ ܘܩܰܫܺܝ̣̈ܫܶܐ ܠܟ̥ܽܘ̣ܪܣܝܳܐ ܘܰܡܪܺܝ̣ܡܺܝ̣ܢ ܠܶܗ ܘܰܡܙܰܝܚܺܝ̣ܢ ܠܡܶܬ̊ܬ̊ܰܣܪܚܳܢܳܐ ܬ̥ܠܳܬ̥ ܙܰܒܢܺܝ̈ܢ. ܟ̊ܰܕ̥ ܒܟ̥ܽܠ ܙܒܰܢ̱ܬ̊ܳܐ ܡܫܰܪܶܐ ܦܰܛܪܺܝ̣ܰܪܟ̥ܳܐ:

ܦܰܛܪܺܝ̣ܰܪܟ̥ܳܐ

ܐܰܟ̊ܣܺܝܽܘ̇ܣ܆ ܐܰܟ̊ܣܺܝܽܘ̇ܣ܆ ܐܰܟ̊ܣܺܝܽܘ̇ܣ ܚܰܣܝܳܐ ܡܳܪܝ [ܦܠܳܢ]

ܥܰܡܳܐ:

ܐܰܟ̊ܣܺܝܽܘ̇ܣ܆ ܐܰܟ̊ܣܺܝܽܘ̇ܣ܆ ܐܰܟ̊ܣܺܝܽܘ̇ܣ ܠܰܐܒܽܘ̣ܢ ܡܳܪܝ [ܦܠܳܢ]

ܢܽܘ̣ܗܳܪܳܐ:

ܡܳܐ ܕ̥ܰܡܚܰܬ̊ܡܺܝ̣ܢ ܠܰܐܟ̊ܣܺܝ̣ܽܘ̇ܣ܆ ܪܺܝܫܟ̊ܳܗ̈ܢܶܐ ܡܰܫܠܶܡ ܠܶܗ ܨܠܺܝ̣ܒ̥ܳܐ[35] ܕ̥ܝܰܡܺܝ̣ܢܳܐ܆ ܠܚܰܣܝܳܐ ܚܰܕ̥ܬ̥ܳܐ ܘܠܰܡܒܰܪܳܟ̥ܽܘ̣ ܠܥܰܡܳܐ܆ ܒܰܙܒܰܢ ܩܶܪܝܳܢܳܐ ܕ̥ܶܐܘܰܢܓ̊ܶܠܺܝܽܘ̇ܢ ܩܰܕ̊ܺܝ̣ܫܳܐ܀

ܗܽܘ̣ܠܳܠܳܐ

ܡܫܰܡ̈ܫܳܢܶܐ:

ܝܺܡܳܐ ܡܳܪܝܳܐ ܠܕܰܘܺܝܕ̥ ܒܰܫܪܪܳܐ ܕ̥ܠܳܐ ܢܶܗܦܽܘ̇ܟ̥ ܡܶܢܶܗ܆ ܕ̊ܡܶܢ ܦܺܐܪ̈ܰܝ ܟܰܪܣܳܟ̥ ܐܰܘܬ̊ܶܒ̥ ܥܰܠ ܟ̊ܽܘ̣ܪܣܝܳܟ̥ ܗܰܠܶܠܽܘܝܰܗ܀

ܢܽܘ̣ܗܳܪܳܐ:

ܘܟ̥ܰܕ̥ ܡܺܝ̣ܛܪܳܦܽܘ̇ܠܺܝ̣ܛܳܐ ܕ̥ܶܐܬ̊ܬ̊ܰܣܪܰܚ܆ ܚܡܺܝ̣ܠ ܥܰܠ ܟ̊ܽܘ̣ܪܣܝܳܐ܆ ܩܳܪܶܐ ܠܶܐܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܕ̥ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ܆ ܟ̊ܳܪܽܘܙܽܘ̣ܬ̥ܳܐ ܕ̥ܝܽܘ̇ܚܰܢܢ ܫܠܺܝ̣ܚܳܐ܀

ܡܫܰܡܫܳܢܳܐ:

ܒܰܪܶܟ̥ܡܳܪܝ܆ ܥܰܡ ܫܶܠܝܳܐ ܘܕ̥ܶܚܠܬ̥ܳܐ ܘܢܰܟ̥ܦܽܘ̣ܬ̥ܳܐ ܢܨܽܘ̣ܬ̥ ܘܢܶܫܡܰܥ ܠܰܣܒܰܪܬ̥ܳܐ ܕ̥ܡܶܠ̈ܐ ܚܰܝ̈ܬ̥ܳܐ ܕ̥ܶܐܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܕ̥ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܕ̥ܡܶܬ̥ܩܪܶܐ ܥܠܰܝܢ܀

ܪܺܝܫܟ̊ܳܗ̈ܢܶܐ:

ܫܠܳܡܳܐ ܠܟ̥ܽܠܟ̥ܽܘ̇ܢ܀

ܡܫܰܡܫܳܢܳܐ:

ܘܥܰܡ ܪܽܘ̣ܚܳܐ ܕ̥ܺܝܠܳܟ̥܀

ܪܺܝܫܟ̊ܳܗ̈ܢܶܐ:

ܐܶܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܕ̥ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ܆ ܟ̊ܳܪܽܘܙܽܘܬ̥ܳܐ ܡܰܚܝܳܢܺܝ̣ܬ̥ܳܐ ܡܶܢ ܝܽܘ̇ܚܰܢܢ ܫܠܺܝ̣ܚܳܐ ܘܡܰܟ̥ܪܙܳܢܳܐ ܕܡܰܟ̥ܪܶܙ ܚܰܝܶـ̈ܐ ܘܦܽܘ̣ܪܩܳܢܳܐ ܠܥܳܠܡܳܐ܀

ܡܫܰܡܫܳܢܳܐ:

ܒܪܺܝ̣ܟ̥ ܕ̊ܶܐܬ̥ܳܐ ܘܰܥܬ̥ܺܝ̣ܕ̥ ܕܢܺܐܬ̥ܶܐ܆ ܘܬ̥ܶܫܒ̈ܚܳܢ ܠܫܳܠܽܘܚܳܐ ܕ̥ܫܰܠܚܶܗ ܠܦܽܘ̣ܪܩܳܢܰܢ܆ ܘܥܰܠ ܟ̊ܽܠܰܢ ܪ̈ܰܚܡܰܘܗ̱ܝ ܠܥܳܠܡܺܝ̣ܢ܀

ܪܺܝܫܟ̊ܳܗ̈ܢܶܐ:

ܒܙܰܒܢܳܐ ܗܳܟ̥ܺܝܠ ܕ̊ܰܡܕ̥ܰܒܪܳܢܽܘ̣ܬ̥ܶܗ ܕ̊ܡܳܪܰܢ ܘܰܐܠܳܗܰܢ ܘܦܳܪܽܘܩܳܐ ܕ̥ܺܝܠܰܢ ܝܶܫܽܘ̇ܥ ܡܫܺܝ̣ܚܳܐ܆ ܡܶܠܬ̥ܳܐ ܕ̥ܚܰܝ̈ܶܐ ܐܰܠܳܗܳܐ ܕ̥ܶܐܬ̥ܒܰܣܰܪ ܡܶܢ ܒܬ̥ܽܘ̣ܠܬ̊ܳܐ ܩܰܕ̊ܺܝ̣ܫܬ̊ܳܐ ܡܰܪܝܰܡ܆ ܗܳܠܶܝܢ ܕ̊ܶܝܢ ܗܳܟ̥ܰܢܳܐ ܗܘܰܝ̈܀

ܥܰܡܳܐ:

ܡܗܰܝܡܢܺܝ̣ܢܰܢ ܘܡܰܘܕܶܝܢܰܢ܀

ܐܰܡܺܝ̣ܢ ܐܰܡܺܝ̣ܢ ܐܳܡܰܪ ܐ̱ܢܳܐ ܠܟ̥ܽܘ̇ܢ: ܕ̊ܡܰܢ ܕ̊ܠܳܐ ܥܳܐܶܠ ܡܶܢ ܬ̊ܰܪܥܳܐ ܠܰܛܝܳܪܳܐ ܕ̥ܥܳܢܳܐ܆ ܐܶܠܳܐ ܣܳܠܶܩ ܡܶܢ ܕ̊ܽܘ̣ܟ̊ܳܐ ܐ̱ܚܪܳܢܝܳܐ܆ ܗܰܘ ܓ̊ܰܢܳܒ̥ܰܐ ܗ̱ܘ ܘܓ̥ܰܝܳܣܳܐ. ܗܰܘ ܕ̊ܶܝܢ ܕ̊ܥܳܐܶܠ ܡܶܢ ܬ̊ܰܪܥܳܐ܆ ܪܳܥܝܰܐ ܗ̱ܘ ܕ̊ܥܳܢܳܐ. ܘܰܠܗܳܢܳܐ ܢܳܛܰܪ ܬ̊ܰܪܥܳܐ܆ ܦ̊ܳܬ̥ܰܚ ܠܶܗ ܬ̊ܰܪܥܳܐ܆ ܘܥܳܢܳܐ ܫܳܡܥܳܐ ܩܳܠܶܗ ܘܥܶܪ̈ܒ̊ܰܘܗ̱ܝ ܩܳܪܶܐ ܒ̥ܰܫܡܳܗܰܝ̈ܗܽܘ̇ܢ ܘܡܰܦ̊ܶܩ ܠܗܽܘ̇ܢ. ܘܡܳܐ ܕ̥ܰܐܦ̊ܶܩ ܥܳܢܶܗ܆ ܩܕ̥ܳܡܶܝܗ̇ ܐܳܙܶܠ܆ ܘܥܶܪ̈ܒ̊ܰܘܗ̱ܝ ܕ̊ܺܝܠܶܗ ܐܳܙܺܠ̱ܝ̣ܢ ܒ̊ܳܬ̥ܪܶܗ ܡܶܛܽܠ ܕ̊ܝܳܕ̥ܥܺܝ̣ܢ ܩܳܠܶܗ. ܒ̊ܳܬ̥ܰܪ ܢܽܘ̣ܟ̥ܪܳܝܳܐ ܕ̥ܶܝܢ ܠܳܐ ܐܳܙܳܠ̱ܐ ܥܳܢܳܐ܆ ܐܶܠܳܐ ܥܳܪܩܳܐ ܡܶܢܶܗ ܕ̊ܠܳܐ ܝܳܕ̥ܥܳܐ ܩܳܠܶܗ ܕ̊ܢܽܘ̣ܟ̥ܪܳܝܳܐ. ܗܳܕ̥ܶܐ ܦ̥ܶܠܶܐܬ̥ܳܐ ܐܶܡܰܪ ܠܗܽܘ̇ܢ ܝܶܫܽܘ̇ܥ. ܗܶܢܽܘ̇ܢ ܕ̊ܶܝܢ ܠܳܐ ܝܺܕ̥ܰܥܘ ܡܳܢܳܐ ܡܰܠܶܠ ܥܰܡܗܽܘ̇ܢ. ܐܳܡܰܪ ܠܗܽܘ̇ܢ ܕ̊ܶܝܢ ܬ̊ܽܘ̣ܒ̥ ܝܶܫܽܘ̇ܥ: ܐܰܡܺܝ̣ܢ ܐܰܡܺܝ̣ܢ ܐܳܡܰܪ ܐ̱ܢܳܐ ܠܟ̥ܽܘ̇ܢ: ܕ̊ܶܐܢܳܐ ܐ̱ܢܳܐ ܬ̥ܰܪܥܳܗ̇ ܕ̊ܥܳܢܳܐ. ܘܟ̥ܽܠܗܽܘ̇ܢ ܐܰܝܠܶܝܢ ܕ̊ܶܐܬ̥ܰܘ܆ ܓ̊ܰܢܳܒ̥̈ܶܐ ܐܶܢܽܘ̇ܢ ܘܓ̥ܰܝܳܣ̈ܶܐ. ܐܶܠܳܐ ܠܳܐ ܫܶܡܥܰܬ̥ ܐܶܢܽܘ̇ܢ ܥܳܢܳܐ. ܐܶܢܳܐ ܐ̱ܢܳܐ ܬ̥ܰܪܥܳܐ܆ ܘܒ̥ܺܝ ܐܶܢ ܐ̱ܢܳܫ ܢܶܥܽܘ̇ܠ܆ ܢܺܚܶܐ. ܘܢܶܥܽܘ̇ܠ ܘܢܶܦ̊ܽܘ̇ܩ܆ ܘܪܶܥܝܳܐ ܢܶܫܟ̊ܰܚ. ܓ̊ܰܢܳܒ̥ܳܐ ܠܳܐ ܐܳܬ̥ܶܐ܆ ܐܶܠܳܐ ܕ̥ܢܶܓ̥ܢܽܘ̇ܒ̥ ܘܰܕ̥ܢܶܩܛܽܘ̇ܠ ܘܰܕ̥ܢܰܘܒ̊ܶܕ̥. ܐܶܢܳܐ ܐܶܬ̥ܺܝܬ̊ ܕ̊ܚܰܝ̈ܶܐ ܢܶܗܘܽܘ̇ܢ ܠܗܽܘ̇ܢ ܘܡܶܕ̊ܶܡ ܕ̊ܝܰܬ̊ܺܝ̣ܪ ܢܶܗܘܶܐ ܠܗܽܘ̇ܢ. ܐܶܢܳܐ ܐ̱ܢܳܐ ܪܳܥܝܳܐ ܛܳܒ̥ܳܐ܆ ܪܳܥܝܳܐ ܛܳܒ̥ܳܐ ܢܰܦ̥ܫܶܗ ܣܳܐܶܡ ܚܠܳܦ̥ ܥܳܢܶܗ. ܐܰܓ̥ܺܝܪܳܐ ܕ̥ܶܝܢ ܕ̊ܠܳܐ ܗ̱ܘܳܐ ܪܳܥܝܳܐ ܘܠܰܘ ܕ̊ܺܝܠܶܗ ܐܶܢܽܘ̇ܢ ܥܶܪ̈ܒ̊ܶܐ܆ ܡܳܐ ܕ̥ܰܚܙܳܐ ܕ̥ܺܐܒ̥ܳܐ ܕ̥ܳܐܬ̥ܶܐ܆ ܫܳܒ̥ܶܩ ܥܳܢܳܐ ܘܥܳܪܶܩ܆ ܘܳܐܬ̥ܶܐ ܕ̥ܺܐܒ̥ܳܐ ܚܳܛܶܦ̥ ܘܰܡܒ̥ܰܕ̊ܰܪ ܠܳܗ̇ ܠܥܳܢܳܐ. ܐܰܓ̥ܺܝ̣ܪܳܐ ܕ̥ܶܝܢ ܥܳܪܶܩ ܡܶܛܽܠ ܕ̊ܰܐܓ̥ܺܝܪܰܐ ܗ̱ܘ ܘܠܳܐ ܒ̥ܛܺܝ̣ܠ ܠܶܗ ܥܰܠ ܥܳܢܳܐ܀

ܐܶܢܳܐ ܐ̱ܢܳܐ ܪܳܥܝܳܐ ܛܳܒ̥ܳܐ ܘܝܳܕ̥ܰܥ ܐ̱ܢܳܐ ܠܕ̥ܺܝܠܝ ܘܡܶܬ̥ܺܝܕ̥ܰܥ ܐ̱ܢܳܐ ܡܶܢ ܕ̊ܺܝܠܝ. ܐܰܝܟ̊ܰܢܳܐ ܕ̥ܝܳܕ̥ܰܥ ܠܺܝ ܐܳܒ̥ܝ ܘܶܐܢܳܐ ܝܳܕ̥ܰܥ ܐ̱ܢܳܐ ܠܳܐܒ̥ܝ ܘܢܰܦ̥ܫܝ ܣܳܐܶܡ ܐ̱ܢܳܐ ܚܠܳܦ̥ ܥܳܢ̈ܳܐ. ܐܺܝ̣ܬ̥ ܠܺܝ ܕ̥ܶܝܢ ܐܳܦ̥ ܥܶܪ̈ܒ̊ܶܐ ܐ̱ܚܪ̈ܳܢܶܐ ܐܰܝܠܶܝܢ ܕ̊ܠܳܐ ܗ̱ܘܰܘ ܡܶܢ ܛܝܳܪܳܐ ܗܳܢܳܐ ܘܳܐܦ̥ ܠܗܽܘ̇ܢ ܘܳܠܶܐ ܠܺܝ ܠܡܰܝܬ̊ܳܝܽܘ̣ ܐܶܢܽܘ̇ܢ ܘܢܶܫܡܥܽܘ̣ܢ ܩܳܠܝ ܘܬ̥ܶܗܘܶܐ ܥܳܢܳܐ ܟ̥ܽܠܳܗ̇ ܚܕ̥ܳܐ ܘܚܰܕ̥ ܪܳܥܝܳܐ[36]܀

اَلْحَقَّ الْحَقَّ أَقُولُ لَكُمْ: إِنَّ الَّذِي لاَ يَدْخُلُ مِنَ الْبَابِ إِلَى حَظِيرَةِ الْخِرَافِ بَلْ يَطْلَعُ مِنْ مَوْضِعٍ آخَرَ فَذَاكَ سَارِقٌ وَلِصٌّ. وَأَمَّا الَّذِي يَدْخُلُ مِنَ الْبَابِ فَهُوَ رَاعِي الْخِرَافِ. لِهَذَا يَفْتَحُ الْبَوَّابُ وَالْخِرَافُ تَسْمَعُ صَوْتَهُ فَيَدْعُو خِرَافَهُ الْخَاصَّةَ بِأَسْمَاءٍ وَيُخْرِجُهَا. وَمَتَى أَخْرَجَ خِرَافَهُ الْخَاصَّةَ يَذْهَبُ أَمَامَهَا وَالْخِرَافُ تَتْبَعُهُ لأَنَّهَا تَعْرِفُ صَوْتَهُ. وَأَمَّا الْغَرِيبُ فلاَ تَتْبَعُهُ بَلْ تَهْرُبُ مِنْهُ لأَنَّهَا لاَ تَعْرِفُ صَوْتَ الْغُرَبَاءِ». هَذَا الْمَثَلُ قَالَهُ لَهُمْ يَسُوعُ وَأَمَّا هُمْ فَلَمْ يَفْهَمُوا مَا هُوَ الَّذِي كَانَ يُكَلِّمُهُمْ بِهِ. فَقَالَ لَهُمْ يَسُوعُ أَيْضاً: «ﭐلْحَقَّ الْحَقَّ أَقُولُ لَكُمْ: إِنِّي أَنَا بَابُ الْخِرَافِ. جَمِيعُ الَّذِينَ أَتَوْا قَبْلِي هُمْ سُرَّاقٌ وَلُصُوصٌ وَلَكِنَّ الْخِرَافَ لَمْ تَسْمَعْ لَهُمْ. أَنَا هُوَ الْبَابُ. إِنْ دَخَلَ بِي أَحَدٌ فَيَخْلُصُ وَيَدْخُلُ وَيَخْرُجُ وَيَجِدُ مَرْعًى. اَلسَّارِقُ لاَ يَأْتِي إِلاَّ لِيَسْرِقَ وَيَذْبَحَ وَيُهْلِكَ وَأَمَّا أَنَا فَقَدْ أَتَيْتُ لِتَكُونَ لَهُمْ حَيَاةٌ وَلِيَكُونَ لَهُمْ أَفْضَلُ. أَنَا هُوَ الرَّاعِي الصَّالِحُ وَالرَّاعِي الصَّالِحُ يَبْذِلُ نَفْسَهُ عَنِ الْخِرَافِ. وَأَمَّا الَّذِي هُوَ أَجِيرٌ وَلَيْسَ رَاعِياً الَّذِي لَيْسَتِ الْخِرَافُ لَهُ فَيَرَى الذِّئْبَ مُقْبِلاً وَيَتْرُكُ الْخِرَافَ وَيَهْرُبُ فَيَخْطَفُ الذِّئْبُ الْخِرَافَ وَيُبَدِّدُهَا. وَﭐلأَجِيرُ يَهْرُبُ لأَنَّهُ أَجِيرٌ وَلاَ يُبَالِي بِالْخِرَافِ.

أَمَّا أَنَا فَإِنِّي الرَّاعِي الصَّالِحُ وَأَعْرِفُ خَاصَّتِي وَخَاصَّتِي تَعْرِفُنِي كَمَا أَنَّ الآبَ يَعْرِفُنِي وَأَنَا أَعْرِفُ الآبَ. وَأَنَا أَضَعُ نَفْسِي عَنِ الْخِرَافِ. وَلِي خِرَافٌ أُخَرُ لَيْسَتْ مِنْ هَذِهِ الْحَظِيرَةِ يَنْبَغِي أَنْ آتِيَ بِتِلْكَ أَيْضاً فَتَسْمَعُ صَوْتِي وَتَكُونُ رَعِيَّةٌ وَاحِدَةٌ وَرَاعٍ وَاحِدٌ܀

ܢܽܘ̣ܗܳܪܳܐ:

ܘܡܳܐ ܕ̥ܰܡܫܰܠܶܡ ܐܶܦܣܩܽܘ̇ܦܳܐ ܠܶܐܘܰܢܓܶܠܺܝܽܘ̇ܢ܆ ܡܶܬ̊ܬ̊ܰܚܰܬ̥ ܥܰܠ ܐܰܪܥܳܐ ܘܝܳܬ̥ܶܒ̥ ܥܰܠ ܟ̊ܽܘ̣ܪܣܝܳܐ܆ ܗܳܝܕ̊ܶܝܢ ܚܰܕ̥ ܡܶܢ ܐܶܦܣ̈ܩܽܘ̇ܦܶܐ ܡܰܟ̥ܪܶܙ ܟ̊ܳܪܽܘܙܽܘ̣ܬ̥ܳܐ ܗܳܕ̥ܶܐ:

ܪܺܝܫܟ̊ܳܗ̈ܢܶܐ:

ܢܩܽܘ̣ܡ ܫܰܦܺܝ̣ܪ ܟ̊ܽܠܰܢ ܒܰܚܦܺܝ̣ܛܽܘ̣ܬ̥ܳܐ ܘܰܒܩܳـ̈ܠܶܐ ܕ̥ܰܡܪܰܥܶܝܢ ܠܰܐܠܳܗܳܐ ܢܶܥܢܶܐ ܘܢܺܐܡܰܪ:

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ ܘܰܠܚܽܘ̇ܕ̥ܳܝܬ̊ܳܐ ܩܰܬ̥ܽܘܠܺܝܩܺܝ ܘܰܫܠܺܝ̣ܚܳܝܬ̊ܳܐ܆ ܗܳܝ ܕ̊ܡܶܢ ܣܰܘܦܶܝ̈ܗ̇ ܕܬ̥ܺܒܶܝܠ ܘܰܥܕ̥ܰܡܳܐ ܠܣܰܘܦܶܝ̈ܗ̇. ܡܶܢ ܡܳܪܝܳܐ ܢܶܒܥܶܐ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܐܰܝܟ̊ܰܢܳܐ ܕ̥ܰܕܠܳܐ ܬ̥ܽܘ̣ܩܰܠܬ̥ܳܐ. ܘܰܕ̊ܛܰܝܒ̊ܽܘ̣ܬ̥ܳܐ ܓ̥ܒܺܝ̣ܬ̥ܳܐ ܬ̥ܶܗܘܶܐ. ܠܡܳܪܝܳܐ ܢܶܬ̥ܟ̊ܰܫܰܦ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܐܶܦܣܩܽܘ̇ܦܳܐ ܗܳܢܳܐ ܕ̥ܩܳܐܶܡ ܡܳܪܝ [ܦܠܳܢ] ܠܡܳܪܝܳܐ ܢܶܬ̥ܟ̊ܰܫܰܦ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܩܰܘܡܶܗ ܡܫܰܪܪܳܐ ܘܕ̥ܶܚܠܰܬ̥ ܐܰܠܳܗܳܐ ܕ̥ܰܒܪܽܘ̣ܚܳܐ ܩܰܕ̊ܺܝ̣ܫܳܐ. ܠܡܳܪܝܳܐ ܢܶܬ̥ܟ̊ܰܫܰܦ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܗܳܝ ܕ̊ܢܶܫܦܰܪ ܠܰܐܠܳܗܳܐ܆ ܠܩܰܕ̊ܺܝ̣̈ܫܶܐ ܢܦܺܝ̣ܣ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܥܺܕ̊ܬ̊ܳܐ ܕ̥ܶܐܬܓ̊ܰܥܠܰܬ̥ ܠܶܗ. ܡܶܢ ܡܳܪܝܳܐ ܢܶܒܥܶܐ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܫܰܦܺܝ̣ܪܽܘ̣ܬ̥ ܚܰܝܰܘܗ̱̈ܝ܆ ܘܢܺܝ̣ܚܽܘ̣ܬ̥ܶܗ. ܘܡܰܟ̊ܺܝ̣ܟ̥ܽܘ̣ܬ̥ܶܗ ܘܺܝ̣ܕ̥ܰܥܬ̥ܶܗ ܬ̊ܪܺܝ̣ܨܬ̊ܳܐ. ܠܰܐܠܳܗܳܐ ܢܦܺܝ̣ܣ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܗܳܝ ܕ̊ܢܶܫܬ̊ܘܶܐ ܟ̥ܽܠܰܢ ܠܙܳܟ̥ܽܘ̣ܬ̥ܳܐ ܕ̥ܰܩܪܳܝܬ̊ܳܐ ܕ̥ܡܶܢ ܠܥܶܠ. ܡܶܢ ܡܳܪܝܳܐ ܢܶܒܥܶܐ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܢܽܘ̣ܛܳܪܳܐ ܕ̥ܟ̥ܽܘ̣ܡܪܰܢ ܡܥܰܠܝܳܐ܆ ܩܰܕ̊ܺܝ̣ܫܽܘ̣ܬ̥ܶܗ ܕ̊ܡܳܪܰܢ ܡܳܪܝ ܐܺܝܓ̥ܢܰܛܺܝܽܘ̇ܣ [ܦܠܢ]܆ ܘܫܰܪܟ̊ܳܐ ܕ̥ܰܐܒܳܗ̈ܬ̥ܳܐ ܕ̥ܥܺܕ̊ܬ̊ܰܢ ܣܽܘ̣ܪܝܳܝܬ̊ܳܐ ܡܶܢ ܡܳܪܝܳܐ ܢܶܒܥܶܐ ܘܢܶܩܥܶܐ ܘܢܺܐܡܰܪ ܬ̊ܠܺܝ̣ܬ̥ܳܐܺܝܬ̥܆ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܀

ܢܽܘ̣ܗܳܪܳܐ:

ܘܬ̊ܽܘܒ̥ ܦܰܛܪܺܝ̣ܰܪܟ̥ܳܐ ܡܶܬ̥ܦ̊ܢܶܐ ܠܡܰܕ̥ܢܚܳܐ. ܘܰܡܨܰܠܶܐ ܨܠܽܘ̇ܬ̥ܳܐ ܗܳܕ̥ܶܐ ܕ̥ܩܽܘ̣ܒܳܠ ܛܰܝܒ̊ܽܘ̣ܬ̥ܳܐ ܟ̊ܰܕ̥ ܓ̊ܗܺܝ̣ܢ܀

ܓ̊ܗܳܢܬ̊ܳܐ

ܪܺܝܫܟ̊ܳܗ̈ܢܶܐ:

ܡܩܰܒܠܺܝ̣ܢܰܢ ܛܰܝܒ̊ܽܘ̣ܬ̥ܳܟ̥ ܡܳܪܰܢ ܐܰܚܺܝ̣ܕ̥ ܟ̊ܽܠ܆ ܒܟ̥ܽܠܗܶܝܢ ܘܡܶܛܽܠ ܟ̊ܽܠܗܶܝܢ܆ ܘܰܡܩܰܠܣܺܝ̣ܢܰܢ ܘܰܡܫܰܒܚܺܝ̣ܢܰܢ ܠܰܫܡܳܟ̥ ܩܰܕ̊ܺܝ̣ܫܳܐ. ܡܶܛܽܠ ܕ̊ܰܐܘܪܶܒܬ̊ ܠܡܶܥܒ̊ܰܕ̥ ܥܰܡܰܢ. ܘܶܐܫܰܕ̊ܬ̊ ܡܰܘܗܰܒܬ̥ܳܟ̥ ܥܰܠ ܥܰܒ̥ܕ̊ܳܟ̥ ܗܳܢܳܐ. ܒܳܥܶܝܢܰܢ ܕ̊ܶܝܢ ܡܶܢܳܟ̥ ܘܰܡܦܺܝ̣ܣܺܝ̣ܢܰܢ ܠܳܟ̥ ܡܳܪܝܳܐ. ܫܡܰܥ ܠܰܢ ܡܶܛܽܠ ܣܰܓ̊ܺܝ̣ܐܽܘ̣ܬ̥ܳܐ ܕ̥ܪ̈ܰܚܡܰܝܟ̊. ܘܰܨܒܺܝ ܒܟ̥ܺܝ̣ܪܳܛܽܘ̇ܢܺܝܰܐ ܗܳܕ̥ܶܐ ܕ̥ܰܗܘܳܬ̊ ܕ̊ܪܺܝܫܽܘ̣ܬ̥ ܟ̊ܳܗܢܽܘ̣ܬ̥ܳܐ ܕ̥ܥܰܠ ܥܰܒ̥ܕ̊ܳܟ̥ ܚܰܣܝܳܐ [ܦܠܢ] ܒܝܰܕ̥ ܡܶܐܬ̥ܺܝܬ̥ܳܐ ܕ̥ܪܽܘ̣ܚܳܟ̥ ܩܰܕ̊ܺܝ̣ܫ ܒܟ̥ܽܠ. ܘܰܐܘܣܶܦ ܥܰܠ ܩܪܳܝܬ̊ܳܐ ܠܰܓ̥ܒܺܝ̣ܬ̥ܳܐ ܘܰܠܩܰܕ̊ܺܝ̣ܫܽܘ̣ܬ̥ܳܐ܆ ܘܰܠܛܰܝܒ̊ܽܘ̣ܬ̥ܳܐ ܕ̥ܛܳܒܽܘ̣ܬ̥ܳܟ. ܘܰܓ̥ܒܺܝ ܠܰܢ ܘܠܶܗ ܠܛܳܒܬ̥ܳܐ. ܘܗܰܒ ܠܶܗ ܕ̊ܢܶܦܠܽܘ̇ܚ ܠܳܟ̥ ܒܟ̥ܰܟ̊ܪ̈ܶܐ ܕ̥ܰܢܣܰܒ̥܀

ܬ̊ܠܳܝܬ̊ܳܐ

ܪܺܝܫܟ̊ܳܗ̈ܢܶܐ:

ܐܰܝܟ̊ܰܢܳܐ ܕ̥ܥܰܡ ܟ̊ܽܠܗܽܘ̇ܢ ܕ̊ܡܶܢ ܥܳܠܰܡ ܫܦܰܪܘ ܠܳܟ̥ ܘܰܥܒ̥ܰܕ̥ܘ ܨܶܒܝܳܢܳܟ̥. ܢܶܣܰܒ ܐܰܓ̥ܪܳܐ ܕ̥ܪ̈ܰܒܰܝ ܒܳـ̈ܬ̊ܶܐ ܡܗܰܝܡ̈ܢܶܐ ܘܚܰܟ̊ܺܝ̣̈ܡܶܐ. ܒܡܶܐܬ̥ܺܝ̣ܬ̥ܳܐ ܕ̥ܬ̥ܰܪܬ̊ܶܝܢ ܕ̊ܡܶܢ ܫܡܰܝܳܐ. ܕ̊ܡܳܪܝܳܐ ܘܰܐܠܳܗܰܢ ܪܰܒ̊ܳܐ ܘܦܳܪܽܘܩܰܢ ܝܶܫܽܘ̇ܥ ܡܫܺܝ̣ܚܳܐ. ܕ̊ܥܰܡܶܗ ܠܳܟ̥ ܦܐܶܐ ܫܽܘ̣ܒ̥ܚܳܐ ܘܺܐܝܩܳܪܳܐ ܘܽܐܘ̣ܚܕ̊ܳܢܳܐ ܥܰܡ ܪܽܘ̣ܚܳܐ ܕ̥ܺܝܠܳܟ̥ ܩܰܕ̊ܺܝ̣ܫ ܒܟ̥ܽܠ ܛܳܒ̥ܳܐ ܘܰܣܓ̥ܺܝ̣ܕ̥ܳܐ ܘܡܰܥܒ̊ܶܕ̥ ܚܰܝ̈ܶܐ ܘܰܫܘܶܐ ܠܳܟ̥ ܒܽܐܘ̣ܣܺܝܰܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܘܬ̊ܽܘܒ̥ ܦܰܛܪܺܝ̣ܰܪܟ̥ܳܐ ܡܶܬ̥ܦ̊ܢܶܐ ܠܘܳܬ̥ ܗܰܘ ܕ̊ܶܐܬ̊ܬ̊ܰܣܪܰܚ܆ ܘܠܳܒܶܟ̥ ܒܺܐܝ̣ܕ̥ܶܗ ܘܰܡܩܺܝ̣ܡ ܠܶܗ ܡܶܢ ܟ̊ܽܘ̣ܪܣܝܳܐ ܘܠܰܩܕ̥ܳܡ ܡܰܕ̥ܒ̊ܚܳܐ ܡܰܣܶܩ ܠܶܗ. ܘܡܰܝܬ̊ܶܝܢ ܡܽܘܪܳܢܺܝ̣ܬ̥ܳܐ. ܘܰܒܪܺܝܫܳܗ̇ ܥܶܠܳܝܳܐ ܐܳܚܶܕ̥ ܦܰܛܪܺܝ̣ܰܪܟ̥ܳܐ. ܘܰܠܬ̥ܰܚܬ̊ ܡܶܢ ܐܺܝ̣ܕ̥ܶܗ ܕܦܰܛܪܺܝ̣ܰܪܟ̥ܳܐ ܠܳܒܶܟ̥ ܚܰܕ̥ ܚܰܕ̥ ܡܶܢ ܚܣܰܝ̈ܳܐ ܒܛܶܟ̊ܣܶܗ. ܘܰܠܬ̥ܰܚܬ̊ ܡܶܢ ܟ̊ܽܠܗܽܘ̇ܢ܆ ܠܳܒܶܟ̥ ܒܳܗ̇ ܒܡܽܘܪܳܢܺܝ̣ܬ̥ܳܐ ܗܽܘ ܗܰܘ ܕ̊ܶܐܬ̊ܬ̊ܰܣܪܰܚ. ܘܦܰܛܪܺܝ̣ܰܪܟ̥ܳܐ ܐܳܡܰܪ ܟ̊ܰܕ̥ ܡܰܙܥܶܩ ܒܩܳܠܳܐ ܪܳܡܳܐ. ܘܰܒܩܺܝ̣ܢܬ̊ܳܐ ܫܒܺܝ̣ܥܳܝܬ̊ܳܐ:

ܪܺܝܫܟ̊ܳܗ̈ܢܶܐ:

ܚܽܘ̣ܛܪܳܐ ܕ̥ܥܽܘ̣ܫܢܳܐ ܢܫܰܕ̊ܰܪ ܠܳܟ̥ ܡܳܪܝܳܐ ܡܶܢ ܨܶܗܝܽܘ̇ܢ ܗ̄ܘܗ̄ ܘܢܶܫܬ̊ܰܠܰܛ ܥܰܠ ܒܥܶܠܕ̈̊ܒ̥ܳܒ̥ܰܝܟ̊܀

ܢܽܘ̣ܗܳܪܳܐ:

ܘܥܳܢܶܝܢ ܒܳܬ̥ܪܶܗ ܗܳܟ̥ܘܳܬ̥ ܟ̊ܽܠܗܽܘ̇ܢ ܚܣܰܝ̈ܳܐ ܘܟ̥ܽܠܶܗ ܩܠܺܝ̣ܪܽܘ̇ܣ. ܘܟ̥ܰܕ̊ ܬ̊ܽܘ̣ܒ̥ ܙܒܰܢ̱ܬ̊ܳܐ ܕ̥ܬ̥ܰܪܬ̊ܶܝܢ ܘܕ̥ܰܬ̥ܠܳܬ̥ ܐܳܡܰܪ ܦܰܛܪܺܝ̣ܰܪܟ̥ܳܐ ܠܶܗ ܠܦܶܬ̥ܓ̥ܳܡܳܐ ܘܥܳܢܶܝܢ ܒܳܬ̥ܪܶܗ܀

ܡܫܰܡ̈ܫܳܢܶܐ:

ܚܽܘ̣ܛܪܳܐ ܕ̥ܥܽܘ̣ܫܢܳܐ ܢܫܰܕ̊ܰܪ ܠܳܟ̥ ܡܳܪܝܳܐ ܡܶܢ ܨܶܗܝܽܘ̇ܢ ܗ̄ܘܗ̄ ܘܢܶܫܬ̊ܰܠܰܛ ܥܰܠ ܒܥܶܠܕ̈̊ܒ̥ܳܒ̥ܰܝܟ̊܀

ܢܽܘ̣ܗܳܪܳܐ:

ܗܳܝܕܶܝܢ ܫܳܒܩܺܝ̣ܢ ܠܳܗ̇ ܠܡܽܘܪܳܢܺܝܬ̥ܳܐ ܒܺܐܝ̣ܕ̥ܶܗ ܕ̊ܗܰܘ ܕ̊ܶܐܬ̊ܬ̊ܰܣܪܰܚ܆ ܘܚܳܬ̥ܶܡ ܠܟ̥ܽܠܶܗ ܥܰܡܳܐ ܒܡܽܘܪܳܢܺܝ̣ܬ̥ܳܐ ܕ̥ܒܺܐܝ̣ܕ̥ܶܗ܆ ܒܪܽܘ̣ܫܡܳܐ ܕ̥ܰܨܠܺܝ̣ܒ̥ܳܐ ܬ̥ܠܳܬ̥ ܙܰܒ̥ܢܺܝ̣̈ܢ܀ ܘܒܳܬ̥ܰܪ ܗܳܠܶܝܢ܆ ܡܩܰܪܒܺܝ̣ܢ ܠܶܗ ܠܡܶܬ̊ܬ̊ܰܣܪܚܳܢܳܐ ܠܘܳܬ̥ ܦܳܬ̥ܽܘܪ ܚܰܝ̈ܶܐ. ܘܟ̥ܰܕ̥ ܨܳܠܶܐ ܐܶܕ̥ܢܶܗ. ܐܳܡܰܪ ܠܶܗ ܦܰܛܪܺܝ̣ܰܪܟ̥ܳܐ ܫܰܠܝܳܐܺܝ̣ܬ̥܀

ܓ̊ܗܳܢܬ̊ܳܐ

ܪܺܝܫܟ̊ܳܗ̈ܢܶܐ:

ܗܳܐ ܩܕ̥ܳܡ ܐܰܠܳܗܳܐ ܩܳܐܶܡ ܐܰܢ̱ܬ̊. ܘܰܩܕ̥ܳܡ ܡܰܕ̥ܒ̊ܚܶܗ ܡܚܰܣܝܳܢܳܐ. ܘܰܩܕ̥ܳܡ ܟ̊ܶܢܫܳܐ ܕ̥ܡܰܠܰܐܟ̈ܐ ܩܰܕ̊ܺܝ̣̈ܫܶܐ܆ ܘܰܒܢܰܝ̈ܢܳܫܳܐ ܗܳܠܶܝܢ ܕ̊ܩܰܪܺܝ̣ܒܺܝ̣ܢ. ܘܡܶܠܬ̥ܳܐ ܕ̥ܫܽܘ̣ܘܕ̊ܳܝܳܐ ܘܰܬ̥ܚܽܘܡܳܐ ܡܳܪܳܢܳܝܳܐ ܩܕ̥ܳܡܰܝܗܽܘ̇ܢ ܐܶܫܬ̊ܰܘܕ̊ܺܝܬ̊܆ ܗܰܘ ܕ̊ܺܐܝܬ̥ܰܘܗܝ ܫܰܪܺܝ̣ܪܳܐܺܝ̣ܬ̥ ܩܝܳܡܳܐ ܘܣܳܗܕܽܘ̣ܬ̥ܳܐ ܕ̥ܕܽܘ̣ܒܳܪ̈ܶܐ ܩܰܕ̊ܺܝ̣̈ܫܶܐ܆ ܗܳܢܽܘ̇ܢ ܕ̊ܬ̥ܳܒܥܳܐ ܡܶܢܳܟ̥ ܩܪܳܝܬ̊ܳܐ ܐܶܘܰܢܓܶܠܳܝܬ̊ܳܐ ܗܳܕ̥ܶܐ ܕ̥ܠܳܗ̇ ܐܶܬ̥ܩܪܺܝܬ̊ ܒܺܐܝܕ̈ܰܝܳܐ ܕ̥ܰܒܨܺܝ̣ܪܽܘ̣ܬ̥ܳܢ. ܡܶܛܽܠܗܳܕ̥ܶܐ ܡܣܰܗܶܕ ܐ̱ܢܳܐ ܒܳܟ̥܆ ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܩܰܕ̊ܺܝ̣ܫܳܐ. ܘܟ̥ܶܢܫܳܐ ܕ̥ܡܰܠܰܐܟ̈ܶܐ܆ ܕ̊ܬ̥ܶܛܰܪ ܐܰܢ̱ܬ̊ ܠܳܟ̥ ܕ̊ܰܟ̥ܝܳܐܺܝ̣ܬ̥ ܘܩܰܕ̊ܺܝ̣ܫܳܐܺܝ̣ܬ̥. ܘܬ̥ܶܗܘܶܐ ܙܗܺܝ̣ܪ ܒܡܰܪܥܺܝ̣ܬ̥ܳܐ ܗܳܕ̥ܶܐ ܕ̥ܶܐܬ̥ܓܰ̊ܥܠܰܬ̥ ܠܳܟ̥. ܟ̊ܰܕ̥ ܝܳܨܶܦ ܐܰܢ̱ܬ̊ ܒܟ̥ܽܠܶܗ ܚܰܝܠܳܟ̥ ܕܬ̥ܶܪܥܶܝܗ̇ ܐܰܝܟ̥ ܢܳܡܽܘ̇ܣܳܐ ܫܠܺܝ̣ܚܳܝܳܐ. ܟ̊ܰܕ̥ ܠܳܐ ܢܳܣܶܒ ܐܰܢ̱ܬ̊ ܒܰܐܦ̈ܐ. ܐܰܘ ܒܝܰܕ̥ ܫܽܘ̣ܚܕ̥ܳܐ ܡܙܰܒܶܢ ܐܰܢ̱ܬ̊ ܠܰܐܠܳܗܳܐ܆ ܒܝܰܕ̊ ܕ̊ܢܳܣܶܒ ܐܰܢ̱ܬ̊ ܡܶܢ ܡܽܘ̇ܪܽܘ̇ܢ. ܐܰܘ ܡܶܢ ܛܶܒܠܺܝܬ̥ܳܐ. ܐܰܘ ܒܝܰܕ̥ ܣܝܳܡܺܝ̣ܕܳܐ. ܘܡܶܢ ܗܳܕ̥ܶܐ ܗܳܘܶܐ ܐܰܢ̱ܬ̊ ܡܚܰܝܒܳܐ ܒܬ̥ܶܫܡܶܫܬ̊ܳܟ̥. ܗܳܝ ܕ̊ܰܡܨܰܠܶܝܢܰܢ ܠܰܐܠܳܗܳܐ܆ ܕ̊ܠܳܐ ܬ̥ܶܚܰܫ ܚܕ̥ܳܐ ܡܶܢ ܗܳܠܶܝܢ. ܐܶܢܕܶܝܢ ܣܳܥܶܐ ܐܰܢ̱ܬ̊ ܘܕ̥ܳܐܶܫ ܐܰܢ̱ܬ̊ ܬ̊ܺܐܪܬ̊ܳܟ̥܆ ܘܰܡܙܰܝܶܦ ܐܰܢ̱ܬ̊ ܗܰܝܡܳܢܽܘ̣ܬ̥ܳܟ̥ ܘܳܐܦ̥ ܡܫܰܚܶܡ ܐܰܢ̱ܬ̊ ܠܛܶܟ̊ܣܳܐ ܫܠܺܝ̣ܚܳܝܳܐ܆ ܐܰܢ̱ܬ̊ ܬ̊ܶܬ̊ܶܠ ܦ̊ܶܬ̥ܓ̥ܳܡܳܐ ܠܰܐܠܳܗܳܐ ܒܝܰܘܡܳܐ ܕ̥ܕܺܝܢܳܐ. ܘܰܚܢܰܢ ܡܶܟܺܝܠ܆ ܡܫܰܘܙܒܺܝ̣ܢܰܢ ܡܶܢ ܚܽܘ̣ܝܳܒܳܟ̥. ܡܨܰܠܶܝܢܰܢ ܕ̊ܶܝܢ ܕ̊ܢܶܬ̊ܶܠ ܠܳܟ̥ ܡܳܪܰܢ ܕܰܬ̥ܩܺܝܡ ܐܰܢ̱ܬ̊ ܠܳܟ̥ ܕ̊ܶܒܚܬ̥ܳܐ ܕ̥ܟ̥ܺܝ̣ܬ̥ܳܐ ܘܩܰܕ̊ܺܝ̣ܫܬ̊ܳܐ. ܘܰܠܡܰܪܥܺܝ̣ܬ̥ܳܐ ܕ̥ܒܺܐܝܕ̥ܰܝ̈ܟ̊ ܬ̊ܢܰܨܰܚ ܘܰܬ̥ܪܰܒܶܐ ܒܕ̥ܽܘ̣ܒܳܪ̈ܶܐ ܕ̥ܟܰܝ̈ܳܐ ܘܩܰܕ̊ܺܝ̣̈ܫܶܐ. ܘܰܬ̥ܚܰܕ̊ܶܐ ܠܰܐܠܳܗܳܐ ܘܠܰܒܨܺܝ̣ܪܽܘ̣ܬ̥ܰܢ. ܒܰܢܛܺܝ̣ܪܽܘ̣ܬ̥ܳܐ ܩܰܕ̊ܺܝ̣ܫܬ̊ܳܐ ܕ̥ܛܰܝܒ̊ܽܘ̣ܬ̥ܳܐ ܕ̥ܩܰܒܶܠܬ̊܀

ܨܠܽܘ̇ܬ̥ܳܐ ܥܠܰܘܗ̱ܝ ܕ̊ܡܶܬ̊ܬ̊ܰܣܪܚܳܢܳܐ

ܪܺܝܫܟ̊ܳܗ̈ܢܶܐ:

ܐܰܠܳܗܳܐ ܕ̥ܰܓ̥ܒܳܝܗ̱ܝ ܠܡܽܘ̣ܫܶܐ ܪܰܒ̊ܳܐ ܥܰܒ̥ܕ̊ܶܗ܆ ܘܰܒܝܰܕ̥ ܚܽܘ̣ܛܪܳܐ ܕ̥ܒܺܐܝ̣̈ܕ̥ܰܘܗ̱ܝ ܥܒ̥ܰܕ̥ ܐܳܬ̥ܘ̈ܬ̥ܳܐ ܒܰܐܪܥܳܐ ܕ̥ܡܶܨܪܶܝܢ. ܗܰܘ ܕ̊ܳܐܦ ܠܕ̥ܰܘܺܝ̥ܕ̥ ܓ̊ܒ̥ܳܐ ܡܶܢ ܒܶܣܬ̊ܰܪ ܥܳܢ̈ܐ ܕ̥ܡܰܝܢܩܳܐ܆ ܠܡܶܪܥܳܐ ܠܝܰܥܩܽܘ̇ܒ ܥܰܡܶܗ ܘܠܺܝܣܪܳܐܶܝܠ ܝܳܪܬ̊ܽܘ̣ܬ̥ܶܗ. ܗܰܘ ܕ̊ܠܰܫܠܺܝ̣̈ܚܶܐ ܐܰܠܳܗܳܝ̈ܶܐ ܓ̥ܒ̥ܳܐ ܘܰܥܒ̥ܰܕ̥ ܐܶܢܽܘ̇ܢ ܟ̊ܳܪ̈ܽܘܙܶܐ ܕ̥ܰܣܒܰܪܬ̥ܳܐ ܐܶܘܰܢܓܶܠܳܝܬ̊ܳܐ. ܘܒܺܐܝ̣ܕ̥ܰܝ̈ܗܽܘ̇ܢ ܣܥܰܪ ܟ̊ܽܠ ܐܳܬ̥ܘ̈ܳܬ̥ܳܐ ܫܒܺܝ̣̈ܚܳܬ̥ܳܐ ܘܟ̥ܽܠ ܬ̊ܶܕ̥ܡܪ̈ܳܬ̥ܳܐ ܬ̥ܡܺܝ̣̈ܗܳܬ̥ܳܐ. ܗܽܘ ܐܳܦ ܗܳܫܳܐ ܢܶܐܚܽܘ̇ܕ̥ ܒܺܐܝ̣ܕ̥ܳܟ̥ ܕ̊ܝܰܡܺܝ̣ܢܳܐ. ܘܢܶܪܥܶܐ ܥܰܡܳܟ̥ ܠܥܳܢ̈ܳܐ ܡܠܺܝ̣ܠܬ̊ܳܐ ܕ̥ܶܐܬ̥ܓܰ̊ܥܠܰܬ̥ ܠܳܟ̥. ܟ̊ܰܕ̥ ܡܙܰܝܶܢ ܠܳܟ̥ ܒܡܳܐܢ̈ܶܐ ܕ̥ܪܳܥܝܳܐ ܒܚܺܝ̣ܪܳܐ ܘܫܰܦܺܝ̣ܪ ܡܗܰܕ̊ܝܳܢܽܘ̣ܬ̥ܳܐ. ܘܰܢܫܰܦܶܐ ܩܕ̥ܳܡܰܝܟ̊ ܠܟ̥ܽܠ ܥܰܪܡܳܐ ܐܳܦ ܡܰܟ̥ܫܽܘܠܳܐ. ܒܝܰܕ̥ ܨܠ̈ܘܳܬ̥ܳܐ ܕ̥ܝܳܠܕ̊ܰܬ̥ ܐܰܠܳܗܳܐ ܡܰܪܝܰܡ ܘܕ̥ܰܫܠܺܝ̣̈ܚܶܐ ܐܰܠܳܗܳܝ̈ܶܐ. ܘܕ̥ܰܐܒܳܗ̈ܳܬ̥ܳܐ ܩܰܕ̊ܺܝ̣̈ܫܶܐ. ܘܡܰܠ̈ܦܳܢܶܐ ܬ̥ܪ̈ܺܝ̣ܨܰܝ ܫܽܘ̣ܒ̥ܚܳܐ. ܠܥܳܠܰܡ ܥܳܠܡܺܝ̣ܢ ܐܰܡܺܝ̣ܢ܀

ܢܽܘ̣ܗܳܪܳܐ:

ܘܡܶܚܕ̥ܳܐ ܚܰܕ̥ ܡܶܢ ܚܣܰܝܳـ̈ܐ ܡܰܟ̥ܪܶܙ ܠܟ̥ܳܪܽܘܙܽܘ̣ܬ̥ܳܐ ܗܳܕ̥ܶܐ܆ ܟ̊ܰܕ̥ ܩܠܺܝ̣ܪܽܘ̇ܣ ܟ̊ܽܠܶܗ ܩܳܝܡܺܝ̣ܢ ܩܕ̥ܳܡ ܡܰܕ̥ܒ̊ܚܳܐ ܟ̊ܰܕ̥ ܫܠܶܝܢ:

ܪܺܝܫܟ̊ܳܗ̈ܢܶܐ:

ܢܩܽܘ̣ܡ ܫܰܦܺܝ̣ܪ ܟ̊ܽܠܰܢ ܒܰܚܦܺܝ̣ܛܽܘ̣ܬ̥ܳܐ ܘܰܒܩܳـ̈ܠܶܐ ܕ̥ܰܡܪܰܥܶܝܢ ܠܰܐܠܳܗܳܐ ܢܶܥܢܶܐ ܘܢܺܐܡܰܪ:

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܠܗܰܘ ܕ̊ܒܰܩ̈ܢܽܘܡܶܐ ܡܰܢ ܘܕܺܝ̣ܠܳܝܳـ̈ܬ̥ܳܐ ܡܝܰܩܢܳܢ̈ܝܳܬ̥ܳܐ ܡܦܰܪܫܳܐܺܝ̣ܬ̥܆ ܬ̊ܠܺܝ̣ܬ̥ܳܐܺܝ̣ܬ̥ ܡܶܬ̥ܺܝܕ̥ܰܥ. ܒܫܰܘܝܽܘ̣ܬ̥ ܐܽܘ̣ܣܺܝܰܐ ܕ̥ܶܝܢ ܘܰܟ̥ܝܳܢܳܐ ܘܺܐܝܩܳܪܳܐ ܘܫܽܘ̣ܠܛܳܢܳܐ. ܚܕ̥ܳܐ ܐܰܠܳܗܽܘ̣ܬ̥ܳܐ ܠܚܽܘ̇ܕ̥ܳܐܺܝ̣ܬ̥ ܡܶܣܬ̊ܰܟ̊ܰܠ ܘܡܶܬ̥ܗܰܝܡܰܢ. ܐܰܒ̥ܳܐ ܡܬ̥ܽܘ̇ܡܳܝ ܡܶܢ ܥܳܠ̈ܡܶܐ. ܘܰܒ̥ܪܳܐ ܕ̥ܺܝܠܺܝ̣ܕ̥ ܕ̊ܠܳܐ ܫܽܘ̣ܪܳܝ. ܘܪܽܘ̣ܚܳܐ ܩܰܕ̊ܺܝ̣ܫܳܐ ܕ̥ܠܳܐ ܟ̥ܡܳܢܳܝ ܒܰܐܝܢܳܝܽܘ̣ܬ̥ܳܐ. ܚܕ̥ܳܐ ܠܚܽܘ̣ܕ̥ܳܝܽܘ̣ܬ̥ܳܐ܆ ܕ̊ܒܰܬ̥ܠܺܝ̣ܬ̥ܳܝܽܘ̣ܬ̥ܳܐ ܡܶܣܬ̊ܰܓ̥ܕ̊ܳܐ. ܘܰܬ̥ܠܺܝܬ̥ܳܝܽܘ̣ܬ̥ܳܐ ܕ̥ܒܰܠܚܽܘ̇ܕ̥ܳܝܽܘ̣ܬ̥ܳܐ܆ ܡܶܢ ܟ̊ܽܠܗܽܘ̇ܢ ܟ̊ܝܳܢ̈ܶܐ ܡܶܬ̥ܝܰܕ̈ܥܳܢܶܐ ܘܡܶܬ̥ܪ̈ܰܓ̥ܫܳܢܶܐ ܡܶܬ̊ܬ̥ܰܘܕ̊ܝܳܐ. ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܡܫܺܝ̣ܚܳܐ ܐܰܠܳܗܳܐ ܕ̥ܝܠܰܢ ܗܰܘ ܕ̊ܒܰܡܪ̈ܰܘܡܶܐ ܥܶܠܳܝ̈ܶܐ܆ ܡܰܘܬ̊ܒ̥̈ܶܐ ܩܒܺܝ̣̈ܥܶܐ ܐܰܘܟ̊ܺܝܬ̥ ܟܽܘ̣ܪ̈ܣܰܘܳܬ̥ܳܐ ܡܫܰܪܪ̈ܶܐ܆ ܒܕ̥ܶܚܠܳܐ ܘܒܰܪܬ̥ܺܝ̣ܬ̥ܳܐ ܠܶܗ ܡܫܰܡܫܺܝ̣ܢ. ܟ̊ܰܕ̥ ܠܘܰܥܕܳܐ ܕ̥ܺܐܝܬ̥ܽܘ̣ܬ̥ܶܗ܆ ܕ̊ܰܢܚܽܘ̣ܪܽܘ̣ܢ ܠܳܐ ܡܰܡܪܚܺܝ̣ܢ. ܘܥܰܠ ܐܰܪܥܳܐ ܠܪ̈ܺܝܫܰܝ ܟ̊ܳܗ̈ܢܶܐ ܕ̥ܺܝܠܰܢ܆ ܠܫܰܘܬ̊ܳܦܽܘ̣ܬ̥ܶܗ ܐܰܫܘܺܝ. ܟ̊ܰܕ̥ ܒܰܡܟ̥ܰܗܢܳܢܽܘ̣ܬ̥ܗܽܘ̇ܢ ܪܽܘ̣ܚܳܢܳܝܬ̊ܳܐ ܒܦܰܐܝܽܘ̣ܬ̥ܳܗ̇ ܪܳܡܰܬ̥ ܡܶܢ ܟ̊ܽܠ ܡܶܬ̥ܒܰܣܡܺܝ̣ܢ. ܘܰܒܚܽܘ̣ܦܢܰܝ̈ܗܽܘ̇ܢ ܠܶܗ ܡܙܰܝܚܺܝ̣ܢ. ܟ̊ܰܕ̥ ܫܡܰܝܳܐ ܘܰܐܪܥܳܐ ܒܪܶܡܙܳܐ ܕ̥ܨܶܒܝܳܢܶܗ ܩܳܝܡܺܝ̣ܢ܆ ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܡܫܺܝ̣ܚܳܐ ܐܰܠܳܗܳܐ ܕ̥ܝܠܰܢ܆ ܐܰܢ̱ܬ̊ ܕ̊ܥܰܡ ܐܰܒ̥ܳܐ ܘܪܽܘ̣ܚܳܐ ܩܰܕ̊ܺܝ̣ܫܳܐ ܩܢܶܐ ܐܰܢ̱ܬ̊ ܐܽܘ̣ܣܺܝܳܐܺܝ̣ܬ̥܆ ܐܰܠܳܗܽܘ̣ܬ̥ܳܐ ܘܪܺܝܫܺܝܬ̥ܳܐ ܡܰܢܗܪܳܢܺܝ̣ܬ̥ܳܐ ܕ̥ܡܶܬ̥ܐܰܠܗܳܢܽܘ̣ܬ̥ܳܐ. ܘܡܶܛܽܠ ܪܶܚܡܰܬ̥ ܐ̱ܢܳܫܽܘ̣ܬ̥ܳܟ̥܆ ܥܰܡ ܒܢܰܝ̈ܢܳܫܳܐ ܐܶܬ̥ܗܰܦܰܟ̥ܬ̊. ܘܪܺܝܫ ܟ̊ܳܗ̈ܢܶܐ ܕ̥ܺܝܠܰܢ ܐܶܫܬ̊ܰܡܰܗܬ̊. ܘܬ̥ܶܫܡܶܫܬ̊ܳܐ ܗܳܕ̥ܶܐ ܕ̥ܪܺܝܫܽܘ̣ܬ̥ ܟ̊ܳܗܢܽܘ̣ܬ̥ܳܐ ܫܡܰܝܳܢܺܝ̣ܬ̥ܳܐ܆ ܘܡܰܐܠ̈ܗܳܢܶܐ ܘܰܡܫܰܡ̈ܠܰܝܳܐ ܥܰܠ ܐܰܪܥܳܐ ܚܰܘܺܝܬ̊܆ ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ. ܐܰܢ̱ܬ̊ ܕ̊ܰܠܨܰܝܳܕ̈ܶܐ ܚܰܟ̊ܶܡܬ̊. ܘܰܠܠܳܐ ܣܦܺܝ̣ܪ̈ܶܐ ܒܫܰܦܺܝ̣ܪܽܘ̣ܬ̥ ܪܶܗܛܳܐ ܫܠܺܝ̣ܚܳܝܳܐ ܢܰܨܰܚܬ̊ ܘܰܐܘܪܶܒܬ̊܆ ܠܪܺܝܫ ܟ̊ܳܗ̈ܢܶܐ ܗܳܢܳܐ ܕ̥ܰܓ̥ܒܰܝܬ̊ ܠܡܶܪܥܳܐ ܠܥܳܢ̈ܳܟ܆ ܗܰܕ̊ܳܐ ܘܚܰܟ̊ܶܡ ܒܫܽܘ̣ܟ̊ܳܢܰܝ̈ـܟ̊ ܐܰܠܳܗܳܝ̈ܶܐ. ܐܰܝܟ̊ܰܢܳܐ ܕ̥ܢܰܗܪ̈ܰܘܳܬ̥ܳܐ ܪ̈ܽܘ̣ܚܳܢܳܝܶܐ܆ ܐܰܝܟ̥ ܫܽܘ̣ܘܕ̊ܳܝܳܟ̥ ܫܰܪܺܝ̣ܪܳܐ ܢܬ̥ܰܦܶܦ. ܘܰܠܥܳܢܳܟ̥ ܡܠܺܝ̣ܠܬܳ̊ܐ ܒܪܶܕ̥ܝܳܐ ܘܢܳܣ̈ܟ̥ܶܐ ܕ̥ܫܶܩܝܳܐ ܪ̈ܽܘ̣ܚܳܢܳܝܶܐ ܢܪܰܒܶܐ܆ ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ. ܐܰܢ̱ܬ̊ ܕܠܰܫܠܺܝ̣ܚܰܝ̈ܟ̊ ܩܰܕ̊ܺܝ̣̈ܫܶܐ܆ ܒܰܕ̥ܡܽܘ̣ܬ̥ܳܐ ܕ̥ܫܶܡܫܳܐ܆ ܒܥܳܡܰܪܬ̥ܳܐ ܚܰܘܺܝܬ̊. ܘܠܰܐܪܥܳܐ ܟ̥ܽܠܳܗ̇܆ ܒܰܡܨܺܝ̣ܕ̊ܬ̊ܳܐ ܕ̥ܡܰܠܦܳܢܽܘ̣ܬ̥ܗܽܘ̇ܢ ܓ̊ܳܦܘ. ܘܰܠܘܳܬ̥ ܢܽܘ̣ܗܪܳܐ ܕ̥ܺܝܕ̥ܰܥܬ̥ܳܐ ܫܰܪܺܝ̣ܪܬ̊ܳܐ ܕ̥ܬ̥ܶܐܽܘ̇ܠܽܘ̇ܓ̥ܺܝܰܐ ܩܰܪܶܒܘ. ܐܰܢ̱ܬ̊ ܠܪܺܝܫ ܟ̊ܳܗ̈ܢܶܐ ܗܳܢܳܐ ܒܢܰܨܺܝ̣ܚܽܘ̣ܬ̥ܳܐ ܪܳܡܬ̥ܳܐ ܕ̥ܡܰܠܦܳܢܽܘ̣ܬ̥ܳܐ ܚܰܟ̊ܶܡ. ܐܰܝܟ̊ܰܢܳܐ ܕ̥ܠܰܐܝܠܶܝܢ ܕ̊ܰܒܚܶܫܽܘ̇ܟ̥ܽܘ̣ܬ̥ܳܐ ܕ̥ܠܳܐ ܝܺܕ̥ܰܥܬ̥ܳܐ ܢܰܢܗܰܪ. ܘܰܠܘܳܬ̥ ܢܽܘ̣ܗܪܳܐ ܕ̥ܺܝܕ̥ܰܥܬ̥ܳܐ ܢܰܥܒܰܪ܆ ܒܳܥܶܝܢܰܢ ܡܶܢܳܟ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟ̊ܳܗ̈ܢܶܐ:

ܚܠܳܦ ܫܰܝܢܳܐ ܘܰܫܠܳܡܳܐ ܕ̥ܟ̥ܽܠܳܗ̇ ܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ ܕ̥ܰܐܠܳܗܳܐ܆ ܗܳܝ ܕ̊ܒܰܕ̥ܡܳܐ ܣܶܛܪܳܝܳܐ ܙܒܺܝ̣ܢܳܐ. ܘܰܚܠܳܦ ܗܳܝ ܕ̊ܢܰܡܛܰܪ ܡܳܪܝܳܐ ܒܽܘ̣ܪ̈ܟ̊ܳܬ̥ܶܗ ܥܰܠ ܟ̊ܽܠܳܗ̇ ܡܶܬ̥ܥܰܡܪܳܢܺܝ̣ܬ̥ܳܐ. ܘܰܚܠܳܦ ܢܽܘ̣ܛܳܪܳܐ ܕ̥ܚܰܝ̈ܶܐ ܘܰܢܝܳܚܳܐ ܕ̥ܥܰܢܺܝ̣̈ܕ̥ܶܐ ܡܗܰܝܡ̈ܢܶܐ ܕ̥ܩܰܕ̊ܶܡܘ ܫܟ̥ܶܒ̥ܘ ܒܰܬ̥ܪܺܝ̣ܨܽܘ̣ܬ̥ ܫܽܘ̣ܒ̥ܚܳܐ. ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝܳܐ ܘܶܐܬ̥ܪܰܚܰܡܥܠܰܝܢ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܟܳܗ̈ܢܶܐ:

ܐܰܫܘܳܐ ܠܰܢ ܡܫܺܝ̣ܚܳܐ ܐܰܠܳܗܳܐ ܕ̥ܝܠܰܢ܆ ܕ̊ܰܚܠܳܦ ܡܟ̥ܰܗܢܳܢܽܘ̣ܬ̥ܳܐ ܗܳܕ̥ܶܐ ܐ̱ܪܳܙܳܢܳܝܬ̊ܳܐ ܕ̥ܠܳܗ̇ ܐܰܫܘܺܝܬ̊ ܠܰܢ ܟ̊ܰܕ̥ ܠܳܐ ܫܳܘܶܝܢܰܢ܆ ܕ̊ܰܠܡܰܘܗܰܒܬ̥ܳܐ ܗܳܝ ܓ̊ܡܺܝ̣ܪܬ̊ܳܐ ܕ̥ܰܓ̥ܡܺܝ̣ܪܽܘ̣ܬ̥ ܓ̊ܡܺܝ̣ܪ̈ܘܳܬ̥ܳܐ ܢܶܫܬ̊ܘܶܐ. ܘܰܒܥܺܕ̊ܬ̊ܳܐ ܕ̥ܒܽܘ̣ܟ̥ܪ̈ܶܐ܆ ܘܬ̥ܶܫܡܶܫܬ̊ܳܐ ܗܳܝ ܙܗܺܝ̣ܬ̥ܳܐ ܢܟ̥ܰܗܶܢ. ܘܬ̥ܶܫܒܽܘ̇ܚܬ̊ܳܐ ܡܬ̥ܽܘ̇ܡܳܝܬ̊ܳܐ ܒܕܰܘ̈ܨܶܐ ܡܰܠܰܐܟ̥ܳܝ̈ܶܐ ܢܩܰܪܶܒ ܘܥܰܡ ܟ̊ܽܠܗܽܘ̇ܢ ܩܰܕ̊ܺܝ̣̈ܫܶܐ ܟ̊ܰܕ̥ ܪܽܘ̣ܚܳܢܳܐܺܝ̣ܬ̥ ܪܳܦܣܺܝ̣ܢܰܢ܆ ܢܰܙܥܶܩ ܘܢܺܐܡܰܪ ܬ̊ܠܺܝ̣ܬ̥ܳܐܺܝ̣ܬ̥܀

ܡܫܰܡ̈ܫܳܢܶܐ:

ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܀

ܢܽܘ̣ܗܳܪܳܐ:

ܒܳܬ̥ܰܪ ܕ̊ܶܝܢ ܟ̊ܳܪܽܘܙܽܘ̣ܬ̥ܳܐ܆ ܡܫܰܪܶܝܢ ܡܰܥܢܺܝ̣ܬ̥ܳܐ ܗܳܕ̥ܶܐ ܠܡܰܠܦܳܢܳܐ ܕ̥ܒܰܫܡܶܗ ܡܟ̥ܰܠܰܠ ܗܰܘ ܕ̊ܪܺܝܫ ܟ̊ܳܗ̈ܢܶܐ ܐܶܬ̊ܬ̊ܰܣܪܰܚ. ܡܰܥܢܺܝ̣ܬ̥ܳܐ ܒܪܶܟ̥ܢܳܐ ܕ̥ܬ̥ܰܟ̊ܫܶܦܬ̊ܳܐ ܬ̥ܪܰܝܳܢܺܝ̣ܬ̥ܳܐ ܒܩܳܠܳܐ ܕ̥ܟ̥ܺܝ̣ܬܐ ܘܰܡܥܰܠܰܝܬ̊ܐ܀ ܦܶܬ̥ܓ̥̄ ܘܰܥܠܰܘܗܝ ܢܶܥܦܶܐ ܩܽܘ̣ܕ̥ܫܝ.

ܫܒܺܝ̣ܚ ܘܰܡܥܰܠܰܝ ܘܰܪܓ̥ܺܝ̣ܓ̥܆ ܕ̊ܽܘ̣ܟ̥ܪܳܢܳܟ̥ ܡܳܪܝ [ܦܠܢ] ܪܰܒ̊ܳܐ ܒܪ̈ܺܝ̣ܫܰܝ ܟ̊ܳܗ̈ܢܶܐ. ܘܫܽܘ̣ܒܗܳܪܳܐ ܕ̥ܡܰܠ̈ܦܳܢܶܐ. ܪܳܚܡܶܗ ܕ̊ܚܰܬ̥ܢܳܐ ܫܡܰܝܳܢܳܐ. ܘܰܡܒܰܢܝܳܢܳܐ ܕ̥ܥܺܕ̊ܬ̊ܳܐ. ܫܽܘ̣ܒ̥ܚܳܐ ܠܗܰܘ ܕ̊ܰܐܓ̥ܥܶܠ ܒܶܝܬ̥ ܐܺܝ̣ܕ̥ܰܝ̈ܟ̊. ܫܽܘ̣ܠܛܳܢܳܐ ܕ̥ܪܰܘܡܳܐ ܘܥܽܘ̣ܡܩܳܐ. ܫܽܘ̣ܒ̥ܚܳܐ ܠܗܰܘ ܕ̊ܡܰܒܰܥ ܡܶܢ ܓ̊ܰܪ̈ܡܰܝܟ̊. ܥܽܘ̣ܕ̥ܪܳܢܳܐ ܠܟ̥ܽܠ ܕܰܐܠܺܝ̣ܨܺܝ̣ܢ ܐܶܠܐ ܡܳܪܶܐ ܟ̥ܽܠ ܒܳܥܶܝܢܰܢ ܡܶܢܳܟ̥. ܚܰܣܳܐ ܚܰܘܒܰܝ̈ܢ ܒܰܨܠܰܘ̈ܳܬ̥ܶܗ. ܡܶܛܽܠ ܣܽܘ̇ܓ̥ܐܳܐ ܕ̥ܰܡܪܰܚܡܳܢܽܘ̣ܬ̥ܳܟ̥܀

ܢܽܘ̣ܗܳܪܳܐ:

ܘܟ̥ܰܕ̥ ܡܰܥܢܶܝܢ ܠܡܰܥܢܺܝ̣ܬ̥ܳܐ܆ ܦܰܛܪܺܝ̣ܰܪܟ̥ܳܐ ܘܶܐܦܣ̈ܩܽܘܦܶܐ ܝܳܗܒܺܝ̣ܢ ܫܠܳܡܳܐ ܠܶܗ ܠܡܶܬ̊ܬ̊ܰܣܪܚܳܢܳܐ܆ ܘܡܶܬ̥ܒܰܪܟ̥ܺܝ̣ܢ ܡܶܢ ܝܰܡܺܝ̣ܢܶܗ ܟ̊ܽܠܶܗ ܥܰܡܳܐ܀

ܗܳܝܕ̊ܶܝܢ ܡܶܫܬ̊ܰܘܬ̊ܦܺܝ̣ܢ ܒܐ̱ܪ̈ܳܙܶܐ ܡܰܚ̈ܝܳܢܶܐ. ܗܰܘ ܕ̊ܶܝܢ ܕ̊ܶܐܬ̊ܬ̊ܰܣܪܰܚ ܡܫܰܡܠܶܐ ܠܩܽܘ̣ܪܳܒܳܐ܆ ܘܦܰܛܪܺܝ̣ܰܪܟ̥ܳܐ ܡܰܓ̥ܥܶܠ ܠܶܗ ܠܚܰܣܝܳܐ ܚܰܕ̥ܬ̥ܳܐ܆ ܟ̊ܬ̥ܺܝ̣ܒ̥ܬ̊ܳܐ ܕ̥ܡܰܓ̥ܥܠܳܢܽܘ̣ܬ̥ܳܐ܆ ܕ̊ܝܰܘܢܳܐܺܝ̣ܬ̥ ܣܽܘ̣ܣܛܰܐܛܺܝ̣ܩܽܘ̇ܢ ܡܶܬ̥ܩܰܪܝܳܐ܀

ܫܠܶܡ ܛܶܟ̊ܣܳܐ ܕ̥ܰܣܝܳܡ ܐܺܝ̣ܕ̥ܳܐ ܕܪ̈ܺܝܫܰܝ ܟ̊ܳܗ̈ܢܶܐ