ܡܟܬܒܢܘܬܐ ܕܙܒ̈ܢܐ: ܕܡܢ ܒܪܝܬܗ ܕܥܠܡܐ ܥܕܡܐ ܠܫܢܬ ܐܠܦ ܘܬܡܢܝܢ ܘܫܒܥ ܕܐܠܟܣܢܕܪܘܣ

Zuqnin Chronicle (776)

 J.B. Chabot, Incerti Auctoris Chronicon Pseudo-Dionysianum Vulgo Dictum. Vol 1. CSCO 91/Scriptores Syri 43 (III.1). Louvain: Secretariat du CorpusSCO, 1927; from Vatican Syriac 162 and BL Add. 14,665 f. 2-7

[Part 1]

Page 3

 ܡܟܬܒܢܘܬܐ ܕܙܒ̈ܢܐ: ܕܡܢ ܒܪܝܬܗ

ܕܥܠܡܐ ܥܕܡܐ ܠܫܢܬ ܐܠܦ ܘܬܡܢܝܢ

ܘܫܒܥ ܕܐܠܟܣܢܕܪܘܣ܀

܀ܦܓܠܘܬܐ ܩܕܡܝܬܐ܀

܀܀܀

. . . . . . . . . . .ـܗܿ ܕܐܘܪܚܐ ܕܒܪܝܬܗ ܕܥܠܡܐ ܡܫܪܝܢܢܼ . . . . . ܣܝܡܝܢܢ ܒܟܬܒܐ ܗܢܐ. ܐܝܟܢܐ ܕܠܐ ܢܬܕܘܕ ܗܘܢܗ ܕܩܪܘܝܐ ܘܡܫܡܥܬܐ ܕܫܡܘܥܐ.

ܒܪܝܫܝܬ ܒܼܪܐ ܐܠܗܐ ܝܬ ܫܡܝܐܿ ܘܝܬ ܐܪܥܐ. ܐܪܥܐ ܗܘܼܬ ܗܘܬܼ ܬܗܘ ܘܒܘܗ. ܘܚܘܫܟܐ ܥܠ ܐܦ̈ܝ ܬܗܘܡܐ. ܘܪܘܚܗ ܕܐܠܗܐ ܡܪܚܦܐ ܥܠ ܐܦ̈ܝ ܡ̈ܝܐ܀ ܘܐܡܼܪ ܐܠܗܐܼ. ܢܿܗܘܐܢܘܗܪܐ: ܘܗܘܼܐ ܢܘܗܪܐܿ. ܘܚܼܙܐ ܐܠܗܐ ܠܢܘܗܪܐܼ ܕܫܦܝܪ. ܘܦܼܪܫ ܐܠܗܐ ܒܝܬ ܢܘܗܪܐ ܠܚܫܘܟܐ. ܘܩܼܪܐ ܐܠܗܐ ܠܢܘܗܪܐܼ ܐܝܡܡܐ. ܘܠܚܫܘܟܐ ܩܼܪܐ ܠܠܝܐ. ܘܗܘܼܐ ܪܡܫܐܿ ܘܗܘܼܐ ܨܦܪܐܿ ܝܘܡܐ ܚܕ.. ܗܿܠܝܢ ܐܬܒܼܪܝܘ ܒܝܘܡܐ ܩܕܡܝܐܼ. ܗܢܘ ܕܝܢ ܒܚܕ ܒܫܒܐ.. ܒܝܘܡܐ ܕܬܪܝܢ ܕܐܡܼܪ ܐܠܗܐܼ. ܢܿܗܘܐܐܪܩܝܥܐ ܒܡܨܥܬ ܡܝ̈ܐ. ܘܢܿܗܐ ܦܿܪܫܒܝܬ ܡܝ̈ܐ ܠܡ̈ܝܐ. ܘܥܒܼܕ ܐܠܗܐ ܪܩܝܥܐܼ. ܘܦܼܪܫ ܒܝܬ ܡܝ̈ܐ ܕܠܬܚܬ ܡܢ ܐܪܩܝܥܐܼ. ܘܒܝܬ ܡ̈ܝܐ ܕܠܥܠ ܡܢ ܪܩܝܦܐ. ܘܗܘܼܐ ܗܟܢܐ. ܘܩܼܪܐ ܠܐܪܩܝܥܐ ܫܡܝܐ. ܘܗܘܼܐ ܪܡܫܐܿ ܘܗܘܼܐ ܨܦܪܐܼ ܝܘܡܐ ܕܬܪܝܢ.

Page 4

ܗܠܝܢ ܒܼܪܐ ܒܝܘܡܐ ܕܬܪܝܢ.. ܒܝܘܡܐ ܕܝܢ ܕܬܠܬܐ ܐܡܼܪ ܐܠܗܐܼ. ܢܬܟܢܫܘܢ ܡܝ̈ܐ ܕܠܬܚܬ ܡܢ ܫܡܝܐ ܠܐܬܪܐ ܚܕ. ܘܬܬܼܚܙܐ ܝܒܝܫܬܐ. ܘܗܘܼܐ ܗܟܢܐ. ܘܩܼܪܐ ܐܠܗܐ ܠܝܒܝܫܬܐܐܪܥܐ. ܘܠܟܢܫܐ ܕܡܝ̈ܐ ܩܼܪܐ ܝܡ̈ܡܐ. ܘܚܼܙܐ ܐܠܗܐ ܕܫܦܝܪ. ܘܐܡܼܪ ܐܠܗܐܼ. ܬܦܩܝ ܐܪܥܐ ܬܕܐܐ ܥܣܒܐ ܕܡܙܕܪܥ ܙܪܥܐ ܠܓܢܣܗ܇ ܘܐܝܠܝܢ ܕܦܐܪ̈ܐܼ. ܕܥܿܒܕ ܦܐܪ̈ܐ ܠܓܢܣܗܼ. ܕܢܿܣܒܬܗ ܒܗ ܥܠ ܐܪܥܐ. ܘܗܘܼܐ ܗܟܢܐ. ܘܐܦܼܩܬ ܐܪܥܐ ܬܕܐܐ ܥܣܒܐ ܕܡܙܕܪܥ ܙܪܥܐ ܠܓܢܣܗ܇ ܘܐܝܠܢܐ ܕܥܿܒܕ ܦܐܪ̈ܐ ܠܓܢܣܗ܇ ܕܢܨܒܬܗ ܒܗ ܥܠ ܐܪܥܐ.ܘܚܼܙܐ ܐܠܗܐ ܕܫܦܝܪ. ܘܗܘܼܐ ܪܡܫܐܿ ܘܗܘܼܐ ܨܦܪܐܼ ܝܘܡܐ ܕܬܠܬܐ.. ܥܠ ܝܘܡܐ ܕܝܢ ܕܐܪ̈ܒܥܐ ܐܡܼܪ ܐܠܗܐ: ܢܿܗܘܘܢ ܢܗܝܪ̈ܐ ܒܐܪܩܝܥܐ ܕܫܡܝܐ ܠܡܦܪܫ ܒܝܬ ܐܝܡܡܐ ܠܠܠܝܐ. ܘܢܿܗܘܘܢ ܠܐܬܘ̈ܬܐ ܘܠܙܒ̈ܢܐܼ. ܘܠܝ̈ܘܡܬܐ ܘܠܫ̈ܢܝܐ. ܘܢܿܗܘܘܢ ܡܢܗܪܝܢ ܒܪܩܝܥܐ ܕܫܡܝܐ ܠܡܢܗܪܘ ܥܠ ܐܪܥܐ. ܘܗܘܼܐ ܗܟܢܐ. ܘܬܘܒ ܒܼܪܐ ܐܠܗܐ ܬܪܝܢ ܢܗܝܪ̈ܐ ܪ̈ܘܪܒܐ. ܢܗܝܪܐ ܪܒܐ ܠܫܘܠܛܢܐ ܕܐܝܡܡܐ: ܘܢܗܝܪܐ ܙܥܘܪܐ ܠܫܘܠܛܢܐ ܕܠܠܝܐ: ܘܟܘ̈ܟܒܐ. ܝܼܗܒ ܐܢܘܢ ܐܠܗܐ ܒܐܪܩܝܥܐ ܕܫܡܝܐ ܠܡܢܗܪܘ ܥܠ ܐܪܥܐ. ܘܠܡܼܫܠܛ ܒܐܝܡܡܐ ܘܒܠܠܝܐ. ܘܠܡܦܪܫ ܒܝܬ ܢܘܗܪܐ ܠܚܫܘܟܐ. ܘܚܼܙܐ ܐܠܗܐ ܕܫܦܝܪ ܘܗܘܼܐ ܪܡܫܐܿ ܘܗܘܐ ܨܦܪܐܼ ܝܘܡܐ ܕܐܪ̈ܒܥܐ.. ܥܠ ܝܘܡܐ ܕܝܢ ܬܘܒ ܕܚܡܫܐܿ ܐܡܼܪ ܐܠܗܐܼ. ܕܢܪܚܫܘܢ ܡܝ̈ܐ ܪ̈ܚܫܐ ܢܦܫܐ ܚܝܬܐ. ܘܦܪܚܬܐ ܬܦܪܚ ܥܠ ܐܪܥܐ ܥܠ ܐܦ̈ܝ ܐܪܩܝܥܐ ܕܫܡܝܐ. ܘܒܼܪܐ ܐܠܗܐ ܬܢܝ̈ܢܐ ܪ̈ܘܪܒܐ ܘܟܠܗܿ ܢܦܫܐ ܚܝܬܐ ܕܪ̈ܚܫܐ ܕܐܪܚܫ ܡܝ̈ܐ ܠܓܢܣܗܘܢ. ܘܟܠ ܦܪܚܬܐ ܕܓܦܐ ܠܓܢܣܗܿ. ܘܚܼܙܐ ܐܠܗܐ ܕܫܦܝܪ. ܘܒܿܪܟ ܐܢܘܢ ܐܠܗܐ ܘܐܡܼܪ ܠܗܘܢܼ. ܦܼܪܘ

Page 5

ܘܣܼܓܘ ܘܡܼܠܘ ܡܝ̈ܐ ܕܒܝ̈ܡܡܐ.ܘܦܪܚܬܐܬܼܣܓܐ ܒܐܪܥܐ. ܘܗܘܼܐ ܪܡܫܐܿ ܘܗܘܼܐ ܨܦܪܐܼ ܝܘܡܐ ܕܚܡܫܐ.. ܥܠ ܝܘܡܐ ܕܝܢ ܕܫܬܐ ܕܗܼܘ ܥܪܘܒܬܐ܇ ܘܒܗ ܐܬܒܼܪܝ ܐܕܡ܇ ܘܒܗ ܗܘܼܐ ܙܩܝܦܐ ܒܓܓܘܠܬܐ܇ ܘܒܗ ܐܬܦܼܪܩ ܥܠܡܐܼ. ܐܡܼܪ ܐܠܗܐ܇ ܬܦܩ ܐܪܥܐ ܢܦܫܐ ܚܝܬܐ ܠܓܢܣܗܿ. ܘܒܥܝܪܐ ܘܪܚܫܐ ܘܚܝܘܬܐ ܕܐܪܥܐ ܠܓܢܣܗܿ. ܘܗܘܼܐ ܗܟܢܐ. ܘܥܼܒܕ ܐܠܼܗܐ ܠܢܦܫܐ ܚܝܬܐ ܠܓܢܣܗܿ. ܘܒܥܝܪܐ ܠܓܢܣܗܿ. ܘܟܠܗ ܪ̈ܚܐ ܕܐܪܥܐ ܠܓܢܣܗܘܢ. ܘܚܼܙܐ ܐܠܗܐ ܕܫܦܝܪ.. ܥܠ ܬܘܩܢܗ ܕܝܢ ܕܒܪܢܫܐ ܐܡܼܪ ܐܠܗܐ܇  ܕܢܥܒܕ ܐܢܫܐ ܒܨܠܡܢ ܐܝܟ ܕܡܘܬܢ. ܘܢܫܠܛܘܢ ܒܢܘ̈ܢܐ ܕܝܡܐܼ ܘܒܦܪܚܬܐ ܕܫܡܝܐܼ. ܘܒܒܥܝܪܐ ܟܠܗܿ ܚܝܘܬܐ ܕܐܪܥܐ. ܘܒܟܠܗ ܪܚܫܐ ܕܪܚܫ ܥܠ ܐܪܥܐ.܀ ܐܣܬܟܠ ܦܪܘܫܐ. ܕܒܪܝܬܐ ܠܘܩܕܡ ܐܬܒܪܝܬܼ ܘܗܝܕܝܢ ܒܚܪܬܐ ܗܼܘ ܐܕܡ. ܕܕܠܡܐ ܢܡܪܚ ܘܢܐܡܪܼ. ܕܟܠܡܕܡ ܒܪܝܿܬ ܐܦ ܐܢܐ ܐܟܘܬܗ. ܟܬܝܒܼ. ܕܒܡܠܬܐ ܕܡܪܝܐ ܐܬܥܒܕܘ ܫܡܝܐܼ. ܘܒܪܘܚܐ ܕܦܘܡܗܼ ܟܠܗܘܢ ܚܝ̈ܠܘܬܗܘܢ. ܘܬܘܒܼ ܗܼܘ ܐܡܼܪ ܘܗܘܼܘ. ܘܗܼܘ ܦܩܼܕ ܘܐܬܒܪܝ. ܘܐܩܝܡ ܐܢܘܢ ܠܥܠܡ ܥܠܡܝܢ. ܗܪܟܐ ܕܝܢ ܠܐ ܗܘܐ ܗܟܢܐ (ܠܐ) ܐܡܼܪ ܕܗܘܘܢ܆ ܐܠܐܼ ܕܬܘ ܢܥܒܕ ܐܢܫܐ ܒܨܠܡܢ ܐܝܟ ܕܡܘܬܢ. ܠܗܠ ܡܠܬܐ. ܗܪܟܐ ܥܒܿܕܐ ܕܐܝܕܗܝܐ ܕܐܠܗܘܬܐܿ. ܠܘ ܦܘܩܕܢܐ. ܒܡ̈ܠܐܟܐ ܘܒܟܠܗܘܢ ܬܓܡ̈ܐ ܕܫܡܝܐܼ. ܒܪܘܚܐ ܕܦܘܡܗ ܐܡܼܪ ܕܐܬܒܪܝ. ܗܪܟܐ ܬܠܝܬܝܘܬܐ ܟܠܗܿ ܡܙܕܝܚܐ ܥܠ ܬܘܩܢܗ ܕܒܪܢܫܐ. ܢܒܗܬܘܢ ܘܿܠܐ ܠܗܘܢ ܠܗܪ̈ܛܝܩܘ ܘܠܚܢ̈ܦܐ ܒܡܠܬܐ ܗܕܐܿ. ܗܢܘܢ ܕܩܝܡܝܢ ܠܘܩܒܠ ܒܪܐ ܘܪܘܚܐܼ ܘܐܡܿܪܝܢ ܕܠܘ ܒܪ ܐܝܬܘܬܐ ܕܐܒܐ ܐܝܬܘܗܝ ܒܪ ܘܪܘܚܐܿ. ܟܕ ܫܡܥܝܢ

Page 6

ܠܐܒܐ ܟܕ ܡܙܥܩ ܠܘܬ ܒܪܐ ܘܪܘܚܐ ܘܐܿܡܪ. ܕܬܘ. ܘܠܐ ܐܡܪ ܕܬܐܼ ܐܝܟ ܕܠܚܕ܇ ܐܠܐ ܕܬܘܼ ܐܝܟ ܕܠܘܬ ܬܪ̈ܝܢ. ܘܗܿܘ ܕܝܢ ܕܦܩܼܕ ܐܝܟ ܪܝܫܐ ܕܬܠܬܐ. ܐܡܼܪ ܠܡܼ ܕܬܘ ܢܥܒܕ ܐܢܫܐܼ ܒܨܠܡܢ ܐܝܟ ܕܡܘܬܢ. ܘܬܘ ܐܡܼܪ ܟܕ ܡܘܕܥ ܕܚܕ ܟܝܢܐ ܗܝ ܬܠܝܬܝܘܬܐܿ ܘܠܘ ܬܠܬܐ ܐܠܗ̈ܐ ܐܘܿ ܬܠܬ ܐܘ̈ܣܝܣ. ܐܡܼܪ. ܘܒܪܐ ܐܠܗܐ ܠܐܕܡ ܒܨܠܡܗ. ܒܨܠܡ ܐܠܗܐ ܒܪܝܗܝ. ܕܟܪ ܘܢܩܒܐ ܒܼܪܐ ܐܢܘܢ. ܘܒܪܟܐܢܘܢ ܐܠܗܐ ܘܐܡܼܪ ܠܗܘܢ ܐܠܗܐܼ. ܦܪܘ ܣܘܼܓܘ. ܘܡܠܼܘ ܐܪܥܐ ܘܟܘܒܫܘܗܿ. ܘܫܠܼܛܘ ܒܢܘ̈ܢܝ ܝܡܐ ܘܒܦܪܚܬܐ ܕܫܡܝܐ. ܘܒܒܥܝܪܐ ܘܒܚܝܘܬܐ. ܘܒܟܠܗ ܪܚܫܐ ܕܪܚܿܫ ܥܠ ܐܪܥܐ. ܘܐܡܼܪ ܐܠܗܐܼ. ܗܐ ܝܗܿܒܬ ܠܟܘܢ ܟܠܗ ܥܣܒܐ ܕܡܙܕܪܥ ܥܠ ܐܦ̈ܝ ܟܠܗܿ ܐܪܥܐ. ܚܼܙܝ ܬܘܒܼ. ܕܠܐ ܐܬܐܡܪܬ ܠܘܬ ܒܪܢܫܐ ܕܐܡܪܘܢ: ܐܝܟ ܗܿܝ ܩܕܡܝܬܐܼ ܕܬܘ ܢܥܒܕ. ܐܠܐܼ ܐܡܼܪ ܐܠܗܐ. ܟܕ ܡܚܘܐ ܕܚܕ ܟܝܢܐ ܗܝ ܬܠܝܬܝܘܬܐ. ܘܬܘܒ ܐܡܼܪ. ܘܓܒܼܠ ܡܪܝܐ ܐܠܗܐ ܠܐܕܡ ܥܦܪܐ ܡܢ ܐܕܡܬܐ. ܘܢܦܚ ܒܐܦ̈ܘܗܝ ܢܫܡܬܐ ܕܚܝ̈ܐ. ܘܗܘܼܐ ܐܕܡ ܠܢܦܫ ܚܿܝܐ. ܒܗ ܕܝܢ ܒܝܡܐ ܗܢܐ ܕܫ̈ܬܐ ܐܡܬܒܪܝ ܐܕܡ: ܘܒܗ ܥܒܼܪ ܥܠ ܦܘܩܕܢܐ. ܘܒܗ ܐܬܬܼܠܝ ܡܪܢ ܥܠ ܩܝܣܐ. ܘܒ ܗܘܐ ܦܘܪܩܢܐ ܠܟܠܗ ܥܠܡܐ. ܘܒܫܒܬܐ ܐܬܬܢܝܚ ܐܠܗܐ ܡܢ ܟܠܗܘܢ ܥܒܕ̈ܘܗܝ ܕܥܒܼܕ. ܘܒܿܪܟ ܐܠܗܐ ܠܝܘܡܐ ܫܒܝܥܝܐ ܘܩܕܫܗ. ܡܛܠ ܕܒܗ ܐܬܬܢܝܚ ܡܢ ܟܠܗܘܢ ܥܒܕ̈ܘܗܝ ܕܒܼܪܐ. ܒܕ ܕܝܢ ܐܦ ܐܬܬܢܝܚ ܡܪܢ ܒܓܘ ܩܒܪܐ. ܘܐܢܝܚ ܡܢܗ ܟܠܗܘܢ ܚ̈ܫܐ ܕܛܥܼܢ ܥܠ ܓܓܘܠܬܐ. ܘܒܗ ܐܬܬܢܝܚܬ ܟܠܗܿ ܓܠܝܘܬܐ ܕܐܗܿܦܟ ܡܢ ܐܝܕ̈ܝ ܫܿܒܝܐ.

ܘܒܫܢܬ ܡܬܝܢ ܘܬܠܬܝܢ ܫܢ̈ܝܢ ܠܒܪܝܬܗ ܕܥܠܡܐ ܘܕܐܕܡܼ ܐܬܝܠܕ ܫܬ.܀ ܘܒܫܢܬ ܐܪ̈ܒܥܡܐܐ ܘܬܠܬܝܢ ܘܚܡܫܼ.

Page 7

ܐܘܠܕ ܫܬ ܠܐܢܘܫ. ܘܒܫܢܬ ܫܬܡ̈ܐܐ ܘܥܣܪܝܢ ܘܚܡܫܼ. ܐܘܠܕ ܐܢܘܫ ܩܝܢܢ. ܘܒܫܢܬ ܫܒ̈ܥܡܐܐ ܘܬܫ̈ܥܝܢ ܘܚܡ̈ܫܼ. ܐܬܝܠܕ ܡܗܠܠܐܝܠ ܡܢ ܩܝܢܝܢ.܀ ܘܒܫܢܬ ܬܫ̈ܥܡܐܐ ܘܬܠܬܝܢ܆ ܢܦܼܩ ܐܕܡ ܡܢ ܥܠܡܐ ܗܢܐ. ܘܚܢܛܘܗܝ ܒܢ̈ܘܗܝ ܘܣܡܘܗܝ [ܒܡܥܪܬ ܓܙܐ   ] ܒܛܘܪܐ ܗܿܘ ܕܡܬܩܪܐ ܫܝܪ. ܕܐܝܬܝܗ [ܒܓܒܐ] ܡܕܢܚܝܐ ܠܘܩܒܠ ܐܘܩܝܢܘܣ ܪܒܐ. ܒܗܿ ܒܗܕܐ ܡܥܪܬ ܓܙ̈ܐܼ. ܣܼܡ ܐܕܡ ܕܗܒܐ ܘܡܘܪܐ ܘܠܒܘܢܬܐ. ܗܼܘ ܘܫܬ ܒܪܗ ܒܚ̈ܬܬܐ. ܘܐܦ ܛܒܼܥ ܐܢ̈ܝܢ ܒܥܙܩܬܗܼ. ܘܒܥܙܩܬ ܫܬ ܒܪܗ. ܘܟܬܼܒ ܟܬܒ̈ܐܼ ܘܐܦ ܦܿܩܕ ܠܒ̈ܢܘܗܝ܇ ܕܐܝܢܐ ܡܢܗܘܢ ܕܬܡܚܙܝܐ ܒܙܒܢܗܼ ܪܘܡܚܐ ܕܢܘܪܐ ܘܒܪܝܫܗܿ ܟܘܟܒܐ ܕܢܘܗܪܐܼ ܥܠ ܦܘܡܗܿ ܕܡܥܪܬ ܓܙ̈ܐܼ. ܢܼܣܒ ܩܘܪ̈ܒܢܐ ܗܠܝܢ ܘܢܼܐܙܠ ܒܬܪܗ ܕܟܘܟܒܐ ܠܐܝܟܐ ܕܗܼܘ ܕܐܙܿܠ. ܘܢܩܪܒ ܐܢܘܢ ܠܡܠܟܐ ܗܿܘ ܕܡܬܝܠܕ ܒܗܿ. ܒܗܿ ܕܝܢ ܒܗܕܐ ܡܥܪܬܐܿ. ܕܣܼܡ ܒܗܿ ܐܕܡ ܕܗܒܐ ܘܡܘܪܐ ܘܠܒܘܢܬܐܼ. ܐܝܟ ܕܠܐܝܩܪܐ ܕܡܫܝܚܐ ܘܡܛܠ ܡܘܠܕܗ ܕܒܒܣܪ܆ ܒܗܿ ܐܬܬܣܝܡ. ܘܪܫܡܿܬ ܗܠܝܢ ܩܠܝܠܼ ܕܡܛܠ ܐܝܿܕܐ ܥܠܬܼܐ ܡܬܩܪܝܐ ܗܘܬܼ ܡܥܪܬ ܗܿܝ ܡܥܪܬ ܓܙ̈ܐ ܕܬܕܥ ܘܬܦܪܘܫܼ ܕܡܛܠ ܕܗܒܐ ܘܡܪܐ ܘܠܒܘܢܬܐ ܗܠܝܢܼ ܕܐܬܼܘ ܠܡܪܢ ܒܡܘܠܕܗ܇ ܕܒܗܿ ܐܬܬܣܝܡ ܡܢ ܐܕܡ ܘܫܬܼ. ܐܬܩܪܝܬܼ ܡܥܪܬ ܓܙ̈ܐ.܀܀ ܘܒܫܢܬ ܬܫܥܡܐܐ ܘܫܬܝܢ܆ ܐܘܠܕ ܡܗܠܠܐܝܠ ܠܝܪܕ.. ܘܒܫܢܬ ܐܪ̈ܒܥܝܢ ܕܝܪܕ ܫܠܼܡ ܐܠܦܐ ܩܕܡܝܐܿ. ܐܝܟ ܚܘܫܒܢܐ ܕܫܒܥܝܢ.܀ ܘܒܫܢܬ ܐܠܦܐ ܘܬܡܢܝܢ ܘܬܪܬܝܢܼ ܐܬܝܠܕ ܚܢܘܟ.܀ ܘܒܫܢܬܐ ܐܠܦܐ ܘܡܐܐ ܘܐܪ̈ܒܥܝܢ ܘܬܪ̈ܬܝܢ܆ ܢܦܼܩ ܡܢ ܥܠܡܐ ܗܢܐ ܫܬ.܀ ܘܒܫܢܬ ܐܠܦܐ ܘܡܬ̈ܝܢ ܘܐܪ̈ܒܥܝܢ ܘܫܒܥܼ. ܐܬܝܠܼܕ ܡܢ ܚܢܘܟܼ ܡܬܘܫܠܚ.. ܫܢܬ ܐܠܦܐ ܘܬܠܡܐܐ ܘܐܪܒܥܝܢ܆ ܢܦܼܩ ܐܢܘܫ ܡܢ ܥܠܡܐ ܗܢܐ. ܘܚܢܛܘܗܝ ܒܢ̈ܘܗܝܼ ܘܣܡܘܗܝ ܒܡܥܪܬ ܓܙ̈ܐ. ܀ ܫܢܬ ܐܠܦܐ ܘܐܪܒܥܡܐܐ

Page 8

ܘܐܪܒܥܣܪܐܼ. ܐܬܝܠܕܘ ܠܡܟ ܡܢ ܡܬܘܫܠܚ.܀ ܫܢܬ ܐܠܦܐ ܘܚܡܫܡܐܐ . . . . . . ܐܬܝܠܕ ܢܘܚ ܡܢ ܠܡܟ܀ ܫܢܬ ܐܠܦܐ ܘܫܬܡܐܐ ܘܬܫܥܝܢ܆ ܢܦܼܩ ܡܗܠܠܐܝܠ ܡܢ ܥܠܡܐ ܗܢܐ. ܘܚܢܛܘܗܝ ܒܢ̈ܘܗܝܼ ܘܣܡܘܗܝ ܒܡܥܪܬ ܓܙ̈ܐ ܥܠ ܐܒܗ̈ܬܗ.܀ ܫܢܬ ܐܠܦܐ ܘܡܚܫܡܐܐ ܘܬܠܬܝܢ ܘܚܡܫܼ. ܢܦܼܩ ܡܢ ܥܠܡܐ ܗܢܐ ܩܝܢܢ. ܘܐܬܬܣܝܡ ܒܡܥܪܬ ܓܙ̈ܐ.܀ ܫܢܬ ܐܠܦܐ ܘܫ̈ܬܡܐܐ ܘܬܪ̈ܬܝܢ܆ ܐܬܝܠܕܘ ܢܘܚ.܀ ܫܢܬ ܐܠܦܐ ܘܬܫ̈ܥܡܐܐ ܘܬܪ̈ܬܝܢ܆ ܢܦܼܩ ܡܢ ܥܠܡܐ ܗܢ ܝܪܕ܆ ܒܐܪܚ ܐܕܪ ܒܬܠܬܥܣܪ ܒܗܼ ܒܝܘܡ ܥܪܘܒܬܐܼ ܒܥܪ̈ܒܝ ܫܡܐ. ܟܕ ܒܿܟܐ ܒܥܩܬܐ ܘܒܟܪܝܘܬܐ ܪܒܬܐ܇ ܥܠ ܡܚܬܬܐ ܕܒ̈ܢܝ ܫܬ ܠܘܬ ܒ̈ܢܬ ܩܐܝܢ. ܘܚܢܛܘܗܝ ܚܢܘܛ ܘܡܬܘܫܠܚ ܘܠܡܟ ܘܢܘܚ. ܘܐܦ ܥܒܕ ܥܠܘܗܝ ܐܒܠܐ ܐܪܒܥܝܢ ܝܘ̈ܡܝܢ. ܘܩܒܪܘܗܝ ܒܡܥܪܬ ܓܙ̈ܐ.܀ ܫܢܬ ܐܠܦܐ ܘܐܪܒܥܡܐܐ ܘܫܒ̈ܥ܆ ܐܫܬܢܝ ܚܢܘܟ.܀ ܫܢܬ ܐܠܦ̈ܝܢ ܬܪ̈ܝܢ ܘܡܬܝܢ ܘ[ܫܬ]ܥܣܪܐܼ. ܢܦܼܩ ܡܢ ܥܠܡܐ ܗܢܐ ܡܬܘܫܠܚܼ. ܒܥܣܪ̈ܝܢ ܘܚܕ ܒܐܝܠܘܠܼ. ܝܘܡ ܚܡܫܐ ܒܫܒܐ. ܩܕܡ ܛܘܩܢܐܼ ܥܣܪܝܢ ܘܫܬ ܫܢ̈ܝܢ. ܘܐܬܬܣܝܡܼ ܒܡܥܪܬ ܓܙ̈ܐ.܀ ܫܢܬ ܬܠܬܡܐܐ ܘܚܡ̈ܫܝܢ ܘܬܡ̈ܢܐ ܠܚܝ̈ܘܗܝ ܕܢܘܚܼ. ܫܠܼܡ ܐܠܦܐ ܕܬܪ̈ܝܢ܆ ܐܝܟ ܦܘܫܩܐ ܕܫܒܥܝܢ.܀ ܘܒܫܢܬ ܡܐܐ ܘܥܣܪ̈ܝܢ ܘܫܬ ܕܠܡܟܼ. ܫܠܼܡ ܐܠܦܐ ܩܕܡܝܐܼ. ܐܝܟ ܡܢܝܢܐ ܥܒܪܝܐ ܕܝܗ̈ܘܕܝܐ.. ܘܒܫܢܬ ܡܬܝܢ ܘܬܫ̈ܥܝܢ ܘܬܠܬ ܕܢܘܚܼ. ܫܠܼܡ ܐܠܦܐ ܩܕܡܝܐ܆ ܐܝܟ ܡܢܝܢܐ ܥܒܪܝܐ ܕܫܡܪ̈ܝܐ.܀܀ ܢܘܚ ܒܪ ܢܿܢ ܫܢ̈ܝܢ ܢܣܼܒ ܠܗ ܐܢܬܬܐ ܠܗܝܟܠ ܒܪܬ ܢܡܘܣܿ. ܒܪܗ ܕܚܢܘܟܼ ܐܚܘܗܝ ܕܡܬܘܫܠܚ. [ܘܓܠܼܐ ܠܗ] ܐܠܗܐ [ܥܠ ܛܘܦܢܐ ܕܡܛܝܒ ܕܢܥܒܕ.] ܘܡܠܥܥ ܥܡܗܼ ܘܐܡܼܪ ܠܗܼ ܕ[ܡܟܐ ܠܡܐܐ ܘܬܠܬܝܢ ܫܢ̈ܝܢ ܥܿܒܕ ܐܢܐ ܛܘܦܢܐ.] ܐܠܐ ܥܿܒܕ

Page 9

ܠܟ ܩܒܘܬܐ ܠܫܘܙܒܐ ܕܒ̈ܢܝ ܒܝܬܟ. ܘܠܬܚܬ ܥܒܕܗܿ ܒܓܘ ܡܫܪܝܬܐ ܕܒ̈ܢܝ ܩܐܝܢ. ܘܩܝ̈ܣܝܗܿ ܡܢ ܛܘܪܐ ܗܢܐ ܢܬܦܣܩܘܢ. ܘܗܟܢ ܬܗܘܐ. ܐܘܪܟܗܿ ܬܠܬܡ̈ܐܐ ܐܡ̈ܝܢ ܒܐܡܬܟ. ܘܦܬܝܗܿ ܚܡܫܝܢ. ܘܪܘܡܗܿ ܬܠܬ̈ܝܢ. ܥܠ ܚܕܐ ܐܡܬܐ ܬܣܬܝܟ ܡܢ ܠܥܠ. ܘܥܿܒܕ ܒܗܿ ܬܠܬܐ ܡܕܝܪ̈ܐ ܬܚܬܝܐ ܠܚܝ̈ܘܬܐ ܘܒܥܝܪܐ. ܘܡܨܥܝܐ ܠܦܪܚܬܐ. ܘܥܠܝܐ ܠܒ̈ܢܝ ܒܝܬܟ. ܘܥܿܒܕ ܒܗܿ ܐܘܨܪ̈ܐ ܠܡܝ̈ܐܼ. ܘܐ̈ܘܢܐ ܠܬܘܪܣܝܐ. ܘܥܿܒܕ ܠܟ ܢܩܘܫܐ ܡܢ ܩܝܣܐ ܕܐܫܟܪܥܐ ܩܝܣܐ ܕܠܐ ܡܿܒܠܛ. ܐܘܪܟܗܼ ܬܠ̈ܬ ܐ̈ܡܐ. ܘܦܬܝܗܼ ܐܡܬܐ ܘܦܠܓܗܿ. ܘܐܪܙܦܬܐ ܡܢܗ. ܘܗܼܘܝܬ ܢܩܿܫ ܒܗ ܬܠܬ ܙܒ̈ܢܝܢ ܒܝܘܘܡܐ. ܚܐܕ ܒܨܦܪܐ ܕܢܬܟܢܫܘܢ ܐܘ̈ܡܢܐ ܠܥܒܕܗܿ ܕܩܒܘܬܐ. ܘܒܦܠܓܗ ܕܝܘܡܐ ܠܣܝܒܪܬܗܘܢ. ܘܚܕܐ ܒܥܕܢ ܪܡܫܐ ܕܢܬܬܢܝܚܘܢ. ܘܟܕ ܫܡܥܝܢ ܩܠܐ ܕܢܿܩܫ ܐܢܬܼ ܘܐܡܪܝܢ ܠܟܼ. ܕܡܢܐ ܗܝ ܗܕܐ ܕܥܿܒܕܬ: ܐܡܼܪ ܠܗܘܢ܇ ܕܛܘܦܢܐ ܕܡܝ̈ܐ ܥܿܒܕ ܐܠܗܐ.. ܘܥܒܼܕ ܟܠ ܕܦܿܩܼܕܗ ܐܠܗܐ. ܘܐܬܝܠܕ ܠܗ ܬܠ̈ܬܐ ܒܢ̈ܝܢ܆ ܒܡܢܝܢܐ ܕܡ̈ܐܐ ܫܢ̈ܝܢ. ܘܢܣܒ ܠܗܘܢ ܢ̈ܫܐ ܡܢ ܒ̈ܢܬܗ ܕܡܬܘܫܠܚ.܀ ܘܒܫܢܬ ܬܪܗܝܢ ܐܠܦ̈ܝܢ ܘܡ̈ܬܝܢ ܘܬܠ̈ܬܝܢ ܘܬܡܢܐܼ. ܒܐܪܚ ܐܕܪ ܝܘܡ ܚܕܒܫܒܐܿ ܒܫܒܬܥܣܪ ܒܗ ܒܝܪܚܐ܇ ܢܦܼܩ ܠܡܟ ܡܢ ܥܠܡܐ ܗܢܐ. ܐܪ̈ܒܥ ܫܢ̈ܝܢ ܩܕܡ ܛܘܦܢܐ. ܘܐܬܬܣܝܡ ܒܡܥܪܬ ܓܙ̈ܐ.܀ ܘܒܫܢܬ ܬܪ̈ܝܢ ܐܠܦ̈ܝܢ ܘܡܬܝܢ ܘܐܪ̈ܒܥ ܘܬܪ̈ܬܝܢ܆ ܗܘܼܐ ܛܘܦܢܐ. ܟܕ ܕܝܢ ܩܼܪܒ ܠܡܐܬܐ ܛܘܦܢܐ ܥܠ ܐܪܥܐ: ܥܼܠ ܢܘܚ ܠܡܥܪܬ ܓܙ̈ܐ ܘܢܿܫܩ ܠܗܠܝܢ ܦܓܪ̈ܐ ܩܕ̈ܝܫܐ ܕܫܬ ܘܕܐܢܘܫ ܘܩܝܢܢ ܘܡܗܠܐܐܝܠ ܘܝܪܕ ܘܡܬܘܫܠܚ ܘܠܡܟ ܐܒܘܗܝ. ܘܛܥܢܗ ܢܘܚ ܠܦܓܪܗ ܕܐܕܡ܇ ܘܫܝܡ ܕܗܒܐܼ. ܘܚܡ ܡܘܪܐܼ. ܘܝܦܬ ܠܒܘܢܬܐ. ܘܢܦܼܩ ܡܢ ܡܥܪܬ ܓܙ̈ܐ. ܟܕ ܒܿܟܝܢ ܒܚܫܐ ܘܒܟܪܝܘܬܐ ܪܒܬܐ܇ ܘܠܒܝܫܝܢ ܟܡܝܪܘܬܐ. ܥܠ ܕܡܬܓܠܙܝܢ ܗܘܘ ܡܢ ܒܝܬ ܡܥܡܪܐ

Page 10

ܗܿܘ ܪܓܝܓܐ ܕܐܒܗ̈ܝܗܘܢ. ܘܬܠܘ ܟܠܗܘܢ ܥܝ̈ܢܝܗܘܢ ܠܘܬ ܦܪܕܝܣܐ. ܘܒܟܘ ܒܚܫܐ. ܘܐܝܼܠܠܘ ܘܐܡܼܪܘ: ܦܘܫ ܒܫܠܡܐ ܦܪܕܝܣܐ ܩܕܝܫܐܼ ܒܝܬ ܡܥܡܪܐ ܩܕܡܝܐܼ ܕܐܕܡ ܐܒܘܢ ܢܦܩ ܡܢܟ ܒܚܝ̈ܐ ܟܕ ܫܠܝܚ ܘܡܦܪܣܝ. ܘܗܐ ܡܬܓܿܙܐ ܝܘܡܢܐ ܡܢ ܚܕܪ̈ܝܟ. ܘܡܫܬܕܐ ܒܡܘܬܗ ܠܐܟܣܘܪܝܐ ܒܪܝܬܐ ܗܼܘ ܘܝܠܕ̈ܘܗܝܼ. ܠܗܿܝ ܐܪܥܐ ܕܠܘ̈ܛܬܐܼ ܕܬܡܘܢ ܢܬܢܘܠܘܢ ܝܠܕ̈ܘܗܝ ܒܟܐ̈ܒܐ ܘܟܘܪ̈ܗܢܐ ܘܥܡܠܐ ܘܠܐܘܬܐ ܘܛܘܪܦܐ. ܦܘܫ ܒܫܠܡܐܼ ܡܥܪܬ ܓܙ̈ܐ ܘܦܓܪ̈ܐ ܩܕ̈ܝܫܐ. ܦܘܫ ܒܫܠܡܐܼ ܒܝܬ ܡܥܡܪܐ ܘܝܪܬܘܬܐ ܕܐܒ̈ܗܝܢ. ܦܘܫ ܒܫܠܡܐܼ ܐܒ̈ܗܝܢ ܘܪ̈ܝܫܝ ܐܒ̈ܗܬܢ. ܨܠܘ ܥܠܝܢ܆ ܫܟ̈ܝܒܝ ܥܦܪܐܼ ܪ̈ܚܡܘܗܝ ܘܚܒ̈ܝܒܘܗܝ ܕܐܠܗܐ. ܨܠܘ ܥܠ ܣܪ̈ܝܕܐ ܕܐܫܬܚܪܘ ܡܢ ܟܠܗܝܢ ܬܘ̈ܠܕܟܘܢ. ܒܥܘ ܚܠܦܝܢ ܒܨܠܘ̈ܬܟܘܢ. ܡܪ̈ܥܝܢܘܗܝ ܕܡܪܢ. ܦܘܫ ܒܫܠܡܐܼ ܚܢܘܟ ܟܐܢܐ ܡܫܡܫܢܗ ܕܐܠܗܐ. ܒܥܝ ܚܠܦܝܢ ܠܡܪܟ. ܦܘܫ ܒܫܠܡܐܼ ܛܘܪܐ ܩܕܝܫܐܿ. ܒܝܬ ܨܘܒܐ ܘܠܡܐܢܐ ܕܡ̈ܠܐܟܐ. ܐܢܬܘܢ ܐܒ̈ܗܝܢ ܓܥܘ ܒܚܫܐ ܚܠܦܝܢ܇ ܕܡܬܿܓܠܙܝܬܘܢ ܝܘܡܢܐ ܡܢ ܨܘܬܢ. ܘܚܢܢ ܢܿܝܠܠ ܒܚܢܓܬܐܼ ܕܡܫܬܕܝܢ ܠܐܪܥܐ ܡܓܙܝܬܐܿ. ܕܢܗܘܐ ܒܝܬ ܡܥܡܪܗܘܢ ܥܡ ܕܚܝ̈ܘܬܐ. ܘܝ ܠܢ ܕܠܐ ܬܘܒ ܚܿܙܝܢܢ ܐܦ̈ܝ ܝܪܬܘܬܟܘܢ.. ܘܟܕ ܢܿܚܬܝܢ ܗܘܘ ܡܢ ܛܘܪܐ ܩܕܝܫܐܼ ܡܢܫܩܝܢ ܗܘܘ ܠܟ̈ܐܦܘܗܝ ܘܡܥܩܝܢ ܗܘܘ ܠܐܝ̈ܠܢܘܗܝ. ܘܢܚܬܘ ܒܚܫܐ ܟܕ ܒܿܟܝܢ ܠܓܘ ܦܩܥܬܐ. ܘܥܼܠ ܢܘܚ ܘܫܡܗ ܠܦܓܪܗ ܕܐܒܘܢ ܐܕܡ [ܒܡܣܥܬܗܿ ܕܩܒܘܬܐ]. ܘܣܡ [ܠܗܠܝܢ] ܩܘܪ̈ܒܢܐ ܠܥܠ ܡܢܗ.. ܒܥܣܪܐ [ܒܐܝܪ ܝܪܚܐ ܥܼܠ] ܢܘܚ ܠܩܒܘܬܐܼ. ܒܝܘܡ ܐܪܒܥܐ ܒܫܒܐ. ܘܒܝܘܡ ܥܪܘܒܬܐ ܐܚܬ ܒܥܝܪܐ ܘܦܪܚܬܐ. ܘܒܫܒܬܥܣܪ ܒܗ ܒܝܪܚܐܼ. ܢ̈ܣܟܐ ܕܫܡܝܐ ܐܬܦܬܚܘ. ܘܬܗ̈ܘܡܝܗܿ

Page 11

ܕܐܪܥܐ ܐܬܬܪܥܘ. ܘܫܼܦܥ ܐܘܩܢܣ ܪܒܐܿ. ܗܿܘ ܕܚܕܪ ܠܟܠܗܿ ܐܪܥܐ. ܘܐܬܦܬܚܘ ܐܘܨܪ̈ܝ ܪ̈ܘܚܐܼ. ܘܬܪ̈ܥܝ ܥ̈ܠܥܠܐ. ܘܢܗܼܡ ܐܘܩܝܢܣ ܘܫܼܦܥ. ܘܪܗܛܘ ܒ̈ܢܝ ܫܬ ܠܘܬ ܩܒܘܬܐ. ܘܡܦܝܣܝܢ ܗܘܘ ܠܗ ܠܢܘܚܼ. ܕܢܦܬܚ ܠܗܘܢ. ܘܕܢܣܩܘܢ ܠܛܘܪ̈ܝ ܦܪܕܝܣܐܼ. ܠܐ ܡܫܟܚܝܢ ܗܘܘ. ܘܩܒܘܬܐ ܚܬܝܡܐ ܘܛܒܝܥܐ. ܘܡܠܐܟܗ ܕܡܪܝܐ ܩܿܐܡ ܥܠ ܪܝܫܗܿ ܘܥܒܝܕ ܩܘܒܪܢܝܛܐ. ܘܟܕ ܐܬܥܙܙ ܥܠܝܗܘܢ ܡܡܘܠܐܼ. ܫܪܝܘ ܡܬܚܢܩܝܢ ܒܫ̈ܦܥܐ ܬܟܝ̈ܒܐ ܘܕ̈ܚܝܠܐܼ. ܘܗܘܼܘ ܒܐܘܠܨܢܐ ܩܫܝܐ. ܘܫܠܼܡܬ ܥܠܝܗܘܢ ܗܿܝ ܕܐܡܼܪ ܛܘܒܢܐ ܕܘܝܕ܆ ܕܐܢܐ ܐܡܪܬ ܕܐܠܗ̈ܐ ܐܢܬܘܢܼ ܘܒܢ̈ܘܗܝ ܕܡܪܝܡܐ ܡܫ̈ܬܡܗܝܢ ܗܘܝܬܘܢ. ܘܡܟܝܠ ܕܗܕܐ ܥܒܕܬܘܢܼ. ܘܪܚܡܬܘܢ ܙܢܝܘܬܐ ܕܒܝܬ ܩܐܝܢ ܐܟܘܬܗܘܢ ܬܗܘܿܘܢ܇ ܘܐܝܟ ܡܘܬܗܘܢ ܬܡܘܬܘܢ. ܘܚܫܝܒܝܢ ܐܢܬܘܢ ܠܝܼ ܐܝܟ ܣܛܢܐ ܚܕ ܡܢ ܪܘܪ̈ܒܢܐ ܕܢܦܼܠ.. ܘܐܬܬܪܝܡܬ ܩܒܘܬܐ ܒܚܝܠܐ ܕܡ̈ܝܐ ܡܢ ܐܪܥܐ. ܘܐܬܚܼܿܢܩܘ ܒܡܝ̈ܐ ܟܠܗܘܢ ܒܢܝ̈ܢܫܐ: ܘܒܥܝܪܐ ܘܦܪܚܬܐܼ ܘܟܠܡܕܡ ܕܗܘܐ ܥܠ ܐܦ̈ܝ ܐܪܥܐ. ܘܣܠܩܘ ܡܝ̈ܐ ܠܥܠ ܡܢ ܟܠܗܘܢ ܪ̈ܝܫܝ ܛܘܪ̈ܐܼ. ܚܡܫܥܣܪܐ ܐ̈ܡܐ ܒܡܫܘܚܬܐ ܕܪܘܚܐܼ. ܐܝܟ ܕܟܬܝܒ. ܘܐܣܩܘܗܿ ܡܝ̈ܐ ܠܩܒܘܬܐ. ܟܕ ܛܥܝܢ ܠܗܿ ܡܡܘܠܐܼ ܥܕܡܐ ܠܫ̈ܦܘܠܝ ܦܪܕܝܣܐ. ܘܟܕ ܐܬܒܪܟܬ ܡܢ ܦܪܕܝܣܐ. ܘܗܼܦܟ ܠܡܚܒܠܘ ܠܟܠܗܿ ܐܪܥܐ. ܘܦܪܚܬ ܩܒܘܬܐ ܒܓܦ̈ܝ ܪܘܚܐ ܠܥܠ ܡܢ ܡܡܘܠܐܼ. ܡܢ ܡܕܢܚܐ ܘܥܕܡܐ ܠܡܥܪܒܐ. ܘܡܢ ܪܓܒܝܐ ܘܥܕܡܐ ܠܬܝܡܢܐ. ܘܪܫܡܬ ܨܠܝܒܐ ܥܠ ܟܠܗܿ ܐܪܥܐܼ ܠܥܠ ܡܢ ܡܡܘܠܐ … ܘܗܝܕܝܢ ܐܬܬܢܝܚܬ ܩܒܘܬܐ ܒܝܪܚܐ ܫܒܝܥܝܐܼ ܒܫܒܬܥܣܪ ܒܗ ܒܝܪܚܐܼ ܥܠ ܛܘܪ̈ܝ ܩܪܕܘ܇ ܘܐܬܚܙܝܘ ܪ̈ܝܫܝ ܛܘܪ̈ܐ.

Page 12

ܘܗܼܘܐ ܡܢ ܒܬܪ .ܡ. ܝܘ̈ܡܝܢܼ ܦܬܼܚ ܢܘܚ ܟܘܬܐ ܕܩܒܘܬܐ ܕܥܒܼܕ. ܫܕܪ ܠܥܘܪܒܐ. ܘܢܦܩ ܡܦܼܩ ܘܠܐ ܗܦܟ ܥܕܡܐ ܕܝܒܫ ܡܝ̈ܐ ܡܢ ܐܪܥܐ. ܘܫܕܪ ܠܝܘܢܐ ܡܢ ܠܘܬܗܼ ܕܢܚܙܐ ܐܢ ܩܠܘ ܡ̈ܝܐ ܡܢ ܐܦ̈ܝ ܐܪܥܐ. ܘܠܐ ܐܫܟܚܬ ܠܗܿ ܢܝܚܐ ܝܘܢܐ ܠܦܣܬ ܪܓܠܗܿ. ܘܗܦܟܬ ܠܘܬܗ ܠܩܒܘܬܐܼ. ܡܛܠ ܕܡܝܗܐ ܐܝܬ ܗܘܘ ܥܠ ܐ̈ܦܝ ܟܠܗܿ ܐܪܥܐ. ܘܐܘܫܛ ܐܝܕܗ ܘܢܣܒܗܿ. ܘܐܥܠܗܿ ܠܘܬܗ ܠܩܒܘܬܐ. ܘܦܫ ܬܘܒ ܫܒ̈ܥܐ ܝܘ̈ܡܝܢ ܐܚܪ̈ܢܝܢ. ܘܗܼܦܟ ܘܫܕܪܗܿ ܠܝܘܢܐ ܡܢ ܩܒܘܬܐ. ܘܐܬܬ ܠܘܬܗ ܠܥܕܢ ܪܫܡܐ. ܘܗܐ ܛܪܦܐ ܕܙܝܬܐ ܐܚܝܕܐ ܒܦܘܡܗܿ. ܘܝܕܥ ܢܘܚ ܕܩܠܘ ܡܝ̈ܐ ܡܢ ܐܼܿܦܝ ܐܪܥܐ. ܘܦܫ ܬܘܒ ܫܒ̈ܥܐ ܝܘ̈ܡܝܢ ܐܚܪܢܝܢ. ܘܗܦܟ ܫܕܪܗܿ ܠܝܘܢܐ܇ ܘܠܐ ܐܘܣܦܬ ܬܘܒܼ ܝܘܢܐ ܠܡܗܦܟ ܠܘܬܗ.܀܀ ܘܒܫܢܬ ܬܪܝܢ ܐܠܦ̈ܝܢ ܘܡܬܝܢ ܘܬܠܬܼ. ܢܦܼܩ ܢܘܚ ܡܢ ܩܒܘܬܐ. ܝܘ̈ܡܬܐ ܕܝܢ ܕܗܼܘܐ ܢܘܚ ܒܩܒܘܬܐܼ. ܬܠܬܡ̈ܐܐ ܘܬܡ̈ܢܝܢ ܘܬܪܝܢ. ܡܛܠ ܕܒܥܣܪ̈ܐ ܒܝܪܚܐ ܕܬܪܗܝܢ ܥܠܼ. ܘܒܫܒܬܥܣܪܗ ܒܗܼ ܗܘܼܐ ܛܘܦܢܐܼ. ܘܒܥܣܪܝܢ ܘܫܒ̈ܥܐ ܒܗ ܒܝܪܚܐ ܕܬܪ̈ܝܢ ܕܗܼܘ ܐܝܪܼ. ܢܦܼܩ.܀ ܘܒܫܢܬ ܬܪܝܢ ܐܠܦ̈ܝܢ ܘܡܬܝܢ ܘܐܪܒܥܐ. ܐܬܝܠܕ ܐܪܦܟܫܪ ܡܢ ܫܝܡ. ܡܢ ܐܕܡ ܕܝܢܼ ܥܕܡܐ ܠܘܦܢܐܼ ܬܪ̈ܝܢ ܐܠܦ̈ܝܢ ܘܡ̈ܐܬܝܢ ܘܐܪ̈ܒܥܝܢ ܘܬܪܬܝܢ.܀ ܘܒܫܢܬ ܫ̈ܬܡܐܐ ܠܢܘܚܼ ܘܡܐܐ ܠܫܝܡܼ ܗܘܼܐ ܛܘܦܢܐ.܀ ܘܒܫܢܬ ܬܪ̈ܝܢ ܐܠܦ̈ܝܢ ܘܬܠܬܡܐܐ ܘܬ̈ܠܬܝܢ ܘܫܒܥܼ. ܐܬܝܠܕ ܫܠܚ.܀ ܘܒܫܢܬ ܬܪ̈ܝܢ ܐܠܦ̈ܝܢ ܘܐܪ̈ܒܥܡܐܐ ܘܫ̈ܬܝܢ ܘܫܒ̈ܥ ܫܢ̈ܝܢ܆ ܐܬܝܠܕ ܥܒܪ ܡܢ ܫܠܚ.܀ ܘܒܫܢܬ ܬܪܝܢ ܐܠܦ̈ܝܢ ܘܫܬܡܐܐ ܘܚܕܐܼ. ܐܘܠܕ ܥܒܪ ܠܦܠܓ.. ܒܗܢܐ ܕܝܢ ܙܒܢܐܼ ܣܥܘ ܒܢ̈ܝܢܫܐ ܠܡܣܩ ܠܫܡܝܐ ܒܝܕ ܫܢܝܘܬܐ.. ܘܗܘܼܬ ܟܠܗܿ ܐܪܥܐ ܠܫܢܐ ܚܕ ܘܡܡܠܠܐ ܚܕ. ܘܗܼܘܬ ܕܟܕ ܫܩܠܘ ܡܢ ܡܕܢܚܐ ܐܫܟܚ ܦܩܥܬܐ ܒܐܪܥܐ ܕܣܢܥܪ. ܘܝܬܒܘ ܬܡܢ. ܘܐܡܪܘ ܓܒܪ ܠܚܒܪܗܼ. ܕܬܘܼ ܢܪܡܐ ܠܒ̈ܢܐ ܘܢܘܩܕ ܐ̈ܢܝܢ ܒܢܘܪܐ. ܘܗܘܿܝܐ ܠܗܘܢ

Page 13

ܠܒܬܐ ܠܟܐܦܐܼ. ܘܣܝܕܐ ܗܿܘܐ ܠܗܘܢ ܠܡܠܛܐ. ܘܐܡܼـ[ܪܘ ܕܬܘ ܕܢܒܢܐ ܠܢ ܩܪܝܬܐ܇ ܘܡܓܕܠܐ ܕܪܝܫܗ ܒܫܡܝܐ. ܘܢܥܒܕ ܠܢ ܫܡܐ ܕܠܡܐ ܢܬܒܕܪ ܥܠ ܐܦ̈ܝ ܟܠܗܿ ܐܪܥܐ. ܘܢܚܼܬ ܡܪܝܐ ܠܡܚܙܐ ܩܪܝܬܐ ܘܡܓܕܠܐ ܕܒܿܢܝܢ ܒܢ̈ܝܢܫܐ. ܘܐܡܼܪ ܡܪܝܐܼ. ܗܐ ܥܡܐ ܚܕܼ ܘܠܫܢܐ ܚܕ ܠܟܠܗܘܢ. ܘܗܟܢܐ ܐܬܚܫܒܘ ܠܡܥܒܕ܇ ܡܟܝܠ ܠܐ ܢܬܒܨܪ ܡܢܗܘܢ ܟܠܡܕܡ ܕܐܬܚܫܒܘ ܠܡܥܒܕ. ܬܘ ܢܚܘܬ ܢܦܠܓ ܬܡܢ ܠܫ̈ܢܐܼ ܕܠܐ ܢܫܡܥܘܢ ܓܒܪ ܠܫܢ ܚܒܪܗ.. ܚܙܝ ܗܪܟܐ ܡܬܟܬܫ ܥܡ ܒܪܐ ܘܪܘܚܐܼ ܠܡܿܢ ܩܪܐܼ ܘܡܿܢ ܢܿܚܬ ܘ. . . . . ܠܪܘܚܐ ܕܡܦܠܓܐ ܠܫ̈ܢܐ ܒܓܘ ܒܒܝܠ ܘܒܓܘ ܥܠܝܬܐܼ ܕܚܕܐ ܗܝ. ܘܬܘܒ ܐܡܪܼ. ܕܗܐ ܐܕܡ ܗܘܼܐ ܐܝܟ ܚܕ ܡܢܢ. ܥܠ ܦܘܡ ܠܡ ܬܪܝܢ ܘܬܠ̈ܬܐ ܣܗܕ̈ܝܢ ܬܩܘܡ ܟܠ ܡܠܐ. ܬܘ ܢܥܒܕ ܐܢܫܐ ܒܨܠܡܢ.] ܐܝܟ ܕܡܘܬܢ. ܗܐ ܐܕܡ ܗܼܘܐ ܐܟܚܕ ܡܢܢ. ܬܘ ܢܚܘܬ ܘܢܦܠܓ ܬܡܢ ܠܫ̈ܢܐ. ܗܠܝܢ ܬܠܬ ܣܗܕ̈ܘܬܐ ܣܗ̈ܕܢ ܥܠ ܐܒܐ ܘܒܪܐ ܘܪܘܚܐ.܀ ܒܗܢܐ ܕܝܢ ܙܒܢܐ ܐܬܒܠܒܠܘ ܠܫ̈ܢܐ ܒܝ̈ܘܡܝ ܦܠܓ ܒܪ ܥܒܪ. ܘܒܗ ܐܬܒܕܪ ܥܠ ܐ̈ܦܝ ܟܠܗܿ ܐܪܥܐܿ. ܘܦܫܘ ܡܢ ܕܠܡܒܢܐ ܩܪܝܬܐ. ܘܡܛܠܗܢܐ ܐܬܩܪܝܬܼ ܒܒܝܠ. ܡܛܠ ܕܬܡܢ ܒܠܒܠ ܡܪܝܐ ܠܫܢ̈ܐ ܕܟܠܗܿ ܐܪܥܐ.܀ ܒܗܢܐ ܕܝܢ ܙܒܢܐ ܬܘܒܼ ܡܬܝܕܥ ܐܝܟ ܡܐ ܕܐܡܪܐ ܡܠܬܐܼ ܐܝܘܒ ܙܕܝܩܐ. ܕܐܝܬܘܗܝ ܒܪܗ ܕܝܩܛܢ ܒܪ ܥܒܪ܇ ܐܚܘܗܝ ܕܦܠܓ. ܘܥܠ ܗܕܐ ܣܗܿܕ ܐܦ ܝܥܩܘܒ. ܘܐܦܠܐ ܡܘܫܐ ܗܿܘ ܕܗܼܘ ܐܟܬܒ ܥܠܘܗܝܼ ܡܬܟܣܐ ܡܢ [ܣܘ]ܟܠܗ܇ ܟܕ ܚܿܫܒ ܠܒ̈ܢܝ ܐܕܘܡ ܥܕܡܐ ܠܝܘܒܒ ܒܪ ܙܪܚ ܕܢܐܡܪ ܕܗܢܘ ܐܝܘܒ. ܘܐܦ ܗܿܘ ܝܘܒܒ ܒܝ̈ܘܡܝ ܡܘܫܐ ܡܬܝܕܥܼ. ܐܝܟ ܡܐ ܕܣܿܗܕ ܟܬܒܐ ܕܒܪܝܬܐ.܀ ܘܒܫܢܬ ܬܪܝܢ ܒܫܒܐ

Page 14

ܐܠܦ̈ܝܢ [ܘܚܡܫܡܐܐ ܘܬܫ̈ܥܝܢ ܘܬܪܬܝܢ܆ ܢܦܼܩ ܢܘܚ ܡܢ ܥܠܡܐܗܢܐ. ܟܕ ܗܼܘ ܒܪ ܬܫ̈ܥܡܐܐ ܘܚܡ̈ܫܝܢ ܫܢ̈ܝܢ.܀ ܘܒܫܢܬ ܬܪܝܢ ܐܠܦܝܢ ܘܫܒܥܡܐܐ ܘܬܠܬܝܢ ܘܚܕܐܼ. ܐܬܝܠܕ ܐܪܥܘ ܡܢ ܦܠܓ.܀ ܘܒܫܢܬ ܬܪܝܢ ܐܠܦ̈ܝܢ ܘܫܒ̈ܥ ܡܐܐ ܘܐܪ̈ܒܥܝܢ ܘܐܪܒܥܼ. ܢܦܼܩ ܡܢ ܥܠܡܐ ܗܢܐ ܫܝܡ ܒܪ ܢܘܚ.܀ ܘܒܫܢܬ ܬܪܝܢ ܐܠܦ̈ܝܢ ܘܬܡܝ̈ܡܐܐ ܘܫܬܝܢ ܘܬܠܬܼ. ܐܬܝܠܕ ܘܒܫܢܬ ܬܪܝܢ ܐܠܦ̈ܝܢ ܘܬܡܝ̈ܡܐܐ ܘܫܬܝܢ ܘܬܠܬܼ. ܐܬܝܠܕ ܣܪܘܓ ܡܢ ܐܪܥܘ. ܘܒܫܢܬ ܬܫ̈ܥܝܢ ܘܚܡܫ ܫܢ̈ܝܢ ܠܣܪܘܓܼ ܫܠܡ ܐܠܦܐ ܕܬܠ̈ܬܐ.. ܒܗܢܐ ܙܒܢܐ ܥܼܠ ܦܬܟܪ̈ܐ ܠܥܠܡܐ. ܡܢ ܗܪܟܐ ܫܪܝܘ ܒ̈ܢܝ ܢܘܚ ܠܡܣܓܕ ܥܼܠ ܦܬܟܪ̈ܐ ܠܥܠܡܐ. ܡܢ ܗܪܟܐ ܫܪܝܘ ܒ̈ܢܝ ܢܘܚ ܠܡܣܓܕ ܠܓܠܝ̈ܦܐܿ. ܘܠܡܥܒܕ ܕܒܝܫ. ܘܠܡܒܢܐ ܡܕ̈ܝܢܬܐܿ. ܘܠܡܫܒܐ ܠܚܕ̈ܕܐܼ ܘܠܡܩܪܒܘ. ܘܒܫܢܬ ܬܠܬܝܢ ܘܚܕܐ ܠܣܪܘܓܼ ܫܠܼܡ ܐܠܦܐ ܕܬܪ̈ܝܢ ܐܝܟ ܡܢܝܢܐ ܥܒܪܝܐ ܕܫܡܪ̈ܝܐ.܀ ܫܢܬ ܬܪܝܢ ܐܠܦ̈ܝܢ ܘܬܡܢ̈ܡܐܐ ܘܬܫܥܝܢ ܘܬܡ̈ܢܐܼ. ܐܬܝܠܕ ܢܚܘܪ.܀ ܫܢܬ ܬܪ̈ܝܢ ܐܠܦ̈ܝܢ ܘܬܫܥܡܐܐ ܘܫܒܥܝܢ ܘܫܒܥܼ. ܐܬܝܠܕ ܬܪܚ. ܘܬܪܚ ܒܪ ܫܒ̈ܥܝܢ ܫܢ̈ܝܢ ܐܘܠܕ ܠܐܒܪܗܡ.. ܒܗܢܐ ܕܝܢ ܙܒܢܐܼܡܡܠܟ ܥܠ ܢܝܢܘܐ ܢܝܢܘܣܼ ܘܗܼܘ ܒܢܗܿ ܠܢܝܢܘܐ. ܘܩܪܗܿ ܥܠ ܫܡܗܼ ܢܝܢܘܐ.. ܘܒܫܢܬ ܐܪ̈ܒܥܝܢ ܘܬܠܬ ܕܡܠܟܘܬܗ ܗܢܐ ܐܬܝܠܕ ܐܒܪܗܡ. ܘܐܡܠܟ ܩܕܡܝܐܼ ܥܠ ܟܠܗܿ ܐܣܝܐܼ ܠܒܪ ܡܢ ܗܢܕܘ ܗܼܘ ܢܝܢܘܣ ܒܪ ܒܠܘܣܼ. ܫܢ̈ܝܐ ܚܡ̈ܫܝܢ ܘܬܪ̈ܬܝܢ.. ܫܢܬ ܐܪ̈ܒܥܝܢ ܘ.ܓ. ܕܗܢܐ ܐܝܬܝܗܿ ܗܘܬ ܫܢܬܐ ܩܕܡܝܬܐ] ܕܐܒܪܗܡ.

ܘܡܛܠ ܕܠܐ ܐܫܟܚܢܢ ܚܘܫܒܢܐ ܕܫܿܠܡ ܚܕ ܠܘܬ ܚܒܪܗܼ ܣܝܡܝܢܢ ܠܗܘܢ ܗܪܟܐ ܠܐܒ̈ܗܬܐ ܗܠܝܢ ܩܕ̈ܡܝܐܼ ܐܝܟ ܕܐܝܬܝܗܘܢ ܒܟܬܒܐ. ܐܕܡ ܒܪ ܡܐܐ ܘܬܠܬܝܢ [ܫܢ̈ܝܢ ܐܘܠܕ ܠܫܝܬ. ܫܝܬ] ܒܪ ܡـ[ܐܐ] ܘܬܠܬܝܢ ܘܚܡܫ [ܫ̈ܢܝܢ] ܐܘܠܕ ܠܐܢܘܫ. ܐܢܘܫ ܒܪ ܡܐܐ ܘܬܫܥܝܢ ܫ̈ܢܝܢ

Page 15

ܐܘܠܕ ܠܩܝܢܢ. ܩܝܢܢ ܒܪ ܡܐܐ ܘܫܒ̈ܥܝܢ ܫܢ̈ܝܢ ܐܘܠܕ ܠܡܗܠܐܐܝܠ. ܡܗܠܠܐܝܠ ܒܪ ܡܐܐ ܘܫܬܝܢ ܘܚܡܫ ܫ̈ܢܝܢ ܐܘܠܕ ܠܝܪܕ. ܘܒܫܢܬ ܐܪ̈ܒܥܝܢ ܕܝܪܕ ܫܠܼܡ ܐܠܦܐ ܩܕܡܝܐ.. ܝܪܕ ܒܪ ܡܐܐ ܘܥܣܪ̈ܝܢ ܘܬܪ̈ܬܝܢ ܫܢ̈ܝܢ ܐܘܠܕ ܠܚܢܘܟ. ܒܪ ܡܐܐ ܘܫ̈ܬܝܢ ܘܚܡܫ ܫ̈ܢܝܢ ܐܘܠܕ ܠܡܬܘܫܠܚ. ܡܬܘܫܠܚ ܒܪ ܡܐܐ ܘܫܬ̈ܝܢ ܘܫ̈ܒܥ ܫܢ̈ܝܢ ܐܘܠܕ ܠܠܡܟ. ܠܡܟ ܒܪ ܡܐܐ ܘܬܡ̈ܢܝܢ ܘܬܡ̈ܢܝܐ ܫ̈ܢܝܢ ܐܘܠܕ ܠܢܘܚ. ܢܘܚ ܒܪ ܚܡ̈ܫܡܐܐ ܫܢ̈ܝܢ ܐܘܠܕ ܠܫܝܡ. ܘܒܫܢܬ ܬܠܬܡܐܐ ܘܚܡ̈ܫܝܢ ܘܬܡ̈ܢܐ ܕܢܘܚܼ. ܫܠܼܡ ܐܠܦܐ ܕܬܪ̈ܝܢ.. ܫܝܡ ܒܪ ܡ̈ܐܐ ܘܬܪ̈ܬܝܢ ܫܢ̈ܝܢ ܐܘܠܕ ܠܐܪܦܟܫܪ. ܐܪܦܟܫܪ ܒܪ ܡܐܐ ܘܬ̈ܠܬܝܢ ܘܚ̱ܫ ܫܢ̈ܝܢ ܐܘܠܕ ܠܫܠܚ. ܫܠܚ ܒܪ ܡ̈ܐܐ ܘܬ̈ܠܬܝܢ ܫܢ̈ܝܢ ܐܘܠܕ ܠܥܿܒܪ. ܥܿܒܪ ܒܪ ܡܐܐ ܘܬܠ̈ܬܝܢ ܘܐܪ̈ܒܥ ܫ̈ܢܝܢ ܐܘܠܕ ܠܦܠܓ. ܦܠܓ ܒܪ ܡܐܐ ܘܬܠܬܝܢ ܫܢ̈ܝܢ ܐܘܠܕ ܠܐܪܥܘ. ܐܪܥܘ ܒܪ ܒܪ ܡܐܐ ܘܬܠܬܝܢ ܘܬܪ̈ܬܝܢ ܫܢ̈ܝܢ ܐܘܠܕ ܠܣܪܘܓ. ܘܒܫܢܬ ܬܫ̈ܥܝܢ ܘܚܡܫ ܠܣܪܘܓܼ. ܫܠܼܡ ܐܠܦܐ ܕܬܠܬܐ.. ܣܘܪܓ ܒܪ [ܡܐܐ ܘ]ܬ̈ܠܬܝܢ ܘܚܡܫ ܫ̈ܢܝܢ ܐܘܠܕ ܠܢܚܘܪ. ܢܚܘܪ ܒܪ ܫܒܥܝܢ ܘܬܫܥ ܫܢ̈ܝܢ ܐܘܠܕ ܠܬܪܚ. ܬܪܚ ܒܪ ܫܒ̈ܥܝܢ ܫܢ̈ܝܢ ܐܘܠܕ ܠܐܒܪܡ. ܐܒܪܡ ܒܪ ܡܐܐ [ܫܢ̈ܝܢ] ܐܘܠܕ ܠܐܝܣܚܩ. ܐܝܣܚܩ ܒܪ ܫܬܝܢ ܫܢ̈ܝܢ ܐܘܠܕ ܠܝܥܩܘܒ. ܝܥܩܘܒ ܒܪ ܬܡ̈ܢܝܢ ܘܫ̈ܬ ܫ̈ܢܝܢ ܐܘܠܕ ܠܠܘܝ. ܠܘܝ ܒܪ ܐܪ̈ܒܥܝܢ ܘܫ̈ܬ ܫ̈ܢܝܢ ܐܘܠܕ ܠܠܘܝ. ܠܘܝ ܒܪ ܐܪ̈ܒܥܝܢ ܘܫ̈ܬ ܫ̈ܢܝܢ ܐܘܠܕ ܠܩܗܬ. ܩܗܬ ܒܪ ܫ̈ܬܝܢ ܫ̈ܢܝܢ ܐܘܠܕ ܠܥܡܪܡ. ܥܡܪܡ ܒܪ ܫܒ̈ܥܝܢ ܫܢ̈ܝܢ ܐܘܠܕ ܠܡܘܫܐ. ܘܒܫܢܬ ܬܡ̈ܢܝܢ ܠܡܘܫܐܼ. ܢܦܼܩ ܒ̈ܢܝ ܐܣܝܪܐܝܠ ܡܢ ܡܨܪܝܢ.

ܡܢ ܗܪܟܐ ܡܕܒܪ̈ܢܐ.܀ ܩܕܝܡܐ ܡܘܫܐܼ ܐܪ̈ܒܥܝܢ ܫ̈ܢܝܢ. ܝܫܘܥ ܥܣܪܝܢ ܘܫ̈ܒܥ ܫ̈ܢܝܢ. ܒ̈ܢܝ ܒܝܬ ܢܗܪ̈ܝܢ ܘܥܬܢܐܝܠ ܝܫܘܥ ܐܪ̈ܒܥܝܢ ܫܢ̈ܝܢ. ܡܘ̈ܐܒܝܐ ܘܐܗܘܪ ܬܡ̈ܢܝܢ ܫܢ̈ܝܢ. ܟܢܥܢ̈ܝܐ ܘܕܒܘܪܐ ܘܒܪܩ ܐܪ̈ܒܥܝܢ ܫ̈ܢܝܢ. ܡܕ̈ܝܢܝܐ ܘܓܕܥܘܢ ܐܪ̈ܒܥܝܢ ܫ̈ܢܝܢ. ܐܒܝܡܠܟ ܬܠܬ ܫ̈ܢܝܢ. ܬܘܠܥ ܥܣܪ̈ܝܢ

Page 16

ܘܬܠܬ ܫ̈ܢܝܢ. ܝܐܝܪ ܥܣܪܝܢ ܘܬܪ̈ܬܝܢ [ܫ̈ܢܝܢ]. ܘܒܫܢܬ ܬܫܥܣܪ̈ܐ ܕܝܐܝܪ ܫܠܼܡ ܐܠܦܐ ܕܐܪܒܥܐ.. ܥܡ̈ܘܢܝܐ ܘܢܦܬܚ ܫܢܝ̈ܢ ܫ̈ܬ. ܚܫܒܘܢ ܫܢ̈ܝܢ ܫܒܥ. ܠܒܕܘܢ ܫ̈ܢܝܢ ܬܡ̈ܢܐ. ܦ̈ܠܫܬܝܐ ܘܫܡܫܘܢ ܫܢ̈ܝܢ ܥܣܪ̈ܝܢ. ܥܝܠܝ ܫܢ̈ܝܢ ܐܪ̈ܒܥܝܢ. ܫܡܘܐܝܠ ܘܫܐܘܠ ܫܢ̈ܝܢ ܐܪ̈ܒܥܝܢ.

ܡܢ ܗܪܟܐ ܡ̈ܠܟܐ ܕܡܢ ܫܒܛܐ ܕܝܗܘܕܐ.܀ ܕܘܝܕ ܐܪ̈ܒܥܝܢ ܫܢ̈ܝܢ. ܫܠܡܢ ܫܢ̈ܝܢ ܐܪ̈ܒܥܝܢ. ܪܚܡܒܥܡ .ܝܙ. ܫ̈ܢܝܢ. ܐܒܝܐ .ܓ. ܫܢ̈ܝܢ. ܝܗܘܫܦܛ .ܟܒ. ܫܢ̈ܝܢ. ܝܗܘܪܡ .ܚ. ܫ̈ܢܝܢ. ܐܚܙܝܐ ܚܕܐ. ܥܬܠܝܐ .ܙ. ܫ̈ܢܝܢ. ܝܘܐܫ .ܡ. ܫܢ̈ܝܢ. ܐܡܘܨܝܐ .ܟܛ. ܫ̈ܢܝܢ. ܥܙܪܝܐܼ .ܢܒ. ܫܢ̈ܝܢ. ܝܘܬܡ .ܝܘ. ܫ̈ܢܝܢ. ܐܚܙ .ܝܘ. ܫܢ̈ܝܢ. ܚܙܩܝܦܐ .ܟܛ. ܫܢ̈ܝܢ. ܡܢܫܐ .ܢܗ. ܫ̈ܢܝܢ. ܐܡܘܢ [.ܒ.] ܫ̈ܢܝܢ. ܝܘܫܝܐ .ܠܐ. ܫ̈ܢܝܢ. ܝܗܘܚܙ ܝܪ̈ܚܐ ܬܠܬܐ. ܝܘܐ[ܩܝܡ] .ܝܐ. ܫ̈ܢܝܢ. ܝܘܟܢܝܐ ܝܪ̈ܚܐ ܬܠ̈ܬܐ. ܨܕܘܩܝܐ .ܝܐ. ܫܢ̈ܝܢ.

ܡܢ ܗܪܟܐ ܡ̈ܠܟܐ ܕܦܪ̈ܣܝܐ.܀ ܡܢ ܫܢܬ ܐܪܒܥ ܕܫܠܡܘܢ ܘܥܕܡܐ ܠܗܪܟܐܼ ܫܢ̈ܝܐ ܚܡܫܡܐܐ ܘܬܪܬܥܣܪ̈ܐ ܫ̈ܢܝܢ. ܟܘܪܫ .ܠܕ. ܫܢ̈ܝܢ. ܐܚܫـ[ܝܪܫ] ܐܪܛܚܫܫܬ .ܡܐ. ܫܢ̈ܝܢ.. ܐܚܫـ[ܝܪܫ]

ܕܘܪܝܘܫ .ܝܘ. ܫ̈ܢܝܢ. ܐܪܛܚܫܫܛ .ܡ. ܫ̈ܢܝܢ.          ܫ̈ܢܝܢ. ܐܪܣܣ .ܕ. ܫܢ̈ܝܢ. ܕܘܪܝܫ ܫܬ ܫܢ̈ܝܢ.

ܡܢ ܗܪܟܐ ܡ̈ܠܟܐ ܡܩ̈ܕܘܢܝܐ.܀ ܐܠܟܣܢܕܘܣ ܫ̈ܬ [ܫܢ̈ܝܢ]. ܦܛܠܡܝܘܣ .ܡ. ܫܢ̈ܝܢ. ܦܠܕܠܦܣ .ܠܚ. ܫ̈ܢܝܢ. ܐܘܪܓܛܣ .ܟܘ. ܫ̈ܢܝܢ. ܦܝܠܘܦܐܛܘܪ .ܝܙ. ܫ̈ܢܝܢ. ܐܦܝܦܢܘܣ .ܟܕ. ܫܢ̈ܝܢ. ܘܒܫܢܬ ܫܬܬܥܣܪ̈ܐ ܕܝܠܗܼ. ܫܠܼܡ ܐܠܦܐ ܕܚܡܫܐ.. ܦܝܠܡܛܘܪ .ܠܗ. ܫܢ̈ܝܢ. ܐܘܪܓܛܣ ܥܣܪ̈ܝܢ ܘܬܫܥ [ܫܢ̈ܝܢ]. ܣܘܛܝܘܪ .ܝܙ. ܫ̈ܢܝܢ. ܐܠܟܣܢܕܪܣ .ܝ. ܫ̈ܢܝܢ. ܦܛܠܡܐܘܣ .ܚ. ܫܢ̈ܝܢ. ܕܝܢܘܣܝܘܣ .ܠ. ܫܢܿܝܢ. ܩܠܘܦܛܪܐ .ܟܕ. ܫ̈ܢܝܢ.܀ ܫܠܼܡ ܕܦܛܠܡܐܘܣ

Page 17

ܕܡ̈ܠܟܐ ܕܪ̈ܘܡܝܐ ܡܢ ܗܪܟܐ.܀ ܐܓܣܛܘܣ .ܡ. ܫܢ̈ܝܢ. ܟܠܗܝܢ ܫܢ̈ܘܗܝ .ܢܘ.. ܛܒܪܝܘܣ ܘܟܓ. ܫ̈ܢܝܢ. ܓܐܝܘܣ .ܕ. ܫܢ̈ܝܢ. ܩܠܘܕܝܘܣ .ܝܕ. ܫ̈ܢܝܢ. ܢܪܘܢ .ܝܓ. ܫܢ̈ܝܢ. ܐܣܦܣܝܢܘܣ .ܝ. ܫܢ̈ܝܢ. ܛܛܘܣ .ܒ. ܫ̈ܢܝܢ. ܕܘܡܛܝܢܘܣ .ܝܗ. ܫ̈ܢܝܢ. ܢܪܘܝܣ ܚܕܐ. ܛܪܝܢܘܣ .ܝ. ܫܗܢܝܢ. ܗܕܪܝܢܘܣ .ܟܐ. ܫ̈ܢܝܢ. ܐܢܛܘܢܝܢܘܣ .ܟܒ. ܫܢ̈ܝܢ. ܐܢܛܘܢܝܢܘܣ .ܝܘ. ܫ̈ܢܝܢ. ܩܘܡܝܕܘܣ .ܝܓ. ܫ̈ܢܝܢ. ܦܪܛܝܢܟܣ ܝܪ̈ܚܐ .ܘ. ܣܘܪܣ .ܝܚ. ܫ̈ܢܝܢ. ܐܢܛܘܢܝܢܘܣ ܫܒ̈ܥ. ܡܩܪܝܢܘܣ ܚܕܐ. ܐܢܛܘܢܝܢܘܣ ܐܪ̈ܒܥ. ܐܠܟܣܢܕܪܘܣ ܒܪ ܡܡܝ .ܝܓ. .ܗܢܐ ܟܪܣܛܝܢܐ ܗܼ،ܐ.. ܡܟܣܝܡܝܢܘܣ ܫ̈ܢܝܢ .ܓ. .ܓܪܕܝܢܘܣ .ܘ. .ܦܠܝܦܘܣ .ܙ. ܫ̈ܢܝܢ. ܘܗܢܐ ܟܪܣܛܝܢܐ ܗܘܼܐ.. ܕܩܝܘܣ ܚܕܐ. ܓܠܘܣ ܬܪܗـܝܢ. ܘܠܪܝܢܘܣ .ܝܗ. ܫ̈ܢܝܢ. ܩܠܘܝܕܝܘܣ ܚܕܐ. ܐܘܪܠܝܢܘܣ ܫܬ. ܛܩܝܛܘܣ ܝܪ̈ܚܐ ܫ̈ܬܐ. ܦܪܘܒܣ ܫܬ. ܩܪܘܣ ܬܪ̈ܬܝܢ. ܕܘܩܠܛܝܢܘܣ ܥܣܪ̈ܝܢ. ܩܘܣܛܢܛܝܢܘܣ ܬܠܬܝܢ ܘܬܠܬ. ܩܘܣܛܢܛܝܣ ܒܪܗ .ܟܕ. ܝܘܠܝܢܣ .ܒ. . ܝܘܒܢܝܢܘܣ ܚܕܐ. ܘܠܝܣ .ܝܕ. ܫ̈ܝܢܝܢ. ܓܪܛܝܢܘܣ ܚܕܐ. ܬܐܘܕܘܣܝܘܣ ܪܒܐ .ܝܘ. ܫܢ̈ܝܢ. ܐܪܩܕܝܣ .ܟܛ.. ܬܐܘܕܘܣܝܘܣ ܙܥܘܪܐ .ܟܘ. ܫܢ̈ܝܢ. ܡܪܩܝܢܘܣ ܫܒ̈ܥ. ܠܐܘܢ .ܝܘ. ܫܢ̈ܝܢ. ܙܢܘܢ ܬܫܥܣܪ̈ܐ. ܐܢܣܛܘܣ ܥܣܪ̈ܝܢ ܘܫܒ̈ܥ. ܘܒܫܢܬ .ܝܘ. ܫܢܗܝܢ. ܙܢܘܢ ܬܫܥܣܪ̈ܐ. ܐܢܣܛܘܣ ܥܣܪ̈ܝܢ ܘܫܒ̈ܥ. ܘܒܫܢܬ .ܝܘ. ܕܐܢܣܛܘܣ ܫܠܼܡ ܐܠܦܐ ܕܫܬܐ.. ܝܘܣܛܘܣ ܬܡ̈ܢܐ. ܝܘܣܛܝܢܝܢܐ ܐܪ̈ܒܥܝܢ. ܝܘܣܛܝܢܐ ܚܕܥܣܪ̈ܐ. ܛܒܪܝܘܣ ܬܡ̈ܢܐ. ܡܘܪܝܩܝܘܣ. .ܟܒ. . ܦܘܡܐ ܬܡ̈ܢܐ. ܗܪܩܠܐ .ܠܐ. . ܩܘܣܛܢܛܝܢܐ ܚܕܐ ܩܘܣܛܢܛܝܢܐ .ܟܕ. ܫ̈ܢܝܢ. ܩܘܣܛܢܛܝܢܐ .ܝܘ. . ܝܘܣܛܝܢܝܢܐ ܥܣܪ̈. ܘܠܢܛܝܣ ܬܠܬ. ܛܒܪܝܘܣ ܫܒܥ. ܝܘܣܛܝܢܝܢܐ ܫܬ. ܦܝܠܝܦܝܩܘܣ .ܒ. . ܐܢܣܛܘܣ .ܒ. . ܬܐܘܕܘܣܝܘܣ ܚܕܐ. ܠܐܘܢ ܥܣܪ̈ܝܢ ܘܚܡ̈ܫ. ܩܘܣܛܢܛܝܢܐ ܒܪܗ ܬܠ̈ܬܝܢ ܘܚ̈ܡܫ ܫ̈ܢܝܢ. ܠܐܘܢ ܒܪܗ

Page 17

ܡܢ ܐܕܡ ܥܕܡܐ ܠܛܘܦܢܐ ܫܢ̈ܝܢ ܬܪ̈ܝܢ ܐܠܦܝܢ ܘ[ܡܬܝܢ ܘܐܪ̈ܒܥܝܢ ܘܬܪ̈ܬܝܢ.] ܘܡܢ ܛܘܦܢܐ ܥܕܡܐ ܠܐܒܪܗܡܼ. ܫ̈ܢܝܐ ܬܫܥܡܐܐ ܘܐܪ̈ܒܥܝܢ ܘܬܪ̈ܬܝܢ.

[ܐܡܠܟ ܩܕܡܝܐ ܥܠ] ܟܠܗܿ ܐܣܝܐ ܠܒܪ ܡܢ ܗܢܕܘܼ. ܢܝܢܘܣ ܒܪ ܒܠܘܣ ܫܢ̈ܝܐ ܚܡ̈ܫܝܢ ܘܬܪ̈ܬܝܢ. ܘܒܫܢܬ ܐܪ̈ܒܥܝܢ ܘܬܠܬ ܐܬܝܠܕ ܐܒܪܗܡ. ܘܗܼܝ ܐܝܬܝܗܿ ܫܢܬܐ ܩܕܡܝܬܐ ܕܐܒܪܗܡ.܀܀ ܘܒܝܢܬ ܫܬ ܠܐܒܪܗܡܼ. ܒܢܼܐ ܚܢܘܣ ܠܢܝܢܘܐ: ܒܐܪܥܐ ܕܐܬܘܪ ܥܠ ܕܩܠܬ. ܘܥܠ ܫܡܗ ܩܼܪܗܿ ܢܝܢܘܐ.܀܀ ܫܢܬ ܫܒܥ ܠܐܒܪܗܡܼ. ܗܘܐ ܩܪܒܐ ܕܢܝܢܘܣ ܡܠܟܐ ܕܢܝܢܘܐ ܘܕܙܘܕܐܣܛܪܣ ܡܓܘܫܐ ܡܠܟܐ ܕܩܪ̈ܝܛܐ.܀܀ ܘܒܢܬ ܥܣܪ ܠܐܒܪܗܡܼ ܡܝܼܬ ܢܝܢܘܣ ܡܠܟܐ ܕܢܝܢܘܐ. ܘܐܡܠܟܬ ܫܡܝܪܡ ܐܢܬܬܗ ܚܠܦܘܗܝܼ ܐܪ̈ܒܥܝܢ ܘܬܪ̈ܬܝܢ ܫܢ̈ܝܢ. ܥܠ ܗܕܐܼ ܬܫ̈ܥܝܬܐ ܣܓܝ̈ܐܬܐ ܡܬܐܡܪ̈ܢ. ܐܚܕܬ ܕܝܢ ܠܐܣܝܐܼ. ܘܬܿܩܢܼܬ ܬܠ̈ܠܐ ܡܛܠ ܛܘܦܢܐ.܀܀ ܫܢܬ ܥܣܪܝܢ ܘܬܪ̈ܬܝܢ܆ ܒܢܬ ܫܡܝܪܡ ܠܒܒܝܠ.܀܀ ܫܢܬ ܐܪ̈ܒܥܝܢ ܘܚ̈ܡܫܼ. ܫܘܪܝܐ ܕܝܘܒܠܐ ܕܐܪ̈ܒܥܝܢ ܘܚܕܼ. ܐܝܟ ܡܢܝܢܐ ܕܥܒܪ̈ܝܐ. ܝܘܒܠܐ ܕܝܢ ܢܬܐܡܪ ܠܘܬܗܘܢ ܫܢ̈ܝܐ ܚ̈ܡܫܝܢ. ܐܝܟܢܐ ܕܢܗܠܟܘܢ ܡܢ ܐܕܡ ܥܕܡܐ ܠܗܕܐ ܫܢܬܐܿ ܐܝܟ ܡܠܬܗܘܢ ܫܢ̈ܝܐ ܬܪ̈ܝܢ ܐܠܦ̈ܝܢ. ܗܕܐ ܗܝ ܕܐܡܿܪܬ ܕܠܐ ܩܝܡܝܢ ܥܠ ܚܘܫܒܢܐ ܕܚܕ̈ܕܐܼ. ܟܕ ܚܕ ܡܙܥܪ ܘܐܚܪܢܐ ܡܘܪܒ.܀܀ ܫܢܬ ܚܡܫܝܢ ܘܬܪ̈ܬܝܢ ܠܐܒܪܗܡܼ. ܡܝܬܬ ܫܡܝܪܡ ܡܠܟܬܐ ܕܢܝܢܘܐ. ܘܐܡܠܟ ܢܝܢܣ ܒܪܗܿ ܒܬܪܗܿ ܫ̈ܢܝܐ ܬܠܬܝܢ ܘܬܡ̈ܢܐ.܀܀ ܫܢܬ ܫܒܥܝܢ ܘܚܡܫ ܫ̈ܢܝܢ ܠܐܒܪܗܡܼ. ܐܫܬܘܝ ܠܓܠܝܢܐ ܕܐܠܗܐ ܘܠܡܘܠܟܢܐ ܕܗܘܼܐ ܠܘܬܗ. ܘܐܦ ܗܼܝ ܐܝܬܝܗܿ ܫܢܬܐ ܩܕܡܝܬܐ ܕܡܘܠܟܢܐ. ܘܒܗܿ ܢܦܼܩ ܐܒܪܗܡܼ ܡܢ ܒܝܬ ܐܒܘܗܝ ܡܢ ܚܪܢܼ. ܘܥܒܼܪ ܦܪܬ ܘܣܪܐ ܐܢܬܬܗ.܀܀ ܫܢܬ ܫܒܥܝܢ ܘܫܬܼ ܗܘܐ ܟܦܢܐ ܪܒܐܼ. ܘܢܚܼܬ ܐܒܪܗܡ ܠܡܨܪܝܢܼ ܗܼܘ

Page 18

ܘܣܪܐ ܐܢܬܬܗ.܀܀ ܫܢܬ ܬܡ̈ܢܝܢ ܘܫܬܼ. ܐܬܝܠܕ ܠܐܒܪܗܡ ܡܢ ܗܓܪ ܐܝܫܡܥܐܝܠܼ ܐܒܘܗܘܢ ܕܛܝ̈ܝܐ.܀܀ ܫܢܬ ܬܫ̈ܥܝܢܼ ܡܝܬ ܢܝܢܘܣ ܡܠܟܐ ܕܢܝܢܘܐ. ܘܐܡܠܼܢܟ ܚܦܠܘܗܝ ܐܪܝܘܣ ܫܢܝ̈ܐ ܬ̈ܠܬܝܢ.܀܀ ܫܢܬ ܡܐܐ ܠܐܒܪܗܡܼ. ܐܬܝܠܕ ܐܝܣܚܩ.܀܀ ܫܢܬ ܡܐܐ ܘܚܕܐ ܠܐܒܪܗܡ ܪܝܫܐ ܕܢ̈ܒܝܐܼ. ܡܠܬܐ ܕܐܠܗܐ ܐܬܚܼܙܝܬ ܒܐܣܟܝܡܐ ܕܒܪܢܫܐܼ. ܘܥܠ ܩܪܝܬܐ ܕܥܡ̈ܡܐ ܒܕܩܬ. ܐܝܕܐ ܕܒܙܒܢ ܠܡܬܐ ܕܡܫܝܚܐ ܠܫܘܠܡܐ ܐܝܿܬܝܬܼ. ܒܝܕ ܣܒܪܬܐ ܕܝܘܠܦܢܐ ܕܠܘܬ ܟܠܗܘܢ ܥܡ̈ܡܐ.܀܀ ܫܢܬ ܡܐܐ ܘܥܣܪ̈ܝܢ ܠܐܒܪܗܡܼ. ܡܝܬ ܐܪܝܘܣ ܡܿܠܟܐ ܕܢܝܢܘܐ. ܘܐܡܠܟ ܚܠܦܘܗܝ ܐܪܐܠܝܘܣ ܫܢ̈ܝܢ ܐܪ̈ܒܥܝܢ܀ ܫܢܬ ܡܐܐ ܘܐܪ̈ܒܥܝܢ ܠܐܒܪܗܡܼ. ܘܠܐܝܣܚܩ ܫܢܬ ܐܪ̈ܒܥܝܢ܆ ܢܣܼܒܗܿ ܠܪܦܩܐ.܀܀ ܘܬܒܫܢܬ ܡܐܐ ܘܫܬܝܢ܆ ܐܬܝܠܕ ܠܐܝܣܚܩ ܡܢ ܪܦܩܐ܆ ܬܪ̈ܝܢ ܒܢ̈ܝܐ ܬܡ̈ܐ܇ ܩܕܡܝܐܼ ܥܣܘ ܕܗܘܼ ܐܕܘܡ. ܕܢܡܗ [ܐܕ̈ܘܡـ]ـܝܐ ܐܫܬܡܗܘ. ܘܕܬܪ̈ܝܢ ܝܥܩܘܒ. ܕܡܢܗ ܐܝܣܪ̈ܐܝܠܝܐܼ ܕܗܼܢܘܢ [ܝܗ]ܘܕ̈ܝܐ.܀ ܒܗܢܐ ܕܝܢ ܙܒܢܐ ܡܬܝܕܥ ܡܠܟܙܕܝܩ ܡܠܟܐ ܕܫܠܝܡܼ. [ܗܿܘ ܕܐܝـ]ـܬܘܗܝ ܟܘܡܪܐ ܕܐܠܗܐ ܡܪܝܡܐ.܀܀ ܫܢܬ ܡܐܐ ܘܫܬܝܢ܆ [ܡܝܬ ܐܪܐܠܝܘܣ ܡܠܟܐ] ܕܐܬܘܪ. ܘܐܡܠܟ ܚܠܦܘܗܝ ܐܚܫܝܪܫ ܫܢ̈ܝܐ ܬܠ̈ܬܝܢ.܀ ܒܗܢܐ ܕܝܢ ܙܒܢܐ ܥܒܕ ܨܠܡܐ ܐ̈ܓܝܦܛܝܐ ܠܐܝܘܼ ܘܝܓܕ ܠܗܿ. ܘܐܦ ܠܗ ܠܢܗܪܐ ܐܝܘ ܟܢܝܘ ܥܠ ܫܡܗܿ.. ܬܘܒ ܡܬܝܕܥ ܒܗܢܐ ܙܒܢܐ ܩܣܛܘܪ ܡܟܬܒܢܐ ܥܕܥܠ ܙܒ̈ܢܐ.܀܀ ܫܢܬ ܡܐܐ ܘܫܒܥܝܢ ܘܚܡܫܼ. ܕܗܼܝ ܐܝܬܝܗܿ ܫܢܬ ܡܐܐ ܕܡܘܠܟܢܐܼ ܢܦܼܩ [ܐܒܪܗܡ ܡܢ ܥܠܡܐ] ܗܢܐ. ܟܕ ܗܼܘ ܒܪ ܫܒ̈ܥܝܢ ܘܡ̈ܐܐ ܘܚܡܫ ܫܢ̈ܝܢ.܀܀ ܫܢܬ ܡܐܐ ܘܫܒܥܝܢ ܘܫܬܼ. ܐܬܒܢܼܝܬ ܐܢܛܚܘܟܝܐ ܥܠ ܓܒ ܐܘܪܢܛܐ ܢܗܪܐܼ. ܡܢ

Page 19

[ܩܣܘܣ] ܘܒܠܘܣ ܒ̈ܢܝ ܐܝܢܝܟܘܣ. ܗܢܘ ܒܢܝܢܐ ܩܕܡܝܐ ܕܝܠܗܿ ܕܡܕܝܢܬܐ.܀܀ ܫܢܬ ܡ̈ܐܐ ܘܬܫ̈ܥܝܢ܆ ܡܝܬ ܡܠܟܐ ܕܐܬܘܪ. ܘܐܡܠܟ ܚܠܦܘܗܝ ܐܪܡܐܡܝܬܪܘܣܼ ܫ̈ܢܝܐ ܬܠ̈ܬܝܢ ܘܬܡ̈ܢܐ.܀ ܬܘܒ ܒܗܢܐ ܙܒܢܐ ܐܩܝܡܼܘ ܨܠܡܐ ܐܓܝ̈ܦܛܝܐ ܠܐܦܝܣ ܘܣܓܕܘ ܠܗ. ܘܐܠܗܐ ܣܪܦܝܣ ܫܡܗܘܗܝ.܀܀ ܫܢܬ ܡܬܝܢ ܘܥܣܪ̈ܝܢ ܘܬܡ̈ܢܐܼ. ܡܝܬ ܡܠܟܐ ܕܐܬܘܪ. ܘܐܡܠܟ ܥܠ ܕܘܟܬܗܼ ܒܐܠܟܘܣܿ. ܫ̈ܢܝܢ ܬܠܬܝܢ ܘܚܡܫ.܀ ܒܗܢܐ ܕܝܢ ܙܒܢܐ ܡܬܝܕܥܝܢ ܗܘܼܘ ܦܐܪܘܢܘܣ ܒܪ ܐܝܢܟܘܣ. ܘܢܝܘܒܐ ܗܘܼ ܩܕܡܝܐ ܣܝ̈ܡܝ ܢܡ̈ܘܣܐ ܘܒܝܬ ܕܝ̈ܢܐ. ܟܕ ܠܗܠܝܢ ܙܒ̈ܢܐܿ ܐܝܟ ܡܢ ܕܣܓܝ ܩ̈ܫܝܫܢ ܡܬܕܟܪ ܦܠܛܘܢ ܟܕ ܐܿܡܪ ܗܟܢܐ: ܒܡܐܡܪܐ ܗܿܘ ܕܡܬܩܪܐ ܛܝܡܐܘܣ. ܘܒܙܒܢ ܟܕ ܐܬܚܫܒ ܕܢܬܐ ܐܢܘܢ ܠܡ̈ܠܐ ܕܥܠ ܐܢ̈ܫܐ ܥܬ ܝܩ̈ܐܼ ܗܿܢܘܢ ܕܒܗܕܐ ܦܘܠܘܛܝܐ ܗܘܼܘ ܥܬܝ̈ܩܐ. ܐܡܚܪ ܕܢܐܡܪ ܥܠ ܦܐܪܘܢܘܣ ܗܿܘ ܕܐܬܐܡܪ ܩܕܡܝܐܼ. ܘܥܠ ܢܝܘܒܐܼ. ܘܥܠ ܗܿܢܘܢ ܕܡܢ ܒܬܪ ܛܘܦܢܐ.܀܀ ܫܢܬ ܡ̈ܬܝܢ ܘܬܠ̈ܬܝܢ ܘܚܕܐܼ. ܥܒܕ ܩܪܒܐ ܛܠ̈ܟܢܣ ܘܩܪ̈ܘܐܛܣܼ ܥܡ ܦܐܪܘܢܘܣ ܘܦܐܪܘܣܝܣ.܀܀ ܫܢܬ ܡ̈ܬܝܢ ܘܬܠ̈ܬܝܢ ܘܫ̈ܬܼ. ܐܬܒܢܝܬ ܐܬܢܣ ܡܕܝܢܬܐܼ ܘܐܠܘܣܝܢܐ ܡܢ ܐܘܓܘܓܘܣ.܀܀ ܫܢܬ ܡ̈ܬܝܢ ܘܬܠ̈ܬܝܢ ܘܫܒܥܼ. ܢܚܼܬ ܝܥܩܘܒ ܠܒܝܬ ܢܗܪ̈ܝܢ܆ ܘܦܠܼܚ ܥܡ ܠܒܢܼ ܐܪ̈ܒܥܣܪܐ ܫ̈ܝܢ.܀܀ ܫܢܬ ܡ̈ܬܝܢ ܘܐܪ̈ܒܥܝܢ ܘܫ̈ܬܼ. ܐܬܝܠܕ ܪܘܒܝܠ ܒܘܟܪܗ ܕܝܥܩܘܒ.܀܀ ܫܢܬ ܡ̈ܬܝܢ ܘܐܪ̈ܒܥܝܢ ܘܫ̈ܒܥܼ. ܐܘܠܕ ܝܥܩܘܒ ܠܫܡܥܘܢ ܘܠܠܘܝܼ ܒـ[ܚܕܐ] ܟܪܣܐ.܀܀ ܫܢܬ ܡ̈ܬܝܢ ܘܐܪ̈ܒܥܝܢ ܘܬܡ̈ܢܐܼ. ܐܘܠܕ ܝܥܩܘܒ ܠܝܗܘܕܐܼ. ܕܡܢܗ ܝܗ̈ܘܕܝܐ ܐܫܬܡܗܘ.܀܀ ܫܢܬ ܡ̈ܬܝܢ ܘܚܡܫܝܢ ܘܬܪ̈ܬܝܢ܆ ܐܘܠܕ ܝܥܩܘܒ ܠܝܘܣܦ..

Page 20

ܘܒܫܢܬܐ ܩܕܡܝܬܐ ܕܝܘܣܦܼ. ܐܝܬܘܗܝ ܝܥܩܘܒ ܒܪ ܬܫ̈ܥܝܢ ܘܬܪ̈ܬܝܢ ܫ̈ܢܝܢ. ܘܕܡܘܠܟܢܐ ܡ̈ܐܐ ܘܫܒ̈ܥܝܢ ܘܬܡ̈ܢܐܢ ܫ̈ܢܝܢ.܀܀ ܫܢܬ ܡܬܝܢ ܘܚܡܫܝܢ ܘܫܬܼ. ܐܬܒܢܝܬ ܡܣܢܐ.܀܀ ܫܢܬ ܡܬܝܢ ܘܚܡܫܝܢ ܘܬܡܢܐܼ. ܗܘܼܐ ܛܘܦܢܐ ܗܿܘ ܒܝ̈ܘܡܝ ܐܘܓܘܓܘܣ.܀܀ ܫܢܬ ܡܬܝܢ ܘܫ̈ܬܝܢ ܘܬܪ̈ܬܝܢ܆ ܡܝܬ ܡܠܟܐ ܕܐܬܘܪ. ܘܐܡܠܟ ܚܠܦܘܝ ܒܐܠܐܘܣܼ ܫܢ̈ܝܢ ܚ̈ܡܫܝܢ ܘܬܪ̈ܬܝܢ.܀܀ ܫܢܬ ܡܬܝܢ ܘܫ̈ܬܝܢ ܘܬܡ̈ܢܐܼ. ܐܙܕܒܢ ܝܘܣܦ ܡܢ ܐ̈ܚܘܗܝܼ ܘܢܚܼܬ ܠܡܨܪܝܢ.܀܀ ܫܢܬ ܡ̈ܬܝܢ ܘܫ̈ܒܥܝܢ ܘܫ̈ܬܼ. ܐܬܒܢܼܝܬ ܡܡܦܝܣ ܒܐܓܝܦܛܘܣܼ. ܡܢ ܐܦܝܣܼ ܡܠܟܐ ܕܐܪ̈ܓܝܐ.܀܀ ܫܢܬ ܡ̈ܬܝܢ ܘܫܒܥܝܢ ܘܬܫ̈ܥܼ. ܐܡܠܟ ܥܠ ܐܓܝܦܛܘܣ ܐܦܘܦܝܣ. ܗܢܐ ܚܼܙܐ ܚ̈ܠܡܐ ܕܦܫܼܪ ܝܘܣܦ. ܘܗܢܐ ܐܡܠܟܗ ܠܝܘܣܦ ܥܡܗ.܀܀ ܫܢܬ ܡ̈ܬܝܢ ܘܬܡ̈ܢܝܢ ܘܬܪ̈ܬܝܢ܆ ܚܼܙܐ ܐܦܘܦܝܣ ܚ̈ܠܡܐܼ ܕܗܼܘ ܦܪܥܘܢ܀ ܘܒܗܿ ܒܫܢܬܐܼ ܐܫܬܠܛ ܝܘܣܦ ܥܠ ܡܨܪܝܢ܆ ܘܗܼܝ ܐܝܬܝܗܿ ܫܢܬܐ ܩܕܡܝܬܐ ܕܣܒܥܐ.܀܀ ܫܢܬ ܡ̈ܬܝܢ ܘܬܡ̈ܢܝܢ ܘܫ̈ܬܼ. ܢܦܼܩ ܐܝܣܚܩ ܡܢ ܥܠܡܐ ܗܢܐ. ܟܕ ܗܼܘ ܒܪ ܡ̈ܐܐ ܘܬܡ̈ܢܝܢ ܘܚ̈ܡܫ ܫܢܝ̈ܢ.܀܀ ܫܢܬ ܡ̈ܬܝܢ ܘܬܡ̈ܢܝܢ ܘܬ̈ܫܥ ܫܢ̈ܝܢ܆ ܫܪܝ ܟܦܢܐ ܪܒܐ ܠܡܗܘܐ ܥܠ ܟܠܗܿ ܐܪܥܐܿ. ܗܿܘ ܕܒܗ ܝܘܣܦܐ ܐܬܢܨܚ.܀ ܫܢܬ ܡ̈ܬܝܢ ܘܬܫ̈ܥܝܢ܆ ܥܠ ܝܥܩܘܒ ܠܡܨܪܝܢ. ܒܫܢܬܐ ܕܡ̈ܬܝܢ ܘܫܬܬܥܣܪ̈ܐ ܕܡܘܠܟܢܐ.܀܀ ܫܢܬܐ ܡܬܝܢ ܘܬܫܥܝܢ ܘܬܠܬܼ. ܡܝܬ ܐܦܘܦܝܣ ܡܠܟܐ ܕܡܨܪܝܢ ܗܿܘ ܕܐܡܠܟܗ ܠܝܘܣܦ. ܘܐܡܠܟ ܐܡܘܣܝܣ ܚܠܦܘܗܝ ܥܣܪ̈ܝܢ ܘܚ̈ܡܫ ܫ̈ܢܝܢ.܀܀ ܫܢܬ ܡܬܝܢ ܘܬܫܥܝܢ ܘܬܫܥܼ. ܐܬܒܢܝܬ ܣܦܪܛܐ. ܡܢ ܣܦܪܛܘܣ ܒܪ ܦܐܪܘܢܘܣ.܀܀ ܫܢܬ ܬܠܬܡܐܐܐ ܘܚܡܫܼ. ܢܦܼܩ [ܝܥܩܘܒ ܡܢ ܥܠـ]ܡܐ ܗܢܐܼ ܟܕ ܗܼܘ ܒܪ ܡ̈ܐܐ ܘܐܪ̈ܒܥܝܢ ܘܫ̈ܒܥ ܫܢ̈ܝܢ. ܟܕ ܡܬܢܒܐ ܥܠ ܡܫܝܚܐ ܘܥܠ ܩܪܝܬܐ ܕܥܡ̈ܡܐ ܕܒܐܝܕܗ.܀܀ ܫܢܬ ܬܠܬ ܡ̈ܐܐ ܘܫܒܥܣܪ̈ܐܼ. ܡܝܬ ܡܠܟܐ ܕܡܨܪܝܢ. ܘܐܡܠܟ ܟܒܪܘܢ܆

Page 21

ܫܢ̈ܝܐ ܬܠܬܥܣܪ̈ܐ ܥܡ ܝܘܣܦ.܀܀ ܘܒܫܢܬܬܠܬܡ̈ܐܐ ܘܬܠ̈ܬܝܢ ܘܚܕܐܼ. ܡܝܬ ܟܒܪܘܢ. ܘܐܡܠܟ ܐܡܢܘܦܝܣܼ ܥܣܪ̈ܝܢ ܘܚܕܐ.. ܒܗܢܐ ܕܝܢ ܙܒܢܐ ܡܬܝܕܥ ܦܪܡܬܘܣ. ܗܿܘ ܕܡܬܐܡܪ ܒܬܫܥܝܬܐ ܕܓܒܼܠ ܠܐܢ̈ܐ. ܡܛܠ ܓܝܪ ܕܚܟܝܡܐ ܗܘܐܼ. ܠܡܪܕܘܬܐ ܡܫܚܠܦ ܗܘܐ ܠܗܘܢ ܡܢ ܗܕܝܘܛܘܬܐ. ܘܥܠ ܗܿܝ ܩܪܘܗܝ ܕܓܒܿܠ ܠܐܢ̈ܫܐ.܀܀ ܫܢܬ ܬܠܬܡܐܐ ܘ.ܢܢ. ܘܬܪ̈ܬܝܢ܆ ܡܝܬ ܡܠܟܐ ܕܡܨܪܝܢ. ܘܐܡܠܟ ܐܚܪܢܐ ܥܡ ܝܘܣܦ ܡܐܦܪܣܼ ܫܢ̈ܝܐ ܬܪܬܥܣܪ̈ܐ.܀܀ ܫܢܬ ܬܠܬܡܐܐ ܘܫܬܝܢ ܘܚܕܐ ܠܒܪܗܡܼ. ܢܦܼܩ ܝܘܣܦ ܡܢ ܥܠܡܐ ܗܢܐܿ. ܟܕ ܗܼܘ ܒܪ ܡܐܐ ܘܥܣܪ ܫ̈ܢܝܢ. ܐܡܟܠ ܕܝܢ ܡܢܗܝܢ ܬܡ̈ܢܝܢ ܫ̈ܢܝܢ. ܘܐܦ ܗܕܐ ܫܢܬܐ ܐܝܬܝܗܿ ܕܡܘܠܟܢܐܼ. ܕܡـܗܝܢ ܘܬܡܢܝܢ ܘܫ̈ܬ. ܕܡܢܗܿ ܫܪ̈ܝ ܫ̈ܢܝܐ ܕܫܘܥܒܕܐ ܕܒ̈ܢܝ ܐܝܣܪܐܝܠ.܀܀ ܫܢܬ ܬܠ̈ܬܡܐܐ ܘܫ̈ܬܝܢ ܘܐܪ̈ܒܥܼ. ܡܝܬ ܡܐܦܪܣ ܪܚܡܗ ܕܝܘܣܦ. ܘܐܡܠܟ ܥܠ ܡܨܪܝܢ ܚܠܦܘܗܝܼ ܡܝܣܦܪܡܘܬܘܣܝܣ ܒܥܠܕܒܒܐ ܕܝܗ̈ܘܕܝܐܼ ܥܣܪ̈ܝܢ ܘܫܬ ܫܢ̈ܝܢ.܀܀ ܫܢܬ ܬܠܬܡܐܐ ܘܬܫܥܝܢ܆ ܡܝܬ ܗܢܐ. ܘܐܡܠܟ ܛܘܬܡܘܣܝܣ ܫ̈ܢܝܐ ܬܫ̈ܥ.܀܀ ܫܢܬ ܬܠܬܡܐܐ ܘܬܫܥܝܢ ܘܫܬܼ. ܡܬܝܕܥ ܣܘܪܘܣ ܡܠܟܐ ܕܣܘܪܝܐܿ. ܗܿܘ ܕܥܠ ܫܡܗ ܣܘܪܝܐ ܐܬܟܼܢܝܬ.܀܀ ܫܢܬ ܐܪ̈ܒܥܡܐܐܼ. ܡܝܬ ܡܠܟܐ ܕܡܨܪܝܢ. ܘܐܡܠܟ ܚܠܦܘܝ ܐܡܢܘܬܝܣܼ ܫܢ̈ܝܐ ܬܠ̈ܬܝܢ ܘܚܕܐ.. ܒܗܢܐ ܕܝܢ ܙܒܢܐ ܓܠܝܘ ܟܘ̈ܫܝܐ ܡܢ ܗܢܕܘ ܢܗܪܐ ܘܠܘܬ ܡܨܪܝܢ ܥܡܪܘ. ܒܗܢܐ ܕܝܢ ܬܘܒ ܙܒܢܐܼ ܟܕ ܗܼܘܘ ܡ̈ܠܟܐ ܣܓܝ̈ܐܐ ܥܠ ܡܨܪܝܢ܆ ܐܡܠܟ ܦܠܡܢܬܘܝܣ ܒܐܬܪܐ ܗܿܘ ܕܗܠܝܘܦܠܝܣ. ܘܐܝܬܘܗܝ ܗܘܐ ܒܥܠܕܒܒܐ ܕܝܗ̈ܘܕܝܐ. ܗܘܬ ܠܗ ܕܝܢ ܒܪܬܐ ܘܫܡܗܼܿ. ܡܪܝ. ܘܝܗܒܗܿ ܠܟܢܦܪܐ ܡܠܟܐ ܕܡܡܦܣ. ܐܝܬܝܗܿ ܕܝܢ ܗܕܐ ܪܥܘܣܐ ܗܿܝ ܕܫܩܼܠܬ ܠܡܘܫܐ ܒܒ̈ܢܝܐ. ܡܢ ܒܬܪ ܕܐܬܓܒܪ ܡܘܫܐܼ. ܒܢܼܐ ܠܗܪܡܘܦܠܣ. ܘܐܩܪܒ ܥܡ ܟܘܫ̈ܝܐ ܫܢ̈ܝܐ ܥܣܪ̈.

Page 22

ܘܡܛܠ ܕܡܢ ܒܬܪ ܡܘܬܗܿ ܕܡܪܝ ܗܿܝ ܕܫܩܼܠܬ ܠܡܘܫܐܼ ܟܢܦܪܐ ܒܥܠܗܿ ܢܟܝܠܐܝܬ ܐܝܬܘܗܝ ܠܘܩܒܠ ܡܘܫܐܼ ܘܨܿܒܐ ܗܘܐ ܠܡܩܛܠܗ. ܐܬܩܒܪܬ ܕܝܢ ܗܼܝ ܡܪܝ ܒܐܓܦܛܣ. ܘܡܢܗܿ ܐܬܩܪܝܬ ܡܪܘܐ ܡܕܝܢܬܐ. ܗܿܘ ܕܝܢ ܡܘܫܐ ܟܕ ܐܪܓܫ ܒܢܟܠܐ ܕܟܢܦܪܐܼ. ܩܛܠܗ ܠܟܢܥܢܬܘܣܼ. ܗܿܘ ܕܠܚܡ ܗܘܐ ܠܡܩܛܠܗ. ܘܥܼܪܩ ܗܘܐ ܠܗ ܗܼܘ ܠܐܪܒܝܐ ܠܘܬ ܪܥܘܐܝܠܼ ܘܫܩܼܠ ܒܪܬܗ ܐܢܬܬܐ܇ ܐܝܟ ܕܐܟܬܒ ܐܪܛܡܢܘܣ.܀܀ ܫܢܬ ܐܪ̈ܒܥ ܡܐܐ ܘܥܣܪ̈ܝܢ ܘܐܪ̈ܒܥܼ. ܐܘܠܕ ܥܡܪܡ ܠܡܘܫܐ. ܟܕ ܗܼܘ ܒܪ ܫܒ̈ܥܝܢ ܫܢ̈ܝܢ.. ܗܕܐܗܼܝ ܫܢܬܐ ܕܫܘܥܒܕܐ ܫܝܐ ܕܒ̈ܢܝ ܐܝܣܪܐܝܠ.܀܀ ܫܢܬ ܐܪ̈ܒܥܡܐܐ ܘܥܣܪܢ ܘܚܡܫܼ. ܐܬܒܢܝܬ ܐܦܝܕܘܪܘܣ ܡܕܝܢܬܐ.܀܀ ܫܢܬ ܐܪ̈ܒܥܡܐܐ ܘܬܠܬܝܢ܆ ܡܝܬ ܡܠܟܐ ܕܡܨܪܝܢ. ܘܐܡܠܟ ܚܠܦܘܗܝ ܐܘܪܘܣ ܫܢ̈ܝܐ ܬܠ̈ܬܝܢ ܘܬܡܢ̈ܐ.܀܀ ܫܢܬ ܐܪ̈ܒܥܡܐܐ ܘܚ̈ܡܫܝܢܼ ܒܢܼܐ ܟܣܢܬܘܣ ܡܕܝܢܬܐܼ. ܠܛܪܝܦܘ ܠܣܒܘܣ.. ܒܗܢܐ ܕܝܢ ܙܒܢܐ ܡܬܝܕܥܼ. ܗܪܩܠܐ ܩܕܡܝܐܼ ܘܩܩܪܘܦܣ.܀܀ ܫܢܬ ܐܪ̈ܒܥܡܐܐ ܘܫ̈ܬܝܢ ܘܫ̈ܬܼ. ܫܒܼܩ ܡܘܫܐ ܠܡܨܪܝܢܼ ܘܫܢܝ ܠܘܬ ܪܥܘܐܝܠ.܀܀ ܫܢܬ ܐܪ̈ܒܥܡܐܐ ܘܫ̈ܬܝܢ ܘܬܡܢܐܼ. ܡܝܬ ܡܠܟܐ ܕܡܨܪܝܢ. ܘܐܡܠܼܟܬ ܐܟܢܟܪܝܣ ܒܪܬ ܐܘܪܘܣܼ ܫܢ̈ܝܐ ܬܪ̈ܬܥܣܪܐ.܀܀ ܫܢܬ ܐܪ̈ܒܥܡܐܐ ܘܫܒܥܝܢ ܘܚ̈ܡܫܼ. ܣܠܩܘ ܟܠܕ̈ܝܐ ܕܢܩܪܒܘܢ ܥܡ ܦܘ̈ܢܝܩܝܐ.܀܀ ܫܢܬ ܐܪ̈ܥܒܡܐܐ ܘܬܡ̈ܢܝܢ܆ ܡܝܬܬ ܡܠܟܬܐ ܕܡـ[ܨܪܝܢ. ܘܐܡܠܟ] ܐܚܘܗܿ ܐܬܘܪܝܘܣܼ ܫܢ̈ܝܐ ܬܫܥ.܀܀ ܫܢܬ ܐܪ̈ܒܥܡܐܐ ܘ[ܬܡ̈ܢܝܢ] ܘ . . . ܐܬܢܘܣ ܡܕܝܢܬܐ ܐܬܒܼܢܝܬ ܡܢ ܕܘܐܕܘܣ.܀܀ ܫܢܬ ܐܪ̈ܒܥܡܐܐ ܘܬܡܢܝܢ ܘܬܠܬܼ. ܗܘܼܐ ܛܘܦܢܐ ܕܒܬܣܠܝܐ ܕܒܝ̈ܘܡܝ ܦܐܐܬܘܢ.܀܀ ܫܢܬ ܐܪ̈ܒܥܡܐܐ ܘܬܡܢܝܢ ܘܬܡ̈ܢܐܼ.

Page 23

ܚܘ̈ܒܠܐ ܣ̈ܓܝܐܐ ܗܼܘܘ ܒܐܬܘܦܝܐܼ ܐܝܟ ܕܡܟܬܒ ܦܠܛܘܢ.܀܀ܫܢܬ ܐܪ̈ܒܥܡܐܐ ܘܫܬܥܝܢ܆ ܡܝܬ ܡܠܟܐ ܕܡܨܪܝܢ ܘܐܡܼܠܟ ܟܢܟܪܝܣ ܫܢ̈ܝܐ .ܝܘ. .. ܗܢܐ ܐܝܬܘܗܝ ܗܘܐ ܗܿܘ ܕܥܒܼܕ ܕܪܐ ܥܡ ܡܘܫܐܿ. ܥܡ ܝܢܝܣ ܘܝܒܘܣ ܚܪ̈ܫܐ. ܥܠ ܗܢܐ ܐܡܼܪ ܡܘܫܐ ܕܛܒܥ ܠܦܪܥܘܢ ܘܚܝܠܗ ܒܝܡܐ ܕܣܘܦ.܀܀ ܫܢܬ ܐܪ̈ܒܥܡܐܐ ܘܬܫ̈ܥܝܢ ܘܫܬܼ. ܩܘܪܢܬܘܣ ܡܕܝܢܬܐ ܐܬܒܢܝܬ.܀܀ ܫܢܬ ܚܡ̈ܫ ܡܐܐ ܘܚܕܐܼ. ܐܬܓܠܼܝ ܐܠܗܐ ܥܠ ܡܘܫܐ ܒܛܪ ܣܝܢܝ. ܘܐܫܬܕܪ ܠܡܨܪܝܢ܆ ܘܐܩܪܒ ܥܡ ܦܪܥܘܢ ܚ̈ܡܫ ܫܢ̈ܝ ܐܝܟܢܐ ܕܟܠ ܫܢܬܐܼ ܬܪ̈ܬܝܢ ܐܬܘ̈ܬܐ ܢܥܼܒܕ.܀܀ [] ܘܚ̈ܡܫܡܐܐ ܘܬܪ̈ܬܝܢ܆ ܗܝܟܠܐ ܕܒܕܠܝܣ ܕܐܦܠܘܢܼ ܐܬܬܩܢ ܡܢ ܐܪܝܣܘܟܬܘܢ.܀ ܫܢܬ ܚ̈ܡܫܡܐܐ ܘܫܬܼ. ܢܦܼܩ ܥܡܐ ܡܢ ܡܨܪܝܢ. ܡܘܫܐ ܕܝܢ ܟܕ ܗܘܼܐ ܒܪ ܬܡܢܝܢ ܫܢ̈ܝܢ܆ ܐܫܬܿܠܛ ܥܠ ܡܦܩܬܐ ܕܒ̈ܢܝ ܐܝܣܪܐܝܠ ܡܢ ܡܨܪܝܢ. ܘܗܘܼܐ ܥܡܗܘܢ ܒܡܕܒܪܐ ܟܕ ܣܐܡ ܠܗܘܢ ܢ̈ܡܘܣܐܼ ܐܪ̈ܒܥܝܢ ܫ̈ܢܝܢ.܀ ܒܗܢܐ ܕܝܢ ܙܒܢܐ ܗܪܩܠܝܣܼ ܕܡܬܩܪܐ ܗܘܐ ܕܝܢܘܣܝܘܣ ܡܬܝܕܥ. ܘܫܟܚܬܐ ܕܟܪܡܐ ܒܐܝܕ̈ܘܗܝ ܗܘܼܬ.܀܀ ܫܢܬ ܚ̈ܡܫܡܐܐ ܘܥܣܪ̈܆ ܐܪܝܘܣ ܦܓܘܣ ܒܝܬ ܕܝܢܼܐ ܐܬܬܼܩܢ.܀܀ ܫܢܬ ܚ̈ܡܫܡܐܐ ܘܚܕܥܣܪ̈ܐܼ. ܩܒܠ ܐܗܪܘܢ ܪܒܘܬ ܟܗܢܘܬܐ. ܗܢܐ ܗܼܘܐ ܟܗܢܐ ܩܕܡܝܐ.܀܀ ܫܢܬ ܚܡܫܡܐܐ ܘܐܪܒܥܣܪ̈ܐܼ. ܐܬܒܢܝܬ ܩܪܝܛܐ. ܘܐܡܠܟ ܒܗܿ ܐܦܛܪܘܣ ܗܿܘ ܕܗܼܘ ܒܢܼܗܿ.܀܀ ܫܢܬ ܚ̈ܡܫܡܐܐ ܘܥܣܪܝܢ ܘܫܬܼ. ܗܝܟܠܐ ܕܒܕܠܘܣ ܐܬܬܩܢ ܡܢ ܐܪܝܣܘܟܬܘܢ ܒܪ ܩܩܪܦܝܣ.܀܀ ܫܢܬ ܚ̈ܡܫܡܐܐ ܘܥܣܪܝܢ ܘܬܡܢܐܼ. ܐܦܐܦܘܣ ܒܪ ܐܝܘ ܘܙܘܣ ܠܡܡܦܝܣ ܒܢܼܐ. ܟܕ ܐܡܼܠܟ ܥܠ ܐܓܝܦܛܘܣ ܕܬܪ̈ܬܝܢ.܀܀ ܫܢܬ ܚ̈ܡܫܡܐܐ ܘܬܠ̈ܬܝܢ܆ ܠܩܕܡܘܢ ܐܬܒܢܝܬ ܡܢ ܠܩܕܡܘܢ ܒܪ ܣܡܝܐ.܀܀ ܫܢܬ ܚܡ̈ܫܡܐܐ ܘܐܪ̈ܒܥܝܢ܆ ܕܪܕܢܘܣ ܒܢܼܐ ܠܕܪܕܢܝܐ.. ܒܗܢܐ ܕܝܢ ܙܒܢܐ ܐܡܠܟ ܥܠ ܐܓܝܦܛܘܣܼ ܐܓܝܦܛܘܣ ܕܡܢܗ ܐܓܝܦܛܘܣ ܐܬܟܢܝܬ ܐܪܥܐ ܗܿܝ.܀܀

Page 24

ܫܢܬ ܚܡ̈ܫܡܐܐ ܘܐܪ̈ܒܥܝܢ ܘܚܡܫܼ. ܢܦܼܩ ܐܗܪܘܢ ܪܝܫ ܟܗ̈ܢܐ ܡܢ ܥܠܡܐ ܗܢܐܼ. ܘܐܬܬܣܝܡ ܒܗܘܪ ܛܘܪܐ. ܘܩܒܠ ܪܝܫ ܟܗܢܘܬܗ ܐܠܝܥܙܪ ܒܪܗ.܀܀ ܫܢܬ ܚܡ̈ܫ ܡܐܐ ܘܐܪ̈ܒܥܝܢ ܘܫ̈ܬܼ. ܡܝܬ ܐܦ ܡܘܫܐܼ. ܘܐܬܣܝܡ ܒܛܘܪܐ ܕ[ܗܘܪ.] ܘܩܒܠ ܕܘܟܬܗ ܝܫܘܥ ܒܪܗ ܕܢܘܢ. ܡܝܬ ܕܝܢ ܒܪ ܡܐܐ ܘܥܣܪܝܢ ܫܢܗܝܢ. ܘܕܒܼܪ ܥܡܐ ܡܢܗܝܢܼ ܐܪ̈ܒܥܝܢ ܫ̈ܢܝܢ.܀ ܥܕܡܐ ܠܗܪܟܐܼ ܚܡܫܐ ܣܦܪ̈ܘܗܝ ܕܡܘܫܐ: ܕܡܫܬܥܝܢ ܣܘܥܪ̈ܢܐ ܕܫ̈ܢܝܐ ܬܠܬܐ ܐܠܦܝܢ ܘܫܒ̈ܥܡܐܐ ܘܬܠ̈ܬܝܢܼ ܐܝܟ ܡܫܠܡܢܘܬܐ ܕܫܒ̈ܥܝܢ.܀ ܒܗܢܐ ܕܝܢ ܙܒܢܐܼ. ܥܒܼܕ ܩܪܒܐ ܕܢܐܘܣ ܒܝܕ ܚܡ̈ܫܝܢ ܒܢ̈ܬܗ. ܘܠܚ̈ܡܫܝܢ ܒܢ̈ܘܗܝ ܕܐܓܦܛܣ ܐܚܘܗܝ ܩܛܠܼ. ܠܒܪ ܡܢ ܠܘܓܘܢܘܣ ܗܿܘ ܕܐܡܠܟ ܒܬܪܗ.. ܘܠܝܬ ܦܘܠܓܐ ܥܠ ܣܓܝܘܬ ܒ̈ܢܝܐ ܕܠܘܬ ܒܪ̈ܒܪܝܐ. ܡܛܠ ܣܓܝܘܬ ܕܪ̈ܘܟܬܐ ܕܢܿܣܒܝܢ.܀܀ ܫܢܬ ܚܡܫܡܐܐ ܘܐܪ̈ܒܥܝܢ ܘܫܒܥܼ. ܥܒܼܪ ܒ̈ܢܝ ܐܝܣܪܐܝܠ ܝܘܪܕܢܢ. ܘܫܪܝܘ ܒܚܪܒܐ ܕܒ̈ܢܝ ܐܪܥܐ ܗܿܝ.܀܀ ܫܢܬ ܚܡ̈ܫܡܐܐ ܘܚ̈ܡܫܝܢ ܘܬܠܬܼ. ܦܠܓܗܿ ܝܫܘܥ ܠܐܪܥܐ ܕܦܠܣܛܝܢܐ ܠܒ̈ܢܝ ܐܝܣܪܐܝܠ ܒܦ̈ܨܐ.܀܀ ܫܢܬ ܚܡ̈ܫ ܡܐܐ ܘܫܒܥܝܢ ܘܬܪܬܝܢ܆ ܡܝܬ ܝܫܘܥ ܒܪܗ ܕܢܘܢܼ. ܒܪ ܡܐܐ ܘܥܣܪ̈ ܫܢ̈ܝܢ. ܘܐܬܬܣܡ ܒܬܡܢܬ ܣܪܚ ܕܒܛܘܪܐ ܕܐܦܪܣܡ.܀܀ ܫܢܬ ܚܡܫܡܐܐ ܘܫܒ̈ܥܝܢ ܘܬܠܬܼ. ܐܬܟܒܫ ܐܝܣܪܐܝܠ ܡܢ ܥܡ̈ܡܐ. ܘܦܠܚܘ ܠܗܘܢ ܫ̈ܢܝܐ ܬܡ̈ܢܐ. ܘܗܝܕܝܢ ܩܡ ܥܬܢܐܝܠܼ ܘܦܪܩ ܐܢܘܢ. [ܥܕܡܐ ܠܗܪܟܐ ܟܬܒـ]ܐ ܕܝܫܘܥ ܒܪܗ ܕܢܘܢܼ. ܕܡܫܬܥܐ ܥܠ ܥܣܪ̈ܝܢ [ܘܫܒ̈ܥ ܫܢ̈ܝܢ܆] ܥܠ ܣܘܥܪ̈ܢܐ ܕܩܪܒܐܼ. ܘܥܠ ܦܘܠܓܐ ܕܐܪܥܐ ܕܡܘܠܟܢܐ ܠـ[ܒ̈ܢܝ] ܐܝܣܪܐܝܠ.܀܀ ܫܢܬ ܚܡ̈ܫܡܐܐ ܘܫܒ̈ܥܝܢ ܘܬܡ̈ܢܐܼ. ܡܝܬ ܐܠܝܥܙܪ ܪܝܫ ܟ̈ܗܢܐ. ܘܩܒܠܘ ܟܗܢܘܬܗܼ

Page 25

ܦܝܢܚܣ ܒܪܗ.܀܀ ܫܢܬ ܚܡ̈ܫܡܐܐ ܘܬܡ̈ܢܝܢ ܘܚܕܐܼ. ܩܡ ܥܬܢܝܐܝܠ ܘܦܪܩܗ ܠܥܡܐ. ܘܕܿܒܪ ܫܢ̈ܝܐ ܐܪ̈ܒܥܝܢܼ ܥܡ ܗܠܝܢ ܬܡ̈ܢܐܕܥܡ̈ܡܐ ܕܐܫܬܠܛܘ ܥܠܝܗܘܢ.܀܀ ܫܢܬ ܚ̈ܡܫܡܐܐ ܘܬܫܥܝܢ ܘܬܪ̈ܬܝܢ܆ ܐܬܒܢܝܬ ܡܠܘܣ ܘܦܘܦܘܣ. ܘܬܐܣܘܣ ܘܩܐܠܝܣܛܐ ܡܕ̈ܝܢܬܐ.܀܀ ܫܢܬ ܚ̈ܡܫܡܐܐ ܘܬܫ̈ܥܝܢ ܘܬܠܬܼ. ܒܬܘܢܝܐ ܐܬܒܢܝܬ ܡܢ ܦܘܢܝܟܣ.܀܀ ܫܢܬ ܫ̈ܬܡܐܐ ܘܚܕܥܣܪ̈ܐ ܩܐܕܡܝܐ ܘܣܝܕܐ ܐܬܒ̈ܢܝ ܒܣܩܠܝܐ.܀܀ ܫܢܬ ܫܬܡܐܐ ܘܬܪܬܥܣܪ̈ܐܼ. ܡܝܬ ܥܬܢܝܐܝܠ. ܘܐܫܬܠܛܘ ܥܡ̈ܡܐ ܥܠܝܗܘܢ ܫܢ̈ܝܐ ܬܡܢܥܣܪ̈ܐ. ܘܐܦ ܗܠܝܢ ܡܬܚ̈ܠܛܢ ܥܡ ܕܐܗܘܪ.܀܀ ܫܢܬ ܫ̈ܬܡܐܐ ܘܫܒܥܣܪ̈ܐܼ. ܐܟܐܝܬ ܡܕܝܢܬܐ ܐܬܒܢܝܬܐ ܡܢ ܐܟܐܘܣ.܀܀ ܫܢܬ ܫ̈ܬܡܐܐ ܘܬܠ̈ܬܝܢ܆ ܩܡ ܐܗܘܪ ܒܪ ܓܪܐܼ. ܘܦܪܩܗ ܠܥܡܐ. ܘܕܢ ܬܡ̈ܢܝܢ ܫ̈ܢܝܢܼ ܥܡ ܗܠܝܢ ܬܡܢܥܣܪ̈ܐ ܕܫܠܛܘ ܥܠܝܗܘܢ ܥܡ̈ܡܐ.܀܀ ܫܢܬ .ܣܿ. ܘܫܒܥܝܢ܆ ܦܪܣܘܣ ܥܡ ܚܝܠܐ ܣܓܝܐܐ ܐܙܼܠ ܥܠ ܦܪ̈ܣܝܐ ܠܩܪܒܐ.܀܀ ܫܢܬ ܫܬܡܐܐ ܘܬܡ̈ܢܝܢ ܘܬܪܗܬܝܢ܆ ܩܘܪܝܢܐ ܡܕܝܢܬܐܼ ܐܬܒܢܝܬ ܒܠܝܒܘܐܐ.܀܀ ܫܢܬ ܫܬܡܐܐ ܘܬܫ̈ܥܝܢ܆ ܕܝܢܘܣܝܘܣ ܥܠ ܗܢܕ̈ܘܝܐ ܐܙܼܠ ܠܩܪܒܐ. ܘܒܢܼܐ ܠܢܘܣܐ ܡܕܝܢܬܐܼ ܥܠ ܓܢܒ ܗܢܕܘܣ ܢܗܪܐ.܀܀ ܫܢܬ ܫܬܡܐܐ ܘܬܫ̈ܥܝܢ ܘܬܪ̈ܬܝܢ܆ ܡܝܬ ܐܗܘܪ. ܘܐܫܬܠܛܘ ܥܠ ܥܡܐ ܕܥܒܪ̈ܝܐ ܥܡ̈ܡܐܼ. ܥܣܪ̈ܝܢ ܫ̈ܢܝܢ. ܘܐܦ ܗܠܝܢ ܬܘܒ ܡܬܚ̈ܠܛܢ ܥܡ ܕܕܒܘܪܐ ܘܒܪܡ.܀܀ ܫܢܬ ܫܒ̈ܥܡܐܐ ܘܚܕܥܣܪ̈ܐܼ. ܐܬܒܢܝܬ ܐܝܠܘܢ ܡܕܝܢܬܐ ܡܢ ܐܝܠܘܣ.܀܀ ܫܢܬ ܫܒ̈ܥ ܡܐܐ ܘܥܣܪ̈ܝܢ܆ ܗܝܟܠܐ ܗܿܘ ܕܒܐܠܘܣܝܢܐ . ܘܒܗܿ ܒܫܢܬܐ ܗܘܼܐ ܩܪܒܐ ܕܕܒܘܪܐ ܘܕܒܪܡ ܥܡ ܣܝܣܪܐ ܪܒ ܚܝܠܐ ܕܢܒܝܢ ܡܠܟܐ ܕܒ̈ܢܝ ܥܡܘܢܼ ܒܛܘܪܐ ܕܬܒܘܪ. ܘܬܒܼܪ ܡܪܝܐ ܠܣܝܣܪܐ ܩܕܡ ܒܪܡ. ܘܕܢ ܒܪܡ ܐܪ̈ܒܥܝܢ ܫ̈ܢܝܢ ܥܡ ܗܠܝܢ ܕܢܒܝܢ.܀܀ ܫܢܬ ܫܒ̈ܥܡܐܐ ܘܬܠ̈ܬܝܢ ܘܚܕܐܼ. ܡܠܝܛܘܣ ܡܕܝܢܬܐ

Page 26

ܐܬܒܢܝܬ.܀܀ܫܢܬ ܫܒ̈ܥܡܐܐ ܘܬܠ̈ܬܝܢ ܘܬܪ̈ܬܝܢ܆ ܡܝܬܬ ܕܒܘܪܐ ܘܒܪܡ. ܘܐܫܬܠܛܘ ܥܠ ܥܡܐܼ ܡܕ̈ܝܢܝܐܼ. ܫܢ̈ܝܐ ܫܒܥ. ܘܡܬܚ̈ܠܛܢ ܥܡ ܕܓܕܥܘܢ.܀܀ ܫܢܬ ܫܒ̈ܥܡܐܐ ܘܬܠ̈ܬܝܢ ܘܬܫ̈ܥܼ. ܐܬܼܐ ܥܘܪܝܒ ܘܙܝܒ ܘܙܒܚ ܘܨܠـ[ܡـ]ܢܥܼ ܥܠ ܐܝܣܪܐܝܠ ܠܩܪܒܐ. ܘܐܬܟܢܫܘ ܟܠܗܘܢ ܗܠܝܢ ܡ̈ܠܟܐܼ ܘܫܪܘ ܒܥܘܡܩܐ ܕܐܝܙܪܥܠ ܥܡ ܟܠܗܘܢ ܚܝ̈ܠܘܬܗܘܢ. ܘܩܡ ܓܕܥܘܢ ܒܪ ܝܘܐܫܼ ܘܚܪܒ ܐܢܘܢ ܠܟܠܗܘܢ ܒܦܘܡܐ ܕܣܝܦܐ. ܘܕܢ ܠܐܝܣܪܐܝܠ ܐܪ̈ܒܥܝܢ ܫܢ̈ܝܢ܆ ܥܡ ܗܠܝܢ ܫܒ̈ܥ ܕܡܕ̈ܝܢܝܐ.܀܀ ܫܢܬ ܫܒ̈ܥܡܐܐ ܘܐܪ̈ܒܥܝܢ ܘܐܪ̈ܒܥܼ. ܨܘܪ ܡܕܝܢܬܐ ܐܬܒܢܼܝܬ. ܘܒܗܿ ܒܫܢܬܐ ܐܬܒܢܝܬ ܐܦ ܩܘܙܝܩܘܣ ܡܕܝܢܬܐ.܀܀ ܫܢܬ ܫܒܥܡܐܐ ܘܫܒ̈ܥܝܢ ܘܬܪ̈ܬܝܢ܆ ܡܝܬ ܓܕܥܘܢܼ. ܘܐܡܠܟ ܐܒܝܡܠܟ ܒܪܗ.܀܀ ܫܢܬ ܫܒ̈ܥܡܐܐ ܘܫܒ̈ܥܝܢ ܘܬ̈ܠܬܼ. ܩܛܠ ܗܼܘ ܐܒܝܡܠܟ ܠܫܒܥܝܢ ܐܚ̈ܘܗܝ.܀܀ ܫܢܬ ܫܒ̈ܥܡܐܐ ܘܫܒ̈ܥܝܢ ܘܚܡܫܼ. ܟܕ ܡܬܟܬܫ ܐܒܝܡܠ ܥܠ ܬܒܿܨܼ ܫܕܬ ܐܢܬܬܐ ܥܠܘܗܝ ܬܒܪܐ ܕܪܟܒܐ ܕܪܚܝܐܼ ܘܩܛܠܬܗ ܘܡܝܬܼ. ܘܩܡ ܡܢ ܒܬܪܗ ܬܘܠܥ ܒܪ ܦܘܐܐ. ܘܕܢ ܠܐܝܣܪܐܝܠ ܥܣܪ̈ܝܢ ܘܬܪ̈ܬܝܢ ܫܢ̈ܝܢ.܀܀ ܫܢܬ ܫܒ̈ܥܡܐܐ ܘܬܫ̈ܥܝܢ ܘܫܒܥܼ. ܡܝܬ ܬܘܠܥ. ܘܕܢ ܠܐܝܣܪ[ܐܝܠ ܝܐܝܪ ܥܣܪ̈ܝܢ] ܘܬܪ̈ܬܝܢ ܫܢ̈ܝܢ.܀܀ ܫܢܬ ܬܡ̈ܢܡܐܐ ܘܬܪ̈ܬܝܢ܆ ܩܐܪܟܕܘܢ [ܡܕܝܢܬܐ ܐܬܒܢܝܬ ܡܢ] ܐܙܘܪ ܘܩܪܟܕܘܣ.. ܒܗܢܐ ܙܒܢܐ ܕܝܢܼ ܡܝܢܘܣ ܣܿܐܡ ܗܘܐ ܢ̈ܡܘܣܐ.܀܀ ܫܢܬ ܬܡܢܡܐܐ ܘܬܡܢܥܣܪܐܼ. ܡܝܬ ܝܐܝܪ. ܘܕܢ ܢܦܬܚ ܫܢ̈ܝܐ ܫܒ̈ܥ. ܘܒܗܿ ܒܫܢܬܐ ܥܒܼܕ ܢܦܬܚ ܩܪܒܐ ܥܡ ܒ̈ܢܝ ܥܡܘܢ ܘܥ ܒ̈ܢܝ ܡܘܐܒ. ܘܡܚܐ ܐܢܘܢ ܡܢ ܥܕܘܥܝܪ ܘܥܕܡܐ ܠܡܥܠܢܐ ܕܡܟܝܪ ܥܣܪ̈ܝܢ ܩܘܪ̈ܝܐ. ܘܥܕܡܐ ܠܐܒܝܠ ܟܪ̈ܡܝܢ ܡܚܘܬܐ ܪܒܬܐ ܕܛܒ. ܘܐܬܬܼܒܪ ܒ̈ܢܝ ܥܡܘܢ ܩܕܡ ܒ̈ܢܝ ܐܝܣܪܐܝܠ.܀܀ ܫܢܬ ܬܡ̈ܢܡܐܐ ܘܥܣܪ̈ܝܢ

Page 27

ܘܚܡܫܼ. ܡܝܬ ܢܦܬܚ. ܘܕܢ ܡܢ ܒܬܪܗ ܚܫܒܘܢܼ ܫܢ̈ܝܐܼ ܫܒܥ. ܕܗܼܘ ܐܒܝܨܢ. ܗܐ ܗܘ̈ܝ ܠܗ ܬܠ̈ܬܝܢ ܒܢ̈ܝܢ ܘܬܠ̈ܬܝܢ ܒܢ̈ܝܐ. ܘܬܠ̈ܬܝܢ ܒܢ̈ܝܢ ܐܦܼܩ ܠܒܪ. ܘܬܠ̈ܬܝܢ ܟ̈ܠܠܢ ܐܥܠ ܡܢ ܠܒܪ.܀܀ ܫܢܬ ܬܡ̈ܢܡܐܐ ܘܬܠ̈ܬܝܢ ܘܬܪ̈ܬܝܢ܆ ܡܝܬ ܐܒܝܨܢ. ܘܐܬܩܒܪ ܒܝܬܠܚܡ. ܘܡܢ ܒܬܪܗ ܕܐܢ ܠܐܝܣܪܐܝܠܼ ܐܝܠܘܢ ܕܡܢ ܙܒܠܘܢܼ ܫܢ̈ܝܐ ܬܡ̈ܢܐ. ܒܘ̈ܡܝ ܗܢܐܐܝܠܝܘܢ ܐܬܟܒܫܘ ܡܢ ܐܠܟܣܢܕܪܘܣ.܀܀ ܫܢܬ ܬܡ̈ܢܡܐܐ ܘܐܪ̈ܒܥܝܢ܆ ܡܝܬ ܐܝܠܘܢ. ܘܐܬܩܒܪ ܒܝܠܘܢ. ܘܕܐܢ ܡܢ ܒܪܬܗ ܠܐܝܣܪܐܝܠ ܥܟܪܘܢܼ ܫܢ̈ܝܐ ܥܣܪ̈.. ܗܢܐ ܠܐ ܡܥܠ ܠܗܼ ܐܘܣܝܒܝܣ ܒܚܘܫܒܢܗ. ܘܟܕ ܣܦܪ ܕ̈ܝܢܿܐ ܚܿܫܒ ܠܗ. ܗܼܘ ܫܒܿܩ ܠܗ. ܗܢܐ ܗܘܘ ܠܗܼ ܐܪ̈ܒܥܝܢ ܒ̈ܢܝܢ ܘܬܠ̈ܬܝܢ ܒ̈ܢܢ. ܡܢ ܒܬܪ ܗܢܐܼ. ܐܫܬܠܛܘ ܦܠ̈ܝܫܬܝܐ ܥܠ ܒ̈ܢܝ ܐܝܣܪܐܝܠ ܐܪ̈ܒܥܝܢ ܫܢ̈ܝܢܼ ܘܡܬܚ̈ܠܛܢ ܥܡ ܕܕ̈ܝܢܐ. ܒܬܪܟܝܢ ܩܡ ܫܡܫܘܢܼ ܘܕܐܢ ܠܐܝܣܪܐܝܠ ܐܪ̈ܒܥܝܢ ܫ̈ܢܝܢ.. ܒܗܢܐ ܙܒܢܐ ܡܬܝܕܥ ܒܥܙ ܘܪܥܘܬ.܀܀ ܫܢܬ ܬܡ̈ܢܡܐܐ (ܘܐܪ̈ܒܥܝܢ) ܘܚ̈ܡܫܼ. ܐܠܘܒܣ ܡܕܝܢܬܐ ܐܬܒܢܝܬܼ ܡܢ ܐܣܩܐܢܝܘܣ ܒܪ ܐܢܝܣ.܀܀ ܫܢܬ ܬܡ̈ܢܡܐܐ ܘܫ̈ܬܝܢ܆ ܡܝܬ ܫܡܫܘܢ. ܘܕܐܢ ܡܢ ܒܬܪܗ ܠܐܝܣܪܐܝܠ ܥܠܝ ܟܗܢܐܼ. ܫ̈ܢܐ ܐܪ̈ܒܥܝܢ.܀܀ ܫܢܬ ܬܡ̈ܢܡܐܐ ܘܫܒ̈ܥܝܢ ܘܬܠܬܼ ܐܘܩܕ ܠܗܝܟܠܐ ܗܿܘ ܕܒܐܦܣܣܼ ܐܡܘܙܢܝ. ܒܗܢܐ ܕܝܢ ܙܒܢܐܼ ܚܪܒ ܒ̈ܢܝ ܐܝܣܪܐܝܠ ܠܒ̈ܢܝ ܒܢܝܡܝܢ.܀܀ ܫܢܬ ܬܫ̈ܥ ܡܐܐ ܘܬܫܥܼ. ܫܪܝ ܫܡܘܐܝܠ ܒܢܒܝܘܬܐ.܀܀ ܫܢܬ ܬܫ̈ܥ ܡܐܐܼ ܡܝܬ ܥܠܝ ܟܗܢܐ. ܘܒܗܿ ܒܫܢܬܐ ܚܪܒ ܦܠ̈ܫܬܝܐ ܠܒ̈ܢܝ ܐܝܣܪܐܝܠ. ܘܕܒܼܪ ܐܦ ܠܩܒܘܬܗ ܕܐܠܗܐ ܥܡܗܘܢ.. ܒܬܪ ܥܠܝ ܟܗܢܐܼ ܕܐܢ ܫܡܘܐܘܝܠ ܘܫܘܐܠ ܐܪ̈ܒܥܝܢ ܫܢ̈ܝܢ.. ܒܗܢܐ ܕܝܢ ܙܒܢܐܼ ܡܬܝܕܥ ܗܘܡܪܘܣ ܚܟܝܡܐ.܀܀ ܫܢܬ ܬܫ̈ܥܡܐܐ ܘܬܠ̈ܬܝܢ܆ ܚܪܒ ܫܘܐܠ ܠܥܡܠܝܡ.܀܀ ܫܢܬ ܬܫ̈ܥܡܐܐ ܘܬܠ̈ܬܝܢ ܘܬܠ̈ܬܼ. ܐܫܬܡܫܚ

Page 28

ܕܘܝܕ.܀܀ ܫܢܬ ܬܫ̈ܥܡܐܐ ܘܬܠ̈ܬܝܢ ܘܫ̈ܒܥܼ. ܡܝܬ ܫܡܘܐܝܠ.܀܀ ܫܢܬ .ܨܿ. ܘܐܪ̈ܒܥܝܢܼ ܗܘܐ ܩܪܒܐ ܕܦܠ̈ܫܬܝܐ ܥܡ ܒܢ̈ܝ ܐܝܣܪܐܝܠ. ܘܐܬܬܒܪ ܒ̈ܢܝ ܐܝܣܪܐܝܠ ܩܕܡ ܦ̈ܠܫܬܝܐ. ܘܐܬܼܩܛܠ ܐܦ ܫܘܐܠ ܘܒܢ̈ܘܗܝ ܒܩܪܒܐ ܗܢܑܿ. ܕܗܘܼܐ ܥܠ ܛܘܪ̈ܐ ܕܓܠܒܘܥ. ܒܬܪܗ ܐܡܠܟ ܡܠܟܐ ܩܕܡܝܐ ܥܠ ܒ̈ܢܝ ܐܝܣܪܐܝܠܼ ܕܘܝܕ ܒܪ ܐܝܫܝ ܡܢ ܫܒܛܐ ܕܝܗܘܕܐܿ ܫܢ̈ܝܐ ܐܪ̈ܒܥܝܝܢ. ܒܗܢܐ ܕܝܢ ܙܒܢܐ ܡܬܝܕܥܝܢ܆ ܐܒܝܬܪ ܪܒ ܟ̈ܗܢܐ. ܘܡܬܢܒܝܢ ܓܕ ܘܢܬܢ ܘܐܣܦ.܀܀ ܫܢܬ ܬܫ̈ܥܡܐܐ ܘܫ̈ܬܝܢ ܘܬܪ̈ܬܝܢ܆ ܡܓܢܣܝܐ ܡܕܝܢܬܐ ܒܐܣܝܐ ܐܬܒܢܝܬ.܀܀ ܫܢܬ ܬܫ̈ܥܡܐܐ ܘܫ̈ܬܝܢ ܘܚ̈ܡܫܼ. ܩܘܡܐ ܡܪܝܢܬܐ ܒܐܛܠܝܐ ܐܬܒܢܝܬ.܀܀ ܫܢܬ ܬ̈ܫܥܡܐܐ ܘܫ̈ܬܝܢ ܘܫ̈ܒܥܼ. ܡܘܪܝܢܐ ܡܕܝܢܬܐ ܐܬܒܢܝܬ.܀܀ ܫܢܬ ܬܫ̈ܥܡܐܐ ܘܫܬܝܢ ܘܬܡ̈ܢܐܼ. ܐܦܣܘܣܘ ܡܕܝܢܬܐ ܐܬܒܢܝܬ ܡܢ ܐܢܕܪܘܩܘܢܣ.܀܀ ܫܢܬ ܬܫܥܡܐܐ ܘܫܒ̈ܥܝܢ ܘܚܕܐܼ. ܩܪܟܕܘܢ ܡܕܝܢܬܐ ܐܬܒܢܝܬܐ ܡܢܕܝܕܘ ܒܪܬܗ ܕܩܪܟܕܘܣ.܀܀ ܫܢܬ ܬܫ̈ܥܡܐܐ ܘܬܡ̈ܢܝܢ܆ ܡܝܬ ܕܘܝܕ ܡܠܟܐ. ܘܐܡܠܟ ܫܠܡܘܢ ܒܪܗ ܒܬܪܗܼ ܫܢ̈ܝܐ ܐܪ̈ܒܥܝܢ.܀܀ ܫܢܬ ܬܫ̈ܥܡܐܐ ܘܬܡ̈ܢܝܢ ܘܚܕܐܼ. ܣܡܘܣ ܡܕܝܢܬܐ ܐܬܒܢܝܬ.܀܀ [ܥܕܡܐ ܠܗܪܟܐ] ܟܬܒܐ ܕܝܫܘܥ ܒܪ ܢܘܢ ܘܕܕ̈ܝܢܿܐ ܘܕܫܡܘܐܝܠܼ. [ܕܡܫܬܥܝܢ ܣܘܥـ]ܪ̈ܢܐ ܕܫܢ̈ܝܐ ܐܪ̈ܒܥܡܐܐ ܘܫܒ̈ܥܝܢ. ܡܢ ܐܕܡ ܥܕܡܐ ܠܛܘܦܢܐ ܫܢ̈ܝܐ ܬܪ̈ܝܢ ܐܠܦ̈ܝܢ ܘܡ̈ܬܝܢ ܘܐܪ̈ܒܥܝܢ ܘܬܪ̈ܬܝܢ.. ܡܢ ܛܘܦܢܐ ܘܥܕܡܐ ܠܡܘܫܐܿ ܫܢ̈ܝܐ ܐܠܦ ܘܐܪ̈ܒܥܡܐܐ ܘܐܪ̈ܒܥܝܢ ܘܫܒܥ.. ܘܡܢ ܡܘܫܐ ܘܥܕܡܐ ܠܒܢܝܢܐ ܕܗܝܟܠܐܼ. ܫܢ̈ܝܐ ܐܪ̈ܒܥܡܐܐ ܘܬܡ̈ܢܝܢ܆ ܐܝܟ ܡܢܝܢܐ ܕܝܗ̈ܘܕܝܐ. ܣܟܐ ܕܝܢ ܕܟܠܗܝܢ ܫܢ̈ܝܐ ܐܪ̈ܒܥܐ ܐܠܦ̈ܝܢ ܘܡܐܐ ܘܫܒ̈ܥܝܢ.

ܫܢܬ ܬܫ̈ܥܡܐܐܿ ܘܬܡ̈ܢܝܢ ܘܐܪ̈ܒܥܼ. ܫܪܝ ܫܠܡܘܢ ܠܡܒܼܢܐ ܗܝܟܠܐ ܒܐܘܪܫܠܡ.܀܀ ܫܢܬ ܬܫ̈ܥܡܐܐ ܘܬ̈ܫܥܝܢ܆

Page 29

ܐܫܬܠܡ ܒܢܝܢܐ ܕܗܝܟܠܐ.܀ ܒܗܢܐ ܕܝܢ ܙܒܢܐ ܡܬܝܕܥ ܨܕܘܡ ܟܗܢܐ. ܡܬܢܒܝܢ ܕܝܢ ܨܕܘܡ ܘܐܚܝܐ ܫܠܝܘܢܝܐ.܀܀ ܫܢܬ ܐܠܦܐ ܘ.ܟܟ. ܡܝܬ ܫܠܡܘܢ. ܘܐܡܠܟ ܪܚܒܥܡ ܒܬܪܗܼ ܫ̈ܢܝܐ ܫܒܥܣܪ̈ܐ.܀ ܡܢ ܗܪܟܐ ܐܬܦܠܓܘܢ ܒ̈ܢܝ ܐܝܣܪܐܝܠܼ ܠܬܪ̈ܝܢ ܡܠܟܝܢ.. ܪܚܒܥܡ ܐܡܠܟ ܥ ܬܪ̈ܝܢ ܫܒ̈ܛܝܢ ܕܝܗܘܕܐ ܘܕܒܢܝܡܝܢ. ܘܡܢ ܗܪܟܐ ܐܦ ܫܘܡܗܐ ܕܝܗ̈ܘܕܝܐ ܩܼܢܘ ܟܠܗܘܢ ܒ̈ܢܝ ܐܝܣܪܐܝܠ.. ܝܘܪܒܥܒܡ ܕܝܢ ܐܡܠܟ ܥܠ ܥܣܪ̈ܐ ܫܒ̈ܛܝܢ. ܗܢܐ ܐܩܝܡ ܥܓܠܐܼ ܘܚܛܐ ܘܐܬܚܛܝ ܠܐܝܣܪܐܝܠ.܀ ܡܬܢܒܐ ܕܝܢ ܒܗܢܐ ܙܒܢܐܼ. ܐܚܝܐ ܘܫܡܥܝܐ ܒܝܗܘܕ.܀܀ ܫܢܬ ܐܠܦܐ ܘܬܠܬܝܢ. ܣܡܘܣܡ ܡܕܝܢܬܐ ܐܬܒܢܝܬ. ܘܙܘܡܪܢܐ ܐܬܝܬܒܬ.܀܀ ܫܢܬ ܐܠܦܐ ܘܬܠ̈ܬܝܢ ܘܐܪ̈ܒܥܼ. ܡܬܢܒܝܢ ܗܿܘ ܕܥܡܪ ܒܒܝܬ ܐܝܠ. ܘܗܿܘ ܕܥܠ ܡܕܒܚܐ.܀܀ ܫܢܬ ܐܠܦܐ ܘܬܠ̈ܬܝܢ ܘܫܒܥܼ. ܡܝܬ ܪܚܒܥܡ. ܘܐܡܠܟ ܐܒܝܐ ܒܪܗ ܒܬܪܗܼ ܫܢ̈ܝܐ ܬܠ̈ܬ.܀܀ ܫܢܬ ܐܠܦܐ ܘܐܪ̈ܒܥܝܢ܆ ܡܝܬ ܐܒܝܐ. ܘܐܡܠܟ ܐܣܐ ܒܪܗ ܒܬܪܗܼ ܫܢ̈ܝܐ ܐܪ̈ܒܥܝܢ ܘܚܕܐ.܀܀ ܫܢܬ ܐܠܦܐ ܘܥܣܪ̈ܝܢ ܘܣܒܥܼ. ܣܠܼܩ ܫܝܫܩ ܡܠܟܐ ܕܡܨܪܝܢ ܥܠ ܐܘܪܫܠܡ. ܘܢܣܼܒ ܟܠܗ ܓܙܐ ܕܒܝܬܗ ܕܡܪܝܐ ܘܟܠܗ ܓܙܐ ܕܡܠܟܘܬܗ ܕܕܘܝܕ ܘܕܫܠܡܘܢܼ. ܘܐܚܬ ܠܡܨܪܝܢ.܀܀ ܫܢܬ ܐܠܦܐ ܘܐܪ̈ܒܥܝܢ ܘܫܒܥܼ. ܘܣܠܼܩ ܙܪܚ ܟܘܫܝܐ: ܘܐܓܼܪ ܐܦ ܠܠܘܒ̈ܝܐ ܥܡܗܼ. ܘܫܪܘ ܥܠ ܝܗܘܕ. ܘܢܦܼܩ ܥܠܝܗܘܢ ܐܣܐ ܡܠܟܐܼ. ܘܪܕܦ ܐܢܘܢ. ܘܚܪܒ ܐܢܘܢ ܒܦܘܡܐ ܕܣܝܦܐܼ ܒܢܚܠܐ ܕܓܪ. ܘܐܝܠܝܢ ܕܦܠܼܛܘ ܡܢܗܘܢ ܡܢ ܚܪܒܐܼ ܐܬܚܢܩ ܒܝܡܐ.܀ ܒܗܢܐ ܕܝܢ ܙܒܢܐܼ. ܡܬܢܒܐ ܝܘܐܝܠ ܒܪ ܥܕܘ.܀܀ ܫܢܬ ܐܠܦܐ ܘܫܬܝܢ ܘܬܠܬܼ. ܗܘܼܐ ܩܪܒܐ ܒܝܬ ܐܣܐ ܡܠܟܐ ܕܝܗܘܕܐܼ. ܥܡ ܒܥܫܐ ܡܠܟܐ ܕܐܝܣܪܐܝܠ. ܘܐܓܪ ܐܦ ܠܒܪ ܗܕܕ ܡܠܟܐ ܕܣܘܪܝܐ ܥܡܗ.܀ ܒܗܢܐ ܕܝܢ ܙܒܢܐܼ. ܡܬܢܒܝܢ ܘܘ ܝܗܼܘ ܘܚܢܢܝ.܀܀ ܫܢܬ ܐܠܦܐ ܘܬܡ̈ܢܝܢ ܘܚܕܐܼ. ܡܝܬ

Page 30

ܐܣܐ. ܘܐܡܠܟ ܝܗܘܫܦܛ ܒܪܗ ܒܬܪܗܼ ܫܢ̈ܝܐ ܥܣܪ̈ܝܢ ܘܚܡܫ.܀ ܒܗܢܐ ܕܝܢ ܙܒܢܐ ܡܬܢܒܐܼ ܐܠܝܐ ܘܥܘܒܕܝܐ ܘܝܗܼܘ ܘܡܝܟܐ ܘܥܘܙܝܐܝܠ. ܢ̈ܒܝܐ ܕ̈ܓܠܐܼ. ܨܕܩܝܐ ܘܐܠܝܥܙܪ ܘܫܪܟܐ ܕܐܚܪ̈ܢܐ ܐܪ̈ܒܥܡܐܐ.܀܀ ܫܢܬ ܐܦܐ ܘܬܫ̈ܥܝܢ܆ ܗܘܼܐ ܨܗܝܐ ܗܿܘ ܕܐܠܝܗܐܼ. ܫܢ̈ܝܐ ܬ̈ܠܬܼ. ܘܝܪ̈ܚܐ ܫ̈ܬܐ. ܘܗܘܼܐ ܟܦܢܐ ܪܒܐ ܥܠ ܟܠܗܿ ܐܪܥܐ.܀܀ ܫܢܬ ܐܠܦܐ ܘܡ̈ܐܐ ܘܫܬܼ. ܡܝܬ ܝܗܘܫܦܛ. ܘܐܡܠܟ ܝܗܘܪܡ ܒܪܗ ܒܬܪܗܼ ܫܢ̈ܝܐ ܬܡܗܢܐ. ܡܬܢܒܝܢ ܒܗܢܐ ܙܒܢܐܼ. ܥܙܪܝܐܝܠ ܘܐܠܝܥܙܪ ܘܐܠܝܐ ܘܐܠܝܫܥ.܀܀ ܫܢܬ ܐܠܦܐ [ܘܡ̈ܐܐ] ܘܬܠܬܥܣܪ̈ܐܼ. ܐܬܦܛܦ ܐܠܝܐ ܐܝܟ ܕܠܫܡܝܐ.܀܀ ܫܢܬ ܐܠܦܐ [ܘܡ̈ܐܐ] ܘ.ܝܗ. ܡܝܬ ܝܗܘܪܡ. ܘܐܡܼܠܟ ܐܚܙܝܐ ܒܪ ܒܬܪܗܼ ܫܢܬܐ ܚܕܐ.܀܀ ܫܢܬ ܐܠܦܐ [ܘܡܐܐ] ܘܫܬܬܥܣܪܐܼ. ܩܛܠܗ ܝܗܼܘ ܠܐܚܙܝܐ. ܘܐܡܠܟܬܼ ܥܬܠܝܐ ܐܡܗ ܒܬܪܗܼ [ܒܝܗܘܕ] ܫܢ̈ܝܐ ܫܒܥ. ܗܕܐ         ܓܠܝܐܝܬ. ܘܢܓܘܪܘܢ ܓܒܪ̈ܐ ܒܢ̈ܫܝ ܚܕ̈ܕܐ. ܟܕ ܠܝܬ ܕܪܫܐ ܠ                ܕܐܝܙܒܠ ܘܚܢܦܘܬܐ ܕܒܝܬ ܐܚܒܼ. ܥܒܕܬ ܒܐܘܪܫܠܡ          ܕܟܪ̈ܐ ܕܒܝܬ ܕܘܝܕ.܀ ܒܗܢܐ ܙܒܢܐ ܡܬܝܕܥܼ ܝܘܢܕܒ ܟܗܢܐ.܀܀ ܫܢܬ ܐܠܦܐ [ܘܡܐܐ] ܘܥܝܪ̈ܝܢ ܘܬܪ̈ܬܝܢ܆ ܡܬܚܫܒܝܢ ܗܘܘ ܒ̈ܢܝ ܐܝܣܪܐܝܠܼ. ܕܠܡܢܘ ܢܥܒܕܘܢ ܠܗܘܢ ܡܠܟܐ. ܘܫܡܥ ܝܘܝܕܥ ܟܗܢܐܼ ܘܟܿܢܼܫ ܐܢܘܢ ܠܒܝܬܗ ܕܡܪܝܐܿ. ܠܪ̈ܒܝ ܐܠܦ̈ܐ ܘܠܪ̈ܒܝ ܡܐܘ̈ܬܐ. ܘܐܡܼܪ ܠܗܘܢ ܝܘܝܕܥ ܟܗܢܐ: ܠܡܢܘ ܙܕܩ ܕܢܗܘܐ ܡܠܟܐ ܘܢܬܒ ܥܠ ܟܘܪܣܝܗ ܕܕܘܝܕܼ. ܐܠܐ ܡܠܟܐ ܒܪ ܡܠܟܐ ܡܢ ܒܢ̈ܘܗܝ ܕܕܘܝܕ. ܘܟܕ ܚܘܝܗ ܠܗܘܢ ܠܝܘܐܫܼ. ܚܕܝܘ

Page 31

ܚܕܘܬܐ ܪܒܬܐ. ܘܐܚܬܘܗܝ ܠܒܝܬܗ ܕܡܪܝܐܼ ܘܐܬܒܘܗܝ ܥܠ ܟܘܪܣܝܐ ܕܡܠܟܘܬܐ. ܘܥܬܠܝܐ ܐܬܩܛܼܠܬ. ܘܒܪ ܫܒ̈ܥ ܫܢ̈ܝܢ ܐܡܠܟܼ. ܘܐܪ̈ܒܥܝܢ ܫܢ̈ܝܢ ܐܡܠܟ.܀ ܝܗܼܘ ܩܼܛܠ ܠܝܘܪܡܼ ܘܠܫܒ̈ܥܝܢ ܒ̈ܢܘܗܝ ܕܐܚܒ ܘܐܝܙܒܠ.܀܀ ܫܢܬ ܐܠܦܐ ܘܡܐܐ ܘܬܠܬܝܢ܆ ܡܝܬ ܝܘܝܕܥ ܟܗܢܐܿ ܒܪ ܡܐܐ ܘܬܠ̈ܬܝܢ ܫܢ̈ܝܢ. ܘܩܒܠ ܟܗܢܘܬܗ ܒܬܪܗܼ ܙܟܪܝܐ ܒܪܗ.܀ ܡܬܢܒܝܢ ܕܝܢ ܒܗܢܐ ܙܒܢܐܿ. ܐܠܝܫܥ ܘܗܼܘ ܙܟܪܝܐ ܟܗܢܐ.܀܀ ܫܢܬ ܐܠܦܐ [ܘܡܐܐ] ܘܐܪ̈ܒܥܝܢ ܘܐܪ̈ܒܥܼ. ܚܼܪܒ ܚܙܐܝܠ ܡܠܟܐ ܕܣܘܪܝܐ ܠܐܝܣܪܐܝܠ.܀܀ ܘܬܘܒ ܫܢܬ ܐܠܦܐ ܘܡܐܐ ܘ.ܢܢ. ܟܿܢܼܫ ܗܼܘ ܚܙܐܝܠ ܚܝܠܐ. ܘܐܠܼܨ ܐܢܘܢ. ܟܠܗܘܢ ܝܘ̈ܡܬܗ ܕܝܗܘܚܙ ܡܠܟܐ ܕܐܝܣܪܐܝܠ.܀܀ ܫܢܬ ܐܠܦܐ ܘܡܐܐ ܘܚܡܫܝܢ ܘܚܡܫܼ. ܩܼܛܠ ܝܘܐܫ ܠܙܟܪܝܐ ܒܪ ܝܘܝܕܥ.܀܀ ܫܢܬ ܐܠܦܐ ܘܡܐܐ ܘܚܡܫܝܢ ܘܬܡܢܐܼ. ܡܝܬ ܐܠܝܫܥ ܢܒܝܐ.܀܀ ܫܢܬ ܐܠܦܐ ܘܡܐܐ ܘܚܡܫܝܢ ܘܬܡܢܐܼ. ܡܝܬ ܐܠܝܫܥ ܢܒܝܐ.܀܀ ܫܢܬ ܐܠܦܐ ܘܡܐܐ ܘܚܡܫܝܢ ܘܬܫܥܼ. ܒܙ ܚܝܠܐ ܕܣܘܪ̈ܝܝܐ ܠܝܗܘܕ ܘܠܪ̈ܝܫܢܝܗܘܢ ܩܼܛܠ.܀܀ ܫܢܬ ܐܠܦܐ [ܘܡܐܐ] ܘ.ܣ. ܘܬܪ̈ܬܝܢ܆ ܐܬܩܛܠ ܝܘܐܠܫ ܡܢ ܥܒ̈ܕܘܗܝ. ܘܐܡܠܟ ܐܡܘܨܝܐ ܒܪܗ ܒܬܪܗܼ ܫ̈ܢܝܐ ܥܣܪ̈ܝܢ ܘܬܫ̈ܥ.܀܀ ܘܒܫܢܬ ܐܠܦܐ ܘ.ܩܣܓ. ܚܪܒ ܐܡܘܨܝܐ ܠܒ̈ܢܝ ܐܕܘܡ ܘܢܣܼܒ ܐܠܗ̈ܝܗܘܢܼ ܘܣܓܕ ܠܗܘܢ.܀܀ ܫܢܬ ܐܠܦܐ [ܘܡܐܐ] ܘܫܬܝܢ ܘܚܡܫܼ. ܡܝܬ ܚܙܐܝܠ ܡܠܟܐ ܕܣܘܪܝܐ.܀܀ ܫܢܬ ܐܠܦܐ [ܘܡܐܐ] ܘܫܒ̈ܥܝܢ ܘܚܕܐܼ. ܩܼܛܠ ܒ̈ܢܝ ܐܝܣܪܐܝܠ ܡܢ ܝܗܘܕܐ ܠܬ̈ܬܡܐܐ ܓܒܪ̈ܝܢ.܀܀ ܫܢܬ ܐܠܦܐ [ܘܡܐܐ] ܘܬܡܢܝܢ܆ ܐܫܬܕܪ ܝܘܢܢ ܠܢܝܢܘܐ. ܘܥܒܕ ܬܝܒܘܬܐ ܢܝ̈ܢܘܝܐ܀ ܡܬܝܕܥ ܕܝܢ ܬܘܢܘܣ ܩܢܩܐܠܪܘܣܼ ܕܡܬܩܪܐ ܝܘܢܐܝܬ ܣܪܕܢܦܠܣܿ ܡܠܟܐ ܕܢܝܢܘܐ ܒܗ ܒܙܒܢܐ.܀ ܡܬܢܒܝܢ ܗܘܘ ܕܝܢ ܒܗܢܐ ܙܒܢܐܼ. ܗܘܫܥ ܘܥܡܘܣ ܕܗܼܘ ܐܡܘܨ ܐܒܘܗܝ ܕܐܫܝܥܐܿ ܘܝܘܢܢ ܘܢܚܘܡ.܀܀ ܫܢܬ ܐܠܦܐ ܘ.ܩܦܗ.܆ ܗܘܼܐ ܩܪܒܐ ܒܛܪܣܘܣܘ ܘܒܢܟܠܝܐ

Page 32

ܕܣܪܕܢܦܠܘܣ ܡܠܟܐ ܕܢܝܢܘܐ. ܘܕܐܒܪܒܩ ܡܠܟܐ ܕܡܕܝ. ܘܐܙܕܟܝ ܗܼܘ ܣܪܕܢܦܠܘܣ ܘܐܬܚܪܒ ܚܝܠܗ. ܘܗܼܘ ܐܬܩܛܠ.܀܀ ܫܢܬ ܐܠܦܐ .ܩܨ. ܐܬܩܼܛܠ ܐܡܘܨܝܐ ܡܢ ܝܗ̈ܘܕܝܐ ܒܪܘܡܚܐ. ܘܐܡܠܟ ܥܘܙܝܐ ܒܪܗ ܒܬܪܗܼ ܫܢ̈ܝܐ ܚ̈ܡܫܝܢ ܘܬܪ̈ܬܝܢ.܀܀ ܫܢܬ ܐܠܦܐ ܘܡܬܝܢ ܘܚܡܫܼ. ܥܩܼܪ ܥܘܙܝܐ ܡܠܟܐ ܕܗܝܘܕܐ ܒܩܪܒܐ ܫܘܪ̈ܝܗܿ ܕܓܬ ܘܕܐܙܘܓܘܣ ܘܕܝܡܢܝܐ. ܐܩܪܒ ܕܝܢ ܐܦ ܥܡ ܐܪ̈ܒܝܐ ܕܥܡܪܝܢ ܒܦܛܪܐ.. ܡܬܢܒܝܢ ܕܝܢ ܒܗܢܐ ܙܒܢܐܼ. ܝܘܢܢ ܘܗܘܫܥ ܘܡܘܣ ܘܐܫܥܝܐ.. ܡܬܝܕܥ ܐܦ ܗܣܝܐܕܘܣ ܐܝܟ ܕܟܬܒ ܦܪܦܘܪܝܣ.܀܀ ܫܢܬ ܐܠܦܐ ܘܡܬܝܢ ܘܚܕܥܣܪ̈ܐ ܠܐܒܪܗܡܼ. ܥܼܠ ܥܘܙܝܐ ܡܠܟܐ ܕܢܣܝܡ ܒܣ̈ܡܐ ܒܗܝܟܠܐ ܕܐܠܗܐ. ܘܟܕ ܐܬܠܝ ܡܢ ܥܙܪܝܐ ܟܗܢܐ܇ ܘܠܐ ܨܼܒܐ ܕܢܫܢܐܼ ܐܓܪܒ ܟܠܗ ܡܢ ܫܠܝ.. ܘܐܝܥܐ ܐܬܟܠܝ ܡܢ ܢܒܝܘܬܐ.܀܀ ܫܢܬ ܐܠܦܐ ܘܡܬܝܢ ܘܥܣܪܝܢ ܘܐܪܒܥܼ. ܦܘܠ ܡܠܟܐ ܕܐܬܘܪ̈ܝܐܼ. ܣܠܼܩ ܥܠ ܫܡܪܝܢ. ܘܟܕ ܢܣܼܒ ܡܢ ܡܢܚܝܡ ܡܠܟܐ ܕܐܝܣܪܐܝܠ ܐܠܦ ܟܟܪ̈ܝܢ ܕܟܣܦܐܼ. ܫܢܝ.܀܀ ܫܢܬ ܐܠܦܐ ܘܡܬܝܢ ܘܐܪܒܥܝܢ ܠܐܒܪܗܡܼ. ܫܪܝܬ ܐܠܘܡܦܝܐ ܩܕܡܝܬܐ.

ܫܢܬ ܐܠܦܐ ܘܡܬܝܢ ܘܐܪ̈ܒܥܝܢ ܘܚܕܐܼ. ܣܠܼܩ ܬܓܠܬܦܠܣܪ ܡܠܟܐ ܕܐܬܘܪ ܥܠ ܐܪܥܐ ܕܝܗܘܕ. ܘܠܣ̈ܓܝܐܐ ܡܢ ܥܒܪ̈ܝܐ ܫܿܢܝ ܠܐܬܘܪ.܀܀ ܫܢܬ ܐܠܦܐ ܘܡ̈ܬܝܢ ܘܐܪ̈ܒܥܝܢ ܘܬܠܬܼ. ܡܝܬ ܥܙܝܐ. ܘܐܡܠܟ ܝܘܬܡ ܒܪܗ ܒܬܪܗܼ ܫܢ̈ܐ ܫܬܬܥܣܪ̈ܐ.܀܀ ܫܢܬ ܐܠܦܐ ܘܡܬܝܢ ܘܐܪܒܥܝܢ ܘܫܬܼ. [ܒܐܝܛܠܝܐ ܦܢـ]ܕܐܣܝܐ ܘܡܛܐܦܐܢܛܝܘܣ ܡܕ̈ܝܢܬܐ ܐܬܒ̈ܢܝ.܀܀ ܫܢܬ ܐܠܦܐ ܘܡܬܝܢ ܘܐܪ̈ܒܥܝܢ ܘܬܫ̈ܥܼ. ܐܬܪܟܒܬ ܒܐܬܢܘܣ ܐܠܦܐ ܩܕܡܝܬܐ ܠܩܦܪܐ.. ܡܬܢܒܝܢ ܒܗܢܐ ܙܒܢܐܼ. ܗܘܫܥ

Page 33

ܘܐܫܥܝܐ ܘܝܘܐܝܠ ܘܥܘܕܕ ܘܡܝܟܐ.܀܀ ܫܢܬ ܐܠܦܐ ܘܡ̈ܬܝܢ ܘܚܡܫܝܢ ܘܬܫܥܼ. ܡܝܬ ܝܘܬܡ. ܘܐܡܠܟ ܐܚܙ ܒܪܗ ܒܬܪܗܼ ܫܢ̈ܝܐ .ܝܘ.܀܀ ܫܢܬ ܐܠܦܐ ܘܡܗܬܝܢ ܘܫ̈ܬܝܢ܆ ܒܣܩܠܐ ܣܠܝܢܘܣ ܘܙܢܩܠܝܐ ܡܕ̈ܝܢܬܐ ܐܬܒܢ̈ܝ.܀ ܘܒܗܿ ܒܫܢܬܐ ܗܘܼܐ ܩܪܒܐܼ ܒܝܬ ܦܩܚ ܘܠܐܚܙ. ܘܩܼܿܛܠ ܦܩܚ ܡܢ ܝܗܘܕ̈ܝܐ ܡܐܐ ܘܥܣܪܝܢ ܐܠܦ̈ܝܐ.܀܀ ܫܢܬ ܐܠܦܐ ܘܡܬܝܢ ܘ.ܣܒ. ܪܨܢ ܡܠܟܐ ܕܣܘܪܝܐ ܘܦܩܚ ܡܠܟܐ ܕܐܝܣܪܐܝܠܼ ܐܬܟܬܫ ܥܡ ܐܚܙ. ܘܠܣ̈ܓܝܐܐ ܡܢ ܝܗ̈ܘܕܝܐ ܕܒܼܪ ܒܫܒܝܐ.܀܀ ܫܢܬ ܐܠܦܐ ܘܡ̈ܬܝܢ ܘܫܬܝܢ ܘܬܠܬܼ. ܐܫܬܒܝ ܒܢ̈ܝ ܝܗܘܕܐ ܡܢ ܐܕܘ̈ܡܝܐ.܀܀ ܫܢܬ ܐܠܦܐ ܘܡ̈ܬܝܢ ܘܫܬܝܢ ܘܚܡܫܼ. ܫܕܪ ܐܚܙ ܠܘܬ ܐܬܠܓܬܦܠܣܪ ܡܠܟܐ ܕܐܬܘܪܼ ܕܢܐܬܐ ܠܥܘܕܪܢܗ. ܘܟܕ ܐܬܼܐ ܩܛܠܗ ܪܨܢ ܘܠܣܘܪ̈ܝܝܐ ܒܫܒܝܐ ܕܒܪܘ. ܘܢܣܒ ܐܦ ܡܢ ܐܚܙ ܟܣܦܐ ܣܓܝܐܐ. ܘܫܢܝ.܀܀ ܫܢܬ ܐܠܦܐ ܘܡ̈ܬܝܢ ܘܫܬܝܢ ܘܫܒܥܼ. ܐܬܒܢܝܬ ܡܢ ܪܘܡܠܘܣ ܪܗܘܡܐ. ܗܿܘ ܕܥܠ ܫܡܗ ܐܦ ܟܠܗ ܥܡܐ ܕܠܝܛܝ̈ܢܝܐܼ ܪ̈ܗܘܡܝܐ ܐܫܬܡܗܘ.܀܀ ܫܢܬ ܐܠܦܐ [ܘܡ̈ܬܝܢ] ܘܬܝܢ ܘܬܫܥܼ. ܣܠܼܩ ܫܠܡܢܥܣܪ ܡܠܟܐ ܕܐܬܘܪ ܥܠ ܫܡܪܝܢ. ܘܠܥܣܪ̈ܐ ܫܒ̈ܛܝܢ ܡܢ ܐܝܣܪܐܝܠ ܕܒܼܪ ܒܫܒܝܐ. ܘܠܐܪܥܐ ܕܡ̈ܕܝܐ ܘܕܟ̈ܠܕܝܐ ܫܕܐ ܐܢܘܢ. ܘܠܢܛܘܪܘܬܐ ܕܐܝܥܐ ܕܝܗ̈ܘܕܝܐ ܠܐܬܘܪ̈ܝܐ ܒܟܘܪ̈ܚܐ ܫܕܪ. ܘܥܠ ܕܡܬܩܛܠܝܢ ܗܘܘ ܡܢ ܐܪ̈ܝܘܬܐܼ. ܫܕܪ ܠܗܘܢ ܡܠܟܐ ܕܐܬܘܪܼ. ܠܐܘܪ ܟܗܢܐܼ ܕܢܠܦ ܐܢܘܢ ܢ̈ܡܘܣܐ.. ܗܠܝܢ ܐܝܬܝܗܘܢ ܫܡܪ̈ܝܐ. ܡܛܠ ܕܐܦ ܗܼܘ ܫܡܐ ܕܫܡܪ̈ܝܐܼ. ܡܫܡܪ̈ܐ ܘܢܛܘܪ̈ܐ ܡܬܦܫܩ.܀܀ ܫܢܬ  ܐܠܦܐ ܘܡ̈ܬܝܢ ܘܫ̈ܒܥܝܢ ܘܚܡܫܼ. ܡܝܬ ܐܚܙ. ܘܐܡܠܟ ܚܙܩܝܐ ܒܪܗ ܒܬܪܗܼ ܫܢ̈ܝܐ ܥܣܪ̈ܝܢ ܘܬܫ̈ܥ.܀ ܘܒܗܿ ܒܫܢܬܐܼ ܐܬܒܢܝܬ ܐܢܐܟܣܘܣ ܡܕܝܢܬܐ ܒܣܝܩܠܝܐ.܀܀ ܫܢܬ ܐܠܦܐ [ܘܡ̈ܬܝܢ] ܘ.ܥܙ. ܥܒܼܕ ܦܣܟܐ ܚܙܩܝܐ.܀܀ ܫܢܬ ܐܠܦܐ [ܘܡ̈ܬܝܢ] ܘ.ܦܒ.܆

Page 34

ܣܢܚܪܝܒ ܡܠܟܐ ܕܐܬܘܪ ܣܠܼܩ ܥܠ ܐܘܪܫܠܡܼ ܘܥܠ ܡ̈ܕܝܢܬܐ ܕܝܗܘܕ. ܘܐܠܨ ܐܢ̈ܝܢ. ܡܠܐܟܐ ܕܝܢ ܕܐܠܗܐ ܚܪܒ ܡܢ ܡܫܪܝܬܗܼ ܡܐܐ ܘܬܡ̈ܢܝܢ ܘܚ̈ܡܫܐ ܐܠܦܝܢ ܟܕ ܕܝܢ ܫܡܼܥ ܕܐܦ ܬܪܗܡ ܡܠܟܐ ܕܟܘܫܝ̈ܐ ܢܦܼܩ ܠܡܬܟܬܫܘ ܥܡܗܼ. ܫܢܝ ܠܗ ܠܢܝܢܘܐ. ܘܩܛܠܘܗܝ ܒ̈ܢܘܗܝ ܬܡܢ.܀ ܘܒܗܿ ܒܫܢܬܐܐܬܒܢܝܬ ܣܪܩܘܣܐ ܘܩܐܛܐܢܐ ܡܕ̈ܝܢܬܐ ܒܣܩܠܝܐ.܀ ܘܒܗܿ ܒܫܢܬܐܼ ܟܒܫ ܠܩܕ̈ܡܘܢܝܐ ܫܡܣܐܢܐ.܀܀ ܫܢܬ ܐܠܦܐ [ܘܡ̈ܬܝܢ] ܘ.ܦܗ. ܠܐܢܛܝܢܘ ܘܡܓܐܪܐ ܘܡܪܬܘܢܝܐ ܡܿܕ̈ܝܢܬܐ ܒܣܝܩܠܝܐ ܐܬܒܢ̈ܝܝܢ ܫܢܬ ܐܠܦܐ [ܘܡ̈ܬܝܢ] ܘ.ܦܛ. ܐܬܟܪܗ ܚܙܩܝܐ. ܘܥܠ ܕܫܐܠܼ ܐܬܿܐܼ. ܐܬܗܦܟ ܫܡܫܐ .ܝܗ. ܕܪ̈ܓܝܢ ܠܒܬܪܗ.܀܀ ܫܢܬ ܐܠܦܐ [ܘܡ̈ܬܝܢ] ܘ.ܨܓ. ܡܪܘܕܟ ܒܠܥܕ ܡܠܟܐ ܕܒܒܝܠ ܫܕܪ ܩܘܪ̈ܒܢܐ ܠܚܙܩܝܐ.܀܀ ܫܢܬ ܐܠܦܐ ܘܬܠܬܡܐܐܼ. ܒܣܝܩܠܝܐ ܟܪܘܢܣܘܣ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘܬܠܬܡ̈ܐܐ ܘܐܪ̈ܒܥܼ. ܡܝܬ ܚܙܩܝܐ. ܘܐܡܠܟ ܡܢܫܐ ܒܪܗ ܒܬܪܗܼ ܫܢ̈ܝܐ ܚܡ̈ܫܝܢ ܘܚܡܫ. ܘܢܩܡܘܕܝܐ ܡܕܝܢܬܐ ܐܬܒܢܝܬ. ܘܣܝܒܘܠܐ ܐܬܝܕܥܬ.܀܀ ܫܢܬ ܐܠܦܐ ܘ.ܫܙ. ܩܪܐܛܘܢ ܘܦܐܪܝܢ ܘܝܘܒܐܪܝܘܣ ܘܐܓܒܐܛܢܐ ܡܕ̈ܝܢܬܐ ܐܬܒ̈ܢܝܝܢ.܀܀ ܫܢܬ ܐܠܦܐ ܘܬܠܡܐܐ ܘܥܣܪ̈ ܠܐܒܪܗܡܼ. ܢܘܡܐ ܦـ[ܡܦܝـ]ܠܝܣ ܒܢܼܐ ܩܦܛܘܐܠܝܘܢ ܡܢ ܫ̈ܬܐܣܘܗܝ. ܘܦܬܢܝܘ [ܒܢܘ] ܛܪ[ܢܛܐ.] ܘܩܘܪ̈ܢܬܝܐ ܒܢܼܘ ܩܪܩܘܪܐ.܀܀ ܫܢܬ ܐܠܦܐ ܘ.ܫܘ. ܠܡܢܫܐ ܡܠܟܐ ܕܝܗܘܕܼ ܪ̈ܒܝ ܚܝܠܐ ܕܐܬܘܪ ܕܒܪ ܒܫܒܝܐܼ. ܘܐܚܬܘܗܝ ܠܒܒܝܠ.܀ ܘܒܗܿ ܒܫܢܬܐܼ ܓܠܐ ܐܬܒܢܝܬ ܒܣܝܩܠܝܐ: ܘܦܐܣܠܝܣ ܒܦܡܦܝܠܝܐ.܀܀ ܫܢܬ ܐܠܦܐ ܘ.ܫܠ. ܩܐܠܟܕܘܢ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘ.ܫܡܒ. ܡܢܫܐ ܟܕ ܐܝܬܘܗܝ ܒܫܒܝܬܐܼ ܐܬܦܢܝ ܠܘܬ ܐܠܗܐ ܕܐܒ̈ܗܘܗܝ. ܘܣܠܼܩ ܘܬܩܢ ܥܠ

Page 35

ܕܘܟܬܗ ܘܥܠ ܡܠܟܘܬܗ.܀ ܘܒܗܿ ܒܫܢܬܐܼ ܐܬܒܢܝܬ ܩܘܙܝܩܘܣ ܡܕܝܢܬܐ. ܘܒܐܝܛܠܝܐ ܠܐܩܪܘ ܡܕܝܢܬܐ.܀܀ ܫܢܬ ܐܠܦܐ ܘ.ܫܢܛ. ܡܝܬ ܡܢܫܐ. ܘܐܡܠܛ ܐܡܘܢ ܒܪܗ ܒܬܪܗܼ ܐܝܟ ܦܘܫܩܐ ܕܫܒܥܝܢܼ ܫܢ̈ܝܐ ܬܪ̈ܬܥܣܪܐܼ. ܘܐܝܟ ܥܒܪ̈ܝܐ ܫܢܿܝܐ ܬܪ̈ܬܝܢ. ܡܢܫܐ ܡܠܟܐ ܕܝܗܘܕܼ. ܐܬܠܚܡ ܥܠ ܐܫܥܝܐ: ܘܫܕܪ ܓܒܪ̈ܐ ܒ̈ܢܝ ܥܘܼܠܐܿ. ܘܢܣܪܘܗܝ ܒܡܣܪܐ ܒܓܘ ܩܝܣܐ. ܡܢ ܪܝܫܗ ܘܥܕܡܐ ܠܪ̈ܓܠܘܗܝ. ܘܒܪ ܡܐܐ ܘܥܣܪ̈ܝܢ ܫܢ̈ܝܢ ܗܘܼܐ ܟܕ ܢܣܪܘܗܝ. ܘܬܫ̈ܥܝܢ ܫܢ̈ܝܢ ܗܘܐ ܢܒܝܐ ܠܐܠܗܐ.܀܀ ܫܢܬ ܐܠܦܐ ܘ.ܫܣ. ܒܦܢܛܘܣܼ. ܐܣܛܘܪܣ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘ.ܫܣܓ. ܐܩܢܛܿܘܣ ܘܣܛܐܓܝܪܐ ܘܠܐܡܦܣܩܘܣ ܘܐܒܕܪܐ ܡܕ̈ܝܢܬܐ ܐܬܒܢ̈ܝ.܀܀ ܫܢܬ ܐܠܦܐ ܘܬܠܬܡܐܐ ܘܫܬܝܢ ܘܫܒܥܼ. ܒܣܝܩܠܝܐ ܣܝܠܝܢܘܣ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘ.ܫܥ. ܒܦܢܛܘܣ ܒܪܘܣܛܢܣ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘ.ܫܥܐ. ܡܝܬ ܐܡܘܢ. ܘܐܡܠܼܛ ܝܘܫܼܝܐ ܒܪܗ ܒܬܪܗܼ ܫܢ̈ܝܐ ܬܠܬܝܢ ܘܚܕܐ. ܚܠܩܝܐ ܪܒ ܟ̈ܗܢܐ ܡܬܝܕܥ ܗܘܐ. ܡܬܢܒܐ ܗܘܐ ܨܦܢܝܐ.܀܀ ܫܢܬ ܐܠܦܐ ܘ.ܫܦܕ. ܫܪܝ ܐܪܡܝܐ ܒܢܒܝܘܬܐ.܀ ܘܒܗܿ ܒܫܢܬܐܼ ܒܢܼܐ ܒܐܛܘܣ ܠܩܘܪܝܢܐ.܀܀ ܫܢܬ ܐܠܦܐ ܘ.ܫܦܘ. ܣܝܢܘܦܐ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘ.ܫܦܚ. ܠܝܦܪܐ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘ.ܫܦܛ. ܥܒܼܕ ܝܘܫܝܐ ܦܣܟܐ. ܘܒܗܿ ܒܫܢܬܐ ܕܘܪܐܟܝܘܢ ܡܕܝܢܬܐ ܐܬܒܢܝܬ. ܡܬܢܒܝܢ ܒܗܢܐ ܙܒܢܐܼ. ܐܪܡܝܐ ܘܨܦܢܝܐ ܘܚܘܠܕܝ.܀܀ ܫܢܬ ܐܠܦܐ ܘ.ܬ. ܘܚܕܐܼ. ܣܠܼܩ ܦܪܥܘܢ ܢܟܘܼ ܘܡܚܼܐ ܩܪܒܐ ܥܡ ܝܘܫܝܐ ܥܠ ܦܪܬ. ܘܐܦ ܐܬܩܼܛܠ ܡܢܗ. ܘܐܡܠܟ ܝܗܘܚܙ ܒܪܗ ܒܬܪܗܼ ܝܪ̈ܚܐ ܬ̈ܠܬܐ. ܘܕܒܪܗ ܦܪܥܘܢ ܠܡܨܪܝܢ܆ ܘܐܡܠܼܟ ܝܘܝܐܩܝܡ ܐܚܘܗܝ ܒܬܪܗܼ ܫܢ̈ܝܐ ܬܪ̈ܬܥܣܪܐ.܀܀ ܫܢܬ ܐܠܦܐ ܘ.ܬܗ. ܣܠܼܩ ܢܒܘܟܕܢܨܪ ܘܟܒܫܗܿ ܠܐܘܪܫܠܡܼ. ܘܐܚܬ ܫܒܝܬܐ

Page 36

ܣܓܝܐܬܐ. ܘܐܦ ܡ̈ܐܢܝ ܬܫܡܫܬܐ ܐܚܼܬ ܥܡܗ. ܘܐܪܡܝ ܡܕܬܐܥܠ ܝܘܝܐܩܝܡ ܘܫܢܝ. ܘܒܗܿ ܒܗܕܐ ܫܒܝܬܐ ܢܚܬܘ ܚܢܢܝܐ ܘܥܙܪܝܐ ܘܡܝܫܐܝܠ ܒ̈ܢܝ ܝܘܝܟܝܢ ܒܪ ܝܘܝܐܩܝܡ ܒܪ ܝܘܫܝܐ. ܘܕܢܝܐܝܠ ܒܪܗ ܕܝܘܝܐܩܝܡ ܒܪ ܝܘܫܝܐܼ ܠܒܒܝܠ.܀܀ ܫܢܬ ܐܠܦܐ ܘ.ܬܝܒ. ܣܠܼܩ ܬܘܒ ܢܒܘܟܕܢܨܪ ܘܐܚܕ ܠܝܗܘܕܐ. ܘܣܓܝ̈ܐܐ ܡܢ ܝܗ̈ܘܕܝܐ ܒܫܒܝܐ ܕܒܼܪܘ ܘܣܘܓܐܐ ܡܢ ܡ̈ܐܢܝ ܩܘܕܝܫܐ ܢܝܒܘ. ܘܡܐܕܬܐ ܐܪܡܝ ܥܠ ܝܘܝܩܝܡܼ ܘܫܢܝܗ.܀܀ ܫܢܬ ܐܠܦܐ ܘ.ܬܝܕ. ܡܝܼܬ ܝܘܝܩܝܡ. ܘܐܡܠܼܟ ܝܘܟܢܝܐ ܒܪܗ. ܘܒܕܬܠܬܐ ܝܪ̈ܚܝܢ ܕܡܠܟܘܬܗܼ. ܣܠܼܩ ܬܘܒ ܢܒܘܟܕܢܨܪ ܥܠܘܗܝܼ. ܘܫܒܝܗܝ ܠܗ ܘܠܥܡܐ ܣܓܝܐܐ. ܘܐܚܬܗ ܠܒܒܝܠ.. ܡܬܢܒܝܢ ܗܘܘ ܒܗܢܐ ܒܗܢܐ ܙܒܢܐܼ. ܐܘܪܝܐܼ ܗܿܘ ܕܩܼܛܠ ܝܘܝܩܝܡܼ ܘܐܪܡܝܐ ܒܝܗܘܕ܇ ܘܒܒܒܝܠ ܕܢܝܐܝܠ ܘܚܢܢܝܐ ܘܥܙܪܝܐ ܘܡܝܫܐܝܠ.܀ ܨܕܩܝܐ ܐܡܼܠܟ ܚܠܦ ܝܘܟܢܝܐ ܒܪ ܐܚܘܗܝܼ ܫܢ̈ܝܐ ܚܕܥܣܪ̈ܐ.܀܀ [ܫܢܬ ܐܠـ]ܦܐ ܘܐܪ̈ܒܥܡܐܐ ܘܫܬܬܥܣܪ̈ܐ ܠܐܒܪܗܡܼ. ܩܡܪܝܢܐ ܡܕܝܢܬܐ ܐܬܒܢܝܬ. ܘܬܘܒ ܦܪܝܢܬܘܣ ܡܕܝܢܬܐ ܐܬܒܢܝܬ. ܡܬܢܒܝܢ ܗܘܘ ܕܝܢ ܒܒܝܠܼ. ܕܢܝܐܝܠ ܘܚܒܪ̈ܘܗܝ. ܘܒܝܗܘܕܼ ܐܪܡܝܐ ܘܒܪܘܟ.܀܀ ܫܢܬ ܐܠܦܐ ܘ.ܬܝܛ. ܚܙܩܝܐܝܠ ܫܪܝ ܒܢܒܝܘܬܐ.. ܘܡܣܠܝܐ ܡܕܝܢܬܐ ܐܬܒܢܝܬ.. ܢܒܝܐ ܕܓܠܐܼ ܚܢܢܝܐ.. ܣܠܘܢ ܣܿܐܡ ܢ̈ܡܘܣܐ ܡܬܝܕܥ.܀܀ ܫܢܬ ܐܠܦܐ ܘ.ܬܟܘ. ܣܠܼܩ ܢܒܘܟܕܢܨܪ ܡܠܟܐ ܕܒܒܝܠܼ. ܘܫܒܗܿ ܠܟܠܗܿ ܐܪܥܐ ܕܡܥܪܒܐ. ܡܢ ܦܪܬ ܘܥܕܡܐ ܠܝܡܐ. ܘܥܼܠ ܠܓܙܪ̈ܬܐ ܕܝܡܐܼ. ܘܫܒܼܐ ܘܥܩܪܗܿ ܠܨܘܪ ܘܐܘܩܕܗܿ ܒܢܘܪܐ. ܘܩܛܠܗ ܠܚܝܪܡ ܡܠܟܐ ܕܨܘܪ. ܘܥܼܠ ܠܡܨܪܝܢ ܒܬܪ ܒ̈ܢܝ ܐܝܣܪܝܠܼ. ܗܠܝܢ ܕܐܚܕܘ ܓܘܣܐ ܒܦܪܥܘܢ ܡܠܟܐ ܕܡܨܪܝܢ. ܘܚܪܒܗܿ ܠܡܨܪܝܢ. ܘܫܒܼܐ ܠܒ̈ܢܝ ܐܝܣܪܐܝܠ. ܘܟܕ ܢܦܼܩ ܡܢ ܝܡܐܼ. ܟܒܫܗܿ ܠܐܘܪܫܠܡܼ. ܘܐܫܠܡܗ ܐܠܗܐ ܠܨܕܩܝܐ ܒܐܝܕ̈ܘܗܝ. ܘܩܼܿܛܠ ܠܒ̈ܢܘܗܝ ܩܕܡܘܗܝ. ܟܕ ܚܐܪ ܒܗܘ̤ܼ ܒܕܒܠܬ

Page 37

ܕܚܡܬ. ܘܕܝܠܗ ܥܘܪ ܥܝ̈ܢܘܝܗܼ ܘܫܕܪܗ ܠܒܒܝܠ. ܘܢܒܘܙܪܕܢ ܪܒ ܕ̈ܚܫܐܼ. ܥܩܪܗ ܠܫܘܪܗܿ ܕܐܘܪܫܠܡ. ܐܘܐܘܩܕ ܒܢܘܪܐ ܠܗܝܟܠܗ ܕܡܪܝܐ. ܘܢܚܫܐ ܘܦܪܙܠܐ ܘܡ̈ܐܢܐ ܢܣܒ ܥܡܗ ܠܒܒܝܠ. ܘܫܡܥܘܢ ܪܒ ܟ̈ܗܢܐܼ ܡܛܠ ܕܗܘܼܬ ܠܗ ܒܦܐܪܪܣܝܐ ܠܘܬ ܪܒ ܕ̈ܚܫܐ ܐܦܝܣܗ: ܘܝܗܼܒ ܠܗ ܟܠܗܘܢ ܣܦܪ̈ܐ ܕܟ̈ܬܒܐܼ ܘܠܐ ܐܘܩܕ ܐܢܘܢ ܒܢܘܪܐ. ܘܟܼܿܢܫ ܐܢܘܢ ܫܡܥܘܢ ܪܒ ܟ̈ܗܢܐܼ. ܘܐܪܡܝ ܐܢܘܢ ܒܒܝܪܐ. ܘܡܠܼܐ ܦܝܪܡܐ ܪܡܐ ܕܢܚܫܐ ܢܘܪܐܼ. ܘܣܡ ܒܒܝܪܐ. ܘܚܪܒܬ ܐܘܪܫܠܡ. ܗܢܐ ܐܝܬܘܗܝ ܫܡܥܘܢ ܪܒ ܟ̈ܗܢܐ: ܗܿܘ ܕܐܣܼܝܪ ܗܘܐ ܡܢ ܪܘܚܐ ܩܝܕܫܐ. ܕܠܐ ܢܚܙܐܡܘܬܐ ܥܕܡܐ ܕܚܙܐ ܠܡܫܝܚܐ: ܐܝܟ ܡܐ ܕܐܢ̈ܫܝܢ ܐܡܪܝܢ. ܪܚܝܩ ܕܝܢ ܡܢ ܗܪܟܐ ܡܘܠܕܗ ܕܡܫܝܚܐܼ. ܫܢ̈ܝܢ ܚ̈ܡܫܡܐܐ ܘܬܫܥܝܢ ܘܚܕܐ. ܘܠܝܬ ܠܡܬܦܠܓܘ ܥܠ ܗܕܐ. ܡܛܠ ܕܚܝܪܡ ܡܠܟܐ ܕܨܘܪܼ ܐܝܟ ܕܐܡܪܝܢ ܥܠܘܗܝ ܕܗܢܐ: ܕܩܛܠ ܢܒܘܟܕܢܨܪ ܡܠܟܐ ܕܒܒܝܠ ܒܫܢܬܐ ܗܕܐ. ܗܼܘ ܐܝܬܘܗܝ ܪܚܡܗ ܕܕܘܝܕ ܘܕܫܠܡܘܢ ܒܪܗ. ܐܝܬ ܕܝܢ ܡܢ ܙܒܢܐ ܕܕܘܝܕ ܥܕܡܐ ܠܫܢܬܐ ܗܕܐܼ݂ ܫܢ̈ܝܐ ܐܪܒܥܡܐܐ ܘܬܡ̈ܢܝܢ ܘܫ̈ܬ. ܘܐܢ ܗܢܐ ܗܟܢܐ ܚܝܼܐ ܥܠ ܡܘܢ ܐܝܬ ܦܘܠܓܐ ܡܛܠ ܗܿ، ܕܡܢ ܪܘܚܐ ܩܕܝܫܐ ܐܣܝܪ ܗܘܐ.܀܀ ܫܢܬ ܐܠܦܐ ܘܐܪܒܥܡܐܐ ܘܐܪ̈ܒܥܝܢ ܠܐܒܪܗܡܼ. ܡܬܢܒܝܢ ܗܘܘ ܒܒܝܠ ܕܢܝܐܝܠ ܘܚܙܩܝܐܝܠ: ܘܒܝܗܘܕܼ ܐܪܡܝܐ ܘܒܪܘܟ. ܢܒ̈ܝܐ ܕ̈ܓܠܐܼ ܐܚܝܐܝܒ ܘܨܕܩܝܐ ܘܫܡܥܝ.܀܀ ܫܢܬ ܐܠܦܐ ܘ.ܬܡܛ. ܡܝܬ ܢܒܘܟܕܢܨܪ. ܘܐܡܠܼܟ ܐܘܝܠ ܡܪܘܕܟ.. ܡܬܢܒܐ ܒܐܓܦܛܣ ܐܪܡܝܐ.. ܘܐܣܘܦܘܣ ܡܟܬܒ ܡ̈ܬܠܐ ܡܬܝܕܥ.܀܀ ܫܢܬ ܐܠܦܐ ܘ.ܬܢܒ. ܐܦܩ ܐܘܝܠ ܡܪܘܕܟ ܠܝܘܟܢܝܐ ܡܢ ܒܝܬ ܐܣܝܪ̈ܐ. ܘܒܐܝܩܪܐ ܐܩܝܡܗ. ܘܢܣܼܒ ܠܗ ܐܢܬܬܐ ܠܓܝܘܬ ܒܪܬ ܐܠܝܩܝܡ. ܘܐܘܠܕ ܡܢܗܿ ܠܫܐܠܬܝܠ. ܥܠ ܗܕܐ ܐܡܼܪ ܟܬܒܐܼ. ܕܝܘܫܝܐ ܐܘܠܕ ܠܝܘܟܢܝܐ ܘܠܐ̈ܚܘܗܝ ܒܓܠܘܬܐ ܕܒܒܝܠ. ܘܫܐܠܬܝܠ ܢܣܼܒ ܠܗ

Page 38

ܐܢܬܬܐܼ. ܠܚܛܝܒܬ ܒܪܬ ܗܠܩܢܐ: ܘܐܘܠܕ ܡܢܗܿ ܠܙܘܪܒܒܝܠ ܗܿܘ ܕܣܠܼܩ ܥܡ ܥܡܐ ܡܢ ܒܒܝܠ.܀܀ ܫܢܬ ܐܠܦܐ ܘ.ܬܢܕ. ܡܝܼܬ ܐܘܝܠ ܡܪܘܕܟ. ܘܐܡܠܼܟ ܒܠܛܫܝܪ ܡܢ ܒܬܪܗ.܀܀ ܘܒܫܢܬ ܐܠܦܐ ܘ.ܬܢܘ. ܦܫܩ ܠܗ ܕܢܝܐܝܠ ܟܬܒܐ. ܘܒܗ ܒܠܠܝܐ ܐܬܩܛܠ. ܘܩܒܠ ܡܠܟܘܬܗ ܟܘܪܫ ܦܪܣܝܐܼ. ܫܢ̈ܝܐ ܬܠܬܝܢ. ܟܘܪܫ ܦܪܣܝܐ ܐܣܩ ܠܫܒܝܬܐ ܡܢ ܒܒܝܠ. ܥܕܡܐ ܠـ[ܚܡܫܝܢ ܐܠܦـ]ܝܢ. ܘܠܡܕܒܐ ܩܝܡ. ܘܫ̈ܬܐܣܐ ܕܗܝܟܠܐ ܣܡ. ܘܡܛܠ ܕܟܠܘ ܐܢܘܢ [ܥܡ̈ܡܐ] ܕܚܕܪ̈ܝܗܘܢܼ ܩܘܝܬ ܥܒܝܕܬܐ ܕܠܐ ܓܡܘܪܝܐ ܥܕܡܐ ܠܕܘܪܝܘܫ ܡܠܟܐ.܀ ܟܢܫ ܕܝܢ ܟܠܗ ܙܒܢܐ ܕܫܒܝܗ ܕܥܡܐ ܕܝܗ̈ܘܕܝܐܼ ܠܫ̈ܢܝܐ ܫܒ̈ܥܝܢ. ܘܗ̈ܠܝܢ ܐܝܟ ܡܢܝܢܐ ܕܐ̈ܢܫܝܢ܆ ܡܢ ܫܢܬ ܬܠ̈ܬ ܕܝܘܝܩܝܡܼ. ܥܕܡܐ ܠܫܢܬ ܬܫܥܣܪܐ ܕܟܘܪܫ. ܐܝܟ ܡܢܝܢܐ ܬܘܒ ܕܐܚܪ̈ܢܐܼ. ܒܫܘܪܝܗܿ ܕܢܒܝܘܬܗ ܕܐܪܡܝܐܿ. ܕܗܼܘܬ ܒܫܢܬܐ ܕܬܠܬܥܣܪܐ ܕܝܘܫܝܐ. ܡܢ ܫܢܬ ܚ̈ܡܫ ܕܝܢ ܕܢܒܝܘܬܗ ܕܐܪܡܝܐܼ. ܥܕܡܐ ܠܫܢܬ ܩܕܡܝܬܐ ܕܟܘܪܫܼ. ܗܘ̈ܝܢ ܫܢ̈ܝܐ ܫܒ̈ܥܝܢ. ܫܒ̈ܥܝܢ ܕܝܢ ܕܚܘܪܒܗ ܕܗܝܠܟܐܼ. ܒܝ̈ܘܡܝ ܕܪܝܫܘ ܡܫܬܡ̈ܠܝܢ܆ ܡܢ ܫܢܬ ܬܫܥܣܪܐ ܕܢܒܘܟܕܢܨܪ.܀ ܡܬܢܒܝܢ ܕܝܢ ܒܗܢܐ ܙܒܢܐܼ ܕܢܝܐܝܠ ܘܚܙܩܝܐܝܠ ܒܒܝܠ: ܘܒܝܗܘܕܼ ܚܒܩܘܩ ܘܚܓܝ ܘܙܟܪܝܐ.. ܝܫܘܥ ܒܕ ܝܘܙܕܩ ܪܒ ܟ̈ܗܢܐ. ܘܙܘܪܒܒܝܠ ܒܪ ܫܐܠܬܝܠܼ ܪܝܫ ܥܡܐ ܡܬܝܕܥܝܢ ܗܘܘ. ܒܗܢܐ ܙܒܢܐܼ ܫܘܫܢ ܢܬܢܨܚܐ ܗܘܬ. ܦܪܩܘܕܣ ܪܒܗ ܕܦܝܬܘܓܪܝܘܣ ܡܕܝܢܬܐܼ. ܒ̈ܢܝ ܣܡܘܣ ܒܢܼܘ.܀܀ ܫܢܬ ܐܠܦܐ ܘ.ܬܦܗ. ܛܐܡܘܪܝܣ ܐܢܬܬܐ ܡܠܟܬܐ ܩܿܛܠܬ ܠܟܘܪܫ. ܘܐܡܠܟ ܩܡܒܘܣܣܼ ܫܢ̈ܝܐ ܬܡ̈ܢܐ. ܥܠ ܩܡܒܘܣܣ ܡܬܐܡܪ ܠܘܬ ܥܒܪ̈ܝܐܼ. ܕܢܒܘܟܢܕܢܨܪ ܕܬܪ̈ܝܢ ܡܬܩܪܐ: ܕܒܝܘ̈ܡܬܗ ܬܫܥܝܬܐ ܕܝܗܘܕܝܬ ܐܿܡܪܝܢ ܕܗܘܼܬ.܀܀ ܫܢܬ ܐܠܦܐ [ܘ.ܬܘ] ܘܬܫܥܝܢ ܘܬܠܬܼ. ܣܠܩ ܐܠܝܦܪܢܐ ܪܒ ܚܝܠܐ ܕܢܒܘܟܕܢܨܪܼ. ܥܠ ܟܠܗܿ ܣܘܪܝܐ

Page 39

ܘܫܼܒܐ ܘܩܼܛܠ ܘܐܚܪܒܗܿ. ܘܐܬܩܛܠ ܡܢ ܝܗܘܕܝܬ ܥܒܪܝܬܐ. ܘܐܝܢܐ ܕܨܒܐ ܕܢܩܪܐ ܘܢܐܠܦ ܓܘ̈ܢܚܐ ܕܥܒܕܼ. ܢܩܪܐ ܒܬܫܥܝܬܐ ܕܝܗܘܕܝܬ.܀ ܘܒܗܿ ܒܫܢܬܐ ܗܕܐ ܡܝܼܬ ܩܡܒܘܣܣ. ܘܐܚܕ ܡܠܟܘܬܐ ܐܚ̈ܐ ܡ̈ܓܘܫܐܼ ܝܪ̇ܐ ܫܒ̈ܥܐ. ܘܡܢ ܒܬܪܗܘܢ ܐܚܼܕ ܕܘܪܝܫܼ. ܫ̈ܢܐ ܬܠܬܝܢ ܘܫܬ.܀ ܡܬܢܒܝܢ ܠܘܬ ܥܒܪ̈ܝܐܼ. ܚܓܝ ܘܙܟܪܝܐ ܘܡܠܟܝ.܀܀ ܫܢܬ ܐܠܦܐ [ܘ.ܬ] ܘܬܫܥܝܢ ܘܚܡܫܼ. ܣܠܼܩ ܥܡܐ ܡܢ ܒܒܝܠ ܗܿܘ ܕܦܫ ܡܢ ܟܘܪܫ.܀܀ ܫܢܬ ܐܠܦܐ ܘܚܡܫܡܐܐܼ. ܐܫܬܿܠܡ ܒܢܝܢܗ ܕܗܝܟܠܐ ܒܢܒܝܘܬܐ ܕܚܓܝܪ ܘܕܙܟܪܝܐ.܀܀ ܫܢܬ ܐܠܦܐ ܘ.ܢܿܟܐ. ܦܘܪܐܓܐܪܘܣ ܦܝܠܣܦܐ ܡܝܼܬ. ܕܚܝܐ ܫܢ̈ܝܐ ܬܫܥ̈ܝܢ ܘܚܿܡܫ.܀܀ ܫܢܬ ܐܠܦܐ ܘ.ܢܿܟܛ. ܡܝܼܬ ܕܪܝܘܫ. ܘܐܡܠܼܟܚܫܝܪܫ ܒܪܗ ܒܬܪܗܼ ܫܢ̈ܝܐ ܥܣܪ̈ܝܢ.܀܀ ܫܢܬ ܐܠܦܐ ܘܚܡܫܡܐܐ ܘܬܠܬܝܢ ܘܫܒܥܼ. ܗܘܼܐ ܩܪܒܐ ܕܒܬܪܡܘܦܠܘܣ. ܘܬܟܬܘܫܐ ܕܒܐ̈ܦܐ ܕܒܣܠܡܝܢܐ.܀ ܡܬܝܕܥܝܢ ܕܝܢ ܒܗܢܐ ܙܒܢܐܼ ܕܒܝܬ ܕܝܘܓܘܪܘܣ ܦܝ̈ܠܣܦܐܼ. ܘܕܒܝܬ ܦܝܢܕܐܪܘܣ.܀܀ ܒܫܢܬ ܐܠܦܐ ܘܚܡܫܡܐܐ ܘܐܪܒܥܝܢ ܘܬܫܥܼ. ܡܝܼܬ ܚܫܝܪܫ. ܘܐܡܼܠܟ ܐܪܛܒܢܼ ܝܪ̈ܚܐ ܫܒ̈ܥܐ. ܘܒܬܪܗ ܐܪܛܚܫܫܬ ܐܪܝܟ ܐܝܕܐܼ ܫܢ̈ܝܐ .ܡܐ.܀ ܒܝ̈ܘܡܬܗ ܕܗܢܐ ܐܡܪܝܢ ܕܗܘܼܐ ܐܣܬܝܪ ܘܡܪܕܟܝ. ܡܬܝܕ̈ܥܝܢ ܠܘܬ ܥܒܪ̈ܝܐܼ. ܥܙܪܐ ܣܦܪܐܼ ܘܐܠܝܐܫܒ ܪܒ ܟ̈ܢܐ. ܘܕܒܝܬ ܦܝܬܓܘܪܣ ܣܿܓܝܢ ܗܘܘ.܀ ܫܢܬ ܐܠܦܐ ܘ.ܢܿܣܗ. ܒܪܗܘܡܐܼ ܩܠܐܪܝܘܢ ܐܓܘܢܐ ܕܡܐܐ ܫܢ̈ܝܢܼ ܩܕܡܝܐܝܬ ܐܬܕܒܿܪ. ܗܿܘ ܕܐܦ ܡܪܝ ܐܝܣܚܩܼ ܡܐܡܪ̈ܐ ܣ̈ܓܝܐܐ ܥܒܼܕ ܥܠܘܗܝ.܀܀ ܫܢܬ ܐܠܦܐ ܘܚܡܫܡܐ ܘܫܬܝܢ ܘܬܫܥܼ. ܣܠܼܩ ܢܚܡܝܐ ܫܩܝܐ ܘܕܢܿܩܝܡ ܠܡܕܝܢܬܐ ܘܠܫܘܪܐ ܕܐܘܪܫܠܡ.. ܪܒ ܟ̈ܗܢܐ ܝܘܝܕܥ. ܡܬܢܒܝܐ ܕܝܢ ܒܗܢܐ ܙܒܢܐܼ ܐܘܕܝܣ ܐܢܬܬܐ.܀܀

Page 40

ܫܢܬ ܐܠܦܐ ܘܚܡܫܡܐܐ ܘܚܡܫܝܢ܆ ܟܐܦܐ ܒܢܗܪ̈ܘܬܐ ܕܐܓܘܣ ܢܦܠܬ.

ܫܢܬ ܐܠܦܐ ܘܚ̈ܡܫܡܐܐ ܘܬܡ̈ܢܝܢ ܘܬܠ̈ܬܼ. ܡܫܬܠܿܡ ܥܿܒܕܐ ܕܒܿܢܝܢܐ ܕܡܝܕܢܬܐ ܘܕܫܘܪܐ ܒܐܝܕ̈ܝ ܢܚܡܝܐ ܫܩܝܐ.܀ ܡܬܝܕܥܝܢ ܣܘܩܪܛܝܣ ܘܕܘܡܩܪܝܛܘܣ.܀܀ ܫܢܬ ܐܠܦܐ ܘ.ܢܿܦܙ. ܗܘܐ ܡܘܬܢܐ ܪܒܐ ܘܕܚܝܠܐ ܒܐܬܢܘܣܼ ܥܕܡܐ ܕܠܐ ܡܡܕܝܢ ܗܘܘ ܠܡܩܒܪ ܚܕ̈ܕܐ.܀܀ ܫܢܬ ܐܠܦܐ ܘܚܡܫܡܐܐ ܘܬܫܥܝܢ܆ ܡܝܬ ܐܪܛܚܫܫܟ. ܘܐܡܠܼܟ ܟܣܪܟܣܣ ܕܬܪܝܢܼ ܝܪ̈ܚܐ ܬܪ̈ܝܢ. ܘܒܬܪܗ ܣܘܓܕܝܐܢܘܣܼ ܝܪ̈ܚܐ ܫ̈ܒܥܐ. ܘܒܬܪܗ ܕܪܝܘܫܼ ܫܢ̈ܝܐ .ܝܛ..܀܀ ܫܢܬ ܐܠܦܐ ܘ.ܢܿܨܐ.܇ ܟܕ ܗܘܼܘ ܙܘ̈ܐ ܩ̈ܫܝܐ ܙܝ̈ܥܐܼ. ܐܟܐܠܐܢܟܐ ܕܠܘܬ ܠܐܩܪܘ ܐܬܬܙܝܥܬܼ ܘܗܘܼܬ ܓܙܪܬܐ.. ܘܦܠܛܘܢ ܐܬܝܠܕ.܀ ܫܢܬ ܐܠܦܐ ܘ.ܬܪ.܇ ܗܘܐ ܐܘܠܨܢܐ ܪܒܐ ܥܠ ܐܬܢ̈ܝܐ.܀܀ ܫܢܬ ܐܠܦܐ ܘܫܬܡܐܐ ܘܬܫܥܼ. ܡܝܼܬ ܕܪܝܘܫ. ܘܐܡܠܼܟ ܐܪܛܚܫܝܫܬ ܒܪܗܼ ܫܢ̈ܝܐ ܐܪ̈ܒܥܝܢ.. ܒܝ̈ܘܡܝ ܗܢܐ ܡܣܬܒܪܐ ܠܝ ܬܫܥܝܬܐ ܕܐܣܬܝܪ.܀܀ ܫܢܬ ܐܠܦܐ ܘܫܬܡܐܐ ܘܥܣܪܝܢ ܘܬܪܬܝܢ܆ ܗܘܐ ܩܪܒܐ ܕܩܐܪ̈ܟܕܘܢܝܐ ܘܕܐܦܪܝܩܝܢܘܣ.. ܕܝܘܓܢܣ ܩܘܢܝܩܘܣ ܡܬܝܕܥ.܀܀ ܫܢܬ ܐܠܦܐ ܘܫܬܡܐܐ ܘ.ܠܒ.܇ ܗܘܼܐ ܙܘܥܐ ܪܒܐ. ܘܐܠܝܩܐ ܘܒܘܪܐ ܡܕ̈ܝܢܬܐ ܕܒܦܠܘܦܐܢܣܘܣ ܐܬܒܠܥ ܒܐܪܥܐ.܀܀ ܫܢܬ ܐܠܦܐ ܘܫܬܡܐܐ ܘܐܪܒܥܝܢ ܘܬܪܬܝܢ܆ ܦܠܛܘܢ ܘܐܟܣܢܐܦܘܢ ܘܐܝܣܘܩܪܛܝܣ ܪܗܝܛܪܐ ܡܬܝܕܥܝܢ.. ܘܐܠܟܣܢܕܪܘܣ ܕܡܢ ܦܪܘܣ ܒܗܢܐ ܙܒܢܐ ܐܝܬܘܗܝ.܀܀ ܫܢܬ ܐܠܦܐ ܘܬܡܐܐ ܘܫܬܝܢ ܘܬܪ̈ܬܝܢ ܠܐܒܪܗܡܼ. ܐܬܝܠܕ ܐܠܟܣܢܕܪܘܣ ܒܪ ܦܝܠܦܘܣ ܡܩܕܘܢܝܐ.܀܀ ܫܢܬ ܐܠܦܐ ܘܫܬܡܐܐ ܘܚܡܫܝܢ܆ ܡܼܝܬ ܐܪܛܚܫܝܫܬ. ܘܐܡܠܝܟ ܐܘܟܘܣܿ ܫܢ̈ܝܐ ܥܣܪ̈ܝܢ ܘܫ̈ܒܥ.܀܀ ܫܢܬ ܐܠܦܐ ܘ.ܣܿܥܓ.܇ ܡܝܬ

Page 41

ܦܠܛܘܢ.܀܀ ܫܢܬ ܐܠܦܐ ܘ.ܣܿܥܘ.: ܡܝܬ ܐܘܟܘܣ. ܘܐܠܡܟ ܐܪܣܣܼ. ܫ̈ܢܝܐ ܐܪ̈ܒܥ.܀܀ ܫܢܬ ܐܠܦܐ ܘ.ܣܣܗ. ܐܬܟܒܫܬ ܐܓܝܦܛܘܣ ܡܢ ܐܘܟܘܣ ܡܠܟܐ ܕܦܪ̈ܣܝܐ.܀܀ ܫܢܬ ܐܠܦܐ ܘܫܬܡܐܐ ܘ.ܣܛ. ܥܩܪ ܐܘܟܘܣ ܠܨܕܘܢ.܀ ܡܬܝܕܥ ܐܝܐܕܘܣ ܪܒ ܟ̈ܗܢܐ ܕܝܗ̈ܘܕܝܐ.܀܀ ܫܢܬ ܐܠܦܐ ܘܫܬܡܐܐ ܘܬܡܢܝܢ܆ ܡܢܫܐ ܐܚܘܗܝ ܕܐܝܐܕܘܣ ܪܒ ܟ̈ܗܢܐ ܒܢܼܐ ܒܛܘܪܐ ܕܓܪܙܝܡ ܗܝܠܟܐ.܀ ܘܒܗܿ ܒܫܢܬܐ ܗܕܐܼ ܡܝܬ ܐܪܣܣ. ܘܐܡܠܟ ܥܠ ܦܪ̈ܣܝܐ ܕܪܝܘܫܿ ܫܢ̈ܝܐ ܫ̈ܬ.܀ ܘܒܗܿ ܟܕ ܒܗܿ ܒܫܢܬܐ ܗܕܐܼ. ܡܼܝܬ ܐܦ ܦܝܠܦܘܣ ܡܠܟܐ ܕܡ̈ܩܕܘܢܝܐ. ܘܐܡܠܟ ܒܬܪܗ ܥܠ ܡܩܕܘܢܝܐܼ. ܐܠܟܣܢܕܪܘܣ ܒܪܗܼ ܫܢ̈ܝܐ ܬܪ̈ܬܥܣܪܐ ܘܝܪ̈ܚܐ ܐܫ̈ܬܐ.܀܀ ܫܢܬ ܐܠܦܐ ܘ.ܣܿܦܐ.: ܢܦܼܩ ܐܠܟܣܢܕܪܘܣ ܠܡܗܠܟܘ ܒܐܪܥܐܼ ܘܕܢܟܒܘܫ ܥܡ̈ܡܐ ܘܡ̈ܠܟܘܬܐ.܀

ܡܢ ܬܫܥܝܬܐ ܕܥܠ ܐܠܟܣܢܕܪܘܣ.܀ ܟܕ ܕܝܢ ܨܼܒܐ ܕܢܦܘܩ ܘܢܗܠܟ ܒܐܪܥܐܼ. ܩܡ ܘܢܕܪ ܢܕܪܐ ܘܐܡܼܪ܆ ܕܐܢ ܢܐܬܐ ܡܫܝܚܐ ܒܪܗ ܕܐܠܗܐ ܒܝ̈ܘܡܬܝܼ ܐܣܓܘܕ ܠܗܼ. ܐܢܐܿ ܘܟܠܗܘܢ ܚܝ̈ܠܘܬܝ ܘܢܦܠܚܝܘܗܼܝ. ܘܐܠܐ ܢܐܬܐ ܒܝ̈ܘܡܬܝ ܟܠܝܠܐ ܗܢܐ ܕܒܪܝܫܝ ܘܟܘܪܣܝܐ ܗܢܐ ܕܡܠܟܘܬܝܼ. ܢܗܘܘܢ ܠܗ ܠܐܝܩܪܗ ܐܡܬܝ ܕܢܐܬܐ. ܘܗܠܝܢ ܬܡܢ̈ܝܢ ܠܝܛܪ̈ܝܢ ܕܗܒܐܼ. ܢܗܘܘܢ ܠܗ ܠܒ̈ܣܡܐ ܘܠܢܗܝܪ̈ܐ ܘܠܩܘܪ̈ܒܢܐ ܡܐ ܕܐܿܬܐ. ܘܩܡ ܕܒܪ ܥܡܗ ܬܠܬܡܐܐ ܘܥܣܪܝܢ ܘܐܪ̈ܒܥܐ ܐܠܦ̈ܝܢ ܚܝܠܐܼ ܘܐܙܠ ܠܡܨܪܝܢ܆ ܘ      ܐܘ̈ܡܢܐ. ܘܩܛܥ ܘܥܒܼܪ ܬܪܥܣܪ ܝܘ̈ܡܝܢ. ܘܐܫܟܚ ܦܩܥܬܐ ܕܚܕܪܐ ܗܠܝܢ. ܘ  ܬܪܥܣܪ ܡ̈ܝܠܝܢ. ܘܠܗܿܘ ܝܡܐ ܡܝܬܐ ܘܠܐ ܐܫܟܚ ܕܢܐܙܠܘܢ ܬܘܒܼ. ܡܛܠ ܕܚܙܘ ܕܗܿܢܘܢ ܕܩܪܒܘ

Page 42

ܨܝܕ ܝܡܐ ܡܝܬܼܐ ܡܝܬ ܗܘܘ. ܘܣܠܼܩ ܐܙܠܼ ܒܗܿܝ ܦܩܥܬܐ ܐܝܟ ܕܟܬܝܒ ܒܬܫܥܝܬܐܼ ܥܕܡܐ ܠܡܥܪ̈ܒܝ ܫܡܫܐ. ܘܚܼܙܘ ܫܡܫܐ ܕܥܼܠܘ ܒܫܡܝܐ. ܘܐܝܟ ܐܣܦܝܪ̈ܐ ܕܢܘܪܐ ܢܬܪ̈ܢ ܗܘ̈ܝ ܡܢܗ ܒܗܿܘ ܥܕܡܐ. ܘܟܠܗܘܢ ܒܢ̈ܝ ܐܬܪܐ ܗܿܘ. ܘܚ̈ܝܘܬܐ ܘܦܪ̈ܚܬܐܼ ܥܪ̈ܩܢ ܗܘ̈ܝ ܠܡܥܪ̈ܐ. ܘܩܡ ܬܘܒ ܐܠܟܣܢܕܪܘܣ ܘܟܠܗ ܚܝܠܗܼ. ܘܐܬܦܢܝ ܕܢܐܙܠ ܠܡܕܢܚܐ. ܘܥܒܪ ܒܐܬܪ̈ܘܬܐ ܣܓܝ̈ܐܐܼ. ܥܕܡܐ ܠܐܬܪܐ ܕܐܝܬܘܗܝ ܗܘܐ ܒܝܢܬ ܡ̈ܟܠܘܬܐ ܕܪ̈ܗܘܡܝܐ ܘܕܦܘܪ̈ܣܝܐ. ܘܠܕܒܝܬ ܓܘܓ. ܫܕܪ ܕܝܢ ܐܠܟܣܢܕܪܘܣ ܐܝ̈ܙܓܕܐ ܕܢܐܡܪܘܢ܇ ܕܡܿܠܟܐ ܕܝܘ̈ܢܝܐ ܥܿܒܪ ܘܠܐ ܫܿܒܐ. ܘܠܐ ܡܿܚܪܒ. ܟܠܢܫ ܒܫܒܝܢܐ ܢܬܒ. ܘܒܠܚܘܕ ܣ̈ܒܐ ܥܬ̈ܝܩܐ ܕܐܝܬ ܒܗ ܒܐܬܪܐ ܢܿܐܬܘܢ ܨܝܕܝ. ܕܒܿܥܐ ܐܢܐ ܐܫܐܠ ܐܿܢܘܢ ܡܠܬܐ. ܘܟܕ ܐܬܘ ܐܡܼܪ ܠܗܘܢܼ. ܕܡܢܘ ܐܬܪܐ ܗܢܐ. ܐܡܿܪܝܢ ܠܗܼ ܕܕܪܝܘܫ ܡܠܟܐ ܕܦܪܣ. ܐܿܡܪ ܠܗܘܢܼ. ܘܗܢܐ ܛܘܪܐ ܪܒܐ ܘܥܫܝܢܐܼ. ܡܢܐ ܩܪܝܢ ܐܢܬܘܢ ܠܗ. ܐܡܿܪܝܢ ܠܗܼ. ܗܢܐ ܬܚܘܡܐ ܐܝܬܘܗܝ ܗܘܐ ܕܣܡܗ ܐܠܗܐܼ ܒܝܬ ܠܢ ܘܠܗܠܝܢ ܥܡ̈ܡܐ ܕܠܗܿܘ ܓܒܗ. ܘܐܙܿܠ ܗܟܢܐ ܥܕܡܐ ܠܗܢܕܘ ܓܘܝܬܐ. ܘܥܡ̈ܡܐ ܗܠܝܢ ܕܐܝܬ ܗܪܟܐܼ ܚܪ̈ܫܐ ܐܢܘܢ ܡܢ ܗܘ ܓܒܗ. ܘܡܐ ܕܒܿܥܝܢ ܕܢܦܩܘܢ ܠܩܪܒܐܼ. ܡܩܝܡܝܢ ܐܢܬܬܐ ܕܒܛܢܐ ܠܘܩܒܠ ܢܘܪܐ. ܥܕܡܐ ܕܢܦܿܩ ܥܘܠܗܿ. ܘܥܒܕܝܢ ܥܠܘܗܝ ܚܪ̈ܫܐ ܘܛܡܫܝܢ ܙܝܢܗܘܢ. ܘܗܘܐ ܚܕ ܡܢܗܘܢ ܡܬܚܙܐ ܐܝܟ ܡ̈ܬܝܢ ܦܪ̈ܫܢ. ܘܩ̈ܠܝܗܘܢ ܐܝܟ ܝܪܘܪ̈ܐ. ܐܿܡܪ ܠܗܘܢ ܐܠܟܣܢܕܘܣܼ. ܢܦܝܩ ܠܗܘܢ ܒܝܘ̈ܡܬܟܘܢ. ܐܿܡܪܝܢ ܠܗܼ. ܒܛܘܪܐ ܗܢܐ ܐܝܬ ܬܘܪܥܬܐ ܐܝܟ ܥܣܪ̈ ܐܡ̈ܝܢ. ܘܡܢܗܿ ܢܦܩܝܢ ܒܙܒܢ ܙܒܢ. ܗܠܝܢ ܚ̈ܣܢܐ ܕܦܘܪ̈ܣܝܐ ܕܚܿܙܐ ܐܢܬܼ ܗܼܢܘܢ ܐܚܪܒܘ ܐܢܘܢ. ܘܐܿܡܪ ܠܗܘܢܼ. ܘܡܘܢ ܐܝܬܘܗܝ ܫܡܐ ܕܡܠܟܝ̈ܗܘܢ. ܐܿܡܪܝܢ ܠܗܼ.

Page 43

ܓܘܓ. ܘܡܓܘܓ. ܘܓܝܓ. ܘܬܿܡܪܬ ܘܬܡܿܪܬܢ. ܘܠܗܠ ܡܢܗܘܢܼ ܕܒܝܬ ܐܡܿܙܪܬ. ܘܠܗܠ ܡܢܗܘܢܼ ܕܒܝܬ ܟܠܒܒܪܢܫ. ܘܠܗܠ ܡܢܗܘܢܼ ܕܒܝܬ ܡܚܢ̈ܝ. ܘܠܗܠ ܡܢܗܘܢܼ ܠܝܬ ܒܪܢܫ. ܐܠܐ ܡܕܒܪܐ ܚܪܒܐܼ ܘܛܘܪ̈ܐ ܪܘܪ̈ܒܐ ܘܬܢ̈ܝܢܝܐ ܘܚܝ̈ܘܬܐ. ܘܠܗܠ ܡܢܗܘܢ ܦܪܕܝܣܗ ܕܐܠܗܐ. ܡܢ ܪܘܚܩܐ ܒܐܬܪܐ ܪܡܐܼ. ܐܝܟ ܒܝܬ ܐܪܥܐ ܠܫܡܝܐ ܕܿܡܐ ܕܡܬܚܙܐ ܕܣܝܡ. ܘܒܠܠܝܐ ܘܒܐܝܡܡܐ ܢܘܗܪܐ ܡܬܙܐ ܡܢ ܬܡܘܢ ܠܪܘܚܩܐ. ܐܿܡܪ ܠܗܘܢ: ܘܗܠܝܢ ܢܗܪ̈ܘܬܐܼ. ܦܪܬ ܘܕܩܠܬ ܘܦܫܘܢ ܘܓܝܚܘܢܼ. ܐܝܟܢܐ ܐܡܼܪ ܟܬܒܐ ܕܢܦܩܝܢ ܡܢ ܬܡܢ. ܐܡܿܪܝܢ ܠܗܼ. ܐܦܼܩ ܡܪܝܐ ܢܗܪ̈ܘܬܐ ܡܢ ܦܪܕܝܣܐ. ܘܕܠܐ ܢܐܙܠܘܢ ܒܢܝ̈ܢܫܐ ܥܠܝܗܘܢܼ ܘܢܥܠܘܢ ܠܦܪܕܝܣܐ. ܦܩܼܕ ܠܗܘܢ ܐܠܗܐ ܠܗܠܝܢ ܢܗܪ̈ܘܬܐܼ. ܕܢܚܬܘܢ ܘܢܐܙܠܘܢ ܒܓܘ ܐܪܥܐ ܡܣܝ̈ܘܢܐ ܣ̈ܓܝܐܐܼ. ܘܟܢ ܢܐܙܠܘܢ ܘܢܕܝܩܘܢ ܘܢܬܚܙܘܢ ܠܒܪ ܒܐܬܪ̈ܘܬܐ ܕܪܚܝܩܝܢ ܚܕ ܡܢ ܚܕ.. ܘܟܕ ܫܡܼܥ ܡܢܗܘܢ ܐܠܟܣܢܕܪܘܣ ܣܓܝ̈ܐܬܐܼ ܫܪܐ ܐܢܘܢ ܕܢܐܙܠܘܢ. ܘܦܩܕ ܗܘܐ ܠܟܠܗܘܢ ܐܘ̈ܡܢܐ ܗܿܢܘܢ ܕܐܝܬܝ ܡܢ ܡܨܪܝܢ܆ ܘܥܒܼܕ ܬܪܥܐ ܪܒܐ ܕܦܪܙܠܐ: ܒܗܿ ܒܗܿܝ ܬܘܪܥܬܐ ܕܐܝܬ ܒܛܘܪܐ ܗܿܘ. ܘܫܥܘܗܝ ܒܦܪܙܠܐ. ܘܩܼܒܥܘܗܝ ܒܡ̈ܘܟܠܐ. ܣ̈ܒܐ ܕܝܢ ܗܿܢܘܢ ܕܐܙܠܘ ܡܢ ܨܝܕܘܗܝ ܐܙܠܘ ܨܝܕ ܕܪܝܘܫܼ ܘܐܡܪܘ ܠܗ.. ܘܫܕܪ ܘܟܢܫ ܬܡ̈ܢܝܢ ܘܬܪ̈ܝܢ ܡ̈ܠܟܝܢܼ ܘܚܝ̈ܠܘܬܗܘܢ܆ ܘܐܬܘ ܥܠܘܗܝ.. ܘܟܕ ܕܡܝܟ [ܗܘܐ ܥܕܡܡܐ ܠܥـ]ܕܢܐ ܕܛܗܪܐ ܘܡܬܬܢܝܚܼ. ܗܼܘ ܘܟܠܗܘܢ ܚܝ̈ܠܘܬܗܼ. ܩܪܒ ܨܝـ[ܕܘܗܝ ܒܪ]ܗ ܕܐܠܗܐܼ ܘܐܥܝܪܗ. ܘܐܡܼܪ ܠܗܼ. ܡܘܢ ܕܡܝܟ ܐܢܬ. ܗܼܘ ܕܝܢ ܕܚܼܠ ܣܓܝ. ܘܐܡܼܪ ܠܗܼ. ܡܘܢ ܨܿܒܐ ܐܢܬܼ ܡܪܝ. ܐܿܡܪ ܠܗܼ. ܐܢܐ ܐܢܐ ܡܪܝܐ ܕܢܕܼܪܬ ܠܝ ܢܕܪܐܿ. ܘܢܦܼܩܬ ܥܠܝ ܫܡܝ. ܘܗܫܐ ܡ̈ܠܟܐ ܘܚܝܠܘ̈ܬܗܘܢ ܐܬܿܝܢ ܥܠܝܟ. ܐܠܐ ܡܐ ܕܐܬܼܘ: ܩܪܝܢܝܼ ܘܐܢܐ ܐܿܬܐ ܐܢܐ ܠܥܘܕܪܢܟ. ܗܼܘ ܕܝܢ ܩܡ ܘܐܥܝܪ

Page 44

ܐܢܘܢ ܠܪ̈ܘܪܒܢܘܗܝ. ܘܐܡܼܪ ܠܗܘܢܼ. ܕܗܢܐ ܥܕܢܐ ܐܬܚܙܝ ܠܝ ܡܪܝܐܼ. ܘܐܼܡܪ ܠܝ. ܕܗܐ ܡ̈ܠܟܐ ܘܚܝ̈ܠܘܬܗܘܢ ܐܿܬܝܢ ܥܠܝܟ. ܐܠܐ ܩܪܝܢܝܼ ܘܐܢܐ ܐܿܬܐ ܐܢܐ ܠܥܘܕܪܢܟ. ܕܐܢܐ ܐܢܐ ܡܪܝܐ ܕܢܕܼܪܬ ܠܝ ܢܕܪܐ. ܘܢܦܼܩܬ ܥܠܝ ܫܡܝ. ܐܠܐ ܢܿܣܼܩ ܠܪܝܫ ܛܘܪܐ ܗܢܐܼ ܘܢܿܚܙܐ. ܘܣܠܼܩ ܐܢ̈ܫܐ ܡܢܗܘܢܼ. ܘܚܙܘ ܐܪܥܐ ܗܿܝ ܟܠܗܿ ܟܕ ܡܚܦܝܐ ܒܚܝ̈ܠܘܬܐ. ܘܢܚܬܘ ܡܣܪܗܒܐܝܬܼ. ܘܐܡܪܘ: ܡܢܐ ܥܒܕܝܢܢ. ܐܪܥܐ ܟܠܗܿ ܡܚܦܝܐ ܒܚܝ̈ܠܘܬܐ ܕܐܬܝܢ ܥܠܝܢ. ܩܡ ܕܝܢ ܐܠܟܣܢܕܪܘܣܼ ܘܦܼܩܕ ܠܟܠܗܘܢ ܚܝ̈ܠܘܬܗ ܕܢܣܝܡܘܢ ܒ̈ܣܡܐ ܠܡܪܝܐ ܕܐܬܚܙܝ ܠܗܼ ܘܢܩܪܘܢܝܗܝ. ܐܡܼܪ ܓܝܪ ܐܠܟܣܢܕܘܣܼ. ܢܿܐܬܐ ܡܪܝܐܼ ܘܢܿܫܟܚܝܗܿ ܠܡܫܪܝܬܐ ܠܟܗܿ ܐܝܟ ܕܒܣܝܡ ܪܝܚܗܿ. ܘܣܡ ܐܠܟܣܢܕܪܘܣ ܬܓܐ ܘܠܒܘܫܐ ܘܡܠܟܘܬܗ ܥܠ ܐܪܥܐܼ. ܘܐܼܡܪ. ܐܠܗܐܼ ܕܝܠܟ ܗܝ ܡܠܟܘܬܐ ܘܕܝܠܟ ܐܪܥܐܼ. ܘܐܼܡܪ. ܐܠܗܐܼ ܕܝܠܟ ܗܝ ܡܠܟܘܬܐ ܘܕܝܠܟ ܗܝ ܙܟܘܬܐܼ ܬܐ ܠܥܘܕܪܢܢ. ܘܥܕ ܗܼܢܘܢ ܩܝܡܝܢ܆ ܚܝ̈ܠܘܬܐ ܚܕܪܘ ܐܢܘܢ ܡܢ ܟܠ ܓܒ̈ܝܢ. ܩܼܥܐ ܕܝܢ ܐܠܟܣܢܕܘܣ ܘܚܝ̈ܠܘܬܗ: ܕܡܪܝܐ ܗܘ ܩܪܒܐܼ ܘܙܟܘܬܐ. ܘܬܘܒ ܩܥܘ ܘܐܡܪܘ ܡܪܝܐܼ ܬܐ ܠܥܘܕܪܢܢ. ܘܐܠܟܣܢܕܘܣ ܐܼܡܪ. ܡܪܝܐ ܕܐܬܚܙܝ ܠܝ ܘܐܡܼܪ ܠܝܼ. ܕܩܪܘܢܝܼ ܘܐܢܐ ܐܿܬܐ ܠܥܘܕܪܢܟܘܢܼ. ܬܐ ܠܥܘܕܪܢܢ ܒܫܥܬܐ ܗܕܐ.. ܗܝܕܝܢ ܚܙܘܗܝ ܟܕ ܐܬܐ ܥܠ ܡܪܟܒܬܐ ܕܟܪ̈ܘܒܐܼ. ܘܟܢܫܐ ܕܡ̈ܠܐܟܐ ܡܢ ܝܡܝܢܗ ܘܡܢ ܣܡܠܗ. ܘܗܼܘܐ ܩܪܒܐ ܪܒܐ. ܘܩܼܪܒ ܡܪܝܐ ܨܝܕ ܐܠܟܣܢܕܪܣ. ܘܐܼܡܪ ܠܗܼ ܠܐ ܬܕܚܠ. ܗܐ ܥܡܟ ܐܢܐ. ܘܐܿܙܠ ܗܘܐ ܩܠܗ ܕܡܪܝܐ ܟܕ ܥܪܡ ܥܡ ܚܝܠܘܬܐ ܒܝܢܬ ܛܘܪ̈ܐ. ܘܩܼܿܛܠ ܡܢܗܘܢ ܕܒܝܬ ܐܠܟܣܢܕܣ ܫ̈ܬܝܢ ܘܬܪ̈ܝܢ ܡ̈ܠܟܐ ܘܚܝܠܘ̈ܬܗܘܢ. ܘܠܡܠܟܐ ܗܿܘ ܕܦܪܣܼ ܕܗܼܘ ܟܿܢܫ ܐܢܘܢܼ. ܐܚܕܘܗܝ ܟܕ ܚܝ. ܘܒܼܥܐ ܐܠܟܣܕܪܣ ܕܢܩܛܠܝܘܗܝ. ܐܡܼܪ ܠܗܼ. ܕܡܢܐ ܝܬܪ ܐܢܬ ܕܩܿܛܠ ܐܢܬ ܠܝ. ܕܗܒܐ ܘܐܣܡܐ ܘܟܠ ܕܐܝܬ ܡܠܟܘܬܝ ܣܒ ܠܟ. ܘܡܫܥܒܕ ܐܢܐ ܠܟ ܠܦܪܣ

Page 45

ܚܡܫܥܣܪ̈ܐ ܫܢ̈ܝܢ. ܘܩܡ ܢܚܼܬ ܘܐܦ ܟܒܼܫ ܐܪܥܐ ܕܦܪܣ. ܘܢܚܼܬ ܠܗܢܕܘ. ܘܡܢ ܒܬܪܟܝܢ ܥܒܼܕ ܐܠܟܣܢܕܪܣ ܘܕܘܪܝܫ ܘܫܒܘܪ ܒܝܢܬܗܘܢ. ܕܟܠܚܕ ܡܢܗܘ̤ܼ. ܫ̈ܬܐ ܐܠܦܝ̈ܢ ܢܛܘܪ̈ܐ ܡܩܝܡ ܥܠ ܬܪܥܐ ܗܿܘ ܕܥܒܼܕ ܐܠܟܣܢܕܪܣ ܒܐܦ̈ܝܗܘܢ ܕܒܝܬ ܓܘܓ. ܘܡܢ ܒܬܪ ܚܡܫܥܣܪ̈ܐ ܫܢ̈ܝܢ܆ ܬܗܘܐ ܐܬܘܪ ܡܪܬܐ ܕܢܦܫܗܿ. ܘܗܦܟ ܐܬܼܐ ܠܐܪܥܗ ܒܙܟܘܬܐ ܪܒܬܐ. ܘܐܙܠܼ ܨܠܝ ܒܐܘܪܫܠܡ. ܘܫܿܠܡ ܢܕܪ̈ܘܗܝ܆ ܟܕ ܡܘܕܐ ܠܡܪܝܐ ܗܿܘ ܕܢܦܼܩ ܥܠ ܫܡܗ: ܘܝܗܼܒ ܠܗ ܟܠܗܿ ܗܕܐ ܙܟܘܬܐ. ܘܢܦܼܩ ܡܢ ܬܡܘܢܼ. ܘܐܙܠܼ ܝܬܒ ܒܐܠܟܣܢܕܪܝܐ ܥܠ ܡܠܟܘܬܗ.

ܫܢܬ ܐܠܦܐ ܘܫ̈ܬܡܐܐ ܘܬܡ̈ܢܝܢ ܘܚܕܐܼ. ܟܒܼܫ ܐܠܟܣܢܕܣ ܠܐܝܠܘܪ̈ܝܐ ܘܠܬܪ̈ܩܝܐ. ܘܠܬܒܐܣ ܥܩܼܪ ܘܚܪܒ ܠܥܡܗܿ. ܘܥܠ ܦܪ̈ܣܐ ܐܬܓܒܪ. ܘܠܣܪܕܐܝܣ ܐܚܕ. ܘܙܟܼܐ ܠܐܣܛܪ̈ܛܝܓܐ ܕܡܠܟܐ ܥܠ ܩܪܐܢܝܩܘܣ ܢܗܪܐ܀܀ ܫܢܬ ܐܠܦܐ ܘܫܬܡܐܐ ܘܬܡ̈ܢܝܢ ܘܬܠܬܼ. ܟܒܼܫ ܐܠܟܣܢܕܪܣ ܠܨܘܪܼ. ܘܠܡܕ̈ܝܢܬܐ ܕܝܗ̈ܘܕܝܐ ܥܩܪ. ܘܟܕ ܐܬܩܒܠ ܡܢ ܝܗܘܕ̈ܝܐ ܘܕܒܚ ܠܐܠܗܐܼ. ܝܩܪ ܠܐܢܕܪܝܡܟܣ ܟܗܢܐܼ. ܘܥܠ ܕܘ̈ܟܝܬܐ ܐܩܝܡܗ. ܘܟܕ ܩܛܠܘܗܝ ܠܗܢܐ ܐܝܠܝܢ ܕܥܡܿܪܝܢ ܒܡܪܝܢܼ [ܐܬܐ ܐܠܟܣܢܕܪܣ ܡܢ] ܐܓܝܦܛܣܼ ܘܠܡܕܝܢܬܐ ܢܣܒܼ. ܘܐܘܬܒ ܒܗܿ ܡܩ̈ܕܘܢܝܐ. [܀ ܫܢܬ ܐܠܦܐ ܘ.ܣܿܦܘ.] ܡܚܘ ܩܪܒܐ ܪܒܐ ܕܘܪܝܫ ܘܐܠܟܣܢܕܘܣ . . . ܣܘܦܘܠܣ . . . . . ܘܐܙܕܟܝ ܕܪܝܘܫ ܕܪܣ.܀ ܘܒܗܿ ܒܫܢܬܐ ܗܕܐ. ܒܢܼܐ ܐܠܟܣܢܕܪܣ ܠܐܠܟܣܢܕܪܝܐ ܒܐܪܥܐ ܕܡܨܪܝܢ.. ܒܗܢܐ ܙܒܢܐ ܡܬܝܕܥܝܢ܆ ܐܢܐܟܣܝܡܢܘܣ ܘܐܦܝܩܘܪܣ ܘܐܪܣܛܛܠܝܣ.܀܀ ܫܢܬ ܐܠܦܐ ܘܬܡܐܐ ܘܬܡ̈ܢܝܢ ܘܬܫܥܼ. ܐܠܟܣܢܕܪܣ ܠܗܘܪ̈ܝܩܢܝܐ ܘܠܐܡܪ̈ܕܘ ܐܚܕ. ܘܟܕ ܣܠܼܩ ܠܐܡܘܢܐܘܣ ܒܢܼܐ ܠܦܐܪܛܐܢܝܘܢ.܀܀

Page 46

ܫܢܬ ܐܠܦܐ ܘܫܬܡܐܐ ܘܬܫܥܝܢ܆ ܐܠܟܣܢܕܪܣ ܠܐܪܢܣ ܫܩܝܦܐ ܐܚܕ. ܘܠܗܢܕܘܣ ܢܗܪܐ ܥܒܼܪ.܀܀ ܫܢܬ ܐܠܦܐ ܘܫܬܡܐܐ ܘܬܫ̈ܥܝܢ ܘܚܪܐܼ. ܥܒܼܕ ܐܠܟܣܢܕܣ ܘܦܘܠ ܡܠܟܐ ܕܗ̈ܢܕܘܝܐ ܩܪܒܐ܇ ܘܐܬܩܼܛܠ ܦܘܠ ܘܗܢܕܘ ܟܠܗܿ ܐܬܟܒܫܬ.܀܀ ܫܢܬ ܐܠܦܐ ܘ.ܬܪܨܒ. ܠܐܒܪܗܡܼ. ܡܝܬ ܐܠܟܣܢܕܪܣܼ ܒܪ ܬܠܬܝܢ ܘܬܪ̈ܬܝܢ ܫܢ̈ܝܢ ܒܒܝܠ. ܘܒܬܪܗ ܐܬܦܠܓܬ ܡܠܟܘܬܐ ܠܣ̈ܓܝܐܐ.

ܙܒܢܐ ܕܦ̈ܛܠܡܐܝܐ. ܘܐܦ ܡܢܝܢܐ ܕܐܠܟܣܢܕܪܣ ܡܢ ܗܪܟܐ ܡܢܐܼ. ܡܢ ܫܢܬ ܩܕܡܝܬܐ ܕܒܗܿ ܐܡܠܟ ܦܝܠܦܘܣ ܐܚܘܗܝ ܥܠ ܡܩܕ̈ܘܢܝܐ.܀ ܥܠ ܡܩܕ̈ܘܢܝܐ ܐܡܼܠܟ ܦܝܠܦܣܼ ܫܢ̈ܝܐ ܫܒ̈ܥ. ܘܥܠ ܐܓܦܛܘܣ ܦܛܠܡܐܘܣܼ ܫܢ̈ܝܐ .ܡ.. ܥܠ ܠܘܕ̈ܝܐ ܘܥܠ ܗܠܣܦܢܛܘܣ ܐܡܠܟ ܠܘܣܝܡܐܟܘܣ. ܥܠ ܐܣܝܐ ܘܥܠ ܣܘܪܝܐ ܐܡܠܟ ܐܢܛܝܓܘܢܘܣ.܀܀ ܫܢܬ ܐܠܦܐ ܘܫܬܡܐܐ ܘܬܫ̈ܥܝܢ ܘܫ̈ܬܼ. ܥܒܪ ܒܢܟܠܐ ܘܒܛܘܥܝܝ ܘܐܚܕ ܠܐܘܪܫܠܡܼ. ܘܠܡܕܗܝܢܬܐ ܕܝܗ̈ܘܕܝܐܼ ܦܛܠܡܐܘܣ ܡܠܟܐ ܕܡܨܪܝܢ. ܘܠܣ̈ܓܝܐܐ ܡܢܗܘܢ ܫܒܼܐܼ. ܘܒܡܨܪܝܢ ܐܘܬܒ ܐܢܘܢ.. ܡܬܝܕܥ ܚܘܢܝܐ ܪܒ ܟ̈ܗܢܐ.܀܀ ܫܢܬ ܐܠܦܐ ܘܫܒܥܡܐܐܼ. ܐܬܒܢܝܬ ܐܢܛܚܟܝܐ ܥܠ ܓܢܒ ܐܘܪܢܛܐ ܢܗܪܐ. ܡܢ ܐܢܛܝܓܘܢܐ ܡܠܟܐ ܕܣܘܪܝܐ.܀܀ ܫܢܬ ܐܠܦܐ ܘܫܒܥܡܐܐ ܘܚܕܐܼ. ܥܠ ܣܘܪܝܐ ܘܥܠ ܒܒܝܠ ܘܐܬܪ̈ܘܬܐ ܥ̈ܠܝܐܿ ܐܡܠܟ ܩܕܡܝܐ ܣܠܘܩܣ ܢܝܩܛܘܪܼ. ܫܢ̈ܝܐ ܬܠ̈ܬܝܢ ܘܬܪ̈ܬܝܢ.܀܀ ܫܢܬ ܐܠܦܐ ܘܫܒܥ ܡܐܐ ܘܚܡܫܼ. ܟܬܒܐ ܥܒܪܝܐ ܕܡ̈ܩܒܝܐ ܠܡܠܟܘܬܐ ܕܝ̈ܘܢܝܐ ܡܢ ܫܢܬ ܗܕܐ ܡܿܢܐ ܫܢ̈ܝܐ: ܡܢ ܐܝܠܝܢ ܕܒܟܬܒܐ ܐܠܗܝܐ ܠܘܬܗܘܢ ܣܝ̈ܡܢ. ܘܐܘܪ̈ܗܝܐ ܡܿܢܝܢ ܠܙܒܢܐܼ. ܡܢ ܫܢܬ ܐܠܦܐ ܘܫܒ̈ܥܡܐܐ ܘܫ̈ܬ.܀܀ ܫܢܬ ܐܠܦܐ ܘܫܒܥܡܐܐ ܘ.ܚ.: ܠܘܣܝܡܐܟܝܐ ܕܒܬܪܩܐ ܡܕܝܢܬܐ ܐܬܒܼܢܝܬ.܀ ܘܒܗܿ ܒܫܢܬܐ ܐܬܟܒܫܬ ܩܦܪܘܣ ܡܢ ܦܛܠܡܝܘܣ.. ܬܐܕܘܪܣ ܗܿܘ ܕܠܐ ܐܠܗ ܡܬܝܕܥ

Page 47

ܗܘܐ.܀܀ ܫܢܬ ܐܠܦܐ ܘܫܒܥܡܐܐ ܘܬܪܬܥܣܪܐܼ. ܒܢܼܐ ܣܠܘܩܘܣ ܡܕ̈ܝܢܬܐ ܗܠܝܢ. ܐܢܛܝܟܝܐ. ܘܠܕܝܩܝܐ. ܘܣܠܘܩܝܐ. ܘܐܦܡܝܐ. ܘܐܘܪܗܝ. ܘܚܠܒ. ܘܐܡܕ ܒܼܢܐ ܩܠܝܠ ܘܠܦܠܐܘܣ.܀܀ ܫܢܬ ܐܠܦܐ ܘ.ܬܫܝܘ.: ܟܒܫܗܿ ܣܠܘܩܣ ܠܒܒܝܠ.܀܀ ܫܢܬ ܐܠܦܐ ܘܫܒ̈ܥܡܐܐ ܘܥܣܪ̈ܝܢ܆ ܥܩܪܗܿ ܕܡܛܪܝܘܣ ܡܠܟܐ ܕܐܣܝܐ ܠܡܕܝܢܬܐ ܕܫܡܪ̈ܝܐܼ ܘܫܒܼܐ ܠܥܡܗܿ.. ܡܬܝܕܥ ܚܘܢܝܐ ܪܒ ܟ̈ܗܢܐ ܕܝܗܘܕ̈ܝܐ.܀܀ ܫܢܬ ܐܠܦܐ ܘܫܒܥܡܐܐ ܘܬܠܬܝܢ܆ ܣܠܘܩܣ ܡܠܟܐ ܕܣܘܪܝܐܼ. ܒܣܩܠܝܐ ܠܕܡܛܪܝܣ ܡܠܟܐ ܕܐܣܝܐ ܐܚܕ: ܕܐܬܼܐ ܡܛܠ ܩܨܡܐ ܠܬܡܢ. ܘܩܛܠܗ ܘܐܚܕ ܡܠܟܘܬܗ.܀܀ ܫܢܬ ܐܠܦܐ ܘܫܒܥܡܐܐ ܘܬܠܬܝܢ ܘܬܪ̈ܬܝܢ܆ ܡܝܬ ܦܛܠܡܐܘܣ. ܘܐܡܠܟ ܥܠ ܐܓܝܦܛܣ ܚܠܦܘܗܝ܆ ܦܛܠܡܐܘܣ ܦܝܠܕܠܦܘܣܿ ܫܢܗܝܐ ܬܠ̈ܬܝܢ ܘܬܡ̈ܢܐ.܀܀ ܫܢܬ ܐܠܦܐ ܘܫܒܥܡܐܐ ܘܬܠܬܝܢ ܘܫܬܼ. ܡܝܬ ܣܠܘܩܘܣܼ. ܘܐܡܠܟ ܥܠ ܣܘܪܝܐ ܚܠܦܘܗܝܼ ܐܢܛܝܟܣ ܣܘܛܪܼ ܫܢ̈ܝܐ .ܝܛ.܀܀ ܫܢܬ ܐܠܦܐ ܘܫܒܥܡܐܐ ܘܬܠܬܝܢ ܘܫܒܥܼ. ܐܬܦܫܩܘ ܟ̈ܬܒܐ ܒܦܐܪܘ ܓܙܪܬܐ ܠܫܒܥܝܢ ܝܘ̈ܡܝܢ. ܦܛܠܡܐܘܣ ܦܝܠܕܠܦܘܣܼ. ܡܛܠ ܕܓܒܪܐ ܗܘܐ ܪܚܡ ܫܦܝܪ̈ܬܐ: ܦܝܠܕܠܦܘܣ ܕܝܢ ܪܚܡ ܫܦܝܪ̈ܬܐ ܡܬܦܫܩ. ܗܢܐ ܓܝܪ ܟܕ ܫܼܡܥ ܥܠ ܟ̈ܬܒܐ ܕܝܗܘܕ̈ܝܐܼ [ܫܕܪ] ܠܟܠܗܘܢ ܪ̈ܝܫܢܝܗܘܢܼ. ܘܒܥܼܐ ܡܢܗܘܢ ܕܢܦܿܫܩܘܢ ܐܢܘܢ ܠܗ. ܡܢ ܠܫܢܐ ܝܗܘܕܝܐ ܠܝܘܢܝܐ. ܘܡܛܠ ܗܕܐ ܠܝܗ̈ܘܕܝܐ ܫܒ̈ܝܐ ܕܒܐܓܦܛܘܣ ܒܢ̈ܝ ܚܝܪ̈ܐ ܫܒܼܩ. ܘܥܡ ܡ̈ܐܢܐ ܕܡܠܟܘܬܐ ܕܒܐܘܪܫܠܡܿ. ܠܐܠܥܙܪ ܪܒ ܟ̈ܗܢܐ ܘܣܘܬܢܣ ܫܕܪ. ܘܟ̈ܬܒܐ ܕܝܗ̈ܘܕܝܐ ܡܢ ܠܫܢܐ ܥܒܪܝܐ ܠܕܝ̈ܘܝܢܐ ܕܢܬܦܫܩܘܢ ܐܬܚܦܛ. ܘܒܒܠܝܐܬܩܐ ܕܐܬܬܩܢܬ ܠܗ ܬܡܢ ܒܐܠܟܣܢܕܪܝܐ (ܣܡ ܐܢܘܢ).܀܀ ܫܢܬ ܐܠܦܐ

Page 48

ܘܫܒ̈ܥܡܐܐ ܘܐܪ̈ܒܥܝܢ ܘܚܡܫܼ. ܐܬܛܒܼܥ ܙܘ̈ܙܐ ܕܣܐܡܐ ܒܪܗܘܡܐ܇ ܡܢ ܗܪܟܐ ܗܘܬ ܡܘܥܝܬܐ ܒܝܫܬܐ ܥܠ ܥܠܡܐ. ܡܢ ܗܪܟܐ ܡܒܘܥܐ ܓܣܿܐ ܡܝ̈ܐ ܡܪ̈ܝܪܐܼ. ܘܐܪܘܝܗܿ ܠܒܪܝܬܐ ܡܢ ܬܛܪܐ ܒܝܫܐ ܕܪܚܡܬ ܟܣܦܐ.܀܀ ܫܢܬ ܐܠܐ ܘܫ̈ܒܥܡܐܐ ܘܪ̈ܒܥܝܢ ܘܫܬܼ. ܡܝܬ ܦܐܠܡܘܢ ܘܐܦ ܐܦܝܩܘܪܣ ܦܝ̈ܠܣܘܦܐ. ܘܐܬܝܕܥܘ ܐܪܩܠܘܣ ܘܩܪܐܛܣ ܘܙܝܢܘܢ ܘܐܪܣܝܣܛܪܐܛܘܣ ܐܣܝܐ.܀܀ ܫܢܬ ܐܠܦܐ ܘܫܒ̈ܥܡܐܐ ܘܚܡܫܝܢ ܘܚܡܫܼ. ܒܼܢܐ ܢܝܩܘܡܕܝܣ ܡܠܟܐ ܕܒܬܘ̈ܢܝܐ ܡܕܝܢܬܐܼ ܘܢܝܩܘܡܕܝܐ ܥܠ ܫܡܗ ܟܢܝܗܿ.܀ ܘܒܗܿ ܒܫܢܬܐܼ ܡܝܬ ܡܠܟܐ ܕܣܘܪܝܐ. ܘܐܡܠܟ ܐܢܛܝܟܣ ܫܢ̈ܝܐ ܚܡܫܥܣܪ̈ܐ. ܒܬܪ ܐܠܝܥܙܪ ܪܒ ܟ̈ܗܢܐܼ. ܩܒܠ ܡܢܫܐ ܕܕܗ ܪܒܘܬ ܟܗܢܘܬܐ.܀܀ ܫܢܬ ܐܦܠܐ ܘܫܒ̈ܥܡܐܐ ܘܫܬܝܢ ܘܬܡܢܐܼ. ܡܪܕܘ ܦܪ̈ܬܘܝܐ ܥܠ ܡܩ̈ܕܘܢܝܐ. ܘܐܡܠܟ ܥܠܝܗܘܢ ܡܠܟܐ ܕܩܡܝܐ ܐܪܫܟ. ܘܡܛܠ ܗܢܐ ܡܬܩܪܝܢ ܐܪ̈ܫܟܝܐ.܀܀ ܫܢܬ ܐܠܦܐ ܘ.ܬܫܥ. : ܡܝܬ ܦܝܠܕܠܦܣܼ. ܘܐܡܠܟ ܥܠ ܐܓܦܛܘܣ ܦܛܠܡ ܐܘܪܓܛܣ.܀ ܘܒܗܿ ܟܕ ܒܗܿ ܡܝܬ ܐܦ ܡܠܟܐ ܕܣܘܪܝܐ. ܘܐܡܠܟ ܣܠܘܩܣ ܩܠܢܝܩܘܣܿ ܫܢ̈ܝܐ ܥܣܪܗܝܢ.. ܒܗܢܐ ܕܝܢ ܙܒܢܐ ܡܬܝܕܥܝܢ ܝܫܘܥ ܒܪ ܐܣܝܪܐܼ. ܘܫܡܥܘܢ ܒܪ ܚܘܢܝܐܼ ܟ̈ܗܢܐ.܀܀ ܫܢܬ ܐܠܦܐ ܘ.ܬܫܨ.: ܩܛܠ ܪ̈ܗܘܡܝܐ ܡܢ ܓܠ̈ܛܝܐ ܥܕܡܐ ܠܐܪ̈ܒܥܝܢ ܐ̈ܠܦܝܢ ܒ̈ܢܝܢܫܐ.܀܀ ܫܢܬ ܐܠܦܐ ܘ.ܬܫܨܓ.: ܗܘܼܘ ܙܘ̈ܥܐ ܩ̈ܫܝܐ ܒܩܐܪܝܐ ܘܒܪܘܕܘܣ ܥܕܡܐ ܕܢܼܩܠ ܩܠܐܣܘܣܘ.. ܒܗܢܐ ܙܒܢܐ ܫܡܘܢܝ ܘܒ̈ܢܝܗܿ ܐܬܢܨܚܘ ܒܣܗܕܘܬܐ ܕܕܚܠܬ ܐܠܗܐ.܀܀ ܫܢܬ ܐܠܦܐ ܘ.ܫܨܘ. : ܐܡܠܟ ܦܛܠܡ ܦܝܠܘܦܐܛܘܪ ܥܠ ܡܨܪܝܢܿ ܫܢ̈ܝܐ .ܝܙ..܀܀ ܫܢܬ ܐܠܦܐ ܘܬܡܢܡܐܐ ܘܬܡܢܐܼ. ܗܘܐ ܩܪܐ ܒܝܬ ܐܢܛܝܟܣ

Page 49

ܡܠܟܐ ܕܣܘܪܝܐ: ܥܡ ܦܛܠܡܐܘܣ. ܘܚܒ ܦܛܠܡܐܘܣ.܀܀ ܫܢܬ ܐܠܦܐ ܘ.ܬܬܝܕ.: ܐܡܠܟ ܥܠ ܐܓܝܦܛܘܣܼ. ܦܛܠܡܐܘܣ ܐܦܝܦܢܘܣܿ ܫܢ̈ܝܐ ܥܣܪ̈ܝܢ ܘܐܪ̈ܒܥ.܀܀ ܫܢܬ ܐܠܦܐ ܘ.ܬܬܟܕ.: ܥܒܼܕ ܩܪܐ ܐܢܛܝܟܘܣ ܥܡ ܪ̈ܗܘܡܝܐܼ. ܘܚܒ ܐܢܛܝܟܣ ܘܐܦ ܐܩܝܡ ܥܡܗܘܢ ܩܝܡܐ: ܕܗܘܐ ܡܣܡ ܠܗܘܢ ܐܠܦ ܟܟܪ̈ܝܢ ܒܫܢܬܐܿ. ܡܢ ܒܬܪ ܚܝܒܘܬܗ ܕܒܬܡܘܦܘܠܣ.܀܀ ܫܢܬ ܐܠܦܐ ܘ.ܬܬܟܘ.: ܥܒܼܕ ܫܝܢܐ ܦܛܠܡܐܣ ܘܐܢܛܝܟܣ ܥܡ ܚܕ̈ܕܐ. ܘܐܩܝܡ ܥܡܗ ܩܝܡܐ ܕܪܚܡܘܬܐ. ܘܝܗܼܒ ܠܗ ܠܩܠܘܦܛܪܐ ܒܪܬܗ ܒܢ̈ܫܐ. ܘܐܪܡܝ ܠܗ ܐܢܛܝܟܣ ܒܫܡܐ ܕܦܪܢܝܬܐ ܦܘܢܝܩܐ ܘܣܘܪܝܐ ܥܡ ܫܡܪܝܢ ܘܝܗܘܕܐ.܀܀ ܫܢܬ ܐܠܦܐ ܘܬܡ̈ܢܡܐܐ ܘܥܣܪܝܢ ܘܬܫܥܼ. ܫܠܼܡ ܐܠܦܐ ܕܚܡܫܐ ܐܝܟ ܡܢܝܢܐ ܕܫܒ̈ܥܝܢ ܒܐܠܘܡܦܝܐ ܕܡܐܐ ܘܪ̈ܒܥܝܢ ܘܬܡ̈ܢܐܿ. ܒܚܕܐ ܒܗܿ. ܘܒܫܢܬ ܐܠܦܐ ܘܬܡܢܡܐܐ ܘܥܣܪܝܢ ܘܬܫܥ ܠܐܒܪܗܡ.܀܀ ܫܢܬ ܐܠܦܐ ܘܬܡܢܡܐܐ ܘܬܠܬܝܢ ܘ.ܙ.: ܡܝܬ ܡܠܟܐ ܕܨܪܝܢ. ܘܐܡܠܟ [ܒܬܪܗ ܦܛܠܡ] ܦܝܠـ[ܡܛܘܪ] ܫܢܗܝܐ ܬܠ̈ܬܝܢ ܘܚܡܫ. ܐܪܣܛܒܠܘܣ ܣܗܘܕܝܐ ܦܝܠܘܣܦܐ ܡܬܝܕܥ.܀܀ ܫܢܬ ܐܠܦܐ ܘܬܡ̈ܢܡܐܐ ܘ.ܢܢ. ܐܢܛܝܟܣ ܠܢܡ̈ܘܣܐ ܕܝܗܘܕ̈ܝܐ ܥـ[ܛـ]ܐ ܘܠܘܩܕܡ ܠܥܡܐ ܕܢܚܢܦܘܢ ܐܠܨ. ܟܕ ܒܫ̈ܢܕܐ ܡܪ̈ܝܪܐ ܠܐܝܠܝܢ ܕܠܐ ܫܡܥܝܢ ܡܪܡܐ ܗܘܐ. ܘܒܬܪܟܢ ܠܐܘܪܫܠܡ ܣܠܩ. ܘܠܗܝܠܟܐ ܕܐܠܗܐ ܘܠܡ̈ܐܢܐ ܕܒܗܼ ܚܼܠܨ. ܘܐܩܝܡ ܒܗ ܨܠܡܐ ܕܙܘܣ. ܘܒܫܡܪܝܢ ܒܛܘܪܐ ܕܓܪܙܝܡܼ. ܗܝܟܠܐ ܕܙܘܣ ܬܘܒ ܒܢܼܐ. ܕܗܼܝ ܗܕܐ ܫܐܠ ܡܢܗ ܫܡܪ̈ܝܐ.. ܘܒܗ ܒܙܒܢܐܿ. ܩܡ ܡܬܝܬܐ ܡܢ ܟ̈ܗܢܐܿ ܒܪ ܫܡܘܢܝ ܡܢ ܡܘܪܥܝܡ ܩܪܝܬܐܼ. ܠܘܩܒܠ ܪ̈ܒܝ ܚܝܠܐ ܕܐܢܛܝܟܘܣܼ ܥܡ ܒ̈ܢܘܗܝܼ. ܚܠܦ

Page 50

ܢܡܘܣܐ ܕܐܒ̈ܗܘܗܝ: ܒܐܠܘܡܦܝܐ ܕܡܐܐ ܘܚ̈ܡܫܝܢ ܘܬܠ̈ܬ. ܘܐܝܠܝܢ ܕܒܟܬܒܐ ܕܡܩ̈ܒܝܐ ܟܬܝ̈ܒܢܼ ܒܗܢܐ ܙܒܢܐ ܗܼܘ̈ܝ.܀܀ ܫܢܬ ܐܠܦܐ ܘܬܡ̈ܢܡܐܐ ܘܚܡܫܝܢ ܘ.ܕ.: ܝܗܘܕܐ ܡܩܒܝ ܐܣܛܪܛܝܓܐ ܕܝܗܘܕܐܼ. ܒܪ ܡܬܝܬܐ ܠܪ̈ܒܝ ܚܝܠܐ ܕܐܢܛܝܟܘܣ ܛܪܕ ܡܢ ܐܬܪܗ. ܘܠܗܝܟܠܐ ܕܟܝ. ܘܠܕܚܠܬܐ ܕܐܒ̈ܗܘܗܝ ܚܿܕܬ ܕܐܬܒܛܠܬ ܫܢܝ̈ܐ ܬܠܬ.܀܀ ܫܢܬ ܐܠܦܐ ܘܬܡܢܡܐܐ ܘ.ܢܛ.: ܡܝܬ ܝܗܘܕܐ ܡܩܒܝ. ܘܠܒܟ ܕܘܟܬܗ ܝܘܢܬܢ ܐܚܘܗܝܼ ܫܢ̈ܝܐ .ܝܛ.܀܀ ܫܢܬ ܐܠܦܐ ܘܬܡ̈ܢܡܐܐ ܘܫ̈ܬܝܢܼ ܐܪܛܪܟܘܣ ܡܬܝܕܥ.܀܀ ܫܢܬ ܐܠܦܐ ܘܬܡܢܡܐܐ ܘܫܒ̈ܥܝܢ ܘܚܕܐܼ. ܐܦܝܘܣ ܠܩ̈ܠܛܘ ܐܚܕ. ܘܩܐܪܟܕܘܢ ܐܬܚܪܒܬܼ ܡܢ ܣܦܝܦܝܘܢ. ܐܝܬ ܠܗܿ ܕܝܢܼ ܡܢ ܕܐܬܒܢܝܬܼ. ܫܢܝ̈ܐ ܫܬܡܗܐܐ ܘܫܬܝܢ ܘܬܡܢܐ. ܘܐܝܟ ܕܐܚܪ̈ܢܐ ܐܿܡܪܝܢ ܫܒ̈ܥܡܐܐ ܘܐܪ̈ܒܥܝܢ ܘܬܡ̈ܢܐ.܀܀ ܫܢܬ ܐܠܦܐ ܘܬܡܢܐܐܐ ܘܫܒ̈ܥܝ ܘܬܪ̈ܬܝܢ܆ ܐܡܠܟ ܦܛܠܡܐܣ ܐܘܪܓܛܣ ܥܠ ܡܨܪܝܢܼ ܫܢ̈ܝܐ .ܟܛ.܀܀ ܫܢܬ ܐܠܦܐ ܘܬܡܢܡܐܐ ܘܫܒ̈ܥܝܢ ܘܫܬܼ. ܛܪܝܦܘܢ ܠܝܘܢܬܢ ܪܒ ܟ̈ܗܢܐ ܩܛܠ. ܘܗܘܼܐ ܒܕܘܟܬܗ ܫܡܥܘܢܼ ܫܢ̈ܝܐ ܬܡ̈ܢܐ. ܘܬܘܒ ܛܪܝܦܘܢ ܠܐܢܛܝܟܘܣ ܒܪ ܐܠܟܣܢܕܪܣ ܡܠܟܐ ܕܣܘܪܝܐ ܩܛܠ. ܘܠܚܪܬܐ ܐܦ ܗܼܘ ܐܬܚܒܠ.܀܀ ܫܢܬ ܐܠܦܐ ܘܬܡܢܡܐܐ ܘܬܡ̈ܢܝܢ ܠܐܒܪܗܡܼ. ܐܡܠܟ ܥܠ ܐܘܪܗܝ ܡܠܟܐ ܩܕܡܝܐܼ. ܐܪܗܝ ܒܪ ܚܘܝܐܿ ܫܢܝ̈ܐ ܚܡܫ. ܘܥܠ ܫܡܗܼ ܐܘܪܗܝ ܐܬܟܢܝܬ. ܫܪܝܘ ܒܐܠܘܡܦܝܐ ܕܡܐܐ ܘܫܬܝܢ ܘܚܕܐܼ. ܘܒܼܛܠܘ ܒܐܠܘܡܦܝܐ ܕܡ̈ܬܝܢ ܘܐܪ̈ܒܥܝܢ ܘܬܫ̈ܥ܀܀ ܫܢܬ ܐܠܦܐ ܘܬܡܢܡܐܐ ܘ.ܦܒ.: ܐܢܟܛܝܟܘܣ ܡܠܟܐ ܕܣܘܪܝܐ ܐܬܼܐ ܥܠ ܐܘܪܫܠܡ. ܘܣܕܪ ܥܠܝܗܿ ܩܪܒܐ ܡܢ ܒܬܪ ܩܝܡܗ ܕܥܡ ܫܡܥܘܢ. ܘܐܙܕܟܝܿ ܘܚܝܠܗ ܐܬܚܼܪܒܘ.܀܀ ܫܢܬ ܐܠܦܐ ܘܬܡ̈ܢܡܐܐ ܘܬܡ̈ܢܝܢ ܘܐܪ̈ܒܥܼ. ܐܬܩܛܠ ܫܡܥܘܢ ܪܒ ܟ̈ܗܢܐ. ܘܩܒܼܠ ܝܘܚܢܢ

Page 51

ܒܪܗ ܒܬܪܝܗ. ܘܦܛܠܡܐܣ ܢܦܠ ܡܢ ܫܘܠܛܢܐ ܕܐܓܦܛܘܣ. ܘܐܡܠܟܬܼ ܐܡܗܼ.܀ ܘܒܗܿ ܒܫܢܬܐ ܐܡܠܟ ܥܠ ܐܘܪܝܗܼ. ܥܒܕܘ ܒܪ ܡܙܥܘܪ ܫܢ̈ܝܐ ܫܒ̈ܥ.܀ ܘܒܗܿ ܟܕ ܒܗܿ ܒܫܢܬܐ ܗܕܐܼ. ܩܛܠ ܐܪܫܩ ܦܪܬܘܝܐ ܠܐܢܛܝܟܘܣ.. ܒܗܢܐ ܕܝܢ ܙܒܢܐܼ ܥܒܼܕ ܫܓܘܫܝܐ ܘܩܪܒܐ ܥܼܒ̈ܕܐ ܒܣܩܠܝܐ. ܘܟܕ ܐܬܬܨܝܕܘ ܘܐܬܚܒܫܘ܆ ܐܬܐܠܨ ܒܚܒܘܫܝܐ ܡܢ ܟܢܦܐܼ ܥܕܡܐ ܕܣܥܘ ܠܡܐܟܠܘ ܚܕ ܠܚܕ.܀܀ ܫܢܬ ܐܠܦܐ ܘܬܡ̈ܢܡܐܐ ܘܬܫܥܝܢ ܘܐܪ̈ܒܥܼ. ܡܝܬ ܡܠܟܐ ܕܐܘܪܗܝ. ܘܐܡܠܟ ܦܪܕܫܬ ܒܪ ܓܒܪܥܘܿ ܫܢ̈ܐ ܚ̈ܡܫ.܀܀ ܫܢܬ ܐܠܦܐ ܘܬܡܢܡܐܐ ܘܬܫ̈ܥܝܢ ܘܫܒ̈ܥܼ. ܚܼܪܒ ܗܘܪܩܐܢܘܣ ܪܒ ܟ̈ܗܢܐ ܝܗܘܕܝܐܼ ܠܫܡܪܝܢ ܡܕܝܢܬܐ ܕܫܡܪ̈ܝܐܼ. ܘܥܕܡܐ ܠܐܪܥܐ ܐܚܬܗܿ. ܗܿܝ ܕܠܘܬܢ ܣܒܣܛܐ ܡܬܩܪܝܐ ܘܡܢ ܒܬܪܟܝܢ ܗܪܘܕܣ ܒܢܗܼܿ. ܘܣܒܣܛܐ ܫܡܗܗܿ.܀܀ ܫܢܬ ܐܠܦ ܘܬܫܥܡ̈ܐܐܼ. ܐܼܡܠܟ ܥܠ ܐܘܪܗܝ (ܒܟܪܘ ܒܪ ܦܪܕܫܬ) ܫܢ̈ܝܐ ܬܠܬ. ܘܒܬܪܗܼ ܒܟܪܘ ܒܪ ܒܟܪܘ ܫܢܝ̈ܐ ܥܣܪ̈ܝܢ.܀܀ ܫܢܬ ܐܠܦܐ ܘܬܫ̈ܥܡܐܐ ܘܚܕܐܼ. ܘܐܡܼܠܟ ܥܠ ܡܨܪܝܢܼ ܦܛܠܡܐܣ ܦܘܣܩܘܢ ܫܢܗܝܐ ܫܒܥܣܪ̈ܐܼ ܘܝܪ̈ܚܐ ܫܬܐ.܀܀ ܫܢܬ ܐܠܦܐ ܘ.ܨܿܝ.: ܗܘܐ ܙܘܥܐ ܪܒܐ ܒܪܘܕܣܼ. ܘܚܘ̈ܒܐ ܪ̈ܘܪܒܐ ܥܒܼܕ ܒܗܿ.܀܀ ܫܢܬ ܐܠܦܐ ܘ.ܨܿܝܒ.: ܡܝܬ ܝܘܚܢܢ ܪܒ ܟ̈ܗܢܐ. ܘܩܿܒܠ ܐܪܣܛܒܘܠܣ ܒܪܗܼ ܫܢܬܐ ܚܕܐ. ܘܒܬܪܗ ܩܡ ܐܠܟܣܢܕܪܣܿ ܫܢ̈ܝܐ .ܟܕ..܀܀ ܫܢܬ ܐܠܦܐ ܘ.ܨܿܝܚ.: ܗܘܼܐ ܡܪܕܐ ܬܘܒ ܕܥܒܼܕ̈ܐ ܒܣܝܩܝܠܝܐ.܀܀ ܫܢܬ ܐܠܦܐ ܘ.ܨܿܝܛ.: ܐܡܼܠܟ ܥܠ ܡܨܪܝܢ ܦܛܠܡܐܣ ܕܗܼܘ ܐܠܟܣܢܕܪܣܼ ܫܢ̈ܝܐ ܥܣܪ̈.܀܀ ܫܢܬ ܐܠܦ ܘ.ܨܿܟܕ.: ܠܣܠܘܩܣ ܒܪ ܐܢܛܝܟܣ

Page 52

ܡܠܟܐ ܕܣܘܪܝܐ ܐܘܩܕܘܗܝܼ ܟܕ ܚܝ.܀܀ ܫܠܢܬ ܐܠܦ ܘ.ܨܿܟܚ.: ܐܡܠܟ ܥܠ ܐܓܦܛܣ ܦܘܣܩܘܢܼ. ܫܢ̈ܝܐ ܬܡ̈ܢܐ. ܘܥܠ ܐܘܪܗܝ ܡܥܢܘ ܝܪ̈ܚܐ ܐܪ̈ܒܥܐ. ܘܒܬܪܗ ܐܒܓܪ ܦܝܩܐܿ ܫܢ̈ܝܐ ܥܣܪ̈ܝܢ ܘ.ܗ.܆ ܘܝܪ̈ܚܐ ܬܫ̈ܥܐ.܀ ܗܪܟܐ ܐܦ ܡܠܟܘܬܐ ܕܣܘܪܝܐ ܘܕܐܣܝܐ ܐܫܬܪܝܬ. ܫܪܝܘ ܕܝܢ ܒܐܠܘܡܦܝܐ ܕܡܐܐ ܘܫܒܥܣܪ̈ܐ܇ ܘܐܫܬܪܝܘ ܒܐܠܘܡܦܝܐ ܕܡܐܐ ܘܫܒ̈ܥܝܢ ܘܚܕܐ. ܣܟܐ ܕܝܢ ܕܫܢ̈ܝܗܘܢܼ. ܡ̈ܬܝܢ ܘܬܫܥܣܪ̈ܐ ܘܝܪ̈ܚܐ ܥܣܪ̈ܐ.܀ ܒܗܢܐ ܕܝܢ ܙܒܢܐܼ ܣܘܠܘܣ ܚܼܪܒ ܠܐ̈ܬܢܝܐ.܀܀ ܫܢܬ ܐܠܦܐ ܘ.ܨܿܠܙ.܇ ܐܡܠܟ ܥܠ ܡܨܪܝܢ ܦܛܠܡܐܣ ܕܝܢܘܣܝܘܣܼ. ܫܢ̈ܝܐ ܬܠ̈ܬܝܢ.. ܘܐܒܓܪ ܩܼܛܠ ܠܒܟܪܘ܆ ܘܐܡܠܟ ܒܠܚܘܕܘܗܝ ܫܢ̈ܝܐܥܣܪܝܢ ܘܬܠ̈ܬ ܘܝܪ̈ܚܐ ܚ̈ܡܫܐ.܀܀ ܫܢܬ ܐܠܦܐ .ܨܿܡ.: ܐܡܠܟܬ ܥܠ ܝܗ̈ܘܕܝܐ ܣܠܝܢܐ ܐܢܬܬܗ ܕܐܠܟܣܢܕܪܣ. ܘܡܢ ܗܪܟܐ ܨ̈ܒܘܬܐ ܕܗܘܕ̈ܝܐ ܐܬܒ̈ܠܒܠܝ.܀܀ ܫܢܬ ܐܠܦܐ ܘ.ܨܿܡܕ.: ܚܪܒܘ ܪ̈ܗܘܡܝܐ ܠܐܢܛܝܟܝܐ ܕܣܘܪܝܐ.܀܀ ܣܢܬ ܐܠܦ ܘܬܫܥܡܐܐ ܘܫܬܝܢ܆ ܡܝܬ ܡܠܟܐ ܕܐܘܪܗܝ. ܘܗܘܘܐܘܪ̈ܗܝܐ ܕܠܐ ܡܪܝܐ ܫܢܬܐ ܚܕܐܼ. ܡܢ ܥܠܬ ܚܪܝܢܐ ܕܪܚܡܬ ܪܝܫܢܘܬܐ. ܘܡܢ ܒܬܪܟܝܢ ܐܡܼܠܟ ܥܠܝܗܘܢ ܡܥܢܘ ܕܐܬܩܪܝܐܠܗܐܼ. ܫܢ̈ܝܐ ܬܡܥܣܪ̈ܐ ܘܝܪ̈ܚܐ ܚ̈ܡܫܐ.܀܀ ܫܢܬ ܐܠܦܐ ܘܬܫ̈ܥܡܐܐ ܘܫܬܝܢ ܘܫܬܼ. ܐܡܠܟܬ ܥܠ ܡܨܪܝܢ ܩܠܘܦܛܪܐܿ ܫܢ̈ܝܐ ܥܣܪܗܝܢ ܘܬܪ̈ܬܝܢ.܀ ܘܒܗ ܒܙܒܢܐܼ. ܚܪܒ ܓܐܝܘܣ ܝܠܘܝܘܣ ܩܣܪ ܠܓܪ̈ܡܢܝܐ.܀܀ ܫܢܬ ܐܠܦܐ ܘܬܫܥܡܐܐ ܘ.ܣܙ.: ܐܡܠܟ ܡܠܐ ܩܕܡܝܐ ܥܪ ܪ̈ܘܡܝܐܼ ܓܐܝܘܣ ܝܠܘܝܘܣ ܩܣܪܼ. ܫܢܗܝܐ ܫ̈ܬ.܀܀ ܘܒܫܢܬܐ ܐܠܦܐ ܘܬܫ̈ܥܡܐܐ ܘܫܒ̈ܥܝܢ ܘܬܪ̈ܬܝܢ܆

Page 53

ܐܬܩܛܠ ܓܐܝܘܣ. ܘܐܡܠܟ ܒܕܘܟܬܗ ܬܪ̈ܝܢ ܐܓܘܣܛܘܣܼ. ܫܢ̈ܝܐ ܚܡ̈ܫܢ ܘܫ̈ܬ ܘܝܪ̈ܚܐ ܫܬܐ.܀܀ ܫܢܬ ܐܠܦܐ ܘܬܫ̈ܥܡܐܐ ܘܬܡ̈ܢܝܢ܆ ܡܝܬ ܡܠܟܐ ܕܐܘܪܗܝ. ܘܐܡܠܟ ܦܩܘܪܝܿ ܫܢ̈ܝܐ ܚ̈ܡܫ.܀ ܘܒܗܿ ܒܫܢܬܐ ܣܠܼܩ ܗܼܘ ܦܩܘܪܝ ܘܒܪ ܙܦܪܘܢ ܪܒ ܚܝܠܐ ܥܠ ܣܘܪܝܐ. ܘܠܗܘܪܩܢܘܣ ܘܠܦܣܐܝܠ ܐܚܘܗܝ ܕܗܪܘܕܣ ܒܫܒܝܐ ܕܒܪ.. ܗܪܟܐ ܫܠܡܬ ܡܠܟܘܬܐ ܕܝܗ̈ܘܕܝܐ. ܘܐܡܠܟ ܥܠܝܗܘܢ ܩܕܡܝܐ ܗܪܘܕܣ ܦܠܫܬܝܐܼ. ܫܢ̈ܝܐ ܬܠ̈ܬܝܢ ܘܫܒ̈ܥ.܀܀ ܫܢܬ ܐܠܦܐ ܘܬܫ̈ܥܡܐܐ ܘܬܡܢܝܢ ܘܚ̈ܡܫܼ. ܡܝܬ ܦܩܘܪܝ. ܘܐܡܼܠܟ ܐܒܓܪ ܫܢ̈ܝܐ ܬܠ̈ܬ. ܘܒܬܪܗ ܐܡܠܟ ܐܒܓܪ ܣܘܡܩܐ ܫܢܝ̈ܐ ܬܠ̈ܬ. ܘܒܬܪܗ ܐܡܠܟ ܐܒܓܪ ܣܘܡܩܐ ܫܢܝ̈ܐ ܬܠ̈ܬ. ܘܒܬܪܗ ܐܡܠܟ ܐܒܓܪ ܣܘܡܩܐ ܫܢܝ̈ܐ ܬܠ̈ܬ.. ܘܗܪܕܘܣ ܐܬܟܬܫ ܥܠ ܐܘܪܫܠܡ ܘܢܣܒܗܿ. ܟܕ ܥܩܪ ܠܬܪ̈ܝܗܘܢ ܫܘܪ̈ܝܗܿ ܘܟܠـ[ܗ ܥܡܐ] ܒܓܘܗܿ ܩܿܛܠ . . . ܒܝ̈ܘܡܬܗ ܕܗܪܕܘܣ ܟܕ ܩܼܪܒ ܝܠܕܗ ܕܡܫܝܚܐܼ. ܪܒܘܬ ܟܗܢܘܬܐ ܕܡܢ ܐܒܗ̈ܬܐ ܘܡܠܟܘܬܐ ܕܝܗܘܕ̈ܝܐܼ. ܐܫܬܪܝܬ. ܟܕ ܡܫܬܠܡܐ ܢܒܝܘܬܐ ܕܠܘܬ ܡܘܫܐ ܕܐܡܪܐ: ܕܠܐ ܢܥܢܕ ܪܝܫܐ ܡܢ ܝܗܘܕܐ ܘܡܕܒܪܢܐ ܡܢ ܒܝܬ ܥܛܡܬܗ܆ ܥܕܡܐ ܕܢܐܬܐ ܗܿܘ ܕܠܗ ܣܝܡܐ. ܘܗܘܝܘ ܣܘܟܝܐ ܕܥܡܗܡܐ. ܗܕܟܐ ܕܝܢ ܐܦ ܡܫܝܚܐ ܡܕܒܪܢܐ ܕܥܡ̈ܡܐ: ܗܿܘ ܕܡܬܐܡܪ ܒܢܒܝܘܬܐ ܠܘܬ ܕܢܝܐܝܠܼ ܫܘܠܡܐ ܢܣܼܒ. ܥܕܡܐ ܓܝܪ ܠܗܪܘܕܣܼ. ܡܫܝ̈ܚܐ ܗܘܘ ܡܕܒܪ̈ܢܐ: ܗܿܢܘܢ ܐܝܬܝܗܘܢ ܪ̈ܝܫ ܟ̈ܗܢܐ ܕܩܿܝܡܝܢ ܗܘܘ ܩܕܡ ܥܡܐ ܕܝܗ̈ܘܕܝܐ. ܕܫܪܝܘ ܡܢ ܚܘܕܬܐ ܕܗܝܟܠܐܼ. ܕܒܝ̈ܘܡܝ ܕܘܪܝܫ ܒܐܠܘܡܦܝܐ ܕܫ̈ܬܝܢ ܘܚ̈ܡܫ܇ ܘܒܼܛܠܘ ܒܝ̈ܘܡܝ ܗܘܪܩܐܢܘܣܿ. ܒܐܠܘܡܦܝܐ ܕܡܐܐ ܘܬܡܗܢ̈ܝܢ ܘܫ̈ܬ. ܫܢ̈ܝܐ ܕܝܢ ܕܒܡܨܥܬܐ ܕܗܠܝܢ܆ ܗܘ̈ܝܢ ܐܪ̈ܒܥܡܐܐ ܘܬܡ̈ܢܝܢ ܘܬܠ̈ܬ. ܐܟܡܐ ܕܟܬܒܐ ܕܕܢܝܐܝܠ ܡܬܢܒܐܼ ܟܕ ܐܿܡܪ: ܕܬܕܥ ܘܬܣܬܟܠ ܡܢ ܡܦܩܢܗܿ

 

Page 54

 

ܕܡܠܬܐܿ. ܠܡܬܒܘ ܦܬܓܡܐ ܘܠܡܒܢܐ ܠܐܘܪܫܠܡ. ܥܕܡܐ ܠܡܫܝܚܐ ܡܕܒܪܢܐܿ. ܫܒ̈ܘܥܐ ܫܒ̈ܥܐ ܘܫܒ̈ܥܘܥܐ ܫ̈ܬܝܢ ܘܬܪ̈ܝܢ. ܗܠܝܢ ܗܟܝܠ ܫ̈ܬܝܢ ܘܬ̈ܫܥܐ ܫܒ̈ܘܥܐܼ. ܡܡܠܝܢ ܙܒܢܐ ܕܫܢ̈ܝܐ ܐܪ̈ܒܥܡܐܐ ܘܬܡ̈ܢܝܢ ܘܬܠܬ. ܐܝܟ ܡܐ ܕܐܝܬܝܗܝܢ ܫܢ̈ܝܐ ܕܪܝܫܢܘܬܐ ܕܡܫܝ̈ܚܐ ܡܕܒܪ̈ܢܐ. ܘܡܢ ܕܐܬܕܒܼܪ ܒܫܒܝܐ ܗܘܪܩܐܢܘܣ ܐܚܪܝܐ ܡܢ ܦܪ̈ܬܘܝܐܼ. ܗܪܘܕܣ ܒܪ ܐܢܛܝܦܛܪܣܼ ܟܕ ܠܐ ܙܕܩܐ ܠܗ ܡܠܟܘܬܐܼ. ܡܢ ܐܓܘܣܛܣ ܘܣܘܢܩܠܛܣ ܕܪ̈ܗܘܡܝܐ ܢܣܒ ܡܠܟܘܬܐ ܕܝܗ̈ܘܕܝܐܼ. ܘܒܬܪܟܝܢ ܒ̈ܢܘܗܝ ܕܗܢܐܼ ܥܕܡܐ ܠܥܩܘܪܝܗܿ ܐܚܪܝܐ ܕܐܘܪܫܠܡ. ܘܠܐ ܕܝܢ ܬܘܒ ܗܿܢܘܢ ܕܡܢ ܝܘܒܠܐ ܕܓܢܣܐ ܕܟ̈ܗܢܐܿ. ܡܿܟܗܢܝܢ ܗܘܘ ܠܐܠܗܐ. ܘܠܐ ܟܠܗ ܙܒܢܐ ܕܚܝ̈ܝܗܘܢ ܐܝܟ ܢܡܘܣܐ ܕܡܘܫܐ. ܐܢ̈ܫܐ ܕܝܢ ܠܐ ܝܕ̈ܝܥܐ ܒܙܒܢ ܐܚܪ̈ܢܐ. ܘܗܿܢܘܢ ܚܕܐ ܚܕܐ ܫܢܬܐ. ܐܚܪ̈ܢܐ ܕܝܢ ܒܝܬܝܪ ܩܠܝܠ ܡܢ ܪ̈ܗܘܡܝܐ ܟܗܢܘܬܐ ܙܒܿܢܝܢ ܗܘܘ. ܘܗܠܝܢ ܕܝܢ ܕܢܝܐܝܠ ܡܬܢܒܐ ܟܕ ܐܿܡܪ. ܕܒܬܪ ܫܒ̈ܥܐ ܘܫ̈ܬܝܢ ܘܬܪ̈ܝܢ ܫܒܘܥܝܢ܆ ܬܬܚܒܠ ܡܫܝܚܘܬܐ. ܘܕܝܢܼܐ ܠܐ ܢܗܘܐ ܒܗܿ. ܘܠܗܝܟܠܐ ܘܠܩܘܕܫܐ ܢܚܒܠ ܥܡܐ ܥܡ ܡܕܒܪܢܐ ܕܐܿܬܐ. ܘܢܬܦܣܩܘܢ ܒܓܪܘܦܝܐ ܕܩܪܒܐ. ܘܒܬܪܟܝܢ ܠܡ ܒܛܢܦܘܬܐ ܕܚܘܪܒܐ. ܘܥܕܡܐ ܠܚܪܬܐ ܕܙ̈ܒܢܐ ܓܡܘܪܝܐ ܢܬܝܗܒ ܥܠ ܚܒܿܠܐ.܀܀ ܫܢܬ ܐܠܦ ܘܬܫ̈ܥܡܐܐ ܘܬܡ̈ܢܝܢ ܘܬܡܢܐܼ. ܩܠܘܩܛܪܐ ܐܬܢܟܠܬ ܥܠ ܡܠܟܘܬܐ ܕܝܗ̈ܘܕܝܐ ܘܕܐܪ̈ܒܝܐܼ ܘܐܚܝܠܬ ܕܬܣܒ ܐܬܪ̈ܘܬܗܘܢ ܡܢ ܐܢܛܘܢܝܢܣ.܀܀ ܫܢܬ ܐܠܦܐ ܘܬܫܥܡܐܐ ܘܬܡܢܝܢ ܘܬܫܥܼ. ܐܬܬ ܩܠܘܩܛܪܐ ܕܬܥܒܕ ܫܝܢܐ ܥܡ ܐܓܘܣܛܣ ܒܛܘܪ̈ܝ ܠܒܢܢ܇ ܘܬܡܘܢ ܐܫܬܠܡܬ ܠܩܛܠܐ ܗܼܝ ܘܡܝ̈ܬܝܢܝܗܿ. ܐܝܟ ܡܐ ܕܩܿܕܡ ܐܬܢܒܝ ܢܒܝܐ ܟܕܐܡܪ. ܘܒܪܬ ܡܠܟܐ ܕܬܝܡܢܐ

 

Page 55

 

ܬܙܠ ܠܘܬ ܡܠܟܐ ܕܓܪܒܝܐ ܕܬܥܒܕ ܫܝܢܐ ܒܝܢܬܗܘܢ. ܘܬܫܬܼܠܡ ܠܡ ܗܼܝ ܘܡ̈ܝܬܝܢܝܗܿ. ܘܒܚܝܒܘܬܗܿ ܕܝܢ ܕܩܠܐܘܦܛܪܐ ܡܠܟܬܐ ܕܡܨܪܝܢ܆ ܐܦ ܗܠܝܘܣ ܘܣܠܝܢܐ ܒ̈ܢܝܗܿ ܐܬܼܘ ܠܩܛܠܐ.܀ ܘܒܗܿ ܒܫܢܬܐ ܐܬܟܒܫܬ ܡܨܪܝܢ ܡܢ ܪ̈ܗܘܡܝܐ. ܘܐܫܬܪܝܬ ܡܠܟܘܬܐ ܕܒܝܬ ܦܛܠܡܐܣ. ܕܐܡܠܟ ܫܢܗܝܐ ܡ̈ܬܝܢ ܘܬܫ̈ܥܝܢ ܘܚ̈ܡܫ.܀ ܘܒܗܿ ܒܫܢܬܐ ܢܝܩܦܘܠܣ ܡܕܝܢܬܐ ܐܬܒܢܝܬ.܀܀ ܫܢܬ ܐܠܦܐ ܘܬܫܥܡܐܐ ܘܬܫܥܝܢ܆ ܐܡܼܠܟ ܥܠ ܐܘܪܗܝ ܡܥܢܘ ܕܐܬܩܪܝ ܣܦܠܘܠ. ܫܢ̈ܝܐ .ܝܚ. ܘܝܪ̈ܚܐ .ܙ..܀܀ ܫܢܬ ܐܦܠܐ ܘܬܫܥܡܐܐ ܘܬܫܥܝܢ ܘܚܕܐܼ. ܗܘܼܐ ܙܘܥܐ ܪܒܐ ܘܥܙܝܙܐ [ܒܪܘܕܣ ܘܣܘܓـ]ܐܐ ܕܕ̈ܘܟܝܬܐ ܚܒܠ. ܘܐܦ ܟܪܐܠܐ ܒܙܘܥܐ ܢܦܼܠ.܀܀ ܫܢܬ ܐܠܦܐ ܘܬܫܥܡܐܐ ܘܬܫ̈ܥܝܢ ܘܬܪ̈ܬܝܢ܆ ܟܒܼܫ ܪ̈ܗܘܡܝܐ ܠܩܐܠܒܪܝܐ ܘܓܠ̈ܛܝܐ. ܘܬܚܬ ܡܕܐܬܐ ܥܒܕܘ ܐܢܘܢ.܀܀ ܫܢܬ ܐܠܦܐ ܘܬܫ̈ܥܡܐܐ ܘܬܫ̈ܥܝܢ ܘܐܪ̈ܒܥܼ. ܟܒܼܫ ܬܘܒ ܪ̈ܗܘܡܝܐ ܠܩܘܙܝܩܣ.܀܀ ܫܢܬ ܐܠܦܐ ܘܬܫ̈ܥܡܐܐ ܘܬܫ̈ܥܝܢ ܘܫ̈ܬܼ. ܗܘܐ ܟܦܢܐ ܪܒܐ ܘܥܙܝܙܐ ܒܝܗܘܕ ܘܒܣܘܪܝܐ. ܘܐܢ̈ܫܐ ܡܢ ܐܬܪܐ ܐܬܒܕܪܘ ܘܐܙܠ.܀܀ ܫܢܬ ܐܠܦܐ ܘܬܫܥܡܐܐ ܘܬܫ̈ܥܝܢ ܘܬܡܢܐܼ. ܗܪܘܕܣ ܒܐܘܪܫܠܡܐ ܣܘܓܐܐ ܒܿܢܼܝ. ܘܫܡܪܝܢ ܕܚܪܘܒܐ ܗܘܬ ܡܢ ܙܒܢܐ ܡܢ ܫܬܐ̈ܣܝܗܿ ܒܢܗܿ. ܘܡܛܠ ܕܢܥܒܕ ܐܝܩܪܐ ܠܐܓܘܣܛܘܣ ܣܒܣܛܣ ܡܠܟܐ ܕܪ̈ܗܘܡܝܐ ܣܒܣܟܐ ܫܡܗܗܿ.܀܀ ܫܢܬ ܐܠܦܐ ܘܬܫ̈ܥܡܐܐ ܘܬܫܥܝܢ ܘܬܫܥܼ. ܗܘܐ ܙܘܥܐ ܪܒܐ ܒܩܝܦܪܘܣ ܘܕ̈ܘܟܝܬܐ ܣܓܝ̈ܐܬܐ ܚܼܒܠ.܀܀ ܫܢܬ ܬܪ̈ܝܢ ܐܠܦ̈ܝܢ ܠܐܒܪܗܡܼ. ܚܪܒ ܡܪܩܘܣ ܠܐܠܝܘܣ ܠܓܪ̈ܡܝܢܝܐ.܀܀ ܫܢܬ ܬܪ̈ܝܢ ܐܠܦ̈ܝܢ ܘܚܞܕܐܼ. ܗܪܘܕܣ ܠܗܝܟܠܐ ܕܒܐܘܪܫܠܡ ܣܬܼܪ. ܘܕܪܒ ܡܢܗ ܐܚܪܢܐ ܒܢܼܐ.܀܀ ܫܢܬ ܬܪ̈ܝܢ ܐܠܦ̈ܝܢ ܘܬܪ̈ܬܝܢ܆ ܛܒܪܝܘܣ

 

Page 56

 

ܟܒܫܘ ܠܘܝܢܝܕ̈ܝܩܐ. ܘܠܐܝܠܝܢ ܕܐܝܬܝܗܘܢ ܥܠ ܓܢܒ ܬܪܩܐܼ ܠܟܠܗܘܢ ܫܥܒܕ.܀܀ ܫܢܬ ܐܠܦ̈ܝܐ ܬܪܝܢ ܘܚܡܫܼ. ܒܢܼܐ ܩܣܪܝܐ ܡܕܝܢܬܐ ܗܪܘܕܣ ܡܠܟܐ. ܘܒܫܡܐ ܕܩܣܪ ܫܡܗܗܿ.. ܘܠܐܓܪܦܢܐ. ܘܠܐܢܛܝܦܛܪܘܣ. ܘܠܗܪܘܕܝܐ. ܘܒܓܠܝܠܐ ܬܘܒ ܠܓܐܒܐ.܀܀ ܫܢܬ .ܒ. ܐܠܦ̈ܝܢ ܘܬܫ̈ܥܼ. ܛܒܪܝܘܣ ܠܦ̈ܢܘܢܝܐ ܫܒܥܕ.܀܀ ܘܒܫܢܬ .ܒ. ܐܠܦ̈ܝܢ ܘܥܣܪ̈܆ ܬܘܒ ܗܼܘ ܛܒܪܝܣܘ ܠܓܪ̈ܡܝܢܝܐ ܫܥܒܕ. ܘܐܘܛܘܩܪܛܘܪ ܐܬܩܪܝ.܀܀ ܫܢܬ .ܒ. ܐܠܦ̈ܝܢ ܘܚܕܥܣܪܐܼ. ܡܚܼܐ ܩܪܒܐ ܗܪܘܕܣ ܘܦܪ̈ܬܘܝܐ ܥܡ ܚܕܼܕܐ. ܘܡܢ ܒܬܪ ܕܗܦܟ ܡܢ ܩܪܒܐ ܩܛܠ ܠܗܘܪܩܐܢܘܣ ܪܒ ܟ̈ܗܢܐ ܕܝܗܘܕ̈ܝܐ. ܩܛܠ ܕܝܢ ܐܦ ܠܒܪܗ ܕܗܢܐ ܕܩܼܒܠ ܟܗܢܘܬܐ ܕܐܝܘܗܝ. ܘܩܛܠ ܐܦ ܠܚܬܗ ܕܗܢܐ ܕܐܝܬܝܗܿ ܗܘܬ ܐܢܬܬܗ. ܘܠܬܪ̈ܝܢ ܒܢ̈ܝܢ ܕܗܘܘ ܠܗ ܡܢܗܿ. ܢܡ ܒܬܪ ܕܐܬܓܒܪ ܩܛܠ ܐܢܘܢ. ܩܛܠ ܕܝܢ ܐܦ ܠܐܡܗܿ ܕܩܛܝܠܬܐ ܕܐܝܬܝܗܿ ܗܘܬ ܚܡܬܗ.܀܀ ܫܢܬ .ܒ. ܐܠܦ̈ܝܢ ܘ.ܝܒ. . ܟܒܫ ܛܒܪܝܘܣ ܠܐܪ̈ܡܢܝܐ. ܘܠܪ̈ܗܛܘ ܘܠܘ̈ܝܢܕܝܠܝܩܝܐ ܘܠܦ̈ܐܢܘܢܝܐ.܀ ܘܒܗܿ ܒܫܢܬܐܼ ܡܢ ܩܘܼ. ܣܘܓܐܐ ܐܬܚܒܠ ܡܢ ܙܘܥܐ.

ܫܢܬ .ܒ. ܐܠܦ̈ܝܢ ܘܚܡܫܥܣܪܐ ܠܐܒܪܗܡܼ. ܘܠܐܠܟܣܢܕܪܣ ܡܩܕܘܝܢܐܼ. ܫܢܬ ܬܠܬܡܐܐ ܘܬܫܥ: ܐܬܝܠܕ ܒܝܬ ܠܚܡ ܕܝܗܘܕ ܦܐܪܐ ܕܒܘܪ̈ܟܬܐ ܝܫܘܥ ܡܫܝܚܐ ܒܪܗ ܕܐܠܗܐ.܀ ܘܒܗܿ ܒܫܢܬܐ ܐܫܬܕܪ ܩܘܪܝܢܘܣ ܡܢ ܨܒܝܢܐ ܕܣܢܩܠܛܣ ܗܓܡܘܢܐ ܥܠ ܝܗܘܕ܇ ܘܡܟܬܒܢܘܬܐ ܕܩ̈ܢܝܢܐ ܘܕܥܡܘܪ̈ܐ ܢܣܼܒ.܀ ܟܢ̈ܫܢ ܫܢ̈ܝܐ ܡܢ ܐܒܪܗܡ ܥܕܡܐ ܠܝܠܕܘܬܗ ܕܡܫܝܚܐܼ. ܫܢ̈ܝܐ ܬܪ̈ܝܢ ܐܠܦ̈ܝܢ ܘܫܬܬܥܣܪ̈ܐ.

 

[Revelation of the Magi]

 

Page 57

 

ܥܠ ܓܠܝܢܐ ܕܡܓܘܫ̈ܐ. ܘܥܠ ܡܬܝܬܝܗܘܢ ܕܠܐܘܪܫܠܡ. [ܘܥܠ ܩܘܪ̈ܒܢܐ] ܕܐܝܬܝܘ ܠܡܫܝܚܐ. ܡܡܠܐ ܕܓܠܝܗܢܐ ܘܚ̈ܙܢܐ ܕܡܠܠܘ ܡ̈ܠܟܐ [ܒܢ̈ܝ ܡ̈ܠܟܐ] ܕܡܕܢܚܐ ܪܒܬܐܼ ܕܐܬܩܪܝܘ ܡ̈ܓܘܫܐ ܒܠܫܢܗ ܕܐܬܪܐ ܗܿܘ. [ܡܛܠ ܕܒܫܠܝܐ] ܕܠܐ ܩܠܐ ܡܫܒܚܝܢ ܗܘܘ ܘܡܨܠܝܢ. ܘܒܫܬܩܐ ܘܒܡܕܥܐ ܡܫܒܚܝܢ ܗܘܘ ܘܡܨܠܝܢ ܠܪܒܘܬܐ ܥܠܝܬܐ ܘܩܕܝܫܬܐ ܕܡܪܐ ܚܝ̈ܐܼ ܠܐܒܐ ܩܕܝܫܐ ܘܡܫܒܚܐܼ. ܕܟܣܐ ܒܙܝܘܐ ܪܒܐ ܕܢܦܫܗ: ܘܡܥܠܝ ܘܩܕܝܫ ܡܢ ܟܠ ܡܚܗ̈ܫܒܢ. ܘܠܐ ܣܿܦܩ ܠܫܢܐ ܕܐܢܫܐ ܕܢܐܡܪ ܥܠܘܗܝ ܐܝܟ ܕܐܝܬܘܗܝ܆ ܐܠܐ ܐܝܟ ܕܨܒܐܼ ܘܐܡܬܝ ܕܨܒܐܼ ܘܒܝܕ ܡܿܢ ܕܨܿܒܐ. ܘܠܐ ܣܿܦܩܝܢ ܥܗܠܡܘܗܝ ܥ̈ܠܝܐܼ ܘܠܐ ܬܚ̈ܬܝܐ ܠܡܐܡܪ ܥܠ ܪܒܘܬܗ: ܐܠܐ ܐܝܟ ܕܝܐܝܐ ܠܗ ܠܨܒܢܐ ܕܪܒܘܬܗ ܕܬܓܠܐ ܠܥ̈ܠܡܐ. ܐܝܟ ܕܡܫܟܚܝܢ ܕܢܩܒܠܘܢ ܡܢ ܡܘܗܒܬܐ ܕܪܒܘܬܗ. ܡܛܠ ܕܣܓܝܐܐ ܗܝ ܘܠܐ ܡܘܦܝܢ ܠܡܡܠܠܘܬܗܿ.. ܐܝܬܝܗܘܢ ܗܘܘ ܗܟܝܠ ܗܿܢܘܢ ܚ̈ܟܝܡܐ ܕܡܬܩܪܝܢ ܗܘܘ ܡ̈ܓܘܫܐ ܒܠܫܢܗ ܕܐܬܪܐܪ. ܡܛܠ ܕܒܫܬܩܐ ܕܠܐ ܩܠܐܼ. ܡܫܒܚܝܢ ܗܘܘ ܠܐܠܗ ܟܘܠܐ. ܠܗܿܘ ܕܒܡܠܬܗ ܘܨܒܝܢܗܼ ܗܘܼܐ ܟܠ ܕܐܝܬܘܗܝܼ ܘܟܠ ܕܗܘܿܐ ܘܩܿܠܡܼ ܘܟܠ ܕܥܬܝܕ ܠܡܗܘܐ. ܘܠܬ ܡܕܡ ܕܗܘܿܐ ܠܒܪ ܡܢ ܨܒܝܢܗ. ܘܠܝܬ ܬܘܒ ܡܿܢ ܕܢܩܘܡ ܠܘܩܒܠ ܨܒܝܢܗ ܕܐܒܐ ܕܟܠ.܀܀ ܫܡܗ̈ܝܗܘܢ ܕܚܟ̈ܝܡܐ ܘܡ̈ܠܟܐܼ. ܗܟܢܐ ܡܬܩܪܝܢ ܗܘܘ. ܙܗܪܘܢܕܕ ܒܪ ܐܪܛܒܢ.. ܗܘܪܡܙܕ ܒܪ ܣܢܛܪܘܡ.. ܐܘܫܬܙܦ ܒܪ ܓܘܕܦܪ.. ܐܪܫܟ ܒܪ ܡܗܪܘܡ.. ܙܪܢܘܕ ܒܕ ܘܕܘܕ.. ܐܪܝܗܘ ܒܪ ܟܣܪܘ.. ܐܪܛܚܫܝܫܬ ܒܪ ܚܘܝܠܬ.. ܐܫܬܢܒܘܙܢ ܒܪ ܫܝܫܪܘܢ.. ܡܗܪܘܡ ܒܪ ܗܘܡܡ..

Page 58

ܐܚܫܪܫ ܒܪ ܨܚܒܢ.. ܢܨܪܕܝܚ ܒܪ ܒܠܕܢ.. ܡܪܘܕܟ ܒܪ ܒܝܠ..܀܀ ܗܠܝܢ ܐܝܬܝܗܘܢ ܡ̈ܠܟܐ ܒܢ̈ܝ ܡ̈ܠܟܐ ܡܕ̈ܢܝܚܐܼ ܒܐܪܥܐ ܕܫܝܪ. ܕܐܝܬܘܗܝ ܒܿܪܝܐ ܕܟܠܗ ܡܕܢܚܐ ܕܥܠܡܐ ܕܝܬܒܐ ܕܒܢ̈ܝܢܫܐ. ܠܐܘܩܢܘܣ ܝܡܐ ܪܒܐ ܕܠܒܪ ܡܢ ܥܠܡܐܼ ܡܢ ܡܕܢܚܗܿ ܕܐܥܪܐ ܕܢܘܕ. ܗܿܝ ܕܝܬܒ ܗܘܐ ܒܗܿ ܐܕܡ ܪܒܐ ܘܪܝܫܐ ܕܟܠܗܝܢ ܫܪ̈ܒܬܐ ܕܥܠܡܐ.. ܘܗܼܢܘܢ ܗܠܝܢ ܒ̈ܢܝ ܡ̈ܠܟܐ ܩܿܒܼܠܘ ܗܘܘ ܦܘ̈ܩܕܢܐ ܘܢ̈ܡܘܣܐܿ. ܘܐܦ ܟܬܒ̈ܐ ܡܢ ܐܒܗ̈ܝܗܘܢ. ܐܦ ܕܪܐ ܡܢ ܕܪܐ ܩܒܠ ܗܘܘ ܚܕ ܡܢ ܚܕ܆ ܡܢ ܫܬ ܒܪ ܐܒܘܢ ܐܕܡ. ܡܛܠ ܕܓܠܼܐ ܗܘܐ ܠܗ ܐܕܡ ܠܫܬ ܒܪܗ ܟܕ ܗܘܼܐ ܠܗ. ܘܒܕܩ ܠܗ ܐܕܡ ܠܫܬܼ ܥܠ ܪܒܘܬܗ ܩܕܝܡܬܐ ܥܕ ܠܐ ܢܥܒܪ ܥܠ ܦܘܩܕܢܐ. ܘܥܠ ܡܦܩܬܗ ܕܡܢ ܦܪܕܝܣܐ. ܘܙܗܪܗ ܠܫܬ ܒܪܗܼ ܕܠܐ ܢܥܒܪ ܐܦ ܗܼܘ ܥܠ ܟܐܢܘܬܐܿ ܐܟܘܬܗ ܕܐܕܡ.. ܘܩܒܠ ܦܘܩܕܢܗ ܫܬ ܕܐܒܘܗܝ ܒܠܒܐ ܕܟܝܐ. ܘܐܙܕܗܪ ܒܫܠܡܘܬܐܼ ܐܦ ܒܡܘܗܒܬܗ ܕܥܠܡܐ ܡܪܐ ܪܒܘܬܐ. ܘܐܬܝܗܒ ܠܗ ܠܫܬܼ. ܕܢܪܫܘܡ ܒܟܬܒܐ ܘܢܘܕܥ ܚܟܡܬܐܼ ܘܢܩܪܐ ܒܫܡܗ ܕܡܪܝܐ ܡܪܐ ܟܠ ܢܦܫ ܕܒܥܝܐ ܚ̈ܝܐ. ܘܡܢܗ ܩܕܡܝܐܝܬ ܐܬܚܙܝ ܟܬܒܐ ܒܥܠܡܐ. ܕܪܫܝܡ ܒܫܡܗ ܕܥܠܡܐ. ܘܐܫܠܡܗ ܫܬ ܠܟܬܒܐ ܕܪܫܡ ܠܕܪ̈ܘܗܝ. ܘܐܬܝܒܠ ܥܕܡܐ ܠܢܘܚ. ܗܿܘ ܕܐܫܬܟܚ ܐܦ ܗܼܘ ܟܐܢܐܼ. ܘܐܬܦܨܝ ܐܦ ܗܼܘ ܡܢ ܡܝ̈ܐ. [ܘܒܥܕܢ ܛܘܦܢܐ ܢܣܒ] ܐܢܘܢ ܐܦ ܢܘܚ ܠܟ̈ܬܒܐ ܕܦ̈ܘܕܩܢܐ ܥܡܗ [ܒܟܘܠܐ. ܘܟـ]ܕ ܢܦܩ ܡܢ ܟܘܠܐ ܦܩܕ ܐܦ ܗܼܘ ܢܘܚܼ ܠܕܪܗܐ ܕܡܢ ܒܬܪܗܼ. ܕܗܼܘܘ ܡܬܿܢܝܢ ܪܘܪ̈ܒܬܗ ܘܐܪ̈ܙܐ ܟ̈ܣܐ ܕܟܬܝܒܝܢ ܒܗܘܢ ܒܟ̈ܬܒܐ ܕܫܬܼ. ܥܠ ܪܒܘܬܗ ܕܐܒܐܿ ܘܐܪ̈ܙܐ ܟܠܗܘܢ. ܐܬܝܒܠ ܕܝܢ ܗܼܢܘܢ ܟ̈ܬܒܐ ܘܐܪ̈ܙܐ ܘܗܼܘ

Page 59

ܡܡܠܐ ܒܡܫܠܡܢܘܬܐܼ. ܐܦ ܥܕܡܐ ܠܐܒ̈ܗܝܢ. ܘܝܠܦ ܘܩܒܠ ܒܚܕܘܬܐ ܘܐܫܠܡ ܐܢܘܢ ܠܢ ܕܝܠܢ. ܘܢܛܪܝܢ ܗܘܝܢ ܐܦ ܚܢܢ܆ ܒܚܘܒܐ ܘܒܕܠܚܬܐ ܠܪ̈ܐܙܝܗܝܘܢ ܕܝܠܗܘܢ ܕܟ̈ܬܒܐ ܘܐܪ̈ܙܐ ܘܡ̈ܠܐ ܘܒܫܬܩܐ ܡܨܠܝܢ ܗܘܝܢ܆ ܘܡܘܕܝܢ ܘܡܫܒܚܝܢ ܗܘܼܝܢ. ܟܕ ܟܿܦܝܢ ܗܘܝܢ ܒܘܪ̈ܟܝܼ ܘܡܪܝܡܝܢ ܗܘܝܢ ܐܝ̈ܕܝܢܼ ܠܪܘܡܐ ܕܫܡܝܐ ܠܡܪܐ ܪܒܘܬܐܿ ܗܿܝ ܕܟܫܝܐ ܡܢ ܥܝ̈ܢܝ ܟܠ ܕܚܝ. ܘܣܝܼܡܝܢ ܗܘܘ ܗܿܢܘܢ ܟ̈ܬܒܐ ܕܐܪ̈ܙܐ ܟܣ̈ܝܐ ܒܛܘܪ ܢܨܚ̈ܢܐܼ. ܒܡܕܢܚܗ ܕܝܠܗ ܕܫܝܪ ܐܬܪܢ. ܒܡܥܪܬܐ ܡܥܪܬ ܓܙ̈ܐ ܕܐܪ̈ܙܐ ܕܚ̈ܝܐ [ܕܬܩܐ]. ܘܦܩܕܘܢ ܐܒ̈ܗܝܢ ܐܦ ܠܢ܆ ܐܝܟܢܐ ܕܩܒܠܘ ܐܦ ܗܼܢܘܢ ܡܢ ܐܒܗ̈ܝܗܘܢ. ܘܐܡܪܘ ܠܢܼ ܕܣܿܟܘ ܠܢܘܗܪܐ ܕܕܢܿܚ ܠܟܘܢܼ. ܡܢ ܡܕܢܚܐ ܥܠܝܬܐ ܕܒܪܘܬܗ ܕܐܒܐ ܠܢܘܗܪܐ ܕܡܢ ܪܘܡܐ ܕܢܧܚ ܒܕܡܘܬ ܟܘܒܟܐ ܥܠ ܛܘܪ ܢܨܚ̈ܢܐ. ܘܫܪܐ ܥܠ ܥܡܘܕܐ ܕܢܘܗܪܐܿ. ܒܓܘ ܡܥܪܬ ܓܙ̈ܐ ܘܐܪ̈ܙܐ ܟܣ̈ܝܐ. ܘܦܩܘܕܘ ܐܦ ܐܢܬܘܢ ܠܒ̈ܢܝܟܘܢ܇ ܘܒ̈ܢܝܟܘܢ ܠܒܢܝ̈ܗܘܢܼ. ܥܕܡܐ ܕܢܬܚܙܐ ܠܕܪ̈ܝܟܘܢ܇ ܐܪܙܐ ܕܟܘܟܒܐ ܕܕܢܿܚ ܡܢ ܪܒܘܬܐ ܥܠܝܬܐܿ. ܢܘܗܪܐ ܐܝܟ ܟܘܟܒܐ. ܘܡܢܗܪ ܠܟܠܗܿ ܒܪܝܬܐܿ. ܘܡܥܡܛ ܠܢܘܗܪܗ ܕܫܡܫܐ ܘܕܣܗܪܐ ܘܕܟܘ̈ܟܒܐܼ: ܘܚܕ ܡܢܗܘܢ ܠܐ ܡܬܚܙܐ ܐܘ ܡܫܟܚ ܕܢܩܘܡ ܩܕܡ ܢܘܗܪܗ. ܐܪܙܐ ܗܘ ܓܝܪ ܒܐ ܕܒܪܐ ܕܪܒܘܬܐ ܥܠܝܬܐܿ. ܕܐܝܬܘܗܝ ܩܠܐ ܕܐܒܐ ܝܠܕܐ ܕܡܚܫܒܬܗ ܕܡܣܝܬܐܿ. ܢܘܗܪܐ ܕܙܠܝܩܐ ܕܬܫܒܘܚܬܗ܇ ܨܒܝܢܐ ܕܘܝܘܩܢܐ ܕܟܣܝܘܬܗ܆ ܡܠܬܐ ܝܿܠܕܬ ܟܠ ܕܡܫܚܒܬ̈ܿ. ܢܒܥܐ ܕܚܝ̈ܐ ܕܠܐ ܓܐܙ ܡܢ ܡܥܝܢܗ܇ ܡܠܬܐ ܕܒܪܬ ܟܠ ܐܝܟ ܨܒܢܐ ܕܫܠܘܚܗܿ܇ ܝܘܩܢܐ ܕܠܝܬ ܠܗ ܨܘܪܬܐ ܘܕܡܘܬܐ ܒܟܠ ܐܝܠܝܢ ܕܩܝܡܝܢ. ܗܢܐ ܕܒܚܝܠܗ ܘܒܡܠܬܐ ܐܣܬܕܪܘ ܘܩܡ ܟܠܗܘܢ ܥܠ̈ܡܐܿ. ܒܪܐ ܗܘ ܕܪ̈ܚܡܐ ܡܫ̈ܠܡܢܐ܇ ܙܠܝܩܐ ܗܘ ܕܢܘܗܪܐ

Page 60

ܕܬܫܒܘܚܬܐ ܕܐܒܐ ܕܪܒܘܬܐܼ ܕܠܐ ܡܬܡܠܠܐ.. ܡܟܝܠ ܗܘܼܝܬܘܢ ܝܿܕܥܝܢܼ ܕܐܡܬܝ ܕܕܢܿܚ ܠܟܘܢ ܗܢܐ ܢܘܗܪܐ ܡܢ ܗܿܝ ܪܒܘܬܐ ܕܠܝܬ ܠܗܿ ܣܟܐܼ. ܘܢܬܚܘܐ ܠܟܘܢ ܒܕܡܘܬ ܟܘܟܒܐܐܝܟ ܕܡܫܟܚܝܬܘܢ ܠܡܚܙܝܗ܆ ܚܦܝܛܐܝܬܿ ܒܚܕܘܬܐ ܘܒܚܘܒܐ ܘܒܚܦܝܛܘܬܐ ܡܠܝܐܝܬ: ܟܕ ܫܩܠܝܢ ܐܢܬܘܢ ܩܘܪ̈ܒܢܐ ܕܟܝ̈ܐ ܡܢ ܕܝܠܗܼ. ܕܣܝܼܡܝܢ ܒܡܥܪܬ ܓܙ̈ܐ ܡܢ ܐܒܗ̈ܝܟܘܢ ܕܐܪ̈ܙܐ ܟܣ̈ܝܐ ܒܛܘܪ ܢܨܚ̈ܢܐ. ܙܠܘ ܠܐܝܟܐ ܕܡܒܕܪ ܠܟܘܢ ܢܘܗܪܐ ܕܝܠܗ ܕܟܘܟܒܐ. ܘܬܚܙܘܢ ܢܝܚܐ ܪܒܐ ܘܬܡܝܗܐܼ. ܐܠܗܐ ܟܕ ܡܬܚܙܐ ܒܗܗܕܡܐ ܕܒܪ ܐܢܫܐ. ܘܟܕ ܡܟܐܪ ܘܡܣܟܝܢ ܘܒܨܝܪ ܘܚܠܦ ܘܡܟܝܟܼ. ܘܐܦ ܢܝܫܗ ܕܨܠܝܒܐ ܡܬܚܙܐ ܥܠܘܗܝ܇ ܬܐܙܠܘܢ ܠܩܕܡܘܗܝܿ ܒܚܘܒܐ ܘܒܚܕܘܬܐܿ. ܟܕ ܫܿܩܠܝܢ ܐܢܬܘܢ ܥܠܝܟܘܢ ܩܘܪ̈ܒܢܝܟܘܢܼ. ܘܬܣܓܕܘܢ ܩܕܡܘܗܝ ܕܝܠܕܐ ܫܠܝܛܐ ܘܡܟܝܟܐ ܘܩܛܝܠܐ. ܘܬܩܪܒܘܢ ܠܗ ܩܘܪ̈ܒܢܝܟܘܢܼ. ܘܬܩܒܠܘܢ ܡܢܗ ܒܘܪܟܬܐ ܕܚܝ̈ܐܼ. ܘܬܫܬܘܦܘܢ ܥܡܗ ܒܚܕܘܬܐ ܕܡܐ ܕܐܿܬܐ ܒܫܘܒܚܗ ܟܣܝܐܼ. ܘܒܐܠܗܘܬܗ ܓܡܝܪܬܐܼ. ܘܒܥܘܬܪܗ ܡܫܡܠܝܐ ܕܠܐ ܥܒܿܪܼ. ܘܒܥܠܡܗ ܚܕܬܐ ܒܢܘܗܪܗ ܕ. . . . . . . . . . . . ܘܒܚܝ̈ܐ ܓܡܝܪ̈ܐ ܕܢܬܠ ܠܟܘܠܗܘܢ ܐܦ ܐܢܬܘܢܼ ܐܙܕܗܪܘ ܘܦܩܘܕܘ ܠܒ̈ܢܝܟܘܢ. ܘܐܢ ܗܼܘ ܕܠܐ ܬܓܕܫ ܡܬܝܬܗ ܕܢܘܗܪܗ ܕܟܘܟܒܐ ܒܝ̈ܘܡܬܟܘܢܼ. ܐܦ ܒܢ̈ܝܟܘܢ ܠܒ̈ܢܝܗܘܢ ܢܐܡܪܘܢܼ. ܥܕܡܐ ܕܢܫܠܡܘܢ ܐܪ̈ܙܐ ܘܓܠܝ̈ܢܐ ܕܟܬܝܒܝܢ ܥܠ ܡܬܝܬܗ. ܘܩܒܠܢܢ ܢܡ̈ܘܣܐ ܘܦ̈ܘܩܕܢܐ ܡܢ ܐܒ̈ܗܝܢ܆ ܐܦ ܚܢܢ ܡܠܦܝܢ ܗܘܝܢ ܟܠܗܘܢ ܐܪ̈ܙܐܼ. ܘܡܙܗܪܝܢ ܗܘܝܢ ܠܒܢܝ̈܇ ܕܐܟܒܪ ܒܝ̈ܘܡܬܟܘܢ ܗܘܿܝܐ ܡܬܝܬܗ ܕܢܘܗܪܗ ܕܟܘܟܒܐ ܗܢܐ. ܐܝܟ ܕܩܒܠܢ ܘܝܠܦܢ ܡܢ ܐܒ̈ܗܝܢ.. ܘܣܿܠܩܝܢ ܗܿܘܝܢ ܠܛܘܪ ܢܨܚ̈ܢܐ. ܘܟܕ ܐܬܿܟܢܫܢܢܢ ܟܠܢ: ܐܢܫ ܐܢܫ ܡܢ ܐܘܘܢܗ ܠܫܦ̈ܘܠܘܗܝ ܕܛܘܪܐ. ܡܩܘܝܢ ܗܘܝܢ ܒܕܘܟܬܐ ܚܕܐ: ܒܕܟܝܘܬܐ

Page 61

ܒܝܘܡܝ ܚܡ̈ܫܐ ܘܥܣܪ̈ܝܢ ܒܝܪܚܐ ܟܠ ܐܝܪܚ. ܘܥܡܿܕܝܢ ܗܘܝܢ ܒܥܝܢܐ ܚܕܐ ܕܐܝܬܝܗܿ ܗܘܬ ܒܫ̈ܦܘܠܘܗܝ ܕܛܘܪܥܐ. ܘܗܼܝ ܥܝܢܐ ܡܬܩܪܝܐ ܕܬܕܟܝܬܐ. ܘܩܡܝܡܝܢ ܗܘܘ ܥܠܝܗ ܐܝ̈ܠܢܐ ܫܒ̈ܥܐ: ܙܝܢܬܐ. ܘܓܦܬܐ. ܘܐܣܐ. ܘܫܘܪܝܢܐ. ܘܐܛܪܘܓܐ. ܐܪܙܐ. ܘܒܪܘܬܐ.. ܘܛܘܪܐ ܗܘ ܟܠܗ ܦܐܐ ܘܪܓܝܓܼ ܡܢ ܟܠ ܛܘܪ̈ܐ ܕܒܐܬܪܢܼ ܕܠܐ ܡܫܘܚܬܐ.. ܘܡܿܚܐ ܗܘܐ ܡܢܗ ܪܝܚܐ ܕܟܠ ܒܣ̈ܡܘܢܐ. ܘܛܠܐ ܕܪܐܣ ܗܘܐ ܒܗܼ. ܪܝܚܐ ܒܣܝܡܐ. ܘܡܐ ܕܗܿܘܐ ܗܘܐ ܪܝܫ ܝܪܚܐܼ. ܣܠܩܿܝܢ ܗܘܝܢ ܘܐܙܿܠܝܢ ܠܪܝܫ ܛܘܪܐܼ. ܘܩܝܡܝܢ ܗܘܝܢ ܩܕܡ ܬܪܥܗܿ ܕܝܠܗܿ ܕܡܥܪܬ ܓܙ̈ܐ ܕܐܪ̈ܙܐ ܟܣ̈ܝܐ. ܘܒܪܟܝܢ ܗܘܝܢ ܥܠ ܒܘܪ̈ܟܝܢ܆ ܘܦܫܛܝܢ ܗܘܝܢ ܐܝܕ̈ܝܢ ܠܫܡܝܐܼ. ܘܡܨܠܝܢ ܗܘܼܝܢ ܘܣܓܕܝܢ ܒܫܬܩܐ ܕܠܐ ܩܠܐܿ. ܠܐܒܐ ܕܪܒܘܬܐ ܥܠܝܬܐܿ. ܗܿܝ ܕܠܐ ܡܬܡܠܐܐ ܘܠܐ ܡܣܬܝܟܐܿ. ܥܕܡܐ ܠܥܠܡ. ܬܠ̈ܬܐ ܒܝܪܚܐ ܘܥܠܝܢ ܗܘܝܢ ܠܗܿ ܠܡܥܪܬܐ ܥܠ ܓ̈ܙܐ ܕܣܝ̈ܡܬܐ ܕܡܛܝ̈ܒܢ ܗܘܼ̈ܝ ܠܩܘܪ̈ܒܢܐ ܕܝܠܗ ܕܟܘܟܒܐܿ. ܘܠܣܓܕܬܐ ܕܢܘܗܪܐ ܗܿܘ ܕܡܣܿܟܝܢ ܗܘܝܢ ܠܗ. ܘܡܕܡ ܕܩܿܪܝܢ ܗܘܝܢ ܘܫܿܡܥܝܢ ܗܘܝܢ ܡܢ [ܓܠܝܢܐ ܡܐ] ܕܗܿܦܟܝܢ ܗܘܝܢ܆ ܢܿܚܬܝܢ ܒܚܕܘܬܐܼ. ܐܿܡܪܝܢ ܗܘܝܢ ܘܡܿܠܦܝܢ ܠܒܢ̈ܝܢ ܘܠܫܪ̈ܒܬܢ. ܘܠܟܠ ܕܝܗܿܒ ܢܦܫܗ ܒܚܘܒܐ ܠܡܐܠܦ. ܘܐܢ ܢܓܕܫ ܘܢܦܛܪ ܚܕ ܡܢܢ܆ [ܒܪܗ ܐܘ ܚܕ ܡܢ ܒܢ̈ܝ ܫܪܒܬܗܼ ܢܩܝܡ] ܒܕܘܟܬܗ: ܐܝܟ ܡܐ ܕܩܡܢܢ ܒܕܘܟܬ ܐܒܗ̈ܝܢ܇ ܥܕܡܐ ܕܫܠܼܡ ܙܒܢܐ ܕܡܬܝܬܗ ܕܟܘܟܒܐ܆ ܐܦ [ܒܢ̈ܝ ܐܬܪܐ] ܗܿܘ: ܐܝܠܝܢ ܕܝܗܒܝܢ ܗܘܘ ܢܦܫܗܘܢ ܠܚܘܒܐ ܕܓܠܝܢܐ ܕܢܐܠܦܘܢ ܒܚܕܘܬܐܼ. ܡܿܠܦܝܢ ܗܘܝܢ ܠܗܘܢܼ. ܘܐܝܠܝܢ ܕܠܐ ܨܒܿܝܢ ܗܘܘ ܕܢܐܠܦܘܢܼ ܘܡܪܚܩܝܢ ܢܦܫ̈ܬܗܘܢ ܡܢ ܥܘܕܪܢܐ. [ܡܛܠ ܕܚܿܙܝܢ ܗܘܘ ܫܠܝܘܬܢ] ܕܒܫܬܩܐ ܡܨܠܝܢ ܗܘܝܢ: ܘܒܐܝܩܪܐ ܐܿܡܪܝܢ ܗܘܝܢ ܠܗܘܢ

Page 62

[ܠܐܪ̈ܙܝܢ.] ܀ ܬܘܒܼ ܡܢ ܟ̈ܬܒܐ ܕܐܝܬ ܗܘܘ ܒܡܥܪܬ ܓܙ̈ܐ ܕܐܪ̈ܙܐ ܟܣ̈ܝܐ: ܟܠ ܦܬܓܡܐ ܕܡܠܠ ܐܒܘܢ ܐܕܡܼ. ܪܝܫ ܛܘܗܡܢ ܪܒܐ ܥܡ ܫܬ ܒܪܗܼ. ܕܗܘܼܐ ܠܗ ܡܢ ܒܬܪ ܡܘܬܗ ܕܗܒܝܠܼ ܕܩܛܠܗ ܩܐܝܢ ܐܚܘܝܗܼ. ܘܐܬܐܒܠ ܥܠܘܗܝ ܐܕܡ ܐܒܘܗܝ. ܘܒܕܩ ܠܗ ܐܕܡ ܠܫܬ ܒܪܗܼ ܥܠܘܗܝ [ܕ . . . . . ܘܥܠ ܓܠܝܢܐ] ܕܢܘܗܪܐ ܕܟܘܟܒܐܼ. ܘܥܠ ܬܫܒܘܚܬܗ. ܡܛܠ ܕܚܿܙܐ [ܗܘܐ] ܠܗ ܒܓܢܬ ܥܕܝܢ܆ ܟܕ ܢܿܚܬ ܗܘܐ ܘܫܪܐ ܥܠ ܐܝܠܝܢܐ ܕܚܝ̈ܐ. ܘܡܗܪ ܠܟܠܗ [ܥܕ ܠܐ ܢܥܒـ]ܪ ܐܕܡ ܥܠ ܦܘܕܩܢܐ ܕܐܒܐ ܕܪܒܘܬܐ ܥܠܝܬܐ. ܘܟܕ ܥܒܼܪ ܥܠ ܦܘܩܕܢܐ ܕܣܡ ܠܗܼ. ܐܬܓܠܙܬܿ ܡܢܗ ܚܙܬܗ ܕܝܠܗ ܕܟܘܟܒܐ. ܘܡܛܠ ܡܦܩܬܗ ܕܡܢ ܦܪܕܝܣܐ. ܘܡܬܐܒܠ ܗܘܐ ܐܒܘܢ ܐܕܡ ܥܠ ܣܟܠܘܬܐ ܕܐܬܡܟܟ ܡܢ ܪܒܘܬܗ. ܘܣܓܝ ܡܙܗܿܪ ܗܘܐ ܠܗ ܠܫܝܬ ܒܪܗܼ. ܘܡܠܦ ܗܘܐ ܠܗ ܕܢܗܠܟ ܒܟܐܢܘܬܐܼ ܕܢܐܫܟܚ ܪ̈ܚܡܐ ܩܕܡ ܐܒܐ ܕܪܒܘܬܐ. ܘܐܿܡܪ ܗܘܐ ܠܗ: ܒܪܝܼ ܢܗܘܘܢ ܡܢܝ ܕܪ̈ܐ ܘܥ̈ܠܡܐܼ ܘܡܢ ܝܠܕ̈ܝ. ܘܢܗܘܘܢ ܡܬܿܢܝܢ ܣܟܠܘܬܝ. ܘܡܡܬܠܝܢ ܒܡ̈ܬܐܼ. ܚܕ ܠܚܕ. ܟܕ ܥܠܝ ܫ̈ܠܡܢܼ ܘܢܐܡܪܘܢ: ܟܠ ܡܠܟܘ ܕܬܬܦܿܠܓ ܥܠ ܢܦܫܗܼܿ. ܠܐ ܬܩܘܡ. ܗܕܐ ܥܠܝ ܫܿܠܡܐ ܕܐܬܦܿܠܓܬ ܥܠ ܡܠܟܘܬܝ ܕܩܐܡ ܗܿܘܝܬ ܒܗܿ: ܘܐܢܐ ܒܐܝܕ̈ܝ ܐܘܒܕܬܗܿ ܡܢܝ. ܒܪܝܼ. ܐܠܥܐ ܕܐܬܦܪܫܬܿ ܡܢܝ: ܗܼܝ ܗܘܬܿ ܫܦܝܐ ܘܥܪܬܗܿ ܠܥܝ̈ܢܝ. ܐܦ ܐܢܐ ܐܬܢܿܒܝܬ ܗܘܿܝܬ ܟܕ ܚܿܙܝܬܗܿ ܘܐܿܡܪܬ: ܕܗܢܐ ܙܒܢܐ ܓܪܡܐ ܘܒܣܪܐ ܡܢܝ. ܘܫܦܝܪ ܩܿܪܬܗܿ ܙܒܢܐܼ. ܡܛܠ ܕܗܘܬܿ ܠܝ ܬܘܩܬܐ. ܒܪܝ ܐܙܕܗܪ ܡܢܗܿ ܒܡ̈ܠܝ ܦܘܡܟܼ ܘܠܐ ܬܓܠܼܐ ܠܗܿ ܟܠ ܐܪ̈ܙܝ ܠܒܟ. ܪܒܘܠܝ ܓܝܪ [ܚܢܢܐܼ.] ܠܐܝܩܪܐ ܘܠܬܫܒܘܚܬܐ ܥܒܼܕܗܿ ܠܝ ܡܥܕܪܢܐ. ܡܛܠ ܕܪܚܡ [ܗܘܐ ܠܝܼ] ܐܝܟ ܒܪܐ ܚܒܝܒܐ. ܘܐܢ ܥܒܿܕܬܗܿ ܠܝ

Page 63

ܡܣܓܦܢܘܬܐܼ ܘܡܥܩܪܬ ܥܩܒ̈ܝܼ. ܥܕܡܐ ܕܐܦܩܬܢܝ ܡܢ ܦܪܕܝܣܐ ܕܡܠܟܘܬܝ. ܘܐܢܐ ܠܐ ܐܬܒܿܝܢܬ [ܒܐܝܩܪܝ]. ܐܠܐ ܐܦ ܒܠܒܝܼ ܐܬܬܪܝܡܿܬ ܒܡܠܼܟܐ ܕܢܟܠܐ ܕܝܗܿܒܬܿ ܠܝ: ܟܣܐ ܕܫܡܼܥܐ ܕܡ̈ܠܐ ܡܪ̈ܪܐܿ. ܒܢܟܠܗ ܕܚܘܝܐ. ܘܠܐ ܐܬܒܿܝܢܬ ܒܩܕܡܝܘܬܝ [ܟܕ ܠܐ ܐܝܬܝ ܗܘܝܬ܇] ܘܟܕ ܗܘܝܬܼ ܒܐܝܢܐ ܐܝܩܪܐ ܐܝܬܝ ܗܘܝܬ: ܘܒܫܘܠܛܢܝ ܕܥܠ ܟܘܠܗ ܥܠܡܐܼ. ܘܒܚܘܒܝ ܕܠܘܬ ܥܝܪ̈ܐ ܩܕ̈ܝܫܐܼ. ܘܒܟܘܠ ܚܝ̈ܝ ܕܒܓܘ ܦܪܕܝܣܐ. ܘܝܬܝܪ ܡܢ ܟܠܡܕܡ ܪ̈ܚܡܘܗܝ ܘܒܣܝܡܘܬܗ ܕܪܒܘܠܝ ܩܕܝܫܐܼ. ܕܡܚܒ ܗܘܐ ܠܝ ܘܡܚܪܡ ܥܠܝܼ ܐܝܟ ܐܒܐ ܒܣܝܡܐ. ܘܟܕ ܥܒܿܪܬ ܒܡܪܚܘܬܝ ܥܠ ܦܘܩܕܢܗܼ. ܠܐ ܐܝܟ ܡܪܐ ܕܐܚܿܕ ܐܟܬܐ ܕܢܢܝ: ܐܠܐ ܐܝܟ ܐܒܐ ܒܣܝܡܐܿ. ܕܚܠܝܼܛܝܢ ܪ̇ܡܘܗܝ ܒܡܪܕܘܬܗ. ܐܠܘ ܓܝܪ ܐܝܟ ܣܟܠܘܬܟܝ ܕܝܠܝ ܕܢܢܝܼ. ܐܝܟ [ܗܼܒܠܐ ܡܣܝܦ] ܗܘܐ ܠܝܼ. ܘܐܝܟ ܕܠܐ ܐܝܬܝ ܗܘܿܝܬ ܥܿܒܕ ܗܘܐ ܠܝ. ܘܡܢܘ ܕܢܩܘܡ ܠܩܘܒܠܗ ܘܢܐܡܪ ܠܗܼ ܡܢܐ ܥܒܼܕܬ. ܐܠܐ ܪܕܢܝ ܒܪ̈ܚܡܐܼ. ܘܠܐ ܐܝܟ ܣܟܠܘܬܝ ܕܢܢܝ. ܕܗܐ ܚܿܙܝܬ ܒܪܝܼ ܟܠܗ ܒܪܝܬܐ ܕܬܚܝܬ ܫܘܠܛܢܝ ܐܝܬܝܗܿ܆ ܐܝܟ ܕܡܢ ܩܕܝܡ. ܘܢܟـ[ܘܠܝ ܒܝܫܐ] ܒܙܐܦܗ ܨܼܒܐ ܕܢܡܟܟܢܝܼ ܘܢܙܟܐ ܡܢ ܬܚܝܬ ܫܘܠܛܢܝ. ܬܝܪܐܝܬ ܗܼܘ ܒܪ̈ܚܡܘܗܝ ܪܒܘܠܝ ܒܣܝܡܐܼ. ܣܡܗ ܬܚܝܬ ܪ̈ܓܠܝܼ ܕܐܕܘܫܝܘܗܝ. ܟܕ ܣܡ ܥܠܝ ܕܚܠܬܐܼ. ܕܠܐ ܬܘܒ ܐܫܬܡܥ ܠܡܘܠܟܢܗ. ܘܐܝܟ ܕܝܿܢܐ ܕܟܐܢܘܬܗܼ. ܣܟܪܗ ܠܦܘܡܗ ܫܿܩܪܐܼ. ܘܡܠܝܗܝ ܥܦܪܐ. ܘܬܼܿܒܪ ܪ̈ܓܠܘܗܝ ܕܠܐ ܢܗܠܟ ܥܠܝܗ̈ܝܢ. ܟܕ ܦܪܫܗ ܡܢ ܟܠܗܿ ܚܝܘܬܐ ܕܒܪܝܐ ܐܟܘܬܗ. ܘܗܠܝܢ ܟܠܗܝܢܼ ܒܪܝܼ ܓܕ̈ܫܢܝ. ܘܐܬܡܿܟܟܬ ܡܢ ܪܒܘܬܝ. ܥܠܼܬܐ ܕܟ̈ܠܗܝܢ ܒܝܫ̈ܬܐܼ. ܐܡܟ ܚܘܐ ܗܘܬܿ ܠܝ ܬܘܩܬܐ. ܐܠܐ ܐܢܬ ܒܪܝܼ ܐܙܕܗܪ ܡܢ ܡܘܠܟܢܗܿ ܘܠܐ ܬܫܬܡܥ ܠܗܼܿ ܐܟܘܬܗܝ. ܐܠܐ ܪܚܡ ܘܝܩܪ ܠܡܪܐ ܚܝ̈ܐܼ. ܪܒܘܠܝ ܒܣܝܡܐܼ. ܘܢܚܝܟ ܘܢܬܪܚܡ ܥܠܝܟ. ܘܢܗܘܘܢ ܓܝܪ ܡܢ ܫܪܒܬܝ

Page 64

ܘܝܠܕ̈ܝܼ ܐܢ̈ܫܐ ܫܒ̈ܝܚܐ ܘܡܝܩܪܗܐ ܘܡܡ̈ܠܠܝ ܐܪ̈ܙܐ ܕܪܒܘܬܐ. ܘܢܫܟܚܘܢ ܪ̈ܚܡܐ ܣܓܝ̈ܐܐ. ܘܢܨܠܘܢ ܘܢܒܥܘܢ ܘܢܫܬܡܥܘܢ. ܘ . . .                 ܕܪܒܘܬܐܼ. ܘܥܠ ܙܒ̈ܢܐ ܐܚܪ̈ܝܐ ܕܗܿܘ ܕܪܐ ܢܼܗܘܘܢ ܬܘܒ ܡـܪ̈ܝـ]ܕܝـ[ܢܼ] ܘܠܐ ܢܕܚܠܘܢ ܡܢ ܣܟܠܘܬܝܼ ܘܡܢ ܕܝܢܐ ܕܗܘܿܐ ܠܝ: ܐܠܐ ܢܡܪܚܘܢ ܘܢܡܠܠܘܢ ܓܘܕܦܐܼ ܥܕܡܐ ܠܪܒܘܬܐ ܥܠܝܬܐ. ܘܢܐܡܪܘܢ ܣ̈ܓܐܬܐ. ܘܢܥܒܕܘܢ ܐܦ ܨܝܪ̈ܐ ܘܓܠ̈ܝܦܐ. ܘܐܦ ܠܫܡܫܐ ܘܠܣܗܪܐ ܢܦܠܚܘܢ. ܘܢܡܠܠܘܢ ܡ̈ܠܐ ܕܓܘܕܦܐ. ܘܗܠܝܢ ܟܠܗ̈ܝܢ ܕܗܿܘܝ̈ܢ ܒܗܘܢܼ ܡܢ ܢܟܗܠܘܗܝ ܕܙܝܦܢܐ ܢܟܘܠܝ. ܡܛܠ ܕܒܪܚܡܬܐ ܕܙܝܦܗ ܘܕܢܟܠܗ ܕܡܼܠܐ ܡܪܬܐܼ. ܢܩܼܿܪܒ ܠܘܬ ܚܕ ܚܕ ܡܢ ܕܪ̈ܐ ܕܢܗܘܘܢ ܡܢ ܒܬܪܝ. ܘܢܚܘܕ ܘܢܪܓܪܓ ܐܢܘܢ ܒܫܘܒܚܐ ܣܪܝܩܐ ܕܥܘܬܪܐ ܣܓܝܐܐܼ. ܘܕܪܡܘܬܐ ܘܕܠܒ̈ܘܫܐ ܘܕܩ̈ܢܝܢܐ ܘܕܙܢܝܘܬܐ ܘܕܫܒܗܪܢܘܬܐ ܘܕܥܘܠܘܬܐ ܘܕܥܠܘܒܘܬܐ ܘܕܩ̈ܢܝܢܐ ܕܓܢܣ ܓܢܣ. ܘܐܝܟ ܚܒܝܒܐ ܘܪܚܡܐܼ ܢܬܚܙܐ ܠܗܘܢܼ. ܘܢܓܪܓ ܐܢܘܢ. ܘܒܙܡܿܪܐ ܬܘܒ ܘܒܪܘܝܬܐܼ. ܘܒܥܕ̈ܥܕܐ ܨ̈ܐܐ ܘܛܢ̈ܦܐ. ܕܐܝܬܝܗܘܢ ܗܓܓܐ ܕܚ̈ܙܝܘܗܝ ܣܪܗܝܩܐ. ܘܒܨܒ̈ܘܬܐ ܬܘܒ ܕܙܢ̈ܝܢ ܙܢ̈ܝܢ ܫܪ̈ܝܚܬܐܼ ܢܚܘܕ ܐܢܘܢ ܒܚܘܒܐ ܕܙܝܦܗܼ ܐܝܢܐ ܕܠܐ ܝܐܝܐ. ܐܝܟܢܐ ܕܐܦ ܨܝܕܝ ܒܝܕ ܚܘܐܿ. ܒܡܠܬܗ ܕܙܦܐ ܐܝܟ ܢܟܘܦܐ ܘܫܿܩܠ ܛܥܢܝ ܗܼܐܘ. ܕܗܐ ܠܡ ܡܕܡ ܕܙܿܕܩ ܠܟ ܘܝܐܝܐܼ ܡܿܠܟ ܐܢܐ ܠܟ. ܕܡܐ ܕܐܟܼܠܬ ܡܢ ܐܝܠܝܢ ܕܐܬܦܿܩܼܕܬ ܕܠܐ ܬܟܘܠ ܡܢܗܼ. ܗܘܝܼܬ ܠܟ ܐܝܟ ܐܠܗܟ [ܪܒܘܠܝ ܒܣܝܡܐ] .. ܘܠܐ ܐܬܒܿܝܢܬ ܐܢܐ ܕܘܝܿܐ ܒܐܝܩܪܝ܇ ܕܠܐ ܡܫܟܚ ܕܢܗܘܐ ܠܝ ܡܠܼܟܐ ܕܙܝܦܗ. ܘܠܐ ܡܫܟܚ ܕܢܿܗܘܐ ܛܝܢܐ ܐܝܟ ܓܒܘܠܗܼ. ܘܠܐ ܥܒܼܕܐ ܐܝܟ ܡܪܗ. ܐܠܐ ܝܿܕܥܢܐ ܠܪ̈ܚܡܘܗܝ ܣܓܝ̈ܐܐ ܕܪܒܘܬܐ ܕܪܒܘܠܝ

Page 65

ܒܣܝܡܐܼ. ܕܡܬܓܠܝܢ ܥܠܝ ܒܚܪܬܐ ܕܝܘ̈ܡܬܐ. ܘܠܚܪܬܐ ܦܪܩ ܠܝ ܡܢ ܚܒܠܐܼ. ܘܡܩܝܡ ܠܝ ܡܢ ܕܚܝܚܐܼ. ܐܝܟ ܕܐܩܡܢܝ ܟܕ ܠܐ ܐܝܬܝ ܗܘܝܿܬ: ܘܚܼܕܝ ܠܝܼ ܘܕܨܘܿ ܠܝܼ ܒܥܠܕܒܒܝ ܕܢܿܦܠܬ ܒܢܼܟܠܗ. ܥܬܝܕ ܗܼܘ ܦܪܘܩܝ ܒܣܝܡܐ ܘܪܒܘܠܝ ܚܢܢܐܿ ܕܢܣܡܟܢܝ ܘܢܚܢܢܝ ܒܪ̈ܚܡܘܗܝ. ܘܕܢܿܚܬ ܠܚܫܘܟܐܼ ܗܼܘ ܒܢܘܗܪܗ ܡܚܝܠ ܠܝܼ. ܘܡܢܗܪ ܠܝ ܥܝ̈ܢܝܼ. ܐܝܟ ܕܥܒܼܕ ܠܝ ܡܢ ܩܕܝܡ. ܘܢܦܼܚ ܒܐ̈ܦܝ ܪܘܚܐ ܘܢܢܿܚܬ. ܐܠܐ ܐܢܬ ܒܪܝܼ ܫܼܦܪ ܠܗ ܠܓܒܘܠܝ ܘܠܡܚܝܢܝ: ܐܦ ܕܪ̈ܝܟ ܡܢ ܒܬܪܟ. ܕܬܫܟܚ ܪ̈ܚܡܐ ܩܕܡܘܗܝ. ܠܐ ܓܝܪ ܡܩܨ ܠܟ ܒܚ̈ܛܗܝ ܕܝܠܝܼ. ܡܛܠ ܒܣܝܡܘܬܗ. ܐܠܘ ܓܝܪ ܐܝܟ ܣܟܠܘܬܗܝ ܡܩܿܨ ܗܘܼܐ ܠܝܼ. ܠܐ ܗܘܐ ܦܐܪ̈ܐ ܡܘܠܕ ܗܿܘܝܬܼ. ܐܦ ܠܐ ܩܘܪܒܢܐ ܡܩܒܠ ܗܘܐ ܡܢ ܗܒܝܠ ܐܚܘܝܟ. ܐܦܠܐ ܬܒܥܬܐ ܥܿܒܕ ܗܘܐ ܕܕܡܗ ܡܢ ܐܝܕ̈ܝ ܐܚܘܗܝ ܕܩܛܠܗ. ܠܐ ܓܝܪ ܡܗܡܐ ܒܪ̈ܚܡܘܗܝ ܣ̈ܓܝܐܐ ܡܢ ܡܿܢ ܕܪܚܿܡ ܠܗ܇ ܘܡܗܠܟ ܩܕܡܘܗܝ ܒܟܐܢܘܬܐ. ܐܦ ܠܐܝܠܝܢ ܕܡܣܟܠܝܢ ܩܕܡܘܗܝܼ ܝܿܗܒ ܠܗܘܢ ܐܬܪܐ ܠܬܝܒܘܬܐ. ܘܚܐܢ ܠܗܘܢ ܐܢ ܢܬܘܒܘܢ ܘܢܒܥܘܢ ܡܢܗܼ. ܡܛܠ ܕܪ̈ܚܡܘܗܝ ܣܿܓܝܐܝܢ ܥܠ ܥܠܡܗ.. ܘܫܡܼܥ ܫܝܬܼ ܟܠ ܡܕܡ ܕܦܩܼܕܗ ܐܕܡ ܐܒܘܗܝܼ. ܦܘ̈ܩܕܢܐ ܕܣ̈ܓܝܐܝܢ ܡܢ ܠܗܝܢ. ܘܟܬܼܒ ܐܢܘܢ ܒܚܦܝܛܘܬܐ. ܘܐܫܟܚܢ ܐܢܘܢ ܒܣܦܪ̈ܐ ܕܣܝܼܡܝܢ ܗܘܘ ܒܡܥܪܬ ܓܙ̈ܐ ܕܐܪ̈ܙܐ ܟܣ̈ܝܐ. ܐܦ ܗܼܘ ܦܼܿܩܕ ܘܐܘܣܦ ܥܠܝܗܘܢ. ܘܕܟܝ ܠܒܗ ܫܬܼ. ܕܠܐ ܢܫܬܡܥ ܠܢܟܘܠܐ ܒܝܫܐ. ܘܡܫܒܚ ܗܘܐ ܘܩܿܪܐ ܒܫܡܐ ܕܐܠܐ ܕܒܪܘܬܐ ܥܠܝܬܐ. ܘܦܼܩܕ ܐܦ ܫܬ ܠܒܢ̈ܘܗܝ ܠܗܘܢ ܠܗܠܝܢ ܐܪ̈ܙܐ. ܘܩܿܪܝܢ ܗܘܝܢ ܟܠ ܐܝܪܚ ܕܣܠܩܝܢ ܗܘܝܢ ܠܗ ܠܛܘܪܐ. ܘܥܿܠܝܢ ܗܘܝܢ ܒܚܘܒܐ ܠܡܥܪܬ ܓܙ̈ܐ ܕܐܪ̈ܐ ܟ̈ܣܝܐ. ܘܝܿܠܦܝܢ ܗܘܝܢ ܐܦ ܚܢܢ܆ ܘܡܿܠܦܝܢ ܗܘܝܢ ܠܒܢ̈ܝܢ ܘܠܫܪ̈ܒܬܢ. ܟܕ ܗܘܼܐ ܕܝܢ ܙܒܢܐ ܘܫܘܠܡܐ ܕܡܕܡ ܕܟܬܝܒ ܒܟ̈ܬܒܐܼ. ܡܛܠ ܓܠܝܢܐ ܕܢܘܗܪܗ ܕܟܘܟܒܐ ܟܣܝܐ. ܐܦ ܚܢܢ ܫܘܼܝܢ ܠܗ ܕܒܝܘ̈ܡܬܢ

Page 66

ܢܐܬܐ: ܘܢܩܒܠܝܘܗܝ ܒܚܕܘܬܐ ܐܝܟ ܕܐܬܦܩܕܢ ܡܢ ܐܒ̈ܗܝܢ. ܘܐܝܟ ܕܩܿܪܝܢ ܗܘܝܢ ܐܦ ܚܢܢ ܒܟ̈ܬܒܐ. ܘܚܕ ܚܕ ܡܢܢ ܚܿܙܝܢ ܗܘܝܢ ܚܙܘ̈ܢܐ ܬܡ̈ܝܗܐ ܘܦܪܗܝܫܐܼ [ܕܠܐ ܚܙܝܼܢ ܗܘܘ ܠܢ ܡܢ ܡܬܘܡ. ܐܠܐ ܪ̈ܐܙܝـ]ܗܘܢ ܒܟ̈ܬܒܐ ܗܠܝܢ ܕܩܿܪܝܢ ܗܘܝܢ ܐܝܬܝܗܘܢ ܗܘܘ. ܘܐܬܘ ܐܢܫ ܐܢܫ ܡܢ ܐܘܢܗܼ. ܐܝܟ ܥܝܕܢ ܩܕܡܝܐ: ܕܢܿܣܩ ܠܗ ܠܛܘܪ ܢܣܚ̈ܢܐ              ܒܥܝܢܐ ܕܬܕܟܝܬܐ ܕܢܣܚܐ ܐܝܟ ܕܡܥܕܝܢ ܗܘܝܢ. ܘܚܼܙܝܢܢ . . . . . . . ܒܕܡܘܬ ܥܡܘܕܐ ܕܢܘܗܪܐܼ ܕܠܐ ܡܬܡܠܠܼ. ܕܢܿܚܬ ܘܠܥܠ ܡܢܗܘܢ ܕ . . . . ܫܼܪܐ. ܘܕܚܠܢ ܘܙܥܢ ܟܕ ܚܙܝܢܝܗܝ. ܘܟܘܟܒܐ ܕܢܘܗܪܐ ܥܠܘܗܝܼ ܕܠܐ ܡܘܦܝܢܢ ܕܢܐܡܪ ܥܠ ܢܘܗܪܗ. ܕܝܬܝܪ ܗܘܐ ܢܘܗܪܗ ܡܢ ܕܫܡܫܐ ܒܥ̈ܦܐ ܣܓܝ̈ܐܐ. ܘܠܐ ܐܫܟܚ ܫܡܫܐ ܕܢܩܘܡ ܩܕܡ ܢܘܗܪܐ ܕܙܠܝ̈ܩܘܗܝ. ܘܐܝܟ ܕܡܬܚܙܝܐ ܣܗܪܐ ܒܝܘܗܡܝ ܢܝܣܢ ܒܐܝܡܡܐܼ. ܟܕ ܕܢܿܚ ܫܡܫܐ [ܘܡܬܒܠܥ] ܒܢܘܗܪܗ܇ ܗܟܢܐ ܡܬܚܙܐ ܗܘܐ ܠܢ ܫܡܫܐܿ. ܟܕ ܕܢܝܼܚ ܥܠܝܢ ܟܘܟܒܐ. ܘܠܢ ܗܘ ܕܝܠܢ܆ ܘܠܒ̈ܢܝ ܐܪ̈ܙܝܢ ܐܬܚܙܝ ܢܘܗܪܗ ܕܟܘܟܒܐ ܕܡܝܬܪ ܗܘܐ ܡܢ ܕܫܡܫܐܿ. ܟܕ ܕܢܝܼܚ ܥܠܝܢ ܟܘܟܒܐ. ܘܠܢ ܗܘ ܕܝܠܢ܆ ܘܠܒ̈ܢܝ ܐܪ̈ܙܝܢ ܐܬܚܙܝ ܢܘܗܪܗ ܕܟܘܟܒܐ ܕܡܝܬܪ ܗܘܐ ܡܢ ܕܫܡܫܐ. ܘܠܐܢܫ ܐܚܪܝܢ ܠܐ ܐܬܚܙܝܼ. ܡܛܠ ܕܪܚܝܩܝܢ ܗܘܘ ܡܢ ܐܪ̈ܙܘܗܝ ܘܡܢ ܡܬܝܬܗ. ܘܚܼܕܝܢ ܘܫܒܚܝܢ ܘܐܘܕܝܢ ܕܠܐ ܡܫܘܚܬܐܼ. ܠܐܒܐ ܕܪܒܘܬܐ ܥܠܝܬܐ܇ ܕܒܝ̈ܘܡܝܢ ܐܬܚܙܝ ܘܫܼܿܘܝܢ ܕܢܚܙܝܘܗܝ. ܘܟܕ ܥܡܕܢ ܒܥܝܢܐ ܕܬܕܟܝܬܐ ܒܚܕܘܬܐܼ. ܘܣܼܠܩܢ ܠܗ ܠܛܘܪܐ ܕܢ̈ܨܚܢܐܼ ܐܝܟ ܡܐ ܕܡܥܕܝܢ ܗܘܝܢ܇ ܘܣܼܠܩܢ ܘܐܫܟܚܢܝܗܝ ܠܥܡܘܕܐ ܗܿܘ ܕܢܘܗܪܐ ܩܕܡܝܗܿ ܕܡܥܪܬܐܼ. ܕܚܠܬܐ ܬܘܒ ܪܒܬܐ ܫܪܬܿ ܥܠܝܢ܆ ܘܒܼܪܟܝܢ ܥܠ ܒܘܪ̈ܟܝܢܼ ܘܦܫܛܢ ܐܝܕ̈ܝܢܼ ܐܝܟ ܥܝܕܢ ܩܕܡܝܐ. ܘܒܫܬܩܐ ܡܫܒܚܝܢ ܗܘܝܢ ܠܚܼܙܘܐ ܕܬܕܡܪ̈ܬܗ. ܘܚܼܙܝܢ ܬܘܒ ܕܐܬܦܬܚ ܫܡܝܐܼ. ܐܝܟ ܬܪܥܐ ܪܒܐ. ܘܓܒܪ̈ܐ ܕܬܫܒܘܚܬܐ ܟܕ ܫܩܼܝܠܝܢ ܠܗ ܠܟܘܟܒܐ ܕܢܘܗܪܐ ܥܠ ܐܝܕ̈ܝܗܘܢܼ. ܘܢܚܬܘ ܘܩܡܘ ܥܠ ܥܡܘܕܐ ܕܢܘܗܪܐ.

Page 67

ܘܡܠܐ ܛܘܪܐ ܟܠܗ ܡܢ ܢܘܗܪܗ ܕܠܐ ܡܬܡܠܠ ܒܦܘܡܐ ܕܐܢܫܘܬܐ. ܘܩܪܒ ܠܢܐܝܟ ܐܝܕܐ ܕܐܢܫܐ ܙܥܘܪܐ ܡܢܗ ܕܥܡܘܕܐ ܟܒܐ ܠܥܝ̈ܢܝܢ܆ ܕܠܐ ܐܫܟܚܢܢܢܚܘܪ ܒܗܼ. [ܘܚܝܠܢ]. ܘܚܙܝܢܝܗܝ ܠܟܘܟܒܐ ܕܥܼܠ ܠܗܿ ܠܡܥܪܬ ܓܙ̈ܐ ܕܐܪ̈ܙܐ ܟ̈ܣܝܐ: ܘܢܗܪܬ ܕܠܐ ܡܫܘܚܬܐ ܗܼܝ ܡܥܪܬܐ. ܘܐܫܬܡܥ ܠܢ ܩܠܐ ܡܟܝܟܐ ܘܒܣܝܡܐܼ ܕܩܪܐ ܘܐܼܡܪ ܠܢ: ܥܘܠܘ ܠܟܘܢ ܠܓܘ ܕܠܐ ܦܬܓܘܬܐ ܒܚܘܒܐܿ. ܘܚܙܘ ܚܙܘܐ ܪܒܐ ܘܬܡܝܗܐ. ܘܐܬܠܒܒܢ ܘܐܬܚܝܠܢ ܒܡܠܬܗ ܕܩܠܐ. ܘܥܠܼܢ ܟܕ ܕܚܠܝܢܢ܆ ܘܟܦܢ ܒܘܪ̈ܟܝܢ ܒܬܪܥܗܿ ܕܡܥܪܬܐܼ. ܡܛܠ ܣܓܝܐܘܬܗ ܕܝܠܗ ܕܢܘܗܪܐ. ܘܟܕ ܩܡܢ ܒܡܠܬܗܼ ܐܪܝܡܢ ܥܝ̈ܢܝܢܼ ܘܚܙܝܢܝܗܝ ܠܢܘܗܪܐ ܗܿܘ ܕܠܐ ܡܬܡܠܠ ܒܦܘܡܐ ܕܒܢ̈ܝܢܫܐ. ܘܟܕ ܟܢܫ ܝܬܗܼ. ܘܐܬܚܙܝ ܠܢ ܒܗܕ̈ܡܐ ܕܒܪܢܫܐ ܙܥܘܪܐ ܘܡܟܝܟܐܼ ܘܐܡܪ ܠܢ: ܫܠܡ ܠܟܘܢ ܒ̈ܢܝ ܐܪ̈ܙܝ ܟ̈ܣܐ. ܘܬܘܒ ܬܡܗܢ ܠܢ ܒܚܙܘܐ. ܘܐܼܡܪ ܠܢ܆ ܠܐ ܬܬܦܠܓܘܢ ܒܚܙܘܐ ܕܚܙܝܬܘܢܼ ܕܐܬܚܙܝ ܠܟܘܢ ܢܘܗܪܐ ܗܿܘ ܕܠܐ ܡܬܡܠܠܼ. ܕܩܠܐ ܕܐܒܐ ܟܣܝܐ ܕܪܒܘܬܐ ܥܠܝܬܐ. ܘܐܬܚܙܝ ܠܟܘܢ ܬܘܒ ܕܟܢܫ ܢܘܗܪܗ ܒܙܝ̈ܘܘܗܝܼ. ܘܐܬܚܙܝ ܠܟܘܢ ܒܕܡܘܬܐ ܕܐܢܫܐ ܙܥܘܪܐ ܘܡܟܝܟܐ ܘܒܨܝܪܐ. ܡܛܠ ܓܝܪ ܕܠܐ ܡܘܦܝܢ ܥܡܘܪ̈ܘܗܝ ܕܥܠܡܐ ܕܢܚܙܘܢ ܫܘܒܚܗ ܕܒܪܐ ܝܚܝܕܝܐ ܕܐܒܐ ܕܪܒܘܬܐ: ܐܠܐ ܐܢ ܐܬܚܙܝ ܠܗܘܢ ܒܕܡܘܬܐ ܕܥܠܡܗܘܢ. ܘܬܘܒ ܐܬܘ̈ܬܐ ܐܚܪ̈ܢܝܬܐ ܥܬܝܕ̈ܢ ܕܢܬܚ̈ܙܝܢ ܒܗܼ. ܕܟ̈ܣܝܢ ܘܡܟܐܪ̈ܢ ܠܪܒܘܬܐ ܥܠܝܬܐ: ܡܛܠ ܦܘܪܩܢܐ ܕܚܝܝ̈ܗܘܢ ܕܒ̈ܢܝܢܫܐ. ܡܛܠ ܕܐܚܒ ܐܢܘܢ ܐܒܝܼ ܠܕܐ ܢܐܒܕܘܢ ܒܛܘܥܝܝ ܕܪܕܿܝܢ ܗܘܘ ܒܗܿ. ܘܐܢܐ ܬܘܒܼ ܐܫܠܡ ܚܘܒܗ ܕܐܒܐܼ. ܘܥܕܡܐ ܠܡܘܬܐ ܕܙܩܝܦܐ: ܡܛܠ ܚܝ̈ܝܗܘܢ ܐܚܘܬ ܕܐܣܩ ܐܢܘܢ ܒܝ ܒܚܘܒܐ ܘܒܫܠܡܘܬܐܐ ܕܠܐ ܦܠܓܘܬܐܼ. ܐܢ ܢܗܝܡܢܘܢ ܒܝ ܕܠܐ ܦܠܓܘܬܐ. ܘܢܘܕܘܢ ܘܢܫܒܚܘܢ ܒܐܝܕ̈ܝ ܠܐܒܐ ܕܪܒܘܬܐ ܗܝ ܡܫܒܚܬܐ ܕܫܠܚܢܝ

Page 68

ܠܦܘܪܩܢܗܘܢ܇ ܘܐܚܒܬ ܐܢܘܢ ܕܠܐ ܢܐܒܕܘܢ ܒܛܘܥܝܝ ܕܪܕܝܢ ܗܘܘ ܒܗܿ. ܘܡܟܝܠ ܕܐܢܐ ܐܬܚܿܙܝܬ ܠܗܘܢ ܒܫܘܠܡ ܙܒ̈ܢܐ ܟܠܗܘܢܼ. ܠܝܬ ܠܗܘܢ ܡܦܩ ܒܪܘܚܐ ܥܠ ܣܟ̈ܠܘܬܗܘܢ܇ ܐܠܐ ܬܝܒܝܢ ܘܡܗܝܡܢܝܢ ܒܝ. ܘܦ ܐܢܬܘܢ ܡܕܡ ܕܐܬܦܩܕܬܘܢ ܡܢ ܐܒ̈ܗܝܟܘܢܼ. ܐܦ ܟܠܡܕܡ ܕܝܠܦܬܘܢ ܡܢ ܐܪ̈ܙܐ ܕܟ̈ܬܒܐ ܕܩܪܝܢ ܗܘܝܬܘܢ ܒܗܘܢܼ ܥܒܼܕܘ ܟܠܡܕܡ. ܕܐܬܐܡܪܘ ܠܟܘܢܼ ܕܗܐ ܐܪ̈ܙܐ ܟ̈ܣܝܐ ܕܢܘܗܪܗ ܕܟܘܟܒܐ܇ ܕܡܣܟܝܢ ܗܘܝܬܘܢ ܠܗ ܕܬܚܙܘܢ. ܗܐ ܗܼܘ ܩܢܘܡܗ ܒܕܩ ܠܟܘܢ ܥܠ ܢܦܫܗ܇ ܐܝܟ ܕܡܫܟܚܝܬܘܢ ܕܬܫܡܥܘܢ ܘܬܗܝܡܢܘܢ ܕܠܐ ܦܠܓܘܬܐ. ܕܚܿܙܝܢ ܐܢܬܘܢ ܒܝ ܒܐܬܪ̈ܘܬܐ ܕܕ̈ܡܘܬܐ ܣ̈ܓܝܐܬܐ. ܘܣܒ ܬܘܒ ܥܡܟܘܢ ܣܝܡܬܐ ܕܣܝܡܐ ܒܡܥܪܬܐ ܗܕܐ ܠܐܒܗ̈ܝܟܘܢܼ ܘܩܘܝܘ ܒܚܕܘܬܐ. ܘܣܓܕܘ ܠܐ . . . .            ܐܬܝܠܕܘ ܐܝܟ ܒܪܢܫܐ. ܘܣܓܘܕܘ ܠܝ ܬܘܒ ܬܡܢ                ܐܦ ܗܫܐ ܕܡܡܠܠ ܐܢܐ ܥܡܟܘܢ ܐܦ [ܬܡܘܢ] ܐܝܬܝ. . ܡܛܠ ܕܐܣܬܒܪܬ [ܣܒܪܬܝ] ܒܝܕ ܡ̈ܠܐܟܐܼ ܐܦ ܬܡܢܼ ܐܦ ܠܘܬ ܪܒܘܬܗ ܕܐܒܝ ܐܝܬܝ܇ ܘܒܟܠܕܘܟ ܐܢܐ ܐܝܬܝܼ ܡܛܠ ܕܙܠܝܩܗ ܐܢܐ ܕܢܘܗܪܐܿ. ܕܕܢܼܚ ܢܘܗܪܗ ܒܥܠܡܐ ܗܢܐ. ܡܢ ܪܒܘܬܗ ܕܐܒܝ܇ ܕܫܠܚܢܝ ܕܐܫܿܠܡ ܟܠܡܕܡ ܕܐܬܡܠܠ ܥܠܝ ܒܟܠܗ ܥܠܡܐܿ. ܘܒܟܠ ܐܬܪ [ܒܐܪ̈ܙܐ] ܕܠܐ ܡܬܡܠܠܝܢ. ܕܐܫܿܡܠܐ ܦܘܩܕܢܗ ܕܐܒܝ ܡܫܒܚܐܼ ܕܐܟܪܙ ܥܠܝ ܒܢ̈ܒܝܐ ܠܒܝܬܐ ܡܡܪܡܪܢܐ. ܐܝܟܢܐ ܕܐܦ ܠܟܘܢ ܐܝܟ ܕܙܿܕܩ ܠܗܝܡܢܘܬܟܘܢܼ ܐܬܓܠܝ ܠܟܘܢ ܥܠܝ. ܘܐܢܐ ܥܡܟܘܢ ܣܠܩ ܐܢܐ. ܘܗܿܘܐ ܐܢܐ ܠܟܘܢ ܗܕܝܐܼ ܒܟܠܗܿ ܐܘܪܚܐ ܕܐܙܠܝܢ ܐܢܬܘܢ ܒܗܿ. ܟܕ ܚܿܙܝܢ ܐܢܬܘܢ ܐܬܘ̈ܬܐ ܫܒܝ̈ܚܬܐܼ. ܘܢ̈ܨܚܢܐ ܪ̈ܘܪܒܐ ܒܟܠܗܿ ܐܪܥܐ. ܘܫܘܠܡܗܘܢ ܕܟܠܗܘܢ ܐܪ̈ܙܐ ܒܐܘܪܫܠܡ

Page 69

ܬܘܒ ܬܚܙܘܢ܇ ܘܢܫܼܪ ܠܟܘܢ ܟܠ ܡܕܡ ܕܐܬܡܠܠ ܥܡܟܘܢ܇ ܘܬܚܙܘܢ ܬܘܒ ܐܬܘ̈ܬܐ ܕܡܟܝܟܘܬܐܼ. ܐܦ ܐܣܟܝܡܐ ܒܨܝܪܐܼ ܘܚܠܫܐ. ܐܝܟܢܐ ܕܐܦ ܒܢ̈ܝܢܫܐ ܢܡܚܪܘܢ ܥܠܝ ܘܢܨܒܘܢ ܕܢܥܒܕܘܢ ܡܕܡ ܕܐܬܚܫܒܘ ܥܠ ܒܙܝܦܐܼ. ܘܠܐ ܢܫܟܚܘܢ ܕܢܗܘܐ ܢܝܚܗܘܢ. ܐܠܐ ܟܠ ܕܥܿܒܕܝܢ ܠܩܛܠܗܘܢ ܘܠܓܘܡܪܗܘܢ ܢܗܘܐ. ܘܨܒܝܢܗ ܕܐܒܐܼ ܢܫܬܡܠܐ ܡܛܠ ܦܘܪܩܢܐ ܕܚ̈ܝܘܗܝ ܕܟܠܗ ܥܠܡܐ. ܘܟܕ ܡܠܠ ܥܡܢ ܗܠܝܢ ܟܠܗܝܢܼ ܥܡ ܣܓܝ̈ܐܬܐ ܕܠܐ ܡܘܦܢ ܚܢܢ ܕܢܐܡܪ ܐ̈ܢܝܢ: ܡܛܠ ܥܘܬܪܐ ܕܪܒܘܬܗܝܢ ܣܓܝܐܐܼ. ܢܦܼܩܢܢ ܠܢ ܟܠܢ ܡܢ ܡܥܪܬܐ: ܟܕ ܪܘܿܙܝܢܢ ܘܚܿܕܝܢ. ܕܫܘܝܢܢ ܕܗܠܝܢ ܟܠܗܘܢ ܐܪ̈ܙܐ ܕܪܒܘܬܐ ܗܿܝ ܕܠܐ ܡܬܡܠܠܐܼ ܢܬܓܠܘܢ ܥܠܝܢ ܘܢܬܡܠܠܘܢ ܥܡܢ. ܘܫܼܩܠܢ ܓܙܐ ܗܿܘ ܟܠܗ ܕܣܝܡ ܗܘܐ ܒܡܥܪܬܐܼ ܟܕ ܚܬܝ̈ܡܢ ܗ̈ܘܝ ܐܝ̈ܓܪܬܐ ܕܣܝܡ ܗܘܐ ܒܗܝܢ. ܘܢܚܬܢ ܡܢ ܛܘܪܐܼ ܟܕ ܡܫܒܚܝܢܢ ܠܐܪ̈ܙܐ ܕܓܠ̈ܝܢܐ ܕܢܘܗܪܗ ܕܟܘܟܒܐ ܕܐܬܚܙܝ . ܘܚܕ ܠܚܕ ܡܢܢ ܡܬܢܐ ܗܘܐ ܥܠ ܓܠ̈ܝܢܐ ܘܥܠ ܚ̈ܙܘܢܐ ܕܐܬܚܙܝܘ ܠܗܼ ܒܡܥܪܬ ܓܙ̈ܐ ܕܐܪ̈ܙܐ ܟ̈ܣܝܐ. ܘܠܐ ܕܡܿܝܢ ܗܘܘ ܚ̈ܙܘܝܗ ܚܕ ܠܚܕܼ ܘܟܠ ܬܕܡܪ̈ܬܐ ܕܐܬܚ̈ܙܝ ܠܢ ܕܕ̈ܡܘܬܐ ܣܓܝ̈ܐܬܐ.. ܐܝܬ ܡܢܢ ܕܐܿܡܪܼ. ܕܚܿܙܝܬ ܢܘܗܪܐ ܕܣ̈ܓܝܐܢ ܒܗ ܨܘܪ̈ܬܐ ܕܬܡ̈ܝܗܢ.. ܘܐܝܬ ܕܐܿܡܪܼ. ܕܚܿܙܝܬ ܝܠܘܕܐܼ ܕܐܝܬ ܠܗ ܕܡ̈ܘܬܐ ܕܠܐ ܡܬܡ̈ܠܠܢ.. ܘܐܝܬ ܕܐܿܡܪ. ܕܚܿܙܝܬ ܥܠܝܡܐܼ ܕܠܝܬ ܠܗ ܕܡܘܬܐ ܒܥܠܡܐ ܗܢܐ.. ܘܐܝܬ ܕܐܡܿܪ. ܕܚܙܝܬ ܒܪܢܫܐܼ ܕܡܟܝܟ ܘܡܟܐܪ ܒܚܙܘܗܼ ܘܥܢܘܝ.. ܘܐܝܬ ܕܐܿܡܪܼ. ܕܚܿܙܝܬ ܨܠܝܒܐ ܘܒܪܢܫܐ ܕܢܘܗܪܐ ܕܬܠܐ ܥܠܘܗܝܿ. ܟܕ ܫܩܝܠ ܚ̈ܛܗܐ ܕܟܠܗ ܥܠܡܐ.. ܘܐܬ ܕܐܿܡܪܼ. ܕܚܿܙܝܬ ܕܢܚܬ ܠܫܝܘܠ ܒܬܘܩܦܐܼ. ܘܩܡܘ ܘܣܓܕܘ ܠܗ ܟܠܗܘܢ ܡܝ̈ܬܐ.. ܘܐܝܬ ܕܐܿܡܪܼ. ܕܚܿܙܝܬ ܕܣܼܠܩ

Page 70

ܒܫܘܒܚܐܿ ܘܦܬܚ ܩܒܪ̈ܐܼ. ܘܐܩܝܡ ܡ̈ܝܬܐ. ܟܕ ܩܥܝܢ ܘܐܡܪܝܢܼ ܩܕܝܫ ܗܘ ܡܠܟܢ܆ ܘܩܕܝܫܐ ܗܝ ܡܚܬܬܗ ܕܠܘܬܢ. ܡܛܠ ܚܘܒ̈ܝܢ ܐܬܡܟܟܼ ܕܢܦܪܩܢ.. ܘܐܝܬ ܕܐܿܡܪܼ. ܕܚܿܙܝܬ ܟܕ ܣܿܠܩ ܠܪܘܡܐ ܥܠܝܐ. ܘܡ̈ܠܐܟܐ ܟܕ ܦܬܚܝܢ ܩܕܡܘܗܝ ܬܪ̈ܥܐ ܕܫܡܝܐܼ. ܘܥܢ̈ܢܐ ܕܣܪ̈ܩܐ ܘ[ܡ̈ܠܐܟܐ] ܟܕ ܫܩܠܝܢ ܠܗ ܥܠ ܦ̈ܣܐ ܕܐܝܕ̈ܝܗܘܢ. ܘܪܘܚܐ ܦܪܩܠܝܛܐ ܟܕ ܫܩܝܠܐ ܬܓܐ ܘܟܠܝܠܐ ܟܠܗܘܢ ܚܝ̈ܠܘܬܐ ܠܐܝܩܪܐ ܕܡܟܝܟܘܬܗܼ. ܕܗܼܝ ܙܟܬܗ ܠܟܠܗ ܐܓܘܢܐ ܕܛܘܥܝܝ ܘܕܡܘܬܐ.. ܘܟܕ ܗܠܝܢ ܟܠܗܝܢ ܘܐܟܘܬܗܝܢ ܘܕܣ̈ܓܝܐܢ ܡܢܗܝܢ܆ ܡܫܒܚܝܢ ܗܘܼܝܢ ܘܡܬܢܝܢ ܗܘܼܝܢ ܚܕ ܠܚܕܼ ܟܕ ܢܿܚܬܝܢܢ ܡܢ ܛܘܪ ܢ̈ܨܚܢܐ܆ ܥܠ ܟܠܡܕܡ ܕܚܼܙܝܢ ܘܫܡܥܢ ܬܡܢ. ܘܒܚܕܘܬܐ ܪܒܬܐ ܘܒܕܝܨܐ ܪܒܐ ܐܝܬܝܢ ܗܘܝܢ܇ ܕܫܘܼܝܢܢ ܕܢܚܙܐ ܠܗܕܐ ܟܠܗܿ ܡܘܗܒܬܐ ܕܚ̈ܝܐ. ܕܟܠܗܘܢ ܡ̈ܠܟܐ ܘܙܕ̈ܝܩܐ ܘܢ̈ܒܐ ܘܚܝ̈ܠܬܢܐ ܨܠܝܘ ܘܣܒܪܘ ܘܣܟܝܘ ܕܢܚܙܘܢ ܗܢܐ ܚܙܘܐ ܘܠܐ ܚܙܘ. ܡܛܠ ܕܠܐ ܗܘܐ ܙܒܢܐ ܕܡܬܝܬܗ ܕܟܘܟܒܐ ܕܢܘܗܪܐܿ. ܝܿܗܒ ܚ̈ܝܐ ܡܫ̈ܠܡܢܐ ܠܡܗ̈ܝܡܢܘܗܝ.. ܘܟܕ ܗܠܝܢ ܡܫܒܚܝܢ ܗ̈ܘܝܢܼ ܡܢ ܫܠܝܐܼ ܩܠܐ ܬܘܒ ܒܢܘܗܪܐ ܣܓܝܐܐ ܥܡ ܒܣܝܡܘܬܐ ܕܠܐ ܡܬܡܠܠܐ ܐܬܼܐ ܠܐܕ̈ܝܢ܇ ܡܢ ܪܘܡܐ ܥܠܝܐ ܕܪܒܘܬܐ. ܟܕ ܐܿܡܪ ܠܢ܆ ܕܟܠܡܕܡ ܕܚܼܙܝܬܘܢ ܘܫܡܥܬܘܢ ܘܡܠܠܬܘܢܼ ܘܐܬܐܡܪ ܠܟܘܢܼ ܘܗܐ ܬܡܝܗܝܢ ܐܢܬܘܢ܆ ܢܘܛܦܬܐ ܗܼܘ ܚܕܐ ܕܚܝ̈ܐ ܡܢ ܒܝܬ ܪܒܘܬܐ. ܠܝܬ ܓܝܪ ܐܢܫ ܕܡܫܟܚ ܕܢܕܥ ܐܪ̈ܙܐ ܟܠܗܘܢ ܕܝܚܝܕܝܘܬܐ. ܐܠܐ ܐܢ ܡܿܢ ܕܢܦܝܩ ܡܢ ܡܚܫܒܬܐ ܕܟܣܝܘܬܗ ܕܐܒܐ. ܘܠܐ ܐܢܫ ܝܿܕܥ ܠܐܒܐܼ. ܐܠܐ ܐܢ ܩܠܐ ܡܘܠܕ ܡܠܬܐ ܕܚ̈ܝܐܼ. ܓܠܝܬ ܥܡܝܩܘܬ ܟܣܝܘܬܐ ܕܡܚܫܒܬܗ ܕܐܒܐܿ. ܕܒܗ ܗܼܘ ܐܝܬܘܗܝ

Page 71

ܥܕܡܐ ܠܥܠܡ. ܘܒܗ ܒܩܠܐ ܘܒܡܠܬܐ ܩܡܘ ܘܐܣܬܕܪܘ ܥ̈ܠܡܐ ܥܠܝ̈ܐ ܘܬܚ̈ܬܝܐ ܕܐܒܐ ܕܪܒܘܬܐ: ܘܡ̈ܠܐܟܐ ܘܚܝ̈ܠܘܬܐ ܘܪ̈ܝܫܐ ܘܫ̈ܠܝܛܢܐ܇ ܐܦ ܥܠܐ ܗܢܐ ܕܩܿܝܡܝܬܘܢ ܒܗ܇ ܘܪܘܡܐ ܘܥܘܡܩܐ ܘܐܘܪܟܐ ܘܦܘܬܝܐ. ܘܠܝܬ ܡܕܡ ܐܚܪܢ ܕܐܝܬܘܗܝ ܠܒܪ ܡܢ ܨܒܝܢܗ ܕܐܒܐ ܕܪܒܘܬܐ: ܐܘ ܕܗܘܼܐ ܒܠܥܕ ܡܢ ܩܠܐ ܕܚܝ̈ܐ. ܗܢܘ ܓܝܪ ܒܪܝ ܚܒܝܒܐܼ ܫܠܝܼܚ ܪ̈ܚܡܐ ܡܫ̈ܠܡܢܐ܇ ܗܢܘ ܓܿܠܐ ܟܣ̈ܝܬܐ ܕܐܒܐ ܠܚ̈ܒܝܒܘܗܝ܇ ܐܝܟ ܕܙܿܕܩ ܠܗܘܢܼ ܘܡܫܚܟܝܢ ܚܝܠܐ ܠܡܩܒܠܘ ܡܢ ܡܘܗܒܬܗ ܕܒܪܐ. ܗܢܘ ܕܒܕܩ ܥܠ ܥܠ̈ܡܐ ܚ̈ܕܬܐ ܘܡܫ̈ܠܡܢܐܼ. ܠܐܝܠܝܢ ܕܡܬܦܝܣܝܢ ܘܡܗܝܡܢܝܢ ܒܗ. ܗܢܘ ܡܬܪܓܡܢܗܿ ܕܚܟܫܬܐ ܘܕܐܪ̈ܙܐ ܟ̈ܣܝܐ. ܗܢܘ ܕܐܝܬܘܗܝ ܨܘܪܬܗ ܘܝܘܩܢܗ ܕܐܒܐ ܕܪܒܘܬܐܿ. ܕܒܟܠܙܒܢܡܫܬܡܥ ܡܢܗ. ܗܢܘ ܒܪܐ ܝܚܝܕܝܐܿ. ܓܡܿܪ ܟܠܗ ܨܒܝܢܗܕ ܐܒܘܗܝ. ܗܢܘ ܕܠܐ ܡܬܪܚܡ ܘܡܬܝܩܪ ܐܝܟ ܡܐ ܕܫܿܘܐܼ. ܡܛܠ ܕܗܿܘ ܥܠܡܐ ܪܚܡ ܠܚܫܘܟܐ ܘܠܪ̈ܓܝܓܬܗ ܝܬܝܪ ܡܢ ܕܠܗ. ܗܢܘ ܕܐܬܡܟܟ ܘܗܘܼܐ ܒܪܢܫܐ ܠܦܘܪܩܢܗܘܢ ܕܒܢ̈ܝܢܫܐ. ܡܛܠ ܕܠܐ ܢܐܒܕܘܢ. ܠܒܼܫ ܒܨܒܝܢܗ ܦܓܪܐ ܨܘܪܬܐ ܡܟܐܪܬܐܼ. ܕܒܗ ܢܩܛܠܝܘܗܝ ܠܡܘܬܐ. ܘܢܣܒ ܫܘܠܛܢܗ ܕܡܘܬܐܿ. ܕܢܬܠ ܠܗܘܢ ܚܝ̈ܐ ܕܠܥܠܡܼ. ܠܐܝܠܝܢ ܕܪܚܡܝܢ ܠܗ ܘܡܗܝܡܢܝܢ ܒܗ. ܗܢܘ ܕܒܫܡܗ ܗܿܘܝܢ ܢܝ̈ܫܐ ܘܐܬܘ̈ܬܐ ܒܐܝܕܐ ܕܡܗ̈ܝܡܢܘܗܝ. ܗܢܘ ܒܪܐ ܓܡܝܪܐܼ ܥܿܒܕ ܨܒܝܢܐ ܕܫܠܘܚܗ. ܗܢܘ ܐܘܪܚܐ ܘܬܪܥܐ ܕܢܘܗܪܐ ܠܐܝܠܝܢ ܕܥܿܠܝܢ ܒܗ. ܗܢܘ ܕܒܟܠ ܐܝܬܘܝܗܼ. ܘܥܠ ܟܠ ܡܫܬܡܗ ܘܡܬܡܠܠ. ܗܢܘ ܠܚܡܐ ܕܚܝ̈ܐܼ. ܕܡܢ ܨܝܕܝ ܢܿܚܬ ܠܡܗܝ̈ܡܢܐܼ. ܕܗܘܝܘ ܙܪܘܥܐ ܕܡܠܬܐ ܕܚܝ̈ܐ. ܘܗܘܝܘ ܪܥܝܐ ܕܫܪܪܐ: ܕܝܿܗܒ ܢܦܫܗ ܦܘܪܩܢܐ ܚܠܦ ܥܢܗ. ܗܘܝܘ ܟܗܢܐ ܪܒܐ ܕܡܚܣܐ ܒܕܡܗ ܥܠ̈ܡܐ. ܗܘܝܘ ܡܫܬܝܐ ܕܓܦܬܐ ܕܚܝ̈ܐ. ܗܢܘ ܕܚܙܝܬܘܢ ܕܒܕ̈ܡܘܬܐ ܫܓܝ̈ܐܬܐ ܐܝܬܘܗܝ ܕܐ̈ܬܚܙܝ ܠܟܘܢ܇ ܘܡܢ

Page 72

ܪ̈ܚܡܝ ܠܐ ܡܓܪܕܐ܇ ܐܦܠܐ ܡܢ ܩܢܘܡܐ ܕܫܘܒܚܗ. ܘܐܢܫ ܥܠܘܗܝ ܠܐ ܩܐܡ. ܐܦܠܐ ܥܠ ܪܒܘܬܗ ܕܢܐܡܪ ܕܐܝܟܢܐ ܐܝܬܘܗܝ. ܐܠܐ ܐܢܐ. ܘܐܢܐ ܘܗܼܘܼ. ܚܕ ܚܢܢ ܕܐܝܬܝܢ ܒܬܫܒܘܚܬܐ ܕܠܐ ܡܬܡܠܠܐ.. ܘܟܕ ܗܠܝܢ ܟܠܗܝܢ ܘܕܣ̈ܓܝܐܢ ܡܢܗܝܢ܆ ܐܬܡܗܠܠܝ ܥܡܢ ܥܠܘܗܝ ܥܠ ܓܠܝܢܐ ܕܐܬܚܙܝ ܠܢ܆ ܗܼܘ ܟܘܟܒܐ ܒܟܠ ܕ̈ܡܘܢ ܡܝܬܪ̈ܢ ܐܝܟ ܕܐܫܟܚܢ ܕܢܚܙܝܘܗܝܼ. ܘܐܝܟ ܒܢܝ̈ܢܫܐ ܚ̈ܠܫܐ ܐܡܪܢ ܥܠܘܗܝ܆ ܟܕ ܠܐ ܡܫܟܚܝܢܢ ܕܢܐܡܪ ܡܕܡ ܕܚܼܙܝܢ. ܘܐܬܛܝܒܢ ܒܟܠܗܿ ܡܫܪܝܬܘ ܘܒܙܘ̈ܕܝܢ ܘܒܩܘܪ̈ܒܢܐ ܕܟ̈ܝܐ ܘܩ̈ܕܝܫܐ: ܗܿܢܘܢ ܕܐܦܢ ܡܢ ܡܥܪܬ ܓܙ̈ܐ ܕܐܪ̈ܙܐ ܟ̈ܣܝܐ [ܕܣܝܡܝܢ] ܗܘܘ ܒܗܿ ܡܢ ܩܕܝܡ ܠܐܒ̈ܗܝܢ. ܘܢܦܩܢ ܒܚܕܘܬܐ ܪܒܬܐ. ܟܕ ܪܘܙܝܢ ܠܒ̈ܘܬܢ ܠܡܐܬܐ ܠܐܬܪܐ ܕܐܬܦܩܕ ܠܢܼ ܕܢܣܓܘܕ ܠܗ ܠܚܙܘܐ ܕܟܘܟܒܐ ܕܢܘܗܪܐ ܠܕܐ ܡܣܬܝܟ.. ܘܐܬܚܙܝ ܠܢ ܬܘܒ ܗܼܘ ܗܕܝܢ ܘܐܝܙܓܕܢ ܛܒܐ ܘܢܘܗܪܢ ܓܡܝܪܐ: ܘܡܕܒܪܢܢ ܫܒܝܚܐ ܗܼܘ ܟܘܟܒܐ. ܟܕ ܐܬܿܐ ܩܕܡܝܢ. ܘܡܣܡܟ ܠܟܠܗܿ ܡܫܪܝܬܢ ܡܢ ܟܠܗܘܢ ܓܒ̈ܝܢܼ ܘܡܢܗܪ ܠܢ ܒܢܘܗܪܗ ܟܣܝܐܼ. ܘܠܐ ܣܢܝܩܝܢ ܗܘܝܢ ܥܠ ܢܘܗܪܗ ܕܫܡܫܐ ܐܦܠܐ ܥܠ ܕܣܗܪܐ. ܡܛܠ ܕܙܥܪ ܠܗ ܢܘܚܪܗܘܢ ܒܥܝ̈ܢܘܗܝ. ܘܒܠܠܝܐ ܘܒܐܝܡܡܐ ܒܢܘܗܪܗ ܡܗܠܟܝܢ ܗܘܝܢ. ܟܕ ܪܘܙܝܢ ܗܘܝܢܼ ܘܚܿܕܝܢ. ܕܠܐ ܥܩܬܐ ܘܕܠܐ ܠܐܘܬܐ. ܘܗܼܘ ܡܛܝܒ ܩܕܡܝܢ ܐܘܢܐ ܒܪܝܟܐ ܕܢܫܪܐ ܒܗ. ܟܕ ܡܢܚܝܢ ܗܘܝܢ ܘܪܘܙܝܢ. ܐܦ ܙܘ̈ܕܝܢ ܣܓܝ̈ܐܝܢ ܗܘܘ ܒܥܝ̈ܢܝܢ܆ ܘܠܐ ܚܣܪܝܢ ܗܘܘ: ܐܠܐ ܝܬܝܪܐܝܬ ܝܘܡܐ ܡܢ ܚܒܪܗ ܣܓܝܢ ܗܘܘ. ܟܕܼ ܗܼܘ ܫܿܪܐ ܗܘܐ ܥܠܝܢ ܒܢܘܗܪܗܼ. ܘܡܢܝܚ ܗܘܐ ܠܢ ܡܢ ܟܠܗܿ ܠܐܘܬܢܼ. ܐܝܟ ܕܠܐ ܗܘܐ ܒܐܘܪܚܐ ܪܕܝܢ ܗܘܝܢ. ܘܛܘܪ̈ܐ ܘܪ̈ܡܬܐ ܘܐܬܪ̈ܘܬܐ ܥܣ̈ܩܐ ܩܕܡܝܢܼ ܡܫܘܐ ܗܘܐ. ܐܦ ܢܗܪܗܘܬܐ ܕܩܕܡܝܢܼ ܡܢ ܪܓܠܘ ܥܒܪܝܢ

Page 73

ܗܘܝܢ ܠܗܘܢܼ ܕܠܐ ܕܚܠܬܐܼ ܡܛܠ ܢܘܗܪܗ ܕܗܕܝܢ ܛܒܐ ܕܥܡܢ ܗܼܘ ܡܠܘܐ ܗܘܐ ܠܡܫܪܝܬܢ. ܘܐܡܬܝ ܕܬܘܒ ܥܒܪܝܢ ܗܘܝܢ ܒܐܬܪ̈ܘܬܐ ܕܚܝ̈ܘܬܐ ܘܕ̈ܚܘܘܬܐ ܒ̈ܝܫܐܼ. ܒܪ̈ܓܠܝܢ ܕܝܫܝܢ ܗܘܝܢ ܠܗܘܢܼ. ܘܒܟܠ ܐܘ̈ܢܝܢ ܗܼܘ ܡܕܒܪܢܢ ܘܡܗܕܝܢܢܼ ܒܟܠ ܕ̈ܡܘܢ ܘܚ̈ܙܘܢܝܢ ܡܬܚܙܐ ܗܘܐ ܠܚܕ ܚܕ ܡܢܢ ܒܫܘܒܚܗܼ. ܘܡܠܐ ܗܘܐ ܠܒ̈ܘܬܢ ܚܕܘܬܐ ܪܒܬܐ. ܘܗܘܘ ܠܗܘܢ ܟܠܗܘܢ ܐܘ̈ܢܝܢܼ ܕܪܕܝܢ ܗܘܝܢ ܒܗܘܢ ܒܥܝ̈ܢܝܢ ܙܥܘܪܝܢ ܗܘܘ ܘܩܠܝܠܝܢ. ܡܛܠ ܕܢܝܫܢ ܙܟܝܐ ܘܢܘܗܪܢ ܬܩܝܦܐ. ܕܪܒ ܗܼܘ ܡܢ ܟܠ ܦܘܡܐ ܒܢ̈ܝܢܫܐ ܕܢܡܠܠܝܘܗܝ܆ ܗܼܘ ܡܕܒܪ ܗܘܐ ܠܢ ܒܚܝܠܗ ܙܟܝܐ. ܘܟܕ ܡܿܛܝܢ ܠܐܘܪܫܠܡ ܐܬܪܐܼ ܒܝܪܚܐ ܕܗ̈ܒܒܐܼ. ܕܒܪ ܐܥܠܢ ܐܝܙܓܕܢ ܛܒܐ ܠܓܘܗܿ ܕܐܘܪܫܠܡ. ܘܐܫܬܓܫܘ ܘܙܥܘ ܪܘܪ̈ܒܢܝܗܿ ܘܪ̈ܝܫܢܝܗܿ ܘܫܐܠܘܢܼ. ܡܛܠ ܐܝܕܐ ܥܠܼܬܐ ܐܬܝܼܬܘܢ ܠܟܐ. ܐܘ ܡܛܠ ܐܪ̈ܙܐ ܕܡܓܘܫܬܟܘܢ. ܡܛܠ ܕܚܿܙܝܢ ܗܘܘ ܠܢ ܕܚܝܪܝܢ ܗܘܝܢ ܒܫܡܝܐܼ. ܘܣܿܓܕܝܢ ܗܘܝܢ ܠܢܝܫܢ܆ ܘܡܨܠܝܢ ܗܘܝܢ ܠܡܕܒܪܢܢ. ܡܛܠ ܕܠܐ ܝܿܕܥܝܢ ܗܘܘ ܒܐܪ̈ܙܝܢܼ ܘܚܫܒܘܢܢ ܐܝܟ ܡܓܘܫ̈ܐ. ܘܐܼܡܪܢ ܠܗܘܢܼ. ܕܢܝܫܐ ܕܪܒܘܬܐ ܥܠܝܬܐ ܚܼܙܝܢ ܒܐܬܪܢܼ. ܐܝܟ ܕܐܬܦܩܕܢ ܡܢ ܐܒ̈ܗܝܢ. ܕܡܠܟܐ ܘܡܫܝܚܐ ܘܡܚܝܢܐ ܘܦܪܘܩܐ: ܕܝܿܗܒ ܢܦܫܗ ܠܡܘܬܐ ܥܠ ܐ̈ܦܝ ܟܠܗ ܥܠܡܐܼ. ܐܬܝܠܕ ܬܢܢ. ܘܐܬܼܝܢ ܡܛܠ ܕܚܼܙܝܢ ܟܠܗܝܢ ܐܬܘ̈ܬܗ ܘܨܘܪ̈ܬܐ ܕܐܠܗܘܬܗ ܟܣܝܬܐܼ. ܒܕܡܘܬܐ ܕܐܢܫܐ ܕܠܒܝܫ ܦܓܪܐ. ܘܐܼܬܝܢ ܟܕ ܚܿܕܝܢܼ ܒܩܘܪ̈ܒܢܝܢ ܕܟ̈ܝܐ ܕܣܝܼܡܝܢ ܗܘܘ ܠܐܒ̈ܗܝܢ ܒܡܥܪܬ ܓܙ̈ܐ ܕܐܪ̈ܙܐ ܟ̈ܣܝܐ ܒܛܘܪ ܢ̈ܨܚܢܐ. ܘܦܿܩܕ ܠܢ ܒܚܙܘܐ ܪܒܐܼ. ܕܢܐܬܐ ܠܐܬܪܐ ܗܢܐܼ ܕܢܣܓܘܕ ܠܗ ܒܕܚܠܬܐ. ܡܛܠ ܕܒܟܠ ܐܬܪ ܣ̈ܓܘܕܐ ܐܝܬ ܠܗ. ܘܗܼܘ ܗܿܘܐ ܠܗܘܢ ܡܚܝܢܐ ܘܦܪܘܩܐ ܘܫܿܒܩ ܚ̈ܛܗܐ. ܘܒܐܝܕܗ ܡܬܪܥܐ ܡܪܐ ܟܠ ܠܒܪܝܬܗܼ.

Page 74

ܘܡܚܣܐ ܥܠ ܥܡܗ.. ܘܫܕܪ ܩܪܐ ܠܣ̈ܒܐ [ܡܝܩܪ̈ܐ] ܕܡܕܝܢܬܐܼ. ܗܪܘܕܝܣ ܡܕܒܪܢܐ ܕܐܬܪܐ: ܘܫܐܠ ܐܢܘܢܼ ܕܐܝܟܐ ܟܬܝܒ ܕܡܬܝܠܕ ܡܿܠܟܐ ܡܫܝܚܐ ܘܦܪܘܩܐ ܘܡܚܝܢܐ ܕܥ̈ܠܡܐ. ܘܟܠܗܘܢ ܡܢ ܚܕ ܦܘܡܼ ܐܡܪܘ ܠܗܼ. ܕܒܝܬ ܠܚܡ ܩܪܝܬܐ. ܐܝܟ ܕܐܬܡܪ ܡܢ ܪܒܘܬܐ ܥܠܝܬܐ ܠܐܒܘܢ ܕܘܝܕ ܢܒܝܐ ܩܕܡܝܐܼ ܕܗܘܐܼ ܒܙܒܢܐ ܩܕܡܝܐ.. ܘܟܕ ܫܡܥܢ ܡܢܗܘܢ ܡܕܡ ܕܐܼܡܪܘ: ܬܘܒ ܚܕܝܢ ܣܓܝ. ܘܟܕ ܫܡܥܢ ܡܢܗܘܢ ܡܕܡ ܕܐܼܡܪܘ:ܬܘܒ ܚܕܝܢ ܣܓܝ. ܘܟܕ ܪܘܙܝܢ ܚܙܝܢܝܗܝ ܠܗܕܝܢ ܘܡܕܒܪܢܢ܆ ܬܘܒ ܬܝܪܐܝܬ ܐܘܣܦܢ ܥܠ ܚܕܘܬܐ. ܘܟܕ ܡܡܠܠܝܢ ܗܘܝܢ ܐܪ̈ܙܐ ܘܓܠܝ̈ܢܐ ܟܠܗܘܢ ܘܬܫ̈ܒܚܬܐܼ. ܐܙܠܢ ܒܚܕܘܬܐ ܠܒܝܬ ܠܚܡ܇ ܐܝܟ ܕܩܪܘ ܣܦܪ̈ܐ ܥܘܝܪ̈ܐܼ. ܕܠܐ ܗܝܡܢ ܠܡܕܡ ܕܩܪܘ ܡܢ ܟܬܒ̈ܝܗܘܢܼ. ܐܦܠܐ ܗܪܘܕܣ ܡܕܒܪܢܐ ܥܘܝܪܐ ܘܣܡܝܐ: ܡܢ ܚܘܒܗ ܕܢܘܗܪܐ ܕܐܬܝܠܕ ܒܐܬܪܗܘܢ܇ ܕܡܢ ܩܕܡ ܥ̈ܠܡܐ ܐܝܬܘܗܝ ܢܘܗܪܐ. ܘܗܢܘܢ ܒܚܘܫܟܐ ܥܡܪܝܢ ܒܥܠܡܐ ܡܢ ܝܘܡܝ̈ܗܘܢ. ܐܠܐ ܐܡܼܪ ܠܢ ܗܼܘ [ܗܪܘܕܝܣ] ܒܢܟܠܗܼ ܕܡܐ ܕܚܙܝܬܘܢܝܗܝ ܠܡܫܝܚܐܼ. ܬܘ ܐܡܪ ܠܝ܆ ܕܐܙܠ ܐܦ ܐܢܐ ܐܣܓܘܕ ܠܗ. ܘܡܛܠ ܕܠܐ ܫܿܘܐ ܗܘܐ ܠܣܓܕܬܗ ܕܢܘܗܪܐ ܕܐܬܝܠܕ܇ ܡܛܠ ܕܡܥܡܪܐ ܗܐܘ ܕܛܘܥܝܝ܆ ܐܬܡܠ ܠܢ ܡܢ ܡܕܒܪܢܢ ܘܢܘܗܪܢ: ܕܠܐ ܢܐܢܙܠ ܠܘܬܗ. ܡܛܠ ܕܠܐ (ܫܿܘܐ) ܗܘܐ ܕܢܚܙܝܘܗܝ ܠܢܘܗܪܐ ܕܒܐ ܕܥܠܡܐ܇ ܡܛܠ ܕܟܠܗ ܚܼܪܫܐ ܗܘܐܿ. ܘܣܡܝܐ ܡܢ ܝܣܓܕܬܗ. ܘܐܙܠܼܢ ܘܥܠܢ ܗܘܝܢ ܒܚܘܬܐ ܠܒܝܬ ܠܚܡ܇ ܕܫـ[ـܘܬ ܕܬܬܩـ]ܪܐ ܩܪܝܬܐ ܠܝܠܕܐ ܩܕܝܫܐ ܘܠܢܘܗܪܐ ܪܒܐ ܕܕܢܚ ܒܗܿ܇ ܘܕܢܩܛܘܠ ܘܕܢܘܒܕ ܠܟܠܗܿ ܛܘܥܝܝ܆ ܘܢܒܛܠ ܠܡܘܬܐ. ܘܥܠܢ ܟܠܢ ܠܕܪܬܐ ܕܐܬܝܠܕ ܒܗܿ ܗܕܝܢ. ܘܚܼܙܝܢ ܡܥܪܬܐܼ ܐܝܟ ܕܘܬܐ ܘܚܙܘܐ ܕܡܥܪܬ ܓܙ̈ܐ ܕܐܪ̈ܙܐ ܟ̈ܣܐ ܕܐܝܬ ܒܐܬܪܢ܇

Page 75

ܕܡܢܗܿ ܝܠܦܢ ܗܘܝܢ ܐܪ̈ܙܐ ܟ̈ܣܝܐ ܕܡܟܪ̈ܙܝܢ ܗܘܘ ܥܠܘܗܝ܇ ܕܣܝܼܡܝܢ ܗܘܘ ܒܗܿ ܡܢ ܐܒ̈ܗܝܢ ܩܕ̈ܡܝܐܼ. ܘܐܫܬܼܿܠܡܘ ܢ ܝܘܡܢܐ ܒܡܬܝܬܢ ܕܠܟܐ. ܘܚܙܝܢܝܗܝ ܠܥܡܘܕܐ ܕܢܘܘܗܪܐ ܕܢܚܬ܆ ܐܝܟ ܕܚܿܙܝܢ ܗܘܝܢ ܠܗ ܡܢ ܩܕܝܡ. ܘܩܡ ܩܕܡܝܗܿ ܕܡܥܪܬܐܼ. ܘܢܚܬ ܟܘܟܒܐ ܕܢܘܗܪܐ ܗܿܘ ܕܘܩܡ ܠܥܠ ܡܢܗ ܕܥܡܘܕܐܼ. ܘܡ̈ܠܐܟܐ ܡܢ ܝܡܝܢܗ ܘܡܢ ܣܡܠܗ. ܘܟܕ ܚܙܝܢܝܗܝ ܬܘ ܒܚܕܝܢܢ ܟܕ ܕܚܠܝܢܢ. ܘܥܠ ܐܙܠ ܩܕܡܝܢ ܥܡܘܕܐ ܘܟܘܟܒܐ ܘܡ̈ܠܐܟܐ ܠܡܥܪܬܐ ܗܿܝ ܕܐܬܝܠܕ ܒܗܿܐܪܙܐ ܘܢܘܗܪܐ ܕܚ̈ܝܐ. ܘܐܦܝܣ ܠܢ ܩܠܐ ܪܚܡܬܢܐ. ܕܥܘܠܘ ܠܓܘ. ܘܥܠܢ ܒܬܪܗ. ܘܫܩܠܢ ܬܓܝ̈ܢܼ ܘܣܡܢ ܐܢܢ ܬܚܝܬ ܪ̈ܓܠܘܗܝ. ܡܛܠ ܕܕܝܠܗ ܗܼܝ ܡܠܟܘܬܐ ܕܠܥܠܡ. ܘܒܪܟܢ ܘܣܓܕܢ ܩܕܡܘܗܝ ܥܠ ܐܪܥܐ. ܡܛܠ ܕܟܠ ܒܪܟܼ ܠܗ ܟܦܐ ܘܣܓܕܐܼ. ܕܒܫܡܝܐ ܘܕܒܐܪܥܐ. ܘܦܬܚܢ ܣܝ̈ܡܬܢ ܟ̈ܣܝܬܐ. ܘܟܕ ܚ̈ܬܝܡܢ ܫܩܢ ܐ̈ܢܝܢܼ ܘܐܬܝܢ ܠܘܬ ܣܝܡܬܐ ܕܚܝ̈ܐ ܕܚܬܝܡܐ ܒܪܒܘܬܐ ܥܠܝܬܐ. ܘܐܦܢ ܩܕܡܘܗܝ ܓܙ̈ܝܢ ܕܓܙܐ ܕܚ̈ܝܐܼ. ܕܢܩܒܠ ܐ̈ܢܝܢ ܡܢܗ ܒܡܠܟܘܬܐ ܒܥ̈ܦܐ ܣ̈ܓܝܐܐܼ. ܩܕܡ ܒܡܐ ܕܝܠܗ ܕܚܝ̈ܐ.. ܘܦܬܚ ܗܼܘ ܦܘܡܗ ܝܠܘܕܐ ܫܒܝܚܐܼ. ܘܢܘܗܪܐ ܩܕܡܝܐ ܓܿܡܪ ܨܒܝܢܐ ܕܐܒܐ ܕܪܒܘܬܐ. ܘܐܼܡܪ ܠܢ ܒܚܘܒܐ ܕܪ̈ܚܡܘܗܝ ܫܦ̈ܝܥܐ ܘܒ̈ܣܝܡܐ: ܫܠܡ ܠܟܘܢ ܒܢ̈ܝ ܐܪ̈ܙܝ ܟ̈ܣܝܐܿ. ܒܢ̈ܝ ܡܕܢܚܐ ܕܢܘܗܪܐ ܥܠܝܬܐ. ܡܛܠܕܫܘܝܬܘܢ ܕܬܚܙܘܢ ܠܢܘܗܪܐ ܩܕܡܝܐ ܕܠܥܠܡ. ܐܢܬܘܢܼ ܐܦ ܐܒ̈ܗܝܟܘܢܼ. ܘܐܝܟ ܕܫܘܝܬܘܢܼ. ܗܐ ܩܒܠܬܘܢܝܗܝ ܒܚܘܒܐ ܫܠܡܐ ܕܠܐ ܦܠܓܘܬܐ. ܘܬܘܒ ܬܫܘܘܢ ܕܬܚܙܘܢܝܗܝ ܒܢܘܗܪܗ ܪܒܐ ܗܿܘ ܕܠܝܬ ܬܘܒ ܩܕܡܘܗܝ ܐܪ̈ܙܐܼܡܛܠ ܕܟܠܗܘܢ ܫܠܡܝܢ ܠܗܘܢ ܒܗ. ܘܗܼܘ ܒܠܚܘܕܘܗܝ ܡܡܠܟ ܡܢ ܗܫܐ ܥܠ ܟܠ: ܘܟܠ ܠܗ ܗܼܘ ܡܫܬܥܒܕ. ܐܢܐ ܗܘ

Page 76

ܓܝܪ ܐܬܓܠܿܝܬ ܠܟܘܢ ܒܐܬܪܟܘܢܼ. ܘܒܐܪ̈ܙܐ ܡܡܠܠ ܗܘܿܝܬ ܥܡܟܘܢ. ܘܐܢܐ ܬܘܒ ܗܘܿܝܬ ܠܟܘܢ ܠܟܐ ܗܕܝܐ ܘܡܕܒܪܢܐܼ. ܥܕܡܐ ܕܐܬܝܬܘܢ ܒܫܠܡܐ ܠܘܬܝ. ܘܐܢܐ ܬܘܒ ܐܗܘܐ ܥܡܟܘܢ ܐܦ ܥܕܡܐ ܠܚܪܬܐ. ܘܠܐ ܦܪܫ ܐܢܐ ܡܢܟܘܢܼ. ܘܠܐ ܡܢ ܟܠܗܘܢ ܐܝܠܝܢ ܕܼܡܗܝܡܝܢ ܒܝ ܒܚܘܒܐ ܫܠܡܐ. ܘܐܢܬܘܢ ܬܘܒ ܬܗܘܘܢ ܠܝ ܣܗܕ̈ܐ ܒܐܬܪܐ ܕܡܕܢܚܐ ܥܼܡ ܬܠ̈ܡܝܕܝܼ. ܐܝܠܝܢ ܕܓܒܼܝܢ ܠܝ ܕܢܟܪܙܘܢ ܣܒܪܬܝ. ܘܡܐ ܕܫܿܠܡܬ ܨܒܝܢܗ ܕܐܒܝܼ ܥܠ ܟܠ ܡܕܡ ܕܦܩܕܢܝ܇ ܐܣܩ ܒܫܘܒܚܐ ܕܐܝܬܝ ܗܿܘܝܬ ܥܡܗ ܒܗ. ܘܐܦ ܗܫܐ ܕܡܡܠܠ ܐܢܐ ܥܡܟܘܢܼ ܥܡ ܗܐܢܐܼ. ܘܠܐ ܗܿܘܝܬ ܓܠܝܙ ܐܢܐ ܡܢ ܪܒܘܬܗ ܕܐܒܐ. ܐܬܠ ܠܟܘܢ ܗܫܐ ܐܿܬܐ ܐܚܪܝܬܐ ܕܬܬܡܗܘܢ ܒܗܿ. ܕܒܥܫܬܐ ܕܚܙܝܬܘܢ ܠܫܡܫܐ ܟܕ ܚܿܫܟ ܒܐܝܡܡܐ ܐܝܟ ܕܒܠܠܝܐܼ. ܘܗܿܘܐ ܙܘܥܐ ܪܒܐ ܒܐܪܥܐ. ܘܡܫܬܡܥ ܩܠܐ ܕܡܝ̈ܬܐ ܡܢ ܩܒܪ̈ܝܗܘܢܼ ܕܡܫܒܚܝܢ: ܗܝܕܝܢ ܕܥܘܼ ܕܫܠܡܘ ܙܒ̈ܢܐ ܘܫ̈ܥܐ ܟܠܗܝܢ ܒܡܬܝܬܝ ܕܠܘܬܟܘܢ܇ ܘܐܪܝܡܘ ܥܝ̈ܢܝܟܘܢ ܠܫܡܝܐܿ. ܘܚܙܘ ܟܕ ܦܬܝܚܝܢ ܒܫܘܒܚܐ ܩܕܡܝ܇ ܘܣܿܠܩ ܢܐ ܒܬܫܒܘܚܬܐܼ ܐܝܕܐ ܕܠܝ ܙܕܩܐܿ. ܘܝܿܬܒ ܐܢܐ ܡܢ ܝܡܝܢܐ ܕܐܒܐ ܕܪܒܘܬܐ ܕܡܢܗ ܐܫܿܬܠܚܬ ܠܡܚܝܘܬܗ ܠܥܠܡܐ.. ܘܟܕ ܡܡܠܠ ܗܠܝܢ ܟܠܗܝܢ ܥܡܢ ܡܚܝܢܐܼ. ܢܗܪܬܿ ܠܗܿ ܟܠܗܿ ܡܥܪܬܐ ܗܿܝ ܘܗܘܬܿ ܠܗܿ ܒܥܝ̈ܢܝܢܼ ܐܝܟ ܥܠܡܐ ܐܚܪܢܐ ܡܥܪܬܐ ܗܿ ܘܗܘܬܿ ܠܗܿ ܒܥܝ̈ܢܝܢܼ ܐܝܟ ܥܠܡܐ ܐܚܪܢܐ ܕܠܝܬ ܗܘܐ        ܢܘܗܪܐ ܐܟܘܬܗ. ܘܩ̈ܠܐ ܣ̈ܓܝܐܐ ܕܣܒܪܐ ܟܕ ܡܡܠܠܝܢ ܘܐ. . . .   ܕܠܐ ܡܬܡܢܝܢ܆ ܐܝܢܼ ܘܐܡܝܢ.. ܒܘܟܪܐ ܦܬܚ ܪ̈ܚܡܐ ܡܣܬܪ̈ܐ. ܝܠܕܐ ܩܕܝܫܐ ܓܡܿܪ ܨܒܝܢܐ ܕܪܒܘܬܐ ܥܠܝܬܐ. ܕܗܘܝܘ ܐܝܢܿ ܡܫܿܠܡܢܐ. ܘܟܠ ܒܐܝܕܗ ܗܼܘܐ. ܘܐܡܝܢܿ ܒܢܘܗܪܟ ܘܒܡܠܬܟ ܐܬܓܡܪ ܘܐܫܬܡܠܝܘ

Page 77

ܥ̈ܠܡܐ ܟܠܗܘܢܼ ܕܡܬܚܙܝܢ ܘܕܠܐ ܡܬܚܙܝܢ. ܘܠܟ ܣܓܕܝܢ ܡ̈ܠܐܟܐ ܘܚܝ̈ܠܘܬܐ ܟܠܗܘܢܼ. ܘܕܝܠܟ ܗܘ ܐܬܪܐ ܕܚ̈ܝܐ ܕܬܬܠ ܠܓܒ̈ܝܟ. ܘܕܝܠܟ ܗܘ ܢܘܗܪܐ ܩܕܡܝܐ. ܡܛܠ ܕܐܢܬ ܗܘ ܦܐܪܐ ܪܚܝܡܐ ܕܡܫܚܒܬܗ ܕܐܒܐܼ. ܘܐܢܬ ܗܘ ܝܘܩܢܐ ܘܨܒܝܢܗ ܕܐܚܝܕ ܟܠܼ. ܡܒܕܩܢܐ ܕܟ̈ܣܝܬܐ. ܡܛܠ ܕܒܡܠܬܐ ܗܘ ܓܝܪ ܕܡܬܡܠܠܐܼ ܡܬܝܕܥ ܟܠ ܕܐܝܬ ܒܡܚܫܒܬܐ. ܘܐܢܬ ܗܘ ܟܠܼ. ܘܟܠ ܒܟ ܐܝܬܘܗܝ. ܘܡܕܡ ܠܒܪ ܡܢ ܨܒܝܢܟ ܠܐ ܐܝܬ.. ܘܟܕ ܗܠܝܢ ܟܠܗܝܢ ܬܫ̈ܒܚܬܐ ܐܬܡ̈ܠܠܝ ܘܫܡܥܢܼ ܕܚܠܢ ܘܙܥܢ܆ ܘܢܦܠܢ ܥܠ ܐܪܥܐ ܐܝܟ ܡܝ̈ܬܐ. ܘܦܫܛ ܝܡܝܢܗ ܛܠܝܐ ܝܠܕܐ ܕܢܘܗܪܐ ܚܝܠܬܢܐܝܬ ܘܣܡܗܿ ܥܠܝܢ. ܘܚܝܠܢܼ ܘܐܼܡܪ ܠܢ: ܒܢ̈ܝ ܐܪ̈ܙܝܼ ܠܐ ܬܕܚܠܘܢ. ܗܠܝܢ ܓܝܪ ܟܠܗܝܢ ܕܚܼܙܝܬܘܢ ܘܫܼܡܥܬܘܢ ܡܢ ܝܘܡܐ ܩܕܡܝܐܼ ܘܥܕܡܐ ܠܝܘܡܢܐܼ. ܘܡܬܕܡܪܝܬܘܢ ܒܗܝܢ܆ ܐܦ ܐܝܠܝܢ ܕܫܡܥܝܢ ܠܗܝܢ. ܠܐ ܗ̈ܘܼܝ ܪܘܪ̈ܒܢ ܡܢܝ. ܐܠܐ ܥܠܝܟܘܢ ܚܝ̈ܠܬܢܝܢ܇ ܡܛܠ ܕܒܣܪܐ ܚܠܫܐ ܠܒܝܫܝܢ ܐܢܬܘܢ. ܠܝ ܓܝܪ ܙܥܘܪ̈ܝܢ ܐܢ̈ܝܢ ܣܓܝ. ܚܕܐ ܓܝܪ ܡܢ ܪ̈ܘܪܒܬܐ ܕܐܝܬ ܠܝ ܠܘܬ ܐܒܐ ܕܫܠܚܢܝܼ ܠܐ ܡܫܟܚܝܢ ܐܢܬܘܢ ܕܬܚܙܘܢ ܐܘ ܬܫܡܥܘܢ ܐ̈ܢܝܢܼ ܡܛܠ ܚܠܫܘܬܟܘܢܼ. ܐܠܐ ܐܝܟܢܐ ܕܫܘܝܬܘܢ ܕܬܚܙܘܢ ܘܬܫܡܥܘܢ ܗܠܝܢ ܒܗܢܐ ܙܒܢܐ: ܘܗܐ ܡܬܕܡܪܝܢ ܐܢܬܘܢ ܐܝܟ ܪ̈ܘܪܒܢ ܐܢܗܝܢ ܒܥܝ̈ܢܝܟܘܢ: ܬܘܒ ܬܫܬܘܘܢ ܒܚܘܒܝ ܕܠܘܬܟܘܢ ܕܠܥܠܡ܇ ܕܬܚܙܘܢ ܘܬܫܡܥܘܢ ܗܠܝܢ ܪܘܪ̈ܒܬܐ ܕܠܐ ܡܫ̈ܟܚܢܐ ܡܬܡ̈ܠܠܢ ܗܫܐܿ. ܘܠܐ ܡܘܦܝܢ ܠܗܝܢ ܢܡܠܠܘ ܐܦܠܐ ܥܝܪ̈ܐ ܘܡ̈ܠܐܟܐ: ܡܛܠ ܕܐܦ ܥܠܝܗܘܢ ܪܘܪ̈ܒܢ ܐܢ̈ܝܢ ܛܒ.. ܡܟܝܠ ܩܘܡ ܙܠ ܒܫܠܡܐ ܠܐܬܪܟܘܢ ܡܩܒܠ ܢܘܗܪܐ. ܡܛܠ ܕܫܘܝܼܬܘܢ ܕܬܩܒܠܘܢ ܢܘܗܪܐ ܡܫܠܡܢܐ ܕܪܒܘܬܐ ܥܠܝܬܐ. ܘܬܐܬܘܢ ܘܬܣܓܕܘܢ ܠܗ ܒܩܘܪ̈ܒܢܝܟܘܢ

Page 78

ܒܚܕܘܬܐ. ܘܗܐ ܫܿܠܡܼܬܘܢ ܟܠ ܡܕܡ ܕܐܬܦܿܩܕܬܘܢ ܡܢ ܐܒܗ̈ܝܟܘܢܼ. ܘܐܦ ܫܘܼܝܬܘܢ ܕܬܕܥܘܢ ܘܬܐܠܦܘܢ ܐܪ̈ܙܐ ܟ̈ܣܝܐ ܩ̈ܕܡܝܐ ܕܡܢ ܕܪ̈ܐ ܩܕ̈ܡܝܐ ܟܬܝܒܝܢ ܠܟܘܢ܇ ܗܫܐ ܗܐ ܚܙܝܬܘܢ ܫܘܠܡܐ ܕܐܪ̈ܙܝܟܘܢ܇ ܘܟܠܡܕܡ ܕܐܬܦܿܩܼܕܬܘܢ ܫܿܠܡܼܬܘܢܿ ܠܚܘܒܝ ܘܠܣܗܕܘܬܝ.. ܘܬܘܒ ܫܘܝܬܘܢ ܕܬܗܘܘܢ ܠܝ ܣܗ̈ܕܐ ܒܡܕܢܚܐܥܡ ܬܠܡܗܝܕܝ܆ ܕܓܒܼܝܢ ܠܝ ܩܕܡ ܕܢܗܘܐ ܥܠܡܐ. ܘܡܐ ܕܫܿܠܡܬ ܨܒܝܢܗ ܕܐܒܝܼ ܥܠ ܟܠ ܕܦܩܕܢܝ܆ ܘܣܿܠܩܬ ܠܘܬܗ ܒܬܫܒܘܚܬܐ: ܐܫܕܪ ܠܟܘܢ ܡܢ ܓܒ̈ܝ ܕܓܒܼܝܢ ܠܝ ܠܐܬܪܟܘܢ܇ ܘܢܡܠܠܘܢ ܘܢܣܗܕܘܢ ܥܡܟܘܢ ܫܪܪܐܿ ܕܢܗܘܐ ܚܿܬܡܟܘܢ ܒܚܕܐ ܫܠܡܘܬܐ.. ܩܘܡ ܗܟܝܠܼ ܙܠ ܒܫܠܡܐܼ. ܟܕ ܐܢܐ ܬܘܒ ܐܝܬܝ ܥܡܟܘܢܼ ܒܟܠ ܚ̈ܙܘܢܝܢ ܘܐ̈ܬܘܢ: ܐܝܟܢܐ ܕܐܝܬܝ ܥܡܟܘܢ ܡܢ ܝܘܡܐ ܩܕܡܝܐ. ܐܝܟܢܐ ܓܝܪ ܕܐܝܬܝ ܒܚܙܬܐ ܘܒܟܠ ܕ̈ܡܘܢ ܗܪܟܐ܇ ܘܗܐ ܡܬܕܡܪܝܢ ܐܢܬܘܢ ܒܟܠ ܚ̈ܙܘܢܝܢ ܘܕ̈ܡܘܢ ܕܚܙܿܝܢ ܐܢܬܘܢ ܠܝ܆ ܐܦ ܠܘܬ ܐܒܐ ܕܪܒܘܬܐ ܕܨܒܝܢܗ ܐܝܬܝ ܡܢ ܥܠܡܼ. ܘܠܐ ܡܬܓܠܙܢܐ ܡܢܟܘܢ ܠܥܠܡܼ݂ ܐܦܠܐ ܡܢ ܠܘܬ ܐܒܐ. ܡܛܠ ܕܙܠܝܩܐ ܐܢܐ ܕܢܘܗܪܗ܇ ܘܐܫܬܿܕܪܬ ܟܘܢ ܕܐܢܗܪܟܘܢ. ܘܗܐ ܡܬܕܡܪܝܢ ܐܢܬܘܢ ܐܝܟ ܐܢ̈ܫܐ ܚܗܠܫܐ܇ ܚܕ ܟܡܐ ܟܕ ܐܬܿܝܬ ܠܘܬܟܘܢ ܒܪܒܘܬܗ ܕܐܒܝ. ܡܛܠ ܕܠܐ ܡܫܟܚܝܢ ܗܘܝܬܘܢ ܩܝܡܝܢ ܩܕܡܝ܆ ܐܦܠܐ ܡ̈ܠܐܟܐ ܘܚܝ̈ܠܘܬܐ ܕܠܥܠ ܡܢܟܘܢ ܐܢܘܢ܇ ܟܕ ܢܿܚܬ ܐܢܐ ܥܠܝܗܘܢܼ ܘܚܙܘ ܚܙܘܐ ܕܬܕܡܘܪ̈ܬܐܼ ܒܕܚܠܬܐ ܘܒܙܘܥܐ ܩܡܘ.. ܐܦ ܠܗܘܢ ܐܝܟ ܕܘܿܠܐ ܗܘܐ ܠܗܘܢ ܐܬܚܿܙܝܬ. ܘܠܟܘܢ ܐܝܟ ܕܡܫܟܚܝܢ ܐܢܬܘܢ ܕܬܚܙܘܢ ܐܬܚܿܙܝܬ. ܨܘܪܬܐ ܓܝܪ ܘܕܡܘܬܐ ܒܥܠܡܐ ܗܢܐ ܠܐܒܐ ܕܪܒܘܬܑܼ ܠܝܬ ܠܗ܇ ܐܠܐ ܐܢ ܕܕܢܼܚܐ ܐܢܐ ܕܡܢܗ܇ ܕܐܝܬܝ ܨܒܝܢܗ ܘܚܝܠܗ ܘܚܟܡܬܗܼ ܕܐܝܬܝ ܐܢܐ

Page 79

ܒܐܒܝ ܘܐܒܝ ܒܝ. ܘܐܢܐ ܐܝܟ ܕܙܕܩ ܠܐܠܗܐ ܕܢܬܚܙܐ ܘܢܕܥܝܘܗܝ ܥܠܡܐܼ. ܘܐܝܟ ܕܡܫܟܚܝܢ ܬܘܒ ܒܢ̈ܝܐ ܕܚܟܡܬܐ ܕܢܩܒܠܘܢ ܘܢܫܡܥܘܢ ܒܚܘܒܐ ܪܒܘܬܗ ܕܐܒܐ ܕܫܠܚܢܝ. ܘܗܫܐ ܐܬܚܿܙܝܬ ܠܟܘܢ ܒܕܡܘܬܐ ܕܐܢܫܘܬܐܼ. ܕܐܫܿܠܡ ܟܠ ܕܟܬܝܒ ܥܠܝ܇ ܡܛܘܠ ܥܠܬܐ ܘܣܟܠܘܬܐ ܕܚܛܗܐ ܕܐܕܡ ܐܒܘܟܘܢ ܩܕܡܝܐ ܕܗܼܘܐ ܡܚܬܟܘܢ ܠܫܝܘܠܼ. ܘܐܫܬܠܛ ܥܠܝܟܘܢ ܡܘܬܐܼ ܘܐܡܠܟܬܿ ܛܘܥܝܝ ܒܙܝܦܐ ܥܠ ܕܪ̈ܝܟܘܢ. ܘܣܒܼܪܬܿ ܒܡܪܚܘܬܗܿ ܕܗܘܼܬ ܠܗܿ ܡܪܐ ܥܠܝܟܘܢ܇ ܘܗܘܝܼܬܘܢ ܠܗܿ ܩܢܝܢܐ ܠܥܠܡ.. ܘܐܘܿܕܬܟܘܢ ܐܢܐ ܬܘܒ ܚܐܪܘܬܟܘܢ ܐܦ ܐܒܗ̈ܝܟܘܢ܆ ܘܛܘܗܡܟܘܢ ܗܿܘ ܩܕܡܝܐ. ܕܡܢ ܛܘܗܡܐ ܐܢܬܘܢ ܕܢܘܗܪܐܼ. ܘܠܐ ܗܘܐ ܣܪܝܩܐܝܬ ܐܬܒܪܝܬܘܢ ܒܥܠܡܐܿ ܘܫܡܝܐ ܘܐܪܥܐ ܘܟܠܗܘܢ ܥܠܡ̈ܐ ܡܛܠܬܟܘܢ ܗܘܼܘ.. ܘܐܦ ܐܒܐ ܕܪܒܘܬܐܼ ܡܛܠܗܢܐ ܚܘܒܐ ܫܕܪܢܝܼ ܘܠܒܿܫܬ ܕܡܘܬܟܘܢ: ܕܒܗܿ ܐܒܛܠ ܘܐܓܡܪ ܠܟܠܗܘܢ ܡܥܝ̈ܩܢܝܟܘܢ ܘܫܒܝ̈ܝܟܘܢ܇ ܘܐܩܪܒܟܘܢ ܐܢܐ ܠܐܒܐ ܩܕܡܘܗܝܿ ܩܘܪܒܢܐ ܕܟܝܐ ܘܓܡܝܪܐ. ܟܕ ܠܝܬ ܒܟܘܢ ܚܕܐ ܡܢ ܟܘ̈ܬܡܬܗܿ ܕܛܘܥܝܝ. ܘܐܚܪܪܟܘܢ ܒܚܘܒܐ ܘܒܫܪܪܐܼ ܒܡܝ̈ܐ ܕ̈ܟܝܐܼ. ܘܡܘܠܕܐ ܕܪܘܚܐ ܩܕܝܫܬܐ. ܘܬܗܘܘܢ ܠܝ ܒܚܘܒܐ ܐܚ̈ܐ ܘܡܗ̈ܝܡܢܐܼ ܐܝܟ ܝ̈ܠܘܕܐ ܕܠܝܬ ܒܗܘܢ ܚܕܐ ܡܢ ܟܘ̈ܬܡܬܗܿ ܕܒܝܫܬܐܼ ܡܢ ܗܫܐ ܘܠܥܠܡ.. ܡܟܝܠ ܚܕܘܬܐ ܘܬܫܒܘܚܬܐ ܘܬܘܕܝܬܐܼ. ܒܡܪ̈ܘܡܐ ܥ̈ܠܝܐ ܢܣܡ ܡܢܟܘܢ ܒܐܝܕܐ ܕܝܠܝܼ ܕܐܝܬܝ ܨܒܝܢܗ. ܘܚܕܘܬܐ ܘܦܘܪܩܢܐ ܘܫܘܬܦܘܬܐ ܕܪܘܚܐ. ܘܚܝ̈ܐ ܕܠܥܠܡܼ ܒܐ̈ܝܕܝ ܢܬܝܗܒܘܢ ܠܟܘܢܼ ܕܟܠܡܕܡ ܒܫܠܡܘܬܐ ܕܠܐ ܦܠܓܘܬܐܼ. ܝܐܟ ܕܡܢ ܩܕܝܡ ܬܚܝܬ ܟܢ̈ܦܘܗܝ ܕܐܒܐ ܢܗܘܐ. ܟܕ ܡܩܕܫ ܘܡܪܚܡ ܥܠܝܟܘܢ ܚܝܠܗ ܘܚܡܬܗ ܝܢܗ ܙܟܝܐ ܕܠܥܠܡ ܥ̈ܠܡܝܢ.. ܘܐܫܬܡܥ ܬܘܒ ܩܠܐ ܡܢ ܪܘܡܐ ܘܡܢ ܟܠ ܦ̈ܢܝܢ܆ ܘܡܢ ܓܘ ܐܪܥܐܼ. ܕܥܢܘ

Page 80

ܘܐܼܡܪܘ ܐܡܝܢ. ܨܒܝܢܐ ܕܚ̈ܝܐ ܡܫܠܢܐ ܘܚܕܘܬܐܼ ܘܫܠܡܐ ܠܥ̈ܠܡܐ ܟܠܗܘܢ.܀ ܘܟܕ ܩܒܠܢ ܡܢܗ ܦܘ̈ܩܕܢܐ ܕܚ̈ܝܐܼ ܢܦܩܢܢ ܡܢ ܩܕܡܘܗܝ ܒܚܕܘܬܐ ܪܒܬܐ ܘܕܝܨܐ ܣܓܝܐܐ ܘܒܬܫܒܘܚܬܐܼ. ܟܕ ܡܠܝܢ ܠܒ̈ܘܬܢ ܣܒܪܐ ܪܒܐ ܠܡܐܬܐ ܠܐܪܥܬܢ.. ܘܢܦܩܘ ܥܡܢ ܝܘܣܦ ܘܡܪܝܡ ܐܢ̈ܫܐ ܡܝܩܪ̈ܐ ܘܛܘ̈ܒܢܐ܇ ܕܫܘܘ ܘܐܬܗܝܡܢܘ ܕܢܬܩܪܘܢ ܘܢܗܘܘܢ ܒܫܡܐ ܐܒ̈ܗܐ ܘܡܪ̈ܒܝܢܐ ܠܝܠܕܐ ܕܩܠܐ ܕܡܫܡܥܬܐ ܒܬܘܠܬܐܿ. ܘܡܪ̈ܒܝܢܐ ܠܨܒܝܢܐ ܓܡܝܪܐ ܕܪ̈ܚܡܐ ܡܫ̈ܠܡܢܐ. ܗܘܼܬ ܡܪܝܡ ܬܪܥܐ ܠܢܘܗܪܐ ܪܒܐ ܕܥܠ ܠܥܠܡܐ ܒܝܛܒܘܬܐܼ ܕܢܪܕܘܦ ܠܚܫܘܚܐ. ܘܗܘܬ ܐܪܘܚܐ ܕܚ̈ܝܐ [ܠܐܠܗܐ ܝܠܕ ܢܦܫܗܿ.] ܕܐܬܚܙܝ ܒܗܕ̈ܡܐ ܕܒܪܢܫܐ. ܘܢܗܘܐ ܠܗܿ ܫܡܐ ܘܕܘܟܪܢܐ ܘܛܘܒܐܼ ܠܕܪܕܪ̈ܝܢ. ܘܐܪܝܡܘ ܥܝ̈ܢܝܗܘܢܼ ܘܚܙܘܗܝ ܠܢܘܗܪܐ ܕܐܬܝܠܕ ܒܪ̈ܚܡܐ ܒܒܝܬܗܘܢ ܕܥܡܢ ܗܼܘ ܘܡܠܘܐ ܠܢ. ܘܐܡܪܘ ܠܢ: ܒܬܝܬܟܘܢ ܕܠܘܬܢ ܠܐ ܫܦܪܢܼ ܕܒܪܬܘܢܝܗܝ ܠܢܘܗܪܐ ܘܠܣܒܪܐ ܪܒܐ ܕܟܠ ܥܠܡܐܼ. ܘܐܙܠܬܘܢ ܥܡܗ ܘܓܠܙܬܘܢܢ ܡܢܗܿ. ܕܒܛܝܒܘܬܐ ܪܒܬܐ ܫܘܼܝܢ ܕܢܬܚܝܡܢ ܕܢܗܘܐ ܠܗ ܡܫ̈ܡܫܢܐ ܠܬܪܒܝܬܐ ܕܦܓܪܐ ܕܐܬܚܙܝ ܒܒܝܢ. ܘܗܫܐ ܗܐ ܥܡܟܘܢ ܗܼܘ ܚܙܝܢܝܗܝ ܕܐܙܠ. ܐܡܪܝܢܢ ܠܗܿ. ܐܢܬܬܐ ܒܪܝܟܬ ܒܢܫܗܿ ܛܘܒܢܝܬܐ ܡܪܝܡ. ܕܫܼܘܝܬ ܒܪ̈ܚܡܐ ܕܬܩܒܠܢ ܒܛܢܐ ܕܪܘܚܐ ܒܡܫܡܥܬܟܝ ܕܟܝܬܐ. ܘܬܠܕܝܢ ܝܠܕܐ ܕܚ̈ܝܐܼ. ܡܠܬܐ ܕܠܥܠܡ. ܕܐܬܗܝܡܢܬܝ ܘܫܘܼܝܬܝ ܕܬܬܩܪܝܢ ܠܗ ܐܡܐܼ. ܘܗܫܐ ܗܐ ܢܠܕܟܝ ܫܒܝܚܐܼ ܠܓܘ ܡܢܟܝ ܗܼܘ. ܘܗܐ ܒܒܝܬܐ ܡܩܘܐ ܠܟܝܼ. ܟܕ ܐܦ ܡܢ ܨܝܕܝܢ ܠܐ ܦܿܪܩ. ܐܝܟܢܐ ܕܐܼܡܪ ܠܢ ܗܼܘ. ܡܛܠ ܕܡܘܗܒܬܐ ܗܘ ܪܒܬܐ ܕܚ̈ܝܐܿ. ܕܒܝܠܕܟܝ ܐܬܝܗܼܒܬܿ ܠܟܠܗܘܢ ܥ̈ܠܡܐ. ܘܐܪܙܐ ܕܟܣܐ ܗܘܐ ܡܢ

Page 81

ܩܕܝܡ ܒܐܒܐ ܕܟܠܼ. ܒܝܠܕܟܝ ܐܬܓܠܝ ܠܢ. ܘܐܬܚܼܙܝܬܿ ܣܝܡܬܼ ܚ̈ܝܐ ܕܢܛܝܪܐ ܗܘܐ ܠܟܠܗܝܢ ܫܪ̈ܒܬܐ. ܠܐ ܗܘܐ ܕܝܠܟܝ ܗܝ ܒܠܚܘܕܝܗܿ ܡܘܗܒܬܐ [ܗܕܐ ܪܒܬܐ] ܘܢܘܗܪܐ ܕܚ̈ܝܐܼ. ܐܠܐ [ܕܥ̈ܠܡܐ] ܟܠܗܘܢ ܥܠܝ̈ܐ [ܘܬܚ̈ܬܝܐ.] ܘܐܪܝܡ ܥܝ̈ܢܝܟ ܘܚܙܝܼ. ܕܒܟܠܗܿ ܒܪܝܬܐ ܐܝܬܘܗܝ ܘܡܢܗܪ [ܠܟܠܗܿ.] ܘܡܠܝܐ ܡܢ ܐܪ̈ܙܘܗܝ ܫܒ̈ܝܚܐ. ܘܗܫܐ ܐܬܚܙܝ ܒܥܠܡܐ ܒܦܓܪ. ܐܦ ܨܘܪ̈ܬܗ ܥܡܗܼ ܒܟܠ ܐܬܪ ܡܬܚ̈ܙܝܢ. ܡܛܠ ܕܠܚ̈ܝܐܼ ܘܠܦܘܪܩܢܐ ܕܟܠܢܫ ܐܫܬܕܪ ܡܢ ܪܒܘܬܗ.. ܘܟܕ ܗܦܼܟ ܠܗܘܢ ܝܘܣܦ ܘܡܪܝܡܼ ܟܕ ܪܘܿܙܝܢ ܥܠ ܗܠܝܢ ܟܠܗܝܢ܆ ܕܫܡܥܝܢ ܗܘܘ ܥܠ ܝܠܕܐ ܩܕܝܫܐܼ. ܘܐܙܠܘ ܠܒܝܬܗܘܢ. ܘܥܠܬܿ ܡܪܝܢ ܘܐܫܟܚܬܗ ܠܝܠܕܐ ܕܢܘܗܪܐ ܟܕ ܓܚܿܟ ܘܡܫܒܚ ܥܠ ܟܠܗܘܢ ܐܪ̈ܙܘܗܝ ܪ̈ܘܪܒܐ ܘܬܡ̈ܝܗܐ ܕܒܟܠܗ ܥܠܡܐ ܡܟܪܙܝܢ ܥܠܘܗܝܼ. ܡܢ ܙܒܢܐ ܩܕܡܝܐ. ܘܗܐ ܡܫܬܠܡܝܢ ܟܠܗܘܢ ܒܚܙܬܗ ܕܝܘܡܢܐܼ. ܘܡܫܒܚ ܘܡܘܕܐ ܠܐܒܘܗܝ ܕܫܠܚܗ ܠܦܘܪܩܢܐ ܕܥܠ̈ܡܘܗܝ. ܘܣܓܕܬܿ ܠܗ ܡܪܝܡ ܘܝܘܣܦܼ ܘܐܡܿܪܐ ܠܗܼ ܚܿܕܝܬ ܕܚܿܙܝܬ ܠܣܝܡܬ ܚܝ̈ܐܿ. ܘܠܢܘܗܪܝ ܘܝܠܕܐ ܩܕܝܫܐ ܕܡܫܡܥܬܐ ܕܐܕ̈ܢܝ܇ ܘܦܿܬܚ ܪ̈ܚܡܝ ܒܪܚܡܘܗܝ ܩܕܝܫܐ: ܡܪܐ ܕܒܬܘܠܘܬܝ ܩܕܝܫܬܐ. ܚܿܕܝܬ ܣܿܓܝ ܕܐܫܟܚܬܗܿ ܠܣܝܡܬܝ ܪܒܬܐ ܒܒܝܬܝ ܕܝܿܠܕܬ. ܘܠܢܘܗܕܝ ܪܒܐ ܕܠܥܠܡ ܐܝܬܘܗܝ. ܕܣܿܒܪܬ ܗܘܝܬ ܠܝ ܚܒܝܒܝܼ. ܕܫܩܠܘܟ ܡܕ̈ܢܚܝܐ ܒܚܘܒܟ ܪܒܐ ܕܠܘܬܗܘܢ܇ ܚܠܦ ܩܘܪ̈ܒܢܐ ܕܩܪܒܘ ܠܟ ܡܢ ܕܝܠܟ. ܥܠ ܕܚܿܕܝܬ ܨܘܪܬܟ ܩܕܝܫܬܐ ܥܡܗܘܢ ܟܕ ܐܿܙܠܐ.. ܘܥܢܐ ܗܼܘ ܒܩܠܐ ܒܣܝܡܐ ܘܡܟܝܟܐܼ ܘܐܡܼܪ ܠܗܿ ܠܡܪܝܡ: ܫܠܡ ܠܟܝܼ ܐܡܝ ܘܡܪܒܝܢܝܬܝ܆ ܕܫܘܼܝܬܝ ܕܬܗܘܝܢ ܒܪܝܟܬ ܒܢ̈ܫܐܿ. ܡܛܠ ܕܫܘܼܝܬܝ ܠܦܐܪܐ ܕܩܠܐ ܕܚܝܗܐܿ. ܕܩܒܼܠܬܝ ܘܒܛܢܬܝ ܒܚܘܒܐ ܒܡܕܥܟܝ ܘܒܗܝܡܢܘܬܐ ܕܠܐ ܦܠܓܘܬܐ: ܬܩܒܠܝܢ ܐܓܪܐ ܕܬܫܡܫܬܟܝܼ. ܘܢܗܘܐ

Page 82

ܠܟܝ ܛܘܒܐ ܘܕܘܟܪܢܐ ܒܟܠܗܘܢ ܕܪ̈ܐ. ܘܒܥܠܡܐ ܚܕܬܐܼ ܬܩܒܠܝܢ ܐܓܪܐ ܛܒܐ. ܘܡܛܠܘܬܟܝܼ ܢܗܘܐ ܣܒܪܐ ܘܚܝ̈ܐ ܠܚܘܐ ܘܠܝܠܕ̈ܝܗܿ. ܕܒܩܢܘܡܟܝ ܐܥܒܪܬܝܗܿ ܠܪܘܡܚܐ ܕܣܝܓܐ ܗܘܬ ܠܐܝܠܢܐ ܕܚܝ̈ܐ. ܘܗܘܐ ܒܩܢܘܡܟܝ ܫܝܢܐ ܘܫܠܡܐܼ ܠܟܠܗܘܢ ܥ̈ܠܡܐ. ܡܟܝܠܼ ܘܠܥܠܡ ܐܡܝܢ. ܐܢܐ ܓܝܪ ܕܐܬܚܿܙܝܬ ܒܒܝܬܟܘܢܼ. ܨܒܝܢܗ ܗܘ ܕܐܒܐ ܕܫܠܚܢܝ ܐܬܿܝܬ ܕܐܫܿܠܡ. ܘܟܠܢܫ ܕܫܿܡܥ ܠܝ ܘܡܗܝܡܢ ܢܚܐ. ܬܫܡܫܬܟܝ ܓܝܪ ܕܕܝܠܟܝ ܐܝܬܼ ܗܐ ܫܿܠܡܼܬܝ ܓܡܝܪܐܝܬܼ ܕܠܐ ܡܘܡܐܼ. ܕܬܩܒܠܝܢ ܒܗܿ ܦܘܪܥܢܐ ܛܒܐ. ܡܟܝܠܼ ܦܢܐ ܐܢܐ ܠܝ ܠܘܬ ܟܠܗܘܢ ܐܚ̈ܝ ܕܐܝܬ ܒܟܠܗ ܥܠܡܐ. ܕܟܠ ܡܕܡ ܕܦܩܕܢܝ ܐܒܐܼ ܐܫܠܡ ܠܡܗ̈ܝܡܢܝܼ ܓܡܝܪܐܝܬܿ. ܕܢܬܠܘܢ ܦܐܪ̈ܐ ܕܚܝ̈ܐ ܕܠܥܠܡ. ܘܐܬܠ ܠܗܘܢ ܐܦ ܐܢܐ ܟܠܗܘܢ ܡܘ̈ܠܟܢܘܗܝ ܕܐܒܝܼ. ܕܒܐܝܕ̈ܝ ܡܬܓܡܪܝܢ ܘܡܬܝܗܒܝܢ ܘܡܫܬܠܡܝܢ ܠܡ̈ܗܝܡܢܝܼ ܘܠܟܠ ܡܿܢ ܕܡܗܝܡܢ ܒܝ.܀ ܘܟܕ ܐܬܼܝܢ ܠܒܝܬ ܐܘܢܐ ܩܕܡܝܐܼ. ܬܘܒ ܢܝܫܐ ܕܢܘܗܪܐ ܩܕܡܝܢ ܐܬܚܙܝ ܠܢ. ܘܣܿܓܝ ܚܕܝܢ ܘܪܘܙܢ. ܘܒܪܟܢ ܘܣܓܕܢ ܠܗ ܥܠ ܐܪܥܐ ܩܕܡܘܗܝܼ. ܘܫܒܚܢ ܠܚܙܘܐ. ܘܥܢܝܢ ܒܩܠܢ ܐܟܚܕܐܼ. ܘܐܼܡܪܢ ܠܗ: ܕܣܓܕܝܢܢ ܘܡܘܕܝܢܢ ܠܒܣܝܡܘܬܟ ܠܢܘܗܪܟܼ. ܕܒܟܠܕܘܟܼ ܗܼܝ ܡܠܘܝܐ ܠܡܫܪܝܬܢ.. ܘܥܢܐ ܗܼܘ ܘܐܼܡܪ ܠܢ: ܐܢܐ ܒܟܠܕܘܟ ܐܝܬܝܼ. ܘܠܝܬ ܐܬܪܐ ܕܠܐ ܐܝܬܝ ܒܗ. ܐܢܐ ܐܦ ܐܝܟܐ ܕܫܒܩܬܘܢܢܝ ܐܝܬܝ. ܝܬܝܪ ܡܢ ܫܡܫܐ ܓܝܪ ܐܝܬܝ. ܘܠܝܬ ܕܘܟܐ ܒܥܠܡܐ ܕܓܠܝܙܐ ܡܢܗ ܟܕ ܚܕ ܗܼܘ. ܘܐܢ ܗܼܘ ܕܡܬܓܠܙ ܡܢ ܥܠܡܐܼ. ܝܬܒܝܢ ܟܠܗܘܢ ܥܡܘܪ̈ܘܗܝ ܒܚܫܘܟܐ. ܚܕ ܟܡܐ ܐܢܐ ܕܡܪܗ ܐܢܐ ܕܫܡܫܐ. ܘܢܘܗܪܝ ܘܡܠܝܬܝܼ ܡܝܬܪܐ ܗܝ               ܡܢ ܕܫܡܫܐ.. ܘܥܢܼܝܢ ܘܐܡܪܢܢ ܩܕܡܘܗܝ: ܗܠܝܢ ܟܠܗܝܢ

Page 83

[ܢܘܗܪܢ ܘܡـ]ܚܝܢܢ ܝܿܕܥܝܢܢ܆ ܘܫܪ̈ܝܪܢ ܐܢ̈ܝܢ ܠܢ. ܘܡܗܝܡܢܢ ܕܗܠܝܢ ܟܠܗܝܢ ܬܕܡܪ̈ܬܐ [ܕܚܼܙܝܢ ܥܡ] ܟܠܗܘܢ ܡܗ̈ܝܡܢܝܟ ܠܪܒܘܬܟܼ ܙܥܘܪ̈ܝܢ ܐ̈ܢܝܢ. ܥܠܝܢ ܕܝܢ ܕܝܠܢ ܥܫ̈ܝܢܢ܆ ܘܠܐ ܡܘܦܐ ܦܘܡܐ ܕܢܐܡܪ ܐ̈ܢܝܢ܇ ܘܢܘܕܐ ܥܠ ܚܕܐ ܚܕܐ ܡܢܗܝܢ.. ܘܟܕ ܗܘܼܐ ܥܕܡܐ ܕܐܚܫܡܝܬܐܼ. ܐܦܩܢ ܕܢܬܒܣܡ ܡܢ ܙܘ̈ܕܐ ܕܢܦܼܩܘ ܥܡܢ ܡܢ ܐܬܪܢ܆ ܟܕ ܐܿܬܝܢ ܗܘܝܢ. ܗܝܕܝܢ ܘܬܘܒ ܝܬܝܪܐܝܬ [ܕܚܠܢ܇] ܟܕ ܡܫܒܚܝܢܢ ܥܠ ܪܒܘܬܗ ܕܥܡܢ܇ ܕܠܐ ܚܣܟܼ ܡܢ ܡܚܝܠܘܬܢ. ܘܟܕ ܐܚܫܡܢ ܒܒܘܬܢ ܡܢܗܿ ܡܢ ܣܝܒܪܬܐܼ. ܚܕܘܬܐ ܘܬܫܒܘܚܬܐܼ ܐܡܪ ܗܘܐ ܚܕ ܚܕ ܡܢܢ. ܐܝܟ ܡܥܝܢܐ ܕܓܝܣܐ ܡܝ̈ܐ ܣܓܝ̈ܐܐ. ܗܟܢܐ ܚܙܘ̈ܢܐ ܘܬܕܡܪ̈ܬܐ ܕܠܐ ܕܡܿܝܢ ܗܘܘ ܚܕ ܠܚܕ܆ ܐܡܿܪܝܢ ܗܘܝܢ. ܘܡܫܒܚܝܢ ܗܘܝܢ ܠܗ܆ ܠܗܕܝܢ ܘܠܡܕܒܪܢܢ ܘܠܢܘܗܪܐ ܕܡܫܪܝܬܢ܇ ܘܠܕ̈ܡܘܬܐ ܣܓܝ̈ܐܬܐ ܘܠܠ̈ܒܘܫܘܗܝ ܡܫ̈ܒܚܐܿ. ܘܠܨܘܪ̈ܬܗ ܦ̈ܐܝܬܐ ܘܠܝ̈ܘܩܢܘܗܝ ܡܫ̈ܠܡܢܐ ܕܠܘܬܢ. ܘܟܠܗܘܢ ܐܘ̈ܢܝܢ ܒܢܝ̈ܫܘܗܝ ܡܫ̈ܒܚܐ ܪܕܿܝܢ ܗܘܼܝܢ ܥܕܡܐ ܕܐܬܝܢ ܠܬܚ̈ܘܡܝܢ. ܘܢܼܦܩ ܫܪ̈ܒܬܢ ܟܠܗܘܢ ܘܒܢܝ̈ܢ܆ ܘܣܘܓܐܐ ܡܢ ܒ̈ܢܝ ܐܬܪܢ ܠܐܘܪܥܢ. ܘܟܕ ܫܡܥܘ ܕܐܬܼܝܢܢ܆ ܐܪܥܘܢ ܒܚܕܘܬܐ ܪܒܬܐ ܘܩܒܠܘܢ ܠܢ ܟܕ ܚܕܝܢ ܘܪܘܙܝܢ ܘܡܫܒܚܝܢ܆ ܘܡܬܕܡܪܝܢ ܗܘܘ ܒܚܙܬܢ ܘܒܚܘܠܡܢܐ ܕܟܠܗܿ ܡܫܪܝܬܢ. ܘܟܕ ܥܠܼܢ ܨܝܕ̈ܝܗܘܢܼ. ܐܬܟܢܫܘ ܘܐܬܘ ܠܘܬܢ. ܘܫܿܪܝܢ ܗܘܝܢ ܠܡܐܡܪ ܠܗܘܢ ܘܠܡܫܬܥܝܘ ܠܗܘܢ ܥܠ ܡܣܩܬܢ ܐܝܟܢܐ ܗܼܘܬ. ܘܥܠ ܚܙ̈ܘܢܐ ܬܡ̈ܝܗܐ ܕܡܠܘܝܢ ܗܘܘ ܠܢ܆ ܘܥܠ ܡܥܠܬܢ ܕܠܐܘܪܫܠܡ. ܘܥܠ ܟܠ ܡܕܡ ܕܐܬܡܠܠܘ ܥܡܢ. ܘܥܠ ܡܙܠܬܢ ܕܠܒܝܬ ܠܚܡܼ. ܘܥܠ ܚܙܘ̈ܢܐ ܘܓܠܝ̈ܢܐ ܫܒܝ̈ܚܐ ܕܐܒܐ ܕܪܒܘܬܐ ܥܠܝܬܐܿ. ܕܐܬܚܙܝܘ ܠܢ ܒܡܥܪܬܐ:

Page 84

ܢܘܗܪܐ ܪܒܐ ܘܚ̈ܙܘܢܐ ܬܡ̈ܝܗܐܼ. ܒܗܕ̈ܡܐ ܕܒܪܢܫܐ ܡܟܝܟܐ. .ܥܠ ܢܘܗܪܗ ܕܟܘܟܒܐ ܕܐܙܿܠ ܗܘܐ ܩܕܡܝܢ܆ ܐܝܟ ܗܕܝܐ ܫܒܝܚܐ. ܘܟܕ ܥܠܼܢ ܬܘܒ ܘܚܼܙܝܢ ܩܕܡܝܢ ܫܘܒܚܐ ܕܠܐ ܡܬܡܠܠܼ. ܘܢܦܼܠܢ ܘܣܓܕܢ ܠܗ ܠܝܠܕܐ ܐܠܗܝܐ ܕܢܘܗܪܐ ܪܒܐܼ. ܟܕ ܩܝܡܝܢ ܬܪ̈ܝܢ ܡܠܐ̈ܟܝܢ܆ ܘܟܕ ܩܐܡ ܥܡܘܕܐܕܥܢܢܐܿ. ܐܝܟ ܟܠܗܘܢ ܚܙܘ̈ܢܐ ܕܚܼܙܝܢ ܡܢ ܩܕܝܡ ܒܛܘܪ ܢܨ̈ܚܢܐܼ ܒܡܥܪܬ ܓܙ̈ܐ ܕܐܪ̈ܙܐ ܟ̈ܣܐ ܕܐܝܬ ܒܐܬܪܢ܇ ܐܦ ܒܗܿܝ ܡܥܪܬܐܼ ܟܠܗܘܢ ܒܫܪܪܐ ܐܫܬܠܿܡܘ. ܐܦ ܥܠ ܨܘܪ̈ܬܗ ܘܠܒ̈ܘܫܘܗܝ ܕܝܠܕܐ ܫܒܝܚܐ ܘܐܠܗܝܐܼ ܕܐܬܚܙܝ ܠܢ ܒܡܥܪܬܐ ܕܒܝܬ ܠܚܡܼ. ܘܐܼܡܪ ܠܢ ܘܐܠܦܢ܇ ܕܗܐ ܡܫܠܡܝܢ ܟܠܗܘܢ ܐܪ̈ܙܐ ܘܦ̈ܠܐܬܐ ܘܕ̈ܡܘܬܐ ܘܓܠܝ̈ܢܐ܇ ܘܟܠ ܕܐܬܡܠܠ ܥܠܝ ܒܢ̈ܒܝܐ ܘܒܟܠܗ ܥܠܡܐܿ. ܡܢ ܝܘܡܐ ܩܕܡܝܐ ܥܕܡܐ ܠܝܘܡܢܐ. ܡܟܝܠ ܨܒܝܢܗ ܕܫܠܚܢܝ ܢܬܓܡܪ ܒܝ܆ ܘܥܠ ܟܠ ܕܫܕܪܢܝ ܕܐܫܿܠܡ.. ܘܩܿܪܒܢ ܠܗ ܩܘܪ̈ܒܢܐ ܕܫܩܼܠܢ ܡܢ ܡܥܪܬ ܓܙ̈ܐܼ. ܕܣܝܼܡܝܢ ܗܘܘ ܠܐܒ̈ܗܝܢ ܡܢ ܕܝܠܗ. ܘܣܓܕܢ ܠܗ ܠܡܪܐ ܣܓܕܬܐ. ܘܦܬܚ ܦܘܡܗ ܓܐܝܐ ܘܫܒܝܚܐܼ. ܘܡܠܠ ܥܡܢ ܢܝܚܐܼ. ܐܝܟ ܕܐܫܟܚܢ ܘܐܘܦܝܢ ܕܢܫܡܥܝܘܗܝ܆ ܗܟܘܬ ܙܪܥ ܒܢ ܡܠܬܐ ܕܚܝ̈ܐ. ܘܐܡܼܪ ܠܢ ܘܓܠܼܐ ܠܢ ܥܠ ܐܬܪܐ ܕܚܝ̈ܐܼ. ܘܥܠ ܡܠܟܘܬܗ ܥܠܝܬܐ ܕܐܒܐ ܕܪܒܘܬܐܼ ܡܪܝܐ ܕܟܠ܆ ܕܫܠܚܗ ܠܐܣܝܘܬܐ ܕܥ̈ܠܡܐܼ ܕܢܐܣܐ ܟܪܝܗܘܬܗܘܢ܆ ܡܛܠ ܕܠܐ ܐܫܟܚ ܕܢܬܐܨܘܢ ܒܚܕ ܡܢ ܢ̈ܒܝܐ ܩܕܗܡܝܐ܇ ܐܠܐ ܒܝܕ ܨܒܝܢܗ ܕܒܪܐ ܕܪ̈ܚܡܐ ܡܫܠܡܢܐ. ܘܫܼܪܢ ܕܢܐܬܐ ܠܐܬܪܢ ܒܫܠܡܐ. ܘܟܕ ܐܬܼܝܢ ܠܐܘܢܐ ܩܕܡܝܐ܇ ܟܕ ܚܿܕܝܢܢ ܘܪܘܙܝܢܢ ܟܠܗܿ ܐܘܪܚܐܼ. ܬܘܒ ܐܫܟܚܢܝܗܝ ܠܗܕܝܢ ܘܠܢܘܗܪܢ ܥܡ ܟܠܗܝܢ ܨܘܪ̈ܬܗ ܕܚܙܝܢ ܩܕܡܝܢ. ܘܙܥܢ ܘܕܚܠܢ ܣܓܝ. ܟܕ

Page 85

ܣܓܕܝܢܢ ܘܡܫܒܚܝܢܢ ܠܪܒܘܬܗ ܕܡܠܘܝܐ ܠܡܫܪܝܬܢ. ܘܐܦ ܙܘܕ̈ܝܢ ܟܕ ܡܠܼܝܢ ܡܐ̈ܢܝܢ܆ ܘܡܫܬܦܥܝܢ ܡܢ ܒܘܪ̈ܟܬܗ ܘܝܬܝܪ̈ܝܢ ܐܦ ܡܢ ܙܘܕ̈ܐ ܕܫܩܠܢ ܗܘܝܢ ܥܡܢܼ ܟܕ ܡܠܝܢ܇ ܘܡܫܬܦܥܝܢ ܡܐ̈ܢܝܢ ܡܢܗܘܢ܇ ܡܛܠ ܚܝܠܐ ܕܒܘܪ̈ܟܬܗ ܕܫܼܪܝ ܥܠܝܢ. ܘܕܢܫܪܗܢ ܠܟܘܢܼ ܘܬܗܝܡܢܘܢ ܟܠ ܡܕܡ: ܚܙܘ̈ܢܐ ܘܬܕܡܪ̈ܬܐ ܕܚܼܙܝܢ. ܘܕܬܫܬܘܘܢ ܐܦ ܐܢܬܘܢ ܕܬܗܘܘܢ ܠܗ ܡܗ̈ܝܡܢܐ ܘܓܒ̈ܝܐ. ܘܢܫܼܪܐ ܚܝܠܗ ܪܒܐ ܘܓܠܝ̈ܢܘܗܝ [ܐܦ ܥܡܟܘܢ. ܡܛܠ ܕܐܦ] ܗܪܟܐ (ܠܘܬܢ) ܒܫܪܪܐ ܐܝܬܘܗܝܼ ܐܝܟ ܕܐܼܡܪ ܠܢܼ ܘܡܗܝܡܢܝܢܢ܆ ܕܠܐ ܦܪܝܩ ܠܗ ܢܘܗܪܗ ܡܢ ܡܫܬܪܝܢ. ܐܦ ܬܘܒ ܒܟܠܗ ܥܠܡܐ ܐܝܬܘܗܝ. ܢܘܗܪܐ ܗܘ ܓܝܪ: ܕܠܟܠ ܣܦܩ ܘܡܢܗܪ ܒܚܘܒܗ ܓܡܝܪܐ. ܣܒܘ ܕܠܐ ܦܠܓܘܬܐ ܒܠܒܐ ܫܠܡܐ ܘܒܗܝܡܢܘܬܐ ܫܪܝܪܬܐ ܟܠܼ ܡܿܢ ܕܨܒܼܐ. ܘܐܟܘܠܘ ܡܢ ܙܘܕ̈ܐ ܗܠܝܢ ܕܐܬܼܘ ܥܡܢ. ܘܫܘܘ ܘܐܬܚܠܛܘ ܐܦ ܐܢܬܘܢ ܒܒܘܪܟܬܗ ܕܡܠܘܝܐ ܠܢ ܘܥܡܢ ܗܝ ܠܥܠܡ.. ܘܫܩܠܘ ܐ̈ܢܫܐ ܡܢܗܘܢ ܟܕ ܚܕܝܢ ܒܚܘܒܐܼ ܡܢ ܗܿܢܘܢ ܙܘ̈ܕܐܼ. ܘܐܟܠܘ. ܘܫܿܪܝܘ ܚܿܕܝܢ ܘܕܝܨܝܢ ܟܕ ܡܫܒܚܝܢ ܘܐܿܡܪܝܢ ܗܘܘ ܚܕ ܠܚܕ ܡܢܗܘܢܼ. ܟܠܡܕܡ ܕܡܬܚܙܐ ܗܘܐ ܠܗܘܢ. ܐܝܬ ܗܘܐ ܡܢܗܘܢ ܕܐܿܡܪܼ ܕܚܿܙܝܬ ܒܗܿ ܒܫܥܬܐ ܕܐܟܿܠܬ ܡܢ ܙܘܕ̈ܐ ܗܠܝܢ܆ ܢܘܗܪܐ ܪܒܐ ܕܠܝܬ ܠܗ ܕܡܘܬܐ ܒܥܠܡܐ.. ܘܐܝܬ ܕܐܿܡܪܼ ܕܚܿܙܝܬ ܐܠܗܐ ܝܿܠܕ ܢܦܫܗ ܒܥܠܡܐ ܐܝܟ ܕܨܼܒܐ.. ܘܐܝܬ ܕܐܿܡܪ: ܕܚܿܙܝܬ ܟܘܟܒܐ ܕܢܘܗܪܐ ܕܒܢܘܗܪܗ ܐܚܫܟܗ ܠܫܡܫܐ.. ܘܐܝܬ ܕܐܿܡܪܼ ܕܚܿܙܝܬ ܒܪܢܫܐܼ ܕܡܟܐܪ ܚܙܘܗ ܡܢ ܕܓܒܪܐ. ܘܡܿܚܐ ܘܡܕܟܐ ܠܥܠܡܐ ܒܕܡܗ ܘܒܚܙܘܗ ܡܟܝܟܐ.. ܘܐܝܬ ܕܐܡܪܼ ܕܚܿܙܝܬ ܐܝܟ ܐܡܪܐ ܕܬܠܐ ܥܠ ܩܝܣܐ ܕܚܝ̈ܐܼ. ܘܒܗ ܗܿܘܐ ܦܘܪܩܢܐ ܘܒܕܡܗ ܠܟܠܗܝܢ ܒܪ̈ܝܬܐ ܕܥܠܡܐ..

Page 86

ܘܐܝܬ ܕܐܿܡܪܼ ܕܚܿܙܝܬ ܥܡܘܕܐܕܢܘܗܪܐ ܕܥܿܡܪ ܒܓܘ ܪ̈ܚܡܝܗܿ ܕܐܪܥܐܼ. ܘܩܝܡܝܢ ܡܝ̈ܬܐ ܠܐܘܪܥܗܼ. ܘܣܿܓܕܝܢ ܘܡܫܒܚܝܢ ܠܗ ܒܚܕܘܬܐ ܪܒܬܐ.. ܘܐܚܪ̈ܢܝܬܐ ܣܓܝ̈ܐܬܐ ܕܣ̈ܓܝܐܢ ܡܢ ܗܠܝܢ ܐܿܡܪܝܢ ܗܘܘ ܚܕ ܠܚܕܼ. ܗܿܢܘܢ ܕܐܟܠܘ ܗܘܘ ܡܢ ܙܘ̈ܕܐ ܗܿܢܘܢ. ܘܡܒܥ ܗܘܐ ܪܥܝܢܗܘܢ ܬܫܒܘܚܬܐ ܣܓܝܐܬܐ ܝܘܡ ܡܢ ܝܘܡܢ.. ܘܗܘܼܬ ܚܕܘܬܐ ܣܓܝܐܬܐ ܒܟܠܗ ܐܬܪܐ ܕܡܕܢܚܐܿ. ܘܗܼܘܘ ܡܬܟܢܫܝܢ ܐܟܚܕܐ ܒܚܘܒܐ ܕܡܪܢ ܪ̈ܘܪܒܢܐ ܘܡ̈ܣܟܢܐܼ ܘܢ̈ܫܐ ܘܛ̈ܠܝܐ ܡܢ ܟܠܗ ܐܬܕܐܼ. ܠܘܬܗܘܢ ܕܪ̈ܘܪܒܢܐ ܕܐܬܩܪܝܘ ܡ̈ܓܘܫܐ. ܘܐܬܿܝܢ ܗܘܘ ܘܫܡܥܝܢ ܡܢܗܘܢ ܝܘܠܦܢܐ [ܚܕܬܐ ܘܫܒܝܚܐ܇ ܘܐܪ̈ܙܐ ܘܓܠܝ̈ܢܐܼ] ܘܟܠ ܕܐܬܡܠܠ ܥܡܗܘܢ ܡܢ ܝܘܡܐ [ܩܕܡܝܐ ܗܿܘ ܕܢܩܦܘ ܡܢ ܐܬܪܗܘܢ ܥܕܡܐ ܕܐܬܘ] ܒܚܕܘܬܐ. ܘܝܘܡ ܡܢ ܝܘܡ ܬܘܒܼ [ܓܠܝ̈ܢܐ ܘܚܙܘ̈ܢܐ ܡܬܬܘܣܦܝܢ ܗܘܘ] ܠܗܘܢ. ܘܟܠ ܕ̈ܡܘܢ ܚܝ̈ܠܬܢܝܢ. ܘܣܓܝܬܿ [ܗܡܢܘܬܐ ܒܚܘܒܐ ܕܣܗܕܘܬܐ ܕܡܪܢ] ܝܫܘܥ ܡܫܝܚܐܼ. ܒܚ̈ܝܠܐ ܕܥܿܒܕ [ܗܘܐ ܒܐܝܕ̈ܝܗܘܢ. ܗܿܘ ܝܠܕܐ ܕܢܘܗܪܐ ܕܐܬܚܙܝ] ܠܗܘܢ. ܥܕܡܐ ܕܫܿܠܼܡ ܨܒܝܢܐ ܕܫـ[ܠܘܚܗ ܒܟܠܡܕܡܿ. ܘܐܣܬܠܩ] ܒܬܫܒܘܚܬܐ ܠܡܪܘܡܐ ܗܿܘ ܩܕܡܝܐ ܕܡܥܡܪܗ. ܘܣܓܝܬܿ ܕܫـ[ܡܥܝܢ ܗܘܘ.. ܟܕ ܢܚܼܬ ܬܘܒ] ܝܗܘܕܐ ܬܘܡܐ ܠܬܡܢ: ܒܝܕ ܨܒܝܢܐ ܕܡܪܢ [ ܡܐ ܕܫܕܪܗܼ. ܬܘܒ ܝܬܪܐܝܬ ܣܓܝܬ ܗܝܡܢܘܬܐ] ܒܝܐܝܠܢ ܕܫܡܥܝܢ ܗܘܘܿ. [ܒܝܕ ܚܝ̈ܠܐ ܣܓܝ̈ܐܐ ܘܐܬܘ̈ܬܐ ܕܥܿܒܕ ܗܘܐ ܬܡܢ] ܝܗܘܕܐ ܬܘܡܐ ܫܠܝܚܗ ܕܡܪܢ. ܘܟܕ [ܫܡܥܼܘ ܗܘܘ ܪܘܪ̈ܒܢܐ ܕܐܙܠ

Page 87

ܝܗܘܕܐ] ܠܬܡܢ: ܐܝܟ ܕܐܡܼܪ ܠܗܘܢ [ܢܘܗܪܐ ܕܐܬܚܙܝ ܠܗܘܢܼ. ܐܬܟܢܫܘ ܐܙܠܘ ܠܘܬܗ] ܕܢܬܚܠܛܘܢ [ܥܡܗ ܒܨܠܘܬܐ ܘܒܗܝܡܢܘܬܐ. ܘܫܐܠܘ ܒܫܠܡܗܼ] ܕܝܗܘܕܐ ܒܚܘܒܐ ܫܠܡܐܿ. [ܟܕ ܚܿܕܝܢ ܒܡܪܢ. ܘܚܼܕܝ ܒܗܘܢ ܐܦ ܝܗܘܕܐ] ܣܼܓܝ. [ܘܟܕ ܚܿܕܝܢ ܒܡܪܢ. ܘܚܼܕܝ ܒܗܘܢ ܐܦ ܝܗܘܕܐ] ܣܼܓܝ. [ܘܟܕ ܗܘܼܘ ܠܘܬܗ ܝܘ̈ܡܬܐܼ. ܐܫܬܥܿܝܘܢ ܠܗ ܠܝܗܘܕܐܼ. ܐܝܟܢܐ ܫܘܼܘ ܕܢܩܒܠܘܢ] ܡܢ ܝܘܡܐ [ܩܕܡܝܐ ܡܘܗܒܬܐ ܗܕܐ ܕܢܘܗܪܐ ܕܥܠܡܐ. ܘܥܠ ܡܣܩܬܗܘܢ ܕܠܘܬܗ ܕܠܒܝܬ ܠܚܡܼ. ܘܟܠܡܕܡ ܕܐܬܡܥܥ ܥܡܗܘܢ. ܘܥܠ ܠܝ̈ܢܐ ܘܚܙܘ̈ܢܐ ܕܚܙܘ ܬܡܢ ܒܡܥܪܬܐܼ. ܘܥܠ ܡܚܬܬܗܘܢ ܕܐܝܟܢܐ] ܡܠܘܐ ܗܘܐ [ܠܗܘܢܼ. ܒܢܘܗܪܗ ܠܟܠܗܿ ܡܫܪܝܬܗܘܢ ܒܚܙܘ̈ܢܐ ܘܒܓܠ̈ܝܢܐ ܣܓܝ̈ܐܐ. ܘܟܕ] ܝܕܥ ܝܗܘܕܐ [ܫܠܝܚܐܼ. ܕܡܘܗܒܬܐ ܗܝ ܕܡܪܢ ܐܫܬܦܥܬܿ ܥܠܝܗܘܢܼ] ܐܫܬܥܝ ܐܦ ܗܼܘ ܠܗܘܢ ܥܠ ܡܚܝܢܢ: ܟܕ ܟܢܼܝܫܝܢ ܟܠܗܘܢ ܐܚ̈ܐ ܐܟܚܕܐܿ. ܘܥܠ ܚܝ̈ܠܐ ܘܐܣ̈ܘܬܐ ܘܓܒܪ̈ܘܬܐ ܕܥܒܼܕ ܠܥܝ̈ܢܝܗܘܢ ܕܝܠܗܘܢ ܕܫܠܝ̈ܚܘܗܝ܆ ܘܥܠ ܕܡܘ̈ܬܐ ܕܝܘ̈ܩܢܘܗܝ܇ ܘܥܠ ܨܘܪ̈ܬܗ ܬܡ̈ܝܗܬܐ. ܕܠܐ ܡܘܦܝܢܢ ܕܢܫܬܥܐ ܥܠܝܗܝܢ܇ ܕܒܟܠܙܒܢ ܡܬܚـ[ܙܐ] ܗܘܐ ܠܢ. ܐܝܟܢܐ ܕܬܡܝܗܝܢ ܗܘܿܝܢ ܠܢ ܒܗ ܘܩܝܡܝܢ ܗܘܿܝܢ ܠܢ ܒܫܘܦܥܐܼ. ܘܒܦܘܠܓ ܪܥܝܢܐ. ܕܠܐ ܡܡܬܘܡ ܡܢ ܝܘ̈ܡܝ ܥܠܡܐܼ. ܐܬܚܙܝ ܠܐܢܫ ܗܟܢܐ. ܘܟܕ ܫܡܥܘ ܟܠܗܘܢ ܐ̈ܚܐܼ. ܟܕ ܐܫܬܥܝ ܠܗܘܢ ܝܗܘܕܐܼ. ܫܒܚܘ ܟܠܗܘܢ ܒܕ ܩܠܐ ܠܡܪܐ ܪܒܘܬܐ ܥܠܝܬܐ. ܒܝܕ ܒܪܗ ܨܒܝܢܐܿ ܕܚܝ̈ܐ ܡܫܗܠܡܢܐ. ܘܒܥܘ ܡܢ ܝܗܘܕܐ ܫܠܝܚܗ ܕܡܪܢܼ. ܕܢܫܬܘܦ ܐܢܘܢ ܥܡܗ ܒܚܬܡܗ ܕܡܪܢ. ܘܐܼܡܪ ܝܗܘܕܐ. ܐܚ̈ܝܼ ܐܦ ܐܢܐ ܚܿܕܐ ܐܢܐ. ܡܛܠ ܕܥܠܝܗܿ ܗܘ ܕܗܕܐ ܡܘܗܒܬܐ ܐܫܬܕܪܬ ܒܚ̈ܝܐ. ܕܠܟܠܢܫ ܕܡܗܝܡܢ ܒܚܝ̈ܐ܆ ܘܒܚܘܒܐ ܡܩܒܠ ܚܬܡܐ ܕܡܪܝ ܝܫܘܥ

Page 88

ܡܫܝܚܐ ܒܫܪܪܐܼ. ܠܐ ܡܫܬܠܛ ܒܗ ܒܥܠܕܒܒܐ.. ܒܠܠܝܐ ܕܝܢ ܢܓܗ ܚܕܒܫܒܐܼ. ܕܒܪ ܐܢܘܢ ܝܗܘܕܐ ܐܦ ܠܐ̈ܚܐ ܐܝܠܝܢ ܕܒܥܘ ܡܢܗܼ ܟܕ ܚܿܕܝܢ ܕܢܩܒܠܘܢ ܐܦ ܗܢܘܢ ܚܬܡܐ ܕܡܪܢ. ܘܢܦܼܩ ܠܗ ܠܘܬ ܡܥܝܢܐ ܕܡܝ̈ܐ. ܘܫܩܠ ܡܫܚܐ ܘܫܒܚ ܥܠܘܗܝܼ ܘܐܡܪ܇ ܡܫܒܚܝܢܢ ܠܟ ܐܪܙܐ ܕܚܝܗܐܿ. ܕܒܡܫܚܐ ܐܬܝܗܒ ܠܢ ܒܛܝܒܘܬܐ ܢܿܡܫܝܚܘܬܐ. ܠܟ ܫܒܘܚܐܼ ܐܪܙܐ ܟܣܝܐ ܕܒܡܫܚܐ [ܐܬܝܗܒ ܠܢ ܠܚܝ̈ܐ ܒܛܝܒܘܬܐ ܠܡܫܝܚܘܬܐ. ܠܟ ܫܘܒܚܐܼ] ܐܪܙܐ ܟܣܝܐ ܕܒܡܫܚܐ ܐܬܝܗܒ ܠܢ ܠܚܝ̈ܐ ܘܠܚـ[ـܘܣܝܐܼ. ܘܒܗ ܡܢܗܪ] ܠܢ ܘܡܥܪܩ ܡܢܢ ܠܚܫܘܟܐ ܘܠܛܘܥܝܝ܇ ܘܒܐܪܙܗ ܬܘ ܒܙܟܝܢ ܐܬ̈ܠܝܛܐ ܕܐܓܘܢܐ ܠܒܥܠ̈ܕܒܒܝܗܘܢ. ܠܟ ܫܘܒܚܐ ܪܐܙܐ ܕܡܫܚܐܼ ܕܫܘܼܝܬ ܕܫܘܬܦܘܬܐ ܥܠ ܡܫܝܚܐ ܬܗܘܐ ܠܟ܇ ܘܒܗ ܡܬܟܠܠܝܢ [ܙܟܗܝܐ ܒܐܓܘܢܐ:] ܘܥܡ ܪܚܐ ܡܬܐܡܬܿ. ܘܛܐܣ ܐܦ ܗܼܘ ܥܠ ܡܝ̈ܐ ܐܝܟ ܒܪܬ ܙܘܓܗ ܪܘܚܐ ܕܩܘܕܫܐܿ ܡܙܿܓܼܬ ܢܦܫܐ ܥܡ ܡܕܥܐܼ ܘܡܚܕܬܬ ܦܓܪܐ ܒܡܘܠܕܐ ܕܚܝ̈ܐ. ܬܝ ܫܘܬܦܬܗ ܕܒܘܟܪܐ܇ ܬܝ ܡܚܕܬܬ ܒܢܝ̈ܢܫܐ [ܒܡܘܠܕܗܿ ܠܚܝ̈ܐ] ܕܠܥܠܡ܇ ܘܫܪܝ ܥܠ ܗܠܝܢ ܡܗ̈ܝܡܢܐ [ܕܚܒܝ̈ܒܘܗܝ ܕܡܪܢ ܝܫܘܥ ܡܫܝܚܐܼ.] ܘܕܟܝ ܐܢܘܢ ܘܩܕܫܝ ܐܢܘܢ ܡܢ ܟܠܗܝܢ ܟܘ̈ܬܡܬܐ ܕܦܓܪ̈ܝܗܘܢ. [ܘܢܿܗܘܘܢ ܠܟܝ ܢܘ̈ܣܐ] ܠܡܥܡܪܟܝܼ. ܘܢܝܚܐ [ܠܒܪܐ ܕܪ̈ܚܡܐ ܡܫܠܡܢܐܼ. ܘܬܩܕܫܝܢ ܐܢܘܢ ܒܡܘܠܕܐ] ܕܚܝ̈ܐ ܓܡܝܪܐܝܬ.. ܘܐܥܡܕ ܐܢܘܢ ܒܫܡ ܐܒܐ ܘܒܪܐ ܘܪܘܚܐ ܩܕܝܫܬܐ. ܘܟܕ ܣܠܩܘ [ܡܢ ܡܝ̈ܐ ܟܠܗܘܢ. ܐܬܚܙܝ ܠܗܘܢ ܛܠܝܐ ܚܕ ܕܢܘܗܪܐ ܥܠܝܐ:] ܕܢܚܼܬ ܡܢ ܫܡܝܐ ܘܐܼܡܪ ܠܗܘܢ. [ܫܠܡܐ ܥܡܟܘܢ

Page 89

ܒܢ̈ܝ ܐܪ̈ܙܝ ܟܠܗܘܢ. ܘܗܐ ܒܡܘܠܕܟܘܢ ܕܗܫܐ ܐܫܬܿܠܡܘ ܟܠܗܘܢ ܚܙ̈ܘܢܐ ܘܓܠܝ̈ܢܐ ܕܚܼܙܝܬܘܢ ܡܢ ܝܘܡܐ ܩܕܡܝܐ. ܘܕܚܠܘ ܘܢܦܠܘ ܥܠ ܐܪܥܐ. ܘܟܕ ܩܡܘ ܐܬܚܙܝ ܠܗܘ ܒܕܡܘܬܐ ܕܥܠܝܡܐ ܫܒܝܚܐ ܘܐܠܗܝܐ. ܘܟܕ ܫܩܠ ܠܚܡܐ ܫܠܡܐܼ. ܫܒܚ ܘܩܨܐܼ. ܘܝܗܼܒ ܠܘܩܕܡ ܠܝܗܘܕܐ ܫܠܝܚܐܼ. ܐܦ ܠܚܕ ܚܕ ܡܢܗܘܢܼ ܘܐܡܪ ܠܗܘܢ: ܕܗܐ ܫܘܠܡܐ ܘܚܬܡܐ ܕܡܘܠܕܟܘܢ ܕܚܝ̈ܐ. ܡܢ ܗܫܐ ܘܠܥܠܡܼ ܐܫܬܪܪܘ ܒܡܘ̈ܠܟܢܝ. ܘܟܕ ܐܬܓܠܙ ܠܗ ܡܢ ܚܙܬܗܘܢ. ܬܘܒ ܚܙܘܗܝܼ ܟܕ ܣܿܠܩ ܠܫܡܝܐ ܒܬܫܒܘܚܬܐ ܕܠܝܬ ܠܗܿ ܣܟܐ. ܘܐܡܼܪ ܝܗܘܕܐܼ. ܡܫܒܚܝܢܢ ܠܪܒܘܬܟ ܒܣܝܡܘܬܐܼ ܘܠܝܚܝܕܝܘܬܟ ܣܓܝܐܬ ܦܪ̈ܨܘܐ. ܘܠܝܘ̈ܩܢܝܟ ܫܒ̈ܝܚܐ ܕܚܘܝܬܢ. ܘܠܒ̈ܘܫܐ ܕܠܒܫܼܬ ܡܛܠܬܢ܇ ܕܚܢܢ ܪܒܘܬܟ ܢܠܒܫ ܚܝܠܬܢܝܬܐ. ܘܒܟܡܐ ܫܡ̈ܗܐ ܐܫܬܡܗܬܼ. ܟܕ ܒܚܕ ܡܢܗܘܢ ܠܐ ܐܝܬܝܟ. ܐܢܬ ܗܘ ܓܝܪ ܒܚܘܕܝܟ ܝܕܥܬ ܫܡܟ ܪܒܐ ܘܪܒܘܬܟܼ ܘܐܒܘܟ ܪܡܐܼ. ܘܐܢܫ ܐܚܪܝܢ ܠܐ.] ܘܗܠܝܢ ܟܠܗܘܢ [ܐܣܟܝ̈ܡܐ ܕܠܒܼܫܬ ܘܐܬܚܼܙܝܬ ܡܛܠܬܢܼ. ܕܢܕܥܟ. ܡܛܠ ܕܐܚܒܬܢ ܒܪ̈ܚܡܝܟ ܣܓܝ̈ܐܐ ܕܗܼܘܘ ܥܠܝܢ. ܘܟܠܡܕܡ ܕܐܝܬܝܘ ܥܠܝܟ ܨ̈ܠܘܒܐܼ ܣܝܒܼܪܬ] ܥܠ ܐܦ̈ܝܢ܆ ܟܕ ܡܥܠܝܢ ܐܢܬ ܡܢ ܟܠܗܘܢ ܚ̈ܫܐ. ܘܒܪ ܛܘܗܡܗ ܐܢܬ ܕܗܿ، ܕܠܐ ܚܐܫܼ. ܕܠܢ ܕܝܠܢ ܢܗܘܐ ܠܢ ܦܘܪܩܢܐ [ܒܛܝܒܘܼܬܟ. ܘܡܛܬܢ ܟܠ ܣܝܒܼܪܬ ܘܟܠ ܣܒܼܠܬ. ܐܢܬ ܗܘ ܓܝܪ ܦܪܩܠܛܢ ܘܗܕܝܢ ܘܢܘܗܪܢ ܘܡܚܝܢܢ. ܘܡܛܠ ܕܒܟ ܗܝܡܢܢܼ ܟܠ ܡܕܡ ܒܟ ܗܘ ܐܝܬ ܠܢ. ܘܡܫܠܡܢܐܝܬ ܝܗܼܒܬ ܠܢ ܒܬܘܟܠܢܐܕܚܘܒܟ ܕܠܘܬܢ܇ ܕܟܠ ܡܕܡ ܣܝܒܼܪܬ ܥܠ ܐܦ̈ܝܢ.. ܘܥܢܘ ܟܠܗܘܢ ܬܠܡ̈ܝܕܐ ܚܕ̈ܬܐ ܕܡܠܬܐ ܕܚܝ̈ܐܼ. ܘܐܡܼܪܘ ܒܚܕܘܬܐ ܪܒܬܐ: ܡܫܒܚܝܢܢ ܘܣܓܕܝܢܢ. ܘܡܘܕܝܢܢ

Page 90

ܠܪܒܘܬܟ ܕܠܐ ܡܬܡܠܠܐ ܒܦܘܡܐ ܕܒܢ̈ܝܢܫܐ. ܡܛܠ ܕܡܚܝܠܝܢܢ ܡܢܗܿ ܘܠܢܘܗܪܟ ܪܒܐ ܕܐܕܢܚܼܬ ܥܠ ܡܚܝܠܘܬܢ܇ ܕܐܫܘܝܬܢ ܒܪ̈ܚܡܝܟ ܠܫܘܬܦܘܬܟ ܕܚܝ̈ܐ ܕܠܥܠܡ. ܘܟܕ ܣܓܝ ܡܬܒܣܡܝܢ ܗܘܘ ܒܬܘܕܝܬܐ ܘܒܨܠܘܬܐ ܘܒܚ̈ܙܘܢܐ ܕܡܪܢܼ. ܣܘܓܐܐ ܕܐܚ̈ܐ ܡܬܬܘܣܦܝܢ ܗܘܘ ܒܗܝܡܢܘܬܐܼ ܝܘܡ ܡܢ ܝܘܡ. ܘܐܼܡܪ ܠܗܘܢ ܝܗܘܕܐܼ. ܐ̈ܚܝܼ ܡܟܝܠ ܢܫܠܼܡ ܦܘܩܕܢܗ ܕܡܪܢ ܕܐܼܡܪ ܠܢ܇ ܕܦܘܩ ܠܟܠܗ ܥܠܡܐ ܘܐܟܪܙ ܣܒܪܬܝ. ܡܟܝܠ ܐ̈ܚܝܼ. ܗܼܘܘ ܐܦ ܐܢܬܘܢ ܟܪ̈ܘܙܐ ܕܡܠܬܐ ܐܟܘܬܢ. ܡܛܠ ܕܩܒܠܬܘܢ ܐܦ ܐܢܬܘܢ ܡܘܗܒܬܐ ܕܡܪܢ. ܦܘܩܘ ܐܦ ܐܢܬܘܢ ܠܟܠ ܐܬܪ܆ ܘܐܟܪܙܘ ܡܘܗܒܬܗ ܕܢܘܗܪܢ ܘܕܡܚܝܢܢ ܠܟܠܢܫ ܕܠܐ ܚܿܣܡ.. ܘܢܦܩܘ ܡܢ ܬܡܘܢ ܠܟܠ ܐܬܪܼ. ܘܡܟܪܙܝܢ ܗܘܘ ܒܚܘܒܐ ܫܠܡܐ ܥܠ ܡܬܝܬܗ ܕܡܪܢ ܝܫܘܥ ܡܫܝܚܐܼ ܒܪܗ ܕܡܪܝܐ ܕܟܠ. ܟܕ ܥܿܒܕܝܢ ܗܘܘ ܐܦ ܗܼܢܘܢ ܚܝ̈ܠܐ ܘܐܣ̈ܘܬܐ ܒܫܡܗ ܕܡܪܢܼ. ܕܠܐ ܡܬܡܠܠܝܢ ܒܦܘܡܐ ܕܒܢܝ̈ܢܫܐܼ. ܒܪܘܚܐ ܕܩܘܕܫܐ ܕܐܫܬܦܥܬܿ ܥܠܝܗܘܢ ܒܡܘܗܒܬܗ ܕܡܪܢ. ܘܡܟܪܙܝܢ ܗܘܘ ܗܝܡܢܘܬܐ ܕܫܪܪܐ. ܟܕ ܐܿܡܪܝܢ ܗܘܘ ܘܡܠܦܝܢ ܠܟܠܢܫ܇ ܕܥܪܘܩܘ ܡܢ ܚܫܘܟܐܼ ܘܬܘ ܠܢܘܗܪܐ ܕܠܐ ܥܿܒܪ. ܐܝܟܢܐ ܕܬܚܘܢܼ ܘܬܣܬܬܪܘܢ ܬܚܝܬ ܟܢ̈ܦܘܗܝ ܕܡܪܢ ܝܫܘܥ ܡܚܝܢܢ ܘܒܝܬ ܓܘܣܢ ܪܒܐ ܒܝܘܡܐ ܐܚܪܝܐܼ. ܡܢ ܕܝܼܢܐ ܕܚܝܠܐ ܕܢܘܪܐ ܕܐܬܿܝܐ ܡܢ ܫܠܝ܇ ܕܬܕܟܝܗܿ ܠܟܠܗܿ ܐܪܥܐ ܡܢ ܛܘܥܝܝ ܕܐܡܠܼܟܬܿ ܗܘܬ ܥܝܠܗܿ ܒܙܐܦܗܿ. ܘܬܬܦܨܘܢ ܐܢܬܘܢ ܒܗܝܡܢܘܬܐ ܡܢ ܝܩܕܢܐ ܕܢܘܪܐܼ. ܘܬܥܠܘܢ ܠܢܝܚܬܐܼ ܗܿܝ ܕܡܛܝܒܐ ܠܟܠܗܘܢ ܓܒ̈ܝܐ ܘܡ̈ܗܝܡܢܐ ܕܗܝܡܢܘ ܒܝܠܕܗ ܕܢܘܗܪܐ ܓܡܝܪܐ ܘܒܚ̈ܝܐ ܕܠܥܠܡܿ. ܒܡܠܟܘܬܗ ܡܪܝ ܝܫܘܥ ܡܫܝܚܐ܇ ܒܪܗ ܕܡܪܐ ܟܠ ܒܪܒܘܬܗ ܥܠܝܬܐܿ. ܒܥܠܡܗ ܚܕܬܐ ܘܒܢܘܗܪܗ ܥܠܝܐ ܘܪܒܐ ܘܕܠܐ ܥܿܒܪ

 

Page 91

 

ܠܥܠܡܼ ܘܒܢܝܚܬܗ ܡܫܒܚܬܐ. ܬܬܢܝܚܘܢ ܠܥܠܡ ܥܠܝܡܢܼ ܐܡܝܢ ܘܐܡܝܢ܀

ܫܠܼܡܬܿ ܬܫܥܝܬܐ ܕܥܠ ܡܓܘ̈ܫܐ ܘܥܠ ܩܘܪ̈ܒܢܝܗܘܢ܀

 

[End of Revelation of the Magi]

 

ܫܢܬ ܬܪ̈ܝܢ ܐܠܦ̈ܝܢ ܘܬܫܥܣܪ̈ܐ ܠܐܒܪܗܡܼ. ܩܛܠ ܐܢܘܢ ܗܪܕܘܣ ܠܝ̈ܠܘܕܐ ܕܒܝܬ ܠܚܡܼ ܡܛܠ ܡܫܝܚܐ.܀܀ ܫܢܬ ܬܪ̈ܝܢ ܐܠܦ̈ܝܢ ܘܥܣܪܝܢ܆ ܗܼ، ܗܪܘܕܣܟܕ ܩܼܿܛܠ ܠܛܠ̈ܝܐ ܕܒܝܬ ܠܚܡ ܡܢ ܒܪܬ ܬܪ̈ܬܝܢ ܫ̈ܢܝܢ ܘܠܬܚܬ: ܠܕܡܘܬܐܕܐܡܪܘ ܠܗ ܡ̈ܓܘܫܐܿ ܟܕ ܣܼܒܪ ܕܥܡܗܘܢ ܡܬܩܼܛܠ ܡܫܝܚܐ: ܘܗܝܕܝܢ ܐܕܪܟܗ ܓܙܪ ܕܝܢܐ ܕܐܠܗܐܼ ܗܿܘ ܕܫܿܘܐ ܗܘܐ ܠܗ ܘܠܥܒܿܕ̈ܘܕܝ. ܟܕ ܘܠܘܩܕܡ ܗܼ،ܐ ܠܗ ܐܫܬܐ ܕܩܝܩܬܐ ܕܡܢ ܠܒܪ ܠܐ ܡܚܘܝܐ ܗܘܬܿ ܝܩܕܢܗܿ. ܐܝܟ ܡܐ ܕܢܡ ܠܓܘ ܡܬܝܬܪ ܗܘܐ ܫܘܢܩܗܿ. ܘܐܦ ܠܐ ܕܢܩܿܒܼܠ ܡܟܘܠܬܐ ܡܨܛܒܐ ܗܘܼܐ. ܒܝܕ ܕܠܐ ܡܗܠܟܐ ܗܘܬ ܟܪܣܗ. ܘܫܘܚܢܐ ܘܟܐܒܐ ܘܚܢܗ ܐܬܡܣܝ ܘܐܪܚܫ ܬܘ̈ܠܥܐ. ܘܪܘܚܐ ܟܪܝܬܐ ܩܝܡܐ ܗܘܬ ܥܠܘܗܝܼ. ܐܦ ܡܛܪܦܐ ܠܗ ܒܪܝܚܐ ܣܪܝܦܐ ܘܐܠܝܨܐ. ܟܐ̈ܒܐ ܚܣܝ̈ܢܐ ܡܢ ܟܠ ܓܒ̈ܝܢ ܡܿܚܝܢ ܗܘܘ ܠܗ. ܘܚܝܠܐ ܕܢܣܝܒܪ ܠܝܬ ܗܘܐ ܒܗ. ܦܠܓܗ ܐܠܗܐܼ ܠܟ̈ܐܒܐ ܡܦܪ̈ܫܐ. ܗܼܘ ܕܝܢ ܟܕ ܡܫܬܢܩ ܗܘܐ ܒܟܠܗܘܢ ܟܐ̈ܒܘܗܝܼ. ܐܦ ܕܢܐܚܐ ܡܬܟܬܫ ܗܘܐ. ܘܚܐܪ ܗܘܐ ܠܐܣܝܘܬܐ ܘܠܦܘܪܩܢܐ ܕܦܓܪܗ. ܘܐܼܙܠ ܐܦ ܕܢܣܚܐ ܒܚܡܝܡܬܐܕܐܝܬ ܒܩܠܝܪܘܐܿ. ܕܢܦܩܝܢ ܡܝ̈ܝܗܿ ܠܝܡܬܐ ܕܐܣܦܠܝܛܘܣ. ܘܟܕ

Page 92

ܗܼܘ ܬܡܢ ܨܼܒܘ ܐܣܘ̈ܬܐ ܕܢܣܚܘܢ ܦܓܪܗ ܒܡܫܚܐ. ܘܟܕ ܛܒܼܥ ܒܡܐܢܐ ܕܡܠܐ ܡܫܚܐܼ. ܐܫܬܼܪܝ ܟܠܗ ܘܐܬܗܦܟ ܥܝ̈ܢܘܗܝ. ܘܪܗܝܒܘܬܐ ܣܓܝܐܬܐ ܗܘܼܬ ܒܥܒܼܕܿܗܘܗܝ. ܒܟܐܒܐ ܕܝܼܢ ܚܡܣܢ܆ ܥܠ ܚܝ̈ܘܗܝ ܕܝܢܐܘܚܠ ܗܘܐ. ܘܡܢ ܬܡܢ ܗܦܟ ܠܐܪܝܚܘ. ܘܡܬܡܪܡܪ ܗܘܐ ܘܡܬܠܚܡ ܥܠ ܡܘܬܐܿ ܘܐܬܥܫܢ] ܓܝܪ ܒܢܟܠܐ ܕܣܘܥܪܢܐ ܒܝܫܐ. ܟܢܼܫ ܓܝܪ ܡܢ ܟܠܗܝܢ ܩܘܪ̈ܝܣ [ܕܝܗܘܕ̈ܝܐܼ.] ܠܟܠܗܘܢ ܝܕ̈ܝܥܐ ܘܐܢ̈ܫܐ ܪ̈ܘܪܒܐ ܠܕܘܟܬܐ ܕܡܬܩܪܝܐ ܒܝܬ ܪܗܼܛܐ ܕܪ̈ܟܫܐ. .ܦܩܼܕ ܕܢܬܚܒܫܘܢ. ܘܩܪܪܐ ܠܫܠܘܡ ܚܬܗ ܘܠܒܥܠܗܿ ܐܠܟܣܐܼ ܘܐܡܪ ܠܗܘܢ. ܕܠܝܗܘܕ̈ܝܐ ܝܕܿܥܢܐܼ ܕܥܐܕܐ ܗܘ ܠܗܘܢ ܪܒܐܼ ܝܘܡܐ ܕܡܘܬܝ. ܐܠܐ ܡܫܟܚܐ ܕܥܒܕ ܥܠܝ ܐܒܠܐܼ ܒܝܕ ܐܚܪ̈ܢܐ ܘܢܗܘܐ ܥܠܝ ܒܝܬ ܒܗܟܐ. ܐܢܗܘ ܕܬܨܒܘܢ ܕܬܥܒܕܘܢ ܦܘܩܕܢܝ. ܠܗܠܝܢ ܐܢ̈ܫܐ ܕܚܒܝܫܝܢ܆ ܥܡ ܡܘܬܝ ܐܩܝܡܘ ܥܠܝܗܘܢ ܐ̈ܢܫܐܼ ܘܩܿܛܠܼܘܢ ܐܢܘܢ. ܘܐܦ ܟܕ ܠܐ ܨܒܝܢܼ ܢܒܟܘܢ ܥܠܝ. ܘܟܕ ܡܬܦܿܣܼܩ ܒܟܐܒܐ ܚܣܝܢܐ ܕܫܥܘܠܐܼ. ܐܬܚܫܒܼ ܕܗܼܘ ܠܗ ܢܩܛܘܠ. ܘܫܩܼܠ ܚܙܘܪܐܼ ܘܫܐܠ ܣܟܝܢܐ. ܡܥܕ ܗܘܐ ܓܝܪ ܕܢܗܘܐ ܓܿܙܪ ܘܐܟܿܠ ܗܟܢܐ. ܘܡܢ ܒܬܪܟܝܢ ܩܡ ܕܢܚܙܐ ܐܢ ܐܝܬ ܐܢܫ ܕܟܿܠܐ ܠܗ. ܘܐܪܝܡ ܝܡܝܢܗ ܐܝܟ ܕܢܩܛܘܠ ܢܦܫܗ. ܘܐܦ ܡܢ ܩܕܡ ܩܠܝܠ ܙܒܢܐ ܕܡܘܬܗܼ. ܥܡ ܬܪ̈ܝܢ ܗܠܝܢ ܒܢ̈ܘܗܝ ܕܩܼܛܠܼ ܐܦ ܠܗܿܘ ܕܬܠ̈ܬܐ ܩܛܠ. ܘܗܟܢܐ ܒܟܐܒܐ ܡܪܝܪܐ ܡܝܬ. ܟܕ ܡܢ ܗܪܟܐܼ. ܚܼܙܐ ܠܬܫܢܝܩܐ ܗܿܘ ܕܢܛܝܪ ܠܗ..܀ ܪ̈ܒܝ ܟܗ̈ܢܐ ܡܬܝܕܥܝܢ ܒܝ̈ܘܡܝ ܡܫܝܚܐ ܗܠܝܢ: ܚܢܢ.. ܘܡܢ ܒܬܪܗ ܐܫܡܥܐܝܠ ܒܪ ܦܒܝ.. ܘܒܬܪܗ ܐܠܝܥܙܪ ܒܪܗ ܕܚܢܢ.. ܘܒܬܪܗ ܩܝܦܐ ܕܗܼܘ ܝܘܣܝܦܣ ܡܟܬܒܢܐ. ܗܢܐ ܐܝܬܘܗܝ ܪܒ ܟܗ̈ܢܐ ܒܝ̈ܘܡܝ ܚܫܐ. ܘܐܦ ܚܼܝܐ ܥܕܡܐ ܕܚܪܒܬܿ ܐܘܪܫܠܡ.܀ [ܗܘܼܐ ܒܬܪ ܗܪܘܕܣ ܡܠܟܐ ܥܠ ܝܗܘܕ̈ܝܐܼ.] ܐܪܟܠܝܘܣܼ ܫ̈ܢܝܐ

Page 93

ܬܫ̈ܥ.܀ ܒܗܢܐ ܕܝܢ ܙܒܢܐ ܡܬܝܕܥܼ ܝܗܘܕܐ ܓܠܝܠܝܐ [ܗܿܘ ܕܡܬܐܡܪ ܒܦܪܟܣܝܣ. ܟܕ ܐܿܛܥܝ ܘܐܦܩ ܠܡܕܒܪܐ ܥܡܐ ܣܓܝܐܐ. ܘܟܕ ܒܼܥܐ ܕܢܥܘܠ ܠܐܘܪܫܠܡ: ܒܕܡܘܬܐ] ܡܫܝܚܐ ܗܿܘ. [ܕܡܣܬܟܐ ܗܘܐ ܒܟ̈ܬܒܐ: ܘܩܪܒ ܠܛܘܪܐ ܕܙܝ̈ܬܐܼ ܟܕ ܐܝܬ ܥܡܗ ܚܝܠܐ ܣܓܝܐܐܼ. ܢܦܼܩ ܥܠܘܗܝ ܚܝܠܐ ܕܪ̈ܗܘܡܝܐ ܘܩܛܠܘܗܝ ܠܗ. ܐܦ ܚܝܠܗ ܟܠܗ ܐܬܒܕܪ ܘܐܒܼܕ.܀܀ ܫܢܬ ܐܠܦ̈ܝܢ ܬܪ̈ܝܢ ܘܥܣܪ̈ܝܢ ܘܬܪ̈ܬܝܢ܆ ܗܘܼܐ ܟܦܢܐ ܩܫܝܐ ܪܒܐ ܘܥܫܝܢܐ ܒܪܗܘܡܐܼ ܘܒܐܬܪ̈ܘܬܐ ܟܠܗܘܢ ܕܡܥܪܒܐ. ܥܕܡܐ ܕܛܠܼܡ ܚ̈ܛܐ ܘܣܥܪ̈ܐ ܡܢ ܐܪܥܐ ܗܿܝ. ܘܡܙܕܒܢ ܗܘܐ ܡܘܕܝܐ ܕܚ̈ܛܐ ܒܟܝܠܐ ܕܡܫܘܚܬܐܿ. ܒܐܠܦܐ ܥܣܪܢ ܘܫܒ̈ܥܐ ܘܦܠܓܗ.܀܀ ܫܢܬ ܬܪ̈ܝܢ ܐܠܦ̈ܝܢ ܘܥܣܪ̈ܝܢ ܘܐܪ̈ܒܥܼ. ܐܡܠܟ ܥܠ ܐܘܪܗܝܼ ܐܒܓܪ ܚܕ.܀܀ ܫܢܬ ܬܪ̈ܝܢ ܐܠܦ̈ܝܢ ܘܥܣܪܝܢ ܘܬܫܥܼ. ܐܫܬܕܝ ܡܠܟܐ ܐܪܟܠܝܘܣ ܠܒܢܐ ܡܕܝܢܬܐ ܕܓܠܛܝܐ. ܘܗܼܘ ܚܠܦܘܗܝܼ ܗܪܘܕܣ ܛܛܪܪܟܐܼ. ܫܢܝ̈ܐ ܥܣܪ̈ܝܢ ܘܐܪ̈ܒܥ܀ ܘܒܗܿ ܒܫܢܬܐܼ. ܡܝܬ ܐܓܘܣܛܣ ܕܐܡܠܟ ܫ̈ܢܝܐ ܚ̈ܡܫܝܢ ܘܫܬ ܘܝܪ̈ܚܐ ܫܬܐ.. ܘܐܡܠܟ ܒܬܪܗ ܛܒܪܝܘܣ ܫ̈ܢܝܐ ܥܣܪܗ ܘܬܠ̈ܬ.܀܀ ܫܢܬ ܬܪ̈ܝܢ ܐܠܦ̈ܝܢ ܘܬܠܬܝܢ ܘܐܪ̈ܒܥܼ. ܗܼܘܐ ܙܘܥܐ ܪܒܐ ܘܩܫܝܐ ܒܐܪܥܐ ܕܐܣܝܐ. ܘܚܒܼܠ ܘܗܦܟ ܩܘܪ̈ܝܣ ܘܡܕ̈ܝܢܬܐ ܘܚܒܠ ܘܥܨܪ ܒܓܘܗܝܢ ܠܥܡܘܪ̈ܝܗܝܢ ܒܚܕܐ ܡܥܨܪܬܐ ܕܐܒܕܢܐ ܐܝܟ ܕܠܥ̈ܢܒܐ.

Page 94

ܗܼܦܟ ܓܝܪ ܘܐܒܕ ܒܗ] ܡܕ̈ܝܢܬܐ ܬܠܬܥܣܪܐ. ܐܦܣܘܣ. ܘܡܓܢܣܝܐ. ܘܣܪܕܝܣ. ܘܡܐܛܢܐ. ܘܐܓܐܝܐܕܐ. ܘܩܣܪܝܐ. ܘܦܝܠܕܦܝܐ. ܘܛܡܘܠܘܣ. ܘܛܡܘܣ. ܘܩܘܡܐ. ܘܡܪܝܢܐ. ܘܐܦܘܠܝܢܝܐ. ܘܗܘܪܝܩܐܢܝܐ. ܗܠܢ ܟܠܗܝܢ ܐܬܚܒܠ ܒܪܘܓܙܐ ܗܢܐܼ ܡܛ ܚܛܗ̈ܝܢ. ܘܐܘܒܕ ܟܠ ܩ̈ܘܡܢ ܘܟܠ ܡܘ̈ܫܚܢ.܀ ܘܒܗܿ ܒܫܢܬܐ ܗܕܐܿ. ܬܐܛܪܘܢ ܕܦܘܡܦܐܝܘܣ ܝܩܕ.܀܀ ܫܢܬ ܬܪ̈ܝܢ ܐܠܦ̈ܝܢ ܘܐܪ̈ܒܥܝܢ܆ ܒܢܼܐ ܦܠܝܦܘܣ ܠܩܣܪܝܐ ܡܕܝܢܬܐ. ܘܒܢܼܐ ܬܘܒ ܐܦ ܠܝܘܠܝܘܣ ܡܕܝܢܬܐ ܐܚܪܬܐ.܀܀ ܫܢܬ ܐܠܦ̈ܝܢ ܬܪ̈ܝܢ ܘܐܪ̈ܒܥܝܢ܆ ܒܢܼܐ ܦܠܝܦܘܣ ܠܩܣܪܝܐ ܡܕܝܢܬܐ. ܘܒܢܼܐ ܬܘܒ ܐܦ ܠܝܘܠܝܘܣ ܡܕܝܢܬܐܐܚܪܬܐ.܀܀ ܫܢܬ ܐܠܦ̈ܝܢ ܬܪ̈ܝܢ ܘܐܪ̈ܒܥܝܢ ܘܬܠܬܼ. ܫܬܕܪ ܦܝܠܛܘܣ ܐܦܛܪܘܦܐ ܥܠ ܝܗܘܕ.܀܀ ܫܢܬ ܬܪ̈ܝܢ ܐܠܦ̈ܝܢ ܘܐܪ̈ܒܥܝܢ ܘܐܪ̈ܒܥܼ. ܒܼܢܐ ܗܪܘܕܣ ܠܛܒܪܝܘܣ ܡܕܝܢܬܐ. ܘܡܛܠ ܕܢܥܒܕ ܐܝܩܪܐ ܠܩܣܪ ܛܒܪܝܘܣ ܫܡܗܗܿ. ܘܒܼܢܐ ܬܘܒ ܠܠܝܒܝܐܕܐ ܡܕܝܢܬܐ.܀ ܘܒܗܿ ܒܗܕܐ ܫܢܬܐܼ. ܝܘܚܢܢ ܒܪ ܙܟܪܝܐ ܒܡܕܒܪܐ ܡܟܪܙ ܗܘܐ ܥܠ ܓܢܒ ܝܘܪܕܢܢ ܢܗܪܐ. ܟܕ ܡܣܒܪ ܠܟܠܢܫ ܕܒܝܬܗܘܢ ܐܝܬܘܗܝ ܡܫܝܚܐ ܒܪܗ ܕܐܠܗܐ. ܘܐܦ ܗܼܘ ܝܫܘܥ ܡܢ ܗܪܟܐ ܡܫܪܐ ܒܦܘܪܩܢܐ ܕܐܘܢܓܠܝܘܢܼ. ܟܕ ܒܡ̈ܠܐ ܘܒܥܿܒܕ̈ܐ ܫܪܪܐ [ܕܚܝܠܐ ܐܠܗܝܐ] ܠܐܝܠܝܢ ܕܚܿܙܝܢ ܡܚܘܝܢ ܗܘܐ.܀ ܗܪܘܕܣ ܢܣܒܗܿ ܠܗܪܘܕܝܐ ܐܢܬܬ ܦܝܠܦܘܣ ܐܚܘܗܝܼ ܟܕ ܗܼܘ ܚܝ. ܘܛܠܡ ܠܐܢܬܬܗ ܗܿܝ ܩܕܡܝܬܐ ܕܐܝܬܝܗܿ ܐܝܟ ܕܒܢܡܘܣܐܼ. ܘܐܝܬܝܗܿ ܒܪܬܗ ܕܐܪܐܛܐ ܡܠܟܐ [ܕܐܦܪ̈ܝܛܝܐ.] ܗܪܘܕܝܐ ܕܝܢ ܦܪܫܗܿ ܡܢ ܓܒܪܗܿ ܟܕ ܗܼܘ ܚܼܝ. ܕܡܛܠܬܗܿ ܗܘܼܐ ܠܗ ܩܪܒܐ ܥܡ ܐܪܐܛܐ ܡܠܟܐ. ܒܝܕ ܐܬܬܫܝܛܬ ܒܪܬܼܗ. ܘܒܗ ܒܗܢܐ ܩܪܒܐ ܐܬܩܼܛܠ ܟܠܗ ܚܝܠܗ ܕܗܪܘܕܣ. ܘܡܛܠ ܕܡܬܟܣܣ ܗܘܐ ܬܘܒ ܡܢ ܝܘܚܢܢ ܡܥܡܕܢܐܼ

Page 95

ܕܠܐ ܢܼܣܿܒ ܠܐܢܬܬ ܐܚܘܗܝ. ܘܬܘܒ ܟܕ ܫܡܥ ܠܡ̈ܠܘܗܝ ܕܝܘܚܢܢܼ ܗܪܘܕܣ ܕܚܠ. ܟܕ ܚܙܐ ܕܟܠܗ ܥܡܐ ܨܼܠܐ ܒܬܪܗ܇ ܘܟܢ̈ܫܐ ܪ̈ܘܪܒܐ ܥܒܕ܇ ܘܒܡܠܬܐ ܡܫܠܛܬܐ ܕܠܘܬ ܒܢ̈ܝܢܫܐ. ܕܚܼܠ ܕܕܠܡܐ ܬܐܬܐ ܨܒܘܬܐ ܗܕܐ ܠܡܪܕܐ. ܚܼܙܐ ܓܝܪ ܕܟܠܡܕܡ ܒܡܬܗ ܣܥܪܝܢ܆ ܘܒܦܘܩܕܢܗ ܕܝܠܗ ܕܝܘܚܢܢ. ܘܐܬܚܫܒ ܒܪܥܝܢܼ̈. ܕܣܓܝ ܡܝܬܪܐ ܕܢܬܩܕܡ ܢܬܩܛܠ ܩܕܡ ܕܢܗܘܐ ܒܐܝܕܗ ܗܘ ܫܘܚܠܦܐ. ܘܢ ܒܬܪܟܝܢ ܢܦܠ ܒܬܘܬ ܢܦܫܐܿ. ܒܝܕ ܡܬܗܦܟܢܘܬܐ ܕܠܘܬ ܝܘܚܢܢ. ܐܝܟ ܕܡܢ ܗܕܐ ܡܣܒܪܢܘܬܐ ܕܗܪܘܕܣܼ. ܟܕ ܦܟܝܪ ܝܘܚܢܢ ܐܫܬܕܪ ܠܒܝܬ ܐܣܝܪ̈ܐ ܕܡܬܩܪܐ ܡܟܪܘܢܛܐܼ ܘܬܡܢ ܐܬܩܼܛܠ. ܘܡܢ ܗܝܕܝܢ ܐܬܪܕܦ ܗܪܘܕܣ ܘܗܪܘܕܝܐܼ. ܘܐܫܬܕܝܘ ܠܒܪ ܡܢ ܬܚ̈ܘܡܐ ܠܒܐܝܢܐ ܡܕܝܢܬܐ ܒܐܟܣܘܪܝܐ. ܘܬܡܢ ܩܒܠ ܡܣܡ ܒܪܝܫܐ ܕܫܿܘܐ ܠܥܒܿܕ̈ܘܗܝ.

ܟܢܫܢ ܫ̈ܢܝܐ ܡܢ ܚܘܕܬ ܬܢܝܢܐ ܕܗܝܟܠܐ ܕܐܘܪܫܠܡܼ. ܕܗܼܘܐ ܒܫܢܬ ܬܪ̈ܬܝܢ ܕܕܘܪܝܫ ܡܠܟܐ ܕܦܪ̈ܣܝܐܼ. ܥܕܡܐ ܠܫܢܬܐ ܗܕܐ ܕܩܝܡܐ܇ ܕܐܝܬܝܗܿ ܫܢܬ ܚܡܫܥܣܪ̈ܐ ܠܡܠܟܘܬܗ ܕܛܒܪܝܘܣܼ. ܫ̈ܢܝܐ ܚ̈ܡܫܡܐܐ ܘܐܪ̈ܒܥܝܢ ܘܬܡ̈ܢܐ. ܘܡܢ ܫܠܡܘܢ ܕܝܢ ܘܒܢܝܢܐ ܩܕܡܝܐ ܕܗܝܠܟܐܿ ܫ̈ܢܝܐ ܐܠܦ ܘܫ̈ܬܝܢ ܘܚܕܐ. ܡܢ ܡܘܫܐ ܕܝܢ ܘܡܩܦܬܐ ܕܡܢ ܡܨܪܝܢ܆ ܫ̈ܢܝܐ ܐܠܦ ܘܚ̈ܡܫܡܐܐ ܘܐܪ̈ܒܥܝܢ ܘܚܕܐ. ܡܢ ܐܒܪܗܡ ܘܡܠܟܘܬܗ ܕܢܝܢܣ ܘܕܫܡܝܪܡ. ܫܢ̈ܝܐ ܬܪ̈ܝܢ ܐܠܦ̈ܝܢ ܘܐܪܒܥܝܢ ܘܐܪܒܥ. ܡܢ ܛܘܦܢܐ ܥܕܡܐ ܠܐܒܪܗܡܿ ܬܫ̈ܥܡܐܐ ܘܐܪܒܥܝܢ ܘܬܪ̈ܬܝܢ. ܘܡܢ ܐܕܡ ܥܕܡܐ ܠܛܘܦܢܐܼ. ܫ̈ܢܝܐ ܬܪ̈ܝܢ ܐܠܦ̈ܝܢ ܘܡܬܝܢ ܘܐܪܒܥܝܢ ܘ.ܒ..

ܫܢܬ ܬܪ̈ܝܢ ܐܠܦ̈ܝܢ ܘܐܪ̈ܒܥܝܢ ܘܫ̈ܬܼ. ܫܕܪ ܐܝܓܪܬܐ ܐܒܓܪ ܡܠܟܐ ܕܐܘܪܗܝܼ. ܠܘܬ ܡܫܝܚܐ ܠܐܪܥܐ ܕܐܘܪܫܠܡ.܀܀

Page 96

ܫܢܬ ܐܠܦ̈ܐ ܬܪ̈ܝܢ ܘܐܪܒܥܝܢ ܘܬܫܥ ܠܐܒܪܗܡܼ ܐܒܐ ܕܥ̈ܡܡܐܼ. ܘܠܐܠܟܣܢܕܪܘܣ ܒܪ ܦܝܠܦܘܣ ܡܩܕܘܢܝܐܼ. ܫܢܬ ܬܗܠܬܡܐܐ ܘܐܪ̈ܒܥܝܢ ܘܬܪ̈ܬܝܢ܆ ܝܫܘܥ ܡܫܝܚܐ ܐܝܟ ܢܒܝܘܬܐ ܕܥܠܝܘܗ ܠܚܫܐ ܐܬܩܒܪܒ. ܫܢܬ ܬܫܥܣܪ̈ܐ ܕܡܠܟܘܬܗ ܕܛܒܪܝܘܣ.܀ ܒܗܢܐ ܕܝܢ ܙܒܢܐ ܐܦ ܒܗܘ̈ܡܢܡܛܐ ܐܚܪ̈ܢܐ ܕܝܘ̈ܢܝܐ (ܐܫܟܚܢ) ܕܟ̈ܬܝܒܢ ܗܠܝܢ ܚܕܐ ܚܕܐ. ܫܡܫܐ ܚܫܟ. ܒܬܘܢܝܐ ܐܬܬܙܝܥܬܿ. ܘܡܢ ܢܩܝܐ ܘܣܘܓܐܐ ܢܦܼܠܼ. ܘܣܗܿܕ ܠܐܝܠܢ ܕܓܕܫ ܒܙܒܢܗ ܕܦܪܘܩܢ.܀ ܟܬܒܼܒ ܕܝܢ ܐܦ ܦܠܓܘܢܼ ܗܘ ܕܐܟܬܒ ܐܠܘ̈ܡܦܝܣܼ. ܥܠܝܗܝܢ ܕܗܠܝܢ [ܒܡܐܡܪܐ] ܗܿܘ ܕܬܠܬܥܣܪ̈ ܗܟܢܐ܇ ܒܫܢܬܐ ܕܝܢ ܪܒܝܥܝܬܐ ܕܡܬܝ̈ܢ [ܘܬܪ̈ܬܝܢ] ܐܠܘܡܦܝܘܣܼ. ܗܼܘܬ ܐܓܠܘܦܣܣ ܕܫܡܫܐ ܥܕܡܐ ܣܓܝܐܐܼ. [ܕܡܝܬܪܐ ܡܢ] ܐܝܠܝܢ ܕܗܘ̈ܝ ܩܕܡܝܗܿ. ܘܠܠܝܐ ܒܫܬ ܫ̈ܥܝܐ ܕܐܝܡܡܐ ܗܼܘܬܼ. ܐܝܟ ܕܟܘ̈ܟܒܐ ܒܫܡܝܐ ܢܬܚܘܢ. ܘܗܘܼܐ ܙܘܥܐ ܪܒܐ . ܘܣܘܓܐܐ ܡܢ ܢܩܝܐ ܗܼܟ.. ܗܠܝܢܼ ܓܒܪܐ ܗܿܘ ܕܐܬܕܟܪܢ ܐܡܼܪ.܀ ܐܬܿܐ ܕܝܢܿ ܕܒܗܕܐ ܫܢܬܐ ܚܫ ܦܪܘܩܢ܆ ܣܗܕܘܬܗ ܕܝܘܚܢ ܗܿܝ ܕܗܘܼܬ ܒܫܢܬ ܚܡܫܥܣܪ̈ܐ ܕܛܒܪܝܘܣ. ܙܒܢܐ ܕܬܠ̈ܬ ܫܢܗܝܐ ܡ̈ܩܒܠܬܐ ܕܝܘܠܦܢܗ ܕܡܪܢ ܕܗܘܐ ܣܗܿܕ. ܒܗܢܘܢ ܕܝܢ ܙܒ̈ܢܐܼ. ܐܦ ܝܘܣܝܦܘܣ ܡܟܬܒ. ܕܒܝܘܡܐ ܕܦܢܛܩܘܣܛܐܼ. ܫܓܘܫܝܐ ܘܙܘܥܐ ܪܒܐ ܐܚܕ ܠܟ̈ܗܢܐ. ܘܒܬܪ ܟܝܢ ܩܠܐ ܚܣܝܢܐ ܡܢ ܠܓܘ ܡܢ ܗܝܟܠܐ ܓܘܝܐ ܐܫܬܡܥܼ. ܟܕ ܐܡܿܪܼ ܕܡܫܢܝܢܢ ܠܢ ܡܢ ܗܪܟܐ. ܘܐܚܪܬܐ ܐܟܬܒ ܗܼܘ ܝܘܣܦܘܣܼ. ܕܦܝܠܛܘܣ ܗܓܡܘܢܐܼ ܒܗ ܒܙܒܢܐܼ. ܨܠܡܐ ܕܩܝܣܪ ܒܠܠܝܐܼ ܒܗܝܠܟܐ ܣܡ. ܗܿܝ ܕܠܐ ܫܠܝܛ ܗܘܐ ܠܡܥܒܕ. ܘܪܝܫܐ ܪܒܐ ܕܫܓܘܫܝܐ ܘܕܐܣܛܣܝܣ ܐܪܡܝ ܠܝܗ̈ܘܕܝܐ. ܘܐܦ̈ܝ ܬܪܥ ܕܗܝܟܠܐ ܐܨܼܛܪܝ. ܘܡ̈ܝܬܐ ܣܓܝ̈ܐܐ ܡܢ ܩܒܪܗܐ ܩܡܘ ܘܐܬܚܙܝܘ ܠܣܓܝ̈ܐܐ.

Page 97

ܐܩܛܘܢ ܥܠ ܚܫܗ ܘܝܨܦܘܬ ܕܝܢܼܗ ܕܡܪܢ. ܐܘܝܬܘܣ ܠܐܢܛܝܘܣ ܠܝܩܝܢܣ ܐܣܦܪܛܘܣܼ ܫܠܡ.. ܐܝܟܐܢ ܕܒܥܼܝܬ ܡܢܝ: ܒܝܕ ܦܪܬܘܢܛܘܣ ܕܝܠܝܼ ܕܬܕܥ ܐܝܠܝܢ ܕܗܘܼ̈ܝ ܒܝܬ ܕܝܢܐܼ ܠܘܩܒܠ ܝܫܘܥ ܡܫܝܚܐܼ ܐܬܒܛܠ ܠܝ ܕܟܠܗܝܢ ܐܝܠܝܢ ܕܗܘ̈ܝ ܒܦܪܘܛܪܝܢ ܘܥܠ ܒܝܡܼ. ܐܟܬܘܒ ܘܐܫܪ ܠܟ. ܘܐܦ ܐܢܐ ܒܥܢܐ ܡܢܟܼ ܕܐܦ ܐܢܬܼ ܬܦܪܥܢܝ. ܐܼܡܪ ܠܝ ܓܝܪ ܗܼܘ ܦܪܬܘܢܛܘܣܼ. ܕܩܪܼܝܬ ܐܢ̈ܫܐ ܡܢ ܬܠܡܝܕ̈ܘܗܝ ܕܝܫܘܥܼ. ܘܣܿܓܝ ܡܢ ܕܝܠܗ ܝܗܒܘ ܠܟܼ ܘܐܝܬܝܗܝܢ ܠܟ.. ܕܥ ܗܟܝܠܼ ܕܪ̈ܒܝ ܟܗ̈ܢܐ ܘܣܦܪ̈ܐ ܕܥܡܐ ܕܝܗ̈ܘܕܝܐ ܚܣܡ ܒܝܫܘܥ. ܝܬܝܪܐܝܬ ܒܒܢ̈ܝܢܫܐ ܕܚܿܝܝܢ ܗܘܘ. ܘܐܚܕܘܗܝ ܠܝܫܘܥܼ. ܘܐܝܬܝܘܗܝ ܠܘܬ ܡܪܝ ܦܝܠܛܘܣ. ܘܡܛܠ ܕܐܝܟ ܕܠܓܒܪܐ ܡܓܕܦܢܐ ܘܫܿܪܐ ܢܡ̈ܘܣܐܼ. ܘܫܿܘܐ ܠܡܘܬܐ . . . .ܒܝܢ ܡܩܪܒܝܢ ܗܘܘ ܠܗܼ. ܘܣܓܝ̈ܐܬܐ ܐܡܿܪܝܢ ܗܘܘ ܥܠܝܘܗܝ. ܟܕ ܕܝܢ ܝܼܕܥ ܦܝܠܛܘܣ ܕܓܠܝܠܝܐ ܗܼܘ ܘܡܢ ܬܚܝܬ ܐܝܕܗ ܗܼܘ ܕܗܪܘܕܣ. ܫܕܪ ܠܘܬܗ ܕܗܪܘܕܣ. ܬܡܘܢ ܗܘܐ ܓܝܪ ܒܐܘܪܫܠܡܼ. ܡܛܠ ܕܥܕܥܝܕܐ ܗܘܐ ܕܦܛܝܪ̈ܐ. ܘܗܼܘ ܗܪܘܕܣܼ ܟܕ ܫܼܡܥ ܡܟܠܩܪܣܐ ܕܟ̈ܗܢܐ ܘܕܦܪ̈ܝܫܝܐܼ ܫܕܪܗ ܐܦ ܗܼܘ ܠܘܬ ܦܝܠܛܘܣܿ. ܘܫܠܚ ܠܗܼ ܕܐܝܠܝܢ ܕܡܐܬܡܪ̈ܢ ܥܠ ܓܒܪ ܗܢܐܼ ܣܓܝ̈ܐܬܐ ܐܢܗܝܢ. ܘܡܛܠ ܕܐܝܠܝܢ ܕܐܿܟܪܝܢ ܩܪ̈ܨܘܗܝ ܒܢ̈ܝ ܐܘܪܫܠܡ ܐܢܘܢܼ. ܐܢܗܫܐ ܕܬܚܝܬ ܫܘܠܛܢܟ ܐܢܘܢܼ. . . . . .

ܫܢܬ ܬܪ̈ܝܢ ܐܠܦܝܢ ܘܫ̈ܬܝܢ ܘܫܬ ܠܐܒܪܗܡܼ. ܗܘܐ [ܟܦܢܐ] ܩܫܝܐ ܒܪܗܘܡܐܼ. ܘܣܓܝ̈ܐܐ ܐܒܕ ܒܗ.܀܀ ܫܢܬ .ܒ. ܐܠܦ̈ܝܢ ܘܫ̈ܬܝܢ ܘܫܒܥܼ. ܡܝܬ ܡܥܢܘ ܒܪ ܐܒܓܪ

Page 98

ܡܠܟܐ ܕܐܘܪܗܝ. ܘܐܡܼܠܟ ܡܥܢܘ ܐܚܘܗܝ ܫܢܗܝܐ ܐܒܪܒܥܣܪ̈ܐ.܀܀ ܘܒܫܢܬ .ܒ. ܐܠܦ̈ܝܢ ܘܫ̈ܒܥܝܢ܆ ܡܝܬ ܩܠܘܕܝܣ ܡܠܟܐ ܕܪ̈ܗܘܡܝܐ. ܘܐܡܠܟ ܒܕܘܟܬܗ ܢܐܪܘܢ ܫܢ̈ܝܐ ܬܠܬܥܣܪ̈ܐ ܘܝܪܗܚܐ ܬܡܗܢܝܐ. ܟܕ ܕܝܢ ܗܼܘ ܢܐܪܘܢ ܒܫܘܠܛܢܗ ܠܒܝܗܫܬܐ ܣܓܝ̈ܐܬܐ ܐܫܬܕܝ ܗܘܐ. ܘܠܘܩܒܠ ܕܚܠܬ ܐܠܗܐ ܐܙܕܝܢ ܗܘܐ. ܕܢܟܬܘܒ ܕܝܢ ܕܐܝܟܢܐ ܐܝܬܝܗܿ ܗܘܼܬ ܒܝܫܘܬܗܼ. ܠܘ ܙܒܢܐ ܗܼܘ ܠܢ. ܣ̈ܓܝܐܐ ܕܝܢ ܐܫܬܥܝܘ ܥܠܘܗܝ ܚܬܝܬܐܝܬ ܕܐܝܢܐ ܕܨܿܒܐ ܡܢܗܘܢ ܡܨܐ ܕܢܐܠܦ ܥܠ ܫܢܝܘܬܗ ܕܗܢܐ ܓܒܪܐ. ܕܕܠܐ ܡܫܚܒܬܐ ܐܘܒܕ ܪ̈ܒܘܬܐ ܕܐܢܗܫܐ. ܘܥܕܡܐ ܠܗܢܐ ܣܘܝܒܐ ܕܩܛܠܐ ܐܬܼܐ ܕܠܦܐ ܡܢ ܩܛܠܐ ܕ̈ܒܢܝ ܒܝܬܗ ܘܩܪ̈ܝܒܘܗ ܐܬܟܠܝ. ܠܐܡܗ ܓܝܪ ܘܠܐܚ̈ܘܗܝ ܘܠܢ̈ܫܘܗܝ ܘܠܣ̈ܓܝܐܐ ܡܢ ܛܘܗܡܗ ܐܘܒܕ. ܘܐܝܟ ܕܠܣ̈ܐܢܐ ܘܒ̈ܥܠܕܒܒܐ ܒܡܘܬܐ ܕܟܠܓܢܣ ܩܼܛܠ ܐܢܘܢ.܀܀ ܫܢܬ .ܒ. ܐܠܦ̈ܝܢ ܘܬܡ̈ܢܝܢ ܘܐܪ̈ܒܥܼ. ܐܣܗܕ ܩܕܝܫܐ ܦܘܠܘܣ ܒܪܗܘܡܐ. ܟܕ ܒܣܝܦܐ ܐܬܦܣܩ ܪܝܫܗ. ܘܒܗܿ ܒܫܢܬܐ ܐܣܗܕ ܐܦ ܦܛܪܘܣ ܪܝܫܐ ܕܫ̈ܠܝܚܐܼ. ܟܕ ܐܙܕܩܦ ܒܬܪ ܪܝܫܗ. ܩܘܝܘ ܒܬܪ ܡܫܝܚܐ ܬܠ̈ܬܝܢ ܘܚܡܫ ܫܢ̈ܝܢ.܀܀ ܫܢܬ .ܒ. ܐܠܦ̈ܝܢ (ܘܫܒ̈ܥܝܢ) ܘܚܕܐܼ. ܒܝܘ̈ܡܬܐ ܕܢܐܪܘܢܼ. ܟܕ ܐܝܬܘܗܝ ܦܝܠܟܣ ܐܦܛܪܘܦܐ ܥܠ ܝܗܘܕ܇ ܬܘܒ ܡܫܬܥܐ ܝܘܣܦܘܣ ܥܠ ܚܪ̈ܝܢܐ ܘܫ̈ܓܘܫܝܐ ܕܗܘܘ ܠܟܗܗܢܐ ܚܕ ܠܘܬ ܚܕ܇ ܘܐܟܬܒ ܗܟܢܐ ܒܬܥܫܝܬܗ. ܐܬܓܘܙܠ ܠܡ ܚܪܝܢܐ ܕܪ̈ܒܝ ܟ̈ܗܢܐ ܠܘܬ ܟ̈ܗܢܐ ܘܠܘܬ ܪ̈ܝܫܢܐ ܕܐܘܪܫܠܡ. ܘܟܠܚܕ ܚܕ ܡܢܗܘܢ ܥܒܼܕ ܠܗ ܓܘܕܐ ܕܡܪ̈ܚܐ ܘܫ̈ܓܘܫܐ. ܘܗܘܼܐ ܥܠܝܗܘܢ ܪܝܫܐ. ܘܟܕ ܗܪܝܢ ܗܘܘ ܚܕ ܥܡ ܚܕܼ. ܐܡܿܪܝܢ ܗܘܘ ܡ̈ܠܐ ܒܝ̈ܫܬܐ ܥܠ ܚܕ̈ܕܐ. ܘܫܕܝܢ ܗܘܘ ܟܐ̈ܦܐ.

Page 99

ܘܕܟܐܿܐ ܗܘܐ ܒܗܘܢ ܠܝܬ. ܘܕܡܝܐ ܠܡܕܝܢܬܐ ܕܡܕܒܪܢܐ ܠܝܬ ܠܗܿ. . ܬܘ ܒܒܗܢܘܢ ܙܒ̈ܢܐ ܐܬܚܙܝ ܗܘܐ ܒܐܘܪܫܠܡ ܛܘܦܣܐ ܕܠܣ̈ܛܝܐܼ. ܕܒܐܝܡܡܐ ܒܡܨܥܬܗܿ ܕܡܕܝܢܬܐ ܩܛܿܠܝܢ ܗܘܘ ܠܐܝܠܝܢ ܕܦܿܓܥܝܢ ܗܘܘ ܒܗܘܢ. ܝܬܝܪܐܝܬ ܒܥܐܕ̈ܐ ܡܚܠܛܝܢ ܗܘܘ ܒܟ̈ܢܫܐ. ܘܡܛܿܫܝܢ ܗܘܘ ܠܣܝ̈ܦܐ ܬܚܝܬ ܠܒܘܫـ[ܝ̈ܗܘܢ.] ܘܒܗܘܢ ܕܓܫܝܢ ܗܘܘ ܠܐܢ̈ܫܐ ܝܕ̈ܝܥܐ. ܘܡܐ ܕܢܦܠܘ ܗܿܘܝܢ ܗܘܘ ܐܦ ܗܢܘܢ ܡܢ ܓܒܐ ܕܐܝܠܝܢ ܕܡܬܪܥܡܝܢ ܥܠ ܩܛܘ̈ܠܐ. ܘܡܛܠ ܐܣܟܡـ[ܗܘܢ] ܠܐ ܡܬܝܕܥܝܢ ܗܘܘ. ܩܕܡܐܝܬ ܐܬܩܛܠ ܗܘܐ ܝܘܢܬܢ ܪܒ ܟ̈ܗܢܐ. ܘܡܢ ܒܬܪܗ ܒܟܠܝܘܡ ܡܬܩܛܠܝܢ ܗܘܘ ܣܓܝ̈ܐܐ. ܒܝܫܐ ܗܘܼܬ ܕܝܢ ܕܚܠܬܐ ܡܢܗ ܡܢ ܚܫܐ ܕܟܠܥܕܢ. ܘܐܝܟ ܕܒܩܪܒܐ ܡܣܟܐ ܗܘܐ ܟܠܢܫ ܡܘܬܗ.܀܀ ܫܢܬ .ܒ. ܐܠܦ̈ܝܢ ܘܫܒ̈ܥܝܢ ܘܬܪ̈ܬܝܢ܆ ܥܒܼܕ ܝܗ̈ܘܕܝܐ ܡܪ[ܕܐ] ܒܩܣܪܝܐ. ܘܣܓܝ̈ܐܐ ܡܢܗܘܢ ܐܒܕ.܀܀ ܫܢܬ .ܒ. ܐܠܦ̈ܝܢ ܘܫܒ̈ܥܝܢ ܘܚܡܫܼ. ܐܫܬܪܝ ܦܝܠܟܣ ܡܢ ܝܗܘܕܐ. ܘܐܬܼܐ ܦܗܣܛܘܣ ܐܦܛܪܘܦܐܼ ܠܕܘܟܬܗ.܀܀ ܘܒܫܢܬ .ܒ. ܐܠܦ̈ܝܢ ܘܫܒ̈ܥܝܢ ܘܫܬܼ. ܐܫܬܕܪ ܦܘܠܘܣ ܟܕ ܐܣܝܪ ܠܪܗܘܡܝ ܙܒܢܬܐ ܩܕܡܝܬܐ.܀܀ ܫܢܬ .ܒ. ܐܠܦ̈ܝܢ ܘܫܒ̈ܥܝܢ ܘܫܒܥܼ. ܐܣܗܕ ܩܕܝܫܐ ܝܥܩܘܒ ܐܚܘܕܝ ܕܡܪܢ ܕܗܼܘ ܗܘܼܐ ܐܦܝܣܩܦܐ ܕܥܕܬܐ ܕܐܘܪܫܠܡ ܩܕܡܝܐ.܀ ܝܗܘܕܗܝܐ ܕܝܢ [ܟܕ ܩܪܐ] ܦܘܠܘܣ ܒܓܢ̈ܘܗܝ ܕܩܝܼܣܪ ܘܐܫܬܕܪ ܠܪܗܘܡܐ ܡܢ ܦܣܛܘܣܼ. ܢܦܠܘ ܡܢ ܗܿܝ ܡܚܫܒܬܐ ܕܢܟܠܐ ܕܡܬܚܫܒܝܢ ܗܘܘ ܥܠܘܗܝ. ܗܦܟܘ ܠܗܘܢ ܥܠ ܝܥܩܘܒ ܐܚܘܗܝ ܕܡܪܢ. ܗܿܘ ܕܩܼܒܠ ܗܘܐ ܡܢ ܫܠܝ̈ܚܐ ܬܪܢܘܣ ܕܐܦܝܣܩܦܘܬܐ ܕܐܘܪܫܠܡ. ܡܪܚܘܬܗܘܢ ܕܝܢ ܕܥܠܘܗܝ ܗܟܢܐ ܗܘܼܬ. ܐܝܬܝܘܗܝ

Page 100

ܠܡܨܥܬܐ. ܘܐܠܨܝܢ ܗܘܘ ܠܗ ܕܢܟܦܘܪ ܒܗܝܡܢܘܬܐ ܕܡܫܝܚܐܼ ܠܥܝܢ ܟܢܫܐ ܟܠܗ. ܗܼܘ ܕܝܢ ܠܒܪ ܡܢ ܨܒܝܢܐ ܘܣܘܟܝܐ ܕܟܠܗܘܢ ܒܩܠܐ ܪܡܐ ܠܥܝܢ ܟܠܗ ܥܡܐ ܐܘܕܝ ܒܦܪܪܣܝܐܼ. ܕܒܪܗ ܗܼܘ ܕܐܠܗܢ ܡܪܢ ܝܫܘܥ ܡܫܝܚܐ. ܘܟܕ ܠܐ ܐܫܟܚܘ ܕܢܣܝܒܪܘܢ ܣܗܕܘܬܗ: ܡܛܠ ܕܠܟܠܢܫ ܡܗܝܡܢܗܘܼܐ ܕܙܕܝܩܐ ܗܼܘ. ܡܛܠ ܓܡܝܪܘܬܐ ܕܕܘܒܪ̈ܐ ܕܚܟܡܬܗܼ. ܘܕܚܠܬ ܐܠܗܐ ܕܒܗܿ ܐܝܬܘܗܝ ܗܘܐ. ܐܫܟܚܘ ܠܗܘܢ ܓܝܪ ܙܒܢܐ ܕܥܗܢ ܡܛܠ ܕܦܗܣܛܘܣ ܡܝܬ ܠܗ ܒܝܗܘܕ. ܘܡܕܒܪܢܐ ܠܝܬ ܗܘܐ ܠܗܘܢ ܒܗ ܒܙܒܢܐ. ܘܕܠܐ ܪܝܫܐ ܘܡܕܒܪܢܐ ܐܝܬܝܗܿ ܗܘܬ ܡܦܪܢܣܢܘܬܐ ܕܬܡܢ.. ܝܥܩܘܒ ܕܝܢ ܐܚܘܗܝ ܕܡܪܢܼ. ܗܿܘ ܕܙܕܝܩܐ ܡܢ ܟܠܢܫ ܡܫܬܡܗ ܗܘܐ܇ ܡܢ ܡܪܢ ܕܝܢ ܘܥܕܡܐ ܠܗܫܐܿ. ܗܼܘ ܕܒܪ ܥܕܬܐ ܕܐܘܪܫܠܡ. ܡܛܠ ܕܣܝ̈ܐܐ ܐܝܬ ܗܘܐ ܕܡܢܬܩܪܝܢ ܗܘܘ ܝܥܩܘܒ ܒܗ ܒܙܢܐ.. ܗܢܐܕܝܢ ܡܢ ܟܪܣܗܿ ܕܐܡܗ ܩܕܝܫܐ ܗܘܐ. ܘܚܡܪܐ ܘܫܟܪܐ ܠܐ ܐܫܬܝ. ܘܡܕܡ ܕܐܝܬ ܒܗ ܢܦܫܐ ܠܐ ܐܟܠ. ܘܡܕܟܝܐ ܥܠ ܪܝܫܗ ܠܐ ܣܠܩ. ܘܡܫܚܐ ܠܐ ܡܫܚ. ܘܒܒܠܢܐ ܠܐ ܐܬܚܫܚ. ܠܗܢܐ ܒܠܚܘܕܘܗܝ ܥܐܠ ܗܘܐ ܠܗܟܝܠܐ. ܘܡܫܟܚܝܢ ܗܘܘ ܠܗ ܕܒܪܝܟ ܥܠ ܒܘܪ̈ܟܘܗܝ. ܘܫܐܠ ܗܘܐ ܫܘܒܩܢܐ ܚܠܦ ܥܡܐ. ܥܕܡܐ ܕܐܬܩܿܫܝ ܒܘܪ̈ܟܘܗܝ ܐܦܟ ܓܡܠܐܼ. ܡܛܠ ܕܐܡܝܢܐܝܬ ܒܪܟ ܗܘܐ ܘܣܿܓܕ ܠܐܠܗܐ. ܘܫܐܠ ܗܘܐ ܫܘܒܩܢܐ ܥܠ ܥܡܐ. ܘܡܛܠ ܡܝܬܪܘܬܐ ܕܙܕܝܩܘܬܗܼ ܡܬܩܪܐ ܗܘܐ ܙܕܝܩܐ ܘܫܘܪܗ ܕܥܡܐܼ ܘܙܕܝܩܘܬܗܼ. ܐܝܟ ܕܢܒ̈ܝܐ ܐܡܪܝܢ ܥܠܘܗܝ. ܐܢ̈ܫܐ ܡܢ ܗܠܝܢ ܫܒ̈ܥ ܗܪ̈ܣܝܣܼ ܕܐܝܬܘܗܝ ܒܝܗܗܘܕܝܐܼ. ܡܫܐܠܝܢ ܗܘܘ ܠܗ܇ ܕܐܝܢܐ ܗܼܘ ܬܪܥܐ ܕܝܫܘܥ. ܗܼܘ

Page 101

ܕܝܢ ܐܡܼܪ ܠܗܘܢ: ܕܗܢܘ ܦܪܘܩܐ. ܘܡܢܗܘܢ ܗܝܡܢܘ ܕܝܫܘܥ ܗܘ ܡܫܝܚܐ. ܗܠܝܢ ܕܝܢ ܗܪ̈ܣܝܣ ܕܡܩܕ̈ܡܢ ܐܡܝܪ̈ܢܼ ܠܐ ܡܗܝܡܢܝܢ ܗܘܘܼ ܘܐܦܠܐ ܕܩܡ ܡܢ ܒܝܬ ܡܝ̈ܬܐܼ. ܐܦ ܠܐ ܕܐܿܬܐ ܕܢܦܪܘܥ ܠܟܠܢܫ ܐܝܟ ܥܒܕ̈ܘܗܝ. ܘܐܝܠܝܢ ܕܗܝܡܢܘܼ. ܡܛܠ ܝܥܩܘܒ ܗܼܘ ܗܝܡܢܘ. ܟܕ ܕܝܢ ܣܓܝܗܐܐ ܡܢ ܪ̈ܝܫܘܗܝ ܕܥܡܐ ܡܗܝܡܢܝܢ ܗܘܘ ܛܘܪܒܐ ܐܝܬ ܗܘܬ ܕܝܗܘܕ̈ܝܐ ܘܕܣܦܪ̈ܐ ܘܦܪ̈ܝܫܐ. ܘܐܿܡܪܝܢ. ܗܘܘ: ܕܡܬܐܠܨ ܠܗ ܟܠܗ ܥܡܐܼ ܕܢܣܟܐ ܠܝܫܘܥ ܡܫܝܚܐ. ܘܐܬܟܢܫܘ ܕܝܢ ܘܐܿܡܪܝܢ ܠܗ ܠܝܥܩܘܒ: ܒܥܝܢܢ ܡܢܟܼ ܟܠܝܘܗܝ ܠܥܡܐ. ܡܛܠ ܕܛܥܐ ܒܝܫܘܥ ܕܗܼܘܝܘ ܡܫܝܚܐ. ܒܿܥܝܢܢ ܡܢܟܼ ܐܦܝܣ ܠܟܠܗܘܢ ܐܝܠܝܢ. ܕܐܬܘ ܠܘܝܡܐ ܕܦܣܟܐ ܥܠ ܝܫܘܥ. ܠܟ ܓܝܪ ܟܠܢ ܡܬܛܦܝܣܝܢܢ. ܚܢܢ ܓܝܪ ܣܗܕܝܢܢ ܠܟ ܘܟܠܗ ܥܡܐ ܕܙܕܝܩܐ ܐܝܬܝܟ: ܘܒܐ̈ܦܐ ܕܐܢܫ ܠܐ ܢܿܣܒ ܐܢܬ. ܐܢܬ ܗܟܝܠ ܐܦܝܣ ܠܗܢܐ ܟܢܫܐ ܕܠܐ ܢܛܥܘܢ ܡܛܠ ܝܫܘܥ. ܐܦ ܓܝܪ ܟܠܗ ܥܡܐ ܘܚܢܢ ܟܠܗ ܡܬܛܦܝܣܝܢܢ ܠܟ. ܩܘܡ ܠܟ ܗܟܝܠ ܥܠ ܟܢܦܐ ܕܗܝܟܠܐ. ܕܬܗܘܐ ܡܬܚܙܐ ܡܢ ܠܗܠ. ܘܢܗܘܝܢ ܡܫܬܡܥܢ ܡܠܝܗܟ ܠܟܠܗ ܥܡܐ. ܡܛܠ ܓܝܪ ܦܣܟܐ ܐܬܘ ܟܠܗܘܢ ܫܒ̈ܛܐ ܥܡ ܥܡ̈ܡܐ. ܘܐܩܝܡܘܗܝ ܥܠ ܟܢܦܐ ܕܗܝܟܠܐ ܣܦܪ̈ܐ ܘܦܪ̈ܝܫܐ. ܘܩܥܘ ܘܐܡܪ ܠܗ: ܙܕܝܩܐܼ ܕܠܟ ܘܠܿܐ ܕܢܬܛܦܝܣ ܟܠܢ. ܡܛܠ ܕܥܡܐ ܛܥܐ ܠܗ ܒܬܪ ܝܫܘܥ ܗܿܘ ܕܐܨܛܠܒ. ܐܡܿܪ ܠܢ ܕܐܝܢܐ ܗܼܘ ܬܪܥܐ ܕܝܫܘܥ. ܘܥܢܼܐ ܒܩܠܐ ܪܡܐ ܘܐܼܡܪ: ܡܢܐ ܡܫܐܠܝܢ ܐܢܬܘܢ ܠܝ ܥܠ ܒܪܗ ܕܐܢܫܐ ܗܼܘ ܝܿܬܒ ܥܠ ܝܡܝܢܐ ܕܚܝܠܐ ܪܒܐ. ܘܥܬܝܕ ܕܢܐܬܐ ܥܠ ܥܢ̈ܢܝ ܫܡܝܐ. ܘܟܕ ܣܓܝ̈ܐܐ ܐܫܬܪܪܘ ܘܡܫܒܚܝܢ ܗܘܘ ܥܠ ܣܗܕܘܬܗ ܕܝܥܩܘܒܼ. ܘܐܡܪܝܢ ܗܘܘ: ܐܘܫܥܢܐ ܠܒܪܗ ܕܕܘܝܕ. ܗܝܕܝܢ

Page 102

ܬܘܒ ܗܢܘܢ ܣܦܪ̈ܐ ܘܦܪ̈ܝܫܐ ܐܿܡܪܝܢ ܗܘܘ ܠܘܬ ܚܕܗܕܐ: ܕܒܝܫܐܝܬ ܥܒܼܕܢܢ ܕܝܗܼܒܢܢ ܠܗ ܠܝܫܘܥܼ ܕܐܝܟ ܗܕܐ ܣܗܕܘܬܐ. ܐܠܐ ܢܣܩ ܘܢܪܡܝܘܗܝ. ܕܢܕܚܠܘܢ ܘܠܐ ܢܗܝܡܢܘܢܝܗܝ. ܘܩܥܘ ܘܐܡܪܘ܇ ܐܘ ܐܘ ܙܕܝܩܐܼ. ܛܥܼܐ ܠܗ. ܘܫܡܠܝܘ ܗܘܘ ܗܿܘ ܡܕܡ ܕܟܬܝܒ (ܒܐܫܥܝܐܼ ܕܪܝܡܝܘܗܝ ܠܙܕܝܩܐ) ܡܛܠ ܕܠܐ ܚܫܚ ܠܢܼ ܡܛܠ ܗܢ ܥܒܕ ܐܝܕ̈ܝܗܘܢ ܢܐܟܠܘܢ. ܣܠܩܘ ܗܟܝܠ ܘܐܪܡܘܗܝ ܠܙܕܝܩܐ. ܘܐܿܡܪܝܢ ܗܘܘ ܠܚܕܗܕܐ ܢܪܓܡܝܘܗܝ ܠܙܕܝܩܐ ܝܥܩܘܒ. ܘܫܪܝܘ ܪܓܡܿܝܢ ܗܘܘ ܠܗ. ܡܛ ܠܕܟܕ ܢܼܦܠ ܠܐ ܡܝܬ ܗܘܐ. ܐܠܐ ܐܬܗܦܟ ܘܣܡ ܒܘܪܟܐ. ܘܐܡܪ ܒܥܐ ܐܢܐ ܡܢܟ ܡܪܝܐ ܐܠܗܐܼ. ܫܒܘܩ ܠܗܘܢ. ܠܐ ܓܝܪ ܝܿܕܥܝܢ ܡܢܐ ܥܿܒܕܝܢ. ܘܟܕ ܗܟܢܐ ܪܓܡܝܢ ܗܘܘ ܠܗܼ. ܚܕ ܡܢ ܟ̈ܗܢܐ ܒ̈ܢܝ ܪܒܟ ܒܪ ܪܟܒܝܡܼ. ܡܢ ܗܢܘܢ ܕܡܣܗܕ ܥܠܝܗܘܢ ܐܪܡܝܐ ܢܒܝܐ: ܩܥܼܐ ܘܐܡܼܪ ܗܘܐ: ܫܠܘ. ܡܢܐ ܥܿܒܕܝܢ ܐܢܬܘܢ. ܡܨܠܝܘ ܡܨܠܐ ܥܠܝܟܘܢ ܙܕܝܩܐ. ܘܢܣܼܒ ܚܕ ܡܢܗܘܢ ܡܢ ܩܨܪܐ ܩܝܣܐ ܗܿܘ ܕܥܿܨܪ ܗܘܐ ܒܗ ܡܐܢ̈ܐܼ. ܘܡܚܝܗܝ ܥܠ ܪܝܫܗ ܠܙܕܝܩܐ. ܘܗܟܢܐ ܐܣܗܕ. ܘܩܒܪܘܗܝ ܥܠ ܕܘܟܬܗ ܥܠ ܓܢܒ ܗܝܟܠܐ.܀ ܗܘܐ ܕܝܢ ܡܢ ܒܬܪܗ ܐܦܝܣܩܦܐ ܒܐܘܪܫܠܡ ܫܡܥܘܢ ܒܪ ܩܠܝܘܦܐܼ. ܐܚܘܗܝ ܕܝܘܣܦ ܡܪܟܗܿ ܕܡܪܝܡ ܘܐܒܘܗܝ ܕܝܥܩܘܒ. ܗܢܐ ܫܡܥܘܢ ܕܐܬܩܪܝ ܣܝܡܘ̤ܼ ܗܘܐ ܡܕܒܪܢܐ ܕܐܘܪܫܠܡ ܒܬܪ ܝܥܩܘܒ ܒܪ ܕܕܗ.܀܀ ܘܒܫܢܬ .ܒ. ܐܠܦ̈ܝܢ ܘܫܒ̈ܥܝܢ ܘܬܡܢܐܼ. ܡܝܬ ܩܕܝܫܐ ܡܪܩܘܣ ܐܦܝܣܩܦܐ ܕܐܠܟܣܢܕܪܝܐ. ܘܗܘܐ ܒܕܘܟܬܗ ܐܢܝܢܘܣ.܀܀ ܫܢܬ .ܒ. ܐܠܦ̈ܝܢ ܘܬܡ̈ܢܝܢ܆ ܗܘܐ ܪܥܠܐ ܪܒܐ ܘܙܝܥܐܼ. ܘܢܼܦܠ ܒܗ ܒܐܪܥܐ ܕܐܣܝܐ ܡܕ̈ܝܢܬܐ ܬܠ̈ܬ ܠܕܩܝܐ ܘܐܝܪܦܘܠܝܣ ܘܩܘܠܣܐ..܀ ܒܗܢܐ ܙܒܢܐ ܥܒܕ ܡܪܕܐ ܥܡܐ

Page 103

ܕܝܗ̈ܘܕܝܐ. ܬܘܒ ܝܘܣܝܦܘܣ ܬܢܝ ܒܝ̈ܫܬܐ ܕܐܕܪܟ ܠܥܡܐ ܕܝܗ̈ܘܕܝܐ. ܕܡܚܘܐ ܒܡ̈ܠܘܗܝ ܥܡ ܐܚܪ̈ܢܝܬܐ ܣܓܝ̈ܐܬܐ. ܣܓܝ̈ܐܐ ܡܠܡ ܡܢ ܢܐܝܠܝܢ ܕܡܝܩܪܝܢ ܗܘܘ ܒܝܗ̈ܘܕܝܐ ܐܬܢܓܕܘ ܒܡ̈ܚܘܬܐ ܒܐܘܪܫܠܡܼ. ܘܐܙܕܩܦ ܒܬܪ ܪܝܫܗܘܢ. ܡܢ ܐܝܕ̈ܝ ܦܠܘܪܘܣ: ܗܿܘ ܕܕܐܝܬܘܗܝ ܐܦܛܪܘܦܐ ܕܝܗܘܕܼ. ܟܕ ܐܬܬܥܝܪ ܗܘܐ ܫܘܪܝܐ ܕܩܪ̈ܒܐܼ. ܒܫܢܬ ܬܪܬܥܣܪ̈ܐ ܕܡܕܒܪܢܘܬܗ ܕܢܐܪܘܢ. ܘܒܟܠܗܿ ܣܘܪܝܐ ܒܡܪܕܐ ܕܥܒܕ ܝܗ̈ܘܕܝܐܼ. ܕܠܘܚܝܐ ܡܪܝܪܐ ܐܕܪܟ ܠܒ̈ܢܝ ܥܡܐ. ܕܒܟܠ ܐܬܪ ܡܢ ܥܡܘܪ̈ܐ ܕܡ̈ܕܝܢܬܐ ܕܠܐ ܪ̈ܚܡܐ ܐܝܟ ܕܒܩܪܒܐ ܡܬܩܛܠܝܢ ܗܘܘ. ܘܚܙܐ ܗܘܐ ܐܢܫ ܠܡܕ̈ܝܢܬܐ ܕܡ̈ܠܝܢ ܦܓܪ̈ܐ ܡܝ̈ܬܐ. ܕܠܐ ܩܒܝܪܝܢ ܘܕܫܝܢ ܐܟܚܕܐܼ. ܛܠܝ̈ܐ ܘܣܒ̈ܐ ܘܢ̈ܫܐ. ܕܐܦܠܐ ܐܣܟܝܡܐ ܕܦܘܪ̈ܣܝܗܘܢ. ܡܟܣܝ ܗܘܐ. ܘܟܠܗܘܢ ܗܘܦܪ̈ܟܝܣ ܡܠܝܢ ܗܘܘ ܐܘ̈ܠܨܢܐ ܕܠܐ ܡܬܬܢܝܢ. ܥܫܝܢ ܗܘܐ ܕܝܢ ܠܘܚܡܐ ܕܫܘ̈ܢܩܐ ܐܦ ܡܪܚܘܬܐ ܕܟܠܝܘܡ ܡܣܬܥܪܐ ܗܘܬ. ܗܠܝܢ ܐܡܪ ܒܡ̈ܠܘܗܝ ܝܘܣܝܦܘܣܼ ܕܠܝܗ̈ܘܕܝܐ ܗܠܝܢ ܓܕ̈ܫ ܠܗܘܢ.܀܀ ܫܢܬ .ܒ. ܐܠܦܝܢ ܘܬܡ̈ܢܝܢ ܘܚܕܐܼ. ܡܝܬ ܡܥܢܘ ܡܠܟܐ ܕܐܘܪܗܝ. ܘܐܚܕ ܡܠܟܘܬܐ ܐܒܓܪ ܒܪ ܡܥܢܘ ܫ̈ܢܝܐ ܥܣܪ̈ܝܢ.܀܀ ܫܢܬ .ܒ. ܐܠܦܝܢ ܘܬܡ̈ܢܝܢ ܘܬܪ̈ܬܝܢ܆ ܩܛܠ ܢܐܪܘܢ ܠܟܘܠܗܘܢ ܪܘܪ̈ܒܢܐ ܕܪ̈ܗܘܡܝܐܼ ܥܠ ܣܗܕܘܬܐ ܕܡܫܝܚܐ. ܩܛܠ ܕܝܢ ܐܦ ܠܐܢܬܬܗ ܘܒܢ̈ܬܗ ܬܠܬ ܘܠܒ̈ܢܘܗܝ ܥܡܗܝܢ.܀܀ ܫܢܬ .ܒ. ܐܠܦܝܢ ܘܬܡ̈ܢܝܢ ܘܬܠ̈ܬܼ. ܐܣܗܕ ܦܘܠܘܣ ܘܦܛܪܘܣ ܒܪܗܘܡܐ.܀܀ ܫܢܬ .ܒ. ܐܠܦ̈ܝܢ ܘܬܡ̈ܢܝܢ ܘ.ܕ.. ܫܪܝ ܠܡܐܬܐ ܥܠ ܢܐܪܘܢ ܪܘܓܙܗ ܕܐܠܗܐ. ܘܒܗܿ ܒܫܢܬܐ ܗܕܐ ܡܪܕ ܥܡܐ ܕܝܗ̈ܘܕܝܐ. ܘܐܬܐ ܥܠܝܗܘܢ ܐܣܦܣܝܢܣܼ ܪܒ ܚܝܠܐ ܕܪ̈ܗܘܡܝܐ ܥܡ ܚܝܠܐ ܣܓܝܐܐ. ܘܢܩܫ ܥܠ ܐܘܪܫܠܡ. ܘܟܕ ܢܩܫܝܢ ܥܝܠܗܿ. ܘܫܪܝ ܠܡܐܬܐ ܠܗ ܠܢܐܪܘܢ ܣܒܪ̈ܬܐ ܒܝ̈ܫܬܐ ܡܢ ܟܠܓܒ̈ܝܢܼ ܩܼܛܠ ܢܦܫܗ

Page 104

ܒܐܝܕ̈ܘܗܝ.܀܀ ܫܢܬ .ܒ. ܐܠܦ̈ܝܢ ܘܬܡ̈ܢܝܢ ܘܚ̈ܡܫܼ. ܐܚܕ ܡܠܟܘܬܐ ܓܠܒܐ ܘܐܬܢܘܢ. ܚܝܠܐ ܕܝܢ ܕܪ̈ܗܘܡܝܐ ܕܥܠ ܐܘܪܫܠܡܼ ܐܡܠܟܘܗܝ ܠܐܣܦܣܝܢܣ. ܘܫܒܼܩ ܠܛܛܣ ܒܪܗ. ܘܗܼܘ ܐܙܠ ܠܡܚܕ ܡܠܟܘܬܐ.܀܀ ܫܢܬ ܐܠܦܝܢ ܬܪ̈ܝܢ ܘܬܡ̈ܢܝܢ ܘܫ̈ܬܼ. ܐܬܩܛܠ ܓܠܒܐ ܘܐܬܢܘܢܼ ܘܐܡܠܟ ܐܣܦܣܝܢܣ. ܐܡܪ ܓܝ ܝܘܣܝܦܘܣ ܡܟܒܬܢܐ ܕܗܼܘ ܩܝܦܐܼ ܡܛܠ ܕܩܘܝ ܒܚܗܝܐ ܥܕܡܐ ܠܚܘܪܒܐ ܕܐܘܪܫܠܡ.܇ ܡܢ ܒܬܪ ܕܩܡ ܢܐܪܘܢ ܒܡܠܟܘܬܐ ܬܠܥܬܣܪ̈ܐ ܫ̈ܢܝܢ ܘܦܠܓܗܿ. ܘܒܬܪ ܓܠܒܐ ܘܐܬܢܘܢ ܫܢܬܐ ܘܦܠܓܗܿ. ܘܐܣܦܣܝܢܘܣ ܢܨܚ ܒܩܪܒܐ ܕܥܡ ܝܗ̈ܘܕܝܐܼ. ܒܗܿ ܒܝܗܘܕ ܐܩܝܡܗ ܚܝܠܐ ܕܪ̈ܗܘܡܝܐ ܕܐܝܬ ܗܘܐ ܬܡܢ. ܕܢܗܘܐ ܡܠܟܐ ܘܐܘܛܘܩܪܛܘܪ. ܘܡܚܕܗܿ ܐܓܥܠ ܩܪܒܐ ܕܥܡ ܝܗܘ̈ܕܝܐ ܠܛܛܘܣ ܒܪܗ. ܘܗܼܘ ܐܙܠ ܠܗ ܠܪܗܘܡܐ.܀ ܡܢ ܒܬܪ ܣܘܠܩܗ ܕܦܪܘܩܢ܆ ܥܡ ܡܪܚܘܬܗܘܢ ܕܝܗ̈ܘܕܝܐ ܕܠܘܬܗܼ ܢܟ̈ܠܐ ܣ̈ܓܝܐܐ ܥܠ ܫܠܝ̈ܚܐ ܐܨܛܢܥܘ. ܘܩܕܡܝܐܝܬ ܩܛܠܘ ܠܐܣܛܦܢܣ ܒܟ̈ܐܦܐ. ܘܬܘܒ ܡܢ ܒܬܪܗ ܦܣܩ ܠܪܝܫܗ ܕܒܪ ܙܒܕܝ ܝܥܩܘܒ. ܘܬܘܒ ܠܠܝܥܩܘܒ ܐܚܘܗܝ ܕܡܪܢ. ܘܠܫܪܟܐ ܕܝܢ ܕܫܠܝ̈ܚܐ ܦܘܪ̈ܣܐ ܣܓܝ̈ܐܐ ܐܬܦܪܣܘ ܠܗܘܢܼ. ܐܝܟ ܕܠܡܘܬܐ. ܘܪܕܦ ܐܢܘܢ ܡܢ ܐܪܥܐ ܕܝܗܘܕ. ܗܢܘܢ ܕܝܢ ܕܐܫܬܕܪ ܡܢ ܡܪܢ ܠܒܝܬ ܥܡ̈ܡܐ ܠܡܟܪܙܘ ܣܒܪܬܐ ܒܫܡܗ. ܐܦ ܥܡܐ ܕܝܢ ܕܥܕܬܐ ܕܒܐܘܪܫܠܡܼ. ܐܝܟ ܕܡܢ ܓܠܝܢܐ ܕܗܘܐ ܥܠ ܢܨܝ̈ܚܐ ܕܒܗܘܢ ܩܕܡ ܩܪܒܐ ܐܬܦܩܕ ܗܘܐ ܠܗܘܢ ܕܢܦܩܘܢ ܡܢܗܿ ܡܢ ܡܕܝܢܬܐ. ܘܢܐܙܠܘܢ ܘܢܥܡܪܘܢ ܒܥܒܪܐ ܒܡܕܝܢܬܐܕܡܬܩܪܝܐ ܦܠܠܐ. ܟܘܠܗܘܢ ܐܝܠܝܢ ܕܐܝܬ ܗܘܐ ܒܐܘܪܫܠܡ ܕܡܗܝܡܢܝܢ ܒܫܡܝܚܐ. ܐܝܟ ܕܢܓܡܪܘܢ ܡܢܗܿ ܐܢ̈ܫܐ. ܘܗܝܕܝܢ ܢܐܬܐ ܥܠܝܗܿ ܕܝܢܐ

Page 105

ܕܬܒܥܬܐ ܡܢ ܐܠܗܐܼ. ܥܠܝܗܿ ܥܠ ܡܕܝܢܬ ܡܠܟܘܬܐ ܕܝܗ̈ܘܕܝܐ: ܘܥܠ ܟܠܗܿ ܐܪܥܐ ܕܝܗܘܕ: ܥܠ ܡܕܡ ܕܐܡܪܚ ܥܠ ܡܫܝܚܐ ܘܫܠܝ̈ܚܘܗܝ. ܐܝܟܢܐ ܕܢܟܦܪܝܗܿ ܠܟܠܗܿ ܫܪܒܬܐ ܕܪ̈ܫܝܥܐ ܡܢ ܗܿܘ ܐܬܪܐ. ܕܐܝܠܝܢ ܕܝܢ ܒܝ̈ܫܬܐ ܓܕܫ [ܠܟܠܗ ܥܡܐ ܒܟܠ] ܐܬܪ. ܘܕܐܝܟܢܐ ܥܡܘܪ̈ܐ ܕܝܗܘܕ ܒܫܢ̈ܕܐ ܒܝ̈ܫܐ ܝܬܝܪܐܝܬ ܐܫܬܢܩܘ. ܘܕܟܡܐ ܪ̈ܒܘܬܐ ܐܟܚܕܐ ܒܣܝܦܐ ܘܒܟܦܢܐ ܘܒܛܘܪ̈ܦܐ ܣܓܝ̈ܐܐ ܕܡܘܬܐ ܢܦܠܘ. ܘܫܒܝܐ ܕܗܘܐ ܠܡܕܝ̈ܬܐ ܣܓܝ̈ܐܬܐ ܕܝܗܘܕ. ܘܐܦ ܐܝܠܝܢ ܒܝ̈ܫܬܐ ܚܣܝ̈ܢܬܐ ܚܙܘ ܒܗܿ ܒܐܘܪܫܠܡ: ܐܝܠܝܢ ܥܪܩܘ ܗܘܘ ܠܡܬܓܘܣܘ ܒܗܿ. ܐܝܟ ܕܠܡܕܝܢܬܐܚܣܝܢܬܐ. ܘܐܣܟ̈ܝܡܘܗܝ ܕܟܠܗ ܩܪܒܐ. ܘܟܠ ܕܓܕܫ ܒܗ ܒܡ̈ܢܘܢ ܡܢ̈ܘܢ. ܘܕܐܝܟܢܐ ܩܡܬܼ ܒܚܪܬܐ ܐܬܿܐ ܕܛܢܦܘܬܐ ܕܚܘܪܒܐܼ. ܐܝܟ ܕܐܡܝܪ ܒܢܒܝܐܼ ܥܠ ܗܿܘ ܗܝܟܠܐ ܡܫܡܗܐ ܕܐܝܬܘܗܝ ܗܘܐ ܡܢ ܩܕܝܡ ܕܐܠܗܐ. ܕܐܝܟܢܐ ܐܬܚܒܠ ܡܠܝܐܝܬ ܒܢܘܪܐ. ܐܝܢܐ ܕܨܒܐ ܕܢܐܠܦ ܚܬܝܬܐܝܬ ܡܢ ܬܫܥܝܬܐ ܕܝܘܣܝܦܘܣ ܕܐܟܬܒ ܡܨܐ ܕܢܐܠܦ. ܕܐܝܢܐ ܕܝܢ ܡܚܘܐ ܗܼܘ ܗܢܐ ܝܘܣܦܘܣ ܕܐܬܟܢܫܘ ܗܘܘ ܡܢ ܟܠܗܿ ܝܗܘܕ ܒܝܘ̈ܡܬܗ ܕܥܐܕܐ ܕܦܣܟܐ. ܘܐܦܟ ܕܒܝܬ ܐܣܝܪ̈ܐ ܥܠܘ ܘܐܬܚܒܫܘ ܒܐܘܪܫܠܡ. ܐܝܟ ܬܠܬܡܐܐ ܪ̈ܒܘܬܢ ܢܦ̈ܫܬܐ. ܘܿܠܐ ܠܢ ܕܢܘܕܥ. ܙܕܩ ܗܘܐ ܓܝܪ ܕܒܗܢܘܢ ܝܘ̈ܡܬܐ ܕܟܕ ܟܢܝܫܝܢ ܗܘܘ ܐܡܪܚ ܥܠ ܦܪܘܩܐܼ. ܘܥܒܕ ܛܒ̈ܬܐ ܕܟܠ ܡܫܝܚܐ ܒܪܗ ܕܐܠܗܐܼ. ܕܒܗܘܢ ܢܬܚܒܫܘܢ ܐܝܟ ܕܒܒܝܬ ܐܣܝܪ̈ܐ. ܘܢܩܒܠܘܢ ܐܒܕܢܐ ܡܢ ܕܝܢܗ ܟܐܢܐ ܕܐܠܗܐ.܀ ܬܘܒ ܥܠ ܟܦܢܐ ܕܐܚܕ ܗܘܐ ܐܢܘܢ ܠܝܗ̈ܘܕܝܐܼ ܒܣܝܦܐ ܘܒܐ̈ܣܟܝܡܐ ܐܚܪ̈ܢܐ.

Page 106

ܘܐܡܪ ܒܠܚܘܕ ܥܠ ܐܘ̈ܠܨܢܐ ܡܪ̈ܝܪܐ ܕܐܕܪܟ ܐܢܘܢ ܒܟܦܢܐ. ܕܐܦܢ ܒܩܠܝܠ ܐܝܠܝܢ ܕܩܪܝܢ ܒܗܢܐ ܟܬܒܐܼ. ܢܗܘܘܢ ܝܕܥܝܢ ܕܡܣܡ ܒܪܝܫܐ ܕܡܪܚܘܬܗܘܢ ܕܥܠ ܡܫܝܚܐ ܒܥܓܠ ܐܕܪܟ ܐܢܘܢ ܡܢ ܐܠܗܐ. ܣܒ ܠܟ ܗܟܝܠ ܬܫܥܝܬܐ ܕܚ̈ܡܫ ܕܝܘܣܦܘܣ. ܘܩܪܝ ܕܡܢܐ ܓܕܫ ܠܗܘܢ ܒܗܿܘ ܙܒܢܐ: ܟܕ ܐܡܪ ܗܟܢܐ. ܕܐܝܠܝܢ ܠܡ ܕܐܼܝܬ ܗܘܐ ܠܗܘܢ (ܩܢܝܢܐ:) ܕܢܦܘܫ ܐܘ ܕܢܐܒܕ ܫܘܐ ܗܘܐ ܠܗܘܢ. ܒܥܠܬܐ ܓܝܪ ܕܡܪܟܒܝܢ ܗܘܘ ܠܐܢܫ. ܕܐܝܟ ܕܠܪ̈ܘܡܝܐ ܒܥܐ ܕܢܫܠܡ. ܐܒܕ ܗܘܐܿ. ܡܛܠ ܩܢܝܢܗ. ܘܥܡܗ ܥܡ ܟܦܢܐ ܐܦ ܡܪܚܘܬܗܘܢ ܕܫ̈ܓܘܫܐ ܥܫܝܢܐ ܗܘܬ. ܘܟܠܝܘܡ ܬܪ̈ܬܝܗܝܢ ܗܠܝܢ ܒܝ̈ܫܬܐ ܡܬܓܘܙܠܢܢ ܗܘ̈ܝ. ܚܗܛܐ ܕܝܢ ܒܓܠܝܐ ܐܦܠܐ ܒܕܘܟ ܡܬܚܙܝܢ ܗ̈ܘܝ. ܫܘܪܝܢ ܗܘܘ ܘܥܐܠܝܢ ܘܡܒܨܝܢ ܒ̈ܬܐ. ܘܐܢ ܗܼܘ ܕܡܫܟܚܝܢ ܗܘܘ ܡܕܡ ܥܠ ܐܢܗܫܝܢ ܘܟܦܪܝܢ ܡܚܝܢ ܗܘܘ ܠܗܘܢ. ܘܐܠܐ ܡܫܟܚܝܢ ܗܘܘܼ ܐܝܟ ܕܠܐܢ̈ܫܐ ܕܡܢ ܐܘܠܨܢܐ ܛܫܝܘ ܡܫܢܝܩܝܢ ܗܘܘ ܠܗܘܢ. ܬܚܘܝܬܐ ܕܝܢ ܕܐܢ ܐܝܬ ܗܘܐ ܠܐܢ̈ܫܐ ܡܕܡ ܐܘ ܠܐ. ܚܙܬܐ ܕܦܓܪ̈ܝܗܘܢ ܕܕ̈ܘܝܐ ܐܝܬܝܗܿ ܗܘܼܬ. ܘܐܝܠܝܢ ܡܢܗܘܢ ܕܡܩܝܡܝܢ ܗܘܘ ܦܓܪ̈ܝܗܘܢ܆ ܡܣܬܒܪܝܢ ܗܘܘ ܕܣܝܒܪܬܐ ܡܕܡ ܡܫܪܬܚܐ ܗܘܬ ܠܗܘܢ. ܕܢܩܛܠܘܢ ܕܝܢ ܠܐܝܠܝܢ ܕܠܟܦܢܗܘܢ ܩܪܝܒܝܢ ܗܘܘ ܠܡܡܬ. ܗܕܐ ܕܠܐ ܡܚܫܒܬܐ ܐܝܬܝܗܿ ܗܘܬ. ܣܓܝ̈ܐܐ ܕܝܢ ܩܢܝܢܗܘܢ ܒܛܘܫܝܐ ܡܚܠܦܝܢ ܗܘܘ ܒܚܕ ܟܝܠܐܼ ܕܚ̈ܛܐܼ. ܐܢ ܥܬܝܪ̈ܐ ܐܝܬܝܗܘܢ ܗܘܘ. ܘܐܢ ܡܣܟܝܢܢܿ ܒܣܥܪܗܐ. ܘܡܛܫܝܢ ܗܘܘ ܢܦܫܗܘܢ ܒܒ̈ܬܐ ܓܘܗܝܐ. ܘܐܝܬ ܡܢܗܘܢ ܕܡܢ ܨܪܝܟܘܬܐ ܣܓܝܐܬܐ. ܐܝܟ ܕܐܝܬܝܗܢ ܚ̈ܛܐ ܐܟܠܝܢ ܗܘܘ ܠܗܝܢ. ܟܕ ܠܐܛܚܝ̈ܢܢ. ܐܝܬ ܕܝܢ ܕܐܦܝܢ ܗܘܘ ܐܝܟ ܕܐܢܢܩܐ ܦܩܕܐ ܗܘܬ. ܘܦܬܘܪܐ

Page 107

ܠܓܡܪ ܒܕܘܟ ܠܐ ܬܩܢ ܗܘܐ. ܘܡܢܗܿ ܡܢ ܢܘܪܐ ܚܛܦܝܢ ܗܘܘ ܘܐܟܠܝܢ ܠܗܿ ܠܣܝܒܪܬܐ ܟܕ ܠܐ ܒܫܝܠܐ. ܕܚܫܐ ܕܝܢ ܐܝܬܝܗܿ ܗܘܬ ܗܿܝ ܡܟܘܠܬܐ. ܘܠܕܡ̈ܥܐ ܫܘܝܐ ܗܘܬ ܗܼܝ ܚܙܬܐ. ܕܐܝܠܝܢ ܕܚܝܠܬܢܝܢ ܡܢ ܚܒܪܗܝܗܘܢ ܡܚܛܦܝܢ ܗܘܘ ܠܗܿ. ܘܐܝܠܝܢ ܕܟܪ̈ܝܗܝܢ ܥܘܝܢ ܗܘܘ. ܠܟܠ ܚܫܝܢ ܚܣܢ ܐܘܠܨܢܗ ܕܟܦܢܐ. ܘܡܕܡ ܕܡܘܒܕ ܕܠܐ ܒܗܬܬܐ ܐܟܘܬܗ ܠܝܬ. ܨܒ̈ܘܬܐ ܓܝܪ ܕܒܓܒܐ ܐܚܪܢܐ ܫ̈ܘܝܢ ܠܬܚܡܨܬܐ ܒܗ ܓܝܪ ܕܝܠܗ ܡܬܫ̈ܝܛܢ. ܢܗܫܐ ܡܢ ܓܒܪ̈ܝܗܝܢ. ܘܛܗܠܝܐ ܡܢ ܐܒ̈ܗܝܗܘܢ. ܘܕܫܦܠܐ ܡܢ ܟܠܗܝܢܼ ܐܡܗ̈ܬܗܘܢ ܕܝ̈ܠܘܕܐ ܡܢ ܦܘ̈ܡܝܗܘܢ ܚܛܦܢ ܗܘ̈ܝ ܠܗܿ ܠܡܟܘܠܬܐ. ܘܟܕ ܪ̈ܚܘܡܝܗܝܢ ܒܐܝܕܗܝܗܝܢ ܚܿܡܝܢ ܗܘܘ. ܠܐ ܚܝܣܢ ܗܘ̈ܝ ܕܢܣܒܢ ܢܘ̈ܛܦܬܐ ܕܚܝ̈ܝܗܘܢ. ܘܟܕ ܗܟܢܐ ܐܟܿܠܝܢ ܗܘܘ. ܠܡܛܫܝܘ ܠܐ ܡܫܟܚܝܢ ܗܘܘ. ܒܟܘܠ ܕܘܟ ܡܛܝܢ ܗܘܘ ܗܿܢܘܢ ܫ̈ܓܘܫܐ. ܘܡܕܪܟܝܢ ܗܘܘ ܠܗ ܠܗܿܘ ܡܕܡ ܕܚܛܦܝܢ ܗܘܘ. ܐܡܬܝ ܓܝܪ ܕܚܙܝܢ ܗܘܘ ܒܕܘܟ ܬܪܥܐ ܕܐܚܝܕ. ܐܬܿܐ ܗܘܬ ܗܕܐܼ ܕܐܝܠܝܢ ܕܐܝܬ ܠܓܘ ܡܢܗܼ ܕܡܕܡ ܡܟܠܘܬܐ ܐܟܠܝܢ ܗܘܘ. ܘܡܚܕܗܿ ܡܬܒܪܝܢ ܗܘܘ ܠܗܘܢ ܠܬܪ̈ܥܐ. ܘܫܘܪܝܢ ܗܘܘ ܘܥܠܝܢ ܘܡܢ ܓܓܪܬܗܘܢܼ. ܚܒܨܝܢ ܗܘܘ ܘܡܦܩܝܢ ܠܗܿ. ܒܠܥܝܢ ܗܘܘ ܕܝܢ ܣ̈ܒܐ ܥܠ ܕܡܚܡܣܢܝܢ ܗܘܘ ܒܗܿ ܒܣܝܒܪܬܐ. ܘܡܢܬܫ ܗܘܐ ܣܥܪܐ ܕܢ̈ܫܐ ܕܡܛܫܝܢ ܗܘ̈ܝ ܡܕܡ ܕܡܟܘܠܬܐ. ܘܠܝܬ ܗܘܐ ܪ̈ܚܡܐ ܥܠ ܣܝ̈ܒܬܐ ܘܥܠ ܝ̈ܠܘܕܐ. ܠܝ̈ܠܘܕܐ ܓܝܪ ܫܩܠܝܢ ܗܘܘ ܠܗܘܢ. ܘܒܗܿ ܒܡܟܘܠܬܐ ܬܠܝܢ ܗܘܘ ܠܗܘܢܼ ܘܫܩܦܝܢ ܥܠ ܐܪܥܐ. ܐܝܠܝܢ ܕܝܢ ܕܩܕܡ ܕܢܥܠܘܢܼ ܩܕܡܝܢ ܗܘܘ ܘܐܟܠܝܢ ܠܗܿ ܠܡܟܘܠܬܐ. ܥܠ ܕܠܐ ܐܕܪܟ ܐܢܘܢ. ܐܝܟ ܐܢܗܫܐ ܕܡܬܛܠܡܘ ܐܬܛܠܡܘ ܡܬܡܪܡܪܝܢ

Page 108

ܗܘܘ. ܘܡܬܦܪܣܝܢ ܗܘܘ ܕܢܫܟܚܘܢ ܙܢ̈ܝܐ ܒ̈ܝܫܐ ܕܫ̈ܢܕܐ ܠܒܨܬܐ ܕܣܝܒܪܬܐ. ܟ̈ܘܫܢܐ ܓܝܪ ܣܟܪܝܢ ܗܘܘ ܒܪ̈ܚܡܝܗܘܢ ܕܡܫ̈ܢܩܐܼ ܘܫ̈ܒܛܐ ܚܪ̈ܝܦܐ ܡܚܝܢ ܗܘܘ ܒܡ̈ܬܒܝܗܘܢ. ܕܙܘܥܐ ܗܘܐ ܕܝܢ ܐܦ ܠܡܫܡܥܬܐ ܡܕܡ ܕܣܒܠ ܗܘܐ ܐܢܫ ܒܡܘܕܝܢܘܬܐ ܕܚܕܐ ܓܪܝܨܬܐ ܘܥܠ ܡܠܐ ܟܦܐ ܩܡܚܐ ܕܣܥܪ̈ܐ. ܡܫܢ̈ܩܢܝܗܘܢ ܐܦܠܐ ܡܟܦܢ ܟܦܢܝܢ ܗܘܘ. ܒܨܝܪܐ ܗܘܬ ܕܝܢ ܗܕܐ ܩܫܝܘܬܐ ܒܥܝ̈ܢܝܗܘܢ ܕܒܐܢܢܩܐ ܢܚܛܦܘܢ ܗܘܘ. ܡܬܕܪܫܝܢ ܗܘܘ ܒܗܿ ܒܩܫܝܘܬܐ. ܘܙܘܕ̈ܐ ܡܩܕܡܝܢ ܗܘܘ ܡܬܩܢܝܢ ܠܗܘܢ ܠܝܘ̈ܡܬܐ ܕܡܢ ܒܬܪܟܝܢ. ܠܐܝܠܝܢ ܕܝܢ ܕܪܫܦܝܢ ܘܢܦܩܝܢ ܠܡܛܪܬܐ ܕܪ̈ܗܘܡܝܐ ܒܠܠܝܐ. ܕܢܠܩܛܘܢ ܝܘܪܩܐ ܕܕܒܪܐ ܘܥܣܒܐ. ܐܪܥܝܢ ܗܘܘ ܠܗܘܢ܇ ܘܡܐ ܕܗܐ ܣܒܪܘ ܕܐܡܕܘ ܡܢ ܒܥܠܕܒ̈ܒܝܗܘܢ ܚܛܦܝܢ ܗܘܘ ܡܢܗܘܢ ܗܧܘ ܡܕܡ ܕܐܝܬܝܘ. ܘܟܡܐ ܙܒ̈ܢܝܢ ܡܬܟܫܦܝܢ ܗܘܘ ܠܗܘܢ. ܟܕ ܡܘܡܝܢ ܠܗܘܢ. ܒܗܿܘ ܫܡܐ ܕܚܝܠܐ ܕܐܠܗܐ. ܕܢܬܠܘܢ ܠܗܘܢ ܡܢܬܐ ܩܠܝܠ ܡܢ ܗܿܘ ܡܕܡ ܕܐܬܛܪܦܘ ܘܐܬܐܠܨܘ ܘܐܝܬܝܘ. ܘܡܕܡ ܡܢܗ ܠܐ ܝܗܒܝܢ ܗܘܘ ܠܗܘܢ. ܚܒܝܒܐ ܗܘܬ ܠܗܘܢ ܕܝܢ ܗܕܐ ܕܡܐܒܕ ܠܐ ܢܐܒܕܘܢ ܥܡ ܬܚܠܘܨܝܗܘܢ.܀ ܘܒܬܪ ܩܠܝܠ ܡܘܣܦ ܘܐܡܪ. ܕܠܝ̈ܗܘܕܝܐ ܠܡ ܥܡܗܿ ܥܡ ܡܦܩܬܗܘܢ ܐܬܦܣܩ ܗܘܐ ܣܒܪܐ ܕܚܝ̈ܝܗܘܢ. ܘܟܕ ܚܣܝܢ ܗܘܐ ܟܦܢܐ ܒܟܠ ܒ̈ܬܝܢ ܘܒܟܠ ܫܪ̈ܒܢ ܘܪܥܐ ܗܘܐ ܠܗ ܠܥܡܐ. ܐܓܪ̈ܐ ܓܝܪ ܡܠܝܢ ܗܘܘ ܢ̈ܫܐ ܘܛܗܠܝܐ ܕܡܫܪܝܢ ܘܫܕܝܢ. ܘܒܪ̈ܝܬܐ ܣܒ̈ܐ ܡܝ̈ܬܐ. ܛܠܝ̈ܐ ܕܝܢ ܘܥܠܝ̈ܡܬܐ ܢܝܕܝܢ ܗܘܘ. ܘܐܝܟ ܨܠܡ̈ܐ ܒܫܘ̈ܩܐ ܡܬܟܪܟܝܢ ܗܘܘ ܘܢܦܠܝܢ ܐܝܟܐ ܕܡܕܪܟ ܗܘܐ ܠܗ ܠܚܕ ܡܢܗܘܢ ܚܫܐ. ܕܢܩܒܪܘܢ ܗܘܘ ܕܝܢ ܠܚܒ̈ܝܒܝܗܘܢ ܠܐ ܡܫܟܚܝܢ ܗܘܘ ܐܝܠܝܢ ܕܡܫܢܩܝܢ ܗܘܘ. ܘܐܝܢܐ

Page 109

ܕܡܚܡܣܢ ܗܘܐܼ ܡܡܢ ܗܘܐ ܡܛܠ ܣܘܓܐܐ ܕܡ̈ܝܬܐ. ܘܕܡܢܐ ܓܕܫ ܠܗ ܕܝܠܗ ܠܐ ܝܕܥ ܗܘܐ. ܣ̈ܓܝܐܐ ܓܝܪ ܡܢܗܘܢ ܕܠܥܠ ܡܢܗܘܢ ܕܗܢܘܢ ܕܩܒܝܪܝܢ ܢܦܠܝܢ ܗܘܘ ܘܡܝܬܝܢ. ܣ̈ܓܝܐܐ ܕܝܢ ܕܥܕܠܐ ܢܡܛܘܢ ܠܩܒܪ̈ܐ ܡܝܬܝܢ ܗܘܘ. ܘܒܗܠܝܢ ܐܘ̈ܠܨܢܐ ܡܪ̈ܝܪܐ ܐܠܝܐ ܘܒܟܝܐ ܠܝܬ ܗܘܐ. ܟܦܢܐ ܓܝܪ ܠܟܠܗܘܢ ܚܫ̈ܐ ܚܣܢ ܗܘܐ. ܘܒܥܝ̈ܢܐ ܢܓܝ̈ܒܬܐ ܡܫ̈ܢܩܝ ܠܡܘܬܐ. ܒܗܘܢ ܕܩܕܡܝܢ ܠܗܘܢ ܠܡܡܬ ܚܝܪܝܢ ܗܘܘ. ܫܬܩܐ ܕܝܢ ܥܡܝܩܐ ܕܩܕܡܝܢ ܠܗܘܢ ܠܡܡܬ ܚܝܪܝܢ ܗܘܘ. ܫܬܩܐ ܕܝܢ ܥܡܝܩܐ ܚܕܝܪ ܗܘܐ ܠܗܿ ܠܡܕܝܢܬܼܐ ܘܠܠܝܐ ܕܡܠܼܐ ܡܘܬܐ. ܘܡܢ ܟܠܗܝܢ ܗܠܝܢ ܠܣ̈ܛܝܐ ܒܝܫܝܢ ܗܘܘ. ܡܚܠܨܝܢ ܗܘܘ ܓܝܪ ܠܡ̈ܝܬܐ ܒܒ̈ܬܝܗܘܢ. ܘܬܟܫܝܬܐ ܕܦܓܪ̈ܝܗܘܢ ܡܫܠܚܝܢ ܗܘܘ. ܘܟܕ ܓܚܟܝܢ ܡܢ ܬܡܢ ܢܦܩܝܢ ܗܘܘ. ܘܒܩܝܢ ܗܘܘ ܠܚܪܘܦܐ ܕܣܝ̈ܦܝܗܘܢ ܒܓܦܪ̈ܐ ܡܝ̈ܬܐ. ܘܐܦ ܒܗܢܘܢ ܕܫܕܝܢ ܘܥܕܟܝܠ ܚܝܿܝܢ ܡܥܒܪܝܢ ܗܘܘ ܠܗܘܢ. ܠܐܝܠܝܢ ܕܡܬܟܫܦܝܢ ܗܘܘ ܕܢܘܫܛܘܢ ܝܡܝܢܐ ܘܣܝܦܐ ܕܢܓܗܘܢ ܡܢ ܟܦܢܐ. ܡܗܡܝܢ ܗܘܘ ܡܢܗܘܢ ܒܫܘܒܗܪܐ. ܘܗܢܘܢ ܕܝܢ ܕܡܝܿܬܝܢ ܗܘܘ ܟܠܚܕ ܚܕ ܡܢܗܘܢ ܚܝܪܗ ܒܗܝܠܟܐ ܡܨܕ ܗܘܐ ܕܫܒܩ ܗܘܐ ܠܗܘܢ ܠܫ̈ܓܘܫܐ ܟܕ ܚܝܿܝܢ. ܗܢܘܢ ܕܝܢ ܒܩܕܡܐ ܡܢ ܒܝܬ ܓܙܐ ܕܓܘܐ ܕܢܬܩܒܪܘܢ ܡܝ̈ܬܐ ܦܩܕܝܢ ܗܘܘ. ܡܛ ܠܕܠܐ ܡܣܝܒܪܝܢ ܗܘܘ ܪܝܚܐ ܒܝܫܐ. ܟܕ ܕܝܢ ܠܡܩܒܪ ܠܐ ܣܦܝܢ ܗܘܘܼ ܡܢ ܫܘܪܐ ܒܢ̈ܚܠܐ ܫܕܝܢ ܗܘܘ ܠܗܘܢ. ܛܛܘܣ ܕܝܢ ܟܕ ܥܒܪ ܗܘܐ ܥܠ ܢܚ̈ܠܐ ܗܢܘܢ. ܘܚܙܐ ܗܘܐ ܕܡܠܝܢ ܡܝ̈ܬܐ. ܘܪܗܠܐ ܕܪܕܐ ܡܢ ܦܓܪ̈ܐ. ܐܬܬܢܚ ܘܐܪܝܡ ܐܝܕ̈ܘܗܝ ܠܥܠ ܘܩܪܐ ܣܗܕܐ ܠܐܠܗܐ: ܕܗܢܐ ܠܡ ܣܘܥܪܢܐ ܠܐ ܗܘܐ ܡܢ ܕܝܠܝ.܀ ܘܡܢ ܕܐܡܪ ܩܠܝܠ ܝܘܣܝܦܣܼ ܐܘܣܦ: ܠܐ ܠܡ ܡܬܟܠܐ ܐܢܐ ܠܡܐܡܪ ܗܿܘ ܡܕܡ ܕܟܐܒܐ ܦܩܕ ܠܝ ܕܐܡܪܝܘܗܝ. ܣܒܪ ܐܢܐ ܕܝܢ ܕܐܠܘ ܪ̈ܗܘܡܝܐ ܐܫܬܚܘܚܪܘ ܗܘܘ ܕܢܐܬܘܢ ܥܠ ܗܠܝܢ ܡܪ̈ܚܐ. ܐܘ ܒܗܘܬܐ ܡܬܠܥܐ ܗܘܬ. ܐܘ ܒܛܘܦܢܐ ܐܒܕܐ ܗܘܬ ܗܿܝ

Page 110

ܡܕܝܢܬܐ. ܐܘ ܢܘܪܐ ܣܕܘܡܝܬܐ ܡܫܬܕܪܐ ܗܘܬ ܥܠܝܗܿ. ܝܬܝܪ ܓܝܪ ܡܢ ܗܢܘܢ ܕܚܫܘ ܒܗܠܝܢ. ܣܝܒܪ ܐܠܗܐ ܠܗܕܐ ܫܪܒܬܐ. ܕܐܝܬܝܗܿ ܕܠܐ ܐܠܗܐ. ܒܡܪܚܘܬܗܘܢ ܓܝܪ ܕܗܠܝܢ. ܐܦ ܟܠܗ ܥܡܐ ܐܒܕܘ ܥܡܗܘܢ.܀ ܘܬܘܒ ܒܣܦܪܐ ܕܫܬܐܼ ܗܟܢܐ ܐܟܬܒ. ܕܐܝܠܝܢ ܕܡܢ ܟܦܢܐ ܡܬܚܒܠܝܢ ܗܘܘ ܒܡܕܝܢܼܬܐ ܢܦܠܝܢ ܗܘܘܥܡܐ ܣܓܝܐܐ ܕܠܐ ܡܢܝܢ. ܘܚܫܝ̈ܗܘܢ ܕܝܢ ܕܢܬܬܢܘܢ ܠܐ ܡܫܝܟܚܐ. ܒܟܠ ܒܝܬܐ ܓܝܪ ܐܝܟܐ ܕܡܬܚܙܝܐ ܐܦܢ ܛܠܢܝܬܐ ܕܣܝܒܪܬܐ. ܩܪܒܐ ܗܘܐ ܗܘܐ. ܟܕ ܚܕ ܥܠ ܚܕ ܐܬܝܢ ܗܘܘ ܚܒܝ̈ܒܐ. ܘܚܛܦܝܢ ܗܘܘ ܙ̈ܘܕܐ ܕ̈ܘܝܐ ܕܢܦܫܐ. ܠܐ ܕܝܢ ܡܬܗܝܡܢܝܢ ܗܘܘ ܒܗܿ ܒܨܪܝܟܘܬܐ. ܐܠܦܐ ܟܕ ܡܬܝܝܢ. ܐܠܐ ܐܦ ܠܗܿܢܘܢ ܕܡܝܬܝܢ ܗܘܘ ܡܒܨܝܢ ܗܘܘ ܠܗܘܢ ܗܿܢܘܢ ܠܣ̈ܛܝܐ. ܕܠܡܐ ܟܕ ܐܝܬ ܒܥܘܒܗ ܕܐܢܫ ܡܢܗܘܢ ܡܕܡܼ. ܐܕܪܟܗ ܡܘܬܐ. ܘܐܚܪ̈ܢܐ ܡܢ ܨܪܝܟܘܬܗܘܢ ܟܕ ܦܥܝܪܝܢ ܗܘܘ ܦܘܡܗܝܗܘܢܼ ܫܕܝܢ ܐܝܟ ܟܗܠܒܐ ܘܡܪܗܠܝܢ. ܘܫܒܪ̈ܐ ܡܬܟܪܟܝܢ ܗܘܘ ܘܛܥܝܢ ܥܠ ܬܪ̈ܥܐ. ܘܢܝܕܝܢ ܗܘܘ ܐܝܟ ܪ̈ܘܝܐ. ܘܡܢ ܐܘܠܨܢܐ ܕܚܕܝܪܐ ܗܘܐ ܗܠܘܢ. ܠܗܘܢ ܟܕ ܠܗܘܢ ܠܒ̈ܬܐ ܫܘܪܝܢ ܗܘܘ ܘܥܐܠܝܢ ܬܪ̈ܬܝܢ ܙܒ̈ܢܢ ܘܬ̈ܠܬ ܒܫܥܬܐ ܚܕܐ. ܐܢܢܩܐ ܕܝܢ ܟܠܡܕܡ ܡܝܬܝܐ ܗܘܬ ܠܡܟܘܠܬܐ. ܘܡܕܡ ܕܐܦܠܐ ܚܝ̈ܘܬܐ ܣܪ̈ܝܬܐ ܟܠܢ ܡܠܩܛܝܢ ܗܘܘ ܐܘܟܠܢ. ܐܦܠܐ ܓܝܪ ܡܢ ܥܪ̈ܩܐ ܕܐܣܪ ܚ̈ܨܐ ܘܕܣܝܡ ܪ̈ܓܠܐ ܠܚܪܬܐ ܐܬܟܠܝܘ ܗܘܘ. ܘܡܫ̈ܟܐ ܕܩܪܝܡܝܢ ܥܠ ܣܟܪ̈ܐ ܩܠܦܝܢ ܗܘܐ ܘܡܠܥܣܝܢ. ܡܟܘܠܬܐ ܗܘܬ ܓܝܪ ܩܫܬܐ ܐܦ ܕܥܡܝܪܐ ܥܬܝܩܐ. ܡܠܩܛܝܢ ܗܘܘ ܓܝܪ ܐܢ̈ܫܐ ܚܕ ܚܕ ܓܠܝܐ. ܘܡܙܒܢܝܢ ܡܬܩܠܐ ܙܥܘܪܐ ܒܐܪ̈ܒܥܐ ܐܣܪܗܝܢ. ܡܢܐܕܝܢ ܡܬܒܥܐ ܠܢ ܕܢܐܡܪ ܥܠ

Page 111

ܕܡܬܚܫܚܝܢ ܗܘܘ ܒܟܦܢ ܒܐܝܠܝܢ ܕܕܠܐ ܢܦܫܐ ܐܢܝܢ. ܐܝܬ ܠܝ ܓܝܪ ܕܐܚܘܐ ܥܒܕܐ ܕܐܟܘܬܗ ܠܐ ܗܘܐ ܒܬ ܝ̈ܘܢܝܐ. ܘܠܐ ܒܝܬ ܒܪ̈ܒܪܝܐ ܡܬܡܠܠ ܕܐܣܬܥܪ. ܕܙܘܥܬܐ ܗܼܘ ܕܝܢ ܕܢܬܡܠܠ. ܘܠܡܫܡܥܬܐ ܥܛܠ ܠܡܬܗܝܡܢܘ. ܕܠܐ ܕܝܢ ܐܣܬܒܪ ܕܡܢ ܢܦܫܝ ܡܥܠ ܐܢܐ ܬܕܡܘܪܬܐ ܚܕܬܐ ܠܒܢܝ̈ܢܫܐ. ܚܕܝܐܝܬ ܓܝܪ ܡܗܡܐ ܗܘܿܝܬ ܘܥܒܪ ܠܗܿ ܠܗܕܐ ܬܫܥܬܝܐ. ܐܠܘ ܠܐ ܕܐܝܬ ܗܘܐ ܠܝ ܣܗ̈ܕܐ ܕܠܐ ܡܢܝܢ. ܐܠܐ ܐܦ ܛܝܒܘܬܐ ܒܨܝܪܬܐ ܒܒ̈ܢܝ ܥܡܝ ܥܿܒܕ ܗܘܿܝܬ. ܕܐܗܡܐ ܡܢ ܡܠܬܐ ܕܗܿܘ ܡܕܡ ܕܒܥܒܿܕܐ ܐܫܬܡܫܘ.. ܐܢܬܬܐ ܚܕܐ ܡܢ ܗܿܢܘܢ ܕܥܡܪܝܢ ܗܘܘ ܒܥܒܪܐ ܕܝܘܪܕܢܢ. ܕܫܒܡܗܿ ܗܘܐ ܡܪܝܡ. ܒܪܬܗ ܕܠܥܙܪ. ܡܢ ܩܪܝܬܐ ܕܫܡܗܿ ܡܝܬ ܚܙܘܪ. ܕܡܬܬܪܓܡ ܒܝܬܐ ܕܙܘܦܐ. ܘܒܛܘܗܡܐ ܘܒܥܘܬܪܐ ܐܢܬܬܐ ܗܘܬ ܝܕܝܥܬܐ. ܥܪܩܬ ܕܝܢ ܥܡ ܣ̈ܓܝܐܐ ܡܬܓܘܣܘ ܒܐܘܪܫܠܡ. ܘܐܬܚܒܫܬ ܬܡܢ. ܩܢܝܢܗܿ ܕܝܢ ܕܗܕܐ ܗܿܘ ܕܐܝܬܝܬܼ ܥܡܗܿ ܡܢ ܥܒܪܗ ܕܝܘܪܕܢܢ ܠܡܕܝܢܬܐܼ. ܚܛܦܘܗܝ ܗܢܘܢ ܛܪ̈ܘܢܐ. ܘܫܪܟܐ ܕܝܢ ܕܦܫ ܠܗܿ ܡܢ ܡܐ̈ܢܐ ܕܬܫܡܫܬܐ ܘܣܝܒܪܬܐ ܘܡܕܡ ܐܢ ܡܫܬܟܚ ܗܘܐ ܠܗܿ. ܫܘܪܝܢ ܗܘܘ ܘܥܠܝܢ ܘܚܛܦܝܢ ܠܗܼ. ܗܿܢܘܢ ܠܒ̈ܝܫܝ ܙܝܢܐ. ܗܼܝ ܕܝܢ ܡܬܪܥܡܐ ܗܘܬ ܡܪܝܪܐܝܬ. ܘܙܒ̈ܢܝܢ ܣܓܝ̈ܐܢ ܡܨܚܝܐ ܗܘܬ ܘܠܝܛܐ ܠܗܘܢ ܕܬܓܪܐ ܐܢܘܢ ܒܗܿ ܠܡܩܛܠܗܿ. ܟܕ ܕܝܢ ܠܐ ܒܝܕ ܦܘܪܬܐ. ܘܠܐ ܡܪܚܡܘ ܡܪܚܡ ܗܘܐ ܚܕ ܡܢܗܘܢ ܘܩܛܠ ܠܗܿ. ܐܦ ܡܫܟܚܘ ܐܢ ܡܫܟܚܐ ܗܘܬ ܡܕܡ ܣܝܒܪܬܐ. ܠܐܚܪ̈ܢܐ ܗܘ ܥܡܠܐ ܗܘܬ. ܡܢ ܟܠ ܓܒ̈ܝܢ ܡܓܙܝܐ ܗܘܬ ܨܒܘܬܐ ܐܦ ܠܡܫܟܚܘ ܡܕܡ. ܟܦܢܐ ܕܝܢ ܐܫܬܠܛ ܗܘܐ ܒܪ̈ܚܡܐ ܘܒܡܘܚܐ. ܘܝܬܝܪ ܡܢ ܟܦܢܐܼ

Page 112

ܚܡܬܐ ܕܡܬܓܘܙܠܐ ܗܘܬ. ܗܝ ܕܝܢ ܗܕܐ ܐܢܬܬܐ ܡܠܟܐ ܡܢ ܓܙܡܐ ܘܡܢ ܐܢܢܩܐ ܢܣܒܬܼ ܗܘܬ. ܘܣܥܬ ܥܠ ܟܝܢܐ. ܘܠܒܪܗܿ ܕܐܝܬ ܗܘܐ ܠܗܿ ܕܝܢܩ ܚܠܒܐ. ܚܛܦܬܗ ܘܐܡܪܬܼ. ܝܠܘܕܐ ܕܘܝܐ ܒܩܪܒܐ ܘܒܟܦܢܐ ܘܐܦ ܒܫܘܓܘܫܐ ܠܡܢܘ ܐܛܪܟ. ܐܦܢ ܚܝܿܝܢ ܗܘܝܢ. ܥܒܕܘܬܐ ܗܝ ܕܪ̈ܗܘܡܝܐ. ܐܦ ܠܗܿ ܠܥܒܕܘܬܐ ܩܕܡ ܠܗܿ ܟܢܦܐ. ܘܡܢ ܬܪ̈ܬܝܗܝܢ ܡܪܝܪ̈ܝܢ ܗܠܝܢ ܠܣ̈ܛܝܐ. ܬܐ ܗܟܝܠܼ ܗܘܝ ܠܝ ܠܡܟܘܠܬܐܼ. ܘܐܦ ܠܗܘܢ ܠܫ̈ܓܘܫܐ ܠܫܢܝܘܬܐܼ ܘܠܟܠܗ ܥܠܡܐ ܡܬܠܐ. ܕܗܼܘ ܒܠܚܘܕܘܗܝ ܚܣܝܪܐ ܗܘܐ ܡܢ ܐܘܠܨܢܗܘܢ ܕܝܗܘ̈ܕܝܐ. ܘܟܕ ܗܠܝܢ ܐܡܪܬܼ ܩܛܠܬ ܠܒܪܗ. ܘܛܘܝܬܗ ܘܐܟܠܬ ܦܠܓܐܼ ܘܫܪܟܐ ܟܣܝܬ ܘܢܛܪܬ. ܘܡܚܕܗܿ ܐܕܪܟ ܫܓܘ̈ܫܐ ܠܪܝܚܐ ܕܗܢܐ ܣܘܥܪܢܐ ܕܣܘܝܒܐ. ܫܡܛܘ ܕܝܢ ܣܝ̈ܦܝܗܘܢ ܘܡܬܠܚܡܝܢ ܗܘܘ ܕܢܩܛܠܘܢܗܿ. ܐܠܐ ܡܚܘܝܐ ܗܘܬ ܠܗܘܢ ܗܿܘ ܡܕܡ ܕܛܝܒܬܼ. ܗܼܝ ܕܝܢ ܡܢ ܚܕܐ ܐܡܪܬ ܠܗܘܢ. ܕܐܦ ܡܢܬܐ ܛܒܬܐ ܢܿܛܪܬ ܠܟܘܢ. ܡܢ ܡܕܡ ܕܐܘܬܪܬ ܡܢ ܒܪܝ. ܘܓܠܬ ܘܚܘܝܬ ܐܢܘܢ. ܘܡܚܕܗܧ ܐܚܕܬ ܐܢܘܢ ܙܘܥܬܐ ܘܫܢܝܘ. ܘܝܒܫܘ ܡܢ ܚܙܬܐ. ܗܼܝ ܕܝܢ ܐܡܪܬ. ܕܗܢܐ ܒܪܐ ܗܘܐ ܕܝܠܝ ܚܒܝܒܐܼ ܘܣܘܪܥܢܐ ܕܝܠܝ ܗܼܘ. ܣܒܘ ܐܟܘܠ. ܐܦ ܐܢܐ ܐܿܟܠܬ. ܠܐ ܡܟܝܠ ܬܗܘܘܢ ܪܦܝܢ ܡܢ ܐܢܬܬܐܼ ܐܠܦܐ ܡܪܚܡܢܝܢ ܡܢ ܐܡܐ. ܐܢ ܕܝܢ ܐܢܬܘܢ ܟܐ̈ܢܐ ܐܢܬܘܢ. ܘܡܢ ܢܟܣܬܐ ܕܝܠܝ ܡܫܬܐܠܝܢ ܐܢܬܘܢ. ܐܢܐܿ ܥܕ ܗܫܐ ܐܟܠܬ. ܘܡܕܡ ܕܦܫ ܢܿܛܪܬ ܠܝ. ܡܢ ܒܬܪ ܗܠܝܢ. ܢܦܩܘ ܡܢ ܬܡܢ ܟܕ ܪܬܝܬܝܢ ܘܕܚܝܠܝܢ. ܘܠܡܚܣܢ ܐܦܢ ܗܕܐ ܣܝܒܪܬܐ ܫܒܩ ܠܗܿ ܠܗܝ ܐܢܬܐ. ܘܡܚܕܗܿ ܐܬܡܠܝܬܼ ܟܠܗܿ ܡܕܝܢܬܐ ܡܢ ܗܢܐ ܫܡܥܐ ܡܣܝܒܐ. ܘܟܠܢܫ ܩܕܡ ܥܝ̈ܢܘܗܝ ܣܐܡ ܗܘܐ ܠܗ ܠܗܢܐ ܟܐܒܐ. ܘܐܝܟ ܗܿܘ ܕܗܼܘ ܣܥܪܗ ܪܥܠ ܗܘܐ ܡܢܗ. ܚܦܝܛܘܬܗܘܢ ܕܡܫ̈ܢܩܝ ܒܟܦܢܐ ܗܕܐ ܗܘܬ ܠܡܡܬ. ܘܛܘܒܐ

Page 113

ܡܬܝܗܒ ܗܘܐ ܠܐܝܠܝܢ ܕܩܕܡ . ܥܕܠܐ ܢܫܡܥܘܢ ܘܢܚܙܘܢ ܕܐܝܟ ܗܠܝܢ ܒܝ̈ܫܬܐ.܀ ܬܘܒ ܥܠ ܡܕܡ ܡܕܡ ܕܩܕܡ ܐܡܪ ܘܐܬܢܒܝ ܡܫܝܚܐ. ܕܐܝܟ ܗܢ ܦܘܪܥܢܐ ܐܕܪܟ ܗܘܐ ܠܝ̈ܗܘܕܝܐ ܥܠ ܥܘܠܗܘܢ ܘܪܘܫܥܗܘܢ ܕܥܒܕ ܒܡܫܝܚܐ ܐܠܗܐ. ܙܕܩ ܗܘܐ ܕܢܦܚܡ ܠܗܠܝܢ ܢܒܝܘܬܗ ܕܦܪܘܩܢ. ܕܠܐ ܐܬܕܟܠܬܼ ܕܐܡܪ: ܕܘܝ ܠܒ̈ܛܢܬܐ ܘܠܐܝܠܝܢ ܕܡܝ̈ܢܩܢ ܒܗܢܘܢ ܝܘ̈ܡܬܐ. ܨܠܘ ܕܝܢܼ ܕܠܐ ܢܗܘܐ ܥܪܘܩܝܟܘܢ ܒܣܬܘܐ. ܘܠܐ ܒܫܒܬܐ. ܢܗܘܐ ܓܝܪ ܐܘܠܨܢܐ ܪܒܐ. ܕܠܐ ܗܘܐ ܐܟܘܬܗ ܡܢ ܘܝܡܐ ܕܗܘܼܐ ܥܠܡܐ. ܘܥܕܡܐ ܠܗܫܐ: ܐܦܠܐ ܢܗܘܐ.܀ ܥܠ ܚܘܫܒܢܐ ܕܐܝܠܝܢ ܕܐܒܕ ܒܟܦܢܐ ܘܒܡܘܬܢܐ ܘܒܣܝܦܐ ܘܒܫܒܝܐ ܬܘܒ ܐܬܕܒܪ. ܗܼܘ ܕܝܢ ܗܢܐ ܟܬܒܢܐ ܟܢܫܗ ܠܗܢܐ ܡܢܝܢܐ ܕܐܝܠܝܢ ܕܐܒܕܘ ܒܟܦܢܐ ܘܒܣܝܦܐ. ܘܐܡܪ ܕܗܘܼܐ ܡܐܐ ܘܥܣܪ̈ ܪ̈ܒܘܬܢ. ܗܢܘ ܕܝܢ ܐܠܦܐ ܕܐܠܦ̈ܝܐ ܘܡܐܐ ܐ̈ܠܦܝܢ. ܫܪܟܐ ܕܝܢ ܕܗܢܘܢ ܠܣ̈ܛܝܐ ܘܫ̈ܓܘܫܐ ܡܢ ܒܬܪ ܚܘܪܒܗܿ ܐܬܩܛܠܘ. ܟܕ ܗܢܘܢ ܡܚܘܝܢ ܗܘܘ ܠܚܕ̈ܕܐ. ܐܝܠܝܢ ܕܝܢ ܕܛܠܝܢ ܗܘܘ. ܘܐܦ ܪܡܝܢ ܒܩܘ̈ܡܬܗܘܢ. ܘܡܝܬܪܝܢ ܗܘܘ ܒܚܙܬܐ. ܐܬܢܛܪܘ ܕܢܗܘܘܢ ܠܚܙܘ̈ܢܐ. ܫܪܟܐ ܕܝܢ ܕܥܡܐ ܡܢ ܒܪ ܫܒܥܣܪ̈ܐ ܫܢ̈ܝܢ ܘܠܥܠܼ. ܐܬܐܣܪܘ ܘܐܫܬܕܪܘ ܠܡܨܪܝܢ ܠܦܘܠܚܢܐ. ܣܓܗܝܐܐ ܕܝܢ ܐܬܦܠܓܘ ܠܐܬܪ̈ܘܬܐ ܕܢܐܒܕܘܢ ܒܚ̈ܙܘܢܐ ܘܒܣܝ̈ܦܐ ܘܒܚܝ̈ܘܬܐ. ܘܐܠܝܠܝܢ ܕܐܝܬܝܗܘܢ ܡܢ ܒܪ ܫܒܥܣܪ̈ܐ ܫ̈ܢܝܢ ܘܠܬܚܬܼ. ܐܫܬܒܝܘ ܘܐܙܕܒܢܘ. ܕܗܘܿܝܢ ܗܘܘ ܒܡܢܝܢܐ ܬܫ̈ܥܝܢ ܐܠܦ̈ܝܢ. ܗܠܝܢ ܗܟܢܐ ܐܫܬܡܫܘ ܒܫܢܬ ܬܪ̈ܬܝܢ ܕܐܣܦܣܝܢܘܣ. ܕܐܝܬܝܗܿ ܫܢܬ .ܒ. ܐܠܦܝܢ ܕܘܬܡ̈ܢܝܢ ܘܫܒ̈ܥ ܠܐܒܪܗܡ. ܕܐܝܟ ܡܩܕܡܘܬ ܝܕܥܬܗ ܕܦܪܘܩܢ ܡܪܢ ܝܘܫܥ ܡܫܝܚܐ. ܗܿܘ ܕܒܚܝܠܐ ܪܒܐ ܕܐܠܗܘܬܗ ܕܩܡ ܚܙܐ ܘܐܢܒܝ ܐܝܠܝܢ ܕܥܬܝܕ̈ܢ ܗܘ̈ܝ ܠܡܗܘܐ ܐܟܡܐ ܕܗܘ̈ܝ. ܘܒܟܐ ܥܠܝܗܿ ܥܠ ܡܕܝܢܬܐ

Page 114

ܐܝܟ ܕܟܬܝܒ ܒܐܘܢܓܠܝܘܢ ܩܕܝܫܐ ܘܐܡܪ܆ ܕܐܡܪ ܗܘܐ ܠܗܿ ܠܐܘܪܫܠܡ ܗܟܢܐ. ܐܠܘ ܠܡ ܝܕܝܥܬܝ ܝܘܡܐ ܕܫܠܡܟܝ. ܐܠܐ ܐܬܟܣܝ ܠܗ ܡܢ ܥܝܢܝ̈ܟܝ. ܢܐܬܘܢ ܠܟܝ ܝܘ̈ܡܬܐ ܕܢܚܕܪܘܢܟܝ ܒܥܠܕ̈ܒܒܝܟܝ ܘܢܐܠܨܘܢܟܝ ܡܢ ܟܠ ܣܛܪ̈ܝܟܝ. ܘܢܣܚܦܘܢܟܝ ܘܠܒ̈ܢܝܟܝ ܒܓܘܟܝ. ܘܬܘܒ ܥܠ ܥܡܐ ܐܡܪ. ܢܗܐܘ ܠܡ ܐܘܠܨܢܐ ܪܒܐ ܥܠܐܪܥܐ ܘܪܘܙܓܐ ܚܣܝܢܐ ܥܠ ܥܠܡܐ ܗܢܐ. ܘܢܦܠܗܘܢ ܒܦܘܡܐ ܕܚܪܒܐ. ܘܢܫܬܒܘܢ ܠܟܠ ܥܡ̈ܡܝܢ. ܘܐܘܪܫܠܡ ܬܗܘܐ ܡܬܕܝܫܐ ܡܢ ܥܡ̈ܡܐܼ. ܥܕܡܐ ܕܢܫܠܡܘܢ ܙܒ̈ܢܐ ܕܥܡ̈ܡܐ. ܘܬܘܒ ܐܡܪ. ܕܡܐ ܕܚܙܝܬܘܢ ܠܐܘܪܫܠܡ ܕܚܕܝܪ ܠܗܿ ܚܝܠܐ. ܗܝܕܝܢ ܬܕܥܘܢ ܕܡܛܝ ܠܗ ܚܘܪܒܗܿ. ܟܕ ܐܢܫ ܗܟܝܠ ܢܦܚܡ ܐܢܝܢ ܡܠܘ̈ܗܝ ܕܦܪܘܩܢ ܠܗܢܐ ܡܟܬܒܢܐ. ܕܐܡܪ ܥܠ ܟܠܗ ܩܪܒܐ. ܐܝܟܢܐ ܠܐ ܢܬܗܪ ܕܫܒܝܚܐ ܪܘܪܒܐܝܬ ܡܩܕܡܘܬ ܝܕܥܬܗ ܕܦܪܘܩܢ. ܘܢܘܕܐ ܕܫܪܝܪܐܝܬ ܕܕܐܠܗܐ ܗܼܝ. ܥܠ ܐܝܠܝܢ ܕܝܢ ܕܓܕܫ ܠܟܠܗ ܥܡܐ ܕܥܒܪ̈ܝܐ ܡܢ ܒܬܪ ܚܫܗ ܕܦܪܘܩܢ. ܘܩ̈ܠܐ ܗܢܢ ܕܟܠܗ ܟܢܫܐ ܕܝܗ̈ܘܕܝܐ. ܕܩܥܝܢ ܗܘܘ ܐܦ ܫܐܠܝܢ ܠܗܿܘ ܓܝܣܐ ܘܩܛܘܠܐ ܕܢܚܐ. ܘܠܗܿܘ ܝܗܘܒܐ ܕܚܝ̈ܐ ܡܬܟܫܦܝܢ ܗܘܘ ܕܢܫܬܩܠ ܡܢܗܘܢ. ܕܢܘܣܦ ܕܝܢ ܥܠ ܗܠܝܢ ܬܫ̈ܥܝܬܐ ܡܕܡܼ ܠܐ ܡܬܒܥܐ ܠܢ. ܗܠܝܢ ܕܝܢ ܙܕܩ ܕܢܩܦ ܠܗܝܢ. ܐܝܠܝܢ ܕܬܚ̈ܘܝܬܐ ܐܝܢܝܢ ܕܡܪܚܡܢܘ ܬܗ ܘܒܛܝܠܘܬܐ ܕܛܝܒܘܬܗ. ܕܐܪ̈ܒܥܝܢ ܫܢ̈ܝܢ ܐܟܚܕܐ ܡܢ ܒܬܪ ܡܪܚܘܬܗܘܢ ܕܥܠ ܡܫܝܚܐ. ܐܗܡܝ ܡܢ ܐܒܕܢܗܘܢ. ܕܒܗܝܢ ܣ̈ܓܝܐܐ ܡܢ ܬܠܡ̈ܝܕܘܗܝ ܘܡܢ ܫܠܝ̈ܚܐ. ܘܝܥܩܘܒ ܐܚܘܗܝ ܕܡܪܢܼ. ܕܗܼܘ ܗܘܐ ܐܦܝܣܩܦܐ ܩܕܡܝܐ. ܟܕ ܥܕܟܝܠ ܩܝܡܝܢ ܗܘܘܼ. ܘܒܗܿ ܒܐܘܪܫܠܡ ܡܬܗܦܟܝܢ ܗܘܘ. ܘܐܝܟ ܫܘܪܝܐ ܚܣܝܢܐ ܐܓܪܘ ܗܘܘ ܒܗ ܒܐܬܪܐ. ܕܣܘܥܪܢܐ ܕܐܠܗܐ ܥܕܡܐ ܠܗܫܐ ܡܓܪ ܗܘܐ ܠܗܢ ܘܪܚܐ. ܕܕܠܡܐ

Page 115

ܡܡܬܘܡ ܢܬܬܘܢ ܘܢܬܘܒܘܢ ܥܠ ܡܕܡ ܕܥܒܕܘ. ܘܢܗܘܐ ܠܗܘܢ ܫܘܒܩܢܐ ܘܚܝ̈ܐ.܀ ܥܠ ܐܬܘ̈ܬܐ ܕܗܘ̈ܝ ܡܢ ܩܕܡ ܩܪܒܐ. ܥܠ ܗܕܐ ܟܠܗܿ ܡܓܪܬ ܪܘܚܐ. ܐܦ ܐܬܘ̈ܬܐ ܬܡ̈ܝܗܬܐ ܐܬܝܗܒܢ ܠܗܘܢܼ ܕܡܕܡ ܕܥܬܝܕ ܗܘܐ ܕܢܓܕܫ ܠܗܘܢ ܐܠܐ ܬܝܒܝܢ. ܕܐܦ ܠܗܝܢ ܐܫܘܝ ܐܢܝܢ ܠܕܘܟܪܢܐ ܗܼܘ ܡܟܬܒܢܐ. ܕܩܡܢ ܐܡܪܢ ܥܠܘܗܝ. ܒܬܫ̈ܥܝܬܗ. ܠܝܬ ܕܝܢ ܟܠܝܬܐ. ܕܟܕ ܪܕܝܢܢ ܒܗ ܒܟܬܒܐܼ ܕܐܦ ܠܗܝܢ ܢܣܝܡ ܐܢܝܢ. ܣܒ ܗܟܝܠ ܘܩܪܝ ܡܕܡ ܕܐܡܝܪ ܠܗ ܒܬܫܥܝܬܗ ܕܫ̈ܬ. ܟܕ ܐܡܪ ܗܟܢܐ. ܕܠܥܡܐ ܒܝܫܐ ܡܛܥ̈ܝܢܐ ܗܢܘܢ ܕܡܣܗܕܝܢ ܕܓܠܘܬܐ ܥܠ ܐܠܗܐ. ܡܦܝܣܝܢ ܗܘܘ ܠܗ ܒܗܿܘ ܙܒܢܐ. ܕܒܐܬܘ̈ܬܐ ܝܕ̈ܝܥܬܐ ܕܡܩܕܡܢ ܗܘ̈ܝ ܡܘܕܥܢ ܥܠ ܚܪܒܐ ܕܥܬܝܕ ܗܘܐ ܠܡܗܘܐ. ܠܐ ܢܚܘܪ ܘܠܐ ܢܗܝܡܢ. ܐܠܐ ܐܝܟ ܐܢ̈ܫܐ ܕܫܩܝܠ ܗܘܢܗܘܢ. ܘܠܝܬ ܠܗܘܢ ܥܝ̈ܢܐ ܘܠܐ ܢܦܫܐ: ܗܟܢܐ ܡܗܡܝܢ ܗܘܘ ܡܢ ܟܪܘܙܘܬܗ ܕܐܠܗܐ. ܩܕܡܝܐܝܬ ܕܝܢܼ ܕܠܥܠ ܡܢ ܡܕܝܢܬܐ ܩܡ ܟܘܟܒܐ ܕܕܡܿܐ ܠܪܘܡܚܐ ܘܐܓܪ ܫܢܬܐ ܚܕܐܼ ܟܕ ܙܩܝܦ. ܘܬܘܒ ܩܕܡ ܕܢܡܪܕܘܢ ܘܢܬܬܥܝܪ ܥܠܝܗܘܢ ܩܪܒܐ. ܟܕ ܡܟܢܫ ܥܡܐ ܒܝܘܡܐ ܕܦܛܝܪ̈ܐ ܒܬܡܢܝܐ ܒܢܝܣܢ ܒܬܫܥ ܫ̈ܥܝܢ ܕܠܠܝܐܼ. ܗܟܢܐ ܐܒܪܡ ܢܘܗܪܐ ܥܠ ܡܕܒܚܐ ܘܥܠ ܗܝܟܠܐ. ܐܝܟ ܡܐ ܕܢܣܒܪ ܐܢܫ ܕܐܝܡܡܐ ܗܼܘ ܢܗܝܪܐ. ܘܐܓܪ ܬܡܢ ܦܠܓܘܬ ܫܥܐ ܚܕܐ. ܕܗܼܝ ܠܐܝܠܝܢ ܕܝܢ ܕܝܕܥܝܢ ܟ̈ܬܒܐ ܩܕܗܝܫܐ ܩܕܡܘ ܦܪܫܘ. ܕܗܠܝܢ ܕܥܬܝܕܢ ܗܘ̈ܝ ܕܢܓܕܫܢ. ܘܒܗ ܬܘܒ ܒܗܢܐ ܥܐܕܐ. ܩܪܒ ܐܢܫ ܬܘܪܬܐ ܠܡܕܒܚܐ: ܘܝܠܕܬܼ ܐܡܪܐ ܒܡܨܥܬܐ ܕܗܝܠܟܐ. ܘܬܘܒ ܬܪܥܐ ܡܕܢܚܝܐ ܕܐܝܬܘܗܝ ܗܘܐ ܢܕܢܚܫܐ. ܘܝܩܝܪ ܗܘܐ. ܘܒܪܡܫܐ ܠܡܚܣܢ ܛܦܝܢ ܗܘܘ ܠܗ ܥܣܪܗܝܢ ܓܒܪ̈ܐ ܘܒܡܘ̈ܟܠܐ ܕܦܪܙܠܐ ܡܬܬܚܕ ܗܘܐ. ܘܠܬܚܬ ܐܝܬ

Page 116

ܗܘܐ ܠܗ ܣܘܟܪ̈ܐ ܥܡ̈ܝܩܐ. ܒܫܬ ܫ̈ܥܝܢ ܒܠܠܝܐ. ܐܫܬܟܚ ܩܐܡ ܘܦܬܝܚ ܡܢ ܨܒܘܬ ܢܦܫܗ. ܘܡܢ ܒܬܪ ܝܘ̈ܡܬܐ ܩܠܝܠ ܕܥܐܕܐܼ. ܒܚܕ ܘܥܣܪ̈ܝܢ ܒܐܝܪ. ܚܙܘܐ ܡܕܡ ܐܬܚܙܝ. ܘܡܣܬܒܪܐ ܗܼܝ ܕܥܣܩ ܠܡܬܗܝܡܢܘ. ܐܠܘ ܠܐ ܕܣ̈ܓܝܐܐ ܡܫܬܥܝܢ ܥܠܘܗܝ ܕܚܙܘܗܝ. ܘܚܫ̈ܝܗܝܢ ܬܘܒ ܕܐܬܘ̈ܬܐ ܫܘܝܢ ܠܡܬܗܝܡܢܘ. ܩܕܡ ܓܝܪ ܕܢܥܪܒ ܫܡܫܐ. ܐܬܚܙܝ ܠܥܠ ܒܟܠܗܿ ܟܘܪ ܡܪ̈ܒܟܬܐ. ܘܚܝ̈ܠܐ ܕܡܙܝܢܝܢ ܠܥܠ ܒܥܢ̈ܢܐ. ܘܡܫܘܪܝܢ ܗܘܘ ܘܡܬܟܪܟܝܢ ܗܘܘ ܠܡܕܝܢܬܐ. ܘܬܘܒ ܒܝܘܡܐ ܕܥܐܕܐ ܕܡܬܩܪܐ ܦܢܛܩܘܣܛܐ. ܒܠܠܝܐ ܥܠܘ ܟܗ̈ܢܐ ܠܗܝܟܠܐ ܠܬܫܡܫܬܐ ܐܝܟ ܕܐܝܬ ܗܘܐ ܠܗܘܢ ܥܝܕܐ. ܘܩܕܡܝܐܝܬ ܩܠ ܙܘܥܐ ܘܢܩܫܐ ܐܡܪܘ ܕܫܡܥܝܢ ܗܘܘ. ܘܡܢ ܒܬܪܼ ܩܠܐ ܡܢ ܫܠܝ ܐܫܬܡܥ ܕܐܡܪ. ܕܡܫܢܝܢ ܚܢܢ ܠܢ ܡܢ ܗܪܟܐ. ܘܐܦ ܕܕ̈ܚܠܝܢ ܡܢ ܗܠܝܢ.. ܬܘܒ ܓܒܪܐ ܚܕ ܩܘܪܝܝܐ ܕܫܡܗ ܝܫܘܥ ܡܢ ܗܕ̈ܘܝܛܐ ܩܕܡ ܐܪ̈ܒܥ ܫܢܗܝܢ ܕܩܪܒܐ. ܟܕ ܡܫܝܢܐ ܗܘܼܬ ܡܕܝܢܬܐ. ܘܡܠܝܐ ܗܘܬ ܟܠܡܕܡ ܝܬܝܪܐܝܬ. ܐܬܼܐ ܠܥܐܕܐ ܕܒܗ ܥܒܕܝܢ ܗܘܘ ܡ̈ܛܠܠܐ ܠܐܠܗܐ. ܐܝܟ ܕܐܝܬ ܥܝܕܐ. ܘܡܢ ܫܠܝ ܫܪܝ ܩܥܐ ܗܘܐ ܒܗܝܟܠܐ: ܩܠܐ ܡܢ ܡܕܢܚܐ. ܩܠܐ ܡܢ ܡܥܪܒܐ. ܩܠܐ ܡܢ ܐܪܒܥܬ ܪ̈ܘܚܐ. ܩܠܐ ܥܠ ܐܘܪܫܠܡ ܘܥܠ ܗܝܠܟܐ. ܩܠܐ ܥܠ ܚ̈ܬܢܐ ܘܟ̈ܠܠܬܐ. ܩܠܐ ܥܠ ܟܠܗ ܥܡܐ. ܘܗܕܐ ܒܟܠܗ ܐܝܡܡܐ ܘܠܠܝܐ ܒܟܘܠܗܘܢ ܫܘ̈ܩܐ ܡܬܟܪܟ (ܗܘܐ ܘܩܥܐ). ܐܝܟܢܐ ܕܐ̈ܢܫܐ ܝܕ̈ܘܥܐ ܡܢ ܥܡܐ ܐܬܬܪܥܡܘ ܒܗܢܐ ܛܒܐܒܐ ܒܝܫܐ. ܘܐܚܕܘܗܝ ܠܗܢܐ ܓܒܪܐ. ܘܡܚܘܗܝ ܡܚ̈ܘܬܐ ܪ̈ܘܪܒܬܐ. ܗܼܘ ܕܝܢ ܐܦܠܐ ܥܠ ܐܦ̈ܝ ܢܦܫܗ ܐܬܝܒ ܐܢܘܢ ܦܬܓܡܐ. ܠܗܢܘܢ ܕܩܝܡܝܢ ܗܘܘ. ܐܦܠܐ ܡܕܡ ܡܢ ܢܦܫܗ ܐܡܪ. ܐܠܐ ܗܢܘܢ ܩ̈ܠܐ ܩܕ̈ܡܝܐܼ ܐܝܟ ܥܝܕܐ ܩܥܐ ܗܘܐ.

Page 117

ܣܒܪܘ ܕܝܢ ܐܪ̈ܟܘܢܐ ܕܡܢ ܫܐܕܐ ܗܼܘ ܙܘܥܗ ܕܗܢܐ ܓܒܪܐ. ܘܐܣܩܘܗܝ ܠܗܘܦܪܟܐ ܕܪ̈ܗܘܡܝܐ. ܘܬܡܢ ܒܡܚ̈ܘܬܐ ܣܪܩܝܢ ܗܘܘ ܠܗ ܥܕܡܐ ܠܓܪ̈ܡܘܗܝ. ܗܼܘ ܕܝܢ ܠܐ ܐܬܟܫܦ ܠܗܘܢ. ܐܦܠܐ ܡܒܟܐ ܒܟܐ. ܐܠܐ ܐܝܟ ܕܐܝܬܘܗܝ ܝܬܝܪܐܝܬ ܠܗ ܠܗܢܐ ܩܠܐ ܡܪܟܢ ܗܘܐ ܠܗ. ܒܬܢ̈ܚܬܐ ܒܟܘܠ ܡܚ̈ܘܢ ܕܡܚܝܢ ܗܘܘ ܠܗ ܘܐܡܪ. ܘܝ ܘܝ ܐܘܪܫܠܡ. ܘܬܘܒ ܐܚܪ̈ܢܝܬܐ ܬܡ̈ܗܬܐ ܡܫܬܥܐ ܗܘܐ ܗܢܐ ܡܟܬܒܢܐ. ܕܡܠܬܐ ܕܢܒܝܘܬܐ ܐܫܬܟܚܬܼ ܒܐܘܪܫܠܡ. ܕܟܬܝܒ ܗܘܐ ܒܗܿ ܗܟܢܐ: ܕܒܗ ܒܗܿܘ ܙܒܢܐܼ ܩܐܡ ܐܢܫ ܡܢ ܟܘܪ ܡܢܗܘܢ. ܘܡܫܬܠܛ ܒܟܠܗ ܥܠܡܐ. ܕܗܢܘܢ ܣܒܪܝܢ ܗܘܘ ܕܥܠ ܐܣܦܣܝܢܣ ܫܠܡܘ. ܗܢܐ ܕܝܢ ܠܘ ܥܠ ܟܠܗ ܥܠܡܐ ܐܫܬܠܛ. ܐܠܐ ܥܠ ܪ̈ܗܘܡܝܐ ܒܠܚܘܕ. ܙܕܩ ܗܟܝܠ ܕܗܕܐ ܥܠ ܡܫܝܚܐ ܬܫܬܩܠ. ܗܿܘ ܕܐܡܣܝܪ ܠܗ ܡܢ ܐܒܐ. ܕܫܐܠ ܡܢܝܼ ܘܐܬܠ ܠܟ ܥܡ̈ܡܐ ܠܝܪܬܘܬܟ. ܘܐܘ̈ܚܕܢܝܟ ܥܒܪܗܝܗܿ ܕܐܪܥܐ. ܘܬܘܒ ܕܢܚܘܕ ܡܢ ܝܡܐ ܠܝܡܐ ܘܡܢ ܢܗܪ̈ܘܬܐ ܥܕܡܐ ܠܣ̈ܘܦܝܗܿ ܕܐܪܥܐ. ܩܕܡܘܗܝ ܢܒܪܟܢ ܓܙܪ̈ܬܐ. ܘܒܥܠܕ̈ܒܒܘܗܝ ܥܦܪܐ ܢܠܟܚܘܢ. ܫܘܠܛܢܗ ܠܡ ܫܘܠܛܢ ܥܠܡ. ܘܡܠܟܘܬܗ ܠܕܪܕܪܝܢ. ܕܒܗ ܒܗܢܐ ܙܒܢܐܼ ܒܟܠܗܿ ܐܪܥܐ ܢܦܩܬܼ ܣܒܪܬܗܘܢ ܕܫܠܝ̈ܚܐ. ܘܒܣ̈ܦܝܗܿ ܕܬܒܝܠ ܡ̈ܠܝܗܘܢܼ ܐܝܟ ܕܟܬܝܒ. ܘܐܦ ܒܥܒܪ̈ܘܗܝ ܕܥܠܡܐ ܐܫܬܡܥܬ ܡܠܬܗܘܢ.

ܡܬܟܢܫ ܕܝܢ ܟܠܗ ܙܒܢܐ ܥܕܡܐ ܠܫܢܬ ܬܪܬܝܢ ܕܝܠܗ ܕܐܣܦܣܝܢܘܣܼ ܘܚܘܪܒܗܿ ܐܚܪܝܐ ܕܐܘܪܝܫܠܡ. ܡܢ ܫܢܬ ܚܡܫܥܣܪ̈ܐ ܕܛܒܪܝܘܣ ܘܫܘܪܝܐ ܕܟܪܘܙܘܬܗ ܕܦܪܘܩܢ܆ ܫܢ̈ܝܐ ܐܪ̈ܒܥܝܢ ܘܬܪ̈ܬܝܢ.܀ ܡܢ ܚܒܘܫܝܐ ܕܒܝ̈ܘܡܝ ܐܢܛܝܟܘܣܼ. ܫܢܗܝܐ ܡܬܝܢ ܘܬܠܬܝܢ ܘܬܡܢܐ.܀ ܡܢ ܫܢܬ

Page 118

ܬܪ̈ܬܝܢ ܕܪܝܘܫܼ ܕܒܝܘ̈ܡܬܗ ܐܬܒܢܝ ܗܝܟܠܐ ܗܿܘ ܕܒܐܘܪܝܫܠܡ ܕܬܪ̈ܬܝܢ ܙܒ̈ܢܝܢ܇ ܫ̈ܢܝܐ ܚܡ̈ܫܡܐܐ ܘܫ̈ܥܝܢ.܀ ܡܢ ܒܢܝܢܗ ܩܕܡܝܐ ܕܗܝܟܠܐܿ ܕܗܘܐ ܒܝ̈ܘܡܝ ܫܠܡܘܢܼ. ܥܕܡܐ ܠܚܘܪܒܗ ܐܚܪܝܐܼ. ܕܗܘܐ ܒܝ̈ܘܡܝ ܐܣܦܣܝܢܘܣ: ܫܢ̈ܝܐ ܐܠܦ ܘܡܐܐ ܘܬܠܬ.܀ ܡܢ ܐܠܟܣܢܕܪܘܣ ܡܠܿܟܐ ܕܡܩ̈ܕܘܢܝܐܿ. ܫܢ̈ܝܐ ܬܠܬܡܐܐ ܘܬܡܢܝܢ ܘܚܕܐ.܀ ܢܡ . ܬܪ̈ܝܢ ܐܠܦ̈ܝܢ ܘܬܡܢܝܢ ܘܫܒܥ.

ܫܢܬ .ܒ. ܐܠܦܝܢ ܘܬܫܥܝܢ ܠܐܒܪܗܡܼ. ܩܒܠ ܐܦܝܣܩܦܘܬܐ ܕܪܗܘܡܐ ܩܕܝܫܐ ܠܝܢܘܣ. ܘܕܒܪ ܫܢܗܝܐ ܬܪ̈ܬܥܣܪܐ.܀܀ ܫܢܬ ܬܪܗܝܢ ܐܠܦ̈ܝܢ ܘܬܫ̈ܥܝܢ ܘܬܪ̈ܬܝܢ܆ ܗܘܐ ܙܘܥܐ ܩܫܝܐ ܒܩܝܦܪܘܣ ܓܙܪܬܐ. ܘܢܦܠܝܢ ܒܗ ܡܕ̈ܝܢܬܐ ܬܠ̈ܬ.܀܀ ܫܢܬ ܬܪ̈ܝܢ ܐܠܦ̈ܝܢ ܘܬܫ̈ܥܝܢ ܘܐܪ̈ܒܥܼ. ܡܝܬ ܐܣܦܣܝܢܘܣ ܡܠܟܐ. ܘܐܡܠܟ ܡܢ ܒܬܪܗ ܛܛܘܣ ܒܪܗܼ ܫܢ̈ܝܐ ܬܪ̈ܬܝܢ ܘܝܪ̈ܚܐ ܬܪ̈ܝܢ.܀܀ ܘܒܫܢܬ .ܒ. ܐܠܦܝܢ ܘ.ܨܘ. ܡܝܬ ܛܛܘܣ. ܘܐܚܕ ܡܢ ܒܬܪܗ ܕܘܡܛܝܢܘܣ ܐܚܘܗܝܼ ܫ̈ܢܝܐ ܚܡܫܥܣܪ̈ܐ ܘܝܪ̈ܚܐ ܐܪ̈ܒܥܐ.. ܗܢܐ ܐܩܝܡ ܪܕܘܦܝܐ ܥܠ ܟܪ̈ܣܛܝܢܐ ܒܬܪ ܢܐܪܘܢ. ܘܠܣ̈ܓܝܐܐ ܡܢ ܝܕ̈ܝܥܐ ܩܛܠ. ܘܐܦ ܠܟ̈ܠܕܝܐ ܘܠܦܝ̈ܠܘܣܦܐ ܪܕܦ ܘܬܪܕ ܡܢ ܪܗܘܡܐ. ܘܐܦ ܦܩܕ ܕܠܐ ܐܢܫ ܢܥܒܕ ܟܪ̈ܣܛܝܢܐ. ܗܢܘ ܕܝܢܼ ܕܠܐ ܐܢܫ ܢܥܡܕ.܀܀ ܫܢܬ .ܒ. ܐܠܦ̈ܝܢ ܘܡܐܐܼ. ܩܒܠ ܐܦܝܣܩܦܘܬܐ ܕܐܠܟܣܢܕܪܝܐ ܐܒܝܠܝܘܣ. ܘܕܒܪ ܫܢ̈ܝܐ ܬܪ̈ܬܥܣܪܐ.܀ ܫܢܬ .ܒ. ܐܠܦ̈ܝܢ ܘܡ̈ܐܐ ܘܚܕܐܼ. ܐܡܠܟ ܥܠ ܐܘܪܗܝ ܐܒܓܪ ܒܪ ܐܝܙܛ.. ܫ̈ܢܝܐ ܫ̈ܬ ܘܝܪ̈ܚܐ ܬܫ̈ܥܐ.܀܀ ܫܢܬ ܒ. ܐܠܦ̈ܝܢ ܘܡ̈ܐܐ ܘܬܪ̈ܬܝܢ܆ ܗܘܐ ܩܪܒܐ ܕܪ̈ܗܘܡܝܐ ܘܕܢܐܣܐܡܘܢܣ ܘܕܐܩܣ. ܘܙܟܘ ܪ̈ܗܘܡܝܐ.܀܀ ܫܢܬ .ܒ. ܐܠܦ̈ܝܢ ܘ.ܩܘ.܇ ܡܝܬ ܐܒܓܪ ܡܠܟܐ ܕܐܘܪܗܝ. ܘܡܢ ܥܠܬ ܪܚܡܬ ܪܝܫܢܘܬܐ ܠܐ ܫܠܡ ܠܚܕ ܪܝܫܐ. ܘܗܟܢܐ

Page 119

ܦܫ ܒܚܪ̈ܝܢܼ ܬܪ̈ܬܝܢ ܫ̈ܢܝܢ. ܘܡܢ ܒܬܪܟܝܢ ܐܚܕ ܡܠܟܘܬܐ . . . . . ܦܪܢܬܣܦܛܼ ܫ̈ܢܝܐ ܬܠ̈ܬ ܘܝܪ̈ܚܐ ܥܣܪ̈ܐ.܀ ܘܒܗܿ ܒܫܢܬܐ ܗܕܐܼ ܩܡ ܒܥܕܬܐ ܕܪܗܘܡܐ ܩܕܝܫܐ ܩܠܝܡܝܣ.܀ ܒܗܢܐ ܙܒܢܐ ܦܩܕ ܕܘܡܛܝܢܘܣ ܡܠܟܐܼ. ܕܟܠܗܝܢ ܣ̈ܬܐ ܕܟܪܡܐ ܢܬܥܩܪ̈ܢ ܡܢ ܡ̈ܕܝܢܬܐ. ܘܠܐ ܢܢܨܒܘܢ ܣܬܐ ܒܡܕܝܢܬܐ.܀ ܘܗܼܘ ܕܘܡܛܝܢܘܣ ܐܩܝܡ ܪܕܘܦܝܐ ܥܠ ܟܪ̈ܣܛܝܢܐ ܘܠܣ̈ܓܝܐܐ ܡܢ ܒܢ̈ܝ ܝܕ̈ܝܥܐ ܩܛܠ. ܘܠܣ̈ܓܝܐܐ ܪܕܦ ܘܛܪܕ. ܐܫܪܝ ܕܝܢ ܐܦ ܠܝܘܚܢܢ ܫܠܝܚܐ ܠܦܛܐܡܘܣ ܓܙܪܬܐܼ. ܐܝܟܐ ܕܐܦ ܓܠܝܢܐ ܩܒܠ.܀ ܒܗܢܐ ܕܝܢ ܙܒܢܐܼ ܗܪܗܣܝܣ ܣ̈ܓܝܐܬܐ ܢܒܼܥ. ܠܘܩܕܡ ܗܪܣܝܣ ܐܝܕܐ ܕܡܬܩܪܝܐ ܕܐܒ̈ܝܘܢܝܐ. ܥܠ ܕܒܨܝܪܐܝܬ ܘܡܣܟܢܐܝܬ ܐܚܝܕܝܢ ܗܘܘ ܠܡܫܝܚܐ. ܒܪܢܐܫ ܓܝܪ ܫܚܝܡܐ ܚܫܒܝܢ ܗܘܘ ܠܗ. ܕܐܙܕܕܩ ܒܬܪܒܝܬܐ ܕܥܝܕܐ ܕܕܘܒܪ̈ܐ. ܘܐܬܝܠܕ ܡܢ ܫܘܬܦܘܬܐ ܕܓܒܪܐ ܘܕܡܪܝܡ. ܘܐܡܿܪܝܢ ܗܘܘ ܕܡܬܒܥܐ ܦܘܠܚܢܐ ܕܢܡܘܣܐ ܘܠܐ ܡܗܝܡܢܝܢ ܗܘܘ ܕܚܝܿܝܢ ܡܢ ܗܝܡܢܘܬܐ. ܬܘܒ ܕܝܢ ܐܚܪ̈ܢܐ ܕܒܗ ܟܕ ܒܗ ܒܫܡܐ ܡܬܩܪܝܢ ܐܒ̈ܝܘܢܝܐܼ. ܡܛܠ ܡܪܚܘܬܗܘܢ ܣܓܝܐܬܐ. ܕܐܬܝܠܕ ܕܝܢ ܡܢ ܒܬܘܠܬܐ ܘܡܢ ܪܘܚܐ ܩܕܝܫܐ ܠܐ ܟܦܪܝܢ. ܐܠܐ ܡܘܕܝܢ ܐܟܘܬܢܼ. ܕܡܢ ܩܕܝܡ ܐܝܬܘܗܝ ܡܠܬܐ ܕܐܠܗܐ ܘܚܟܡܬܐ. ܘܠܪܫܝܥܘܬܗܘܢ ܕܗܿܢܘܢ ܩܕ̈ܡܝܐ: ܒܗܿܝ ܕܥܝܕ̈ܐܼ ܡܬܚܦܛܝܢ ܠܡܛܪ. ܒܐܝܓܪ̈ܬܐ ܕܝܢ ܕܦܘܠܘܣ ܡܠܝܐܝܬ ܟܦܪܝܢ. ܘܩܿܪܝܢ ܠܗܼ ܡܣܛܝܢܐ ܕܢܡܘܣܐ. ܒܐܘܢܓܠܝܘܢ ܕܝܢ ܗܿܘ ܕܡܬܩܪܐ ܥܒܪܝܐܿ ܡܬܚܫܚܝܢ ܒܠܚܘܕ. ܟܕ ܠܗܠܝܢ ܐܚܪ̈ܢܐ ܠܐ ܫܠܡܝܢ. ܫܒܬܐ ܕܝܢ ܐܝܟ ܗܠܝܢ ܢܛܪܝܢ܆ ܘܕܘܒܪ̈ܐ ܕܝܗܘܕܝܘܬܐ. ܚܕܒܫܒܐ ܕܝܢ ܐܟܘܬܢ ܥܒܕܝܢ ܠܕܘܟܪܢܐ ܕܩܝܡܬܗ ܦܪܘܩܢ.

Page 120

ܘܡܛܠ ܗܕܐ ܬܪܥܝܬܐܕܐܝܬ ܠܗܘܢܼ. ܩܒܠܘ ܗܢܐ ܫܡܐ ܕܐܒ̈ܝܘܢܝܐ. ܗܟܢܐ ܓܝܪ ܡܬܩܪܐ ܡܣܟܢܐ ܒܠܫܢܐ ܥܒܪܝܐ ܐܒܝܘܢܝܐ. ܬܘܒ ܐܝܬ ܗܘܬ ܐܚܪܝܬܐ ܕܡܬܩܪܝܐ ܕܩܪܢܬܘܣ. ܗܢܐ ܠܡ ܩܐܪܢܬܢܘܣܼ ܗܿܘ ܕܒܝܕ ܚܙܘ̈ܐ ܐܝܟ ܫܠܝܚܐ ܪܒܐ ܐܥܠ ܠܥܠܦܡܢܘܬܐ ܠܥܠܡܐܿ. ܕܡ̈ܠܐ ܦܟܝ̈ܗܬܐ ܕܕܓܠ. ܘܐܼܡܪ ܕܡܢ ܡ̈ܠܐܟܐ ܝܠܝܦܢ ܐܢܝ̈ܢ ܠܗ܆ ܕܡܢ ܒܬܪ ܩܝܡܬܐ ܥܠ ܐܪܥܐ ܗܿܘܝܐ ܡܠܟܘܬܐ ܕܡܫܝܚܐ. ܘܬܘܒ ܠܡ ܠܪ̈ܓܝܓܬܐ ܕܦܓܪܐ ܒܐܘܪܫܠܡ ܗܿܘܝܢ ܦܠܚܝܢܢ. ܘܡܛܠ ܕܒܥܠܕܒܒܐ ܗܘܐ ܕܟ̈ܬܒܐ ܕܐܠܗܐܼ. ܨܿܒܐ ܗܘܐ ܕܢܛܥܐ ܘܢܐܡܪܼ. ܕܐܠܦܐ ܕܫܢܝ̈ܐ ܗܘܿܐ ܥܐܕܐ ܕܡܫܬܘܬܐ. ܘܠܐܝܠܝܢ ܕܗܼܘ ܡܬܪܓܪܓ ܗܘܐܼ. ܗܠܝܢ ܚܙܐ ܗܘܐ ܒܚܠܡܗ. ܡܛܠ ܕܣܓܝ ܦܓܪܢ ܗܘܐ. ܪܚܡ ܗܘܐ ܪ̈ܓܝܓܬܐ. ܗܢܘܘ ܕܝܢ ܡܫܬܝܐ ܘܡܟܘܠܬܐ ܘܙܘܘܓܐ. ܘܐܝܠܝܢ ܕܣܒܿܪ ܕܐܫܟܚ. ܕܡܫ̈ܡܗܢ ܡܢ ܗܠܝܢ. ܥ̈ܐܕܐ ܘܕ̈ܒܚܬܐ ܘܢܟܣܬܐ ܕܚܝ̈ܘܬܐ. ܐܩܪܒ ܕܝܢ ܗܼܘ ܗܢܐ ܠܘܩܒܠ ܫܠܝܚܐ ܝܘܚܢܢ ܐܘܢܓܠܣܛܐ.. ܒܚܕ ܡܢ ܝܘ̈ܡܝܢ ܕܝܢܼ ܥܠ ܝܘܚܢܢܼ ܠܒܠܢܐ ܕܢܣܚܐ. ܘܟܕ ܝܼܕܥ ܕܩܐܪܢܬܘܣ ܬܡܘܢ ܗܘ܆ ܫܘܪ ܡܢ ܕܘܟܬܗ ܘܥܪܩ ܠܬܪܥܐ. ܕܠܐ ܣܝܒܪ ܕܢܗܘܐ ܬܚܝܬ ܡܛܠܠܐ ܕܐܝܬܘܗܝ ܒܗ ܩܐܪܢܬܘܣ. ܘܗܕܐ ܐܡܼܪ. ܕܦܘܩܘܢ ܡܢ ܒܠܢܐ ܕܠܐ ܬܦܠ ܥܠܟܘܢ ܒܥܠܬ ܩܐܪܢܬܘܣ ܒܥܠܕܒܒܐ

Page 121

ܕܐܠܗܐ.܀ ܐܝܬ ܗܘܐ ܕܝܢ ܗܪܣܝܣ ܐܚܪܝܬܐ ܕܡܬܩܪܝܐ ܗܘܬ ܕܢܝܩܠܐܝܘܣ. ܗܢܐ ܕܝܢ ܢܩܠܐܝܘܣ ܐܝܬܘܗܝ ܚܕ ܡܢ ܫܒ̈ܥܐ ܕܗܠܝܢ ܕܐܬܓܒܝܘ ܠܬܫܡܫܬܐ ܕܣܢ̈ܝܩܐ ܕܥܡ ܐܣܛܦܢܘܣ. ܘܐܝܬ ܗܘܐ ܠܗ ܐܢܬܬܐ ܫܦܝܪܬ ܚܙܘܐ. ܘܡܡܢ ܒܬܪ ܡܣܩܬܗ ܕܡܪܢܼ. ܐܬܚܣܕ ܡܢ ܫ̈ܠܝܚܐ ܥܠ ܕܛܐܢ ܗܘܐ ܒܗܿ. ܗܼܘ ܕܝܢ ܐܝܬܝܗܿ ܠܡܨܥܬܐ. ܘܐܦܣ ܠܗܿ ܕܬܗܘܐ ܠܡܢ ܕܗܘ ܕܨܒܝܐ. ܘܡܕܡ ܕܒܦܫܝܛܘܬ ܨܒܝܢܐ ܐܬܐܡܪܼ. ܗܼܢܘܢ ܛܥ̈ܝܐ ܐܝܟ ܢܝܚܗܘܢ ܕܒܼܪ ܘܐܡܪܼ. ܕܥܠ ܗܿܝ ܐܡܼܪܼ. ܡܛܠ ܕܙܕܩ ܢܬܠ ܠܗ ܠܦܓܪܐ ܢܝ̈ܚܘܗܝ. ܘܡܿܪܝܘ ܠܗܢܐ ܡܕܡ ܕܗܘܼܐ ܒܚܘܒܐ ܕܡܫܝܚܐܼ. ܥܠ ܕܠܐ ܐܫܟܚ ܠܡܦܠܚ ܠܬܪܗܝܢ ܡܪ̈ܘܢܼ ܠܡܦܠܚ ܠܡܪܢ ܘܠܐܢܬܬܐ. ܗܢܼܘܢ ܐܝܟ ܕܒܗܦܟܐ ܥܒܕܘ. ܟܕ ܡܙܢܝܢ ܕܠܐ ܬܚܡܨܬܐܼ. ܟܠܗܘܢ ܐܝܠܝܢ ܕܡܬܩܪܝܢ ܡܢ ܗܕܐ ܗܪܣܝܣ. ܝܠܼܦܢܢ ܕܝܢ ܥܠ ܗܢܐ ܢܝܩܠܐܝܘܣ ܕܡܢ ܝܘܡܐ ܗܿܘ ܘܠܗܠܼ ܒܕܟܝܘܬܐ ܫܿܠܼܡ ܚ̈ܝܘܗܝ. ܘܐܦ ܒܪܗ ܘܒܢ̈ܬܗ ܬܘܒ ܒܒܬܘܠܘܬܐ ܣܐܼܒ.܀܀ ܫܢܬ .ܒ. ܐܠܦ̈ܝܢ ܘܡܐܐ ܘܥܣܪܼ. ܦܩܼܕ ܕܘܡܛܝܢܘܣܼ ܕܢܬܩܛܠܘܢ ܟܠܗܘܢ ܐܝܠܝܢ ܕܡܢ ܓܢܣܗ ܐܢܘܢ ܕܕܘܝܕ. ܐܝܟ ܕܠܐ ܐܢܫ ܢܩܘܐ ܘܢܗܘܐ ܡܩܒܠܢܐ ܕܡܠܟܘܬܐ ܕܝ̈ܗܘܕܝܐ. ܕܒܗܘܢܐܬܠܼܒܟ ܐܦ ܟܠܗܘܢ ܒ̈ܢܝ ܫܪܒܬܗ ܕܝܘܣܦ ܓܒܪܗܿ ܕܡܪܝܡ.܀܀ ܫܢܬ .ܒ. ܐܠܦܝ̈ܢ ܘܡܐܐ ܘܬܪܬܥܣܪ̈ܐܼ. ܐܬܚܙܝܢ ܐܬܘ̈ܬܐ ܪܘܪ̈ܒܬܐ ܒܪܗܘܡܐܼ ܘܒܟܠܗܿ ܐܪܥܐ.܀ ܘܒܗܿ ܒܫܢܬܐܼ. ܐܬܩܼܛܠ ܕܘܡܛܝܢܘܣ ܒܦܠܛܝܢ. ܘܐܡܠܟ ܢܐܪܘܣܼ ܫܢܬܐ ܚܕܐ ܘܝܪ̈ܚܐ ܐܪ̈ܒܥܐ.܀܀ ܫܢܬ .ܒ. ܐܠܦ̈ܝܢ ܘܡܐܐ ܘܬܠܬܥܣܪ̈ܐܼ. ܐܡܠܟ ܥܠ ܐܘܪܗܝܼ ܦܪܢܬܣܦܛ ܝܪ̈ܚܐ ܥܣܪ̈ܐ. ܘܒܬܪܗܼ ܡܥܢܘ ܒܪ ܐܝܙܛܼ. ܫܢ̈ܝܐ ܐܫܬܥܣܪ̈ܐ ܝܪ̈ܚܐ

Page 122

ܬܡ̈ܢܝܐ.܀ ܐܦܝܣܩܦܘܬܐ ܕܐܠܟܣܢܕܪܝܐ. ܕܬܠܬܐ ܩܡ ܩܪܕܘܢ ܫ̈ܢܝܐ .ܝܐ.܀ ܒܬܪ ܢܐܪܘܣ ܐܡܠܟ ܛܪܝܢܘܣܼ ܫܢ̈ܝܐ ܘܝܛ. ܘܝܪ̈ܚܐ ܫ̈ܬܐ.܀܀ ܫܢܬ .ܒ. ܐܠܦ̈ܝܢ ܘܡܐܐ ܘ .ܝܗ. ܢܦܩ ܝܘܚܢܢ ܐܘܢܓܠܝܛܐ ܡܢ ܥܠܡܐ ܗܢܐܼ. ܘܐܬܬܣܡ ܒܐܦܣܘܣ. ܡܬܝܕܥܝܢ ܕܝܢ ܒܗܢܐ ܙܒܢܐܼ. ܦܐܦܝܘܣ ܕܡܢ ܐܝܪܘܦܘܠܣ. ܘܦܘܠܩܪܝܦܘܣ ܐܦܝܣܩܦܐ ܕܬܘܬܒܘܬܐ. ܘܐܓܢܛܝܘܣ ܕܐܢܛܝܟܝܐ. ܕܐܝܬܝܗܘܢ ܬܠܡ̈ܝܕܘܗܝ ܕܝܘܚܢܢ.܀܀ ܫܢܬ .ܒ. ܐܠܦ̈ܝܢ (ܘܡܐܐ) ܘܥܣܪ̈ܝܢ ܘܚܕܐܼ. ܗܘܼܐ ܙܘܥܐ ܪܒܐ. ܘܗܼܦܟ ܡܕ̈ܝܢܬܐ ܡܢ ܐܣܝܐ ܐܪ̈ܒܥ. ܠܐܠܐܐ ܘܠܡܘܪܝܢܐ ܘܠܝܛܘܢܐ ܘܠܩܘܡܐ. ܘܡܢ ܗܠܣܼ. ܗܼܦܟ ܕܝܢ ܠܣܦܘܢܛܝܘܢ ܘܠܐܘܪܝܛܘܢ. ܘܥܼܨܪ ܐܢܘܢ ܪܘܓܙܐ ܠܥܡܘܪ̈ܝܗܝܢ ܓܒܘܗܝܢܼ ܐܝܟ ܕܠܥܢ̈ܒܐ.܀ ܩܡ ܕܝܢ ܒܥܕܬܐ ܕܐܠܟܣܢܕܪܝܐ ܕܐܪܒܥܐܼ ܦܪܝܡܘܢܼ ܫ̈ܢܝܐ ܬܪܬܥܣܪ̈ܐ.܀ ܒܗܢܐ ܙܒܢܐ ܐܩܝܡ ܥܠ ܥܕܬܐ ܪܕܘܦܝܐܼ ܛܪܝܢܘܣ. ܘܐܣܗܕ ܒܗܼ ܫܡܥܘܢ ܒܪ ܩܠܘܦܐ ܐܦܝܣܩܦܐ ܕܐܘܪܫܠܡ. ܘܩܒܼܠ ܡܢ ܒܬܪܗܼ ܝܘܣܛܘܣ. ܗܼܘ ܕܝܢ ܗܢܐ ܣܝܡܘܢ ܐܝܬܘܗܝܼ ܒܪܗ ܕܩܠܝܘܦܐ ܐܚܘܗܝ ܕܝܘܣܦ ܓܒܪܗܿ ܕܡܪܝܡ. ܘܟܕ ܗܘܐ ܒܪ ܡܐܐ ܘܥܣܪ̈ܝܢ ܫ̈ܢܝܢܼ ܩܡ ܒܐܓܘܢܐ ܕܣܗܕܘܬܐ. ܘܒܬܪ ܫܢ̈ܕܐ ܣ̈ܓܝܐܐ ܘܡ̈ܫܚܠܦܐ ܕܣܒܼܠ. ܐܙܕܩܦ ܥܠ ܩܝܣܦܐ.. ܘܐܦ ܐܓܢܛܝܘܣ ܕܐܢܛܝܟܝܐ ܐܣܗܕ ܒܪܗܘܡܐ. ܘܗܘܼܐ ܡܢ ܒܬܪܗ ܒܐܢܛܝܟܝܐ ܐܦܝܣܩܘܦܐ ܝܐܪܘܢ.܀܀ ܣܢܬ ܬܪܝܢ ܐܠܦ̈ܝܢ (ܘܡܐܐ) ܘܥܣܪܝܢ ܘܐܪܒܥܼ. ܦܩܼܕ ܛܪܝܢܘܣ ܕܢܫܼܠܐ ܪܕܘܦܝܐ ܕܥܠ ܟܪ̈ܝܣܛܝܢܐ. ܘܗܝܡܢܘܬܐ ܕܝܠܗܘܢ ܬܬܒܼܢܐ. ܐܦܝܣܩܦܘܬܐܕܥܕܬܐ ܕܪܗܘܡܐ ܩܒܠ ܕܚܡ̈ܫܐܼ ܐܠܟܣܢܕܘܣܿ ܫܢܗܝܐ ܥܣܪ̈.܀ ܗܝܠܟܐ ܕܝܢ ܕܒܪܗܘܡܐ

Page 123

ܕܡܬܩܪܐ ܕܟܠ ܐܠܗܝܢ ܒܒܪܩܐ ܐܬܚܒܠ.. ܘܡܢ ܓܠܛܝܐܼ. ܬܠܬ ܡܕ̈ܝܢܬܐ ܒܙܘܥܐ ܐܬܚܒܠ.܀܀ ܫܢܬ .ܒ. ܐܠܦ̈ܝܢ (ܘܡܐܐ) ܘܥܣܪܝܢ ܘܬܡ̈ܢܐܼ. ܩܒܠ ܟܘܪܣܝܐ ܕܥܕܬܐ ܕܒܐܘܪܫܠܡ ܕܐܪ̈ܒܥܐܼ ܙܟܝ.. ܘܒܬܪܗ ܕܚ̈ܡܫܐܼ ܛܘܒܝܐ.. ܘܒܬܪܗ ܕܚ̈ܡܫܐܼ ܛܘܒܝܐ.. ܘܒܬܪܗܼ ܦܠܝܦܘܣ.܀܀ ܫܢܬ .ܒ. ܐܠܦ̈ܝܢ (ܘܡܐܐ) ܘܥܣܪ̈ܝܢ ܘܬܡ̈ܢܐܼ. ܗܘܼܐ ܙܘܥܐ ܪܒܐܼ ܒܐܢܛܝܟܝܐ. ܘܒܨܝܪ ܩܠܝܠ ܗܦܟܗܿ ܗܘܐ ܠܡܕܝܢܬܐ.܀܀ ܫܢܬ .ܒ. ܐܠܦ̈ܝܢ (ܘܡܐܐ) ܘܬܠ̈ܬܝܢ܆ ܐܡܠܟ ܥܠ ܐܘܪܗܝܼ ܡܥܢܘ ܒܪ ܡܥܢܘܼ ܫܢ̈ܝܐ ܥܣܪܗܝܢ ܘܐܪ̈ܒܥ. ܘܥܒܼܪ ܠܒܝܬ ܪ̈ܗܘܡܝܐ.܀ ܝܗ̈ܘܕܝܐ ܕܒܠܝܒܘܐ ܥܡ ܚ̈ܢܦܐ ܕܥܡܪܝܢ ܠܘܬܗܘܢܼ. ܫܪܝܘ ܕܐܣܛܣܝܣ ܢܥܒܕܘܢ ܘܢܩܪܒܘܢ. ܘܗܼܢܘܢܕܒܐܓܝܦܛܘܣ ܘܒܐܠܟܣܢܕܪܝܐ ܘܒܩܘܪܐܢܐ ܕܘܒܬܒܐܝܣܼ. ܐܬܓܒܪܘ ܕܝܢ ܥܠܝܘܢ ܝܘ̈ܢܝܐ ܕܒܐܠܟܣܢܪܝܐ.܀܀ ܫܢܬ .ܒ. ܐܠܦ̈ܝܢ (ܘܡܐܐ) ܘܬܠܬܝܢ ܘܚܕܐܼ. ܟܕ ܥܒܕܘ ܐܣܛܣܝܢ ܝܗ̈ܘܕܝܐ ܕܒܝܬ ܢܗܪ̈ܝܢ܆ ܦܩܼܕ ܥܠܝܗܘܢ ܛܪܝܢܘܣ ܠܠܘܣܝܐ ܩܘܐܛܣ. ܕܢܟܐ ܐܢܘܢ ܡܢ ܗܘܦܪܟܝܐ. ܘܐܙܕܝܢ ܩܘܐܛܣ. ܘܪ̈ܒܘܬܐ ܣ̈ܓܝܐܬܐ ܡܢܗܘܢ ܩܿܛܼܠ. ܐܝܟܢܐ ܕܫܘ̈ܩܐ ܘܒ̈ܬܐ ܕܡܕ̈ܝܢܬܐ ܘܐܘܪ̈ܚܬܐ ܘܫܒ̈ܝܠܐ ܘܟܠ ܕܘܟܼ ܡܢ ܫ̈ܠܕܝܗܘܢ ܡܠܝܐ ܗܘܬ. ܘܠܝܬ ܕܩܒܪ.܀ ܘܬܘܒ ܥܠ ܣܠܡܝܢܐ ܕܒܩܦܪܘܣ ܩܡ ܝܗ̈ܘܕܝܐ. ܘܠܚܢ̈ܦܐ ܕܒܓܘܗܿ ܩܛܠܘ. ܘܠܡܕܝܢܬܐ ܥܩܼܪ.܀܀ ܫܢܬ .ܒ. ܐܠܦ̈ܝܢ ܘܡܐܐ ܘܬܠܬܝܢ ܘܬܪܬܝܢ܆ ܛܪܝܢܘܣ ܒܟܘܪܗܢܐ ܡܝܬܼ ܒܣܠܢܘܢ. ܘܐܡܠܟ ܗܕܪܝܢܘܣܼ .ܟܐ. ܫܢܗܝܢ. ܘܗܼܘ ܗܕܪܝܢܘܣܼ ܠܐܠܟܣܢܕܪܝܐ ܕܡܒܠܒܠܐ ܗܘܬܼ ܡܢ ܝܗ̈ܘܕܝܐ ܐܬܩܢܗܿ. ܘܫܥܒܕ ܠܝܗ̈ܘܘܕܝܐ ܕܡܪܕܘ ܥܠ ܪ̈ܗܘܡܝܐܿ. ܕܬܪ̈ܬܝܢ ܙܒ̈ܢܝܢ. ܘܦܩܕ ܬܘܒ ܕܢܦܩܘܢ ܟܠܗܘܢ ܝܗ̈ܘܕܝܐ ܡܢ ܐܘܪܫܠܡ. ܘܠܐ ܢܥܼܠܘܢ ܬܘܒ

Page 124

ܠܬܡܢ.܀ ܒܗܢܐܕܝܢ ܙܒܢܐ ܢܒܥܬ ܗܪܣܝܣ ܕܣܒܠܝܘܣ. ܣܒܠܝܘ ܩܡ ܠܘܩܒܠ ܥܕܬܐ ܒܙܒܐܗܢܐܼ ܘܐܡܪ. ܕܚܕ ܗܘ ܩܢܘܡܐ ܐܝܬ ܠܬܠܝܬܝܘܬܐ. ܘܡܛܠܗܢܐ ܡܪܝܡ ܝܿܠܕܬ ܬܠܝܬܝܘܬܐ ܐܝܬܝܗܿ. ܘܐܦ ܨܠܝܒܐ ܕܬܠܝܬܝܘܬܐ ܐܝܬܘܗܝ. ܘܐܬܟܢܫܬ ܥܠܘܗܝ ܣܘܢܗܕܘܣ ܕܐܪ̈ܒܥܝܢ ܘܬܠ̈ܬܐ ܐܦܝ̈ܣܩܦܐ ܠܐܢܩܘܪܐ ܕܓܠܛܝܐ. ܘܬܚܡ ܘܐܚܪܡܘܗܝ ܘܫܕܘܗܝ ܡܢ ܥܕܬܐ. ܘܥܠ ܕܠܐ ܨܼܒܐ ܕܢܗܦܘܟ ܡܢ ܗܿܘ ܡܕܡ ܕܩܐܡ ܗܘܐ ܒܗ.܀ ܒܫܢܬ ܬܪ̈ܬܝܢ ܕܗܕܪܝܢܘܣܼ ܥܒܕ ܫܘܒܩܢܐ ܕܚܘ̈ܒܬܐ. ܘܡ̈ܕܝܢܬܐ ܐܝܠܝܢ ܕܚܝ̈ܒܢ ܗܘ̈ܝ. ܐܘܩܕ ܐܫܛܪ̈ܝܗܝܢ. ܘܡܕ̈ܐܬܐ ܠܣ̈ܓܝܐܐ ܫܒܩ.܀ ܘܒܫܢܬ ܐܪܗܒܥ ܕܝܠܗܼ. ܗܘܼܐ ܟܣܣܛܘܣ ܐܦܝܣܩܦܐ ܕܪܗܘܡܐܿ ܫܢ̈ܝܐ ܬܠܬ.܀ ܘܒܗܧ ܒܫܢܬܐ ܩܡ ܒܥܕܬܐ ܕܐܠܟܣܢܪܕܝܐܼ ܝܣܘܛܘܣܿ ܫܢ̈ܝܐ .ܝܐ… ܘܒܗܿ ܒܫܢܬܐ ܗܕܐܼ. ܗܘܐ ܙܘܥܐ ܩܝܫܐ. ܘܢܦܠܬ ܒܗ ܢܝܩܡܘܕܝܐ. ܘܣܘܓܐܐ ܡܢ ܢܩܝܐ. ܘܫܕܪ ܗܕܪܝܢܘܣ ܕܗܒܐܼ ܘܒܼܢܐ ܐܢ̈ܝܢ ܡܢ ܕܪܝܫ.܀ ܒܐܘܪܫܠܡ ܩܡ ܐܦܝܣܩܦܐ ܒܬܪ ܦܝܠܦܘܣܼ ܣܢܘܩܣ.. ܘܒܬܪܗܼ ܝܘܛܘܣ.. ܘܒܬܪܗܼ ܠܘܝ.. ܘܒܬܪܗܼ ܐܦܪܘܣ.. ܘܒܬܪܗܼ ܝܘܣܐ.. ܘܒܬܪܗܼ ܝܗܘܕܐ. ܗܠܝܢ ܟܠܗܘܢ ܩܡ ܐܦܝ̈ܣܩܦܐ ܡܢ ܓܙܘܪܬܐ. ܥܕܡܐ ܠܚܒܘܫܝܐ ܕܒܝ̈ܘܡܘܗܝ ܗܕܪܝܢܘܣ.܀܀ ܫܢܬ .ܒ. ܐܠܦ̈ܝܢ ܘܡ̈ܐܐ ܘ.ܡܕ. ܗܘܼܐ ܐܦܝܣܩܦܘܩܐ ܕܪܗܘܡܐ ܛܠܣܦܪܘܣܿ ܫܢ̈ܝܐ ܥܣܪ̈ܝܢ. .. ܘܕܥܕܬܐ ܕܐܢܛܝܛܝܐ ܗܘܼܐ ܩܘܪܢܝܠܝܘܣ. .. ܘܒܗ ܒܙܒܢܐ ܢܝܩܦܘܠܝܣܼ. ܐܦ ܩܣܪܩܐ ܐܬܗܼܦܟܝܢ ܒܙܘܥܐ. .. ܘܒܥܕܬܐ ܕܐܠܟܣܢܕܪܝܐ ܩܡ ܐܘܡܢܘܣܿ ܫܢܗܝܐ ܬܠܬܥܣܪܐ.܀ ܒܗܢܐ ܙܒܢܐ ܩܐܦܝܣܘܣܘ ܢܗܪܐ ܗܘܼܐ ܒܗ ܫܦ̈ܥܐ ܪ̈ܘܪܒܐ ܘܩ̈ܫܝܐ. ܘܐܛܝܦܘܗܿ ܠܐܠܘܣܝܢܐ ܡܕܝܢܬܐܼ ܘܚܒܠ ܘܚܿܢܼܩ ܠܝ̈ܒܝܗܿ. ܘܫܒܐ ܐܦ ܠܟܠ ܕܒܗܿ.܀ ܒܗ ܕܝܢ ܒܙܒܢܐ

Page 125

ܗܢܐܼ ܥܒܕ ܥܠܘܗܝ ܕܝܠܗ ܕܢܗܪܐ ܓܝܫܪܐ ܗܕܪܝܢܘܣ ܡܠܟܐ.܀܀ ܫܢܬ .ܒ. ܐܠܦ̈ܝܢ ܘ.ܩܡܗ.܆ ܗܘܼܐ ܒܥܕܬܐ ܕܐܠܟܣܢܕܪܝܐ ܐܘܡܢܘܣ.܀܀ ܒܫܢܬ .ܒ. ܐܠܦ̈ܝܢ ܘ.ܩܡܛ.: ܟܘܟܒܐ ܪܒ ܚܝܠܐ ܕܝܗ̈ܘܕܝܐܼ. ܒܝܫ̈ܬܐ ܣ̈ܓܝܐܬܐ ܐܣܒܠ ܠܥܡܐ ܕܟܪ̈ܣܛܝܢܐ. ܡܛܠ ܕܠܐ ܨܒܘ ܠܡܐܙܠ ܥܡܗ ܒܩܪܒܐ ܠܘܩܒܠ ܪ̈ܗܘܡܝܐ. ܘܥܒܼܕ ܪ̈ܗܘܡܝܐ ܘܝܗ̈ܘܕܝܐ ܩܪܒܐ ܥܠ ܓܢܒ ܦܠܣܛܝܢܐ. ܘܐܬܚܪܒܘ ܝܗ̈ܘܕܝܐ ܘܐܦ ܫܒܘ ܐܢܘܢ ܪ̈ܗܘܡܝܐ. ܘܥܩܼܪ ܘܐܘܒܕ ܐܢܘܢ ܡܢ ܐܘܪܝܫܠܡ. ܡܢ ܗܢܐ ܙܒܢܐܼ ܐܦ ܕܢܣܩܘܢ ܠܐܘܪܝܫܠܡܼ ܟܠ ܟܠܗ ܐܬܟܠܼܝܘ. ܠܘܩܕܡܼ ܒܨܒܝܢܐ ܕܐܠܗܐ. ܘܒܬܪܟܝܢܼ ܒܦܘܩܕܢܐ ܕܪ̈ܗܘܡܝܐ.܀ ܐܦܝܣܩܘܦܐ ܕܐܘܪܝܫܠܡ ܩܕܡܝܐ ܩܡ ܡܢ ܥܡ̈ܡܐܼ ܡܪܩܘܣ. ܟܕ ܫܠܡܘ ܗܿܢܘܢ ܕܡܢ ܓܙܘܪܬܐ.܀܀ ܫܢܬ .ܒ. (ܐܠܦ̈ܝܢ) ܘ.ܩܢܒ.܆ ܡܝܬ ܗܕܪܝܢܘܣ ܒܟܢܫ ܡ̈ܝܐ. ܘܐܡܠܟ ܡܢ ܒܬܪܗܼ ܛܛܘܣ ܐܢܛܘܢܝܢܘܣ ܕܐܬܩܪܝ ܙܕܝܩܐܼ ܥܡ ܒܢ̈ܘܗܝ ܐܘܪܠܝܘܣ ܘܠܘܩܝܘܣ. ܫ̈ܢܝܐ ܥܣܪ̈ܝܢ ܘܬܪ̈ܬܝܢ. ܘܝܪ̈ܚܐ ܬܠ̈ܬܐ.. ܘܒܫܢܬ ܚܕܐ ܕܝܠܗ ܗܘܼܐ ܗܘܓܝܐܢܘܣ ܐܦܝܣܩܦܐ ܕܪܗܗܘܡܐܼ. ܫܢ̈ܝܐ ܐܪ̈ܒܥ. ܘܒܬܪܗܼ ܗܘܼܐ ܦܝܘܣܼ. ܫܢ̈ܝܐ ܚܡܫܥܣܪ̈ܐ.܀܀ ܫܢܬ .ܒ. ܐܠܦ̈ܝܢ ܘܢܩܢܕ܇ ܐܡܠܟ ܥܠ ܐܘܪܗܝܼ ܘܐܠ ܒܪ ܣܗܪܘܼ ܫܢ̈ܝܐ ܬܪ̈ܬܝܢ.. ܘܒܬܪܗ ܐܡܠܟܼ ܡܥܢܘ ܒܪ ܐܝܙܛܼ ܟܕ ܗܼܦܟ ܡܢ ܒܝܬ ܪ̈ܗܘܡܝܐܿ ܫܢ̈ܝܐ ܬܪ̈ܬܥܣܪܐ. ܣܟܐ ܕܝܢ ܕܟܠܗܼ ܡܠܟܘܬܗܼ ܫܢ̈ܝܐ ܬܠܬܝܢ ܘܫܬ. ܕܠܐ ܗܿܠܝܢ ܕܗܘܼܐ ܒܝܬ ܪ̈ܗܘܡܝܐ.܀ ܒܗܢܐ ܙܒܢܐ ܘܠܢܛܝܢܘܣ ܪܝܫܐ ܕܗܪܣܝܣ ܡܬܝܕܥ. ܐܦ ܩܪܕܘܢ ܕܗܝܡܢܘܬܐ ܕܒܝܬ ܡܪܩܝܘܢ.܀܀ ܫܢܬ .ܒ. ܐܠܦ̈ܝܢ ܘܡܐܐ ܘܚܡܫܝܢ ܘܫܒ̈ܥܼ. ܩܡ ܐܦܣܩܦܐ ܕܚܡܫܐ ܒܐܢܛܝܟܝܐܼ ܐܘܪܣ.. ܘܒܐܠܟܣܢܕܪܝܐ ܩܡ ܡܪܩܘܣ. ܘܫܡܫ ܫܢ̈ܝܐ ܥܣܪ.܀܀ ܫܢܬ .ܒ. ܐܠܦ̈ܝܢ ܘ.ܩܣܛ.܆ ܐܡܠܟ ܥܠ ܐܘܪܗܝܼ

Page 126

ܐܒܓܪ ܒܪ ܡܥܢܘܼ ܫ̈ܢܝܐ ܬܠ̈ܬܝܢ ܘܚ̈ܡܫ.܀ ܘܒܗܿ ܒܫܢܬܐ ܗܘܼܐ ܐܦܝܣܩܘܦܐ ܒܐܠܟܣܢܪܕܝܐ ܩܠܐܕܝܘܢܼ ܫܢ̈ܝܐ ܐܪ̈ܒܥܣܪܐ.܀܀ ܫܢܬ .ܒ. ܐܠܦ̈ܝܢ ܘ.ܩܥܒ.܆ ܗܘܼܐ ܐܦܝܣܩܦܐ ܒܪܗܘܡܐ ܐܢܝܩܛܘܣܼ ܫܢ̈ܝܐ ܚܕܥܣܪ̈ܐ. ܘܕܒܝܘܡܬܗ ܦܠܘܩܪܝܦܘܣܼ ܟܕ ܐܬܼܐ ܠܪܗܘܡܐܼ ܣܘܓܐܐ ܡܢ ܗܪ̈ܛܝܩܐ ܐܦܢܝ. ܬܘܒ ܐܦܝ̈ܣܩܘܦܐ ܕܐܘܪܫܠܡ܇ ܩܡ ܕ.ܝܙ. ܡܪܩܝܢܘܣ. ܘܕ.ܝܚ. ܦܘܦܠܝܣ. ܘܕ.ܝܛ. ܡܟܣܝܡܘܣ. ܘܕ.ܟ. ܝܘܠܝܢܘܣ. ܘܕ.ܟܐ. ܓܐܝܐܢܘܣ. ܘܕ.ܟܒ. ܣܘܡܐܟܘܣ. ܘܕ.ܟܓ. ܓܐܝܘܣ. ܘܕ.ܟܕ. ܝܘܠܝܢܘܣ. ܘܕ ܟܗ. ܩܦܝܛܘܢ.܀܀ ܫܢܬ .ܒ. ܐܠܦ̈ܝܢ ܘܡܐܐ ܘܫܒܥܝܢ ܘܫܒܥܼ. ܡܝܬ ܛܛܘܣ ܡܠܟܐ ܕܪ̈ܗܘܡܝܐ. ܘܐܚܕ ܡܠܟܘܬܐ ܡܢ ܒܬܪܗ ܠܘܩܝܘܣ ܘܐܘܪܠܝܘܣ ܒ̈ܢܘܗܝܼ ܫܢ̈ܝܐ .ܝܛ. ܘܝܪܚܐ ܚܕ… ܘܒܢܬ ܐܪ̈ܒܥ ܕܝܠܗܘܢܼ ܫܒܼܐ ܘܠܓܫ ܡܠܟܐ ܕܦܪ̈ܬܘܝܐ ܩܘܪ̈ܝܣ ܣ̈ܓܝܐܬܐ ܡܢ ܕܪ̈ܗܘܡܝܐ.. ܘܒܢܬ ܫ̈ܬ ܕܝܠܗܘܢܼ ܟܒܫ ܠܘܩܝܘܣ ܠܦܪ̈ܬܘܝܐ ܘܫܒܥܕ ܐܢܘܢ.܀ ܘܒܗܿ ܒܫܢܬ ܗܘܼܐ ܐܓܪܦܝܢܘܣ ܒܥܕܬܐ ܕܐܠܟܣܢܕܪܝܐ ܐܦܝܣܩܦܐܼ. ܫ̈ܢܝܐ ܬܪ̈ܬܥܣܪܐ.܀܀ ܫܢܬ ܬܪܝܢ ܐܠܦ̈ܝܢ ܘܡ̈ܐܐ ܘܬܡ̈ܢܝܢ ܘܬܠ̈ܬ ܠܐܒܪܗܡܼ . ܗܘܼܐ ܪܕܘܦܝܐ ܩܫܝܐ ܘܥܙܝܙܐ ܕܘܕܠܐ ܒܪ̈ܚܡܐ ܥܠ ܟܪ̈ܣܛܝܢܐ. ܘܐܣܗܕ. ܒܗ ܐܢ̈ܫܐ ܣ̈ܓܝܐܐ ܝܬܝܪܐܝܬ ܒܐܬܪ̈ܘܬܐ ܕܓܠܛܝܐ.. ܐܦ ܩܕܝܫܐ ܦܘܠܘܩܪܝܦܘܣ ܐܦܝܣܩܘܦܐ ܕܙܡܪܢܐܿ. ܘܦܐܦܝܘܣ ܐܦܝܣܩܘܦܐ ܕܬܘܬܒܘܬܐ ܬܠܡ̈ܝܕܘܗܝ ܕܝܘܚܢܢ ܫܠܝܚܐܼ ܒܗ ܐܣܗܕܘ.܀ ܘܒܗܿ ܒܫܢܬܐ ܗܕܐܼ. ܗܘܼܐ ܟܘܪܗܢܐ ܩܫܝܐ ܘܥܙܝܙܐ ܕܫܚܛܐܼ ܒܟܠܗܿ ܐܪܥܐ. ܘܡܛܼܐ ܐܦ ܥܕܡܐ ܠܪܗܘܡܐ.. ܒܐܠܟܣܢܪܝܐ ܕܝܢ ܗܘܼܐ ܐܦܝܣܩ ܐܓܪܦܝܢܘܣ.. ܘܒܥܕܬܐ ܕܪܗܘܡܐ

Page 127

ܣܘܛܪܼ ܫܢ̈ܝܐ ܬܡ̈ܢܐ.. ܘܒܐܢܛܝܟܝܐ ܗܘܐ ܐܦܝܣܩܘܦܐ ܕܫܬܐܼ ܬܝܦܝܠܘܣ. ܗܘܿ ܕܐܦ ܡܐܡܪ̈ܘܗܝ ܡܦܪ̈ܫܐ ܩܿܝܡܝܢ. ܒܗܢܐ ܕܝܢ (ܙܒܢܐ) ܡܬܝܕܥܝܢ ܐܦܝܣܩ̈ܘܦܐ ܒܥܕܬܐ ܗܠܝܢ. ܣܘܛܪ ܕܪܗܘܡܐ.. ܐܓܪܦܝܢܘܣ ܕܐܠܟܣܢܪܕܝܐ.. ܬܝܦܝܠܘܣ ܕܐܢܛܝܟܝܐ.. ܕܝܢܘܣܝܘܣ ܕܩܘܪܢܬܘܣ.. ܐܦܘ[ܠܝـ]ܢܪܝܘܣ ܕܐܝܪܦܘܠܝܣ. ܗܢܐ ܠܘܩܒܠ ܢܒܝܘܬܐ ܕܓܠܬܐ ܕܦܪ̈ܘܓܝܐ ܩܡ ܘܒܼܿܛܠ.. ܡܠܝܛܘܢ ܕܐܣܝܐ.܀܀ ܫܢܬ .ܒ. ܐܠܦ̈ܝܢ ܘ.ܩܦܚ.܆ ܐܢܛܘܢܢܣ ܒܟܠܙܒܢ ܣܝܡ ܗܘܐ ܠܘܩܒܠ ܒ̈ܥܠܕܒܒܐ ܠܡܬܟܬܫܘ ܥܡܗܘܢ. ܐܦ ܟܕ ܩܪܝܒ ܗܼܘ. ܘܟܕ ܡܫܪܕ ܠܪ̈ܝܫܝ ܩܪ̈ܒܐ. ܘܟܕ ܦܪܛܝܢܐܟܣ ܘܐܝܠܝܢ ܕܥܡܗ ܕܒܩܘܐܕܘܣ ܒܨܗܝܐ ܡܬܐܠܨܝܢ ܗܘܘܿ. ܡܛܪܐ ܡܢ ܫܡܝܐ ܗܐܘ ܠܗܘܢ. ܘܠܓܪ̈ܡܝܢܝܐ ܘܠܣܪ̈ܡܛܝܐ ܕܩܝܡܝܢ ܗܘܘ ܠܘܩܒܠܗܘܢܼ ܒܪܩܐ ܢܦܼܠ ܥܠܝܗܘܢܼ. ܘܠܣܓܝ̈ܐܐ ܡܢܗܘܢ ܚܒܼܠܘ ܐܡܿܪܝܢ ܕܝܢ ܕܐܦ ܐܝܓܪ̈ܬܗ ܕܡܪܩܘܣ ܡܠܟܐ ܩܝ̈ܡܢ܇ ܕܒܗܝܢ ܣܗܕ. ܕܟܕ ܩܪܝܒ ܗܘܼܐ ܚܝܠܗ ܠܡܐܒܕ ܒܨܗܝܐܿ. ܒܨ̈ܠܘܬܐ ܕܟܪ̈ܣܛܝܢܐ ܐܬܦܪܩܘ. ܟܕ ܐܦ ܡܛܪܐ ܡܢ ܫܡܝܐ ܗܘܐ.܀܀ ܫܢܬ .ܒ. ܐܠܦ̈ܝܢܼ ܘ.ܩܨܒ.܆ ܗܘܼܐ ܐܦܝܣܩ ܕܥܕܬܐ ܕܪܗܘܡܐܼ ܐܠܘܬܪܘܣܼ ܫܢܗܝܐ .ܝܗ… ܘܒܥܕܬܐ ܕܐܢܛܝܟܝܐܼ ܗܘܼܐ ܡܟܣܝܡܘܣ.܀܀ ܫܢܬ .ܒ. ܐܠܦܝ̈ܝܢ ܘ.ܩܨܕ܇ ܗܘܼܐ ܙܘܥܐ. ܘܙܘܡܪܢܐ ܕܒܐܣܝܐ ܢܦܠܬ.. ܘܡܛܠ ܕܬܬܒܢܐܼ ܐܬܬܢܝܚܬ ܡܢ ܫܩ̈ܠܐ ܫ̈ܢܝܐ ܥܣܪ̈.܀܀ ܫܢܬ .ܒ. ܐܠܦ̈ܝܢ ܘ.ܩܨܗ.܆ ܐܢܛܘܢܝܢܘܣ ܐܬܟܪܗ ܘܡܝܬܼ ܒܦܐܢܘܢܝܐ.. ܘܐܡܠܟ ܒܬܪܗ ܩܘܡܐܕܘܣܼ ܫܢܗܝܐ ܬܠܥܣܪܗܐ.܀ ܒܥܕܬܐ ܕܝܢ ܕܐܠܟܣܢܕܪܝܐܼ. ܩܡ ܝܘܠܝܢܘܣ. ܘܕܒܼܿܪ ܫܢ̈ܝܐ ܥܣܪ̈.܀ ܐܝܪܢܘܣ ܐܦܝܣܩܘܦܐ ܕܠܘܓܕܘܢܘܣ ܡܬܝܕܥ.܀ ܬܘܒ ܐܦܝܣܩ̈ܘܦܐ ܕܐܘܪܫܠܡ. ܘܐܝܠܝܢ ܕܐܬܝܕܥ ܚܕ ܒܬܪ ܚܕ. ܕ.ܟܘ. ܩܼܡ ܡܟܣܝܡܘܣ.. ܘܕ.ܟܙ. ܐܢܛܘܢܝܢܘܣ.. ܘܕ.ܟܚ. ܘܠܝܣ..

Page 128

ܘܕ.ܟܛ. ܕܘܠܟܝܢܘܣ.. ܘܕ.ܠ. ܢܪܩܣܣ.. ܘܕ.ܠܐ. ܕܝܘܣ.. ܘܕ.ܠܒ. ܓܪܡܐܢܘܢ.. ܘܕ.ܠܓ. ܓܪܕܝܢܘܣ.. ܘܒܬܪܗܼ ܗܘ ܢܪܩܣܣ ܩܕܡܝܐ. ܕܐܝܟ ܗܠܝܢ ܟܠܗܘܢ ܐܦܝܣܩ̈ܘܦܐ ܐܬܝܒܘ ܒܐܘܪܫܠܡ. ܘܠܐ ܗܘܐ ܠܢ ܙܒܢܐ ܕܟܠ ܚܕ ܚܕ ܡܢܗܘܢ ܢܬܪܨ. ܒܗܿܝ ܕܠܐ ܐܬܪܫܼܡ ܙܒܢܐ ܕܡܕܒܪܢܘܬܗܘܢ.܀܀ ܫܢܬ .ܒ. ܐܠܦܗܝܢ ܘܡܬܝܢ ܘܬܠܬܼ. ܥܠ ܩܐܦܛܘܠܝܘܢ ܒܪܩܐ ܢܦܼܠ ܘܝܩܕܢܐ ܚܣܝܢܐ ܠܒܝܒܠܐܬܩܣ ܘܠܕܘ̈ܟܝܬܐ ܣ̈ܓܝܐܬܐ ܐܘܒܕ.܀ ܘܥܠ ܐܘܪܗܝܼ ܐܡܠܟܼ ܐܒܓܪ ܣܘܪܣ ܥܡ ܒܪܗ. ܫܢܬܐ ܚܕܐ ܘܝܪ̈ܚܐ ܫܒ̈ܥܐ. ܘܒܬܪܗ ܐܡܠܟܼ ܡܥܢܘ ܒܪܗ ܥܣܪ̈ܝܢ ܘܫܬ ܫܢ̈ܝܢ.܀ ܐܦܝܣܩܦܐ ܕܥܕܬܐ ܕܐܢܛܝܟܝܐܼ ܩܡ ܣܪܦܝܘܢ.. ܘܒܥܕܬܐ ܕܐܠܟܣܢܕܪܝܐ ܩܡܼ ܕܢܡܛܪܝܘ ܫܢ̈ܝܢ ܐܪ̈ܒܥܝܢ ܘܬܠܬ.܀ ܒܗܢܐ ܙܒܢܐ ܣܘܢܗܕܘܣ ܕܢܐܘܩܣܪܝܐ ܐܬܟܢܫܬ.܀ ܘܬܘܒ ܒܗ ܒܗܢܐ ܙܒܢܐ ܡܬܝܕܥܝܢ ܐܦܝ̈ܣܩܦܐ ܕܡܛܪܝܘܣ ܕܐܠܟܣܢܕܪܝܐ.. ܣܪܦܝܘܢ ܕܐܢܛܝܟܝܐ.. ܢܪܩܣܣ ܕܐܘܪܫܠܡ.. ܐܪܢܝܘܣ ܕܠܘܓܝܕܘܢܘܣ.. ܕܝܢܘܣܘܝ ܕܩܘܪܢܬܘܣ.. ܐܦܘܠܝܢܪܣ ܕܐܝܪܦܘܠܘܣ.. ܒܩܛܘܪ ܕܪܗܘܡܐ.. ܐܠܟܣܢܕܪܣ ܕܐܠܟܣܢܕܪܝܐ ܙܥܘܪܬܐ.. ܐܦ ܬܝܦܝܠܘܣ ܡܢ ܩܣܪܝܐ.. ܘܦܠܘܩܪܐܛܝܣ ܘܒܐܟܘܠܝܕܘܣ ܪ̈ܥܘܬܐ . . . . . .ܬܐ ܡܬܝܕܥܝܢ ܗܘܘ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܡ̈ܢܐܼ. ܩܘܡܐܕܣ ܐܩܝܡ ܪܕܘܦܝܐ ܥܠ ܟܪ̈ܣܛܝܢܐ. ܘܣ̈ܓܝܐܐ ܐܣܗܕ. ܘܐܦ ܗܼܘ ܩܠܝܠܐܝܬ ܩܒܠ ܡܣܡ ܒܪܝܫܐ. ܟܕ ܡܢ ܫܠܝ ܡܝܬ. ܘܐܬܚܢܩ ܒܒܝܬܐ ܕܒܣܛܝܐܢܘܣ.. ܘܐܡܠܟ ܒܬܪܗܼ ܦܪܛܝܢܐܣܟܣ܆ ܝܪ̈ܚܐ ܫ̈ܬܐ. ܘܒܬܪܗܼ ܣܘܪܘܣ ܫܢ̈ܝܐ ܬܡ̈ܢܥܣܪܐ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܠܬܥܣܪܐܼ. ܗܘܼܐ ܩܪܒܐ ܕܝܗ̈ܘܕܝܐ ܘܕܫܡܪ̈ܝܐ.܀܀ ܫܢܬ .ܒ. ܐܠܦ̈ܝܢ ܘܡܬܝܢ

Page 129

ܘܚܡܫܥܣܪ̈ܐܼ. ܗܘܼܐ ܐܦܝܣܩܦܐ ܕܥܕܬܐ ܕܪܗܘܡܐܼ ܙܦܘܪܝܘܣ.܀ ܒܗܢܐ ܕܝܢ ܙܒܢܐܼ. ܗܘܼܐ ܪܕܘܦܝܐ ܩܫܝܐ ܥܠ ܥܕܬܐ.. ܘܠܐܘܢܝܕܣ ܐܒܘܗܝ ܕܐܘܪܝܓܢܝܣ ܐܣܗܕ.. ܘܐܠܟܣܢܕܪܘܣ ܒܡܘܕܝܢܘܬܐ ܐܬܟܠܠ.܀ ܘܬܘܒ ܒܗ ܒܙܒܢܐ ܢܪܩܣܣ ܐܦܝܣܩܦܐ ܕܐܘܪܫܠܡ ܡܬܝܕܥ. ܗܼܘ ܕܝܢ ܗܢܐ ܢܪܩܣܣ ܓܒܪܐ ܐܝܬܘܗܝ ܚܝܠܬܢܐܼ ܘܣܥܪ ܚܝ̈ܠܐ. ܗܢܐ ܒܙܒܢܐ ܕܥܐܕܐ ܕܦܣܟܐܼ. ܚܣܼܪ ܗܘܐ ܠܗܘܢ ܡܫܚܐ ܠܡܫ̈ܡܫܢܐ. ܘܐܚܕܬ ܥܩܬܐ ܣܓܝܐܬܐ ܠܟܢܫܐ ܡܛܠܗܕܐ. ܗܼܘ ܕܝܢ ܛܘܒܢܐܿ ܟܕ ܚܼܙܐ ܠܥܩܬܐ ܕܗܘܬ ܠܟܢܫܐܼ ܦܩܼܕ ܠܗܘܢ ܠܡܫ̈ܡܫܢܐ ܕܢܩܪܒܢ ܠܗ ܡܝ̈ܐ. ܘܟܕ ܕܝܼܢ ܩܪܒ ܠܗܼ ܘܨܿܠܝ ܥܠܝܗܘܢܼ ܦܩܕ ܠܗܘܢ ܕܢܪܡܘܢ ܐܢܘܢ ܒܫܪ̈ܓܐ ܗܠܝܢܼ ܒܗܝܡܢܘܬܐ ܚܪܝܦܬܐ ܕܡܪܢ. ܘܟܕ ܥܒܼܕ ܗܕܐܪ. ܐܫܬܚܠܦܘ ܗܢܘܢ ܡܝ̈ܐ ܠܟܝܢܐ ܕܡܫܚܐܼ. ܒܝܕ ܚܝܠܐ ܐܠܗܝܐ ܘܒܨܠܘܬܐ ܕܛܘܒܢܐ. ܘܡܛܠ ܕܛܢܢܐ ܐܝܬܘܗܝ ܕܫܦܝܪ̈ܬܐ ܘܡܒܛܠܢܐ ܕܟܠܗܝܢ ܒܝ̈ܫܬܐܼ. ܐܢ̈ܫܐ ܬܠܬܐ ܣܥܪ̈ܝ ܒܝ̈ܫܬܐ܆ ܡܛܠܕܕܚܠܘܢ ܕܠܐ ܢܦܠܘܢ ܒܐܝܕ̈ܘܗܝܼ ܪܟܒ ܥܠܘܗܝ ܥܠܬܐܼ ܘܩܛܪܓܘܗܝ ܒܡܟܠܩܪܨܐ ܩܕܡ ܥܡܐ. ܟܕ ܐܡܼܪ ܚܕ ܡܢܗܘܢܼ. ܕܐܢ ܠܐ ܐܝܬܝܗܿ ܗܕܐܼ ܒܢܘܪܐ ܐܿܝܩܕ. ܐܚܪܢܐ ܕܝܢ ܐܡܼܪܼ. ܕܐܢ ܠܐ ܫܪܝܪܐܼ ܒܟܘܪܗܢܐ ܠܐ ܡܬܐܣܝܢܐ ܐܿܦܠ. ܐܚܪܢܐ ܕܬܠ̈ܬܐ ܬܘܒ ܐܡܼܪܼ. ܕܐܢ ܠܐ ܫܪܝܪܐܼ ܒܟܘܪܗܢܐ ܠܐ ܡܬܐܣܝܢܐ ܐܿܦܠ. ܐܚܪܢܐ ܕܬܠ̈ܬܐ ܬܘܒ ܐܡܼܪܼ. ܕܐܢ ܠܐ ܚܘܝܐ ܠܝ ܗܕܐܼ ܢܬܥܘܪ̈ܢ ܥܝ̈ܢܝ. ܘܟܕ ܐܡܼܪ ܡܪ̈ܚܡܐܼ ܐܢܫ ܡܢ ܡܗ̈ܝܡܢܐܼ ܠܐ ܗܝܡܢ ܐܢܘܢ. ܐܠܐ ܐܝܟ ܡܐ ܕܗܢܘܢ ܦܣܩܘ ܥܠܝܗܘܢ ܘܒܐܝܢܐ ܕܗܘ ܟܐܒܐ ܕܗܢܘܢ ܠܗܘܢ ܓܒܘܼ. ܒܥܓܠ ܘܩܠܝܠܐܝܬ ܐܕܪܟ ܐܢܘܢ ܡܣܡ ܒܪܝܫܐ. ܘܡܛܠ ܕܗܼܘ ܢܪܩܣܣ ܠܐ ܡܫܟܚ ܗܘܐ ܕܢܫܡܫ ܒܝܕ ܝܩܪܘܬܐ ܕܣܝܒܘܬܐܼ. ܐܬܚܙܝ ܠܐܠܟܣܢܕܪܣ ܐܦܝܣܩܦܐ ܕܩܣܪܝܐ ܒܚܙܘܐܼ. ܕܢܐܬܐ ܢܚܙܐ ܕܘܟܝ̈ܬܐ ܕܡܕܒܪܢܘܬܐ. ܘܟܕ

Page 130

ܡܢܥ ܠܐܘܪܫܠܡ. ܬܘܒ ܐܬܚܙܝ ܠܟܠܗܿ ܥܕܬܐ ܕܬܡܢ܆ ܕܦܘܩܘܢ ܘܩܒܠܘ ܠܐܦܝܣܩܦܐ܇ ܐܝܢܐ ܕܢܡ ܐܠܗܐ ܠܟܘܢ ܐܬܓܒܝ. ܘܟܕ ܢܦܩܘ ܐܪܥ ܠܐܠܟܣܢܕܪܘܣܼ ܟܕ ܐܬܿܐ. ܘܗܟܢܐ ܐܬܟܠܝ ܡܢ ܐܦܝ̈ܣܩܦܐ܆ ܐܝܢܐ ܕܡܢ ܐܠܗܐ ܠܟܘܢ ܐܬܓܒܝ. ܘܟܕ ܢܦܩܘ ܐܪܥ ܠܐܠܟܣܢܕܪܘܣܼ ܟܕ ܐܬܿܐ. ܘܗܟܢܐ ܐܬܟܠܝ ܡܢ ܐܦܝ̈ܣܩܦܐ ܘܐܚ̈ܐ. ܘܟܠܗܿ ܥܕܬܐ ܕܬܡܢ. ܘܠܐ ܝܗܼܒܘ ܠܗ ܕܢܐܙܠ ܬܘܒ ܠܐܬܪܗ. ܐܠܐ ܫܡܫ ܥܡ ܢܪܩܣܣ. ܟܕ ܗܿܘ ܚܝ.܀ ܒܗܢܐ ܕܝܢ ܙܒܢܐܼ ܐܦ ܗܪܣܝܣ ܕܡܘܢܛܢܘܣ ܐܝܬ ܗܘܐ. ܩܪܝܬܐ ܚܕܐܐܝܬ ܒܡܝܣܝܐ. ܕܫܡܗܿ ܐܪܕܒܘ. ܕܡܢܗܿ ܓܒܪܐ ܚܕ ܐܝܬ ܗܘܐ ܕܗܝܡܢ ܗܘܐ ܚܕܬܐܝܬ. ܕܫܡܗ ܗܘܐ ܡܘܢܛܢܘܣ. ܗܢܐ ܡܠܐ ܣܛܢܐ ܠܒܗ. ܟܕ ܐܡܿܪ ܘܡܬܢܒܐ ܡ̈ܠܐ ܢܘܟܪ̈ܝܬܐ ܠܒܪ ܡܢ ܡܫܠܡܢܘܬܐ ܕܥܕܬܐ. ܘܡܫܬܒܗܪ ܗܘܐ ܗܼܘ ܡܘܢܛܢܘܣ. ܘܐܡܿܪ ܗܘܐ ܥܠ ܢܦܫܗܼ ܕܗܘ ܐܝܬܘܗܝ ܪܘܚܐ ܦܪܩܠܝܛܐ. ܘܐܦ ܐܩܝܡ ܢ̈ܫܐ ܡܢ ܕܝܠܗܼ ܬܪ̈ܬܝܢ. ܘܡܠܐ ܐܢ̈ܝܢ ܪܘܚܐ ܕܫܘܩܪܐ. ܘܩܼܪܐ ܐ̈ܢܝܢ ܢܒ̈ܝܬܐ. ܕܠܚܕܐ ܫܡܗܿ ܗܘܐ ܦܪܝܣܩܐ. ܘܕܐܚܪܝܬܐ ܡܫܟܣܝܡܠܐ. ܠܘܩܒܠ ܗܠܝܢ ܐܩܪܒ ܩܕܝܫܐ ܐܦܘ[ܠܝـ]ܢܪܝܘܣ ܐܦܝܣܩܘܦܐ ܕܐܝܪܦܘܠܝܣ ܕܐܣܝܐ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܥܣܪܝܢ ܘܫܬܼ. ܡܝܬ ܣܘܪܘܣܼ ܟܕ ܡܩܪܒ ܗܘܐ ܥܡ ܒܪ̈ܒܪܝܐ. ܘܐܡܠܟ ܒܬܪܗܼ ܐܢܛܘܢܝܢܘܣ ܫ̈ܢܝܐ ܫܒ̈ܥ.܀ ܫܢܬ .ܒ. ܐܠܦ̈ܝܢ ܘ.ܪܟܙ.܆ ܗܘܐ ܐܦܝܣܩܘܦܐ ܕܬܡܢ̈ܝܐ (ܒܐܢܛܝܟܝܐ) ܐܣܩܠܝܦܕܘܣ. ܘܒܐܘܪܫܠܡ ܗܘܼܐ ܐܠܟܣܢܕܪܘܣ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܠܬܝܢ ܘܬܪ̈ܬܝܢ܆ ܗܘܐ ܛܘܦܢܐ ܕܡܝ̈ܐ ܒܐܘܪܗܝܼ ܡܢ ܢܗܪܐ ܗܿܘ ܕܥܐܠ ܠܗܿ ܡܢ ܓܒܐ ܡܥܪܒܝܐ ܕܝܠܗܿ ܕܡܕܝܢܬܐ. ܒܗ ܒܗܢܐ ܢܗܪܐ ܕܡܬܩܪܐ ܕܝܨܢ܇ ܗܘܧܘ ܒܗ ܫ̈ܦܥܐ ܩ̈ܫܝܐ ܕܡ̈ܝܐ ܒܠܠܝܐ. ܘܟܕ ܟܠܢܫ ܕܡܝܟ ܘܫܠܼܐ ܘܢܝܚ ܒܓܘ ܒܝܬܗܼ. ܥܠ ܗܼܘ ܢܗܪܐ ܟܕ ܡܠܼܐ ܣܦܐ ܒܣܦܐܼ. ܘܐܣܼܬܟܪ ܡܦ̈ܩܢܘܗܝ ܕܒܫܘܪܐ ܡܕܢܚܝܐܿ. ܡܢ ܚܝܠܐ ܕܩܘܦܝܐ ܕܛܥܼܝܢ ܗܘܐ ܡܢ ܛܘܪ̈ܐ ܘܡܢ ܫܘ̈ܩܐ. ܘܗܼܦܟ

Page 131

ܡܡܘܠܐ ܗܿܘ ܠܒܣܬܪܗ. ܘܟܕ ܟܠܢܫ ܕܡܝܟ ܥܠ ܥܪܣܗܼ. ܥܠܘܢ ܡܝ̈ܐ ܥܠܝܗܘܢ ܡܢ ܬܪ̈ܥܐ ܘܡܢ ܟܘ̈ܐܼ ܘܐܬܬܚܢܩܘ ܥܠ ܬܫܘ̈ܝܬܗܘܢ. ܘܒ̈ܬܐ ܐܝܠܝܢ ܕܒܢܼܝܢ ܒܛܝܢܐ ܘܒܠ̈ܒܢܐ ܬܪܘ ܘܢܦܼܠܘ. ܘܟܒܫܘܢ ܠܡܪ̈ܝܗܘܢ ܒܓܘܗܘܢܼ ܘܡܢ ܫܠܝ ܗܘܼܘ ܩܒܪ̈ܐ ܠܥܡܘܪ̈ܝܗܘܢ. ܘܫܠܡܬ ܢܒܝܘܬܐ ܕܐܡܿܪܐ: ܕܩܒܪܗܝܗܘܢ ܒܒ̈ܝܬܝܗܘܢ ܠܥܠܡ. ܘܐܬܚܢܩܘ ܕܝܢ ܒܗܿ ܝܬܝܪ (ܡܢ) ܬܪ̈ܝܢ ܐܠܦ̈ܝܢ ܕܒܢܝ̈ܢܫܐܼ ܘܣܘܓܐܐ ܕܒܥܝܪܐ. ܟܕ ܕܝܢ ܐܬܩܫܝ ܗܼܘ ܡܡܘܠܐ ܥܠ ܫܘܪܐܼ. ܐܬܪܥ ܡܢ ܫܠܝ ܘܢܦܼܠ. ܘܐܬܓܪܦ ܩܕܡ ܡܝ̈ܐ. ܘܫܒܐ ܐܦ ܠܡܕܝܢܬܐ ܘܐܦܩ ܟܠܡܕܡ ܕܟܒܼܫ ܗܼܘ ܫܦܥܐ ܕܡ̈ܝܐ. ܫ̈ܠܕܐ ܕܒܢ̈ܝܢܫܐ ܘܕܒܥܝܪܐܿ. ܘܩܝܗܣܐܿ ܘܨܒ̈ܘܬܐ ܕܒ̈ܬܐ ܘܡ̈ܐܢܐ ܡܦܪ̈ܓܐ. ܘܟܠܡܕܡ ܕܐܝܬ ܒܫܘ̈ܩܐ ܘܒܚ̈ܢܘܬܐ ܕܝܠܗܿ. ܫܒܼܐ ܕܝܢ ܐܦ ܓܢ̈ܣ ܘܒ̈ܬܐ ܘܩܘܪ̈ܝܣ ܘܩܢܝܢܐ ܟܠܗ ܕܩܕܡܘܗܝ. ܕܐܝܬ ܒܦܩܥܬܐ ܕܐܘܪܗܝ ܘܕܚܪܢ. ܘܐܝܬ ܠܡܚܙܐ ܠܥܣܪ̈ܬܐ ܟܕ ܡܫܘ̈ܝܢ ܘܐ̈ܙܠܢ ܒܓܘܗ. ܘܓܕܫܐ ܘܠܡܪ̈ܝܗܝܢ ܒܓܘܗܝܢ.܀܀ ܫܢܬ .ܒ. ܐܠܦܝܢ ܘܡܬܝܢ ܘܬܠܬܝܢ ܘܬܠܬ. ܗܘܼܐ ܩܪܒܐ ܩܫܝܐ ܐܦ ܥܙܝܙܐ. ܘܪܘܬ ܐܪܥܐ ܗܿܝ ܡܢ ܕܡܐ ܕܒܢ̈ܝܢܫܐܼ ܕܒܝܬ ܐܘܪܗܝ ܢ. ܘܒܗ ܒܩܪܒܐ ܐܬܩܛܠ ܐܢܛܘܢܝܢܘܣ ܡܠܟܐ ܕܪ̈ܗܘܡܝܐ.. ܘܐܡܠܟ ܡܢ ܒܬܪܗܼ ܡܩܪܝܢܘܣ ܫܢܬܐ ܚܕܐ. ܘܐܬܩܛܠ ܐܦ ܗܼܘ ܒܐܪܟܐܠܝܘܣ. ܘܐܡܠܟ ܒܬܪܗܼ ܐܢܛܘܢܝܢܘܣ ܕܡܢ ܐܠܓܐܒܠܐ܀ ܗܪܟܐ ܐܦ ܡܠܟܘܬܐ ܕܐܘܪ̈ܗܝܐ ܒܛܠܬ. ܕܐܚܕ ܫܘܠܛܢܐ ܕܡܠܟܘܬܗܘܢ ܫܢ̈ܝܐ ܬܠܬܡ̈ܐܐ ܘܚ̈ܡܫܝܢ ܘܬܪ̈ܬܝܢ. ܘܐܬܟܒܫܘ ܬܚܝܬ ܐܝܕܐ ܕܪ̈ܗܘܡܝܐ ܡܢ ܗܫܐ ܘܠܗܠ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܠ̈ܬܝܢ ܘܐܪ̈ܒܥܼ.

Page 132

ܗܘܼܐ ܐܦܝܣܩܘܦܐ ܕܥܕܬܐ ܕܐܢܛܝܟܝܐܼ ܦܝܠܛܘܣ.. ܒܥܕܬܐ ܕܝܢ ܕܪܗܘܡܐܼ ܗܘܼܐ ܩܠܝܣܛܘܣ.܀܀ ܒܫܢܬ .ܒ. ܐܠܦ̈ܝܢ (ܘܡܬܝܢ) ܘܬܠ̈ܬܝܢ ܘܫܬܼ. ܒܦܠܣܛܝܢܐ ܢܝܩܦܘܠܝܣ ܡܕܝܢܬܐ ܐܬܒܢܝܬ. ܗܿܝ ܕܡܢ (ܩܕܝܡ) ܥܡܐܘܣ ܡܬܩܪܝܐ ܗܘܬ.܀܀ ܫܢܬ .ܒ. ܐܠܦܗܝܢ ܘ.ܪܠܚ.܆ ܐܬܩܛܠ ܐܢܛܘܢܝܢܘܣܼ ܒܫܘܩܐ ܕܪܗܘܡܐ.. ܘܐܚܕ ܡܠܟܘܬܐ ܡܢ ܒܬܪܗܼ ܐܠܟܣܢܕܪܘܣ ܒܪܗܿ ܕܐܡܐܐܼ. ܫܢ̈ܝܐ ܬܠܬܥܣܪ̈ܐ. ܗܢܐ ܐܬܚܙܝ ܟܼܪܝܣܛܝܢܐ ܩܕܡܝܐ ܒܡ̈ܠܟܐ ܕܪ̈ܘܡܢܝܐ. ܘܐܦ ܡܐܡܐܐ ܐܡܗ ܕܝܠܗ ܕܐܠܟܣܢܕܪܘܣܼ ܐܡܿܪܝܢ ܥܠܝܗܿ ܕܠܐ ܗܘܼܬ ܡܢ ܢ̈ܫܐ ܕܥܠܡܐ ܐܢܬܬܐ ܕܕܚܠܐ ܗܘܼܬ ܡܢ ܐܠܗܐ ܝܬܝܪ ܡܗܿ. ܐܝܟܢܐ ܕܐܦ ܬܫ̈ܥܝܬܐ ܣ̈ܓܝܐܬܐ ܐܝܬ ܥܠܝܗܿ ܡܛܠ ܕܘܒܪ̈ܝܗܿ ܫܦܝܪ̈ܐ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܐܪ̈ܒܥܝܢ܆ ܗܘܼܐ ܐܘܪܒܐܢܘܣ ܐܦܝܣܩ ܕܥܕܬܐ ܕܪܗܘܡܐ܆ ܫܢ̈ܝܐ ܬܫ̈ܥ.. ܘܒܥܕܬܐ ܕܐܢܛܝܟܝܐ ܩܡ ܙܒܢܘܣ.. ܐܘܪܝܓܢܝܣ ܒܐܠܟܣܢܕܪܝܐ ܡܬܝܕܥ.܀܀ ܫܢܬ .ܒ. ܐܠܦ̈ܝܢ ܘ.ܪܡܘ.܆ ܗܘܼܐ ܐܦܝܣܩܘܦܐ ܕܥܕܬܐ ܕܐܠܟܣܢܕܪܝܐ ܗܪܐܩܠܘܣܼ ܫܢ̈ܝܐ .ܝܛ.܀ ܐܦ ܒܗ ܒܙܒܢܐ ܗܢܐܼ ܗܘܐ ܫܓܘܫܝܐ ܪܒܐ ܒܗܿ ܒܐܠܟܣܢܕܪܝܐ. ܘܫܝܢ ܡܢ ܬܡܢ ܐܘܪܝܓܢܣܼ ܘܒܩܣܪܝܐ ܕܦܠܣܛܝܢܐܼ ܥܘܡܪܗ ܥܒܼܕ.܀ ܘܒܗܿ ܒܫܢܬܐܼ ܗܘܐ ܐܦܝܣܩܘܦܐ ܕܥܕܬܐ ܕܪܗܘܡܐܼ ܦܐܢܛܝܐܢܘܣܼ ܫܢ̈ܝܐ ܚ̈ܡܫ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܚܡܫـ[ـܝـ]ـܢ ܘܚܕܐܼ. ܐܬܩܛܠ ܐܠܟܣܢܕܪܘܣ ܒܡܓܘܢܛܝܐܩܘܣ. ܘܐܡܠܟܼ ܡܟܣܡܝܢܘܣܼ. ܫܢܗܝܐ ܬܠ̈ܬ. ܗܢܐ ܐܙܝܥ ܪܕܘܦܝܐ ܩܫܝܐ ܥܠ ܡܕܒܪ̈ܢܐ ܕܥܕܬܐ. ܘܐܙܝܥ ܘܛܪܕ ܘܐܦܩ ܐܢܘܢ ܡܢ ܟܘܪ̈ܣܘܬܗܘܢ. ܘܣ̈ܓܐܐ ܐܣܗܕ ܒܗ ܒܪܕܘܦܝܐ. ܐܦ ܥܠܘܗܝ ܕܝܠܗ ܫܕܪ ܐܠܗܐ ܪܘܓܙܐ ܩܠܝܠܐܼ ܘܢܣܒܗ ܡܢ ܚܝ̈ܐ ܗܠܝܢ. ܟܕ ܐܬܩܛܠ ܒܐܩܘܠܝܐ.

Page 133

ܘܐܡܠܟ ܒܬܪܗܼ ܓܘܪܕܝܐܢܘܣܼ ܫܢ̈ܝܐ ܫ̈ܬ.܀܀ ܫܢܬ .ܒ. ܘܐܠܦ̈ܝܢ ܘܡܬܝܢ ܘܚ̈ܡܫܝܢ ܘܚ̈ܡܫܼ. ܗܘܐ ܒܥܕܬܐ ܕܪܗܘܡܐ ܐܢܛܘܪܣ ܝܚܐ ܚܕ.. ܘܒܬܪܗܼ ܗܘܼܐ ܩܕܝܫܐ ܦܐܒܝܐܢܘܣܼ ܫܢ̈ܝܐ ܬܪܬܥܣܪ̈ܐ.܀ ܗܢܐ ܕܝܢ ܩܕܝܫܐ ܦܐܒܝܐܢܘܣܼ ܢܐܡܪ ܩܠܝܠ ܥܠ ܗܘܿܝܗ. ܟܕ ܓܝܪ ܡܝܬ ܩܕܝܫܐ  ܐܢܛܘܪܣ ܐܦܝܣܩ ܘܟܠܢܫ ܪܗܿܛ ܠܕܪܓܐ ܗܢܐ ܕܪܝܫܢܘܬܐ: ܘܐܦ ܐܬܟܢܫܘ ܐܦܝ̈ܣܩܦܐ ܡܢ ܟܠ ܦܢ̈ܝܢ: ܘܩܫ̈ܝܫܐ ܘܕܝܪ̈ܝܐ ܠܗܿ ܠܪܘܡܐܼ ܐܝܟ ܡܢ ܕܢܥܒܕܘܢ ܠܗܿ ܐܦܝܣܩܦܐ: ܘܐܦ ܐܢ̈ܫܐ ܝܕܗܝܥܐ ܘܫܒ̈ܝܚܐ ܐܝܬ ܗܘܐ ܬܡܢ: ܕܐܝܬ ܗܘܐ ܥܠܝܗܘܢ ܡܣܒܪܢܘܬܐ ܠܣ̈ܓܝܐܐ ܡܛܠ ܨܒܘܬܐ ܗܕܐ: ܘܗܢܐ ܠܗܢܐ ܒܥܿܐ ܘܗܢܐ ܠܗܢܐ ܡܩܠܣ. ܦܐܒܝܐܢܘܣ ܕܝܢܼ ܟܕ ܥܠ ܬܪܥܝܬܐ ܕܒܪܢܫܐ ܠܐ ܣܠܼܩܼ. ܓܕܫ ܐܬܐ ܡܢ ܐܓܘܪܣܐ ܚܕ ܕܠܒܪ ܡܢ ܡܕܝܢܬܐ. ܘܥܡ ܐܚܪ̈ܢܐ ܕܥܡܗܼ ܐܬܩܼܪܒ ܗܘܐ ܕܢܞܚܙܐ ܠܗܿܝ ܕܗܘܝܐܼ ܐܝܟ ܟܠܢܫ. ܘܟܕ ܕܝܢ ܩܼܪܒ ܘܡܼܛܐܼ. ܦܪܚܬ ܒܕܡܘܬܐ ܕܓܘܫܡܐ ܕܝܘܢܐ ܡܢ ܫܠܿܝ ܘܢܚܬܬ ܡܢ ܪܘܡܐܼ. ܘܥܠ ܪܝܫܗ ܫܟܢܬ. ܘܡܢ ܫܠܝ ܩܥܼܐ ܥܡܐ ܟܠܗ ܐܝܟ ܕܡܢ ܚܕ ܦܘܡܐܼ ܕܫܘܐ ܗܘ. ܘܗܟܢܐ ܫܩܠܘܗܝ ܘܐܬܒܘܗܝ ܥܠ ܬܪܘܢܣ ܕܐܦܝܣܩܦܘܬܐ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܫ̈ܬܝܢ܆ ܐܬܩܼܛܠ ܓܐܘܪܕܝܐܢܘܣ ܒܦܪܬܘ. ܘܐܡܠܟ ܒܬܪܗܼ ܦܝܠܦܘܣܼ ܫܢܝ̈ܐ ܫܒ̈ܥ.܀ ܒܡܠܟܘܬܗ ܕܦܠܝܦܘܣܼ ܐܠܦ ܫ̈ܢܝܢ ܡ̈ܠܼܝ. ܘܐܓܘܢܐ ܕܫܢ̈ܝܢ ܐܠܦ ܐܫܬܡܫ. ܘܚܝ̈ܘܬܐ ܐܬܩܛܠ. ܘܬܐܛܪܘܢ ܒܦܩܥܬܐ ܕܐܪܝܣ ܬܠ̈ܬܐ ܝܘ̈ܡܝܢ ܘܬܠܬܐ ܠܝ̈ܠܘܢ ܗܘܼܬ. ܗܕܐ ܕܝܢ ܡܬܐܡܪܐ ܗܘܼܬ ܥܠܘܗܝ ܡܠܬܐ ܕܐܝܬܘܗܝ ܟܪܣܛܝܢܐ ܘܒܝܘܡܐ ܚܪܢܐ ܕܦܨܚܐܼ. ܨܼܒܐ ܗܘܐ ܕܢܬܚܠܛ ܒܨܠܘܬܐ ܥܡ ܥܡܐ. ܘܟܕ ܗܕܐ ܠܐ ܝܗܼܒ ܠܗ ܐܦܝܣܩܘܦܐ ܦܐܒܝܐܢܘܣ: ܥܕܡܐ ܕܢܘܕܐ ܘܢܚܫܘܒ ܢܦܫܗ ܥܡ ܗܿܢܘܢ ܕܡܛܠ ܣܟܠܘܬܗܘܢ ܩܝܡܝܢ ܒܬܝܒܘܬܐ. ܟܕ ܐܡܪ ܗܘܼܐ ܠܕܐ ܡܩܒܠ ܠܗܼ. ܐܠܐ

Page 134

ܥܒܕ ܗܕܐܼ. ܡܛܠ ܪ̈ܫܝܢܐ ܣ̈ܓܝܐܐ ܕܐܝܬ ܗܘܐ ܠܗ ܥܠܘܗܝ. ܘܐܬܛܦܝܣ ܡܢ ܟܠܗܿ ܬܪܥܝܬܗܼ. ܐܝܟ ܕܡܬܐܡܪ ܥܠܘܗܝ. ܘܚܘܝ ܒܥܿܒܕܐ ܪܥܝܢܐ ܫܪܝܪܐ ܕܐܝܬ ܗܐ ܠܗ ܒܕܚܠܬ ܐܠܗܐ. ܘܗܟܢܐ ܩܼܒܠܿܘܗܝ ܘܥܠ ܠܥܕܬܐ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܫܬܝܢ ܘܐܪܒܥܼ. ܗܘܐ ܕܝܢܘܣܝܘܣ ܐܦܝܣܩܦܐ ܕܐܠܟܣܢܪܕܪܝܐܼ. ܫܢ̈ܝܐ ܫܒܥܣܪ̈ܐ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܫܬܝܢ ܘܫܒܥܼ. ܐܬܩܛܠ ܡܠܟܐ ܡܗܝܡܢܐ ܦܝܠܦܘܣ ܥܡ ܒܢ̈ܘܗܝ. ܘܐܡܠܟܼ ܕܩܝܘܣܿ ܫܢܬ ܚܕܐ ܘܝܪ̈ܚܐ ܬܠ̈ܬܐ. ܗܢܐ ܕܝܢ ܕܩܝܘܣܿ ܟܕ ܠܡܗܝܢܐ ܘ[ܕܚܠ ܠܐܠܗܐ ܦܝܠܦܘܣ] ܘܠܒ̈ܢܘܗܝ ܩܛܼܠܼ. ܡܛܠ ܒܥܠܕܒܒܘܬܐܕܐܝܬ ܗܘܐ ܠܗ [ܠܘܬ ܦܝܠܦܘܣ]. ܒܝܕ ܕܗܼܘ ܩܕܝܫܐ ܡܡܟܟ ܗܐܘ ܐܦ ܡܣܚܦ ܗܘܐ ܠܣܓܕܬ ܦܬܟܪ̈ܐܼ ܒܝܕ ܒܥܠܕܒܒܘܬܐ ܕܠܘܬܗ ܐܬܓܘܙܠ ܪܘܓܗ ܐܦ ܥܠܝܢ܆ ܘܐܩܝܡ ܪܕܘܦܝܐ ܥܠ ܪ̈ܥܘܬܐ ܩܕ̈ܝܫܐ ܕܥܕܬܐ. ܘܥܠ ܟܠܗܘܢ ܒܢ̈ܝܢܫܐ ܕܒܗܿ. ܘܥܩܼܪ ܐܦ ܣܚܦ ܘܒܕܪ ܠܥܕ̈ܬܐ ܘܠܗ̈ܝܟܠܐ. ܘܫܿܦܼܥ ܕܡܐ ܕܒܢ̈ܝܗܿ. ܒܗ ܕܝܢ ܒܪܕܘܦܝܐ ܗܢܐܐܣܗܕܼ. ܩܕܝܫܐ ܦܐܒܝܐܢܘܣ ܐܦܝܣܩܘܦܐ ܕܪܘܡܐ. ܘܐܠܟܣܢܕܪܘܣ ܐܦܝܣܩܘܦܐ ܕܐܘܪܫܠܡ. ܘܕܝܢܘܣܝܣ ܕܐܠܟܣܢܕܪܝܐ. ܘܐܘܪܝܓܢܝܣ ܣ̈ܓܝܐܬܐ ܣܒܼܠ. ܩ̈ܫܝܫܐ ܕܝܢ ܘܚܝ̈ܕܝ ܘܡܗ̈ܝܡܢܐ ܒܢ̈ܝ ܥܠܡܐܼ ܕܥܒܿܪܝܢ ܠܡܢܝܢܐ ܐܣܗܕ ܒܫܢܬܐ ܗܕܐ. ܘܢܦܼܩ ܐܦ ܡܢ ܕܘܟܬܗܼ ܒܝܕ ܓܘܙܠܐ ܕܪܘܓܙܐ ܕܫܐܕܐ ܕܥܠܘܗܝ. ܕܢܥܒܪ ܒܟܠܗܘܢ ܐܬܪ̈ܘܬܐ ܘܢܪܕܘܦ ܠܟܠܗܘܢ ܡܗ̈ܝܡܢܐ. ܡܛܼܝ ܕܝܢ ܐܦ ܥܕܡܐ ܠܐܦܣܘܣ ܡܕܝܢܬܐ. ܒܗܿ ܕܝܢܼ ܝܬܝܪ ܡܢ ܟܠܗܝܢ ܣܥܼܪ ܒܗܿ ܒܝ̈ܫܬܐ. ܐܝܟܢܐ ܕܨܒܿܐ ܐܢܐ ܗܪܟܐ ܐܢܘܚ ܥܠ ܡܠܬܝܼ. ܘܐܫܬܥܐ ܩܠܝܠ ܡܢ ܣܓܝ ܥܠ ܒܝ̈ܫܬܐ ܕܐܣܬܥܪ̈ ܒܡܕܝܢܬܐ ܗܕܐ ܐܦܣܘܣ.

Page 135

ܬܫܥܝܬܐ ܕܥܠ ܐܦܣܘܣܼ ܘܥܠ ܗܠܝܢ ܬܡܢܝܐ ܛܠܝ̈ܐ ܕܐܣܗܕ ܒܗܿ. ܟܕ ܕܝܢ ܕܩܝܘܣ ܥܘܿܠܐ ܐܡܠܟ ܗܘܐ ܘܢܚܬ ܗܐ ܠܒܘܙܛܝܐ ܘܠܐܦܣܘܣ ܡܕܝܢܬܐ ܡܢ ܓܪܬܓܢܐ ܡܕܝܢܐ. ܗܝܕܝܢ ܥܕ̈ܬܐܕܐܬܪܐ ܐܬܬܚܕܝ. ܘܟ̈ܢܘܫܬܐ ܕܡܗ̈ܝܡܢܐ ܐܬܒܕܪ. ܘܟܗ̈ܢܐ ܘܐܚ̈ܐ ܕܚܠܘ ܘܫܢܝܘ ܡܢ ܩܕܡܘܗܝ. ܟܕ ܕܝܢ ܥܼܠ ܗܼܘ ܕܩܝܘܣ ܠܐܦܣܣ ܐܬܬܪܝܡ ܠܒܗ. ܘܫܪ ܕܢܒܢܐ ܥܠܘ̈ܬܐ ܡܨܥܬ ܟܪܟܐ. ܘܟܕ ܒܚܢܦܘܬܐ ܡܬܥܙܙ ܗܘܐܼ. ܠܪ̈ܘܪܒܢܐ ܕܟܪܟܐ ܦܩܕ ܗܘܐܼ ܘܡܕܒܚܝܢ ܗܘܘ ܥܡܗ ܠܦܬܟܪ̈ܐ. ܘܡܛܢܦ ܗܘܐ ܦܓܪ̈ܝܗܘܢ ܒܕ̈ܒܚܐ. ܘܟܢ̈ܫܐ ܚܒܝ̈ܨܐ ܟܠܝܘܡ ܡܢ ܟܠܕܘܟ ܟܢܝܫܝܢ ܗܘܘ ܡܨܥܬ ܟܪܟܐ ܐܦܝܣܘܣ. ܘܬܢܢܐ ܕܣܘ̈ܬܐ ܕܕܒܚܐܼ ܠܡܕܝܢܬܐ ܡܚܦܐ ܗܘܐ. ܘܥܡܛܢܐ ܕܥܛܪܐ ܕܝܩܕܢܐ ܕܣ̈ܘܬܐ ܡܢ ܡܨܥܬܐ ܟܪܟܐ ܣܿܠܩ ܗܘܐ. ܘܡܚܦܐ ܗܘܐ ܠܫܘܪ̈ܝܗܿ ܟܕ ܚܕܪܐ. ܒܗ ܗܟܝܠ ܒܗܿܘ ܚܓܐ ܟܡܝܪܐ ܕܬܡܢ ܕܚܢܦܘܬܐ ܟܢܝܫ ܗܘܐܼ. ܐܒܠܐ ܗܘܼܐ ܪܒܐ ܠܡܗ̈ܝܡܢܐ. ܘܪ̈ܝܫܝܗܘܢ ܐܬܪܟܢܘ. ܟܕ ܡܚܦܝܢ ܘܡܬܬܢܚܝܢ ܗܘܘ. ܘܒܬܚܦܝܬܐ ܐܦܝ̈ܗܘܢ ܡܚܦܝܢ ܗܘܘ ܡܢ ܕܚܠܬܐ ܕܪܕܘܦܝܐ. ܘܡܢ ܫܠܝ ܒܝܘܡܐ ܕܬܠܬܐ ܦܩܼܕ ܡܠܟܐ ܕܢܬܬܚܕܘܢ ܟܪ̈ܣܛܝܢܐ. ܚܢ̈ܦܐ ܕܝܢ ܘܝܗ̈ܘܕܝܐ ܠܘܝܢ ܗܘܘ ܠܐܣܛܪ̈ܛܝܘܛܐ. ܘܡܢ ܓܢ̈ܝܬܐ ܘܟܡ̈ܝܢܐ ܡܦܩܝܢ ܗܘܘ ܠܗܘܢ ܠܡܗ̈ܝܡܢܐ ܒܓܪܪܐ.

Page 136

ܘܒܢܘܬܦܐ ܪܒܐ ܡܩܪܒܝܢ ܗܘܘ ܠܗܘܢ ܠܐܝܟܐ ܕܟ̈ܢܫܐ ܟܢܝܫܝܢ ܗܘܘ ܥܡ ܡܠܟܐ ܠܕ̈ܒܚܐ. ܐܝܠܝܢ ܕܝܢ ܕܡܢ ܫܢ̈ܕܐ ܘܡܢ ܛܠ̈ܢܝܬܗ ܕܡܘܬܐ ܕܚܠܝܢ ܗܘܘ. ܡܢ ܫܪܪܐ ܘܡܢ ܪܘܡܐ ܢܨܝܚܐ ܕܚ̈ܝܐ ܠܡܗܝܡܢܘܬܐ ܫܪܥܝܢ ܗܘܘ ܘܢܦܠܝܢ. ܘܡܨܛܠܝܢ ܗܘܘ. ܘܩܠܝܠܐܝܬ ܡܕܒܚܝܢ ܩܕܡ ܟܠܢܫ. ܘܘܟܕ ܫܡܥܝܢ ܗܘܘ ܗܠܝܢ ܡܗ̈ܝܡܢܐ ܡܬܓܢܚܝܢ ܗܘܘ ܒܚܘܒܠܐ ܕܢܦ̈ܫܬܐ ܕܕ̈ܚܘܠܬܢܐ. ܐܝܠܝܢ ܕܝܢ ܕܡܥܙܝܢ ܗܘܘ ܘܩܝܡܝܢ ܩܕܡ ܚ̈ܫܐ ܕܙܒܢܐ ܡܛܠ ܡܫܝܚܐܼ ܥܠ ܫܘܥܐ ܕܫܪܪܐ ܕܠܐ ܡܬܬܙܝܥ ܩܝܡܝܢ ܗܘܘ ܠܒܝܒܐܝܬ. ܘܓܐܪ̈ܘܗܝ ܝܩܕ̈ܐ ܕܒܝܫܐܼ ܒܦܓܪ̈ܝܗܘܢ ܐܝܟ ܕܒܣܟܪܐ ܡܫܬܦܕܝܢ ܗܘܘ. ܘܫܢ̈ܕܐ ܘܐܘ̈ܠܨܢܐ ܡܣܝܒܪܢ ܗܘܘ. ܘܡܬܚܒܠ ܗܘܐ ܫܘܦܪܐ ܕܦܓܪ̈ܝܗܘܢ. ܘܐܝܟ ܙܒܠܐ ܥܠ ܐ̈ܦܝ ܐܪܥ ܡܫܬܕܐ ܗܘܐ. ܘܗ̈ܕܡܐ ܕܘ̈ܫܡܝܗܘܢ ܡܬܦܣܩܝܢ ܗܘܘ. ܘܥܠ ܡܓܕ̈ܠܐ ܘܥܠ̈ܝܬܐ ܕܫܘܪܐ ܡܬܬܠܝܢ ܗܘܘ. ܘܪ̈ܝܫܐ ܬܘܒ ܥܠ ܥܡ̈ܘܕܐ ܕܩܝܣܐ ܒܬܪܥ ܕܡܕܝܢܬܐ ܟܕ ܚܕܪܐ ܡܬܩܒܥܝܢ ܗܘܘ. ܥܘܪ̈ܒܐ ܕܝܢ ܘܦܪܚܬܐܿ ܥܡ ܟܘܕܪ̈ܐ ܘܢܥ̈ܒܐ ܥܠ ܟܪܟܐ ܛܝܪܝܢ ܗܘܘ. [ܟܕ ܫܪ̈ܕܘܕܐ] ܕܦܓܪ̈ܐ ܕܩ̈ܕܝܫܐ ܛܥܿܢܝܢ ܗܘܘ ܘܐܟܿܪܠܝܢ. ܘܐܒܠܐ ܪܒܐ ܥܠ ܗܕ̈ܡܐ ܕܡܗ̈ܝܡܢܐ ܦܪܝܣ ܗܘܐ. ܘܚܫܐ ܡܪܝܪܐ ܒܓܘ ܪܥܝܢܐ ܕܛܢ̈ܢܐ ܩܒܝܥ ܗܘܐ. ܣܘܪܕܐ ܘܕܚܠܬܐ ܠܟܠܢܫ ܐܚܝܕܐ ܗܘܬ. ܗܢܐ ܗܘܐ ܕܪܐ ܕܬܕܡܘܪܬܐ. ܗܢܐ ܗܘܐ ܐܓܘܢܐ ܕܡܠܼܐ ܣܘܪܕܐ ܠܚܙ̈ܝܐ. ܗܢܐ ܗܘܐ ܬܟܬܘܫܐ ܬܡܝܗܐ ܕܥܠܗܝܐ ܘܬܚ̈ܬܝܐ ܐܬܬܡܗܘ ܒܗ. ܐܣ̈ܐ ܕܒ̈ܢܝܢܐ ܡܒ̈ܓܢܢ ܗܘ̈ܝ ܥܠ ܓܘܢܚܐ ܕܠܓܘ ܡܢܗܝܢ ܡܣܬܥܪ ܗܘܐ. ܬܛܠܝ̈ܠܐ ܬܘܒ ܒ̈ܢܝܢܐ ܡܝܠܠܝܢ ܗܘܘܿ. ܟܕ ܡܬܥܨܝܢ ܗܘܘ ܕܢܟܘܢ ܢܦܫܗܘܢ ܡܢ ܩܠܐ ܕܚܫܐ ܕܬܚܘܬܝܗܘܢ ܬܩܦ ܗܘܐ. ܚܫܝܫܝܢ ܗܘܘ ܫܘ̈ܩܝܗܿ ܕܡܝܕܢܬܐܿ. ܡܢ ܓܪܪܐ ܕܟܪ̈ܣܛܝܢܐ ܚܫܝܫܝܢ ܗܘܘ ܫܘ̈ܩܝܗܿ ܕܡܕܝܢܬܐܿ. ܡܢ ܓܪܐܐ ܕܟܪ̈ܣܛܝܢܐ ܕܠܥܠ ܡܢܗܘܢ ܡܬܬܓܪܪܝܢ ܗܘܘ. ܕ̈ܡܥܐ ܒܥܝ̈ܢܐ ܬܩܦ̈ܢ

Page 137

ܗܘ̈ܝܼ ܥܠ ܫ̈ܠܕܐ ܕܚܒ̈ܝܒܝܗܝܢ ܕܚܿܙܝܢ ܗܘܘ. ܕܦܪ̈ܚܬܐ ܕܟܠܓܢܣ ܥܠܝܗܘܢ ܫܟܢ̈ܢ ܗܘ̈ܝ. ܫܘܪ̈ܐ ܕܝܢ ܕܡܕܝܢܬܐ ܙܝܥܝܢ ܗܘܘ ܕܢܦܠܘܢܼ. ܟܕ ܠܥܠ ܡܢܗܘܢ ܦܓܪܗܐ ܕܩܕ̈ܝܫܐ ܟܫܼܝܢ ܗܘܘ. ܐܝܢܐ ܗܼܘ ܚܫܐ ܕܡܢ ܗܢܐ ܩܫܐ ܗܘܐ. ܟܕ ܡܗ̈ܝܡܢܐ ܒܚܕ̈ܕܐ ܛܦܣܝܢ ܗܘܘ ܕܢܬܦܠܛܘܢ ܗܘܘ ܡܢ ܐ̈ܢܫܐ ܕܠܐ ܪ̈ܚܡܐ. ܐܒ̈ܗܐ ܒܒܢ̈ܝܗܘܢ ܟܿܦܪܝܢ ܗܘܘ. ܘܒ̈ܢܝܐ ܒܐܒ̈ܗܝܗܘܢ ܠܐ ܡܘܕܝܢ ܗܘܘ. ܪ̈ܚܡܐ ܡܢ ܪ̈ܚܡܝܗܘܢ ܡܬܪܚܩܝܢ ܗܘܘܼ. ܡܢ ܐܘܠܨܢܐ ܕܠܗܘܢ ܚܕܝܪ ܗܘܐ. ܗܝܡܢܘܬܗ ܕܝܢ ܕܡܫܝܚܐܼ ܒܐܘܠܨܢܐ ܡܬܒܢܝܐ ܗܘܬܼ. ܘܢ̈ܨܝܚܐ ܒܫܪܪܐ ܘܒܒܘܩܝܐ ܕܡܣܝܒܪܢܘܬܗܘܢ ܡܬܒܚܪܝܢ ܗܘܘ.܀ ܡܟܣܡܠܝܢܐ ܕܝܢܼ ܘܝܡܠܝܟܐ ܘܡܪܛܠܘܣ ܘܕܝܘܢܣܝܘܣ ܘܝܘܐܢܝܣ ܘܣܪܦܝܘܢ ܘܐܟܣܘܣܛܕܝܢܘܣ ܘܐܢܛܘܢܝܢܘܣ. ܡܫܪ̈ܪܝ ܒܗܝܡܢܘܬܐ ܕܒܪܐ ܕܐܠܗܐܼ. ܘܫܩ̈ܝܠܝ ܚܫܐ ܕܙܩܝܦܗ ܒܦܓܪ̈ܝܗܘܢܼ. ܟܕ ܗܠܝܢ ܒܟܠܝܘܡ ܚܿܙܝܢ ܗܘܘܘܡܬܬܢܚܝܢܼ ܘܟܡܝܪܝܢ ܒܚܫܐ ܦܪ̈ܨܘܦܝܗܘܢ. ܘܙܝܘܐ ܕܐܦܝ̈ܗܘܢ ܥܡܼܛ ܗܘܐ ܘܐܣܬܢܝ. ܘܒܫܗܪܐ ܘܨܘܡܐ ܘܨܠܘܬܐ ܒܪܬܡܐ ܕܒܥܘܬܐ ܥܠ ܬܪܥܐ ܐܝܬܝܗܘܢ ܗܘܘ. ܡܛܠ ܕܦ̈ܠܚܐ ܘܒ̈ܢܝ ܦܠܛܝܢ ܕܡܿܠܟܐ ܐܝܬܝܗܘܢ ܗܘܘ. ܘܪ̈ܝܫܐ ܘܝܕ̈ܝܥܐ ܕܝܠܗ ܕܟܪܟܐ. ܘܒܥܕܢܐ ܕܕ̈ܒܚܐ ܕܡ ܡܿܠܟܐ ܘܟ̈ܢܫܐ ܡܫܬܡܫܝܢ ܗܘܘ: ܗܢܘܢ ܡܗ̈ܝܡܢܐ ܓܢܒܝܢ ܗܘܘ ܥܕܢܐܼ ܘܥܠܝܢ ܗܘܘ ܠܒܝܬ ܐܪ̈ܟܐ. ܘܥܠ ܐܦ̈ܝܗܘܢ ܥܠ ܐܪܥܐ ܟܪܣܗܘܢ ܡܟܝܢ ܗܘܘ: ܘܒܕ̈ܡܥܐ ܘܨܠܘ̈ܬܐ ܩܕܡ ܐܠܗܐ ܡܬܬܢܚܝܢ ܗܘܘܼ. ܘܥܦܪܐ ܒܪ̈ܝܫܝܗܘܢ ܪܡܝܢ ܗܘܘ.܀ ܢܛܪ ܕܝܢ ܙܒܢܐ ܒܢ̈ܝ

Page 138

ܘܐܣܟܝܡܐ ܕܝܠܗܘܢܼ. ܘܒܥܕܢܐ ܕܕ̈ܒܚܐ ܕܟܠܢܫ ܒܝܬ ܦܬܟܪ̈ܐ ܡܬܚܙܐ ܗܘܐܼ. ܥܠܼܘܢ ܐܫܟܚ ܐܢܘܢ ܠܛܘ̈ܒܢܐ ܒܒܝܬܐ ܒܠܚܘܕܝܗܘܢ. ܟܕ ܡܟܝܟܝܢ ܥܠ ܥܦܪܐ ܓܘ̈ܫܡܝܗܘܢܼ ܘܣܝ̈ܡܢ ܒܐܪܥܐ ܐܦ̈ܝܗܘܢܼ ܘܒܥܦܪܐ ܛܡܝܪܝܢ ܓܘ̈ܫܡܝܗܘܢ ܘܒܕ̈ܡܥܐ ܘܒܒܟܝܐ ܕܥܝ̈ܢܝܗܘܢ. ܘܒ̈ܥܠܕܒܒܐ ܕܩܘܫܬܐ ܩܪܒܘ ܐܟܠܘ ܩܪܗܨܝܗܘܢ ܩܕܡ ܡܿܠܟܐ ܥܘܿܠܐܼ ܘܐܡܿܪܝܢ܇ ܐܓܘܣܛܘܣ ܡܠܟܐ ܕܠܥܠܡܝܢ܆ ܒܫܝܢܐ ܕܡܠܟܘܬܟܼ ܐܦ ܠܪ̈ܚܝܩܐ ܡܩܪܒ ܐܢܬ ܠܕ̈ܒܚܐ ܕܐܠܗ̈ܐ. ܘܗܐ ܩܪ̈ܝܒܐܼ ܡܡܣܪܝܢ ܥܠ ܫܘܠܛܢܟܼ ܘܫܝܛܝܢ ܦܘܩܕ̈ܢܝܟ. ܘܡܛܥܝܢ ܒܦܠܚܘܬܟܼ ܘܠܕܚܠܬܐ ܕܟܪ̈ܣܛܝܢܐ ܡܫܡܝܢܼ ܒܟܡܐܢܐ ܟܣܝܐ ܒܓܘ ܒܝܬܐ ܕܡܠܟܘܬܟ. ܘܐܝܬܘܗܝ ܪܝܫܗܘܢ ܡܟܣܡܠܝܢܐܼ ܘܬܘ̈ܠܕܬܐ ܕܗܘܦܪ̈ܟܐ ܫܒܥ ܚܒܪ̈ܘܗܝ. ܪܗܝܫܐ ܘܝܕ̈ܝܥܐ ܕܟܪܟܐ ܗܢܐ.. ܗܝܕܝܢ ܡܠܟܐ ܐܬܥܙܥܙ ܘܫܼܕܪ ܚܼܛܦ ܐܢܘܢ ܘܐܥܠ ܐܢܘܢ ܩܕܡܘܗܝ. ܟܕ ܕ̈ܡܥܐ ܒܥܝ̈ܢܝܗܘܢܼ ܘܣܥܪܐ ܕܪܝܫܗܘܢ ܕܛܡܝܪ ܒܥܦܪܐ ܕܐܪܥܐ ܕܥܠܝܗܿ ܡܟܝܟܝܢ ܗܘܘܿ. ܒܒܥܘܬܐ ܩܕܡ ܐܠܗܐ.. ܘܐܡܼܪ ܠܗܘܢ ܡܠܟܐ܇ ܐܝܟܘ ܠܐ ܟܬܪܬܘܢ ܠܘܬܢ ܒܕ̈ܒܚܐ ܫ̈ܠܡܐ ܕܐܠܗ̈ܐ ܕܟܠܗܿ ܬܝܒܠܼ ܕܠܗܘܢ ܡܩܪܒܝܢ ܗܘܝܢ܇ ܘܠܐ ܐܫܬܼܘܝܬܘܢ ܥܡ ܪ̈ܝܫܐ ܘܩܛܘܥܐ ܕܒ̈ܢܝ ܟܪܟܐ ܕܝܠܟܘܢ. ܡܟܝܠ ܩܪܒܘܒ ܘܫܿܠܼܡ ܕܒܚܐ ܒܚܕܘܬܐ. ܐܝܟ [ܟܠܢܫܼ ܕܡܬܬܚܝܒܐ] ܠܐܠܗ̈ܐ. ܗܝܕܝܢ ܡܟܣܡܠܝܢܐ ܥܡ ܛܘ̈ܒܢܐ ܚܒܪ̈ܘܗܝ ܥـ[ـܢܐ ܘܐ]ܡܪ. [ܐܝܬܘܗܝ] ܠܢ ܐܠܗܐ ܥܙܝܙܐ ܕܫܡܝܐ ܘܐܪܥ ܡܠܝܢ ܡܢܗ. ܕܠܗ ܕ̈ܒܚܐ ܟ̈ܣܝܐ ܘܕ̈ܟܝܐ ܕܬܘܕܝܬܢ ܡܩܪܒܝܢܢ. ܘܥܛܪܐ ܕܬܫܒܘܚܬܐ ܕܠܫ̈ܢܝܢ܆ ܠܓܚܙܘܬܐ ܕܐܝܬܘܬܗ ܡܩܪܒܝܢܢ ܒܫܠܡܘܬܐ ܕܪܥܝܢܢ܆ ܘܒܪܬܡܐ ܕܒܥܘܬܢ ܩܕܡܘܗܝ ܐܡܝܢܐܝܬ ܡܬܚܙܝܢܢ. ܚܢܢ

Page 139

ܕܝܢ ܗܟܝܠܼ ܥܛܪܐ ܕܬܢܢܐ ܛܢܦܐ ܩܕܡ ܦܬܟܪ̈ܐ ܠܐ ܡܩܪܒܝܢܢ. ܘܒܣܘܬܐ ܛܡܐܬܐ ܕܩܕܡ ܫܐ̈ܕܐ ܪ̈ܘܚܬܢ ܘܕܟܝܘܬܐ ܕܦܓܪ̈ܝܢ ܠܐ ܡܨܝܢܢ.. ܗܝܕܝܢ ܡܿܠܟܐ ܒܝܘܒܠܐ ܕܫܘ̈ܐܠܐܼ ܥܡ ܟܠܗܘܢ ܡܠܠ. ܘܬܘܕܝܬܐ ܕܡܘܕܝܢܘܬܗܘܢ ܗܕܐ ܐܝܬܝܗܿ ܗܘܬ.. ܘܦܩܼܕ ܡܿܠܟܐ ܘܐܬܦܣܼܩܘ ܙܘ̈ܢܣ ܕܬܡ̈ܢܝܐ ܡܢܗܘܢ. ܟܕ ܐܡܪ ܠܗܘܢܼ. ܕܡܟܝܠ ܕܥܠ ܡܠܟܘܬ ܐܠܗ̈ܝܢ ܦܠܝܓܝܢ ܐܢܬܘܢܼ. ܗܐ ܡܢܟܪܝܢ ܐܢܬܘܢ ܡܢ ܪܒܘܬܐ ܕܦܠܚܘܬܐ ܕܡܠܟܘܬܢ܇ ܥܕ ܗܘܿܐ ܠܝ ܐܬܪܐ ܘܡܗܘܢܐܝܬ ܡܬܒܚܪܝܢ ܐܢܬܘܢ ܩܕܡܝ ܒܫܘ̈ܐܠܐ ܕܡ̈ܠܝܟܘܢ. ܗܐ ܡܟܝܠ ܝܗܿܒ ܐܢܐ ܠܟܘܢ ܐܬܪܐ ܕܬܬܚܫܒܘܢ ܘܬܚܘܢ. ܘܦܼܩܕ ܗܘܐ ܘܐܪܝܡ ܫ̈ܐܪܐ ܕܦܪܙܠܐ ܡܢ ܟܬܦ̈ܬܗܘܢܼ ܘܐܦܩ ܗܘܐܐܢܘܢ ܡܢ ܩܕܡܘܗܝ.. ܘܗܼܘ ܕܩܝܘܣ ܢܦܼܩ ܠܟܪ̈ܟܐ ܐܚܪ̈ܢܐ ܕܢܣܥܘܪ ܐܢܘܢܼ. ܘܢܗܦܟܘܢ ܢܐܬܐ ܠܐܦܣܘܣ ܒܪܥܝܢܐ ܗܢܐ. ܗܝܕܝܢ ܠܡܟܣܝܡܠܝܢܐ ܘܠܚܒܪ̈ܘܗܝ ܗܘܼܐ ܠܗܘܢ ܐܬܪܐ ܕܒܗܝܡܢܘܬܗܘܢ ܥܒܿܕܐ ܕܙܕܝܦܘܬܐ ܢܫܠܡܘܢ. ܘܕܗܒܐ ܘܟܣܦܐ ܢܣܒܘ ܡܢ ܒܝܬ ܐܒ̈ܗܝܗܘܢܼ. ܘܙܕ̈ܩܬܐ ܠܡ̈ܣܟܢܐ ܝܿܗܒܝܢ ܗܘܘ ܒܟܣܝܐ ܘܓܠܝܐ. ܘܚ ܒܚܕ ܐܬܡܠܟܘ ܘܐܿܡܪܝܢ. ܢܦܘܩ ܠܢ ܡܢ ܝܬܒܐ ܕܟܪܟܐ ܗܢܐܼ. ܘܢܐܙܠ ܠܡܥܪܬܐ ܪܒܬܐ ܕܠܐܢܟܝܠܘܣ ܛܘܪܐ. ܘܬܡܢ ܢܬܚܙܐ ܐܡܝܢܐܝܬ ܩܕܡ ܐܠܗܐ ܒܒܥܘܬܐ ܕܠܐ ܕܕܘܕܐ ܕܥܠܡܐܿ. ܘܕܠܐ ܙܘܥ ܕܡܢ ܐܝܕ̈ܝ ܐܢ̈ܫܝܢ܇ ܥܕ ܗܦܟ ܡܿܠܟܐ ܘܐܬܐ ܕܩܕܡܘܗܝ ܢܬܚܙܐ. ܘܠܐ ܢܗܐܘ ܒ̈ܛܝܠܐ ܡܢ ܬܫܒܘܚܬܐ ܕܐܠܗܐ. ܘܗܿܝ ܕܐܝܬ ܠܗ ܨܒܝܢܐܼ ܢܣܥܘܪ ܠܘܬܢ. ܘܫܠܡܘ ܠܡܠܟܐ ܗܢܐ ܟܠܗ ܟܠܝܠܐ ܦܐܝܐ ܕܡܗ̈ܝܡܢܐ. ܕܗܘܿܝܢ ܗܘܘ ܒܡܢܝܢܐ ܬܡ̈ܢܝܐ ܡܢܗܘܢ. ܘܐܪܡܝܘ ܒܟܝܣܐ ܥܘܪܦܢܐ ܕܟܣܦܐܼ. ܘܢܣܒܘ ܥܡܗܘܢ. ܘܣܠܩ

Page 140

ܠܡܥܪܬܐ ܕܒܐܢܟܠܐܘܣ ܛܘܪܐ. ܘܬܡܢ ܗܼܘܘ ܝܘ̈ܡܬܐ ܣ̈ܓܝܐܐ. ܟܕ ܪܡܝܼܢ ܥܠ ܐܦ̈ܝܗܘܢ ܩܕܡ ܐܠܗܐ ܒܨܠܘܬܐ ܘܒܒܥܘܬܿ. ܚܠܦ ܦܘܪܩܢܐ ܕܚܝ̈ܝܗܘܢ. ܠܝܡܠܝܟܐ ܕܝܢ ܚܒܪܗܘܢܼ ܕܐܝܬܘܗܝ ܥܠܝܡܐ ܚܟܝܡܐ ܘܩܠܝܠܐܼ. ܥܒܕܘܗܝ ܠܗܘܢ ܣܥܘܪܐ. ܟܕ ܢܚ̈ܬܘܗܝ ܫܚܠܦ ܗܘܐ ܒܕܡܘܬ ܕܚܕܘܪܐ. ܢܿܣܒ ܗܘܐ ܟܣܦܐ ܥܡܗܼ ܘܢܿܚܬ ܗܘܐ ܠܡܕܝܢܬܐ. ܘܝܿܠܦ ܗܘܐ ܥܠ ܐܝܠܝܢ ܕܡܣܬܥܪ̈ܢ ܗܘ̈ܝ ܒܦܠܛܝܢ ܕܡܠܟܐ. ܘܝܿܗܒ ܗܘܐ ܙܕܩܬܐ ܠܡ̈ܣܟܢܐ ܡܢ ܟܣܦܐ ܕܥܠܘܗܝ. ܘܙܒܿܢ ܗܘܐ ܣܝܒܪܬܐ ܕܠܚܡܐܼ ܘܣܠܩ ܗܘܐ ܠܘܬ ܚܒܪ̈ܘܗܝ. ܘܡܘܕܥ ܗܘܼܐ ܠܗܘܢ ܥܠ ܐܝܠܝܢ ܕܡܣܬܥܪ̈ܢ ܗܘ̈ܝ ܒܡܕܝܢܬܐ. ܘܗܘܐ ܝܘܡܐܼ ܘܐܬܼܐ ܕܩܝܘܣ ܡܠܟܐ ܠܟܪܟܐ ܕܐܦܣܘܣ. ܘܒܗ ܒܥܕܢܐ ܦܩܼܕ ܗܘܐ ܠܦܠܛܡܢܘ ܕܢܕܒܚܘܢ ܥܡ ܕܒܝܬ ܡܟܣܡܠܝܢܐ ܘܚܒܪ̈ܘܗܝ. ܐܝܠܝܢ ܕܡܦܼܣ ܗܘܐ ܒܗܘܢ. ܘܪܢܐ ܒܗܘܢܼ ܘܗܘܐ ܕܚܠܬܐ ܠܟܠܗܘܢ ܡܗ̈ܝܡܢܐ ܒܡܕܝܢܬܐ. ܘܫܪܝܘ ܗܘܘ ܘܥܪܩ ܡܢ ܩܕܡܘܗܝ. ܐܦ ܝܡܠܝܟܐ ܐܬܪܗܒ ܗܘܐ ܠܗܼ ܘܢܦܼܩ ܗܘܐ ܠܗ ܡܢ ܟܪܟܐ. ܟܕ ܩܠܝܠ ܣܝܒܪ ܫܩܼܠ ܗܘܐ ܥܡܗ. ܘܣܠܼܩ ܠܛܘܪܐ ܠܡܥܪܬܐ ܠܘܬ ܚܒܪ̈ܘܗܝ. ܘܟܕ ܪܗܝܒ ܘܡܕܘܕ ܡܢ ܥܩܬܐܼ ܐܘܕܥ ܐܢܘܢ ܠܚܒܪ̈ܘܗܝ ܥܠ ܡܥܠܬܗ ܕܡܿܠܟܐ ܛܪܘܢܐ ܠܟܪܟܐܼ. ܘܕܐܬܦܩܕ ܘܐܬܒܥܝܘ ܥܡ ܦܝܠܛܡܢܘܼ ܕܢܥܠܘܢ ܘܢܕܒܚܘܢ ܩܕܡܘܗܝ. ܘܟܕ ܫܡܥܘ ܙܥܘܼ ܘܐܬܪܗܒܘ ܘܐܪܡܝܘ ܒܥܘܬܐ ܩܕܡ ܐܠܗܐܼ. ܟܕ ܐܦ̈ܝܗܘܢ ܣܝ̈ܡܢ ܥܠ ܥܦܪܐ ܕܐܪܥܐ. ܘܒܬܚܢܢܬܐ ܪܒܬܐܼ ܘܒܚܫܐ ܡܪܝܪܐܼ. ܚܝ̈ܝܗܘܢ ܠܐܠܗܐ ܡܓܥܠܝܢ ܗܘܘ. ܘܩܡ ܝܡܠܝܟܐܼ ܘܬܩܢ ܣܡ ܩܕܡܝܗܘܢ ܗܿܝ ܣܝܒܪܬܐ ܩܠܝܠ ܕܙܒܿܢ ܗܘܐ. ܘܐܘܬܒ ܐܢܘܢ ܕܢܣܬܝܒܪܘܢ ܘܢܬܚܝܠܘܢܼ ܘܢܬܛܝܒܘܢ ܠܩܪܒܐ ܕܛܪܘܢܐ.

Page 141

ܘܬܠܘ ܐܦܝ̈ܗܘܢ ܘܝܬܒܘ ܐܟܚܕ ܡܨܥܬ ܡܥܪܬܐ. ܘܟܕ ܕܡ̈ܥܝܗܘܢ ܒܥܝ̈ܢܝܗܘܢܼ ܘܚܫܐ ܒܠܒܗܘܢܼ. ܫܩܠܘ ܣܝܒܪܬܐ ܗܿܝ. ܥܕܢܐ ܕܝܢ ܕܡܥܒܪ̈ܒܝ ܫܡܫܐ ܗܘܐ. ܘܟܕ ܝܿܬܒܝܢ ܗܘܘ ܘܐܒܝܠܝܢ ܘܡܡܠܠܝܢ ܗܘܘ ܚܕ ܥܡ ܚܕܼ ܢܿܝܡܝܢ ܗܘܘ. ܡܛܠ ܕܥܝ̈ܢܝܗܘܢ ܝܩܝܪ̈ܢ ܗܘ̈ܝ ܡܢ ܟܪܝܘܬܐ ܕܠܒܗܘܢ. ܗܝ [ܕܝܢ ܐܠܗ]ܐ ܡܪܚܡܢܐ܇ ܗܿܘ ܕܒܛܝܠ ܠܗ ܒܟܠܥܕܢ ܥܠ ܦ̈ܠܚܝ ܒܟܪܡܗܼ. ܦܩܼܕ ܥܠܝܗܘܢ ܡܘܬܐ ܢܝܚܐ ܘܒܣܝܡܐ. ܐܝܟ ܕܠܬܕܡܘܪܬܐ ܕܥܬܝܕܐ ܕܬܬܓܠܐ. ܘܡܕ ܠܐ ܪܓܫܘ ܒܥܘܢܕܢܗܘܢ ܘܒܡܦܩܢܐ ܕܪ̈ܘܬܗܘܢܼ ܫܟܒܘ ܐܟܚܕܐ ܥܠ ܐܪܥܐܼ ܐܝܟ ܡܕܡܟܐ ܕܫܢܬܐ. ܘܪ̈ܘܚܬܗܘܢ ܐܫܠܡܘ . ܟܕ ܡܘܕܝܢܘܬܐ ܒܦܘܡܗܘܢܼ ܘܟܣܦܗܘܢ ܠܘܬܗܘܢ ܣܝܡ ܗܘܐ. ܟܕ ܫܘܝܢ ܘܪܡܼܝܢ ܥܠ ܐܪܥܐ.. ܠܨܦܪܗ ܕܝܢ ܕܝܘܡܐ ܦܩܼܕ ܐܢܘܢ ܡܿܠܟܐܼ ܘܒܥܼܐ ܐܢܘܢ ܒܝܢܬ ܦܝܠܛܡܢܘ ܘܒܟܪܟܐ ܟܠܗ ܘܒܟܠ ܦ̈ܢܝܢܼ ܘܠܐ ܐܫܟܚ ܐܢܘܢ.. ܘܐܡܼܪ ܡܿܠܟܐ: ܣܓܝ ܐܬܬܥܿܝܩܬ ܒܫܘܢܝܗܘܢ ܕܥܠܝ̈ܡܐ ܗܠܝܢ ܒ̈ܢܝ ܪܘܪ̈ܒܢܐ. ܟܕ ܣܒܪܘ ܠܗܘܢܼ ܕܡܠܟܘܬܢ ܪܓܝܙܐ ܥܠܝܗܘܢ ܡܛܠ ܣܟܠܘܬܐ ܕܬܥܒܪܢܘܬܗܘܢ ܕܡܢ ܩܕܝܡ. ܘܡܪܚܡܢܘܬܐ ܕܡܠܟܘܬܢ ܠܐ ܡܥܗܕܐ ܣܟܠܘܬܐ ܠܐܝܠܝܢ ܕܡܬܥܒܪܢ ܘܬܝܒܝܢ ܠܘܬ ܐܠܗ̈ܐ ܡܪ̈ܚܡܢܐ. ܘܥܘ ܪܘܪ̈ܒܢܐ ܕܟܪܟܐ ܘܐܡܪ ܩܕܡ ܡܠܟܐ: ܥܠ ܥܠܝ̈ܡܐ ܡܪܗܘܕܐ ܟܪܝܘܬܐ ܠܐ ܬܗܘܐ ܠܡܠܟܘܬܟܼ. ܡܛܠ ܕܥܕܟܝܠ ܒܡܪܚܘܬܐ ܐܢܘܢܼ ܐܝܟܐ ܐܕܐܝܬܝܗܘܢܼ ܐܝܟ ܕܫܡܥܢܢ. ܘܐܬܪܐ ܗܘܐ ܠܗܘܢ ܕܢܣܥܪܘܢ ܨܒܝܢܗܘܢ ܒܝܫܐܼ. ܒܗܠܝܢ ܝܘ̈ܬܐ ܕܐܬܝܗ̈ܒ ܠܗܘܢ ܡܢ ܡܠܟܘܬܟܼ ܐܬܪܐ ܠܬܝܒܘܬܐ. ܘܟܣܦܗܘܢ ܘܕܗܒܗܘܢܼ. ܦܠܓܘܗܝ ܒܫ̈ܘܩܐ ܕܡܕܝܢܬܐ. ܘܗܢܘܢ . ܘܡܢ ܗܝܕܝܢ ܠܐ ܐܬܚܙܝܘܢ. ܘܐܢ

Page 142

ܨܒܝܐ ܡܠܟܘܬܟ ܕܢܩܘܡܘܢ ܩܕܡܝܟܼ. ܢܬܬܚܕܘܢ ܐܒܗ̈ܝܗܘܢ ܘܢܬܐܠܨܘܢ. ܘܗܐ ܗܼܢܘܢ ܡܩܝܡܝܢ ܠܢ ܥܠܝܗܘܢ. ܗܠܝܢ ܫܡܼܥ ܡܿܠܟܐ ܘܐܬܚܼܡܬ. ܘܫܕܪ ܚܛܦܘ ܐܢܘܢ ܠܐܒ̈ܗܝܗܘܢ. ܘܐܩܡܘ ܐܢܘܢ ܩܕܡܘܗܝ. ܘܫܐܠ ܐܢܘܢ ܡܿܠܟܐ ܘܐܡܼܪ: ܐܝܿܟܐ ܐܢܘܢ ܡܪ̈ܘܕܐ ܗܿܢܘܢ ܕܡܪܕܘ ܥܠ ܦܠܼܚܘܬܐ ܕܡܠܟܘܬܢ. ܘܫܛܘ ܦܼܘܩܕ̈ܢܝܢ ܕ̈ܚܝܠܐ. ܘܐܡܣܪ ܥܠ ܦܠܚܘܬܐ ܕܡܠܟܘܬܢ. ܘܫܛܘ ܐܦ ܠܕܚܠܬܐ ܕܐܗ̈ܐ ܡܝܩܪ̈ܐ. ܡܟܝ ܦܿܩܕ ܐܢܐ ܕܐܢܬܘܢ ܚܠܦܝܗܘܢ ܬܡܘܬܘܢ܇ ܡܛܠ ܡܪܚܘܬܗܘܢ ܕܗܢܘܢ.. ܥܢܘ ܕܝܢ ܐܒ̈ܗܝܗܘܢ܆ ܘܐܡܪܝܢ. ܒܿܥܝܢܢ ܡܢ ܕܚܝܠܘܬܟ ܡܪܝ܆ ܕܚܢܢ ܦܘܩܕܢ ܡܠܟܘܬܟ ܠܐ ܫܛܢ. ܘܕܚܠܬ ܐܠܗ̈ܐ ܡܝܩܪ̈ܐܼ ܠܐ ܫܒܩܢ. ܡܘܬܐܼ ܡܢܐ ܚܝܒܝܢܢ ܚܠܦ ܡܪ̈ܘܕܐܼ. ܕܟܣܦܢ ܘܕܗܒܢ ܒܙܘܗܝ ܘܦܠܓܘܗܝ. ܘܗܐ ܛܫܼܝܢ ܒܡܥܪܬܐ ܕܒܐܢܟܠܘܣ ܛܘܪܐ. ܕܘܟܬܐ ܕܦܪܝܩܐ ܡܢ ܟܪܐܼ ܠܐ ܙܥܘܪ. ܘܒܩܝܢܕܘܢܣ ܐܝܬܝܢܼ ܐܢ ܚܝ̈ܝܢ ܐܘ ܡܝ̈ܝܬܝܢ ܒܗܢܐ ܟܠܗ ܟܪܘܢܣ ܕܠܐ ܚܙܼܝܢ ܠܢ.. ܗܝܕܝܢ ܡܿܠܟܐ ܫܪܐ ܐܢܘܢ ܠܐܒ̈ܗܝܗܘܢ. ܘܢܦܩܘ ܡܢ ܩܕܡܘܗܝ. ܗܼܘ ܕܝܢ ܡܿܠܟܐ ܡܬܚܫܒ ܗܘܐܼ ܕܡܢܐ ܢܥܒܕ ܠܗܘܢ ܠܡ̈ܘܕܝܢܐ. ܘܕܠܐ ܒܨܒܝܢܗ ܐܕܝܠ ܐܠܗܐ ܒܬܪܥܝܬܗ ܕܢܣܟܘܪ ܦܘܡܗܿ ܕܡܥܪܬܐ ܒܟ̈ܐܦܐܼ. ܐܝܟ ܕܠܩܒܘܪܬܗܘܢ ܕܦܓܪ̈ܐ ܚ̈ܣܝܐ ܘܩܕ̈ܝܫܐ. ܘܠܐ ܐܬܝܗܒ ܠܗ ܕܢܥܙܝ ܐܢܘܢ ܠܦܓܪ̈ܐ ܕܫܟ̈ܝܒܐ܇ ܗܿܢܘܢ ܕܢܛܝܪܝܢ ܗܘܘ ܠܐܠܗܐ ܒܡܩܕܡܘܬ ܝܕܥܬܗܼ. ܕܢܗܘܘܢ ܒܢܘܚܡܗܘܢܿ ܟܪ̈ܘܙܐ ܒܩܝܡܬܐܿ ܒܙܒܢ ܬܚܘܝܬܗܘܢ ܠܦ̈ܠܝܓܐ .. ܘܐܡܼܪ ܡܿܠܟܐܼ ܗܟܢܐ ܦܿܩܕ ܐܢܐ ܥܠ ܡܪ̈ܘܕܐ ܗܿܢܘܢ. ܕܚܠܦ ܕܐܣܠܝܘ ܦܘ̈ܩܕܢܝ ܪ̈ܚܝܡܐ ܘܒ̈ܣܝܡܐܼ ܘܡܪܕܘ ܥܠ ܕܚܠܬܐ ܕܐܠܗ̈ܐܼ. ܢܗܘܘܢ ܝܬܝܪ̈ܐ ܠܫܘܒܚܐ ܕܡܠܟܘܬܝ. ܘܠܐ ܢܬܚܙܘܢ ܬܘܒ ܩܕܡ ܐܠܗ̈ܐ. ܡܟܝܠ ܡܥܪܬܐ ܗܿܝ ܕܥܪܩ ܠܗܿ܇ ܢܣܬܪܦ

Page 143

ܦܘܡܗܿ ܒܟ̈ܐܦܐ ܫܠܡ̈ܠܡܬܐܼ. ܘܫܬܢܩܘܢ ܚܝ̈ܝܗܘܢܼ ܘܢܡܘܬܘܢ ܒܕܘܘܢܐ ܒܚܒܘܫܝܐ ܕܠܥܠܡ. ܟܕ ܣܒܪ ܗܼܘܐ ܡܿܠܟܐ ܘܟܪܟܐ ܟܠܗ ܕܚܝܿܝܢ [ܐܢܘܢ ܡܘܕ̈ܝܢܐ] ܒܚܒܘܫܝܗܘܢ. ܐܢܬܘܕܪܘܣ ܕܝܢ ܘܐܪܒܘܣܼ ܡܗ[ܝ̈ܡܢܐ ܕܡܠܟܐ܆] ܕܐܝܬܝܗܘܢ ܡܗ̈ܝܡܢܐ ܘܟܪ̈ܣܛܝܢܐ ܘܡܛܫܝܢ ܢܦܫܗܘܢ ܡܢ ܕܚܠܬܐ ܕܡܿܠܟܐܼ. ܐܬܚܫܒܘ ܕܝܢ ܚܕ ܥܡ ܚܕ ܘܐܡܪܝܢ܆ ܢܟܬܘܒ ܡܘܕܝܢܘܬܗܘܢ ܕܡܘ̈ܕܝܢܐ ܗܿܢܘܢ ܒܠܘ̈ܚܐ ܕܐܒܪܐܼ ܘܢܬܬܣ̈ܝܡܢ ܒܓܠܘܣܩܡܐ ܕܢܚܫܐ ܘܢܚܬܘܡ ܒܛܒܥܐܼ ܘܒܛܘܫܝܐ ܥܡ ܐܝܠܝܢ ܕܣܪܦܝܢ ܟܐ̈ܦܐ ܒܦܘܡ ܡܥܪܬܐܼ ܢܬܬܣ̈ܝܡܢ ܡܢ ܠܓܘ ܕܐܟܒܪ ܢܦܩܘܕ ܐܠܗܐܼ. ܘܡܢ ܩܕܡ ܡܬܝܬܗ ܒܚܕ ܡܢ ܦܘܪܣܝܢ ܬܬܦܬܚ ܡܥܪܬܐܼ ܘܦܓܪ̈ܐ ܚ̈ܣܝܐ ܕܩܕ̈ܝܫܐ ܕܐܬܚܫܒܘ ܒܗܿ ܢܬܝܩܪܘܢ ܡܢ ܡܘܕܝܢܘܬܗܘܢ ܕܟܬܒܐ ܕܥܠ ܦܘܡ ܡܥܪܬܐ ܣܝܡ. ܘܐܝܟܢܐ ܕܐܬܚܫܒܘ ܗܟܢܐ ܫܡܠܝܘ ܡܗ̈ܝܡܢܐ ܗܠܝܢ ܬܪ̈ܝܗܘܢ. ܘܚܬܡ ܟܬܒܐ ܘܣܡ ܒܫܪܪܐ ܒܐܪܙܐ ܕܬܪ̈ܝܗܘܢ. ܘܟܕ ܗܠܝܢ ܟܠܗܝܢ ܒܡܥܒܕܢܘܬܐ ܕܐܠܗܐ ܐܣܬܼܥܪ ܘܐܬܡܠܝ ܘܐܬܚܬܡܼ. ܘܡܝܬ ܕܩܝܘܣ ܡܿܠܟܐ ܘܟܠܗ ܕܪܐ ܗܿܘܼ. ܘܐܡܠܟ ܡ̈ܠܟܐ ܣ̈ܓܝܐܐ ܒܝܘܒܠܐ ܕܡܠܟܘܬܐܼ ܥܕܡܐ ܠܕܒܝܬ ܬܐܕܘܣܝܘܣ ܒܪ ܐܪܩܕܝܣ ܡܿܠܟܐ ܡܗܝܡܢܐ܀ ܐܢ ܨܿܒܐ ܐܢܬ ܐܘ ܦܪܘܫܐܼ. ܕܬܬܒܣܡ ܒܬܫܥܝܬܐ ܗܕܐ ܕܝܠܗܘܢ ܕܛܘ̈ܒܢܐ. ܙܠ ܠܩܕܡܝܟ ܠܘܬ ܙܒܢܐ ܕܬܐܕܘܣܝܣ ܒܪ ܐܪܩܕܝܣܼ. ܕܒܗܿ ܒܫܢܬܐ ܗܿܝ ܗܘܬ ܢܘܚܡܘܬܗܘܢ ܘܡܬܓܠܝܢܘܬܐ ܕܩܝܡܬܗܘܢ.܀

ܠܗ ܕܝܢ ܠܕܩܝܘܣ ܡܿܠܟܐ: ܟܕ ܙܒܢܐ ܕܚܝܗܘܗܝ ܟܪܝ ܐܠܗܐ.

Page 144

ܘܐܫܠܡܗ ܒܐܝܕ̈ܝ ܐܝܠܝܢ ܕܒܿܥܝܢ ܢܦܫܗ. ܘܐܬܩܛܠ ܒܒܪܘܛܣ. ܘܩܒܠ ܬܫܢܝܩܐ ܗܿܘ ܕܢܛܝܪ ܠܐܟܠ ܩܪܨܐ ܘܠܦ̈ܠܚܘܗܝ.܀ ܘܐܡܠܟ ܓܠܘܣ ܘܘܠܐܣܝܢܘܣܼ ܫܢ̈ܝܐ ܬܪ̈ܬܝܢ ܘܝܪ̈ܚܐ ܐܪ̈ܒܥܐ.܀܀ ܫܢܬ .ܒ. ܐ̈ܠܦܝܢ (ܘܡܬܝܢ) ܘܫ̈ܬܝܢ ܘܬܫ̈ܥܼ. ܗܘܐ ܩܕܝܫܐ ܩܘܪܢܝܠܝܘܣ ܐܦܝܣܩܘܦܐ ܕܪܗܘܡܐܼ ܫܢ̈ܝܐ ܬܪ̈ܬܝܢ.. ܘܒܬܪܗܼ ܗܘܐ ܩܕܝܫܐ ܠܘܩܝܘܣܼ ܝܪ̈ܚܐ ܬܡ̈ܢܝܐ.. ܘܒܬܪܗܼ ܗܘܐ ܐܣܛܦܢܣܼ ܫ̈ܢܝܐ ܬܠ̈ܬ.܀ ܒܗܢܐ ܙܒܢܐ ܐܬܗܼܦܟ ܢܗܪܐ ܕܥܒܪ ܒܐܠܟܣܢܪܕܝܐ ܪܒܬܐܼ. ܘܗܘܐ ܕܡܐ. ܘܒܬܪ ܩܠܝܠ ܝܒܼܫ ܘܢܓܒܬ ܐܪܥܗ. ܘܟܕ ܗܟܢܐ ܝܘ̈ܡܬܐ ܣ̈ܓܝܐܐ ܗܘܼܐ ܘܫܪܝܘ ܒܢ̈ܝܢܫܐ ܡܬܐܠܨܝܢ ܘܗܘܝܢ ܒܐܘܠܨܢܐ ܡܢ ܚܣܝܪܘܬ ܡܝ̈ܐܼ. ܗܝܕܝܢ ܐܠܗܐ ܡܪܚܡܢܐ ܐܪܕܝܗ. ܘܐܝܟ ܥܝܕܗ ܩܕܡܝܐ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܫܒ̈ܥܝܢ܆ ܢܐܘܐܛܘܣ ܣܕܩ ܥܕܬܐ ܘܗܪܣܝܣ ܕܢܐܘܐܛܘܣ ܐܩܝܡ. ܗܢܐ ܕܝܢ ܢܐܘܐܛܘܣ ܐܡܼܪ܇ ܕܟܠ ܡܿܢ ܕܡܫܬܘܬܦ ܒܚܕ ܡܢ ܦܘܪܣܢ ܠܣܓܕܬ ܦܬܟܪ̈ܐ ܐܘ ܠܕܒ̈ܚܐ ܒܪܕܘܦܝܐ ܗܿܘ ܕܥܒܕ ܕܩܝܘܣܼ ܠܐ ܡܬܩܒܠ ܡܢ ܥܕܬܐ. ܟܕ ܡܿܝܬܐ ܡܠܬܐ ܕܫܠܝܚܐ ܕܐܿܡܪ܇ ܕܐܢ ܐܢܫ ܢܚܛܐ ܡܢ ܒܬܪ ܕܩܒܼܠ ܡܥܡܘܕܝܬܿ. ܚܛܗܐ ܠܡ ܕܡܿܘܬܐܿ ܠܐ ܡܟܝܠ ܐܝܬ ܕܒܚܬܐ ܕܬܬܩܪܒ ܚܠܦ ܚܛܗܗ.. ܘܥܠ ܗܢܐ ܐܬܟܢܫܬ ܣܘܢܗܕܣ ܒܪܗܘܡܐܼ ܕܐܫ̈ܬܝܢ ܐܦܝ̈ܣ. ܘܐܚܪܡܘܗܝ ܘܫܕܘܝܗܝ ܡܢ ܥܕܬܐ. ܘܥܠ ܕܠܐ ܨܼܒܐ ܕܢܗܦܘܟ ܡܢ ܗܿܘ ܡܐ ܕܩܐܡ ܗܘܐ ܒܗ.܀ ܒܗܢܐܕܝܢ ܙܒܢܐ ܬܘܒܼ. ܗܘܐ ܡܘܬܢܐ ܕܫܚܛܐ ܒܟܠܗܿ ܐܪܥܐ. ܘܝܬܝܪܐܝܬ ܒܐܠܟܣܢܕܪܝܐ ܘܒܐܓܦܛܘܣ. ܘܗܟܢܐ ܥܙܝܙܐ ܗܘܐ ܘܩܫܐܼ ܐܝܟܐܢ ܕܠܡܚܣܢ ܡܡܕܝܢ ܗܘܘ ܒܢ̈ܝܢܫܐ ܕܢܩܒܪܘܢ ܚܕ̈ܕܐ. ܬܩܦ ܕܝܢ ܝܬܝܪܐܝܬ ܒܚ̈ܢܦܐ ܝܬܝܪ ܡܢ ܟܠ ܥܡ̈ܡܝܢ܆ ܘܡܛܠ ܕܟܕ ܡܬܟܪܗ ܗܘܐ ܚܕ ܡܢܗܘܢܼ ܫܒܩܝܢ ܗܘܘ ܠܗ ܩܪ̈ܝܒܘܗܝ ܘܥܪܩܝܢ܆ ܘܡܝܬܝܢ ܗܘܘ ܠܘܐ ܐܝـ[ܬ ܗܘ]ܐ ܐܢܫ ܕܡܦܩ ܘܩܒܪ ܠܚܕ

Page 145

ܡܢܗܘܢܼ ܐܝܟܢܐ ܕܒ̈ܬܐ ܘܫܘ̈ܩܐ ܘܐܘܪ̈ܚܬܐ ܘܐܣ̈ܘܛܘܐ ܡܢܗܘܢ ܡܠܼܝܢ. ܘܣܪܝܢ ܘܡܪ̈ܗܠܝܢ ܘܠܝܬ ܕܩܿܒܪ. ܟܪ̈ܣܛܝܢܐ ܕܝܢ ܟܡܐ ܕܡܨܝܢ ܗܘܘ ܡܦܩܝܢ ܡܢܗܘܢ ܘܩܒܪܝܢ. ܒܝܕ ܡܪܚܡܢܘܬܐ ܕܐܢ̈ܫܐ ܛܢ̈ܢܐ ܕܒܗܘܢܼ. ܟܡܐ ܕܡܨܝܢ ܗܘܘ ܩܒܪܝܢ ܡܢܗܘܢ. ܟܕ ܝܗܒܝܢ ܕܗܒܐ ܘܚܦܪܝܢ ܚܦܪ̈ܐ ܪܘܪ̈ܒܐ ܘܟܫܝܢ ܠܗܘܢ ܒܗܘܢ. ܘܗܕܐ ܣܓܝ ܐܪܚܡܬ ܐܢܘܢ ܠܟܪ̈ܣܛܝܢܐ ܒܥܝ̈ܢܝܢ ܚܢ̈ܦܐ. ܡܛܠ ܕܗܼܢܘܢ ܐܝܟ ܢܡܘܣܗܘܢ ܠܐ ܡܬܩܪܒܝܢ ܠܡܝ̈ܬܐ.܀ ܒܗܢܐ ܙܒܢܐ ܐܬܟܢܫܬ ܣܘܢܗܕܘܣ ܒܠܕܩܝܐ ܡܕܝܢܬܐ.܀ ܘܒܗܿ ܒܫܢܬܐ ܗܕܐܼ. ܩܒܠ ܬܪܘܢܘܣ ܕܐܢܛܝܟܝܐ ܩܕܝܫܐ ܕܡܛܪܝܘܣ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܫܒܥܝܢ ܘܚܕܐܼ. ܐܬܩܛܠܘ ܠܓܘܣ ܘܘܠܐܣܝܢܘܣܼ ܒܫܘܩܐ ܕܦܠܐܒܝܢܝܘܣ. ܘܐܡܠܟܼ ܘܠܪܝܢܘܣ ܘܓܐܠܝܢܘܣܼ ܫܢ̈ܝܢ ܚܡܫܥܣܪ̈ܐ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܫܒܥܝܢ ܘܬܪ̈ܬܝܢ܆ ܐܩܝܡ ܪܕܘܦܝܐ ܥܠ ܥܕܬܐ ܘܠܪܝܢܘܣ.܀ ܘܒܗܿ ܒܫܢܬܐ ܣܠܩ ܫܦܘܪ ܡܠܟܐ ܕܦܘܪ̈ܣܝܐ ܥܠ ܣܘܪܝܐܼ ܘܫܒܐ ܘܒܙܘ. ܘܢܚܬ ܘܠܪܝܢܘܣ ܥܠܘܗܝ ܠܩܪܒܐܼ ܒܚܝܠܐ ܣܓܝܐܐ. ܘܟܕ ܐܪܥܘܢ ܒܚܕ̈ܕܐ ܘܡܚܘܘܢ ܩܪܒܐܼ ܐܙܕܟܝ ܘܠܪܝܢܘܣ. ܘܚܝܠܗ ܟܠܗ ܐܬܚܪܒܘ ܘܗܼܘ ܐܬܣܪܘ ܘܐܘܒܠܘܗܝ ܠܦܪܣ ܘܬܡܘܢ ܫܡܫ ܥܕܒܘܬܐ ܥܕܡܐ ܠܡܘܬܗ. ܘܩܦܕܘܩܝܐ ܐܚܪܒܘܗܿ ܦܘܪ̈ܣܝܐ . ܘܬܘܒ ܠܐ ܝܬܒܼܬ. ܘܐܦ ܠܡܥܪܒܐ ܘܠܓܙܝܪܬܐ ܫܒܘ. ܘܩܝܠܩܝܐ ܘܐܢܛܝܟܝܐ ܐܚܪܒܘܗܿ.. ܘܡܢ ܟܕ ܐܬܕܒܪ ܘܠܪܝܢܘܣ ܒܫܒܝܐ ܐܢܝܚ ܠܟܪ̈ܣܛܝܢܐ ܓܐܠܝܢܘܣ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܫܒ̈ܥܝܢ ܘܬܠܬܼ. ܗܘܐ ܐܦܝܣܩܦܐ ܕܐܢܛܝܟܝܐܼ ܩܕܝܫܐ ܩܘܪܝܠܘܣ.. ܘܕܪܗܘܡܐܼ ܐܘܛܘܟܝܢܘܣܼ ܝܪ̈ܚܐ ܬܡ̈ܢܝܐ.. ܘܒܬܪܗܼ ܓܐܝܢܘܣ ܫܢ̈ܝܐ ܚܡܫܥܝܪ̈ܐ.. ܒܐܠܟܣܢܕܪܝܐ ܩܡ ܩܕܝܫܐ ܬܐܘܢܣܼ ܫܢ̈ܝܐ ܚܡܫܥܣܪ̈ܐ.. ܒܐܠܟܣܢܕܪܝܐ ܩܡ ܩܕܝܫܐ ܬܐܘܢܣܼ ܫܢ̈ܝܐ ܬܫܥܣܪ̈ܐ.܀ ܒܗܢܐ ܙܒܢܐ ܗ̈ܦܘܟܝܐ ܡܚ̈ܒܠܢܐ ܕܒܢܝ̈ܢܫܐ ܡܢܝ̈ܢܝܐ

Page 146

ܥܠܼ ܠܥܠܡܐ. ܗܢܐ ܕܝܢ ܡܢܝ ܐܝܬܘܗܝ ܒܓܢܣܗ ܛܝܝܐ ܘܒܪܒܪܝܐ. ܘܒܐܪܥܐ ܕܡܨܪܝܢ ܥܠܼ ܘܣܪܚ. ܘܡܚܒܠ ܒܗܪܣܝܣ ܫܐܕܢܝܬܐ ܕܝܠܗܼ ܡܠܬܐ ܒܘܪܐ. ܘܢܦܩ ܡܢ ܗܘܢܗ ܘܫܢܐ. ܘܝܗܒ ܢܦܫܗ ܠܐܝܠܝܢ ܕܕܡܿܝܢ ܠܗ. ܘܨܼܒܐ ܕܢܣܒ ܥܠ ܢܦܫܗ ܕܡܘܬܗ ܕܡܪܢ. ܘܡܟܪܙ ܗܘܐ ܥܠ ܢܦܫܗ ܕܗܼܘ ܐܝܬܘܗܝ ܪܘܚܐ ܦܪܩܠܝܛܐ. ܘܡܬܬܪܝܡ ܒܫܢܝܘܬܗ. ܘܓܒܼܐ ܠܗ ܬܪܥܣܪ̈ ܬܠܡ̈ܝܕܐܼ ܒܕܡܘܬܐ ܕܡܫܝܚܐ.܀܀ ܫܢܬ .ܒ. ܐܠܦܗܝܢ ܘܡܬܝܢ (ܘܫܒܥܝܢ) ܘܫܬܼ. ܗܘܼܐ ܦܘܠܐ ܫܡܝܫܛܝܐ ܐܦܝܣܩܦܐ ܕܐܢܛܝܟܝܐ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܡܢܝܢ܆ ܗܘܼܐ ܐܦܝܣܩܘܦܐ ܕܐܠܟܣܢܕܪܝܐ ܡܟܣܝܡܘܣܼ ܫܢ̈ܝܐ ܬܫ̈ܥ.. ܘܒܥܕܬܐ ܕܪܗܘܡܐ ܗܘܼܐ ܩܕܝܫܐ ܕܝܢܘܣܝܘܣ.. ܒܐܘܪܫܠܡ ܗܘܼܐ ܗܘܡܢܐܣ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܫܒܥܝܢ ܘ.ܒ.܇ ܐܬܟܢܼܫܬ ܣܘܢܗܕܘܣ ܒܩܪܟܕܘܢܐ ܕܐܦܪܝܩܝܼ ܒܝ̈ܘܡܝ ܚܣܝܐ ܘܩܕܝܫܐ ܩܘܦܪܝܢܘܣ ܕܩܪܬܓܢܐ. ܘܡܪܝ ܐܣܛܦܢܐ ܕܪܗܘܡܐ. ܘܕܡܛܪܝܣ ܕܐܢܛܝܟܝܐ. ܘܕܝܢܘܣܝܣ ܕܐܠܟܣܢܕܪܝܐ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܡܢܝܢ ܘܪ̈ܒܥܼ. ܦܘܠܐ ܫܡܝܫܛܝܐ ܠܝܘܠܦܢܐ ܫܪܝܪܐ ܛܠܼܡ. ܘܠܗܪܣܝܣ ܕܐܛܝܡܘܢ ܚܼܕܬ. ܘܐܬܟܢܫܬ ܥܠܘܗܝ ܣܗܘܢܕܣ ܠܐܢܛܝܟܝ܆ ܘܐܚܪܡܬܗ ܘܫܕܬܗ. ܡܛܠ ܕܠܐ ܨܼܒܐ ܢܗܦܘܟ ܡܢ ܡܐ ܕܩܐܡ ܗܘܐ ܒܗ. ܘܗܘܼܐ ܚܠܦܘܗܝ ܕܡܢܘܣ ܐܦܝܣܩܦܐ ܒܐܢܛܝܟܝܐ.܀ ܒܗܢܐܼ ܙܒܢܐ ܐܬܒܢܝܬ ܐܢܛܝܟܝܐ ܚܕܬܐܼ ܡܢ ܣܛܘܪܘܢܝܣ ܐܣܛܪܛܝܓܐ. ܗܿܘ ܕܒܚܪܬܐ ܐܦ ܡܠܟܐ ܗܘܼܐ. ܘܐܬܩܛܠ ܒܐܦܡܝܐ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܡܢܝܢ܆ ܓܐܠܝܢܘܣ ܐܬܩܛܠ ܒܡܐܕܝܠܢܘܣ. ܘܐܡܠܟ ܡܢ ܒܬܗܼ ܩܠܘܕܝܣ ܫܢܬܐ ܚܕܐ ܘܝܪ̈ܚܐ ܥܣܪ̈ܐ.܀ ܡܬܝܕܥܝܢ ܕܝܢ ܒܗܘܐ ܙܒܢܐ ܪ̈ܥܘܬܐ ܒܥܕܬܐܼ. ܩܕܝܫܐ ܩܘܦܪܝܢܣ ܕܩܪܬܓܢܐ.. ܘܐܣܛܦܢܐ ܕܪܗܘܡܐ..

Page 147

ܦܝܪܡܠܐܢܘܣ ܕܩܣܪܝܐ.. ܘܓܪܝܓܪܝܘܣ ܘܐܢܬܕܘܪܣ ܐܚ̈ܐ ܐܦ̈ܝܣܩ ܕܦܢܛܘܣ.. ܘܗܠܢܘܣ ܕܛܪܣܘܣ.. ܘܢܩܘܡܐ ܕܐܝܩܢܘܢ.. ܗܘܡܢܘܣ ܕܐܘܪܫܠܡ.. ܡܟܣܝܡܘܣ ܕܐܠܟܣܢܕܪܝܐ.. ܘܬܐܛܩܢܘܣ ܕܦܠܣܛܝܢܐ.. ܘܡܟܣܝܡܣ ܕܒܘܨܛܪܐ.. ܐܘܣܝܒܝܣ ܕܠܕܝ̈ܩܝܐ.. ܐܦ ܐܢܛܠܝܘܣ ܬܘܒ ܕܠܕܝܩ̈ܝܐܼ. ܫܒܝܚ ܒܝܘܠܢܐ ܕܦܝ̈ܠܘܣܦܐ ܡܬܝܕܥ.܀܀ ܒܫܢܬ .ܒ. ܐܠܦ̈ܝܢ ܘܡܬܝܢ ܘܬܡ̈ܢܝܢ ܘܫܒܥܼ. ܡܝܬ ܩܠܘܕܝܘܣ. ܘܐܡܠܟܼ ܐܘܪܠܝܢܘܣܼ ܫܢ̈ܝܢ ܚܡܫ ܘܝܪ̈ܚܐ ܫ̈ܬܐ.܀ ܘܒܗܿ ܒܫܢܬܐ ܗܕܐܼ ܗܘܼܐ ܐܦܝܣܩܦܐ ܕܥܕܬܐ ܕܐܢܛܝܟܝܐ ܩܕܝܫܐ ܛܝܡܬܐܘܣ.܀܀ ܫܢܬ .ܒ. ܐܠܦ̈ܝܢ ܘܡܬܝܢ ܘܬܫܥܝܢ ܘܚܕܐܼ. ܐܘܪܠܝܢܘܣ ܟܕ ܐܬܥܬܕ ܕܢܩܝܡ ܥܠܝܢ ܪܕܘܦܝܐܼ. ܒܪܩܐ ܡܢ ܫܡܝܐ ܟܠܝܗܝ. ܟܕ ܐܦ ܐܬܩܛܠ ܡܢ ܢܛܘܪܬܐ ܚܕܬܐ.. ܘܐܡܠܟܼ ܛܐܩܝܛܘܣ ܝܪ̈ܚܐ ܫ̈ܬܐ. ܘܐܬܩܼܛܠ ܒܦܢܛܘܣ.. ܘܐܡܠܟܼ ܦܠܘܪܝܐܢܘܣܼ ܝܪ̈ܚܐ ܬܠ̈ܬܐ. ܘܐܬܩܛܠ ܒܛܪܣܘܣ.. ܘܐܡܠܟܼ ܦܪܘܒܘܣܼ ܫܢܗܝܐ ܫ̈ܬ ܝܪ̈ܚܐ .ܕ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܬܫ̈ܥܝܢ ܘܬܪ̈ܬܝܢ܆ ܗܘܼܐ ܐܦܝܣܩܘܦܐ ܕܥܕܬܐ ܕܪܗܘܡܐ ܦܝܠܓܣܼ ܫܢ̈ܝܐ ܚ̈ܡܫ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘܬܫ̈ܥܝܢ ܘܬܡ̈ܢܐܼ. ܗܘܼܐ ܩܕܝܫܐ ܩܘܪܝܠܘܣ ܐܦܝܣܩܘܦܐ ܕܐܢܛܝܟܝܐ.. ܘܒܥܕܬܐ ܕܪܗܘܡܐܼ ܩܼܡ ܐܘܛܘܟܝܢܐ ܝܪ̈ܚܐ ܬܡ̈ܢܝܐ.. ܘܒܬܪܗܼ ܓܐܝܘܣ ܫ̈ܢܝܐ ܚܡܫܥܣܪ̈ܐ.. ܕܥܕܬܐ ܕܐܠܟܣܢܪܕܝܐܼ ܩܡ ܩܕܝܫܐ ܬܘܢܘܣ ܫܢ̈ܝܢ ܬܫܥܣܪ̈ܐ.܀܀ ܫܢܬ .ܒ. ܐܠܦ̈ܝܢ ܘܡ̈ܬܝܢ ܘ.ܨܛ.: ܦܪܘܒܘܣ ܐܬܩܼܛܠ ܒܣܝܪܡܘܢ.. ܘܐܡܠܟܼ ܩܐܪܘܣ ܥܡ ܒܢ̈ܘܗܝ ܩܐܪܝܢܘܣ ܘܢܘܡܪܝܢܘܣܼ ܫܢܗܝܢ ܬܪ̈ܬܝܢ. ܩܐܪܘܣ ܡܝܬ ܒܝܬ ܢܗܪܗܝܢ. ܘܢܘܡܪܝܢܘܣ ܐܬܩܼܛܠ ܡܢܗ ܒܬܪܩܐ. ܘ[ܩܐ]ܪܝܢܘܣ ܒܗܿ ܒܕܡܘܬܐ ܐܬܩܛܠ ܒܩܪܒܐ ܕܥܡ ܩܐܪ̈ܢܐܩܣ.. ܘܐܡܠܟ ܒܬܪܗܘܢܼ ܕ.ܠܓ. ܕܘܩܠܛܝܢܘܣ ܫܢ̈ܝܐ ܥܣܪ̈ܝܢ.܀ ܘܒܫܢܬ ܬܠ̈ܬ ܠܡܠܟܘܬܗ ܥܒܼܕ ܫܘܬܦܐ ܒܡܠܟܘܬܐܼ ܠܡܟܣܡܝܢܘܣ

Page 148

ܐܪܘܩܠܝܘܣ.܀܀ ܫܢܬ .ܒ. ܐܠܦ̈ܝܢ ܘܬܠ̈ܬܡܐܐ ܘܥܣܪܼ. ܐܡܠܟ ܩܘܣܛܢܛܝܣ ܐܒܘܗܝ ܕܩܘܣܛܢܛܝܢܘܣ ܪܒܐܼ ܒܐܬܪܐ ܕܐܪܢܛܝܐ ܫܢ̈ܝܐ ܬܪܬܥܣܪ̈ܐ.܀܀ ܫܢܬ .ܒ. ܐܠܦ̈ܝܢ ܘ.ܫܝܓ.܇ ܗܘܼܐ ܐܦܝܣܩܘܦܐ ܕܥܕܬܐ ܕܪܗܘܡܐܼ ܡܪܩܠܝܢܘܣ.܀ ܘܒܗܿ ܒܫܢܬܐ ܗܕܐ ܡܪܕܬ ܐܪܥܐ ܕܡܨܪܝܢ. ܘܐܬܼܐ ܚܝܠܐ ܪܒܐ ܕܪ̈ܗܘܡܝܐ ܘܚܕܪܗܿ ܠܡܕܝܢܬܐ. ܘܐܠܨܗܿ ܒܟܦܢܐ. ܘܟܕ ܓܝܪ ܚܕܐ ܡܢܬܐ ܡܥܕܪܐ ܗܘܬ ܠܚܝܠܐ ܕܪ̈ܗܘܡܝܐ. ܘܥܡܗܘܢ ܐܝܬܘܗܝ ܐܘܣܒܝܣܼ. ܘܠܐ ܐܬܚܒܫܘ ܒܡܕܝܢܬܐܿ ܘܠܘܬ ܪܒ ܚܝܠܐ ܕܪ̈ܗܘܝܐ ܦܪܪܣܝܐ ܘܫܒܡܐ ܡܫܡܗܐ ܩܿܢܐ ܗܘܐ. ܘܟܕ ܐܢܛܘܠܘܣ ܐܦܝܣܩܦܐ ܕܝܠܗܿ ܕܡܕܝܢܬܐܿ. ܚܼܙܐ ܠܥܡܐ ܕܡܝܕܢܬܐ ܕܐܒܿܕܝܢ ܡܢ ܟܦܢܐܼ ܐܘܕܥ ܠܐܘܣܝܒܝܣ ܥܠ ܗܕܐ. ܗܼܘ ܕܝܢ ܐܘܣܒܝܣ ܫܐܠ ܡܢ ܪܒ ܚܝܠܐ ܕܪ̈ܗܘܡܝܐ ܕܢܚܐ ܠܗܿܢܘܢ ܕܠܘܬܗ ܢܦܩܿܝܢ. ܘܟܕ ܐܬܦܝܣ ܠܗܼ. ܐܘܕܥ [ܗܕܐ ܠܐܢܛܘܠܘܣ.] ܘܟܕ ܐܢܛܘܠܘܣ ܠܥܡܐ ܕܡܕܝܢܬܐ ܡܦܝܣ ܗܿܘܐ                 ܘܠܐ ܐܩܝܡ܇ ܐܿܡܪ ܠܗܘܢ ܬܘܒ. ܕܒܗܕܐ ܐܟܒܪܼ ܠܐ ܥܨܝܢ ܐܢܬܘܢ ܠܝ܆ ܕܣ̈ܒܐ ܘܣ̈ܒܬܐ ܘܛܠܝ̈ܐ ܘܡܡ̈ܚܝܐܼ ܢܫܬܒܩܘܢ ܠܡܦܩ ܡܢ ܡܕܝܢܬܐ. ܕܢܗܘܐ ܫܟܝܚ ܠܚܡܐ ܠܐܝܠܝܢ ܕܦܝܫܝܢ. ܘܗܟܢܐ ܒܠܒܘܫܐ ܕܢܗܫܐ ܡܠܒܫܝܢ ܗܘܘܠܒ̈ܢܝܫܢܐ ܘܢܦܩܝܢ ܒܠܠܝܐ. ܟܕ ܒܙܢܐܼ ܫܘܙܒ ܠܟܠܢܫ ܕܨܒܐ ܠܡܥܪܩ ܡܢ ܡܘܬܐ. ܘܠܚܪܬܐ ܐܙܕܟܝܘܢ ܐܠܟܣܢܕܪ̈ܝܐ ܡܢ ܪ̈ܗܘܡܝܐ ܘܐܬܩܛܠܘ ܐܝܠܝܢ ܕܗܘܼܘ ܥܠܬ ܡܪܘܕܘܬܐ.܀܀ ܫܢܬ .ܒ. ܐܠܦ̈ܝܢ ܘ.ܫܝܘ.܆ ܗܘܪܐ ܙܒܕܐ ܐܦܝܣܩܦܐ ܕܐܘܪܫܠܡܼ ܫܢܗܝܐ ܬܠ̈ܬ.. ܘܒܬܪܗ ܗܘܼܐ ܗܪܡܘܢ.. ܘܒܥܕܬܐ ܕܢܛܝܟܝܐ ܗܘܼܐ ܛܘܪܐܢܘܣ.. ܘܒܐܠܟܣܢܕܪܝܐ ܗܘܼܐ ܦܛܪܘܣ. ܗܿܘ ܕܫܒܝܚܐܝܬ ܒܬܪ ܗܠܝܢ ܐܣܗܕ ܒܫܢܬ ܬܫܥ ܕܪܕܘܦܝܐ.܀܀ ܫܢܬ .ܒ.

Page 149

ܐܠܦ̈ܝܢ ܘܬܠܬܡܐܐ ܘܫܒܥܣܪ̈ܐܼ. ܘܛܘܪܝܘܣ ܪܒ ܚܝܠܐ ܠܟܪ̈ܣܛܝܢܐ ܕܒܐܣܛܪܛܝܐ ܪܕܦ ܩܠܝܠ. ܘܡܢ ܗܝܕܝܢ ܪܕܘܦܝܐ ܥܠ ܟܠܗܘܢ ܡܗ̈ܝܡܢܐ ܐܬܓܿܒܪ.܀܀ ܫܢܬ .ܒ. ܐܠܦ̈ܝܢ ܘ.ܫܝܛ.܆ ܗܘܼܐ ܙܘܥܐ ܚܣܝܢܐ. ܘܡܢ ܨܘܪ ܘܡܢ ܨܝܕܘܢ ܣܘܓܐܐ ܢܦܼܠ ܒܗ. ܘܥܡܐ ܣܓܝܐܐ ܐܒܼܕ ܒܗ.܀܀ ܫܢܬ .ܒ. ܐܠܦܗܝܢ ܘ.ܫܟ.܆ ܗܘܼܐ ܥܩܘܪܐ ܕܥܕܗܬܐ. ܒܢܬ ܬܫܥܣܪ̈ܐ ܕܗܕܐ ܡܠܟܘܬܐ. ܒܝܪܚ ܐܕܪ ܒܥܐܕܐ ܕܦܛܝܪ̈ܐ ܥܒܕ ܕܘܩܠܛܝܢܘܣ ܡܠܟܐ ܟܬܒܐܼ. ܘܐܬܦܪܣ ܒܟܠܗܝܢ ܡܕ̈ܝܢܢ. ܘܦܩܼܕ ܒܗܼ ܕܥܕ̈ܬܐ ܥܕܡܐ ܠܐܪܥܐ ܢܣܬܬܪ̈ܢ ܘܟ̈ܬܒܐ ܒܢܘܪܐ ܢܐܩܕܘܢ. ܘܐܝܠܝܢ ܕܒܐܝܩܪܐ ܐܝܬܝܗܘܢ ܢܨܛܥܪܘܢ. ܘܐܝܠܝܢ ܕܐܝܬܝܗܘܢ ܒܥܒܕܘܬܐ ܘܐܬܚܪܪܘ܆ ܐܢ ܡܩܘܝܢ ܘܠܐ ܟܿܦܪܝܢܼ ܡܢ ܚܘܪܪ̈ܝܗܘܢ ܢܬܓܠܙܘܢ. ܘܪ̈ܝܫܢܐ ܐܝܠܝܢ ܕܩܿܝܡܝܢ ܒܪܝܫܐ ܕܥܕ̈ܬܐ ܒܟܠ ܐܬܪܼ. ܠܐܣܘܪ̈ܐ ܢܫܬܠܡܘܢ. ܘܗܝܕܝܢ ܢܬܐܠܨܘܢ ܕܢܕܒܚܘܢ. ܡܢܗܘܢ ܕܝܢ ܕܪ̈ܥܘܬܐ ܐܘܚܠܘ ܡܢ ܕܚܠܬܐ. ܘܡܢܗܘܢ ܕܝܢ ܥܠ ܟܠܚܕ ܚܕ ܡܢܗܘܢ ܫܢ̈ܕܐ ܥܒܼܪ. ܐܝܬ ܒܗܘܢܼ ܕܒܡܚ̈ܘܬܐ. ܐܚܪ̈ܢܐ ܒܣܪ̈ܩܐ. ܐܚܪ̈ܢܐ ܒܛܘ̈ܓܢܐ. ܐܚܪ̈ܢܐ ܠܚܝ̈ܘܬܐ ܐܫܬܕܝܘ. ܐܚܪ̈ܢܐ ܠܥܘܡܩܐ ܕܝܡܐ ܫܕܘ ܐܢܘܢ.. ܐܚܪ̈ܢܐ ܒܓܠܝܕܐ ܘܒܩܘܪܐ ܐܬܟܠܠܘ.܀ ܒܢܩܘܡܕܝܐ ܕܝܢ ܐܣܗܕܘ ܕܘܪܬܐܣ ܘܦܛܪܘܣ ܘܓܪܓܘܘܢܝܘܣ ܥܡ ܐܚܪ̈ܢܐ ܣ̈ܓܝܐܐ ܕܥܒܿܪܝܢ ܠܡܢܝܢܐ ܐܬܩܛܠܘ ܒܣܝܦܐ. ܒܫܘܗܩܥܐ ܘܒܟܠܕ.ܘܟ.܀ ܐܣܗܕ ܕܝܢ ܐܢܬܝܡܘܣ ܐܦܝܣܩܘܦܐ ܕܢܝܩܡܘܕܝܐ: ܘܠܘܩܝܢܣܘ. ܛܝܪܝܢܝܘܢ ܐܦܝܣܩ ܕܨܘܪ. ܣܠܘܢܘܣ ܐܦܝܣܩܦܐ ܕܥܙܐ ܥܡ ܬܠ̈ܬܝܢ ܘܬܫ̈ܥܐ ܐܚܪ̈ܢܝܢ ܕܐܬܦܣܩ ܪ̈ܝܫܝܗܘܢ ܘܐܝܩܕܘ ܒܢܘܪܐ.. ܦܡܦܝܠܘܣ ܐܦܝܣܩܦܐ

Page 150

ܕܩܣܪܝܐ. ܦܛܪܘܣ ܐܦܝܣܩܘܦܐ ܕܐܠܟܣܢܕܪܝܐ ܥܡ ܐܚܪ̈ܢܐܼ. ܦܘܛܘܣ. ܘܕܝܘܣ. ܘܐܡܘܢܝܘܣ. ܘܦܝܠܐܘܣ. ܘܗܣܝܟܣ. ܘܬܐܕܘܪܘܣ ܐܦܝܗܣܩܘܦܐ ܕܥܕ̈ܬܐ ܕܒܡܨܪܝܢ܆ ܥܡ ܐܢ̈ܫܐ ܝܕܗܝܥܐ.. ܒܝܡܬܐ ܕܝܢ ܕܣܒܣܛܝܐ ܐܪ̈ܒܥܝܢ ܓܒܪ̈ܐ ܐܟܚܐ ܐܬܟܠܠܘ. ܕܗܠܝܢ ܪ̈ܝܫܐ ܘܝܕ̈ܝܥܐ ܐܦ ܪܘܪ̈ܒܢܘܗܝ ܕܐܬܪܐ ܗܿܘ ܐܝܬܝܗܘܢ ܗܘܘ. ܘܒܓܠܝܕܐ ܐܢܘܢ ܒܢܘܪܐ.. ܩ̈ܕܝܫܐ ܣܪܓܝܣ ܘܒܟܘܣܼ. ܐܪܗܛ ܐܢܘܢ ܕܘܟܣ ܥܠ ܟܣ̈ܐ ܚܪ̈ܝܦܬܐ ܕܦܪܙܠܐ. ܘܟܕ ܒܟܠ ܫܢ̈ܕܝܢ ܐܫܬܢܕ ܒܗܘܢܼ ܗܝܕܝܢ ܦܣܩ ܪ̈ܝܫܝܗܘܢ ܒܪܨܦܐ.܀܀ ܫܢܬ .ܒ. ܐܠܦ̈ܝܢ ܘܬܠܬܡܐܐ ܘܥܣܪܝܢ ܘܚܕܐܼ. ܕܘܩܠܛܝܢܘܣ ܐܦ ܡܟܣܝܡܝܢܘܣ ܐܫܬܐܠܘ ܡܢ ܡܠܟܘܬܐ. ܘܥܒܼܕ ܡ̈ܠܟܐ ܚܠܦܝܗܘܢ ܠܡܟܣܝܡܝܢܘܣ ܐܦ ܠܣܘܪܣ.. ܥܝܕܐ ܡܕܡ ܐܝܬ ܠܡܗܠܟܐ ܕܪ̈ܗܘܡܝܐܼ. ܕܐܡܬܝ ܕܡܢ ܥܼܠܬܐ ܐܝܕܐ ܕܗܼܝ܇ ܐܢ ܡܢ ܕܚܠܬܐ ܕܒܥܠܕܒ̈ܒܐ܇ ܘܐܢ ܥܠܼܬܐ ܐܝܕܐ ܕܗܼܝܼ. ܢܫܬܐܠ ܚܕ ܡܢܗܘܢ ܡܢ ܡܕܒܪܢܘܬܐ ܕܢܓܪܘܥ ܪܝܫܗܼ ܘܢܐܙܠ ܠܒܝܬܗ܇ ܟܕ ܠܐ ܡܬܩܪܒ ܣܓ ܡܢ ܗܫܐ ܘܠܗܠ ܠܕܘܒܪܐ ܕܡܠܟܘܬܐ. ܘܐܦܠܐ ܐܝܟ ܢܡܘܣܐ ܐܢ ܢܛܪ ܢܦܫܗ ܐܝܬ ܐܢܫ ܕܡܗܪ ܠܗ ܒܡܕܡ. ܗܠܝܢ ܗܟܢܐ ܥܒܕܘ ܘܫܒܩܘ ܬܓܐ ܕܡܠܟܘܬܐ܇.܀܀ ܫܢܬ .ܒ ܐܠܦ̈ܝܢ ܘܬܠܬܡܐܐ ܘܥܣܪܝܢ ܘܬܪ̈ܬܝܢ܆ ܩܘܣܛܢܛܝܣ ܒܐܝܩܩܪܐ ܪܒܐ ܢܦܼܩ ܡܢ ܥܠܡܐ. ܘܐܡܠܛ ܡܢ ܒܬܪܗ ܩܘܣܛܢܛܝܢܘܣ ܒܪܗܼ. ܫܢ̈ܝܐ ܬܠ̈ܬܝܢ ܘܚܕܐܿ ܘܝܪ̈ܚܐ ܥܣܪܐ.܀ ܗܪܟܐ ܨܿܒܢܐ ܩܠܝܠ ܐܢܘܚ ܥܠ ܡܠܬܝ. ܘܐܚܘܐ ܕܐܝܠܝܢ ܬܡ̈ܗܝܬܐ ܣܥܪ ܐܠܗܐ ܒܝܕ ܡܗ̈ܝܡܢܘܗܝ. ܐܦ ܕܐܝܠܝܢ ܒܝ̈ܫܬܐ ܡܞܚܘܐ ܣܛܢܐ ܒܝܕ ܦܠܚ̈ܘܗܝ. ܗܢܐ ܕܝܢ ܩܘܣܛܢܛܝܣ ܣܒܐ ܥܡ ܗܠܢܐ ܐܢܬܬܗܼ. ܡܗ̈ܝܡܢܐ ܘܕܚ̈ܠܝ ܐܠܗܐ ܐܝܬܝܗܘܢ ܗܘܘ. ܟܕ ܒܟܠܗ ܙܒܢܐ ܕܡܠܟܘܬܗܘܢ ܠܐܪܕܦ ܠܐܢܫ. ܐܠܐ

Page 151

ܢܝ̈ܚܐ ܘܒܣܝ̈ܡܐ ܡܬܚܙܝܢ ܗܘܘ ܠܘܬ ܟܠܢܫ. ܘܗܟܢܐ ܫܿܠܡ ܚܝ̈ܘܗܝ ܡܝܩܪ̈ܐ ܩܘܣܛܢܛܝܣܼ. ܘܢܦܩ ܡܢ ܥܠܡܐ ܗܢܐ ܟܕ ܟܠܢܫ ܡܘܕܐ ܠܒܣܝܡܘܬܗ.. ܗܢܐ ܕܝܢ ܩܘܣܛܝܢܛܝܢܘܣ ܒܪܗܼ ܠܐ ܐܬܕܼܡܝ ܠܗܝܡܢܘܬܐ ܕܐܒܘܗܝ. ܐܠܐ ܒܟܠܙܒܢ ܪܕܘܦܐ ܕܗܝܡܢܘܬܐ ܕܡܫܝܚܐ ܡܬܚܙܐ ܗܘܐ. ܐܦ ܟܕ ܡܚܘܬܐ ܡܕܡ ܒܝܫܬܐ ܐܝܬ ܗܘܬ ܒܦܓܪܗܼ ܐܦܠܐ ܗܟܢܐ ܡܬܪܡܐ ܠܡܦܫ ܡܢ ܒܝܫܬܐ ܕܪܕܘܦܝܗ. ܟܕ ܡܬܕܡܐ ܒܛܢܢܗ ܕܠܘܬ ܣܓܕܬ ܦܬܟܪ̈ܐ ܠܫܐܘܠ ܪܘܕܦܐ. ܘܟܕ ܗܟܢܐ ܡܠܐ ܗܘܐ ܠܘܚܡܐ ܘܩܛܠܐ ܠܘܬ ܟܠܗܘܢ ܟܪ̈ܣܛܝܢܐܼ. ܟܕ ܚܒܫ ܘܩܛܠ ܘܐܦ ܙܩܦ ܘܪܓܡܼ. ܡܚܘܬܐ ܗܿܝ ܕܒܓܘܫܡܗܼ ܝܬܝܪ ܥܿܫܢܐ ܥܠܘܗܝ. ܓܪܒܐ ܡܠܐ ܗܘܐ ܟܠܗ ܦܓܪܗ. ܘܪܝܚܐ ܣܪܝܐ ܒܕܡܘܬܐ ܩܒܪܐ ܕܡܠܐ ܫ̈ܠܕܐܼ. ܕܠܟܠ ܓܒ̈ܝܢ ܦܝܚ ܪܝܚܗܼ. ܗܟܢܐ ܐܦ ܗܢܐ. ܪܝܚܐ ܕܣܪܝܘܬܐ ܐܙܿܠ ܗܘܐ ܡܢܗ ܠܟܠ ܓܒ̈ܝܢ. ܘܒܝܕ ܗܕܐ ܡܠܐ ܗܘܐ ܠܘܚܡܐ ܕܩܛܠܐ ܥܠ ܟܠ ܕܠܐ ܣܿܓܕ ܠܐܠܗ̈ܐ. ܒܗܿܝ ܠܡ ܕܢܬܠܘܢ ܠܗ ܐܣܝܘܬܐ ܠܦܓܪܗ.. ܗܢܐ ܟܕ ܚܿܙܐ ܟܠܝܘܡ ܠܦܓܪܗ ܕܡܬܡܣܐ ܘܡܬܚܒܠ ܒܝܕ ܓܪܒܐ ܗܿܘ ܕܒܗܼ. ܫܕܪ ܘܟܢܫ ܠܗ ܠܟܠܗܘܢ ܚܪ̈ܫܐ ܘܐܫܘ̈ܦܐ ܘܟ̈ܠܕܝܐ ܘܚ̈ܟܝܡܐ ܕܒܫܘܠܛܢܗ ܘܕܠܐ ܒܫܘܠܛܢܗ܀ ܡܢ ܬܫܥܝܬܐܕܥܠ ܩܘܛܢܛܝܢܣ ܪܒܐ. ܡܛܠ ܓܝܪ ܕܓܪܒܐ ܡܠܐ ܗܘܐ ܟܠܗܼ. ܡܼܠܟܘܗܝ ܚܟܝ̈ܡܘܗܝ ܗܿܢܘܢ ܕܟܢܼܫܼ. ܢܐܝܬܐ ܛܠ̈ܝܐ ܫܪ̈ܘܝܐ ܬܠܡ̈ܐܐܼ. ܘܢܟܘܣ ܐܢܘܢ ܘܢܣܚܐ ܒܕܡܗܘܢ. ܗܝܕܝܢ ܫܕܪ ܩܠܝܠܐܝܬ ܩܘܣܛܢܛܝܢܘܣ ܐܝܟ ܡܠܬܗܘܢ ܒܝܫܬܐܼ. ܘܟܢܫ ܛܠܝ̈ܐ ܣ̈ܓܝܐܐ. ܘܩܡ ܕܢܐܙܠ ܠܐܝܟܐ ܕܡܬܢܟܣܝܢ ܗܘܘܼ. ܕܢܣܚܐ ܒܕܡܗܘܢܼ ܥܡ ܛܟܣܝܣ ܕܝܠܗ ܒܓܘ ܡܕܝܢܬܐ. ܘܟܕ ܐܿܙܠ ܫܡܼܥ ܩܠܐ ܕܝܠܠܬܐ ܪܒܬܐܿ.

ܕܐܘ̈ܠܝܬܐ. ܐܝܟܢ ܕܡܕܝܢܬܐ ܟܠܗܿ ܬܙܘܥ. ܘܟܕ ܫܡܼܥ

Page 152

ܡܿܠܟܐ ܐܡܼܪ܇ ܕܡܿܢܘ ܩܠܐ ܗܢܐ. ܐܿܡܪܝܢ ܠܗܼ. ܐܡܗ̈ܬܗܘܢ ܕܛܠܝ̈ܐ ܗܠܝܢܼ ܕܐܠܝܢ ܠܒܢ̈ܝܗܝܢ ܚܒ̈ܝܒܐ. ܘܗܝܕܝܢ ܬܘܒ ܡܿܠܟܐ ܘܩܡ ܟܕ ܡܕܡܥ. ܘܗܦܟ ܠܒܝܬ ܡܠܟܘܬܗ. ܟܕ ܡܬܥܕܠ ܒܡ̈ܠܘܟܐ ܒܝ̈ܫܐ ܕܠܐ ܪ̈ܚܡܐܼ ܘܐܡܼܪ: ܕܚܒܝܒ ܗܼܘ ܠܝ ܚܝ̈ܝܗܘܢ ܕܬܡ̈ܝܗܐ ܗܠܝܢ ܘܕܟ̈ܝܐܼ. ܝܬܝܪ ܡܢ ܚܘܠܡܢܗ ܕܦܓܪܝ. ܗܢܘ ܕܝܢ ܘܐܦܠܐ ܫܪܝܪܐ ܗܼܝ ܠܝܿ. ܕܐܢ ܣܿܚܐ ܐܢܐ ܒܕܡܗܘܢ ܡܬܕܟܐ ܐܢܐ ܡܢ ܓܪܒܝ. ܘܦܼܩܕ ܡܿܠܟܐ ܕܢܬܝܗܒܘܢ ܙܘ̈ܙܐ ܠܐ̈ܡܗܬܘܢ ܘܢܐܙ̈ܠܢ ܒܐܩܝܪܐ ܪܒܐ ܠܐܬܪ̈ܘܬܗܝܢ. ܐܠܗܐ ܕܝܢ ܛܒܐ ܘܡܪܚܡܢܐ ܕܟܪ̈ܣܛܝܢܐ܇ ܟܕ ܚܙܝܗܝ ܕܥܒܼܕ ܗܕܐܼ ܐܦܢܝܗ ܠܘܬܗ. ܘܟܕ ܕܡܝܟ ܒܠܠܝܐ ܥܠ ܬܫܘܝܬܗܼ ܫܕܪ ܠܘܬܗ ܬܪ̈ܝܢ ܡܢ ܬܠܡ̈ܝܕܘܗܝ. ܗܢܘ ܕܝܢ ܠܦܛܪܘܣ ܘܠܦܘܠܣ. ܘܐܬܚܙܝܘ ܠܗ ܒܚܠܡܐܼ ܘܐܡܿܪܝܢ ܠܗ. ܥܠ ܕܚܼܙܐ ܐܠܗܐ ܡܪܚܡܢܘܬܟ ܕܚܣܼܬ ܥܠ ܛܠܝ̈ܐܼ ܪܚܡ ܐܦ ܥܠܝܟ. ܘܫܕܪ ܠܢ ܕܢܚܙܐ ܠܟ ܡܥܝܢܐ ܕܡ̈ܝܐ. ܕܟܕ ܬܣܚܐ ܒܗܼ ܬܕܟܐ ܡܢ ܓܪܒܟ. ܐܠܐ ܫܕܪ ܐܝܬܐ ܠܟ ܠܣܠܝܒܣܛܪܘܣ ܐܦܝܣܩܘܦܐܿ. ܗܿܘ ܕܡܢ ܕܚܠܬܟ ܥܪܝ ܠܛܘܪܐ ܘܛܫܼܐ ܒܡܥܪܬܐ. ܗܼܘ ܐܿܬܐ ܘܡܚܘܐ ܠܟ ܡܥܝܢܐ ܕܡ̈ܝܐ. ܕܟܕ ܬܚܘܬ ܠܗܿ ܬܬܕܟܐ ܡܢ ܓܪܒܟ. ܘܟܕ ܐܬܬܥܝܪ ܡܠܟܐܼ ܫܕܪ ܐ̈ܢܫܐ ܠܐܝܟܐ ܕܐܡܪܘ ܠܗ ܫܠܝ̈ܚܐ. ܘܐܝܬܝܘܗܝ ܠܣܠܒܣܛܪܘܣ. ܘܩܡ ܡܠܟܐ ܠܐܘܪܥܗ. ܘܩܒܠܗܼ ܒܐܩܝܪܐ ܪܒܐ. ܘܫܐܠܗܼ ܘܐܡܼܪ ܠܗ. ܐܝܬ ܠܟܘܢ ܐܠܗ̈ܐ ܕܡܬܩܪܝܢ ܦܛܪܘܣ ܘܦܘܠܘܣ.. ܘܣܠܒܣܛܪܘܣ ܐܡܪ܇ ܦܛܪܘܣ ܘܦܘܠܘܣ ܐܠܗ̈ܐ ܠܐ ܐܝܬܝܗܘܢ. ܐܠܐ ܥܒ̈ܕܘܗܝ ܐܢܘܢ ܕܐܠܗܐ.. ܡܠܟܐ ܐܡܼܪ ܐܝܬ ܠܟܘܢ ܝܘ̈ܩܢܝܗܘܢ. ܐܝܬܘ ܠܝܼ ܐܚܙܐ ܐܢܘܢ. ܘܟܕ ܐܝܬܝܘ ܠܗܼ ܐܡܼܪ܇ ܕܠܐ ܐܝܬ ܡܕܡ ܕܚܬܝܬ ܡܢ ܝܘ̈ܩܢܼܐ ܗܠܝܢ. ܒܗܕܐ ܓܝܪ ܕܡܘܬܐ ܐܬܚܙܝܘ ܠܝܼ ܘܡܠܠ ܥܡܝ. ܕܐܫܕܪ

Page 153

ܐܝܬܝܟܼ ܕܡܥܝܢܐ ܕܡܝ̈ܐ ܬܚܘܐ ܠܝ.. ܣܠܒܣܛܪܘܣ ܐܡܼܪ. ܥܠ ܡܝ̈ܐ ܕܡܥܡܘܕܝܬܐ ܐܡܼܪܘ ܠܟ. ܕܐܢ ܗܼܘ ܕܬܗܝܡܢ ܒܐܠܗܢܼ ܘܬܚܘܬ ܠܡܝ̈ܐ ܗܠܝܢ ܒܫܡܗ: ܥܡ ܓܒܪܐ ܕܓܘܫܡܟ ܐܦ ܓܪܒܐ ܕܚ̈ܛܗܝܟ ܫܿܠܚ ܐܢܬ.. ܡܠܟܐ ܐܡܼܪ. ܐܠܘ ܠܐ ܕܗܝܿܡܢܬ ܘܠܐ ܒܬܪܟ ܡܫܕܪ ܗܘܿܝܬ.. ܣܠܒܣܛܪܘܣ ܐܡܼܪ ܠܗ. ܨܘܡ ܒܗܕܐ ܫܒܬܐ. ܘܐܦܝܣ ܠܐܠܗܐ ܕܢܫܒܘܩ ܠܟܼ ܡܕܡ ܕܥܒܼܕܬ ܒܥܒ̈ܕܘܗܝ. ܘܦܩܘܕ ܕܬܬܦܬܚ ܥܕܬܐ. ܘܢܬܬܚܕܘܢ ܒܝܬ ܦܬܟܪ̈ܐ ܚܪ̈ܫܐ ܘܥܘܝܪ̈ܐ. ܘܦܩܘܕ ܕܢܦܩܘܢ ܟܪ̈ܣܛܝܢܐ ܗܠܝܢ ܕܚܒܫܼܬ. ܘܡܢ ܕܡܘܣܝܘܢ ܗܠܝܢ ܕܠܝܬ ܠܗܘܢ ܦܩܘܕ ܕܢܫܬܒܩ ܠܗܘܢ. ܘܙܕܩ̈ܬܐ ܒܡܚܝ̈ܠܐ ܥܒܕ.. ܗܼܘ ܕܝܢ ܡܠܟܐܼ ܟܠܗܝܢ ܗܠܝܢ ܥܒܼܕ ܐܝܟܢܐ ܕܐܬܦܩܕ ܠܗ. ܟܕ ܕܝܢ ܐܬܼܐ ܝܘܡܐ ܗܿܘ ܩܕܝܫܐ ܕܚܕܒܫܒܐܼ. ܩܪܒܗ ܗܘܐ ܣܠܒܣܛܪܣ ܠܡܠܟܐ ܨܝܕ ܡܥܡܘܕܝܬܐ. ܟܕ ܐܡܿܪ ܠܗܼ. ܕܡܝ̈ܐ ܗܠܝܢ ܐܘ ܡܠܟܐܼ ܚ̈ܛܗܐ ܫܒܩܝܢܼ ܘܛܝܒܘܬܐ ܫܡܝܢܝܬܐ ܝܗܒܝܢ܇ ܠܗܿܘ ܕܡܢ ܟܠܗ ܠܒܗ ܡܗܝܡܢ. ܘܚܝ̈ܐ ܕܠܥܠܡ ܡܛܝܒܝܢ ܠܗ.. ܘܟܕ ܕܝܢ ܐܚܬܗ ܣܠܒܣܛܪܘܣ ܠܡܥܡܘܕܝܬܐ: ܘܡܛܠ ܣܘܓܐܐ ܕܗܝܡܢܘܬܗ ܕܡܠܟܐ ܐܬܢܒܪܫܬ ܠܗܿ ܟܠܗܿ ܐܝܟ ܠܡܦܝܕܐ ܕܢܘܪܐ: ܘܐܝܟ ܛܝܓܢܐ ܕܡܬܛܪܛܥ ܐܫܬܡܥ ܩܠܗܿ. ܘܟܠܗ ܓܪܒܗ ܕܡܠܟܐ ܦܪܩܼ ܡܢܗ. ܘܐܬܚܙܝ ܟܕ ܛܐܦ ܥܠ ܡܝ̈ܐ ܐܝܟ ܩ̈ܠܦܐ ܕܢܘ̈ܢܐ. ܘܗܘܼܐ ܟܠܗ ܐܝܟ ܒܒܘܣܐ ܚܣܝܠܐ. ܘܐܝܟ ܫܘܚܠܦܐ ܕܚܙܐ ܒܓܘܫܡܗ ܐܫܪ ܘܗܝܡܢ ܥܠ ܫܘܒܩܢ ܚ̈ܛܗܐ ܘ[ܥܠ ܚܝ̈ܐ] ܕܥܠܐܡ ܚܕܬܐ. ܗܝܕܝܢܼ ܡܢ ܒܬܪ ܡܥܡܘܕܝܬܐ [ܕܠܥܠܡ ܫܪܝ ܡܠܟܐܼ ܘܐܼܡܪ. ܕܗܢܐ ܐܝܬܘܗܝ ܗܘܐ ܐܠܗܐ ܕܫܪܪܐ. ܐܠܘ ܠܐ ܓܝܪ ܗܘܝܘ ܐܠܗܐ ܕܒܪܢܝܼ ܠܐ ܡܫܟܚ ܗܘܐ ܕܬܘܒ ܢܚܕܬܢܝ. ܘܗܢܐ ܒܠܚܘܕܘܗܝ ܢܣܬܓܕ. ܘܛܥܝܘܬܐ ܗܿܝ ܕܥܕܡܐ ܠܝܡܝܢܐܼ ܬܣܿܒ ܫܘܠܡܐ. ܘܟܕ

Page 154

ܕܝܢ ܡܠܠ ܗܘܐ ܡ̈ܠܐ ܣ̈ܓܝܐܬܐ ܥܠ ܕܚܠܬ ܐܠܗܐ: ܘܥܠ ܣܓܕܬ ܕܚܕ ܐܠܗܐܼ ܘܥܠ ܒܘܛܠܐ ܕܣܓܕܬ ܐܠܗ̈ܐ ܥܒ̈ܝܕܐ. ܫܒܚܘܗܝ ܪܘܪ̈ܒܢܘܗܝ ܘܟܠܗܿ ܡܕܝܢܬܐ. ܘܦܼܩܕ ܕܩܠܝܠܐܝܬ ܬܬܒܢܐ ܥܕܬܐ ܪܒܬܐ ܘܪܘܝܚܬܐ ܒܩܘܣܛܢܛܝܢܐܦܘܠܝܣ.܀ ܗܠܝܢ ܕܝܢ ܗܼܘ̈ܝܼ. ܫܢܬ ܬܡܢܐ ܕܝܠܗ ܕܡܠܟܐ ܩܘܣܛܢܛܝܢܘܣ ܒܪ ܩܘܣܛܢܛܝܣ.܀܀ ܫܢܬ .ܒ. ܐܠܦ̈ܝܢ ܘ.ܫܟܕ.: ܡܝܬ ܡܟܣܡܝܢܘܣ ܡܠܟܐ ܕܪܗܘܡܐ.. ܘܐܡܠܟ ܡܟܝܢܛܣ ܒܪܗܼ ܫܢ̈ܝܐ ܫܬ.܀܀ ܫܢܬ .ܒ. ܐܠܦ̈ܝܢ ܘ.ܫܟܗ.: ܡܝܬ ܣܘܪܣ. ܘܐܚܕ ܡܠܟܘܬܗ ܩܘܣܛܢܛܝܢܘܣ.܀ ܘܒܗܿ ܒܫܢܬܐܼ. ܟܒܫ ܐܦ ܠܡܟܣܝܡܝܢܘܣ ܡܠܟܐ ܕܡܥܪܒܐ. ܘܐܚܕ ܡܠܟܘܬܗ ܗܼܘ ܩܘܣܛܢܛܝܢܘܣ ܡܠܟܐ. ܥܒܕ ܠܗ ܕܝܢ ܫܘܬܦܐ ܒܡܠܟܘܬܐ ܠܝܩܝܢܣ ܚܬܢܗ ܒܥܠܗܿ ܕܚܬܗ ܩܘܛܢܛܝܢܐ. ܡܟܣܝܡܝܢܘܣ ܕܝܢ ܡܠܟܐ ܕܣܘܪܝܐ ܩܫܝܐܝܬ ܘܕܠܐ ܒܪ̈ܚܡܐ ܪܕܦ ܗܐ ܠܟܪ̈ܣܛܝܢܐ. ܘܟܕ ܗܟܢܐ ܕܠܐ ܒܪ̈ܚܡܐ ܡܬܐܠܨܝܢ ܗܘܘ ܡܢܗ ܟܪ̈ܣܛܝܢܐ. ܡܟܣܝܡܝܢܘܣ ܕܝܢ ܡܠܟܐ ܕܣܘܪܝܐ ܩܫܝܐܝܬ ܘܕܠܐ ܒܪ̈ܚܡܐ ܪܕܦ ܗܘܐ ܠܟܪ̈ܣܛܝܢܐ. ܘܟܕ ܗܟܢܐ ܕܠܐ ܒܪ̈ܚܡܐ ܡܬܐܠܦܨܝܢ ܗܘܘ ܡܢܗ ܟܪ̈ܣܛܝܢܐ: ܘܪ̈ܥܘܬܗܘܢ ܩܛܠ ܘܐܫܕܝ ܠܐܟܣܘܪܝܐ: ܘܠܟ̈ܗܢܐ ܘܠܥܡܐ ܟܠܗ ܐܪܡܝ ܒܝܬ ܐܣܝܪ̈ܐ: ܥܕ̈ܬܐ ܘܡܕ̈ܒܚܐ ܘܗ̈ܝܟܠܐ ܟܠܗܘܢ ܣܚܼܦ ܘܥܩܼܪ ܘܫܕܐ ܥܕܡܐ ܠܫ̈ܬܐܣܐ: ܘܒܼܙܘ ܠܥܒܿܕܗܘܢ: ܘܟܕ ܗܟܢܐ ܡܫܬܢܕ ܗܘܐ ܒܝܠܕ̈ܝܗܿ ܕܥܕܬܐܼ. ܐܝܬܝ ܐܠܗܐ ܥܠܘܗܝ ܐܘܠܨܢܐ ܕܬܫܢܝܩܐܼ ܘܐܬܥܠܠܘ ܥܕܡܐ ܠܢܦܫܗ. ܟܕ ܡܢ ܫܠܝ ܓܝܪ ܒܗ̈ܕܡܐ ܟ̈ܣܝܐ ܕܓܘܗ ܗܘܐ ܠܗ ܩܒܝܐ. ܘܡܢ ܒܬܪܟܝܢ ܟܐܒܐ ܥܡܝܩܐ. ܕܐܝܬܘܗܝ ܣܪܢܓܐ. ܘܗܘܐ ܒܗ ܢܘܡܐ ܕܫܘܚܢܐ ܕܠܐ ܐܣܝܘ ܒܡ̈ܥܘܗܝ. ܕܡܢܗ ܪܕܝܢ ܗܘ̈ܝ ܬܘ̈ܠܥܐ ܣܘܓܐܐ ܕܠܐ ܩܛܥܢ. ܘܗܝܕܝܢ ܟܕ ܐܬܚܒܠܼ ܕܚܠܬܐ ܕܠܐ ܡܬܡܠܠܐ ܠܐܝܠܝܢ ܕܡܬܩܪܒܝܢ ܠܗ ܐܝܬܝܗܿ ܗܘܬ ܚܙܬܗ. ܗܝܕܝܢ ܐܣ̈ܘܬܐ ܐܝܠܝܢ ܕܠܐ ܡܫܟܚܝܢ ܗܘܘ ܠܡܣܝܒܪܘ ܪܝܚܗ ܣܘܪܝܐܼ

Page 155

ܡܬܩܛܠܝܢ ܗܘܘ ܕܠܐ ܒܪ̈ܚܡܐ. ܘܟܕ ܕܝܢ ܒܗܠܝܢ ܟܠܗܘܢ ܐܘ̈ܠܨܢܐ ܪܡܐ ܗܘܐܼ ܐܪܓܫ ܕܡܛܘܠ ܐܝܠܝܢ ܕܣܥܼܪ ܒܥܒ̈ܕܘܗܝ ܕܐܠܗܐ ܗܠܝܢ ܣܒܠ. ܘܦܼܩܕ ܠܩܪ̈ܝܒܘܗܝܼ ܕܢܫܠܐ ܪܕܘܦܝܐ ܕܥܠ ܟܪ̈ܣܛܝܢܐ ܒܥܓܠ. ܘܡܢ ܦܘܩܕܢܐ ܕܡܠܟܐ ܥܕ̈ܬܗܘܢ ܢܬܒܢ̈ܝܢ ܡܢ ܓܙܐ ܕܡܠܟܘܬܐ ܩܠܝܠܐܝܬ. ܘܟܠ ܡܕܡ ܕܐܬܢܣܒ ܡܢ ܚܕܐ ܡܢܗܝܢ ܢܬܦܢܐ ܠܗ̈ܝܢ. ܘܐܦܝ̈ܣܩܘܦܐ ܘܟܗ̈ܢܝܗܝܢܼ ܢܐܬܘܢ ܠܗܝܢ. ܘܗܟܢܐ ܥܒܿܕܐ ܒܬܪ ܡܠܬܐ ܪܗܛ ܗܘܐ. ܘܐܬܗܕܪܝܢ ܒܨܒܬܐ ܘܒܫܘܚܐ ܝܬܝܪ ܡܢ ܩܕܡܝܐ. ܐܝܟܢܐ ܕܟܕ ܚܙܘ ܝܗ̈ܘܕܝܐ ܘܚ̈ܢܦܐ ܘܟܠ ܥܡܡ̈ܝܢ ܠܫܘܒܚܗܝܢ܆ ܗܦܼܟܘ ܟܠܗܘܢ ܘܗܘܘ ܟܪ̈ܣܛܝܢܐ. ܟܕ ܡܘܕܝܢ ܕܠܝܬ ܐܠܗܝ ܐܚܪܝܢ ܠܒܪ ܡܢ ܗܢܐ. ܗܼܘ ܕܝܢ ܡܟܣܡܝܢܘܣ ܟܕ ܡܘܕܐ ܠܐܠܗܐ ܩܕܡ ܟܠܢܫ ܡܝܬ.. ܘܐܚܕ ܡܠܟܘܬܗ ܩܘܣܛܢܛܝܢܘܣ. ܡܛܠ ܕܗܼܘ ܗܢܐ ܡܟܣܡܝܢܘܣ ܕܬܠܬܐ ܟܕ ܐܬܬܙܝܥ ܗܘܐ ܩܪܒܐ ܒܝܬ ܠܗ ܘܠܩܘܣܛܢܛܢܘܣ ܡܛܠ ܪܕܘܦܝܐ ܕܥܠ ܟܪ̈ܣܛܝܢܐ: ܘܟܕ ܩܝܡܝܢ ܗܘܘ ܚܝ̈ܠܘܬܐ ܠܘܩܒܠ ܚܕ̈ܕܐ: ܗܢܘ ܕܝܢ ܚܝܠܐ ܕܝܠܗ ܕܛܘܪܢܐ ܘܚܝܠܐ ܬܘܒ ܕܩܘܣܛܢܛܝܢܘܣ. ܗܼܘ ܕܝܢ ܛܪܘܢܐ ܒܒܝܬܐ ܡܬܛܦܫܐ ܗܘܐ. ܩܒܠ ܡܢ ܐܠܗܐ ܡܣܡ ܒܪܝܫܐ ܐܝܟ ܕܫܿܘܐ. ܘܡܢ ܫܠܝ ܟܠܗ ܦܓܪܗ ܡܬܢܓܕ ܗܘܐ. ܘܡܬܪܕܦ ܒܝܕ ܟܐܒܐ ܚܣܝܢܐ. ܘܣܚܝܦ ܗܘܐ ܘܐܒܕ ܠܟܦܢܗ. ܘܟܠ ܦܓܪܗ ܒܢܘܪܐ ܕܠܐ ܡܬܚܙܝܐ ܡܬܢܣܟ ܗܘܐ. ܕܡܘܬܗ ܕܝܢ ܐܬܚܒܠܬ. ܡܚܿܐ ܕܝܢ ܚܿܝ ܗܘܐ ܒܠܚܘܕ. ܥܝ̈ܢܘܗܝ ܕܝܢ ܫܘܪ ܘܢܦܩ ܡܢ ܕܘܟܝ̈ܬܗܝܢ. ܘܐܫܬܒܩ ܟܕ ܣܼܡܐ. ܘܟܕ ܡܘܕܐ ܕܡܛܠ ܐܝܠܝܢ ܕܣܥܪܘ ܒܥܒ̈ܕܘܗܝ ܕܐܠܗܐܼ ܗܠܝܢ ܓܼܕܫ ܠܗܼ ܫܒܩܬܗ ܢܦܫܗ.܀ ܐܪܡܝܢܝ ܓܘܝܬܐ ܟܕ ܠܐ ܣܝܒܪܬ ܪܘܦܝܗܼ

Page 156

ܡܪܕܬ ܥܠܘܗܝ. ܘܫܕܪ ܥܠܝܗܿ ܚܝܠܐ ܣܓܝܐܐ ܘܐܬܚܪܒ ܬܡܢ ܟܠܗ. ܚܝܠܐ ܕܝܢ ܟܠܗ ܗܼܘ ܕܦܫ ܝܗܼܒ ܝܡܝܢܐ ܕܫܠܡܘܬܐ ܠܩܘܣܛܢܛܝܢܘܣܼ ܕܠܐ ܩܪܒܐ. ܐܝܠܝܢ ܕܝܢ ܕܢܩܝܦܝܢ ܗܘܘ ܠܗ ܠܛܪܘܢܐܼ ܥܒܼܕ ܡܢܗܘܢ ܐܠܗܐ ܢܩܡܬܐ ܐܝܟ ܕܫܘܿܝܢ.. ܘܡܛܠ ܕܒܝ̈ܘܡܬܗܘܢ ܕܛܪ̈ܘܢܐ ܗܠܝܢ ܠܐ ܗܘܐ ܟܦܢܐ ܘܠܐ ܡܘܬܐ ܐܦܠܐ ܩܪܒܐܼ. ܘܡܢ ܫܠܝ ܟܠܗܝܢ ܗ̈ܘܼܝ܆ ܟܦܢܐ ܘܡܘܬܐ ܘܩܪ̈ܒܐ ܣ̈ܓܝܐܐ. ܚܝܠܐ ܟܠܗ ܒܐܪܡܢܝ ܐܒܕܘ. ܘܐܝܠܝܢ ܕܐܝܬܝܗܘܢ ܒܩܘܪ̈ܝܣ ܐܒܕܘ ܒܟܦܢܐ. ܘܐܝܠܝܢ ܕܐܝܬ ܗܘܐ ܠܗܘܢ ܣܝܒܪܬܐ ܐܒܕܘ ܒܡܘܬܢܐ. ܘܗܟܢܐ ܐܬܩܫܝ ܟܦܢܐ ܕܡܘܕܝܐ ܕܚ̈ܛܐ ܒܬܪܝܢ ܐܠܦ̈ܝܢ ܘܚ̈ܡܫܡܐܐ ܙܘ̈ܙܝܢ ܡܙܕܒܢ ܗܘܐ.. ܡܟܣܢܛܝܣ ܕܝܢ ܗܿܘ ܕܐܫܬܚܪ ܡܢ ܗܠܝܢ ܪ̈ܫܝܥܐܼ ܕܡܡܠܟ ܗܘܐ ܒܪܗܘܡܐ. ܥܒܪ ܒܝܫܬܗ ܠܟܠܗܘܢ ܗܿܢܘܢ ܕܗܘܘ ܩܕܡܘܗܝ.. ܩܘܣܛܢܛܝܢܘܣ ܕܝܢ ܟܕ ܫܡܼܥ ܥܠܘܗܝܼ ܚܣ ܥܠ ܐܝܠܝܢ ܕܡܬܩܦܚܝܢ ܒܪܗܘܡܐ. ܘܩܼܪܐ ܠܐܠܗܐ ܠܥܘܕܪܢܐ. ܘܪܕܐ ܩܠܝܠܐܝܠ ܕܢܥܒܕ ܥܡܗ ܩܪܒܐ. ܘܗܟܢܐ ܟܕ ܐܬܩܪܒܘ ܠܚܕܐ ܘܠܬܪ̈ܬܝܢ ܘܬܠܬ ܡܢ ܡܫܪ̈ܝܬܗ ܕܛܪܘܢܐܼ. ܒܥܘܕܪܢܐ ܕܐܠܗܐ ܟܒܫ ܐܢ̈ܝܢ. ܘܟܕ ܡܛܝ ܠܗܿ ܠܪܗܘܡܐܼ. ܐܬܐܠܨܘ ܕܕܠܡܐ ܡܢ ܥܠܬ ܛܘܪܢܐ ܢܬܐܠܨ ܠܡܩܪܒܘ ܥܡܗܘܢ ܕܪ̈ܗܘܡܝܐ. ܐܠܐ ܐܠܗܐ ܐܝܟ ܕܒܐܣܘܪ̈ܐ ܕܦܪܙܠܐ ܢܓܕ ܐܦܩܗ ܠܒܪ ܡܢ ܡܕܝܢܬܐ. ܘܟܕ ܐܩܪܒ ܘܐܙܕܟܝ ܝܗܼܒ ܚܨܐܼ. ܘܫܪܝ ܗܼܘ ܐܝܠܝܢ ܕܥܡܗ ܠܡܥܒܪ ܥܠ ܓܝܫܪܐ ܗܿܘ ܕܟܕܝܢ ܗܘܐ ܥܠ ܢܗܕܐ. ܘܟܕ ܕܝܢ ܥܠܘܢ ܘܐܬܡܠܝ܆ ܐܫܬܪܝ ܐܣܪ̈ܘܗܝ ܕܓܝܫܪܐ ܘܛܒ̈ܥ ܣܦ̈ܝܢܐ ܒܥܘܡܩܐ ܣܓܝܐܐ ܟܕ ܡ̈ܠܝܢ ܓܒܪ̈ܐ.. ܘܗܟܢܐܐܒܕ ܗܼܘ ܗܢܐ ܪܫܝܥܐܼ ܐܝܟ ܐܒܪܐ ܒܡ̈ܝܐ ܣ̈ܓܝܐܐ. ܘܟܕ ܡܝܬ ܗܢܐܼ ܩܒܠܘܗܝ ܒ̈ܢܝ ܪܗܘܡܐ ܠܩܘܣܛܢܛܝܢܘܣ ܒܐܝܩܪܐ ܪܒܐ.. ܘܝܼܗܒ ܗܼܘ ܩܘܛܢـ ܚܐܪܘܬܐ ܠܟܠܗܘܢ ܟܪ̈ܣܛܝܢܐܼ. ܒܫܢܬ ܬܡܢܐ

Page 157

ܕܝܠܗ.܀ ܒܗ ܕܝܢ ܒܙܒܢܐ ܗܢܐܼ ܢܚܬܬ ܗܠܢܐ ܡܠܟܬܐ ܠܐܘܪܫܠܡ ܕܬܒܢܝܗܿ: ܘܕܬܥܩܒ ܥܠ ܫܟܚܬܗ ܕܙܩܝܦܐ ܕܡܫܝܚܐ. ܟܕ ܥܠ ܗܕܐ ܒܝܕ ܚܠܡܐ ܠܗܿ ܐܬܚܙܝ.. ܗܼܝ ܕܝܢ ܟܕ ܢܚܬܬ ܠܐܘܪܫܠܡ ܘܐܫܟܚܬܗܿ ܟܕ ܐܝܬܝܗܿ ܚܪܒܬܐ ܗܼܝ ܐܘܪܫܠܡ ܩܕܡܝܬܐ: ܐܝܟ ܡܐ ܕܐܡܝܪ ܒܢܒܝܐ: ܬܡܢ ܥܠ ܩܒܪܐ ܕܡܫܝܚܐܿ ܗܿܘ ܕܡܢܗ ܟܕ ܐܬܩܒܪ ܩܡܼ. ܒܫܩܠܛܥܢܐ ܡܥܩܒܐ ܗܘܬ. ܘܐܦܢ ܥܛܠܐܝܬܼ. ܐܠܐ ܒܛܝܒܘܬܐ ܕܐܠܗܐ ܡܫܟܚܐ. ܐܝܕܐ ܕܝܢ [ܐܝܬܝـ]ܝܗܿ ܥܠܬܐ ܕܥܛܠܘܬܗܿ ܒܝܕ ܙܥܘܪ̈ܝܬܐ ܐܢܐ ܐܿܡܪ. ܟܠܗܘܢ ܐܝܠܝܢ ܕܡܗܝܡܢܝܢ ܗܘܘ ܒܡܫܝܚܐ: ܡܢ ܒܬܪ ܚܫܐܼ ܡܝܩܪܝܢ ܗܘܘ ܠܕܘܕܬܐ ܗܿܝ. ܗܠܝܢ ܕܝܢ ܕܕܠܩܘܒܠܐܼ ܛܡܡܘܗܿ ܠܕܘܟܬܐ ܘܐܦ ܒܢܘ ܬܡܘܢ ܢܘܣܐ ܠܐܦܪܘܕܝܛܐ ܐܝܟ ܕܕܠܩܘܒܠܐܼ. ܘܐܩܝܡ ܠܨܠܡܗܿ ܥܠܘܗܝ ܕܩܒܪܐ. ܟܕ ܡܝܬܝܢ ܠܛܘܥܝܝ ܥܘܗܕܢܐ ܠܨܠܡܗܿ ܥܠܘܗܝ ܕܩܒܪܐ. ܟܕ ܡܝܬܝܢ ܠܛܘܥܝܝ ܥܘܗܕܢܐ ܕܝܠܗܿ ܕܕܘܟܬܐ. ܕܗܕܐ ܠܡ ܡܢ ܩܕܝܡ ܐܣܬܥܪܬ ܘܩܡܬ. ܠܐܡܗ ܕܝܢ ܕܡܠܟܐ ܗܝܕܝܢ ܐܬܝܕܥܬܼ. ܘܐܚܬܗ ܠܨܠܡܐ ܗܿܘ ܛܡܐܐ. ܘܚܦܪܬ ܘܓܠܝܬܗܿ ܠܕܘܟܬܐ ܗܿܝ ܩܕܝܫܬܐ. ܘܟܕ ܕܟܝܬܗ ܘܦܬܚܬܗ ܠܩܒܪܐܼ ܐܫܟܚܬ ܒܗ ܬܠܬܐ ܨܠܝ̈ܒܐ. ܚܕ ܕܡܪܢ ܘܬܪ̈ܝܢ ܕܗܠܝܢ ܬܪ̈ܝܢ ܓܝ̈ܣܐ. ܐܫܟܚܬ ܕܝܢ ܐܦ ܠܕܦܐ ܗܿܘ ܕܒܫܘܚܠܦ ܟܬܝ̈ܒܬܐ ܠܡܫܝܚܐ ܡܠܟܐ ܕܝܗ̈ܘܕܝܐ ܡܟܪܙ ܗܘܐ. ܐܡܗ ܕܝܢ ܕܡܠܟܐܼ ܒܝܕ ܕܠܐ ܝܕܥܬܼ ܠܨܠܒܝܐ ܡܝܩܪܐ ܕܐܝܢܘܼ. ܒܥܩܬܐ ܪܒܬܐ ܗܘܼܬ. ܐܢܬܬܐ ܕܝܢ ܚܕܐ ܡܢ ܟܘܪܐܼ. ܐܬܬܚܕܬ ܒܟܘܪܗܢܐ ܙܒܢܐ ܢܓܝܪܐ. ܘܡܢ ܟܕܘ ܠܡܡܬ ܩܪܝܒܐ ܗܘܬ. ܡܩܪܝܣ ܐܦܝܣܩܘܦܐ ܕܝܠܗܿ ܕܡܕܝܢܬܐܼ. ܦܩܼܕ ܕܢܫܬܩܠܘܢ ܨܠܝ̈ܒܐ ܘܢܬܬܣܝܡܘܢ ܥܠܝܗܿ ܒܐܝܕܐ ܒܐܝܕܐ. ܘܒܬܪ ܕܐܬܩܪܒ ܠܗܿ ܨܠܝ̈ܒܐ ܗܠܝܢ ܬܪ̈ܝܢ ܕܠܣ̈ܛܝܐ ܘܡܕܡ ܠܐ ܝܬܪܬܼ. ܐܠܐ ܐܝܟ ܕܡܢ ܩܕܝܡ ܕܬܫܠܡ ܢܦܫܗܿ ܡܫܬܚܩܐ ܗܘܬ. ܘܩܪܒ ܗܿܘ ܕܬܠܬܐ ܕܐܝܬܘܗܝ ܕܡܫܝܚܐܼ. ܘܡܚܕܗܿ

Page 158

ܐܢܬܬܐ ܗܿܝ ܡܢ ܡܘܬܐ ܠܚ̈ܝܐ ܐܬܩܢܝܬ. ܘܚܠܝܡܬܐ ܗܘܬ. ܒܕܐܝܟ ܗܕܐ ܥܠܬܐ ܨܠܝܒܐ ܦܪܘܩܝܐܼ ܐܬܝܕܥ. ܗܝܕܝܢ ܐܡܗ ܕܡܠܟܐ ܗܝܟܠܐ ܪܒܐ ܥܠ ܩܒܪܐ ܒܢܼܬ. ܘܐܘܪܫܠܡ ܚܕܬܐܼ ܠܘܩܒܠ ܗܿܝ ܥܬܝܩܬܐ ܒܢܼܬ. ܘܠܗ ܠܨܠܝܒܐ ܦܪܘܩܝܐ ܦܠܓܬܼ: ܘܡܢܬܐ ܡܢܗ ܒܓܠܘܣܩܡܐ ܕܣܐܡܐ ܝܩܪܬ. ܘܫܒܩܬ ܕܢܗܘܐ ܠܐܝܠܝܢ ܕܡܢ ܒܬܪܟܝܢ ܨܒܿܝܢ ܕܢܚܙܘܢܝܗܝ ܬܡܘܢ. ܡܢܬܐ ܕܝܢ ܐܚܪܝܬܐ ܫܩܠܬܼ. ܘܠܡܠܟܐ ܫܕܪܬ. ܘܐܦ ܠܣܟ̈ܐܗܠܝܢ ܕܐܬܩܒܥ ܒܐܝܕ̈ܘܗܝܼ ܫܩܼܠ ܡܠܟܐ. ܘܐܦ ܠܗܝܢ ܒܩܒܪܐ ܐܫܟܚܬ ܡܠܟܬܐܼ ܘܫܕܪܬ ܐܢܝܢ ܠܗ. ܘܥܒܕ ܡܢܗܝܢ ܣܢܘܪܬܐ ܠܪܝܫܗ ܘܦܓܘܕܬܐ ܠܣܘܣܝܗ. ܘܒܙܒܢܐ ܕܩܪܒܐܼ. ܒܗܝܢ ܡܬܚܫܚ ܗܘܐ.. ܗܼܘ ܕܝܢ ܡܠܟܐ ܕܗܒܐ ܣܓܝܐܐ ܡܫܕܪ ܗܘܐ ܠܡܩܪܝܣܿ. ܠܥܕ̈ܬܐ ܕܡܢ ܐܡܗ ܡܬܒ̈ܢܝܢ ܗܘ̈ܝ. ܘܡܚܦܛ ܗܘܐ ܠܗܼ ܕܢܗܠܟ ܒܢܝܢ̈ܝܗܝܢ. ܘܐܘܪܠܡ ܚܕܬܐ ܥܒܕܬ. ܘܒܒܝܬܠܚܡ ܥܕܬܐ ܒܕܘܟܬܐ ܕܡܘܠܕܐ ܥܒܕܬ. ܘܒܒܝܬܠܚܡ ܥܕܬܐ ܒܕܘܟܬܐ ܕܡܘܠܕܐ ܥܒܕܬ. ܘܐܦ ܒܛܘܪܐܐܝܟܐ ܕܗܘܼܬ ܡܣܩܬܐ. ܗܟܢܐ ܫܚܝܡܐ ܗܘܬ ܠܗܿ ܢܦܫܗܿ. ܐܝܟܢܐ ܕܐܦ ܥܡ ܫܪܟܐ ܕܢܫ̈ܐ ܒܚܠܝܛܘܬ ܟܢܫܝܐ ܨܠܘܬܐ ܬܫܡܠܐ. ܗܟܢܐ ܘܠܒܬܘ̈ܠܬܐ ܐܝܠܝܢ ܟܢܫܐ ܨܠܘܬܐ ܬܫܡܠܐ. ܘܗܟܢܐ ܘܠܬܘ̈ܠܬܐ ܐܝܠܝܢ ܕܟܬܝܒ̈ܢ ܒܬܓܡܐ ܕܥܕܬܐܼ. ܟܕ ܡܙܡܢܐ ܠܗܝܢ ܠܒܘܫܡܐ ܕܡܐ̈ܟܠܬܐܼ. ܗܼܝܼ ܒܐܝܕ̈ܝܗܿ ܡܫܡܫܐ ܗܘܬ ܠܗܝܢ. ܘܒܘ̈ܫܠܐ ܥܠ ܦܬܘܪܐ ܩܕܡܝܗܝܢ ܣܝܡܐ ܗܘܬ. ܣܓܝ̈ܐܬܐ ܕܝܢ ܡܢ ܕܝܠܗܿ. ܐܦ ܡܫܟܢܐ ܗܘܬ ܠܥܕ̈ܬܐ ܘܠܡ̈ܣܟܢܐ. ܡܢ ܒܪܬ ܕܝܢ ܕܒܟܠܗܿ ܕܚܠܬ ܐܠܗܐ ܚܝ̈ܝܗܿ ܗܠܝܢ ܕܒܪܬ܆ ܒܘܫܠܡܐ ܕܫܢܗܝܐ ܬܡ̈ܢܝܢ ܡܢ ܥܠܡܐ ܗܢܐ ܥܢܕܬ. ܘܠܦܓܪܗܿ ܕܝܢ ܐܠܥܘܗܝ ܠܡܕܝܢܬ ܡܠܟܘܬܐ ܪܘܡܐܼ ܘܬܡܘܢ ܒܒܝܬ ܩܒܘܪ̈ܐ ܕܡ̈ܠܟܐ ܥܦܝܘܗܝ.

ܫܠܼܡ ܡܟܬܒܢܘܬܐ ܕܢܣܒܼܢܢ ܡܢ ܐܘܣܝܒܝܣ. ܥܡ ܥܠܼܢ ܥܠܼܢ ܕܟܿܢܫܼܢܢ ܡܢ ܓܒ̈ܐ ܣ̈ܓܝܐܐ. ܐܝܟ ܕܠܡܠܘܐ

Page 159

ܕܐܘܪܚܐ ܕܪܕܝܢܢ ܒܗܿ܀ ܬܘܒ ܡܢ ܣܘܩܪܛܝܣ ܡܟܬܒܢܐ ܢܣܒܝܢܢ.

ܫܢܬ ܫܬܡܐܐ ܘܐܪ̈ܒܥܣܪܐ ܒܕܐܠܟܣܢܕܪܘܣܼ ܐܫܬܒܝܢ ܐܘܪܗܝ ܡܢ ܡ̈ܝܐ. ܘܐܬܪܥܘ ܫܘܪ̈ܝܗܿ ܡ̈ܕܢܚܝܐ ܘܢܦܠ ܘܒܫܬ ܘܐܦܩܬ ܠܟܠ ܕܒܗܿ. ܘܥܒܕ ܒܗܿ ܗܼܘ ܫܦܥܐ ܚܘ̈ܒܠܐ ܪܘܪ̈ܒܐ ܒܒ̈ܢܝܢܫܐ ܘܒܒܥܝܪܐ ܘܒܟܠܗܿ ܦܩܥܬܐ ܕܐܘܪܗܝ ܘܕܚܪܢ.܀ ܒܗ ܒܗܢܐ ܙܒܢܐ ܒܢܐ ܩܘܣܛܢܛܝܢܘܣ ܠܕܪܦܢܐ ܡܕܝܢܬܐܼ ܘܗܠܝܢܦܘܠܝܣ ܫܡܗܗܿ ܥܠ ܫܡܐ ܕܗܠܝܢ ܐܡܗ܀ ܒܢܐ ܬܘܒ ܠܩܘܣܛܢܛܝܢܐܼ. ܘܫܡܗܗܿ ܥܠ ܫܡ ܚܬܗ ܩܘܣܛܢܛܝܢܐ܀ ܫܢܬ .ܒ. ܐܠܦ̈ܝܢ ܘܬܠܬܡܐܐ ܘܬܠܬܝܢ ܘܚܡܫܼ. ܠܝܩܝܢܘܣ ܠܟܪ̈ܣܛܝܢܐ ܕܒܦܠܛܝܢ ܪܕܦ܀ ܘܒܗܿ ܒܫܢܬܐ ܗܕܐ ܗܘܐ ܙܘܥܐ ܪܒܐ ܘܐܬܪ̈ܘܬܐ ܣܓܝ̈ܐܐ ܚ̈ܘܒܠܐ ܪܘܪ̈ܒܐ ܥܒܕ.܀ ܫܢܬ .ܒ. ܐܠܦ̈ܝܢ ܘ.ܫܡܒ. ܐܬܩܛܠ ܠܝܩܝܢܘܣ. ܘܐܚܕ ܡܠܟܘܬܐ ܗܼܘ ܩܘܣܛܢܛܝܢܘܣ ܒܠܚܘܕܘܗܝ.܀ ܫܢܬ .ܒ. ܐܠܦ̈ܝܢ ܘܬܠܬܡܐܐ ܘܐܪ̈ܒܥܝܢ ܘܫܬܼ. ܗܘܼܐ ܙܘܥܐ ܘܢܦܐ ܒܗ ܕܘ̈ܟܝܬܐ ܣܓܝ̈ܐܬܐ ܡܢ ܩܘ.

ܟܢܫܢ ܕܝܢ ܟܠܗܝܢ ܫܢ̈ܝܐ ܡܢ ܐܒܪܗܡ ܘܥܕܡܐ ܠܥܣܪܝܢ ܘܬܡܢܐ ܕܩܘܛܢܛ ܫܢ̈ܝܐ ܬܪܝܢ ܐܠܦܝܢ ܘܬܠܬܡܐܐ ܘܚܡܫܝܢ.. ܘܡܢ ܛܘܦܢܐ ܘܥܕܡܐ ܠܐܒܪܗܡܼ. ܫ̈ܢܝܐ ܬܫ̈ܥܡܐܐ ܘܐܘܪ̈ܒܥܝܢ ܘܬܪ̈ܬܝܢ.. ܡܢ ܐܕܡ ܥܕܡܐ ܠܛܘܦܢܐ ܬܪ̈ܝܢ ܐܠܦ̈ܝܢ ܘܡ̈ܬܝܢ.. ܡܢ ܐܕܡ ܥܕܡܐ ܠܛܘܦܢܐ ܬܪ̈ܝܢ ܐܠܦ̈ܝܢ ܘܡ̈ܬܝܢ ܘܐܪ̈ܒܥܝܢ ܘܬܪ̈ܬܝܢ.. ܐܟܚܕܐ ܟܠܗܝܢ ܫܢ̈ܝܐܼ. ܚܡ̈ܫܐ ܐܠܦܝܢ ܘܚܡܫ̈ܡܐܐ ܘܥܣܪ̈ܝܢ ܘܫܬ.܀ ܒܕܐܠܟܣܢܕܪܘܣܼ ܐܝܬܝܗܿ ܫܢܬܐ ܗܕܐܼ ܫܢܬ ܫ̈ܬܡܐܐ ܘܚܡܫܝܢ ܘܫ̈ܒܥ.

Page 160

ܬܘܒ ܡܟܬܒܢܘܬ ܕܣܘܩܪܛܝܣ. ܫܪܒܐ ܐܚܪܢܐ ܐܝܟ ܕܒܩܦܠܼܝܘܢ. ܫܢܬ ܫ̈ܬܡܐܐ ܘܥܣܪ̈ ܠܐܠܟܣܢܕܪܘܣ ܡܩܕܘܢܝܐ ܡܠܟܐ ܕܝܘܢܝ̈ܐܼ. ܐܪܝܘܣ ܣܕܩ ܥܕܬܐ. .. ܟܕ ܐܡܿܪ ܕܠܐ ܠܡ ܐܝܬܘܗܝ ܐܠܗܐ ܐܡܝܢܐܝܬ ܐܒܐܼ. ܐܠܐ ܐܝܬ ܐܡܬܝ ܕܠܐ ܐܝܬܘܗܝ ܐܠܗܐ ܐܒܐ. ܘܠܐ ܐܡܝܢܐܝܬ ܐܝܬܘܗܝ ܡܠܬܐܐܠܗܐ. ܐܠܐ ܡܢ ܠܐ ܡܕܡ ܗܘܼܐ. ܗܿܘ ܓܝܪ ܕܐܝܼܬܘܗܝ ܐܠܗܐ ܠܗܿܘ ܕܠܐ ܐܝܬܘܗܝ܆ ܡܢ ܡܕܡ ܕܠܐ ܐܝܬܘܗܝ ܥܒܼܕ. ܡܛܠܗܕܐ ܐܦ ܐܝܬ ܗܘܐ ܐܡܬܝ ܕܠܐ ܐܝܬܘܗܝ. ܒܪܝܬ ܓܝܪ ܐܝܬܘܗܝ ܘܥܒܿܕܐ ܒܪܐ. ܐܠܐ ܕܝܢ ܐܦܠܐ ܕܕܿܡܐ ܒܐܝܬܘܬܐ ܠܐܒܐ ܐܝܬܘܗܝ. ܘܠܐ ܡܠܬܐ ܫܪܝܪܐ ܘܟܝܢܐ ܕܐܒܐ. ܘܠܐ ܚܟܡܬܗ ܐܝܟ ܕܐܡܼܪ ܫܠܡܘܢ. ܐܠܐ ܚܕ ܡܢ ܥܿܒ̈ܕܐ ܐܝܬܘܗܝ ܘܗܘ̈ܝܐ. ܫܐܝܠܐܝܬ ܕܝܢ ܡܠܬܐ ܘܚܡܬܐ ܐܬܥܒܼܕ. ܐܦ ܗܼܘ ܠܡܠܬܐ ܚܬܝܬܐ:ܬ ܘܠܚܼܟܡܬܗ ܕܐܠܗܐ ܗܿܝ ܕܒܗ: ܘܠܟܠܡܕܡ ܐܦ ܠܗ ܥܒܼܕ ܐܠܗܐ. ܡܛܠ ܗܢܐ ܐܦ ܡܫܬܚܠܦܢܐ ܗܘ ܘܡܫܬܓܢܝܢܐ ܒܟܝܢܗܼ. ܐܝܟ ܕܐܦ ܟܠܗܘܢ ܡ̈ܠܝܠܐ. ܡܢܟܪܝܐ ܕܝܢ ܘܡܒܥܕܐ ܘܢܘܟܪܝܐ ܐܝܬܘܗܝ ܡܠܬܐ ܡܢ ܐܝܬܘܬܗ ܕܐܒܐ. ܘܓܢܝܙܐ ܐܒܐ ܠܒܪܐ. ܐܦ (ܠܐ) ܓܝܪ ܡܫܠܡܢܐܝܬ ܘܒܩܘܫܬܐ ܡܫܘܕܥ ܠܗ ܡܠܬܐ ܠܐܒܐ. ܘܠܐ ܕܢܚܙܘܗܝ ܚܬܝܬܐܝܬ ܡܨܼܐ. ܐܦܠܐ ܓܝܪ ܠܐܝܬܘܬܐ ܕܩܢܘܡܗ ܝܿܕܥ ܒܪܐ ܐܝܟ ܕܐܝܬܝܗܿ. ܡܛܠܬܢ ܓܝܪ ܥܒܼܝܕ. ܐܝܟܢܐ ܕܠܢ ܒܗ ܐܝܟ ܕܒܝܕ ܐܘܪܓܢܢ ܢܒܪܐ ܐܠܗܐ. ܘܠܐ ܡܢ ܟܕܘ ܡܬܩܝܡ ܗܘܐ܇ ܐܠܘ ܠܐ ܕܠܢ ܨܒܼܐ ܗܘܐ ܐܠܗܐ

Page 161

ܕܢܒܪܐ. ܫܐܠ ܐܢܘܢ ܐܢܫ: ܕܐܢ ܗܼܘ ܕܡܨܐ ܡܠܬܐ ܐܠܗܐ ܕܢܫܬܚܠܦ: ܐܝܟ ܕܐܦ ܣܛܢܐ ܐܫܬܚܠܦܼ. ܘܠܐ ܙܥܘ ܠܡܐܡܪ ܕܡܨܐ ܗܘ. ܡܫܬܚܠܦܢܐ ܗܘ ܟܝܢܗܼ ܥܠ ܕܥܒܝܕܐ ܐܝܬܘܗܝ.. ܘܬܘܒ ܐܘܣܦܼ ܘܐܡܼܪ. ܕܐܢ ܐܒܐ ܝܠܼܕ ܠܒܪܐܼ. ܫܘܪܝܐ ܕܗܘܿܝܐ ܐܝܬ ܠܗ ܠܗܿܘ ܕܐܬܝܠܕܼ. ܘܡܢ ܗܕܐ ܝܕܥܐܼ. ܕܐܝܬ ܗܘܼܐ ܐܡܬܝ ܕܠܐ ܐܝܬܘܗܝ ܗܘܐ ܒܪܐ. ܘܡܟܝܠ ܢܩܦܐ ܡܢ ܐܢܢܩܐܼ. ܕܡܢ ܠܐ ܡܕܡ ܢܗܘܐ ܐܝܬ ܠܗ ܩܢܘܡܐ.܀ ܡܩܝ̈ܡܢܝܗܿ ܕܝܢ ܕܗܕܐ ܗܪܣܝܣܼ ܗܠܝܢ ܐܝܬܝܗܘܢ. ܐܪܝܘܣ ܘܐܟܝܠܝܣܼ. ܘܐܝܬܝܠܝܘܣ ܘܩܪܦܘܢܝܣ. ܘܐܚܪܢܐ ܐܪܝܣ. ܘܐܚܪ̈ܢܐ ܣܓܝ̈ܐܐ ܥܡ ܐܘܒܝܣ ܕܢܝܩܡܘܕܝܐܼ. ܘܬܐܓܢܝܘܣ ܕܢܩܝܐ.܀ ܐܩܪܒ ܕܝܢ ܠܩܘܒܠܗܿ ܠܘܩܕܡܼ. ܩܕܝܫܐ ܦܓܪܘܣ ܐܦܝܣܩܦܐ ܕܐܠܟܣܢܕܪܝܐܼ. ܘܒܬܪܗܼ ܐܟܝܠܘܣ ܕܝܠܗܿ ܕܐܠܟܣܢܕܪܝܐ. ܘܬܘܒ ܐܠܟܣܢܕܪܘܣܼ ܗܿܘ ܕܒܝ̈ܘܡܘܗܝ ܐܬܟܢܼܫܬܿ ܣܘܢܗܕܣ ܕܢܩܝܐ.܀܀ ܫܢܬ ܫ̈ܬܡܐܐ ܘܚܡܫܥܣܪ̈ܐܼ. ܦܩܼܕ ܡܠܟܐܼ ܕܢܬܥܩܪ̈ܘܢ ܒܝܬ ܦܬܟܪ̈ܐ ܘܢܬܬܒܪܘܢ ܓ̈ܠܝܦܐ.܀܀ ܫܢܬ ܫܬܡ̈ܐܐ ܘܫܒܥܣܪ̈ܐܼ. ܥܒܼܕ ܡܠܟܐ ܩܘܣܛܢܛܝܢܘܣܼ. ܕܢܬܒ̈ܢܝܢ ܥܕ̈ܬܐ ܡܫܡ̈ܗܬܐ. ܕܚܕ ܡܢܗܝܢ ܐܝܬܝܗܿ ܒܕܘܟܬܐ ܕܡܬܩܪܝܐ ܒܠܘܛܐ ܕܡܡܪܐ. ܗܿܘ ܕܬܚܘܬܘܗܝ ܐܒܪܗܡ ܠܡ̈ܠܐܟܐ ܩܒܠ. ܐܝܠܦ ܕܝܢ ܡܿܠܟܐܼ ܕܥܠܿܬܐ ܕܚܦܢܐ ܒܕܘܟܬܐ ܗܿܝ ܣܝܼܡܐ ܗܘܬ. ܘܕܒ̈ܚܐ ܕܚܢ̈ܦܐ ܡܬܩܪܒܝܢ ܗܘܼܘ. .. ܐܚܪܝܬܐ ܕܝܢܼ ܒܒܥܠܒܟ ܦܩܼܕ ܕܬܬܒܢܐܼ. ܡܛܠ ܥܠܼܬܐ ܕܕܐܝܟ ܗܕܐ. ܒܢ̈ܝ ܗܿܝ ܡܕܝܢܬܐܼ. ܡܢܼܘ ܕܝܢ ܗܘܼܐ ܠܗܘܢ ܡܢ ܒܪܫܝܬ ܣܐܡ ܢܡܘܣܐ ܠܝܬ ܠܝ ܠܡܐܡܪܼ . . . . ܕܥܝܕܐ ܕܐܝܟ ܗܢܐ

Page 162

ܢܗܘܐ ܐܝܬ ܠܗܘܢܼ ܕܢ̈ܫܝܗܘܢ ܕܓܘܐ ܢܗܘ̈ܝܢ. ܘܡܛܠ ܗܕܐ ܦܠܓܘܬܐ ܐܝܬ ܗܘܬ ܒܝܢܬܗܘܢ ܥܠ ܗܘܿ ܕܡܬܝܠܕܼ ܕܒܪ ܡܢܼܘ ܐܝܬܘܗܝ. ܕܐܒ̈ܗܐ ܓܝܪ ܘܒܢܝ̈ܐܼ ܐܦܠܐ ܚܕ ܒܘܚܢܐ ܐܝܬܘܗܝ ܗܘܼܐ. ܠܒܢ̈ܬܗܘܢ ܓܝܪ ܒܬܘ̈ܠܬܐ ܠܐܟ̈ܣܢܐ ܥܒܪ̈ܝ ܐܘܪܚܐ ܝܿܗܒܝܢ ܗܘܘ ܕܢܙܢܘܢ ܒܗ̈ܝܢ. ܗܢܐ ܕܝܢ ܥܝܕܐ ܕܡܢ ܒܪܫܝܬ ܠܘܬܗܘܢ ܐܚܝܕ ܗܘܐܼ ܕܢܫܪܘܗܝ ܡܠܟܐ ܐܬܚܦܛ. ܘܒܢܡܘܣܐ ܦܐܝܐܼ ܟܕ ܡܥܠܐ ܠܗܘܢ ܘܠܒܢ̈ܬܗܘܢ ܡܢ ܙܠܝܠܘܬܐܼ. ܕܢܫܬܕܥܘܢ ܫܪܒܬܗܘܢ ܥܒܼܕ ܐܢܘܢ. ܘܟܕ ܒܢܐ ܥܕܬܐ ܘܦܩܕ ܕܢܣܬܝܡ ܬܡܢ ܐܦܝܣܩܦܐ ܘܩܠܝܪܝܩܘ ܕܟܗ̈ܢܐ. ܒܦܘܪܣܐ ܕܐܝܟ ܗܢܐܼ. ܠܒܝ̈ܫܬܐ ܕܒܥܠܒܟ. ܝܬܝܪܐܝܬ ܕܢܙܥܙ̈ܢ ܥܒܪܕ.܀ ܒܗ ܕܝܢ ܒܙܒܢܐ ܗܢܐܿ. ܟܕ ܣܬܪ ܢܘܣܐ ܕܒܦܘܩܘ ܕܠܒܢܢ ܐܝܬ ܗܘܐ ܠܐܦܪܘܕܝܛܐ. ܦܬܘܪ̈ܐ ܙܦܪ̈ܐ ܕܠܚܡܐ ܕܗܘܝܢ ܗܘܘ ܬܡܢ ܦܣܼܩ. ܗܠܝܢ ܕܡܬܩܪܝܢ ܗ̈ܠܝܝܠܝܐ.܀܀ ܫܢܬ ܫܬ̈ܡܐܐ ܘܬܡܢܥܣܪ̈ܐܼ. ܗܘܐ ܬܘܠܡܕܐ ܠܥܡܐ ܗܢܕܘܝܐ. ܬܘܒ ܕܝܢ ܥܘܗܕܢܐ ܥܒܿܕܝܢܢ ܘܕܐܝܟܢܐ ܒܙܒܢ̈ܘܗܝ ܕܝܠܗ ܕܡܿܠܟܐܼ. ܟܪܣܛܝܢܘܬܐ ܒܟܠ ܦܢ̈ܝܢ ܣܓܝܐ ܗܘܬ. ܒܗܘܢ ܓܝܪ ܒܙܒ̈ܢܐ ܗܠܝܢ܆ ܐܦ ܥܡ̈ܡܐ ܗܢܕ̈ܘܝܐ ܓܘ̈ܝܐ ܘܕܐܝܒܪ̈ܝܐ ܫܪܝܪܐܝܬ ܠܟܪܣܛܝܢܘܬܐ ܐܬܘ. ܡܛܠ ܡܢܐ ܗܿܝ ܕܓܘ̈ܝܐܼ. ܒܡܠܬܝ ܐܘܣܿܦܬ. ܒܝܕ ܙܥܘܪ̈ܝܬܐ ܐܡܿܪ ܐܢܐ. ܟܕ ܫ̈ܠܝܚܐ ܒܝܕ ܦܣܐ ܠܒܝܬ ܥܡ̈ܡܐ ܡܪܕܝܬܗܘܢ ܥܒܕܘ ܬܘܡܐ ܫܠܝܚܘܬܐ ܕܠܘܬ ܦܪ̈ܬܘܝܐ ܩܒܠ ܗܘܐ. ܘܡܬܝ ܠܐܪܥܐ ܕܟܘܫ ܐܫܬܕܪ ܗܘܐ. ܠܒܪ ܬܘܠܡܝ ܡܛܬܗ ܗܢܕܘ. ܗܝ ܕܠܗ ܠܟܘܫ ܕܒܝܩܐ. ܗܢܕܘ ܗܟܝܠ ܓܘܝܬܐ ܗܢܕܘ. ܗܝ ܕܠܗ ܠܟܘܫ ܕܒܝܩܐ. ܗܢܕܘ ܗܟܝܠ ܓܘܝܬܐ ܗܝ ܕܕܒܝܩܝܢ ܠܗܿ ܘܥܡܪܢ ܒܗܿ ܥܡ̈ܡܐ ܒܪ̈ܒܪܝܐܿ. ܕܒܠܫ̈ܢܐ ܡܫ̈ܚܠܦܐ ܡܬܚܫܚܝܢ. ܠܗܕܐ ܡܢ ܩܕܡ ܙܒܢ̈ܘܗܝ ܕܩܘܣܛܢܛܝܢܣܼ

Page 163

ܡܠܬܐ ܕܟܪܣܛܝܢܘܬܐ ܒܚܕ ܡܢ ܦܘܪܣܝܢ ܠܐ ܐܢܗܪܬ. ܐܝܕܐ ܕܝܢ ܐܝܬܝܗܿ ܥܠܬܐܼ. ܗܝ ܕܐܦ ܠܗܘܢ ܗܫܐ ܠܟܪܣܛܝܢܘܬܐ ܐܝܬܝܬܼ. ܐܡܿܪܐܢܐ ܐܦ ܠܗܿ. ܡܪܘܦܝܣ ܐܢܫ ܦܝܠܘܣܦܐ ܐܝܬܘܗܝ. ܒܓܢܣܗ ܡܢ ܨܘܪ: ܫܩܠ ܛܥܢܐ ܗܘܐ ܠܗ ܕܢܚܙܝܗܿ ܠܗܕܐ ܗܢـ[ـܕܘ] ܘܢܫܬܥܐ ܥܠܝܗܿ. ܟܕ ܛܐܿܢ ܐܦ ܗܼܘ ܒܡܛܪܝܕܘܪܘܣ ܦܝܠܣܦܐ. ܗܘܿ ܕܡܢ ܩܕܡܘܗܝ. ܗܕܐ ܥܒܼܕ ܗܘܐ. ܘܕܒܪ ܠܗ ܬܪ̈ܝܢ ܡܢ ܛܠܝ̈ܐ ܒܢ̈ܝ ܓܢܣܗ. ܐܝܠܝܢ ܕܐܦ ܗܢܘܢ ܒܡܠܝܠܘܬܐ ܕܝܘܢ̈ܝܐ ܪܕܝܢ ܗܘܘ. ܘܥܡܗܘܢ ܠܗܢܕܘ ܐܙܠ. ܘܡܢ ܒܬܪ ܕܐܬܟܪܟ ܒܟܠܗܿ ܘܗܘܐ ܚܙܝܐ ܕܟܠܗܿ. ܐܝܟ ܨܒܝܢܗ. ܡܛܠ ܣܢܝܩܘܬܐ ܕܣܝܒܪܬܐܼ. ܐܚܝܪ ܐܠܦܗ ܠܕܘܟܬܐ ܚܕܐ ܕܐܝܬ ܒܗܿ ܠܡܐܢܐ. ܓܕܫ ܓܝܪ ܕܩܠܝܠ ܙܒܢܐ ܢܫܬܪܐ ܩܝܡܐ ܕܫܝܢܐ ܕܐܝܬ ܗܘܐ ܒܝܬ ܪ̈ܗܘܡܝܐ ܠܗܢ̈ܕܘܝܐ. ܘܐܚܕ ܐܢܘܢ ܗܢܕ̈ܘܝܐ ܠܦܝܠܘܣܦܐ ܗܿܘ. ܘܠܐܝܠܝܢ ܕܥܡܗ ܪܕܝܢ ܗܘܘ ܒܐܠܦܐܼ. ܘܣܛܪ ܡܢ ܗܠܝܢ ܬܪ̈ܝܢ ܛܠܝ̈ܢ ܟܠܗܘܢ ܩܛܠܘ. ܠܗܘܢ ܕܝܢ ܠܛܠܝ̈ܐ ܐܚܕܘ ܐܢܘܢܼ ܒܗܝ ܕܚܣܘ ܥܠ ܚܙܬܗܘܢ. ܘܩܪܒܘ ܐܢܘܢ ܐܝܩܪܐ ܠܡܠܟܐ ܕܗܢܕܘ. ܗܼܘ ܕܝܢ ܡܠܟܐ ܟܕ ܚܕܝ ܒܚܙܬܗܘܢ ܕܛ̈ܠܝܐ ܘܐܪܓܫ ܒܝܕܥܬܗܘܢܼ ܠܚܕ ܡܢܗܘܢ ܕܫܡܗ ܗܘܐ ܐܕܣܝܣ. ܫܩܝܐ ܕܦܬܘܪܗ ܥܒܕܗ. ܠܗܿܘ ܐܚܪܢܐ ܕܫܡܗ ܦܪܡܘܛܝܣܼ ܟܠܛܘܩܪܐ ܕܒܝܬ ܡܠܟܘܬܐ ܐܩܝܡܗ. ܒܬܪ ܕܝܢ ܩܠܝܠܼ ܟܕ ܩܪܒ ܗܘ ܡܠܟܐ ܠܡܡܠܬ. ܥܠ ܒܪܐ ܓܝܪ ܙܥܘܪܐ ܘܐܢܬܬܐ ܠܣܘܥܪ̈[ܢܐ ܕܡܠܟܘܬܐ] ܫܒܩ. ܗܝ ܕܝܢ ܐܢܬܬܐ ܕܡܠܟܐܼ ܥܠ ܒܪܗ ܗܿܘ ܙܥܘܪ ܩܘܡܬܐ ܕܐ[ܝܬ ܠܗܿ] ܒܥܬܿ ܡܢܗܘܢ ܕܢܨܦܘܢ ܕܝܠܗܼ. ܥܕܡܐ ܕܢܐܬܐ ܠܩܘܡܬܐ ܕܓܒܪܐ.. ܘܟܕ ܐܬܬܦܝܣܘ ܠܗܿ ܗܢܘܢ ܛܠܝ̈ܐܼ. ܡܢ ܟܕܘ ܦܘܪܢܣܐ ܕܣܘܥܪ̈ܢܘܗܝ ܕܡܠܟܐ ܩܒܠ

Page 164

ܥܠܝܗܘܢ. ܐܝܬܘܗܝ ܕܝܢ ܗܿܘ ܕܟܠܡܕܡ ܡܦܪܢܣ ܗܘܐ ܦܪܡܘܢܛܝܣ. ܫܩܠ ܛܥܢܐ ܕܝܢ ܐܝܬ ܗܘܐ ܠܗܘܢܼ ܕܢܥܩܒܘܢ ܐܦ ܥܠ ܬܓܪ̈ܐ ܐܝܠܝܢ ܕܠܟܘܪܐ ܗܿܘ ܨܿܝܒܝܢ. ܕܟܕ ܢܫܟܚܘܢ ܐܢܫ ܕܐܝܬܘܗܝ ܟܪܣܛܝܢܐ ܢܦܓܥܘܢ ܒܗ. ܟܕ ܕܝܢ ܐܫܟܚܘ ܘܝܠܦ ܡܢܗܘܢ ܥܠ ܐܝܠܝܢ ܕܠܘܬܗܘܢ ܐܣܬܥܪܘ. ܡܟܝܠ ܡܦܣܝܢ ܗܘܘ ܕܒܕ̈ܘܟܝܬܐ ܕܫܠܝܐ ܢܫܬܒܩܘܢ ܠܡܥܡܪ. ܐܝܟܢܐ ܕܒܗܝܢ ܨܠܘܬܐ ܕܟܪܣܛܝܢܘܬܐ ܢܫܡܠܘܢ. ܡܢ ܒܬܪ ܕܝܢ ܙܒܢܐ ܩܠܝܠܼ ܐܦ ܗܝܟܠܐ ܒܢܘ. [ܘܬܠܡܕܘ ܠܐܢܫـ]ܝ̈ܢ ܡܢ ܗܢ̈ܕܘܝܐܼ. ܘܥܒܕ ܐܢܘܢ ܕܥܡܗܘܢ ܒܨ̈ܠܘܬܐ ܢܗܘܘܢ ܡܬܟܢܫܝܢ. ܘܡܢ ܒܬܪ ܕܛܠܝܐ ܗܿܘ ܒܪܗ ܕܡܠܟܐ ܠܩܘܡܬܐ ܡܫܠܡܢܝܬܐ ܐܬܼܐܼ. ܦܪܡܘܛܝܣ ܘܚܒܪܗ ܐܫܠܡ ܠܗ ܡܪ̈ܗܛܐ: ܗܠܝܢ ܕܫܦܝܪ ܡܢܗܘܢ ܐܬܦܪܢܣ. ܘܫܐܠܝܢ ܗܘܘ ܡܢܗ ܕܢܦܢܘܢ ܡܢ ܟܕܘ ܠܐܬܪܝܗܘܢ. ܘܡܠܟܐ ܘܐܡܗ ܕܢܦܫܘܢ ܡܦܝܣܝܢ ܗܘܘ ܠܗܘܢ. ܗܢܘܢ ܕܝܢ ܟܕ ܠܐ ܡܬܛܦܝܣܝܢ ܗܘܘܼ. ܫܒܩ ܐܢܘܢ ܠܨܒܝܢܗܘܢ. ܘܡܟܝܠ ܒܪܚܡܬ ܐܬܪܗܘܢ ܡܢ ܬܡܢ ܡܫܢܝܢ ܗܘܘ. ܐܕܣܝܣ ܗܟܝܠ ܟܕ ܡܬܚܦܛ ܕܢܚܙܐ ܠܐܒ̈ܗܘܗܝ ܘܠܓܢܣܗܼ ܠܨܘܪ ܡܪܕܝܬܗ ܥܒܕ. ܦܪܡܘܢܛܣ ܕܝܢ ܐܬܥܠܠ ܠܐܠܟܣܢܕܪܝܐ ܘܠܐܦܝܣܩܦܐ ܕܬܡܢ ܐܘܕܥ ܥܠ ܟܠܗܝܢ ܐܝܠܝܢ ܕܐܣܬܥܪ ܠܘܬܗܘܢ. ܐܦ ܟܕ ܚܘܝܗ. ܥܠ ܡܙܠܗܘܢ ܕܠܗܢܕܘ܆ ܘܕܐܝܬ ܠܗܘܢ ܣܘܟܝܐ ܠܗܢܕ̈ܘܝܐ ܕܢܩܒܠܘܢ ܟܪܣܛܝܢܘܬܐ. ܘܒܥܿܐ ܗܘܐ ܡܢܗ ܕܢܫܕܪ ܐܦܝܣܩܦܐ ܘܩܠܪ̈ܝܩܘ ܠܬܢ. ܘܠܐ ܢܗܡܐ ܡܢ ܐܢ̈ܫܐ ܕܨܒܝܢ ܘܡܨܝܢ ܠܡܚܐ. ܗܘܿ ܕܝܢ ܐܦܝܣܩܘܦܐ ܟܕ ܐܬܚܫܒ ܗܿܝ ܕܥܕܪܐ ܠܗ ܠܦܪܡܘܛܝܣ ܥܒܼܕ ܕܢܩܒܠ ܥܠܘܗܝ ܐܦܝܣܩܦܘܬܐ ܕܬܡܢ. ܟܕ ܐܡܿܪܼ ܕܠܐ ܡܫܬܟܚ

Page 165

ܠܗܘܢ ܕܝܬܝܪ ܡܢܟ ܐܣܬܥܪܬ ܗܕܐ. ܗܼܘ ܕܝܢ ܦܪܡܢܘܛܝܣܼ ܟܕ ܐܫܬܘܝ ܠܕܪܓܐ ܕܐܦܝܣܩܦܘܬܐܼ. ܠܐܬܪܐ ܕܗܢܕܘ ܦܢܼܐܼ. ܘܟܪܘܙܐ ܕܟܪܣܛܝܢܘܬܐ ܬܡܢ ܗܘܼܐ. ܘܒܢܼܐ ܗܘܼܐ ܐܦ ܗܝ̈ܟܠܐ ܣ̈ܓܝܐܐ. ܘܐܫܬܘܝ ܠܛܝܒܘܬܐ ܐܠܗܝܬܐ. ܐܝܟܢܐ ܕܐܦ ܐܬܘ̈ܬܐ ܣܓܝ̈ܐܬܐ ܢܥܒܕ ܘܕܣ̈ܓܝܐܐ ܥܡ ܢܦܫ̈ܬܐ ܐܦ ܦܓܪ̈ܐ ܡܐܣܐ ܗܘܐ.܀ ܒܗܢܐ ܙܒܢܐ ܡܬܝܕܥ ܗܘܐ ܐܢܛܘܢܝܣ ܝܚܝܕܝܐ. ܘܦܘܠܐ ܕܝܪܝܐ ܩܕܡܝܐ.܀ ܡܬܝܕܥܝܢ ܒܪܗܘܡܐ ܡܬܕܝܥ ܝܘܠܝܘܣ ܦܛܪܝܪܟܐ. ܒܐܢܛܝܟܝܐ ܐܘܣܛܬܝܘܣ ܦܛܪܝܪܟܐ. ܒܩܘܣܛܢܛܝܢܦܘܠܝܣ ܐܣܛܢܩܠܘܣ ܦܛܪܝܪܟܐ. ܒܐܘܪܫܠܡ ܡܬܝܕܥ ܡܟܣܝܡܣ. ܡܬܝܕܥܝܢ ܕܝܢ ܐܦ ܗܘܣܝܣ ܐܦܝܣܩܦܐ ܕܩܘܪܕܒܝܣܼ ܡܕܝܢܬܐ ܕܒܐܛܠܝܐ. ܘܦܦܢܘܛ ܐܦܝܣܩܦܐ ܕܚܕܐ ܡܢ ܡܕ̈ܝܢܬܐ ܕܬܐܒܝܘܣ.܀܀ ܫܢܬ ܫܬܡ̈ܐܐ ܘܬܫܥܣܪ̈ܐܼ. ܡܝܬ ܩܕܝܫܐ ܐܣܛܪܒܝܠܘܣ ܦܛܪܝܪܟܐ ܕܩܘܣܛـ[ܢـܛـ]ܝܢܐ ܦܘܠܝܣ. ܘܗܘܼܐ ܚܠܦܘܗܝ ܩܕܝܫܐ ܦܛܪܦܘܠܝܣ.܀܀ ܫܢܬ .ܣܿ. ܘܥܣܪ̈ܝܢ ܘܚܕܐܼ. ܗܘܐ ܙܘܥܐ ܪܒܐܼ. ܘܒܐܬܪ̈ܘܬܐ ܣܓܝ̈ܐܐ ܚܘܒ̈ܠܐ ܪܘܪ̈ܒܐ ܥܒܼܕ.܀܀ ܘܒܫܢܬ ܫܬܡ̈ܐܐ ܘܥܣܪ̈ܝܢ ܘܐܪ̈ܒܥܐܼ. ܗܘܐ ܩܪܒܐ ܒܝܬ ܠܝܩܢܘܣ ܠܕܒܝܬ ܩܘܣܛܢܛܢܣ. ܠܝܩܢܘܣ ܕܝܢ ܗܿܘ ܕܥܡܗ ܡܡܠܟ ܗܘܐܼ. ܟܕ ܒܬܪ̈ܥܝܬܐ ܕܚܢ̈ܦܐ ܐܚܝܕ ܗܘܼܐܼ. ܣܢܐ ܗܘܐ ܠܟܪ̈ܣܛܝܢܐ. ܘܕܢܥܝܪ ܕܝܢ ܥܠܝܗܘܢ ܪܕܘܦܝܐ ܓܠܝܐܼ. ܡܛܠ ܕܚܠܬܐ ܕܡܠܟܐ ܩܘܣܛܢܛܝܢܣ ܟܘܙ ܗܘܐ. ܟܣܝܐܝܬ ܕܝܢ ܥܠ ܣ̈ܓܝܐܐ ܡܥܬܕ ܗܘܐ. ܒܬܪ ܕܝܢ ܙܒܢܐ ܩܠܝܠ ܐܦ ܓܠܝܐܝܬ ܕܢܟܐ ܐܢܘܢ ܡܡܪܚ ܗܘܐ. ܘܡܢ ܟܕܘ ܩܪܒܐ ܒܕܘ̈ܟܝܢ ܕܘܟ̈ܝܢ ܡܥܬܕ ܗܘܐ. ܘܡܛܠ ܕܠܓܡܪ ܠܐ ܛܥܝܐ ܗܘܬܼ ܠܗ

Page 166

ܠܡܠܟܐ ܩܘܣܛܢܛܝܢܘܣ ܕܗܢܝܢ ܗܠܝܢ ܘܐܚܪ̈ܢܝܬܐ ܛܪܘܢܐܝܬ ܣܥܼܪ ܗܘܐ. ܘܡܢ ܗܕܐ ܕܝܢ ܥܠܬܐ ܠܥܩܬܐ ܣܓܝܐܬܐܼ ܘܠܒܥܠܕܒܒܘܬܐ ܕܥܠܘܗܝܼ ܩܘܣܛܢـ ܐܬܙܝܥ. ܘܡܟܝܠ ܒܩܪ̈ܒܐ ܐܝܬܝܗܘܢ ܗܘܘ ܟܠܝܘܡ. ܟܕ ܐܬܦܣܩ ܡܢ ܡܨܥܬܐ ܚܘܒܐ ܗܿܘ ܕܐܣܟܝܡܐ ܕܡܥܛܦ ܗܘܐ. ܘܡܢ ܒܬܪ ܙܒܢܐ ܩܠܝܠܼ. ܕܢܡܚܘܢ ܩܪܒܐ ܥܡ ܚܕܕ̈ܐ ܐܬܬܙܝܥܘ. ܘܟܕ ܬܟ̈ܬܘܫܐ ܣ̈ܓܝܐܐ ܒܝܡܐ ܘܒܝܒܫܐ ܡܢܗܘܢ ܗܘܘ. ܠܚܪܬܐ ܠܘܬ ܟܪܘܣܘܦܠܝܣ ܕܒܝܬܘܢܝܐܼ. ܚܕ ܡܢ ܠܡ̈ܐܢܐ ܐܝܬܝܗܿ ܕܟܠܩܕܘܢܐ: ܐܙܕܟܝ ܘܐܫܠܡ ܢܦܫܗ ܠܝܩܢܣ ܛܪܘܢܐ. ܟܕ ܕܝܢ ܐܚܕܗ ܒܚ̈ܝܐ ܚܣ ܥܠܘܗܝܼ. ܘܡܩܛܠ ܠܐ ܩܛܠܗ. ܕܢܥܡܪ ܒܬܣܠܢܝܩܐ ܕܝܢ ܐܝܟ ܕܒܫܠܝܐ ܦܩܼܕ ܠܗ.܀܀ ܘܒܫܢܬ .ܣܿ. ܘܥܣܪܝܢ ܘܬܪ̈ܬܝܢ܆ ܗܼܘ ܕܝܢ ܛܪܘܢܐܼ. ܟܿܢܫ ܠܗ ܐܢܫ̈ܐ ܒܪܒܪ̈ܝܐܼ. ܘܡܬܦܪܣ ܗܘܐ ܕܡܙܕܟܝܢܘܬܗ ܠܙܟܘܬܐ ܢܦܢܐ. ܘܟܕ ܝܠܦ ܡܠܟܐ ܥܠ ܗܕܐܼ ܕܢܪܡܝܘܗܝ ܫܩܠ ܛܥܢܐ ܗܘܐ ܠܗܼ. ܘܦܩܼܕ ܥܠܘܗܝ ܘܐܬܩܛܠ.܀ ܒܗܢܐ ܕܝܢ ܙܒܢܐ ܡܬܝܕܥ ܡܐܢܝ ܗܪܝܛܝܩܐ. ܘܕܡܢ ܐܝܟܐ ܐܝܬܘܗܝ ܐܡܪܝܢܢ. ܐܠܐ ܒܝܬ ܚ̈ܛܐ ܛܒ̈ܬܐ ܡܥܕܝܢ ܐܦ ܙܝ̈ܙܢܐ ܠܡܥܠܘ. ܚܣܡܐ ܓܝܪ ܠܘܩܒܠ ܫܦܝܪ̈ܬܐ ܪܚܡ ܠܡܟܡܢ. ܢܒܼܥܬܿ ܓܝܪ ܡܢ ܩܕܡ ܩܠܝܠ ܠܙܒ̈ܢܘܗܝ ܕܩܘܣܛܢܛܝܢܣ ܡܢ ܟܪܣܛܝܢܘܬܐ ܫܪܝܪܬܐܼ. ܟܪܣܛܝܢܘܬܐ ܕܡܚܢܦܐ. ܐܝܟ ܡܐ ܕܠܢܒ̈ܝܐܼ ܢܒ̈ܝܐ ܐܚܪ̈ܢܐ ܕܓܠ̈ܐ. ܘܠܫ̈ܠܝܚܐܼ ܫܠܝ̈ܚܐ ܕܟܕܒܘܬܐ ܢܿܩܦܝܢ ܗܘܘ.. ܗܝܕܝܢ ܓܝܪ ܕܚܠܬܐ ܕܦܪܩܘܠܝܣܼ ܗܘ ܕܡܫܬܡܗ ܗܘܐ ܒܝܬ ܝܘܢܝ̈ܐ ܦܝܠܘܣܦܐܼ. ܕܐܝܬܝܗܿ ܟܪܣܛܝܢܘܬܐ ܘܥܠ ܢܦܫܗܿ ܡܚܘܝـ[ܐ] ܗܘܬ. ܒܝܕ ܡܐܢܝ . . . . . . . . . . . . ܕܫܒ̈ܥܐ ܕܬܫܥܝܬܗ ܒܗܕܐ ܐܦܣ . . . . . . ܢܬܬܐ . . . . . . . . ܗܼܘ ܠܢ. ܟܕ ܠܘ ܡܫܡܠܝܬܐ ܐܝܬܝܗܿ ܬܫܥܝܬܗܼ. ܡܛܠ ܗܕܐ ܡܬܚܙܝܐ

Page 167

ܠܝ ܕܐܠܨܐܼ ܕܗܿܘ ܡܕܡ ܕܡܢ ܠܥܠ ܐܬܒܨܪ ܐܡܠܐ. ܡܬܝܕܥ ܓܝܪ ܕܡܢܼܘ ܗܘ ܡܐܢܝܼ. ܘܕܡܢ ܐܝܟܐ. ܛܝܝܐ ܐܢܫ ܕܫܡܗ ܣܩܘܬܝܢܣܼ. ܐܢܬܬܐ ܐܝܬ ܗܘ[ܬ] ܠـ[ܗ] ܕܫܒܝܐ ܡܢ ܬܐܒܝܣ ܥܠܝܬܐ. ܘܟܕ ܡܛܠܬܗܿ ܕܗܕܐܼ. ܒܡܨܪܝܢ ܥܡܼܪ ܘܒܝܘܠܦܢܐ ܕܡܨܪ̈ܝܐ ܐܬܪܕܝ: ܕܚܠܬܐ ܕܦܪܩܘܠܝܣ ܦܬܘܓܪܣ ܥܠ ܟܪܣܛܝܢܘܬܐ ܐܥܠ. ܘܐܡܼܪ ܬܪ̈ܝܢ ܟܝ̈ܢܝܢ܆ ܛܒܐ ܘܒܝܫܐ. ܐܝܟܢܐ ܕܐܦ ܒܝܘܠܦܢܗ ܕܦܪܩܘܠܝܣܼ. ܠܒܝܫܐ ܙܡܟܘܬܐ ܡܫܡܗ ܠܗ: ܠܛܒܐ ܕܝܢ ܪܚܡܬܐ. ܠܗܢܐ ܣܩܘܿܬܝܢܣܼ ܬܠܡܝܕܐ ܗܘܐ ܒܘܕܘܣܼ. ܗܼܘ ܕܡܢ ܩܕܝܡ ܛܪܝܒܢܬܘܣ ܡܬܩܪܐ ܗܘܐ. ܘܟܬܒ̈ܐ ܐܝܠܝܢ ܡܢ ܐܬܣܝܡܼ ܠܗܠܝܢ ܕܡܛܥܐ ܗܘܐ ܒܗܘܢܼ. ܡܫܠܡ ܗܘܐ. ܒܫܡܐ ܕܝܢ ܗܢܘܢ ܕܡܬܐܡܪܝܢ ܡܠܦܝܢ. [ܒـ]ܕܚܠܬܐ ܕܝܢ ܐܝܬܝܗܘܢ ܕܚܢܦܘܬܐ ܠܐܠܗ̈ܐ ܣܓܝ̈ܐܐ ܡܪܬܐ ܡܐܢܝ ܠܡܕܚܠܼ. ܒܗܿܝ ܕܐܝܬܘܗܝ ܗܘܐ ܗܼܘ ܕܠܐ ܐܠܗ. ܘܫܡܫܐ ܡܠܦ ܕܢܣܬܓܕ. ܘܚܠܩܐ ܡܥܠܠ. ܘܝܘܒܠ ܦܓܪ̈ܐ ܐܡܿܪ. ܘܓܠܝܐܝܬ ܒܬܪ ܕܚܠܬܐ ܕܦܪܩܘܠܝܣ ܘܕܦܘܬܓܪܘܣܼ ܘܕܫܪܟܐ ܕܡܨܪ̈ܝܐ ܐܼܙܠ. ܘܠܡܫܝܚܐ ܕܗܘܐ ܒܦܓܪ ܠܐ ܡܩܒܠ. ܐܠܐ ܐܡܿܪ ܠܗ ܕܒܦܢܛܣܝܐ ܐܬܚܘܝ. ܘܠܢܡܘܣܐ ܘܠܢܒ̈ܝܐ ܛܠܿܡ. ܘܠܢܦܫܗ ܦܪܩܠܝܛܐ ܡܫܡܗ. ܗܠܝܢ ܕܢܘܟܪ̈ܝܢ ܟܠܗܝܢ ܠܥܕܬܐ ܐܪ[ܬܕܘܟܣܘ ܡܝܬܐ.] ܐܦ [ܫܠܝܚܐ ܕܢܫܡܗ] ܢܦܫܗ ܐ[ܡܪܚ. ܐܠܐ ܕܝܠܗܿ ܗܕܐ] ܟܕܒܘܬܐ ܘܪܘܫܥܐܼ ܕܝܢܐ ܐܝܟ ܕܫܘܐ [ܩܒܼܠ. ܒܝܕ ܥܠܬܐ ܕܕܐܝܟ] ܗܕܐ. ܒܪܗ ܕܡܠܟܐ ܕܦܪ̈ܣܝܐ ܒܟܘܪܗܢܐ [ܢܦܝܠ ܗܘܐ . . . .] ܘܐܒܘܗܝܼ ܐܝܟ ܕܠܡܐܡܪ [ܟܠ ܟ̈ܐܦܝܢ ܡܙܝܥ ܗܘܐ] ܕܒܪܗ ܡܢ ܟܘܪܗܢܐ

Page 168

ܗܿܘ ܢܬܚܠܡ. ܘ[ܝܠܼܦ ܥܠ] ܡܐܢܝ. ܘܟܕ ܣܒܿܪ ܗܘܐ ܕܫܪܪܐ ܐܝܬܝܗܝܢ ܐܝܠܝܢ ܕܥܠ ܢܦܫܗ ܡܦܩܩ ܗܘܐ. ܡܫܕܪ ܐܘܝܟ ܕܠܫܠܝܚܐ [ܐܝܬܝ ܠܗ] ܟܕ ܣܿܒܪ ܕܒܐܝ̈ܕܘܗܝ ܡܬܚܠܡ ܒܪܗ. ܗܼܘ ܕܝܢ ܐܙܠ ܘܡܥܛܦ ܐܣܟܝܡܐ ܗܘ ܓܢܝܒܐ ܕܩܢܐ ܗܘܐ. ܡܚܕܗܿ ܐܬܓܥܠ [ܠܗ ܒܪܗ] ܕܡܠܟܐ. ܘܟܕ ܚܙܐ ܡܠܟܐ ܕܡܢ ܟܕܘ ܒܪܗ ܡܝܬ [ܒܐܝܕ̈ܘܗܝܼ.] ܚܒܫܗ ܘܡܛܝܒ ܗܘܐ ܕܡܣܡ ܒܪܝܫܐ [ܢܦܪܘܥ] ܠܗ. ܡܐܢܝ ܕܝܢ ܥܪܩ ܡܢ ܬܡܢܼ ܒܐܝܢܐ ܕܗܼܘ ܦܘܪܣܐ. [ܘܠܒܝܬ] ܢܗܪ̈ܝܢ ܐܫܬܘܙܒ. ܐܠܐ ܐܦ ܗܟܢܐ ܟܕ ܥܩܒ ܡܠـ[ܟܐ] . . . . . . . ܡܢ ܒܝܬ ܢܗܪ̈ܝܢ. [ܘܢܫܛܗܼ] ܘܡܠܝܗܝ ܠܓܠـ[ܕܗ] ܬܒܢܐ [ܘܙ]ܩܦܗ ܩܕܡ ܬܪܥܐ [ܕܡܕܝܢܬܐܼ] ܠܚܙܬܐ [ܕܥܒܘܪ̈ܐ] ܠܬ. . . . ܘܠܫܥܬܐ ܒܝܫܬܐ. ܡܢ [ܐܝܟܐ ܕܦܠܚ] ܐܢܫ ܡܢ ܬܡܢ ܫܩܠ ܐܓܪܗ.܀܀ ܫܢܬ ܫ̈ܬܡܐܐ ܘܬܠ̈ܬܝܢ ܘܫ̈ܬܼ. ܐܬܟܢܫܬܿ ܣܘܢܗܕܣ ܕܢܩܝܐ. ܡܩܝ̈ܡܢܝܗܿ ܕܝܢ [ܕܗܕܐ ܣܘܢܗܕܘ]ܣ ܐܝܬܝܗܘܢ ܗܠܝܢ. ܗܘܣܝܣ ܐܦܝܣܩܘܦܐ [ܕܩܘܪܕܒܝܣ]. ܘܐܠܟܣܢܕܪܣ ܦܛܪܝܪܟܐ ܕܐܠܟܣܢܕܪܝܐ. ܝܘܠܝܘܣ [ܕܪܗܘܡܐܼ. ܒܝܕ ܢܛܪ̈ܝ ܕܘܟܬ]ܗ: ܒܝܛܘܢ ܘܒܝܩܢܛܝܘܣ ܩܫ̈ܝܫܐ. [ܘܦܦܢܘܛ ܕܬܐ]ܒܝܘܣ: ܘܣܦܝܪܝܕܘܢ ܕܩܘܦܪܘܣ.. ܘܝܬܝܪ ܡܢ [ܟܠ ܐܬܝܕܥ ܚܠـ]ܝܨܐ ܬܡܢ ܐܬܢܣܝܘܣ ܡܫܡܝܢܐ ܕܐܠܟܣܢܕܪܝܐ. [ܘܦܣܩܬܿ ܘܫـ]ܕܬܿ ܡܢ ܥܕܬܐ ܠܐܪܝܣ

Page 169

ܘܠܟܠܗܘܢ ܐܝܠܝܢ ܕܫܠܡܝܢ ܠܬܪܥܝܬܗ: ܠܐܘܣܒܝܣ ܕܢܩܘܡܕܝܐ. ܘܠܬܐܘܓܢܝܣ ܕܢܩܝܐ. [ܘܠܡܪܝ ܟܠܩܕ]ܘܢܝܐ. ܘܠܐܚܪ̈ܢܐ ܣܓܝ̈ܐܐ ܥܡܗܘܢ.܀܀ ܫܢܬ ܫܬܡ̈ܐܐ [ܘܬܠ̈ܬܝܢ] ܘܫܒ̈ܥܼ. ܡܝܬ ܩܕܝܫܐ ܐܠܟܣܢܕܪܘܣ ܐܦܝܣܩܘܦܐ [ܕܐܠܟܣܢܕܪܝܐ.] ܘܗܘܐ ܚܠܦܘܗܝ ܐܬܢܣܝܘܣ ܡܫܡܢܐ ܕܬܡܢ.܀܀ [ܫܢܬ ܫܬܡ̈ܐܐ] ܘܬܠܬ̈ܝܢ ܘܬܫ̈ܥܼ. ܡܝܬ ܦܛܪܦܘܠܝܣ ܐܦܝܣ ܕܩܘܣܛܢܛܝܢܐ ܦܘܠܝܣ. ܘܗܘܐ ܚܠܦܘܗܝ ܩܕܝܫܐ ܐܠܟܣܢܕܪܘܣ.. ܒܗܢܐ ܙܒܢܐ ܡܬܝܕܥܝܢ ܐܦ ܐܘܣܛܬܝܘܣ [ܕܐܢܛܝܟܝܐ. ܘܡܟـ]ܣܝܡܣ ܐܦܝܣܩܦܐ ܕܐܘܪܫܠܡ.܀܀ ܫܢܬ [ܫܬܡ̈ܐܐ ܘܐܪ̈]ܒܥܝܢ܆ ܐܬܟܢܫܬܿ ܣܘܢܗܕܘܣ ܒܐܢܛܝܟܝܐ. ܘܫܕܬܿ ܠܐܘܣܛܬܝܘܣ ܕܐܢܛܝܟܝܐ.. ܘܗܘܐ ܒܗܿ ܒܡܕܝܢܬܐ ܪܥܠܐ [ܪܒܐ.] ܐܝܟܢܐ ܕܒܨܝܪ ܩܠܝܠ ܟܠܗܿ ܡܕܝܢܬܐ ܩܪܝܒܐ ܗܘܬ [ܕܬܬܗܦܟ] ܘܬܐܒܕ. ܘܡܢ ܚܪܝܢܐ ܕܐܦܣܩ̈ܦܐܼ ܗܘܐ [ܟܘܪܣܝܐ] ܐܢܛܝܟܝܐ ܕܠܐ ܐܦܣܩܦܐ ܬܡ̈ܢܐ ܫܢ̈ܝܢ ܘܗܝܕܝܢ [ܐܬܬܣܝܡ] ܡܢ ܗܠܝܢ ܕܫܠܡܝܢ ܠܬܪܥܝܬܗ ܕܐܪܝܘܣܼ. ܐܘܦܪܘܢܣ.܀܀ ܫܢܬ ܫܬܡ̈ܐܐ ܘܐܪ̈ܒܥܝܢ ܘܚܕܐܼ. ܗܘܐ ܪܥܠܐ ܕ. . .  . . . . . . . . . [ܕܘܟ̈ܝܬܐ] ܣܓܝ̈ܐܬܐ ܐܘܒܕ.܀܀ ܘܒܫܢܬ ܫ̈ܬܡܐܐ ܘܐܪ̈ܒܥܝܢ [ܘܬܠ̈ܬܼ. ܗܘܐ] ܐܝܬܠܗܐ ܐܦܝܣܩܦܐ ܒܐܘܪܗܝ. ܘܗܼܘ ܒܢܐ [ܩܘܡـ]ܛܪܝܢ ܘܓܒܐ ܡܕܢܚܝܐ ܕܥܕܬܐ.܀܀ ܘܒܫܢܬ ܫܬܡ̈ܐܐ ܘ.ܡ. [ܘܬܪ̈ܬܝܢ܆] ܥܒܼܕ ܩܘܣܛܢܛܝܢܣ ܠܒܢ̈ܘܗܝ ܩܣܪ̈ܣ. ܟܕ [ܩܘܣܛܢܛܝܢܐ] ܒܪܐ ܒܘܟܪܗ ܥܒܕ ܥܠ ܐܬܪ̈ܘܬܐ ܡܕܢ̈ܚܝܐ. ܘܗܼܘ [ܒܢܐ] ܠـ[ܬܠܐ ܕܡܘ]ܙܠܬ ܒܝܬ ܢܗܪ̈ܝܢ. ܘܥܠ ܫܡܗ ܩܘܣܛܢܛܝܢܐ[ܦܘ]ܠܝܣ ܫܡܗܗܿ. ܒܢܼܐ ܬܘܒ ܘܠܐܡܕ ܡܕܝܢܬܐ ܕܒܝܬ [ܢܗܪ̈ܝܢ..] ܘܠܗܿܘ ܕܬܪ̈ܝܢܼ ܐܡܠܟܗ ܥܠ ܐܬܪ̈ܘܬܐ ܡܥܪ̈ܒܝܐܿ. ܕܫܡܗ

Page 170

[ܩـ]ܘܣܛܢܛܝܘܣ. ܠܗܿܘ ܕܝܢ ܕܬܠܬܐܼ ܕܫܡܗ ܩܣܛܣܼ. ܒܪܗܘܡܐ.܀܀ ܫܢܬ ܫܬܡ̈ܐܐ ܘܐܪ̈ܒـ[ܥܝܢ] . . . . ܒܛܠܘܡܝܐ ܦ. . . . . . ܠܗ ܕ . . . . ܘܡܛܠ ܕܠܐ ܙܿܕܩ ܕܐܝܟ ܒܫܬܩܐ . . . . ܕܒܪ[ܡܙ]ܐ ܘܒܪܓܠܐ ܩܠܝܠܬܐ ܐܡܪ ܐܢܐ ܠܟ ܩܠܝܠ ܥܠܘܗܝ . . . . . ܗܢܐ . . ܣܛܢܐ [ܕܒܟܠܙܒܢ ܡܐܢܐ] ܥܒܼܕ ܠܗ ܗܠܝܢ [ܕ] . . . . ܠܐܒܕܢـ[ܗܘܢ] ܗܠـ[ܝܢ] . . . . . ܒܗܘܢ ܝܢܗ ܘܣܥܘܪ̈ܢـ[ܘܗܝ]. ܒܗ ܕܝܢ ܒܙܒܢܐ ܗܢܐܼ ܢܒܼܥ ܒܗܿ ܒܥܕܬܐ ܐܘܣܒܝܣ ܐܦܝܣ ܕܢܝܩܡܘܕܝܐ. ܘܬܐܓܢܝܣ ܐܦܝܣܩܦܐ ܕܢܩܝܐ. ܗܠܝܢ ܕܠܐ ܐܦܝ̈ܣܩܦܐ ܙܿܕܩ ܠܡܩܪܐ ܐܢܘܢܼ. ܐܠܐ ܐܟܠܩܪ̈ܨܐܼ ܐܘܟܝܬ [ܗܘ] ܐܢܛܝܟܪܣܛܘܣ: ܡܛܠ ܣܕ̈ܩܐ ܘܚܪ̈ܝܢܐ ܘܫܓܘ̈ܫܝܐ ܘܒܝ̈ܫܬܐ [ܣܓܝ̈ܐܬܐ] ܕܥܒܕ ܒܥܕܬܐ ܩܕܝܫܬܐ ܘܒܥܡܗ ܕܐܠܗܐ.. ܗܠܝܢ [ܡܛܒ ܕܒܬܪܥܝܬܗ] ܕܐܪܝܘܣ ܢܦܝܠܝܢ ܗܘܘ܆ ܒܝܫ̈ܬܐ ܣܓܝ̈ܐܬܐ [ܐܣܒܠܘܗܝ] ܠܩܕܝܫܐ ܐܬܢܣܝܘܣ ܕܐܠܟܣܢܪܝܐܼ ܘܠܦܘܠܐ ܕܩܘܣܛܢܛܝܢܐ ܦܘܠܝܣ ܥܠ ܕܠܐ ܩܒܠܘܗܝ ܠܐܪܝܣܘ ܪܫܝܥܐ. [ܗܢܘܢ ܥܒـ]ܕ ܢܟܠܐ ܥܠܘܗܝܼ ܘܩܪܒ ܠܡܠܟܐ: ܕܡܕܡ ܕܝܩܒ ܡܠܟܐܼ ܠܐܣܕܝܦܠܢ ܕܡܣ̈ܟܝܢܐ ܕܐܠܟܣܢܕܪܝܐܼ. ܗܼܘ ܚܼܛܦ ܠܗ.. ܘܬܘܒ ܥܒܕ ܥܠܘܗܝ ܢܟܠܐܼ ܘܩܪܒ ܠܡܠܟܐ ܕܐܡܿܪܝܢ܆ ܕܠܐ ܨܿܒܐ ܕܢܬܠ . . . . ܚ̈ܛܐ ܕܡܬܝܗܒ̈ܢ ܡܢ ܐܠܟܣܢܕܪ̈ܝܐ ܠܕܡܣܝܘܢ. ܘܒܬܪ ܗܢܐ ܬܘܒܼ ܐܡܼܪ.

Page 171

ܕܥܠ ܡܠܟܘܬܐ ܨܿܒܐ ܕܢܬܢܟܠ.. ܘܬܘܒܼ ܐܝܬܝܘܗܿ ܐܝܕܐ ܕܡܝܬܐ ܘܐܡܿܪܝܢ ܕܗܼܘ ܠܒܟ ܠܗ ܘܡـ[ܢܚܫ] ܒܗܿ.܀܀ ܫܢܬ ܫܬܡ̈ܐܐ ܘܐܪ̈ܒܥܝܢ ܘܚ̈ܡܫܐܼ. (ܦܩܕ ܡܠܟܐ) ܕܬܬܟܢܫ ܣܘܢܗܕܘܣ ܕܐܦܝ̈ܣܩܦܐ ܒܛܪܣܣܼ. ܘܬܘܒ ܦܩܕ ܕܡܢ ܬܡܢ ܠܐܘܪܫܠܡ ܚܕܬܐ (ܢܬܟܢܫܘܢܼ) ܘܬܡܢ ܬܡܢ܆ ܘܥܠܬܗ ܕܐܬܢܣܝܘܣ ܢܥܩܒܘܢ ܫܦܝܪ.. ܩܕܝܫܐ ܕܝܢ ܐܬܢܣܝܘܣ ܒܟܠܗܝܢ ܙܟܝܐ ܐܫܬܟܚ. ܒܗܿܝ ܕܚܙܬܗ ܕܐܪܣܝܢܣ ܚܘܝܬ ܘܣܗܕܬܼ. ܐܦ ܐܝ̈ܕܘܗܝ ܬܪ̈ܬܝܗܝܢ ܚܘܝ ܕܠܐ ܐܬܩܛܥ [ܡܢ ܓܘܫܡـ]ܗ. ܡܛܠ ܕܕܝܠܗ ܐܡܿܪܝܢ ܗܘܘ ܕܐܝܬܝܗܿ ܐܝܕܐ. ܐܠܗܐ ܕܝܢ ܐܦ [ܟܕ ܠܐ ܨܒܐ] ܨܝܒܗ ܐܦ ܠܗ ܠܐܪܣܢܝܣ ܠܣܘܢܗܕܣ. ܒܝܕ ܗܿܝ ܕܪ[ܚܡ ܕܗܘܼ] ܒܥܝ̈ܢܘܗܝ ܢܗܘܐ ܚܙܝܐ ܠܢܟܠܐ ܗܿܘ ܕܪܟܒ.܀܀ ܫܢܬ ܫܬܡ̈ܐܐ ܘܐܪ̈ܒܥܝܢ ܘܐܪ̈ܒܥܼ. ܐܬܒܢܝܬܿ ܐܘܪܫܠܡ ܚܕܬܐ. ܡܢ ܗܠܝܢ ܡܠܟܬܐܼ. ܐܢܬܬܗ ܕܩܘܣܛܢܛܝܣܼ ܘܐܦ ܐܡܗ ܕܩܘܣܛܢܛܝܢܘܣ ܪܒܐ.܀܀ ܫܢܬ ܫܬܡ̈ܐܐ ܘܐܪ̈ܒܥܝܢ ܘܫ̈ܬ. ܐܫܬܕܝ ܩܕܝܫܐ ܐܬܢܣܝܘܣ ܠܐܟܣܘܕܝܐ. ܠܘ ܥܠ ܐܦ̈ܝ ܗܝܡܢܘܬܐܼ. ܐܠܐ ܒܝܕ ܢܟܠܐ ܕܐܦܣܩ̈ܦܐ ܕܥܒܕ ܥܠܘܗܝ ܥܠ ܕܠܐ [ܩܒܠ] ܠܐܪܝܣ.

ܟܢ̈ܫܢ ܟܠܗܝܢ ܫܢ̈ܝܐ ܡܢ ܫܢܬ .ܝܗ. ܕܛܒܪܝܘܣ ܘܕܢـ[ܚܗ] ܕܦܪܘܩܢܼ ܥܕܡܐ ܠܫܢܬ ܥܣܪ̈ܝܢ ܘܬܡ̈ܢܐ ܕܩܘܣܛܢܛܝܢܣ ܡܠܟܐܼ. ܫܢ̈ܝܐ ܫ̈ܬܡܐ ܘ.ܡ. ܘܫ̈ܬ.܀ ܘܡܢ ܫܢܬ ܪ̈ܬܝܢ ܕܕܪܝܘܣܼ ܕܒܗܿ ܐܬܚܕܬ ܗܝܟܠܐ ܕܒܐܘܪܫܠܡܼ.

Page 172

ܫܢ̈ܝܐ ܬܡܢ̈ܡܐܐ ܘܚܡ̈ܫܢ ܘܚ̈ܡܫ.܀ ܡܢ ܫܠܝܡܘܢ ܘܒܢܝܢܐ ܩܕܡܝܐ [ܕܗܝܟܠܐ ܕܒܐܘܪܫܠܡ ܫܢ̈ܝܐ ܐܠܦܐ ܘܬܠܬܡ̈ܐܐ] ܘܫܬ̈ܝܢ ܘܫܒ̈ܥ.܀ [ܡܢ ܡܘܫـ]ܐ ܘܡܠܟܐ ܩܕܡܝܐ ܕܐܬܢ̈ܝܐ ܩܩܪܘܦܣܼ. [ܫܢ̈ܝܐ] ܐܠܦܐ ܘܬܡ̈ܢܡܐܐ ܘܐܪ̈ܒܥܝܢ ܘܚ̈ܡܫ.܀ ܡܢ ܐܒܪܗܡ ܘܡܠܟܘܬܐ ܕܢܝܢܘܣ ܘܕܫܡܝܪܡܼ. (ܫܢ̈ܝܐ) ܬܪܝܢ ܐܠܦܝܢ ܘܬܠܬܡ̈ܐܐ ܘܚ̈ܡܫܝܢ. ܡܢ ܛܘܦܢܐ ܥܕܡܐ ܠܐܒܪܗܡܼ. ܫܢ̈ܝܐ ܬܫ̈ܥܡܐܐ ܘܐܪ̈ܒܥܝܢ ܘܬܪ̈ܬܝܢ.܀ ܡܢ ܐܕܡ ܘܥܕܡܐ ܠܛܘܦܢܐܼ. ܬܪ̈ܝܢ ܐܠܦ̈ܝܢ ܘܡ̈ܬܝܢ ܘܐܪ̈ܒܥܝܢ ܘܬܪ̈ܬܝܢ.܀ ܐܚܕ ܟܠܗ ܙܒܢܐ ܕܫ̈ܝܢܐ ܗܠܝܢ܆ ܚܡ̈ܫܐ ܐܠܦܝܢ ܘܬܠܬ̈ܝܢ ܘܐܪ̈ܒܥ.

ܫܢܬ ܫ̈ܬܡܐܐ ܘܐܪ̈ܒܥܝܢ ܘܫ̈ܬܼ. ܐܬܩܒܠ ܐܪܝܘܣ ܒܥܕܬܐܼ. ܘܦܩܼܕ ܡܠܟܐ ܠܐܠܟܣܢܕܪܘܣ ܕܩܘܣܛܢܛܝܢܐ ܦܘܠܝܣ ܕܢܩܒܠܝܘܗܝ ܒܫܘܬܦܘܬܐ. ܘܐܦܼ ܗܼܘ ܪܫܝܥܐ ܐܘܣܒܝܣ ܕܚܩܡܕܝܐ ܓܙܡ ܥܠܘܗܝܼ. ܕܐܢ ܠܐ ܡܩܒܠ ܠܗ ܠܐܪܝܣܼ ܢܥܒܕ ܩܛܪܣܝܣ ܕܝܠܗ. [ܗܼܘ ܕܝܢ] ܩܕܝܫܐܼ ܠܘܬ ܡܕܒܚܐ ܩܕܝܫܐ ܪܗܛܼ. ܘܬܚܝܬ ܦܬܘܪܐ ܩܕܝܫܐ ܥܠ ܐܦ̈ܘܗܝ ܫܛܚ ܢܦܫܗ. ܘܗܟܢܐ ܐܡܿܪ ܗܘܐ ܒܠܘܬܗ: ܕܐܢ ܗܼܘ ܕܥܬܝܕܐ ܕܬܫܬܪܪ ܗܝܡܢܘܬܗ ܕܐܪܝܣܼ. ܗܼܘ ܠܝܘܡܐ ܗܿܘ ܕܦܪܝܫ ܠܒܥܬܐܼ. ܐܦܠܐ ܢܡܛܐ ܐܦܠܐ ܢܚܙܐ. ܐܢ ܕܝܢ ܗܝܡܢܘܬܐ ܗܝ ܕܗܘܼ ܐܚܝܕ ܒܗܿ ܐܝܬܝܗܿ ܫܪܝܪܬܐܼ. ܐܪܝܘܣ ܥܓܠ ܢܬܠ ܕܝܢܐ ܕܪܘܫܥܗܼ ܗܼܘ ܕܐܝܬܘܗܝ ܗܘܐܥܠܬܐ ܕܒܝܫܬܐ ܟܠܗܿ.. ܐܪܝܘܣ ܕܝܢ ܨܒܐ ܕܢܛܥܐ ܒܥܕܬܐ ܐܦ ܒܡܠܟܐܼ. ܟܬܿܒ ܐܝܟ ܡܢ ܕܡܗܝܡܢ ܒܟܪܛܝܣܐ ܘܠܗ ܠܗܢܐ ܬܚܝܬ ܫܚܬܗ

Page 173

ܛܥܝܢ ܗܘܐ ܘܥܒܕ ܡܘܡܬܐ ܠܡܠܟܐ ܟܕ ܐܡܼܪ ܕܒܫܪܪܐ ܗܟܢܐ ܡܬܪܥܐ ܐܢܐܼ. ܐܝܟ ܡܐ ܕܟܬܝܒ. ܟܕ ܠܗܝܡܢܘܬܐ [ܕܪܫܝܡ] ܒܟܪܛܝܣܐ ܐܚܪܢܐ ܐܘܫܛ ܠܡܠܟܐ. ܝܘܡܐ ܕܝܢ ܫܒܬܐ ܗܼܘܐ. ܘܦܩܕ ܡܠܟܐ ܕܢܬܩܒܠ ܠܫܘܬܦܘܬܐ. ܟܕ ܓܝܪ ܢܦܩ [ܕܢܐܙܠ ܠܘܬ ܐܠܟܣܢܕܪܘܣ . . . . . . .] ܠܐܘܣܒܝܣ ܒܐܝܩܪܐ ܕ. . . . . ܐܙܕܝܚ ܗܘ . . . . . ܕܡܕܝܢܬܐ. ܟܕ ܩܪܒ ܠܫܘܩܐ ܕܡܬܩܪܐ ܦܘܪܣ ܕܩܘܣܛܢܛܝܢܐ܆ ܐܝܟܐ ܕܐܣܛܘܢܐ ܕܡܬܩܪܐ ܕܐܪܓܘܢܐܼ. ܡܢ ܫܠܝ ܕܚܠܬܐ ܡܕܡ ܕܡܢ ܬܐܪܬܗ ܐܚܕܐ ܠܗ ܠܐܪܝܣ. ܘܥܡܗܿ ܕܕܚܠܬܐ ܐܦ ܪܘܦܝܐ ܘܫܪܝܐ ܕܚܟܪܣܐ. ܟܕ ܕܝܢ ܥܩܒ ܥܠ ܒܝܬ ܐܝܩܪܐܼ. ܘܝܠܦ ܕܐܝܟܐ ܫܟܝܚ: ܡܚܕܗ ܒܣܬܪ ܦܘܪܣ ܠܚܫܚܬܐ [ܕܟܪܣܗ ܐܙܠܼ]. ܘܒܪ ܫܥܬܗ ܟܪܝܬ ܪܘܚܐ ܣܓܝܐܬܐ ܫܩܼܠܬܗܼ. ܘܥܡܗ ܕܬܒܬܗ ܐܦ ܕܡܐ ܣܓܝܐܐ ܢܦܼܩ. ܘܡܢ ܒܬܪ ܗܕܐܼ ܢܦܩܼܬܿ ܐܦ ܡܪܕܝܬܐ ܕܩܘܛܥ ܡܥ̈ܝܐ. ܘܥܡ ܗܠܝܢ ܐܦ ܫܪܝܐ ܕܛܚܠܗ ܘܕܟܒܕܗ. ܘܗܟܢܐ ܡܚܕܗ ܡܝܬ. ܗܼܘ ܕܝܢ ܒܝܬ ܐܝܩܪܐ ܥܕܡܐ ܠܗܫܐ ܐܝܬܘܗܝ ܗܘܐ ܒܩܘܣܛܢܛܝܢܦܘܠܝܣ ܒܐܣܛܘܐ ܕܡܬܩܪܐ ܕܡܩܠܪ̈ܐܼ. ܘܟܠ ܕܡܛܝܢ ܠܗ ܙܩܦܝܢ ܥܠܘܗܝ ܨܒܥܐ. ܟܕ ܡܙܝܥ ܠܗܘܢ ܥܘܗܕܢܐ ܕܡܘܬܗܼ ܕܗܿܘ ܕܐܝܟ ܗܐ ܗ[ܠܝܢ] ܣܥܼܪܬܿ ܨܠܘܬܗ ܕܐܠܟܣܢܕܘܣ.܀܀ ܫܢܬ ܫܬܡ̈ܐܐ ܘܐܪ̈ܒܥܝܢ ܘܬܫܥܼ. ܡܝܬ ܩܘܣܛܢܛܝܢܣ ܪܒܐ ܘܩܒܠ ܒܢܘ̈ܗܝ ܡܠܟܘܬܗ. ܚܝܐ ܕܝܢ ܫ̈ܬܝܢ ܘܚܡ̈ܫ ܫܢ̈ܝܢ. ܐܡܠܟ ܕܝܢ ܡܢܗܝܢ ܬܠܬ̈ܝܢ ܘܬ̈ܠܬ

Page 174

ܫܢ̈ܝܢ.܀ ܘܒܗܿ ܒܫܢܬܐ ܗܕܐܼ ܢܦܼܩ ܡܢ ܥܠܡܐ ܗܢܐ ܐܦ ܩܕܝܫܐ ܡܪܝ ܝܥܩܘܒ ܐܦܝܣܩܦܐ ܕܢܨܝܒܝܢ.܀܀ ܫܢܬ ܫܬܡ̈ܐܐ ܘܚ̈ܡܫܝܢ܆ ܐܪܡܝ ܐܘܣܒܝܣ ܕܢܩܡܘܕܝܐ ܫܓܘܫܝܐ ܒܥܕܬܐܼ ܡܛܠ ܗܝܡܢܬܘܗ ܕܐܪܝܘܣ.܀ ܘܒܗܿ ܒܫܢܬܐ ܗܕܐܼ ܗܦܟ ܩܕܝܫܐ ܐܬܢܣܝܣ [ܠܐܠܟܣܢܕܪܝܐ.]܀܀ ܫܢܬ ܫܬܡ̈ܐ ܘܚܡ̈ܫܝܢ ܘܚܕܐܼ. ܡܝܬ ܐܘܣܒܝܣ ܕܩܣܪܝܐ. ܘܗܘܼܐ ܚܠܦܘܗܝ ܐܩܩܣ.܀܀ ܫܢܬ ܫ̈ܬܡܐܐ ܘܚ̈ܡܫܝܢ ܘܬܪ̈ܬܝܢ܆ ܡܝܬ ܩܕܝܫܐ ܐܠܟܣܢܪܕܣ ܕܩܘܣܛܢܛܝܢܦܘܠܝܣ. ܘܥܒܕ ܚܠܦܘܗܝܼ ܗܢܘܢ ܕܢܩܦܝܢ ܠܬܪܥܝܬܗ ܕܐܪܝܣܼ. ܠܡܩܕܘܢܝܣ: [ܘܗܠܝܢ] ܕܢܩܦܝܢ ܠܡܠܬܐ ܕܒܪ ܐܝܬܘܬܐܼ ܠܦܘܠܐ.܀܀ ܫܢܬ ܫ̈ܬܡܐܐ ܘ.ܢܓ.: ܐܬܛܪܕ ܦܘܠܐ ܡܢ ܩܘܣܛܢܛܝܢܦܘܠܝܣ.. ܘܐܝܬܝ ܡܠܟܐ ܠܐܘܣܒܝܣ ܕܢܩܡܘܕܝܐ ܠܬܡܢ.܀܀ ܫܢܬ ܫ̈ܬܡܐܐ ܘܚ̈ܡܫܝܢ ܘܐܪ̈ܒܥܼ. ܟܢܫ ܐܘܣܒܝܣ ܕܢܩܡܘܕܝܐ ܣܘܢܗܕܣ ܒܐܢܛܝܟܝܐ. ܘܣـ[ܡ ܗܝܡܢܘܬܐ] ܠܒܪ ܡܢ ܗܿܝ ܕܢܩܝܐ. ܘܛܪܕ ܠܐܬܢܣܝܘܣ ܡܢ ܐܠܟܣܢܕܪܝܐܼ. ܘܥܒܼܕ ܚܠܦܘܗܝ ܠܓܪܝܓܪܝܘܣ. ܘܠܗܢܐ ܒܐܝܕܐ ܕܪ̈ܗܘܡܝܐ ܥܕܪ.܀܀ ܫܢܬ ܫ̈ܬܡܐܐ ܘܚ̈ܡܫܝܢ ܘܚܡ̈ܫܼ. ܡܝܬ ܗܼܘ ܐܘܣܒܝܣܘܥܡܐ ܟܠܗ ܠܦܘܠܐ ܥܠ ܟܘܪܣܝܐ ܐܘܬܒ. [ܘܐܪ̈ܝܢܘ] ܐܘܬܒ ܠܡܩܕܘܢܝܣ.܀܀ ܫܢܬܿ ܫܬܡ̈ܐܐ] ܘܫܬܝܢ܆ ܐܬܒܢܝܬܿ ܐܡܕܼ ܘܬܠܐ ܡ̈ܕܝܢܬܐ . . . . . . . . .ܗ ܩܘܣܛܢܛܝܢܣ ܙܥܘܪܐ.܀܀ ܫܢܬ ܫܬܡ̈ܐܐ ܘܫ̈ܬܝܢ ܘܚܕܐܼ. ܗܘܼܐ ܩܪܒܐ ܒܝܬ ܩܘܣܛܢܛܝܢܣ ܙܥܘܪܐ ܠܩܘܣܛܢܛܝܣ [ܐܚܘܗܝ. ܘܐܬܩܛܠ ܩܘܣܛܢܛܝܢܣܼ. ܘܝܪܬ ܡܠܟܘܬܗ ܩܘܣܛܢܛܝܣ] ܘܩܣܛܣ.܀܀ ܫܢܬ ܫ̈ܬܡܐܐ

Page 175

ܘܫ̈ܬܝܢ ܘܬܪ̈ܬܝܢ܆ ܐܫܬܕܪ ܐܪ[. . . . . ܡܢ ܡܠܟـ]ܐ ܕܢܦܩ [ܡܢ ܥܕܬܐ ܠܦܘܠܐ]. ܘܩܛܠܘܗܝ ܒܢ̈ܝ ܩܘܣܛܢܛܝܢ.܀܀ ܫܢܬ .ܣܿ. [ܘܫ̈ܬܝܢ ܘܬ̈ܠܬܼ.] ܐܦܩ ܐܪ̈ܝـ[ܢܘ ܠܓܪܝܓܪ]ܝܘܣ ܡܢ ܐܠܟܣܢܪܕܝܐܼ. [ܘܥܒܼܕ ܚܠܦܘܗܝ ܠܓܝܪܓܝܘܣ.]܀܀ ܫܢܬ ܫ̈ܬܡܐܐ ܘܫ̈ܬܝܢ ܘܐܪ̈ܒܥܼ. ܢܦܩ ܦܘܠܐ ܡܢ ܩܘܣܛܢܛܝܢܘܦܠܝܣܼ. ܘܐܥܠ ܡܠܟܐ ܚܠܦܘܗܝ [ܠܡܩܕ]ܘܢܣ. ܘܟܕ [ܡܥܠܝܢ ܠܗ] ܐܬܩܛܠ ܡܢ ܥܡܐ ܕܡܕܝܢܬ ܬ̈ܠܬܐ ܐܠܦ̈ܝܢ ܘܡ̈ܐܐ ܘܚܡ̈ܫܝܢ ܓܒܪ̈ܝܢ܆܀܀ ܫܢܬ ܫ̈ܬܡܐܐ ܘܫ̈ܬܝܢ ܘܫܒ̈ܥܼ. ܐܬܟܢܼܫܬܿ ܣܘܢܗܕܣ ܗܿܝ ܕܒܣܪܕܩܝܐ. ܘܙܕܩܬܿ ܠܦܘܠܐ ܘܠܐܬܢܣܝܘܣ ܟܘܪ̈ܣܘܬܗܘܢ.܀܀ ܫܢܬ ܫ̈ܬܡܐܐ ܘܫ̈ܬܝܢ ܘܬܡ̈ܢܐܼ. ܢܚܬ ܐܬܢܣܝܘܣ ܠܐܠܟܣܢܪܕܝܐ. ܘܟܕ ܢܚܬ ܟܢܼܫ ܡܟܣܝܡܘܣ ܕܐܘܪܫܠܡ [ܣܘܢܗܕܣܼ. ܘܐܬܚܝܕ]ܘ ܥܡ ܚܕ̈ܕܐ.. ܒܗܢܐ ܕܝܢ ܙܒܢܐ ܡܬܝܕܥ ܐܦܪܝܢ ܡܠܦܢܐ.܀܀ ܘܒܫܢܬ ܫܬܡ̈ܐܐ ܘܫܒ̈ܥܝܢ܆ ܡܪܕ ܒܛܪܢܝܘܢ ܘܡܓܢܝܛܝܣ [ܒܪܗܘܡܐܼ ܘܩܛܠܘܗܝ ܠܩܘܣܛܣ ܡܠܟܐ.]܀ ܘܒܗܿ ܒܫܢܬܐ ܗܕܐܼ. ܢܦܩ ܦܘܠܐ ܘܐܬܢـ[ܣܝܣ ܡܢ ܟܘܪ̈ܣܘܬ]ܗܘܢܼ. ܦܘܠܐ ܕܝܢ ܟܕ ܡܘܒܠܝܢ ܠܗܼ ܗܢܘܢ ܕܕܒܪܝܢ ܗܘܘ ܠܗܼ ܚܢܩܘ ܒܠܠܝܐ ܒܩܘܩܘܣ ܡܕܝܢܬܐ.. ܐܬܢܣܝܘܣ [ܥܪܩ ܘܐܫܬ]ܘܙܒ. ܐܦ ܠܘܩܝܘܣ ܕܐܕܪܝܢܦܘܠܝܣܼ. ܟܕ ܐܣܝܪ ܒܦܪܙܠܐ ܝܩܝܪܐܼ ܒܝܬ ܐܣܝܪ̈ܐ ܡܝܬ. ܡܩܕܘܢܝܣ ܕܝܢ ܟܕ ܐܚܕ ܥܕܬܐܼ ܒܝ̈ܫܬܐ ܪ̈ܘܪܒܬܐ ܥܒܕܼ. ܘܩ̈ܛܠܐ [ܣܓܝ̈ܐܐ] ܒܗܠܝܢ ܕܡܘܕܝܢ ܒܒܪ ܐܝܬܘܬܐ. [ܐܟܡܐ] ܕܐܦܠܐ ܛܪ̈ܘܢܐ ܣܓܕ̈ܝ ܦܬܟܪ̈ܐ [ܠܐ ܥܒܕܘ.. ܓܝܪܓـ]ܝܣ ܕܝܢ ܕܐܠܟܣܢܕܪܝܐ ܥܫܢܬܼ ܒܝܫܬܗܼ ܝܬܝܪ ܡܢ ܕܡܩܕܘܢܝܣ. ܡܢ ܒܬܪ ܓܝܪ ܫܒ̈ܥܐ ܝܘ̈ܡܝܢ ܕܥܐܕܐ ܕܦܛܝܪ̈ܐܼ. ܒܬܘ̈ܠܬܐ ܠܒܝܬ

Page 176

ܐܣܝܪ̈ܐ ܡܬܕܒܪ̈ܢ ܗܘ̈ܝ. ܐܦܝܣܩ̈ܦܐ ܕܡܢ ܪ̈ܗܘܡܝܐ ܒܐܣܘܪ̈ܐ ܡܬܬܝܬܝܢ ܗܘܘ. ܒ̈ܬܐ ܕܝܢ ܕܝܬܡ̈ܐ ܘܕܐܪ̈ܡܠܬܐ ܡܬܒܙܙܝܢ ܗܘܘ. ܘܩ̈ܛܠܐ ܣܓܝ̈ܐܐ ܒܟܠܕܘܟ ܗܘܝܢ ܗܘܘ.. ܒܗܢܐ ܝܢ ܙܒܢܐܼ ܩܡ ܦܛܝܢܣ ܐܦܝܣܩܦܐ ܘܣܕܩ ܥܕܬܐܼ. ܘܗܝܡܢܘܬܐ ܗܿܝ ܕܣܒܠܝܘܣ ܘܕܦܘܠܐ ܫܡܝܫܛܝܐ ܚܕܬ. ܘܡܛܠܗܕܐ ܦܩܕ ܡܠܟܐ ܕܬܬܟܢܫ ܣܘܢܗܘܕܣ ܒܣܝܪܝܡܝܘܢ. ܘܗܝܡܢܘܬܐ ܐܚܪܬܐ ܚܕܬ ܟܕ ܐܦܠܐ ܒܗܕܐ ܫܠܡ ܒܚܕ̈ܕܐ. ܘܡܛܠܗܕܐ [ܦܩܕ ܡܠܟـ]ܐ ܕܒܐܪܝܡܢܘܣ ܢܬܟܢܫܘܢ ܟܠܗܘܢ ܐܦ̈ܝܣܩܦܐ ܕܡܥܪܒܐ.. ܡܕܢ̈ܚܝܐ ܕܝܢ ܐܬܟܢܫ ܒܢܩܡܘܕܝܐ. ܘܗܘܐ ܒܗܿ ܪܥܒܐ ܪܒܐ ܘܢܦܼܠܬܿ ܘܛܡܼܪܬܿ ܠܥܡܘܪ̈ܝܗܿ. ܘܡܛܠ ܗܕܐ ܐܬܟܢܫ ܠܣܠܘܟܝܐ ܕܐܝܣܘܪܝܐ ܘܐܦܠܐ ܗܠܝܢ ܫܠܡ ܠܚܕܕ̈ܐ.܀܀ ܫܢܬ ܫܬܡ̈ܐܐ ܘܫܒ̈ܥܝܢ ܘܚܕܐܼ. ܗܘܐ ܩܪܒܐ ܨܝܕ ܡܘܪܣܘܢ ܒܝܬ ܡܕܓܢܝܛܝܣ ܛܪܘܢܐܼ ܘܠܩܘܣܛܢܛܝܣ ܡܠܟܐ. ܘܐܙܕܟܝ ܡܓܢܝܛܝܣ. ܘܚܝܠܗ ܐܬܚܪܒܼ ܘܗܼܘ ܥܪܩ.܀܀ ܘܒܫܢܬ ܫܬܡ̈ܐܐ ܘܫܒ̈ܥܝܢ ܘܬܪ̈ܬܝܢ܆ ܩܡ ܐܐܛܝܣ ܗܪܛܝܩܐܼ ܘܫܓܫ ܥܕܬܐ. ܘܦܩܕ ܡܠܟܐܼ ܘܐܬܟܼܢܫܬܿ ܣܘܢܗܕܣ ܒܡܝܕܘܠܝܢܐ. ܘܐܬܟܢܫܘ ܠܬܡܢ ܝܬܝܪ ܡܢ ܬܠܡ̈ܐܐ ܐܦܝ̈ܣܩܦܐ. ܘܟܕܐܪܓܫ ܦܘܠܝܢܘܣ ܐܦܝܣܩܘܦܐ ܕܛܒܪܝܘܣ ܕܒܓܠܝܠܐܼ ܘܐܘܣܒܝܘܣ ܕܐܪܩܠܘܢܼ ܘܕܝܘܢܘܣ ܕܐܠܒܐܼ. ܕܨܒܝܢ ܕܢܥܒܕܘܢ ܩܬܪܣܝܣ ܕܐܬܢܣܝܘܣ: ܩܡ ܚܝܠܬܢܐܝܬ ܘܟܠܘܗܝ ܠܟܢܫܐ ܡܢ ܗܕܐ.܀ ܘܒܗܿ ܒܫܢܬܐ ܗܕܐܼ. ܡܝܬ ܐܒܪܗܡܐ ܐܦܝܣـ ܕܐܘܪܗܝ. ܘܐܬܼܐ ܒܪܣܐ ܡܢ ܚܪܢ ܠܐܘܪܗܝ ܒܦܘܩܕܢܐ ܕܡܠܟܐ.܀܀ܫܢܬ ܫܬܡ̈ܐܐ ܘܫܒ̈ܥܝܢ ܘܬ̈ܠܬܼ. ܐܫܬܕܝ ܡܩܕܘܢܝܣ. ܘܗܘܐ ܒܕܘܟܬܗ ܩܕܝܫܐ ܡܠܝܛܣܼ. ܗܼܘ ܕܒܬܪ

Page 177

ܩܠܝܠ ܟܘܪܣܐ [ܕܐܢܛܝܟ] ܩܒܠ.܀ ܘܒܗܿ ܒܫܢܬ ܗܕܐܼ. ܡܝܬ ܩܘܣܛܢܛܝܣ ܡܠܟܐ. ܘܗܘܐ ܚܠܦܘܗܝ ܝܘܠܝܢܘܣ. ܚܝܐ ܕܝܢ ܐܪ̈ܒܥܝܢ ܘܚ̈ܡܫܐ ܫܢ̈ܝܢ. ܐܡܠܟ ܕܝܢ ܡܢܗܝܢ ܬܠܬ̈ܝܢ ܘܬܡ̈ܢܐ ܫܢ̈ܝܢ.܀ ܬܘܒ ܕܝܢ ܒܗ ܒܗܢܐ ܙܒܢܐܼ. ܐܦܘܠܢܪܝܘܣ ܩܡ ܘܣܕܩ ܥܕܬܐܼ. ܘܗܪܣܝܣ ܕܝܠܗ ܚܘܝ. ܘܩܕܡܐܝܬ ܕܝܢ ܐܡܿܪ ܗܘܐܼ. ܕܠܐ ܫܩܠ ܐܠܗܐ ܡܠܬܐ ܢܦܫܐ ܒܡܕܒܪܢܘܬܐ ܕܐܢܫܘܬܐ. ܘܒܬܪܟܝܢ ܐܝܟ ܐܝܠܝܢ ܕܠܗܕܐ ܒܝܕ ܡܬܬܘܝܢܘܬܐ ܐܠܗܐ: ܡܕܥܐ ܕܝܢ ܠܝܬ ܗܘܐ ܠܗܼܿ. ܐܠܐ ܗܼܘ ܡܠܬܐ ܐܠܗܐ ܐܝܬܘܗܝܐ ܗܐ (ܚܠܦ ܡܕܥܐ) ܒܒܪܢܫܐ ܕܐܫܬܩܠ. ܥܠ ܗܕܐ ܕܝܢܼ ܐܡܪܝܢ ܒܠܚܘܕ ܕܦܪܫܝܢ ܡܢܢ ܐܝܠܝܢ ܕܒܟܘܢܝܐ ܗܢܐ ܡܬܩܪܝܢ.. ܠܬܠܝܬܝܘܬܐ ܕܝܢ ܕܒܪ ܐܝܬܘܬܐ ܐܝܬܝܗܿ ܐܡܪܝܢ.܀ ܬܘܒ ܕܝܢ ܐܦ ܡܩܕܘܢܝܣ ܣܕܩ ܥܕܬܐܼ. ܘܐܡܪܚ ܘܐܡܼܪ: ܕܠܪܘܚܐ ܩܕܝܫܐ ܒܡܠܬܐ ܐܠܗܝܬܐ ܕܥܠ ܬܠܝܬܝܘܬܐ ܕܢܪܢܐ ܠܐ ܐܨܛܒܝ.܀ ܐܦ ܐܘܣܛܬܝܘܣ ܕܣܒܣܛܝܐ ܐܡܼܪ ܕܐܢܐ ܐܦ ܠܐ ܐܠܗܐ ܠـ[ܡܫܡܗ] ܠܪܘܚܐ ܩܕܝܫܐ ܡܡܪܚ ܐܢܐ. ܡܛܠ ܗܕܐ ܥܠܬܐ ܡܬܟܬܫܝܢ ܥܡ ܪܘܚܐ ܩܕܝܫܐܼ. ܩܪܝܢ ܠܗܘܢ. ܗܢܘܢ ܕܡܘܕܝܢ ܒܡܠܬܐ ܕܒܪ ܐܝܬܘܬܐ.܀܀ ܫܢܬ ܫ̈ܬܡܐܐ ܘܫ̈ܒܥܝܢ ܘܐܪ̈ܒܥ܆ ܗܘܐ ܥܠ ܥܕܬܐ ܪܘܕܦܝܐ ܩܫܝܐ ܡܢ ܐܝܕ̈ܝ ܝܘܠܝܢܣ ܪܫܝܥܐ. ܘܐܣܗܕ ܥܡܐ ܣܓܝܐܐ. ܘܡܛܠ ܕܪܕܘܦܝܐ ܗܘܐ [ܡܒܠܒـ]ܠܐ ܣܓܝ̈ܐܐ ܐܒܕܘ ܒܗ. ܐܘܣܒܝܘܣ ܕܝܢ ܐܦܝܣܩܦܐ ܕܪܗܘܡܐܼ. ܘܟܠܗܘܢ ܪܘܪ̈ܒܢܐ ܕܝܠܗܿ ܩܡ

Page 178

ܚܝܠܬܢܐܝܬ ܒܐܓܘ̈ܢܐ. ܘܫܢܕ̈ܐ ܣܓܝ̈ܐܐ ܣܒܠ ܡܢ ܛܪܘܢܐ. ܐܠܐ ܠܐ ܡܝܬ܀ ܡܟܣܝܡܣ ܕܝܢ ܒܪ ܗܘܦܪܟܐ ܕܩܘܣܛܢܛܝܢܦܘܠܝܣ ܘܬܐܕܪܣ ܡܘܕܝܢܐ ܘܗܠܦܕܝܣ ܪܒ ܚܠܐ ܐܣܗܕ.. ܒܝܬ ܫܡܪ̈ܝܐ ܕܝܢ ܥܡܐ ܣܓܝܐܐ ܕܕܝܪ̈ܝܐ ܕܐܙܠܝܢ ܗܘܘ ܠܨܠܘܬܐ ܐܣܗܕ: ܡܛܠ ܕܢܦܠ ܥܠܝܗܘܢ ܫܡܪ̈ܝܐ ܘܝܗ̈ܘܕܝܐ: ܘܩܛܠ ܐܢܘܢ ܠܟܠܗܘܢ ܒܚܘܛܪ̈ܐ.. ܝܘܠܝܢܣ ܕܝܢ ܡܠܟܐ ܐܠܨ ܐܢܘܢ ܠܝܗܘܕ̈ܝܐ ܕܢܕܒܚܘܢܼ: ܘܕܒܚ. ܘܒܥܘ ܡܢ ܡܠܟܐ ܕܢܬܒܢܐ ܗܝܟܠܐ ܕܝܠܗܘܢ ܕܒܐܘܪܫܠܡ. ܘܦܩܕ ܠܗܘܢ ܕܢܬܒܢܐ. ܘܡܢ ܕܡܣܝܘܢ ܢܬܝܗ̈ܒܢ ܠܗܘܢ ܢ̈ܦܩܬܐ. ܘܡܛܠ ܗܕܐ ܟܠ ܡܕܡ ܩܠܝܠܐܝܬ ܛܝܒ ܗܘܘ. ܟܐ̈ܦܐ ܘܩܝ̈ܣܐ. ܘܠܒ̈ܢܐ ܕܫܓܪ̈ܢ ܘܟܠܫܐ ܚܠܦ ܛܝܢܐ. ܘܐܚܪ̈ܢܝܬܐ ܐܝܠܝܢ ܕܚ̈ܫܚܢ ܠܒܢܝܢܐ.. ܩܕܝܫܐ ܕܝܢ ܩܘܪܠܣ ܐܦܝܣܩܦܐ ܕܐܘܪܫܠܼܡܼ. ܟܕ ܗܠܝܢ ܚܼܙܐ ܐܬܢܒܝ ܘܐܡܪ ܕܙܒܢܐ ܗܘܼ ܕܡܠܬ ܦܪܘܩܢ ܬܣܒ ܫܘܠܡܐ. ܕܟܐܦ ܥܠ ܟܐܦ ܠܐ ܬܫܬܒܩ ܗܪܟܐ. ܗܠܝܢ ܕܝܢ ܩܕܡ ܐܡܪ ܩܕܝܫܐ ܩܘܪܝܠܣ.܀ ܒܠܠܝܐ ܕܝܢ ܗܘܐ ܙܘܥܐ ܪܒܐܼ. ܐܝܟܢܐ ܕܢܣܩܢ ܟܐܦ̈ܐ ܕܫ̈ܐܬܣܘܗܝ ܥܬ̈ܝܩܬܐ ܕܗܝܟܠܐ. ܘܟܠܗܝܢ ܢܙܕܪܩܢ ܒܝܕ ܩܫܝܘܬܐ ܕܝܠܗ ܕܙܘܥܐ. ܘܐܦ ܒ̈ܬܐ ܐܝܠܝܢ ܕܩܪ̈ܒܝܒܝܢ ܗܘܘ ܠܗܿ ܠܕܘܟܬܐ ܐܬܥܩܪܘ. ܘܐܙܼܠ ܛܒܐ ܕܗܘܦܟܝܐ ܗܘ ܒܟܠܗܿ ܐܪܥܐ.. ܘܬܘܒ ܠܝܘܡܐ ܐܚܪܢܐܼ ܢܚܼܬܬܿ ܢܘܪܐ ܡܢ ܫܡܝܐ. ܘܚܒܠܬܿ ܟܠܗ ܥܒܿܕܐ ܕܐܪ̈ܕܝܟܠܐ ܘܕܒܢܝ̈ܐ ܘܕܡ̈ܐܢܝ ܐܡ̈ܢܘܬܐ ܐܚܪ̈ܢܝܬܐ. ܐܝܬ ܗܐܘ ܗܟܝܠ ܠܡܚܙܐ ܕܝܩܕܢ ܡܢ ܫܠܗܒܝܬܐ ܕܢܘܪܐ ܐܪ̈ܙܦܬܐ ܘܟ̈ܠܒܬܐ ܘܦ̈ܠܩܐ ܘܐܟ̈ܣܝܕܐ. ܘܐܝܟ ܕܠܡܐܡܪ ܟܠܗ ܥܒܿܕܐ ܕܡܛܝܒ ܗܘܐ ܠܗܘܢ ܠܒܢܝܢܐ. ܘܟܠܗ ܝܘܡܐ ܝܩܕܐ ܗܘܬ ܒܗܘܢ ܢܘܪܐ ܒܡ̈ܐܢܐ. ܝܗ̈ܘܕܝܐ ܕܝܢ ܒܕܚܠܬܐ ܪܒܬܐ ܗܘ. ܘܟܕ ܠܐܨܒܝܢܼ ܡܘܕܝܢ ܗܘܘ ܕܡܫܝܚܐ ܐܝܬܘܗܝ ܐܠܗܐ. ܠܐ ܕܝܢ ܥܒܕܝܢ ܗܘܘ ܨܒܝܢܗ. ܐܦܠܐ ܬܕܡܘܪܬܐ

Page 179

ܬܠܝܬܝܬܐ ܕܗܘܬ ܒܗܘܢ ܐܝܬܝܬ ܐܢܘܢ ܠܘܬ ܗܝܡܢܘܬܐ. ܒܠܠܝܐ ܕܝܢ ܐܚܪܢܐܼ ܚܬܡ̈ܐ ܕܨܠܝܒܐ ܒܛܘܦܐ ܕܙ̈ܠܝܩܐ ܥܠ ܡܐܢ̈ܝܗܘܢ ܐܬܚܙܝܘ ܕܛܒܝܥܝܢ. ܘܟܕ ܗܘܐ ܐܝܡܡܐ ܘܚܙܘ ܐܬܿܐ ܗܕܐ ܒܥܘܢ ܕܫܝܛܘܢ ܘܡܪܩܘܢܝܗܿ. ܒܟܠ ܦܘܪ̈ܣܝܢ. ܘܠܐ ܐܫܟܚ.. ܝܘܠܝܢܘܣ ܕܝܢ ܚܠܗ ܕܡܠܟܐ ܛܪܘܢܐܼ. ܟܕ ܐܼܙܠ ܠܐܘܪܫܠܡ. ܘܥܼܠ ܠܗܝܟܠܐ ܩܕܝܫܐܼ. ܘܐܦ ܓܫܦ ܒܡ̈ܐܢܐ ܩ̈ܕܝܫܐ ܕܥܕܬܐ ܕܬܡܢ܆ ܡܚܝܗܝ ܡܪܝܐ ܘܪܦܬ ܒܬܘ̈ܠܥܐ ܘܡܝܬ.܀ ܒܗܢܐ ܕܝܢ ܙܒܢܐ ܡܬܝܕܥܝܢ ܪ̈ܥܘܬܐ ܒܥܕܬܐ: ܓܪܓܪܝܘܣ ܣܒܐ ܕܢܙܝܢܙܘ ܥܡ ܒܢ̈ܘܗܝ. ܒܣܠܝܘܣ ܕܩܣܪܝܐ. ܡܪܝܘܣ ܕܟܠܩܕܘܢܐ. ܗܢܐ ܨܥܪ̈ܐ ܪܘܪ̈ܒܐ ܩܪܒ ܠܛܪܘܢܐ. ܘܡܛܠ ܕܣܡܝܐ ܗܘܐ: ܠܐ ܼ ܐܡܼܪ ܠܗܼ. [ܡܐܣܐ ܠܟ ܓܠܝܠܝܐ]. ܐܬܢܣܝܘܣ ܕܐܠܟܣܢܕܪܝܐ. ܡܬܝܕܥ ܕܝܢ ܐܦ ܐܘܣܒܝـ[ܣ ܕܪܗܘܡܐ.] ܘܐܦ ܩܘܪܝܠܣ ܕܐܘܪܫܠܡ. ܘܡܝܛܣ ܕܩܘܣܛܢܛܝܢܦܘܠܝܣ. ܘܦܘܠܝܢܐ ܕܐܢܛܝܟܝܐܼ. ܘܠܘܩܦܪ ܐܦܝܣܩܦܐ ܕܦܪܗܠܝܘܢ ܡܕܝܢܬܐ.. ܡܬܝܕܥ ܕܝܢ ܐܦ ܐܝܠܪܝܘܣܼ ܐܦܝܣܩܦܐ ܕܦܘܩܛܒܘܢ. ܗܢܐ ܒܕܡܘܬ ܥܡܘܕܐ ܚܝܠܬܢܐܼ ܠܟܠܗܘܢ ܐܬܪ̈ܘܬܐ ܕܡܥܪܒܐ ܒܡܠܬܐ ܕܒܪ ܐܝܬܘܬܐ ܡܩܝܡ ܗܘܐ ܘܡܫܪܪ. ܡܬܝܕܥ ܕܝܢ ܐܦ ܘܠܓܝܫ ܕܢܨܒܝܢ. ܘܐܘܣܒܝ ܐܦܝܣܩܦܐ ܕܫܡܝܫܛ. ܘܐܬܢܣܝܘܣ ܐܚܪܢܐ ܕܐܢܩܘܪܐ ܘܐܘܪܢܝܣ ܕܩܢܫܪܝܢ.. ܡܬܝܕܥ ܕܝܢ ܒܗܢܐ ܙܒܢܐ ܬܘܒܼ ܩܕܝܫܐ ܝܘܠܝܢܐ ܣܒܐ.܀܀ ܫܢܬ ܫܬܡ̈ܐܐ ܘܫ̈ܒܥܝܢ ܘܐܪ̈ܒܥܼ. ܢܚܬ ܝܘܠܢܣ ܡܠܟܐ ܠܒܝܬ ܦܪ̈ܣܝܐ. ܘܚܪܒܗܿ ܠܟܠܗܿ ܐܪܥܐ ܕܡܢ ܢܨܒܝܢ ܘܥܕܡܐ ܠܩܛܝܣܦܢ ܕܒܝܬ

Page 180

ܐܪ̈ܡܝܐ. ܘܓܠܝ ܡܢ ܬܡܢ ܥܡܐ ܣܓܝܐܐ. ܘܐܘܬܒ ܐܢܘܢ ܒܛܘܪܐ ܕܣܢܣܘ.. ܘܒܗܿ ܒܫܢܬܐ ܡܝܬ ܒܝܬ ܦܪ̈ܣܝܐ ܒܓܐܪܐ ܕܦܪܚ ܒܐܐܪ. ܘܐܡܠܟ ܒܘܕܬܗ ܝܘܒܝܢܘܣ ܪܒ ܚܝܠܗ. ܘܥܒܕ ܫܝܢܐ ܒܝܬ ܡ̈ܠܟܘܬܐ. ܘܝܗܒ ܠܢܨܒܝܢ ܠܦܪ̈ܣܝܐ. ܘܐܦ ܪܕܘܦܝܐ ܕܒܝܬ ܦܪ̈ܣܐ ܒܛܠ ܒܫܝܢܐ ܕܥܒܕ. ܘܥܕ̈ܬܐ ܟܠܗܝܢ ܐܬܦܬܚܘ. ܘܥܡܐ ܟܠܗ ܕܢܨܒܝܢ ܓܠܝܘ ܠܐܡܕ ܕܒܝܬ ܢܗܪ̈ܝܢ. ܘܒܢܐ ܠܗܘܢ ܫܘܪ̈ܐ ܡܢ ܡܥܪܒܐ ܠܗܿ ܠܡܕܝܢܬܐ.܀܀ ܫܢܬ ܫܬܡ̈ܐܐ ܘܫܒ̈ܥܝܢ ܘܚ̈ܡܫܼ. ܐܬܟܢܫܬ ܣܘܢܗܕܣ ܒܐܢܛܝܟܝܐ. ܘܩܝܡܬܿ ܠܗܝܡܢܘܬܐ ܕܢܩܝܐ.. ܘܒܗܿ ܒܫܢܬܐܼ. ܐܬܟܢܫܬܿ ܒܓܢܓܪܐ. ܘܫܕܘ ܠܡܩܕܘܢܝܣ ܘܠܐܘܣܛܬܝܘܣ ܕܣܒܣܛܝܣ.܀ ܘܒܗܿ ܒܫܢܬܐܼ. ܡܝܬ ܝܘܒܝܢܘܣ ܡܠܟܐ. ܘܐܡܠܟ ܚܠܦܘܗܝ ܘܠܢܛܝܢܘܣ ܒܪܗܘܡܐ. [ܘ]ܘܠܝܣ ܐܚܘܗܝܿ ܒܩܘܣܛܢܛܝܢܐ ܦܘܠܣ. ܘܠܢܛܝܢܘܣ ܕܝܢ ܡܢ ܗܝܡܢܘܬܐ [ܕܒܪ ܐܝܬܘܬܐ ܐܝܬܘܗܝ.] ܘܗܘ ܘܠܝܣ ܐܪܝܢܐ. ܘܐܦ [ܐܩܝܡ ܪܕܘܦܝܐ ܥܠ ܥܕܬܐ. ܘܢܚܬ ܠܐܢܛܝܟܝܐ ܘܩܫܝܐܝܬ ܪܕܦ ܠܟܠܗܘܢ] ܗܢܘܢ ܕܡܘܕܝܢ ܒܡܠܬܐ ܕܒܪ ܐܝܬܘܬܐ.܀ ܘܒܗܿ ܒܫܢܬܐ ܗܕܐܼ ܡܪܕ ܒܩܘܣܛܢܛܝܢܦܘܠܝܣ ܦܪܩܘܦܝܣ.. ܘܒܗܿ ܬܒܘ ܗܘܐ ܙܘܥܐ ܪܒܐܼ ܘܡܕܝ̈ܢܬܐ ܣܓܝ̈ܐܬܐ ܚܒܠ.܀܀ ܫܢܬ ܫܬܡ̈ܐܐ ܘܫܒ̈ܥܝܢ ܘܫ̈ܬܼ. ܥܒܪ ܝܡܐ ܠܬܚܘܡܗ: ܘܗܢܐ ܟܠܗ ܓܪܘܦܝܐ ܥܒܕܼ ܐܝܟܢܐ ܕܐܬܪ̈ܘܬܐ ܕܡܢ ܩܕܝܡ ܝܒܝ̈ܫܐ ܐܝܬܝܗܘܢ ܗܘܘ ܘܡܢ ܐܢ̈ܫܐ ܡܬܕܝܫܝܢ܆ ܐܠܦ̈ܐ ܢܿܪܕܝܢ ܒܗܘܢ. ܡܢ ܐܬܪ̈ܘܬܐ ܕܝܢ ܐܚܪ̈ܢܐ ܙܐܠܗܗܢܐ ܟܠܗ ܐܪܚܩܼ. ܐܝܟܢܐ ܕܝܒܝܫܬܐ ܬܬܚܙܐ.܀܀ ܫܢܬ ܫܬܡ̈ܐܐ ܘܫܒ̈ܥܝܢ ܘܫ̈ܒܥܼ. ܐܬܩܛܠ ܛܪܘܢܐ ܦܪܩܘܦܝـ[ܣ]. [ܡܠܟܐ ܕܝܢ ܦܩܕ] ܘܥܩܪܗ ܠܫܘܪܐ

Page 181

ܕܟܠܩܕܘܢܐ܆ ܥܠ ܕܩܒܠܬܿ ܠܛܪܘܢܐ ܘܨܥܪܬܼ ܠܡܠܟܐ.܀܀ ܫܢܬ ܫܬܡ̈ܐܐ ܘܫܒ̈ܥܝܢ ܘܬܡ̈ܢܐܼ. ܫܕܝ ܘܠܝܣ ܠܟܠܗܘܢ ܐܦܝ̈ܣܩܦܐ ܕܡܘܕܝܢ ܒܡܠܬܐ ܕܒܪ ܐܝܬܘܬܐܼ ܠܐܟܣܘܪܝܐܼ: ܣܛܪ ܡܢ ܒܣܠܝܣ ܘܓܪܓܪܝܣ ܕܢܙܝܢܙܘ.. ܒܗܢܐ ܙܒܢܐܼ ܐܥܠ ܘܠܝܣ ܡܝ̈ܐ ܠܩܘܣܛܢܛܝܢܘܦܠܝܣ. ܘܥܟܕ ܪܕܘܦܝܐ ܥܠ ܗܢܘܢ ܕܡܘܕܝܢ ܒܪ ܐܝܬܘܬܐ.܀܀ ܫܢܬ ܫ̈ܬܡܐܐ ܘܫܒ̈ܥܝܢ ܘܬܫ̈ܥܼ. ܗܘܐ ܙܘܥܐ ܩܫܝܐ ܒܒܬܘܢܝܐ ܘܐܬܗܼܦܟܬܿ ܒܗ ܢܩܝܐ ܡܕܝܢܬܐ ܒܚܕܥܣܪ ܒܬܫܪܝ ܩܕܝܡ.. ܘܒܗ ܒܙܒܢܐ ܗܢܐ ܗܘܐ ܪܥܠܐ ܐܚܪܢܐ ܒܐܠܝܣܦܘܢܛܼ. ܘܡܕ̈ܝܢܬܐ ܣ̈ܓܝܐܬܐ ܢܦܠ ܒܗ.܀ ܘܒܗܿ ܒܫܢܬܐ ܗܕܐܼ. ܡܝܬ ܩܕܝܫܐ ܝܘܠܝܢܘܣ ܣܒܐ..܀ ܘܬܘܒ ܒܗܿ ܒܫܢܬܐ ܗܕܐ ܡܝܬ ܩܕܝܐ ܐܘܣܒܝܣ ܐܦܝܣܩܦܐ ܘܣܗܕܐ ܕܪܗܘܡܐܼ. ܘܗܘܼܐ ܚܠܦܘܗܝ ܠܝܒܪܝܘܣ.. ܡܬܝܕܥ ܕܝܢ ܐܦ ܐܘܓܪܝܣ ܐܦܝܣܩܦܐ ܕܩܘܣܛܢܛܝܢܐܦܘܠܝܣ. ܘܡܠܝܛܘܣ ܘܐܘܣܛܬܝܘܣ ܕܐܢܛܝܟܝܐ.. ܘܩܘܪܝܠܘܣ ܕܐܘܪܫܠܡ. ܘܐܬܢܣܝܘܣ ܕܐܠܟܣܢܕܪܝܐ.܀ ܒܗܢܐ ܕܝܢ ܙܒܢܐ ܐܢܘܡܝܣ ܣܕܩ ܥܕܬܐ ܟܕ ܐܡܼܪ ܕܐܠܗܐ ܥܠ ܟܝܢܗ ܡܕܡ ܝܬܝܪ ܡܢܢ ܠܐ ܝܿܕܥ. ܘܠܐ ܝܕܝܥܐܼ ܠܗ ܡܿܢ ܝܬܝܪܐܼ ܠܢ ܕܝܢ ܒܨܝܪܐ: ܐܠܐ ܗܿܘ ܡܕܡ ܕܚܢܢ ܝܿܕܥܝܢܢ ܥܠܘܗܝ ܗܼܘ ܝܕܥ. ܘܡܕܡ ܕܐܝܬ ܠܗ ܬܘܒ ܠܗܘ ܗܼܘ ܡܫܟܚ ܒܢ ܕܠܐ ܫܘܚܠܦܐ. ܗܠܝܢ ܗܟܝܠ ܘܐܚܪ̈ܢܝܬܐ ܣܓܝ̈ܐܬܐ ܐܡܼܪ ܐܢܘܡܝܣ.܀ ܒܗ ܕܝܢ ܙܒܢܐ ܐܬܩܫܝ ܪܕܘܦܝܐ ܥܠ ܗܢܘܢ ܕܡܘܕܝܢ ܒܒܪ ܐܝܬܘܬܐܼ ܡܢ ܐܪ̈ܝܢܘ. ܟܕ ܡܨܥܪܝܢ ܠܗܘܢܼ ܘܪܕܦܝܢ ܗܿ[ܢܘܢ] ܘܡܚܝܢ ܠܗܘܢ ܘܪܡܝܢ ܒܝܬ ܐܣܝܪ̈ܐܼ ܘܡܚܣܪܝܢ ܠܗܘܢ ܒܡܪ̈ܗܛܝܗܘܢ. ܘܟܕ ܕܝܢ ܗܠܝܢ ܠܐ ܣܝܒܪ ܐܬܘ ܠܘܬ ܡܠܟܐ ܕܢܒܥܘܢ ܡܢܗ ܫܠܡܐ. ܡܣܒܪܝܢ ܐܦܢ ܩܠܝܠ ܢܬܬܢܝܚܘܢ ܡܢ ܩܛܝܪܐ. ܐܠܐ ܟܕ

Page 182

[ܗܕܐ ܐܬܚܫܒ ܣܓܝ] ܢܦܠܘ ܡܢ ܣܒܪܗܘܢ. ܕܐܣܒܪ ܕܠܘܬ ܓܒܪܐ ܥܘܠܐ ܟܐܢܘܬܐ ܡܫܟܚܝܢ.. ܐܬܓܒܝܘ ܗ[ܟܝܠ ܓܒܪ̈ܐ] ܢܟ̈ܦܐ ܡܢ ܟܗ̈ܢܐ ܕܥܕܬܐ ܒܡܢܝܢܐ ܬܡ̈ܢܝܢ ܕ[ܪ̈ܝܫܝܗܘܢ ܐܝܬܝـ]ܗܘܢ ܗܘܘ ܗܠܝܢ. ܐܘܪܒܢܘܣ ܘܬܐܕܘܪܣ ܘܡܢܕܡܣ. ܘܐܬܘ ܠܢܩܡܪܝܐ. ܘܩܪܒܘ [ܒܥܘܬܐ ܠܡܠܟܐܼ. ܟܕ ܡܠܦܝܢ] ܠܗ ܩܛܝܪܐ ܘܒܝ̈ܫܬܐ ܕܣܒܠܝܢ [ܗܘܘ. ܡܠܟܐ] ܕܝܢ ܐܬܚܬ ܥܠܝܗܘܢ ܘܦܩܕ [ܠܡܘܕܣܛܐ ܗܘܦܪ]ܟܐ ܡܛܫܝܐܝܬ ܕܢܩܛܠ ܐܢܘܢ ܠܓܒܪ̈ܐ.. ܗܢܐ ܕܝܢ ܟܕ ܩܒܠ ܗܘܐ ܦܘܩܕܢܐܼ. ܣܡ ܐܢܘܢ ܒܐܠܦܐ ܘܐܘܩܕ ܒܗ ܢܘܐܪ. ܘܗܟܢܐ ܐܘܩܕ ܐܢܘܢ ܒـ. . . . . . . . . . . ܀ ܘܒܗ ܒܙܒܢܐܗܢܐ [ܗܘܐ ܟܦܢܐ] ܪܒܐ [ܒܟܠܗܘܢ ܐܬܪ̈ܘܬܐ] ܕܦܪܘܓܝܐ. ܘܡܢ ܐܘܠܨܢܐ ܣܓܝܐܐ ܐܣܬܪܩܬ ܐܪܥܐ ܟܠܗܿ ܘܥܠܼܬ ܠܩܘܣܛܢـ.܀܀ [ܫܢܬ ܫܬ]ܡ̈ܐܐ ܘܬ̈ܡܢܝܢ܆ ܡܝܬ ܩܕܝܫܐ] ܐܬܢܣܝܘܣ ܕܐܠܟܣܢܕܪܝܐ. ܘܗܘܐ ܚܠܦܘܗܝ [ܩܕܝܫܐ ܦܛܪܘܣ.] ܐܬܢܣܝܘܣ ܕܝܢ ܦܪܢܣ ܥܕܬܐ ܐܪ̈ܒܥܝܢ ܘܫ̈ܬ ܫܢ̈ܝܢܼ ܒܩܝܕܢܣ ܪܒܐ.܀܀ [ܫܢܬ ܫܬ]ܡ̈ܐܐ ܘܬܡܢ̈ܝܢ ܘܚܕܐܼ. ܐܬܪܕܦ [ܦܛܪܘܣ ܕܐܠܟܣܢܕܪܝܐ.] ܘܥܡܗ ܟܠܗܘܢ ܥܘܡܪ̈ܐ ܕܒܡܕܒܪܐ. ܘܟܠܗܘܢ ܝܚܝ̈ܕܝܐ ܕܬܡܢ. ܡܢܐܘܙܝܐ ܕܐܢܛܝܟܝܐ. ܘܠܘܩܝܣ ܕܐܠܟܣܢܕܪܝܐ ܐܪ̈ܝܢܘ.܀ ܡܬܝܕܥܝܢ ܕܝܢ ܒܗܢܐ ܙܒܢܐ ܕܝܪ̈ܝܐ ܐܢܛܘܢܝܘܣ. ܐܡܢܝܘܣ. ܦܝܘܪ. ܐܣܕܘܪܣ. ܦܡܒܘ. ܦܛܪܘܣ. ܡܩܪܝܣ ܡܨܪܝܐ. ܘܡܩܪܝܣ ܐܠܟܣܢܕܪܝܐ.. ܗܠܝܢ ܕܝܢ ܬܪ̈ܝܗܘܢ ܐܫܬܕܝܘ ܠܓܙܪܬܐ ܚܕܐ. ܕܐܝܬ ܒܗܿ ܒܢ̈ܝܢܫܐ ܣܓܝ̈ܐܐ ܕܒـ[ـܪ̈ܒܪܝܐ. ܘܐܝܟ ܕܡܢ] ܛܝܒܘܬܐ ܐܠܗܝܬܐ ܠܟܠܗܘܢ ܥܡܪ̈ܝ ܓܙܪܬܐ ܗܿܝ ܠܘܬ ܐܠܗܐ ܐܦܢܝܘ.܀ ܘܒܗܿ ܒܗܕܐ ܫܢܬܐܼ. ܐܬܒܢܝܬ ܒܝܬ ܡܥܡܘܕܝܬܐ ܕܐܘܪܗܝ.܀ ܒܬܪ ܠܝܒܪܝܘܣ

Page 183

ܕܪܗܘܡܐ ܩܒܠ ܛܪܘܢܣ ܕܐܡܣܘܣ. ܘܒܬܪ ܩܘܪܝܠܘܣ ܕܐܘܪܫܠܡ ܩܡ ܝܘܚܢܢ.܀܀ ܫܢܬ ܫܬܡ̈ܐܐ ܘܬܡ̈ܢܝܢ ܘܬ̈ܠܬ. ܡܝܬ ܘܠܛܝܢܘܣ ܡܠܟܐ ܕܪܗܘܡܐ. ܘ. . . . . . . . . . . . . . ܒܪܗ . . . . . . . . . . . . . . . . . . . . . . . ܬܘܐܡܠܟ ܢܠܢܛܝܢܘܣ.܀܀ ܫܢܬ ܫ̈ܬܡܐܐ ܘܬܡ̈ܢܝܢ ܘܐܪ̈ܒܥܼ. ܡܝܬ ܩܕܝܫܐ ܡܪܝ ܐܦܪܝܡ ܡܠܦܢܐ. ܒܬܫܬܥܣܪ ܒܚܙܝܪܢ.܀܀ ܫܢܬ ܫܬܡ̈ܐܐ ܘܬܡ̈ܢܝܢ ܘܫ̈ܬܼ. ܐܚܪܒܘ ܓܘ̈ܬܝܐ (ܠܐܪܥܐ) ܕܪ̈ܗܘܡܝܐ.܀܀ ܫܢܬ ܫܬܡ̈ܐܐ ܘܬܡ̈ܢܝܢ ܘܫܒ̈ܥܼ. ܗܘܼܐ ܩܪܒܐ ܒܝܬ ܛܝ̈ܝܐ ܠܪ̈ܗܘܡܝܐ. ܥܠ ܛܝ̈ܝܐ ܕܝܢ ܡܡܠܟܐ ܗܘܼܬ ܒܗܢܐ ܙܒܢܐ ܡܘܝܢܐ.. ܗܕܐ ܕܝܢ ܡܘܝܐ ܐܡܼܪܬܿ ܕܐܢ ܠܐ ܡܬܝܗܒ ܠܗܿ ܡܘܫܐ ܐܦܝܣܩܦܐܼ ܕܐܝܬܘܗܝ ܗܘܐ ܓܢܣܗ ܡܢ ܓܢܣܐ ܕܛܝ̈ܝܐ: ܕܢܫܠܐ ܩܪܒܐ ܦܘܪܣܐ ܠܐ ܐܝܬ.. ܗܢܐ ܕܝܢ ܡܘܫܐ ܡܫܡܗܐ ܐܝܬܘܗܝ ܗܘܐ ܒܗܝܡܢܘܬܐ ܘܒܐܒܝܠܘܬܐ. ܘܒܚ̈ܝܐ ܢܟ̈ܦܐ ܘܒܐ̈ܬܘܬܐ ܡܨܠܚ ܗܘܐ. ܡܛܠ ܕܒܡܕܒܪܐ ܕܐܝܚ̈ܝܕܝܐ ܐܬܪܒܝ. ܠܗܢܐ ܫܐܼܠܬܿ ܡܘܝܐܼ ܕܢܗܘܐ ܐܦܝܣܩܦܐ ܠܒܢ̈ܝ ܥܡܗ. ܘܗܒܕܐ ܬܢܘܝ ܢܒܛܠ ܩܪܒܐ.. ܪ̈ܒܝ ܚܝܠܐ ܕܝܢ ܕܪ̈ܗܘܡܝܐ ܟܕ ܗܕܐ ܫܡܥܼ ܩܒܠ ܕܥܠ ܗܕܐ ܬܢܘܝ ܢܥܒܕܘܢ ܫܝܢܐ. ܘܦܩܕ ܕܗܕܐ ܒܥܓܠ ܬܗܘܐ. ܡܘܫܐ ܕܝܢ ܟܕ ܐܬܬܚܕ ܐܝܬܝܘܗܝ ܠܐܠܟܣܢܕܪܝܐ ܕܬܡܢ ܢܩܼܒܠ ܣܝܡ ܐܝܕܐ ܡܢ ܠܘܩܝܣ. ܡܘܫܐ . . . . . . . . . . ܟܕ ܐܡܪ [ܕܠܟܗܢـ]̤ܘܬܐ [ܠܐ ܫܘܐ ܐܢܐ.] ܐܢ ܕܝܢ [ܗܕ ܡܥܕܪܐ ܠܨܒܘ̈]ܬܐ ܕܓܘܐ. ܠܐ ܢܣܝܡ ܥܠܝ ܠܘܩܝܣ [ܐܝܕܐ: ܡܛܠ

Page 184

ܕܡܠܝܐ] ܝܡܝܢܗ ܕܡܐ ܣܓܝܐܐ. ܠܘܩܝܣ [ܕܝܢ ܐܡܪ ܕܠܐ ܘܿܠܐ] ܠܡܨܥܪܘܼ. ܐܠܐ ܠܘܩܕܡ ܠܡܠܦ ܡܢܗ ܕܘܓܡܐ ܕܚܠܬܗ.. ܘܡܘܫܐ ܠܘܬ ܗܢܐܐܡܪ ܠܕܐ ܡܬܒܥܝܐ ܡܠܬܐܼ. ܐܠܐ [ܣܘܥܪ̈ܢܝܟ] ܡܟܣܝܢ ܠܟ ܕܥܼܒܕܬ [ܒܡ̈ܗܝܡܢܐ]܇ ܕܕܚܠܬܟ ܠܘ [ܕܟܪܣܛܝܢܐ] ܐܝܬܝܗܿ. ܟܪܣܛܝܢܐ ܓܝܪ ܠܐ ܡܚܐ ܘܠܐ ܡܨܚܐ ܘܠܐ [ܡܬܟܬܫ.] ܠܥܒܕܗ ܓܝܪ [ܕܐܠܗܐ ܠܐ ܙܿܕܩ] ܠܗܼ. ܕܢܬܟܬܫ. ܥܒܼܕ̈ܝܟ ܓܝܪ ܕܝܠܟ ܓܥܝܢܼ ܒܝܕ ܗܠܝܢ [ܕܐܫܬ]ܕܝܘ ܠܐܟܘܪܝܐܼ. ܘܐܬܪܡܝܘ [ܠܚܝܘ̈ܬܐ.] ܘܩܒܠ ܡܘ̈ܬܐ ܡܫܚ̈ܠܦܐ. ܘܪܒܐ ܗܼܝ ܬܚܘܝܬܐ ܕܐܝܠܝܢ ܕܒܥܝ̈ܢܐ ܡܬܚ̈ܙܝܢ܆ ܝܬܝܪ ܡܢ ܐܝܠܝܢ ܕܒܐܕ̈ܢܐ ܡܫ̈ܬܡܥܢ܀ ܘܟܕ ܗܠܝܢ ܥܡ ܣܓܝ̈ܐܬܐ ܐܚܪ̈ܢܝܬܐ ܐܡܼܪ ܡܘܫܐ ܠܘܬ ܠܘܩܝܣܼ. ܐܬܕܒܪ ܡܢ ܩܪ̈ܝܒܘܗܝ ܠܛܘܪܐ: ܕܢܩܒܠ ܣܝܡ ܐܝܕܐ ܡܢ ܗܢܘܢ ܕܒܐܟܣܘܪܝܐ ܐܝܬܝܗܘܢ ܗܘܘ. ܘܗܟܢ ܒܝܕ ܐܦܝܣܩܦܘܬܗ ܕܩܕܝܫܐ ܡܘܫܐܼ ܒܛܠ ܩܪܒܐ ܒܝܗ ܛܝ̈ܝܐ ܠܪ̈ܗܘܡܝܐ. ܘܐܡܠܟ ܫܝܢܐ ܒܝܢܬ ܡ̈ܠܟܘܬܐ.܀܀ ܫܢܬ ܫܬܡ̈ܐܐ ܘܬܡ̈ܢܝܢ ܘܬܡ̈ܢܐܼ.: ܐܬܛܪܕ ܠܘܩܝܣ ܡܢ ܐܠܟܣܢܕܪܝܐܼ. ܘܗܦܟ ܩܕܝܫܐ ܦܛܪܘܣ ܡܢ ܐܟܘܣܪܝܐ ܘܝܼܬܒ ܥܠ ܟܘܪܣܝܗ. ܘܒܬܪ ܩܠܝܠ ܡܝܬ. ܘܗܘܼܐ ܠܚܦܘܗܝ ܩܕܝܫܐ ܛܝܡܬܝܘܣ.܀܀ ܘܫܢܬ ܫܬܡ̈ܐܐ ܘܬܡ̈ܢܝܢ ܘܬܫ̈ܥܼ. [ܐܚܪܒܘ]ܗܿ ܒܪ̈ܒܪܝܐ ܠܐܪܥܐ [ܕܬܪܩܐ. ܘܥܕܡܐ ܠܗܿ] ܠܩܘܣܛܢܛܝܢܦܘܠܣ ܡܛܘ. ܘܢܼܦܩ ܥܠܝܗܘܢ [ܘܠܝܣܼܫ ܘܟܕ ܡܩܪܒ ܥـ[ܡܗܘܢ ܐܬܩܛܠ] ܡܢܗܘܢ. ܘܐܚܕ [ܡܠܟܘܬܗ] ܓܪܛܝܢܘܣ.. ܘܫܩܠ ܠܗ ܫܘܬܦܐ ܥܡܗ ܒܡܠܟܘܬܐ [ܠܬܐܘܕܘܣܝܘܣ] ܪܒܐ.܀ ܘܒܗܿ ܒܫܢܬܐܼ ܗܦܟܘ ܟܠܗܘܢ ܐܦܝ̈ܣܩܦܐ ܡܢ ܐܟܣܘܪܝܐ: ܘܐܚܕ ܥ̈ܕܬܗܘܢ. ܘܫܩܠ ܐܪܬܕܘܟܣܘ ܥܕܬܐ ܒܐܘܪܗܝ. ܘܗܘܐ ܠܗܘܢ ܐܦܝܣܩܦܐ ܐܘܠܘܓܝܘܣ.

Page 185

ܘܒܢܼܐ ܒܝܬ ܡܪܝ ܕܢܝܐܝܠܼ [ܕܐܬܩܪܝ] ܒܝܬ ܡܪܝ ܕܝܡܝܛ.܀܀ ܫܢܬ ܫ̈ܬܡܐܐ ܘܬܫ̈ܥܝܢ܆ ܢܩܫܘ ܒܪܒܪ̈ܝܐ ܥܠ ܩܘܣܛܢܛܝܢܦܘܠܝܣ. ܘܡܠܟܬܐ ܕܘܡܢܝܩܐ ܝܗܒܼܬܿ ܡܢ ܛܡܝܘܢ ܠܪ̈ܗܘܡܝܐ ܕܗܒܐ ܘܙܝܢܐ. ܘܢܦܩܘ ܥܠܝܗܘܢ ܒܠܠܝܐ ܘܚܪܒܘ ܐܢܘܢ ܘܪܕܦܘ ܐܢܘܢ.. ܘܚܝܠܐ ܣܓܝܐܐ ܕܛܝ̈ܝܐ [ܝܗܼܒܬܿ ܡܘܝܐ] ܠܪ̈ܗܘܡܝܐ ܕܢܥܕܪܘܢ ܐܢܘܢ ܘܥܠ ܠܘܬܗܘܢ.܀܀ ܫܢܬ ܫ̈ܬܡܐܐ ܘܬܫ̈ܥܝܢ ܘܬܪ̈ܬܝܢ܆ ܗܘܐ ܬܘܒ ܩܪܒܐ ܒܝܬ ܪ̈ܗܘܡܝܐ ܘܠܒܪ̈ܒܪܝܐܼ. ܘܐܬܚܪܒܘ ܩܕܡ ܬܐܕܘܣܝܘܣ ܡܠܟܐ.܀܀ ܫܢܬ ܫܬܡ̈ܐܐ ܘܬܫ̈ܥܝܢ ܘܬܠܬ̈ ܠܐܠܟܣܢܕܣܼ. ܐܬܟܼܢܫܬܿ ܒܩܘܣܛܢܛܝܢܦܘܠܣ ܣܘܢܗܕܣ ܕܡ̈ܐܐ ܘܚܡ̈ܫܝܢ. ܘܪ̈ܝܫܝܗܿ ܕܝܢ ܐܝܬܝܗܘܢ ܗܠܝܢ: ܛܝܒܡܐܬܘܣ ܕܐܠܟܣܢܕܪܝܐ. ܡܠܛܣ ܕܐܢܛܝܟܝܐ. ܕܡܣܘܣ ܕܪܗܘܡܐ. ܒܛܘܪ ܕܩܘܣܛܢܛܝܢܦܘܠܝܣ. ܝܘܚܢܢ ܕܐܘܪܫܠܡ. ܡܬܝܕܥܝܢ ܕܝܢ ܒܗܿ ܐܦ̈ܝܣܩܦܐ ܗܠܝܢ܆ ܓܪܝܓܪܝܘܣ ܕܢܙܝܢܙܘ. ܓܪܝܓܪܝܘܣ ܕܢܘܣܐ. [ܐܘܠܘܓܝܘܣ ܕܐܘܪܗܝ.] ܐܠܝܕܣ ܕܩܣܪܝܐ. ܦܐܠܓܝܣ ܕܠܕܩܝܐ. ܕܝܕܪܘܣ [ܕܛܪܣܘܣ. ܐܛܪܝܘܣ] ܕܡܠܝܛܝܢܐ. ܐܡܦܝܠܘܟܝܣ ܕܐܝܩܢܝܘܢ. ܘܐܪܡܝ ܐܝܕ̈ܝܐ . . . . ܘܫܪܪ ܠܗܿ ܠܗܡܢܘܬܐ ܕܢܩܝܐ. ܘܦܠܓ ܗܘܦܪ̈ܟܝܣ ܘܦܛܪ̈ܝܪܟܘ[ܬܐ. ܟܕ ܝܗܒ] ܠܕܡܣܣ ܕܪܗܘܡܐ ܪܝܫܘܬܐ ܕܐ[ܛܠܝܐ] ܘܟܠܗܘܢ ܐܬܪ̈ܘܬܐ ܡܥܪ̈ܒܝܐ [ܘܥ̈ܠܝـ]ܐ ܕܓܠܠܝܐ ܘܕܐܣܦܢܝܐ ܢܫܬܡܥܘܢ

Page 186

ܠܗ.. ܒܬܪܗ ܝܗܼܒ ܠܢܩܛܘܪ ܕܩܘܣܛܢܛܝܢܦܘܠܝܣ ܘܟܠܗܘܢ ܐܬܪ̈ܘܬܐ ܕܐܣܝܐ ܘܡܕܢܚܐ ܕܝܘ̈ܢܝܐ ܢܫܬܡܥܘܢ ܠܗ.. ܒܬܪ ܗܢܐ ܝܗܒ ܠܛܡܐܬܐܣ ܕܐܠܟܣܢܕܪܝܐܼ. ܘܡܨܪܝܢ ܘܐܓܝܦܛܘܣ ܘܟܠܗܘܢ ܐܬܪ̈ܘܬܐ ܓܘ̈ܝܐܼ ܠܗ ܢܫܬܡܥܘܢ.. ܒܬܪ ܗܢܐ ܕܝܢ [ܝܗܒ] ܠܡܠܝܛܘܣ ܕܐܢܛܝܟܝܐ ܘܦܠܣܛܝܢܐ ܘܓܙܝܪܬܐ ܘܟܠܗܘܢ ܐܬܪ̈ܘܬܐ ܡܕ̈ܢܚܝܐ ܘܬܚ̈ܬܝܐ ܕܒܝܬ ܦܪ̈ܣܝܐܼ ܠܗ ܢܫܬܡܥܘܢ.܀܀ ܫܢܬ ܫܬܡ̈ܐܐ ܘܬܫ̈ܥܝܢ ܘܐܪ̈ܒܥܼ. ܡܝܬ ܩܕܝܫܐ ܡܠܝܛܘܣ ܒܩܘܣ ܦܘܠܝܣ. ܘܐܚܼܬܘ ܠܫܠܕܗ ܠܐܢܛܝܟܝܐ. ܘܗܘܼܐ ܚܠܦܘܗܝ ܦܘܠܝܢܣ.܀ ܘܒܗܿ ܒܫܢܬܐ ܗܕܐܼ. ܐܠܥ ܡܠܟܐ ܓܪ̈ܡܘܗܝ ܕܦܘܠܘܣ ܫܠܝܚܐ ܠܩܘܣܛܢܛܝܢܦܘܠܣ.܀܀ ܫܢܬ ܫ̈ܬܡܐܐ ܘܬܫ̈ܥܝܢ ܘܚܡ̈ܫܼ. ܒܢܐ ܬܝܕܣܝܘܣ ܡܠܟܐ ܠܪܫܥܝܢܐ ܕܒܝܬ ܢܗܪ̈ܝܢ.܀܀ ܫܢܼܬ ܫܬܡ̈ܐܐ ܘܬܫ̈ܥܝܢ ܘܫ̈ܬܼ. ܐܡܠܟ ܐܪܩܕܝܘܣ ܒܪ ܬܝܕܣܝܘܣ ܥܡܐ ܒܘܗܝ.܀܀ ܫܢܬ ܫܬܡ̈ܐܐ ܘܬܫ̈ܥܝܢ ܘܫ̈ܒܥܼ. ܡܝܬ ܩܕܫܝܐ ܛܝܡܬܐܘܣ ܕܐܠܟܣܢܕܪܝܐ. ܘܩܒܠ ܕܘܟܬܗ ܬܐܦܝܠܘܣ.܀ ܘܒܗܿ ܒܫܢܬܐ ܗܕܐܼ. ܡܪܕ ܡܟܣܝܡܘܣ ܛܪܘܢܐ. ܘܩܛܠܗ ܠܓܪܛܝܢܣ ܡܠܟܐ.܀܀ ܘܫܢܬ ܫ̈ܬܡܐܐ ܘܬܫ̈ܥܝܢ ܬܡ̈ܢܐܼ. ܐܩܪܒ ܬܐܕܣܝܘܣ ܡܠܟܐ ܥܡ ܡܟܣܝܡܣ ܛܪܘܢܐܼ ܘܠܗ ܩܛܠ. ܘܚܪܒ ܚܝܠܗ.܀ ܘܒܗܿ ܒܫܬܐܗܕܐܼ. ܡܝܬ ܩܕܝܫܐ ܐܘܠܘܓܝܣ ܐܦܝܣܩܦܐ ܕܐܘܪܗܝ. ܘܩܒܠ ܕܘܟܬܗ ܩܘܪܐ. ܘܗܼܘ ܐܝܬܝ ܠܓܠܘܣܩܡܐ ܕܬܘܡܐ ܫܠܝܚܐ ܠܐܘܪܗܝ.܀܀ ܫܢܬ ܫ̈ܬܡܐܐ ܘܬܫ̈ܥܝܢ ܘܬܫ̈ܥܼ. ܐܬܥܩܪ ܟܠܗܘܢ ܢܘ̈ܣܐ ܕܦܬܟܪ̈ܐ ܡܢ ܐܠܟܣܢܕܪܝܐܼ ܒܦܘܩܕܢܐ ܕܡܠܟܐ ܘܒܝܣܦܝܘܬܐ ܕܬܐܦܝܠܝܘܣ ܦܛܪܝܪܟܐ ܕܬܡܢ.܀ ܘܒܗܿ ܒܫܢܬܐ ܗܕܐ܆ ܗܘܼܐ ܐܘܓܪܝܣ ܦܛܪܝܪܟܐ ܒܐܢܛܝܟܝܐ ܥܡ ܦܠܘܝܢܐ.܀܀ ܘܒܫܢܬ ܫܒ̈ܥܡܐܐܼ. ܐܬܚܝܕܘ ܥܕܬܐ ܕܢܐܘܛܝܢܘ ܠܐܪ̈ܬܕܘܟܣܘ. ܘܐܬܬܪܝܡ ܡܢ ܡܨܥܬܐ ܩܫܝܫܐ ܕܣܝܡ

Page 187

ܗܘܐ ܥܠ ܬܝܒܘܬܐ. ܘܫܒܩ ܕܟܠ ܐܢܫ ܐܝܟ ܕܬܐܪܬܗ ܢܬܩܪܒ ܠܘܬ ܪ̈ܐܙܐ ܐܠܗܗܝܐ.܀܀ ܫܢܬ ܫܒ̈ܥܡܐܐ ܘܚܕܐܼ. ܗܐ ܫܓܘܫܝܐ ܒܥܕܬܐ ܡܛܠ ܦܨܚܐ.܀܀ ܘܒܫܢܬ ܫܒ̈ܥܡܐܐ ܘܬܪ̈ܬܝܢ܆ ܐܡܠܟ ܐܢܘܪܝܘܣ.܀܀ ܫܢܬ ܫܒ̈ܥܡܐܐ ܘܬܠܬܼ̈. ܡܪܕ ܐܘܓܢܝܣ ܛܪܘܢܐ.܀܀ ܘܒܫܢܬ ܫܒ̈ܥܡܐܐ ܘܐܪ̈ܒܥܼ. ܩܛܠܗ ܐܘܓܢܝܘܣ ܛܪܘܢܐ ܠܘܠܢܛܝܢܝܢܣ ܡܠܟܐܼ ܥܠ ܬܫܘܝܬܗ.܀܀ ܫܢܬ ܫܒ̈ܥܡܐܐ ܘܚ̈ܡܫܼ. . . . . . . . . . . ܠܐܘܓܢܝܣ ܒܓܠܠܝܐ. ܡܠܟܐ ܕܝܢ . . ܪܒܐ [ܠܐܠܗܐ ܩـ]ܪܐ ܠܐܝܠܗ. ܐܠܗܐ ܕܝܢܼ ܗܿܘ ܕܠܐ ܡܗܡܐ [ܡܢ ܨܠܘܬܐ] ܕܕܚ̈ܠܘܗܝܼ. ܐܦܠܐ ܗܪܟܐ ܐܗܡܝ ܡܢ ܨܠܘܬܗ ܕܡܠܟܐ [ܙܕܩܐ. ܐܠܐ] ܟܕ ܣܕܪ ܩܪܒܐܼ. ܪܘܚܐ ܩܫܝܬܐ ܢܫܒܬܿ ܗܘܬܿ ܘܓܐܪ̈ܐ ܕܒܝܬ ܐܘܓܢܝܣ ܥܠܝܗܘܢ ܡܿܗܦܟܐ ܗܘܬܿ. ܘܐܦ ܠܗܠܝܢ ܬܘܒ ܕܒܝܬ ܬܝܕܘܣܝܣ [ܒܚܐܦܐ ܪܒܐ ܥܠܝܗܘܢ] ܡܿܝܬܝܐ ܗܘܬܿ. ܘܗܼܘ ܛܪܘܢܐ ܐܬܩܛܠܼ. ܘܚܝܠܗ ܟܠܗ ܐܒܕ ܒܩܪܒܐ.܀܀ ܫܢܬ ܫܒ̈ܥܡܐܐ ܘܫ̈ܬܼ. ܡܝܬ ܬܝܕܘܣܝܣ ܡܠܟܐ. ܘܐܚܕܘ ܒܢ̈ܘܗܝ ܫܘܠܛܢܗ.܀ ܘܒܗܿ ܒܫܢܬܐ ܗܪܐܼ. ܥܠܘܢ ܗܘ̈ܢܝܐ ܠܐܪܥܐ ܕܒܝܬ ܪ̈ܗܘܡܝܐ. ܘܐܚܪܒܘ ܐܬܪ̈ܘܬܐ ܟܠܗܘܢ ܕܣܘܪܝܐ ܕܒܫ̈ܦܘܠܝ ܛܘܪܐ ܨܗܝܐ. ܗܢܘ ܕܝܢ ܐܪܙܢ ܘܡܝܦܪܩܛ ܘܐܡܕ ܘܗܙܝܛ ܘܫܡܫܝܛ. ܘܟܕ ܥܒܪ ܦܪܬܼ. ܩܛܠ ܓܫܪܐ ܥܠܝܗܘܢ. ܘܐܬܟܢܫ ܚܝܠ̈ܘܬܐ ܕܪ̈ܗܘܡܝܐ ܡܢ ܓܒ̈ܝܢ ܥܠܝܗܘܢ. ܘܚܪܒܘ ܐܢܘܢ. ܘܐܢܫ ܠܐ ܐܫܬܘܙܒ ܡܢܗܘܢ.܀ ܒܗܢܐ ܙܒܢܐ ܐܬܚܒܫܘ ܥܡܐ ܒܚܣܢܐ ܕܙܝܛ. ܟܕ ܡܢܥ ܕܝܢ ܪܘܓܙܐ ܗܢܐ ܠܐܪܥܐ ܕܐܡܕ ܕܚܝܠܐ ܕܗܘܢܝ̈ܐܼ. ܥܪܩ ܥܡܐ ܟܠܗ ܕܐܬܪܐܼ. ܘܥܼܠ ܠܚܣ̈ܢܐ

Page 188

ܕܥܠ ܕܩܠܬ ܢܗܕܐ ܘܠܥ ܕܐܒܐ܇ ܕܡܬܩܪܝܢ ܚܣܢܐ ܕܙܝܛ ܪܒܐ ܘܚܣܢܐ ܕܙܝܛ ܣܩܘܛܐ. ܘܚܣܢܐ ܕܐܝܓܠ ܗܿܘ ܕܣܢܚܪܝܒ ܡܠܟܐ ܕܐܬܘܪ. ܗܢܐ ܕܝܢ ܚܣܝܢܐ ܪܒܐ ܕܙܝܛ ܒܝܬ ܕܩܠܬ ܠܕܒܐ ܐܝܬܘܗܝ ܗܘܐ. ܕܒܐ ܥܒܪ ܡܢ ܡܥܪܒܐ ܠܫܘܪܐ ܘܕܩܠܬ ܡܢ ܡܕܢܚܐ. ܘܚܒܟܝܢ ܥܠ ܚ̈ܕܕܐ ܬܝܡܢܐ ܠܫܘܪܐ. ܘܣܓܝ ܥܣܩܐ ܘܠܐ ܡܬܟܒܫܢܐ ܐܝܬܘܗܝܼ. ܒܗܿܝ ܕܒܪܘܡܐ ܣܓܝܐܐ ܩܐܡ ܘܬܪܥܐ ܚܕ ܐܝܬ ܠܗ.. ܗܘܢܝ̈ܐ ܕܝܢ ܐܚܕ ܠܬܪܥܐ ܕܫܘܪܐ. ܘܐܦ ܠܙܡܙܘܪ̈ܐ ܕܢܚܬܝܢ ܠܕܩܠܬ ܘܠܕܒܐܼ ܩܡܘ ܥܢܝܗܘܢ ܘܐܚܕܘ ܐܢܘܢ. ܥܕܡܐ ܕܣܦܘܢ ܒܢ̈ܝܢܫܐ ܒܓܘܗ ܡܢ ܨܗܝܐ. ܘܗܠܝܢ ܕܦܫ ܠܚܪܬ ܐܫܠܡܘܗܝ ܠܚܣܢܐ.. ܗܘܢܝ̈ܐ ܕܝܢܼ ܡܛܠ ܕܕܠܐ ܪ̈ܚܡܐ ܐܢܼܘܢ: ܚܪܒܘܗܝ ܠܥܡܐ ܟܠܗ ܒܦܘܡܐ ܕܣܝܦܐܿ. ܘܕܫܪܟܐ ܫܒܘ ܐܢܘܢ. ܘܐܘܩܕܘܗܝ ܒܢܘܪܐܼ. ܘܠܐ ܬܘܒ ܐܬܝܬܒ ܚܣܝܢܐ ܗܿܘ ܟܠ ܟܠܗ.. ܪܘܦܝܢܣܘ ܕܝܢ ܗܘܦܪܟܐ ܕܡܠܟܐܼ ܟܕ ܠܘܬ ܪ̈ܓܠܘܗܝ ܕܡܠܟܐ ܝܬܝܒ ܩܛܠܘܗܝ ܪ̈ܗܘܡܝܐ. ܥܠ ܠܡ ܕܒܝܕ ܛܪܘܢܘܬܗ ܗܼܘ ܗܘܐ ܥܠܬܐ ܠܡܬܝܬܐ ܕܗܘ̈ܢܝܐ.܀܀ ܫܢܬ ܫܒ̈ܥܡܐܐ ܘܫܒ̈ܥܼ. ܡܝܬ ܢܩܛܘܪ ܐܦܝܣܩܦܐ ܕܩܘܣܛܢـ. ܘܗܘܼܐ ܚܠܦܘܗܝ ܩܕܫܝܐ ܝܘܚܢܢ. ܗܢܐ ܕܝܢ ܝܘ[ܚܢܢ ܐܝܬܘܗܝ ܗܘܐ ܒܓܢܣܗ ܡܢ ܐܢܛܝܘܟܝܐ] ܕܣܘܪܝܐ. ܒܪܗ ܕܣـ[ܩܘܢܕܘܣ] . . . . . . . . . ܪܒܐ ܕܒܢܿܝ ܡܕܝܢܬܐ. ܘܐܝܬܘܗܝ ܬܠܡܕܝܗ ܕܠܝܒܢܝܘܣ ܣܘܦܣܛܐ. ܒܥܡ̈ܠܐ ܕܝܢ ܪ̈ܘܪܒܐ ܐܬܪܕܝ ܡܢ ܩܕܝܫܐ ܐܘܓܪܝܣ ܘܒܣܝܠܝܣ ܕܩܣܪܝܐ.܀܀ ܫܢܬ ܫܒ̈ܥܡܐܐ ܘܬܡ̈ܢܐܼ. ܘܗܘܼܐ ܬܐܕܘܪܣ ܐܦܝܝܣܩܦܐ ܕܡܡܦܣܝܣܛܐ. [ܘܡܟܣܝܡܘܣ ܒـ]ܣܠـ[ܘܩܝܐ.܀ ܒܗܢܐ ܕܝܢ ܙܒܢܐ] ܡܬܝܕܥ ܥܒܣܡܝܐ

Page 189

ܡܠܦܢܐܼ. ܒܪ ܚܬܗ ܕܡܪܝ ܐܦܪܝܡ . . . . . . . ܘܥܒܕ ܡܕܪ̈ܫܐ ܥܠ ܡܬܝܬܐ ܕܗܘ̈ܢܝܐ.܀܀ ܫܢܬ ܫܒ̈ܥܡܐܐ ܘܬܫ̈ܥܼ. ܐܫܬܓܫ ܥܡܐ ܕܐܠܟܣܢܪܕܝܐܼ. ܡܢ ܗܢܘܢ ܕܡܗܝܡܢܝܢ [ܟܗܢܘ]ܬܐ. ܟܕ ܠܐ ܫܿܠܝܢ ܗܘܘ ܡܢ ܗܿܝ ܕܢܥܝܪܘܢ ܫܓܘܫܝܐ ܗܢܘܢ ܥܠܝܗܘܢ ܟܗ̈ܢܐ ܥܠ ܚܕܕܧܐ ܩܝܡܝܢ ܗܘܘ ܘܠܒܝܗܫܬܐ ܡܬܕܪܫܝܢ [ܗܘܘ.] ܘܪܫܐ ܕܝܢ ܕܒܝܫܬܐ ܡܢ ܡܨܪܝܢ ܗܘܐ ܗܘܐ. ܡܛܠ ܥܠܬܐ ܕܐܝܟ ܗܕܐܼ. ܕܐܢ ܦܓܪܐ ܐܝܬ ܠܗ ܠܐܠܗܐ ܘܒܐܣܟܡܐ ܐܝܬܘܗܝ ܗܘܐ ܕܒܪܢܫܐ. ܐܘ ܕܠܐ ܦܓܪܐ ܗܼܘܼ. ܘܡܚܪܪ ܡܢ ܐܝܢܐ ܕܗܼܘ ܐܣܟܡܐ ܕܒܪܢܫܐ. ܘܡܢ ܗܕܐ ܥܠܬܐ ܚܪ̈ܝܢܐ ܘܫ̈ܓܘܫܝܐ ܣܓܝ̈ܐܐ ܡܬܙܝܥܝܢ ܡܢ ܣ̈ܓܝܐܐ. ܐܝܬ ܓܝܪ ܡܢܗܘܢ ܕܠܗܕܐ ܡܠܬܐ ܫܠܡܝܢ ܗܘܘ. ܐܚܪ̈ܢܐ ܕܝܢ ܡܠܬܐ ܕܕܠܩܘܒܠܐ ܡܿܩܝܡܝܢ ܗܘܘ. ܘܝܬܝܪܐܝܬ ܡܢ ܕܝܪ̈ܝܐ.܀܀ ܫܢܬ ܫܒ̈ܥܡܐܐ ܘܥܣܪܼ. ܣܘܪܝܢܐ ܕܓܒܠ ܡܬܝܕܥ. ܐܢـ[ܛܝܟܝܣ] ܕܥܟܘ.܀܀ ܫܢܬ ܫܒ̈ܥܡܐܐ ܘܚܕܥܣܪ̈ܐܼ. ܡܬܝܕܥ ܐܦـ[ܝܦܢܘܣ] ܕܩܦܪܘܣ. ܘܬܝܕܘܪܣ ܕܡܡܦܝܣܛܘܣܼ. ܡܦܫܩܢܐ ܕܟܬܒ̈ܐ ܡܬܝܕܥ.܀܀ ܘܒܫܢܬ ܫܒ̈ܥܡܐܐ ܫܒܥܣܪ̈ܐܼ. ܢܦܩܘܼ ܝܘܚܢܢ ܕܩܘܛܢـ ܡܢ ܟܘܪܣܝܗ. ܒܪܡ ܠܘ ܥܠ ܐܦ̈ܝ ܗܝܡܢܘܬܐܼ. ܐܠܐ ܡܛܠ ܡܟܣܢܘܬܐ ܓܠܝܬܐ ܕܠܘܬ [ܡܠܟܬܐ. ܕܐܦ] ܗܝܼ ܡܠܟܬܐ ܡܢ ܒܬܪ ܐܪ̈ܒܥܐ ܝܘ̈ܡܝܢ ܕܐܟܣܘܪܝܐ ܕܝܘܚܢܢ ܡܝܬܬܿ. ܘܟܠܢܫ ܐܡܼܪ ܕܥܠ ܥܘܠܐ ܕܥܒܼܕܬܿ ܒܩـ[ܬܪܝܣܝܣ ܕܝܘܚܢܢ] (ܗܿܝ ܕܗܘܬܼ.)܀ ܘܬܘܒ ܒܗܿ ܒܫܢܬܐܼ. ܗܘܐ ܒܪܕܐ ܪܒܐ. ܕܠܐ ܐܬܚܙܝ [ܡܬܘܡ] ܐܟܘܬܗ. ܘܩܘܪܝܢܝ ܐܦܝܣܩܦܐ ܕܟܠܩܕܘܢܐܼ [ܩܿܪܐ ܗܘܼܐ] ܠܝܘܚܢܢ ܪܫܝܥܐ. ܘܟܕ ܟܢܝܫܐ ܣܘܢܗܕܘܣܼ ܕܼܫ ܡـ[ܪܘܬܐ] ܥܠ ܪܓܠܗ ܕܩܘܪܝܢܝܼ. ܕܠܐ ܡܢ ܨܒܝܢܗ. ܘܡܢ ܗܕܐ ܬ[ܡܣܘܬܐ] ܥܒܕܬ ܐܝܟܐܢ ܕܡܢ ܐܘܠܨܢܐ ܗܕܐ

Page 190

ܙܒ̈ܢܝܢ ܣܓܝ̈ܐܬܐ [ܬܬܢܣܪ.] ܘܐܦ ܗܼܝ ܪܓܠܐ ܐܚܪܬܐ ܬܬܢܣܪ. ܡܛܠ ܕܪܥܼܐ ܟܐܒܐ ܒܟܠ ܦܓܪܗ. ܘܥܠ ܗܕܐܼ ܣ̈ܓܝܐܐ ܐܡܿܪܝܢ ܗܘܘܼ ܐܬܬܒܥ ܩܘܪܝܢܝ. [ܘܒܪܕܐ] ܢܚܬ. ܘܡܠܟܬܐ ܡܝܬܬ.. ܘܐܦ ܥܕܬܐ ܗܘܐ ܒܗܿ [ܣܕܩܐ.] ܠܘ ܡܛܠ ܗܝܡܢܘܬܐܼ. ܐܠܐ ܥܠ ܐܦ̈ܝ ܛܠܘܡܝܐ ܕܗܘܐ ܥܠ [ܝܘܚܢܢ.] ܗܘܐ ܕܝܢ ܚܠܦܘܗܝ ܐܪܝܣܩܘܣ ܐܚܘܗܝ ܕܢܩܛܘܪܼ. ܗܿܘ ܕܡܢ ܩܕܡ ܝܘܚܢܢ.܀܀ ܫܢܬ ܫܒܥ̈ܡܐܐ ܘܬܡܢܥܣܪ̈ܐܼ. ܡـ[ܝܬ] ܗܿܘ ܐܪܝܣܩܘܣ [ܐܦܝܣܩܦܐ ܕܩܘܣܛܢܛܝܢܦܘܠܝܣ]܀ ܫܢܬ ܫܒ̈ܥܡܐܐ ܘܥܣܪ̈ܝܢ܆ [ܡܝܬ ܐܪܩܕܝܣ] ܡܠܟܐ. ܗܘܼܐ ܚܠܦܘܗܝ ܬܝܕܣܝܘܣ ܙܥܘܪܐ ܒܪܗ. ܐܡܠܟ ܕܝܢ ܐܪܩܕܝܣ ܥܡ ܬܝܕܣܝܣ ܐܒܘܗܝܼ. ܬܠܬܥܣܪ̈ܐ ܫܢ̈ܝܢ. ܘܒܬܪ ܐܒܘܗܝܼ ܪ̈ܒܥܣܪܐ ܫܢ̈ܝܢ. ܘܟܠܗܘܢ [ܚܝ̈ܘܗܝ ܬ̈ܠـ]ܬܝܢ ܘܚܕܐ ܫܢܬܐ.܀܀ ܫܢܬ ܫܒ̈ܥܡܐ ܘܥܣܪ̈ܝܢ ܘܚܕܐܼ. ܡܝܬ ܩܕܫܝܐ ܬܝܦܝܠܘܣ ܦܛܪܝܪܟܐ [ܕܐܠܟܣܝܢܕܪ]ܝܐ. ܘܗܘܐ ܒܕܘܟܬܗ ܩܕܫܝܐ ܩܘܪܝܠܣ ܒܪ ܐܚܘܗܝ.܀܀ ܫܢܬ ܫܒ̈ܥܡܐܐ ܘܥܣܪ̈ܝܢ ܘܬܪ̈ܬܝܢ܆ ܗܘܐ ܕܝܐܓܢܝܣ ܐܦܝܣܩܦܐ ܒܐܘܪܗܝ. ܘܒܢܼܐ ܒܝܬ ܒܪܐܠܗܐ.܀ ܘܒܗܿ ܒܫܢܬܐ ܗܕܐܼ. ܐܬܚܝܕ ܡܩܕܘܢܝܣ ܠܥܕܬܐܼ ܘܩܒܠ [ܗܝܡܢـ]ܘܬܐ ܕܒܪ ܐܝܬܘܬܐ. ܘܐܫܬܕܝ ܬܝܕܘܣܝܣ ܡܢ ܟܘܪܣܝܗ. ܘܩܒܼܠ ܕܘܟܬܗ ܐܓܪܦܐ.܀܀ ܘܒܫܢܬ .ܥܿ. ܘܥܣܪ̈ܝܢ ܘܬܠܬܼ̈. ܡܝܬ ܗܼܘ ܕܝܐܓܢܝܣ. ܘܩܒܠ ܗܘܐ ܕܘܟܬܗ ܩܕܝܫܐ ܪܒܘܠܐ. ܘܒܢܐ ܒܝܬ ܡܪܝ ܐܣܛܦܢܣܼ. ܕܐܝܬܘܗܝ ܒܝܬ ܟܢܘܫܬܐ ܕܝ̈ܗܘܕܝܐ.܀܀ ܫܢܬ ܫܒܥܡ̈ܐܐ ܘܥܣܪ̈ܝܢ ܘܐܪ̈ܒܥܼ. ܒܐܝܪܚ ܢܝܣܢ ܗܘܐ ܫܦ̈ܥܐ ܪ̈ܘܪܒܐ

Page 191

ܘܩܫ̈ܝܫܐ ܒܕܝܨܢ ܐܝܢܐ ܕܡܨܥܬ ܐܘܪܗܝ ܥܒܪܼ ܒܥܕܢܐ ܕܠܠܝܐ. ܘܐܫܬܟܪ ܡ̈ܦܩܢܘܗܝ ܕܝܠܗ ܕܢܗܪܐ. ܘܚܒܘ ܡܝ̈ܐ. ܘܫܦܥ ܥܠ ܟܠܗܘܢ ܫܘ̈ܩܐ. ܘܟܠܗܘܢ ܒ̈ܬܐ ܕܠܒ̈ܢܐ . . . . . ܘܛܝܢܐ ܬܪܘܢ ܘܢܦܠ ܥܠ ܡܪ̈ܝܗܘܢ. ܘܚܢܩ ܐܢܘܢ ܒܓܘܗܘܢ. ܘܐܠܐ ܐܢ ܒ̈ܬܐ ܐܝܠܝܢ ܕܡܫܪܪܝܢ ܒܟܐܦܐ ܘܟܠܫܐܼ. ܠܐ ܦܫ ܡܕܡ ܕܠܐ ܐܬܚܒܠ ܒܝܕ ܡܡܘܠܐ݊: ܐܠܐ ܐܢ ܩܠܝܠ ܕܒܫܦܘܠܬܐ ܕܛܘܪܐ ܐܝܬܝܗܘܢ. ܟܕ ܐܦ ܒܗܘܢ ܒܒ̈ܬܐ ܕܟܠܫܐܼ ܣܓܝ̈ܐܐ ܐܬܚܢܩ ܒܗܘܢ ܒܬܚܬܝܗܘܢ. ܟܕ ܕܝܢ ܐܬܪܥ ܫܘܪܐ ܡܢ ܩܫܝܘܬܗ ܕܡܡܘܠܐܼ. ܓܪܦ ܥܡܗ ܒ̈ܬܐ ܘܩܝ̈ܣܐ [ܘܩܢܝܐ ܘܒܢܝܢ̈ܫܐ] ܘܨܒܘ̈ܬܐ ܟܠܗܝܢ ܕܚܫܚܬܐ [ܕܚܝ̈ܝܗܘܢ ܕܒܢܝ̈ܢܫܐ]. ܟܕ ܐܦ ܝܬܝܪ ܡܢ ܓܘ̈ܢܚܐ ܘܕܥܒܕ ܒܡܕܝܢܬܐܼ. ܥܒܕ ܒܦܩܥܬܐ ܟܠܗܿ ܕܐܘܪܗܝ ܘܕܚܪܢ ܘܕܟܠܗ ܡܚܬܗ ܥܕܡܐ ܕܚܒܟ [ܒܦܪܬ.]܀܀ ܒܗܢܐ ܕܝܢ ܙܒܢܐܼ. ܥܡܐ ܣܓܝܐܐ ܕܚܢ̈ܦܐ [ܐܬܗܝܡܢ ܘ]ܥܡܕ ܡܢ ܥܠܬܐ ܕܐܝܟ ܗܕܐ. ܝܗܘܕܝܐ ܓܝܪ [ܒܪ ܡܫܪܝܐ] ܐܝܬ ܗܘܐ ܕܪܡܐ ܒܥܪܣܐ ܡܢ ܫܢ̈ܝܐ ܣ̈ܓܝܐܬܐ. [ܘܟܠܗܿ] ܐܡܢܘܬܐ ܕܐܣܝܘܬܐ ܐܬܚܘܝܬ ܒܗ. ܘܐܘܦܝ ܟܠܗܝܢ [ܨ̈ܠܘ]ܬܐ ܝܗ̈ܘܕܝܬܐ. ܘܟܕ ܡܕܡ ܡܢܗܝܢ ܠܐ ܐܬܥܕܪܼ. ܐܬܓܘܣ ܒܡܥܡܘܕܝܬܐ ܩܕܝܫܬܐ ܕܟܪ̈ܣܛܝܢܐ. ܘܗܝܡܢ ܕܒܗܕܐ ܗܼܘ ܒܠܚܘܕ ܡܬܐܣܐ. ܘܟܕ ܗܕܐ ܕܝܢ ܠܐܛܝܩܣ ܦܛܪܝܪܟܐ ܐܬܝܕܝܥܬܿ. ܬܠܡܕܗ ܘܣܒܪܗ ܥܠ ܡܥܡܘܕܝܬܐ ܕܒܡܫܝܚܐ. ܘܦܩܕ ܕܟܕ ܛܥܝܢܝܢ ܠܗ ܒܥܪܣܐܼ. ܢܘܒܠܘܢܝܗܝ ܠܒܝܬ ܡܥܡܘܕܝܬܐ. ܘܗܼܘ ܕܝܢ ܝܗܘܪܝܐ ܗܿܘ ܡܫܪܝܐ ܒܗܝܡܢܘܬܐ ܫܪܝܪܬܐܼ. ܩܒܠ ܡܥܡܘܕܝܬܐ. ܘܟܕ ܡܢ ܡ̈ܝܐ ܣܠܩ ܡܬܚܪܐ

Page 192

ܐܬܚܙܝ ܡܢ ܟܠܗܘܢ ܟܐܒ̈ܘܗܝ. ܘܥܡ ܗܠܝܢ ܕܚܠܝܡܝܢ ܡܕܝܨ ܗܘܐ. ܗܕܐ ܕܝܢ ܐܬܐܼ ܒܙܒܢܐ ܗܢܐ ܐܬܚܙܝܬܼ. ܕܡܛܠܬܗܿ ܚܢ̈ܦܐ ܣܓܝ̈ܐܐ ܗܝܡܝܢ ܘܥܡܕ.܀ ܘܬܘܒ ܕܒܢ ܒܙܒܢܐ ܗܢܐܼ ܩܫܝܫܐ ܣܡܒܛܝܣ ܕܩܘܣܛܢܛܝـ ܫ̈ܓܘܫܐ ܣܓܝ̈ܐܐ ܐܪܡܝ ܒܥܕܬܐܼ ܡܢ ܥܠܬ ܦܨܚܐ. ܘܟܕ ܚܙܐ ܕܝܢ ܡܪܩܝܢܘܣ ܐܦܝܣܩܦܐ ܠܫ̈ܓܘܫܐ ܣܓܝ̈ܐܐ ܕܥܒܼܕ܆ ܐܡܪ. ܠܘܝ ܥܠ ܟܘ̈ܒܐ ܣܝܡ ܗܘܐ ܠܝ ܐܝ̈ܕܝ ܘܠܐ ܥܠ ܣܒܛܝܣ.܀܀ ܫܢܬ ܫܒܥܡ̈ܐܐ ܘܥܣܪ̈ܝܢ ܘܚ̈ܡܫܼ. ܩܕܫܝܐ ܡܪܘܬܐ ܐܦܝܣܩܦܐ ܕܡܝܦܪܩܛܐ ܡܬܝܕܥ.. ܗܢܐ ܐܫܬܕܪ ܡܢ ܡܠܟܐ ܬܝܕܣܝܣ ܠܘܬ ܐܝܙܕܓܪܕ ܡܠܟܐ ܕܦܪܗܣܝܐ. ܘܥܒܕ ܫܝܢܐ ܒܝܢܬܗܘܢ.܀ ܘܒܗ ܒܗܢܐ ܙܒܢܐ ܐܬܟܢܫܬܿ ܣܘܢܕܘܣ ܦܪܣܬܐ ܘܩܝܡܬܿ ܠܗܝܡܢܘܬܐ ܕܢܩܝܐ. ܪ̈ܫܢܝܗܿ ܕܝܢ ܐܝܬܝܗܘܢ (ܗܘܘ) ܡܪܘܬܐ ܕܡܝܦܪܩܛܐ. ܘܝܒܠܗܐ ܩܬܠܝܩܐ ܕܩܛܝܣܦܢ.. ܐܬܟܢܫܼܬܿ ܕܝܢ ܒܗܿ ܒܩܛܝܣܦܢ.܀ ܒܬܪ ܦܘܠܝܢܐ ܕܐܢܛܝܟܝܐܼ ܩܒܠ ܕܝܢ ܦܪܦܘܪܝܘܣ. ܘܒܬܪܗ ܐܠܟܣܢܕܪܣ.. ܒܪܘܡܐ ܕܝܢ ܡܢ ܒܪܬ ܕܡܣܘܣܼ ܗܘܼܐ ܦܛܪܝܪܟܐ ܬܡܢ ܣܪܝܩܝܣ. ܘܒܬܪܗ ܐܢܣܛܣ. ܘܡܢ ܒܬܪ ܗܢܐ ܐܝܢܘܩܢܛܝܣ. ܘܡܢ ܒܬܪܗ ܙܘܣܝܡܘܣ. ܘܬܘܒ ܒܘܢܦܛܝܣ. ܘܡܢ ܒܬܪ ܗܢܐ ܩܒܠ ܩܕܝܫܐ ܩܠܣܛܝܢܘܣ܀ ܒܗܢܐ ܕܝܢ ܙܒܢܐ ܡܬܝܕܥܝܢ ܪܒܘܠܐ ܕܐܘܪܗܝ. ܐܩܝܩܣ ܐܦܝܣܩܦܐ ܕܐܡܕ. ܘܐܩܝܩܣ ܐܪܚܢܐ ܕܫܡܝܫܛ..܀܀ ܫܢܬ ܫܒܥ̈ܡܐܐ ܘܥܣܪ̈ܝܢ ܘܬܡ̈ܢܐ܆ ܐܠܘܪܝܟܣ ܒܪܒܪܝܐ ܐܚܪܒܗܿ ܠܪܗܘܡܐ. ܘܐܦܩ ܠܥܡܘܪ̈ܝܗܿ ܒܫܒܝܐ.܀܀ ܫܢܬ ܫܒ̈ܥܡܐܐ ܘܥܣܪ̈ܝܢ

Page 193

ܘܬܫܥܼ. ܩܛܠܗ ܬܝܕܣܝܘܣ ܠܐܠܘܪܝܟܣ ܒܪܒܪܝܐ. ܘܐܦ ܚܝܠܗ ܟܠܗ ܐܒܕ ܒܩܪܒܐ.܀ ܒܗܢܐ ܕܝܢ ܙܒܢܐܼ ܡܠܦܢܐ ܡܪܝ ܐܝܣܚܩ ܡܢ ܐܡܕ ܡܕܝܢܬܐ ܕܒܝܬ ܢܗܪ̈ܝܢ ܡܬܝܕܥܼ. ܘܡܟܬܒ ܡܐܡܪ̈ܐ ܥܠ ܚܪܒܗܿ ܕܪܘܡܐ ܪܒܬܐ.܀܀ ܘܒܫܢܬ ܫܒ̈ܥܡܐܐ ܘܬ̈ܠܬܝܢ܆ ܥܒܕ ܝܗܘ̈ܕܝܐ ܟܡܐܢܐ [ܠܟܪ̈ܣܝܛܢܐ] ܒܐܠܟܣܢܕܪܝܐ. ܘܥܡܐ ܣܓܝܐܐ ܐܘܒܕ ܡܢܗܘܢ. ܘܦܩܼܕ ܥܠܝܗܘܢ ܡܠܟܐܼ. ܘܐܬܚܪܒܘ ܟܠܗܘܢ. ܘܕܫܪܟܐ ܛܪܕ ܐܢܘܢ ܡܢܗܿ.܀܀ ܫܢܬ ܫܒ̈ܥܡܐܐ ܘܬ̈ܠܬܝܢ ܘܚܕܐܼ. ܩܼܡ ܐܘܛܘܟܐ [ܗܪܛܝܩܐܼ ܘܣܕܩ ܥܕܬܐ.܀܀ ܫܢܬ ܫܒ̈ܥܡܐܐ ܘܬ̈ܠܬܝܢ ܘܬܪ̈ܬܝܢ܆ ܩܼܡ ܪܕܘܦܝܐ ܩܫܝܐ ܘܥܙܝܙܐܼ ܘܕܠܐ ܪ̈ܚܡܐܼ. ܒܐܪܥܐ ܕܦܪ̈ܣܝܐ ܥܠ ܟܪ̈ܣܛܝܢܐ.܀܀ ܫܢܬ ܫܒ̈ܥܡܐܐ ܘܬ̈ܠܬܝܢ ܘܐܪ̈ܒܥܼ. ܐܣܗܕ ܩܕܝܫܐ ܝܥܩܘܒ ܡܦـ[ܣܩܐ.] ܡܢ ܒܝܬ ܠܦܛ ܡܝܕܢܬܐ ܕܗܘ̈ܙܝܐ.܀܀ ܫܢܬ ܫܒ̈ܥܡܐܐ ܘܬܠܬܝܢ ܘܚ̈ܡܫܼ. ܐܫܬܒܝܬ ܐܪܙܘܢ ܡܢ ܪ̈ܗܘܡܝܐ.. ܒܗܕܐ ܓܝܪ ܫܢܬܐ ܢܚܬ ܚܝܠܐ ܣܓܝܐܐ ܕܪ̈ܗܘܡܝܐ. ܘܫܒܗܿ ܠܐܪܙܝܢ ܕܦܪ̈ܣܐ ܘܐܝܬܝܗܿ ܠܐܡܕ. ܘܢܦܩ ܩܕܝܫܐ ܐܩܝܩܣ ܐܦܝܣܩܦܐ ܕܐܡܕ. ܘܫܩܠ ܕܗܒܐ ܡܢ ܥܕܬܐ ܕܝܠܗܿ ܕܐܡܕ܆ ܘܦܪܩ ܡܢ ܫܒܝܬܐ ܥܣܪ̈ܐ ܐܠܦܝ̈ܐ ܒ̈ܬܐ. ܘܐܦ ܪܘܪ̈ܒܢܐ ܦܪܩ ܕܫܪܟܐ. ܘܒܙܘ̈ܕܐ ܫܦܝܪ̈ܐ ܫܕܪ ܐܢܘܢ ܠܐܬܪܗܘܢ.܀ ܘܒܗܿ ܒܫܢܬܐ ܡܚܐ ܩܪܒܐ ܗܘܼ ܐܪܕܒܘܪ (ܪܒ) ܚܝܠܐ ܕܪ̈ܗܘܡܝܐ ܥܡ ܢܪܣܐ ܕܦܪ̈ܣܐ ܘܚܒܘܼ ܢܪܣܐ ܘܚܝܠܗܼ ܘܥܪܩ.܀܀ ܫܢܬ ܫܒ̈ܥܡܐܐ ܘܬ̈ܬܠܝܢ ܘܫ̈ܬܼ. ܢܚܼܬ ܬܘܒ ܚܝܠܐ ܕܪ̈ܗܘܡܝܐܼ ܘܢܩܫ ܥܠ ܢܨܒܝܢ. ܘܚܫܒܘܗܿ ܡܢ ܕܐܠܨܘܗܿ ܠܡܕܝܢܬܐ. ܘܥܒܕ ܥܠܝܗܿ ܦܘܪ̈ܩܣܐ ܕܩܝܣܐ ܕܡܗܠܟܝܢ ܘܩܕܒ ܥܠ ܓܢܒ ܫܘܪܐ. ܘܠܐܢ̈ܫܐ ܣܓܝ̈ܐܐ ܡܢ ܗܢܘܢ ܕܡܩܿܪܒܝܢ ܗܘܘ ܥܠ ܫܘܪܐ

Page 194

ܩܛܠ.. ܢܪܣܐ ܕܝܢ ܥܬܕ ܐܦ ܗܼܘ ܚܝܠܐ ܣܓܝܐܐ ܕܦܪ̈ܣܝܐ ܠܡܩܪܒܘ ܥܡ ܪ̈ܗܘܡܝܐ. ܘܫܠܚ ܢܪܣܐ ܠܐܪܕܒܘܪ. ܕܒܬܢܘܝ ܢܥܒܕܘܢ ܩܪܒܐ. ܘܢܬܚܡܘܢ ܕܘܟܬܐ ܘܝܘܡܐ ܠܬܟܬܘܫܐ.. ܪܒ ܚܝܠܐ ܕܝܢ ܕܪ̈ܗܘܡܝܐ ܐܡܼܪ ܠܐܝ̈ܙܓܕܐܼ. ܕܗܟܐܢ ܐܡܪ ܠܢܪܣܐܼ. ܕܠܘ ܐܡܬܝ ܕܐܢܬ ܒܿܥܐ ܐܢܬܼ ܥܒܕܝܢ ܩܪܒܐ ܡܠ̈ܟܐ ܕܪ̈ܗܘܡܝܐ.. ܘܟܕ ܗܠܝܢ ܡܬܐܡܪ̈ܢ ܗܘ̈ܝܼ ܫܕܪ ܡܠܟܐ ܕܪ̈ܗܘܡܝܐ ܚܝܠܐ ܣܓܝܐܐ. ܟܕ ܨܿܒܐ ܗܘܐ ܕܢܚܣܘܢ ܠܦܘܪ̈ܣܝܐ. ܐܦ ܐܫܠܡܗ ܠܩܪܒܐ ܟܠܗ ܒܐܕ̈ܝ ܐܠܗܐ. ܘܬܟܝܠܐܝܬ ܐܬܠܒܒ ܥܠ ܗܕܐ. ܘܡܛܠ ܕܗܡܝܢ ܡܠܟܐ ܒܐܠܗܐܼ ܩܠܝܠܐܝܬ ܐܫܟܚ ܡܢܗ ܥܘܕܪܢܐ. ܟܕ ܓܝܪ ܟܠܗܘܢ ܗܢܘܢ ܕܒܩܘܣܛܢܛܝܢܦܘܠܣ ܒܐܓܘܢܐ ܘܒܩܢܛܐ ܪܒܐ ܐܝܬܝܗܘܢ: ܕܡܢܐ ܓܼܕܫ ܒܩܪܒܐܼ. . . ܡܠܐܟ̈ܐ ܓܝܪ ܕܐܠܗܑܼ ܐܬܚܙܝܘ ܥܠ ܓܢܒ ܒܬܘܢܝܐܼ ܠܐܝܠܝܢ ܕܡܛܠ ܣܘܥܪ̈ܢܝܗܘܢ ܐܙܿܠܝܢ ܗܘܘ ܠܩܘܣܛܢܛܝܢܦܠܝܣ. ܘܦܩܕ ܐܢܘܢ ܕܢܐܡܪܘܢ ܠܡܠܟܐ ܘܠܥܡܐ ܕܢܬܠܒܒܘܢ ܘܢܨܠܘܢ. ܐܦ ܢܗܝܡܢܘܢ ܒܐܠܗܐ ܕܪ̈ܗܘܡܝܐ ܙܿܟܝܢ. ܟܕ ܐܡܪܝܢ ܕܡܢ ܐܠܗܐ ܐܫܬܕܪܘ ܕܢܬܠܘܢ ܙܟܘܬܐ ܠܪ̈ܗܘܡܝܐ ܒܩܪܒܐ.. ܒܪܗܪܢ ܕܝܢ ܡܠܟܐ ܕܦܪ̈ܣܐ. ܟܕ ܚܙܐ ܕܐܬܚܪܒ ܚܝܠܗ: ܘܐܬܪܐܕܐܪܙܘܢ ܐܫܬܒܝ. ܘܐܦ ܢܨܒܝܢ ܐܬܬܣܝܡܬ ܒܐܘܠܨܢܐ ܕܚܒܘܫܝܐ. ܘܬܘܒ ܥܠܝܗܘܢ ܩܪܒܐ ܡܢ ܟܠ ܓܒ̈ܝܢ. ܥܬܕ ܗܼܘ ܩܢܘܡܗ ܕܢܐܬܐ ܠܩܪܒܐ. ܘܟܕ ܙܥܘ [ܗܟܝܠ ܡܢ ܚܝܠܐ] ܕܪ̈ܗܡܝܐܼ ܐܓܪ ܠܡܘܢܕܪ ܡܠܟܐ ܕܛܝ̈ܝܐ ܘܠܚܝܠܗ ܕܢܐܬܐ ܠܥܘܕܪܢܗ. ܘܟܕ ܕܝܢ ܐܬܼܐ ܡܘܢܕܪ ܥܡ ܪ̈ܒܘܬܐ ܣܓܝ̈ܐܬܐ ܕܛܝ̈ܝܐ: ܡܠܒܒ ܗܘܐ ܠܗ ܠܡܠܟܐ ܕܦܪ̈ܣܝܐܼ. ܟܕ ܡܫܬܘܕܐ ܠܗ ܕܒܥܓܠ ܡܫܥܒܕ ܠܗ ܪ̈ܗܘܡܝܐ [ܘܡܫܠܡ ܠܗ ܐܢܛܝܟܝܐ] ܕܣܘܪܝܐ. ܒܪܡ

Page 195

ܠܐ ܗܘܐ ܫܘܠܡܐ ܕܠܫܘܘܕܝܗ. ܐܠܗܐ ܓܝܪ [ܐܪܡܝ] ܕܚܠܬܐ ܒܛܝ̈ܝܐ. ܘܐܣܒܪܘ ܗܘܘ ܕܚܝܠܐ ܕܪ̈ܗܘܡܝܐ ܐܬܼܐ ܥܠܗܝܘܢ. ܘܟܕ ܐܫܬܓܫܘ ܘܠܝܬ ܗܘܐ ܠܗܘܢ ܐܬܪܐ ܕܢܥܪܩܘܢ: ܫܕܘ ܢܦܫܗܘܢ ܒܢܗܪܐ ܦܪܬ ܟܕ ܡܙܝܢܝܢ. ܘܐܬܚܢܩ ܡܢܗܘܢ ܐܝܟ ܥܣܪ̈ ܪ̈ܒܘܬܢ ܒܢ̈ܝܢܫܐ ܘܒܥܝܪ̈ܗܘܢ.. ܘܐܦ ܐܪܕܒܘܪ ܬܘܒ ܒܝܕ ܢܟܠܐܼ ܠܫܒ̈ܥܐ ܪ̈ܫܝ ܚܝܠ̈ܘܬܐ ܕܛܝ̈ܝܐ ܩܛܠ. ܘܗܠܝܢ ܐܚܪ̈ܢܐ ܕܐܫܬܚܪ ܒܝܕ ܡܥܕܪܢܘܬܐ ܕܐܠܗܐ ܩܠܝܠܐܝܬ ܐܬܚܪܒܘ.

ܦܘܣܩܐ ܡܢ ܬܫܥܝܬܐ ܕܥܠ ܗܠܝܢ ܬܡܢܝܐ ܛܠܝ̈ܐ ܕܐܦܣܘܣ. ܗܢܘ ܕܝܢ ܕܡܟܣܝܡܠܝܢܐ ܘܕܝܡܠܝܟܐ ܘܕܡܪܛܠܘܣ ܘܕܝܢܘܣܘܝ ܘܝܗܘܢܝܣ ܘܣܪܦܝܘܢ ܘܐܟܣܘܣܛܕܝܢܘܣ ܘܕܐܢܛܘܢܝܢܘܣ ܣ̈ܗܕܐ ܒܢ̈ܝ ܪܘܪ̈ܒܢܐ ܕܐܦܣܘܣ܀ ܒܗܢܐ ܕܝܢ ܙܒܢܐ ܗܪܣܝܣ ܕܛܘܥܝܝ ܘܕܘܘܕܐ ܐܒܥܼܬܿ ܒܕܝܐ ܘܫܓܫܼܬܿ ܘܕܠܚܬܿ ܠܥܕܬܐ. ܟܕ ܨܿܒܝܐ ܠܡܚܿܦܝܘ ܡܘܠܦܟܢܐ ܕܚܝܬ ܡܗܝܬܐܼ. ܘܨܼܒܘ ܠܡܒܛܠܘ ܫܘܘܕܝܐ ܕܩܝܡܬܐ ܕܫܟ̈ܒܝ ܥܦܪܐܼ. ܕܝܼܗܒ ܡܪܢ ܠܥܕܬܗ. ܘܛܒ̈ܐ ܡ̈ܕܘܕܐ ܒܐܕ̈ܢܘܗܝ ܕܡܿܠܟܐ ܡܗܝܡܢܐ ܢܦܠܝܢ ܗܘܘܼ. ܘܐܦ ܣܓܕ̈ܝ ܠܨ̈ܠܡܐ ܕܐܝܬ ܗܘܐ ܒܦܠܛܝܢ ܕܝܠܗܼ. ܟܬܒ̈ܝ ܙܐܦܐ ܒܓܠܝܐ ܩܕܡ ܐܦ̈ܘܗܝ ܐܕܢܚ ܗܘܘ: ܘܐܦܝ̈ܣܩܦܐ ܪ̈ܚܡܝ ܛܢܦܘܬܐܼ ܕܡܬܚܙܝܢ ܘܡܫܬܒܚܝܢ ܒܗܢܐ ܙܒܢܐܿ. ܒܥܕܬܐ ܡܥܪܩܠܘܬܐ ܣܓܝܐܬܐ ܐܪܡܝ. ܘܐܝܬܘܗܝ ܗܘܐ ܪܝܫܐ ܒܫܓܘܫܝܐܼ ܬܐܕܪܘܣ ܐܦܝܣܩܦܐ ܕܓܐܝܣ ܡܕܝܢܬܐܼ

Page 196

ܥܡ ܫܪܟܐ ܕܐܝܠܝܢ ܕܠܐ ܙܿܕܩ ܕܫܡ̈ܗܝܗܘܢ ܢܬܥܗܕ ܒܬܫܥܝܬܐ ܗܕܐ ܕܡܘ̈ܕܝܢܐ. ܡܛܠ ܕܫܓܫܘ ܠܥܕܬܗ ܕܐܠܗܐ܇ ܘܫܦܝܘܬܐ ܕܗܝܡܢܘܬܐ ܕܠܼܚ ܒܝܕ ܥܘܩ̈ܒܐ ܗܦܝ̈ܟܐ ܕܡ̈ܠܝܗܘܢ. ܗܝܕܝܢ ܗܼܘ ܬܝܕܣܝܘܣ ܡܿܠܟܐ ܡܚܫܒܬܗ ܟܠܝܘܡܼ ܒܒܟܝܐ ܡܬܕܠܚܐ ܗܘܬܼ. ܘܒܝܬ ܦܘܪ̈ܬܟܐ ܣ̈ܓܝܐܐ ܢܦܠ ܗܘܐ. ܟܕ ܚܿܙܐ ܗܘܐ ܗܝܡܢܘܬܐ ܕܥܕܬܐܼ. ܕܠܟܐ ܘܠܟܐ ܡܬܢܬܦܐ ܗܘܬ. ܡܢ ܗܪ̈ܝܛܝܩܘ ܓܝܪܼ ܐܡܿܪܝܢ ܗܘܘ܆ ܕܠܝܬ ܢܘܚܡܐ ܠܡ̈ܝܬܐ. ܘܐܚܪ̈ܢܐ ܬܘܒܼ ܐܡܿܪܝܢ ܗܘܘ܆ ܕܦܓܪܐ ܕܒܠܝܘ ܘܐܬܚܒܠܘ ܘܐܬܒܕܪ ܠܐ ܡܬܢܚܡ. ܐܠܐ ܠܡ ܢܦܫܐ ܗܘ ܒܠܚܘܕ ܡܩܿܒܠܐ ܡܘܠܟܢܐ ܕܚܝ̈ܐ. ܘܛܥܘ ܠܗܘܢ ܡܡ̈ܠܠܝ ܙܐܦܐܼ. ܘܠܐ ܐܣܬܟܠ ܕܠܐ ܡܬܘܡ ܐܬܝܠܕ ܥܘܠܐ ܡܢ ܟܪܣܐ ܒܠܥܕ ܦܓܪܐܿ. ܘܠܐ ܢܒܥ ܓܘܫܡܐ ܡܢ ܡܪܒܥܐ ܒܠܥܕ ܡܢ ܢܦܫܐ ܢܫܡܬܐ ܕܚ̈ܝܐ. ܘܐܬܚܪܫ ܡܕܥܗܘܢܼ ܘܠܐ ܨܬ ܠܡܘܠܟܢܐ ܕܐܼܡܪ ܡܪܢ܆ ܕܡ̈ܝܬܐ ܐܝܠܝܢ ܕܒܩܒܪ̈ܐ ܐܢܘܢ܆ ܢܫܡܥܘܢ ܩܠܗ ܕܒܪܗ ܕܐܠܗܐܼ ܘܢܚܘܢ.. ܘܬܘܒ ܐܡܝܪ ܕܢܬܬܥܝܪܘܢ ܘܢܫܒܚܘܢ ܫ̈ܟܒܝ ܥܦܪܐ.. ܘܬܘܒ ܐܡܝܪ ܕܢܬܬܥܝܪܘܢ ܘܢܫܒܚܘܢ ܫ̈ܟܒܝ ܥܦܪܐ.. ܘܬܘܒ ܐܡܝܪ ܕܗܐ ܦܬ̇ܚ ܐܢܐ ܩܒܪ̈ܝܗܘܢ܆ ܘܡܿܦܩܐܢܐ ܠܟܘܢ ܡܢ ܩܒܪ̈ܝܗܘܢ.. ܗܪ̈ܛܝܩܘ ܕܝܢܼ ܣܦܝ̈ܩܝ ܡܢ ܚܝ̈ܐܼ. ܗܦܟܘܗܿ ܗܘܘ ܠܚܠܝܘܬܐ ܕܚܝ̈ܐ ܠܡܪܪܐ ܕܢܦܫܗܘܢ: ܘܠܪ̈ܥܝܢܐ ܡܿܢ ܡܪ̈ܝܩܐ ܕܡ̈ܗܝܡܢܐ ܕܠܚܘ ܘܥܪܩܠܘ.. ܘܬܚܒ ܗܘܐ ܪܥܝܢܗ ܕܡܠܟܐ ܬܝܕܣܝܘܣܼ ܘܐܬܢܫܫ ܘܐܬܟܪܗ. ܘܢܦܠ ܥܠ ܣܩܐ ܘܩܛܡܐ ܒܩܝܛܘܢܐ ܕܡܫܟܒܗ.. ܗܝܕܝܢ ܗܼܘ ܐܠܗܐ ܡܪܚܡܢܐܼ. ܗܧܘ ܕܠܐ ܨܒܿܐ ܕܐܢܫ ܢܐܒܕ܆ ܡܢ ܐܘܪܚܐ ܕܫܪܪܐ: ܨܒܐ ܕܢܩܢܐ ܚܘܠܡܢܐ ܠܪ̈ܥܝܢܐ ܟܪ̈ܝܗܐܿ. ܘܢܬܓܠܐ ܡܘܠܟܢܐ ܕܚܝ̈ܐ ܒܩܝܡܬܐ ܕܫ̈ܟܒܐܿ. ܕܠܙܒܢܐ ܗܿܘ ܢܛܝܪܝܢ ܗܘܘ ܒܐܝܕܥܬܗ. ܘܕܢܓܝܠ ܢܫܕܐ ܣܡܐ ܡܟܪܗܢܐ ܡܢ

Page 197

ܫܦܝܘܬܐ ܕܥܕܬܐ. ܘܕܢܣܡܘܟ ܒܢܝܢܗܿ ܡܢ ܓ̈ܠܠܐ ܡܙ̈ܠܗܙܐ ܘܙܝ̈ܙܢܐ ܕܛܒܪܘ ܒܗܿ. ܘܕܢܙܠܓ ܢܘܗܪܐ ܘܒܘܝܝܐ ܥܠ ܬܝܕܣܝܘܣ ܡܿܠܟܐ. ܘܥܡ ܐܒ̈ܗܘܗܝ ܢܫܬܡܠܐ ܒܟܠܝܠܐ ܕܙܟܘܬܐ.. ܗܝܕܝܢ ܡܢ ܫܠܝܼ ܐܕܝܠ ܐܠܗܐ ܒܪܥܝܢܗ ܕܐܪܠܝܣܼ ܡܪܗܿ ܕܢܘܡܐ ܕܡܥܪܬܐ ܗܿܝ ܕܒܗܿ ܡܘ̈ܕܢܝܐ ܫܟܝܒܝܢ ܗܘܘ: ܕܛܝܪܐ ܠܩܢܝܢܗ ܢܒܢܐ ܬܡܢ ܒܚܦܛܝܘܬܐ. ܘܥ̈ܒܼܕܐ ܘܦ̈ܥܠܐ ܝܘܡܐ ܘܬܪ̈ܝܢ ܬܡܢ ܠܐܿܝܢ ܗܘܘ. ܘܟܐ̈ܦܐ ܡܢ ܦܘܡ ܩܒܪ̈ܐ ܐܚܪ̈ܢܐ ܡܥܓܠܝܢ ܗܘܘ. ܘܐܦ ܡܢ ܦܘܡ ܡܥܪܬܐ ܗܿܝܼ ܟ̈ܐܦܐ ܠܢܝܢܐ ܡܿܝܬܝܢ ܗܘܘ. ܘܒܠܠܝܐ ܕܝܘܡܐ ܕܬܪ̈ܝܢ܆ ܟܕ ܦܘܡ ܡܥܪܬܐ ܐܬܦܠܫ: ܗܝܕܝܢ ܦܘܩܕܢܐܕܐܠܗܐ ܡܚܝܢܐ ܪܣܡ ܚܝ̈ܐ ܠܫܟ̈ܝܒܐ ܕܒܗܿ ܫܟܒܝܢ ܗܘܘ. ܘܗܿܘ ܕܠܥܘܼܠܐ ܚܒܝܫܐ ܝܿܗܒ ܢܫܬܡܐ ܕܚܝ̈ܐ ܒܟܪܣܗܿ ܕܐܡܗ: ܘܗܿܘ ܨܒܝܢܐ ܕܒܩܦܥܬܐ ܓܪ̈ܡܐ ܙܪ̈ܝܩܐ ܘܝܒ̈ܝܫܐ ܪܟܒ ܘܢܚܡ. ܘܗܿܘ ܚܝܠܐ ܕܠܠܥܙܪ ܩܒܝܪܐ ܩܼܪܐܼ. ܘܐܦܩܗ ܡܢ ܩܒܪܐ (ܒܚܝ̈ܐ): ܗܼܘ ܒܪܬܡܐ ܕܦܘܡܗܼ. ܪܘܚܐ ܕܚܝ̈ܐ ܝܗܼܒ ܐܦܠ ܠܡܘܕ̈ܝܢܐ ܗܿܢܘܢܼ ܕܒܡܥܪܬܐ ܫܟܒܘ ܗܘܘ. ܘܬܩܢܘ ܘܝܬܒܘ ܒܚܕܘܬܐ ܘܒܙܗܝܘܬܐ ܕܦܪ̈ܨܘܦܝܗܘܢ. ܘܐܝܟ ܕܒܨܦܪܐ ܕܟܠ ܝܘܡܼ ܫܠܡܐ ܚܕ ܕܚܕ ܫܐܠܝܢ ܗܘܘ: ܟܕ ܐܬܿܐ ܕܡܘܬܐ ܠܐ ܡܬܚܙܝܐ ܗܘܬ ܒܗܘܢ. ܢܚ̈ܬܝܗܢ ܓܝܪ ܟܕ ܠܒܝܫܝܢ ܗܘܘܼ. ܟܕ ܕܡܟ: ܗܟܢܐ ܐܝܬܝܗܘܢ ܗܘܘ ܥܠ ܓܘܫ̈ܡܝܗܘܢ. ܘܦܓܪܐ ܘܒܣܪܐ ܕܩ̈ܢܘܡܝܗܘܢ ܗܘܐ ܟܠܗ ܘܐܝܟ ܕܡܢ ܨܦܪܐ ܠܪܡܫܐ ܕܡܟܘ ܗܘܘ ܒܠܚܘܕ ܘܐܬܬܥܝܪܘ ܣܒܪܝܢ ܗܘܘ. ܘܐܝܟ ܗܿܘ ܕܨܒܘܬܐ ܘܡܪܢܝܬܐ ܕܪܡܫܐܼ. ܗܘ ܩܝܡܝܐ ܗܘܬ ܒܗܘܢ. ܘܐܝܟ ܗܿܘ ܕܕܩܝܣ ܒܗܘܢ ܪܢܐ ܗܘܐ ܡܬܚܫܒܝܢ ܗܘܘ. ܘܟܕ

Page 198

ܟܡܝܪܝܢ ܘܐܒܝܠܝܢܼ ܘܥܝ̈ܢܝܗܘܢ ܕܡ̈ܥܢ ܗ̈ܘܝ܆ ܚܪܘ ܠܘܬ ܝܡܠܝܟܐ ܣܥܘܪܗܘܢܼ ܘܡܫܐܠܝܢ ܗܘܘ ܠܗ. ܘܝܠܦܝܢ ܡܢܗ ܥܠ ܐܝܠܝܢ ܕܡܬܡ̈ܠܠܢ ܗܘ̈ܝ ܒܡܕܝܢܬܐ ܒܪܡܫܐ. ܐܼܡܪ ܠܗܘܢ. ܐܝܟ ܡܕܡ ܕܐܡܿܪܬ ܠܟܘܢ ܕܒܪܡܫܐ ܐܬܬܒܥܢܢ ܕܢܕܒܿܚ ܠܦܬܟܪ̈ܐ. ܥܢܼܐ ܕܝܢ ܡܟܣܡܠܝܢܐ ܘܐܡܼܪ ܠܗܘܢ: ܐܚ̈ܝܼ. ܥܬܝܕܝܢܢ ܗܘ ܕܩܕܡ ܒܐܡܐ ܕܚܝܠܬܐ ܕܡܫܝܚܐ ܢܩܘܡ: ܐܠܐ ܡܢ ܩܕܡ ܒܐܡ ܕܕܝܢܐ ܕܒܢܝ̈ܢܫܐ ܠܐ ܢܬܚܠܼ. ܘܠܐܢܟܦܘܪ ܒܚܝ̈ܐ ܕܐܝܬ ܠܢ ܒܗܝܡܢܘܬܐ ܕܒܪܗ ܕܐܠܗܐ. ܘܐܼܡܪ ܠܝܡܠܝܟܐܼ. ܡܟܝܠ ܥܕܢܐ ܕܣܝܒܪܬܐܼ ܠܙܒܢܗ ܗܘܼܐ. ܐܠܐ ܣܒ ܟܣܦܐܼ ܘܡܛܝ ܠܡܕܝܢܬܐܼ. ܘܝܠܦ ܥܠ ܐܝܠܝܢ ܕܡܢ ܕܩܝܣ [ܡܠܟܐ ܡܬܦܩܕܢܼ. ܘܬܐ. ܗܢܘ ܕܝܢ ܐܘܣܦ ܠܢ ܥܠ] ܣܝܒܪܬܐ ܗܿ ܕܐܝܼܬܝܬ ܠܢ ܒܪܡܫܐܼ. ܘܬܐ. ܡܛܠ ܕܡܙܠܗܙܐ ܗܘܼܬ. [ܘܗܐ] ܟܦܢܝܢܢ. ܟܕ ܣܒܪܝܢ ܗܘܘܼ. ܕܫܢܬܐ ܗܼܘ ܕܠܠܝܐ ܒܠܚܘܕ ܕܡܟܝـ[ܢ ܗܘܘ]. ܘܩܼܡ ܝܠܡܝܟܐ ܒܨܦܪܐܼ. ܐܝܟ ܥܝܕܐ ܕܟܠ ܝܘܡ. ܘܢܣܒ ܡܢ [ܟܣܦܐ] ܕܒܟܝܣܐ ܘܡܢ ܡܘܢܝܛܐ ܕܫ̈ܬܝܢ [ܘܬܪ̈ܬܝܢ ܘܡܢ ܕܐܪ̈ܒܥܝܢ ܘܐܪ̈ܒܥ ܕܒܕܪܐ ܗܿܘ܆ ܗܿܝ ܕܒܝ̈ܘܡܝ ܡܿܠܟܐ ܕܡܢ ܩܕܡ ܩܠܝܠ] ܙܒܢܐ ܕܝܘܡܝ̈ܗܘܢ [ܕܡܘ̈ܕܝܢܐ] ܐܬܛܒܼܥܬ. ܕܐܝܬܝܗܿ [ܩܕܡ ܬܠܬܡ̈ܐܐ ܘܫܒ̈ܥܝܢ ܘܬܪ̈ܬܝܢ] ܫ̈ܢܝܢ܆ ܥܕܡܐ ܠܝܘܡܐ ܗܿܘ [ܕܒܗ ܐܬܬܥܝܪܘ ܡܘ̈ܕܝܢܐ. ܘܠܨܦܕܗ ܕܝܘܡܐܼ] ܟܕ ܒܗܘܪܼ. ܢܦܩ ܝܡܠܝܟܐ ܡܢ ܡܥܪܬܐ. ܘܟܕ ܚܼܙܐ ܟܐܦ̈ܐ ܕܣܝ̈ܡܢ ܬܡܢ ܐܬܕܡܪ. ܐܠܐ ܠܐ ܐܝܬܝ ܥܠ ܒܠܗܼ ܕܡܢܐ ܗܘܝܗ. ܘܢܚܼܬ ܡܢ ܛܘܪܐܼ. ܘܪܕܐ ܗܘܐ ܕܢܐܬܐ ܠܡܕܝܢܬܐܼ ܠܐ ܒܐܘܪܚܐ: ܡܛܠ [ܕܩܢܝܛ ܗܘܐ] ܕܕܠܡܐ ܐܢܫ ܢܫܬܘܕܥܗܼ. ܘܢܝܬܝܘܗܝ ܩܕܡ ܡܿܠܟܐ ܕܩܝܣ. ܘܠܐ ܝܕܿܥ ܗܘܐ [ܕܓܪ̈ܡܘܗܝ ܕܛܢܦܐ] ܚܪ̈ܝܒܝܢ ܗܿܘܘ ܘܫܼܕܝܢ ܒܓܘ [ܫܝܘܠ. ܘܟܕ ܝܡܠܝܟܐ

Page 199

ܠܬܪܥـ]ܐ ܕܡܕܝܢܬܐ ܩܼܪܒ ܗܘܐܼ. ܐܪܝܡ ܥܝ̈ܢܘܗܝ ܘܚܼܙܐ ܠܢܝܫܐ [ܕܨܠܝܒܐ ܥـ]ܠ ܬܪܝܥܐ ܕܡܕܝܢܬܐܼ. ܕܡܢ ܠܥܠ ܩܒܝܥ ܗܘܐ. [ܘܟܕ ܚܼܙܐ] ܘܬܡܗ. ܘܡܓܢܒ [ܗܘܐ ܚܝܪܗܼ. ܘܚܐܿܪ ܒܗ] ܠܟܐ ܘܠܟܐ ܒܗܝܠܐܝܬ. ܘܐܿܙܠ ܗܘܐ [ܘܐܿܬܐ. ܘܪܢܿܐ ܗܘܐ ܡܬܕܡܪ ܒܚـ[ܘ̈ܫܒܘܗܝ. ܘܐܬܟܪܟ [ܠܬܪܥܐ ܐܚܪܢܐ. ܘܗܟܢܐ ܚܼܙܐܼ] ܘܬܡܗ. ܘܐܬܟܪܟ ܠܟܠܗܿ ܡܕܝܢـ[ܬܐܼ ܥܠ ܟܠܗܘܢ ܬܪ̈ܥܐ: ܘܚܼܙܐ ܕܥܠ ܟـ]ܠܗܘܢ ܬܪ̈ܥܝܗܿ ܢܝܚܐ ܕܨܠܝܒܐ [ܩܒܝܥ ܗܘܐ.] ܘܐܫܬܓܢܝܬ ܠܗܿ ܐܦ ܡܕܝܢܬܐ ܒܥܝ̈ܢܘܗܝ. ܒܢ̈ܝܢܐ ܐܚܪ̈ܢܐ [ܕܠܐ ܚܼܙܝܢ] ܗܘܘ ܠܗ. ܘܡܗܠܟ ܗܘܐ ܘܬܡܗ. ܐܝܟ ܐܢܫ ܕܐܚܝܕܝܢ ܠܗ [ܨܘܪ̈ܢܐ.] ܘܐܬܼܐ ܘܩܼܡ ܥܠ ܬܪܥܐ ܗܿܘ ܕܣܡܝܟ ܗܼܘ ܥܠܘܗܝ [ܡܢ ܩܕܝܡܼ.] ܘܐܬܕܡܪ. ܒܝܬ ܠܗ ܘܠܢܦܫܗ ܐܡܿܪ ܗܘܐ: ܕܡܢܐ ܗܼܝ ܟܝ ܗܕܐ ܕܢܝܫܐ ܕܨܠܝܒܐ ܗܢܐ ܒܪܡܫܐ ܒܬܘ̈ܢܐ ܣܝܡ ܗܘܐܼ. [ܘܗܐ ܒܨܦܪܐ] ܣܝܡ ܥܠ ܬܪܥܗܿ ܕܡܕܝܢܬܐ ܟܕ ܚܕܪܐ ܘܡܟܢܫ [ܗܘܐ ܗܘܢܗ] ܘܠܒܟ ܗܘܐ ܦܓـ[ܪܗ. ܟܕ ܐܿܡܪ] ܟܒܪ ܚܠܡܐ ܗܼܘ. ܘܒܬܪ[ܟܝܢ ܠܒܒ ܢܦܫܗ]. ܘܟܕ ܡܟܣܝ ܕܝܫܗ ܒܦܪܝܣܗܼ. ܥܼܠ ܐܼܙܠ [ܠܟܪܟܐ. ܘܟܕ ܥܐܠ ܒܫܘܩܐܼ. ܫܿܡܥ ܗܘܐ ܡܢ ܣ̈ܓܝـ]ܐܐ ܟܕ ܡܡܠܠܝܢ ܚܕ ܥܡ ܚܕܼ. ܘܝܡܝܢ ܒܫܡܐ ܕܡܫܝܚܐܼ ܘ[ܝܬܝܪܐܝܬ ܕܿܚܠ] ܗܘܐܼ. ܘܐܫܬܓܢܝ ܒܚܘ̈ܫܒܘܗܝ. ܘܐܬܟܠܝܼ ܘܗܼܘ ܠܢܦܫܗ ܐܡܿܪ] ܗܘܐ: ܕܡܢܐ ܗܼܝ [ܟܝ ܗܕܐܼ ܠܐ ܝܿܕܥ ܐܢܐ.] ܕܗܐ ܒܪܡܫܐ ܠܝܬ ܗܘܐ ܐܢܫ ܕܓܠܝܐܝܬ ܡܡܠܠ [ܒܫܡܗ ܕܡܫܝܚܐ:] ܘܗܫܐ [ܒܨܦܪܐܼ ܠܫܢܐ] ܕܟܠܢܫܼ ܗܐ ܗܿܪܓ ܒܗ. [ܘܐܡܪ ܗܘܐ ܠܢܦܫܗܼ] ܟܒܪ ܠܘ ܗܕܐ ܗܝ [ܐܦܣܣ ܡܕܝܢܬܐ.] ܕܗܐ ܒܢ̈ܝܢܝܗܿ ܡܫܚܠܦܝܢܼ ܘܡܠܬܗܿ ܡܫܓܢܝܐ ܒܠܫܢܗܿ. ܘܡܕܝܢܬܐ ܐܚܪܬܐ [ܠܐ ܝܿܕܥ ܐܢܐ] ܕܩܪܝܒܐ ܗܝܼ [ܠܢ܆ ܘܠܐ ܚܙܝܐ] ܠܝ. ܘܩܼܡ ܘ[ܡܬܕܡܪ ܗܘܼܐ ܠܗ] ܒܝܬ ܠܗ ܘܠܢܦܫܗ. ܘܦܓܥ ܒܗ ܥܠܝܡܐ [ܚܕܼ ܘܫܐܠܗܼ. ܘܐܡܼـ]ܪ܆

Page 200

ܐܡܪ ܠܝܼ ܥܠܝܡܐܼ. ܡܿܢ ܫܡܗ ܠܡܕܝܢܬܐ ܗܕܐ. ܐܡܼܪ ܠܗܼ ܥܠܝܡܐ ܗܿܘܼ. ܫܡܗܿ ܐܦܣܘܣ. ܘܟܕ ܕܝܢ ܡܿܬܕܡܪ ܝܡܠܝܟܐܼ ܐܡܼܪ ܠܢܦܫܗ: [ܟܒـ]ܪ ܠܝ ܓܼܕܫ ܡܕܡ ܘܛܥܿܝܬ ܒܗܘܢܝ. ܐܦܘܩ ܠܝ ܒܥܓܠ ܡܢ [ܡܕܝܢـ]ܬܐ ܗܕܐ܆ ܕܠܡܐ ܐܛܥܐ ܘܐܿܒܕ. ܕܗܐ ܨܘܪ̈ܢܐ ܐܚܝܕܝܢ ܠܝ.. ܗܠܝܢ ܟܠܗܝܢ [ܗܼܘ ܝـ]ܡܠܝܟܐ ܬܢܐ ܠܢܼ ܡܢ ܟܕ ܣܼܠܩ ܠܘܬ ܚܒܪ̈ܘܗܝ ܠܡܿܥܪܬܐ. [ܟܕ] ܐܬܓܠܝܬܿ ܢܚܡܘܬܗܘܢ ܘܐܬܟܬܒܬܿ ܒܟܬܒܐ.. ܗܝܕܝܢ ܝܡܠܝܟܐ ܟܕ ܪܗܝܒ ܕܢܦܘܩ ܠܗ ܡܢ ܡܕܝܢܬܐܼ. ܩܪܒ ܠܘܬ ܡܙܒ̈ܢܝ ܠܚܡܐ ܒܐܣܟܡܐ ܕܚܕܘܪܐ. ܘܐܦܩ ܡܢ ܟܝܣܗ ܟܣܦܐ. ܘܝܗܿܒ ܠܡ̈ܙܒܢܝ ܠܚܡܐ. ܗܼܢܘܢ ܕܝܢ ܚܪܘ ܒܟܣܦܐܼ. ܘܒܚܙܬܐ ܕܡܘܢܝܛܐ ܕܟܡܐ ܪܘܪܒܐܼ ܘܬܡܗ. ܘܚܕ ܥܠ ܚܕ ܡܝܒܠܝܢ ܗܘܘ ܠܗܿ. ܘܡܠܚܫܝܢ ܘܚܝܪܝܢ ܒܓܒܪܐ. ܘܐܿܡܪܝܢܼ ܗܢܐ ܣܝܡܬܐ ܐܫܟܚ. ܘܐܝܬܝܗܿ ܡܢ ܩܕܡ ܕܪ̈ܐ ܘܫܢ̈ܝܐ.. ܝܡܠܝܟܐ ܕܝܢ ܚܐܿܪ ܗܘܐ ܒܗܘܢ ܕܡܠܚܫܝܢ ܗܘܘ ܠܥܘܗܝܼ ܘܚܝܪܝܢ ܒܗܼ. ܘܐܬܬܙܝܥ. ܘܡܢ ܕܚܠܬܐ ܟܠܗ ܦܓܪܗ ܪܐܿܬ ܗܘܐ. ܘܣܿܒܪ ܗܘܼܐ ܕܡܫܬܘܕܥܘ ܐܫܬܘܕܥܘܗܝܼ. ܘܡܬܪܥܝܢ ܕܠܘܬ ܕܩܝܣ ܡܠܿܟܐ ܢܘܒܠܘܢܝܗܝ.. ܐܚܪ̈ܢܝ ܕܝܢ ܒܐܦ̈ܘܗܝ ܩܪܒܝܢ ܗܘܘ ܘܚܝܪܝܢ.. ܘܗܼܘ ܟܕ ܡܠܼܐ ܕܚܠܬܐ. ܘܩܿܐܡܼ ܐܡܼܪ ܠܗܘܢ: ܒܿܥܐ ܐܢܐ ܡܢܟܘܢܼ. ܗܐ ܟܣܦܐܼ ܝܗܝܒ ܠܝ ܠܟܘܢܼ ܘܠܚܡܐ ܠܐ ܒܿܥܐ ܐܢܐ ܕܐܣܒ.. ܗܼܢܘܢ ܕܝܢ ܐܪܡܝܘ ܥܠܘܗܝ ܐܝܕ̈ܝܐܼ ܘܐܚܕܘܗܝ. ܘܐܡܿܪܝܢ ܠܗܼ ܡܢ ܐܝܡܼܟܐ ܐܢܬܼ. ܕܣܝܡܬܐ ܕܡ̈ܠܟܐ ܩܕ̈ܡܝܐ ܡܫܟܚ ܠܟ. ܚܘܢ ܟܝܬ ܕܫܘ̈ܬܦܐ ܢܗܘܐ ܠܟ. ܘܡܟܣܝܢ ܥܠܝܟ. ܘܐܠܐܼ ܠܕܝܢܐ ܕܡܘܬܐ ܡܫܬܠܡ ܐܢܬ. ܗܼܘ ܕܝܢ ܬܡܗ ܒܢܦܫܗܼ ܠܕܝܢܐ ܕܡܘܬܐ ܡܫܬܠܡ ܐܢܬ. ܗܼܘ ܕܝܢ ܬܡܗ ܒܢܦܫܗܼ ܘܐܼܡܪ: ܗܐ ܡܢ ܗܿܝ ܕܠܐ ܕܚܿܠ ܗܿܘܝܬ ܡܢܗܼܿ. ܐܦ ܗܝܼ

Page 201

ܐܬܬܘܣܦܬܿ ܠܝ ܠܣܘܪܕܐ. ܐܡܪܝܢ ܠܗ ܐܢ̈ܫܐ ܗܿܢܘܢܼ. ܠܐ ܡܫܟܚܐ ܣܝܡܬܐ ܡܬܛܫܝܐܼ ܐܘ ܥܠܝܡܐ. ܐܝܟ ܡܐ ܕܣܿܒܪ ܐܢܬ.. ܗܼܘ ܕܝܢ ܝܡܠܝܟܐܼ. ܠܐ ܝܿܕܥ ܗܘܐ ܡܢܐ ܢܐܡܪ ܠܗܘܢ ܥܠ ܗܕܐ.. ܗܼܢܘܢ ܕܝܢ ܚܙܘ ܕܫܬܝܩ ܘܠܐ ܡܡܠܠܼ. ܘܐܫܩܠ ܦܪܝܣܗܼ ܐܪܡܝܘ ܒܨܘܪܗ. ܘܟܕ ܩܝܡܝܢ ܡܨܥܬ ܫܘܩܐ ܪܒܐܼ ܘܐܠܨܝܢ ܠܗܼ. ܪܗܼܛܬܿ ܡܠܬܐ ܒܟܠܗܿ ܡܕܝܢܬܐ. ܘܐܼܡܪ܇ ܕܚܕ ܡܫܟܚ ܣܝ̈ܡܬܐ ܐܫܬܟܚ. ܘܓܚܘ ܟܢ̈ܫܐܼ. ܘܟܢܫ ܠܘܬܗ. ܘܚܝܪܝܢ ܗܘܘ ܒܗ ܘܐܡܪܝܢܼ. ܕܗܢܐ ܥܠܝܡܐ ܢܘܟܪܝܐ ܗܼܘ ܘܠܐ ܚܼܙܐ ܠܢ ܡܡܬܘܡ. ܘܐܦܢ ܨܿܒܐ ܗܘܐ ܝܡܠܝܟܐ ܕܢܡܠܠ ܘܢܦܝܣ ܐܢܘܢܼ ܕܠܐ ܡܫܟܚ ܠܗ ܣܝܡܬܐܼ. ܡܢ ܗܿܝ ܕܟܠܢܫ ܐܡܿܪ ܗܘܐܼ ܕܠܐ ܝܿܕܥ ܐܢܐ ܠܗ: ܬܡܗ ܗܘܐ ܘܦܿܝܫ ܡܢ ܡܠܬܗ.. ܗܼܘ ܓܝܠ ܬܟܝܠ ܗܘܐ ܒܢܦܫܗܼ. ܘܣܿܒܪ ܕܐܒ̈ܗܐ ܐܝܬ ܠܗ ܒܡܕܝܢܬܐ. ܘܓܢܣܐ ܪܒܐ ܘܝܕܝܥܐ ܐܝܬ ܠܗ ܒܟܪܟܐ ܐܦܝܣܘܣ. ܘܝܿܕܥ ܗܘܐ ܘܫܪܝܪܐ ܠܗܼ. ܕܒܪܡܫܐ ܠܟܠܢܫ ܝܿܕܥ ܗܘܐܼ. ܘܒܨܦܪܐ ܐܦܠܐ ܚܕ ܐܫܬܘܕܥܗ. ܘܐܝܟ ܫܢܝܐ ܚܐܿܪ ܗܘܐ ܕܢܚܙܐ ܐܢܫ ܡܢ ܐܚ̈ܘܗܝ ܘܝܕ̈ܘܥܘܗܝܼ ܘܠܝܬ. ܘܟܕ ܐܚܝܕܝܢ ܠܗ ܨܘܪ̈ܢܝܐܼ ܘܩܐܿܡ ܗܘܐ ܒܝܢܬ ܟܢ̈ܫܐ. ܗܝܕܝܢ ܪܒܼܬܿ ܡܕܝܢܬܐ ܘܪܗܼܛܬܿ ܡܠܬܐ ܠܥܕܬܐ. ܘܐܫܬܡܥܬܿ ܠܩܕܝܫܐ ܡܪܝܣ ܐܦܝܣܩܦܐ ܕܝܠܗ ܕܟܪܟܐ. ܐܦ ܐܓܘܣܛܣ ܐܢܬܘܦܛܣ ܒܥܕܢܐ ܗܿܘܼ. ܠܘܬ ܐܦܝܣܩܦܐ ܐܣܬܩܒܠ. ܨܒܝܢܗ ܓܝܪ ܕܐܠܗܐ ܘܥܕ ܐܢܘܢ ܐܟܚܕܐܼ. ܕܣܝܡܬܐ ܕܚܝܬ ܡܝܬܐ ܒܐ̈ܝܕܝܗܘܢ ܬܬܓܠܝܐ ܠܟܠܗܘܢ ܥܡ̈ܡܝܢ. ܘܦܩܕ ܬܪ̈ܝܗܘܢ ܕܒܙܗܝܪܘܬܐ ܢܗܘܐ ܥܠܝܡܐܼ ܘܢܐܬܐ ܠܘܬܗܘܢܼ. ܟܕ (ܟܣܦܐ) ܒܐܝܕܗ ܘܢܓܕܘܢܝܗܝ ܗܟܝܠ ܠܝܡܠܝܟܐ ܕܢܘܒܠܘܢܝܗܝ ܠܥܕܬܐܼ. ܘܗܼܘ ܣܿܒܪ ܗܘܐ ܕܠܘܬ ܕܩܝܣ ܡܿܠܟܐ ܡܘܒܠܝܢ ܠܗ. ܘܠܟܐ ܘܠܟܐ ܚܐܿܪ

Page 202

ܗܘܐ. ܟܕ ܟܢ̈ܫܐ ܓܚܟܝܢ ܗܘܘ ܥܠܘܗܝܼ. ܐܝܟ ܕܥܠ ܫܢܝܐ. ܘܗܟܢܐ ܒܢܘܬܦܐ ܪܒܐܼ ܐܘܒܠܘܗܝ ܠܥܕܬܐ. ܐܢܬܘܦܛܣ ܘܡܪܝܣ ܫܩܼܠ ܟܣܦܐ ܡܢ ܐܝܕܗܼ ܘܐܬܕܡܪ ܒܗ. ܘܐܡܼܪ ܠܗ ܐܢܬܘܦܛܣ ܠܝܡܠܝܟܐ: ܐܝܟܐ ܗܝ ܣܝܡܬܐ ܕܐܫܟܼܚܬ. ܕܗܐ ܐܦ ܟܣܦܐ ܡܢܗܿ ܐܚܝܕ ܐܢܬ ܒܐܝܕܟ.. ܝܡܠܝܟܐ ܐܡܼܪ: ܣܝܡܬܐ ܡܡܬܘܡ ܠܐ ܐܫܟܿܚܬܼ. ܐܝܟ ܕܐܡܿܪܝܢ ܐܢܬܘܢ ܥܠܝ. ܐܠܐ ܐܢܐ ܝܿܕܥ ܐܢܐܼ. ܕܡܢ ܟܣܦܐ ܕܐܒ̈ܗܝܼ. ܘܡܢ ܥܘܪܦܢܐ ܕܟܪܟܐ ܗܢܐ ܐܝܬܘܗܝ ܟܣܦܐ ܕܐܝܬ ܒܐܝܕ̈ܝ. ܡܢܐ ܐܢ̈ܝܢ ܓܝܪ ܗܠܝܢ ܕܗܘܢܝܼ ܠܐ ܝܿܕܥ ܐܢܐ.. ܐܢܬܘܦܛܣ ܕܝܢ ܐܡܼܪ: ܡܢ ܐܝܡܟܐ ܐܢܬ.. ܝܡܠܝܟܐ ܐܡܼܪ: ܐܝܟ ܕܣܿܒܪ ܐܢܐܼ. ܡܢ ܡܕܝܢܬܐ ܗܕܐ ܐܝܬܝ.. ܐܡܼܪ ܠܗܼ. ܒܪ ܡܢ ܐܢܬ. ܘܡܿܢ ܝܿܕܥ ܠܟ ܢܐܬܐ ܢܣܗܕ ܥܠܝܟ.. ܘܐܡܼܪ ܠܗܘܢ ܫܡ ܐܒܗ̈ܘܗܝ: ܘܠܐ ܝܿܕܥ ܐܢܘܢ ܐܢܫ. ܐܦܠܐ ܐܢܫ ܐܫܕܘܥܗܼ. ܠܐ ܠܗܼ ܘܠܐ ܠܐܒ̈ܗܘܗܝ.. ܐܢܬܘܦܛܣ ܐܡܼܪ: ܕܠܐ ܐܢܬܼ ܘܫܪܪܐ ܠܝܬ ܠܘܬܟ.. ܗܼܘ ܕܝܢ ܩܐܿܡ ܗܘܐܼ ܘܡܪܟܢ ܪܝܫܗ. ܟܕ ܫܠܼܐ ܘܨܕܘܕ. ܘܐܡܿܪܝܢܢ ܗܘܘܼ ܟܒܪ ܫܢܝܐ ܗܘ. ܐܚܪ̈ܢܐ ܕܝܢ ܐܡܿܪܝܢܼ ܠܐܼ. ܐܠܐ ܗܼܘ ܡܫܢܐ ܢܦܫܗܼ ܕܐܝܟܢܐ ܢܬܦܿܠܛ ܡܢ ܐܢܢܩܐ ܗܕܐ.. ܐܢܬܘܦܛܣ ܚܐܿܪ ܗܘܐ ܒܗ ܒܚܡܬܐܼ ܘܐܡܪ. ܐܝܟܢܐ ܢܚܫܒܟ ܫܢܝܐ. ܐܘ ܐܝܟܢ ܢܗܝܡܢܟ ܕܟܣܦܐ ܡܢ ܟܝܣܐ ܕܐܒ̈ܗܝܟ ܗܘܼ. ܕܗܐ ܆ܛܒܥܐ ܕܐܡܘܢܝܛܐ ܡܢ ܟܬܝܒ̈ܬܐ ܕܒܗܼܿ. ܥܒܝܪܐ ܗܼܝ ܠܡ̈ܬܝܢ ܘܫܒ̈ܥܝܢ ܫ̈ܢܝܢ. ܘܩܠܝܠ ܩܕܝܡ ܠܕܩܝܣ ܡܿܠܟܐ. ܘܠܐ ܐܬܚܠܛܬܼ ܒܐܡܘܢܝܛܐ ܐܚܪܬܐ. ܘܠܐ ܕܡܝܐ ܠܐܡܘܢܛܝܐ ܗܕܐ ܕܐܝܬ ܒܗܿ ܡܣܒܐ ܘܡܬܠܐ ܕܥܠܡܐ. ܕܠܡܐ ܩܕܡܝܢ ܐܒܗ̈ܝܟ ܠܕܪ̈ܐ ܘܠܫ̈ܢܝܐ ܣܓܝ̈ܐܬܐܼ. ܕܗܐ ܐܢܬ ܥܠܝܡܐ ܐܢܬ: ܘܨܿܒܐ ܐܢܬ ܕܬܛܥܐ ܒܣܒ̈ܐ ܘܒܚܝ̈ܡܐ ܕܐܦܣܘܣ ܡܕܝܢܬܐ.

Page 203

ܡܟܝܠ ܦܩܿܕ ܐܢܐ ܕܠܐܣܘܪ̈ܐ ܘܠܢ̈ܓܕܐ ܬܫܬܠܡܼ. ܥܕܡܐ ܕܬܘܕܐ ܐܝܟܐ ܗܼܝ ܣܝܡܬܐ ܕܐܫܟܼܚܬ.. ܗܝܕܝܢ ܝܡܠܝܟܐ ܟܕ ܫܡܼܥ ܗܠܝܢܼ ܢܦܼܠ ܥܠ ܐܦ̈ܘܗܝ ܩܕܡܘܗܝܼ ܘܐܡܼܪ ܠܗܘܢܼ ܒܿܥܐ ܐܢܬ ܡܢܟܘܢܼ ܡܪ̈ܝܼ. ܚܕܐ ܕܡܫܐܠ ܐܢܐ ܠܟܘܢ܇ ܐܡܪܘ ܠܝ܇ ܘܟܠ ܕܒܠܒܝ ܓܿܠܐ ܐܢܐ ܠܟܘܢ. ܕܩܝܣ ܡܿܠܟܐ ܕܐܝܬ ܗܢܘܐ ܒܡܕܝܢܬܐ ܗܕܐܼ ܐܝܟܘܼ.. ܗܝܕܝܢ ܡܪܝܣ ܐܡܪܼ. ܠܝܬ ܒܪܝܼ ܡܿܠܟܐ ܝܘܡܢܐ ܒܐܪܥܐ ܕܫܡܗ ܕܩܝܣ: ܐܠܐ ܐܢ ܚܕܼ ܕܡܝܬ ܡܢ ܕܪ̈ܐ ܣܓܝ̈ܐܐ.. ܗܝܕܝܢ ܥܢܼܐ ܝܡܠܝܟܐܼ ܘܐܡܪܼ. ܟܕ ܣܝ̈ܡܢ ܐܦ̈ܘܗܝ ܒܐܪܥܐ ܩܕܡܝܗܘܢܼ. ܘܐܡܪ: ܡܟܝܠ ܡܪܝܼ ܠܝ ܨܘܪ̈ܢܐ ܐܚܝܕܝܢ ܠܝ. ܘܡܠܬܝ ܠܐ ܡܬܗܝܡܢܐ ܠܒܪܢܫ. ܬܘ ܥܡܝܼ ܘܐܚܘܝܟܘܢ ܚܒܪ̈ܝ ܕܒܡܥܪܬܐ ܕܒܐܢܟܝܠܝܘܣ. ܘܡܢܗܘܢ ܝܠܦܬܘܢ. ܐܦ ܐܢܐ ܝܿܕܥ ܐܢܐܼ ܕܡܢ ܩܕܡ ܕܩܝܣ ܡܿܠܟܐ ܬܡܢ ܐܝܬܝܢܼ ܗܐ ܝܘ̈ܡܬܐ. ܘܗܐ ܒܪܡܫܐ ܚܓܙܿܝܬ ܕܥܠ ܕܩܝܣ ܡܿܠܟܐ ܠܡܕܝܢܬܐ ܐܦܣܘܣ. ܐܢ ܐܦܣܘܣ ܗܼܝ ܡܕܝܢܬܐ ܗܕܐܼ ܠܐ ܝܿܕܥ ܐܢܐ.. ܗܝܕܝܢ ܡܪܝܣ ܐܦܝܣܩ ܬܗܪ ܒܗܿ ܒܗܕܐܼ ܘܐܼܡܼ. ܡܕܡ ܗܘ ܓܠܝܢܐ ܗܢܐܿ. ܕܚܘܝ ܐܠܗܐ ܒܝܕ ܥܠܝܡܐ ܗܢܐ. ܐܠܐ ܢܐܙܠ ܢܚܙܝܘܗܝ.. ܘܩܡ ܗܼܘ ܡܪܝܣ ܘܐܢܬܘܦܛܣ ܥܡܗܼ (ܘܝܬܒܘ) ܥܠ ܪ̈ܟܘܒܐܼ. ܘܚܐܪ̈ܐ ܘܪܘܪ̈ܒܢܐ ܕܟܪܟܐ ܘܟܢ̈ܫܐ ܕܡܕܝܢܬܐ ܥܡܗܘܢܼ. ܘܣܠܩ ܠܛܘܪܐ. ܘܟܕ ܡܛܝܘ ܠܡܥܪܬܐܿ. ܥܼܠ ܝܡܠܝܟܐ ܩܕܡܝܗܘܢ ܠܘܬ ܡܘ̈ܕܝܢܐ. ܘܥܼܠ ܒܬܪܗ ܡܪܝܣ ܐܦܼܝܣ. ܘܗܼܘ ܥܐܠ ܒܬܪܥܐ ܕܡܥܪܬܐ ܐܫܟܚ ܒܙܘܝܬܐ ܕܬܪܥܐ ܡܢ ܝܡܝܢܐ ܓܠܘܣܩܡܐ ܚܕ ܕܢܚܫܐ. ܘܪܡܼܝܢ ܥܠܘܗܝ ܛܒ̈ܥܐ ܬܪ̈ܝܢ ܕܣܐܡܐܼ. ܘܫܩܠܗ. ܘܩܡ ܒܬܪܥܐ ܡܢ ܠܒܪ: ܘܩܼܪܐ ܠܚܐܪ̈ܐ ܘܠܪܘܪ̈ܒܢܐ ܕܟܪܟܐ. ܘܩܕܡ ܐܢܬܘܦܛܣ ܐܪܝܡ ܚ̈ܬܡܐ ܗܠܝܢ. ܘܦܼܬܚ ܘܐܫܟܚ ܠܘ̈ܚܐ ܬܪ̈ܝܢ ܕܐܒܪܐ. ܘܩܪܐܼ ܘܗܟܢܐ ܟܬܝܒ ܗܘܐ

Page 204

ܒܗܝܢ܆ ܡܢ ܩܕܡ ܕܩܝܘܣ ܡܠܟܐܼ ܥܕܩ ܡܟܣܡܠܝܢܐ ܘܝܡܠܝܟܐ. ܘܡܕܛܠܘܣ ܘܕܝܢܘܣܘܣ ܘܝܗܘܢܝܣ ܘܣܪܦܝܘܢ ܘܐܟܣܘܣܛܝܕܝܢܘܣ ܘܐܢܛܘܢܝܢܘܣ ܡܘ̈ܕܝܢܐ. ܗܠܝܢ ܕܒܦܘܩܕܢܐ ܕܡܠܟܐ ܐܣܬܪܦܬ ܒܐܦ̈ܝܗܘܢ ܡܥܪܬܐ ܗܕܐ ܒܟܐ̈ܦܐ. ܘܟܬܝܒܐ ܡܘܕܝܢܘܬܗܘܢ ܡܢ ܠܬܚܬ.. ܘܟܕ ܩܪܘ ܐܢ̈ܝܢ ܠܟܬܝܒ̈ܬܐ ܗܠܝܢܼ ܬܡܗ. ܘܫܒܚܘ ܠܐܠܗܐܼ ܥܠ ܬܕܡܪ̈ܬܐ ܘܦܪ̈ܝܫܬܐ ܕܡܚܘܐ ܠܒܢܝ̈ܢܫܐ. ܘܐܙܥܩܘ ܟܠܗܘܢ ܒܩܠܐ ܕܬܫܒܘܚܬܐ. ܘܥܠܘ ܐܫܟܚܘ ܐܢܘܢ ܠܡܘ̈ܕܝܢܐ ܗܠܝܢܼ ܟܕ ܝܬܼܒܝܢ ܒܙܗܝܘܬܐ. ܘܕܡܿܝܢ ܦܪ̈ܨܘܦܝܗܘܢ ܠܪܘܕܐ ܫܪܘܝܐ. ܘܢܦܠܘ ܡܪܝܣ ܥܡ ܐܢܬܘܦܛܝܣ. ܘܣܓܕ ܠܗܘܢ ܥܠ ܐܪܥܐܼ. ܗܼܢܘܢ ܘܪܘܪ̈ܒܢܐ ܘܟܢ̈ܫܐ ܟܠܗܘܢ. ܟܕ ܡܫܒܚܝܢ ܠܡܫܝܚܐ ܡܪܗܘܢ܇ ܕܫܘܘ ܕܢܚܙܘܢ ܚܙܬܐ ܗܕܐ ܬܡܝܗܬܐ. ܘܐܦ ܣܿܗܕܝܢ ܕܡܠܠ ܥܢܗܘܢ. ܘܟܠܗܝܢ ܐܝܠܝܢ ܕܒܝܘ̈ܡܝ ܕܩܝܣ ܡܿܠܟܐ ܐܘܕܥ ܠܡܪܝܣ ܘܠܐܢܬܘܦܛܝܣ ܘܠܪܘܪ̈ܒܢܐ ܕܟܪܟܐ. ܘܒܪ ܫܥܬܗ ܪ̈ܟܒܐ ܐܫܬܠܚ ܠܘܬ ܬܝܕܣܝܘܣ ܡܿܠܟܐ ܒܟܗܬܝܒܬܐ. ܘܐܡܼܪ ܠܗ. ܕܒܥܓܠ ܬܐܬܐ ܡܠܟܘܬܟ. ܘܬܚܘܐ ܬܕܡܪ̈ܬܐ ܕܒܝ̈ܘܡܝ ܡܠܟܘܬܟ ܚܘܝ ܐܠܗܐ ܒܥܠܡܐ. ܢܘܗܪܐ ܓܝܪ ܕܡܘܠܟܢ ܕܚܝ̈ܐ ܡܢ ܥܦܪܐ ܨܼܡܚ ܠܢ܆ ܘܩܝܡܬܐ ܕܥܢ̈ܝܕܐ ܡܢ ܩܒܪ̈ܐ ܕܢܚܬ ܒܦܓܪ̈ܐ ܙܗ̈ܝܐ ܕܐܬܚܕܬ.. ܟܕ ܕܝܢ ܫܡܼܥ ܡܿܠܟܐ ܬܝܕܣܝܘܣ ܒܪ ܫܥܬܗ ܩܡ ܡܢ ܣܩܐ ܘܩܛܡܐ ܕܥܠܘܗܝ ܡܟܝܟ ܗܘܐ. ܘܐܬܚܼܝܠܬܿ ܪܘܚܗ ܕܙܟܝܐܼ ܘܐܙܕܗܝ. ܘܦܼܪܣ ܐܝܕ̈ܘܗܝ ܠܘܬ ܐܠܗܐܼ ܘܐܡܼܪ: ܡܘܕܐ ܐܢܐ ܠܟ ܒܪܐ ܡܫܝܚܐܼ ܡܠܟܐ ܕܫܡܝܐ ܘܕܐܪܥܐܼ. ܕܡܢ ܫܡܫܐ ܕܙܕܝܩܘܬܐ ܢܘܗܪܐ ܕܢܼܚ ܠܢ. ܘܠܐ ܕܥܼܟ ܫܪܓܐ ܕܡܘܕܝܢܘܬܝܼ. ܡܢ ܒܝܬ ܠܡܦܝܕܐ ܕܐܒ̈ܗܝ. ܘܠܐ ܥܼܡܛ ܘܢܼܬܪ ܛܒܥܐ ܕܗܝܡܢܘܬܝܼ ܡܢ ܬܓܐ ܙܟܝܐ ܕܩܘܣܛܢܛܝܢܘܣ ܡܿܠܟܐ

Page 205

ܡܗܝܡܢܐ. ܘܫܼܡܥ ܐܦ̈ܝܣܩ ܘܪ̈ܘܪܒܢܝ ܡܿܠܟܐ ܥܡܗ. ܘܩܠܝܠܐܝܬ ܒܪ̈ܟܫܐ ܘܒܩܪ̈ܘܟܐ ܘܡܪ̈ܟܒܬܐܼ. ܐܬܘ ܡܢ ܩܘܛܢܛܝܢܐ ܠܐܦܣܘܣ ܡܕܝܢܬܐ. ܘܢܦܼܩܬܿ ܟܠܗܿ ܡܕܝܢܬܐ ܠܐܘܪܥܗ ܕܡܿܠܟܐܼ. ܥܡ ܐܦܝܣܩ̈ܦܐ ܘܪܘܪ̈ܒܢܐ ܕܟܪܟܐ. ܘܣܠܩܘ ܠܘܬ ܡܘܕ̈ܝܢܐ ܕܒܡܥܪܬܐ ܕܒܐܢܟܝܠܐܣ ܛܘܪܐ. ܘܣܘܚܘ ܡܘܕ̈ܝܢܐ ܠܐܘܪܥܗ ܕܡܿܠܟܐ. ܘܒܚܙܬܗ ܐܙܕܗܝ ܡܫܟܐ ܕܐܦ̈ܝܗܘܢ.. ܘܥܦܩ ܐܢܘ̤ܼ ܘܒܟܼܐ ܥܠ ܨܘܪ̈ܝܗܘܢ. ܘܝܬܒ ܩܕܡܝܗܘܢ ܥܠ ܥܦܪܗܿ ܕܐܪܥܐ. ܘܚܐܪ ܗܘܐ ܒܗܘܢܼ. ܘܡܫܒܚ ܗܘܐ ܠܐܠܗܐ. ܟܕ ܪܥܿܡ ܗܘܐ ܠܒܗ ܒܬܘܕܝܬܐܼ. ܘܐܼܡܪ: ܒܚܙܬܟܘܢܼ ܐܝܟ ܗܿܘ ܕܒܡܿܠܟܐ ܡܫܝܚܐ ܚܐܿܪ ܐܢܐܿ. ܟܕ ܩܪܐ ܠܠܥܙܪ ܘܢܼܦܩ ܡܢ ܩܒܪܐ. ܘܐܝܟ ܕܡܢ ܟܕܘ ܩܠܗ ܫܿܡܥ ܐܢܐ ܒܡܬܝܬܗ ܘܒܫܘܒܗܪܗܼ. [ܟܕ ܡܢ ܩܒܪ̈ܐ ܢܿܦܩܝܢ] ܡܝ̈ܬܐ ܠܐܘܪܥܗ ܕܠܐ ܬܘܗܝܐ.. ܘܐܼܡܪ ܡܟܣܡܠܝܢܐ ܠܡܿܠܟܐܼ. ܡܟܝܠ ܦܘܫ ܒܫܠܡܐ ܒܫܠܡܘܬܐ ܕܗܝܡܢܘܬܟ. ܘܡܫܝܚܐ ܝܫܘܥ ܒܪܐ ܕܐܠܗܐܼ ܢܢܛܪ ܠܡܠܟܘܬܟ ܡܢ ܕܘܒܪ̈ܘܗܝ [ܕܒܝܫܐ] ܬܬܗܝـ]ܡܢ ܠܟ ܕܝܢ ܕܡܛܠܬܟ ܗܘ ܐܥܝܪܢ ܡܪܢ ܩܕܡ [ܝܘܡܐ ܪܒܐ ܕܘܚܡܐ. ܚـ]ܢܢ ܓܝܪܼ ܐܝܟ ܥܘܼܠܐ ܕܟܡܐ ܕܫܼܪܐ ܒܟܪܣܗܿ ܕܐܡܗ ܠܐ (ܪܓܝܫ) ܠܐ ܒܐ[ܝܩܪ]ܐ ܘܠܐ ܒܨܥـ[ܪܐܼ ܘܠܐ ܒܓܐܝܘܬܐ] ܘܫܦܠܐܼ. ܘܟܕ ܚܝܼ ܠܐ ܪܓܝܫ [ܒܡܘܬܐ ܘܒܚܝ̈ܐ:] ܗܟܐܢ ܐܦ ܚܢܢ [ܫܠܼܝܢ ܗܘܝܢ ܘܢܝـ]ܚܼܝܢ܇ ܐܝܟ ܕܡ̈ܟܐ [ܕܠܐ ܪܢܝـ]ܐ. ܘܟܕ ܗܠܝܢ [ܐܡܪܘ] ܟܕ ܡܠܟܐ ܘ[ܚܐܪ̈ܐ ܘܐܦ̈ܣܩܦـ]ܐ ܚܝܪܝܢ ܒܗܘܢܼ [ܢܡܘ] ܘܕܡܟܘ. ܘܥܠ ܥܦܪܐ ܐܣܡܟܘ ܪ̈ܝܫܝܗܘܢܼ. ܘܐܫܠܡ ܪ̈ܘ[ܚܬܗܘܢܼ ܒܦـ]ܘܩܕܢܐ ܕܐ[ܠܗܐ.

Page 206

ܘܩܡ] ܡܿܠܟܐ ܠܥܠ ܡܢܗܘܢܼ. ܟܕ ܒܿܟܐ. ܘ[ܠܒ̈ܘܫܝ ܡܠـ]ܟܘܬܗܼ [ܦܪܣ ܠܥܠ] ܡܢܗܘܢ ܥܠ ܓܘܫ̈ܡܝܗܘܢ. ܘܣܪܩܒ ܡܿܠܟܐ ܕܬܡ̈ܢܝܐ ܓܠܘ̈ܣـ[ܩܡܐ ܕܕܗܒـ]ܐ ܢܗܘܘ ܠܓܘܫ̈ܡܝܗܘܢ. ܘܒܗ ܒܠܠܝܐ ܐܬܚܙܝܘ ܠܡܿܠܟܐ ܒܚܠܡܐܼ. ܘܗܟܘܬ ܐܡܼܪܘ ܠܗ: ܕܡܢ ܥܦܪܐ ܐܬܢܚܡ ܦܓـ[ܪ̈ܝܢ. ܠܐ ܗܘܐ] ܡܢ ܕܗܒܐ ܘܣܐܡܐ. ܐܦ ܗܫܐ ܒܗ ܒܕܘܟܬܢܼ ܥܠ ܥܦܪܐ ܫܒܘܩ ܠܢ ܒܡܥܪܬܐ. ܗܝܕܝܢ ܡܿܠܟܐ ܒܪ ܫܥܬܗ ܦܩܼܕ܆ [ܘܩܘ̈ܦܣܐ ܕܕ]ܗܒܐ ܬܩܢ ܬܚܘܬܝܗܘܢ. ܘܫܒܼܩ ܗܢܘܢ ܒܕܘ̈ܟܝܬܗܘܢܼ. [ܥܕܡܐ ܠܝܘܡܢـ]ܐ. ܘܒܟܢܘܫܝܐ ܪܒܐ ܕܐܦܝܣܩ̈ܦܐܼ. ܗܘܐ ܥܐܕܐ ܪܒܐ ܕܕܘ[ܟܪܢܐ ܠܡܘܕ̈ܝܢܐ.] ܘܥܼܒܕ ܡܿܠܟܐ ܙ[ܕܩܬܐ ܪܒܬܐ ܠܟـ[ܠܗܘܢ ܡ̈ܣܟܢܐ ܕܐܬܪܐ. [ܘܫܼܪܐ ܠܐܦܣ̈ܩ] ܕܐܣܝܪ̈ܝܢ ܗܘܘܼ. ܒܐܟܣܘܪܝܐ. ܘܒܚܕܘܬܐ ܕܗܝܡܢܘܬܗ ܗ[ܦܟ ܘܐܬܘ] ܥܡܗ ܐܦ ܐܦܣ̈ܩܦܐ ܠܩܘܣܛܢܛܝܢܘ ܦܘܠܝܣ. ܟܕ ܡܫܒܚܝܢ [ܗܘܘ] ܠܐܠܗܐ ܡܪܐ ܕܡ̈ܝܬܐ ܘܕܚܝ̈ܐ. ܕܐܦ ܚܢܢ ܥܡܗܘܢ ܢܫܒܚ ܐܦ ܢܩܠܣ ܠܬܠܝܬܝܘܬܐ ܡܫܒܚܬܐ ܕܐܒܐ ܘܕܒܪܐ ܘܪܘܚܐ ܩܕܝܫܐ. ܗܫܐ ܘܒܟܠܙܒܢܼ ܘܠܥܠܡ ܥܠܡܝܢ. ܐܡܝܢ܀ ܢܗܦܘܟ ܠܢ ܠܣܕܪܐ ܕܬܫܥܝܬܢܼ. ܗܫܐ ܫܠܡ ܦܘܣܩܐ ܕܬܫܥܝܬܐ ܕܛܠܝ̈ܐ ܕܐܦܣܘܣ ܡܕܝܢܬܐ…

ܬܘܒ. ܫܢܬ ܫܒܥ̈ܡܐܐ ܘܬܠ̈ܬܝܢ ܘܫ̈ܒܥܼ. ܢܚܼܬ ܗܠܝܘܢ ܠܒܝܬ ܢܗܪ̈ܝܢ܆ ܕܢܥܒܕ ܫܝܢܐ ܥܡ ܦܪ̈ܣܝܐ. ܘܟܕ ܐܬܼܐ ܗܠܝܘܢ ܠܒܝܬ ܢܗܪ̈ܝܢ܆ ܘܢܚܼܬ ܠܬܚܬ ܡܢ ܕܪܐ: ܫܪܐ ܒܚܪܝܬܐ ܗܿܝ ܕܥܒܕܘ ܬܡܢ ܪ̈ܗܘܡܝܐ ܩܕܡ ܩܠܝܠܼ ܡܛܠ ܢܘܛܪܗܘܢܼ. [ܘܫܕܪ ܗܘܐ ܐܝܙܓܕܐ ܥܠ

Page 207

ܫܠܡܐܼ] ܠܡܟܣܝܡܣ ܓܒܪܐ ܚܟܝܡܐ. ܗܢܐ ܟܕ [ܐܙܠ] ܠܘܬ ܡܠܟܐ [ܕܦܪ̈ܣܝܐ ܡܛܝܒܐܝܬ] ܨܒܼܐ ܗܘܐ ܕܢܩܒܠܗܿ ܠܐܝܙܓܕܘܬܐ܆ ܡܛܠ ܕܣܓܝ [ܓܡܪ] ܡܢ ܚܝܠܩ ܒܟܦܢܐ. ܐܠܐ ܠܐ ܫܒܩܘܗܝ ܕܢܥܒܕ ܗܕܐܼ. ܗܢܘܢ ܕܡܬܩܪܝܢ ܒܝܬ ܦܪ̈ܣܝܐܼ. ܠܐ ܡ̈ܝܘܬܐ. ܕܗܘܘ ܐܝܟ ܥܣܪܐ ܐܠܦ̈ܝܢ [ܓܒܪ̈ܐ ܚ̈ܝܠܬܢܐ. ܟܕ ܐܡܿܪ]ܝܢ ܕܠܐ ܢܩܒܠ ܫܝܢܐ ܥܕܡܐ [ܕܐܙܠܝܢܢ ܘܢܦܠܝܢܢ] ܥܠܝܗܘܢ ܡܢ ܫܠܝ ܟܕ ܠܐ ܡܛܝܒܝܢ. ܘܚܒܫܗ ܠܐܝܙܓܕܐ ܗܿܘ ܘܢܿܛܪ ܗܘܐ ܠܗ. ܘܫܕܪ ܠܐ ܡ̈ܝܘܬܐܼ. ܕܢܦܠܘܢ ܥܠ ܗܠܝܘܢ ܘܕܥܡܗܼ ܒܩܪܒܐ. ܘܟܕ ܕܝܢ ܐܬܼܘ ܐܬܦܠܓܘ ܠܬܪ̈ܬܝܢ ܡ̈ܢܘܢ܇ ܘܚܒܫ ܒܡܨܥܬܐ ܠܟܢܦܐ ܚܕܐ ܕܪ̈ܗܘܡܝܐ . . . .  . . . . ܘ ܠܡܢܬܐ ܚܕܐ ܕܦܪ̈ܣܝܐܼ ܡܥܬܕܝܢ ܗܘܘ ܥܠܝܗܘܢ. ܡܛܠ ܕܡܢܬܐ ܐܚܪܬܐ ܕܦܪ̈ܣܝܐ ܒܟܡܐܢܐ ܝܿܬܒܐ ܗܘܬ ܡܢ ܒܣܬܪܗܘܢܼ ܘܠܐ ܡܬܚܙܝܐ ܗܘܬ ܠܗܘܢ. ܡܛܠ ܕܡܢ ܫܠܝ ܐܪܡܝܘ ܥܠܝܗܘܢ. ܘܟܕ ܥܬܝܕ ܗܘܐ ܕܢܗܘܐ ܩܪܒܐܼ. ܘܐܬܚܒܫܘ ܪ̈ܗܘܡܝܐ ܒܡܨܥܬܐܼ. ܘܐܦ ܩܪܒܝܢ ܠܡܐܒܕܘ ܩܠܝܠܐܝܬ ܐܕܝܩ ܡܢ ܫܠܝ ܚܝܠܐ ܕܪ̈ܗܘܡܝܐ ܡܢ ܪܡܬܐ ܚܕܐܼ. ܐܝܟ ܥܣܪ̈ܝܢ ܐܠܦ̈ܝܢ. ܟܕ ܪܓܫܝܢ ܒܗܿܝ ܕܩܕܡܝܗܘܢ. ܗܠܝܢ ܕܒܝܕ ܡܕܒܪܢܘܬܐ ܐܠܗܝܬܐ ܗܘ̈ܝ. ܡܫܥܒܕܝܢ ܗܘܘ [ܕܝܢ] ܠܦܪܩܝܦܣ. ܗܢܐ ܕܝܢ ܟܕ ܚܼܙܐ ܕܩܪܒܝܢ ܠܡܒܕܘ ܪ̈ܗܘܡܝܐ [ܚܒܪ̈ܘܗܝܼ] ܐܬܼܐ ܡܢ ܒܣܬܪܗܘܢ ܕܦܪ̈ܣܝܐ. ܘܐܬܚܒܫܘ ܡܟܝܠ ܦܪ̈ܣܝܐ ܒܡܨܥܬܐ. ܘܠܟܠܗܘܢ ܒܥܕܢܐ ܙܥܘܪܐ ܩܛܠ. ܘܗܦܟܘ ܐܦ ܥܠ ܗܿܝ ܡܢܬܐ ܐܚܪܬܐ ܕܝܿܬܒܐ ܗܘܬ ܒܟܡܝܢܐܿ. ܘܠܟܠܗܘܢ ܚܪܒܘ.

Page 208

ܘܗܟܢܐ ܗܠܝܢ ܕܡܬܩܪܝܢ ܒܝܬ ܦܪ̈ܣܝܐ ܠܐ ܡܝ̈ܘܬܐܼ. ܡܝ̈ܘܬܐ ܐܬܚܙܝܘ. ܡܫܝܚܐ ܥܒܼܕ ܬܒܥܬܐ ܡܢ ܦܪ̈ܣܐ ܥܠ ܕܩܛܠܘ ܗܘܘ ܠܣ̈ܓܝܐܐ ܥܒ̈ܕܘܗܝ ܟܪ̈ܣܛܝܢܐ. ܟܕ ܕܝܢ ܝܕܥܘܼ ܡܠܟܐ ܕܦܪ̈ܣܝܐ ܒܗܬܬܐ ܗܕܐ ܕܗܘܬ ܠܗܼ. ܥܒܼܕ ܠܢܦܫܗ ܐܝܟ ܠܐ ܝܕܥ ܡܢܐ ܗܘܿܐ. ܘܩܒܠܗ ܗܘܐ ܠܐܙܓܕܐܼ. ܘܐܡܼܪ ܠܗ. ܕܠܘ ܡܛܠ ܪ̈ܗܘܡܝܐܼ. ܥܿܒܕ ܐܢܐ ܫܝܢܐ. ܐܠܐܼ ܠܟ ܝܗܿܒ ܐܢܐ ܛܝܒܘܬܐ. ܘܗܟܢܐ ܗܟܝܠ ܐܬ[ܟܠܝ] ܡܢ ܦܪܣ ܩܪܒܐ ܡܛܠ ܟܪ̈ܣܛܝܢܐ ܕܬܡܢ. ܘܐܦ ܪܕܘܦܝܐ ܕܦܪ̈ܣܝܐ ܕܥܠ ܟܪ̈ܣܛܝܢܐ ܕܐܪܥܗܘܢ ܫܠܐ. ܀ ܀ ܫܢܬ ܫܒ̈ܥܡܐܐ ܘܬܠ̈ܬܝܢ ܘܬܫ̈ܥܼ. ܡܝܬ ܐܛܝܩܘܣ ܐܦܝܣܩܦܐ ܕܩܘܣܛܢـ ܦܘܠܝܣ. ܘܗܘܼܐ ܚܠܦܘܗܝ ܣܝܣܝܢܘܣ.܀ ܘܒܫܢܬ ܫܒ̈ܥܡܐܐ ܘܐܪ̈ܒܥܝܢ ܘܚܕܐܼ. ܡܝܬ ܗܼܘ ܣܝܣܝܢܘܣ. ܘܗܘܼܐ ܒܕܘܟܬܗ ܢܣܛܘܪܝܘܣ.܀܀ ܘܬܘܒ ܒܫܢܬ ܫܒ̈ܥܡܐܐ ܘܐܪܒܥܝܢ ܘܬܠ̈ܬܼ. ܣܕܩ ܢܫܛܘܪܝܘܣ ܠܥܕܬܐܼ ܘܠܗܝܡܢܘܬܐ ܫܪܝܪܬܐ. ܘܐܡܼܪ. ܕܠܐ ܙܿܕܩ ܠܡ ܕܡܪܝܡ ܝܠܕܬ ܐܠܗܐ ܬܬܩܪܐ.. ܘܬܘܒ ܐܡܼܪ. ܕܐܢܐܼ ܠܗܘܿ ܕܗܘܼܐ ܒܪ ܝܪܚܐ ܘܬܪ̈ܝܢ܆ ܐܠܗܐ ܠܐ ܡܫܡܞ ܐܢܐ.܀ ܥܠ ܗܿܝ ܕܐܝܟܢܐ ܗܘܬ ܠܗ [ܬܘܩܒܬܐ] ܠܢܣܛܘܪܝܣ ܘܢܦܠ ܒܟܘܪܗܢܐ ܕܐܝܟ ܗܢܐ. ܠܐ ܐܢܫ ܢܣܒܪ ܥܠ ܢܝܣܛܘܪܝܣ ܡܥܩܐ ܕܡܢ ܩܕܡ ܥܠܬܐ ܗܕܐ ܐܝܬ ܗܘܐ ܠܗ ܫܘܬܦܘܬܐ ܩܬܘܩܠܬܐ ܗܕܐܼ. ܘܐܠܐܼ ܘܠܐ ܠܦܛܪܝܪܟܘܬܐ ܕܩܘܛܣܢܛܝܢܦܘܠܝܣ ܡܬܩܪܒܐ ܗܘܐ. ܐܠܐ ܓܼܕܫ ܠܗ ܗܿܝ ܕܐܡܼܪ ܟܬܒܐ܇ ܕܐܝܬ ܢܟܦܬܐ ܕܒܿܪܝܐ ܚܛܗ̈ܐ. ܘܟܕ ܨܼܒܐ ܕܢܝܩܪ ܠܪܚܡܗܼ. ܐܬܫܝܛ ܗܼܘ. ܘܟܕ ܒܥܼܐ ܕܢܕܠـ[ـܐ] ܡܢ ܨܡܪܬܐܼ. ܛܒܼܥ ܗܼܘ ܒܗܘܬܐ ܕܐܒܕܢܐ. ܡܛܠ ܕܓܒܪܐ ܗܘܐ ܠܐ ܪܕܝܐ ܒܝܕ ܩܪܝܢܐ ܕܟ̈ܬܒܐ ܐܠܗ̈ܝܐ. ܓܼܕܫ ܕܝܢ ܘܗܘܬܿ ܠܗ ܬܘܩܬܐ ܕܐܝܟ ܗܕܐ..

Page 209

ܩܫܝܫܐ ܚܕ ܐܝܬܘܗܝ ܗܘܐ ܡܢ ܐܢܛܝܟܝܐ ܨܝܕܘܗܝܼ ܕܫܡܗ ܗܘܐ ܐܢܣܛܘܣ. ܠܗܢܐ ܒܐܝܩܪܐ ܣܓܝܐܐ ܐܚܝܕ ܗܘܐ ܠܗ. ܘܡܬ[ܡܠـ]ܟ ܗܘܐ ܒܗ ܒܨܒ̈ܘܬܐ.. ܗܢܐ ܕܝܢ ܒܚܕ ܡܢ ܝܘ̈ܡܝܢ܆ ܟܕ ܗܼܘ ܐܢܣܛܘܣ ܡܬܪܓܡ ܒܥܕܬܐܿ. ܐܡܼܪ. ܕܠܡܪܝܡ ܝܠܕܬܿ ܐܠܗܐܼ. ܐܢܫ ܠܐ ܢܩܪܐ. ܡܪܝܡ ܓܝܪ ܒܪܬ ܐܢ̈ܫܐ ܗܼܝ. ܘܐܠܗܐ ܡܢ ܒܪܬ ܐܢ̈ܫܐܼ. ܕܢܬܝܠܕ ܠܐ ܡܨܝܐ.. ܘܟܕ ܗܕܐ ܐܫܬܡܥܬܿ [ܠܟܗ̈ܢܐ] ܘܠܥܡܐ ܟܠܗ ܕܠܚـ[ܬ]. ܡܢ ܒܪܝܫܝܬ ܓܝܪ ܩܒܠ ܕܡܫܝܚܐ ܐܠܗܐ ܗܼܘܿ. ܘܕܠܐ ܢܦܪܫܘܢ ܒܝܕ ܡܕܒܪܢܘܬܐ ܠܐܢܫܘܬܐ ܡܢ ܐܠܗܘܬܐ ܩܒܠ.. ܟܕ ܓܝܪ ܕܠܘܚܝܐ ܕܐܝܟ ܗܢܐ ܒܥܕܬܐ ܗܘܼܐ ܐܬܚܦܛ ܗܼܘ ܢܣܛܘܪܝܣܼ. ܢܫܘܙܒ ܒܝܕ ܥܠܢ ܥܠܢ ܕܡ̈ܠܐ ܠܪܚܡܗ ܡܢ ܟܫܠܐ ܕܐܝܟ ܗܢܐ. ܠܐ ܓܝܪ ܨܒܿܐ ܗܘܐܼ ܒܝܕ ܪܚܡܘܬܗ ܕܨܝܕܘܗܝܼ ܢܟܣܝܘܗܝ ܐܝܟ ܡܓܕܦܢܐ. ܘܡܛܠ ܗܕܐ ܨܿܒܐ ܗܘܐ ܢܫܪܪ ܠܡܠܬܗ ܕܐܢܣܛܘܣ. ܘܥܒܼܕ ܒܥܕܬܐ ܥܠ ܗܕܐ ܬܘܓܡܐ. ܘܫܪܝ ܕܢܩܿܝܡ ܒܗ ܠܡܠܬܗ ܕܐܢܣܛܘܣ. ܘܒܟܠ ܕܘܟ ܠܡܠܬܐ ܕܝܠܕܬ ܐܠܗܐ ܡܦܩ ܗܘܼܐ. ܘܡܢ ܥܠܬܐ ܗܕܐ ܣܕ̈ܩܐ ܣܓܝ̈ܐܐ ܗܘܘ ܒܥܕܬܐ.܀ ܥܠ ܬܘܓܡܐ ܗܘ ܕܥܒܼܕ ܢܣܛܘܪܝܘܣ ܒܥܕܬܐ ܕܩܘܣܛܢܛܝܢܦܘܠܝܣܼ ܐܡܿܪ ܩܕܝܫܐ ܦܛܪܐ ܐܒܪܝܐܼ ܕܗܘ ܗܘܐ ܚܙܝܐ ܕܝܠܗ ܕܣܘܥܪܢܐ ܗܢܐܼ. ܐܝܟ ܡܐ ܕܣܼܗܕ ܩܕܡܝܢ. ܗܢܐ ܕܝܢ ܦܛܪܐ ܐܒܪܝܐ ܒܪܗ ܐܝܬܘܗܝ ܗܘܐ ܕܡܿܠܟܐ ܕܐܒܪ̈ܝܐ. ܘܢܣܒܗ ܕܝܢ ܬܝܕܣܝܘܣ ܡܿܠܟܐ ܕܪ̈ܗܘܡܝܐ ܡܢܗ ܗܡܝܪܐܼ. ܕܠܐ ܢܬܢܟܠ ܥܠܘܗܝ. ܘܐܝܟ ܒܪܐ ܪܒܝܗ ܬܝܕܣܝܘܣ ܡܿܠܟܐܿ. ܘܦܠܘܟܪܝܐ ܚܬܗ ܕܡܿܠܟܐ. ܘܟܕ ܪܒܐ ܐܚܒܘ ܠܕܘܒܪ̈ܐ ܢܟ̈ܦܐ ܕܕܝܪܝܘܬܐܼ. ܘܫܒܼܩ ܠܒܝܬ ܡܠܟܘܬܐ. ܘܠܚܪܐ ܗܘܼܐ ܐܦܝܣܩܦܐ ܕܐܦܡܝܐ.

Page 210

ܗܢܐ ܕܝܢ ܣܗܕ ܘܐܡܪ. ܕܟܕ ܐܝܬܝ ܗܘܿܝܬ ܥܕܟܝܠ ܒܩܘܣܛܢܛܝܢܦܘܠܝܣܼ ܡܢ ܩܕܡ ܕܐܟܦܘܪ ܒܥܠܡܐ: ܟܕ ܚܝ ܥܕܟܝܠ ܢܣܛܘܪܝܣܿ. ܘܐܝܬ ܗܘܐ ܠܗ ܐܦܝܣܩܘܦܬܐ. ܕܟܕ ܡܫܬܡܠܐ ܗܘܐ ܕܘܟܪܢܐ ܕܐܪ̈ܒܥܝܢ ܣܗ̈ܕܐ ܩܕ̈ܝܫܐܼ. ܒܥܕܬܐ ܕܡܬܩܪܝܐ ܕܝܠܕܬ ܐܠܗܐ. ܟܕ ܩܡ ܕܢܬܪܓܡ ܩܕܡ ܟܠܗ ܥܡܐ ܒܩܪܝܒܘܬܐ ܕܝܠܝ. ܐܝܬܘܗܝ ܗܘܐ ܕܝܢ ܢܫܝ ܩܠܐ ܘܢܨܝܚ ܩܠܐ. ܫܪܝ ܕܢܓܕܦܼ ܘܢܐܡܪ ܠܐܦ̈ܝ ܡܨܥܬܗ ܕܬܘܪܓܡܗ: ܠܐ ܬܫܬܒܗܪܝܢ ܡܪܝܡܼ ܐܝܟ ܗܘ ܕܠܐܠܗܐ ܝܠܕܬܝ. ܠܐ ܓܝܪ ܝܠܕܬܝ ܐܘ ܡܝܬܪܐ ܠܐܠܗܐܼ. ܐܠܐ ܒܪܢܫܐܼ ܐܘܪܓܢܢ ܕܐܠܗܐ.. ܘܡܚܕܗ ܕܐܼܡܪ ܗܕܐܼ. ܗܘܼܐ ܠܗ ܕܝܘܐ ܥܠܝܗܿ ܕܒܐܡܐ. ܕܗܟܢܐ ܥܡ ܦܬܗ ܐܦ ܐܝܕܗ ܕܝܡܝܢܐ ܬܬܗܦܟ ܠܒܣܬܪܗܿ. ܘܟܕ ܡܫܦܠ ܘܥܬܝܕ ܗܘܐ ܠܡܦܠܼ ܚܛܦܘܗܝ ܡܕ̈ܝܠܢܐ ܘܡܫ̈ܡܫܢܐܪ. ܘܛܥܢܘܗܝ ܘܐܥܠܘܗܝ ܠܕܝܩܘܢܝܘܢ.  ܘܡܢ ܗܝܕܝܢ ܣܘܓܗ ܕܥܡܐ ܫܢܝ ܡܢ ܫܘܬܦܘܬܗܼ. ܘܝܬܝܪܐܝܬ ܗܠܝܢ ܕܒܦܠܛܝܢ. ܘܐܦ ܐܢܐ ܡܢ ܩܕܡ ܟܠܗܘܢ. ܘܟܕ ܛܒ ܪܚܝܡ ܗܘܿܝܬ ܡܢܗ.. ܗܢܐ ܗܟܝܠ ܗܟܢܐ ܫܪܥ ܘܢܼܦܠܼ ܐܝܟ ܟܘܟܒ ܢܘܓܗ ܡܢ ܫܡܝܐ. ܘܠܐ ܗܦܟ ܡܢ ܨܒܝܢܗ ܒܝܫܐ܇ ܡܛܠ ܕܐܬܥܠܠܘ ܒܗ ܣܛܢܐ. ܀܀ ܫܢܬ ܫܒܥܡ̈ܐܐ ܘܐܪ̈ܒܥܝܢ ܘܐܪ̈ܒܥܼ. ܐܬܟܢܼܫܬܿ ܣܘܢܗܕܣ ܩܕܡܝܬܐ ܒܐܦܣܘܣ. ܘܐܚܪܡܬܿ ܘܫܕܬܿ ܠܪܫܝܥܐ

Page 211

ܢܣܛܘܪܝܣ. ܡܛܠ ܕܠܐ ܨܼܒܐ ܕܢܗܦܘܟ ܡܢ ܗܿ، ܡܐ ܕܩܐܡ ܗܘܐ ܒܗ.. ܪ̈ܝܫܝܗܿ ܕܝܢ ܕܣܘܢܗܕܣ ܐܝܬܝܗܘܢ ܗܠܝܢ: ܩܕܝܫܐ ܩܘܪܝܠܣܼ ܦܛܪܝܪܟܐ ܕܐܠܟܣܢܕܪܝܐ. ܡܡܢܘܢ ܕܐܦܣܘܣ. ܝܘܒܝܠܢܘܣ ܕܐܘܪܫܠܡ. ܝܘܚܢܢ ܕܐܛܝܟܝܐ. ܘܡܬܝܕܥܝܢ ܕܝܢ ܐܦ ܪܒܘܠܐ ܕܐܘܪܗܝ. ܐܩܝܩܣ ܕܐܡܕ. ܘܐܩܝܩܝܣ ܐܚܪܢܐ ܕܫܡܝܫܛ. ܀܀ ܫܢܬ ܫܒܥܡ̈ܐܐ ܘܐܪ̈ܒܥܝܢ ܘܫܬܼ. ܡܝܬ ܩܕܝܫܐ ܡܪܝ ܪܒܘܬܐ ܕܐܘܪܗܝ. ܘܗܘܼܐ ܚܠܦܘܗܝ ܗܝܒܐ. ܗܢܐ ܒܢܼܐ ܥܕܬܐ ܚܕܬܐ. ܗܿܝ ܕܘܝܡܢܐ ܒܝܬ ܫܠܝ̈ܚܐ ܡܬܩܪܝܐ.܀ ܒܗܢܐ ܙܒܢܐ ܡܬܝܕܥܝܢ ܩܕܝܫܐ ܡܪܝ ܒܪܨܘܡܐ ܕܒܝܬ ܫܡܝ̈ܫܛܝܐ.. ܘܩܕܝܫܐ ܫܡܥܘܢ ܕܐܣܛܘܢܗ.܀ ܘܬܘܒ ܒܗܢܐ (ܙܒܢܐܼ) ܓܘܢܚܐ ܪܒܐ ܘܐܒܕܢܐ ܡܪܝܪܐ ܗܘܐ ܒܥܡܐ ܕܝܗܘܕ̈ܝܐ. ܡܢ ܥܠܬ ܛܥܝܘܬܐܼ. ܐܝܕܐ ܕܡܛܠܬܗܿ ܟܪ̈ܣܛܝܢܐ ܣܓܝ̈ܐܐ ܗܘܘ ܡܢܗܘܢ.. ܓܕܼܫ ܠܗܘܢ ܥܠܬܐ ܕܐܝܟ ܗܕܐ. ܝܗܘܕܝܐ ܕܝܢ ܚܕ ܡܛܥܝܢܐ ܐܬܚܙܝ ܗܘܐ ܒܩܪܝܛܐ: ܘܥܿܒܕ ܗܘܐ ܢܦܫܗ ܡܘܫܐ. ܘܐܡܿܪ ܗܘܼܐ ܠܗܘܢ ܕܐܫܬܕܪ ܡܢ ܫܡܝܐܼ ܕܢܦܩ ܠܝܗ̈ܘܕܝܐ ܕܥܿܡܪܝܢ ܒܓܙܪܬܐ ܗܿܝܼ. ܘܢܥܒܪ ܐܢܘܢ ܒܝܡܐ. ܐܡܿܪ ܗܘܐ ܓܝܪ܆ ܕܗܿܘܝܘܼ ܗܿܘ ܕܐܥܒܪ ܠܒܢ̈ܝ ܐܝܣܪܐܝܠ ܡܢ ܩܕܝܡ ܒܝܡܐ ܕܣܘܦ.. ܘܫܢܬܐ ܚܕܐ ܡܬܟܪܟ ܗܘܐ ܒܩܘܪ̈ܝܐ ܘܒܡܕ̈ܝܢܬܐ ܕܓܙܪܬܐ ܗܿܝ. ܘܡܦܝܣ ܗܘܐ ܠܝܗ̈ܘܕܝܐ ܕܥܿܡܪܝܢ ܒܗܿܝ ܕܢܩܒܠܘܢ ܡܠܘ̈ܗܝ. ܘܡܿܠܟ ܗܘܐ ܠܗܘܢ ܕܢܫܒܩܘܢ ܠܩܢܝܢܗܘܢ.. ܐܫܬܘܕܝ ܠܗܘܢ ܕܐܝܟ ܕܒܝܒܫܐ ܡܥܒܪ ܠܗܘܢ ܒܝܡܐ ܠܐܪܥܐ ܕܡܘܠܟܢܐ.. ܗܢܘܢ ܕܝܢ ܐܬܕܒܪܘ ܒܬܪ ܣܒܪܐ ܕܡ̈ܠܐ ܗܠܝܢ. ܘܡܗܝܡܢܝܢ ܗܘܘ ܡܟܝܠ ܡܢ ܟܠܗ ܚܝܠܗܘܢ ܘܡܒܣܝܢ ܗܘܘ ܕܝܢ ܐܦ ܒܡܕܡ ܕܩܢܝܢ. ܟܕ ܫܒܿܩܝܢ ܠܐܝܢܐ ܕܗܼܘ ܕܢܿܣܒ

Page 212

ܐܝܟ ܨܒܝܢܗ. ܘܟܕ ܡܛܝ ܝܘܡܐ ܗܿܘ ܕܒܗ ܬܚܡ ܠܗܘܢܼ ܝܗܘܕܝܐ ܗܿܘ ܡܛܥܝܢܐ: ܗܼܘ ܡܿܢ ܐܙܿܠ ܗܘܐ ܒܪܝܫܐܼ. ܐܙܿܠܝܢ ܗܘܘ ܕܝܢ ܒܬܪܗ ܟܠܗܘܢ ܥܡ ܢܫ̈ܝܗܘܢ ܘܒܢ̈ܝܗܘܢ ܒܟܘܠ ܡܘ̈ܫܚܢ. ܘܐܝܬܝ ܐܢܘܢ ܠܩܪܩܦܬܐ ܚܕܐ ܕܒܛܘܪܐ ܕܢܕܝܐ ܠܝܡܐ. ܘܦܩܼܕ ܗܘܐ ܠܗܘܢ ܕܢܫܕܘܢ ܒܝܡܐ ܢܦܫ̈ܬܗܘܢ. ܗܟܢܐ ܥܒܕ ܐܢܘܢ ܕܐܙܠܘ ܩܕ̈ܡܝܐ ܠܗܿܝ ܩܪܢܐܼ ܡܚܕܗ ܡܝܬ. ܟܕ ܡܛܪܦܝܢ ܘܐܚܪ̈ܢܐ ܟܕ ܡܬܚܢܩܝܢ ܒܡܝ̈ܐ. ܘܐܝܟ ܕܠܡܐܡܪ܆ ܟܠܗܘܢ ܡܬܚܒܠܝܢ ܗܘܘ. ܐܠܘ ܐܢ̈ܫܐ ܟܪ̈ܣܛܝܢܐܼ. ܐܝܟ ܕܡܢ ܡܕܒܪܢܘܬܐ ܕܐܠܗܐܼ. ܨܝ̈ܕܐ ܘܬܓܪ̈ܐ ܕܐܣܬܩܒܠܘ ܬܡܢ ܠܐ ܐܕܪܟܘܢ ܘܦܨܝܘܢ ܠܐܝܠܝܢ ܕܡܬܚܢܩܝܢ ܗܘܘ ܘܗܝܕܝܢ ܫܩܠ ܡܪܓܫܢܘܬܐ ܕܫܢܝܘܬܗܘܢܼ. ܟܕ ܪܡܝܢ ܒܒܝ̈ܫܬܐ. ܘܠܐ[ܚܪ̈ܢܐ ܕܐܬܿܝܢ] ܗܘܘ ܕܢܫܕܘܢ ܢܦܫܗܘܢ ܒܝܡܐܼ ܟܠܘ ܐܢܘܢܼ ܗܿܢܘܢ ܕܐܣܬܩܒܠܘ. ܟܕ ܐܡܿܪܝܢ ܠܗܘܢ ܥܠ ܐܒܕܢܐ ܕܗܢܘܢ ܩ̈ܕܡܝܐ ܕܫܕܘ ܢܦܫܗܘܢ. ܘܟܕ ܕܝܢ ܐܫܬܘܕܥܘܗܝ ܠܛܘܥܝܝ ܡܬܥܕܠܝܢ ܗܘܘ ܒܗܝܡܢܘܬܗܘܢ ܡܣܪܗܒܬܐ. ܘܨܿܒܝܢ ܗܘܘ ܕܢܩܛܠܘܢ ܐܦ ܠܡܘܫܐ ܕܕܓܠܘܬܐ. ܘܠܐ ܐܫܟܚ ܕܢܠܒܟܘܢܝܗܝ. ܠܐ ܓܝܪ ܡܬܚܙܐ ܗܘܐ ܠܗܘܢ. ܗܘܐ ܕܝܢ ܡܣܒܪܢܘܬܐ ܠܣܓܝ̈ܐܐ ܥܠܘܗܝ ܕܕܝܘܐ ܗܘܐ ܕܡܥܛܦ ܗܘܐ (ܐܣܟܝܡܐ) ܕܒܪܢܫܐ. ܕܐܬܚܙܝ ܐܝܟ ܕܠܚܘܒܠܐ ܕܥܡܗܘܢ. ܡܛܠܗܢܐ ܢܝܫܐܼ ܣܓܝ̈ܐܐ ܡܢ ܝܗܘ̈ܕܝܐ ܐܪܫܠܘ ܫܒܩܘ ܝܗܘܕܝܘܬܐܼ. ܘܐܬܓܘܣ ܒܟܪܣܛܝܢܘܬܐ. ܀ ܀ ܘܒܫܢܬ ܫܒ̈ܥܡܐܐ ܘܐܪ̈ܒܥܝܢ ܘܫܒ̈ܥܼ. ܡܝܬ ܡܟܣܝܡܘܣ ܐܦܝܣܩܘܦܐ ܕܩܘܣܛܢܛܝܢܦܘܠܝܣ. ܘܩܒܠ ܬܪܘܢܣ ܕܝܠܗ ܩܕܝܫܐ ܦܪܘܩܠܘܣ. ܘܗܼܘ ܦܪܘܩܠܘܣ ܐܝܬܝ ܠܓܪ̈ܡܘܗܝ ܕܩܕܝܫܐ ܡܪܝ ܝܗܘܢܝܣ ܡܢ ܐܟܣܘܪܝܐ ܠܩܘܣܛܢܛܝܢܦܘܠܝܣ. ܘܚܝܕ

Page 213

ܠܗܠܝܢ ܕܦܠܝܓܝܢ ܗܘܘ ܡܛܠܬܗ.܀ ܒܗܢܐ ܕܝܢ ܙܒܢܐܼ ܝܘܚܢܢ ܨܼܒܐ ܕܢܚܪܘܒ ܐܪܥܐ ܕܪܗܘܡܐ ܪܒܬܐܼ. ܥܡ ܒܪܒܪ̈ܝܐ ܣܓܝ̈ܐܐ. ܘܟܕ ܡܟܢܫܝܢ ܘܨܒܿܝܢ ܕܢܼܚܪܒܘܢ ܠܪܗܘܡܐ ܥܡ ܐܬܪ̈ܘܬܐ ܟܠܗܘܢ ܡܥܪ̈ܒܝܐ ܕܐܝܛܠܝܐܼ. ܫܡܥ ܡܿܠܟܐ ܒܗܕܐ. ܗܼܘ ܕܝܢ ܐܝܟ ܥܝܕܗܼ ܥܠ ܐܠܗܐ ܫܼܕܐ ܟܠܗ ܨܦܬܗ. ܘܠܗ ܐܓܥܠ ܟܠܗ ܦܘܪܢܣܐ ܕܝܠܗ ܕܣܘܥܪܢܐ. ܟܕ ܡܬܡܢ ܒܨܠܘܬܐ ܚܦܝܛܐܝܬ. ܘܠܐ ܐܫܬܼܘܚܪ ܕܢܿܣܒ ܐܝܠܝܢ ܕܒܿܥܐ ܗܘܐ.. ܢܦܼܠ ܓܝܪ ܒܪܩܐ ܡܢ ܫܡܝܐ ܘܡܚܝܗܝ ܠܪܝܫܗܘܢ ܘܐܘܩܕܗܼ. ܘܠܣܓܝ̈ܐܐ ܡܢ ܒܪ̈ܒܪܝܐ ܕܥܡܗ. ܘܗܠܝܢ ܕܫܪܟܐ ܐܬܚܒܠܘ ܒܢܦܩܐ ܩܫܝܐ ܘܢܣ̈ܝܣܐ. ܘܒܚܪܬܐ ܬܘܒ ܢܚܬܬܿ ܢܘܪܐ ܡܢ ܫܡܝܐ ܘܚܪܒܼܬܿ ܠܣܘܓܐܐ ܡܢ ܗܢܘܢ ܕܐܫܬܘܚܪܘ. ܘܗܕܐ ܒܚܕܠܬܐ ܪܒܐ ܥܒܼܕܬܿ ܠܒܪ̈ܒܪܝܐ. ܕܚܙܘ ܕܡܢ ܐܠܗܐ ܡܬܥܕܪܝܢ ܪ̈ܗܘܡܝܐܼ. ܘܗܼܢܘܢ ܕܠܐ ܩܪܒܐ ܐܒܕܝܢ. ܘܫܢܝܘ ܡܢ ܐܪܥܗܘܢ. ܀ ܀ ܫܢܬ ܫܒ̈ܥܡܐܐ ܘܚܡ̈ܫܝܢ ܘܚ̈ܡܫܼ. ܡܝܬ ܩܕܝܫܐ ܩܘܪܝܠܘܣ ܦܛܪܝܪܟܐ ܕܐܠܟܣܢܕܪܝܐ. ܀ ܀ ܘܒܫܢܬ ܫܒ̈ܥܡܐܐ ܘܚܡ̈ܫܝܢ ܘܫ̈ܬܼ. ܗܘܼܐ ܕܝܩܪܣ ܦܛܪܝܪܟܐ ܕܝܠܗܿ ܕܐܠܟܣܢܕܪܝܐ. ܀ ܀ ܘܒܫܢܬ ܫܒ̈ܥܡܐ ܘܚ̈ܡܫܝܢ ܘܫܒ̈ܥܼ. ܐܬܟܼܢܫܬܿ ܣܘܢܗܕܘܣ ܕܬܪ̈ܬܝܢ ܒܐܦܣܘܣ. ܪ̈ܝܫܝܗܿ ܕܝܢ ܕܗܕܐ ܣܘܢܗܕܘܣ ܐܝܬܝܗܘܢ ܗܠܝܢ: ܩܕܝܫܐ ܕܝܣܩܪܣ ܦܛܪܝܪܟܐ ܕܐܠܟܣܢܪܝܐ. ܘܝܘܒܢܝܠܝܣ ܐܦܣ ܕܐܘܪܫܠܡ. ܘܝܘܠܝܘܣ ܐܦܝܣܩܦܐ ܕܩܘܼ. ܘܡܠܐ ܕܘܟܬܗ ܕܠܐܘܢ ܕܪܗܘܡܐ. ܡܛܠ ܕܠܐ ܥܕܟܝܠ ܐܨܛܠܝ ܗܘܐ ܠܗ ܠܐܘܢ ܠܒܪ ܡܢ ܗܝܡܢܘܬܐ ܫܪܝܪܬܐ ܕܢܩܝܐ. ܘܐܣܛܦܢܐ ܬܘܒ ܐܦܝܣ ܕܐܝܪܦܘܠܝܣ. ܘܐܚܪ[ܡ] ܕܝܢ ܒܗܿ ܒܣܘܢܕܘܣܼ. ܠܦܘܠܝܢܣ ܦܛܪܝܪܟܐ ܕܩܘܣܛܢܛܝܢܦܘܠܝܣ. ܘܠܐܘܣܒܝܣ ܕܕܘܠܪܝܘܢ. ܘܠܕܡܢܘܣ ܦܛܪܝܪܟܐ ܕܐܛܝܟܝܐ. [ܘܠܛܝܕܪܝܛܐ

Page 214

ܕ]ܩܘܪܣ. ܘܠܗܒܐ ܕܐܘܪܗܝ. ܠܕܢܝܐܝܠ ܕܚܪܢ. [ܘܠܣـ]ܘܦܪܢܝܣ ܕܬܠܐ. ܀ ܘܒܗܕܐ ܫܢܬܐ ܐܬܢܒܝ ܗܘܐ ܦܠܐܓܝܘܣ ܩܫܝܫܐ ܐܘܪܗܝܐ. ܗܿܘ ܕܡܢ ܗܒܐ ܐܬܛܪܕܼ. ܥܠ ܕܡܟܣ ܗܘܐ ܠܗܼ ܥܠ ܒܝܫܘܬ ܗܝܡܢܘܬܗ. ܘܐܡܪ ܕܡܫܬܥܐ ܗܘܐ ܠܢ ܗܼܘ ܐܒܐ ܦܛܪܐ ܐܒܪܝܐܼ. ܡܛܠ ܛܘܒܬܢܐ ܦܝܠܐܓܝܘܣ ܐܘܪܗܝܐܼ. ܕܐܝܬ ܗܘܐ ܠܗ ܕܘܒܪ̈ܐ ܕܡܝܬܪܘܬܐ. ܘܐܝܬܘܗܝ ܗܘܐ ܕܝܪܝܐ ܘܢܒܝܐ: ܕܟܕ ܫܡܥ ܠܡ ܓܘܕ̈ܦܐ ܕܗܒܐ ܐܦܝܣܩܦܐ ܕܐܘܪܗܝܼ. ܐܟܣܗ ܓܠܝܐܝܬ ܘܣܿܓܝ ܚܼܫ ܡܢܗ. ܘܟܕ ܐܬܪܕܦ ܡܢܗ. ܐܬܼܐ ܠܡܢ̈ܘܬܐ ܕܦܠܣܛܝܢܐ. ܘܝܼܬܒ ܒܫܠܝܐܿ. ܟܕ ܥܕܟܝܠ ܚܝ ܗܘܐ ܝܘܒܝܠܐܣܼ. ܡܢ ܩܕܡ ܣܘܢܗܕܘܣ ܘܡܬܥܒܪܢܘܬܐ ܕܗܝܡܢܘܬܐ. ܘܗܟܢܐ ܥܡܪܬܿ ܒܗ ܛܝܒܘܬܐܿ. ܐܝܟ ܕܢܬܡܠܐ ܪܘܚܐ ܕܢܒܝܘܬܐܼ ܘܣܒܝܣܐܝܬ ܢܚܙܐ ܚܙܘ̈ܢܐ. ܗܿܘ ܕܟܕ ܒܟܠ ܙܒܢ ܐܬܿܐ ܗܘܐ ܠܘܬ ܐܒܐ ܦܛܪܐ ܕܐܝܬܘܗܝ (ܗܘܐ) ܗܝܕܝܢ ܒܫܠܝܐ ܒܠܐܒܪܐ ܕܡܝܘܡܐ ܕܓܙܐ. ܡܛܠ ܚܘܒܐ ܣܓܝܐܐ ܕܐܝܬ ܗܘܐ ܠܗܘܢ ܨܝܕ ܚܕ̈ܕܐ. ܒܚܕ ܡܢ ܝܘ̈ܡܝܢ܆ ܟܕ ܡܛܝܠ ܘܡܒܚܢ ܥܡܗ ܕܐܒܐ: ܡܛܠ ܚܘ̈ܫܒܐ ܘܡܝܬܪ̈ܘܬܐ ܕܒܐܠܗܐܼ ܘܒܕܘܟܬܐ ܚܝܠܬܢܝܬܐ ܕܝܠܗܿ ܣܘܢܕܘܣ ܕܟܠܩܕܘܢܐܼ ܫܢ̈ܝܐ ܫܒ̈ܥܼ. ܡܬܥܒܪܢܘܬܐ ܕܥܬܕܝܐ ܗܘܬ ܕܬܗܘܐ ܒܟܠܩܕܘܢܐ ܡܢ ܐܦܝܣ̈ܩܦܐ. ܟܕ ܐܦ ܫܡܗ ܕܪܫܥܐ ܡܪܩܝܢܐ ܐܡܼܪ: ܗܿܘ ܕܒܝ̈ܘܡܬܗ ܘܒܐܝ̈ܕܘܗܝ ܥܬܝܕܐ ܗܘܬ ܕܬܗܘܐ. ܗܠܝܢ ܕܫܪܟܐ ܒܐܝܕܐ ܒܐܝܕܐ. ܟܕ ܐܡܼܪ ܐܦ ܠܦܛܪܐ: ܕܠܝ ܘܠܟܼ ܐܒܐ. ܐܝܬ ܠܗ

Page 215

ܠܙܒܢܐ ܗܿܘ ܕܢܕܪܟ. ܗܿܘ ܕܟܕ ܡܬܕܪܦܝܢܢ ܥܡ ܟܠܗܘܢ ܩܕ̈ܝܫܐ. ܗܠܝܢ ܕܠܐ ܡܬܪܡܝܢ ܕܢܫܠܡܘܢ ܠܥܒܘܪܝܐ ܕܒܗܝܡܢܘܬܐ. ܘܗܟܢܐ ܒܗ ܒܪܕܘܦܝܐ ܢܫܬܡܠܐ. ܗܿܝ ܕܐܦ ܗܘܼܬ ܘܫܠܡܬܿ ܐܝܟ ܡܠܬܗ ܒܚܪܬܐ. ܀ ܬܘܒ ܐܬܢܒܝ ܥܠ ܦܠܘܟܪܝܐ ܚܬܗ ܕܬܝܕܣܝܣܝ ܘܡܪܝܒܢـ[ܝـ]ܬܗ ܕܐܒܐ ܦܛܪܐ ܐܒܪܝܐܼ. ܘܥܠ ܩܪܒܗܿ ܕܥܡ ܩܕ̈ܝܫܐܼ ܘܫܬܦܘܬܗܿ ܕܥܡ ܡܪܩܝܢܐ܇ ܗܼܘ ܟܕ ܗܼܘ ܐܒܐ ܦܠܐܓܝܘܣ ܢܒܝܐܼ. ܐܝܟ ܕܡܫܬܥ ܗܘܐ ܠܢ ܐܒܐ ܦܛܪܐ܇ ܕܟܕ ܐܝܬܘܗܝ ܗܘܐ ܥܡ ܩܕܝ̈ܫܐ ܐܚܪ̈ܢܐ ܠܘܬܗ ܕܣܒܐܿ. ܬܘܒ ܒܚܙܘܐ ܐܚܪܢܐܼ ܐܡܿܪ ܗܘܐ ܡܢ ܩܕܡ ܣܘܢܗܕܣ. ܘܫܪܝ ܕܢܐܡܪ ܟܕ ܒܿܟܐ. ܘܝ ܦܠܘܟܪܝܐ. ܘܝ ܦܠܘܟܪܝܐ. ܘܝ ܦܠܘܟܪܝܐ. ܘܟܕ ܣܓܝܐܬܐ ܐܬܩܪܒܬܿ ܠܗ ܦܝܣܬܐ ܡܢܢ܆  ܕܢܓܠܐ ܠܢ ܡܢܐ ܗܿܝ ܕܡܬܐܡܪܐ ܡܢܗ: ܐܡܼܪ ܕܦܠܘܟܪܝܐ ܗܿܝ ܕܐܫܬܘܕܝܬܿ ܠܐܠܗܐ ܒܬܘܠܘܬܐܼ. ܘܐܫܝܕܬܿ ܠܢܣܛܘܪܝܣܼ. ܠܗܿܝ ܕܟܠܗܘܢ ܩܕ̈ܝܫܐ ܕܒܟܘܠܕܘܟ ܟܿܬܒܝܢ ܗܘܘܼ ܐܝܟ ܕܠܩܕܝܫܬܐ ܘܒܬܘܠܬܐ. ܗܿܝ ܕܩܝܡܐ ܗܘܬ ܒܐܦ̈ܝ ܐܪ̈ܬܕܟܣܘ. ܥܬܝܕܐ ܕܬܥܒܪ ܥܠ ܗܝܡܢܘܬܐ ܘܥܠ ܒܬܘܠܘܬܐ܆ ܘܬܗܘܐ ܠܓܒܪܐ ܕܫܡܗ ܡܪܩܝܢܐܼ. ܘܬܫܚܘܩ ܠܩܕ̈ܝܫܐ. ܗܿܝ ܕܐܦ ܗܘܬ. ܘܫܠܡܬܿ ܡܠܬܗ. ܘܥܒܼܪܬܿ ܥܠ ܫܘ̈ܘܕܝܗܿ ܘܕܟܝܘܬ̈ܿ ܕܫܐܬܘܕܝܬܿ ܠܡܫܝܚܐ. ܘܐܙܕܘܓܬܿ ܠܡܪܩܝܢܐ. (ܘܗܘܼܬ ܝܪܘܬܬܐ] ܕܡܠܟܘܬܗ ܘܕܪܘܫܥܗܼ ܘܕܫ̈ܘܢܩܐ ܕܢܛܝܪܝܢ ܠܗ. ܐܡܿܪ ܘܒܬܪ ܫܢ̈ܝܐ ܫ̈ܬ ܢܡܬܘܢ ܬܪ̈ܝܗܘܢ. ܟܕ ܠܐ ܫܿܒܩܝܢ ܝܪܬܐ܀ ܬܘܒ ܥܠ ܝܘܒܝܢܠܐܘܣ ܕܐܘܪܫܠܡܼ ܐܡܼܪ ܗܼܘ ܟܕ ܗܼܘ ܦܠـ[ܐܓܝܘܣ ܩܫܝܫܐܼ. ܐܝܟ] ܕܐܫܬܥܝ ܠܢ ܦܡܦܝܠܝܣ ܡܫܡܝܢ ܕܥܕܬܐ ܕܐܘܪܫܠܡܼ. ܕܐܝܬܘܗܝ

Page 216

ܗܘܐ ܪܚܡܗ. ܕܥܼܠ ܥܡܗ ܒܙܒܢ ܕܢܿܨܠܐ ܒܕܘܟܬܐ ܩܕܝܫܬܐ ܕܓܓܘܠܬܐ. ܟܕ ܥܕܟܝܠ ܠܠܝܐ ܗܘܼܐ. ܗܢܐ ܓܝܪ ܥܝܕܐ ܐܝܬ ܗܘܐ ܠܗ. ܘܟܕ ܩܐܿܡ ܘܡܿܨܠܐ ܐܬܚܛܦ ܠܚܙܘܐ. ܘܟܕ ܐܬܬܚܕ ܡܢ ܒܟܝܐ ܘܡܢ ܕܡ̈ܥܐܼ. ܫܪܝ ܠܡܐܡܪ: ܝܘܒܝܢܠܐܣ. ܝܘܒܢܝܠܐܣ. ܘܠܚܪܬܐ ܡܢ ܕܫܠܐ ܒܟܝܐ ܘܚܙܘܐܼ. ܐܫܬܐܠ ܡܢܗ ܕܫܡܫܐ ܦܡܦܝܠܝܣܼ ܟܕ ܠܚܘܕܐܝܬ ܢܦܠ ܩܕܡܘܗܝ: ܕܡܢܐ ܐܝܬܝܗܝܢ (ܗܠܝܢ) ܕܚܙܘܐ ܕܝܘܒܝܢܠܐܣ. ܘܡܛܠ ܡܢܐ ܕܠܐ ܫܠܝܐ ܥܡ ܒܟܝܐ ܡܙܥܩ ܗܘܐܼ ܕܝܘܒܝܢܠܐܣ. ܗܼܘ ܕܝܢ ܐܡܿܪ: ܕܐܝܟ ܙܢܐ ܕܗܫܐ ܚܿܙܐ ܐܢܬ ܠܗ ܠܝܘܒܢܠܐܣܿ ܕܡܢ ܕܝܪ̈ܝܐ ܘܩܠܝܪܝܩܘ ܡܙܕܝܚ: ܗܟܢܐ ܐܢ ܒܚܝ̈ܐ ܕܗܪܟܐ ܐܝܬܝܟܼ. ܐܝܬ ܠܟ ܕܬܚܝܙܝܘܗܝ ܕܡܢ ܪ̈ܗܘܡܝܐ ܘܕܝܘ̈ܢܐ ܡܬܬܝܿܬܐ.܀ ܐܦ ܐܠܝܕܝܘܣ ܕܩ̈ܠܝܬܐ ܐܬܢܒܝܼ ܘܐܡܼܪ ܥܠ ܪܘܕܦܝܐܼ ܘܥܠ ܡܠܟܐ ܡܪܩܝܢܐܼ. ܩܕܡ ܕܢܗܘܐ. ܐܦ ܥܠ ܕܝܣܩܪܘܣ ܕܐܠܟܣܢܪܝܐܼ ܕܠܐ ܡܫܬܡܥ ܠܗ ܘܡܬܪܕܦ ܡܢܗܼ. ܚܘܝ. ܐܫܬܥܝ ܠܢ ܝܘܚܢܢ ܩܫܝܫܐ ܕܐܠܟܣܢܕܪܝܐܼ. ܗܿܘ ܕܡܬܐܡܪ ܗܘܐ ܕܒܝܬ ܛܛܝܢܐܼ. ܓܒܪܐ ܝܕܝܥܐ ܘܡܫܒܚܐ: ܕܟܕ ܐܢܐ ܠܡ ܛܠܝܐܼ. ܗܘܬ ܠܝ ܪܚܡܘܬܐ ܕܐܟܦܘܪ ܒܥܠܡܐ. ܘܟܕ ܐܝܬ ܗܘܐ ܠܝ ܥܠܝܕܐ ܐܡܢܥ ܠܘܬ ܐܒܐ ܐܠܝܕܘܣ ܢܒܝܐ ܕܩ̈ܠܝܬܐ: ܪܗܿܛܬ ܠܘܬܗ ܕܐܓܠܐ ܠܗ ܪܚܡܘܬܐ ܕܝܠܝ. ܘܐܠܦ ܡܢܗ ܐܢܗܘ ܕܡܬܩܢ ܡܪܝܐ ܪܓܬܐ ܕܝܠܝ ܘܚܦܝܛܘܬܐ. ܘܐܦܝܣܗ ܕܢܨܠܐ ܥܠܝ. ܗܼܘ ܕܝܢ ܐܡܼܪ: ܕܟܬܪ ܛܘܣ. ܠܐ ܓܝܪ ܚܿܙܐ ܐܢܐ ܗܫܐ ܒܗܝܠܘܬܐ. ܐܠܐ ܙܠܼ ܫܠܝ. ܟܕ ܝܿܨܦ ܐܢܬ ܕܫܘܫܛܐ ܕܕܘܒܪ̈ܐ ܕܡܝܬܪܘܬܐ. ܡܢ ܒܬܪ ܓܝܪ ܙܒܢܐ ܝܕܝܥܐܼ. ܥܬܝܕ ܪܕܘܦܝܐ ܕܢܕܪܟ ܠܥܕܬܐ. ܘܗܝܕܝܢ ܟܕ ܥܿܪܩ ܐܢܬܼ

Page 217

ܐܿܬܐ ܐܢܬ ܠܗܪܟܐܿ. ܘܗܘܿܐ ܐܢܬ ܕܝܪܝܐ. ܘܐܢܐ ܐܡܿܪܬ ܠܗ. ܠܐܒܐ ܐܠܝܕܘܣܼ. ܕܐܝܢܐ ܪܕܘܦܝܐܼ. ܐܪܐ ܚܢܦܘܬܐ ܥܕܝܕܐ ܕܬܠܒܘܟ. ܐܡܪ ܠܝܼ ܠܐ. ܐܠܐ ܩܿܝܡ ܡܠܟܐ ܪܫܝܥܐܼ ܕܫܡܗ ܡܪܩܝܢܐ. ܘܡܿܥܒܕ ܠܐܦ̈ܝܣܩܦܐ ܕܒܟܬܒܐ ܢܐܡܪܘܢ܇ ܕܠܐ ܐܝܬܘܗܝ ܗܘܼܐ ܐܠܗܐ ܗܿܘ ܕܐܨܛܠܒ. ܘܟܕ ܟܠܗܘܢ ܗܠܝܢ ܢܫܠܡܘܢ ܠܗ ܘܫܬܡܥܘܢܼ. ܒܠܚܘܕܘܗܝ ܐܦܝܣܩܦܐ ܕܐܠܟܣܢܕܪܝܐܼ. ܐܡܿܪ ܐܢܐ ܕܝܣܩܪܣ: ܠܐ ܡܫܬܡܥ ܠܗ. ܡܛܠ ܗܕܐ ܡܫܬܠܡ ܐܦ ܡܬܪܕܦ ܠܐܟܣܘܪܝܐ. ܘܒܗܿ ܥܢܕ.. ܘܟܕ ܐܢܐ ܐܡܿܪܬ ܠܗ: ܕܫܒܩ ܠܗܼ ܥܡܐ ܕܐܠܟܣܢܪܝܐܼ ܕܢܐܙܠ ܠܐܟܣܘܪܝܐ. ܐܡܼܪ ܠܝ. ܡܬܥܨܐܼ. ܘܐܚܪܢܐ ܗܿܘܐ ܚܠܦܘܗܝܼ ܟܦܘܪܐ. ܘܟܕ ܐܢܐ ܐܬܥܿܝܩܬ ܒܗܠܝܢ ܕܐܬܐܡܪܘ. ܐܡܼܪ ܗܼܘ. ܐܠܐ ܐܝܬ ܠܗ ܠܐܠܗܐ ܕܢܩܝܡ ܠܗ ܒܝ̈ܘܡܬܐ ܗܢܘܢ ܟܗܢܐ ܕܥܿܒܕ ܨܒܝܢܗ: ܟܕ ܡܘܕܥ ܥܠ ܛܘܒܬܢܐ ܛܝܡܬܐܘܣ: ܘܡܬܩܛܠ ܠܡ ܗܿܘ ܕܩܕܡܘܗܝ ܕܛܪܘܢܐܝܬ ܗܘܐ: ܟܕ ܪܡܿܙ ܥܠ ܦܪܛܘܪܝܘܣ ܪܫܝܥܐ. ܗܼܘ ܕܝܢ ܡܗܝܡܢܐܼ. ܟܕ ܡܟܬܪ ܝܘ̈ܡܬܐ ܩܠܝܠ ܒܐܦܣܩܦܘܬܐܼ ܠܐܟܣܘܪܝܐ ܡܫܬܕܐ.. ܘܟܕ ܗܠܝܢ ܐܡܿܪ ܗܼܘ ܣܒܐ [ܘܫܠܐܼ. ܒܥܩܬܐ ܪܒܬܐ] ܗܘܿܝܬ ܘܐܡܿܪܬ: ܡܪܝ ܐܒܐܼ. ܡܟܬܪ ܗܼܘ ܐܦܝܣ [ܒܐܟܣܘܪܝܐ.] ܘܐܒܿܕܐ ܡܕܝܢܬܐ ܘܟܠܗܿ ܡܨܪܝܢ܆ ܘܐܚܿܕ ܪܘܫܥܐ. ܗܼܘ ܕܝܢ ܫܿܠܐ ܗܘܐ. ܘܟܕ ܟܬܪܬ ܟܕ ܡܦܝܣ ܐܢܐ ܠܗ: ܐܡܼܪ ܠܝܼ ܐܢ ܗܼܘ ܕܐܝܬ ܙܒܢܐ ܗܿܦܟ. ܘܟܕ ܡܟܬܪ ܩܠܝ ܙܒܢܐܼ. ܥܢܕ ܒܗܝܡܢܘܬܐ ܬܪܝܨܬܐ. ܘܟܕ ܗܠܝܢ ܐܡܼܪ ܫܠܝ. ܘܢܦܿܠܬ ܩܕܡܘܗܝ. ܟܕ ܨܿܒܐ ܗܘܿܝܬ ܐܠܦ ܡܢܗ ܗܠܝܢ ܕܒܬܪܟܝܢ. ܗܼܘ ܕܝܢ ܐܡܼܪ ܠܝܼ. ܣܿܦܩ ܠܟ ܥܕܡܐ ܠܗܪܟܐ.. ܡܟܝܠ ܓܝܪ ܒܬܪ ܗܠܝܢ ܙܒܢܐ ܕܐܢܛܝܟܪܣܛܘܣ ܡܕܪܟ.܀ ܐܦ ܐܒܐ ܙܝܢܘܢ ܐܡܼܪ

Page 218

ܥܠ ܣܘܢܗܕܣ ܘܪܕܘܦܝܐ ܕܩܕ̈ܝܫܐ. ܗܝ ܕܝܢ ܘܐܒܐ ܙܝܢܘܢ ܗܿܘ ܡܬܟܪܟܢܐ ܘܢܒܝܐܼ. ܡܢ ܟܦܪ ܣܥܪܬܐ. ܩܪܝܬܐ ܕܐܝܬܝܗܿ ܒܦܠܣܛܝܢܐ. ܗܢܐ ܐܡܿܪ ܠܐܒܐ ܣܛܦܢܐ ܡܫܡܫܢܐ ܕܐܘܪܫܠܡܼ. ܘܐܢܒܝ ܩܕܡ ܣܘܢܗܕܘܣ ܕܟܠܩܕܘܢܐ. ܟܕ ܓܝܪ ܣܛܦܢܐ ܨܿܒܐ ܗܘܐ ܕܢܐܙܠ ܒܐܟܣܢܝܘܬܐ ܡܛܠ ܐܠܗܐܼ. ܘܢܫܬܘܐ ܒܐܝܩܪܐ ܕܐܟ̈ܣܢܝܐ. ܘܡܛܠܗܕܐ ܐܬܼܐ ܠܘܬ ܐܒܐ ܙܝܢܘܢܼ ܙܡܥܩܒ ܠܗܼ. ܕܐܢ ܗܼܘ ܕܡܬܩܢ ܡܪܝܐ ܚܦܝܛܘܬܗ: ܗܼܘ ܕܝܢ ܐܡܼܪ ܠܗ. ܕܙܠ ܗܫܐ. ܥܬܝܕ ܗܼܘ ܓܝܪ ܪܕܘܦܝܐ ܘܩܘܡܐ ܕܗܪ̈ܛܝܩܘܼ. ܕܢܕܪܟ ܠܥܕܬܐܿ. ܡܛܠ ܗܝܡܢܘܬܐ ܬܪܝܨܬܐ. ܘܗܝܕܝܢܼ ܟܕ ܠܐ ܨܿܒܐ ܐܢܬܼ (ܢܿܦܩ ܐܢܬ) ܒܐܟܣܝܢܘܬܐ. ܐܢ ܗܼܘ ܕܐܪܬܕܟܣܘ ܬܟܬܟܪܼ. ܘܒܗܿ ܬܫܬܡܠܐ. ܡܛܠ ܣܘܢܗܪܣ ܕܗܘܝܐ ܒܟܠܩܕܘܢܐ.܀ ܥܠ ܐܢܫ ܩܕܝܫܐ ܕܥܡܿܪ ܗܘܐ ܒܫܠܝܐ. ܘܥܠ ܩܪܗ ܕܣܛܢܐ ܕܥܡܗ. ܘܕܓܠܼܐ ܠܗ ܡܛܠ ܣܘܢܗܕܘܣ. ܘܕܡܢܗ ܠܡ ܡܬܟܢܫܐ. ܡܫܬܥܐ ܗܘܐ ܠܢ ܐܒܐ ܐܢܘܩܢܛܝܘܣ ܕܡܢ ܦܡܦܘܠܝܐܼ. ܓܒܪܐ ܢܟܦܐ ܘܪܝܫܐ ܕܐܚ̈ܐܼ. ܟܕ ܐܡܿܪ: ܕܐܝܬ ܒܦܡܦܘܠܝܐ ܫܠܒܐ ܚܕ ܪܒܐ ܘܥܡܝܩܐ ܕܒܗ ܐܢܫ ܡܢ ܩܕ̈ܝܫܐ ܘܥܢ̈ܘܝܐ ܥܿܡܪ. ܚܼܙܐ ܡܢ ܩܕܡ ܣܘܢܗܕܘܣ ܠܐܟܠܩܪܨܐ ܕܐܬܼܐ ܠܘܬܗ ܘܐܡܼܪ ܠܗܼ. ܕܟܕ ܢܿܦܠ ܐܢܬܼ ܣܓܘܕ ܠܝ. ܗܼܘ ܕܝܢ ܩܕܝܫܐ ܢܦܚܠ ܒܗ ܘܓܥܪ. ܘܫܢܝ ܫܐܕܐ ܗܿܘ ܛܢܦܐ. ܟܕ ܐܡܿܪ ܠܘܬܗ: ܠܡܢܐ ܐܫܬܐܠܼܬ ܕܬܣܓܘܕ ܠܝ. ܗܐ ܡܟܢܫ ܐܢܐ ܣܘܢܗܕܘܣ ܠܟܠܗܘܢ ܐܦܝ̈ܣܩܦܐ ܠܟܠܩܕܘܢܐܼ. ܘܥܿܒܕ ܐܢܐ ܣܘܢܗܕܣ. ܘܬܡܢ ܟܠܗܘܢ ܐܦ̈ܝܣܩܦܐ ܠܝ ܢܣܓܕܘܢ.܀ ܬܘܒ ܐܒܐ ܦܘܠܐ ܬܐܒܚܐ ܐܡܿܪ: ܕܡܢ

Page 219

ܒܬܪ ܥܣܪ̈ܝܢ ܫܢ̈ܝܢܼ ܥܒܘܪܝܐ ܐܝܬ ܠܗ ܕܢܗܘܐ ܡܢ ܐܦ̈ܝܣܩܦܐ. ܗܿܘ ܕܐܝܬܘܗܝ ܗܘܐ ܡܬܪܚܩܢܘܬܐ ܕܡܢ ܐܠܗܐ. ܗܿܝ ܕܩܕܡ ܐܡܼܪ ܫܠܝܚܐ. ܘܗܕܐ ܒܝܕ ܐܢܫ ܪܫܝܥܐ ܕܗܿܘܐ ܡܠܟܐܼ. ܕܫܡܗ ܡܪܩܝܢܐ. ܗܿܘ ܕܝܢ ܡܠܟܐ ܒܬܪ ܫ̈ܬ ܫܢ̈ܝܢܼ ܘܝܬܝܪ ܩܠܝܠܼ ܥܿܢܕ. ܘܡܢ ܒܬܪܗ ܗܿܘܐ ܐܢܫ ܙܒܢܐ ܙܥܘܪܐ ܕܓܠ ܫܝܢܐ ܡܢܬܐܝܠ ܒܥܕܬܐܼ ܘܫܿܠܐ. ܘܗܟܢܐ ܡܬܥܪ̈ܓܠܝܢ ܣܘܥܪ̈ܢܐ ܥܕܡܐ ܠܡܬܝܬܗ ܕܐܢܛܝܟܪܣܛܣ.܀ ܬܘܒ ܐܒܐ ܐܢܕܪܝܐ: ܗܢܐ ܟܕ ܗܘܐ ܒܚܙܘܐܼ ܚܼܙܐ ܟܢܫܐ ܣܓܝܐܐ ܕܐܦܝ̈ܣܩܦܐܼ. ܕܫܓܪܝܢ ܬܢܘܪܐ ܡܣܒܪܢܐܝܬܼ. ܘܒܒܘܣܐ ܫܦܝܪܐ ܕܕܡܿܐ ܠܢܘܗܪܐܼ. ܟܕ ܪܡܿܝܢ ܠܗ ܬܡܢ. ܘܫܝܥܝܢ ܗܘܘ ܠܗ ܡܢ ܟܠ ܓܒܗܝܢ ܠܗ ܠܬܢܘܪܐ. ܐܝܟܢܐ ܕܐܦܠܐ ܬܢܢܐ ܢܬܚܙܐ ܡܢܗܼ. ܐܦܠܐ ܐܐܪ ܢܥܘܠ ܠܗ. ܘܡܢ ܒܬܪ ܬܠܬܐ ܝܘ̈ܡܝܢ ܚܙܝܗܝ ܠܗ ܠܒܒܘܣܐܼ ܕܢܿܦܩܼ. ܟܕ ܫܪܝܪ ܡܢ ܬܢܘܪܐ. ܘܝܼܕܥ ܕܡܪܝܐ ܐܝܬܘܗܝ. ܘܐܝܟ ܡܢ ܕܐܝܬ ܗܘܐ [ܥܝܕܐ ܕܢܡܠܠ ܠܗܼ.] ܐܡܼܪ ܠܗܼ. ܡܪܝܐܼ ܡܿܢ ܐܢܘܢ ܗܠܝܢ ܕܥܒܼܕ ܠܟ ܗܕܐܼ ܘܐܪܡܝܟ ܒܬܢܘܪܐ. ܗܼܘ ܕܝܢ ܐܡܼܪ ܠܘܬܗ: ܐܦܝܣܩ̈ܦܐ ܬܘܒ ܨܠܒܘܢܝ. ܘܬܫܒܘܞܚܬܝ ܐܬܚܫܒܘ ܕܢܣܒܘܢ. ܘܛܒܐܝܬ ܐܡܼܪ. ܕܟܘܪܗܢܐ ܕܝܗ̈ܘܕܝܐ ܟܪܝܗܝܢ ܢܣܛܘܪ̈ܝܢܐ. ܒܪܢܫܐ ܫܚܝܡܐ ܐܡܿܪܝܢ ܠܗ ܠܗܿܘ ܕܐܨܛܠܒܼ. ܘܠܘ ܐܠܗܐ ܕܐܬܒܣܪ.. ܘܬܘܒ ܟܕ ܚܪ ܣܒܐܼ. ܚܼܙܐ ܣܒܐ ܚܕ ܡܢ ܪܘܚܩܐܼ ܟܕ ܩܐܿܡܼ. ܘܠܗܠܝܢ ܐܦܝܣ̈ܩܦܐ ܐܚܪ̈ܢܐ ܠܐ ܫܿܠܡ ܗܘܐܿ. ܘܠܐ ܡܫܬܘܬܦ ܗܘܐ ܥܡܗܘܢ. ܘܠܐ ܟܕ ܫܿܓܪܝܢ ܠܗ ܠܬܢܘܪܐ ܐܦܠܐ ܟܕ ܐܪܡܝܘܗܝ ܠܛܠܝܐ ܘܫܥܘܗܝ. ܘܗܼܘ ܣܒܐ ܐܡܼܪ

Page 220

ܠܘܬܗ ܕܛܠܝܐܼ. ܗܢܐ ܣܒܐ ܡܢܘܿ ܐܝܬܘܗܝ. ܗܼܘ ܕܝܢ ܐܡܼܪ. ܕܝܣܩܪܘܣ ܐܝܬܘܗܝ܇ ܪܝܫ ܐܦܝ̈ܣ ܕܐܠܟܣܢܪܕܝܐ. ܕܗܼܘ ܒܠܚܘܕܘܗܝ ܠܐ ܐܫܬܘܬܦ ܒܡܚܫ̈ܒܬܗܘܢ. ܘܗܼܘ ܣܒܐܼ ܐܝܟ ܡܿܢ ܕܫܩܠ ܦܪܪܣܝܐܼ. ܐܬܚܝܠ ܘܐܡܼܪ ܠܡܪܝܐ: ܘܗܕܐ ܡܢ ܐܝܟܐ ܐܝܬܝܗܿ. ܕܗܐ ܟܠܗܘܢ ܐܦܝܣܩ̈ܦܐ ܕܐܠܟܣܢܕܪܝܐܼ ܥܕܡܐ ܠܡܘܬܐ ܡܬܟܬܫܝܢ ܚܠܦ ܫܪܪܐ.. ܗܼܘ ܕܝܢ ܐܡܼܪ: ܡܢ ܟܕ ܫܡܥܘܢ ܩܘܪܝܢܝܐ ܛܥܢ ܨܠܝܒܐ ܕܝܠܝ. ܩܘܪܝܢܐ ܕܝܢ ܡܢ ܡܢܬܐ ܕܡܨܪܝܢ ܐܝܬܝܗܿ: ܘܡܢ ܗܝܕܝܢ ܩܕܡܬ ܐܬܝܕܥܬ ܒܢܒܝܘܬܐ ܕܥܬܝܕܐ ܡܨܪܝܢ܆ ܗܿܝ ܕܡܢܬܐ ܕܝܠܗܿ ܐܝܬܝܗܿ ܩܘܪܝܢܐ. ܗܿܝ ܕܒܠܘܒܐ ܣܝܡܐ: ܕܥܕܡܐ ܠܫܘܠܡܐ ܨܠܝܒܐ ܕܝܠܝ ܬܛܥܢ ܘܠܝ ܬܩܦ. ܘܛܢܢܐ ܕܚܠܦܝ ܬܚܘܐ ܥܕܡܐ ܠܡܘܬܐ.܀ ܗܘܐ ܕܝܢ ܒܩܘܣܛܢܛܝܢܦܘܠܝܣ ܦܛܪܝܪܟܐܼ. ܚܠܦ ܦܘܠܝܢܐܼ ܐܢܛܘܠܝܘܣ. ܒܐܢܛܝܟܝܐ ܚܠܦ ܕܡܢܘܣܼ ܡܟܣܝܡܣ. ܒܐܘܪܗܝ ܚܠܦ ܗܒܐܼ ܢܘܢܐ.. ܣܘܢܗܕܣ ܕܝܢ ܕܬܪ̈ܬܝܢ ܕܐܦܣܘܣ ܚܬܼܡܬܿ ܠܟܠܗܿ ܗܝܟܢܘܬܐ ܕܢܩܝܐ. ܘܫܪܪܬܿ ܐܦ ܠܗܿܝ ܩܕܡܝܬܐ ܕܐܦܣܘܣܼ. ܕܠܐ ܒܘܨܪܐ ܕܡܕܡ.܀܀ ܫܢܬ ܫܒܥ̈ܡܐܐ ܘܚܡ̈ܫܝܢ ܘܬܡ̈ܢܐܼ. ܢܚܼܬ ܥܠ ܐܘܪܫܠܡ ܘܥܠ ܟܠܗܝܢ ܩܘܪ̈ܝܐ ܕܚܕܪ̈ܝܗܿ ܥܦܪܐ ܣܓܝܐܐ ܡܢ ܫܡܝܐ ܘܫܝ̈ܦܐ ܕܟܠ ܕܡܘܢ. ܟܕ ܓܝܪ ܥܬܕܝܐ ܗܘܬ ܕܬܗܘܐ ܣܘܢܗܕܣ ܠܐ ܢܡܘܣܝܬܐ. ܡܢ ܫܠܝ ܗܘܐ ܫܡܝܐ ܥܡܘܛܐ ܥܡ ܚܫܘܟܐ ܘܥܪܦܠܐ. ܫܝ̈ܘܦܐ ܐܬܡܛܪܘ ܒܡܕܝܢܬܐ ܩܕܝܫܬܐ ܘܒܟܠܗܝܢ ܩܘܪ̈ܝܐ ܕܚܕܪ̈ܝܗܿ. ܘܒܕܘܟܝ̈ܬܐ ܣܓܝ̈ܐܬܐ ܕܦܠܣܛܝܢܐ. ܫܘܝ̈ܝ ܒܛܘܦܣܐ ܒܟܡܕܡ. ܘܕܿܡܝܢ ܗܘܘ ܠܗܠܝܢ ܕܡܢ ܒܢܝ̈ܢܫܐ ܡܬܬܩܢܝܢ. ܘܐܝܬ ܠܗܘܢ ܛܒ̈ܥܐ ܡܫ̈ܚܠܦܐ ܘܫܟܝܪ̈ܐ. ܕܗܟܢܐ ܣܓܝ̈ܐܐ ܢܠܩܛܘܢ ܡܢܗܘܢ. ܘܟܕ ܐܢ̈ܫܝܢ ܐܬܚܫܚ ܒܗܘܢ ܒܠܐ ܝܕܝܥܬܐ ܐܣܬܡܝܘܼ.

Page 221

ܘܐܡܿܪܝܢ ܗܘܘܼ ܕܗܘܣܝܟܝܘܣ ܗܿܘ ܐܡܘܪܟܐ ܕܐܘܪܫܠܡܼ. ܟܕ ܣܓܝ ܟܿܢܫ ܡܢܗܘܢܼ ܚܘܝ ܐܦ ܠܡܠܟܬܐ ܐܘܕܩܝܐ. ܘܫܕܪ ܐܦ ܠܩܘܛܢܛܝܢܦܘܠܝܣ ܠܬܚܘܝܬܐ ܕܐܬܿܐ ܗܿܝ ܕܡܫܘܕܥܐ ܗܘܬ ܕܣܡܝܘܬܐ ܕܐܚܿܕܐ ܒܥܠܡܐ. ܒܝܕ ܟܦܘܪܝܐ ܕܐܦܝ̈ܣܩܦܐ. ܡܬܚܙܐ ܗܘܐ ܕܝܢ ܐܦ ܥܦܪܐ ܣܓܝܐܐ ܠܬܚܬ ܡܢܗܘܢ ܕܫܝ̈ܘܦܐ ܒܬܚܘܝܬܐ ܕܡܢ ܫܡܝܐ ܢܚܬ.܀܀ ܫܢܬ ܫܒ̈ܥܡܐܐ ܘܚ̈ܡܫܝܢ ܘܬܫ̈ܥܼ. ܨܠܝܒܐ ܡܝܩܪܐ ܓܝܪ ܗܿܘ ܕܡܢܗܪ ܗܘܐ ܘܡܒܪܩ ܒܝܬ ܣܘܠܩܐ ܩܕܝܫܐܼ ܡܢ ܫܢ̈ܝܐ ܣܓܝ̈ܐܬܐܼ. ܟܕ ܡܢ ܫܠܝ ܐܬܚܪܟ ܡܢ ܢܘܪܐ. ܘܠܥܦܪܐ ܐܬܗܦܟ. ܐܝܬܘܗܝ ܓܝܪ ܪܒܐܼ. ܕܣܝܡ ܗܘܐ ܡܢ ܗܠܢܐ ܡܠܟܬܐ ܒܗܝܠܟܐ ܕܐܘܪܫܠܡ. ܟܕ ܕܝܢ ܗܕܐ ܗܘܬܼ. ܙܥܙܥܬܿ ܠܒܐ ܕܟܠܗܘܢ ܕܚ̈ܠܝ ܐܠܗܐ. ܐܝܟܢܐ ܕܡܠܟܬܐ ܕܚܠܬ ܐܠܗܐ ܐܘܕܩܝܐܼ ܐܝܟ ܕܠܒܘܚܐ ܘܠܦܝܣܬܐ ܕܥܡܐܼ ܚܠܦܘܗܝ ܕܢܚܫܐ ܬܥܒܕ܇ ܗܿܘ ܕܐܦ ܗܫܐ ܡܬܚܙܐ ܘܡܢܗܪܼ. ܕܐܝܬ ܒܗ ܠܝܛܪ̈ܐ ܐܫ̈ܬܐ ܐܠܦܝܐ ܢܚܫܐ.܀܀ ܫܢܬ ܫܒ̈ܥܡܐܐ ܘܫ̈ܬܝܢ ܘܬܪ̈ܬܝܢ܆ ܡܝܬ ܛܘܒܢܐ ܬܝܕܣܝܘܣ ܙܥܘܪܐ. ܘܒܝܘܡܐ ܕܡܘܬܗ ܗܘܐ ܩܠܐ ܡܢ ܫܡܝܐ ܕܐܡܪ: ܕܗܐ ܐܒܕ ܚܣܝܐ ܡܢ ܐܪܥܐܼ. ܘܠܝܬ ܕܡܝܬܐ ܥܠ ܒܠܗ.. ܗܢܐ ܕܝܢ ܩܠܐ ܠܟܠܗܘܢ ܗܢܘܢ ܕܒܡܕܝܢܬ ܡܠܟܘܬܐ ܐܫܬܡܥ. [ܚܝܐ ܕܝܢ ܬܝܕܣܝܘܣ ܡܠܟܐ] ܚܡ̈ܫܝܢ ܫܢ̈ܝܢ. ܘܐܡܠܟ ܡܢܗܝܢ ܐܪ̈ܒܥܝܢ ܘܬܪ̈ܬܝܢ܆ [ܡܛܘܠ] ܕܒܪ ܬܡ̈ܢܐ ܫܢܗܝܢ ܐܡܠܟ. ܟܕ ܐܢܬܡܘܣ ܗܘܦܪܟܐ ܗܘܐ ܠܗ ܡܪܒܝܢܐ.܀ ܥܠ ܡܠܟܘܬܐ ܕܡܪܩܝܢܐ ܘܥܠ ܚܫܘܟܐ ܕܩܛܪ ܒܝܘܡܐ ܕܣܡ ܒܗ ܬܓܐ. ܟܕ ܡܫܘܥ ܥܠ ܥܘܪܩܠܐ ܕܥܒܪ ܒܥܕܬܐ ܘܒܥܠܡܐ. ܩܼܡ ܕܝܢ ܒܡܠܟܘܬܐ ܡܢ

Page 222

ܒܬܪܗ ܡܪܩܝܢܣ. ܘܒܗ ܓܝܪ ܒܝܘܡܐ ܕܐܬܥܠܝ ܠܡܠܟܘܬܐܼ ܘܩܛܼܪ ܬܓܐ ܡܪܩܝܢܐ ܪܫܝܥܐ: ܡܢ ܫܠܝܐ ܚܫܘܟܐ ܐܚܕ ܒܟܠܗܿ ܐܪܥܐ ܥܡ ܥܡܛܢܐ ܘܚܠܐ ܕܢܿܚܬ ܗܘܐ. ܘܚܫܘܟܐ ܗܘܐ ܕܐܝܟ ܗܿܘ ܕܐܚܕ ܠܡܨܪܝܢ: ܗܟܢܐ ܐܥܡܛܗ ܠܐܐܪܼ. ܐܝܟܢܐ ܕܟܠܗܘܢ ܥܡܘܪ̈ܝܗܿ ܕܡܕܝܢܬ ܡܠܟܘܬܐܼ ܒܕܚܠܐ ܪܒܐ ܘܒܓܘܫܝܐ ܣܓܝܐܐܼ ܢܗܘܘܢ. ܘܪܘܪܒܐܝܬ ܡܝܠܠܝܢ ܗܘܘܼ ܘܡܬܒܠܝܢ. ܐܝܟ ܗܘܿ ܕܫܘܠܡܐ ܒܥܓܠ ܡܕܪܟ. ܐܝܬܝܗܿ ܗܘܬ ܗܕܐ ܢܒܝܘܬܐ ܕܚܫܐ ܕܥܬܕܝܐ ܗܘܬ ܕܬܗܘܐ ܥܠ ܟܠܗܿ ܐܪܥܐܼ. ܒܐܝܕ̈ܘܗܝ ܕܝܠܗ ܕܛܪܘܢܐ. ܘܕܣܡܝܘܬܐ ܘܕܚܫܘܟܘܬܐ ܕܡܢ ܕܚܠܬ ܐܠܗܐ. ܐܟܡܐ ܕܟܠܗܿ ܒܪܝܬܐܼ ܐܝܟ ܐܢܫ ܢܐܡܪܼ. ܠܐ ܡܬܡܠܠܢܐܝܬ ܐܒܝܠܐ ܗܘܬܼ ܘܩܕܡܐ ܡܫܘܕܥܐ ܟܦܘܪܝܐ ܕܒܐܠܗܐ ܗܿܘܐ ܗܘܐ. ܘܕܚܩܒܘܬܐ ܕܗܝܡܢܘܬܐ ܬܪܝܨܬ ܫܘܒܚܐܼ. ܡܢܗ ܕܡܠܟܐ ܪܫܝܥܐܼ ܘܡܢ ܟܢܘܫܝܐ ܣܓܝܐܐ ܕܐܦ̈ܝܣܩܦܐ ܕܡܬܥܡܪܢܝܬܐ. ܗܼܘ ܕܝܢ ܚܫܟܐ ܗܟܢܐ ܟܬܪܼ ܥܕܡܐ ܠܪܡܫܐ. ܗܼܘ ܕܝܢ ܛܪܘܢܐܼ ܟܕ ܚܼܙܐ ܫܓܘܫܝܐ ܘܐܒܠܐ ܕܐܣܛܪ̈ܛܝܘܛܐ ܘܕܟܠܗܿ ܡܕܝܢܬܐܼ. ܘܕܟܠܢܫ ܡܢܚܫ ܗܘܐ ܡܛܠ ܡܠܟܘܬܗܼ. ܐܝܟ ܡܿܢ ܕܥܬܕܝܐ ܗܘܬ ܕܬܗܘܐ ܟܠܠܗ ܥܠܡܐ ܡܢܥܙܙܢܝܬܐ ܕܒܝ̈ܫܬܐ ܪ̈ܘܪܒܬܐ: ܕܚܠ ܘܒܫܓܘܫܝܐ ܪܒܐ ܗܘܼܐ. ܘܩܕܡ ܣܡ ܟܬܝ̈ܒܬܐ ܕܕܡܣܝܘܢ܆ ܟܕ ܡܬܚܟܡ ܠܪܘܓܙܐ ܕܡܢ ܐܠܗܐ. ܘܡܣܒܪ ܒܢܦܫܗ ܕܡܛܥ ܠܥܡ̈ܡܐ. ܐܡܿܪ ܗܘܼܐ ܓܝܪ ܗܿܝ ܕܠܩܘܒܠܐ. ܐܝܟܢܐ ܕܗܼܝ ܟܬܝܒܬܐ ܡܠܦܐ ܠܗܠܝܢ ܕܦܿܓܥܝܢ ܒܗ. ܕܙܿܕܩ ܕܡܫܪܬܚܘܬܐ ܕܛܒ̈ܬܐ ܪܘܪ̈ܒܬܐ ܢܣܟܐ ܟܠܗ ܥܠܡܐ ܡܢ ܡܠܟܘܬܐ ܕܝܠܝ. ܕܚܫܐ ܡܿܢ ܕܡܠܟܐ ܕܩܡܝ ܡܬܛܪܕ. ܟܕ ܡܩܒܠ ܠܗ ܢܘܗܪܐ ܕܫܦܝܪܘܬ ܪܝܫܢܘܬܐ ܕܝܠܝ.. ܘܐܝܬܘܗܝ ܗܢܐ ܫܘܪܝܐ ܘܩܕܡܝܐ ܕܦܘ̈ܩܕܢܐ ܕܝܠܗ. ܗܕܐ ܟܬܝܒܬܐ ܟܕ ܒܟܠܗܿ

Page 223

ܬܐܒܝܠ ܐܬܣܼܡܬܿ. ܠܗܠܝܢ ܕܐܝܬ ܠܗܘܢ ܐܕ̈ܢܐ (ܕܢܫܡܥܘܢܼ) ܘܥܝ̈ܢܐ ܕܢܚܙܘܢܼ ܘܠܒܐ ܕܢܣܬܟܠܘܢܼ ܡܟܣܢܘܬܐ ܚܬܝܬܐ ܘܬܚܘܝܬܐ ܟܬܝܒܬܐ ܐܝܬܝܗܿ. ܗܿܝ ܕܡܚܕܗ ܘܕܠܐ ܥܘܟܪ ܐܕܪܟܼܬܿ ܒܝܕ ܚܦܝܛܘܬܗ ܕܛܪܘܢܐܼ ܡܬܥܒܪܢܘܬܐ ܘܡܬܪܚܩܢܘܬܐ. ܕܡܢ ܐܠܗܐܿ. ܕܗܘܼܬ ܡܢ ܐܦܝܣ̈ܩܦܐ ܒܟܠܩܕܘܢܐ܀ ܡܪܩܝܢܘܣ ܕܝܢ ܢܣܼܒ ܠܦܠܘܟܪܝܐܼ ܚܬܗ ܕܬܝܕܣܝܣ ܡܠܟܐ ܙܥܘܪܐ. ܡܢ ܒܬܪ ܚܡ̈ܫܝܢ ܫܢ̈ܝܢ ܕܢܛܪܬܿ ܒܬܘܠܘܬܗܿ. ܘܐܦ ܠܢܣܛܘܪܝܣ ܗܼܝ ܫܕܝܬܿ. ܘܥܒܪܬܿ ܥܠ ܣܘܘܕ̈ܝܗܿ ܕܥܠ ܡܫܝܚܐ ܘܐܦ ܥܠ ܗܝܡܢܘܬܗ. ܘܡܛܠ ܕܠܐ ܬܦܘܩ ܡܢ ܦܠܛܝܢܼ ܗܘܼܬ ܠܡܪܩܝܢܐ ܒܢ̈ܫܐ. ܘܫܠܡܬܿ ܠܘܬܗܿ ܢܒܝܘܬܐ ܕܐܬܢܒܝ ܥܠܝܗܿ ܡܢ ܩܕܡ ܙܒܢܐ ܣܓܝܐܐܼ ܩܫܝܫܐ ܦܠܐܓܝܘܣ ܐܘܪܗܝܐ: ܕܐܝܬ ܠܗܿ ܠܦܠܘܟܪܝܐܼ ܕܬܥܒܪ ܥܠ ܫܘ̈ܘܕܝܗܿ ܕܒܬܘܠܘܬܐ ܘܗܝܡܢܘܬܐ. ܘܬܫܬܘܬܦ ܠܡܪܩܝܢܐܼ ܘܒܐܝ̈ܕܝܗܘܢ ܗܝܡܢܘܬܐ ܬܬܚܒܠ. ܐܟܡܐ ܕܡܢ ܠܥܠ ܟܬܝܒ.܀ ܥܠ ܗܿܝܼ ܕܐܝܟܢܐ ܘܡܢ ܐܝܟܐ ܫܪܝܘ ܒܝ̈ܫܬܐ ܢܒܥܢ ܥܒܕܬܐ ܘܒܗܝܡܢܘܬܐ ܒܗܿ ܒܫܢܬܐ ܗܕܐ. ܠܐ ܡܣܠܝܐ ܠܐܕ̈ܢܝ ܦܪ̈ܘܫܐܼ. ܟܕ ܢܫܡܥܘܢ ܒܣܕܪܐ ܗܢܐ ܕܪܡܐ ܠܢܼ ܥܠ ܒܝ̈ܫܬܐ ܕܫܘܚ ܒܥܕܬܐ ܕܡܢ ܐܝܟܐ ܫܪ̈ܝܘ. ܘܡܿܢ ܙܼܪܥ ܘܐܦ ܡܿܢ ܐܫܩܝ ܠܥܩܪܐ ܗܢܐ ܡܪܝܪܐܼ. ܕܥܒܼܕ ܣܘ̈ܟܐ ܘܦܐܪ̈ܐܼ ܘܟܢܦ ܠܟܠܗܿ ܒܪܝܬܐ. ܬܝܕܪܝܛܐ ܗܿ، ܕܡܢ ܕܝܩܪܘܣ ܐܫܬܕܝܼ. ܡܛܠ ܒܝܫܘܬ ܗܝܡܢܘܬܐܼ. ܥܡ ܗܒܐ ܕܐܘܪܗܝ. ܘܕܢܝܐܝܠ ܕܚܪܢ. ܘܦܠܘܝܢܘܣ ܕܩܘܣܛܢـ ܥܡ ܚܒܪ̈ܝܗܘܢ ܗܠܝܢ ܕܐܬܢܦܩ ܥܡܗܘܢ. ܟܕ ܐܫܟܚ ܠܗܘܢ ܙܒܢܐ ܕܥܗܢ ܠܛܝܥܘܬܗܘܢ܆ ܟܢܫ ܕܗܒܐ

Page 224

ܣܓܝܐܐܼ ܘܣܠܩܘ ܠܘܬ ܠܐܘܢ ܦܛܪܝܪܟܐ ܕܪܗܘܡܐ. ܘܥܠ ܟܠܗܝܢ ܐܘܕܥܘܗܝ. ܘܒܫܘܚܕܐ ܗܿܘ ܕܡܥܘܪ ܥܝܢ̈ܝܗܿ ܕܢܦܫܐܼ ܫܥܒܕܘܗܝ ܠܛܝܥܘܬܗܘܢܼ ܘܥܒܼܪ ܥܠ ܗܝܡܢܘܬܗ. ܘܥܒܼܕ ܠܗܘܢ ܟܬܒܐ ܐܝܟ ܨܒܝܢܗܘܢ. ܗܿܘ ܕܡܬܩܪܐ ܛܘܡܣܐܼ ܐܝܟ ܕܠܘܩܒܠ ܝܘܠܦܢܗ ܕܐܘܛܘܟܐ. ܟܼܬܒ ܕܝܢ ܗܼܘ ܠܐܘܢܼ ܘܐܥܓܠ ܐܢܘܢ ܠܡܿܠܟܐ ܡܪܩܝܢܐܼ. ܘܠܐܢܬܬܗ ܦܠܘܟܪܝܐ ܚܬܗ ܕܬܝܕܣܝܣ. ܗܠܝܢ ܥܒܼܕ ܕܗܒܐ ܒܠܐܘܢ ܦܛܪܝܪܟܐ ܘܒܗܝܡܢܘܬܐ.. ܦܠܘܟܪܝܐܼ ܡܛܠ ܕܡܝܩܪ ܠܐܘܢ ܥܠ ܬܝܕܣܝܣ ܐܚܘܗܿ. ܩܒܼܠܬܿ [ܠܛܡܣܗ.] ܘܐܦ ܠܡܪܩܝܢܐ ܫܥܒܕܬܗ [ܠܢܝܚܗ] ܕܠܐܘܢ.. ܐܠܐ ܒܪܡ ܒܝ̈ܘܡܝ ܬܝܕܣܝܣܼ ܬܪܝܨ ܫܒܘܚܐ ܐܝܬܘܗܝ ܠܐܘܢ. ܘܣܓܝܘܬ ܕܗܒܐ ܕܐܬܩܪܒ ܠܗ ܡܢ ܬܝܕܪܝܛܐ ܘܦܠܘܝܢܐ ܘܗܒܐ. ܗܪܟܐ ܐܬܚܒܠ ܒܢܦܫܗ ܘܒܗܝܡܢܘܬܗ. ܘܚܒܠܗܿ ܠܟܠܗܿ ܥܕܬܐ ܒܝܕ ܡܨܝܥܘܬܗ܀܀ ܫܢܬ  ܫܒ̈ܥܡܐܐ ܘܫ̈ܬܝܢ ܘܐܪ̈ܒܥܼ. ܦܩܼܕ ܡܪܩܝܢܐ ܡܠܟܐܼ. ܘܐܬܟܢܫܬܿ ܫܘܢܗܕܘܣ ܕܒܟܠܩܘܕܢܐ ܘܐܬܟܢܫܘ ܐܦܝܣ̈ܩܦܐ ܠܬܡܢ ܒܡܢܝܢܐ ܚܡ̈ܫܡܐܐ ܘܫ̈ܬܝܢ ܘܫܒ̈ܥ. ܘܟܕ ܐܬܟܢܫܘ ܘܐܬܩܪܝ ܛܘܡܣܐ ܕܠܐܘܢܼ ܩܼܡ ܟܠܗܘܢ ܫܘܝܐܝܬܼ. ܘܐܪܡܘ ܥܠ ܢܦܫܗܘܢ ܬܠ̈ܬܝܢ ܘܫ̈ܬ ܙܒ̈ܢܝܢ: ܕܠܐ ܢܩܒܠܘܢ ܠܛܘܡܣܐܼ. ܘܠܐ ܢܫܠܡܘܢ ܠܗ. ܘܟܕ ܐܬܼܐ ܡܠܟܐ ܡܪܩܝܢܐܼ. ܦܼܩܕ ܕܟܠ ܡܢ ܕܠܐ ܢܩܒܠ ܠܛ.ܘܡܣܐ܆ ܢܩܘܡ ܡܢ ܟܘܪܣܝܐ ܘܢܬܒ ܥܠ ܐܪܥܐ: ܘܡܛܠ ܕܪܚܡ ܟܘܪܣܘܬܗܘܢ ܘܪܝܫܢܘܬܗܘܢܼ ܥܒܼܪ ܥܠ ܚܪ̈ܡܝܗܘܢܼ ܘܐܦ ܥܠ ܗܝܡܢܘܬܐܼ. ܘܝܼܬܒ ܫܠܘ ܥܠ ܟܘܪ̈ܣܘܬܗܘܢ. ܘܐܠܐ ܐܢ ܒܠܚܘܕ ܕܝܣܩܪܣ ܕܐܠܟܣܢܕܪܝܐܼ ܠܐ ܩܼܡ. ܘܐܫܬܕܝ ܠܓܢܓܪܐ. ܘܥܒܼܕ ܚܠܦܘܗܝ ܠܦܪܛܪܝܣܘ ܣܢܩܠܗ.. ܪ̈ܝܫܝܗܿ ܕܝܢ ܕܗܕܐ ܣܘܢܗܕܣܘ ܐܝܬܝܗܘܢ ܗܠܝܢ: ܐܢܛܘܠ ܕܩܘܣܛܢܛܝܢܐܦܘܠܝܣ. ܝܘܒܝܢܠܐܣ ܕܐܘܪܫܠܡ. ܬܝܕܪܝܛܐܼ

Page 225

ܗܿܘ ܕܐܫܬܕܝ ܡܢ ܕܝܘܣܩܪܘܣ. ܥܡ ܢܛܪ̈ܝܢ ܕܘܟܬܗ ܕܠܐܘܢ ܕܪܗܘܡܐ.܀ ܥܠ ܚܙܘܐ ܗܿܘܕ ܐܬܚܙܝ ܒܗܿ ܒܟܠܩܕܘܢܐ. ܐܦܠܐ ܗܕܐ ܡܣܠܝܐ ܡܢ ܕܢܣܝܡܝܗܿ ܒܣܕܪܐ ܗܢܐ. ܩܕܡ ܝܘܡ̈ܬܐ ܙܥܘܪ̈ܐ ܕܦܼܩܕ ܡܠܟܐ ܕܬܬܟܢܫ ܗܿܝ ܣܘܢܗܕܣ ܠܟܠܩܕܘܝܢܐܼ. ܐܬܚܙܝ ܒܕܡܘܬ ܓܒܪܐ ܗܢܕܘܝܐ ܙܥܘܪܐ. ܕܣܿܓܝ ܡܫܟܚܪ ܒܚܙܬܗ ܘ . . . . ܘܒܚܙܘܗ. ܟܕ ܡܫܬܥܐ ܘܡܪܩܕ ܟܒܗܠܘܢ ܫܘ̈ܩܐ ܕܝܠܗܿ ܕܟܠܩܕܘܝܢܐܼ. ܒܦܠܓܗ ܕܝܘܡܐ. ܘܗܟܢܐ ܐܬܚܙܝ ܠܟܠܗܘܢ ܒܢ̈ܝ ܡܕܝܢܬܐ ܗܿܝ. ܘܠܐ ܐܢܫ ܐܫܟܚ ܠܡܚܕܗ. ܐܝܟܢܐ ܕܟܕ ܗܕܐ ܗܘܬ ܠܘܬܗܘܢ ܒܢ̈ܝ ܡܕܝܢܬܐ ܒܐܒܠܐ ܥܒܼܕܬܿ. ܟܕ ܐܡܿܪܝܢ ܕܣܕܩܐ ܐܝܬ ܠܗ ܠܣܛܢܐܼ ܕܢܪܡܐ ܒܥܠܡܐܼ. ܒܝܕ ܡܫܬܒܩܢܘܬܐ ܕܡܢ ܐܠܗܐ. ܗܿܝ ܕܐܦ ܓܼܕܫܬܿ ܒܥܒܕܐ.܀ ܡܬܝܕܥܝܢ ܕܝܢ ܒܗܢܐ ܙܒܢܐ ܠܘܬ ܬܪ̈ܝܨܝ ܫܒܘܚܐ: ܕܝܩܪܣ ܕܐܠܟܣܢܕܪܝܐ. ܦܛܪܣ ܐܒܪܝܐ. ܘܪܡܢܘܣ ܪܝܫܕܝܪܐ. ܘܒܣܝܠܝܣܼ ܗܿܘ ܕܥܒܕ ܒܢ̈ܝ ܐܘܪܫܠܡ ܚܠܦ ܝܘܒܝܢܠܐܣ. ܡܪܩܝܢܐ ܕܝܪܝܐ. ܒܪܨܘܡܐ ܫܡܝܫܛܝܐܼ ܕܝܪܝܐ. ܫܡܥܘܢ ܕܐܣܛܘܢܗ. ܡܬܝܕܥܝܢ ܕܝܢܼ ܫܡܥܘܢ ܕܝܪܝܐ ܕ. . . . ܘܫܒ̈ܥܝܢ ܬܠܡܝܕ̈ܘܗܝ. ܦܘܠܣ ܕܨܘܪܬܐ. ܝܥܩܘܒܼ ܕܟܦܪܐ ܪܚܝܡܐ.. ܥܕܡܐ ܠܗܢܐ ܙܒܢܐܼ. ܟܠܗܘܢ ܐܝܠܝܢ ܕܪܚܡܝܢ ܗܘܘ ܩܘܡܐܼ. ܒܐܝ̈ܠܢܐ ܡܫܿܡܠܝܢ ܗܘܘ ܚܝܝ̈ܗܘܢ. ܡܢ ܫܡܥܘܢ ܫܪܝ ܠܡܗܘܐ ܐܣܛܘ̈ܢـ[ܪܐ] ܒܥܠܡܐ.. ܡܢ ܒܬܪ ܓܝܪ ܐܝܠܝܢ ܕܐܣܬܥܪ ܒܣܘܢܗܕܣ ܕܟܠܩܕܘܢܐ ܢܒܥܘܢ ܚܪ̈ܝܢܐ. ܘܣܓܝܘ . ܘܐܬܥܝܪܘ ܫܓܘ̈ܫܝܐ ܒܟܠܗܿ ܥܕܬܐܼ ܕܒܟܠ ܐܬܪ. ܘܦ̈ܠܓܘܬܐ ܗ[ܘ̈]ܝ ܒܟܠܕܘܟ. ܘܥܡ̈ܡܐ ܡܗܝ̈ܡܢܐ ܒܚܕ̈ܕܐ ܢܦܼܠ. ܘܪ̈ܥܘܬܐ ܒܚܕ̈ܕܐ ܒܐܟܬܐ ܩܛܘܠܬܐܼ

Page 226

ܘܒܣܢܬܐ ܗܝ ܡܘܒܢܝܬܐ ܣܒܿܟܝܢ ܗܘܘ ܒܚܕ̈ܕܐ: ܒܚܣ̈ܕܐ ܡܿܢ ܘܒܪ̈ܕܘܦܝܐ ܘܒܒܝ̈ܫܬܐ . ܘܠܘ̈ܚܡܐ ܐܟ̈ܬܢܐ. ܐܝܟܢܐ ܕܐܝܟ ܡܐ ܕܟܬܝܒܼ. ܢܗܘܐ ܟܠܗ ܬܓܡܐ ܕܟܪ̈ܣܛܝܢܐ ܚܣܕܐ ܠܫܒ̈ܒܘܗܝ. ܘܡܘܝܩܐ ܘܒܘܙܚܐ ܠܐܝܠܝܢ ܕܒܚܕܪ̈ܝܗܘܢ ܐܢܘܢ.. ܐܝܟܢܐ ܕܟܕ ܥܡܐ ܣܟܠܐ ܘܠܐ ܗܘܐ ܚܟܝܡܐ ܕܨܠܘ̈ܒܐܼ. ܟܕ ܡܡܝܩܝܢ ܗܘܘ ܘܡܒܙܚܝܢ ܗܘܘ [ܒܟܪ̈ܣܛܝܢܐܼ: ܠܡܪܚܘܬܐ] ܕܐܝܟ ܗܕܐ ܢܐܬܘܢܿ ܐܝܟ ܕܢܟܬܒܘܢ ܟܬܒܐ. [ܕܩܒܼܥ ܒܬܪܥܗ] ܕܕܡܘܣܝܢ ܒܡܕܝܢܬ ܡܠܟܘܬܐܼ. ܕܐܝܟ ܗܢܐ܀ ܐܝܓܪܬܐ ܕܥܒܕ ܝܗ̈ܘܕܝܐ ܠܘܬ ܡܪܩܝܢܐ ܡܠܟܐ ܒܬܪ ܫܪܝܗܿ ܕܣܘܢܗܕܣ ܕܟܠܩܕܘܢܐܼ. ܠܡܪܚܡܢܐ ܡܠܟܐ ܡܪܩܝܢܐ: ܥܡܐ ܕܥܒܪ̈ܝܐ. ܗܢܐ ܟܠܗ ܙܒܢܐ ܡܣܬܒܪܝܢ ܗܘܿܝܢܼ ܐܝܟ ܗܿܘ ܕܠܐܠܗܐ ܨܠܒܘ ܐܒܗ̈ܝܢ܆ ܘܠܐ ܗܘܐ ܠܒܪܢܫܐ. ܡܢ ܕܝܢ ܕܐܬܟܢܫܬܿ ܣܘܢܗܕܣ ܗܕܐ ܩܕܝܫܬܐ ܕܒܟܠܩܕܘܝܢܐܼ. ܘܚܘܝܬܿ ܕܠܒܪ ܢܫܐ ܙܩܦܼ܆ ܘܠܐ ܗܘܐ ܠܐܠܗܐ. ܡܛܠܗܕܐ ܡܦܝܣܝܢܢ ܕܣܟܠܘܬܐ ܗܕܐ ܬܬܒܩ ܠܢ܆ ܘܟܢܘ̈ܫܬܢ ܢܬܦܢ̈ܝܢ ܠܢ.. ܠܗܕܐ ܟܠܗܿ ܡܪܚܘܬܐ ܐܫܟܚ ܠܡܐܬܐ ܥܡܐ [ܕܛܥܐ] ܠܐܠܗܐ ܕܥܒܕܗܼ ܘܨܚܝ ܠܬܩܝܦܐ ܕܦܪܩܗ.܀܀ ܫܢܬ ܫܒܥ̈ܡܐܐ ܘܫ̈ܬܝܢ ܘܫ̈ܬܼ. ܗܘܐ ܙܘܥܐ ܪܒܐ ܘܕܚܝܠܐ. ܘܢܦܼܠܝܢ ܒܗ ܡܕ̈ܝܢܬܐ ܘܕܘ̈ܟܝܬܐ ܣܓܝ̈ܐܬܐ. ܐܝܟܢܐ ܕܛܪܝܦܠܝܣ ܟܠܗܿ ܐܬܗܦܟܬܿ܇ ܗܿܝ ܕܦܘܢܩܝܐ.܀܀ ܘܒܫܢܬ ܫܒ̈ܥܡܐܐ ܘܫ̈ܬܝܢ ܘܬܫ̈ܥܼ. ܒܢܼܐ ܢܘܢܐ ܐܦܝܣܩܦܐ ܕܐܘܪܗܝܿ ܒܝܬ ܝܘܚܢܢ ܡܥܡܕܢܐ ܘܐܘܓܪܣܐ [ܕܡܣ̈ܟܢܐ] ܠܒܪ ܡܢ ܬܪܥܐ ܕܒܝܬ ܫܡܫ… ܒܢܼܐ ܕܝܢ ܒܗ ܒܐܘܓܪܣܐ ܒܝܬ ܣܗ̈ܕܐ ܠܡܪܝ ܩܘܙܡܐ ܘܠܡܪܝ

Page 227

ܕܘܡܝܢܐ.܀܀ ܫܢܬ ܫܒ̈ܥܡܐܐ ܘܫܒ̈ܥܝܢ܆ ܗܘܼܐ ܙܘܥܐ ܩܫܝܐ ܘܢܦܠܬܿ ܒܼܗ ܐܢܛܝܟܝܐ ܕܣܘܪܝܐ: ܗܦܘܟܝܐ ܕܐܪ̈ܒܥܐ [ܠܗܿ. ܡܓܗ̈ܝ] ܚܕܒܫܒܐ ܒܬܠ̈ܬܥܣܪ ܒܐܝܠܘܠ. ܘܫܼܕܪ ܠܐܘܢ ܡܠܟܐ ܕܗܒܐ ܣܓܝܐܐܼ. ܘܒܢܼܐ ܡܣܚ̈ܦܬܗܿ.܀܀ ܫܢܬ ܫܒ̈ܥܡܐܐ ܘܫܒ̈ܥܝܢ ܘܚܕܐܼ. ܡܝܬ ܩܕܫܝܐ ܡܪܝ ܫܡܥܘܢ ܕܐܣܛܘܢܗ. ܟܕ ܐܪܕܒܘܪ ܐܣܛܪܛܝܠܛܝܣ ܕܡܕܢܚܐ. ܘܐܬܟܢܫܘ ܟܠܗܘܢ ܐܢܛܝ̈ܘܟܝܐܼ. ܟܕ ܩܿܥܝܢ ܘܡܿܪܒܝܢ ܥܠܘܗܝ ܕܢܫܕܪ ܚܝܠܐ ܕܢܚܛܦ ܠܗܘܢ ܦܓܪܗ ܕܛܘܒܢܐܼ. ܘܢܝܬܝܘܗܝ ܠܗܘܢ ܒܡܕܝܢܬܗܘܢ. ܗܼܘ ܝܕܢ ܐܪܕܒܘܪ ܫܕܪ ܚܝܠܐ ܣܓܝܐܐ ܕܓܘ̈ܬܝܐ. ܘܒܩܪܒܐ ܪܒܐ ܐܫܟܚܘܢ ܠܡܚܛܦ ܠܦܓܪܗ ܕܛܘܒܢܐܼ ܘܢܝܬܘܢܝܗܝ ܠܐܢܛܝܟܝܐܼ. ܐܝܟܢܐ ܕܟܕ ܒܙܘܚܐ ܪܒܐ ܐܬܩܒܠ ܡܢ ܐܢ̈ܛܝܟܝܐܼ. ܡܚܕܗ ܥܒܼܕ ܠܗ ܒܝܬ ܣܗ̈ܕܐ ܪܒܐܼ ܘܐܬܣܝܡ ܒܗ ܒܓܠܘܣܩܡܐ.܀܀ ܫܢܬ ܫܒ̈ܥܡܐܐ ܘܫܒ̈ܥܝܢ ܘܫ̈ܬܼ. ܐܦܩ ܦܘܩܕܢܐ ܠܐܘܢ ܡܠܟܐ ܕܠܐ ܐܢܫ ܢܡܪܚ ܕܢܦܠܘܚ ܒܚܕܒܫܒܐܼ. ܘܠܐ ܩܝܬܪܐ ܐܘ ܐܒܘܒܐ ܐܘ ܦܠܓܐ ܐܘ ܚܕ ܡܢ ܡܐܢ̈ܝ ܙܡܪܐܼ ܢܡܪܚ ܐܢܫ ܕܢܬܚܫܚ ܒܝܘܡܐ ܩܕܝܫܐ ܕܚܕܒܫܒܐ. ܐܠܐ ܟܠܡܕܡ ܢܒܛܠܼ. ܘܒܥܕܬܐ ܟܠܢܫ ܢܬܥܢܐܼ ܘܟܠܢܫ ܢܬܬܢܝܚ.܀܀ ܫܢܬ ܫܒ̈ܥܡܐܐ ܘܫܒ̈ܥܝܢ ܘܫܒ̈ܥܼ. ܒܢܼܐ ܠܐܘܢ ܡܠܟܐ ܠܩܠܝܢܩܣ ܕܒܝܬ ܢܗܪ̈ܝܢ.܀܀ ܫܢܬ ܫܒ̈ܥܡܐܐ ܘܬܡ̈ܢܝܢ ܘܬܪ̈ܬܝܢ܆ ܡܝܼܬ ܢܘܢܐ ܐܦܝܣܩܦܐ ܕܐܘܪܗܝ܆ ܘܗܘܼܐ ܚܠܦܘܗܝ ܩܘܪܐ.܀܀ ܫܢܬ ܫܒܥ̈ܡܐܐ ܘܬܡ̈ܢܝܢ ܘܬ̈ܠܬܼ. ܐܩܝܡ ܠܐܘܢ ܡܠܟܐ ܪܕܘܦܝܐ ܩܫܝܐ ܥܠ ܐܪ̈ܝܢܘܼ. ܒܟܠܗܘܢ ܐܬܪ̈ܘܬܐ ܕܘܚܕܢܗ. ܟܕ ܛܪܕ ܘܕܚܩ ܠܗܘܢ ܘܫܩܠ ܥܕ̈ܬܗܘܢܼ. ܘܦܩܼܕ ܕܠܐ ܢܬܟܢܫܘܢ ܟܠ ܟܠܗ.܀܀ ܫܢܬ ܫܒ̈ܥܡܐܐ ܘܬܡ̈ܢܝܢ ܘܐܪ̈ܒܥܼ. ܢܚܬ

Page 228

ܩܛܡܐ ܡܢ ܫܡܝܐ ܒܕܡܘܬ ܡܛܪܐ. ܘܟܼܫܐ ܥܠ ܐܪܥܐ ܘܥܠ ܩܪ:̈ܡܝܕܐ ܙܪܬܐ ܚܕܐ. ܘܗܘܼܬ ܟܠܗܿ ܡܕܝܢܬܐ ܘܟܠܗ ܦܠܛܝܐ ܒܕܚܠܐ ܪܒܐ. ܘܕܚܠܬܐ ܘܙܘܥܬܐ ܣܓܝܐܬܐ ܗܘܬ ܥܠ ܟܠܗܘܢ ܒܢܝ̈ܢܫܐ. ܟܕ ܐܡܝܢܝܢ ܒܒܥܘܬܐ ܘܒܚܫܐ ܘܕܡ̈ܥܐ ܒܠܠܝܐ ܘܒܐܝܡܡܐܼ. ܟܕ ܟܠܢܫ ܗܕܐ ܐܡܿܪ ܗܘܐ: ܕܗܢܐ ܩܛܡܐ ܕܢܚܼܬ ܡܢ ܫܡܝܐ ܢܘܪܐ ܐܝܬܘܗܝ ܗܘܐ ܕܒܪܘܓܙܐ [ܡܡܛـ]ܪ ܐܠܗܐ ܥܠ ܐܪܥܐ. ܘܒܪ̈ܚܡܘܗܝ ܕܐܠܗܐ ܚܝܐ ܚܼܣ ܥܠ ܥܠܡܐܼ. ܘܕܥܟܗܼܿ. ܘܗܘܬܼ ܩܛܡܐܿ. ܕܠܐ ܬܘܩܕܝܘܗܝ ܘܬ[ܣܝـ]ܦܝܘܗܣ ܠܟܠܗ ܓܢܣܐ ܕܒܢܝ̈ܢܫܐ. ܘܗܫܐ ܢܬܘܒ ܡܢ ܒܝ̈ܫܬܢܼ. ܕܠܐ ܠܓܡܪ ܢܐܒܕ ܒܚ̈ܛܗܝܢ.܀܀ ܫܢܬ ܫܒ̈ܥܡܐܐ ܘܬܡ̈ܢܝܢ ܘܚ̈ܡܫܼ. ܗܘܼܐ ܝܩܕܢܐ ܪܒܐ ܒܡܕܝܢܬ ܡܠܟܘܬܐ܇ ܕܠܐ ܡܡܬܘܡ ܗܘܼܐ ܒܝܫ ܐܟܘܬܗ ܕܗܢܐܼ. ܐܫܬܠܛܬܿ [ܒܗܿ ܢܘܪܐ ܒܩܝܦܐܝܬܼ] ܘܐܘܩܕܬ ܡܢ ܝܡܐ ܠܝܡܐ. ܘܠܐ ܣـ . . . . . . ܐܝܟܢܐ ܠܝܬ ܠܗ ܣܟܐ . . . ܟܕ ܚܼܙܐ ܡܠܟܐ ܠܐܘܢ ܐܬܥܠܝ ܘܥܪܩ ܠܗ ܠܥܒܪܐ ܕܒܝܬ ܡܪܝ ܡܐܡܐ ܘܡܢ [ܥܩܬܗ] ܝܿܬܒ ܠܗ ܬܡܢ ܝܪ̈ܚܡܐ ܫ̈ܬܐ. ܒܢܼܐ ܕܝܢ ܬܡܢ ܠܡܐܢܐ ܪܒܐ ܕܡܬܩܪܐ ܕܢܐܘܢ ܐܝܒܠܘܢ.܀܀ ܫܢܬ ܫܒ̈ܥܡܐܐ ܘܬܡ̈ܢܝܢ ܘܫ̈ܬܼ. ܐܡܿܠܟ ܠܐܘܢ ܣܒܐܼ [ܠܠܐܘܢ ܒܪ] ܒܪܬܗ ܒܪܗ ܕܙܐܢܘܢܼ. ܥܡܗ ܒܡܠܟܘܬܐ.܀܀ ܫܢܬ ܫܒܥ̈ܡܐܐ ܘܬܡܢ̈ܝܢ ܘܬܡ̈ܢܐܼ. ܡܝܼܬ ܠܐܘܢ ܣܒܐ ܘܐܚܕ ܡܠܟܘܬܐ ܠܐܘܢ ܙܥܘܪܐܼ. ܟܕ ܗܼܘ ܒܪ ܫܒ̈ܥ ܫܢܗܝܢ.܀܀ ܫܢܬ ܫܒ̈ܥܡܐܐ ܘܬܡ̈ܢܝܢ ܘܬܫ̈ܥܼ. ܐܛܥܝܬܗ ܐܡܗ ܠܠܐܘܢ ܙܥܘܪܐܼ. ܐܝܟ ܕܠܒܒܘܣܐܼ ܘܐܡܼܪܬܿ ܠܗ: ܕܡܐ ܕܣܼܓܕ ܠܟ ܐܒܘܟ ܥܡ ܪ̈ܝܫܝܢܐܼ. ܣܒ ܬܓܐ ܕܒܪܝܫܟ ܘܣܡ

Page 229

(ܒܪܝܫܗ). ܗܼܘ ܕܝܢ ܠܐܘܢ ܙܥܘܪܐܼ ܕܐܝܬܘܗܝ ܗܘܐ ܒܒܘܣܐ ܙܥܘܪܐ ܒܪ ܫܒ̈ܥ ܫܢ̈ܝܢ܆ ܥܒܼܕ ܗܟܢܐ. ܘܫܩܠ ܟܠܝܠܐ ܕܒܪܫܗ ܕܡܠܟܘܬܗ. ܘܣܡ ܒܪܝܫܐ ܕܐܒܘܗܝ. ܘܗܝܕܝܢ ܐܬܚܙܝ ܙܐܢܘܢ ܡܟܝܠ ܐܚܝܕ ܡܠܟܘܬܐܼ. ܐܝܬܘܗܝ ܗܘܐ ܒܓܢܣܗ ܐܝܣܘܪܝܐ.. ܠܐܘܢ ܒܪܗ ܥܒܼܕܗ ܗܘܦܛܣ.܀܀ ܫܢܬ ܫܒܥ̈ܡܐܐ .ܨ. ܡܪܕ ܥܠ ܙܐܢܘܢ ܒܣܠܝܩܘܣܼ ܐܚܘܗܿ ܕܒܝܪܝܢܐܼ ܐܢܬܬ ܠܐܘܢ ܪ[ܒܐܼ ܕܢܚـ]ܘܕ ܡܠܟܘ[ܬܐ]. ܙܐܢܘܢ ܕܝܢ ܐܬܦܠܛ ܠܐܝܣܘܪܝܐܼ. ܘܝܼܬܒ ܬܡܢ.܀܀ ܫܢܬ ܫܒ̈ܥܡܐܐ ܘܬܫ̈ܥܝܢ ܘܚܕܐܼ. ܗܘܼܐ ܙܘܥܐ ܩܫܝܐ. ܘܢܦܼܠܬܿ ܒܗ ܓܒܐܠܝܐ ܡܝܕܢܬܐ ܕܣܘܪܝܐ. ܘܫܕܪ ܒܣܠܝܩܘܣ [ܚܡ̈ܫܝܢ] ܠܝܛܪ [ܕܗܒܐܼ. ܘܒܢܼܗܿ].܀܀ ܫܢܬ ܫܒ̈ܥܡܐܐ ܘܬܫ̈ܥܝܢ ܘܬܪ̈ܬܝܢ܆ ܗܦܟ ܙܐܢܘܢ ܠܩܘܣܛܢܛܝܢܦܘܠܝܣ ܒܚܠܐ ܣܓܝܐܐܼ. ܘܐܬܩܒܠ [ܡܢ ܟܠܗܿ] ܣܢܩܠܛܣ. ܘܒܫܠܝܘܩܣ ܥܪܼܩ ܠܥܕܬܐ [ܪܒܬܐܼ ܘܥܠ] ܠܡܥܡܘܕܝܬܐ. ܘܫܕܪ ܙܐܢܘܢܼ ܘܫܠܚ ܡܢܗ ܐܣܟܡܐ ܕܡܠܟܘܬܐܼ. ܘܡܢ ܐܢܬܬܗ ܘܡܢ ܒܢ̈ܘܗܝ. ܘ[ܡܛܠ ܕܣܡ] ܠܗܘܢ ܡܠܬܐܼ ܕܠܐ ܡܬܩܛܠܝܢ ܡܢـ[ܗ ܒܪܒـ]ܐܼ. ܫܕܪ ܐܢܘܢ [ܕܝܢ ܠܠܝܡܝܣ ܩܣܛܪܝܐ] ܕܩܦـ[ܕܘܟܝܐ. ܘܐܬܚܒܫܘܢ ܒܚܕ ܡܢ ܦܘܪ̈ܟـ]ܣܐ ܕܒܗ. ܘܫܥ ܠܬܪܥܐ ܒܐܦ̈ܝܗܘܢܼ. ܘܡܝܬ ܬܡܢ. ܘܟܕ ܚܝܝܢܼ [ܐܬ]ܩܒܪܘ.܀܀ ܫܢܬ ܫܒܥ̈ܡܐܐ ܘܬܫ̈ܥܝܢ ܘܐܪ̈ܒܥ܆ ܫܕܐ ܙܐ[ܢܘܢ ܦܛܪܘܣ ܩܛܪܝܪܟܐ ܕܐܢܛܝܟܝܐ] ܠܐܟܣܘܪܝܐ. [ܠܘ ܥܠ ܐܦ̈ܝ ܗܝ̈ܡـ[ܢܘܬܐܼ. ܐܠܐ ܡܛܠ ܕܐܢܬܟܠ ܥܠܘܗܝܼ ܘܐܫܬܘܝ] ܥܡ ܒܣܠܝܩܣ. ܘ[ܥܼܒܕ ܚܠܦܘܗܝܼ] ܠܐܣܛܦܢܐ. [ܗܢܐ ܟܕ ܩܠܝܠ ܠܒܟܼ ܐܫܬܟܚ] ܕܐܝܬܘܗܝ [ܢܣܛܘܪܝܢܐ. ܘܟܕ ܢܼܦܩ] ܕܢܥܒܕ ܕܘܟܪܢܐ ܕܐܪ̈ܒܥܝܢ ܣܗ̈ܕܐܼ ܠܒܪ ܡܢ ܡܕܝܢܬܐ. ܐܬܟܢܫܘ

Page 230

ܩܠܝܪ̈ܝܩܘܝܗܼ ܘܠܛܫܘ] ܩܢܝ̈ܐܼ ܘܕܓـ[ܫܘܗܝ ܘܡܝܼܬ. ܘܫܕܘ ܫܠܕܐ ܒܐܘܪܢܛܐ ܢܗܪܐ. ܘܟܕ ܫܡܼܥ] ܙܐܢܘܢ [ܗܕܐ. ܘܡܢ ܗܠܝܢ ܥܒܼܕ] ܬܒܥܬܐ. [ܘܥܼܒܕ ܒܬܪܗ ܩܠܐܢܕܝܘܢܼ. ܗܢܐ ܕܐܦ ܐܫـ[ܬܟܚ ܢܣܛܘܪܝܢܐ. ܘܫـ]ܕܘܗܝ ܠܐܟܣܘܪܝܐ.. ܗܝـ[ܕܝܢ ܗܘܬ ܡܢ] ܐܢܛܝ̈ܟܝܐ ܩܥܬܐ ܣܓܝܐܬܐܼ [ܡܛܠ ܦܘܢܝܗ] ܕܦܛܪܘܣ ܗܼܘ ܕܐ[ܫܬܪܝ. ܘܦܼܩܕ] ܡܿܠܟܐ ܕܢܬܦܢܐ. ܘܠـ[ܒܼܟ ܬܪܘܢܣ ܕܝܠܗܼ] ܟܠܗܘܢ ܝـ[ܘ̈ܡܝ ܚܝܘ̈ܗܝ. ܘܡܝܬ ܬܡܢ] ܒܗܿ ܒܐܢܛܝܟܝܐ.܀܀ ܫܢܬ ܫܒ̈ܥܡܐܐ ܘܬܫܥ̈ܝܢ ܘܫ̈ܬܼ. ܥܒܼܕ ܙܐܢܘܢ ܡܿܠܟܐ ܟܬܒܐ ܗܢܐ ܕܡܬܩܪܐ ܗܢܛܝܩܘܢܼ. ܘܚܿܝܕ ܠܥܕܬܐ ܒܝܘ̈ܡܬܗ. [ܟܕ ܓܝܪ ܩܡ] ܗܘܐ ܙܐܢܘܢ ܒܡܠܟܘܬܐܼ. [ܘܐܫܟܚܗܿ ܠܥܕܬܐ ܩܕܝܫܬܐ ܕܒـ[ܟܠ ܐܬܪ ܕܠܝܚܐ ܘܫܓܝܫܐ. ܘܣܕ̈ܩܐ ܬܘܒ ܡܢ ܥܠܬ ܚܘܕ̈ܬܐܼ ܕܠܒܪ ܡܢ ܛܟـ[ـܣܐ ܥܕܬܢܝܐܼ ܗܘܘ [ܒܣܘܢܗܕܣ ܕܒܟܠܩܕܘܢܐ] ܡܕܝܢܬܐ ܐܬ[ܟܼܢܫܬܿ ܘܫܪܟܐ ܕܒܠܝܠܘܬܐ ܕܒܗܿ. ܘ]ܟܕ ܒܣܓܝ̈ܐܬܐ ܐܬ[ܦܪܣ ܕܢܫܠܐ ܫܓܘ̈ܫܝܐ ܕܒܟܠ] ܐܬܪ: ܐܬܚܫܒ ܘܥܒܼܕ [ܟܬܒ ܙܥܘܪܐ ܕܚـ]ܘܝܕܐ ܗܘܐ ܗܢـ[ܛܝܩܘܢ ܗܢܐܼ ܕܐܝܟ ܕܐܡܿܪܬ:] ܕܥܕܡܐ ܠܗܝܕܝܢ [ܦܠܝܓܝܢ ܗܘܘ ܥܡ̈ܡܐ ܣܓܝ̈ܐܐ ܡܢܚܕ̈ܕܐ.. ܟܕ ܐܦ ܗܟܢܐ ܗ[ܠܝܢ ܕܡܢ ܗܪ̈ܛܝܩܐ] ܚܬܝ̈ܬܐ ܐܝܬܝܗܘܢ ܗܘܘܼ. ܓܒܐ ܕܣـ[ܩܘܒܠܝܘ]ܬܐ ܣܕܪ ܠܘܩܒܠܗ ܕܟܬܒܐ ܠ . . . . . ܐܠܐ ܐܝܟ ܕܟـ[ܬܝܒ: ܕܐܬܚܫܒ ܗܘܘ ܬܪܥـ]ܝܬܐ ܘܠܐ ܐܬܡܨܝ ܚܝܠܐ. ܥܕܬܐ ܕܝܢ ܩܕܝܫܬܐ ܟܕ ܡܦܩ ܒܪܘܚܐ ܕܥܒܼܕ ܟܒܬܐ ܩܼܒܠܠܬܿ. ܡܢ ܗܝܕܝܢ ܠܘܬ ܚܘܕܝܐ ܐܬܼܬܿ. ܘܢܘܚܐ ܘܫܠܝܐ ܒܝܢܬ ܓܒ̈ܐ ܗܘܐ. ܘܒܝ̈ܫܬܐ ܣܒܝ̈ܣܬܐܼ. ܘܚܪ̈ܝܢܐ ܕܒܟܠ ܐܬܪ ܐܬܒܛܠ.. ܐܬܚܙܠܝ ܠܝ ܕܝܢ ܕܐܦ ܠܗ ܠܟܬܒܐ ܗܢܐܼ ܟܕ ܛܒ ܒܟܠܕܘܟ ܫܒܝܚܼ. ܒܣܕܪܐ ܗܢܐ ܐܣܝܡܘܗܝ: ܕܐܝܬܘܗܝ ܗܟܢܐ.

ܨܚܚܐ ܕܟܬܒܐ ܗܢܛܝܩܘܢ ܕܥܼܒܕ ܙܐܢܘܢ ܡܠܟܐܼ. ܡܛܠ ܚܘܝܕܐ ܕܥܕܬܐ: ܕܐܝܬ ܗܟܢܐ: ܐܘܛܘܩܪܐܛܘܪ ܩܣܪ

Page 231

ܙܐܢܘܢ ܡܗܝܡܢܐ ܙܟܝܐ܆ ܡܬܢܨܚ ܒܙܟܘܬܐ ܪܒܐ ܘܡܝܩܪܐ ܐܡܝܢܐܝܬ ܐܓܘܣܛܣ. ܠܐܦ̈ܝܩܦܐ ܘܥ̈ܡܡܐ ܕܐܝܬ ܒܡܨܪܝܢ ܘܒܐܠܟܣܢܕܪܝܐ ܘܒܠܘܒܐܐ ܘܒܦܢܛܦܘܠܝܣ. ܫܘܪܪܐ ܘܩܘܝܡܐ ܘܚܝܠܐ ܘܙܝܢܐ ܠܐ ܡܙܕܟܝܢܐ ܕܡܠܟܘܬܢܼ ܝܿܕܥܝܢܢ ܕܐܝܬܘܗܝ ܗܝܡܢܘܬܐ ܗܿܝܕ ܒܠܚܘܕܝܗܿ ܐܝܬܝܗܿ ܬܪܝܨܬܐ ܘܫܪܝܪܬܐ. ܗܝܿ ܕܒܝܕ ܡܓܢܢܘܬܐ ܐܠܗܝܬܐ ܣܡܘ ܐܝܠܝܢ ܕܒܢܩܝܐ ܐܬܟܢܫܘ ܗܘܘ ܬܠܡ̈ܐܐ ܘܬܡ̈ܢܬܥܣܪ ܐܒ̈ܗܬܐ ܩܕ̈ܝܫܐ. ܬܚܡܘ ܕܝܢ [ܒܗܿ ܒܕܘܟܬܐ] ܬܘܒ ܘܐܝܠܝܢ ܕܒܩܘܣܛܢـ ܐܬܟܢܫܘ ܡ̈ܐܐ ܘܚܡ̈ܫܝܢ ܐܒܗ̈ܬܐ [ܩܕܗܝܫܐ܇ ܟܕ ܒܠܠܝܐ] ܘܒܐܡܡܐ ܒܨܠܘܬܐ ܐܡܝܢܐܝܬ ܘܝܨܦܘܬܐ ܘܢܡ̈ܘܣܐ ܡܬܚܫܚܝܢ [ܚܢܢ܇ ܕܬܬܝܬܪ ܒܐܝـ]ܕܗܿ ܥܕܬܐ ܩܕܝܫܬܐ ܕܒܟܠ ܐܬܪ ܩܬܘܠܝܩܐ ܘܫܠܝܚܝܬܐ. ܗܝܿ ܕܐܝܬܝܗܿ [ܐܡܐ] ܠܐ ܡܬܚܒܠܢܝܬܐ ܟܝܬ ܘܠܐ ܡܫܬܪܝܢܝܬܐ ܕܫܒܛܐ ܕܡܠܟܘܬܢ. ܟܕ ܒܫܝܢܐ ܘܒܐܘܝܘܬܐ ܕܠܘܬ ܐܠܗܐܼ ܥܡ̈ܡܐ ܡܗ̈ܝܡܢܐ ܡܟܬܪܝܢ. ܨܠܘ̈ܬܐ ܡܬܩ̈ܒܠܢܝܬܐ ܕܚܠܦ ܡܠܟܘܬܢ ܗܘܘ ܡܩܪܒܝܢ܇ ܥܡ ܚ̈ܣܝܐ ܐܦܣ̈ܩܦܐ ܘܕܚ̈ܠܝ ܠܐܠܗܐ ܩܠܝܪ̈ܝܩܘ ܘܪ̈ܝܫܝ ܕܝܪ̈ܬܐ (ܘܕܝܪ̈ܝܐ). ܟܕ ܓܣܪ ܐܠܗܐ ܪܒܐ ܘܡܚܝܢܢ ܝܫܘܥ ܡܫܝܚܐܼ. ܗܿܘ ܕܡܢ ܠܬܘܠܬܐ ܘܝܠܕܬ ܐܠܗܐ ܡܪܝܡ ܐܬܓܫܡ ܘܐܬܝܕܠ: ܬܘܝܕܬܐ ܘܦܘܠܚܢܐ ܕܡܢ ܫܠܡܘܬܐ ܡܫܒܚ. ܘܡܛܝܒܐܝܬ ܡܩܿܒܠ. ܓܢ̈ܣܐ ܓܝܪ ܕܒ̈ܥܠܕܒܒܐ ܓܪܣܝܢ ܘܡܬܥܛܝܢ.

Page 232

ܟܠܗܘܢ ܕܝܢ ܒ̈ܢܝܢܫܢܐ ܨܘܪܗܘܢ ܟܦܝܢ ܠܐܘܚܕܢܢ ܕܒܬܪ ܐܠܗܐ. ܟܕ ܫܝܢܐ ܘܛ̈ܒܐ ܕܡܢ ܗܢܐ ܘܡܘܘܙܓܐ ܫܦܝܪܐ ܕܐܐܪ ܘܟܗܝܢܘܬܐ ܕܦܐܪ̈ܐ ܘܟܠܗܝܢ ܐܝܠܝܢ ܕܦܩܚܢ ܠܒ̈ܢܝܫܢܐ ܫܦܝܥܐܝܬ ܡܬܝܗܒܢ. ܗܟܢܐ ܗܟܝܠ ܟܕ ܗܝܡܢܘܬܐ ܕܠܐ ܡܘܡܼ. ܠܢ ܘܠܣܘܥܪ̈ܢܐ ܕܪ̈ܗܘܡܝܐ ܡܫܘܙܒܐ܆ ܒܥܘ̈ܬܐ ܐܬܩܪܒ ܠܢ ܡܢ ܪ̈ܚܡܝ ܠܐܠܗܐ ܪ̈ܝܫܝ ܕܝܪ̈ܬܐ ܘܡܕܒܪ̈ܢܐ ܘܐܚܪ̈ܢܐ ܐܝܚ̈ܝܕܝܐ. ܟܕ ܒܕ̈ܡܥܐ ܡܬܟܫܦܝܢ܆ ܕܚܕܝܘܬܐ ܕܥ̈ܕܬܐ ܩܕ̈ܝܫܬܐ ܬܗܘܐ܆ ܘܢܬܢܩܦܘܢ ܗܕ̈ܡܐ ܠܗܕ̈ܡܐ܇ ܐܝܠܝܢ ܕܣܿܢܝܢ ܫܦܝܪ̈ܬܐܼ ܡܢ ܙܒܢܐ ܣܓܝܐܐ ܕܝܢܼ ܠܡܦܪܫ ܐܣܬܪܗܒ ܒܝܿܕܥܝܢ ܕܟܕ ܡܩܪܒܝܢ ܥܡ ܓܘܫܡܐ ܡܫܠܝܡܢܐ ܕܥܕܬܐܼ ܡܙܕܟܝܢ. ܓܕܫܬ ܓܝܪ ܡܢ ܗܕܐ ܕܕܪ̈ܐ ܕܠܐ ܡܢܝܢܐ ܐܝܠܝܢ ܕܗܘܿ ܙܒܢܐ ܒܗܠܝܢ ܟܠܗܝܢ ܫ̈ܢܝܐ ܕܚ̈ܝܐܼ ܐܥܒܪ. [ܡܢܗܘܢ ܡܿܢܼ] ܟܕ ܕܓܠܝܙܝܢ ܡ ܡܣܚܪܘܬܐ ܕܝܠܕܐ ܕܡܢ ܕܪܝܫ ܢܐܙܠܘܢ. ܡܢܗܘܢ ܕܝܢ ܟܕ ܠܐ ܐܫܬܘܬܦܘ ܗܘܘ ܒܫܘܬܦܘܬܐ ܕܐܠܗܝܬܐܼ ܠܘܬ ܡܦܩܢܐ ܗܿܘ ܕܡܢ ܐܢܫ̈ܝܬܐ ܕܠܝܬ ܠܡܫܬܐܠܘ ܡܢܗ ܢܬܕܒܪܘܢ. ܘܠܪ̈ܒܘܬܐ ܕܩ̈ܛܠܐܼ ܢܬܡܬܚܘܢ. ܘܒܣܘܓܐܐ (ܕܕܡܐܼ) ܬܬܬܛܢܦܼ ܠܘ ܒܠܚܘܕܝ ܗܝ ܐܼܪܥܐ܆ ܐܠܐܼ ܐܦ ܡܢ ܟܕܘ ܐܐܪ ܟܠܗ. ܗܠܝܢ ܡܢ ܗܘ ܕܠܐ ܡܠܚܐ ܕܠܘܬ ܛܒ̈ܬܐ ܨܒܝܢܢ ܢܫܚܠܦ ܐ̈ܢܝܢ. ܡܛܠ ܗܕܐ ܗܟܝܠܼ ܕܬܕܥܘܢ ܝܨܦܝܢܢ ܕܐܠ ܚܢܢ ܘܥ̈ܕܬܐ ܕܐܪ̈ܬܕܘܟܣܘܢ ܕܒܟܠܗ ܫܠܘܛܢܐ ܕܡܠܟܘܬܢܼ ܘܪ̈ܚܡܝ ܐܠܗܐ ܟܗ̈ܢܐ ܐܝܠܝܢ ܕܡܕܒܪܝܢ ܠܗܝܢ܆ ܕܚܕ ܣܝܡܐܼ ܘܚܕ ܬܚܘܡܐ ܕܗܝܡܢܘܬܐ ܩܒܠܢܢ. ܐܝܢܐ ܕܡܢ ܠܥܠ ܐܬܐܡܪܘ܆ ܬܕܬܠܡ̈ܐܐ ܘܬܡܢܬܥܣܪ̈

Page 233

ܐܒ̈ܗܬܐ ܩܕ̈ܝܫܐ: ܗܿܘ ܕܬܚܡܘ ܐܝܠܝܢ ܕܐܬܥܗܕܘ ܡܐܐ ܘܚ̈ܡܫܝܢ ܐ̈ܒܗܬܐ. ܘܬܘܒ ܡܬܝܢ ܥܣܪܝܢ܆ ܠܐ ܗܼܘܐ ܠܢܼ ܘܠܐ ܗܿܘܐ ܠܢܼ ܘܠܐ ܕܐܝܬܘܗܝ ܠܐܢܫ ܝܿܕܥܝܢܢ. ܐܢܗܼܘ ܕܩܢܐ ܐܢܫ ܠܒܪ ܡܢܗ ܕܗܢܐ ܬܚܘܡܐ ܕܐܒܗ̈ܬܐ ܩܕ̈ܝܫܐ ܬܠܬܡ̈ܐܐ ܘܬܡܢܬܥܣܪܼ̈ ܗܠܝܢ ܕܒܪܘܚܐ ܩܕܝܫܐ ܐܬܟܢܫܘ: ܢܘܟܪܝܐ ܚܫܒܝܢܢ ܠܗ. ܗܢܘ ܕܝܢܼ ܐܝܟ ܕܐܡܪܝܢܢ܆ ܬܟܝܠܝܢܢ ܕܡܢܛܪ ܠܡܠܟܘܬܢ܆ ܘܠܟܠܗܘܢ ܥܡ̈ܡܐ ܐܝܠܝܢ ܕܡܫܬܘܝܢ ܠܡܥܡܘܕܝܬܐ ܡܚܝܢܝܬܐ܆ ܠܗܢܐ ܟܕ ܡܩܒܠܝܢ ܥܡܕܝܢ. ܗܿܘ ܕܠܗ ܐܬܕܢܝܘ ܟܠܗܘܢ ܐܒ̈ܗܬܐ ܩ̈ܕܝܫܐ ܕܒܐܦܣܘܣ ܐܬܟܢܫܘ ܡܬܝܢ ܘܥܣܪܝܢ. ܐܝܠܝܢ ܕܐܦ ܥܒܕ ܩܬܪܣܝܣ ܕܢܣܛܘܪܝܣ ܪܫܝܥܐ. ܘܕܐܝܠܝܢ ܕܗܠܝܢ ܕܝܠܗ ܡܬܪܥܝܢ ܒܬܪܟܢ. ܕܠܗ ܠܗܢܐ ܢܣܛܘܪܝܣ܆ ܐܦ ܚܢܢ ܘܠܐܘܛܘܟܐܼ. ܐܝܟ ܡܿܢ ܕܐܬܪܥܝܘ ܕܠܩܘܒܠܐ ܕܐܝܠܝܢ ܕܐܬܐܡܪܼ ܡܚܪܡܝܢܢ. ܟܕ ܡܩܒܠܝܢܢ ܐܦ ܠܬܪ̈ܥܣܪ ܩܦ̈ܠܐ ܕܐܬܐܡܪ ܡܢ ܫܿܘܐ ܠܥܘܗܕܢܐܼ ܪܚܿܡ ܐܠܗܐ ܩܘܪܝܠܘܣ ܗܿܘ ܕܗܘܼܐ ܪܝܫܐ ܕܐܦܣ̈ܩܦܐ ܕܐܠܟܣܢܕܪܝܐ.. ܡܘܕܝܢܢ ܐܝܚܝܕܝܐ ܒܪܗ ܕܐܠܗܐܼ ܗܿܘ ܕܫܪܝܪܐܝܬ ܐܬܒܪܢܫ ܡܪܢ ܝܫܘܥܡܫܝܚܐ. ܗܿܘ ܕܐܝܬܘܗܝ ܒܪ ܟܝܢܐ ܕܐܒܐ ܒܐܠܗܘܬܗ܆ ܘܒܪ ܟܝܢܐ ܕܝܠܢܼ ܗܼܘ ܟܕ ܗܼܘ ܒܐܢܫܘܬܐ. ܗܿܘ ܕܢܚܼܬ ܘܐܬܿܓܫܡ ܡܢ ܪܘܚܐ ܕܩܘܕܫܐ ܘܡܢ ܡܪܝܡ ܒܬܘܠܬܐ ܝܠܕܬ ܐܠܗܐ܆ ܘܚܕ ܐܝܬܘܗܝ ܒܪܐܼ ܘܠܐ ܗܘܐ ܬܪ̈ܝܢ. ܕܚܕ ܓܝܪ ܐܝܚܝܕܝܐ ܒܪܗ ܕܐܠܗܐ܇ ܐܡܪܝܢܢ ܕܐܝܬܝܗܝܢ ܬܕܪ̈ܬܐ ܘܚ̈ܫܐ ܐܝܠܝܢ ܕܨܒܝܢܐܝܬ ܣܝܒܪ ܒܒܣܪܐ. ܐܝܠܝܢ ܕܝܢ ܕܡܦܪܫܝܢ ܘܡܒܠܒܠܝܢ܆ ܐܘ ܦܢܛܣܝܐ ܡܥܠܝܢ ܠܓܡܪ ܠܐ ܡܩܒܠܝܢ ܚܢܢ. ܡܛܠ ܕܡܬܓܫܡܢܘܬܐ ܫܪܝܪܬܐ ܘܕܠܐ ܚܛܝܬܐ܇ ܕܡܢ ܝܠܕܬ ܐܠܗܐܼ ܬܘܣܦܬܐ ܕܒܪܐܼ ܠܐ ܥܒܼܕܬܿ. ܟܬܪܬܿ ܬܠܝܬܝܠ݈ܐܼ ܬܠܝܬܠܘܬܐܼ. ܐܦ ܟܕ ܐܬܓܫܡ ܚܕ ܡܢ ܬܠܝܬܝܘܬܐܿ. ܐܠܗܐ ܡܠܬܐ. ܟܕ ܝܿܕܥܝܬܘܢ ܗܟܝܠ ܕܠܐ

 

Page 234

 

ܥܕ̈ܬܐ ܩܕ̈ܝܬܐ ܕܒܟܠ ܕܘܟ ܕܐܪ̈ܬܕܟܣܐ: ܘܠܐ ܐܝܠܝܢ ܕܡܕܒܪܝܢ ܠܗܝܢ ܪ̈ܚܡܝ ܐܠܗܐ ܟܗ̈ܢܐ: ܘܠܐ ܡܠܟܘܬܐ ܕܝܠܢ ܣܝܡܐ ܐܚܪܢܐ ܐܘ ܬܚܘܡܐ ܐܚܪܢܐ ܕܗܝܡܢܘܬܐ ܠܒܪ ܡܢ ܐܝܢܐ ܕܐܬܐܡܪܘ ܡܢ ܐܒܗ̈ܬܐ ܩܕܝ̈ܫܐ: ܠܐ ܩܒܠܘ ܐܘ ܡܩܒܠܝܢ. ܐܬܘܘܼ ܘܗܘܘ ܒܫܝܢܐ ܐܠܗܝܐܼ. ܟܕ ܠܐ ܡܬܦܠܓܝܬܘܢ. ܗܠܝܢ ܓܝܪ ܟܬܒܢܢ. ܠܐ ܗܘܐ ܟܕ ܡܚܕܬܝܢܢ ܗܝܢܡܘܬܐܼ. ܐܠܐ ܟܕ ܠܟܘܢ ܡܦܝܣܝܢܢ. ܟܠ ܐܝܢܐ ܕܝܢ ܕܡܕܡ ܐܚܪܝܢ ܐܬܪܥܝ ܐܘ ܡܬܪܥܐܗܫܐܐܘ ܐܡܬܝ ܕܗܼܘ܆ ܐܘ ܒܟܠܩܕܘܢܐ ܐܘ ܒܐܝܕܐ ܕܗܝܼ ܣܘܢܗܕܣ܆ ܡܚܪܡܝܢܢ. ܝܬܝܪܐܝܬ ܐܝܠܝܢ ܕܐܬܡܪܘ ܡܢ ܢܣܛܘܪ̈ܝܢܐ ܘܡܢ ܐܘܛܘ̈ܟܝܢܐ. ܘܠܐܝܠܝܢ ܕܗܠܝܢ ܕܝܠܗܘܢ ܡܬܪܥܝܢ. ܐܬܿܢܩܦܗܟܝܠ ܠܚܕܐ ܐܡܐ ܪܘܚܢܝܬܐ ܥܕܬܐ ܩܕܝܫܬܐ ܘܫܠܝܚܝܬܐ. ܟܕ ܡܬܒܣܡܝܢ ܥܡܢ ܒܗܿ ܒܫܘܬܦܘܬܐ ܐܠܗܝܬܐܼ ܐܝܟ ܐܝܟ ܬܚܘܡܐ ܕܗܝܡܢܘܬܐ. ܗܿܘ ܕܐܝܬܘܗܝ ܚܕ ܒܠܚܘܕ. ܗܿܘ ܕܡܢ ܠܥܠ ܐܬܐܡܪ܇ ܕܐܒ̈ܗܬܐ ܩ̈ܕܝܫܐ. ܐܡܢ ܩܕܝܫܬ ܒܟܠ ܥܕܬܐ܆ ܐܝܟ ܕܠܒ̈ܢܝܐ ܚܒ̈ܝܒܐ ܡܣܟܝܐ ܠܟܘܢ ܕܬܥܦܩܟܘܢ. ܘܠܡܫܡܥܼ ܩܠܟܘܢ ܡܣܘܚܐ. ܣܪܩܒܘ ܗܟܝܠ [ܢܦܫܟـ]ܘܢ. ܟܕ ܓܝܪ ܗܕܐ ܥܒܕܝܬܘܢ܆ ܘܠܒܣܝܡܘܬܗ [ܕܡܚܼܝܢܢ ܡܫܝܚܐ] ܐܠܗܐ ܠܬܘܟܘܢ ܢܬܿܦܝܬܘܢ. ܘܡܢ ܡܠܟܘܬܢ ܡܫܬܒܚܝܬܘܢ…

ܨܠܘ ܥܠܝܢ ܓܒ̈ܝܐ ܕܐܠܗܐ. ܗܠܝܢ ܟܠܗܝܢ ܣܦܩ̈ܢ ܠܚܘܒܟܘܢ ܐܠܗܝܐ. ܨܠܘ ܥܠܝܢ. ܫܠܡ.

 

[Chronicle of Ps. Joshua the Stylite early 6th Cent.]

 

Page 235

 

ܬܘܒܼ ܡܟܬܒܢܘܬܐ ܕܬܫܥܝܬܐ ܕܙܒ̈ܢܐ ܕܐܘܠܨܢܐ ܕܗܘܼܐ ܒܐܘܪܗܝ ܘܒܐܡܕܼ. ܘܒܟܠܗ ܒܝܬ ܢܗܪܝܢ. ܩܒܿܠܬ ܟܬܝ̈ܒܬܐ ܕܚܣܝܘܬܐ ܪܚܡܬ ܠܐܠܗܐܼ ܐܘܿ ܡܝܬܪܐ ܕܓܒܪ̈ܐ ܘܩܫܝܫܐ ܘܪܝܫ ܕܝܪܐ ܣܪܓܝܣ: ܗܠܝܢ ܕܒܗܝܢ ܦܩܼܕܬ ܠܝ ܕܐܟܬܘܒ ܐܝܟ ܕܠܥܘܗܕܢܐ: ܕܐܡܬܝ ܐܬܼܐ ܩܡܨܐ: ܘܐܡܬܝ ܫܡܫܐ ܚܫܟܘܼ. ܘܐܡܬܝ ܗܘܼܐ ܙܘܥܐ ܘܟܦܢܐ ܘܡܘܬܢܐ: ܘܩܪܒܐ ܕܪ̈ܗܘܡܝܐ ܘܕܦܪ̈ܣܝܐ. ܥܡ ܗܠܝܢ ܕܝܢ ܐܦ ܩܘ̈ܠܣܐ ܪܘܪ̈ܒܐ ܕܥܠܝ ܫܟܝܚܝܢ ܗܘܘ ܒܗܝܢ. ܗܢܿܘܢ ܕܒܟܘܚܕܐ ܪܒܐ ܐܩܝܡܘܢܝ ܒܝܬ ܠܝ ܘܠܢܦܫܝ. ܒܝܕ ܕܐܦܠܐ ܚܕ ܡܢܗܘܢ ܫܟܝܚ ܠܘܬܝ ܒܥܒܿܕܐ. ܨܒܿܝܬ ܕܝܢ ܐܢܐ ܕܐܟܬܘܒ ܐܝܠܝܢ ܕܒܟܼ. ܘܠܐ ܣܦܼܩܬܿ ܥܝܢ ܕܬܪܥܝܬܝܿ. ܠܡܬܒܩܝܘ ܘܠܡܚܙܐ ܐܝܟ ܕܐܝܬܝܗܿ ܠܐܣܛܠܐ ܕܬܕܡܘܪܬܐ ܕܙܩܼܪ ܠܟ ܘܐܠܒܫܟ ܨܒܝܢܟ ܟܫܝܪܐ. ܓܠܝܐܝܬ ܓܝܪ ܐܬܚܙܼܝܬܿܕܒܚܘܒܐ ܡܡܠܝܢܗ ܕܢܡܘܣܐ ܪܬܿܚ ܐܢܬ. ܕܠܘ ܒܠܚܘܕ ܕܐܚ̈ܐ ܕܬܚܝܬ ܐܝܕܟ ܐܝܬܝܗܘܢ ܒܙܒܢܐ ܗܢܐ ܝܨܝܦܬܼ. ܐܠܐ ܘܠܟܠܗܘܢ ܪ̈ܚܡܝ ܝܘܠܦܢܐܕ ܥܬܝܕܝܢ ܠܡܥܠ ܠܗ ܠܥܘܡܪܟ ܒܪܝܟܐ. ܘܒܝܕ ܟܬܝ̈ܒܬܐܼ ܨܿܒܐ ܐܢܬ ܒܚܦܝܛܘܬܟ ܠܡܫܒܩ ܥܘܿܗܕܢܝܗܝܢ ܕܡܪ̈ܕܘܬܐ܇ ܐܝܠܝܢ

 

Page 236

 

ܕܒܙܒ̈ܢܝܢ ܐܣܬܥܪܘ ܡܛܠ ܚ̈ܛܗܝܢ. ܕܟܕ ܢܩܪܘܢ ܘܢܚܙܘܢ ܐܝܠܝܢ ܕܠܢ ܓܼܕܫܼ. ܢܙܕܗܪܘܢ ܡܢ ܚܛܗ̈ܝܢܼ ܘܢܬܦܨܘܢ ܡܢ ܢ̈ܓܕܝܢ. ܠܡܬܡܗ ܕܝܢ ܒܡܠܝܘܬܗ ܕܚܘܒܟ܆ ܗܿܘ ܕܥܠ ܟܠܢܫ ܡܫܬܦܥܼ. ܠܐ ܡܘܦܐ ܐܘ ܚܿܣܪ. ܘܕܢܬܐܡܪ ܡܿܢ ܐܝܟ ܕܐܝܬܘܗܝܼ ܠܐ ܡܨܢܐ. ܒܕܠܐ ܩܪܒܿܬ ܠܥܒܿܕܗܼ ܐܦܠܐ ܕܐܫܬܥܿܐ ܥܠܘܗܝ ܝܿܕܥܢܐܼ ܡܢ ܥܢܝܢܐ ܕܚܕܐ ܙܒܢ ܗܘܼܐ ܠܘܬܝ܇ ܘܒܕܡܘܬ ܝܘܢܬܢ ܡܚܒܢܐ ܫܪܝܪܐ ܐܬܣܼܪܬ ܠܘܬܝ ܒܚܘܒܐ. ܠܐ ܗܘܼܬ ܝܢ ܪܒܐ ܐܝܟ ܗܕܐ. ܗܝܿ ܕܢܦܫܗ ܕܝܘܢܬܢ ܢܩܼܦܬܿ ܠܢܦܫܗ ܕܕܘܝܕ. ܟܕ ܚܙܼܐ ܕܒܐܝ̈ܕܘܗܝ ܓܢܒܪܐ ܐܬܩܼܛܠ ܘܡܫܪܝܬܐ ܐܬܦܪܩܬܿ. ܡܛܠ ܕܥܠ ܐܦ̈ܝ ܫܦܝܪ̈ܬܐ ܪܚܡܗ. ܐܢܬ ܕܝܢ ܟܕ ܡܕܡ ܕܫܦܝܪ ܒܝ ܠܐ ܚܙܼܝܬܼ. ܝܬܝܪ ܡܢ ܢܦܫܟ ܐܚܒܬܢܝ. ܐܦܠܐ ܗܝܿ ܕܦܨܝܗ ܝܘܢܬܢ ܠܕܘܝܕ ܡܢ ܡܘܬܐ ܕܒܐܝ̈ܕܝ ܫܐܘܠ ܫܿܘܝܐ ܠܕܘܡܪܐܿ. ܠܦܘܬ ܗܕܐ ܕܝܠܟ. ܡܛܠ ܕܥܕܟܝܠ ܡܕܡ ܕܚܝܒ ܗܘܐ ܠܗ ܦܼܪܥܗ. ܗܘܝܘ ܓܝܪ ܦܨܝܗ ܩܕܡܝܐ ܡܢ ܡܘܬܐܿ. ܘܝܗܼܒ ܠܗ ܚ̈ܝܐ ܘܠܟܠܗ ܒܝܬ ܐܒܘܗܝܿ. ܕܠܐ ܢܡܘܬܘܢ ܒܐܝ̈ܕܘܗܝ ܕܦܠܫܬܝܐ. ܘܟܕ ܕܐܝܟ ܗܠܝܢ ܡܢܝ ܠܟ ܠܐ ܐܣܬܥܪ܆ ܗܐ ܒܟܠܥܕܢ ܡܦܝܣ ܐܢܬ ܠܐܠܗܐ ܚܠܦܝ܇ ܕܐܬܦܨܐ ܡܢ ܣܛܢܐ ܘܠܐ ܢܩܛܠܢܝ ܒܚ̈ܛܗܐ. ܐܠܐ ܗܕܐ ܘܿܠܝܐ ܠܡܐܡܪܼ ܕܒܕܡܘܬ ܕܘܝܕ ܠܫܐܘܠ ܐܚܒܬܢܝ. ܘܗܟܢܐ ܪܘܐ ܐܢܬ ܒܓܣܝܐܘܬܗܿ ܕܪܚܡܬܟ. ܥܕܡܐ ܕܡܢ ܪܬܚܗ ܕܚܘܒܟ. ܐܦܠܐ ܕܐܝܿܕܐ ܗܝ ܡܫܘܚܬܝ ܬܕܥ. ܐܠܐ ܬܬܪܥܐ ܥܠܝܼ ܐܝܠܝܢ ܕܪܘܪ̈ܒܢ ܡܢܝ. ܒܙܒܢܐ ܓܝܪ ܕܩܕܡ ܗܢܐ܇ ܒܡܠܦܢܘܬܐ ܕܒܟ̈ܬܝܒܬܟܼ ܣܢܝܩܘܬܝ ܡܡܿܠܐ ܗܘܝܬ. ܘܗܟܢܐ ܝܨܝܦ ܗܘܝܬ ܕܝܠܝܼ. ܒܕܡܘܬ ܐܒ̈ܗܐ. ܕܟܕ ܡܕܡ ܡܢ

Page 237

ܒܢ̈ܝܗܘܢ ܠܐ ܐܬܗܢܝܘܿ. ܝܨܝܦܝܢ ܕܟܠܗܝܢ ܐܝܠܝܢ ܕܡܬܒ̈ܥܝܢ ܠܗܘܢ. ܝܘܡܢܐ ܕܝܢ ܒܦܪܘܫܘܬܟ ܢܦܫܟ ܡܟܼܟܬ: ܘܠܝ ܬܒܼܥܬ ܐܟܬܘܒ ܠܟܼ ܐܝܠܝܢ ܕܡܢ ܚܝܠܝ ܩܫ̈ܝܢ. ܕܒܗܿ ܒܗܕܐ ܝܬܝܪܐܝܬ ܬܐܪܒ. ܕܟܕ ܝܬܝܪ ܡܢܝ ܕܝܠܝ ܝܿܕܥܬ ܠܗܝܢ܇ ܡܢܝ ܨܒܿܐ ܐܢܬ ܠܡܐܠܦ ܐܢܝܢ. ܐܦܠܐ ܐܢܐ ܚܿܣܡ ܐܢܐ ܒܟ܇ ܘܡܫܬܐܠ ܐܢܐ ܡܢ ܡܕܡ ܕܦܩܼܕܬ. ܒܪܡ ܕܝܢ ܕܥܼ. ܕܐܦ ܐܢܐ ܟܕ ܚܿܙܐ ܗܘܝܬ ܠܐܬܘ̈ܬܐ ܗܠܝܢ ܕܡܣܬܥܪ̈ܢ ܘܠܡܪ̈ܕܘܬܐ ܕܐܬܿܝܢ ܒܬܪܗܝܢ܆ ܪܢܿܐ ܗܘܝܬ ܕܫܘ̈ܝܢ ܐܢ̈ܝܢ ܕܢܬܟ̈ܬܒܢ ܘܢܬܢܛܪ̈ܢ ܒܥܘܗܕܢܐܿ. ܘܠܐ ܢܫܪ̈ܟܢ ܠܛܘܥܝܝ. ܘܒܕܚܝܪ ܗܘܝܬ ܒܡܚܝܠܘܬܗ ܕܪܥܝܢܝ: ܘܒܗܕܝܘܛܘܬܗܿ ܕܢܦܫܝܼ. ܡܫܬܐܠ ܗܘܝܬ ܡܢ ܗܕܐ.ܗܫܐ ܕܝܢ ܕܡܢܟ ܐܬܦܩܕ ܠܝ ܗܼܝ ܗܕܐ ܠܡܣܥܪܼ. ܗܟܢܐ ܒܕܚܠܬܐ ܐܝܬܝ܆ ܐܝܟ ܐܢܫ ܕܟܕ ܣܚܘܐ ܫܦܝܪ ܠܐ ܝܿܕܥܿ. ܡܬܦܩܕ ܠܗ ܠܡܚܬ ܠܥܘܡܩܐ ܕܡܝ̈ܐ. ܘܡܛܠ ܕܬܟܝܠ ܐܢܐ ܥܠ ܨ̈ܠܘܬܟ ܡܕܠ̈ܝܢܝܬܐ: ܕܡܢܟ ܠܘܬ ܐܠܗܐ ܡܫܬܕܪ̈ܢ ܚܠܦܝ ܐܡܝܢܐܝܬܼ. ܡܗܝܡܢܐ ܕܒܢܛܝܪܘܬܐ ܕܡܢ ܛܘܒܥܐܼ ܡܬܿܕܠܐ ܐܢܐ ܡܢ ܝܡܐ ܕܐܪܡܝܬܢܝ ܒܗ. ܟܕ ܐܝܟ ܚܝܠܝ ܒܪ̈ܩܩܘܗܝ ܣܚܿܐ ܐܢܐܼ. ܡܛܠ ܕܠܐ ܡܬܡܝܫ ܥܘܡܢܩܗ. ܡܢܼܘ ܓܝܪ ܣܦܿܩ ܠܡܬܿܢܝܘ ܐܝܟ ܡܐ ܕܘܿܠܐ ܥܠ ܐܝܠܝܢ ܕܡܢ ܐܠܗܐ ܡܣܬܥܪ̈ܢ܇ ܠܒܘܛܠܐ ܕܚ̈ܛܗܐ ܘܠܡܪܕܘܬܐ ܕܣ̈ܟܠܘܬܐ ܒܚܟܡܬܗ. ܚܬܝܬܘܬܐ ܓܝܪ ܕܡܕܒܪܢܘܬܗ ܕܐܠܗܐܼ. ܐܦ ܡܢ ܡ̈ܠܐܟܐ ܣܟܝܐ ܗܝ. ܡܫܟܚܬ ܠܡܕܥ ܗܕܐ. ܡܢ ܗܘܿ ܡܬܠܐ ܕܙܝ̈ܙܢܐ ܕܐܝܬ ܒܐܘܢܓܠܝܘܢ. ܟܕ ܓܝܪ ܐܡܪܘ ܠܗ ܥܒܕ̈ܘܗܝ ܠܡܪܐ ܒܝܬܐܿ. ܕܨܿܒܐ ܐܢܬ ܢܐܙܠ ܢܿܓܒܐ ܐܢܘܢܼ. ܐܡܼܪ ܠܗܘܢ ܗܘܿ ܕܝܿܕܥ ܗܘܐ ܠܗܘܢ ܠܣܘܥܪ̈ܢܐ ܐܝܟ ܕܐܝܬܝܗܘܢܼ. ܕܠܐ. ܕܕܠܡܐ ܟܕ ܡܓܒܝܢ ܐܢܬܘܢ ܙܝ̈ܙܢܐܿ. ܬܥܩܪܘܢ ܥܡܗܘܢܼ ܐܦ

Page 238

ܚ̈ܛܐ. ܗܕܐ ܕܝܢ ܐܝܟ ܝܕܥܬܢ ܐܡܿܪܝܢܢ. ܕܡܛܠ ܣܓܝܐܘܬܐ ܕܚ̈ܛܗܝܢܣܒܝܐܝܬ ܡܪ̈ܕܘܬܢ ܗܘܼܷ̈. ܘܐܠܘ ܠܐ ܡܢܛܪܢܘܬܗ ܕܐܠܗܐ ܚܙܝܩܐ ܠܗ ܠܥܠܡܐ ܕܠܐ ܢܫܬܪܐܼ. ܟܒܪ ܕܝܢ ܐܘܦܝܘ ܚܝ̈ܐ ܕܟܠܗܘܢ ܒܢܝ̈ܢܫܐ. ܒܐܝܠܝܢ ܓܝܪܙܒ̈ܢܐܒܬܟܒܐ ܓܼܕܫ ܐܘܠܨܢ̈ܐ ܕܝܐܟ ܗܠܝܢ. ܐܠܐ ܒܗܠܝܢ ܕܚܢܢ ܗܐ ܩܝܡܝܢܢ ܒܗܘܢ. ܘܡܛܠ ܕܥܠܬܗܘܢ ܠܐ ܒܛܠܬܼ. ܐܦ ܗܼܢܘܢ ܥܕܟܝܠ (ܠܐ) ܒܛܠܘ. ܥܡ ܗܢܐ ܡܕܡ ܚܼܙܝܢܢ ܒܥܝ̈ܢܝܢ. ܘܫܡܥܢ ܒܐܕܢ̈ܝܢ. ܘܒܗ ܩܝܡܝܢܢ܇ ܣܪܘܕܢܝ ܐܦ ܛܒ̈ܐ ܕܪܘܚܩܐ ܘܕܩܘܪܒܐ. ܘܓܘ̈ܢܚܐ ܕܐܣܬܥܪܘ ܒܕܘܟܐ ܕܘܟܐ. ܙܘ̈ܥܐ ܕܚܝܠ̈ܐ. ܗܦ̈ܘܟܝܐ ܕܡܗܕܝܢܬܐ. ܟܦ̈ܢܐ ܥܡ ܡܘ̈ܬܢܐ. ܩܪ̈ܒܐ ܘܫܓܘ̈ܫܝܐ. ܫܒܝܐ ܘܓܘܠܝܐ ܕܐܬܪ̈ܘܬܐ. ܥܩܘܪ̈ܝܐ ܐܦ ܝܩܕܢܐ ܕܥܕ̈ܬܐ. ܗܠܝܢ ܕܐܦ ܐܢܬ ܟܕ ܐܬܗܪܘܟ ܒܣܓܝܘܬܗܝܢܿ ܫܠܚܼܬ ܠܝ ܐܟܬܘܒ ܐܢܝܿܢܼ ܒܡ̈ܠܐ ܕܟܪܝܘܬܐ ܘܕܚܢܓܬܐ ܕܡܬܗܪ̈ܢ ܠܩܪ̈ܘܝܐ ܘܠܫܡܘ̈ܥܐ. ܘܝܿܕܥܢܐ ܕܗܕܐ ܒܛܢܼܢܟ. ܗܿܘ ܕܥܠ ܫܦܝܪ̈ܬܐ ܐܡܼܪܬܿܗܿ. ܕܬܗܘܐܬܘܬܐ ܐܦ ܒܐܝܠܝܢ ܕܫܿܡܥܝܢ ܠܗܝܢܼ ܘܢܬܩܪܒܘܢ ܠܬܝܒܘܬܐ. ܐܠܐ ܕܥܼ. ܕܐܚܪܝܬܐ ܗܝ ܕܐܢܫ ܚܢܝܓܐܝܬ ܢܟܬܒ. ܘܐܚܪܝܬܐ ܗܝܕܫܪܝܪܐܝܬ. ܐܢ ܓܝܪ ܢܨܒܐ ܐܢܫ ܟܠ ܡܿܢ ܕܐܝܬܘܗܝ ܒܡܠܝܠܘܬܐ ܟܝܢܝܬܐܼ. ܡܿܟܬܒ ܗܘ ܬܫܥ̈ܝܬܐ ܟܪ̈ܝܬܐ ܘܚܢܝ̈ܓܬܐ. ܐܢܐ ܕܝܢ ܒܘܪܐ ܐܢܐ ܒܡܠܬܝ܆ ܘܠܗܠܝܢ ܗܼܘ ܡܥܗܕ ܐܢܐ ܒܟܬܒܐ ܗܢܐܼ. ܠܐܝܠܝܢ ܕܟܠܗܘܢ ܒܢܝ̈ܢܫܐ ܕܐܝܬ ܒܐܬܪܢ ܣܿܗܕܝܢ ܥܠܝܗܝܢ ܕܫܪܝܪ̈ܢ. ܘܕܝܠܗܘܢ ܗܝ ܕܐܝܠܝܢ ܕܩܿܪܝܢ ܐܘܿ ܫܿܡܥܝܢ܇ ܕܟܕ ܡܒܿܚܢܝܢ ܠܗܝܢ ܐܢ ܨܒܿܝܢ܇ ܢܬܩܪܒܘܢ ܠܬܝܒܘܬܐ. ܟܒܪ ܕܝܢ ܐܡܿܪ ܐܢܫܼ ܕܡܢܐ ܝܘܬܪܢܐ ܡܢ ܗܠܝܢ ܠܐܝܠܝܢ ܕܩܿܪܝܢ܆ ܐܢ ܗܘܼ ܕܡܪܬܝܢܘܬܐ ܠܐ ܬܗܘܐ ܚܠܝܛܐ ܒܗܝܢ ܒܡ̈ܠܐ. ܐܢܐ

Page 239

ܕܝܢܼ ܐܝܟ ܡܿܢ ܕܗܕܐ ܠܐ ܡܨܐ ܐܢܐ ܕܐܥܒܕܿ. ܐܡܿܪ ܐܢܐܼ ܕܣ̈ܦܩܢ ܐܢܗܝܢ ܗܠܝܢ ܡܪ̈ܕܘܬܐ ܕܐܬܼܝ ܥܠܝܢ܇ ܕܢܟܘܢܢ ܠܢ ܘܠܐܝܠܝܢ ܕܡܢ ܒܬܪܢ. ܘܐܦ ܢܠ̈ܦܝܢ ܒܥܘܗܕܢܗܝܢ ܘܒܩܪܝܢܗܝܢ. ܕܡܛܠ ܚܛܗ̈ܢܝ ܐܫܬܕܪ ܥܠܝܢ. ܐܠܘ ܕܝܢ ܗܕܐ ܠܐ ܡܿܠܦܢ ܗܘ̈ܝ ܠܢ܆ ܐܦ ܕܠܐ ܝܘܬܪܢ ܐܝ̈ܬܝܗܝܢ ܗܘ̈ܝ ܠܘܬܢ. ܐܠܐ ܗܕܐ ܠܝܬ ܠܡܐܡܪ. ܕܕܘܟܬ ܡܠܦܢܘܬܐ ܡܡ̈ܠܝܢ ܠܢ ܓܝܪ ܡܪ̈ܕܘܬܐ: ܘܕܡܛܠ ܚ̈ܛܗܝܢ ܡܫܬܕܪ̈ܢ ܥܠܝܢ. ܟܠܗܘܢ ܡܗܝ̈ܡܢܐ ܕܬܚܝܬ ܫܡܝܐ ܣܿܗܕܝܢ܆ ܟܕ ܫܿܠܡܝܢ ܠܡܠܬܗ ܕܛܘܒܢܐ ܦܘܠܘܣ ܕܐܡܿܪ: ܕܟܕ ܡܬܕܝܢܝܢܢ ܡܢ ܡܪܢ ܡܬܪܕܝܘ ܡܬܪܕܝܢܢ܇ ܕܠܐ ܥܡ ܥܠܡܐ ܢܬܚܝܒ. ܟܠܗ ܓܝܪ ܕܡܬܪܕܝܢ ܒܢܝ̈ܢܫܐ ܒܥܠܡܐ ܗܢܐ ܡܛܠ ܕܢܬܟܠܘܢ ܡܢ ܚ̈ܛܗܝܗܘܢ܆ ܘܢܗܘܐ ܦܫܝܚ ܠܗܘܢ ܗܘܿ ܕܝܢܐ ܕܥܠܡܐ ܕܥܬܝܕ. ܘܐܝܠܝܢ ܕܒܥܠܼܬ ܡܣܟܠ̈ܢܐ ܡܬܕܪܝܢ ܟܕ ܗܼܢܘܢ ܠܐ ܚܛܘܼ. ܐܓܪܐ ܥܦܝܦܐ ܡܬܬܘܣܦ ܠܗܘܢ. ܡܪܚܡܢܘܬܐ ܕܝܢ ܕܗܘܿܝܐ ܒܟܠܙܒܢ ܐܦ ܥܠ ܐܝܠܝܢ ܕܠܐ ܫܿܘܝܢ܆ ܡܛܠ ܒܣܝܡܘܬܗ ܘܛܝܒܘܬܗ ܘܢܓܝܪܘܬ ܪܘܚܗ ܕܐܠܗܐܿ. ܕܨܿܒܐ ܕܢܬܩܝܡ ܥܠܡܐ ܗܢܐ: ܥܕܡܐ ܠܙܒܢܐ ܗܘܿ ܕܚܪܝܩ ܒܝܕܥܬܗܼ ܗܝܿ ܕܠܐ ܛܿܥܝܐ. ܘܕܗܠܝܢ ܗܟܢܐ ܐܝܬܝܗܝܢ܆ ܓܠܝܐ ܗܝ ܗܕܐ ܡܢ ܬܚܘ̈ܝܬܐ ܕܟ̈ܬܒܐ ܩܕܝ̈ܫܐ܇ ܘܡܢ ܐܝܠܢ ܕܠܘܬܢ ܐܣܬܥܪ̈ܘ. ܕܠܗܝܢ ܣܝܡܐ ܠܢ ܕܢܬܟܬܘܒ. ܗܐ ܓܝܪ ܣܡܟܘ ܥܠܝܢ ܐܘ̈ܠܨܢܐ ܕܟܦܢܐܼ. ܐܦ ܕܡܘܬܢܐ ܒܙܒܢܐ ܗܘܿ ܕܩܡܨܐ: ܥܕܡܐ ܕܩܪܝܒܝܢ ܗܘܝܢ ܠܡܫܼܪܟ ܠܐܒܕܢܼ. ܘܐܬܪܚܡ ܥܠܝܢ ܐܠܗܐ ܟܕ ܠܐ ܫܿܘܝܢܢ. ܘܝܗܼܒ ܠܢ ܩܠܝܠ ܢܦܝܫܐ ܡܢ ܐܘܠܨ̈ܢܐ ܕܬܟܿܒܝܢ ܗܘܘܠܢ. ܘܗܕܐ ܐܝܟ ܕܐܡܿܪܬ ܡܛܠ

Page 240

ܛܝܒܘܬܗ. ܫܚܠܦ ܠܢ ܕܝܢ ܐܦ ܢܓܕ̈ܐ ܡܢ ܒܬܪ ܕܐܬܢܦܼܫܢܢ. ܘܡܚܢ ܒܐܝ̈ܕܝ ܐܬܘܪܝܐ ܕܡܫܬܡܗ ܫܒܛܐ ܕܪܘܓܙܐ. ܠܐ ܗܘܐ ܝܕܢ ܠܚܐܪܘܬܗܘܢ ܕܦܘܪ̈ܣܝܐ ܡܒܿܛܠ ܐܢܐ ܕܐܡܿܪ ܐܢܐܼ ܕܐܠܗܐ ܡܼܚܢ ܒܐܝ̈ܕܝܗܘܢ. ܐܦܠܐ ܒܬܪ ܐܠܗܐ ܥܕܠܝܐ ܕܡܪܚܘܬܗܘܢ ܡܿܝܬܐ ܐܢܐܼ. ܐܠܐ ܟܕ ܡܬܪܥܐ ܐܢܐ ܕܡܛܠ ܚ̈ܛܗܝܢ ܠܐ ܥܒܼܕ ܡܢܗܘܢ ܬܒܥܬܐܼ. ܣܿܡܬ ܗܿܝ ܕܗܼܘ ܡܚܼܢ ܒܐܝ̈ܕܝܗܘܢ. ܨܒܝܢܗ ܓܝܪ ܕܥܡܐ ܒܝܫܐ ܝܬܝܪܐܝܬ ܡܬܚܙܐ ܒܗܕܐ ܕܪ̈ܚܡܐ ܠܐ ܥܒܕܘܼ ܥܠ ܐܝܠܝܢ ܕܐܬܡܣܪܘ ܩܕܡܘܗܝ. ܡܥܕ ܗܘܐ ܓܝܪ ܡܿܚܘܐ ܨܒܝܢܗ ܡܐܚܿܕܐ ܒܒܝܫܬܐ ܕܒܢ̈ܝ ܐܢܫ̈ܐ. ܐܝܟ ܕܐܦ ܢܒܝܐ ܡܚܣܕ ܠܗ ܒܗܿ ܒܗܕܐ ܘܐܡܿܪ: ܟܕ ܡܬܢܒܐ ܗܘܐ ܥܠ ܚܘܪܒܗܿ ܕܒܒܠܼ. ܐܝܟ ܕܡܢ ܦܘܡܗ ܕܡܪܝܐ. ܪܓܙܿܬ ܥܠ ܥܡܝ ܕܛܘܫܘ ܝܪܬܘܬܝ. ܘܐܫܿܠܡܬ ܐܢܘܢ ܒܐܝ̈ܕܝܟܝܼ. ܘܠܐ ܥܒܼܕܬ ܥܠܝܗܘܢ ܪ̈ܚܡܐ. ܐܦ ܠܢ ܗܟܝܠ ܗܟܢܐ ܐܒܐܫܘ ܒܨܒܝܢܗܘܢ ܕܠܐ ܪ̈ܚܡܐ. ܐܝܟ ܕܡܥܕܝܢ. ܐܦܢ ܓܝܪ ܠܗ ܠܓܘܫܡܢ ܠܐ ܐܬܡܛܝ ܚܘܛܪܐ ܕܡܚܘܬܗܘܢ. ܘܥܠ ܡܕܝܢܬܢ ܠܐ ܐܐܫܟܚܘ ܠܡܫܬܠܛܘ. ܡܛܠ ܕܐܦܠܐ ܡܫܟܚܐ ܗܘܬ ܕܢܬܒܛܠ ܫܘܘܕܝܐ ܕܡܫܝܚܐ ܗܿܘ ܕܐܫܬܘܕܝ ܠܐܒܓܪ ܡܠܟܐ ܡܗܝܡܢܐܼ. ܟܕ ܐܡܪ: ܕܟܪܟܟ ܢܗܘܐ ܒܪܝܟܿ. ܘܒܥܠܕܒܒܐ ܠܐ ܢܫܿܠܛ ܒܗ ܠܥܠܡ. ܐܠܐ ܒܝܕ ܡܗܝ̈ܡܢܐ ܐܝܠܝܢ ܕܐܬܒܙܙܘ ܘܐܫܬܒܼܝܘ ܘܐܬܩܼܛܠܘ ܘܐܬܚܪܒܘ ܒܡܕܝ̈ܢܬܐ ܐܚܪ̈ܢܝܬܐ ܕܐܬܟܒܫܘ: ܘܗܘܼܘ ܐܝܟ ܣܝܢܐ ܕܫܘ̈ܩܐܿ. ܘܛܥܡܘܗܝ ܠܚܫܐ ܕܠܐ ܒܙܥܘܪ ܟܠܗܘܢ ܐܝܠܝܢ ܕܝܠܼܦܘ ܕܢܚܫܘܢ ܥܡ ܐܝܠܝܢ ܕܚܿܫܝܢ. ܘܐܝܠܝܢ ܬܘܒ ܕܡܢܗܕܐ ܪܚܝܩܝܢ ܗܘܘܼ. ܒܩܢܛܐ ܕܥܠ

Page 241

ܢܦܫܗܘܢ ܐܫܿܬܢܩܘ ܒܠܐ ܗܝܡܢܘܬܗܘܢ. ܕܣܒܪܝܢ ܗܘܘ ܕܐܦ ܥܠ ܐܘܪܗܝ ܡܫܬܠܛ ܒܥܠܕܒܒܐܼ݂ ܐܝܟ ܕܥܠ ܡܕܝ̈ܢܬܐ ܐܚܪ̈ܢܝܬܐ. ܗܠܝܢ ܕܥܬܝܕܝܢܢ ܠܡܟܬܒ ܠܟ ܥܠܝܗܝܢ. ܡܛܠ ܕܝܢ ܕܐܝܟ ܡܠܬܗ ܕܚܟܝܡܐ ܫܠܝܡܘܢܼ. ܒܓܘܪܓܐ ܡܬܥܼܒܕ ܩܪܒܐ: ܘܐܢܬ ܗܼܝ ܗܕܐ ܨܿܒܐ ܐܢܬ ܠܡܐܠܦܿ. ܡܢ ܐܝܠܝܢ ܥܠ̈ܠܬܐ ܐܬܓܪܓܼ. ܨܿܒܐ ܐܢܐ ܕܐܘܕܥܟܼ ܐܝܟ ܕܒܦ̈ܣܝܩܬܐܼ ܕܡܢ ܐܝܟܐ ܩܪܗܝ ܥܠ̈ܠܬܐ. ܐܦܢ ܡܣܬܒܪܐ ܕܥܠ ܨܒ̈ܘܬܐ ܕܥܒܪ ܙܒܢܗܝܢ ܡܡܿܠܠ ܐܢܼܐ. ܘܗܝܕܝܢ ܒܬܪ ܩܠܝܠ ܐܘܕܥܟܼ. ܐܦ ܕܗܠܝܢ ܥ̈ܠܠܬܐ ܡܢ ܐܡܬܝ ܐܬܚܿܝܠ. ܐܦܢ ܓܝܪ ܡܠ ܣܘܥܪ̈ܢܐ ܓܠ̈ܝܐ ܫܩܼܠ ܥܠܼܬܐ. ܗܠܝܢ ܕܠܗܘܢ ܨܒܿܐ ܐܢܐ ܕܐܫܿܬܥܐ ܠܟ. ܐܝܟ ܡܿܢ ܕܢܗܝܪܐܝܬ ܬܗܘܐ ܡܦܣ ܐܢܬ ܒܗ ܒܫܪܒܐ ܗܢܼܐ. ܕܠܐ ܬܬܪܡܐ ܥܡ ܐܢܫ̈ܐ ܣܟ̈ܠܐ ܠܡܥܕܠ ܠܐܚܝܕ ܫܘܠܛܢܐ ܡܠܟܐ ܡܗܝܡܢܐ ܐܢܣܛܘܣ. ܠܘ ܓܝܪ ܗܘܼ ܐܝܬܘܗܝ ܫܘܪܝܗ ܕܩܪܒܐܼ. ܐܠܐ ܡܢ ܙܒܢܐ ܣܓܝܐܐ ܐܝܬ ܠܗ ܕܡܬܓܪܓ. ܐܝܟ ܡܐ ܕܡܫܟܚ ܐܢܬ ܠܡܣܬܟܿܠܘ ܡܢ ܗܠܝܢ ܕܟܿܬܒ ܐܢܐ ܠܟ܀

Page 242

ܪ̈ܗܘܡܝܐ ܒܫܢܬ ܫ̈ܬܡܐܐ ܘܬܫ̈ܥܼ. ܠܢܨܒܝܢ ܡܕܝܢܬܐ ܒܢܘ. ܘܗܼܘܝܬ ܒܫܘܠܛܢܗܘܢ ܫ̈ܬܝܢ ܘܚܡ̈ܫ ܫܢ̈ܝܢ. ܡܢ ܒܬܪ ܡܘܬܗ ܕܝܘܠܢܘܣ ܕܒܦܪܣܼ. ܗܼܘ ܕܗܼܘܐ ܒܫܢܬ ܫ̈ܬܡܐܐ ܘܫܒ̈ܥܝܢ ܘܐܪ̈ܒܥܼ. ܝܘܒܢܝܢܘܣ ܗܘܿ ܕܐܡܠܟ ܒܬܪܗ ܥܠ ܪ̈ܗܘܡܝܐܼ. ܠܫܢܐ ܝܬܝܪ ܡܢ ܟܠܡܕܡ ܝܩܪ. ܘܥܠ ܐܦ̈ܝ ܗܕܐ ܝܗܒ ܠܦܪ̈ܣܝܐ ܕܢܫܬܠܛܘܢ ܥܠ ܢܨܒܝܢ܇ ܙܒܢܐ ܕܡܐܐ ܘܥܣܪܝܢ ܫ̈ܢܝܢ. ܘܒܬܪܟܝܢ ܢܦܢܘܢܗܿ ܠܡܪ̈ܝܗܿ. ܫܠܼܡ ܗܟܝܠ ܗܠܝܢ ܒܙܒܢܗ ܕܙܝܢܘܢ ܡܠܟܐ ܕܪ̈ܗܘܡܝܐ. ܘܦܘܪ̈ܣܐ ܕܢܿܦܢܘܢ ܡܕܝܢܬܐ ܠܐ ܨܒܼܘ. ܘܗܕܐ ܨܒܘܬܐ ܐܥܝܪܬܿ ܗܪܬܐ. ܬܘܒ ܕܝܢܼ ܩܝܿܡܐ ܐܝܬ ܗܘܐ ܒܝܬ ܪ̈ܗܘܡܝܐ ܠܦܘܪ̈ܣܝܐܼ. ܕܐܢ ܗܼܘ ܕܢܣܬܢܩܘܢ ܥܠ ܚ̈ܕܕܐ ܐܡܬܝ ܕܗܘܿܐ ܠܗܘܢ ܩܪܒܐ ܥܡ ܚܕ ܡܢ ܥܡ̈ܡܐ: ܢܥܕܪܘܢ ܚ̈ܕܕܐ. ܟܕ ܝܿܗܒܝܢ ܬܠܬ ܡ̈ܐܐ ܐܢܫ̈ܐ ܚܝܠ̈ܬܢܐ ܥܡ ܙܝܢܗܘܢ ܘܪ̈ܟܫܗܘܢ. ܐܘ ܬܠ̈ܬܡܐܐ ܐܣܬܪ̈ܝܢ ܚܠܦ ܠ ܓܒܪ. ܗܢܘ ܕܝܢ ܐܝܟ ܡܕܡ ܕܨܿܒܐ ܓܒܐ ܕܡܣܬܢܩ. ܪ̈ܗܘܡܝܐ ܗܟܝܠ ܒܥܘܕܪܢܐ ܕܐܠܗܐ ܡܪܐ ܟܠܼ ܥܠ ܥܘܕܪܢܐ ܕܡܢ ܦܪ̈ܣܐ ܠܐ ܐܣܬܢܩܘ. ܡܠ̈ܟܐ ܓܝܪ ܡܗ̈ܝܡܢܐ ܩܡ ܒܡܠܟܘܬܐ ܡܢ ܗܘܿ ܙܒܢܐܼ. ܘܥܕܡܐ ܠܗܫܐ. ܘܒܥܘܕܪܢܐ ܕܡܢ ܫܡܝܐܼ ܫܘܠܛܢܗܘܢ ܐܬܚܝܠ. ܡܠ̈ܟܐ ܕܝܢ ܕܦܪ̈ܣܩܐ ܡܫܕܪܝܢ ܗܘܘ ܐܝ̈ܙܓܕܐܼ. ܘܫܿܩܠܝܢ ܕܗܒܐ ܡܛܠ ܣܢܝܩܘܬܗܘܢ. ܘܠܐ ܗܘܐܒܚܘܫܒܢ ܡܕܐܬܐ ܫܿܩܠܝܢ ܗܘܘ. ܐܝܟ ܡܐ ܕܣܿܒܪܝܢ ܗܘܘ ܣ̈ܓܝܐܐ. ܒܝܘ̈ܡܬܢ ܓܝܪ ܕܝܠܢ܇ ܦܪܘܙ ܡܠܟܐ ܕܦܪ̈ܣܐ ܡܛܠ ܩܪ̈ܒܐ ܕܗܘܘ ܠܗ ܥܡ ܟ̈ܝܘܢܝܐ ܕܗܼܢܘܢ ܗܘ̈ܢܝܐ: [ܙܒܢ̈ܬܐ] ܣܓ̈ܝܐܬܐ ܫܩܼܠ ܕܗܒܐ ܡܢ ܪ̈ܗܘܡܝܐ. ܘܠܐ ܗܘܼܐ ܒܬܒܥܬܐ ܕܡܕܐܬܐܼ. ܐܠܐ ܟܕ ܡܿܛܢ ܗܼܘܐ ܠܗܘܢ ܐܝܟ

Page 243

ܕܚܠܦܝܗܘܢ ܥܿܒܕ ܗܘܐ ܠܗܘܢ ܠܬܟ̈ܬܘܫܘܗܝ. ܕܠܐ ܠܡ ܢܥܒܪܘܢ ܠܐܬܪܐ ܕܝܠܟܘܢ. ܥܿܒܕܐ ܗܘܬ ܕܝܢ ܠܡܠܬܐ ܠܡܬܗܝܡܢܘܼ. ܚܪܒܐ ܘܫܒܝܐ ܕܥܒܕܘ ܗܘ̈ܢܝܐ ܒܝܬ ܪ̈ܘܡܝܐܿ. ܒܫܢܬ ܫܒܥ̈ܡܐܐ ܘܫܒܥܿ. ܒܝܘ̈ܡܝ ܐܢܘܪܝܘܣ ܘܐܪܩܕܝܣ ܡܠ̈ܟܐ ܒܢ̈ܘܗܝ ܕܬܐܕܘܣܝܘܣ ܪܒܐ. ܘܐܫܬܠܡܼܬܿ ܗܘܬ ܒܐܝ̈ܕܝܗܘܢ ܟܠܗܿ ܣܘܪܝܐܼ. ܒܝܕ ܢܟܝܠܘܬܐ ܕܪܘܦܝܢܐ ܗܘܦܪܟܐܼ. ܘܒܪܦܝܘܬܐ [ܕܐܕܝ] ܣܛܪܛܝܠܛܝܣ. ܒܝܕ ܥܘܕܪܢܐ ܕܕܗܒܐ ܕܩܿܒܠ ܗܘܐ ܡܢ ܪ̈ܗܘܡܝܐܼ. ܫܥܒܕ ܐܢܘܢ ܦܪܘܙ ܠܗܘܢ̈ܝܐܼ. ܘܕܘ̈ܟܝܬܐ ܣܓܝ̈ܐܬܐ ܡܢ ܐܬܪܗܘܢ ܫܩܠܼ. ܘܐܘܣܦ ܥܠ ܡܠܟܘܬܗ. ܠܚܪܬܐ ܕܝܢ ܐܫܬܒܝ ܡܢܗܘܢ. ܘܟܕ ܫܡܼܥ ܙܝܢܘܢ ܡܠܟܐ ܕܪ̈ܗܘܡܝܐܼ. ܫܕܪ ܕܗܒܐ ܡܢ ܕܝܠܗܼ ܘܦܪܩܗ ܘܫܿܝܢܗ ܥܡܗܘܢ. ܘܐܩܝܡ ܠܗܘܢ ܦܪܘܙ ܩܝܿܡܐ ܠܗܘ̈ܢܝܐܼ. ܕܠܐ ܬܘܒ ܢܥܒܪ ܥܠܝܗܘܢ ܬܚܘܡܐ ܕܐܬܪܗܘܢ ܠܩܪܒܐ. ܘܗܦܟܼ ܘܕܓܠ ܩܝܿܡܗ ܒܕܡܘܬ ܨܕܩܝܐ. ܘܐܙܼܠ ܠܡܩܪܒܘ. ܘܐܟܘܬܗ ܐܬܡܣܪܘ ܒܐܝ̈ܕܝ ܒܥܠܕܒ̈ܒܘܗܝ. ܘܟܠܗ ܚܝܠܗ ܐܬܚܪܒ ܘܐܬܒܕܪ. ܘܗܼܘ ܐܬܬܚܕ ܟܕ ܚܝ. ܘܐܫܬܘܕܝ ܒܫܒܗܪܢܘܬܗܼ. ܕܢܬܠ ܚܠܦ ܦܘܪܩܢܐ ܕܚܝ̈ܘܗܝܼ ܬܠ̈ܬܝܢ ܟܘܕܗܢܘܢ ܟܕ ܛܥ̈ܝܢܝܢ ܙܘ̈ܙܐ. ܘܫܕܪ ܠܐܬܪܐ ܕܐܘܚܕܢܗ ܘܠܡܚܣܢ ܟܿܢܼܫ ܥܣܪܝܢ ܛܥ̈ܢܝܢ. ܟܠܗ ܓܝܪ ܓܙܐ ܕܡܠܟܐ ܕܩܕܡܘܗܝ ܣܦܼܩܗ ܗܘܐ ܒܩܪ̈ܒܐ ܩܕ̈ܡܝܐ. ܚܠܦ ܗܠܝܢ ܕܝܢ ܥܣܪܐ ܛܥ̈ܢܝܢ ܐܚܪ̈ܢܝܢ ܣܡ ܠܘܬܗܘܢ [ܡܫـ]ܟܢܐ ܘܗܡܝܪܐ ܩܘܕ ܒܪܗ܆ ܥܕ ܡܫܕܪ ܠܗܘܢ. ܘܐܩܝܡ ܥܡܗܘܢ ܩܝܿܡܐ ܕܬܪ̈ܬܝܢ ܙܒܢ̈ܝܢ܆ ܕܠܠܐ ܬܘܒ ܢܩܪܒ. ܘܟܕ ܦܢܐ ܠܡܠܟܘܬܗܼ. ܐܪܡܝ ܟܣܦ ܪܝܫܐ ܥܠ ܟܠܗܿ ܐܪܥܗ. ܘܫܕܪ ܥܣܪܐ ܛܥ̈ܢܝܢ ܙܘ̈ܙܐܼ. ܘܦܪܩܗ ܠܒܪܗ. ܘܬܘܒ ܟܿܢܼܫ ܠܗ ܚܝܠܐ ܘܐܙܠ ܠܡܩܪܒܘ. ܘܡܠܬܗ ܕܢܒܝܐ ܗܘܿ ܕܐܡܿܪ: ܕܚܿܙܝܬ ܪܫܝܥܐ ܕܡܬܬܪܝܡ ܐܝܟ ܐܝܠ̈ܢܐ ܕܥܒܐܿ. .ܟܕ ܥܒܿܪܬ

Page 244

ܠܝܬܘܗܝ ܘܒܥܿܝܬܗܼ. ܘܠܐ ܐܫܟܿܚܬܗܼ. ܬܡܢ ܒܥܒܿܕܐ ܐܫܬܡܠܝܬܿ ܒܗ. ܟܕ ܓܝܪ ܗܐ ܩܪܒܐ ܘܐܫܬܓܫ ܡܫܪ̈ܝܬܐ ܒܚ̈ܕܕܐ: ܐܬܚܪܒܘ ܟܠܗ ܚܝܠܗܼ. ܘܗܘܼ ܐܬܒܥܝ ܘܠܐ ܐܫܬܟܚ. ܘܥܕܡܐ ܠܝܘܡܢܐ ܠܐ ܐܝܬܝܕܥ ܡܢܐ ܗܘܼܐ ܡܢܗ. ܠܐ ܐܢ ܬܚܝܬ ܫ̈ܠܕܐ ܕܩܛܝ̈ܠܐ ܐܬܛܡܪܘ: ܘܠܐ ܐܢ ܒܝܡܐ ܫܼܕܐ ܢܦܫܗܼ. ܘܠܐ ܐܢ ܒܦܥܪܐ ܕܐܪܥܐ ܟܼܡܢ ܘܐܬܚܒܠ ܡܢܟܦܢܐܼ. ܘܠܐ ܐܢ ܒܥܒܐ ܛܫܼܐ ܘܐܬܐܟܠܘ ܡܢ ܚܝܘ̈ܬܐ.

ܒܝܘ̈ܡܘܗܝ ܕܝܢ ܕܝܠܗ ܕܦܪܘܙܼ. ܐܦ ܡܠܟܘܬܐ ܕܪ̈ܗܘܡܝܐ ܐܫܬܓܫܬܿ. ܣܐܢܬܐ ܓܝܪ ܐܝܬ ܗܘܼܬ ܠܗܘܢ ܠܒܢ̈ܝ ܦܠܛܝܢ ܠܘܬ ܙܝܢܘܢ ܡܠܟܐ. ܡܛܠ ܕܒܓܢܣ ܐܣܘܪܝܐ ܐܝܬܘܗܝ ܗܘܐ. ܘܡܼܪܕ ܥܠܘܗܝ ܒܣܠܝܩܘܣܼ ܘܐܡܠܟ ܚܠܦܘܗܝ. ܘܒܬܪܟܝܢ ܐܬܓܒܪ ܙܝܢܘܢܼ ܘܬܩܢ ܥܠ ܡܠܟܘܬܗ. ܘܡܛܠ ܕܢܣܝ ܠܫܐܢܬܐ ܕܣܓ̈ܝܐܐ ܕܠܘܬܗܼ. [ܚܣـ]ܢܐ ܚܕ ܡܪܝܕܐ ܐܬܩܢ ܠܗ ܒܐܬܪܗ. ܐܝܟ ܕܐܢ ܗܘܼ ܕܢܓܕܫ ܠܗ [ܕܒܝܼܫ] ܡܕܡܼ. ܢܗܘܐ ܠܗ ܠܒܝܬ ܡܥܪܩܐ. ܐܝܬ ܗܘܐ ܠܗ ܕܝܢ ܒܪ [ܪܐܙܐ] ܒܗܕܐܼ ܐܣܛܪܛܠܛܣ ܕܐܛܝܟܝܐܼ. ܕܫܡܗ ܐܠܘܣ. ܕܐܝܬܘܗܝ ܗܘܐ ܗܼܘ ܐܣܘܪܝܐ. ܠܟܠܗܘܢ ܓܝܪ ܒܢ̈ܝ ܥܡܗ ܝܗܼܒ ܕܪ̈ܓܐ ܕܐܝܩܪܐ [ܘܕܫـ]ܘܠܛܢܐ. ܕܡܛܘܠܬܗܿ ܕܗܕܐ ܝܬܝܪ ܐܝܬܢܣ ܡܢ ܪ̈ܗܘܡܝܐ. ܟܕ ܕܝܢ ܐܬܬܩܢ ܚܣܢܐ ܒܟܠ ܡܕܡ ܕܡܬܒܥܐ ܗܘܐ ܒܗ: ܘܐܬܬܣܝܡ ܒܗ ܡܢ ܐܠܘܨ ܕܗܒܐ ܣܓܝܐܐ ܕܠܐ ܚܘܫܒܢ܆ ܐܬܼܐ ܠܡܕܝܢܬ ܡܠܟܘܬܐܿ. ܐܝܟ ܕܢܘܕܥܝܘܗܝ ܠܙܝܢܘܢ ܕܐܫܬܡܠܝ ܨܒܝܢܗ. ܙܝܢܘܢ ܕܝܢ ܡܛܠ ܕܝܿܕܥ ܗܘܐ ܠܗ ܕܢܟܝܠܐ ܗܘܐ ܘܠܡܠܟܘܬܐ ܡܬܪܓܪܓܼ. ܦܩܼܕ ܠܚܕ ܡܢ ܦܠܗܚܐ ܕܢܩܛܠܝܘܗܝ. ܘܟܕ ܝܘ̈ܡܬܐ ܣܓܗܝܐܐ ܒܥܿܐ ܗܘܐ ܗܿܘ ܕܐܬܦܩܼܕ ܠܗ

Page 245

ܥܗܝܢܐ ܠܣܘܥܪܢܗ ܒܟܣܝܐ ܘܠܐ ܐܫܟܚܼ. ܦܼܓܥ ܒܗ ܒܐܠܘܣ ܒܓܘ ܦܠܛܝܢ܆ ܘܫܡܛ ܣܝܦܗ ܘܐܪܝܡܗ ܠܡܡܚܝܗ. ܘܡܚܕܗܿ ܚܕ ܡܢ ܦܠ̈ܚܐ ܕܢܩܝܦܝܢ ܠܐܠܘܣܼ ܡܚܝܗܝ ܒܣܟܝܢܐ ܒܕܪܥܗܼ. ܘܢܦܼܠ ܣܝܦܐ ܡܢ ܐܝܕܗ܆ ܘܦܣܩܗܿ ܠܐܕܢܗ ܕܐܠܘܣ. ܙܝܢܘܢ ܐܝܟ ܡܿܢ ܕܠܐ ܢܬܦܪܣܐ ܢܟܠܗ ܕܠܘܬ ܐܠܘܣ܆ ܒܪ ܫܥܬܗ ܦܩܼܕ ܥܠ ܦܠܚܐ ܗܘܿ ܕܬܫܬܩܠ ܩܪܩܦܬܗ ܕܠܐ ܫܘܐܠܐ. ܗܝܼ ܕܝܢ ܗܕܐ ܝܬܝܪ ܥܒܕܬܗ ܠܐܠܘܣ ܕܢܣܒܪ ܕܙܝܢܘܢ ܦܩܼܕܗ. ܘܩܡ ܚܙܩ ܡܢ ܬܡܘܢܼ ܘܢܚܼܬ ܠܐܢܛܝܘܟ. ܟܕ ܣܡ ܒܪܥܝܢܗܼ. ܕܐܡܬܝ ܕܢܗܐ ܠܗ ܐܬܪܐ ܢܬܩܪܒ ܠܦܘܪܥܢܝܘܬܐ. ܙܝܢܘܢ ܕܝܢ ܡܛܠ ܕܕܚܠ ܗܘܐ ܡܢ ܐܠܘܣ܇ ܥܠ ܕܝܿܕܥ ܗܘܐ ܒܝܫܘܬܗܼ. ܫܕܪ ܠܘܬܗ ܐܢܫ̈ܐ ܕܢܦܘܩ ܠܗ ܪܘܚܐ: ܕܠܘ ܠܡ ܡܢ ܠܘܬܗ ܐܣܬܥܪ ܢܟܠܐ ܗܿܘ. ܗܼܘ ܕܝܢ ܠܐ ܠܡܩܛܠܗ ܨܒܿܐ ܗܘܐ. ܘܠܪܥܝܢܗ ܩܫܝܐ ܕܐܠܘܣ ܕܢܪܟܪܟ ܠܐ ܐܫܟܚ. ܒܣܪ ܓܝܪ ܥܠܘܗܝ ܘܠܐ ܨܒܼܐ ܕܢܫܬܡܥ ܠܦܘܩܕܢܗ ܘܢܐܙܠ ܠܘܬܗ. ܠܚܪܬܐ ܕܝܢ ܫܕܪ ܥܠܘܗܝ ܙܝܢܘܢ ܐܣܛܪܛܠܛܣ ܐܚܪܢܐ ܕܫܡܗ ܗܘܐ ܠܐܢܛܝܣܼ. ܥܡ ܚܝܠܐ ܕܬܚܝܬ ܐܝ̈ܕܘܗܝ. ܘܦܩܕܗ ܕܒܩܛܝܪܐ ܢܩܝܘܗܝ ܠܘܬܗ. ܘܐܢ ܡܬܚܡܙܐ ܠܩܘܒܠܗ ܐܦ ܢܩܛܠܝܘܗܝ. ܘܟܕ ܐܬܼܐ ܗܘܼ ܗܢܐ ܠܐܢܛܝܟܝܐ ܐܬܚܒܠܘ ܒܕܒܗܐ ܡܢ ܐܠܘܣ. ܘܓܼܠܐ ܠܗ ܥܠ ܦܘܩܕܢܐ ܕܩܛܠܐ ܕܐܬܝܗܒ ܠܗ. ܐܠܘܣ ܕܝܢ ܟܕ ܚܼܙܐ ܕܠܐ ܟܣܝ ܡܢܗ ܡܕܡ. ܚܘܝ ܐܦ ܗܘܼ ܕܗܒܐ ܣܓܝܐܐܐ ܕܐܝܬ [ܒـ]ܐܝ̈ܕܘܗܝܿ. ܕܡܛܠܬܗ ܨܒܿܐ ܗܘܐ ܙܝܢܘܢ ܢܩܛܠܝܘܗܝ. ܘܐܦܝܣܗ ܠܠܢܛܝܣ ܕܢܫܼܬܘܐ ܠܗܼ ܘܢܡܪܕ ܥܡܗ. ܟܕ ܡܚܿܘܐ ܗܘܐ ܠܗ ܐܦ ܣܐܢܬܐ ܕܪ̈ܗܘܡܝܐ ܕܠܘܬ ܙܝܢܘܢ. ܘܟܕ ܗܢܐ ܐܬܬܦܝܣܼ. ܐܫܟܚ ܐܠܘܣ ܕܢܚܘܐ ܨܒܝܢܗ. ܒܠܚܘܕܘܗܝ ܓܝܪ ܠܐ ܡܫܟܚ ܗܘܐ

Page 246

ܕܢܡܪܕ. ܘܐܦܠܐ ܕܢܡܠܟ ܗܘܼ ܩܢܘܡܗܼ. ܡܛܠ ܕܐܦ ܠܗܼ ܣܿܢܝܢ ܗܘܘ ܪ̈ܗܘܡܝܐ ܡܛܠ ܛܘܗܡܗܼ ܘܡܛܠ ܪܥܝܢܗ ܩܫܝܐ. ܐܡܠܟ ܕܝܢ ܠܐܢܛܣ ܒܐܢܛܝܟܝܐ ܒܫܡܐܼ. ܟܕ ܐܠܘܣ ܗܘܼ ܐܝܬܘܗܝ ܡܕܒܪܢܐ ܕܨܒܘ̈ܬܐ. ܐܝܟ ܕܐܡܿܪܝܢܢ ܚܕܚ̈ܕܢܐܼ. ܐܦ ܕܢܩܛܠܝܘܗܝ ܠܠܐܢܛܝܣ ܡܬܚܫܒ ܗܘܐܼ ܐܢ ܗܼܘ ܕܢܙܟܘܢ ܠܙܝܢܘܢ. ܢܩܝܦ ܗܘܐ ܠܗܘܢ ܕܝܢ ܓܒܪܐ ܚܕ ܚܪܫܐ ܘܙܐܦܢܐܼ. ܕܫܡܗ ܦܢܦܪܦ. ܗܘܿ ܕܠܟܠܗܝܢ ܨܒܘ̈ܬܗܘܢ ܒܠܒܠ ܘܐܗܦܟ ܠܒܣܬܪܗ ܒܝܕ ܙܐܦܗ. ܡܛܠ ܕܬܫܬܪܪ ܠܗܘܢ ܡܠܟܘܬܐ ܫܕܪܘ ܐܝܙ̈ܓܕܐ ܠܒܝܬ ܦܘܪ̈ܣܝܐܼ. ܥܡ ܕܗܒܐ ܣܓܝܐܐ ܕܢܩܝܡܘܢ ܥܡܗܘܢ ܩܝܿܡܐ ܕܪܚܡܘܬܐ. ܘܐܘ ܐܢ ܗܘ ܕܡܬܒܥܐ ܠܗܘܢ ܚܝܠܐ ܠܥܘܕܪܢܐ ܢܫܕܪܘܢ ܠܗܘܢ. ܙܝܢܘܢ ܕܝܢ ܟܕ ܫܡܼܥ ܥܠ ܐܝܠܝܢ ܕܓܕܫ ܒܐܢܛܝܟܝܐܼ. ܠܚܕ ܡܢ ܣܛܪ̈ܛܠܛܣ ܕܫܡܗ ܝܘܚܢܢܼ ܫܕܪ ܠܬܡܘܢܼ ܥܡ ܚܝܠܐ ܣܓܝܐܐ. ܗܠܝܢ ܕܝܢ ܕܒܝܬ ܐܠܘܣ ܘܠܢܛܝܣ. ܟܕ ܫܡܥ ܥܠܝ ܚܝܠܐ ܣܓܝܐܐ ܕܐܬܿܐ ܥܠܝܗܘܢܼ. ܙܥܼ ܠܒܗܘܢ. ܘܐܦ ܐܢܛܝܗܟܝܐ ܬܘܒ ܕܚܼܙܠܘ ܕܠܐ ܡܫܟܚܝܢ ܗܘܘ ܠܡܣܝܒܪܐ ܚܒܘܫܝܐ. ܘܐܪܝܒܘ ܥܠܝܗܘܢ. ܕܢܦܩܘܢ ܠܗܘܢ ܡܢ ܡܕܝܢܬܐ. ܘܐܢܗܼܘ ܕܡܫܟܚܝܢ ܢܐܪܥܘܢ ܩܪܒܐ. ܗܕܐ ܝܬܝܪܐܝܬ ܐܙܝܥܬܿ ܠܕܒܝܬ ܐܠܘܣ. ܘܐܬܚܫܒܘ ܕܢܦܩܘܢ ܠܗܘܢ ܡܢ ܐܢܛܝܟܝܐ: ܘܢܥܒܪܘܢ ܢܗܪܐ ܦܪܬ ܠܡܕܢܚܐ. ܘܫܕܪ ܠܐܢܫ ܡܢ ܕܝܠܗܘܢ ܕܫܡܗ ܗܘܐ ܡܛܘܪܢܝܢܐ ܥܡ ܚܡ̈ܫܡܐܐ ܦܪ̈ܫܝܢ܇ ܕܢܬܩܢ ܠܗܘܢ ܒܝܬ ܡܠܟܘܬܐ ܒܐܘܪܗܝ. ܐܘܪ̈ܗܝܐ ܕܝܢ ܩܼܡ ܠܩܘܒܠܗ. ܘܐܚܕܘ ܬܪ̈ܥܐ ܕܡܕܝܢܬܐ. ܘܢܛܪ ܫܘܪܐ ܒܢܡܘܣܐ ܕܩܪܒܐܼ. ܘܠܐ ܫܒܩܘܗܝ ܠܡܥܠ. ܘܟܕ

Page 247

ܗܕܐ ܫܡܼܥܘ ܕܒܝܬ ܐܠܘܣܼ. ܐܬܥܨܝ ܕܢܪܥܘܢ ܒܩܪܒܐ ܠܝܘܚܢܢ. ܘܠܐ ܐܫܟܚ ܒܚܝܠ ܗܕܐ. ܡܛܠ ܕܢܦܠ ܥܠܝܗܘܢ ܝܘܚܢܢ ܓܢܒܪܐܝܬ. ܘܚܪܒ ܣܘܓܗ ܕܚܝܠܐ ܕܥܡܗܘܢ. ܘܐܚܪ̈ܢܐ ܐܬܒܕܪ ܟܠܢܫ ܠܡܕܝܢܬܗ. ܘܗܼܢܘܢ ܒܕܠܐ ܡܫܟܚܝܢ ܗܘܘ ܠܡܫܝܒܪܘ ܚܐܦܗܼ. ܕܒܼܪ ܠܐܝܠܝܢ ܕܐܫܬܚܪ ܠܘܬܗܘܢܼ. ܘܐܫܬܘܙܒ ܠܚܣܢܐ ܗܘܿ ܕܐܡܿܪܬ ܡܢ ܠܥܠ ܥܠܘܗܝܼ ܕܡܪܝܕ ܗܘܐ. ܘܐܦ ܐܣܝܢ ܒܟܠܡܕܡ. ܝܘܚܢܢ ܕܝܢ ܪܕܦ ܒܬܪܗܘܢ ܘܠܐ ܐܕܪܟ ܐܢܘܢܼ ܘܫܼܪܐ ܠܗ . . . . . . ܚܕܪ̈ܝ ܚܣܝܢܐܼ ܘܢܿܛܪ ܗܘܐ ܠܗܘܢ. ܗܢܼܘܢ ܕܝܢ ܡܛܠ ܕܬܟܝܠܝܢ ܗܘܘ ܥܠ ܡܡܪܕܘܬܗ ܕܚܣܝܢܐܼ. ܫܪܘ ܠܚܝܠܐ ܕܥܡܗܘܢ ܠܡܚܬ. ܟܕ ܐܪܦܝܘ ܠܘܬܗܘܢ ܠܡܓܒ̈ܝܐ ܘܠܚܠ̈ܝܨܐ ܒܠܚܘܕ. ܝܘܚܢܢ ܕܝܢ ܐܢܝܚ ܚܡܬܗ ܒܐܝܠܝܢ ܕܢܚܬ ܡܢ ܚܣܝܢܐ. ܠܕܒܝܬ ܐܠܘܣ ܕܝܢ ܕܢܣܓܦ ܒܡܕܡ ܠܐ ܐܫܟܚ. ܡܛܠ ܥܣܩܘܬܗ ܕܝܢ ܕܟܝܢܗ ܕܕܘܟܬܐܕܣܢܐܼ. ܐܦ ܒܥܒܿܕ ܐܝ̈ܕܝܐ ܬܡܝܗܐܝܬ ܡܡܿܪܕܐ ܗܘܬ. ܘܐܠܐ ܐܢ ܚܕܐ ܐܘܪܚܐ ܠܝܬ ܗܘܐ ܕܣܿܠܩܐ ܠܗ. ܗܝܿܕ ܬܪ̈ܝܢ ܐܟܚܕܐ ܕܢܣܩܘܢ ܒܗܿ ܠܐ ܡܨܝܢ ܗܘܘ ܡܛܠ ܩܛܝܢܘܬܗܿ. ܡܢ ܒܬܪ ܕܝܢ ܙܒܢܐ ܓܣܝܐܐ ܟܕ ܐܘܦܝ ܨܢ̈ܥܬܗ ܕܝܘܚܢܢ܆ ܢܟܠܐ ܗܘܐ ܥܠ ܕܒܝܬ ܐܠܘܣܼ ܡܢ ܐܝܠܝܢ ܕܥܡܗܘܢ܆ ܘܐܬܟܒܼܫ ܟܕ ܕܡܟܝܢ. ܘܒܦܘܩܕܢܗ ܕܙܝܢܘܢ ܐܬܩܛܠ ܬܪ̈ܝܗܘܢ ܥܡ ܐܝܠܝܢ ܕܐܫܠܡ ܐܢܘܢ. ܘܐܬܦܣܩܘ ܐܝ̈ܕܝܐ ܕܟܠ ܐܝܠܝܢ ܕܥܡܗܘܢ. ܕܐܝܟ ܗܢܐ ܕܝܢ ܫܚܩܐ ܐܝܬ ܗܘܐ ܒܝܬ ܪ̈ܗܘܡܝܐ ܒܝܘ̈ܡܝ ܦܪܘܙ. ܡܢ ܒܬܪ ܕܝܢ ܕܐܬܒܥܝ ܘܠܐ ܐܫܬܟܚܼ ܐܝܟ ܕܡܢ ܠܥܠ ܐܡܿܪܬܼ. ܒܠܫ ܐܚܘܗܝ ܐܡܠܟ ܥܠ ܦܘܪ̈ܣܝܐ ܚܠܦܘܗܝ. ܗܢܐ ܐܝܬܘܗܝ ܓܒܪܐ ܡܟܝܟܐ ܘܪܚܡ ܫܝܢܐ. ܘܡܕܡ ܒܝܬ ܓܙܐ ܕܦܘܪ̈ܣܐ ܠܐ ܐܫܟܚ.

Page 248

ܘܐܪܥܗ ܚܪܒܐ ܡܢ ܫܒܝܐ ܕܗܘܢ̈ܝܐ.. ܠܐ ܓܝܪ ܛܥܝܐ ܠܚܟܡܬܟ ܕܟܡܐ ܚܘܣܪ̈ܢܐ ܘܢܦܩ̈ܬܐ ܗܘ̈ܝܢ ܠܡܠ̈ܟܐ ܒܩܪ̈ܒܐ. ܐܦ ܟܕ ܡܙܟܐ ܢܙܟܘܢ܇ ܫܒܘܩ ܐܡܬܝ ܕܐܦ ܚܿܝܒܝܢ. ܘܡܢ ܠܘܬ ܪ̈ܗܘܡܝܐ ܥܘܕܪܢܐ ܕܡܕܡ ܠܐ ܗܘܐ ܠܗ ܐܝܟ ܕܠܐܚܘܗܝ. ܫܕܪ ܓܝܪ ܐܝ̈ܙܓܕܐ ܠܘܬ ܙܝܢܘܢ ܕܢܫܕܪ ܠܗ ܕܗܒܐ: ܘܡܛܠ ܕܒܨܦܬܐ ܕܩܪܒܐ ܕܒܝܬ ܐܠܘܣ ܘܠܐܢܛܝܣ ܐܝܬܘܗܝ. ܘܡܛܠ ܕܥܗܕ ܗܘܐ ܬܘܒ ܠܕܗܒܐ ܗܘܿ ܕܐܫܬܕܪ ܗܘܐܡܢܗܘܢ ܒܫܘܪܝܐ ܕܡܪܘܕܘܬܗܘܢ܆ ܕܬܡܢ ܒܝܬ ܦܪܗܣܝܐ ܫܿܪܟ ܗܘܐ. ܠܐ ܨܒܼܐ ܕܢܫܕܪ ܠܗ ܡܕܡ. ܐܠܐ ܫܠܚ ܠܗܼ. ܕܣܿܦܩܝܢ ܠܟ ܫܩ̈ܠܐ ܕܢܨܒܝܢ ܕܢܿܣܒ ܐܢܬ. ܕܗܐ ܫܢ̈ܝܐ ܣܓܝ̈ܐܬܐ ܠܪ̈ܗܘܡܝܐ ܙܕܿܩܝܢ. ܒܠܫ ܕܝܢ ܡܛܠ ܕܠܝܬ ܗܘܐ ܠܗ ܕܗܒܐ ܕܢܬܪܣܐ ܠܚܝ̈ܠܘܬܗܼ. ܐܬܫܝܛ ܒܥܝܢܗܝܗܘܢ. ܡܓܘ̈ܫܐ ܕܝܢ ܬܘܒ ܣܿܢܝܢ ܗܘܘ ܠܗ. ܥܠ ܕܡܒܛܠ ܗܘܐ ܢܡܘ̈ܣܝܗܘܢ. ܘܨܒܿܐ ܗܘܐ ܕܢܒܢܐ ܒܠܢܣ ܒܡܕܝ̈ܢܬܐ ܠܡܣܚܘܬܐ.ܘܟܕ ܚܼܙܘ ܕܠܐ ܚܫܝܒ ܒܥܝܢ̈ܝ ܚܝ̈ܠܘܬܗܼ ܐܚܕܘܗܝ ܘܥܿܘܪ ܥܝܢ̈ܘܗܝ. ܘܐܩܝܡ ܚܠܦܘܗܝܼ ܠܩܘܕ ܒܪܗ ܕܦܪܘܣ ܐܚܘܝܼ. ܗܘܿ ܕܐܬܟܪܢܢ ܫܡܗ ܡܢ ܠܥܠܿ. ܕܡܡܫܟܢ ܗܘܐ ܒܝܬ ܗܘ̈ܢܝܐ. ܕܗܘܝܘ ܗܢܐ ܕܐܙܝܥ ܩܪܒܐ ܥܡ ܪ̈ܗܘܡܐܿ. ܡܛܠ ܕܠܐ ܐܬܝܗܒ ܠܗ ܕܗܒܐ. ܫܕܪ ܓܝܪ ܐܙܝܓܕܐ ܘܦܝܠܐ ܚܕ ܪܒܐ ܠܐܩܝܪܗ ܕܡܠܟܐܼ ܐܝܟ ܕܢܫܕܪ ܠܗ ܕܗܒܐ. ܘܥ ܡܼܛܐ ܐܝܙܓܕܐ ܠܐܢܛܝܟܝܐ ܕܣܘܪܝܐܼ ܡܝܬ ܙܝܢܘܢ. ܘܐܡܠ ܟܒܬܪܗ ܐܢܣܛܘܣ. ܘܟܕ ܐܘܕܥܗ ܐܝܙܓܕܐ ܕܦܘܪ̈ܣܝܐ ܠܩܘܕ ܡܪܗܼ. ܥܠ ܫܘܚܠܦܐ ܕܗܘܼܐ ܒܡܠܟܘܬܐ ܕܪ̈ܗܘܡܝܐ܇ ܫܠܚ ܠܗܼ ܕܒܚܦܝܛܘܬܐ ܢܣܩ ܘܢܫܐܠ ܕܗܒܐ ܗܘܿ ܕܥܝܕܐ. ܐܘ ܠܡܐܡܪ ܠܡܠܟܐܼ ܕܩܒܠ ܩܪܒܐ. ܘܚܠܦ ܕܘܿܠܐ ܗܘܐ ܠܗ ܕܡ̈ܠܐ ܕܫܝܢܐ ܘܕܫܠܡܐ [ܢܡܿܠܠܼ.] ܘܢܚܕܐ ܥܡܗ ܒܪܝܫܢܘܬܐ

Page 249

ܕܡܕܒܪܢܘܬܗ ܗܝ ܕܚܬܐܝܬ ܡܢ ܐܠܗܐ ܠܗ ܐܬܝܗܒܬܼ. ܒܡ̈ܠܐ ܕܓܙܡܐ ܡܪܡܪ ܠܬܪܥܝܬܗ ܕܡܠܟܐ ܡܗܝܡܢܐ ܐܢܣܛܘܣ. ܗܘܼ ܕܝܢ ܟܕ ܫܡܼܥ ܡܠ̈ܘܗܝ ܫܒܗܪ̈ܢܝܬܐ ܘܝܠܼܦ ܥܠ ܙܢܘ̈ܗܝ ܒܝܗܫܐ: ܘܕܚܕܬ ܠܗܪܣܝܣ ܢܕܝܕܬܐ ܕܡܓܘܫܘܬܐ ܕܡܬܩܪܝܐ ܕܙܪܕܫܬܩܢܐ: ܕܗܝܼ ܗܕܐ ܡܠܦܐ ܕܢܗܘ̈ܝܢ ܢܫ̈ܐ ܕܓܘܐ: ܘܟܠܢܫ ܥܡ ܐܝܠܝܢ ܕܨܒܿܐ ܢܫܬܘܬܦ: ܘܕܐܒܫ ܠܐܪ̈ܡܢܝܐ ܕܬܚܝܬ ܫܘܠܛܢܗܼ ܥܠ ܕܠܐ ܣܿܓܕܝܢ ܗܘܘ ܠܢܘܪܐ. ܫܛܗܼ ܘܠܐ ܫܕܪ ܠܗ ܕܗܒܐܼ. ܐܠܐ ܫܠܚ ܠܗܼ. ܕܐܝܟ ܕܠܐ ܙܝܢܘܢ ܗܘܿ ܕܡܡܠܟ ܗܘܐ ܩܕܡܝ ܫܕܪܼ. ܘܠܐ ܐܢܐ ܡܫܿܕܪ ܐܢܐܼ ܥܕܡܐ ܕܬܦܢܐ ܠܝ ܢܨܒܝܢ. ܘܠܐ ܓܝܪ ܙܥܘܪ̈ܝܢܼ ܩܪ̈ܒܐ ܕܐܝܬ ܠܝ ܥܡ ܒܪ̈ܒܪܝܐ ܕܡܬܩܪܝܢ ܓܪ̈ܡܢܩܘ ܘܥܡ ܐܝܠܝܢ ܕܡܬܩܪܝܢ ܒܠ̈ܡܘܿ. ܘܥܡ ܣܓ̈ܝܐܐ ܐܚܪ̈ܢܐ. ܘܠܐ ܫܿܒܩ ܐܢܐ ܚܝܠ̈ܘܬܐ ܕܪ̈ܗܘܡܝܐ ܘܡܬܪܨܐ ܐܢܐ ܕܝܠܟ. ܟܕ ܫܼܡܥ ܕܝܢ ܐܪ̈ܡܢܝܐ ܕܬܚܝܬ ܐܝܕܗ ܕܩܘܕ܆ ܕܠܐ ܐܬܦܢܝ ܠܗ ܠܫܠܡܐ ܡܢ ܪ̈ܗܘܡܝܐ: ܐܬܠܒܒܘ ܘܐܬܚܝܠܘ. ܘܥܩܪ ܒ̈ܬܐ ܕܢܘܪܐ ܕܒܢܼܝܢ ܗܘܘ ܠܦܘܪ̈ܣܝܐ ܒܐܬܪܗܘܢ. ܘܩܛܠ ܠܡܓܘܗܫܐ ܕܒܝܢܬܗܘܢ. ܘܫܕܪ ܥܠܝܗܘܢ ܩܘܕ ܠܡܪܙܒܢܐ ܚܕ ܥܡ ܚܝܠܐܼ ܕܢܣܝܡ ܒܪܝܫܗܘܢ ܘܕܢܗܦܟ ܐܢܘܢ ܕܢܣܓܕܘܢ ܠܢܘܪܐ. ܘܐܩܪܒ ܥܡܗ ܘܚܪܒܘܗܝ ܠܗ ܘܠܚܝܠܗ. ܘܫܕܪܘܢ ܐܝܙ̈ܓܕܐ ܠܘܬ ܡܠܟܐ ܐܝܟ ܕܠܗ ܢܫܬܥܒܕܘܢ܆ ܘܠܐ ܨܒܼܐ ܢܩܒܠ ܐܢܘܢܼ. ܕܠܐ ܢܣܬܒܪ ܕܩܪܒܐ ܕܥܡ ܦܘܪ̈ܣܝܐ ܡܓܿܪܓ. ܐܝܠܝܢ ܗܟܝܠ ܕܥܿܕܠܝܢ ܠܗ ܥܠ ܕܠܐ ܝܗܼܒ ܕܗܒܐܼ. ܢܥܿܕܠܘܢ ܠܐܝܢܐ ܕܒܥܼܐ ܕܠܐ ܕܝܠܗ܇ ܐܝܟ ܕܒܩܛܝܪܐ. ܐܠܘ ܓܝܪ ܒܥܼܐ ܗܘܐ ܒܫܝܢܐ ܘܒܦܝܣܐ ܡܫܬܕܪ ܗܘܐ ܠܗܼ. ܐܠܐ ܩܿܫܝ ܪܥܝܢܗ ܒܕܡܘܬ ܦܪܥܘܢܼ ܘܓܼܙܡ ܥܠ ܩܪܒܐ. ܬܟܝܠܝܢܢܢ ܕܝܢ ܥܠ ܟܐܢܘܬܗ ܕܐܠܗܐܼ ܕܐܦ

Page 250

ܡܣܡܒܪܝܫܐ ܕܝܬܝܪ ܡܢ ܕܗܘܿ ܡܝܬܝܐ ܥܠܘܗܝ ܡܛܠ ܢܡܘܣܘ̈ܗܝ ܛܢ̈ܦܐ܇ ܕܨܒܼܐ ܢܚܒܠ ܢܡܘܣܗ ܕܟܝܢܐܿ. ܘܢܒܛܠ ܐܘܪܚܐ ܕܕܚܠܬ ܐܠܗܐ. ܬܘܒ ܕܝܢ ܐܦ ܩܕܫ̈ܝܐ ܟܠܗܘܢ ܕܬܚܝܬ ܐܝܕܗ ܡܪܕܘ ܥܠܘܗܝ܆ ܘܒܥܿܝܢ ܗܘܘ ܕܢܥܠܘܢ ܠܢܨܒܝܢ. ܘܢܡܠܟܘܢ ܒܗܿ ܡܠܟܐ ܡܢ ܕܝܠܗܘܢ. ܙܒܢܐ ܕܠܐ ܒܙܥܘܪ ܐܬܟܬܫ ܥܠܝܗܿ. ܘܐܦ ܛܡܘܪ̈ܝܐ ܬܘܒ ܕܥܿܡܪܝܢ ܒܐܪܥܐ ܕܦܘܪ̈ܣܝܐ܇ ܟܕ ܚܙܘ ܕܠܐ ܡܬܝܗܒ ܠܗܘܢ ܡܢܗ ܡܕܡܼ ܡܼܪܕ ܥܠܘܗܝ. ܘܬܟܝܠܝܢ ܗܘܘ ܗܠܝܢ ܥܠ ܛܘܪ̈ܐ ܪ̈ܡܐ ܕܥܿܡܪܝܢ ܗܘܘ ܒܗܘܢ. ܘܢܿܚܬܝܢ ܘܒܿܙܝܢ ܘܚܿܛܦܝܢ ܠܩܘܪܗܝܐ ܕܚܕܪ̈ܝܗܘܢܼ. ܘܠܬܓܪ̈ܐ ܘܐܟܣ̈ܢܝܐ ܘܠܒܢ̈ܝ ܐܬܪܐ ܘܣܿܠܩܝܢ. ܐܦ ܚܐܪ̈ܐ ܕܡܠܟܘܬܗ ܣܿܐܢܝܢ ܗܘܘ ܠܗ܇ ܡܛܠ ܕܐܦܣ ܠܢܫ̈ܝܗܘܢ ܕܢܓܘܪ̈ܢ. ܐܦ ܛܝܝ̈ܐ ܬܘܒ ܕܬܚܝܬ ܐܝ̈ܕܘܗܝܼ ܟܕ ܚܼܙܘ ܒܠܝܠܘܬܐ ܕܡܠܟܘܬܗܼ. ܡܓܝܣܝܢ ܗܘܘ ܐܦ ܗܼܢܘܢ ܐܝܟ ܚܝܠܗܘܢ ܒܟܠܗ ܐܬܪܐ ܕܦܘܪ̈ܣܝܐ.. ܩܡ ܕܝܢ ܒܙܒܢܐ ܗܢܐ ܫܚܩܐ ܐܚܪܢܐ ܐܦ ܒܝܬ ܪ̈ܗܘܡܝܐ.. ܐܣܘܪ̈ܝܐ ܓܝܪ ܡܢ ܒܬܪ ܡܘܬܗ ܕܙܝܢܘܢ. ܡܼܪܕ ܥܠ ܡܠܟܐ ܐܢܣܛܘܣ. ܘܨܒܿܝܢ ܗܘܘ ܕܗܢܘܢ ܢܩܝܡܘܢ ܠܡܠܟܐ ܐܝܢܐ ܕܫܿܦܪ ܠܗܘܢ. ܘܟܕ ܫܡܼܥ ܩܘܕ ܗܼܝ ܗܕܐ܆ ܣܒܼ ܕܙܒܢܐ ܐܝܟܚ ܠܗܼ. ܘܫܕܪ ܐܝ̈ܙܓܕܐ ܠܒܝܬ ܪ̈ܗܘܡܝܐ ܟܕ ܣܿܒܪ ܕܕܚܿܠܝܢ ܘܡܕܫܪܝܢ ܠܗ ܕܗܒܐ. ܡܛܠ ܗܝܿ ܕܡܪܕܝܕܝܢ ܗܘܘ ܥܠܝܗܘܢ ܐܣܘܪ̈ܝܐ. ܐܦ ܡܠܟܐ ܐܢܣܛܘܣ ܫܠܼܚ ܠܗ. ܕܐܢ ܗܼܘ ܕܒܿܥܝܬ ܒܝܙܦܬܐܼ ܡܫܕܪ ܐܢܐ ܠܟ ܐܢ ܕܝܢ ܡܛܠ ܫܪܒܐ ܕܥܝܿܕܐܼ. ܠܐ ܫܿܒܩ ܐܢܐ ܚ̈ܝܠܘܬܐ ܕܪ̈ܗܘܡܝܐ ܕܬܥܫܝܢ ܒܩܪܒܐ ܕܐܣܘܪ̈ܝܐ: ܘܗܘܿܐ ܐܢܐ ܡܥܕܪܢܐ ܠܦܘܪ̈ܣܝܐ. ܒܗܠܝܢ ܗܟܝܠܼ ܐܬܡܟܟ ܪܥܝܢܗ ܕܩܘܕ܆ ܡܛܠ ܕܡܫܚܒܬܗ ܠܐ ܣܠܼܩܬܿ ܠܪܝܫ. ܐܙܕܟܝܘ ܐܣܘܪ̈ܝܐ. ܘܐܬܚܪܒ ܘܐܬܩܛܠܘ. ܘܐܬܥܩܪ ܘܩܕܝܢ ܟܠܗܝܢ ܡܕܝ̈ܢܬܗܘܢ. ܪܘܪ̈ܒܢܐ ܕܝܢ

Page 251

ܕܦܪ̈ܣܝܐ ܐܬܚܿܫܒܘ ܗܘܘ ܒܟܣܝܐ ܕܢܩܛܠܘܢܝܗܝ ܠܩܘܕܼ. ܡܛܠ ܕܘܒܪ̈ܘܗܝ ܛܡ̈ܐܐ ܘܢܡܘ̈ܣܘܗܝ ܗܦܝ̈ܟܐ܆ ܘܟܕ ܐܬܝܕܥܬܿ ܠܗ ܗܕܐܼ. ܫܒܼܩ ܡܠܟܘܬܗ ܘܥܪܩ ܠܒܝܬ ܗܘ̈ܢܝܐܼ. ܠܘܬ ܡܠܟܐ ܗܘܿ ܕܐܬܪܒܝ ܠܘܬܗ ܟܕ ܐܝܬܘܗܝ ܗܘܐ ܒܡܫܟܢܘܬܐ.. ܐܡܠܟ ܚܠܦܘܗܝ ܥܠ ܦܘܪ̈ܣܝܐܼ ܙܡܫܦ ܐܚܘܗܝ. ܗܼܘ ܕܝܢ ܩܘܕ ܢܣܼܒ ܠܗ ܒܝܬ ܗܘ̈ܢܝܐ ܐܢܬܬܐ ܕܐܝܬܝܗܿ ܒܪܬ ܚܬܗ. ܘܗܼܝ ܚܬܗ ܐܫܬܒܝܬܿ ܠܬܡܢ ܒܩܪܒܐܼ ܗܘܿ ܕܒܗ ܐܬܩܛܠ ܐܒܘܗܝ. ܘܡܛܠ ܕܒܪܬ ܡܠܟܐ ܐܝܬܝܗܿ ܗܘܬܼ. ܒܢܿܫܐ ܠܡܠܟܐ ܕܗܘ̈ܢܝܐ ܗܘܬ. ܘܗܘܼܬ ܠܗ ܡܢܗܿ ܒܪܬܐ. ܘܟܕ ܥܪܩ ܠܬܡܢ ܩܘܕ ܝܗܒܬܗܿ ܠܗ ܒܢ̈ܫܐ. ܗܼܘ ܕܝܢ ܟܕ ܗܘܼܬ ܠܗ ܦܪܣܝܐ ܕܐܬܚܬܢ ܠܡܠܟܐܼ. ܒܟܠܝܘܡ ܩܕܡܘܗܝ ܡܬܒܟܐ ܗܘܐ. ܟܕ ܫܿܐܠ ܡܢܗ ܕܢܬܠ ܠܗ ܚܝܠܐ ܠܥܘܕܪܢܐ: ܐܝܟ ܕܢܐܬܐ ܢܩܛܘܠ ܠܪܘܪ̈ܒܢܐ ܘܢܼܬܩܢ ܥܠ ܡܠܟܘܬܗ. ܘܐܬܝܗܒ ܠܗ ܡܢ ܚܡܘܗܝ ܚܝܠܐ ܠܐ ܙܥܘܪ ܐܝܟ ܕܫܐܠ. ܘܟܕ ܡܢܼܥ ܕܢܐܬܐ ܠܐܪܥܐ ܕܦܪ̈ܣܝܐܼ. ܫܡܼܥ ܐܚܘܝܗܝ ܘܫܿܢܝ ܡܢ ܩܕܡܘܗܝ. ܘܗܘܼ ܓܡܪ ܨܒܝܢܗ܆ ܘܩܿܛܠ ܠܪܘܪ̈ܒܢܐ. ܘܫܠܼܚ ܐܦ ܠܛܡܘܪ̈ܝܐܼ ܟܕ ܓܙܿܡ ܠܗܘܢܼ. ܕܐܢ ܗܘܼ ܕܠܐ ܢܫܬܥܒܕܘܢ ܠܗ ܒܨܒܝܢܗܘܢܼ ܥܬܝܕܝܢ ܐܢܘܢ ܕܒܩܪܒܐ ܢܙܕܟܘܢ. ܐܢ ܕܝܢ ܢܗܘܘܢ ܠܗ ܒܢ̈ܝ ܚܝܠܐܼ. ܢܥܠܘܢ ܥܡܗ ܠܐܪܥܐ ܕܪ̈ܗܘܡܝܐ. ܘܡܢ ܒܙܬܐ ܕܬܡܢ ܢܦܿܠܓ ܠܗܘܢ ܟܠܡܕܡ ܕܐܬܛܠܡܘ. ܗܼܢܘܢ ܕܝܢ ܕܚܠܘ ܡܢ ܚܝܠܐ ܕܗܘ̈ܢܝܐ ܘܐܫܠܡܘ ܠܗ. ܩܕܫ̈ܝܐ ܕܝܢ ܕܫܿܪܝܢ ܥܠ ܢܨܒܝܢ܆ ܟܕ ܫܡܥ ܗܠܝܢ܆ ܐܦ ܗܼܢܘܢ ܐܫܬܥܒܕܿ. ܛܝ̈ܝܐ ܕܝܢ ܟܕ ܝܠܼܦ ܕܩܪܒܐ ܥܬܝܕ ܠܡܥܒܕ ܥܡ ܪ̈ܗܘܡܝܐܼ. ܒܚܘܝܚܘܬܐ ܪܒܬܐ ܐܬܟܢܫܘ ܠܘܬܗ. ܐܪ̈ܡܢܝܐ ܕܝܢ ܡܛܠ ܕܕܚܿܠܝܢ ܗܘܘ ܕܕܠܡܐ ܢܬܢܩܡ

Page 252

ܡܢܗܘܢܼ ܡܛܠ ܗܿܢܘܢ ܒ̈ܬܐ ܕܢܘܐ ܕܥܩܪܘ ܗܘܘ ܡܢ ܩܕܝܡܼ. ܠܐ ܨܒܼܘ ܕܢܫܬܡܥܘܢ ܠܗ. ܗܼܘ ܕܝܢ ܟܿܢܼܫ ܚܝܠܐܼ ܘܐܩܪܒ ܥܡܗܘܢ. ܘܟܕ ܐܬܥܫܢ ܡܢܗܘܢ܆ ܠܐ ܚܼܪܒ ܐܢܘܢ. ܐܠܐ ܐܫܬܘܕܝ ܠܗܘܢܼ. ܕܐܦܠܐ ܕܢܣܓܕܘܢ ܠܢܘܪܐܼ ܥܿܨܿܐ ܐܢܘܢ܆ ܐܢ ܢܗܘܘܢ ܠܗ ܡܥܕܪ̈ܢܐ ܒܩܪܒܐ ܕܥܡ ܪ̈ܗܘܡܝܐ. ܘܗܢܼܘܢ ܡܢ ܕܚܠܬܗܘܢܼ ܟܕ ܠܐ ܪܥܼܝܢ ܗܘܘ ܐܬܛܦܝܣ. ܐܝܠܝܢ ܕܝܢ ܣܥܼܪ ܗܘܼܐ ܩܘܕ ܡܢ ܕܥܼܠ ܒܬܚܘ̈ܡܐ ܕܪ̈ܗܘܡܝܐ܇ ܒܙܒܢܗܝܢ ܥܬܝܕ ܐܢܐ ܕܐܚܘܝܟ. ܗܫܐ ܕܝܢ ܡܛܠ ܕܐܦ ܥܠ ܐܬܘ̈ܬܐ [ܘܡܪ̈ܕ]ܘܬܐ ܕܗܘ̈ܝ ܒܙܒܢܗܝܢ܇ ܘܥܠ ܩܡܨܐܼ ܘܥܠ ܡܘܬܢܐ ܘܝܘܩܕܢܐܼ ܦܩܼܕܬ ܠܝ ܐܟܿܬܘܒ. ܘܗܢ̈ܝܢ ܩܕ̈ܝܡܢ ܒܙܒܢܐܼ. ܥܠܝܗܝܢ ܡܿܦܢܐ ܐܢܐ ܠܗܿ ܠܡܠܬܝ. ܘܕܠܐ ܬܗܘܐ ܒܠܝܠܐ ܬܫܥܝܬܐܼ. ܗܐ ܪܫܿܡ ܐܢܐ ܠܗܝܢ ܠܫܢ̈ܝܐ ܒܐܝܕܐ ܒܐܝܕܐ ܟܕ ܡܦܿܪ̈ܫܢ. ܘܥܠ ܟܠܚܕܐ ܡܢܗܝܢ ܡܢܗܿ ܘܠܗܿ ܟܿܬܒܢܐ ܡܕܡ ܕܐܣܬܥܝܪ ܒܗܿ. ܟܕ ܐܠܗܐ ܢܗܘܐ ܠܝ ܡܣܝܥܢܐ ܒܥܘܕܪܢܐ ܕܨܠ̈ܘܬܐ ܕܓܒܝܘܬܟ..

ܫܢܬ ܬܡܢ̈ܡܐܐ ܘܫܬ ܕܐܠܟܣܢܕܪܘܣ. ܥܠ ܥܠܼܬܗ ܕܗܟܝܠ ܕܩܪܒܐ ܘܕܐܝܟܢܐ ܐܬܓܪܓܼ. ܣܦܩܐܝܬ ܐܘܕܥܬܟ. ܐܝܟ ܕܣܿܒܪ ܐܢܐܼ ܐܘܿ ܐܒܘܢ܇ ܟܕ ܒܙܥܘܪ̈ܝܬܐ ܟܿܬܒܬ ܐܢܗܝܢ ܠܗܠܝܢ ܠܬܫܥ̈ܝܬܐܿ. ܡܛܠ ܕܥܿܪܩܬ ܡܢ ܐܪܝܟܘܬܐ ܕܡܠܬܐ. ܡܢܗ̈ܝܢ ܕܝܢ ܒܟ̈ܬܒܐ ܥܬܝܩ̈ܬܐ ܐܫܿܟܚܬ. ܘܡܢܗܝܢ ܝܿܠܦܬ ܡܢ ܦܓܥܐ ܕܐܢܫ̈ܐ ܕܫܡܫ ܐܝܙܓܕܘܬܐ ܠܘܬ ܬܪ̈ܝܗܘܢ ܡܠ̈ܟܐ. ܘܐܚܪ̈ܢܝܬܐ ܡܢ ܐܝܠܝܢ ܕܒܗܘܢ ܒܣܘܥܪ̈ܢܐ ܗܠܝܢ ܐܣܬܩܒܠܘ. ܗܫܐ ܕܝܢ ܥܠ ܐܝܠܝܢ ܕܠܘܬܢ ܐܣܬܥܪܘ ܨܒܿܐ ܐܢܐ

Page 253

ܕܐܘܕܥܟ. ܡܛܠ ܕܡܢ ܗܕܐ ܫܢܬܐ ܩܒܠ ܫܘܪܝܐ ܡܪ̈ܕܘܬܐ ܚܣܝ̈ܢܬܐܼ. ܘܐܬܘ̈ܬܐ ܕܗܘܼܝ ܒܝ̈ܘܡܬܢ.

ܚܕܝܪ ܗܘܐ ܒܙܒܢܐ ܗܢܐ ܚܘܠܡܢܐ ܠܟܠܗ ܐܬܪܢ. ܟ̈ܐܒܐ ܕܝܢ ܘܟܘܪ̈ܗܢܐ ܕܢܦܫ̈ܬܢܼ. ܣܓܝܐܝܢ ܗܘܘ. ܐܠܗܐ ܕܝܢ ܕܨܒܿܐ ܒܚܛܗܝܐ ܕܢܬܘܒܘܢ ܡܢ ܚܛ̈ܗܝܗܘܢ ܘܢܐܚܘܢܼ. ܐܝܟ ܡܚܙܝܬܐ ܥܒܕܗ ܠܗ ܠܓܘܫܡܢ. ܘܫܘ̈ܚܢܐ ܡܿܠܝܗ ܠܟܠܗ ܦܓܪܢ. ܕܒܝܕ ܒܿܪܝܘܬܢ ܢܚܘܝܢ ܠܡܢܐ ܕܡܿܝܐ ܓܘܝܬܢ. ܘܒܝܕ ܟܘ̈ܬܡܬܐ ܕܦܓܪ̈ܝܢܼ ܢܐܠܦ ܕܟܡܐ ܣܢ̈ܝܢ ܟܘ̈ܬܡܬܐ ܕܢܦܫܢ. ܘܐܝܟܢܐ ܕܟܠܗܘܢ ܒܢܝ̈ܢܫܐ ܚܛܘ. ܟܠܗܘܢ ܒܠܥܘ ܒܡܚܘܬܐ ܗܕܐ. ܥܒ̈ܝܐ ܓܝܪ ܘܢܦ̈ܩܐ ܗܘܼܘ ܒܟܠܗܘܢ ܒܢ̈ܝ ܡܕܝܢܬܢ ܘܡܪ̈ܒܠܢ ܗܘ̈ܝ ܐܦ̈ܐ ܕܣܓ̈ܝܐܐ ܘܡܠܝܢ ܡܘܓܠܐ. ܘܥܒܝܕܝܢ ܗܘܘ ܚܙܬܐ ܕܙܘܥܬܐ. ܐܝܬ ܕܝܢ ܐܚܪ̈ܢܐ ܕܟܠܗ ܓܘܫܡܗܘܢ ܡܬܡܠܐ ܫܘ̈ܚܢܐ ܐܘ ܚܡ̈ܛܐ: ܥܕܡܐ ܠܦܣ̈ܐ ܕܐܝ̈ܕܝܗܘܢ ܘܠܬܚܬܝܐ ܕܪ̈ܓܠܝܗܘܢ. ܘܐܝܬ ܐܚܪ̈ܢܐ ܕܬܘܪ̈ܥܬܐ ܪܘܪ̈ܒܬܐ ܒܚܕ ܚܕ ܡܢ ܗܕܡ̈ܝܗܘܢ ܗܘ̈ܝܢ ܗܘ̈ܝ. ܒܛܝܒܘܬܗ ܕܝܢ ܕܐܠܗܐ ܕܥܠܝܗܘܢ ܡܓܢܐ ܗܘܬܿ. ܠܐ ܟܐܒܐ ܡܩܿܘܐ ܗܘܐ ܨܝܕ ܐܢܫ ܙܒܢܐ ܣܓܝܐܐܼ. ܘܠܐ ܡܘܡܐ ܐܘ ܣܘܪܚܢܐ ܗܘܿܐ ܗܘܐ ܒܓܘܫܡܐ. ܐܠܐ [ܐܦܢ] ܫܘܡ̈ܬܗܝܢ ܕܡܚܘ̈ܬܐ ܝܕܝ̈ܥـ[ܢ] ܗܘ̈ܝ ܒܬܪ ܚܘܠܡܢܐܼ. ܗܕܡ̈ܐ ܒܢܛܝܪܘܬܐ ܡܫܬܒܩܝܢ ܗܘܘ ܕܢܡܠܘܢ ܚܫܚܬܐ ܕܬܫܡܫܬܗܘܢ ܒܓܦܪܐ. ܡܙܿܕܒܢܝܢ ܗܘܘ ܕܝܢ ܒܗܢܐ ܙܒܢܐ ܒܐܘܪܗܝ ܬܠ̈ܬܝܢ ܡܕ̈ܝܢ ܚ̈ܛܐ ܒܕܝܢܪܐ ܘܣܥܪ̈ܐ .ܢܢ…

ܫܢܬ ܬܡܢ̈ܡܐܐ ܘܫܒܥ. ܒܝܘܡ ܫܒܬܥܣܪ ܒܐܝܪܚ ܐܝܕܪ ܕܫܢܬܐ ܗܕܐ: ܟܕ ܛܒ̈ܬܐ ܡܢ ܫܡܝܐ ܠܟܠܗܘܢ ܒܢܝ̈ܢܫܐ ܫܦܝܥܐܝܬ ܡܫܬܕܪ̈ܢ ܗܘ̈ܝ܆ ܘܥܠ̈ܠܬܐ

Page 254

ܒܒܘܪܟܬܐ ܣܓܝ̈ܐܢ ܗܘ̈ܝ. ܘܡܛܪܐ ܢܿܚܬ ܗܘܐܿ. ܘܦܐܪ̈ܐ ܕܐܪܥ ܒܙܒܢܗܘܢ ܡܬܪܒܝܢ ܗܘܼܘܼ. ܣܘܓܗܘܢ ܕܒܢ̈ܝ ܡܕܝܢܬܐ ܣܒܪܐ ܕܚܝ̈ܝܗܘܢ ܦܣܩܘ ܗܘܘ ܠܡܪܫܥܘ ܓܠܝܐܝܬ. ܘܟܕ ܒܓܘ̈ܬܐ ܡܬܦܪܦܥܝܢ ܗܘܘܼ. ܐܦܠܐ ܬܘܕܝܬܐ ܕܥܠ ܐܦ̈ܝ ܡܘ̈ܒܬܗ ܕܐܠܗܐܼ ܡܢܗܘܢ ܡܫܬܕܪܐ ܗܘܬ. ܐܠܐ ܒܡܗܡܝܢܘܬܐ ܕܝܡܢ [ܩܘܒܠܛܝܒܘܬܐ] ܐܝܬܝܗܘܢ ܗܘܘܼ. ܘܒܟܘܪ̈ܗܢܐ ܕܚ̈ܛܗܐ ܡܬܚܿܒܠܝܢ ܗܘܘ. ܘܟܕ ܠܐ ܣܦܼܩ ܠܗܘܢ ܚ̈ܛܗܐ ܟܣ̈ܝܐ ܘܓܠ̈ܝܐ ܕܒܗܘܢ ܥܢܼܝܢ ܗܘܘܼ. ܐܬܛܝܒܘ ܒܝܘܡܐ ܗܢܐ ܕܪܫܝܡ: ܕܐܝܬܘܗܝ ܝܘܡ ܕܥܪܘܒܬܐ ܡܓܗ̈ܝ ܫܒܬܐܿ. ܕܡܪܩܕ ܒܗ ܐܪܟܣܐ ܘܡܬܩܪܝܐ ܛܪܝܡܪܝܢ. ܘܐܕܠܩ ܩܢܕ̈ܝܠܐ ܣܓܝ̈ܐܬܐ ܠܐܝܩܪܗ ܕܥܐܕܐ ܗܢܐܼ ܕܠܐ ܡܢܝܢ܆ ܟܕ ܥܝܿܕܐ ܗܢܐ ܠܝܬ ܗܘܐ ܒܗܿ ܒܡܝܕܢܬܐ ܡܢ ܩܕܝܡ. ܘܡܢ ܬܪܥܐ ܕܬܐܛܪܘܢ ܘܥܕܠܡܐ ܠܬܪܥܐ ܕܟ̈ܦܐ܆ ܣܕܝܪ̈ܢ ܗܘ̈ܝ ܠܗܘܢ ܥܠ ܐܪܥܐ ܥܠ ܝܕ ܢܗܪܐ. ܘܣܡ ܥܠ ܣܦܬܗ ܩܢܕܝ̈ܠܐ ܟܕ ܢܗܪ̈ܢ. ܘܬܠ̈ܝܢ ܗܘ̈ܝ ܒܐܣ̈ܛܘܐ ܘܒܐܢܛܝܦܘܪܘܣܼ ܘܒܫܘܩ ܥܠܬܐ ܘܒܕܘ̈ܟܝܬܐ ܣܓܝ̈ܐܬܐ. ܡܛܠ ܕܝܢ ܪܘܫܥܐ ܗܢܐ ܐܬܿܐ ܕܬܕܡܘܪܬܐ ܡܢ ܐܠܗܐ ܐܣܬܥܪܬ ܐܝܟ ܕܠܟܘܘܢܗܘܢ. ܢܝܫܐ ܓܝܪ ܕܨܠܝܒܐ ܗܘܿ ܕܠܒܝܟ ܒܐܝܕܗ ܐܢܕܪܝܢܛܐ ܕܛܘܒܢܐ ܩܘܣܛܢܛܝܢܘܣ ܡܠܟܐ ܐܪܚܩ ܡܢ ܐܝܕܗ ܕܝܠܗ ܕܐܢܛܪܝܢܛܐ ܐܝܟ ܐܡܬܐ ܚܕܐܼ. ܘܩܿܘܝ ܗܟܢܐ ܝܘܡܐ ܕܥܪܘܒܬܐ ܘܕܫܒܬܐ ܥܕܡܐ ܠܪܡܫܐ. ܒܝܘܡܐ ܕܝܢ ܕܚܕܒܫܒܐܼ ܐܬܼܐ ܗܘܼ ܢܝܫܐ ܡܢ ܨܒܘܬ ܢܦܫܗ ܘܐܬܩܪܒ ܠܕܘܟܬܗ.

Page 255

ܘܐܚܕܗ ܗܘ ܐܢܕܪܝܢܛܐ ܒܐܝܕܗ. ܐܝܟ ܡܕܡ ܕܠܒܝܟ ܗܘܐ ܠܗ ܡܢ ܩܕܝܡ. ܘܒܝܕ ܐܬܿܐ ܗܕܐ ܐܣܬܟܠܘ ܦܪ̈ܘܫܐ ܕܣܘܥܪܢܐ ܗܘܿ ܕܐܫܬܡܫ. ܪܚܝܩ ܗܘܐ ܡܢ ܨܒܝܢܗ ܕܐܠܗܐ.

ܫܢܬ ܬܡܢ̈ܡܐܐ ܘܬܡܢܐ. ܠܐ ܕܝܢ ܣܦܼܩܬܿ ܠܢ ܐܬܿܐ ܗܕܐ ܕܡܢ ܠܥܠܼ ܕܒܗܿ ܢܬܟܠܐ ܡܢ ܪܘܫܥܐܼ. ܐܠܐ ܝܬܝܪܐܝܬ ܣܿܥܝܢ ܗܘܝܢ ܘܡܬܩܪܒܝܢ ܠܘܬ ܚܛ̈ܗܐ ܕܠܝܠܐܝܬ. ܘܕܩ̈ܕܩܐ ܩܪ̈ܨܐ ܕܚܒܪ̈ܝܗܘܢ ܐܟܿܠܝܢ ܗܘܘ. ܘܪܘܪ̈ܒܐ ܡܣܒ ܒ̈ܐܦܐ ܡܠܼܝܢ ܗܘܘ. ܘܚܣܡܐ ܘܢܟܝܠܐܼ ܒܟܠܢ ܐܫܬܠܛ. ܘܓܘܪܐ ܘܙܢܝܘܬܐ ܣܓܼܝܬܿ. ܐܬܥܫܢ ܕܝܢ ܟܐܒܐ ܗܘܿ ܕܢܦ̈ܩܐ ܒܒܢ̈ܝܢܫܐ ܘܥܝ̈ܢܐ ܕܣܓܝ̈ܐܐ ܐܣܬܪܚ ܒܗܿ ܒܡܕܝܢܬܐ ܘܒܩܘܪ̈ܝܐ. ܗܘܐ ܕܝܢ ܛܢܢܐ ܫܦܝܪܐ ܠܡܪܝ ܩܘܪܐ ܐܦܝܣܩܦܐܼ. ܘܚܿܦܼܛ ܠܒܢܿܝ ܡܕܝܢܬܐ ܕܢܥܒܕܘܢ ܠܩܛܩܝܢ ܕܣܐܡܐܼ ܠܐܝܩܪܐ ܕܡ̈ܐܢܫ ܪ̈ܐܙܐ. ܕܗܘܼܘ ܡܬܣܝܡܝܢ ܒܗܿ ܡܐ ܕܐܿܙܠܝܢ ܠܡܫܡܫܘ ܒܗܘܢ܇ ܒܕܘܟܪܢܐ ܕܚܕ ܡܢ ܣ̈ܗܕܐܼ. ܘܟܠܢܫ ܝܗܼܒ ܡܕܡ ܕܣܿܦܩ ܗܘܐ ܒܐܝ̈ܕܘܗܝ. ܐܘܛܘܟܝܢܐ ܕܝܢ ܒܥܠܗܿ ܕܐܘܪܝܢܐ ܗܼܘ ܚܿܘܝ ܩܕܡܝܐ ܨܒܢܐ ܫܦܝܪܐ. ܘܝܗܼܒ ܡܢ ܕܝܠܗ ܕܝܢܪ̈ܐ ܡܐܐ.. ܐܫܬܪܝ ܕܝܢ ܐܢܣܛܘܣ ܗܓܡܘܢܐܼ. ܘܐܬܼܐ ܠܕܘܟܬܗ ܐܠܟܣܢܕܪܘܣܼ ܒܫܘܠܡܗܼ ܕܗܕܐ ܫܢܬܐ. ܘܚܪܪ ܫܘ̈ܩܐ ܕܡܕܝܢܬܐ ܡܢ ܙܒܠܐܼ. ܘܥܩܼܪ ܡܨܛܗܦܬܐ ܕܒܢ̈ܝܢ ܗܘ̈ܝ ܠܐܘ̈ܡܢܐ ܒܐܣ̈ܛܘܐ ܕܘܒܫܘ̈ܩܐ. ܘܣܡ ܩܒܘܬܐ ܩܕܡ ܦܪܘܛܪܝܢ ܕܝܠܗ ܘܢܩܼܒ ܢܩܒܐ ܒܟܣܝܗܿ. ܘܟܬܼܒ ܠܥܠ ܡܢܗܿ ܕܟܠ ܡܢܿ ܕܒܥܿܐ ܕܢܘܕܥ ܡܕܡܼ. ܘܠܐ ܦܫܝܩܼ ܠܗ ܓܠܝܐܝܬܼ ܢܟܬܘܒ ܘܢܫܕܐ ܒܓܘܗܿ ܕܠܐ ܕܚܠܬܐ. ܘܡܢ ܗܕܐ ܥܠܬܐܼ. ܨܒܘ̈ܬܐ ܣܓܝ̈ܐܬܐ ܝܠܼܦ ܕܟܿܬܒܝܢ ܗܘܘ

Page 256

 ܣܓܝ̈ܐܐ ܘܫܿܕܝܢ ܒܗܿ. ܘܝܿܬܒ ܐܡܝܢܐܝܬ ܟܠܗܘܢ ܝܘܡ̈ܬܐ ܕܥܪܘܒܬܐ ܒܒܝܬ ܣ̈ܗܕܐ ܕܡܪܝ ܝܘܚܢܢ ܡܥܡܕܢܐܼ ܘܕܡܪܝ ܐܕܝ ܫܠܝܚܐ. ܘܫܿܪܐ ܕܝ̈ܢܐܕܠܐ ܚܘܫܪܢܐ. ܘܐܬܚܝܠܘ (ܛܠܝ̈ܡܐ) ܥܠ ܛܠ̈ܘܡܝܗܘܢ܇ ܘܒܙܝ̈ܙܐ ܥܠ ܒܙܘ̈ܙܝܗܘܢ. ܘܩܪܒܘ ܠܗ ܕܝ̈ܢܝܗܘܢ. ܘܕܢܘܼ ܐܢܘܢ. ܕܝ̈ܢܐ ܕܝܢ ܕܐܥܬܩܘ ܝܬܝܪ ܡܢ ܚܡ̈ܫܝܢ ܫܢ̈ܝܢ܆ ܘܠܐ ܐܬܒܒܥܘܼ. ܐܬܩܪܒܘ ܩܕܡܘܗܝ ܘܐܫܬܪܝܘ. ܒܢܼܐ ܕܝܢ ܦܿܪܦܛܢ ܗܿܘ ܕܠܘܬ ܬܪܥ ܕܟ̈ܦܐ܆ ܘܫܿܪܝ ܗܘܐ ܬܘܒ ܠܡܒܢܐ ܕܝܡܣܝܢ. ܕܪܫܝܡܐ ܗܘܬ ܗܘܬ ܩܕܡ ܙܒܢܐ ܕܫܢܝ̈ܐ܇ ܠܡܬܒܢܝܘ ܠܘܬ ܣܝܛܩܐ ܕܥܒܘܪܐ. ܘܦܩܕ ܕܗܘܘ ܬܿܠܝܢ ܐܘܡ̈ܢܐ ܥܠ ܚܢܘ̈ܬܗܘܢ ܒܡ̈ܓܗܝ ܚܕܒܫܒܐ: ܨܠ̈ܝܒܐ ܟܕ ܢܿܚܪ̈ܝܢ ܒܗܘܢ ܚܡܫܐ ܦܢ̈ܣܐ..

ܫܢܬ ܬܡܢ̈ܡܐܐ ܘܬܫܥ܀܀܀ ܘܟܕ ܗܠܝܢ ܡܣܬܥܪ̈ܢ ܗܘ̈ܝܼ. ܡܼܛܐ ܬܘܒ ܙܒܢܐ ܕܥܐܕܐ ܗܘܿ ܕܬܫܥ̈ܝܬܐ ܕܚܢܦܘܬܐ ܡܙܕܡܪ̈ܢ ܒܗ. ܘܐܘܣܦ ܒܢ̈ܝ ܡܕܝܢܬܐ ܥܠ ܒܛܝܠܘܬܐܕܐܝܬ ܗܘܬ ܠܗܘܢ ܥܠܘܗܝ. ܘܩܕܡ ܝܘ̈ܡܬܐ ܫܒ̈ܥܐܼ ܣܠܩܿܝܢ ܗܘܘ ܟܢܝܫܐܝܬ ܡܢ ܬܐܛܪܘܢ ܒܥܕܢܐ ܕܪܡܫܐܼ ܟܕ ܠܒܝܫܝܢ ܟܬܢ̈ܝܬܐ. ܘܡܟܿܣܝܢ ܦܩ̈ܝܠܐ ܘܫܪ̈ܝܢ ܚܣܝ̈ܗܘܢ ܘܢܗܪ̈ܢ ܩܕܡܝܗܘܢ ܩܢܕܝ̈ܠܐ ܘܡܥܛܪܝܢ ܡܘܩܠܐ ܘܫܗܪܝܢ ܟܠܗ ܠܠܝܐܼ ܘܡܬܟܪܟܝܢ ܒܡܕܝܢܬܐ. ܘܡܩܧܠܣܝܢ ܠܐܪܟܝܣܛܐ ܥܕܡܐ ܠܨܦܪܐܼ. ܒܙܡܿܪܐ ܘܒܩܥܬܐ ܘܒܐܣܛܪܢܝܐ. ܘܒܗܠܝܢ ܥܠ̈ܬܐܼ. ܐܕܫ ܗܘܘ ܠܗܘܢ ܐܦ ܡܢ ܕܠܡܐܙܠ ܠܨܠܘܬܐܼ. ܘܠܐ ܐܢܫ ܡܿܝܬܐ ܗܘܐ ܥܠ ܒܠܗ ܘܿܠܝܬܐ. ܐܠܐ ܒܚܬܝܘܬܐ ܡܗܿܠܝܢ ܗܘܘ ܒܢܟܦܘܬܐ ܕܐܒܗ̈ܝܗܘܢܼ. ܕܠܐ ܠܡ ܝܿܕܥܝܢ ܗܘܘ ܠܡܥܒܕ ܗܠܝܢ ܐܟܘܬܢ. ܘܐܡܪܝܢ ܗܘܘܼ . ܕܒܘܪ̈ܐ ܐܦ ܗܕܝ̈ܘܛܐ ܐܝܬܝܗܘܢ ܗܘܘ

Page 257

ܥܡܘܪ̈ܝܗܿ ܕܡܕܝܢܬܐܿ. ܕܒܙܒ̈ܢܐ ܩܕܡ̈ܝܐ. ܘܗܟܢܐ ܣܿܥܝܢ ܗܘܘ ܒܘܪܫܥܐ. ܘܠܝܬ ܗܘܐ ܐܢܫ ܕܡܟܿܘܝܢ ܘܠܐ ܕܡܿܟܣ ܘܠܐ ܕܡܿܪܬܐ. ܘܟܕ ܛܒ ܒܐܘܪܗܝ ܐܣܬܩܒܠ ܗܘܐ ܐܟܣܢܝܐ ܐܦܝܣܩܦܐ ܕܡܒܘܓܿ. ܗܘܿ ܕܝܬܝܪ ܡܢ ܐܚܪ̈ܢܐ ܡܣܬܒܪ ܕܡܩܒܠܐ ܥܠܘܗܝ ܢܐܠܐܐ ܒܡܠܦܢܘܬܐ܆ ܠܐ ܡܿܠܠ ܥܡܗܘܢ ܥܠ ܗܢܐ ܫܪܒܐ ܝܬܝܪ ܡܢ ܚܕ ܝܘܡ. ܐܠܐ ܐܠܗܐ ܒܡܪܚܡܢܘܬܗܼ. ܚܿܘܝ ܠܗܘܢ ܓܠܝܐܝܬܿ. ܒܛܝܠܘܬܐ ܕܐܝܬ ܠܗ ܥܠܝܗܘܢ: ܕܢܬܠܟܘܢ ܡܢ ܥܘܠܗܘܢ. ܒܣ̈ܠܝܩܘܣ ܓܝܪ ܬܪ̈ܬܝܢ ܘܒܝܬ ܦܫܘܪܬܐ ܕܕܡܣܝܢ ܩܝܛܝܬܐ ܢܦܼܠ ܘܒܝܕ ܛܝܒܘܬܗ ܕܐܠܗܐ ܐܢܫ ܠܐ ܐܟܝ ܬܡܢ. ܟܕ ܛܒ ܐܢܫ̈ܐ ܣܓܝ̈ܐܐ ܐܝܬ ܗܘܘ ܒܗܿ. ܕܦܿܠܚܝܢ ܠܓܘ ܘܠܒܪ. ܘܠܐ ܡܝܼܬܘ ܡܢܗܘܢܼ. ܐܠܐ ܐܢ ܬܪ̈ܝܢ ܐܢܫ̈ܝܢ ܕܐܬܪܒܼܨܘ ܟܕ ܥܿܪܩܝܢ ܡܢ ܩܠܐ ܕܡܦܘܠܬܐ ܒܬܪܥܐ ܕܒܝܬ ܡܝ̈ܐ. ܘܟܕ ܡܬܬܠܝܢ ܒܗ ܡܢ ܬܪ̈ܝܢ ܓܒ̈ܘܗܝ ܠܟܐ ܘܠܟܐ ܠܡܟܪܟܘܬܗܼ. ܐܬܬܗܝܘ ܒܗܢܐ ܚܪܝܢܐܼ ܕܐܝܢܐ ܡܢܗܘܢ ܢܦܘܩ ܩܕܡܝܐ. ܘܢܦܼܠ ܥܠܝܗܘܢ ܟ̈ܐܦܐ ܘܡܝܼܬ. ܡܿܘܕܝܢ ܗܘܘ ܕܝܢ ܠܐܠܗܐ ܟܠܗܘܢ ܦܪ̈ܘܫܐܿ: ܕܚܣܟܗܿ ܠܡܕܝܢܬܐ ܡܢ ܐܒܠܐ ܕܣܓܝ̈ܐܐ. ܥܬܝܕܐ ܗܘܬ ܓܝܪ ܗܿܝ ܕܝܡܣܝܢ ܕܬܣܿܚܐ ܒܝܘ̈ܡܬܐ ܩܪ̈ܝܒܐ. ܗܟܢܐ ܕܝܢ ܢܦܼܠܬܿ ܥܕܡܐ ܕܟ̈ܐܦܝܗܿ ܬܚ̈ܬܝܬܐ ܕܥܠ ܦܘܡܗܿ ܕܐܪܥ ܒܢ̈ܝܢ ܗܘ̈ܝ܇ ܐܬܥܩܪܘ ܡܢ ܕܘܟ̈ܝܬܗܝܢ.܀. ܒܗܿ ܕܝܢ ܒܗܕܐ ܫܢܬܐ ܐܬܼܐ ܦܘܩܕܢܐ ܕܐܢܣܛܘܣ ܡܠܟܐܼ. ܕܢܫܬܒܩ ܕܗܒܐ ܕܝܿܗܒܝܢ ܗܘܘ ܐܘܡ̈ܢܐ ܚܕܐ ܠܐܪ̈ܒܥ ܫ̈ܢܝܢ܆ ܘܢܬܚܪܪܘܢ ܡܢ ܡܐܕܬܐ. ܠܐ ܗܘܐ ܠܐܘܪܗܝ ܒܠܚܘܕ ܐܬܼܐ ܗܘܐ ܗܢܐ ܦܘܩܕܢܐܼ. ܐܠܐ ܠܟܠܗܝܢ ܡܕܝ̈ܢܬܐ ܕܐܘܚܕܢܐ

Page 258

ܕܪ̈ܗܘܡܝܐ. ܝܿܗܒܝܢ ܗܘܘ ܕܝܢ ܐܘܪ̈ܗܝܐ ܚܕܐ ܠܐܪ̈ܒܥ ܫܢ̈ܝܢ܆ ܠܝܛܪ̈ܐ ܕܕܗܒܐ ܡ̈ܐܐ ܘܐܪ̈ܒܥܝܢ. ܘܚܼܕܝܬܿ ܟܠܗܿ ܡܕܝܢܬܐ. ܘܠܒܫܘ ܚܘܪ̈ܐ ܟܠܗܘܢܼ. ܡܢ ܪܒܐ ܘܥܕܡܐ ܠܙܥܘܪܐ. ܘܛܥܢܘ ܩܪ̈ܝܘܢܐ ܟܕ ܢܗܪ̈ܝܢܼ ܘܦܝܪ̈ܡܐ ܟܕ ܡܿܥܛܪ̈ܝܢ. ܘܢܦܩܘ ܒܡܙܡܘܪ̈ܐ ܘܒܬܫ̈ܒܚܬܐܼ. ܟܕ ܡܘܕܝܢ ܠܐܠܗܐܼ ܘܡܩܿܠܣܝܢ ܠܡܠܟܐܼ. ܠܒܝܬ ܣܗ̈ܕܐ ܕܡܪܝ ܣܪܓܝܣܼ ܘܕܡܪ ܫܡܥܘܢ. ܘܩܪܒܘ ܬܡܘܢ ܩܘܪܒܢܐ. ܘܥܠܘ ܠܡܕܝܢܬܐ ܘܥܒܕ ܥܐܕܐ ܕܚܕܘܬܐ ܘܕܒܣ̈ܡܐ ܟܠܗܿ ܫܒܬܐ. ܘܐܩܝܡܘ ܕܢܗܘܘܢ ܥܿܒܕܝܢ ܠܗ ܠܥܐܕܐ ܗܢܐ ܟܠ ܫܢܐ ܒܫܢܐ.. ܘܓܢܼܝܢ ܗܘܘ ܘܒܿܣܡܝܢ ܟܠܗܘܢ ܐܘܡ̈ܢܐܼ. ܘܣܿـ[ܚܝܢ ܘ]ܣܿܡܟܝܢ ܒܕܪܬܐ ܕܥܕܬܐܼ. ܘܒܟܠܗܘܢ ܐܣ̈ܛܘܐ ܕܡܕܝܢܬܐ. ܒܗܿ ܕܝܢ ܒܗܕܐ ܫܢܬܐ ܒܐܪܚ ܚܙܝܪܢܼ. ܒܝܘܡ ܚܡܫܐܼ. ܢܦܼܩ ܡܢ ܥܠܡܐ ܗܢܐܼ ܡܪܝ ܩܘܪܐ ܐܦܝܣܩܦܐ. ܘܗܘܼܐ ܚܠܦܘܗܝ ܦܓܪܐ. ܘܐܘܣܦ ܥܠ ܥܐ̈ܕܝܗܿ ܕܫܢܬܐ ܥܐܕܐ ܕܐܘܫ̈ܥܢܐ. ܘܫܡ ܥܝܿܕܐ ܕܢܬܩܕܫܘܢ ܡܝ̈ܐ ܒܠܠܝܐ ܡܓܗ̈ܝ ܥܐܕܐ ܕܒܝܬ ܕܢܚܐ. ܘܥܠ ܡܫܝܚܐ ܕܡܫܝܚܘܬܐ ܒܚ̈ܡܫܐ ܒܫܒܐ . . . .ܠܥܝܢ ܟܠܗ ܥܡܐܼ. ܥܡ ܫܪܟܐ ܕܥܐ̈ܕܐ ܐܚܪ̈ܢܐ . . ܐܫܬܪܝ ܐܠܟܣܢܕܪܐ ܗܓܡܘܢܐܼ. ܘܗܘܐ ܚܠܦܘܗܝ ܕܝܡܣܬܢ. ܘܒܦܘܩܕܢܗܼ ܐܬܚܘܪܘ ܟܠܗܘܢ ܐܬܛ̈ܘܐ ܕܡܕܝܢܬܢ. ܐܝܠܝܢ ܕܝܢ ܕܡܢܿܣܝܢ ܗ̈ܘܝ ܠܗܘܢ ܨܒܘ̈ܬܐ ܐܬܬܥܝܩܘ ܗܘܘ ܣܘܓܐܐ ܒܗܕܐ. ܐܡܿܪܝܢ ܗܘܘ ܓܝܪ ܕܐܬܿܐ ܗܝܿ . . . . . .ܢܐ ܥܠ ܩܪ̈ܒܝܬܐ ܕܒܡܬܐ ܕܗܘܿܝܢ.

Page 259

ܫܢܬ ܬܡܢ̈ܡܐܐ ܘܥܣܪ. ܬܚܘܝܬܐ ܕܝܢ ܕܟܐܢܘܬܐ ܕܐܠܗܐ ܐܬܓܼܠܝܬܿ ܥܠܝܢ ܒܙܒܢܐ ܗܢܐ ܠܡܒܛܠܘ ܕܘܒܪ̈ܝܢ ܒܝ̈ܫܐ. ܘܒܐܪܚ ܐܝܪ ܕܫܢܬܐ ܗܕܐ: ܕܡܛܠ ܝܘܡܐ ܕܢܬܥܒܕ ܒܗ ܥܐܕܐ ܗܘܿ ܒܝܫܐ ܕܚܢܦܘܬܐܼ. ܢܦܼܩ ܩܡܨܐ ܝܓܐܐ ܠܐܬܪܢ ܡܢ ܬܝܡܢܐ. ܘܡܕܡ ܒܗܿ ܒܫܢܬܐ ܠܘܬܢܼ ܠܐ ܣܼܪܚ ܘܠܐ ܐܟܝܼ. ܐܠܐ ܒܠܚܢܕ ܕܢܼܨܒ ܒܗ ܒܐܬܪܢܼ ܕܠܐ ܒܙܥܘܪ. ܘܟܕ ܢܨܒܬܐ ܕܙܪܥܗ ܒܐܪܥܐ ܢܨܒܝܐ ܗܘܬܼ. ܙܘ̈ܥܐ ܕܚܝ̈ܠܐ ܥܠ ܐܪܥܐ ܗܘܝܢ ܗܘܘ. ܘܗܕܐ ܓܠܝܐ ܗܝܼ. ܕܡܛܠ ܕܢܥܝܪܘܢܗܿ ܠܐܢܫܘܬܐ ܡܢ ܛܘܒܥܐ ܕܚܛܝܬܐ ܗܘܿܝܢ ܗܘܘ܆ ܕܠܐ ܬܿܬܪܕܐ ܒܟܦܢܐ ܘܒܡܘܬܢܐ.܀ ܒܐܪܚ ܐܒ ܕܝܢ ܕܝܠܗܿ ܕܫܢܬܐ ܗܕܐܼ. ܐܬܼܐ ܦܘܩܕܢܐ ܡܢ ܡܠܟܐ ܐܢܣܛܘܣ܆ (ܕܢܬܒܛܠ) ܩܘܢܓܝܢ ܒܡܕܝ̈ܢܬܐ ܕܒܝܬ ܪ̈ܗܘܡܝܐ܀ ܒܐܪܚ ܐܠܘܠ ܗܘܐ ܙܘܥܐ ܥܫܝܢܐܼ ܘܩܠܐ ܪܒܐ ܡܢ ܫܡܝܐ ܥܠ ܐܪܥܐ ܐܫܬܼܡܥ. ܐܝܟܢܐ ܕܐܪܥܐ ܡܢ ܫܪ̈ܫܝܗܿ ܐܬܬܙܝܥܬܿ ܒܗ ܒܩܠܐ ܗܘܿ: ܘܟܠܗܝܢ ܩܘܪ̈ܝܐ ܘܡܕܝ̈ܢܬܐ ܐܪܓܫܘ ܒܗ ܒܩܠܐ ܗܘܿ ܘܒܙܘܥܐ. ܘܫܡ̈ܥܐ ܬܟܝ̈ܒܐ ܘܛܒ̈ܐ ܕܠܐ ܫܦܿܪܝܢܼ ܡܢ ܟܠ ܦܢ̈ܝܢ ܐܬܘ ܠܢ. ܘܐܝܟ ܡܐ ܕܐܡܿܪܝܢ ܚܕ̈ܚܕܢܐ. ܐܬܿܐ ܬܡܝܗܬܐ ܐܬܚܼܙܝܬܿ ܒܢܗܪܐ ܦܪܬ ܘܒܚܡܝܡܬܐ ܕܐܒܪܢܐ. ܕܓܼܙ ܪܕܝܐ ܕܢܒܥܝ̈ܗܘܢ ܒܗ ܒܝܘܡܐ ܗܢܐܼ. ܘܠܐ ܡܣܬܒܪܐ ܠܝ ܗܕܐ ܕܕܓܠܐ. ܡܛܠ ܕܟܡܐ ܙܒ̈ܢܝܢ ܡܨܛܪܝܐ ܗܝ ܐܪܥܐ ܒܙܘ̈ܥܐܼ. ܘܓܕܫ ܕܐܦ ܡܝ̈ܐ ܕܪܕܝܢ ܒܗܝܢ ܒܕܘ̈ܟܝܬܐ ܕܦܩ̈ܥܢ ܢܬܟܠܘܢ ܡܢ ܡܪܕܝܬܗܘܢ. ܘܐܝܬ ܐܡܬܝ ܕܐܦ ܠܓܒܐ ܐܚܪܢܐ ܡܨܛܠܝܢ. ܐܝܟܢܐ ܕܐܦ ܛܘܒܢܐ ܕܐܘܕ ܟܕ ܡܫܬܥ ܒܬܫܒܘܚܬܐ ܕܬܡܢܥܣܪ̈ܐ: ܥܠ ܡܣܡ ܒܪ̈ܝܫܐ.

Page 260

ܕܐܬܼܘ ܡܢ ܐܠܗܐ ܥܠ ܒܥܠ̈ܕܒܒܝܘܗܝܿ. ܒܝܕ ܙܘܥܐ ܕܐܪܥܐ ܘܬܘܠܚܐ ܕܛܘܪ̈ܐܿ. ܘܐܚܪ̈ܢܝܬܐ ܕܐܝܟ ܗܠܝܢ ܡܘܕܥܿ. ܕܐܦ ܗܕܐ ܐܣܬܼܥܪܬܿ. ܐܡܼܪ ܓܝܪ ܕܐܬܓܠܼܝܘ ܡܒܘ̈ܥܐ ܕܡܝ̈ܐ. ܘܐܬܚܼܙܝ ܫ̈ܬܐܣܝܗܿ ܕܬܝܒܝܠ. ܡܢ ܟܐܬܟ ܡܪܝܐ.. ܐܬܼܬ ܕܝܢ ܐܦ ܐܝܓܪܬܐ ܒܗ ܒܝܪܚܐ ܗܢܐܼ. ܘܐܬܩܪܝܬܿ ܩܕܡ ܟܠܗ ܟܢܫܐ ܕܥܕܬܐ: ܕܢܦܼܠܬܿ ܢܝܩܘܦܠܘܝܣ ܡܕܢܝܬܐ ܡܢ ܫܠܝܐ. ܥܕܢ ܦܠܓܗ ܕܠܠܝܐܼ. ܘܚܼܡܠܬܿ ܒܓܘܗܿ ܟܠܗܘܢ ܥܡܘܪ̈ܝܗܿ. ܐܦ ܐܟܣ̈ܢܝܐ ܕܐܝܬ ܗܘܐ ܬܡܢ. ܘܐܚ̈ܐ ܡܢ ܐܣܟܘ̈ܠܐ ܕܝܠܢ ܕܚܿܙܩܝܢ ܗܘܘ ܠܬܡܢ: ܐܝܠܝܢ ܕܐܫܬܟܚ ܒܓܘܗܿ ܬܡܢ ܐܬܛܡܪܘ. ܘܚܒܪ̈ܝܗܼܘܢ ܕܐܬܼܘ ܐܫܬܥܝܘ ܠܢ. ܟܠܗ ܓܝܪ ܫܘܪܐ ܕܡܕܝܢܬܐ ܟܕ ܟܪܟ: ܘܟܠܡܕܡ ܕܐܝܬ ܠܓܘ ܡܢܗܼ ܐܬܗܦܼܟ ܒܠܠܝܐ ܗܿܘܼ. ܘܠܐ ܦܼܫ ܐܢܫ ܡܢܗܘܢ ܒܚܝ̈ܐ: ܐܠܐܐܢ ܐܦܝܣܩܦܐ ܕܝܠܗܿ ܕܡܕܝܢܬܐ. ܘܬܪ̈ܝܢ ܐܢܫ̈ܝܢ ܐܚܪ̈ܢܝܢ ܕܕܡܿܟܝܢ ܗܘܘ ܒܣܬܪ ܩܢܟܐ ܕܡܕܒܚܐ ܕܥܕܬܐ. ܘܟܕ ܢܦܼܠ ܬܛܠܝܠܐ ܕܒܝܬܐ ܗܘܿ. ܕܕܡܿܟܝܢ ܗܘܘ ܒܗ: ܐܣܬܡܟ ܚܕ ܓܒܐ ܕܩܝ̈ܣܘܗܝ ܥܠ ܐܣܬܐ ܕܝܠܗ ܕܡܕܒܚܐܼ ܘܠܐ ܛܡܼܪ ܐܢܘܢ. ܘܗܟܢܐ ܐܫܬܥܝ ܠܝ ܐܚܐ ܚܕ ܪܚܡ ܫܪܪܐ܆ ܕܒܥܕܢܐ ܕܪܡܫܐ ܕܗܘܿ ܠܠܝܐ ܕܒܗ ܢܦܼܠܬܿ. ܒܓܘܗܿ ܡܿܓܣܝܢ ܗܘܝܢ ܐܢܐ ܘܚܕ ܚܒܪܝ. ܘܐܬܩܿܛܦܬ ܠܗ ܘܐܡܪ ܠܝ. ܩܘܡܼ ܢܿܦܩܝܢܢ ܒܿܝܬܝܢܢ ܠܒܪ ܡܢ ܡܕܝܢܬܐ܇ ܒܚܦܪܐ ܗܘܿ ܕܐܝܬ ܠܢ ܥܝܿܕܐ. ܡܛܠ ܕܠܐ ܡܫܟܚ ܐܢܐ ܠܡܒܬ ܗܪܟܐ. ܕܐܐܪ ܟܐܝܪ ܥܠܝܼ ܘܠܐ ܐܬܿܝܐ ܠܝ ܫܼܢܬܐ. ܘܿܩܡܼܢ ܐܢܐ ܘܗܘܼ. ܘܢܦܼܩܢܢ ܠܒܪ ܡܢ ܡܕܝܢܬܐ. ܘܒܼܬܢܢ ܒܚܦܪܐ ܗܘܿ ܐܝܟ ܥܝܿܕܢ. ܘܟܕ ܩܪܒ ܥܕܢܐ ܕܢܘܓܗܼ. ܐܥܿܝܪܬܗ ܠܐܚܐ ܗܿܘ ܕܐܝܬ ܗܘܐ ܥܡܝܼ ܘܐܡܿܪܬ ܠܗ. ܩܘܡ ܠܟܼ ܡܛܠ ܕܢܓܼܗܬܿ ܠܗܿ. ܘܢܥܘܠ ܠܡܕܝܢܬܐ ܘܢܥܘܪ ܣܘܥܪܢܢ. ܘܩܡܼܢܐܢܐ ܘܗܘܿ. ܘܐܬܼܝܢ ܠܡܕܝܢܬܐ ܘܐܫܟܚܢܗܿ ܟܕ

Page 261

ܗܦܝܟܝܢ ܟܠܗܘܢ ܒܢܝ̈ܢܝܗܿ. ܘܛܡܪܝܢ ܬܡܢ ܐܢܫ̈ܐ ܘܒܥܝܪܐܼ. ܘܬܘܪ̈ܐ ܘܓܡ̈ܠܐ. ܘܐܙܿܠ ܗܘܐ ܩܠܐ ܕܢܗܓܗܘܢ ܡܢ ܓܘ ܐܪܥܐ. ܘܐܝܠܝܢ ܕܐܬܟܢܫܘ ܠܬܡܢ܆ ܐܦܩܘܗܝ ܠܐܦܝܣܩܘܦܐ ܡܢ ܬܚܝܬ ܩܝ̈ܣܐ ܗܠܝܢ ܕ[ܥܕܬ]ܐ ܕܡܣܬܪ ܗܘܐ ܒܗܘܢ. ܘܒܥܿܐ ܗܐܘ ܠܗ ܠܚܡܐ ܘܚܡܪܐ ܒܕܗܘܢ ܢܫܡܠܝܘܗܝ ܠܐܪܙܐ. ܡܛܠ ܕܟܠܗܿ ܡܕܝܢܬܐ ܗܦܝܟܐ ܗܘܬ. ܘܠܝܬ ܗܘܐ ܒܗܿ ܡܕܡ ܕܩܐܿܡ. ܘܟܐܝܢ ܐܣܬܩܒܠ ܥܒܿܪ ܐܘܪܚܐ ܐܢܫ ܛܘܒܢܐ: ܘܝܗܼܒ ܠܗ ܦ̈ܬܐ ܙܥܘܪ̈ܝܬܐ ܘܩܠܝܠ܆ ܘܩܿܪܒ ܩܘܪܒܢܐ ܘܨܿܠܝ. ܘܫܘܬܦ ܐܢܘܢ ܠܐܝܠܝܢ ܕܐܝܬ ܗܘܐ ܬܡܢ ܠܐܪܙܐ ܕܚܝ̈ܐ. ܘܕܡܿܐ ܗܘܐ ܒܥܕܢܐ ܗܘܿ ܐܝܟ ܕܣܿܒܪ ܐܢܐܼ ܠܠܘܛ ܙܕܝܩܐ ܟܕ ܡܢ ܣܕܘܡ ܐܬܦܿܠܛ. ܘܗܠܝܢ ܥܕܡܐ ܠܗܪܟܐ ܣ̈ܦܩܢ.܀ ܬܘܒ ܕܝܢ ܒܗܿ ܒܓܪܒܝܐ ܐܝܬ ܗܘܐ ܒܝܬ ܣܗ̈ܕܐ ܚܕ ܕܡܬܩܪܐ ܕܐܪܫܡܫܛ. ܐܝܢܐ ܕܡܫܪܪܐܝܬ ܒܢܼܐ ܗܘܐ ܘܦܐܝܐܝܬ ܡܨܒܬ ܗܘܐ. ܘܒܝܘܡܐ ܝܕܝܥܐ ܗܘܿ ܕܒܗ ܗܘܿܐ ܗܘܐ ܕܘܟܪܢܗ ܕܩܕܝܫܐ: ܕܣܡܝܢ ܒܗ ܟܠ ܫܢܐ ܒܫܢܐ܇ ܐܬܟܢܫܘ ܣܓܝ̈ܐܐ ܠܬܡܢ ܡܢ ܟܠ ܦܢ̈ܝܢ. ܐܝܬ ܕܠܨܠܘܬܐܼ ܘܐܝܬ ܕܠܬܓܘܪܬܐ. ܦܘܪܢܣܐ ܓܝܪ ܣܓܝܐܐ ܗܘܿܐ ܗܘܐ ܠܐܢܫܘܬܐ ܒܟܢܫܐ ܗܘܿ ܕܡܬܟܿܢܫ ܗܘܐ ܒܗ. ܘܟܕ ܥܡܐ ܣܓܝܐܐ ܐܝܬ ܗܘܐ ܒܗܼ ܕܓܒܪ̈ܐ ܘܕܢܫ̈ܐ ܘܕܛܠ̈ܝܐ: ܘܟܠ ܩܘ̈ܡܢ ܘܟܠ ܡܘ̈ܫܚܢ܆ ܗܘܼܘ ܒܪ̈ܩܐ ܕܚܝ̈ܠܐ ܘܦܩ̈ܥܐ ܥܫܝ̈ܢܐ. ܘܩ̈ܠܐ ܕܙܘܥܬܐ. ܘܥܼܪܩܬܿ ܟܠܗܿ ܐܢܫܘܬܐ ܠܒܝܬܼ ܣܗ̈ܕܐ ܗܘܿ: ܠܡܚܕ

Page 262

ܓܘܣܐ ܒܓܪ̈ܡܝܗܘܢ ܕܛܘ̈ܒܢܐ. ܘܟܕ ܒܕܚܠܬܐ ܪܒܬܐ ܐܝܬܝܗܘܢ ܗܘܘ܆ ܘܒܨܠܘܬܐ ܘܒܬܫܡܫܬܐ ܩܿܝܡܝܢ ܗܘܘ ܒܦܠܓܗ ܕܠܠܝܐܼ. ܢܦܼܠ ܒܝܬ ܣ̈ܗܕܐ ܗܿܘܼ ܘܣܘܓܗܘܢ ܕܒܢܝ̈ܢܫܐ ܕܐܝܬ ܗܘܐ ܒܗܼ ܟܒܫ ܬܚܘܬܘܗܝ. ܗܼܝ ܝܕܢ ܗܕܐ ܐܣܬܥܼܪܬ ܒܝܘܡܐ ܗܘܿ ܕܢܝܩܦܘܠܝܣ ܢܦܼܠܬܿ ܗܘܼܬ.

ܫܢܬ ܬܡܢ̈ܡܐܐ ܘܚܕܥܣܪ̈ܐ. ܒܗܠܝܢ ܗܟܝܠ ܟܘܠܗܘܢ ܙܘ̈ܥܐ ܘܓܘ̈ܢܚܐ ܐܢܫ ܡܢܢ ܡܢ ܒܝܫ̈ܬܗܼ ܠܐ ܐܬܟܼܠܝ. ܘܕܠܐ ܡܦܩ ܒܪܘܚܐ ܦܫ ܐܬܪܢ ܘܡܕܝܢܬܢ: ܒܗܝܿ ܕܐܚܪ̈ܝܐ ܠܡܪܕܘܬܐ ܐܬܢܛܪܢ. ܘܕܠܐ ܕܚܠܘܢ ܫܡ̈ܥܐ ܕܪܘܚܩܐ܆ ܒܠܼܥܢ ܡܚܘܬܐ ܕܠܝܬ ܠܗܿ ܐܣܝܘܬܐ. ܢܙܕܩ ܗܟܝܠ ܠܟܢܘܬܗ ܕܐܠܗܐ ܘܢܐܡܪ܇ ܕܙܕܝܩ ܗܘܼ ܡܪܝܐ. ܘܛܒ ܬܪ̈ܝܨܝܢ ܕܝ̈ܢܘܗܝ. ܕܗܐ ܒܡܓܪܬ ܪܘܚܗ ܥܕܟܝܠܼ. ܒܝܕ ܐܬܘ̈ܬܐ ܘܬܕܡܪ̈ܬܐ ܨܒܿܐ ܠܡܬܟܣܢ ܡܢ ܒܝ̈ܫܬܢ. ܒܐܪܚ ܬܫܪܝܢ ܩܕܝܡ ܕܫܢܬܐ ܗܕܐ: ܒܥܝܪ̈ܝܢ ܘܬܠܬܐ ܒܗܼ ܝܘܡ ܫܒܬܐܼ. ܥܡ ܡܣ̈ܩܝ ܫܡܫܐܼ ܢܘܗܪܗ ܡܢܗ ܐܬܚܛܦ ܘܓܝܓܠܐ ܕܢܘܗܪܗ ܠܣܐܡܐ ܕܡܿܝܐ ܗܘܬܿ. ܘܙܠܝ̈ܩܐ ܕܡܬܚܙܝܢ ܠܝܬ ܗܘܐ ܠܗ. ܘܥܝ̈ܢܝܢ ܡܬܒ̈ܩܝܢ ܗܘ̈ܝ ܒܗ ܕܠܝܠܐܝܬ ܕܠܐ ܥܘܘܟܐ. ܠܐ ܓܝܪ ܐܝܬ ܗܘܐ ܠܗ ܨܡ̈ܚܐ ܐܘ ܙܠܓ̈ܐ ܐܘ ܙܠܝ̈ܩܐ ܕܬܟܿܣܝܢ ܠܗ̈ܝܢ ܡܢ ܕܢܚܘܪ̈ܢ ܒܗ. ܐܠܐ ܐܝܟ ܕܦܫܝܩ ܠܢ ܠܡܚܪ ܒܣܗܪܐ: ܗܟܢܐ ܐܦ ܒܗ ܚܿܝܪܝܢ ܗܘܼܝܢ. ܘܩܘܝ ܗܟܢܐܥܕܡܐ ܠܐܦ̈ܝ ܬܡ̈ܢܐ ܫܥ̈ܝܢ. ܘܐܪܥܐ ܕܝܢ ܕܕܢܝܚ ܗܘܐ ܥܠܝܗܼܿ ܩܠܝܠ ܒܘܗܪܐ ܕܐܝܬ ܗܘܐܼ ܡܿܣܒܗܐ ܗܘܬܼ. ܐܝܟ ܗܘܿ ܕܩܛܡܐ ܐܘ ܟܒܪܝܬܐ ܒܕܝܪ ܗܘܐ ܥܠܝܗܿ. ܗܘܼܬ ܕܝܢ ܒܝܘܡܐ ܗܢܐ ܐܬܿܐ ܐܚܪܬܐ ܕܕܚܠܬܐ ܘܕܙܘܥܬܐ ܒܫܘܪܐ ܕܡܕܝܢܬܐ. ܘܗܕܐ ܡܛܠ ܗܝܡܢܘܬܗ ܕܡܠܟܗܿ܆

Page 263

ܘܟܐܢܘܬܐ ܕܥܡܘܪ̈ܝܗܿ ܕܒ̈ܙܒܢܐ ܩܕܡ̈ܝܐܼ. ܫܘܬ ܠܡܩܒܠܘ ܒܘܪܟܬܐ ܡܢ ܡܪܢ. ܩܪܝܒܐ ܗܘܬ ܠܡܚܡܠ ܥܡܘܪ̈ܝܗܿ ܕܒܙܒܢܐ ܗܢܐܿ. ܡܛܠ ܣܘܓܐܐ ܕܚ̈ܛܗܝܗܘܢ. ܬܘܪܥܬܐ ܓܝܪ ܗܘܼܬ ܒܫܘܪܐ ܡܢ ܬܝܡܢܐ ܠܬܪܥܐ ܪܒܐ܆ ܘܡܢ ܟ̈ܐܦܝܗܿ ܕܕܘܟܬܐ ܐܬܒܕܪܘ ܠܪܘܚܩܐ ܡܢܗܿ ܠܐ ܙܥܘܪ. ܒܦܘܩܕܢܐ [ܕܝܢ] ܕܐܒܘܢ ܡܪܝ ܦܛܪܐ ܐܦܝܣܩܘܦܐܼ ܒܥܘ̈ܬܐ ܗ̈ܘܼܝ ܘܟܠܢܫ ܪ̈ܚܡܐ ܡܢ ܐܠܗܐ ܒܿܥܐ ܗܘܐ. ܕܒܼܪ ܓܝܪ ܠܟܠܗ ܩܠܪܘܣ ܕܝܠܗܼ. ܘܠܟܠܗ ܩܝܿܡܐ ܕܓܒܪ̈ܐ ܘܕܢܫ̈ܐܼ. ܘܠܟܠܗܘܢ ܒܢ̈ܝܗܿ ܕܥܕܬܐ ܩܕܝܫܬܐ: ܥܬܝܪ̈ܐ ܥܡ ܡܣܟ̈ܢܐ. ܓܒܪ̈ܐ ܥܡ ܢܫ̈ܐ ܘܛ̈ܠܝܐ: ܘܟܕ ܛܿܥܢܝܢ ܨܠ̈ܝܒܐ ܒܟܠܗܘܢ ܫܘ̈ܩܝܗܿ ܕܡܝܕܢܬܐ ܡܬܟܪܟܝܢ ܗܘܘܼ. ܒܡܙܡܘܪ̈ܐ ܘܒܬܫ̈ܒܚܬܐ ܘܒܠܒܘ̈ܫܐ ܐܘܟ̈ܡܐ ܕܡܘܟܟܐ. ܐܦ ܕܝܪ̈ܬܐ ܟܠܗܝܢ ܕܒܐܬܪܢܼ. ܒܚܦܝܛܘܬܐ ܪܒܬܐ ܕܬܫܡܫܬܐ ܩܝ̈ܡܢ ܗܘ̈ܝ. ܘܒܨܠ̈ܘܬܐ ܕܟܠܗܘܢ ܩܕܝ̈ܫܐܼ. ܢܘܗܪܗ ܕܫܡܫܐ ܥܠ ܕܘܬܗ ܬܼܩܢ܆ ܘܠܘܒܒܐ ܩܠܝܠ ܗܘܼܐ ܠܢ.܀ ܒܬܫܪܝ ܕܝܢ ܐܚܪܝܢ ܚܼܙܝܢܢ ܐܬܘ̈ܬܐ ܬܠܬ ܒܫܡܝܐܼ ܥܕܢ ܦܠܓܗ ܕܝܘܡܐ. ܚܕܐ ܡܢܗܝܢܼ ܒܡܨܥܬܗܿ ܕܫܡܝܐ ܒܓܒܐ ܬܝܡܢܝܐ. ܕܕܡܿܝܐ ܒܓܘܢܗܿ ܠܩܫܬܐ ܕܗܘܿܝܐ ܒܥܢ̈ܢܐ. ܘܟܦܦܗܿ ܚܐܿܪ ܠܥܠ܆ ܗܢܘܿ ܕܝܢܼ [ܟܦܘܬܗܿ] ܠܬܚܬ ܘܪ̈ܝܫܝܗܿ ܠܥܠ. ܘܚܕܐ ܡܢ ܡܕܢܚܐܼ. ܘܐܚܪܝܬܐ ܬܘܒ ܡܢ ܡܥܪܒܐ. ܘܬܘܒ ܒܟܢܘܢ ܐܚܪܝܼ. ܚܼܙܝܢܢ ܐܬܿܐ ܐܚܪܬܐ ܡܢ ܡܥܪܒܐ ܘܬܡܝܢܐܼ. ܒܗܿ ܒܓܘܢܝܐܼ ܕܕܓܡܿܝܐ ܗܘܬ ܠܢܝܙܟܐ: ܘܡܢܗܘܢ ܕܒܢܝ̈ܢܫܐ ܐܡܿܪܝܢ ܗܘܘ ܥܠܝܗܿ ܕܡܟܢܫܬܐ ܗܼܝ ܕܐܒܕܢܐ. ܘܡܢܗܘܢ ܬܘܒ ܐܡܿܪܝܢ ܗܘܘ ܕܢܝܙܟܐ ܗܼܘ ܕܚܪܒܐ.. ܥܕܡܐ ܠܗܪܟܐ ܒܛܒ̈ܐܼ. ܘܒܐܬܘ̈ܬܐ ܡܬܪܕܝܢ ܗܘܝܢ. ܡܟܐ

Page 264

ܕܝܢ ܘܠܗܠ܆ ܡܢܘ ܣܿܦܩ ܠܡܐܡܪ ܥܠ ܐܘܠܨܢܐ ܕܚܕܪܗ ܠܐܬܪܢ ܡܢ ܟܠܗܝܢ ܦܢ̈ܝܬܐ. ܒܐܪܚ ܐܕܪ ܕܫܢܬܐ ܗܕܐܼ. ܢܦܼܩ ܥܠܝܢ ܩܡܨܐ ܡܢ ܐܪܥܐܼ. ܐܝܟܢܐ ܕܡܛܠ ܣܓܝܐܘܬܗ ܗܟܢܐ ܐܣܒܪܢܢ܆ ܕܠܘ ܒܠܚܘܕ ܢܨܒܬܐ ܕܐܝܬ ܗܘܐ ܒܗܿ ܒܐܪܥܐ ܢܦܩܼܬܿ ܥܠܝܢ܇ ܐܠܐ ܐܝܟ ܕܗܘܿ ܐܐܪ ܓܿܣܐ ܗܘܐ ܠܗ ܥܠܝܢ. ܘܐܝܟ ܗܘ ܬܘܒ ܕܡܢ ܫܡܝܐ ܥܠܝܢ ܢܿܚܬ ܗܘܐ. ܘܟܕ ܐܝܬܘܗܝ ܙܚܠܐܼ. ܐܟܼܠ ܘܓܿܡܪ ܥܪܒ ܟܠܗܿ. ܘܟܠܗ ܒܝܬ ܪ̈ܝܫܥܝܢܝܐ ܘܒܝܬ ܬܠܝ̈ܐܼ. ܘܒܝܬ ܐܘܪ̈ܗܝܐ. ܘܡܢ ܕܦܼܪܚ ܗܿܘܐ ܗܘܼܐ ܡܬܚܙܐ ܕܣܪ̈ܢܘܗܝ܇ ܡܢ ܬܚܘܡܐ ܕܐܬܘܪ ܘܥܕܡܐ ܠܝܡܐ ܕܡܪܥܒܐ. ܠܓܪܒܝܐ ܕܝܢ ܐܙܠܼ ܥܕܡܐ ܠܬܚܘܡܐ ܕܒܝܬ ܐܘܪ̈ܛܝܐ. ܘܐܡܼܠ ܘܚܪܒ ܐܢܘܢ ܠܐܬܪ̈ܘܬܐ ܗܠܝܢ܆ ܘܓܡܿܪ ܟܠܡܕܡ ܕܐܝܬ ܗܘܐ ܒܗܘܢ. ܐܝܟܢܐ ܕܐܦ ܡܢ ܩܕܡ ܕܢܗܘܐ ܩܪܒܐܼ. ܢܚܙܝܗܿ ܒܥܝ̈ܢܝܢ ܠܗܿܝ ܕܐܡܝܪܐ ܥܠ ܒܒܠܝܐ. ܕܐܝܟ ܦܪܕܝܣܐ ܕܥܕܢ ܐܪܥܐ ܩܕܡܘܗܝ܇ ܘܒܬܪܗ ܡܕܒܪܐ ܚܪܒܐ. ܘܐܠܘ ܠܐ ܪܡܙܗ ܕܡܪܝܐ ܟܠܼܝܗܝܼ. ܠܒܢܝ̈ܢܫܐ ܘܠܒܥܝܪܐ ܐܟܿܠ ܗܘܐ܇ ܐܝܟ ܡܐܕܫܡܼܥܢܢ ܕܥܒܼܕ ܗܘܐ ܒܚܕܐ ܡܢ ܩܘܪ̈ܝܐ. ܕܣܡ ܐܢܫܐ ܝܠܘܕܐ ܙܥܘܪܐ ܒܚܩܠܐ ܟܕ ܥܿܒܕܝܢ ܥܒܿܕܐܼ. ܘܥܕ ܐܙܠܝܢ ܡܢ ܪܝܫܗܿ ܠܪܝܫܗܿ ܕܚܩܠܐܼ ܫܘܚ ܥܠܘܗܝ ܘܠܓܙܗ ܡܢ ܚܝ̈ܐ. ܘܡܚܕܗܿ ܒܐܪܚ ܢܝܣܢܼ ܫܪܝ ܠܡܗܼܘܐ ܝܘܩܪܢܐ ܕܥܒܘܪܐ ܘܕܟܠܡܕܡ ܘܡܙܕܒܢܝܢ ܗܘܘ ܐܪ̈ܒܥܐ ܡ̈ܕܝܢ ܚܛ̈ܐ ܒܕܝܢܪܐ.. ܘܒܐܪܚ ܚܙܝܪܢ ܘܬܡܘܪ ܡܬܦܪܣܝܢ ܗܘܘ ܥܡܘܪ̈ܝܗܘܢ ܕܐܬܪ̈ܘܬܐ ܗܠܝܢ ܠܡܚܐ. ܘܙܪܥ ܦܪܓܐ ܕܢܗܐܘ ܠܗܘܢ ܠܚܫܚܬܐܼ. ܘܠܐ ܣܦܼܩ ܠܗܘܢ. ܡܛܠ ܕܠܐ ܐܫܟܚ. ܘܥܕ ܡܫܬܠܡܐ ܫܢܬܐܼ. ܕܐܘܢܐ ܚܕܪ ܐܢܘܢ ܠܒܢܝ̈ܢܫܐ ܡܢܟܦܢܐܼ. ܘܙܿܒܢܘ

Page 265

ܩܢܝܢܗܘܢ ܒܦܠܓܘܬ ܛܝ̈ܡܘܗܝ. ܒܥܝܪܐ ܘܬܘܪ̈ܐ ܘܥܢܐ ܘܚܙܝܪ̈ܐ. ܡܛܠ ܕܐܟܼܠ ܩܡܨܐ ܠܟܠܗܿ ܥܠܠܬܐܼ. ܘܠܐ ܠܒܥܝܪܐ. ܘܐܪܦܝܘ ܣܓܝ̈ܐܐ ܐܬܪ̈ܘܬܗܘܢܼ. ܘܫܿܢܝܘ ܠܐܬܪ̈ܘܬܐ ܐܚܪܗܢܐ ܕܓܪܒܝܐ ܘܕܡܥܪܒܐ. ܘܐܝܠܝܢ ܡܚܝ̈ܠܐ ܕܐܝܬ ܗܘܐ ܒܩܘܪ̈ܝܐ. ܘܣ̈ܒܐ ܘܛ̈ܠܝܐܼ. ܘܢܫ̈ܐ ܘܝܠ̈ܘܕܐܼ. ܘܐܝܠܝܢ ܕܐܫܬܢܩܘ ܡܢ ܟܦܢܐܼ. ܕܠܐ ܡܫܟܚܝܢ ܗܘܘ ܠܡܗܿܠܟܘ ܘܠܡܐܙܠ ܠܐܬܪ̈ܘܬܐ ܪ̈ܚܝܩܐܼ. ܥܠܘ ܗܘܘ ܠܗܘܢ ܠܡܕܝ̈ܢܬܐ ܕܢܚܪܕܪܘܢ ܘܢܐܚܘܢ. ܘܨܕܝ ܩܘܪ̈ܝܣ ܣܓܝ̈ܐܬܐ ܘܐܓܘܪ̈ܣܐ ܡܢ ܒܢܝ̈ܢܫܐ. ܠܐ ܕܝܢ ܐܡܕܘ ܡܢ ܡܣܡܿ ܒܪܝܫܐ܆ ܐܦܠܐ ܐܝܠܝܢ ܕܐܙܠܘ ܠܐܬܪ̈ܘܬܐ ܪ̈ܚܝܩܐ. ܐܠܐ ܐܝܟܢܐ ܕܟܬܝܒ ܥܠ ܥܡܐ ܐܝܣܪܠܝܐ: ܕܠܟܪ ܕܢܿܦܩܝܢ ܗܘܘܼ ܐܝܕܗ ܕܡܪܝܐ ܗܘܿܝܐ ܗܘܐ ܥܠܝܗܘܢ ܠܒܝܫܬܐ. ܗܟܢܐ ܐܦ ܠܗܘܢ ܓܼܕܫ. ܨܦܼܚ ܠܗܘܢ ܓܝܪ ܡܘܬܢܐ ܒܐܬܪ̈ܘܬܐ ܕܐܙܠܘ ܠܗܘܢ. ܘܐܦ ܐܝܠܝܢ ܕܥܠܘ ܠܐܘܪܗܝܼ. ܬܘܒ ܡܘܬܢܐ ܐܕܪܟ ܐܢܘܢ. ܗܘܿ ܕܒܬܪ ܩܠܝܠ ܡܫܬܥܿܢܐ ܥܠܘܗܝ ܐܝܟ ܡܐ ܕܣܿܦܩ ܐܢܐ. ܐܝܟ ܡܕܡ ܕܗܘܼܐ ܕܝܢ ܣܿܒܪ ܐܢܐ ܕܠܝܬ ܐܢܫ ܕܣܿܦܩ ܕܢܐܡܪܝܘܗܝ.. ܗܫܐ ܕܝܢ ܥܠ ܝܘܩܪܢܐ ܕܒܥܼܝܬ ܡܢܝ ܐܟܬܘܒ ܠܟ: ܠܐ ܓܝܪ ܨܒܿܐ ܗܘܿܝܬ ܕܥܠ ܗܕܐ ܡܕܡ ܐܪܫܘܡ. ܥܿܨܐ ܐܢܐ ܕܝܢ ܢܦܫܝ ܕܠܐ ܬܣܬܒܪ ܠܟܼ. ܕܐܝܟ ܗܘܿ ܕܥܠ ܦܘܩܕܢܟ ܐܒܿܣܝܬ. ܡܙܕ̈ܒܢܢ ܗܘ̈ܝ ܚ̈ܛܐ ܒܗܢܐ ܙܒܢܐܼ. ܐܪ̈ܒܥܐ ܡܕ̈ܝܢ ܚ̈ܛܐ ܒܕܝܢܪܐ. ܘܣܥܪ̈ܐ ܫ̈ܬܐ. ܚ̈ܡܨܐ ܩܒܐ ܒܚܡܫ̈ܡܐܐ ܢܘ̈ܡܝܢ. ܘܩܒܐ ܕܓܘ̈ܡܐܼ ܒܐܪ̈ܒܥܡܐܐ ܢܘ̈ܡܝܢ. ܘܩܒܐ ܕܛܠܦ̈ܚܐܼ ܒܬܠܬܡ̈ܐܐ ܘܫ̈ܬܝܢ ܢܘ̈ܡܝܢ. ܒܣܪܐ ܕܝܢ ܥܕܟܝܠ ܠܐ ܝܩܼܪ. ܐܠܐ ܟܡܐ ܕܙܒܢܐ ܩܿܪܒ ܗܘܐ ܠܩܕܡܘܗܝ. ܝܘܩܪܢܐ ܣܿܓܐ ܗܘܐ: ܘܐܘܠܨܢܐ

Page 266

ܕܟܦܢܐܼ. ܥܿܫܢ ܗܘܐ ܥܠ ܒܢܝ̈ܢܫܐ. ܘܫܘܝܬܐ ܕܟܠ ܡܕܡ ܕܠܐ ܡܬܟܠ ܗܘܐ ܗܘܼܬܼ. ܕܠܒܘ̈ܫܐ ܘܕܡ̈ܐܢܐ ܘܕܨܒܘ̈ܬܐ ܕܒ̈ܬܐ: ܟܕ ܒܦܠܓܘܬ ܛܝ̈ܡܝܗܝܢ ܐܘ ܒܚܕܐ ܡܢ ܬ̈ܠܬ ܡܙܕܒܢܢ ܗܘ̈ܝ ܨܒ̈ܘܬܐܼ. ܘܠܐ ܣ̈ܦܩܢ ܗܘ̈ܝ ܡܠܬܪܣܝܘ ܡܪ̈ܝܗܝܢ܇ ܡܛܠ ܣܓܝܐܘܬ ܝܘܩܪܢܐ ܕܠܚܡܐ. ܒܗܢܐ ܙܒܢܐ ܚܙܼܩ ܐܒܘܢ ܡܪܝ ܦܛܪܐ ܠܘܬ ܡܠܟܐ܇ ܕܢܦܝܣܝܘܗܝ ܠܡܫܒܩ ܣܘܢܛܠܝܐ. ܠܒܟ ܕܝܢ ܕܝܿܢܐ ܠܡܪ̈ܝܢ ܩܘܪ̈ܝܐ ܘܐܠܼܿܨ ܐܢܘܢ ܐܘܠܨܢܐ ܪܒܐ ܘܬܒܼܥ ܐܢܘܢ. ܘܥܕ ܗܘܼ ܐܦܝܣܩܦܐ ܡܦܝܣ ܗܘܐ ܠܗ ܠܡܠܟܐܼ. ܕܗܒܐ ܡܢ ܕܝܿܢ ܠܡܕܝܢܬ ܡܠܟܘܬܐ ܐܫܬܕܪ. ܘܟܕ ܚܙܼܐ ܠܗ ܡܠܟܐ ܕܣܠܼܩ ܠܗ ܕܗܒܐܼ. ܠܐ ܨܼܒܐ ܠܡܫܒܩ. ܕܠܐ ܕܝܢ ܢܫܕܪܝܘܗܝ ܠܐܒܘܢ ܣܦܝܩܐܝܬܼ ܫܒܼܩ .ܒ. ܦ̈ܠܣ ܠܩܘܪ̈ܝܝܐ ܘܛܝ̈ܡܝ ܕܝܿܗܒܝܢ ܗܘܘ. ܘܚܪܪ ܠܒܢ̈ܝ ܡܕܝܢܬܐ ܕܠܐ ܢܡܠܘܢ ܡܝ̈ܐ ܠܪ̈ܗܘܡܝܐ. ܘܗܘܼ ܬܘܒ ܕܝܿܢܐ ܚܙܼܩ ܠܘܬ ܡܠܟܐܼ ܟܕ ܐܣܝܪ ܣܝܦܗ. ܘܫܒܼܩ ܠܐܘܣܝܒ ܠܡܛܪ ܕܘܟܬܗ ܘܠܡܒܕܪܘ ܡܕܝܢܬܐ. ܘܟܕ ܚܙܼܐ ܗܘܼ ܗܢܐ ܐܘܣܒܼ. ܕܠܐ ܡܡܕܝܢ ܢܚ̈ܬܘܡܐ ܠܡܥܒܕ ܠܚܡܐ ܠܫܘܩܐܿ. ܡܛܠ ܣܓܝܐܘܬܐ ܕܐܢܫ̈ܐ ܩܘܪ̈ܝܝܐ ܕܡܠܝܐ ܗܘܬ ܡܕܝܢܬܐ. ܘܡܛܠ ܡܣ̈ܟܢܐ ܕܠܝܬ ܗܘܐ ܠܗܘܢ ܠܚܡܐ ܒܒ̈ܬܝܗܘܢܼ. ܦܩܼܕ ܕܟܠܡܢ ܕܒܥܿܐ ܢܥܼܒܕ ܠܚܡܐ ܘܢܙܿܒܢ ܒܫܘܩܐ. ܘܐ̈ܬܝ ܢܫ̈ܐ ܝܗܘ̈ܕܝܬܐܼ. ܘܝܗܼܒ ܠܗܝܢ ܚ̈ܛܐ ܡܢ ܐܦܬܛܢ. ܘܥܒ̈ܕܢ ܠܚܡܐ ܠܫܘܩܐ. ܡܬܐܠܨܝܢ ܗܘܘ ܕܝܢ ܡܣ̈ܟܢܐ ܐܦ ܗܟܢܐ܆ ܡܛܠ ܕܠܝܬ ܗܘܐ ܠܗܘܢ ܛܝ̈ܡܐ ܠܡܙܼܒܢ ܒܗ̈ܝܢ ܠܚܡܐ. ܘܡܬܟܪܟܝܢ ܗܘܘ ܒܫܘ̈ܩܐ ܘܒܐܣ̈ܛܘܐ ܘܒܕܪ̈ܬܐ ܠܡܚܕܪ ܠܗܘܢ ܦܬܬܐ

Page 267

ܕܠܚܡܐ܆ ܘܠܝܬ ܗܘܐ ܐܢܫ ܕܡܫܪܬܚ ܗܘܐ ܠܚܡܐ ܒܒܝܬܗ. ܘܡܐ ܕܚܕܪ ܗܘܐ ܚܕ ܡܢܗܘܢ ܡ̈ܥܐ ܘܠܐ [ܡܨܐ] ܕܢܙܼܒܢ ܒܗܝܢ ܠܚܡܐ܆ ܙܒܿܢ ܗܘܐ ܠܗ ܒܗܝܢ ܠܦܬܐ܆ ܐܘ ܟܪܒܐ ܐܘ ܡܘܠܟܝܢ. ܘܐܟܿܠ ܚܝܐܝܬ.ܘܡܢ ܗܕܐ ܥܠܬܐ ܗܘܼܐ ܝܘܩܪܢܐ ܕܝܪܩܐ ܘܚܣܝܪܘܬܐ ܕܟܠܡܕܡ ܒܡܕܝܢܬܐ ܘܩܘܪ̈ܝܐ. ܐܝܟܢܐܼ. ܘܣܥܘ ܐܢܫ̈ܐ ܘܥܠܘ ܠܕܘܟܝ̈ܬܐ ܩܕܝ̈ܫܬܐ܆ ܘܡܢ ܟܦܢܗܘܢ ܐܟܠܘ ܩܘܕܫܐ ܐܝܟ ܠܚܡܐ ܫܚܝܡܐ. ܐܚܪ̈ܢܐ ܕܝܢ ܡܢ ܓܘܫܡ̈ܐ ܡܝ̈ܬܐ ܕܠܐ ܡܬܐܟܠܝܢ ܦܣܩܘܢ ܘܒܫܠܘ ܘܐܟܠܘ. ܘܣܗܕܐ ܕܗܠܝܢ ܐܝܬܝܗܿ ܫܪܝܪܘܬܟ.

ܫܢܬ ܬܡܢܡ̈ܐܐ ܘܬܪܬܥܣܪ̈ܐ. ܒܗܕܐ ܕܝܢ ܫܢܬܐ ܒܬܪ ܩܛܦܐ ܡܙܿܕܒܢ ܗܘܐ ܚܡܪܐ ܫ̈ܬܐ ܟܝ̈ܠܝܢ ܒܕܝܢܪܐܿ. ܘܩܒܠܐ ܕܐܦܫ̈ܬܐ ܒܬܠܬܡ̈ܐܐ ܢܘܡ̈ܝܢ. ܘܥܫܢ ܟܦܢܐ ܒܩܘܪ̈ܝܐ ܘܒܡܕܝܢܬܐ. ܐܝܠܝܢ ܓܝܪ ܕܐܫܬܚܪܘ ܒܩܘܪ̈ܝܐ ܟܘ̈ܫܢܐ ܐܟܿܠܝܢ ܗܘܘ. ܐܟܚܪ̈ܢܐ ܟܡܫ̈ܘܢܐ ܡܿܩܒܠܝܢ ܗܘܘ ܠܡܣܼܒܥ. ܘܐܝܠܝܢ ܕܡܕܝܢܬܐ܆ ܦܿܗܝܢ ܗܘܘ ܒܝܢܬ ܫܘ̈ܩܐܼ ܘܡܓܒܝܢ ܥܩܪ̈ܐ ܘܛܪ̈ܦܐ ܕܝܘܪ̈ܩܐ ܟܕ ܦܝܠܝܢ ܒܙܒܠܐ ܘܐܟܿܠܝܢ. ܘܕܿܡܟܝܢ ܗܘܘ ܒܐܣ̈ܛܘܐ ܒܫܘ̈ܩܐ. ܘܥܿܘܝܢ ܒܠܠܝܐܼ ܘܒܐܝܡܡܐ ܡܢ ܐܘܠܨܢܐ ܕܟܦܢܐ. ܘܐܬܕܿܝܒ ܦܓܪ̈ܝܗܘܢܼ. ܘܐܬܬܥܝܩܘ ܘܕܡܿܝܢ ܗܘܘ ܠܫܪܘܪܐ ܡܛܠ ܩܛܝܢܘܬܐ ܕܦܓܪ̈ܝܗܘܢ. ܘܡܠܝܐ ܗܘܬ ܡܢܗܘܢ ܟܠܗܿ ܡܕܝܢܬܐܼ. ܘܫܿܪܝܘ ܡܝܿܬܝܢ ܒܐܣ̈ܛܘܐ ܘܒܫܘ̈ܩܐ.. ܕܝܡܣܬܢ ܕܝܢ ܗܓܡܘܢܐ ܟܕ ܣܠܼܩ ܠܘܬ ܡܠܟܐܼ. ܐܘܕܥܗ ܥܠ ܗܢܐ ܐܘܠܨܢܐ. ܘܝܗܼܒ ܠܗ ܡܠܟܐ ܕܗܒܐܼ ܠܐ ܙܥܘܪ ܕܢܦܠܓ ܠܡ̈ܣܟܢܐ. ܘܟܕ ܐܬܼܐ ܡܼܢ ܠܘܬܗ

Page 268

ܠܐܘܪܗܝܼ. ܛܒܼܥ ܡܢܗܘܢ ܐܢܫ̈ܐ ܣ̈ܓܝܐܐ ܒܩ̈ܕܠܝܗܘܢ ܒܛܒ̈ܥܐ ܕܐܒܪܐ. ܘܝܿܗܒ ܗܘܐ ܠܟܠܚܕ ܡܢܗܘܢܼ ܠܝܛܪܐ ܕܠܚܡܐ ܒܝܘܡܐ. ܠܐ ܕܝܢ ܡܫܟܚܝܢ ܗܘܘ ܠܡܚܐ. ܡܛܠ ܕܡܫܿܢܩܝܢ ܗܘܘ ܡܢ ܐܘܠܨܢܐ ܕܟܦܢܐ ܕܕܝܿܒ ܐܢܘܢ.. ܘܥܫܼܢ ܡܘܬܢܐ ܒܙܒܢܐ ܗܢܐ ܕܐܪܚ ܬܫܪܝ ܐܚܪܝ. ܘܬܘܒ ܒܐܪܚ ܟܢܘܢ ܩܕܡ܇ ܟܕ ܫܪܝ ܠܡܗܼܘܐ ܩܘܪܫܐ ܘܓܠܝܕܐ. ܡܛܠ ܕܒܐܣ̈ܛܘܐ ܘܒܫܘ̈ܩܐ ܒܿܝܬܝܢ ܗܘܘܼ. ܥܠ ܫܼܢܬܗܘܢ ܫܼܢܬ ܡܘܬܐ ܡܿܕܪܟܐ ܗܘܬ ܠܗܘܢ. ܦܿܥܝܢ ܗܘܘ ܕܝܢ ܫܒܪ̈ܐ ܘܝܠ̈ܘܕܐ ܒܟܠ ܫܘ̈ܩܝܢ܆ ܕܐܝܬ ܕܡܝ̈ܬܢ ܐܡܗ̈ܬܗܘܢ܆ ܘܐܝܬ ܕܫܒ̈ܩܢ ܗܘ̈ܝ ܠܗܘܢ. ܘܥܪ̈ܩܢ ܡܐ ܕܒܥܿܝܢ ܠܡܠܥܣ. ܡܛܠ ܕܠܝܬ ܗܘܐ ܠܗܝܢ ܕܢܬ̈ܠܢ ܠܗܘܢ. ܘܫ̈ܕܝܢ ܗ̈ܘܝ ܫ̈ܠܕܐ ܒܟܠ ܫܘ̈ܩܝܢܼ ܟܕ ܡܦܪ̈ܣܝܢ. ܘܠܐ ܡܿܡܕܝܢ ܗܘܘ ܒܢ̈ܝ ܡܕܝܢܬܐ ܠܡܥܦܝܘ ܐܢܘܢ. ܡܛܠ ܕܥܕ ܡܿܦܩܝܢ ܗܘܘ ܩܕܡ̈ܝܐ ܕܡܝܬܼ. ܡܚܕܗܿ ܕܥܛܦܘ ܗܘܘܼ. ܡܫܟܚܝܢ ܗܘܘܐܚܪ̈ܢܐ. ܒܫܩܠ ܛܥܢܐ ܕܝܢ ܕܡܪܝ ܢܘܢܐ ܟܣܢܕܟܪܐ: ܡܬܟܪܟܝܢ ܗܘܘ ܐܚ̈ܐ ܡܢ ܒܬܪܟܝܢ܆ ܘܡܟܿܢܫܝܢ ܠܗܝܢ ܠܫ̈ܠܕܐ ܗܠܝܢ. ܘܟܢܫܐ ܗܘܼܬ ܟܠܗܿ ܡܕܝܢܬܐ ܠܬܪܥܐ ܕܟܣܢܕܘܟܝܢ܆ ܘܢܿܦܩܝܢ ܗܘܘ ܘܩܒܪܝܢ ܠܗܘܢ ܡܢ ܨܦܪܐ ܠܨܦܪܐ. ܘܐܦ ܪ̈ܒܝ ܒ̈ܬܐ ܕܥܕܬܐ. ܡܪܝ ܬܘܬܐܝܠ ܩܫܝܫܐܼ ܘܡܪܝ ܣܛܪܛܢܝܩܐ. ܗܘܿ ܕܒܬܪ ܙܒܢܐ ܐܫܬܘܝ ܠܕܪܓܐ ܕܐܦܣܩܦܘܬܐ ܒܚܪܢ ܡܕܝܢܬܐ. ܐܬܩܢܘ ܐܓܘܪܪܐ ܚܕ ܒܒܢܝܢܐ ܕܥܕܬܐ ܕܐܘܪܗܝ. ܘܥܿܠܝܢ ܗܘܘ ܐܝܠܝܢ ܕܡܫܿܢܩܝܢ. ܡܿܓܣܝܢ ܬܡܢ. ܘܡܫܬܟܚܢ ܗܘ̈ܝ ܫܠ̈ܕܐ ܣܓܝ̈ܐܬܐ ܒܐܘܓܪܪܐܼ ܘܩܿܒܪܝܢ ܗܘܘ ܠܗܝܢ ܥܡ ܕܟܣܢܕܘܟܝܢ. ܘܗܓܡܘܢܐ ܣܼܪܦ ܬܪ̈ܥܐ ܕܒܣ̈ܝܠܝܩܘܣ ܕܠܘܬ ܕܝܡܣܢ ܣܬܘܝܬܐܼ. ܘܐܪܡܝ ܒܗܿ ܬܒܢܐ ܘܣܪ̈ܝܓܬܐ. ܘܕܡܿܟܝܢ ܗܘܘ ܬܡܢ. ܘܠܐ ܣܿܦܩ ܗܘܬ

Page 269

ܠܗܘܢ. ܘܟܕ ܚܙܘ ܪܘܪ̈ܒܢܐ ܕܡܕܝܢܬܐܼ. ܐܦ ܗܢܼܘܢ ܐܬܩܢܘ ܐܘܓܪܪ̈ܐ. ܘܥܿܠܝܢ ܗܘܘ ܣܓܝ̈ܐܐ ܘܡܣܬܬܪܝܢ ܒܗܘܢ. ܐܦ ܪ̈ܗܘܡܝܐ ܐܬܩܢܘ ܕܘ̈ܟܝܬܐܼ. ܘܕܡܿܟܝܢ ܗܘܘ ܒܗܝܢ ܟܪ̈ܝܗܐ ܘܝܿܨܦܝܢ ܗܘܘ ܕܢܦܩ̈ܬܗܘܢ. ܡܿܝܬܝܢ ܗܘܘ ܒܡܘܬܐ ܬܟܝܒܐ ܘܚܢܝܓܐ. ܘܟܕ ܟܠܝܘܡ ܣ̈ܓܝܐܐ ܡܢܗܘܢ ܡܬܩܒܪܝܢ ܗܘܘܼ. ܬܘܒܼ ܡܣܓܐ ܣܓܝܢ ܗܘܘ. ܢܦܼܩ ܓܝܪ ܫܒܡܥ ܒܟܘܪܐ ܕܡܕܝܢܬܐ܆ ܕܐܝܬ ܠܗܘܢ ܠܐܘܪ̈ܗܝܐ ܝܨܝܦܘܬܐ ܠܐܝܠܝܢ ܕܣܢܝܩܝܢ. ܘܡܛܠ ܗܕܐ ܥܠܬܐ܆ ܥܠܼܬܿ ܠܡܕܝܢܬܐ ܣܘܓܐܐ ܕܐܢܫܘܬܐ ܕܠܐ ܡܢܝܢ.. ܬܘܒ ܕܝܢ ܒܠܢܐ ܕܐܝܬ ܠܬܚܬ ܡܢ ܒܝܬ ܫܠ̈ܝܚܐ. ܠܘܬ ܬܪܥܐ ܪܒܐܼ ܟܪ̈ܝܗܐ ܡܠܝܐ ܗܘܬ. ܘܫܠ̈ܕܐ ܣܓܝ̈ܐܬܐ ܢܦ̈ܩܢ ܗܘ̈ܝ ܡܢܗܿ ܟܠܝܘܡ. ܚܦܝܛܐ ܗܘܬ ܕܝܢ ܟܠܗܿ ܡܕܝܢܬܐ ܠܡܠܘܝܘ ܟܢܝܫܐܝܬ: ܠܗܠܝܢ ܕܡܢ ܟܣܢܕܘܟܝܢ ܢܿܦܩܝܢ ܗܘܘ. ܒܡܙܡܘܪ̈ܐ ܘܒܬܫܒ̈ܚܬܐ ܘܒܡܕܪ̈ܫܐ. ܘܒܩ̈ܠܐ ܕܡܠܼܝܢ ܣܒܪܐ ܕܢܘܚܡܐ. ܘܢܫ̈ܐ ܬܘܒ ܒܒܟܝܐ ܚܢܝܓܐ ܘܒܩ̈ܠܐ ܪ̈ܥܘܡܐ. ܟܕ ܒܪܝܫܗܘܢ ܐܙܿܠ ܗܘܐ ܪܥܝܐ ܚܦܝܛܐ ܡܪܝ ܦܛܪܐ: ܘܥܡܗܘܢ ܬܘܒ ܐܝܬ ܗܘܐ ܕܝܿܢܐ. ܘܟܠܗܘܢ ܒܢܗܝ ܚܐܪ̈ܐ. ܘܡܐ ܕܐܬܩܒܪ ܗܘܘ ܗܠܝܢ܆ ܗܝܕܝܟ ܗܦܿܟ ܗܘܐ ܟܠܢܫܼ. ܘܡܠܘܐ ܗܘܐ ܠܗܠܝܢ ܕܒܫܒܒܘܬܗ. ܘܟܕ ܡܠܘ ܩܒܪ̈ܐ ܕܟܣܢܕܟܝܢ ܘܕܥܕܬܐܼ. ܢܦܼܩ ܗܓܡܘܢܐܼ. ܘܦܼܬܚ ܩܒܪ̈ܐ ܥܬܝ̈ܩܐ: ܕܐܝܬ ܨܝܕ ܒܝܬ ܡܪܝ ܩܘܢܐ: ܕܒܼܢܝܢ ܗܘܘ ܠܩܕܡ̈ܝܐ ܒܫܩܠܛܥܢܐ. ܘܡܠܼܘ ܐܢܘܢ. ܘܬܘܒ ܦܬܚܘ ܐܚܪ̈ܢܐ ܘܠܐ ܣܦܼܩܘ ܠܗܘܢ. ܘܠܚܪܬܐ ܟܠ ܐܫܢܐ ܕܗܘܼ ܩܒܪܐ ܥܬܝܩܐ ܕܐܝܬ ܦܿܬܚܝܢ ܘܡܿܠܝܢ ܠܗ. ܝܬܝܪ ܓܝܪ ܡܢ ܡ̈ܐܐ ܫܠ̈ܕܝܢ ܢܦ̈ܩܢ ܗܘ̈ܝ ܟܠܝܘܡ ܡܢ ܟܣܢܕܘܟܝܢ܆ ܘܝܘ̈ܡܬܐ ܣܓܝ̈ܐܐ ܡ̈ܐܐ ܘܥܣܪ̈ܝܢ. ܘܥܕܡܐ ܠܡ̈ܐܐ ܘܬ̈ܠܬܝܢ. ܡܢ ܪܝܫܗ ܕܬܫܪܝ ܐܚܪܝ ܘܥܕܡܐ ܠܫܘܠܡܗ

Page 270

ܕܐܕܪ. ܘܠܝܬ ܗܘܐ ܠܡܫܡܥ ܒܙܒܢܐ ܗܘܿ ܡܢ ܟܠܗܘܢ ܫܘ̈ܩܐ ܕܡܕܝܢܬܐ܇ ܐܠܐ ܐܘ ܒܟܝܐ ܕܥܠ ܥܢܝ̈ܕܐܿ. ܐܘ ܩ̈ܠܝ ܓܥܬܐ ܕܡܫ̈ܢܩܐ. ܡܿܝܬܝܢ ܗܘܘ ܐܦ ܒܕܪ̈ܬܐ ܕܥܕܬܐ ܣܓܝ̈ܐܐ. ܘܒܕܪ̈ܬܐ ܕܡܕܝܢܬܐܿ ܘܒܦܘ̈ܬܩܐ. ܐܦ ܒܐܘܪ̈ܚܬܐ ܡܿܝܬܝܢ ܗܘܘ ܟܕ ܐܿܬܝܢ ܕܢܥܠܘܢ ܠܡܕܝܢܬܐ.. ܘܒܐܪܚ ܫܒܛ ܬܘܒܼ ܥܫܼܢ ܝܘܩܪܢܐܼ ܘܣܼܓܐ ܡܘܬܢܐ. ܘܡܙ̈ܕܒܢܢ ܗܘ̈ܝ ܚ̈ܛܐܼ ܬܠܬܥܣܪ̈ ܩ̈ܒܐ ܒܕܝܢܪܐ. ܘܣܥܪ̈ܐ ܬܡܢܬܥܣܪ̈ ܩܒ̈ܝܢ. ܘܠܝܛܪܐ ܕܒܣܪܐ ܒܡܐܐ ܢܘ̈ܡܝܢ. ܘܠܝܛܪܐ ܕܬܪܢܓܬܐ ܒܬ̈ܠܬܡܐܐ ܢܘ̈ܡܝܢ. ܘܒܝܥܬܐ ܒܐܪ̈ܒܥܝܢ ܢܘ̈ܡܝܢ. ܘܣܟܐ ܕܟܠܡܕܡ ܕܡܬܐܟܠ ܒܝܘܩܪܢܐ.. ܘܗܘ̈ܝ ܒܥܘ̈ܬܐ ܒܐܪܚ ܐܕܪ. ܡܛܠ ܡܘܬܢܐ ܕܢܬܟܠܐ ܡܢ ܐܟܣ̈ܢܝܐ. ܘܕܡܿܝܢ ܗܘܘ ܒܢ̈ܝ ܡܕܝܢܬܐ ܟܕ ܡܬܟܿܫܦܝܢ ܡܛܘܠܬܗܘܢܼ ܠܛܘܒܢܐ ܕܘܝܕܼ ܟܕ ܐ̱ܿܪ ܗܘܐ ܠܡܠܐܟܐ ܕܚܪܒ ܠܥܡܗ: ܕܐܢ ܐܢܐ ܚܿܛܝܬ ܘܐܣܿܟܠܬܼ. ܗܠܝܢ ܥܢ̈ܐ ܬܡܝ̈ܡܬܐ ܡܢܐ ܚ̈ܛܝ. ܬܗܘܐ ܠܗܿ ܐܝܕܟ ܒܝ ܘܒܒܝܬ ܐܒܝ.. ܒܐܪܚ ܢܝܣܢ ܕܝܢ ܫܪܝ ܡܘܬܢܐ ܒܒܢ̈ܝ ܡܕܝܢܬܐ. ܘܢܦ̈ܩܢ ܗܘ̈ܝ ܥܪ̈ܣܬܐ ܣܓܝ̈ܐܬܐ ܒܝܘܡܐ ܚܕ܆ ܘܠܐ ܐܢܫ ܩܐܿܡ ܗܘܐ ܥܠ ܡܢܝܢܝܗܝܢ. ܠܘ ܕܝܢ ܒܐܘܪܗܝ ܒܠܚܘܕ ܗܘܼܐ ܗܢܐ ܚܪܒܐ ܕܡܘܬܢܐܼ. ܐܠܐ ܡܢ ܐܢܛܝܟܝܐܼ ܘܥܕܡܐ ܠܢܨܝܒܝܢܼ ܗܟܢܐܡܬܚܪܒܝܢ ܗܘܘ ܒܢܝ̈ܢܫܐ ܘܡܫܬܢܩܝܢ ܒܟܦܢܐ ܘܒܡܘܬܢܐ. ܘܡܝܼܬ ܣܓܝ̈ܐܐ ܡܢ ܥܬܝܪ̈ܐ. ܕܠܐ ܟܦܢܝܢ ܗܘܘ. ܐܦ ܡܢ ܪܘܪ̈ܒܢܐ ܕܡܕܝܢܬܐ ܣܓܝ̈ܐܐ ܡܝܼܬܘ ܒܫܢܬܐ ܗܕܐ.. ܘܒܐܝܪܚ ܚܙܝܪܢ ܘܬܡܘܙܼ. ܡܢ ܒܬܪ ܚܨܕܐ ܣܿܒܪܝܢ ܗܘܝܼܢ ܕܡܟܠ ܡܓܗܝܢܢ ܡܢ ܝܘܩܪܢܐ. ܠܐ ܕܝܢ ܩܿܒܠܢ ܣܘܟܝܢ ܐܝܟ ܡܐ ܕܣܿܒܪܝܢ ܗܘܝܢ. ܐܠܐ ܥܕܡܐ ܠܚܡ̈ܫܐ ܡܕܝ̈ܢ ܒܕܝܢܪܐ ܡܙܕܒ̈ܢܢ ܗܘ̈ ܚ̈ܛܐ ܕܥܠܠܬܐ ܚܕܬܐ.

ܫܢܬ ܬܡܢ̈ܡܐܐ ܘܬܠܬܥܣܪ̈ܐ. ܡܢ ܒܬܪ ܕܝܢ ܗܠܝܢ ܐܘܠ̈ܨܢܐ ܕܩܡܨܐ ܘܕܟܦܢܐ ܘܕܡܘܬܢܐ ܕܟܿܬܒܬ ܠܟ

Page 271

ܥܠܝܗܘܢܼ. ܢܦܝܫܐ ܩܠܝܠ ܗܘܼܐ ܠܢ ܒܪ̈ܚܡܘܗܝ ܕܐܠܗܐܼ. ܕܢܫܟܚ ܠܡܣܝܒܪܘ ܠܗܠܝܢ ܕܥܬܝ̈ܕܢܼ. ܐܝܟܢܐ ܕܡܢܗܘܢ ܕܣܘܥܪ̈ܢܐ ܐܫܬܘܕܥܢ. ܗܘܐ ܓܝܪ ܩܛܦܐ ܣܓܝܐܐ. ܘܐܙܿܕܒܢ ܚܡܪܐ ܡܢ ܡܥܨܪܬܐ ܥܣܪ̈ܝܢܘܚ̈ܡܫܐ ܟܝ̈ܠܝܢ ܒܕܝܢܪܐ. ܘܐܬܦܪܢܣܘ ܡܣܟ̈ܢܐ ܡܢ ܟܪ̈ܡܐ ܒܝܕ ܥܠܠܬܐ ܕܐܦܫ̈ܬܐ. ܗܟܢܐ ܓܝܪ ܐܡܿܪܝܢܢ ܗܘܘ ܐܟܪ̈ܐ ܘܦܠ̈ܚܐ: ܕܣܓܝܐܐ ܗܘܬ ܥܠܠܬܐ ܕܐܦܫ̈ܬܐܼ. ܝܬܝܪ ܡܢ ܕܚ̈ܛܐ. ܡܫܒܐ ܓܝܪ ܚܡܝܡܐ ܗܘܼܐܿ. ܟܕ ܫܿܪܝ ܗܘܐ ܟܪܡܐ ܠܡܒܫܘ. ܘܣܘܓܗܼ ܝܒܼܫ. ܘܗܟܢܐ ܡܬܐܡܪ ܗܘܐ ܡܢ ܦܪ̈ܘܫܐܼ. ܕܒܡܦܪܢܣܘܬܗ ܕܐܠܗܐ ܡܪܐ ܟܠ ܐܣܬܥܼܪܬܿ. ܘܚܠܝܛܘܬ ܪ̇ܡܐ ܕܒܡܪܕܘܬܐܿ. ܐܝܬܝܗܿ ܗܘܬ ܨܒܘܬܐܗܕܐ. ܕܢܣܬܡܟܘܢ ܩܘܪ̈ܝܝܐ ܒܝܕ ܐܦܫ̈ܬܐ ܗܠܝܢ ܕܗܼܘ̈ܝ. ܘܠܐ ܢܣܘܦܘܢ ܒܟܦܢܐܼ ܐܝܟ ܕܒܫܢܬܐ ܗܝܿ ܕܥܒܼܪܬܿ. ܡܛܠ ܕܐܦ ܒܙܒܢܐ ܗܢܐ ܐܪ̈ܒܥܐ ܡܕܝ̈ܢ ܚ̈ܛܐ ܒܕܝܢܪܐ ܡܙܕܒܢܢ ܗܘ̈ܝܼ ܒܠܚܘܕ. ܘܣܥܪ̈ܐ ܫ̈ܬܐ. ܕܐܝܟ ܗܕܐ ܗܟܝܠ ܐܬܿܐ ܕܪ̈ܞܡܐ ܗܘܼܬ ܒܙܒܢܐ ܕܬܫܪ̈ܝܬܐ. ܐܦ ܣܬ[ܘܐ] ܕܝܢ ܟܠܗ ܕܫܢܬܐ ܗܕܐܼ ܐܝܬܘܗܝ ܗܘܐ ܡܛܝܪܐܼ ܝܬܝܪ ܡܢ ܣܿܓܝ. ܘܙܪܥܐ ܕܐܙܕܪܥ ܣܠܼܩ ܒܐܬܪ ܐܬܪ ܝܬܝܪ ܡܢ ܩܘܡܬܐ ܕܓܒܪܐ. ܟܕ ܥܕܟܝܠ ܠܐ ܡܿܛܐ ܗܘܐ ܢܝܣܢ. ܘܐܦ ܟܪ̈ܒܝܗܼܿ ܕܐܪܥܐ ܛܥܝܢܝܢ ܗܘܘ ܒܨܝܪ ܩܠܝܠܼ. ܡܢ ܐܝܿܕܐ ܕܙܪܝܥܐ. ܗܟܢܐܐܦ ܐܓܪ̈ܐ ܕܒ̈ܬܐ ܐܘܥܝܘ ܥܡܝܪܐ ܣܓܝܐܐ. ܗܘܿ ܕܚܨܕܘ ܐܢܫ̈ܝܢ܆ ܘܒܕܡܘܬ ܓܪ̈ܣܛܝܐ ܕܚܩܐ ܙܿܒܢܘܗܝ. ܘܡܛܠ ܕܫܢܢܐ ܐܝܬ ܗܘܐ ܒܗܼ. ܘܒܩܘܡܬܗ ܡܫܿܠܡܢ ܗܘܐܼ. ܠܐ ܐܬܝܕܥ ܠܙܒܘ̈ܘܗܝ.܀

Page 272

ܡܣܿܟܝܢ ܗܘܼܝܢ ܕܝܢ ܐܦ ܒܗܕܐ ܫܢܬܐ ܘܡܿܣܒܪܝܢ܆ ܕܫܘܝܬܐ ܪܒܬܐ ܕܥܒܘܪܐ ܗܿܘܝܐ ܐܝܟ ܫܢܗܝܐ ܕܡܢ ܩܕܝܡ. ܘܗܕܐ ܡܫܚܒܬܐ ܠܐ ܣܠܼܩܬܿ ܠܪܝܫ. ܒܐܪܚ ܐܝܪ ܓܝܪ ܢܦܼܩܬܿ ܪܘܚܐ ܕܫܘܒܐ ܝܘ̈ܡܬܐ ܬ̈ܠܬܐܼ. ܘܫܒ ܟܠܗ ܥܒܘܪܐ ܕܐܬܪܢ. ܣܛܪ ܡܢ ܕܘ̈ܟܝܬܐ ܙܥܘܪ̈ܝܬܐ.. ܒܗ ܕܝܢ ܒܝܪܚܐ ܗܢܐ܇ ܟܕ ܡܼܛܐ ܝܘܡܐ ܕܡܬܥܒܕ ܒܗ ܥܐܕܐ ܗܘܿ ܒܝܫܐ ܕܬܫ̈ܥܝܬܐ ܕܝܘ̈ܢܝܐ: ܕܡܘܕܥ ܠܢ ܥܠܘܗܝ ܡܢ ܠܥܠܼ. ܐܬܼܐ ܦܘܩܕܢܐ ܡܢ ܡܠܟܐ ܐܢܣܛܘܣܼ. ܕܬܘܒ ܠܐ ܢܪܩܕܘܢ ܐܪ̈ܟܝܣܛܐ. ܐܦܠܐ ܒܚܕܐ ܡܢ ܡܕܝ̈ܢܬܐ ܕܐܘܚܕܢܐ ܕܡܠܟܘܬܗ. ܡܿܢ ܕܚܿܐܪ ܗܟܝܠ ܒܡܦܩܢܐ ܕܨܒܘ̈ܬܐܼ. ܠܐ ܥܿܕܠ ܠܢ ܥܠ ܗܝܿ ܕܐܡܼܪܢ܇ ܕܡܢ ܥܠܬ ܪܘܫܥܐ ܕܦܿܠܚܝܢ ܗܘܘ ܒܢܗܝ. ܡܝܕܢܬܐ ܒܥܐܕܐ ܗܿܘܿ. ܐܬܕܿܪܓ ܘܐ̈ܬܼܝ ܥܠܝܢ ܡܪ̈ܕܘܬܐ ܕܟܦܢܐ ܘܕܡܘܬܢܐ. ܗܐ ܓܝܪ ܥܕ ܡܠܼܝܢ ܬ̈ܠܬܝܢ ܝܘ̈ܡܝܢ ܡܢ ܒܬܪ ܕܐܬܒܛܠܼ. ܚ̈ܛܐ ܕܡܙܕܒܢܢ ܗܘ̈ܝ ܐܪ̈ܒܥܐ ܡܕܝ̈ܐ ܒܕܝܢܪܐܼ. ܐܙܕܒܢ ܬܪܥܣܪ̈. ܘܣܥܪ̈ܐ ܕܡܙܕܒܢܢ ܗܘ̈ ܫ̈ܬܐ ܡܕܝ̈ܢ܆ ܐܙܕܒܢ ܥܣܪܝܢ ܘܬܪ̈ܝܢ. ܘܐܬܝܕܥܬ ܓܠܝܐܝܬ ܠܟܠܢܫܼ. ܕܡܫܟܚ ܗܘ ܨܒܝܢܗ ܕܐܠܗܐܿ ܕܐܦ ܠܥܠܠܬܐ ܙܥܘܪܬܐ ܢܒܪܟܿ. ܘܢܬܠ ܣܒܥܐ ܠܐܝܠܝܢ ܕܬܝܿܒܝܢ ܡܢ ܚ̈ܛܗܝܗܘܢ. ܟܕ ܛܒ ܓܝܪ ܟܝܠܗ ܥܒܘܪܐ ܫܒ ܗܘܐ ܐܝܟ ܕܐܡܿܪܬ. ܘܡܢ ܫܪܟܢܐ ܩܠܝܠ ܕܐܫܬܚܪ. ܗܕܐ ܟܠܗܿ ܪܘܚܬܐ ܗܘܼܬ ܒܓܘ ܬ̈ܠܬܝܢ ܝܘ̈ܡܝܢ. ܟܒܪ ܕܝܢ ܐܦ ܥܕܟܝܠ ܐܡܿܪ ܐܢܫܼ. ܕܠܐ ܫܦܝܪ ܐܬܪܥܼܝܬ. ܗܕܐ ܓܝܪ ܬܝܒܘܬܐ ܠܐ ܗܘܐ ܕܨܒܝܢܐ ܐܝܬܝܗܿ ܗܘܬ܇ ܕܡܛܘܠܬܗܿ ܢܗܘܘܢ ܪ̈ܚܡܐ. ܡܿܠܟܐ ܓܝܪ ܒܿܛܠܗ ܠܥܐܕܐ ܗܘܿ ܒܩܛܝܪܐܼ. ܒܗܝܿ ܕܦܩܼܕ ܕܟܠ ܟܠܗ ܠܐ ܢܪܩܕܘܢ ܐܪ̈ܟܝܣܛܐ. ܚܢܢ ܕܝܢ ܐܡܿܪܝܢܢܼ ܕܐܠܗܐ ܡܛܠ ܣܘܓܐܐ ܕܛܝܒܘܬܗܼ. ܥܠܬܐ ܗܘ ܒܥܿܐ ܗܘܐ ܕܢܪܚܡܼ. ܐܦ ܥܠ ܐܝܠܝܢ ܕܠܐ ܫܿܘܝܢ. ܘܐܝܬ

Page 273

ܠܢ ܬܚܘܝܬܐ ܡܢ ܗܿܝ ܕܐܬܪܚܡ ܥܠ ܐܚܒܼ. ܟܕ ܐܬܟܿܚܕ ܡܢ ܡܟܣܢܘܬܗܕ ܐܠܝܐ: ܘܠܐ ܐܝܼܬܝ ܒܝܘ̈ܡܘܗܝ ܒܝܫܬܐ ܗܝܿ ܕܩܕܝܡܐ ܚܪܝܩܐ ܗܘܬ ܥܠ ܒܝܬܗ. ܠܐ ܗܘܐ ܕܝܢ ܗܟܢܐܼ ܐܡܿܪ ܐܢܐ: ܕܗܢܘ ܚܛܗܐ ܒܠܚܘܕ ܐܝܬ ܗܘܐ ܕܡܫܬܡܿܫ ܒܡܕܝܢܬܢ. ܣܓܝ̈ܐܝܢ ܐܢܘܢ ܓܝܪ ܚܛ̈ܗܐ ܕܡܣܬܥܪ̈ܝܢ ܒܟܣܝܐ ܘܒܓܠܝܐ. ܘܡܛܠ ܕܐܦ ܡܕܒܪ̈ܢܐ ܡܫܘܬܦܝܢ ܒܗܘܢ܆ ܠܐ ܨܒܿܝܬ ܕܐܩܪܘܚ ܐܢܘܢ ܠܚܛ̈ܗܐ: ܕܠܐ ܐܬܠ ܥܠܬܐ ܠܐܝܠܝܢ ܕܪܚܡܝܢ ܕܢܬܥܠܕܘܢ܇ ܘܢܐܡܪܘܢ ܥܠܝܢ ܕܠܘܩܒܠ ܪ̈ܝܫܢܐ ܡܡܠܠ ܐܢܐ. ܕܠܐ ܕܝܢ ܟܠ ܟܠܗ ܐܫܒܩܝܗܿ ܠܨܒܘܬܐ ܟܕ ܡܚܿܦܝܐ: ܡܛܠ ܕܐܦ ܡܢ ܠܥܠ ܐܫܬܿܘܕܝܬ ܕܐܫܿܘܕܥܟ ܡܢ ܐܝܟܐ ܐܬܬܥܝܪ ܥܠܝܢ ܩܪܒܐ: ܘܕܠܐ ܬܘܒ ܐܡܿܪ ܡܕܡ ܥܠ ܡܪ̈ܚܡܐ: ܡܠܠܬܗ ܕܢܒܝܐ ܣܐܿܡ ܐܢܐ ܕܡܢܗܿ ܬܣܬܟܠ. ܗܘܿ ܕܟܕ ܚܼܙܐ ܠܒܗܢܝ ܥܡܗ ܕܡܬܚܫܚܝܢ ܒܣܘܥܪ̈ܢܐ ܕܕܡܿܝܢ ܠܗܠܝܢ ܕܝܘܡܢܐ ܡܣܬܥܪܝܢ ܒܡܕܝܢܬܢ ܘܝܬܝܪܐܝܬ ܠܘܬܟܘܢ ܘܒܟܘܠܗܿ ܟܘܪܐ. ܐܡܼܪ ܠܘܬܗܘܢ ܐܝܟ ܕܡܢ ܦܘܡܗ ܕܡܪܝܐ܆ ܕܘܝܿ ܠܕܐܡܿܪ ܠܐܒܐ ܡܢܐ ܡܘܕܠ ܐܢܬ. ܘܠܐܢܬܬܐ ܡܢܐ ܒܿܛܢܐ ܐܢܬܝ. ܥܠ ܫܪܟܐ ܕܐܚܪ̈ܢܝܬܐܼ. ܠܡܫܼܬܩ ܦܩܚ. ܡܛܠ ܕܙܿܕܩ ܗܘ ܠܡܫܡܥ ܠܡܠܬܗ ܕܟܬܒܐ ܕܐܡܿܪܐ: ܕܡܿܢ ܕܡܣܬܟܠ ܒܙܒܢܐ ܗܘܿ ܢܫܬܘܩ ܠܗ. ܡܛܠ ܕܙܒܢܐ ܗܼܘ ܕܒܝܫܬܐ. ܐܢ ܕܝܢ ܢܬܠ ܡܪܢ ܘܢܚܙܝܟ ܒܚܘܠܡܢܐܼ. ܐܝܟ ܡܐ ܕܡܨܝܢܢܼ ܡܡܠܠܝܢܢ ܥܡܟ ܥܠ ܗܠܝܢ.. ܗܫܐ ܕܝܢ ܫܡܼܥ ܥܠ ܓܘ̈ܢܚܐ ܕܐܣܬܥܪܘ ܒܫܢܬܐ ܗܕܐܼ. ܘܥܠ ܐܬܿܐ ܗܝܿ ܕܐܬܚܼܙܝܬܿ ܒܝܘܡܐ ܗܘܿ ܒܕܗ ܐܣܬܥܪܘܿ. ܡܛܠ ܕܐܦ ܗܕܐ ܗܘ ܬܒܼܥܬ ܒܐܝܕܢ. ܒܝܘܡ ܥܣܪ̈ܝܢ ܘܬܪܗܝܢ ܒܐܝܪܚ ܐܒ ܕܫܢܬܐ ܗܕܐ ܒܡܓ̈ܗܝ ܥܪܘܒܬܐܼ. ܢܘܪܐ ܣܓܝܐܬܐ ܐܬܚܼܙܝܬܿ

Page 274

ܠܢ ܟܕ ܡܬܢܒܪܫܐ ܒܦܢܝܬܐ ܕܪܒܝܐ ܟܠܗ ܠܠܝܐ. ܘܗܟܢܐ ܣܿܒܪܝܢ ܗܘܝܢܼ ܕܒܡܡܘܠܐ ܕܢܘܪܐ ܥܬܝܕܐ ܗܘܬ ܕܬܟܿܦܪ ܠܟܠܗܿ ܐܪܥܐ ܒܠܠܝܐ ܗܘܿ. ܪ̈ܚܡܘܗܝ ܕܝܢ ܕܡܪܢ ܢܛܪܘܢܢ ܕܠܐ ܢܟܝܢܐ. ܐܫܬܕܪܬ ܠܢ ܕܝܢ ܐܝܓܪܬܐ ܡܢ ܐܢܫ̈ܐ ܝܕܘ̈ܥܝܢ܇ ܕܚܿܙܝܩܢ ܗܘܼܘ ܠܐܘܪܠܡܼ. ܕܐܝܬ ܗܘܐ ܒܗܿ ܗܟܢܐ. ܕܒܗܘܿ ܠܠܝܐ ܕܒܗ ܐܬܚܼܙܝܬܿ ܢܘܪܐ ܗܝܿ ܣܓܝܐܬܐ ܕܡܬܓܘܙܠܐܼ. ܐܬܗܼܦܟܬܿ ܦܛܠܡܝܣ ܡܕܝܢܬܐ ܕܗܼܝ ܥܟܘ. ܘܠܐ ܐܫܬܚܪ ܒܗܿ ܡܕܡ ܕܩܐܿܡ. ܘܬܘܒ ܕܝܢ ܒܬܪ ܝܘ̈ܡܬܐܼ. ܐܬܘ ܠܘܬܢ ܐܢܫ̈ܐ ܨܘܪ̈ܝܐ ܘܨܕ̈ܢܝܐ ܘܐܡܼܪܘ ܠܢ܆ ܕܒܗܘܿ ܝܘܡܐ ܕܐܬܚܼܙܝܬܿ ܒܗ ܢܘܪܐ ܘܐܬܗܼܦܟܬܿ ܦܛܠܡܐܝܕܐ. ܒܗ ܒܝܘܡܐ ܗܘܿ ܢܦܼܠ ܦ̈ܠܓܝܗܝܢ ܕܡܕܝ̈ܢܬܗܘܢ. ܗܢܘ ܕܝܢ ܦܠܓܗܿ ܕܨܘܪ ܘܦܠܓܗܿ ܕܨܝܕܘܢ. ܐܦ ܒܒܪܘ ܢܦܼܠ ܒܝܬ ܫܒܬܐ ܕܝܗܘ̈ܕܝܐ ܒܠܚܘܕܘܗܝ. ܒܗ ܒܝܘܡܐ ܗܘܿ ܕܥܟܘ ܐܬܗܦܟܬܼ. ܒܢ̈ܝ ܢܩܡܘܕܝܐ ܕܝܢ ܠܣܛܢܐ ܐܫܬܠܡܘ ܕܢܬܪܕܘܢ. ܘܣܘܓܗܘܢ ܡܢ ܕܝ̈ܘܐ ܡܫܬܢܩܝܢ ܗܘܘ. ܥܕܡܐ ܕܠܡܠ̈ܘܗܝ ܕܡܪܢ ܐܬܥܗܕܘ܇ ܘܒܨܘܡܐ ܘܒܨܠܘܬܐ ܐܬܐܡܢܘܿ. ܘܩܿܒܠܘ ܐܣܝܘܬܐ.. ܐܦ ܩܘܕ ܕܝܢ ܒܪ ܦܕܘܙ ܡܠܟܐ ܕܦܪ̈ܣܝܐܼ. ܒܗ ܒܝܘܡܐ ܗܢܐ ܕܐܬܚܼܙܝܬܿ ܒܗ ܢܘܪܐ ܗܝܿ. ܟܿܢܫ ܠܟܠܗ ܚܝܠܐ ܕܦܪ̈ܣܝܐ܆ ܘܐܬܼܐ ܘܣܠܼܩ ܥܠ ܓܪܒܝܐ. ܘܥܼܠ ܒܬܚܘܡܐ ܕܪ̈ܗܘܡܝܐ. ܥܡ ܚܝܠܐ ܗܘܿ ܕܗܘ̈ܢܝܐ ܕܐܝܬ ܗܘܐ ܠܘܬܗ. ܘܫܼܪܐ ܥܠ ܬܐܕܣܘܦܝܠܣ ܕܐܪܡܢܝ. ܘܟܒܫܗܿ ܒܝܘܡ̈ܬܐ ܙܥܘܪ̈ܐ. ܡܕܒܪܢܐ ܓܝܪ ܕܐܬܪܐ ܗܘܿ. ܕܫܡܗ ܩܘܣܛܢܛܝܢܐܼ. ܡܪܕ ܥܠ ܪ̈ܗܘܡܝܐܼ. ܘܐܫܠܡ ܠܗ. ܡܛܠ ܒܥܠܕܒܒܘܬܐ ܡܕܡ ܕܐܝܬ ܗܘܬ ܠܗ ܠܘܬ ܡܠܟܐ. ܒܼܙܗܿ ܗܟܝܠ ܗܼܘ ܩܘܕ ܠܡܕܝܢܬܐ ܘܚܪܒܗܿ ܘܐܘܩܕܗܿ.

Page 275

ܘܠܟܠܗܝܢ ܩܘܪ̈ܝܐ ܕܒܦܢܬܐ ܕܓܪܒܝܐ ܐܚܪܒ. ܘܠܣܪ̈ܝܕܐ ܕܐܫܬܚܪܘ ܕܒܼܪܘ ܒܫܒܝܐ. ܘܠܩܘܣܛܢܝܢܐ ܥܒܼܕܗ ܠܗ ܪܒ ܚܝܪܐ. ܘܫܒܼܩ ܒܬܐܕܣܘܦܝܠܝܣ ܡܛܪܬܐܼ ܘܫܼܩܠ ܡܢ ܬܡܢ.

ܫܢܬ ܬܡܢ̈ܡܐ ܘܐܪ̈ܒܥ ܥܣܪܐ. ܐܦ ܥܠ ܐܬܪܐ ܕܝܢ ܕܒܝܬ ܢܗܪ̈ܘܬܐ ܕܒܗ ܥܿܡܪܝܢܢܼ ܥܩ̈ܬܐ ܪܘܪ̈ܒܬܐ ܣܡܼܟ ܒܫܢܬܐ ܗܕܐ. ܐܝܟܢܐ ܕܗܠܝܢ ܕܥܠ ܐܘܪܫܠܡ ܓܼܙܪ ܡܫܝܚܐ ܡܪܢ ܒܫܒܪܬܗ ܘܫܡܠܝ ܒܥܒܿܕܐ. ܘܐܝܠܝܢ ܬܘܒ ܕܥܠ ܘܫܠܡܗ ܕܥܠܡܐ ܗܢܐ ܐܬܡܿܠܠܼ. ܢܗܼܘ̈ܝܢ ܠܚ̈ܡܢ ܐܦ ܠܐܝܠܝܢ ܕܠܢ ܓܼܕܫ̈ ܒܙܒܢܐ ܗܢܐ. ܡܢ ܒܬܪ ܓܝܪ ܕܗܘܘ ܙܘ̈ܥܐ ܒܕܘܟܐ ܕܘܟܐܐܝܟ ܡܐ ܕܟܿܬܒܬ ܠܟ: ܘܡܢ ܒܬܪ ܕܗܘܘ ܟܦ̈ܢܐ ܘܡܘ̈ܬܢܐ: ܘܗܼܘ̈ܝ ܕܚܠ̈ܬܐ ܘܣܘܪ̈ܕܐ: ܘܐܬܘ̈ܬܐ ܪܘܪ̈ܒܬܐ ܡܢ ܫܡܝܐ ܐܬܚ̈ܙܝܼ. ܩܡ ܥܡܐ ܥܠ ܥܡܐ ܘܡܠܟܘ ܥܠ ܡܠܟܘ. ܘܢܦܼܠܢܢ ܒܦܘܡܐ ܕܚܪܒܐ. ܘܐܫܬܼܒܝܢ ܠܟܠ ܐܬܪ. ܘܐܬܕܝܫܘܼ ܐܬܪܢ ܡܢ ܥܡ̈ܡܐ ܢܘܟܪ̈ܝܐ. ܐܝܟܢܐ ܕܐܠܘܠܐ ܒܡܠ̈ܘܗܝ ܕܡܪܢ ܕܐܡܼܪ: ܕܡܐ ܕܫܡܿܥܝܢ ܐܢܬܘܢ ܩܪ̈ܒܐ ܘܫܓܘ̈ܫܝܐ ܠܐ ܬܕܚܠܘܢ܆ ܥܬܝ̈ܕܢ ܐܢܝܢ ܓܝܪ ܠܘܩܕܡ ܗܠܝܢ ܠܡܗܘܐ: ܐܠܐ ܠܐ ܥܕܟܝܠ ܡܼܛܬܿ ܚܪܬܐ. ܡܡܪܚܝܢ ܗܘܝܢ ܠܡܐܡܪ ܕܡܼܛܐ ܠܗ ܫܠܘܡܗ ܕܥܠܡܐ. ܡܛܠ ܕܐܦ ܣܓܝ̈ܐܐ ܗܟܢܐ ܐܬܪܥܝܘ ܘܐܡܼܪܘ. ܚܢܢ ܕܝܢ ܡܬܒܩܝܢ ܗܼܘܝܢ ܕܠܘ ܒܟܠܗ ܥܠܡܐ ܗܘܐ ܩܪܒܐ ܗܢܐ. ܘܥܡ ܗܕܐ ܐܬܥܗܕܢ ܐܦ ܠܡܠ̈ܘܗܝ ܕܛܘܒܢܐ ܦܘܠܘܣ܆ ܗܿܢܝܢ ܕܒ̈ܝܢ ܙܗܿܪ ܗܘܐ ܠܬܣ̈ܠܘܢܩܝܐ ܡܛܠ ܡܬܝܬܗ ܕܡܪܢ ܟܕ ܐܡܿܪ܇ ܕܠܐ ܢܬܬܘܗܘܢ ܠܐ ܡܢ ܡܠܬܐ ܘܠܐ ܡܢ ܪܘܚܐ: ܘܠܐ ܡܢ ܐܝܓܪܬܐ ܡܫܓܝܢܝܬܐܼ. ܕܐܝܟ ܕܡܢ

Page 276

ܠܘܬܗ ܗܝ. ܕܗܐ ܠܡ ܡܿܛܝ ܝܘܡܗ ܕܡܪܝܐ: ܘܚܘܝ ܕܠܐ ܡܨܝܐ ܕܢܗܘܐ ܫܘܠܡܐ ܥܕܡܐ ܕܡܬܓܠܐ ܡܫܝܚܐ ܕܓܠܐ. ܡܢ ܗܠܝܢ ܗܟܝܠ ܡ̈ܠܐ ܕܡܪܢ ܘܕܫܠܝܚܗ ܐܣܬܟܠܢ܆ ܕܠܐ ܗܘܐ ܡܛܠ ܕܙܒܢܐ ܗܘܐܚܪܝܐܼ ܓܕܫ ܠܢ ܗܠܝܢ܆ ܐܠܐ ܠܡܪܕܘܬܐ ܕܝܠܢ ܗܘ̈ܝ ܡܛ ܠܕܥܫܢܘ ܚܛ̈ܗܝܢ… ܐܬܼܐ ܓܝܪ ܩܘܕ ܡܿܠܟܐ ܕܦܘܪ̈ܣܝܐ ܡܢ ܓܪܒܝܐ: ܒܝܘܡ ܚܡ̈ܫܐ ܒܐܝܪܚ ܬܫܪܝ ܩܕܝܡ܆ ܒܝܘܡ ܫܒܬܐܼ. ܘܫܼܪܐ ܥܠ ܐܡܕ ܡܕܝܢܬܐ ܕܐܝܬܝܗܿ ܠܘܬܢ ܒܝܬ ܢܗܪ̈ܘܬܐ. ܗܘܼ ܘܟܠܗ ܚܝܠܗ. ܐܢܣܛܘܣ ܕܝܢ ܡܠܟܐ ܕܪ̈ܗܘܡܝܐ: ܟܕ ܫܡܼܥ ܕܟܿܢܼܫ ܩܘܕ ܚܝܠܗ܆ ܠܐ ܨܼܒܐ ܕܢܪܥܼܝܘܗܝ ܒܩܪܒܐ. ܡܛܠ ܕܠܐ ܢܬܐܫܕ ܕܡܐ ܕܬܪ̈ܝܗܘܢ ܓܒ̈ܐ. ܐܠܐ ܫܕܪ ܠܗ ܕܗܒܐ ܒܝܕ ܪܘܦܢܐ ܘܦܩܼܕܗܼ ܕܐܢ ܗܘܼ ܕܥܠ ܬܚܙܐ ܐܝܬܘܗܝ ܩܘܕ܇ ܘܥܕܟܝܠ ܠܐ ܥܒܝܪ ܠܒܝܬ ܪ̈ܗܘܡܝܐ܆ ܢܬܠ ܠܗ ܕܗܒܐܼ ܘܢܫܪܝܘܗܝ. ܟܕ ܕܝܢ ܡܛܼܐ ܪܘܦܝܢܐ ܠܩܣܪܝܐ ܕܩܦܕܘܩܝܐ܇ ܫܡܼܥ ܕܐܚܪܒ ܐܢܝ̈ܢ ܩܘܕ܇ ܠܐܓܝܠ ܘܠܨܘܦ ܘܠܐܪܡܢܝ ܘܠܥܪܒܼ. ܫܒܼܩܗ ܠܕܗܒܐ ܒܩܣܪܝܐ ܘܐܙܼܠ ܠܘܬܗ. ܘܐܡܼܪ ܠܗ ܕܢܦܘܩ ܡܢ ܬܚܘܡܐ ܘܢܿܣܒ ܕܗܒܐ. ܗܘܼ ܕܝܢ ܠܐ ܨܒܼܐ. ܐܠܐ ܐܚܕܗ ܠܪܘܦܢܐ. ܘܦܩܼܕ ܕܢܬܢܼܛܪ. ܘܐܬܟܬܫ ܥܠ ܐܡܕܼ ܗܘܼ ܘܟܠܗ ܚܝܠܗ ܒܟܠ ܐܣܟܝܡ ܕܩܪܒܐ. ܒܐܝܡܡܐ ܘܒܠܠܝܐ. ܘܒܢܼܐ ܥܠܝܗܿ ܟܘܕܢܬܐ. ܘܒܢܼܘ ܐܡ̈ܕܝܐ ܘܐܘܣܦ ܥܠ ܪܘܡܗ ܕܫܘܪܐ. ܘܟܕ ܐܬܬܪܝܡܬ ܟܘܕܢܬܐܼ. ܩܿܪܒܘ ܪܝܫ ܕܟܪܐ ܦܘܪ̈ܣܝܐ. ܘܟܕ ܢܩܫܼܘ ܒܫܘܪܐ ܬܟܝܒܐܝܬ ܐܬܪܦܝ ܒܢܝܢܐ ܗܘܿ ܚܕܬܐ. ܡܛܠ ܕܠܐ ܥܕܟܝܠ ܐܬܝܬܒ ܗܘܼܐ ܘܢܦܼܠ. ܐܡܕ̈ܝܐ ܕܝܢ ܦܠܫܘ ܦܘܠܫܬܐ ܒܫܘܪܐ ܬܚܝܬ ܟܘܕܢܬܐܼ. ܘܓܼܪܘܗܝ ܠܡܕܪܐ ܕܟܫܼܐ ܗܘܐ ܒܗܿ ܠܓܘ ܡܕܝܢܬܐ ܟܣܝܐܝܬ܆ ܟܕ ܬܠܿܝܢ

Page 277

ܗܘܘ ܠܗ ܠܥܒܕܐ ܒܩܝ̈ܡܬܐ. ܘܐܬܦܚܬܬܿ ܟܘܕܢܬܐ ܘܢܦܼܠܬܿ. ܘܟܕ ܠܐ ܡܬܡܨܐ ܗܘܐ ܩܘܕ ܚܝܠܗܿ ܕܡܕܝܢܬܐܼ. ܫܕܪ ܠܢܥܡܢ ܡܿܠܟܐ ܕܛܝ̈ܝܐ ܥܡ ܟܠܗ ܚܝܠܗܼ. ܕܢܐܙܠܘܢ ܥܠ ܬܝܡܢܐ ܠܒܝܬ ܚܪ̈ܢܝܐ. ܘܐܦ ܡܢ ܚܝܠܐ ܕܦܘܪ̈ܣܝܐ ܩܪܒܼܘ ܠܩܕܡܝܗܘܢܼ. ܥܕܡܐ ܠܩܘܣܛܢܛܝܢܐ ܡܕܝܢܬܐ ܕܗܼܝ ܬܠܐ. ܘܒܿܙܝܢ ܗܘܘ ܘܚܿܛܦܝܢ ܘܡܿܚܪܒܝܢ ܠܟܠܗ ܐܬܪܐ. ܒܝܘܡ ܬܫܬܥܣܪ̈ ܕܝܢ ܒܗ ܒܝܪܚܐ ܕܬܫܪܝ ܐܚܪܝ. ܢܦܼܩ ܐܠܘܡܦܝܣ ܕܘܟܣܬ ܕܬܠܐ ܘܐܘܓܢܝܣ ܕܘܟܣ ܕܡܠܝܛܝܢܐܿ ܕܢܚܬ ܗܘܐ ܒܗ ܒܙܢܐܼ. ܗܼܢܘܢ ܘܚܝܠܗܘܢ܆ ܘܠܐܝܠܝܢ ܦܘܪ̈ܣܝܐ ܕܐܫܟܚ ܒܩܘܪܗܝܐ ܕܚܕܪ̈ܝ ܬܠܐܼ. ܚܼܪܒ ܐܢܘܢ. ܘܟܕ ܐܬܦܢܝܘ ܠܡܥܛܦ ܠܡܕܝܢܬܐܼ. ܐܘܕܥ ܐܢܘܢ ܐܢܫܼ. ܕܚܡ̈ܫܡܐܐ ܐܢܫ̈ܝܢ ܐܝܬ ܒܚܝܠܐ ܚܕ. ܘܠܘ ܣܿܓܝ ܪܚܝܩܝܢ ܡܢܗܘܢ. ܘܗܼܢܘܢ ܐܬܛܝܒܘ ܠܡܐܼܙܠ ܥܠܝܗܘܢ. ܘܚܝܠܐ ܕܪ̈ܗܘܡܝܐ ܕܥܡܗܘܢ܇ ܐܬܦܠܗܕܘ ܗܘܘ ܠܗܘܢ ܠܡܿܫܠܚܘ ܩܛܝ̈ܠܐ. ܘܡܛܠ ܕܠܠܝܐ ܗܘܼܐ ܦܩܕ ܐܠܘܡܦܝܣ ܕܢܿܕܠܩܘܢ ܢܘܪܐ ܥܠ ܪܝܫ ܪܡܬܐ. ܘܢܩܪܘܢ ܒܩܪ̈ܢܬܐ ܐܝܟ ܡܢ ܕܢܬܟܢܫܘܢ ܠܘܬܗܘܢ ܐܝܠܝܢ ܕܐܬܦܠܗܕܘ. ܡܪ̈ܙܒܢܐ ܕܝܢ ܕܦܘܪ̈ܣܝܐ ܗܠܝܢ ܕܫܪܝܢ ܗܘܘ ܒܬܠܒܫܡܝ ܩܪܝܬܐ. ܟܕ ܚܼܙܘ ܙܗܪܐ ܕܢܘܪܐ ܘܫܡܼܥ ܩܠܐ ܕܩܪ̈ܢܬܐ܆ ܙܿܝܢܘ ܠܟܠܗ ܚܝܠܗܘܢ ܘܐܬܼܘ ܥܠܝܗܘܢ. ܘܟܕ ܚܼܙܘ ܦܪ̈ܫܐ ܕܪ̈ܗܘܡܝܐ ܠܦܘܪ̈ܣܝܐ ܕܣ̈ܓܝܐܝܢ ܐܢܘܢ ܡܢܗܘܢܼ. ܗܦܼܟ ܠܗܘܢ. ܪ̈ܓܠܝܐ ܕܝܢ ܠܐ ܐܡܕܘ ܠܡܬܦܿܠܛܘܼ. ܐܠܐ ܐܬܠܼܨܘ ܠܗܘܢ ܠܡܩܪܒܘ. ܘܐܬܟܢܫ ܘ ܐܣܬܕܪܘ ܠܩܪܒܐ. ܘܥܒܕ ܠܗܿܝ ܕܡܬܩܪܐ ܟܠܘܢܢ ܕܗܼܝ ܓܐܠܐ. ܘܐܩܪܒܘ ܥܕܢܐ ܣܓܝܐܐ. ܘܟܕ ܣܼܓܐ ܠܗ ܥܠܝܗܘܢ (ܚܝܠܐ) ܕܦܘܪ̈ܣܝܐ܆ ܘܐܬܬܘܣܦܘ ܬܘܒ ܥܠܝܗܘܢ ܗܘ̈ܢܝܐ ܘܛܝ̈ܝܐܼ.

Page 278

ܘܐܬܬܪܥܘ ܠܗ ܣܕܪ̈ܝܗܘܢ ܘܐܫܬܓܫܘ ܒܚ̈ܕܕܐ. ܘܐܬܚܠܦܛܘ ܒܝܢܬ ܦܪ̈ܫܐ. ܘܒܛܦܪܗܐ ܕܪ̈ܟܫܐ ܕܛܝ̈ܝܐ ܐܬܬܕܝܫ ܘܐܬܡܥܼܣܘ ܘܐܬܚܪܒܘ ܣܓܝ̈ܐܐ ܡܢ ܪ̈ܗܘܡܝܐܼ ܘܫܪܟܐ ܐܫܬܼܒܝ.. ܘܒܝܘܡ ܥܣܪܝܢ ܘܫ̈ܬܐ ܒܗܼ ܒܝܪܚܐ ܗܢܐ: ܐܬܼܐ ܐܦ ܢܥܡܢ ܡܢ ܬܝܡܢܐ ܘܥܼܠ ܠܒܝܬ ܚܪ̈ܢܝܐ܇ ܘܚܼܪܒ ܘܒܙܼ. ܘܫܒܼܐ ܐܢܫܘܬܐ ܘܒܥܝܪܐ ܘܩܢܝܢܐ ܕܟܠܗ ܒܝܬ ܚܪ̈ܢܝܐ. ܘܐܬܼܐ ܐܦ ܥܕܡܐ ܠܐܘܪܗܝ. ܟܕ ܡܿܚܪܒ ܘܒܝܿܙ ܘܫܿܒܐ ܠܟܠܗ̈ܝܢ ܩܘܪ̈ܝܐ ܡܢܝܢܐ ܕܒܢܝ̈ܢܫܐ ܕܕܒܼܪ ܒܫܒܝܬܐܼ. ܬܡ̈ܢܬܥܣܪ ܐܠܦ̈ܝܢ ܘܚܡܫ̈ܡܐܐ. ܣܛܪ ܡܢ ܐܝܠܝܠܢ ܕܐܬܩܛܠܘ ܘܣܛܪ ܡܢ ܒܥܝܪܐ ܘܩܢܝܢܐ ܘܒܙܬܐ ܕܟܠ ܨܒܘ̈ܢ. ܥܠܬܐ ܕܝܢ ܕܟܠܗ ܥܡܐ ܗܢܐ ܢܫܬܟܚ ܒܩܘܪ̈ܝܣܼ. ܗܘܼܐ ܙܒܢܐ ܕܩܛܦܐ. ܕܠܘ ܒܠܚܘܕ ܒܢ̈ܝ ܩܘܪ̈ܝܐ ܢܿܦܩܝܢ ܗܘܘ ܠܩܛܦܐܼ. ܐܠܐ ܣܓܝ̈ܐܐ ܚܪ̈ܢܝܐ ܘܐܘܪ̈ܗܝܐ ܢܦܩܘ ܘܐܫܬܒܝ. ܘܡܛܠ ܗܠܝܢ ܐܬܬܚܕܬܿ ܐܘܪܗܝ ܘܡܬܢܛܪܐ ܗܘܬ. ܘܐܬܚܦܪܘ ܦܣ̈ܐ ܘܐܬܬܩܢ ܫܘܪܐ. ܘܐܣܬܪܦܘ ܬܪ̈ܥܐ ܕܡܕܝܢܬܐ ܒܦ̈ܣܝܠܬܐ. ܡܛܠ ܕܒܠܝܝܢ ܗܘܘ. ܘܒܥܼܘ ܕܢܚܕܬܘܢ ܐܢܘܢ܇ ܘܢܥܒܕܘܢ ܡܘ̈ܟܠܐ ܠܩܛܪ̈ܩܛܐ ܕܢܗܪܐ܇ ܕܕܠܡܐ ܐܢܫ ܢܥܘܠ ܡܢܗܘܢ. ܘܠܐ ܐܫܬܟܚ ܦܪܙܠܐ ܕܣܿܦܩ ܠܗ ܠܥܒܿܕܐ. ܘܐܬܦܼܩܕ ܦܘܩܕܢܐܼ. ܕܬܬܠ ܟܠ ܕܪܬܐ ܕܐܝܬ ܒܐܘܪܗܝ ܥܣܪ ܠܝܛܪ̈ܝܢ ܦܪܙܠܐ. ܘܟܕ ܗܕܐ ܐܣܬܥܪܬܿ ܐܬܓܡܪ ܥܒܿܕܐ. ܐܘܓܢܝܣ ܕܝܢ ܟܕ ܚܼܙܐ ܕܠܐ ܡܫܟܚ ܕܢܪܘܥ ܠܦܘܪ̈ܣܝܐ ܟܠܗܘܢ܆ ܕܒܼܪ ܠܚܝܠܐ ܕܐܫܬܚܪ ܠܗܼ ܘܐܙܼܠ ܥܠ ܡܛܪܬܐ ܗܝܿ ܕܐܝܬ ܗܘܼܬ ܠܗܘܢ ܒܬܐܕܣܘܦܘܠܣ ܘܚܼܪܒ ܠܐܝܠܝܢ ܕܐܝܬ ܗܘܐ ܒܗܿ ܘܢܣܒܗܿ ܠܡܕܝܢܬܐ ..ܩܘܕ ܕܝܢ ܥܕܟܝܠ ܥܠ ܐܡܕ ܡܿܩܪܒ ܗܘܐ. ܘܡܬܚܼܪܐ ܗܘܐ ܘܥܧܡܠ ܕܢܪܝܡܝܗܿ ܠܟܘܕܢܬܐ ܗܝܿ ܕܢܦܼܠܬܿ. ܘܦܩܼܕ ܠܦܪ̈ܣܝܐ ܕܒܟ̈ܐܦܐ

Page 279

ܘܒܩܝ̈ܣܐ ܢܡܠܘܢܗܿ ܘܕܢܝܿܬܘܢ ܡ̈ܐܢܐ ܕܣܥܪܐ ܘܕܥܡܪܐ ܘܕܟܬܢܐ: ܘܢܥܒܕܘܢ ܐܢܘܢ ܒܕܡܘܬ ܫܠ̈ܝܦܐ ܐܘ ܣ̈ܩܐܼ. ܘܢܡܠܘܢܐܢܘܢ ܡܕܪܐܼ ܘܢܒܢܘܢܠܥܠ ܡܢ ܟܘܕܢܬܐܗܝܿ ܕܥܒܕ ܐܝܟ ܕܬܪܝܡܠܘܩܒܠ ܫܘܪܐ ܩܠܝܠܐܝܬ. ܗܝܕܝܢ ܐܡ̈ܕܝܐ ܪܟܒ ܡܐܢܐ. ܗܘܿ ܕܗܼܢܘܢ ܦܘܪ̈ܣܝܐ ܛܘܒܚܐ ܟܢܝܘܗܝܼ. ܡܛܠ ܗܝܿ ܕܠܟܠܗ ܥܡܠܗܘܢ ܥܿܘܟ. ܘܠܗܘܢ ܚܿܒܠ. ܫܿܕܝܢ ܗܘܘ ܒܗ ܓܝܪ ܐܡܗܕܝܐ ܒܡܐܢܐ ܗܘܼܿ. ܟ̈ܐܦܐ ܪܘܪ̈ܒܬܐܼ ܕܬܩܠܐ ܗܘܬ ܚܕܐ ܡܢܗܝܢ ܝܬܝܪ ܡܢ ܬܠܬ̈ܡܐܐ ܠܝܛܪ̈ܝܢ. ܘܗܟܢܐܐܬܬܠܚܬ ܬܟܣܝܬܐ ܕܥܡܪ ܟܘܒܐ ܕܡܣܬܬܪܝܢ ܗܘܘ ܦܘܪ̈ܣܝܐ ܬܚܬܝܗܿ. ܘܐܬܛܒܚܘ ܐܝܠܝܢ ܕܬܚܘܬܝܗܿ ܩܿܝܡܝܢ ܗܘܘ. ܘܐܬܬܒܪ ܐܦ ܪܝܫ ܕܟܪܐ. ܡܛܠ ܐܡܝܢܘܬܗܝܢ ܕܟ̈ܐܦܐ ܕܕܠܐ ܫܘܠܐ ܡܫܬܕܝܢ ܗܘ̈ܝ. ܠܐ ܓܝܪ ܡܨܝܢ ܗܘܘ ܐܡܕ̈ܝܐ ܕܒܡܕܡ ܐܚܪܢܐ ܢܣܿܓܦܘܢ ܐܢܘܢ ܠܦܪ̈ܣܝܐ: ܐܝܟ ܕܒܝܕ ܟ̈ܐܦܐ ܪܘܪ̈ܒܬܐ. ܡܛܠ ܕܬܟܣܝܬܐ ܗܝܿ ܕܥܡܪ ܟܘܒܐ ܕܪܨܝܕܐ ܗܘܬ ܥܠ (ܟܘܕܢܬܐ) ܙܒܢ̈ܝܢ ܣ̈ܓܝܐܢ܆ ܘܡܫܿܦܥܝܢ ܗܘܘ ܥܠܝܗܿ ܦܘܪ̈ܣܝܐ ܡܝ̈ܐ. ܘܠܐ ܡܬܢܟܝܐ ܗܘܬ ܡܢ ܓܐܪ̈ܐ ܡܛܠ ܥܒܝܘܬܗܿ. ܘܠܐ ܡܢ ܢܘܪܐ ܡܛܠ ܪܛܝܒܘܬܗܿ. ܟ̈ܐܦܐ ܕܝܢ ܗܠܝܢ ܪܘܪ̈ܒܬܐ ܕܡܢ ܛܘܒܚܐ ܡܫܬܕܝܢ ܗܘ̈ܝ. ܠܬܟܣܝܬܐ ܘܠܓܒܪ̈ܐ ܘܠܡ̈ܐܢܝ ܙܝܢܐ ܚܿܒܠ. ܘܗܟܢܐ ܐܙܕܟܝܘ ܦܘܪ̈ܣܝܐ ܘܐܗܡܝܘ ܡܢ ܕܠܡܥܡܠ ܒܟܘܕܢܬܐ ܗܝ܇ ܘܐܬܡܠܟܘ ܕܢܗܦܟܘܢ ܠܐܬܪܗܘܢ. ܡܛܠ ܕܒܬܠܬ̈ܐ ܝܪ̈ܚܝܢ ܕܝܬܿܒܘ ܥܠܝܗܿ܆ ܚܡ̈ܫܝܢ ܐܠܦܝܢ ܡܢܗܘܢ ܐܬܚܪܒܘ ܒܩܪ̈ܒܐ ܕܟܠܝܘܡ ܡܬܥܒܕܝܢ ܗܘܘ ܒܠܠܝܐ ܘܒܐܝܡܡܐ.. ܐܡܕ̈ܝܐ ܕܝܢ ܐܬܬܟܠܘ ܥܠ ܙܟܘܬܗܘܢ ܘܢܦܠܘ ܒܡܗܡܝܢܘܬܐ ܘܠܐ ܢܛܪܘ ܫܘܪܐ ܒܚܦܝܛܘܬܐܼ ܐܝܟ ܕܡܢ ܩܕܝܡ. ܘܒܝܘܡ ܥܣܪ̈ܐ ܒܐܪܚ ܟܢܘܢ ܚܪܝ ܚܡܪܐ ܣܓܝܐܐ ܐܫܬܼܝܘ

Page 280

ܢܛܪ̈ܝ ܫܘܪܐ ܡܛܠ ܥܠܬܐ ܕܩܘܪܫܐ. ܘܟܕ ܗܘܐ ܠܠܝܐ ܕܡܟܘ ܘܐܬܛܒܥܘ ܒܫܼܢܬܐ ܝܩܝܪܬܐ. ܘܐܚܪ̈ܢܐ ܫܒܩܘ ܡܛܪܬܗܘܢܼ ܡܛܠ ܕܡܛܪܐ ܢܚܿܬ ܗܘܐ ܘܢܚܼܬ ܠܡܣܬܬܪܘ ܒܒ̈ܬܝܗܘܢ. ܐܢ ܗܟܝܠ ܒܪܦܝܘܬܐ ܗܕܐܼ ܐܝܟ ܡܐ ܕܚܢܢ ܣܿܒܪܝܢܢܼ ܘܐܢ ܒܢܟܠܐ ܕܡܫܠܡܢܘܬܐܼ ܐܝܟ ܕܐܢܫ̈ܝܢ ܐܡܼܕ܇ ܘܐܢ ܒܡܣܡ ܒܪܝܫܐ ܕܡܢ ܐܠܗܐܼ. ܦܘܪ̈ܣܝܐ ܐܫܬܠܛܘ ܒܫܘܪܐ ܕܐܡܕ ܒܝܕ ܣܒ̈ܠܬܐ. ܟܕ ܠܐ ܬܪ̈ܥܐ ܦܬܝܚܝܢܼ ܘܠܐ ܫܘܪܐ ܬܪܝܥ. ܘܚܪܒܘܗܿ ܠܡܕܝܢܬܐ: ܘܒܙܘ ܩܢܝܢܗܿ ܘܕܫ ܩܘܕܫܐ. ܘܨܥܪ ܬܫܡܫܬܗܿ. ܘܫܠܚ ܗܝܟܠ̈ܝܗܿ. ܘܕܒܪ ܒܫܒܝܬܐܠܥܡܘܪ̈ܝܗܿ. ܣܛܪ ܡܢ ܣ̈ܒܐ ܘܣܓܝ̈ܦܐ ܘܐܝܠܝܢ ܕܐܬܛܿܫܝܘ. ܘܫܒܩܘ ܬܡܢ ܡܛܪܬܐ ܬܠܬ̈ܐ ܐܠܦ̈ܝܢ ܓܒܪ̈ܝܢ. ܘܢܚܼܬܘ ܟܠܗܘܢ ܠܛܘܪܐ ܕܫܝܓܪ. ܡܛܠ ܕܝܢ ܕܠܐ ܢܬܐܠܨܘܢ ܦܘܪ̈ܣܝܐ ܕܦܼܫ ܡܢ ܪܝܚܐ ܕܫܠ̈ܕܝܗܘܢ ܕܐܡܕܝ̈ܐ܆ ܐܦܩܘ ܘܟܫܘ ܐܢܝܢ ܬܪ̈ܬܝܢ ܟܫ̈ܝܢ ܠܒܪ ܡܢ ܬܪܥܐ ܓܪܒܝܝܐ. ܕܗܘܿܐ ܗܘܐ ܡܢܝܢܐ ܕܐܝܠܝܢ ܕܢܦܼܩܘ ܒܗ ܒܬܪܥܐ ܓܪܒܝܝܐܼ ܝܬܝܪ ܡܢ ܬܡܢ̈ܝܢܐܠܦ̈ܝܢ܆ ܣܛܪ ܡܢ ܐܠܝܠܝܢ ܕܐܦܩ ܟܕ ܚܝܝܢ. ܘܪܓܡܘ ܐܢܘܢ ܠܒܪ ܡܢ ܡܕܝܢܬܐ. ܘܣܛܪ ܡܢ ܐܝܠܝܢ ܕܕܿܓܫ ܠܥܠ ܡܢ ܟܘܕܢܬܐ ܗܝܿ ܕܥܒܕ. ܘܣܛܪ ܡܢ ܐܝܠܝܢ ܕܐܫܕܝܘܢ ܒܕܩܠܬ. ܘܕܡܝܼܬ ܒܟܠ ܫܘܚܠ̈ܦܝܢ ܕܠܐ ܣܿܦܩܝܢܢ ܠܡܬܢܝܘ ܥܠ ܡܘ̈ܬܝܗܘܢ.. ܗܝܕܝܢ ܫܪܝܗܝ ܩܘܕ ܠܪܘܦܝܢܐ ܕܢܼܐܙܠ ܘܢܬܢܐ ܠܡܠܟܐ ܐܝܠܝܢ ܕܐܣܬܥܪܘ. ܗܘܼ ܕܝܢ ܒܟܠܕܘܟ ܥܠ ܚܘ̈ܒܠܐ ܗܠܝܢ ܡܬܿܢܐ ܗܘܐ. ܘܡܢ ܗܠܝܢ ܛܒ̈ܐ ܐܬܪ̈ܗܒ ܡܕܝ̈ܢܬܐ ܕܒܡܕܢ̈ܚܝ ܦܪܬ. ܘܐܬܛܝܒ ܠܡܥܼܪܩ ܠܡܥܪܒܐ. ܡܝܩܪܐ ܕܝܢ ܝܥܩܘܒ ܦܪܝܘܕܘܛܐܼ ܗܘܿ

Page 281

ܕܡܐܡܪ̈ܐ ܣ̈ܓܝܐܐ ܣܝܼܡܝܢ ܠܗ ܥܠ ܦܣܘ̈ܩܐ ܕܟܬܒ̈ܐܼ ܘܣܘ̈ܓܝܬܐ ܘܙܡܝܪ̈ܬܐ ܥܒܝܕ ܠܗ ܥܠ ܙܒܢܐ ܗܘܿ ܕܩܡܨܐܿ. ܠܐ ܐܗܡܼܝ ܐܦܠܐ ܒܙܒܢܐ ܗܠܢܐ ܡܢ ܐܝܕܐ ܕܦܐܝܐ ܗܘܬ ܠܗ. ܐܠܐ ܟܬܼܒ ܐܝܓܪ̈ܬܐ ܕܡܪܬܝܢܘܬܐ ܠܟܠܗܝܢ ܡܕܝ̈ܢܬܐ. ܟܕ ܡܿܬܟܠ ܠܗܘܢ ܥܠ ܦܘܪܩܢܐ ܕܐܠܗܐ. ܘܡܠܒܒ ܠܗܘܢ. ܕܠܐ ܢܥܪܩܘܢ. ܐܦ ܡܠܟܐ ܐܢܣܛܘܣ ܟܕ ܫܡܼܥ ܫܕܪ ܚܝܠܐ ܣܓܝܐܐ ܕܪ̈ܗܘܡܝܐ ܕܢܿܣܬܘܢ ܒܗܝܢ ܒܡܕܝ̈ܢܬܐ ܘܢܛܪܘܢ ܐܢܝܢ. ܠܩܘܕ ܕܝܢ ܠܐ ܣܦܼܩܬܿ ܠܗ ܒܙܬܐ ܟܼܠܗܿ ܕܒܼܙ ܘܫܒܼܝܬܐ ܕܫܒܼܐ. ܘܠܐ ܣܒܼܥ ܡܢ ܕܡܐ ܣܓܝܐܐ ܕܐܫܕܘ. ܐܠܐ ܫܕܪ ܐܝܙ̈ܓܕܐ ܠܘܬ ܡܠܟܐܼ ܕܫܿܕܪ ܠܝ ܕܗܒܐ. ܐܘ ܩܿܒܠ ܩܪܒܐ. ܗܠܝܢܼ ܒܐܪܚ ܢܝܣܢ. ܡܠܟܐ ܕܝܢ ܕܗܒܐ ܠܐ ܫܕܪ: ܐܠܐ ܐܬܛܝܒ ܠܡܬܢܿܩܡܘ ܘܠܡܬܒܥ ܥܝܪܬܐ ܕܐܝܠܝܢ ܕܐܒܼܕܘ. ܘܒܐܝܪܚ ܐܝܪ ܫܕܪ ܥܠܘܗܝ ܬܠܬ̈ܐ ܪ̈ܝܫܝ ܚܝܠ̈ܘܬܐ. ܐܪܒܝܢܕܐ ܘܦܛܪܝܩ ܘܗܘܦܛܼ ܘܡܕܒܪ̈ܐ ܣܓܝ̈ܐܐ ܥܡܗܘܢ. ܘܢܚܼܬ ܐܪܒܝܢܕܐ ܘܫܼܪܐ ܥܠ ܬܚܘܡܐ ܠܘܬ ܕܪܐ ܘܥܡ̈ܘܕܝܢ ܠܐܦ̈ܝ ܢܨܒܝܢ ܡܕܝܢܬܐ. ܘܐܝܬ ܗܘܐ ܥܡܗܼ ܬܪܥܣܪ̈ ܐܠܦ̈ܝܢ ܓܒܪܗܝܢ. ܘܦܛܪܝܩ ܘܗܘܦܛܣ ܫܪܘ ܥܠ ܐܡܕ. ܠܡܦܩܘ ܡܢ ܢܬܡܢ ܡܛܪܬܐ ܕܦܪ̈ܣܝܐ. ܘܐܝܬ ܗܘܐ ܥܡܗܘܢ ܐܪ̈ܒܥܝܢ ܐܠܦ̈ܝܢ. ܢܚܼܬ ܕܝܢ ܐܦ ܒܙܒܢܐ ܗܢܐܼ ܐܦܝܘܢ ܗܘܦܟܪܐܼ ܘܝܬܼܒ ܒܐܘܪܗܝ ܠܡܐܨܦ ܕܬܪܣܝܬܗ ܕܚܝܠܐ ܕܪ̈ܘܡܝܐ ܕܥܡܗܘܢ. ܘܡܛܠ ܕܠܐ ܡܿܡܕܝܢ ܗܘܘ ܢܚ̈ܬܘܡܐ ܠܡܥܒܕ ܠܚܡܐܼ. ܦܩܼܕ ܕܢܬܝ̈ܗܒܢ ܚ̈ܛܐ ܠܟܠܗܝܢ ܕܪ̈ܬܐ ܕܐܝܬ ܒܐܘܪܗܝܼ ܘܢܥܒܕܘܢ ܒܘܩܠܛܢ ܒܢܦ̈ܩܬܐ ܕܝܠܗܘܢ. ܘܐܦܩܘ ܐܘܪ̈ܗܝܐ ܒܙܒܢܬܐ ܩܕܡܝܬܐܼ ܫܬܡ̈ܐܐ ܘܬܠܬ̈ܝܢ ܐܠܦ̈ܝܢ ܡ̈ܕܘܬܐ.. ܩܘܕ ܕܝܢ ܟܕ ܚܼܙܐ

Page 282

ܕܙܥܘܪܝܢ ܐܢܘܢ ܗܠܝܢ ܕܒܝܬ ܐܪܒܝܢܕܐܼ. ܫܕܪ ܥܠܝܗܘܢ ܚܝܠܐ ܕܐܝܼܬ ܗܘܐ ܠܘܬܗ ܒܫܝܓܪܼ ܥܣܪ̈ܝܢ ܐܠܦ̈ܝܢ ܦܘܪ̈ܣܝܐ. ܘܪܕܦ ܐܢܘܢ ܐܪܒܝܢܕܐ ܙܒܢܬܐ ܘܬܪ̈ܬܝܢ. ܥܕܡܐ ܕܐܬܬܚܝܘ ܠܘܬ ܬܪܥܐ ܕܢܨܒܝܢ܆ ܟܕ ܡܬܚܪܒܝܢ. ܘܣܓܝ̈ܐܐ ܡܢ ܥܪ̈ܘܩܐ ܒܬܪܥܐ ܐܬܚܢܩܘܼ. ܟܕ ܚܿܒܨܝܢ ܠܡܥܠ.. ܒܐܪܚ ܬܡܘܙ ܕܝܢ ܐܬܟܢܫܘ ܥܡ ܦܘܪ̈ܣܝܐܼ. ܐܦ ܗܘ̈ܢܝܐ ܘܛܝܝ̈ܐ ܠܡܐܬܐ ܥܠܘܗܝ. ܘܩܘܣܛܢܛܝܢܐ ܒܪܝܫܗܘܢ. ܘܟܕ ܝܠܼܦ ܗܕܐ ܡܢ ܓܫܘ̈ܫܐ܆ ܫܕܪ ܠܩܠܝܘܦ ܚܠܒܝܐ ܠܘܬ ܦܛܪܝܩ ܘܗܦܝܛ ܟܕ ܐܡܿܪ. ܕܬܘ ܠܘܬܝ ܘܗܘܼܘ ܠܝ ܡܥܕܪ̈ܢܐ. ܡܛܠ ܕܚܝܠܐ ܣܓܝܐܐ ܥܬܝܕ ܠܡܐܬܐ ܥܠܝܢ. ܗܢܼܘܢ ܕܝܢ ܠܐ ܐܫܬܡܼܥܘ. ܐܠܐ ܥܠ ܕܘ̈ܟܝܬܗܘܢ ܩܿܘܝܘ ܠܘܬ ܐܡܕ. ܟܕ ܕܝܢ ܐܬܘ ܦܘܪ̈ܣܝܐ ܥܠ ܗܠܝܢ ܕܒܝܬ ܐܪܒܝܢܕܐܼ. ܠܐ ܐܫܟܚ ܠܡܬܟܬܫܘ ܥܡܗܘܢ. ܐܠܐ ܫܒܩ ܡܫܪܝܬܗܘܢ. ܘܐܬܦܠܛ ܠܬܠܐ ܘܠܐܘܪܗܝ. ܘܟܠܗ ܥܒܿܕܗܘܢ ܐܬܒܙܙ ܘܐܫܬܼܒܝ. ܕܒܝܬ ܦܛܪܝܩ ܕܝܢ ܘܗܘܦܛܼ ܡܪܟܒܝܢ ܗܘܘ ܬܠܬ̈ܐ ܡܓ̈ܕܠܝܢ ܕܩܝܣܐ ܠܡܣܡ ܒܗܘܢ ܠܫܘܪܐ ܕܐܡܕ. ܘܟܕ ܐܫܬܡܠܝ ܬܘܩܢܗܘܢ ܕܡܓ̈ܕܠܐ ܒܢܦ̈ܩܬܐ ܣܓܝ̈ܐܬܐ: ܘܐܬܚܙܩ ܒܦܪܙܠܐ ܕܠܐ ܢܬܢܟܘܢ ܡܢ ܡܕܡ: ܗܝܕܝܢ ܐܬܒܕܿܩ ܠܗܘܢ ܡܕܡ ܕܓܕܫ ܒܬܚܘܡܐ. ܘܐܘܩܕ ܐܢܘܢ ܠܡܓ̈ܕܠܐ. ܘܫܩܠ ܡܢ ܬܡܢ܆ ܘܐܼܙܠ ܒܬܪ ܦܘܪ̈ܣܝܐܼ. ܘܠܐ ܐܕܪܟܘ ܐܢܘܢ. ܚܕ ܕܝܢ ܡܢ ܡܕܒܪ̈ܢܐ ܕܫܡܗ ܦܪܙܡܢ ܘܐܚܪܢܐ ܕܫܡܗ ܬܐܕܘܪܐ܆ ܫܕܪ ܒܨܢܥܬܐ ܥܢܐ ܕܬܥܒܪ ܠܘܬ ܐܡܕ. ܘܗܢܼܘܢ ܘܚܝܠܗܘܢ ܝܬܒܼ ܒܟܡܝܢܐ܆ ܘܟܕ ܚܙܘܗ ܦܘܪ̈ܣܝܐ ܠܥܢܐܼ ܡܢ ܓܘ ܐܡܕ܇ ܢܦܩܘ ܡܢܗܘܢ ܐܝܟ ܐܪ̈ܒܥܡܐܐ ܓܒܪܗܐ ܓܒܝ̈ܐ ܕܢܚܛܦܘܢܗܿ. ܘܩܡ ܪ̈ܗܘܡܝܐ ܕܝܿܬܒܝܢ ܗܘܘ ܒܟܡܐܢܐܼ ܘܚܪܒ ܐܢܘܢ ܘܠܪܝܫܗܘܢ ܐܚܕ ܟܕ ܚܝ

Page 283

ܘܐܫܬܘܕܝ ܠܗܘܢܼ. ܕܢܫܠܡܝܗܿ ܠܗܘܢ ܠܐܡܕ. ܘܡܛܠ ܗܕܐ ܗܦܟ ܠܗܘܢ ܠܬܡܢ ܦܛܪܝܩ ܘܗܦܛ. ܘܟܕ ܠܐ ܐܫܟܚ ܡܪܙܒܢܐ ܗܘܿ ܕܢܫܡܠܐ ܫܘܘܕܝܗ ܡܛܠ ܕܠܐ ܐܬܬܦܝܣ ܠܗ ܗܠܝܢ ܕܒܓܘ ܡܕܝܢܬܐ܆ ܦܩܕ ܥܠܘܗܝܼ ܐܣܛܪܛܠܛܣ ܕܢܙܕܩܦ.܀ ܛܝܝ̈ܐ ܕܝܢ ܕܦܘܪ̈ܣܝܐ ܐܬܘ ܠܚܒܘܪܐ: ܘܢܦܩ ܥܠܝܗܘܢ ܛܝܡܣܛܪܛܐ ܕܘܟܣ ܕܩܠܢܝܩܘܣ. [ܘܚܪܒ ܐܢܘܢ]. ܐܦ ܛܝܝ̈ܐ ܕܒܝܬ ܪ̈ܗܘܡܝܐ ܕܡܬܩܪܝܢ ܕܒܝܬ ܬܥܠܒܐܼ. ܐܙܠܘ ܠܘܬ ܚܐܪܬܐ ܢܥܡܢܼ ܘܐܫܟܚ ܫܝܿܪܬܐ ܕܣܿܠܩܐ ܠܘܬܗ. ܘܓܡ̈ܠܐ ܕܡܿܣܩܝܢ ܠܗ ܢܢܚܬ. ܘܢܦܠܘ ܥܠܝܗܘܢ ܘܚܪܒܘ ܐܢܘܢ. ܘܠܓܡ̈ܠܐ ܫܒܼܘ ܥܠܝܗܿ ܕܝܢ ܕܚܝܪܬܐ ܠܐ ܩܡܘ. ܡܛܠ ܕܥܠܼܬ ܗܘܬܠܗܿ ܠܡܕܒܪܐ ܓܘܝܐ. ܬܘܒ ܕܝܢ ܐܬܟܢܫܘ ܒܐܝܪܚ ܐܒ ܟܠܗ ܚܝܠܐ ܕܦܘܪ̈ܣܝܐ. ܘܗܘ̈ܢܐ ܘܩܕܫ̈ܝܐ ܘܐܪ̈ܡܢܝܐ. ܘܐܬܼܘ ܥܕܡܐ ܠܐܘܦܕܢܐ. ܘܫܡܥܘ ܕܒܝܬ ܦܛܪܝܩ. ܘܩܡ ܠܡܐܙܠ ܥܠܝܗܘܢ. ܘܟܕ ܥܕܟܝܠ ܒܐܘܪܚܐ ܐܝܬܝܗܘܢ ܗܘܘ ܪ̈ܗܘܡܝܐ܇ ܘܠܩܪܒܐ ܠܐ ܣܕܪܘ ܗܘܘ. ܐܪܥ ܦܘܪ̈ܣܝܐ ܠܩܕܡ̈ܝܐ ܘܡܼܚܘ ܐܢܘܢ. ܘܟܕ ܗܦܼܛ ܠܒܣܬܪܗܘܢ ܐܝܠܝܢ ܕܒܠܥܘ܆ ܚܙܘ ܫܪܟܗ ܕܚܝܠܐ ܕܪ̈ܗܘܡܝܐ ܠܩܕܡ̈ܝܐ ܕܐܬܡܚܝܘ. ܢܦܠܬܿ ܥܠܝܗܘܢ ܕܚܠܬܐ. ܘܠܐ ܟܬܪ ܠܡܬܟܬܫܘ. ܐܠܐ ܗܦܟ ܦܛܪܝܩ ܩܕܡܝܐ ܘܟܠܗ ܚܝܠܐ ܒܬܪܗ. ܘܥܒܼܪ ܢܗܪܐ ܦܪܬ ܘܐܫܬܘܙܒܘ ܠܫܡܝܫܛ ܡܕܝܢܐ. ܘܒܠܥ ܕܝܢ ܒܩܪܒܐ ܗܢܐ ܐܦ ܢܥܡܢ ܡܠܟܐ ܕܛܝܝ̈ܐ ܕܦܪ̈ܣܝܐ. ܚܕ ܕܝܢ ܡܢ ܡܕܒܪ̈ܢܐ ܕܪ̈ܗܘܡܝܐ ܕܫܡܗ ܦܛܪ̈ܐܼ ܥܪܩ ܠܚܣܝܢܐ ܕܐܫܦܝܪܢ. ܘܟܕ ܚܕܪܘܗܝ ܦܪ̈ܣܝܐ ܠܚܣܢܐܼ. ܕܚܠܘ ܡܢܗܘܢ ܒܢ̈ܝ ܚܣܝܢܐ. ܘܐܫܠܡܘܗܝ ܠܗܘܢ. ܘܕܒܪܘܗܝ ܦܘܪ̈ܣܝܐ ܟܕ ܐܣܝܪ܆ ܘܠܪ̈ܗܘܡܝܐ ܕܐܝܬ ܗܘܐ ܥܡܗ

Page 284

ܩܛܠ. ܠܒܢܗܝ ܚܣܢܐ ܕܝܢ ܒܡܕܡ ܠܐ ܐܟܝܘ.܀. ܩܘܕ ܕܝܢ ܡܠܟܐ ܕܦܪ̈ܣܝܐܼ ܡܬܚܫܒ ܗܘܐ ܕܢܐܬܐ ܥܠ ܐܪܒܝܢܕܐ ܠܐܘܪܗܝ. ܡܓܪܓ ܗܘܐ ܠܗ ܐܦ ܢܥܡܢ ܡܠܟܐ ܕܛܝ̈ܝܐܼ ܡܛܠ ܡܕܡ ܕܓܼܕܫ ܠܫܝܪܬܗ. ܚܕ ܕܝܢ ܪܝܫ ܝܗܠܐ ܡܢ ܚܝܪܬܐ ܕܢܥܡܢ܆ ܕܐܝܬܘܗܝ ܟܪܣܛܝܢܐܼ. ܥܢܼܐ ܘܐܡܼܪ. ܕܠܐ ܬܫܬܚܩ ܡܠܟܘܬܗܘܢ ܬܐܙܠ ܥܠ ܐܘܪܗܝ ܠܩܪܒܐ. ܡܛܠ ܕܡܠܬܐ ܠܐ ܡܫܬܪܝܢܝܬܐ ܕܡܫܝܚܐܼ ܗܿܘ ܕܣܿܓܕܝܢ ܠܗܼ. ܐܝܬ ܥܠܝܗܿ. ܕܒܥܠܕܒܒܐ ܠܐ ܢܫܬܠܛ ܒܗܿ ܠܥܠܡ. ܢܥܡܢ ܕܝܢ ܟܕ ܗܕܐ ܫܡܼܥ ܓܙܼܡ ܕܕܒܝ̈ܫܢ ܡܢ ܐܝܠܝܢ ܕܒܐܡܕ ܐܣܬܥܪ ܢܥܒܕ ܒܐܘܪܗܝ. ܘܡ̈ܠܐ ܕܓܘܕܦܐ ܡܿܠܠ. ܐܦ ܡܫܝܚܐܓܝܪ ܐܬܿܐ ܓܠܝܬܐ ܚܘܝ ܒܗ. ܒܗ ܓܝܪ ܒܥܕܢܐ ܕܓܕܦ܆ ܐܬܥܿܒܝܬܿ ܡܚܘܬܐ ܗܝܿ ܕܒܠܥ ܗܘܐ ܒܪܝܫܗ. ܘܐܬܢܦܚܬ ܗܘܬ ܟܠܗܿ ܩܪܩܦܬܗ. ܘܩܡܼ ܐܙܼܠ ܠܫܡܟܢܗ. ܘܟܿܬܪ ܒܐܘܠܨܢܐ ܗܢܐ ܬܪ̈ܝܢ ܝܘ̈ܡܝܢ ܘܡܝܼܬ. ܠܡܪܚܘܬܗ ܕܝܢ ܕܩܘܕ ܐܦܠܐ ܐܬܿܐ ܗܕܐ ܬܟܣܼܬ ܡܢ ܨܒܝܢܗ ܒܝܫܐ. ܐܠܐ ܐܩܝܡ ܡܿܠܟܐ ܚܠܦ ܢܥܡܢܼ ܘܩܡ ܕܢܐܬܐ ܠܩܪܒܐ. ܘܟܕ ܡܼܛܐ ܠܘܬ ܬܠܐ. ܫܼܪܐ ܥܠܝܗܿ. ܝܗܘ̈ܕܝܐ ܕܝܢ ܕܐܝܬ ܗܘܐ ܬܡܢܼ ܐܬܚܫܒܘ ܕܢܫܠܡܘܢܗܿ ܠܗܿ ܠܡܝܕܢܬܐ. ܘܒܡܓܕܠܐ ܕܒܝܬ ܣܓܕܬܗܘܢ܇ ܗܘܿ ܕܐܦ ܠܗܘܢ ܡܫܠܡ ܗܘܐ ܕܢܛܪܘܢܝܗܝ. ܥܒܼܕ ܚܠܠܐ. ܘܐܘܕܥ ܠܦܘܪ̈ܣܝܐ ܡܛܠܬܗܼ ܕܢܦܠܫܘܢܝܗܼ ܘܢܥܠܘܢ ܒܗ. ܗܕܐ ܕܝܢ ܐܬܒܕܩܬܿ ܠܩܡܝܣ ܦܛܪܐܼ ܗܘܿ ܕܐܝܬܘܗܝ ܒܫܒܝܬܐ܆ ܘܐܼܦܝܣ ܠܐܝܠܝܢ ܕܢܛܪܝܢ ܗܘܘܼ ܠܗ ܕܢܩܪܒܘܢܝܗܝ ܠܘܬ ܫܘܪܐ ܟܕ ܐܡܿܪ܆ ܕܠܒܘ̈ܫܐ ܘܡ̈ܐܢܐ ܐܝܬ ܠܗ ܕܡܕܡ ܡܕܡ ܕܣܝܡܝܢ ܠܗ ܒܡܕܝܢܬܐ. ܘܒܥܼܐ ܕܢܦܝܣ ܠܬ̈ܠܝܐ ܡܛܘܠܬܗܘܢ ܕܢܬܠܘܢ ܠܗ. ܘܐܬܛܦܝܣ ܠܗ ܢܛܘܪ̈ܐ ܘܩܪܒܘܗܝ. ܗܘܼ ܕܝܢ ܐܡܼܪ ܠܦܠ̈ܚܐ ܕܩܝܡܝܢ ܗܘܘ ܥܠ

Page 285

ܫܘܪܐܿ. ܕܢܩܪܘܢ ܠܗ ܠܩܡܣ ܠܐܢܛܝ܇ ܗܘܿ ܕܢܿܛܪ ܗܘܐ ܠܗܿ ܒܙܒܢܐ ܗܘܿ ܠܡܕܝܢܬܐ. ܘܩܪܘܗܝ ܠܗ ܘܠܡܕܒܪ̈ܢܐ. ܘܡܿܠܠ ܥܡܗܘܢ ܦܛܪܐ ܕܪܗܘܡܐܝܬ ܘܓܠܼܐ ܠܗܘܢ ܥܠ ܢܟܠܐ ܕܝܗܘ̈ܕܝܐ. ܘܡܛܠ ܕܠܐ ܬܬܝܕܥ ܨܒܘܬܐ ܠܘܦܪ̈ܣܝܐ. ܫܐܠ ܡܢܗܘܢ ܕܢܬܠܘܢ ܠܗ ܙܘܓܐ ܚܕ ܕܡ̈ܐܢܐ. ܘܗܼܢܘܢ ܩܕܡܝܐܝܬ ܚܘܝܘ ܢܦܫܗܘܢܼ ܐܝܟ ܗܘܿ ܕܡܬܦܝܪܝܢ ܒܗ. [ܗܝܕ]ܝܢ [ܫܕ]ܘ ܠܗ ܡܢ ܫܘܪܐ ܙܘܓܐ ܚܕ ܕܡ̈ܐܢܐ. ܡܛܠ ܕܦܐ [ܒܫـ]ܪܪܐ ܣܢܝܩ ܗܘܐ ܥܠ ܡ̈ܐܢܐ ܕܢܠܒܫ. ܘܗܝܕܝܢ ܢܚܼܬ ܡܢ ܫܘܪܐ. ܘܐܝܟ ܗܘܿ ܕܠܐ ܪܓܝܫܝܢ ܗܘܘ ܒܢܟܠܐ ܕܝܗܘ̈ܕܝܐܿ. ܘܠܐ ܝܿܕܥܝܢ ܗܘܘ ܕܐܝܿܕܐ ܗܝ ܕܘܟܬܐܼ. ܡܬܟܪܟܝܢ ܗܘܘ ܘܡܬܒܩܝܢ ܒܫ̈ܬܐܣܘܗܝ ܕܟܠܗ ܫܘܪܐ. ܐܝܟ ܨܒܝܢ ܕܢܚܙܘܢ ܕܕܠܡܐ ܠܡ ܒܥܿܐ ܘܩܢܐ. ܗܕܐ ܕܝܢ ܥܒܼܕ ܡܛܠ ܦܛܪܐ. ܕܕܠܡܐ ܢܕܥܘܢ ܦܘܪ̈ܣܝܐ ܕܗܼܘ ܦܪܣܝܗܿ ܠܨܒܘܬܐ: ܘܢܣܓܘܢ ܥܠܘܝܗ ܐܘܠ̈ܨܢܼܐ. ܠܚܪܬܐ ܐܬܼܘ ܠܕܘܟܬܐ ܗܝܿ ܕܢܿܛܪܝܢ ܗܘܘ ܒܗܿ ܝܗܘ̈ܕܝܐ܆ ܘܐܫܟܚ ܕܚܦܝܪ ܘܡܛܝܒܘ ܠܗܘܢ ܒܓܘ ܡܓܕܠܐ ܚܦܪܐ ܥܫܝܢܐ ܐܝܟ ܕܐܬܐܡܪ ܠܗܘܢ. ܘܟܕ ܚܙܘ ܪ̈ܗܘܡܝܐ ܕܐܝܬ ܗܘܐ ܬܡܢ܆ ܢܦܼܩܘ ܥܠܝܗܘܢ ܒܚܡܬܐ ܪܒܬܐ. ܘܐܬܟܪܟܘ ܒܟܠܗܿ ܡܝܕܢܬܐܼ. ܘܚܪܒ ܠܟܠ ܕܐܫܟܚ ܡܢ ܝܗܘ̈ܕܝܐܿ. ܠܓܒܪ̈ܐ ܘܠܢܫ̈ܐܼ. ܘܠܣܒ̈ܐ ܘܠܛܠܝ̈ܐ. ܘܗܕܐ ܣܿܥܪܝܢ ܗܘܘ ܝܘ̈ܡܬܐ. ܘܠܡܚܣܡܢ ܫܠܼܝܘ ܡܢ ܚܘܒܠܗܘܢ ܒܦܘܩܕܢܐ ܕܩܡܣ ܠܐܢܛܝ ܘܒܦܝܣܐ ܕܛܘܒܢܐ ܒܪܗܕܕ ܐܦܝܣܩܦܐ. ܘܠܡܕܝܢܬܐ ܙܗܝܪܐܝܬ ܢܿܛܪܝܢ ܗܘܘ ܒܠܠܝܐ ܘܒܐܝܡܡܐ. ܟܕ ܡܬܟܪܟ ܗܘܐ ܗܼܘ ܩܕܝܫܐ ܒܪܗܕܕ ܘܣܿܥܪ ܠܗܘܢ ܘܡܨܿܠܐ ܥܠܝܗܘܢ ܘܡܒܿܪܟ ܠܗܘܢ. ܘܡܫܿܒܚ ܠܝܨܝܦܘܬܗܘܢ ܘܡܚܿܦܛ ܠܗܘܢ. ܘܪܐܿܝܣ ܥܠܝܗܘܢ ܘܥܠ ܫܘܪܐ ܕܡܕܝܢܬܐ ܡܝ̈ܐ ܕܡܥܡܘܕܝܬܐ. ܛܥܝܢ ܗܘܐ ܕܝܢ

Page 286

ܘܡܿܟܪܟ ܥܡܗ ܐܦ ܩܘܕܫܐܼ. ܠܡܫܘܬܦܘ ܐܢܘܢ ܒܐܪܙܐ ܥܠ ܕܘ̈ܟܝܬܗܘܢܼ. ܕܕܠܡܐ ܡܛܠ ܗܕܐ ܥܠܬܐ: ܢܫܒܘܩ ܚܕ ܡܢܗܘܢ ܡܛܪܬܗܼ ܘܢܚܘܬ ܡܢܫܘܪܐ. ܢܦܼܩ ܕܝܢ ܒܬܟܝܠܘܬܐ ܐܦ ܠܘܬ ܡܠܟܐ ܕܦܪ̈ܣܝܐ ܘܡܠܠ ܥܡܗ ܘܪܝܚܗ. ܩܘܕ ܕܝܢ ܟܕ ܚܼܙܐ ܝܩܝܪܘܬܗ ܕܓܒܪܐ: ܘܐܪܓܫ ܐܦ ܒܥܝܪܘܬܐ ܕܪ̈ܗܘܡܝ. ܠܐ ܐܬܚܼܙܝܬܿ ܠܗ ܕܦܩܚܐ ܕܢܒܛܠ ܠܘܬ ܬܠܐ ܒܟܠܗ ܗܘܿ ܚܝܠܐ ܕܐܝܬ ܗܘܐ ܥܡܗ. ܚܕܐܼ ܡܛܠ ܕܠܐ ܫܟܝܚܐ ܗܘܬ ܠܗ ܬܪܣܝܬܐ ܒܐܬܪܐ ܕܚܪܝܒ ܗܘܼܐܼ. ܘܐܚܪܬܐܼ ܕܩܿܢܛ ܗܘܼܐ ܕܕܠܡܐ ܢܬܟܢܫܘܢ ܪ̈ܒܝ ܚܝ̈ܠܐ ܕܪ̈ܗܘܡܝܐ ܚܕ ܠܘܬ ܚܕܼ. ܘܢܐܬܘܢ ܥܠܘܗܝ ܐܟܚܕܐ. ܘܡܛܠ ܗܠܝܢ ܩܠܝܠܐܝܬ ܐܫܩܼܠ ܠܐܦ̈ܝ ܐܘܪܗܝ. ܘܫܪܐ ܥܠ ܢܗܪܐ ܕܓܠܒ ܕܡܬܩܪܐ ܕܡܕܝ̈ܐܼ ܐܝܟ ܥܣܪܗܝܢ ܝܘ̈ܡܝܢ. ܡܪ̈ܚܐ ܕܝܢ ܐܝܠܝܢ ܕܐܝܬ ܗܘܐ ܒܚܝ̈ܠܘܬܗ܇ ܡܬܟܪܟܝܢ (ܗܘܘ) ܒܐܬܪܐ ܘܡܿܚܪܒܝܢ ܠܗ. ܒܝܘܡ ܫ̈ܬܐ ܒܐܪܚ ܐܠܘܠ. ܥܩܼܪܘ ܐܘܪ̈ܗܝܐ ܟܠܗܝܢ ܕܝܪ̈ܬܐ ܘܦܘ̈ܬܩܐ ܕܩܪܝܒܝܢ ܗܘܘ ܨܝܕ ܫܘܪܐ. ܘܐܘܩܕ ܠܟܦܕ ܨܠܡ ܩܪܝܬܐ ܕܗܼܝ ܢܓܒܬ. ܘܓܼܡܘ ܟܠܗܘܢ ܣܝ̈ܓܐ ܕܓ̈ܢܐ ܘܠܦܪ̈ܕܝܣܐ ܕܚܕܝܪܝܢ ܗܘܘ. ܘܦܣܩܘ ܐܝ̈ܠܢܐ ܕܒܓܘܗܘܢ. ܘܐܠܥܘ ܓܪ̈ܡܐ ܕܟܠܗܘܢ ܣܗ̈ܕܐ ܕܐܝܬ ܗܘܐ ܚܕܪ̈ܝ ܡܕܝܢܬܐ܆ ܘܐܣܩ ܙܝܢܐ ܠܫܘܪܐ. ܘܩܛܼܪ ܦܪ̈ܣܐ ܕܣܥܪܐ ܠܥܠ ܡܢ ܥܥܝ̈ܬܐ. ܒܝܘܡ ܬܫ̈ܥܐ ܒܗ ܒܝܪܚܐ ܗܢܐܿ ܫܠܼܚ ܠܗ ܦܘܕ ܠܐܪܒܝܢܕܐ܆ ܕܐܘ ܢܩܒܠ ܒܡܕܝܢܬܐ ܠܡܪܙܒܢܐ ܕܝܠܗܼ. ܐܘܿ ܢܦܘܩ ܠܘܬܗ ܠܦܩܥܬܐܿ. ܐܝܟ ܨܿܒܐ ܠܡ ܕܢܩܝܡ ܥܡܗ ܩܝܿܡܐ ܕܫܝܢܐ. ܒܟܣܝܐ ܕܝܢ ܦܩܼܕ ܠܚܝܠܚ܆ ܕܐܢ ܝܿܗܒ ܠܗܘܢ ܐܪܒܝܢܕܐ ܕܢܥܠܘܢ ܠܡܕܝܢܬܐ ܬܗܦܟܘܢ ܘܢܠܒܟܘܢ ܫܘܪܐ ܘܡ̈ܥܠܝܗܿ. ܥܕ ܐܬܿܐ ܗܿܘ ܘܥܿܐܠ ܒܬܪܗܘܢܼ. ܘܐܢ ܠܒܪ ܢܦܘܩ ܠܘܬܗܘܢ ܢܟܡܼܢܘܢ

Page 287

ܠܗܼ. ܘܢܚܛܦܘܢܝܗܝ ܒܚܝ̈ܐܼ. ܘܢܘܒܠܘܢܝܗܝ ܠܘܬܗ. ܐܪܒܝܢܕܐ ܕܝܢܼ ܡܛܠ ܕܩܿܢܛ ܗܘܐ ܕܢܬܠ ܠܗܘܢ ܕܢܥܠܘܢ ܠܡܕܝܢܬܐܼ. ܢܦܩ ܠܘܬܗܘܢ ܠܒܪ. ܟܕ ܠܐ ܐܪܚܩ ܣܝܓ ܡܢ ܡܕܝܢܬܐܼ ܐܠܐ ܥܕܡܐ ܠܒܝܬ ܡܪܝ ܣܪܓܝܣ. ܘܐܬܼܐ ܠܘܬܗ ܒܐܘܝ ܕܐܝܬܘܗܝ ܗܘܐ ܐܣܛܒܝܕ: ܕܡܬܦܿܫܩ ܡܓܝܣܛܪܘܣ ܕܦܘܪ̈ܣܝܐ: ܘܐܡܼܪ ܠܗ ܠܐܪܒܝܢܕܐܼ. ܕܐܢܗܼܘ ܕܒܿܥܼܝܬ ܕܢܥܒܕ ܫܝܢܐܼ ܗܒ ܠܢ ܥܣܪ̈ܐ ܐܠܦ̈ܝܢ ܠܝܛܪ̈ܐ ܕܕܗܒܐ. ܘܐܩܝܡ ܠܢ ܩܝܿܡܐܼ ܕܫܿܩܠܝܢܢ ܟܠ ܫܢܬܐ ܕܗܒܐ ܗܘܿ ܕܥܿܝܕܐ. ܘܐܫܬܘܕܝ ܕܝܢܼ ܐܪܒܝܢܕܐ ܠܡܬܠ ܥܕܡܐ ܠܫܒ̈ܥܐ ܐܠܦ̈ܝܢ ܠܝܛܪ̈ܐ. ܘܠܐ ܨܼܒܘ ܠܡܩܒܠܘ. ܘܗܘܼܘ ܟܕ ܡܬܚܪܝܢ ܥܡܗ܇ ܡܢ ܨܦܪܐ ܘܥܕܡܐ ܠܬܫ̈ܥ ܫ̈ܥܝܢ. ܘܡܛܠ ܕܠܐ ܐܫܟܚ ܥܗܝܢܐ ܠܢܟܝܠܘܬܗܘܢܼ. ܡܛܠ ܪ̈ܗܘܡܝܐ ܕܢܿܛܪܝܢ ܗܘܘ ܠܗ: ܘܕܩܿܢܛܝܢ ܗܘܘ ܬܘܒܼ ܠܡܿܩܪܒܘ ܥܡ ܐܘܪܗܝ ܡܛܠ ܡܕܡ ܕܓܼܕܫ ܠܢܥܡܢܼ ܫܒܩܘܝ ܠܐܪܒܝܢܕܐ ܒܐܘܪܗܝܼ ܘܐܙܠ ܠܡܿܩܪܒܘ ܥܡ ܚܪܢ. ܘܠܛܝ̈ܝܐ ܟܠܗܘܢܼ ܫܕܪ ܠܣܪܘܓ. ܪ̈ܝܦܝܐ ܕܝܢ ܕܐܝܬ ܗܘܐ ܒܚܪܢܼ. ܢܦܩ ܟܣܝܐܝܬ ܡܢ ܡܕܝܢܬܐ ܘܢܦܠ ܥܠܝܗܘܢ. ܘܩܛܠ ܡܢܗܘܢ ܫ̈ܬܝܢ ܓܒܪܝܢ. ܘܠܒܟ ܒܚܝ̈ܐ ܠܪܝܫܗܘܢ ܕܗܘ̈ܢܝܐ. ܘܡܛܠ ܕܓܒܪܐ ܗܘܐ ܝܕܝܥܐܼ. ܘܣܓܝ ܝܩܝܪ ܗܘܐ ܥܠ ܡܠܟܐ ܕܦܘܪ̈ܣܝܐܼ ܐܫܬܘܕܝ ܠܚܪ̈ܢܝܐ: ܕܐܢ ܢܬܠܘܢܝܗܝ ܠܗ ܒܚܝ̈ܐܼ ܠܐ ܡܿܩܪܒ ܥܡܗܘܢ. ܗܼܢܘܢ ܕܝܢ ܕܚܠܘ ܡܢ ܩܪܒܐ ܘܝܗܼܒܘܗܝ ܠܗܘܢܝܐ ܗܘܿ. ܟܕ ܫܕܪ ܥܡܗ ܐܝܟ ܕܠܐܝܩܪܗ ܐܠܦ ܘܚܡܫ̈ܡܐܐ ܕܟܪ̈ܐ ܕܥܢܐܼ. ܥܡ ܨܒܘ̈ܬܐ ܐܚܪ̈ܢܝܬܐ. ܛܝ̈ܝܐ ܕܝܢ ܕܦܘܪܗܣܝܐܼ ܗܿܢܘܢ ܕܐܫܬܕܪ ܠܣܪܘܩܼ ܐܙܠܘ ܥܕܡܐ ܠܢܗܪܐ ܦܪܬ. ܟܕ ܡܚܪܒܝܢ ܘܫܿܒܝܢ ܘܒܿܙܝܢ ܟܠ ܕܡܫܟܚܝܢ. ܦܛܪܝܩܝܘܠܝܣ ܕܝܢܼ ܚܕ ܡܢ ܡܕܒܪ̈ܢܐ ܕܪ̈ܗܘܡܝܐ ܘܒܛܠܝܢܘܣ ܒܪܗܼ.

Page 288

ܥܕܟܝܠ ܒܗܢܐ ܙܒܢܐ ܐܬܼܐ ܗܘܐ ܡܢ ܡܥܪܒܐ ܕܢܚܘܬ ܠܩܪܒܐ. ܘܒܠܒܝܒܘܬܐ ܕܠܐ ܩܢܛܐ ܐܝܬܘܗܝ ܗܘܐ܇ ܒܗܝܿ ܕܠܐ ܩܪܝܒ ܗܘܐ ܠܐܝܠܝܢ ܕܐܣܬܥܪ ܒܩܕܡܝܬܐ. ܘܟܕ ܥܒܼܪ ܢܗܪܐܼ ܐܪܥ ܒܚܕ ܡܢ ܡܕܒܪ̈ܢܐ ܕܦܘܪ̈ܣܝܐ. ܘܐܩܒܪ ܥܡܗ. ܘܠܟܠܗܘܢ ܦܘܪ̈ܣܝܐ ܕܥܡܗ ܚܼܪܒ. ܘܣܼܡ ܐܦܘ̈ܗܝ ܕܢܐܬܐ ܠܐܘܪܗܝ. ܘܫܼܡܥ ܡܢ ܥܪܗܘܩܐܼ ܕܚܕܪܗܿ ܩܘܕ ܠܡܕܝܢܬܐ. ܘܗܦܼܟ ܥܒܼܪ ܢܗܪܐܼ. ܘܒܫܡܝܫܛ ܟܿܬܪ.. ܒܝܘܡ ܫܒܬܥܣܪ̈ ܒܝܪܚܐ ܗܢܐܼ ܒܐܪ̈ܒܥܐ ܒܫܒܐܼ. ܚܙܝܼܢܢ ܠܡ̈ܠܘܗܝ ܕܡܫܝܚܐ ܘܠܫܘܘ̈ܕܝܘܗܝ ܕܠܘܬ ܐܒܓܪ. ܟܕ ܒܥܒܿܕܐ ܡܬܓܡܪܝܢ. ܟܿܢܫ ܓܝܪ ܩܘܕ ܠܟܠܗ ܚܝܠܗ: ܘܫܩܼܠ ܡܢ ܢܗܪܐ ܦܪܬ. ܘܐܬܼܐ ܫܼܪܐ ܥܠ ܐܘܪܗܝ. ܡܬܝܚܐ ܗܘܬ ܕܝܢ ܡܫܪܝܬܗ ܡܢ ܒܝܬ ܣܗ̈ܕܐ ܕܡܪܝ ܩܘܙܡܐ ܘܕܡܪܝ ܕܘܡܝܢܐ܇ ܟܕ ܫܪܝܢ ܥܠ ܓܢ̈ܐ ܟܠܗ̈ܝܢ ܘܥܠ ܒܝܬ ܡܪܝ ܣܪܓܝܢ ܘܥܠ ܒܟܝܢ ܩܪܝܬܐܼ. ܘܥܕܡܐ ܠܒܝܬ ܡܘܕܝ̈ܢܐ. ܘܦܬܝܗܿ ܥܕܡܐ ܠܫܚܘܪܬܐ ܕܨܪܝܢ. ܗܢܐ ܟܠܗ ܚܝܠܐ ܕܠܐ ܡܢܝܢܐ ܚܕܪܗܿ ܠܐܘܪܗܝ ܒܝܘܡܐܼ. ܣܛܪ ܡܢ ܡܛܪ̈ܬܐ ܕܣܝܼܡܢ ܗܘ̈ܝ ܠܗ ܒܛܘܪ̈ܐ ܘܒܪ̈ܡܬܐ. ܘܡܠܝܐ ܗܘܬ ܕܝܢ ܟܠܗܿ ܦܩܥܬܐ ܡܢܗܘܢ ܦܬܝܚܝܢ ܗܘܘ ܟܠܗܘܢ ܬܪ̈ܥܝܗ ܕܡܕܝܢܬܐܼ. ܘܠܐ ܐܫܟܚܘ ܦܘܪ̈ܣܝܐ ܕܢܥܠܘܢ ܠܗܿ ܡܛܠ ܒܘܪܟܬܗ ܕܡܫܝܚܐ. ܐܠܐ ܢܦܼܠܬܿ ܥܠܝܗܘܢ ܕܚܠܬܐܼ. ܘܩܿܘܝܘ ܥܠ ܕܘܟ̈ܝܬܗܘܢܼ. ܟܕ ܐܢܫ ܠܐ ܡܿܩܪܒ ܥܡܗܘܢܼ ܡܢ ܨܦܪܐ ܘܥܕܡܐ ܠܐܦ̈ܝ ܬܫ̈ܥ ܫ̈ܥܝܢ. ܗܝܕܝܢ ܢܦܼܩ ܚܕܚ̈ܕܢܐ ܡܢ ܡܕܝܢܬܐ ܘܐܩܪܒܘ ܥܡܗܘܢܿ ܘܠܣܓܝ̈ܐܐ ܦܪ̈ܣܝܐ ܩܛܠܼ ܘܡܢܗܘܢ ܠܐ ܢܦܼܠ ܚܕ ܓܒܪ. ܢܫ̈ܐ ܕܝܢ ܛܥܝ̈ܢܢ ܗܘ̈ܝ ܡܝ̈ܐܼ. ܘܡܦ̈ܩܢ ܠܒܪ ܡܢ ܫܘܪܐܼ ܕܢܫܬܘܢ ܐܝܠܝܢ ܕܡܿܩܪܒܝܢ. ܘܛܠܝ̈ܐ ܫܒܪ̈ܐ ܒܩ̈ܠܥܐ ܫܿܕܝܢ ܗܘܘ.. ܛܪܕܘ ܐܢܘܢ ܗܟܝܠ ܐܢܫ̈ܐ ܙܥܘܪ̈ܐ ܕܢܦܩ ܡܢ ܡܕܝܢܬܐܼ.

Page 289

ܘܐܪܚܩ ܐܢܘܢ ܡܢ ܠܘܬ ܫܘܪܐ. ܡܛܠ ܕܠܘ ܣܓܝ ܦܪܝܩܝܢ ܗܘܘ ܡܢܗܼ ܐܠܐ ܐܝܟ ܡܫܕܐ ܒܩܫܬܐ. ܘܐܼܙܠܘ ܫܼܪܘ ܥܠ ܓܢܒ ܩܘ̈ܒܐ ܩܪܝܬܐ. ܠܒܬܪܗ ܕܝܢ ܕܝܘܡܐܼ. ܢܦܼܩ ܬܘܒ ܐܪܒܝܢܕܐ ܠܒܪ ܡܢ ܬܪܥܐ ܪܒܐ. ܘܟܕ ܩܐܿܡ ܠܘܩܒܠ ܚܝܠܐ ܕܦܘܪ̈ܣܝܐܼ. ܫܠܼܚ ܠܗ ܠܩܘܕ. ܕܗܐ ܚܙܼܝܬ ܒܢܣܝܢܐܼ. ܕܡܕܝܢܬܐ ܠܐ ܗܘܬ ܕܝܠܟܼ. ܘܠܐ ܕܐܢܣܘܛܘܣ: ܐܠܐ ܡܕܝܢܬܐ ܕܡܫܝܚܐ ܗܼܝ ܗܘܿ ܕܒܪܟܗܿ. ܘܩܼܡ ܠܘܩܒܠ ܚܝܠ̈ܘܬܟܼ. ܕܠܐ ܢܫܬܠܛܘܢ ܥܠܝܗܿ. ܘܫܠܚ ܠܗ ܩܘܕ܇ ܕܗܒ ܠܝ ܗܡܝܪ̈ܐ ܕܠܐ ܢܿܦܩܝܢ ܐܢܬܘܢ ܒܬܪܝ ܡܐ ܕܫܩܿܠܬ ܕܐܙܠܼ. ܘܫܕܪ ܠܝ ܐܢܫ̈ܐ ܗܠܝܢ ܕܠܒܟܬܘܢ ܐܬܡܠܝܼ ܘܕܗܒܐ ܗܘܿ ܕܐܫܬܘܼܕܝܬܿ. ܘܡܿܪܚܩ ܐܢܐ ܠܝ ܡܢ ܡܕܝܢܬܐ. ܘܝܗܼܒ ܠܗ ܐܪܒܝܢܕܐ ܠܩܡܣ ܒܣܝܠܿ. ܘܠܐܢܫ̈ܐ ܕܐܬܠܒܟܘ ܡܢܗ. ܗܕܘܘ ܐܪ̈ܒܬܥܣܪ ܓܒܪ̈ܝܢ. ܘܐܩܝܡ ܥܡܗ ܩܝܿܡܐܼ ܕܢܬܠ ܠܗ ܬܪܗܝܢ ܐܠܦ̈ܝܢ ܠܝܛܪ̈ܐ ܕܗܒܐ ܥܠ ܕܬܥܣܪ̈ ܝܘ̈ܡܝܢ. ܘܫܩܼܠ ܩܘܕ: ܘܐܙܠܼ ܫܼܪܐ ܒܕܗܒܢܐ. ܠܦܪܬܙܡܝܐ ܕܝܢ ܠܐ ܟܬܪ. ܐܠܐ ܫܕܪ ܠܝܘܡܐ ܕܒܬܪܗܼ. ܠܐܢܫ ܡܢ ܕܝܠܗ ܕܫܡܗ ܗܘܪܡܝܙܕ: ܘܦܩܕܗ ܕܢܝܬܐ ܬܠܬܡ̈ܐܐ ܠܝܛܪ̈ܐ ܕܗܒܐ. ܐܪܒܝܢܕܐ ܕܝܢ ܟܿܢܼܫ ܠܘܬܗ ܠܪܘܪ̈ܒܢܐ ܕܡܕܝܢܬܐ ܕܢܬܚܫܒܘܢ ܕܐܝܟܢܐ ܡܬܓܒܐ ܕܗܒܐ ܗܘܿ. ܘܟܕ ܚܙܘܗܝ ܠܗܘܪܡܙܕ ܕܐܬܼܐ ܠܗ ܒܥܓܠ. ܐܬܚܝܠ ܥܠ ܬܘܟܠܢܗ ܕܡܫܝܚܐ. ܘܐܬܠܒܒܘܼ ܘܐܡܼܪ ܠܗ ܠܐܪܒܝܢܕܐ. ܕܚܢܢ ܠܓܒܪܐ ܕܓܠܐܼ ܠܐ ܡܫܿܕܪܝܢܢ ܕܗܒܐ. ܡܛܠ ܕܐܝܟ ܕܗܦܼܟ ܒܡܠܬܗ܆ ܘܠܐ ܩܿܘܝ ܥܕ ܡܛܐ ܝܘܡܐ ܕܐܩܝܼܡܬ ܠܗܼ. ܗܟܢܐ ܗܿܦܟ ܘܡܕܓܠ ܡܐ ܕܫܩܼܠ ܕܗܒܐ. ܚܢܢ ܡܗܝܡܢܝܢܢ ܕܐܢ ܡܿܩܪܒ ܥܡܢ ܬܘܒ ܡܬܟܐܪ. ܡܛܠ ܕܡܫܝܚܐ ܩܐܿܡ ܒܐܩ̈ܝ ܡܕܝܢܬܗ. ܗܝܕܝܢ ܐܬܚܝܠ ܐܦ

Page 290

ܐܪܒܝܢܕܐܼ. ܘܫܠܼܚ ܠܗ ܠܩܘܕ܇ ܕܗܫܐ ܝܿܕܥܝܢܢ ܕܠܘ ܡܠܟܐ ܐܢܬ. ܠܝܬ ܓܝܪ ܡܠܟܐ ܕܐܡܿܪ ܡܠܬܐ ܘܗܿܦܟ ܡܕܓܠ. ܘܐܢ ܕܝܢ ܡܕܓܠܼ ܠܘ ܡܠܟܐ ܗܘ. ܡܟܝܠ ܕܡܢܟ ܐܬܚܼܙܝܬܿ ܕܓܠܘܬܐܿ. ܫܕܪ ܠܝ ܠܩܡܣ ܒܣܝܠ. ܘܡܕܡ ܕܣܿܦܩܐ ܒܐܝ̈ܕܝܟ ܠܡܥܼܒܕ ܥܿܒܕ. ܗܝܕܝܢ ܐܬܡܪܡܪ ܩܘܕ. ܘܙܿܝܢ ܠܦܝ̈ܠܐ ܕܐܝܬ ܗܘܐ ܥܡܗ. ܘܫܩܼܠ ܗܘܼ ܘܟܠܗܿ ܡܫܪܝܬܗ. ܘܐܬܼܐ ܬܘܒ ܠܡܩܪܒܘ ܥܡ ܐܘܪܗܝ. ܒܝܘܡ ܥܣܪ̈ܝܢ ܘܐܪ̈ܒܥܐ ܒܐܪܚ ܐܠܘܠ. ܒܝܘܡ ܐܪ̈ܒܥܐ ܒܫܒܐ. ܘܚܕܪܗܿ ܠܡܕܝܢܬܐ ܡܢ ܟܠܗܘܢ ܓܒܝ̈ܗܿ. ܝܬܝܪ ܡܢ ܕܒܩܕܡܝܬܐ. ܟܕ ܟܠܗܘܢ ܬܪ̈ܥܝܗܿ ܦܬܝܚܝܢ ܗܘܘ. ܐܪܒܝܢܕܐܕܝܢ ܦܩܼܕ ܗܘܼܐ ܠܪ̈ܘܡܝܐܼ. ܕܠܐ ܢܩܪܒܘܢ ܥܡܗ. ܐܝܟ ܡܿܢ ܕܠܐ ܬܬܚܙܐ ܕܓܠܘܬܐ ܡܢ ܕܝܠܗ. ܩܠܝܠ ܕܝܢ ܡܢ ܩܘܪ̈ܝܝܐ ܕܐܝܬ ܗܘܐ ܒܡܝܕܢܐ ܢܦܩܼܘ ܠܩܘܒܠܗ ܒܩܠ̈ܥܐ. ܘܠܣܓܝ̈ܐܐ ܡܢ ܠܒܝܼ̈ܫܐ ܕܥܡܗ ܐܪܡܝܘ. ܘܡܢܗܘܢ ܐܦܠܐ ܚܕ ܢܦܼܠ. ܡܿܚܨܦܢ ܗܘ̈ܝ ܕܝܢ ܠܓܝܘܢ̈ܘܗܝ ܠܡܥܠܘ ܠܡܕܝܢܬܐ. ܘܡܐ ܕܩܪܒܘ ܠܘܬ ܬܪ̈ܥܝܗܿ܆ ܒܕܡܘܬ ܓܿܠܐ ܙܩܝܦܐ ܕܡܢ ܚܼܠܐܼ. ܡܬܡܟܟܝܢ ܡܫܬܗܝܢ ܗܘܘ ܘܥܿܛܦܝܢ. ܡܛܠ ܕܝܢ ܚܪܝܦܘܬܗ ܕܫܒܩܐ ܕܪ̈ܟܫܗܘܢ܆ ܩܠ̈ܥܐ ܕܝܢ ܒܝܢܬܗܘܢ ܡܬܚܠܛܝܢ ܗܘܘ. ܘܟܕ ܓܐܪ̈ܐ ܫܿܕܝܢ ܗܘܘ ܦܘܪ̈ܣܝܐ܆ ܘܦܪ̈ܘܢܐ ܡܢܝܦܝܢ ܗܘܘ ܗܘ̈ܢܝܐ܆ ܘܪ̈ܘܡܚܐ ܠܘܩܒܠܗܘܢ ܬܪܨܝܢ ܗܘܘ ܛܝܝ̈ܐ܇ ܠܡܟܝܘ ܚܕ ܡܢܗܘܢ ܠܐ ܡܬܡܨܝܢ ܗܘܘ. ܐܠܐ ܐܝܟ ܦܠ̈ܫܬܝܐ ܗܿܢܘܢ ܕܣܠܼܩܘ ܥܠ ܫܡܫܘܢ܆ ܕܟܕ ܛܒ ܣܓܝܐܝܢ ܗܘܘ ܘܡܙܝܢܝܢ܆ ܠܡܩܛܠ ܠܐ ܐܫܟܚ܆ ܗܘܼ ܕܝܢ ܟܕ ܥܪܛܠܝ ܡܢ ܙܝܢܐ ܒܦܟܐ ܕܚܡܪܐ ܠܐܠܦ ܡܢܗܘܢ ܩܛܠ. ܗܟܢܐ ܐܦ

Page 291

ܦܘܪ̈ܣܝܐ ܘܗܘ̈ܢܝܐ ܘܛܝ̈ܝܐ: ܟܕ ܗܼܢܘܢ ܘܪ̈ܟܫܗܘܢ ܢܿܦܠܝܢ ܗܘܘ ܡܢ ܟ̈ܐܦܐ ܕܫܕܝܢ ܗܘܘ ܩܠ̈ܥܐ: ܐܦܠܐ ܠܚܕ ܡܢܗܘܢ ܐܫܟܚ ܠܡܩܛܠ. ܘܡܢ ܕܚܙܘ ܕܠܐ ܠܡܕܝܢܬܐ ܡܫܟܚܝܢ ܠܡܥܠ܇ ܘܠܐ ܐܠܢܫ̈ܐ ܥܪ̈ܛܠܝܐ ܕܚܠܛܝܢ ܒܝܢܬܗܘܢ ܠܡܗܪܘܼ. ܐܪܡܝܘ ܢܘܪܐ ܒܝܬ ܡܪܝ ܣܪܓܝܣܘܒܝܬ ܡܘܕ̈ܝܢܐ. ܘܒܟܠܗܝܢ ܕܝܪ̈ܬܐ ܕܐܫܬܚܪܘ. ܘܒܥܕܬܐ ܕܢܓܒܬ. ܠܗܕܐ ܓܝܪ ܫܒܩܘܗܿ ܗܘܘ ܒܢ̈ܝ ܡܕܝܢܬܐ. ܐܪܒܝܢܕܐ ܕܝܢ ܣܛܪܛܠܝܛܝܣ܆ ܟܕ ܚܙܼܐ ܚܦܝܛܘܬܗܘܢ ܕܩܘܪ̈ܝܝܐܼ ܘܕܠܐ ܐܥܦܪܘ ܘܠܥܘܕܪܢܐ ܕܠܿܘܼܐ ܗܘܼܐ ܠܗܘܢܼ. ܟܿܢܼܫ ܐܢܘܢ ܒܬܪܗ ܕܝܘܡܐܼ. ܠܟܠܗܘܢ ܩܘܪ̈ܝܝܐ ܕܐܝܬ ܗܘܐ ܒܐܘܪܗܝ ܠܥܕܬܐ. ܘܝܗܼܒ ܠܗܘܢ ܡܘܗܒ̈ܬܐ ܬܠܡ̈ܐܐ ܕܝܢܪ̈ܝܢ. ܩܘܕ ܕܝܢ ܫܩܼܠ ܡܢ ܐܘܪܗܝܼ. ܘܐܙܠܼ ܫܼܪܐ ܥܠ ܢܗܪܐ ܦܪܬ. ܘܡܢ ܬܡܢ ܫܕܪ ܐܙܝ̈ܓܕܐ ܠܘܬ ܡܿܠܟܐܼ ܕܢܘܕܥܘܢܝܗܝ ܥܠ ܡܬܝܬܗ. ܛܝ̈ܝܐ ܕܝܢ ܕܐܝܬ ܗܘܐ ܥܡܗ ܥܒܪܘ ܢܗܪܐ ܠܡܥܒܪܐ ܘܒܼܙܘ ܘܐܚܪܒܘ ܘܫܒܘ ܘܐܘܩܕ ܟܠ ܕܐܫܟܚ. ܩܠܝܠ ܕܝܢ ܡܢ ܦܪ̈ܫܐ ܕܦܪ̈ܣܝܐ ܐܙܠܼ ܠܒܛܢܢ ܘܡܛܠ ܕܬܪܝܥ ܗܘܐ ܫܘܪܗܿ܆ ܠܐ ܐܫܟܚܘ ܕܢܩܘܡܘܢ ܠܘܩܒܠܗܘܢ. ܐܠܐ ܕܠܐ ܩܪܒܐ ܩܿܒܠ ܐܢܘܢܼ. ܘܡܕܝܢܬܐ ܐܫܠܡ ܠܗܘܢ.

ܫܢܬ ܬܡܢ̈ܡܐܐ ܘܚܡܫ̈ܥܣܪܐ. ܡܠܟܐ ܕܝܢ ܕܪ̈ܗܘܡܝܐ ܟܕ ܝܠܼܦ ܥܠ ܐܝܠܝܢ ܕܗܘ̈ܝܼ. ܠܩܠܠܪ ܡܓܣܛܪܘܣ ܕܝܠܗܼ ܫܼܕܪ ܥܡ ܚܝܠܐ ܣܓܝܐܐ. ܘܟܕ ܫܡܼܥ ܩܘܕ ܗܼܝ ܗܕܐ. ܥܒܼܕ ܡܫܩ̈ܠܢܘܗܝ ܥܡܗ ܕܢܗܪܐ ܦܪܬ. ܐܝܟ ܕܢܐܙܠ ܢܬܒ ܒܐܬܪܐ ܕܝܠܗ ܕܡܬܩܪܐ ܕܒܝܬ ܐܪ̈ܡܝܐ. ܘܟܕ ܡܛܝ ܠܐܦ̈ܝ ܩܠܢܝܩܘܣܼ. ܫܕܪ ܠܬܡܘܢ ܡܪܙܒܢܐ ܚܕ

Page 292

ܕܢܩܪܒ ܥܡܗܘܢ. ܘܢܦܼܩ ܥܠܘܗܝ ܛܝܡܣܛܪܛܐ ܕܘܟܣܼ. ܘܚܪܒ ܠܚܝܠܝܗ ܟܠܗ. ܘܠܗ ܐܚܕ ܒܚܝ̈ܐ. ܘܟܕ ܡܢܥ ܩܘܕ ܠܡܼܕܝܢܬܐܼ. ܣܼܕܪ ܠܩܘܒܠܗܿ ܟܠܗ ܚܝܠܗܼ ܟܕ ܓܿܙܡ ܕܢܥܩܪܝܗܿ ܘܢܿܦܩ ܠܟܠܗܘܢ ܥܡܘܪ̈ܝܗܿ ܒܪܚܪܒܐ ܘܒܫܒܝܐܿ. ܐܢ ܗܼܘ ܕܠܐ ܢܬܠܘܢܝܗܝ ܠܗ. ܕܚܼܠ ܕܝܢ ܕܘܟܣ ܡܢ ܣܓܝܐܘܬܐ ܕܚܝܠܐ ܕܦܪ̈ܣܝܐܼ. ܘܝܗܼܒܗ.. ܡܓܝܣܛܪܘܣ ܕܝܢ ܩܠܠܪܝܣܼ ܟܕ ܡܢܥ ܠܡܒܘܓ ܕܥܠ ܢܗܪܐ ܦܪܬ: ܘܚܼܙܐ ܕܐܫܩܠܗ ܩܘܕ ܡܢ ܩܕܡܘܗܝ. ܘܕܡܢܥ ܠܗ ܬܘܒ ܥܕܢܗ ܕܣܬܘܐ܇ ܘܠܐ ܡܫܟܚ ܠܡܐܙܠ ܒܬܪܗ܆ ܩܪܐ ܐܢܘܢ ܠܪ̈ܒܝ ܚܝ̈ܠܐ ܕܪ̈ܗܘܡܝܐܼ. ܘܫܼܪܐ ܐܢܘܢ ܡܛܠ ܗܿܝ ܕܠܐ ܐܫܬܼܡܥܘ ܠܚܕ̈ܕܐ. ܘܦܿܠܓ ܠܗܘܢ ܡܕܝ̈ܢܬܐ ܕܢܣܬܘܢ ܒܗ̈ܝܢ ܥܕ ܗܘܿܐ ܝܘܡܐ ܕܩܪܒܐ.܀ ܘܒܥܣܪ̈ܝܢ ܘܚܡ̈ܫܐ ܒܟܢܘܢ ܩܕܝܡܼ. ܐܬܼܐ ܦܘܩܕܢܐ ܡܢ ܡܠܟܐܼ ܘܬܫܬܒܩ ܣܘܢܛܠܝܐ ܠܟܠܗ ܒܝܬ ܢܗܪ̈ܘܬܐ. ܦܘܪ̈ܣܝܐ ܕܝܢ ܕܐܝܬ ܗܘܐ ܒܐܡܕ܇ ܟܕ ܚܙܼܘ ܕܐܒܥܕ ܠܗ ܚܝܠܐ ܕܪ̈ܗܘܡܝܐ ܡܢ ܠܘܬܗܘܢ܆ ܦܬܼܚ ܬܪ̈ܥܐ ܕܡܕܝܢܬܐ ܐܡܕ. ܘܢܿܦܩܝܢ ܗܘܘ ܘܥܿܠܝܢ ܠܟܪ ܕܨܿܒܝܢ. ܘܡܙܒܿܢܝܢ ܗܘܘ ܠܬܓܪ̈ܐ ܢܚܫܐ ܘܐܢܟܐ ܘܦܪܙܠܐ. ܘܡ̈ܐܢܝ ܐܘܪ̈ܩܥܬܐ ܘܟܠܡܕܡ ܕܡܫܬܟܚ ܗܘܐ ܒܗܿ. ܘܣܝܡܝܢ ܗܘܘ ܒܗܿ ܐܦ ܐܦܬܛܢ. ܦܛܪܝܩ ܕܝܢ ܟܕ ܫܡܼܥ ܗܕܐ ܫܩܼܠ ܡܢ ܡܠܛܝܢܐ ܕܬܡܢ ܡܣܬܐ ܗܘܐܼ. ܘܐܬܼܐ ܫܼܪܐ ܥܠ ܐܡܕ. ܘܠܟܠܗܘܢܼ ܬܓܪ̈ܐ ܕܐܫܟܚ ܕܡܿܚܬܝܢ ܗܘܘ ܠܬܡܢ ܥܒܘܪܐ ܘܡܫܚܐ܇ ܘܠܐܝܠܝܢ ܬܘܒ ܕܙܒܿܢܝܢ ܗܘܘ ܨܒܘ̈ܬܐ ܡܢ ܬܡܢ ܩܛܠ ܐܢܘܢ. ܐܫܟܚ ܕܝܢ ܐܦ ܠܦܘܪ̈ܣܝܐ ܕܐܫܬܕܪܘ ܡܢ ܩܘܕ ܕܢܿܝܬܘܢ ܠܬܡܢ ܙܝܢܐ ܘܥܒܘܪܐ ܘܚܝܘ̈ܬܐܼ ܘܚܼܪܒ ܐܢܘܢ. ܘܫܩܼܠ ܟܠܕ ܐܝܬ ܥܠܝܗܘܢ. ܘܟܕ ܝܼܕܥ ܩܘܕ ܫܕܪ ܥܠܘܗܝ ܠܡܪܙܒܢܐ ܚܕ ܕܢܬܢܩܡ ܡܢܗ. ܘܟܕ ܩܪܒ ܠܘܬ ܚ̈ܕܕܐ ܠܡܬܟܬܫܘ܇ ܪ̈ܗܘܡܝܐ ܡܛܠ

Page 293

ܕܚܠܬܐ ܕܚܘܒܬܗܘܢ ܩܕܡܝܬܐܼ. ܡܠܼܟܘܗܝ ܠܦܛܪܝܩܼ ܕܢܥܪܘܩ. ܘܗܘܼ ܐܫܬܡܥ ܠܗܕܐ. ܘܒܣܘܪܗܒܗܘܢ ܟܕ ܠܐ ܝܿܕܥܝܢ ܗܘܘ ܠܐܝܟܐ ܐܙܿܠܝܢ܆ ܐܙܠ ܦܓܥܘ ܒܢܗܪܐ ܚܕ ܕܡܬܩܪܐ ܟܠܬ. ܘܡܛܠ ܕܣܬܘܐ ܗܘܐ. ܘܡܠܝܐ ܪܒܐ ܐܝܬ ܗܘܐ ܒܗܼ. ܠܐ ܐܫܟܼܚ ܕܢܥܒܪܘܢܝܗܝ. ܐܠܐ ܟܠ ܐܝܢܐ ܡܢܗܘܢ ܕܐܣܬܪܗܒ ܠܡܥܒܪ ܒܢܗܪܐ ܐܬܚܢܩܘ ܥܡ ܣܘܣܝܗ. ܘܟܕ ܚܼܙܐ ܦܛܪܝܩܼ ܠܒܒ ܐܢܘܢ ܠܪ̈ܗܘܡܝܼܐ. ܟܕ ܐܡܿܪ. ܐܘܿ ܓܒܪ̈ܐ ܪ̈ܗܘܡܝܐܼ. ܠܐ ܢܿܒܗܬ ܛܘܗܡܢ ܘܦܠܚܘܬܢ܇ ܘܢܥܪܘܩ ܡܢ ܒܥܠܕܒ̈ܒܝܢ. ܐܠܐ ܢܬܦܢܐ ܥܠܝܗܘܢ: ܟܒܪ ܢܬܡܼܨܐ ܚܝܠܗܘܢ. ܘܐܢ ܕܝܢ ܗܼܢܘܢ ܢܬܥܫܢܘܢ ܥܠܝܢ܆ ܦܩܚ ܠܡܡܼܬ ܒܦܘܡܐ ܕܚܪܒܐ ܒܫܡܐ ܛܒܐ ܕܚܠܝܨܘܬܐܼ. ܘܠܐ ܠܡܐܒܕ ܐܝܟ ܫܦ̈ܠܐ ܒܚܢܘܩܝܐ ܕܡܝ̈ܐ. ܗܝܕܝܢ ܐܬܛܦܝܣ ܪ̈ܗܘܡܝܐ ܠܡܼܠܟܗܿ. ܡܛܠ ܐܢܢܩܐ ܕܢܗܪܐ. ܘܗܦܼܟ ܥܠ ܦܘܪ̈ܣܝܐ ܒܚܡܬܐ ܘܚܼܪܒܘ ܐܢܘܢ. ܐܡܕ. ܘܫܕܪ ܦܛܪܝܩ ܟܿܢܼܫ ܠܘܬܗ ܐܘܡ̈ܢܐܡܢ ܡܕܝ̈ܢܬܐ ܐܚܪ̈ܢܝܬܐܼ. ܘܩܘܪ̈ܝܝܐ ܣܓܝ̈ܐܐ. ܘܦܩܼܕ ܠܗܘܢ ܕܢܚܦܪܘܢ ܒܐܪܥܐܼ ܘܢܥܒܕܘܢ ܚܠܠܐ ܬܚܝܬ ܫܘܪܐ. ܕܢܬܪܦܐ ܘܢܦܠ.܀ ܒܐܝܪܚ ܐܕܪ ܟܕ ܡܬܟܢܫܝܢ ܗܘܘ ܫܪܟܐ ܕܪ̈ܗܘܡܝܐ ܠܡܚܬ ܥܡ ܡܓܣܛܪܣܼ ܐܬܿܐ ܡܕܡ ܡܢ ܐܠܗܐ ܐܬܝܼܗܒܬܿ ܠܗܘܢ ܕܢܬܠܒܒܘܢ ܘܢܬܬܟܠܘܢ ܥܠ ܙܟܘܬܐ. ܒܟܬܒܐ ܕܝܢ ܐܬܼܝܕܥܬܿ ܠܢ ܡܢ ܒܢ̈ܝ ܥܕܬܐ ܕܙܓܡܐ. ܕܠܐ ܕܝܢ ܬܣܬܒܪ ܕܡܢ ܝܕܠܝ ܐܡܿܪ ܐܢܐ ܡܕܡ. ܐܘܿ ܕܠܫܡܥܐ ܕܓܠܐ ܐܬܛܦܿܝܣܬ ܕܐܿܫܪ܇ ܠܗܝܢ ܠܡ̈ܠܐ ܕܝܠܗܿ ܕܐܝܓܪܬܐ ܗܝܿ ܕܐܬܼܬ ܠܢ ܣܿܝܡ ܐܢܐܼ. ܕܐܝܬܝܗܝܢ ܗܟܢܐ. ܫܡܼܥ ܗܟܝܠ ܬܕܡܘܪܬܐ ܘܚܕܘܬܐ ܕܫܘܒܚܐ܆ ܕܠܐ ܗܘܼܬ ܐܟܘܬܗܿ. ܡܛܠ ܕܗܕܐ ܕܝܠܢ

Page 294

ܗܝܼ ܘܕܝܠܟܘܢ ܘܕܟܠܗܘܢ ܪ̈ܗܘܡܝܐ. ܣܘܥܪܢܐ ܗܘ ܓܝܪ ܬܡܝܗܐܼ. ܕܥܣܩܐ ܠܬܪܥܝܬܐ ܕܒܢ̈ܝ ܒܣܪܐ ܕܢܫܪܘܢܝܗܝ. ܚܢܢ ܕܝܢ ܒܥܝܢ̈ܝܢ ܚܼܙܝܢ ܘܠܒܟܢܝܗܝ ܘܒܣܦ̈ܘܬܢ ܩܼܝܢ. ܕܠܐ ܟܫܠܐ ܕܡܕܡ ܙܿܕܩ ܠܟܘܢ ܕܬܫܿܪܘܢ. ܒܬܫܬܥܣܪ̈ ܒܐܕܪ ܒܝܘܡ ܥܪܘܒܬܐ܇ ܕܐܝܬܘܗܝ ܝܘܡ ܩܛܠܗ ܕܦܪܘܩܢ. ܝܠܼܕܬܿ ܘܙܬܐ ܒܝܥܬܐ ܒܥܓܪ ܩܪܝܬܐ ܕܒܟܘܪܐ ܕܙܓܡܐ. ܘܟܬܝܒ ܒܗܿ ܟܬܝ̈ܒܬܐ ܝܘܢ̈ܝܬܐ ܕܫܦܝܪ̈ܢܼ ܘܡܬܩܪܝܢ. ܐܝܬܝܗܝܢܼ ܐܝܟ ܓܘܫܡܐ ܕܝܠܗܿ ܕܒܝܥܬܐ ܘܪ̈ܡܢ ܒܚܙܘܗܝܢ ܘܒܓܫܬܗܝܢ܆ ܒܕܡܘܬ ܟܬܝ̈ܒܬܐ ܗܠܝܢ ܕܟܬܒܝܢ ܕܝܪ̈ܝܐ ܥܠ ܦܬܕܪ̈ܐ ܕܒܘܪܟܬܐ. ܘܡܬܪܓܫܐ ܕܡܘܬܐ ܕܝܠܗܝܢ ܐܦ ܠܣܡ̈ܝܐ. ܐܝܬܝܗܝܢ ܕܝܢ ܗܟܢܐ. ܪܫܝܡ ܨܠܝܒܐ ܒܓܒܗܿ ܕܒܝܥܬܐ. ܘܡܢܗ ܥܕܡܐ ܕܐܬܼܐ ܡܼܛܐ ܠܗ ܟܕ ܚܕܪ ܘܟܿܪܟ ܠܒܝܥܬܐ. ܟܬܝܒ ܪ̈ܗܘܡܝܐ. ܘܬܘܒ ܪܫܝܡ ܨܠܝܒܐ ܐܚܪܢܐ. ܘܡܢܗ ܥܕܡܐ ܕܐܬܼܐ ܡܼܛܠ ܠܗ ܟܬܝܒܼ ܙܟܿܝܢ. ܨܠ̈ܝܒܐ ܚܕ ܠܥܠ ܡܢ ܚܕ ܪܫܼܝܡܝܢ. ܘܫܡ̈ܗܐ ܚܕ ܠܥܠ ܡܢ ܚܕ ܟܬܝܒܝܢ. ܘܠܝܬ ܟܪܣܛܝܢܐ ܐܘܿ ܝܗܘܕܝܐ ܕܢܚܙܐ ܬܕܡܘܪܬܐ ܗܕܐ܆ ܘܢܫܠܐ ܦܘܡܗ ܡܢ ܬܫܒܘܚܬܐ. ܠܟܬܝ̈ܒܬܐ ܕܝܢ ܕܟܬܼܒܬܿ ܝܡܝܢܗ ܕܐܠܗܐ ܒܓܘ ܡܪܒܥܐ܇ ܕܢܕܡܐ ܒܗ̈ܝܢ ܠܐ ܡܿܡܪܚܝܢܢ ܕܣܓܝ ܫܦܝܪ̈ܢ. ܟܠ ܡܢ ܗܟܝܠ ܕܫܿܡܥ ܬܫܪ ܠܗ ܕܠܐ ܦܘܠܓܐ.. ܗܠܝܢ ܐܢܗܝܢ ܡ̈ܠܟܐ ܕܐܝܓܪܬܐ ܗܝܿ ܕܙܘܓܡ̈ܛܝܐ. ܠܼܗܿ ܕܝܢ ܠܒܝܥܬܐܼ ܝܗܒܼܘܗܿ ܐܝܠܝܢ ܕܐܬܝܼܠܕܬܿ ܒܩܪܝܬܗܘܢ

Page 295

ܠܐܪܒܝܢܕܐ.܀ ܪ̈ܗܘܡܝܐ ܕܝܢ ܐܬܟܢܫܘ ܚܝܠܐ ܣܓܝܐܐ ܘܢܚܼܬܘ ܫܼܪܘ ܠܘܬ ܪܝܫܥܝܢܐ ܡܕܝܢܬܐ. ܐܦ ܡܢ ܩܘܕ ܕܝܢ ܐܫܬܕܪܘ ܐܝܟ ܥܣܪ̈ܐ ܐܠܦܝܢ ܕܢܐܬܘܢ ܥܠ ܦܛܪܝܩ. ܘܥܼܠܘ ܫܼܪܘ ܒܢܨܒܝܢ ܕܢܬܬܢܝܚܘܢ ܬܡܢ. ܘܫܕܪܘ ܒܥܝܪܗܘܢ ܕܬܪܥܐ ܒܛܘܪܐ ܕܫܝܓܪ. ܘܟܕ ܫܡܼܥ ܒܓܝܣܛܪܘܣ ܫܕܪ ܠܛܝܡܣܛܪܛܐ ܕܘܟܣ ܕܩܠܢܝܩܣܼ. ܥܡ ܫ̈ܬܐ ܐܠܦܝܢ ܦܪ̈ܫܝܢ. ܘܐܙܠܘ ܢܦܼܠ ܥܠ ܐܝܠܝܢ ܕܪܥܿܝܢ ܗܘܘ ܠܗܘܢ ܠܪ̈ܟܫܐܼ ܘܚܼܪܒ ܐܢܘܢ. ܘܕܒܼܪ ܡܢ ܬܡܢ ܪ̈ܟܫܐ ܘܥܢܐ ܘܒܙܬܐ ܣܓܝܐܬܐ. ܘܗܦܼܟ ܠܘܬ ܚܝܠܐ ܕܪ̈ܗܘܡܝܐ ܠܪܝܫܥܝܢܐ. ܗܝܕܝܢ ܫܩܼܠ ܟܠܗܘܢ ܟܢܝܫܐܝܬܼ. ܘܐܙܼܠ ܫܼܪܘ ܥܠ ܐܡܕ ܡܕܝܢܬܐܼ ܠܘܬ ܦܛܪܝܩ.܀ ܒܐܝܪܚ ܐܝܪ ܗܼܘܐ ܩܠܝܘܦ ܚܠܒܝܐ ܗܘܦܪܟܐ. ܘܐܬܼܐ ܝܬܼܒ ܒܐܘܪܗܝ. ܘܝܗܼܒ ܚ̈ܛܐ ܠܐܘܪ̈ܗܝܐ ܕܢܥܒܕܘܢ ܼ ܒܘܩܠܛܢ ܒܢܦܩ̈ܬܗܘܢ. ܘܐܦܼܘ ܒܙܒܢܐ ܗܢܐ ܚ̈ܛܐ ܡܕܘ̈ܬܐ ܬܡܢ̈ܡܐܐ ܘܚܡ̈ܫܝܢ ܐܠܦ̈ܝܢ. ܐܦܝܘܢ ܕܝܢ ܐܙܠܼ ܠܐܠܟܣܢܕܪܝܐ. ܕܐܦ ܬܡܢ ܢܥܒܕ ܒܘܩܠܛܢ ܘܢܫܕܪ ܠܚܡܐ.܀ ܦܛܪܝܩ ܕܝܢ ܟܕ ܡܛܝ ܒܚܠܠܐ ܗܘܿ ܕܚܦܼܪ ܗܘܐܬܚܝܬ ܫܘܪܐ ܕܐܡܕ. ܣܡܟܗ ܒܩܝ̈ܣܐ ܘܐܪܡܝ ܒܗܘܢ ܢܘܪܐ. ܘܐܬܪܦܝ ܐܦܘ̈ܗܝ ܒܪ̈ܝܬܐ ܕܫܘܪܐ ܘܢܼܦܠ. ܘܓܘ̈ܝܬܐ ܩܿܝ̈ܡܢ ܗܘ̈ܝ. ܘܐܬܪܥܝ ܕܒܗ ܒܚܠܠܐ ܢܚܦܘܪ ܘܢܥܘܠ ܠܓܘ ܡܕܝܢܬܐ. ܘܟܕ ܦܠܫܗ ܠܚܦܪܐ ܘܫܪܝܘ ܪ̈ܗܘܡܝܐ ܠܡܣܼܡ܆ ܚܼܙܬܿ ܐܢܘܢ ܐܢܬܬܐ ܚܕܐ ܐܡܕܝܬܐ. ܘܡܢ ܚܕܘܬܗܿ ܩܥܬܿ ܡܢ ܫܠܝܼ ܕܗܐ ܪ̈ܗܘܡܝܐ ܥܿܠܝܢ ܠܡܕܝܢܬܐ. ܘܫܡܥܼܘܗܿ ܦܘܪ̈ܣܝܐ ܘܪܗܼܛܘ ܥܼܠ ܩܕܡܝܐ ܕܣܠܼܩܘܕܓܼܫܘܗܝ. ܘܒܬܪܗ ܣܠܼܩ ܓܘܬܝܐ ܕܫܡܗ ܐܠܕ. ܘܥܒܝܕ ܗܘܐ ܛܪܝܒܘܢܐ ܒܚܪܢ. ܘܠܬܠܐ ܡܢ ܦܪ̈ܣܝܐ ܗܿܢܘܢ ܕܓܼܫ. ܘܐܚܪܢܐ ܡܢ ܪ̈ܗܘܡܝܐ ܠܐ ܣܠܩܘ ܒܬܪܗ. ܡܛܠ ܕܐܪܓܫܘ ܗܘܘ

Page 296

ܠܗܘܢ ܦܪ̈ܣܝܐ. ܘܟܕ ܚܼܙܐ ܐܠܕ ܕܠܝܬ ܐܢܫ ܕܣܠܿܩ ܕܚܠܼ ܘܗܦܼܟ ܠܒܣܬܪܗ. ܘܐܬܪܥܝ ܕܠܫܠܕܗ ܕܪܗܘܡܝܐ ܗܘܿ ܕܢܦܼܠ܆ ܥܡܗ ܢܿܚܬܝܗܿ ܕܠܐ ܢܒܿܙܚܘܢ ܒܗܿ ܦܪ̈ܣܝܐ. ܘܟܕ ܓܐܿܪ ܠܗܿ ܠܫܠܕܐ ܘܢܿܚܬ ܒܦܘܡܗ ܕܚܦܪܐ ܡܚܘܗܝ ܦܪ̈ܣܝܐ ܐܦ ܠܗ ܘܨܠܦܼܘܗܝ. ܘܬܼܪܨ ܠܬܡܘܢ ܡܝ̈ܐ ܡܢ ܥܝܢܐ ܪܒܬܐ ܕܩܪܝܒܐ ܗܘܬ ܠܗܼ. ܘܚܢܩܘ ܬܡܢ ܥܝܢܐ ܪܒܬܐ ܕܩܪܝܒܐ ܗܘܬ ܠܗܼ. ܘܚܢܩܘ ܬܡܢ ܐܪ̈ܒܥܐ ܡܢ ܠܒܝ̈ܫܐ ܕܪ̈ܗܘܡܝܐ ܕܡܛܝܒܝܢ ܗܘܘ ܠܡܣܼܡ. ܘܫܪܟܗܘܢ ܥܪܩܘ ܘܢܦܩ ܡܢ ܬܡܢ. ܘܦܘܪ̈ܣܝܐ ܟܢܼܫ ܟ̈ܐܦܐ ܡܢ ܓܘ ܡܕܝܢܬܐ ܘܣܟܕܘܗܝ ܠܚܦܪܐ. ܘܠܥܠ ܡܢܗ ܟܫܼܘ ܡܕܪܐ ܣܓܝܐܐ. ܘܢܿܛܪܝܢ ܗܘܘ ܙܗܝܪܐܝܬ ܟܠܗܘܢ ܚܕܪ̈ܘܗܝܼ. ܕܕܠܡܐ ܡܢ ܕܘܟܬܐܐܚܪܝܬܐ ܢܬܦܠܫ. ܚܦܼܪ ܕܝܢ ܦܣ̈ܐ ܡܢ ܠܓܘ ܥܡ ܟܠܗ ܫܘܪܐܼ ܟܕ ܚܕܪ ܘܡܠܼܘ ܐܢܝ̈ܢ ܡܝ̈ܐ. ܐܝܟ ܕܐܢ ܗܘܼ ܕܥܿܒܕܝܢ ܪ̈ܗܘܡܝܐ ܚܠܠܐ ܐܚܪܢܐ ܢܕܘܒܘܢ ܡܝ̈ܐ ܠܓܘܗ ܘܢܬܝܕܥ. ܘܟܕ ܝܠܦܼ ܦܛܪܝܩ ܗܼܝ ܗܕܐ ܡܢ ܡܿܫܠܡܢܐ ܕܢܚܼܬ ܠܘܬܗܼ. ܐܗܡܝ ܡܢ ܚ̈ܠܠܐ.. ܒܚܕ ܡܢ ܝܘ̈ܡܝܢ ܕܝܢܼ ܟܕ ܫܼܪܐ ܟܠܗ ܚܝܠܐ ܕܪ̈ܗܘܡܝܐ ܘܒܗܝܠܼ. ܓܘܪܓܐ ܗܘܼܐ ܠܩܪܒܐ ܗܟܢܐ. ܛܠܝܐ ܚܕ ܪܥܿܐ ܗܘܐ ܓܡ̈ܠܐ ܘܚܡܪ̈ܐ. ܘܗܿܠܟ ܚܡܪܐ ܟܕ ܪܥܿܐܼ ܘܥܼܠ ܠܗ ܠܘܬ ܫܘܪܐ. ܘܛܠܝܐ ܕܚܼܠ ܕܢܥܘܠ ܢܝܬܝܘܗܝ. ܘܚܕ ܡܢ ܦܪ̈ܣܝܐ ܟܕ ܚܼܙܝܗܝ ܢܚܼܬ ܒܚܿܒܠܐ ܡܢ ܫܘܪܐ. ܘܨܿܒܐ ܗܘܐ ܕܢܦܣܩܝܘܗܝ ܘܢܣܩܝܘܗܝ ܕܢܗܘܐ ܠܗܘܢ ܠܡܟܠܬܐ. ܠܐ ܓܝܪ ܐܝܬ ܗܘܐ ܒܣܪܐ ܒܓܘ ܡܕܝܢܬܐ ܠܓܡܪ. ܚܕ ܕܝܢ ܡܢ ܦܠ̈ܚܐ ܕܪ̈ܗܘܡܝܐ ܕܐܝܬܘܗܝ ܒܛܘܗܡܗ ܓܠܝܠܝܐ ܫܡܼܛ ܣܝܦܗ ܘܣܟܪܗ ܫܩܼܠ ܒܣܡܠܗ ܘܪܗܼܛ ܥܠ ܦܪܣܝܐ ܕܢܩܠܝܘܗܝ. ܘܡܛܠ ܕܡܿܢܥ ܗܘܐ ܠܗ ܠܘܬ ܫܘܪܐ܇ ܫܕܘ ܗܠܝܢ ܕܩܿܝܡܝܢ ܠܥܠ ܡܢ ܫܘܪܐ ܟܐܦܐ ܚܕܐ ܪܒܬܐ ܘܦܼܥܘܩ ܠܓܠܝܠܝܐ ܗܘܿ.

Page 297

ܘܦܘܪܣܝܐ ܫܪܝ ܕܢܣܩ ܠܕܘܟܬܗ ܒܚܿܒܠܐ. ܘܟܕ ܡܿܛܝ ܠܦܠܓܗ ܕܫܘܪܐܼ. ܩܿܪܒ ܚܕ ܡܢ ܡܕܒܪܗܢܐ ܕܪ̈ܗܘܡܝܐ: ܟܕ ܐܿܙܠܝܢ ܗܘܘ ܩܕܡܘܗܝ ܬܪܗܝܢ ܫܩܝ̈ܠܝ ܣܟܪ̈ܐܼ. ܘܫܼܕܐ ܟܕ ܐܿܙܠܝܢ ܗܘܘ ܩܕܡܘܗܝ ܬܪ̈ܝܢ ܫܩܝ̈ܠܝܠ ܣܟܪ̈ܐ. ܘܫܼܕܐ ܓܐܪܐ ܡܢ ܒܝܢܬܗܘܢ ܘܡܼܚܝܗܝ ܠܦܘܪܣܝܐ ܗܘܿ. ܘܫܕܝܗܝ ܠܘܬ ܓܠܝܠܝܐ ܗܿܘ. ܘܩܥܬܐ ܡܢ ܬܪ̈ܝܗܘܢ ܓܒ̈ܐ ܗܘܼܬ. ܘܡܛܠ ܗܕܐ ܐܬܬܙܝܥܘ ܘܩܡܘ ܠܡܿܒܩܪܒܘ. ܘܟܠܗܘܢ ܚܝ̈ܠܘܬܐ ܕܪ̈ܗܘܡܝܐ ܠܡܕܝܢܬܐ ܚܕܝܪܝܢ ܗܘܘ ܟܢܝܫܐܝܬ ܘܣܒܝܒܐܝܬ. ܘܢܦܼܠ ܡܢܗܘܢ ܐܪܒܥܝܢ ܓܒܪ̈ܝܢ ܘܡ̈ܐܐ ܘܚܡ̈ܫܝܢ ܐܬܚܝܘ. ܘܡܢ ܦܪ̈ܣܝܐ ܕܥܠ ܫܘܪܐ ܬܫܥܐ ܒܠܚ.ܘܕ ܐܬܚܼܙܝܘ ܕܡܝܼܬ. ܕܠܝܗܠܐ ܗܘܘ ܡܡܚܝ̈ܐ. ܥܣܼܩ ܗܘܐ ܓܝܪ ܠܡܿܩܪܒܘ ܥܡܗܘܢ: ܟܡܐ ܕܒܪܘܡܐ ܕܫܘܪܐ ܐܝܬܗܝܘܢ ܗܘܘ. ܡܛܠ ܕܐܦ ܒ̈ܬܐ ܙܥܘܪ̈ܐ ܒܢܼܘ ܠܗܘܢ ܥܠ ܟܠܗ ܫܘܪܐ. ܘܒܓܘܗܘܢ ܩܿܝܡܝܢ ܗܘܘ ܘܡܩܪܒܝܢ ܘܠܗܠܝܢ ܕܠܒܪ ܠܐ ܡܬܚܙܝܢ ܗܘܘ. ܡܝܓܣܛܪܘܣ ܘܪ̈ܒܝ ܚܝܠܐ ܕܝܢܼ ܐܬܚܫܒܘ ܕܠܐ ܙܿܕܩ ܠܗܘܢ ܕܢܩܪܒܘܢ ܥܡܗܘܢ. ܡܛܠ ܕܠܐ ܗܘܐ ܒܩܠܗܘܢ ܗܘܿܝܐ ܙܟܘܬܐ ܠܪ̈ܗܘܡܝܐ. ܒܗܝܿ ܕܩܪܒܐ ܕܥܡ ܟܠܗܘܢ ܦܘܪ̈ܣܝܐ ܩܿܝܡ ܠܗܘܢ. ܘܐܢ ܗܼܘ ܕܩܘܕ ܡܙܕܟܐܼ. ܗܼܢܘܢ ܡܫܠܡܝܢ ܢܦܫܗܘܢ ܐܘ ܣܿܝܦܝܢ ܒܚܒܘܫܝܗܘܢ. ܘܡܛܠ ܗܕܐ ܦܩܼܕ ܕܠܐ ܐܢܫ ܢܩܪܒ ܥܡܗܘܢ. ܕܕܠܐ ܒܥܠܬ ܐܝܠܝܢ ܕܡܝܬܝܢ ܐܘ ܡܬܡܚܝܢ ܡܢ ܪ̈ܗܘܡܝܐ܆ ܣܓܝܐܘܬܗ ܕܚܝܠܐ ܬܬܦܠܗܕ.܀ ܒܐܪܝܚ ܚܙܝܪܢ ܕܝܢܼ ܩܘܣܛܢܛܝܢܐ ܗܘܿ ܕܐܙܠܼ ܗܘܐ ܥܡ ܦܪ̈ܣܝܐܼ. ܟܕ ܚܼܙܐ ܕܠܐ ܐܨܠܚܬܿ ܨܒܘܬܗܘܢ܆ ܥܪܩ ܡܢ ܠܘܬܗܘܢ. ܗܘܼ ܘܬܪ̈ܬܝܢ ܢܫ̈ܝܢ ܝܕܝ̈ܥܬܐ ܕܡܢ ܐܡܕ: ܕܡܢ ܡܠܟܐ ܕܦܪ̈ܣܝܐ ܐܬܝܼܗܒ ܗܘ̈ܝ ܠܗ. ܘܝܘܡ̈ܬܐ ܐܪܒܬܥܣܪ̈ ܪܼܕܐ ܠܝܠܝ ܐܝܡܡ ܒܡܕܒܪܐ ܕܠܝܬ ܒܗ ܐܢܫܼ ܥܡ ܕܠ̈ܠܝܠܐ ܕܥܡܗ. ܘܟܕ ܡܢܥ ܠܘܬ ܫܝܢܐ.

Page 298

ܫܘܕܥ ܢܦܫܗ ܠܛܝ̈ܝܐ ܕܪ̈ܗܘܡܝܐܿ. ܘܕܒܪܘܗܝ ܘܐܝܬܝܘܗܝ ܠܩܣܛܪܐ ܕܡܬܩܪܐ ܫܘܪܐ. ܘܡܢ ܬܡܢ ܫܕܪܘܗܝ ܠܐܘܪܗܝ. ܘܟܕ ܫܡܼܥ ܡܠܟܐ ܥܠ ܡܬܝܬܗܼ. ܫܕܪ ܒܬܪܗ. ܘܟܕ ܡܿܢܥ ܕܢܣܩ ܠܘܬܗܼ. ܦܩܼܕ ܠܚܕ ܡܢ ܐܦܝܣ̈ܩܦܐܼ. ܕܢܣܝܡ ܥܠܘܗ ܝܐܝܕܐ ܕܩܫܝܫܘܬܐ. ܘܢܐܙܠ ܢܿܬܒ ܒܢܩܝܐ ܡܕܝܢܬܐܼ ܘܩܕܡܘܗܝ ܠܐ ܢܬܚܙܐ ܘܐܦܠܐ ܠܣܘܥܪܢܐ ܢܬܩܿܪܒ.܀ ܩܘܕ ܕܝܢ ܡܛܠ ܕܟܕ ܟܒܫܗܿ ܠܐܡܕ܆ ܥܼܠ ܐܦ ܠܕܝܡܣܝܢ ܕܝܠܗܿ. ܘܢܣܝ ܠܥܘܕܪܢܐ ܕܡܢ ܡܣܚܘܬܐ. ܦܩܼܕ ܗܘܐ ܡܚܕܗܿ ܕܢܚܼܬ ܠܐܬܪܗܼ. ܕܢܬܒܢ̈ܝܢ ܒܠ̈ܢܣ ܒܟܠܗܘܢ ܡܚܘ̈ܙܐ ܕܒܝܬ ܦܘܪ̈ܣܝܐ. ܥܕܝܕ ܕܝܢ ܛܝܝܐ ܕܬܚܝܬ ܐܝܕܐ ܕܦܪ̈ܣܝܐܼ. ܐܫܠܡ ܗܘܼ ܘܟܠܗܼ ܚܝܠܗ. ܘܐܫܬܥܒܕ ܠܪ̈ܗܘܡܝܐ. ܬܘܒ ܕܝܢ ܒܐܝܪܚ ܬܡܘܙܼ. ܐܩܪܒܘ ܪ̈ܗܘܡܝܐ ܥܡ ܦܘܪ̈ܣܝܐ ܕܒܐܡܕ. ܘܓܢܐܣ ܕܘܟܣ ܕܐܪܒܝܐ ܠܣܓܝ̈ܐܐ ܡܢܗܘܢ ܡܿܚܝ ܒܓܐܪ̈ܐ. ܟܕ ܚܡ ܝܘܡܐ ܪܬܚܘ ܥܠܘܗܝ ܙܝܢܗ. ܘܫܼܪܐ ܚܙܩܐ ܕܫܪܝܢܗ ܩܠܝܠ. ܘܫܕܘ ܡܢ ܐܡܕ ܓܐܪܗܐ ܕܒܠܣܛܣ ܘܡܚܘܗܝ ܘܡܝܼܬ. ܟܕ ܚܼܙܐ ܕܝܢ ܡܓܣܛܪܣܼ. ܕܣܘܓܦܢܐ ܗܘܿܐ ܠܗ ܡܢ ܗܕܐ ܕܝܿܬܒ ܥܠ ܐܡܕ܇ ܕܒܼܪ ܚܝܠܗ ܘܢܚܼܬ ܠܒܝܬ ܦܪ̈ܣܝܐ. ܘܠܦܛܪܝܩ ܫܒܩܗ ܠܘܬ ܐܡܕ. ܘܐܦ ܐܪܒܝܢܕܐ ܕܒܼܪ ܚܝܠܗ ܘܥܼܠܘ ܠܐܪܡܢܝ ܕܦܪ̈ܣܝܐ. ܘܚܼܪܒ ܡܢ ܐܪ̈ܡܢܝܐ ܘܡܢ ܦܪ̈ܣܝܐ ܥܣܪ̈ܐ ܐܠܦܝܢ ܓܒܪ̈ܝܢ. ܘܫܒܼܘ ܢܫ̈ܐ ܘܛܠ̈ܝܐ ܬܠܬ̈ܝܢ ܐܗܠܦܝܢ. ܘܩܘܪ̈ܝܐ ܣܓܝ̈ܐܬܐ ܒܙܘ ܘܐܘܩܕ. ܘܡܕ ܗܦܼܟܘ ܕܢܐܬܘܢ ܠܘܬ ܐܡܕܼ ܥܢܐ ܘܬܘܪ̈ܐ ܘܒܥܝܪܐ ܕܒܼܪܼ. ܡ̈ܐܐ ܘܥܣܪ̈ܝܢ ܐ̈ܠܦܝܢ. ܘܟܕ ܥܿܒܪܝܢ ܥܠ ܓܢܒ ܢܨܒܝܢ ܡܕܝܢܬܐܼ. ܝܬܒܘ ܪ̈ܗܘܡܝܐ ܒܟܡܐܢܐ. ܘܠܫܒܝܬܐ ܡܿܥܒܪܝܢ ܗܘܘ ܕܠܝ̈ܠܐ ܕܢܿܩܦܝܢ ܠܗܿ. ܘܟܕ ܚܼܙܐ ܡܪܙܒܢܐ ܚܕ ܕܐܝܬ ܗܘܐ ܬܡܢܼ ܕܙܥܘܪܝܢ ܐܢܘܢܼ. ܙܿܝܢ ܚܝܠܗ ܘܢܦܼܩ

Page 299

ܕܢܥܕܝܗܿ ܡܢܗܘܢ. ܘܗܢܼܘܢ ܚܘܝܘ ܢܦܫܗܘܢ ܐܝܟ ܥܿܪܩܝܢ. ܘܦܘܪ̈ܣܝܐܼ ܐܬܠܒܒܘ ܘܪܕܦܝܢ ܗܘܘ ܠܗܘܢ. ܘܟܕ ܐܪܚܩ ܡܢ ܠܘܬܗܘܢܼ. ܩܼܡܘ ܪ̈ܗܘܡܝܐ ܡܢ ܟܡܐܢܐܼ ܘܚܪܒܘ ܐܢܘܢ. ܘܐܢܫ ܠܐ ܐܬܦܠܛ ܡܢܗܘܢ. ܗܘܿܝܢ ܗܘܘ ܐܝܟ ܫ̈ܒܥܐ ܐ̈ܠܝܢ ܓܒܪ̈ܝܢ. ܐܦ ܡܘܫܠܩ ܕܝܢ ܐܪܡܢܝܐ: ܕܬܚܝܬ ܐܝܕܐ ܕܦܪ̈ܣܝܐ܇ ܐܫܠܡ ܗܘܼ ܘܟܠܗ ܚܝܠܗܼ ܘܐܫܬܥܒܕ ܠܪ̈ܗܘܡܝܐ.

ܫܢܬ ܬܡܢ̈ܡܐܐ ܘܫܬܬܥܣܪ̈ܐ. ܘܣܪ̈ܝܕܐ ܕܝܢ ܘܦܠ̈ܝܛܝ ܚܪܒܐܼ ܕܒܐܡܕ ܐܫܬܚܪܘ ܡܢ ܥܡܘܪ̈ܝܗܿ: ܒܛܘܪܦܐ ܘܒܫܘܢܩܐ ܣܓܝܐܐ ܐܝܬܝܗܘܢ ܗܘܘ ܡܢ ܟܦܢܐ. ܕܚܠܘ ܓܝܪ ܡܢܗܘܢ ܦܘܪ̈ܣܝܐܼ. ܕܕܠܡܐ ܢܫܠܡܘܢܗܿ ܠܡܕܝܢܬܐ ܠܪ̈ܗܘܡܝܐ. ܘܦܼܟܪ ܐܢܘܢ ܠܟܠܗܘܢ ܓܒܪ̈ܐ ܕܐܝܬ ܗܘܘ ܬܡܢ܆ ܘܫܼܕܘ ܐܢܘܢ ܒܩܘܢܝܓܝܢ. ܘܗܟܢܐ ܣܦܘ ܒܟܦܢܐ ܘܐܦ ܒܦܟܪ̈ܐ ܕܠܥܠܡ. ܠܢ̈ܫܐ ܕܝܢ ܝܿܗܒܝܢ ܗܘܘ ܡܢ ܡܟܘܠܬܗܘܢܼ. ܡܛܠ ܕܓܿܝܪܝܢ ܗܘܘ ܒܗ̈ܝܢ. ܘܬܘܒ ܡܛܠ ܕܡܬܒܥܝܢ ܗܘܗܝ ܠܗܘܢ ܠܡܼܛܚܢ ܘܠܡܼܦܐ ܠܗܘܢ. ܘܟܕ ܚܣܼܪܬܿ ܠܗܿ ܠܗܘܢ ܬܪܣܝܬܐ ܐܒ̈ܣܝܘ ܒܗ̈ܝܢ ܘܫܒܼܩܘ ܐܢܝ̈ܢ ܕܠܐ ܣܝܒܪܬܐ. ܠܐ ܓܝܪ ܫܿܩܠ ܗܘܐ ܚܕ ܡܢܗܘܢ ܒܗܕܐ ܫܢܬܐ: ܐܠܐ ܐܢ ܡܠܐ ܚܘܦܢܗ ܣܥܪ̈ܐ ܒܝܘܡܐ. ܒܣܪܐ ܕܝܢ ܘܚܡܪܐ ܐܘ ܡܕܡ ܐܚܪܝܢ ܕܡܟܘܠܬܐܼ. ܟܠ ܟܠܗ ܠܝܬ ܗܘܐ ܠܗܘܢ. ܘܡܛܠ ܕܣܓܝ ܕܚܿܠܝܢ ܗܘܘ ܡܢ ܪ̈ܗܘܡܝܐܼ. ܡܢ ܡܛܪ̈ܬܗܘܢ ܠܐ ܡܫܿܢܝܢ ܗܘܘ ܠܓܡܪ. ܐܠܐ ܥܒܼܕ ܠܗܘܢ ܬܢܘܪ̈ܐ ܙܥܘܪ̈ܐ ܥܠ ܫܘܪܐܼ. ܘܐܣܩ ܠܗܘܢ ܪ̈ܚܘܬܐ ܕܐܝ̈ܕܝܐ. ܘܥܠ ܕܘ̈ܟܝܬܗܘܢ ܛܿܚܢܝܢ ܗܘܘ ܠܗܿ ܠܗܿܝ ܚܘܦܢܐ ܕܣܥܪ̈ܐܼ ܘܐܦܿܝܢ ܘܐܟܿܠܝܢ. ܐܣܩ ܕܝܢ ܐܦ ܥܪ̈ܒܐ ܪܘܪ̈ܒܬܐ ܕܠܝܫܐ ܘܣܼܡ ܐܢܝ̈ܢ ܒܝܬ ܥܥܝ̈ܬܐ ܘܡܠܼܘ ܐܢܝ̈ܢ ܡܕܪܐ. ܘܙܪܥܘ ܒܗ̈ܝܢ ܝܪ̈ܩܘܢܐ. ܘܡܕܡ ܕܝܿܥܐ ܗܘܐ ܒܗ̈ܝܢ ܐܟܿܠܝܢ ܗܘܘ.܀ ܠܡܬܼܢܐ ܡܕܡ ܕܣܿܥܪܗܢ ܗܘ̈ܝ ܢܫ̈ܐ ܕܬܡܢ܆ ܟܒܪ ܠܐ ܡܬܗܝܡܢܐ ܠܐܝܠܝܢ ܕܡܢ ܒܬܪܢ. ܝܘܡܢܐ ܠܝܬ ܐܢܫ

Page 300

ܡܢ ܐܝܠܝܢ ܕܚܿܦܝܛܝܢ ܠܡܕܥ ܨܒܘ̈ܬܐܿ. ܕܠܐ ܫܡܝ̈ܥܢ ܠܗ ܟܠܗܝܢ ܐܝܠܝܢ ܕܐܣܬܥܪ. ܐܦܢ ܢܗܘܐ ܕܒܪܘܚܩܐ ܣܓܝܐܐ ܡܒܥܕ ܡܢ ܠܘܬܢ. ܐܬܟܢܫ ܗܟܝܠ ܣܓܝ̈ܐܬܐ ܘܩܼܛܪ ܐܪ̈ܙܐ ܒܝܢܬܗܝܢܼ ܘܢܦ̈ܩܢ ܗܘ̈ܝ ܡܓܢܒܐܝܬ ܠܫܘ̈ܩܐ ܕܡܕܝܢܬܐܼ. ܒܪܡܫܐ ܐܘ ܒܨܦܪܐ. ܘܠܡܢ ܕܡܫܟ̈ܚܢ ܗܘ̈ܝ ܐܢ ܐܢܬܐ ܘܐܢ ܛܠܝܐ [ܘܐܢ] ܣܒܐ ܕܡܨܝ̈ܢ ܗܘ̈ܝ ܒܚܝܠܗܼ ܚܛ̈ܦܢ ܗܘ̈ܝ ܠܗ ܠܓܘ ܒܝܬܐܼ ܘܩ̈ܛܠܢ ܘܐܟ̈ܠܢ ܠܗܼ. ܒܫܠܩܐ ܐܘ ܒܛܘܝܐ. ܘܟܕ ܐܬܩܪܣܝ ܡܢ ܪܝܚܐ ܕܛܘܝܐ: ܘܐܬܝܼܕܥܬܿ ܨܒܘܬܐ ܠܡܪܙܒܢܐ ܗܿܘ ܕܐܝܬ ܗܘܐ ܬܡܢ܆ ܐܫܬܢܕ ܒܣܓܝ̈ܐܬܐ ܡܢܗܝܢ ܘܩܼܛܠ ܐܢܝܢ. ܘܐܬܚܠܡ ܠܐܝܠܝܢ ܕܦܫ܆ ܕܬܘܒ ܠܐ ܢܣܥܪ̈ܢ ܗܕܐ ܘܢܩ̈ܛܠܢܼ ܠܐܢܫ. ܐܦܣ ܠܗܝܢ ܕܝܢ ܠܡܐܟܠ ܐܝܠܝܢ ܕܡܝ̈ܬܝܢ. ܘܗܕܐ ܣܿܥܪ̈ܢ ܗܘ̈ܝ ܓܠܝܐܝܬ. ܘܐܟܠ̈ܢ ܒܣܪܐ ܡܝܼܬܐ ܕܒܢܝ̈ܢܫܐ ܘܫܪܟܗܝܢ ܣܘ̈ܢܐ ܕܪ̈ܓܠܝܗܝܢ ܘܟܣ̈ܣܐ ܒܠ̈ܝܐ ܘܨܒܘ̈ܬܐ ܢܕܝ̈ܕܬܐ ܡܠܿܩ̈ܛܢ ܗܘ̈ܝ ܡܢ ܫܘ̈ܩܐ ܘܡܢ ܕܪ̈ܬܐ ܘܐܟܿܠܢ. ܠܚܝܠ̈ܘܬܐ ܕܝܢ ܕܪ̈ܗܘܡܝܐ ܡܕܡ ܠܐ ܚܣܝܪ ܗܘܐ ܠܗܘܢ. ܐܠܐ ܟܠܡܕܡ ܡܬܝܗܒ ܗܘܐ ܠܗܘܢ ܒܥܕܢܗܼ. ܕܡܢ ܦܘܩܕܢܐ ܕܡܠܟܐ ܢܿܚܬ ܗܘܐ ܒܝܨܝܦܘܬܐ ܣܓܝܐܬܐ. ܘܝܬܝܪ ܡܢ ܕܒܡܕܝ̈ܢܬܐ ܫܫܟܝ̈ܚܢ ܗܘܗܝ ܨܒܘ̈ܬܐ ܕܡܙܿܕܒܢ̈ܢ ܒܡܫܪ̈ܝܬܗܘܢܼ. ܕܡܐܟܠܐ ܘܕܡܫܬܝܐ ܘܕܣܘܢܐ ܘܕܠܒܘܫܐ. ܟܠܗܝܢ ܕܝܢ ܡܕܝ̈ܢܬܐ ܐܦ̈ܝܢ ܗܘ̈ ܒܘܩܠܛܢ ܒܐܝ̈ܕܝ ܢܚ̈ܬܘܡܐܼ. ܘܡܫܕܪ̈ܢ ܠܗܘܢ. ܝܬܝܪܐܝܬ ܐܘܪ̈ܗܝܐ. ܐܦܼܘ ܓܝܪ ܒܢ̈ܝ ܡܕܝܢܬܐ ܒܕܪ̈ܬܐ܇ ܐܦ ܒܗܕܐ ܫܢܬܐ ܡܢ ܦܘܩܕܢܗ ܕܩܠܝܘܦ ܗܘܦܪܟܐܼ. ܫܬܡܗܐܐ ܘܬܠ̈ܬܝܢ ܐܠܦ̈ܝܢ ܡܕܘ̈ܬܐ. ܣܛܪ ܡܢ ܡܕܡ ܕܐܦܘ ܩܘܪ̈ܝܝܐ ܒܟܘܠܗܿ ܟܘܪܐ܇ ܘܢܚ̈ܬܘܡܐ ܐܟܣ̈ܢܝܐ ܘܒܢ̈ܝ ܐܬܪܐ.܀ ܣܠܼܩ ܬܘܒ ܕܝܢ ܒܗܕܐ ܫܢܬܐܼ.

Page 301

ܡܪܝ ܦܛܪܐ ܐܦܝܣ ܠܘܬ ܡܠܟܐܼ ܕܢܦܝܣܝܘܗܝ ܠܡܫܒܩ ܣܘܢܛܠܝܐ. ܘܥܢܝܗܝ ܡܠܟܐ ܩܫܝܐܝܬ. ܘܐܬܥܕܠ ܒܗ ܥܠ ܕܫܒܼܩ ܝܨܝܦܘܬܐ ܕܥܠ ܡܣܟ̈ܢܐ܇ ܒܙܒܢܐ ܕܐܝܟ ܗܢܐܿ. ܘܣܠܼܩ ܠܘܬܗ. ܐܡܼܪ ܗܘܼܐ ܓܝܪܼ. ܕܗܘܼ ܐܠܗܐ ܪܡܐ ܗܘܐ ܒܠܒܗ. ܐܢ ܗܘܼ ܕܘܿܠܐܼ ܕܠܐ ܦܝܣܐ ܕܐܢܫ ܠܡܣܥܪ ܫܦܝܪܬܐ ܠܘܬ ܡܕܝܢܬܐ ܒܪܝܟܬܐ. ܟܕ ܕܝܢ ܥܕܟܝܠ ܬܡܢ ܐܝܬܘܗܝ ܗܘܐ ܐܦܝܣܩܦܐܼ. ܫܕܪ ܡܠܟܐ ܫܘܒܩܢܐ ܠܟܠܗ ܒܝܬ ܢܗܪ̈ܘܬܐ ܒܐܝ̈ܕܝ ܐܚܪܢܐܼ. ܟܕ ܗܘܼ ܠܐ ܪܓܝܫ. ܐܦ ܠܒܝܬ ܡܒܓ̈ܝܐܼ. ܫܒܼܩ ܚܕܐ ܡܢ ܬ̈ܠܬ ܕܣܘܢܛܠܝܐ.܀ ܡܕܒܪ̈ܢܐ ܕܝܢ ܕܪ̈ܗܘܡܝܐ ܗܿܢܘܢ ܕܫܼܪܝܢ ܗܘܘ ܥܠ ܐܡܕܼ. ܢܿܚܬܝܢ ܗܘܘ ܒܓܝ̈ܣܐ ܒܐܪܥ ܕܦܪ̈ܣܝܐܼ ܘܒܿܙܝܢ ܘܫܿܒܝܢ ܘܡܚܪܒܝܢ. ܘܓܠܝܘ ܦܪ̈ܣܝܐ ܡܢ ܩܕܡܝܗܘܢ. ܘܥܒܪ ܢܗܪܐ ܕܩܠܬ. ܘܐܫܟܚ ܬܡܢ ܦܪ̈ܫܐ ܕܦܪ̈ܣܝܐ: ܕܡܬܟܢܫܝܢ ܗܘܘ ܠܡܐܬܐ ܥܠܝܗܘܢ ܕܪ̈ܗܘܡܝܐ. ܘܐܬܠܒܒܘ ܥܠܝܗܘܢ. ܘܦܫܘ ܒܥܒܪ ܕܩܠܬ. ܘܥܼܒܪ ܒܬܪܗܘܢ ܪ̈ܗܘܡܝܼܐ. ܘܠܟܠܗܘܢ ܦܪ̈ܫܐ ܕܦܪ̈ܣܝܐ ܚܪܒܘ. ܕܗܿܘܝܢ ܗܘܘ ܐܝܟ ܥܣܪܐ ܐܠܦ̈ܝܢ ܓܒܪܝܢ. ܘܩܢܝܢܐ ܕܟܘܠܗܿ ܓܠܘܬܐ ܒܙܘ. ܘܐܘܩܕ ܩܘܪ̈ܝܐ ܣܓܝ̈ܐܬܐ. ܘܩܼܛܠ ܟܠ ܕܟܪܐ ܕܒܗ̈ܝܢ. ܡܢ ܒܪ ܬܪܬܥܣܪ̈ܐ ܫܢ̈ܝܢ ܘܠܥܠ. ܘܢܫ̈ܐ ܘܛ̈ܠܝܐ ܫܒܼܘ. ܗܟܢܐ ܓܝܪ ܦܩܼܕ ܗܘܼܐ ܡܝܓܣܛܪܣ ܠܟܠܗܘܢ ܡܕܒܪ̈ܢܐ܇ ܕܐܢ ܗܘܼ ܕܡܫܬܟܚ ܐܢܫ ܡܢ ܪ̈ܗܘܡܝܐ ܕܡܫܘܙܒ ܕܟܪܐ ܡܢ ܒܪ ܬܪܬܥܣܪ̈ܐ ܫܢ̈ܝܢ ܘܠܥܠ܆ ܗܘܼ ܢܬܩܛܠ ܚܠܦܘܗܝ. ܘܒܟܠ ܩܪܝܬܐ ܕܥܿܠܝܢ ܠܗܼܿ. ܠܐ ܢܫܒܩܘܢ ܒܗܿ ܐܦ ܚܕ ܒܝܬܐ ܕܩܿܐܡ. ܘܡܛܠܗܕܐ ܦܪܫ ܐܢܫ̈ܐ ܚܝܠ̈ܬܢܐ. ܡܢ ܪ̈ܗܘܡܝܐܼ. ܘܩܘܪ̈ܝܝܐ ܣܓܝ̈ܐܐ ܕܐܬܠܘܝܘ ܠܗܘܢ ܟܕ ܢܿܚܬܝܢ. ܘܡܢ ܒܬܪ ܕܝܿܩܕܝܢ ܗܘܘ ܬܛ̈ܠܝܠܐ ܘܕܥܟܐ ܗܘܬ ܢܘܪܐܿ. ܥܩܪܝܢ ܗܘܘ ܐܦ ܠܗ̈ܝܢ ܠܐܣ̈ܐ. ܦܣܩܝܢ ܗܘܘ ܕܝܢ

Page 302

ܘܡܚܒܠܝܢܼ ܐܦ ܟܪ̈ܡܐ ܘܙܝ̈ܬܐ ܘܟܠܗܘܢ ܐܝܠ̈ܢܐ. ܐܦ ܛܝܝ̈ܐ ܕܝܢ ܕܪ̈ܗܘܡܝܐ ܥܒܼܪ ܕܩܠܬ ܡܢ ܩܕܡܝܗܘܢܼ ܘܒܙܘ ܘܒܫܘ ܘܐܚܪܒ ܟܠ ܕܐܫܟܚ ܒܝܬ ܦܪ̈ܣܝܐ. ܟܕ ܝܿܕܥܢܐ ܗܘܼ ܕܝܢ ܕܠܟܠܗܝܢ ܨܒܘ̈ܬܐ ܒܫܩܠ ܛܥܢܐ ܡܒܚܢ ܐܢܬܼ. ܬܬܒܝܢ ܩܕܝܫܘܬܟ ܐܦ ܒܗܕܐܼ. ܕܠܛܝ̈ܝܐ ܕܬܪ̈ܝܗܘܢ ܓܒ̈ܐܼ. ܥܠܬ ܝܘܬܪܢܐ ܪܒܐ ܩܪܒܐ ܗܢܐ ܗܘܐ. ܘܓܡܪ ܨܒܝܢܗܘܢ ܒܬܪ̈ܬܝܗܝܢ ܡܠ̈ܟܘܬܐ.܀ ܩܘܕ ܕܝܢ ܟܕ ܚܼܙܐ ܕܡܚܿܒܠܝܢ ܠܗ ܪ̈ܗܘܡܝܐ ܠܐܬܪܐ܇ ܘܠܝܬ ܐܢܫ ܕܩܐܿܡ ܠܘܩܒܠܗܘܢ [ܨܼܒܐ] ܕܢܐܬܐ ܠܐܘܪܥܗܘܢ. ܘܡܛܠܗܕܐ ܫܕܪ ܠܐܣܛܒܝܕ ܠܘܬ ܡܝܓܣܛܪܘܣ ܕܢـ[ܡܠܠ] ܥܠ ܫܝܢܐ. ܟܕ ܐܝܬ ܗܘܐ ܥܡܗ ܚܝܠܐ ܐܝܟ ܥܣܪ̈ܝܢ ܐܠܦ̈ܝܢ. ܫܕܪ ܕܝܢ ܠܟܘܠܗܘܢ ܝܕܝ̈ܥܐܼ ܕܫܒܼܐ ܗܘܐ ܡܢ ܐܡܕ. ܘܠܩܛܪܐ ܗܘܿ ܕܕܒܼܪ ܡܢ ܐܫܦܪܝܢ. ܘܠܒܣܝܠ ܗܘܿ ܕܫܩܼܠ ܗܘܐ ܡܢ ܐܘܪܗܝ ܒܗܡܝܪ̈ܐ. ܐܦ ܠܫܠܕܗ ܬܘܒ ܕܐܠܘܡܦܝܣ ܕܘܟܣܼ. ܕܢܚܼܬ ܗܘܐ ܒܐܙܓܕܘܬܐ ܠܘܬܗ ܘܡܝܼܬ ܬܡܢ܆ ܫܕܪܗܿ ܗܘܐ ܒܓܠܣܩܡܐ ܟܕ ܛܒܝܥܐ. ܕܢܚܿܘܐ ܕܠܐ ܗܘܐ ܠܒܪ ܡܢ ܡܘܬܐ ܗܘܿ ܕܟܝܢܐ ܡܝܼܬ. ܘܣܗܕܝܢ ܥܒ̈ܕܘܗܝ ܘܐܝܠܝܢ ܕܢܚܼܬ ܥܡܗ. ܘܫܩܠ ܐܢܘܢ ܡܓܝܣܛܪܘܣ. ܘܫܕܪ ܐܢܘܢ ܠܐܘܪܗܝ ܣܛܪ ܡܢ ܕܝܿܢܐ ܕܐܡܕ ܘܩܡܣ ܦܛܪܐ. ܪܓܼܙ ܓܝܪ ܘܐܬܚܡܬ. ܘܨܿܒܐ ܗܘܐ ܕܢܿܡܝܬ ܐܢܘܢ. ܐܡܼܪ ܗܘܐ ܓܝܪ ܕܒܪܦܝܘܬܗܘܢ ܐܫܬܠܡ ܕܘ̈ܟܝܬܐ ܕܢܿܛܪܝܢ ܗܘܘ. ܘܥܠ ܗܕܐ ܣܿܗܕܝܢ ܦܘܪ̈ܣܝܐ ܕܠܐ ܡܬܟܒܫܢܐ ܐܝܬܘܗܝ ܫܘܪܐ ܕܐܡܕ. ܐܣܛܒܝܕ ܕܝܢ ܒܿܥܐ ܗܘܐ ܡܢܗ ܘܡܬܟܫܦ ܠܗܼ. ܕܢܬܠ ܠܗ ܚܠܦܝܗܘܢ ܕܗܠܝܢ ܕܐܝܬܝܼ ܠܦܪ̈ܣܝܐ ܕܒܐܡܕ ܚܒܝܫܝܢ ܗܘܘ. ܡܛܠ ܕܐܦܢ ܡܢ ܕܠܚܬܗܘܢ ܡܚܡܣܢܝܢ ܗܘܘ. ܐܠܐ ܒܐܘܠܨܢܐ ܣܓܝܐܐ ܐܝܬܝܗܘܢ ܗܘܘ ܡܢ ܟܦܢܐ. ܡܓܝܣܛܪܣ ܕܝܢ ܐܡܼܪ. ܕܫܪܒܗܘܢ ܕܗܠܝܢ ܠܐ ܬܬܟܪ ܠܝܼ ܡܛܠ ܕܒܡܕܝܢܬܐ

Page 303

ܕܝܠܢ ܚܒܝܫܝܢ ܘܥܒ̈ܕܝܢ ܐܢܘܢ. ܐܡܿܪ ܠܗ ܐܣܛܒܝܕ. ܡܕܝܢ ܫܒܘܩܝܢܝܼ ܐܫܿܕܪ ܠܗܘܢ ܣܝܒܪܬܐ. ܠܐ ܓܝܪ ܦܐܐ ܠܟܿ. ܕܢܣܘܦܘܢ ܥܒ̈ܕܝܟ ܒܟܦܢܐ. ܐܡܬܝ ܓܝܪ ܕܬܼܨܒܐ ܦܫܝܩ ܗܘܼ ܠܟ ܠܡܩܼܛܠ ܐܢܘܢ. ܐܡܿܪ ܠܗܼ ܫܕܪ. ܐܡܿܪ ܐܣܛܒܝܕ. ܝܡܝ ܠܝ ܐܢܬ ܘܟܠܗܘܢ ܡܕܒܪ̈ܢܐ ܘܪ̈ܒܝ ܚܝܠܐ ܕܐܝܬ ܠܘܬܟܼ ܕܠܐ ܐܢܫ ܡܩܿܛܠ ܠܗܘܢ ܠܐܝܠܝܢ ܕܡܕܪ ܐܢܐ. ܘܐܝܡܝܘ ܠܗ ܟܠܗܘܢ. ܣܛܪ ܡܢ ܢܘܢܝܣܐ ܕܘܟܣܼ ܕܠܝܬ ܗܘܐ ܥܡܗܘܢ ܒܐܦܪܣܢܐ. ܡܛܠܗܕܐ ܓܝܪ ܫܒܩܗ ܗܘܐ ܡܓܝܣܛܪܣܼ. ܕܐܢ ܗܿܘܝܐ ܡܘܡܬܐ ܡܕܡ ܠܐ ܢܬܬܚܕ ܒܗܿ. ܫܕܪ ܗܟܝܠ ܐܣܛܒܝܕ ܬܠܬܡ̈ܐܐ ܓܡ̈ܠܝܢ ܛܥܝܢܝܢ ܫ̈ܠܝܦܐ ܕܠܚܡܐ. ܘܒܓܘܗܘܢ ܣܝܡܝܢ ܗܘܘ ܓܐܪ̈ܐ. ܘܩܡ ܥܠܝܗܘܢ ܢܘܢܝܣܐ ܘܢܣܼܒ ܐܢܘܢ ܡܢܗܘܢܼ. ܘܠܐܝܠܝܢ ܕܐܝܬ ܗܘܐ ܥܡܗܘܢ ܩܿܛܠ. ܟܕ ܕܝܢ ܡܒܿܓܢ ܗܘܐ ܐܣܛܒܝܕ ܥܠ ܗܕܐܼ. ܘܫܿܐܠ ܗܘܐ ܡܢ ܡܓܝܣܛܪܣ܇ ܕܠܐ ܡܫܟܚ ܐܢܐ ܐܕܥ ܡܢܘܼ ܗܕܐ ܣܼܥܪ܇ ܡܛܠ ܣܓܝܐܘܬܗ ܕܚܝܠܐ ܕܐܝܬ ܥܡܝ. ܐܢ ܕܝܢ ܝܿܕܥܬ ܡܢܘܼ. ܘܐܝܬ ܒܟ ܚܝܠܐ ܠܡܬܢܩܡܘ ܡܢܼ ܠܐ ܟܿܠܐ ܐܢܐ ܠܟ. ܐܣܛܒܝܕ ܕܝܢ ܡܢ ܗܕܐ ܕܚܼܠ. ܘܥܠ ܫܝܢܐ ܡܦܝܣ ܗܘܐ.. ܘܟܕ ܝܘ̈ܬܡܐ ܣܓ̈ܝܐܐ ܥܒܪ ܡܢ ܕܡܦܝܣܼ. ܩܘܪܫܐ ܪܒܐ ܗܘܼܐܼ. ܘܬܠܓܐ ܘܓܠܝܕܐ ܣܓܝܐܐ. ܘܫܒܼܩ ܪ̈ܗܘܡܝܐ ܡܫܪ̈ܝܬܗܘܢ ܚܕ ܚܕܼ. ܘܟܠܢܫ ܛܥܼܢ ܡܕܡ ܕܡܛܝܗܝ ܡܢ ܒܙܬܐ ܘܐܙܠܼ ܕܢܘܒܠ ܠܐܬܪܗ܇ ܘܐܝܠܝܢ ܕܦܼܫܘ ܘܠܐ ܐܙܠܼܘ ܠܐܬܪ̈ܘܬܗܘܢܼ. ܥܠܼܘ ܠܬܠܐ ܠܪܝܫ ܥܝܢܐ ܘܠܐܘܪܗܝ. ܕܢܣܬܬܪܘܢ ܡܛܠ ܩܘܪܫܐ. ܐܣܛܒܝܕ ܕܝܢ ܟܕ ܚܼܙܐ ܕܐܬܪܦܝܘ ܪ̈ܗܘܡܝܐ. ܘܠܐ ܚܡܣܢܘ ܠܡܩܡ ܩܕܡ

Page 304

ܥܪܝܐ. ܫܠܼܚ ܠܡܓܣܛܪܣ. ܕܐܘ ܥܼܒܕ ܫܝܢܐ܆ ܘܫܒܘܩ ܢܦܩܝܢ ܦܘܪ̈ܣܝܐ ܡܢ ܐܡܕ܇ ܐܘ ܩܿܒܠ ܩܪܒܐ. ܡܓܝܣܛܪܣ ܕܝܢ ܦܩܼܕ ܠܩܡܣ ܝܘܣܛܝܢܐ܇ ܕܢܿܟܢܫܗ ܠܚܝܠܐܼ ܘܠܐ ܐܬܡܨܝ. ܘܟܕ ܚܼܙܐ ܕܐܬܦܠܗܕ ܠܗܘܢ ܣܘܓܐܗܘܢ ܕܪ̈ܗܘܡܝܐ ܡܢ ܠܘܬܗܼ. ܥܒܼܕ ܫܝܢܐ ܘܫܒܼܩ ܐܢܘܢ ܠܦܘܪ̈ܣܝܐ ܠܡܦܼܩ ܡܢ ܐܡܕ ܒܗܕܐ ܬܢܘܝ. ܕܐܢ ܗܘܼ ܕܫܦܝܪ [ܠܬܪ̈ܝـ]ܗܘܢ ܡ̈ܠܟܐܼ. ܘܡܚܿܬܡܝܢ ܥܠ ܡܕܡ ܕܥܒܼܕܼ. ܘܐܠܐ ܢܗܘܐ ܩܿܝܡ [ܠـ]ܗܘܢ ܩܪܒܐ. ܡܠܟܐ ܕܝܢ ܕܪ̈ܗܘܡܝܐܼ ܟܕ ܝܠܼܩ ܗܠܝܢ ܕܗܘ̈ܝܼ. ܦܩܼܕ ܕܢܬܬܣܝܡ ܐܦܬܛܢ ܒܟܠܗܝܢ ܡܕܝ̈ܢܬܐܼ. ܘܝܬܝܪܐܝܬ ܒܐܡܕ. ܐܝܟ ܡܿܢ ܕܝܢ ܕܢܫܪܝܗܿ ܠܒܥܠܕܒܒܘܬܐ ܘܢܚܨܝܘܗܝ ܠܫܝܢܐ܇ ܐܝܩܪ̈ܐ ܕܝܢ ܘܕܫ̈ܢܐ ܫܕܪ ܠܗ ܠܩܘܕ. ܒܝܕ ܐܢܫ ܕܫܡܗ ܠܐܘܢ. ܘܡܐܢ̈ܝ ܕܬܫܡܫܬܐ ܕܦܬܘܪܗ ܟܠܗܘܢ ܕܕܗܒܐ.܀ ܕܟܡܐ ܕܝܢܼ ܐܬܠܨܘ ܐܘܪ̈ܗܝܐ ܐܝܠܝܢ ܕܡܿܚܬܝܢ ܗܘܘ ܥܒܘܪܐ ܠܐܡܕ܇ ܠܝܬ ܐܢܫ ܕܝܿܕܥܼ. ܐܠܐ ܐܝܠܝܢ ܕܒܗ ܒܣܘܥܪܢܐ ܩܼܝܡܝܢ ܗܘܘ. ܣܘܓܗܘܢ ܓܝܪ ܒܐܘܪܚܐ ܡܝܼܬܘ ܗܼܢܘܢ ܘܒܥܝܪܗܘܢ.܀ ܡܝܬܪܐ ܕܝܢ ܝܘܚܢܢ ܐܦܝܣܩܦܐ ܕܐܡܕܼ ܐܬܬܢܝܚ ܗܘܐ ܠܗ ܡܢ ܩܕܡ ܕܢܫܪܘܢ ܥܠܝܗܿ ܦܘܪ̈ܣܝܐ. ܘܣܠܼܩ ܗܘܘ ܒܢ̈ܝ ܩܠܪܘܣ ܕܝܠܗܿ ܠܘܬ ܩܕܝܫܐ ܘܪܚܡ ܐܠܗܐܿ. ܘܕܡܨܒܬ ܒܟܠ ܫܘܦܪ̈ܐ ܐܠܗ̈ܝܐܿ. ܚܠܝܨܐ ܘܢܨܝܚܐ ܡܪܝ ܦܘܠܝܢܣ ܦܛܪܝܪܟܐ ܕܐܢܛܝܟܝܐ. ܕܢܣܝܡ ܠܗܘܢ ܐܦܝܣܩܦܐ. ܘܠܒܟܘ ܐܢܘܢ ܒܐܩܪܐ ܟܠܗܘܢ ܝܘ̈ܡܬܐ ܕܗܼܘܘ ܬܡܢ. ܘܒܬܪܟܝܢ (ܟܕ) ܐܬܦܛܠܘ ܡܢ ܫܒܝܐܼ. ܡܝܬܪܐ ܢܘܢܐ ܩܫܝܫܐ ܘܪܒܝܬܐ ܕܥܕܬܐ ܕܝܠܗܿ ܕܐܡܕ܇ ܐܦܝܣܘܗܝ ܩܠܪ̈ܝܩܘܣ ܠܦܛܪܝܪܟܐܼ. ܘܥܒܼܕܗ ܠܗܘܢ

Page 305

ܐܦܝܣܩܦܐ. ܘܗܘ ܡܝܬܪܐ ܢܘܢܐ ܟܕ ܩܒܠ ܪܝܫܘܬ ܟܗܢܘܬܐ. ܫܕܪ ܠܬܘܡܐ ܟܘܪܐܦܝܣܩܦܐ ܕܝܠܗ ܠܩܘܣܛܢܛܝܢܐܦܘܠܣ. ܕܢܕܒܪ ܠܐܡܕ̈ܝܐ ܕܐܝܬ ܗܘܐ ܬܡܢܿ. ܘܕܢܫܐܠ ܡܘܗܒܬܐ ܡܕܡ ܡܢ ܡܠܟܐ. ܘܐܫܬܘܝܘ ܥܡܗ ܐܝܠܝܢ ܕܐܝܬ ܗܘܐ ܬܡܢ܆ ܘܐܦܝܣܘ ܠܡܠܟܐܼ ܕܗܼܘ ܬܘܡܐ ܢܗܘܐ ܠܗܘܢ ܐܦܝܣܩܘܦܐ. ܘܩܒܠ ܡܿܠܟܐ ܒܥܘܬܗܘܢ. ܘܫܠܼܚ ܠܗ ܠܦܛܪܝܪܟܐ ܕܠܐ ܢܥܨܐ ܐܢܘܢ. ܘܐܦ ܡܠܟܐ ܝܗܼܒ ܠܗܘܢ ܕܝܿܢܐ ܐܝܢܐ ܕܫܐܼܠ. ܝܗܼܒ ܕܝܢ ܡܠܟܐ ܘܦܛܪܝܪܟܐ ܡܘܗ̈ܒܬܐ ܠܥܕܬܐ ܕܐܡܕ܆ ܘܕܗܒܐ ܣܓܝܐܐ ܕܢܦܿܠܓ ܠܡ̈ܣܟܢܐ. ܘܡܛܠܗܕܐ ܐܬܟܢܼܫܘ ܠܬܡܢ܆ ܟܠܗܘܢ ܐܝܠܝܢ ܕܒܐܬܪ̈ܘܬܐ ܐܚܪ̈ܢܐ ܦܿܗܝܢ ܗܘܘ. ܘܡܿܦܩܝܢ ܗܘܘ ܫܠ̈ܕܐ ܕܡܝ̈ܬܐ ܟܠܝܘܡ ܡܢ ܐܡܕ܇ ܘܗܝܕܝܢ ܫܿܩܠܝܢ ܗܘܘ ܡܕܡ ܕܡܬܦܩܕ ܠܗܘܢ.. ܐܦ ܐܘܪܒܝܩ ܕܝܢ ܡܗܝܡܢܐ ܕܡܿܠܟܐ܇ ܗܘܿ ܕܙܕܩ̈ܬܐ ܪܘܪ̈ܒܬܐ ܠܗ ܥܒܝ̈ܕܢ ܗܘ̈ܝ ܒܐܪܥܐ ܕܐܘܪܫܠܡ ܘܒܐܬܪ̈ܘܬܐ ܐܚܪ̈ܢܐܼ. ܢܚܼܬ ܠܬܡܢ. ܘܝܗܒ ܬܡܢ ܕܝܢܪܐ ܕܝܢܪܐ. ܘܐܬܼܐ ܡܢ ܬܡܢ ܠܐܘܪܗܝ. ܘܝܗܼܒ ܠܟܠ ܐܢܬܬܐ ܕܨܒܬ ܕܬܣܼܒ ܛܪܡܣܝܢ. ܘܠܟܠ ܛܠܝܐ ܙܘܙܐ ܚܕ. ܫܩܠ ܒܨܝܪ ܩܠܝܠ ܟܠܗ̈ܝܢ ܢܫ̈ܐ. ܕܣܢ̈ܝܩܢ ܘܕܠܐ ܣܢܝ̈ܩܢ.܀. ܒܗܿ ܕܝܢ ܒܗܕܐ ܫܢܬܐܼ. ܡܢ ܒܬܪ ܕܫܠܼܐ ܩܪܒܐܼ. ܚܝܘ̈ܬܐ ܒܝ̈ܫܬܐ ܐܬܓܪܝ ܒܢ. ܗܠܝܢ ܕܒܥܠܬ ܣܘܓܐܐ ܕܫܠ̈ܕܐ ܕܢܦܼܠ ܗܘ̈ܝ ܒܩܪ̈ܒܐ ܗܢܿܘܢܼ. ܐܛܥܡ ܗܘ̈ܝ ܠܡܐܟܠ ܦܓܪ̈ܐ ܕܒܢܝ̈ܢܫܐ. ܘܟܕ ܪܒܚ ܘܐܘܦܝܘ ܫܠ̈ܕܐ ܕܩܛܝ̈ܠܐܼ. ܥܿܠ̈ܢ ܗܘ̈ܝ ܚܝܘ̈ܬܐ ܠܓܘ ܩܘܪ̈ܝܐ ܘܚܿܛ̈ܦܢ ܗܘ̈ܝ ܛ̈ܠܝܐ ܘܐܟܿܠ̈ܢ܆ ܘܢܿܦܠ̈ܢ ܗܘ̈ܝ ܐܦ ܥܠ ܓܒܪ̈ܐ ܡܫܘ̈ܚܕܐ ܒܐܘܪ̈ܚܬܐ ܘܡܣܿܪ̈ܚܢ ܠܗܘܢ. ܗܟܢܐ ܕܝܢ ܕܚܿܠܝܢ ܗܘܘ܆ ܕܒܙܒܢܐ ܕܐܕܪܐܼ ܠܝܬ ܗܘܿܐ ܐܢܫ ܒܟܠܗܿ ܟܘܪܐܿ. ܕܢܒܘܬ ܒܐܕܪܗ ܕܠܐ

Page 306

ܥܪܙܠܐ܇ ܡܢ ܕܚܠܬܐ ܕܚܝܘ̈ܬ ܫܼܢܐ. ܒܡܥܕܪܢܘܬܗ ܕܝܢ ܕܡܪܢ܇ ܗܘܿ ܕܒܟܠܙܒܢ ܒܛܝܠ ܠܗ ܥܠܝܢ܇ ܘܡܢ ܟܠ ܢܣܝܘ̈ܢܝܢ ܒܪ̈ܚܡܘܗܝ ܡܦܿܨܐ ܠܢ܆ ܢܦܼܠ ܡܢܗܝܢ ܒܐܝ̈ܕܝ ܩܘܪ̈ܝܝܐܼ. ܘܕܓܼܫ ܐܢܝ̈ܢ. ܘܫܕܪ ܦܓܪ̈ܝܗܝܢ ܟܕ ܡܝܬܢ ܠܐܘܪܗܝ. ܐܦ ܨܝ̈ܕܐ ܠܒܼܟ ܡܢܗ̈ܝܢ܆ ܘܦܟܪܘ ܘܐܝܿܬܝܘ ܐܢܝܢ ܟܕ ܚܝܗܢ. ܘܚܼܙܐ ܟܠܢܫ ܘܫܒܚ ܠܐܠܗܐܿ. ܗܘܿ ܕܐܡܼܪ ܕܕܚܠܬܟܘܢ ܘܙܘܥܬܟܘܢ ܐܿܬܠ ܥܠ ܟܠܗܿ ܚܝܘܬܐ ܕܐܪܥܐ. ܐܦܢ ܓܝܪ ܡܛܠ ܚܛ̈ܗܝܢ ܐܫܬܕܪ ܥܠܝܢ ܚܕܒܐ ܘܟܦܢܐ ܘܡܘܬܢܐ ܘܫܒܝܐ. ܘܚܝܘ̈ܬܐ ܒܝ̈ܫܬܐ ܘܡܪ̈ܕܘܬܐ ܐܚܪ̈ܢܝܬܐ ܕܟܬܝ̈ܒܢ ܘܕܠܐ ܟܬܝ̈ܒܢ܆ ܐܠܐ ܒܛܝܒܘܬܗ ܡܢ ܟܠܗܝܢ ܦܼܪܩܢ. ܘܐܦ ܠܝ ܒܨܝܪܐܼ ܚܿܝܠ ܡܛܠ ܪ̈ܚܡܘܗܝ ܒܝܕ ܨܠܘܬܟܼ ܕܐܝܟ ܚܝܠܝ ܐܟܬܘܒ ܡܢ ܐܝܠܝܢ ܕܐܣܬܥܪ܇ ܠܥܘܗܕܢܐ ܕܗܠܝܢ ܕܣܒܼܠܘ ܐܢܝܢܼ ܘܠܝܘܠܦܢܐ ܕܐܝܠܝܢ ܕܡܢ ܒܬܪܢ ܗܿܘܝܢ. ܕܐܢ ܨܿܒܝܢ ܒܗܠܝܢ ܩܠܝܠ ܕܟܿܬܒܬ ܢܫܟܚܘܢ ܠܡܬܚܟܡܘ. ܣܓܝ̈ܐܢ ܐܢܝܢ ܓܝܪ ܐܝܠܝܢ ܕܫܿܒܩܬܿ. ܡܢ ܐܝܠܝܢ ܕܟܿܬܒܬ. ܐܦ ܓܝܪ ܡܢ ܫܘܪܝܐ ܐܡܿܪܬܼ. ܕܠܘ ܠܟܠܗܝܢ ܣܿܦܩ ܐܢܐ. ܐܘܠ̈ܨܢܐ ܓܝܪ ܕܚܕ ܚܕ ܐܢܫ ܒܠܚܘܕܘܗܝ ܣܼܒܠ܇ ܐܠܘ ܐܬܟܼܬܒܘ ܬܫܥ̈ܝܬܐ ܪܘܪ̈ܒܬܐ ܗܘܿܝܢ ܗܘ̈ܝ. ܕܟܬܒܐ ܪܒܐ ܠܐ ܣܦܼܩ ܗܘܐ ܠܗ̈ܝܢ. ܘܐܝܬ ܠܟ ܕܬܕܥܼ ܡܢ ܗܠܝܢ ܕܐܚܪ̈ܢܐ ܡܿܟܬܒܝܢ. ܐܦ ܗܿܢܘܢ ܕܒܫܡܐ ܕܦܪ̈ܘܩܐ ܠܥܘܕܪܢܢ ܐܬܼܘܼ. ܟܕ ܢܿܚܬܝܢ ܗܘܘ ܘܟܕ ܣܿܠܩܝܢ. ܒܨܝܪ ܩܠܝܠ ܐܝܟ ܒܥܠ̈ܕܒܒܐ ܒܿܙܝܢ ܗܘܘ ܠܢ. ܣܓܝ̈ܐܐ ܓܝܪ ܡܣ̈ܟܢܐ ܐܬܚܬܘ ܡܢ ܥܪ̈ܣܬܗܘܢ ܘܕܡܼܟܘ ܒܗܝܢ܇ ܘܡܪ̈ܝܗܝܢ ܥܠ ܐܪܥܐ ܡܿܓܣܝܢ ܗܘܘ ܒܝܘܡܐ ܕܥܪܝܐ. ܘܠܐܚܪ̈ܢܐ ܛܪܕܘ ܘܐܦܩܘ ܡܢ ܒ̈ܬܝܗܘܢܼ. ܘܥܼܠ ܫܼܪܘ ܒܗܘܢ. ܘܒܥܝܪܐ ܕܐܚܪ̈ܢܐ ܒܩܛܝܪܗܘܢ ܐܝܟ ܕܒܫܒܝܐ

Page 307

ܕܒܿܪܝܢ ܗܘܘ. ܘܬܟܣܝܿܬܐ ܕܐܚܪ̈ܢܐ ܡܢ ܦܓܪ̈ܝܗܘܢ ܡܿܫܠܚܝܢ ܗܘܘ ܘܫܿܩܠܝܢ. ܥܡ ܐܚܪ̈ܢܐ ܒܡܚܘ̈ܬܐ ܩܫ̈ܝܬܐ ܡܬܚܫܚܝܢ ܗܘܘܼ ܡܛܠ ܨܒܘܬܐ ܐܝܕܐ ܕܗܼܝ. ܘܥܡ ܐܚܪ̈ܢܐܼ. ܒܫܘ̈ܩܐ ܡܬܩܛܪܓܝܢ ܗܘܘ ܘܡܚܣܪܝܢ ܠܗܘܢ ܡܛܠ ܥܠܼܬܐ ܙܥܘܪܬܐ. ܘܡܟܘܠܬܐ ܒܨܝܪܬܐ ܟܠܢܫܼ ܘܐܣܢܐ ܕܐܠܬ ܗܘܐ ܠܚܕܚ̈ܕܢܐ ܒܩܘܪ̈ܝܐ ܘܒܡܕܝ̈ܢܬܐܼ. ܓܠܝܐܝܬ ܒܿܙܝܢ ܗܘܘ. ܘܒܝܬ ܐܘܪ̈ܚܬܐ ܥܠ ܣܓܝ̈ܐܐ ܢܿܦܠܝܢ ܗܘܘ. ܘܡܛܠ ܕܝܢ ܕܠܐ ܣ̈ܦܝܢ ܗܘ̈ܝ ܠܗܘܢ ܕܪ̈ܬܐ ܘܦܘ̈ܬܩܐ ܕܡܕܝܢܬܐܼ. ܥܡ ܐܘܡ̈ܢܐܼ ܒܚܢܘ̈ܬܗܘܢ ܫܪܝܢܼ ܗܘܘ. ܘܠܥܝܢ ܟܠܢܫܼ ܒܢ̈ܫܐ ܡܫܿܛܠܝܢ ܗܘܘ ܒܫܘ̈ܩܐ ܘܒܒ̈ܬܐ. ܘܡܢ ܢܫ̈ܐ ܣܒ̈ܬܐ ܘܐܪ̈ܡܠܬܐ ܘܡܣܟ̈ܢܬܐܼ. ܡܫܚܐ ܘܩܝ̈ܣܐ ܘܡܠܚܐ ܘܨܒܘ̈ܬܐ ܐܚܪ̈ܢܝܬܐ ܠܢܦܩ̈ܬܗܘܢ ܫܿܩܠܝܢ ܗܘܘ. ܘܒܬܫܡܫܬܗܘܢ ܡܢ ܦܘܚܢܗܝܢ ܠܗܝܢ ܡܒܿܛܠܝܢ ܗܘܘ. ܘܣܟܐܼ. ܠܟܠܢܫ ܐܿܠܨܝܢ ܗܘܼܘ ܠܪܘܪ̈ܒܐ ܘܠܕܩ̈ܕܩܐ. ܘܠܐ ܐܫܬܒܼܩ ܐܢܫ ܕܠܐ ܡܼܛܝܗܝ ܡܢ ܒܝܼܫܬܗܘܢ. ܘܐܦ ܪ̈ܝܫܢܐ ܒܢ̈ܝ ܐܬܪܐ܇ ܐܝܠܝܢ ܕܣܝܡܝܢ ܗܘܘ ܠܡܛܟܣܘ ܘܠܡܣܪܝܘ ܐܢܘܢ܇ ܐܝܕܗܝܗܘܢ ܠܫܘܚܕܐ ܦܫ̈ܝܛܢ ܗܘ̈ܝ. ܘܟܕ ܡܢ ܟܠܢܫ ܫܿܩܠܝܢ ܗܘܘܼ. ܠܐܢܫ ܠܐ ܚܿܣܟܝܢ ܗܘܘ. ܐܠܐ ܠܗܠܝܢ ܕܩܕܡܐܝܬ ܥܠܝܗܘܢ ܡܿܦܩܝܢ ܗܘܘܼ. ܡܢ ܒܬܪ ܝܘ̈ܡܬܐܼ ܠܐܚܪ̈ܢܐ ܡܫܿܕܪܝܢ ܗܘܘ. ܘܐܦ ܥܠ ܩܫܝ̈ܫܐ ܘܡܫ̈ܡܫܢܐ ܫܪܝܢ ܗܘܘ. ܟܕ ܛܒ ܐܝܬ ܗܘܐ ܠܗܘܢ ܣܩܪܐ ܕܡܠܟܐܼ ܕܠܐ ܢܫܪܘܢ ܥܠܝܗܘܢ. ܘܡܢܐ ܠܐܿܐ ܐܢܐ ܣܓܝ̈ܐܬܐ ܠܡܣܕܪ. ܕܟܒܪ ܐܦܠܐ ܐܝܠܝܢ ܕܪܘܪ̈ܒܝܢ ܡܢܝ ܠܐ ܣܿܦܩܝܢ ܠܗ̈ܝܢ.܀ ܡܢ ܒܬܪ ܕܝܢ ܕܥܒܼܪ ܢܗܪܐ ܦܪܬ ܠܡܥܪܒܐ܆ ܘܡܓܣܛܪܣ ܐܙܠܼ ܠܘܬ ܡܠܟܐ܆ ܘܐܪܒܝܢܕܐ ܠܐܢܛܝܘܟܝ܇ ܘܦܛܪܝܩ ܠܡܠܛܝܢܐ܇ ܘܦܙܡܢ ܠܐܦܡܝܐ܇ ܘܬܐܕܘܪܐ ܠܕܪܡܣܘܩ܇ ܘܩܠܝܘܦ ܠܡܒܘܓܼ. ܗܘܼܐ ܢܦܝܫܐ

Page 308

ܩܠܝܠ ܒܐܘܪܗܝܼ. ܘܒܣܼܡܬܿ ܠܗܿ ܙ݀ܥܘܪܘܬ ܐܢܫ̈ܐ ܕܦܫ ܒܗܿ. ܘܐܘܠܘܓ ܗܓܡܘܢܐܼ ܝܿܨܦ ܗܘܐ ܠܡܒܢܝܘܬܗܿ. [ܝܗܒ] ܠܗ [ܡܠـ]ܟܐ ܡ̈ܬܝܟ ܠܝܛܪ̈ܝܢ ܠܢܦܩ̈ܬܐ ܕܒܢܝܢܐ. ܘܒܢܼܐ ܘܚܕܬ ܠܟܠܗ ܒܪ ܫܘܪܐ ܕܟܪܟ ܠܡܕܝܢܬܐ. ܘܚܕܬ ܬܘܒ ܘܐܬܩܢ ܐܓܘ̈ܓܐ ܬܪ̈ܝܢ ܕܥܿܠܝܢ ܡܢ ܬܠܙܡܐ ܩܪܝܬܐ ܘܡܢ ܡܘܕܕ. ܘܒܢܼܐ ܘܫܟܠܠ ܐܦ ܕܝܡܣܝܢ ܗܿܝ ܕܢܦܠܼܬܿ. ܚܿܕܬ ܕܝܢ ܐܦ ܦܪܘܛܪܝܢ ܕܝܠܗ. ܘܒܿܢܝ ܣܘܓܐܐ ܒܟܠܗܿ ܡܕܝܢܬܐ. ܐܦ ܠܐܦܝܣܩܘܦܐ ܝܗܼܒ ܠܗ ܡܠܟܐܼ ܥܣܪ̈ܝܢ ܠܝܛܪ̈ܝܢ ܠܢܦ̈ܩܬܐ ܘܠܚܘܕܬܐ ܕܫܘܪܐ. ܘܼܐܘܪܒܝܩ ܡܗܝܡܢܐܼ ܥܣܪ ܠܛܝܪܗܝܢ ܕܢܒܢܐ ܒܝܬ ܣܗ̈ܕܐ ܠܛܘܒܢܝܬܐ ܡܪܝܡ. ܘܡܫܒܚܐ ܕܝܢ ܕܡܬܝܗܒ ܗܘܐ ܠܒܝܬ ܣܗ̈ܕܘܬܐ ܘܠܕܝܪ̈ܬܐ ܡܢ ܦܘܬܩܐ ܕܡܫܝܚܐܼ. ܕܗܿܘܐ ܗܘܐ ܫ̈ܬܐ ܐܠܦ̈ܝܢ ܬܡܢ̈ܡܐܐ ܩܣ̈ܛܐܼ ܫܩܠܗ ܡܢܗܘܢ ܗܘܼ ܗܓܡܘܢܐ. ܘܦܩܼܕ ܕܢܢܗܪ ܒܐܣ̈ܛܘܐ ܕܡܕܝܢܬܐ. ܘܣܿܓܝ ܒܥܼܘ ܡܢܗ ܦܪܡܘܢܪ̈ܐ ܡܛܠܬܗܿ ܘܠܐ ܐܬܛܦܝܣ. ܘܕܠܐ ܢܣܬܒܪ ܕܠܗܝ̈ܟܠܐ ܕܒܢ̈ܝܢ ܠܐܠܗܐ ܫܐܿܛ܆ ܝܗܼܒ ܡܢ ܕܝܠܗ ܠܟܠ ܒܝܬ ܣ̈ܗܕܐ ܡ̈ܬܝܢ ܩܣ̈ܛܐ. ܥܕܡܐ ܕܝܢ ܠܗܕܐ ܫܢܬܐܼ. ܐܪ̈ܒܥ ܡܕ̈ܝܢ ܚܛ̈ܐ ܒܕܝܢܪܐ ܡܙܕܒ̈ܢܢ ܗܘ̈ܝ. ܘܣܥܪ̈ܐ ܫ̈ܬܐ. ܘܚܡܪܐ ܬܪܬܝܢ ܟܝ̈ܠܬܐ. ܡܢ ܒܬܪ ܕܝܢ ܥܠܠܬܐ ܚܕܬܐ ܐܙܕܒܿܢܝܢ ܫ̈ܬܐ ܡܕ̈ܝܢ ܚܛܗܐ ܒܕܝܢܪܐܼ ܘܣܥܪ̈ܐ ܥܣܪ̈ܐ.܀ ܛܝܝ̈ܐ ܕܝܢ ܕܦܘܪ̈ܣܝܐ ܠܐ ܫܠܼܝܘ ܐܘ ܫܟܼܬܘ܇ ܐܠܐ ܥܒܼܪ ܠܒܝܬ ܪ̈ܗܘܡܝܐܿ. ܒܠܥܕ ܡܢ ܦܘܪ̈ܣܝܐܿ. ܘܫܒܘ ܬܪ̈ܬܝܢ ܩܘܪ̈ܝܐ. ܘܟܕ ܝܠܼܦ ܗܕܐ ܡܪܙܒܢܐ ܕܦܪ̈ܣܝܐ ܕܐܝܬ ܗܘܐ ܒܢܣܒܝܢ܇ ܠܒܟ ܠܪ̈ܝܫܢܝܗܘܢ ܘܩܼܿܛܠ ܐܢܘܢ. ܘܐܦ ܛܝܝ̈ܐ ܕܒܝܬ ܪ̈ܗܘܡܝܐܼ ܥܒܼܪ ܕܠܐ ܦܘܩܕܢܐ ܠܒܝܬ ܦܪ̈ܣܝܐܼ. ܘܫܒܘ ܐܓܘܪܣܐ ܚܕ. ܘܟܕ ܐܫܬܡܥܼܬ ܨܒܘܬܐ ܗܕܐ ܠܡܓܝܣܛܪܘܣܼ. ܢܚܼܬ ܗܘܐ ܠܗ ܓܝܪ ܒܫܘܠܡܗܿ ܕܗܕܐ

Page 309

ܫܢܬܐ ܠܐܦܡܝܐ: ܫܠܼܚ ܠܛܝܡܣܛܪܛܐ ܕܘܟܣ ܕܩܠܢܝܩܘܣܿ. ܘܠܒܼܟ ܚ̈ܡܫܐ ܡܢ ܪ̈ܝܫܢܝܗܘܢ. ܘܬܪ̈ܝܢ ܡܢܗܘܢܼ ܩܼܛܠ ܒܣܝܦܐܼ. ܘܬܠ̈ܬܐ ܙܩܼܦ ܥܠ ܩܝ̈ܣܐ. ܦܪܙܡܢ ܕܝܢ ܫܩܼܠ ܡܢ ܐܦܡܝܐܿ. ܡܢ ܒܬܪ ܕܢܚܼܬ ܠܬܡܢ ܡܓܝܣܛܪܘܣܼ. ܘܐܬܼܐ ܫܼܪܐ ܒܐܘܪܗܝ. ܩܿܒܠ ܕܝܢ ܡܢ ܡܠܟܐ ܫܘܠܛܢܐܼ. ܕܢܗܘܐ ܪܒ ܚܝܠܐ ܚܠܦ ܗܘܦܛܝܣ.܀ ܫܘܪܐ ܕܝܢ ܕܒܛܢܢ ܩܣܛܪܐ ܕܒܣܪܘܓܼ. ܕܢܦܝܠ ܗܘܐ ܘܡܬܪܥ ܟܠܗ܇ ܐܬܒܢܝ ܘܐܬܚܕܬ ܒܫܩܠ ܛܥܢܐ ܕܐܘܠܓܝܣ ܗܓܡܘܢܐ ܕܐܘܪܗܝ.܀ ܡܝܬܪܐ ܕܝܢ ܗܕܣ ܩܫܝܫܐ ܩܼܪܡ ܒܢܚܫܐ ܬܪ̈ܥܐ ܕܒܝܬ ܓܒܪ̈ܐ ܕܥܕܬܐ ܕܐܘܪܗܝ.

ܫܢܬ ܬܡ̈ܢܡܐܐ ܘܫܒܥܣܪ̈ܐ. ܡܕܒܪ̈ܢܐ ܕܝܢ ܕܚܝܠܐ ܕܪ̈ܗܘܡܝܐ [ܫܘܕܥܘ] ܠܡܠܟܐܼ. ܕܣܘܓܦܢܐ ܕܪܒܐ ܗܘܐ ܠܚܝܠ̈ܘܬܐ ܡܢ ܗܕܐܼ. ܕܠܝܬ ܠܗܘܢ ܡܕܝܢܬܐ ܕܝܿܬܒܐ ܥܠ ܬܚܘܡܐ. ܟܠ ܐܡܬܝ ܓܝܪ ܕܢܿܦܩܝܢ ܗܘܘ ܪ̈ܗܘܡܝܐ ܡܢ ܬܠܐ ܐܘ ܡܢ ܐܡܕܼ. ܕܢܬܟܪܟܘܢ ܒܥܪܒ ܡܛܠ ܓܝ̈ܣܐ܇ ܒܩܼܢܛܐ ܗܘܿܝܢ ܗܘܘܿ. ܟܠ ܐܝܟܐ ܕܫܪܝܢ ܗܘܘܿ. ܡܢ ܢܡܟܠܐ ܕܒ̈ܥܠܕܒܒܐ. ܘܐܢ ܬܘܒ ܢܓܕܫ ܕܚܝ̈ܠܘܬܐ ܕܣܓܝ̈ܐܝܢ ܡܢܗܘܢ ܡܫܟܚܝܢ ܗܘܘܼ. ܘܡܬܚܿܫܒܝܢ ܗܘܘ ܠܡܗܼܦܟ ܠܒܬܪܗܘܢ܇ ܥܡܠܐ ܪܒܐ ܡܣܝܒܪܝܢ ܗܘܘܼ ܒܗܝܿ ܕܠܐ ܩܪܒܝܐ ܗܘܬ ܠܗܘܢ ܡܕܝܢܬܐ ܕܢܣܬܬܪܘܢ ܒܗܿ. ܘܡܛܠܗܕܐ ܡܠܟܐ ܕܢܬܒܢܐ ܫܘܪܐ ܠܕܪܐ ܩܪܝܬܐ ܕܝܿܬܒܐ ܥܠ ܬܚܘܡܐ ܦܩܼܕ. ܘܐܬܓܒܝܘ ܦܣ̈ܘܠܐ ܡܢ ܟܠܗܿ ܣܘܪܐܿ. ܘܢܚܼܬܘ ܠܬܡܢ ܘܒܢܿܝܢ ܗܘܘ ܠܗ. ܦܪ̈ܣܝܐ ܕܝܢ ܢܿܦܩܝܢ ܗܘܘ ܡܢ ܢܨܝܒܝܢ ܘܡܒܿܛܠܝܢ

Page 310

ܗܘܘ ܠܗܘܢ. ܘܥܠ ܗܕܐ ܫܩܼܠ ܦܪܙܡܢ ܡܢ ܐܘܪܗܝ. ܘܢܼܚܬ ܝܬܼܒ ܒܐܡܕ. ܘܢܿܦܩ ܗܘܐ ܠܘܬ ܐܝܠܝܢ ܕܒܿܢܝܢ܆ ܘܡܣܝܥ ܗܘܐ ܠܗܘܢ. ܐܦ ܢܚܫܝܪܐ ܪܒܐ ܒܚܝܘ̈ܬܐ ܥܿܒܕ ܗܘܐ. ܘܝܬܝܪܐܝܬ ܒܚܙܝܪ̈ܝ ܒܪܐ ܕܣܓܝܘ ܬܡܢ ܡܢ ܕܚܒܪ ܐܬܪܐ. ܨܐܕ ܗܘܐ ܡܢܗܘܢ ܝܬܝܪ ܡܢ ܐܪ̈ܒܥܝܢ ܒܝܘܡܐ ܚܕ. ܠܬܚܘܝܬܐ ܕܝܢ ܕܢܚܫܝܪܬܢܘܬܗ ܐܦ ܠܐܘܪܗܝ ܫܕܪ ܡܢܗܘܢ ܕܚܝܝܢ ܘܕܩܛܠܝܠܝܢ.܀ ܡܝܬܪܐ ܕܝܢ ܣܪܓܝܣ ܐܦܝܣܩܦܐ ܕܒܝܪܬܐ ܩܣܛܪܐܼ ܕܝܿܬܒܐ ܠܘܬܢ ܥܠ ܢܗܪܐ ܦܪܬܼ. ܫܪܝ ܕܢܒܢܐ ܐܦ ܗܘܘܼ ܫܘܪܐ ܠܡܕܝܢܬܗ. ܘܝܗܼܒ ܠܗ ܡܠܟܐ ܕܗܒܐ ܠܐ ܙܥܘܪ ܠܢܦ̈ܩܬܗ. ܐܦ ܠܐܘܪܘܦܘܣܼ ܕܝܿܬܒܐ ܡܥܪ̈ܒܝ ܢܗܪܐ ܒܗܦܪܟܝܐ ܕܡܒܘܓ. ܦܩܕ ܡܓܝܛܪܘܣ ܕܢܬܒܢܐ ܠܗܿ ܫܘܪܐ. ܘܠܐܿܝܢ ܗܘܘ ܒܗ ܒܢ̈ܝ ܐܬܪܐ ܐܝܟ ܚܝܠܗܘܢ.܀ ܡܢ ܒܬܪ ܕܝܢ ܕܢܚܼܬ ܦܪܙܡܢ ܠܐܡܕ܇ ܐܬܼܐ ܚܠܦܘܗܝ ܪܘܡܢܘܣ ܕܘܟܣ. ܘܝܬܼܒ ܒܐܘܪܗܝܼ ܗܘܼ ܘܚܝܠܗ. ܘܕܩ̈ܬܐ ܣܓܝ̈ܐܬܐ ܒܡ̈ܣܟܢܐ ܥܿܒܕ ܗܘܐ. ܡܠܟܐ ܕܝܢ ܥܠ ܟܠܗܝܢ ܫܦܝܪ̈ܬܐܼ. ܐܘܣܦ ܐܦ ܒܗܕܐ ܫܢܬܐܼ. ܘܫܕܪ ܫܘܒܩܢܐ ܕܣܘܢܛܠܝܐ ܠܟܠܗ ܒܝܬ ܢܗܪ̈ܘܬܐ. ܘܚܕܝܘ ܟܠܗܘܢ ܫܦܝܪ̈ܬܐܼ. ܐܘܣܦ ܐܦ ܒܗܕܐ ܫܢܬܐܼ. ܘܫܕܪ ܫܘܒܩܢܐ ܕܣܘܢܛܠܝܐ ܠܟܠܗ ܒܝܬ ܢܗܪ̈ܘܬܐ. ܘܚܕܝܘ ܟܠܗܘܢ ܡܪ̈ܝ ܩܘܪ̈ܝܐܿ ܘܠܡܠܟܐ ܡܩܠܣܝܢ ܗܘܘ.܀ ܩܘܛܢܐ ܕܝܢ ܕܥܡܐ ܪܛܢܿܝܢ ܗܘܘܼ. ܘܩܿܥܝܢ ܘܐܡܿܪܝܢܼ ܕܠܐ ܙܕܩܿ ܕܢܼܫܪܘܢ ܥܠܝܢ ܓܘ̈ܬܝܐ܇ ܐܠܐ ܥܠ ܡܪ̈ܝ ܩܘܪ̈ܝܐ. ܐܝܟ ܡܿܢ ܕܗܼܢܘܢ ܐܬܥܕܪܘ ܒܫܘܒܩܢܐ ܗܢܐ. ܗܘܦܪܟܐ ܕܝܢ ܦܩܼܕ ܕܬܗܘܐ ܫܐܠܬܗܘܢ. ܘܟܕ ܫܪܝܬܿ ܗܕܐ

Page 311

ܕܬܣܬܥܪܼ. ܐܬܟܢܫܘ ܟܠܗܘܢ ܪܘܒ̈ܒܢܐ ܕܡܕܝܢܬܐ ܠܘܬ ܪܘܡܢܘܣ ܕܘܟܣܼ. ܘܐܦܝܣܘܗܝܼ ܘܐܡܿܪܝܢ ܠܗ܇ ܬܦܩܘܕ ܪܒܘܬܟ ܡܢܐ ܘܿܠܐ ܕܢܣܒ ܟܠܚܕ ܡܢ ܓܘ̈ܬܝܐ ܒܝܪܚܐܼ. ܕܠܡܐ ܡܐ ܕܥܠܘ ܠܒ̈ܬܐ ܕܐܢܫ̈ܐ ܡܫܪ̈ܬܚܐ ܢܒܙܘܢ܆ ܐܝܟܢܐ ܕܐܦ ܠܩܘܛܢܐ ܒܿܙܝܢ ܗܘܘ. ܘܗܘܼ ܩܒܠ ܦܝܣܗܘܢ ܘܦܩܼܕ ܠܗܘܢ ܕܢܒܣܘܢ ܐܣܦܕܐ ܕܡܫܚܐ ܒܝܪܚܐ. ܘܡܿܬܝܢ ܠܝܛܪ̈ܝܢ ܩܝ̈ܣܐ. ܘܥܪܣܐ ܘܬܫܘܝܬܐ ܠܒܝܬ ܬܪ̈ܝܢ ܡܢܗܘܢ. ܘܗܼܢܘܢ ܘܓܘ̈ܬܝܐ ܟܕ ܫܡܼܥܘ ܦܘܩܕܢܐ ܗܢܐ ܪܗܛܘ ܥܠ ܪܘܡܢܘܣ ܕܘܟܣܼ ܠܕܪܬܐ ܕܒܝܬ ܒܪܣܐ ܕܢܩܛܠܘܢܝܗܝ. ܘܟܕ ܣܿܠܩܝܢ ܒܣܒܠ̈ܬܐ ܕܒܝܬ ܡܫܪܝܗܼ. ܫܡܼܥ ܩܠ ܪܘܒܗܘܢ ܘܫܓܝܫܘܬܗܘܢܼ ܘܐܦ ܐܣܬܟܠ ܡܢܐ ܨܿܒܝܢ ܠܡܣܥܪ. ܘܩܠܝܠܐܝܬ ܙܝܢܗ ܠܒܼܫ ܘܫܩܼܠ ܡ̈ܐܢܘܗܝ ܘܣܝܦܗ ܫܡܼܛ. ܘܩܡ ܥܠ ܬܪܥܐ ܥܠܝܐ ܕܒܗ ܫܪܝܢ ܗܘܘ. ܟܕ ܠܚܕ ܡܢ ܓܘ̈ܬܝܐ ܠܐ ܩܼܛܠ. ܐܠܐ ܣܝܦܗ ܡܢܝܦ ܗܘܐ܆ ܘܟܿܠܐ ܗܘܐ ܠܩܕ̈ܡܐ ܕܣܿܠܩܝܢ ܡܢ ܕܠܡܥܠ ܥܠܘܗܝ. ܘܐܝܠܝܢ ܕܡܢ ܠܬܚܬ ܥܿܨܝܢ ܗܘܘ ܒܚܡܬܗܘܢ ܠܐܝܠܝܢ ܕܠܥܠ ܡܢܗܘܢ ܠܡܣܩ ܘܠܡܥܠ ܥܠܝܗܘܢ. ܒܝܕ ܣܒ̈ܠܬܐ ܕܝܢ ܕܕܪܬܐ ܗܿܝܼ ܥܡܐ ܣܓܝܐܐ ܐܚܕܘ܇ ܐܝܟ ܕܡܦܣܐ ܚܣܝܘܬܟ. ܟܕ ܗܟܝܠ ܩܕܡ̈ܝܐ ܕܣܠܼܩܘ ܠܐ ܡܫܟܚܝܢ ܗܘܘ ܠܡܥܠܼ ܡܛܠ ܕܚܠܬܐ ܕܚܪܒܐ܇ ܘܐܚܪ̈ܢܐ ܠܗܘܢ ܚܿܒܨܝܢ ܗܘܘ܆ ܓܒܪ̈ܐ ܐܬܬܒܪ ܘܢܦܼܠ ܥܠܝܗܘܢ. ܘܡܝܬܘ ܕܠ̈ܠܝܠܐ ܡܢܗܘܢ. ܘܣܓܝ̈ܐܐ ܐܣܬܪܚܘ

Page 312

ܗܕܡ̈ܝܗܘܢ ܘܗܿܘܼܘ ܣܓܝ̈ܦܐ. ܘܬܘܒ ܠܐ ܐܬܐܣܼܝܘ. ܪܘܡܢܣ ܟܕ ܗܼܘܬ ܠܗ ܐܦܬܐ ܒܝܕ ܡܦܘܠܬܐ ܗܕܐܼ. ܥܠ ܐܓܪܐ ܥܪܩ ܡܢ ܕܪܬܐ ܠܚܒܪܬܗܿ ܘܐܬܦܠܛ. ܘܬܘܒ ܡܕܡ ܠܐ ܐܡܼܪ ܠܗܘܢ. ܘܡܢ ܗܕܐ ܥܠܬܐ ܦܫܘ ܠܗܘܢ ܐܝܟܐ ܕܫܪܝܢ ܗܘܘ܇ ܟܕ ܡܛܕܒܪܝܢ ܒܨܒܝܢ̈ܝ ܢܦܫܗܘܢܼ. ܘܐܢܫ ܕܬܟܿܣ ܠܗܘܢ ܠܝܬ ܗܘܐ. ܐܦܠܐ ܕܟܿܠܐ ܐܘ ܕܡܿܪܬܐ ܗܘܐ ܠܗܘܢ.܀ ܐܦܝܣܩܘܦܐ ܕܝܠܢ ܡܪܝ ܦܛܪܐܼ ܒܟܘܪܗܢܐ ܩܫܝܐ ܘܥܣܩܐ ܐܝܬܘܗܝ ܗܘܐ ܟܠܗܿ ܗܕܐ ܫܢܬܐ.. ܒܐܪܚ ܢܝܣܢ ܕܝܢ܆ ܬܘܒ ܝܬܝܪܐܝܬ ܥܫܼܢ ܐܘܠܨܢܐ ܥܠ ܡܕܝܢܬܢ. ܟܿܢܫ ܓܝܪ ܡܓܣܛܪܘܣ ܠܟܠܗ ܚܝܠܐܼ. ܘܩܡ ܕܢܚܘܬ ܠܒܝܬ ܦܪ̈ܣܝܐܿ. ܕܢܩܝܡ ܘܢܚܕܬ ܥܡܗܘܢ ܩܝܿܡܐ ܕܫܝܢܐ. ܘܟܕ ܥܼܠ ܠܐܘܪܗܝ ܐܬܼܘ ܠܘܬܗ ܐܝܙ̈ܓܕܐ ܕܦܪ̈ܣܝܐ܆ ܘܐܘܕܥܘܗܝܼ ܕܐܣܛܒܝܕ ܗܘܿ ܕܐܬܼܐ ܠܐܘܪܥܗ܇ ܕܢܩܝܡ ܥܡܗ ܩܝܿܡܐܼ ܡܝܼܬ. ܘܡܦܝܣܝܢ ܗܘܘ ܠܗ ܘܐܡܿܪܝܢ܇ ܕܙܿܕܩ ܠܗ ܐܢ ܗܼܘ ܕܠܫܝܢܐ ܢܚܼܬܿ. ܕܠܐ ܢܥܒܪ ܡܢ ܐܘܪܗܝ܇ ܥܕܡܐ ܕܐܣܛܒܝܕ ܐܚܪܢܐ ܢܫܬܕܪ ܡܢ ܠܘܬ ܡܠܟܐ ܕܦܪ̈ܣܝܐ. ܘܗܼܘ ܒܥܘܬܗܘܢ ܩܼܒܠ. ܘܒܐܘܪܗܝ ܝܬܼܒ ܝܪ̈ܚܐ ܚܡ̈ܫܐ. ܘܡܛܠ ܕܠܐ ܣܿܦܩܐ ܗܘܬ ܡܕܝܢܬܐ ܠܓܘ̈ܬܝܐ ܕܐܝܬ ܗܘܐ ܥܡܗܼ. ܐܦ ܒܩܘܪ̈ܝܐ ܫܼܪܝܢ ܗܘܘ. ܘܟܠܗܝܢ ܕܝܪ̈ܬܐ ܪܘܪ̈ܒܬܐ ܘܙܥܘܪ̈ܝܬܐ ܕܚܕܪ̈ܝ ܡܕܝܢܬܐ. ܗܟܢܐ ܐܦܠܐ ܐܝܠܝܢ ܕܒܝܚܝܕܝܘܬܐ ܥܿܡܪܝܢ ܗܘܘܿ. ܐܫܬܒܩܘ ܕܢܕܝܪܘܢ ܒܫܠܝܐ ܕܡܿܚܒܝܢ ܠܗ. ܡܛܠ ܕܐܦ ܥܠܝܗܘܢ ܫܼܪܝܢ ܗܘܘ ܒܝܕܝܪ̈ܬܗܘܢ. ܗܟܢܐ ܓܝܪ ܐܬܠܥܒܘ ܒܡܐܟܠܐ ܘܒܡܫܬܝܐܿ. ܒܗܝܿ ܕܠܘ ܡܢ ܕܝܠܗܘܢ ܐܟܿܠܝܢ ܗܘܘ ܒܝܘܡܐ ܩܕܡܝܐ ܕܐܬܘ܇ ܐܝܟܢܐ ܕܡܢܗܘܢ ܟܕ ܒܒ̈ܬܐ ܥܠ̈ܝܐ ܐܬܒܣܡܘ ܢܦܼܩܘ

Page 313

ܒܠܠܝܐ ܟܕ ܡܬܒܘܪܪܝܢ ܡܢ ܚܡܪܐ ܣܓܝܐܐܼ. ܘܕܪܟܘ ܥܠ ܐܬܪܐ ܣܦܝܩܐ ܘܠܥܘܡܩܐ ܐܣܬܚܦܘ. ܘܒܫܘܠܡܐ ܒܝܫܐܼ ܡܢ ܚܝ̈ܐ ܫܢܝܘ. ܐܚܪ̈ܢܐ ܕܝܢ ܟܕ ܝܿܬܒܝܢ ܘܫܿܬܝܢܼ ܐܬܛܒܥܘ ܒܫܼܢܬܐ ܘܢܦܼܠܘ ܡܢ ܒ̈ܬܐ ܥܠ̈ܝܐܼ. ܘܡܝܬܘ ܥܠ ܕܘܟ̈ܝܬܗܘܢ. ܐܚܪ̈ܢܐ ܕܝܢ ܥܠ ܥܪ̈ܣܬܗܘܢ ܐܬܩܠܝܘ ܡܢ ܡܟܘܠܬܐ ܣܿܓܝܐܬܐ. ܐܚܪ̈ܢܐ ܕܝܢ ܠܗܘܢ܇ ܡܛܠ ܣܘܪ̈ܚܢܐ ܙܥܘܪ̈ܐ. ܐܚܪ̈ܢܐ ܕܝܢ ܕܥܼܠܘ ܠܓܢܬܐܿ ܕܢܣܒܘܢ ܝܪܩܐܼ. ܘܩܡ ܓܢܢܐ ܕܢܟܠܐ ܐܢܘܢ ܕܠܐ ܢܣܼܒܘܢ܆ ܡܿܘܬܐ ܒܝܕ ܓܐܪܐ ܐܘܫܛ ܠܗ ܘܕܡܗ ܠܐ ܐܬܬܒܥ. ܐܚܪ̈ܢܐ ܕܝܢ ܟܕ ܡܬܪܒܝܐ ܒܝܫܬܗܘܢ: ܘܠܝܬ ܐܢܫ ܕܬܟܿܣ ܠܗܿ. ܘܐܝܠܝܢ ܕܫܼܝܢ ܗܘܘ ܥܠܝܗܘܢ ܒܝܕܥܬܐ ܣܓܝܐܬܐ ܡܬܕܒܪܝܢ ܗܘܘ ܥܡܗܘܢܼ. ܘܟܠܡܕܡ ܐܝܟ ܨܒܝܢܗܘܢ ܣܿܥܪܝܢ ܗܘܘ: ܒܕܠܐ ܝܿܗܒܝܢ ܗܘܿܘ ܠܗܘܢ ܐܬܪܐ ܠܡܒܿܐܫܘ ܠܗܘܢ܆ ܐܙܕܟܝܘ ܡܢ ܚܡܬܗܘܢ ܘܠܚܕ̈ܕܐ ܩܿܛܼܠ. ܕܐܝܬ ܗܘܐ ܒܗܘܢ ܕܝܢ ܐܦ ܐܚܪ̈ܢܐ ܕܡܛܣܐܝܬ ܚܿܐܝܢ܆ ܠܐ ܟܣܝܐ ܡܢ ܝܕܥܬܟ. ܠܐ ܓܝܪ ܡܫܟܚܐ ܕܒܚܝܠܐ ܣܓܝܐܐ ܕܐܝܟ ܗܘܿ: ܕܠܐ ܐܦ ܗܟܢܐ ܢܫܬܟܚܘܢ ܒܗ. ܒܝܫܬܗܘܢ ܕܒܝ̈ܫܐ ܗܟܢܐ ܥܫܢܼܬ ܠܡܒܐܫܘܼ. ܥܕܡܐ ܕܐܦ ܐܝܠܝܢ ܕܡܪܚܝܢ ܗܘܘ ܒܐܘܪ̈ܗܝܐܼ. ܐܫܝܚܘ ܕܡܕܡ ܕܠܐ ܘܿܠܐ ܢܣܥܪܘܢ. ܪܓܢܐ ܓܝܪ ܕܥܠ ܡܓܝܣܛܪܘܣ ܒܟܪ̈ܛܝܣܐ ܪܫܡܘܼ. ܘܒܕܘ̈ܟܝܬܐ ܝܕܝ̈ܥܬܐ ܕܡܕܝܢܬܐ ܟܣܝܐܝܬ ܩܒܥܘ. ܗܘܼ ܕܝܢ ܟܕ ܫܡܼܥܼ. ܠܐ ܐܬܚܿܡܬ ܐܝܟܢܐ ܕܡܨܐ ܗܘܐ. ܘܠܐ ܥܿܩܒ ܥܠ ܗܘܿ ܡܿܢ ܕܗܕܐ ܣܼܥܪ. ܐܦܠܐ ܠܡܕܝܢܬܐ ܡܕܡ ܕܒܝܫ ܐܬܚܿܫܒ ܠܡܣܥܪ ܡܛܠ ܒܣܝܡܘܬܗ. ܐܠܐ ܫܩܠ ܛܥܢܐ ܣܓܝܐܐ ܗܘܐ ܕܒܥܓܠ ܘܩܠܝܠܐܝܬ ܡܢ ܐܘܪܗܝ ܢܫܿܢܐ.

Page 314

ܫܢܬ ܬܡܢ̈ܡܐܐ ܘܬܡܢܥܣܪ̈ܐ ܕܒܼܪ ܗܟܝܠ ܢܓܝܣܛܪܘܣ ܠܟܠܗ ܚܝܠܗ ܘܢܚܼܬ ܠܬܚܘܡܐ. ܘܐܬܼܐ ܠܘܬܗ ܐܝܙܓܕܐ ܕܦܪ̈ܣܝܐ ܠܕܪܐ ܡܕܝܢܬܐ. ܟܕ ܐܝܬ ܗܘܐ ܥܡܗ ܐܦ ܗܡܝܪ̈ܐ ܕܐܫܬܕܪܘ ܡܢ ܐܣܛܒܝܕ. ܘܬܘܒ ܐܦܝܣܘܗܝܼ ܕܐܢ ܗܘܼ ܕܫܝܢܐ ܨܿܒܐ ܕܢܥܒܕ܇ ܙܿܕܩ ܠܗ ܕܢܫܕܪ ܐܦ ܗܘܼ ܗܡܝܪ̈ܐ ܚܠܦ ܗܠܝܢ ܕܩܿܒܠ. ܘܒܬܪܟܝܢ ܢܬܩܪܒܘܢ ܒܚܘܒܐ ܬܪ̈ܝܗܘܢ ܓܒ̈ܐ. ܘܢܩܒܠܘܢ ܐܦ̈ܐ ܕܚ̈ܕܕܐ ܒܚܡ̈ܫܡܐܐ ܚܡ̈ܫܡܐܐ ܦܪ̈ܫܝܢ ܟܕ ܠܐ ܡܙܿܝܢܝܢ܇ ܘܗܝܕܝܢ ܢܬܒܘܢ ܒܐܦܪܣܝܢܐ ܘܐܝܠܝܢ ܕܘܠܐ ܢܣܥܼܪܘܢ. ܘܩܿܒܼܠ ܦܝܣܗܘܢܼ. ܘܗܡܝܪ̈ܐ ܫܕܪ. ܘܠܐܘܪܥܗ ܕܐܣܛܒܝܕ ܒܝܘܡܐ ܕܐܬܐܡܪ ܠܗܼ ܐܙܠܼ ܕܠܐ ܙܝܢܐ. ܡܛܠ ܕܝܢ ܕܩܿܢܛ ܗܘܐ܇ ܕܕܠܡܐ ܢܟܠܐ ܡܕܡ ܢܗܘܐ ܥܠܘܗܝ ܡܢ ܦܪ̈ܣܝܐ܆ ܐܩܝܡ ܠܟܠܗ ܚܝܠܐ ܕܪ̈ܗܘܡܝܐ ܡܢܩܒܘܠ ܟܕ ܡܙܝܢܝܢ. ܘܐܬܿܐ ܝܗܼܒ ܠܗܘܢܼ ܘܦܿܩܼܕ ܐܢܘܢ ܕܐܢܗܘܼ ܕܐܬܿܐ ܗܝܿ ܡܬܚܙܝܐ ܠܗܘܢܼ ܩܠܝܠܐܝܬ ܢܡܢܥܘܢ ܠܗܬܗ. ܟܕ ܐܬܼܐ ܕܝܢ ܐܦ ܐܣܛܒܝܕ ܠܐܘܪܥܗܼ. ܘܝܬܼܒ ܒܐܦܪܣܢܐ ܗܼܢܘܢ ܪ̈ܗܘܡܝܐ ܘܟܠܗܘܢ ܡܕܒܪ̈ܢܐ ܕܥܡܗܘܢܼ. ܣܡ ܠܒܠܗ ܐܢܫ ܡܢ ܦܠ̈ܚܐ ܕܪ̈ܗܘܡܝܐܼ. ܘܚܼܙܐ ܕܙܝܢܐ ܠܒܝܫܝܢ ܡܢ ܠܓܘ ܟܠܗܘܢ ܐܝܠܝܢ ܕܐܬܼܘ ܥܡ ܐܣܛܒܝܕ. ܘܗܝܼ ܗܕܐ ܐܘܕܥܘ ܠܦܪܙܡܢ ܪܝܫ ܚܝܠܐ ܘܠܛܡܣܛܪܛܐ ܕܘܟܣ. ܘܗܢܼܘܢ ܐܬܼܐ ܗܝܿ ܠܚܝܠ̈ܘܬܐ ܚܘܝܘ. ܘܡܚܕܗܿ ܝܒܼܒܘ ܘܡܼܛܘ ܠܘܬܗܘܢ. ܘܠܐܣܛܒܝܕ ܘܝܐܠܝܢ ܕܥܡܗܼ ܒܨܥܬܐ ܚܒܼܫܘ. ܚܝܠܐ ܕܝܢ ܕܒܡܫܪܝܬܐ ܕܦܪ̈ܣܝܐ܇ ܟܕ ܝܼܕܥ ܕܐܬܚܒܫ ܐܣܛܒܝܕ ܘܐܝܠܝܢ ܕܥܡܗܼ ܥܪܩܘ ܡܢ ܕܚܠܬܗܘܢܼ. ܘܥܠܘ ܠܢܨܒܝܢ. ܪ̈ܗܘܡܝܐ ܕܝܢ ܨܿܒܝܢ ܗܘܘ ܠܐܣܛܒܝܢ ܠܡܚܕ ܐܦ ܠܐܝܠܝܢ ܕܥܡܗ ܠܡܩܛܠ.

Page 315

ܘܡܓܝܣܛܪܘܣ ܡܦܝܣ ܗܘܐ ܠܗܘܢܼ. ܕܠܐ ܢܗܘܘܢ ܥܠܬܐ ܠܚܪܒܐ ܘܢܬܚܩܘܢ ܠܫܝܢܐ. ܘܠܡܚܣܢ ܐܨܛܒܝܘ. ܘܗܼܢܘܢ ܕܝܢ ܐܫܬܡܥܘ ܠܗ ܘܫܒܩܘܗܝ ܠܐܣܛܒܝܕ ܠܡܦܩܼ ܘܠܝܐܝܠܝܢ ܕܥܡܗܼ ܡܢ ܒܝܢܬܗܘܢ܆ ܟܕ ܡܕܡ ܠܐ ܐܟܝܘ ܐܢܘܢ. ܐܦ ܓܝܪ ܒܙܟܘܬܗܘܢܼ ܡܫܝ̈ܢܐ ܐܝܬܝܗܘܢ ܡܕܒܪ̈ܢܐ ܕܪ̈ܗܘܡܝܐ. ܐܣܛܒܝܕ ܕܝܢ ܟܕ ܫܿܢܝ ܠܡܫܪܝܬܗ. ܘܚܼܙܐ ܕܥܠܼܘ ܠܗܘܢ ܦܪ̈ܣܝܐ ܠܢܨܒܝܢ܆ ܕܚܠܘ ܗܘܼ ܕܢܩܿܘܐ ܒܠܚܘܕܘܗܝ܆ ܘܥܼܠ ܐܦ ܗܘܼ ܠܘܬܗܘܢ. ܘܥܿܨܐ ܗܘܐ ܠܗܘܢ ܠܡܦܼܩ ܥܡܗ ܡܢ ܡܕܝܢܬܐ. ܘܡܢ ܕܚܠܬܗܘܢܼ ܠܐ ܨܿܒܝܢ ܗܘܘ ܠܡܦܼܩ. ܘܡܛܠ ܕܝܢ ܕܠܐ ܬܬܓܠܐ ܕܚܠܬܗܘܢ ܠܪ̈ܗܘܡܝܐ܆ ܫܕܪ ܐܣܛܒܝܕܼ ܐܝܬܝ ܒܪܬܗ ܠܢܨܒܝܢ. ܘܐܝܟ ܢܡܘܣܐ ܕܦܪ̈ܣܐ ܫܼܩܠܗܿ ܒܢܫ̈ܐ. ܟܕ ܕܝܢ ܫܠܚ ܠܗ ܡܓܝܣܛܪܘܣ ܒܡܘ̈ܡܬܐ ܕܠܐ ܐܢܫ ܡܿܟܐ ܠܟ܆ ܐܦܠܐ ܐܢ ܒܠܚܘܕܝܟ ܬܦܘܩܼ. ܦܢܝ ܗܘܼ ܦܬܓܡܐ܇ ܕܠܐ ܗܘܐ ܡܢ ܕܚܠܬܐ ܠܐ ܢܿܦܩ ܐܢܐ. ܐܠܐ ܐܝܟ ܡܿܢ ܕܢܡܠܘܢ ܝܘ̈ܡܬܐ ܕܡܫܬܘܬܐ. ܘܟܕ ܛܒ ܒܟܠܗܿ ܨܒܘܬܐ ܡܦܣ ܗܘܐ ܡܓܝܣܛܪܘܣ܆ ܐܝܟ ܗܿܘ ܕܠܐ ܝܿܕܥ ܡܿܗܡܐ (ܗܘܐ). ܒܬܪ ܝܘ̈ܡܬܐ ܕܝܢܼ ܟܕ ܢܦܼܩ ܐܣܛܒܝܕ ܠܘܬܗܼ. ܠܟܠܗܝܢ ܥܠ̈ܬܐ ܕܣܝ̈ܡܢ ܗܘ̈ܝ ܠܝ ܕܢܬܒܥ ܐܢܝܢ ܠܦܪ̈ܣܝܐܿ. ܒܿܛܠ ܒܪܚܡܬ ܫܝܢܐ. ܘܩܝܿܡܐ ܐܩܝܡ ܥܡܗܘܢ. ܘܫܝܢܐ ܥܒܕ. ܘܟ̈ܬܒܐ ܒܝܢܬܗܘܢ ܟܬܼܒܘ. ܘܙܒܢܐ ܝܕܝܥܐ ܬܚܡܘ ܒܗܘܢܼ. ܕܩܪܒܐ ܥܠ ܚ̈ܕܕܐ ܠܐ ܢܙܝܥܘܢ. ܘܟܠܗܘܢ ܚܝܠ̈ܘܬܐ ܚܿܕܝܢ ܗܘܘ ܘܪܘܙܝܢ ܒܫܝܢܐ ܕܗܘܼܐ. ܘܟܕ ܥܕܟܝܠ ܬܡܢ ܐܝܬܝܗܘܢ ܗܘܘ ܒܬܚܘܡܐ܆ ܩܿܒܠ ܗܘܼ ܩܠܠܪܣ ܡܓܝܣܛܪܣ ܘܩܠܝܘܦܝܣ܇ ܐܝܓܪ̈ܬܐ ܕܡܠܟܐ ܐܢܣܛܘܣ. ܕܝܨܝܦܘܬܐ ܘܡܪܚܡܢܘܬܐ ܕܥܠܐܬܪܐ ܟܠܗ ܕܒܝܬ ܢܗܪ̈ܘܬܐ

Page 316

ܡ̈ܠܼܝܢ ܗܘ̈ܝ܆ ܘܗܟܢܐ ܟܬܼܒ ܠܗܘܢ. ܕܐܢ ܗܘܼ ܕܝܿܕܥܝܢ ܕܘܿܠܐ ܕܬܫܬܒܩ ܣܘܢܛܠܝܐܼ. ܢܗܘܐ ܐܝܬ ܠܗܘܢ ܫܘܠܛܢܐ ܕܕܠܐ ܥܘܟܪ ܢܫܒܩܘܢ. ܘܗܼܢܘܢ ܐܬܚܫܒܘ ܕܬܫܬܒܩ ܠܒܝܬ ܐܡ̈ܕܝܐ ܟܠܗܿ ܣܘܢܛܠܝܐ. ܘܠܒܝܬ ܐܘܪ̈ܗܝܐ ܦܠܓܗܿ. ܘܗܝܼ ܗܕܐ ܫܕܪܘ ܐܘܕܥܘ ܒܐܘܪܗܝ. ܘܒܬܪ ܩܠܝܠ ܐܦ ܐܝܓܪ̈ܬܐ ܐܚܪ̈ܢܝܬܐ ܫܕܪܘܼ. ܕܥܠ ܫܝܢܐ ܕܗܘܼܐ ܡܘܕܥ̈ܢ ܗܘ̈ܝ.. ܘܒܝܘܡ ܥܣܪ̈ܝܢ ܘܬܡܢܝܐ ܒܐܝܪܚ ܬܫܪܝ ܐܚܪܝ܆ ܕܒܼܪ ܠܟܠܗ ܚܼܝܠܐ ܘܣܠܼܩ ܡܢ ܬܚܘܡ̈ܐ. ܘܟܕ ܡܢܥ ܠܐܘܪܗܝܼ. ܐܬܪܥܝ ܗܘܐ ܡܓܝܣܛܪܘܣ ܕܠܐ ܢܥܘܠ ܠܗܿ܇ ܡܛܠ ܪܛܢܗܘܢ ܕܥܠܘܗܝ. ܘܛܘܒܢܐ ܒܪܗܕܕ ܐܦܝܣܩܘܦܐ ܕܬܠܬ ܐܦܝܣܩܼ. ܕܠܐ ܢܬܠ ܐܬܪܐ ܠܚܡܬܐ ܕܬܫܬܛܠ ܒܗ. ܘܠܐ ܢܫܒܘܩ ܡܢ ܒܬܪܗ ܥܩܒܬܐ ܐܘ ܡܪܢܝܬܐ ܠܐܢܫ. ܘܗܘܼ ܡܛܝܒܐܝܬ ܠܦܝܣܗ ܩܿܒܼܠ. ܘܐܦ ܐܘܪ̈ܗܝܐ ܟܠܗܘܢ ܒܚܘܝܚܘܬܐ ܪܒܬܐ ܢܦܩܘ ܠܩܘܒܠܗܼ ܟܕ ܛܥܝܢܝܢ ܩܪ̈ܝܘܢܐܼ ܡܢ ܪܒܐ ܘܥܕܡܐ ܠܙܥܘܪܐ. ܘܐܦ ܟܠܗܘܢ ܩܠܝܪܗܝܩܘ ܘܒܢ̈ܝ ܩܝܿܡܐ ܘܕܝܪ̈ܝܐ ܥܡܗܘܢ ܢܦܼܩܘ. ܘܥܠܼܘ ܠܡܕܝܢܬܐ ܒܚܕܘܬܐ ܪܒܬܐ. ܘܠܚܝܠܐ ܟܠܗ ܫܪܝܗܝ ܒܪܝ ܝܘܡܐ ܠܡܚܼܙܩ. ܘܗܘܼ ܩܘܝ ܝܘ̈ܡܬܐ ܬ̈ܠܬܐ ܘܝܗܒܼ ܠܗܓܡܘܢܐ ܡ̈ܬܝܢ ܕܝܢܪ̈ܝܢ ܕܢܦܠܓ ܡܘܗ̈ܒܬܐ. ܘܒܢ̈ܝ ܡܕܝܢܬܐ ܟܕ ܚܿܕܝܢ ܒܫܝܢܐ ܕܗܘܼܐ܇ ܘܪܘܿܙܝܢ ܒܓܗܝܬܐܕܡܟܝܠ ܗܿܘܝܐ ܠܗܘܢ ܡܢܐܘܠܨܢܐ ܕܩܿܝܡܝܢ ܒܗ܇ ܘܕܝܿܨܝܢ ܒܣܒܪܐ ܕܫܦܝܪ̈ܬܐ ܕܡܣ̈ܬܟܝܢ ܠܡܐܬܐ܇ ܘܡܘܕܝܢ ܠܐܠܗܐ ܕܒܛܝܒܘܬܗ ܘܒܪ̈ܚܡܘܗܝ ܐܪܡܝ ܫܝܢܗ ܥܠ ܬܪ̈ܬܝܗܝܢ ܡܠ̈ܟܘܬܐ܆ ܒܬܫܒܚ̈ܬܐ ܕܙܕܩ̈ܢ ܠܗ ܘܠܡܿܢ ܕܫܕܪܗܼ ܠܘܝܘܗܝ ܟܕ ܚܿܙܩ.. ܐܢܗܘܼ ܕܐܚܪܢܐܝܬ ܐܬܚܙܝ ܡܠܟܐ ܗܢܐ ܒܫܘܠܡܐ ܕܚܝ̈ܘܗܝܼ. ܠܐ ܐܢܫ ܢܬܥܣܩ ܥܠ ܩܘܠ̈ܣܘܗܝ.

Page 317

ܐܠܐ ܢܬܥܗܕ ܐܝܠܝܢ ܕܡܢ ܫܠܝܡܘܢ ܐܣܬܥܪܘ ܒܙܒܢܐ ܕܫܘܠܡܐ ܕܚܝܘ̈ܗܝ܀

ܗܠܝܢ ܩܠܝܠ ܡܢ ܣܓܝ ܐܝܟ ܕܐܬܡܿܨܝܢ ܟܿܬܒܬ ܠܚܘܒܟ. ܟܕ ܠܐ ܨܿܒܐ ܐܢܐܼ ܘܟܕ ܨܿܒܐ ܐܢܐ. ܟܕ ܠܐ ܨܿܒܐ ܐܢܐ ܡܿܢ܆ ܡܛܠ ܕܠܐ ܐܠܿܐܐ ܗܿܘܝܬ ܠܝܕܘܥܐ ܚܟܝܡܐ. ܕܝܬܝܪ ܡܢܝ ܡܦܿܣ ܒܗܝܢ ܒܗܠܝܢ. ܟܕ ܨܿܒܐ ܐܢܐ ܕܝܢ܆ ܡܛܠ ܡܫܬܡܥܢܘܬܐ ܕܠܦܘܩܕܢܟ. ܘܡܟܝܠ ܡܦܝܣ ܐܢܐ ܕܐܦ ܐܢܬ ܬܡܠܐ ܫܘܘܕܝܐ ܕܒܐܝܓܪܬܟ܆ ܕܨܠܘܬܐ ܐܡܝܢܐܝܬ ܬܩܪܒ ܠܐܠܗܐ ܥܠ ܚܛܝܘܬܝ. ܗܘܿܝܐ ܠܝ ܓܝܪ ܒܛܝܼܠܘܬܐ ܡܟܝܠ ܕܝܿܠܦܬ ܨܒܝܢܟ܆ ܘܐܝܠܝܢ ܕܡܣܬܥܪ̈ܢ ܒܙܒ̈ܢܐ ܕܐܬܿܝܢ ܘܫܿܘܝܢ ܠܥܘܗܕܢܐ: ܪܫܡ ܐܢܐ ܘܡܫܕܪ ܠܐܒܗܘܬܟܿ. ܐܢܗܘܼ ܕܡܩܘܐ ܐܢܐ ܒܚܝ̈ܐ. ܢܨܠܐ ܕܝܢܼ ܚܢܢ ܡܢܗܪܟܐܿ ܘܐܒܗܘܬܟ ܡܢ ܬܡܢ܆ ܘܟܠܗܘܢ ܒܢ̈ܝ ܐܢܫ̈ܐ ܡܢ ܟܠܕܘܟ: ܕܥܠ ܫܘܚܠܦܐ ܪܒܐ ܕܗܘܐ ܒܥܠܡܐ ܬܗܘܐ ܐܝܬܝܗܿ ܡܠܬܐ ܕܬܫܥܝܬܐ. ܘܐܝܟ ܕܠܐ ܠܗܠܝܢ ܕܒܙܒ̈ܢܐ ܒܝܼ̈ܫܐ ܣܦܼܩܢܢ ܠܡܼܬܢܐ ܐܝܟ ܡܐ ܕܐܝܬܗܝܢ: ܡܛܠ ܣܓܝܐܘܬܐ ܕܥܩ̈ܬܗܝܢ. ܐܦܠܐ ܠܗܠܝܢ ܕܐܬܿܝ̈ܢ ܢܫܟܚ ܠܡܫܬܥܝܘ ܡܢ ܣܓܝܐܘܬܐ ܕܛܒ̈ܬܗܝܢ. ܐܠܐ ܬܗܘܐ ܚܿܝܒܐ ܡܠܬܢ: ܡܢ ܕܠܡܐܡܪ ܥܠ ܕܘܒܪܐ ܛܒܐ ܕܒܢ̈ܝ ܡܕܝܢܬܐ ܕܝܠܢ: ܘܥܠ ܫܝܢܐ ܘܫܠܡܐ ܕܡܿܡܠܟ ܒܗ ܒܥܠܡܐ. ܘܥܠ ܣܒܥܐ ܪܒܐ ܕܗܿܘܐ܆ ܘܡܫܪܬܚܘܬܐ ܣܓܝܼܐܬܐ ܕܥܿܠܠܬܐ ܕܒܘܪܟܬܐ ܕܐܠܗܐܼ ܗܘܿ ܕܐܡܼܪ ܕܢܬܛܥ̈ܝܢ ܥܩ̈ܬܐ ܩܕܡ̈ܝܬܐ ܘܐܦ ܢܬܟܣ̈ܝܢ ܡܢ ܩܕܡܝ. ܕܠܗ ܫܘܒܚܐ ܠܥܠܡ ܥܠܝܡܢ. ܐܡܝܢ܀

[Zuqnin Chronicle Part 3]

Source: J.B. Chabot, Incerti Auctoris Chronicon Pseudo-Dionysianum Vulgo Dictum. Vol 2. CSCO 104/Scriptores Syri 53 (III.2). Louvain: Secretariat du CorpusSCO, 1933; from Vatican Syriac 162

Page 1

 

ܡܟܬܒܢܘܬܐ ܕܙܒ̈ܢܐ: ܕܡܢ ܒܪܝܬܗ

ܕܥܠܡܐ ܥܕܡܐ ܠܫܢܬ ܐܠܦ ܘܬܡܢܝܢ

ܘܫܒܥ ܕܐܠܟܣܢܕܪܘܣ܀

܀ܦܠܓܘܬܐ ܕܬܪ̈ܬܝܢ܀

 

Page 2

 

ܫܢܬ ܬܡ̈ܢܡܐܐܼ. ܐܬܥܩܪܬ ܣܟܠܘܐ ܕܦܪ̈ܣܝܐ ܡܢ ܐܘܪܗܝ.

ܕܐܝܠܝܢ ܪ̈ܝܫܝ ܟܗ̈ܢܐ ܐܬܝܕܥܘ ܚܕ ܒܬܪ ܚܕ܀ ܒܪܗܘܡܐܼ. ܐܝܠܝܪܝܣ. ܒܼܬܪ ܠܐܘܢܼ ܗܢܐ ܠܒܼܟ܀ ܘܒܐܠܟܣܢܕܪܝܐܼ ܒܬܪ ܦܪܛܘܪܝܘܣ ܪܫܝܥܐ ܡܢ ܕܐܬܩܛܠܼ. ܠܒܼܟ ܩܕܝܫܐ ܟܐܡܬܐܘܣܼ ܬܠܡܝܕܗ ܕܕܝܣܘܩܘܪܘܣ. ܘܡܢ ܒܬܪܗ ܛܐܡܬܐܘܣ ܐܚܪܢܐܼ ܗܿܘ ܕܐܬܩܪܝ ܪܥܘܠܦܩܠܐ܀ ܕܩܘܣܛܢܛܝܢܦܘܠܝܣܼ ܐܢܛܠ.. ܘܒܬܪܗܼ ܓܢܕ.. ܘܬܘܒܼ ܐܩܡ܀ ܒܐܦܣܘܣܼ ܝܘܚܢܢ.. ܘܒܬܪܗܼ ܦܘܠܘܣ. ܗܿܘ ܕܐܫܬܕܝ ܥܠ ܕܠܐ ܩܿܒܠ ܠܣܘܢܕܘܣ ܕܟܠܩܕܘܢܐ܀ ܒܐܢܛܝܟܝܐܼ ܕܡܢܘܣ.. ܘܒܬܪܗܼ ܡܟܣܝܡܘܣ.. ܘܒܬܪܗ ܡܪܛܘܪܝܘܣ ܗܿܘ ܕܐܬܕܚܝܼ. ܦܛܪܘܣ ܗܿܘ ܕܗܦܼܟ ܡܢ ܐܟܣܘܪܝܐ܀ ܒܐܘܪܫܠܡܼ ܐܢܣܛܘܣܼ. ܕܩܒܼܠ ܡܢ ܝܘܒܢܠܐܣ.. ܘܒܬܪܗܼ ܡܪܛܘܠܝܘܣ.. ܘܒܬܪܗܼ ܣܠܘܣܛܝܘܣ. ܗܢܐ ܡܬܝܕܥ ܒܗܢܐ ܙܒܢܐ܀ ܒܐܢܛܝܟܝܐ ܣܠܘܣܛܝܘܣ. ܗܢܐ ܡܬܝܕܥ ܒܗܢܐ ܙܒܢܐ܀ ܒܐܢܛܝܟܝܐ ܬܘܒ ܗܼܘܘ ܒܬܪ ܦܛܪܘܣ ܡܗܝܡܢܐܼ. ܩܠܢܕܝܘܢ ܕܐܫܬܕܝ. ܘܒܬܪܗ ܗܘܼܐ ܦܠܐܝܘܣ.. ܘܒܬܪܗܼ ܦܠܘܝܢܘܣ.܀ ܒـ[ـܩـ]ـܘܣܛܢܛܝܢܐܼ ܒܬܪ ܐܩܡ ܗܘܼܐ ܦܘܐܢܢܛܣ.. ܘܒܬܪܗ ܗܘܼܐ ܐܘܦܝܡܘܣܼ. ܗܿܘ ܕܐܫܬܕܝ ܒܝܘ̈ܡܝ ܐܢܣܛܘܣ. ܒܐܠܟܣܢܕܪܝܐܼ. ܒܬܪ ܛܡܬܐܘܣܼ ܝܘܚܢܢ ܗܿܘ ܕܐܬܕܚܝ.. ܘܒܬܗܼ ܦܛܪܘܣ.. ܘܒܬܪܗܼ ܐܬܢܣܝܘܣ. ܒܪ̈ܘܡܐ ܒܬܪ ܐܝܠܝܪܝܣ ܣܘܡܦܝܠܝܩܝܣ܀ ܘܒܬܪܗ ܩܝܠܟܣܼ ܕܡܬܝܕܥ ܒܗܢܐ ܙܒܢܐ܀ ܗܠܝܢ ܟܠܗܘܢ ܪ̈ܝܫܝ ܟܗ̈ܢܐ ܐܬܝܒܠܘ ܥܕܡܐ ܠܡܘܬܗ ܕܙܢܘܢ ܡܿܠܟܐ܀

ܘܬܘܒ ܒܗܢܐ ܙܒܢܐ: ܓܒܐ ܕܦܪ̈ܣܝܢܐ ܐܪܡܝܘ ܢܘܪܐܼ ܘܐܘܩܕ ܠܟܢܘܫܬܐ ܕܝܗܘܕ̈ܝܐ. ܘܚܦܪܘ ܘܐܣܩܘ

 

Page 3

 

ܟܠܗܘܢ ܓܪ̈ܡܐ ܕܡܝ̈ܬܝܗܘܢ ܕܐܝܬ ܚܕܪ̈ܝ ܟܢܘܫܬܗܘܢܼ ܘܐܘܩܕܘ ܐܢܘܢ ܒܢܘܪܐܼ. ܘܟܕ ܗܕܐ ܠܙܝܢܘܢ ܡܿܠܟܐ ܐܬܝܕܝܥܬܼ. ܐܬܚܡܼܬ ܥܠ ܦܪ̈ܣܝܢܐܼ ܟܕ ܐܡܿܪ ܕܥܠ ܡܢܐ ܠܡ ܠܟܠܗܘܢ ܝܗ̈ܘܕܝܐ ܕܚܿܝܝܢ ܠܐ ܐܘܩܕܘ ܐܢܘܢܼ ܥܡ ܡ̈ܝܬܝܗܘܢ. ܘܗܟܢܐ ܫܠܼܐ ܣܘܥܪܢܐ ܗܢܐܼ. ܘܠܐ ܐܬܬܒܥ.

ܘܒܫܢܬ ܬܡ̈ܢܡܐܐ ܘܬܡܢܐܼ ܡܝܬ ܙܝܢܘܢ ܡܠܟܐ.. ܘܐܡܠܟ ܡܢ ܒܬܪܗܼ ܐܢܣܛܘܣܼ. ܕܐܝܬܘܗܝ ܒܓܢܣܗܼ ܡܢ ܕܘܪܟܝܢ: ܓܒܪܐ ܟܪܣܛܝܢܐ ܘܡܗܝܡܢܐ.

ܫܢܬ ܬܡܢܡ̈ܐܐ ܘܬܫܥܼ. ܢܦܼܩ ܠܐܟܣܘܪܝܐ ܐܘܦܝܡܘܣ ܕܩܘܣܛܢܛܝܢܦܘܠܝܣܼ. ܥܠ ܕܐܫܬܟܚ ܢܣܛܘܪܝܢܐ. ܘܗܼܘܐ ܚܠܦܘܗܝܼ ܡܩܕܘܢܝܘܣ.

ܫܢܬ ܬܡܢܐܡܐܐ ܘܥܣܪ̈܆ ܐܬܼܐ ܩܡܨܐ ܣܓܝܐܐ ܥܠ ܐܪܥܐܼ. ܘܐܘܒܕ ܠܟܠ ܡܕܡ. ܗܢܘܿ ܕܝܢܼ ܐܝܟ ܡܐ ܕܡܢ ܠܥܠ ܪܫܝܡ ܗܼܘ ܠܢ ܥܠܘܗܝ܀ ܘܒܗܿ ܒܫܢܬܐܼ ܗܘܼܐ ܪܥܠܼܐ ܩܫܝܐ ܘܥܙܝܙܐܼ. ܘܐܬܗܦܟܬܼ ܒܗ ܢܝܩܦܘܠܝܣ ܘܛܡܪܬܼ ܠܟܠܗܘܢ ܥܡܘܪ̈ܝܗܿ. ܣܛܪ ܡܢ ܥܕܬܐ ܘܒܝܬ ܐܦܝܣܩܦܝܘܢ.܀ ܘܒܗܿ ܟܕ ܒܗܿ ܒܫܢܬܐܼ ܐܬܚܙܝܬܼ ܐܬܿܐ ܕܕܡܝܐ ܠܚܫܘܟܐ ܒܫܡܝܐ.. ܘܬܘܒ ܒܗ ܒܝܘܡܐ ܕܐܬܿܐ ܘܕܪܥܠܐ ܚܡܝܡܬܐ ܕܐܒܪ̈ܢܐ ܓܙܬܼ ܝܘܡ̈ܬܐ ܬܠ̈ܬܐ. ܘܗܝܕܝܢ ܗܦܼܟܬܿ ܠܕܘܟܬܗܿ ܐܝܟ ܥܝܕܗܿ ܩܕܡܝܐ܀ ܘܬܘܒ ܐܦ ܢܗܪܐ ܦܪܬܼ ܓܙ ܪܕܝܗ ܒܗ ܒܗܢܐ ܝܘܡܐ. ܘܬܘܒ ܐܦ ܗܝܟܠܐ ܪܒܐ ܕܐܪܫܡܫܛܼ. ܒܝܘܡܐ ܕܝܠܗ ܕܟܢܫܗܼ ܢܦܼܠ ܡܢ ܙܘܥܐ. ܘܐܘܒܕ ܥܡܐ ܣܓܝܐܐ ܒܓܘܗ.

ܘܒܫܢܬ ܬܡ̈ܢܡܐܐ ܘܚܕܥܣܪ̈ܐܼ ܒܐܝܪܚ ܬܫܪܝܢ ܩܕܡ: ܒܥܣܪ̈ܝܢ ܘܬܠ̈ܬܐ ܒܗܼ ܝܘܡ ܫܒܬܐܼ. ܚܼܫܟ ܫܡܫܐ

Page 4

ܥܕܡܐ ܠܬܡ̈ܢܐ ܫܥ̈ܝܢ. ܐܪܥܐ ܕܝܢ ܕܚܚ ܗܘܼܐ ܥܠܝܗܼܿ. ܐܝܟ ܗܿܘ ܕܩܛܡܐ ܐܘ ܟܒܪܝܬܐ ܒܕܝܪ ܗܘܐ ܥܠܝܗܿ… ܘܗܘܼܬ ܒܗ ܒܝܘܡ ܗܢܐ ܐܬܿܐ ܐܚܪܬܐܼ ܒܫܘܪܐ ܕܐܘܪܗܝ. ܬܘܪܥܬܐ ܓܝܪ ܗܘܼܬ ܒܫܘܪܐܼ. ܡܢ ܬܝܡܢܐ ܠܬܪܥܐ ܪܒܐ. ܟܐܦ̈ܝܗܿ ܕܝܢ ܕܝܠܗܿ ܕܕܘܟܬܐܼ ܐܬܒܕܪܘ ܠܪܘܚܩܐ ܡܢܗܿ ܠܐ ܙܥܘܪ.

ܘܬܘܒ ܒܗܿ ܒܫܢܬܐ ܒܬܫܪܝ ܐܚܪܝܼ. ܐܬܚ̈ܙܝܢ ܐܬܘ̈ܬܐ ܬܠ̈ܬ ܒܫܡܝܐ܇ ܒܦܠܓܗ ܕܝܘܡܐ ܕܕ̈ܡܝܢ ܠܩܫܬܐ ܕܡܬܚܙܝܐ ܒܥܢ̈ܢܐ. ܟܕ ܗܼܘ ܟܦܦܗܝܢ ܠܬܚܬܼ ܘܪܝܫܗܝܢ ܠܥܠ. ܚܕܐ ܡܢܗܝܢ ܒܓܒܐ ܬܝܡܢܝܐ ܒܡܨܥܬ ܫܡܝܐܼ. ܘܐܚܪܝܬܐ ܡܢ ܡܕܢܚܐ ܠܗܿ. ܘܐܚܪܝܬܐ ܡܢ ܡܥܪܒܐ. ܘܗܟܢܐ ܗܦܝ̈ܟܢ ܗ̈ܘܝ ܠܐܦ̈ܝ ܫܡܝܐ.. ܘܬܘܒ ܒܗܿ ܒܫܢܬܐ ܒܐܝܪܚ ܟܢܘܢܼ ܐܬܚܙܝܬ ܐܬܿܐ ܐܚܪܝܬܐ ܒܫܡܝܐܼ ܕܕܡܝܐ ܗܘܬܼ ܠܢܝܙܟܐ. ܒܓܘܢܝܐ ܬܝܡܢܝܬܐ ܘܡܥܪܒܝܬܐ. ܕܡܢܗܘܢ ܕܒܢܝ̈ܢܫܐ ܬܟܢܝܫܬܐ ܕܐܒܕܢܐ ܩܪܘܗܿ. ܘܡܢܗܘܢ ܬܘܒ ܩܪܘܗܿ ܢܝܙܟܐ ܕܚܪܒܐ. ܐܠܐ ܘܐܦ ܪܫܝܡ ܗܼܘ ܠܢ ܫܪܒܗܝܢ ܡܢ ܠܥܠ. ܫܢܬ ܬܡܢܡܐܐ ܘܬܪ̈ܬܥܣܪܐܼ. ܗܘܼܐ ܟܦܢܐ ܘܩܡܼܨܐ ܘܡܘܬܢܐ ܪܒܐ.

ܫܢܬ ܬܡܢܡܐܐ ܘܬܠܬܥܣܪܐܼ. ܗܘܐ ܙܘܥܐ ܪܒܐܼ ܘܐܬܗܦܟܬ ܦܛܠܡܝܕܐܼ. ܘܨܘܪ ܘܨܝܕܘܢ. ܘܐܦ ܐܬܥܩܼܪܬ ܘܢܦܠܬ ܒܝܬ ܫܒܬܐ ܕܝܗ̈ܘܕܝܐ. ܘܒܗ ܒܠܠܝܐ ܗܢܐ ܕܙܘܥܐ܇ ܕܗܘܐ ܒܐܝܪܚ ܐܒܝܼ ܒܥܣܪ̈ܝܢ ܘܬܪ̈ܝܢ ܒܗ܇ ܒܡ̈ܓܗܝ ܥܪܘܒܬܐܼ ܐܬܚܙܝܬ ܐܬܿܐ ܒܓܒܐ ܓܪܒܝܝܐ ܒܕܡܘܬ ܢܘܪܐ ܕܡܬܓܘܙܠܐ.

ܫܢܬ ܬܡܢܡ̈ܐܐ ܘܪܐܒܥܣܪ̈ܐܼ. ܟܒܫ ܩܘܕ ܠܐܡܕ ܘܠܬܐܕܣܝܘܦܘܠܝܣ. ܘܩܛܠܼ ܘܫܼܒܐ ܠܥܡܘܪ̈ܝܗܝܢ.

Page 5

ܘܒܐܡܕ ܩܛܝ̈ܠܐ ܕܢܦܩܘ ܒܬܪܥܐ ܓܪܒܝܝܐܼܿ. ܬܡ̈ܢܝܢ ܘܚܡܫܐ ܐܠܦܝ̈ܐ. ܣܛܪ ܡܢ ܕܢܦܩܘ ܒܬܪ̈ܥܐ ܐܚܪ̈ܢܐ: ܘܕܐܫܬܕܝܘ ܡܓܘ̈ܒܐ ܘܒܒ̈ܘܒܝܬܐ ܘܕܐܬܛܡܪܘ ܒܓܘܗܿ. ܒܐܣܟܘܠܐ ܕܡܬܩܪܝܐ ܕܐܘܪ̈ܛܝܐ: ܟܕ ܩܝܡܝܢ ܟܠܗܘܢ ܕܝܪ̈ܝܐ ܕܥܘܡܪܐ ܕܝܘܚܢܢ ܕܐܘܪ̈ܛܝܐ ܒܗܿ ܒܬܫܡܫܬܐ: ܥܠܼܘܢ ܥܠܝܗܘܢ ܬܪ̈ܝܢ ܐܣܦܩ̈ܠܛܪܐܼ. ܘܩܿܛܠܼܘ ܡܢܗܘܢ ܬܫ̈ܥܝܢ ܓܒܪ̈ܐ. ܘܕܫܪܟܐ ܫܒܘ܀ ܘܒܗܿ ܒܫܢܬܐܼ. ܥܒܼ݊ܘ ܩܪܒܐ ܒܬܠܒܫܡܝ ܪ̈ܗܘܡܝܐ ܘܦܪ̈ܣܝܐܼ. ܘܐܙܕܟܝܘ ܪ̈ܗܘܡܝܐ. ܢܩܫܘ ܕܝܢ ܐܦ ܥܠ ܬܠܐ ܘܐܘܪܗܝ. ܘܫܒܼܘ ܠܒܝܬ ܚܪ̈ܢܝܐܼ. ܐܝܟ ܡܐ ܕܡܢ ܥܠܠ ܪܫܝܡ ܗܼܘ ܠܢ܀ ܗܘܼܬ ܕܝܢ ܒܗܕܐ ܫܢܬܐ ܐܬܿܐ ܐܚܪܬܐ ܕܕܡܝܐ ܠܚܫܘܟܐ ܒܫܡܝܐ.

ܒܗܢܐ ܙܒܢܐ ܡܬܝܕܥܝܢ ܕܝܢ ܪ̈ܥܘܬܐ ܒܥܕܬܐܼ. ܝܥܩܘܒ ܐܦܝܣܩܦܐ ܘܡܠܦܢܐ ܕܒܛܢܢ ܕܣܪܘܓ.. ܦܝܠܟܣܢܘܣ ܕܒܡܘܓ.. ܦܛܪܐ ܕܐܘܪܗܝ.. ܐܢܛܘܢܝܢܐ ܕܚܠܒ.. ܩܘܣܛܢܛܝܢܐ ܕܠܕܩܝܐ.. ܦܛܪܐ ܕܐܦܡܝܐ.. ܬܘܡܐ ܕܐܡܕ.. ܝܘܚܢܢ ܕܬܠܐ.. ܝܘܚܢܢ [ܕ]ܐܝܪܦܘܠܝܣ.. ܦܘܠܘܝ ܦܛܪܝܪܟܐ ܕܐܠܟܣܢܕܪܝܐ.. ܝܘܚܢܢ ܕܚܪܢ.. ܢܘܢܐ ܕܩܪܩܣܝܢ.. ܦܘܠܝܐ ܕܩܠܢܝܩܘܣ.. ܦܛܪܐ ܕܪܝܫܥܝܢܐ.. ܬܐܘܣܝܒܝܘܣ ܕܐܦܣܘܣ.. ܐܗܪܘܢ ܕܐܪܫܡܫܛ.. ܐܝܛܝܪܟܝܣ ܕܐܢܐܙܪܒܐ.. ܦܠܝܟܣ ܕܪܗܘܡܐ.. ܣܠܘܣܛܝܘܣ ܕܐܘܪܫܠܡ.

ܫܢܬ ܬܡ̈ܢܡܐܐ ܘ.ܝܗ.: ܗܘܐ ܪܥܠܐ ܪܒܐ. ܘܢܦܠܬ ܒܗܼ ܪܘܕܣ ܓܙܪܬܐ. ܗܢܐ ܗܦܘܟܝܐ ܕܬܠ̈ܬܐ. ܘܡܛܠ ܕܒܠܠܝܐ ܗܘܼܐܼ. ܐܘܒܕ ܥܡܐ ܣܓܝܐܐ. ܘܙܥܘܪ̈ܐ ܦܫܘ. ܡܠܟܐ ܕܝܢ ܡܪܚܢܐ ܫܕܪ ܕܗܒܐ ܣܓܝܐܐ ܠܗܠܝܢ

Page 6

ܕܐܫܬܟܚ ܕܚܝܿܝܢ ܒܗܿ ܘܫܪܝ ܡܓܿܠܝܢ ܘܡܦܿܩܝܢ ܠܫ̈ܠܕܐ ܕܗܠܝܢ ܕܒܪܘܓܙܐ ܪܒܐ܇ ܐܝܟ ܕܒܡܥܨܪܬܐ ܕܐܒܕܢܐ ܐܥܨܪܘ ܗܘܘ ܒܗܿ.

ܫܢܬ ܬܡ̈ܢܡܐܐ ܘܫܬܬܥܣܪ̈ܐܼ. ܚܪܒܘ ܪ̈ܗܘܡܝܐ ܘܩܛܠܘ ܘܐܒܕܘ ܫܘܒܘ ܘܒܙܘܼ ܠܟܠܗ ܿܐܪܥܐ ܕܦܪ̈ܣܝܐ. ܡܢ ܢܨܝܒܝܢ ܘܥܕܡܐ ܠܬܚܘܒܐ ܕܒܝܬ ܐܪ̈ܡܝܐ. ܩܛܠܘ ܕܝܢ ܠܟܠ ܕܟܪܐܼ ܕܡܢ ܒܪ ܬܪܬܥܣܪ̈ܐ ܫ̈ܢܝܢ ܘܠܥܠ. ܘܕܫܪܟܐ ܐܦܩܘ ܒܫܒܝܐ܀ ܐܚܪܒܘ ܬܘܒ ܐܦ ܠܐܪܡܢܝ ܕܦܪ̈ܣܝܐ. ܘܫܒܘ ܘܒܙܘ ܘܐܦܩܘ ܟܠ ܕܒܗܿ ܒܫܒܝܐ.܀ ܘܒܗܿ ܒܫܢܬܐ ܗܕܐܼ. ܗܘܼܐ ܩܕܝܫܐ ܢܘܢܐ ܐܦܝܣܩܦܐ ܕܐܡܕ.܀ ܘܟܕ ܕܫܪ ܠܬܘܡܐ ܐܪܟܕܝܩܘܢ ܕܝܠܗܼ ܠܡܕܝܢܬܐ ܡܠܟܘܬܐܼ. ܡܛܠ ܥܠ̈ܬܐ ܕܡܕܡ ܡܕܡ: ܐܬܢܟܠ ܥܠܘܗܝ ܗܼܘ ܬܘܡܐ ܥܡ ܐܡܕ̈ܝܐ [ܬܘܒ ܕܐܝܬ ܗܘܼܐ ܟܗܢܘܬܐ.] ܘܗܟܢܐ ܗܘܼܐ ܬܘܡܐ ܐܦܝܣܩܦܐ ܕܐܡܕܼ [ܚܠܦ ܢܘܢܐ.]

[ܫܢܬ ܬܡ̈ܢܡܐܐ ܘܫܒܥܣܪ̈ܐܼ.] ܐܬܒܢܝ ܫܘܪܐ ܠܕܪܐ ܕܒܝܬ ܢܗܪ̈ܝܢ܆ ܡܢ ܦܘܩܕܢܗ ܕܐܢܣܛܘܣ ܡܿܠܟܐ܀ ܘܒܗܿ ܒܫܢܬܐ ܗܕܐܼ ܢܚܼܬ [ܩܐܠܪܣ] ܡܓܝܣܛܪܘܣܼ [ܘܥܒܼܕ ܫܝܢܐ ܒܝܬ ܪ̈ܗܘܡܝܐ [ܠܦܪ̈ܣܝܐ.]

[ܫܢܬ ܬܡ̈ܢܡܐܐ ܘܬܡܢܥܣܪ̈ܐܼ.] ܗܘܼܐ ܩܪܒܐ ܘܫܓܘܫܝܐ ܪܒܐ [ܥܠ ܐܢܣܛܘܣܼ. ܡܛܠ ܕܨܼܒܐ] ܕܐܝܟ ܢܡܘܣܐ ܕܐܝܬ ܒܡـ[ـܕܢܚܐܼ. ܢܐܡܪ ܐܦ] ܗܼܘ ܗܿܝ ܕܐܨܛܠܒܼܬ ܚܠܦܝܢܼ ܐܬܪܚܪܡ ܥܠܝܢ.. ܘܡܢ ܥܠܬܐ ܗܕܐܼ ܫܓܘ̈ܫܝܐ ܪܘܪ̈ܒܢܐ ܘܩ̈ܛܠܐ ܣܓܝ̈ܐܐ ܘܒܙ̈ܙܐ ܕܒ̈ܢܝܢܫܐ ܣܓܝ̈ܐܐ ܗܘܼܘ ܒܗܿ ܒܡܕܝܢܬ ܡܠܟܘܬܐ. ܗܼܘ ܕܝܢ ܡܿܠܟܐ ܐܢܣܛܘܣܼ. ܡܛܠ ܕܪܚܿܡ ܠܐܠܗܐ ܐܝܬܘܗܝ ܨܼܒܐ ܕܢܘܣܦ ܥܠ ܗܿܝ ܕܩܕܝܼܫܬ ܐܠܗܐܼ. ܩܕܝܼܫܬ ܚܝܠܬܢܐܼ

Page 7

ܩܕܝܼܫܬ ܠܐ ܡܝܘܬܐ: ܗܿܝ ܕܐܨܛܠܼܒܬ ܚܠܦܝܢܼ ܐܬܪܚܡ ܥܠܝܢ. ܐܝܟܢܐ ܕܐܚܝܕܝܢ ܗܘܘ ܐܬܪ̈ܘܬܐ ܗܠܝܢ ܡܕ̈ܢܚܝܐ ܘܣܓܝ̈ܐܐ. ܟܕ ܗܿܝ ܗܕܐ ܦܩܼܕ܆ ܡܛܠ ܕܟܠܗ ܓܢܣܗܿ ܕܝܘܠܝܢܐ ܪܒܬܐܥܡܗܿ ܕܝܠܗܼܿ. ܘܣܘܓܗܿ ܕܡܝܕܢܬܐܼ ܢܣܛܘܪ̈ܝܢܐ ܐܝܬܝܗܘܢ ܗܘܘ܆ ܥܡ ܕܝܪ̈ܝܐ ܕܐܩܝܡܝܛܘܢ ܘܫܪܟܐ ܕܕܝܪ̈ܝܐ ܐܚܪ̈ܢܐܼ. ܟܠܗܿ ܩܘܣܛܢܛܝܢܦܘܠܝܣ ܥܠ ܡܠܟܐ ܒܪܘܒܐ. ܘܫܓܘܫܝܐ ܘܓܙܡܐ ܘܬܟ̈ܣܐ ܣܓܝ̈ܐܐ ܐܬܟܢܫܘ ܐܝܟ ܗܿܘ ܠܡ ܕܚܘܕܬܐ ܘܢܘܟܪܝܘܬܐ ܨܒܐ ܕܢܿܥܠ ܥܠ ܗܝܡܢܘܬܐ ܕܟܪ̈ܣܛܝܢܐ܇ ܗܿܝ ܕܐܨܛܠܼܒܬ ܚܠܦܝܢ. ܘܬܘܒ ܠܡ ܠܗܿܘ ܓܝܣܐ ܕܐܨܛܠܼܒ ܥܡ ܡܪܢ. ܕܘܡܟܣ ܫܡܗ ܗܘܘ. ܘܠܗ ܩܥܿܝܢ ܕܐܨܛܠܼܒܬ ܚܠܦܝܢܼ ܐܬܪܚܡ ܥܠܝܢ. ܘܫܪܟܐ ܕܛܥܝܘܬܐ ܕܐܝܟ ܗܕܐ. ܘܗܟܢܐ ܪܗܛܘ ܘܐܬܟܪܟܘܗ ܠܦܠܛܝܢ. ܟܕ ܩܥܿܝܢܼ ܕܡܠܟܐܐܚܪܢܐ ܠܪܗܘܡܐ. ܐܝܟܢܐ ܕܐܦܪܟܐ ܕܡܕܝܢܬܐ ܕܫܡܗ ܗܘܐ ܦܘܠܛܢ ܢܥܪܘܩ ܗܘܐܼ ܘܢܬܛܫܐ ܡܢ ܩܕܡ ܪܘܓܙܗ ܕܥـ[ـܡܐ. ܗܢܘܢ ܕܝܢ] ܪܗܛܘܢ ܠܒܝܬܗ ܕܡܪܝܢܐ ܐܦܐܦܪܟܘܢ ܣܘܪܝܝܐܼ. [ܗܕܐ ܗܼܝ] ܡܕܒܪܢܐ ܕܡܠܟܘܬܐܼ ܕܢܩܛܠܘܢܝܗܝ. ܘܟܕ ܝܠܼܦ ܐܬ… ܠܡܥܪܩܘ ܡܢܗܘܢܼ. ܘ[ܐܪܡܝܘ] ܢܘܪܐ ܘܐܘܩܕܘܗܝ ܠܒܝܬܗ. ܘܚܛܦܘ ܟܠ ܡܕܡ ܕܐܝܬ ܠܗ. ܐܡܿܪܝܢ ܗܘܼܘ ܓܝܪ ܕܗܼܘ ܐܝܟ ܣܘܪܝܝܐܼ ܐܛܥܝܗ ܠܡܠܟܐܼ. ܕܢܥܿܠ ܗܿܝ ܕܐܨܛܠܒܼܬ ܚܠܦܝܢ. ܘܗܟܢܐ ܒܢܪ̈ܓܐܼ ܒܕܘܡܣܝܐ ܡܿܦܣܩܝܢ ܗܘܘ ܠܣܐܡܗ ܘܡܿܦܓܝܢ. ܐܫܟܚ ܕܝܢ ܒܒܝܬܗ ܕܝܪܝܐ ܚܕ ܡܣܟܝܢܐ ܣܘܪܝܝܐܼ. ܘܩܛܠܘܗܝ. ܘܦܣܩܘ ܪܝܫܗ ܘܩܒܥܘ ܒܩܘܢܛܪܐ: ܘܗܟܢܐ ܛܥܢܝܢ ܗܘܘ ܠܗܼ.

Page 8

ܟܕ ܪܗܛܝܢ ܗܘܘ ܒܗܿ ܒܡܕܝܢܬܐܼ. ܘܩܿܥܝܢ ܘܐܡܿܪܝܢ. ܕܗܐ ܗܢܐ ܐܝܬܘܗܝ ܐܦܝܒܠܘܣܼ. ܗܢܐ ܗܼܘ ܕܝܢܼ ܣܩܘܒܠܝܗܿ ܕܬܠܝܬܝܘܬܐ. ܘܟܕ ܐܬܼܘ ܠܒܝܬܗܿ ܕܝܘܠܝܢܐ ܦܛܪܝܩܝܐ ܪܒܬܐ ܩܥܿܝܢ ܗܘܘ ܥܠ ܒܥܠܗܿ ܐܪܒܝܢܕܐܼ ܕܢܗܘܐ ܡܿܠܟܐ ܥܠ ܪܗܘܡܢܝܐ. ܗܼܘ ܕܝܢ ܐܪܒܝܢܕܐ ܥܼܪܩ ܠܥܒܪܐ.܀

ܥܠ ܐܦܝܩܘܣ ܕܦܩܼܕ ܡܿܠܟܐܼ ܘܣܠܼܩ ܗܼܘ ܫܚܝܡܐܝܬ ܠܡܘܬܒܐܼ ܕܠܐ ܬܓܐ. ܘܟܕ ܚܼܙܐ ܥܡܐ ܕܡܕܝܢܬܐ ܡܘܟܟܗ ܕܡܿܠܟܐ. ܟܕ ܐܦ ܐܫܟܚܘ ܕܒܡ̈ܠܐ ܒܣ̈ܝܡܬܐ ܢܪܝܚ ܐܢܘܢܼ. ܐܬܢܝܚܼܬ ܚܡܬܗܘܢ: ܘܫܪܝܘ ܡܫܼܒܚܝܢ ܠܗ ܘܡܦܝܣܝܢ ܕܢܣܝܡ ܬܓܐ ܕܡܠܟܘܬܗ. ܗܼܘ ܕܝܢ ܐܦܝܣ ܐܢܘܢ ܕܠܐ ܢܦܿܠܘܢ ܥܠ ܚܕ̈ܕܐ. ܘܐܬܛܦܝܣܘ ܠܗ. ܘܗܘܼܘ ܒܫܝܢܐ ܘܒܫܠܝܐ ܠܘܬܗ ܘܠܘܬ ܚܕܕ̈ܐܼ. ܩܠܝܠ ܝܘ̈ܡܬܐ. ܘܠܚܪܬܐ ܬܘܒܼ ܒܥܠ̈ܬܐ ܐܚܪ̈ܢܝܬܐ ܐܬܕܠܚܘ ܘܐܫܬܓܫܘ. ܘܦܩܼܕ ܥܠܝܗܘܢ ܪܘܓܙܐܼ ܘܐܬܥܫܢ ܚܝܠܬܢܐܝܬ ܐܝܟ ܡܠܟܐ. ܘܐܗܦܟ ܗܘܐ ܦܘܪܥܢܐ ܕܡܪܝܪܘܬܗܘܢ ܩܕܡܝܬܐ ܒܪܝܫܗܘܢ. ܘܣ̈ܓܝܐܐ ܐܒܕܘ ܒܫܢܕ̈ܐ. ܘܣ̈ܓܝܐܐ ܬܘܒ ܒܝܡܐ ܐܫܬܕܝܘ. ܘܗܟܢܐ ܗܘܼܬ ܕܚܠܬܐ ܪܒܬܐ ܥܠ ܟܠܗܘܢ ܥܡ̈ܡܐ. ܘܒܫܠܝܐ ܕܡܢ ܩܛܝܪ ܗܘܼܘܼ. ܠܘ ܒܠܚܘܕ ܒܡܕܝܢܬ ܡܠܟܘܬܐ: ܐܠܐ ܘܒܟܠܗܝܢ ܡܕ̈ܝܢܬܐ ܕܪ̈ܗܘܡܝܐ.

ܥܠ ܡܦܩܬܗ ܘܐܟܣܘܪܝܐ ܕܐܬܦܩܼܕܬ ܥܠ ܡܩܕܘܢ ܦܛܪܝܪܟܐ ܕܩܘܣܛܢܛܝܢܦܘܠܝܣ.. ܟܕ ܗܟܝܠ ܒܝ̈ܫܬܐ ܣܓܝ̈ܐܬܐ ܐܣܬܥܪ̈ܝ ܡܢ ܡܩܕܘܢܝܣ ܗܪܝܛܝܩܐܼ. ܘܒܥܼܐ ܐܠܗܐ ܕܢܿܦܩ ܪܘܫܥܗ ܡܢ ܥܕܬܐ ܕܡܗܝ̈ܡܢܐܼ. ܘܢܐܙܠ ܠܟܢܫܘܬܐ ܕܝܗ̈ܘܕܝܐ ܒܢ̈ܝ ܨܒܝܢܗ: ܗܝܕܝܢ ܦܩܼܕ ܡܠܟܐܼ. ܘܗܘܼܬ ܐܟܣܘܪܝܐ ܕܝܠܗ. ܘܟܕ ܒܥܿܐ [ܗܘܐ]

Page 9

ܕܢܒܗܬܗ ܠܪܚܡܗ ܘܒܪ ܬܪܥܝܬܗ ܡܓܝܣܛܪܘܣ ܕܝܠܗ: ܐܡܼܪ ܠܗ ܗܕܐ ܕܛܒ ܬܒܪܬܗ ܘܐܚܫܬܗ܆ ܗܢܘ ܕܝܢܼ ܐܣܬܪܗܒ ܠܡܫܡܠܝܘ ܦܘܩܕܢܐ ܕܐܬܦܩܕ ܠܟ. ܘܟܕ ܐܙܠܼ ܡܓܝܣܛܪܘܣܼ. ܐܫܟܚܘ ܕܥܪܝܩ ܘܛܫܼܐ ܒܥܕܬܐܼ ܘܪܝܫܗ ܡܪܟܢ ܘܣܝܡ ܒܝܬ ܒܘܪ̈ܟܘܗܝ. ܘܐܡܼܪ ܠܗ: ܡܪܗ ܕܥܠܡܐ ܥܒܼܕ ܐܟܣܘܪܝܐ ܕܝܠܟ. ܐܡܿܪ ܠܗ: ܠܐܝܟܐ. ܐܡܼܪ ܠܗ: ܠܐܝܟܐ ܕܐܙܠ ܚܒܪܟܼ ܗܿܘ ܕܩܕܡܝܐ ܠܐܘܟܝܛܐ. ܐܦܝܣܘܗܝ ܗܘܘ ܕܝܢܼ ܐܘܩܢ̈ܘܡܐ ܟܕ ܐܡܿܪܝܢ: ܕܡܪܢܼ ܡܦܝܣܝܢܢ ܠܒܪܒܘܬܟ ܕܬܬܪܚܩܡ ܥܠ ܣܝܒܘܬܗܼ ܘܠܐ ܬܦܩ ܒܐܝܡܡܐ. ܘܐܢ ܕܝܢ ܠܐܼ ܡܘܩܕܐ ܠܗܿ ܡܕܝܢܬܐ. ܐܠܐ ܦܩܘܕ ܕܢܦܘܫ ܥܕܡܐ ܠܪܡܫܐܼ. ܘܗܟܢܐ ܒܛܘܫܝܐ ܘܒܚܫܘܟܐ ܢܦܘܩ. ܟܕ ܐܦ ܐܬܼܐ ܐܘܢܓܠܝܘܢ ܘܝܡܝܘ ܕ[ܢܿܛܪܝܢ] ܠܗ ܥܕܡܐ ܠܪܡܫܐܼ ܘܠܐ ܡܪܚܩ. ܟܕ ܫܒܩܘ ܐܢܫ̈ܐ ܕܢܿـ[ـܛܪܘܢ] ܠܗ. ܘܒܫܢܬ ܬܡܢ̈ܡܐܐ ܘܥܣܪ̈ܝܢ܆ ܒܐܝܪܚ ܬܡܘܙܼ ܒܫܒܥܐ ܒܗܼ. ܒܥܕܢܐ ܕܪܡܫܐ ܐܬܼܐ ܡܓܝܣܛܪܘܣ ܥܡ ܒܘܐܬܝܐ ܣܓܝܐܬܐ. ܘܐܦܼܩܘ ܠܡܩܕܘܢ ܡܢ ܥܕܬܗ ܕܐܠܗܐ܆ ܘܐܫܠܡܗ ܠܗܢܘܢ ܕܐܬܦܩܕܘ ܕܢܘܒܠܘܢܝܗܝ ܠܐܟܣܘܪܝܐ. ܗܿܝ ܕܐܝܟ ܕܫܘܿܐ ܗܼܘܐ ܓܕܫ ܠܗ ܘ[ܗܘܬ ܕܚܠـ]ـܬܐ ܪܒܬܐ ܒܟܠܗܿ ܥܕܬܐ ܕܐܪ̈ܬܕܟܣܘ. ܘܗܟܢܐ ܗܘܼܐ ܫܠܝܐ ܘܢܘܚܐ ܒـ…….. ܩܡ ܕܝܢ ܡܢ ܒܬܪܗ ܐܢܫ ܐܚܪܢܐ ܕܝܪܝܐܼ. ܕܫܡܗ [ܛܝܡܬܐܘܣ ܥܠ] ܬܪܘܢܘܣ ܕܡܕܝܢܬ ܡܠܟܘܬܐ.

ܫܢܬ ܬܡܢ̈ܡܐܐ ܘܥܣܪ̈ܝܢ ܘܚܕܐܼ. ܡܬܝܕܥ ܩܕܝܫܐ ܫܡܥܘܢ ܐܦܝܣܩܦܐ ܕܒܝܬ ܐܪܫܡܼ. ܕܡܬܩܪܐ ܫܡܥܘܢ ܕܪܘܫܐ ܦܪܣܝܐ. ܗܢܐ ܒܙܒܢܼ ܐܢ̈ܫܐ ܪܘܪ̈ܒܐ

Page 10

ܘܝܕ̈ܝܥܐ ܬܠ̈ܬܐ ܬܠܡܕ ܗܘܐ ܘܐܥܡܕܼ ܡܢ ܡܓܘ̈ܫܐ. ܘܟܕ ܫܡܥܘ ܟܢ̈ܘܬܗܘܢ. ܕܗܦܟܘ ܡܢ ܡܓܘܫܘܬܐ ܘܗܼܘܘ ܟܪ̈ܣܛܝܢܐܼ. ܐܘܕܥܘ ܠܡܠܟܐ ܥܠܝܗܘܢܼ. ܘܩܒܠܘ ܦܘܩܕܢܐ ܕܐܢܗܼܘ ܕܒܫܪܪܐ ܗܦܟܘܢܼ ܘܠܐ ܟܦܿܪܝܢ ܒܟܪܣܛܝܢܘܬܐܼ ܢܡܘܬܘܢ. ܗܼܢܘܢ ܕܝܢ ܗܠܝܢ ܕܫܼܘܘ ܠܟܠܝܠܐ ܕܚܝ̈ܐܼ. ܟܕ ܚܼܙܘ ܠܘܚܡܐ ܘܣܝܦܐ ܕܡܠܟܐܼ. ܠܐ ܕܚܼܠܘ ܐܘ ܙܥܘ. ܟܕ ܐܦ ܗܼܘ ܛܘܒܢܐܼ. ܒܪܬܚܐ ܕܣܗܕܘܬܐܼ ܕܚܠܦ ܚܝ̈ܐ ܕܠܥܠܡ ܙܿܝܢ ܐܢܘܢ. ܘܩܡܘܢ ܠܘܩܒܠ ܦܘܩܕܢܐ ܘܣܝܦܐ ܕܢܦܼܩ ܥܠܝܗܘܢ. ܘܐܡܿܪܝܢ ܕܚܣ ܠܢܼ ܕܢܟܦܘܪ ܒܐܠܗܐ ܚܿܝܐ܇ ܗܿܘ ܕܥܒܼܕ ܫܡܝܐ ܘܐܪܥܐ܇ ܘܒܒܪܗ ܡܪܢ ܝܫܘܥ ܡܫܝܚܐ܇ ܗܿܘ ܕܩܪܢ ܘܩܪܒܢ ܒܛܝܒܘܬܗ ܠܘܬܗ: ܕܢܟܦܘܪ ܒܗ ܘܢܣܓܘܕ ܠܒܪܝܬܗ ܚܠܦܘܗܝ. ܗܝܕܝܢ ܛܘ̈ܒܢܐ ܒܬܪ ܝܘ̈ܡܬܐ ܥܣܪ̈ܐ ܕܡܘܠܕܗܘܢ ܪܘܚܢܝܐܼ. ܒܣܗܕܘܬܐ ܛܒܬܐ ܫܢܝܘ ܠܘܬ ܐܠܗܐ ܒܝܕ ܡܘܬܐ ܩܠܝܠܐ ܕܣܝܦܐ܀

ܒܗܢܐ ܕܝܢ ܙܒܢܐܼ. ܐܒܥ ܣܛܢܐ ܛܥܝܘܬܐ ܒܐܬܪܐ ܕܦܐܪܝܢ: ܕܐܢ̈ܫܐ ܕܠܐ ܐܟܿܠܝܢ ܠܚܡܐ ܘܠܐ ܫܿܬܝܢ ܡ̈ܝܐ܀ ܐܢ̈ܫܝܢ ܕܝܢ ܡܢ ܐܚ̈ܐ ܕܥܘܡܪ̈ܝܗܘܢ ܠܐ ܝܕܝܥܝܢ܆ ܘܐܚܪ̈ܢܐ ܡܢ ܪ̈ܝܫܝ ܕܝܪ̈ܬܐ ܕܬܡܢ܆ ܐܦܩܘ ܥܠ ܣܦܝܩܐ. ܘܩܪܘ ܥܠ ܢܦܫܗܘܢ ܕܓܠܐܝܬ ܕܠܚܡܐ ܠܐ ܐܟܿܠܝܢ ܘܠܐ ܫܿܬܝܢ ܡܝ̈ܐ ܘܕܢܙܝܪܝܢ ܡܢ ܚܡܪܐ ܫܡܗܘ ܥܠ ܩܢܘܡܗܘܢ. ܣܘܢܩܢܐ ܕܝܢ ܐܡܝܢܐ ܕܟܦܢܐ ܘܨܗܝܐ ܪܫܝܥܐܝܬ ܡܢ ܪ̈ܐܙܐ ܩ̈ܕܝܫܐ ܡܡܠܝܢ ܗܘܘ. ܐܦ ܣܘܓܐܐ ܕܬܘܪܣܝܗܘܢ ܡܢ ܩܘ̈ܕܫܐ ܩܐܿܡ ܗܘܼܐ. ܘܡܛܠ ܗܢܐ ܐܦ ܩܨܬܐ ܐܝܕܐ ܕܗܼܢܘܢ ܥܒܿܕܝܢ ܠܗܿ ܒܫܘܚܪܬܐ ܡܚܿܡܥܝܢ ܠܗܿ. ܘܒܫܩܠ ܛܥܢܐ ܡܡܕܟܝܢ ܠܗܿ ܐܝܟ ܕܬܗܘܐ ܠܗܘܢ ܠܡܟܘܠܬܐܼ. ܘܠܐ ܠܪܐܙ ܦܓܪܗ

Page 11

ܕܡܫܝܚܐܼ. ܗܿܘ ܕܒܦܛܝܪܐ ܡܬܝܠ. ܘܫܪܟܐ ܟܠ ܐܡܬܝ [ܕܡܬܪ]ܒܨܝܢ ܠܚܡܐ ܫܚܝܡܐ ܡܿܩܪܒܝܢ ܥܠ ܐܝܕ̈ܝ ܚܕܕ̈ܐ ܘܐܟܿܠܝܢ ܠܗ. ܘܡܐ ܠܡ ܕܪܕܝܢ ܒܐܘܪܚܐ܆ [ܐܘ ܒܐܘܪܚܐ] ܢܓܝܪܬܐ ܐܙܿܠܝܢ. ܕܬܪ̈ܬܝܢ ܘܬܠ̈ܬ ܙܒ̈ܢܝܢ ܒܝܘܡܐ ܚܕܼ ܡܢܗ ܟܕ ܡܢܗ ܕܦܓܪܐ ܘܕܡܐ ܕܡܫܝܚܐ ܡܪܢܼ ܡܕܥܟܝܢ ܗܘܘ ܟܦܢܐ ܘܨܗܝܐ ܕܟܝܢܗܘܢ. ܘܡܐ ܕܡܢܥܘ ܠܐܝܟܐ ܕܐܙܿܠܝܢ.. ܒܪܡܫܐ ܬܘܒ ܠܡ [ܡܩܿܪܒܝܢ ܗܘܘ] ܩܘܪܒܢܐ. ܘܫܩܠܝܢ ܐܝܟ ܨܝ̈ܡܐ. ܐܦ ܒܝܘܡ̈ܬܐ [ܩܕܝ̈ܫܐ ܕܨܘܡܐ] ܕܐܪ̈ܒܥܝܢ. ܗܟܢܐ ܡܡܪܚܝܢ ܗܘܘ ܠܡܣܥܪܼ ܕܠܐ ܕܚܠܬ [ܐܠܗܐܼ. ܘܕܠܐ] ܒܗܬܬܐ ܐܢܫܝܬܐ. ܐܡܿܪܝܢ ܗܘܘ ܓܝܪ ܥܠܝܗܘܢ: ܕܡܐ [ܕܦܠܚܘܗܝ] ܠܩܘܕܫܐ ܒܟܦܦܬܐܼ ܘܐܟܠܘ ܡܢܗ ܟܡܐ ܕܨܒܿܝܢ ܗܘܘ ܦܫܝܩܐܝܬ. ܠܗ ܠܟܣܐ ܕܕܡܐ ܚܿܝܐ ܒܡܝ̈ܐ ܚܡܝ̈ܡܐ ܚܿܪܦ ܗܘܐ ܠܗ ܚܕ ܚܕ ܡܢܗܘܢ ܘܫܿܬܐ ܟܡܐ ܕܨܿܒܐ. ܘܬܘܒ ܡܿܠܐ ܠܗ ܘܝܗܿܒ ܠܚܒܪܗ.. ܩܼܡ ܕܝܢ ܠܘܩܒܠ ܛܥܝܘܬܐ ܗܕܐ ܩܕܝܫܐ ܪܒܘܠܐ ܕܐܘܪܗܝ ܘܩܕܝܫܐ ܓܡܠܝܢܐ ܐܦܝܣܩܦܐ ܕܦܐܪܝܢ܀

ܫܢܬ ܬܡ̈ܢܡܐܐ ܘܥܣܪ̈ܝܢ ܘܬܪ̈ܬܝܢ܆ ܡܪܕ ܒܛܠܝܢܐ ܥܠ ܐܢܣܛܘܣ.

ܫܢܬ ܬܡ̈ܢܡܐܐ ܘܥܣܪ̈ܝܢ ܘܬܠ̈ܬܼ. ܐܬܟܢܼܫܬ ܣܘܢܗܕܘܣ ܒܨܝܕܘܢ ܕܦܘܢܝܩܐ. ܪ̈ܝܫܝܗܿ ܕܝܢ ܕܝܠܗܿ ܕܗܕܐ ܣܘܢܗܕܘܣ ܐܝܬܝܗܘܢ ܗܘܘܼ ܗܠܝܢ: ܣܘܡܟܘܣ [ܦܛܪܝܪܟܐ

Page 12

ܕܪܗܘ]ܡܐ.. ܛܝܡܬܐܘܣ ܦܛܪܝܪܟܐ ܕܡܕܝܢܬ ܡܠܟܘܬܐ.. ܦܠܘܝܢܐ ܦܛܪܝܪܟܐ ܕܐܢܛܝܟܝܐ.. ܝܘܚܢܢ ܦܛܪܝܪܟܐ ܕܐܠܟܣܢܕܪܝܐ.. ܐܠܝܐܼ ܕܐܘܪܫܠܡ.. ܝܘܚܢܢ ܕܬܠܐ.. ܦܠܝܟܣܢܘܣ ܕܡܒܘܓ.. ܦܠܘܝܢܐ ܗܪܝܛܝܩܐ ܐܫܿܬܟܚ: ܘܡܛܠ ܗܕܐ ܦܩܼܕ ܡܿܠܟܐܐܢܣܛܘܣܼ. ܕܬܬܟܢܫ ܬܘܒ ܠܐܢܛܝܟܝܐܼ ܕܬܥܒܕ ܬܡܢ ܦܛܪܝܪܟܐ ܚܠܦ ܦܠܘܝܢܐ. ܘܟܕ ܐܬܟܢܫܼ. ܥܒܕܘ ܬܡܘܢ ܠܐܢܫ ܕܝܪܝܐ ܕܫܡܗ ܣܐܘܪܐ. ܡܢ ܕܝܪܐ ܕܬܐܕܪܐ. ܗܢܐ ܕܝܢ ܐܝܬܘܗܝ ܒܪ ܒܪܗ ܕܣܐܘܪܐ ܐܦܝܣܩܘܦܐ ܕܣܘܙܦܘܠܝܣ ܕܦܣܕܝܐܼ. ܚܕ ܡܢ ܡ̈ܬܝܢ ܘܥܣܪ̈ܝܢ ܕܥܡ ܪܒܐ ܩܘܪܝܠܘܣܼ ܕܩܬܪܝܣܝܣ ܕܢܣܛܘܪܝܣ ܥܒܼܕܘ܀ ܐܢ ܡܿܫܟܚܬ ܕܒܣܝܕܘܢ ܐܬܟܢܫܬܼ. ܘܬܘܒ ܡܿܫܟܚܬ ܕܟܬܝܒ ܕܒܨܝܕܘܢ ܐܬܟܢܫܬܼ. ܠܐ ܬܕܘܕ܇ ܬܪ̈ܬܝܗܝܢ ܚܕܐ ܐܢܝ̈ܢ ܐܦܢ ܒܠܫܢܐ ܡܫܚ̈ܠܦܢ܀ ܘܟܕ ܥܒܼܪ ܗܼܘ ܩܕܝܫܐ ܠܘܬ ܒܐܡܐ܇ ܘܥܠ ܬܪܘܢܘܣ ܕܩܕܝܫܐ ܐܓܢܛܝܘܣ ܣܼܠܩ. ܗܝܕܝܢ ܐܢܛܝܘܟ̈ܝܐ ܟܠܗܘܢ ܥܡ ܢܫ̈ܝܗܘܢ ܘܒܢ̈ܝܗܘܢ ܩܥܘܼ. ܟܕ ܡܙܿܥܩܝܢ ܐܟܚܕܐܼ ܗܠܝܢ: ܡܢ ܙܒܢܐ ܣܓܝܐܐ ܒܿܥܝܢܢ ܕܢܫܬܘܬܦ ܒܪ̈ܐܙܐ ܩܕ̈ܝܫܐ. ܠܡܕܝܢܬܢ ܚܪܪ ܡܢ ܒܝܫܘܬ ܫܘܒܚܐ. ܠܒܢ̈ܝܢ ܒܿܥܝܢܢ ܕܢܥܡܕ. ܠܣܘܢܗܕܘܣ ܕܟܠܩܕܘܢܐ ܐܚܪܡ. ܠܗܿܝ ܕܠܬܝܒܝܠ ܗܦܟܬܼ. ܗܫܐ ܐܚܪܡ. ܠܣܘܢܗܕܘܣ ܕܗܿܢܘܢ ܕܛܠܡܘ ܗܫܐ ܐܚܪܡ.. ܡܚܼܪܡܐ ܣܘܢܗܕܘܣ ܕܒܟܠܩܕܘܢܐ. ܡܚܼܪܡ ܛܘܡܣܗ ܕܠܐܘܢ. ܐܦܝܣ̈ܩܘܦܐ ܟܠܗܘܢ ܗܫܐ ܢܚܪܡܘܢ. ܗܿܘ ܕܠܐ ܡܚܪܡܼ ܕܐܒܐ ܐܝܬܘܗܝܼ. ܘܠܘ ܪܥܝܐ. ܘܐܢ ܗܼܘ ܕܐܝܬ ܗܘܐ ܐܢܫ ܕܡܣܬܒܪ ܕܒܪ ܪܥܝܢܗ ܕܦܠܘܝܢܐ ܗܼܘ. ܡܫܡܗܐܝܬ ܫܡܿܥ ܗܘܐ܇ ܕܦܠܢ ܐܚܪܡ ܠܣܘܢܗܕܘܣ. ܗܿܝ ܕܕܐܦ ܗܘܼܬ. ܟܕ ܡܢ ܟܠܗܘܢ ܐܬܚܪܡܼܬ ܣܘܢܗܕܘܣ. ܗܠܝܢ ܘܗܿܢܝܢ ܕܕܡܿܝܢ ܠܗܝܢ܆ ܟܕ ܡܙܥܿܩܝܢ ܘܡܩܿܠܣܝܢ

Page 13

ܗܘܘ..  ܗܼܘ ܕܝܢ ܪܒܐ ܣܐܘܪܝܐܼ. ܒܗܠܝܢ ܡܠܘܢ ܪܘܪܒܐܝܬ ܚܿܕܐ ܗܘܐ܀ ܣܼܡ ܕܝܢ ܡܐܡܪܐ ܕܡܠܼܐ ܡܠܦܢܘܬܐ ܕܟܠܗܿ ܚܬܝܬܘܬܐ ܕܬܐܠܓܝܐܼ. ܒܗ ܒܥܕܢܐܼ. ܕܒܗ ܐܒܗܬ ܠܦܠܚܘܬ ܒܪܢܫܐ ܕܢܣܛܘܪ. ܘܠܦܢܛܣܝܐ ܚܠܡܢܝܬܐ ܕܐܘܛܘܟܐܼ ܦܪܣܝ. ܬܘܒ ܕܝܢ ܘܠܘܩܒܠ ܣܘܢܗܕܘܣ ܕܟܠܩܕܘܢܐ ܘܛܘܡܣܗ ܕܠܐܘܢܼ. ܣܩܘܒܠܐܝܬ ܡܠܬܐ ܣܓܝܐܬܐ ܥܒܕܼ. ܟܕ ܡܢ ܬܪ̈ܝܗܘܢ ܫܩ̈ܝܦܐ ܡܢܼ ܫܘ̈ܝܝ ܒܪܘܫܥܐܼ ܙܗܪ ܕܢܣܛܐܼ. ܒܐܘܪܚܐ ܕܝܢ ܡܠܟܝܬܐ ܢܪܕܐ܇ ܘܚܕ ܟܝܢܐ ܡܢ ܬܪ̈ܝܢ ܕܐܠܗܐ ܡܠܬܐܼ ܕܡܒܣܪ ܢܘܕܐ. ܘܟܕ ܙܥܘܪ̈ܝܬܐ ܡܛܠ ܬܘܪܨܐܕܕܘܒܪ̈ܐܼ. ܐܝܟ ܕܗܼܒ ܥܕܢܐ ܐܝܕܐ ܐܡܼܪ: ܠܥܡܐ ܕܠܐܿܐ ܗܼܘܐܼ. ܠܘܬ ܢܝܚܐ ܕܦܓܪܐ ܫܪܐ ܗܘܐ. ܕܐܝܟ ܗܢܐ ܝܘܡܐ ܫܒܝܚܐ ܗܘܼܐ ܒܝܕ ܡܥܠܬܗ ܕܓܒܪܐ ܗܿܘ ܫܒܝܚܐ.. ܘܟܕ ܕܝܢ ܠܒܝܬ ܐܦܝܣܩܦܣܢ ܕܝܠܗ ܡܚܕܗܿ ܣܠܼܩ܇ ܘܐܫܟܚ ܠܗܿܢܘܢ ܥܒܕ̈ܝ ܒܘ̈ܫܠܐ ܘܡܓܝܪ̈ܣܐ ܕܒܝܬ ܐܦܣܩܦܝܢ܆ ܘܠܟܠܗܿ ܫܟܚܬܐ ܕܡܢܗܘܢ ܐܬܬܩܢܬܼ. ܐܦܼܩ ܡܢ ܬܡܢ. ܘܠܒܠܢܐ ܕܐܝܬ ܗܘܐ ܬܡܢ ܥܩܼܪ. ܐܟܙܢܐ ܕܠܩ̈ܝܡܬܐ ܕܒܥܠܐ ܝܘܫܝܐ ܘܚܙܩܝܐ ܪ̈ܚܡܝ ܐܠܗܐ ܡ̈ܠܟܐ. ܒܩܫܝܘܬ ܕܘܒܪ̈ܐ ܕܝܢ ܕܕܝܪܝܘܬܐ܇ ܗܠܝܢ ܕܥܝܕܗ ܩܕܡܝܐܼ ܐܬܗܦܟ܇ ܒܡܓܣܐ ܕܥܠ ܐܪܥܐܼ ܘܒܠܐ ܡܣܚܘܬܐܼ ܘܒܬܫܡܫܬܐ ܕܙܘܡܪܐ ܡܬܝܚܐܼ. ܘܒܡܐܟܘ[ܠܬܐ ܕܙܪ̈ܥܘܢܐ] ܒܕܡܘܬ ܛܠܝ̈ܐ ܕܒܒܒܝܠ ܐܬܚܫܚ.. ܠܚܡܐ ܕܝܢ ܡܢ ܫܘܩܐ ܕܣܓܝ [ܒܣܐ] ܘܫܝܛܼ ܡܿܝܬܐ ܗܘܐ ܠܗ.

ܘܒܫܢܬ ܬܡ̈ܢܡܐܐ ܘܥܣܪ̈ܝܢ ܘܫ̈ܬܼ. ܐܬܟܢܼܫܬ ܣܘܢܗܕܘܣ ܒܨܘܪ܇ ܡܢ ܦܘܩܕܢܗ ܕܡܠܟܐܐܢܣܛܘܣ: ܘܐܬܟܢܫܘ ܠܬܡܢ ܟܠܗܘܢ ܐܦܝ̈ܣܩܘܦܐ ܡܕ̈ܢܚܝܐܼ. ܘܕܐܦܡܝܐ.

Page 14

ܘܐܦܪܛܝܣܝܐ. ܘܐܣܪܐܝܢܐ. ܘܡܣܦܛܡܝܐ. ܘܐܪܐܒܝܐ. ܘܦܘܢܩܝܐ ܕܠܝܒܢܣ. ܪ̈ܝܫܝܗܿ ܕܝܢ ܕܗܕܐ ܣܘܢܗܕܘܣ ܐܝܬܝܗܘܢ ܗܘܘܼ. ܣܐܘܪܐ ܦܛܪܝܪܟܐ ܕܐܢܛܝܟܝܐ.. ܘܛܐܡܬܘܣ ܕܡܕܝܢܬ ܡܠܟܘܬܐܼ. ܒܝܕ ܢܛܪ̈ܝ ܕܘܟܬܗ.. ܐܠܝܐ ܕܐܘܪܫܠܡܼ. ܒܝܕ ܢܛܪ̈ܝ ܕܘܬܟܗ.. ܝܘܚܢܢ ܦܛܪܝܪܟܐ ܕܐܠܟܣܢܕܪܝܐ.. ܣܘܡܟܘܣ ܦܛܪܝܪܟܐ ܕܪܗܘܡܐ.. ܦܠܟܣܝܢܘܣ ܕܡܒܘܓ.. ܝܘܚܢܢ ܕܬܠܐ. ܦܘܠܐ ܕܐܘܪܗܝ܀ ܡܬܝܕܥ ܕܝܢ ܝܘܚܢܢ ܒܪ ܐܦܬܘܢܝܐ.. ܘܩܘܡܐ ܡܢ ܕܝܪܐ ܕܡܪܝ ܥܩܝܒܐ܀ ܣܐܘܪܐ ܕܝܢ ܐܕܢܚܗ ܠܫܪܪܐܼ. ܘܦܫܼܩܗ ܠܟܬܒܐ ܗܢܛܝܩܘܢ ܕܥܒܼܕ ܙܐܢܘܢ ܡܿܠܟܐ. ܘܚܘܝܗ ܕܠܒܘܛܠܐ ܕܗܠܝܢ ܕܐܣܬܥܪ̈̄ ܒܟܠܩܕܘܢܐ ܗܘܼܐ. ܘܐܚܪܡܘܗܿ ܬܡܢ ܓܠܝܐܝܬ. ܘܠܬܘܣܦܬܐ ܗܿܝ ܕܗܘܼܬ ܒܗܝܡܢܘܬܐܼ܇ ܘܠܟܠܗ ܫܪܪܐ ܐܟܪܙܘ ܐܦܝ̈ܣܩܦܐ ܕܐܬܟܢܫܘ ܥܡ ܣܐܘܪܐ ܘܐܟܣܢܝܐ܀

ܫܢܬ ܬܡ̈ܢܡܐܐ ܘܥܣܪ̈ܝܢ ܘܫ̈ܒܥܼ. ܡܪܼܕ ܥܠ ܐܢܣܛܘܣ ܡܠܟܐ. ܐܝܠܡܪܩܝܘܣ ܒܪܗܘܡܐܼ ܘܠܒܼܟ ܟܠܗܘܢ ܐܬܪ̈ܘܬܐ ܡܥܪ̈ܒܝܐ. ܘܐܚܼܕ ܡܠܟܘܬܐ ܒܪܗܘܡܐܼ. ܡܛܠ ܕܓܒܪܐ ܗܘܼܐ ܩܫܝܐ܀

ܫܢܬ ܬܡ̈ܢܡܐܐ ܘܥܣܪ̈ܝܢ ܘܬܡ̈ܢܐܼ. ܐܬܟܢܫ ܥܡܐ ܣܓܝܐܐܼ ܡܢ ܡܨܪܝܢ ܘܡܢ ܐܠܟܣܢܕܪܝܐ. ܘܡܢ ܥܒܼܪܐ ܕܝܘܪܕܢܢ ܘܐܕ̈ܘܡܝܐ ܘܐܪ̈ܐܒܝܐ. ܘܐܬܘ ܠܥܐܕܐ ܕܐܢܩܢܝܐ ܕܪܘܟܒ ܨܠܝܒܐ ܕܒܐܘܪܫܠܡܿ. ܕܗܘܐ ܒܐܪܒܥܬܥܣܪܿ ܒܐܝܠܘܠ. ܘܗܝܕܝܢ ܫ̈ܐܕܐ ܠܒܫܘ ܠܣܓܝ̈ܐܐܼ. ܘܢܒܿܚܝܢ ܗܘܘ ܒܨܠܝܒܐ ܒܕܡܘܬ ܟ̈ܠܒܐ. ܘܗܝܕܝܢ ܫܿܠܝܢ ܗܘܘܼ ܘܢܦܿܩܝܢ ܡܢܗܘܢ. ܘܗܕܐ ܠܦܪ̈ܘܫܐ ܡܪܢܝܬܐ ܣܓܝܐܬܐ ܥܒܼܕܬ ܘܥܩܬܐ. ܒܪܡ ܕܝܢ ܠܘ ܚܬܝܬܐܝܬ ܐܣܬܟܠܘܗܿ ܠܥܠܬܐܼ ܥܕܡܐ ܕܗܼܘ ܣܘܥܪܢܐ

Page 15

ܚܘܝ ܡܦܩܢܐ܇ ܥܠ ܚܙܪܝܢ ܕܗܘܼܐ ܒܬܪܟܝܢ ܒܗܝܡܢܘܬܐܼ. ܘܟ̈ܫܠܐ ܕܗܘܘ ܒܬܪ ܙܒܢܐܼ. ܩܕܡ ܘܐܘܕܥ ܐܠܗܐ.

ܕܐܝܠܝܢ ܪ̈ܝܫܝ ܟܗ̈ܢܐ ܐܬܝܕܥܘ ܒܝܘ̈ܡܝ ܐܢܣܛܘܣ ܡܠܟܐ. ܒܪܗܘܡܐ ܗܘܼܐ ܦܝܠܟܣ.. ܘܒܬܪܗܼ ܣܘܡܟܘܣ.. ܘܒܬܪܗܼ ܗܘܿܪܡܝܙܕܐ܀ ܒܐܠܟܣܢܕܪܝܐܼ. ܕܡܗ̈ܝܡܢܐܼ ܐܬܢܣܝܘܣ ܘܝܘܚܢܢ܆ ܘܝܘܚܢܢ ܘܕܝܣܩܪܘܣ܀ ܕܐܢܛܝܟܝܐܼ. ܦܠܘܝܢܣ ܕܐܫܬܕܝ. ܘܣܐܘܪܐܡܗܝܡܢܐ܀ ܕܩܘܣܛܢܛܝܢܦܘܠܣܼ ܐܦܝܡܘܣ ܘܡܩܕܘܢ ܗܪ̈ܝܛܩܐ. ܘܛܝܡܬܐܘܣ ܡܗܝܡܢܐ. ܘܝܘܚܢܢ ܕܩܒܼܠ ܠܣܘܢܗܕܣ ܕܟܠܩܕܘܢܐ܇ ܒܪܝܫ ܡܠܟܘܬܗ ܕܝܘܣܛܢܝܢܣܼ. ܘܥܓܠ ܡܝܬ.. ܘܗܘܼܐ ܐܦܝܦܢܘܣ ܒܬܪܗ܀ ܒܐܘܪܫܠܡܼ ܣܘܠܝܣܛܘܣܼ ܘܐܠܝܐ [ܕܐܬܕܚܝܼ ܝܘܚـ]ـܢܢ ܕܩܒܠ ܠܣܘܢܗܕܘܣ ܒܝܘ̈ܡܝ ܝܘܣܛܢܝܢܐ ܣܒܐ. ܘܒܬܪܗ ܦܛܪܘܣ.

ܪ̈ܝܫܝ ܟܗ̈ܢܐ ܕܗܘܼܘ ܒܝܘ̈ܡܝ ܝܘܣܛܢܝܢܐ ܣܒܐܼ. ܘܐܥܠܘ ܠܣܘܢܗܕܘܣ ܕܟܠܩܕܘܢܐ. ܒܪ̈ܘܡܐ ܗܘܪܡܝܙܕܐ܀ ܒܐܠܟܣܢܕܪܝܐܼ ܛܝܡܬܐܘܣ܀ ܒܐܘܪܫܠܡܼ ܦܛܪܘܣ܀ ܕܐܢܛܝܟܝܐܼ ܦܘܠܐ ܝܗܘܕܝܐ.. ܘܐܘܦܪܘܣܼ ܕܐܝܩܕ ܒܩܕܣܐ ܕܙܒܬܐܼ ܒܗܦܘܟܝܐ ܕܐܢܛܝܘܟ.. ܘܐܦܪܝܡ ܐܡܕܝܐ܀ ܕܩܘܣܛܢܛܝܢܦܘܠܝܣܼ ܐܦܝܦܢܝܘܣ.. ܗܠܝܢ ܒܝ̈ܘܡܝ ܝܘܣܛܢܝܢܐ ܣܒܐܿ. ܗܿܘ ܕܐܡܠܟ ܒܬܪ ܐܢܣܛܘܣ܀

ܫܢܬ ܬܡܢ̈ܡܐܐ ܘܥܣܪ̈ܝܢ ܘܬܫ̈ܥܼ. ܡܝܬ ܐܢܣܛܘܣ ܡܠܟܐ. ܘܐܡܠܟ ܒܬܪܗ ܝܘܣܛܢܝܢܐ ܣܒܐ. ܗܢܐ ܡܕܪܫܐ ܐܝܬܘܗܝ ܗܘܐ ܒܩܪ̈ܒܐ ܘܡܕܪܘܬܐ ܕܪ̈ܗܘܡܝܐ. ܟܕ ܡܢ ܟܠܗ ܝܘܠܦܢܐ ܕܡ̈ܠܐ ܕܢܒ̈ܝܐ ܩܕ̈ܝܫܐ ܘܕܡ̈ܠܦܢܐ ܢܦܝ̈ܚܝ ܡܢ ܪܘܚܐ ܩܕܝܫܐ ܓܠܝܙ ܗܘܐ. ܟܕ ܒܫܘܪܝܐ ܕܡܠܟܘܬܗܼ ܐܛܥܝܘܗܝ ܗܠܝܢ ܕܬܪ̈ܝܢ

Page 16

ܟܝ̈ܢܐ ܡܘܕܝܢ ܒܡܫܝܚܐܼ ܡܢ ܒܬܪ ܚܕܝܘܬܐ. ܘܡܛܠ ܕܓܒܪܐ ܗܘܐ ܦܫܝܛܐ. ܘܕܠܐ ܪܕܐ ܗܘܐ ܒܕܘ̈ܓܡܛܐ ܐܠܗ̈ܝܐ܆ ܐܫܬܕܠ ܒܝܕ ܡ̈ܠܐ: ܐܝܟ ܡܿܢ ܕܢܥܠ ܠܣܘܢܗܕܘܣ ܕܟܠܩܕܘܢܐ ܠܥܕܬܐ. ܗܼܝ ܕܩܠܝܠ ܫܠܝܐ ܗܘܬ ܡܢ ܙܒܢܐ ܕܗܢܛܝܩܘܢ. ܗܿܘ ܕܗܘܼܐ ܗܘܐ ܡܢ ܙܐܝܢܘܢ ܡܠܟܐ܇ܙ ܐܝܟ ܕܠܒܘܛܠܐ ܕܝܠܗܿ ܕܣܘܢܗܕܘܣ. ܘܥܡ̈ܡܐ ܡܗ̈ܝܡܢܐ ܒܫܠܝܐ ܕܠܐ ܠܕܘܚܝܐ ܝܿܬܒܝܢ ܗܘܼܘ ܒܟܠܗ ܐܘܚܕܢܐ ܕܪ̈ܗܘܡܝܐ.. ܗܝܕܝܢ ܦܩܼܕ ܕܬܬܟܬܒ ܣܘܢܗܕܘܣܼ ܘܬܬܟܪܙ ܒܥܕܬܐ. ܘܟܠ ܡܿܢ ܕܠܐ ܢܩܒܠ ܠܣܘܢܗܕܘܣ ܢܫܬܕܝ ܠܐܟܣܘܪܝܐ. ܘܡܢ ܗܝܕܝܢ ܣܕ̈ܩܐ ܘܚܪ̈ܝܢܐ ܣܓܝ̈ܐܐ ܢܒܥܘ ܒܥܕܬܐ܀ ܘܐܬܡܠܟܘ ܨܢܝܥܐܝܬ ܡܢ ܗܿܢܘܢܼ ܕܥܠܗܕܐ ܠܗ ܡܚܿܦܛܝܢ ܗܘܘܼ. ܕܐܦ ܗܠܝܢ ܬܠ̈ܬ ܣܘܢܗܕܘܣ ܫܪܝܪ̈ܬܐ ܢܬܟܬܒ̈ܢ ܘܢܬܟܪ̈ܙܢ ܥܡ ܗܿܝ ܕܟܠܩܕܘܢܐ. ܐܝܟܢܐ ܕܒܝܕ ܗܕܐ ܢܫܟܚܘܢ ܢܢܛܥܘܢ ܠܡܗ̈ܝܡܢܐܿ. ܗܠܝܢ ܕܡܬܚܪܝܢ ܠܘܩܒܠ ܗܕܐ ܕܟܠܩܕܘܢܐ. ܘܢܥܕܘܢ ܚܘܫ̈ܒܝܗܘܢ ܒܝܕ ܗܕܐ. ܕܗܠܝܢ ܫܪܝܪ̈ܬܐ ܥܡܗܿ ܢܬܚܫ̈ܒܢ܆ ܐܝܟ ܡܿܢ ܕܠܐ ܢܓܥܨܘܢ ܗܘܘ ܘܢܗܦܟܘܢ ܠܒܣܬܪܗܘܢ. ܐܝܟܢܐ ܕܐܦ ܠܗܕܐ ܥܓܠ ܐܬܪܡܝ ܗܼܘ ܡܿܠܟܐ. ܘܦܩܼܕ ܕܗܟܢܐ ܬܗܘܐ. ܐܦܝܣܩܦܐ ܕܝܢ ܕܝܠܗܿ ܕܡܕܝܢܬܐ ܕܫܡܗ ܝܘܚܢܢ܇ ܟܕ ܚܐܿܪ ܗܘܼܐ ܒܒܝ̈ܫܬܐ ܕܥ̈ܕܝܕܢ ܗܘ̈ܝ ܕܢܗ̈ܘܝܢ ܒܥܕܬܐ ܡܗܝܡܐ ܗܘܐ ܕܢܟܬܘܒ ܐܢ̈ܝܢ ܠܣܘ̈ܢܗܕܘܣ ܒܥܕܬܐ. ܘܟܕ ܗܘܼܐ ܝܘܡܐ ܕܥܐܕܐ܇ ܕܒܗ ܡ̈ܠܟܐ ܢܙܠܘܢ ܠܥܕܬܐ ܐܝܟ ܥܝܕܐܼ. ܐܢܬܬܗ ܕܝܘܣܛܢܝܢܐ ܕܫܡܗ ܗܘܼܬ ܠܘܦܘܩܝܢܐ܆ ܗܿܝ ܕܐܦ ܗܼܝ ܚܦܝܛܐ ܗܘܬܼ ܘܡܚܦܠܐ ܠܐܚܪ̈ܢܐ ܥܠ ܗܕܐܼ. ܫܠܚܬܼ ܠܐܦܝܣܩܦܐ: ܕܐܢ ܠܐ ܟܬܒܼܬ ܠܣܘܢܗ̈[ܕܘ ܒܥܕܬܐ ܒܕ̈ܝܦܛܘܟܢ:] ܠܐ ܥܠܐ ܐܢܐ ܠܥܕܬܐܼ. ܘܠܐ ܫܿܩܠܐ ܐܢܐ ܩܘܪܒܢܐ ܡܢ ܐܝܕ̈ܝܟ. ܘܗܟܢܐ ܐܬܠܨ ܗܼܘ ܘܟܼܬܒܼ. ܘܐܟܪܙ ܐܢ̈ܝܢ

Page 17

ܠܐܪ̈ܒܥܬܝܗܝܢ ܣܘܢܗ̈ܕܘܣ ܒܗ ܒܥܐܕܐ. ܘܗܘܼܐ ܪܘܒܐ ܘܫܓܘܫܝܐ ܘܕܠܘܚܝܐ ܠܟܠܗܘܢ ܡܗ̈ܝܡܢܐ. ܟܕ ܐܦ ܐܡܢܛܘܣ ܦܪܘܦܝܙܝܛܐ ܘܐܢܕܪܐܘܣ ܩܒܘܩܠܪܐ ܐܬܚܪܝܘ ܠܘܩܒܠ ܗܕܐ. ܘܡܢ ܥܠܼܬ ܠܗܠܝܢܼ ܐܫܬܩܠܘ ܪ̈ܝܫܝܗܘܢ.. ܘܡܢ ܒܬܪ ܗܠܝܢ ܕܡܥܠܬܗܿ ܕܣܘܢܗܕܘܣ ܕܟܠܩܕܘܢܐ. ܡܚܕܗܿ ܫܓܘܫܝܐ ܘܕܠܘܚܝܐ ܪܒܐ ܗܘܼܐ ܒܗܿ ܒܡܕܝܢܬ ܡܠܟܘܬܐ. ܘܥܡܐ ܐܫܬܓܫ ܘܥܕ̈ܬܐܼ. ܐܬܒ̈ܠܒܠܘ. ܘܕܝܪ̈ܬܐ ܕܓܒܪ̈ܐ ܘܕܢ̈ܫܐ ܐܫ̈ܬܓܫ. ܘܦ̈ܠܓܘܬܐ ܣܓܝ̈ܐܬܐ ܗܘܼ̈ܝ ܒܝܢܬ ܟܪ̈ܣܛܝܢܐ. ܘܗܘܼܘ ܠܬܪ̈ܬܝܢ ܦ̈ܠܓܘܢ ܘܠܬܪ̈ܝܢ ܣܕ̈ܩܝܢ ܘܠܬܪ̈ܝܢ ܓܒ̈ܝܢ.. ܘܟܕ ܗܠܝܢ ܕܝܢ ܗܟܢܐ ܓܼܕܫܼ. ܘܠܐܬܪ̈ܘܬܐ ܡ̈ܕܢܚܝܐ ܪܕܘܦܝܐ ܪܗܼܛ.. ܗܝܕܝܢ ܩܕܝܫܐ ܣܐܘܪܝܐ ܦܛܪܝܪܟܐܼ ܡܢ ܟܘܪܣܝܗ ܘܡܢ ܡܕܝܢܬܗ ܫܼܿܢܝ. ܘܟܕ ܝܠܼܦ ܥܠ ܚܐܦܐ ܕܪܕܘܦܝܐ. ܘܠܐܠܟܣܢܕܪܝܐ ܡܢܥ܀ ܘܡܢ ܗܝܕܝܢ ܐܬܕܪܦܘ ܘܢܦܼܩܘ ܡܢ ܟܘܪ̈ܣܘܬܗܘܢ ܟܠܗܘܢ ܐܦܝܣ̈ܩ ܬܪܝ̈ܨܝ ܫܘܒܚܐ.

ܫܡܗ̈ܐ ܕܐܦܝܣܩ̈ܘܦܐ ܩ̈ܕܝܫܐ ܕܐܬܪܕܦܘ ܘܢܦܼܩܘ ܡܢ ܟܘܪ̈ܣܝܘܬܗܘܢ. ܘܡܢ ܩܠܝܩܝܐ ܗܠܝܢ: ܐܝܛܪܟܝܘܣ ܕܐܢܐܙܪܒܐ.. ܝܘܠܝܘܣ ܕܗ̈ܓܘܢ.. ܝܘܚܢܢ ܕܡܡܦܝܣܛܝ.. ܦܘܠܘܣ ܕܐܦܝܦܢܝܐ.. ܘܝܘܚܢܢ ܕܐܪܝܢܘܦܘܠܣ.. ܦܘܠܣ ܕܐܠܟܣܢܕܪܝܐ ܙܥܘܪܬܐ܀ ܡܢ ܩܕܦܘܩܝܐܼ. ܦܪܘܩܠܘܣ ܕܩܠܘܢܝܐ.. ܡܣܘܢܝܘܣ ܕܬܪܡܐ.. ܢܝܩܦܪܘܣ ܕܣܒܣܛܝܐ܀ ܡܢ ܣܘܪܝܐܼ. ܩܕܝܫܐ ܣܐܘܪܐ ܦܛܪܝܪܟܐ ܕܐܢܛܝܟܝܐ.. ܩܘܣܛܢܛܝܢܐ ܕܠܕܩܝܐ.. ܐܢܛܘܢܝܢܐ ܕܚܠܒ.. ܦܠܝܟܣܢܣ ܕܡܒܘܓ.. ܦܛܪܐ ܕܐܦܡܝܐ.. ܘܢܘܢܐ ܕܣܠܘܩܝܐܼ. ܘܡܝܬ ܒܐܡܕ.. ܐܣܕܘܪܣ ܕܩܢܫܪܝܢ.. ܡܪܐ ܕܐܡܕ. ܘܡܝܬ ܬܪ̈ܝܗܘܢ ܒܐܠܟܣܢܕܪܝܐ.. ܬܘܡܐ ܕܕܡܣܩܘܣ. ܘܡܝܬ ܒܩܘܣܛܢܛܝܢܦܘܠܣ.. ܐܠܟܣܢܕܪܣ ܕܐܒܝܠ. ܘܡܝܬ ܒܐܟܣܘܪܝܐ.. ܬܘܡܐ ܕܝܒܪܘܕ. ܘܡܝܬ

Page 18

ܒܐܟܣܘܪܝܐ:. ܝܘܚܢܢ ܕܬܕܡܘܪ. ܘܝܡܬ ܒܐܟܣܘܪܝܐ.. ܝܘܚܢܢ ܕܘܪܝܢ. ܡܝܬ ܒܐܟܣܘܪܝܐ.. ܣܪܓܝܣ ܕܩܪܣ. ܘܡܝܬ ܒܐܟܣܘܪܝܐ.. ܬܘܡܐ ܕܓܪܡܢܩܝܐ. ܘܡܝܬ ܒܫܡܝܫܛ.. ܦܘܠܐ ܕܐܘܪܗܝ. ܘܩܒܠ ܠܣܘܢܗܕܘܣܼ. ܘܥܼܠ ܠܡܕܝܢܬܗ.. ܝܘܚܢܢ ܕܚܪܢ. ܘܡܝܬ ܝܐܢܛܝܟܝܐ.. ܝܘܚܢܢ ܕܐܡܘܪܝܢ. ܘܡܝܬ ܒܐܟܣܘܪܝܐ.. ܐܣܘܛܬܝܘܣ ܕܦܐܪܝܢ. ܘܡܝܬ ܒܐܟܣܘܪܝܐ.. ܐܘܣܛܬܝܘܣ ܕܦܐܪܝܢ. ܘܡܝܬ ܒܐܟܣܘܪܝܐ.. ܦܛܪܐ ܕܪܝܫܥܝܢܐ. ܘܡܝܬ ܒܐܟܣܘܪܝܐ܀ ܢܘܢܐ ܕܩܪܩܣܝܢ. ܘܡܝܬ ܒܐܟܣܘܪܝܐ.. ܦܘܠܐ ܕܩܠܝܢܩܘܣ. ܘܡܝܬ ܒܐܟܣܘܪܝܐ.. ܡܪܝܘܢ ܕܫܘܪܐ. ܘܡܝܬ ܒܐܟܣܘܪܝܐ.. ܝܘܚܢܢ ܕܬܠܐ. ܘܐܣܗܕ ܒܐܢܛܝܟܝܐܼ ܡܢ ܐܦܪܝܡ ܐܡܕܝܐ.. ܬܘܡܐ ܕܕܪܐ. ܘܡܝܬ ܒܐܟܣܘܪܝܐ.. ܐܗܪܘܢ ܕܐܪܫܡܫܛ. ܘܡܝܬ ܒܐܟܣܘܪܝܐܼ܀ ܡܢ ܐܣܝܐ ܘܡܢ ܩܐܪܝܐ ܘܡܢ ܐܦܪܘܕܝܣܝܐ܇ ܐܘܦܝܡܝܘܣܼ. ܪܫ ܐܦܝ̈ܣܩܦܐܼ ܡܢ ܐܦܪܘܕܝܘܣ. ܘܡܝܬ ܒܪܕܝܦܘܬܐ.. ܡܝܢܦܝܢܘܣ ܕܐܢܛܝܟܝܐ ܕܥܠ ܡܢܕܪܝܣ ܢܗܪܐ.. ܙܘܟܣܝܣ ܡܢ ܐܠܒܢܕܐ. ܘܡܝܬ ܒܐܟܣܘܪܝܐ.. ܦܛܪܐ ܕܐܠܢܕܐ.. ܘܡܝܬ ܒܐܟܣܘܪܝܐ.. ܝܘܠܝܢܐ ܕܐܠܝܩܪܢܣܘܣ. ܘܗܘܼܐ ܦܢܛܣܝܣܛܐ.. ܬܘܣܝܒܝܘܣ ܕܐܦܣܘܣ. ܗܢܐ ܐܬܬܒܥ ܕܢܿܣܩ ܠܡܕܝܢܬ ܡܠܟܘܬܐܼ ܕܢܩܒܠ ܠܣܘܢܗܕܘܣܼ. ܘܥܼܠ ܫܕܐ ܢܦܫܗ ܩܕܡ ܡܒܕܚܐܼ. ܘܒܝܘܡܐ ܕܬܠ̈ܬܐ ܡܝܬ.. ܐܠܝܪܝܐܢܐ ܕܢܐܘܩܣܪܝܐ.. ܗܠܦܕ ܕܩܣܛܪ̈ܢܝܐ.. ܬܐܕܘܪܐ ܕܐܠܘܒܝܐ.. ܠܘܩܐ ܕܐܡܘܪܝܐ.. ܐܘܣܒܝܢܐ ܕܗܕܪܝܢܘܣ.. ܦܛܪܐ ܕܡܐܠܘܛܐ.. ܒܩܛܘܪ ܕܦܠܕܠܦܝܐ.. ܦܛܪܐ ܕܡ̈ܢܕܝܐ.. ܐܓܬܕܘܪܐ ܕܐܝܣܘܢ.. ܦܠܓ ܕܩܠܢܕܪܗܝܐ.. ܦܘܛܝܢܘܣ ܕܐܪ̈ܣܢܝܐ.. ܐܠܟܣܢܕܪܣ ܕܟܘܢܟܪ܀ ܟܠܗܘܢ ܐܦܝܣ̈ܩܦܐ ܚܡ̈ܫܝܢ ܘܐܪ̈ܒܥ.

Page 19

ܫܢܬ ܬܡܢܡ̈ܐܐ ܘܬܠ̈ܬܝܢ ܘܚܕܐܼ. ܗܘܼܐ ܦܘܠܐ ܝܗܘܕܝܐ ܦܛܪܝܪܟܐ ܕܐܢܛܝܟܝܐ. ܡܢ ܒܬܪ ܡܦܩܬܗ ܕܩܕܝܫܐ ܣܐܘܪܐܼ ܗܘܼܬ ܐܢܛܝܟܝܐ ܫܢܬܐ ܚܕܐ ܕܠܐ ܐܦܣܩܘܦܐ: ܘܒܬܪܟܝܢ ܐܬܓܒܝ ܘܐܫܬܕܪ ܠܬܡܢ ܡܐܢܐ ܕܐܒܕܢܐܼ. ܦܘܠܐ ܗܿܘ ܕܡܬܩܪܐ ܗܘܐ ܐܘܛܘܟܐ. ܗܢܘܿ ܕܝܢܼ ܘܐܢ ܙܿܕܩ ܠܡܐܡܪ܆ ܐܦ ܝܗܘܕܝܐ. ܕܐܝܬܘܗܝ ܗܘܐܐܦܟܣܢܕܘܟܘܪܐ ܕܐܣܕܢܘܟܝܢ ܕܐܘܒ̈ܠܣ ܕܡܕܝܢܬ ܡܠܟܘܬܐ. ܗܢܐ ܕܐܝܟ ܡܠܬܗ ܕܡܪܢ ܕܐܡܼܪ ܒܐܘܢܓܠܝܘܢ܇ ܕܥܬܝܕܝܢ ܐܢܘܢ ܕܢܐܬܘܢ ܡܟܫ̈ܘܠܐ. ܘܿܝ ܠܓܒܪܐ ܕܒܐܝܕܗ ܢܐܬܘܢ. ܗܕܐ ܕܛܒ ܦܚܿܡܐ ܥܠ ܗܢܐܼ ܕܗܼܘܐ ܝܪܬܐ ܕܘܿܝܐ ܗܘܿ ܕܟܬܝܒ. ܕܒܐܝܕܗ ܐܬܼܐ ܕܠܘܚܝܐ ܘܣܕ̈ܩܐ ܘܟܫ̈ܠܐ ܘܚܪ̈ܝܢܐܼ. ܠܥܕܬܐ ܕܐܠܗܐ ܕܒܟܠܗܘܢ ܐܬܪ̈ܘܬܐ ܕܡܕܢܚܐ. ܗܼܘ ܓܝܪ ܗܢܐ ܐܥܼܠ ܘܟܬܒܗܿ ܠܣܘܢܕܣ ܡܣܠܝܬܐ ܕܟܠܩܕܘܢܐܼ. ܠܘܩܕܡ ܒܥܕܬܐ ܗܿܝ ܕܐܢܛܝܟܝܐ. ܕܡܛܠ ܗܕܐ ܪ̈ܕܘܦܝܐ ܩ̈ܫܝܐ ܘܒܝ̈ܫܬܐܼ ܘܡܦܩܬܐ ܕܗܠܝܢ ܟܠܗܘܢ ܐܦܝ̈ܣܩܘܦܐ ܕܐܬܐܡܪ܆ ܘܕܫܪܟܐ ܕܟܠܗܘܢ ܥܘܡܪ̈ܐ ܕܕܝܪ̈ܬܐ ܗܘܼܐ. ܟܕ ܠܐ ܩܒܠ ܗܘܘ ܘܫܠܡܘ ܠܪܘܫܥܗ ܕܦܘܠܐ ܝܗܘܕܝܐ.

ܫܢܬ ܬܡܢ̈ܡܐܐ ܘܬܠ̈ܬܝܢ ܘܫ̈ܬܼ. ܩܕܡ ܓܝܪ ܗܠܝܢ ܒܫܘܪܝ ܡܠܟܘܬܗ ܕܝܘܣܛܝܢܐ ܡܿܠܟܐܼ. ܟܘܟܒܐ ܐܬܚܙܝ

Page 20

ܒܡܕܢܚܐܼ. ܒܕܡܘܬܐ ܕܢܝܙܟܐ ܪܒܐ. ܟܕ ܚܐܿܪ ܪܝܫܗ ܕܢܝܙܟܐ ܠܐ̈ܦܝ ܠܬܚܬ. ܘܡܬܗܦܟ ܕܚܝܠܐܝܬ.ܟܕ ܙܠܝ̈ܩܐ ܡ̈ܬܝܚܐ ܡܬܚܙܝܢ ܗܘܘ ܕܢܦܿܩܝܢ ܡܢܗܼ ܠܟܠܢܫ. ܡܬܩܪܐ ܗܘܐ ܐܝܟ ܕܐܡܿܪܝܢ ܝܘ̈ܢܝܐܼ ܩܘܡܛܝܢ. ܘܕܚܠܬܐ ܡܢ ܚܙܬܗ ܠܟܠܢܫ ܐܚܼܕܬܿ ܗܘܼܬ. ܕܐܝܟܢܐ ܣܿܠܩ ܗܘܐ ܘܡܬܚܙܐ܇ ܘܡܿܒܪܩ ܗܘ ܕܚܝܠܐܝܬ܇ ܘܡܬܗܿܦܟ ܗܘܐ ܘܡܚܿܘܐ ܫܘ̈ܚܠܦܐ ܠܚܝܡܐܝܬ܇ ܐܝܟܢܐ ܕܣܓܝ̈ܐܐ ܣܓܝ̈ܐܬܐܢܐܡܪܘܢ ܗܘܘ ܘܢܬܚܿܫܒܘܢ܇ ܕܥܬܝܕ̈ܢ ܠܡܪܕܘܬܐ ܘܠܚܪܒܐ ܬܘܒ ܘܠܐܒܕܢܐ܇ ܡܢ ܥܠܬ ܚܙܬܗ ܕܚܝܠܬܐ ܕܟܘܟܒܐ ܗܿܘ. ܗܠܝܢ ܕܐܦ ܠܐ ܫܘܚܪ ܡܚ̈ܘܬܐ ܓܝܪ ܣ̈ܓܝܐܬܐ ܐܕܪܟ ܒܥܓܠ ܥܡ ܚܪܒܐܼ. ܘܐܫܼܕ ܕܡܐ ܣܓܝܐܐ. ܘܗܿܝ ܕܡܢ ܟܠܗܝܢ ܩܫܝܐ ܘܡܪܝܪܐ܇ ܕܠܘܚܝܐ ܕܥܕܬܐܼ. ܘܣܕ̈ܩܐ ܘܚܪܝܢܐ ܘܪ̈ܕܘܦܝܐ ܘܩ̈ܛܠܐ ܘܒ̈ܝܫܬܐ ܕܒܥܓܠ ܐܕܪܟ. ܕܡܘܬܗ ܕܝܢ ܕܟܘܟܒܐܼ ܗܕܐ ܗܼܝ.

ܫܢܬ ܬܡ̈ܢܡܐܐ ܘܬܠ̈ܬܝܢ ܘܫܒ̈ܥ܆ ܝܩܕܢܐ ܕܢܘܪܐ ܡܢ ܫܼܠܝܐ ܒܟܠܗܿ ܐܢܛܝܟܝܐ ܗܘܼܐ ܗܘܐ. ܕܣܘܓܗܿ ܕܡܕܝܢܬܐ ܡܢ ܫܠܝ ܝܿܩܕ ܗܘܐܼ. ܐܝܟ ܕܒܪܘܓܙܐ ܕܡܢ ܐܠܗܐ. ܟܕ ܡܿܩܕܡ ܪܡܿܙ ܗܘܐ ܥܠ ܗܦܘܟܝܐ ܘܐܒܕܢܐ ܕܠܚܝܡ ܗܘܐ ܥܠܝܗܿ. ܘܗܟܢܐ ܒܟܠܕܘܟ ܡܢ ܫܠܝ ܐܚܿܕܐ ܗܘܬ ܢܘܪܐ ܒܟܠܗܝܢ ܕܘܟܝ̈ܬܐ ܕܡܕܝܢܬܼܐܼ. ܥܕܡܐ ܠܝܪ̈ܚܐ ܫܬܐ. ܣܘܓܐܐ ܕܢܦܫ̈ܬܐ ܕܒܗܿ ܐܒܕܘ. ܥܡ ܫܪܝܟܐ ܕܒܢܝ̈ܢܝܗܿ. ܟܕ ܠܐ ܡܫܟܚܝܢ ܗܘܘ ܒܢܝ̈ܢܫܐ ܠܡܕܥ ܡܢ ܐܝܟܐ ܐܚܿܕܐ ܗܘܬ. ܟܕ ܡܢ ܡܕܝܪ̈ܐ ܓܝܪ ܥ̈ܠܝܐ ܕܠܥܠ܇ ܚܡ̈ܫܐ ܘܫ̈ܬܐ ܣܿܦܐ ܗܘܬ ܢܘܪܐܼ. ܘܡܚܿܒܠܐ ܗܟܢܐ ܠܟܠܗܘܢ ܒܢܝ̈ܢܫܐ ܕܒܚܕܪ̈ܝܗܿ.

Page 21

ܥܠ ܪܕܘܦܝܐ ܕܥܒܼܕ ܦܘܠܐ ܝܗܘܕܝܐ. ܥܠ ܟܠܗܝܢ ܥܕ̈ܬܐ ܘܕܝܪ̈ܬܐܿ. ܘܫܪܟܐ ܕܟܪ̈ܣܛܝܢܐ ܕܒܟܠܗܿ ܡܕܢܚܐܼ. ܘܥܡ ܗܠܢ ܬܘܒ ܐܦ ܥܘܡܪ̈ܐ ܕܢܟ̈ܦܐ ܕܝܪ̈ܝܐ ܪܘܪ̈ܒܐ ܘܙܥܘܪ̈ܐ ܕܒܟܠܗܘܢ ܐܬܪ̈ܘܬܐ ܕܐܢܛܝܟܝܐܿ. ܘܣܠܘܩܝܐ ܘܩܢܫܪܝܢ܇ ܘܚܠܒ ܘܐܦܡܝܐ ܘܡܒܘܓ܇ ܘܒܟܠܗܿ ܥܪܒܝܐ ܘܦܠܣܛܝܢܐܿ. ܘܒܡ̈ܕܝܢܬܐ ܟܠܗܝܢ ܕܬܝܡܢܐ ܘܕܓܪܒܝܐܿ. ܘܒܡܕܒܪܐ ܕܝܚ̈ܝܕܝܐ ܘܥܕܡܐ ܠܬܚܘܡܐ ܕܦܪ̈ܣܝܐ. ܘܫܪܝܟܐ ܬܘܒ ܕܡ̈ܕܝܢܬܐ ܘܐܬܪ̈ܘܬܐ ܕܒܟܠܗܿ ܡܕܢܚܐ. ܐܬܪܕܦܘ ܘܢܦܼܩܘ ܘܐܬܒܙܙ ܘܐܬܠܒܘ ܘܢܦܠܘ ܒܦܪ̈ܙܠܐܼ. ܟܕ ܡܬܚܒܫܢ ܗܘܘ ܒܒܝܬ ܐܣܝܪ̈ܐܿ. ܘܒܒܝܬ ܕܝ̈ܢܼܐ ܡ̈ܫܚܠܦܐ ܘܫ̈ܢܕܐ. ܘܐܦ ܣ̈ܓܝܐܐ ܕܠܐ ܪ̈ܚܼܡܝܢ܆ ܠܡܘܬܐ ܕܡܢ ܫ̈ܢܕܐ ܐܫܬܠܡܘ ܗܘܘ ܘܐܬܚܛܦ ܨܒ̈ܘܬܗܘܢ. ܘܥܠ ܫܪܝܟܐܼ. ܐܬܬܣܝܡ ܥܠܝܗܘܢ ܚܝ̈ܠܘܬܐ ܡ̈ܙܝܢܐ ܕܪ̈ܗܘܡܝܐ ܒܪ̈ܒܪܝܐ. ܘܟܘܪܐܦܝ̈ܣܩܦܐ ܘܦܪ̈ܗܕܘܛܐ ܘܫܪܟܐ ܪ̈ܕܘܦܐ ܕܪܕܦܝܢ ܗܘܘ ܠܗܘܢ ܒܟܠܕܘܟܼ. ܘܛܪܕܝܢ ܠܗܘܢ ܕܠܐ ܪ̈ܚܡܐ ܡܢ ܐܬܪܐ ܠܐܬܪܐ܇ ܟܕ ܐܦ ܒܡ̈ܚܘܬܐ ܬܘܒ ܕܚܘܛܪ̈ܐ ܘܕܣ̈ܝܦܐܿ ܒܪܒܪܐܝܬ ܘܥܒܪܝܪܐܝܬܿ. ܘܕܠܐ ܦܓܘܕܐ ܕܕܚܠܼܬ ܐܠܗܐ: ܐܝܟ ܕܥܡ ܚ̈ܢܦܐ ܕܒܙܒܢ ܙܒܢ ܡܬܚܫܚܫܝܢ ܗܘܘ ܥܡܗܘܢ ܕܠܐ ܪ̈ܚܡܐ. ܘܬܘܒ ܐܦ ܠܫܪܟܐ ܕܡ̈ܗܝܢܡܢܐ܇ ܕܡܩܒܠܝܢ ܗܘܘ ܠܗܘܢ ܠܪ̈ܕܝܦܐ ܘܫܒܩܝܢ ܗܘܘ ܠܗܘܢ ܕܢܥܼܠܘܢ ܠܩܘܪ̈ܝܗܘܢ ܐܘ ܠܒ̈ܬܝܗܘܢ܆ ܒܿܙܝܢ ܗܘܘ ܠܗܘܢ ܘܡܢܓܕܝܢ ܘܡܫܬܢܝܢ ܒܗܘܢ. ܟܕ ܡܟܝܠ ܚܕ ܟܝܡܘܢܐ ܥܙܝܙܐ ܕܪܕܘܦܝܐ

Page 22

ܩܫܝܐܿ. ܥܠ ܟܠܗܘܢ ܐܬܪ̈ܘܬܐ ܘܡ̈ܕܝܢܬܐ ܘܩܘܪ̈ܝܐ ܐܝܟ ܚܕܐ ܟܡܝܪܐܝܬ ܘܩܛܝܪܐܝܬ ܩܿܐܡ ܗܘܐ. ܘܚܕ ܚܘܛܐ ܕܒܝ̈ܫܬܐ ܥܠ ܟܠܗܝܢ ܥܕ̈ܬܐ ܘܕܝܪ̈ܬܐ ܘܡܕ̈ܝܢܬܐ ܘܩܘܪ̈ܝܐܼ ܘܐܦ ܥܕܡܐ ܠܡܕܒܪܐ ܕܝܚ̈ܝܕܝܐ ܥܡܪ̈ܝ ܚܘܪܒܐܿ. ܡܬܝܚ ܗܘܐ. ܘܚ̈ܛܘܦܝܐ ܕܢܟ̈ܣܐܿ ܝܥܢܐܝܬ ܘܒܪܒܪܐܝܬܼ. ܒܟܠ ܡܕܝܢܐ ܘܩܘܪ̈ܝܐܼ ܘܥ̈ܡܡܐ ܬܘܒ ܘܐܬܪ̈ܘܬܐܼ ܐܡܝܢ ܗܘܐ. ܠܘ ܒܠܚܘܕ ܥܠ ܥܕ̈ܝܝܐ ܘܕܝܪ̈ܝܐ ܘܕܝܪ̈ܝܬܐܼ. ܐܠܐ ܐܦ ܥܠ ܥ̈ܠܝܡܐ ܘܢ̈ܫܐ ܥܡ ܝ̈ܠܘܕܐ܇ ܘܟܠ ܡܘ̈ܫـ[ـܚܢ] ܡܬܪܕܦܝܢ ܗܘܘ ܘܡܬܛܪܕܝܢ ܘܡܬܙܚܝܢܿ. ܘܡܫܬܕܝܢ ܠܐܬܪ̈ܘܬܐ ܡܫ̈ܚܠܦܐ ܒܐܟܣܘܪ̈ܝܣ ܡܫ̈ܚܠܦܬܐ. ܘܟܠ ܫ̈ܢܕܝܢ ܘܟܠ ܒܝ̈ܫܢܼ ܡܣܝܒܪܝܢ ܗܘܘ. ܘܟܠ ܐܘ̈ܠܨܢܝܢ ܕܥܠ ܐ̈ܦܝ ܫܪܪܐ ܕܗܝܡܢܘܬܐ ܬܪܝܨܬܐ ܘܕܠܐ ܡܘܡܼ ܣܒܠܝܢ ܗܘܘ. ܗܠܝܢ ܕܟܕ ܒܙܥܘܪ̈ܝܬܐ ܢܬܟ̈ܬܒܢ܆ ܥܒܪ̈ܢ ܬܫ̈ܥܝܬܗܝܢ ܠܬܚܘܡܐ ܕܬܘܢܝܐܼ ܟܕ ܒܟ̈ܬܒܐ ܣ̈ܓܝܐܐ ܢܬܟ̈ܬܒܢ. ܘܠܝܬ ܐܢܫ ܕܡܨܐ ܕܢܣܝܟ ܐܢܝܢܼ ܡܛܠ ܕܥܒܪ̈ܢ ܐ̈ܢܝܢ ܠܬܘܢܝܐ. ܘܝܬܝܪܐܝܬ ܐܝܠܝܢ ܕܥܘܡܪ̈ܐ ܪܘܪ̈ܒܐ ܥܡ ܙܥܘܪ̈ܐ ܕܒܟܠܗܿ ܣܘܪܝܐܿ. ܕܕܝܪ̈ܬܐ ܕܓܒܪ̈ܬܐ [ܘܕܢܫ̈ܐ] ܡܥܪ̈ܒܝܐ ܘܡܕ̈ܢܚܝܐ ܣܒܠܘ ܘܣܝܒܪܘ ܒܙܒܢܗ ܕܦܘܠܐ ܝܗܘܕܝܐ. ܬܘܒ ܕܝܢ ܘܕܐܦܝܝܪܘܣܼ ܘܕܐܦܪܝܡ. ܟܕ ܒܐܡܝܢܘܬܐ ܟܠ ܪܕܘܦܝܐ ܘܟܠ ܐܘ̈ܠܨܢܝܢܼ ܘܟܠ ܫܢ̈ܕܝܢ ܡܣܿܝܒܪܝܢ ܗܘܘ ܘܣܒܠܝܢ. ܘܥܣܩܘܬܐ ܕܟܦܢܐ ܘܕܨܗܝܐ. ܘܕܥܪܝܐ ܘܕܥܪܛܠܝܘܬܐ. ܟܕ ܝܘܡܢܐ ܫܿܟܢܝܢ ܗܘܘ ܡܢܗܘܢ ܒܕܘܟܐܼ. ܘܠܡܚܪ ܡܬܛܪܕܝܢ ܗܘܘ ܡܢܗܿ. ܘܓܕܫܐ ܕܐܦ ܡܢ ܪܡܫܐܼ݂ ܟܕ ܐܦܠܐ ܐܝܟ ܥܒܪ̈ܝ

Page 23

ܐܘܪܚܐ ܡܫܬܘܝܢ ܗܘܘ ܘܡܫܬܒܩܝܢ ܠܡܒܬ. ܟܠܐ ܝܟܐ ܕܗܼܘ ܕܚܕ ܚܕ ܡܢ ܥܘܡܪ̈ܐ ܢܫܟܢ ܗܘܐ. ܐܝܟܢܐ ܕܡܟܝܠ ܒܕܒܪܐܼ݂ ܐܝܟ ܚܝ̈ܘܬܐ ܒܚܩ̈ܠܐ ܘܒܛܘܪ̈ܐ ܢܒܘܬܘܢ ܗܘܘ ܣܘܓܗܘܢ ܬܚܝܬ ܫܡܝܐ. ܘܐܝܬ ܐܡܬܝ ܕܐܦ ܒܝ̈ܘܡܬܐ ܩ̈ܫܝܐ ܕܣܬܘܐ. ܘܓܕܫܐ ܕܒܡܛܪ̈ܐ ܘܒܬܠܓܐ ܘܒܓܠܝܕܐܼ ܡܢ ܩܫܝܘܬܗ ܕܥܪܝܐ ܘܥܙܝܙܘܬܬܗ ܕܣܬܘܐ ܩܫܝܐܼ. ܘܒܪ̈ܘܚ ܟܕ ܕܒܝܩܝܢ ܠܚܕ̈ܕܐ܆ ܘܝܿܬܒܝܢ ܥ ܠܟܐ̈ܦܐܼ ܟܠܗ ܠܠܝܐ ܥܒܕܝܢ ܗܘܘܼ. ܟܕ ܠܝܬ ܗܘܐ ܬܚܘܬܝܗܘܢ ܡܕܡ. ܐܝܟܢܐ ܕܐܦܠܐ ܢܫܟܚ ܗܘܐ ܐܢܫ ܡܢܗܘܢ ܕܢܨܛܠܐ ܠܓܒܗ ܘܢܓܣ ܥܠ ܐܪܥܐ. ܘܓܕܫܐ ܕܐܦ ܗܟܢܐ ܥܕܟܝܠ ܡܬܪܕܦܝܢ ܗܘܘܼ ܘܡܬܛܪܕܝܢ ܡܢ ܥܘܡܪ̈ܝܗܘܢ. ܘܢܚܬܝܢ ܡܢ ܐܣ̈ܛܘܢܐ ܘܢܦܩܝܢ ܡܢ ܒܝܬ ܚ̈ܒܘܫܝܐ. ܘܐܦ ܡܬܓܪܪܝܢ ܡܢ ܩ̈ܘܡܐ. ܘܫܪܟܐ ܕܐܝܟ ܗܠܝܢ. ܙܒ̈ܢܝܢ ܣ̈ܓܝܐܢܼ ܠܥܘܡܪ̈ܐ ܣܓܝ̈ܐܐ ܓܕܫܬ. ܕܟܕ ܢܫܠܝܡܘܢ ܗܘܘ ܩܢܘܢܐ ܕܬܫܡܫܬܗܘܢܼ݂ ܘܢܬܒܘܢ ܗܘܘ ܒܥܕܢ ܪܡܫܐܼ. ܠܛܥܘܡܐ ܕܡܕܡ ܕܡܫܬܕܪ ܗܘܐ ܠܗܘܢ ܡܢܐܠܗܐܼ. ܡܢ ܫܠܝܐ ܡܛܝܢ ܗܘܘ ܠܗܘܢ ܪ̈ܕܘܦܐ. ܘܢܦܠܝܢ ܗܘܘ ܥܠܝܗܘܢ ܒܚܘܛܪ̈ܐܼ. ܟܕ ܣܝܡܝܢ ܦܬܘܪ̈ܝܗܘܢ ܘܢܣܝ̈ܟܢ ܠܓܝ̈ܗܘܢ. ܘܗܟܢܐ ܡܦܩܝܢ ܗܘܘ ܠܗܘܢܼ. ܘܝܿܬܒܝܢ ܗܘܘ ܗܢܼܘܢ ܥܠ ܦܬܘܪ̈ܐܼ. ܘܐܟܠܝܢ ܠܗ ܠܡܙܘܢܐ ܕܡܛܝܒ ܗܘܐ ܠܗܘܢ ܘܢܦܩܝܢ ܗܘܘ ܗܢܼܘܢ ܟܕ ܣܪܝܩܝܢ ܘܥܝܝܦܝܢܼ ܘܡܛܪ̈ܦܢ ܢܦܫ̈ܬܗܘܢ. ܟܕ ܐܢ̈ܫܐ ܣ̈ܒܐ ܘܣܓܝ̈ܦܐ ܘܣܒ̈ܬܐ ܥܬܝܩ̈ܬܐ ܝܘ̈ܡܬܐ ܒܗܘܢ ܣܓܝ̈ܐܐ ܫܟܝܚܝܢ ܗܘܘ. ܘܕܢܚܬܝܢ ܡܢ ܐܣ̈ܛܘܢܐܼ. ܐܦ ܕܢܦܩܝܢ ܡܢ ܒܝܬ ܚܒ̈ܘܫܝܐ ܠܙܒܢܐ ܣܓܝܐܐ. ܗܟܢܐ ܒܗܠܝܢ ܫ̈ܢܕܐ ܘܐܘ̈ܠܨܢܐ ܘܫܘ̈ܩܦܐ ܡܪ̈ܝܪܐܿ. ܟܠܗ ܬܓܡܐ ܕܕܝܪܝܘܬܐ ܕܓܒܪ̈ܐ ܥܡ ܕܢ̈ܫܐ ܝܬܝܪܐܝܬ ܣܒܿܠ ܗܘܐ ܘܡܣܝܒܪ: ܒܟܠܗܘܢ ܝܘ̈ܡܬܐ ܕܦܘܠܐ. ܘܕܫܪܟܐ

Page 24

ܕܐܬܪ̈ܘܬܐ ܕܒܬܪ ܒܬܪ܆ ܥܕܡܐ ܠܬܚܘܡܐ ܕܦܪ̈ܣܝܐ. ܟܕ ܡܟܝܠ ܚܕ ܚܦܐ ܕܪܕܘܦܝܐܼ ܥܠ ܟܠܗܘܢ ܬܓܡ̈ܐ ܐܝܠܝܢ ܕܠܐ ܐܬܪܡܝܘ ܠܫܘܬܦܘܬܐ ܟܠܩܝܕܘܢܝܬܐ ܢܪܗܼܛ ܗܘܐ. ܟܕ ܕܝܢ ܠܦܘܠܐ ܫܠܡܼܬ ܫܢܬܐ ܚܕܐ܇ ܟܕ ܚܼܙܐ ܡܿܠܟܐ ܕܡܢ ܥܠܬ ܛܪܢܘܬܗ ܥܠܡܐ ܣܕܩ ܠܗ ܡܢ ܥܕܬܐ܇ ܘܝܼܠܦ ܥܠ ܒܝ̈ܫܬܐ ܣ̈ܓܝܐܬܐ ܕܥܒܕܼ. ܐܦܩܗܼ ܘܕܪܝܗܝ ܡܢ ܥܕܬܐ. ܘܢܦܼܩ ܐܦ ܡܢ ܚܝ̈ܐ. ܘܐܙܠ ܕܢܥܒܼܕ ܚܘܫܒܢܐ ܕܗܠܝܢ܇ ܩܕܡ ܟܐܢܘܬܗ ܕܐܠܗܐ. ܘܢܩܒܠ ܦܘܪܥܢܐ ܕܥܡܠܗ. ܘܗܿܘ ܡܕܡ ܕܙܕܩ ܗܘܐ ܠܛܥܝܘܬܗ ܒܩܢܘܡܗ ܢܩܒܠܗܼ ܐܝܟ ܕܟܬܝܒ.

ܫܪܒܐ ܕܥܠ ܦܘܠܐ ܕܐܘܪܗܝܼ ܘܥܠ ܒܝ̈ܫܬܐ ܕܐܣܬܥܼܪ ܡܛܠ ܡܦܩܬܗ. ܟܕ ܗܟܝܠ ܬܢܢܐ ܥܒܝܛܐ ܕܠܘܚܝܐ ܘܪܕܘܦܝܐ܇ ܒܟܠܗܘܢ ܐܬܪ̈ܘܬܐ ܕܡܕܢܚܐ ܝܬܝܪܐܝܬ ܥܛܿܪ ܗܘܐ܇ ܘܡܢܼܥ ܐܦ ܥܕܡܐ ܠܐܘܪܗܝ ܡܕܝܢܬܐ. ܟܕ ܦܘܠܐ ܐܝܬܘܗܝ ܗܘܐ ܐܦܝܣܩܘܦܐ ܒܗܼܿ. ܗܢܐ ܕܣܝܒܪ ܗܘܐ ܕܠܐ ܚܠܝܡܐ ܗܘܬ ܗܝܡܢܘܬܗ. ܐܠܐܼ ܒܟܘܪܗܢܐ ܒܝܫܐ ܕܬܪ̈ܬܝܢ ܟܝ̈ܢܝܢ ܐܚܝܕ ܗܘܐܼ. ܟܕ ܠܐ ܡܚܘܐ ܗܘܐ ܙܐܦܐ ܕܬܪܥܝܬܗ. ܟܕ ܙܐܿܥ ܗܘܐ ܡܢ ܛܢܢܗܘܢ ܚܪܝܦܐ ܕܐܘܪ̈ܗܝܐ. ܟܕ ܓܝܪ ܗܢܐ ܚܕܐ ܙܒܢ ܘܬܪ̈ܬܝܢ ܘܬܠ̈ܬ ܐܬܩܪܝ ܘܠܐ ܐܙܠܼ. ܗܝܕܝܢ ܐܙܠ ܒܬܪܗ ܐܢܫ ܕܫܡܗ ܦܛܪܝܩ ܥܡ ܚܝܠܐ ܣܓܝܐܐ ܕܪ̈ܗܘܡܝܐ. ܗܢܐ ܕܟܕ ܥܼܠ ܠܐܘܪܗܝ ܘܒܥܼܐ ܕܢܠܒܟܝܘܗܝ ܠܦܘܠܐܼ. ܥܪܩܼ ܘܢܚܬ ܠܘܘܙܢܐ ܕܡܥܡܘܕܝܬܐ܇ ܐܝܟ ܕܢܚܙܐ ܕܗܐ ܠܡ ܠܐ ܒܥܿܐ ܗܘܐ ܕܢܐܙܠ. ܒܢ̈ܝ ܡܝܕܢܬܐ ܝܕܢܼ ܘܕܝܪܝܘܬܐ ܟܠܗܿ ܕܚܕܪ̈ܝ ܡܝܕܢܬܐ ܟܕ ܫܓܝܪܝܢ ܒܛܢܢܐ ܚܪܝܦܐ ܕܚܠܦ ܫܪܪܐܼ ܐܬܟܢܫܘ ܘܛܥܢܘ ܟ̈ܐܦܐܼ ܘܪܗܛܘ ܠܦܠܛܢ܇ ܟܪ ܕܫܼܪܐ ܗܼܘ ܦܛܪܝܩ. ܘܪܓܡܝܢ ܗܘܼܘ ܠܗܼ

Page 25

ܘܠܟܠܗܘܢ ܕܥܡܗ. ܐܝܟܢ ܕܢܛܪܕܘܢܝܗܝ ܡܢ ܡܕܝܢܬܐ. ܘܠܐ ܢܫܟܚ ܠܡܕܒܪܗ ܠܦܘܠܐ. ܗܢܐ ܕܟܕ ܚܼܙܐ ܥܡܐ ܪܒܐ ܕܐܬܟܢܫ ܥܠܘܗܝ. ܘܪܓܘܡܝܐ ܬܩܝܦܐ ܡܢ ܟܠ ܓܒ̈ܝܢ܆ ܦܩܼܕ ܚܪܒܐ ܥܠܝܗܘܢ. ܘܗܟܢܐ ܢܦܼܩ ܚܝܠܐ ܕܓܘ̈ܬܝܐ ܒܩܫ̈ܬܬܐ ܘܒܓܪ̈ܐܼ. ܘܣܓܝ̈ܐܐ ܒܠܥܼܘ ܘܡܝܬ. ܘܥܪܩܘ ܡܢ ܩܕܡܝܗܘܢ. ܘܫܪܝܢ ܚܪܒܝܢ ܒܗܘܢ ܒܣ̈ܝܦܐ. ܘܝܬܝܪܐܝܬ ܠܐܣܟܡܐ ܕܕܝܪ̈ܝܐ. ܘܠܟܠ ܕܐܫܟܚܘ ܩܛܠܘ ܒܣܝܦܐܼ. ܘܡܝܬܘ ܣܓܝ̈ܐܐ ܒܚܪܒܐܼ. ܟܠ ܕܠܐ ܐܫܟܚ ܕܢܥܪܘܩ ܘܢܬܦܠܛ ܐܘ ܢܬܛܫܐ ܒܕܘܟ. ܘܗܠܝܢ ܕܛܫܘ ܐܬܦܠܛܘ ܡܢ ܚܪܒܐ. ܘܗܘܼܐ ܐܒܠܐ ܪܒܐ ܘܬܒܪܐ ܒܟܠܗܿ ܥܕܬܐ. ܘܗܟܢܐ ܫܩܠܘܗܝ ܠܦܘܠܐ ܘܢܦܩܘ. ܘܟܕ ܐܬܚܙܝ ܗܼܘ ܦܘܠܐ: ܠܦܘܠܐ ܝܗܘܕܝܐ ܕܐܢܛܝܟܝܐܼ. ܐܣܬܒܪܬ ܠܣܓܝ̈ܐܐܼ. ܕܐܝܟ ܡܿܢ ܕܒܪ ܬܪܥܝܬܗ ܗܘܐ ܘܟܣܝܐܝܬ ܫܿܠܡ ܠܗ: ܘܡܛܠ ܕܗܼܝ ܗܕܐ ܡܢ ܐܘܪ̈ܗܝܐ ܬܬܟܣܐ܇ ܕܠܐ ܢܣܠܘܢܝܗܝ ܠܦܘܠܐܼ ܘܠܐ ܢܬܩܒܠ ܦܪܢܣܘܗܝ ܐܘܢܡܐܝܬ ܐܣܘܥܪܢܐ. ܘܗܟܢܐ ܐܫܬܪܝ ܦܘܠܐ ܘܗܦܼܟ ܠܡܕܝܢܬܗܼ. ܦܝܣܝܢ ܐܝܟ ܗܿܘ ܕܠܐ ܫܼܠܡ ܠܗ. ܘܢܦܼܩܘ ܐܘܪ̈ܗܝ ܠܩܘܒܠܗ ܘܩܒܠܗܝܼ ܐܘܪ̈ܬܕܟܣܐ. ܘܐܝܟ ܗܿܘ ܠܡ ܕܗܐ ܐܩܪܒ ܘܙܟܼܐ. ܘܟܕ ܗܘܼܐ ܩܠܝܠ ܙܒܢܐ ܡܝܬ ܐܦܝܣܩܦܐ ܕܚܪܢܼ ܘܒܥܐ ܕܢܥܒܕ ܗܼܘ ܦܘܠܐ ܬܡܢ܆ ܠܐܢܫ ܩܫܝܫܐ ܕܥܕܬܐ ܕܐܘܪܗܝ ܕܫܡܗ ܐܣܩܠܝܦ. ܗܢܐ ܕܐܚܐ ܐܝܬ ܗܘܐ ܠܗ ܒܡܕܝܢܬ ܡܠܟܘܬܐܼ. ܕܥܒܝܕ ܗܘܐ ܗܘܦܟܪܐ ܕܦܪܘܛܪܝܐ. ܘܟܕ ܐܬܟܠܗ ܕܓܠܼ ܒܗܼ ܘܥܒܼܕ ܐܚܪܢܐ ܚܠܦܘܗܝ. ܘܒܚܪܬܐ ܣܠܼܩ ܐܣܩܠܝܦ ܠܘܬ ܐܚܘܗܝ܆ ܘܐܡܼܪ ܠܗ ܥܠ ܦܘܠܐܿ. ܐܝܟ ܗܿܘ ܕܠܐ ܠܡ ܡܩܿܒܠ ܠܣܘܢܗܕܘܣ ܕܟܠܩܕܘܢܐ. ܘܟܕ ܗܕܐ ܠܡܠܟܐ ܐܬܝܕܥܬܼ. ܫܠܼܚ ܠܦܪܙܡܢ ܕܐܝܬܘܗܝ ܗܘܐ

Page 26

ܐܣܛܪܛܠܛܣܼ. ܕܢܦܼܩ ܠܦܘܠܐ ܡܢ ܐܘܪܗܝ. ܘܗܟܢܐ ܢܦܼܩ ܘܗܘܼܐ ܐܣܩܠܝܦ ܒܕܘܟܬܗ܀ ܦܘܠܐ ܕܝܢ ܗܝܘܕܝܐ ܒܬܪ ܫܢܬܐ ܚܕܐ ܡܝܬ܀ ܘܗܼܘܐ ܐܘܦܪܘܣ ܒܕܘܟܬܗ. ܗܢܐ ܕܗܼܘ ܥܒܼܕܗ ܠܐܣܩܠܝܦ ܒܐܘܪܗܝ. ܟܕ ܚܦܛܗ ܥܠ ܪܕܘܦܝܐ ܘܒܙܬܐ܇ ܗܕܐ ܕܒܥܦ̈ܐ ܣ̈ܓܝܐܐ ܥܠ ܐܝܠܝܢ ܕܐܬܦܼܩܕ ܠܗ ܥܒܼܕ ܘܫܡܠܝܿ. ܒܟܠܗ ܙܒܢܐ ܕܐܦܝܣܩܦܘܬܗ܀ ܩܕܡ ܗܠܝܢ ܕܝܢ ܡܢ ܩܕܡ ܡܦܩܬܗ ܕܦܘܠܐܼ. ܫܕܪ ܗܘܐ ܘܩܼܪܐ ܠܛܒܘܢܐ ܡܪܝ ܝܥܩܘܒ ܐܦܝܣܩܦܐ ܘܡܠܦܢܐ ܕܒܛܢܢ ܕܣܪܘܓܼ. ܐܝܟ ܕܢܥܘܠ ܗܘܐ ܠܘܬܗ. ܗܼܘ ܕܝܢ ܡܫܬܐܠ ܗܘܼܐ ܕܢܥܘܠܼ. ܐܝܟ ܡܿܢ ܕܚܿܙܐ ܗܘܐ ܕܠܐ ܚܠܝܡ ܒܗܝܡܢܘܬܗ. ܟܕ ܗܼܘ ܦܘܠܐ ܐܠܿܨ ܗܘܐ ܠܗ ܠܛܒܘܢܐ ܕܢܥܘܠ ܗܘܐ܇ ܥܼܠ ܫܼܕܐ ܢܦܫܗ ܩܕܡ ܡܕܒܚܐܼ. ܘܨܠܝ ܒܚܫܐ ܘܕܡ̈ܥܐ ܣ̈ܓܝܐܬܐܼ ܟܕ ܐܡܿܪ܇ ܡܪܝܐ ܐܠܗܐ ܗܿܘ ܝܿܕܥ ܕܒܠܒ̈ܘܬܐ ܕܟܠܼ. ܘܒܿܚܪ ܟܘ̈ܠܝܬܐ ܘܠܒܐ܇ ܐܢ ܝܿܕܥܬ ܕܐܝܬ ܙܐܦܐ ܕܬܪ̈ܝܢ ܟܝ̈ܢܝܢ ܒܠܒܗ ܕܦܘܠܐܼ. ܠܐ ܬܬܠ ܠܝ ܐܚܙܐ ܐܦ̈ܘܗܝ. ܘܟܕ ܣܓܝܐܝܬ ܐܠܿܨ ܗܘܐ ܠܗ ܕܢܥܘܠ. ܢܦܼܩ ܡܢ ܒܕܝܢܬܐ ܒܛܢܢ. ܘܐܙܠ ܥܕܡܐ ܠܕܝܪܐ ܚܕܐ ܕܡܬܩܪܝܐ ܕܦܪ̈ܣܝܐ. ܕܐܝܬܝܗܿ ܥܠ ܫܬܐ ܡ̈ܝܠܝܢ ܡܢ ܐܘܪܗܝ. ܘܥܼܠ ܘܒܬ ܒܕܝܪܐ ܗܿܝ. ܘܐܬܓܠܝ ܠܗ ܒܠܠܝܐ ܥܠ ܡܦܩܢܗ܇ ܘܐܬܦܩܕ ܠܗܼ ܕܢܗܦܘܟ ܠܡܕܝܢܬܗ. ܘܗܟܢܐ ܩܡ ܒܠܠܝܐ܇ ܘܣܪܗܒ ܠܐܝܠܝܢ ܕܥܡܗܼ ܕܒܥܓܠ ܢܚܼܿܙܩܘܢ ܒܥܝܪܐ ܘܗܦܟܘܢ ܠܡܕܝܢܬܐ. ܟܕ ܐܡܿܪ܆ ܕܒܬܪ ܬܪ̈ܝܢ ܝܘ̈ܡܝܢ ܢܿܦܩ ܐܢܐ ܡܢ ܥܠܡܐ. ܘܟܕ ܬܡܼܗܘ ܗܘܘ ܟܠܗܘܢ ܕܥܡܗ ܘܐܬܕܡܪܘ. ܗܦܼܟ ܘܡܢܥ ܠܡܕܝܢܬܗ. ܘܦܩܼܕ ܥܠ ܥܕܬܗ܆ ܘܥܠ ܟܠܗܿ ܡܠܦܢܘܬܗ. ܘܒܬܪ ܬܪ̈ܝܢ ܝܘ̈ܡܝܢ ܢܦܼܩ ܡܢ ܥܠܡܐ. ܘܐܬܝܕܥ ܚܝܠܐ ܕܨܠܘܬܗ ܕܩܕܝܫܐ ܗܼܢܐܼ. ܥܡ ܟܠܗ ܝܘܠܦܢܗܼ ܒܟܠܗܿ ܥܕܬܐ ܕܐܠܗܐܼ. ܘܒܟܠܗܿ ܣܘܪܝܐ. ܟܕ ܟܠܢܫ ܬܗܿܪ

Page 27

ܗܘܐ ܘܡܘܕܐ ܠܐܠܗܐ.. ܟܕ ܕܝܢ ܝܠܼܦ ܦܘܠܐ ܥܠ ܗܠܝܢ ܥܒܕ ܥܠ ܕܘܟܬܗ ܠܐܢܫ ܕܫܡܗ ܗܘܐ ܡܘܫܐ.

ܥܠ ܪܕܘܦܝܗ ܕܥܘܡܪܐ ܪܒܐ ܕܡ̈ܕܢܚܝܐ ܕܐܘܪܗܝܼ ܥܡ ܫܪܝܟܐ ܕܟܠܗܘܢ ܥܘܡܪ̈ܐ ܕܒܟܠܗܿ ܡܕܢܚܐ ܘܡܥܪܒܐ. ܥܘܡܪܐ ܗܟܝܠ ܗܢܐ ܪܒܐ ܐܦ ܡܫܡܗܐ ܕܡ̈ܕܢܚܝܐ ܕܐܘܗܪܝܼ. ܟܕ ܡܢ ܝܘ̈ܡܬܗ ܕܦܘܠܐ: ܟܕ ܚܙܘܘܗܝ ܕܟܪܝܗ ܒܫܪܪܗܼ. ܣܼܕܩܘ ܗܘܘ ܘܦܼܪܫܘ ܡܢܗܼ. ܘܦܣܩܘ ܥܝܕܐ ܗܿ، ܕܐܝܬ ܗܘܐ ܠܗܘܢ ܕܢܣܼܒܘܢ ܩܘܪܒܢܐ ܡܢ ܥܕܬܐ ܕܐܘܪܗܝ. ܘܗܟܢ ܦܣܩܘ ܘܩܿܪܒܘܢ ܒܕܝܪܗܘܢܼ. ܘܠܐ ܡܟܝܠ ܫܩܠܝܢ ܗܘܘ ܩܘܪܒܢܐ ܡܢ ܥܕܬܐ. ܗܕܐ ܕܐܦ ܫܪܟܐ ܕܐܘܪ̈ܗܝܐ ܘܐܡ̈ܕܝܐ ܥܒܼܕܘ. ܘܬܒܥܘ ܠܟܠܢܫ܆ ܡܢ ܪܒܐ ܘܥܕܡܐ ܠܙܥܘܪܐܼ. ܕܢܚܪܡ ܘܢܟܬܘܒ ܒܟܪܬ ܐܝܕ̈ܘܗܝ ܠܣܘܢܗܕܘܣ ܕܟܠܩܕܘܢܐܼ ܘܠܛܘܡܣܗ ܕܠܐܘܢ. ܘܠܟܠ ܕܐܡܿܪ ܐܘ ܡܘܕܐ ܬܪ̈ܝܢ ܟܝ̈ܢܝܢ ܒܡܫܝܚܐ ܡܢ ܒܬܪ ܚܕܝܘܬܐ.. ܘܗܟܢܐ ܟܬܒܘ ܘܬܚܡܘ ܟܠܗܘܢܼ. ܐܝܟܢܐܕܐܦ ܥܠ ܬܪ̈ܥܐ ܕܟܠܗܘܢ ܥܘܡܪ̈ܐ ܡܢ ܠܒܪܼ ܗܢܼܝܢ ܟܕ ܗܢܼܝܢ ܢܬܟܬܒܢ. ܘܗܼܝ ܗܕܐܼ ܟܠܗܘܢ ܥܼܘܡܪ̈ܐ ܕܒܟܠܗܿ ܣܘܪܝܐ ܣܥܼܘ: ܕܝܪ̈ܝܐ ܕܝܢ [ܕܕܝܪܐ] ܕܡ̈ܕܢܚܝܐܼ. ܡܬܛܪܕܝܢ ܗܘܘ ܒܙܒܢܐ ܩܫܝܐ ܡܢ ܦܪܙܡܢ ܐܣܛܪܛܠܛܣ ܒܝܨܝܦܘܬܗ ܕܪܫܝܥܐ ܐܣܩܠܝܦ. ܘܬܒܿܥܝܢ ܗܘܘ ܠܗܘܢܼ ܘܐܠܨܝܢ ܕܢܦܼܩܘܢ. ܗܢܼܘܢ ܕܝܢ ܐܡܪܝܢ ܗܘ،ܼ. ܕܐܝܟܢܐ ܬܒܿܥܝܢ ܐܢܬܘܢ ܠܢ ܒܣܬܘܐ ܗܢܐ ܩܫܝܐܼ ܠܡܦܩ. ܗܕܐ ܕܒܪ̈ܒܪܝܐ ܕܠܐ ܪ̈ܚܡܼܐܼ ܠܐ ܥܒܿܕܝܢ ܗܘܘ. ܟܕ ܐܝܬ ܒܢ ܐܢ̈ܫܐ ܣܒ̈ܐܼ ܘܟܪ̈ܝܗܐ

Page 28

ܣ̈ܓܝܐܐ ܕܪܡܝܢ ܒܥܪ̈ܣܬܐ݂ܿ ܘܠܐ ܡܨܝܢ ܡܪܡܝܢ ܦܪܣܬܐ ܥܠ ܐܪܥܐ. ܗܝܕܝܢ ܦܩܼܕ ܦܪܙܡ ܠܐܣܩܠܝܦܼ. ܕܢܬܠ ܠܗܘܢ ܒܥܝܪܐ ܘܓܡ̈ܠܐ ܠܫܩܘܠܬܗܘܢ. ܘܗܟܢܐ ܫܩܠܘ ܘܢܦܩܘ ܬܪ̈ܝܢ ܝܘ̈ܡܝܢ ܩܕܡ ܒܝܬ ܝܠܕܐܼ. ܟܕ ܛܥܼܝܢܝܢ ܠܟܪ̈ܝܗܐܼ ܘܠܐܢ̈ܫܐ ܣܒ̈ܐ ܒܥܪ̈ܣܬܐ. ܐܝܟܢܐ ܕܟܕ ܟܠܗܿ ܡܕܝܢܬܐ ܝܠܦܼܬ ܥܠ ܡܦܩܬܗܘܢܼ. ܪܗܛܘ ܡܢ ܣܟܗܿ ܓܒܪ̈ܐ ܥܡ ܢ̈ܫܐܿ. ܣܒ̈ܐ ܘܛܠܝ̈ܐܿ. ܥܠܝ̈ܡܐ ܥܡ ܝܠܘ̈ܕܐ܇ ܕܢܚܙܘܢ ܐܢܘܢ ܘܢܬܒܪܟܘܢ ܡܢܗܘܢ. ܘܟܕ ܚܙܼܘ ܐܢܘܢ ܕܡܙܕܥܦܝܢ ܘܡܬܛܪܕܝܢ ܘܢܦܩܝܢ܆ ܐܝܠܠܘܼ ܘܐܝܡܘ ܩܠܗܘܢ ܒܒܟܬܐ ܡܪܝܪܬܐ. ܘܝܬܝܪܐܝܬ ܟܕ ܚܿܙܝܢ ܗܘܘ ܠܐܢ̈ܫܐ ܣܒ̈ܐ ܘܟܪ̈ܝܗܐܿ. ܕܡܬܛܥܢܝܢ ܗܘܘ ܒܥܪ̈ܣܬܐ. ܘܡܝܠܠܝܢ ܘܘ ܒܩܠܐ ܪܡܐܼ ܟܕ ܡܒܟܝܢ ܘܐܡܿܪܝܢ܆ ܕܘܿܝ ܠܢ. ܕܒܘ̈ܡܬܢ ܐܒܕܐ ܟܪܣܛܝܢܘܬܐ. ܘܿܝ ܠܢܼ ܡܢܐ ܓܼܕܫ ܒܝ̈ܘܡܬܢ. ܘܿܝ ܠܢܼ ܡܢܐ ܚܿܙܝܢܢ ܒܥ̈ܝܢܝܢܿ. ܕܗܘܐ ܒܕܪܝܢ ܕܝܠܢ ܐܒܕܢܐ ܕܗܝܡܢܘܬܐ ܕܟܪ̈ܛܣܝܢܐ. ܡܟܝܠܼ ܠܡܢܐ ܢܙܠܝܢ ܠܢ ܒܚܝ̈ܐܿ. ܒܬܪ ܗܕܐ ܚܙܬܐ ܒܝܫܬܐ ܕܚܢܦܘܬܐܿ ܕܐܒܕܢܐ ܕܗܝܡܢܘܬܐܿ ܘܪܕܘܦܝܐ ܬܘܒ ܘܥܪܘܩܝܐ ܕܥܒܼܕ̈ܘܗܝ ܕܐܠܗ. ܘܗܟܢܐ ܪܗܛܝܢ ܗܘܘ ܓܒܪ̈ܐ ܘܢ̈ܫܐ ܟܕ ܒܟܿܝܢ ܘܐܿܠܝܢ܆ ܘܠܿܒܟܝܢ ܗܘܘ ܪ̈ܓܠܝܗܢ ܕܛܘ̈ܒܢܐܼ. ܘܡܛܦܝܢ ܠܗܝܢ ܥܠ ܥܝ̈ܢܝܗܘܢ. ܘܡܝܠܠܝܢ ܘܡܬܡܪܡܪܝܢ ܒܒܟܬܐܼ. ܘܝܿܗܒܝܢ ܘܿܝܐ ܠܢܦܫܗܘܢ. ܘܗܟܢ ܢܦܩܘ ܟܠܗܘܢܼ ܟܕ ܛܥܝܢܝܢ ܨ̈ܠܝܒܝܗܘܢ. ܘܕܒܼܩ ܐܢܿܘܢ ܥܡܐ ܓܣܝܐܐ ܥܕܡܐ ܠܬܪ̈ܝܢ ܘܠܬ̈ܠܬܐ ܝܘ̈ܡܝܢ. ܟܕ ܢܦ̈ܩܝܢ ܕܝܪ̈ܬܐ ܐܚܪ̈ܢܝܬܐ ܘܐܬܬܘܣܦ ܥܠܝܗܝܢ. ܕܐܝܬܝܗܝܢ ܗܠܝܢ. ܕܝܪ̈ܝܐ ܕܒܝܬ ܡܪܝ ܙܟܝ. ܘܕܝܪ̈ܝܐ ܕܒܝܬ ܡܪܝ ܩܢܘܢ. ܘܕܝܪ̈ܝܐ ܕܐܟܣܕܪ̈ܐ. ܘܕܝܪ̈ܝܐ

Page 29

ܕܢ̈ܦܫܬܐ. ܘܕܝܪ̈ܝܐ ܕܒܝܬ ܡܪܝ ܫܡܘܐܝܠ. ܘܕܝܪ̈ܐ ܕܗܢܕܝܒܢܐ. ܘܕܝܪܐ ܕܐܘܣܒ ܕܐܒܢܐ. ܕܝܪܐ ܕܡܪܝ ܝܘܠܝܢܐ ܣܒܐܼ ܕܢܗܪܐ ܡܕ̈ܝܐ. ܥܡ ܫܪܟܐ ܕܕܝܪ̈ܬܐ ܐܚܪ̈ܢܝܬܐ. ܘܗܢܐ ܟܠܗ ܟܢܫܐ ܚܒܝܒܐ ܘܪܒܐܼ. ܡܢܥܘܢ ܠܕܝܪܐ ܕܡܪܝ ܫܠܝܡܘܢ ܕܡ̈ܩܠܝܬܐܼ. ܒܥܐܕܐ ܕܒܝܬ ܝܠܕܐ. ܗܝܕܝܢ ܬܪܚܘ ܗܘܘ ܛܘ̈ܒܢܐ ܒܛܢܢܐ ܚܝܪܦܐܼ ܐܡܪܘ ܠܟܠܗ ܥܡܐ ܕܕܝܪ̈ܝܐ ܘܥ̈ܠܝܡܐ܇ ܕܡܛܠ ܕܠܢ ܟܠܢܫ ܒܫܡܗ ܟܬܒܐ ܥܒܝܕ ܠܗ܇ ܘܡܚܪܡ ܠܢ ܠܣܘܢܗܕܣ ܕܟܠܩܕܘܢܐ ܘܠܛܘܡܣܗ ܪܫܝܥܐ ܕܠܐܘܢܼ. ܘܡܛܝܒܝܢܢ ܕܢܥܼܒܕ ܩܘܪܒܢܐܼ ܘܢܩܿܪܒ ܒܥܐܕܐ ܗܢܐܼ. ܗܘܼܘ ܝܿܕܥܝܢ ܕܟܠ ܕܠܐ ܥܿܒܕ ܐܝܟ ܕܥܒܝܕ ܠܢ܆ ܘܡܚܿܪܡ ܐܝܟ ܕܡܚܪܡ ܠܢ܆ ܠܐ ܝܗܿܒܝܢ ܠܗ ܩܘܪܒܢܐ. ܘܗܟܢܐ ܩܿܒܠ ܟܠܗ ܥܡܐ ܘܡܛܝܒܐܝܬ ܐܚܪܡܘ. ܘܗܟܢܐ ܐܬܩܪܒܘ ܟܕ ܡܘܕܝܢ ܠܡܪܢ. ܘܒܬܪܟܝܢ ܫܪܘ ܠܥܠܡ̈ܝܐ ܘܠܥܡܐ ܟܠܗ. ܘܟܢܫܐ ܒܠܚܘܕ ܕܕܝܪ̈ܝܐ ܢܦܩܘܢܼ ܘܡܢܥܘܢ ܠܬܠܐ ܕܡܘܙܠܬ. ܘܟܕ ܟܠܗܿ ܡܕܝܢܬܐ ܢܦܩܼܬ ܗܘܐ ܠܐܘܪܥܗܘܢܼ. ܩܒܼܠܬ ܐܢܘܢ ܒܒ̈ܣܡܐ ܗܝܪ̈ܐ. ܘܒܚܫܐ ܘܒܒܟܬܐ ܪܒܬܐ. ܘܗܘܼܘ ܬܡܢ ܚܕ ܝܘܡܐܼ ܒܕܝܪܐ ܕܡܬܩܪܝܐ ܕܒܝܬ ܥܪ̈ܒܝܐ. ܘܡܢ ܬܡܢ ܬܪܨܘܢ ܠܬܠـ[ـܒـ]ـܫܡܝ. ܘܫܪܘ ܒܝܬ ܣܗ̈ܕܐ ܕܬܡܩܪܐ ܡܪܝ ܨܪܝ. ܘܟܕ ܩܠܝܠ ܝܘ̈ܡܬܐ ܗܘܼܘ ܬܡܢ܆ ܫܕܪ ܗܘܐ ܒܪ ܟܝܠܝܼ ܗܿܘ ܕܒܝܫ ܕܘܟܪܢܗ ܕܗܘܼܐ ܒܐܡܕܼ ܘܛܪܩ ܐܢܘܢ ܡܢ ܬܡܢ. ܢܚܬܘܢ ܕܝܢ ܠܐܬܪܐ ܕܬܝܡܢܐ ܠܡܪܕܐ. ܘܗܘܼܘ ܒܕܝܪܐ ܕܡܬܩܝܪܐܼ ܥܝܢ ܚܝܠܦ. ܘܟܕ ܡܠܝܘ ܐܝܟ ܫ̈ܬ ܫ̈ܢܝܢ ܘܦܠܓܗܼܿ. ܒܚܦܝܛܘܬܐ ܕܬܐܕܪܐ ܡܠܟܬܐܼ ܗܘܼܐ ܦܘܩܕܢܐ ܠܘܬ ܒܝܠܝܣܝܪܣܼ. ܘܐܥܠ ܐܢܘܢ ܠܕܝܪܗܘܢ. ܘܟܕ ܩܠܝܠ ܙܒܢܐܼ ܐܝܟ ܬܡ̈ܢܐ

Page 30

ܫܢ̈ܝܢ ܗܘܘ ܒܗܿ܆ ܡܢ ܡܥܒܕܢܘܬܐ ܕܣܛܢܐ ܗܘܼܐ ܚܪܝܢܐ ܒܝܢܬܗܘܢ. ܘܦܣܩܘ ܘܢܦܩܘ ܡܢܗܘܢ ܐܝܟ ܫܒ̈ܥܝܢ ܓܒܪ̈ܝܢ. ܘܟܕ ܣܓܝ̈ܐܬܐ ܒܡܨܥܬܐ ܐܫܬܡܫ̈ܝ ܗܘ̈ܝ܇ ܘܡܦܝܣܝܢ ܗܘܘ ܠܗܘܢ ܣ̈ܓܝܐܐ ܕܢܩܒܠܘܢ ܐܢܘܢ ܘܢܫܬܝܢܘܢ ܥܡܗܘܢ ܘܠܐ ܐܬܦܝܣܘܢ܆ ܘܟܕ ܗܠܝܢ ܐܬܥܪܡ ܡܢ ܣܛܝܢܐ. ܘܢܦܼܩ ܚܕ ܡܢܗܘܢ ܒܡܿܢܝܐ ܕܝܠܗ. ܕܫܡܗ ܗܘܼܐ ܐܠܝܫܥܼ ܥܡ ܐܚܪ̈ܢܐ ܥܡܗܘܢ. ܘܣܠܩ ܠܘܬ ܦܛܪܝܪܟܐ ܕܐܢܟܝܟܝܐ ܐܦܪܝܡ܇ ܡܢ ܠܘܩܒܠ ܟܠܗ ܥܘܡܪܐܼ ܘܫܠܼܡܘܢ ܠܗ. ܘܥܒܼܕ ܠܗܘܢ ܐܝܓܪ̈ܬܐܼ ܘܫܕܪ ܐܢܘܢ ܠܘܬ ܡܿܠܟܐ. ܘܟܕ ܫܚܠܦ ܐܣܝܡܗܘܢ ܘܐܠܒܫ ܐܢܘܢ ܠܒܘ̈ܫܐ ܕܡܓܝܣܛܪ̈ܝܢܐ܇ ܡܛܐ ܕܚܠܬܐ ܕܡܠܟܬܐ܇ ܘܫܕܪ ܐܢܘܢ ܠܘܬ ܡܿܠܟܐ. ܗܠܝܢ ܟܕ ܣܠܼܩܘܢ ܘܐܠܦܘܢ ܠܡܠܟܐ܇ ܘܝܗܼܒܘ ܐܝܓܪ̈ܬܐܼ ܘܫܩܠܘܢ ܦܘܩܕ̈ܢܐ ܚܪ̈ܝܦܐ. ܘܢܚܬܘ ܘܛܪܕܘ ܐܢܘܢ ܬܘܒ ܙܒܢܬܐ ܕܬܪ̈ܬܝܢ. ܗܼܘ ܐܠܝܫܥ ܥܡ ܟܠܗܿ ܣܝܥܬܗ. ܘܥܠܘܢ ܘܠܒܟܘܢ ܕܝܪܐ: ܘܒܥܪܘܢ ܥܠ ܨܒ̈ܘܬܗܿ܆ ܘܫܩܠܘܢ ܟܠܡܕܡ ܕܝܠܗܿ. ܘܥܛܦܘܢ ܘܫܠܼܚܘܢ ܐܢܘܢ ܠܛܘ̈ܒܢܐ. ܘܐܫܬܢܕܘ ܒܗܘܢ. ܘܡܢ ܥܠܬܐ ܗܕܐ ܬܘܒ ܐܬܬܥܝܪ ܪܕܘܦܝܐ ܒܟܠܗܿ ܡܕܢܚܐ.

ܫܪܒܐ ܥܠ ܡܪܝܐ ܐܦܝܣܩܘܦܐ ܕܐܡܕܼ. ܥܠ ܗܘܿܝܗ ܕܪܕܘܦܝܗܿ ܘܥܠ ܫܪܟܐ ܕܥܘܡܪ̈ܐ ܐܡܕ̈ܝܐ. ܟܕ ܗܟܝܠ ܛܒܘܢܐ ܐܦܝܣܩܦܐ ܕܣܠܘܩܝܐ ܕܣܘܪܝܐ܇ ܐܬܪܕܦ ܗܘܐ ܡܢ ܦܘܠܐ ܝܗܘܕܝܐ܇ ܘܢܦܼܩ ܡܢ ܟܘܪܣܝܗ ܡܢܗܿ ܕܣܠܘܩܝܐ܇ ܒܬܪ ܡܦܩܬܗ ܕܛܘܒܢܐ ܣܐܘܕܐ܇ ܡܛܠ ܕܡܢ ܐܡܕ ܡܕܝܢܬܐ ܐܝܬܘܗܝ ܗܘܐ ܗܼܘ ܛܘܒܢܐ ܢܘܢܐܼ.

Page 31

ܢܚܬ ܕܝܢ ܐܝܬܒ ܠܗ ܒܡܕܝܢܬܗ ܒܫܠܝܐܼ. ܐܝܟܢܐ ܕܟܕ ܓܕܫܼ ܘܛܘܢܐ ܬܘܡܐ ܐܦܝܣܩܦܐ ܕܐܡܕܼ ܓܒܪܐ ܪܒܐ ܘܪܘܚܢܝܐ܇ ܕܝܪܝܐ ܢܙܝܪܐ ܘܩܕܝܫܐ ܘܡܪܚܡܢܐܼ. ܢܦܼܩ ܡܢ ܥܠܡܐܼ. ܡܢ ܩܕܡ ܪܕܘܦܝܐ ܨܠܝ ܠܐܠܗܐ ܘܐܡܼܪ܇ ܕܡܪܝܐ ܐܠܗܐ ܚܝܠܬܢܐ ܝܿܬܒ ܥܠ ܟܪ̈ܘܒܐ܇ ܘܣܪ̈ܦܐ ܡܕܝܢܝܢ ܒܡܪܟܒܬܐ ܕܐܝܩܪܗ܇ ܐܢ ܥܬܝܕ ܪܕܘܦܝܐ ܕܢܬܡܛܐ ܠܐܬܪܐ ܗܢܐ܇ ܣܒ ܢܦܫܝ ܡܢܝܼ ܘܠܐ ܢܚܿܙܝܢ ܥܝܢ̈ܝ ܒܕܠܘܚܝܗܿ ܕܥܕܬܟ ܩܕܝܫܬܐܼ. ܗܿܝ ܕܙܒܼܢܬܗܿ ܘܦܪܩܼܬܗܿ ܒܕܡܐ ܝܩܝܪܐ ܕܝܚܝܕܝܟܼ ܡܪܢ ܝܫܘܥ ܡܫܝܚܐ. ܘܗܟܢܐ ܒܬܪ ܨܠܘܬܗ ܕܪܒܐ ܕܐܠܗܐ ܬܘܡܐ ܗܢܐ܇ ܒܬܪ ܚܕ ܝܘܡܼ ܡܢ ܚܝ̈ܐ ܗܠܝܢ ܫܢܼܝ ܘܐܬܬܢܝܚ ܘܐܬܥܦܝ ܒܫܠܡܐ. ܟܕ ܟܠܢܫ ܬܡܿܗܼ ܘܡܘܕܐ ܠܐܠܗܐ ܥܐ ܚܝܠܐ ܕܨܠܘܬܗ ܕܩܕܝܫܐ ܬܘܡܐ܀ ܡܢ ܒܬܪ ܥܘܢܕܢܗ ܓܝܪ ܕܗܢܐܼ ܚܛܦܘܗܝ ܠܛܘܒܢܐ ܢܘܢܐ ܐܦܝܣܩܦܐ ܕܣܠܘܩܝܐ܇ ܕܝܬܿܒ ܗܘܐ ܒܫܠܝܐ ܒܗܿ ܒܡܕܝܢܬܐ. ܘܐܬܘܬܒܘܗܝ ܥܠ ܟܘܪܣܝܐ ܕܥܕܬܐ ܕܐܡܕܼ ܡܢ ܩܛܝܪܐ ܟܕ ܠܐ ܒܥܿܐ. ܘܟܕ ܗܟܝܠ ܬܠ̈ܬܐ ܝܪ̈ܚܝܢ ܠܐ ܡܿܠܼܝ ܒܐܦܝܣܩܦܘܬܐ ܕܐܡܕ܆ ܢܦܡ ܡܢ ܥܠܡܐ܀ ܘܗܘܼܐ ܡܢ ܒܬܪܗܼ ܛܘܒܢܐ ܡܪܐ ܡܢ ܪܘܪ̈ܒܐ ܘܝܕ̈ܝܥܐ. ܕܡܬܩܪܐ ܕܒܝܬ ܩܘܣܛܢܛܢܐ. ܗܢܐ ܕܟܕ ܪܘܪܒܐܝܬ ܒܪܝܫܘܬ ܟܗܢܘܬܐ ܐܬܢܨܚ ܗܘܐ. ܘܟܕ ܡ̈ܠܼܝ ܠܗ ܫܢ̈ܝܐ ܙܦܠܢ܆ ܐܕܪܟ ܪܕܘܦܝܐ ܠܐܬܪ̈ܘܬܐ ܕܒܝܬ ܢܗܪ̈ܝܢ. ܘܐܬܠܒܟ ܐܦ ܗܼܘ ܛܘܒܢܐ ܡܪܐ. ܘܐܬܬܒܥ ܗܘܐ ܕܐܘ ܢܫܠܡ ܘܢܩܒܠ ܘܢܟܪܙ ܠܣܘܢܗܕܘܣ ܕܟܠܩܕܘܢܐܼ. ܐܘ ܢܫܬܕܐ ܘܢܦܘܩ ܡܢ ܟܘܪܣܗ. ܗܼܘ ܕܝܢ ܛܘܒܢܐ ܡܪܐ ܓܒܼܐ ܠܗܼ ܕܥܡ ܫܪ̈ܝܪܐ ܢܬܪܕܦ ܘܢܦܘܩ ܡܢ ܟܘܪܣܝܗ. ܘܠܐ ܕܟܕ ܟܘܪܣܝܐ ܢܪܚܡܼ ܡܢ ܫܪܪܐ ܕܗܝܡܢܘܬܐ ܬܪܝܨܬ ܫܘܒܚܐ ܘܕܠܐ ܡܘܡܐ ܢܦܠ. ܘܗܟܢܐ ܩܒܠ ܥܠܘܗܝ ܐܟܣܘܪܝܐ ܕܚܠܦ ܫܪܪܗ

Page 32

ܕܡܫܝܚܐ. ܘܐܫܬܕܝ ܠܦܛܪܐ ܡܕܝܢܬܐ. ܕܒܡܕܒܪܐ ܗܿܘ ܕܥܪܒܝܐ ܕܦܠܣܛܝܢܐ. ܥܡ ܐܚ̈ܘܬܗ ܬܪ̈ܬܝܢ ܒܬܘ̈ܠܬܗ ܕܡܫܝܚܐ. ܘܡ̈ܫܡܫܢܝܬܐ. ܕܫܡܗ̈ܝܗܝܢ ܐܝܬܝܗܘܢ ܗܘܘ ܫܡܘܢܝ ܘܢܘܢܐ. ܥܡ ܛܘܒܢܐ ܐܝܣܕܘܪܐ ܐܦܝܣܩܦܐ ܕܩܢܫܪܝܢ. ܗܠܝܢ ܕܟܕ ܗܘܼܘ ܒܗܿ ܒܐܟܣܘܪܝܐ ܐܝܟ ܫܢ̈ܝܐ ܫܒ̈ܥ܇ ܘܡܝܬ ܙܟܝܐ ܝܘܣܛܢܝܢܐ܇ ܒܝܕ ܚܦܝܛܘܬܗܿ ܕܡܗܝܡܢܐ ܬܐܘܕܘܪܐ ܐܢܬܬܗ܇ ܐܬܬܦܝܣ ܘܦܼܩܕ ܗܘܐ ܕܢܩܘܢ ܗܘܘ ܛܘܒ̈ܢܐ ܐܝܣܘܕܘܪܐ ܘܡܪܐ ܡܢ ܐܟܣܘܪܝܐ ܗܿܝ ܩܫܝܬܐ ܘܡܪܝܪܬܐ ܕܦܛܪܐ ܡܕܝܢܬܐܼ. ܘܢܥܠܘܢ ܗܘܘ ܠܐܠܟܣܢܕܪܝܐ ܪܒܬܐ. ܗܕܐ ܕܗܘܼܬܼ. ܘܥܠܘܢ ܠܬܡܢ. ܘܗܘܐ ܠܗܘܢ ܢܦܐܫܐ ܩܠܝܠ ܡܢ ܐܘܠܨܢܐ ܕܐܟܣܘܪܝܐ ܩܕܡܝܬܐ܀ ܒܬܪܟܝܢ ܫܠܡܘ ܚܝܝ̈ܗܘܢ ܒܗܿ ܒܐܠܟܣܢܕܪܝܐ. ܘܒܠܚܘܕ ܓܪ̈ܡܘܗܝ ܕܩܕܝܫܐ ܡܪܐܼ. ܒܝܕ ܛܘܒ̈ܢܝܬܐ ܐܚܘ̈ܬܗ ܢܚܼܬܘ ܠܐܡܕ. ܘܐܬܬܣܡܘ ܒܗܟܝܠܐ ܕܒܝܬ ܫܪܠܐܼ. ܗܿܘ ܕܗܼܘ ܒܢܝܗܝ܀

ܥܠ ܐܒܪܗܡ ܒܪ ܟܝܠܝܼ. ܘܥܠ ܙܩ̈ܝܦܐ ܘܫܪܟܐ ܕܩ̈ܛܠܐ ܘܒܝ̈ܫܬܐ ܕܥܒܼܕ. ܘܥܠ ܩܕܝܫܐ ܘܣܗܕܐ ܩܘܪܝܣ ܩܫܝܫܐ ܕܠܝܓܝܢ ܩܪܝܬܐ. ܗܘܼܐܕܝܢ ܒܗܿ ܒܐܡܕ ܐܦܣܩܦܐ ܐܢܫ ܕܫܡܗ ܗܘܐ ܐܒܪܗܡ. ܩܠܝܪܝܩܐ ܡܢܗܿ ܕܥܕܬܐ. ܕܒܓܢܣܗ ܐܝܬܘܗܝ ܬܠܝܐܼ. ܕܡܬܩܪܐ ܗܘܐ ܒܪ ܟܝܠܝ. ܗܢܐ ܕܟܕ ܗܘܼܐ ܘܢܚܼܬ ܠܬܡܢܼ ܡܢ ܐܢܛܝܟܼ. ܐܬܠܒܫ ܒܗ ܣܛܢܐ ܡܠܝܐܝܬ ܘܐܬܪܡܝ ܠܪܕܘܦܝܐ ܩܫܝܐ ܕܠܐ ܪ̈ܚܡܝܢ. ܘܠܒܙܬܐ ܘܐܒܕܢܐ

Page 33

ܕܢܦܫ̈ܬܐ ܕܒܢܝ̈ܢܫܐ ܝܬܝܪ ܡܢ ܩܕ̈ܡܝܐ ܘܐܚܪ̈ܝܐ ܕܗܘܘ ܩܕܡܘܗܝ. ܥܕܡܐ ܕܒܩ̈ܛܠܐ ܘܒܙܩܝ̈ܦܐ ܘܝܩܕ̈ܢܐ ܕܡܗ̈ܝܡܢܐ܇ ܒܪܒܪܐܝܬ ܘܚܪܡܐܝܬ ܘܕܠܐ ܪ̈ܚܡܐ ܢܬܚܫܚ ܗܢܐ ܕܘܝܐ܇ ܟܕ ܒܟܠܡܕܡ ܘܡܪܚܐܝܬ ܫܟܝܪܘܬܐ ܕܐܒܕܢܐ ܥܠ ܒܢܝ̈ܢܫܐ ܚܫܿܠ ܗܘܐ܇ ܘܫܢ̈ܕܐ ܘܢܓܕ̈ܐ ܡܪܝܪ̈ܐܼ. ܘܚܒ̈ܘܫܝܐ ܕܐܒܕܢܐ ܕܒܒܝܬ ܐܣܝܪ̈ܐ. ܘܒܒܝܬ ܕܝܢ̈ܐܼ. ܘܒܓܘܒܐ ܬܚܬܝܐ ܕܐܝܬ ܗܘܐ ܒܝܬ ܐܣܝܪ̈ܐ ܕܩ̈ܛܘܠܐܿ. ܘܫܪܟܐ ܕܚܝ̈ܒܝ ܡܘܬܐܼ ܡܬܬܪܡܝܢ ܗܘܘ ܒܗ: ܘܩܛܠܝܢ ܡܢ ܚܝ̈ܐ ܒܓܘܗ: ܘܢܦܩܢ ܘܡܫܬܕ̈ܝܢ ܫ̈ܠܝܕܝܗܘܢ ܒܛܘܫܝܐܼ. ܒܩܒܪ̈ܐ ܚܪ̈ܒܐ: ܐܝܟ ܕܚܗܝܘܬܐ ܚܪ̈ܫܬܐ. ܟܕ ܓܝܪ ܗܢܐ ܕܢܿܛܥܐ ܒܛܢܢܗܘܢ ܚܪܝܦܐ ܕܐܡ̈ܕܝܐܼ ܕܚܠܦ ܗܝܡܢܘܬܐ ܫܪܝܪܬܐܼ. ܡܚܿܘܐ ܗܘܐ ܠܗܘܢ ܕܠܐ ܡܟܪܙ ܠܣܘܢܗܕܘܣ. ܒܙܒܢ ܕܝܢ ܟܕ ܠܬܘܡܐ ܕܘܟܣ: ܐܢܫ ܓܘܬܝܐ ܕܐܝܬܘܗܝ ܕܘܟܣ ܒܗܿܘ ܙܒܢܐ܇ ܫܕܪ ܐܝܬܝ ܘܙܩܦ ܐܪ̈ܒܥܐ ܙܩܝܦܝܢ ܥܠ ܟܠ ܬܪܥܐ ܚܕ. ܘܗܘܼܘ ܬܠܝܼܢ ܒܙܩ̈ܝܦܝܗܘܢ ܥܕܡܐ ܠܪܡܫܐ. ܐܝܟܐ ܕܟܕ ܕܘܟܪܢܐ ܢܓܗ ܗܘܐ ܕܛܘܒܢܝܬܐ ܝܠܕܬ ܐܠܗܐ܇ ܕܐܝܬ ܒܪ ܡܢ ܬܪܥܐ ܓܪܒܝܝܐ ܕܐܡܕܼ ܪܟܼܒ ܗܘܐ ܐܦܝܣܩܘܦܐ ܕܪܘܫܥܐ܇ ܘܢܦܩ ܕܢܿܫܡܫ ܕܘܟܪܢܐ. ܘܟܕ ܚܼܙܐ ܠܫܠܪ̈ܝܗܘܢ [ܕܬܠܝܢ] ܒܙܩ̈ܝܦܐ. ܦܩܼܕ ܕܠܐ ܢܚܬܘܢ ܐܢ̈ܝܢ ܥܕܡܐ ܕܐܬܠܨܘ ܡܢ [ܪܝܚ ܣܪܝܘ]ܬܐ. ܘܗܟܢܐ ܫܒܼܩ ܕܢܚܬܘܢ ܘܢܬܩܒܪܘܢ. ܟܕ ܐܦ ܝܠܼܩ ܕܩܝܼܡܿܬܐ [ܐܝܬܝܗܿ] ܗܘܬ ܕܩܿܥܝܢ ܗܘܘ ܩܕܡܝܗܘܢ ܘܐܡܿܪܝܢ܇ ܕܗܐ ܠܡ ܣܗ̈ܕܐ ܚ̈ܕܬܐ ܕܡܢ ܟܪ̈ܣܛܝܢܐ ܗܘܘ. ܠܡܢܐ ܡܟܝܠ ܡܬܥܕܠܝܢ ܟܪ̈ܣܛܝܢܐ ܒܕܗܝܢܐ ܚܢ̈ܦܐ ܕܥܒܕܘ ܗܕܐ܇ ܕܗܐ ܘܐܦ ܗܼܢܘܢ ܒܕܡܘܬܗܘܢ

Page 34

ܥܒܕܘ.. ܐܫܬܢܕ ܕܝܢ ܒܓܒܪ̈ܐ ܘܒܢ̈ܫܐ ܡܛܠ ܕܩܡܘܢ ܠܩܘܒܠܗ. ܟܕ ܬܒܼܥ ܗܘܐ ܐܢܘܢ ܕܢܩܿܒܠܘܢ ܠܣܘܢܗܕܘܣ ܕܟܠܩܕܘܢܐ. ܘܗܠܝܢ ܟܠܗܝܢ ܒܩܪܝܒܘܬܢܼ ܟܕ ܚܿܙܝܢ ܒܥܝ̈ܢܝܢ ܗ̈ܘܼܝ. ܗܼܘ ܕܝܢ ܗܢܐ ܠܘܩܕܡ ܬܪܕ ܘܐܦܩ ܠܟܘܠܗܘܢ ܥܘܡܪ̈ܐ ܩ̈ܕܝܫܐ ܕܒܚܕܪ̈ܝ ܡܕܝܢܬܐ. ܘܗܝܕܝܢ ܘܐܠ ܠܟܠܗ ܟܘܪܐ ܕܝܠܗܿ.. ܟܕ ܐܦ ܟܬܼܒ ܫܒܒ̈ܘܬܐ ܘܕܪ̈ܬܐ ܘܒ̈ܬܐ ܕܡܕܝܢܬܐܼ. ܠܓܒܪ̈ܐ ܘܠܢ̈ܫܐ ܘܠܟܢܫ ܒܫܡܗ. ܘܬܒܿܥ ܗܐܘ ܠܗܘܢ ܕܒܡܛܪܩܝܢ ܢܥܠܘܢ ܘܢܣܒܘܢ ܩܘܪܒܢܐܼ. ܘܥܕܡܐ ܠܝ̈ܘܠܕܐ. ܠܐ ܗܘܐ ܒܠܚܘܕ ܠܐܝܠܝܢ ܕܝܠܝܕܝܢ ܗܘܘܼ. ܐܠܐ ܘܐܦ ܠܐܝܠܝܢ ܕܠܐ ܥܕܟܝܠ ܝܠܝܕܝܢ ܗܘܘ. ܘܬܒܿܥ ܗܘܐ ܠܢ̈ܫܐ ܕܢܬܟ̈ܬܒܢܼ ܕܡܐ ܕܝܠܕ̈ܝ ܢܝܬܝܢ ܐܢܘܢ ܠܥܡܿܕܐ. ܐܝܟܢܐ ܕܐܢ ܓܕܫ ܘܡܐܬ ܗܘܐ ܥܘܠܐ. ܐܘ ܡܬܝܚܛ ܗܘܐ ܐܠܐ ܠܐܼ ܐܬܿܝܢ ܗܘܘ ܩܠܝܪ̈ܝܩܐ ܘܚܿܙܝܢ ܗܘܘ ܠܗܼ ܒܩܢܕܘܢܣ ܩܐܿܡ ܗܘܐ ܒܝܬܗܿ ܕܗܿܝ ܕܡܝܬ ܥܘܠܗܿ ܘܠܐ ܡܝܬܝܐ ܗܘܬ ܠܗ ܠܥܡܿܕܐ. ܗܠܝܢ ܒܝ̈ܫܬܐ ܟܝܬ ܘܒ̈ܙܬܐ ܘܐܒܕܢܐܼ. ܠܘ ܒܠܚܘܕ ܒܗܿ ܒܡܕܝܢܬܐ ܡܣܬܥܪ̈ܢܼ ܗܘ̈ܝ܇ ܐܠܐ ܘܒܟܠܗܿ ܟܘܪܐ ܘܫܘܠܛܢܐ ܕܒܝܬ ܐܡܕ̈ܝܐ.

ܕܥܠ ܣܗܕܐ ܩܫܝܫܐ ܩܘܪܝܣ. ܘܬܘܒ ܕܡܢ ܟܠܗܝܢ ܓܢܝܚܐ ܘܩܫܝܐ ܘܡܪܝܪܐ. ܐܝܟܢܐ ܕܩܫܝܫܐ ܚܕ ܕܫܡܗ ܗܘܐ ܩܘܪܝܣ ܡܢ ܠܝܓܝܢ ܩܪܝܬܐ ܐܬܼܠܒܟ ܗܘܐ ܘܡܬܬܒܥ ܗܘܐ ܕܢܿܣܒ ܩܘܪܒܢܐ. ܘܟܕ ܠܐ ܐܬܦܝܣܼ ܐܠܥܘܝܗ ܠܡܝܕܢܬܐ ܠܘܬ ܐܦܝܣ. ܘܟܕ ܩܫܝܐܝܬ ܒܙܥܦܘܬܐ ܩܥܿܐ ܗܘܐ ܠܩܘܒܠܗܼ ܟܕ ܐܡܿܪ܇ ܕܠܡܢܐ ܠܐ ܫܩܿܠ ܐܢܬ ܠܩܘܪܒܢܐ. ܘܗܼܘ ܐܡܼܪ܇ ܕܐܢܬܘܢ ܡܠܦܝܢ ܐܢܬܘܢ ܠܝ ܕܐܬܟܿܫܠ ܒܩܘܪܒܢܟܘܢ ܘܕܠܐ ܐܣܒ ܡܢܗ. ܩܘܪܒܢܐ ܓܝܪ ܗܿܘ ܕܡܬܝܗܒ ܒܩܛܝܪܐܼ

Page 35

ܗܢܐ ܠܘ ܩܘܪܒܢܐ ܗܼܘ. ܘܗܝܕܝܢ ܝܡܼܐ܇ ܕܠܐ ܡܪܚܩ ܐܢܬ ܡܢ ܗܪܟܐܼ ܘܫܿܩܠ ܐܢܬ ܩܘܪܒܢܐ. ܗܼܘ ܕܝܢ ܝܡܼܐ ܗܘܐܼ. ܕܠܓܡܪ ܠܐ ܫܩܿܠ ܐܢܐ ܡܢܟܘܢ ܩܘܪܒܢܐ ܕܩܛܝܪܐ.. ܘܟܕ ܦܩܼܕ ܐܦܝܣܩܦܐ ܘܐܬܑܼ ܩܘܪܒܢܐܼ ܦܩܼܕ ܕܢܠܒܟܘܢܝܗܝ ܠܩܫܝܫܐ ܗܿܘ. ܘܢܡܠܘܢ ܬܪܘܕܐ ܘܢܣܝܡܘܢ ܠܗ ܒܦܘܡܗ. ܘܟܕ ܗܼܘ ܥܡܼܨ ܦܘܡܗܼ. ܠܐ ܐܫܟܚܘܢ ܕܢܣܝܡܘܢ ܬܪܘܕܐ ܒܦܘܡܗ܇ ܘܦܩܼܕ ܕܢܐܬܐ ܦܪܓܠܐܼ. ܘܢܠܥܘܢ ܐܣܛܩܗ ܒܦܘܡܗ. ܘܗܟܢܐ ܢܪܡܘܢ ܬܪܘܕܐ ܒܦܘܡܗ. ܐܝܟܢܐ ܕܟܕ ܡܿܟܠܝܢ ܠܗ̈ܝܢ ܠܫ̈ܢܘܗܝ ܥܕܡܐ ܕܩܪ̈ܝܒܢ ܗܘܼ̈ܝ ܕܢܬܥܩܪ̈ܢ. ܘܟܕ ܐܥܠܘ ܐܣܛܩܐ ܠܦܘܡܗܼ. ܠܓܠܓ ܠܗܘܢ ܟܕ ܠܐ ܐܫܟܚ ܕܢܗܿܦܟ ܠܫܢܗ ܘܢܡܠܠ ܬܪܝܨܐܝܬ. ܟܕ ܝܡܿܐ ܘܐܡܿܪ: ܫܪܪܗ ܕܡܫܝܚܐ. ܕܐܢ ܡܥܠܝܬܘܢ ܩܘܪܒܢܐ ܠܦܘܡܝܼ ܒܐܦ̈ܝܟܘܢ ܪܐܿܩ ܐܢܐ ܠܗ ܘܗܟܢܐ ܒܟܒܕܐ ܡܪܝܪܝܬܐ ܘܒܘܚܡܐ ܕܡܘܬܐܼ ܐܥܠܘܢ ܬܪܘܕܐ ܠܚܕ ܣܛܪܐ ܕܦܪܓܠܐ ܘܐܪܡܝܘܗܝ ܒܦܘܡܗ. ܗܼܘ ܕܝܢ ܢܦܼܫ ܘܫܕܝܗܝ ܠܒܪ ܡܢ ܦܘܡܗ ܠܩܘܪܒܢܐ. ܗܿܘ ܕܗܝܿ ܕܙܿܕܩ ܗܘܐ ܕܢܟܢܝܘܗܝ ܐܝܟ ܕܐܝܬܘܗܝܼ ܫܚܠܐ. ܘܟܕ ܚܼܙܐ ܒܪ ܟܝܠܝ ܡܕܡ ܕܥܒܼܕ ܩܫܝܫܐ ܗܿܘ. ܫܼܩܠ ܥܠܬܐ ܥܠ ܡܘܬܗ. ܗܿܝ ܕܐܦ ܨܝܪܐ ܗܘܬ ܒܨܒܝܢܗ. ܐܝܟ ܕܫܪ̈ܟܐ ܕܐܒܕܘ ܒܐܝܕ̈ܘܗܝ ܢܘܒܕܗ ܘܐܦ ܠܗ. ܘܦܩܼܕ ܡܣܪܗܒܐܝܬ ܟܕ ܪܘܐ ܡܢ ܚܪܡܘܬܗ ܘܡܪܝܪܘܬܗ ܕܣܛܝܢܐܼ ܗܿܘ ܕܡܢ ܒܪܫܝܬ ܩܿܛܠ ܐܢܫܐ ܗܘܼ. ܕܢܘܒܠܘܢ ܩܝ̈ܣܐ ܘܢܘܪܐ ܠܛܛܪܦܝܠܘܢ ܕܡܝܕܢܬܐܼ. ܘܢܘܩܕܘܢ ܠܩܫܝܫܐ ܗܿܘ. ܝܘܡܐ ܕܝܢ ܐܝܬܘܗܝ ܗܘܼܐ ܕܐܪ̈ܒܥܐ ܒܫܒܐ ܕܫܒܬܐ ܪܒܬܐ ܕܨܘܡܐ.

Page 36

ܘܗܟܢܐ ܐܩܝܡܗ ܠܩܫܝܫܐ ܗܿܘ ܒܛܛܪܦܠܘܢ: ܘܟܫܘ ܩܝ̈ܣܐ [ܠܛܛܪܦܠܘܢ] ܡܢ ܟܠܗܘܢ ܚܕܪ̈ܘܗܝܼ. ܘܐܪܡܝܘ ܢܘܪܐ ܘܐܘܩܕܘܗܝܼ. ܟܕ ܚܿܙܝܐ ܘܡܝܠܐ ܘܡܿܪܩܕܐ ܡܕܝܢܬܐ ܒܚܙܬܐ ܗܿܝ ܕܓܘܢܚܐ ܘܕܬܒܪ ܠܒܐ܆ ܟܕ ܚܿܙܝܢ ܗܘܘ ܕܝܩܿܕ ܒܪ ܐܢـ[ـܫ] ܘܣܠܼܩ ܝܚܒܘܪܗ ܐܝܟ ܕܚܝ̈ܘܬܐ ܚܪ̈ܫܬܐ ܕܠܐ ܡܠܬܐ. ܗܕܐ ܕܫܟܝܪܐ ܗܘ[ܬ] ܘܢܘܟܪܝܐ ܠܒ̈ܢܝܫܢܐܿ. ܕܠܘܬ ܚܝ̈ܘܬܐ ܚܪ̈ܫܬܐ ܒܟܠܗܿ ܗܕܐ ܚܪܡܘܬܐ ܘܥܛܠܘܬܐ ܘܩܫܝܘܬ ܠܒܐ ܢܬܚܫܚܘܢ. ܘܟܕ ܡܕܝܢܬܐ ܟܠܗܿ ܐܬܕܠܚܬ ܘܐܫܬܓܫܬ ܥܠ ܒܝܫܬܐ ܗܕܐܼ ܕܝܩܕܢܗ ܕܒܪܐ ܟܗܢܐ. ܕܒܥܘܠܐ ܘܪܘܫܥܐܼ. ܐܬܚܫܒܘ ܕܗܟܢܐܼ ܒܗܿ ܒܕܡܘܬܐ ܕܚܘܝܼ ܢܣܥܪܘܢ ܠܗܼ ܘܢܘܩܕܘܢܝܗܝܼ܇ ܘܐܦ ܠܗ ܠܒܪ ܟܝܠܝ: ܐܝܟ ܕܐܘܩܕܗ ܠܩܫܝܫܐ ܗܘܿ. ܐܫܬܟܚܘ ܐܢ̈ܫܐ ܡܢ ܪܘܪ̈ܒܐ ܕܡܕܝܢܬܐ: ܘܡܢ ܕܚܠܬܗ ܕܡܠܟܐ ܟܠܘ ܐܢܘܢ ܡܢ ܕܠܡܣܥܪ ܗܝ ܗܕܐ. ܦܪܫܘܢ ܕܝܢ ܡܢܗ ܣ̈ܓܝܐܐܼ. ܘܐܝܟ ܕܒܩܛܘܠܐ ܘܝܗܘܕܝܐ ܚܝܪܝܢ ܗܘܘ ܒܗ. ܘܦܣܩܘ ܡܢ ܩܘܪܒܢܗ. ܟܕ ܕܝܢ ܕܚܠܘ ܕܕܡ ܗܕܐ ܠܡܿܠܟܐ ܬܬܝܕܥ. ܘܢܓܙܘܪ ܥܠܘܝܗ ܕܗܟܢܐ ܢܐܩܕ ܐܝܟ ܕܐܘܩܕ܇ ܩܼܿܕܡ ܟܬܼܒ ܓܠܘܬܐ ܟܕ ܡܿܠܦܐ܇ ܕܓܒܪܐ ܚܕ ܠܡ ܩܫܝܫܐ ܕܫܼ ܩܘܪܒܢܐ ܒܪ̈ܓܠܘܗܝ. ܘܡܛܠܗܕܐ ܝܩܼܕ.ܘܗܟܐ ܐܫܟܚ ܕܢܛܿܥܐ ܘܥܪܒܗ ܠܩܛܠܐ. ܘܕܒܗܠܝܢ ܕܪܫܡܢ ܠܐ ܐܣܛܝܢ ܡܢ ܫܪܪܐ ܐܘ ܥܫܼܩܢ܇ ܡܪܝܐ ܣܗܿܕ ܠܢ. ܘܟܠܗܘܢ ܒܢܗܝ ܙܒܢܐܼ ܕܣܘܥܪܢܐ ܗܢܐ ܗܿܘ ܕܪܘܫܥ ܘܕܚܪܡܘܬܐ. ܘܐܦ ܒܟܠܗܿ ܡܕܢܚܐ ܘܡܥܪܒܐ ܒܝܫܬܐ ܗܕܐ ܐܬܝܕܥܬܼ. ܟܕ ܟܠܢܫ ܡܬܓܢܚ ܗܘܼܐ ܕܐܝܠܝܢ ܐܣܬܥܪ̈ܝ ܗܘܼ̈ܝ ܡܢ ܐܝܠܝܢ ܕܐܣܟܡܐ ܕܟܗܢܘܬܐ ܠܒܝܫܝܢ܇ ܡܢ

Page 37

ܚܝܠܗܿ ܕܝܢ ܪܚܝܩܝܢ. ܫܪܝܟܐ ܕܝܢ ܕܒܝ̈ܫܬܐ ܕܗܢܐ: ܐܝܠܝܢ ܕܒܥܝ̈ܢܝܢ ܚܼܙܝܢ ܘܒܐܝܕ̈ܝܢ ܓܫܼܢ: ܘܐܦ ܫܡܥܢ ܒܐܕ̈ܢܝܢ: ܐܢܗܘܼ ܕܡܬܪܡܝܢܢ ܕܢܪܫܘܡܼ. ܥܠ ܟܬܒ̈ܐ ܣ̈ܓܝܐܐ ܣܢܝܩܝܢ ܗܘܝܢ܇ ܕܐܝܟܢܐ ܗܢܐ ܓܒܿܠ ܗܘܐ ܚܘܫܒ̈ܐ ܢܘܟܪ̈ܝܐ܇ ܘܡܬܚܫܒ ܗܘܐ ܬܘܒ ܡܚ̈ܫܒܬܐܼ ܐܝܟ ܕܟܬܝܒ܇ ܘܡܿܦܩ ܗܘܐ ܓܙܪ ܕܝ̈ܢܼܐ ܡܫܚ̈ܠܦܐ ܕܒܝ̈ܫܬܐ ܟܠܝܘܡ: ܥܠ ܐܝܠܝܢ ܕܠܐ ܡܬܪܡܝܢ ܗܘܘ ܠܗܪܣܝܣ ܕܬܪ̈ܝܝ ܟܝ̈ܢܐ. ܟܕ ܐܦܠܐ ܗܘܼ ܨܒܝܢܐܝܬ ܐܚܝܕ ܗܘܐ ܒܗܿ. ܐܠܐ ܫܘܦܪܢܐܝܬ. ܘܐܝܬ ܐܡܬܝ ܕܓܪ̈ܝܥܐ ܗܠܝܢ ܕܬܡܢ ܡܬܩܪܝܢ ܛܘ̈ܠܩܝܐܼ. ܡܫܕܪ ܗܘܼܐ ܘܡܫܪܐ ܒܒ̈ܬܐ ܕܡܗ̈ܝܡܢܐ ܕܠܐ ܫܠܡܝܢ ܗܘܘ ܠܗ. ܘܣܥܪܝܢ ܗܘܘ ܐܝܠܝܢ ܕܒܪ̈ܒܪܝܐ ܠܐ ܡܫܬܘܕܥܝܢ ܗܘܘ ܣܟ ܠܓܡܪ. ܘܒܙܒܢ ܬܘܒ ܚܝ̈ܠܘܬܐ ܕܝܠܗܘܢ ܕܒܪ̈ܒܪܗܝܐ: ܗܠܝܢ ܕܒܐܪܝܬܡܘܣ ܒܗܿ ܒܡܕܝܢܬܐ ܣܝܡܝܢ ܗܘܼܘ. ܒܙܒܢ ܬܘܒ ܐܝܟܐ ܕܡܬܠـ[ـܚܡ] ܗܘܐ ܘܐܒܕܢ ܓܡܝܪܐ ܦܩܿܕ ܗܘܐ ܥܠ ܡܿܢ ܕܗܼܘ ܕܡܬܚܪܐ ܗܘܐ ܠܩܘܒܠܗ. ܕܒܼܪ ܗܘܐ ܣܥܝܬܐ ܡܢ ܕܝܪܐ ܕܐܪ̈ܝܢܐ ܕܐܝܬ ܠܒܪ ܡܢ ܡܕܝܢܬܐ: ܕܡܬܩܪܝܐ ܕܡܪܝ ܪܘܡܢܘܣ: ܟܠ ܟܡܐ ܕܡܫܬܟܚܝܢ ܗܘܘ ܬܡܢ܆ ܘܡܫܕܪ ܗܘܐ ܘܡܫܪܐ ܒܒܝܬ ܕܓܒܪܐ ܡܗܝܡܢܐ. ܗܼܘ ܕܐܢܢܩܐ ܗܘܬ ܠܗܼ. ܕܢܫܒܘܩ ܒܝܬܗ ܘܢܥܪܘܩ ܡܢ ܚܙܬܗܘܢ ܡܫܟܪܬܐ ܘܡܠܝܬ ܣܘܪܕܐ. ܟܕ ܚܿܙܐ ܐܦ̈ܝܗܘܢ ܕܡܚܒ̈ܠܢ܆ ܘܐܦ ܓܘܫܡܗܘܢ ܟܠܗ ܕܡܣܐ ܘܡܿܪܗܠܿ. ܘܡܪܕܐ ܣܪܝܘܬܐ ܢܕܝܕܬܐܼ. ܟܕ ܐܝܕ̈ܝܢ ܡܣܝ̈ܢ ܘܡܪ̈ܕܝܢ ܕܡܐ ܘܡܘܓܠܐ: ܕܫܟܝܪ ܡܢ ܕܡ̈ܝܬܐ ܗܠܝܢ ܕܣܝܡܝܢ ܒܩܒܪ̈ܐ ܘܥܡ ܗܠܝܢ ܐܦ ܢܦ̈ܫܬܗܘܢ ܕܡܪ̈ܝܪܢ ܘܡܥܪ̈ܡܢ: ܘܚܘ̈ܫܒܝܗܘܢ ܠܚܡܝܢ ܥܠ ܐܒܕܢܗܘܢ

Page 38

ܕܟܪ̈ܝܣܛܝܢܐ. ܐܝܟܢܐ ܕܡܥܪܡܘܬܗܘܢ ܘܡܣܝܘܬܗܘܢ ܘܣܪܝܘܬܗܘܢܼ. ܥܠ ܡܐܢ̈ܝܗܘܢ ܫܦܝܪ̈ܐ ܘܢ̈ܩܕܐ ܢܫܕܘܢ. ܘܢܬܥܪܓܠܘܢ [ܒܥܪ̈ܣܬ]ܗܘܢ ܘܪܗܠܐ ܣܪܝܐ ܢܡܠܘܢ ܐܢ̈ܝܢܼ ܘܢܢܿܕܕܘܢ ܗܘܘ ܐܢ̈ܝܢ. ܐܦ [ܠܒ̈ܘܫܐ܆ ܫܦܝܪ̈ܐ ܢܠܒܫܘܢ. ܘܟܠܡܕܡ ܕܫܦܝܪ ܠܗܘܢ ܢܒܙܘܢ ܘܢܫܩܠܘܢ. ܘܠܝܬ [ܕܟܿܠـ]ـܐ ܘܡܒܛܠ ܠܗܘܢ. ܘܡܐܕܐܟܼܠܘ ܘܐܢܕܘܢ ܟܠܡܕܡ ܕܐܝܬ ܗܘܐ ܒܗ ܒܒܝܬܐ ܗܿܘ ܕܡܫܬܕܪܝܢ ܗܘܘ ܠܗ: ܐܢ ܓܕܫ ܘܡܪܓܫܝܢ ܗܘܘ ܕܐܬܦܩܕ ܕܢܦܩܘܢ ܡܢܗܼ. ܥܿܐܠܝܢ ܗܘܘ ܘܦܿܬܚܝܢ ܐܢ ܠܓܝܢܐ ܕܚܡܪܐܼ ܘܐܢ ܩܘܠܬܐ ܕܡܫܝܚܐܼ ܘܐܢ ܕܕܒܫܐ ܘܕܫܪܟܐ. ܡܬܟܢܫܝܢ ܗܘܘ ܘܛܡܿܫܝܢ ܐܝ̈ܕܝܗܝܘܢ ܟܠܗܘܢ ܟܕ ܡܪ̈ܗܠܢܼ ܒܟܠܗܘܢ ܡ̈ܐܢܐ ܗܠܝܢ. ܘܡܢܿܕܕܝܢ ܠܗܘܢ ܘܡܨܥܠܝܢ ܠܗܘܢܼ. ܥܕܡܐ ܕܠܐ ܬܘܒ ܢܫܟܚܘܢ ܒܢܝ̈ܢܫܐ ܕܢܛܥܡܘܢ . ܐܠܐ ܕܡܢ ܒܬܪܟܝܢ ܢܫܕܘܢ ܐܢܘܢܼ. ܘܢܘܒܕܘܢ ܐܢܘܢ.ܐܝܟܐܢ ܕܡܟܝܠ ܐܒܕܢܐܓܡܝܪܐ ܢܗܘܐ ܠܒܝܬܐ ܗܿܘ ܕܐܝܪ̈ܝܢܐ ܡܫܬܕܪܝܢ ܗܘܘ ܠܗ. ܟܕ ܓܒܿܝܢ ܗܘܘ ܕܥܡܐ ܕܠܐ ܝܿܕܥ ܠܐܠܗܐ ܢܫܬܕܪܘܢ ܗܘܘ ܥܠܝܗܘܢܼ. ܘܠܐ ܐܪ̈ܝܢܐ. ܗܼܘ ܕܝܢ ܒܪ ܟܝܠܝܼ ܟܕ ܠܚܝܡ ܥܠ ܒ̈ܝܫܬܐ ܘܐܒܕܢܐ ܕܒܢܝ̈ܢܫܐܼ ܠܗܠܝܢ ܝܬܝܪܐܝܬ ܡܫܕܪ ܗܘܐ ܥܠܝܗܘܢ. ܥܡ ܫܪܟܐ ܕܐܚܪ̈ܢܝܬܐ ܕܠܐ ܡܬܬܢ̈ܝܢ ܘܠܐ ܡܬܟ̈ܬܒܢ܀

ܥܠ ܡܚܬܗ ܕܐܦܪܝܡ ܠܡܕܢܚܐܼ ܘܥܠ ܪܕܘܦܝܐ ܪܒܐ ܕܥܼܒܕ. ܘܥܠ ܟܢܫܘܝܐ ܕܥܘܡܪ̈ܐ ܕܐܡ̈ܕܝܐ. ܟܕ ܓܝܪ ܗܼܘ ܐܦܪܝܡ ܒܪ ܐܦܝܢܐ ܐܡܕܝܐ: ܕܥܒܝܕ ܗܘܐ ܦܛܪܝܪܟܐ ܒܐܢܛܝܟܝܐܼ ܠܡܕܢܚܐ ܢܚܼܬ: ܘܪܕܼܦ ܘܕܠܼܚ ܘܫܓܼܫ ܠܟܠܗܿ ܡܕܢܚܐܼ. ܘܠܥܕܬܐܕܐܠܗܼ ܘܠܟܠܗܿ ܣܘܪܝܐ: ܟܕ ܒܟܠ ܐܬܪܐ ܘܡܕܝܢܐ ܡܬܟܪܟ ܗܘܐ ܘܛܿܪܕ ܥܘܡܪ̈ܐ ܪ̈ܘܪܒܐ ܘܙܥܘܪ̈ܐ: ܘܡܿܚܬ ܡܢ

Page 39

ܐܣ̈ܛܘܢܐܼ ܘܡܿܗܓܡ ܐܦ ܠܗܘܢ: ܘܡܿܦܩ ܡܢ ܒܝܬ ܚܒܘ̈ܫܝܐܼ. ܘܡܿܫܩܠ ܩܘܪܒܢܐ ܒܣܝܦܐ ܘܒܚܘܛܪܐ ܘܒܚܝܠܐ ܕܒܪ̈ܒܪܝܐ: ܐܝܟܢܐ ܕܐܦ ܠܥܘܡܪ̈ܐ ܕܐܡ̈ܕܝܐܼ. ܠܘ ܒܠܚܘܕ ܠܗܠܝܢ ܕܒܕܪ̈ܝ ܡܕܝܢܬܐܿ. ܐܠܐ ܕܒܟܠܗ ܟܘܪܐܼ ܡܫܕܪ ܗܘܐ ܘܛܪܕ ܠܗܘܢ: ܒܝܕ ܐܒܪܗܡ ܒܪ ܟܝܠܝ: ܗܿܘ ܕܒܬܫܥܝܬܐ ܕܩܕܡ ܗܕܐ ܐܬܥܗܕܢܢ܆ ܥܒܕ ܗܘܐ ܠܢ: ܘܟܕ ܐܬܪܕܦܘ ܘܢܦܩܘ ܘܐܬܟܢܫܘ ܥܡܐ ܣܓܝܐܐܼ. ܘܫܩܠܘ ܨܠܝ̈ܒܝܗܘܢ ܘܪܕܘ: ܘܡܢܥܘܢ ܠܥܘܡܪܐ ܚܕ ܥܬܝܩܐ ܕܒܙܒܢ ܪܒܐ ܗܘܐ ܘܥܫܝܢܐܼ. ܘܡܬܩܪܐ ܗܘܐ ܕܬܠܐ ܕܬܘ̈ܬܐ. ܗܢܐ ܕܟܕ ܩܠܝܠ ܝܘ̈ܡܬܐ ܫܟܬܘܢ ܒܗ: ܘܫܪܝܘܢ ܝܿܨܦܝܢ ܘܡܬܩܿܢܝܢ ܒܗܼ. ܐܫܬܕܪܘ ܗܘܘ ܚܝ̈ܠܘܬܐ ܕܐܪ̈ܬܝܡܐ ܕܪ̈ܗܘܡܝܐ: ܘܟܘܪܐܦܝܣܩܦܐ ܘܦܪܗܕܘܛܐ ܕܢܛܪܕܘܢ ܐܢܘܢ ܡܢ ܬܡܢ. ܘܟܕ ܥܼܠ ܚܝܠܐ ܕܪ̈ܗܘܡܝܐ: ܘܚܼܙܘ ܣܕܪ̈ܐ ܡ̈ܬܝܚܐ ܟܕ ܩܝܡܝܢ ܗܘܘ ܚܕ ܒܬܪ ܚܕ ܒܬܫܡܫܬܐܼ. ܐܪܡܝ ܐܠܗܐ ܥܠܝܗܘܢ ܕܚܠܬܐ. ܘܐܬܚܙܝܘ ܒܥܝ̈ܢܝܗܘܢܼ ܐܝܟ ܓܢܒܪ̈ܐ. ܘܦܪܩܘ ܘܫܪܝܘ ܕܢܐܡܪܘܢ ܥܡ ܚ̈ܕܕܐܼ. ܕܢܪܚܩ ܠܢ ܡܢ ܬܟܬܘܫܐ ܕܥܡ ܗܠܝܢ. ܕܐܢ ܫܿܩܠ ܚܕ ܡܢܗܘܢ ܚܘܛܪܐܼ. ܠܥܣܪ̈ܝܢ ܡܢܢ ܡܬܿܒܪ. ܘܗܟܢܐ ܐܪܚܩܘ ܘܫܒܩܘ ܐܢܘܢ ܠܕܝܪ̈ܝܐܼ. ܘܐܙܠܘ ܫܼܪܘ ܒܩܘܪ̈ܝܣ ܕܚܕܪ̈ܝܗܘܢ. ܘܫܪܝܘ ܐܠܨܿܝܢ ܠܗܘܢ. ܘܒܿܙܝܢ ܘܩܿܛܠܝܢ ܗܘܘ ܚ̈ܝܘܬܗܘܢܼ ܘܐܿܟܠܝܢܼ ܟܕ ܐܡܿܪܝܢܼ ܕܥܕܡܐ ܕܐܿܙܠܝܢ ܐܢܬܘܢ ܘܡܝܠܠܝܢ ܐܢܬܘܢܼ. ܓܒܪ̈ܐ ܥܡ ܢ̈ܫܐ܇ ܥܠ ܟܢܘܫܝܐ ܗܿܘ ܕܕܝܪ̈ܝܐ ܘܢܦܩܝܢ܇ ܒܒ̈ܬܝܟܘܢ ܝܿܬܒܝܢܢ. ܘܟܠ ܡܕܡ ܕܐܝܬ ܠܟܘܢ ܐܟܿܠܝܢܢ ܘܒܿܙܝܢܢ. ܘܗܟܢܐ ܐܬܟܿܢܫܝܢ ܟܠܗܝܢ ܩܘܪ̈ܝܐ ܗܠܝܢ. ܟܕ ܒܟ̈ܝܢ ܘܐ̈ܠܝܢ܆ ܘܡܬܟܫܦܝܢ ܠܗܘܢ ܕܢܬܪܚܡܘܢ

Page 40

ܥܠܝܗܘܢ ܘܢܦܼܩܘܢ. ܘܗܟܐ ܐܪܟܢܘ ܘܢܦܩܘ ܘܐܝܢ ܕܝܢ ܠܐܼ ܡܛܝܒܝܢ ܗܘܘ ܠܬܟܬܘܫܐ ܕܥܡܗܘܢ. ܟܕ ܐܿܡܪܝܢ܆ ܐܢ ܡܢ ܥܘܡܪ̈ܝܢܼ ܐܝܟ ܕܐܡܿܪܝܬܘܢ ܦܩܼܕ ܠܟܘܢ ܡܿܠܟܐ ܕܬܦܩܘܢ ܠܢ܆ ܗܐ ܢܦܩܼܢܢ. ܡܢ ܕܘܟܬܐ ܡܕܝܢ ܐܚܪܬܐ ܠܐ ܦܩܝܕܝܢ ܐܢܬܘܢ ܕܬܿܦܩܘܢ ܠܢ܆ ܘܐܢ ܦܘܩܕܢܐ ܠܐ ܡܿܝܬܝܢ ܐܢܬܘܢܼ. ܚܡܫܐ ܐ̈ܠܦܝܢ ܐܢ ܗܘܿܝܢ ܐܢܬܘܢܼ. ܐܘ ܕܠܐ ܙܟܼܝܢ܇ ܐܘ ܕܠܐ ܐܙܕܟܝܢܢ܆ ܠܐ ܡܿܦܩܝܢ ܐܢܬܘܢܼ ܠܢ. ܟܕ ܕܝܢ ܚܼܙܘ ܐܠܘܨܢܐ ܘܓܥܬܐ ܕܟܠܗ ܐܬܪܐܼ. ܢܦܩܘܢ ܡܢ ܨܒܝܢܗܘܢܼ. ܘܪܕܘ ܠܐܬܪܐ ܕܡܬܩܪܐ ܡܕܒـ[ـܚـ]ـܐ ܘܫܪܘ ܒܕܝܪܐ ܕܡܬܩܪܝܐ ܕܚܘܪ̈ܝܢܬܐ: ܐܠܦܐ ܕܓܒܪ̈ܐ ܐܘ ܝܬܝܪܐ. ܟܕ ܡ̈ܛܠܠܐ ܒܡܕܒܪܐ ܢܩܫܘܢ ܣܕܪ̈ܝܢ ܣܕܪ̈ܝܢ. ܐܝܟܢܐ ܕܡܟܝܠܼ ܐܝܟ ܡܕܝܢܬܐ ܬܬܚܙܐ ܡܫܪܝܬܗܘܢ ܗܿܝ ܕܪܕܝܦܐ ܡܛܠ ܡܫܝܚܐ. ܐܝܟܢܐ ܕܢܪ̈ܗܛܢ ܟܠܗܝܢ ܩܘܪ̈ܝܐ ܕܚܕܝܪ̈ܢܼ. ܠܘ ܒܠܚܘܕ ܕܢܬܒܟܘܢ ܗܘܘܼ. ܐܠܐܼ ܘܠܚܙܬܗ ܕܬܗܼܪܐ. ܝܬܝܪܐܝܬ ܡܐ ܕܩܝܿܡܝܢ ܗܘܘ ܣܕܪ̈ܝܢ ܣܕܪ̈ܝܢ ܒܬܫܡܫܬܐܼ. ܐܘ ܝܬܒܝܢ ܗܘܘ ܥܠ ܦܬܘܪ̈ܐ. ܐܝܬܝܗܿ ܕܝܢ ܕܝܪܐ ܗܕܐ ܒܡܨܥܬܐ ܕܬܠܬܐ ܫܘ̈ܠܛܢܝܢ: ܕܐܘܪ̈ܗܝܐ ܘܕܐܡ̈ܕܝܐ ܘܕܫܡ̈ܫܛܝܐ. ܟܕ ܕܝܢ ܐܦܪܡ ܦܛܪܝܪܟܐ ܠܐܘܪܗܝ ܡܿܢܥ ܗܘܐܼ. ܫܕܪ ܠܘܬܗܘܢ ܠܐܚܘܗܝ ܝܘܚܢܢ. ܗܿܘ ܕܐܦ ܗܼܘ ܡܢ ܣܛܪ̈ܘܦܐ ܐܝܬܘܗܝ ܗܘܐܿ. ܥܡ ܟܘܪ ܐܦܝܣܩ̈ܦܐ ܘܩܠܝܪ̈ܩܐ ܣ̈ܓܝܐܐ. ܐܝܟ ܠܦܝܣܐ ܦܝܣܝܢ. ܟܕ ܫܿܠܚ ܠܗܘܢܼ. ܕܠܐ ܠܡ

Page 41

ܝܿܕܥܝܬܘܢ ܠܝܼ. ܕܐܢܐ ܒܪܟܘܢ ܘܒܪ ܡܕܝܢܬܟܘܢ ܐܝܬܿܝܼ. ܘܒܝܬ ܐܝܕ̈ܝܟܘܢ ܐܬܪܒܿܝܬ: ܘܒܥܘܡܪ̈ܝܟܘܢ. ܘܐܢܐ ܠܢܝܿܚܟܘܢ ܘܠܐܝܩܪܟܘܢ ܝܿܨܦ ܐܢܐ. ܘܡܛܠ ܟܫܠܐ ܗܢܐ ܕܟܫܝܠܝܢ ܐܢܬܘܢ ܒܗܝܡܢܘܬܐܼ݂ ܢܐܬܘܢ ܡܢ ܟܠ ܥܘܡܪܐ ܬܪ̈ܝܢ ܐܘ ܬܠܬܐ ܓܒܪ̈ܝܢ ܠܘܬܝ. ܘܐܢܐ ܥܒܿܕ ܐܢܐ ܠܟܘܢ ܡܦܩ ܒܪܘܚܐ. ܐܘ ܕܐܢܐ ܐܿܬܐ ܠܘܬܟܘܢ. ܘܩܿܒܠܘܢܝ ܒܨܒܝܢܐ ܛܒܐ. ܐܝܟܢܐ ܕܟܕ ܗܠܝܢ ܘܐܚܪ̈ܢܝܬܐ ܣܓܝ̈ܐܬܐ ܒܐܕܢ̈ܝܢ ܘܕܟܠܗ ܟܢܫܐ ܗܿܘ ܐܬܡ̈ܠܠܝܢ܆ ܦܢܼܝܘ ܣ̈ܒܐ ܪ̈ܝܫܘܗܝ ܕܟܢܫܐ ܗܿܘ ܦܬܓܡܐܼ ܟܕ ܐܿܡܪܝܢܼ ܕܐܢ ܐܝܟ ܕܐܡܿܪ ܕܒܪܢ ܘܒܪ ܡܕܝܢܬܢ ܐܝܬܘܗܝܼ ܢܫܪܠܐ ܡܢ ܩܪܒܐ ܕܠܘܬܢ. ܡܛܠ ܕܐܝܟ ܕܫܼܦܪ ܠܗ ܘܠܗܿܘ ܕܐܝܬ ܒܐܡܕܼ ܗܐ ܐܦܩܘܢܝ ܡܢ ܕܝܪ̈ܬܢ. ܘܗܐ ܒܛܘܪ̈ܐ ܗܠܝܢ ܥܣ̈ܩܐ ܘܩܗܫܝܐ ܝܿܬܒܝܢܢ. ܡܢܐ ܐܝܬ ܠܗ ܥܡܢ. ܢܗܘܐ ܕܝܢ ܿܕܥ ܘܫܪܝܪܐ ܠܗܼ. ܕܠܐ ܡܢܢ ܐܿܙܠܝܢ ܠܘܬܗܼ. ܘܐܦ ܠܐ ܐܢ ܐܬܿܐ ܠܗܪܟܐ ܡܿܩܒܠܝܢܢ ܠܗܼ. ܐܠܐ ܐܝܟ ܪܕܘܦܐ ܘܒܥܠܕܒܒܐ. ܗܟܢܐ ܟܠܡܕܡ ܕܥܒܿܕ ܠܘܬܢ܇ ܡܛܝܒܝܢܢ ܕܢܣܝܒܕ. ܘܟܕ ܗܠܝܢ ܒܦܣܝ̈ܩܬܐ ܚܠܝܡܐܝܬ ܠܘܬܝ ܐܚܘܗܝ ܝܘܚܢܢ ܐܬܡ̈ܠܠܝܼ. ܐܡܼܪ ܕܐܢܐ ܠܡ ܣܓܝ ܡܥܩ ܐܢܐ ܥܠܝܟܘܢ܇ ܘܥ ܡܕܡ ܕܥܬܕܝܕܝܢ ܐܢܬܘܢ ܕܬܣܒܠܘܢ. ܘܗܟܢܐ ܐܙܠܼܘ ܟܕ ܫܢܝܘ. ܘܐܘܕܥܘܢ ܠܗ ܟܠܗܝܢ ܐܝܠܝܢ ܕܐܬܡ̈ܠܠܝ. ܘܟܕ ܗܠܝܢ ܫܼܡܥܼ. ܒܪܐ ܐܝܟ ܐܡܼܪ ܘܒܪ ܡܕܝܢܬܐܼ. ܐܬܓܘܙܠ ܗܘܐ ܒܪܘܓܙܐܼ ܒܕܡܘܬܐ ܕܐܬܘܢܐ ܕܒ̈ܒܠܝܐ. ܘܟܬܼܒ ܠܐܡܕ. ܕܢܦܩܘܢ ܥܠܝܗܘܢ ܟܠܗܘܢ ܐܪ̈ܝܬܡܐ ܕܫܟܝܚܝܢ ܬܡܢ. ܟܕ ܡܙܝܢܝܢ ܐܝܟ ܕܠܩܪܒܐܼ݂ ܘܢܠܒܟܘܢ ܘܢܦܼܟܪܘܢ

Page 42

ܐܢܘܢ. ܘܗܟܢܐ ܢܐܝܿܬܘܢ ܐܢܘܢ ܟܠܗܠܘܢ ܠܘܬܗ. ܐܝܟܢܐ ܕܟܕ ܦܘܩܕܢܐ ܗܢܐ ܩܒܠ ܒܪ ܟܝܠܝܼ. ܫܼܕܪ ܚܝܠܐ ܬܩܝܦܐ ܥܠ ܟܢܘܫܝܐ ܗܿܘ܆ ܟܕ ܡܙܝܢܝܢ ܗܘܘܼ ܥܡ ܩܠܝܪ̈ܝܩܘ ܣܓܝ̈ܐܐ. ܗܠܝܢ ܕܟܕ ܐܬܟܢܫܘܢ ܘܢܦܩܘܢ ܠܡܐܬܐܼ. ܐܬܟܬܒ ܠܗܘܢ ܠܪ̈ܝܫܝ ܥܘܡܪ̈ܐ: ܕܗܐ ܚܝܠܐ ܕܦܪ̈ܫܐ ܡܙ̈ܝܢܐ ܐܿܬܝܢ ܥܠܝܟܘܢܼ. ܚܙܘ ܡܢܐ ܥܒܿܕܝܬܘܢ. ܙܒܢܐ ܐܝܬܘܗܝ ܗܘܐ ܕܣܬܘܐ. ܗܿܝ ܕܝܢ ܐܬܟܢܫܘ ܟܠܗܘܢ ܪ̈ܝܫܝ ܥܘܡܪ̈ܐܼ ܘܐܬܡܿܠܟܘܢ. ܕܠܐ ܟܬܝܒ ܠܢ ܠܡܬܟܬܫܘ. ܘܗܘܼܬ ܡܠܬܐ ܒܝܢܬܗܘܢܼ. ܕܟܠ ܪܝܫܕܝܪܐ ܢܦܿܠܓ ܐ̈ܚܐ ܕܥܘܡܗ ܠܟ̈ܗܢܘܗܝ. ܘܢܣܼܒ ܟܠ ܟܗܢܐ: ܘܐܢ ܩܫܝܫܐ ܗܘ ܘܐܢ ܫܡܫܐܼ. ܢܕܒܪ ܠܣܥܬܗܼ ܘܢܐܙܠ ܠܦܢܝܬܐ ܐܝܕܐ ܕܨܿܒܐ ܘܐܝܬ ܠܗ ܡܘܕܬܐ. ܘܗܿܢܘܢ ܣ̈ܒܐ ܐܟܚܕܐ ܢܬܟܢܫܘܢ ܗܘܘܼ. ܘܢܒܥܒܪܘܢ ܦܪܬ. ܘܢܟܬܪܘܢ ܟܠܗܘܢ ܥܕܡܐ ܕܚܿܙܝܢ ܚܪܬܗ ܕܣܘܥܪܢܗ. ܗܕܐ ܕܐܦ ܣܥܼܪܘ. ܘܫܩܼܠ ܟܠ ܟܗܢܐ ܣܥܝܬܗ ܘܢܦܼܩ. ܐܦ ܓܝܪ ܠܒܨܝܪܘܬܢ ܕܝܠܢ܇ ܘܟܕ ܒܡܫܘܚܬܐ ܗܿܝ ܕܥܠܝܡܘܬܐ ܣܝܡ ܐܝܕܐ ܕܟܗܝܢܘܬܐ ܐܝܬ ܗܘܐ ܠܢ. ܘܗܟܢܐ ܦܫܬ ܕܝܪܐ ܟܕ ܡܠܝܐ ܟܠܡܕܡ. ܐܢܠܘ̈ܡܐ ܕܟܠ ܥܡܐ ܗܿܘ ܣܛܪ ܡܢ ܡܐ̈ܢܝ ܬܫܡܫܬܐ ܘܟ̈ܬܒܐܼ. ܘܢܚܫܐ ܘܡܐܢ̈ܐ܇ ܘܫܪܟܐ ܕܨܒܘ̈ܬܐ ܕܐܝܟ ܗܿܠܝܢ܇ ܕܟܠܢܫ ܿܨܦ ܗܘܐ ܕܥܘܡܪܗ܇ ܘܐܪܚܼܩ ܐܢܝܢ ܡܢ ܩܕܡܝܗܘܢ. ܦܫ ܕܝܢ ܐܦ ܒܝܬܐ ܪܒܐ ܕܒܝܬ ܟܪ̈ܝܗܐܼ. ܕܐܝܬܝܗܘܢ ܗܘܘ ܒܟܘܪ̈ܗܢܐ ܡܫܚ̈ܠܦܐ. ܘܡܢܗܼܘܢ ܕܐܠܝܨܝܢ ܠܡܘܬܐ. ܟܕ ܐܫܠܡ ܗܘܘ ܢܦܫܗܘܢ ܠܐܠܗܐ. ܘܡܛܠ ܩܫܝܘܬܐ ܕܣܬܘܐܼ

Page 43

ܘܥܣܩܘܬܐ ܕܟܘܪ̈ܗܢܐܼ. ܠܐ ܐܫܟܚܘܢ ܕܢܥܪܩܘܢ ܡܢ ܩܕܡ ܪܕܘܦܐ. ܗܠܝܢ ܕܝܢ ܕܫܪܟܐ ܐܬܐܠܨܘ ܕܢܥܒܪܘܢ ܗܘܘ ܒܢܗܪ̈ܘܬܐ ܥܣܩ̈ܐ ܕܡܠܼܝܢ ܗܘܘ: ܘܐܾܿܬܝܢ ܥܕܡܐ ܠܩ̈ܕܠܝܗܘܢ. ܟܕ ܢܚܿܬ ܬܠܓܐ ܘܪ̈ܘܚܐ ܘܓܠܝܕܐ ܩܫܝܐ. ܘܟܕ ܩܼܿܕܡ ܐܬܼܟܬܒ ܟܠܗܘܢ ܫܘ̈ܠܛܢܐ: ܕܟܠ ܡܿܢ ܕܗܼܘ ܒܐܝܿܕܐ ܕܗܼܝ ܩܪܝܬܐ: ܕܢܩܿܒܠ ܠܚܕ ܡܢܗܘܢ ܐܘ ܢܥܘܠ ܠܒܝܬܗܼ. ܢܗܘܐ ܒܝܬܗ ܠܛܝܡܝܘܢܼ ܘܢܫܬܠܡ ܗܼܘ ܠܩܢܕܘܢܣ ܕܡܘܬܐ. ܘܗܟܢܐ ܣ̈ܓܝܐܐ ܐܬܠܨܘܢ ܗܘܘܼ. ܕܒܫܩ̈ܝܦܐ ܡܪ̈ܝܕܐܼ ܘܒܡܥܪ̈ܐ ܕܥܠ ܦܪܬ ܢܗܪܐ ܪܒܐܼ. ܢܥܠܘܢ ܘܢܣܬܬܪܘܢ ܐܝܟ ܚܝ̈ܘܬܐܼ. ܥܡܐ ܣܓܝܐܐ ܡܢܗܘܢ: ܟܕ ܐܦ ܒܨܝܪܘܬܢ ܕܝܢ ܕܝܠܢܼ ܒܝܢܬܗܘܢ ܗܘܬ. ܘܟܕ ܗܠܝܢ ܒܩܘܪ̈ܝܐ ܕܚܕܝܪ̈ܢ ܐܫܬܡܥܼ. ܟܠ ܕܐܬܩܪܒ ܐܠܗܐ ܒܠܒܗܘܢܼ. ܪܐܙܐ ܥܡ ܚ̈ܕܕܐ ܥܒܿܕܝܢ ܗܘܘ: ܡܛܠ ܕܚܠܬܐ ܕܪ̈ܕܘܦܐܼ. ܘܒܦܠܓܗ ܕܠܠܝܐ ܡܛܥܢܝܢ ܗܘܘ ܠܚܡܐ ܘܚܡܪܐ ܘܕܩܐܼ. ܘܫܪܟܐ ܕܚܿܫܚ ܠܬܪܣܝܬܗܘܢܼ. ܘܡܘܒܠܝܢ ܗܘܘ ܠܗܘܢ ܒܛܘܫܝܐ. ܐܝܟܢܐ ܕܟܕ ܚܿܙܝܢ ܗܘܘ ܠܗܘܢ ܕܒܐܝܿܕܐ ܐܢܢܩܐ: ܘܒܐܝܢܐ ܡܥܡܪܐ ܐܠܝܨܐ ܐܝܬܝܗܘܢ ܗܘܘ: ܐܝܟ ܚܝ̈ܘܬܐ ܒܓܕ̈ܢܦܐܼ. ܒܟܝܢ ܗܘܘ ܘܐܿܠܝܢ܆ ܘܝܿܗܒܝܢ ܘܿܝܐ ܠܢܦ̈ܫܬܗܘܢ܇ ܘܠܟܪܣܛܝܢܘܬܐ ܕܡܢܐ ܓܕܫܗܿ. ܘܡܘܫܛܝܢ ܗܘܘܼ ܘܗܦܟܝܢ ܒܐܒܠܐ ܪܒܐ. ܐܚܪ̈ܢܐ ܕܝܢܼ ܠܩܪ̈ܚܐ ܕܐܝܬܝܗܘܢ ܛܘܪ̈ܐ ܡܪ̈ܕܝܐ ܕܡܠܼܝܢ ܬܠܓܐ ܣܠܿܩܝܢ ܗܘܘ. ܘܒܕܪ̈ܬܐ ܕܥ̈ܙܐ ܘܕܥܢܐ. ܡܢ ܐܢܢܩܐ ܡܣܬܬܪܝܢ ܗܘܘ. ܘܗܟܢܐ ܟܠܢܫ ܒܟܠ ܕܘܟܿ. ܡܢ ܩܫܝܘܬܗ ܕܥܪܝܐ ܘܕܓܠܝܕܐ: ܘܐܠܝܨܘܬܐ ܕܕܘܟܬܐܼ ܡܬܐܠܨܝܢ ܗܘܘ. ܘܫܪܟܐ ܕܣܘܢܩܢܗܘܢܼ. ܐܠܗܐ ܗܿܘ ܛܒܐ ܘܕܥܬܝܪ ܒܪ̈ܚܡܘܗܝ ܠܟܠ ܕܩܿܪܐ ܠܗ: ܕܚܼܙܐ ܪܕܝܦܘܬܗܘܢ ܡܛܠ ܫܡܗܼ. ܠܐ ܫܿܒܩ ܗܘܐ ܠܗܘܢ ܕܢܬܐܠܨܘܢ. ܘܡܛܠ ܕܐܝܟ ܕܡܢ ܩܕܝܼܡ ܐܝܟ

Page 44

ܕܐܘܕܥܢܢ ܡܢ ܠܥܠ: ܒܗ ܒܙܒܢܐ ܕܐܣܬܥܪ ܗܠܝܢ ܒܙܒܢ ܥܠܝܡܘܬܢ ܚܕܐ ܒܬܪ ܚܕܐ. ܒܝܕ ܢܝܫ̈ܐ ܡܕܡ ܡܕܡ ܡܢܗܘܢ ܪܫܝܡ ܗܘܐ ܠܢ. ܟܕ ܡܢ ܣܟܗܝܢ ܐܡܝܢܢ: ܐܝܠܝܢ ܕܥܠ ܟܬ̈ܒܐ ܣܓܝ̈ܐܐ ܣܢ̈ܝܩܢ ܗܘ̈ܝ ܕܢܬܪ̈ܫܡܢ܆ ܟܠܗܝܢ ܐܝܠܝܢ ܕܣܒܿܠܬ ܥܕܬܐ ܕܐܠܗܐ ܒܙܒ̈ܢܐ ܗܠܝܢ܆ ܐܗܡܝܢܢ ܡܢ ܕܢܫܬܥܐ ܥܠܝܗܝܢ ܬܢܝܢܘܬܿ. ܐܝܠܝܢ ܕܫ̈ܢܝܐ ܣ̈ܓܝܐܬܐ ܥܡ ܟܢܫܐ ܗܿܘ ܪܘܚܢܝܐ ܣܒܼܠܢ.. ܘܡܛܠ ܕܠܐ ܢܬܦܠܗܕ ܡܢ ܬܫܥܝܬܐ ܕܐܪܡܐ ܠܢܼ ܥܿܛܦܝܢܢ ܠܗܿ. ܫܢܬ ܬܡܢܡܐܐ ܘܬܠܬܝܢ ܘܬܠܬܼ. ܡܝܬ ܩܕܝܫܐ ܡܪܝ ܝܥܩܘܒ ܡܠܦܢܐ ܐܦܝܣܩܦܐ ܕܒܛܢܢ ܕܣܪܘܓ. ܘܗܘܼܐ ܚܠܦܘܗܝ ܡܘܫܐ.

ܫܢܬ ܬܡܢ̈ܡܐܐ ܘܬܠ̈ܬܝܢ ܘܫ̈ܬܼ. ܥܼܠ ܡܝ̈ܐ ܠܐܘܪܗܝ. ܕܙܕܩܐ ܐܬܚܙܝܬ ܠܢܼ ܕܠܐ ܢܚܦܐ ܒܫܬܩܐ ܡܛܠ ܓܘܢܚܐ ܘܬܒܪܐ ܪܒܐ: ܕܒܝ̈ܘܡܬܢ ܐܕܪܟܗܿ ܗܘܼܬ ܠܐܘܪܗܝ ܡܝܛܪܘܦܠܝܣ ܕܐܙܪܝܢܐ. ܗܢܘ ܕܝܢ ܒܫܢܬ ܬܡ̈ܢܡܐܐ ܘܬܠ̈ܬܝܢ ܘܫ̈ܬ: ܟܕ ܡܟܝܠ ܐܝܟ ܕܟܬܝܒ ܓܙܝܪܬ ܡܪܝܡܐ ܡܛܝܬ ܥܠ ܣ̈ܓܝܐܐ: ܟܕ ܗܘܐ ܛܘܦܢܐ ܕܡܝ̈ܐ ܒܕ̈ܘܟܝܬܐ. ܐܝܟ ܒܬܠ̈ܬ ܫ̈ܥܝܢ ܕܠܠܝܐ: ܟܕ ܣ̈ܓܝܐܐ ܕܡܟܘ ܗܘܘ: ܣܓܝ̈ܐܐ ܒܕܡܘܣܝܘܢ ܣܚܿܝܢ ܗܘܘ: ܘܥܕܟܝܠ ܐܚܪ̈ܢܐ ܒܚܫ̈ܡܝܬܐ ܐܝܬܝܗܘܢ ܗܘܘ: ܡܢ ܫܠܝܐ ܫܦ̈ܥܐ ܬܩܝ̈ܦܐ ܒܗ ܒܢܗܪܐ ܕܝܨܢ ܗܘܼܘ: ܘܥܠܘ ܗܘܼܘ . . . . . . . . . ܡܿܢ ܕܒܡܨܥܬܐ ܕܡܕܝܢܬܐ ܥܒܪ ܗܘܐ ܗܼܘ ܗܢܐ ܢܗܪܐ ܕܝܨܢ: ܡܢ ܫܠܝܐ ܒܚܫܘܟܐ ܕܠܠܝܐ ܐܬܬܪܥ ܫܘܪܐ ܡܢ ܠܥܠ: ܘܣܟܼ ܘܬܟܣ

Page 45

ܠܒܬܪܗ ܗܿܘ ܡܠܠܐ ܕܡܝ̈ܐ. ܘܫܦܼܥ ܡܠܝܐܝܬ. ܘܣܠܩ ܟܠܗܘܢ ܫܘ̈ܩܐ. ܘܟܠܗܝܢ ܕܪ̈ܬܐ ܕܡܕܝܢܬܐܿ. ܕܚܕܝܪ̈ܢ ܥܠܘܗܝ ܕܢܗܪܐ. ܘܒܚܕܐ ܫܥܐ ܐܘ ܛܒ ܬܪ̈ܬܝܢ: ܡܠܬ ܡܕܝܢܬܐ ܡܝ̈ܐ ܘܛܦܬ. ܐܝܟܢܐ ܕܡܢ ܫܠܝܐ ܢܥܠܘܢ ܡܝ̈ܐ ܡܢ ܟܠܗܘܢ ܬܪ̈ܥܝܗܿ ܕܕܘܡܣܝܘܢ. ܘܢܬܚܢܩܘܢ ܒܓܘܗܿ ܟܠܗܘܢ ܐܝܠܝܢ ܕܐܫܬܟܚܘ ܒܗܿ. ܐܝܟܢܐ ܕܟܕ ܚܪܘܢ ܠܬܪ̈ܥܐ ܕܢܦܩܘܢ ܘܢܥܪܩܘܢ: ܐܫܬܟܚ ܛܦܢܐ ܥܐܠ ܡܢ ܬܪ̈ܥܐ. ܘܡܚܦܐ ܠܟܠܗܘܢ ܕܐܫܬܟܚܘ ܒܬܚ̈ܬܝܐ. ܘܐܝܟ ܚܕܐ ܐܬܚܢܩܘ ܘܐܒܕܘ. ܘܐܝܠܝܢ ܕܒܥܠ̈ܝܬܐܼ. ܐܢ ܡܿܢ ܐܫܬܟܚܘ ܘܐܪܓܫ: ܘܪܗܛܘ ܐܝܟ ܡܿܢ ܕܢܿܚܬܘܢ ܘܢܥܪܩܘܢ: ܩܒܠ ܐܢܘܢ ܛܘܦܢܐܼ. ܘܛܒܥܘ ܘܐܘܬܚܢܩܘ. ܘܐܝܬ ܬܘܒ ܕܟܕ ܕܟܝܢ ܘܛܒܥܝܢ ܗܘܼܘ ܒܫܢܬܐ ܘܠܐ ܪܓܫܝܢ ܗܘܼܘ܆ ܐܬܬܪܝܡ ܒ̈ܬܐ ܕܠܐ ܫܡܪܪܝܢ ܗܘܘܼ. ܘܢܚܬܘ ܐܦ ܛܒܼܥܘ ܒܗ ܒܛܘܦܢܐ. ܘܒܠܚܘܕ ܐܝܠܝܢ ܕܨܒܐ ܐܠܗܐ ܡܪܚܡܢܐ ܒܚܝܗܘܢ ܐܫܬܒܘܙܒܘ. ܟܕ ܒܬܝ̈ܗܘܢ ܐܫܬܪܪܘ ܘܠܐ ܢܦܠܘ܆ ܝܬܝܪܐܝܬ ܕܝܢ ܐܝܠܝܢ ܕܒܟ̈ܐܦܐ ܘܒܟܠܫܐ ܒܢܼܝܢ ܗܘܼܘܿ. ܒܟܠܗ ܐܬܪܐ ܕܪܟܝܢ ܗܘܐ ܠܬܚܬ ܠܘܩܒܠ ܢܗܪܐ. ܟܕ ܕܘܟܝ̈ܬܐܐܝܠܝܢ ܕܪ̈ܡܢ ܗܘ̈ܝ ܘܣܝ̈ܡܢ ܒܫܦܘܠ̈ܝ ܛܘܪܐ ܐܫܬܘܙܒܘ ܘܐܦ ܗܢܼܝܢ.

ܥܠ ܕܐܝܟܢܐ ܐܬܪܥܘ ܫܘܪܐ ܘܢܦܼܩ ܡܝ̈ܐ ܘܐܣܬܦܩܬ ܡܝܕܢܬܐ. ܘܥܠ ܒܝܫ̈ܬܐ ܕܥܒܕ ܒܟܠܗܿ ܦܩܥܬܐ ܕܐܘܪܗܝ ܘܕܚܪܢ. ܟܕ ܕܝܢ [ܡܠܬ ܗܘܬ] ܐܝܟ ܕܒܣܘܓܐܐ ܘܛܦܬ ܡܕܝܢܬܐ: ܣܛܪ ܡܢ ܕܘܟܝ̈ܬܐ ܗܠܝܢ ܕܐܬܥܗܕܘ. ܘܬܟܣܘ ܡܝ̈ܐ ܠܒܬܪܗܘܢܼ. ܘܗܘܬ ܡܕܝܢܬܐ ܐܝܟ ܝܡܬܐܼ: ܗܝܕܝܢ ܫܘܪܐ ܕܡܕܝܢܬܐ ܡܢ ܠܥܠ ܠܘܩܕܡ ܐܬܬܪܥ ܘܡܢ ܠܬܚܬ. ܟܕ ܠܐ ܣܝܒܪ ܚܝܠܐ ܕܡܡܘܠܐ. ܐܬܬܪܥ ܡܢ ܫܠܝܐ ܬܠ̈ܬ ܬܘܪ̈ܥܬܐ. ܘܐܬܗܼܦܟܘ ܗܘܘ ܘܐܫܬܩܘ ܦܘܪ̈ܩܣܐ.

Page 46

ܘܐܣܬܚܦܘ ܡܢ ܬܘܩܦܗ ܕܡܘܡܘܠܐ ܕܡܝ̈ܐ. ܟܕ ܓܪܦ ܘܫܩܼܠ ܫܠ̈ܕܐ ܕܛܝ̈ܦܢ ܐܝܟ ܩܘܦܝܐ. ܘܠܘ ܗܕܐ ܒܠܚܘܕ: ܐܠܐ ܘܓܪܦ ܒ̈ܬܐ ܘܕܪ̈ܬܐ ܘܦܛܠܝܢ ܘܕܡܘܣܝܘܢ܇ ܘܫܪܟܐ ܕܨܒܘ̈ܬܐ ܕܟܠ ܫܘܚܠ̈ܦܝܢܼ ܕܩܢܝܢܗܘܢ ܕܒܢܝ̈ܢܫܐܼ. ܘܥܕܡܐ ܠܟ̈ܐܦܐ ܘܩܝ̈ܣܐ ܕܣܚܪ̈ܬܐ ܣܓܝ̈ܐܬܐ. ܘܛܦܬ ܐܪܥܐ ܕܠܒܪ ܡܢ ܡܕܝܢܬܐ. ܟܕ ܐܦ ܠܒܪ ܠܘ ܣܿܓܝ ܒܨܝܪ ܣܘܪܚܢܐ ܘܐܒܕܢܐ ܕܗܘܼܐ ܡܢ ܗܿܘ ܕܗܘܼܐ ܡܢ ܠܓܘ. ܐܝܟܢܐ ܕܐܦ ܥܕܡܐ ܠܦܪܬ: ܟܕ ܥܒܿܪ ܗܘܐ ܢܗܪܐ ܕܝܨܢ ܒܢܗܪ̈ܘܬܐ ܐܚܪ̈ܢܝܬܐܼ. ܢܓܪܘܦ ܘܢܛܝܦ ܚܦܗ ܕܛܘܦܢܐܼ. ܘܫ̈ܠܕܐ ܕܒܢܝ̈ܢܫܐ ܘܕܒܥܝܪܐ ܘܨܒܘ̈ܬܐ ܘܚܝܘ̈ܬܐ. ܐܝܟܢܐ ܕܟܕ ܐܕܢܚ ܐܠܗܐ ܪ̈ܚܡܘܗܝ ܘܢܼܚ ܛܘܦܢܐ܇ ܘܐܣܬܦܩܬ ܡܕܝܢܬܐ ܘܐܦ ܐܬܪܐ ܕܠܒܪ ܡܢܗܿ܆ ܥܕܡܐ ܠܝܘ̈ܡܬܐ ܣܓܝ̈ܐܐܼ. ܐܝܠܝܢ ܕܚܝܘ ܡܢܗܿ ܟܕ ܚܿܦܪܝܢ ܘܡܿܛܠܝܢ ܘܡܿܦܩܝܢ ܫ̈ܠܕܐܼ. ܘܫܪܟܐ ܕܨܒܘ̈ܬܐ: ܒܚܫܐ ܪܒܐ ܘܟܐܒܐ ܡܪܝܪܐ ܕܪܘܚܐ. ܥܠ ܛܘܒ̈ܢܐ ܕܠܒܟ ܪܫܝܥܐ ܐܣܩܠܝܦ ܩܕܡ ܝܘܡܐ ܚܕ ܕܛܘܦܢܐ. ܒܝܘܡܐ ܕܝܢ ܕܩܡܘܗܝ ܕܪܘܓܙܐ ܗܿܘ ܕܛܘܦܢܐܿ. ܐܣܩܠܝܦ ܪܫܝܥܐܼ ܗܿܘ ܕܐܝܬܘܗܝ ܐܦܝܣܩܘܦܐ ܕܡܕܝܢܬܐܼ. ܠܒܟ ܗܘܐ ܐܢ̈ܫܐ ܕܝܪ̈ܝܐܡܢ ܟܠ ܓܒ̈ܝܢܼ ܐܝܟ ܥܣܪ̈ܐ ܓܒܪ̈ܝܢ ܛܘܒ̈ܢܐ ܘܐܒ̈ܝܠܐ ܘܢܟ̈ܦܐܼ ܘܐܫܬܢܕ ܒܗܘܢܼ. ܕܢܬܪܡܘܢ ܠܫܘܬܦܘܬܗ. ܘܟܕ ܠܐ ܐܬܛܦܝܣܘ ܠܗܼ. ܚܒܼܫ ܐܢܘܢ. ܟܕ ܓܙܡ ܠܗܘܢ ܕܠܝܘܡܐ ܕܡܚܪ ܢܫܬܢܕ ܒܗܘܢ ܘܢܫܥܒܕ ܐܢܘܢ. ܘܒܗ ܒܠܠܝܐܼ ܗܘܼܐ ܛܘܦܢܐ: ܐܝܟܢܐ ܕܠܟܠܢܫ ܡܣܬܒܪܐ ܗܘܬܼ ܕܡܛܠ ܐܘܠܨܢܗܘܢ ܕܛܘ̈ܒܢܐ ܗܠܝܢܼ ܪܓܙ ܐܠܗܐ ܥܠ ܐܦܝܣܦܐ ܘܥܠ ܡܕܝܢܬܐ. ܘܡܢ ܒܼܬܪ ܕܐܣܬܦܩܬ ܡܕܝܢܬܐ ܡܢ ܡܝ̈ܐܼ. ܟܠܗܘܢ ܗܠܝܢ ܕܐܫܬܘܙܒܘ ܫܩܠܘ ܟ̈ܐܦܐ ܘܪܗܛܘ ܠܒܝܬ ܐܦܝܣܩܦܐ ܕܢܪܓܡܘܢܝܗܝ

Page 47

ܠܐܣܩܠܝܦ. ܘܐܫܟܚ ܕܢܬܛܫܐ ܘܢܬܦܠܛ ܡܢܗܘܢܼ ܘܢܥܪܘܩ ܠܐܢܛܝܟܝܐܼ. ܠܘܬ ܐܘܦܪܘܣ ܒܪ ܬܪܥܝܬܗ. ܐܝܟܐܢ ܕܟܕ ܩܒܠܗ ܐܘܦܪܘܣܼ ܐܣܩܗ ܥܡܗ ܠܒܐܡܐ: ܟܕ ܡܬܪܓܡ ܠܡܕܝܢܬܐ ܥܠܘܗܝ ܘܐܡܿܪ. ܕܬܘ ܠܡ ܚܙܘ ܠܢܘܚ ܕܬܪ̈ܝܢܿ. ܕܐܝܟ ܕܒܩܒܘܬܐܿ. ܘܐܦ ܗܼܘ ܐܫܬܘܙܒ ܡܢ ܛܘܦܢܐ ܕܬܪ̈ܝܢ. ܡܝܬ ܕܝܢ ܬܡܢ ܗܼܘ ܐܣܩܠܝܦܼ ܘܠܐ ܬܘܒ ܗܦܼܟ ܠܐܘܪܗܝ. ܘܗܘܼܐ ܢܘܚܐܼ ܠܟܠܗܘܢ ܡ̈ܗܝܡܢܐ. ܘܐܦ ܗܠܝܢ ܕܚܒܝܫܝܢ ܗܘܘ ܠܗ: ܒܬܪ ܥܪܘܩܝܗܿ ܢܦܩܘ ܗܘܼܘ ܘܐܼܙܠܘ ܟܠܢܫ ܠܥܘܡܪܗ.

ܒܗܢܐ ܕܝܢ ܙܒܢܐ ܡܬܝܕܥܝܢ܆ ܐܒܪܗܡ ܐܦܝܣܩܘܦܐ ܕܗܢܙܝܛ.. ܘܡܪܝ ܡܪܘܢ ܐܣܛܘܢܝܐ ܕܕܝܪܐ ܕܚܣܝܟܐ.. ܘܡܪܝ ܫܡܥܘܢ ܚܒܝܫܝܐ. ܘܡܪܝ ܣܪܓܝܣ ܬܠܡܝܕܗ ܕܒܩܠܫ܀ ܡܬܝܕܥܼ. ܐܦ ܡܪܝ ܡܪܐ ܕܪܝܫܕܝܪܐ ܕܨܘܪܬܐ ܕܥܠ ܕܩܠܬ. ܘܡܪ ܐܕܝ ܣܥܘܪܐܼ ܡܢ ܕܝܪܐ ܕܦܪܕܝܣܐ. ܘܡܪܝ ܝܘܚܢܢ ܘܙܩܢܝܐ܀.. ܦܛܪܝܪ̈ܟܐ ܪ̈ܕܝܦܐ: ܬܐܕܣܘܝܘ ܕܐܠܟܣܢܕܪܝܐ.. ܣܐܘܪܐ ܕܐܢܛܝܘܟܝܐ.. ܐܢܬܝܡܘܣ ܕܩܘܣܛܢܛܝܢܦܘܠܣ܀ ܗܪ̈ܛܝܩܐ ܗܠܝܢ: ܕܐܢܛܝܟܝܐܼ ܐܘܦܝܪܣ.. ܕܩܘܣܛܢܛܝܢܦܘܠܝܣܼ ܐܦܝܦܢܝܘܣ܀ ܕܪܗܘܡܐܼ ܗܘܪܡܙܕܐ.. ܕܐܘܪܫܠܡܼ ܦܛܪܣ.. ܕܐܠܟܣܢܕܪܝܐܼ ܛܝܡܬܐܘܣ.

ܫܢܬ ܬܡ̈ܢܡܐܐ ܘܬܠ̈ܬܝܢ ܘܫ̈ܒܥܼ. ܐܬܗܦܼܟܬ ܐܢܛܝܟܝܐ. ܒܫܢܬܐ ܕܝܢ ܕܫܒ̈ܥ ܕܡܠܟܘܬܗܕ ܝܠܗ ܕܝܘܣܛܝܢܐ: ܕܐܝܬܝܗܿ ܫܢܬ ܬܡ̈ܢܡܐܐ ܘܬܠ̈ܬܝܢ ܘܫܒ̈ܥܼ. ܐܬܗܦܼܟܬ ܐܦ ܐܢܝܟܝܐ ܪܒܬܐ: ܗܦܘܟܝܐ ܕܚ̈ܡܫܐ ܕܝܠܗܿ. ܒܫܒ̈ܥ ܫ̈ܥܝܢ ܕܝܘܡܐ. ܗܦܘܟܝܐ ܕܚܝܠܐ ܘܡܪܝܪܐܼ. ܕܐܢܫ ܢܫܥܝܘܗܝ ܠܐ ܡܨܐ. ܕܗܟܢܐ ܪܘܓܙܐ ܩܫܝܐ ܘܡܪܝܪܐ ܕܡܢ ܫܡܝܐ ܗܼܘܐܼ. ܐܝܟܢܐ ܕܐܝܠܝܢ ܕܐܬܦܠܛܘ

Page 48

ܗܘܘ ܡܢ ܚܐܦܐ ܕܚܝܠܐ ܕܪܘܓܙܐ ܕܙܘܥ ܘܕܗܦܘܟܝܐܼ. ܢܘܪܐ ܒܗܘܢ ܣܿܦܬ ܗܘܬܼ ܘܡܘܩܕܐ ܗܘܬ ܠܗܘܢ. ܘܦܪܚܪ̈ܘܚܝܬܐ ܦܪ̈ܚܢ ܗܘ̈ܝܼ ܘܡܘ̈ܩܕܢ ܠܟܠܡܕܡ ܕܫܟ̈ܢܢ ܥܠܘܗܝ: ܘܗܼܝ ܐܪܥܐ ܡܢ ܠܬܚܬ ܡܢ ܓܘ ܥܦܪܐ ܡܛܪܛܥܐ ܗܘܬܼ. ܘܪܬܚܿܐ ܘܡܘܩܕܐ ܠܟܠ ܕܡܫܬܟܚ ܗܘܐ. ܘܗܟܢܐ ܘܐܦ ܫ̈ܬܐܣܐ ܥܡ ܟܠܗܘܢ ܡܕܝܪ̈ܐ ܕܥܠܝܗܝܢ܆ ܡܬܠܝܢ ܗܼܘܘ ܘܡܫܘܪܝܢ ܘܣܠܩܝܢ ܘܢܚܬܝܢ ܘܡܬܦܩܥܝܢ ܗܘܘ ܘܡܣܬܿܚܦܝܢ ܘܢܦܿܠܝܢ ܘܝܕܩܝܢ ܒܢܘܪܐ. ܘܠܗܠܝܢ ܕܡܬܦܠܛܝܢ ܗܘܘ ܘܒܥܿܝܢ ܕܢܥܪܩܘܢܼ. ܦܓܥܐ ܗܘܬ ܒܗܘܢ ܢܘܪܐ. ܘܣܦܿܐ ܒܗܘܢܼ ܘܡܘܩܕܐ ܠܗܘܢ. ܟܕ ܐܝܟ ܩܝ̈ܣܐ ܝܩܿܕܝܢ ܗܘܘ. ܘܠܫ̈ܢܐ ܕܫܠܗܒܝܬܐܼ. ܕܚܠܐܝܬ ܘܡܪܝܪܐܝܬ ܡܫܬܠܗܒܝܢ ܗܘܘܿ. ܒܝܕ ܪܘܓܙܐ ܥܙܝܙܐ. ܘܬܘܒ ܡܢ ܫܡܝܐ ܐܝܟ ܡܛܪܐܼ. ܫܠܗܒܝܬܐ ܡܡܼܛܪܐ ܗܘܬ. ܘܐܝܟ ܐܬܘܢܐ ܫܓܝܪܐ ܡܟܝܠ ܟܠܗܿ ܡܕܝܢܬܐܼ. ܡܫܬܠܗܒܐ ܗܘܬ. ܟܕ ܣܟ ܐܣܬܚܦܬ ܘܢܦܠܬܼ. ܘܐܬܗܼܦܟܬ ܘܝܩܕܬ ܒܢܘܪܐ. ܘܣܛܪ ܡܢ ܒ̈ܬܐ ܩܠܝܠ ܕܒܫ̈ܦܘܠܘܗܝ ܒܠܚܘܕ ܕܛܘܪܐ: ܗܿܘ ܕܠܥܠ ܡܢܗܿ ܐܫܬܚܪܘ. ܟܕ ܐܦ ܗܼܢܘܢ ܡܨܪܝܢ ܘܡܿܝܝܛܝܢ ܠܘܬ ܡܦܘܠܬܐ. ܘܒܟܠܝܘܡ ܡܣܬܚܦܝܢ ܗܘܘ ܐܦ ܗܼܢܘܢܼ. ܘܡܘܩܕܝܢ ܗܘܘ ܠܐܝܠܝܢ ܕܐܫܬܚܪܘ. ܠܐ ܓܝܪ ܦܼܫ ܒܝܬܐ ܐܘ ܥܕܬܐܼ. ܐܘ ܒܢܝܢܐ ܐܝܢܐ ܕܗܼܘܿ. ܥܕܡܐ ܠܣܝ̈ܓܐ ܕܓܢ̈ܐ ܕܠܐ ܐܨܛܪܝܘ ܘܐܬܬܪܥܘ ܘܐܣܬܚܦܘ ܘܢܦܠ. ܘܫܪܟܐ ܝܩܼܕܘ ܘܪܒܚܘ ܘܗܼܘܘܼ ܐܝܟ ܪܘܚܐ ܐܫܝܕܐ. ܡܢ ܓܝܪ ܬܚ̈ܬܝܬܗܿ ܕܐܪܥ ܡܛܪܛܥ ܗܘܐ ܘܣܿܠܩ ܚܼܠܐ ܪܛܝܒܐ. ܟܕ ܘܐܦ ܪܝܚ ܙܗܡܘܬܗ ܕܝܡܐܼ. ܘܐܝܟ ܪܛܝܒܘܬܐ ܕܡ̈ܝܐ ܒܗܿ ܡܬܚܙܝܐ ܗܼܘܬ. ܐܝܟܐ ܕܐܦ ܙ̈ܠܦܐ ܕܝܡܐ ܒܪܬܚܐ ܕܚܼܠܐ ܢܣ̈ܩܢ.

Page 49

ܥܠ ܝܩܕܢܐ ܕܥܕܬܐ ܪܒܬܐ ܕܐܢܛܝܟܝܐ ܫܒܥ ܝܘ̈ܡܝܢ. ܥܕܬܐܗܟܝܠ ܪܒܬܐ ܕܒܿܢܝܐ ܠܩܘܣܛܝܢܛܝܢܣ ܙܟܝܐ: ܗܿܝ ܕܡܬܐܡܪܐ ܗܘܬܼ.ܕܠܝܬ ܗܘܬ ܐܟܘܬܗܿ ܒܟܠܗ ܒܝܬ ܪ̈ܗܘܡܝܐ: ܦܫܼܬ ܗܘܬ ܟܪ ܡܿܨܪܝܐ ܘܩܿܝܡܐ. ܘܒܝܘܡܐ ܕܫܒ̈ܥܐ ܡܢ ܫܠܝܐ ܣܦܼܬ ܘܐܦ ܒܗܿ ܢܘܪܐܼ ܡܢ ܠܥܠ ܥܕܠܡܐ ܠܬܚܬ. ܘܢܦܠܬܼ ܘܪܒܚܬ ܥܠ ܐܪܥܐ. ܗܟܢܐ ܘܐܦ ܫܪܟܐ ܕܥܕ̈ܬܐ ܐܚܪ̈ܢܝܬܐܼ. ܕܐܝܟܢ ܕܗܼܘ ܐܬܦܿܠܛ ܡܢ ܡܦܘܠܬܐ ܕܙܘܥܐܼ. ܒܚܪܬܐ ܒܢܘܪܐ ܕܡܢ ܫܠܝܐܼ. ܒܪܘܓܙܐ ܪܒܐ ܝܩ̈ܝܕ ܗܘ̈ܝ ܘܡܣ̈ܬܚܦܝܢ ܗܘ̈ܝܼ ܥܕܡܐ ܠܫܬܐ̈ܣܐ. ܐܒ̈ܕܝܢ ܕܝܢ ܢܦ̈ܫܬܐ ܘܐܬܚܒ̈ܠܝܢ ܒܗܿ ܒܡܝܕܢܬܐ ܐܢܟܝܟܐܼ. ܟܕ ܗܼܘܬ ܐܝܟ ܡܥܨܪܬܐ ܕܪܘܓܙܐ ܠܟܠܗܘܢ ܥܡܘܪ̈ܝܗܿ. ܐܝܟ ܕܟܬܼܒ ܝܘܚܢܢ ܐܢܛܝܟܝܐ: ܗܿܘ ܕܗܠܝܢ ܐܟܬܒ ܥܝܠܗܿ: ܐܝܟ ܕܐܫܟܚܘ ܗܠܝܢ ܕܚܝ̈ܝܢ ܗܘܘ ܢܚܫܼܒܘܢ ܠܗܠܝܢ ܕܡܝܬܘ ܘܕܡܬܓܠܝܢ ܗܘܘ ܘܡܫܬܟܚܝܢ܆ ܐܬܚܫܒܘ ܐܠܦ̈ܐ ܡ̈ܬܝܢ ܘܚ̈ܡܫܝܢ. ܥܐܕܐ ܓܝܪ ܐܝܬܘܗܝ ܗܘܐ. ܘܡܢ ܥܠܼܬܐܗܕܐܼ ܣ̈ܓܝܐܐ ܟܢܝܫܝܢ ܗܘܘ ܒܡܕܝܢܬܐ ܪܒܬܐ ܘܫܒܝܚܬ ܒܒܢܝ̈ܢܐ ܘܒܨܒܘ̈ܬܗܿ. ܘܐܝܬܝܗܿ ܗܘܬܼ ܪܚܡܬܐܟ̈ܣܢܝܐ. ܩܒܪܐ ܡܢ ܫܠܝ ܠܐܟ̈ܣܢܝܐ ܥܡ ܥܡܘܪ̈ܝܗܿ ܗܘܼܬ. ܟܕ ܥܠ ܣܟܐ ܕܗܿܢܘܢ ܕܐܒܕܘ: ܠܐ ܣܦܼܩܢ ܠܡܟܬܒܼ. ܐܠܐ ܐܢ ܩܠܝܠ ܡܢ ܣܓܝ̈ܐܬܐ ܪܫܡܼܢ܆ ܥܠ ܪܘܓܢܐ ܕܚܝܠܠܐ ܕܡܢ ܫܠܝܐ ܐܕܪܟܗܿ ܠܡܕܝܢܬܐ ܪܒܬܐ ܐܢܛܝܟܝܐ. ܥܠ ܨܠܝܒܐ ܕܐܬܚܙܝ ܒܫܡܝܐ ܡܢ ܒܬܪ ܡܦܘܠܬܗܿ ܕܝܠܗܿ ܕܐܢܛܝܟܝܐ. ܒܝܘܡܐ ܕܝܢ ܕܡܦܘܠܬܗܿ ܕܬܠܬܐܼ.

Page 50

ܕܐܝܬܘܗܝ ܝܘܡ ܚܕܒܫܒܐܼ ܐܬܚܙܝ ܨܠܝܒܐ ܕܢܘܗܪܐ ܒܫܡܝܐ ܒܦܢܝܬܐ ܡܥܪܒܝܬܐ. ܘܟܠܗܘܢ ܐܝܠܝܢ ܕܐܫܬܚܪܘ ܕܚܝ̈ܝܢ ܚܙܘ ܘܐܬܬܙܝܥܘ. ܘܗܘܼܘ ܩܥܿܝܢ ܩܘܠܝܠܣܘܢ. ܟܕ ܚܝܪܝܢ ܒܗܼ ܐܝܟ ܫܥܐ ܚܕܐ. ܘܗܢܟܐ ܐܬܚܿܦܝ ܒܥܢ̈ܢܐܼ. ܟܕ ܟܠܢܫ ܬܗܝܪ ܗܘܐ. ܒܬܪ ܗܟܢܐ ܬܚܙܝܬ ܡܪܚܡܢܘܬܗ ܘܛܝܒܘܬܗ ܕܐܠܗܐ. ܟܕ ܡܫܬܟܚܝܢ ܗܘܘ ܒܢ̈ܝܢܫܐ ܒܬܪ ܬܠ̈ܬܝܢ ܘܐܪ̈ܒܥܝܢ ܝܘ̈ܡܝܢܼ ܕܚܝܿܝܢ܆ ܓܒܪ̈ܐ ܘܢܫ̈ܐ ܘܛܠܝ̈ܐ ܘܝܠܘ̈ܕܐ ܒܓܘ ܟܠܗ ܗܿܘ ܝܩܕܢܐ ܫܓܝܪܐ ܕܫܠܗܒܝܬܐ. ܐܝܟܢܐ ܕܢܬܡܗܘܢ ܟܠܗܘܢ ܒܢ̈ܝܢܫܐ ܘܢܿܘܕܘܢ ܠܪ̈ܚܡܐ ܫ̈ܦܝܥܐ ܕܐܠܗܐܼ. ܕܠܐ ܟܿܠܐ ܛܝܒܘܬܗ ܡܢ ܓܒܝܠܬܗ. ܙܘܥܐ ܕܝܢ ܗܘܼܐ ܒܟܠܗܘܢ ܝܘ̈ܡܬܐ ܘܠܝ̈ܠܘܬܐ ܗܠܝܢܼ ܥܕܡܐ ܠܫܢܬܐ ܘܦܓܠܗܿ ܘܐܡܝܢܐܝܬ ܒܟܠ ܙܒܢ.

ܥܠ ܡܘܬܗ ܫܟܝܪܐ ܕܐܘܣܦܪܘܣ ܦܛܪܝܪܟܐ ܕܐܢܛܝܟܝܐ. ܟܪ ܡܿܓܠܝܢ ܓܝܪ ܐܝܠܝܢ ܕܚܝܘ ܘܐܫܬܘܙܝܘ ܡܢ ܪܘܓܙܐ: ܘܡܢ ܐܬܪ̈ܘܬܐ ܐܚܪܗܢܐ ܘܡܢ ܡܕ̈ܝܢܬܐ ܕܚܕܝܪ̈ܢ ܕܐܬܟܢܫܘ ܠܗܿ ܠܐܢܛܝܟܝܐ ܡܕܝܢܬܐ ܘܡܿܣܩܝܢ ܗܘܘ ܫ̈ܠܕܐ ܕܛܡܝܪ̈ܢ ܒܪܘܓܙܐ. ܐܫܬܟܚܼܬܿ ܫܠܕܗ ܕܐܘܦܪܘܣ [ܒܩܕ]ܪܐ ܕܙܒܢܬܐ ܕܙܩ̈ܩܐ܆ ܕܐܝܬܝܗܘܢ ܗܘܘ ܬܚܝܬ ܐܦܣܩܦܝܢ ܕܝܠܗ. ܘܟܕ ܐܬܗܦܟ ܘܢܦܼܠ ܒܝܬ ܐܦܣܩܦܝܘܢܼ. ܐܣܬܩܒܠ ܗܢܐ ܘܢܦܼܠ ܒܗ ܒܩܕܣܐ. ܘܛܒܼܥ ܟܠܗ ܓܘܫܡܐ ܒܩܕܣܐ. ܘܐܫܬܠܩ ܒܗܿ ܒܙܦܬܐ. ܘܪܝܫܗ ܐܫܬܟܚ ܥܝܝܦܼ ܥܠ ܣܦܬܗ ܕܩܕܣܐ ܡܢ ܠܒܪ. ܘܗܟܢܐ ܐܬܝܕܥ ܡܢ ܦܪܨܘܦܗ ܕܗܘܝܘ.. ܟܕ ܓܪ̈ܡܘܗܝ ܐܫܬܟܚܼܘ ܫܠܘܚܝܢ ܡܢ ܙܦܬܐ. ܘܐܢ̈ܫܐ

Page 51

ܕܝܢ ܗܪ̈ܝܛܩܘ ܒܢ̈ܝ ܬܪܥܝܬܗ ܗܠܝܢ ܕܒܐܢܛܝܟܝܐ ܗܘܘܼ. ܡܛܥܝܢ ܗܘܘ ܒܒܢܝ̈ܢܫܐ ܘܐܡܿܪܝܢ܆ ܕܠܫܡܝܐ ܐܬܚܛܦ. ܐܠܗܐ ܕܝܢ܆ ܡܛܠ ܕܢܦܪܣܐ ܛܥܝܘܬܗܘܢܼ. ܢܛܪܗ ܗܘܐ ܠܦܪܨܘܦܗ ܟܕ ܠܐ ܡܚܒܠܼ ܐܝܟ ܗܿܘ ܕܚܿܝܐ ܗܘܐ. ܘܕܚܠܬܐ ܘܙܘܥܬܐ ܐܚܕܬ ܟܠܗܘܢ ܐܝܠܝܢ ܕܚܼܙܘ: ܘܕܘܡܪܐ ܪܒܐ ܗܘܼܐ ܠܡܗ̈ܝܡܐ ܟܕ ܕܝܢ ܥܗܕܝܢ ܠܚܘܨܦܐ ܕܒܝܫܬܗ ܘܠܨܢ̈ܥܬܗ ܡܪ̈ܝܪܬܐ. ܘܠܪܕܘܦܝܐ ܘܒܙܬܐ ܕܥܒܼܕ ܘܐܘ̈ܠܨܢܐ ܕܐܣܒܼܠ ܠܒܢܝ̈ܢܫܐܼ. ܗܿܝ ܕܠܐܿ ܗܼܘ ܒܠܚܘܕ ܣܥܿܪ ܗܘܐܼ. ܐܠܐ ܘܐܦ ܡܚܿܦܛ ܗܘܐ ܠܟܠܗܘܢ ܐܦܝܣ̈ܩܦܐ ܕܬܚܝܬ ܫܘܠܛܢܗ: ܠܡܣܥܪ ܘܡܪܕܦܘ ܘܠܡܒܙܘ ܘܠܡܫܬܢܕܘ ܒܒܢ̈ܝܢܫܐ. ܗܕܐ ܕܟܕ ܥܠܼܬܐ ܘܚܝܠܐ ܫܩܠܘ ܡܢܗ ܟܠܗܘܢ ܐܬܪܡܝܘ ܠܒܝ̈ܫܬܐ ܗܠܝܢ. ܟܕ ܛܿܢܝܢ ܒܚܕ̈ܕܐܼ ܘܡܬܚܦܛܝܢ ܕܐܝܢܐ ܡܢܗܘܢ ܢܥܒܪ ܠܚܒܪܗܼ ܒܪܕܘܦܝܐ ܘܒܝ̈ܫܬܐ ܕܒܟܠ ܐܬܪ ܘܡܕܝܢܐ. ܗܠܝܢ ܕܠܐ ܣܦܿܩܝܢ ܠܗܝܢ ܟ̈ܬܒܐ ܣܓܝ̈ܐܐ ܕܢܣܝܟܘܢ܇ ܐܘ̈ܠܨܢܐ ܘܪ̈ܕܘܦܝܐ ܘܒܝ̈ܫܬܐ ܕܒܟܠ ܐܬܪ ܘܡܕܝܢܐ. ܗܠܝܢ ܕܠܐ ܣܦܿܩܝܢ ܠܗܝܢ ܟ̈ܬܒܐ ܣܓܝ̈ܐܐ ܕܢܣܝܟܘܢ܇ ܐܘ̈ܠܨܢܐ ܘܪ̈ܕܘܦܝܐ: ܘܫ̈ܢܕܐ ܬܘܒ ܘܐܣܘܪ̈ܐ ܘܚܒ̈ܘܫܝܐܿ. ܕܒܟܠܗܘܢ ܐܬܪ̈ܘܬܐ ܘܡܕܝ̈ܢܬܐ ܡܣܬܥܪܝܢ ܗܘܘ ܡܢ ܐܦܝ̈ܣܩܦܐ ܘܩܠܝܪ̈ܝܩܘ ܘܦܪ̈ܗܝܕܘܛܐܿ. ܘܡܢ ܟܘܪܐܦܝ̈ܣܩܦܐ ܘܕܪܫܟܐ: ܒܦܘܩܕܢܐ ܘܒܝܨܦܘܬܐ ܕܐܘܦܪܘܣܿ. ܘܕܗܿܘ ܕܩܕܡܘܗܝ ܒܟܠܗܘܢ ܝܘܡ̈ܝ ܚܝ̈ܝܗܘܢ.

ܥܠ ܗܦܘܟܝܐ ܕܣܠܘܩܝܐ ܘܕܕܦܢܐ ܕܚܕܪܝܗܿ܆ ܕܒܙܘ̈ܐ ܬܚ̈ܝܠܐ. ܣܠܘܩܝܐ ܕܝܢ ܕܣܘܪܝܐ ܘܕܦܢܐ ܗܿܝ ܕܠܥܠ ܡܢ ܐܢܛܝܘܟ: ܠܥܣܪ̈ܝܢ ܡܝ̈ܠܝܢܼ ܐܘܪܟܐ ܘܦܬܝܐ: ܐܬܗ̈ܦܼܟܝܢ ܘܐܬܚܒ̈ܠܝܢ ܘܗܘܼ̈ܝ ܙܘܥܬܐ ܠܚ̈ܙܝܝܗܝܢ ܐܦ ܗܼܢܝܢ܆ ܕܠܐ ܝܩܕܢܐܼ ܐܠܐ ܒܙܘܥܐ ܒܠܚܘܕ܀ ܐܝܟܢܐ ܕܡܠܟܐ ܝܘܣܛܢܘܣ ܟܕ ܥܠ ܗܢܐ ܟܠܗ ܚܒܿܠܐ ܘܐܒܕܢ ܓܡܝܪܐ ܕܐܢܛܝܟ ܘܕܣܠܘܩܝܐ ܘܕܕܦܢܐ ܝܠܦܼ. ܫܩܼܠ

Page 52

ܬܓܗ ܡܢ ܒܫܚܐ ܡܪܝܪܐܼ. ܘܫܠܼܚ ܐܪ̈ܓܘܢܘܗܝܼ ܘܝܬܼܒ ܒܐܒܠܐ. ܟܕ ܣܟ ܡܕܡ ܠܐ ܡܩܒܠ ܗܘܐ ܕܢܫܡܼܥ ܐܘ ܕܢܣܼܥܘܪ: ܐܠܐ ܟܕ ܒܿܟܐ ܝܿܬܒ ܗܘܐܚܢܝܓܐܝܬܼ. ܥܠ ܣܘܠܩܝܐ ܘܕܦܢܐ ܘܐܢܛܝܟ. ܝܿܕܥ ܗܘܐ ܠܗܝܢ ܓܝܪ ܘܡܚܒ ܗܘܐ ܠܗܝܢ ܣܿܓܝܼ. ܘܡܿܫܒܚ ܗܘܐ ܠܗܝܢ. ܟܕ ܓܝܪ ܥܐܕܐ ܐܝܬܘܗܝ ܗܘܐ ܕܦܢܛܩܘܣܛܐܼ. ܢܦܼܩ ܗܘܐ ܗܼܘ ܡܿܠܟܐ ܠܥܕܬܐ ܗܟܢܐ. ܟܕ ܐܒܝܼܠ ܗܘܐ ܘܒܿܟܐܼ. ܕܠܐ ܬܓܐ ܕܡܠܟܘܬܐ. ܟܕ ܠܒܝܫ ܡ̈ܐܢܐ ܕܐܒܠܐܼ. ܘܕܟܪܝܘܬܐ ܥܠ ܚܘܒܿܠܗܝܢ. ܐܝܟܢܐ ܕܐܦ ܟܠܗܿ ܣܘܩܠܝܛܣ ܕܝܠܗ: ܟܕ ܚܙܘܘܗܝ ܕܗܟܢܐ ܐܒܝܠܼ. ܢܬܟܣܘܢ ܡ̈ܐܢܝ ܐܒܠܐ ܐܟܘܬܗ. ܫܕܪ ܕܝܢ ܩܢܛܝܢܪ̈ܐ ܚܡ̈ܫܐܼ. ܕܗܘ̈ܝܢ ܚܡ̈ܫܡܐ ܠܝܛܪ̈ܐ. ܕܬܬܓܠܐ ܐܢܛܝܟܝܐ ܡܕܝܢܬܐ ܘܕܬܬܒܢܐ: ܥܡ ܣܠܘܩܝܐ ܘܕܦܢܐ. ܘܕܢܦܿܩܘܢ ܫ̈ܠܕܐ ܕܐܬܛܡܪ̈ܝܢ ܒܗ̈ܝܢ܇ ܐܠܦ̈ܐ ܣ̈ܓܝܐܐ ܕܢܦ̈ܫܬܐ ܕܠܐ ܐܬܡ̈ܢܝܝܢ ܕܐܒܕܝܢ ܒܪܘܓܙܐ ܕܚܝܠܐ. ܘܗܘܬܼ ܗܟܢܐ. ܘܐܬܒܢܝܬ ܐܢܛܝܘܟܝܐ ܘܣܠܘܩܝܐ ܘܕܦܢܐ.

ܫܢܬ ܬܡ̈ܢܡܐܐ ܘܐܪ̈ܒܥܝܢ܆ ܗܘܼܐ ܙܘܥܐ ܪܒܐܼ ܘܐܬܗܼܦܟܬ ܒܗ ܕܘܪܟܝܢ.. ܥܠ ܡܪ̈ܕܘܬܐ ܕܝܢ ܕܚܝ̈ܠܬܐܿ. ܗܠܝܢ ܕܡܿܝܬܝܢ ܒܗ ܕܘܪܟܝܢ.. ܥܠ ܡܪ̈ܕܘܬܐ ܕܝܢ ܕܚܝ̈ܠܬܐܿ. ܗܠܝܢ ܕܡܿܝܬܝܢ ܚܛܗ̈ܐ ܕܒܢ̈ܝܢܫܐ ܒܟܠܙܒܢ܆ ܘܗܦܘܟܝܐ ܕܡܕܝ̈ܢܬܐܼ ܡܢܘܼ ܣܦܿܩ ܕܢܫܬܥܐ. ܐܝܟܢܐ ܕܓܕܫܬܼ ܘܐܦ ܠܡܕܝܢܬܐ ܗܕܐ ܕܘܪܟܝܢ ܡܛܪܘܦܘܠܝܣ ܕܗܘܦܪܟܝܐ ܚܕܬܐ ܕܡܬܩܪܝܐ ܗܘܦܪܟܝܣ. ܕܡܢܗܿ ܐܝܬܘܗܝ ܗܘܼܐ ܐܢܣܛܘܣ ܡܿܠܟܐ. ܕܐܝܟܢܐ ܡܢ ܫܠܝܐ ܙܥܬ ܘܡܛܬ ܘܢܦܠܼܬ ܒܙܘܥܐ ܪܒܐ. ܒܗ ܗܟܝܠ ܒܙܒܢ ܗܢܐ ܢܦܠܼܬ ܘܟܒܼܫܬ ܠܥܡܘܪ̈ܝܗܿ.

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܚܕܐܼ. ܗܘܼܐ ܙܘܥܐ ܪܒܐܼ. ܘܢܦܠܼܬ ܒܗ ܐܦ ܩܘܪܢܬܘܣ ܡܕܝܢܬܐܼ. ܡܝܛܪܘܦܘܠܝܣ ܕܐܠܐܕܐ.

Page 53

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܬܪ̈ܬܝܢ܆ ܐܬܗܦܼܟܬ ܐܦ ܐܢܐܙܪܒܐ ܡܝܛܪܘܦܘܠܝܣ ܕܩܠܩܝܐ. ܗܦܘܟܝܐ ܕܐܪ̈ܒܥܐ ܕܝܠܗܿ.

ܒܬܪ ܐܘܦܪܘܣܼ ܗܘܼܐ ܦܛܪܝܪܟܐ ܒܐܢܛܝܟܝܐܼ ܐܦܪܝܡ ܐܡܕܝܐܼ ܗܿܘ ܕܚܼܿܦܝ ܒܒܝ̈ܫܬܗ ܠܟܠܗܘܢ ܕܩܕܡܘܗܝ. ܘܐܦ . . . . . . . . . ܐܝܟܢܐ ܕܒܝܬ ܛܪܝܢܘܣ ܘܕܘܩܠܛܝܢܣ. ܬܠܡ̈ܝܕܐ ܙܕܩ ܕܢܿܗܿܘܿܘܿܢ܀ . . .

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܬܪ̈ܬܝܢ܆ ܐܡܠܟܼ ܝܘܣܛܢܝܢܐ ܣܒܐ ܠܝܘܣܛܢܝܢܐ ܒܪ ܚܬܗܼ ܥܡܗ.

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܬܠ̈ܬܼ. ܢܚܼܬ ܪܘܦܝܢܐܼ ܘܥܒܼܕ ܫܢܐ ܒܝܬ ܪ̈ܗܘܡܝܐ ܘܠܦܪ̈ܣܝܐ.. ܘܒܗ ܒܝܘܡܐܼ ܐܬܚܙܝܘ ܟܘ̈ܟܒܐܕܒܫܡܝܐ ܟܕ ܡܕܝܨܝܢ.

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܐܪ̈ܒܥܼ. ܐܬܼܐ ܐܓܪܝܦܣ ܡܠܟܐ ܕܗܘܪ̈ܦܘܠܝܐ ܥܡ ܟܠܗ ܚܝܠܗܼ. ܘܟܠܗܘܢ ܪ̈ܘܪܒܢܘܗܝ ܘܬܪ̈ܥܣܪ̈ ܒܢܗܝ ܓܢܣܗ ܠܘܬ ܝܘܣܛܢܝܢܐ. ܘܫܠܼܡ ܠܗ ܘܐܦܝܣܢܗ ܕܢܗܘܐ ܟܪܣܛܝܢܐ. ܗܕܐ ܕܟܕ ܫܡܼܥ ܗܘܼ ܡܠܟܐ ܝܘܣܛܢܝܢܐ ܚܕܝܼ. ܡܛܠ ܕܣܓܝ ܝܨܦܘܬܐ ܘܚܦܝܛܘܬܐ ܣܓܝܐܬܐ ܐܝܬ ܗܘܐ ܠܗ: ܕܢܦܢܐ ܥܡܡ̈ܐ ܛܥܝ̈ܐ ܠܗܝܡܢܘܬܐܿ. ܦܩܼܕ ܕܝܢ ܘܥܡܼܕ ܒܥܐܕܐ ܩܕܝܫܐ ܕܒܝܬ ܕܢܚܐ. ܗܼܘ ܘܒܢ̈ܝ ܓܢܣܗ ܘܪܘܪ̈ܒܢܘܗܝ ܘܚܝܗ. ܟܕ ܐܦ ܩܒܿܠܗ ܡܢ ܡܥܡܘܕܝܬܐ ܡܿܠܟܐ ܙܟܝܐ. ܘܟܕ ܡܘ̈ܒܬܐ ܣܓܝ̈ܐܬܐ ܝܗܻ ܠܗ ܘܫܕܪܗ.

ܫܢܬ ܬܡܢ̈ܡܐܐ ܘܐܪ̈ܒܥܝܢ ܘܚܡܫܼ̈. ܐܬܼܐ ܓܘܪܕܝܘܣ ܡܠܟܐ ܕܗܘ̈ܢܝܐ ܥܡ ܚܝܠܐ ܣܓܝܐܐ ܠܡܕܝܢܬ ܡܠܟܘܬܐܼ. ܘܫܼܐܠ ܕܢܗܘܐ ܟܪܣܛܝܢܐ. ܘܐܬܬܠܡܕܘ ܘܥܡܕܘ. ܘܩܒܠܗ ܡܢ ܡܥܡܘܕܝܬܐܼ ܗܼܘ ܝܘܣܛܢܝܢܐ. ܟܕ ܝܩܪܗ ܘܝܗܼܒ ܠܗ ܡܘ̈ܗܒܬܐ ܣܓܝ̈ܐܬܐܼ ܘܫܪܝܗܝ

Page 54

ܕܢܐܙܠ ܠܐܬܪܗ. ܗܢܐ ܕܟܕ ܐܼܙܠ ܠܐܬܪܗ: ܘܐܫܟܚ ܠܐܚܘܗܝ ܗܿܘ ܕܡܩܡ ܗܘܼܐ ܠܗ ܥܠ ܚܝܠ̈ܘܬܗ: ܘܐܘܕܥܗ ܥܠ ܟܪܣܛܝܢܘܬܗ: ܘܚܘܝ ܠܗ ܐܦ ܥܘܬܪܐ ܘܡܘ̈ܗܒܬܐ ܕܝܠܗ ܕܡܿܠܟܐ ܕܪ̈ܗܘܡܝܐܼ ܘܬܡܗ.. ܫܩܠ ܕܝܢ ܦܬܟܪ̈ܐ ܕܣܐܡܐ ܘܕܕܗܒܐ ܕܣܓܕܝܢ ܗܘܘ ܠܗܘܢ. ܟܕ ܗܝܡܢ ܕܚܕ ܗܼܘ ܐܠܗܐ ܫܪܝܪܐ ܒܠܚܘܕܘܗܝ: ܘܗܠܝܢ ܦܬܟܪ̈ܐ ܚܪ̈ܫܐ ܐܢܘܢܼ ܘܠܐ ܗܘܘ ܐܠܗ̈ܐܼ. ܘܬܒܪ ܐܢܘܢܼ. ܘܫܕܪ ܐܢܘܢ ܠܒܙܒܪܘܣ ܡܝܕܢܬܐ: ܕܢܚܠܦ ܐܢܘܢ ܒܙܘ̈ܙܐ. ܘܟܕ ܗܠܝܢ ܚܼܙܐ ܐܚܘܗܝ ܘܟܠܗܘܢ ܚܝܠ̈ܘܬܗܼ. ܐܬܡܠܼܝܘ ܥܠܘܗܝ ܪܘܓܙܐ ܥܡ ܟܘܡܪ̈ܝܗܘܢ ܕܝܠܗܘܢ ܕܦܬܟܪ̈ܐ. ܘܚܫܠܘ ܥܠܘܗܝ ܢܟܝܠܐ ܘܩܛܠܘܗܝ. ܘܟܕ ܕܚܠܘ ܡܢ ܡܠܟܐ ܕܪ̈ܗܘܡܝܐ ܥܼܪܩܘ ܠܗܘܢ ܠܐܬܪܐ ܐܚܪܢܐ.

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܫ̈ܬܼ. ܡܝܬ ܝܘܣܛܢܝܢܐ ܣܒܐ. ܘܐܡܠܼܟ ܒܪ ܚܬܗܼ ܝܘܣܛܢܝܢܐ. ܥܠ ܡܠܟܘܬܐ ܕܗ̈ܢܕܘܝܐܼ ܘܕܐܝܟܢܐ ܡܢ ܥܠܼܬ ܩܪܒܐ ܗܘܼܘ ܟܪ̈ܛܣܝܢܐ. ܒܗ ܗܟܝܠ ܒܙܒܢܐ ܗܢܐ ܓܕܫܼ. ܕܢܗܘܐ ܩܪܒܐ ܠܡ̈ܠܟܐ ܕܗ̈ܢܕܘܝܐ ܥܡ ܚܕ̈ܕܐ. ܗܢܘ ܕܝܢ ܠܡܿܠܟܐ ܕܗ̈ܢܕܘܝܐ ܕܫܡܗ ܗܘܐ ܐܟܣܘܢܕܢ܆ ܠܘܬ ܡܿܠܟܐ ܐܚܪܢܐ ܕܗܢܕܘ ܓܘܝܬܐ. ܕܫܡܗ ܗܘܐ ܐܢܕܘܓܼ ܕܐܝܬܘܗܝ ܗܘܐ ܚܢܦܐ. ܗܢܐ ܕܐܦ ܠܗ ܬܘܒ ܟܕ ܫܠܝܘ ܡܢ ܩܪ̈ܒܐ ܕܠܘܬ ܚܕ̈ܕܐ: ܗܘܬܼ ܠܗ ܩܪܒܐ ܠܘܬ ܡܿܠܟܐ ܕܚܡܝܪ̈ܝܐܿ. ܕܐܦ ܗܢܘܢܼ ܗ̈ܢܕܘܝܐ ܐܝܬܝܗܘܢ ܗܘܘ. ܕܫܡܗ ܗܘܐ ܕܝܡܢܘܢ. ܥܠܼܬܐ ܕܝܢ ܕܥܒܼܕܬ ܩܪܒܐ ܒܝܢܬܗܘܢ ܐܝܬܝܗܿ ܗܕܐ. ܕܟܕ ܡܠܟܘܬܐ ܕܟܘ̈ܫܝܐ ܡܓܘܝܐ ܣܓܝ ܡܢ ܗܿܝ ܕܚܡܝܪ̈ܝܐ ܕܠܒܪ ܡܢ ܗܢܕܘ: ܬܓܪ̈ܐ ܕܝܢ ܕܪ̈ܗܘܡܝܐ ܒܐܬܪ̈ܘܬܐ ܕܚܡܝܪ̈ܝܐ ܥܿܒܪܝܢ ܗܘܘܼ ܘܥܐܠܝܢ ܠܐܬܪ̈ܘܬܐ ܓܘ̈ܝܐ ܕܗܢܕ̈ܘܝܐ ܕܡܬܩܪܝܢ

Page 55

ܐܘܙܠܝܣ ܕܗܢܕܘ. ܘܬܘܒ ܠܐܬܪ̈ܘܬܐ ܕܓܘ̈ܝܝܢ ܡܢܗܘܢ ܕܗܢ̈ܕܘܝܐ ܘܕܟܘ̈ܫܝܐ. ܐܝܬܝܗ̈ܝܢ ܕܝܢ ܡܠܟܘ̈ܬܐ ܕܗܢܕ̈ܘܝܐ ܘܕܟܘ̈ܫܝܐ ܫܒ̈ܥ. ܬܠܬ ܕܝܢ ܕܗ̈ܢܕܘܝܐ ܘܐܪ̈ܒܥ ܕܟܘ̈ܫܝܐ. ܗܠܝܢ ܕܝܢ ܡܒܥܕ̈ܢ ܘܡܓܘ̈ܝܢ ܒܐܬܪ̈ܘܬܐ ܬܝ̈ܡܢܝܐ ܕܒܣܦܪܗܝ ܝܡܐ ܪܒܐ. ܬܓܪ̈ܐ ܕܝܢ ܕܪ̈ܗܘܡܝܐܼ. ܗܠܝܢ ܕܐܬܐܡܪܘ ܡܢ ܠܥܠ܇ ܟܕ ܥܒܿܪܝܢ ܒܐܬܪ̈ܘܬܐ ܕܚܡܝܪ̈ܝܐܼ. ܘܠܒܼܟ ܐܢܘܢ ܘܩܼܛܠ ܐܢܘܢ. ܘܒܙ ܟܠܗܿ ܬܓܘܪܬܗܘܢ. ܟܕ ܐܡܿܪ: ܕܡܛܠ ܠܡ ܕܒܐܬܪ̈ܘܬܐ ܕܪ̈ܗܘܡܝܐ ܟܪ̈ܣܛܝܢܐ ܒܝܫܐܝܬ ܫܚܿܩܝܢ ܠܝܗܘܕ̈ܝܐ ܕܐܝܬ ܒܐܬܪ̈ܘܬܗܘܢܼ ܘܩܿܛܠܝܢ ܠܣ̈ܓܝܐܐ ܡܢܗܘܢ: ܡܛܠ ܗܕܐ ܠܡ ܠܗܠܝܢ ܩܿܛܠ ܐܢܐ. ܘܗܟܢܐ ܠܣ̈ܓܝܐܐ ܡܿܩܛܠ ܗܘܐ. ܥܕܡܐ ܕܗܘܼܬ ܙܘܥܬܐ ܠܣ̈ܓܝܐܐܼ ܘܐܬܟܠܝܘ ܕܢܥܠܘܢ ܘܒܛܠܬ ܬܓܘܪܬܐ ܕܡܠܟ̈ܘܬܐ ܓܘ̈ܝܬܐ ܕܗܢܕ̈ܘܝܐ ܘܕܟܘ̈ܫܝܐ.

ܥܠ ܐܝܠܝܢ ܕܫܠܼܚ ܡܿܠܟܐ ܕܟܘܫ̈ܝܐ ܠܡܿܠܟܐ ܕܚܡܝܪ̈ܝܐ. ܘܥܠ ܩܪܒܐ ܕܡܒܝܢܬܗܘܢ. ܗܝܕܝܢ ܫܠܼܚ ܡܠܟܐ ܕܟܘ̈ܫܝܐ ܠܡܿܠܟܐ ܕܚܡܝܪ̈ܝܐ: ܕܒܝܫܐܝܬ ܥܒܼܕܬ ܕܩܛܠܼܬ ܠܬܓܪ̈ܐ ܟܪ̈ܣܛܝܢܐ ܕܪ̈ܗܘܡܝܐ ܘܒܿܛܠܼܬ ܬܐܓܪܬܐ ܘܟܠܝܼܬ ܦܘܪ̈ܢܣܐ ܕܡܠܟܘܬܝ܇ ܘܕܐܚܪ̈ܢܝܬܐ ܡܠܟܘ̈ܬܐ. ܘܝܬܝܪܐܝܬ ܠܡܠܟܘܬܝ ܕܝܠܝ ܐܚܼܣܪܬ.. ܘܡܢ ܥܠܬܐ ܗܕܐ ܠܒܥܠܕܒܒܘܬܐ ܪܒܬܐ ܐܬܘ. ܘܠܩܪܒܐ ܕܥܡ ܚܕ̈ܕܐ ܐܬܘܥܕܘ. ܘܟܕ ܐܬܩܪܒܘ ܠܡܬܟܬܫܘ ܥܡ ܚܕ̈ܕܐܼ. ܐܢܕܘܓ ܡܿܠܟܐ ܕܟܘ̈ܫܝܐ ܐܡܼܪ: ܐܢ ܓܝܪ ܢܬܝܗܒ ܠܝ ܕܐܙܟܝܘܗܝ ܠܗܢܐ ܩܣܛܘܢܪܐ ܡܿܠܟܐ ܕܚܡܝܪ̈ܝܐܼ. ܟܪܣܛܝܢܐ ܗܘܿܐ ܐܢܐ. ܕܡܐ ܓܝܪ ܕܟܪ̈ܣܛܝܢܐܼ ܒܥܿܐ ܐܢܐ ܐܬܿܒܥ ܡܢܗ.. ܗܝܕܝܢ ܐܩܪܒ ܥܡ ܚܕ̈ܕܐ.

Page 56

ܘܙܟܝܗܝ ܡܿܠܟܐ ܕܟܘ̈ܫܝܐ ܠܡܿܠܟܐ ܕܚܡܝܪ̈ܝܐܼ. ܘܫܒܼܝܗܝ ܘܩܼܛܠܗ ܘܒܙ ܡܠܟܘܬܗ. ܘܟܒܼܫ ܐܬܪ̈ܘܬܗܼ ܘܚܪܒ ܠܟܠܗܘܢ ܚܝ̈ܠܘܬܗ.. ܘܗܝܕܝܢ ܡܢ ܒܬܪ ܙܟܘܬܗ ܠܐ ܫܘܚܪ ܠܡܫܿܠܡܘ ܢܕܪܗ. ܐܠܐ ܫܕܪ ܬܪ̈ܝܢ ܡܢ ܪܘܪ̈ܒܢܘܗܝ ܨܝܕ ܡܿܠܟܐ ܝܘܛܢܝܢܐܼ. ܕܢܫܕܪ ܠܗ ܐܦܝܣܩܦܐ ܘܩܠܝܪ̈ܩܘ. ܗܼܘ ܕܝܢ ܚܕܝ ܚܕܘܬܐ ܪܒܬܐܼ. ܘܦܩܼܕ ܕܢܬܝܗܒ ܠܗܘܢ ܐܦܝܣܩܦܐ ܡܿܢ ܕܫܐܠܝܢ.. ܘܟܕ ܥܩܒܘ ܗܿܢܘܢ ܐܝܙ̈ܓܕܐܼ. ܐܫܟܚܘ ܐܢܫ ܦܠܘܡܢܪܐ ܕܒܝܬ ܡܪܝ ܝܘܚܢܢ: ܕܫܡܗ ܝܘܚܢܢ.. ܕܐܝܬܘܗܝ ܗܘܐ ܓܒܪܐ ܒܬܘܠܐ ܘܢܟܦܐ ܘܛܢܢܐ. ܠܗܢܐ ܫܐܠܘܼ ܘܗܘܼܐ ܠܗܘܢ. ܘܕܒܪܘܗܝ ܘܐܙܠܘ ܥܡ ܩܠܝܪ̈ܝܩܘ ܣ̈ܓܝܐܐ. ܘܗܦܟܘ ܠܐܬܪܗܘܢ.  ܟܕ ܚܼܕܝܢ. ܘܟܕ ܡܢܥܘ ܠܘܬ ܐܢܕܘܓ ܡܠܟܗܘܢ. ܗܢܐ ܕܐܦ ܗܼܘ ܒܚܕܘܬܐ ܪܒܬܐ ܩܒܠ ܐܢܢ ܘܠܐܦܣܩܦܐ ܘܠܟ̈ܗܢܐ ܕܐܬܼܘ ܥܡܗܘܢ. ܘܐܬܬܠܡܕ. ܘܥܡܕ ܘܗܘܼܐ ܟܪܣܛܝܢܐ. ܗܼܘ ܘܟܠܗܘܢ ܪܘܪ̈ܒܢܘܗܝ. ܟܕ ܡܬܚܦ̈ܛܝܢ ܕܟܠܗܘܢܐܬܪ̈ܘܬܐ ܢܗܘܘܢ ܟܪ̈ܣܛܝܢܐ ܘܢܬܩ̈ܝܡܢ ܒܗ̈ܘܢ ܥܕ̈ܬܐܼ. ܠܬܫܒܘܚܬܐ ܗܿܝ ܕܐܠܗܐ ܫܪܝܪܐ ܕܟܪ̈ܣܛܝܢܐ. ܘܡܢ ܥܠ̈ܠܬܐ ܕܐܝܟ ܗܠܝܢ ܝܗܼܒ ܐܠܗܐ ܦܘܪܩܢܐ ܠܥܡ̈ܡܐ ܗܠܝܢ ܛܥ̈ܝܐ.

ܬܘܒܼ ܥܠܝܗܿ ܟܕ ܥܠܝܗܿ ܕܡܠܟܬܘܐ ܕܚܡܝܪ̈ܝܐܼ. ܘܥܠ ܒܝ̈ܫܬܐ ܘܩ̈ܛܠܐ ܕܥܒܼܕܘ ܒܗܿ ܝܗܘܕ̈ܝܐ. ܒܬܪ ܙܒܢܐ ܕܝܢ ܐܬܥܫܢܘ ܝܗܘ̈ܕܝܐ ܕܚܡܝܪ̈ܝܐ. ܟܕ ܡܝܬ ܡܠܟܐ ܟܪܣܛܝܢܐ: ܗܿܘ ܕܐܩܝܡ ܬܡܢ ܡܿܠܟܐ ܕܟܘ̈ܫܐ. ܘܥܒܼܕ ܡܢܗܘܢ ܡܿܠܟܐ ܥܠ ܥܡܐ ܕܚܡܝܪ̈ܝܐ. ܘܒܟܒܕܐ ܡܪܝܪܬܐܼ. ܩܛܠܘ ܘܐܘܒܕܘ ܠܟܠܗ ܥܡܐ ܕܟܪ̈ܣܛܝܢܐ ܕܬܡܢ: ܠܓܒܪ̈ܐ ܘܠܢ̈ܫܐ ܘܠܛܠܝ̈ܐ ܘܠܝ̈ܠܘܕܐ܆ ܙܥܘܪ̈ܐ ܥܐ ܪܘܪ̈ܒܐ. ܐܝܟܢܐ ܕܐܦ ܣܗܕܘܬܐ ܕܣܗ̈ܕܐ ܣ̈ܓܝܐܐ ܕܬܡܢ܆ ܒܛܢܢܗ ܕܛܘܒܢܐ ܫܡܥܘܢ ܕܪܘܫܐ

Page 57

ܐܬܟܬܒܬܼ. ܗܿܝ ܕܡܠܼܝܐ ܚܫܐ ܨܝܕ ܟܠܗܘܢ ܫܡ̈ܘܥܝܗܿ. ܗܿܝ ܕܐܦ ܠܗܿ ܣܝܡܝܢܢ ܠܗܿ ܒܣܕܪܐ ܗܢܐ. ܕܐܝܬܝܗܿ ܗܟܢܐ:

ܐܝܓܪܬܐ ܕܫܕܪ ܩܕܝܫܐ ܫܡܥܘܢ ܐܦܝܣܩܦܐ ܕܒܝܬ ܐܪܫܡ܆ ܘܪܝܫܐ ܕܡܗ̈ܝܡܢܐ ܕܐܪܥܐ ܕܦܪ̈ܣܝܐܼ. ܠܡܪܝ ܫܡܥܘܢ ܪܝܫܕܝܪܐ ܕܓܒܘܠܐ. ܟܕ ܐܦ ܣܗܕܘܬܐ ܕܥܠ ܚܡܝܪ̈ܝܐ ܐܝܬܝܗܿ. ܡܘܕܥܝܢܢ ܠܚܘܒܟܘܢ܆ ܕܒܥܣܪ̈ܝܢ ܒܟܢܘܢ ܐܚܪܝ܇ ܕܗܕܐ ܫܢܬ ܬܡ̈ܢܡܐܐ ܘܬܠ̈ܬܝܢ ܘܚ̈ܡܫܼ. ܢܦܩܢܢ ܡܢ ܚܐܪܬܐ ܕܢܥܡܢ܆ ܥܡ ܐܒܪܗܡ ܩܫܝܫܐ ܒܪ ܐܘܦܪܘܣ. ܗܢܐ ܕܐܫܬܕܪ ܡܢ ܝܘܛܢܝܢܐ ܡܠܟܐܿ. ܠܘܬ ܡܢܕܪ ܡܠܟܐ ܕܛܝ̈ܝܐ ܕܢܥܒܕ ܫܝܢܐ: ܕܐ ܦܟܬܒܢܢ ܡܛܠܬܗ ܒܐܓܝܪܬܢ ܗܿܝ ܩܕܡܝܬܐ. ܘܡܩܒܠܝܢܢ ܛܝܒܘܬܗ ܬܢܢ ܘܟܠܗܘܢ ܡܗ̈ܝܡܢܐ. ܕܡܥܕܪ ܠܓܒܐ ܕܝܠܢ. ܘܗܼܘ ܡܦܼܣ ܒܗܠܝܢ ܩܕ̈ܡܝܬܐ ܕܟܬܼܒܢܢ܆ ܘܒܗܠܝܢ ܕܗܫܐ ܟܬܿܒܝܢܢ.. ܪܕܝܢܢ ܓܝܪ ܒܡܕܒܪܐ ܠܬܝܡܢܐ ܘܠܡܕܢܚܐ. ܡܪܕܐ ܥܣܪ̈ܐ ܝܘܡ̈ܝܢ. ܘܐܕܪܟܢܝܗܝ ܠܡܢܕܪ:

Page 58

ܠܘܩܒܠ ܛܘܪ̈ܐ ܕܡܬܩܪܒܝܢ ܕܚܿܠܐ. ܘܒܠܫܢܐ ܛܝܝܐ ܪܡܠܗܿ ܘܟܕ ܥܐܠܝܢ ܗܿܘܝܢ ܠܡܫܪܝܬܐ ܕܡܢܕܪ. ܦܿܓܥܝܢ ܗܘܘ ܒܢ ܛܝ̈ܝܐ ܚܢ̈ܦܐ ܘܡ݁ܥܕܝܐܼ. ܘܐܡܿܪܝܢ ܗܘܘ ܠܢ܆ ܕܡܢܐܐܝܬ ܠܟܘܢ ܕܬܥܒܕܘܢ. ܕܗܐ ܡܫܝܚܐ ܕܝܠܟܗܘܢ ܐܬܛܪܕ ܠܗ ܡܢ ܪ̈ܗܘܡܝܐ ܘܦܘܪ̈ܣܝܐ ܘܚܡܝܪ̈ܝܐ. ܘܟܕ ܡܬܚܿܣܕܝܢ ܗܘܝܼܢ ܡܢ ܛܝ̈ܝܐܼ. ܥܩܼܬ ܠܢ. ܘܚܫܐ ܥܡ ܥܩܬܐ ܐܕܪܟܬܢ. ܡܛܠ ܕܐܬܼܐ ܩܪܝܒܘܬܢ ܕܝܠܢ ܐܝܙܓܕܐ ܕܐܫܬܕܪ ܡܢ ܡܠܟܐ ܕܚܡܝܪ̈ܝܐ ܠܘܬ ܡܢܕܪ ܡܠܟܐܼ. ܘܝܗܼܒ ܠܗ ܐܝܓܪܬܐ ܕܡܠܼܝܐ ܫܘܒܗܪܐ. ܘܟܬܝܒ ܒܗܿ ܗܟܢܐ. ܕܬܗܘܐ ܝܿܕܥܼ ܐܚܝ ܡܢܕܪ ܡܠܟܐܼ. ܕܡܠܟ ܗܿܘ ܕܐܩܝܡ ܟܘ̈ܫܝܐ ܒܐܬܪܢܼ ܡܝܬܼ. ܘܐܕܪܟ ܙܒܢܐ ܕܣܬܘܐ܆ ܘܠܐ ܐܫܟܚܘ ܟܘ̈ܫܝܐ ܕܢܦܩܘܢ ܠܐܬܪܢ. ܘܢܥܒܕܘܢ ܡܿܠܟܐ ܟܪܣܛܝܢܐ ܐܝܟ ܕܡܿܥܕܝܢ. ܡܕܝܢ ܐܢܐ ܐܡܠܟܿܬ ܥܠ ܟܠܗ ܐܬܪܐ ܕܚܡܝܪ̈ܝܐ. ܘܠܘܩܕܡ ܐܚܕܬ ܠܟܠܗܘܢ ܟܪ̈ܣܛܝܢܐ ܕܡܘܕܝܢ ܒܡܫܝܚܐ. ܐܠܐ ܗܘܿܝܢ ܝܗ̈ܘܕܝܐܐܟܘܬܢ. ܘܩܛܿܠܬ ܠܡܬܝܢ ܘܬܡ̈ܢܝܢ ܟܗ̈ܢܐ ܕܐܫܬܟܚ ܗܘܘܼ. ܘܠܟܘ̈ܫܝܐ ܥܡܗܘܢ. ܕܢܛܿܪܝܢ ܗܘܘ ܥܕܬܐ. ܘܥܒܿܕܬܗܿ ܒܝܬ ܟܢܘܫܬܐ ܕܝܠܢ ܠܥܕܬܗܘܢ. ܘܗܝܕܝܢ ܥܡ ܡܐܐ ܘܥܣܪܝܢ ܐ̈ܠܦܝܐ ܚܝܠܐܼ. ܐܙܿܠܬ ܠܢܓܪܢ ܡܕܝܢܬ ܡܠܟܬܘܗܘܢ: ܘܟܕ ܝܬܒܿܬ ܥܠܝܗܿ ܝܘܡ̈ܬܐ ܘܠܐ ܟܿܒܫܬܗܼܿ. ܐܫܬܘܿܕܝܬ ܠܗܘܢ ܡܘ̈ܡܬܐ. ܕܢܿܬ ܕܝܢ ܕܠܐ ܐܫܪ ܡܠܬܝ ܠܘܬ ܟܪ̈ܣܛܝܢܐ ܒܥ̈ܠܕܒܒܝ. ܘܠܒܟܿܬ ܐܢܘܢ ܕܢܝܬܘܢ ܕܗܒܗܘܢ ܘܣܐܡܗܘܢ ܘܩܢܝܢܗܘܢ. ܘܐܝܬܝܘ ܠܝ.

Page 59

ܘܫܩܿܠܬ. ܘܒܥܿܝܬ ܠܦܘܠܐ ܐܦܝܣܩܦܗܘܢ. ܕܐܡܪܘ ܠܝܼ ܕܡܝܼܬ ܠܗܼ ܠܐ ܗܝܡܿܢܬ ܐܢܘܢ. ܥܕܡܐ ܕܚܘܝܘ ܠܝ ܩܒܪܗ. ܘܐܣܿܩܬ ܓܪ̈ܡܘܗܝ ܘܐܘܿܩܕܬ ܐܢܘܢ. ܘܥܕܬܗܘܢ ܘܠܟܗ̈ܢܝܗܘܢ ܘܠܟܠ ܕܐܫܿܟܚܬ ܕܡܬܓܘܣ ܒܗܿ. ܘܠܫܪܟܐ ܐܠܿܨܬ ܐܢܘܢܼ ܕܢܟܦܪܘܢ ܒܡܫܝܚܐ ܘܒܨܠܝܒܐ. ܘܠܐ ܨܒܘ. ܐܠܐ ܡܿܘܕܝܢ ܕܐܠܗܐ ܐܝܬܘܗܝܼ ܘܒܪܗ ܕܡܒܪܟܐ. ܘܓܒܼܘ ܠܗܘܢ ܕܢܡܘܬܘܢ ܚܠܦܘܗܝ. ܘܪܝܫܗܘܢܼ ܣܓ̈ܝܐܬܐ ܡܠܠ ܠܩܘܒܠܝ ܘܨܥܪܢܝ. ܘܦܩܿܕܬ ܕܢܬܩܛܠܘܢ ܟܠܗܘܢ ܪ̈ܘܪܒܢܝܗܘܢ. ܘܐܝܬܝܢܢ ܠܢܫ̈ܝܗܘܢ. ܘܐܡܪܢ ܚܢܢ ܠܗ̈ܝܢ ܕܢܟܦܪ̈ܢ. ܟܕ ܚܙ̈ܝܢ ܩܛܠܐ ܕܓܒܪ̈ܝܗܝܢ ܨܒ̈ܝ. ܐܠܐ ܚ̈ܒܨܢ ܗܘ̈ܝ ܒ̈ܢܬ ܩܝܿܡܐܼ. ܕܗܼܢ̈ܝܢ ܢܬܩ̈ܛܠܢ ܩܕܡܐܝܬ. ܘܢ̈ܫܝ ܪ̈ܘܪܒܢܐ ܡ̈ܙܥܦܢ ܗܘ̈ܝ ܠܗܝܢ ܘܐܡܪ̈ܢ. ܕܠܢ ܙܕܩ ܕܢܿܡܘܬ ܒܬܪ ܓܒܪ̈ܝܢ. ܘܐܬܩ̈ܛܠܝܢ ܟܠܗܝܢ ܒܦܘܩܕܢܢ. ܣܛܪ ܡܢ ܪܘܡܝ ܐܢܬܬ ܗܿܘ ܡܠܟܐ ܕܥܬܝܕ ܗܘܐ ܕܢܗܘܐ ܬܡܢ܇ ܕܠܐ ܫܒܩܢܗܿ ܕܬܡܘܬ. ܐܠܐ ܬܒܥܿܝܢ ܗܘܝܢ ܠܗܿ: ܕܬܟܦܘܪ ܒܡܫܝܚܐ ܘܬܚܿܐܼ. ܟܕ ܚܝܿܣܐ ܥܠ ܒ̈ܢܬܗܿ. ܘܡܩܕܝܐ ܟܠܕ ܐܝܬ ܠܗܿ ܟܕ ܬܗܘܐ ܝܗܘܕܝܬܐ. ܘܦܩܕܢ ܠܗܿ ܕܬܐܙܠ ܘܬܬܡܿܠܟ. ܟܕ ܢܩܝܦܝܢ ܗܘܘ ܠܗܿ ܢܛܘܪ̈ܐ ܡܢ ܚܝܠܢ. ܘܢܦܼܩܬܿ ܠܗܿ ܟܕ ܡܬܟܪܟܐ ܗܘܬ ܒܫ̈ܘܩܐ ܘܒ̈ܦܠܛܘܬܐ ܕܡܕܝܢܬܐ ܘܓܠܼܐ ܪܝܫܗܿ. ܐܢܬܬܐ ܕܡܢ ܕܐܬܥܠܡܬܼ. ܠܐ ܚܙܼܐ ܐܢܫ ܩܢܘܡܗܿ ܒܫܘܩܐ. ܘܩܥܝܐ ܗܘܬܼ ܘܐܡܿܪܐ. ܢܫ̈ܐ ܪ̈ܢܝܬܐ ܚܒܪ̈ܬܝܼ. ܟܪ̈ܛܝܢܝܬܐ ܘܝܗ̈ܘܕܝܬܐ ܘܚܢ̈ܦܬܐܼ ܫܡ̈ܥܝܢ. ܠܓܢܣܝ ܘܠܫܪܒܬܝ ܘܕܒܪܬ ܡܿܢ ܐܢܐ ܟܪܣܛܝܢܝܬܐ

Page 60

ܝܕܥܿܬܝܢ. ܘܕܐܝܬ ܠܝ ܕܗܒܐ ܘܣܐܡܐ ܘܥܼܒ̈ܕܐ ܘܐܡ̈ܗܬܐ ܘܩܘܪ̈ܝܐ ܣܿܓܝ ܘܥ̈ܠܠܬܐ. ܘܗܫܐܕܐܬܩܛܠ ܓܒܪܝ ܚܠܦ ܡܫܝܚܐ. ܐܢ ܨܒܿܝܐ ܐܢܐ ܕܐܗܘܐ ܠܓܒܪܐܼ. ܐܝܬ ܠܝ ܐܪ̈ܒܥܝܢ ܐ̈ܦܝܢ ܕܝܢܪ̈ܐ. ܘܚܫ̈ܠܬܐ ܕܕܗܒܐ ܘܣܐܡܐ ܣܓܝܐܐ. ܐܦ ܡܪ̈ܓܢܝܬܐ ܘܠܒܘ̈ܫܐ ܐܪ̈ܓܝܓܐ ܘܡܦܪ̈ܓܐ. ܣܛܪ ܡܢ ܓ̈ܙܐ ܕܓܒܪܝ. ܘܗܠܝܢ ܕܕܠܐ ܒܕܓܠܘܬܐ ܐܬܐܡܪܘ ܡܢܝܼ ܘܡܢ̈ܟܝܢ ܝܕ̈ܥܢ ܐܢܬܝܢ. ܘܕܠܝܬ ܠܗܿ ܠܐܢܬܬܐ ܝܘܡ̈ܬܐ ܕܚܕܘܬܐ ܐܝܟ ܝܘܡ̈ܬܐ ܕܚܕܘܬܐ ܐܝܟ ܝܘܡ̈ܬܐ ܕܡܫܬܘܬܐ. ܡܢ ܬܡܢ ܓܝܪ ܘܠܗܠ ܥܩ̈ܬܐ ܘܬ̈ܢܚܬܐ ܒܝܠܕܐ ܕܒ̈ܢܝܐ. ܘܟܕ ܬܘܒ ܡܬܓܙܝܐ ܡܢܗܘܢ. ܘܟܕ ܩܒܪܐ ܠܗܘܢ. ܐܢܐ ܕܝܢ ܡܢ ܝܘܡܢܐ ܘܠܗܠܼ. ܚܣܝܟܐ ܐܢܐ ܡܢ ܟܠܗܝܢ. ܘܒܝܘܡܐ ܩܕܡܝܐ ܕܡܫܬܘܬܝܼ ܒܚܕܘܬܐ ܗܘܼܝܬ. ܘܗܫܐ ܒܦܨܝܘܬܐ ܕܪܥܝܢܝ ܠܚ̈ܡܫ ܒ̈ܢܬܝ ܒܬ̈ܘܠܬܐܼ. ܗܐ ܨܒܬܿܬ ܠܡܫܝܚܐ. ܚܘܪ̈ܝܢ ܒܝ ܚܒܪ̈ܬܝܼ. ܕܗܐ ܬܪ̈ܬܝܢ ܙܒ̈ܢܝܢ ܚܙ̈ܝܢ ܐܢܬܝܢ ܠܝ. ܒܡܫܬܘܬܝ ܩܕܡܝܬܐ ܘܒܗܕܐ ܕܬܪ̈ܬܝܢ ܙܒ̈ܢܝܢ ܚܙ̈ܝܢ ܐܢܬܝܢ ܠܝ. ܒܡܫܬܘܬܝ ܩܕܡܝܬܐ ܘܒܗܕܐ ܕܬܪ̈ܬܝܢ. ܕܟܕ ܓܠ̈ܝܢ ܗ̈ܘܝ ܐ̈ܦܝ ܩܕܡ ܟܠܟ̈ܝܢܼ ܥܿܠܬ ܠܘܬ ܡܟܝܪܝ ܩܕܡܝܐ. ܘܗܫܐ ܟܕ ܓ̈ܠܝܢ ܐ̈ܦܝܼ ܐܙܿܠܐ ܐܢܐ ܠܘܬ ܡܫܝܚܐ ܡܪܝ ܘܐܠܗܝ ܘܕܒ̈ܢܬܝ. ܐܝܟ ܕܐܬܪܟܢ ܗܼܘ ܒܚܘܒܗ ܘܐܬܼܐ ܠܘܬܢܼ ܘܚܼܫ ܡܠܛܬܢ. ܐܬܕ̈ܡܝܝܢ ܒܝ ܕܠܐ ܒܨܝܪܐ ܐܢܐ ܡܢܟܝܢ ܒܫܘܦܪܐ. ܘܗܐ ܟܕ ܡܦܪܓܐ ܐܢܐ ܒܗ ܒܫܘܦܪܐ ܐܙܿܠܐ ܐܢܐ ܠܬ ܡܫܝܚܐܼ. ܟܕ ܠܐ ܡܚܼܒܠ ܒܟܦܪܘܬܐ ܗܿܝ ܕܝܗ̈ܘܕܝܐ. ܕܢܗܘܐ ܠܝ ܫܘܦܪܐ ܕܝܠܝ ܣܗܕܐ ܩܕܡ ܡܪܝܼ. ܕܠܐ ܐܫܟܚ ܕܢܛܥܝܢܝ ܒܚܛܝܬܐ ܕܟܦܘܪܝܐ.

Page 61

ܘܕܗܒܝ ܘܣܐܡܝ ܘܟܠ ܕܐܝܬ ܠܝܼ ܠܐ ܪܚܡܿܬܐܢܘܢܐܝܟ ܕܠܐܠܗܝ. ܘܐܦܣ ܠܝ ܗܢܐ ܡܠܟܐ ܡܪܘܕܐܼ ܕܐܟܦܘܪ ܘܐܿܚܐ. ܚܣ ܠܝ ܚܒܪ̈ܬܝ. ܚܣ ܠܝ ܟܦܘܪ ܒܡܫܝܚܐ ܐܠܗܐܿ ܗܿܘ ܕܒܗ ܗܝܡܿܢܬ ܐܢܐ ܘܒ̈ܢܬܝ. ܒܫܡܐ ܕܬܠܝܬܝܘܬܐ ܥܡܿܕܬܼ. ܘܠܨܠܝܒܗ ܣܓܿܕܐ ܐܢܐ. ܘܚܠܦܘܝ ܒܚܕܘܬܐ ܡܝܬܐ ܐܢܐܼ. ܐܢܐ ܘܒ̈ܢܬܝ. ܐܝܟ ܕܚܼܫ ܗܼܘ ܒܒܣܪ ܚܠܦܝܢ. ܗܐ ܫܒܝܩ ܟܠ ܕܪܓܝܓ ܠܥܝ̈ܢܐ ܘܠܦܓܪܐ ܒܐܪܥܐ ܘܥܒܿܪ. ܘܐܙܿܠܼ. ܐܣܿܒ ܡܢ ܡܪܝܼ. ܡܕܡ ܕܠܐ ܥܒܿܪ. ܛܘܒ̈ܝܟܝܢ ܚܒܪ̈ܬܝ ܐܢ ܬܫ̈ܡܥܢܢܝ ܘܬܨ̈ܘܬܢ ܫܪܪܐ ܘܬܪ̈ܚܡܢ ܠܡܫܝܚܐ ܐܠܗܐܼ. ܚܠܦܘܗܝ ܐܢܐ ܘܒ̈ܢܬ ܡܿܝܬܝܢܢ.. ܡܟܝ ܠܫܝܢܐ ܘܫܠܡܐ ܢܗܘܐ ܠܥܡܗ ܕܐܠܗܐܼ. ܕܡܐ ܕܗܠܝܢ ܐܚ̈ܝ ܘܐܚ̈ܘܬܝ ܕܐܬܩܛܠܘ ܡܛܠ ܡܫܝܚܐ: ܢܗܘܐ ܫܘܪܐ ܠܡܕܝܢܬܐ ܗܕܐ. ܐܢ ܬܩܘܐ ܠܘܬ ܡܫܝܚܐ ܡܪܝ. ܗܐ ܟܕ ܓ̈ܠܝܢ ܐܦ̈ܝ ܢܦܿܩܐ ܐܢܐ ܡܢ ܡܕܝܢܬܐ ܗܕܐ: ܕܗܘܿܝܬ ܒܗܿ ܐܝܟ [ܕܒـ]ـܡܫܟܢܐ ܕܙܒܢܐܿ. ܕܐܿܙܠ ܥܡ ܒܢ̈ܬܝ ܠܡܕܝܢܬܐ ܕܠܥܠܡܿ. ܕܬܡܢ ܐܡܿܟܪܬ ܐ̈ܢܝܢ.. ܨ̈ܠܝܝܢ ܥܠܝ ܚܒܪ̈ܬܝ. ܕܢܩܒܠܢܝ ܡܫܝܚܐ ܡܪܝ ܘܢܚܿܣܐ ܠܝ. ܕܗܐ ܩܘܿܝܬ ܬܠ̈ܬܐ ܝܘ̈ܡܝܢ ܒܬܪ ܓܒܪܝ. ܘܟܕ ܫܡܿܥܝܢ ܗܘܝܢ ܩܠܐ ܕܝܠܠܬܐ ܡܢ ܡܕܝܢܬܐ. ܘܐܬܘ ܗܠܝܢ ܕܐܫܬܕܪܘ ܘܟܕ ܐܫܬܐܠܘ ܐܡܼܪܘ ܠܢ ܕܕܐܝܟ ܗܠܝܢ ܕܟܬܒܢܢ ܡܢ ܠܥܠ. ܟܕ ܡܬܟܪܟܐ ܒܡܕܝܢܬܐܼ ܪܗܘܡܝ ܡܠܠܬ ܠܢ̈ܫܐ ܚܒܪ̈ܬܗܿ. ܟܕ ܡܿܠܒܒܐ܇ ܘܗܘܼܬ ܐܝܠܠܬܐ ܒܡܕܝܢܬܐ. ܘܐܬܚܡܬܢ ܥܠ ܢܛܘܪ̈ܐ ܕܢܘܒܕ ܐܢܘܢܼ. ܐܠܘ ܠܐ ܕܐܬܛܦܝܣܢ ܥܠ ܕܫܒܩܘܢܿ ܕܗܠܝܢ ܬܣܥܘܪ. ܠܚܪܬܐ ܡܢ ܡܕܝܢܬܐܼ ܐܝܟ ܫܢܬܝܐܼ. ܟܕ ܓܠܼܐ ܪܝܫܗܿ܆ ܥܡ ܒܢ̈ܬܗܿ: ܐܬܬ ܘܩܡܬ ܩܕܡܝ ܕܠܐ ܒܗܬܬܐܼ.

Page 62

ܘܠܒܝܟܐ ܒܢ̈ܬܗܿ ܒܐܝ̈ܕܝܗܿ. ܟܕ ܡܨ̈ܒܬܢ ܗܘܼ̈ܝ ܐܝܟ ܕܠܡܫܬܘܬܐ. ܘܫܪܬ ܩܥ̈ܝܠܬܐ ܕܣܥܪܗܿ. ܘܟܪܟܬ ܐ̈ܢܝܢ ܒܐܝ̈ܕܝܗܿ ܘܦܫܛܬ ܨܘܪܗܿ. ܘܐܟܢܬ ܪܝܫܗܿ. ܟܕ ܩܥܿܝܐ ܕܟܪܣܛܝܢܝܬܐ ܐܢܐ ܘܒ̈ܢܬܝ. ܘܚܠܦ ܡܫܝܐ ܡܝܿܬܝܢܢ. ܦܣܘܩ ܪ̈ܝܫܝܢ ܕܢܐܙܠ ܢܕܪܟ ܠܐ̈ܚܝܢ ܡܫܝܚܐ ܡܝܿܬܝܢܢ. ܦܣܘܩ ܪ̈ܝܫܝܢ ܕܢܐܙܠ ܢܕܪܟ ܠܐ̈ܚܝܢ ܘܠܐܚ̈ܘܬܢ. ܘܠܐܒܘܗܝܢ ܕܒ̈ܢܬܝ. ܐܢܐ ܕܝܢ ܒܬܪܼ ܗܕܐ ܟܠܗܿ ܫܢܝܘܬܐ ܐܦܝܣܬܗܿ ܕܬܟܦܘܪ ܒܡܫܝܚܐ. ܘܬܐܡܪ ܒܠܚܘܕ ܕܒܪܢܫܐ ܗܘܼ. ܘܠܐ ܨܼܒܬ. ܚܕܐ ܕܝܢ ܡܢ ܒܢ̈ܬܗܿ ܨܥܪܬ ܠܢ ܥܠ ܕܐܡܪܢܢ ܗܕܐ. ܘܕܚܿܙܝܬ ܠܝ ܕܠܝܬ ܦܘܪܣܐ ܕܬܟܦܘܪ ܒܡܫܝܚܐܼ. ܦܩܿܕܬ ܐܝܟ ܕܠܣܘܪܕܐ ܕܫܪܟܐ ܕܟܪ̈ܣܛܝܢܐ. ܘܐܪܡܝܘܗܿ ܥܠ ܐܪܥܐ. ܘܐܬܢܟܣܘ ܒܢ̈ܬܗܿ܆ ܘܢܚܼܬ ܕܡܗܝܢ ܒܦܘܡܗܿ. ܘܒܬܪܟܝܢ ܐܬܦܣܩܘ ܪܝܫܗܿ. ܘܒܐܕܘܢܝ ܝܿܡܐ ܐܢܐܼ ܕܣܿܓܝ ܐܬܬܥܿܝܩܬ ܡܛܠ ܫܘܦܪܗܿ ܘܕܒ̈ܢܬܗܿ ܠܪ̈ܒܝ ܟܗ̈ܢܐ ܕܝܠܝ ܘܠܝ ܐܬܚܙܝܼ. ܕܠܐ ܙܕܿܩ ܕܢܡܘܬܘܢ ܒ̈ܢܝܐ ܡܛܠ ܐܒ̈ܗܐܿ. ܐܝܟ ܚܝܠܐ ܕܢܡܘܣ ܘܦܠܿܓܬ ܐܢܘܢ ܠܛ̈ܠܝܐ ܘܠܛ̈ܠܝܬܐ ܠܚܝܠܐܼ. ܕܢܪܒܘܢ ܐܢܘܢ. ܘܡܐ ܕܐܬܥܠܡܘ܆ ܐܢܗܼܘ ܕܗܘܿܝܢ ܝܗ̈ܘܕܝܐ ܢܐܚܘܢ. ܘܐܢ ܡܿܘܕܝܢ ܒܡܫܝܚܐ ܢܡܘܬܘܢ܀ ܘܗܠܝܢ ܟܬܒܿܬ ܘܐܘܕܥܿܬ ܠܡܠܟܘܬܟ.. ܘܡܦܝܣ ܐܢܐܼ ܕܠܐ ܬܫܒܘܩ ܒܥܡܟ ܟܪܣܛܝܢܐ܇ ܐܠܐ ܟܦܿܪ ܘܗܘܿܐ ܡܢܟ. ܠܝܗ̈ܘܕܝܐ ܕܝܢ ܐܚ̈ܝ ܗܿܠܝܢ ܕܒܫܘܠܛܢܟܼ ܚܒܝܒܐܝܬ ܐܚܘܕܼ ܐܚܝ. ܘܟܬܘܒ ܫܠܘܚ ܠܝ ܚܠܦ ܗܕܐܼ. ܕܡܢ ܕܨܒܝܼܬ ܐܫܕܪ ܠܟ.܀ ܗܠܝܢ ܟܠܗܝܢ ܐܬܟܬܼܒ ܠܗ ܠܡܢܕܪ ܡܢ ܡܿܠܟܐ ܛܡܐܐ ܝܗܘܕܓܝܐ܀ ܘܟܕ ܐܬܡܢܥܢ ܚܢܢ ܠܬܡܢ܇ ܘܟܢܫ ܚܝܠܗܼ ܘܐܬܩܪܝܬ ܩܕܡܘܗܝ ܐܝܓܪܬܐ. ܘܬܢܝ ܐܝܙܓܕܐ ܕܐܝܟܢ ܐܬܩܛܠܘ ܟܪ̈ܣܛܝܢܐ. ܘܐܬܪܕܦܘ ܡܢ ܒܝܬ ܚܡܝܪ̈ܝܐ. ܐܡܪ ܡܢܕܪ ܠܟܪ̈ܣܛܝܢܐ ܕܒܚܝܠܗ. ܗܐ ܫܡܥܼܬܘܢ ܡܢܐ ܓܕܫ. ܟܦܘܪܘ ܗܫܐ ܒܡܫܝܚܐ.

Page 63

ܡܛܠ ܕܠܐ ܛܒ ܐܢܐ ܡܢ ܡ̈ܠܟܐ ܕܪܕܦܘ ܠܟܪ̈ܣܛܝܢܐ. ܘܛܢ ܓܒܪܐ ܚܕ ܡܢ ܚܝܠܗ ܟܪܣܛܝܢܐ. ܘܠܒܝܒܐܝܬ ܐܡܼܪ ܠܡܠܟܐ: ܠܘ ܒܫ̈ܢܝܟ ܗܘܼܝܢ ܟܪ̈ܣܛܝܢܐ ܕܢܟܦܘܪ ܒܡܫܝܚܐ.. ܘܐܬܚܡܬ ܡܢܕܪܼ ܘܐܡܼܪ܆ ܕܐܢܬ ܡܡܪܚ ܐܢܬ ܕܬܡܠܠ ܩܕܡܝ. ܘܐܡܼܪ܆ ܕܐܢܬ ܡܡܪܚ ܐܢܬ ܕܬܡܠܠ ܩܕܡܝ. ܘܐܡܼܪ܇ ܕܡܛܠ ܕܚܠܬܐ ܕܐܠܗܐܼ ܕܠܐ ܕܚܠܐ ܡܡܠܠ ܐܢܐ. ܘܠܐ ܐܢܫ ܟܿܠܐ ܠܝ. ܘܠܐ ܓܝܪ ܟܪܐ ܣܝܦܝ ܡܢ ܕܐܚܪ̈ܢܐ. ܘܠܐ ܩܢܿܛ ܐܢܐ ܕܐܬܟܬܫ ܥܕܡܐ ܠܡܘܬܐ. ܘܡܛܠ ܓܝܪ ܫܪܒܬܗ: ܘܕܓܒܪܐ ܗܘܐ ܪܒܐ ܘܝܕܝܥܐܼ ܘܠܒܝܒܐ ܒܩܪܒܐܼ. ܫܠܝ ܠܗ ܡܢܕܪ܀ ܘܟܕ ܗܼܦܟܢ ܠܚܐܪܬܐ ܕܢܥܡܢ܆ ܒܫܒܬܐ ܩܕܡܝܬܐ ܕܨܘܡܐܼ. ܐܫܟܚܢ ܐܝܙܓܕܐ ܕܐܫܬܕܪܘ ܡܢ ܡܠܟܐ ܕܚܡܝܪ̈ܝܐܼ ܩܕܡ ܕܢܡܘܬ. ܗܢܐ ܟܕ ܫܡܼܥ ܡܛܠ ܗܠܝܢ: ܕܐܬܚܪܒܘ ܡܢ ܗܢ ܛܪܘܢܐ ܝܗܘܕܝܐ. ܐܓܪ ܥܓܠ ܓܒܪܐ ܡܢ ܚܐܪܬܐ ܕܢܥܡܢ. ܘܫܼܕܪ ܠܢܓܪܢ ܕܢܝܬܐ ܠܗ ܥܢܝܢܐ. ܟܕ ܚܼܙܐ ܘܝܠܼܦ ܐܝܠܼܝܢ ܕܓܕܫ ܬܡܿܢ. ܘܟܕ ܗܦܟ܆ ܬܢܝ ܐܦ ܗܼܘ ܩܕܡܝܢ: ܠܗ ܠܐܝܙܓܕܐ ܟܪܣܛܝܢܐܿ. ܗܠܝܢ ܕܟܬܒܼܢ ܡܢ ܠܥܼ. ܘܕܐܬܩܛܠܘ ܬܠ̈ܬܡܐܐ ܘܐܪ̈ܒܥܝܢ ܪܘܪ̈ܒܢܐ܇ ܕܢܦܩܘ ܠܘܬܗ ܡܢ ܡܕܝܢܬܐ. ܘܡܛܠ ܚܪܬ ܒܪ ܟܠܒ ܪܝܫܗܘܢ. ܒܓܪܗܿ ܕܪܗܘܡܝ. ܕܨܥܪܗ ܗܿܘ ܝܗܘܕܝܐ ܘܐܡܼܪ ܠܗ. ܕܐܬܟܠܬ ܠܟ ܥܠ ܡܫܝܚܐ. ܕܬܡܪܕ ܥܠܝ. ܐܠܐ ܚܘܣ ܥܠ ܣܝܒܘܬܟܼ ܘܟܦܘܪ ܒܗ. ܘܐܠܐܼ ܡܐܬ ܐܢܬ ܥܡ ܚܒܪ̈ܝܟ. ܘܥܢܼܐ ܘܐܡܼܪ ܠܗ. ܕܒܫܪܪܐܼ ܕܡܥܩ ܐܢܐ ܥܠ ܟܠܗܘܢ ܚܒܪ̈ܝ܆ܥܠ ܕܠܐ ܫܡܥܘܢܝ. ܕܐܡܿܪܬ ܠܗܘܢ ܕܕܓܠܐ ܐܢܬ. ܘܠܐ ܢܦܘܩ ܠܘܬܟ ܘܢܫܪ ܠܡ̈ܠܝܟ. ܐܠܐ ܕܢܩܪܒ ܥܡܟ. ܘܬܟܝܠ ܗܘܿܝܬ ܥܠ ܡܫܝܚܐܼ ܕܙܿܟܐ ܗܘܿܝܬ ܠܟ. ܘܡܕܝܢܬܐ ܠܐ ܡܬܟܒܫܐ ܗܘܬ. ܡܛܠ ܕܠܐ ܚܣܝܪ ܗܘܐ ܒܗܿ ܡܕܡ. ܘܐܢܬ ܠܘ ܡܠܟܐ ܐܢܬܼ ܐܠܐ ܟܕܒܐ. ܘܠܝ ܚܙܝܢ ܠܝ ܡ̈ܠܟܐ ܣ̈ܓܝܐܐ. ܕܐܝܬ

Page 64

ܠܗܘܢ ܫܪܪܐܼ ܘܠܐ ܡܕܓܠܝܢ. ܘܒܡܫܝܚܐ ܐܠܗܝܼ ܠܐ ܡܕܓܠܐ ܐܢܐ܇ ܕܐܗܘܐ ܝܗܘܕܝܐ ܐܟܘܬܟ ܘܟܦܘܪܐ. ܘܗܫܐ ܝܕܥܿܬ ܕܚܿܝܐ ܠܝ ܐܝܟ ܕܪܚܝܡ ܠܝ. ܘܣܓܝ ܚܿܝܝܬ ܒܥܠܡܐ. ܘܗܘܼܘ ܠܝ ܒ̤̈ܝܐ ܘܒ̈ܢܝ ܒ̈ܢܝܐ. ܘܐܝܬ ܠܝ ܒ̈ܢܬܐ ܘܣܓܝ ܓܢܣܝ. ܘܐܬܢܨܿܚܬ ܒܩܪ̈ܒܐ ܒܚܝܠܗ ܕܡܫܝܚܐ. ܘܫܪܝܪܐ ܠܝܼ ܕܐܝܟ ܟܪܡܐ ܕܡܬܟܣܚ ܘܝܗܿܒ ܦܐܪ̈ܐ ܣܓ̈ܝܐܐܼ. ܗܟܢܐ ܣܿܓܐ ܥܡܐ ܕܝܠܢ ܟܪ̈ܣܛܝܢܐ ܒܡܕܝܢܬܐ ܗܕܐ ܘܪܒܝܐ ܘܡܬܒܢܝܐ ܥܕܬܐ ܕܡܢܟ ܝܩܕܬܼ. ܘܡܫܿܬܠܛܐ ܘܦܩܕܐ ܠܡ̈ܠܟܐ܆ ܘܡܡܠܟܐ ܟܪܣܛܝܢܘܬܐܼ ܘܕܥܟܐ ܝܗܘܕܝܘܬܐ. ܘܥܒܪܐ ܡܠܟܘܬܟ ܘܒܛܿܠ ܫܘܠܛܢܟ. ܠܐ ܬܫܬܒܗܪ ܕܡܕܡ ܥܒܼܕܬ܇ ܘܟܕ ܡܿܙܕܘܙܝܬ ܬܙܕܝܦܢ܀ ܗܠܝܢ ܐܡܼܪ ܪܒܐ ܚܪܝܬ ܣܒܐ ܡܝܩܪܐ. ܘܡܚܕܗܿ ܐܬܦܢܝ ܠܒܣܬܪܗܼ ܘܐܡܼܪ ܒܩܠܐ ܪܡܐ ܠܚܒܪ̈ܘܗܝ ܡܗ̈ܝܡܢܐ ܕܒܕܪܘܗܝ. ܫܡܥܬܘܢ ܐܚ̈ܝܼ ܡܕܡ ܕܐܡܿܪܬ ܠܗ ܠܝܗܘܕܝܐ ܗܢܐ.. ܘܐܡܼܪܘ ܫܡܼܥܢ ܟܠܡܕܡ ܕܐܡܼܪܬ ܐܒܘܢ.. ܘܬܘܒ ܐܡܼܪ܆ ܫܪܝܪ̈ܢܼ ܐܘܿ ܠܐ. ܘܩܥܘܼ ܕܫܪܝܪ̈ܢ.. ܘܐܡܼܪ. ܐܢ ܐܢ ܕܚܿܠ ܡܢ ܣܝܦܐ ܘܟܿܦܪ ܒܡܫܝܚܐܼ ܢܬܦܪܫ ܡܢ ܒܝܢܬܢ. ܘܩܥܼܘ ܕܚܣ ܠܢܼ ܕܢܕܚܠ ܐܒܘܢ. ܟܠܢܼ ܥܡܟ ܡܿܝܬܝܢܢ ܚܠܦ ܡܫܝܚܐ. ܘܐܢܫ ܡܢܢܼ ܠܐ ܦܐܫ ܡܢ ܒܬܪܟ. ܘܩܥܐܼ ܘܐܡܼܪ. ܥܡ̈ܡܐ ܕܚܕܝܪܝܢ ܠܝ ܟܪ̈ܣܛܝܢܐ ܘܝܗ̈ܘܕܝܐ ܘܚ̈ܢܦܐ ܫܡܼܥܘ. ܐܢ ܐܢܫ ܡܢ ܓܢܣܝ ܘܩܪ̈ܝܒܝ ܘܡܢ ܫܪܒܬܝ ܟܦܿܪ ܒܡܫܝܚܐ܇ ܘܡܬܘܐ ܠܗܢܐ ܝܗܘܕܝܐܼ. ܠܝܬ ܠܗ ܥܡܝ ܫܘܬܦܘܬܐ. ܘܠܐ ܢܐܪܬ ܡܕܡ ܡܢ ܕܝܠܝ. ܐܠܐ ܡܢ ܕܢܫܬܟܚ ܠܝ ܢܗܘܐ ܠܢܦ̈ܩܬܐ ܕܥܕܬܐ ܕܬܬܒܢܐ. ܘܐܢ ܕܝܢ ܠܐ ܟܿܦܪ ܘܚܿܝܐ ܐܢܫ ܡܢ ܕܝܠܝ ܒܬܪܝ ܢܐܪܬ ܡܪ̈ܗܛܝ. ܬܠ̈ܬ ܕܝܢ ܩܘܪ̈ܝܐ ܡܢ ܐܘܣܝܐ ܕܝܠܝ܆ ܐܝܠܝܢ ܕܓܒܝܐ ܥܕܬܐܼ ܢܗܘ̈ܝ ܠܢܦ̈ܦܬܐ ܕܒܗܿ.. ܘܟܕ ܗܠܝܢ ܐܡܼܪ. ܐܬܦܢܝ ܠܘܬ ܡܠܟܐܼ ܘܐܡܼܪ. ܟܦܝܪ ܒܟܼ

Page 65

ܘܒܡܿܢ ܕܟܿܦܪ ܒܡܫܝܚܐ. ܗܐ ܩܝܿܡܝܢܢ ܩܕܡܝܟ. ܘܐܬܠܒܒܘ ܚܒܪ̈ܘܗܝܼ ܘܐܡܼܪܘ ܗܐ ܐܒܪܗܡ ܪܝܫ ܐܒ̈ܗܬܐ ܚܐܪ ܠܟܼ ܘܠܢ ܥܡܟ. ܟܠ ܕܟܿܦܪ ܒܡܫܝܚܐ܆ ܘܦܐܫ ܡܢ ܒܬܪܟ܆ ܟܦܝܪ ܒܗ.. ܘܦܩܼܕ ܕܢܩܪܒܘܢ ܐܢܘܢ ܠܢܚܠܐ ܕܡܬܩܪܐ ܘܕܝܐ. ܘܢܬܦܣܩܘܢ ܪ̈ܝܫܝܗܘܢ. ܘܢܫܬ̈ܬܼܕܝܢ ܒܗ ܫ̈ܠܝܕܝܗܘܢ. ܘܦܫܛ ܐܝ̈ܕܘܗܝ ܠܫܡܝܐܼ ܘܐܡܼܪ. ܡܫܝܚܐ ܐܠܗܐܼ ܬܐ ܠܥܘܕܪܢܢ. ܘܗܒ ܒܢ ܚܝܠܐܼ. ܘܩܒܠ ܢܦ̈ܫܬܢ. ܘܢܒܣܡ ܠܟ ܕܡܐ ܕܥ̈ܒܼܕܝܟ ܕܡܬܐܫܕ ܚܠܦܝܟ. ܘܐܫܘܢ ܠܚܙܬܟܼ ܘܐܘܕܐ ܒܢ ܩܕܡ ܐܒܘܟ. ܐܝܟ ܕܐܫܬܼܘܕܝܬ. ܘܬܬܒܢܐ ܥܕܬܐܼ. ܘܢܗܐܘ ܐܦܝܣܩܦܐ ܒܡܕܝܢܬܐ ܗܕܐ܇ ܚܠܦ ܦܘܠܐ ܥܒܼܕܟ ܕܝܩܕܘ ܓܪ̈ܡܘܗܝ.. ܘܝܗܼܒܘ ܫܠܡܐ ܠܚܕ̈ܕܐ. ܘܚܼܬܡ ܐܢܢ ܣܒܐ ܚܐܪܬ. ܘܐܪܟܢ ܪܝܫܗܼ ܘܩܒܿܠ ܣܝܦܐ. ܘܪܗܛ ܚܒܪ̈ܘܗܝ ܘܐܬܚܒܨܘ. ܘܫܦܘ ܒܗܘܢ ܡܢ ܕܡܗ. ܘܐܣܗܕܘ ܟܠܗܘܢ܀ ܘܝܠܘܕܐ ܚܕ ܒܪ ܬܠ̈ܬ ܫ̈ܢܝܢ: ܢܦܩܐ ܗܘܬ ܐܡܗ ܕܬܬܩܛܠܼ. ܘܠܒܝܟܐ ܗܘܬ ܠܗ ܒܐܝܕܗܿ. ܟܕ ܕܝܢ ܚܙܼܐ ܠܡܠܟܐ ܕܝܬܿܒ ܘܠܒܝܫ ܠܒܘܫܐ ܕܡܠܟܘܬܐ܆ ܫܒܩܗܿ ܠܐܡܗܼ ܘܪܗܛ ܢܫܩ ܠܡܠܟܐ ܥܠ ܒܘܪ̈ܟܘܗܝ. ܘܠܒܟܗ ܡܿܠܟܐܼ ܘܫܪܝ ܡܚܒܒ ܠܗ. ܘܐܡܼܪ ܠܗ. ܕܡܢܐ ܪܓܐ ܠܟ. ܕܬܙܠ ܬܡܘܬ ܥܡ ܐܡܟ܆ ܐܘܿ ܬܩܘܐ ܨܝܕܝ. ܐܿܡܪ ܠܗ ܛܠܝܐ. ܡܪܢܼ ܕܥܡ ܐܡܝ ܪܓܐ ܠܝ ܕܐܡܘܬ. ܘܡܛܠ ܗܕܐ ܥܡ ܐܡܝ ܐܙܿܠ ܐܢܐ. ܕܐܡܪܬ ܠܝܼ. ܕܬܐ ܒܪܝܼ ܢܐܙܠ ܢܡܘܬ ܚܠܦ ܡܫܝܚܐ. ܐܠܐ ܐܪܦܢܝ ܕܐܿܙܠ ܠܘܬ ܐܡܝ. ܕܠܡܐ ܡܿܝܬܐ ܘܠܐ ܚܿܙܐ ܐܢܐ ܠܗܿ. ܡܛܠ ܕܐܡܪܬܼ ܠܝܼ ܕܦܩܼܕ ܡܠܟܐ ܕܝܗ̈ܘܕܝܐܼ. ܕܟܠ ܕܠܐ ܟܿܦܪ ܒܡܫܝܚܐܼ ܢܡܘܬ. ܘܐܢܐܼ ܠܐ ܟܿܦܪ ܐܢܐ ܒܗ.. ܘܐܡܼܪ ܠܗ. ܘܡܢ ܐܝܡܟܐ ܝܕܥܼܬ ܠܗ ܠܡܫܝܚܐ.. ܐܡܿܪ ܠܗ ܛܠܝܐ. ܟܠ ܝܘܡ ܚܿܙܐ ܐܢܐ ܠܗ ܒܥܕܬܐ ܥܡ ܐܡܝܼ. ܡܐ ܕܐܬܿܐ ܐܢܐ

Page 66

ܠܥܿܕܬܐ. ܐܡܼܪ ܠܗ. ܕܠܝ ܪܚܿܡ ܐܢܬ ܐܘܿ ܠܐܡܟ.. ܐܡܿܪ ܠܗܼ. ܕܡܪܢ ܕܠܐܡܝ܀ ܘܬܘܒ ܐܡܼܪ ܠܗܼ. ܕܠܝ ܪܚܿܡ ܐܢܬ ܐܘܿ ܠܡܫܝܚܐ.. ܐܡܿܪ ܠܗ. ܠܡܫܝܚܐ ܪܚܡ ܐܢܐ ܛܒ ܡܢܟ.. ܐܡܿܪ ܠܗ. ܘܡܛܠ ܡܢܐ ܐܬܼܝܬ ܢܫܼܩܬ ܒܘܪ̈ܟܝ.. ܐܿܡܪ ܠܗ. ܣܒܿܪܬ ܠܝܼ ܕܡܠܟܐ ܐܢܬ ܟܪܣܛܝܢܐ܇ ܗܿܘ ܕܚܿܙܐ ܗܘܿܝܬ ܒܥܕܬܐ. ܘܠܐ ܝܿܕܥ ܗܘܿܝܬ ܕܝܗܘܕܝܐ ܐܢܬ.. ܐܿܡܪ ܠܗ: ܝܗܿܒ ܐܢܐ ܠܟ ܓܘ̈ܙܐ ܘܠܘ̈ܙܐ ܘܬ̈ܐܢܐ.. ܐܡܿܪ ܛܠܝܐ. ܠܐ ܡܫܝܚܐܼ ܠܐ ܐܟܿܠ ܐܢܐ ܓܘ̈ܙܐ ܕܝܗ̈ܘܕܝܐ. ܐܠܐ ܫܒܘܩܝܢܝܼ ܐܿܙܠ ܠܘܬ ܐܡܝ.. ܘܐܡܿܪ ܠܗ. ܩܘܐ ܨܝܕܝ܆ ܘܗܘܿܐ ܐܢܬ ܠܝ ܒܪܐ.. ܐܡܿܪ ܛܠܝܐ. ܠܐ ܡܫܝܚܐܼ ܠܐ ܡܩܘܐ ܐܢܐ ܨܝܕܝܟ. ܡܛܠ ܕܙܗܘܡ ܪܝܚܟ ܘܣܪܐܼ ܘܠܐ ܒܣܝ ܐܝܟ ܕܐܡܝ.. ܘܐܡܼܪ ܡܠܟܐ ܠܗܠܝܢ ܕܩܪܝܒܝܢ. ܚܙܘ ܥܩܪܐ ܗܢܐ ܒܝܫܐ. ܕܡܢ ܛܠܝܘܬܗ ܐܛܥܝܗ ܡܫܝܚܐ ܕܢܚܒܗ.. ܘܐܡܼܪ ܚܕ ܡܢ ܪ̈ܘܪܒܢܐ ܠܛܠܝܐ. ܬܐ ܥܡܝܼ ܕܡܘܒܠ ܐܢܐ ܠܟ ܕܬܗܘܐ ܒܪܐ ܠܡܠܟܬܐ.. ܐܡܿܪ ܠܗ ܛܠܝܐ. ܩܦܝܚܐ ܦܬܟ. ܐܡܝ ܛܒܿܐ ܠܝ ܡܢ ܡܠܟܬܐܼ. ܕܡܘܒܠܐ ܠܝ ܠܥܕܬܐ.. ܘܕܚܙܐ ܕܠܒܝܟܝܢ ܠܗܼ. ܢܟܬܗ ܠܡܠܟܐ ܒܥܛܡܗ ܘܐܡܼܪ. ܐܪܦܢܝ ܝܗܘܕܝܐ ܒܝܫܐܼ ܐܿܙܠ ܠܘܬ ܐܡܝ. ܘܐܡܘܬ ܥܡܗܿ.. ܘܝܗܒܗ ܠܚܕ ܡܢ ܪ̈ܘܪܒܢܐܼ ܘܐܡܼܪ ܠܗ. ܐܙܕܗܪ ܒܗܼ ܥܕܡܐ ܕܪܒܐ. ܐܢ ܟܿܦܪ ܒܡܫܝܚܐܼ ܚܿܝܐ. ܘܐܠܐܼ ܡܿܐܬ. ܘܟܕ ܛܥܝܢ ܠܗ܇ ܥܒܼܕܗ ܕܗܿܘ ܓܒܪܐ܆ ܡܚܒܛ ܗܘܐ ܪ̈ܓܠܘܗܝܼ ܘܩܿܪܐ ܠܐܡܗ. ܕܐܡܝܼ ܬܝ ܣܒܝܢܝ ܐܿܙܠ ܥܡܟܝ ܠܥܕܬܐ. ܘܟܕ ܓܥܿܝܐ ܠܩܘܒܠܗܼ ܐܡܼܪܬ. ܙܠ ܒܪܝ ܡܓܥܠܼܬ ܠܡܫܝܚܐܼ. ܠܐ ܬܒܟܐ. ܩܘܐ ܠܝ ܒܥܕܬܐ ܠܘܬ ܡܫܝܚܐ ܥܕܡܐ ܕܐܬܿܝܐ ܐܢܐ. ܘܟܕ ܗܕܐ ܐܡܼܪܬ ܦܣܩܘܗܝ ܠܪܝܫܗܿ܀ ܘܒܟ̈ܬܝܒܬܐܗܠܝܢ ܘܒܛܒ̈ܐ ܕܐܫܬܡܥܼܘ. ܥܩܬܐ ܗܘܬܼ ܟܠܗܘܢ ܟܪ̈ܣܛܝܢܐ ܕܬܢܢ. ܘܕܢܬܝܕ̈ܥܢ

Page 67

ܠܐܦܝܣ̈ܩܦܐ ܚܣ̈ܝܐ ܘܡܗ̈ܝܡܢܐ ܗܠܝܢ ܕܓܕ̈ܫ ܒܝܬ ܚܡܝܪ̈ܝܐ. ܘܢܥܒܕܘܢ ܕܘܟܪܢܐ ܠܣܗ̈ܕܐ ܩܕ̈ܝܫܐ ܗܠܝܢ ܟܬܒܢܢ. ܡܦܝܣܝܢܢ ܠܚܘܒܟܘܢ. ܕܥܓܼܠ ܢܬܝܕ̈ܥܢ ܠܪ̈ܝܫܝ ܕܝܪ̈ܬܐ ܘܐ̈ܦܝܣܩܦܐ. ܘܝܬܝܪܐܝܬ ܠܪܝ ܟܗ̈ܢܐ ܕܐܠܟܣܢܕܪܝܐ. ܕܢܬܟܬܘܒ ܠܡܠܟܐ ܕܟܘ̈ܫܝܐ. ܕܒܥܓܠ ܢܬܛܝܒ ܘܢܥܕܪ ܠܚܡܝܪ̈ܝܐ. ܢܬܒܠܟܘܢ ܕܝܢ ܐܦ ܪ̈ܝܫܝ ܟܗ̈ܢܐ ܕܝܗ̈ܘܕܝܐ ܕܒܛܒܪܝܘܣ ܘܢܬܐܠܨܘܢ. ܕܢܫܕܪܘܢ ܠܘܬ ܗܢܐ ܡܠܟܐ ܝܗܘܕܝܐ ܕܐܬܚܙܝ܇ ܕܢܒܿܛܠ ܐܓܘܢܐ ܘܪܕܘܦܢܐ ܡܢ ܒܝܬ ܚܡܝܪ̈ܝܐ. ܥܡ ܫܪܟܐ ܕܫܐܠܬ ܫܠܡܐ ܕܐܝܬ ܡܐܝܓܪܬܐ ܕܪ̈ܝܫܝ ܟܗ̈ܢܐ ܕܒܗܿܘ ܙܒܢܐܼ ܘܕܪ̈ܝܫܝ ܕܝܪ̈ܬܐ ܡܗ̈ܝܡܢܐ܀

ܬܘܒ ܥܠ ܛܠܝܐܗܢܐ ܙܥܘܪܐ ܕܟܬܝܒ ܒܬܫܥܝܬܐ ܗܕܐ ܕܣܗܕ̈ܐ ܡܢ ܠܥܠ. ܕܙܕܩܐ ܐܬܚܙܝܬ ܠܢܼ ܕܠܐ ܢܚܦܐ ܒܫܬܩܐ. ܐܦ ܥܠ ܛܠܝܐ ܗܿܘ ܙܥܘܪܐܼ. ܕܟܬܝܒ ܡܢ ܠܥܠ ܒܬܫܥܝܬܐ ܗܕܐ: ܕܢܟܬܗ ܠܡܠܟܐ ܒܥܛܡܗ܇ ܟܕ ܐܡܿܪ ܕܫܒܘܩܝܢܝܼ ܐܧܙܠ ܐܡܘܬ ܥܡ ܐܡܝ. ܘܠܒܟܗ ܟܕ ܡܫܓܫ ܠܗ ܘܠܐ ܐܬܬܦܝܣ ܠܗ܇ ܘܐܫܡܠܗ ܠܚܕ ܡܢ ܪܘܪ̈ܒܢܐ ܕܝܠܗ ܕܢܪܒܝܘܗܝ܇ ܘܡܐ ܕܪܒܼܐ ܐܠܐ ܟܦܪ ܒܡܫܝܚܐ ܢܡܘܬ.. ܟܕ ܓܝܪ ܝܗܘܕܝܐ ܗܿܘ ܡܢ ܟܘ̈ܫܝܐ ܐܬܩܼܛܠ: ܘܐܬܚܢܩܘ ܟܠܗܘܢ ܝܗܘ̈ܕܝܐ ܕܒܚܡܝܪ̈ܝܐܼ. ܗܼܘ ܕܝܢ ܛܠܝܐ ܗܿܘ ܦܫ ܒܚܗܝܐ ܘܪܒܼܐ. ܘܟܕ ܗܕܐ ܠܡܠܟܐ ܟܪܣܛܝܢܐ ܕܗܘܼܐ ܬܡܢ ܐܬܝܕܥܬܼ. ܕܒܼܪܗ ܠܘܬܗ ܠܛܠܝܐ. ܘܟܕ ܡܟܝܠ ܡܩܒܠ ܗܘܐ ܬܘ̈ܣܦܬܐ ܕܬܪܒܝܬܗ: ܘܐܬܼܐ ܠܩܘܡܬܐ ܡܫܡܠܝܬܐܼ. ܐܚܕܗ ܗܘܐ ܒܐܝܩܪܐ ܪܒܐܼ ܐܝܟ ܕܠܣܗܕܐ ܕܡܫܝܚܐ. ܘܥܒܕܗ ܪܝܫܐ ܕܦܛܪ̈ܝܩ ܕܝܠܗ. ܘܗܘܼܐ ܒܪ ܪܐܙܗܼ ܘܒܪ ܡܠܼܟܗ. ܫܡܗ ܕܝܢ ܐܝܬܘܗܝ ܒܝܨܪ. ܠܗܢܐ ܗܟܝܠ

Page 68

ܒܐܝܙܓܕܘܬܐ ܠܘܬ ܡܠܟܐ ܝܘܣܛܢܝܢܐ ܒܚܪܬܐ ܡܫܕܪ ܗܘܐܿ. ܗܢܐ ܕܐܦ ܒܥܢܝܢܗ ܙܒܢܐ ܣܓܝܐܐ ܗܘܼܝܢ. ܟܕ ܬܗܪܝܢ ܗܘܼܝܢ ܒܨܒܝܢܗ ܛܒܐܼ ܒܢܝܚܘܬܗ ܘܒܡܟܝܟܘܬܗ ܕܓܒܪܐ ܘܒܚܐܪܘܬܐ ܕܢܣܝܼܟܐ ܗܘܬ ܥܠ ܦܪܨܘܦܗ. ܘܒܚܫܐ ܕܟܠܥܕܢ. ܘܠܘܬܐ ܕܐܡܝܢܐ ܗܘܬ ܒܪܥܝܢܗ. ܟܕ ܡܢ ܨܦܪܐ ܠܪܡܫܐ ܡܬܟܪܟ ܗܘܐ ܒܥܕ̈ܬܐ ܕܡܕܝܢܬ ܡܠܟܘܬܐ. ܘܡܨܿܠܐ ܘܝܿܗܒ ܛܝܒܘܬܐ ܡܢ ܡܕܡ ܕܡܬܝܗܒ ܗܘܐ ܠܗ ܡܢ ܡܿܠܟܐ. ܟܕ ܨܐܿܡ ܗܘܐ ܐܡܝܢܐܝܬ ܥܕܡܐ ܠܪܡܫܐ ܟܠܗܘܢ ܝܘ̈ܡܬܐ. ܘܒܚܪܬܐ ܟܕ ܗܒܠܝܢ ܬܗܪܝܢ ܗܘܘ ܟܠܗܘܢ ܚ̈ܙܝܐ: ܘܒܬܗܪܐ ܡܡܠܠܝܢ ܗܘܘ ܥܠܘܗܝܼ. ܗܝܕܝܢ ܒܚܪܬܐ ܐܫܬܡܥܬ ܥܠܘܗܝܼ. ܕܗܼܘ ܐܝܬܘܗܝ ܗܿܘ ܛܠܝܐ ܙܥܘܪܐ ܕܟܦܼܪ ܒܗ ܒܗܿܘ ܝܗܘܕܝܐ ܘܨܥܪܗ ܒܐܦ̈ܘܗܝ. ܘܒܚܪܬܐ ܢܟܬܗ ܒܥܛܡܗ. ܟܕ ܗܼܘ ܠܐ ܨܿܒܐ ܗܘܐ ܕܗܠܝܢ ܥܠܘܗܝ ܢܬܝܕ̈ܥܢ. ܘܗܠܝܢ ܪܫܡܢ ܡܛܠ ܣܗܕܐ ܕܐܠܗܐ.

ܥܠ ܡܠܟܐ ܕܟܘ̈ܫܝܐܼ. ܘܥܠ ܡܦܩܬܗܼ ܘܥܠ ܩܛܠܗ ܕܛܪܘܢܐ ܘܕܥܡܗ ܝܗܘ̈ܕܝܐ.. ܒܬܪܟܝܢ ܕܝܢ ܟܕ ܡܠܟܐ ܕܟܘ̈ܫܝܐ ܗܿܘ ܕܩܛܠܗ ܠܡܠܟܐ ܩܕܡܝܐ ܕܚܡܝܪ̈ܝܐ: ܘܡܢ ܥܠܬܐ ܗܕܐ ܗܘܼܐ ܟܪܣܛܝܢܐ. ܟܕ ܗܕܐ ܝܠܼܦ ܗܘܐ ܘܥܠ ܐܒܕܢܐ ܕܟܪ̈ܣܛܝܢܐ ܘܛܪܘܢܘܬܐ ܕܝܗܘܕ̈ܝܐ: ܪܬܼܚ ܒܛܢܢܐܼ ܘܕܒܼܪ ܚܝ̈ܠܘܬܗܼ. ܘܢܦܼܩ ܥܠܘܗܝ ܕܛܪܘܢܐ. ܘܠܒܟܗ ܘܩܛܠܗܼ ܘܚܪܒ ܐܢܘܢ ܠܚܝ̈ܠܘܬܗ. ܘܟܠܗܘܢ ܝܗܘ̈ܕܝܐ ܕܒܐܬܪܐ ܕܚܡܝܪ̈ܝܐ ܓܡܝܪܐܝܬ. ܘܐܦ ܐܩܝܡ ܬܡܢ ܡܿܠܟܐ: ܠܐܢܫ ܛܿܢܢܐܿ ܕܫܡܗ ܐܒܪܗܡ ܘܟܪܣܛܝܢܐ. ܘܗܟܢܐ ܐܬܟܢܣܘ ܠܬܡܢܼ ܟܠܗܘܢ ܟܪ̈ܣܛܝܢܐ ܕܐܬܒܿܕܪܘ ܗܘܘ ܡܢ ܪܕܘܦܝܐ ܘܕܚܠܬܐ ܕܝܗܘܕ̈ܝܐ. ܘܐܬܪܐ ܗܿܘ ܐܬܩܝܡ ܒܟܪܣܛܝܢܘܬܐ. ܘܫܕܪ ܗܘܐ ܠܐܠܟܣܢܕܪܝܐܼ. ܘܫܩܿܠ ܠܗ ܐܦܝܣܩܦܐ ܩܕܡ ܡܠܥܬܗܿ ܣܘܢܗܕܘܣ ܕܟܠܩܕܘܢܐ. ܘܗܢܐ ܕܟܕ ܩܠܝܠ

Page 69

ܙܒܢܐ ܗܘܼܐ ܒܗ ܒܐܬܪܐ ܗܿܘܼ. ܡܝܼܬ. ܘܟܕ ܝܠܼܦ ܗܼܘ ܡܿܠܟܐ ܕܚܡܝܪ̈ܝܐ ܕܗܘܼܬ ܡܥܠܬܗܿ ܕܣܘܢܗܕܘܣ ܕܟܠܩܕܘܢܐ ܠܐܠܟܣܢܕܪܝܐ: ܘܐܬܪܕܦ ܘܢܦܼܩ ܦܛܪܝܪܟܐ ܬܐܕܘܣܝܣܘ ܡܛܠ ܗܝܡܢܘܬܐܿ. ܘܕܠܐ ܨܼܒܐ ܕܢܿܩܒܠ ܠܣܘܢܗܕܘܣ. ܐܬܟܫܠ ܐܦ ܗܼܘ ܘܠܐ ܨܼܒܐ ܕܢܩܿܒܠ ܐܦܝܣܩܦܐ ܡܢ ܐܠܟܣܢܕܪܝܐ.

ܫܢܼܬ ܬܡ̈ܢܡܐܐ ܘܚ̈ܡܫܝܢ: ܗܘܐ ܩܪܒܐ ܕܦܪ̈ܣܝܐ ܥܠ ܐܢܛܝܟܝܐ. ܐܦ ܐܬܟܒܫܬ ܘܐܬܚܪܒܬ ܘܝܩܕܬ. ܒܗ ܗܟܠܝ ܒܙܒܢܐܼ. ܒܫܢܬ .ܝܕ. ܕܝܠܗ ܕܐܦܪܝܡܼ. ܣܒܟܘܢ ܚܝܠܘ̈ܬܐ ܬܩ̈ܝܦܐ ܕܦܘܪ̈ܣܝܐܼ. ܘܐܬܼܘ ܥܡ ܟܣܪܘܢ ܡܠܟܗܘܢ: ܘܟܒܫܘܗܿ ܠܐܢܛܝܟܝܐ ܡܕܝܢܬܐ. ܘܐܘܩܕܘܗܿ ܒܢܘܪܐܼ ܘܥܪܘܗܿ.. ܘܓܠܝܘܗܿ. ܘܫܩܼܠܘ ܗܘܘ ܥܕܡܐ ܠܦ̈ܠܩܝܐ ܕܫܝܫܐ ܕܥܠ ܐܣܝ̈ܗܿ ܩܪ̈ܝܡܢ ܗܘ̈ܝܼ. ܘܐܚܬܼܘ ܐܢܝܢ ܠܐܬܪܗܘܢ. ܟܕ ܐܦ ܒܢܼܘ ܡܕܝܢܬܐ ܒܐܬܪܗܘܢ ܒܕܡܘܬܗܼܿ. ܘܫܡܗܘܗܿ ܐܢܛܝܟܝܐ.. ܟܕ ܗܼܘ ܐܦܪܝܡ ܥܼܪܩ ܡܢܗܘܢܼ. ܐܝܟܢܐ ܕܢܬܚܦܐ ܒܒܗܬܬܐ ܕܡܢ ܒܬܪܟܝܢ܇ ܕܡܕܝܢܬܗ ܘܕܚܪܒܗܿ ܕܒܝܘ̈ܡܬܗ. ܗܿܝ ܕܐܦ ܓܕܫܬܗ. ܘܗܟܢܐ ܒܒܗܬܬܐ ܗܕܐ ܡܢ ܒܬܪ ܐܪ̈ܒܥ ܫ̈ܢܝܢ܆ ܡܢ ܚܝ̈ܐ ܕܬܢܢ ܛܠܼܩ: ܬܡܢ ܓܝܪ ܐܠܗܐ ܝܿܕܥ ܛܘܝܒܗ.

ܫܢܬ ܬܡ̈ܢܡܐܐ ܘܚܡ̈ܫܝܢ ܘܫܒ̈ܥܼ. ܡܝܬ ܩܕܝܫܐ ܛܝܡܬܐܘܣ ܦܛܪܝܪܟܐ ܕܐܠܟܣܢܕܪܝܐ: ܘܟܘܪܣܝܗ ܐܓܥܠܗܼ ܠܐܢܫ ܕܫܡܗ ܬܐܕܘܣܝܘܣ ܡܢ ܒܢ̈ܝ ܥܕܬܐ ܕܬܡܢ.

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܚܕܐ. ܐܣܬܟܪ ܢܗܪܐ ܪܒܐ ܦܪܬ. ܠܥܠ ܡܢ ܩܠܘܕܝܐ ܐܬܪܐ: ܠܘܩܒܠ ܒܝܬ ܩܦ̈ܘܕܩܝܐ: ܥܠ ܓܢܒ ܩܪܝܬܐ [ܦܪܘ]ܣܝܕܝܢ: ܛܘܪܐ

Page 70

ܓܝܪ ܪܒܐ ܫܼܦ ܘܢܚܼܬ. ܘܐܝܟ ܡܿܢ ܕܬܩܝܦ ܪܘܡܐ ܕܛܘܪ̈ܐ ܐܢܘܢ ܕܬܡܢ ܘܐܠ̈ܨܝܢ܆ ܢܚܼܬ ܘܣܟܼܪ ܡܢ ܛܘܪܐ ܠܛܘܪܐ. ܘܗܘܼܐ ܬܠ̈ܬܐ ܝܡ̈ܡܝܢ ܘܬܠ̈ܬܐ ܠܝ̈ܠܘܬܐ. ܘܗܦܟ ܢܗܪܐ ܠܒܣܬܪܗ ܠܘܩܠ ܐܪܡܢܝܐ. ܘܐܬܛܝܦ ܐܪܥܐܼ ܘܛܒܥ ܩܘܪ̈ܝܐ. ܘܥܼܒܕ ܣܘܪ̈ܚܢܐ ܣ̈ܓܝܐܐ. ܡܢ ܠܬܚܬ ܕܝܢ ܝܒܼܫ ܒܕܘ̈ܟܝܢ ܕܘ̈ܟܝܢ܇ ܘܚܪܒ. ܘܗܘܼܐ ܝܒܝܫܐ. ܘܗܝܕܝܢ ܐܬܟܫܢܘ ܡܢ ܩܘܪ̈ܝܐ ܣ̈ܓܝܐܬܐ: ܒܒ̈ܥܘܬܐ ܘܒܬܫ̈ܡܫܬܐ ܘܒܨ̈ܠܝܒܐ ܣ̈ܓܝܐܐ. ܘܥܠܘܢ ܒܚܫܐ ܘܕܡ̈ܥܐ ܬܪ̈ܝܥܬܐ ܘܙܘܥܐ ܪܒܐܼ. ܟܕܛܥܝܢܝܢ ܦܝܪ̈ܡܝܗܘܢ ܘܡܿܥܛܪܝܢ: ܘܩܼܿܪܒܘ ܠܥܠ ܡܢܗ ܕܛܘܪܐ ܕܣܟܝܪ ܒܡܨܥܬܗ ܕܢܗܪܐܼ ܩܘܪܒܢܐܼ. ܘܗܝܕܝܢ ܝܗܼܒ ܐܬܪܐ ܩܠܝܠ ܩܠܝܠ ܕܢܬܬܪܥܼ. ܘܒܚܪܬܐ ܐܬܬܠܚ ܡܢ ܫܝܠܼ. ܘܓܚܘ ܡܡܘܠܐ ܕܡ̈ܝܐ ܕܢܚܘܬ. ܘܗܘܼܐ ܙܘܥܐ ܪܒܐ ܒܟܠܗܿ ܡܕܢܚܐܼ. ܘܥܕܡܐ ܠܐܬܪ̈ܘܬܐ ܕܒܝܬ ܦܪ̈ܣܐ ܟܕ ܐܬܓܪܦܘ ܩܘܪ̈ܝܐ ܘܐܢܫܘܬܐ. ܘܒܥܝܪܐ ܣܓܝܬܐ. ܘܟܠܡܕܡ ܕܐܣܬܩܒܠ ܩܕܡܘܗܝ ܕܡܡܘܠܐ ܕܡ̈ܝܐܼ ܕܡܢ ܫܠܝ܆ ܘܕܘ̈ܟܝܬܐ ܣܓܝ̈ܐܬܐ ܚܒܠ.. ܡܢ ܒ̈ܬܐ ܕܝܢ ܕܩܪܝܬܐ ܕܐܝܬܝܗܿ ܗܘܬ ܠܥܠ ܡܢܗ ܕܛܘܪܐ. ܐܦ ܟܪ̈ܡܝܗܿ ܦܫܘ. ܟܕ ܫܪܝܪܝܢ ܒܗܿܘ ܥܒܼܪܐ ܐܚܪܢܐ ܕܐܫܬܪܝܘ ܠܗ܇ ܟܕ ܐܦ ܩܿܝܡܝܢ ܥܕܡܐ ܠܝܘܡܢܐ.. ܗܟܢܐ ܐܦ ܐܪܥܐ ܟܠܗܿ ܕܠܥܠܡ ܡܢ ܣܟܪܐܼ. ܫܒܗܿ ܘܚܒܠܗܿ ܟܕ ܢܚܿܬ.

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܬܪ̈ܬܝܢ܆ ܚܫܟܘܼ ܫܡܫܐ. ܘܗܘܼܐ ܟܕ ܠܒܝܟ ܚܫܘܟܐܼ ܫܢܬܐ ܚܕܐ ܘܦܠܓܗܿ. ܕܗܘܿܝܢ ܝܪ̈ܚܐ ܬܡܢܬܥܣܪ̈. ܘܟܕ ܛܒ ܙܠܝܩ̈ܐ: ܒܬܪ̈ܬܝܢ ܘܒܬܠ̈ܬ ܫܥ̈ܝܢ ܡܬܚܙܝܢ ܗܘܘ ܒܗܼ. ܐܝܬܝܗܘܢ ܐܝܟ ܟܪ̈ܝܗܐ.. ܐܝܟܢܐ ܕܐܦ ܦܐܪ̈ܐ ܦܫܘ ܡܢ ܕܠܫܘܠܡܐ ܕܒܫܝܠܘܬܐ ܢܐܬܘܢ. ܚܡܼܪܐ ܕܝܢ ܟܠܗ ܐܝܟ ܕܡܢ ܒܣܝܪ̈ܬܐ ܟܠܗ ܡܬܛܥܡ ܗܘܐ.. ܘܗܿܝܕܝܢ ܡܪܝܐ ܐܕܢܚ ܪ̈ܚܡܘܗܝ ܥܠ

Page 71

ܓܒܝܠܬܗܼ. ܘܐܢܗܪܗ.. ܘܬܘܒ ܒܢܝܢܫ̈ܐ ܠܩܫܝܘܬ ܠܒܗܘܢ ܦܢܼܘ ܕܠܐ ܕܚܠܐܼ ܐܝܟ ܕܒܩܕܡܝܬܐ.

ܫܢܬ ܬܡ̈ܢܡܐܐ ܘܐܪ̈ܒܥܝܢ ܘܬܫ̈ܥܼ. ܢܦܼܩ ܡܢ ܥܠܡܐ ܗܢܐ ܩܕܝܫܐ ܡܪܝ ܣܐܘܪܐ ܦܛܪܝܪܟܐ ܕܐܢܛܝܟܝܐ. ܒܬܡܢܝܐ ܒܫܒܛ.܀ ܘܒܫ̈ܬܐ ܒܗ ܒܝܪܚܐܼ ܡܝܬ ܩܕܝܫܐ ܡܪܝ ܝܘܚܢܢ ܒܪ [ܩـ]ـܪܣܘܣ܀ ܫܪܝܢ ܐܚܪܝܢ ܒܐܪ̈ܒܥܐ ܒܗܼ ܡܝܬ ܡܪܝ ܝܘܚܢܢ ܒܪ ܐܦܬܘܢܝܐ.

ܫܢܬ ܬܡ̈ܢܡܐܐ ܘܚܡ̈ܫܝܢ܆ ܐܬܒܠܥܼܬ ܦܡܦܝܦܘܠܝܣ. ܦܡܦܝܦܘܠܝܣ ܕܝܢ ܗܕܐ ܡܢ ܙܘܥܐ ܪܒܐ ܕܗܘܐ ܒܗܼܿ. ܠܐ ܐܝܟ ܫܪܟܐ ܕܡܕ̈ܝܢܬܐ ܐܚܪ̈ܢܝܬܐ ܐܬܗܦܟܼܬ. ܐܠܐ ܐܬܿܐ ܕܚܝܠܬܐ ܗܘܼܬ ܒܗܿ. ܟܕ ܐܪܥܐ ܡܢ ܫܠܝܐ ܐܬܦܬܚܼܬ ܐܦ ܐܨܛܪܝܬܼ. ܡܢ ܓܒܐ ܠܓܒܐ ܕܡܕܝܢܬܐ. ܘܗܟܢܐ ܦܠܓܗܿ ܒܦܚܬܐ ܗܿܘ ܕܕܚܠܬܐ ܘܕܓܘܢܚܐ ܪܒܐ ܢܚܼܬ ܘܛܼܒܥܼ. ܥܡ ܥܘܡܪ̈ܐ. ܘܗܟܢܐ ܢܚܼܬ ܚܿܝܬ ܠܫܝܘܠܼ ܐܝܟ ܕܟܬܝܼܒ. ܘܟܕ ܢܚܼܬܘ ܒܢܝ̈ܢܫܐ ܠܦܚܬܐ ܗܿܘ ܕܚܝܠܐ ܘܓܢܝܚܐ. ܘܛܒܼܥܘ ܒܥܘܡܩܝܗܿ ܕܐܪܥܐܼ. ܩܠ ܓܥܬܐ ܕܟܠܗܘܢ ܐܝܟ ܚܕܐܼ ܡܪܝܪܐܝܬ ܘܓܢܝܚܐܝܬ ܣܿܠܩ ܗܼܘܐ ܡܢ ܐܪܥܐ: ܠܘܬ ܗܠܝܢ ܕܚܝܼܘ ܥܕܡܐ ܠܝܘ̈ܡܬܐ ܣܓܝ̈ܐܐ. ܟܕ ܢܦܫ̈ܬܗܘܢ ܡܫ̈ܬܢܩܢ ܗ̈ܘܝ ܒܩܠ ܓܥܬܗܘܢ ܕܡܢ ܓܘ ܥܘ̈ܡܩܝܗܿ ܕܫܝܘܠܼ. ܘܡܕܡ ܠܐ ܐܫܟܚܘ ܕܢܥܕܪܘܢ ܐܢܘܢ. ܒܬܪܟܝܢ ܟܕ ܝܼܠܦ ܡܿܠܟܐܼ. ܫܕܪ ܕܗܒܐ ܣܓܝܐܐܼ ܕܐܢ ܡܨܝܐ ܕܢܬܥܕܪܘܢ ܗܠܢܝ ܕܛܒܥܘ ܒܐܪܥܐ. ܘܠܐ ܗܘܼܐ ܦܘܪܣܐ ܕܢܬܥܕܪܘܢ ܗܠܝܢ ܕܛܒܥܘ ܒܐܪܥܐ. ܘܠܐ ܗܘܼܐ ܦܘܪܣܐ ܕܢܬܥܕܪܘܢ ܗܘܘ: ܐܘ ܕܢܫܬܘܙܒ ܡܢܗܘܢ ܢܦܫܐ ܚܕܐ. ܘܐܬܗܝܒ ܕܗܒܐ ܗܿܘ ܠܗܠܝܢ ܕܚܝܘܼ ܠܩܝܘܡܗܿ ܕܫܪܟܐ ܕܡܕܝܢܬܐܼ ܕܦܠܛܘ ܘܐܫܬܘܙܒܘ ܡܢ ܪܘܓܙܐ ܕܓܘܢܚܐ ܕܚܝܠܐ ܕܡܛܠ ܚ̈ܛܗܝܢ.

Page 72

ܫܢܬ ܬܡ̈ܢܡܐܐ ܘܚܡܫܝܢ ܘܚܕܐܼ. ܐܬܗܼܦܟܬ ܐܢܛܝܟܝܐܼ ܗܦܘܟܝܐ ܕܫ̈ܬܐ. ܒܗ ܗܟܝܠ ܒܙܒܢܗ ܕܝܘܣܛܢܝܢܐ܇ ܡܢ ܒܬܪ ܬܪ̈ܬܝܢ ܫܢ̈ܝܢ ܕܗܦܘܟܝܗܿ ܕܚܡܫܐ ܕܐܢܟܝܟܝܐܼ. ܬܘܒ ܐܬܗܦܼܟܬ ܗܦܘܟܐ ܕܫ̈ܬܐ ܒܐܝܪܚ ܬܫܪܝ ܐܚܪܝ ܒܥܣܪ̈ܝܢ ܘܬܫ̈ܥܐ ܒܗܼ. ܒܐܪ̈ܒܥܐ ܒܫܒܐ ܒܥܣܪ̈ ܫ̈ܥܝܢ. ܒܗܢܕܩܛܝܘܢܐ ܫܒܝܥܝܐܼ. ܕܐܝܬܝܗܿ ܐܝܟ ܡܢܝܢܐ ܕܐܢܛܝ̈ܘܟܝܐܼ. ܫܢܬ ܚܡ̈ܫܡܐܐ ܘܫܒ̈ܥܝܢ ܘܫܬ. ܒܗ ܒܝܘܡܐ ܗܢܐܼ ܗܘܼܐ ܙܘܥܐ ܪܒܐܼ. ܫܥܐ ܚܕܐ. ܘܒܫܘܠܡܗ ܕܙܘܥܐܼ. ܗܘܼܐ ܐܝܟ ܪܥܡܐ ܪܒܐ ܘܬܩܝܦܐ ܘܢܓܝܪܐ ܡܢ ܫܡܝܐ. ܘܡܢ ܐܪܥܐ ܩܠܐ ܕܓܘܢܚܐ ܪܒܐ ܘܬܩܝܦܐ ܘܕܚܝܐ. ܒܕܡܘܬܐ ܕܬܘܪܐ ܕܓܥܿܐܼ ܣܿܠܩ ܗܘܐ. ܘܡܢ ܙܘܥܬܗ ܕܩܠܐ ܕܓܘܢܚܐ ܗܿܘܼ ܐܪܥܐ ܪܬܬܼ ܘܙܥܬ. ܘܟܠܗܘܢ ܒܢܝ̈ܢܐ ܕܐܬܒܢܝܘ ܒܗܿ ܒܬܪ ܡܦܘܠܬܗܿ ܐܬܗܦܟܘ ܘܢܚܬܘ ܥܕܡܐ ܠܐܪܥܐ. ܘܫܘܪ̈ܐ ܘܬܪ̈ܥܐ ܕܡܕܝܢܬܐܼ. ܘܝܬܝܪܐܝܬ ܥܕܬܐ ܪܒܬܐ. ܘܫܪܟܐ ܕܥܕ̈ܬܐ ܘܕܒܝܬ ܣܗ̈ܕܘܬܐ. ܘܫܪܟܐ ܕܒ̈ܬܐ ܕܦܠܛܘ ܗܘܘ ܒܙܘܥܐ ܗܿܘ ܩܕܡܝܐܼ. ܥܕܡܐ ܠܙܥܘܪ̈ܐ. ܘܗܟܢܐ ܟܠܗܝܢ ܡܕ̈ܝܢܬܐ ܕܚܕܝܪ̈ܢ: ܒܫܡܼܥܗ ܕܓܘܢܚܐ ܘܗܦܘܟܝܐ ܕܡܕܝܢܬܐ ܐܢܛܝܟܝܐ ܝܬܒܘ ܒܐܒܠܐ ܘܚܫܐ ܘܥܩܬܐ. ܘܐܬܗܼܦܟ ܕܝܢ ܘܟܠܗܝܢ ܩܘܪ̈ܝܐ ܕܚܕܝܪ̈ܢ ܠܗܿ܆ ܗܠܝܢ ܕܐܬܒ̈ܢܝ ܗܘ̈ܝ ܡܢ ܩܕܝܡܼ ܥܕܡܐ ܠܥܣܪ̈ܐ ܡܝ̈ܠܝܢ. ܣܠܘܩܝܐ ܕܝܢ ܘܕܦܢܐܼ. ܒܗܦܘܟܝܐ ܕܚ̈ܡܫܐ ܢܼܦܠ ܗܘ̈ܝ. ܒܗܢܐ ܕܝܢ ܕܫܬܐܼ. ܠܐ ܢܦܼܠ ܘܠܐܐܗܪܘ.. ܡܝܬ ܓܝܪ ܒ̈ܢܝ ܡܕܝܢܬܐ ܘܐܬܓܠܝܘ: ܣܛܪ ܡܢ ܗܿܢܘܢ ܕܐܬܡܚܝܘ: ܘܡܢܗܘܢ ܐܬܬܒܪ:

Page 73

ܘܡܢܗܘܢ ܡܚܘ̈ܬܐ ܫܚܠܦ̈ܬܐ ܒܠܼܥܘ. ܟܕ ܡܪܚܡܢܘܬܗ ܘܛܝܒܘܬܗ ܕܐܠܗܐ ܐܬܓܼܠܝܬ: ܘܠܐ ܫܒܼܩܬ ܕܢܘܪܐ ܬܣܦ ܗܘܬ ܘܬܘܩܕܐܝܟ ܕܒܗܦܘܟܝܐ ܩܕܡܝܐ. ܐܝܠܝܢ ܕܝܢ ܕܐܫܬܚܘ ܕܚܝ̈ܝܢ܆ ܣܘܓܗܘܢ ܥܪܩܘ ܠܡܕ̈ܝܢܬܐܐܚܪ̈ܢܝܬܐܼ. ܘܫܒܩܘܗܿ ܠܐܢܛܝܟ ܨܕܝܬܐ ܘܚܪܒܬܐ.. ܐܚܪ̈ܢܐ ܕܝܢ ܒܛܘܪܐ ܗܿܘ ܕܠܗܠ ܡܢܗܿ ܕܡܕܝܢܬܐܼ ܥܒܼܕܘ ܠܗܘܢ ܡ̈ܛܠܠܐ ܡܢ ܦܪ̈ܣܐ ܘܓ̈ܠܐ ܘܣܪ̈ܝܓܬܐ. ܘܗܟܢܐ ܒܗܝܢ ܒܐܘܠܨܢܐ ܕܣܬܘܐ ܝܿܬܒܝܢ ܗܘܘ.

ܥܠ ܣܬܘܐ ܩܫܝܐ ܕܗܘܐܼ. ܘܥܠ ܒܥܘ̈ܬܐ ܕܥܒܕܘ ܐܝܠܝܢ ܕܐܫܬܚܪܘ ܒܡܕܝܢܬܐܼ. ܡܚܕܗܿ ܕܝܢ ܒܬܪܗ ܕܙܘܥܐܼ. ܟܕ ܙܥܼܬ ܘܢܦܠܼܬ ܐܢܛܝܟܝܐܼ. ܗܘܐ ܣܬܘܐ ܩܫܝܐ. ܘܢܚܼܬ ܬܠܓܐܼ ܥܕܡܐ ܠܬ̈ܠܬ ܐܡ̈ܝܢ. ܘܗܿܠܝܢ ܕܟܬܪܘ ܗܘܘ ܒܗܿ ܒܡܕܝܢܬܐ ܥܒܼܕܘ ܗܘܘ ܒ̈ܥܘܬܐ ܚ̈ܢܝܓܬܐ ܒܚܫܐ ܪܒܐܼ. ܟܕ ܐܦ ܚܦܝܐܝܬ ܡܗܿܠܟܝܢ ܗܘܘ ܒܬܠܓܐ: ܟܕ ܛܥܼܝܢܝܢ ܗܘܘ ܣܘ̈ܟܐ ܒܐܝܕ̈ܝܗܘܢ ܕܙܝܬܐ. ܘܢܦܼܩܘ ܠܒܪ ܡܢ ܡܕܝܢܬܐ ܠܩܿܡܦܘܢܼ ܥܕܡܐ ܠܚܕ ܡܝܠܐܼ. ܟܕ ܢܚܿܬ ܥܠܝܗܘܢ ܬܠܓܐ. ܘܫܕܘ ܢܦܫܗܘܢ ܠܥܠ ܡܢܗ ܕܬܠܓܐܼ. ܘܗܘܘ ܟܕ ܓܥܿܝܢ ܒܚܫܐ ܚܢܝܓܐ ܘܒܒܟܬܐ ܡܪܝܪܬܐܼ. ܘܩܥܿܝܢ ܗܘ ܩܘܪܝܠܣܘܢ. ܘܐܝܬ ܗܘܐ ܠܡܚܙܐ ܐܢܘܢܼ ܚܙܬܐ ܕܚܫܐ ܘܕܙܘܥܬܐ. ܟܕ ܨܪܘܕܝܢ ܒܬܠܓܐܼ. ܘܡܫܚܠܦ ܓܘܢܗܘܢ. ܘܫܕܝܢ ܥܠ ܐܦܝ̈ܝܗܘܢ ܒܓܥܬܐ ܕܟܐܒܐ ܪܒܐ ܕܦܓܪܐ ܘܕܢܦܫܐܼ. ܟܕ ܕ̈ܘܝܢ ܘܡ̈ܕܠܚܢ ܐܦܝ̈ܝܗܘܢ ܒܕ̈ܡܥܐ ܘܒܚܫܐܼ. ܘܒܥܙܝܙܘܬܗ ܕܥܪܐ ܕܣܬܘܐ.܀

ܥܠ ܚܙܬܐ ܕܐܬܚܙܝ ܠܐܢܫ ܡܗܝܡܢܐܒܗ ܒܙܒܢܐܼ. ܘܥܠ ܒܢܝܢܗܿ ܬܘܒ ܕܡܕܝܢܬܐ. ܒܗ ܗܟܝܠ ܒܙܒܢܐ ܟܕ ܥܒܿܕܝܢ ܒܥ̈ܘܬܐܼ. [ܐܬܚܙܝ ܚܙܘܐ ܠܐܢܫ ܟܪܣܛܝܢܐ

Page 74

ܘܡܗܝܡܢܐ: ܕܢܐܡܪ ܠܟܠܗܘܢ ܐܝܠܝܢ ܕܐܫܬܚܪܘ ܒܐܢܛܝܟܝܐ. ܕܢܗܘܘ ܢ ܟܿܬܒܝܢ ܥܠ ܬܪ̈ܥܐ ܕܕܪ̈ܬܐ ܘܕܒ̈ܬܐ ܘܕܚܢܘ̈ܬܐܼ. ܗܠܝܢ ܕܐܫܼܬܚܪܘ ܘܠܐ ܢܦܠܼܘ: ܕܡܫܝܚܐ ܥܡܟܘܢܼ ܩܘܡܘܢ.. ܘܗܟܢܐ ܟܠܗܘܢ ܗ]ܠܝܢ ܕܚܝܼܘ [ܥܠ ܒ̈ܬܐ ܗܠܝܢ ܕܠܐ ܢܦܼܠܘ ܟܬܼܒܘ. ܘܗܟܢܐ ܐܬܚـ]ـܝܼܠܘ ܘܥܼـ[ـܠܘ. ܘܩܡܘ ܗܠܝܢ ܕܐܫܬܚܪܘ ܕܩܿܝܡܝܢ܆ ܟܕ ܐܦܪܝܡ] ܦܛܪܝܪܟܐ ܥـ[ـܡܗܘܢ. ܗܿܘ ܕܥܠ ܗܠܝܢ ܟܠܗܝܢ܆ ܥܡ ܪ̈ܝܫܢܐ ܗܠܝܢ ܕܦܠܼܛܘ] ܐܘܕܥܘ ܠܡܿـ[ـܠܟܐ. ܗܿܘ ܕܟܕ ܫܡܼܥ ܗܠܝܢ ܝܬܼܒ ܒܐܒܠܐ ܝܘ̈ܡܬܐ ܣܓܝ̈ـ]ـܐܐ. ܘܐܦ ܟܠܗܿ [ܣܘܢܩܠܛܘܣܼ ܥܠ ܐܢܛܝܟܝܐ. ܘܫܼܕܪ ܬܘܒ ܕܗܒܐ ܣܓܝܐܐ.] ܟܕ ܦܩܼܕ ܕ[ܬܬܩܦܣ ܡܕܝܢܬܐ ܘܕܬܬܚܡܠ: ܘܢܬܥܩܪ ܫܘܪܐ ܒܪܝܐ:] ܘܢܬܒܢܐܢ ܫܘܪܐ [ܒܡܨܥܬܗܿ ܕܡܕܝܢܬܐ: ܘܫܪܟܐ ܢܦܘܫ ܣܘܓܗ ܕܫܛܚܐ] ܣܓܝܐܐ ܠܒܪ. ܗܕܐ [ܕܐܦ ܗܘܼܬ ܗܟܢܐ.] ܘܟܕ [ܐܬܒܢܼܝ ܫܘܪܐ ܐܫܬܟܚ ܪܚܝـ]ـܩ ܡܢ ܐܘܪܢܛܐ ܢـ[ـܗܪܐ. ܟܕ ܣܘܓܗܿ] ܕܡܕܝܢܬܐ [ܦܫܼ ܠܒܪ܆ ܟܕ ܗܦܝܼܟ.] ܦܩܼܕ ܕܝܢ ܗܼܘ ܡܿܠܟܐ [ܕܢܬܚܦܪ ܠܒܪ] ܡܢܗ [ܕܫܘܪܐ ܕܐܬܒܢܝ. ܘܬܗ]ܗܘܐ ܡܥܒܪܬܐ ܠܢܗܪܐ: [ܟܕ ܩܪܝܒ ܠܗ] ܢܗܪܐ ܘܥܿܒـ[ـܪ ܡܢ ܓܒܐ ܠܓܒܐ. ܘܗܟܢܐ ܐܣܬܟܪ ܢܗܪܐ [ܘܥܼܒܪ ܒܗ ܒܚܦܪܐ ܥܠ ܓܢـ]ـܒ ܫܘܪܐ ܕܐܬܒܼܢܝ. ܗܕܐ ܕܐܦ ܗܘܼܬ ܒܥܡـ[ـܠܐ ܣܓܝܐܐܼ.] ܘܕܗܒܐ ܥܫܝܢܐܼ ܒܝܨܝܦܘܬܗ ܘܚܦܝܛܘܬܗ ܕܝܘܣـ[ـܛܢܝܢܐ ܡܿܠܟܐ.]

ܫܢܬ ܬܡ̈ܢܡܐܐ ܘܚܡ̈ܫܝܢ ܘܬܪ̈ܬܝܢ܆ ܒܐܝܪܚ ܟܢܘܢ [ܐܚܪܝ ܒܬܪ̈ܝܢ ܒܗܼ.] ܒܥܕܢܐ ܕܬܡ̈ܢܐ ܫ̈ܥܝܢ. ܒܫܢܬܐ

Page 75

ܕܫܒ̈ܥ ܕܫܢܬ [ܫܒ̈ܥܝܢ ܘܫܬ ܠܡܢܝܢܗܿ] ܐܝܟ ܚܘܫܒܢܐ ܕܝܠܗܿ ܕܠܕܘܩܝܐ ܗܼܘܐ ܙܘܥܐܼ ܘܐܬ[ܗܦܟܼܬ ܕܝܢ ܗܝ ܠܕܝܩܝܐ ܡܢ ܫܬܐ̈ܣܝܗܿ.] ܡܢ ܬܪܥܐ ܕܐܢܛܝܟܝܐܼ. ܘܥܕܡܐ ܠܫܒܒܘܬܐ ܕܝܗ̈ܘܕܝܐܼ [ܘܥܼܕܡܐ ܠܝܡܐ: ܓܒܐ] ܕܝܢ ܕܣܡܠܐܼ ܐܝܟܐ ܕܥܕܬܐܼ ܕܐܝܬܝܗܿ ܗܘܬ ܕܘܒـ[ـܢܝܬܐ ܝܠܿܕܬ ܐܠܗܐ ܠܐ] ܢܦܼܠ. ܐܒܕܘ ܕܝܢ ܒܗܿ ܢܦ̈ܫܬܐ ܐܝܟ ܕܐܬܚܫܼܒـ[ـܘܼ. ܐܠܦ̈ܐ ܫܒ̈ܥܐ ܘܦܠܓܗ.] ܘܝܗ̈ܘܕܝܐ ܣ̈ܓܝܐܐ. ܟܪ̈ܣܛܝܢܐ ܕܝܢ ܙܥܘܪ̈ܐ. ܐܫܬܟܚـ[ـܘ ܕܚܿܝܝܢܿ. ܟܕ ܒܠܼܥܘ] ܒܡܚ̈ܘܬܐ ܩܫ̈ܝܬܐ. ܝܗ̈ܘܕܝܐ ܡ̈ܬܝܢ ܘܫܒ̈ܥـ[ـܝܢ ܘܐܪ̈ܒܥܐ. ܟܪ̈ܣܛܝܢܐ] ܕܝܢܼ ܐܪ̈ܒܥܐ. ܥܕ̈ܬܐ ܝܢܼ ܟܠܗܝܢ ܒܝܕ ܥܘܕܪܢܐ [ܕܐܠܗܐܼ. ܠܐ ܢܦܼܠ ܘܠܐ ܐܬܬܙ̈ܝܥܝܢ.] ܘܐܦܠܐ ܢܘܪܐ ܐܫܬܠܛܬ ܒܡܘܦܠܬܐ ܕܗܼܘܬ. [ܘܫܼܕܪ ܡܿܠܟܐܕܗܒܐ ܣܓܝܐܐ] ܘܐܦ ܠܒܢܝܢܗܿ ܕܠܐܘܕܩܝܐ. ܘܗܟܢܐ ܬܒܘ ܐ[ܬܒܼܢܝܬ ܘܫܘܪ̈ܝܗܿ ܐܬܩܝܡ.]

ܒܗ ܕܝܢ ܒܙܒܢܐ ܐܒܬܟܚܘ ܡـ[ـܢܝ̈ܢܝܐ ܒܩܘܣܛ] ܘܐܝܩܕܘ ܒܢܘܪܐ܀ ܒܗ ܕܝܢ ܒـ[ـܙܒܢܐ ܗܢܐ ܐܫܬܼܟܚܘ ܥܡܡ̈ܐ ܣܓܝ̈ܐܐ] ܕܐܚܝܕܝܢ ܒܛܥܝܘܬܐ ܕܐܒܕܢܐ ܕܡـ[ـܢܝ̈ܢܝܐ. ܟܕ ܡܬܟܢܫܝܢ ܒܒ̈ܬܐ ܘܡܫܡܠܝܢ] ܗܘ[ܘ ܐܪ̈ܙܐ] ܕܛܢܦܘܬܐ ܘܕܛـ[ـܥܝܘܬܐ ܕܝܘܠܦܢܗܘܢ. ܗܠܝܢ ܕܟܕ ܐܬܠܒܟܘ. ܦܩܕ ܗܘܐ ܡܠܟܐ ܕܢܥܠܘܢ ܩܕܡܘܗܝ.

Page 76

ܟܕ ܣܒܪ ܗܘܐ ܕܡܫܟܚ ܕܢܪܬܐܐܢܘܢܼ. ܘܢܦܢܐܐܢܘܢ ܡܢ ܛܥܝܘܬܐ ܕܐܒܕܢܗܘܢ: ܐܝܟܢܐ ܕܟܕ ܥܠܘ ܘܒܣ̈ܓܝܐܬܐ ܕܿܪܫ ܗܘܐ ܥܡܗܘܢ. ܘܡܪܬܐ ܘܡܚܘܐ ܠܗܘܢ ܡܢ ܟ̈ܬܒܐܼ ܕܒܛܥܝܘܬܐ ܕܚܢܦܘܬܐ ܐܚܝܕܝܢ. ܘܠܐ ܐܬܛܦܝܣܘ ܠܗ. ܐܠܐ ܒܡܪܡܘܬܐ ܕܡܢ ܣܛܢܐܼ. ܩܿܥܝܢ ܗܘܘ ܩܕܡܘܗܝ ܕܠܐ ܕܚܠܦܬܐ ܘܐܡܿܪܝܢ. ܕܡܛܝܒܝܢܢ ܚܠܦ ܝܘܠܦܢܗ ܕܡܐܢܝ ܢܐܩܕ. ܘܟܠ ܫܢ̈ܕܝܢ ܘܐܘ̈ܠܨܢܝܢ ܢܣܝܒܪ. ܘܠܐ ܢܫܚܠܦܝܗ. ܗܝܕܝܢ ܦܩܼܕ ܕܬܫܬܡܠܐ ܪܓܬܗܘܢ. ܘܢܬܪܡܘܢ ܒܐܩܪܒܝܐܼ ܘܢܐܩܕܘܢ ܒܢܘܪܐ ܒܝܡܐ. ܘܗܟܘܬ ܢܬܛܒܥܘܢ ܒܝܡܐ. ܘܡܪ̈ܗܛܝܗܘܢ ܢܥܠܝܘܢ ܠܛܡܝܘܢ. ܡܛܠ ܕܐܦ ܢܫ̈ܐ ܝܕܝ̈ܥܬܐܼ. ܘܪ̈ܘܪܒܢܐ ܘܦܛܪ̈ܝܩܘ ܐܫܬܟܚܘ ܒܗܘܢ. ܘܗܟܢܐ ܒܗܢܐ ܓܙܪ ܕܝܢܐ ܕܝܩܕܢܐ ܕܢܘܪܐ ܐܒܕܘ ܣܓܝ̈ܐܐ ܡܢܝ̈ܢܝܐܼ. ܘܠܐ ܐܬܛܦܝܣܘ ܕܢܗܦܟܘܢ ܡܢ ܛܥܝܘܬܗܘܢ.

ܥܠ ܚܢܦ̈ܐ ܬܘܒ] ܕܐܫܬܟܚܘ ܒܡـ[ـܕܝܢܬ ܡܠܟܘܬܐܼ ܒܝ̈ܘܡܝ ܕܝܘܣܛܢܝܢܐ ܡܠܟܐ. ܒܫܢܬ ܬܫـ]ـܥܣܪ̈ܐ ܕܝܘܣـ[ـܛܢܝܢܐ ܡܠܟܐ: ܒܡܚܦܛܢܘܬܐ ܕܒܨܝܪܘܬܢܼ ܐܬܒܨܝ ܣܘܥܪܢܐ] ܕܚܢܦ̈ܐ. ܘܐܫـ[ܬܟܚ ܒܡܕܝܢܬ ܡܠܟܘܬܐܼ. ܐܢܫ̈ܐ ܝܕܝ̈ܥܐ ܘܪܘܪ̈ܒܢܐ ܥܡ ܫܪܟܐ] ܕܓܪ̈ܡܛܝܩـ[ـܘ ܘܣܦܝ̈ܣܛܐ ܘܣܟ̈ܘܠܣܛܝܩܘ ܘܐܣܘ̈ܬܐ. ܐܝܟܢ ܕܟܕ ܐܬܓܠܝـ]ـܘ ܘܚܕ ܥܠ ܚܕ [ܒܝܕ ܫܢ̈ܕܐ ܐܘܕܝܘ: ܘܐܬܠܒܟܘ ܘܐܬܢܓܕܘ ܐܬܚܒܫܘ: ܒܥ̈ܕ]ܬܐ ܐܬܝܗܒܘ [ܕܢܠܦܘܢ ܗܝܡܢܘܬܐ ܕܟܪ̈ܣܛܝܢܐܿ. ܐܝܟ ܕܙܕܩܿ ܠܚܢܦ̈ܐ: ܐܢܫ̈ܐ ܦܛܪ̈ܝ]ܩܘ ܘܪܪ̈ܒܢܐ. [ܐܝܟܢ ܕܚܢܦܐ ܚܕ ܪܒܐ ܘܥܬܝܪܐ ܕܒܗܘܢܼ. ܕܫܡܗ] ܗܘܐ ܦܘܩܐ: [ܕܐܝܬܘܗܝ ܗܘܐ ܦܛܪܝܩܘܣ: ܟܕ ܚܼܙܐ ܚܐܦܗ ܕܒܿܥܬܐ:] ܘܬܘܒ ܕܗܿܠܝܢ [ܕܐܬܠܒܟܘ ܐܘܕܥܘ ܥܠܘܗܝ ܡܢ ܕܚܢܦܐ ܗܘܼܐܼ ܘܝܼܕܥ ܕܡܛܝܒ] ܥܠܘܗܝ ܓܙܪ [ܕܝܢܼܐ ܩܫܝܐ. ܒܝܕ ܚܝܪܦܘܬܐ ܕܛܢܢܗ ܕܡܠܟܐܼ. ܒܠܠܝܐ ܫܩܼܠ ܣـ]ـܡܐ

Page 77

ܕܡܘܬܐܼ. ܘܛܠܼܩ [ܚܝ̈ܐ ܕܬܢܢ. ܗܕܐ ܕܟܕ ܠܡܠܟـ]ـܐ ܐܫܬܡܥ [ܕܼܢ ܛܒ ܟܐܢܐܝـ]ـܬܼ. ܘܦܩܼܕ ܕܩܒܘܪܬ ܚܿܡـ[ـܪ ܢܬܩܒܪ: ܟܕ ܠܐ] ܗܘܝܐ ܠܗ [ܠܘܘܝܬܐ ܡܢ] ܒܢܝ̈ܢܫܐ: ܐܘ ܗܘܿܝܐ ܥܠܘܗܝ ܨܠܘܬܐ. ܘܗܟܢܐ ܫܩܠـ]ـܘܗܝ [ܒܠܠܝܐ ܒܢ̈ܝ] ܒܝܬܗ ܒܠܩܛܩܝܢ܆ ܘܢܦܩܼܘ ܦܬܼܚܘ ܩܒܪܐܼ [ܘܫܕܘܘܗܝ] ܐܝܟ [ܕܠܝܘܬܐ ܕ]ܡܝܝܬܐ. ܘܗܟܢܐ ܗܘܼܬ ܕܚܠܬܐ ܩܠܝܠ ܙܒܢܐ ܥܠ [ܟܠܗܘܢ ܚܢـ]ـܦ̈ܐ.

[ܫܢܬ ܬܡܢܡ̈ܐܐ ܘܚܡ̈ܫܝܢ] ܘܬܠ̈ܬܼ. ܗܘܼܬ ܣܥܘܪܘܬܐ ܕܛܝܒܘܬܐ ܕܐܠܗܐ [ܒܐܬܪ̈ܘܬܐ ܕܐܣܝܐ:] ܘܩܐܪܝܐ ܘܠܘܕܝܐ ܘܦܪܘܓܝܐ: ܒܝܕ ܚܦܝܛܘܬܗ ܕܙܟܝܐ [ܝܘܣܛܢܝܢܐ. ܘܢܦܩܼـ]ـܬ ܡܢܗ ܡܫܪܬܚܐܝܬ ܒܡܨܥܝܘܬܐ ܕܒܨܝܪܘܬܢܼ. ܗܢܘ [ܕܝܢ ܕܝܘܚܢܢ ܕܐܣܝܐ܀] ܐܝܟܢܐ ܕܒܝܕ ܚܝܠܐ ܕܪܘܚܐ ܩܕܝܫܐܼ. ܢܬܬܠܡܕܘܢ ܫܒ̈ܥܝܢ [ܐܠܦ̈ܝܢ ܢܦ̈ܫܝܢ. ܘܢܬܦـ]ـܢܘܢ ܡܢ ܛܥܝܘܬܐ ܕܚܢܦܘܬܐ ܘܕܚܠܬ ܦܬܟܪ̈ܐ [ܘܚܘܓܝܐ ܕܫܐܕ̈ܐ] ܠܘܬ ܝܕܥܬܐ ܕܫܪܪܐ. ܘܐܬܦܼܢܝܘ ܘܐܬܚܼܬܡܘ ܘܥܼܡܕܼ. [ܒܫܡܗ ܕܡܪܢ ܝܫـ]ـܘܥ ܡܫܝܚܐ. ܟܕ ܟܿܦܪܝܢ ܒܛܥܝܘܬܐ ܕܐܒ̈ܗܝܗܘܢܼ. [ܘܐܬܬܘܣܦܘ ܥܠ ܬܓܡـ]ـܐ ܕܟܪ̈ܣܛܝܢܐ. ܟܕ ܢܦܩܬܐ ܘܡ̈ܐܢܝ ܥܡܕܐܼ. ܗܼܘ [ܙܟܝܐ ܝܗܼܒ ܗܘܐ ܡـ]ـܫܪܬܚܐܝܬ ܘܝܣܝܦܘܬܐ ܥܒܿܕ ܗܘܐ. ܟܕ ܐܦ ܛܪܡܝܣܝܢ [ܠܟܠܚܕ ܡܢܗܘܢ ܡܫܟܢ] ܗܘܐ. ܐܝܟܢܐ ܕܟܕ ܐܠܗܐ ܦܬܼܚ ܪ̈ܥܝܢܝܗܘܢ ܕܗܠܝܢ [ܟܠܗܘܢ. ܘܐܢܗܪ] ܝܕܥܬܗܘܢ ܒܫܪܪܐܼ ܗܼܢܘܢ ܒܐܝ̈ܕܝܗܘܢ ܥܡܢ [ܠܢ̈ܘܣܝܗܘܢ ܥܩܿܪܝܢ ܗܘܘ. ܘܠܣܕܪ̈ܐ] ܕܦܬܟܪ̈ܝܗܘܢ ܡܗܓܡܝܢ ܗܘܘ. [ܘܠܥܠ̈ܘܬܐ ܣܕܝܪ̈ܬܐ ܕܒܟܠܕܘܟ ܡܣܚܦܝܢ] ܗܘܘ. [ܘܠܡܕܒ̈ܚܝـ]ـܗܘܢ ܙܦܪ̈ܐ ܘܛܐܡ̈ܝ [ܒܙܦܪܘܬܐ ܕܕܡܐ ܕܕܒܚ̈ܐ ܕܫـ]ـܐܕ̈ܐ ܪܡܿܝܢ [ܗܘܼܘ. ܘܠܐܝ̈ܠـ]ـܢܐ [ܕܣܓܕܬܗܘܢ ܕܠܐ ܡܢܝܢ ܡܓܕܡܝܢ ܗܘܘ. ܟܕ ܡܗܠܝܢ ܒܟܠܗܿ ܛܥܝܘܬܐ ܕܐܒ̈ܗ̈ܝܗܘܢ.. ܐܝܟܢܐ

Page 78

ܕܢܝܫܗ ܕܨܠܝܒܐ ܕܦܘܪܩܢܐܼ. ܒܟܠܕܘܟ ܒܝܢܬܗܘܢ ܡܬܩܼܒܥ ܗܘܐܼ. ܘܥܕ̈ܬܐ ܕܐܠܗܐ ܒܟܠ ܐܬܪ ܡܬܪ̈ܫܡܢ ܗܘܼ̈ܝ. ܘܒܚܦܝܛܘܬܐ ܘܝܨܝܦܘܬܐ ܣܓܝܐܬܐ: ܒܛܘܪ̈ܐ ܪ̈ܡܐ ܘܡܕܝܪ̈ܐ ܘܒܦܩ̈ܥܬܐܼ. ܘܒܫܪܟܐ ܕܕܘܟܝ̈ܬܐ. ܗܠܝܢ ܕܐܬܛܥܝܬ ܡܢܗܝܢ ܚܢܦܘܬܐ. ܡܬܒ̈ܢܝܢ ܗܘ̈ ܘܡܬܩ̈ܝܡܢ܆ ܥܕܡܐ ܠܡܢܝܿܢܐ ܕܬܫ̈ܥܝܢ ܘܫ̈ܬ. ܘܕܝܪ̈ܬܐ ܬܪ̈ܬܥܣܪܐ ܒܕܘܟܝ̈ܬܐ ܐܝܠܝܢ ܕܐܛܥܝܬ ܡܢܗܝܢ ܚܢܦܘܬܐ. ܐܝܟܐ ܕܠܐ ܐܬܩܝ ܫܡܗ ܕܟܪܣܝܛܢܘܬܐܼ. ܗܐ ܡܢ ܬܪ̈ܡܝܬܗ ܕܥܠܡܐܼ. ܘܥܕܡܐ ܠܙܒܢܐ. ܟܕ ܚܡܫ̈ܝܢ ܘܚܡ̈ܫ ܥܕ̈ܬܐ ܡܢ ܕܘܡܣܝܘܢ ܐܬܒܢ̈ܝ. ܐܪ̈ܒܥܝܢ ܕܝܢ ܘܚܕܐܼ. ܗܢܘܢ ܟܪ̈ܣܛܝܢܐ ܚܕ̈ܬܐ ܒܢܼܘ ܡܢ ܕܝܠܗܘܢ. ܟܕ ܡܠܟܐ ܙܟܿܝܐ ܒܝܕ ܒܨܝܪܘܬܢ ܡ̈ܐܢܐ ܕܣܐܡܐ ܘܕܟܬܢܐ: ܘܟ̈ܬܒܐ ܘܢܚܫܐ ܡܫܪܬܚܐܝܬ ܝܗܿܒ ܗܘܐ ܡܢ ܕܘܡܣܝܘܢܼ. ܚܕܝܐܝܬ ܘܚܘܝܚܐܝܬ܀

ܫܢܬ ܬܡ̈ܢܡܐܐ ܘܚ̱ܫܝܢ ܘܐܪ̈ܒܥܼ. ܗܘܐ ܙܘܥܐܼ [ܘܩܘܙܝܩܘܣ ܡܕܝܢܬܐ] ܐܬܗܼܦܟܬ ܘܣܘܓܗܿ ܢܦܼܠ. ܘܣܘܓܗ ܕܫܘܪܐ [ܐܣܬܚܦ ܘܢܦܼ ܘܐܦ ܐܬܬ]ܪܥܘ. ܘܫܪܟܐ ܕܠܐ ܢܦܼ ܒܗܼܿ. ܦܫ ܟܕ ܡܪܥܪܥ [ܘܡܐܛ ܘܨܿܠܐ ܐܝܟ ܕܠܡܦܘܠܬܐ. ܘܡܛ ܠܕܒܗ ܒܙܒܢܐ ܥܠܝܗܿ ܥܒܼ[ܪܢܼ. ܚܿܙܝܢ ܗܘܼܝܢ ܠܐܣܛܘ̈ܢܐ] ܕܕܘܡܣܝܘܢܿ ܟܕ ܨܿܠܝܢ ܘܩܝܿܡܝܢ ܥܠ ܛܦܝܐ . . . . ܒܪܝܬܐܼ ܐ . . . . ܓܒܗܘܢ . . . . .ܝܗܘܢ ܐܢ̈ܫܐ ܡܥܪܒܪܝܢ ܗܘܘ. ܘܗܟܢܐ ܣܘܓܗܿ ܕܝܠܗܿ ܕܡܕܝܢܬܐ ܒܩ̈ܝܫܐ ܕܐܪ̈ܙܐ

Page 79

ܣܡܣܟܐ ܗܘܬ ܘܡܨܠܕܐ. ܗܟܢܐ ܘܐܦ ܡܕ̈ܝܢܬܐ ܣܓܝ̈ܐܬܐ.

ܒܗܿ ܕܝܢ ܒܫܢܬܐ ܗܕܐ ܐܬܚܙܝ ܟܘܟܒܐ ܪܒܐ ܘܕܚܝܠܐ ܕܕܡܿܐ ܠܢܙܝܟܐ ܕܢܘܪܐ. ܒܥܕܢ ܪܡܫܐܼ ܒܦܢܝܬܐ ܡܥܪܒܝܬܐ. ܟܕ ܠܥܠ ܢܿܦܩ ܗܘܐ ܡܢܗ ܙܠܝܩܐ [ܪܒܐ ܕܢܘܪܐ] ܘܗܼܘ ܬܘܒ ܡܙܗܪ ܗܘܐܼ. ܘܢܿܦܩܝܢ ܗܘܘ ܡܢܗ ܙܠܝ̈ܩܐ ܙ[ܥܘܪ̈ܐ] ܕܢܘܪܐ. ܐܝܟܢܐ ܕܙܘܥܬܐ ܬܚܘܕ ܠܟܠܗܘܢ ܚ̈ܙܝܘܗܝ. ܩܿܪܝܢ ܗܘܘ ܠܗ ܕܝܢ ܝܘ̈ܢܝܐ ܒܫܡܐܼ ܩܘܡܛܝܢ. ܘܗܟܢܐ ܣܿܠܩ ܘܡܬܼܚܙܐ ܐܝܟ ܝܘ̈ܡܬܐ ܥܣܪ̈ܝܢ. ܘܒܬܪܟܝܢܼ ܟܕ ܣ̈ܓܝܐܐ ܢܿܛܪܝܢ ܗܘܘܼ. ܥܠ ܐܝܠܝܢ ܕܡܢ ܒܬܪ ܐܬܿܐ ܗܿܝ ܓܕܫ ܗ̈ܘܝܼ. ܚܙܘ ܗܘܘ ܩܪ̈ܒܐ ܣ̈ܓܝܐܐ ܘܝܒܝܫܘܬܐ ܕܐܐܪ. ܘܨܗܝܘܬܐܼ ܘܒܨܝܪܘܬ ܡܛܪܐܼ. ܘܩܛܪܬ ܚܪܒܐ ܒܡܕ̈ܝܢܬܐ: ܗܠܝܢ ܕܠܣܟܐ ܕܒܝ̈ܫܬܐ ܘܥܘܗܕܢܗܝܢ ܕܡܢ ܟܠ ܓܒ̈ܐܼ. ܠܐ ܣܿܦܩܝܢܢ ܕܢܪܫܘܡ.

ܫܢܬ ܬܡܢܡܐܐ ܘܚܡܫܝܢ ܘܚܡܫ ܕܐܠܟܣܢܕܪܘܣܼ. ܗܘܼܐ ܡܘܬܢܐ ܪܒܐ ܘܬܩܝܦܐܼ. ܒܟܠܗ ܥܠܡܐܼ. ܒܝ̈ܘܡܝ ܝܢܣܛܢܝܢܐ ܡܿܠܟܐ܀ ܠܫܘܪܝܐ ܗܟܝܠ ܕܬܫܥܝܬܐ ܗܕܐܼ. ܛܒ ܚܿܫܚ ܗܘܐ ܠܢ ܛܒܘܢܐ ܐܪܡܝܐ ܢܒܝܐܿ. ܗܿܘ ܕܐܦ ܐܬܕܪܫ ܗܘܐ ܕܚܢܝܓܐܝܬ ܩܝ̈ܢܬܐ ܕܐܘ̈ܠܝܬܐ܇ ܕܥܠ ܚܘܒܠܐ ܘܬܒܪܐ ܕܒܢ̈ܝ ܥܡܗ ܢܣܿܩ ܗܘܐ. ܠܗܢܐ ܗܟܝ ܦܚܿܡܐܼ ܗܘܼܬ ܕܗܫܐ ܡܬܟܬܒܢܐ ܗܿܢܘ ܕܝܢ ܡܿܒܟܝܢܐܼ. ܥܠ ܬܫܥܝܬܗ ܕܫܒܛܐ ܗܢܐ ܕܚܝܼܠܐ ܘܥܙܝܙܐ: ܕܥܠܡܐ ܟܠܗܼ. ܒܗ ܐܬܢܓܕ ܒܝܘ̈ܡܬܢ ܢܗܘܐ ܗܘܐ. ܟܕ ܠܘ ܡܟܝܠ ܥܠ ܚܘܒܠܗܿ ܕܡܕܝܢܬܐ ܚܕܐ ܐܘܪܫܠܡ ܐܝܬ ܗܘܐ ܠܗ ܕܢܒܼܟܐ ܘܢܐܠܐ: ܐܘ ܥܠ ܥܡܐ ܚܕ ܕܝܗ̈ܘܕܝܐ ܒܠܚܘܕ. ܐܠܐ ܥܠ ܡܕ̈ܝܢܬܐ

Page 80

ܣܓܝ̈ܐܬܐ ܕܪܘܓܙܐ ܒܕܡܘܬܐ ܕܡܥܨܪ̈ܬܐ ܥܒܼܕ [ܐܢ̈ܝܢ܇ ܘܕܼܫ] ܘܥܼܨܪ ܒܓܘܗܝܢ ܠܟܠܗܘܢ ܥܡܘܪ̈ܝܗܝܢ: ܐܝܟ ܕܠܥܢ̈ܒܐܫܦܝܪ̈ܬܐ ܕܠܐ ܚܘܣܢ.. ܥܠ ܐܪܥܐ ܟܠܗܿ ܕܢܦܼܩ ܦܘܩܕܢܐܼ. ܐܝܟ ܚܨܘܕܐ ܥܠ ܩܝ̈ܡܬܐ: ܘܓܿܕܡ ܘܐܪܡܝ ܟܠ ܩ̈ܘܡܢ ܘܟܠ ܡܘܫ̈ܚܢ ܘܟܠ ܬܓ̈ܡܝܢ ܐܝܟ ܚܕܐ [ܕܠܐ ܚܘܫܒܢ].. ܥܠ ܫ̈ܠܕܐ ܕܐܬܼܦܪܬ ܘܣܪ̈ܝ ܒܫܘܗܩܐܼ. ܘܠܝܬ ܕܩܒܿܪ.. ܥܠ ܒ̈ܬܐ ܪ̈ܘܪܒܐ [ܘܙܥܘܪ̈ܐܿ.] ܦܐܝ̈ܐܘܪ̈ܓܝܓܐܼ. ܕܗܘܘ ܡܢ ܫܠܝ ܩܒܪ̈ܐ ܠܥܡܘܪ̈ܝܗܘܢ: ܘܢܦܠܘ ܒܗܘܢ ܡܢ ܫܠܝܐ ܥ̈ܒܼܕܐ ܘܡܪ̈ܝܐ ܐܟܚܕܐܿ. ܘܚܠܛܘ ܪܗܠܗܘܢ ܒܓܘ ܩܝ̈ܛܘܢܝܗܘܢ ܐܟܚܕܐ. ܘܠܐ ܐܬܦܠܛܘ ܡܢܗܘܢ ܡܿܢ ܕܢܿܦܩ ܫ̈ܠܕܝܗܘܢ ܡܢ ܓܘܒ ܒܝܬܐ ܠܒܪ.. ܥܠ ܐܚܪ̈ܢܐ ܕܣܼܦܘ ܘܢܦܼܠܘ ܒܫܘܗܩܐ. ܘܗܘܼܘ ܚܙܬܐ ܕܚܝܠܬܐ ܘܕܙܘܥܐ ܠܚ̈ܙܝܐ܇ ܟܕ ܢܦܝ̈ܚܢ ܟܪ̈ܣܬܗܘܢܼ. ܘܦܬܝܚܝܢ ܦܘ̈ܡܝܗܘܢ܇ ܘܓܿܣܝܢ ܪܗܠܐ ܐܝܟ ܪ̈ܓܘܠܐ: [ܘܡܒܚܪ̈ܢ ܕܝܢ] ܥܝܢܝ̈ܗܘܢ ܘܦܫ̈ܝܛܢ ܐܝܕ̈ܝܗܘܢ ܠܥܠ: ܘܫܪ̈ܕܘܕܝܢ ܘܣܪܝܢ܇ ܘܪܡܼܝܢ ܒܙܘܝ̈ܬܐ ܘܒܫܘ̈ܩܐ: ܘܒܐܣ̈ܛܘܐ ܕܕܪ̈ܬܐ. ܘܒܥܕ̈ܬܐ ܘܒܝܬ ܣܗ̈ܕܘܬܐ: ܘܒܟܠܕܘܟܼ. ܘܠܝܬ ܕܩܒܿܪ.. ܥܠ ܐ̈ܠܦܐ ܕܒܓܘ ܝܡܐ: ܕܨܦܚ ܪܘܓܙܐ ܡܢ ܫܠܝ ܠܡܿܠܚܝ̈ܗܝܢ: ܘܗ̈ܘܼܝ ܩܒܪ̈ܐ ܠܡܕܒܪ̈ܢܝܗܝܢ. ܘܦ̈ܫܝ ܟܕ ܛܿܥ̈ܝܢ ܒܝܬ ܓܗܠܠܐ ܘܛܥ̈ܝܢܢ ܫ̈ܠܕܐ ܕܡܪ̈ܝܗܝܢ.. ܥܠ ܐܚܪ̈ܢܝܬܐ ܕܐܡ̈ܕܝܢ ܠܠܡ̈ܐܢܐ ܘܐܬܐܣܪܝ ܡܢ ܡܪ̈ܝܗܝܢ܆ ܘܦ̈ܫܝ ܘܬܘܒ ܠܐ ܐܫܬܪ̈ܝܢ ܡܢܗܘܢ.. ܥܠ ܣܚܪ̈ܬܐ ܕܢܗ̈ܡܢ ܗ̈ܘܝ ܚܕܐ ܠܘܩܒܠ ܚܕܐ.. [ܥܠ ܓܢ̈ܘܢܐ ܕܟ̈ܠܠܬܐܼ ܡܨܒ̈ܬܬܐܿ. ܕܡـ]ـܢܫܠܝ ܒܓܘܗܘܢ ܫ̈ܠܕܐ ܡܝ̈ܬܬܐܐ ܘܕܕܚܠܬܐ ܗ̈ܘܼܝ.. ܥܠ ܒܬܘ̈ܠܬܐ ܕܡܬܢܛܪ̈ܢ] ܗ̈ܘܝ ܒܩܝ̈ܛܘܢܐܿ. ܕܠܐܐܫܬܟܚ [ܡܿܢ ܕܡܢ ܩܝ̈ܛܘܢܐ

Page 81

ܠܩܒܪܐ ܢܣܒܘܠ ܐ̈ܢܝܢ].. ܥܠ ܐܘܪ̈ܚܬܐ ܪ̈ܘܪܒܬܐ [ܕܨܕ̈ܝ.. ܥܠ ܫܒ̈ܝܠܐ [ܕܐܬܦܼܣܩܘ.. ܥܠ ܩܘܪ̈ܝܐ] ܕܐܘܦܝܘ ܥܡܘܪ̈ܝܗܝܢ ܐܟܚܕܐ.. ܥܠ ܣܓܝ̈ܐܬܐܿ [ܕܐܝܟ ܗܠܝܢܿ.] ܕܥܒܿܪ̈ܢ ܠܡܠܬܐ ܘܠܬܫܥܝܬܐ ܕܟܠܗܘܢ ܡܠܝ̈ܠܐ.. ܥܠ ܗܠܝܢ [ܡܟܝ ܐܝܬ] ܗܘܐ ܠܗ ܠܢܒܝܐ ܕܢܒܼܟܐ ܘܕܢܐܡܪ܇ ܕܘܿܝ ܠܝܼ ܠܐ ܗܘܐ ܥܠ ܬܒܪܗܿ ܕܒܪܬ ܥܡܝܼ. ܐܠܐ ܥܠ ܚܘܒܠܗܿ ܕܥܡܿܪܬܐ ܟܘܠܗܿ ܕܒܢܝ̈ܢܫܐ. ܕܒܝܕ ܚ̈ܛܗܝܗܿ ܐܬܚܒܼܠܬ: ܘܥܠ ܟܠܗܿ ܬܒܝܠ ܒܡܠܐܗܿ ܕܚܪܒܬܼ ܡܢ ܟܕ ܘܨܕܬܼ ܡܢ ܥܡܘܪ̈ܝܗܿ. ܟܕ ܐܝܬ ܗܘܐ ܠܗܼ ܐܝܟ ܕܣܿܒܪ ܐܢܐܼ ܠܡܬܚܫܚܘ܆ ܒܡ̈ܠܐ ܕܡܢ ܢܒܝ̈ܘܬܐ ܕܟ̈ܢܘܬܗ. ܘܢܐܝܬܐ ܘܢܐܡܪ ܠܘܬ ܫܪܟܢܐ ܕܐܫܬܚܪܘ ܒܒ̈ܢܝܢܫܐ ܕܐܪܩܕܘ ܘܐܝܠܠܘ ܡܫ̈ܡܫܢܘܗܝ ܕܐܠܗܝ. ܠܘ ܒܠܚܘܕ ܕܓܡܼܪ ܣܡܝܕܐ ܘܢܩܝܐܼ ܡܢ ܒܝܬܗ ܕܐܠܗܟܘܢܼ. ܐܠܐ ܡܛܠ ܕܪܘܓܙܐ ܕܒܝܕ ܚ̈ܛܗܐܼ. ܒܕܡܘܬ ܩܒܪ̈ܐ ܠܫ̈ܠܕܐ ܡܝ̈ܬܬܐ ܡܢ ܫܠܝܐ ܥܒܼܕܗ ܠܒܝܬܗ ܩܕܝܫܐ ܕܐܠܗܐ. ܘܣܪܝ ܒܦܓܪ̈ܐ ܡܝ̈ܬܐ ܚܠܦ ܣܓ̈ܘܕܐ ܚܝ̈ܐ.. ܘܬܘܒ ܐܦ ܗܿܝ ܬܿܢܐ ܗܘܐܼ ܘܐܡܿܪ: ܕܬܒ ܒܐܒܠܐ ܐܪܥܐܼ. ܘܢܐܠܘܢ ܟܠܗܘܢ ܥܡܘܪ̈ܝܗܿ. ܟܕ ܛܒ ܠܐ ܗܘܼܬ ܪܚܝܩܐܼ. ܐܦܠܐ ܗܿ ܕܩܪܘ ܠܐ̈ܠܝܬܐ ܘܠܡܪ̈ܩܕܬܐ: ܕܐܒܠܐ ܐܟܚܕܐ ܢܥܒ̈ܕܢܼ. ܠܘ ܥܠ ܫܠܕܐ ܚܕܐܿ. ܐܘ ܥܠ ܥܡܐ ܚܕ. ܐܘ ܥܠ ܚܕ ܝܚܝܕܝܐ. ܐܘ ܥܠ ܒܥܠ ܛܠܝܘܬܐ ܕܡܬܼܚܛܦ ܡܢ ܡܘܬܐ.. ܐܠܐ ܥܠ ܥܡ̈ܡܐܼ ܘܥܠ ܡ̈ܠܟܘܬܐ. ܘܥܠ ܬܚ̈ܘܡܐ ܘܥܠ ܦܢ̈ܝܬܐ. ܘܥܠ ܡܕ̈ܝܢܬܐ ܬܩ̈ܝܦܬܐ ܕܐܚ̈ܝܕܢ ܘܢܗܿܡܝܢ ܡܕܝܪ̈ܝܗܝܢ܇ ܥܠ ܫ̈ܠܕܐ ܣܪ̈ܝܬܐ ܕܒܓܘܗܝܢ܀ ܗܠܝܢ ܗܟܝܠ ܟܕ ܠܥܘܗܕܢܐ ܕܬܫܥܝܬܐ ܨܿܒܝܬ ܐܢܐ ܕܘܝܐ ܠܡܝܬܝܘܼ. ܒܒܘ̈ܠܗܝܐ ܣܓܝ̈ܐܐ ܚܘܫ̈ܒܝ ܡܬܬܚܕܝܢ ܗܘܘܿ. ܘܡܛܠ ܣܓܝ̈ܐܬܐ ܘܕܐܗܡܐ

Page 82

ܡܢ ܗܕܐ ܡܬܚܿܫܒ ܗܘܿܝܬ ܚܕܐ ܕܙܥܘܪ̈ܝܢ ܦܘ̈ܡܐ ܘܠܫ̈ܢܐ ܟܠܗܘܢ ܠܡܫܬܥܝܘ ܥܠܝܗܿ܆ ܘܬܘܒܼ ܕܐܦ ܐܠܘ ܐܫܬܟܚܘ ܗܠܝܢ ܕܐܦܢ ܩܠܝܠ ܡܢ ܣܓܝ ܪ̈ܫܡܝܢ ܗܘܘܼ. ܡܘܢ ܗܢܝܢܐ ܐܝܬ ܡܢ ܗܕܐ܇ ܟܕ ܐܦ ܥܠܡܐ ܟܠܗ ܡܼܛ ܠܗ ܘܡܼܛܐ ܠܫܪܝܐܿ. ܘܡܬܚܐ ܕܕܪ̈ܐ ܐܬܟܪܝ ܠܗܿ. ܘܠܡܢܘ ܢܟܬܘܒ ܐܝܢܐ ܕܟܿܬܒ. ܗܝܕܝܢ ܐܬܚܿܫܒܬܼ. ܕܙܕܩܐ ܗܝ ܩܠܝܠ ܡܢ ܣܿܓܝ ܥܠ ܡܪܕܘܬܢܿ ܠܐܝܠܝܢ ܕܡܢ ܒܬܪܢ. ܘܐܦܢ ܗܼܢܘܢ ܥܡܢ ܒܬܪܥ ܫܘܠܡܐ ܢܩܿܫܝܢ. ܢܘܕܥ ܘܢܼܫܠܡ ܠܗܘܢܿ ܒܝܕ ܟܬܝ̈ܒܬܢܼ. ܛܟ ܗܼܢܘܢ ܢܕܚܠܘܢ ܘܢܙܘܥܘܢ. ܗܼܘ ܗܢܐ ܫܪܟܢܐ ܕܥܠܡܐ ܕܡܢ ܒܬܪܢ ܩܐܿܡ. ܡܢ ܫܒܛܐ ܕܚܝܠܐ ܕܚܢܢ ܒܗ ܒܝܕ ܣܟ̈ܠܘܬܢ [ܐܬܢܿܓܕܢ.] ܘܒܝܕ ܡܪܕܘܬܢ ܕܝܠܢ ܕܘ̈ܝܐܼ ܢܬܚܿܟܡܘܢ ܗܼ̤ܘܢܼ. ܘܢܫܬܘܙܒܘܢ ܡܢ ܪܘܓܙܐ ܕܬܢܢ܆ ܘܡܢ ܬܫܢܝܩܐ ܕܥܬܝܕ. ܠܢ ܕܝܢ ܕܝܠܢ ܒܙܒܢܐ ܗܢܐ ܕܐܬܕܪܟܢ܆ ܙܒܢܐ ܗܼܘ ܠܢ ܕܥܡ ܢܒܝܐ ܢܒܟܐ ܘܢܐܡܪ܇ ܕܣܠܼܩ ܡܘܬܐ ܒܟ̈ܘܝܢ܆ ܘܥܼܠ ܒܬܪ̈ܥܝܢܼ ܘܐܚܪܒ ܣܚܪ̈ܬܢ܀ [ܗܿܝ ܕܛܟ ܒܗܠܝܢ ܕܗܫܐ] ܥܝܢ ܕܢܒܝܘܬܐ ܚܝܪܐ ܗܘܬܿ. ܟܕ ܗܠܝܢ ܡܬܢܒܝܐ [ܗܘܬܿ ܥܠܝܢܼ ܝܬܝܪܐܝܬ ܕܒـ]ـܥܿܒܕܐ ܐܬܚܙܝܬܼ. ܗܿܝ ܕܬܦܘܩ ܣܦܣܪܝ [ܡܢ ܚܠܬܗܿ: ܘܬܘܒܕ ܙܕܝܩܐ] ܥܡ ܚܿܛܝܐ. ܐܝܟܐܢ ܕܐܦ ܓܕܫܬ. ܕܒܚܕ ܪܡܙܐܼ. ܚܕܐ ܡܥܨܪܬܐ ܗܘܘ܇ [ܘܫܪ̈ܕܘܕܐ ܕܡܿܦܪܬܝܢ ܘܡܬܐܿܟܠܝܢ ܡܢ ܟ̈ܠܒܐ: ܘܡܦܪ̈ܣܝܢ ܘܕܫܝܢ ܒܙܘܥ ܪܒܐ. ܘܡܟܝܠ ܕܝܢ ܟܕ ܐܫܬܡܼܠܝ ܢܓܕܐ܆ ܝܡܐ ܠܐ̈ܦܝ ܦܠܣܛܝܢܐܼ. ܘܠܐܪܥܐ ܕܐܘܪܫܠܡ ܫܪܝ ܕܢܥܒܪ. ܟܕ ܐܦ ܡܬܚ̈ܙܝܢ ܗ̈ܘܝ ܬܘܒ ܐܦ ܕܡܘ̈ܬܐ ܡܕܡ ܕܙܘܥܐ ܒܝܡܐ ܠܐܢ̈ܫܐ܇ ܟܕ ܐܦ ܡܢ ܐܬܪܐ ܠܐܬܪܐ ܥܒܿܪ ܗܘܐ ܡܘܬܢܐ ܗܢܐ. ܟܕ ܚܿܙܝܢ ܗܘܘ ܣ̈ܓܝܐܐ ܕܡ̈ܘܼܬܐ ܕܩܪܝܩܝܢ ܕܢܚܫܐ. ܘܝܿܬܒܝܢ ܒܗܘܢ ܒܕܡܘܬܐ

Page 83

ܕܒܢ̈ܝܢܫܐ: ܕܦܣܝܩܝܢ ܪ̈ܝܫܝܗܘܢ. ܘܠܒܝܟܝܢ ܩܘ̈ܦܐ ܬܘܒ ܕܢܚܫܐ. ܘܗܟܢܐ ܪܕܝܢ ܗܘܘ ܒܝܡܐܼ. ܘܡܬܚܙܝܢ ܕܐܿܙܠܝܢ ܠܐܝܟܐ ܕܡܿܛܝܒܝܢ] ܗܘܘ܀ [ܐܝܟܢܐ ܕܒܟܠ ܕܘܟܐܼ. ܗܢܝܢ ܕ̈ܡܘܬܐ ܡܬܚ̈ܙܝܢ ܗ̈ܘܝ ܝܬܝܪܐܝܬ] ܒܠܝ̈ܠܘܬܐ ܕܚـ[ـܝܠܐܝܬ. ܐܝܟ ܚܢܚܫܐ ܕܡܒܼܪܩ. ܘܐܦ ܒܛܘܦܣܐ ܕܢܘܪܐܼ. ܗܼܘ] ܗܟܢܐܡܬܚܙܝܢ [ܗܿܘܘ. ܒܢ̈ܝܢܫܐ ܐܘ̈ܟܡܐ ܕܠܐܼ ܪܝܫܐܼ. ܕܝܿܬܒܝܢ ܒܩܪܝܒܝܢ ܕܡܙܠܓܐܼ. ܘܪܕܝܢ ܗܘܘ ܒـ[ـܝܡܐ ܩܠܝܠܐܝܬ܆ ܐܝܟܢܐ ܕܐܦ ܗܼܝ ܚܙܬܗܘܢܼ. ܩܪܝܒـ]ـܐ ܗܘܬ ܠܡܿܦܩܘ ܢܦ̈ـ[ـܫܬܗܘܢ ܕܚ̈ܙܝܐ܀ ܗ̈ܢܝܢ ܗܟܝܠ ܠܓܐܙܐ ܘܠܐܫܩܠܘܢ] ܘܠܦܠܣܛܝܢܐ ܐܬܚܙܝܘ ܕܪܕܝܢ. [ܘܥܡ ܚܙܬܗܘܢ ]ܘܪܝܗܘܢ ܬܡܢ ܗܿܘܐ] ܗܘܐ. ܘܡܟܝܠ ܐܦ ܐܝܠܝܢ ܕܣܓܝ [ܥܒܪ̈ܢ ܠܗܠܝܢ ܕܐܬܬܢܝ ܡܢ ܩܕܝܡ ܥܠ] ܡܕܝܢܬܐ ܐܠܟܣܢܪܕܝܐܼ. ܒܦܠܣܛܝܢܐ ܟܠܗܿ [ܡܣܬܥܪ̈ܢ ܗ̈ܘܝ. ܐܝܟܢܐ ܕܩܘܪ̈ܝـ]ـܐ ܘܡ̈ܕܝܢܬܐܼ ܕܠܐ ܥܡܘܪ̈ܐ ܣܟ ܢܫܬ[ܒ̈ܩܢ ܗ̈ܘܝ܀ ܬܘܒ ܕܝܢܼ ܐܿܬܐ ܐܚܪܬܐܼ.] ܕܠܘܚܡܐ ܘܕܓܙܪ ܕܝܢܼܐ ܟܐܢܐ ܕܐܠܗܐ. ܘܡܛܠ [ܕܗܟܢܐ ܥܘܬܪܐ ܕܣ̈ܓܝܐܐ ܕܠܐ] ܢܛܘܪ̈ܐ ܦܐܿܫ ܗܘܐ܇ ܕܗܒܐ ܘܣܐܡܐ ܘܫܪܟܐ [ܕܗܘܠܐ: ܡܪ̈ܓܢܝܬܐ ܕܥܠܡܐ. ܟܕ] ܦܬܝܚܝܢ ܬܪ̈ܥܡܐ ܘܫܒܝܩܝܢ ܓـ[ـܐ̈ܙܐ ܘ[ܡܿܠܼܝܢ ܒ̈ܬܐ ܟܠ ܨܒܘ ܘܟܠ ܫ̈ܐܠܢ ܕܥܠܡـ]ـܐ: ܘܐܢ ܢܓܕܫ ܘܢܬܪܓܪܓ ܗܘܐ ܐܢܫ ܠܡܣܒ ܘܠܡܿܟܢܫܘ ܡܕܡ] ܐܝܟ ܕܢܩܼܢܐ ܗܘܐܼ ܟܕ ܪܢܐ [ܕܦܿܠܛ܆ ܒܗ ܒܗܿܘ ܝܘܡܐ ܡܕܪܟ ܗܘܐ ܠܗ] ܓܙܪ ܕܝܢܼܐ.. ܐܝܟܢܐ ܕܐܦ ܥܠ [ܡܕܝܢܬܐ ܚܕܐ: ܡܿܬܢܝܢ] ܗܘܘ ܒܬܚܘܡܐ ܕܐܓܝـ]ܦܛܘܣ. ܗܿܝ ܗܕܐ ܣܼܦܬܿ ܡܢ [ܣܟܗܿ ܠܓܡܪ]. ܟܕ ܦـ[ـܫܘ ܒܗܿ ܒܟܠܗܿ ܓܒܪ̈ܐ ܫܒ̈ܥܐܼ. ܥܡ ܛܠܝܐ ܚܕ [ܙܥܘܪܐ ܒܪ ܥܣܪ ܫ̈ܢܝܢ. ܘܟܕ ܠܡ ܗܼܢܘܢ ܗܠܝܢ ܠܘܬ] ܚܕ̈ܕܐ ܐܬܘܥܕܘ܆ ܐܬܟܼܪܟܘ [ܒܡܕܝܢܬܐ ܟܠܗܿ.] ܘܚܙܘ

Page 84

[ܕܠܝܬ ܒܗܿ ܕܚܝ] ܐܠܐ ܐܢ ܗܼܢܘܢ܆ ܘܫܪܟܐ ܕܫ̈ܠܕܐ [ܕܡܪ̈ܗܠܢ ܘܚܠܝ̈ܛܢ] ܒܚܕ̈ܕܐܼ. [ܘܟܕ ܝܘܡܐ ܚܕ] ܘܬܪ̈ܝܢ ܘܥܕܡܐ ܠܚ̈ܡܫܐ: ܗܼܢܘܢ ܗܠܝܢ [ܗܘܘ] ܒܚܝ̈ܐܼ. ܐܬ[ܡܠܟܘܢ ܒܝܢـ]ـܬܗܘܢ ܟܕ ܐܿܡܪܝܢ܆ ܕܐܟܒܪ ܠܡܼ [ܦܠܛܝܢܢ ܠܢ. ܐܠܐ ܡܛܠ] ܕܗܫܐ ܦـ[ـܫܝܩ ܠܢ܆ ܬܘ] ܢܥܘܠ ܠܒ̈ܬܐ ܪܘܪ̈ܒܐ: ܘܢܿܟܢܫ ܠـ[ـܢ ܕܗܒܐ ܘܣܐܡܐ] ܘܡܕܡ ܕܐܝܬ [ܒܗܘܢܼ. ܘܢܡܼـ]ـܠܐ ܒܝܬܐ ܚܕ. ܟܒܪ ܢܚܐܼ [ܘܢܗܘܐ ܠܢ.. ܗܼܢܘܢ] ܗܟܝܠ ܗܿܢܘܢ ܐܝܟ ܕܐܡܿܪܝܢ] ܗܘܼܘ ܕܗܼܘܬ ܒܫܪܪܐܼ. ܐܡܪܚـ[ـܘ ܘܥܼܠܘ ܠܒ̈ܬܐ] ܗܠܝܢ ܕܥܬܝܪܝܢ [ܗܘܘ] ܘܨܿܕܝܢ ܡܢ ܥܡܘܪ̈ܐ. ܘܟܢܫܘܢ ܬܠ̈ܬܐ ܝܘ̈ܡܝܢ܆ ܘܡܠܼܘ ܒܝܬܗ ܚܕ ܪܒܐ܆ ܕܗܒܐ ܘܣܐܡܐ ܒܠܚܘܕ. ܘܒܝܘܡܐ ܕܬܠ̈ܬ [ܛܥܢܼܘ ܘܥܠܼܘ. ܘܐܕܪܟ] ܐܢܘܢ ܬܡܢ [ܪܘܓܙܐ] ܒܓܘܗ ܕܒܝܬܐ. ܘܡܢ ܫܠܝ ܢܦܼܠܘ [ܘܣܦܘ ܟܠܗܘܢ ܒܚܕܐ] ܫܥܐܼ [ܥܠܘܗܼܝ ܕܗܿܘ] ܡܕܡ ܕܟܢܫܘ܇ ܣܛܪ ܡܢ ܛܠܝܐ [ܗܿܘ ܙܥܘܪܐ. ܘܗܟܢܐ] ܛܠܝܐ ܗܿܘ [ܦܼܫ ܒܠܚܘܕܘܗܝܼ] ܘܟܕ [ܚܼܙܐ ܕܡܝܼܬܘ] ܗܠܝܢ ܟܠܗܘܢ: [ܘܡܟܝܠ ܒܢ̈ܝܢܫܐ ܕܚܝ̈ܝܢ ܠܝܬ ܒܗܿ ܒܡܕܝܢܬܐ ܟܠܗܿ:] ܐܬܚܿܫܒ [ܕܢܦܘܩ ܘܢܫܿܢܐ ܠܗ ܠܒܪ ܡܢ ܡܕܝܢܬܐ. ܘܟܕ ܐܬܐܼ ܘܡܼـ]ـܛܐ ܠܬܪܥܐ ܕܡܕܝܢܬܐ: ܒܕ[ܡܘܼܬܐ ܕܓܒܪܐ ܠܒܟܗ ܘܐܥܛܼܦܗ܆ ܘܐܘܬܒܗ] ܥܠ ܬܪܥܐ ܕܒܝܬ ܕܡܿܠܼܐ ܗܿܘ [ܕܟܢܿܫܘ. ܘܗܟܢܐ ܙܒ̈ܢܬܐ ܣܓܝ̈ܐܬܐ ܥܒܼܕ ܠܗ܀ ܘܓܒܪܐ ܠܡ] ܚܕ ܥܬܝܪܐ: [ܡܢ ܩܕܡ ܙܒܢܐ ܠܐܘܣܝܐ ܕܝܠܗ ܢܦܝܩ ܗܘܐ: ܘܟܕ] ܫܿܡܥ ܕܚܼܪܒܬ ܠܗܿ [ܡܕܝܢܬܐܼ. ܕܚܼܠ ܗܘ ܘܦܼܫ ܠܒܪ ܟܕ ܐܡܪ܇ ܕ]ܐܟܒܪ ܡܬܪܚܡ ܥܠܝ] ܐܠܗܐܼ ܘ[ܫܿܒܩ ܠܝ ܒܚ̈ܝܐ. ܟ] ܠܡ ܗܼܘ ܗܢܐ ܒܨܠܘܬܐ ܘܒܬܝܒܘܬܐ ܐܡܝܢ ܗܘܐ [ܘܒܬܟܫܦܬܐ: ܘܛܒܼܐ ܫܡܼܥ ܕܣܼܦܬ ܠܗܿ ܟܠܗܿ ܡܕܝܢܬܐ ܠܓܡܪ܆ ܒܬܪ ܝܘ̈ܡܬܐܼ ܠܐ ܚܡܣܢ ܕܠܐ ܢܫܕܪ ܘܢܐܠܦ ܥܠ ܒܢ̈ܝ ܒܝܬܗ܇ ܐ݀ܦ ܥܠ ܡܕܝܢܬܐ ܟܠܗܿ. ܘܫܕܪ ܐܦܛܪܘܦܐ ܚܕ ܥܡ ܥ̈ܒܼܕܘܗܝ ܐܚܪ̈ܢܐܼ ܟܕ ܐܡܿܪ. ܕܬܘܘ ܠܡ ܙܠܘܼ.

Page 85

ܘܝܠܦܘ ܫܪܪܐ ܕܡܢܐ ܓܼܕܫ ܠܒܝܬܝܼ ܘܐܦ ܠܡܕܝܢܬܐ ܟܠܗܿ. ܗܼܢܘܢ ܗܟܝܠ ܗܠܝܢ. ܐܬܼܘ ܠܡܕܝܢܬܐܼ ܘܥܠܼܘ ܘܐܬܟܪܟܘ ܒܗܿ܆ ܘܣܟ ܒܢ̈ܝܢܫܐ ܒܚܝ̈ܐܼ ܠܐ ܐܫܟܚܘ ܐܠܐ ܐܢ ܛܠܝܐ ܗܿܘ: ܟܕ ܝܬܝܒ ܘܒܿܟܐ ܘܩܪܝܒܐ ܢܦܫܗ ܠܡܬܿܛܠܩܘ ܡܢ ܒܟܼܝܐ. ܟܕ ܕܝܢ ܐܫܟܚܘܗܝ ܫܐܠܘܗܝܼ ܕܡܢܐ ܝܬܝܒ ܐܢܬ] ܗܪܟܐܿ ܘܠܐ [ܥܪܩܼܬ. ܟܕ ܕܝܢ ܐܫܿܬܥܝ ܠܗܘܢ ܟܠܡܕܡ ܕܗܘܼܐ: ܘܥܠ] ܓܒܪ̈ܐ ܗܠܝܢ ܫܒ̈ـ[ـܥܐ: ܘܥܠ ܟܠ ܕܟܿܢܼܫܘ ܘܥܠ ܡܕܡ ܕܓܼܕܫ ܠܗܘܢ: ܟܕ ܐܦ] ܚܘܝ ܠܗܘܢ ܘܗܼܢܝܢ ]ܫ̈ܠܕܝܗܘܢܼ. ܘܐܦ ܡܕܡ ܕܟܢܼܫܘ. ܘܟܕ ܚܼܙܐ ܠܡ ܓܒܪܐ] ܗܿܘ ܐܦܛܪܘܦܐ: ܠܕܗܒܐ ܗܿܘ [ܣܓܝܐܐܼ. ܓܪܓܬܗ ܫܥܬܗܼ ܐܦ ܠܗ. ܘܐܡܼܪ] ܠܛܠܝ̈ܐ ܕܥܡܗ. ܢܿܛܥܢ ܡܢ ܗܢܐ [ܕܗܒܐ. ܗܼܢܘܢ ܕܝܢ ܡܛܠ ܕܕܚܼܠܘܼ ܐܡܼܪܘ. ܕܚܢܢܼ] ܠܐ ܩܿܪܒܝܢܢ ܠܗ. ܐܝܟ ܕܝܢܝ ܕܒܿܥܐ ܐܢـ[ـܬ ܣܥܘܪ.. ܥܠܼ ܕܝܢ ܘܛܥܼܢ ܡܢ ܕܗܒܐ ܗܿܘܼ] ܟܡܐ ܕܐܬܡܨܝ ܒܒܥܝܪܗ. ܘܕܒܪ ܐܦ [ܠܛܠܝܐ ܗܿܘ ܥܡܗܼ ܘܚܼܪܘ ܕܢܦܼܩܘܢ. ܘܟܕ] ܡܼܛܐ ܠܬܪܥܐ ܕܡܝܕܢܬܐܼ. ܪܗܼܛ ܒـ[ـܕܡܘܼܬܐ ܕܓܒܪܐ ܒܬܪܗܼ. ܘܠܒܼܟܗ ܘܦܟܪܗ ܠܗ] ܘܠܛܠܝܐ ܗܿܘܼ. ܘܐܥܛܦ ܐܢܘܢ.. ܗܼܘ ܕܝܢ [ܟܕ ܐܬܬܼܚܕ ܡܬܚܿܫܒ ܗܘܐ܆ ܕܡܛܠ] ܕܗܒܐ ܗܢܐ ܓܿܕܫ̈ܢ ܗܠܝܢ. ܟܕ ܩܿܥܝܢ [ܠܗ ܗܠܝܢ ܐܚܪ̈ܢܐܼ. ܕܗܦܘܟ ܘܣܝܡܝܗܝ ܒܕܘܟܬܗܼ] ܕܟܒܪ ܡܫܼܬܪܝܬ.. ܗܝܕܝܢ ܗܼܦܟ [ܗܼܘ ܘܛܠܝܐ ܗܿܘ ܠܒܝܬܐ. ܘܟܕ ܥܠܘ] ܬܪ̈ܝܗܘܢ ܣܦܘ. ܘܗܠܝܢ ܕܫܪܟܐ ܥܪܩܘܼ [ܘܗܟܢܐ ܐܬܦܠܛܘ܀ ܡܕܝܢܬܐ ܕܝܢ ܬܘܒ ܐܚܪܬܐ:] ܒܬܚܘܡܐ ܕܕܦܠܣܛܝܢܐ ܡܫܿـ[ـܬܥܝܢ܆ ܕܒܗ ܒܙܒܢܐܐܬܚܙܝܘ ܠܗܘܢ ܫ̈ܐܕܐ:] ܒܕܡܘܬܐ ܠܡ ܕܗܐ ܡܠܐ̈ܟܐ ܐܢܘܢܼ. [ܘܐܛܥܝܘ ܒܗܘܢ ܟܕ ܐܡܿܪܝܢ ܠܗܘܢ܆ ܕܢܪܗܼ]ܛܘܢ ܠܣܓܕܬܐ ܕܨܠܡܐ ܚܕ ܕܢܚܫܐ. ܕ[ܗܫܐ ܠܡ ܐܝܟ ܫܪܟܐ ܕܐܢܕܪ̈ܝܢܬܐ] ܕܢܚܫܐ ܕܐܝܬ ܒܡ̈ܕܝܢܬܐ ܫܒܝܩ [ܗܘܐ. ܡܡ ܩܕܝܡ] ܕܝܢ [ܦܬܟܪܐ ܕܚ̈ـ]ـܢܦܐ ܐܝܬܘܗܝ ܗܘܐ ܘܐܦ

Page 86

ܫܡܐ ܐܝܬ [ܗܘܐ ܠܗ. ܘܡܢ ܙܥܘܪ̈ܐ] ܐܝܠܝܢ [ܒܚܢܦܘܬܐ ܐܚܝـ[ـܕܝܢ ܗܘܘ: ܘܐܦ ܗܫܐ ܠܡ ܒـ[ـܟܣܝܐܼ ܡܣܼܬܓܕ ܗܘܐ]. ܠܗܢܐ [ܗܟܝܠ ܐܥܒـ]ـܕܘܗܿ ܕܝ̈ܘܐ ܠܡܕܝܢܬܐ ܟܠܗܿ [ܡܢ ܣܟܗܿ ܠܡܣܓܕܼ] ܟܕ ܐ̱ܡܿܪܝܢܼ [ܕܐܢ ܠܡ ܡܿܩܕܡܝܢ] ܐܢܬܘܢ ܘܣܿܓܕܝܢ ܐܢܬܘܢ ܠܦـ[ـܠܢ ܨܠܡܐܼ. ܡܘܬܐ] ܠܗܕܐ ܡܕܝܢܬܐܼ [ܠܐ ܥܐܿܠ. ܗܼܢـ]ـܘܢ ܗܟܝܠ ܕܘ̈ܝܐܼ. ܐܝܠܝܢ ܕܐܦ ܒܡـ[ـܙܡܘܪܐ ܐܬܐܡܪ̈ܝܼ ܫ̈ܠܡܢ] ܗ̈ܘܝ [ܥܠܝܗܘܢ. ܕܙܥܼܘ] ܘܢܕܘܼ ܐܝܟ ܐܪ̈ܘܝܐ. ܘܟܠܗܿ [ܚܟܬܗܘܢܼ ܐܒܕ]ܬ. ܗܟܢܐ [ܗܢܘܢ ܗܠܝܢ] ܒܝܕ ܕܪܘܿܝܢ܆ ܘܨܢ̈ܥܬܗܘܢ ܐܒ̈ـ[ـܝܕܢ ܗ̈ܘܝ] ܘܒ̈ܛܝܠܢ ܒܚܦܗ [ܕܪܓܙܐ. ܠܗܕܐ] ܒܝܕ ܛܥܝܘܬܗܘܢ ܐܬܕܒܼܘܼ. ܐܝܟ [ܡܿܢ ܠܡ ܕܢܦܼـ]ـܠܛܘܢ ܡܢ ܡܘܬܐ. [ܟܕ ܠܐ ܝܕܥܼܘ ܠܡܘܬܐ] ܬܢܝܢܐ ܡܢ ܗܕܐܼ ܘܠܨܠܡܐ ܗܿܘ [ܢܦܼܠܘ ܘܣܓܕܘ] ܟܠܗܘܢ. [ܘܡܛܠ ܕܝܢ ܕܚܝܠܐ] ܐܠܗܝܐ ܥܠ ܛܥܝܘܬܗܘܢ ܢܬܓܠܐ܇ ܟܕ ܩܕܡ ܨܠܡܐ ܗܿܘ [ܟܢܝܫܝܢܼ ܡܢ ܫܠܝܐܼ.] ܐܝܟܐܢ ܕܠܐ ܐܦ ܐܚܪ̈ܢܐ ܠܛܥܝܘܬܐ ܕܐܝܟ ܗܕܐ ܢܬܪܡܘܢܼ. [ܒܕܡܘܬܐ ܕܥܠܥܠܐ] ܡܢ ܫܠܝ ܥܠܼܬ ܒܨܠܡܐ ܗܿܘ܆ [ܘܐܪܝܡܬܗ] ܠܥܠܼ ܐܝܟ [ܐܠܦ ܩܘ̈ܡܝܢ܆ ܟܡܐ] ܕܚܝܪܐ ܥܝܢܐ ܠܥܠ. ܘܢܦܨܬܗ [ܡܢ ܗܿܘ ܟܠܗ ܪܘܡܐ: ܒܚܐܦܐ ܠܬܚܬ] ܥܠ ܐ̈ܦܝ ܐܪܥܐܼ. ܘܐܬܕܩܩ [ܘܐܬܐܫܕ ܐܝܟ ܡܝ̈ܐ ܥܠ ܐ̈ܦܝ ܐܪܥܼܐܼ ܘܠܐ ܐܫܬܼܟܚ.] ܘܢܦܼܠܬ ܒܗܘܢ ܚܪܒܐ [ܕܡܘܬܐܼ. ܥܕܡܐ ܠܪܡܫܐ ܢܦܫܐ ܕܚܿܝܼܐ] ܒܡܕܝܢܬܐ ܗܿܝ ܠܐ ܐܫܬܟܼܚܬ. [ܐܠܐ ܐܝܟ ܗܿܝ ܕܟܬܝܒܐ ܒܢܒܝܐ: ܕܟܠܗܘܢ] ܠܡ ܣܦܼܘ ܠܗܘܢܼ. ܥܠ ܕܠܐ [ܡܬܕܟܪܝܢ ܗܘܘ ܒܫܡܗ ܕܡܪܝܐ. ܗܟܢܐ ܐܦ] ܠܗܠܝܢ ܓܕܫܬ.

[ܫܪܒܐ ܕܬܪܗܝܢ ܥܠܘܗܝ ܕܚܫܐ ܡܪܝܪܐܼ. ܘܥܠ] ܫܪܟܐ ܕܡ̈ܕܝܢܬܐ ܒܐܬܪ̈ܘܬܐ ܟܠܗܘܢ܀ ܥܠ [ܫܪܟܐ] ܕܝܢ [ܕܡ̈ܕܝܢܬܐ ܘܕܐܬܪ̈ܘܬܐ ܕܦܠܣܛܝܢܐܼ: ܘܓܕܪܒܝܐ [ܟܠܗܿ ܘܕܬܝܡܢܐܼ ܘܡܕܢܚܐ: ܥܕܡܐ ܠܝܡܐ ܕܣـ]ـܘܦܼ.

Page 87

ܠܐ ܣܿܦܩܝܢܢ ܕܢܿܬܢܐ [ܡܛܠ ܗܠܝܢ. ܠܘ ܒܠܚܘܕ ܐܝܠܝܢ ܕܒܐܓܦܝܛܘܣ] ܘܒܐܠܟܣܢܕܪܝܐܼ ܓܕ̈ܫܢ ܗ̈ܘܝܼ. [ܐܠܐ ܒܐ̈ܥܦܐ ܣܓܝ̈ܐܐ܀ ܟܕ] ܒܐܬܪܐ ܕܡܕܝܢܬ ܡܠܟܘܬܐ ܥܕܟܝܠ ܗܠܝܢ ܒܫܡܥܐ[ ܡܬܩ̈ܒܠܢ ܗ̈ܘܝ܇ ܟܕ ܥܕܟܝܠ ܪ̈ܚܝـ[ـܩܢ ܗ̈ܘܝ. ܟܕ ܐܦܢ ܚܢܢܼ ܒܗ ܒܙܒܢܐ ܕܥܕܟܝ ܡܘܬܢܐ ܒܦܠܣܛܝܢܐܼ ܬܡܢ] ܐܝܬܝܢ ܗܼܘܝܢ. ܘܢܚܼܬܢ ܡܢ ܦܠܣܼܛܝܢܐ ܠܒܝܬ [ܢܗܪ̈ܘܬܐ ܒܗܿ ܒܥܙܝـ]ـܙܘܬܗ. ܘܬܘܒ ܗܦܼܟܢ ܣܠܩܢ܇ ܟܕ ܐܦ [ܐܕܪܟܼܬ ܡܪܕܘܬܐ] ܐܦ ܠܬܡܿܢ. ܘܠܫܪܟܐ ܕܐܬܪ̈ܘܬܐ ܕܩܠܝܩܝܐ ܘܕܡܘܣܝܐ܇ [ܘܕܣܘܪܝܐ ܘܕܐܝܩـ]ـܘܢܝܐ ܘܕܒܬܘܢܝܐ ܘܕܣܝܐܿ. ܘܕܠܛܝܐ ܘܕܩܦܕܩܝܐ: [ܗܠܝܢ ܕܐܦ] ܒܗܘܢܿ ܡܢ ܣܘܪܝܐ ܬܘܒ ܒܗ ܒܙܘܥ ܘܬܩܝܦܘܬܐ ܕܡܘܬܢܐ: ܥܕܡܐ ܠܗܿ ܠܡܕܝܢܬܐ ܡܠܟܘܬܐ ܪܕܝܢ ܗܘܝܢ. ܟܕ ܝܘܡ ܡܢ ܝܘܡ ܘܐܦ ܚܢܢ ܥܡ ܟܠܢܫ ܒܬܪܥ ܩܒܪܐ ܢܩܿܫܝܢ ܗܘܝܢ. ܐܝܟܢܐ ܕܐܢ ܢܗܘܐ ܗܘܐ ܪܡܫܐ ܪܢܝܢ ܗܘܝܢܼ ܕܒܠܠܝܐ ܨܿܦܚ ܠܢ ܡܘܬܐ. ܘܐܦܢ ܬܘܒ ܢܡܛܐ ܨܦܪܐܼ. ܝܘܡܐ ܟܠܗ ܠܩܒܪܐ ܣܝ̈ܡܢ ܗ̈ܘܝ ܐܦ̈ܝܢ. ܟܕ ܚܿܙܝܢ ܗܘܝܢ ܒܐܬܪ̈ܘܬܐ ܗܠܝܢ ܩܘܪ̈ܝܐ ܕܚܪ̈ܘܒܢ ܘܢܗ̈ܡܢ܇ ܫ̈ܠܕܐ ܕܫ̈ܛܝܚܢ ܥܠ ܐܪܥܐ ܘܠܝܬ ܡܿܟܫܢܫܢܐ.. ܐܚܪ̈ܢܐ ܐܝܟܢܐ ܕܫܪܟܐ ܩܠܝܠ ܦܼܫܘ. ܕܛܥܝܢܝܢ ܘܐܿܙܠܝܢ [ܫܿܕܝܢ ܘܗܿܦܟܝܢ:] ܒܕܡܘܬ ܟܐ̈ܦܐ ܡܕܡ ܕܡܥܪܓܠ ܐܢܫ ܘܐܙܿܠ ܫܿܕܐ ܘܗܿܦܟ [ܐܿܬܐ ܕܢܛܥܢ܇] ܘܬܘܒ ܢܫܼܕܐ ܒܝܓܪܐ ܘܢܗܦܘܟ ܢܛܥܼܢ: ܘܗܟܢܐ ܢܥܪܓܠ [ܝܘܡܐ ܟܠܗ. ܐܚܪ̈ܢܐ] ܕܟܕ ܚܿܕܝܢ ܩܿܝܡܝܢ ܘܚܿܦܪܝܢ ܠܗܘܢ ܩܒܪ̈ܐ.. ܐܚܪ̈ܢܐ ܕܠܓܡܪ ܐܘܦܝܘ ܘܫܒܩܼܘ ܒ̈ܬܝܗܘܢܼ ܟܕ ܨܿܕܝܢ ܡܢ ܥܡܘܪ̈ܐ.. ܣ̈ܛܛܝܘܢܐ [ܕܥܠ ܐܘܪ̈ܚܬܐ ܕܡـ]ـܠܝܢ ܚܫܘܟܐ ܘܨܕܝܐ܇ ܘܥܒܝܕܝܢ ܣܘܪܕܐ ܠܡܥܠ ܘܠܡܦܩ ܠܗܘܢܼ ܩܢܝܢܐ ܕܫܒܝܩ ܘܦܗܿ܇ ܘܠܝܬ ܡܟܢܫܢܐ ܘܡܿܒܕܪ ܥܠ ܛܘܪ̈ܐ.. ܦܣ̈ܩܐ ܕܥܢܐ ܘܕܥ̈ܙܐ ܘܕܬܘܪ̈ܐ] ܘܕܚܙܝܪ̈ܐ܇ ܕܗܘܘ ܐܝܟ ܫܪܟܐ

Page 88

ܕܚܝ̈ܘܬܐ [ܕܕܒܪܐ:] ܘܛܥܼܘ ܫܝܢܐ ܘܩܠܐ ܐܢܫܝܐ ܕܡܕܒܿܪ ܗܘܐ ܠܗܘܢ.. ܐܪ̈ܥܬܐ ܕܡ̈ـ[ـܠܝܢ ܘܛܒ̈ܢ] ܒܟܠ ܦܐܪ̈ܝܢ܇ ܘܫܿܚܠܝܢ ܘܢܿܚܬܝܢ [ܘܠܝܬ ܠܗܘܢ] ܡܟܢܫܢܐ.. [ܚܩ̈ܠܬܐ] ܕܟܗ̈ܝܢܢ ܒܥܒܘܪܐ. ܘܩܝ̈ܡܢ ܒܐܬ[ܪ̈ܘܬܐ ܟܠܗܘܢ܇] ܗܠܝܢ ܕܥܒܿܪܝܢ ܗܘܝܢ ܒܗܘܢ܇ ܡܢ ܣܘܪܝܐ ܥܕܡܐ [ܠܬܪܩܝܐ: ܕܚܿܘܪ̈ܢ ܘܩܝ̈ـ]ـܡܢ ܘ[ܠܝܬ ܕܚܿܨܕ] ܘܡܿܚܡܠ.. ܘܟܪ̈ܡܐ ܕܡܛܐ ܙܒܢܐ ܕ[ܢܬܩܛܦܘܢ ܘܥܼܒܪ. ܟܕ ܙܒܢـ]ـܐ ܕ[ܝܬܘܐ ܥܙܝܙܼ.] ܘܛܪ̈ܦܝܗܘܢ ܐܬܼܪ̈ ܘܦܫܼܘ ܦܐܪ̈ܝܗܢ. [ܟܕ ܬܼܠܝܢ ܒܓܘ̈ܦܢܝܗܘܢ܇ ܘܠܝܬ ܕܩܿܛܦ ܘܥܨܿܪ.. ܘܥܠ ܚܙܬܐ ܗܿܝ ܕܡܼܠܝܐ ܓܘܢܚܐ [ܘܡܪܝܪ ܗܘܐ ܚܙܘܗܿ ܘܚܢܝܓ ܗܘܐ] ܐܒܠܗܿ. ܕܝܘܡ ܡܢ ܝܘܡ ܒܡܪܕܝܬܢ [ܦܓܥܐ ܗܘܬܼ. ܐܝܟܢ ܕܢܿܬܢܐ ܐܢܫܼ ܐܘ] ܡܢܐ ܢܟܬܘܒ: ܐܠܐ ܐܢ ܕܥܡ [ܢܒܝܐ ܢܐܡܪ ܗܘܐ] ܗܿܘ ܕܚܿܙܐ܇ [ܕܬܬܒ] ܒܐܒܠܐ ܐܪܥܐ: [ܘܢܐܠܘܢ] ܟܠܗܘܢ [ܥܡܘܪ̈ܝܗܿ. ܘܠܘ ܗܕܐ] ܒܠܚܘܕܼ. [ܐܠܐ ܘܗܿܝ ܬܘܒ] ܐܚܪܬܐ [ܕܐܡܝܪܐ. ܕܐ]ܠܼܬܿ ܘܝܬܼܒـ[ـܬܿ ܒܐܒܠܐ ܐܪܥܐ.] ܐܠܼܬܿ ܘܝܬܼ[ܒܬܿ ܘܐܬܐܒـ]ـܠܬܿ ܬܒܝـ[ـܠ܇ ܐܠܿܐ ܪܘܡܗܿ] ܕܐܪܥܐ ܥܡ ܫܪܟܐ܀ ܟܕ ܐܦ ܒܚܙܬܐ ܕܗܠܝܢ ܐܝܬ ܗܘܐ[ ܠܢ ܕܢܬܥـ[ـܗܼܕ. ܐܦ ܗܿܝ ܕܒܝܕ ܛܘܒܢܐ ܢܒܝܐ ܐܬܐܡܪܬܿ ܗܘܐ ܡܢ ܩܕܝܡܿ. [ܟܕ ܡܬܿܢܒܐ] ܗܘܐ ܘܐܡܿܪ: ܕܡܬܚܿܒܠܘ [ܠܡ ܬܬܚܿܒܠ ܐܪܥܐ:] ܡܬܒܼܙܙܘ ܬܬܒܼܙܙ ܐܪܥܐ܇ ܘܡܕܠ ܬܕܘܠ ܐܪܥܐ: ܘܡܼܡܛ ܬܡܼܘܛ ܐܪܥܐ: ܘܡܼܙܥ ܬܿܙܘܼܥ [ܐܪܥܐ:] ܘܬܢܘܕ ܐܝܟ ܥܪܙܠܐ: [ܘܢܥܼܫܢ ܥܠܝܗܿ ܥܘܼܠܗܿ: ܘܬܬܘܒ ܘܬܗܘܐ] ܠܝܩܕܢܐܿ. ܐܝܟ ܒܛܡܬܐ ܘܐܝܟ [ܒܠܘܛܐ ܕܢܦܼܠ ܡܢ ܩܥܪܬܗ܆ ܗܠܝܢ ܒܝ̈ܘܡܬܢ] ܟܠܗܝܢ ܫܼܩܠ ܫܘܠܡܐ ܓܡܝܪܐܝܬ: [ܠܘ ܒܝܕ ܢܘܓܪܐܼ. ܐܠܐܼ ܒܙܒܢܐ ܙܥܘܪܐ܀ ܙܘ̈ܥܐ] ܓܝܪ ܒܫܢܬܐ ܕܩܕܡ [ܗܕܐ ܕܡܘܬܢܐ: ܘܢܘ̈ܕܐ

Page 89

ܪ̈ܘܪܒܐ ܕܗܘܘ. ܗܠܝܢ] ܕܠܐ ܡܬܡܠܠܝܢ ܚ̈ܡܫ ܙܒ̈ܢܝܢ܆ ܟܕ ܒܗܿ ܒܡܕܝܢܬܐ ܗܿܝ ܕܒܗܿ ܐܝܼܬܝܢ ܗܘܝܢ] ܗܘܼܘ ܗܠܝܢ ܕܠܘ ܩܠܝܠ ܐܝܟ [ܪܦܦ ܥܝܢ ܗܘܼܘ ܘܥܒܿܪܝܢ. ܐܠܐ ܘܥܕܢܐ] ܣܓܝܐܐ ܠܒܿܟܝܢ ܗܘܘܼ. ܥܕܡܐ[ ܕܣܒܪܐ ܕܚܝ̈ܐ ܡܘܦܐ ܗܘܐ ܡܢ ܟܠܗܘܢ ܒܢ̈ܝ] ܒܣܪܐ ܘܡܬܦܣܩܿ. ܕܠܝܬ ܬܘܒ ܦܘ[ܫܐ ܡܢ ܒܬܪ ܢܘܬܦܗ ܕܚܕ ܚܕ ܡܢ ܙܘ̈ܥܐ] ܗܠܝܢ܆ ܘܗܝܕܝܢ ܫܿܠܝܢ ܗܘܘ. ܗܝـ[ـܕܝܢ ܕܬܕܘܠ ܐܪܥ ܕܟܬܝܒ ܒܢܒܝܘܬܐ]܀ ܒܫܢܬܐ ܕܝܢ ܕܬܠ̈ܬ ܕܩܕܡ ܗܕܐ ܕܡـ[ـܘܬܢܐ: ܘܐܦ ܒܗܿ ܕܐܪ̈ܒܥܼ ܘܥܕܡـ]ـܐ ܠܫܢܬܐ ܗܕܐ: ܕܠܼܬ ܐܪܥܐ ܟܠܗܿ ܕܡܥܪܒܐ. [ܘܥܫܢܘ ܘܬܩܦܘ ܩܪ̈ܒܐ] ܒܪܗܘܡܐ ܡܕܝܢܬܐ: ܘܒܐܪܡܒܝܢܝܐ ܕܠܓܘ ܡܢܗܿ. ܬܘܒ ܘܐܦ [ܒܩܪܬܝܓܢܐܼ ܗܿܝ] ܕܒܐܬܪܐ ܕܦܪܝܩܝܐ. ܘܬܘܒ ܐܦ ܥܡ̈ܡܐ ܬܩܝܦ̈ܐ ܕܠܐ [ܡܢܝܢ: ܗܠܝܢ ܕܡܠܟܘܬܐ] ܗܕܐ ܠܘܩܒܠܗܘܢ. ܘܡܢܗܘܢ ܡܿܢ ܒܝܕ ܥܘܕܪܢܐ ܕܐܠܗܐܼ [ܐܬܼܟܒܫܘ ܡܢ ܡܠܟܘܬܐ] ܗܕܐ. ܗܢܘ ܕܝܢ ܪܗܘܡܐ ܘܐܦܪܝܩܝܐ [ܘܐܬܪ̈ܘܬܗܘܢ ܘܡܠ̈ܟܘܬܗܘܢ. ܟܕ ܐܦ] ܐܬܕܒܪܘ ܡ̈ܠܟܝܗܝܢ ܘܐܬܘ ܠܡܕܝܢܬܐ ܗܕܐ. ܘܙܒܢܐ ܕܥܕܡܐ [ܠܫܘܠܡܗܘܢ. ܠܗܘܢ ܚܿܙܝܢ ܗܘܝܢ. ܟܕ ܗܘܘ ܡܫܥܒ̈ܕܐ. ܐܝܟ ܫܪܟܐ ܕܚܕ ܚܕ ܡܢ ܪ̈ܝܫܢܐܼ] ܥܡ ܫܒ̈ܝܬܐ ܕܐܬܪ̈ܘܬܗܘܢ܀ ܥܡ̈ܡܐ ܕܝܢ ܒܪܒܪ̈ܝܐ ܗܠܝܢ: ܕܐܝܟ ܕܟܬܝܒ ܕܕܠܘ ܡܢ ܣܘ̈ܦܝܗܿ ܕܐܪܥܐ. ܬܩܦܘ ܘܟܒܫܘ: ܘܐܚܪܒܘ ܘܐܘܩܕܘ ܘܒܙܘ. ܘܐܬܘ ܐܦ ܥܕܡܐ ܠܗ ܠܫܘܪܐ ܕܡܕܝܢܬܐܼ ܟܕ ܚܢܢ ܒܗܿ. [ܘܐܦ] ܫܒܼܘ [ܡܢ ܦܪ̈ܣـ]ـܛܘܬܐ ܕܝܠܗܿܘܡܢ ܥܡܘܪ̈ܝܗܿ. ܠܘ ܚܕ ܫܢܬܐ ܒܠܚܘܕܼ ܐܠܐ] ܘܬܠ̈ܬ [ܒܬܪ] ܚܕ̈ܕܐ. ܘܡܛܠ ܬܩܝܦܘܬܗܘܢܼ ܠܐ ܐܢܫ ܫܟܚ [ܕܢܩܘܡ ܩܕܡܝܗܘܢ]܀ ܗܟܢܐ ܥܠ ܡܠܟܘܬܐ ܗܕܐ ܐܩܠܝܘ. ܥܕܡܐ ܕܢܫܠܚܘܢ [ܒܝܕ ܐܪ̈ܙܓܕܐ: ܕܬܬܩـ]ـܢܘܢ ܠܢ ܦܠܛܝܢ ܕܝܠܟܘܢܼ [ܕܗܐ]

Page 90

ܠܡ ܠܬܡܘܢ ܐܬܝܿܢܢ. ܥܕܡܐܼ [ܕܐܦ ܙܘܥܬܐ ܥܠ ܡܠܟܐ] ܘܥܠ ܪ̈ܘܪܒܢܐ [ܢܦـ]ـܠܼܬܿ. ܘܬܪ̈ܥܐ ܕܦܠܛܝܢ ܡـ[ـܟܝܠ ܒܝܕ ܦܪ̈ܙܠܐ ܡܬܬܚܕܝܢ] ܗܘܘ ܘܡܬܼܚܣܢܝܢ. [ܟܕ ܐܝܟ ܕܡـ]ـܢܗܘܢ ܡܕܝܢܬܐ ܟܠܗܿ [ܐܬܟܒܫܬ ܘܠܦܠܛܝܢ] ܒܠܚܘܕ [ܐܝܨܦܘ ܕܢܚܣܢـ]ـܘܢ܀ ܗ[ܘܬ ܕܝܢ ܐܝܿܕܐ ܕܡܢ ܕܐܬܒܢܼܝܬ ܡܕܝܢـ]ـܬܐ ܗܕܐܼ ܠܐ [ܗܘܼܬ] ܘܠܐ ܐܫܬܡܥܼܬ ܗܟܢܐ܀ ܗܕܡܢ ܙܘܥܬܗܘܢ [ܦܩـ]ـܕܘ ܕܐܝܠ̈ܢܐ [ܟܠܗܘܢ ܕܒܚܕܪ̈ܝ] ܡܕܝܢܬܐ ܥܠ ܡܐܐ ܐܡܝ̈ܢ ܢܬܚـ[ـܪܒܘܢ. ܘܡـ]ـܛܠ ܕܡܕܝܢܬ [ܡܠܟܘܬܐܐܝܬܝܗܿ:] ܘܡܟܝܠ ܟܠܗܝܢ ܨܒܘ̈ܬܗܿ ܬܟܝـ[ܠܐܝܬ ܡܬܢـ]ـܛܪ̈ܢ ܗܘܼ̈ܝ [ܕܠܐ ܩܢܛܐ.] ܒܝܬ ܫܘܪܐ ܠܒܪ ܫܘܪܐ ܕܡܢ ܦܢܝܬܐ ܕܡܥܪܒܐ: [ܡܛܠ ܕܬܡܢ ܗܘܐ] ܫܘܪܐ ܗܿܘ ܕܟܐܦܐ ܒܠܚܘܕ: [ܘܫܪܟܐ ܝܡܐ. ܡܪܒܝܢ ܗܘܘ ܬܡܢ ܐܝܠ̈ܢܐ] ܪ̈ܘܪܒܐ ܘܬܩܝ̈ܦܐ ܕܐܪ̈ܙܐ ܘܕܫܘ[ܪ̈ܒܝܢܐ: ܘܓܘ̈ܙܐ ܐܝܠ̈ܢܐ] ܪ̈ܘܪܒܐ ܘܬܩܝ̈ܦܐ ܕܐܪ̈ܙܐ ܘܕܫܘ[ܪ̈ܒܝܢܐ: ܘܓܘ̈ܙܐ ܘܬܐܢ̈ܐ.] ܘܐܦ [ܟܪ̈ܡܐ ܘܦܪ̈ܕܝܣܐ:] ܕܗܐ ܡܢ ܩܕܡ ܫܢܝ̈ܐ ܡܐܐ܀ [ܘܗܟܢܐ ܡܟܝܠ ܟܠܗܘܢ ܡܬܚܪܒܝܢ ܗܘܘ] ܘܢܦܼܠܝܢ: ܟܕ ܠܐ ܡܫܟܚܝܢ ܗܘܘ[ ܒܢܝ̈ܢܫܐ ܠܡܗܼܦܟܘܢ ܐܢܘܢ ܡܢ ܕܘܟܝ̈ܬܗܘܢ ܡܛـ]ـܠ ܥܓܪܘܬܗܘܢ. ܘܗܟܢܐ [ܙܘܥܬܐ ܥܠ] ܟܠܢܫ [ܚܪܒܐ ܗܝܿ ܕܐܝܠ̈ܢܐ ܐܪܡܝܬܼ ܟܕ] ܟܠܢܫ [ܡܬܒܠܗܐ] ܗܘܐ [ܘܐܡܿܪ:] ܕܐܠܘ [ܠܐ ܐܪܓܫـ]ـܘ ܕܓܪܡܬ [ܒܝܫܬܐ: ܐܦܠܐ ܠܗ]ܠܝܢ ܐܬܝܿܢ [ܗܘܘ܀ ܬܘ]ܒ ܕܝܢ ܗܠܝܢ [ܗܟܢـ]ـܐ ܥܢܝܢ [ܘܐܠܨܝܢ: ܘܗܠܝܢ] ܣܝ̈ܡܝ ܕܠܩـ[ـܘܒܠܐ ܬܟܝܠܐܝـ]ـܬ܀ ܗܝـ[ـܕܝܢ ܐܦ ܪܘܚܗ] ܕܡܕܢܚܐ [ܐܬܬܥܝܪܬ: ܗܢܘ ܕܝܢ ܡܠܟܘܬܐ ܕܦܪܣ.] ܘܐܦ ܐܬܚܝܠ ܘܐܬܥـ[ـܬܕ ܒܟܠ ܥܡ̈ܡܝܢ] ܬܩܝܦܝܢ ܕܡܕܢܚܐ ܟܠܗܿ. [ܘܐܕܝܠܘ ܐܦ] ܟܠܗܘܢ ܡܠ̈ܟܝܗܿ ܕܐܪܥـ[ـܐܕܡܕܢܚܐܼ.] ܘܬܪܨܘ ܠܐܪܥܐ [ܗܕܐ ܕܪ̈ܗܘܡܝܐ. ܘܟܒܼܫܘ ܘܥـ[ܒܼܪܘ

Page 91

ܘܫܒܥܒܕܘ ܥܕܡܐ [ܠܡܕܝܢܬܐ ܪܒܬܐ ܐܢܝܟܝܐ. ܘܠܗܕܐ ܚܕܪܘܗܿ.] ܘܡܛܠ ܕܐܬܚܝܠܬ ܕܬܬܟܬܫ ܥܡـ[ـܗ. ܙܟܗܿ ܘܚܪܒܗܿ ܘܟܒܫܗܿ ܘܐܩܕܗܿ] ܘܫܒܗܿ: ܘܥܩܪܗܿ [ܐܦ ܥܕܡܐ ܠܫ̈ܬܐܣܝܗܿ.] ܘܫܩܼܠ [ܐܦ ܥܕܡܐ ܠܦܠ̈ܝܩܣ] ܕܫܝܫܐ ܕܥܠ [ܐܣ̈ܐ ܘܒܒ̈ܬܐ ܩܪ̈ܝܡܢ ܗܘܼ̈ܝ܆ ܘܠܟܠܗܿ ܕܒܼܿܪܘ] ܒܫܒܝܬܐ.ܒ ܘܐܦ ܠܫܪܟܐ ܕܐܚܪ̈ܢܝܬܐ. ܘܦܼܢܐ ܠܐܬܪܗ. ܐܝܟ ܡܿܢ ܕ . . .

ܘܡܢܐ ܡܟܝܠ ܐܝܬ ܠܝ ܕܥܠ ܗܠܝܢ ܕܥܒܪ̈ܢ ܠܬܘܢܝܐ ܐܬܿܢܐ . . . .ܢܐ [ܕܐܝܢܐ] ܐܝܬܘܗܝ ܕܪܗܿ ܕܬܫܥܝܬܐܼ. ܐܠܐ ܡܛܠ ܕܢܕܥ ܦܬܓܡ̈ܝܗܿ ܕܢܒܝܘܬܐ ܗܿܝ ܕܒܟܠܝܘܡ ܐܝܟ ܫܦܘܪ̈ܐ ܙܥܿܩܝܢ ܒܐܕܢ̈ܝܢ: ܘܠܐ ܨܒܿܝܢܢ ܠܡܫܼܡܥ. ܕܐܝܟܢܐ ܚܕ ܒܬܪ ܚܕ ܟܠܗܘܢ ܒܥܿܒܕܐ ܡܿܚܘܝܢ ܠܢ ܗܫܐ ܚܝܠܐ ܕܦܘ̈ܫܩܝܗܘܢܼ. ܕܠܐ ܒܪܘܚܩܐ. ܘܗܼܝ ܕܝܢ ܗܕܐ ܕܠܟܠܗܝܢ ܥܒܿܪܐ: ܘܕܡܢ ܟܠܗܝܢ ܓܢܝܚܐ ܬܘܒ: ܗܕܐ ܕܐܬܬ ܘܠܟܠܗܝܢ ܒܠܥܼܬ ܘܚܦܝܬܼ. ܘܠܐ ܐܬܝܕܥ ܒܗܿ ܡܕܡ ܐܚܪܝܢ ܐܠܐ ܐܢ ܗܼܝ ܒܠܚܘܕܝܗܿ.. ܐܝܟ ܙܢܐ ܕܬܘܪ̈ܬܐ ܗܠܝܢ ܒܝ̈ܫܬܐ ܕܠܦܪܥܘܢ ܐܬܚܘܝܼ. ܕܠܒܝܫܘܬܗܝܢ ܡܢ ܒܬܪ ܕܒܠܼܥ ܠܛܒ̈ܬܐ ܗ̈ܢܼܝܢ ܒܠܚܘܕ ܐܬܝ̈ܕܥ: ܟܕ ܡܪܕܘܬܐ ܗܕܐ ܠܘ ܠܛܒ̈ܬܐܼ. ܐܠܐ ܘܐܦ ܠܒܝ̈ܫܬܐ ܕܩܕܡܝܗܿ ܚܦܝܼܬ ܘܒܠܥܼܬ: ܘܡܢ ܪܒܘܬܗܿ ܕܝܠܗܿ. ܐܝܟ ܗܿܘ ܕܢܓܕܐ ܕܩܕܡܝܗܿ ܐܦܠܐ ܐܚܼܫ ܠܡܬܢ̈ܓܕܢܐ܀

ܟܕ ܗܟܝܠ ܥܠܝܗܿ ܕܬܫܥܝܬܐ ܢܦܢܐܼ. ܘܥܠܘܗܝ ܕܣܕܪܐ

Page 92

ܕܥܩ̈ܬܐ ܕܒܝܕ ܚ̈ܛܗܝܢܐܬܼܐ ܥܠܝܢ܆ ܡܢ ܐܚܪ̈ܢܝܬܐ ܡܟܝܠ ܡܗܡܝܢܢ܇ ܒܬܢ̈ܚܬܐ ܘܐܒ̈ܠܐ ܡܪ̈ܝܪܐ. ܗܠܝܢ ܕܠܡܕܝܢܬܐ ܕܡ̈ܠܟܐ ܓܕܫ ܢܿܬܢܐ. ܡܛܠ ܕܗ̈ܢܝܢ܆ ܝܬܝܪ ܡܢ ܟܠ ܠܐܒܠܐ ܫܘ̈ܝܢ. ܘܠܘ ܕܝܠܢ ܕܘ̈ܝܐ ܒܠܚܘܕ܆ ܐܠܐ ܘܐܠܘ ܡܨܝܐ ܗܘܬܼ. ܕܫܡܝܐ ܘܐܪܥܐܼ ܐܒܠܐ ܢܥܒܕܘܢ ܥܠܝܗܘܢ. ܟܕ ܐܦ ܥܕܟܝܠܼ ܛܒ ܙܥܘܪ̈ܝܢ ܗܘܘ: ܕܐܝܟ ܕܫܘܝܐ ܡܫܘܚܬܗ ܕܐܒܠܐ ܒܗܘܢ ܢܫܬܡܠܐ ܗܘܐ. ܡܢܼܘ ܗܟܝܠ ܕܠܗܿܝ ܚܙܬܐ ܡܫܟܪܬܐ ܘܡܪܝܪܬܐܼ ܐ̈ܚܝ ܢܬܿܢܐ. ܡܢܼܘ ܕܟܕ ܢܫܡܥ ܐ̈ܢܝܢ ܠܗܠܝܢ ܕܗ̈ܘܼܝ ܬܡܢܼ ܕܠܐ ܢܬܬܪ̈ܥܢ ܚܢ̈ܓܬܐ ܡܢ ܠܒܗ܇ ܘܢܿܦܫܪ̈ܢ ܠܟܠܗܘܢ ܗܕܡ̈ܘܗܝ܇ ܐܝܟ ܕܡܬܦܫܪܐ ܫܥܘܬܐ ܡܢ ܩܕܡ ܢܘܪܐ.. ܫܒܘܩ ܡܕܝܢ ܠܗܠܝܢ ܕܒ̈ܥܝܢܝܗܘܢ ܒܚܙܬܐ ܗܿܝ ܕܘ̈ܝܐ ܘܕܬܒܪܐ ܘܕܬܢ̈ܚܬܐ ܢܬܒܿܩܘܢ ܗܘܘ. ܗܠܝܢ ܕܠܝܬ ܗܘܐ ܥܠܝܗܘܢ ܡܕܡ ܐܚܪܝܢ ܠܡܐܡܪ. ܐܠܐ ܡܠܬܗ ܕܢܒܝܐ. ܟܕ ܐܝܟ ܫܐܠܬܗ ܟܠ ܚܿܙܝܐ ܕܗܠܝܢ ܢܫܐܠ ܘܢܐܿܡܪ܆ ܕܡܿܢ ܕܝܢ ܝܗܼܒ ܠܪܝܫܝ ܡܝ̈ܐ܇ ܘܠܥܝ̈ܢܝ ܡܒ̈ܘܥܐ ܕܕ̈ܡܥܬܐ. ܒܿܟܝܬ ܕܝܢ ܒܐܝܡܡܐ ܘܒܠܠܝܐ ܘܠܐ ܫܠܝܬ: ܥܠ ܚܘܒܠܗܿ ܘܬܒܪܗܿ ܕܒܒܝܠ ܪܒܬܐܿ. ܗܿܝ ܕܒܡܠܟܘܬܐ ܥܕܡܐ ܠܗܫܐ ܢܗܿܡܐ ܗܘܼܬ܇ ܕܗܫܐ ܗܐ ܡܫܿܦܠܐ ܘܣܚܼܝܦܐ ܡܠܟܘܬܗܿ܇ ܘܒܠܚܘܕ ܡܠܐܟ ܪܘܓܙܐ ܥܒܝܕ ܡܿܠܟܐ ܘܡܿܚܒܠܢܐ ܥܠ ܟܠܗܘܢ ܥܡܘܪ̈ܝܗܿ܀ ܟܕ ܗܟܠܝ ܠܡܝܕܢܬܐ ܗܕܐ ܡܪܕܘܬܐ ܐܕܪܟܬܗܿ: ܗܿܝ ܕܒܫܪܪܐ ܥܘܬܪܐ ܕܒܣܝܡܘܬܗ ܘܛܝܒܘܬܗ ܕܐܠܗܐ ܒܗܿ ܡܬܚܙܝܐ ܗܘܬ: ܗܿܝ ܕܟܕ ܛܒ ܕܚܝܠܐ ܗܘܬ ܘܩܫܝܐ ܘܥܙܝܐܼ. ܠܘ ܐܬܿܐ ܕܠܘܚܡܐ ܒܠܚܘܕ ܘܕܪܘܓܙܐ ܙܕܩܿ ܠܢ ܕܢܫܡܗܝܗܼܿ. ܐܠܐ ܐܦ ܐܬܿܐ ܕܪ̈ܚܼܡܐܼ. ܘܐܦ ܩܿܪܝܬܐ ܕܬܝܒܘܬܐ. ܟܕ ܕܝܢ ܗܟܢܐ ܒܡܬܝܢܘܬܐ ܘܒܪܡܝܣܘܬܐ ܡܬܚܿܫܚ ܗܘܐ ܫܒܛܐ: ܥܕܡܐ ܕܠܗܿ ܠܕܘܟܬܐ

Page 93

ܢܡܼܛܐ ܗܘܐ. ܐܝܟ ܡܐ ܕܡܿܠܟܐ ܡܬܥܬܕ ܕܢܦܘܩ ܠܩܪܒܐ: ܘܡܿܦܩܕ ܠܪ̈ܒܝ ܚܝ̈ܠܘܬܗ ܘܐܡܿܪ: ܕܥܬܕܘ ܢܦܫܟܘܢ ܘܛܝܒܘ ܙܝܢܟܘܢ܇ ܘܐܝܨܦܘ ܕܙܘܕ̈ܝܟܘܢ܇ ܕܗܐ ܚܿܙܩܝܢ ܐܢܬܘܢ ܥܡܝ ܠܩܪܒܐܼ ܠܝܘܡ ܦܠܢ. ܘܐܝܟܙܢܐ ܕܠܡ̈ܕܝܢܬܐ ܕܒܕܪ̈ܘܗܝ ܒܝܕ ܟܬܝ̈ܒܬܐ ܢܫܕܪ: ܕܗܐ ܐܬܿܐ ܐܢܐ. ܗܼܘܼܝܬܘܢ ܥܬܝܕܝܢܿ. ܕܡܐ ܕܐܬܿܝܬ ܠܝܬ ܦܘܫܐ. ܗܟܢܐ ܫܒܛܐ ܗܢܐ ܕܪ̈ܞܡܘܗܝ ܒܣܝ̈ܡܐ ܕܐܠܗ: ܒܝܕ [ܫܠܼܝܗ] ܐܝܟ ܕܐܝ̈ܙܓܕܐ ܣ̈ܓܝܐܐ ܡܢ ܐܬܪܐ ܠܚܪܒܗ܇ ܘܡܢ ܡܕܝܢܬܐ ܠܡܕܝܢܬܐ ܘܠܟܠ ܕܘܟܐ ܫܿܠܚ ܗܘܐ܇ ܘܐܝܟ ܐܢܫ ܢܐܡܪ: ܕܐܬܦܼܢܘ ܘܬܘܒ [ܘܐܦܝܣܘ] ܥܠ ܣܟ̈ܠܘܬܟܘܢ܇ ܘܛܝܒܘ ܠܟܘܢ ܙܘ̈ܕܐ ܕܙܕܝܩܘܬܐ ܡܢ ܩܢܝܢܟܘܢ܇ ܕܗܐ ܐܬܼܐ ܐܢܐܼ. ܘܝܬܝܪ̈ܐ ܠܡ ܠܢܝܢܟܘܢ ܥܒܿ ܕܐܢܐ ܠܟܘܢ. ܗܕܐ ܕܝܢ ܡܘܕܥܐܼ. ܗܼܝ ܡܕܒܪܢܘܬܐ ܕܐܠܗܐ: ܐܝܟ ܗܿܘ ܕܗܠܝܢ ܠܟܠܕܘܟ ܡܫ̈ܬܠܚܢ ܗ̈ܘܝ ܠܘܩܕܡܼ. ܘܗܝܕܝܢ ܫܒܛܐ ܠܬܡܢ ܡܬܡܛܐ ܗܘܐ. ܟܕ ܥܐܿܠ ܠܡܕܝܢܬܐ ܐܘ ܠܩܪܝܬܐܿ. ܘܢܿܦܠ ܗܘܼܐ ܒܗܿ ܐܝܟ ܚܨܘܕܐ: ܚܦܝܛܐܝܬ ܘܪܗܝܒܐܝܬ܇ ܘܒܚܕܪ̈ܝܗܿ ܥܠ ܡܝܠܐ ܘܬܪ̈ܝܢ ܘܬܠ̈ܬܐ ܥܠ ܐܚܪ̈ܢܝܬܐ ܕܐܝܬ ܗܘܐ. ܘܕܠܐ ܫܿܠܼܡ ܗܿܘ ܡܕܡ ܕܦܩܝܕ ܒܗܕܐܼ. ܠܐ ܥܒܿܪ ܗܘܐܼ. ܘܠܐ ܥܿܠܐ ܗܘܐ ܠܗܿܝ ܕܥܠ ܓܢܒܗܿ. ܘܗܟܢܐ ܠܒܝܟ ܗܘܐ ܘܕܪܐܼ. ܡܬܝܢܐܝܬ. ܗܿܝ ܕܠܡܕܝܢܬܐ ܗܕܐ ܓܼܕܫ܆ ܟܕ ܫܢܬܐ ܚܕܐ ܘܬܪ̈ܬܝܢ ܗܘܬ ܡܩܿܒܠܐ ܠܡܪܕܘܬܗ ܕܣܘܥܪܢܐ ܒܝܕ ܫܡܥܐ ܕܡܢ ܟܠ ܕܘܟܼ. ܘܗܝܕܝܢ ܐܕܪܟܗܿ. ܟܕ ܐܦ ܗܿܝ ܕܐܦ ܛܝܒܘܬܐ ܥܠܝܗܿ ܚܦܝܼܛܐ ܗܘܬ ܘܡܚܦܛܐܼ. ܒܐܢ̈ܫܝܢ ܐ̈ܢܫܝܢ ܡܣܬܪܥܐ ܗܘܬ ܗܪܟܐ ܒܫܪܪܐ܀ ܐܝܟ ܗܿܝ ܕܒܝ̈ܘܡܝ ܢܘܚ܇ ܕܗܼܘ ܛܘܒܢܐ ܥܡ ܒܢܗܝ ܒܝܬܗ ܟܕ ܫܡܼܥ ܛܒܼܐ ܕܠܘ̈ܚܡܐ ܘܕܐܒܕܢܐ: ܕܚܼܠ ܘܠܐ ܐܒܼܣܝ܇ ܐܠܐ ܐܝܼܨܦ ܘܥܒܼܕ ܠܗ

Page 94

ܩܒܘܬܐܿ. ܗܿܝ ܕܗܘܼܬ ܠܗ ܠܚܝ̈ܐ ܕܢܦܫܗ ܘܕܟܠ ܕܐܝܬ ܠܗ.. ܠܚܝ̈ܐ ܕܢܦܫܗ ܘܕܟܠ ܕܐܝܬ ܠܗ.. ܗܟܢܐ ܒܛܘܦܣܐ ܕܛܘܒܢܐ ܗܢܐܿ. ܣ̈ܓܝܐܐ ܐܦ ܒܙܒܢܐ ܗܢܐ ܐܫܟܚܘ ܕܢܥܒܕܘܢ ܠܗܘܢ ܐܠܦ̈ܐ ܕܙܕܩ̈ܬܐ ܒܝܘ̈ܡܬܐ ܙܥܘܪ̈ܐ: ܕܢܿܥܒܪܘܢ ܐܢܘܢ ܒܗܿܘ ܡܡܘܠܐ ܕܫܠܗܒܝܬܐ܀ ܘܐܚܪ̈ܢܐ ܒܚܫܐ ܕܕ̈ܡܥܐ ܥܡ ܙܕ̈ܩܬܐܼ. ܐܦ ܘܒܘܕܪܐ ܕܩܢܝܢܗܘܢ ܕܠܣܢ̈ܝܩܐ.. ܐܚܪ̈ܢܐ ܒܐܠܐ ܘܒܡܘܟܟܐܼ. ܘܒܫܗܪܐ ܘܒܢܙܝܪܘܬܐܼ ܘܒܓܥܬܐ ܕܚܫܐ ܕܠܘܬ ܐܠܗܐ. ܘܗܟܢܐ ܣ̈ܓܝܐܐܼ ܐܝܠܝܢ ܕܕܚܠܘ ܙܘܙܥܘܼ. ܐܫܟܚܘ ܕܢܙܒܼܢܘܢ ܠܗܘܢ ܡܠܟܘܬܐܼ. ܘܗܝܕܝܢ ܐܕܪܟܬ ܐܢܘܢ ܨܿܦܚܬܐ. ܐܝܠܝܢ ܕܝܢ ܕܫܛܘ ܘܠܐ ܐܬܛܦܝܣܘ: ܠܡܫܕܪܘ ܩܕܡܝܗܘܢ ܡܪ̈ܗܛܝܗܘܢܼ. ܫܒܩܘ ܐܢܘܢ ܠܐܚܪ̈ܢܐ. ܘܐܬܚܛܦܘ ܗܼܢܘܢ ܡܢ ܩܡܢܝܢܗܘܢܼ. ܘܦܼܫ ܩܢܝܢܐ. ܗܿܝ ܕܒܡܕܝܢܬܐ ܗܕܐ ܝܬܝܪܐܝܬ ܠܣ̈ܓܝܐܐ ܬܪ̈ܬܝܗܝܢ ܓܼܕ̈ܫ.

ܪܝܫܐ ܕܐܪܒܥܐܼ. ܬܘܒ ܥܠܝܗ ܕܬܫܥܝܬܐ. ܥܠ ܗܿܝ ܕܟܕ ܡܢܼܥ ܡܘܬܢܐ ܠܡܕܝܢܬ ܡܟܘܬܐܼ. ܕܥܠ ܡܣ̈ܟܢܐ ܠܘܩܕܡ ܐܓܥܬ ܛܝܒܘܬܐܼ. ܕܬܚܡܘܠ ܘܬܥܿܦܐ ܐܢܘܢ ܒܐܝܩܪܐ ܕܠܐ ܒܠܝܠܘܬܐ ܕܪܘܓܙܐ܀ ܟܕ ܓܝܪ ܣܡܼܟ ܫܒܛܐ ܠܡܕܝܢܬܐ ܗܕܐ܆ ܠܘܩܕܡ ܒܬܓܡܐ ܕܡܣ̈ܟܢܐ ܗܠܝܢ ܕܫܼܕܝܢ ܒܫܘ̈ܩܐ ܫܿܪܝܼ ܚܦܝܛܐܝܬ. ܟܕ ܐܝܬ ܝܘܡܐ ܕܚܡ̈ܫܐ ܐ̈ܠܦܝܢܼ ܘܐܝܬܿ ܕܫ̈ܒܥܐ. ܘܐܝܬܼ ܕܬܪ̈ܥܣܪ. ܘܥܕܡܐ ܠܫ̈ܬܬܥܣܪ ܐ̈ܠܦܝܢ ܒܝܘܡܐ ܡܢܗܘܢ ܢܦܩܿܝܢ ܗܘܘܼ. ܡܛܠ ܕܥܕܟܝܠ ܫܘܪܝܐ ܐܝܬܘܗܝ ܗܘܐܼ. ܘܩܝܿܡܝܢ ܗܘܘ ܓܒܪ̈ܐ ܒܠܡܝ̈ܢܐ ܘܒܥܒܼܪ̈ܐ ܘܒܬܪ̈ܥܐ܇ ܘܠܒܿܟܝܢ ܗܘܘ ܚܘ̈ܫܒܢܝܗܘܢܼ. ܘܗܟܢܐ ܣܝܿܦܝܢ ܗܘܘ. ܘܒܚܦܝܛܘܬܐ ܪܒܬܐ ܡܬܥܿܦܝܢ ܗܘܘܼ ܘܡܬܩܒܪܝܢ. ܟܕ ܡܬܠܿܒܫܝܢ ܡܢ ܟܠܢܫܼ ܘܡܬܠܿܘܝܢ ܘܢܿܦܝܢ܀ ܘܗܟܢܐ

Page 95

ܠܡܘܦܝܘ ܡܼܛܘܼ. ܟܕ ܐܦ ܙܥܘܪ̈ܐ ܒܡܢܝܢܐ ܟܬܪܘ. ܟܕ ܗܠܝܢ ܕܡܝܼܬܘ ܒܠܚܘܕ ܒܫ̈ܘܩܐ: ܐܢ ܐܢܫ ܨܿܒܐ ܗܘܐ ܕܢܡܼܢܐܼ. ܟܕ ܛܒ ܐܦ ܐܬܡܢܝܘܼ. ܠܘ ܒܠܚܘܕ ܐ̈ܠܦܐ ܬܠܬܡ̈ܐܐ ܢܦܼܩܘ ܡܢ ܫܘ̈ܩܐ. ܟܕ ܗܠܝܢ ܕܡܿܢܝܢ ܗܘܘܼ. ܕܡܼܛܘ ܠܡ̈ܬܝܢ ܘܬܠܬ̈ܝܢ ܐܠܦ̈ܝܢ: ܡܢ ܕܚܼܙܘ ܕܠܝܬ ܡܢܼܝܢ ܐܗܡܼܝܘܼ. ܘܡܟܝܠ ܕܠܐ ܡܢܝܢܐ ܢܦܩܝܢ ܗܘܘ܀ ܡܢ ܗܟܝܠ ܕܐܬܚܪܪܘ ܗܠܝܢ ܕܙܥܘܪܝܢ ܗܘܘ ܠܗܘܢ ܡܥܦ̈ܝܢܐ ܘܩܒܘܪ̈ܐ: ܒܩܒܘܪܬܐ ܪܒܬܐ ܕܣ̈ܓܝܐܐܼ. ܗܝܕܝܢ ܐܘܫܛ ܐܝܕܝܗ ܡܚܒܿܠܢܐ ܥܠ ܐܚܝ̈ܕܝ ܥܠܡܐ ܘܡܫ̈ܡܗܝ ܒܬܡܠܟܘܬܐ ܕܐܪ̈ܥܢܝܐܿ. ܘܪ̈ܘܪܒܝ ܒܥܘܬܪܐ ܘܡܦܪ̈ܓܝ ܒܫܘ̈ܠܛܢܝܗܘܢ. ܘܡܢ ܗܪܟܐ ܡܟܝܠ ܩܘܛܢܐ ܥܡ ܪ̈ܝܫܢܐܿ. ܒܡܚܘܬܐ ܚܕܐ ܪܒܬܐ ܘܡܪܝܪܬܐ ܐܝܬ ܗܘܐ ܠܡܚܙܐ ܕܒܿܠܥ ܘܢܿܦܠ ܡܢ ܫܠܝ܆ ܣܛܪ ܡܢ ܙܥܘܪ̈ܐ. ܘܠܘ ܒܠܚܘܕ ܗܠܝܢ ܕܡܝܬܘܼ. ܐܠܐ ܘܐܦ ܐܝܠܝܢ ܕܡܢ ܡܘܬܐ ܕܫܥܬܐ ܐܬܦܛܠܘ܆ ܒܡܚܘܬܐ ܗܿܝ ܕܐܪ̈ܒܘܒܝܬܗܘܢ: ܒܟܐܒܐ ܗܿܘ ܕܢܦ̈ܩܐ: ܕܒܠܫܢܢ ܕܝܠܢ ܣܘܪ̈ܝܝܐ ܡܬܦܿܫܝܩ. ܗܼܢܘܢ ܕܝܢ ܩܿـ[ـܪܝܢ ܗܘܘ] ܠܗ ܒܘܢܒܘܢܘܣܼ. ܒܠܼܥ ܫܘܝܐܝܬ ܥܼܒ̈ܕܐ ܘܡܪ̈ܝܐ ܐܟܚܕܐܼ. [ܪ̈ܝܫܢܐ] ܘܩܘܛܢ ܕܠܐ ܡܣܒ ܒܐܗܦܐ: ܟܕ ܚܕ ܠܘܩܒܠ ܚܕ ܫܼܕܝܢ ܗܘܼܘ ܘܡܢܗܿܡܝܢ. ܘܕܥܠ ܓܙܪ ܕܝܢܼܐ ܕܐܠܗܐ ܐܬܦܼܫܣܩ ܕܢܬܗܪܘܢ ܒܢ̈ܝܢܫܐ ܘܠܬܡܗܐ ܢܫܪܟܘܢ܇ ܥܠ ܕ̈ܝܢܼܘܗܝ ܟܐ̈ܢܐ ܗܠܝܢ ܕܠܐ ܡܬܝܕܥܝܢܼ ܘܠܐ ܬܘܒ ܡܬܡܫܚܝܢ ܡܢ ܒ̈ܢܝ ܐܢ̈ܫܐܼ ܐܝܟ ܡܐ ܕܟܬܝܒ: ܕܕ̈ܝܢܼܝܟ ܐܝܟ ܬܗܘܡܐ ܪܒܐ܀ ܚܿܙܝܢ ܗܘܝܢ ܬܘܒ ܕܡܚܘܬܐ ܗܕܐ ܪܒܬܐ. ܐܦ ܒܚ̈ܝܘܬܐ ܚܼܘܝܬܿ ܡܥܒܕܢܘܬܗܿ. ܠܘ ܒܠܚܘܕ ܒܗܠܝܢ ܕܫܝܢܐܼ. ܐܠܐ ܘܐܦ ܒܗܠܝܢ ܕܕܒܪܐ. ܘܐܦ ܥܕܡܐ ܠܪܚܫܐ ܕܐܪܥܐ.. ܟܕ ܐܝܬ ܗܘܐ ܠܡܚܙܐ ܒܥܝܪܐ

Page 96

ܘܟ̈ܠܒܐ ܘܫܪܟܐ ܕܚܝ̈ܘܬܐ: ܘܥܕܡܐ ܠܥܘܩܒܪ̈ܐܼ. ܕܙܘܼ̈ܝܢ ܗܘ̈ܝ ܐܪ̈ܒܘܒܝܬܗܘܢܼ. ܘܫܼܕܝܢ ܘܡ̈ܝܝܬܝܢ. ܗܟܢܐܐܦ ܚܝ̈ܘܬܐ ܕܕܒܪܐܼ. ܒܗ ܒܓܙܪ ܕܝܢܼܐ ܡܫܬܟ̈ܚܢ ܗ̈ܘܝ ܕܒ̈ܠܝܥܢ ܘܫ̈ܕܝܢ ܘܡܝ̈ܝܬܢ.. ܗܕܐ ܗܟܝܠ ܐܬܿܐ ܕܚܝܠܬܐ: ܠܥܡܗܿ ܕܡܕܝܢܬܐ ܗܕܐ ܡܢ ܫܠܝܼ. ܡܢ ܒܬܪ ܚܘܪܪܐ ܕܡܣ̈ܟܢܐ ܐܕܪܟܼܬܿ܀ ܐܬܿܐ ܕܝܢ ܐܚܪܬܐ: ܘܫܿܪܟܝܢ ܗܘܼܬ ܒܝܬ ܗܠܝܢ ܕܡܬܚܼܛܦܝܢ ܠܗܠܝܢ ܕܡܿܓܪܝܢ: ܘܫܿܪܟܝܢ ܗܘܘ ܠܡܘܬܐ ܐܘ ܠܚܝ̈ܐܼ. ܐܬܚܙܝܬܼ ܗܟܢܐ. ܕܡܬܚ̈ܙܝܢ ܗ̈ܘܝ ܬܠ̈ܬ ܐܬܘ̈ܬܐ ܒܡܨܥܬܐ ܕܦܣܬ ܐܝܕܗ ܕܐܢܫ܆ ܒܛܘܦܣܐ ܕܩ̈ܕܚܐ ܐܘ̈ܟܡܐܼ. ܟܕ ܠܒܪ ܠܐ ܢܦܿܩܝܢ ܗܘܘ. ܐܠܐ ܥܡܝܩܐܝܬܼ. ܐܝܟ ܛܘ̈ܦܐ ܬ̈ܠܬ ܕܕܡܐ ܥܡܝܩܐܝܬ ܗ̈ܘܝ. ܘܐܝܟܐ ܕܗܠܝܢ ܡܬܚ̈ܙܝܢ ܗ̈ܘܝܼ ܥܡܗܝܢ ܫܿܪܝܐ ܡܿܛܝ ܗܘܐ. ܘܒܠܚܘܕ ܫܥܬܐ ܐܘ ܬܪ̈ܬܝܢ܆ ܐܘ ܓܼܕܫ ܕܝܘܡܐ ܦܘܫܐ ܐܝܬ ܗܘܐ ܠܗ. ܘܗܠܝܢ ܗ̈ܘܼܝ ܒܣ̈ܓܝܐܐ.. ܒܐܚܪ̈ܢܐ ܕܝܢܼ ܠܘ ܗܕܐ ܘܠܐ ܗܿܝ: ܐܠܐ ܕܟܕ ܚܝܿܪܝܢ ܒܚܕ̈ܕܐ ܘܡܡܠܠܝܢ܆ ܡܝܛܝܢ ܗܘܘܼ ܘܢܦܿܠܝܢ. ܘܐܢ ܒܫܘ̈ܩܐܼ. ܘܐܢ ܒܒ̈ܬܐ: ܘܐܢ ܒܠܡ̈ܐܢܐ ܘܐܢ ܒܐ̈ܠܦܐܼ. ܘܒܥܕ̈ܬܐܼ. ܘܒܟܠ ܕܘܟ. ܘܐܝܬ ܕܝܿܬܒ ܗܘܐ ܥܠ ܦܘܠܚܢܐ ܕܐܘܡܢܘܬܗ: ܘܠܒܝܟ ܡܐ̈ܢܝ ܦܘܠܚܢܗ ܒܐܝܕ̈ܘܗܝ ܘܦܿܠܚܼ. ܘܡܼܛ ܠܓܒܗܼ ܘܦܼܢܛܬ ܢܦܫܗ.. ܘܐܝܬ ܕܠܒ̈ܠܢܘܣ ܠܣܚܬܐ ܕܥܝܕܗܘܢ ܥܠܝܢ ܗܘܘ. ܘܕܢܫܠܚܘܢ ܡܐ̈ܢܝܗܘܢ ܠܐ ܡܡܕܝܢ ܗܘܘ. ܘܢܦܠܼܘ ܘܣܦܼܘ. ܘܐܝܬ ܕܠܙܒܼܢܐ ܕܣܘܢܩܢܗ ܢܿܦܩ ܗܘܐ ܠܫܘܩܐܼ. ܘܡܟܕ ܩܝܡܝܢ ܘܡܡܠܝܢ: ܐܘ ܡܿܢܝܢ ܥܘܪ̈ܦܢܝܗܘܢܼ. ܩܨܐ ܡܢ ܫܠܝ ܠܙܒܘܢܐ ܠܟܐ ܣܚܿܦ ܗܘܐܼ ܘܠܡܙܒܢܢܐ ܠܬܡܢ: ܘܦܼܫ ܙܒܼܢܐ ܒܡܫܥܬܐ ܥܡ ܛܝ̈ܡܘܗܝ܆ ܘܠܝܬ ܗܘܐ ܠܐ

Page 97

ܙܒܢܘܢܐܼ ܘܠܐ ܡܿܙܒܢܢܐܼ. ܢܪܝܼܡܘܢܝܗܝ. ܘܒܟܠ ܦܘܪ̈ܣܝܢ ܟܠ ܐܬܒܛܠܘ ܘܐܬܚܿܒܠܘ ܘܐܬܗܼܦܟ ܠܐܒܠܐ ܘܠܡܪ̈ܩܕܬܐ.. ܒܠܚܘܕ ܟܠܡܕܡ ܟܕ ܐܝ̈ܕܝܐ ܕܟܠ ܐܬܪܫܠܘ: ܘܙܒܼܢܐ ܘܙܘܒܢܐ ܒܼܛܠܘ. ܘܚܿܢܘܬܐ ܕܟܠ ܥܘܬܪ̈ܝܢ ܥܠܡ̈ܢܝܐ ܕܠܐ ܡܬܡܠܠܝܢ ܘܐܪܓܘܪܦܣܝܣ ܬܩ̈ܝܦܬܐ: ܘܟܠܗܿ ܡܕܝܢܬܐ ܡܢ ܟܕܘ ܒܛܠܼܬ ܐܝܟܐ ܕܓܡܪܬܼ. ܐܝܟܢܐ ܕܬܓܡܼܪ ܐܦ ܚܝܝܼܬܗܿ: ܘܠܝܬ ܗܘܐ ܐܢܫ ܕܢܩܘܡ ܘܢܬܚܿܫܚ ܒܦܘܠܚܢܗ: ܥܕܡܐ ܕܚܝܼܝܬܐ ܡܢ ܫ̈ܘܩܐ ܒܼܛܠܬ: ܘܐܘܠܨܢܐ ܪܒܐ ܗܘܼܐ܆ ܝܬܝܪܐܝܬ ܠܥܡܐ ܕܪܡܝܢ ܗܘܘ ܒܫ̈ܦܠܐ ܕܟܘܪ̈ܗܢܐ. ܐܝܟܢܐ ܕܐܢ ܡܫܬܚܟܝܢ ܗܘܘ ܙܥܘܪ̈ܐ ܕܡܚܡܣܢܝܢ ܗܘܘ ܘܡܿܦܝܢ ܡܕܡ ܠܫܘܩܐ ܡܕܡ ܕܛܒ ܦܘܠܣܐ ܚܕ. ܐܢ ܨܿܒܝܢ ܗܘܘܼ. ܕܝܢܪܐ ܕܝܠܗ ܫܩܿܠܝܢ ܗܘܘ. ܘܗܟܢܐ ܟܠܡܕܡ ܒܛܠܼ ܘܓܡܼܪ. ܘܕܐܠܨܐ ܝܬܝܪ ܡܢ ܟܠܡܕܡ ܗܕܐ ܒܠܚܘܕ ܐܝܬܝܗܿ ܗܘܬܼ. ܕܟܠ ܡܿܢ ܕܥܕܟܝܠ ܚܼܝ ܕܫ̈ܠܕܐ ܕܒܝܬܗ ܢܿܦܩ. ܟܕ ܐܦ ܗܠܝܢ ܕܫܪܟܐ ܡܢ ܫܘ̈ܩܐ ܢܓܡܪܘܢ ܘܢܦܼܩܘܢ ܠܣܦܪܗܝ ܝܡܐ. ܘܐ̈ܠܦܐ ܡܬܡܗܠܝܢ ܗ̈ܘܝ܆ ܘܒܟܠ ܥܒܼܪ̈ܝܢ ܫ̈ܕܼܝܢ ܗ̈ܘܝ ܘܗ̈ܦܟܢ ܫ̈ܩܠܢ ܐܚܪ̈ܢܝܬܐ܀ ܦܐܐ ܗܘܐ ܓܝܪ ܠܫܡܘܥܐ ܕܗܠܝܢ܆ ܕܝܬܝܪ ܡܢܿ ܕܥܠ ܡܝ̈ܬܐ ܗܠܝܢ܆ ܥܠܝܢ ܕܝܠܢ ܢܕܡܥ [ܘܢܬܬܢܚ] ܒܚ̈ܢܓܬܐܼ ܕܡܢܐ ܚ̈ܙܝܢ ܗ̈ܘܝ ܥܝ̈ܢܝܢ܀ ܘܝ ܓܝܪ ܐ̈ܚܝܼ ܠܗܿܝ ܚܙܬܐ [ܡܪܝܪܬܐ]. ܘܿܝ ܠܗܠܝܢ ܫܪ̈ܕܘܕܐ ܕܐܘ̈ܠܝܬܐ ܕܒܗܿܘ ܥܕܢܐ: ܕܐܢܫ ܒܣܦܪ̈ܝ ܝܡܐ ܩܐܿܡ ܗܘܐܿ. ܘܚܿܙܐ ܥܪ̈ܣܬܐ ܕܢܩ̈ܫܢ ܒܚܕ̈ܕܐܼ. ܘܗ̈ܦܟܢ ܗܠܝܢ ܕܢܛܥܢ̈ܢ: ܘܫܕ̈ܝܢ ܥܠ ܐܪܥܐ ܬܪ̈ܝܢ ܐܘ ܬܠܬ̈ܐ: ܘܗ̈ܦܟܢ ܬܘܒ ܕܢܝ̈ܬܝܢ: ܐܚܪ̈ܢܐ ܕܝܢ ܕܥܠ ܕ̈ܦܐ ܛܥܿܢܝܢ ܗܘܘ ܘܒܩܘ̈ܦܐ: ܘܡܿܝܬܝܢ ܘܟܫܿܝܢ ܠܥܠ

Page 98

ܡܢ ܚܕ̈ܕܐ. ܐܚܪ̈ܢܐܼ ܕܡܛܠ ܕܐܬܡܼܣܝܘ ܘܐܪܗܠܘ ܚܿܝܛܝܢ ܗܘܘ ܠܗܘܢ ܦܣ̈ܬܝܐ: ܘܒܩ̈ܘܦܐ ܛܿܥܢܝܢ ܗܘܘ ܠܗܘܢܼ. ܘܐܬܿܝܢ ܫܿܕܝܢ ܠܗܘܢ. ܟܕ ܪܕܐ ܪܗܠܐ ܡܢܗܘܢ. ܘܗܦܟܝܢ ܬܘܒ ܕܢܝܬܘܢ. ܐܚܪ̈ܢܐ ܕܩܝܿܡܝܢ ܗܘܘ ܒܣܦܪ̈ܝ ܝܡܐܼ. ܘܓܿܪܝܢ ܘܫܿܕܝܢ ܠܬܚܬ ܒܐ̈ܠܦܐܼ. ܟܕ ܟܿܫܝܢ ܟܫܝ̈ܬܐ ܕܡܢ ܬܪ̈ܝܢ ܘܬܠܬ̈ܐ ܐ̈ܠܦܝܢ ܘܡܢ ܚܡܫܐ܇ ܘܬܘܒ ܕܠܐ ܡܢܝܢ ܐܝܟ ܩܘܦܝܐ ܕܐܬܿܐ ܒܢܗܪ̈ܘܬܐ ܪ̈ܘܪܒܐ: ܥܠ ܟܠܗ ܣܦܪ̈ܝ ܝܡܐ: ܘܪܕܐ ܪܗܠܐ ܘܢܿܚܬ ܪܡܿܐ ܒܝܡܐ. ܒܐܝܠܝܢ ܕܡ̈ܥ ܟܕ ܐܒܿܟܐ ܒܗܿܘ ܥܕܢܐܼ ܚܒ̈ܝܒܝ܇ ܕܩܐܿܡ ܗܿܘܝܬ ܘܡܬܒܿܩܐ ܒܟܫ̈ܝܬܐ ܗܠܝܢ: ܕܡ̈ܠܝܢ ܓܘ̈ܢܚܐ ܘܙܘ̈ܥܐ ܕܠܐ ܡܬܡܠܠܝܢ. ܐܝܠܝܢ ܚ̈ܢܓܬܐ ܢܣܼܦܩܢ ܗ̈ܘܝ ܠܝ. ܐܝܠܝܢ ܡܪ̈ܩܕܬܐ. ܐܝܢܐ ܬܒܪ ܠܒܐ. ܐܝܠܝܢ ܐܘ̈ܠܝܬܐ. ܐܝܠܝܢ ܩܝ̈ܬܐ ܘܚ̈ܫܒܬܐ ܢܣܼܦܩܢ ܗ̈ܘܝ ܠܚܫܐ ܕܗܿܘ ܥܕܢܐ܇ ܕܫܕܝܢ ܒܢܝ̈ܫܐ ܒܟ̈ܫܝܬܐ ܪ̈ܘܪܒܬܐܿ ܘܡܿܦܪܬܝܢ ܠܥܠ ܡܢ ܚܕ̈ܕܐܼ ܘܡ̈ܣܝܢ ܟܪ̈ܣܬܗܘܢ܇ ܘܪܕܝܢ ܡܥܝ̈ܝܗܘܢ ܐܝܟ ܪ̈ܓܘܠܐ ܘܢܚܬܝܢ ܠܝܡܐ.. ܐܝܟܢܐ ܓܝܪ ܕܐܦ ܗܼܘ ܠܒܐ ܕܚܿܙܝܐ ܕܗܠܝܢ: ܕܠܐ ܗܘܼܐ ܠܩܘܒܠܗܝܢ ܢܬܡܣܐ ܒܓܘܗ: ܘܫܪܟܐ ܕܗܕ̈ܡܘܗܝ ܟܕ ܚܼܝ ܥܡܗ ܢܬܦܫܪܘܢ ܗܘܘܿ. ܡܢ ܚܫܐ ܘܒܟܬܐ ܡܪܝܪܬܐܿ. ܘܡܪܩܘܕܬܐ ܕܬܒܪܐ. ܟܕ ܚܿܙܐ ܠܚܘܪ̈ܬܐ ܕܣ̈ܒܐܿ. ܗܠܝܢ ܕܪܗܼܛܘ ܟܠ ܝܘ̈ܡܝܗܘܢ ܒܣܪܝܩܘܬܐ ܕܥܠܡܐܿ. ܘܝܼܨܦܘ ܘܟܿܢܫܘܼ ܘܡܣܿܟܝܢ ܗܘܘ ܠܩܒܘܪܬܐ ܕܙܘܚܐ ܘܕܐܝܩܪܐ ܡܢ ܝܪ̈ܘܬܝܗܘܢ܇ ܕܫܼܕܝܢ ܥܠ ܐܪܥܐ ܘܡܦ̈ܠܦܠܢ ܚܘܪ̈ܬܗܘܢ ܒܪܗܠܐ ܕܝܪ̈ܘܬܝܗܘܢ ܚܢܝܓܐܝܬ܀ ܥܠ ܥܠܝ̈ܡܬܐ ܫܦܝܪ̈ܬܐ ܘܒ̈ܬܘܠܬܐ܇ ܗܠܝܢ ܕܡ̈ܣܟܝܢ ܗ̈ܘܼܝ ܠܓܢ̈ܘܢܐ ܕܚܕ̈ܘܬܐ܇ ܘܠܢ̈ܚܬܐ ܕܒܨ̈ܒܝܬܐ ܝܩܝܪ̈ܬܐ܇ ܕܡܦܪ̈ܣܝܢ ܘܫ̈ܕܼܝܢ ܘܡܦ̈ܠܦܠܢ ܒܣܝܢܐ ܕܡܝ̈ܬܐ ܐܚܪ̈ܢܐܿ. ܘܥܒܝ̈ܕܢ ܚܙܬܐ ܕܘܝܬܐ ܘܡܪܝܪܬܐ. ܘܠܘ ܕܝܢ ܒܓܘ ܩܒܪܐܼ. ܐܠܐ ܒܫܘܗܩܐ ܘܒܠܡ̈ܐܢܐܼ. ܡܬܓܪܓܪ̈ܢ

Page 99

ܫ̈ܠܕܝܗܝܢܼ ܒܕܡܘܬܐ ܕܫ̈ܠܕܐ ܕܟ̈ܠܒܐ. ܝ̈ܠܘܕܐ ܪ̈ܚܝܡܐ ܕܡܒܠܒܠܝܢ ܘܫܼܕܝܢ. ܘܗܠܝܢ ܕܥܿܓܢܝܢ ܠܗܘܢ ܒܐ̈ܠܦܐܿ. ܘܠܒܿܟܝܢ ܘܢܦܿܨܝܢ ܠܗܘܢ ܡܢ ܪܘܚܩܐ ܒܙܘܥܐ ܪܒܐ.܀ ܥܠܝ̈ܡܐ ܪ̈ܓܝܓܐ ܘܦܨܝ̈ܚܐ ܕܟܡܝܪܝܢ ܘܥܓܝܢܝܢ ܒܬܪ ܪ̈ܝܫܝܗܘܢ ܬܚܝܬ ܚܕ̈ܕܐ܇ ܘܥܒܝܕܝܢ ܣܘܪܕܐ. ܢ̈ܫܐ ܚܐܪ̈ܬܐ ܘܢܟ̈ܦܬܐܼ ܗܠܝܢ ܟܢܝ̈ܟܢ ܗ̈ܘܝ ܝܩܝܪܐܝܬܼ ܘܝ̈ܬܒܢ ܒܩܝ̈ܛܘܢܐ: ܕܢܦܿܚܝܢ ܘܡܿܦܪܣܝܢ ܘܦܥܝܪܝܢ ܦܘ̈ܡܝܗܝܢ. ܘܟܫ̈ܝܢ ܟܫ̈ܝܬܐ ܕܓܘ̈ܢܚܐ. ܟܠ ܡܘ̈ܫܚܢ ܕܥ̈ܓܝܢܢ. ܟܠ ܩܘ̈ܡܢ ܕܡ̈ܟܦܦܢ ܘܣܚܝ̈ܦܢ ܒܚܕܐ ܡܥܨܪܬܐ ܕܪܘܓܙܐ. ܟܠ ܬܓܡ̈ܝܢ ܕܟܒܝܫܝܢ ܥܠܠ ܡܢ ܚܕ̈ܕܐ ܒܕܡܘܬܐ ܕܚܝ̈ܘܬܐܿ. ܘܠܐ ܐܝܟ ܒܢ̈ܝܢܫܐ܀ ܘܡܢܐ ܥܠ ܗܝܠܝܢ ܐܝܬ ܗܘܐ ܠܢ ܠܡܐܡܼܪ. ܘܠܡܥܐ ܠܘܬ ܚܢܢܐ ܘܠܡܐܡܪ ܕܟܐܢ̈ܝܢ ܕ̈ܝܢܼܝܟܼ ܡܪܝܐ. ܕܗܠܝܢ ܠܘ ܐܢܬ ܨܒܝܼܬ ܒܗ̈ܝܢ ܕܢܓܕ̈ܫܢ ܠܓܒܝܠܬܟܼ. ܐܠܐ ܣܓܝܐܘܬ ܥܘܼܠܐ ܘܛܝܥܘܬܢ ܕܡܢ ܦܘܩ̈ܕܢܝܟ ܘܡܢ ܨܒܝܢܟ: ܒܝܕ ܗܠܝܢ ܐܫܠܼܡ ܠܢ܀ ܘܬܘܒ ܕܒܗܿ ܒܓܥܬܢ ܢܬܼܢܐ ܘܥܡ ܢܒܝܐ ܢܐܡܪ. ܕܡܪܝܐ ܒܘܓܙܟܼ ܪ̈ܚܡܝܟ ܐܬܕܟܪ.. ܘܚܘܣ ܡܛܠ ܫܡܟ ܡܪܝܐܼ ܥܠ ܥܡܟܼ. ܘܠܐ ܬܗܡܐ ܡܢ ܝܪܬܘܬܟ܀ ܟܕ ܗܟܝܠ ܗܠܝܢ ܕܣܿܒܿܠܝܢ ܗܘܘ ܙܥܪܘ: ܘܡܕܝܢܬܐ ܟܠܗܿ ܗܿ ܬܩܝܦܬ ܥ̈ܠܡܐ ܘܡܦܪܓܬ ܒܫܘ̈ܠܛܢܐ: ܘܣܒܝܣܬ ܒܥܘܬܪܐ. [ܗܘܼܬ ܠܗܿ ܡܢ ܫܠܝ] ܩܒܪܐ ܟܡܝܪܐ ܘܣܪܝܐ ܕܥܡܘܪ̈ܝܗܿ: ܐܝܟܢܐ ܕܐܦܠܐ [ܡܟܝܠ ܩܒܪ̈ܐ ܫܟܝܚܝܢ] ܗܘܘ. ܘܗܕܐ ܝܬܝܪ ܡܢ ܟܠ ܥܣܩܐ ܗܘܼܬ. ܟܕ ܗܿܢܘܢ [ܕܡܢ ܡܕܝܢܬܐ ܒܐܘܠܨܢܐ] ܘܡܣܬܦܝܢ ܗܘܘ ܣܬܿܚܦܝܢ ܒܐ̈ܠܦܐ: ܡܢ [ܗܢܐ ܓܒܐ ܒܥܼܒܪܐ ܕܠܗܠ] ܡܫܬܕܝܢ ܗܘܘ ܐܝܟ ܙܒܠܐ ܥܠ ܐܦ̈ܝ ܐܪܥܐܼ. ܘܠܝܬ [ܕܡܿܟܢܫ܀ ܟܕ ܐܦ ܡܠܟܘܬܐ] ܝܿܬܒܐ

Page 100

ܗܘܬ ܒܐܒܠܐܼ. ܐܝܟܢܐ ܕܟܬܝܒܐ: ܕܝܠܼـ[ـܦܘ ܗܘܘܼ ܕܐܝ̈ܕܝܐ ܕܒ̈ܢܝܢܫܐ] ܕܡܿܦܩܝܢ ܗܘܘ ܫ̈ܠܕܐ ܐܬܪܫܠܼܘ. ܡܛܠ ܕܐܦ ܙܥܼܪܘ [ܠܗܘܢ ܘܐܘܦܝܘ. ܘܡܕܝܢܬܐ] ܣܼܪܬ ܠܗܿ ܒܫ̈ܠܕܐ. ܐܝܟܢ ܕܠܐ ܥܪ̈ܣܬܐ ܐܝܬ ܗ̈ܘܼܝ܆ [ܘܠܐ ܐܝܠܝܢ ܕܚܿܦܪܝܢ.] ܘܫ̈ܠܕܐ ܟ̈ܫܼܝܢ ܒܫܘ̈ܩܐ܀ ܗܠܝܢ ܗܟܝܠܼ ܟܕ ܡܿܠܟܐ [ܡܪܚܡܢܐ ܗܿܘ ܕܒܝܘܡܬܗ] ܗ̈ܘܼܝ ܗܠܝܢ ܐܝܠܼܦ. ܐܥܝܪ ܢܦܫܗ ܒܛܢܢܐܼ. ܘܗܘܼܬ ܠܗ ܒܛܝܠܘܬܐ. ܘܦܩܼܕ] ܘܗ̈ܘܝ ܥܪ̈ܣܬܐ ܫ̈ܬܡܐܐ. ܘܣܡ ܓܒܪܐ ܚܕ ܪܦܢܕܪܐ ܕܝܠܗܼ ܕܫܡܗ] ܗܘܐ ܬܐܘܕܪܘܣ܇ ܗܿܘ ܕܐܦ ܗܼܘ ܛܢܢܐ ܕܛܒ̈ܬܐ ܐܝܬܘܗܝ [ܗܘܐܼ. ܘܦܩܼܕ ܠܗܼ] ܕܟܠ ܡܐ ܕܡܬܒܥܐ ܕܗܒܐ ܢܿܣܒ ܘܢܿܬܠ. ܘܢܩܘܡ [ܥܠ ܨܒܘ̈ܬܐ ܗܠܝܢ]. ܘܢܓܪܓ ܠܐܢ̈ܫܐ ܒܝܕ ܡܘ̈ܗܒܬܐ ܪܘܪ̈ܒܬܐ ܕܠܐ ܢܗܡܘܢܼ. [ܘܢܥܒܕܘܢ ܚܦܿܪ̈ܐ] ܪ̈ܘܪܒܐܼ. ܘܗܟܐܢ ܢܟܫܼܐ ܒܗܘܢ ܘܢܡܿܠܘܢ ܐܢܘܢ ܫ̈ܠܕܐ. [ܗܼܘ ܕܝܢ ܗܢܐ ܢܦܼܩ] ܒܚܦܝܛܘܬܐܼ. ܘܥܒܼܪ ܠܓܪܒܝܐ ܠܥܒܼܪܐ ܕܡܬܩܪܐ ܣܘܩـ[ـܘܣ. ܘܣܠܼܩ ܠܛܘܪܐ] ܚܕ ܕܠܥܠ ܡܢ ܡܕܝܢܬܐܼ. ܘܐܝܬܼܝ ܐܢ̈ܫܐ ܣ̈ܓܝܐܐ. ܘܝܗܼܒ [ܠܗܘܢ ܕܗܒܐ ܣܓܝܐܐ.] ܘܥܒܼܕ ܦܚـܐ ܪ̈ܘܪܒܐ ܕܛܒ. ܐܝܠܝܢ ܕܚܕ ܚܕ ܡܢܗܘܢܿ [ܫ̈ܒܥܝܢ ܐܠܦ̈ܝܢ] ܡܬܬܣܝܡܝܢ ܗܘܘ ܒܗ.. ܘܗܟܢܐ ܐܩܝܡ ܓܒܪ̈ܐ [ܬܡܢ ܘܡܿܚܬܝܢܿ. ܘܡܫܚܠܦܝܢ] ܘܟܿܫܝܢ ܠܗܘܢ. ܘܟܿܒܫܝܢ ܣܕܪ̈ܐ ܠܥܠ ܡܢ ܚ̈ܕܕܐ: [ܐܟܙܢܐ ܕܐܢܫ ܥܡܝܪܐ ܢܟܒܘܫ] ܒܓܕܝܫܐ. ܟܕ ܐܦ ܓܒܪ̈ܐ ܠܘܬܗܘܢ ܕܚܦܪ̈ܐ ܐܩܝܡ [ܕܛܥܝܢܝܢ ܕܗܒܐܼ.] ܘܡܓܪܓܝܢ ܠܐܪ̈ܓܝܛܐ ܘܥܠܡܐ ܕܥܠܡ̈ܝܐ ܒܝܕ ܡܘܗ̈ܒܬܐ܇ ܕܢܛܥܼܢܘܢ ܘܢܣܩܘܢ:] ܟܕ ܚ̈ܡܫܐ ܚ̈ܡܫܐܼ. ܘܫ̈ܬܐ ܕܝܢܪ̈ܐ ܝܗܿܒ ܗܘܐܼ. [ܘܥܕܡܐ ܠܫܒ̈ܥܐ ܘܠܥܣܪ̈ܐ] ܕܟܠ ܛܥܘܢܬܐ.. ܘܗܟܢܐ ܐܦ ܒܡܕܝܢܬܐ ܡܬܟܪܟ [ܗܘܐ ܘܡܚܿܦܛ ܘܡܿܦܩ] ܗܘܐ. ܟܕ ܩܿܒܠ ܦܘܩܕܢܐ ܕܒܟܠ ܩܒܪܐ ܕܡܫܟܚܼ [ܢܡܼܠܐܼ. ܕܡܿܢ ܕܗܘܐ ܠܗ. ܘܗܟܐܢ ܒܚܦܝܛܘܬܗ ܕܗܢܐܼ. ܡܕܝܢܬܐ ܡܢ ܫ̈ܠܕܐ ܒܐܝـ[ـܕܐ

Page 101

ܒܐܝܕܐ ܡܬܚܪܪܐ] ܗܘܬ. ܟܕ ܟܠ ܕܣ̈ܓܝܢ ܗ̈ܘܝ ܥܠܘܗܝ ܫ̈ܠܕܐ܆ ܠܗ [ܐܿܙܠ ܗܘܐ ܡܘܕܥ܆ ܘܗܼܘ] ܡܿܦܩ ܗܘܐ ܠܗܝܢ܀ ܟܕ ܕܝܢ ܡܬܟܪܟ ܗܢܐ ܒܡܝܕܢܬܐܼ. [ܐܢܫ ܡܫܡܝܢܐ ܡܢ ܕܝܠܢ:] ܐܦ ܗܼܘ ܕܚܦܝܛ ܒܗܠܝܢ ܛܒ ܡܬܚܙܐ ܗܘܐܼ. [ܘܣܡ ܒܗ ܗܼܘ ܗܢܐ] ܒܠܐܼ. ܘܕܒܼܪܗ ܠܘܬܗ. ܘܗܟܢܐ ܐܩܝܡܗ ܥܠ ܣܘ[ܥܪ̈ܢܐ ܕܡܘ̈ܗܒܬܐ܇] ܘܕܝܨܝܦܘܬܐ ܡܟܝܠ ܥܡܗ܀ ܘܟܕ ܡܬܟܪܟܝܢ܆ ܐܙܠܘ ܐܫܟـ[ـܚܘ ܒܝܬܐ ܚܕ ܟܝܠܗ ܕܐܚܝܼܕ] ܘܣܼܪܐ. ܘܙܝܿܥܝܢ ܒܢ̈ܝܢܫܐ ܡܢ ܪܝܚܗ. ܘܥܠܼܘ ܘܐܫܟܚܘ [ܒܗܼ ܐܝܟ ܥܣܪ̈ܝܢ ܐܢ̈ܫܐ.] ܕܡ̈ܝܝܬܝܢ ܘܣܼܪ̈ܝܢ. ܘܪ̈ܚܫܢ ܒܗܘܢ ܬܘ̈ܠܥܐ. ܘܟܕ ܐܚܝܕ [ܠܗܘܢ ܓܘܢܚܐ ܗܟܢܐ] ܐܝܬܝܘ ܐܢ̈ܫܐ. ܘܒܝܕ ܡܘܗ̈ܒܬܐ ܪ̈ܘܪܒܬܐ܆ ܣܼܦܘ [ܐܢܘܢ ܒ̈ܓܠܐ ܘܛܥܼܢܘ] ܒܩ̈ܘܦܐܼ. ܘܐܦܩܼܘ ܐܢܘܢ܀ ܘܐܚܪ̈ܢܐ ܡܫܬܟܚܝܢ ܗܘܘ [ܕܡܝܼܝ̈ܬܝܢ ܟܠܗܘܢܼ. ܘܐܝܬ] ܝ̈ܠܘܕܐ ܕܚܝܼܝܢ ܗܘܘ ܘܒܿܟܝܢ. ܘܐܚܪ̈ܢܝܬܐ ܢܫ̈ܐ ܕܡـ[ـܝܼܝ̈ܬܢ ܗ̈ܢܝܢ. ܣܚܪ̈ܬܐ ܬܘܒ ܕܣܠܼܩ ܠܓܡܪ. [ܐܚܪ̈ܢܝܬܐܼ ܓܕܫܐ ܕܦܼܫ] ܒܗܝܢܼ ܚܕ ܡܢ ܡ̈ܐܐ ܪ̈ܘܪܒܢܐ ܕܡܫܬܡܫ ܗܘܐ [ܚܕ ܡܢܗܘܢ ܡܢ ܣܘܓܐܐ] ܕܥ̈ܒܼܕܐܼ. ܕܦܫ ܡܫܘܚܕܐܝܬ܇ ܐܘ ܓܼܕܫ ܕܥܡ ܙܥܘܪ̈ܐ: ܐܘ ܓܼܕܫ ܕܠܐ ܗܼܘ ܘܠܐ ܐܢܫ ܡܢ ܕܝܠܗ.. ܘܬܘܒ ܐܝܠܝܢ ܕܗܟܢܐ ܒܗܕܐ [ܣܓܝܐܘܬ ܥ̈ܒܼܕܐ] ܡܫܬܡܫܝܢ ܗܘܘܼ. ܕܩܝܡܝܢ ܗܼܢܘܢܼ ܘܡܫܡܫܝܢ ܢܦܫܗܘܢܼ. [ܘܐܦ ܠܟܪ̈ܝܗܐ] ܕܒܒ̈ܬܝܗܘܢ܀ ܦܠܛܝܢ ܕܐܚܝܕܐ ܘܩܛܝܪ ܥܠܝܗܿ ܐܒـ[ـܠܐܼ. ܟܕ ܡ̈ܠܟܐ ܗܿܠܝܢ] ܕܒܪ̈ܒܘܬܐ ܘܒܐ̈ܠܦܐ

Page 102

ܕܐܚ̈ܕܝ ܫܘܗܠܛܢܐ ܕܡܢܗܘܢ܇ ܘܫܪܟܐ ܕܣܘܢܩܠܛܘܣ [ܪܒܬܐ ܟܠܗܿ ܒܟܠـ]ـܝܘܡ ܡܫܬܓܕܝܢ ܗܘܘ ܘܡܬܪܝܩܪܝܢ܇ ܕܕܘܿܝܢ ܗܘܘ ܘܒܫܦܠܐ [ܥܡ ܟܠ ܐܢܫ] ܢܦܠܼܘ: ܘܒܐ̈ܢܫܐ ܙܥܘܪ̈ܝ ܒܡܢܝܢܐ ܡܫܬܡܫܝܢ ܗܘܘܼ. ܥܡ ܫܪܟܐ [ܕܗܠܝܢ] ܕܠܓܡܪ ܠܐ ܡܬܬ̈ܢܝܢ ܡܢ ܒܢ̈ܝܢܫܐܿ. ܟܕ ܢܦܝܠܐ ܚܪܒܐ ܘܥܿܩܪܐܿ. ܠܟܠܗܝܢ [ܡܘ̈ܫܚܬܐ ܕܒܢܝ̈ܢܫܐ] ܕܠܐ ܚܘܫܒܢ. ܘܡܟܝܠ ܒܥ̈ܦܐ ܣ̈ܓܝܐܐ ܥܠ ܗܠܝܢ [ܕܒܟܠܕܘܟܼ. ܘܐܦ] ܥܠ ܡܕܝܢܬܐ ܪܒܬܐ ܐܠܟܣܢܕܪܝܐܼ ܒܗܕܐ ܡܣܬܥܪܝܢ ܗܘܘ܀ [ܟܕ ܐܦ ܡܟܝـ]ـܠ ܠܒܐ ܕܐܢ̈ܫܐ ܚܼܪܫ ܗܘܐܼ. ܘܠܝܬ ܗܘܐ ܡܟܝܠ ܠܐ ܒܟܬܐ ܐܦܠܐ [ܡܪ̈ܩܕܬܐ. ܐܠܐ] ܐܝܟ ܗܠܝܢ ܕܡܨܿܕܪܝܢ ܒܚܡܪܐ ܒܠܚܘܕ܆ ܬܘܪܘ ܗܘܘ ܒܢܝ̈ܢܫܐ [ܘܒܠܼܥܘ ܒܠܒܗܘܢ] ܘܚܼܪܫܘ. ܗܕܐ ܒܠܚܘܕ ܐܠܨܿܐ ܗܘܬܼ. ܕܫ̈ܠܕܐ ܠܒܪ ܢܓܘܪ [ܗܘܐ ܘܢܼܫܕܐ:] ܟܕ ܐܝܟ ܕܒܒܥܝܪܐ ܡܝܬܬܐܼ ܒܚܕ̈ܕܐ ܡܬܬܠܝܢ ܗܘܘ ܒܢ̈ܝܢܫܐ [ܒܗܠܝܢ ܕܡܿܝܬܝܢ܇] ܘܓܿܪܝܢ ܘܫܿܕܝܢ ܠܒܪ. ܟܕ ܬܘܝܪܝܢ ܘܡܕܘ̈ܕܝܢܼ ܐܝܟ ܗܿܝ ܕܐܡܝܪܐ [ܒܟܬܒܐ܆ ܕܩܒܘܪܬ] ܚܡܿܪܼ ܗܟܢܐ ܐܦ ܗܪܟܐ ܠܟܠܢܫ ܓܕܫܬ ܗܘܬ. ܘܡܟܝܠ [ܐܝܟܢܐ] ܕܐܦ ܒܐܠܟܣܢܕܪܝܐܼ. ܠܐ ܐܢܫ ܢܿܦܩ ܗܘܐ ܠܒܪ ܡܢ ܬܪܥܐܼ. ܕܠܐ ܦܬܩܐ [ܕܟܬܝܒ ܘܬܠܼܐ] ܒܩܕܠܗ ܐܘ ܒܕܪܥܗ.

ܫܪܒܐ ܕܚܡܫܐ. ܬܘܒܼ ܥܠܝܗܿ ܕܬܫܥܝܬܐ ܚܢܝܓܬܐܼ ܡܛܠ ܦܘ̈ܩܕܐ ܘܝܪ̈ܬܘܬܐ܀ ܡܛܠ ܕܝܢ ܗܿܝ ܕܦܩܘ̈ܕܐ ܘܝܪ̈ܬܘܬܐ ܐܢܫ ܕܢܡܠܠ ܠܝܬ ܗܘܐ. ܘܐܢ ܓܼܕܫ ܘܐܝܬ ܡܿܢ ܗܕܐ ܥܠܡܢܐܝܬ ܬܒܿܥ ܗܘܐܼ. ܐܘ ܥܒܿܕ ܝܪ̈ܘܬܐܼ. ܒܥܓܠ ܩܿܕܡܝܢ ܗܘܘ ܠܡܘܪ̈ܬܢܐ. ܐܝܟܐܢ ܕܐܦ ܐܢܫ ܡܣܟܢܐ ܐܘ ܥܬܝܪܐ. ܐܘ ܡܿܢ ܕܗܼܘ ܢܫܬܟܚ ܗܘܐ: ܐܘ ܓܿܙܐ ܕܦܬܝܚ ܐܘ ܚܢܘܬܐ ܪܒܬܐ܆ ܐܘ ܡܢܘܢ ܕܗܼܘ

Page 103

ܘܢܬܪܓܪܓ ܗܘܐܿ ܥܠ ܣܒܪܐ ܕܐܟܒܪ ܦܿܠܛ ܘܩܿܢܐ܆ ܘܢܪܡܐ ܐܝܕܗ ܘܢܿܣܼܒ܆ ܗܕܐ ܒܪ ܫܼܥܬܗ ܐܝܟ ܗܿܘ ܕܒܣܬܪܗ ܩܐܿܡ ܗܘܐ ܡܠܐܟ ܡܘܬܼܐܼ. ܥܐܦ ܘܡܣܬܚܦ ܠܗ. ܘܡܛܠ ܗܕܐܼ. ܘܐܦܠܐ ܗܿܘ ܕܨܿܒܐ ܗܘܐ ܕܢܫܼܕܐ ܡܘ̈ܗܒܬܗ ܥܠ ܣܢ̈ܝܩܐ: ܠܐ ܚܪܝܢ ܗܘܘ ܒܗܼ. ܘܠܐ ܡܩܿܒܠܝܢ ܗܘܘ ܡܢܗܼ. ܘܐܝܠܝܢ ܕܡܩܿܒܠܝܢ ܗܘܘ ܣܦܼܘ. ܐܝܬ ܗܘܐ ܓܝܪ ܐ̈ܢܫܐ ܣܢܝ̈ܩܐ ܘܦܝ̈ܝܫܝܢ ܗܘܘ ܥܕܟܝܠ. ܘܐܬܚܫܒܘ ܕܕܡܼ ܦܿܠܛܝܢܢ. ܐܢ ܝܗܿܒ ܠܢ ܐܢܫܼ ܢܿܒܥܐ ܘܢܿܣܼܒ ܛܝܒܘܬܐ. ܟܕ ܠܘ ܠܒܝܬܐ ܕܐܢܫ ܥܿܠܝܢܢ܇ ܘܫܿܩܠܝܢܢ ܡܕܡ ܡܢ ܗܠܝܢ ܕܡܝܼܬܘܼ. ܐܠܐ ܛܝܒܘܬܐ ܢܫܐܠ ܒܠܚܘܕ. ܘܐܙܠܘ ܗܘܘ ܠܐܪܓܘܪܦܪܛܝܘܢܼ ܚܕܐ ܪܒܬܐ. ܘܐܫܟܚܘ ܣܒܐ ܚܕ ܕܝܿܬܒ ܥܠ ܬܪܥܗܿ܆ ܟܕ ܟܠ ܕܩܿܢܐ ܗܘܐܼ ܣܼܦܘ. ܘܩܪܒܘܼ ܘܐܡܼܪ ܠܗ. ܕܦܩܘܕ ܠܢ ܒܘܪܟܬܐܼ. [ܟܒܪ] ܢܚܼܐ ܘܢܬܕܟܪܟ. ܗܼܘ ܕܝܢܼ ܐܡܼܪ ܠܗܘܢ. ܕܗܐ ܒ̈ܢܝܼ ܟܠܗܿ ܚܢܘܬܐ [ܩܕܡܝܟܘܢ܇] ܥܘܠܘܿ ܘܟܠ ܡܕܡ ܕܫܿܐܠܐ ܢܦܫܟܘܢܼ. ܛܥܢܘ ܘܦܘܩܘܼ ܘܠܐ ܬܕܚܠܘܢ. [ܟܡܐ] ܕܣܿܦܩܐ ܒܐܝܕ̈ܝܟܘܢ ܠܡܼܛܥܢ܆ ܛܥܢܼ ܘܙܠܘܼ ܒܫܠܡܐ. ܚܢܘܬܐ ܓܝܪ ܗܿܝ܆ [ܕܟܕ ܐܢܫ ܢܐܡܪ] ܕܐܠܦ ܠܝܛܪ̈ܝܢ ܒܠܚܘܕ: ܐܝܬ ܗܘܐ ܒܗܿ ܕܗܒܐ ܘܣܐܡܐܼ. [ܠܐ ܥܕ]ܟܝܠ ܡܕܡ ܐܡܼܪ. ܥܠܘ ܗܟܝܠ ܗܼܢܘܢ ܗܠܝܢ ܟܕ ܫܩܠܘ ܦܪܪܣܝܐܼ. [ܘܚܙܘܼ ܘܬܡܗܘ] ܘܐܪܝܡܘ ܥܝ̈ܢܝܗܘܢ ܥܠ ܣ̈ܓܝܐܬܐ: ܗܢܘ ܕܝܢ ܝܬܝܪܐ ܥܠ ܕܗܒܐ. ܘܛܥܼܢܘ ܘܚܪܘ ܠܡܦܩ. ܘܟܕ ܥܒܼܪ ܐܣܟܘܦܬܐ. ܘܐܚܪܢܐ ܐܬܼܐ ܕܢܦܘܩ܆ ܐܝܟ ܡܐ ܕܒܡܨܥܬܗܘܢ ܥܼܠ ܣܝܦܐܼ ܘܦܣܼܩ ܠܬܪ̈ܝܗܘܢܼ. ܚܕ ܠܟܐ ܘܚܕ ܠܟܐ. ܘܥܦܘ ܘܢܦܼܠܘ ܘܦܠܛܘ ܢܦܫ̈ܬܗܘܢܼ. ܘܐܬܒܕܪܬ ܢܬܗܘܢ]. ܘܗܟܢܐ ܙܘܥܐ

Page 104

ܪܒܐ ܥܠ ܗܠܝܢ ܕܫܪܟܐ ܢܦܼܠ ܗܘܐ. [ܘܡܟܝܠ ܐܬܬܫܝܛ ܗܘܐ] ܠܗ ܕܗܒܐ ܘܣܐܡܐ܆ ܘܐܦ ܟܠܗܿ ܗܘܠܐ [ܥܠܡܢܝܬܐ ܒܥܝ̈ܢܐ] ܕܟܠܢܫ. ܟܕ ܚܕ ܚܐܦܐ ܪܗܝܒܐ ܘܚܦܝܛܐܼ ܥܠ ܟܠ [ܣܒܿܟ] ܗܘܐ. ܘܡܛܠ ܗܕܐ ܠܐ ܐܢܫ ܡܟܝ ܡܬܟܠܐ ܗܘܐ܆ ܘܠܐ ܥܠ ܕܗܒܐܼ ܘܠܐ ܥܠ ܫܪܟܐ ܕܥܘܬܪܐ. ܐܠܐ ܐ̈ܦܐ ܕܟܠ ܣܝ̈ܡܼܢ ܗ̈ܘܝ ܘܡܛܝ̈ܒܼܢ ܠܩܒܪܐ܀ ܗܿܢܘܢ ܕܝܢ ܕܟܬܪܘ ܟܕ ܚܠܝܡܝܢ܆ [ܛܥܿܢܝܢ ܗܘܘ ܫ̈ܠܕܐ ܘܣܿܒܠܝܢ.] ܐܝܬ ܕܒܐܓܪܐ ܣܓܝܐܐ ܕܐܚܪ̈ܢܐܼ. ܘܐܝܬ ܕܒܩܠܝܠ [ܐܝܟ ܫܝܛ ܠܗܘܢܼ. ܘܐܝܬ] ܕܒܦܘܪܫܝܢܐ ܕܠܓܡܪ ܠܐ ܡܩܿܒܠܝܢ ܗܘܘ ܡܕܡ. ܗܠܝܢ ܕܝܢ ܕܚܠܝܡܝܢ [ܗܘܘ] ܘܡܬܝܿܥܢܝܢ ܥܠ ܕܗܒܐ: ܐܝܬ ܗܐܘ ܝܘܡܐ ܕܐܢ ܒܿܥܝܢ ܗܘܘܼ. ܥܕܡܐ ܠܠܝܛܪܐ ܕܕܗܒܐܼ ܘܥܕܡܐ ܠܡܐܐ ܕܝܢܪ̈ܝܢ ܡܟܿܢܫܝܢ ܗܘܘ ܠܗܘܢܼ. ܡܛܠ ܕܐܝܟ ܡܐ ܕܫܿܦܪ ܗܘܐ ܠܗܘܢܼ. ܗܟܢܐ ܫܩܿܠܝܢ ܗܘܘ: ܐܢ ܗܼܢܘܢ ܠܐ ܕܚܠܝܢ ܗܘܘ ܡܢ ܐܠܗܐ. ܐܫܬܟܚܘ ܕܝܢ ܬܪ̈ܝܢ ܡܢܗܘܢ ܥܠ̈ܝܡܐ ܚܠܝ̈ܡܐ. ܘܗܠܝܢ [ܚܠܝܡܐܝܬ ܛܥܿܢܝܢ ܗܘܘ.] ܘܬܒܿܥܝܢ ܗܘܘ ܝܥܢܐܝܬܼ. ܕܠܐ ܕܚܠܬܐ. ܘܒܚܪܬܐ ܡܢ ܪܦܢܕܪܐ ܗܿܘ ܕܡܿܠܟܐ ܬܒܿܥܝܢ ܗܘܘ ܝܘܡܐ ܘܬܪ̈ܝܢܼ ܘܬܠ̈ܬܐ.. ܟܕ ܕܝܢ ܣܡ ܠܗܘܢ [ܒܿܠܐ: ܕܡܢܗ] ܒܠܚܘܕ ܟܡܐ ܫܩܼܠܘܼ ܐܡܼܪ ܠܗܘܢ. ܕܙܠܘ ܒܢ̈ܝܼ ܣܿܦܩ [ܠܟܘܢ. ܟܡܐ ܗܟܢܐ] ܡܬܚܪܝܢ ܐܢܬܘܢ. ܙܠܘ ܩܕܘ ܡܕܡ ܕܫܩܠܬܘܢ. ܠܐ ܬܗܘܘܢ [ܚܘܼܪܐ ܒܝܼܫܐ ܠܐܚܪ̈ܢܐ..] ܗܼܢܘܢ ܕܝܢ ܐܡܼܪܘ ܠܗܼ ܕܠܐ ܒܿܛܠܝܢܢ. ܘܗܘܼ ܠܐ ܥܼܨܐ ܐܢܘܢܼ [ܐܠܐ ܐܡܼܪ ܠܗܘܢܼ ܕܐܢܬܘܢ ܝܿܕܥܝܬܘܢ. ܗܼܢܘܢ ܕܝܢ ܕܘ̈ܝ ܗܠܝܢ܆ ܪܗܼܛܘ [ܘܛܥܼܢܘܼ ܘܐܬܼܘ ܘܡܛܘ] ܠܚܦܪ̈ܐ ܗܠܝܢ܇ ܕܫ̈ܠܕܐ ܒܗܘܢ ܡܬܥ̈ܓܢܢ ܗ̈ܘܝ. ܘܟܕ ܡܛܘ ܠܬܡܢ܆ ܥܦܘ ܘܢܦܼܠܘ ܬܪ̈ܝܗܘܢ.

Page 105

ܘܡܝܬܘ ܡܢ ܫܠܝ. ܗܿܝܕܝܢ ܓܒܪܐ ܗܿܘ ܟܕ ܚܼܙܐܼ. ܒܟܼܐ ܥܠܝܗܘܢܼ ܟܕ ܐܡܿܪ܆ ܕܘܿܝ ܠܟܝ ܝܥܢܘܬܗ ܕܐܕܡܼ. ܕܫܥܬܐ ܗܕܐ ܣܿܟܪܐ ܠܦܘܡܟܝ. ܗܝܕܝܢ ܦܩܼܕ ܠܚܕ ܡܢ ܥ̈ܒܼܕܘܗܝ: ܕܩܪܘܒ ܠܡ ܚܼܙܝ ܐܢ ܥܠܝܗܘܢ ܐܝܬ ܗܿܘ ܡܕܡ ܕܟܿܢܫܼܘ܇ ܘܣܒܝܗܝܼ ܘܗܒܝܗܝ [ܠܐܚܪ̈ܢܐ] ܐܿܙܠܝܢ ܡܝܿܬܝܢ ܒܗ. ܘܗܢܘܢܼ ܣܚܘܦ ܢܚܿܬܝܢ ܠܬܚܬ ܥܡ ܫܪܟܐ܀ ܐܚܪ̈ܢܬ ܬܘܒ ܬܠ̈ܬܐܼ. ܟܢܿܫܘ ܕܝܢܪ̈ܐ ܐܪ̈ܒܥܡܐܐ ܘܚܡ̈ܫܝܢ. ܘܒܚܪܬܐܼ [ܐܡܼܪܘ] ܠܚܕ̈ܕܐ. ܕܟܕܘ ܠܢ. ܢܣܼܒ ܗܠܝܢ܆ ܘܢܦܘܩ ܠܢ ܡܢ ܡܕܝܢܬܐ ܗܕܐ. ܐܙܠܘ ܕܝܢ ܕܢܦܠܓܘܢ ܒܝܢܬܗܘܢܼ.. ܘܐܦܩܘ ܡܼܢܘ ܥܠ ܦܠܩܝܢ ܕܫܝܫܐܼ ܟܕ ܝܿܬܒܝܢ܆ ܡܐܐ ܘܚ̈ܡܫܝܢ ܕܝܢܪ̈ܐ ܠܟܠܚܕ ܡܢܗܘܢ. ܘܟܕ ܐܬܦܼܪ̈ܫܝ ܡܢܘ̈ܬܗܘܢ: ܘܗܐ ܕܢܦܫܘܛܼ ܟܠܚܕ ܡܢܗܘܢ ܐܝܕܗ ܘܢܿܣܒ ܣܘܒܠܗܼ. ܥܦܘ ܟܠܚܕ ܡܢܗܘܢ ܠܓܒܗ܆ ܘܢܦܼܠܘ ܘܡܝܼܬܘ. ܘܗܟܢܐ ܣܿܘܒܠܗ ܕܟܠܚܕ ܡܢܗܘܢܼ. ܩܕܡܘܗܝ ܐܫܬܟܚܬ ܟܕ ܡܦܠܓܐ ܘܣܝܼܡܐ: ܘܗܼܘ ܡܪܗܿ ܣܚܝܦ ܠܩܘܒܠܗܿ܀ ܗܢܐ ܗܟܝܠ ܫܘܘܕܥܐ ܐܝܬ ܗܘܐ ܠܗ ܠܗܿܘ ܡܠܐܟܐܿ. ܕܦܩܝܕ ܗܘܐ ܥܠ ܫܒܛܐ ܗܿܘ. ܕܢܬܟܬܫ ܥܡ ܒܢ̈ܝܢܫܐܼ. ܥܕܡܐ ܕܢܫܘܛܘܢ ܠܟܠܗܝܢ ܨܒܘ̈ܬܗ ܕܥܡܐ ܗܢܐ. ܘܐܦܢ ܒܨܒܝܢܗܘܢ ܠܐܼ. ܐܠܐ ܕܠܐ ܒܨܒܝܢܗܘܢ. ܐܝܟܐܢ ܕܟܠ ܕܡܡܪܕ ܗܘܐ ܬܪܥܝܬܗ܆ ܘܥܕܟܝܠ ܥܠ ܗܠܝܢ ܕܥܠܡܐ ܡܬܝܥܢ ܗܘܐ܆ ܒܥܓܠ ܐܦ ܡܢ ܚܝ̈ܘܗܝ ܓܿܠܙ ܗܘܐ ܠܗ܀ ܘܗܟܢܐ ܡܟܝܠ ܡܢ ܟܕܘ ܡܕܝܢܬܐ ܗܕܐ ܬܩܝܦܬ ܒܥܡܘܪ̈ܝܗܿ: ܝܘܡ ܡܢ ܝܘܡ ܚܿܪܒܐ ܘܨܼܕܝܐ ܣܿܓܐ ܗܘܐ ܒܗܿ. ܡܢܐ ܬܘܒ ܐܝܬ ܠܡܐܡܪ: ܐܦ ܥܠ ܦܚ̈ܬܐ ܗܠܝܢ ܕܒܗܘܢܿ ܒܢ̈ܝܢܫܐ ܡܬܥܓܢܝܢ ܗܘܘ ܘܡܬܟܿܒܫܝܢ܇ ܟܕ ܩܝܿܡܝܢ ܓܒܪ̈ܐ ܡܢ ܠܬܚܬܼ. ܐܝܟ ܕܒܗܘܬܐ ܥܡܝܩܬܐܼ. ܘܐܚܪ̈ܢܐ ܡܢ ܠܥܠ: ܘܗܠܝܢ ܓܿܪܝܢ ܘܫܿܕܝܢ ܠܬܚܬ ܒܕܡܬܘ ܟܐ̈ܦܐܼ ܕܡܫ̈ܬܕܝܢܿ ܒܒܠܥܬܐ ܡܕܡܼ. ܘܗܠܝܢ ܠܒܿܟܝܢ ܘܫܿܕܝܢ ܠܗܘܢ ܠܥܠ ܡܢ

Page 106

ܚܕ̈ܕܐ: ܟܕ ܡܫܚܠܦܝܢ ܚܕ ܣܕܪܐ ܠܟܐ ܘܚܕ ܠܬܡܢ܇ ܟܕ ܓܒܪ̈ܐ ܘܢ̈ܫܐ ܡܬܟܒܫܝܢ ܗܘܘ: ܘܥܠܝ̈ܡܐ ܘܝ̈ܠܘܕܐ ܒܚܣܝܪ̈ܘܬܐ ܕܒܝܢܬܗܘܢ ܡܬܪܩܥܝܢ ܗܘܘ ܘܡܬܕܝܼܫܝܢ ܒܪ̈ܓܠܐ: ܘܡܬܡܥܣܝܢ ܒܕܡܘܬ ܥܢ̈ܒܐ ܡܚ̈ܒܠܬܐ.. ܘܗܟܢܐ ܬܘܒ ܡܢ ܠܥܠ ܒܬܪ ܪ̈ܝܫܝܗܘܢ ܡܬܕܝܢ ܗܘܘܼ. ܘܢܿܚܬܝܢ ܘܡܬܦܪܬܝܢ ܠܬܚܬ. ܚܐܪ̈ܐ ܘܚܐܪ̈ܬܐ܆ ܣ̈ܒܐ ܘܣ̈ܒܬܐ܆ ܓܕ̈ܘܕܐ ܘܒ̈ܬܘܠܬܐ܆ ܥܠܝ̈ܡܬܐ ܘܝ̈ܠܘܕܐ܀ ܘܐܝܟܢ ܐܢܫ ܥܠ ܚܘܬܐ ܡܫܟܪܬܐ ܢܡܿܠܠܼ ܐܘ ܢܬܿܢܐܼ ܘܡܼܢܘ ܕܒܗܿܝ ܩܒܘܪܬܐ ܡܬܿܒܩܐ ܗܘܐܿ. [ܕܐܦܢ ܢܦܫܗ ܬܟܬܪ] ܗܘܬ ܒܦܓܪܗܼܿ. ܘܠܐ ܬܬܛܿܠܩ ܗܘܬ ܡܢ ܚܢ̈ܓܬܐ ܡܪ̈ܝܪܬܐ: [ܕܟܡܐ ܣܿܦܩ ܥܘܼܠܐ] ܠܡܚܿܒܠܘ ܠܝ̈ܠܕܘܗܝ ܕܐܕܡ܀ ܐܝܟܢܐܼ ܘܒܐܝܠܝܢ [ܩ̈ܠܐ] ܘܒܐܝܠܝܢ ܩܝ̈ܢܬܐܼ. ܘܒܐܝܠܝܢ ܡܪ̈ܩܕܬܐ ܘܐܘ̈ܠܝܬܐ ܢܪܩܕ ܗܘܐ: ܗܿܘ ܕܚܝ ܘܡܬܒܿܩܐ ܗܘܐ ܒܗܿܝ ܡܥܨܪܬܐ ܕܐܒܕܢ ܘܕܚܿܒܠܐ ܘܕܪܘܓܙܐ܇ ܟܕ ܩܿܝܡܝܢ ܗܘܘ ܗܠܝܢ ܕܟܿܒܫܝܢ܇ ܘܡܐ ܕܣܡ ܓܒܪܐ ܐܘ ܐܢܬܬܐܿ. ܐܘ ܥܠܝܡܐ ܐܘ ܝܠܘܕܐܿ. ܕܫܘ ܒܪ̈ܓܠܝܗܘܢ ܕܢܬܪܩܥܘܢ ܘܢܗܘܐ ܕܘܟܬܐ ܠܫܪܟܐ܇ ܢܚܼܬ ܛܒܼܥ ܒܪܗܠܐ ܕܬܚ̈ܬܝܐ ܗܿܘ ܕܡܬܕܝܫ. ܟܕ ܐܝܬ ܕܠܚ̈ܡܫܐ ܘܥܕܡܐ ܠܥܣܪ̈ܐ ܝܘ̈ܡܝܢ: ܘܗܝܕܝܢ ܡܬܡܿܛܐ ܗܘܐ ܠܥܓܢܐ ܗܿܘ ܕܐܒܕܢܐ܀ ܐܝܢܐ ܪܥܝܢܐ ܢܛܥܼܢ ܗܘܐ ܘܢܣܝܒܪ ܠܚܫܐ ܗܿܘ ܕܚܘܪ̈ܬܐ ܕܣܝܒܘܬܐܿ. ܕܐܦܠܐ ܐܝܟ ܕܟܬܝܒ ܩܒܘܪܬܐ ܚܡܪ ܡܬܩܒܪܝܢ ܗܘܘ܀ ܡܢܼܘ ܕܠܐ ܢܚܕܝܘܗܝ ܓܢܚ ܠܒܐ ܘܙܘܥܐ ܘܬܒܪܐ: ܟܕ ܩܐܿܡ ܗܘܐ ܘܡܬܒܿܩܐ ܒܥܠܝ̈ܡܐ ܪ̈ܚܝܡܐ ܕܐܝܟ ܗܒ̈ܒܐ܇ ܕܡܬܠܒܟܝܢ ܗܘܘ ܒܣܥܪ̈ܝܗܘܢ ܘܡܬܓܪܓܪܝܢ܆ ܘܡܫܬܕܝܢ ܡܢ ܪܘܡܐ ܗܿܘ ܠܥܘܡܩܗܿ ܕܫܝܘܠ ܬܚܬܝܬܐ܇ ܘܢܚܿܬܝܢ ܘܡܬܦܪ̈ܬܢ ܟܪ̈ܣܬܗܘܢ܇ ܘܡܬܦܪܣܝܐ ܚܙܬܐܕ ܥܠܝܡܘܬܗܘܢ ܠܬܚܬ ܒܙܘܥܐ ܪܒܐ ܘܒܬܒܪܐ

Page 107

ܡܪܝܪܐ ܕܠܐ ܒܘܝܐܐ܀ ܐܝܟܢ ܕܬܚܡܣܢ ܥܝܢܐܼ ܟܕ ܬܚܙܐ ܗܠܝܢ ܟܫܝ̈ܬܐ ܕܫܒܪ̈ܐ ܘܕܝ̈ܠܘܕܐ. ܕܟ̈ܫܝܢ ܬܠܝ̈ܢ ܬܠܝ̈ܢ ܐܝܟ ܙܒܠܐ ܥܠ ܐ̈ܦܝ ܐܪܥܐ܀ ܡܢܼܘ ܕܠܢ ܠܚ̈ܙܝܐ ܠܐ ܢܒܼܟܐ ܝܬܝܪ ܡܢ ܡܝ̈ܬܐ: ܕܠܐܝܿܕܐ ܚܿܙܬܐ ܐܝܬܝܘ ܠܢ ܚ̈ܛܗܝܢ܀ ܟܕ ܐܦܢ ܒܒܨܝܪܘܬ ܗܘܢܐ ܡܢ ܚܟܝ̈ܡܐ ܒܬܪܟܝܢ ܡܬܥܕܠܝܢܢ. ܦܿܐܐ ܠܢ ܒܚܙܬܐ ܕܗܠܝܢܼ ܐ̈ܚܝܼ. ܕܥܠ ܢܦܫܢܼ ܘܠܘ ܥܠ ܗܠܝܢܼ ܩܝ̈ܢܬܐ ܘܐܘ̈ܠܝܬܐ ܢܿܣܼܩ ܘܢܐܿܡܪ܆ ܕܘܿܝ ܠܟ̈ܝܢ ܥܝ̈ܢܝܢܼ ܕܡܢܐ ܚ̈ܙܝܢ ܐܢܬܝܢ. ܘܝ ܠܟܘܢ ܚܝ̈ܝܢ ܡܪ̈ܝܪܐܼ. ܕܒܐܝܢܐ ܚܿܒܠܐ ܐܪܓܫܬܘܢ: ܕܣܠܩܼ ܠܒܢ̈ܝ ܒܣܪܟܘܢ ܟܕ ܥܝܢ̈ܝܟܘܢ ܚ̈ܙܝܢ.. ܟܕ ܣܿܓܝ ܦܩܧܚܐ ܗܘܬ ܠܢ ܠܚ̈ܙܝܐ: ܕܚ̈ܠܝܛ ܒܗܠܝܢ ܕܐܫܬܝܘ ܟܣܐ ܕܪܘܓܙܐ ܢܗܘܐ: ܕܫܼܪܘ ܐܘܪܚܗܘܢ ܘܠܐ ܐܪܓܫܘ ܒܚܿܒܠܐ ܗܢܐܼ. ܐܘ ܕܒܗܠܝܢ ܕܡܚ̈ܫܟܢ ܠܒܐ ܥܡ ܥܝ̈ܢܐܿ. ܘܗܘܢܐ ܘܪܥܝܢܐ ܢܗܘܐ ܗܘܝܢ ܚ̈ܙܝܐ. ܒܐܝܠܝܢ ܡ̈ܠܐܼ ܐܘ ܒܐܝܠܝܢ ܦܘ̈ܡܐ ܘܠܫ̈ܢܐ ܘܩܠܐ ܘܡܠܬܐ. ܐܢܫ ܥܠ ܗܠܝܢ ܢܣܦܼܩ ܠܡܿܬܢܝܘ.. ܘܐܝܟܢܐ ܠܐ ܐܬܿܕܡܐ ܐܢܐ ܕܘܝܐ ܕܨܿܒܝܬ ܕܗܠܝܢ ܐܫܿܬܥܐ܇ ܠܗܿܘ ܕܢܦܼܠ ܒܥܘ̈ܡܩܘܗܝ ܕܝܡܐ܇ ܟܕ ܡܢܓ̈ܠܠܐ ܠܟܐ ܘܠܟܐ ܡܫܿܬܩܦ܇ ܘܠܐ ܠܥܘܡܩܐ ܡܫܟܚ ܕܢܓܿܘܫ܇ ܘܠܐ ܠܬܝܪ̈ܐ ܩܪܝܒ ܕܢܦܘܩ܇ ܐܠܐ ܕܡܿܬܛܪܐ ܘܡܬܛܿܪܦ ܒܝܢܬ ܓ̈ܠܠܐ ܩ̈ܫܝܐ ܘܬܩ̈ܝܦܐܼ. ܘܡܟܝܠ ܠܘܬ ܛܘܒܥܐ ܕܐܒܕܢܐ ܩܪܝܒ.

ܘܡܢܐ ܬܘܒ ܐܝܬ ܠܡܐܡܪ ܐܘ ܠܡܫܬܥܝܘܿ. ܥܠ ܫܪ̈ܒܐ ܕܐܝܠܝܢ ܕܠܐ ܡ̈ܬܡܠܠܢܿ. ܕܒܡܕܝܢܬܐ ܗܕܐ ܝܬܝܪ ܡܢ ܟܠ ܐܣܬܥܪܘܿ. ܥܕܡܐ ܠܐܝܟܐ ܕܐܦ ܗܘܢܐ ܐܒܼܕ ܗܘܐ ܡܢ ܚ̈ܟܝܡܐ: ܘܨܢ̈ܥܬܐ ܕܨܢܘ̈ܥܬܢܐ ܐܝܟ ܡܐ ܕܟܬܝܒܼ ܐܫܬܪܝ ܘܐܬܿܒܛܠ. ܘܠܐ ܡܟܝܠ ܐܢܫ ܕܬܩܼܝܢ ܒܗܘܢܐ ܕܠܝܠܐܝܬ ܫܟܼܝܚ ܗܘܼܐ.. ܐܠܐܼ ܐܝܟ ܗܿܝ

Page 108

ܕܟܬܝܒܐܼ. ܕܙܥܼܘ ܘܢܼܕܘܼ ܐܝܟ ܐܪ̈ܘܝܐ܇ ܘܟܠܗܿ ܚܟܬܗܘܢ ܐܒܼܕܬ: ܗܕܐ ܗܟܝܠ ܓܕܫܬܼ. ܟܕ ܐܝܟ ܐܪ̈ܘܝܐ ܕܡܢ ܫܟܐܼ ܗܟܐܢ ܠܟܢܫ ܟܕ ܬܡܝܗ ܗܘܐ ܘܡܿܒܕܒܕܼ ܥܡ ܚܒܪܗ ܡܡܠܠ ܗܘܐ܆ ܟܕ ܐܦ ܕܠܝܠܐܝܬܼ ܠܬܪܥܝܬܐ ܕܫܛܝܘܬܐ ܡܬܕܒܪܝܢ ܗܘܘ ܒܢܝ̈ܢܫܐܿ. ܒܝܕ ܪܝܘܬܗܿ ܕܡܪܕܘܬܐ.. ܐܝܟ ܟܝܬ ܕܐܦ ܒܡܕܝܢܬܐ ܗܕܐ ܓܕܫܼܬ. ܘܟܕ ܕܝܢ ܫܐܕ̈ܐ ܒܥܼܘ ܕܢܿܛܥܘܢ ܗܘܘ ܘܢܓܚܟܘܢ ܒܫܢܝܘܬܗܘܢ ܕܒܢ̈ܝܢܫܐܼ. ܡܠܬܐ ܡܢ ܡܿܢ ܕܗܼܘ ܢܦܠܼܬ ܒܝܢܬ ܗܠܝܢ ܕܚܝ̈ܝܢ. ܕܐܢ ܡܫܬܕܝܢ ܩܘ̈ܩܐ ܠܡ ܡܢ ܟܘ̈ܐ ܠܫܘܩܐ ܡܢ ܡܕܝܪ̈ܐ ܥ̈ܠܝܐ ܘܡܬܛܦܚܝܢ ܠܬܚܬܼ. ܥܿܪܩ ܠܗ ܡܘܬܐ ܡܢ ܡܕܝܢܬܐ. ܘܟܕ ܠܫܛܝܘܬܐ ܗܕܐ ܢ̈ܫܐ ܫܛܝ̈ܬܐ ܐ . . .   . . . . . . . ܗܘܢܢ ܐܬܪ̈ܡܝܝܢ ܒܫܒܒܘܬܐ ܚܕܐ: ܘܫܼܕܝ ܩܘ̈ܩܐ . . . . . . . ܢܦܠܼܬ ܕܝܢ ܡܠܬܐ ܡܢ ܫܒܒܘܬܐ ܠܚܒܪܬܗܿ܆ ܒܡܕܝܢܬܐ ܟܠܗܿ. ܘܟـ[ـܠܢܫ] ܠܛܥܝܘܬܐ ܗܕܐ ܐܬܪܡܝ.. ܐܝܟܐܢ ܕܝܘ̈ܡܬܐ ܬܠ̈ܬܐܼ ܠܐ ܢܫܟܚܘܢ ܒܢܝ̈ܢܫܐ ܗܿܢܘܢ ܕܐܝܬ ܗܘܐ ܕܒܫ̈ܘܩܐ ܢܬܚܙܘܢ. ܟܕ ܐܢ ܚܕ ܐܘ ܟܡܐ ܕܗܼܘ ܕܦܠܼܛ ܗܘܼܐ ܡܢ ܡܘܬܐܼ ܒܓܘ ܒܝܬܐ ܥܠ ܛܪܘܝܕܗ ܕܡܘܬܐ ܕܒܝܕ ܬܘܒܪ ܩܘ̈ܩܐ ܚܦܼܝܛ ܗܘܐ܀ ܬܘܒ ܥܒܼܕ ܡܢ ܫܐܕ̈ܐ [ܗܠܝܢ ܕܡܥܕܝܢ] ܡ̰ܿܥܝܢ ܒܒܢ̈ܝܢܫܐ. ܘܟܕ ܐܠܼܝܘ [ܗ]ܠܝܢ ܕܫܼܛܘ ܒܬܘܒܪܐ ܕܩܘ̈ܩܐ܆ [ܕܡܢ] ܡܿܣܒܪܢܘܬܐ ܕܛܥܝܘܬܗܘܢ ܢܦܼܠܘ: ܟܕ ܝܘܡܢ ܡܢ ܝܘܡ ܠܘܬ ܐܒܕܢ ܕܠܓܡܪ ܫܿܪܟܝܢ ܗܘܘܼ. ܐܬܚܙܝܘ ܠܗܘܢ. ܟܕ ܒܿܥܝܢ ܕܢܒܙܚܘܢ ܒܐܣܟܡܐ ܕ[ܕܚܠܬ ܐܠܗܐ: ܗܢܘ ܕܝܢ] ܒܐܝܟܡܐ ܕܓܪ̈ܝܥܐ܇ ܕܕܝܪ̈ܝܐ ܘܩܠܝܪ̈ܝܩܘ. ܘܡܟܝܠ

Page 109

ܐܝܟܐ ܕܡܬܚܙܐ ܗܘܐܼ ܐܘ ܕܝܪܝܐ ܐܘ ܩܠܝܪܝܩܝܐ: ܡܿܝܠܠܝܢ ܗܘܘ ܘܥܿܪܩܝܢ ܡܢܗܼ. ܟܕ ܣܿܒܪܝܢ ܗܘܘ ܕܗܘܝܘܼ ܗܿܘ ܡܘܬܐ ܕܚܪܒ ܐܢܘܢ. ܗܟܢܐ ܛܥܝܘܬܐ ܗܕܐ ܢܦܩܼܬ: ܕܒܘܦܣܐ ܕܓܪ̈ܝܥܐ ܐܬܿܐ ܡܘܬܐ: ܘܠܥܡܐ ܦܫܝܛܐ ܘܩܘܛܢܐ ܕܡܕܝܢܬܐ ܬܝܪܐܝܬ ܓܕܫܬܼ. ܐܝܟܢܐܕܥܿܣܩܐܝܬ ܢܬܚܙܐ ܗܘܐ ܒܪ ܐܣܟܝܡܐ ܗܢܐ ܒܫܘܩܐ: ܟܕ ܚܿܙܝܢ ܗܘܘ ܠܗܼ ܘܢܿܦܠܝܢ ܥܠ ܚܕ̈ܕܐܼ. ܟܕ ܥܿܪܩܝܢ ܘܙܪܒܝܢܼ ܘܩܿܥܝܢ: ܠܐܝܟܐ ܐܬܿܐ ܐܢܬ. ܕܝܼܠܕܬ ܐܠܗܐ ܚܢܢ. ܕܦܠܢ ܣܗܕܐ ܚܢܢ. ܕܦܠܢ ܫܠܝܚܐ ܚܢܢ. ܘܗܟܢܐܐܦ ܡܢ ܒܬܪܟܝܢ܆ ܥܕܡܐ ܠܫܘܠܡܐ ܕܫܢ̈ܝܐ ܬܪ̈ܬܝܢ܆ ܟܬܪܬ ܠܘܬ ܕܠܝ̈ܠܐ ܛܥܝܘܬܐ ܗܕܐ. ܟܕ ܚܿܙܝܢ ܗܘܘ ܠܕܝܪܝܐ ܐܘ ܠܩܠܪܩܐܼ. ܩܿܥܝܢ ܗܘܘ: ܕܝܠܕܬ ܐܠܗܐ ܚܢܢ. ܟܕ ܡܟܝܠ ܙܥܘܪ̈ܕܐ ܘܕܠ̈ܝܠܐ ܒܡܢܝܢܐ ܒܡܕܝܢܬܐ ܗܕܐ ܪܒܬܐ ܘܐܚܝܕܬ ܥܠܡܐ܇ ܡܢ ܪ̈ܒܘܬܐ ܘܐܠܦ̈ܐ ܕܠܐ ܡܢܝܢ ܡܬܚܙܝܢ ܗܘܘ.

ܗܠܝܢ ܗܟܝܠ ܕܠܥܘܗܕܢܐ ܕܐܒܠܐ ܘܥܩ̈ܬܐܿ. ܕܩܕܡ ܥܝܢ̈ܝܢ ܐܣܬܥܪܘ: ܟܕ ܡܢ ܫܘܪܝܐ ܥܠ ܪܫܘܡܐ ܗܿܘ ܕܥܘܗܕܢܗܝܢ ܫܿܪܝܢܢ܆ ܘܒܬܘܢܝܐ ܕܣܕܝܪܘܬܗܝܢ ܕܬܢ̇ܬܐ ܒܬܪ ܒܬܪ ܪܫܡܼܢܢ܆ ܒܫܘܠܡܐ ܕܫ̈ܢܝܐ ܬܠ̈ܬ ܡܢ ܒܬܪܟܝܢ. ܟܕ ܐܦ ܒܐܬܪ̈ܘܬܐ ܡܕܢ̈ܚܝܐ ܕܗ̈ܢܼܝܢ ܟܕ ܗ̈ܢܼܝܢ ܐܚ̈ܝܕܢ ܗܘ̈ܝ ܥܕܟܝܠ ܠܐ ܣܝܿܟܢ. ܟܕ ܗ̈ܢܝܢ ܗܠܝܢ ܫܒܼܩܢ܆ ܠܥܘܗܕܢܐ ܕܫܪܟܐ ܕܡܢ ܒܬܪܟܝܢ. ܕܟܕ ܡܪܕܘܬܢ ܕܝܠܢ ܣܟ̈ܠܐ ܘܡܪ̈ܓܙܢܐܼ. ܘܓܙ ܕܝܼܢܐ ܕܚ̈ܛܗܝܢ ܢܫܡܥܘܢ: ܢܬܚܡܘܢ ܗܿܢܘܢܼ ܐܝܟ ܡܐ ܕܟܬܝܒ. ܘܢܫܼܠܘܢ ܡܢ ܡܪܓܙܢܘܬܗ ܕܗܿܘ ܕܟܠ ܦܫܝܩ ܠܗ ܠܡܣܥܪ. ܘܢܬܬܘܢ ܘܢܒܥܘܢ ܪ̈ܚܼܡܐ ܒܟܠ ܥܕܢܼ. ܕܕܡ ܐܦ ܥܠܝܗܘܢ ܡܪܕܘܬܐ ܗܕܐ ܬܫܬܕܪ܀ ܫܠܡܬ ܬܫܥܝܬܐ ܕܥܠ ܡܘܬܢܐ ܚܛܝܦܐܼ. ܐܝܟ ܕܐܟܬܒ ܩܕܝܫܐ ܝܘܚܢܢ ܕܐܣܝܐ.܀

Page 110

ܬܘܒ ܕܐܝܠܝܢ ܦܛܪ̈ܝܪܟܐ ܡܬܝܕܥܝܢ ܗܘܘ ܒܗܢܐ ܙܒܢܐ. ܒܐܢܝܛܝܟܐ ܡܬܝܕܥܼ ܐܦܪܝܡ ܒܪ ܐܦـ[ـܝܢܐ] ܡܢ ܐܡܕ.. ܕܐܠܟܣܢܕܪܝܐܼ ܙܐܘܠܝܘܣ ܦܛܪܝܪܟܐ.. ܕܪܗܘܡܐܼ ܐܓܦܛܘܣ.. ܕܩܘܣܛܢܛܝܢܐܦܘܠܝܣܼ ܡܐܢܐ.. ܕܐܘܪܫܠܡܼ ܩܡܪܝܘܣ.܀ ܬܪ̈ܝܨܝ ܫܒܘܚܐ ܘܪ̈ܕܝܦܐ ܗܠܝܢ: ܬܐܕܘܣܝܣܘܼ ܦܛܪܝܪܟܐ ܕܐܠܟܣܢܕܪܝܐ.. ܣܪܓܝܣܼ ܦܛܪܝܪܟܐ ܕܐܢܛܝܟܝܐ.. ܕܩܘܣܛܢܛܢܦܘܠܝܣ ܐܢܬܡܘܣ ܦܛܪܝܪܟܐ.. ܬܐܘܣܒܝܣ ܕܐܦܣܘܣ.. ܬܘܡܐ ܕܕܡܣܩܘܣ.. ܝܥܩܘܒ ܕܐܘܪܗܝܼ ܡܢܕܝܪܐ [ܕܦܣܝܠܬܐ.. ܘܬܕܘܪܐ] ܕܚܪܬܐ ܕܢܥܡܢ܀ ܡ̈ܠܟܐ ܕܝܢ ܡܬܝܕܥܝܢ ܗܠܝܢ. [ܟܣܪܘܢ] ܡܿܠܟܐ ܕܦܪ̈ܣܝܐ..ܝܘܣܛܢܝܢܐܼ ܡܠܟܐ ܕܪ̈ܗܘܡܝܐ.. [ܚܪ]ܬ ܒܪ [ܓܒܠܐܼ] ܡܠܟܐ ܕܛܝ̈ܝܐܼ. ܘܟܪܣܛܝܢܐ.. ܐܒܪܗܡܼ ܡܠܟܐ ܕܚܡܝܪ̈ܝܐܼ. ܘܡܗܝܡܢܐ.. [ܐ]ܢܕܘܓܼ ܡܠܟܐ ܕܟܘ̈ܫܝܐܼ. ܘ[]ܪܣܝܛܢܐ.܀ ܡܬܝܕܥ ܐܚܘܗܿܕܐܡܗ ܩܬܠܝܩܐ ܒܝܬ ܦܘܪ̈ܣܝܐܼ ܘܣܗܕܐ.. ܘܝܗܘܢܝܣ ܩܬܠܝܩܐ ܕܐܪܡܢܝ.. ܐܢܘܡܝܘܣ ܐܦܝܣܩܦܐ ܕܐܡܕ.. ܝܘܚܢܢ ܕܦܓܪܡܐ.. ܦܘܛܝܣ ܕܙܘܡܪܢܐ.. ܣܪܓܝܣ ܐܦܝܣܩܦܐ ܕܚܪܢ.. ܝܘܚܢܢ ܐܦܝܣ ܕܩܢܫܪܝܢ.. ܝܘܚܢܢ ܐܦܝܣ ܕܩܠܝܢܝܩܘܣ.. ܝܘܚܢܢ ܐܦܝܣ ܕܐܣܝܐ܇ ܗܿܘ ܕܗܠܝܢ ܗܼܘ ܐܟܬܒ.. ܩܫܝܫ ܕܟܝܣ ܓܙܪܬܐ܀ ܡܬܝܕܥـ[ـܝܢ] ܝܘܚܢܢ ܘܒܪܣ̈ܗܕܐ ܐܦܝܣ ܒܝܬ ܦܘܪ̈ܣܝܐ܀ ܡܬܝܕܥ ܐܦ ܩܕܝܫܐ ܩܘܣܛܢܛܝܢܐ ܐܦܝܣܩܦܐ ܕܠܘܕܩܝܐ. ܗܢܐ ܚܠܝܬܢܐܝܬ ܡܩܪܒ ܗܘܐ ܠܘܩܒܠ ܦܛܪ̈ܝܪܟܐ ܘܡܠܟ̈ܐ ܘܐܦܝܣ̈ܩܦܐܼ. ܘܣܘܢܗܕܘܣ ܪܫܝܥܬܐ ܕܒܟܠܩܕܘܢܐ.. ܘܟܕ ܒܣ̈ܓܝܐܬܐ ܡܦܝܣ ܗܘܐ ܠܗ ܡܿܠܟܐܼ. ܘܟܠܗܿ ܣܘܢܩܠܛܘܣ ܕܝܠܗ: ܕܢܥܒܕ ܚܕܝܘܬܐ. ܘܠܐ ܐܬܬܦܝܣܼ. ܦܣܼܩ ܡܠܟܐ ܥܠܘܗܝ ܒܝܘܡ

Page 111

ܫܒܬܐܼ ܘܐܡܼܪ ܥܡ ܡܘ̈ܡܬܐ ܣ̈ܓܝܐܬܐ: ܕܠܬܪ̈ܝܢ ܒܫܒܐܼ. ܠܐ ܢܿܦܩܼܬ ܡܢ ܗܪܟܐ ܥܕܡܐ ܕܬܥܒܕ ܗܕܐ.. ܗܼܘ ܕܝܢ ܩܕܝܫܐ ܘܪܒܐ ܕܐܠܗܐܼ. ܘܡܚܼܙܩ ܒܚܝܠܐ ܕܪܘܚܐ ܩܕܝܫܐܼ. ܟܕ ܚܼܙܐ ܠܦܣܩܐ ܕܡܿܠܟܐܼ. ܐܬܚܝܠ ܒܡܪܗ ܘܐܡܼܪ: ܕܐܢ ܝܿܕܥ ܠܝܼ ܡܫܝܚܐܼ. ܠܐ ܡܕܪܟ ܠܝ ܬܪ̈ܝܢ ܒܫܒܐ. ܕܐܚܙܐ ܠܐܦ̈ܝܟ.. ܘܗܟܐܢ ܫܿܠܡ ܪܗܛܗܼ ܒܝܘܡ ܚܕܒܫܒܐܼ. ܐܝܟ ܡܠܬܗ ܕܝܠܗܼ ܕܛܘܒܢܐ. ܘܫܒܼܚ ܡܪܝܐ ܠܐܝܠܝܢ ܕܡܫܒܚܝܢ ܠܗ. ܡܠܟܐ ܕܝܢ ܟܕ ܐܝܠܼܦ ܥܠ ܡܘܬܗ ܕܩܕܝܫܐ: ܘܕܚܼܙܐ ܕܐܝܟ ܦܣܩܗ ܕܡܠܬܗ ܗܟܐ ܓܼܕܫ܆ ܙܥܘ ܘܐܬܪܗܒܼ ܘܬܟܘ ܡܢ ܪܕܘܦܝܗ ܩܠܝܠ.

ܒܗ ܕܝܢ ܒܙܒܢܐ ܗܢܐ ܗܘܼܐ ܐܘܠܨܢܐ ܪܒܐ ܠܡܠܟ̈ܘܬܐ ܗܿܠܝܢ܆ ܡܢ ܥܠܬ ܚܣܝܪܘܬܐ [ܕܟـ]ـܗ̈ܢܐ: [ܠܟ̈ܘܫܝܐ] ܘܠܚܡܝܪܗܝܐ ܘܗܢܕ̈ܘܝܐ. ܟܕ [ܒܟܠ ܫܢܐ ܡܫܿܕܪܝܢ] ܗܘܼܘ ܐܝܙ̈ܓܕܐܼ. [ܥܡ ܐܝܩܪ̈ܐ ܪ̈ܘܪܒܐ] ܠܘܬ ܡܠܟܐ ܝܘ[ܣܛܢܝܢܐܼ. ܟܕ ܡܦܝܼܣܝܢ] ܗܘܘ ܠܗܼ. ܕܢܬܠ ܠܗܘܢ ܐܦܝـ]ـܣܩܦܐ ܕܠܐ ܡܩܒܠ ܠܣܘܢܗܕܘܣ [ܕܟܠܩܕܘܢܐ. ܘܟܕ ܒܣ̈ܓܝـ]ـܐܬܐ ܡܦܝܼܣܝܢ ܗܘܘ ܠܗ: ܗܼܘ ܕܝܢ ܡܠܟܐܼ [ܡܛܠ ܕܚܠܦ] ܣܘܢܗܕܘܣ [ܡܬܟܬܫ ܗܘܐܼ. ܡܿـ]ـܠܟ ܗܘܐ ܘܡܿܬܪܐ [ܠܗܘܢ ܕܢܩܒܠܘܢ ܐܦܝܣـ]ـܩܦܐܿ. ܡܢ ܗܿܘ [ܕܒܣܘ]ܢܗܕܘܣ ܐܚܝܕ ܘܝܿـ[ـܬܒ ܒܐܠܟܣܢܕܪܝܐ. ܘܗܼܢܘܢ ܡܬܚܪܝܢ [ܗܘܼܘ ܕܡܢ] ܣܘܢܗܕܘܣܼ ܠܐ ܡܩܿܒܠـ[ـܝܢ܆ ܐܠܐ ܡܼܢ ܗܿܢܘܢ ܕܠܐ ܡܩܿܒܠܝܢ] ܠܣܘܢܗ. ܘܗܼܘ ܦܩܼܕ ܕܗܕܐ ܐܝܟ ܨܒܝܢܗܘܢܼ. [ܠܐ ܬܬܝܗܒܝ ܠܗܘܢ. ܘܗܟܢܐ] ܗܿܦܟܝܢ [ܗܘܘ ܣܪܝـ]ـܩܐܝܬ. ܟܕ ܒܟܠ ܫܢܐܼ [ܐܝܙܓܕ̈ܐ ܐܙܿܠܝܢ ܗܘܘ] ܘܐܬܿܝܢ ܡܢ [ܬܠܬ̈ܝܗܝܢ ܡܠܟܘ̈ܬܐ ܗܠܝܢ܆] ܥܕܡܐ ܠܡܘܠܝܐ ܕ[ܥܣܪ̈ܝܢ ܘܚܡ̈ܫ ܫܢ̈ܝܢܼ ܝܬܝܪ] ܚܣܝܪܼ. [ܥܕܡܐ] ܕܓܡܼܪܘ ܘܐܦܝܼܘ ܟܗ̈ܢܐ ܡܢ [ܥܡ̈ܡܐ

Page 112

ܗܠܝܢ. ܟܕ] ܒܣ̈ܓܝܐܬܐ ܠܐܝܼܘ: [ܘܠܐ ܐܫܟܚܘ ܕܢܿܣـ]ـܒܘܢ ܐܦܝܣܩܦܐ [ܕܠܐ ܫܿܠܡ ܠܣܘܢܗܕܘ]ܣܼ ܠܗܕܐ ܐܬܼܘ [ܐܦ ܗܢܼܘܢܼ] ܥܕܡܐ ܕܠܒܪ ܡܢ [ܛܟܣܐ ܕܩ̈ܢܘܢܐ ܢܦܼܩـ]ـܘܢ ܘܢܪ[ܢܘܢ] ܐܝܟܢܐ ܕܢܬܟܢܫܘܢ ܩ̈ܫܝܫܢܐ ܘܢܣـ[ـܝܡܘܢ ܐܘܢܓܠܝܘܢ ܥܠ ܪܝܫܐ] ܕܚܕ ܡܢܗܘܢ: [ܘܗܐ ܠܡ ܥܒܝܕ] ܐܦܝܣܩܦܐ. ܘܗܟܢܐܼ [ܐܝܟ ܕܣܒܼܪܘ ܫܠܼܡܘ ܛܟܣܐ] ܕܐܦܝܣܩܘ. [ܟܕ ܐܦܠܐ ܒܛܟـ]ـܣܐ ܕܥܠ̈ܡܝܐ ܟܬܼܪܘ. [ܣܘܓܐܗܘܢ ܓܝܪ ܐܦ ܐܬܟܫܼܠܘ] ܘܠܐ [ܚܫܒـ]ـܘܗܿ ܠܗܕܐ ܟܝܪܘܛܢܝܐ ܘܠܐ ܩܒܠܘܗܿ: ܐܠܐ [ܣܕܩܐ ܪܒܐ] ܗܘܼܐ [ܒܝܢـ]ـܬܗܘܢ. ܐܝܟܐܢܕܡܢ ܥܠܬܐ ܕܚܣܝܪܘܬ ܐܦܝܣܩܦܐܼ. [ܐܦ ܬܡܢ] ܗܘܬ ܗܪܣܝܣ ܐܚܪܬܐ. ܘܛܥܝܘܬܐ ܠܒܟܬܼ [ܕܡܠܟܝܙܕܩ̈ܝܢܐ: ܗܿܢܘܢ ܕܡܪܚܐܝܬ] ܐܡܿܪܝܢ ܗܘܘܼ. ܕܡܠܟܙܕܩ ܗܘܝܘܼ ܡܫܝܚܐ. ܐܝܟܼܢܐ ܕܡܢ [ܚܕ ܥܡܐ ܗܿܘܼ ܠܘ] ܒܠܚܘܕ ܥܕܬܐ ܬܣܬܕܩܼ. ܐܠܐ ܘܐܦ ܡܠܟܘܬܐܼ. ܡܢ ܥܠܬܐ ܗܕܐ ܠܬ[ܪ̈ܬܝܢ] ܬܬܦܠܓ܇ ܘܩܪ̈ܒܐ ܘܣܕ̈ܩܐ ܘܚܪ̈ܝܢܐ ܒܐܬܪ̈ܘܬܐ ܗܠܝܢܼ ܥܕܡܐ ܠܙܒܢܐ ܣܓܝܐܐܼ݂ ܢܐܚܕܘܢ ܗܘܘ. ܒܚܪܬܐܕܝܢ ܥܠܼܘ ܠܟܠܗܘܢ [ܐܬܪ̈ܘܬܐ ܗܠܝܢܼ ܐܢ̈ܫܐ] ܦܢܛܣ̈ܝܣܛܐ ܡܢ ܕܝܘܠܝܢܐ ܘܡܢ ܓܝܐܢܐ: ܘܚܒܼܠܘ [ܐܢܘܢ ܠܐܬܪ̈ܘܬܐ ܗܠܝܢ.]

ܫܢܬ ܬܡ̈ܢܡܐܐ ܘܚܡܫ̈ܝܢ ܘܬܡ̈ܢܐܼ. ܫܪܝ ܕܢܗܘܐ ܟܦܢܐ ܘܡـ[ـܘܬܢܐ] ܘܫܢܝܐ ܘܦܪܐܼ ܒܐܬܪ̈ܘܬܐ ܕܒܝܬ ܢܗܪ̈ܝܢ. ܡܘܬܢܐ ܗܢܐ ܪܒܐ ܘܩܫܝܐ ܕܗܼܘܐ ܒܟܠܗܿ ܐܪܥܐ: ܘܡܬܼܚ ܡܢ ܫܢܬ [ܬܡ̈ܢܡܐܐ ܘܚ̈ܡܫܝܢ] ܘܚܡ̈ܫ: ܥܕܡܐ ܠܫܢܬ ܬܡ̈ܢܡܐܐ ܘܚܡ̈ܫܝܢ ܘܬܡ̈ـ[ـܢܐ: ܗܢܘ ܕܝܢ ܫܢ̈ܝܐ] ܬ̈ܠܬ.. ܡܢ ܗܪܟܐ ܢܿܐܡܪ ܩܠܝܠܼ ܥܠ ܪܘܓܙܐ

Page 113

ܕܐܫܬܕܪ ܥܠ ܐܬܪ̈ܘܬܐ ܕܒܝܬ ܢܗܪ̈ܝܢ.. ܬܘܒ ܕܝܢ ܫܦܝܪ ܘܙܕܩܐܼ. ܕܐܦ ܐܝܠܝܢ [ܕܗܘܼ̈ܝ ܒܙܒܢܐ] ܗܢܐ ܒܐܡܕ ܡܕܝܢܬܐ ܕܒܝܬ ܢܗܪ̈ܝܢ܇ ܥܡ ܫܪܟܐ [ܕܡܕ̈ܝܢܬܐ ܐܚܪ̈ܢܝܬܐ:] ܢܐܝܬܐ ܠܥܘܗܕܢܐ ܕܬܫܥܝܬܢ.. ܠܫܘܪܝ ܬܫܥܝܬܢ ܗܕܐܼ [ܡܠܝܬ ܚܫ̈ܐ] ܡܪܝܪ̈ܐ: ܕܓܘܢ̈ܚܐ ܘܕܕ̈ܚܠܬܐ ܒܕܡܘܬ ܗܿܝ ܕܡܘܬܢܐ ܕܚܝܠܐ܆ ܚܫܚ [ܗܘܐ ܠܢ ܗܫܐܼ ܛܘܒܢܐ ܚܫܝܫܐ ܢܒܝܐ ܐܪܡܝܐ. ܗܢܐ [ܕܡܕܪܫ ܫܦܝܪ ܚܫܝܫܐܝܬ] ܠܡܣܩܘ ܐܘ̈ܠܝܬܐ ܥܠ ܡܕ̈ܝܢܬܐ ܕܒܢ̈ܝ ܥܡܗ. ܟܕ [ܐܦ ܚܢܢ ܡܢܗ] ܕܢܒܝܐ ܝܠܿܦܢܢ ܢܿܐܡܪ: ܕܡܿܢ ܕܝܢ ܝܿܗܒ ܠܪܝܫ ܡܝ̈ܐܼ. ܘܠܥܝ̈ܢܝ ܡܒ̈ܘܥܐ ܕܕܡ̈ܥܬܐ: ܒܟܿܝܬ ܕܝܢ ܒܐܝܡܡܐ ܘܒܠܠܝܐܼ. ܘܠܐ ܫܠܿܝܬܼ ܥܠ ܬܒܪܗܿ [ܕܒܪܬ ܥܡܝ.] ܗܕܐ ܕܗܫܐ ܙܒܢܐ ܗܘܼ ܠܢ ܠܡܐܡܪ: ܥܠ ܡܚܘܬܗܿ ܕܡܕܝܢܬܐ [ܕܬܪܒܝܬܢܼ.] ܕܐܝܬܝܗܿ ܐܡܕ ܡܕܝܢܬܐ: ܥܡ ܫܪܟܐ ܕܡܕܝ̈ܬܐ ܐܚܪ̈ܢܝܬܐ ܕܒܕܪ̈ܝܗܿ. ܘܥܠ ܡܪܕܘܬܐ ܕܙܘ̈ܥܐ ܘܕܓܘ̈ܢܚܐ. ܕܥܠܝܗܿ ܥܠ ܡܕܝܢܬܐ ܗܕܐ [ܡܛܪܦܬܐ] ܝܬܝܪܐܝܬ ܐܫܬܕܪܬ܆ ܡܢ ܒܬܪ ܟܠܗܘܢ ܥܡ̈ܠܐ ܩܫ̈ܝܫܐ ܘܛܘܪ̈ܦܐ ܡܪܝܪ̈ܐܼ. ܘܫܘ̈ܩܦܐ ܕܙܒܢܐ ܡܬܝܚܐ ܕܪܕܝܦܘܬܗܿ܇ ܕܠܐ ܒܨܝܪ ܡܢ ܡܬܚܐ ܕܐܪ̈ܒܥܝܢ ܫܢ̈ܝܢ. ܟܕ ܒܟܠܗܘܢ ܗܠܝܢܐܘܠܨ̈ܢܐ ܕܪܕܘܦܝܐ ܕܡܢܗܿ ܣܒܠܐ ܗܘܬ. ܘܬܘ̈ܩܠܬܐ ܕܩܕܡ ܡܣܘܪ̈ܝܗܿ ܡܣܝܒܪܐ ܗܘܼܬ: ܘܥܠ ܚܛܘܦܝܐ ܕܩܢܝ̈ܢܝܗܿ ܕܠܐ ܪܘܥܡܐ ܡܒܣܪܐ ܗܘܬ: ܕܚܠܦ ܫܪܪܐ ܕܗܝܡܢܘܬܗܿ ܒܐܓܘܢܐ ܕܓܢܒܪܘܬܐ: ܟܠܗܿ ܥܡ ܟܠܗܿ. ܙܥܘܪ̈ܐ ܥܡ ܪܘܪ̈ܒܐܼ. ܥܕܐܡ ܠܙܥܘܪ̈ܐ ܡܢ ܒܢ̈ܝܗܿ ܕܐܬܗܦܟܘ ܘܗܘܘ ܪ̈ܕܘܦܝܗܿ ܡܣܝܪܐ ܗܘܬ. ܘܚܠܝܨܐܝܬ ܘܚܝܠܬܢܐܝܬ ܘܓܢܒܪܐܝܬ ܡܬܟܬܫܐ ܗܘܬ: ܟܕ ܠܘ ܒܠܚܘܕ ܥܕܡܐ ܠܕܝܼܢܐ ܒܐܓܘܢܐ ܐܬܡܛܝܬܼ. ܐܠܐ ܘܐܦ ܙܩܘܦܝܐ ܕܒܢܝ̈ܗܿ

Page 114

ܘܝܩܕܢܐ ܕܟܗ̈ܢܝܗܼܿ. ܘܫܢ̈ܕܐ ܡܪܝܪ̈ܐ ܕܟܠ ܫܘܚܠܦ ܕܠܐ ܒܪ̈ܚܡܐ ܣܒܠܐ ܗܘܬ. ܘܡܣܒܪܐ ܒܬܘܕܝܬܐܼ. ܟܕ ܐܦ ܠܚܝܘ̈ܬܐ ܚܪ̈ܡܢܐܼ ܚܠܦ ܪ̈ܥܘܬܐ ܫܪܝܪ̈ܐܼ ܬܪ̈ܝܢ ܚܕ ܒܬܪ ܚܕ: ܒܟܠܗܘܢ ܙܒ̈ܢܐ ܗܠܝܢܼ ܐܬܬܫܠܡܬ. ܠܢܟܝܠܐܼ ܘܠܗܿܘ ܕܡܢ ܚܣܝܪ̈ܝ ܪܥܝܢܐ ܓܠ̈ܛܝܐ܆ ܗܠܝܢ ܕܩܫ̈ܝܢ ܗܘܘ ܘܚܡ̈ܬܢܝܢ [ܘܚܪ̈ܡܝܢܼ] ܐܦ ܠܥܿܒܝܢ ܠܕܡܐܼ ܘܢܿܩܝܢ ܠܒܙܬܐܼ [ܘܠܚܡܝܢ] ܠܪܕܘܦܝܐܼ ܝܬܝܪ ܟܠܗܘܢ ܗܢܿܘܢ ܕܩܼܡܘ ܒܟܠ ܐܬܪ ܘܡܕܝܢܬܐ.. ܘܡܢ ܒܬܪ ܗܠܝܢ ܟܠܗܘܢܐܓܘ̈ܢܐ ܚ̈ܠܝܨܐ܆ ܘܬܟ̈ܬܘܫܐ ܕܓܢܒܪܘܬܐ: ܕܚܠܦ ܗܝܡܢܘܬܐ ܬܪܝܨܬ ܫܘܒܚܐ ܣܒܠܬ ܘܣܝܒܪܬ: ܐܘ ܐܝܟ ܕܡܢ ܥܠܬ ܚܛܗ̈ܐܼ. ܐܘ ܐܝܟ ܕܠـ[ـܒܘܚܪܢܐ ܕܡܪܕܘܬܐ]: ܐܫܬܕܪ ܥܠܝܗܿ ܢܣܝܘܢܐ ܕܟܦܢܐ ܠܘܩܕܡܼ ܚܫܝܫܐ ܘܡܪܝܪܐܼ. ܘܥܠ ܟܠܗ ܐܬܪܐ ܕܝܠܗܿ ܐܝܟ ܫܢ̈ܝܐ ܬܡ̈ܢܐ. ܟܕ ܒܩܠܝܠ ܩܠܝܠ ܐܬܼܐ: ܥܕܡܐ ܕܠܐܝܟܐ ܕ . . . . . . . . . . . . . . ܢܠܒܘܟ. ܐܝܟܐ ܕܬܠ̈ܬܐ ܡܕ̈ܝܢ ܕܚ̈ܛܐ ܐܘ ܐܪ̈ܒܥܐ . . . . . . . ܠܡܚܣܢ ܢܫܬܟ̈ܚܢ ܗܘ̈ܝ ܕܡܙܕܒ̈ܢܢ܀ ܘܐܪ̈ܥܬܐ ܡܟܝܠ ܒܝܪ̈ܬܐܼ [ܡܛܠ ܕ]ܙܪܥܐ ܠܐ [ܦـ]ـܫ ܗܘܼ̈ܝ. ܐܝܟܢܐ ܕܟܕ ܐܢ̈ܫܢܼ ܐܝܠܝܢ ܕܡܨܿܝܢ ܗܘܘ ܘܥܬܝܪܝܢ ܢܫܟܗܘܢ ܗܘܘ ܩܠܝܠ ܡܢ ܣܿܓܝ ܠܡܙܪܥ: ܟܝܿܡܐ ܗܘܬ ܐܪܥܐ ܥܠܘܗܝܼ. ܘܠܐ ܣܠܼܩ ܗܘܐܼ. ܐܘ ܓܼܕܫ ܕܟܕ ܢܐܥܐ ܗܘܐ ܘܢܿܣܩܿ. ܡܢ ܫܠܝ ܚܿܡܐ ܗܘܐ ܘܝܿܒܫ.. ܐܝܟܢܐ ܕܢܐܬܠܨܘܢ ܒܢܝ̈ܢܫܐܼ ܘܢܥܪܩܘܢ ܣ̈ܓܝܐܐ ܡܢ ܐܪܬܐ ܠܐܬܪܐ ܘܡܢ ܡܕܝܢܬܐ ܠܡܕܝܢܬܐܼ. ܡܢ ܐܘܠܨܢܗ ܕܟܦܢܐ ܗܿܘ ܡܪܝܪܐ ܘܩܫܝܐ. ܬܘܒ ܕܝܢ ܡܢ ܒܬܪ ܡܘܠܐ ܕܬܡ̈ܢܐ ܫܢ̈ܝܢ܆ ܟܕ ܓܠܘ ܪ̈ܚܡܘܗܝ ܕܐܠܗܐ ܥܠ ܓܒܝܠܬܗ: ܘܚܼܪ ܒܐܘ̈ܠܨܢܐ ܘܫܘܢܩܐܼ. ܬܝܪܐܝܬ ܕܡܣ̈ܟܐܢ ܘܕܐܪ̈ܡܠܬܐ ܘܕܝ̈ܬܡܐ: ܕܥܕܡܐ ܠܡܘܬܐ ܐܬܡܿܛܝܘ: ܘܫܿܪܝ ܥܣܒܐ ܕܚܩܠܐ

Page 115

ܠܡܥܐ ܬܩܢܐܝܬܼ. ܘܫܪܝܘ ܒܢܝ̈ܢܫܐ: ܟܕ ܡܝܬܝܢ ܐܬܪ̈ܘܬܐ ܐܚܪ̈ܢܐ: ܠܡܙܪܥ ܘܠܡܥܐ ܬܩܢܐܝܬ ܘܠܡܥܒܕ ܥܦ̈ܐ ܣ̈ܓܝܐܐ ܥܠ ܗܿܘ ܡܕܡ ܕܡܙܕܪܥ ܗܘܐ. ܘܫܿܪܝ ܥܣܒܐ ܒܝܕ ܛܝܒܘܬܐ ܐܠܗܝܬܐܼ ܠܡܗܘܐ. ܘܚܼܕܝ ܟܠܢܫ: ܘܐܘܕܝ ܠܝܗܘܒܐ ܛܒܐܼ ܟܕ ܣܒܼܥ: ܕܠܐ ܟܠܼܐ ܪ̈ܚܡܘܗܝ ܡܢ ܓܒܝܠܬܗ: ܘܡܢ ܟܠ ܕܬܟܝܠܝܢ ܥܠܘܗܝ ܘܡܣܟܝܢ ܠܣܒܪܗ.܀ ܗܝܕܝܢ ܬܘܒܼ ܒܫܢܬܐ ܐܝܟ ܕܒܝܘܢܝܐ ܕܗܢܛܐ: ܕܐܝܬܝܗܿ ܫܢܬ ܬܡ̈ܢܡܐܐ ܘܫܒ̈ܥܝܢ ܘܚܕܐ ܕܐܠܟܣܢܕܪܘܣ ܒܩܕܘܢܝܐ܆ ܥܡ ܡܪ̈ܕܘܬܐ ܕܚܝ̈ܠܬܐ ܘܐܬܘ̈ܬܐ ܩܫ̈ܝܬܐ ܕܒܟܠܙܒܢ ܘܒܟܠܕܘܟܼ ܒܫܡܝܐ ܘܥܠ ܐܪܥܐܼ. ܡܬܚ̈ܙܝܢ ܗܘ̈ܝ ܡܢ ܫܠܝ ܒܗ ܒܙܒܢܐ ܗܢܐ ܕܡܢ ܠܥܠ ܪܫܝܡܼ. ܢܣܝܘܢܐ ܕܡܚܘܬܐܐܚܪܬܐ ܕܚܝܠܬܐ ܘܓܥܝܪܬܐ ܘܡܫܟܪܬܐ܇ ܥܠܝܗܿ ܥܠ ܐܡܕ ܡܕܝܢܬܐ ܐܫܬܕܪܬ. ܕܐܝܬܝܗܿ ܦܩܪܐ ܘܫܢܝܐ ܘܕܝܘܢܝܘܬܐ. ܥܡ ܗܠܝܢ ܐܦ ܛܥܝܘܬܐ ܒܝܫܬܐ. ܐܝܟܢܐ ܕܠܘܩܕܡܼ ܐܝܟ ܕܡܢ ܡܥܒܕܢܘܬܐ ܕܫܐܕ̈ܐ ܡܪ̈ܘܕܐܼ. ܬܘܗܬܐ ܬܦܠ ܡܢ ܫܠܝ ܥܠ ܣ̈ܓܝܐܐܼ ܘܙܘܥܬܐ. ܟܕ ܛܒܼܐ ܣܪܝܩܐ ܒܝܢܬܗܘܢ ܢܦܼܠ: ܕܗܐ ܠܡ ܡܠܟܐ ܕܦܘܪ̈ܣܐ ܥܡ ܟܠܘܗ ܚܝܠܗܼ ܥܐܿܠ ܠܡܕܝܢܬܐܼ. ܘܗܐ ܚܿܪܒ ܠܗܿ ܠܡܕܝܢܬܐ ܟܠܗܿ. ܐܝܟܢܐ ܕܒܚܐܦܐ ܪܒܐܼ. ܢܥܪܩܘܢ ܐܢܫ̈ܐ ܘܢܦܩܘܢ ܡܢ ܡܕܝܢܬܐ: ܟܕ ܥܿܪܩܝܢ ܠܟܠ ܓܒ̈ܝܢ ܘܠܟܠ ܦܢܝ̈ܢ. ܟܕ ܡܛܒܒܝܢ ܘܡܪܗܒܝܢ ܘܥܪܩܝܢ܆ ܘܡܿܥܪܩܝܢ ܠܟܠܗܘܢ ܐܝܠܝܢ ܕܦܓܥܝܢ ܒܗܘܢ. ܘܐܢ ܒܐܘܪ̈ܚܬܐ ܘܐ ܒܩܘܪ̈ܝܐ ܘܐܢ ܒܡܕܝ̈ܢܬܐ ܟܠܗܝܢ ܕܩܪ̈ܝܒܢ: ܒܟܠܗܝܢ ܐܝܠܝܢ ܕܥܒܪܘ ܒܗܝܢ. ܐܝܟܢܐ ܕܪܗܝܒܘܬܐ ܘܫܓܘܫܝܐ ܢܗܘܐ ܒܟܠܗܘܢ ܐܬܪ̈ܘܬܐ ܕܥܒܪܘ ܒܗܘܢ ܘܒܡܕܝ̈ܬܐ. ܟܕ ܡܛܿܒܒܝܢ ܘܡܫܪܪܝܢ܆ ܕܐܡܕ ܡܢ

Page 116

ܦܪ̈ܣܐ ܐܬܟܒܫܬ ܘܫܬܒܝܬ ܘܐܬܪܚܒܬ. ܐܠܐ ܠܡ ܥܪܘܩܘ.. ܘܡܟܝܠ ܐܬܪ̈ܘܬܐ ܒܓܠܘܬܐ ܕܡܢ ܫܠܝ ܢܦܩܼܘ ܘܒܘܠܒܠܐ ܪܒܐ ܘܐܒܕܢܐ ܗܘܼܐ ܒܟܠܕܘܟ ܝܘ̈ܡܬܐ ܣܓܝ̈ܐܐܼ. ܥܕܡܐ ܕܐܬܝܕܥ ܘܐܬܓܠܝ ܠܗ܇ ܢܣܝܘܢܐ ܕܐܕܪܟ ܐܢܘܢ ܠܕܘ̈ܝܐ.܀ ܒܬܪ ܕܝܢ ܗܠܝܢܼ ܫܪܝܘ ܒܢܝ̈ܢܫܐ ܢܿܒܚܝܢ ܐܝܟ ܟܠ̈ܒܐܼ ܘܦܥܿܝܢ ܐܝܟ ܥ̈ܙܐ ܘܐܝܟ ܩܛܘ̈ܬܐ ܘܩܪܝܢ ܐܝܟ ܬܪ̈ܢܓܠܐ. ܘܡܕܡܝܢ ܒܟܠ ܩܠ̈ܝܢ ܕܟܠ ܚܝܘܬܐ ܚܪܫܬܐ. ܘܣܒܿܟܝܢ ܒܚ̈ܕܕܐ ܓܒܪ̈ܐ ܘܢܫ̈ܐܼ. ܘܝܬܝܪܐܝܬ ܥܠ̈ܝܡܐ ܘܥܠ̈ܝܡܬܐ. ܘܛܥܝܘ ܐܝܟ ܕܒܣܘܓܐܐܼ.ܐܝܟܢܐ ܕܙܥܘܪ̈ܐ ܡܢ ܡܪܕܘܬܐܗܕܐ ܢܡܕܘܢ܀ ܒܚܪܬܐ ܕܝܢ ܟܿܢܫܝܢ ܗܘܘ ܣܝ̈ܥܢ ܣܝ̈ܥܢ: ܟܕ ܒܠܝܠܝܢ ܘܡܕܘܕܝܢ ܘܫܓܝܫܝܢ ܘܡܒܠܒܠܝܢ܆ ܘܪܗܿܛܝܢ ܠܟܐ ܘܠܟܐ ܒܠܠܝܐ ܠܒܝܬ ܩܒܘܪ̈ܐ. ܘܡܫܬܢܝܢ ܘ. . . . . . ܘܙܿܡܪܝܢ ܘܡܬܦܩܪܝܢܼ ܘܡܢܟܬܝܢ ܚܕ̈ܕܐ. ܘܩܥܿܝܢ ܐܝܟ ܕܒܒܘܩ̈ܝܢܐ ܘܫܝܦܘܪ̈ܐ ܘܡܡܠܠܝܢ ܡ̈ܠܐ ܣܪ̈ܝܩܬܐ ܘܫܝ̈ܛܬܐ ܐܝܟ ܕܡܢ ܦܪܨܘܦܐ ܕܫܐܕ̈ܐ. ܟܕ ܒܓܘܚܡܐ ܬܪܝܥܐ ܘܒܣܘܕܐ ܕܨܚܢܘܬܐܼ݂ ܘܒܓܘ̈ܕܦܐ ܒܝܗܫܐ ܡܬܚܫܚܫܝܢ ܗܘܘ. ܘܐܦ ܫܘܪܝܢ ܘܡܣܒܟܝܢ ܒܐܣ̈ܐܼ. ܘܬܠܿܝܢ ܢܦܫ̈ܬܗܘܢ ܒܬܪ ܪ̈ܝܫܝܗܘܢ. ܘܢܦܠܝܢ ܘܡܬܥܪܓܠܝܢ ܟܕ ܫܠܝܚܝܢ܆ ܘܫܪܟܐ ܕܕܐܝܟ ܗܿܠܝܢܼ ܐܝܟܢܐ ܕܐܦܠܐ ܡܥܡܪܗ ܘܒܝܬܗ ܕܢܕܥ ܚܕ ܚܕ ܡܢܗܘܢ ܠܐܪܓܝܫ ܗܘܐ. ܐܠܐ ܐܝܠܝܢ ܕܐܫܬܘܙܒܘ ܡܢ ܫܢܝܐ ܗܿܘ ܐܬܦܪܣܘ ܕܒܫ̈ܘܓܫܐ ܘܒܩܛܝܪܐ ܘܒܙܘ̈ܥܦܐ: ܢܟܢܫܘܢ ܐܢܘܢ ܒܥ̈ܕܬܐ.. ܐܝܟܢܐ ܕܡܟܝܠ ܟܠܗܝܢ ܥܕ̈ܬܐ ܘܒܝܬ ܣܗܕ̈ܘܬܐ ܕܡܕܝܢܬܐܼ. ܢܬܡܠܘܢ ܗܘܘ ܡܢܗܘܢܼ ܣܦܼܐ ܒܣܦܐ. ܟܕ ܐܦ ܟܢܝܫܐܝܬ ܒܗ̈ܝܢ ܒܥܕ̈ܬܐܼ. ܡܫܚܠܦܐܝܬ ܢܬܚܙܘܢ ܕܡܬܦܩܪܝܢ ܘܡܪܥܬܝܢ ܡܢܗܘܢ. ܘܐܚܪ̈ܢܐ ܕܨܒܿܪܝܢ ܗܘܘ ܘܡܡܠܠܝܢ ܡ̈ܠܐ ܫܝ̈ܛܬܐܼ. ܐܝܟ

Page 117

ܕܡܢ ܦܪܨܘܦ ܫܐܕ̈ܐܼ ܘܐܡܿܪܝܢ: ܕܗܐ ܠܡ ܙܦܠܢ ܪ̈ܒܘܬܐ ܗܘܿܝܢܢ. ܘܐܠܘ ܠܡ ܬܘܡܐ ܫܠܝܚܐ ܩܕܝܫܐ ܠܐ ܢܦܼܩ ܠܩܘܒܠܢ܆ ܟܠܗܿ ܡܕܝܢܬܐ ܫܒܝܢ ܗܘܿܝܢ ܘܚܪܒܝܢ ܘܩܛܠܝܢ ܘܚܢܩܝܢ ܗܘܿܝܢ܆ ܐܠܐ ܠܡ ܫܠܝ̈ܚܐ ܘܣܗܕ̈ܐ ܕܣـ[ـܝـ]ـܡܝܢ ܒܗܕܐ ܡܕܝܢܬܐ: ܐܪܥܘܢܝ ܘܟܠܘ ܠܢ ܕܠܐܢܚܪܘܒ. ܘܐܢ ܕܝܢ ܠܐܼ. ܠܐ ܫܒܩܝܢ ܗܘܿܝܢ ܒܗܿ ܢܦܫܐ ܕܐܢܫܐ ܒܚܝ̈ܐ܀ ܐܝܬ ܗܘܼܐ ܕܝܢ ܡܢܗܘܢ ܕܡܬܓܗܢܝܢ ܗܘܘ: ܟܐܡܬ ܐܝܟ ܕܢܿܨܠܘܢ. ܘܒܪܟܝܢ ܗܘܘ: ܘܫܘܪܝܢ ܗܘܘ ܐܚܪ̈ܢܐܼ. ܘܣܠܼܩܝܢ ܪܟܒܝܢ ܠܗܘܢ ܘܐܝܬ ܕܬܠ̈ܬܐ ܘܐܪ̈ܒܥܐ ܢܥܠ ܡܢ ܚ̈ܕܕܐ ܪܟܒܝܢ ܗܘܘ܆ ܒܡܥܒܕܢܘܬܐ ܕܫܐܕ̈ܐ. ܐܢ ܓܕܫ ܘܡܢ ܐܝܠܝܢ ܕܠܐ ܫܢܼܘ: ܥܐܠܝܢ ܗܘܘ ܕܢܨܠܘܢ ܒܥܕ̈ܬܐܼ. ܩܝܡܝܢ ܗܘܘ ܘܡܡܝܩܝܢ ܗܘܘܼ. ܘܡܒܙܚܝܢ ܒܗܘܢ. ܘܐܡܿܪܝܢ ܗܘܘ ܠܗܘܢ ܡ̈ܠܐ ܣܥ̈ܠܬܐ ܘܨܚ̈ܢܬܐܼ. ܐܝܟܢܐ ܕܡܢ ܟܘܚܕܐ ܢܥܪܩܘܢ ܗܘܘܼ ܘܢܦܩܿܘܢ ܣ̈ܓܝܐܐ ܡܢ ܥܕܬܐ.. ܬܘܒ ܕܝܢ ܬܘܗܝܢ ܗܘܘ ܣ̈ܓܝܐܐ ܡܢܗܘܢܐܟܞܚܕܐܼ. ܘܩܥܿܝܢ ܗܘܘ ܘܐܡܿܪܝܢ: ܕܗܐ ܠܡ ܐܪ̈ܟܘܢܛܣ ܐܬܝܿܢ. ܗܐ ܡ̈ܠܟܐ ܥܿܠܝܢ. ܢܪܗܛ ܢܦܘܼܩ ܠܐܦܢܛܐ ܕܝܠܗܘܢ. ܘܗܟܢܐ ܬܘܗܝܢ ܗܘܘܼ. ܘܢܦܿܩܝܢ ܒܚܐܦܐ ܪܒܐܼ ܣ̈ܓܝܐܐ ܡܢܗܘܢܐܟܚܕܐ: ܟܕ ܪܗܛܐ ܪܗܝܒܐ ܠܒܿܟܝܢ ܗܘܘ ܠܟܐ ܘܠܟܐ ܒܟܠܗܿ ܡܕܝܢܬܐܼ. ܟܕ ܫܿܛܝܢ ܘܦܿܗܝܢ ܘܪܗܿܛܝܢ ܘܫܿܓܝܫܝܢ ܘܒܠܝܠܝܢ.. ܘܡܢܗܘܢ ܬܘܒ ܓܚܟܝܢ ܗܘܘ ܫܪܝܚܐܝܬ: ܘܡܡܠܠܝܢ ܗܘܘ ܡ̈ܠܐ ܨܚܢ̈ܬܐ ܘܫܝ̈ܛܬܐ ܘܦܩܪ̈ܬܐ.. ܘܡܢܗܘܢ ܒܟܿܝܢ ܗܘܘ ܬܘܒܼ ܚܢܝܓܐܝܬ: ܘܬܘܒ ܡܡܠܠܝܢ ܦܩܪܐܝܬ.. ܐܚܪ̈ܢܐ ܕܝܢ ܡܓܕܦܝܢ ܗܘܘܼ ܘܩܿܥܝܢ ܩ̈ܠܐ ܡܫܟܪ̈ܐ ܘܢܘܟܪ̈ܝܐ ܕܫܛܝܘܬܐ.. ܘܗܟܢܐ ܢܦܿܩܝܢ ܗܘܘ ܐܝܠܝܢ ܕܠܐ ܒܠܥ ܒܡܚܘܬܐ ܗܕܐ ܡܪܝܪܬܐ ܕܦܩܪܘܬܐ. ܘܡܟܿܢܫܝܢ ܗܘܼܘ ܠܗܘܢ ܬܘܒ: ܘܡܿܥܠܝܢ ܠܗܘܢ ܠܥܕ̈ܬܐ܀ ܘܗܟܢܐ ܥܒܿܕܝܢ ܗܘܘ ܡ̈ܐܟܠܬܐ ܡܫ̈ܚܠܦܬܐ ܘܐܦ ܣ̈ܓܝܐܬܐ: ܟܕ ܚܝܣܝܢ ܗܘܘ ܥܠܝܗܘܢ:

Page 118

ܘܟܪܝܐ ܠܗܘܢ. ܘܡܥܠܝܢ ܠܗܘܢ. ܘܐܝܬ ܕܢܫ̈ܝܗܘܢ ܡܝܬܝܢ ܗܘ̈ܝ ܠܗܘܢ ܘܡܣܬܝܒܪܝܢ.. ܟܕ ܙܒܢܐ ܕܫܢܬܐ ܚܕܐ ܠܒܼܟ ܟܐܒܐ ܗܢ ܕܫܢܝܘܬܐ ܘܕܦܩܪܘܬܐ. ܘܒܐܡܕ ܡܕܝܢܬܐ ܝܬܝܪܐܝܬ. ܘܟܕ ܛܒ ܒܡ̈ܕܝܢܬܐ ܐܚܪ̈ܢܝܬܐ: ܬܠܐ ܘܐܘܪܗܝ ܘܫܪܟܐ ܕܐܚܪ̈ܢܝܬܐܼ. ܙܥܘܪ̈ܐ ܒ…ܐ ܒܫܒܛܐ ܗܢܐ ܐܬܪܕܝܘܼ. ܐܠܐ ܝܬܝܪܐܝܬ ܡܕܝܢܬܐ ܗܕܐ ܡܛܪܦܬܐ ܐܬܪܕܝܬ. ܟܕ ܐܠܗܐ ܒܠܚܘܕܘܗܝ ܝܿܕܥ ܐܝܿܕܐ ܥܠܬܐܼ ܘܡܡܛܠ ܐܝܿܕܐ ܚܛܝܬܐ ܡܫܬܒܩܢܘܬܐ ܗܕܐ ܗܘܬܼ: ܕܠܡܪܕܘܬܐ ܕܐܝ ܟܗܕܐ ܢܐܬܐ ܥܡܐ ܕܟܪ̈ܣܛܝܢܐ. ܕܗܟܢܐܐܫܬܠܛܘ ܕܝ̈ܘܐ ܣܪ̈ܘܚܐܼ ܒܥܠܝܡܘܬܐ ܝܬܝܪܐܝܬ. ܥܕܡܐ ܕܠܐܝܟܐ ܕܠܘܬ ܫܪܝܚܘܬܐ ܕܛܢܦܬܐ: ܕܒܚ̈ܕܕܐ ܒܓܘܗܝܢ ܕܥܕ̈ܬܐ ܢܪܡܘܢ ܐܢܘܢ. ܐܝܟܢܐ ܕܟܕ ܗܕܐ ܐܬܝܕܥܬܼ ܡܢ ܡܐܟܘܠܬܐ ܕܡܫܚܐ ܘܡܢ ܡܫܬܝܐ ܕܚܡܪܐ ܟܠܼܘ ܐܢܘܢ. ܘܠܚܡܐ ܘܡܠܚܐ ܐܘ ܕܩ̈ܐ ܕܠܐ ܡܫܚܐ ܥܒܕܘ ܠܗܘܢ ܕܢܐܟܠܘܢ܆ ܘܦܘܣܩܐ ܕܢܫܬܘܢ. ܟܕ ܐܦ ܢܛܘܪ̈ܐ ܐܩܝܡܘ ܠܗܘܢ ܕܠܐ ܢܬܛܢܦܘܢ ܒܥܕ̈ܬܐ ܘܢܥܒܕܘܢ ܨܒܝܢܐ ܕܫܐܕ̈ܐ.. ܒܬܪ ܙܒܢܐ ܕܝܢ ܕܒܫܒܛܐ ܗܢܐ ܢܘܟܪܝܐ ܒܠܥܘ ܒܢܝ̈ܢܫܐ ܗܠܝܢ܆ ܫܪܝܘ ܚܕ ܚܕ ܐܬܿܝܢ ܒܩܠܝܠ ܩܠܝܠ ܠܘܬ ܗܘܢܗܘܢ. ܘܚܿܫܝܢ ܘܒܟܿܝܢ ܘܡܿܬܬܢܚܝܢܿ. ܘܡܿܬܥܢܝܢ ܒܨܠܘܬܐ ܘ[…]ـܐ ܕܒܥܘܬܐ ܕܒܟܠܥܕܢ. ܟܕ ܐܦ ܣܝ̈ܥܢ ܣܝ̈ܥܢ ܡܢ ܐܝܠܝܢ ܕܥܠ ܗܘܢܗܘܢ ܐܬܿܝܢ ܗܘܘܼ ܡܟܝܠ ܠܨܠܘܬܐ ܠܐܘܪܫܠܡ ܘܠܫܪܟܐ ܕܕܘܟܝ̈ܬܐ ܩܕ̈ܝܫܬܐ: ܟܕ ܚܫܝܫܝܢ ܘܠܒܝܫܝܢ ܐܘܟ̈ܡܐܼ ܘܒܿܥܝܢ ܒܥܘ̈ܬܐ܇ ܐܙܿܠܝܢ ܗܘܘ ܘܡܨܠܝܢ ܘܒܿܟܝܢ.. ܘܗܟܢܐܼ ܒܝܕ ܥܘܕܪܢܐ ܕܛܝܒܘܬܐ ܕܡܪܚܡܢܘܬܗ ܕܡܪܢ ܕܥܠ ܓܒܝܠܬܗܼ. ܥܒܼܕ ܦܘܪܩܢܐ ܠܥܡܗܼ. ܘܪܕܦ ܡܢܗ

Page 119

ܠܚܝܠܘ̈ܬܐ ܒܝ̈ܫܐ܀ ܗܘܼܐ ܕܝܢ ܡܘܬܢܐ ܗܿܘ ܪܒܐ: ܫܢܬ ܬܡ̈ܢܐܡܐܐ ܘܚ̈ܡܫܝܢ ܘܚ̈ܡܫܼ. ܘܠܒܼܟ ܫܢ̈ܝܐ ܬܠ̈ܬ.. ܘܒܫܢܬ ܬܡ̈ܢܡܐܐ ܘܚܡ̈ܫܝܢ ܘܬܡܢ̈ܐܼ. ܫܪܝ ܕܢܐܬܐ ܟܦܢܐ. ܘܠܒܼܟ ܫܢ̈ܝܐ ܬܡ̈ܢܐܼ ܥܕܡܐ ܠܫܢܬ .ܦܿ. ܘܫ̈ܬܝܢ ܘܫ̈ܬ. ܐܠܐ ܒܪܡ ܬܠ̈ܬ ܗܘܼ̈ܝ ܩܫ̈ܝܬܐܼ ܕܠܝܬ ܕܚܼܨܕ ܐܘ ܐܕܪܟ܆ ܘܒܫܢܬ ܬܡܢܡܐܐ ܘܫܬܝܢ ܘܫܒܥܼ. ܗܘܼܐ ܫܢܼܝܐ ܗܢܐ ܕܡܢ ܠܥܠ ܪܫܡ: ܘܠܒܼܟ ܫܢܬܐ ܚܕܐ.

ܒܫܢܬ ܬܡܢܡܐܐ ܘܫܬܝܢ ܘܬܫܥܼ ܗܘܼܐ ܬܘܒ ܡܘܬܢܐ ܒܗܿ ܟܕ ܒܗܿ ܒܐܡܕ ܡܕܝܢܬܐ ܕܒܝܬ ܢܗܪ̈ܘܬܐ. ܡܘܬܐ ܕܝܢ ܬܠܝܬܝܬܐܼ ܕܒܬܪ ܗܠܝܢ ܬܪ̈ܬܝܢ ܡܪ̈ܕܘܬܐ ܩܫ̈ܝܬܐܼ. ܡܚܕܗܿ ܐܕܪܟ ܡܘܬܢܐ ܪܒܐ ܐܝܟܢܐ ܕܐܝܟ ܕܒܣܘܓܐܐ ܟܠܗܘܢ ܗܿܢܘܢ ܕܫܼܢܘܢ ܥܡ ܫܪܟܐ ܢܣܘܦܘܢ.. ܐܝܟܢ ܕܒܓܘ ܬܠ̈ܬܐ ܝܪ̈ܚܐܼ. ܬܠ̈ܬܝܢ ܘܚܡ̈ܫܐ ܐܠܦ̈ܝܢ ܐܬܚܼܫܒܘ ܕܢܦܩܘ ܡܢܗܿ ܒܡܘܬܢܐ ܕܝܠܗܿ ܕܗܕܐ ܡܕܝܢܬܐ ܡܛܪܦܬܐ ܘܕܘܝܬܐ.. ܥܕܡܐ ܕܠܨܕܝܐ ܬܚܝܠܐ ܬܫܪܟ ܗܘܬ ܡܪܝܪܐܝܬܼ܀ ܘܗܠܝܢ ܡܛܠ ܕܠܐ ܢܐܠܙ ܠܩܪܘܝܐ ܐܝܟ ܕܒܙܥܘܪ̈ܝܬܐ ܪܫܼܡܢ ܥܠ ܡܪܕܘܬܗܘܢ ܕܫܒ̈ܛܐ ܗܠܝܢ ܬܠ̈ܬܐ ܡܪܝܪ̈ܐ ܕܒܙܒܢܐ ܗܢܐ ܗܘܘ: ܡܛܠ ܡܪܓܙܢܘܬܐ ܕܚܛܗ̈ܐ ܕܒܢ̈ܝ ܐܢ̈ܫܐ. ܠܥܘܗܕܢܐܢ ܕܐܝܠܝܢ ܕܡܢ ܒܬܪܟܝܢ ܣܼܡܢ܆ ܐܝܟܢܐ ܕܢܥܝܪ ܥܘܗܕ̈ܢܝܗܘܢ ܕܗܿܢܘܢ ܟܠܗܘܢ ܐܝܠܝܢ ܕܡܢ ܒܬܪܟܝܢ ܠܬܝܒܘܬܐ ܕܘܠܨܠܘܬܐ.. ܐܝܟܢܐ ܕܐܦ ܐܠܦ ܠܢ ܡܪܢ ܒܣܒܪܬܗ: ܕܨܿܠܘ ܕܠܐ ܬܥܠܘܢ ܠܢܣܝܘܢܐ.. ܐܠܐ ܡܿܢ ܗܟܝܠ ܕܐܝܬ ܠܗ ܐܕ̈ܢܐ ܕܢܫܡܥ ܢܿܫܡܥ: ܐܝܟ ܕܟܬܝܒ.. ܘܬܘܒ ܡܿܢ ܕܚܟܝܡܼ. ܢܿܛܪ ܗܠܝܢ.. ܗܠܝܢ ܩܕܝܫܐ ܝܘܚܢܢ ܐܦܝܣܩܦܐ ܕܐܣܝܐ ܐܟܬܒ: ܕܗܼܘ ܗܘܼܐ ܚܿܙܝܐ ܕܝܠܗܝܢ܀

ܫܢܬ ܬܡܢܡܐܐ ܘܚܡܫܝܢ ܘܫܒܥܼ. ܗܘܼܐ ܒܘܠܒܠܐ

Page 120

ܕܡܥܼܠ ܨܘܡܐ ܒܡܕܝܢܬܐ ܡܠܟܘܬܐ ܘܒܐܠܟܣܢܕܪܝܐܼ. ܘܒܟܠܗܘܢ ܐܬܪ̈ܘܬܐ ܡܕ̈ܢܚܝܐ. ܘܒܠܝܠܘܬܐ ܣܓܝܐܬܐ ܒܟܠܗܿ ܥܕܬܐ ܗܘܼܬ. ܗܢܘ ܕܝܢ ܟܕ ܣܘܢܗܕܘܣ ܕܟܠܩܕܘܢܐ ܐܚܕܬ ܗܘܬܼ. ܐܝܬ ܕܝܢ ܕܩܕܡ ܬܪ̈ܬܝܢ ܫܒ̈ܐ ܩܒܼܠܘ ܨܘܡܐ. ܐܚܪ̈ܢܐ ܕܝܢܼ ܒܬܪ ܚܕܐ.. ܒܡܕܝܢܬ ܡܠܟܘܬܐ ܕܝܢܼ ܟܕ ܐܝܼܬܝܢ ܒܗܿ: ܡܢ ܕܐܬܩܿܒܠ ܨܘܡܐ ܚܕܐ ܫܒܬܐ ܐܝܟ ܢܡܘܣܐܼ. ܗܦܼܟ ܡܠܟܐ ܘܪ̈ܘܪܒܢܘܗܝ ܚܿܫܼܒܘ ܕܡܢ ܒܬܪ ܫܒܬܐ ܐܚܪܬܐ ܥܐܠ ܨܘܡܐ. ܘܡܢ ܕܐܬܠܒܛ ܨܘܡܐ: ܐܦ ܒܣܪܐ ܐܬܟܠܝ ܡܢ ܡܕܝܢܬܐܼ. ܗܝܕܝܢ ܡܢ ܒܬܪܟܝܢ ܐܬܬܒܥܘ ܛܒ̈ܚܐ ܠܡܼܩܛܠ ܘܠܡܦܩܘ ܒܣܪܐ ܠܡܙܒܢܘܿ. ܒܝܕ ܦܘܩܕܢܐ ܚܪܝܦܐ ܕܡܠܟܐ. ܐܝܟ ܡܢ ܕܠܐ ܠܡ ܥܕܟܝܠ ܥܠܝܠ ܨܘܡܐ. ܘܡܢ ܩܛܝܼܪ ܟܕ ܠܐ ܨܒܿܝܢܼ ܩܛܠܘ ܥܪ̈ܒܐ ܘܬܘܪ̈ܐ ܘܚܙܝܪ̈ܐ܆ ܘܬܠܘ ܕܢܙܒܿܢܘܢ. ܟܕ ܡܕܝܢܬܐ ܟܠܗܿ ܐܝܟ ܕܒܡܝܬܐܼ. ܘܐܝܟ ܕܒܕܒܝܚܐ ܚܝܪܝܢ ܗܘܘ ܒܗܼ. ܘܠܝܬ ܕܩܿܪܒ ܗܘܐ ܠܗ: ܣܛܪ ܡܢ ܙܥܘܪ̈ܐ ܗܿܠܝܢ ܕܨܠܝܢ ܠܘܬ ܝܥܢܘܐ ܘܐܣܘܛܘܬܐ.. ܣ̈ܓܝܐܐ ܕܝܢ ܐܝܬ ܗܘܐ ܕܣܿܦܝܢ ܗܘܘ ܥܦܪܐ ܘܩܛܡܐ ܘܟܠܫܐ ܘܒܕ[ܪܝܢ ܗܘܘ] ܥܠ ܒܣܪܐ ܟܠ ܐܝܟܐ ܕܬܠܼܐ ܗܘܐ.. ܘܟܕ ܣܪܝ ܘܠܝܬ ܗܘܐ ܐܢܫ ܕܙܒܢ ܗܘܐ: ܬܘܒ ܐܬܬܒܥܘ  ܩܦܝ̈ܠܐ ܕܢܩܛܠܘܢ ܚܝܘ̈ܬܐ. ܘܟܕܐܙܠܘ ܒܓܢܘ ܩܕܡ ܗܘܦܪܟܐ ܕܡܕܝܢܬܐܼ. ܕܬܒܿܥ ܗܘܐ ܠܗܘܢ ܕܢܩܛܠܘܢ. ܘܐܘܕܥ ܕܝܢ ܗܿܘ ܗܘܦܪܟܐ ܠܡܿܠܟܐ. ܦܩܼܕ ܕܢܩܛܠܘܢ: ܘܐܢ ܚܣܝܪܝܢ ܘܠܐ ܢܦܿܩܼ. ܗܘܘ ܫܩܿܠܝܢ ܡܢ ܕܘܡܣܝܘܢ. ܘܗܟܢܐ ܠܐ ܢܒܛܠܘܢ. ܘܛܝ̈ܡܝ ܥܪ̈ܒܐ ܘܬܘܪ̈ܐ ܡܢ ܕܡܣܝܘܢ ܢܫܩܠܘܢ. ܘܗܟܢܐ ܒܕܘܕܐ ܣܓܝܐܐ: ܠܘ ܒܠܚܘܕ ܡܥ̈ܠܝ ܨܘܡܐ ܗܘܐܼ. .ܐܠܐ ܘܥܐܕܐ ܩܕܝܫܐ ܕܦܛܝܪ̈ܐ.

ܬܘܒ ܥܠ ܟܗܢܘܬܐ ܕܕܠܐ ܒܙܕܩܐܼ. ܡܢ ܐܝܼܕܐ

Page 121

ܕܡܝܬܐ ܗܘܼܬ ܒܐܦܣܘܣ ܡܕܝܢܬܐ ܡܢ ܝܘ̈ܠܝܢܣܛܐ: ܒܫܢܬ ܬܡܢܡܐܐ ܘܫ̈ܬܝܢ ܕܐܠܟܣܢܕܪܘܣ. ܡܛܠ ܗܟܝܠ ܕܦܘܠܘܣ ܐܪܕܝܟܠܐ ܚܟܝܡܐ: ܘܡܒܢܝܢܐ ܕܥܕܬܐ ܡܙܿܗܪ ܠܢ ܟܕ ܐܡܿܪ: ܒܥܿܐ ܐܢܐ ܡܢܟܘܢ ܐܚ̈ܝ܆ ܕܬܙܕܗܪܘܢ ܡܢ ܐܝܠܝܢ ܕܦ̈ܓܠܘܬܐ ܘܡܟ̈ܫܘܠܐ ܥܒܿܕܝܢ܆ ܠܒܪ ܡܢ ܝܘܠܦܢܐ ܕܐܢܬܘܢ ܝܠܦܬܘܢ: ܕܬܬܪܚܩܘܢ ܠܟܘܢ ܡܢܗܘܢ. ܐܝܠܝܢ ܠܡ ܓܝܪ ܕܗܟܢܐ ܐܢܼܘܢ: ܠܐ ܡܫܡܫܝܢ ܠܡܪܢ ܝܫܘܥ ܡܫܝܚܐܼ. ܐܠܐ ܠܟܪܣܗܘܢ: ܘܒܡ̈ܠܐ ܒܣܝ̈ܡܬܐ ܘܒܒܘܪ̈ܟܬܐ ܡܿܛܥܝܢ ܠܒܘ̈ܬܐ ܕܦܫ̈ܝܛܐ.. ܘܬܘܒ ܡܚܿܟܡ ܠܟܘܠ ܘܐܡܿܪ: ܕܟܠ ܠܡ ܒܨܘܿ ܘܕܫܦܝܪ ܐܚܘܕܘ: ܘܡܢ ܟܠ ܨܒܘ ܒܝܫܐ ܥܪܘܩܘ ܘܬܘܒܼ ܕܐܙܕܗܪܘ ܡܢ ܦܥ̈ܠܐ ܒܝ̈ܫܐ: ܐܙܕܗܪܘ ܡܢ ܟ̈ܠܒܐ.. ܡܛܠܗܕܐ ܗܟܝܠ ܟܕ ܙܗܝܪܝܢܢ ܡܢ ܛܥܝܘܬܐ ܕܠܐ ܐܠܗܝܼ. ܕܦ̈ܥܠܐ ܒܝ̈ܫܐ ܕܦܢܛܣܝܐ: ܐܬܚܙܝܬ ܠܢܼ ܐܘ ܪ̈ܚܡܝ ܫܪܝܪܐ: ܕܠܐ ܢܗܘܐ ܛܠ̈ܘܡܐ ܕܛܢܢܟܘܢܼ. ܘܢܚܿܦܐ ܒܫܬܩܐ ܥܠ ܣܘܪܚܢܐ ܒܝܫܐܿ. ܘܥܠ ܚܘܣܪܢܐ ܕܢܦ̈ܫܬܐ ܕܒܢ̈ܝ ܐܢܫ̈ܐ: ܘܥܒܿܪ ܢܡܘܣܐ ܕܟܠܗܘܢ ܛܟ̈ܣܐ ܕܟܪܣܛܝܢܘܬܐܼ. ܘܣܩܘܒܠܝܘܬܐ ܕܟܠܗܘܢ ܩܢ̈ܘܢܐ ܥܕ̈ܬܢܝܐ ܕܒ̈ܢܝ ܛܥܝܘܬܗ ܘܬܪܥܝܬܗ ܗܓܓܝܬܐ ܕܝܘܠܝܢܐ ܕܐܠܝܩܪܢܝܣܘܣܼ. ܕܒܝܫܐܝܬ ܘܛܥܝܐܝܬ ܒܥܕܬܗܕܐܠܗܐ ܐܣܬܥܪܬ. ܗܢܘ ܕܝܢ ܡܢ ܐܝܠܝܢ ܕܐܝܬܝܗܘܢ ܗܘܘ ܒܐܦܣܘܣ ܡܕܝܢܬܐ. ܕܒܗܿ ܒܗܕܐ ܗܪܣܝܣ ܐܚܝܕܝܢ ܗܘܘܼ. ܗܕܐ ܕܝܬܝܪܐܝܬ ܐܚܕܬ ܘܐܬܦܬܝܬ ܬܡܢ܆ ܡܢ ܥܠܼܬ ܣܟܘ̈ܠܣܛܐ ܐܪ̈ܒܥܐ ܕܡܢܗ ܐܬܪܐ: ܕܒܥܝܢܝܗ ܘܬܪܥܝܬܗ ܕܝܘܠܝܢܐ ܗܘܼܘ ܒܐܠܟܣܢܕܪܝܐ ܡܕܝܢܬܐ܀ ܟܕ ܗܢܘܢ ܗܠܝܢ ܥܡ ܫܪܟܐܼ. ܗܓܓܐܝܬ ܣܥܼܘ ܥܠ ܛܟܣܐ ܝܩܝܪܐ ܕܟܗܢܘܬܐ. ܘܐܡܪܚܘ ܘܣܥܼܪܘ ܨܒܘܬܐ ܫܟܝܪܬܐ ܕܪܚܝܩܐ ܡܢ ܟܠܗ ܛܟܣܐ ܕܘܿܠܝܬܐ. ܘܢܘܟܪܝܐ ܘܫܟܝܪܐܼ ܐܝܟ ܡܐ ܕܟܬܝܒܿ. ܘܐܦ

Page 122

ܠܡܡܠܠܘܬܗܿ܀ ܒܗܿ ܓܝܪ ܒܡܕܝܢܬܐ ܗܕܐ ܕܐ݀ܬܡܪܬܼ ܐܝܟ ܕܡܢ ܝܨܝܦܘܬܐ ܕܣܟܘ̈ܠܐܣܛܩܘܼ. ܐܬܼܐ ܗܘܼܐ ܘܥܡܪܼ ܡܢܗܿ ܕܛܥܝܘܬܐ ܗܕܐ ܗܓܓܝܬܐܼ ܐܢܫ ܐܦܝܣܩܘܦܐ ܕܫܡܗ ܦܪܩܘܦܝܣܼ. ܗܢܐ ܕܟܕ ܠܘܬ ܬܪܥܝܬܐ ܗܓܓܝܬܐ ܕܦܢܛܣ̈ܝܣܛܐ ܛܥܝܐܝܬ ܐܬܕܒܪ ܗܘܐ.. ܒܬܪ ܙܒܢܐ ܕܝܢܼ ܟܕ ܝܠܼܦ ܡܢ ܣ̈ܓܝܐܐ: ܕܐܝܟ ܕܡܢ ܛܥܝܘܬܗ ܕܝܘܠܝܢܐ ܘܕܟܠܗܘܢ ܒܢ̈ܝ ܬܪܥܝܬܗ: ܟܠܗ ܣܒܪܐ ܡܟܝܠ ܕܟܪ̈ܣܛܝܢܐ ܐܬܒܛܠ ܠܗ ܘܐܬܕܓܠ ܘܐܒܼܕ: ܘܗܘܬ ܦܢܛܣܝܐ ܘܫܪ̈ܓܪܓܝܬܐ ܚ̈ܠܡܢܝܬܐ: ܕܡܛܠ ܗܕܐ ܟܕ ܡܢ ܣ̈ܓܝܐܐ ܐܬܟܐܪ: ܗܼܘ ܕܝܢ ܗܢܐ ܒܬܪܟܝܢ ܐܬܬܘܝܼ. ܘܗܦܼܟ ܡܢ ܬܪܥܝܬܐ ܕܝܘܠܝܢܐ. ܘܐܚܪܡܗܼ. ܘܥܒܼܕ ܠܝܒܠܘܢ ܕܡܬܬܘܝܢܘܬܐ܇ ܗܿܘ ܕܐܦ ܥܕܡܐ ܠܗܫܐ ܢܛܝܪ ܗܼܘ ܒܕܝܪܐ ܪܝܫܐ ܕܟܠܗܝܢ ܕܝܪ̈ܬܐ ܕܒܐܬܪܐ ܕܐܣܝܐ.. ܒܬܪܟܝܢ ܬܘܒ ܛܥܼܐ ܘܗܦܼܟ ܐܝܟ ܟܠܒܐ ܥܠ ܬܝܘܒܗ: ܠܗܿ ܠܗܕܐ ܗܪܣܝܣ. ܘܐܬܼܐ ܘܥܡܼܪ ܒܗܿ ܒܐܦܣܘܣܼ. ܫܢ̈ܝܐ ܝܕܝ̈ܥܬܐ ܥܕܡܐ ܠܫܘܠܡܐ ܕܚܝ̈ܘܗܝ. ܟܕ ܒܗܿ ܒܬܪܥܝܬܐ ܕܦܢܛܣܝܐ ܐܚܝܕ ܗܘܐ܀ ܗܢܐ ܟܕ ܡܬܬܒܿܥ ܗܘܐ ܡܢ [ܒܢ̈ܝ ܓܒـ]ـܗ ܕܢܥܒܕ ܗܘܐ ܒܕܘܟܬܐ ܐܦܣܝܩܦܐ: ܟܕ ܠܥܘܡܩܐ ܕܣܝܒܘܬܐ [ܐܬܼܐ ܐ]ܦܢ ܒܗܕܐ ܢܼܛܪ ܛܟܣܐ. ܘܐܫܬܐܠ ܟܕ ܐܡܿܪ: ܕܠܐ ܦܩܿܕܝܢ ܩܢ̈ܘܢܐܼ݂ ܘܠܐ ܥܒܿܕ ܐܢܐ ܐܦܝܣܩܘܦܐܼ ܘܡܬܚܪܡ ܐܢܐ ܥܡܗ. ܘܗܟܢܐ ܠܐ ܩܒܼܠ ܕܢܥܒܕ ܗܼܘ ܒܠܚܘܕܘܗܝ.. ܘܟܕ ܐܬܟܪܗ ܕܢܡܘܬ: ܬܘܒ ܐܠܨܿܝܢ ܗܘܘ ܠܗܼ. ܘܠܐ ܐܬܛܦܝܣ ܟܡܐ ܕܚܝܪ ܗܘ ܕܢܥܒ ܐܦܝܣܩܘܦܐ.. ܒܬܪ ܕܝܢ ܕܡܝܬܼ. ܐܬܟܢܫܘ ܐܝܟ ܕܡܬܐܡܪܐ ܫܒ̈ܥܐ ܩ̈ܫܝܫܢܐܼ. ܗܠܝܢ ܕܐܦ ܩܪܝܒܐ ܗܼܝ ܥܠܝܗܘܢ ܠܡܼܐܡܪ ܕܡܐܪܬܐ

Page 123

ܐܫܬܝܘ ܘܪܘܝܘ܆ ܘܢܦܼܩܘ ܡܢ ܗܘܢܗܘܢ ܘܐܬܥܘܪܘ ܡܕܥܗܘܢ܇ ܒܪܘܚܐ ܡܕܥܪܢܝܬܐ ܕܛܥܝܘܬܐ. ܘܠܒܪ ܡܢ ܟܠܗ ܛܟܣܐ ܕܩܢ̈ܘܢܐ ܥܕ̈ܬܢܝܐ. ܐܬܡܠܟܘ.. ܘܐܝܬܝܘ ܠܐܢܫ ܐܚܪܝܢ ܕܝܪܝܐ ܕܫܡܗ ܐܘܛܪܦܝܣܼ. ܘܐܓܗܢܘܗܝ ܠܥܠ ܡܢ ܫܠܕܐ ܗܿܝܼ. ܘܬܠܼܘ ܐܝܕܗ ܕܗܿܘ ܡܝܬܐ ܘܣܼܡ ܥܠ ܪܝܫܗ. ܘܚܠܦ ܗܿܘ ܡܝܬܐܼ. ܗܼܢܘܢ ܠܡ ܬܢܘ ܥܠܘܗܝ ܨܠܘ̈ܬܐ ܕܟܪܘܛܢܝܐ ܕܐܦܣܩܘܦܘܬܐ. ܘܗܐ ܠܐ ܦܝܣܝܢܼ ܗܘܼܐ ܐܦܣܩܘܦܐ ܗܿܘ ܕܥܒܪ ܢܡܘܣܐܼ. ܘܕܠܒܪ ܡܢ ܟܠܗܘܢ ܛܟ̈ܣܐ ܥܕ̈ܬܢܝܐ܀ ܗܼܘ ܕܝܢ ܗܢܐ ܕܘܝܐ܇ ܕܗܘܼܐ ܡܐܢܐ ܒܛܝܠܐܼ ܐܘܛܪܦܝܣܼ. ܠܐ ܣܦܼܩ ܠܗ ܚܕ ܐܒܕܢܐ ܘܛܥܝܘܬܐ ܣܪܝܩܬܐ ܘܬܓܘܪܬܐ ܕܨܪܪܐ ܢܩܝܒܐܼ. ܕܐܝܟ ܕܣܒܼܪ ܕܡܢ ܐܝܼܕܐ ܕܡܝܬܐ ܐܬܬܓܪ: ܐܠܐ ܘܬܘܒ ܐܬܥܘܪ ܐܦ ܗܼܘ ܒܡܕܥܗ: ܘܐܬܚܫܟ ܡܢ ܟܠܗܿ ܩܢܘܢܝܘܬܐ ܘܥܕܬܢܝܬܐ: ܕܟܕ ܗܼܘ ܡܢ ܡܝܬܐ ܡܐܢܐ ܕܚܒܠܐ ܗܘܼܐ: ܐܘܣܦ ܬܒܪܐ ܥܠ ܒܝܫܬܗ ܩܕܡܝܬܐܼ. ܘܥܒܼܪ ܡܢ ܕܚܕܐܼ. ܥܣܪ̈ܐ ܦܝܣܝܢ ܐܦ̈ܝܣܩܘܦܐ. ܗܿܠܝܢ ܕܐܦ ܗܼܢܘܢ ܗܓܓܐܝܬ ܗܘܼܘ. ܟܕ ܛܥܬܗ ܠܣܟܠܐܼ. ܗܿܝ ܕܗܿܘ ܕܡܝܼܬ ܐܫܬܐܠ ܗܘܐ ܡܢܗܿ. ܕܟܕ ܚܝ ܘܚܠܝܡ ܕܢܥܒܕ ܗܘܐ ܠܒܪ ܡܢ ܩܢ̈ܘܢܐ ܐܦܝܣܩܘܦܐ ܒܠܚܘܕܘܗܝ. ܗܿܝ ܕܐܦ ܗܼܘ ܙܿܕܩ ܗܘܐ ܠܗ ܕܢܟܘܙ ܘܢܙܘܥ ܘܢܕܚܠ ܡܢܗܿ. ܕܗܼܘ ܒܠܚܘܕܘܗܝ ܢܡܪܚ ܘܢܥܒܕ ܐܦܝ̈ܣܩܘܦܐ: ܫܒܘܩ ܕܡܢ ܐܝܼܕܐ ܕܡܝܬܐ ܗܘܼܐ.. ܘܐܬܚܘܝ ܐܦ ܗܼܘ ܠܛܟ̈ܣܐ ܥܕ̈ܬܢܝܐ ܡܬܐ ܘܒܛܝܠܐ ܘܫܠܕܐ ܩܪܝܪܬܐ ܕܠܐ ܪܓܫܬܐ ܪܘܚܢܝܬܐ: ܥܡ ܟܠܗܘܢ ܐܝܠܝܢ ܕܗܘܼܘ ܡܢܗ: ܘܕܒܬܪܟܝܢ ܗܘܼܝܢ ܡܢܗܘܢ.. ܘܠܫܪܪܐ ܕܗܠܝܢ ܠܘ ܒܠܚܘܕ ܚܢܢܼ ܐܠܐ ܘܟܠܗܘܢ ܐܬܪ̈ܘܬܐ ܕܐܣܝܐ ܣܗܿܕܝܢ.. ܫܕܪ

Page 124

ܐܢܘܢ ܗܼܘ ܗܟܝܠ ܗܢܐ: ܠܗܢܘܢ ܕܗܘܼܘ ܡܢܗܼ ܠܟܠ ܦܢ̈ܝܢ܆ ܕܢܗܘܘܢ ܣܢܝܓܪ̈ܐ ܕܛܥܝܘܬܗܘܢܼ. ܗܢܘܢ ܕܝܢ ܕܗܪܣܝܣ ܕܗܓܓܘܬܐ ܘܦܢܛܣܝܐ. ܗܕܐ ܐܦ ܚܦܝܛܐܝܬ ܣܥܪܘ: ܘܢܦܼܩܘ ܠܡܕܢܚܐ ܘܠܡܥܪܒܐܼ. ܘܠܡܕܝܢܬ ܡܠܟܘܬܐ ܘܠܐܠܟܣܢܕܪܝܐܼ. ܘܠܣܘܪܝܐ ܟܠܗܿ. ܐܝܟܢܐ ܕܐܦ ܠܚܪܬܐ ܕܒܝܬ ܢܥܡܢ ܢܥܒܪܘܢܼ. ܘܠܒܝܬ ܦܪ̈ܣܝܐ. ܐܦ ܠܐܬܪ̈ܘܬܐ ܕܚܡܝܪ̈ܝܐ ܢܪܗܛ ܚܕ ܡܢܗܘܢ܇ ܕܫܡܗ ܗܘܐ ܣܪܓܝܣ. ܗܢܐ ܕܐܦ ܐܝܬܘܗܝ ܗܘܐ ܐܒܝܠܐ ܡܢ ܩܕܝܡܼ. ܘܐܣܬܦܪ ܘܗܘܼܐ ܐܦ ܗܼܘ ܡܐܢܐ ܒܛܝܪܐ ܘܐܙܼܠ ܗܘܐ ܘܕܠܼܚ ܘܚܒܼܠ ܘܐܛܥܝ ܘܐܘܒܕ ܠܟܠܗܘܢ ܗܠܝܢ ܐܬܪ̈ܘܬܐ. ܟܕ ܥܒܕ ܟܗ̈ܢܐ ܒܫܡܐ: ܘܐܝܟ ܕܡܬܐܡܪܐܼ ܘܐܦ ܐܦܝܣܩܘܦܐ ܥܒܼܕ ܐܦ ܗܼܘ ܒܕܘܟܬܗܼ. ܠܐܢܫ ܕܫܡܗ ܗܘ ܡܘܫܐ. ܗܢܘ ܕܝܢ܆ ܡܐܢܐ ܕܚܒܠܐ ܘܕܐܒܕܢܐ: ܐܝܟܢܐ ܕܐܦ ܗܼܘ ܘܗܿܘ ܕܥܒܼܕ ܠܗ ܐܝܬܝܗܘܢ ܗܘܘ. ܡܝܬ ܕܝܢ ܒܝܬ ܚܡܝܪ̈ܝܐܼ. ܟܕ ܘܠܐ ܐܪ̈ܒܥ ܫܢ̈ܝܢ ܡܠܝ.. ܐܚܪ̈ܢܐ ܕܝܢ ܡܢܗܘܢ ܠܐܬܪ̈ܘܬܐ ܕܒܝܬ ܨܘ̈ܦܢܝܐ ܘܕܐܪ̈ܙܢܝܐ ܬܪܨܘ ܡܪܕܝܬܗܘܢ. ܘܐܦ ܠܐܪܡܢܝ ܥܠܼܘ. ܐܝܟܢܐ ܕܐܦ ܥܕ ܗܫܐܼ. ܣ̈ܓܝܐܐ ܡܢܗܘܢ ܟܕ ܛܥܿܝܢ ܘܡܛܥܝܢ ܟܬܪ ܒܐܬܪ̈ܘܬܐ ܗܠܝܢ.. ܘܝܬܝܪܐܝܬ ܚܒܼܠܘ ܘܐܛܥܝܘ ܓܡܝܪܐܝܬ ܒܗܪܣܝܣ ܕܝܠܗܘܢ ܠܐܬܪ̈ܘܬܐ ܕܐܪ̈ܙܢܢܝܐ ܘܕܨܘ̈ܦܢܝܐ ܘ . . . . . [ܘܥܒܕ] ܬܡܘܢ ܣܘܪ̈ܚܢܐ ܗܢܐ ܡܚܒܠܢܐ ܕܢܦ̈ܫܬܐ ܕܥܒܪ ܢܡܘܣܐ܀ . . . . . ܕܝܢ ܟܕ ܐܣܬܟܠܘ ܗܠܝܢܼ ܐܬܟܫܠܘ ܒܗܿ ܒܟܪܘܛܢܝܐ ܗܕܐ: ܘܐܬܒܢܘ ܕ[ܕܓܠܘܬܐ] ܗܼܝ ܘܠܘ ܫܪܝܪܐ. ܘܐܬܥܕܠܘ ܘܢܦܠܘ ܒـ[ـܚܕ̈ܕܐ ܘܣܕܩܘ ܘܗܼܘܘ ܠܬܠܬܝܢ] ܦܠ̈ܓܘܢܼ. ܟܕ ܐܣܬܟܠܘ ܠܟܪܛܢܝܐ ܕܡܝܬܐ܇

Page 125

ܕܒܝܫܐܝܬ ܗܘܬ ܡܢܗܘܢܼ. ܠܓܡܪ ܠܗܕܐ ܐܣܠܝܘ.. ܘܥܒܼܕܘ ܥܕܬܐ ܠܚܕ ܣܛܪ ܒܗܿ ܒܐܦܣـ[ـܘܣ ܡܕܝܢܬܐ. ܘܗܟܢܐ] ܡܢ ܟܗ̈ܢܐ ܥܬ̈ܝܩܐ ܡܬܩܪܒܝܢ ܗܘܘ: ܐܝܟܢܐ ܕܗܢܘܢ ܝܬܝܪܐܝܬ ܫܪܪܘ ܠܢ܇ ܥܠ ܗܠܝܢ ܕܗܟܢܐ ܡܢܗܘܢ ܐܣܬܥܪܘ. ܘܐܢ ܕܝܢ ܠܐ: ܡܛܠ ܕܠܘ ܩܪ̈ܝܒܐ ܗܘܼܝܢ ܕܗܠܝܢ܆ ܠܐ ܝܗܿܒܝܢܢ ܗܘܝܢ ܢܦܫܢ ܕܡܢ ܫܡܥܐ ܒܪܝܐ ܪܘܫܡܐ ܕܬܫܥܝܬܐ ܕܥܠ ܗܠܝܢ ܢܫܠܼܡ. ܗܫܐ ܕܝܢ ܟܕ ܥܠ ܚܬܝܬܘܬܐ ܕܫܪܪܗܝܢ: ܕܗܟܢܐ ܟܠܗܝܢ ܐܫܬܡܫ: ܟܕ ܠܐ ܐܢܫ ܡܬܦܠܓ [ܕܠܐ ܚܪܝܢ] ܡܢܟܘܢ ܢܬܩܒ̈ܠܢ ܘܡܢ ܟܠܢܫ. ܗܼܘܘ ܫܪ̈ܝܪܝܢ ܒܡܪܢ.

ܥܠ ܛܘܦܢܐ ܕܗܼܘܐ ܒܢܗܪܐ ܕܥܒܿܪ ܒܛܪܣܘܣ ܕܩܠܝܩܝܐܿ. ܫܢܬ ܬܡܢܡ̈ܐܐ ܘܫ̈ܬܝܢ ܘܚܕܐ. ܛܪܣܘܣ ܕܝܢ ܡܕܝܢܬܐ ܪܒܬܐ ܕܩܠܝܩܝܐ ܒܡ̈ܝܐ ܕܛܘܦܢܐ ܕܡܢ ܢܗܪܐ ܕܥܒܿܪ ܒܗܿ ܣܘܓܐܗܿ ܐܫܬܩܠܬܼ ܘܛܒܥܼܬ ܘܐܬܥܩܼܪܬ. ܘܫܪܟܐ ܬܘܒ ܕܩܘܪ̈ܝܐ ܕܐܬܪܐ ܕܡܢ ܪܘܚܩܐ ܣܓܝܐܐܼ ܐܬܓܪ̈ܦܝܢ. ܘܐܪ̈ܥܬܐ ܘܟܪ̈ܡܐ ܘܫܪܟܐ ܕܬܩ̈ܢܬܐ ܐܬܚ̈ܒܠܝܢ. ܘܐܬܥܩܪ ܘܝܒܼܫ̈ܝܢ. ܘܐܬܚܦܝܬ ܐܪܥܐ ܥܠܝܗܝܢ.

ܒܗܢܐ ܕܝܢ ܙܒܢܐܼ ܗܪܣܝܣ ܡܚܒܠܬܐ ܕܡܘܢܛܢܘܣ ܐܬܒܙܚܬ ܘܐܬܥܩܪܬܼ. ܗܿܝ ܕܒܙܒܢܐ ܕܫܠܝ̈ܚܐ ܟܬܝܒ ܗܼܘ ܠܢ ܫܪܒܗܿ: ܘܕܐܝܟܢܐ ܢܒܼܥܬ. ܗܫܐ ܕܝܢ ܒܡܚܦܛܢܘܬܗ ܕܩܕܝܫܐ ܝܘܚܢܢ ܐܦܝܣܩܘܦܐ ܕܐܣܝܐ: ܐܫܬܟܚܘ ܓܪ̈ܡܘܗܝ ܕܡܘܢܛܢܘܣܼ. ܗܿܘ ܕܐܡܿܪ ܗܼܘܐ ܥܠ ܢܦܫܗ ܕܪܘܚܐ ܦܪܩܠܝܛܐ ܐܝܬܘܗܝ: ܘܕܩܪܐܛܝܣ ܘܕܡܟܣܝܡܠܐ ܘܕܦܪܣܩܝܠܐ ܢܒܚ̈ܬܗܼ. ܘܐܘܩܕ ܐܢܘܢ ܒܢܘܪܐ. ܘܠܗܝܟ̈ܠܝܗܘܢ ܥܩܼܪ ܥܕܡܐ ܠܫ̈ܬܐܣܐ܀

Page 126

ܫܢܬ ܬܡܢܐܡܐܐ ܘܫܬܝܢ ܘܬܪ̈ܬܝܢ܆ ܗܘܼܬ ܙܘܥܐ ܪܒܐ ܒܡܝܕܢܬ ܡܠܟܘܬܐܼ. ܒܝܘܡܐ ܚܕܒܫܒܐ. ܒܐܪܝܚ ܐܒ ܒܫ̈ܒܥܐ ܒܗ: ܗܘܼܐ ܙܘܥ ܕܚܝܠܐ ܘܩܫܝܐ ܘܥܙܝܙܐ ܒܡܕܝܢܬ ܡܠܟܘܬܐܼ. ܒܦܠܓܗ ܕܠܠܝܐܼ ܒܓܡܓܗ̈ܝ ܚܕܒܫܒܐ. ܘܐܬܗܦܟܘ ܒܗ ܒ̈ܬܐ ܣ̈ܓܝܐܐ. ܘܗܘܼܘ ܩܒܪ̈ܐ ܓܢܝ̈ܚܐ ܠܥܡܘܪ̈ܝܗܘܢ. ܘܢ̈ܦܠܝ ܥܕ̈ܬܐ ܣ̈ܓܝܐܬܐܼ. ܘܒ̈ܠܢܣܼ. ܘܫܘܪ̈ܐ ܕܡܕ̈ܝܢܬܐܼ ܘܝܬܝܪܐܝܬܼ ܫܘܪܐ ܕܡܕܝܢܬ ܡܠܟܘܬܐ܇ ܗܿܘ ܕܡܬܩܪܐ ܕܬܪ̈ܥܐ ܕܕܗܒܐ. ܘܣ̈ܓܝܐܬܐ ܬܘܒ ܢ̈ܦܫܬܐ ܐܒܕܘ ܒܗ ܒܙܘܥܐܼ ܒܟܠܕܘܟ. ܘܡܕ̈ܝܢܬܐ ܣ̈ܓܝܐܬܐ ܐܬܗ̈ܦܟܝ ܗ̈ܘܝ ܘܐܣܬܚ̈ܦܝ. ܐܝܟܢܐ ܕܢܝܩܘܡܕܝܐ ܕܒܬܘܢܝܐ ܡܝܛܪܘܦܘܠܝܣܼ. ܬܬܗܼܦܟ ܗܘܬܼ ܘܬܬܚܒܠ ܠܓܡܼܪ: ܘܣܘܓܗܿ ܒܝܡܐ ܬܬܒܠܼܥ. ܘܫܪܟܐܼ ܒܡܦܘܠܬܐ ܐܬܛܡܼܪܘ. ܘܣ̈ܓܝܐܐ ܟܕ ܚܝ̈ܝܼܢ ܐܫܬܟܚܘ ܒܗܿ ܒܡܦܘܠܬܐܼ. ܘܢܦܩܘ ܗܘܘ ܡܢܗܘܢ ܟܕ ܫܪܝܪܝܢ܆ ܡܢܗܘܢ ܕܝܢ ܟܕ ܡܡܿܚܝܢ.܀ ܗܘܘ ܕܝܢ ܗܠܝܢ ܙܘ̈ܥܐ ܕܚ̈ܝܠܐ: ܟܕ ܚܕ ܒܬܪ ܚܕ ܐܿܬܝܢ ܝܘ̈ܡܬܐ ܐܪ̈ܒܥܝܢ. ܟܕ ܪ̈ܚܡܘܗܝ ܕܐܠܗܐ ܚܿܢܢܐ ܒܗܘܢ ܚܠܝܛܝܢ ܗܘܘ: ܘܩܪܝܢ ܠܗܘܢ ܠܒܢ̈ܝܢܫܐܼ. ܒܒܥܘܬܐ ܒܥܕ̈ܬܐ ܐܡܝܢܝܢ ܗܘܘ ܘܝܬܝܢ ܒܗ̈ܝܢܿ. ܒܚܫܐ ܘܒܕ̈ܡܥܐ ܕܬܝܒܘܬܐ. ܗܘܿܝܢ ܕܘܟܪ̈ܢܝܗܘܢ ܕܙܘ̈ܥܐ ܗܠܝܢ܆ ܒܩܡܦܘܢ ܪܒܐ ܘܪܘܝܚܐ܇ ܕܥܠ ܫܒ̈ܥܐ ܡ̈ܝܠܝܢ ܡܢ ܡܕܝܢܬ ܡܠܟܘܬܐ. ܘܒܟܠ ܫܢܐ ܒܗܠܝܢ ܝܘ̈ܡܬܐ ܕܗܼܘܘ ܒܗܘܢܼ. ܗܘ̈ܝܢ ܒ̈ܥܘܬܐ ܣ̈ܓܝܐܬܐܼ݂ ܒܟܢܫ ܐܝܟ ܕܠܡܐܡܪ ܕܟܠܗܿ ܡܕܝܢܬܐ

Page 127

.ܩܐ. ܘܡܢ ܪ̈ܘܪܒܢܐ ܚܦܝܛܐܝܬ ܢܿܦܩܝܢ ܒܒ̈ܥܘܬܐ ܗܠܝܢ ܠܩܡܦܘܢ.

[ܒܗܢܐ ܕܝܢ ܙܒܢܐ ܡܬܝܥܕ]ܥܝܢ ܠܘܬ ܡܗ̈ܝܡܢܐܼ. ܐܦܝ̈ܣܩܦܐ ܗܠܝܢ: [ܬܐܘܕܘܣܝـ]ـܣ ܦܛܪܝܪܟܐ ܕܐܠܟܣܢܕܪܝܐܼ ܒܪܕܝܦܘܬܐ.. ܐܢܬܝܡܘܣ ܦܛܪܝܪܟܐ ܕܩܘܣܛܢܛܝܢܐ ܦܘܠܝܣܼ ܒܪܕܝܦܘܬܐ.. ܦܘܠܘܣ ܦܛܪܝܪܟܐ ܕܐܢܝܛܝܟܐܼ ܒܪܕܝܦܘܬܐ.. ܝܥܩܘܒ ܐܦܝܣܩܦܐ ܕܐܘܪܗܝܼ ܡܢ ܕܝܪܐ ܕܦܣܝܠܬܐ.. ܝܘܚܢܢ ܐܦܝܣܩܦܐ ܕܐܡܕܼ ܡܢ ܕܝܪܐ ܕܩܪܬܡܢ.. ܬܐܘܕܪܐ ܐܦܝܣܩܦܐ ܕܚܐܪܬܐ ܕܢܥܡܢ܀ ܡܬܝܕܥܝܢ ܠܘܬ ܟܠܩܕܘ̈ܢܝܐ ܦܛܪܝܪ̈ܟܐ ܗܠܝܢ: ܒܓܝܠܝܘܣ ܕܪܗܘܡܐ.. ܐܘܛܘܟܝܣ ܕܡܕܝܢܬܐ ܡܠܟܘܬܐ.. ܐܦܘ[ܠܝـ]ـܢܪܝܘܣ ܕܐܠܟܣܢܕܪܝܐ.. ܕܘܡܢܝܢܐ ܕܐܢܛܝܟܝܐ.

ܫܢܬ ܬܡܢ̈ܡܐܐ ܘܫ̈ܬܝܢ ܘܬܠ̈ܬܼ. ܡܪܕܘ ܝܗܘܕ̈ܝܐ ܐܦ ܫܡܪ̈ܝܐ ܒܐܬܪܐ ܕܦܠܣܛܝܢܐ. ܒܗ ܗܟܝܠ ܒܗܢܐ ܙܒܢܐܼ. ܚܫܼܠܘ ܗܘܘ ܪܐܙܐ ܐܝܟ ܚܕܐ ܝܗ̈ܘܕܝܐ ܘܫܡܪ̈ܝܐ ܠܘܩܒܠ ܟܪ̈ܣܛܝܢܐ܇ ܒܩܣܪܝܐ ܕܦܠܣܛܝܢܐ. ܘܡܪܕܘ ܘܗܘܘ ܚܕ: ܐܝܟ ܕܒܫܡܐ ܕܦܪ̈ܣܝܢܐ ܘܕܒܝ̈ܢܝܛܐ. ܘܥܼܠܘ ܒܩܪܒܐ ܥܠ ܟܪ̈ܣܛܝܢܐ. ܘܚܼܪܒܘ ܘܐܘܒܕ ܠܣ̈ܓܝܐܐܼ ܠܟܠ ܕܐܣܬܩܒܠ. ܘܪܗܛܘ ܠܥܕ̈ܬܐ ܕܟܪ̈ܣܛܝܢܐܼ. ܘܒܙܘ ܐܢ̈ܝܢ ܘܨܼܥܪܘ ܘܒܼܙܚܘ ܒܩܘܕ̈ܫܐ܀ ܘܟܕ ܢܦܼܩ ܐܢܬܘܦܛܘܣ ܕܡܕܝܢܬܐ: ܕܢܿܗܦܟ ܘܢܛܪܘܕ ܐܢܘܢ܆ ܐܬܟܢܫܘ ܘܚܕܪܘܗܝ. ܘܟܕ ܚܼܙܐ ܣܘܓܐܐ ܕܥܡܐ ܕܐܬܟܢܫ ܥܠܘܗܝܼ. ܥܪܩܼ ܠܦܼܪܘܛܪܝܢ ܕܝܠܗ. ܘܪܗܛܘ ܒܬܪܗ ܘܐܕܪܟܘܗܝ ܘܩܛܠܘܗܝ. ܘܦܣܼܩܘ ܠܩ̈ܘܡܛܐ ܣܿܓܿܝܿܐܿܐܼܿ ܘܠܟܠܗܿ ܛܟܣܝܣܝ ܕܝܠܗ. ܘܩܛܠܘ

Page 128

ܠܥܡ̈ܝܕܐ ܣܓܝ̈ܐܐ ܟܕ ܠܒܝܫܝܢ ܚܘܪ̈ܝܗܘܢ܆ ܘܒܼܙܘ ܒܙܬܐ ܣܓܝܐܬܐ.. ܐܝܟܢܐ ܕܟܕ ܗܠܝܢ ܝܠܼܦ ܡܿܠܟܐ ܝܘܣܛܢܝܢܐܼ. ܕܓܙ ܪܘܪܒܐܝܬ. ܘܦܩܼܕ ܠܐܡܢܛܝܘܣ ܣܛܪܝܛܠܛܝܣ ܕܐܝܬܘܗܝ ܗܘܐ ܒܡܕܢܚܐ: ܗܢܐ ܕܟܪܣܛܝܢܐ ܘܛܢܢܐ ܕܗܝܡܢܘܬܐ ܕܟܪ̈ܣܛܝܢܐ ܐܝܬܘܗܝ ܗܘܐ.. ܘܐܼܙܠ ܠܩܣܪܝܐܼ ܘܠܟܠܗܿ ܐܪܥܐ ܕܦܠܣܛܝܢܐ. ܘܠܒܼܟ ܘܙܩܼܦ ܡܢܗܘܢ ܕܡܪ̈ܘܕܐ ܝܗܘܕ̈ܝܐ ܘܫܡܪ̈ܝܐ ܘܐܘܩܕ ܘܫܩܼܠ ܒܨܝܦܐܼ. ܘܦܣܼܩ ܐܝܕ̈ܝܗܘܢ ܘܪ̈ܓܠܝܗܘܢ܆ ܘܐܫܬܢܕܘ ܒܗܘܢ ܫܢ̈ܕܐ ܡܫ̈ܚܠܦܐ.. ܘܗܟܢܐ ܥܼܒܕ ܡܢܗܘܢ ܦܪܥܢܘܬܐ. ܘܗܘܼܬ ܙܘܥܬܐ ܘܬܒܪܐܼ ܠܟܠܗܘܢ ܐܝܠܝܢ ܕܦܠܛܘ ܡܢܗܘܢ.

ܫܢܬ ܬܡܢ̈ܡܐܐ ܘܫ̈ܬܝܢ ܘܐܪ̈ܒܥܼ. ܗܘܼܘ ܙܘ̈ܐ ܪܘܪ̈ܒܐ ܘܬܩ̈ܝܦܐ. ܘܐܬܗܼܦܟ ܒܗܘܢ ܡܕܝܢ̈ܬܐ ܘܩܘܕ̈ܝܣ ܣܓܝ̈ܐܬܐ ܒܐܪܥܐ ܕܣܘܪܝܐ. ܒܐܝܪܚ ܚܙܝܪܢ ܕܫܢܬܐ ܗܕܐܼ. ܗܘܼܐ ܙܘܥܐ ܩܫܝܐ ܘܥܙܝܙܐ ܥܡ ܗܿܢܝܢ ܕܫܪܟܐܼ. ܘܐܬܗܦܟ ܒܗ ܡܕ̈ܝܢܬܐ ܣܓܝ̈ܐܬܐ: ܐܝܟܐ ܕܐܦ ܡܕ̈ܝܢܬܐ ܕܦܘܢܝܩܐ ܗܢܘܢ ܕܝܢ ܕܐܪܒܝܐ ܘܦܠܣܛܝܢܐ: ܒܝܪܘܛܘܣ ܘܛܪܝܦܘܠܝܣܼ ܘܨܘܪ ܘܨܝܕܢ ܘܨܪܦܬ ܘܒܝܒܠܘܣ ܘܐܢܛܪܕܘܣ ܘܫܪܟܐ ܕܡܕ̈ܝܢܬܐ ܘܩܘܪ̈ܝܐ ܘܟܘܪ̈ܐ ܕܝܠܗܝܢ ܢܦܠܼܘ ܘܐܣܬܚܦܘܼ. ܘܢܦܫ̈ܬܐ ܣܓܝ̈ܐܬܐ ܒܪܘܓܙܐ ܕܡܛܠ ܚܛܗ̈ܐ ܐܬܩܒܪܘ ܗܘܘ ܒܒ̈ܬܝܗܘܢ ܘܒܥܝܪܐ ܥܡ ܫܪܟܐ.

ܫܢܬ ܬܡ̈ܢܡܐܐ ܘܫ̈ܬܝܢ ܘܚ̈ܡܫܼ. ܐܬܟܿܢܫܘ ܟܢ̈ܫܐ ܣܓܝ̈ܐܐ ܕܦܛܪ̈ܝܪܟܐ ܘܐܦܝ̈ܣܩܘܦܐܼ ܘܕܝܪ̈ܐ ܘܝܚܝܕܗܝܐ ܘܥ̈ܠܡܝܐܼ. ܡܢ ܟܠ ܦܢ̈ܝܢܿ. ܒܡܝܕܢܬܐ ܡܠܟܘܬܐ: ܥܠ ܐ̈ܦܝ ܗܝܡܢܘܬܐ.. ܠܐ ܗܟܝܠ ܣܦܿܩܝܢܢ ܕܚܬܝܬܐܝܬ ܘܡܫܡܗܐܝܬ ܥܠ ܟܢܘ̈ܫܝܐ ܗ̈ܠܝܢ ܕܒܛܢܼܢܐ ܪܬܚܘ:

Page 129

ܘܠܘܬ ܡܿܠܟܐܼ ܥܠ ܫܪܒܐ ܕܚܕܝܘܬܐ ܕܥܕܬܐܿ. ܒܙܒܢ̈ܬܐ ܡܫܚ̈ܠܦܬܐ ܚܕ ܒܬܪ ܚܕ ܪܗܼܛܘ ܢܪܫܘܡ. ܗܕܐ ܗܟܝܠ ܠܘܩܕܡ ܡܢ ܟܠܗܘܢ ܐܦ̈ܝܣܩܘܦܐ ܪ̈ܕܝܦܐ ܝܬܝܪܐܝܬ ܡܕ̈ܢܚܝܐ ܗܼܘܬ. ܟܕ ܟܿܢܫܘ ܘܕܒܼܪܘ ܘܥܼܨܘ ܠܐܢ̈ܫܐ ܝܚܝܕ̈ܝܐ ܘܡܕ̈ܒܪܝܐ ܘܓܡܝܪ̈ܐ ܘܥܿܒ̈ܕܝ ܐܬܘ̈ܬܐ܇ ܘܠܐܚܪ̈ܢܐ ܡ̈ܠܝܛܝ ܒܝܕܥܬܐ ܘܒܡܠܬܐ ܘܒܟܬܒ̈ܐ ܐܠܗ̈ܝܐ ܘܝܕ̈ܥܝ ܕܘܓܡ̈ܛܐ ܕܗܝܡܢܘܬܐ ܕܫܪܪܐ.. ܘܐܬܘ ܘܥܼܠܘ ܘܕܪܫܘ ܘܩܡܼܘ ܘܐܬܓܒܪܘ ܥܠ ܐܦ̈ܝ ܫܪܪܐ. ܟܕ ܐܦ ܒܪܘܚ ܐܬܓܠܼܝ ܠܩܕ̈ܝܫܐ ܗܠܝܢ ܕܥܡܗܘܢܼ. ܕܠܐ ܡܨܝܐ ܡܕܡ ܕܢܗܘܐ ܒܙܒܢܐ ܗܿܘ.. ܘܗܟܢܐ ܒܟܣܝܐ ܥܠܼܘܢ ܠـ[ـܐܠܦܐܼ ܘܫܿܢܝܘ ܡܢ] ܡܕܝܢܬ ܡܠܟܘܬܐ. ܗܕܐ ܕܐܦ ܠܗܿ ܠܡܠܟܬܐ ܬܐܕܘܪܐ ܡܗܝܡܢܬܐ ܣܿܓܝ [ܫܚܩܼܬ.] ܘܫܕܪܬ ܠܟܠ ܦܢ̈ܝܢ. ܘܚܕ ܡܢܗܘܢ ܠܐ ܐܫܬܟܚܘ ܘܠܐ ܐܬܝܕܥܘ ܠܐܿܝܟܐ [ܫܼܪܟܘ] ܡܢܗܘܢ ܕܝܢܼ ܐܝܠܝܢ ܕܡܢܥܘ ܠܕܘ̈ܟܝܬܗܘܢܼ. ܬܘܒ ܠܐ ܐܬܬܦܝـ[ـܣܘ ܕܢܥܼܢܘܢ ܘܢܦܩܘܢ] ܡܢ ܕܘ̈ܟܝܬܗܘܢ܇ ܘܗܟܢܐ ܫܠܡܘ ܚܝ̈ܝܗܘܢ: ܘܐܦ ܟܢܘܫܝܐ ܐܫܬܪܝܼ. ܟܕ [ܡܕܡ] ܠܓܡܼܠ ܠܐ ܗܼܘܐ.

ܫܢܬ ܬܡܢ̈ܡܐܐ ܘܫ̈ܬܝܢ ܘܫ̈ܬܼ. ܗܘܐ ܝܩܕܢܐܕܡܢ ܫܡܝܐ ܕܒܝܬ ܦܬܟܪ̈ܐ ܪܒܐ ܘܬܩܝܦܐ: ܕܐܝܬ ܗܘܼܐ ܒܒܥܠܒܟ ܡܕܝܢܬܐ ܗܿܝ ܕܫܡܫܐ: ܕܐܝܬ ܒܦܘܢܝܩܐ܇ ܒܝܢܬ ܠܒܢܢ ܠܣܢܝܪ. ܒܗ ܕܝܢ ܬܘܒ ܒܙܒܢܐ ܕܡܠܟܘܬܗ ܕܝܘܣܛܢܝܢܐ ܡܠܟܐܼ. ܬܕܡܘܪܬܐ ܪܒܬܐ ܐܣܬܥܪܬܿ. ܒܝܕ ܝܩܕܢܐ

Page 130

ܕܡܢ ܫܡܝܐ: ܕܒܝܬܐ ܪܒܐ ܘܬܩܝܦܐ ܕܒܝܬ ܦܬܟܪ̈ܐ ܕܒܒܥܠܒܟ ܡܕܝܢܬܐ ܕܚܢܦܘܬܐ: ܗܕܐ ܕܒܠܫܢܐ ܝܘܢܝܐ. ܡܕܝܢܬܗ ܕܫܡܫ ܡܬܟܢܝܐ.. ܒܗܕܐ ܗܟܝܠ ܒܝܬ ܦܬܟܪ̈ܐ ܪܒܐ ܘܥܫܝܢܐ ܐܝܬ ܗܘܐ. ܗܿܘ ܕܐܝܟ ܕܐܡܿܪܝܢ: ܚܕ ܡܢ ܗܠܝܢ ܒ̈ܬܐ ܬܩܝ̈ܦܐ ܕܒܢܼܐ ܫܠܡܘܢ ܐܝܬܘܗܝ ܗܘܐ. ܕܐܝܬܘܗܝ ܐܘܪܟܗ ܒܡܫܘܚܬܐ ܡܐܐ .ܘܢܢ. ܐܡ̈ܝܢ. ܘܦܬܝܗ ܫܒ̈ܥܝܢ ܘܚܡ̈ܫ ܐܡ̈ܝܢ. ܟܕ ܒܢܼܐ ܗܘܐ ܒܟ̈ܐܦܐ ܫܠܡ̈ܠܡܬܐ ܕܓܠ̈ܝܦܢ܆ ܕܡܢ ܥܣܪ̈ܝܢ ܐܡ̈ܝܢ ܐܘܪܟܗܿ ܕܚܕܐ ܡܢܗܝܢ ܥܣܪ̈ ܐܡ̈ܝܢ. ܘܦܬܝܗܿ ܒܓܘ ܕܘܡܣܐ ܐܪ̈ܒܥ ܐܡܗܝܢ.. ܥܡ ܬܘܩܢܐ ܕܒܢܝܢܗܿ. ܘܕܐܣܛܘ̈ܢܘܗܝ ܪ̈ܡܐ ܘܥܫܝ̈ܢܐ ܐܦ ܬܗܝܪ̈ܐ ܠܚܙܬܐ: ܘܬܛܠܝܠܗ ܡܢ ܐܪ̈ܙܐ ܬܩܝ̈ܦܐ ܕܝܠܗ ܕܠܒܢܢ. ܘܩܪܝܡ ܒܐܒܪܐ ܡܢ ܠܥܠ. ܘܬܪ̈ܥܘܗܝ ܕܢܚܫܐ. ܘܪ̈ܝܫܝ ܕܟܪ̈ܐ ܕܢܚܫܐ ܡܢ ܠܥܠܼ. ܬܚܝܬ ܟܕ ܚܕ ܡܢ ܩܝ̈ܣܐ ܕܬܛܠܝܠܗܼ. ܬܠ̈ܬ ܐܡ̈ܝܢ ܡܬܚܙܝܢ ܠܓܘ ܒܝܬܐ.. ܫܪܟܐ ܕܨܒܘ̈ܬܗ ܕܒܝܬܐ ܗܿܘܼ ܕܬܕܡܘܪܬܐ ܗܘܼ̈ܝ. ܕܐܦ ܟܕ ܒܬܘܩܦܗ ܕܒܝܬܐ ܗܿܘ ܛܥܝܢ ܗܘܘ ܘܡܫܬܒܗܪܝܢ ܝܬܝܪܐܝܬ ܚܢܦ̈ܐ ܛܥ̈ܝܐ: ܘܕܒܚ̈ܬܐ ܘܢܕܪ̈ܐ ܘܥܠ̈ܘܬܐ ܕܠܐ ܣܟ ܠܫ̈ܐܕܐ ܗܘ̈ܝܢ ܗܘ̈ܝ ܒܗ ܒܢܘܣܐ ܗܘܿ ܐܡܝܢܐܝܬ. ܘܠܐ ܐܢܫ ܟܝܼܬ ܐܬܡܨܝ ܕܢܥܩܪܝܘܗܝ܇ ܐܘ ܢܒܛܠ ܡܢܗ ܛܥܝܘܬܗܘܢ ܕܦ̈ܠܚܝ ܦܬܟܪ̈ܐ. ܐܠܗܐ ܕܝܢ ܕܚܼܙܐ ܡܨܛܠܝܢܘܬܗܘܢ ܘܛܥܝܘܬܗܘܢ ܕܒܢܝ̈ܢܫܐ܆ ܕܡܢ ܥܠܬ ܪܒܘܬܗ ܕܢܘܣܐ ܗܿܘ: ܡܢ ܫܠܝܐܼ. ܐܣܦ ܒܗ ܢܘܪܐ ܡܢ ܫܡܝܐܼ. ܘܐܬܓܘܙܠܬ ܒܗ ܘܐܟܠܬܗ. ܘܓܡܪܬ ܗܘܼܬ ܠܩܝ̈ܣܘܗܝ ܘܠܚܫܗ ܘܠܐܒܪܗ ܘܠܦܬܟܪ̈ܐ ܕܒܗ. ܘܐܦ ܠܟܐܦ̈ܘܗܝ ܦܚܪܬ ܐܢ̈ܝܢ܆ ܘܠܨ̈ܠܡܐ ܕܣܕܝܪܝܢ ܗܘܘ ܒܗܼ ܡܛܠ ܣܓܕܬܐ ܕܛܥܝܘܬܐ ܕܚܢܦܘܬܐ. ܘܠܟܚܬ ܥܕܡܐ ܠܥܦܪܗܿ ܕܐܠܥܐ. ܟܕ ܦ̈ܫܝܢ ܒܗ ܩܠܝܠ ܟ̈ܐܦܐ ܐܝܟ

Page 131

ܕܠܐܬܿܐܼ. ܟܕ ܡܦܚܪ̈ܢ ܡܢ ܝܩܕܢܐ.. ܐܝܟܐܢ ܕܓܘܢܚܐ ܪܒܐ ܢܕܪܟ ܡܢ ܫܠܝܐ ܠܟܠܗܘܢ ܣܓܕ̈ܝ ܠܦܬܟܪ̈ܐ ܕܒܝܬܐ ܗܿܘ ܕܝܬܝܪܐܝܬ: ܘܒܟܬܐ ܘܐܠܝܐ ܘܬܢ̇ܬܐ ܡܪ̈ܝܪܬܐܼ. ܠܟܠܗ ܓܒܐ ܕܚܢܦܘܬܐ. ܟܕ ܡܬܘܥܕܝܢ ܗܘܘ ܘܐܬܿܝܢ ܡܢ ܟܠ ܦܢ̈ܝܢ ܠܫܡܥܗ ܕܓܘܢܚܐ ܗܿܘ ܕܐܕܪܟ ܐܢܘܢܼ. ܘܠܐܠܗ̈ܝܗܘܢ ܚܪ̈ܫܐ ܟܝܬ ܘܡ̈ܝܬܐ ܘܕܠܐ ܪܓܫܬܐ: ܘܥܡ ܢܘܣܐ ܕܣܕܝܪܝܢ ܗܘܘ ܒܗ. ܟܕ ܟܢܝܫܝܢ ܘܩܝܡܝܢ ܚܕܪܘܗܝܼ ܘܒܟܿܝܢ ܡܪܝܪܐܝܬ. ܥܕܡܐ ܠܙܒܢܐ ܕܝܘ̈ܡܬܐ ܣ̈ܓܝܐܐ. ܘܢܘܣܐ ܐܫܬܓܪ ܥܕܡܐ ܕܗܘܼܐ ܢܘܪܐ ܒܢܘܪܐ. ܠܟܠܗܘܢ ܕܝܢ ܟܪ̈ܣܛܝܢܐ ܕܚܼܙܘ ܘܫܡܼܥܘ ܠܡܕܡ ܕܓܼܕܫ ܠܢܘܣܐ ܗܿܘܼ. ܗܘܼܬ ܠܗܘܢ ܚܕܝܘܬܐ ܘܕܝܨܐ. ܘܟܕ ܬܗܿܪܝܢ ܗܘܘ ܥܠ ܐܬܿܐ ܕܬܗܪܐ ܕܣܥܼܪ ܐܠܗܐ: ܗܿܝܕܝܢ ܐܬܡܠܝ ܦܘܡܗܘܢ ܫܘܒܚܐ: ܘܠܫܢܗܘܢ ܬܘܕܝܬܐܼ. ܒܟܠܗܿ ܥܕܬܐ ܕܐܠܗܐ. ܘܚܼܕܘ ܘܫܒܼܚܘܼ. ܡܛܠ ܬܕܡܘܪܬܐ ܪܒܬܐ ܕܐܣܬܥܪܬ ܡܢ ܐܠܗܐ ܒܐܒܕܢܗ ܡܢ ܫܠܝ ܕܒܝܬܐ ܗܘܿ: ܒܥܘܙܐ ܕܫܠܗܒܝܬܐ ܫܓܝܪܬܐ ܕܡܢ ܫܡܝܐ.

ܫܢܬ ܬܡ̈ܢܡܐܐ ܘܫ̈ܬܝܢ ܘܫܒ̈ܥܼ. ܗܘܼܬ ܡܦܘܠܬܗ ܕܥܕܬܐ ܪܒܬܐ ܕܡܕܝܢܬ ܡܠܟܘܬܐ. ܒܐܝܪܚ ܐܝܪ ܒܬܠ̈ܬܐ ܒܗܼ. ܥܕܬܐ ܪܒܬܐ ܕܡܕܝܢܬ ܡܠܟܘܬܐ܆ ܡܢ ܫܠܝܐ ܦܠܓܗ ܕܓܒܐ ܡܕܢܚܝܐ: ܗܢܘ ܕܝܢ [ܩܘܒܬ]ܐ ܐܬܕܠܚܬܼ ܘܢܦܼܠܬ. ܘܐܝܟ ܒܛܝܠܘܬܐ ܕܪ̈ܚܡܘܗܝ ܕܐܠܗܐ: ܕܠܐ ܨܿܒܐ ܠܐܒܕܢܐ ܕܓܒܝܠܬܗ: ܟܕ ܐܚܝܕܐ ܘܠܐ ܫܟܚ ܒܗܿ ܐܢܫ. ܘܐܢ ܕܝܢ ܠܐܼ. ܐܠܦ̈ܐ [ܘܪ̈ܒܘܬ]ܐ ܟܒܫܐ ܗܘܬ. ܐܦ ܓܝܪ ܐܬܦܩܥܬ ܗܘܬ ܘܐܬܦܚܪܬ ܡܢ ܙܘܥܐ ܗܿܘ ܕܚܝܠܐ ܘܩܫܝܐ. ܘܗܘܬ ܓܘܢܚܬܐ ܪܒܬܐ ܒܡܦܘܠܬܗܿ ܠܡܠܟܐ ܘܠܟܠܗܿ ܡܕܝܢܬܐ.. ܟܕ ܐܬܥܣܩ ܗܿܘ ܓܒܐ ܕܠܐ ܢܦܼܠ

Page 132

ܠܡܚܬܬܗܼ ܝܬܝܪ ܡܢ ܗܿܘ ܕܢܦܼܠ. ܡܛܠ ܕܐܝܬܘܗܝ ܗܘܐ ܐܙܓܐ ܪܒܐ ܘܬܩܝܦܐܼ. ܘܬܿܠܼܐ ܗܘܐ ܘܩܿܐܡ: ܘܠܐ [ܐܟܚܘ ܐܘ̈ܡܢܐ ܕ] ܠܩ̈ܘܢܟܐ ܐܝܟܢܐ ܢܚܬܘܢܝܗܝ. ܟܕ ܕܚܿܠܝܢ ܗܘܘܼ. ܕܕܡ ܢܚܘܬ ܗܘܐ ܘܢܡܚܐ ܠܐܣܛܘ̈ܢܐ ܘܠܥܝ̈ܬܐ ܗܠܝܢ ܕܠܬܚܬܼ. ܘܬܬܗܦܟ ܠܗܿ ܟܠܗ ܿܥܕܬܐ: ܐܦ ܓܝܪ ܗܼܘ ܗܿܘ ܓܒܐ ܡܕܢܚܝܐ ܕܢܦܼܠܼ. ܫܚܼܩ ܘܕܩܼܿܡ ܠܟܠܗܿ ܩܐܪܒܪܝܢ ܗܿܝ ܕܫܒܝܚܬܐܼ ܘܠܟܠܗܘܢ ܗܿܢܘܢ ܐܣܛܘ̈ܢܐܬܡܝ̈ܐ܇ ܕܚܕܝܪܝܢ ܠܟܠܗ ܩܢܩܠܐ ܕܡܕܒܚܐܼ. ܘܠܗ ܠܡܕܒܚܐ. ܘܠܟܠܗ ܡܬܩܢܐ ܕܩ̈ܝܡܐ ܘܠܫܪܟܐ܀ ܦܩܼܕ ܕܝܢ ܡܠܟܐ ܘܒܕܚܠܬܐ ܘܒܥܡܠܐ ܣܓܝܐܐ ܢܚܼܬ ܗܿ، ܓܒܐ ܐܚܪܢܐ. ܘܗܼܦܟ ܒܢܗܿ ܡܫܪܪܐܝܬ ܚܠܝܡܐܝܬ. ܟܕ ܐܪܡܝܗܿ ܠܥܠܡ ܡܢ ܕܩܕܡܝܬܐ ܥܣܪ̈ܝܢ ܦܘܕ̈ܝܬܐ. ܘܡܬܐܡܪܐ ܕܝܢ ܘܥܕܡܐ ܠܬܠ̈ܬܝܢ. ܘܐܦܩ ܥܠܝܗܿ ܕܗܒܐ ܣܓܝܐܐ. ܘܗܟܢܐ ܗܘܬܼ ܒܢܝܢܗܿ ܬܩܝܦܐ. ܕܠܐ ܣܒܝܪ ܕܐܝܬ ܒܥܠܡܐ ܕܬܩܝܦ ܡܢܗܿ.

ܫܢܬ ܬܡܢ̈ܡܐܐ ܘܫ̈ܬܝܢ ܘܬܡ̈ܢܐܼ. ܗܘܐ ܙܘܥܐ ܩܫܝܐ ܘ[ܒـ]ـܛܪܐܘܣ ܡܕܝܢܬܐ ܒܗ ܒܙܘܥܐ ܢܦܠܼܬ: ܘܛܘܪܐ ܪܒܐ ܕܡܬܩܪܐ ܦܪܨܘܦ ܟܐܦܐ ܦܩܼܥ ܘܢܦܼܠܬ ܒܝܡܐ. ܒܛܪܐܘܣ ܗܟܝܠ ܕܦܘܢܝܩܐ ܕܐܝܬܝܗܿ ܒܣܦܪ ܝܡܐ܆ ܟܕ ܢܦܠܼܬ ܒܙܘܥܐ ܩܫܝܐ. ܛܘܪܐ ܪܒܐ ܕܕܒܝܩ ܗܘܐ ܠܗ ܕܡܬܩܪܐ ܦܪܨܘܦ ܟܐܦܐ܆ ܐܬܬܙܝܥ ܘܐܬܬܠܚ ܡܢ ܫܠܝ ܡܢ ܩܛܝܪܗ ܕܙܘܥܐܼ. ܘܦܣܿܩܦܐ ܪܒܐ ܦܣܼܩ ܡܢܗ ܘܢܦܼܠ ܒܝܡܐ. ܘܢܦܨܗ ܙܘܥܐ ܠܪܘܚܩܐ ܣܓܝܐܐ ܒܓܘ ܝܡܐ܇ ܘܢܚܼܬ ܘܣܟܼܪ ܠܩܘܒܠܗܿ ܕܡܝܕܢܬܐܼ ܥܠ ܡܬܚܐ ܣܓܝܐܐܼ ܘܗܘܼܐ ܝܡܐ ܠܓܘ ܡܢܗ: ܘܦܫ ܠܗ ܡܥܠܢܐ ܠܚܕ ܣܛܪ܆ ܐܝܟܢܐ ܕܢܗܘܐ ܠܡܐܢܐ ܪܒܐ ܘܬܡܝܗܐ..

Page 133

ܗܿܘ ܕܩܢܛܝܢܪ̈ܐ ܕܕܗܒܐܼ. ܘܝܨܝܦܘܬܐ ܕܡ̈ܠܟܐ: ܕܬܥܒܕ ܐܟܘܬܗ ܠܐ ܡܨܝܢ ܗܘܼܘ.. ܘܗܟܢܐ ܗܘܼܐ ܠܡܐܢܐ ܪܒܐ ܘܪܘܝܚܐ ܕܡܩܒܠ ܒܓܘܗ ܐܠܦ̈ܐ ܪܘܪ̈ܒܬܐܼ. ܐܝܟܢܐ ܕܟܠܢܫ ܢܬܡܗ ܘܢܬܕܡܪ ܗܘܐ ܒܡܕܒܪܢܘܬܗ ܕܐܠܗܐ. ܗܿܘ ܕܐܦ ܒܪܘܓܙܗ ܪ̈ܚܡܐ ܚܠܝܛܝܢ.. ܗܼܘ ܕܝܢ ܡܿܠܟܐ ܝܘܣܛܢܝܢܐ ܫܕܪ ܗܘܐ ܕܗܒܐ ܣܓܝܐܐܼ ܠܟܠܗܝܢ ܡܕ̈ܝܢܬܐ ܕܐܬܗ̈ܦܟܝܢ ܒܙܘܥܐ. ܘܩܠܝܠ ܩܠܝܠ ܐܬܒܢ̈ܝ ܘܐܬܬܩܢܘ ܫܘܪ̈ܝܗܝܢ. ܟܕ ܒܝܫܘܬ ܨܒܝܢܗܘܢ ܕܗܠܝܢ ܕܐܫܬܚܪܘ ܠܘ ܣܿܓܝ ܐܫܬܚܠܦܬ ܐܘ ܐܬܒܨܪܬ.

ܫܢܬ ܬܡ̈ܢܡܐܐ ܘܫ̈ܬܝܢ ܘܬܫ̈ܥܼ. ܗܘܼܐ ܟܢܘܫܝܐ ܕܕܝܪ̈ܝܐ ܐܓܦ̈ܛܝܐ ܡܛܠ ܗܝܡܢܘܬܐܼ. ܒܡܕܝܢܬܐ ܡܠܟܘܬܐ. ܟܕ ܗܟܝܠ ܗܠܝܢ ܪܬܚܘ ܒܛܢܢܐܼ. ܐܬܟܢܼܫܘ ܘܐܬܘ ܘܡܠܠܘܼ. ܘܕܪܫܘ ܘܐܟܣܘ ܘܐܦܝܣܘ. ܘܟܕ ܚܼܙܘ ܕܠܝܬ ܪܦܝܘܬܐܼ ܗܦܟܼܘ. ܘܥܠܼܘ ܠܐܠܦ̈ܐ ܘܐܙܠܘ ܠܐܬܪܗܘܢܼ. ܟܕ ܡܕܡ ܠܐ ܣܥܼܪܘ.

ܫܢܬ ܬܡܢܡܐܐ ܘܫܒܥܝܢ܆ ܗܘܼܐ ܙܘܥܐ ܪܒܐܼ. ܘܐܬܗܦܟܬܿ ܒܪܘܓܣܼ ܘܡܕ̈ܝܢܬܐ ܬܘܒ ܣ̈ܓܝܐܬܐ ܒܣܦܪ ܝܡܐ. ܘܩܘܪ̈ܝܣ ܒܓܠܝܠܐܼ ܘܒܐܪܒܝܐܼ ܘܐܦ ܒܦܠܣܛܝܢܐܼ ܘܒܒܝܬ ܫܡܪܗܝܐ. ܘܐܦ ܝܡܐ ܥܼܪܩ ܘܗܼܦܟ ܠܓܘ ܐܝܟ ܬܪ̈ܝܢ ܡ̈ܝܠܝܢ ܒܟܠܗܿ ܦܘܢܝܩܐ. ܡܛܠ ܓܝܪ ܓܘܢܚܐ ܕܚܝܠܐܿ. ܘܐܬܿܐ ܪܒܬܐ ܘܕܬܕܡܪܘܬܐ ܕܗܘܬ ܒܒܝܪܘܛܘܣ ܡܕܝܢܬܐ ܕܦܘܢܝܩܐܼ. ܟܕ ܓܝܪ ܗܼܘܐ ܙܘܥܐ ܘܢܦܠܘ ܡܕ̈ܝܢܬܐܼ ܨܼܒܝܢ ܕܠܪܘܫܡܐ ܕܥܘ̈ܗܕܢܐ ܢܐܝܬܐ

Page 134

ܠܝܕܥܬܐ ܕܐܝܠܝܢ ܕܡܢ ܒܬܪܟܝܢ܀ ܟܕ ܓܝܪ ܙܘܥܐ ܕܚܝܠܐ ܡܢ ܫܠܝ ܗܘܐܼ. ܝܡܐ ܡܢ ܒܝܪܘܛܘܣ ܡܕܝܢܬܐ: ܘܫܪܟܐ ܕܡܕ̈ܝܢܬܐ ܕܒܣܪ ܝܡܐ ܕܦܘܢܝܩܐܼ. ܬܟܼܣ ܘܐܬܗܼܦܟ ܘܐܬܬܟܼܣ. ܘܥܼܪܩ ܠܓܘ ܡܢ ܦܘܩܕܢܐ ܕܐܠܗܐܼ. ܥܕܡܐ ܠܡܬܚܐ ܕܬܪ̈ܝܢ ܡ̈ܝܠܝܢ. ܘܐܬܓܠܝܘ ܥܘ̈ܡܩܘܗܝ ܕ̈ܚܝܠܐ ܕܝܡܐܼ. ܟܕ ܡܬܚ̈ܙܝܢ ܒܗ ܐܦ ܨܒܘ̈ܬܐ ܪܘܪ̈ܒܬܐ ܘܣ̈ܓܝܐܬܐ ܘܬܡܝ̈ܗܬܐ: ܘܐ̈ܠܦܐ ܕܛܒ̈ܝܥܢ ܟܕ ܡ̈ܠܼܝܢ ܗ̈ܘܝ ܬܐܓܪ̈ܬܐ ܡܫ̈ܚܠܦܬܐ.. ܘܐܚܪ̈ܢܝܬܐ ܡܢ ܫܠܝܢ܇ ܒܗܦܟܗ ܕܝܡܐ ܕܡܢ ܐܪܥܐ ܠܓܘ. ܘܗܠܝܢ ܕܐܣܝܪ̈ܢ ܗ̈ܘܝ ܒܠܡ̈ܐܢܐ ܕܢܚܼܬܝ ܘܫܼܛܢ ܥܠ ܐܪܥܐ: ܘܐܬܪܥܪ̈ܥܝܢ ܘܐܬܬܒܪ̈ܝ܇ ܟܕ ܫܒܼܩ ܐܢܗܝܢ ܝܡܐ ܘܥܼܪܩ ܒܦܘܩܕܢ ܡܪܗ.. ܐܝܟܐܢ ܕܟܕ ܓܘܢܚܐ ܗܢܐ ܢܙܝܥ ܗܘܐ ܐܢܘܢ ܠܒܢܝ̈ܢܫܐ: ܘܠܘܬ ܚܫܐ ܘܬܝܒܘܬܐ ܢܐܝܬܐ ܐܢܘܢܼ. ܠܘ ܒܠܚܘܕ ܥܠ ܨܒ̈ܘܬܐ ܗܠܝܢ ܥ̈ܠܡܢܝܬܐ: ܐܠܐ ܐܦ ܥܠ ܚܝ̈ܝܗܘܢ ܒܚܙܬܐ ܕܪܘܓܙܐ ܗܢܐ ܕܚܝܠܐ ܕܚܙܘ ܢܒܣܪܘܢ. ܐܠܐ ܗܿܢܘܢ ܒܕܡܘܬ ܦܪܥܘܢܼ. ܠܘ ܐܠܗܐ ܐܝܟ ܕܠܗܠ ܟܬܝܒ܆ ܐܠܐ ܗܪܟܐ ܣܛܝܢܐ ܠܒܗܘܢ ܕܟܠܗܘܢ ܩܿܫܝ܆ ܐܝܟ ܕܦܪܥܘܢ. ܐܝܠܝܢ ܕܝܢ ܕܡܢ ܡܕ̈ܝܢܬܐ ܘܩܘܪ̈ܝܣ: ܕܒܣܦܪ̈ܝ ܝܡܐ ܐܫܬܚܘ܆ ܪܗܛܘ ܒܚܐܦܐ ܕܓܘܡܕܢܘܬܐ ܘܕܩܫܝܘܬ ܠܒܐܼ. ܘܥܼܠܘ ܠܝܡܐ ܪܒܐ ܕܢܚܠܨܘܢ ܓܙ̈ܐ ܕܚ̈ܝܠܐ ܟܝܬ ܘܣܬܝܪ̈ܐ ܕܒܥܘ̈ܡܩܘܗܝ ܕܝܡܐ: ܒܝܕ ܛܥܝܘܬܐ ܕܝܥܢܘܬܐ ܡܘܒܕܢܝܬܐ ܕܚܝ̈ܝܗܘܢ. ܐܝܟܐ ܕܟܕ ܐܿܠܦ̈ܐ ܕܒ̈ܢܝܫܢܐ: ܒܚܐܦܐ ܕܐܒܕܢܐ ܠܥܘ̈ܡܩܘܗܝ ܕܝܡܐ ܪܗܼܛܘ: ܘܫܪܝܘ ܛܿܥܢܝܢ ܨܒܘ̈ܬܐ ܕܣܘܥܪ̈ܢܐ ܘܪܗܿܛܝܢ ܠܡܿܣܩܘ: ܐܚܪ̈ܢܐ ܕܝܢܼ ܕܚܿܙܝܢ ܠܗܠܝܢ ܕܛܥܝܼܢܝܢ ܥܘܬܪܐ ܕܐܒܕܢܗܘܢ: ܪܗܼܛܘ ܒܚܐܦܐ ܪܒܐ ܕܠܐ ܢܬܥܠܒܘܢ ܡܢ ܓ̈ܙܐ ܓܢܝ̈ܙܐ: ܕܡܢ ܫܠܝ ܒܙܘܥܬܐ ܐܬܦܬܚܘ.. ܘܟܕ ܗܠܝܢ ܠܬܚܬ ܠܥܘܡܩܐ ܪܗܿܛܝܢ܆

Page 135

ܘܐܚܪ̈ܢܐ ܠܥܠ ܚܦܝܼܛܝܢ ܗܘܘ: ܐܚܪ̈ܢܐ ܒܡܨܥܬܐ ܡܬܚܿܛܦܝܢ ܗܘܘ: ܘܒܠܝܠܐܝܬ ܟܠܗܘܢ ܡܙܕܪܟܠܝܢ ܗܘܘ܆ ܗܝܕܝܢ ܒܝܕ ܪܡܙܐ ܟܣܝܐܼ. ܬܘܩܦܗ ܕܝܡܐ ܕܚܝܠܐ ܡܢ ܫܠܝ ܓܼܚ ܠܡܐܬܐ ܠܥܘ̈ܡܩܘܗܝ ܩܕ̈ܡܝܐ. ܘܚܿܦܝ ܘܩܒܼܪ ܒܥܘ̈ܡܩܐ ܬܚ̈ܬܝܐ ܕܬܗ̈ܘܡܘܗܝܼ. ܠܟܠܗܘܢ ܗܠܝܢ ܕܘ̈ܝܐ. ܘܪ̈ܗܛܝ ܒܬܪ ܥܘܬܪܐ ܕܡܢ ܥܘ̈ܡܩܘܗܝ ܕܬܗܘܡܐܼ. ܘܒܕܡܘܬܗ ܕܦܪܥܘܢ ܢܚܬܘ ܠܥܘܡܩܐܼ. ܘܛܒܼܥܘ ܐܝܟ ܟܐ̈ܦܐܼ. ܐܝܟ ܕܟܬܝܒ. ܘܐܗܦܟ ܥܠܝܗܘܢ ܡܪܝܐ ܡܝ̈ܐ ܕܝܡܐܼ. ܟܕ ܬܪܥܼ ܡܡܘܠܐ ܘܫܦܼܥ ܐܝܟ ܡܠܐܗ ܗܿܘ ܩܕܡܝܐ. ܘܐܝܠܝܢ ܕܥܠ ܐܦ̈ܝ ܣܦܪܗ ܒܪܝܐ ܥܕܟܝܠ ܐܫܬܟܚܘ: ܟܕ ܐܦ ܗܢܘܢ ܪܗܛܐ ܚܝܨܐ ܠܒܝܟܝܢ ܗܘܘ ܠܡܚܬ: ܟܕ ܚܼܙܘ ܠܪܘܡܗ ܬܩܝܦܐ ܕܝܡܐ: ܕܗܦܼܟ ܕܢܐܬܐ ܠܕܘܟܬܗ ܩܕܡܝܬܐܼ. ܥܪܩܘ ܠܒܪ ܐܝܠܝܢ ܕܩܪܝܒܝܢ ܗܘܘ ܠܝܒܫܐܼ. ܘܟܕ ܐܬܦܠܛܘ ܐܝܟ ܕܡܢ ܨܝܕܝܗܘܢܼ. ܗܘܐ ܙܘܥܐ ܬܩܝܦܐ ܕܢܙܠ ܗܘܐ ܠܒ̈ܢܝܢܐ ܕܡܕ̈ܝܢܬܐܼ. ܝܬܝܪܐܝܬ ܕܒܝܪܘܛܘܣ. ܘܢܚܼܬ ܟܒܫ ܠܗܠܝܢ ܕܦܠܛܘ ܡܢ ܝܡܐܼ. ܟܕ ܠܐ ܐܫܬܚܪܘ ܡܢܗܘܢ ܐܢܫ. ܐܠܐ ܟܕ ܝܡܐ ܥܠܝܗܘܢ ܡܢ ܒܬܪܗܘܢ ܙܩܝܦܐ ܗܘܐܼ. ܙܘܥ ܠܘܩܒܠܗܘܢ ܢܙܠܗܿ ܠܡܕܝܢܬܐ: ܡܛܠ ܒܝܫܘܬܐ ܕܝܥܢܘܬܗܘܢܼ. ܐܬܡܿܨܥܘ ܒܝܢܬ ܬܪ̈ܝܢ ܓܘܢ̈ܚܝܢ. ܕܥܠܝܗܘܢ ܐܦ ܫܠܼܡܐ ܡܠܬܐ ܟܗܢܝܬܐ܇ ܕܟܕ ܡܢ ܝܡܐ ܐܫܬܘܙܒܘ: ܟܐܢܘܬܐ ܠܐ ܫܒܩܬܿ ܐܢܘܢ ܕܢܐܚܘܢ. ܘܗܟܢܐ ܠܐܒܕܢܐ ܓܡܝܪܐ ܫܪܟܘ܇ ܗܠܝܢ ܕܢܚܬ ܒܬܪ ܥܘܬܪܐܼ. ܘܢܫܡܬܐ ܕܚܝ̈ܝܗܘܢ ܐܘܒܕܘ܆ ܘܐܫܬܟܚܘ ܛܝ̈ܦܢ ܫ̈ܠܕܝܗܘܢ ܐܝܟ ܙܒܠܼܐ ܥܠ ܐ̈ܦܝ ܡܝ̈ܐ.. ܘܗܝܕܝܢ ܟܕ ܡܕܝܢܬܐ ܐܬܗܼܦܟܬܼ. ܢܘܪܐ ܡܢ ܦܘܩܕܢܐ ܕܐܠܗܐ ܣܦܼܬ ܒܗܦܘܟܝܗܿ. ܘܗܘܼܬ ܝܿܩܕܐ ܢܘܪܐ

Page 136

ܒܓܘ ܗܦܘܟܝܐ ܘܫܿܓܪܐ ܥܕܡܐ ܠܬܪ̈ܝܢ ܝܪ̈ܚܝܢ. ܥܕܡܐ ܕܐܦ ܟܐ̈ܦܐ ܐܝ̈ܩܕ ܘܗ̈ܘܼܝ ܟܠܫܐ܀ ܒܬܪܟܝܢ ܐܚܬܘ ܡܪܝܐ ܡܛܪܐ ܡܢ ܫܡܝܐ ܬܠ̈ܬܐ ܐܝܡ̈ܡܝܢ ܘܬܠ̈ܬܐ ܠܝ̈ܠܘܢ. ܘܗܟܢܐ ܐܬܕܥܟܬ ܢܘܪܐ: ܕܣܦܬ ܒܗܿ ܒܡܝܕܬܐ ܒܝܪܘܛܘܣ. ܘܗܠܝܢ ܕܐܬܦܠܛܘ ܒܗܿ ܡܢ ܛܘܒܥܐ ܕܝܡܐܼ ܘܡܢ ܗܘܦܟܝܐ ܕܡܕܝܢܬܐܼ. ܫܼܕܝܢ ܗܘܘ ܒܗܿ: ܟܕ ܡܡܚܝܢ ܗܘܘ ܘܡܣܪܚܝܢ܆ ܘܐܠܝܨܝܢ ܡܢ ܨܗܝܐ ܕܡ̈ܝܐ ܡܛܠ ܕܐܬܗܼܦܟ ܐܓܘܓܐ ܕܝܠܗܿ ܕܡܕܝܢܬܐ.. ܘܟܕ ܫܡܼܥ ܡܿܠܟܐ ܡܪܚܡܢܐ ܝܘܛܢܝܢܐ܆ ܫܕܪ ܕܗܒܐܼ. ܘܐܢ̈ܫܐ ܝܕܝ̈ܥܐ ܡܢ ܕܝܠܗ: ܘܓܠܝܘ ܘܐܦܼܩ ܫ̈ܠܕܐ ܕܒܢ̈ܝܢܫܐ ܕܠܐ ܡܢܝܢܐܼ. ܘܬܘܒܼ ܒܢܼܘ ܒܡܕܝܢܬܐ ܩܠܝܠ.

ܫܢܬ ܬܡ̈ܢܡܐܐ ܘܫܒ̈ܥܝܢ ܘܚܕܐܼ. ܗܘܼܐ ܦܘܩܕܢܐ ܡܢ ܡܿܠܟܐ. ܕܢܬܟܢܫܘܢ ܣܟܘ̈ܠܣܛܝܩܘ ܘܓܪ̈ܡܛܝܩܘ ܘܕܝܪ̈ܐ ܝܘܩܠܪܗܐ ܕܐܠܟܣܢܕܪܝܐܼ. ܘܡܨܪܝܢ ܘܐܓܦܛܘܣܼ ܠܡܕܝܢܬ ܡܠܟܘܬܐ: ܡܛܠ ܕܪܫܐ ܕܗܝܡܢܘܬܐ.. ܡܛܠ ܗܟܝܠ ܝܘܩܠܪ̈ܐ ܟܠܗܘܢ ܕܡܿܣܩܝܢ ܚ̈ܛܐ ܕܕܝܡܣܝܘܢ ܡܗ̈ܝܡܢܐ ܐܝܬܝܗܘܢ ܗܘܘܼ. ܐܬܿܟܢܫܘ ܩܕܡ ܡܿܠܟܐ ܩܘܣܛܢܝܢܐ ܕܝܿܕܥ ܗܘܐ ܕܕܠܩܘܒܠ ܣܘܢܕܘܣ ܐܝܬܗܘܢ ܗܘܘ. ܘܐܙܝܥ ܠܗܘܢ ܡܠܬܐ ܡܛܠ ܗܝܡܢܘܬܐ. ܘܟ ܣܓܝ̈ܐܬܐ ܐܬܡ̈ܠܠܝܼ ܐܡܼܪܘ ܠܘܬܗ. ܕܡܛܠ ܠܡ ܕܚܢܢ ܐ̈ܢܫܐ ܚܢܢ ܡ̈ܬܟܬܫܝ ܥܡ ܝܡܐܼ. ܘܠܘ ܒܕܪܫܐ ܡܿܢܦܩܝܢܢ. ܐܢ ܦܩܼܕ ܐܢܬܼ. ܥܿܒܕ ܦܘܩܕܢܐ ܡܐ ܕܙܒܢܬܐ ܕܬܪ̈ܬܝܢ ܗܿܦܟܝܢܢ܆ ܘܢܐܬܘܢ ܥܡܢ ܐܒ̈ܗܬܐ ܕܝܪ̈ܝܐ ܘܣܟܘ̈ܠܣܛܝܩܘ ܐܦ ܓܪ̈ܡܛܝܩܘ

Page 137

ܕܡܕܪܫܝܢ ܒܟ̈ܬܒܐ. ܘܫܪܟܐ ܕܪ̈ܝܫܢܐ ܕܡܕܝܢܬܐܼ. ܘܗܟܢܐ ܢܬܒ̈ܚܢܢ ܘܢܬܡ̈ܠܠܢ ܟܠܗܝܢ ܗܠܝܢ ܕܥܠ ܐ̈ܦܝ ܗܝܡܢܘܬܐ.. ܫܦܪܬ ܕܝܢ ܡܠܬܐ ܗܕܐ ܠܡܿܠܟܐܼ. ܘܠܐ ܫܘܚܪ ܗܘܐ ܠܡܥܒܕܗܿ: ܐܠܐ ܒܪ ܫܥܬܗ ܐܼܨܚ ܦܘܩܕܢܐ ܚܠܝܡܐ ܕܡܿܦܣ ܘܦܿܩܦܕ ܕܢܐܬܘܢ. ܘܫܩܼܠܘ ܘܢܦܼܩܘ. ܘܡܢ ܕܢܚܬܘ ܗܘܘ ܠܐܠܟܣܢܕܪܝܐܼ. ܐܬܟܢܫܘܼ ܘܐܬܩܪܝ ܦܘܩܕܢܐ. ܘܗܼܘܬ ܡܚܫܒܬܐ ܒܝܢܬܗܘܢܼ. ܕܡܛܠ ܣܘܪܢܐ ܕܚܠܦ ܫܪܪܐ ܕܗܝܡܢܘܬܐ ܐܝܬܘܗܝܼ. ܠܐ ܢܗܡܘܢ ܟܝܬ ܘܠܐ ܢܬܚܿܒܢܘܢ ܐܘ ܢܕܚܠܘܢ. ܘܗܟܢܐ ܟܢܫܐ ܥܫܝܢܐ ܕܕܝܪ̈ܝܐ ܘܥ̈ܠܝܡܐ ܐܬܟܢܫܘ. ܘܥܠܼܘ ܠܐ̈ܠܦܐ ܘܐܬܘܥܕܘ ܠܡܕܝܢܬ ܡܠܟܘܬܐ.. ܘܥܼܠܘ ܘܣܓܕܘ ܠܡܠܟܐ ܒܩܪܝܒܘܬܢܼ ܘܐܬܬܙ̈ܝܥܝܢ ܡ̈ܠܐ ܕܕܪܫܐ. ܘܐܬܫܟܚܘ ܡ̈ܛܝܒܐܼ. ܕܗܟܢܐ ܢܬܼܗܪ ܗܼܘ ܡܿܠܟܐ: ܗܿܘ ܕܡܠܝܛ ܗܘܐ ܘܐܦ ܗܼܘ ܒܕܪܫܐ. ܘܣܒܿܪ ܗܘܐ ܠܗ ܕܠܝܬ ܗܘܐ ܘܠܐ ܐܦܝܣܩܦܐ ܘܠܐ ܐܢܫ ܐܚܪܝܢ ܕܐܪܥ ܠܗ ܒܕܪܫܐ. ܘܟܕ ܝܼܕܥ ܕܐܿܪܥܝܢ ܠܗܼ. ܫܼܪܐ ܐܢܘܢ ܘܣܡ ܘܥܕܐ ܠܘܡܐ ܕܬܪ̈ܝܢ. ܘܗܟܢܐ ܐܬܟܢܫܘ ܬܘܒ: ܘܡܠܠܘ ܪܘܪܒܐܝܬ ܝܘ̈ܡܬܐ ܣ̈ܓܝܐܐ. ܘܬܘܒ ܐܗܡܝ ܒܣܘܥܪܢܐ. ܘܫܪܝ ܡܿܫܕܐ ܠܗܘܢ ܘܡܬܗܐ ܥܕܡܐ ܠܙܒܢܐ ܕܫܢܬܐ ܚܕܐ. ܘܗܟܢܐ ܟܕ ܚܼܙܘ ܕܠܐ ܬܚܙܝ ܕܡܛܝܒ ܕܢܥܒܕ ܡܕܡ܆ ܗܟܢܐ ܘܐܦ ܗܢܼܘܢ ܗܦܼܟܩܘ ܠܐܬܪܗܘܢܼ. ܟܕ ܡܕܡ ܠܐ ܐܘܬܪܘ. ܘܗܟܢܐ ܒܟܠ ܙܒܢܼ ܟܢ̈ܫܐ ܕܕܐܝܟ ܗܠܝܢ ܟܢܫ ܗܘܐ.

Page 138

ܘܡܢ ܗܠܝܢ ܒܗܿ ܒܡܕܝܢܬܐ ܥܡܿܪܝܢ ܗܘܘ. ܘܐܦ ܒܗܿ ܒܦܠܛܝܢ܆ ܣ̈ܓܝܐܐ ܡܢ ܡܗ̈ܝܡܢܐ: ܐܝܟ ܕܡܢ ܒܛܝܠܘܬܗܿ ܕܢܚܝܬܿ ܢܦܫܐ ܡܠܟܬܐ ܥܡܿܪܝܢ ܗܘܘ. ܘܗܟܢܐܡܬܟܢܫܝܢ ܗܘܘ: ܘܕܪܫܝܢ ܘܡܦܝܣܝܢ ܙܒܢ̈ܝܢ ܣ̈ܓܝܐܢܼ ܘܫܘ̈ܘܕܝܐ ܫܩܿܠܝܢ ܗܘܘ ܡܫܬܪ̈ܝܢܐܼ. ܟܕ ܡܕܡ ܠܓܡܼܪ ܠܐ ܗܘܿܐ ܗܘܐ.܀

ܫܢܬ ܬܡ̈ܢܡܐܐ ܘܫܒ̈ܥܝܢ ܘܬܪ̈ܬܝܢ܆ ܐܬܟܢܫܬܿ ܣܘܢܗܕܘܣ ܒܡܕܝܢܬ ܡܠܟܘܬܐ ܡـ[ـܢ ܦܘܩܕܢܐ ܕܡܿܠܟܐ] ܝܘܣܛܢܝܢܐ. ܒܝܢܬ ܗܠܝܢ ܕܝܢܼ ܒܫܢܬ ܥܣܪܗܝܢ ܘܫ̈ܬ ܕܡܠܟܘܬܗ ܕܝܘܣܛܢܝܢܐܼ ܣܘܢܗܕܘܣ ܟܿܢܫ ܒܡܕܝܢܬ ܡܠܟܘܬܐܿ. ܕܦܛܪ̈ܝܪܟܐ ܘܐܦ ܕܐܦܝ̈ܣܩܘܦܐ. ܗܕܐ ܕܟܕ ܐܬܟܢܼܫܬ ܒܚܢܬܿ ܘܫܡܠܝܬܿ ܚܪܡܐ ܕܐܘܪܝܓܢܣܼ. ܗܿܘ ܕܡܢܗ ܕܝܠܗ ܕܡܠܟܐ ܝܘܣܛܢܝܢܐ ܗܘܼܐ ܗܘܐܼ. ܟܕ ܬܘܒ ܫܡܠܝܬ ܚܪܡܐ ܕܗܠܝܢ ܬܠ̈ܬܐ ܩ̈ܦܠܐܐ: ܗܢܘ ܕܝܢܼ ܕܬܐܕܘܪܐ ܗܿܘ ܕܡܦܣܛܘܣ ܘܕܐܝܓܪܬܗ ܕܗܝܒܐ: ܘܗܿܘ ܡܕܡ ܕܟܬܼܒ ܬܐܕܘܪܝܛܐܼ. ܗܕܐ ܕܐܦ ܡܛܠܬܗܿ ܟܠܗ ܐܬܪܐ ܕܐܝܛܠܝܐܼ. ܗܢܘ ܕܝܢ ܕܪܗܘܡܐ ܘܕܟܠܗܘܢ ܚܕܪ̈ܝܗܿ ܐܫܬܓܫܘ. ܐܝܢܐ ܕܐܦ ܡܛܠ ܥܠܼܬܐ ܕܕܐܝܟ ܗܕܐܼ ܦܛܪܝܪܟܐ ܗܿܘ ܕܪܗܘܡܐ ܒܓܝܠܘܣ ܠܡܕܝܢܬ ܡܠܟܘܬܐ ܐܬܼܐ ܗܘܐ. ܘܟܕ ܠܘܩܕܡ ܒܕܠܩܘܒܠܐ ܚܿܘܝ ܢܦܫܗ: ܘܩܫܝܐܝܬ ܠܘܩܒܠ ܚܪ̈ܡܐ ܕܗܠܝܢ ܬܠ̈ܬܐ ܩ̈ܦܠܐܐ ܐܬܟܿܬܫܼ. ܒܚܪܬܐ ܡܿܢ ܫܠܼܡ ܘܩܿܒܠܼ ܠܡܕܡ ܕܥܒܼܕܬ ܣܘܢܗܕܘܣ ܗܕܐ. ܡܢ ܗܝܕܝܢ ܣܕ̈ܩܐ ܘܚܪ̈ܝܢܐ ܪ̈ܘܪܒܐ ܒܟܠܗܘܢ ܐܬܪ̈ܘܬܐ ܕܡܥܪܒܐ

Page 139

ܐܬܪܒܝܘ ܗܘܘ܇ ܘܪ̈ܕܘܦܝܐ ܘܒܝ̈ܫܬܐ ܬܘܒ ܣ̈ܓܝܐܬܐ ܗ̈ܘܝܼ ܘܦ̈ܠܓܘܬܐ. ܒܗܿ ܕܝܢ ܒܣܘܢܗܕܘܣ ܗܕܐܿ ܐܝܢܐ ܕܠܐ ܡܡܬܘܡ ܗܼܘܬܼ. ܬܠܬ̈ܐ ܦܛܪ̈ܝܪܟܐ ܐܫܬܟܚܘ ܗܘܘ. ܐܘܛܘܟܝܣ ܕܡܕܝܢܬ ܡܠܟܘܬܐ. ܘܐܦܘ[ܠܝـ]ـܢܪܝܘܣ ܕܐܠܟܣܢܕܪܝܐ. ܘܕܘܡܢܝܢܐ ܕܐܢܛܝܟܝܐ. ܟܕ ܐܦ ܒܓܝܠܝܣ ܕܪܘܡܐܼ. ܒܗܿ ܕܗܘܐ ܒܡܕܝܢܬ ܡܠܟܘܬܐܼ. ܠܐ ܝܬܼܒ ܒܣܘܢܗܕܘܣ. ܘܗܟܢ ܐܡܟܝܠ ܐܪ̈ܒܥܬܝܗܘܢ ܦܛܪܝܪ̈ܟܐ ܐܝܟ ܚܕܐ ܡܬܘܥܕܝܢ ܗܘܘ܇ ܥܡ ܫܪܟܐ ܕܟܠܗܘܢ ܐܦ̈ܝܣܩܘܦܐ ܘܡܝܛܪ̈ܦܘܠܝܣܼ. ܘܐܦ ܥܠ ܣܓܝ̈ܐܬܐ ܬܚܡܬܿ ܣܘܢܗܕܘܣ ܗܕܐ. ܠܘ ܥܠ ܟܠܢܫ ܐܬܩܒܼܠܬ. ܐܬܩܪܝܬ ܕܝܢ ܡܢ ܒܠܝ ܫܡܐ ܕܚܣܪ ܠܗܼܿ ܣܘܢܗܕܘܣ ܕܚ̈ܡܫ. ܘܗܠܝܢ ܒܙܥܘܪ̈ܝܬܐ ܥܠܝܗܿ ܥܠ ܗܕܐ ܐܘܕܥܢܢ.

ܥܠ ܟܢܘܫܝܐ ܪܒܐ ܕܪ̈ܝܫܝ ܕܝܪ̈ܬܐܼ. ܘܫܪܟܐ ܕܕܝܪ̈ܝܐ ܡܕ̈ܢܚܝܐ ܕܥܡܗܘܢ. ܕܗܘܐ ܒܬܪ ܡܘܬܗܿ ܕܢܝܚܬ ܢܦܫܐ ܡܠܟܬܐܼ ܒܡܕܝܢܬ ܡܠܟܘܬܐ: ܫܢܬ ܬܡ̈ܢܡܐܐ ܘܫܒ̈ܥܝܢ ܘܐܪ̈ܒܥ ܕܐܠܟܣܢܕܪܘܣ.܀ ܒܬܪ ܗܟܝܠ ܡܘܬܗܿ ܕܡܗܝܡܢܬܐ ܡܠܟܬܐ ܬܐܕܘܪܐ. ܗܿܝ ܕܝܨܝܦܐ ܗܘܬ ܘܡܪܒܝܐ ܠܓܒܐ ܕܡܗ̈ܝܡܢܐ: ܘܡܿܟܢܫܐ ܗܘܬ ܠܗܘܢ ܘܡܣܬܪܐ ܘܡܬܪܣܝܐܼ. ܐܬܟܢܫܘ ܐܢ̈ܫܝܢ ܕܡܿܠܟܝܢ ܠܗ ܠܝܘܣܛܢܝܢܐܼ ܘܐܡܿܪܝܢ: ܕܗܫܐ ܠܡ ܕܡܝܬܬ ܠܗܿ ܗܿܝ ܕܒܝܬ ܩ̈ܕܝܫܐܼ ܡܿܠܟܬܐ: ܗܷܿ ܕܝܨܝܦܐ ܗܘܬ ܠܗܠܝܢ ܕܠܐ ܫܿܠܡܝܢ ܠܟ: ܕܒܗܿ ܡܬܥܿܪܡܝܢ ܗܘܘ ܘܠܐ ܚܫܿܒܝܢ ܠܟܼ. ܗܫܐ ܐܢ ܬܿܫܕܪ ܬܿܟܢܝܫ ܘܬܿܝܬܐ ܐܢܘܢܼ. ܟܠܗܘܢ

Page 140

ܫܿܠܡܝܢ ܠܟܼ. ܘܡܩܒܠܢ ܠܗܿ ܠܣܘܢܗܕܘܣ. ܡܛܠ ܕܕܚܠܘ ܘܐܬܪܦܝܘ ܠܗܘܢ. ܟܕ ܗܟܝܠ ܫܡܼܥ ܡܿܠܟܐ ܡܢ ܒܢ̈ܝ ܡܼܠܟܗ ܪܬܚܼ ܘܐܫܪ ܒܥܪܝܢܗܼ ܕܗܕܐ ܦܢܛܘܣ ܦܩܿܚܐ ܕܗܟܢܐ ܬܗܘܐ.܀ ܘܠܘܩܕܡ ܠܒܨܝܪܘܬܢ ܫܿܪܝ ܡܿܪܬܐܼ. ܕܐܝܬܝ ܝܘܚܢܢ ܕܐܣܝܐ: ܕܒܐ̈ܕܝܢ ܢܫܕܪ ܘܢܟܿܢܫ ܠܟܘܠܗܘܢ ܥܘܡܪ̈ܐ ܕܣܘܪܝܐ. ܟܕ ܡܫܬܘܕܐܐܝܩܪ̈ܐܼ. ܘܦܩܿܕ ܢܦ̈ܩܬܐ ܣ̈ܓܝܐܬܐ ܠܕܦܢܐ ܘܠܠܩ̈ܛܝܩܝܐ ܘܠܫܪܟܐ ܕܒܥܝܪܐܿ. ܘܕܟܠ ܡܕܡ ܕܚܿܫܚ ܠܐܪܘܚܐ. ܘܟܕ ܡܟܝܠ ܒܦܘܩܕܢܐ ܙܪܒ ܗܘܐ ܠܢ ܚܦܝܛܐܝܬܼ. ܠܡܦܩ ܘܠܡܪܕܐ ܠܐܬܪ̈ܘܬܐ ܕܣܘܪܝܐ: ܥܡ ܫܘ̈ܘܕܝܐ ܪ̈ܘܪܒܐ ܘܢܦ̈ܩܬܐ ܣ̈ܓܝܐܬܐܼ. ܫܿܪܝܢܢ ܠܡܐܡܪ ܠܗ ܥܠ ܚ̈ܘܫܒܐ ܗܠܝܢ. ܘܕܥܠ ܡܢܐ ܗܕܐ ܐܬܿܪܥܝ ܕܢܫܕܪ ܢܫܚܘܩ ܠܐܢ̈ܫܐ ܝܩܝܪ̈ܝ ܣܝ̈ܒܬܐ ܘܢܫܼܒܩܘܢ ܥܘܡܪ̈ܝܗܘܢ ܕܢܬܿܒܠܒܠܗܘܢ ܘܢܣܬܿܪܚܘܢ ܒܪܚܝܩܘܬܗܘܢ. ܘܝܬܝܪܐܝܬ ܕܝܢ ܕܒܕ̈ܘܟܝܬܐ ܡܫ̈ܚܠܦܬܐ ܕܪܕܝܦܘܬܐ ܐܝܬܝܗܘܢ. ܘܟܕ ܠܘܩܒܠ ܗܠܝܢ ܣܓܝ̈ܐܬܐ ܡܿܦܢܐ ܗܘܐܿ. ܘܬܘܒ ܫܡܿܥ ܗܘܐ ܕܚܢܢ ܐܫܬܐܠܢܢ ܡܢ ܕܡ̈ܨܥܝܐ ܘܡܫ̈ܫܡܢܐ ܢܗܘܐ ܕܣܘܥܪܢܐ ܗܢܐܼ. ܟܕ ܡܬܥܿܠܠܝܢܢ ܐܡܪܝܢ ܚܢܢ ܕܕܚܿܠܝܢܢ ܡܢ ܪ̈ܘܥܡܐ ܘܠܘ̈ܛܬܐ ܕܐܢܫ̈ܐ ܩܕ̈ܝܫܐ ܘܓܡܝܪ̈ܐ ܕܕܐܝܟ ܗܠܝܢ. ܘܗܟܢܐ ܟܕ ܫܚܝܩ ܠܘܬܢ ܥܠ ܐ̈ܦܝ ܡܫܬܐܠܢܘܬܢ ܘܠܐ ܡܫܬܡܥܢܬܘܐ ܕܥܠ ܐ̈ܦܝ ܗܠܝܢ܆ ܫܒܼܩܢ ܘܐܪܚܼܩܢ.. ܘܫܿܕܪ ܐܝܬܝ ܐܢܫ ܐܚܪܢܐ ܕܚܦܝܛ ܗܘܐ ܥܠ ܗܠܝܢ܆ ܘܫܕܪܗ. ܗܟܢܐ ܐܬܟܢܫܘ ܘܐܬܘ ܟܢܘܫܝܐ ܪܒܐ ܘܥܫܝܢܐ ܕܣܝܒܘܬܐ ܝܩܝܪܬܐܼ ܕܐܝܟ ܐܪ̈ܒܥܡܐܐ ܓܒܪ̈ܝܢ. ܐܝܟܢܐ ܕܐܦ ܕܪܬܐ

Page 141

ܪܒܬܐ ܘܪܘܝܚܬܐ ܕܡܬܩܪܝܐ ܕܐܣܕܘܪܣ ܐܬܝܼܗܒܬ ܠܗܘܢܼ ܘܫܼܪܘ ܒܗܿ. ܘܙܚܼܬ ܗܘܐ ܣܘܓܗܿ ܕܡܕܝܢܬܐ ܠܚܙܬܗܘܢ ܘܕܢܬܒܪܟܘܢ ܗܘܘ ܡܢܗܘܢ. ܘܗܟܢܐ ܥܠܘ ܠܘܬ ܡܿܠܟܐ. ܚܙܐ ܗܘܐ ܐܢܘܢܼ. ܘܬܗܼܪ ܒܚܙܬܗܘܢ. ܘܫܪܝ ܡܿܥܩܒ ܥܡܗܘܢ. ܘܚܼܙܐ ܕܚܠܝܡܝܢ ܒܫܪܪܗܘܢ ܘܚܝܠܬܢܝܢ ܒܡܠܬܐ. ܘܠܐ ܐܝܟ ܕܐܣܒܼܪܘ ܘܐܬܐܡܪܘ ܠܗ ܐܫܟܚ ܐܢܘܢ ܕܪܦܝܼܢ.. ܘܟܕ ܗܟܢܐ ܫܢܬܐ ܚܕܐ ܟܠܗܿ ܘܝܬܝܪ ܗܘܼܪ ܟܕ ܥܐܿܠܝܢ ܘܢܿܦܩܝܢ ܘܡܡܠܠܝܢ ܘܕܪܫܝܢ܆ ܘܠܐ ܐܬܪܡܝܘ ܐܘ ܐܬܪܦܝܘ. ܘܫܐܠܘ ܗܘܘ ܘܐܫܬܪܝܘ. ܘܢܦܼܩܘ ܟܕ ܐܦܠܐ ܗܢܼܢ ܣܥܼܪܘ ܡܕܡ.

ܫܢܬ ܬܡ̈ܢܡܐܐ ܘܫܒ̈ܥܝܢ ܚ̈ܡܫܼ. ܒܐܝܪܚ ܐܝܠܘܠ ܒܫ̈ܬܐ ܒܗ: ܒܬܠ̈ܬ ܫܥ̈ܝܢ. ܟܕ ܡܬܩܪܐ ܐܘܢܓܠܝܘܢ܆ ܗܘܼܐ ܙܘܥܐ ܪܒܐ ܘܬܩܝܦܐ ܘܬܚܝܠܐ. ܗܘ ܕܗܟܢܐ ܬܩܝܦ ܗܘܼܐ ܘܩܼܫܐܼ. ܕܗܿܘ ܕܩܿܪܐ ܗܘܐ ܐܘܢܓܠܝܘܢ ܒܥܕܬܐ ܪܒܬܐ ܢܦܼܠ. ܘܕܘ̈ܟܝܬܐ ܣ̈ܓܝܐܬܐ ܐܬܚܒܠܘ ܒܗ. ܘܦܠܓܗܿܕܩܘܙܝܩܣ ܡܕܝܢܬܐ ܢܦܼܠ. ܘܫܪܟܐ ܕܡܕ̈ܝܢܬܐ ܐܚܪ̈ܢܝܬܐ.

ܫܢܬ ܬܡܢ̈ܡܐܐ ܘܫܒ̈ܥܝܢ ܘܫ̈ܬܼ. ܒܐܝܪܚ ܚܙܝܪܢ ܗܘܼܐ ܙܘܥܐ ܬܘܒ ܪܒܐ ܘܥܙܝܙܐ ܘܩܫܝܐ. ܘܐܬܗ̈ܦܟ ܒܗ ܡܕ̈ܝܢܬܐ ܣ̈ܓܝܐܬܐ. ܐܝܟܢܐ ܕܐܦ ܡܕ̈ܝܢܬܐ ܕܦܘܢܝܩܐ: ܗܢܘ ܕܝܢ ܕܐܪܒܝܐ ܘܦܠܣܛܝܢܐ ܘܒܘܪܘܛܘܣ ܘܛܪܝܦܘܠܝܣ܆ ܘܨܘܪ ܘܨܝܕܢ ܘܨܪܦܬ ܘܒܝܒܠܘܣ ܘܐܢܛܪܕܘܣ. ܘܫܪܟܐ ܕܡܕ̈ܝܢܬܐ ܘܩܘܪ̈ܝܐ ܘܟܘܪ̈ܐ ܕܝܠܗܝܢ܆ ܢܦܠ ܘܐܣܬܚܦ. ܘܢܦ̈ܫܬܐ ܣܓܝ̈ܬܐ

Page 142

ܒܪܘܓܙܐ ܕܡܠܛ ܚܛܗ̈ܐܿ ܒܒ̈ܬܝܗܘܢ ܐܬܩܒܪܘ ܥܡ ܫܪܟܐ.

ܫܢܬ ܬܡܢ̈ܡܐܐ ܘܫܒ̈ܥܝܢ ܘܫܒ̈ܥܼ. ܡܝܬ ܩܕܝܫܐ ܬܐܘܕܝܣܝܣ ܕܐܠܟܣܢܕܪܐ .ܒܝܛ. ܒܬܡܘܙ.. ܚܝܼܐ ܕܝܢ ܒܐܟܣܘܪܝܐ ܬܠ̈ܬܝܢ ܫܢܗܝܢ ܘܚܕܐ ܘܦܠܓܗܿ.

ܫܢܬ ܬܡ̈ܢܡܐܐ ܘܫ̈ܒܥܝܢ ܘܬܫ̈ܥܼ. ܗܘܼܐ ܙܘܥܐ ܩܫܝܐ ܒܐܪܚ ܟܢܘܢ ܐܚܪܝܼ ܒܐܪ̈ܒܬܥܣܪ ܒܗܼ ܒܦܠܓܗ ܕܠܠܝܐ ܡ̈ܓܗܝ ܥܪܘܒܬܐ. ܝܬܝܪ ܡܢ ܟܠܗܘܢ ܗܿܢܘܢ ܕܩܕܡܘܗܝ ܩܫܼܐ. ܐܝܟܢܐ ܕܡܬܦܚܪܘܢ ܘܢܬܦܩܥܘܢ ܬܪ̈ܝܗܘܢ ܫܘܪ̈ܝܗܿ ܕܡܕܝܢܬ ܡܠܟܘܬܐ. ܗܿܘ ܫܪܐ ܓܘܝܐ ܕܩܘܣܛܝܢܛܝܢܣܼ. ܘܗܿܘ ܒܿܪܝܐ ܕܬܐܘܕܣܝܘܣ. ܐܝܟܐ ܕܒ̈ܬܐ ܣ̈ܝܓܐܐ ܘܪܘܪ̈ܒܐ ܢܣܬܚܦܘܢܼ ܘܢܗܘܘܢ ܠܬ̈ܠܐ ܠܥܠ ܡܢ ܥܡܘܪ̈ܝܗܘܢ. ܘܫܪܟܐ ܢܦܫܘܢܼ ܟܕ ܡܨܪܝܢ ܘܡܦܚܪܝܢ ܘܩܝܡܝܢ܆ ܐܝܟܢ ܕܠܐ ܢܗܘܐ ܒܢܝܢܐ ܐܝܢܐ ܕܗܼܘ ܕܠܐ ܬܬܣܝܡ ܒܗܐܬܿܐ ܡܢ ܡܦܘܠܬܗ ܕܝܠܗ ܕܙܘܥܐ. ܘܐܦ ܓܝܪܼ ܥܕ̈ܬܐ ܣܓܝ̈ܐܬܐ ܗܟܢܐ ܗ̈ܘܼܝܼ. ܕܡܢܗܝܢ ܢܦܠ ܣ̈ܓܝܐܬܐܼ ܥܕܡܐ ܠܬܚܬ. ܘܡܢܗ̈ܝܢ ܦܫ ܟܕ ܡܪ̈ܥܪܥܢ ܘܩܝ̈ܡܢ ܕܚܝܠܐܝܬ. ܘܗܠܝܢ ܠܘ ܒܠܚܘܕ ܒܓܘ ܡܕܝܢܬܐܼ. ܐܠܐ ܘܒܟܠ ܕܚܕܪ̈ܝܗܿ. ܥܡ ܣ̈ܓܝܐܐ ܡܢ ܒܢ̈ܝܢܐ ܬܩܝ̈ܦܐ ܕܦܪ̈ܘܣܕܘܬܐ ܫܒ̈ܝܚܐ ܕܪܘܪ̈ܒܢܐ ܕܡܠܟܘܬܐ. ܘܝܬܝܪܐܝܬ ܒܦܢܬܐ ܕܐܒܕܡܘܢ ܡܢ ܬܪܥܐ ܕܡܕܝܢܬܐ. ܘܟܘܢܠܗܿ ܐܬܪܐ ܗܿ، ܕܒܣܦܪ̈ܝ ܝܡܐ. ܥܕܡܐ ܠܡܕܝܢܬܐ ܕܡܬܩܪܝܐ ܪܝܓܝܢ. ܗܕܐ ܕܝܢ ܪܓܝܠܝܢܼ ܒܪܘܓܙܐ ܪܒܐ ܐܬܗܦܟܬ ܥܠܝܬܗܿ ܠܬܚܬܝܗܿ. ܥܡ ܫܘܪܗܿ ܘܫܪܟܐ ܕܟܠܗܘܢ ܒܢܝ̈ܢܝܗܿ. ܐܝܟܢܐܼ ܕܠܐ ܬܬܝܕܥ ܕܗܘܼܬ ܬܡܢ ܡܕܝܢܬܐ. ܘܫܪܟܐ ܕܥܕ̈ܬܐ: ܘܟܠܗܘܢ ܚܕܪ̈ܝܗܼܿ ܥܕܡܐ ܠܡܬܼܚܐ ܣܿܓܝܐܐ ܕܒܬܪܩܝܐ ܐܬܪܐ. ܐܦ ܓܝܪ ܐܣܛܘܢܐ ܪܒܐܼ. ܕܐܪܓܘܢܐ ܕܡܠܟܐܼ

Page 143

ܕܩܐܿܡ ܗܘܐ ܩܕܡ ܦܠܛܝܢ ܕܐܒܕܘܡܘܢ܆ ܗܿܘ ܕܩܐܿܡ ܗܘܐ ܥܠܘܗܝ ܨܠܡܗܼ ܢܦܼܠ ܒܗ ܒܙܘܥܐ. ܟܕ ܡܢ ܥܙܝܙܘܬܗ ܕܙܘܥܐ ܐܬܬܪܝܡ ܠܥܠܼ. ܘܐܬܗܼܦܟ ܒܬܪ ܪܝܫܗܼ ܘܢܚܼܬ ܩܒܼܥ ܒܐܪܥܐ ܬܡ̈ܢܐ ܦܘ̈ܕܝܘܬܐ. ܗܟܢܐ ܘܡ̈ܕܝܢܬܐ ܘܩܘܪ̈ܝܐ ܘܒ̈ܬܐ ܕܠܐ ܡܢܝܢܐ ܐܬܗܦܟܼ ܘܐܬܚܒܠܘ. ܘܒ̈ܬܐ ܣ̈ܓܝܐܐ ܕܠܐ ܡܢܝܢܐ ܐܬܚܦܝܼ. ܣܓܝ̈ܐܐ ܟܕ ܡܬܓܿܝܢ܆ ܢܦܿܩܝܢ ܗܘܘ ܟܕ ܚܝ̈ܝܢ ܡܢܗܘܢܼ ܣ̈ܓܝܐܐ. ܕܕܐܝܟ ܗܢܐ ܙܘܥܐ ܩܫܝܐ ܘܕܚܝܠܐܼ. ܠܐ ܗܼܘܐ ܒܟܠܗܘܢ ܗܠܝܢ ܙܘ̈ܥܐ ܕܩܕܡܘܗܝ. ܗܘܼܬ ܕܝܢ ܐܪܥܐ ܪܐܬܐ ܘܙܝܥܐ ܠܟܐ ܘܠܟܐܼ. ܐܝܟ ܐܝܠܝܢ ܡܢ ܩܕܡ ܪ̈ܘܚܐ. ܘܡܬܢܬܦܐ ܒܠܠܝܐ ܘܒܐܝܡܡܐܼ. ܝܘ̈ܡܬܐ ܥܣܪ̈ܐ ܘܠܝ̈ܠܘܬܗܘܢ. ܘܫܪܟܐ ܕܥܡ̈ܡܐ ܕܐܫܬܘܙܒܼ. ܒܥܘ̈ܬܐ ܕܚܫܐ ܥܒܿܕܝܢ ܗܘܘ. ܘܡ̈ܕܝܢܬܐ ܗܠܝܢ ܕܐܫܬܚܪܘܼ. ܒܨܘܡܐ ܘܒܨܠܘܬܐ ܐܡܝܢܝܢ ܗܘܘ. ܟܕ ܡܬܟܫܦܝܢܼ ܕܕܡ ܐܦ ܗܼܢܘܢ ܒܪܘܓܙܐ ܢܐܒܕܘܢ. ܐܝܟܢܐ ܕܡܢ ܓܢܝܚܘܬܗ ܕܙܘܥܐ ܩܫܝܐ: ܗܼܘ ܡܿܠܟܐ ܡܪܚܡܢܐ ܟܕ ܚܫܝܫܼ ܠܐ ܢܣܝܡ ܬܓܐ ܕܡܠܟܘܬܐ ܒܪܫܗ܇ ܥܕܡܐ ܠܬܠ̈ܬܝܢ ܝܘ̈ܡܝܢ. ܐܠܐ ܘܟܕ ܥܐܕ̈ܐ ܕܒܝܬ ܝܠܕܐ ܘܕܒܝܬ ܕܢܚܐ ܩ̈ܕܝܫܐ ܡܛܘܼ. ܗܟܢܐ ܢܦܼܩ ܕܠܐ ܬܓܐ ܡܢ ܦܠܛܝܢ ܕܝܠܗ ܘܐܙܠ ܠܥܕܬܐ ܩܕܡ ܟܠ ܐܢܫ.

ܫܢܬ ܬܡ̈ܢܡܐܐ ܘܬܡܢ̈ܝܢ ܘܬܪ̈ܬܝܢ܆ ܡܬܝܕܥܝܢ ܦܛܪܝܪ̈ܟܐ ܟܠܩܕ̈ܘܢܝܐܼ. ܐܢܣܛܘܣ ܕܐܢܛܝܟܝܐ. ܘܐܦܘܠܢܪܝܘܣ ܕܐܠܟܣܢܕܪܝܐ. ܘܒܓܝܠܝܘܣ ܕܪܗܘܡܐ. ܘܐܘܛܘܟܝ ܕܩܘܣܛܢܛܝܢܐܦܘܠܝ. ܡܩܪܝܣ ܕܐܘܪܝܫܠܡ: ܗܿܘ ܕܥܒܼܕ ܐܘܛܟܝܣ ܩܬܪܣܝܣ ܕܝܠܗ܇ ܘܥܼܛܦ ܒܬܪܟܝܢܼ ܘܥܒܼܪ ܡܩܪܝܣ ܩܬܪܣܝܣ ܕܐܘܟܝܣܿ. ܘܝܬܼܒ ܥܠ

Page 144

ܕܘܟܬܗ܀ ܠܘܬ ܗܠܝܢ ܕܒܪ ܐܝܬܘܬܐ ܡܬܝܕܥܼ ܦܘܠܘܣ ܦܛܪܝܪܟܐ ܕܐܢܛܝܟܝܐ. ܘܝܥܩܘܒ ܕܣܝܠܬܐ. ܘܝܘܚܢܢ ܕܐܡܕ.

[571-72]

ܫܢܬ ܬܡܗ̤ܡܐܐ ܘܬܡ̈ܢܝܢ ܘܬܠ̈ܬܼ. ܗܘܬ ܩܬܪܣܝܣ ܕܐܘܛܘܟܝ ܕܩܘܣ ܦܘܠܝܣ.. ܗܘܼܐ ܕܝܢ ܚܠܦܘܗܝܼ ܝܘܚܢܢ.

[572-73]

ܫܢܬ ܬܡ̈ܢܡܐܐ ܘܬܡ̈ܢܝܢ ܘܐܪ̈ܒܥܼ. ܛܥܼܐ ܡܠܟܐ ܘܢܦܼܩ ܡܢ ܗܝܡܢܘܬܐ ܬܪܝܨܬܐ. ܘܢܦܼܠ ܒܛܥܝܘܬܐ ܗܓܓܝܬܐ ܕܦܢ̈ܛܣܝܣܛܐ: ܗܿܝ ܕܐܦ ܕܘܝܐ ܝܘܠܝܢܐ ܢܦܼܠ ܒܗܿ ܡܢ ܩܕܝܡ. ܘܛܟ ܠܐ ܫܟܝܪܐ ܠܡܐܡܪ܆ ܕܛܒ ܥܒܿܪ ܠܗܘܿ. ܟܕ ܐܡܿܪ ܗܘܼܐ ܕܦܓܪܗ ܠܡ ܕܡܪܢ ܠܐ ܐܝܬܘܗܝ ܡܬܚܒܠܢܐܼ. ܐܦܠܐ ܡܢ ܡܬܚܒܠܢܐ ܐܝܬܘܗܝ ܗܘܐ. ܡܛܠ ܠܡ ܕܐܦ ܦܓܪܗܿ ܕܒܬܘܠܬܐ ܡܪܝܡ ܕܝܠܕܬܗܼ. ܘܐܦ ܗܼܘ ܠܐ ܡܬܚܒܠܢܐ ܘܠܐ ܚܫܘܫܐ ܐܝܬܘܗܝ ܗܘܐ. ܘܟܠ ܡܿܢ ܠܡ ܕܐܡܿܪ ܕܚܫܘܫܐ ܘܡܬܚܒܠܢܐ ܐܝܬܘܗܝ ܗܘܐ ܦܓܪܗ ܕܡܪܢܼ. ܐܘ ܕܛܘܒܢܝܬܐ ܡܪܝܡܼ. ܒܛܥܝܘܬܐ ܢܦܿܠ.. ܘܗܟܢܐ ܫܪܝ ܟܬܿܒ ܟ̈ܬܒܐܼ. ܘܡܫܕܪ ܠܘܬ ܦܛܪܝܪ̈ܟܐ ܟܠܗܘܢ. ܘܬܒܿܥ ܠܗܘܢ ܕܢܟܫܘܢ ܟܠܚܕ ܚܕ ܐܦܝ̈ܣܩܘܦܐ ܕܬܚܘܬܘܗܝܼ. ܘܢܪܡܐ ܐܝܼܕܐ ܟܠܢܫ ܒܗ ܒܐܢܕܝܩܛܘܢ ܗܿܘ ܕܟܬܼܒ. ܟܕ ܐܦܩ ܦܘܩܕܢܐ ܚܪܝܦܐ: ܕܟܠ ܡܿܢ ܕܠܐ ܢܪܡܐ ܐܝܼܕܐ ܘܢܼܫܠܡܼ. ܢܐܫܕܘܗܝ ܠܐܟܣܘܪܝܐ ܕܠܝܬ ܒܗܿ ܪ̈ܚܡܐ. ܘܟܕ ܓܙܿܡܗ ܥܙܝܙ ܘܩܫܐܼ. ܣܪܩܒ ܩܨܗ. ܘܒܛܠ ܗܼܘ ܘܓܙܡܗܼ. ܥܡ ܗܪܝܣܝܣ ܕܝܠܗ.

[573-74]

ܫܢܬ ܬܡ̈ܢܡܐܐ ܘܬܡ̈ܢܝܢ ܘܚ̈ܡܫܼ ܐܬܚܙܝ ܢܝܙܟܐ ܕܢܘܪܐ ܪܒܐ ܘܕܚܝܠܐ ܒܦܢܝܬܐ ܓܪܒܝܝܬܐ. ܒܝܘܡ ܐܝܪܚ ܐܝܪ. ܟܕ ܫܘܪܝܐܼ ܗܢܘ ܕܝܢ ܪܝܫܗ ܬܚܬܝܐܼ ܡܢ ܟܘܟܒܐ ܫܩܿܠ ܗܘܐ ܠܗ. ܘܐܝܬ ܗܘܐ ܠܗ ܡܬܚܐ ܪܒܐ. ܟܕ ܡܢ ܩܕܝܡ ܠܐܦ̈ܝ ܦܠܓܗ ܕܠܠܝܐ ܣܠܿܩ ܗܘܐ ܘܡܬܚܙܐ. ܘܒܬܪܟܝܢܼ ܡܢ ܪܡܫܐ. ܟܕ ܡܬܚܙܐ ܗܘ ܕܡܪܟܢ ܪܝܫܗ ܠܡܕܢܚܐܼ.

 

Page 145

 

ܘܟܕ ܩܠܝܠ ܩܠܝܠ ܬܪܨܼ ܗܘܐ ܘܩܐܡ ܠܥܠ ܬܪܝܨܐܝܬܼ. ܒܕܡܘܬ ܪܘܡܚܐ ܪܒܬܐ. ܘܬܘܒ ܒܬܪܟܝܢ ܡܨܛܠܐ ܘܡܬܪܟܢ ܠܐܦ̈ܝ ܨܦܪܐܼ ܠܦܢܬܝܐ ܡܥܪܒܝܬܐ. ܘܗܘܼܐ ܙܒܢܐ ܕܝܪ̈ܚܐ ܬܪܗܝܢ ܐܘ ܬܠ̈ܬܐܼ. ܟܕ ܗܟܢܐ ܣܿܠܩ ܗܘܐܼ ܘܡܬܚܙܐ ܐܝܡܢܐܝܬ. ܟܕ ܒܬܪܟܝܢ ܗܼܦܟ ܘܐܬܚܙܝ ܬܘܒܼ ܒܦܢܝܬ ܬܝܡܢܝܬܐ. ܘܗܟܢܐ ܒܡܘܬܗ ܕܝܘܣܛܢܝܢܐ ܡܠܟܐ ܐܬܚܦܝܼ ܘܠܐ ܬܘܒ ܐܬܚܙܝ.. ܗܠܝܢ ܕܝܢ ܠܘܬ ܪܘܫܡܐ ܕܥܘ̈ܗܕܢܐ: ܠܘܬ ܐܝܠܝܢ ܕܡܢ ܒܬܪܟܝܢ ܐܝܬܝܢܢ܆ ܕܟܕ ܩܿܪܝܢ ܢܬܒܝܢܘܢ ܒܚܪܬܐ ܕܫܘܠܡܗܝܢ.

[573-74]

ܫܢܬ ܬܡܢܡ̈ܐܐ ܘܬܡܢܝܢ ܘܚܡܫܼ. ܡܝܬ ܣܘܝܛܝܢܝܢܐ ܡܠܟܐ. ܘܐܡܠܟܼ ܝܣܘܛܝܢܝܢܐ ܒܪ ܚܬܗ.

[577-78]

ܫܢܬ ܬܡܢܡ̈ܐܐ ܘܬܡܢܝܢ ܘܬܫܥܼ. ܡܝܬ ܡܪܝ ܝܥܩܘܒ ܕܦܣܝܠܬܐ.. ܘܡܪܝ ܝܘܚܢܢ ܐܦܝܣ ܕܐܡܕ. ܘܗܼܘܐ ܚܠܦܘܗܝܼ ܩܕܝܫܐ ܡܪܝ ܩܘܪܝܩܐ.. ܘܒܐܘܪܗܝ ܚܠܦ ܡܪܝ ܝܥܩܘܒܼ ܡܪܝ ܣܐܘܝܪܐ.. ܚܠܦ ܦܘܠܣ ܕܐܢܛܝܟܝܐܼ ܗܘܼܐ ܩܕܝܫܐ ܡܪܝ ܦܛܪܐ.

 

[Zuqnin Chronicle Part 4]

Source: J.B. Chabot, Incerti Auctoris Chronicon Pseudo-Dionysianum Vulgo Dictum. Vol 2. CSCO 104/Scriptores Syri 53 (III.2). Louvain: Secretariat du CorpusSCO, 1933; from Vatican Syriac 162

 

ܡܫܪܐ ܕܝܢ ܚܘܫܒܢܐ ܗܢܐܼ. ܐܘܟܝܬ ܡܟܬܒܢܘܬܐ ܗܕܐܼ. ܡܢ ܫܘܪܝܗܿ ܕܝܠܗܿ ܕܒܪܝܬܐ. ܘܐܬܿܐ ܐܦ ܥܕܡܐ ܠܡܘܠܕܗ ܕܐܒܪܗܡ: ܘܡܠܟܘܬܗ ܕܢܝܢܘܣ ܗܿܘ ܕܒܢܐ ܠܢܝܢܘܐ ܘܐܡܠܟ ܒܗܿ ܫ̈ܢܝܢ ܚ̈ܡܫܝܢ ܘܬܪ̈ܬܝܢ.. ܘܒܫܢܬ ܐܪ̈ܒܥܝܢ ܘܬܪܬܝܢ ܫܢ̈ܝܢ ܠܢܝܢܘܣܼ. ܐܬܝܠܕ ܐܒܪܗܡ ܪܝܫ ܐܒ̈ܗܬܐ. ܐܝܟ ܕܣܗܿܕ ܐܘܣܒܝܣܼ. ܡܛܠ ܕܡܢܗ ܢܣܝܼܒ ܗܘ ܠܢ ܡܠܘܐ ܕܡܟܬܒܢܘܬܐ ܗܕܐ. ܥܕܡܐ ܠܫܢ̈ܝ ܩܘܣܛܢܛܝܢܣ ܡܗܝܡ. ܡܢ ܗܪܟܐ ܕܝܢ ܘܥܕܡܐ ܠܬܐܘܕܘܣܝܣ

 

Page 146

 

ܙܥܘܪܐ ܡܢ ܣܘܩܪܛܝܣ ܕܡܢ ܕܚܠܬܐ ܕܢܐܘܝ̈ܛܝܢܘ.. ܡܢ ܬܐܘܕܣܝܣ ܕܝܢ ܘܥܕܡܐ ܠܝܘܣܛܝܢܝܢܐ ܡܠܟܐܼ ܡܢ ܩܕܝܫܐ ܝܘܚܢܢ ܐܦܝܣܩܦܐ ܕܐܣܝܐ. ܕܐܝܬܝܗܿ ܫܢܬ ܬܡܢܡܐܐ ܘܬܡܢܝܢ ܘܚܡ̈ܫ.. ܡܢ ܗܪܟܐ ܕܝܢ ܘܥܕܡܐ ܠܫܢܬܐ ܗܕܐ ܕܒܗܿ ܐܝܬܝܢ ܝܘܡܢܐ: ܕܐܝܬܝܗܿ ܫܢܬ ܐܠܦܐܐ ܘܬܡܢ̈ܝܢ ܘܫ̈ܬ ܕܐܠܟܣܢܕܪܘܣ: ܘܕܡܗܓܪ̈ܝܐ ܫܢܬ ܡܐܐ ܘܚܡܫܝܢ ܘܬܡ̈ܢܐܼ. ܠܐ ܐܫܟܚܢܢ ܥܠ ܕܘܒܪ̈ܐ ܕܡܟܬܢܒܘܬܐܿ ܐܝܟ ܩ̈ܕܡܝܬܐ ܚܬܝܬܐܝܬ ܘܐܦܠܐ ܥܠ ܙܒ̈ܢܐ ܒܝ̈ܫܐ ܘܡܪ̈ܝܪܐ ܕܥܒܼܪ ܥܠܝܢ ܘܥܠ ܐܒܗܗܝܢܼ. ܐܫܟܚܢܢ ܡܟܬܒܢܘܬܐ ܕܡܕܡ. ܘܐܦܠܐ ܥܠ ܙܒܢܐ ܗܢܐ ܕܐܘܠܨܢܐ ܕܘܡܪܪܐ܇ ܕܡܼܛܐ ܠܢ ܡܛܠ ܚ̈ܛܗܝܢ: ܘܐܬܡܼܣܪܢܢ ܒܐ̈ܝܕܝ ܐܬܘܪ̈ܝܐ ܘܒܪܒܪܗܝܐܼ. ܠܐ ܐܫܟܚܢܢ ܐܢܫ ܕܐܟܬܒ ܡܕܡ. ܐܠܐ ܕܢܫܒܘܩ ܥܘܗܕܢܐ ܕܙܒܢܐ ܗܢܐ ܒܝܫܐ: ܘܐܘܠܨܢܐ ܡܪܝܪܐ ܕܣܒܠܬ ܐܪܥܐ ܒܝ̈ܘܡܝܢ ܘܒܙܒܢܢ: ܡܢ ܐܝܕ̈ܝ ܐܬܘܪ̈ܝܐ ܗܢܿܘܢ ܕܐܦ ܢܒܝܐ ܡܫܡܗ ܟܕ ܐܡܿܪ: ܕܐܬܘܪܝܐ ܫܒܛܐ ܗܘ ܠܡ ܕܪܘܓܙܝ. ܘܚܘܛܪܐ ܗܘ ܒܐܝܕܗܘܢ ܕܡܚܘܬܝ: ܥܠ ܥܡܐ ܚܠܦܐ ܐܫܕܪܝܘܗܝܼ. ܘܥܠ ܥܡܐ ܐܟܬܢܐ ܐܦܩܕܝܘܗܝ. ܗܢܐ ܫܒܛܐ ܘܗܢܐ ܚܘܛܪܐ ܕܡܪܝܐ: ܕܐܘܫܛ ܘܝܗܼܒ ܠܐܬܘܪܝܐ ܕܢܪܕܝܗܿ ܠܐܪܥܐ ܒܗܼ. ܘܐܦ ܐܬܚܙܝ ܒܫܡܝܐ: ܟܕ ܣܠܩܿ ܘܡܬܚܙܐ ܝܘ̈ܡܬܐ ܣܓܝ̈ܐܐ. ܗܘܼܐ ܠܢ ܨܒܝܢܐܼ. ܕܐܟܒܪ ܢܫܡܥܘܢ ܐܝܠܝܢ ܕܡܢ ܒܬܪܢ ܐܬܝܢ ܠܥܠܡܐܼ. ܘܢܙܘܥܘܢ ܘܢܕܚܠܘܢ ܡܢ ܡܪܝܐܼ. ܘܢܗܠܟܘܢ ܩܕܡܘܗܝ ܒܬܪܝܨܘܬܐ. ܕܕܠܡܐ ܐܦ ܠܗܘܢ ܢܡܣܘܪ ܐܢܘܢ܇ ܐܝܟ ܡܐ ܕܠܢ ܒܐܝ̈ܕܝ ܗܢܐ ܕܐܒܐ ܚܒܠܐ. ܟܬܝܒ ܕܦܿܩܼܕ ܠܒܢܝ̈ܟܘܢ. ܘܬܘܒܼ ܕܫܝܠ ܠܐܒܘܟܼ ܘܢܚܘܝܟܿ ܘܠܣܒܝ̈ܟܼ ܘܢܐܡܪܘܢ ܠܟ. ܟܕ ܕܝܢ

Page 147

ܒܕܘܟܝ̈ܬܐ ܣܓܝ̈ܐܬܐ ܟܪܟܢܢ: ܘܡܕܡ ܕܟܬܝܒ ܚܬܝܬܐܝܬ ܠܐ ܐܫܟܚܢܢ܆ ܐܠܐ ܕܡܕܡ ܡܕܡ. ܘܐܦ ܕܫܡܥܢܢ ܬܘܒ ܡܢ ܣܒ̈ܐ ܥܬܝ̈ܩܐ: ܕܗܢܼܘܢ ܚܙܘ ܘܥܒܼܪ ܥܠܝܗܘܢ: ܘܐܦ ܐܝܠܝܢ ܬܘܒ ܕܚܢܢ ܗܘܼܝܢܢ ܚܿܙ̈ܝܐ ܕܝܠܗܘܢ ܕܣܘܥܪ̈ܢܐ ܨܒܝܢܢ ܕܢܟܢܫ ܘܢܣܝܡ ܐܢܘܢ ܗܪܟܐ ܒܐܝܕܐ ܐܝܕܐ ܒܣܕܪܐ ܗܢܐ. ܐܠܐ ܟܠ ܡܿܢ ܕܦܓܥ ܒܗ̈ܝܢ ܒܗܠܝܢ ܘܨܒܐ ܕܢܣܠܐ ܐܢܝ̈ܢ܆ ܢܕܥ ܕܠܘ ܒܚܕܐܬܪܐ ܐܘ ܒܚܕܐ ܡܠܟܘܬܐܿ. ܐܘ ܒܚܕܐ ܦܢܝܬܐ ܓܕ̈ܫܢ ܥ̈ܠܬܐ ܘܣܘܥܪ̈ܢܐ ܕܙܢܝ̈ܢ ܙܢܝ̈ܢ. ܡܕܝܢ ܐܦ ܘܗܪܟܐܼ. ܐܢ ܦܓܝܥ ܠܗ ܒܡܟܬܒܢܘܬܐ ܕܠܐ ܦܚܡܐ ܠܗܕܐܼ. ܗܠܝܢ ܢܣܬܿܟܠ ܕܐܦܠܐ ܗܼܢܘܢ ܡܟ̈ܬܒܢܐ ܩ̈ܕܡܝܐ ܫܿܠܡܝܢ ܐܚܕ̈ܕܐ. ܐܠܐ ܚܕ ܡܙܥܪܼ ܘܚܕ ܡܘܪܒ. ܚܕ ܡܟܬܒ ܥܠ ܥܕܬܐ ܘܚܕ ܥܠ ܥ̈ܠܬܐ ܐܚܪ̈ܢܝܬܐ: ܐܠܐܼ ܠܐ ܡܣܿܓܦܐ ܗܕܐ ܠܦܪ̈ܘܫܐ ܘܕܚ̈ܠܝ ܐܠܗܐ ܡܕܡܿ. ܐܢ ܩܕܝܡܐ ܫܢܬܐ ܐܘ ܡܘܚܪܐ ܚܕܐ ܐܘ ܬܪ̈ܬܝܢ. ܐܠܐ ܢܿܣܦܩ ܠܕܚܠ̈ܝ ܐܠܗܐ ܕܢܚܙܘܢ ܡ̈ܚܘܬܐ ܕܕܪ̈ܐ ܩܕ̈ܡܐ: ܘܢܣܛܘܢ ܗܼܢܘܢ ܡܢ ܥܘܼܠܐܼ ܕܠܐ ܐܦ ܥܠܝܗܘܢ ܢܣܡ̈ܟܢ ܗܢ̈ܝܢ ܡܚ̈ܘܬܐ. ܐܙܕܗܪ ܠܡ ܘܕܚܠ ܡܢ ܡܪܝܐ ܐܠܗܟܼ. ܕܕܠܡܐ ܐܦ ܥܠܝܟ ܐܝܬܐ ܐܢܝ̈ܢ ܠܡܚܘ̈ܬܐ ܗܠܝܢ. ܫܘܪܝܐ ܕܝܢ ܥܒܕܝܢܢܼ ܡܢ ܫܢܬ ܬܡܢ̈ܐ ܡ̈ܐܐ ܘܬܫܥܝ̈ܢ ܘܬܡܢ̈ܐ.

ܫܢܬ ܬܡܢ̈ܐܡ̈ܐܐ ܘܬܫ̈ܥܝܢ ܘܬܡ̈ܢܐܼ. ܡܝܬ ܝܘܣܛܝܢܝܢܐ ܡܠܟܐ. ܘܐܡܠܟ ܝܘܣܛܝܢܝܢܐ ܕܐܪ̈ܒܥܐ. ܘܛܒܪܝܘܣ ܩܣܪ.

ܫܢܬ ܬܫ̈ܥܡܐܐ ܘܚܕܐܼ ܡܝܬ ܗܘ ܝܘܣܛܝܢܝܢܐ ܘܠܒܟ ܡܠܟܘܬܐ ܛܒܪܝܘܣ.

ܘܒܫܢܬ ܬܫ̈ܥܡܐܐ ܘܬܪ̈ܬܝܢܼ ܡܝܬ ܩܕܝܫܐ ܦܛܪܘܣ ܦܛܪܝܪܟܐ ܕܐܢܛܝܟܝܐ.

Page 148

ܫܢܬ ܬܫܥܡ̈ܐܐ ܘܚܡ̈ܫܼ ܡܝܬ ܛܒܪܝܘܣ. ܘܗܘܼܐ ܚܠܦܘܗܝ ܡܘܪܝܩܣ ܫܢܝ̈ܐ ܬܡܢ̈ܐ.

ܫܢܬ ܬܫܥܡ̈ܐ ܘܬܪ̈ܬܥܣܪ̈ܐܼ ܗܘܼܐ ܚܫܘܟܐ ܪܒܐ ܒܦܠܓܗ ܕܝܘܡܐ. ܘܣܠܼܩ ܟܘ̈ܟܒܐ ܘܐܬܚܙܝܘ ܐܝܟ ܕܒܠܠܝܐ. ܘܩܘܝܘ ܐܝܟ ܫܥ̈ܐ ܬܠ̈ܬ. ܘܬܘܒ ܐܬܓܠܓܘ ܗܼܘ ܚܫܘܟܐ ܗܿܘܼ. ܘܐܬܚܙܝ ܝܘܡܐ ܐܝܟ ܥܝܕܗ ܩܕܡܝܐ.܀

ܘܒܗܿ ܒܫܢܬܐ ܡܝܬ ܡܘܪܝܩܣ. ܘܐܡܠܟܘ ܡܘܪܝܩܣ ܐܚܪܢܐܼ. ܘܬܝܕܣܝܣ ܒܪܗܼ ܫ̈ܢܝܢ ܬܪܬܥܣܪܗܐ.

ܫܢܬ ܫܬܥ̈ܡܐܐ ܘܐܪ̈ܒܥܣܪܐܼ ܟܒܫܗܿ ܢܪܣܐ ܠܐܘܪܗܝ ܪܒ ܚܝܠܐ ܕܦܘܪ̈ܣܝܐ. ܘܥܠ ܠܗܿ: ܘܐܚܕܗ ܠܣܐܘܪܐ ܐܦܝܣܩܦܐ ܕܝܠܗܿ ܕܡܝܕܬܐܼ ܘܪܓܡܗ ܒܟ̈ܐܦܐܼ. ܘܡܝܬ.

ܫܢܬ ܫܬܥܡ̈ܐܐ ܘܚ̈ܡܫܥܣܪܐܼ. ܗܘܼܐ ܩܕܝܫܐ ܐܬܢܣܝܘܣ ܦܛܪܝܪܟܐ ܕܐܢܛܝܟ.

ܫܢܬ ܬܫܥܡ̈ܐܐ ܘܫ̈ܬܬܥܣܪܐܼ ܐܬܦܬܚܬ ܗܼܝ ܐܘܪܗܝ.

ܫܢܬ ܬܫܥܡ̈ܐܐ ܘ.ܟܕ. ܐܬܩܛܠ ܡܘܪܝܩܣ ܘܬܘܕܣܝܣ ܒܪܗ. ܘܐܡܠܟ ܦܘܩܝܣܿ ܫ̈ܢܝܢ ܬܡ̈ܢܐ.

ܫܢܬ ܬܫܥܡ̈ܐܐ ܘܥܣܪܗܝܢ ܘܬܡ̈ܢܐܼ ܦܩܼܕ ܦܘܩܐ ܡܠܟܐܼ ܕܢܥܡܕܘܢ ܟܠܗܘܢ ܝܗܘܕ̈ܝܐ ܕܬܚܝܬ ܐܝܕܗ. ܘܫܕܪܗ ܠܓܝܘܪܓܝ ܗܘܦܪܟܐ: ܠܐܘܪܫܠܡ ܘܠܟܠܗܿ ܐܪܥܐ ܕܦܠܣܛܝܢܐ܇ ܕܢܐܠܘܨ ܐܢܘܢ ܠܟܠܗܘܢ ܝܗ̈ܘܕܝܐ ܕܢܥܡܕܘܢ. ܗܢܐ ܕܝܢ ܟܕ ܢܚܼܬ ܘܟܿܢܼܫ ܐܢܘܢ ܟܠܗܘܢ ܝܗܘ̈ܕܝܐ ܕܒܐܘܪܫܠܡ ܘܒܐܚܕܪ̈ܝܗܿ ܘܥܠܼܘ ܩܕܡܘܗܝ ܪܘܪ̈ܒܢܝܗܘܢܼ ܘܐܡܼܪ ܠܗܘܢ. ܕܥ̈ܒܼܕܐ ܐܢܬܘܢ ܕܡܠܟܐ. ܘܗܢܘܢ ܐܡܼܪܼ ܐܢ. ܐܡܿܪ ܠܗܘܢܼ ܦܩܿܕ ܡܪܗܿ ܕܐܪܥܐܼ ܕܬܥܡܕܘܢ.. ܗܢܼܘܢ ܕܝܢ ܫܬܩܘܼ ܘܠܐ ܦܢܝܘ ܠܗ ܦܬܓܡܐ. ܐܡܪ ܠܗܘܢ. ܥܠ ܡܢܐ ܠܐ ܡܦܿܢܝܬܘܢ

Page 149

ܦܬܓܡܐ.. ܥܢܼܐ ܕܝܢ ܚܕ ܡܢܗܘܢ ܡܢ ܪ̈ܝܫܐ ܕܒܗܘܢ ܕܫܡܗ ܝܘܢܐܼ. ܘܐܡܪ. ܕܟܠ ܡܐ ܕܦܿܩܕ ܡܪܗܿ ܕܐܪܥܐܼ ܥܿܒܕܝܢܢ ܘܥܿܢܝܢܢ. ܗܕܐ ܕܝܢ ܡܠܬܐܼ ܠܐ ܡܫܟܚܝܢܢ ܠܡܥܒܕܼ. ܡܛܠ ܕܠܐ ܥܕܟܝܠ ܡܼܛܐ ܝܘܡ ܥܡܿܕܐ ܩܕܝܫܐ.. ܗܘܦܟܪܐ ܟܕ ܫܡܥ ܗܠܝܢ܆ ܐܬܚܡܬ ܪܘܪܒܐܝܬ. ܘܩܡ ܘܡܚܝܗܝ ܝܘܡܐ ܥܠ ܐܦܘ̈ܗܝܼ ܘܐܡܼܪ. ܕܐܢ ܥ̈ܒܼܕܐ ܐܢܬܘܢܿ ܠܐ ܡܫܬܥܒܕܝܢ ܐܢܬܘܢ ܠܡܟܪܘܢܼ. ܘܦܼܩܕ ܕܢܥܼܡܕܘܢ. ܘܗܟܢܐ ܟܕ ܨܿܒܝܢ ܘܟܕ ܠܐ ܨܿܒܝܢܼ ܐܥܡܕ ܐܢܘܢ ܠܟܠܗܘܢ.܀ ܒܗܢܐ ܙܒܢܐ ܡܬܝܕܥ ܝܥܩܘܒ ܝܗܘܕܝܐ.. ܘܐܬܢܣܝܘܣ ܦܛܪܝܪܟܐ ܕܐܢܛܝܟܝܐ. ܘܝܚܘܢܢ ܐܦܝܣܩܦܐ ܕܥܪ̈ܒܝܐ. ܘܫܡܥܘܢ ܕܚܪܢ ܘܩܘܪܝܩܐ ܕܐܡܕ.

ܫܢܬ ܬܫܥܡܐܐ ܘܬܠ̈ܬܝܢ ܘܬܪ̈ܬܝܢ܆ ܟܒܫܘܗܿ ܛܝ̈ܝܐ ܠܐܪܥܐ ܕܦܠܣܛܝܢܐ. ܘܥܕܡܐ ܠܢܗܪܐ ܪܒܐ ܦܪܬ. ܘܥܼܪܩ ܪ̈ܗܘܡܝܐ ܘܥܿܒܪ ܠܡܕܢܚܐ ܡܢ ܦܪܬ. ܘܐܫܬܠܛ ܒܗܿ ܛܝ̈ܝܐ ܥܠܝܗܘܢ. ܡܿܠܟܐ ܩܕܡܝܐ ܓܒܪܐ ܡܢܗܘܢ ܕܫܡܗ ܡܚܡܕ. ܗܢܐ ܕܐܦ ܢܒܝܐ ܩܿܪܝܢ ܗܘܘ ܠܗ. ܡܛܠ ܕܐܦ ܡܢ ܣܓܕ̈ܬܐ ܕܟܠ ܫܘ̈ܚܠܦܝܢ ܐܦܢܝ ܐܢܘܢ. ܘܕܐܝܬ ܚܕ ܐܠܗܐ ܥܿܒܘܕܐ ܕܒܪܝܬܐ ܐܘܕܥ ܐܢܘܢ. ܘܐܦ ܢܡܘ̈ܣܐ ܣܡ ܠܗܘܢ. ܡܛܠ ܕܣܓܝ ܐܚܝܕܝܢ ܗܘܘ ܒܕܚܠܬ ܫܐܕ̈ܐ ܘܒܣܓܕܬ ܦܬܟܪ̈ܐ. ܝܬܝܪܐܝܬ ܒܣܓܕܬ ܐܝ̈ܠܢܐ. ܘܡܛ ܕܚܘܝ ܠܗܘܢ ܚܕܐ ܐܠܗܐ: ܘܐܦ ܙܟܘ ܒܩܪܒܐ ܠܪ̈ܗܘܡܝܐ ܒܝܕ ܡܕܒܪܢܘܬܗ: ܘܐܦ ܣܡ ܠܗܘܢ ܢܡܘ̈ܣܐ ܐܝܟ ܪܓܬܗܘܢܼ. ܩܪܘܗܝ ܢܒܝܐ ܐܦ ܪܣܘܠܐ ܕܐܠܗܐ. ܘܥܡܐ ܣܓܝ ܪܓܬܢܐ ܐܝܬܘܗܝܿ. ܘܒܣܪܢܐ. ܘܟܠ ܢܡܘܣܐ. ܐܢ ܡܢ ܡܚܡܕ. ܘܐܢ ܡܢ ܐܢܫ ܐܚܪܢܐ ܕܕܚܠ ܡܢ ܐܠܗܐ ܡܬܣܝܡ ܗܘܐ ܠܗܘܢ: ܘܐܝܟ ܢܝܚܐ ܕܪܓܬܗܘܢ ܠܐ ܡܬܝܣܡ ܗܘܐܼ. ܫܛܘܗܝ ܐܦ ܫܒܩܘܗܝ. ܗܿܘ ܕܝܢ ܕܐܝܟ ܨܒܢܗܘܢ

Page 150

ܘܪ̈ܓܝܓܬܗܘܢ ܡܫܡܠܐ ܗܘܐܼ. ܐܦܢ ܡܢ ܫܝܛܐ ܕܒܗܘܡܢ ܡܬܣܝܡ ܗܘܐܼ. ܠܒܟܝܢ ܗܘܘ ܠܗ ܟܕ ܐܡܪܝܢ܆ ܕܗܢܐ ܠܢܒܝܐ ܘܪܣܘܠܗ ܕܐܠܗܐ ܣܝܡܢ ܘܐܦ ܡܢ ܐܠܗܐ ܦܩܝܕ ܠܗ ܗܟܢ. ܕܒܼܪ ܐܢܘܢ ܕܝܢ ܫ̈ܢܝܐ ܫܒ̈ܥ.

ܫܢܬ ܬܫܥܡ̈ܐܐ ܘܬܠ̈ܬܝܢ ܘܬܠ̈ܬ܆ ܡܝܬ ܦܘܩܝܣ ܡܿܠܟܐ ܕܪ̈ܗܘܡܝܐ. ܘܐܡܠܟ ܚܠܦܘܗܝ ܗܪܩܠܐܼ. ܫܢܝ̈ܐ ܬܠ̈ܬܝܢ ܘܚܕܐ.

ܫܢܬ ܬܫܥܡ̈ܐܐ ܘܠܬ̈ܬܝܢ ܘܐܪ̈ܒܥܼ ܡܝܬ ܡܪܝ ܩܘܪܝܩܐ ܐܦܝܣܩܦܐ ܕܐܡܕ. ܘܗܘܼܐ ܚܠܦܘܗܝ ܡܪܝ ܬܘܡܐ.

ܫܢܬ ܬܫܥ̈ܡܐܐ ܘܬܠ̈ܬܝܢ ܘܫܒ̈ܥܼ. ܢܬܪܘܢ ܟܘ̈ܟܒܐ ܕܒܫܡܝܐ. ܘܗܟܢܐ ܟܠܗܘܢ ܟܫ̈ܛܝܢ ܗܘܘ ܠܓܪܒܝܐ ܐܝܟ ܓܐܪ̈ܐ. ܟܕ ܐܬܿܐ ܡܕܡ ܕܚܝܠܬܐ ܕܡܙܕܟܝܢܘܬܐ ܠܪ̈ܗܘܡܝܐ ܝܗܒܝܢ ܗܘܘܼ. ܕܡܬܟܒܫܢܘܬܐ ܕܐܪ̈ܥܬܗܘܢ ܕܡܢ ܐܝ̈ܕܝ ܛܝ̈ܝܐ. ܟܕ ܗܼܝ ܗܕܐ ܒܫܪܪܐ ܓܕܫܬ ܒܗܘܢ ܒܬܪ ܩܠܝܠܼ ܘܠܐ ܐܘܚܪܬ.

ܫܢܬ ܬܫܥ̈ܡܐܐ ܘܬܠ̈ܬܝܢ ܘܬܡ̈ܢܐ܆ ܡܝܬ ܡܚܡܕ ܡܿܠܟܐ ܕܛܝ̈ܝܐܿ. ܐܘܟܝܬ ܢܒܝܐ ܕܝܠܗܘܢ. ܘܗܘܼܐ ܥܠܝܗܘܢ ܐܒܘܒܟܪ. ܫܢܝ̈ܐ ܚܡ̈ܫ.

ܫܢܬ ܬܫܥ̈ܡܐܐ ܘܐܪ̈ܒܥܝܢܼ. ܫܪܝ ܗܪܩܠܐ ܡܠܟܐ ܕܪ̈ܘܝܡܐ ܕܢܒܢܐ ܥܕܬܐ ܪܒܬܐ ܕܐܡܕ.

ܫܢܬ ܬܫܥ̈ܡܐܐ ܘܐܪ̈ܒܥܝܢ ܘܬܠܬܼ. ܡܝܬ ܐܒܘܒܟܪ ܡܠܟܐ ܕܛܝ̈ܝܐ.. ܘܗܘܼܐ ܚܠܦܘܗܝܼ ܥܘܡܪܼ ܫܢܝ̈ܐ ܬܪܬܥܣܪ̈ܐ.

ܘܒܫܢܬ ܬܫ̈ܥܡܐܐ ܘܐܪ̈ܒܥܝܢ ܘܐܪ̈ܒܥ܆ ܢܼܚܬ ܗܪܩܠܐ ܡܠܟܐ ܕܪ̈ܗܘܡܝܐ ܠܐܘܪܗܝ. ܘܗܘܼܐ ܩܪܒܐ ܕܓܒܝܬܐ. ܘܐܬܗܙܡܘ ܦܘܪ̈ܣܝܐ ܘܢܦܩ ܡܢ ܒܝܬ ܢܗܪܗܝܢ. ܫܢܬ ܬܫ̈ܥܡܐܐ ܘܐܪ̈ܒܥܝܢ ܘܬܡ̈ܢܐܼ. ܥܒܼܪ ܛܝ̈ܝܐ ܠܓܙܝܪܬܐܼ ܘܐܬܗܙܡ ܪ̈ܗܘܡܝܐܼ. ܘܥܠ ܥܝܨ ܠܐܘܪܗܝ.

ܫܢܬ ܬܫܥܡܐܐ ܘܚܡܫܝܢ ܘܬܪܬܝܢ܆ ܢܼܩܫ ܛܝ̈ܝܐ ܥܠ

Page 151

ܕܪܐ ܘܐܩܪܒܘ ܥܡܗܿ. ܘܐܬܩܛܠ ܡܢܗܘܢ ܥܡܐ ܣܓܝܐܐ ܡܢ ܬܪ̈ܝܗܘܢ ܓܒ̈ܐܼ ܝܬܝܪܐܝܬ ܡܢ ܛܝ̈ܝܐ. ܘܠܚܪܬܐ ܝܼܗܒ ܠܗܘܢ ܡܠܬܐ ܘܦܬܚܘܗܿ. ܘܡܢ ܗܝܕܝܢ ܠܐ ܐܬܩܛܠ ܒܪܢܫ.܀ ܘܒܗܿ ܒܫܢܬܐܼ ܢܩܼܫ ܥܠ ܐܕܒܝܢ. ܘܒܗܕܐ ܥܡܐ ܣܓܝܐܐ ܐܬܩܼܛܠ. ܥܕܡܐ ܠܬܪܥܣܪ̈ ܐܠܦܝ̈ܢ ܡܢ ܐܪ̈ܡܢܝܐ.

ܘܒܫܢܬ ܬܫܥ̈ܡܐܐ ܘܚܡ̈ܫܝܢ ܘܬܠ̈ܬܼ. ܟܒܼܫܘܗܿ ܛܝܝ̈ܐ ܠܩܣܪܝܐ ܕܦܠܣܛܝܢܐ.

ܫܢܬ ܬܫܥܡ̈ܐܐ ܘܚܡ̈ܫܝܢ ܘܚ̈ܡܫܼ. ܐܬܼܐ ܪܒ ܚܝܠܐ ܕܪ̈ܗܘܡܝܐ ܘܠܢܛܝܢܐ ܦܛܪܝܩܿ. ܕܢܒܥܕ ܩܪܒܐ ܥܡ ܛܝ̈ܝܐ. ܘܕܚܼܠ ܡܢ ܩܕܡܝܗܘܢ ܘܥܼܪܩ. ܘܫܒܩ ܠܟܠܗܘܢ ܟܪ̈ܝܡܛܐ ܕܥܡܗܼ. ܘܢܣܒ ܐܢܘܢ ܛܝ̈ܝܐ.܀ ܘܒܗܿ ܒܫܢܬܐܼ. ܢܦܩܼ ܘܥܼܠ ܠܒܛܢܢ ܕܣܪܘܓ ܒܚܡܬܐ ܪܒܬܐ ܦܪܩܘܦܝܼ ܘܬܐܘܕܪܐ. ܘܚܠܼܨ ܘܒܼܙܘ ܘܫܒܼܘ ܟܠ ܕܨܒܘܼ ܘܗܼܦܟ ܠܐܪܥܗܘܢ.܀ ܒܬܪ ܐܬܢܣܝܣ ܦܛܪܝܪܟܐܼ. ܗܘܼܐ ܩܕܝܫܐ ܝܘܚܢܢ ܬܠܡܝܕܗ.܀ ܒܗܢܐ ܕܝܢ ܙܒܢܐ ܡܬܝܕܥ ܩܕܝܫܐ ܝܘܞܚܢܢ ܦܛܪܝܪܟܐ ܕܐܢܛܝܟܝܐ. ܘܝܘܚܢܢ ܐܦܝܣܩܦܐ ܕܥܪ̈ܒܝܐ. ܘܫܒܡܥܘܢ ܕܐܘܪܗܝ. ܘܡܬܝ ܕܚܠܒ܆ ܡܢ ܕܝܪܐ ܩܕܝܫܬܐ ܕܙܘܩܢܝܢ. ܘܡܪܝ ܬܘܡܐ ܐܦܝܣܩܘܦܐ ܕܐܡܕ܆ ܡܢܗܿ ܕܕܝܪܐ.

ܘܒܫܢܬ ܬܫܥܡܐܐ ܘܚܡܫܝܢ ܘܬܼ ܡܝܬ ܥܘܡܪ ܡܠܟܐ ܕܛܝ̈ܝܐ. ܗܘܼܐ ܕܝܢ ܚܠܦܘܗܝܼ ܥܘܬܡܢ. ܘܐܡܠܟ ܫܢ̈ܝܐ ܬܪ̈ܬܝܢ ܘܥܣܪ̈.

ܘܒܫܢܬ ܬܫܥܡܐܐ ܘܫܬܝܢ܆ ܥܠ ܡܥܘܝܐ ܠܩܘܦܪܣ.܀ ܘܒܗܿ ܟܕ ܒܗܿ ܒܫܢܬܐ ܐܬܟܒܼܫܬ ܐܪܘܕ.

ܫܢܬ ܬܫܥܡܐܐ ܘܫܬܝܢ ܘܚܕܐܼ. ܡܝܬ ܩܕܝܫܐ ܡܪܝ ܝܘܚܢܢ ܦܛܪܝܪܟܐ ܕܐܢܛܝܟܝܐ. ܘܐܬܩܒܪ ܒܗܿ ܒܐܡܕ. ܘܐܬܣܝܡ ܒܗܝܠܟܐ ܩܕܝܫܐ ܕܡܪܝ ܙܥܘܪܐ.. ܘܒܗܿ ܟܕ

Page 152

ܒܗܿ ܒܫܢܬܐܼ ܡܝܬ ܩܕܝܫܐ ܡܪܝ ܝܘܚܢܢ ܐܦܝܣܩܦܐ ܕܥܪ̈ܒܝܐܼ. ܘܐܬܣܝܡ ܕܝܢ ܒܝܬ ܡܪܝ ܝܘܚܢܢ ܡܥܡܕܢܐ ܕܝܠܗܿ ܕܐܡܕ.. ܘܒܗܿ ܟܕ ܒܗܿ ܒܫܢܬܐܼ ܡܝܬ ܐܦ ܩܕܝܫܐ ܡܪܝ ܫܡܥܘܢ ܕܐܘܪܗܝ ܒܗܿ ܒܐܡܕ. ܘܐܬܣܝܡ ܒܝܬ ܡܪܝ ܙܥܘܪܐ.

ܘܒܫܢܬ ܬܫ̈ܥܡܐܐ ܘܫ̈ܬܝܢ ܘܬܪ̈ܬܝܢܼ ܗܘܼܐ ܡܪܝ ܬܐܘܕܘܪܐ ܦܛܪܝܪܟܐ ܕܐܢܛܝܟܝܐ.. ܒܐܘܪܗܝ ܕܝܢ ܗܘܐ [ܩܘܪܝܩܐ].

ܫܢܬ ܬܫܥܡܐܐ ܘܫ̈ܬܝܢ ܘܬܠ̈ܬܼ ܗܼܘܐ ܩܪܒܐ ܕܛܝ̈ܝܐܼ ܘܕܪ̈ܗܘܡܝܐ ܒܛܪܦܘܠܝܣ.

ܫܢܬ .ܨܿ. ܘܫ̈ܬܝܢ ܘܐܪ̈ܒܥܼ ܥܼܠ ܚܒܝܒ ܠܓܝܙܪܬܐ. ܘܐܬܐ ܦܪܩܘܦܝ ܕܢܥܒܕ ܫܝܢܐ ܥܡ ܛܝܝ̈ܐ.

ܫܢܬ ܬܫܥܡܐܐ ܘܫ̈ܬܝܢ ܘܚ̈ܡܫܼ ܡܝܬ ܗܪܩܠܐ ܡܠܟܐ ܕܪ̈ܗܘܡܝܐ ܕܐܡܠܟ ܫܢ̈ܝܐ ܬܠ̈ܬܝܢ ܘܚܕܐ.. ܘܗܘܼܐ ܚܠܦܘܗܝ ܩܘܣܛܢܛܝܢܐ ܙܥܘܪܐܿ ܫܢܬܐ ܚܕܐ.

ܘܒܫܢܬ ܬܫ̈ܥܡܐܐ ܘܫ̈ܬܝܢ ܘܫ̈ܬܼ ܡܝܬ ܗܼܘ ܩܘܣܛܢܛܝܢܐ.. ܘܗܼ،ܐ ܚܠܦܘܗܝ ܩܘܣܛܢܛܝܢܣ ܐܚܪܢܐ ܥܣܪ̈ܝܢ ܘܫܒ̈ܥ ܫܢ̈ܝܐ.

ܫܢܬ ܬܫ̈ܥܡܐܐ ܘܫ̈ܬܝܢ ܘܫܒ̈ܥܼ ܡܝܬ ܥܘܬܡܢ ܡܿܠܟܐ ܕܛܝܝ̈ܐ.. ܘܩܼܛܪܬ ܦܬܼܢܐ ܘܐܫܬܼܓܫܬܿ ܐܪܥܐ. ܘܐܬܒܠܒܠ ܥܡܐ ܕܛܝ̈ܝܐܿ. ܘܣ̈ܓܼܝܐܝܢ ܒܝ̈ܫܬܐ ܒܐܪܥܐ. ܘܗܘܼܐ ܫܘܦܥ ܕܡܐ ܣܓܝܐܐ ܡܢܗܘܢ ܘܒܗܘܢܼ ܡܛܠ ܕܠܐ ܨܒܘܢ ܕܢܫܠܡܘܢ ܠܚܕ ܕܝܫܐ. ܐܠܐ ܟܠܚܕ ܚܕ ܡܢܗܘܢܼ ܫܿܘܪ ܠܪܝܫܢܘܬܐ. ܟܕ ܨܿܒܐ ܟܠܚܕ ܡܢܗܘܢ ܕܗܼܘ ܢܡܠܟ.. ܪܝܫ ܚܝܠܐ ܕܐܝܬ ܗܼܘܐ ܒܐܪܥܐ ܕܡܥܪܒܐ: ܕܫܡܗ ܡܥܘܝܐܼ ܗܼܘ ܨܒܼܐ ܕܢܡܠܟ. ܘܐܦ ܒܢ̈ܝ ܡܥܪܒܐ ܪܚܡܝܢ ܗܘܘ ܠܗܼ ܘܒܝܥܘܗܝ ܘܫܠܼܡ ܠܗ.. ܐܪܥܐ ܕܝܢ ܕܡܕܢܚܐ ܘܓܙܝܪܬܐ ܐܣܠܝܬ ܠܗܢܐ: ܘܫܠܡܬ ܠܪܝܫ ܚܝܠܐ ܐܚܪܢܐ ܕܫܡܗ ܥܒܣ܆ ܘܒܝܥܬܗ

Page 153

ܡܿܠܟܐ. ܘܗܐ ܡܢ ܗܝܕܝܢ ܫܪܝܘ ܩܪ̈ܒܐ ܘܫܘܦܥ ܕܡܐ ܢܗܘܐ ܒܝܢܬܗܘܢ. ܘܐܫܕ ܕܡܐ ܕܚ̈ܕܕܐ. ܘܐܪܘܝܘܗܝ ܠܐܪܥܐܐ ܡܢ ܕܡܐ ܕܚ̈ܕܕܐ. ܘܟܕ ܩܪ̈ܒܐ ܣܓܝ̈ܐܐ ܒܟܠܕܘܟ ܥܡ ܚ̈ܕܕܐ ܡܚܘ. ܘܒܚܪ̈ܝܢܐ ܘܒܬܟ̈ܬܘܫܐ ܢܦܠ ܐܝܟ ܙܒܢ ܕܫ̈ܢܝܐ ܚ̈ܡܫ.

ܫܢܬ ܬܫ̈ܥܡܐܐ ܘܫ̈ܬܝܢ ܘܬܡ̈ܢܐܼ ܗܘܐܼ ܩܪܒܐ ܕܨܦ̈ܐ ܒܝܬ ܥܒܣ ܘܠܡܥܘܝܐ. ܘܐܫܕ ܚ̈ܕܕܐ ܕܡܐ ܣܓܝܐܐ ܡܢ ܬܪ̈ܝܗܘܢ ܓܒ̈ܐ.

ܫܢܬ ܬܫ̈ܥܡܐܐ ܘܫܒ̈ܥܝܢ ܘܬܠ̈ܬܼ ܐܬܩܛܠ ܥܒܣ. ܡܢ ܪܘܪ̈ܒܢܘܗܝܼ ܒܢܟܠܐ. ܘܒܝܘܡ ܥܪܘܒܬܐ ܒܥܕܡܐ ܕܨܠܘܬܐ. ܟܕ ܒܪܝܟ ܘܡܨܿܠܐ. ܘܐܚ ܡܥܘܝܐ ܡܠܟܘܬܐ ܒܠܚܘܕܘܗܝ. ܫܢ̈ܝܐ ܥܣܪ̈ܝܢ ܘܚܕܐ. ܥܡ ܗܠܝܢ ܚܡ̈ܫܢ ܫܢܝ̈ܢ ܕܩܛܪ ܒܗܝܢ ܦܬܢܐ ܘܫܓܘܫܝܐ ܕܒܝܬ ܠܗ ܘܠܥܒܣ. ܫܢܬ ܬܫ̈ܥܡܐܐ ܘܫܒ̈ܥܝܢ ܘܫ̈ܬܼ ܡܝܬ ܩܕܝܫܐ ܡܪܝ ܬܐܕܘܪܐ ܦܛܪܝܪܟܐ ܕܐܢܛܝܟܝܐ. ܘܗܘܼܐ ܒܕܘܟܬܗ ܩܕܝܫܐ ܡܪܝ ܣܐܘܪܝܐ ܒܪ ܡܫܩܐ. ܘܒܐܘܪܗܝ ܚܠܦ ܩܘܪܝܩܐ ܡܪܝ ܝܥܩܘܒ. ܒܗܕܐ ܙܒܢܐ ܡܬܝܕܥ ܐܗܪܘܢ ܦܘܪܣܝܐ ܡܦܫܩܢܐ ܦܘܪܣܝܐ.

ܫܢܬ ܬܫ̈ܥܡܐܐ ܘܬܡ̈ܢܝܢ ܘܬܡ̈ܢܐܼ ܡܝܬ ܡܥܘܝܐ ܡܠܟܐ ܕܛܝ̈ܝܐ. ܗܘܼܐ ܚܠܦܘܗܝܼ. ܝܙܝܕ ܫܢܝ̈ܐ ܬܠ̈ܬ ܘܦܠܓܗܿ.

ܘܒܫܢܬ .ܨܿ. ܘܬܫ̈ܥܝܢܼ ܒܐܝܪܚ ܢܝܣܢ ܒܬܠܬܐ ܒܗ܆ ܝܘܡ ܚܕܒܫܒܐܼ. ܗܘܼܐ ܙܘܥܐ ܪܒܐ ܘܩܫܝܐ. ܘܢܦܠܬ ܒܗ ܒܛܢܢ ܕܣܪܘܓ. ܘܥܕܬܐ ܥܬܝܩܬܐ ܕܐܘܪܗܝ. ܘܡܝܬ ܒܗܿ ܥܡܐ ܣܓܝܐܐ.

ܫܢܬ ܬܫ̈ܥܡܐܐ ܘܬܫ̈ܥܝܢ ܘܬܪ̈ܬܝܢܼ ܡܝܬ ܝܙܝܕ ܡܠܟܐ ܕܛܝ̈ܝܐ. ܘܐܡܠܟ ܡܪܘܢ ܫܢܬܐ ܚܕܐ.. ܘܒܗܿ ܟܕ ܒܗܿ ܒܫܢܬܐܼ ܡܝܬ ܐܦ ܩܘܣܛܢܛܝܢܣ ܡܠܟܐ ܕܪ̈ܗܘܡܝܐ.

Page 154

ܘܗܘܼܐ ܚܠܦܘܗܝ ܩܘܣܛܢܛܝܢܣ ܐܚܪܢܐܿ ܫܢܝ̈ܐܼ ܫܬܬܥܣܪ̈ܐ.

ܫܢܬ ܬܫ̈ܥܡܐܐ ܘܬܫ̈ܥܝܢ ܘܬܠ̈ܬܼ ܡܝܬ ܡܪܘܢ ܡܿܠܟܐ ܕܛܝ̈ܝܐ. ܘܗܘܼܐ ܚܠܦܘܝܗܝܼ ܥܒܕܠܡܠܝܟ. ܘܐܡܠܟ ܥܣܪ̈ܝܢ ܘܚܕ. ܒܝܘ̈ܡܝ ܗܢ ܩܛܪ ܦܬܢܐ ܫܢܝ̈ܐ ܬܫ̈ܥ. ܡܛܠ ܕܠܐ ܨܒܼܘ ܕܢܫܬܥܒܕܘܢ ܛܝ̈ܝܐ ܠܚܕ ܪܝܫܐ. ܐܠܐ ܒܗܠܝܢ ܬܫ̈ܥ ܫ̈ܢܝܢ ܠܐ ܬܟܼܘ ܡܢ ܩܪ̈ܒܐ ܘܒܝ̈ܫܬܐ.

ܫܢܬ ܬܫ̈ܥܡܐܐ ܘܬܫ̈ܥܝܢ ܘܐܪ̈ܒܥܼ. ܡܝܬ ܩܕܝܫܐ ܡܪܝ ܣܐܘܪܐ ܒܪ ܡܫܩܐ. ܘܦܫ ܟܘܪܣܝܐ ܕܦܛܪܝܪܟܘܬܐ ܡܢ ܥܠܬ ܚܪܝܢܐ ܕܐܦܝܣܩ̈ܦܐ ܕܠܐ ܪܝܫܐ ܫ̈ܢܝܐ ܚܡ̈ܫ.

ܘܒܫܢܬ ܬܫܥ̈ܡܐܐ ܘܬܫ̈ܥܝܢ ܘܬܫ̈ܥܼ ܗܼܘܐ ܩܕܝܫܐ ܐܬܢܣܝܘܣ ܦܛܪܝܪܟܐ.

ܘܒܫܢܬ ܐܠܦ̈ܐ ܘܬܪ̈ܬܝܢܼ ܗܘܼܐ ܫܝܢܐ. ܘܫܠܡܬ ܐܪܥܐ ܟܠܗܿ ܠܥܒܕܠܡܠܝܟ. ܘܐܬܝܒ ܥܠ ܡܟܘܬܐ. ܘܒܫܢܬ ܐܠܦ̈ܐ ܘܬܠ̈ܬܝ ܥܒܼܕ ܗܘܼ ܥܒܼܕܠܡܠܝܟ ܬܥܕܝܠ ܥܠ ܣܘܪ̈ܝܐܐ. ܘܐܦܩ ܦܘܩܕܢܐ ܚܪܝܦܐܿ ܕܟܠܐܢܫ ܢܐܙܠ ܠܐܬܪܗ ܘܠܩܪܝܬ ܗܘܠܒܝܬ ܐܒܘܗܝ. ܘܢܬܟܬܒ ܟܠܢܫ ܒܫܡܗ. ܘܕܒܪ ܡܢܼܘ. ܘܟܪܡܗ ܘܝܙܬܗ ܘܩܢܝܢܗ. ܘܒܢ̈ܘܝ ܘܟܠ ܕܐܝܬ ܠܗ. ܡܢ ܗܪܟܐ ܫܪܝܬ ܓܙܝܬܐ ܡܫܬܩܠܐ ܡܢ ܩܪ̈ܩܦܬܐ ܕܓܒܪ̈ܐ. ܡܢ ܗܪܟܐ ܫܪ̈ܝܝܢ ܠܟܗܝܢ ܒܝ̈ܫܬܐ ܢܒܥ̈ܢ ܥܠ ܥܡܐ ܕܟܪ̈ܣܛܝܢܐ. ܥܕܡܐ ܠܗܪܟܐ ܡܕܬܐ ܕܐܪܥ ܫܩܠܝܢ ܗܘܘ ܡ̈ܠܟܐܼ ܠܘ ܡܢ ܓܒܪ̈ܐ. ܘܡܢ ܗܪܟܐ ܫܪܘ ܒܢ̈ܝ ܗܓܪ ܠܡܫܥܒܕܘ ܠܒ̈ܢܝ ܐܪܡ ܒܫܘܥܒܕܐ ܡܨܪܝܐ. ܐܠܐ ܘܝ ܠܢܼ ܥܠ ܕܚܛܝܢ. ܥܼܒ̈ܕܐ ܐܫܬܠܛ ܒܢ. ܗܐ ܗܕܐ ܗܼܝ ܬܥܕܝܠ ܩܕܡܝܬܐ ܕܥܒܕ ܛܝ̈ܝܐ.

Page 155

ܫܢܬ ܐܠܦܐ ܘܐܪ̈ܒܥܣܪܐܼ. ܡܝܬ ܗܼܘ ܥܒܕܠܡܠܝܟ ܡܠܟܐ ܕܛܝ̈ܝܐ ܕܐܡܠܟ ܫܢܝ̈ܐ ܥܣܪ̈ܝܢ ܘܚܕܐܿ ܥܡ ܗܠܝܢ ܬܫ̈ܥ ܕܩܛܪ ܒܗܝܢ ܦܬܢܐ.. ܐܡܠܟ ܕܝܢ ܚܠܦܘܗܝ ܘܠܝܕ ܫܢ̈ܝܐ ܬܫ̈ܥ.

ܫܢܬ ܐܠܦܐܐ ܘܚܡܫܥܣܪ̈ܐ܆ ܡܝܬ ܩܕܝܫܐ ܐܬܢܣܝܘܣ ܦܛܪܝܪܟܐ ܕܐܢܛܝܟܝܐ. ܘܗܼܘܐ ܚܠܦܘܗܝܼ ܩܕܝܫܐ ܡܪܝ ܝܘܠܝܢܐ.

ܘܒܫܢܬ ܐܠܦܐ ܘܫܬܬܥܣܪ̈ܐܼ. ܗܘܼܐ ܡܘܬܢܐ ܪܒܐ ܘܥܙܝܙܐ ܒܐܪܥܐ. ܥܕܡܐ ܕܠܐ ܡܡܕܝܢ ܗܘܘ ܒܢܝ̈ܢܫܐ ܢܦܩܘܢ ܚ̈ܕܕܐ. ܐܬܩܫܝ ܕܝܢ ܝܬܝܪܐ ܒܐܪܥܐ ܕܣܪܘܓ.. ܘܒܗ ܒܗܢܐ ܡܘܬܢܐ ܡܝܬ ܡܢ ܕܝܪܐ ܕܡܪܝ ܫܝܠܐ ܫܒ̈ܥܝܢ ܘܬܪ̈ܝܢ ܒܢܝܢ̈ܫܐ.

ܫܢܬ ܐܠܦܐ ܕܬܡ̈ܢܐ܆ ܡܝܬ ܩܘܣܛܢܛܝܢܣ ܡܠܟܐ ܕܪ̈ܗܘܡܝܐ. ܘܐܡܠܟ ܚܠܦܘܗܝ ܝܘܣܛܢܝܢܐܿ ܫܢܝ̈ܐ ܥܣܪ.

ܫܢܬ ܐܠܦܐܐ ܘܫܒܥܣܪܐܼ. ܐܬܟܢܫܬ ܣܘܢܗܕܣ ܒܕܝܪܐ ܕܡܪܝ ܫܝܠܐ. ܘܡܬܝܕܥܝܢ ܪ̈ܝܫܝܗܿ ܝܘܠܝܢܐ ܦܛܪܝܪܟܐ. ܘܬܘܡܐ ܕܐܡܕ. ܘܝܥܩܘܒ ܕܐܘܪܗܝ ܡܦܫܩܢܐ ܕܟ̈ܬܒܐ. ܡܬܝܕܥ ܗܼܘ ܩܕܝܫܐ ܡܪܝ ܝܥܩܘܒ ܐܦܝܣܩܦܐ ܕܐܘܪܗܝ.

ܫܢܬ ܐܠܦܐܐ ܘܬܡܢܥܣܪ̈ܐܼ. ܡܝܬ ܝܘܣܛܢܝܢܐ ܡܿܠܟܐ ܕܪ̈ܗܘܡܝܐ.. ܘܗܼܘܐ ܚܠܦܘܗܝܼ ܠܘܢܛܝܢܘܣ. ܘܐܡܠܟ ܫ̈ܢܝܐ (ܐܪ̈ܒܥ).

ܫܢܬ ܐܠܦܐܐ ܘܬܫܥܣܪܐܼ ܡܝܬ ܩܕܝܫܐ ܡܪܝ ܝܘܠܝܢܐ ܦܛܪܝܪܟܐ ܕܐܢܛܝܟܝܐ.. ܘܗܼܘܐ ܚܠܦܘܗܝ ܡܪܝ ܐܠܝܐ. ܫܢܬ ܐܠܦܐܐ ܘܥܣܪ̈ܝܢܼ ܗܘܼܬ ܬܥܕܝܠ. ܘܐܬܝܬܒܬ ܗܿܝ ܩܕܡܝܬܐ. ܟܕ ܐܦ ܣܓܝ ܐܘܣܦܬ ܥܠ ܒܝ̈ܫܬܐ.

ܫܢܬ ܐܠܦܐܐ ܘܥܣܪ̈ܝܢ ܘܚܕܐܼ ܡܝܬ ܩܕܝܫܐ ܡܪܝ

Page 156

ܝܥܩܘܒ ܐܦܝܣܩܦܐ ܕܐܘܪܗܝ.. ܘܗܼܘܐ ܚܠܦܘܝ ܡܪܝ ܚܒܝܒ.. ܒܗܢܐ ܕܝܢ ܙܒܢܐ ܡܬܝܕܥ ܩܕܝܫܐ ܡܪܝ ܬܘܡܐ ܐܣܛܘܢܝܐ ܕܬܠܐ.

ܫܢܬ ܐܠܦܐܐ ܘܥܣܪ̈ܝܢ ܘܬܪ̈ܬܝܢܼ ܡܝܬ ܠܘܢܛܝܢܘܣ ܡܿܠܟܐ ܕܪ̈ܗܘܡܝܐ. ܘܗܘܼܐ ܚܠܦܘܗܝ ܛܒܪܝܘܣ ܐܦܣܝܡܪܘܣ ܫ̈ܢܝܐ ܫܒ̈ܥ.

ܫܢܬ ܐܠܦܐܐ ܘܥܣܪ̈ܝܢ ܘܬܠ̈ܬܼ. ܡܬ ܘܠܝܕ ܡܿܠܟܐ ܕܛܝ̈ܝܐ. ܘܐܡܠܟ ܚܠܦܘܗܝ ܣܘܠܝܡܢ. ܫܢ̈ܝܐ ܬܪ̈ܬܝܢ ܘܦܠܓܗܿ.

ܫܢܬ ܐܠܦܐܐ ܘܥܣܪ̈ܝܢ ܘܐܪ̈ܒܥܼ. ܡܝܬ ܩܕܝܫܐ ܡܪܝ ܬܘܡܐ ܐܦܝܣܩܦܐ ܕܐܡܕ. ܘܗܘܼܐ ܚܠܦܘܗܝ ܡܪܝ ܬܐܕܘܛܐ.. ܒܬܪ ܐܦܣܝܡܪܘܣ ܡܿܠܟܐ ܕܪ̈ܗܘܡܝܐܼ. ܐܡܠܟ ܗܘܐ ܝܘܣܛܢܝܢܐܿ ܫܢܝ̈ܐ ܫܬ.. ܘܒܬܪ ܗܢܐ ܐܡܠܟ ܦܝܠܦܝܩܘܣܿ ܫܢܝ̈ܐ ܬܠ̈ܬ.. ܘܒܬܪ ܗܢܐ ܬܘܒ ܐܡܟܠ ܐܢܣܛܘܣܿ ܫܢܝ̈ܐ ܬܪ̈ܬܝܢ.. ܘܒܬܪܗ ܐܡܠܟ ܬܐܕܘܣܝܣ ܩܘܣܛܢܛܝܢܣܿ ܫܢܬܐ ܚܕܐ.. ܗܘܿ ܕܗܼܘ ܡܡܠܟ ܗܘܐ ܒܡܥܠܬܗ ܕܡܣܠܡܐ ܠܒܝܬ ܪ̈ܗܘܡܝܐ.. ܗܠܝܢ ܫܢ̈ܝܐ ܕܫܢܝ̈ܗܘܢ ܕܡ̈ܠܟܐ ܕܪ̈ܗܘܡܝܐ ܕܦܝܫ̈ܢ ܕܗܘ̈ܝܢ ܬܪܬܥܣܪ̈ܐ ܫܢܝ̈ܢ. ܗܕܐ ܗܝ ܕܩܿܕܡܬ ܪܫܿܡܬ ܕܚܕ ܡܙܥܪ ܘܚܕ ܡܘܪܒ. ܘܐܦܠ ܗܢܼܘܢ ܛܝ̈ܝܐ ܚܫܒܝܢ ܐܠܐ ܣܗܪ̈ܐ. ܠܘ ܐܝܟ ܣܘܪ̈ܝܝܐ ܚܫܒܝܢ ܝܪ̈ܚܐ. ܘܐܦܠܐ ܗܢܘܢ ܡܟܬܒ̈ܢܐ ܟܬܒܝܢ ܐܝܟ ܕܒܣܘܓܐܐܿ ܐܠܐ ܝܘܡ̈ܬܐ ܕܝܬܼܒ ܡܿܠܟܐ ܥܠ ܟܘܪܣܝܐ. ܘܗܠܝܢ ܕܫܓܘܫܝܐ ܫܿܒܩܝܢ. ܐܦܢ ܠܝ ܕܝܠܝ ܥܒܝܕ ܠܝ ܡܛܠ ܕܠܐ ܢܕܘܕ ܗܘܢܗ ܕܩܪܘܝܐܼ ܥܒܝܕܝܢ ܠܝ ܒܣܕܪܐ ܗܟܢܐ.

ܒܫܢܬ ܐܠܦܐܐ ܘܥܣܪ̈ܝܢ ܘܬܡܢ̈ܐܼ ܥܼܠ ܡܣܠܡܐ ܠܒܝܬ ܪ̈ܗܘܡܝܐ. ܟܕ ܕܝܢ ܐܬܟܢܫܘܢ ܚܝ̈ܠܘܬܐ ܣܓܝ̈ܐܐ ܕܠܐ ܡܢܝܢ ܕܛܝ̈ܝܐ. ܘܣܒܟܘ ܠܡܥܠܘ ܠܐܪܥܐ

Page 157

ܕܪ̈ܗܘܡܝܐܼ. ܥܼܪܩ ܟܠܗܘܢ ܐܬܪ̈ܘܬܐ ܕܐܣܝܐ ܘܕܩܦܘܕܩܝܐ ܡܢ ܩܕܡܝܗܘܢܼ ܘܐܦ ܟܠܿܗ ܐܪܥܐ ܕܡܢ ܝܡܐܿ. ܘܥܠ ܛܘܪܐ ܐܘܟܡܐ ܕܘܠܒܢܢ ܘܥܕܡܐ ܠܡܠܝܛܝܢܐ. ܘܥܠ ܐܪܣܝܢܣ ܢܗܪܐܿ ܘܥܕܡܐ ܠܐܪܡܢܝ ܓܘܝܬܐ. ܗܕܝܪܐ ܗܘܬ ܐܪܥܐ ܗܕܐ ܟܠܗܿ ܒܝܬܒܐ ܕܥܡܐ ܣܓܝܐܐ. ܘܣܒܝܣܐ ܗܘܬ ܒܟܪ̈ܡܐ ܘܒܙܪܥܐ ܘܒܟܠܗܘܢ ܐܝ̈ܠܢܐ ܪ̈ܓܝܓܐ. ܘܡܢ ܗܝܕܝܢ ܚܪܒܬ. ܘܠܐ ܬܘܒ ܝܬܼܒ ܐܪ̈ܥܬܐ ܗܠܝܢ܀ ܡܠܟܐ ܕܝܢ ܟܕ ܚܼܙܐ ܕܥܠ ܥܠܘܗܝ ܥܡܐ ܣܓܝܐܐ ܘܐܦ ܪܝܫ ܚܝܠܐ ܕܝܠܗ ܕܫܡܗ ܠܐܘܢܼ ܝܗܼܒ ܠܗܘܢ ܡܠܬܐ ܙܥ ܠܒܗ. ܘܐܬܪܫܠܘ ܐܝܕ̈ܘܗܝ. ܘܐܫܬܐܠܘ ܡܢ ܡܠܟܘܬܐ. ܘܐܢܝܚܘ ܡܢܗ ܠܬܓܐ. ܘܓܪܥ ܪܝܫܗ. ܥܝܕܐ ܝܐܬ ܠܡ̈ܠܟܐ ܕܪ̈ܗܘܡܝܐ܆ ܕܐܢ ܡܫܬܐܠܘ ܚܕ ܡܢܗܘܢ ܡܢ ܡܠܟܘܬܐ ܢܓܪܘܥ ܪܝܫܗܼ ܘܢܬܒ ܒܒܝܬܗ. ܘܡܢ ܗܝܕܝܢ ܠܝܬ ܐܢܫ ܥܡܗ ܣܟ. ܗܢܐ ܗܟܢܐ ܥܒܕ. ܘܟܕ ܗܼܘ ܠܐܘܢ ܪܝܫ ܚܝܠܐ ܫܠܚ ܠܗ܇ ܕܚܝܠ ܢܦܫܟ ܘܠܐ ܬܚܠ. ܠܐ ܐܬܦܝܣ. ܐܠܐ ܚܝܠܬܢܐܝܬ ܐܫܬܐܠ ܡܢ ܡܠܟܘܬܐ܀ ܗܼܘ ܕܝܢ ܗܢܐ ܠܐܘܢܼ ܓܒܪܐ ܐܝܬܘܗܝ ܠܒܝܒܐ ܘܚܝܠܬܢܐ ܐܦ ܩܪܒܬܢܐ. ܘܐܦ ܒܓܢܣܗ ܐܝܬܘܗܝ ܣܘܪܝܝܐ ܡܢ ܒܝܢܬ ܗܠܝܢ ܬܚܘ̈ܡܐ. ܘܡܛܠ ܚܝܠܬܢܘܬܗܼ ܥܒܕܘܗܝ ܪܝܫ ܚܝܠܐ. ܗܢܐ ܒܝܕ ܚܟܡܬܗ ܓܠܙܗܿ ܠܐܪܥܐ ܡܢ ܗܿܝ ܕܬܫܬܐ ܠܕܡܐ ܕܒܢܝ̈ܢܫܐ. ܟܕ ܣܡ ܠܗ ܠܡܣܠܡܐ ܡܠܬܐ ܕܕܠܐ ܩܪܒܐ ܕܡܕܡ ܢܥܠܗ ܠܩܘܣܛܢܛܝܢܦܘܠܝܣ. ܗܼܘ ܕܝܢ ܟܕ ܥܠ ܫܘܘܕܝܗ ܐܬܬܟܠ ܠܐ ܐܩܪܒ ܐܦܠ ܫܒܼܐ ܠܐܢܫ. ܐܠܐ ܚܝܠܬܢܐܝܬ ܬܪܨܼ ܠܗܿ ܠܩܘܣܛܢܛܝܢܦܘܠـ[ـܝܣ]. ܘܥܼܠ ܘܢܩܫ ܥܠܝܗܿ. ܠܐܘܢ ܕܝܢ ܥܠ ܠܗܿ ܠܡܕܝܢܬܐ:

Page 158

ܘܚܼܙܐ ܕܐܬܪܫܠܘ ܐܝܕ̈ܝܗܘܢ ܕܪ̈ܗܘܡܝܐ: ܘܐܦ ܗܼܘ ܡܠܟܐ ܐܫܬܐܠ ܠܗ ܡܢ ܡܠܟܘܬܐܼ. ܠܒܒ ܐܢܘܢ ܠܪ̈ܗܘܡܝܐ ܘܐܡܼܪ ܠܗܘܢܼ ܠܐ ܬܚܠܘܢ. ܗܢܼܘܢ ܕܝܢ ܟܕ ܚܼܙܘ ܠܒܝܒܘܬܗ. ܘܐܦ ܕܚܠܼܘ ܕܕܠܡܐ ܢܬܟܠ ܥܠ ܗܿܘ ܕܗܘܼܐ ܡܠܟܐܼ. ܫܩܠܘܗܝ ܘܥܒܕܘܗܝ ܠܗ ܡܠܟܐ. ܗܼܘ ܕܝܢ ܟܕ ܩܛܪ ܬܓܐ ܕܡܠܟܘܬܐܼ ܠܒܫ ܥܘܫܢܐ ܘܓܒܪܘܬܐ. ܘܫܪܪܘ ܠܫܘܪܐ ܕܝܠܗܿ ܕܡܕܝܢܬܐ.. ܘܫܕܪ ܐܦ ܚܝܠܐ ܘܩܛܥ ܠܐܘܪ̈ܚܬܐ ܕܡܥܠܢ ܗܘ̈ܝ ܚܝܝܬܐ ܠܗ ܠܚܝܠܐ ܡܢ ܣܘܪܝܐ. ܘܐܦ ܠܗ ܠܥܒܪܐ ܕܐܠܦ̈ܐ: ܬܿܒܪ ܐܢܝ̈ܢ ܘܩܛܥ. ܘܐܝܟ ܡܐ ܕܒܒܝܬ ܐܣܝܪ̈ܐ ܐܬܚܒܫܘ ܛܝ̈ܝܐ ܘܚܝܠܐ ܟܠܗ ܕܥܡܗܘܢ. ܘܦܩܼܕ ܡܣܠܡܐܼ ܘܢܨܒ ܟܪܡܐ. ܘܗܼܘܐ ܥܠܝܗܘܢ ܟܦܢܐ ܪܒܐ ܘܩܫܝܐ܆ ܥܕܡܐ ܕܛܠܩ ܠܚܡܐ ܡܢ ܟܠܗܿ ܡܫܪܝܬܗܘܢ. ܘܐܟܠ ܐܦ ܒܥܝܪܗܘܢ ܘܪ̈ܟܫܗܘܢ܀ ܘܟܕ ܗܼܘ ܡܣܠܡܐ ܬܒܥ ܗܘܐ ܠܗ ܠܐܘܢ܆ ܕܐܝܟܐ ܗܝ ܗܿܝ ܡܠܬܐ ܕܐܠܗܐ ܕܣܡܼܬ ܠܝ. ܕܡܥܠܬ ܠܝ ܠܩܘܣܛܝܛܝܢܐ ܕܠܐ ܩܪܒܐ. ܗܼܘ ܕܝܢ ܠܐܘܢ ܒܣܝܡܐܝܬ ܥܢܿܐ ܗܘܐ ܠܗ. ܟܕ ܐܡܿܪ ܕܩܘܐ ܩܠܝܠ ܝܘ̈ܡܬܐܿ. ܥܕ ܡܫܬܥܒܕܝܢ ܠܝ ܪܘܪ̈ܒܢܐ ܕܡܟܠܘܬܐ. ܘܟܕ ܒܝܕ ܗܠܝܢ ܡ̈ܠܐ ܝܬܝܒܝܢ ܗܘܘ ܗܠܝܢ ܠܒܪ܆ ܘܗܠܝܢ ܬܘܒ ܠܓܘ: ܕܠܐ ܩܪܒܐ ܕܡܕܡܼ ܐܝܟ ܙܒܢܐ ܕܫܢܝ̈ܐ ܬ̈ܠܬܼ. ܘܐܦ ܐܬܩܫܝ ܥܠ ܛܝ̈ܝܐ ܟܦܢܐ: ܥܕܡܐ ܕܐܟܼܠ ܣܘܢܗܘܢܼ ܘܐܦ ܐܟܘܠܘ ܒܣܪܐ ܕܡܝ̈ܬܐ. ܘܣܥܘ ܐܦ ܥܠ ܚ̈ܕܕܐܼ ܥܕܡܐ ܕܕܚܿܠ ܗܘܐ ܓܒܪܐ ܢܗܠܟ ܗܼܘ ܒܠܚܘܕܘܗܝ. ܘܟܕ ܗܟܢܐ ܟܠܝܘܡ ܬܒܿܥ ܗܘܐ ܡܣܠܡܐ ܠܠܐܘܢ܆ ܕܐܘ ܗܼܒ ܠܝ ܡܘܢ ܕܐܫܬܘܕܝܬ. ܐܘ ܡܩܪܒܢܐܼ. ܐܬܼܐ ܠܗܘܢ ܫܡܥܐ ܕܡܝܬ ܣܘܠܝܡܢ ܡܿܠܟܐ ܕܛܝ̈ܝܐ. ܘܡܡܠܟ ܠܗ ܠܥܘܡܪ ܒܬܪܗ. ܘܐܦ ܫܠܚ ܠܗܘܢ ܗܼܘ ܥܡܪ ܐܝܓܪܬܐܼ.

Page 159

ܕܦܘܩܘܢ ܡܢ ܬܡܘܢ. ܕܠܐ ܬܡܘܬܘܢ ܐܢܬܘܢ ܘܟܠ ܕܐܝܬ ܥܡܟܘܢ ܒܟܦܢܐ. ܗܼܢܘܢ ܕܝܢ ܟܕ ܩܒܠ ܐܝܓܪܬܐܼ. ܒܥܼܐ ܡܣܠܡܐ ܡܢ ܠܐܘܢ ܕܢܥܘܠ ܠܗܿ ܠܡܕܝܢܬܐ ܘܢܚܙܝܗܿ. ܘܥܠ ܒܬܠ̈ܬܝܢ ܦܪ̈ܫܝܢ: ܘܟܪܟ ܒܗܿ ܬܠ̈ܬܝܐ ܝܘ̈ܡܝܢ. ܘܚܼܙܐ ܥܒܝ̈ܕܬܗܘܢ ܕܡ̈ܠܟܐ. ܘܗܟܢܐ ܐܫܬܪܝܘ ܘܢܦܼܩ ܡܢ ܬܡܢ. ܟܕ ܠܐ ܣܥܪܘ ܡܕܡ܀ ܟܕ ܕܝܢ ܡܢܥ ܠܡܕܝܢܬܐ ܚܕܐ ܕܡܬܩܪܝܐ ܛܘܝܢܘܼ. ܘܚܙܐ ܐܢܘܢ ܗܘܦܪܟܐ ܕܝܠܗܿ ܕܡܕܝܢܬܐ ܕܟܦ̈ܢܝܢ ܘܥܝܝ̈ܦܝܢ ܘܬܚ̈ܘܒܝܢ܆ ܒܣܪܘ ܥܠܝܗܘܢ. ܘܫܠܚ ܠܗ ܠܠܐܘܢܼ ܕܫܕܪ ܠܝ ܚܝܠܐܼ܆ ܐܩܪܒ ܥܡܗܘܢ ܒܟܣܝܐ. ܟܕ ܐܦ ܠܐ ܡܢܗܘܢ ܐܬܟܣܝ ܐܦܪܣܢܐ ܗܢܐ. ܐܠܐ ܟܕ ܐܪܓܫܘܢ ܒܚܝܠܐ ܕܐܝܬ ܒܬܪܗܘ܆ ܒܥܼܢܐ ܚܕ ܡܢ ܪ̈ܝܫܝ ܚܝ̈ܠܘܬܐ ܡܢ ܡܣܠܡܐܼ ܕܫܡܗ ܥܒܣ܆ ܡܢ ܝܕ̈ܝܥܐ ܕܡܠܟܘܬܐܼ. ܕܗܒ ܠܝ ܚܝܠܐܼ. ܐܙܿܠ ܐܪܘܥ ܐܢܘܢܼ. ܥܕ ܠܐ ܢܐܬܘܢ ܘܢܬܟܪܟܘܢ ܠܢ ܘܢܣܩܢܢܝ ܡܢ ܐܪܥܐ: ܘܬܒܫ ܚܪܝܬܢ ܡܢ ܟܠ ܕܗܘ̈ܝ ܥܠܝܢ ܒܗܕܐ ܐܘܪܚܐ. ܘܫܩܼܠ ܚܝܠܐ ܪܒܐܼ ܘܐܙܠ ܠܘܩܒܠܗܘܢ. ܘܟܕ ܗܢܼܘܢ ܐܬܝܢ ܡܬܝܢܐܝܬܼ. ܘܐܦܠܐ ܥܕܟܝܠ ܡܛܝ̈ܒܐ ܐܝܬܝܗܘܢ ܗܘܼܘ ܠܩܪܒܐ: ܘܐܦܠܐ ܒܗ ܒܚܝܝܪܐ ܕܛܝ̈ܝܐ ܝܕܥܝܢ ܒܗܘܢ ܕܐܬܝܢ ܠܘܩܒܠܗܘܢܼ. ܢܚܼܬ ܗܘܼ ܥܒܣܼ. ܘܩܕܡ ܐܢܘܢ ܠܡܪܓܐ ܚܕ ܪܒܐ. ܗܘܿ ܕܒܗܿ ܡܛܝܒܝܢ ܗܘܼܘ ܕܢܫܪܘܢ ܒܗ ܒܝܘܡܐ. ܘܐܘܒܗ ܠܚܝܠܐ ܟܠܗ ܒܟ̈ܡܝܢܐ ܘܒܪ̈ܓܘܠܐ ܘܒܓܙܪ̈ܬܐ ܕܙܠܐ ܕܬܡܢ. ܘܟܕ ܕܝܢ ܐܬܼܘ ܗܢܘܢ ܪ̈ܗܘܡܝܐ ܘܢܚܼܬ ܠܗ ܠܡܪܓܐ: ܟܕ ܠܐ ܝܕܥ ܐܦܠܐ ܐܣܬܟܠܘܗܿ ܠܗܿܝ ܕܗܘܬ ܡܢ ܛܝ̈ܝܐܼ. ܘܫܼܪܘ. ܘܐܦ ܫܕܪ ܩܢܝܢܗܘܢ ܠܪܥܼܝܐ܇ ܐܝܟ ܡܐ ܕܐܝܬ ܥܝܕܐ

Page 160

ܠܚܝܠܐ. ܩܼܡ ܗܠܝܢ ܡܢ ܟܡܝ̈ܢܐ ܘܡܢ ܚ̈ܠܠܐ ܕܒܗܘܗ ܛܦܫܘ ܚܕܪ̈ܝ ܟܠܗ ܡܪܓܐ ܗܿܘ: ܐܝܟ ܐܬܐ ܗܿܝ ܕܣܡ ܒܝܢܬܗܘܢ. ܘܢܚܼܬ ܥܠܝܗܘܢܼ ܘܟܪܟ ܐܢܘܢ ܘܚܪܒ ܐܢܘܢ ܠܟܠܗܘܢ ܒܦܘܡܐ ܕܣܝܦܐ. ܘܐܢܫ ܠܐ ܐܬܦܠܛܘ ܡܢܗܘܢ. ܕܗܘܼܝܢ ܗܘܘ ܕܝܢ ܐܝܟ ܫ̈ܬܝܢ ܐܠܦܝ̈ܐ. ܘܗܟܢܐ ܒܙܘ ܠܩ̈ܛܝܠܐ ܘܦܢܼܘ ܠܘܬ ܚܒܪ̈ܝܗܘܢ. ܚܝܠܐ ܕܝܢ ܐܚܪܢܐ ܕܪ̈ܗܘܡܝܐܼ ܕܐܬܿܐ ܗܘܐ ܒܬܪܗܘܢ܆ ܟܕ ܫܡܼܥ ܠܗܿܝ ܕܗܘܼܬ ܒܩܕܡܝ̈ܐܼ ܕܚܠܘ ܘܗܦܟ ܠܒܬܪܗܘܢ. ܗܢܼܘܢ ܕܝܢ ܛܝ̈ܝܐ ܫܒܼܘ ܘܒܼܙܘ ܠܟܠܡܕܡ ܕܐܫܟܚ ܩܕܡܝܗܘܢܼ ܘܢܦܼ ܐܬܘ ܠܣܘܪܝܐ.

ܘܒܫܢܬ ܐܠܦܐܐ ܘܬܠ̈ܬܝܢ ܘܬܪ̈ܬܝܢ܆ ܕܗܼܝ ܐܝܬܝܗܿ ܫܢܬ ܚܕܐ ܠܥܘܡܪ ܡܿܠܟܐ ܕܛܝ̈ܝܐ܆ ܘܫܢܬ ܐܪ̈ܒܥ ܠܡܿܠܟܐ ܕܪ̈ܗܘܡܝܐ ܠܐܘܢܼ. ܢܦܼܩ ܡܣܠܡܐ ܡܢ ܒܝܬ ܪ̈ܗܘܡܝܐ. ܟܕ ܐܦ ܐܚܪܒ ܐܪܥܐ ܗܕܐ ܕܒܝܢܬ ܬܚ̈ܘܡܐ ܒܡܠܝܗܿ. ܘܐܦ ܐܣܕܝܗܿ ܐܝܟ ܡܕܒܪܐ ܫܿܗܝܐ܀

ܟܕ ܡܛܠ ܕܠܐ ܢܘܪܟܝܗܿ ܠܬܫܥܝܬܐ ܗܕܐ ܣ̈ܓܝܐܬܐ ܫܒܩ ܐܢܐ ܡܢ ܐܝܠܝܢ ܕܗܼܘ̈ܝ ܥܠܝܗܘܢ ܒܗܕܐ ܐܘܪܚܐ.. ܒܗܢܐ ܕܝܢ ܙܒܢܐ ܡܬܝܕܥܝܢ ܗܘܼܘ ܐܠܝܐ ܦܛܪܝܪܟܐ. ܘܡܪܝ ܚܒܝܒ ܕܐܘܪܗܝ. ܘܫܡܥܘܢ ܕܚܪܢ. ܘܬܐܕܘܛܐ ܕܐܡܕ.

ܥܠ ܐܬܐ ܕܬܕܡܘܪܬܐ ܕܗܼܘܬ ܒܐܝ̈ܕܝ ܩܕܝܫܐ ܡܪܝ ܚܒܝܒ ܐܦܝܣܩܦܐ ܕܐܘܪܗܝ. ܒܗܢܐ ܙܒܢܐ ܪܐܙܐ ܕܡܿܠܟܐ ܙܕܩ ܠܡܟܣܝܘ. ܥܠ ܬܡ̈ܝܗܬܐ ܕܝܢ ܕܐܠܗܐ ܙܕܩ ܟܠܫ ܠܡܟܪܙܘ ܘܠܡܓܠܐ ܠܟܠܢܫ܀ ܘܐܦܠܐ ܗܕܐ ܢܘܟܪܝܐܼ. ܐܘ ܡܚܣܪܐ ܡܕܡ ܠܐܕܢ̈ܐ ܕܫܡܘ̈ܥܐܿ. ܐܢ ܢܣܡܝܗܿ ܒܣܕܪܐ ܗܢܐܿ ܬܕܡܘܪܬܐ ܕܣܥܪ ܐܠܗܐ ܒܝܘܡ̈ܬܢ܇ ܒܐܝ̈ܕܝ ܚܕ ܡܢ ܫܠܝܚ̈ܘܗܝ. ܒܗ ܒܗܢܐ ܚܝܠܐܼ. ܐܝܬ ܗܼܘܐ ܓܒܪܐ ܚܕ ܛܝܝܐ. ܘܟܕ ܨܒܼܘ

Page 161

ܠܡܥܠ ܠܐܪܥܐ ܕܪ̈ܗܡܝܐܼ. ܐܬܼܐ ܘܫܼܪܐ ܒܕܝܪܐ ܕܡܪܝ ܗܒܝܠ ܕܒܐܪܥܐ ܕܐܘܪܗܝ. ܘܟܕ ܚܙܝܗܝ ܠܬܪܥܐ ܗܘܿ ܕܝܠܗܿ ܕܕܝܪܐ܆ ܕܓܒܪܐ ܐܝܬܘܗܝ ܕܕܚܠ ܡܢ ܐܠܗܐܿ. ܘܡܟܝܟܐ ܘܒܣܝܡܐ܆ ܘܕܒܟܠܗܘܢ ܫܘܦܪ̈ܐ ܐܠܗ̈ܝܐ ܡܨܒܬ ܗܘܐܼ. ܐܓܥܠ ܠܗ ܕܗܒܐ ܣܓܝܐܐܼ ܟܕ ܐܡܿܪ: ܕܛܪ ܠܝ ܗܢܐ. ܐܢ ܐܦܢܐ ܒܚ̈ܝܐܼ. ܢܣܒܢܐ ܕܝܠܝ. ܘܐܢ ܬܕܥ ܕܡܝܬ ܐܢܐܼ ܒܕܪܝܗܝ ܥܠ ܐܠ̈ܝܨܐ. ܘܚܼܙܩ ܡܢ ܬܡܢ. ܗܼܘ ܕܝܢ ܢܟܦܐ ܟܕ ܩܒܠ ܠܡܕܡ ܐܝܢܐ ܕܐܬܓܥܠ ܠܗܼ. ܢܣܒ ܘܚܦܪ ܒܐܪܥܐ ܘܛܡܪܗ. ܟܕ ܠܐܼ ܐܪܓܫ ܠܐܢܫ ܥܡܗ. ܘܟܕ ܢܓܪ ܠܗܘܢ ܠܛܝ̈ܝܐ ܐܝܟ ܡܬܚܐ ܕܬܠ̈ܬܝ ܫܢ̈ܝܢ܆ ܘܠܐ ܢܦܩܼ. ܓܕܫ ܐܝܟ ܦܘܩܕܢܐ ܕܥܒܘܕܐ܆ ܕܥܕ ܢܦܩܘܢ ܗܢܘܢ ܡܢ ܒܝܬ ܪ̈ܗܘܚܝܐ: ܢܦܘܩ ܠܗ ܬܪܥܐ ܗܿܘ ܡܢ ܥܠܡܐ ܗܢܐ ܫܓܝܫܐ. ܟܕ ܐܦ ܠܐ ܗܟܢܐ ܐܪܓܫ ܠܐܢܫ ܒܗܢܐ ܐܪܙܐ܀ ܟܕ ܕܝܢ ܐܬܐ ܡܪܗ ܕܓܘܥܠܢܐ ܗܿܘ܆ ܘܫܝܠ ܥܠ ܓܒܪܐܼ. ܐܡܿܪܝܢ [ܕ]ܡܝܬ. ܗܼܘ ܕܝܢ ܐܡܼܪ ܠܗܘܢܼ. ܗܒ ܠܝ ܗܿܘ ܡܕܡ ܕܫܒܝܩ ܗܘܐ ܠܝ ܨܝܕܘܗܝ. ܘܥܢܘ ܘܐܡܼܕ ܠܗ: ܕܠܐ ܝܕܥܝܢܢ ܒܡܕܡ ܣܟܿ. ܡܢ ܗܢܐ ܡܕܡ ܕܐܡܿܪ ܐܢܬܼ. ܘܐܦ ܠܐ ܗܼܘ ܠܐܢܫ ܡܢܢ ܐܡܼܪ ܗܠܝܢ ܐܘ ܦܩܼܕ ܠܢ܆ ܕܐܝܬ ܠܐܢܫ ܨܝܕܝ ܡܕܡ ܣܟ. ܓܒܪܐ ܕܝܢ ܡܛܠ ܕܡܢ ܝܕܝ̈ܥܐ ܐܝܬܘܗܝ ܗܘܐܼ. ܐܠܨ ܐܢܘܢ ܠܕܝܪ̈ܝܐ ܗܠܝܢ ܩܫܝܐܝܬ. ܕܐܘ ܗܒ ܠܝ ܕܝܠܝ܇ ܐܘ ܡܚܪܒܢܐ ܠܗܿ ܠܕܝܪܟܘܢ. ܘܡܛܠ ܕܕܗܒܐ ܗܿܘ ܠܘ ܩܠܝܠ ܗܘܐܼ. ܩܫܝܐܝܬ. ܕܐܘ ܗܒ ܠܝ ܕܝܠܝ܇ ܐܘ ܡܚܪܒܢܐ ܠܗܿ ܠܕܝܪܟܘܢ. ܘܡܛܠ ܕܕܗܒܐ ܗܿܘ ܠܘ ܩܠܝܠ ܗܘܐܼ. ܩܫܝܐܝܬ ܐܬܠܨܘ. ܘܩܪܐ ܠܗܘܢ ܫܘܠܛܢܐܼ. ܕܢܙܒܿܢܘܢ ܠܥܒܿܕܗܿ ܟܠܗ ܕܕܝܪܐ ܘܢܬܠܘܢ ܠܗ. ܘܐܢ ܠܐ ܣܿܦܩ ܗܟܢܐ ܠܡܦܪܥܼ. ܢܙܕܒ̈ܢܢ ܢܦ̈ܫܬܐ ܡܢ ܗܠܝܢ ܕܝܪ̈ܐ ܕܝܠܗܿ ܕܕܝܪܐܼ. ܘܗܟܢܐ ܢܬܦܪܥ. ܥܡܐ ܕܝܢ ܟܠܗ ܕܡܕܝܢܬܐ ܘܟܠܗ ܐܬܪܐܼ ܟܕ ܚܙܘ ܓܙܪ ܕܝܢܐ ܗܢܐ ܡܪܝܪܐ ܕܢܦܼܩ ܥܠ ܕܝܪ̈ܝܐ ܢܟ̈ܦܐܼ. ܠܒܫܘ ܚܫܐ ܡܪܝܪܐ. ܡܛܠ ܗܝ ܕܐܚܝ̈ܗܘܢ ܘܒܢܝ̈ܗܘܢ ܨܒܝܢ ܗܼܘܘ

Page 162

ܠܡܙܒܢܘ ܠܥܒܕܘܬܐ. ܘܡܢ ܫܠܝܚܘܬܐ ܕܥܠܡܐܼ. ܢܬܬܚܬܘܢ ܠܥܒܕܘܬܐ ܕܠܘܬ ܚܢܦ̈ܐ. ܐܦܝܣܩܦܐ ܕܝܢ ܢܟܦܐ ܡܪܝ ܚܒܝܒܼ ܕܝܠܗܿ ܕܡܕܝܢܬܐ: ܟܕ ܚܼܙܐ ܠܐܚ̈ܘܗܝ ܕܐܬܝܢ ܠܘܬ ܥܒܕܘܬܐ: ܠܒܫ ܚܫܐ ܡܪܝܪܐ ܥܡ ܕܡ̈ܥܐ ܚܢ̈ܝܓܬܐ ܠܘܬ ܦܪܘܩܐ. ܘܪܟܒ ܘܐܙܠ ܠܗ ܠܕܝܪܐܿ. ܐܝܟ ܕܢܦܝܣܘܗܝ ܠܓܒܪܐ ܗܿܘ. ܥܡ ܥܡܐ ܣܓܝܐܐ ܕܪܘܪ̈ܒܢܐ ܕܡܕܝܢܬܐ ܘܕܐܬܪܐ. ܟܕ ܕܝܢ ܒܣܓܝ̈ܐܬܐ ܐܦܝܣܘܗܝ ܕܢܓܪ ܥܕ ܓܒܝ̈ܢ ܡܢ ܟܠܕܘܟ: ܘܟܢܫܝܢ ܠܗ ܡܠܗܼ. ܘܠܐ ܐܬܬܦܝܣ. ܟܕ ܐܡܪ ܕܨܝܕܝܗܘܢ ܐܝܬܘܗܝ ܡܠܝ. ܢܬܠܘܢ ܠܝ ܕܝܠܝ ܘܐܙܿܠ ܐܢܐ. ܘܟܕ ܗܢܼܘܢ ܒܡܘ̈ܡܬܐ ܣܓܝ̈ܐܬܐܼ. ܥܡ ܕܡ̈ܥܐ ܚܢܝ̈ܓܬܐ ܡܦܣܝܢ ܗܘܘ ܠܗܼ. ܕܠܐ ܪܓܝܫܝܢ ܒܕܗܒܗܼ. ܠܐ ܐܫܪ ܐܢܘܢ. ܘܟܕ ܩܕܝܫܐ ܡܪܝ ܚܒܝܒ ܐܬܠܐܨ ܡܢ ܟܠ ܓܒܝ̈ܢ: ܒܝܕ ܕܗܠܝܢ ܐܡܪܝܢ ܕܠܐ ܝܕܥܝܢܢ ܡܕܡ. ܘܗܼܘ ܠܐ ܡܩܒܠ. ܠܒܫ ܫܪܝܢܐ ܚܠܝܡܐ ܕܗܝܡܢܘܬܐ ܫܪܝܪܬܐ ܕܡܪܗܼ. ܘܪܕܐ ܒܥܩ̈ܒܬܗ ܕܗܿܘ ܕܫܐܠܘ ܒܝܬ ܥܢܝܐ ܥܠܝ ܠܥܙܪ܇ ܕܐܝܟܐ ܣܡܬܘܢܝܗܝ. ܘܟܕ ܒܣܡ̈ܐ ܥܡ ܦܝܪܡܐ ܫܩܼܠ ܒܐܝܕܗܼ. ܪܕ ܠܒܝܬ ܩܒܘܪܐ ܕܝܠܗܿ ܕܕܝܪܐ. ܟܕ ܐܦܠܐ ܠܐܢܫ ܫܒܼܩ ܕܢܐܙܠ ܥܡܗ. ܘܟܕ ܐܙܠ ܘܩܡ ܠܥܠ ܡܢ ܩܒܪܐ: ܐܝܢܐ ܕܒܗ ܣܝܡ ܗܘܐ ܗܿܘ ܛܘܒܢܐܼ. ܒܪܟ ܘܨܿܠܝ ܘܩܡܼ ܘܣܡ ܦܝܪܡܐ. ܘܐܥܛܪ ܠܪܝܚܐ ܒܣܝܡܐ ܕܕܡ̈ܥܝ ܠܒܗ ܩܕܡ ܦܪܘܩܐ. ܩܡ ܥܠ ܬܪܥܐ ܕܝܠܗ ܕܩܒܪܐ. ܥܡ ܗܝܡܢܘܬܐ ܠܐ ܡܙܕܥܙܥܢܝܬܐܿ. ܗܿܝ ܕܐܦ ܣܥܪܐ ܚܝ̈ܠܐ ܐܝܟ ܐܠܗܐܼ. ܘܩܼܪܐ ܘܐܡܪ: ܦܠܢܼ ܩܘܡ ܒܫܡܗ ܕܡܪܢ. ܘܬܪܨ ܗܿܘ ܥܡܗܿ ܕܒܪܬ ܩܠܐ ܘܝܬܼܒ ܠܩܘܒܠܗ ܒܝܕ ܦܪܨܘܦܐ ܦܨܝܚܐ. ܐܝܟ ܗܘ ܕܐܦ ܠܐ ܡܬܘܡ ܚܼܙܐ ܚܒܠܐ ܕܒܓܘ ܩܒܪ̈ܐ. ܐܡܿܪ ܠܗ. ܒܪܝܼ ܐܡܪܼ ܐܢ ܡܪܝ ܦܠܢ ܛܝܝܐ ܡܕܡ ܣܡ ܨܝܕܝܟܼ. ܟܕ ܥܐܠ ܠܒܝܬ ܪ̈ܗܘܡܝܐ. ܐܡܼܪ ܐܢܼ ܡܪܝ. ܐܡܪ ܟܡܐ. ܐܡܪ

Page 163

ܙܦܠܢ ܐܠܦܝ̈ܐ ܡܿܠܐ. ܗܼܘ ܕܝܢ ܐܡܼܪ ܠܗ. ܘܐܝܟܘܗܝ. ܘܥܢܼܐ ܘܐܡܼܪ܆ ܕܗܐ ܒܝܬ ܬܪ̈ܥܐ ܕܝܠܗܿ ܕܕܝܪܐ ܛܡܝܪ ܠܝ. ܬܚܝܬ ܡܨܛܒܬܐ ܦܠܢܝܬܐ. ܘܐܢ ܦܩܿܕ ܐܢܬܼ. ܐܙܠ ܐܢܐܼ ܘܝܗܒܢܐ ܠܗ ܕܝܠܗ. ܘܬܘܒ ܫܐܠܗ. ܕܐܝܬ ܒܗܕܐ ܕܝܪܐ ܕܝܿܕܥ ܒܗܼ ܐܠܐ ܐܢܬܼ ܐܝܟܘܗܼ. ܐܡܼܪ. ܠܐܼ ܡܪܝ. ܢܟܦܐ ܕܝܢ ܐܡܪ ܠܗ: ܠܐ ܥܕܟܝܠ ܡܛܬ ܚܝܬ ܡ̈ܝܬܐ: ܐܬܬܢܝܚ ܥܕ ܦܩܿܕ ܠܟ ܪܡܙܗ ܕܡܪܟ ܬܬܥܝܪ. ܘܒܗܿ ܒܫܥܬܐ ܗܦܟ ܘܗܘܼܐ ܐܝܟ ܡܐ ܕܐܝܬܘܗܝ ܡܢ ܩܕܝܡ. ܘܟ ܝܠܦ ܗܘܼ ܚܣܝܐ ܡܢ ܡܝܬܐܟܠܗ ܫܪܪܐܼ ܢܚܬ. ܘܦܼܩܕ ܠܗܘܢ ܕܢܝܬܘܢ ܠܗ ܢܪܓܐ. ܘܐܙܠ ܘܩܡ ܒܕܘܟܬܐ ܗܝܿ ܐܝܕܐ ܕܡܢ ܗܿܘ ܡܝܬܐ ܐܡܪܬ ܠܗ. ܘܦܼܩܕ ܠܗܢܘܢ ܕܢܥܩܪܘܢ ܠܡܨܛܒܬܐܼ ܘܢܚܦܪܘܢ ܬܚܘܬܗܿ. ܘܥܒܕܘ ܐܝܟ ܡܠܬܗ. ܘܗܢܐ ܓܠܝܗ ܠܕܗܒܐ ܗܿܘܼ. ܘܝܗܒܗ ܠܡܪܗ. ܘܥܒܕ ܦܘܪܩܢܐ ܠܥܘܡܪܗ ܩܕܝܫܐ.

ܫܢܬ ܐܠܦܐ ܘܬܠܬܝܢ ܘܐܪܒܥܼ ܡܝܬ ܥܘܡܪ ܡܠܟܐ ܕܛܝ̈ܝܐ: ܕܝܬܼܒ ܥܠ ܡܠܟܘܬܐ ܫ̈ܢܝܐ ܬܪ̈ܬܝܢ ܘܝܪ̈ܚܐ ܐܪ̈ܒܥܐ.. ܘܐܡܠܟ ܕܝܢ ܒܬܪܗܼ. ܝܙܝܕ. ܫܢ̈ܝܐ ܐܪ̈ܒܥ.

ܫܢܬ ܐܠܦܐ ܘܬܠܬܝܢ ܘܚܡܫܼ. ܦܩܕ ܗܼܘ ܝܙܝܕ ܕܢܬܠܚܝ̈ܢ ܟܠܗܝܢ ܨܘܪ̈ܬܐ: ܐܝܟܐ ܕܗܼܘ ܕܡܫܬܟ̈ܚܢ. ܐܢ ܒܗܝܠܟܐ ܘܐܢ ܒܥܕܬܐ. ܘܐܢ ܒܒܝܬܐ. ܘܗܟܢܐ ܢܦܼܩ ܒܢܝ̈ܢܫܐ ܥܡ̈ܠܐ ܡܢܗܼ ܘܚܒܠ ܠܟܠܗ̈ܝܢ ܨܘܪ̈ܬܐ ܐܝܟܐ ܕܗܘ ܡܫܬܟܚܢ ܗܘ̈ܝ.

ܘܬܘܒ ܦܼܩܕ ܗܼܘ ܝܙܝܕ ܒܫܢܬ ܐܠܦܐ ܘܬܠܬܝܢ ܘܫ̈ܬܼ. ܕܢܬܩܛܠܘܢ ܟ̈ܠܒܐ ܚܘܪ̈ܐ ܘܝܘ̈ܢܐ ܚܘܪ̈ܐ ܘܬܪ̈ܢܓܠܐ ܚܘܪ̈ܐ. ܘܗܟܢܐ ܢܦܼܩ ܦܘܩܕܢܐ ܚܪܝܦܐ. ܘܚܝ̈ܘܬܐ ܚܪ̈ܫܬܐܼ. ܟܕ ܠܐ ܚ̈ܛܝܼ ܡܬܚܒ̈ܠܢ ܗܘ̈ܝ. ܘܣܪܘ ܫܘܩ̈ܐ ܕܡܕ̈ܝܢܬܐ ܘܕܩܘܪ̈ܝܐ ܡܢܗܘܢ. ܘܚܠܦ ܗܿܝ ܕܦܪܘ ܘܣܓܘ

Page 164

ܘܡܠܘ ܐܪܥܐ ܘܟܒܫܘܗܿ: ܘܦܪܚܬܐ ܬܦܪܚ ܥܠ ܐܦܝ ܪܩܝܥܐ: ܘܚܝܘܬܐ ܬܣܓܐܐ ܒܐܪܥܐܼ. ܗܢܼܘܢ ܣܩܘܒܠܐ ܕܒܪܝܘܬܐ ܠܢܦܫܗܘܢ ܥܒܼܕ. ܘܗܿܘ ܡܕܡ ܕܒܪܡܙܗ ܕܒܪܝܘܬܐ ܒܓܘ ܡܪܒܥܐ ܨܪ ܘܬܩܿܢ ܐܝܟ ܨܒܝܢܗ: ܗܼܢܘܢ ܒܝܕ ܚܪܡܘܬܗܘܢ ܨܒܘ ܠܡܚܒܠܘ. ܟܕ ܨܿܒܝܢ ܕܢܟܠܘܢ ܠܦܘܩܕܢܐ ܕܥܒܘܕܐܼ. ܠܐ ܢܪܕܐ ܬܘܒ ܥܠܡܐ: ܐܝܟ ܡܐ ܕܐܬܣܝܡ ܠܗ ܬܚܘ̈ܡܐ ܡܢ ܒܪܘܝܐ܀ ܘܬܘܒ ܦܩܼܕ ܗܘܼ ܟܕ ܗܘܼ ܕܢܬܩܛܠܘܢ ܟܠܗܘܢ ܒܢܝ̈ܢܫܐ ܙܪ̈ܩܐ. ܗܢܐ ܕܝܢ ܒܝܕ ܐܢ̈ܫܐ ܕܚ̈ܠܝ ܐܠܗܐ ܐܬܿܒܼܛܠ ܘܠܐ ܚܒܠ ܠܐܢܫ. ܘܬܘܒ ܦܩܼܕ ܕܠܐ ܢܬܩܒܠ ܣܘܪܝܝܐ ܥܠ ܛܝܝܐ ܒܣ̈ܗܕܐ. ܘܥܼܒܕ ܠܛܝܝܐ ܬܪܥܣܪ̈ ܐܠܦܝ̈ܐܿ ܘܠܣܘܪܝܐ ܐܫ̈ܬܐ ܐܠܦܝ̈ܐ ܛܝ̈ܡܐ.. ܘܐܦ ܗܠܝܢ ܢܡ̈ܘܣܐܡ̈ܚܒܠܐ ܡܢ ܗܪܟܐ ܫܩܠܘ ܫܘܪܝܐ܀ ܘܬܘܒ ܦܩܼܕ ܕܓܢܒܐ ܢܩܛܥܘܢ ܦܕܝܬܗ ܚܠܦ ܐܝܕܗ. ܗܢܐ ܫܛܘܗܝ ܛܝ̈ܝܐܼ ܘܠܣܝ̈ܡܘܗܝ. ܫܢܬ ܐܠܦܐ ܘܬܠܬܝ̈ܢ ܘܬܡ̈ܢܐܼ ܡܝܬ ܗܼܘ ܝܙܝܕ. ܗܘܼܘ ܠܗ ܕܝܢ ܐܡܝܪ̈ܐ ܕܓܙܝܪܬܐ: ܩܕܡܝܐ ܐܒܘܪܝܢ. ܘܐܫܬܪܝ ܗܢܐܼ ܘܐܬܼܐ ܡܪܕܣ. ܘܬܘܒ ܐܫܬܪܝ ܡܪܕܣܼ ܘܐܬܼܐ ܗܼܘ ܐܒܘܪܝܢ.

ܫܢܬ ܐܠܦܐ ܘܬܠ̈ܬܝܢ ܘܬܫ̈ܥܼ ܐܡܠܟ ܥܠ ܛܝ̈ܝܐ ܗܝܫܡ ܒܪ ܥܒܕܠܡܠܝܟ. ܫܢ̈ܝܐ ܬܫܥܣܪ̈ܐ ܘܝܪ̈ܚܐ ܐܪ̈ܒܥܐ.

ܫܢܬ ܐܠܦܐ ܘܐܪ̈ܒܥܝܢܼ ܡܝܬ ܩܕܝܫܐ ܡܪܝ ܚܒܝܒ ܐܦܝܣܩܦܐ ܕܐܘܪܗܝ.. ܘܗܘܼܐ ܠܚܦܘܗܝܼ ܩܘܣܛܢܝܛܢܐ.܀ ܒܗܢܐ ܙܒܢܐ ܡܬܝܕܥܝܢ ܩܕܝܫܐ ܡܪܝ ܐܠܝܐ ܦܛܪܝܪܟܐ. ܘܫܡܥܘܢ ܕܚܪܢ. ܘܩܘܣܛܢܛܝܢܐ ܕܐܘܪܗܝ. ܘܬܐܕܘܛܐ ܕܐܡܝܕ.

ܥܠ ܬܐܘܕܘܛܐ ܐܦܝܣܩܦܐ ܕܐܡܕ. ܗܢܐ ܕܝܢ ܩܕܫܝܐ ܬܐܕܘܛܐ ܐܦܝܣܩܦܐ ܕܐܡܕ. ܡܛܠ ܕܒܫܠܝܐ

Page 165

ܘܒܥܡ̈ܠܐ ܟܢܝ̈ܟܐ ܕܝܚܝܕܝܘܬܐ ܪܒܼܿܐ ܗܘܐ ܠܗ: ܘܒܗܘܢ ܟܠܫܥ ܗܪܓ ܗܘܐ. ܘܠܗܘܢ ܪܝܿܓ ܗܘܐ܆ ܘܓܒܪܐ ܗܘܐ ܢܝܚܐ ܘܒܣܝܡܐ ܘܕܡܨܒܬ ܗܘܐ ܒܟܠܗܘܢ ܫܘܦܪ̈ܐ ܐܠܗ̈ܝܐܼ. ܐܫܬܐܠ ܡܢ ܐܦܝܣܩܦܘܬܐ ܕܝܠܗܿ ܕܡܕܝܢܬܐ. ܘܢܦܩ ܡܢ ܟܘܪܣܝܗ. ܘܫܒܩܗܿ ܠܡܕܝܢܬܐܼ. ܘܢܼܚܬ ܗܘܐ ܠܐܬܪܐ ܕܕܪܐ. ܠܒܝܢܬ ܗܠܝܢ ܬܚܘ̈ܡܐ ܕܒܝܢܬ ܕܪܐ ܘܠܐܡܕ. ܘܒܼܢܐ ܠܗ ܬܡܢ ܐܣܛܘܢܐܼ ܘܣܠܩ ܠܗ. ܟܕ ܡܬܕܡܐ ܒܡܪܝ ܬܘܡܐ ܕܬܠܐ. ܘܐܦ ܕܝܪܐ ܒܼܢܐ ܬܡܢ. ܗܿܝ ܕܐܦ ܥܕ ܗܫܐ ܩܝܡܐܼ ܥܠ ܓܢܒ ܩܪܝܬܐ ܐܝܕܐ ܕܡܬܩܪܝܐ ܩܠܘܩ. ܘܬܡܘܢ ܫܠܡ ܚܝ̈ܘܗܝ܀ ܩܒܠ ܕܝܢ ܐܦܝܣܼ ܩܕܝܫܐ ܡܪܝ ܩܘܣܡܐ.

ܬܘܒ ܥܠ ܩܕܝܫܐ ܡܪܝ ܩܘܣܡܐ ܐܦܝܣܩܦܐ ܕܝܠܗܿ ܕܐܡܕ. ܐܦ ܗܢܐ ܩܕܝܫܐ ܡܪܝ ܙܡܐܼ ܓܒܪܐ ܐܝܬܘܗܝ ܕܝܪܝܐ ܪܒܐ ܘܛܢܢܐ ܕܟܠܗܝܢ ܫܦܝܪ̈ܬܐ. ܘܐܦ ܣܿܥܪ ܚܝ̈ܠܐ ܬܡ̈ܝܗܐ ܐܝܟ ܐܠܝܐ ܬܫܒܝܝܐ ܘܐܝܟ ܫ̈ܠܝܚܐ ܩ̈ܕܡܝܐ. ܐܠܐ ܒܝܕ ܕܛܢܢܐ ܐܝܬܘܗܝ. ܘܡܟܘܢ ܗܘܐ ܠܪܡܐ ܐܝܟ ܡܐ ܕܠܙܥܘܪܐܼ. ܠܐ ܐܬܼܪܚܡ ܥܠ ܪ̈ܝܫܢܐ ܕܝܠܗܿ ܕܡܕܝܢܬܐ. ܡܛܠ ܗܿܝ ܕܩܫܝܐܝܬ ܡܟܣ ܗܘܐ ܠܗܘܢܼ ܒܡܠܬܐ ܓܠܝܬܐ ܕܪܚܝܩܐ ܡܢ ܡܣܒ ܒܐܦ̈ܐܼ. ܥܠ ܣܘܥܪ̈ܢܐ ܡܚ̈ܒܠܐ ܐܝܠܝܢ ܕܡܢܗܘܢ ܟܠܫܥ ܡܣܬܥܪܝܢ ܗܘܘ. ܘܡܛܠ ܕܕܚܠܝܢ ܗܘܘ ܡܢܗܼ ܕܕܠܡܐ ܢܦܬܚ ܦܘܡܗ ܘܢܠܘܛ ܐܢܘܢܼ. ܒܗܿܝ ܕܓܒܪܐ ܐܝܬܘܗܝ ܩܫܝܐ: ܘܙܝܥܝܢ ܗܘܘ ܗܢܘܢ ܓܠܝܐܝܬ ܢܩܘܡܘܢ ܠܩܘܒܠܗܼ. ܫܓܫ ܠܐܢܫ̈ܐ ܩܘܪ̈ܝܝܐ ܕܠܐ ܢܩܒܠܘܢܝܗܝ ܟܕ ܢܗܘܐ ܘܢܦܘܩ ܕܢܣܥܘܪ ܐܢܘܢ. ܘܡܢ ܗܕܐ ܥܠܬܐ ܢܗܘܐ ܠܗܘܢ ܥܠܘܗܝ ܥܠܬܐ ܢܬܚܩܘܢܝܗܝ ܡܢ ܡܕܝܢܬܗܘܢ. ܐܠܐ ܠܐ ܐܘܬܪܬ ܐܢܘܢ ܡܕܡܼ ܐܦܠܐ ܠܐܝܠܝܢ ܕܐܕܢܝܘ ܠܗܘܢ܀ ܘܟܕ ܕܝܢ ܓܕܫ ܐܝܟ

Page 166

ܢܡܘܣܐ ܗܿܘ ܕܣܝܡ ܠܩ̈ܕܡܝܐܼ. ܢܦܘܩ ܠܡܼܣܥܪ ܐܬܪܐ: ܟܕ ܠܐ ܪܓܝܫ ܗܐ ܒܐܦܪܣܢܐ ܗܿܘ ܕܥܠܘܗܝ ܐܬܪܟܒ. ܟܕ ܕܝܢ ܡܢܥ ܠܩܪܒܬܐ ܚܕܐ ܒܗ ܒܐܬܪܐ: ܕܫܡܗܿ ܬܠܐ ܕܟܘܡ: ܘܐܦ ܐܝܬܝܗܘܢ ܦܣܘ̈ܢܐ. ܘܟܕ ܢܩܼܫ ܢܩܘܫܐ ܐܝܟ ܢܡܘܫܐ ܘܐܬܟܢܫܘ ܨܒܘ ܕܠܐ ܢܩܒܠܘܢܝܗܝ. ܘܐܦܠܐ ܠܡܠܬܐ ܕܡܢ ܓܒܪܐ ܢܫܘܘܢܝܗܝ܆ ܐܠܐ ܫܠܚܘܢ ܠܗ ܒܝܕ ܐܢܬܬܐ ܚܕܐ ܣܒܬܐܼ. ܕܛܥܢ ܒܐܝܩܪܟ ܘܥܒܼܪ ܒܐܘܪܚܟ. ܘܐܠܐ ܬܗܐܘ ܠܟ ܝܕܥܝܬܐ ܕܒܝܫ ܒܝܫ ܐܙܠܬ ܡܢ ܗܪܟܐ. ܗܠܝܢ ܕܝܢ ܕܘ̈ܝܐ ܕܠܐ ܝܼܕܥ ܐܦ ܠܐ ܐܣܬܟܠܼ. ܒܝܕ ܗܿܝ ܕܒܚܫܘܟܐ ܪܕܝܢ ܗܘܘ. ܕܠܐ ܡܨܝܐ ܕܬܫܬܪܐ ܡܠܬܐ ܗܿܝ ܕܡܢ ܦܪܘܩܢ ܠܘܬ ܬܠܡܝ̈ܕܘܗܝ ܐܬܐܡܪܬ: ܕܡܿܢ ܕܢܩܒܠܟܘܢܼ ܠܝ ܗܼܘ ܡܩܒܠ. ܘܡܿܢ ܕܠܐ ܢܩܒܠܟܘܢܼ ܦܨ ܚܠܐ ܕܪ̈ܓܠܝܟܘܢ ܥܠܘܗܝ ܠܣܗܕܘܬܐܿ. ܘܠܣܕܘܡ ܢܗܐ ܢܝܚܐ ܒܝܘܡܐ ܕܕܝܢܐ ܐܘ ܠܕܘܟܬܐ ܗܿܝ܀ ܗܼܘ ܕܝܢ ܢܟܦܐ ܟܕ ܝܠܦ ܡܪܚܘܬܗܘܢ ܡܢ ܣܒܬܐ ܗܝ܇ ܩܦܩܼܕ ܠܬܠܡܝܕܗܼ ܕܢܓܕܘ ܠܡܪܟܒܬܐ ܗܿܝ ܕܥܠܝܗܿ ܝܬܝܒ ܗܘܐ ܘܢܥܒܪܝܗܿ ܡܢ ܓܒܗܿ ܬܝܡܢܝܐ ܕܝܠܗܿ ܕܩܪܝܬܐ. ܗܢܘܢ ܕܘ̈ܝܐ ܕܥܠܝܗܘܢ ܫܠܡܬ ܡܠܬܐ ܢܒܝܝܬܐ. ܕܫܛܝܐ ܠܐ ܝܕܥ܇ ܘܣܟܠܐ ܠܐ ܡܣܬܟܠ. ܠܐ ܣܦܩܬ ܠܗܘܢ ܚܕܐ ܚܛܝܬܐ ܘܟܕܘ܇ ܐܠܐ ܣܠܼܩܘ ܠܗܘܢ ܠܬܪܥܐ ܕܥܕܬܗܘܢܿ ܐܝܕܐ ܕܒܪܘܡܐ ܣܝܡܐܼ. ܘܩܡ ܟܕ ܡܗܠܝܢ ܒܗ ܘܚܙܝܢ ܒܗ ܕܡܢܐ ܣܿܥܪ. ܗܼܘ ܕܝܢ ܗܢܐ ܚܝܠܬܢܐܼ. ܟܕ ܠܟܠܗܿ ܡܒܣܪܢܘܬܗܘܢ ܚܼܙܐܼ ܠܐ ܐܬܪܗܒ. ܐܠܐ ܟܕ ܡܚܙܩ ܒܗܝܡܢܘܬܐ ܘܒܬܘܟܠܢܐ ܕܡܪܗܼ ܪܕܐ ܘܥܒܪܗܿ ܠܩܪܝܬܗܘܢ. ܘܟܕ ܡܛܼܐ ܠܣܘܦܐ ܡܕܢܚܝܐ ܕܩܪܝܬܐܼ. ܦܩܼܕ ܕܬܩܘܡ ܡܪܟܒܬܐ ܗܝ܇ ܘܫܡܛܘ ܠܡܣ̈ܢܘܗܝ. ܘܐܟܪܟ ܠܩܘܒܠܗܿ ܘܢܦܨ ܐܢܘܢ ܥܠܝܗܿ ܟܕ ܐܡܿܪ. ܕܠܐ ܡܩܒܠ ܐܢܬ

Page 167

ܐܦܝܣܩܦܟ ܦܬܟܪܐ ܟܘܡ. ܒܥܓܠ ܘܩܠܝܠܐܝܬ ܢܕܪܟܟ ܪܘܓܙܗ ܕܐܠܗܐ. ܘܗܟܢܐ ܪܕܐ ܩܠܝܠܐܝܬ ܘܥܒܼܪ ܠܩܪܝܬܐ ܕܠܡܕܢܚܐ ܡܢܗܘܢ ܕܫܡܗܿ ܛܪܡܠ ܪܒܐ. ܡܛܠ ܕܡܢ ܡܥܪܒܐ ܐܿܬܐ ܗܘܐ. ܗܠܝܢ ܝܘ̈ܡܬܐ ܐܝܬܝܗܘܢ ܗܘܘܼ ܝܘܡ̈ܬܐ ܕܚܨܕܐ ܕܣܥܪ̈ܐ: ܟܕ ܐܦܠܐ ܟܘܬܡܬܐ ܚܕܐ ܕܥܢܢܐ ܐܝܬ ܗܘܐ ܒܫܡܝܐ ܒܝܘܡܐ ܗܿܘ܀ ܩܪܝܬܐ ܕܝܢ ܕܘܝܬܐ ܕܨܒܬܼ ܕܬܗܘܐ ܣܢܝܓܪܐ ܕܥܘܠܐ ܠܪܘܪ̈ܒܢܐ ܕܝܠܗܿ ܕܡܕܝܢܬܐܼ. ܒܥܓـ[ـܠ] ܘܩܠܝܠܐܝܬ ܪܘܓܙܗ ܕܐܠܗܐ ܐܕܪܟܗܿ. ܐܝܟܢܐ ܕܬܗܘܐ ܕܚܠܬܐ ܘܣܘܪܕܐܼ ܠܟܠܗ ܐܬܪܐ. ܘܐܦ ܠܟܠܗܘܢ ܐܝܠܝܢ ܕܨܒܝܢ ܢܫܘܛܘܢ ܠܐܦܝܣ̈ܩܦܝܗܘܢܼ. ܘܐܦ ܬܘܢܝܐ ܠܕܪ̈ܐ ܕܐܬܝܢ. ܗܼܘ ܕܝܢ ܥܠ ܠܛܪܡܠܼ. ܘܥܢ̈ܢܐ ܪܟܒܘ ܥܠܝܗܿ. ܘܥܕ ܗܢܼܘܢ ܡܬܦܢܝܢ ܠܟܐ ܘܠܟܐܿ. ܩܛܪ ܥܠܝܗܿ ܟܝܡܘܢܐ ܘܡܫܒܐ ܕܪ̈ܘܚܐ ܕܡܦܪ̈ܩܢ ܛܘܪ̈ܐ. ܘܢܚܬ ܥܠܝܗܿ ܒܪܕܐ ܐܝܟ ܟܐܦ̈ܐܼ. ܘܡܼܚܐ ܓܘܦܢܝ̈ܗܘܢ ܥܡ ܬܐܢܝ̈ܗܘܢ. ܘܐܦ ܬܒܼܪ ܐܝ̈ܠܢܐ ܕܬܚܘܡܝ̈ܗܘܢ. ܘܐܘܒܕ ܟܠ ܝܘܪܩܐ ܕܥܣܒܐ ܕܒܚܩ̈ܠܬܗܘܢ. ܘܥܼܒܕ ܠܙܪܥܗܘܢ ܐܝܟ ܕܚܝܚܐܼ ܘܠܐ ܐܬܝܕܥ. ܘܒܕܪܬ ܥܪܦܠܐ ܐܦ ܠܓܕܝܫܝ̈ܗܘܢܼ ܘܠܐ ܐܬܟܢܫܘ. ܘܐܒܕ ܟܠܗ ܣܒܪܐ ܕܚܝ̈ܝܗܘܢ ܡܢ ܐܦ̈ܝ ܐܪܥܐ. ܘܟܕ ܚܙܘ ܡܒܣܪ̈ܢܐ ܒܐܝܠܝܢ ܕܓܕܫ ܠܗܘܢ: ܕܥܕ ܡܠܬܗܘܢ ܒܦܘܡܗܘܢ ܪܘܓܙܗ ܕܐܠܗܐ ܣܠܩ ܒܗܘܢܼ. ܘܐܦ ܣܒܪ ܠܗܘܢ ܕܐܦ ܒܗܘܢ ܣܿܠܩ ܗܘܐ ܪܘܓܙܐ: ܘܐܝܟ ܕܡܢ ܫܢܬܐ ܥܡܝܩܬܐ ܐܬܬܥܝܪ܆ ܘܐܝܟ ܪܘܝܐ ܕܢܦܨܗ ܚܡܪܗ. ܘܐܬܥܗܕ ܠܡܕܡ ܕܥܒܕ ܒܐܦܣܩܦܗܘܢܼ. ܘܐܦ ܝܼܕܥ ܕܥܠ ܕܫܛܘܗܝ ܗܠܝܢ ܐܬ̈ܝ ܥܠܝܗܘܢ. ܘܬܝܪܐܝܬ ܐܫܬܪܪܗ ܥܠ ܗܕܐ ܒܗܿܝ ܕܠܐ ܥܼܒܪ ܗܼܘ ܪܘܓܙܐ ܠܒܪ ܡܢ ܬܚܘ̈ܡܝܗܿ ܕܩܪܝܬܗܘܢ. ܘܗܟܢܐ ܢܦܼܩ ܡܢ ܙܥܘܪܐ ܘܥܕܡܐ ܠܪܒܐ. ܘܐܙܠܘ ܟܕ

Page 168

ܫܡܝܛܝܢ ܘܥܝܝܦܝܢ ܘܒܟܝܢ ܒܒܟܬܐ ܡܪܝܪܬܐܿ ܕܚܠܝܛܐ ܒܒܗܬܬ ܐܦ̈ܐ: ܠܩܪܝܬܐ ܗܝܿ ܕܒܗܿ ܐܝܬܘܗܝ. ܗܼܘ ܕܝܢ ܚܣܝܐܼ ܟܕ ܚܼܙܐ ܐܢܘܢܼ ܒܕܡܘܬ ܐܠܝܫܥ ܥܠ ܛ̈ܠܝܐ ܗܠܝܢ ܕܦܪܬ ܕܒ̈ܐܼ. ܐܬܬܥܝܩ ܐܦ ܥܠܝܗܘܢ ܡܪܝܪܐܝܬ. ܘܝܬܝܪܐܝܬ ܒܗܿܝ ܕܠܟܠ ܕܩܢܝܢ ܗܘܘ ܐܘܒܕ ܪܘܓܙܐ ܗܿܘ. ܘܗܟܢܐ ܥܼܛܦ ܥܡܗܘܢ ܘܨܠܝ ܥܠܝܗܘܢ. ܘܡܢ ܗܿܝ ܕܝܢ ܐܪܡܝ ܐܠܗܐ ܕܚܠܬܗ ܘܙܘܥܬܗ ܥܠ ܟܠ ܐܬܪܐ ܘܐܦ ܥܠ ܪܘܪ̈ܒܢܐ ܕܝܠܗܿ ܕܡܕܝܢܬܐ. ܐܝܢܐ ܕܥܕ ܠܐ ܢܦܘܩ ܡܢ ܩܪܝܬܐ ܗܿܝ ܕܒܗܿ ܫܿܪܐ ܗܘܼܐ܆ ܢܐܬܘܢ ܗܘܘ ܗܠܝܢ ܐܚܪ̈ܢܐ ܒܒܥܘ̈ܬܐܿ ܙܥܘܪ̈ܐ ܥܡ ܪܘܪ̈ܒܐ ܠܩܘܒܠܗ.܀ ܒܬܪ ܩܕܝܫܐ ܡܪܝ ܐܠܝܐ ܦܛܪܝܪܟܐ ܕܐܢܛܝܟܝܐܼ ܗܘܼܐ ܩܕܝܫܐ ܐܬܢܣܝܘܣ.

ܫܢܬ ܐܠܦܐ ܘܐܪ̈ܒܥܝܢ ܘܬܪ̈ܬܝܢ܆ ܥܠ ܡܣܠܡܐ ܠܬܪܥܐ ܕܒܝܬ ܛܘܪ̈ܟܝܐܼ. ܘܒܝ̈ܫܬܐ ܪܘܪ̈ܒܬܐ ܥܒܕ ܒܐܪܥܐ ܕܐܪܡܝܢܝ. ܘܒܟܠܗܿ ܐܪܥܐ ܗܕܐ ܕܓܪܒܝܐ. ܘܥܠ ܕܝܢ ܥܠܝܗܘܢ ܡܣܠܡܐ ܒܚܝ̈ܠܘܬܐ ܣܓܝ̈ܐܐܼ ܕܠܐ ܡܢܝܢ. ܡܛܠ ܕܗܟܢ ܢܦܩܝܢ ܗܘܘ ܒܟܠ ܫܢܐܼ ܘܒܝ̈ܫܬܐ ܣܓܝ̈ܐܬܐ ܥܒܕܝܢ ܗܘܘ. ܟܕ ܥܠ ܥܠܝܗܘܢܼ ܘܢܦܼܩ ܗܢܘܢ ܠܩܘܒܠܗ. ܘܡܚܐ ܥܡܗܘܢ ܩܪܒܐ. ܘܚܪܒ ܡܢܗܘܢ ܥܡܐ ܣܓܝܐܐ. ܘܟܕ ܕܝܢ ܐܙܝܥ ܐܢܘܢܼ. ܐܬܘ ܠܘܬ ܪ̈ܓܠܘܗܝ܇ ܘܒܥܘ ܡܢܗ ܫܠܡܐ. ܗܼܘ ܕܝܢ ܝܗܒ ܠܗܘܢ. ܟܕ ܣܒܼ ܕܩܝܡܐ ܠܗܘܢ ܡܠܬܐܼ.܀ ܒܗܿ ܒܗܕܐ ܫܢܬܐ ܥܩܪܒ ܡܣܠܡܐ ܠܬܪܥܐ ܗܿܘ ܕܒܝܬ ܛܘܪ̈ܟܝܐ ܡܛܠ ܕܠܓܘ ܡܢܗ ܕܬܪܥܐ ܗܿܘ ܡܚܘ ܩܪܒܐ. ܘܐܦ ܠܓܘ ܡܢܗ ܚܒܝܫܝܢ ܗܘܘ. ܘܕܚܠ ܕܕܠܡܐ ܢܐܙܠܘܢ ܒܐܪܥ ܗܿܝ ܕܠܐ ܝܕܥܝܢ ܠܗܿ ܕܐܝܬܝܗܿ ܕܛܘܪ̈ܟܝܐ: ܘܢܬܟܢܫܘܢ ܥܠܝܗܘܢ ܘܢܘܒܕܘܢ ܐܢܘܢ ܡܢ ܐܪܥܐ.

Page 169

ܡܛܠ ܕܥܡܐ ܐܢܘܢ ܠܝܬ ܠܗܘܢ ܐܠܗܐܼ ܘܡܓܘ̈ܫܐ. ܘܡܛܠܗܕܐ ܐܬܐܠܨ ܡܣܠܡܐ ܘܦܩܕ ܘܐܬܥܩܪ ܬܪܥܐ ܗܿܘ ܕܒܝܬ ܛܘܪ̈ܟܝܐܼ. ܕܡܢ ܐܠܟܣܢܕܪܘܣ ܡܩܕܘܢܝܐ ܐܬܒܼܢܝ. ܘܗܟܢܐ ܠܘܩܕܡ ܐܫܬܪܝ ܓܡܠܐ ܟܠܗܼ ܘܢܦܼܩ. ܘܗܝܕܝܢ ܚܡܪ̈ܐ ܘܒܬܪ ܗܠܝܢ ܩܠܓܪ̈ܐ: ܘܠܚܪܬܐ ܢܦܼܩܘ ܗܼܢܘܢ. ܟܕ ܐܦ ܫܼܕܘ ܒܟܠܗ ܕܪܒܐ ܒܬܪܗܘܢ ܩܘܪ̈ܛܒܐ.

ܫܢܬ ܐܠܦܐܐ ܘܐܪ̈ܒܥܝܢ ܘܬܠܬܼ ܟܢܫ ܗܼܘ ܡܣܠܡܐ ܥܡܐ ܣܓܝܐܐ. ܐܘܡ̈ܢܐ ܘܢܓܪ̈ܐ ܘܩܠܓܪ̈ܐ ܘܥܒܼܕ ܟܠܗܝܢ ܥܒ̈ܝܕܬܐ ܕܙܕܩܢ ܠܒܢܝܢܐ. ܘܥܠ ܘܒܢܝܗܝ ܠܗ ܠܬܪܥܐ ܗܿܘ ܕܒܝܬ ܛܘܪ̈ܟܝܐ ܕܥܩܪ. ܘܟܕ ܒܝܢܝܗܝܼ ܣܡ ܡܠܬܐ ܕܐܠܗܐ ܥܡ ܛܘܪ̈ܟܝܐܼ. ܕܠܐ ܐܢܫ ܡܢܗܘܢ ܥܒܪ ܠܬܚܘܡܐ ܕܚܒܪܗ ܘܢܦܩ܀ ܗܼܢܘܢ ܒܕܠܐ ܠܐܠܗܐ ܝܕܥܝܢ: ܘܠܐ ܕܒܪܝܬܗ ܐܢܘܢ ܡܬܒܝܢܝܢ: ܐܦܠܐ ܕܐܝܬ ܐܠܗܐ ܒܫܡܝܐ ܡܫܬܘܕܥܝܢ܆ ܐܦܠܐ ܥܠ ܡܠܬܗ ܐܩܝܡܘܢ. ܐܠܐ ܠܗ ܠܐܠܗܐ ܫܛ. ܘܠܡܠܬܗ ܒܣܼܪܘ. ܘܫܛܘ ܘܥܒܪ ܥܠ ܘܥܒܕ ܒܝ̈ܫܬܐ ܪܘܪ̈ܒܬܐ ܒܟܠܗܿ ܐܪܥܐ ܗܝܿ ܕܐܝܬ ܠܒܪ ܡܢ ܬܚܘܡܗܘܢ. ܘܫܕܪ ܥܠܝܗܘܢ ܗܝܫܡ ܠܓܝܪܚ ܪܒ ܚܝܠܐ. ܥܡ ܥܡܐ ܣܓܝܐܐ ܕܦܪ̈ܫܐ. ܟܕ ܕܝܢ ܥܐܠ ܗܼܘ ܗܢܐ: ܡܛܠ ܕܝܘ̈ܡܬܐ ܐܝܬܝܗܘܢ ܗܘܘ ܕܚܨܕܐ: ܒܝ̈ܫܬܐ ܣܓܝ̈ܐܬܐ ܐܣܒܠ ܠܟܠܗܿ ܐܪܥܐ ܒܡܥܠܗ. ܒܗܿܝ ܕܓܒܪܐ ܐܝܬܘܗܝ ܠܐ ܡܛܟܣܐ܆ ܘܠܐ ܟܐܝܐ ܗܘܐ ܒܚܝܠܗ. ܘܐܚܪܒ ܠܟܠܗܿ ܥܠܠܬܐ ܕܐܢܫ̈ܐ ܦܠܚ̈ܐ: ܥܡ ܒܝ̈ܫܬܐ ܣ̈ܓܝܐܬܐ ܐܚܪ̈ܢܝܬܐ ܕܡܣܒܠܝܢ ܗܘܘ ܠܐܢ̈ܫܐ ܡܣܟ̈ܢܐ ܒܝܕ ܡܥܒܪܬܗܘܢ. ܘܐܬܝܢ ܗܘܘ ܘܘܡܝܠܠܝܢ ܟܠܗܘܢ ܩܕܡܘܗܝܼ. ܘܚܕ ܡܢܗܘܢ ܠܐ ܡܬܪܘܚ ܗܘܐ ܡܢ ܨܝܕܘܗܝ.. ܘܟܕ ܗܟܢܐ ܟܠܢܫ ܐܬܠܨ

Page 170

ܒܡܥܠܗܼ ܡܢ ܟܠܗܘܢ ܫܘܝܐܝܬ ܐܙܕܘܕ ܨܠ̈ܘܬܐ ܐܝܟ ܕܙܕܿܩ ܗܼܘܐ ܠܗ. ܟܕ ܕܝܢ ܥܠ ܘܡܚܼܐ ܥܡܗܘܢ ܩܪܒܐܼ. ܠܣܘܓܐܐ ܡܢ ܚܝܠܗ ܩܛܠ. ܘܐܦ ܠܣܓܝ̈ܐܐ ܬܘܒ ܨܕܘ ܘܐܥܠܘ ܠܐܪܥܗܘܢ. ܘܟܕ ܗܕܐ ܗܘܬܼ. ܫܠܚ ܠܗ ܠܗܝܫܡ ܕܢܫܕܪ ܠܗ ܥܕܪܐ.. ܘܥܠ ܒܬܪܗ ܡܣܠܡܐ ܥܡ ܚܝܠܐ ܣܓܝܐܐ ܕܠܐ ܡܢܝܢܐ. ܘܥܠ ܕܥܐܠܼ. ܚܪܝܒ ܓܝܪܚ ܘܚܼܝܠܗ ܒܦܘܡܐ ܕܣܝܦܐ. ܡܛܠ ܕܣܓܘ ܥܠܝܗܘܢ ܛܘܪ̈ܟܝܐ ܡܢ ܟܠ ܓܒܝ̈ܢ. ܚܪܒ ܐܢܘܢ ܠܟܠܗܘܢ ܒܦܘܡܐ ܕܣܝܦܐ. ܘܐܢܫ ܠܐ ܐܬܦܠܛ ܡܢܗܘܢ. ܘܐܗܦܟ ܡܪܝܐ ܠܥܒܕ ܒܝܫܬܐ ܐܝܟ ܒܝܫܬܗ. ܘܦܪܥܗ ܡܪܝܐ ܟܠܗܝܢ ܒܝ̈ܫܬܐ ܕܥܒܕ ܗܘܐܼ. ܗܼܘ ܘܚܝܠܗ ܒܐܢ̈ܫܐ ܦܠ̈ܚܐܿ. ܟܠ ܐܝܟܐ ܕܡܬܡܛܐ ܗܘܐ. ܟܠܗܝܢ ܐܝܟ ܚܕܐܼ ܐܣܩ ܐܢܝ̈ܢ ܒܪܝܫܗܘܢ܀ ܡܣܠܡܐ ܕܝܢ ܟܕ ܥܠܼ. ܙܥ ܘܐܬܒܠܗܝܘ ܡܢ ܩܕܡܘܗܝ. ܡܛܠ ܕܡܢ ܫܡܗ ܝܬܝܪ ܡܢ ܚܙܬܗ ܕܚܠܝܢ ܗܘܘ. ܡܚܐ ܕܝܢ ܥܡܗܘܢ ܩܪܒܐܼ. ܘܐܫܕ ܕܗܘܢ ܐܝܟ ܡܝ̈ܐ ܥܠ ܐܦ̈ܝ ܐܪܥܐ. ܘܐܣܒܥܗܿ ܠܦܚܪܬܐ ܕܫܡܝܐ ܘܠܚܝܘܬܐ ܕܕܒܪܐ ܡܢ ܒܣܪܗܘܢ. ܘܟܕ ܗܙܡ ܐܢܘܢܼ ܥܒܕܗ ܠܡܪܘܢ ܒܪ ܡܚܡܕ. ܗܿܘ ܕܠܚܪܬܐ ܐܦ ܡܡܠܟܘ ܐܡܠܟ ܥܠ ܛܝ̈ܝܐ. ܥܠ ܐܪܡܢܝ. ܘܢܦܩܼ. ܟܕ ܐܦ ܚܝܠܐ ܣܓܝܐܐ ܫܒܼܩ ܨܝܕܘܗܝ. ܗܢܐ ܕܝܢ ܝܬܝܪ ܡܢ ܟܠ ܕܩܕܡܘܗܝ ܐܘܒܕ ܐܢܘܢ.

ܫܢܬܐ ܐܠܦܐ ܘܥܣܪ̈ܝܢ ܘܬܫ̈ܥܝܼ. ܗܘܼܐ ܪܥܠܐ ܪܒܐ ܘܕܚܝܠܐ. ܘܚܒܠ ܕܘ̈ܟܝܬܐ ܣܓܝ̈ܐܬܐ. ܘܗܝܟ̈ܠܐ ܘܥܕ̈ܬܐ ܥܡ ܒܢܝ̈ܢܐ ܪܘܪ̈ܒܐ. ܝܬܝܪܐܝܬ ܚܒܠ ܒܡܥܕܐ. ܘܥܕܬܐ ܥܬܝܩܬܐ ܕܐܘܪܗܝ. ܘܐܦ ܒܒܢ̈ܝܢܐ ܪܘܪ̈ܒܐ ܘܪ̈ܡܐ ܣܚܦ ܥܠ ܥܡܘܪ̈ܝܗܘܢ. ܘܐܦ ܗܠܝܢ ܕܝܢ ܕܫܪܟܘ ܘܠܐ ܢܦܠ ܒܗ ܒܙܘܥܐܼ. ܣܡ ܒܗܘܢ ܐܬܐ. ܐܝܟ ܡܿܢ ܕܢܙܘܥܘܢ ܥܡܘܪ̈ܝܗܘܢ ܡܢ ܩܕܡ ܡܪܝܐܼ. ܟܠ ܐܡܬܝ ܕܢܚܙܘܢ ܠܐܬܐ ܗܿܝ ܕܡܢ ܙܘܥܐ.܀

Page 171

ܒܗܢܐ ܕܝܢ ܙܒܐ ܐܦܩ ܗܝܫܡ ܠܙܝܬܘܢ. ܘܒܢܼܐ ܥܠܘܗܝ ܡܕ̈ܝܢܬܐ ܘܚ̈ܣܢܐ ܥܡ ܩܘܪ̈ܝܣ ܣܓܝ̈ܐܬܐ. ܘܗܕܪܗ ܒܢܨܒ̈ܬܐ ܣܓܝ̈ܐܬܐ ܕܟܠ ܓܢܣ. ܘܬܘܒ ܐܦܼܩ ܒܝܬ ܒܠܫ ܘܒܢܐ ܥܠܘܗܝ ܚܣܢܐܼ. ܘܢܨܒܼ ܒܗ ܢܨܒ̈ܬܐ ܕܟܠ ܓܢܣ. ܘܬܘܒ ܐܦܼܩ ܠܗܢܝ. ܥܠ ܗܢܐ ܥܒܕ ܚܣ̈ܢܐ ܘܓ̈ܢܐܼ ܕܟܠ ܓܢܣ. ܘܬܘܒ ܡܣܠܡܐ ܐܚܘܗܝ ܐܦܩ ܒܝܬ ܒܠܫ. ܘܐܦ ܗܼܘ ܗܢܐ ܒܢܼܐ ܥܠ ܢܗܪܐ ܕܐܦܩܿ. ܚܣܢ̈ܐ ܘܩܘܪ̈ܝܣ: ܘܗܕܪܗ ܒܟܠܗܘܢ ܫܘܦܪ̈ܐ.

ܫܢܬ ܐܠܦܐ ܘܐܪ̈ܒܥܝܢ܆ ܐܬܟܒܫܬ ܢܩܣܪܝܐ ܡܢ ܡܣܠܡܐ. ܘܐܦܩ ܠܥܡܗܿ ܟܠܗ ܒܫܒܝܐ. ܘܙܒܢܗ ܒܕܡܘܬ ܩܢܝܢܐ ܠܥܒܕܘܬܐ. ܣܛܪ ܡܢ ܝܗ̈ܘܕܝܐ ܕܗܢܘܢ ܗܘܼܘ ܡܫܠܡܝܗܿ ܕܝܠܗܿ ܕܡܕܝܢܬܐ. ܒܗܿܝ ܕܢܦܩ ܒܛܘܫܝܐ ܠܘܬ ܡܣܠܡܐܼ. ܘܫܩܠ ܡܢܗ ܡܠܬܐ. ܘܐܦ ܬܪܨܘܗܣ ܥܠ ܡܥܠܢܐ ܕܝܠܗܿ ܕܡܕܝܢܬܐ ܒܢܟܝܠܘܬܗܘܢ. ܠܗܠܝܢ ܫܒܼܐ ܘܠܐ ܙܒܢ܆ ܐܠܐ ܢܦܼܩ ܥܡܗ.

ܫܢܬ ܐܠܦܐ ܘܐܪ̈ܒܥܝܢ ܘܚܡ̈ܫܼ. ܥܠ ܣܘܠܝܡܢ ܠܒܝܬ ܪ̈ܗܘܡܝܐ. ܘܟܒܫܗܿ ܠܦܠܘܙܢܝܐ. ܘܐܦܩ ܠܥܡܗܿ ܟܠܗ ܒܫܒܝܬܐ. ܡܛܠ ܕܐܪܛܒܣ ܚܬܢܐ ܕܡܠܟܐ ܕܪ̈ܗܘܡܝܐ ܩܘܣܛܢܛܝܢܣ ܐܬܚܙܝ ܛܪܘܢܐ: ܐܚܕ ܠܡܕܝܢܬܐ ܩܘܣܛܢܛܝܢܐ. ܘܐܦ ܩܛܪ ܠܗ ܬܓܐ ܕܡܠܟܬܘܐ ܒܝܕ ܛܪܢܘܬܗ. ܡܛܠ ܕܗܼܘ ܡܠܟܐ ܩܘܣܛܢܛܝܢܣ ܚܝܠܐ ܟܠܗܼ ܠܘܬ ܥܡܐ ܕܒܥ̈ܠܕܒܒܐ ܡܩܕܒ ܗܘܼܐ: ܗܼܘ ܕ݀ܝܢ ܗܢܐ ܛܪܘܢܐ ܐܪܛܒܣܼ. ܫܒܩܗ ܒܗܿ ܒܡܕܝܢܬܐܐ ܐܝܟ ܕܢܛܪܝܗܿ ܥܡ ܚܝܠܐ ܣܓܝܐܐ ܕܡܢ ܦܠܘܙܘܢܝܐ. ܗܢܐ ܕܝܢ ܟܕ ܐܚܕ ܠܡܕܝܢܬܐܼ. ܠܗ ܐܬܦܪܣ ܡܠܟܘܬܐ. ܟܕ ܠܐ ܐܬܕܟܪ ܠܩܝܡܐ ܗܿܘ ܕܐܩܝܡ ܩܕܡ ܡܪܝܐ ܥܡ ܠܐܘܢ. ܗܢܐ ܕܝܢ ܟܕ ܐܚܕ ܠܡܕܝܢܬܐ: ܘܚܝܠܐ ܕܡܠܟܐ ܘܐܦ ܗܼܘ ܡܠܟܐ ܫܼܪܐ ܗܘܐ ܡܢ ܠܒܪ ܥܠܝܗܿ ܕܝܠܗܿ ܕܡܕܝܢܬܐ: ܘܚܝܠܐ ܟܠܗ

Page 172

ܕܝܠܗܿ ܕܦܠܘܙܘܢܝܐ ܡܩܪܒ ܡܢ ܠܓܘ ܠܘܩܒܠ ܡܠܟܐܼ. ܥܠ ܣܘܠܝܡܢ. ܘܫܠܼܚ ܠܗ ܠܐܘܢܼ ܕܠܘܬܝܼ ܠܐ ܬܿܐܬܐ. ܕܠܐ ܒܝܫܐܝܬ ܬܦܠܛ ܡܢ ܒܝܬ ܐܝܕ̈ܝ: ܐܠܐ ܙܠ ܠܦܠܘܙܘܢܝܐ. ܘܫܒܝܼ ܘܣܒܼ. ܘܥܒܕ ܐܝܟ ܕܪܓܐ ܢܦܫܟ. ܡܛܠ ܕܠܝܬ ܐܢܫ ܕܢܩܘܡ ܩܕܡܝܟ. ܘܗܟܢܐܐܙܠ ܘܫܒܐ ܘܒܙܘ ܐܝܟ ܪܓܬܗ. ܘܐܦܼܩ ܡܕܡ ܕܠܐ ܐܦܼܩ ܐܢܫ ܐܚܪܢ ܐܟܘܬܗ ܡܢ ܡܬܘܡ. ܠܗ ܕܝܢ ܠܛܪܘܢܐܼ ܐܚܕܗ ܠܐܘܢ ܘܥܘܪ ܥܝ̈ܢܘܗܝ. ܘܐܦ ܠܚܝܠܗ ܗܿܘ ܕܥܡܗܼ. ܫܼܕܐ ܡܢ ܓܙܝܬܐ.

ܫܢܬ ܐܠܦܐ ܘܐܪ̈ܒܥܝܢ ܘܫ̈ܬܼ. ܥܠ ܡܠܝܟ ܒܪ ܫܒܝܒ ܐܡܝܪܐ ܕܡܠܝܛܝܢܐ. ܘܥܒܕܠܗ ܐܠܒܛܠ. ܘܢܩܫ ܥܠ ܣܘܢܕܐ. ܘܟܕ ܗܢܘܢ ܫܪܝܢ ܒܡܓܪܐ ܕܝܠܗܿ ܕܣܘܢܕܐܼ. ܐܬܟܢܫ ܥܠܝܗܘܢ ܚܝ̈ܠܘܬܐ ܣ̈ܓܝܐܐ ܘܕܠܐ ܡܢܝܢ. ܘܕܢܥܒܕܘܢ ܡܢܗܘܢ ܢܩܡܬܐܿ ܗܿ ܕܥܼܒܕ ܛܝ̈ܝܐ ܩܕܡ ܫܢܬ ܒܦܠܘܙܘܢܝܐ. ܘܟܕ ܕܝܢ ܫܪܝܢ ܗܘܘ ܗܠܝܢ ܛܝ̈ܝܐ ܕܠܐ ܪܢܝܐ: ܕܗܿܘܝܢ ܐܝܟ ܚܡ̈ܫܝܢ ܐܠܦܝ̈ܢ܆ ܡܢ ܫܠܝ ܟܪܟܘ ܐܢܘܢ ܪ̈ܗܘܡܝܐ ܡܢ ܟܠܗܘܢ ܓܒܝ̈ܢ. ܘܚܪܒܘ ܐܢܘܢ ܠܟܠܗܘܢ ܒܦܘܡܐ ܕܣܝܦܐ. ܘܐܠܐ ܐܢ ܕܠ̈ܝܠܐ ܠܐ ܦܫ ܡܢܗܘܢ ܒܝܕ ܕܪܟܢ ܝܘܡܐ ܠܛܒܥ. ܘܐܦ ܗܠܝܢ ܟܕ ܡܡܚܝܢ ܒܣ̈ܝܦܐ ܘܡܚܐ ܘܒܩܫ̈ܬܐ. ܘܗܟܢܐ ܥܪܩ ܘܐܬܘ ܠܠܝܐ ܗܿܘ ܟܠܗ. ܟܕ ܠܡܚܣܢ ܢܦܼܩ ܡܢܗܘܢ ܐܝܟ ܚ̈ܡܫܐ ܐܠܦ̈ܝܢ ܡܢ ܚ̈ܡܫܝܢ ܐܠܦ̈ܝܢ ܕܥܠܘ. ܘܐܦ ܗܢܼܘܢ ܪ̈ܝܫܢܝܗܘܢ ܥܡܗܘܢ ܢܦܠ ܒܚܪܒܐ. ܐܝܟܢܐ ܕܠܐ ܡܡܬܘܡ ܣܼܠܩ ܪܘܓܙܐ ܒܛܝ̈ܝܐ ܐܝܟ ܗܢܐ.܀ ܒܗܢܐ ܕܝܢ ܙܒܢܐ ܐܬܚܙܝ ܡܛܥܝܢܐ ܚܕ ܒܐܪܥܐ ܕܡܥܪܒܐ. ܘܠܣܓܝ̈ܐܐ ܡܢ ܝܗܘ̈ܕܝܐ ܐܛܥܝ ܐܦ ܐܘܒܕ.. ܣܛܢܐ ܗܿܘ ܕܡܢ ܫܘܪܝܐ ܡܘܒܕܢܐ ܘܡܐܒܫܢܐ ܐܝܬܘܗܝ ܠܘܩܒܠ ܟܠܗܘܢ ܝ̈ܠܕܘܗܝ ܕܐܕܡ: ܐܝܟܢܐ ܕܠܘ ܒܠܚܘܕ ܠܘܩܒܠ ܚܕ ܥܡܐ ܐܘ ܚܕ ܠܫܢܐ ܠܚܝܡܐ ܗܪܬܗ܇ ܘܠܘܩܒܠ ܚܕ ܠܐܼ. ܐܠܐ ܠܘܩܒܠ ܟܠܗܘܢ

Page 173

ܫܘܝܐܝܬ. ܕܟܠ ܚܕ ܚܕ ܡܢ ܥܡ̈ܡܐ ܐܘ ܡܢ ܠܫܢ̈ܐܼ. ܒܗܿܘ ܡܕܡ ܕܗܼܘ ܕܝܕܥ ܕܐܝܬ ܠܗ ܪܚܡܬܐܼ݂ ܒܗ ܗܿܘܐ ܠܗ ܛܘܥܝܝ. ܡܢ ܣܘܥܪ̈ܢܘܗܝ ܢܣܝܒ ܫܡܗ ܕܣܛܢܐ ܕܡܬܦܫܩ ܣܛܢܐܼ ܣܩܘܒܠܝܐ. ܗܢܐ ܠܐ ܐܡܢ ܐܘ ܫܼܠܐ ܡܢ ܕܕܠܿܚ ܐܘ ܡܿܛܥܐ ܠܟܠܗܘܢ ܥܡ̈ܡܐ ܒܟܠܗܘܢ ܕܪ̈ܐ. ܟܕ ܠܐ ܡܬܩܛܥܐ ܠܗ ܐܘ ܫܠܿܐ ܡܢ ܒܝܗܫܬܗ ܩܕܡ̈ܝܬܐ: ܗܠܝܢ ܕܠܘܬ ܪܝܫ ܛܘܗܡܢ ܐܣܛܢܥ ܠܡܐܒܫܘ.܀ ܒܗܢܐ ܕܝܢ ܙܒܢܐ ܐܕܝܠ ܡܢ ܐܪܥܐ ܕܓܙܝܪܬܐܼ. ܓܒܪܐ ܚܕ ܡܢ ܐܪܥܐ ܕܡܪܕܐܿ ܡܢ ܩܪܝܬܐ ܕܫܡܗܿ ܦܠܢܝܬ. ܘܐܥܒܪܗ ܠܐܪܥܐ ܕܡܥܪܒܐ ܠܒܝܬ ܫܡܪ̈ܝܐ. ܘܗܘܼܬ ܠܗ ܡܥܠܢܘܬܐ ܠܒܝܬ ܝܗܘܕܝܐ ܚܕ ܪܒܐ. ܘܟܕ ܥܐܠ ܚܒܠܗܿ ܠܒܪܬܗ ܘܕܝܗܘܕܝܐ ܗܿܘ. ܘܟܕ ܐܪܓܫ ܗܢܘܢ ܝܗܘܕ̈ܝܐ ܒܗܕܐܼ. ܡܚܘܗܝ ܠܡܘܬܐ. ܟܕ ܫܢ̈ܕܐ ܣܓܝ̈ܐܐ ܐܥܒܪ ܥܠܘܗܝ: ܡܛܠ ܕܟܪܣܛܝܢܐ ܐܝܬܘܗܝ ܗܘܐ. ܟܕ ܕܝܢ ܗܘܼܬ ܠܗ ܥܠܬܐ ܘܦܠܛ ܡܢ ܐܝܕܝ̈ܗܘܢܼ. ܣܡ ܠܒܗ ܥܠܝܗܘܢ ܠܟܠܗܝܢ ܒܝ̈ܫܬܐ. ܘܢܚܬ ܘܐܙܠ ܠܐܪܥܐ ܕܒܝܬ ܐܪ̈ܡܝܐܿ. ܐܝܕܐ ܕܒܟܠܗܝܢ ܒܝ̈ܫܬܐ ܕܚܪܫܘܬܐ ܡܢܡܪܐ. ܘܝܗܼܒ ܢܦܫܗ ܠܚܪܫܘܬܐ ܘܠܟܠܗܝܢ ܨܢ̈ܥܬܗ ܕܐܟܠܩܪܣܐ. ܘܐܬܢܦܩ ܒܟܠܗܝܢ ܒܝ̈ܫܬܐ ܘܐܬܓܡܪ ܒܗܝܢ. ܘܗܟܢܐ ܢܦܼܩ ܘܣܠܼܩ ܠܗܿ ܠܐܪܥܐ ܗܿܝ. ܟܕ ܐܡܿܪ ܩܕܡܝܗܘܢܼ ܕܐܢܐ ܐܝܬܝ ܡܘܫܐܼ ܗܿܘ ܕܡܢ ܩܕܝܡ ܐܦܼܩ ܠܐܝܣܪܐܝܠ ܡܢ ܡܨܪܝܢܿ. ܘܗܼܘܐ ܥܡܗܘܢ ܒܝܡܐ ܘܒܕܒܪܐ ܘܠܡܦܩܘ ܐܢܘܢ ܠܡܕܒܪܐܼ. ܘܗܝܕܝܢ ܐܥܠܘ ܐܢܘܢ ܡܢܕܪܝܫ ܠܡܘܪܬܘ ܐܢܘܢ ܐܪܥܐ ܗܕܐ ܕܡܘܠܟܢܐ. ܐܝܟܢܐ ܕܐܦ ܩܕܡ ܝܪܬܘܗܿ. ܟܕ ܐܦ ܐܘ[]ܢܘܢ ܡܪܝܐ ܠܟܠܗܘܢ ܥܡܡ̈ܐ ܗܠܝܢ ܕܒܗܿ ܡܢ ܩܕܡ ܐܒܗܝ̈ܟܘܢܼ. ܗܢܐ ܗܫܐ ܡܘܒܕ ܠܟܠܗܘܢ ܩܕܡܝܟܘܢ. ܘܬܥܠܘܢ ܘܬܪܬܘܢܝܗܿ ܐܝܟ ܕܡܢ ܩܕܝܡ.

Page 174

ܘܢܬܟܢܫܘܢ ܟܠܗܘܢ ܡܒܕܪ̈ܐ ܕܐܝܣܪܐܝܠ: ܐܝܟ ܕܟܬܝܒܼ ܕܠܡܒܕܪ̈ܐ ܕܐܝܣܪܐܝܠ ܡܟܢܫ. ܘܟܕ ܒܝܕ ܗܠܝܢ ܒܢ̈ܬ ܩܠܐܼ ܡܫܡܥ ܗܘܐ ܠܗܘܢ ܟܠܝܘܡ: ܘܒܚܪ̈ܫܘܗܝ ܬܘܒ ܒܟܠܙܒܢ ܠܗܘܢ ܡܬܡܗ ܗܘܐܼ. ܛܥܘ ܒܬܪܗ ܟܠܗܘܢ. ܘܟܕ ܒܙܒܢ ܒܛܘܪ̈ܐ ܡܟܪܟ ܗܘܼܐ ܠܗܘܢ. ܘܐܦ ܡܢ ܫܢ̈ܬܐ ܠܗܘܢ ܡܦܪܚ ܗܘܐܼ ܘܩܛܠ. ܘܒܙܒܢ ܬܘܒ ܒܡܥܪ̈ܐ ܘܒܦܥܪ̈ܐ ܕܐܪܥܐ ܚܿܒܫ ܠܗܘܢ ܘܡܘܒܕ. ܘܕ ܒܝ̈ܫܬܐ ܪܘܪ̈ܒܬܐ ܐܣܒܠ ܐܢܘܢܼ. ܘܥܡܐ ܣܓܝܐܐ ܩܛܠ ܘܐܘܒܕ ܡܢܗܘܢ: ܘܐܦ ܕܗܒܐ ܕܠܐ ܣܟܐ ܫܩܠ ܡܢܗܘܢ. ܒܝܕ ܚܪ̈ܫܘܗܝ ܘܒܝܕ ܛܥܝܘܬܗ: ܟܕ ܟܠ ܡܣܒܪ ܠܗܘܢ ܕܡܫܢܐ ܠܗܘܢ ܠܡܕܒܪܐ. ܘܟܕ ܣܒܼܥ ܡܢ ܒܝܗܫܬܐ ܕܟܘܠ ܝܘܡܐ ܠܗܘܢ ܡܣܒܠ ܗܘܐ: ܒܝܕ ܚܪ̈ܫܘܗܝܼ. ܐܛܥܝ ܒܗܘܢ ܘܫܩܠ ܟܠܗ ܕܗܒܐ ܘܩܢܝܢܐ ܘܥܒܕ̈ܐ ܗܠܝܢ ܕܩܢܐ ܡܢܗܘܢܼ݂ ܘܥܪܩ ܐܬܼܐ ܠܒܝܬܗ. ܗܢܘܢ ܕܝܢ ܟܕ ܐܥܗܕ ܢܦܫܗܘܢܼ ܘܚܼܙܘ ܠܒܝ̈ܫܬܐ ܐܝܠܝܢ ܕܐܣܬܥܪ ܡܢܗ ܒܗܘܢܼ. ܢܦܩ ܟܠܗܘܢ ܒܬܪܗ ܠܐܪ̈ܒܥ ܦܢ̈ܝܢ. ܟܕ ܡܫܐܠܝܢ ܘܡܥܩܒܝܢ ܥܠܘܗܝ. ܘܟܕ ܐܫـ[ـܟـ]ـܚܘܗܝ ܘܐܦ ܐܘܒܠܘܗܝ ܠܘܬ ܗܝܫܡ ܐܡܝܪܐ ܕܡܗܝ̈ܡܢܐܼ. ܝܗܒܗ ܠܗܘܢ. ܘܟܕ ܒܟܘܠ ܫܢ̈ܕܐ ܘܐܘ̈ܠܨܢܐ ܐܫܬܢܕ ܒܗܼ. ܠܚܪܬܐ ܙܩܦܘܗܝ ܥܠ ܩܝܣܐܼ ܘܡܝܬ. ܘܐܗܦܟ ܠܗ ܡܪܝܐ ܦܘܪܥܢܐ ܐܟܡܐ ܕܙܿܕܩ ܠܗ.

ܫܢܬ ܐܠܦܐ ܘܐܪܒܥܝܢ ܘܫܒܥܼ. ܡܪܕ ܥܬܝܩ ܘܢܦܩ ܒܚܪܪܝܘܬܐ. ܟܕ ܕܝܢ ܗܢܐ ܥܬܝܩ ܡܪܕ ܘܢܦܩ ܒܚܪܪܝܘܬܐ܇ ܐܝܟ ܡܐ ܕܐܝܬ ܥܝܕܐ ܠܛܝ̈ܝܐ ܕܢܦܩܘܢ. ܟܕ ܡܛܠܩܝܢ ܢܫܝ̈ܗܘܢ ܘܟܠ ܕܩܢܝܢ܇ ܥܒܼܕ ܐܦ ܗܢܐܼ. ܘܢܦܼܩ ܠܬܚܬ ܡܢ ܫܝܓܪ܇ ܗܼܘ ܘܥܣܪ̈ܝܢ ܚܒܪ̈ܘܗܝ. ܘܟܕ ܕܝܢ ܐܪܓܫ ܒܗ ܗܝܫܡܼ. ܫܠܚ ܠܩܠܝܘ ܘܠܙܘܗܝܪ. ܕܗܢܘܢ ܗܘܘ ܪ̈ܝܫܝ ܦܪ̈ܫܐ ܕܒܫܝܓܪ: ܕܢܦܩܘܢ ܥܠܘܗܝ ܠܩܪܒܐ.

Page 175

ܗܠܝܢ ܕܝܢ ܟܕ ܩܒܠ ܦܘܗܕܢܐܼ ܟܢܫ ܠܗܘܢ ܚܝܠܐ ܣܓܝܐܐ ܘܢܦܩ ܒܬܪܗ. ܘܟܕ ܐܕܪܟܘܗܝ ܒܡܕܒܪܐ ܗܿܘ ܕܝܠܗܿ ܕܫܝܓܪܼ. ܒܥܼܐ ܡܢܗܘܢ ܕܢܓܪܘܢ ܥܕ ܗܘܿܐ ܨܦܪܐܼ ܘܢܩܪܒܘܢ ܗܝܕܝܢ ܥܡ ܚ̈ܕܕܐ. ܗܢܼܘܢ ܒܝܕ ܕܗܘܿܝܢ ܗܘܘ ܚܝܠܐ ܣܓܝܐܐ: ܘܗܠܝܢ ܙܥܘܪ̈ܝ ܒܡܢܝܢܐ ܐܝܬܝܗܘܢ ܒܣܪ ܥܠܝܗܘܢ. ܘܬܘܒ ܕܐܬܩܫܝ ܥܠܝܗܘܢ ܨܗܝܐ. ܡܛܠ ܕܚܣܪܝܢ ܗܘܘ ܡܝ̈ܐ ܒܕܒܪܐ ܗܿܘ. ܘܐܦ ܗܼܘ ܝܘܡܐ ܩܪܝܒ ܗܘܐ ܠܡܪܟܢ. ܘܟܕ ܒܟܠܗܝܢ ܫܛܘܗܝ. ܥܬܩ ܕܝܢ ܒܝܕ ܕܒܪܐ ܚܝܠܬܢܐ ܐܝܬܘܗܝ ܗܘܐ: ܘܐܦ ܗܠܝܢ ܕܠܘܝܢ ܗܘܘ ܠܗܼ. ܒܨܢܥܬܐ ܣܥܪܗܿ ܠܗܕܐ ܠܘܬܗܘܢ. ܟܕ ܚܫܟܘ ܘܐܦ ܐܟܠ ܘܐܫܬܝ ܘܕܡܟ ܗܠܝܢ ܕܠܐ ܪܢܝܐ: ܙܿܝܢ ܥܬܝܩ ܘܚܒܪ̈ܘܗܝ ܢܦܫܗܘܢܼ ܘܢܦܼܠ ܒܗܘܢ ܒܡܛܪܬܐ ܩܕܡܝܬܐ ܕܠܠܝܐ. ܘܚܪܒ ܐܢܘܢ ܠܟܠܗܘܢ. ܟܕ ܣܡ ܡܪܝܐ ܚܪܒܗ ܕܓܒܪܐ ܒܚܒܪܗ. ܟܕ ܘܐܝܟ ܦܣܘ̈ܠܐ ܘܐܝܟ ܕܒܪ̈ܝ ܦܕܢܐ ܒܚܩܠܐ ܥܒܪܝܢ ܗܘܘ ܒܗܘܢ ܗܠܝܢ ܕܒܝܬ ܥܬܝܩ. ܘܐܠܐ ܐܢ ܕ̈ܠܝܠܐ ܡܢܗܘܢ ܕܪܟܒ ܥܠ ܪ̈ܟܫܐ ܩ̈ܠܝܠܐ ܘܥܪܩܘ܆ ܠܐ ܦܫ ܡܢܗܘܢ ܐܢܫ ܕܠܐ ܚܪܒܘܗܝ ܒܦܘܡܐ ܕܣܝܦܐ. ܘܐܦ ܗܠܝܢ ܪ̈ܝܫܝ ܚܝ̈ܠܘܬܐ ܩܘܠܝܘ ܘܙܘܗܝܪ ܢܦܼܠ ܥܡ ܩ̈ܛܝܠܐ ܗܠܝܢ ܒܚܪܐ.

ܫܢܬ ܐܠܦܐ ܘܚܡܫ̈ܝܢ ܘܬܪ̈ܬܝܢ܆ ܡܝܬ ܠܐܘܢ ܡܠܟܐ ܕܪ̈ܗܘܡܝܐ: ܕܐܡܠܟ ܫܢ̈ܝܐ ܥܣܪ̈ܝܢ ܘܚ̈ܡܫ. ܘܐܡܠܟ ܒܬܪܗ ܩܘܣܛܢܛܝܢܘܣ ܒܪܗܼ. ܫܢ̈ܝܐ ܬܠܬܝܢ ܘܚ̈ܡܫ.܀ ܒܗܢܐ ܕܝܢ ܙܒܢ ܐܗܘܼܐ ܓܝܫܪܐ ܗܿܘ ܕܠܘܩܒܠ ܩܠܢܝܩܘܣܼܿ. ܕܐܝܬ ܥܠ ܦܪܬܼ ܡܢ ܗܝܫܡ ܡܠܟܐ.

ܫܢܬ ܐܦܠܐ ܘܚܡܫ̈ܝܢ ܘܬܠ̈ܬܼ. ܗܘܼܐ ܪܥܠܐ ܪܒܐ ܘܬܩܝܦܐ ܒܝܘܡ ܚܕܒܫܒܐ. ܘܗܟܢܐ ܢܗܼܡ ܟܠܗ ܠܠܝܐ ܕܝܠܗ ܕܚܕܒܫܒܐܼ. ܒܕܡܘܬܐ ܕܩܠܐ ܬܩܝܦܐ ܕܬܘܪܐ

Page 176

ܟܕ ܓܥܿܐܼ ܡܫܬܡܥ ܗܘܐ ܩܠܐ ܗܿܘ. ܘܟܕ ܥܕܢܐ ܗܘܼܐ ܕܩܘܪܒܐ: ܘܥܡܐ ܟܠܗ ܥܼܠ ܠܥܕܬܐܼ. ܢܦܠܬ ܥܕܬܐ ܕܡܪܩ. ܘܟܒܫܬ ܠܥܡܐ ܟܠܗ ܕܒܓܘܗܿ: ܡܢ ܩܫܝܘܬܗ ܘܥܙܝܙܘܬܗ ܕܙܘܥ ܕܗܘܼܐ ܡܢ ܫܠܝ. ܘܠܐ ܦܠܛ ܐܢܫ ܡܢܗܿ ܒܚܝ̈ܐ: ܐܠܐ ܟܗܢܐ ܗܿܘ ܕܡܩܪܒ ܗܘܐ ܒܗܿ ܩܘܪܒܢܐ ܒܥܕܢܐ ܗܿܘ. ܘܐܦ ܬܠܐ ܗܿܘ ܕܥܠܘܗܝ ܒܢܝܐ ܥܕܬܐ ܕܝܠܗܿ ܕܡܪܩܼ ܗܘܼܐ ܟܕ ܓܥܿܐ ܐܦ ܢܗܿܡ ܐܝܟ ܬܠ̈ܬܝܢ ܝܘ̈ܡܝܢ.

ܫܢܬ ܐܠܦܐ ܘܚܡܫܝ̈ܢ ܘܐܪ̈ܒܥܼ. ܐܬܥܩܪ ܓܝܫܪܐ ܪܒܐ ܕܥܠ ܕܩܠܬ ܕܨܝܕ ܐܡܕ. ܡܛܠ ܓܝܪ ܣܬܘܐ ܩܫܝܐ ܕܗܘܼܐ: ܘܒܝܕ ܬܠܓܐ ܬܩܝܦܐ ܕܢܼܚܬ ܡܢ ܫܡܝܐ ܘܟܫܐ ܥܠ ܐܪܥܐ ܕܠܐ ܒܙܥܘܪ܇ ܝܘ̈ܡܬܐ ܣܓܝ̈ܐܐ ܥܕܡܐ ܕܩܪܝܒ ܗܘܼܐ ܟܠ ܒܣܪ ܠܡܐܒܕ. ܝܬܝܪܐ ܚܝܘ̈ܬܐ ܘܦܪ̈ܚܬܐ ܟܠܗܝܢ ܐܒܕܘ ܒܗܼ. ܘܡܢ ܒܬܪܟܝܢ ܗܘܼܐ ܬܘܒ ܐܐܪ ܩܫܝܐ ܘܥܙܝܙܐ ܘܪ̈ܗܘܚܐ ܘܡܛܪܐ ܝܘ̈ܡܬܐ. ܘܦܫܪ ܬܠܓܐ܇ ܘܐܪܘܬ ܐܪܥܐ ܡܢ ܡܝ̈ܐ ܣܓܝ̈ܐܐ ܕܢܚܼܬ ܥܠܝܗܿ. ܘܡܢ ܬܠܓܐ ܬܘܒ. ܘܗܼܘܘ ܫܓܡ̈ܐ ܣܓܝ̈ܐܐ ܒܟܠܗܘܢ ܢܗܪ̈ܘܬܐܼ. ܝܬܝܪܐܝܬ ܒܕܩܠܬ. ܘܗܘܐܼ ܒܗܿ ܡܠܝܐ ܪܒܐ ܘܫ̈ܦܥܐ ܬܩ̈ܝܦܐ. ܘܐܘܒܕ ܒܢܝ̈ܢܫܐ ܣ̈ܓܝܐܐ. ܘܐܦ ܚܒܠ ܕܘܟܝ̈ܬܐ ܕܠܐ ܡܢܝܢ. ܐܬܼܐ ܒܗ ܐܦ ܩܝܣܐ ܪܒܐܼ. ܘܗܟܢܐ ܬܩܝܦ ܗܘܐ ܘܩܫܝܐܼ. ܐܝܢܐ ܕܐܦ ܓܝܫܪܐ ܪܒܐ ܕܥܠ ܓܒ ܐܡܕ܇ ܩܬܘ ܒܗ ܩܝܣ̈ܐ ܪܘܪ̈ܒܐ ܕܓܘܙܐ܇ ܘܟܫܘܗܝ ܚܕ ܥܠ ܚܕ ܥܕܡܐ ܠܚ̈ܡܫܐ ܘܠܫ̈ܬܐ ܡܝ̈ܠܐ ܠܥܠ ܡܢܗ. ܘܗܟܢܐ ܡܢ ܥܙܝܙܘܬܗ ܘܩܫܝܘܬܗ ܕܩܝܣܐܼ ܘܚܝܠܐ ܕܡܡܘܠܐ ܗܿܘܼ. ܐܫܬܪܝ ܓܝܫܪܐ ܗܿܘ ܘܐܣܬܚܦ ܩܕܡ ܡܝ̈ܐ. ܘܡܢ ܗܝܕܝܢ ܠܐ ܬܘܒ ܐܬܒܢܝ. ܡܛܠ ܕܟܼܢܫ ܗܝܫܡ ܩܠܓܪ̈ܐ ܘܐܘ̈ܡܢܐ ܘܟܠܗܿ ܥܒܝܕܬܐ ܠܒܢܝܢܗ. ܘܟܕ ܡܣܪܗܒ ܕܢܒܢܝܘܗܝ ܐܕܪܟ ܩܨܗ ܘܦܫ.܀ ܒܗܢܐ ܕܝܢ ܙܒܢܐ

Page 177

ܐܫܬܒܝܬ ܐܦ ܐܘܪܗܝ. ܢܗܪܐ ܕܝܢ ܐܝܢܐ ܕܡܬܩܪܐ ܕܝܨܢ. ܗܿܘ ܕܥܿܒܪ ܒܗܿ ܒܡܕܝܢܬܐ ܐܘܪܗܝ܆ ܗܘܼܐ ܒܗ ܫܓܡܐ ܪܒܐ ܘܬܩܝܦܐܼ. ܘܥܠܘܢ ܡܝ̈ܐ ܪܘܪ̈ܒܐ ܘܐܣܬܟܪ ܡܿܦܩܢܐ ܕܡ̈ܝܐ ܕܐܝܬ ܒܫܘܪܐ ܒܓܒܐ ܡܕܢܚܝܐ. ܘܚܒܘܗܝ ܡܝ̈ܐ ܘܗܦܟ ܠܒܣܬܪܗܘܢܼ ܘܣܠܩ ܘܫܦܥ ܒܒܫܘ̈ܩܐ ܕܝܠܗܿ ܕܡܕܝܢܬܐ. ܘܚܒܠ ܟܠܗ ܥܒܕܐ ܕܚܢܘ̈ܝܐ. ܘܐܦ ܒ̈ܬܐ ܣ̈ܓܝܐܐ ܢܦܠ ܒܗ. ܘܡܛܠ ܕܒܐܝܡܡܐ ܗܼܘܐܼ ܒܢܝ̈ܢܫܐ ܠܐ ܐܬܚܒܠ ܒܗ ܒܗܿܝ ܕܥܪܩ ܘܫܒܩ ܒ̈ܬܝܗܘܢ. ܘܐܦ ܬܪܥ ܡܦܩܢܐ ܕܝܠܗܘܢ ܕܡ̈ܝܐܼ. ܚܘܒ̈ܠܐ ܪܘܪ̈ܒܐ ܥܼܒܕ ܒܟܘܠܗܿ ܦܩܥܬܐ ܕܐܘܪܗܝ ܘܕܚܪܢ.

ܫܢܬ ܐܠܠܦܐ ܘܚ̈ܡܫܝܢ ܘܚܡ̈ܫܼ. ܡܝܬ ܗܝܫܡ ܡܠܟܐ ܕܛܝ̈ܝܐ.. ܘܐܡܠܟ ܘܠܝܕ ܒܬܪܗܼ ܝܪ̈ܚܐ ܬܡ̈ܢܝܐ.܀ ܥܠ ܗܢܐ ܩܡ ܛܪ̈ܘܢܐ ܝܙܝܕ ܘܥܒܣ ܘܐܒܪܗܝܡ ܐܚ̈ܐܼ ܥܡ ܥܒܕܠܥܙܝܙ ܐܚܘܗܘܢ ܒܢ̈ܝ ܚܫܫܼ. ܥܠ ܓܢܒ ܩܘܪܝ ܡܕܝܢܬܐܼ ܘܩܛܠܘܗܝ ܒܚܪܒܐ. ܘܐܡܠܟ ܝܙܝܕ ܒܬܪܗܼ ܝܪ̈ܚܐ ܫ̈ܬܐ. ܐܠܐ ܠܐ ܫܠܡܬ ܠܗ ܐܪܥܐ. ܐܦܠܐ ܣܡ ܥܡ̈ܠܐ ܒܓܙܝܪܬܐ.܀ ܘܡܝܬ ܝܙܝܕ. ܘܠܒܟ ܕܘܟܬܗ ܐܒܪܗܝܡ ܐܚܘܗܝ.܀ ܘܒܗܿ ܒܫܢܬܐ ܩܛܪ ܦܬܢܐ ܒܟܠܗܿ ܐܪܥܐ. ܘܡܛܠ ܛܪܢܘܬܐ ܐܝܕܐ ܕܥܒܼܕ ܥܒܣ ܘܐܚ̈ܘܗܝ ܥܠ ܘܠܝܕ. ܘܩܛܠܘܗܝ ܒܚܪܒܐ: ܘܐܡܠܟ ܟܕ ܠܐ ܙܕܩܐ ܠܗܘܢ ܡܠܟܘܬܐܼ. ܠܐ ܫܠܡ ܠܗܘܢ ܛܝ̈ܝܐ. ܘܝܬܝܪܐܝܬ ܓܙܝܪ̈ܝܐ. ܐܠܐ ܟܠܢܫ ܐܚܕ ܕܘܟܬܗ ܘܐܙܕܗܪ ܒܢܦܫܗ. ܘܩܛܪ ܦܬܢܐ ܘܫܒܝܐ ܒܟܠܗܿ ܐܪܥܐ. ܟܕ ܠܝܬ ܗܘܐ ܕܡܫܒܚ  ܠܡܦܼܩ ܡܢ ܕܘܟܬܗ.

ܥܠ ܨܗܘܝܐ ܘܟܦܢܐ ܪܒܐ ܬܘܒ ܕܐܬܚܙܝ ܒܟܠܗܿ ܐܪܥܐܼ ܒܗ ܒܙܒܢܐ ܗܢܐ. ܒܗܢܐ ܕܝܢ ܙܒܢܐ ܫܕܪ ܡܪܝܐ ܥܠܝܢ ܟܠܗܝܢ ܡܚ̈ܘܬܐ ܒܝ̈ܫܬܐ ܘܡܪܝܪ̈ܬܐ ܕܐܝܬܝܗܝܢ ܗܠܝܢ܆ ܚܪܒܐ ܘܫܒܝܐ ܘܟܦܢܐ ܘܡܘܬܢܐ. ܡܛܠ ܚܛܗ̈ܝܢ ܘܒܝܫ̈ܬܐ ܕܥܒܼܕ ܐܝܕ̈ܝܢ. ܐܢ ܢܩܘܡ ܠܡ ܡܘܫܐ

Page 178

ܘܫܡܘܐܝܠ ܩܕܡܝܼ ܠܐ ܨܒܝܐ ܢܦܫܝ ܠܡ ܒܥܡܐ ܗܢܐ. ܐܦܩ ܐܢܘܢ ܡܢ ܩܕܡܝܼ ܘܢܦܩܘܢ. ܘܐܢ ܢܐܡܪܘܢ ܠܟ ܠܐܝܟܐ ܢܦܘܩܼ. ܗܟܢܐܐܡܿܪ ܡܪܝܐ: ܕܠܡܘܬܐ ܠܡܘܬܐ܇ ܘܕܠܚܪܒܐ ܠܚܪܒܐ. ܘܕܠܟܦܢܐ ܠܟܦܢܐ ܘܕܠܫܒܝܐ ܠܫܒܝܐ. ܘܐܦܩܘܕ ܥܠܝܗܘܢ ܐܪ̈ܒܥ ܡ̈ܚܘܢ ܐܡܿܪ ܡܪܝܐ: ܚܪܒܐ ܠܡܩܛܠ. ܘܟ̈ܠܒܐ ܠܡܓܪ. ܘܦܪܚܬܐ ܕܫܡܝܐ ܘܚܝܘܬܐ ܕܐܪܥܐ ܠܡܐܟܠ ܘܡܚܒܠܘ. ܘܐܬܠ ܐܢܘܢ ܠܙܘܥܬܐ. ܗܠܝܢ ܗܿܘ ܥܬܝܪ ܒܓܠܝܢܐ ܐܪܡܝܐ ܫܒܼܩ ܠܢ. ܘܬܘܒ ܗܼܘ ܟܕ ܗܼܘ ܐܡܿܪ: ܨܘܚܝܬܗܿ ܕܐܘܪܫܠܡ ܣܠܩܬ ܠܡ ܩܕܡܝ. ܪܘܪ̈ܒܢܝܗܘܢ ܫܕܪ ܒܨܝܪ̈ܝܗܘܢ ܠܡܝ̈ܐ. ܐܬܘ ܠܓܘ̈ܒܐ ܘܠܐ ܐܫܟܚܘ ܡܝ̈ܐ. ܗܦܟ ܡܐܢ̈ܝܗܘܢ ܣܪܝܩܐܝܬ. ܒܗܬܘ ܘܐܬܬܟܣܘ ܘܚܦܝܘ ܪ̈ܝܫܝܗܘܢ. ܡܛܠ ܥܒܕ̈ܝܗܿ ܕܐܪܥܐ ܠܐ ܗܼܘܐ ܡܛܪܐ. ܒܗܬܘ ܐܟܪ̈ܐ ܘܚܦܝܘ ܪ̈ܝܫܗܘܢ. ܘܐܦ ܐܝ̈ܠܬܐ ܒܕܒܪܐ ܝܠܼܕܘ ܘܫܒܩ ܒܢܝ̈ܗܝܢ. ܡܛܠ ܕܠܐ ܗܘܐ ܬܕܐܐ. ܘܥܪ̈ܕܐ ܩܡ ܥܠ ܫ̈ܒܝܠܐ. ܣܩܘ ܪܘܚܐ ܐܝܟ ܝܪܘܪ̈ܐ. ܚܫܟ̈ܝ ܥܝܢܝ̈ܗܘܢܼ. ܡܛܠ ܕܠܝܬ ܥܣܒܐ. ܫܪܝܪܐܝܬ ܟܠܗܝܢ ܐܝܠܝܢ ܕܡܠܠܘ ܢܒܝܐ ܐܬ̈ܝ ܠܫܘܠܡܐ ܒܙܒܢܐ ܗܢܐ. ܗܐ ܚܪܒܐ ܕܚܝ̈ܠܘܬܐ ܕܛܝܝ̈ܐ ܕܥܒܪ ܒܚ̈ܕܕܐ: ܕܐܪܘܝܘ ܠܐܪܥܐ ܡܢ ܕܡܗܘܢ. ܘܦܪ̈ܚܬܐ ܘܚܝ̈ܘܬܐ ܐܦ ܟܠ̈ܒܐ ܣܒܼܥ ܡܢ ܒܣܪܗܘܢ. ܘܐܦ ܫܒܘ ܒܢܝ̈ܢܫܐ ܠܚ̈ܕܕܐ. ܘܥܠ ܥܠܝܗܘܢ ܬܘܒ ܡܘܬܢܐ. ܐܝܟܐܢ ܕܐܢ ܢܦܘܩ ܐܢܫ ܠܕܒܪܐ ܬܟܠܝܘܗܝ ܚܪܒܐ: ܘܕܒܝܬܐ ܗܼܘ ܢܬܬܚܕ ܒܡܘܬܢܐ ܘܒܟܦܢܐ . ܘܡܢ ܟܘܠ ܓܒܝ̈ܢ ܐܘ̈ܠܨܢܐ ܘܡܪܪܐ ܡܫܬܡܥ ܗܼܘܐ. ܠܘܩܕܡ ܡܛܪܐ ܐܝܢܐ ܕܐܝܟ ܥܝܕܐ ܒܣܬܘܐ ܥܠ ܐܪܥܐ ܢܚܿܬ ܗܘܐܼ ܐܬܟܠܝ ܘܠܐ ܢܚܼܬ. ܘܙܪܥܐ ܟܠܗ ܐܝܒܫ. ܟܕ ܐܦܠܐ ܡܥܐ ܐܝܥܐ ܣܟܗ. ܘܗܼܘܐ ܟܦܢܐ ܪܒܐ ܒܟܠܗܿ ܐܪܥܐ. ܥܕܡܐ ܕܩܡ ܚ̈ܛܐܿ. ܬܡܢ̈ܝ ܩܦ̈ܝܙܐ ܒܕܝܢܪܐ

Page 179

ܘܐܦ ܫܒ̈ܥܐܼ ܘܠܝܬ. ܘܫܕܪܘܢ ܐܢ̈ܫܐ ܐܚܝ̈ܕܝ ܫܘܠܛܢܐܼ. ܘܟܠ ܐܝܟܐ ܕܐܫܟܚ ܚ̈ܛܐ ܐܢ ܒܒ̈ܬܐ ܘܐܢ ܒܐܪܥܐܼ. ܐܚܕܘ ܐܢܘܢ ܘܛܒܥ ܐܢܝ̈ܢ. ܘܐܬܠܨܘ ܒܢܝ̈ܢܫܐ ܡܢ ܥܠܬ ܟܦܢܐ ܥܕܡܐ ܠܡܘܬܐܿ. ܝܬܝܪܐܝܬ ܡܪ̈ܝ ܥܒܘܪܐ: ܒܗܿܝ ܕܠܐ ܟܒܝܫܝܢ ܗܘܘ ܒܐܘܠܨܢܐ ܕܟܦܢܐ. ܘܐܚܕ ܫܘܠܛܢܐ ܠܚܛܝ̈ܗܘܢ܇ ܘܣܦ ܗܢܼܘܢ ܡܢ ܟܦܢܐ. ܘܡܟܝܠ ܫܘܝܘܬܐ ܕܟܦܢܐ ܐܚܕܬ ܠܡܣܟ̈ܢܐ ܘܠܥܬܝܪ̈ܐ. ܘܐܦ ܗܼܝ ܫܘܝܘܬܐ ܕܝܠܗ ܕܟܦܢܐ ܒܟܠܗܝܢ ܐܪ̈ܥܬܐ ܗܘܼܬ. ܐܝܟܐ ܕܠܝܬ ܗܘܐ ܐܦ ܚܕܐ ܕܘܟܬܐ ܕܣܡܝܟܐ ܗܘܼܬ ܝܬܝܪ ܡܢ ܚܒܪܬܗܿ. ܐܠܐ ܒܟܠܕܘܟ ܐܘܠܨܢܐ. ܐܦ ܚܝ̈ܘܬܐ ܕܕܒܪܐ ܘܕܫܢܐ ܐܟ̈ܠܝ ܥܣܒܐܼ. ܐܒܕ ܡܢ ܒܠܝ ܥܣܒܐ. ܘܗܼܘܐ ܐܘܠܨܢܐ ܪܒܐ ܥܠ ܐܢ̈ܫܐ ܘܥ ܟܠܒܣܪ ܡܢ ܥܠܬ ܟܦܢܐ. ܐܝܢܐ ܕܠܐ ܗܘܼܐ ܐܟܘܬܗ ܒܙܒܢܢ ܐܘ ܕܐܒܗ̈ܝܢ. ܘܐܦ ܥܝ̈ܢܬܐ ܘܡܒܘ̈ܥܐ ܓܙܘ. ܘܢܗܪ̈ܘܬܐ ܐܝܒܫܘ. ܟܕ ܡܘܬܗ ܕܗܝܫܡ ܐܬܚܙܝ ܣܓܝ ܐܘ̈ܠܨܢܐ ܥܠ ܐܥܪܐ. ܘܟܠܗܝܢ ܒܝܫ̈ܬܐ ܐܕܪܟ ܠܢ܇ ܒܝܕ ܚܛܗ̈ܝܢ ܣ̈ܓܝܐܐܿ ܝܬܝܪܐܝܬ ܡܘܬܢܐ ܘܟܦܢܐ.

ܬܘܒ ܥܠ ܡܘܬܢܐ ܪܒܐ ܕܗܘܼܐ ܒܙܒܢܐ ܗܢܐ. ܗܪܟܐ ܛܒ ܚܫܚܘ ܠܢ ܢܒܝܐ ܐܪܡܝܐܿ. ܕܗܼܘ ܝܬܝܪ ܝܿܕܥ ܕܢܐܠܐ ܥܠ ܐܘܠ̈ܨܢܐ ܕܚܕܪܘܢܢ ܡܢ ܟܠ ܓܒܝ̈ܢ. ܡܿܢ ܕܝܢ ܠܡ ܝܗܒ ܪܝܫܝ ܡܗܝܐ ܘܥܝ̈ܢܝ ܡܒ̈ܘܥܐ ܕܕܡܥܬܐܼ. ܒܟܿܝܬ ܕܝܢ ܒܐܝܡܡܐ ܘܒܠܠܝܐ  ܥܠ ܬܒܪܗܿ ܕܒܪܬ ܥܡܝ܀ ܘܬܘܒ ܐܡܿܪ: ܥܠ ܛܘܪ̈ܐ ܐܫܩܘܠ ܒܟܬܐ ܘܐܘܠܝܬܐܼ. ܘܥܠ ܕܝܪ̈ܐ ܕܒܡܕܒܪܐ ܐܘܠܝܬܐ: ܕܨ̈ܕܝ ܡܢ ܒܠܝ ܐܢ̈ܫܐ ܕܥܒܿܪ. ܢܚ̈ܬܢ ܠܡ ܥܝ̈ܢܝܢ ܕܡ̈ܥܐ ܘܒܒ̈ܬܢ ܢܪ̈ܕܝܢ ܡ̈ܝܐ܀ ܡܛܠܗܢܐ ܫܡܥܝ̈ܢ ܢܫ̈ܐ ܦܬܓܡܗ ܕܡܪܝܐܼ. ܘܢܩܒ̈ܠܢ ܐܕܢܝ̈ܟܝܢ ܡܠܬ ܦܘܡܗ.

Page 180

ܘܐܠܦܝ̈ܢ ܒܢ̈ܬܟܝܢ ܐܘ̈ܠܝܬܐ: ܘܐܢܬܬܐ ܠܚܒܪܬܗܿ ܩܝܢܬܐ. ܡܛܠ ܕܣܠܼܩ ܡܘܬܐ ܒܟܘ̈ܝܢ. ܘܥܠ ܣܒܚܪ̈ܬܢܼ ܠܡܘܒܕܘ ܛܠܝ̈ܐ ܡܢ ܫܘ̈ܩܐ ܘܥܠ̈ܝܡܐ ܡܢ ܦ̈ܠܛܘܬܐ. ܢܦ̈ܠܢ ܠܡ ܫܠ̈ܕܝܗܘܢ ܕܒܢܝ̈ܢܫܐ ܐܝܟ ܙܒܠܐ ܥܠ ܐܦ̈ܝ ܐܪܥܐܼ ܘܐܝܟ ܥܡܝܪܐ ܒܬܪ ܚܨܘܕܐܼ. ܘܠܝܬ ܡܟܢܫܢܐ.܀ ܢܐܬܐ ܗܫܐ ܘܢܐܒܟܐ: ܠܘ ܥܠ ܚܕ ܥܡܐ ܒܠܚܘܕ ܐܘ ܥܠ ܚܕܐ ܡܕܝܢܬܐ ܐܘܪܫܠܡܼ. ܐܠܐ ܥܠ ܟܠܗܘܢ ܥܡܡ̈ܐܼ. ܘܐܦ ܥܠ ܡܕܝ̈ܢܬܐ ܣܓܝ̈ܐܬܐ: ܕܪܘܓܙܐ ܒܕܡܘܬܐ ܕܡܥܨܪ̈ܬܐ ܥܒܕ ܐܢܗܝܢ. ܘܕܫ ܘܥܼܨܪ ܒܓܘܗܝܢ ܠܟܠܗܘܢ ܥܡܘܪ̈ܝܗܝܢ ܐܝܟ ܕܠܥܢ̈ܒܐ ܫܦܝܪ̈ܬܐ܇ ܕܠܐ ܚܘܣܢ.. ܥܠ ܐܪܥܐ ܟܠܗܿ: ܕܢܦܼܩ ܦܘܩܕܢܐܐܝܟ ܚܨܘܕܐ ܥܠ ܩܝ̈ܡܬܐܿ. ܘܓܕܡ ܘܐܪܝܡ ܟܠ ܩܘ̈ܡܢ ܘܟܠ ܡܘ̈ܫܚܢ. ܘܟܠ ܬܓܡ̈ܝܢ ܐܟܚܕ ܕܠܐ ܚܘܫܒ.. ܥܠ ܫܠ̈ܕܐ ܕܣܪܝ ܘܐܬܦܪܬܘ ܒܫ̈ܘܩܐ ܕܥܠܡܐ ܟܠܗ: ܘܐܬܫܕܘ ܪܗܠܗܝܢ ܐܝܟ ܡܝ̈ܐ ܒܫܘܩ̈ܐ܇ ܘܠܝܬ ܕܩܿܒܪ.. ܥܠ ܒ̈ܬܐ ܪܘܪ̈ܒܐ ܘܙܥܘܪ̈ܐ ܦܐܝ̈ܐ ܘܪ̈ܓܝܓܐ܇ ܕܗܘܼܘ ܡܢ ܫܠܝ ܩܒܪ̈ܐ ܠܥܡܘܪ̈ܝܗܘܢ. ܘܢܼܦܠ ܒܗܘܢ ܡܢ ܫܠܝ ܥܒܼܕ̈ܐ ܘܡܪ̈ܝܐ ܐܟܚܕܐ: ܘܠܐ ܐܬܦܠܛ ܐܢܫ ܕܢܦܩ ܫܠܕ̈ܝܗܘܢ ܡܢ ܓܘ ܒ̈ܬܐ ܠܒܪ.. ܥܠ ܐܘܪ̈ܚܬܐ ܕܨܕ̈ܝ.. ܥܠ ܩܘܪ̈ܝܣ ܣܓܝ̈ܐܬܐ ܕܐܘܦܝܘ ܥܡܘܪ̈ܝܗܝܢ ܐܟܚܕܐ.. ܥܠ ܣܚܪ̈ܬܐ ܕܢܗ̈ܡܢ ܗ̈ܘܝ ܚܕܐ ܠܘܩܒܠ ܚܕܐ.. ܥܠ ܓܢܘ̈ܢܐ ܡܨܒ̈ܬܐ ܕܟ̈ܠܠܬܐ: ܕܡܢ ܫܠܝ ܡܝ̈ܬܬܐ ܒܗ̈ܝܢ ܐܬܚܙܝܘ.. ܥܠ ܒ̈ܬܘܠܬܐ ܕܡܬܢܛܪ̈ܢ ܗܘ̈ܝܼ ܒܓܘ ܩܝ̈ܛܘܢܐ܇ ܘܡܣܟ̈ܝܢ ܠܚܕܘܬܐ ܕܚ̈ܠܘܠܝܗܝܢ: ܕܡܢ ܫܠܝ ܐܬܬܿܘܒܠ ܠܓܘ ܩܒܪܐ.. ܘܥܠ ܣܓܝ̈ܐܬܐ ܕܐܝܟ ܗܠܝܢ ܕܥܿܒܪ̈ܢ ܠܡܠܬܐ ܘܠܬܫܥܝܬܐ ܕܟܠܗܘܢ ܡܠܝ̈ܠܐ.. ܥܠ ܗܠܝܢ ܡܟܝܠ ܐܝܬ ܗܘܐ ܠܡܒܟܐ ܠܢܒܝܐܼ. ܘܕܢܐܡܪ: ܕܘܝ ܠܝ: ܠܘ ܥܠ ܬܒܪܗܿ ܕܒܪܬ ܥܡܝ. ܐܠܐ ܥܠ ܚܘܒܗܿ ܕܥܡܪܬܐ ܟܠܗܿ: ܘܥܠ

Page 181

ܟܠܗܿ ܬܒܝܠ ܕܒܝܕ ܚܛܗ̈ܝܗܿ ܐܘܒܕܗܿ ܡܘܬܐ ܡܿܢ.. ܘܐܦ ܐܝܬ ܗܘܐ ܠܗ ܠܡܬܚܫܚܘ ܒܡ̈ܠܐ ܕܢܒܝܘܬܐ ܕܟܢ̈ܘܬܗ: ܘܢܐܝܬܐ ܘܢܐܡܪ ܠܘܬ ܫܪܟܐ ܕܐܝܠܝܢ ܕܐܫܬܚܪ. ܕܐܪܩܕ ܘܐܝܠܠܘ ܡܫܡ̈ܫܢܝ ܡܕܒܚܐ܇ ܘܥܘܠ ܒܘܬ ܒܣ̈ܩܐ ܡܫܡܫ̈ܢܘܗܝ ܕܐܠܗܝ: ܠܘ ܕܓܡܪ ܣܡܝܕܐ ܡܢ ܒܝܬܗ ܕܡܪܝܐܼ. ܐܠܐ ܥܠ ܒܢܝ̈ܢܫܐ ܕܐܘܦܝ ܡܢ ܥܠܡܐ.. ܥܡ ܗܝܿ ܕܬܬܒ ܒܐܒܠܐ ܐܪܥܐ ܘܢܐܠܘܢ ܟܠܗܘܢ ܥܡܘܪ̈ܝܗܿ. ܘܩܪܘ ܠܐܠ̈ܝܬܐ ܘܢ̈ܐܬܝܢ ܘܡܪ̈ܩܕܬܐ. ܕܐܒܐ ܐܟܚܕܐ ܢܥܒ̈ܕܢ: ܠܘ ܥܠ ܚܕ ܝܚܝܕܐ ܐܘ ܥܠ ܚܕܐ ܫܠܡܕܐܼ. ܐܠܐ ܥܠ ܥܡ̈ܡܐ ܘܥܠ ܡܠܟܘ̈ܬܐ.. ܡܡܛܘ ܬܡܘܛ ܐܪܥܐ. ܘܡܬܕܠ ܬܘܕܠ ܐܪܥܐ. ܘܡܙܥ ܬܙܘܥ ܐܪܥܐ. ܘܡܬܚܒܠܘ ܬܬܚܒܠ ܐܪܥܐ. ܐܦ ܡܬܒܙܙܘ ܬܒܙܙ ܐܪܥܐ. ܘܬܢܘܕ ܐܝܟ ܥܪܕܠܐ. ܘܢܼܥܫܢ ܥܘܠܗܿ ܥܠܝܗܿ. ܘܬܬܘܒ ܘܬܗܘܐ ܠܝܩܕܢܐ ܐܝܟ ܒܛܡܬܐ ܕܢܬܪ ܛܪ̈ܦܝܗܿ. ܘܐܝܟ ܒܠܘܛܐ ܕܢܼܦܠ ܡܢ ܩܥܪܬܗ. ܗܠܝܢ ܟܠܗܝܢ ܒܗܢܐ ܙܒܢܐ ܫܩܼܠ ܫܘܠܡܐ.. ܙܘ̈ܥܐ ܪܘܪ̈ܒܐ ܘܢܘܕ̈ܐ ܬܩܝ̈ܦܐ܇ ܥܡ ܚܝ̈ܠܘܬܐ ܘܩܪ̈ܒܐ ܘܗܪ̈ܬܐ ܕܛܝ̈ܝܐ ܒܚ̈ܕܕܐ܇ ܕܥܠ ܐܦ̈ܝ ܪܝܫܢܘܬܐ. ܘܐܦ ܟܦܢܐ ܕܐܿܠܨ ܗܘܐ ܠܒܢܝ̈ܢܫܐܼ. ܐܝܟܐܢ ܕܢܕܘܠ ܥܡܐ ܟܠܗ ܬܝܡܢܝܐ ܘܡܕܢܚܝܐ ܡܢ ܐܪܥܗܼ. ܘܢܣܡܟ ܥܠ ܐܪܥܐ ܗܕܐ ܓܪܒܝܝܬܐ ܘܡܥܪܒܝܬܐ.. ܘܐܦ ܦܬܢܐ ܥܡ ܟܠܗܝܢ ܒܝ̈ܫܬܐ܀ ܘܐܫܕܪ ܐܡܿܪ ܢܒܝܐ ܒܬܪܗܘܢܼ. ܚܪܒܐ ܘܫܒܝܐܼ ܘܟܦܢܐ ܐܦ ܡܘܬܢܐ. ܗܠܝܢ ܟܠܗܝܢ ܗܼܘ̈ܝ ܒܝ̈ܘܡܬܢܼ. ܕܠܐ ܒܘܨܪܐ ܕܡܕܡ. ܗܐ ܚܪܒܐ ܕܛܝ̈ܝܐ ܒܚ̈ܕܕܐ. ܘܗܐ ܫܒܝܐ ܕܠܝܬ ܕܡܫܟܚ ܗܘܐ ܠܡܗܠܟܘ ܘܠܐ ܒܙܒܝܙ ܘܫܩܝܠ ܥܿܒܕܗ. ܘܗܐ ܟܦܢܐ ܕܐܿܠܨ ܡܿܢ ܠܓܘ ܘܡܢ ܠܒܪ. ܐܢ ܢܥܘܠ ܐܢܫ ܠܓܘ ܒܝܬܐ ܟܦܢܐ ܘܡܘܬܢܐ ܐܪܥ ܠܗ. ܘܐܢ ܢܦܘܩ ܠܕܒܪܐܼ. ܦܓܥ ܒܗ ܬܘܒ ܚܪܒܐ

Page 182

ܘܫܒܝܐ. ܘܡܟܝܠ ܐܘܠܨܢܐ ܡܪܝܪܐ ܡܢ ܟܠ ܓܒ̈ܝܢ܆ ܘܥܩܬܐ ܚܢܝܓܬܐ ܘܚܫܐ ܡܕܘܕܐ. ܕܪܘܝܢ ܠܡ ܠܐ ܡܢ ܚܡܪܐ ܘܕܛܥܿܝܢܼ ܠܐ ܡܢ ܫܟܪܐ.. ܫܪܝܘ ܒܢܝ̈ܢܫܐ ܛܥܝܢ ܘܟܪܟܝܢ ܡܢ ܡܕܝܢܐ ܠܡܕܝܢܐܼ ܘܡܢ ܐܬܪܐ ܠܚܒܪܗ: ܟܕ ܡܕܘܕܝܢ ܒܕܡܘܬ ܪ̈ܗܘܝܐ ܘܒܥܝܢ ܠܚܡܐܼ ܘܠܝܬ: ܐܝܟ ܕܐܡܼܪ ܢܒܝܐ. ܘܠܘܩܕܡ ܫܪܝܘ ܢܦܠܝܢ ܒܟܘܪܗܢܐ ܕܫܚܛܐ ܘܫܘܚܢܐ. ܘܡܝܿܬܝܢ ܐܝܟ ܕܒܣܘܓܐܐܼ ܪ̈ܝܫܝ ܒ̈ܬܐ. ܘܗܟܢܐ ܟܠܗܘܢ ܝܘ̈ܡܬܐ ܣ̈ܬܘܝܐ ܗܘܼܐ. ܟܕ ܠܐ ܡܡܕܝܢ ܗܘܼܘ ܒܢܝ̈ܢܫܐ ܠܡܩܒܪ ܐܢܘܢ. ܘܫܼܕܝܢ ܒܢܝ̈ܢܫܐ ܒܫ̈ܘܩܐ ܘܒܣ̈ܛܘܐ ܘܒܒܘܪ̈ܓܐ ܘܒܗ̈ܝܟܠܐ ܘܒܟܠܗܝܢ ܕܪ̈ܬܐ: ܘܡܬܢܘܠܝܢ ܡܢ ܩܫܝܘܬܐ ܕܟܘܪܗܢܐ. ܘܡܢ ܥܙܝܙܘܬܐ ܪܒܬܐ ܕܟܦܢܐ. ܐܝܟܐ ܕܣܓܝܐܝܢ ܗܘܘ ܩܛܝ̈ܠܝ ܟܦܢܐ ܡܢ ܩܛܝ̈ܠܝ ܟܘܪܗܢܐ. ܘܗܠܝܢ ܕܐܝܬ ܗܘܼܐ ܠܗܘܢ ܠܚܡܐ ܠܡܣܒܥܼܗܢܼܘܢ ܝܬܝܪܐܝܬ ܐܬܢܘܠ ܒܟܘܪܗܢܐ ܗܢܐ.. ܘܟܕ ܕܝܢ ܫܪܝܘ ܝܘܡ̈ܬܐ ܠܡܫܚܢ ܐܬܓܠܝ ܫܪܥܘܛܐ ܒܗܢܘܢ ܕܡܬܟܪܗܝܢ. ܘܫܪܝܘ ܢܦܠܝܢ ܒܫܘܩܐܼ ܐܝܟ ܙܒܠܐ ܥܠ ܐܦ̈ܝ ܐܪܥܐ: ܘܠܝܬ ܕܗܒܿܪ.܀ ܫܪܝ ܕܝܢ ܡܘܬܢܐ ܗܢܐ ܒܡܣ̈ܟܢܐ: ܗܠܝܢ ܕܐܝܬ ܗܘܐ ܒܫܘ̈ܩܐ ܕܫܕܝܢ. ܘܟܕ ܡܢ ܟܠܢܫ ܒܐܝܩܪܐ ܘܒܬܫܒ̈ܚܬܐ ܡܬܥܦܝܢ ܗܘܘ ܘܡܬܣܝܡܝܢ ܛܒܐܝܬ. ܘܟܩܪ ܩܪܒܘ ܡܣܟ̈ܢܐ ܕܢܬܡܠܘܢܼ. ܬܩܦ ܡܘܬܢܐ ܘܐܬܥܙܥܙ ܒܡܪ̈ܝ ܩܘܪ̈ܝܣ ܘܡ̈ܕܝܢܬܐ ܩܫܝܐܝܬ. ܐܝܟܐ ܕܟܕ ܨܒܿܝܢ ܗܘܘ ܟܗ̈ܢܐ ܠܡܐܙܠ ܠܥܪܣܐ ܚܕܐܼ. ܢܬܟ̈ܢܫܢ ܠܬܡܢ ܚܡ̈ܫܝܢ ܘܐܫܬ̈ܝܢ ܥܪ̈ܣܬܐ. ܘܐܦ ܥܕܡܐ ܠܬܫ̈ܥܝܢ ܘܠܡܐܐ ܥܪ̈ܣܬܐܼ. ܡܬܟܢܫ̈ܢ ܗܘ̈ܝ ܠܚܕܐ ܕܘܟܐ ܒܥܕܢܐ ܕܨܦܪܐܼ. ܟܕ ܐܝܬ ܗܘܐ ܒܚܕܐ ܚܕܐ ܡܢܗܝܢ ܬܪ̈ܝܢ ܘܬܠ̈ܬܐ ܘܐܦ ܐܪ̈ܒܥܐ ܙܥܘܪ̈ܐ. ܘܗܟܢܐ ܟܠܗ ܝܘܡܐ ܠܝܬ ܗܘܐ ܢܝܚܐ ܐܘ ܫܠܝܐ ܡܢ ܕܡܦܩܝܢ ܗܘܘ ܠܫܠ̈ܕܐ ܕܒܢܝ̈ܢܫܐ. ܛܝ̈ܝܐ ܕܝܢ ܡܠܘܗܝ ܠܐܪܥܐ ܚܦܼܪ̈ܐ.

Page 183

ܘܐܦ ܝܗܘ̈ܕܝܐ ܗܟܢܐ. ܩܒܪ̈ܐ ܕܝܢ ܕܟܪ̈ܣܛܝܢܐ ܐܣܬܦܝܘ ܟܠܗܘܢܼ. ܥܕܡܐ ܕܡܛܘ ܠܗܘܢ ܠܡܚܦܪ ܒܐܪܥܐ. ܢܦܿܩܝܢ ܗܘܘ ܕܝܢ ܒܐܝܡܡܐ ܚܕ ܝܬܝܪ ܡܢ ܚܡ̈ܫܡܐܐ ܥܪ̈ܣܬܐ ܒܬܪܥܐ ܚܕ. ܟܠܗ ܕܝܢ ܝܘܡܐ ܠܐ ܡܡܕܝܢ ܗܘܼܘ ܗܠܝܢ ܬܪ̈ܥܐ ܐܠܐ ܠܡܦܩܘ ܘܠܡܥܠܘܿ. ܟܕ ܛܥܿܢܝܢ ܘܢܿܦܩܝܢ ܫܿܕܝܢ܇ ܘܥܛܦܝܢ ܫܩܠܝܢ ܐܚܪ̈ܢܐ. ܟܕ ܐܦܠܐ ܡܟܝܠ ܬܫܡܫܬܐ ܗܘܿܝܐ ܗܘܼܬ ܠܗܘܢ. ܐܠܐ ܐܢ ܥܠ ܙܥܘܪ̈ܐ: ܒܝܕ ܡܘܬܐ ܡܣܪܗܒܐ ܘܙܥܪܘܬܐ ܕܟܗ̈ܢܐ: ܘܕܣܓܝܘܬܐ ܕܥܪ̈ܣܬܐ ܕܠܝܬ ܠܗܝܢ ܡܢܝܢ. ܒܨܦܪܐ ܕܝܢ ܦܩܕܝܢ ܗܘܘ ܟܗ̈ܢܐܼ ܕܟܠ ܕܐܝܬ ܠܗ ܡܝܬܐ ܢܿܐܝܬܐ ܥܡ ܥܢܝܕܗ ܠܛܛܪ̈ܦܘܢ ܗܠܝܢ ܕܩܪ̈ܝܒܝܢ ܠܬܿܡܢ. ܘܢܟܕ ܕܘܟܐ ܐܘ ܫܘܩܐܼ ܢܬܟܢܫܘܢ ܒܗܿ ܒܚܕܐ ܕܘܟܐ. ܘܗܟܢܐ ܡܬܦܠܓܝܢ ܗܘܘ ܟܗ̈ܢܐ ܒܥܕܢ ܨܦܪܐܼ. ܘܐܙܿܠܝܢ ܠܟܠ ܓܒܝ̈ܢ: ܘܡܫܡܫܝܢ ܘܡܦܩܝܢ ܠܗܘܢ ܩܠ̈ܥܬܐ ܩܠ̈ܥܬܐ. ܟܕ ܐܦ ܢܦ̈ܩܢ ܗܘܼ̈ܝ ܒܣܝܥܬܐ ܚܕܐܼ ܝܬܝܪ ܡܢ ܡܐܐ ܥܪ̈ܣܬܐ. ܘܒܗܠܝܢ ܥܪ̈ܣܬܐ ܐܝܬ ܗܘܐ ܝܬܝܪ ܡܢ ܡ̈ܬܝܢ ܒܢܝ̈ܢܫܐ: ܘܐܦ ܡܬܝ̈ܢ ܘܚܡ̈ܫܝܢ. ܟܕ ܐܦ ܦܓܥܝܢ ܗܠܝܢ ܒܗܠܝܢ ܕܠܐ ܩܛܘܥܐܼ ܟܠܗ ܝܘܡܐ. ܟܕ ܠܐ ܦܪܝܫ ܗܘܐ ܗܪܟܐ ܥܼܒܕܐ ܡܢ ܡܪܗ܇ ܐܘ ܐܡܬܐ ܡܢ ܡܪܬܗܿ܇ ܐܘ ܒܪ ܥܼܒ̈ܕܐ ܡܢ ܒܪ ܡܪ̈ܓܪܐ: ܐܠܐ ܚܕܐ ܡܥܨܪܬܐ ܕܐܒܕܢܐ ܘܕܪܘܓܙܐ ܠܟܠܢܫܐ ܡܙܝܓܐ ܗܘܬ܇ ܟܕ ܒܠܼܥܘ ܫܘܝܐܝܬ ܥܼܒ̈ܕܐ ܘܡܪ̈ܝܐ ܐܟܚܕܐ ܕܠܐ ܡܣܒ ܒܐܦ̈ܐ. ܩܛܢܐ ܥܡ ܪ̈ܝܫܢܐ܇ ܚܕ ܠܘܩܒܠ ܚܕ ܫܼܕܝܢ ܗܘܘ ܘܡܢܗܡܝܢ. ܐܝܟܢܐ ܕܥܠ ܓܙܪ ܕܝܢܼܐ ܕܐܠܗܐܼ ܟܠܢܫ ܢܬܗܪ ܘܬܡܗܐ ܘܕܘܡܪܐ ܢܫܪܟܿ. ܥܠ ܕܝ̈ܢܘܗܝ ܕܐܠܗܐ ܗܠܝܢ ܕܠܐ ܡܬܥܩܒܝܢ ܐܘ ܡܬܕܪܟܝܢ ܐܘ ܡܬܡܫܚܝܢ ܡܢ ܝܠܝܼ̈ܕܐ. ܕܝܢ̈ܘܗܝ ܠܡ ܕܡܪܝܐ ܬܗܘܡܐ ܪܒܐ. ܐܘܫܛ ܕܝܢ ܐܝܕܗ ܡܚܒܠܢܐ ܥܠ ܐܚܝ̈ܕܝ ܫܘܠܛܢܐ

Page 184

ܘܡܫܡ̈ܗܝ ܒܥܘܬܪܐ ܘܡܦܪ̈ܓܝ ܒܪܒܘܬܐ. ܟܕ ܐܦ ܗܘܼܘ ܒ̈ܬܝܗܘܢ ܕܣܓܝ̈ܐܐ ܡܢܗܘܢ ܕܠܐ ܝܪܬܐ: ܐܦ ܠܐ ܥܒܼܕܐ ܐܘ ܪܒܐ ܦܫ ܒܗܘܢ. ܩܢܝܢܗܘܢ ܕܝܢ ܘܥܬܪܗܘܢ ܘܙܪ̈ܥܬܗܘܢ ܡܢ ܫܠܝ ܫܒܩ ܐܢܘܢ ܠܚܒܪ̈ܝܗܘܢ܇ ܐܦ ܒܬܝ̈ܗܘܢ ܫܒܝ̈ܚܐ. ܟܡܐ ܒ̈ܬܐ ܪ̈ܘܪܒܐ ܡܫܒ̈ܚܝ ܒܥܬܪܐܼ. ܘܟܡܐ ܫܪ̈ܒܬܐ ܣܦ: ܟܕ ܦܫ ܠܗܘܢ ܐܦܠܐ ܚܕ ܝܪܘܬܐ.܀ ܥܠ ܐܪܥܐ ܕܝܢ ܕܡܢ ܦܪܬ ܘܡܥܪܒܐ: ܙܥܘܪ ܗܘ ܠܫܢܐ ܕܒܢܝ̈ܢܫܐ ܕܢܫܬܥܐ ܐܝܠܝܢ ܓܘܢܚ̈ܐ ܘܬܕܡܪ̈ܬܐ ܐܣܬܥܪܘ ܒܗܿ. ܐܦ ܥܠ ܫܪܟܐ ܕܡܕ̈ܝܢܬܐ ܕܦܠܣܛܝܢܐ ܘܕܓܪܒܝܐ ܘܕܬܝܡܢܐܼ. ܘܥܕܡܐ ܠܝܡܐ ܕܣܘܦ: ܥܡ ܫܪܟܐ ܕܩܠܩܝܐ ܘܕܐܝܩܢܝܐ ܘܕܐܣܝܐ ܘܕܒܬܘܢܝܐ ܘܕܠܘܣܘܢܝܐ ܘܕܓܠܛܝܐ܇ ܘܐܦ ܕܩܦܕܘܩܝܐ. ܟܕ ܐܦ ܥܠ ܟܠܗ ܥܠܡܐ ܗܘܼܐ ܐܘܠܨܢܐ ܕܚܫܐ ܗܢܐ ܡܪܝܪܐܼ. ܒܕܡܘܬܐ ܕܡܛܪܐ ܕܥܠ ܐܪܥܐ ܟܠܗܿ ܢܚܿܬ܆ ܐܘ ܕܙܠ̈ܝܩܘܗܝ ܕܫܡܝܐ ܕܒܚܕܐ ܫܘܝܘܬܐ ܒܟܠ ܡܬܦܪܣܝܢ: ܗܟܢܐ ܘܐܦ ܗܫܐ ܡܘܬܢܐ ܗܢܐ ܥܠ ܟܠܗ ܥܠܡܐ ܐܬܦܪܣ ܒܚܕܐ ܫܘܝܘܬܐ. ܐܠܐ ܒܪܡ ܠܗܠܝܢ ܐܬܪ̈ܘܬܐ ܕܩܿܕܡ ܐܬܦܼܪܫ ܐܥܝܩ ܝܬܝܪܐܝܬ܀ ܒܗܠܝܢ ܩܘܪ̈ܝܣ ܘܕܘܟܝ̈ܬܐ ܣܓܝ̈ܐܬܐ ܗܼܘ̈ܝ ܡܢ ܫܠܝ ܚܪ̈ܒܬܐ: ܡܢ ܒܠܝ ܕܥܒܿܪ ܐܘ ܕܥܿܡܪ܆ ܟܕ ܐܚܝ̈ܕܢ ܗܘ̈ܝ ܘܢܗ̈ܡܢ ܫ̈ܠܕܐ ܕܫܛܝ̈ܚܢ ܥܠ ܐܪܥܐܼ ܐܝܟ ܙܒܠܐ ܥܠ ܐܦ̈ܝ ܐܪܥܐ: ܘܠܝܬ ܕܩܿܒܪ. ܟܕ ܠܐ ܦܫ ܡܢܗܝܢ ܐܢܫ. ܘܗܟܢܐ ܫܼܕܝܢ ܗܘܘ ܒܢܝ̈ܫܢܐ ܒܓܘܗܝܢ܆ ܟܕ ܐܦ ܢܦܝܚܝܢ ܘܡܪܗܠܝܢ ܘܣܼܪܝܢ. ܟܕ ܐܦ ܒ̈ܬܝܗܘܢ ܦܬܟܝܚܝܢ ܒܕܡܘܬܐ ܕܩܒܪ̈ܐܿ. ܘܡܪ̈ܝܗܘܢ ܒܓܘܗܘܢ ܟܕ ܡܪܗܠܝܢ ܒܪܡܬܐ: ܘܫܼܕܝܢ ܡܐܢ̈ܝܗܘܢ ܘܕܗܒܗܘܢ ܘܣܡܐܗܘܢ ܘܥܿܒܕܗܘܢ ܟܠܗ ܟܕ ܫܼܕܐ ܒܫܘ̈ܩܐ. ܘܠܝܬ ܠܗ ܡܟܢܫܢܐ. ܒܣܝܪ ܕܗܒܐ ܥܡ ܣܐܡܐ ܬܡܢ. ܩܢܝܢܝܗܘܢ ܟܕ ܦܗܿܐ ܒܟܠܕܘܟ܇ ܘܠܝܬ ܠܗ ܡܪ̈ܝܐ. ܐܦ ܣܒ̈ܐ ܘܣܒ̈ܬܐ ܝܩܝܪ̈ܝ ܚܘܪ̈ܬܐ܇

Page 185

ܕܡܟܝܢ ܕܢܬܩܒܪܘܢ ܗܘܘ ܒܐܝܩܪܐ ܪܒܐ ܡܢ ܝܪ̈ܘܬܝܗܘܢ: ܕܫܼܕܝܢ ܒܫܘ̈ܩܐ ܘܒܒ̈ܬܐ ܘܒܦܠ̈ܛܘܬܐ܇ ܘܦܬܝܚܝܢ ܦܘܡ̈ܝܗܘܢ ܘܡܬܦܪܬܝܢ ܘܣܪܝܢ. ܒܬܘ̈ܠܬܐ ܦܐܝ̈ܬܐ ܘܥܠܝ̈ܡܬܐ ܫܦܝܪ̈ܬܐܼ. ܗܠܝܢ ܕܡܣ̈ܟܝܢ ܗܘ̈ܝ ܠܓܢܘ̈ܢܐ ܕܚܕܘ̈ܬܐܼ. ܘܠܬܨܒܝܬܐ ܕܢܚ̈ܬܐ ܝܩܝܪ̈ܐ. ܕܡܦܪ̈ܣܝܢ ܘܫ̈ܕܝܢ ܘܚܠܝܛ ܪܗܠܝܗܝܢ ܒܚ̈ܕܕܐ. ܘܥܒ̈ܝܕܢ ܐܬܿܐ ܕܘܝܐ ܠܚ̈ܙܝܐ. ܘܠܘܝ ܕܝܢ ܒܓܘ ܩܒܪ̈̄ܐܼ. ܐܠܐܼ ܒܒ̈ܬܐ ܘܒܓܘ ܫܘܩ̈ܐ. ܥܠ̈ܝܡܐ ܪ̈ܓܝܓܐ ܘܦܨܝ̈ܚܐܼ. ܕܟܡܪܝܢ ܘܫܕܝܢ: ܘܚܠܝܛ ܪܗܠܗܘܢ ܒܐܒܗ̈ܝܗܘܢ. ܗܠܝܢ ܒܐܪ̈ܥܬܐ ܗܠܝܢ ܓܕܫ. ܟܕ ܐܦ ܒܟܠܕܘܟ. ܟܕ ܣܒܠܝܢ ܗܘܘ ܗܠܝܢ ܕܐܫܬܚܪ ܩܠܝܠ ܡܢܣܓܝ̈ܐܐ܆ ܘܡܦܿܩܝܢ ܗܘܘ ܟܠܗ ܝܘܡܐ ܕܠܐ ܩܛܘܥܐ: ܘܢܿܦܩܝܢ ܫܿܕܝܢ ܐܝܟ ܐܢܫ ܕܢܐܫܕܐ ܟܐܦܐ ܒܝܓܪܐ ܘܢܗܦܘܟ ܢܣܒ ܐܚܪܬܐܼ. ܘܢܦܘܩ ܗܟܘܬ ܘܢܐܙܠ ܢܫܕܐ. ܟܕ ܐܦ ܣܓܝ̈ܐܐ ܗܠܝܢ ܕܚܪܝܢ ܗܘܘ ܡܢ ܩܪ̈ܝܒܐܼ. ܐܝܬ ܗܘܼܐ ܠܡܚܼܙܐ ܟܕ ܫܼܕܝܢ ܒܫܘܩ̈ܐ ܘܡܬܟܠܝܢ ܡܢ ܟܠܒ̈ܐ܆ ܘܠܝܬ ܕܩܿܒܪ. ܟܠܢܫ ܕܝܢ ܠܐ ܣܿܦܩ ܗܘܐ ܐܠܐ ܠܒܝܬܗ. ܟܕ ܐܦ ܐܓܪܝܢ ܗܘ ܠܣܓܝ̈ܐܐܼ ܕܒܠܚܘܕ ܡܢ ܒܝܬܐ ܘܡܢ ܫܘܩܐ ܢܟܢܫܘܢ ܐܢܘܢ ܡܛܠ ܣܪܝܘܬܗܘܢ. ܘܗܪܟܐ ܐܦ ܫܠܡܬ ܗܿܝ: ܕܡܚܬ ܠܪܝܚ ܣܪܝܘܬܗܘܢ ܒܐܦܝ̈ܝܗܘܢ. ܥܡ ܗܿܝ ܕܐܠܬ ܘܐܬܒܠܬ ܐܪܥܐ. ܒܟܝܐ ܘܥܩܬܐ ܥܡ ܟܪܝܘܬܐ ܡܟܝܠ ܠܝܬ ܗܘܐܼ. ܒܝܕ ܗܿܝ ܕܟܠܢܫ ܒܬܪܥ ܩܒܪܐ ܢܩܿܫ ܗܘܐ ܡܢ ܟܕܘ܀ ܕܗܒܐ ܘܣܐܡܐ ܐܬܫܝܛ ܐܝܟ ܙܒܠܐ. ܐܝܟܐ ܕܐܢ ܐܝܬ ܗܘܼܐ ܥܠ ܢ̈ܫܝ ܓܒܪܐ ܐܘ ܥܠ ܒܬܘ̈ܠܬܐ ܕܗܒܐ ܘܣܐܡܐ܆ ܐܘ ܚܫ̈ܠܬܐ ܝܩܝܪ̈ܬ ܕܡ̈ܝܐܼ. ܠܝܬ ܐܢܫ ܕܢܘܫܛ ܐܝܕܗ ܘܢܫܠܼܚ ܡܕܡ ܡܢܗ̈ܝܢ. ܐܦܠܐ ܗܼܢܘܢ ܐܒ̈ܗܐ ܡܢ ܒܢܝ̈ܗܘܢ. ܐܠܐ ܘܐܦ ܣܒܪܝܢ ܗܘܘ ܕܥܡܗܘܢ ܥܠܝܢ ܠܫܝܘܠܼ. ܘܐܦ ܚܿܠܛ ܪܗܠܗܘܢ ܒܕܝܠܗܘܢ܀ ܒܐܝܠܝܢ ܕܡܥ̈ܐ ܟܝ ܐܒܿܟܐ ܒܗܿܘ ܥܕܢܐܼ. ܚܒܝ̈ܒܝ. ܐܝܠܝܢ ܚܢ̈ܓܬܐ ܢܣܦܩܢ

Page 186

ܗܘ̈ܝ ܠܝ. ܐܝܢܐ ܬܒܪ ܠܒܐ. ܐܝܠܝܢ ܡܪ̈ܩܕܬܐ. ܐܝܠܝܢ ܐܘ̈ܠܝܬܐ. ܐܝܠܝܢ ܩܝ̈ܢܬܐ. ܐܝܠܝܢ ܚܫ̈ܐ ܢܣܦ̈ܩܘܢ. ܟܕ ܢܚܙܐ ܠܣܒ̈ܐ ܘܠܟܠ ܩܘ̈ܡܬܐ ܘܡܘ̈ܫܚܬܐ ܕܒܢܝ̈ܢܫܐ ܕܗܓܝܡܝܢ ܘܫܼ݊ܝܢ ܐܝܟ ܐܪ̈ܙܐ.. ܡܪܚܡܢܘܬܐ ܪܒܬܐ ܐܬܚܙܝܬ ܐܦ ܒܫܒܛܐ ܗܢܐ: ܟܕ ܡܓܢܐ ܗܘܬ ܠܘܩܕܡ ܥܠ ܡܣܟ̈ܢܐ ܗܠܝܢ ܕܪܡܼܝܢ ܗܘܘ ܡܫܘܩ̈ܐ ܕܡܕ̈ܝܢܬܐ. ܟܕ ܒܟܠܕܘܟ ܫܘܪܝܐ ܠܘܩܕܡ ܒܗܘܢ ܗܘܿܐ ܗܘܐ. ܘܟܕ ܕܝܢ ܫܘܠܡܐ ܫܩܿܠܝܢ ܗܘܘܼ: ܗܝܕܝܢ ܥܠ ܥܬܝܪ̈ܐ ܘܡܪ̈ܝ ܡܕ̈ܝܢܬܐ ܟܠܗܘܢ ܦܢܼܐ ܗܘܐ ܫܒܛܐ ܗܢܐ ܕܚܝܠܐ. ܟܕ ܐܦ ܬܪ̈ܬܝܢ ܓܕܫ̈ܢ ܘܡܣܬܥܪ̈ܢ ܗܘ̈ܝ ܒܝܕ ܗܕܐ ܡܪܚܡܢܘܬܐ ܕܐܠܗܐ. ܐܝܟܐܢ ܕܬܪ̈ܝܗܘܢ ܓܒ̈ܐ ܡܥܕܪܝܢ ܗܘܘ ܒܗܠܝܢ ܕܗܘܼ̈ܝ. ܚܕܐ ܕܗܢܘܢ ܕܐܝܬܝܗܘܢ ܥܡܘܪ̈ܐ ܕܡ̈ܕܝܢܬܐܼ. ܛܢܢܐ ܕܙܕܝܩܘܬܗܘܢ ܒܗܘܢ ܡܚܘܝܢ ܗܘܘ. ܘܝܘܬܪܢܐ ܪܒܐ ܠܢܦܫ̈ܬܗܘܢ ܒܝܕ ܒܛܝܠܘܬܗܘܢ ܕܥܠ ܡܣܟ̈ܢܐ ܡܟܢܫܝܢ ܗܘܘ: ܟܕ ܝܨܦܝܢ ܘܡܠܒܫܝܢ܆ ܘܡܿܝܬܝܢ ܥܪ̈ܣܬܐ ܘܡܿܦܩܝܢ ܗܠܘܢ. ܘܩܒܪܝܢ ܒܚܫܐ ܪܒܐ܆ ܐܦ ܒܚܦܝܛܘܬܐ ܘܕܚܠܬܐ ܘܛܢܢܐ. ܘܐܦ ܐܚܪܝܬܐ. ܕܐܠܘ ܥܡ ܫܪܟܐ ܚܠܼܛ ܐܢܘܢ. ܒܝܕ ܗܿܝ ܕܚܣܪܝܢ ܗܘܘ ܡܢ ܝܨܘ̈ܦܐ. ܐܠܐ ܗܼܢܘܢ ܠܘܩܕܡ ܡܬܚܪܝܢ ܗܘܘܼ. ܟܕ ܟܠܢܫ ܚܠܝܡ ܗܘܼܐ ܘܩܐܡ ܘܚܦܝܛܿ. ܘܛܥܝܢ ܘܡܿܦܩ ܘܩܿܒܪ ܠܗܘܢ ܠܗܠܝܢ ܕܡܓܼܙܝܢ ܗܘܘ ܡܢ ܩܒܘܪ̈ܐ. ܘܗܝܕܝܢ ܗܠܝܢ ܕܬܟܠܝܢ ܗܘܘ ܥܠ ܩܒܪ̈ܐ ܘܥ ܩܒܘܪ̈ܐܼ. ܠܒܪ ܡܢ ܩܒܪܐ ܦܝܫܝܢ ܗܘܘ. ܐܝܟܐ ܕܐܦܠܐ ܬܫܡܫܬܐ ܗܘܿܝܐ ܗܘܬ ܠܚܕ ܡܢܗܘܢ. ܘܟܕ ܡܣܟ̈ܢܐ ܡܘܦܝܢ ܗܘܘܼ. ܥܒܼܪ ܫܒܛܐ ܠܘܬ ܪܘܪ̈ܒܢܐ. ܟܕ ܐܝܬ ܕܡܫܿܪܐ ܗܘܐ ܒܗܘܢ ܡܘܒܬܢܐܼ. ܡܢ ܙܥܘܪܐ ܘܥܕܡܐ ܠܒܪܐ. ܘܣܟ ܫܪܟܐ ܕܡܢܗܘܢ ܠܐ ܦܝܫ ܗܘܐ. ܘܐܦ

Page 187

ܐܝܠܝܢ ܕܡܢ ܗܢܐ ܐܘܠܨܢܐ ܦܠܛܝܢ ܗܘܘ ܘܠܐ ܡܝܬܼ. ܟܡܐ ܕܡܫܟܚܝܢ ܗܘܘ ܓܪܫܝܢ ܠܒܪ ܡܢ ܡܕܝܢܬܐ. ܘܒܚܪܬܐ ܐܝܠܝܢ ܕܠܐ ܡܝܬܼ ܐܬܡܚܝܘ ܒܡܚܘܬܐ ܕܚܝܠܬܐ ܕܟܐܒܐ. ܗܢܘ ܕܝܢ ܕܐܪ̈ܒܒܝܬܗܘܢ. ܐܝܬ ܕܚܕܐܼ ܘܐܝܬ ܕܬܪ̈ܬܝܢ. ܗܕܐ ܕܐܦ ܠܐܝܠܝܢ ܕܡܝܿܬܝܢ ܗܘܘ ܘܐܦ ܠܐܝܠܝܢ ܕܚܐܝܢ܆ ܗܼܝ ܗܕܐ ܓܕܫܐ ܗܘܬ. ܟܕ ܡܢ ܫܠܝ ܩܦܚܢ ܗܘ̈ܝ ܐܪ̈ܒܒܝܬܗܘܢ. ܘܡܚܕܗܿ ܦܣܩ ܥܠ ܢܦܫܗܼ ܡܢ ܐܬܿܐ ܗܕܐ: ܐܦ ܐܝܢܐ ܕܡܢ ܡܘܬܐ ܦܿܠܛ ܗܘܐܼ. ܕܒܝܫ ܡܢ ܡܘܬܐ ܡܪܝܪܐ ܣܒܿܠ ܗܘܐ. ܟܕ ܐܦ ܢܦܝ̈ܚܢ ܗܘ̈ܝ ܐܪ̈ܒܒܝܬܗ ܘܙܘ̈ܝܢ ܘܡܦܩ̈ܥܢ. ܘܗܘ̈ܝܢ ܗ̈ܘܝ ܫܘ̈ܚܢܐ ܪܘܪ̈ܒܐ ܘܥܡ̈ܝܩܐܼ ܟܕ ܡܪܕܝܢ ܕܡܐ ܘܡܘܓܠܐ ܘܡ̈ܝܐܼ. ܒܐܝܡܡܐ ܘܼܒܠܠܝܐܼ ܐܝܟ ܡܒܘܥܐ. ܟܕ ܒܫܦܠܐ ܪܒܐ ܡܢ ܒܬܪܟܝܢ ܢܗܼܘܘܢ ܗܘܼܘ: ܐܝܬ ܕܝܪܚܐܼ ܘܐܝܬ ܕܬܪ̈ܝܢ. ܘܐܦ ܚܡ̈ܫܐ ܘܐܫܬܐܼ. ܘܥܕܡܐ ܠܫܢܬܐ. ܣܓܝ̈ܐܐ ܕܐܦ ܬܪ̈ܬܝܢ ܫܢ̈ܝܢ ܗܘܼܘ. ܐܝܟܐ ܕܣܓܝ̈ܐܐ ܡܢܗܘܢ ܠܓܡܪ ܐܣܬܪܚܘ. ܘܡܟܝܠ ܐܦ ܡܠܬܐ ܢܒܝܝܬܐ ܡܫܬܠܡܐ ܗܘܬ ܗܿܝ ܕܐܡܪܐ: ܕܟܠ ܒܘܪ̈ܟܐ ܢܪ̈ܕܝܢ ܡܝ̈ܐ܇ ܘܟܠ ܠܒܐ ܕܐܢܫܐ ܢܬܡܣܐ.. ܥܡ ܗܿܝ ܕܒܟܠ ܪ̈ܝܫܝܗܘܢ ܩܘ̈ܕܚܬܐ.. ܗܟܢܐ ܐܦ ܒܙܒܢܐ ܗܢܐ ܓܼܕܫ ܕܚܕ ܚܕ ܕܢܬܦܠܛ ܗܘܐ ܡܢ ܒܝܬܐ ܐܘ ܡܢ ܫܪܒܬܐܼ. ܗܟܢܐ ܒܫܦܠܐ ܗܢܐ ܢܦܿܠ ܗܘܐ. ܘܓܼܕܫ ܕܬܪ̈ܬܝܗܘܢ ܒܘܪ̈ܟܘܗܝ ܡܪ̈ܕܝܢ ܗܘ̈ܝ ܡ̈ܝܐ ܐܦ ܕܡܐ ܘܡܓܠܐ. ܥܕܡܐ ܠܐܝܟܐ ܕܐܦ ܪܝܫܗ ܡܣܦܪ ܗܘܐ. ܟܕ ܡܢ ܒܬܪܟܝܢ ܠܐ ܡܬܝܕܥܝܢ ܗܘܘ ܗܠܝܢ ܕܦܫ ܩܠܝܠ: ܐܢ ܡܢ ܡܐܢ̈ܘܗܝ ܠܐ ܡܬܝܕܥܝܢ ܐܘ ܡܬܦܪܫܝܢ܆ ܠܐ ܐܢܫ ܦܿܪܫ ܗܘܐ ܠܟܗ̈ܢܐ ܘܠܕܝܪ̈ܝܐ. ܒܗܿܝ ܕܟܠܗܘܢ ܡܣܦܪ̈ܐ ܐܝܬܝܗܘܢ ܗܘܘ. ܘܬܘܒ ܐܦ ܒܗ ܒܛܘܦܣܐ ܕܩܦܚܐ ܗܘܼܬ ܐܪܒܒܝܬܐ: ܗܟܢܐ ܐܦ ܫܚܬܐ ܘܒܩܕܠܐ. ܗܿܘ ܕܐܝܟ ܕܒܣܘܓܐܐ ܡܢܗܿ ܩܠܝܠܐܝܬ ܡܫܬܪܝܢ ܗܘܘ. ܘܐܝܬ ܕܒܬܪ ܙܒܢܐܼ. ܘܐܝܬ ܕܠܓܡܪ

Page 188

ܚܠܝܡܐ ܠܐ ܗܿܘܐ ܗܘܐ.܀ ܘܟܕ ܐܘܠܨܢܐ ܗܢܐ ܐܝܟ ܚܒ̈ܠܐ ܠܒܛܢܬܐܼ. ܡܢ ܟܠ ܓܒܝ̈ܢ ܠܐܪܥܐ ܡܚܿܝܢ ܗܘܘ: ܗܢܘܢ ܛܝ̈ܝܐ ܡܢ ܩܪ̈ܒܐ ܘܒܝ̈ܫܬܐ ܕܠܘܬ ܚܕ̈ܕܐ ܠܐ ܬܝܟܝܢ ܗܘܘ.ܘܗܝܕܝܢ ܢܦܼܩ ܡܪܘܢ ܡܢ ܬܪܥܐ ܕܒܝܬ ܛܘܪ̈ܟܝܐ: ܟܕ ܒܠܝܼܠܐ ܘܫܓܝܼܫܐ ܗܘܬ ܟܠܗܿ ܐܪܥܐ.

ܫܢܬ ܐܠܦܐ ܘܚܡܫ̈ܝܢ ܘܫܒ̈ܥܼ. ܢܦܼܩ ܡܪܘܢ ܡܢ ܐܪܥܐ ܕܒܝܬ ܛܘܪ̈ܟܝܐ. ܟܬܝܒ ܒܢܒܝܐ ܐܪܡܝܐ ܗܟܢܐ. ܡܛܠܗܢܐ ܗܟܢܐ ܐܡܿܪ ܡܪܝܐ. ܗܐ ܝܗܿܒ ܐܢܐ ܠܥܡܐ ܗܢܐ ܬܘܩ̈ܠܬܐܼ ܘܢܬܬܩܠܘܢ ܒܗܝܢ. ܐܒܗ̈ܐ ܘܒܢܝ̈ܐ ܐܟܚܕܐ. ܘܫܒܒܐ ܘܪܚܡܗ ܢܐܒܕܘܢ.. ܗܠܝܢ ܟܠܗܝܢ ܓܼܕܫ ܒܛܝܝ̈ܐ. ܕܐܚ̈ܐ ܘܒܢ̈ܝ ܐܚ̈ܐ ܢܼܦܠ ܒܬܘ̈ܩܠܬܐ ܕܪܝܫܢܘܬܐ. ܗܠܝܢ ܕܒܝܬ ܥܒܣܼ ܘܕܒܝܬ ܗܝܫܡ. ܘܒܢ̈ܝ ܐܚ̈ܐܼ: ܘܫܒ̈ܒܐ ܘܪ̈ܚܡܐ܆ ܢܦܠ ܒܚܕ̈ܕܐ ܘܐܒܕܼ. ܘܐܘܒܕ ܒܢܝ̈ܢܫܐ ܣܓܝ̈ܐܐ ܥܡܗܘܢ.. ܘܬܘܒ ܗܼܘ ܐܪܡܝܐ ܐܡܼܪ ܥܠ ܡܦܩܬܐ ܕܝܠܗ ܕܡܪܘܢ. ܕܗܐ ܥܡܐ ܐܬܼܐ ܡܢ ܐܪܥܐ ܕܓܪܒܝܐ. ܘܥܡܐ ܪܒܐ ܢܕܘܠ ܡܢ ܣܘ̈ܦܝܗܿ ܕܐܪܥܐ. ܒܩܫ̈ܬܬܐ ܐܦ ܒܢܝ̈ܙܟܐ ܡ̈ܙܝܢܝܢ. ܒ̈ܝܫܝܢ ܐܢܘܢ ܘܠܐ ܡܪ̈ܚܡܢܝܢ. ܩܠܗܘܢ ܐܝܟ ܝܡܐ ܕܡܬܟܬܫ. ܘܥܠ ܪ̈ܟܫܐ ܪ̈ܟܒܝܢ. ܘܡܛܝܒܝܢ ܐܝܟ ܓܢܒܪ̈ܐ ܠܩܪܒܐ. ܫܡܼܥܢ ܫܡܥܗܘܢ ܘܐܬܪ̈ܦܝ ܐܝܕ̈ܝܢ. ܥܩܬܐ ܐܚܕܬܢ ܘܚ̈ܒܠܐ ܐܝܟ ܕܝܠܕܬܐ. ܠܐ ܬܦܩܘܢ ܠܚܩܠܐ ܘܒܐܘܪܚܐ ܠܐ ܬܙܠܘܢ܆ ܡܛܠ ܚܪܒܐ ܕܒܥ̈ܠܕܒܒܐ.. ܘܬܘܒ ܐܫܥܝܐ ܐܡܼܪ ܥܠܝܗܘܢ ܗܟܢܐ: ܐܥܿܝܪܬ ܡܢ ܓܪܒܝܐ ܕܢܐܬܐ ܡܢ ܡܕܢܚ̈ܝ ܫܡܫܐ. ܘܢܩܪܐ ܒܫܡܝ. ܘܢܐܬܘܢ ܫܠܝ̈ܛܢܐ ܘܢܕܘܫܘܢ ܐܝܟ ܛܝܢܐ ܕܕܝܫ ܦܚܪܐ.. ܘܬܘܒܼ ܡܢ ܓܪܒܝܐ ܬܬܦܬܚ ܒܝܫܬܐ ܥܠ ܟܠܗܘܢ ܥܡܘܪ̈ܝܗܿ ܕܐܪܥܐ.܀ ܟܕ ܕܝܢ ܢܦܩ ܡܪܘܢ ܠܓܙܝܪܬܐ ܘܫܠܡܬ ܠܗܼ. ܣܡ ܒܗܿ ܥܡ̈ܠܡܐ ܒܟܠܗܝܢ ܡܕ̈ܝܢܬܐ

Page 189

ܘܐܦ ܒܡܘܨܠ. ܘܟܢܼܫ ܚܝܠܐ ܣܓܝܐܐܼ ܘܐܦܪܕ ܠܗ. ܘܩܠܓܪ̈ܐ ܘܐܘܡ̈ܢܐ ܕܢܙܠܘܢ. ܘܥܒܼܪ ܠܡܥܪܒܐ ܥܠ ܗܠܝܢ ܕܒܝܬ ܥܒܣ.. ܝܙܝܕ ܕܝܢ ܗܿ، ܕܩܛܠܗ ܠܘܠܝܕܼ ܟܕ ܡܠܼܐ ܝܪ̈ܚܐ ܫ̈ܬܐܼ ܡܝܬ. ܘܐܚܕ ܕܘܟܬܗ ܐܒܪܗܝܡ ܐܚܘܗܝ. ܟܕ ܕܝܢ ܝܼܕܥ ܕܥܒܼܪ ܡܪܘܢ ܦܪܬܼ ܘܐܦ ܐܝܬ ܥܡܗ ܚܝܠܐ ܣܓܝܐܐܼ. ܘܐܦ ܫܠܝܡܐ ܠܗ ܓܙܝܪܬܐ: ܙܥܼ ܡܢ ܩܕܡܘܗܝ. ܙܥܘ ܠܡ ܘܢܕܘ ܐܝܟ ܪ̈ܘܝܐ. ܘܠܘܩܒܕ ܫܕܪ ܠܘܗܝ ܢܘܥܝܡ ܒܪ ܬܒܝܬܼ. ܥܡ ܚܝܠܐ ܣܓܝܐܐ. ܥܠ ܗܢܐ ܐܡܪܝܢ ܕܫܒ̈ܥܝܢ ܒܢܝ̈ܐ ܐܝܬ ܗܼܘܐ ܠܗ. ܘܟܕ ܕܝܢ ܩܪܒ ܠܘܬ ܚܕ̈ܕܐ ܘܡܚܘ ܩܪܒܐܼ. ܐܬܩܼܛܠ ܟܠܗ ܚܝܠܗ ܕܬܒܝܬܼ ܘܐܬܗܙܡ ܩܕܡ ܡܪܘܢ.. ܘܟܕ ܚܼܙܘ ܗܠܝܢ ܕܒܝܬ ܐܒܪܗܝܡ: ܕܙܟܐܐܢܘܢ ܒܩܪܒܐ ܩܕܡܝܐܼ ܙܥܘ. ܘܟܢܫ ܚܝܠܘ̈ܬܐ ܣܓܝ̈ܐܐ ܘܕܠܐ ܡܢܝܢ. ܘܐܦ ܥܡܐ ܩܘܪܝܝܐ ܟܢܼܫܘ ܕܢܫܕܘܢ ܒܩ̈ܠܥܐ. ܘܟܕ ܩܪܒܘ ܠܘܬ ܚܕ̈ܕܐ܆ ܘܐܪܥ ܚܝ̈ܠܘܬܐ ܒܚܕ̈ܕܐ: ܢܩܼܫܘ ܒܥܝܢ ܓܪܐ. ܘܟܕ ܡܚܘ ܩܪ̈ܒܐ ܣܓܝ̈ܐܐ ܥܡ ܚܕ̈ܕܐܼ ܘܡܢ ܬܪ̈ܝܗܘܢ ܓܒ̈ܐ ܕܠܐ ܣܟܐ ܢܦܠܝܢ ܗܘܘ: ܠܚܪܬܐ ܙܟܐ ܐܢܘܢ ܡܪܘܢ ܘܗܙܡ ܐܢܘܢ. ܘܥܼܪܩ ܐܒܪܗܝܡ ܘܐܚܘ̈ܗܝ. ܐܦ ܣܘܠܝܡܢ ܒܪ ܗܝܫܡ.. ܐܝܟ ܗܢܐ ܩܒܐ ܠܐ ܐܬܚܼܙܝ ܣܟ ܒܥܠܡܐ: ܐܦܠܐ ܐܫܬܦܥ ܕܡܐ ܒܚܕܐ ܕܘܟܐ ܐܝܟ ܕܬܡܢ. ܐܦ ܥܡܐ ܩܘܪܝܝܐܼ ܝܬܝܪ ܡܢ ܚܡܫ̈ܐ ܐܠܦܝ̈ܐܼ. ܐܬܩܛܠ ܒܗ.. ܟܕ ܕܝܢ ܙܟܼܐ ܡܪܘܢܼ ܢܩܼܫ ܥܠ ܚܡܨ ܘܟܒܫܗܿ [ܘ] ܥܩܪܗܿ ܠܫܘܪܗܿ. ܘܐܦ ܐܦܩܗ ܠܐܝܙܝܕ ܡܢ ܩܒܪܗܼ ܘܙܩܦܗ ܥܠ ܩܝܣܐ ܒܬܪ ܪܝܫܗ.. ܘܢܣܼܒ ܡܢ ܝܗܘܕܝܐ ܚܕ ܐܪ̈ܒܥܡܐܐ ܐܠܦ̈ܝܐ ܕܗܒܐ.

ܥܠ ܪ̈ܥܘܬܐ ܕܗܘܼܘ ܒܥܕܬܐ. ܕܐܝܠܝܢ ܡܬܝܕܥܝܢ ܒܗܢܐ ܙܒܢܐ.܀ ܒܬܪ ܩܕܝܫܐ ܐܬܢܣܝܘܣ ܦܛܪܝܪܟܐ ܕܐܢܛܝܟܝܐܼ. ܗܘܼܐ ܩܕܝܫܐ ܡܪܝ ܝܗܘܢܝܣ.. ܘܒܐܘܪܗܝ ܡܬܝܕܥ ܩܕܝܫܐ ܩܘܣܛܢܛܝܢܐ ܐܦܝܣܩܦܐ.. ܘܒܚܪܢ ܩܕܝܫܐ ܡܪܝ ܫܡܥܘܢ ܡܢ ܕܝܪܐ ܩܕܝܫܬܐ ܕܩܪܬܡܝܢ..

Page 190

ܒܫܡܝܫܛ ܩܘܣܛܢܛܝܢܐ ܐܚܪܢܐ.. ܘܒܡܝܦܪܩܛܐ ܩܕܝܫܐ ܡܪܝ ܐܬܢܘܣ ܗܿܘ ܕܡܬܩܪܐ ܣܢܕܠܝܐ. ܘܐܦ ܡܢ ܒܬܪܟܝܢ ܦܛܪܝܪܟܐ ܗܼܘܐ.. ܒܐܡܕ ܕܝܢ ܒܬܪ ܩܝܫܐ ܡܪܝ ܩܘܙܡܐܼ. ܗܼܘܐ ܒܗܿ ܡܪܝ ܣܒܐܼ ܡܢ ܕܝܪܐ ܩܕܝܫܬܐ ܕܙܘܩܢܝܢ ܕܒܟܘܪܐ ܕܝܠܗܿ ܕܡܕܝܢܬܐ. ܘܟܕ ܡ̈ܠܼܝ ܠܗ ܐܝܟ ܥܣܪܝܢ ܫܢܝ̈ܢܼ ܡܝܬ.. ܘܗܘܼܐ ܒܬܪܗ ܣܐܘܪܐ ܡܢܗ ܕܥܘܡܪܗ. ܘܐܦ ܗܢܐ ܟܕ ܗܘܼܐ ܐܝܟ ܫܢܬܐ ܚܕܐ ܡܝܬܼ ܒܗ ܒܗܢܐ ܡܘܬܢܐ: ܟܕ ܣܥܿܪ. ܘܗܘܼܐ ܬܘܒ ܡܢܗ ܕܥܘܡܪܗܼ ܣܐܘܪܐ ܐܚܪܢܐ.܀ ܐܦ ܒܗ ܒܗܢܐ ܙܒܢܐܼ. ܗܘܼܐ ܫܓܘܫܝܐ ܩܠܝܠ ܒܥܕܬܐ: ܡܢ ܥܠܬ ܩܕܝܫܐ ܡܪܝ ܝܗܘܢܝܘܣ. ܒܗܿܝ ܕܠܘ ܟܠܗܘܢ ܨܒܘ ܕܢܫܠܡܘܢ ܠܗ.

ܥܠ ܡܐܬܝܬܗ ܕܒܝܬ ܓܙܐ ܕܡ̈ܠܟܐ ܡܢ ܡܥܪܒܐ ܠܓܝܙܪܬܐ. ܟܕ ܕܝܢ ܝܼܕܥ ܡܪܘܢ ܠܢܟܠܗܘܢ ܕܡܥܪ̈ܒܝܐ ܕܨܝܕܘܗܝ: ܘܼܨܒܐ ܕܢܝܬܘܗܝ ܠܓܙܐ ܗܿܘ ܕܡܠܟ̈ܐ ܠܓܙܝܪܬܐ: ܩܡ ܠܩܘܒܠܗ ܡܥܪ̈ܒܐ ܩܫܝܐܝܬ. ܘܫܪܝܘ ܢܗܦܟܘܢ ܒܗ. ܘܟܕ ܕܝܢ ܝܼܕܥ ܕܠܐ ܝܗܿܒܝܢ ܠܗ ܕܠܐ ܩܪܒܐ. ܢܟܠ ܐܢܘܢ ܟܕ ܐܡܿܪ܆ ܕܠܕܡܣܩܣ ܨܒܿܐ ܐܢܐ ܐܘܒܠܝܘܗܝܼ ܠܘ ܠܓܙܝܪܬܐ. ܡܛܠ ܕܬܡܢ ܟܝܝܢ ܡܘܬܒܐ ܕܡܾ̈ܟܐ. ܘܟܕ ܗܕܐ ܥܒܼܕ: ܝܗܼܒܘ ܠܗ ܕܢܝܬܝܘܗܝ ܠܕܡܣܩܣ. ܘܐܬܘ ܐܦ ܥܡܗܼ. ܘܐܥܠܗ ܠܬܡܢ. ܘܫܪܐ ܠܟܠܢܫ ܠܒܝܬܗ. ܟܕ ܗܘܼܘ ܝܘ̈ܡܬܐ ܩܠܝܠ. ܘܟܕ ܢܓܪ ܠܗ ܐܝܟ ܝܪ̈ܚܐ ܬܪ̈ܝܢ ܐܘ ܬܠ̈ܬܐ: ܓܢܒܗ ܟܕ ܠܐ ܪܓܝܫܝܢ ܒܗ ܡܥܪ̈ܒܝܐ܆ ܘܐܝܬܝܗ ܠܚܪܢ. ܘܐܬܼܐ ܗܼܘ ܘܥܿܡܪ ܬܡܘܢ. ܘܡܢ ܗܝܕܝܢ ܠܐ ܫܠܼܘ ܩܪ̈ܒܐ ܡܢܗܼ ܟܠ ܝܘ̈ܡܝ ܡܠܟܘܬܗ.

ܫܢܬ ܐܠܦܐ ܘܚܡܫܝܢ ܘܬܡܢ̈ܐܼ. ܢܦܼܩ ܕܚܡ ܒܚܪܘܪܝܘܬܐ ܒܓܙܝܪܬܐ.. ܡܪܘܢ ܕܝܢ ܟܕ ܐܬܼܐ ܠܓܙܝܪܬܐ: ܘܥܕܟܝܠ

Page 191

ܠܐ ܫܠܝ ܡܢܗ ܒܝ̈ܫܬܐܼ. ܢܒܼܥ ܠܗ ܬܘܒ ܫܦܝܐ ܒܝܫܐ ܡܢ ܐܪܥܐ ܕܓܙܝܪܬܐ. ܘܐܬܚܼܙܝ ܛܪܘܢܐ ܒܗ ܒܙܒܢܐ ܗܢܐܼ ܕܚܩ ܡܢ ܛܘܪܐ ܕܐܝܙܠܐ. ܘܝܥܩܘܒ ܘܚܒܪܝ܆ ܐܦ ܣܩܣܩܝ܀ ܗܠܝܢ ܢܦܼܩܘ ܘܡܚܼܘ ܩܪ̈ܒܐ ܣܓܝ̈ܐܐ ܥܡ ܡܪܘܢܼ. ܘܥܡ ܣܓܐܐ ܩܛܠ ܡܢܗ. ܘܟܕ ܩܪ̈ܒܐ ܣܓܝ̈ܐܐ ܒܟܠܕܘܟ ܡܚܼܘܿ. ܠܚܪܬܐ ܥܒܕ ܩܪܒܐ ܩܫܝܐ ܘܥܙܝܙܐܼ ܒܬܠ ܡܫܪܝܬܐ.ܘܐܬܩܛܠ ܕܚܩ ܘܚܝܠܗ ܟܠܗ. ܘܐܬܗܙܡ ܗܠܝܢ ܕܦܫܼ ܘܥܪܩ.

ܫܢܬ ܐܠܦܐ ܘܚܡܫܝܢ ܘܬܫܥܼ. ܗܼܘܐ ܪܥܠܼܐ ܪܒܐ ܘܙܝܥܐ ܒܐܪܥܐܼ ܕܡܥܪܒܐ. ܡܙܥ ܬܙܘܥ ܐܪܥܐ. ܘܡܕܠ ܬܕܘܠ ܐܪܥܐ. ܘܬܢܘܕ ܐܝܟ ܥܪܙܠܐ. ܗܠܝܢ ܘܕܐܝܟ ܗܠܝܢ܆ ܘܕܒܝ̈ܫܢ ܣܿܓܝ ܡܢ ܗܠܝܢ: ܥܒܿܕܝܢ ܥܘ̈ܠܐ ܘܚܛܗ̈ܐ ܘܒܝܗܫܬܐ ܕܡܢܢ ܟܠܝܘܡ ܡܣܬܥܪ̈ܢ. ܥܠܠܬ̈ܐ ܕܢܘ̈ܕܐ ܡܢ ܐܝܟܐ ܐܝܬ ܠܢ ܠܡܚܘܝܘ ܕܗܿܘܝܢ܇ ܐܠܐ ܐܢ ܡܢ ܥܼܠܬ ܚܛܗ̈ܐ ܕܒܢܝ̈ܢܫܐ. ܕܠܡܐ ܐܪܥܐ ܡܬܪܦܝܐ: ܘܗܝܕܝܢ ܟܕ ܙܝܥܐ ܐܦ ܢܐܝܕܐ ܩܿܪܝܐ ܠܐܘܡܢܗܿ ܕܢܐܬܐ ܘܢܚܿܨܝܗܿ. ܠܐ ܣܿܒܪ ܐܢܐ. ܐܠܐ ܗܷ ܕܡܒܓܢܐ ܟܕ ܝܙܥܐ ܡܢ ܥ̈ܘܠܐ ܕܐܝܬ ܠܥܠ ܡܢܗܿ. ܐܝܟܢܐ ܕܐܠ ܙܒܢܐ ܚܼܘܝܬ ܒܥܒܿܕܐ ܓܠܝܐܝܬ.. ܗܼܘܐ ܕܝܢ ܒܠܠܝܐ ܙܘܥܐ. ܘܐܝܟ ܩܠܐ ܕܬܘܪܐ ܟܕ ܓܥܿܐ ܡܫܬܡܥ ܗܘܐ ܡܢ ܪܘܚܩܐ ܣܓܝܐܐ. ܘܟܕ ܗܼܘܐ ܨܦܪܐܼ. ܦܩܼܕ ܐܦܝܣܩܦܐ ܥܡ ܦܣܩܐܼ. ܕܢܬܟܢܫܘܢ ܟܠܗܘܢ ܘܢܦܠܘܢ ܠܒܥܘܬܐ. ܟܕ ܐܡܿܪ ܕܥܠܬܐ ܗܕܐ ܡܢ ܥܠܬ ܚܛܗ̈ܐ ܗܼܘܬ. ܘܟܕ ܟܠ ܐܢܫ ܐܬܼܐ ܠܒܥܘܬܐܼ. ܘܢܦܼܩ ܟܠܗܘܢ ܫܘܝܐܝܬ ܠܒܪ ܡܢ ܡܕܝܢܬܐ: ܠܗܝܟܝܐ ܕܐܝܬ ܠܒܪ ܡܢ ܡܕܝܢܬܐ܆ ܕܡܬܩܪܐ ܕܒܝܬ ܝܠܕܬ ܐܠܗܐܿ ܗܢܘ ܕܝܢ ܕܡܒܘܓ ܕܒܐܪܥܐ ܕܡܥܪܒܐ. ܘܐܦ ܗܢܘܢ ܐܝܬܝܗܘܢ ܟܠܩܕܘ̈ܢܝܐ: ܘܐܦ ܗܼܘ ܐܦܣܩܦܗܘܢ ܢܦܼܩ ܒܪܝܫܗܘܢ: ܘܟܕ ܡܢܥ ܘܡܛܘ ܠܗ ܠܗܝܟܠܐܼ ܘܥܠ ܠܓܘܗ ܟܠܗܘܢ

Page 192

ܐܝܟ ܥ̈ܙܐ ܒܛܝܪܐ: ܘܓܿܥܝܢ ܒܨܠܘܬܐ ܫܘܝܐܝܬܼ. ܗܘܼܐ ܙܘܥܐ ܡܢ ܫܠܝ. ܘܐܣܬܚܦ ܒܝܬܐ ܗܘܿ ܥܠܝܗܘܢ܆ ܘܟܒܫ ܐܢܘܢ ܠܟܠܗܘܢ ܥܡ ܐܦܣܩܦܗܘܢ: ܘܡܝܬܘ ܒܗ. ܘܐܢܫ ܠܐ ܐܬܦܠܛ ܡܢܗ ܒܚܝ̈ܐ. ܐܠܐ ܡܢ ܫܠܝ ܗܘܼܘ ܟܠܗܘܢ ܚܕܐ ܡܥܨܪܬܐ ܕܐܒܕܢܐ ܘܕܪܘܓܙܐ. ܐܦ ܐܒܕ ܙܕܝܩܐ ܥܡ ܚܛܝܐ.

ܫܢܬ ܐܠܦܐ ܘܫܬܝܢ܆ ܣܠܼܩ ܥܡܐ ܕܦܘܪ̈ܣܝܐ ܥܠ ܐܪܥܐ ܕܣܘܪܝܐ. ܘܟܒܼܫ ܐܦ ܠܛܝܝ̈ܐ. ܘܐܡܠܟ ܚܠܦܝܗܘܢ ܥܠ ܐܪܥܐ.. ܥܠ ܗܠܝܢ ܩܿܕܡܼ ܐܬܢܒܝ ܐܫܥܝܐ ܟܕ ܐܡܿܪ: ܕܗܐ ܐܬܘܪܝܐܼ ܫܒܛܐ ܗܘ ܕܪܘܓܙܝ. ܘܚܘܛܪܐ ܗܘ ܒܐܝܕܗܘܢ ܕܡܚܘܬܝ. ܥܠ ܥܡܐ ܚܠܦܐ ܐܫܬܕܪܝܘܗܝ. ܘܥܠ ܥܡܐ ܐܟܬܢܐ ܐܦܩܕܝܘܗܝ.. ܘܬܘܒ ܐܡܼܪ܆ ܘܢܗܘܐ ܒܝܘܡܐ ܗܿܘܼ. ܢܫܿܪܩ ܡܪܝܐ ܠܕ̈ܒܒܐ ܕܒܫܦܘ̈ܠܝ ܢܗܪ̈ܘܬܐ ܕܡܨܪܝܢ. ܘܐܦ ܠܕܒܘܪ̈ܝܬܐ ܕܒܐܪܥܐ ܕܐܬܘܪ ܘܢܬܬܢܝܚܘܢ ܟܠܗܘܢ ܒܢܚܠܐ ܕܝܬܘܬܼ ܘܒܦܥܪ̈ܐ ܕܟܐܦܐ… ܫܪܝܪܐܝܬ ܕܗܠܝܢ ܐܝܬܝܗܘܢ ܫܒܛܐ ܕܪܘܓܙܐ. ܘܚܘܛܪܐ ܕܡܚܘܬܐ ܒܐܝܕܗܘܢ ܐܝܟ ܡܐ ܕܐܡܼܪ ܢܒܝܐ. ܚܘܛܪ̈ܐ ܛܥܝܢܝܢ ܗܘܼܘ ܒܐܝܕ̈ܝܗܘܢ܆ ܘܒܪܝܫܗ ܕܢܚܕ ܡܢܗܘܢ ܐܝܬ ܗܘܐ ܩܪܘܨܐ ܕܦܪܙܠܐ ܘܕܡܿܝܢ ܠܗܠܝܢ ܕܐܙܿܠܝܢ ܢܩܛܠܘܢ ܟܠ̈ܒܐ.. ܘܕܬܘܒ ܩܼܪܐ ܐܢܘܢ ܕܒܒ̈ܐ ܘܕܒܘܪ̈ܝܬܐܼ. ܒܫܪܪܐ ܕܐܝܟ ܕܒ̈ܒܐ ܥܠ ܟܠ ܙܡܝܢ ܘܟܢܝܢ ܘܥܒܕܝܢ ܪܚܫܐ܆ ܐܦ ܪܝܚܐ ܣܪܝܐܼ. ܗܟܢܐ ܐܦ ܗܠܝܢ ܐܝܬܝܗܘܢ ܚܪ̈ܫܐ ܘܓܢ̈ܒܐ ܘܓܝܪ̈ܐ ܘܐܫܕ̈ܝ ܕܡܐ܆ ܘܟܠ ܐܝܟܐ ܕܢܡܛܠ ܚܕ ܚܕ ܡܢܗܘܢܼ. ܒܝ̈ܫܬܐ ܣܿܥܕ ܗܘܐܼ ܐܦ ܡܨܘܬܐ ܘܫܓܘܫܝܐ. ܐܬܥܝܪܘ ܡܢ ܐܪܥܗܘܢܼ. ܘܣܠܼܩ ܒܥܡܐ ܣܓܝܐܐ ܒܕܡܘܬܐ ܕܫܠܚܐ ܕܕܒܘܪ̈ܝܬܐ ܕܫܝ̈ܛܢ ܒܚܙܬܐ ܘܠܐ ܗܦ̈ܟܢ ܠܒܬܪ̈ܗܝܢ. ܗܟܢ ܐܬܫܟܢܫܘ ܘܣܠܼܩ ܥܡ ܐܪܥܐ. ܘܢܚܼܬ ܚܝܠܐ ܕܛܝܝ̈ܐ ܠܘܩܒܠܗܘܢ ܨܝܕ ܥܩܘܠܐ. ܘܠܐ ܩܡ ܩܕܡܝܗܘܢ. ܒܗܿܝ ܕܚܪܒܘܗܝ. ܘܕܫܪܟܐ ܥܪܩܘ

Page 193

ܘܐܬܒܕܪ. ܘܫܩܠ ܙܝܢܐ ܘܪ̈ܟܫܐ ܘܥܘܬܪܐ ܪܒܐ ܡܢܗܘܢ: ܡܕܠ ܕܟܠܗܘܢ ܪ̈ܓܠܐ ܗܘܘ ܘܡܕܡ ܠܐ ܩܢܝܢ ܗܘܘܼ. ܐܠܐ ܚܘܛܪ̈ܐ ܗܠܝܢ ܕܒܐܝܕ̈ܝܗܘܢ.܀ ܐܡܼܪ ܕܝܢ ܥܠܝܗܘܢܼ. ܐܦ ܝܘܐܝܠ ܗܟܢܐ: ܕܐܝܟ ܫܦܝܪܐ ܕܦܪܝܣ ܥܠ ܛܘܪ̈ܐ. ܥܡܐ ܣܓܝܐܐ ܘܥܫܝܢܐ. ܕܐܟܘܬܗ ܠܐ ܗܼܘܐ ܡܢ ܥܠܡ. ܘܒܬܪܗ ܠܐ ܢܗܘܐ ܥܕܡܐ ܠܫܢ̈ܝ ܕܪܕܪ̈ܝܢ. ܩܕܡܘܗܝ ܐܟܠܐ ܢܘܪܐܼ ܘܒܬܪܗ ܡܘܩܕܐ ܫܠܗܒܝܬܐ. ܐܝܟ ܦܪܕܝܣܐ ܕܥܕܝܢ ܐܪܥܐ ܩܕܡܘܗܝܼ. ܘܡܣܒܬܪܗ ܡܕܒܪܐ ܚܪܒܐ. ܘܠܝܬ ܕܡܫܬܘܙܒ ܡܢܗ. ܐܝܟ ܚܙܘܐ ܠܡ ܕܪܟܫܐ ܚܙܘܗ: ܘܐܝܟ ܦܪ̈ܫܐܼ ܗܟܢܐ ܕܪܗܛܝܢ.. ܫܦܝܪ ܩܪܝܗܝ ܗܘܐ ܢܒܝܐ ܚܙܘܐ ܕܪ̈ܟܫܐ. ܒܕܡܘܬܐ ܕܥܢܦܐ ܕܐܝܬ ܠܣܘܣܝܐ ܥܠ ܪܝܫܗ ܘܥܠ ܩܕܠܗܼ. ܗܟܢܐ ܘܐܦ ܐܝܬ ܠܗܘܢ ܣܥܪܐ ܐܪܝܟܐ ܐܝܟ ܥܢܦܐ ܕܣܘܣܝܐ.. ܘܬܘܒ ܐܡܼܪ: ܕܐܝܟ ܦܪ̈ܫܐܼ ܗܟܢܐ ܪܗܛܝܢ. ܘܐܝܟ ܩܠܐ ܕܡܪ̈ܟܒܬܐ ܕܡܢ̈ܗܙܢ ܥܠ ܪ̈ܝܫܝ ܛܘܪ̈ܐ. ܘܐܝܟ ܩܠܐ ܕܫܠܗܒܝܬܐ ܕܢܘܪܐ ܕܐܟܠܐ ܚܒܬܐ. ܘܐܝܟ ܥܡܐ ܥܫܝܢܐ ܕܣܕܝܪ ܠܩܪܒܐ. ܡܢ ܩܕܡܘܗܝ ܢܙܥܘܢ ܥܡܡ̈ܐ. ܘܟܠ ܐܦܝ̈ܢ ܢܐܟ̈ܡܢ ܐܝܟ ܫܘܚܪ̈ܐ ܕܩܕܪܐ. ܐܝܟ ܓܢܒܪ̈ܐ ܢܪܗܛܘܢ. ܘܐܝܟ ܓܒܪ̈ܐ ܢܣܼܩܘܢ ܒܫܘܪ̈ܐ.. ܘܬܘܒ. ܒܡ̈ܕܝܢܬܐ ܢܣܩܘܢ. ܘܥܠ ܫܘܪ̈ܐ ܢܪܗܛܘܢ ܘܥܠ ܒ̈ܬܐ ܢܣܩܘܢ. ܘܡܢ ܟܘ̈ܐ ܢܼܥܠܘܢ ܐܝܟ ܓܢܒ̈ܐ. ܩܕܡܘܗܝ ܐܬܬܕܠܚܬ ܐܪܥܐ ܘܙܥܘ ܫܡܝܐ.. ܘܐܦ ܢܚܘܡ ܐܡܼܪ: ܕܚܙܘܗܘܢ ܐܝܟ ܠܡ̈ܦܝܕܐ ܕܢܘܪܐ. ܘܐܝܟ ܒܪܩܐ ܪܗܛܝܢ. ܢܐܚܕܘܢ ܠܫܠ̈ܛܢܝܗܘܢ ܘܢܬܬܩܠܘܢ ܒܗ̈ܠܟܬܗܘܢ. ܘܢܣܬܪܗܒܘܢ ܠܫܘܪܐ ܘܢܬܛܝܒܘܢ ܥܥ̈ܝܬܐ.. ܘܬܘܒ: ܘܐܦ̈ܝ ܟܠܗܘܢ ܐܘܟܡ ܐܝܟ ܫܘܚܪ̈ܐ ܕܩܕܪܐ.. ܠܘ ܒܠܚܘܕ ܐܦ̈ܝܗܘܢ ܐܝܬܝܗܝܢ ܐܘܟ̈ܡܬܐܼ. ܐܠܐ ܘܟܠܗܘܢ ܠܒܘܫܝ̈ܝܗܘܢ ܐܝܬܝܗܘܢ ܐܘ̈ܟܡܐ. ܟܠܗ ܓܝܪ ܠܒܘܫܗ ܐܘܟܡܐ ܐܝܬܘܗܝ. ܐܝܟܢܐ ܕܡܢ ܥܠܬܐ ܗܕܐ ܡܬܩܪܝܢ ܗܘܘ

Page 194

ܡܣ̈ܘܕܐ. ܗܿܘ ܕܒܠܫܢܐ ܣܘܪܝܝܐ ܡܬܬܪܓܡ ܐܘ̈ܟܡܐ.

ܟܕ ܕܝܢ ܟܒܫܘܗܿ ܠܐܪܥܐ ܬܚܬܝܬܐܼ. ܫܕܪ ܬܘܒ ܡܪܘܢ ܥܠܝܗܘܢ ܠܒܪ ܗܘܒܝܪܐ ܠܢܨܒܝܢ. ܘܐܦܠܐ ܗܢܐ ܗܘܼܐ ܠܗ ܩܘܡܐ ܠܘܩܒܠܗܘܢ. ܐܠܐ ܗܙܡܘܗܝ ܐܦ ܠܗ. ܘܗܝܕܝܢ ܢܚܬ ܬܘܒ ܥܒܕܠܗ ܒܪ ܡܪܘܢ. ܘܐܙܕܟܝ ܐܦ ܗܼܘ. ܘܐܬܼܐ ܐܦ ܡܪܘܢ. ܘܟܕ ܩܪ̈ܒܐ ܣܓܝ̈ܐܐ ܡܚܘ: ܘܡܢ ܬܪ̈ܝܗܘܢ ܓܒ̈ܐ ܩܛ̈ܠܐ ܣܓܝ̈ܐܐ ܐܪܡܝܘ ܡܢ ܚܕ̈ܕܐܼ. ܠܚܪܬܐ ܡܼܚܘ ܩܪܒܐ ܩܫܝܐ ܘܥܙܝܙܐܼ ܘܐܦ ܪܘܬ ܐܪܥܐ ܡܢ ܕܡܐ ܣܓܝܐܐ ܕܐܫܕܘ ܥܠܝܗܿ ܒܝܬ ܙܒ̈ܐ. ܘܐܬܗܙܡ ܡܪܘܢ ܘܥܪܩ. ܘܐܬܒܕܪ ܚܝܠܗ. ܘܥܪܩ ܗܼܘ ܘܥܒܼܪ ܦܪܬ. ܘܐܬܚ̈ܕܝܢ ܡܕܝ̈ܢܬܐ ܟܠܗܝܢ ܩܕܡܘܗܝ. ܘܐܦ ܨܼܒܘ ܡܥܪ̈ܒܝܐ ܠܡܩܪܒܘ ܥܡܗ. ܘܡܢ ܗܫܐ ܐܒܕܘ ܘܠܐ ܐܫܬܟܚ܆ ܠܐ ܗܼܘ ܘܐܦܠܐ ܐܢܫ ܡܢ ܕܝܠܗ. ܐܝܠܝܢ ܕܝܢ ܕܨܕܘ ܡܢܗܘܢܼ ܩܛܼܠ. ܘܡܢܗܘܢ ܐܣܪܘ ܒܝܬ ܐܣܝܪ̈ܐ. ܦܘܪ̈ܣܝܐ ܕܝܢ ܟܕ ܗܙܡܘܗܝ ܠܡܪܘܢ. ܦܪܚ ܒܐܪܥܐ ܐܝܟ ܕܐܒ̈ܐ ܕܪܡܫܐܼ ܘܐܝܟ ܢܫܪܐ ܕܟܦܿܢ ܠܡܟܘܠܬܐ. ܕܥܠܝܗܘܢ ܐܬܢܒܝ ܐܦ ܚܒܩܘܩ ܟܕ ܐܡܼܪ: ܕܗܐ ܡܩܿܝܡ ܐܢܐ ܠܟ̈ܠܕܝܐܼ ܥܡܐ ܡܪܝܚܐ ܘܡܪܝܪܐ. ܕܐܙܿܠ ܒܦܬܝܗܿ ܕܐܪܥܐ ܠܡܪܬ ܡ̈ܫܟܢܐ ܕܠܐ ܕܝܠܗ. ܥܫܝܢ ܗܘ ܘܕܚܝܠ. ܘܕܝܢܗ ܡܢܗ ܡܦܩ. ܒܫܪܪܐ ܕܒܦܬܝܐ ܕܐܪܥܐ ܪܕܐ ܗܘܐ. ܩܠܝܠܝܢ ܠܡ ܪ̈ܟܫܘܗܝ ܡܢ ܢܡܪ̈ܐ. ܘܚܪܝܦܝܢ ܡܢ ܕܐܒ̈ܐ ܕܪܡܫܐ. ܢܛܘܣܘܢ ܐܝܟ ܢܫܪܐ ܕܟܦܢ ܠܡܟܘܠܬܐ. ܟܠܗܘܢ ܠܚܛܘܦܝܐ ܐܬܿܝܢ. ܟܐܢܐܝܬ ܕܡܝ ܐܢܘܢ ܢܒܝܐ ܗܢܐܼ ܠܕܐܒ̈ܐ ܕܪܡܫܐ. ܡܛܠ ܕܕܐܒܐ ܒܝܕ ܕܟܠܗ ܝܘܡܐ ܠܐ ܡܬܚܙܐܼ ܘܐܦܠܐ ܡܫܟܚ ܠܡܬܚܙܝܘ ܡܢ ܒܢܝ̈ܢܫܐ ܘܡܢ ܟܠܒ̈ܐ. ܥܕܢ ܪܡܫܐ ܟܿܦܢ ܒܗܿܝ ܕܟܝܠܗ ܝܠܘܡܐ ܠܐ ܐܟܠ. ܒܡܕܢܚ̈ܝ ܫܡܝܐ ܠܡ ܡܬܚܡܠܝܢ.

Page 195

ܘܒܡܥܡܪ̈ܝܗܘܢ ܪܒܥܝܢ. ܘܢܦܩ ܒܪܢܫܐ ܠܥܒܕܗ ܘܠܦܘܠܚܢܗ ܥܕܡܐ ܠܪܡܫܐ. ܐܝܟ ܡܐ ܕܟܦܢܝܢ ܘܓܝܥܝܢ: ܗܟܢܐ ܐܝܬܝܗܘܢ ܗܘܘ. ܘܐܝܟ ܢܐܫܪܐ ܕܡܝܠܠ ܡܐ ܕܟܿܦܝܢ: ܗܟܢܐ ܡܝܠܠܝܢ ܗܘܘ. ܘܟܠ ܐܝܟܐ ܕܡܛܝܢܼ ܚܛܦܝܢ ܗܘܘ ܥܒܕܗܘܢ ܕܒܢܝ̈ܢܫܐܼ ܐܝܟ ܕܐܒ̈ܐ. ܐܝܟ ܡܐ ܕܐܡܼܪ܆ ܕܟܠܗܘܢ ܠܚܛܘܦܝܐ ܐܬܿܝܢ. ܘܗܼܘ ܠܡ ܒܡ̈ܠܟܐ ܡܡܝܩ܆ ܘܒܫ̈ܠܝܛܢܐ ܡܒܙܚ. ܘܥܠ ܟܠ ܟܪ̈ܟܝܢ ܓܚܿܟ.. ܐܝܟܢܐ ܠܐ ܫܦܝܪ ܐܡܿܪܐ ܢܒܝܘܬܐ ܕܓܿܚܟ ܥܠ ܟܪ̈ܟܐ: ܒܝܕ ܗܿܝ ܕܒܐܝܕ̈ܝܗܘܢ ܐܬܥܩܼܪ ܟܠܗܘܢ ܫܘܪ̈ܐ ܕܡܕ̈ܝܢܬܐ. ܘܡܕܡ ܕܡ̈ܠܟܐ ܬܩ̈ܢܐ ܘܚܟܝ̈ܡܐ ܥܒܼܕܘ ܒܕܗܒܐ ܣܓܝܐܐܿ. ܡܛܠ ܢܘܛܪܐ ܕܒܥܠܕ̈ܒܒܐܼ. ܗܢܼܘܢ ܚܒܠܘܗܝ. ܐܡܼܪ ܕܗܼܘ ܒܡ̈ܠܟܐ ܡܡܝܩ܆ ܘܒܫܠܝ̈ܛܢ ܡܒܙܚ. ܐܝܟܢܐ ܡܝܩ ܐܘ ܒܙܚ܆ ܐܠܐ ܟܕ ܥܩܪ ܬܩܢ̈ܬܗܘܢ܀ ܗܘܼܐ ܕܝܢ ܥܡܠܐܩܕܡܝܐ ܥܠ ܓܙܝܪܬܐ ܥܿܟܝ. ܘܐܦܩܘܢ ܦܘܩܕܢܐ ܕܠܗܘܢ ܡܫ̈ܠܡܢܐ ܢܘܟܡܘܢ ܠܒܘ̈ܫܝܗܘܢ.

ܒܫܢܬ ܐܠܦܐ ܘܚ̈ܡܫܝܢ ܘܐܪ̈ܒܥ܆ ܢܬܪܘܢ ܟܘ̈ܟܒܐ ܕܒܫܡܝܐܼ ܒܪܝܫܗ ܕܟܢܘܢ ܐܚܪܝܼ. ܒܝܘܡ ܥܪܘܒܬܐ. ܘܗܟܢܐ ܡܬܚܙܝܢ ܗܘܘܼ ܐܝܟ ܐܣܦܝܪ̈ܐ ܕܢܘܪܐ ܕܪܕܝܢ ܠܟܠ ܓܒܝ̈ܢ. ܟܕ ܡܩܕܡܝܢ ܗܘܘ ܘܡܘܕܥܝܢ ܥܠ ܐܘܠܨܢ̈ܐ ܕܐܬܼܘ ܥܠ ܐܪܥܐ ܡܢ ܒܬܪܟܝܢ܇ ܕܚܪܒܐ ܘܡܘܬܢܐ. ܘܥܠ ܡܬܝܬܝܗܘܢ ܕܦܘܪ̈ܣܝܐ.

ܫܢܬ ܐܠܦܐ ܘܫܬܝܢ ܘܚܕܐܼ. ܚܘܪܘܢ ܛܝܝ̈ܐ.. ܛܝ̈ܝܐ ܕܝܢ ܟܕ ܚܙܘ ܒܝ̈ܫܬܐ ܕܡܣܒܠܝܢ ܒܗܘܢ ܦܪ̈ܣܝܐ. ܘܠܐ ܚܝܣܝܢ ܥܠܝܗܘܢܼ ܕܢܩܛܠܘܢ ܐܢܘܢ ܐܝܟ ܥܪ̈ܒܐܼ. ܘܕܫܒܘܢ ܥܒܕܗܘܢ: ܠܐ ܚܡܣܢ ܬܘܒܼ ܘܚܼܿܘܪ.. ܐܡܼܪ ܓܝܪ ܘܒܡ̈ܠܟܐ ܘܒܫ̈ܠܝܛܢܐ ܡܒܙܚ. ܘܬܘܒܼ ܘܫܝܼܛܐ ܢܫܬܠܿܛ ܒܪܘܪ̈ܒܢܐܼ ܘܡܨܥܪ̈ܐ ܥܠ ܡܝܩܪ̈ܐ..ܚܘܪܘܢ

Page 196

ܕܝܢ ܛܝ̈ܝܐܼ. ܘܩܛܠ ܡܢܗܘܢ ܥܡܐ ܣܓܝܐܐ. ܘܐܦ ܛܪܕ ܐܢܢ ܘܢܚܬܘ ܠܐܪܥܗܘܢ. ܟܕ ܠܐ ܐܡܠܟ ܫܢܬܐ ܡܫܡܠܝܬܐ. ܘܩܛܪ ܦܬܢܐܼ ܘܢܦܼܩ ܒܘܪܝܟܐ ܒܚܪܘܪܝܘܬܐ.

ܘܒܫܢܬ ܐܠܦܐ ܘܫܬܝܢ ܘܬܪܬܝܢ܆ ܐܦܬܢܘ ܛܝܝ̈ܐ ܕܡܝܦܪܩܛܐ ܥܠ ܐܬܪܗܘܢ. ܘܫܪܝܘ ܥܿܒܕܝܢ ܒܝܗܫܬܐ ܪܘܪ̈ܒܬܐ ܒܒܢ̈ܝ ܛܘܪܐ ܘܒܐܬܪܐ. ܘܣܠܼܩ ܥܠ ܩܠܝܐܡ ܕܩܘܠܒܼ ܩܘܪܐ ܒܪ ܬܒܝܬ. ܘܠܒܟ ܐܢܘܢ ܠܪ̈ܗܘܪܒܢܘܗܝ. ܘܐܦ ܩܼܛ ܠܫܒ̈ܥܐ ܡܢܗܘܢ. ܘܗܝܕܝܢ ܟܕ ܗܠܝܢ ܗܘ̈ܝ ܘܫܡܼܥ ܕܐܬܩܛܠܘ: ܐܚܝ̈ܗܘܢ ܒܢ̈ܝ ܩܠܝܡܐ ܕܦܝܣܼ. ܠܒܟ ܢܦܫܗܘܢ ܕܠܐ ܢܐܒܫ ܠܗܘܢ ܡܢ ܐܚܝ̈ܗܘܢ. ܘܐܬܟܝܢ ܓܒܪܐ ܠܒܝܒܐ ܘܡܗܝܡܢܐ ܘܕܚܠ ܠܐܠܗܐܼ. ܓܒܪܐ ܕܫܡܗ ܝܘܚܢܢ ܒܪ ܕܕܝ. ܡܢܗܿ ܕܝܠܗܿ ܕܦܝܣ ܩܪܝܬܐ. ܘܟܿܢܼܫ ܐܢܘܢ ܠܟܠܗܘܢ ܒܢ̈ܝ ܩܠܝܡܐ ܕܦܝܣܼ. ܘܡܠܠ ܥܡܗܘܢ ܘܐܡܼܪ ܠܗܘܢ: ܕܝܘܡܢܐ ܝܿܕܥܬܘܢ ܕܡܠܟܐ ܠܝܬ ܕܢܬܒܥ ܕܡܼܢ ܡܢ ܐܝ̈ܕܝ ܗܠܝܢ. ܘܐܢܕܝܢ ܢܫܒܘܩ ܐܢܘܢ ܡܬܟܢܫܢ ܥܠܝܢܼ ܡܣܩܝܢ ܠܢ ܡܢ ܐܪܥܐ ܘܠܟܠ ܕܐܝܬ ܠܢ. ܘܗܢܼܘܢ ܩܠܝܠܐܝܬ ܫܡܥܘܗܝܼ. ܘܐܙܠ ܒܬܪܗ. ܘܥܒܕܘܗܝ ܠܗܘܢ ܪܝܫܐ. ܘܐܦ ܐܥܠ ܐܢܘܢ ܠܗܝܟܠܐ ܩܕܝܫܐ. ܘܐܝܡܝܘ ܠܗ ܒܐܪ̈ܙܐ ܐܠܗܝ̈ܐܼ ܕܫܡܥܝܢ ܠܗ ܟܠ ܡܐ ܕܦܿܩܼܕ ܠܗܘܢ. ܘܠܐ ܥܿܒܪܝܢ ܥܠ ܡܠܬܗ. ܘܐܦܠܐ ܡܬܢܟܠܝܢ ܥܠܘܗܝ ܒܚܕ ܡܢ ܐܣܟܝܡ. ܗܼܘ ܕܝܢ ܚܝܠܬܢܐܝܬ ܐܬܓܒܪ ܟܕ ܥܼܒܕ ܠܥܠ ܡܢܗ ܪܝܫܐ ܐܠܗܐ. ܘܫܩܠ ܣܝܥܬܗܼ ܘܥܼܒܕ ܠܗܿ ܪ̈ܝܫܝ ܚ̈ܝܠܘܬܐ. ܘܪ̈ܝܫܝ ܐܠܦ̈ܐ. ܘܪ̈ܝܫܝ ܡܘ̈ܬܐ. ܘܪ̈ܝܫܝ ܚܡܫ̈ܝܢ. ܘܪ̈ܝܫܝ ܥܣܪܐ. ܘܐܦ ܐܩܝܡ ܡܛܪ̈ܢܐ ܥܠ ܬܪ̈ܥܐ ܕܥܿܠܝܢ ܟܠܗܘܢ ܠܛܘܪܐ. ܘܢܦܩ ܓܒܪܐ ܕܫܡܗ ܣܘܕܐ: ܟܕ ܡܫܬܘܕܐ ܠܟܠܗܘܢ ܛܝ̈ܝܐ ܕܝܠܗܿ

Page 197

ܕܡܝܦܪܩܛܐܼ. ܕܢܐܝܬܐ ܐܢܘܢ ܠܪ̈ܝܫܝܗܘܢ ܕܪ̈ܘܪܒܢܐ ܕܛܘܪܐ ܟܕ ܦܣܝܩܝܢܼ. ܘܠܟܠܗܘܢ ܗܢܿܘܢ ܕܫܪܟܐ ܢܥܠ ܐܢܘܢ ܒܐܣܘܪ̈ܐ. ܘܟܕ ܫܘܘ̈ܕܝܐ ܕܐܝܟ ܗܠܝܢ ܣܡܼ. ܕܒܼܪ ܥܡܗ ܚܝܠܐ ܣܓܝܐܐܼ ܘܢܦܼܩ ܥܠܝܗܘܢ. ܐܝܟ ܠܡ ܒܥܿܐ ܫܝܢܐ. ܗܢܘܢ ܕܝܢ ܟܕ ܝܼܕܥܘ ܠܨܢܥܬܗ ܢܟܝܠܬܐܼ. ܢܦܠ ܥܠܘܗܝ ܡܢ ܫܠܝܼ. ܘܩܛܠ ܡܢܗ ܥܡܐ ܣܓܝܐܐ. ܘܕܫܪܟܐ ܥܪܩ ܘܐܬܩܛܠܘ ܒܝܕ ܪ̈ܟܫܐ ܕܬܚܘܬܝܗܘܢ ܘܥܠ ܠܡܕܝܢܬܐ. ܘܡܢ ܗܿܝܕܝܢ ܐܬܥܝܪܬ ܒܝܫܬܐ ܪܒܬܐ ܒܝܢܬܗܘܢ.܀ ܥܡܠܐ ܕܝܢ ܐܝܢܐ ܕܡܢ ܙܒܢܐ ܕܬܪ̈ܬܝܢ ܫܢܝ̈ܢܼ ܒܚܣܢܐ ܕܩܘܠܒ ܝܿܬܒ ܗܘܐܼ. ܗܼܘܐ ܨܒܢܐ ܡܢ ܬܪ̈ܝܗܘܢ ܓܒ̈ܐܼ. ܕܛܝ̈ܝܐ ܘܕܟܪ̈ܣܛܝܢܐܼ. ܕܢܚܘܬ ܡܢ ܚܣܢܐ: ܘܠܐ ܫܠܼܡ. ܐܠܐ ܐܦܬܢܘ ܒܗ. ܛܝܝ̈ܐ ܕܝܢ ܒܥܿܝܢ ܗܘܘ ܠܡܚܬܘܬܗ ܡܢ ܬܡܢ܆ ܕܕܠܡܐ ܢܡܪܕ ܠܗ ܥܡ ܛܘܪ̈ܝܐ. ܘܐܦ ܗܢܘܢ ܣܘܪ̈ܝܝܐ ܒܥܿܝܢ ܗܘܘ ܕܢܚܘܬ ܕܕܠܡܐܢܬܢܟܠ ܥܠܝܗܘܢ. ܗܼܘ ܕܝܢ ܟܕ ܥܼܨܐ ܠܬܪ̈ܝܗܘܢ ܓܒ̈ܐܼ ܐܡܪܕܘ ܒܗ ܒܚܣܢܐ. ܘܐܦ ܟܿܢܼܫ ܠܗ ܐܢܫܐ ܦܚ̈ܙܐ: ܘܗܼܘܐ ܥܠܝܗܘܢ ܪܝܫܐ. ܘܐܦ ܕܒܪܗܿ ܠܟܠܗܿ ܣܝܥܬܗܼ. ܘܢܚܼܬ ܢܫܒܐ ܠܩܘܪ̈ܝܣ ܘܢܿܣܩ ܐܢܝ̈ܢ ܠܚܣܢܐ. ܘܢܦܠ ܡܢ ܫܠܝ ܥܠ ܐܠܘܠ ܘܦܫܦܫܛ. ܘܣܥܪ ܒܗ̈ܝܢ ܟܠܗܝܢ ܣܢܝ̈ܬܐܼ. ܗܼܘ ܘܚܝܠܗ. ܘܐܣܪ ܠܟܠܗܘܢ ܥܡܘܪ̈ܝܗܝܢ. ܘܒܙ ܠܟܠ ܕܩܢܝܢ. ܘܟܕ ܗܢܘܢ ܣܥܿܪܝܢ ܒܝ̈ܫܬܐ ܠܥܡܘܪ̈ܝܗܿ ܕܩܪܝܬܐܼ. ܫܠܚ ܠܗ ܡܛܫܝܐܝܬ ܠܝܘܚܢܢ: ܕܐܕܪܟܘܢ ܠܢ ܕܠܐ ܢܬܕܒܪ ܒܫܒܝܐ. ܝܘܚܢܢ ܕܝܢ ܟܕ ܫܡܥ ܥܠ ܐܘܠܨܢܐ ܕܐܚ̈ܘܝܼ ܐܬܪܗܒ. ܘܩܠܝܠܐܝܬ ܕܒܪ ܚܝܠܗܼ ܘܢܚܬ ܥܠܝܗܘܢ. ܘܥܕ ܠܠܝܐ ܗܘܼ ܐܬܟܪܟܘܗܿ ܠܩܪܝܬܐ ܗܿܝ ܕܒܗܿ ܐܝܬܝܗܘܢ. ܘܫܠܚ ܠܗܘܢ. ܕܦܘܩ ܡܢ ܓܘ ܩܪܝܬܐ ܘܙܠܘ ܒܫܠܡܐ. ܗܼܘ ܕܝܢ ܠܐ ܐܬܬܛܦܝܣ. ܐܠܐ ܕܒܼܪ ܠܚܝܠܗ ܟܕ ܡܙܝܢܝܢܼ ܘܢܦܼܩ ܥܠܝܗܘܢ ܠܩܪܒܐ. ܘܢܦܼܠ ܥܠܘܗܝ ܘܐܬܩܛܠ ܗܼܘ

Page 198

ܘܚܝܠܗ. ܘܐܬܗܦܟ ܡܪܝܐ ܒܝܫܬܗ ܒܪܝܫܗ. ܘܣܚܦܗ ܩܕܡܝܗܘܢ ܘܡܝܬ.܀ ܐܝܬ ܗܘܼܐ ܕܝܢ ܒܗ ܒܛܘܪܐ ܓܒܪܐ ܚܕ ܡܢ ܪ̈ܝܫܢܐ ܕܒܗܘܢܼ ܕܡܬܩܪܐ ܣܛܦܢܐ ܒܪ ܦܘܠܘܣܼ ܡܢ ܒܢ̈ܝ ܛܘܪ̈ܐܼ. ܓܒܪܐ ܥܢܬܐ ܘܢܟܝܠܐ. ܗܢܐ ܕܝܢ ܟܕ ܕܫ ܥܠ ܡܠܬܐ ܕܐܠܗܐܼ. ܗܿܝ ܕܝܗܒ ܩܕܡ ܪ̈ܐܙܐ ܐܠܗܝ̈ܐ ܠܝܘܚܢܢ: ܒܟܠܙܒܢ ܒܢܟܠܐܿ ܐܝܬܘܗܝ ܠܘܬܗܘܢ. ܟܕ ܐܝܬܘܗܝ ܗܘܐ ܠܒܗ ܕܫܿܠܡ ܠܛܝ̈ܝܐ. ܘܫܠܚ ܒܬܪ ܚܝܠܐ ܕܛܝܝ̈ܐ ܒܢܟܠܐ. ܘܐܬܼܐ ܨܝܕܘܗܝ ܠܩܪܝܬܐ ܐܝܕܐ ܕܡܬܩܪܝܐ ܚܕܘ܆ ܥܘܦ ܥܡ ܚܝܠܐ ܣܓܝܐܐ. ܘܣܡ ܥܡܗܘܢ ܪܐܙܐ ܒܢܟܠܗܼ. ܕܢܝܬܝܘܗܝ ܠܝܘܚܢܢ ܘܢܫܠܡܝܘܗܝ ܒܝܬ ܐܝܕ̈ܘܗܝ. ܐܝܟܐ ܕܐܦ ܥܒܼܕ ܘܫܡܠܝ ܐܝܟ ܨܒܝܢܗ. ܐܠܐ ܠܐ ܝܗܼܒ ܐܠܗܐ ܪܓܬܗ ܠܥܘܠܐ: ܘܡܚܫܒܬܐ ܐܝܕܐ ܕܐܬܚܫܒ ܥܠ ܬܡܝܡܐܼ. ܒܪܝܫܗܘܢ ܣܠܩܬ: ܘܐܦ ܓܡܘܨܐ ܐܝܢܐ ܕܚܦܪ ܒܩܘ̈ܡܬܗܘܢ ܡܿܠܝܘ. ܐܥܠܘ ܐܢܘܢ ܠܓܘ ܒܝܬܐ ܠܥܘܦ ܘܠܬܪ̈ܝܢ ܚܒܪ̈ܘܗܝܼ. ܘܛܫܝ ܐܢܘܢ ܒܬܘܢܐ. ܘܣܡ ܥܡܗܘܢ ܡܠܬܐ: ܕܟܕ ܢܝܬܝܘܗܝ ܠܝܘܚܢܢ ܘܢܥܠܘܗܝ ܨܝܕܘܗܝ ܠܓܘ ܒܝܬܐܼ. ܢܩܘܡܘܢ ܐܢܘܢ ܡܢ ܬܘܢܐܼ ܘܢܩܛܠܘܢܝܗܝ. ܠܗ ܕܝܢ ܚܠܝܐ ܐܘܬܒ ܬܘܒ ܒܟܡܝܢܐ ܠܚܕܪ ܩܪܝܬܐ. ܘܫܠܼܚ ܩܠܝܠܐܝܬ ܒܬܪ ܝܘܚܢܢ: ܕܣܪܗܒ ܬܐ ܘܠܐ ܬܬܥܟܪ. ܢܚܙܐ ܡܘܢ ܥܿܒܕܝܢܢ. ܕܚܝܠܐ ܚܕܝܪ ܠܢ ܟܠ ܓܒ̈ܝܢ. ܝܘܚܢܢ ܕܝܢ ܒܝܕ ܬܡܝܡܘܬܗ܆ ܐܝܟ ܐܡܪܐ ܠܢܟܣܬܐܼ ܩܠܝܠܐܝܬ ܡܛܐ. ܟܕ ܡܕܡ ܠܐ ܝܿܕܥ. ܘܟܕ ܕܝܢ ܩܪܝܒ ܠܡܥܠܘ ܠܒܝܬܐ ܗܿܘ ܕܒܗ ܟܡܝܢܐ ܝܬܒ ܠܗܼ. ܐܬܛܝܒ ܠܗ ܐܝܟ ܕܡܢ ܨܒܝܢܐ ܕܐܠܗܐ: ܓܒܪܐ ܡܗܝܡܢܐ ܘܕܚܠ ܠܐܠܗܐ܆ ܕܪܓܝܫ ܒܗ ܒܪܐܙܐܼ. ܘܓܼܠܐ ܠܗ ܥܠܘܗܝ ܕܢܟܼܠܐ. ܘܗܼܦܟ ܠܒܬܪܗ ܩܠܝܠܐܝܬ. ܘܟܕ ܗܢܼܘܢ ܡܣܟܝܢ ܕܗܐ ܐܬܿܐ ܘܦܠܚܝܢ ܒܗ

Page 199

ܪܓܬܗܘܢ: ܫܕܪ ܚܝܠܐ ܟܕ ܠܐ ܥܕܟܝܠ ܪܓܫܝܢ ܥܠ ܚܝܠܐ ܗܘ ܕܥܡܗܘܢܼ. ܘܟܪܟ ܐܢܘܢ ܡܢ ܟܠܗܘܢ ܓܒ̈ܝܢ. ܘܐܢܫ ܠܐ ܐܬܦܠܛ ܡܢܗܘܢܼ. ܐܠܐ ܫܦܕ ܐܢܘܢ ܠܟܠܗܘܢ ܒܩܘܢܛܪ̈ܐ. ܟܕ ܠܐܣܛܦܢܐ ܥܕܟܝܠ ܪܓܝܫ ܘܐܦܠܐ ܥܘܦ ܪܝܫ ܚܝܠܗܘܢ. ܟܕ ܐܪܓܫ ܒܐܝܠܝܢ ܕܓܕܫ ܒܚܒܪ̈ܝܗܘܢܼ. ܪܟܒ ܥܠ ܪ̈ܟܫܐ ܩ̈ܠܝܠܐ ܕܥܡܗܘܢܼ ܘܚܪ ܠܡܬܦܠܛܘ. ܟܕ ܐܦ ܠܐ ܗܟܢܐ ܐܡܼܕܘ: ܒܗܿܝ ܕܢܦܼܩ ܒܬܪܗܘܢ ܐܢ̈ܫܐ ܩܠܝ̈ܠܐܼ ܘܐܕܪܟܘܗܝ ܘܩܛܠܘܗܝܼ. ܠܗ ܘܠܚܒܪ̈ܘܗܝ ܒܪܒܐܼ ܘܡܝܬ. ܣܛܦܢܐ ܕܝܢ ܟܕ ܚܙܐ ܕܐܬܦܪܣܝ ܠܗ ܙܝܦܗܼ. ܘܕܣܛܢܐ ܐܒܘܗܝ: ܥܪܩ ܘܐܫܬܘܙܒ ܠܡܕܝܢܬܐܼ ܘܠܐ ܡܝܬ. ܘܬܘܒ ܠܐ ܥܠܘܝ ܠܛܘܪܐ ܡܛܠ ܕܕܚܠ܀ ܘܡܢ ܗܪܟܐ ܬܘ ܒܐܬܬܘܣܦ ܒܝ̈ܫܬܐ ܥܠ ܒܝ̈ܫܬܐܿ. ܕܒܝܢܬ ܛܘܪ̈ܝܐ ܘܠܛܝܝ̈ܐ: ܘܩ̈ܛܠܐ ܡܢ ܚܕ̈ܕܐ ܕܠܐ ܣܟܐ ܥܒܿܕܝܢ ܗܘܘ ܟܠܝܘܡ. ܘܠܒܟ ܐܢܘܢ ܒ̈ܢܝ ܛܘܪܐ ܠܬܪ̈ܥܐ: ܘܠܐ ܐܬܚܙܝ ܐܢܫ ܛܝܝܐ ܒܟܠܗ ܛܘܪܐ. ܐܠܐ ܢܒܼܥ ܠܗܘܢ ܫܦܝܐ ܐܚܪܢܐܼ ܡܢ ܓܒܗܘܢ ܓܘܝܐ. ܓܒܪܐ ܐܘܪܛܝܐ ܕܫܡܗܼ ܓܪܝܓܪ. ܗܢܐ ܢܦܼܩ ܥܠܝܗܘܢ ܒܚܝܠܐ ܣܓܝܐܐܼ. ܘܐܩܪܒ ܥܡ ܒ̈ܢܝ ܢܗܪܐ ܕܚܪ̈ܐ. ܘܩܛܠ ܡܢܗܘܢ ܥܡܐ ܣܓܝܐܐ: ܘܕܫܪܟܐ ܨܕܘ ܐܢܘܢ ܡܢ ܐܝܕܐܼ. ܘܚܒܠ ܐܢܘܢ ܠܗܕ̈ܡܝܗܘܢ. ܟܕ ܡܢܗܘܢ ܩܼܛܥ ܐܕܢܝ̈ܗܘܢ܇ ܡܢܗܘܢ ܩܼܛܥ ܢܚܝܪ̈ܝܗܘܢ. ܘܐܚܪ̈ܢܐ ܟܚܠ ܥܝܢܝ̈ܗܘܢ ܒܢܘܪܐ. ܠܒܟ ܕܝܢ ܢܦܫܗܘܢ ܟܠܗܘܢ ܒܢ̈ܝ ܛܘܪܐ ܨܗܝܐ. ܘܫܠܡ ܠܝܘܚܢܢ.܀ ܒܐܬܪ̈ܘܬܐ ܕܝܢ ܡܕܢܚܝ̈ܐ. ܢܦܼܩ ܒܘܪܝܟܐ ܒܚܪܝܪܘܬܐ. ܒܐܬܪܐ ܕܝܢ ܕܐܘܪܗܝܼ ܬܘܒ ܢܦܼܩ ܥܘܒܝܕ ܐܠܗ ܒܪ ܒܘܟܬܪܝ. ܗܢܐ ܒܝ̈ܫܬ ܪ̈ܘܪܒܬܐ ܥܒܼܕ ܒܐܢܫ̈ܐ ܣܓܝ̈ܐܐܼ. ܝܬܝܪܐܝܬ ܒܝܬ ܡܥܕܡܐ. ܠܒܟ ܠܪܘܪ̈ܒܢܝܗܿ. ܘܛܿܘܪܝ ܐܢܘܢ ܐܝܟ

Page 200

ܢܘ̈ܢܐ ܒܢܘܪܐ ܡܛܠ ܕܗܒܐ. ܘܣܓܝ̈ܐܐ ܩܼܛܠ. ܘܫܒܼܐ ܘܐܚܪܒ ܐܢܘܢ. ܠܥܘܡܪ̈ܐ ܕܝܢ ܟܠܗܘܢ ܕܒܐܪܥܐ ܕܐܘܪܗ ܘܕܚܪܢ ܘܕܬܠܐܼ. ܐܚܪܒ ܐܢܘܢ ܘܢܣܒ ܟܠܗ ܥܒܿܕܗܘܢ. ܟܕ ܐܦ ܠܪ̈ܝܫܢܝܗܘܢ ܛܘܝ ܐܢܘܢ ܒܢܘܪܐܼ ܘܡܝܬ.. ܘܗܠܝܢ ܐܢܘܢ ܥܘܡܪ̈ܐ ܕܐܘܒܕ ܥܡ ܩܘܪ̈ܝܘܣ ܣܓܝ̈ܐܬܐ. ܕܝܪܐ ܕܩܘ̈ܒܐ. ܘܕܝܪܐ ܕܪܝܫܡܬܼ. ܕܐܝܬ ܒܛܝܫܦܐ. ܘܕܝܪܐ ܕܩܬܪܐ. ܘܕܝܪܐ ܪܒܬܐ ܕܚܣܡܝ. ܘܕܝܪܐ ܕܡܪܝ ܠܥܙܪ. ܘܒܝܬ ܡܥܕܐ. ܘܕܝܪܐ ܕܡܪܝ ܗܒܝܠ. ܘܕܝܪܐ ܕܡܪܝ ܡܝܓܣ. ܘܕܝܪܐ ܕܣܢܝܢ. ܥܡ ܩܘܪ̈ܝܣ ܣܓܝ̈ܐܬܐ. ܗܢܐ ܕܝܢ ܪܫܝܥܐ ܥܠ ܥܘܡܪ̈ܐ ܗܼܘܬ ܟܠܗܿ ܗܪܬܝܗ. ܐܦ ܥܠ ܥܕ̈ܬܐ ܐܚܡܠܗ ܣܛܝܢܐ. ܘܐܦ ܓܙܡܿ ܗܘܼܐ ܟܠܝܘܡ ܥܠ ܥܘܡܪ̈ܐ ܡܕܢܚ̈ܝܐ ܘܓܪ̈ܒܝܝܐܼ. ܕܢܥܼܒܕ ܡܢܗܘܢ ܢܩܡܬܐ ܗܿܝ ܕܣܛܢܐ ܐܒܘܗܝ.

ܥܠ ܣܬܘ̈ܐ ܪܘܪ̈ܒܐ ܕܗܘܘ ܬܠܬܐ ܚܕ ܒܬܪ ܚܕ. ܘܥܠ ܬܠܓܐ ܪܒܐ ܕܢܚܼܬ ܒܗܘܢ. ܘܥܠ ܣܘܦܢܐ ܕܩܢܝ̈ܢܐ ܘܕܚܝ̈ܘܬܐ ܘܕܦܪ̈ܚܬܐ ܕܡܝܒܬ ܒܝܕ ܩܘܪܐ ܪܒܐ ܕܗܘܼܐ ܒܗ̈ܝܢ.. ܒܗܿ ܕܝܢ ܒܫܢܬܐ ܗܕܐ ܗܘܼܬ ܦܬܢܐܼ. ܢܚܼܬ ܬܠܓܐ ܪܘܪܒܐ ܘܟܫܼܐ ܥܠ ܐܠܥܐ ܙܪ̈ܬܐ ܚܡ̈ܫ. ܘܩܡ ܥܠ ܐܪܥܐ ܬܫ̈ܥܝܢ ܝܘܡ̈ܝܢ. ܘܒܦܩ̈ܥܬܐ ܩܡ ܫܒ̈ܥܝܢ ܝܘ̈ܡܝܢ. ܥܕܡܐ ܕܩܼܪܒ ܟܠ ܒܣܪ ܕܢܣܘܦ. ܐܢ̈ܫܐ ܕܝܢ ܣܓܝ̈ܐܐ ܕܩܢܝܢ ܗܘܼܘ ܩܢܝܢܐ. ܘܐܝܬ ܗ̈ܘܼܝ ܠܗܝܢ ܚ̈ܛܐܼ. ܟܕ ܐܬܡܠܝܬ ܟܠ ܬܪܝܣܝܬܐ ܕܩܢܝܢܐ ܕܚܡܼܪܼ. ܐܦܩ ܐܢܝ̈ܢ ܠܚܛܝ̈ܗܘܢ ܘܐܫܕܘ ܐܢܝ̈ܢ ܩܕܡ ܩܢܝܢܗܘܢܕ ܠܐ ܢܡܘܬ ܡܢ ܟܦܢܐ. ܘܟܕ ܦܠܼܛ ܡܢ ܚܛܝ̈ܗܘܢ ܩܢܝܢܗܘܢ ܠܐ ܐܫܟܚ. ܐܠܐ ܣܼܦ ܟܠܗ ܐܝܟ ܩܡܨ̈ܐ. ܟܕ ܐܦ ܠܐ ܒܣܪܗܘܢ ܡܬܟܠ ܗܘܐ ܠܒܢܝ̈ܢܫܐ. ܣܓܝܐܐ ܕܝܢ ܩܘܪܐ ܘܓܠܝܕܐ ܘܙܡܝܬܐ ܪܒܬܐ ܗܘܼܬ. ܐܩܛܪܬ

Page 201

ܚܫܘܟܐ ܥܠ ܐܪܥܐ ܝܘ̈ܡܬܐ ܣܓܝ̈ܐܐ. ܐܝܟܐ ܕܠܡܚܣܢ ܢܚܙܐ ܐܢܫ ܫܒܝܠ ܪ̈ܓܠܐ ܩܕܡܘܗܝ. ܘܟܫܼܬ ܥܠ ܐܝܠܢ̈ܐ ܘܟܪ̈ܡܐ ܘܙܝ̈ܬܐܼ. ܒܕܡܘܬܐ ܕܬܠܓܐ ܥܕܡܐ ܕܐܒܝܫ ܟܠܗܘܢ ܐܝ̈ܠܢܐ ܘܟܪ̈ܡܐ ܘܙܝ̈ܬܐ ܘܓܢ̈ܐ. ܐܝܟܐ ܕܠܡܚܣܢ ܢܗܘܐ ܡܕܡ ܕܠܐ ܐܬܙܝܥܿ. ܡܢ ܩܫܝܘܬܗ ܕܓܠܝܕܐ ܘܕܙܡܝܬܐ. ܩܛܪܘܢ ܢܗܪ̈ܘܬܐ ܒܓܠܝܕܐܼ. ܥܕܡܐ ܕܐܦ ܥܒܪܝܢ ܗܘܘ ܥܠܝܗܘܢ ܣܘܣܘ̈ܬܐ ܒܚܝܦܐ: ܘܠܐ ܡܬܙܝܥ ܗܘܐ ܓܠܝܕܐ ܗܿܘ ܬܚܘܬܝܗܘܢܼ. ܐܦ ܗܼܝ ܕܩܠܬ ܩܛܪܬܼ ܐܝܟܢܐ ܕܢܥܒܪ ܥܝܠܗܿ ܩܛܪܐ ܪܒܐ ܕܓܡ̈ܠܐ܆ ܘܠܐ ܢܬܙܝܥ ܓܠܝܕܐ ܗܿܘ ܕܬܚܝܬ ܪ̈ܓܠܝܗܘܢ. ܣܦܬ ܕܝܢ ܟܠܗܿ ܚܝܘܬܐ ܕܕܒܪܐ ܘܦܪܚܬܐ ܕܫܡܝܐ܀ ܘܗܟܢܐ ܗܼܘܐ ܬܠܓܐ ܘܩܘܪܐ ܘܙܡܝܬܐ ܥܡ ܟܦܢܐ ܘܦܬܢܐ ܘܟܘܪܗܢܐ ܘܡܘܬܢܐܼ. ܬ̈ܠܬ ܫܢܝ̈ܢ ܚܕܐ ܒܬܪ ܚܕܐܼ. ܥܕܡܐ ܕܩܼܪܝܒܐ ܗܘܬ ܟܠܗܿ ܐܪܥܐ ܓܪܒܝܝܬܐ ܠܡܐܒܕ.

ܥܠ ܟܦܢܐ ܕܗܼܘܐ ܒܗܝ̈ܢ ܒܫܢܝ̈ܐ ܗܠܝܢ. ܘܥܠ ܥܡܐ ܐܪܡܢܝܐ ܘܐܘܪܛܝܐ ܕܢܦܼܩ ܥܠ ܐܪܥܐ ܕܣܘܪܝܐ. ܟܕ ܕܝܢ ܟܣܐ ܥܠ ܟܠܗܿ ܐܪܥ ܬܠܓܐ ܝܘ̈ܡܬܐ ܣܓܝ̈ܐܐ܇ ܘܥܒܼܪ ܝܘ̈ܡܬܐ ܘܠܐ ܐܬܓܠܼܝ ܐܦ̈ܝ ܐܪܥܐܼ. ܙܪܥܐ ܟܠܗ ܕܐܙܕܪܥ ܐܣܬܪܚ ܠܬܚܬ ܡܢ ܬܠܓܐ ܒܗܿܝ ܕܡܣܼܐ. ܘܐܫܬܠܝ ܡܢ ܓܠܝܕܐ ܘܐܝܒܫ. ܘܟܕ ܐܬܓܠܝ ܬܠܓܐܼ. ܠܐ ܝܥܼܐ ܡܕܡ ܐܠܐ ܐܢ ܝܥܪܐ ܘܟܘ̈ܒܐ. ܘܫܠܡܬ ܥܠܝܢ ܡܠܬܐ ܕܢܒܝܐ ܕܐܡܿܪ: ܠܝܛܐ ܠܡ ܐܪܥ ܡܛܠܬܟ. ܟܘ̈ܒܐ ܐܦ ܕܪܕܪ̈ܐ ܬܘܿܥܐ ܠܟ. ܘܟܕ ܬܦܠܘܚ ܠܐ ܬܘܣܦ ܕܬܬܠ ܠܟ ܚܝܠܗܿ… ܘܐܚܪܢܐ ܐܡܿܪ.. ܕܙܪܥ ܚܛ̈ܐܼ ܘܚܨܘܕ ܟܘ̈ܒܐ. ܘܠܐܘ ܘܡܕܡ ܠܐ ܡܘܬܪܝܢ ܐܢܬܘܢ. ܘܒܗܬܘ ܡܢ ܥܠܠ̈ܬܟܘܢ. ܐܘܥܝܬ ܠܢ ܐܪܥܐ ܟܘ̈ܒܐ ܘܕܪܕܪ̈ܐ ܘܝܥܪܐ. ܚܠܦ ܚ̈ܛܗܐ ܝܥܼܐ ܫܝܠܡܐ. ܘܚܠܦ ܣܥܪܬܐ ܝܥܼܐ ܕܪܕܪܐ:

Page 202

ܘܚܠܦ ܓܘ̈ܡܐ ܘܛܠܦܚ̈ܐ ܘܚܡ̈ܨܐ ܝܥܼܝܘ ܠܢ ܟܘܒ̈ܐ. ܘܟܕ ܓܼܕܫ ܘܝܼܥܐ ܩܠܝܠ܇ ܘܐܦ ܣܠܼܩܼ. ܢܚܬ ܥܠܘܗܝ ܝܪܩܢܐ ܘܫܒܢܐܼ ܘܚܒܠܗ. ܘܐܢ ܦܠܼܛ ܡܢ ܥܪܝܐ ܘܓܠܝܕܐ ܘܡܢ ܫܘܒܢܐܼ ܩܒܠܗ ܡܢܝܢܐ ܘܩܪܝܬܐ ܘܚܒܠܬܗ. ܕܟܕ ܬܣܒ ܥܣܪ̈ ܫܢ̈ܢܐ ܘܬܦܪܟ ܐܢ̈ܝܢ ܒܐܝܕܟ܇ ܠܐ ܡܬܫܟܚܐ ܗܘܬ ܒܗ̈ܝܢ ܚܛܬܐ ܚܕܐ. ܐܝܟܢܐ ܕܡܢ ܥܠܬ ܫܘܒܢܐܼ. ܢܦܘ̈ܫܢ ܚܩ̈ܠܬܐ ܣܓܝ̈ܐܬܐ ܟܕ ܠܐ ܚܨܝ̈ܕܢ. ܟܕ ܡܬܚ̈ܙܝܢ ܟܕ ܡܣܡܩ̈ܢ ܘܩܝ̈ܡܢ. ܣܡܐ ܕܝܢ ܗܿܘ ܕܢܚܬ ܗܘܐ ܥܠܝܗܝܢ ܐܝܬܘܗܝ ܣܘܡܩܐܼ. ܘܢܿܚܬ ܗܼܘܐ ܐܦ ܩܐܡ ܥܠܝܗܝܢ ܐܝܟ ܙܡܝܬܐ ܕܩܝܡܐ ܥܠ ܐܝ̈ܠܢܐ ܒܝܘ̈ܡܝ ܣܬܘܐ. ܘܐܦ ܐܫܬܚܠܦ ܗܼܘ ܓܘܢܗܿ ܕܝܠܗܿ ܕܚܛܬܐ ܠܓܘܢܐ ܣܘܡܩܐ܀ ܕܥܠ ܗܠܝܢ ܡܙܥܩ ܠܘܬܢ ܢܒܝܐ ܥܡܘܣ ܟܕ ܐܡܿܪ: ܕܡܚܝܬܟܘܢ ܒܫܘܒܢܐ ܘܒܝܪܩܢܐ ܘܒܒܪܕܐ. ܘܣܘܓܐܐ ܕܦܪ̈ܕܝܣܝܟܘܢ ܘܕܟܪ̈ܡܝܟܘܢ ܘܕܬܝܢܝ̈ܟܘܢ ܘܕܙܝ̈ܬܝܟܘܢ ܐܟܼܠ ܡܫܘܛܐ. ܘܠܐ ܐܬܦܢܝܬܘܢ ܠܘܬܝ ܐܡܿܪ ܡܪܝܐ. ܘܫܕܪܬ ܒܟܘܢ ܡܘܬܢܐܼ. ܘܩܼܿܛܠܬ ܒܚܪܒܐ ܥܠ̈ܝܡܝܟܘܢ ܡ ܣܒܝ̈ܟܘܢ. ܘܐܡܚܝܬ ܠܪܝܚ ܣܪܝܘܬܟܘܢ ܒܐܦ̈ܝܟܘܢ܀ ܚܛ̈ܐ ܕܝܢ ܡܙܕ̈ܒܢܢ ܗܘ̈ܝ ܒܫܢܬܐ ܗܕܐ ܓܪܝܒܐ ܒܕܝܢܪܐ: ܘܢܚܼܬ ܥܕܡܐ ܠܫܒ̈ܥܐ ܩܦ̈ܝܙܐ ܒܕܝܢܪܐ.

ܥܠ ܩܪܝܬܐ ܘܡܢܝܢܐ ܕܐܪܚܫܬ ܐܪܥܐ ܒܗܠܝܢ ܫܢܝ̈ܐ܀ ܟܕ ܩܪܒܘܢ ܝܘܡ̈ܬܐ ܕܚܨܕܐ ܠܡܐܬܐ. ܘܟܠܢܫ ܡܣܟܐ ܗܘܐ ܠܟܦܐܼ. ܐܪܚܫܬ ܐܪܥܐ ܪܚܫܐ ܣܓܝܐܐ. ܘܣܠܼܩ ܥܠ ܚ̈ܛܐ ܘܥܠ ܣܥܪ̈ܐ ܘܥܠ ܟܠܗ ܝܘܪܩܐ. ܘܟܕ ܕܘܟܬܐ ܕܡܘܟܠܬܗ ܠܐ ܡܬܝܕܥܐ ܗܘܬ. ܡܬܚܒܠܐ ܗܘܬ ܫܒܼܠܐ ܟܠܗܿ ܕܠܗܿ ܡܛܐ ܗܘܐ. ܘܐܢ ܗܼܘ ܕܩܪ̈ܝܒܢ ܗܘ̈ܝ ܗܼܢܝܢ ܚܛ̈ܐ ܠܡܫܡܢ܆ ܡܢ ܫܠܝ

Page 203

ܝܒܫ̈ܝܢ. ܘܐܠܐ ܐܢ ܗܼܝ ܩܠܦܬܐ ܒܠܚܘܕ ܠܝܬ ܗܘܼܐ ܒܗ̈ܝܢ. ܟܕ ܡܘܕܥܐ ܗܘܬ ܠܦܪ̈ܘܫܐܼ. ܕܡܡܨ ܡܨܐ ܗܘܬ ܡܝ̈ܗܿ ܕܫܒܼܠܐ. ܟܕ ܡܫܬܼܩܠ ܗܘܼܐ ܐܦ ܚܝܠܗܿ ܘܩܠܐܠܐܝܬ ܡܫܚܠܦܐ ܗܘܬܼ ܓܘܢܐ. ܐܢ̈ܫܐ ܕܝܢ ܟܢܝܘܗܝ ܩܪܝܬܐ ܘܡܢܝܢܐ. ܡܛܠ ܕܠܘ ܚܕ ܓܢܣܐ ܗܘܬܼ ܐܘ ܚܕ ܛܘܦܣܐ. ܓܠܝܠܬܐ ܗܘܬܼ ܘܡܨܝܪܬܐ. ܗܿܝ ܕܩܿܪܝܢ ܗܘܘ ܠܗܿ ܩܿܪܝܬܐ. ܘܡܢܝܢܐ ܗܟܘܬ ܓܠܝܠܐ ܐܝܬܘܗܝ ܘܙܥܘܪܐ. ܘܐܦ ܐܪܝܟ ܡܩܘܪܗܼ ܒܕܡܘܬܐ ܕܚܦܝ. ܐܠܐ ܚܠܘܛܐ ܘܡܦܬܟ ܒܓܘ̈ܢܐ ܣܓܝ̈ܐܐ. ܘܐܝܟ ܕܡܣܬܒܪܐ ܠܚܟ̈ܡܐܼ. ܗܢܘ ܗܼܘ ܪܘܓܙܐ ܕܐܫܬܕܪ ܥܠ ܡܨܪ̈ܝܐ ܒܐܝܕ̈ܝ ܡܘܫܐ. ܡܛܠ ܕܗܼܘ ܙܚܠܐ ܘܗܼܘ ܨܪܨܘܪܐ ܘܗܼܘ ܚܠܘܛܐ. ܠܗܢܐ ܕܝܢ ܪܘܓܙܐ ܠܝܬ ܗܘܼܐ ܠܗ ܩܪܒܐ ܕܡܕܡ ܐܠܐ ܐܢ ܥܡ ܚܛ̈ܐ. ܟܕ ܐܦ ܣܒܟܐ ܗܘܬ ܥܠ ܫܒܠܐ ܕܚܛܬܐ ܐܘ ܕܣܥܪܬܐ ܡܢ ܥܩܪܗܿ ܘܥܕܡܐ ܠܪܝܫܗܿ ܘܥܠ ܛܪ̈ܦܐ.

ܥܠ ܡܫܘܛܐ܀ ܗܘܼܐ ܕܝܢ ܐܦ ܡܫܘܛܐ ܣܓܝܐܐ ܘܚܒܠ ܟܪ̈ܡܐ ܘܐܝ̈ܠܢܐ ܘܟܠܗܘܢ ܦܐܪ̈ܐ. ܘܟܕ ܐܦܠܐ ܥܠ ܐܪܥܐ ܡܬܗܠܟ ܗܘܐ ܠܗܘܢ ܡܢ ܣܓܝܘܬܗ. ܟܕ ܒܟܠܗ̈ܝܢ ܕܘܕܟ̈ܝܬܐ ܦܪܝܣ ܗܘܼܐ. ܡܛܠ ܕܗܼܝ ܐܪܥܐ ܓܿܣܝܐ ܗܘܬ ܘܡܦܩܐ ܠܗ. ܘܗܟܢܐ ܐܬܚܒܠܘ ܟܪ̈ܡܐ ܘܐܝ̈ܠܢܐ ܘܦܐܪ̈ܐ ܘܙܪ̈ܥܐܼ. ܘܟܠܗܘܢ ܚܝ̈ܝܗܘܢ ܕܒܢܝ̈ܢܫܐ.

ܥܠ ܩܡܨܐ܀ ܟܬܝܒ ܒܢܒܝܐ: ܕܝܗܒ ܠܩܡܨܐ ܥ̈ܠܠܬܗܘܢܼ. ܘܟܠܗܿ ܠܐܘܬܗܘܢ ܠܙܚܠܐ. ܕܗܼܘ ܩܡܨܐ ܪܓܠܝܐ ܗܼܘ. ܕܠܝܬ ܠܗ ܓܦ̈ܐ ܠܡܦܪܚ ܘܠܡܐܙܠ. ܚܘܒܠܗ ܕܝܢ ܣܓܝ ܘܒܝܫ ܝܬܝܪ ܡܢ ܕܟܠܗܘܢ ܫܒ̈ܛܐ ܕܪܘܓܙܐ. ܥܠ ܡܢܝܼܢܐ ܕܝܢ ܐܡܿܪܐ ܗܘܬ ܥܠܘܗܝ ܡܠܬܐܼ. ܕܐܢ ܗܼܘ ܕܫܟܢ ܥܠ ܟܪܝܐ ܕܚ̈ܛܐ ܡܚܒܠ ܠܗ. ܘܣܗܕܐ ܥܠ

Page 204

ܗܕܐ܆ ܕܟܕ ܫܟܢ ܗܘܼܐ ܥܠ ܚܩܒܠܐ ܕܫܡܝܢܐ ܘܩܪܝܒܐ ܠܚܨܕܐ: ܡܬܚܒ̈ܠܢ ܗܘ̈ܝ ܗܠܝܢ ܚ̈ܛܐ. ܘܟܕ ܕܝܢ ܡܬܚܙ̈ܝܢ ܡܢ ܠܒܪ ܫܡ̈ܝܢܢ ܘܫܦܝܪ̈ܢܼ ܡܢ ܠܓܘ ܕܝܢ ܟܕ ܡܬܬܒܪ̈ܢ ܗܘ̈ܝ܇ ܥܒܝܕ ܓܘܗܝܢ ܐܝܟ ܩܡܚܐ. ܘܐܦܢ ܡܙܕܪ̈ܥܢ ܠܐ ܝܥܝܗܢ ܒܗܿܝ ܕܡܚܒ̈ܠܢ. ܟܕ ܐܦܠܐ ܐܪܥܐ ܬܚܬܝܬܐ ܐܫܬܘܙܒܬ ܡܢ ܐܘܠܨܢܐ ܗܢܐ. ܓܣܬ ܕܝܢ ܐܪܥܐ ܟܠܗܿ ܩܡܨܐ. ܘܦܪܣ ܘܚܒܠ ܙܪܥܗܘܢ ܘܟܪ̈ܡܗܘܢ ܘܓ̈ܢܐ ܘܐܝܠ̈ܢܐ ܘܟܠ ܝܘܪܩܐ ܕܥܣܒܐ܀ ܘܫܠܡܬ ܥܠܝܢ ܢܒܝܘܬܐ ܕܐܡܝܪ ܒܝܕ ܝܘܐܝܠ ܢܒܝܐ: ܫܒܡܥܘ ܠܡ ܗܕܐ ܩܫ̈ܝܫܐ܆ ܘܨܘܬ ܟܠ ܥܡܘܪ̈ܝܗܿ ܕܐܪܥܐ: ܐܢ ܗܘܼܬ ܐܝܟ ܗܕܐ ܒܝܘܡܝ̈ܟܘܢ܇ ܐܘ ܒܝ̈ܘܡܝ ܐܒܗ̈ܝܟܘܢ. ܐܫܬܥܘ ܥܠܝܗܿ ܠܒܢܝ̈ܟܘܢܼ ܘܒܢܝ̈ܟܘܢ ܠܒܢܝ̈ܗܘܢ ܘܒܢܝ̈ܗܘܢ ܠܕܪܐ ܐܚܪܢܐ. ܕܡܕܡ ܕܐܘܬܪ ܡܫܘܛܐܼ ܐܟܼܠ ܩܡܨܐ ܦܪܚܐ. ܘܡܕܡ ܕܐܘܬܪ ܩܡܨܐ ܦܪܚܐ ܐܟܠ ܩܡܨܐ ܙܚܠܐ. ܘܡܕܡ ܕܐܘܬܪ ܩܡܨܐ ܙܚܠܐܼ. ܚܒܠܗ ܨܪܨܘܪܐ. ܗܪܟܐ ܘܐܦ ܬܘܣ̈ܦܬܐ ܣܠܼܩ ܒܢ ܝܬܝܪ ܡܢ ܕܢܒܝܘܬܐ. ܬܠܓܐ ܘܙܡܝܬܐ ܕܚܒܠܬ ܟܠܗܝܢ ܐܝ̈ܠܢܐ. ܘܡܕܡ ܕܡܢܗܿ ܦܼܠܛ ܩܒܠܗ ܫܘܒܢܐ ܘܝܪܩܢܐ ܘܩܡܨܐ ܘܙܚܠܐ ܘܨܪܨܘܪܐ ܘܚܠܘܛܐ ܘܡܫܘܛܐ. ܥܕܡܐ ܕܥܫܼܢ ܟܦܢܐ ܥܠ ܒܢܝ̈ܢܫܐ ܠܒܪ ܡܢ ܡܫܘܚܬܐ. ܘܫܪܝܘ ܢܒ̈ܕܢ ܚ̈ܛܐ ܡܢ ܐܘܨܪ̈ܐ: ܘܢܼܚ̈ܬܝܢ.. ܠܓܪܝܒܐ ܒܕܝܢܪܐܼ. ܘܥܕܡܐ ܠܫ̈ܒܥܐ ܩܦ̈ܝܙܐ ܒܕܝܢܪܐܼ. ܘܠܝܬ.

ܥܠ ܥܡܐ ܐܪܡܢܝܐ ܘܐܘܪܛܝܐܿ. ܕܢܦܼܩ ܥܠ ܐܬܪ̈ܘܬܐ ܕܣܘܪܝܐ ܡܢ ܥܠܬ ܟܦܢܐ. ܘܥܠ ܫܚܛܐ ܘܚܡܛܐ ܘܡܘܬܢܐ ܘܟܘܪ̈ܗܢܐ ܡܫܚ̈ܠܦܐ ܕܥܼܠ ܥܠ ܐܪܥܐ ܒܡܬܝܬܗܘܢ܀ ܟܕ ܕܝܢ ܫܼܕܪ ܐܠܗܐ ܢܣܝ̈ܘܢܐ ܣܓܝ̈ܐܐ ܥܠ ܚܛ̈ܐ ܘܥܠ ܣܥܪ̈ܐ ܘܥܠ ܟܪ̈ܡܐ ܘܥܠ ܟܠܗܘܢ ܚܝ̈ܝܗܘܢ ܕܒܢܝ̈ܢܫܐ: ܒܝܕ ܚܛܗ̈ܐ ܘܥܼܘ̈ܠܐ ܕܡܢܢ ܟܠ

Page 205

ܝܘܡ ܡܣܬܥܪܝܢ ܗܘܘ: ܘܥܼܫܢ ܟܦܢܐ ܒܐܪܥܐ܇ ܘܝܬܝܪܐܝܬ ܥܠ ܐܪܡܢܝ ܘܒܝܬ ܐܘܪ̈ܛܝܐ: ܒܝܕ ܕܟܠܗܝܢ ܥܠ̈ܬܗܘܢ ܐܬܚܒܠܘܼ. ܘܠܐ ܐܫܬܟܚ ܡܕܡ ܠܚܝ̈ܝܗܘܢ. ܟܕ ܠܡ ܨܿܒܐܼ ܒܩܘܪܐ ܡܘܒܫ. ܘܟܕ ܬܘܒ ܢܨܒܐ ܒܚܘܒܐ ܡܪܓܐ. ܗܐ ܗܪܟܐ ܒܩܘܪܐ ܐܘܒܫ. ܓܠܝܬ ܕܝܢ ܟܠܗܿ ܐܪܡܝܢܝ ܡܢ ܩܕܡ ܟܦܢܐ ܕܐܬܼܐ ܥܠܝܗܘ̤ܼ ܘܢܦܼܩ ܠܣܘܪܝܐ. ܟܕ ܙܥܘ ܕܕܠܡܐ ܢܡܬܘܢ ܗܢܼܘܢ ܘܒܢܝ̈ܗܘܢ ܒܟܦܢܐ. ܐܠܐ ܐܦܠܐ ܗܟܢܐ ܐܡܕܘ ܡܢ ܩܕܡ ܪܘܓܙܐ. ܐܫܩܐ ܐܢܘܢ ܡܝ̈ܐ ܡܪܝܪ̈ܐ. ܘܐܘܟܠܼ ܐܢܘܢ ܡܪܪܐ. ܘܐܒܕܪ ܐܢܘܢ ܒܥܡ̈ܡܐ ܐܝܠܝܢ ܕܠܐ ܝܕܥ ܐܢܘܢ. ܘܐܫܕܪ ܒܬܪܗܘܢ ܚܪܒܐܼ ܘܫܒܝܐ ܘܟܦܢܐ ܘܡܘܼܬܢܐ. ܥܕܡܐ ܕܐܓܡܪ ܐܢܘܢ. ܗܠܝܢ ܐܡܪ ܪܘܚܐ. ܓܕܫ ܕܝܢ ܒܗܠܝܢ ܟܠܗܝܢ. ܢܦܼܩܘ ܘܡܠܬ ܟܠܗܿ ܐܪܥܐ ܡܢܗܘܢ: ܡܕܝ̈ܢܬܐ ܘܕܝܪ̈ܬܐ ܘܩܪ̈ܝܣ ܘܐܓܘܪ̈ܣܐ. ܘܙܒܼܿܢ ܟܠ ܡܐ ܕܩܢܝܢ: ܘܙܒܼܢ ܠܗܘܢ ܠܚܡܐ. ܘܥܒܕ ܟܦܢܐ ܒܐܪܥܐ. ܘܐܦ ܫܠܼܛ ܒܗܘܢ ܟܘܪܗܢܐ ܕܫܘܚܢܐ ܠܘܩܕܡ ܘܕܟܪܣܐ: ܘܗܝܕܝܢ ܫܚܛܐ. ܘܟܠ ܐܝܟܐ ܕܡܬܡܛܐ ܐܢܫ ܡܢܗܘܢ ܫܼܕܝܢ ܗܘܘ: ܐܣܛܘ̈ܐ ܘܗܝ̈ܟܠܐ ܘܥ̈ܕܬܐ ܘܒܘܪ̈ܓܐ ܘܟܠ ܕܘܟ. ܘܫܠܼܛ ܒܗܘܢ ܐܦ ܡܘܬܢܐ. ܘܡܝܬ ܣܘܓܗܘܢ ܥܕܡܐ ܕܠܐ ܡܡܕܝܢ ܗܘܼܘ ܒܢܝ̈ܢܫܐ ܠܡܩܒܪ. ܟܠ ܐܝܟܐ ܠܡ ܕܐܙܠܝܢ ܗܘܼܘ ܐܝܕܗ ܕܡܪܝܐ ܗܘܿܝܐ ܗܘܬ ܒܗܘܢ ܠܒܝܼܫܬܐ܀ ܫܠܼܛ ܗܼܘ ܐܘܠܨܢܐ ܕܟܦܢܐ ܘܕܫܘܚܢܐ ܘܕܫܚܛܐ ܐܦ ܒܗܘܢ ܒܣܘܪ̈ܝܝܐ ܘܓܡܼܪ ܐܢܘܢ. ܣܓܝ̈ܐܝܢ ܗܘܼܘ ܩܛܝ̈ܠܝ ܟܦܢܐ ܡܢ ܩܛܝ̈ܠ ܟܘܪ̈ܗܢܐ.܀ ܡܝܬ ܕܝܢ ܒܗܿ ܒܫܢܬܐ ܗܕܐܼ ܡܢ ܕܝܪܐ

Page 206

ܕܝܠܢ ܕܙܘܩܢܝܢ ܒܗ ܒܫܚܛܐܼ. ܐܪ̈ܒܥܝܢ ܘܬܪ̈ܝܢ ܒܢܝ̈ܢܫܐ ܕܠܐ ܢܘܟܪ̈ܝܐ. ܥܼܫܢ ܕܝܢ ܗܼܘ ܟܘܪܗܢܐ ܘܡܘܬܢܐ ܗܢܐܼ ܒܟܠܕܘܟ.

ܫܢܬ ܐܠܦܐ ܘܫܬܝܢ . ܗܦܟ ܦܘܪ̈ܣܝܐ ܒܚܝ̈ܠܘܬܐ ܣܓܝ̈ܐܐ ܥܠ ܐܪܥܐ. ܘܐܩܪܒܘ ܘܙܟܼܘ ܠܟܠ ܕܐܪܥ ܐܢܘܢ ܒܩܪܒܐ. ܘܥܼܒܕ ܚܪܒܐ ܪܒܬܐ ܒܛܝܝ̈ܐ ܕܡܘܨܠ ܘܕܥܩܘܠܐ. ܟܕ ܚܪܒܘ ܠܪܘܪ̈ܒܐ ܥܡ ܙܥܘܪ̈ܐ܀ ܘܣܠܼܩ ܥܒܕܠܗ ܒܪ ܡܚܡܕ ܐܚܘܗܝ ܕܡܠܟܐ ܕܦܪ̈ܣܝܐܼ. ܘܐܩܪܒ ܥܡ ܒܘܪܝܟܐ ܨܝܕ ܕܪܐ. ܘܗܙܡܗ. ܘܥܪܩ ܒܘܪܝܟܐ ܡܢ ܩܕܡܘܗܝ. ܘܟܕ ܕܝܢ ܫܡܼܥ ܗܼܘ ܥܒܕܠܗ ܒܟܠܗܿ ܒܝܫܬܐ ܐܝܕܐ ܕܥܒܕ ܛܝ̈ܝܐ ܕܡܝܦܪܩܛܐ ܥܠ ܣܘܪ̈ܝܝܐ ܕܐܬܗܘܢ: ܘܐܝܠܝܢ ܕܥܼܒܕ ܐܦ ܣܘܪ̈ܝܝܐܼ. ܫܼܕܪ ܐܝ̈ܙܓܕܐ ܒܬܪ ܝܘܚܢܢ܆ ܘܢܚܼܬ ܨܝܕܘܗܝ ܠܚܪܢ. ܘܩܒܠܗ ܒܚܕܘܬܐܼ ܘܐܘܪܒܗ. ܘܐܦ ܝܗܒ ܠܗ ܡܘ̈ܗܒܬܐ. ܘܥܒܕܗ ܪܝܫ ܥܠ ܐܬܪܗܼ ܘܫܕܪܗ ܠܬܡܢ܀ ܣܠܼܩ ܕܝܢ ܨܠܝܚ ܒܪ ܨܒܝܚ: ܟܕ ܥܐܠ ܠܐܪܡܢܝܼ. ܘܫܩܼܠ ܗܡܝܪ̈ܐ ܡܢ ܟܠܗ ܛܘܪܐ. ܘܣܡ ܒܡܝܦܪܩܛܐ ܩܕܡ ܕܢܣܼܡ ܝܘܚܝܢ ܡܢ ܚܪܢ ܡܢ ܠܘܬ ܥܒܕܠܗ. ܘܐܦ ܐܣܩ ܥܡܗ ܟܬܒܐ ܕܢܬܠܘܢ ܠܗ ܗܡܝܪ̈ܘܗܝ. ܘܟܕ ܣܠܩܼ. ܐܦܩܼ ܠܟܠܗܝܢ ܢܩ̈ܒܬܐ ܕܒܝܢܬܗܘܢ. ܘܡܛܠ ܗܿܝ ܕܝܗܼܒ ܠܗ ܛܝ̈ܝܐ ܕܡܝܦܪܩܛܐ ܫܘܚܕܐ ܠܨܠܝܚ܆ ܕܢܥܒܼ ܠܗܘܢ ܢܩܡܬܐ ܡܢ ܝܘܚܢܢ ܘܡܢ ܚܒܪ̈ܘܗܝ܆ ܬܗܝܗ ܒܡ̈ܠܐ ܟܕ ܐܡܿܪܼ. ܕܝܘܡܢ ܐܘ ܠܡܚܪ ܡܦܩ ܐܢܐ ܠܗܠܝܢ ܕܫܪܟܐ. ܘܗܟܢܐ ܦܫ ܙܒܢܐ ܣܓܝܐܐ. ܘܫܼܠܛ ܒܗܘܢ ܟܐܒ̈ܐ ܡܫܚ̈ܠܦܐ. ܘܣܓܝ̈ܐܐ ܡܢܗܘܢ ܡܝܼܬ ܒܝܬ ܐܣܝܪ̈ܐ. ܘܗܢܐ ܬܗܝܗ ܒܡ̈ܠܐ ܝܘ̈ܡܬܐ ܣܓܝ̈ܐܐ. ܟܕ ܨܿܒܐ ܕܢܗܘܐ ܠܗ ܐܬܪܐ ܥܠܘܗܝ܆ ܕܢܘܒܕܝܘܗܝ ܠܗ ܘܠܗܘܢ. ܐܝܟ ܕܢܥܒܕ ܢܝܚܐ ܠܛܝܝ̈ܐ ܕܡܝܦܪܩܛܐ. ܫܼܕܪ ܕܝܢ

Page 207

ܝܘܚܢܢ ܐܝ̈ܙܓܕܐ ܠܘܬ ܥܒܕܠܗ܆ܕܗܼܘ ܐܝܬܘܗܝ ܐܡܝܪܐ ܥܠ ܓܙܝܪܬܐܼ. ܘܒܝܘܡܐ ܗܿܘ ܕܒܗ ܥܬܝܕ ܗܘܐ ܕܢܙܩܦܝܘܗܝ ܨܠܝܚ ܠܝܘܚܢܢ ܠܦܨܪܗ ܕܝܘܡܐܥܠ ܩܝܣܐܼ. ܥܠ ܪܣܘܠܐ ܒܬܪܗ. ܘܐܦܩܗ ܡܢ ܒܝܬ ܐܣܝܪ̈ܐ. ܘܢܚܼܬ ܠܚܪܢ ܗܼܘ ܘܣܛܦܢܐ ܒܪ ܦܘܠܘܣ. ܘܣܛܦܢܐ ܬܡܘܢ ܡܚܝܗܝ ܡܪܝܐ ܘܡܝܬ. ܘܐܣܩ ܡܪܝܐ ܒܝܫܬܗ ܒܪܝܗ. ܝܘܚܢܢ ܕܝܢ ܫܼܕܪ ܟܬܒܼܐ ܘܐܦܩ ܩܠܝܠܐܝܬ ܠܟܠܗܘܢ ܗܢܘܢ ܕܚܒܝܫܝܢ ܗܘܘ ܠܨܠܝܚ ܒܗܡܝܪܘܬܐ.

ܫܢܬ ܐܠܦܐ ܘܫ̈ܬܝܢ ܘܚܕܐܼ. ܢܦܼܩ ܩܘܣܛܢܛܝܢܣ ܡܠܟܐ ܕܪ̈ܘܡܝܐ ܒܚܝ̈ܠܘܬܐ ܣܓܝ̈ܐܐܼ. ܘܥܩܪܗܿ ܘܕܪܗܿ ܠܡܠܛܝܢܐ. ܘܐܦܩ ܐܢܘܢ ܠܥܡܘܪ̈ܝܗܿ ܡܢܗܿ. ܟܕ ܠܐ ܩܼܛܠ ܠܐܢܫ ܘܐܦ ܠܐ ܫܒܼܐ ܡܕܡ ܡܢ ܕܝܠܗܘܢ. ܘܐܠܐ ܐܦܩ ܘܛܪܩ ܐܢܘܢ ܡܢܗܿ. ܘܢܦܼܩ ܟܠܗܘܢ ܠܓܙܝܪܬܐ. ܘܥܩܪ ܫܘܪܗܿ ܘܐܘܩܕ ܒ̈ܬܝܗܿ. ܘܫܩܼܠ ܚܝܠܗ ܘܥܛܦܼ ܠܐܪܥܗ.

ܫܢܬ ܐܠܦܐ ܘܫܬ̈ܝܢ ܘܐܪ̈ܒܥܼ. ܥܩܼܪ ܦܘܪ̈ܣܝܐ ܠܡܕܝ̈ܢܬܐ܀ ܟܕ ܕܝܢ ܗܼܦܟ ܦܘܪ̈ܣܝܐ ܙܒܢܬܐ ܕܬܪ̈ܬܝܢܼ ܘܟܒܫܘܗܿ ܠܐܪܥܐ ܘܚܣܢ̈ܘܗܝ ܘܐܡܠܟ ܒܗܼܿ. ܦܩܼܕ ܡܠܟܐ ܘܥܼܩܪ ܐܢܿܘܢ ܠܟܠܗܘܢ ܫܘܪ̈ܐ ܕܡܕܝ̈ܢܬܐ ܕܣܘܪ̈ܝܐ. ܟܿܢܼܫܘ ܕܝܢ ܩܠܓܪ̈ܐ ܘܐܘ̈ܡܢܐ ܣܓܝ̈ܐܐ: ܘܥܩܪܘܢ ܠܟܠܗܘܢ ܫܘܪ̈ܐ. ܘܐܘܩܕ ܐܢܘܢ ܠܬܪ̈ܥܝܗܘܢ. ܘܢܣܒ ܠܢܚܫܐ ܘܠܦܪܙܠܐ ܕܒܗܘܢ. ܘܡܕܡ ܕܥܒܼܕ ܡ̈ܠܟܐ ܬܩ̈ܢܐ ܘܚܟܝ̈ܡܐ ܒܢܦ̈ܩܬܐ ܣܓܝ̈ܐܬܐ ܡܛܠ ܢܘܛܪܐ ܕܒܥܠ̈ܕܒܒܐܼ. ܗܢܘܢ ܒܛܪ̈ܢܘܬܗܘܢ ܥܩܪܘܗܝ ܘܣܚܦܘܗܝ ܒܐܪܥܐ. ܘܫܠܼܡܬܿ ܡܠܬܗ ܕܐܪܡܝܐ ܥܠܝܗܝܢ܇ ܫܘܪ̈ܐ ܠܡ ܪ̈ܘܝܚܐ ܡܬܥܩܪܘ ܢܬܥܩܪܘܢ܇ ܘܬܪ̈ܥܝܗܿ ܪ̈ܡܐ ܒܢܘܪܐ ܢܐܩܕܘܢ܇ ܘܢܠܐܘܢ ܥܡ̈ܡܐ ܣܪܝܩܐܝܬ.. ܘܬܘܒ ܐܡܼܪ. ܕܐܬܚܫܒܘ ܡܪܝܐ ܠܡܚܒܠܘ ܫܘܪ̈ܝܗܿ ܕܒܪܬ ܨܗܝܘܢ.

Page 208

ܐܪܡܝ ܚܘܛܐܘܠܐ ܐܗܦܟ ܐܝܕܝܗ ܡܢ ܛܘܒܥܗܿ. ܘܐܘܬܒ ܒܐܒܠܐ ܚ̈ܝܠܝܗܿ ܘܫܘܪ̈ܝܗܿ ܐܟܚܕܐ ܨܕܘ܀ ܢܐܬܐ ܗܢܐ ܢܒܝܐ ܐܪܡܝܐ ܘܢܠܐܼ ܠܐ ܗܘܐ ܥܠ ܚܕܐ ܨܗܝܘܢ ܕܐܬܥܩܪ ܫܘܪ̈ܝܗܿ. ܐܠܐ ܥܠ ܟܠܗܝܢ ܡܕ̈ܝܢܬܐ ܕܓܙܝܪܬܐ ܘܕܡܥܪܒܐ.. ܘܐܦ ܥܙܪܐ ܣܦܪܐܼ ܐܡܼܪ ܥܠ ܚܘܒܐ ܕܝܠܗܘܢ ܕܫܘܪ̈ܐ. ܘܥܠ ܗܢܐ ܚܙܝܐ ܥܩܠܩܠܐ ܕܣܚܼܦ ܐܢܘܢ: ܕܫܘܪ̈ܐ. ܘܥܠ ܗܢܐ ܚܘܝܐ ܥܩܠܩܠܐ ܕܣܚܼܦ ܐܢܘܢ: ܕܫܘܪ̈ܐ ܠܡ ܐܝܠܝܢ ܕܠܐ ܚܛܘ ܠܗܼ ܢܡܟܟ.. ܚܕ ܠܡ ܒܿܢܐܼ ܘܐܚܪܢܐ ܣܿܬܪ.

ܫܢܬ ܐܠܦܐ ܘܫܬܝܢ ܘܚܡܫܼ. ܐܫܬܒܝܬ ܟܠܗܿ ܐܪܥܐ ܕܓܪܒܝܐ ܡܢ ܟܘܫܢ. ܗܢܐ ܓܒܪܐ ܐܝܬܘܗܝ ܐܪܡܢܝܐ ܡܢ ܐܪܡܝܢܝ ܕܐܪ̈ܒܥ. ܘܟܕ ܐܬܗܙܡ ܡܪܘܢ ܘܥܪܼܩ. ܫܩܠ ܟܠܗ ܩܢܝܢܗ ܘܐܢܫܘܬܗܼ. ܘܥܠ ܠܒܝܬ ܪ̈ܗܘܡܝܐ. ܘܡܛܠ ܕܓܒܪܐ ܐܝܬܘܗܝ ܠܒܝܒܐ ܘܚܝܠܬܢܐܼ. ܥܒܕܗ ܩܘܣܛܢܛܝܢܣ ܪܝܫ ܚܝܠܐ. ܘܒܗܿ ܒܫܢܬܐ ܗܕܐܼ. ܢܦܼܩ ܒܚܝܠܐ ܪܒܐܼ. ܘܢܦܼܠ ܥܠ ܟܠܗ ܛܘܪܐ ܨܗܝܐ. ܘܫܒܼܐ ܘܒܙܘܼ ܠܟܠܗܘܢ ܩܘܪ̈ܝܝܐ ܕܒܗ ܥܿܡܪܝܢ. ܘܢܣܼܒ ܩܢܝܢܗܘܢ ܘܟܠ ܕܩܢܝܢ. ܘܡܕܡ ܡܠܐ ܫܒܼܩ ܕܠܐ ܢܣܒܘܗܝ. ܐܠܐ ܐܢ ܢܦ̈ܫܬܐ ܡܫܠܚ̈ܬܐ ܕܒܢ̈ܝܢܫܐ ܕܦܫ ܘܠܐ ܢܣܒ ܐܢܝ̈ܢ. ܘܗܟܢܐ ܢܣܼܒ ܟܠܡܕܡ. ܘܥܠ ܠܐܪܥܐ ܕܪ̈ܗܘܡܝܐ. ܘܒܫܢܬ ܐܠܦܐ ܘܫ̈ܬܝܢ ܘܫ̈ܬܼ. ܢܦܼܩ ܬܘܒ ܟܘܫܢ ܐܪܡܢܝܐ ܠܐܪܥܐ ܕܗܢܙܝܛܼ. ܒܚܝ̈ܠܘܬܐ ܣܓܝ̈ܐܐ ܕܪ̈ܗܘܡܝܐ ܘܐܘܪ̈ܛܝܐ. ܘܟܕ ܫܡܼܥ ܥܟܝ܆ ܕܗܼܘ ܐܝܬܘܗܝ ܐܡܝܪܐ ܥܠ ܓܙܝܪܬܐ ܒܗܢܐ ܙܒܢܐܼ. ܟܢܼܫ ܥܠܘܗܝ ܚܝܠܐ ܣܓܝܐܐ ܕܦܘܪ̈ܣܝܐ ܘܕܛܝܝ̈ܐ. ܘܐܦ ܥܒܕ ܥܠܝܗܘܢ ܪܝܫܐ ܒܪܗ. ܘܫܕܪܗ ܕܢܩܪܒ ܥܡ ܟܘܫܢ. ܟܕ ܕܝܢ ܥܠܼ ܛܠܝܐ ܒܫܘܒܗܪܐ ܘܒܚܘܬܚܬܐ ܪܒܐ ܕܠܒܗ܆ ܘܐܪܥܘ ܚܝ̈ܠܘܬܐ ܒܚܕܕ̈ܐ: ܒܣܼ ܥܠܝܗܘܢ. ܩܪܝܒܐ ܗܝ ܓܝܪ ܛܠܝܘܬܐ ܠܠܐ ܡܛܟܣܘܬܐ. ܘܟܕ ܠܐ

Page 209

ܡܒܚܢܐ ܐܘ ܡܫܬܡܥܐܼ. ܢܦܠܐ ܒܥܘܡܩܐ ܕܒܝܫ̈ܬܐ. ܐܢ̈ܫܐ ܣ̈ܒܐ ܕܪܒܘ ܒܩܪ̈ܒܐ܆ ܘܐܦ ܝܕܥܝܢ ܗܘܘ ܥ̈ܠܠܬܐ ܣܓܝ̈ܐܬܐ ܕܓܕܫ̈ܢ ܒܩܪܒܐ ܘܗܘܦܟ̈ܘܗܝܼ. ܡܠܼܟܘܗܝ ܘܐܡܼܪ ܠܗܼ. ܕܠܐ ܢܣܬܪܗܒ ܠܡܬܟܬܫܘ ܥܡܗ. ܡܛܠ ܕܓܒܪܐ ܐܝܬܘܗܝ ܗܘܼܐ ܡܕܪܫܐ ܒܩܪ̈ܒܐܼ ܘܚܝܠܬܢܐ ܘܕܠܐ ܗܿܦܟ ܠܒܣܬܪܗ: ܘܐܦ ܐܪܥܐ ܘܗܘ̈ܦܟܝܗܿ ܝܿܕܥ ܠܗܘܢ܆ ܒܝܕ ܗܿܝ ܕܒܗܿ ܐܝܠܝܕ ܘܒܗܿ ܡܪܒܝ. ܗܼܘ ܕܝܢ ܫܒܼܩ ܠܡܠܼܟܐ ܕܣ̈ܒܐ ܕܡܠܟܘܗܝ: ܪܚܒܥܡ ܒܪܐ ܣܟܠܐ ܕܬܪ̈ܝܢ܆ ܘܕܪܐ ܒܬܪ ܡܠܼܟܐ ܕܛܠܝ̈ܐ ܗܠܝܢ ܕܪܒܘ ܥܡܗ. ܘܟܕ ܡܣܪܗܒ ܕܒܓܥܠ ܢܥܒܕ ܠܗ ܫܡܐ ܘܢܨܚܢܐܼ. ܟܢܼܫ ܠܗ ܡܢ ܫܠܝ ܫܡܐ ܡܨܥܪܐ ܕܡܠܼܐ ܟܠܗ ܚܣܕܐ ܘܟܘܘܪܐ ܠܕܪ̈ܐ ܣܓܝ̈ܐܐ ܕܡܢ ܒܬܪܗ. ܥܼܠ ܕܝܢ ܒܪܗܒܘܬܐ. ܘܟܕ ܨܒܿܐ ܕܩܠܝܼܠܐܝܬ ܢܼܦܿܠ ܥܠܘܗܝ ܘܢܘܒܕܝܘܗܝ ܡܢ ܐܪܥܐ ܠܗ ܘܠܟܠ ܕܥܡܗ: ܘܐܦ ܢܐܣܘܪ ܠܕܫܪܟܐ܆ ܘܢܒܘܙ ܘܢܫܒܐ ܘܢܦܘܩ ܒܙܟܘܬܐ ܪܒܬܐ. ܟܘܫܢ ܕܝܢ ܟܕ ܚܼܙܐ ܠܛܠܝܐ ܘܠܗܘ̈ܦܟܘܗܝܼ. ܪܦܼܣ ܒܪܓ ܘܐܦܛܪ ܒܣܦܬܗܼ ܘܐܢܝܕ ܒܪܝܫܗ. ܘܐܡܼܪ: ܕܗܢܘܼ ܝܘܡܐ ܕܥܒܼܕ ܡܪܝܐ ܠܡܬܦܪܥܘ ܡܢ ܒܥ̈ܠܕܒܒܝ. ܐܠܐ ܬܘ ܢܕܘܨ ܘܢܚܕܐ ܒܗ. ܘܟܕ ܩܼܪܒ ܠܡܩܪܒܘ܆ ܘܐܦ ܫܪܝܘ ܕܢܦܠܘܢ ܩܛܝ̈ܠܐ ܡܢ ܬܪ̈ܝܗܘܢ ܓܒ̈ܐ: ܚܒܼܨ ܟܘܫܢ ܥܠ ܦܘܪ̈ܣܝܐ. ܘܫܪܝܘ ܥܪܩܝܢ ܡܢ ܩܕܡܘܗܝ: ܘܢܦܼܠ ܩܕܡܝܗܘܢ ܟܠܗܘܢ ܒܦܘܡܐ ܕܚܪܒܐ. ܘܨܕܘܼ ܠܣܓܝ̈ܐܐ. ܘܫܒܼܘ ܘܒܙܼܘ ܠܩܛܝ̈ܠܐ. ܘܥܪܩ ܒܪ ܥܟܝ ܡܫܠܚܐ ܥܠ ܪܟܫܐ ܩܠܝܠܐ ܕܬܚܘܬܘܗܝܼ. ܘܢܦܩܼ ܟܕ ܟܠܗܿ ܐܝܩܪܬܗ ܫܒܼܩ ܒܐܝܕܐ ܕܪ̈ܗܘܡܝܐ. ܘܐܠܐ ܐܢ ܕܠ̈ܠܝܠܐ ܡܢܗܘܢܼ ܕܪܟܒܝܢ ܗܘܘ ܥܠ ܪ̈ܟܫܐܼ. ܕܫܒܩܼܘ ܟܠ ܡܘܢ ܕܩܢܝܢ ܘܥܪܩܘܼ ܠܐ ܦܠܛ ܡܢܗܘܢ ܐܢܫ ܕܠܐ ܚܪܒܘܗܝ. ܘܟܕ ܡܣܬܪܗܒ ܗܼܘܐ ܛܠܝܐܼ ܕܢܣܒ ܫܡܐ ܘܢܨܚܢܐܼ. ܐܦܩ ܫܡܐ ܣܪܐ ܠܗ ܘܠܒܝܬ ܐܒܘܗܝ. ܘܚܠܦ ܗܿܝ ܕܨܼܒܐ

Page 210

ܕܢܒܘܙ ܘܢܫܒܐ ܘܢܣܘܪ ܠܣ̈ܓܝܐܐܼ ܐܬܒܙܙ ܼܒܝ ܘܐܬܣܪܘܼ ܘܐܙܼܠ ܒܫܒܝܐ.

ܡܬܝܕܥܝܢ ܒܥܕܬܐ ܪ̈ܥܘܬܐ ܐܪ̈ܬܕܘܟܣܘ ܒܗܢܐ ܙܒܢܐܼ. ܩܕܝܫܐ ܡܪܝ ܝܗܘܢܝܣ ܕܐܢܛܝܟܝܐ ܦܛܪܝܪܟܐ. ܘܩܕܝܫܐ ܡܪܝ ܡܝܟܐܝܬ ܦܛܪܝܪܟܐ ܕܐܠܟܣܢܪܕܝܐ ܪܒܬܐ.. ܘܩܕܝܫܐ ܡܪܝ ܛܝܡܬܐܘܣ ܕܐܘܪܗܝ.. ܩܘܛܣܢܛܝܢܐ ܐܦܝܣܩܦܐ ܕܫܡܫܝܛ.. ܘܕܝܢܘܣܝ ܐܦܝܣܩܘܦܐ ܕܚܪܢ.. ܣܪܓܝܢܐ ܐܦܝܣܩܦܐ ܕܡܕܪܐ.. ܕܘܝܕ ܐܦܝܣܩܦܐ ܕܕܪܐ: ܗܿܘ ܕܠܚܪܬܐ ܐܦ ܦܛܪܝܪܟܐ ܗܘܼܐ܀ ܒܦܝܡܠܩܛܐ ܡܬܝܕܥ ܐܬܢܣܝܣ ܗܿܘ ܕܡܬܩܪܐ ܗܼܘܐ ܣܢܕܠܝܐ. ܗܢܐ ܒܼܢܐ ܕܝܪܐ ܡܫܡܗܬܐ ܒܛܘܪܐ ܕܬܠܒܫܡܝ. ܐܦ ܡܬܩܪܝܐ ܕܝܪܐ ܕܡܪܝ ܐܬܢܣܝ: ܘܐܦ ܦܛܪܝܪܟܐ ܒܚܪܬܐ ܗܼܘܐ܀ ܒܐܡܝܕ ܕܝܢ ܡܬܝܕܥ ܩܕܝܫܐ ܡܪܝ ܐܒܝ. ܡܢ ܕܝܪܐ ܕܡܪܝ ܚܒܝܒ ܕܐܪܙܢܘܢ܀ ܩܕܝܫܐ ܕܝܢ ܡܪܝ ܣܐܘܪܐܼ. ܗܿܘ ܕܡܢ ܠܥܠ ܐܬܥܗܕܢܢ: ܡܢ ܕܝܪܐ ܕܙܘܩܢܝܢ: ܐܫܬܐܠ ܡܢ ܡܕܒܪܢܘܬܐ ܕܝܠܗܿ ܕܡܕܝܢܬܐܼ ܟܕ ܗܼܘ ܚܝ. ܡܛܠ ܗܿܝ ܕܐܝܩܪ ܢܘܗܪܗ. ܘܠܐ ܡܫܟܚ ܗܘܐ ܕܢܚܙܐ ܫܦܝܪ. ܘܐܬܼܐ ܠܕܘܟܬܗ ܩܕܝܫܐ ܡܪܝ ܐܒܝ܀ ܡܬܝܕܥ ܕܝܢ ܐܦ ܝܘܚܢܢ ܐܦܝܣܩܦܐ ܕܩܠܢܩܘܣ. ܗܢܐ ܫܓܘܫܝ̈ܐ ܥܒܼܕ ܒܥܕܬܐ. ܐܝܠܝܢ ܕܐܦ ܠܗܘܢ ܒܙܒܢܗܘܢ ܡܫܬܥܝܢܢ ܥܠܝܗܘܢ܀ ܒܬܪ ܩܕܝܫܐ ܡܪܝ ܝܘܢܝܣ ܦܛܪܝܪܟܐ ܕܐܢܛܝܟܝܐ: ܗܘܼܐ ܐܢܫ ܕܝܪܝܐ ܕܫܡܗ ܐܝܣܚܩ ܡܢ ܕܝܪܐ ܕܩܪܬܡܢ. ܗܢܐ ܥܒܼܕ ܠܗ ܡܥܡܪܐ ܒܐܘܪܗܝ. ܘܡܛܠ ܠܡ ܕܡܬܗܿܦܟ ܗܘܐ ܒܟܡܝܐ ܕܣܐܡܐ ܘܕܕܗܒܐ: ܗܘܬ ܠܗ ܪܚܡܘܬܐ ܠܘܬ ܥܒܕܠܗ ܐܡܝܪܐ ܕܓܙܝܪܬܐܿ. ܗܿܘ ܕܐܦ ܠܚܪܬܐ ܡܠܟܐ ܗܘܼܐ. ܘܟܕ ܒܥܼܐ ܕܢܥܒܕ ܠܗ ܐܝܩܪܐ ܕܪܚܡܘܬܗܼ. ܥܒܼܕܗ ܦܛܪܝܪܟܐ ܕܐܢܛܝܟܝܐ ܒܬܪ ܡܪܝ ܝܗܘܢܣ. ܐܠܐ ܣܓܝ ܒܝܫ̈ܝܢ ܕܪ̈ܓܐ

Page 211

ܕܡܬܩܢܝܢ ܡܢ ܠܐ ܡܛܟܣܘܬܐ. ܟܕ ܕܝܢ ܐܣܓܝ ܗܢܐ ܪܡܪܡ ܠܪܚܡܗܼ. ܩܠܝܠܐܝܬ ܐܘܫܛ ܝܗܼܒ ܠܗ ܡܚܢܘܩܝܬܐ ܗܝܿ ܕܝܗܘܕܐ. ܠܐ ܕܝܢ ܣܓܝ ܐܬܩܒܠ ܥܠ ܒܢܝ̈ܢܫܐ: ܘܐܦܠܐ ܗܼܝ ܪܝܫܢܘܬܗ ܣܓܝ ܢܓܪܬ. ܡܛܠ ܕܗܼܘ ܕܪܡܪܡܗܼ ܗܼܘ ܣܚܦܗ ܘܐܦ ܐܘܒܕܗ. ܟܕ ܐܦܠܐ ܝܼܕܥܘ ܒܢܝ̈ܢܫܐ ܡܢܐ ܓܕܫ ܠܦܓܪܗ: ܘܠܐ ܐܫܬܘܝ ܐܦܠܐ ܠܩܒܘܪܬܐ ܕܡܢ ܒܢܝ̈ܢܫܐ. ܗܢܐ ܦܘܪܥܢܐ ܫܦܝܪܐ ܡܥܕ ܣܛܢܐ ܕܢܬܠ ܠܐܝܠܝܢ ܕܪܗܛܝܢ ܒܬܪܗ ܒܗܢܐ ܥܠܡܐ܀ ܗܼܘܐ ܕܝܢ ܒܬܪܗܼ ܢܟܦܐ ܡܪܝ ܐܬܢܣܝ ܣܢܕܠܝܐ ܐܦܝܣܩܦܐ ܕܡܝܦܪܩܛܐ. ܐܠܐ ܐܦܠܐ ܗܢܐ ܢܓܼܪ ܠܗ ܝܘܡ̈ܬܐ ܣܓܝ̈ܐܐ: ܒܝܕ ܕܩܠܝܠܐܝܬ ܐܒܕ ܐܦ ܗܘ ܘܡܝܬ. ܐܚܪ̈ܢܐ ܕܝܢ ܐܚܪ̈ܢܝܬܐ ܐܡܪܝܢ. ܚܢܢ ܕܝܢ ܠܐ ܡܡܪܚܝܢܢ ܕܢܐܡܪ ܥܠ ܟܣܝ̈ܬܐ ܡܕܡ. ܐܠܐ ܗܠܝܢ ܝܗܒܝܢܢ ܠܗ̈ܝܢ ܠܐܠܗܐܼ. ܗܿܘ ܕܟܠ ܓܠܼܐ ܘܡܦܪܣܝ ܩܕܡܘܗܝ. ܘܫܩܠܘܗܝ ܘܐܣܩܘܗܝ ܡܢ ܚܪܢ ܠܥܘܡܪܗܼ ܕܐܬܬܣܝܡ ܬܡܢ. ܗܘܼܐ ܕܝܢ ܡܢ ܒܬܪܗ ܩܕܝܫܐ ܡܪܝ ܓܝܘܪܓܝ ܡܢ ܕܝܪܐ ܩܕܝܫܬܐ ܕܩܢܫܪܐ.

ܥܠ ܣܘܢܕܘܣ ܕܐܬܟܢܼܫܬܿ ܒܗܿܘܝܗ ܕܓܝܪܓܝ ܦܛܝܪܝܟܐ ܕܐܢܛܝܟܝܐܼ ܒܡܒܘܓ ܡܕܝܢܬܐ ܕܥܠ ܦܪܬ ܢܗܪܐ. ܒܗܝܠܟܐ ܕܡܪܝ ܬܘܡܐ ܫܠܝܚܐ ܕܠܒܪ ܡܢ ܡܕܝܢܬܐ܀ ܟܕ ܕܝܢ ܗܘ̈ܝܢ ܥ̈ܠܠܬܐ ܣܓܝ̈ܐܬܐ ܒܗܿܘܝܗ ܕܐܣܝܚܩ ܦܛܪܝܪܟܐ: ܘܕܐܬܢܣ ܣܢܕܠܝܐ ܬܘܒ ܦܛܪܝܪܟܐ: ܕܡܟܫܠ̈ܢ ܗ̈ܘܼܝ ܠܡܗ̈ܝܡܢܐܼ. ܘܣܓܝ̈ܐܐ ܐܬܟܫܠܘ ܒܗܘܢ ܡܢ ܒܢ̈ܝ ܥܕܬܐ. ܘܝܬܝܪܐܝܬ ܡܛܠ ܕܡܢ ܐܡܝܪܐ ܕܫܘܠܛܢܐ ܛܪܘܢܝܐ ܗܘܼܘ: ܥܡ ܥ̈ܠܬܐ ܐܚܪ̈ܢܝܬܐ ܕܢܓܕ ܒܬܪܗܘܢܼ. ܗܠܝܢ ܕܠܐ ܐܠܨܿܐ ܨܒܘܬܐ ܕܢܣܝܡ ܐܢ̈ܝܢ ܒܟܬܒܐ ܗܢܐ. ܡܢ ܒܬܪ ܡܘܬܗ ܕܝܢ ܕܚܣܝܐ ܐܬܢܣ܆ ܨܒܘ ܟܠܗܘܢ ܪ̈ܥܘܬܐ ܕܥܕܬܐ ܩܕܝܫܬܐ ܕܢܣܝܡܘܢ ܠܗܘܢ ܪܝܫܐ. ܩܕܡ ܕܢܪܡܐ ܣܛܝܢܐ ܒܝܢܬܗܘܢ ܪܚܡܬ

Page 212

ܪܝܫܢܘܬܐܿ. ܘܢܫܬܕܘܢ ܠܐܝ̈ܕܝ ܫܠܘܛܢܐ ܛܪܘܢܝܐ. ܘܬܐܒܫ ܐܚܪܝܬܐ ܝܬܝܪ ܡܢ ܩܕܡܝܬܐ܆ ܘܗܘܐ ܣܕܩܐ ܘܚܪܝܢܐ ܘܫܓܘܫܝܐ ܒܝ̈ܘܡܬܗܘܢ ܒܥܕܬܐ ܩܕܝܫܬܐ. ܗܿܝ ܕܐܦ ܠܘܬܗܢ ܓܕܫܬ. ܐܝܟ ܡܐ ܕܡܢ ܙܕܝܩܐ ܐܬܐܡܪܬ: ܕܕܚܠܬܐ ܗܿܝ ܕܕܚܼܠ ܡܢܗܿ ܐܬܬ ܥܠܝܗܘܢ. ܠܐ ܫܠܘ ܐܦܠܐ ܫܟܬ ܘܥܼܠ ܕܠܘܚܝܐ. ܘܗܿܘ ܡܕܡ ܕܙܝܥܝܢ ܗܘܘ ܡܢܗܼ ܡܼܛܐ ܐܢܘܢ ܩܠܝܠܐܝܬ܀ ܨܒܼܘ ܟܠܗܘܢ ܪ̈ܥܘܬܐ ܟܢܝܫܐܝܬ ܡܘܨܗܠܝܐ ܘܓܙܝܪ̈ܝܐ ܘܡܥܪ̈ܒܝܐܼ. ܘܐܬܟܿܢܫ ܩܠܝܠܐܝܬ ܒܚܕܐ ܢܦܫܐ ܘܒܚܕ ܪܥܝܢܐ ܫܦܝܪܐܼ. ܘܒܚܕܐ ܫܠܡܼܘܬܐ. ܘܨܼܒܘ ܟܠܗܘܢ ܐܦܝܣ̈ܩܦܐ ܥܡ ܐܢ̈ܫܐ ܡܝܩܪ̈ܐ ܘܡ̈ܗܝܡܢܐ ܒܡܒܘܓ ܡܕܝܢܬܐܼ ܒܗܝܟܠܐ ܕܡܪܝ ܬܘܡܐ. ܘܟܕ ܝܬܝܒ ܝܘܡܐ ܘܬܪ̈ܝܢ܆ ܘܣܓܝ̈ܐܬܐ ܐܬܡܠܠܘ ܒܝܢܬܗܘܢ ܡܛܠ ܣܓܝ̈ܐܐ: ܘܟܕ ܗܢܐ ܠܗܢܐ ܩܠܣܼ. ܐܬܐ ܐܚܪܢܐ ܘܓܚ. ܘܗܟܢܐ ܝܘܡ̈ܬܐ ܣܓܝ̈ܐܐ.. ܘܗܝܕܝܢ ܒܚܪܬܐ ܓܼܕܫ: ܐܝܬ ܗܘܐ ܓܒܪܐ ܚܕ ܒܒܥܠܬܢܝ ܡܢ ܕܝܪܐ ܩܕܝܫܬܐ ܕܩܢܫܪܐ܆ ܕܥܡܼܪ ܒܗܿ ܒܕܘܟܬܐ ܢܟܝܦܐܝܬ. ܘܒܕܘܒܪ̈ܐ ܕܕܚܠܬ ܐܠܗܐ ܡܨܒܬ ܗܘܐ. ܘܓܒܪܐ ܝܕܝܥܐ ܐܦ ܡܫܡܗܐ ܘܕܘܓܡܛܪܐ ܘܛܢܢܐ ܕܟܠܗܝܢ ܫܦܝܪ̈ܬܐ. ܫܡܗ ܕܝܢ ܐܝܬܘܗܝܼ ܓܝܘܪܓܝ. ܘܐܦ ܒܛܟܣܐ ܕܡܫܡܢܘܬܐ ܡܛܣ ܗܘܐ ܡܢ ܥܘܡܪܗ. ܠܗܢܐ ܟܠܗܘܢ ܫܘܝܐܝܬ ܒܚܕܐ ܫܠܡܘܬܐ ܘܒܚܕܐܐܘܝܘܬܐܼ. ܓܒܼܘ ܘܫܠܼܡ ܟܕ ܗܼܘ ܪܚܝܩ. ܘܗܟܢܐ ܩܠܝܠܐܝܬ ܓܒܼܘ ܐܢ̈ܫܐ ܡܢ ܗܿܢܘܢ ܡܝܩܪ̈ܐ ܕܬܡܢ܆ ܘܫܕܪܘ ܐܝܬܝܘܗܝ ܠܘܬܗܘܢ. ܘܥܼܠ ܟܠܗܘܢ ܘܫܠܡ ܠܗ. ܘܐܦ ܘܟܬܼܒ ܫܠܡܘܬܗܘܢ ܘܟܪܬ ܐܝܕ̈ܝܗܘܢ ܒܟܬܒܐܼ ܘܝܗܼܒ ܠܗ. ܕܩܕܡܝܗܘܢ ܐܝܬ ܗܘܼܐ ܝܘܚܢܢ ܕܩܠܝܢܩܣ. ܛܝܡܬܐܣ ܕܐܘܪܗܝ. ܕܘܝܕ ܕܕܪܐ. ܐܒܝ ܕܐܡܼܪ.. ܣܪܓܘܢܐ ܕܡܪܕܐ. ܣܛܦܢܐ ܕܚܒܘܪܐ.. ܘܩܘܣܛܢܛܝܢܐ ܕܫܡܫܝܛ..

                                                                                                                                 Page 213

ܩܘܪܝܩܐ ܕܛܪܥܒܕܝܢ. ܕܝܢܘܣ ܕܚܪܢ. ܐܠܝܐ ܕܫܝܓܪ.. ܘܡܢ ܡܘܨܠܼ ܦܘܠܣ ܕܬܓܪܝܬ.. ܙܟܝ ܕܟܪܡܐ. ܝܘܢܢ ܕܒܢܘܗܕܪܐ. ܥܡ ܐܚܪ̈ܢܐ ܣܓܝܗܐܐ.. ܘܡܢ ܡܥܪܒܐ ܬܘܒܼ ܗܠܝܢ.

ܟܕ ܟܬܼܒ ܘܫܠܼܡ ܘܚܿܬܼܡ ܟܬܒܐ: ܘܩܪܝܒܝܢ ܟܠܗܘܢ ܕܢܣܝܡܘܢ ܥܠܘܗܝ ܐܝܕܐ ܐܝܟ ܛܟܣܐ ܕܐܝܬ ܒܥܕܬܐ: ܘܚܼܙܐ ܣܛܝܢܐ ܕܩܪܝܒ ܕܢܗܘܐ ܫܝܢܐ ܒܟܠܗܿ ܥܕܬܐܼ݂ ܠܐ ܐܗܡܝ ܐܘ ܫܟܬ ܘܫܠܼܐ܆ ܐܘ ܢܼܚ ܐܦܠܐ ܡܢ ܗܕܐ: ܐܠܐ ܩܠܝܠܐܝܬ ܨܝܒ ܘܐܝܬܝ ܠܬܡܢ ܕܝܪܝܐ ܚܕܼ. ܘܥܒܕܗ ܠܗ ܡܥܡܪܐ. ܘܡܛܠ ܕܗܼܘ ܠܐ ܐܫܟܚ ܕܓܠܝܐܝܬ ܢܬܚܙܐ: ܘܫܓܘܫ ܘܢܕܠܘܚ ܘܢܪܡܐ ܣܕ̈ܩܐ ܒܝܢܬܗܘܢܼ: ܐܝܟܢܐ ܕܐܦܠܐ ܠܘܬ ܚܘܐ ܐܫܟܚ ܕܢܡܠܠ ܗܼܘ ܩܢܘܡܗ܆ ܕܕܠܡܐ ܢܬܓܠܐ ܙܐܝܦܗ ܘܢܬܦܪܣܐܼ. ܗܟܢܐ ܐܦ ܗܪܟܐ ܥܒܼܕ ܐܦ ܫܡܠܝ. ܠܗܠ ܚܘܝܐ ܓܒܼܐ ܘܥܼܠ ܐܦ ܥܡܼܪ ܒܗ. ܘܒܗ ܣܥܼܪ ܟܠܗܘܢ ܨܒܝ̈ܢܘܗܝ: ܗܪܟܐܼ. ܕܝܪܝܐ ܓܒܼܐ ܠܗ ܣܢܝܓܪܐܼ ܘܒܗ ܫܿܠܼܡ ܟܠܗܘܢ ܨܒܝ̈ܢܘܗܝ. ܫܡܗ ܕܝܢ ܐܝܬܘܗܝ ܝܘܚܢܢ. ܡܥܡܪܐ ܕܝܢ ܗܼܘܐ ܠܗ ܒܫܘܚܪܬܐ ܗܦܝܟܬܐ ܕܐܫܘܡܐ. ܟܕ ܒܩܛܝܐ ܕܐܟܣܢܝܘܬܐ ܙܒܢܐ ܣܓܝܐܐ ܡܬܗܿܦܟ ܗܘܐ ܠܗ: ܘܐܝܟ ܡܿܢ ܠܡ ܕܝܕܥ ܗܘܐ ܠܗ ܠܗܢܐ ܓܝܘܪܓܝܼ. ܩܪܒ ܨܝܕ ܗܠܝܢ ܐܦܝܣܩ̈ܘܦܐ ܓܙܝܪ̈ܝܐܼ. ܘܝܬܝܪܐܝܬ ܨܝܕ ܩܪ̈ܬܡܢܝܐܼ ܘܐܡܼܪ܆ ܕܐܝܟܢܐ ܨܿܒܝܬܘܢ ܕܬܥܒܕܘܢ ܠܟܘܢ ܦܛܪܝܪܟܐ ܠܓܒܪܐ ܕܓܙܡ ܥܠ ܕܝܪܟܘܢ. ܟܕ ܐܡܿܪ ܕܐܢ ܢܗܘܐ ܠܝ ܫܘܠܛܢܐ ܒܥܕܬܐܿ. ܐܘܒܕ ܫܡܗܿ ܕܩܪܬܝܢܝ ܘܕܕܝܪܐ ܕܐܬܢܣ ܡܢ ܐܪܥܐ. ܘܗܢܐ ܟܕ ܒܣ̈ܓܝܐܬܐ ܫܓܼܫ ܐܢܘܢ ܘܕܠܼܚ ܐܢܘܢ. ܗܢܘܢ ܒܕܠܐ ܒܡܦܝܣܝܢ ܗܘܘ ܒܗ ܒܚܣܝܐ ܓܝܘܪܓܝܼ. ܗܝܡܢܘ ܐܢܝ̈ܢܼ ܠܡ̈ܠܘܗܝ ܕܗܿܘ. ܟܕ ܠܐܐܬܒܝܢܘ ܕܟܠܗ ܚܝܠܗܝܢ ܡܢ ܕܣܛܢܐ ܗܼܘ. ܘܩܼܡ ܪܟܼܒܘ ܩܠܝܠܐܝܬ܆ ܘܓܢܒܼܘ

Page 214

ܢܦܫܗܘܢܼ. ܘܫܢܝܘ ܠܐܬܪܗܘܢ. ܗܠܝܢ ܕܝܢ ܕܦܫܼ. ܟܕ ܚܼܙܘ ܕܚܒܪ̈ܝܗܘܢ ܫܢܝܘ: ܝܬܝܪܐܝܬ ܙܥܘ ܘܕܚܠܘ. ܚܕܐ ܕܕܠܡܐ ܣܕܩܐ ܘܫܓܘܫܝܐ ܢܪܡܘܢ ܒܥܕܬܐ܆ ܐܢ ܗܼܘ ܕܢܥܒܕܘܢܝܗܝ ܟܕ ܪܚܝܩܝܢ ܚܒܪ̈ܝܗܘܢ. ܘܐܚܪܬܐ ܒܗܝ ܕܩܪܒܘܗܝ ܠܓܒܪܐ.. ܘܩܪܝܒ ܕܢܫܬܚܡ ܘܢܗܘܐ ܟܫܠܐ ܒܥܠܡܐ. ܡܛܠ ܕܠܘ ܐܝܟܢܐ ܕܐܝܬܝܗܿ ܥܠܼܬܐ ܡܬܬܢܝܐ ܒܐܝܕ̈ܝ ܡܣܟ̈ܠܢܐ. ܘܝܬܝܪܐܝܬ ܠܪܘܚܩܐ. ܗܠܝܢ ܕܝܢ ܕܦܫ܆ ܟܕ ܐܬܟܝܪ ܡܢ ܛܒ̈ܐ ܐܦ ܡܢ ܒܝ̈ܫܐ܆ ܘܝܬܝܪܐܝܬ ܐܦ ܡܢ ܬܪܬܗܘܢ ܡܕܡ ܕܥܒܕ ܒܓܪܐܼ. ܩܪܒܘ ܘܥܒܕܘܗܝ܀ ܐܝܕ̈ܝܥܐ ܕܝܢ ܕܒܗܘܢ ܡܢ ܓܙܝܪܬܐ ܗܠܝܢ܆ ܡܛܬܐܣ ܕܐܘܪܗܝ.. ܐܒܝ ܕܐܡܕ.. ܩܘܣܛܢܛܝܢܐ ܕܫܡܫܝܛ.. ܝܘܚܢܢ ܕܩܠܢܝܩܘܣ. ܥܡ ܫܪܟܐ ܕܟܠܗܘܢ ܡܘܨ̈ܠܝܐ ܘܡܥܪ̈ܒܝܐ.. ܗܠܝܢ ܕܝܢ ܕܩܕܡ ܫܢܝܘܼ. ܟܠ ܟܐܦ ܡܙܝܥܝܢ ܗܘܘ. ܘܟܕ ܟܠܢܫ ܫܢܼܝ ܘܐܙܼܠ ܠܐܬܪܗ: ܣܛܝܢܐ ܐܦܠܐ ܥܕ ܗܫܐ ܫܠܐ ܐܘ ܬܟܼܘ ܡܢ ܕܪܡܐ ܫܓܘܫܝܐ ܒܝܢܬܗܘܢ. ܘܗܟܢܐ ܓܪܓ ܐܢܘܢ. ܘܐܬܟܢܫܘ ܣܓܝ̈ܐܐ ܡܢ ܓܙܝܪ̈ܝܐܼ. ܘܥܒܼܕܘ ܠܗܘܢ ܦܛܪܝܪܟܐ ܠܝܘܚܢܢ ܕܩܠܢܝܩܘܣ܆ ܡܢ ܕܝܪܐ ܩܕܝܫܬܐ ܕܩܪܩܦܬܐ. ܘܟܕ ܥܒܼܪ ܥܠ ܫܠܡܘܬܐ ܘܩܝ̈ܡܬܐ ܘܟܪܬ ܐܝ̈ܕܘܗܝ: ܢܦܼܠ ܒܪܚܡܬ ܪܝܫܢܘܬܐܼ ܘܗܘܼܐ ܦܛܪܝܪܟܐ.. ܘܡܢ ܗܫܐ ܫܩܠ ܒܙܚ̈ܐ ܘܨܥܪ̈ܐ ܘܨܘܚܝ̈ܬܐܼ ܟܠܗ ܐܣܟܝܡܐ ܝܩܝܪܐ ܘܢܟܦܐ ܕܕܝܪܝܘܬܐ. ܟܕ ܣܓܝ̈ܐܐ ܠܗܘܿ ܡܚܪܡܝܢ ܘܠܟܠ ܕܫܠܿܡ ܠܗ: ܘܣܓܝ̈ܐܐ ܠܗܿܘ. ܘܗܟܢܐ ܐܬܝܒܠ ܫܓܘܫܝܐ ܗܢܐ ܒܥܕܬܐ ܥܕ ܗܫܐ. ܘܡܢ ܗܫܐ ܐܝܠܝܢ ܨܥܪ̈ܐܼ ܐܝܠܝܢ ܒܙܚ̈ܐܼ ܐܝܠܝܢ ܡܣܘܪ̈ܝܐܼ ܐܝܠܝܢ ܒܝ̈ܫܬܐܼ ܕܠܐ ܥܠܼܘ ܒܝܢܬܗܘܢ. ܥܕܡܐ ܕܫܪܟܘ ܠܚܒܘܫܝܐ ܕܒܐܝ̈ܕܝ ܫܘܠܛܢܐ ܛܪܘܢܝܐ. ܗܐ ܐܝܠܝܢ ܒܝ̈ܫܬܐ ܐ̈ܬܼܝ ܥܠ ܥܕܬܐ ܘܪ̈ܥܘܬܐܿ. ܒܐܝܕ̈ܝ ܗܿܘ ܕܝܪܝܐ ܒܝܫܐ: ܕܫܡܠܝ ܕܘܟܬ ܚܘܝܐ ܢܟܘܠܐ

Page 215

ܘܥܩܠܩܠܐ. ܘܐܥܠܘ ܫܓܘܫܝܐ ܠܥܕܬܐܼ ܒܡܠܬܗ ܘܡܠܼܟܗ.

ܫܢܬ ܐܠܦܐ ܘܫܬܝܢ ܘܚܡܫܼ. ܡܝܬ ܥܒܕܠܗ ܒܪ ܡܚܡܕ ܡܠܟܐ ܕܦܘܪ̈ܣܝܐ. ܘܡܢ ܗܝܕܝܢ ܫܘܪܘܢ ܥܠ ܪܝܫܢܘܬܐ ܥܒܕܠܗ ܐܚܘܗܝ. ܘܥܒܕܠܗ ܐܚܪܢܐ ܒܪ ܥܠܝ ܒܪ ܕܕܗ. ܘܡܢ ܗܫܐ ܠܝܬ ܗܘܐ ܐܠܐ ܫܘܦܥ ܕܡܐ ܘܩ̈ܛܠܐ ܣܓܝ̈ܐܐ ܒܝܢܬܗܘܢ. ܟܕ ܡܥܪ̈ܒܝܐ ܘܛܝ̈ܝܐ ܕܓܙܪܝܬܐ ܟܠܗܘܢ ܒܬܪ ܒܪ ܥܠܝ ܨܠܝܢ ܗܘܘ܆ ܘܠܗ ܫܠܿܡܝܢ ܗܘܘܼ ܘܠܗ ܒܥܿܝܢ ܡܠܟܐ. ܘܚܘܪ ܟܠܗܘܢ ܘܢܦܩܘ ܒܬܪܗ.. ܦܘܪ̈ܣܝܐ ܕܝܢ ܘܟܘܪ̈ܣܢܝܐܼ. ܨܠܘ ܒܬܪ ܥܒܕܠܗ ܒܪ ܡܚܡܕ. ܘܟܕ ܩܪ̈ܒܐ ܣܓܝ̈ܐܐ ܒܟܠܕܘܟ ܡܚܘܼ. ܘܕܡܐ ܣܓܝܐܐ ܐܫܕ ܥܠ ܐܪܥܐ ܡܢ ܚ̈ܕܕܐ. ܠܚܪܬܐ ܕܝܢ ܡܚܘ ܩܪܒܐ ܥܠ ܢܗܪ ܡܫܐ ܠܬܚܬ ܡܢ ܢܨܒܝܢ. ܘܟܕ ܗܟܢܐ ܝܘܡ̈ܬܐ ܣܓܝ̈ܐܐ ܬܡܢ ܐܩܪܒܘ܆ ܘܥܡܐ ܣܓܝܐܐ ܡܢ ܬܪ̈ܝܗܘܢ ܓܒ̈ܐ ܢܦܼܠ: ܒܚܪܬܐ ܐܬܒܪ ܥܒܕܠܗ ܒܪ ܥܠܝ܇ ܩܕܡ ܐܒܘܡܣܠܡ ܦܘܪܣܝܐ܆ ܘܐܬܗܙܡ ܘܥܪܩ ܘܐܒܕ܆ ܒܥܣܪ̈ܝܢ ܘܫ̈ܬܐ ܒܬܫܪܝ ܐܚܪܝܼ ܒܝܘܡ ܬܠܬܐ ܕܢܓܗ ܐܪܒܥܐ܀ ܘܐܬܒܪܘ ܒܪ ܥܠܝ. ܘܐܚܕ ܡܠܟܘܬܐ ܥܒܕܠܗ ܒܪ ܡܚܡܕ ܫܢܝ̈ܐ . . . . . . . . . . ܀ ܒܗ ܕܝܢ ܒܪܡܫܐ ܗܢܐ ܕܝܠܗܿ ܕܙܝܡܬܐ ܕܒܪ ܥܠܝܼ. ܥܒܕ ܐܠܗܐ ܬܕܡܘܪܬܐ ܡܕܡ ܪܒܬܐ. ܐܝܟܢܐ ܕܟܘܟܒܐ ܡܕܡ ܪܒܐ ܘܙܝܥܐ ܘܕܚܝܠܐܿ. ܦܪܚ ܘܨܪܗܿ ܠܫܡܝܐ ܐܦ ܠܐܝܪ: ܘܢܚܼܬ ܒܛܒܥܗ ܕܝܘܡܐ܆ ܒܡܨܥܬܗܿ ܕܝܠܗܿ ܕܥܣܟܪ ܕܒܪ ܥܠܝ ܒܕܡܘܬܐ ܕܐܣܦܝܪܐ ܕܢܘܪܐ. ܐܝܟܢܐ ܕܟܕ ܗܕܐ ܚܙܘ ܛܝܝ̈ܐ. ܐܬܬܒܪ ܘܐܒܕ ܣܒܗܘܢܼ. ܘܚܫܟ ܥܝܢܝ̈ܗܘܢܼ. ܘܠܐ ܐܫܟܚ ܬܘܒ ܠܡܩܡ. ܡܛܠ ܕܓܝܠܐܝܬ ܝܕܥܘ ܕܡܢ ܡܪܝܐ ܗܘܼܬ ܐܕܐܼ. ܘܠܐ ܚܡܣܢ ܬܘܒ.

Page 216

ܫܢܬ ܐܠܦܐ ܘܫ̈ܬܝܢ ܘܫ̈ܬܼ. ܥܒܕܘܢ ܐܝܠܢܿܐ ܚܙܘܪ̈ܐ ܚܚ̈ܘܢܝܬܐ ܘܟܠܗܘܢ ܦܐܪ̈ܐܼ. ܒܬܫܪܝܢ ܐܝܟ ܕܒܙܒܢܐ ܕܢܝܣܢ ܘܕܐܝܪ܀ ܗܘܼܐ ܕܝܢ ܒܗܿ ܒܫܢܬܐ ܗܕܐ ܙܪܥܐ ܪܒܐ ܒܟܠܗܿ ܐܪܥܐ.

ܫܢܬ ܐܠܦܐ ܘܫܬܝܢ ܘܫܒܥܼ. ܒܝܘܡ ܐܝܕܚ ܐܕܪ ܒܬܠܬܐ ܒܗ܆ ܝܘܡ ܬܠܬܐ ܒܫܒܐ: ܗܘܼܐ ܪܥܠܐ ܪܒܐ ܘܙܝܥܐ ܘܕܚܝܠܐ ܒܦܠܓܗ ܕܠܠܝܐ ܒܐܪܥܐ ܕܓܙܝܪܬܐ. ܘܐܬܗ̈ܦܟܝܢ ܒܗ ܬܠܬ ܩܘܪ̈ܝܣ ܥܠ ܚܒܪܘܬܐ. ܘܥܡܐ ܘܐܬܗ̈ܦܟܝܢ ܒܗ ܬܠܬ ܩܘܪ̈ܝܣ ܥܠ ܚܒܘܪܐ. ܘܥܡܐ ܣܓܝܐܐ ܕܒܘܗܝܢܼ ܒܕܡܘܬ ܥܢܒ̈ܐ ܒܡܥܨܪܬܐ ܒܓܘܗܝܢ ܐܬܚܒܠ. ܘܐܒܕ ܥܡ ܕܘܟܝ̈ܬܐ ܣܓܝ̈ܐܬܐ ܕܚܿܒܠ ܗܼܘ ܪܥܠܐ. ܕܗܼܘܐ ܡܢ ܣܘܓܐܐ ܪܒܐ ܕܚ̈ܛܗܝܢ܀ ܡܕܠ ܠܡ ܬܕܘܠ ܐܪܥܐ. ܘܡܡܛ ܬܡܘܛ ܐܪܥܐ. ܘܬܢܘܕ ܐܝܟ ܥܪܙܠܐ. ܗܠܝܢ ܚܛܗ̈ܝܢ ܡܨܝܢ ܠܡܥܒܕ. ܠܡܙܥܘ ܐܪܥܐ ܕܬܚܘܬܝܢ.

ܫܢܬ ܐܠܦܐ ܘܫܒܥܝܢ܆ ܐܬܥܪܩܠܘ ܨܘܡܐ ܕܡܕܢܚܝ̈ܐ: ܘܡܢܗܘܢ ܐܥܠܘ ܨܘܡܐ ܒܬܡܢܬܥܣܪ̈ ܒܫܒܛ. ܘܫܼܪܘ ܒܫ̈ܬܐ ܒܢܝܣܢ.. ܗܠܝܢ ܕܝܢ ܐܚܪ̈ܢܐ ܐܥܠܘ ܨܘܡܐ ܒܥܣܪ̈ܝܢ ܘܚ̈ܡܫ ܒܫܒܛ. ܘܫܼܪܘ ܒܬܠܬܥܣܪܗ ܒܢܝܣܢ.. ܘܗܟܢܐ ܐܬܥܪܩܠܘܢ ܟܠܗܘܢ ܟܪ̈ܣܛܝܢܐ. ܟܕ ܒܚܕܐ ܕܘܟܐ ܥܒܕ ܩܝܡܬܐ. ܘܒܚܕܐ ܥܒܿܕܝܢ ܐܘܫܥܢ̈ܐ. ܒܚܕܐ ܚܫܐܼ ܘܒܚܪܝܬܐ ܡܦܨܚ ܠܗܘܢ. ܗܟܢܐ ܘܒܡܕܝ̈ܢܬܐ ܥܒܼܕܝܢ ܗܘܘ: ܒܚܕ ܗܝܟܠܐ ܡܦܨܚ ܠܗܘܢ ܘܒܚܪܝܢܐ ܥܒܿܕܝܢ ܐܘ̈ܫܥܢܐ. ܣܓܝ̈ܐܐ ܕܝܢ ܡܢ ܗܠܝܢ ܕܨܠܝܢ ܠܘܬ ܝܥܢܘܬܐܼ. ܠܐ ܨܡ ܐܠܐ ܫܬ ܫܒ̈ܐ: ܟܕ ܐܠܥ ܥܡ ܐܚܪ̈ܝܐ ܘܫܪܘ ܥܡ ܩܕܡܝ̈ܐ.. ܣܓܝ̈ܐܐ ܕܝܢ ܐܚܪ̈ܢܐ ܕܐܬܡܨܥܘ ܘܐܒܕ ܠܗܘܢ ܡܢܥܘܪܩܠܐ ܕܗܘܼܐ ܒܝܢܬܗܘܢ: ܕܐܥܠܘ ܥܡ ܩܕܡ̈ܝܐ ܘܫܪܘ ܥܡ ܐܚܪ̈ܝܐ.

Page 217

ܫܢܬ ܐܠܦܐ ܘܫܒܥܝܢ ܘܚܕܐܼ. ܒܐܝܪܚ ܐܕܪ: ܐܬܚܙܝܬ ܐܬܿܐ ܚܘܪܬܐ ܒܫܡܝܐܼ. ܩܕܡ ܫܦܝܪܐ. ܒܓܪܒܝ ܡܕܢܚ: ܒܡܠܘܫܐ ܗܿܘ ܕܡܬܩܪܐ ܐܡܪܐܼ. ܠܓܪܒܝܐ ܡܢ ܗܠܝܢ ܬܠ̈ܬܐ ܟܘܟ̈ܒܐܿ. ܕܒܗ ܝܬܝܪ ܢܨܝܚܝܢ. ܘܕܡܝܐ ܗܘܬ ܒܐܣܟܝܡܗܿ ܠܡܟܢܫܬܐ. ܟܕ ܬܘܒܐܝܬ ܗܘܐ ܒܗ ܒܐܡܪܐ ܒܪܝܫܗ ܒܡܘܪܐ ܩܕܡܝܬܐ .ܒ. ܡܢ ܗܠܝܢ ܟܘܟ̈ܒܐ ܛܥܝ̈ܐܼ. ܩܪܘܢܣ ܘܐܪܝܣ܇ ܐܝܟ ܕܠܬܝܡܢܐ ܩܠܝܠܼ. ܒܥܣܪ̈ܝܢ ܘܬܪ̈ܝܢ ܒܗ ܒܝܪܚܐ. ܘܟܬܪܬ ܗܼܝ ܐܬܿܐ ܠܝ̈ܠܘܬܐ ܚܡܫܬܥܣܪ̈. ܥܕܡܐ ܠܢܓܗ ܥܝܕܐ ܕܦܢܛܩܘܣܛܐ. ܘܚܕ ܡܿܢ ܪܝܫܗܿ ܗܿܘ ܩܛܝܢܐ ܝܬܝܪ ܢܗܘܪܐ ܟܘܟܒܐ ܡܬܚܙܐ ܗܘܼܐ ܒܗ܆ ܘܨܠܐ ܗܘܼܐ ܠܐܦ̈ܝ ܓܪܒܝܐ. ܗܿܘ ܕܝܢ ܐܚܪܢܐ ܦܬܝܐ ܘܝܬܝܪ ܥܡܘܛܐ܆ ܨܿܠܐ ܗܘܼܐ ܠܐܦܗܝ ܬܝܡܢܐ. ܘܐܙܠܐ ܗܘܬ ܩܠܝܠ ܩܠܝܠܼ ܠܡܕܢ̈ܚܝ ܓܪܒܝ. ܐܣܟܝܡܗܿ ܕܝܢ ܗܢܘ: ܢܓܗ ܕܝܢ ܬܠܬܐ ܕܒܬܪ ܦܢܛܘܩܘܣ ܐܬܚܙܝܬ ܬܘܒ ܒܥܕܢ ܪܡܫܐ. ܡܢ ܓܪܒܝ ܡܥܪܒܝ. ܘܟܬܪܬ ܪ̈ܡܫܐ ܥܣܪܗܝܢ ܘܚ̈ܡܫܐ. ܘܐܙܠܐ ܗܘܬ ܩܠܝܠ ܩܠܝܠܼ ܠܬܝܡܢܐ.. ܘܬܘ ܐܒܕܬ. ܘܗܝܕܝܢ ܗܦܼܟܬܿ ܐܬܚܼܙܝܬܿ ܒܡܥܪܒܝ ܬܝܡܢܝ. ܘܗܟܢܐ ܬܡܢ ܟܬܪܬ ܝܘܡ̈ܬܐ ܣܓܝ̈ܐܐ.܀ ܒܗܢܐ ܙܒܢܐ ܣܕ̈ܩܐ ܣܓܝ̈ܐܐ ܗܘܼܘ ܒܥܕܬܐ܆ ܡܢܥܠܬ ܪܝܫܢܘܬܐ. ܟܕ ܥܘܡܪ̈ܐ ܡܕܢܚܝ̈ܐ ܥܒܕܘ ܠܝܘܚܢܢ ܦܛܪܝܪܟܐ: ܟܕ ܡܕܝ̈ܢܬܐ ܕܓܙܝܪܬܐ ܠܐ ܫܠܡ̈ܝܢ ܠܗ܇ ܘܐܦܠܐ ܟܠܗܘܢ ܥܘܡܪ̈ܐ. ܡܥܪ̈ܒܝܐ ܕܝܢ ܘܡܘܨܠܝ̈ܐ ܠܓܝܘܪܓܝ ܫܠܼܡ. ܘܡܢ ܥܠܬܐ ܗܕܐ ܐܬܕܠܚܬ ܟܠܗܿ ܥܕܬܐ.

Page 218

ܫܢܬ ܐܠܦܐ ܘܫܒ̈ܥܝܢ ܘܬܪ̈ܬܝܢ܆ ܡܝܬ ܩܕܝܫܐ ܡܪܝ ܛܝܡܬܐܣ ܐܦܝܣܩܦܐ ܕܐܘܪܗܝ.. ܘܗܘܼܐ ܒܬܪܗ ܐܢܫ ܕܝܪܝܐ ܚܒܝܫܝܐ. ܕܥܿܡܪ ܗܘܐ ܒܩܪܝܬܐ ܚܕܐ ܒܗ ܒܐܬܪܐ. ܕܡܬܩܪܝܐ ܗܘܬ ܒܝܬ ܩܕܘܢܐ. ܫܡܗ ܕܝܢ ܐܝܬܘܗܝ ܗܘܐ ܫܡܥܘܢ. ܗܢܐ ܡܛܠ ܢܟܦܘܬܗ ܘܡܝܬܪܘܬܗ܆ ܘܡܛܠ ܗܝܿ ܕܒܟܠܗܘܢ ܫܘܦܪ̈ܐ ܡܨܒܬ ܗܘܐܼ. ܘܝܬܝܪܐܝܬ ܒܪܚܡܬ ܐܟ̈ܣܢܝܐ ܘܡܣ̈ܟܝܢܐܼ. ܠܗܢܐ ܟܠܗ ܓܒܐ ܡܗܝܡܢܐ ܕܐܘܪ̈ܗܝܐ܆ ܒܚܕܐ ܫܘܝܬܐ ܘܫܠܡܘܬܐܼ ܒܥܿܝܢ ܗܘܘ ܕܢܗܘܐ ܠܗܘܢ ܪܥܝܐ ܠܢܦܫܬܗܘܢ. ܘܗܟܢܐܬܪܥܘܗܝ ܠܒܝܬ ܚܒܘܫܝܗ ܩܛܝܪܐܝܬ. ܘܢܬܦܘܗܝ ܘܐܘܒܠܘܗܝ ܠܘܬ ܓܝܘܪܓܝ ܦܛܪܝܪܟܐܼ ܕܢܥܒܕܗ ܠܗܘܢ ܪܝܫܐ. ܘܡܛܠ ܕܗܼܘ ܗܢܐ ܢܟܦܐ ܫܡܥܘܢ ܠܥܡ̈ܠܐ ܫܠܝܗܐ ܘܢܟ̈ܦܐ ܘܢܝ̇ܐ ܕܕܝܪܝܘܬܐ ܡܚܒ ܗܘܐܼ ܝܬܝܪ ܡܢ ܗܝܿ ܕܢܗܘܐ ܐܦܝܣܩ ܘܢܩܘܡܼ ܒܪܝܫ ܥܡܐܼ. ܠܐ ܨܼܒܐ ܐܦܠܐ ܩܒܠ ܥܠܘܗܝ ܠܡܘܒܠܐ ܗܢܐ ܕܪܝܫܢܘܬܐ.܀ ܘܟܕ ܗܼܘ ܗܢܐ ܚܣܝܐ ܓܝܪܓܝ ܐܠܨܗ ܣܓܝ܆ ܘܐܘܪ̈ܗܝܐ ܒܟܘ ܩܕܡܘܗܝܼ. ܠܐ ܨܼܒܐ ܐܦܠܐ ܩܒܠ. ܘܗܟܢܐ ܠܒܟܘܗܝ ܩܛܝܪܐܝܬ ܘܥܒܕܘܗܝ ܟܠ ܠܐ ܨܒܿܐ. ܘܐܦ ܣܿܗܼܕ ܒܗ ܗܼܘ ܚܣܝܐ ܓܝܘܪܓܝܼ ܫܡܝܐ ܘܐܪܥܐܼ ܘܐܠܗܐ ܘܡ̈ܠܐܟܘܗܝ: ܕܠܐ ܢܫܒܩܝܗܿ ܠܡܕܝܢܬܐ ܘܠܡܪܥܝܬܗ ܘܢܫܢܐ ܠܚܕ ܡܢ ܓܒ̈ܝܢ. ܘܗܟܢܐ ܟܕ ܬܚܝܬ ܚܪ̈ܡܐ ܣܓܝ̈ܐܐ ܐܣܪܘܗܝ ܕܠܐ ܢܫܢܐ ܐܘ ܢܥܪܘܩܼ. ܫܩܠܘܗܝ ܘܐܝܬܝܘܗܝ ܠܐܘܪܗܝ. ܘܢܦܼܩ ܟܠܗܘܢ ܐܘܪ̈ܗܝܐܼ. ܘܩܒܠܘܗܝ ܒܙܘܐ ܪܒܐ. ܘܟܕ ܝܘܡܐ ܘܬܪ̈ܝܢ ܗܘܼܐ ܒܗܿ ܒܡܕܝܢܬܐܿ. ܘܠܐ ܐܟܠ ܠܚܡܐ ܘܠܐ ܐܫܬܝ ܡ̈ܝܐܿ. ܥܕܡܐ ܕܩܪܝܒܝܢ ܗܘܘ ܚܝ̈ܘܗܝ ܠܡܬܛܠܩܘܼ. ܐܦܝܣ ܐܢܘܢ ܕܢܬܠܟܘܢ ܠܗ ܐܬܪܐ ܕܢܦܘܩ ܢܬܒ ܒܚܕܐ ܡܢ ܗܠܝܢ ܕܝܪ̈ܬܐ ܕܒܛܘܪܐ ܕܐܘܪܗܝ. ܡܛܠ ܕܐܡܿܪ: ܕܟܝܘܪܐ ܥܠܝ ܐܐܪ ܕܗܕܐ

Page 219

ܡܕܝܢܬܐ. ܘܗܟܢܐ ܝܬܼܒ ܒܕܝܪܐ ܚܕܐ ܡܢ ܬܝܡܢܝܗܿ ܕܡܕܝܢܬܐܼ. ܕܡܬܩܪܝܐ ܒܝܬ ܝܿܠܕܬ ܐܠܗܐ. ܘܟܕ ܟܠܝܘܡ ܣܠܩܿܝܢ ܗܘܘ ܩܠܝܪ̈ܝܩܐ ܘܪܘܪ̈ܒܢܐ ܨܝܕܘܗܝ ܠܗܿ ܠܕܘܟܬܐ: ܘܐܦ ܡܦܣܝܢ ܠܗܼ ܕܢܥܘܠ ܘܢܠܒܘܟ ܡܕܝܢܬܗ. ܗܼܘ ܕܝܢ ܒܚܕ ܡܢ ܦܘܪ̈ܣܝܢ ܠܗܕܐ ܠܐ ܬܪܡܝ ܣܟ. ܟܕ ܐܡܿܪ: ܕܐܢ ܗܿܘ ܠܝ ܠܡܬܼ ܐܘ ܐܙܕܩܦܼ. ܗܕܐ ܠܐ ܐܣܥܘܪ ܠܥܠܡ. ܐܠܐ ܫܒܩܘܢ ܠܝܼ ܡܛܠ ܐܠܗܐ. ܘܥܒܕܘܢ ܠܟܘܢ ܐܦܝܣܩܘܦܐ ܡܿܢ ܕܪܚܡܝܬܘܢ. ܟܕ ܐܘܪ̈ܗܝܐ ܠܗܕܐ ܐܦܠܐ ܕܢܫܡܥܘܝܢܝܗܿ ܒܐܕܢܝ̈ܗܘܢ ܡܬܪܡܝܢ ܗܘܘܿ. ܒܝܕ ܪܚܡܬܐ ܕܝܠܗܘܢ ܕܥܠܘܗܝ. ܘܗܟܢ ܟܠܗ ܡܬܚܐ ܕܣܬܘܐ ܥܒܼܪ. ܟܕ ܠܐ ܡܬܛܦܼܝܣ ܗܘܐܼ. ܠܐ ܗܼܘ ܕܢܥܘܠ ܠܡܕܝܢܬܐܿ. ܘܠܐ ܢܥܒܕ ܠܗܘܢ ܟܪܛܘܢܝܐܿ. ܘܠܐ ܢܥܕܥܕ ܠܗܘܢ ܥܐܕܐ. ܐܦܠܐ ܗܢܼܘܢ ܫܒܩܝܢ ܗܘܘ ܠܗ ܕܢܐܙܠ ܡܢ ܠܘܬܗܘܢ܇ ܒܗܿܝ ܕܢܦܝܩܐ ܗܘܬ ܢܦܫܗܘܢ ܒܬܪܗ. ܘܐܦ ܛܝ̈ܝܐ ܘܗܪ̈ܝܛܝܩܐ ܕܝܠܗܿ ܕܡܕܝܢܬܐ ܪܚܡܝܢ ܗܘܼܘ ܠܗ.. ܠܚܪܬܐ ܕܝܢ ܐܦܝܣܘܗܝܼ ܟܕ ܚܙܘ ܕܡܕܡ ܠܐ ܡܘܬܪܝܢ: ܕܒܿܩܪ ܠܢ ܐܢܫ ܕܕܚܿܠ ܡܢ ܐܠܗܐ ܠܕܘܟܬܟܼ ܘܢܫܠܡܐ ܛܟܣܐ ܕܐܦܝܣܩܦܘܬܐ. ܘܟܕ ܐܢܬ ܡܢ ܨܝܕܝܢ ܠܐ ܡܪܚܩ ܐܢܬ. ܘܐܦܠܐ ܠܗܕܐ ܐܬܪܡܝ. ܟܕ ܐܡܿܪ. ܕܥܡܐܐܢܬܘܢ ܩܫܝܐ. ܓܒܼܘ ܠܟܘܢ ܐܢܬܘܢ ܐܦܝܣܩܦܐ. ܘܠܝ ܥܡܠܐ ܕܡܕܡܼ ܠܐ ܬܪܡܘܢ. ܗܢܼܘܢ ܒܕܠܐ ܒܿܥܝܢ ܗܘܘ ܠܗ ܕܢܐܙܠ ܡܢ ܠܘܬܗܘܢܼ. ܥܠܘܗܝ ܫܕܘܗܿ ܟܠܗܿ ܗܕܐ ܥܠܬܐ. ܗܼܘ ܕܝܢ ܐܦܠܐ ܠܗܕܐ ܩܒܼܿܠ ܣܟ. ܘܟܕ ܚܼܙܐ ܕܡܕܡ ܠܐ ܡܗܢܐܼ. ܘܕܢܦܠܛ ܡܢ ܒܝܬ ܐܝܕ̈ܝܗܘܢ ܠܐ ܡܼܨܐܼ. ܐܡܼܪ ܠܗܘܢܼ ܕܣܝܡܘܢ ܠܝ ܡܠܬܐ ܕܐܠܗܐܿ. ܕܐܝܢܐ ܕܐܝܬܐ ܡܩܒܠܝܢ ܐܢܬܘܢ ܠܗܼ ܟܕ ܐܦܠܐ ܐܢܐ ܡܪܚܡ ܐܢܐ ܡܢ ܠܘܬܟܘܢ. ܘܥܠ ܟܠܗܘܢ ܘܐܝܡܝܘܢ ܠܗ. ܓܕܫ ܐܝܬ ܗܘܼܐ ܓܒܪܐ ܚܕ ܡܟܝܟܐ ܘܒܣܝܡܐ ܘܢܚܐܼ ܘܕܡܨܒܬ ܒܟܠܗܘܢ ܫܘܦܪ̈ܐ ܐܠܗ̈ܝܐܼ.

Page 220

ܒܥܘܡܪܐ ܩܕܝܫܐ ܕܙܘܩܢܝܢ ܕܒܐܪܥܐ ܕܐܡܕ܆ ܕܡܬܩܪܐ ܗܘܐ ܢܣܛܘܣ ܟܘܫܝܐ. ܠܗܢܐ ܓܒܼܐ ܗܢܐ ܫܡܥܘܢ ܝܬܝܪ ܡܢ ܟܠܢܫܼ. ܕܢܓܥܠ ܠܗ ܕܘܟܬܗ. ܟܕ ܐܦ ܩܒܠ ܥܠܘܗܝ ܩܢܕܘܢܣ ܕܝܠܗ: ܘܐܦ ܣܗܼܕ ܥܠܘܗܝ ܟܕ ܪܚܝܩܼ. ܕܠܝܬ ܐܟܘܬܗ ܝܘܡܢܐ ܒܓܪ̈ܝܥܐ. ܗܐ ܣܗܕܘܬܐ ܕܐܣܗܕ ܥܠ ܗܢܐ ܡܝܬܪܐ ܗܢܐ ܩܕܝܫܐܼ. ܟܕ ܠܐ ܡܢ ܡܬܘܡ ܚܼܙܐ ܗܘܐ ܠܗ ܒܦܓܪ. ܘܗܢܐ ܫܩܼܠ ܟܬܼܒ ܐܝܓܪ̈ܬܐ ܒܨܢܥܬܐ ܠܗ ܠܢܟܦܐܼ. ܘܠܟܠܗܘܢ ܣܒ̈ܐ ܡܝܩܪ̈ܐ ܕܥܘܡܪܗܼ. ܐܝܟ ܒܥܿܐ ܕܢܚܙܝܘܗܝ ܢܘܢܡܠܠ ܥܡܗ. ܘܫܕܪ ܐܢ̈ܫܐ ܡܝܩܪ̈ܐ ܡܢ ܕܝܠܗ ܒܬܪܗ. ܗܼܘ ܕܝܢ ܟܕ ܩܿܒܼܠ ܐܢܝ̈ܢ ܠܐܝܓܪ̈ܬܐܼ. ܝܕܥ ܕܨܢܥܬܐ ܡ̈ܠܝܢ. ܘܠܐ ܨܼܒܐ ܠܡܚܬ. ܟܕ ܐܦܠܐ ܒܢ̈ܝ ܥܘܡܪܗ ܝܗܼܒ ܠܗ.. ܘܗܟܢܐ ܙܒ̈ܢܬܐ ܣܓܝ̈ܐܬܐ ܣܠܼܩ ܐܝܙܓ̈ܕܘܗܝ ܘܢܚܼܬ ܣܦܝܩܐܝܬ. ܘܠܚܪܬܐ ܐܦܝܣܘܗܝ ܒܢܗܝ ܥܘܡܪܗ܆ ܟܕ ܠܐ ܒܛܠ ܡܢ ܐܝܓܪ̈ܬܐ ܘܦܝ̈ܣܬܐ: ܘܕܠܐ ܒܥܼܘ ܕܢܫܛܘܢܘܗܝ ܠܗ ܠܚܣܝܐ ܫܡܥܘܢ. ܘܢܚܼܬ ܗܼܘ ܘܬܠܡܝܕܗ ܨܝܕܘܗܝ ܠܐܘܪܗܝ. ܘܐܦ ܣܠܼܩ ܨܝܕܘܗܝ ܠܛܘܪܐ ܐܝܟܐ ܕܥܡܿܪ ܗܘܐ. ܘܗܟܢܐ ܢܦܼܩ ܘܩܒܠܗ ܒܚܕܘܬܐ ܪܒܬܐ. ܘܩܠܝܠܐܝܬ ܫܕܪ ܠܘܬ ܒܢ̈ܝ ܥܕܬܐ ܘܪܘܪ̈ܒܢܐ ܕܝܠܗܿ ܕܡܕܝܢܬܐ ܡܛܫܝܐܝܬ. ܟܕ ܗܼܘ ܢܟܦܐ ܐܢܣܛܣ ܠܐ ܝܼܕܥ ܡܕܡ ܣܟ. ܟܕ ܐܡܿܪ ܕܓܒܪܐ ܗܿܘ ܕܠܟܘܢ ܐܫܬܘܿܕܝܬܼ. ܗܐܐܬܼܐ. ܘܗܢܐ ܩܠܝܠܐܝܬ ܢܦܩ ܟܠܗܘܢ ܪܘܪ̈ܒܐ ܥܡ ܙܥܘܪ̈ܐܼ ܘܣܠܩܘ ܠܘܬܗ. ܘܚܙܘܗܝ ܘܚܕܘ ܒܗ ܪܘܪܒܐܝܬ. ܘܩܕܡ ܟܠܡܕܡ ܐܣܪܘܗܝ ܟܠܗܘܢ ܫܘܝܐܝܬ. ܕܠܐ ܢܫܢܐ ܠܚܕ ܡܢ ܓܒܝ̈ܢ ܣܟܿ. ܥܕܡܐ ܕܢܦܣܘܢ ܠܗ.. ܢܟܦܐ ܕܝܢ ܡܪܝ ܐܢܣܛܣ ܟܕ ܗܠܝܢ ܫܡܥܼ ܙܥ ܘܐܬܪܗܒ. ܘܓܘܢܐ ܕܐܦ̈ܘܝ ܐܫܬܢܝܼ. ܘܗܘܼܐ ܐܝܟ ܡܝܬܐ. ܘܥܕܠܝܐ ܪܒܐ ܥܠ ܒܢ̈ܝ ܥܘܡܪܗ ܡܝܬܐ ܗܘܐ܆ ܕܡܠܟܘܬܝ ܕܗܼܘ ܠܗ ܢܝܬܐ ܠܥܠܬܐ ܕܐܝܟ ܗܕܐ. ܘܝܬܝܪܐܝܬ ܠܗ ܠܚܣܝܐ ܫܡܥܘܢ.. ܘܟܕ ܕܝܢ ܐܦܝܣܗ

Page 221

ܝܘܡ̈ܬܐ ܣܓܝ̈ܐܐ ܘܠܐ ܩܒܠܼ. ܥܒܕܘܢ ܥܠܘܗܝ ܐܦܪܣܢ ܕܩܛܝܪܐܝܬ ܢܚܛܦܘܢܝܗܝܼ ܘܢܘܒܠܘܢܝܗܝ ܠܘܬ ܦܛܪܝܪܟܐ ܘܢܥܒܕܝܘܗܝ. ܗܼܘ ܕܝܢ ܟܕ ܐܬܒܕܩ ܠܗ ܐܦܪܣܢܐ ܗܢܐ ܕܥܒܼܕ ܥܠܘܗܝ ܐܘܪ̈ܗܝܐܼ. ܩܼܡ ܕܒܪ ܠܬܠܡܝܕܗ ܒܠܝܠܐܼ ܘܫܢܝ ܠܥܘܡܪܗ. ܐܦ ܚܣܝܐ ܫܡܥܘܢܼ ܐܫܬܐܠ ܡܢܗܘܢ ܟܕ ܚܼܙܐ ܕܫܢܝ ܡܝܩܪܐ ܐܢܣܛܘܣ. ܟܕ ܐܡܪ ܕܡܕܡ ܕܒܥܼܝܬܘܢ ܠܝ ܫܡܿܠܝܬ ܠܟܘܢ. ܗܫܐ ܫܒܘܩܘܢ ܠܝ. ܘܗܟܢܐ ܫܒܼܩ ܐܢܘܢ ܘܫܼܿܢܝ ܠܛܘܪܐ ܕܒܝܬ ܫܡܝ̈ܫܛܝܐ. ܘܬܡܢܼ ܥܡܼܪ ܥܕܡܐ ܠܫܘܠܡܐ ܕܚܝ̈ܘܗܝ. ܟܕ ܡܩܒܠ ܠܐܟܣܢܝ̈ܐ ܘܠܡܛܪ̈ܦܐ ܕܨܿܝܒܝܢ ܠܘܬܗܼ. ܡܛܠ ܕܠܡܝܢܐ ܗܘܐ ܕܟܠܗܘܢ ܐܠܨ̈ܐ.܀ ܗܘܼܐ ܕܝܢ ܒܗܿ ܐܦܝܣܩܦܐ ܚܠܦܘܗܝܼ ܙܟܪܝܐ ܡܢ ܕܝܪܐ      . ܘܐܦ ܗܼܘ ܗܢܐ ܡܢ ܐܣܛܘܢܐ ܐܚܬܘܗܝ.

ܫܢܬ ܐܠܦܐ ܘܫܒ̈ܥܝܢ ܘܚ̈ܡܫܼ ܗܘܼܐ ܡܘܬܢܐ ܪܒܐ ܕܪ̈ܟܫܐ ܒܟܠܗܿ ܐܪܥܐ. ܗܢܐ ܕܝܢ ܡܘܬܢܐ ܒܟܠܗܿ ܐܪܥܐ ܦܪܚ. ܟܕ ܡܢ ܣܘ̈ܦܐ ܒܪ̈ܝܐ ܕܐܪܥܐ ܠܒܼܟ: ܘܩܠܝܠ ܩܠܝܠ ܪܕܐ ܘܦܪܚ ܒܟܠܗܿ ܐܪܥܐ. ܘܗܟܢܐ ܩܠܝܠܐܝܬ ܣܝܦܝܢ ܗܘܼܘ ܒܗ ܐܝܟ ܪܦܦ ܥܝܢܐ. ܘܗܟܢܐ ܩܠܝܠ ܗܘܼܐ ܗܢܐ ܣܘܦܢܐܿ. ܐܝܟܢܐ ܕܟܕ ܢܩܠܘܥ ܪ̈ܡܟܐ ܠܦܣܩܐ ܕܒܥܝܪܐ ܕܐܝܬ ܒܗ ܬܠܬܡ̈ܐܐ ܪ̈ܟܫܬܐ ܘܢܚܘܬ ܠܫܩܝܐܼ. ܢܦ̈ܠܢ ܒܗ ܒܫܩܝܐ ܥܣܪ̈ܝܢ ܘܬܠܬܝ̈ܢ ܘܢܣܘܦ̈ܢ ܒܗ. ܘܗܟܢܐ ܪ̈ܓܘܠܐ ܘܪ̈ܘܡܐ ܘܢܚ̈ܠܐ ܘܐܘܪ̈ܚܬܐܼ ܡܢܗܘܢ ܡܠܝܢ ܗܘܘ ܘܣܪܝܢ. ܕܘܡܝܗ ܕܝܢ ܕܗܢܐܼ ܠܫܪܥܘܛܐ ܗܿܘ ܕܢܦܼܩ ܗܘܐ ܠܒܢܝ̈ܢܫܐ ܡܣܒܗ. ܡܛܠ ܕܒܩܕ̈ܠܝܗܝܢ ܠܒܿܟ ܗܘܐܼ. ܟܕ ܘܠܐ ܚܕܐ ܫܥܬܐ ܦܠܚܐ ܗܘܬ ܚܕܐ ܡܢܗܝܢ ܩܕܡܘܗܝ ܕܝܠܗ ܕܟܐܒܐ ܗܢܐ. ܘܐܢ ܓܕܫ ܘܟܕ ܡܪܓܫܐ ܗܘܬ ܚܕܐ ܡܢܗܝܢ: ܘܬܥܒܪ ܠܬܪ̈ܬܝܢ ܫܥ̈ܐܼ ܐܘ ܠܦܠܓܗ ܕܝܘܡܐ ܦܠܝܛܐ ܗܘܬ ܡܢ ܡܘܬܐ. ܟܕ ܚܕܐ ܡܢ ܡܐܐ ܠܡܚܣܢ ܦܠܛܐ ܗܘܬ ܚܕܐ ܡܢ ܗܠܝܢ

Page 222

ܕܒ̈ܠܥܢ. ܡ̈ܝܬܢ ܗܘ̈ܝ ܒܗ ܪ̈ܟܫܬܐ ܘܒܓ̈ܠܐ ܘܚܡܪ̈ܐ ܚܕ ܚܕ. ܘܦܼܪܚ ܗܢܐ ܟܐܒܐ ܒܟܠܗܘܢ ܥܡ̈ܡܐ ܘܡܟܘ̈ܬܐ ܕܐܪܥ܆ ܥܕܡܐ ܕܗܘܼܘ ܒܢܝ̈ܢܫܐ ܡܢ ܒܠܝ ܪ̈ܟܫܐ. ܘܥܒܿܕܗܿ ܕܡܟܢܝܫܬܐ ܗܿܝ ܕܡܢ ܩܕܡ ܩܠܝܠ ܐܬܚܙܝܬ ܚܘܝܬ ܓܠܝܐܝܬ ܒܥܿܒܕܐ. ܟܕ ܟܢܫܬܗ ܠܥܠܡܐܼ. ܐܝܟ ܡܟܿܢܫܬܐ ܕܟܢܫܐ ܒܝܬܐ.. ܟܕ ܐܦ ܐܣܬܒܪܬ ܠܦܪ̈ܘܫܐܼ ܘܕܠܚ̈ܠܝ ܐܠܗܐܼ. ܕܫܒܛܐ ܗܢܐ ܡܪܝܪܐ ܥܠ ܒܢ̈ܝ ܐܢܫ̈ܐ ܐܫܬܕܪ ܗܘܐ. ܘܒܝܕ ܡܪܚܡܢܘܬܗ ܕܐܠܗܐ ܘܫܦܝܥܘܬܐ ܕܛܝܒܘܬܗ ܘܪܚܡܬ ܐܢܫܘܬܗܼ. ܫܚܠܦܗ ܡܢ ܒܝܢ̈ܢܫܐ ܠܘܬ ܒܥܝܪܐ. ܟܕ ܣܗܕܐ ܠܢ ܗܕܐܿ. ܕܒܥܝܪܐ ܠܐ ܚܛܬ ܘܠܐ ܐܪܓܙܬ ܠܡܪܝܐ ܒܥܒܕ ܐܝ̈ܕܝܗܿ ܘܒܚ̈ܛܗܝܗܿ. ܘܩܿܛܠܬ ܐܡܪ ܥܡܘܣ ܒܚܪܒܐ ܥܠܝ̈ܡܝܟܘܢ ܥܡܼ ܫܒܝܬܐ ܕܪ̈ܟܫܟܘܢ. ܘܐܡܚܝܬ ܪܝܚ ܣܪܝܘܬܟܘܢ ܒܐܦܝ̈ܟܘ̤ܼ. ܘܠܐ ܐܬܦܢܼܝܬܘܢ ܠܘܬܝ܆ ܐܡܿܪ ܡܪܝܐ .. ܘܐܦ ܡܝܟܐ ܐܡܼܕ: ܒܗ ܒܝܘܡܐ ܗܿܘ ܐܡܿܪ ܡܪܝܐܼ. ܐܘܒܕ ܪ̈ܟܫܐ ܡܢ ܓܘܟ. ܘܐܘܒܕ ܡܪ̈ܟܒܬܟ. ܫܪܝܪܐܝܬ ܕܐܒܕ ܪ̈ܟܫܐ ܘܡܪܟܒܬܐ ܡܢ ܐܪܥܐܼ ܐܝܟ ܡܐ ܕܐܡܼܪ ܢܒܝ̈ܐ. ܘܗܠܝܢ ܚ̈ܛܗܝܢ ܥܒܕ. ܕܟܝ̈ܢܐ ܕܠܐ ܡܠܬܐ ܢܒܠܥܘܢ ܚܠܦܝܢ.

ܫܢܬ ܐܠܦܐ ܘܫܒ̈ܥܝܢ ܘܬܪ̈ܬܝܢ܆ ܫܕܪ ܥܒܕܠܗ ܒܪ ܡܚܡܕ ܡܠܟܐ ܕܦܘܪ̈ܣܝܐ ܠܒܪ ܘܗܒ ܥܡ ܚܝܠܐ ܣܓܝܐܐܼ ܘܩܠܓܪ̈ܐ ܡܢ ܟܠܗܿ ܓܙܝܪܬܐ. ܘܒܼܢܗܿ ܠܡܠܝܛܝܢܐ ܕܦܩܘܕܩܝܐ܆ ܕܩܘܝܬ ܡܢ ܕܚܪܒܬܼ. ܫܢܝ̈ܐ ܬܡܢ̈ܐ. ܘܐܥܠܘ ܠܗܿ ܥܡܐ ܘܚܝܠܐ: ܘܝܬܒܬ ܘܐܫܬܝܢܬ ܝܬܝܪ ܡܢ ܕܒܩܕܡܝܬܐ.

ܫܢܬ ܐܠܦܐ ܘܫܒܥܝ̈ܢܼ ܘܫ̈ܬ. ܢܬܪܘܢ ܟܘܟ̈ܒܐ ܕܒܫܡܝܐ. ܒܐܝܪܚ ܟܢܘܢ ܐܚܪܝܼ. ܒܐܪ̈ܒܥܐ ܒܗܼ ܝܘܡ ܥܪܘܒܬܐ. ܟܕ ܫܪܝ ܕܝܢ ܚܫܟܼ ܘܐܦ ܟܘܟ̈ܒܐ ܫܪܝܘ ܠܡܣܩܼ. ܢܦܼܩ ܬܪ̈ܝܢ ܟܘܟ̈ܒܐ ܡܢ ܡܨܥܬ ܫܡܝܐܼ. ܟܕ ܡܩܪܒܝܢ ܥܡ ܚܕ̈ܕܐܼ. ܒܕܡܘܬ ܕܒܢܝ̈ܢܫܐ ܕܡܩܪܒܝܢ ܐܘ ܥܪܝܢ ܕܪܐ ܥܡ

Page 223

ܚ̈ܕܕܐ. ܘܗܟܢܐ ܦܫܛܘ ܟܕ ܡܩܪܒܝܢ ܘܢܚܬܘ ܠܐܦ̈ܝ ܡܕܢܚܐ. ܘܟܕ ܢܚܬ ܗܠܝܢ ܘܕܥܟܼ ܗܝܕܝܢ ܫܪܝܘ ܟܠܗܘܢ ܟܘ̈ܟܒܐ ܕܒܫܡܝܐ ܠܡܦܠ. ܟܕ ܟܫܛܝܢ ܒܕܡܘܬܐ ܕܐܣܦܝܪ̈ܐ ܕܢܘܪܐ ܕܟܫ̈ܛܢ ܠܟܠܓܒ̈ܝܢ. ܘܗܟܢܐ ܟܠܗ ܠܠܝܐ ܗܼܘ ܢܬܪ. ܘܫܠܡܬ ܡܠܬܐ ܕܦܪܘܩܢ ܕܐܡܪܐ: ܫܡܫܐ ܠܡ ܢܚܼܫܟ ܘܣܗܪܐ ܢܬܚܠܦ ܠܕܡܐ. ܘܟܘܟ̈ܒܐ ܢܦܠܘܢ ܡܢ ܫܡܝܐ. ܘܚܝ̈ܠܘܬܐ ܕܫܡܝܐ ܢܬܙܝܥܘܢ. ܐܠܐ ܠܐ ܠܡ ܥܕܟܝܠ ܫܘܠܡܐ܀ ܗܿܘ ܕܩܿܪܐ ܢܣܬܿܟܠ ܥܠ ܐܝܠܝܢ ܕܗܘ̈ܝ ܡܢ ܒܬܪܟܝܢ ܒܥܠܡܐܼ ܘܢܦܪܘܫ: ܐܘ ܡܛܠ ܥܘܪܒܠܐ ܘܣܕ̈ܩܐ ܕܗܘܼܘ ܒܥܕܬܐ ܡܢ ܥܠܼܬ ܓܝܘܪܓܝ ܘܕܘܝܕ ܦܛܪܝܪ̈ܟܐ: ܕܢܦܼܠܘ ܟܠܗܘܢ ܟܪ̈ܣܛܝܢܐ ܒܚܕܕ̈ܐ. ܐܘ ܬܘܒ ܥܠ ܐܘ̈ܠܨܢܐ ܕܣܒܠܘ ܒܢܝ̈ܢܫܐ ܡܢ ܫܘܠܛܢܐ ܛܪܘܢܝܐܿ. ܘܥܪܘܩܝܐ ܡܢ ܡܕܝܢܬܐ ܠܡܕܝܢܬܐܼ ܘܡܢ ܐܬܪܐ ܠܚܒܪܗܼ ܘܡܢ ܩܪܐ ܠܩܪܐ.. ܐܡܿܪ ܬܘܒ: ܘܢܗܘܐ ܠܡ ܐܘܠܨܢܐ ܪܒܐ ܐܝܢܐ ܕܠܐ ܗܘܐ ܡܢ ܪܝܫܝܬܗ ܕܥܠܡܐ ܘܥܕܡܐ ܠܝܘܡܢܐ ܐܟܘܬܗ. ܨܠܘ ܠܡ ܕܠܐ ܢܗܘܐ ܥܪܘܩܝܟܘܢ ܒܣܬܘܐ. ܘܝ ܕܝܢ ܠܐܝܠܝܢ ܕܒܛ̈ܢܢ ܘܠܕܡܝ̈ܢܩܢ ܒܗܢܘܢ ܝܘ̈ܡܬܐ. ܩܪܝ ܦܪܘܫܐ ܘܥܒܪ ܚܼܙܝ ܐܝܠܝܢ ܒܝ̈ܫܬܐ ܗܘܼܝ ܡܢ ܒܬܪܟܝܢ ܒܥܠܡܐ. ܗܐ ܪ̈ܫܝܡܢ ܠܢ ܒܙܒܢܗܝܢ. ܐܝܿܠܝܢ ܐܘ̈ܠܨܢܐ. ܐܝܠܝܢ ܒܝ̈ܫܬܐ. ܐܝܠܝܢ ܣܕ̈ܩܐ ܘܫ̈ܢܕܐ ܘܡܚ̈ܘܬܐ. ܐܝܠܝܢ ܥܪ̈ܘܩܝܐ. ܐܝܠܝܢ ܕܒܙܘ̈ܙܐ. ܐܝܠܝܢ ܢܘ̈ܬܦܐ. ܐܝܠܝܢ ܟܦܘܪ̈ܝܐ ܕܒܢ̈ܝܐ ܘܕܒܢ̈ܬܐ ܘܡܬܦܪ̈ܫܢܘܬܐ ܕܢܫ̈ܐ ܡܢ ܓܒܪ̈ܝܗܘܢ. ܐܝܠܝܢ ܟܦ̈ܢܐ. ܐܝܠܝܢ ܟܘܪ̈ܗܢܐ. ܐܝܠܝܢ ܡܘ̈ܬܢܐ.. ܠܗܝܠܝܢ ܟܠܗܝܢ ܣܒ ܐܘ ܦܪܘܫܐ܆ ܕܐܬ̈ܝ ܒܬܪ ܢܬܪܐ ܗܿܘ ܕܟܘ̈ܟܒܐ.. ܥܡ ܗܿܝ ܬܘܒ ܕܟܠܗܘܢ ܥܡ̈ܡܐ ܘܐܡ̈ܘܬܐ ܘܡܠܟ̈ܘܬܐ ܐܫܬܦܠ ܘܢܦܠ ܩܕܡ ܫܘܠܛܢܐ ܗܢܐ ܛܪܘܢܝܐܼ. ܘܠܐ ܐܫܟܚ ܐܢܫ ܡܢ ܒܢܝ̈ܢܫܐ ܠܡܩܡ ܩܕܡܘܗܝ.

Page 224

ܒܗܢܐ ܕܝܢ ܙܒܢܐ ܗܝܡܢܘܬܐ ܕܡܢܝ̈ܢܝܐ ܒܚܪܢ ܡܕܝܢܬܐ ܕܒܝܬ ܢܗܪܝܢ ܐܬܬ ܠܒܘܙܚܐ. ܓܕܫ ܐܝܬ ܠܗܘܢ ܕܝܪܐ ܚܕܐ ܠܡܕܢܚܐ ܡܢ ܚܪܢ. ܦܪܝܩܐ ܕܝܢ ܡܢ ܡܕܝܢܬܐ ܐܝܟ ܡܝܠܐ ܚܕ. ܘܒܗ ܕܝܢ ܒܕܝܪܐ ܗܕܐ ܥܐܕܐ ܥܒܕܝܢ ܪܒܐ ܘܩܫܝܐܿ ܡܢ ܫܢܬܐ ܠܫܢܬܐ ܙܒܢܬܐ ܚܕܐ. ܘܒܗܿ ܡܕܒܚܝܢ܆ ܘܐܦܣܩܘܦܗܘܢ ܗܿܘ ܕܪܘܫܥܐܼ ܒܗܿ ܥܡܿܪ. ܘܥܐܕܐ ܗܿܘ ܪܒܐ ܒܗܿ ܗܘܿܐ ܘܒܗܿ ܡܚܫܝܢ. ܘܟܕ ܩܪܝܒ ܥܕܥܕܗܘܢ ܠܡܐܬܐܼ. ܓܕܫ ܐܝܬ ܠܗܘܢ ܢܡܘܣܐܼ ܕܠܒܿܟܝܢ ܓܒܪܐ ܘܚܒܿܫܝܢ ܠܗ ܡܢ ܫܢܬܐ ܠܫܢܬܐ. ܘܒܗ ܒܥܕܗܘܢ ܕܒܿܚܝܢ ܠܗ. ܘܪܝܫܗ ܠܡ ܫܩܠܝܢ ܠܗܼ. ܘܣܝܡܝܢ ܒܦܘܡܗ ܙܘܙܐ. ܘܣܝܡܝܢ ܠܗ ܒܟܘܬܐ ܣܘܓܕܝܢ ܠܗ. ܘܒܗ ܡܢܚܫܝܢ. ܠܗܪܟܐ ܕܝܢ ܟܕ ܩܪܒ ܝܘܡܐ ܕܥܕܥܕܗܘܢ ܕܪܘܫܥܐ: ܘܨܒܘ ܠܡܝܬܝܘ ܓܒܪܐ ܗܿܘ ܕܡܛܝܒܝܢ ܠܡܚܒܫ ܕܢܗܘܐ ܠܗܘܢ ܠܕܒܚܐ: ܕܥܝܕܐ ܗܿܘ ܕܡܢ ܒܬܪ ܗܿ، ܕܩܪܝܒ ܠܡܗܘܐܼ. ܟܬܒܘ ܐܝܓܪܬܐ ܪܘܪ̈ܒܢܐ ܕܡܢܝ̈ܢܝܐܼ. ܘܢܦܼܩܘ ܠܫܘܩܐ ܕܚܪܢ. ܘܟܕ ܐܫܟܚ ܓܒܪܐ ܐܝܟ ܡܐ ܕܒܥܘܼ. ܐܒܟܘܗܝ ܘܐܡܿܪܝܢ ܠܗ: ܕܣܒ ܐܓܪܐ ܟܡܐ ܕܪܚܿܡ ܐܢܬ܆ ܘܬܐ ܙܠ ܐܘܒܠ ܐܝܓܪܬܐ ܗܕܐ ܠܕܝܪܐ ܦܠܢܝܬ܆ ܠܘܬ ܪܝܫܕܝܪܐ ܕܝܠܗܿ ܕܕܝܪܐ. ܗܼܘ ܕܝܢ ܠܨܢܥܬܐ ܗܿܝ ܕܣܛܢܐ: ܕܗܘܼܬ ܥܠ ܩܠܛܗ ܕܕܘܝܐܼ ܠܐ ܝܼܕܥ. ܒܥܪܝܡܘܬܗ ܐܝܟ ܐܡܪܐ ܠܢܟܣܬܐ ܪܗܼܛ ܠܡܐܙܠ. ܘܟܕ ܕܝܢ ܩܠܝܠܐܝܬ ܡܛܐ ܠܕܝܪܐ ܗܿܝܼ ܘܩܼܪܒ ܠܬܪܥܗܿ ܘܫܐܝܠ ܠܗܢܘܢ ܕܐܣܬܩܒܠ ܩܕܡܘܗܝ ܥܠ ܪܝܫ ܕܝܪܗܘܢ: ܘܐܦ ܐܦܝܣ ܐܢܘܢ ܕܢܩܪܘܢ ܠܗܼ. ܥܠܘܢ ܡܣܪܗܒܐܝܬ ܘܐܡܪܘܢ ܠܗ. ܘܟܕ ܫܡܼܥ ܕܝܢ ܪܝܫܕܝܗܘܢܼ. ܢܦܼܩ ܩܠܝܠܐܝܬ ܘܩܒܠܗ ܠܓܒܪܐ ܗܿܘ ܒܐܝܩܪܐ ܘܒܚܕܘܬܐ ܪܒܬܐ. ܘܐܡܼܪ ܠܗ ܕܬܐ ܥܘܼܠ ܘܐܬܢܝܚ ܩܠܝܠ. ܘܐܟܘܠ ܠܚܡܐ. ܘܫܩܿܠ ܐܢܬ ܦܚܡܐ ܕܐܝܓܪܬܟܼ ܐܙܠ ܐܢܬ

Page 225

ܒܫܠܡܐ. ܘܟܕ ܐܠܥܘܗܝ ܠܓܒܪܐ ܬܘܘܢܝ ܒܓܘ ܬܘܘܢܝ ܚܕ ܘܬܪ̈ܝܢ ܘܬ̈ܠܬܐ ܘܝܬܝܪ ܫ̈ܬܐ ܘܫܒ̈ܥܐ: ܥܕܡܐ ܕܡܼܛܘ ܨܝܕ ܓܒܪܐ ܕܡܢ ܫܢܬܐ ܐܚܪܬܐ ܕܩܕܡ ܗܕܐ ܚܒܝܼܫ܆ ܘܠܗ ܠܥܐܕܐ ܗܿܘ ܩܪܝܒܐ ܡܛܝܒ ܠܡܐܬܐ ܠܕܒܚܐ. ܦܿܩܕ ܠܗ ܕܬܒ ܗܪܟܐ ܨܝܕ ܓܒܪܐ ܗܢܐ. ܘܟܕ ܝܬܒ ܐܡܼܪ ܠܗ ܕܬܒ ܗܪܟܐ ܨܝܕ ܓܒܪܐ ܗܢܐ. ܘܟܕ ܝܬܒ ܐܡܼܪ ܠܗ ܓܒܪܐ ܗܿܘ. ܕܗܘܝ ܠܟ. ܡܢܐ ܓܕܫܟ. ܗܼܘ ܕܝܢ ܐܡܼܪ: ܕܥܠ ܡܢܐ. ܘܗܿܘ ܐܡܼܪ:  ܕܠܝ ܗܟܢܐ ܥܒܕ. ܘܟܕ ܐܬܝܿܬ ܠܗܪܟܐ ܐܫܟܼܚܬ ܓܒܪܐ ܐܚܪܢܐ ܕܝܬܝܒ. ܘܒܥܐܕܗܘܢ ܕܒܚܘܗܝ. ܘܗܐ ܪܝܫܗ ܒܟܘܬܐ ܗܕܐ܆ ܘܡܢܗܪ ܠܗܘܢ ܩܕܡܘܗܝ ܩܢܕܝܠܐ. ܘܣܓܕܝܢ ܠܗ ܘܒܗ ܡܚܫܝܢ. ܘܗܐ ܦܐ ܠܝ ܒܥܐܕܐ ܗܢܐ ܡܛܝܒܝܢ ܠܡܩܛܠ: ܘܗܝܕܝܢ ܬܬܒ ܐܢܬ ܒܪܘܟܬܝ ܥܕܡܐ ܠܥܐܕܐ ܐܚܪܢܐ. ܘܗܝܕܝܢ ܬܐܬܐ ܠܕܒܚܐ ܐܦ ܐܢܬ. ܐܠܐ ܐܢ ܨܿܒܐ ܐܢܬ ܠܡܦܠܛ ܡܢ ܗܪܟܐܼ. ܫܡܝܥܝܢܝܼ ܘܢܐܛܒ ܠܟ. ܚܙܝ ܡܐ ܕܡܛܝܒܝܢ ܠܡܩܛܠܢܝ܆ ܩܘܡ ܥܠ ܓܢܒܝ. ܘܟܕ ܢܿܦܠ ܪܝܫܝ ܥܠ ܐܪܥܐܼ. ܣܒܝܗܝ ܩܠܝܠܐܝܬܼ. ܟܕ ܡܙܪܩ ܕܡܝ ܘܫܿܕܪ ܠܘܬ ܬܪܥܐ. ܘܐܢ ܩܪܒܝܢ ܠܟ܆ ܘܐܢ ܡܦܣܝܢ ܐܢ ܡܣܓܝܢ ܠܟ ܡܘܗ̈ܒܬܐܼ ܠܐ ܬܣܝܡܝܘܗܝ. ܘܐܢ ܨܒܿܝܢ ܕܢܠܒܟܘܢܟ܆ ܐܢܝܦ ܡܢ ܗܿܘ ܕܡܐ ܠܘܩܒܠܗܘܢ: ܘܥܪܩܝܢ ܡܢܟ.. ܓܒܪܐ ܕܝܢ ܗܿܘ ܒܚܡܬܐ ܫܦܝܪܬܐ ܐܟܙܢܐ ܕܐܡܼܪ ܠܗܼ. ܩܒܠ ܒܠܒܗ. ܘܥܒܕ ܘܐܦ ܫܡܠܝܼ ܕܠܐ ܒܘܨܪܐ. ܘܟܕ ܩܛܠܘܗܝ ܫܩܠܗ ܠܪܝܫܗ. ܘܪܗܼܛ ܠܘܩܒܠ ܬܪܥܐ ܘܐܦ ܗܢܘܢ ܟܕ ܡܼܦܣܝܢ ܘܡܝܠܝܠܝܢ ܕܣܝܡ. ܗܼܘ ܕܝܢ ܠܐ ܐܨܛܒܝ ܠܐ ܠܡܘܗ̈ܒܬܐ ܐܦܠܐ ܠܦܝܣ̈ܬܐܼ. ܐܘ ܟܘܙ ܡܢ ܕܚܠܬܐ ܕܝܠܗܘܢ. ܗܢܘܢ ܕܝܢ ܠܐ ܡܫܟܚܝܢ ܗܘܘ ܠܡܿܬܩܪܒܘ ܠܘܬܗ.. ܘܗܟܢܐ ܒܪ̈ܓܠܐ ܚܨ̈ܬܐ ܫܩܠܗ: ܘܥܠ ܩܕܡ ܥܒܣܿ. ܕܗܼܘ ܐܝܬܘܗܝ ܐܡܝܪܐ ܕܓܙܝܪܬܐ ܒܙܒܢܐ ܗܿܘ. ܥܒܣ ܕܝܢ ܝܕܥ ܠܗܿܝ ܕܗܘܼܬ ܘܫܕܪ ܘܨܕ ܘܚܒܫ ܠܟܠܗܘܢܼ ܠܓܒܪ̈ܐ ܘܠܢܫ̈ܐ ܘܠܛܠܝ̈ܐ. ܘܫܩܼܠ ܟܠ

Page 226

ܡܘܢ ܕܩܢܼܝܢ. ܟܕ ܫܢ̈ܕܐ ܡܫܚ̈ܠܦܐ ܠܗܘܢ ܐܣܒܠ. ܘܝܬܝܪ ܡܢ ܐܪ̈ܒܥܡܐܐ ܘܚܡܫ̈ܡܐܐ ܐܠܦ̈ܝ ܡܐܠܐܼ ܡܢܗܘܢ ܢܣܼܒ.

ܫܢܬ ܐܠܦܐ ܘܫܒܥܝܢ ܘܫܬܼ. ܒܐܝܪܚ ܐܕܪ ܒܐܪܒܬܥܣܪ ܒܗ܆ ܝܘܡ ܥܪܘܒܬܐ: ܢܦܼܩ ܡܢ ܥܠܡܐ ܗܢܐ ܚܣܝܐ ܣܐܘܪܝܐ ܐܦܝܣܩܦܐ ܕܐܡܕ܆ ܘܐܬܣܝܡ ܒܕܝܪܗ.܀ ܘܒܗܿ ܒܫܢܬܐ ܗܕܐܼ. ܐܬܟܢܫܬ ܣܘܢܗܕܣ ܕܐܦܝ̈ܣܩܦܐ . ܘܥܼܒܕ ܫܝܢܐ ܘܚܕܝܘܬܐ ܥܡ ܓܝܘܪܓܝ ܦܛܪܝܪܟܐ: ܡܢ ܒܬܪ ܕܡܝܬ ܝܘܚܢܢ ܐܦܝܣܩܦܐ ܕܩܠܢܝܩܣܿ. ܗܿܘ ܕܥܒܕ ܓܙܝܪ̈ܝܐ ܦܛܪܝܪܟܐ. ܘܒܗܿ ܒܗܕܐ ܣܘܢܕܘܣܼ ܫܼܕܘ ܠܟܠܗܘܢ ܐܦܝܣܩܘ̈ܦܐ ܡܢ ܕܪܓܐ ܕܐܦܝܣܩܦܘܬܐܿ. ܗܠܝܢ ܕܗܘܼܘ ܡܢ ܝܘܚܢܢ ܦܛܪܝܪܟܐ.. ܒܪܡ ܕܝܢ ܠܐ ܗܼܐ ܡܛܠ ܗܝܡܢܘܬܐ. ܐܠܐ ܡܛܠ ܕܠܐ ܗܘܐ ܒܛܟܣܐ ܐܘ ܒܢܡܘܣܐ ܕܐܠܗܐ ܗܘܼܘ. ܘܐܦܠܐ ܕܘܟ̈ܝܬܐ ܐܝܠܝܢ ܕܗܘܼܘ ܥܠ ܫܡܗ̈ܝܗܝܢ ܡܩܒܠܢ ܗܘܘ ܠܗܘܢ. ܘܐܦܠܐ ܐܝܟ ܕܒܫܪܪܐ ܐܿܡܪ܆ ܫܘܝܢ ܗܘܘ ܗܢܘܢ ܠܕܪܓܐ ܕܐܦܝܣܩܦܘܬܐ. ܡܛܠ ܕܐܢ̈ܫܐ ܗܘܘ ܥܢ̈ܬܐ ܣܦܝܪ̈ܐ܆ ܕܐܒ̈ܐ ܚܛܘ̈ܦܐ. ܕܠܐ ܚܝܿܣܝܢ ܗܘܘ ܥܠ ܡܪܥܝܬܐ. ܥܠ ܗܠܝܢ ܩܕܡ ܒܿܕܩ ܠܢ ܫܠܝܚܐ ܦܘܠܘܣ. ܗܠܝܢ ܐܝܬܝܗܘܢ ܗܘܘ ܐܝ̈ܠܢܐ ܒܝ̈ܫܐ܆ ܕܦܐܪ̈ܐ ܒܝ̈ܫܐ ܥܒܼܕ. ܘܐܘܟܠܗܿ ܠܥܕܬܐ. ܗܠܝܢ ܕܒܙܒܢܗܘܢܐܡܿܪܝܢ ܚܢܢ ܥܒ̈ܕܝܗܘܢ.܀ ܫܠܼܡ ܕܝܢ ܒܗܕܐ ܣܘܢܗܕܘܣܼ. ܓܙܝܪ̈ܝܐ ܘܡ̈ܨܠܝܐ ܘܡܥܪ̈ܒܝܐܼ ܘܥܘܡܪ̈ܝܗܘܢ ܘܡܕܝ̈ܢܬܗܘܢ ܠܓܝܘܪܓܝ܀ ܪ̈ܝܫܝܗܿ ܕܝܢ ܘܝܕ̈ܝܥܝܗܿ܇ ܓܝܘܪܓܗ ܦܛܪܝܪܟܐ ܕܐܢܛܝܟܝܐ ܕܘܝܕ ܐܦܝܣܩܦܐ ܕܕܪܐ. ܐܒܝ ܐܦܝܣܩܦܐ ܕܐܡܕ.. ܣܪܓܘܢܐ ܐܦܝܣܩܦܐ ܕܡܪܕܐ.. ܩܘܣܛܢܛܝܢܐ ܐܦܝܣܩܦܐ ܕܫܡܝܫܛ.

Page 227

ܫܢܬܐ ܐܠܦܐ ܘܫܒ̈ܥܝܢ ܘܫܒ̈ܥܼ. ܗܘܼܐ ܟܢܫܐ ܪܒܐ ܘܩܫܝܐ ܕܢܣܛܘܪ̈ܝܢܐܼ ܒܕܝܪܐ ܕܒܝܬ ܟܘܠܐ ܕܥܠ ܛܘܪ̈ܝ ܩܪ̈ܕܘ. ܘܥܒܼܕܘ ܥܐܕܐܼ. ܐܝܟ ܡܐ ܕܡܥܕܝܢ ܠܡܥܒܕ ܒܕܘܟܬܐ ܗܷܿ ܕܐܬܢܝܚܬ ܒܗܿ ܩܒܘܬܐ. ܘܟܕ ܟܢܝܫܝܢ ܒܟܣܐ ܒܬܫܪܝܢ ܐܚܪܝܼ ܥܡܐ ܣܓܝܐܐ ܬܡܢ: ܒܪܩ ܡܢ ܫܡܝܐ ܒܪܩܐܼ. ܘܢܼܚܬܬ ܢܘܪܐ ܡܢ ܫܡܝܐܼ. ܘܣܦܬ ܒܗܝܟܠܐ ܗܿܘ ܘܐܘܩܕܬܗ ܠܗ ܘܠܥܡܐ ܕܒܗ. ܘܥܒܕܬ ܢܘܪܐ ܠܟܐܦ̈ܘܗܝ ܟܠܫܐܼ. ܟܕ ܐܦܠܐ ܐܝܠܝܢ ܕܠܒܪ ܡܢܗ ܐܫܬܘܙܒ ܡܢ ܝܩܕܢܐ ܕܢܘܪܐ. ܐܠܐ ܠܟܠܗܘܢ ܓܡܪܬ. ܟܕ ܠܐ ܐܫܬܘܙܒ ܐܢܼ. ܐܒܼܕ ܕܝܢ ܒܝܩܕܢܐ ܗܢܐܼ ܝܬܝܪ ܡܢ ܫܒܥ̈ܡܐܐ ܘܬܡܢ̈ܡܐܐ ܢܦ̈ܫܬܐ ܕܒܢܝ̈ܢܫܐ: ܘܣܘܓܐܐ ܕܒܥܝܪܐ. ܘܗܟܢܐ ܐܙܿܠ ܗܘܐ ܪܝܚܗܿ ܕܣܪܝܘܬܐ ܕܕܘܟܬܐ ܗܿܝ ܥܕܡܐ ܠܬܪ̈ܝܢ ܡܝ̈ܠܝܢ: ܟܕ ܠܐ ܡܫܟܚܝܢ ܗܘܘ ܒܢܝ̈ܢܫܐ ܠܡܬܩܪܒܘ ܠܚܕܪܗܿ ܥܕܡܐ ܠܬܪ̈ܬܝܢ ܫܢܝ̈ܢ.܀ ܘܕܘܟܬܐ ܗܿܝ ܕܗܘܬ ܫܘܘܙܒܐ ܠܒܢܝ̈ܢܫܐ ܘܠܒܥܝܪܐ ܘܠܚܝܘܬܐ ܘܠܪܚܫܐܼ ܡܢ ܡܝ̈ܐ ܕܛܘܦܢܐ: ܗܼܷ ܬܘܒ ܗܘܼܬ ܛܘܠܩܐ ܠܒܢܝ̈ܢܫܐ ܘܠܒܥܝܪܐ ܕܥܡܗܘܢ܆ ܒܝܕ ܫܠܗܒܝܬܐ ܕܢܚܬܬ ܡܢ ܫܡܝܐ.. ܘܐܟܙܢܐ ܕܩܝܒܘܬܐ ܗܿܝ ܕܕܝܬܝܩܐ ܠܐ ܫܘܙܒܬ ܠܚܦܢܝ ܘܠܦܝܢܚܣ ܟܗ̈ܢܐ ܒܢ̈ܝ ܥܠܝ ܘܐܦܠܐ ܠܢܦܫܗܿ: ܗܟܢܐܘܐܦܠܐ ܗܪܟܐ ܫܘܙܒܬܿ ܗܼܝ ܟܘܠܐܿ. ܠܐ ܠܗܝܟܠܐ ܗܿܘ ܕܒܿܢܼܐ ܠܕܘܟܪܢܗܿ܆ ܘܠܐ ܠܟܗ̈ܢܐ ܐܘ ܠܡܐ̈ܢܝ ܬܫܡܫܬܐ ܕܪ̈ܐܙܐ܆ ܘܠܐ ܠܓܘܝ̈ܐ ܕܒܗ ܒܗܝܟܠܐܼ ܘܐܦܠܐ ܠܒܪ̈ܝܐ. ܐܠܐ ܟܠܗܘܢ ܒܚܕ ܡܥܨܪܬܐ ܕܐܒܕܢܐ ܐܒܼܕܘ. ܘܐܢܫ ܠܐ ܐܫܬܘܙܒ ܡܢ ܐܝܠܝܢ ܕܐܣܬܩܒܠ ܒܛܘܪܐ ܘܒܟܢܫܐ ܗܿܘ. ܘܐܝܬ ܗܘܼܐ ܠܡܚܙܐ ܠܥܢܢ̈ܐ ܘܠܐܐܪ ܟܕ ܡܡܛܪ ܢܘܪܐ ܘܟܒܪܝܬܐ ܡܢ ܫܡܝܐ: ܐܝܟܢ ܕܥܠ ܣܕܘܡ ܐܡܛܪ ܡܪܝܐ. ܘܗܟܢܐ ܡܬܞܚܙܐ ܗܘܼܐ ܛܘܪܐ ܗܿܘ ܠܪܘܚܩܐܼ ܐܝܟ ܬܢܢܐ ܕܐܬܘܢܐ.

Page 228

ܐܝܟܢܐ ܕܠܡܚܣܢ ܐܫܬܘܙܒ ܡܢܗ ܐܢܫ ܒܚ̈ܝܐ. ܘܐܢ ܗܼܘ ܕܐܫܬܘܙܒܼ ܐܦ ܗܢܐ ܟܕ ܝܩܝܕ ܦܠܓܗ ܦܠܛ. ܟܕ ܐܦ ܪܝܚܗܿ ܕܟܒܪܝܬܐ ܗܿܝ ܕܡܡܛܪܐ ܗܘܼܬ ܥܢܢܐ ܗܿܝ ܘܕܝܩܕܢܐܼ ܥܕܡܐ ܠܬܪ̈ܝܢ ܘܠܬܠ̈ܬܐ ܡܝ̈ܠܝܢ ܐܙܠܐ ܗܘܬ ܪܝܚ ܣܪܝܘܬܗܿ. ܗܕܐ ܟܠܗܿ ܣܥܼܪ ܡܪܢ ܒܥܡܐ ܕܢܣܛܘܪ̈ܝܢܐ ܒܝܘܡ̈ܝܢ.

ܫܢܬ ܐܠܦܐ ܘܫܒ̈ܥܝܢ ܘܐܪ̈ܒܥܼ. ܒܐܝܪܚ ܐܕܪ ܗܼܘܐ ܫܦܥܐ ܪܒܐ ܒܕܩܠܬ ܢܗܪܐ: ܕܦܣܼܩ ܒܝܬ ܬܚܘ̈ܡܐܼ. ܘܥܒܼܕ ܚܘ̈ܒܠܐ ܪܘܪ̈ܒܐ ܥܠ ܟܠܗܘܢ ܣܦܪ̈ܘܗܝ. ܘܫܒܼܐ ܒ̈ܬܐ ܘܪ̈ܚܘܬܐ ܘܩܘܪ̈ܝܣ ܘܒܢܼܝ̈ܢܫܐ ܘܥܒܥܝܪܐܼ ܥܡ ܨܒܘ̈ܬܐ ܣܓܝ̈ܐܬܐ. ܝܬܝܪܐܝܬ ܥܒܼܕ ܚܘ̈ܒܠܐ ܒܝ̈ܫܐ ܒܡܘܨܠ. ܡܛܠ ܕܐܕܪܟܗܿ ܒܡܛܪܬܐ ܩܕܡܝܬܐ: ܘܪܟܼܒ ܘܥܒܼܪ ܥܠ ܬܠ̈ܬܐ ܫܘ̈ܩܐ. ܘܫܒܐ ܒ̈ܬܐ ܘܩܢܝ̈ܢܐ ܘܒܢ̈ܝܢܫܐ ܘܟܠܡܕܡ. ܘܐܬܪ̈ܘܬܐ ܕܝܒܫܐܼ. ܡܢ ܩܪܩܘܪ̈ܐ ܘܛܘ̈ܦܐܼ ܡܬܚܙܝܢ ܕܦܪܚܝܢ ܠܥܠ ܡܢܗܘܢܼ ܘܥܕܡܐ ܠܓܢ̈ܐ ܕܕܩ̈ܠܐ ܪ̈ܡܐ ܕܬܡܢ ܐܬܚܦܝܘ ܡܢ ܡܡܘܠܐ. ܘܥܿܒܪܝܢ ܗܘܘ ܐܦ ܩܪܩܘܪ̈ܐ ܠܥܠ ܡܢܗܘܢ. ܗܟܢܐ ܘܒܟܠܗܘܢ ܐܬܪ̈ܘܬܐ ܬܚ̈ܬܝܐ ܕܬܡܢ ܥܒܼܕ.

ܫܢܬ ܐܠܦܐ ܘܫܒ̈ܥܝܢ ܘܬܡ̈ܢܐܼ. ܙܚܘܢ ܟܠܗܘܢ ܚܝ̈ܠܘܬܐ ܕܦܘܪ̈ܣܝܐ ܘܕܛܝ̈ܝܐܼ ܘܣܒܟܘܢ ܥܠ ܐܪܥܐ ܕܓܪܒܝܐ. ܥܒܣ ܐܝܢܐ ܕܗܼܘ ܐܝܬܘܗܝ ܗܘܼܐ ܐܡܝܪܐ ܥܠ ܓܙܝܪܬܐ܇ ܒܗܢܐ ܙܒܢܐܼ. ܘܐܦ ܐܚܘܗܝ ܕܡܿܠܟܐܼ. ܣܠܩ ܥܠ ܐܘܪܗܝ ܘܥܠ ܥܒܕܝܢܼ ܘܥܠ ܬܠܐ ܕܟܘܡ. ܚܣܢ ܒܪ ܩܥܛܒܐ܆ ܪܝܫ ܚܝܠܐ ܐܚܪܢܐ: ܘܪܝܫ ܚܝܠܐ ܬܘܒ ܐܚܪܢܐ. ܕܣܝܡ ܗܘܐ ܥܠ ܚܝܠܐ ܗܿܘ ܕܝܠܗ ܕܡܠܟܐ܇ ܕܡܬܩܪܐ ܗܘܐ ܒܪ ܐܫܥܕ: ܣܠܩܼܘܢ ܥܠ ܕܩܠܬܼ. ܘܐܦ ܥܠ ܐܡܕ܆ ܒܚܝ̈ܠܘܬܐ ܣܓܝ̈ܐܐ ܕܠܐ ܡܢܝܢ. ܘܟܕ ܢܩܝܫܝܢ ܥܠ ܐܡܕ ܡܕܝܢܬܐ ܕܒܝܬ ܢܗܪ̈ܝܢ܆

Page 229

ܡܝܬ ܪܝܫ ܚܝܠܐ ܕܡܿܠܟܐ: ܒܪ ܐܫܥܕ. ܒܗܢܐ ܕܝܢ ܚܝܠܐ ܥܡܡ̈ܐ ܡܫܚ̈ܠܦܐ ܐܝܬ ܗܘܐܼ. ܡܫܚ̈ܠܦܝ ܡܢܗܘܢ ܠܢܘܪܐ ܣܓܕܝܢ ܗܘܼܘ: ܐܚܪ̈ܢܐܼ ܠܫܡܫܐ. ܟܕ ܥܡ ܨܦܪܐ ܡܩܕܡܝܢ ܗܘܘܼ. ܘܣܿܓܕܝܢ ܠܡܕܢܚܐ. ܘܦܠܓܗ ܕܝܘܡܐܼ ܣܓܕܝܢ ܬܘܒ ܠܬܝܡܢܐ. ܘܥܡ ܪܡܫܐܼ ܣܓܕܝܢ ܗܘܘ ܠܡܥܪܒܐ. ܐܚܪ̈ܢܐ ܠܣܗܪܐ. ܐܚܪ̈ܢܐ ܠܟܘ̈ܟܒܐ. ܐܚܪ̈ܢܐ ܠܪ̈ܟܫܐ. ܐܚܪ̈ܢܐ ܕܝܢ ܕܡܘ̈ܬܐ ܐܚܪ̈ܢܝܬܐ ܕܦܬܟܪ̈ܐ ܕܙܢܝ̈ܢ ܙܢ̈ܝܢ܆ ܥܒܝܕ ܗܼܘܐ ܠܗܘܢܼܘ ܛܥܝܢܝܢ ܥܡܗܘܢܼ ܘܣܓܿܕܝܢ ܠܗܘܢ. ܐܝܟܢܐ ܕܟܠܒܪܢܫ ܕܐܝܬ ܗܘܐ ܒܗܘܢ܆ ܠܗܿܝ ܛܥܝܘܬܐ ܕܐܚܝܕܐ ܗܘܬ ܐܪܥܗ ܘܥܡܗܼ. ܠܗܿ ܐܚܝܕ ܗܘܐ ܐܦ ܗܼܘ ܥܕ ܗܫܐ ܘܣܿܓܕ܀ ܡܛܠ ܕܚܝܠܐ ܗܢܐ ܚܒܝܼܟܐ ܐܝܬܘ ܗܘܐ ܕܟܠ ܥܡ̈ܡܝܢ܆ ܘܡܬܩܪܐ ܗܘܼܐ ܡ̈ܘܠܝܐ ܕܡܿܠܟܐ. ܐܝܬ ܗܘܼܐ ܒܗ ܓܝܪ ܣܢ̈ܕܝܐ ܘܐܠܢܝ̈ܐܼ. ܘܟܙܪ̈ܝܐ ܘܡ̈ܕܝ ܘܦܘܪ̈ܣܝܐ. ܘܥܩܘ̈ܠܝܐ ܘܛܝ̈ܝܐ ܘܟܘ̈ܣܢܝܐ ܘܛܘܪ̈ܟܝܐ.. ܐܝܟܢܐ ܕܐܝܬ ܗܼܘ ܠܢ ܠܡܐܡܪ ܕܙܚܿܠܐ ܐܝܬܘܗܝ ܗܘܼܐ ܕܟܠ ܫܘܚܠܦܝܢ.܀ ܐܝܬ ܗܘܐ ܒܗܘܢܼ ܐܦ ܚܛܗ̈ܐ ܣ̈ܓܝܐܐ ܘܡܫܚ̈ܠܦܐ ܕܠܐ ܡܢܝܢ. ܗܠܝܢ ܕܡܛܠ ܪܫܝܥܘܬܗܘܢ ܘܛܡܘܬܗܘܢ ܕܠܒܪ ܡܢ ܡܫܘܚܬܐ: ܘܐܦ ܬܘܒ ܡܛܠ ܕܠܐ ܢܨܝܐ ܐܦ ܚܢܢ ܠܠܫܢܐ ܕܩܪܘܝܐܼ. ܘܠܐܕ̈ܢܐ ܕܫ̈ܡܘܥܐܼ. ܥܒܿܪܝܢܢ ܠܢ ܡܢܗܘܢ. ܡܛܠ ܕܨܥܠܘܬܐ ܗܘ ܠܦܘܡܐ ܕܢܡܠܠ ܐܢܘܢ.. ܐܠܐ ܐܝܟ ܕܣܿܒܪ ܐܢܐܼ ܗܼܘ ܐܠܗܐ ܐܙܝܥ ܐܢܘܢ ܘܐܦܩ ܐܢܘܢ ܡܢ ܐܪܥܗܘܢܼ ܕܠܐܠܗܐ ܒܠܚܘܕܘܗܝ ܡܬܚܝܒܐ܆ ܠܗܕܐ ܩܪܒܘܗܿ ܠܕܡܘ̈ܬܐ ܡܫܚ̈ܠܦܬܐ ܕܒܪ̈ܝܬܐ ܟܢ̈ܘܬܗܘܢ. ܘܚܠܦ ܕܠܐ ܝܕܥܘ ܠܐܠܗܐ ܥܒܘܕܗܘܢ܆ ܘܐܦܠܐ ܐܣܬܟܠܘ ܕܗܼܘ ܐܝܬܘܗܝ ܗܘܐ ܐܠܗܐ ܕܟܠܗܘܢ ܥܡ̈ܡܐ: ܘܐܦ ܗܘܼܝܘ ܕܩܕܡ ܫܡܫܐ ܫܡܗ ܐܝܬܘܗܝ

Page 230

ܗܘܐ: ܘܗܼܘ ܦܩܼܕ ܕܢܗܘܐ ܢܘܗܪܐ: ܘܐܦ ܐܡܼܪ ܬܘܒ ܕܢܗܘܘܢ ܬܪ̈ܝܢ ܢܗܝܪ̈ܐ ܪܘܪ̈ܒܐ ܒܐܩܝܥܐ: ܚܕ ܠܫܘܠܛܢܐ ܕܐܝܡܡܐܿ ܘܐܚܪܢܐ ܠܫܘܠܛܢܐ ܕܠܠܝܐ: ܘܐܦ ܠܢܘܪܐ ܝܗܼܒ ܠܚܫܚܬܐ ܕܚܝ̈ܐ ܕܒܢܝ̈ܢܫܐ. ܘܗܼܢܘܢ ܥܒܼܕ ܐܢܘܢ ܠܗܘܢ ܐܝܟ ܐܠܗ̈ܐ ܘܣܓܕ ܠܗܘܢ. ܘܐܛܢܘܗܝ ܒܢܘܟܪ̈ܝܐ: ܘܐܦ ܒܕܚ̈ܠܬܐ ܐܪܓܙܘܗܝ. ܘܐܦ ܕܒܚܘ ܠܫܐܕ̈ܐ ܐܝܠܝܢ ܕܠܐ ܗܘܼܘ ܐܠܗ̈ܐ. ܐܠܗܐܼ ܕܠܐ ܝܕܥܘ ܐܢܘܢܼ. ܐܝܬܝ ܐܢܘܢ ܐܠܗܐ ܕܢܫܕܐ ܐܢܘܢ ܒܝܢܬ ܛܘܪ̈ܝ ܓܪܒܝܐ ܒܟܘܪ̈ܗܢܐ ܡܫܚ̈ܠܦܐܿ. ܘܐܦ ܒܚܪܒܐ ܘܒܡܘܬܢܐ ܘܒܟܦܢܐܼ. ܘܢܬܠ ܒܣܪܗܘܢ ܠܚܝܘܬܐ ܕܕܒܪܐ ܘܠܦܚܪܬܐ ܕܫܡܝܐ.܀ ܥܠܘܢ ܕܝܢ ܘܬܪܨܘ ܠܡܥܠ ܠܐܪܥܐ ܕܪ̈ܗܘܡܝܐ. ܐܪܥܐ ܗܕܐ ܕܒܝܢܬ ܬܚ̈ܘܡܐ ܐܫܟܚܘܗܿ ܟܕ ܗܕܝܪܐ ܘܛܥܝܢܐ ܐܒ̈ܢܐ ܕܟܠܓܢܣ: ܙܒܢܐ ܓܝܪ ܕܐܒܐ ܐܝܬܘܗܝ. ܝܬܝܪܐܝܬ ܡܛܠ ܕܐܪܥܐ ܗܘܬܼ ܠܐ ܝܬܒܬܐ܆ ܘܗܕܝܪܐ ܗܘܬܼ ܒܐܒ̈ܢܐ ܘܐܝ̈ܠܢܐ ܣܓܝ̈ܐܐ ܘܐܦ ܒܟܪ̈ܡܐ. ܘܗܠܝܢ ܕܝܢ ܥܡ̈ܡܐ ܕܠܐ ܢܡܘܣܼ. ܟܕ ܠܗܠܝܢ ܐܫܟܚܼ. ܣܿܓܝ ܠܒܪ ܡܢ ܙܕܩܗܿ ܕܘܠܝܬܐ ܥܠܝܗܘܢ ܣܒܟܼܘ. ܘܠܐ ܣܒܥܐܝܬ ܡܢܗܘܢ ܐܟܠܘܢ. ܘܢܦܼܠܘ ܟܠܗܘܢ ܒܟܘܪ̈ܗܢܐ ܡܫܚ̈ܠܦܐܼ. ܝܬܝܪܐܝܬ ܒܟܐܒܐ ܕܟܪܣܐ ܘܕܛܚܘܪܐ ܐܝܟܢܐ ܕܐܝܬ ܗܘܐ ܠܡܚܙܐ ܟܠ ܐܝܟܐ ܕܫܪܝܢ ܗܘܘ ܐܦ ܥܪܩܝܢ܆ ܫܠ̈ܕܐ ܕܒܢܝ̈ܢܫܐ ܟܕ ܠܐ ܩܒܝܪ̈ܢ. ܐܦ ܐܘܪ̈ܚܬܐ ܐܦ ܪ̈ܘܡܐ ܘܪ̈ܓܘܠܐ. ܕܫܕܝܢ ܘܡܬܟܝܠܢ ܗܘܘ ܡܢ ܚܝ̈ܘܬܐ. ܘܐܦ ܩܢܝܢܐ ܟܠܗ ܕܝܠܗܘܢ ܬܘܒ ܡܝܬ. ܘܝܬܝܪܐܝܬ ܓܡܠܐ ܟܠܗ ܕܥܠܘ ܒܬܪܗܘܢܼ ܣܦܼܘ. ܕܡܢ ܚܡܫܝ̈ܢ ܐܘ ܫ̈ܬܝܢ ܕܥܠܘ ܥܡ ܐܢܫܼ. ܠܐ ܢܦܼܩ ܚܡ̈ܫܐ ܐܘ ܫ̈ܬܐ܇ ܓܕܫܐܼ ܘܐܦܠܐ ܚܕ. ܘܟܕ ܥܠ ܚܝܠܐ ܟܠܗ: ܘܢܩܫܘܢ ܥܠ ܚܣܢܐܢ ܐܝܢܐ ܕܐܝܬ ܒܝܬ ܬܚܘ̈ܡܐ ܘܡܬܩܪܐ ܩܡܚ܆ ܩܠܓܪ̈ܐ ܓܝܪ ܣܓܝ̈ܐܐ

Page 231

ܐܝܠܝܢ ܕܥܠܘ ܥܡܗܘܢ ܡܢ ܟܠܗܿ ܓܙܝܪܬܐ: ܡܢܗܘܢ ܫܒܼܩ ܥܒܣ ܠܡܒܢܐ ܚܣܢܐ ܚܕ ܕܡܬܩܪܐ ܕܙܝܕ. ܘܡܢܗܘܢ ܥܠܘܢ ܥܡܗܘܢ. ܘܫܕܪ ܗܼܘ ܥܒܣܼ. ܘܐܝܬܝ ܠܗ ܥ̈ܓܠܬܐ ܐܪ̈ܡܢܝܬܐ. ܘܓܪܫ ܒܗ̈ܝܢ ܩܝ̈ܣܐ ܣܓܝ̈ܐܐ ܕܐܪ̈ܙܐ. ܘܦܼܩܕ ܠܢܓܪ̈ܐ ܘܥܒܼܕ ܡܢܗܘܢ ܡܘܢܕܢܝܩܢ܆ ܘܐܩܝܡ ܥܠ ܫܢܐ ܕܠܘܩܒܠ ܚܣܢܐ. ܕܢܗܘܘܢ ܫܕܝܢ ܒܗ̈ܝܢ ܠܓܘ ܚܣܢܐ. ܘܐܦ ܗܢܼܘܢ ܪ̈ܗܘܡܝܐ ܕܒܓܘ ܚܣܢܐܼ. ܪܟܒ ܐܦ ܗܢܼܘܢ ܡܘܢܕܝܩܝܢ ܠܘܩܒܠܗܘܢ. ܪ̈ܗܘܡܝܐ ܕܝܢ ܗܠܝܢ ܕܐܬܚܒܫܼ. ܚܫܠܘܢ ܠܗܘܢ ܙܝܢܐ ܠܐ ܡܙܕܟܝܢܐܼ. ܘܐܩܝܡ ܠܗܘܢ ܫܘܪܐ ܠܐ ܡܬܟܒܫܢܐ. ܗܢܼܘ ܕܝܢ ܠܗ ܠܐܠܗܐ ܥܒܘܕܗܘܢ.. ܟܕ ܐܡܿܪܝܢܼ ܕܠܝܬ ܦܘܪܩܢܐ ܠܒܪ ܡܢ ܡܪܝܐ. ܘܛܒ ܗܘ ܠܢ ܠܡܬܬܟܠܘ ܥܠ ܡܪܝܐܿ. ܛܒ ܡܢ ܕܠܡܬܬܟܠܘ ܥܠ ܒܪܢܫܐ ܘܥܠ ܫܠܝܛܐ. ܫܪܝܪܐܝܬ ܟܠܗܘܢ ܥܡ̈ܡܐ ܚܕܪܘܢܝ: ܐܠܐ ܫܡܗ ܕܡܪܝܐ ܐܠܗܢ ܢܣܝܦ ܐܢܘܢ.. ܕܝܫܢܐ ܐܝܢܐ ܕܐܝܬ ܗܘܐ ܒܗ ܒܚܣܝܢܐ ܒܗܢܐ ܙܒܢܐ ܡܬܩܪܐ ܗܘܐ ܣܪܓܝܣ. ܗܢܐ ܓܒܪܐ ܐܝܬܘܗܝ ܒܣܝܡܐ ܘܢܝܚܐ: ܘܕܚܿܠ ܠܐܠܗܐ. ܘܡܪܚܡܢܐ ܕܥܠ ܡܣ̈ܟܝܢܐ. ܗܕܐ ܣܗܕܘܬܐ ܕܗܢܐ ܓܒܪܐܼ ܡܢ ܟܠܗܘܢ ܩܘܪ̈ܝܝܐ ܕܥܿܠܝܢ ܗܘܘ ܒܬܪ ܦܘܬܐ: ܘܓܕܫ ܘܐܬܨܝܕ ܒܐܝܕ̈ܝ ܪ̈ܗܘܡܝܐ: ܘܐܥܠܘ ܐܢܘܢ ܠܚܣܢܐ ܘܐܬܚܙܝܘ ܩܕܡܘܗܝ: ܘܫܩܼܠ ܢܣܝܘܢܐ ܕܡܪܚܡܢܘܬܗ ܘܕܛܝܒܘܬܗ ܘܒܣܝܡܘܬܗ. ܗܢܼܘܢ ܡܣܗܕܝܢ ܗܘܼܘ ܩܕܡܝܢ ܘܩܕܡ ܟܠܢܫ ܥܠ ܓܒܪܐ. ܡܛܠ ܕܒܗܢܐ ܙܒܢܐ ܠܒܪ ܡܢ ܡܫܘܚܬܐ ܐܬܩܫܝܬ ܡܕܬܐ ܥܠ ܥܡܐ ܣܘܪܝܝܐ܆ ܘܒܝܕ ܕܦܘܪܚܢܐ ܠܝܬ ܗܘܐ ܠܗܘܢܼ. ܕܐܪ̈ܥܬܗܘܢ ܐܙܕܒ̈ܢ ܠܛܝܝ̈ܐ: ܘܐܦ ܗܢܘܢ ܛܝܝ̈ܐ ܒܝܕ ܕܓܙܝܬܐ ܗܿܝ ܕܐܝܟ ܥܝܕܐ ܠܐ ܐܬܝܗܒܬ ܠܗܘܢܼ ܙܒܼܢ ܠܗܘܢ ܐܪ̈ܥܬܐ ܘܦܕ̈ܢܐܼ. ܘܗܘܼܘ ܠܗܘܢ ܐܦ ܗܢܼܘܢ ܦ̈ܠܚܐ: ܘܒܝܕ ܗܕܐ ܒܛܠܬ ܬܓܘܪܬܗܘܢ ܕܩܘܪ̈ܝܝܐ: ܘܡܬܟܢܫܝܢ

Page 232

ܗܘܼܘ ܣܝܥ̈ܬܐ ܪܘܪ̈ܒܬܐܼ ܘܥܿܠܝܢ ܗܘܘ ܠܗܢܙܝܛ ܒܬܪ ܦܘܬܐ. ܘܟܡܐ ܙܒ̈ܢܝܢ ܥܒܿܪܝܢ ܗܘܘܼ ܘܥܿܠܝܢ ܠܓܘ ܡܢ ܒܝܬ ܬܚ̈ܘܡܐ. ܐܘ ܡܢ ܡܗܡܝܢܘܬܐ ܕܥܡܠܐ ܕܐܝܬ ܗܘܐ ܥܠ ܡܛܪܬܐܼ. ܐܘ ܡܛܠ ܥܘܣܪܐ ܕܕܠܐ ܪ̈ܚܡܐ ܕܬܒܿܥ ܗܘܐ ܠܗܘܢ ܡܢ ܥܠܬ ܝܥܢܘܬܐܿ. ܘܡܬܨܝܕܝܢ ܗܘܘ ܒܐܝ̈ܕܝ ܪ̈ܗܘܡܝܐ. ܘܡܥܠܝܢ ܗܘܼܘ ܠܗܘܢ ܠܩܡܚ. ܗܼܘ ܕܝܢ ܗܢܐ ܓܒܪܐ ܟܕ ܠܗܘܢ ܚܿܙܐ ܗܘܐܼ ܒܪ̈ܚܡܐ ܣܓܝ̈ܐܐ ܨܝܕܝܗܘܢ ܡܬܚܫܚ ܗܘܐ. ܟܕ ܐܡܿܪ ܗܼܘܐ ܠܗܘܢ: ܕܐܢ ܨܒܿܝܬܘܢܼ ܦܘܫ ܠܘܬܢܼ. ܘܐܢ ܕܝܢ ܨܒܿܝܬܘܢ ܦܘܩ ܘܙܠ ܒܫܠܡܐ ܠܒܬܝ̈ܟܘܢ. ܘܐܢ ܕܝܢ ܢܿܦܩܝܢ ܗܘܘܼ. ܥܡ ܙܘܕ̈ܐ ܠܗܘܢ ܡܫܕܪ ܗܘܼܐ. ܒܫܪܪܐ ܐܚ̈ܝܼ ܕܦܪܥܗ ܐܠܗܐ ܠܗܢܐ ܓܒܪܐ. ܕܦܪܩܗ ܡܢ ܐܝܕ̈ܝ ܐܬܘܪ̈ܝܐܿ ܠܗ ܘܠܟܠ ܕܥܡܗ ܐܝܬܘܗܝ ܒܓܘ ܚܣܢܐ. ܗܢܐ ܕܝܢ ܟܕ ܚܼܙܐ ܠܚܝܠܐ ܣܓܝܐܐ ܕܟܪܝܟ ܠܗ ܡܢ ܟܠ ܓܒܝ̈ܢ: ܘܕܗܢܼܘܢ ܙܥܘܪ̈ܝ ܒܡܢܝܢܐ ܐܝܬܝܗܘܢ: ܘܒܕܡܘܬ ܪܒ ܫܩܗܐ ܡܚܣܕܝܢ ܗܘܘ ܠܐܝܠܝܢ ܕܩܝܡܝܢ ܥܠ ܫܘܪܐ ܟܕ ܐܡܿܪܝܢ܆ ܕܡܢܼܘ ܡܢ ܟܠܗܘܢ ܥܡ̈ܡܐ ܕܐܬܦܠܛ ܡܢ ܐܝ̈ܕܝ ܥܒܕܠܗ ܒܪ ܡܚܡܕ. ܠܐ ܫܡܥܬܗܘܢ ܡܘܢ ܥܒܼܕ ܠܡܪܘܢ ܘܠܬܒܝܬ ܗܝܫܡ: ܕܐܘܒܕܘ ܐܢܘܢ ܡܢ ܐܪܥܐ. ܐܝܟܘ ܡܠܟܐ ܕܡܨܪܝܢ ܘܕܦܪܩܝ ܘܕܢܘ̈ܒܝܐ ܘܕܡܘܪ̈ܝܐ. ܐܝܟܐ ܐܢܘܢ ܡ̈ܠܟܐ ܕܐܪܡܢܝ ܘܕܒܝܫܢ ܘܕܡܕܝ ܘܕܦܪܣ. ܠܐ ܫܡܥܬܘܢ ܟܝ ܡܘܢ ܥܒܼܕ ܒܡ̈ܠܟܐ ܕܣܢܕ ܘܕܗܕܘܼ. ܡܿܢ ܡܢ ܟܠܗܘܢ ܡܠܟ̈ܐ ܕܐܪܥܐ ܐܫܟܚ ܦܨܝ ܐܪܥܗ ܡܢ ܐܝܕ̈ܘܗܝ: ܕܐܢܬܘܢ ܡܬܦܠܛܝܬܘܢ ܡܢ ܐܝܕ̈ܘܗܝ.. ܓܒܪܐ ܕܝܢ ܗܢܐ ܡܗܝܡܢܐ: ܒܕܡܘܬ ܚܙܝܩܐ ܠܒܝܫ ܣܢܘܪܬܐ ܕܗܝܡܘܬܐ܆ ܘܐܬܚܙܩ ܒܣܒܪܐ ܪܒܐ ܕܠܘܬ ܡܪܗ. ܘܠܒܝܬ ܓܘܣܐ ܕܨܠܘܬܐ ܪܗܼܛ܆ ܐܝܟܐ ܕܡܢ ܩܠܐ ܕܓܥܬܗܘܢ ܐܦ ܠܒܪ̈ܝܐ ܡܚܫܝܢ ܗܘܘ. ܐܠܗܐ ܕܝܢ ܛܒܐܼ ܠܐ ܐܗܡܝ ܡܢ ܒܥܘܬܗܘܢ. ܐܠܐ

Page 233

ܒܝܕ ܗܝܡܢܘܬܗܘܢ ܫܡܼܥܘ܆ ܕܠܐ ܢܥܘܠ ܠܩܪܝܬܐ ܗܕܐ. ܐܠܐ ܐܪܡܐ ܩܠܕܐ ܒܢܚܝܪ̈ܘܗܝ ܕܐܬܘܪܝܐ ܗܢܐܼ ܘܐܗܦܟܗ ܒܒܗܬܬܐ ܒܐܘܪܚܐ ܗܕܐ ܕܐܬܼܐ ܒܗܿ. ܟܕ ܕܝܢ ܗܢܼܘܢ ܦܘܪ̈ܣܝܐ ܒܟܘܠ ܦܘܪ̈ܣܝܢ ܡܩܪܒܝܢ ܗܘܘܼ ܟܠܗܘܢ ܨܢ̈ܥܬܗܘܢ ܒܛܝ̈ܠܬܐ ܡܫܬܟ̈ܚܢ ܗܘ̈ܝ. ܥܒܼܕ ܕܝܢ ܒ̈ܬܐ ܕܩܝܣܐ ܕܡܗܠܟܝܢ܆ ܐܝܟܢܐ ܕܢܡܠܘܢ ܥܦܪܐ ܘܟ̈ܐܦܐ ܠܪܓܠܬܐ ܗܿܝ ܕܥܠ ܓܢܒ ܫܘܪܐ. ܐܦ ܗܕܐ ܒܛܝܠܬܐ ܗܘܼܬ. ܪ̈ܗܘܡܝܐ ܕܝܢ ܐܝܠܝܢ ܕܫܿܕܝܢ ܗܘܘ ܟܐܦ̈ܐ ܡܢ ܠܓܘ: ܒܝܕ ܕܬܪܝܨܐܝܬ ܫܿܕܝܢ ܗܘܘܼ. ܠܥܡܐ ܣܓܝܐܐ ܕܠܒܪ ܡܩܛܠܝܢ ܗܘܘ. ܘܐܦ ܠܡܘܢܕܝܩܢ ܕܦܘܪ̈ܣܐ ܡܬܒܿܪܝܢ ܗܘܘ. ܘܡܛܠ ܕܚܕ ܓܒܐ ܕܝܠܗ ܕܚܣܢܐ ܡܣܬܠܩ ܗܘܐ ܒܗ: ܐܝܬܝܘ ܗܢܘܢ ܪ̈ܗܘܡܝܐ ܩܝ̈ܣܐ ܐܪ̈ܝܟܐ ܘܪܘܪ̈ܒܐ ܘܩܛܼܪ ܒܗܘܢ ܟ̈ܐܦܐ ܪܘܪ̈ܒܬܐ ܘܓܠܝ̈ܠܬܐ ܒܪܝܫܗܘܢ: ܘܣܡ ܐܢܘܢ ܥܠ ܦܘܡ ܚܝܪܝܬܐ ܗܿܝ. ܘܟܕ ܗܢܼܘܢ ܦܘܪ̈ܣܐ ܡܣܒܟܝܢ ܗܘܘ ܠܡܣܩܼ. ܫܕܪ ܪ̈ܗܘܡܝܐ ܠܚܕ ܡܢ ܗܠܝܢ ܩܝ̈ܣܐ: ܘܠܟܠܗܘܢ ܓܪܦܝܢ ܗܘܘ ܩܕܡܝܗܘܢ ܘܡܚܬܝܢ. ܟܕ ܐܦ ܗܕܡ ܗܕܡ ܠܗܘܢ ܡܦܡܫܚܝܢ ܗܘܘ. ܓܕܫ ܕܝܢ ܒܠܠܝܐ ܚܕ: ܟܕ ܚܙܘ ܦܘܪ̈ܣܝܐ ܕܫܬܼܩ ܠܗ ܩܠܗܘܢ ܕܪ̈ܗܘܡܝܐ܆ ܣܒܪ ܠܗܘܢܼ ܕܕܡܟ ܠܗܘܢ ܒܫܢܬܐ ܝܩܝܪܬܐ. ܘܣܼܠܩܘ ܥܠܝܗܘܢ ܥܡܐ ܣܓܝܐܐ ܕܠܐ ܡܢܝܢܐ. ܘܟܕ ܣܒܟܘ ܩ̈ܕܡܝܐ ܘܣܠܼܩ܆ ܡܢ ܚܕܘܬܗܘܢ ܟܒܼܪ܆ ܕܣܒܼܪ ܠܗܘܢ ܕܡܢ ܟܕܘ ܟܒܫܘܗܝ ܠܚܣܢܐ. ܪ̈ܗܘܡܝܐ ܕܝܢ ܗܠܝܢ ܕܢܛܪܝܢ ܗܘܘ ܐܬܬܥܝܪܘܼ. ܘܠܒܝܒܐܝܬ ܠܗܠܝܢ ܩܼܛܠ ܘܫܕܪܘ ܐܦ ܠܩܝ̈ܣܐ ܗܠܝܢ ܕܟ̈ܐܦܝܗܘܢ: ܘܠܟܠܗܘܢ ܐܝܠܝܢ ܕܒܡܣܩܬܐ ܐܫܬܟܚܘ ܓܪܦ ܐܢܘܢ ܩܕܡܝܗܘܢܼ. ܘܥܒܼܪ ܐܢܘܢ ܚܕ ܩܘܛܝܐ ܕܫܠ̈ܕܐ. ܘܗܟܢܐ ܟܠܗܝܢ ܥܒܝ̈ܕܬܗܘܢ ܒܛܝ̈ܠܬܐ ܗܘ̈ܝ: ܒܝܕ ܕܡܥܕܪܢܗܘܢ ܡܪܝܐ ܗܘ܀ ܦܪܫ ܕܝܢ ܬܪ̈ܝܢ ܪ̈ܒܝ ܚܝܠ̈ܘܬܐ. ܘܥܠܼܘ ܠܒܝܬ ܪ̈ܗܘܡܝܐ ܒܚܝܠܐ ܪܒܐ܆ ܐܝܟ

Page 234

ܚܡܫܝܢ ܐܠܦܝܢ ܕܢܒܙܘܢ ܘܫܒܘܢ ܐܦ ܢܚܪܒܘܢ ܐܪ̈ܥܬܐ ܟܠܗ̈ܝܢ ܕܪ̈ܗܘܡܝܐ. ܥܠܘܢ ܕܝܢ ܘܒܝܕ ܕܠܐ ܡܕܪܫܝܢ ܗܘܼܘ ܒܗܿ ܒܐܪܥܐܼ. ܘܡܗܕܝܢܐ ܕܝܿܕܥ ܗܘܐ ܠܗܿ ܠܐܪܥܐ ܗܿܝܼ ܠܝܬ ܗܘܐ ܠܗܘܢܼ ܘܒܐܪܥܐ ܕܕܪܝܫܐܼ ܕܚܠܘܢ ܕܢܐܙܠܘܢ. ܒܗܿܝ ܕܠܐ ܢܪܓܫܘܢ ܒܗܘܢ ܪ̈ܗܘܡܝܐ ܘܢܬܟܢܫܘܢ ܥܠܝܗܘܢ ܘܢܘܒܕܘܢ ܐܢܘܢ ܡܢ ܐܪܥܐ. ܐܠܐ ܐܝܟ ܕܐܦ ܐܡܼܪ ܐܝܘܒܼ. ܠܘܬܗܘܢ ܓܕܫܼ. ܡܛܠ ܕܕܚܠܬܐ ܕܕܚܿܠܬ ܐܬܬ ܥܠܝ. ܘܡܢ ܡܕܡ ܕܙܝܿܥ ܗܘܝܬܼ ܡܛܝܢܝ. ܠܐ ܫܠܘ ܘܠܐ ܢܚܼܘܼ ܘܐܕܪܟ ܐܢܘܢ ܪܘܓܙܗ ܕܐܠܗܐ. ܘܐܣܼܩ ܐܢܘܢ ܐܝܟ ܡܣܼܩ ܓܕܝܫܐ ܒܙܒܢܗ. ܘܐܝܟ ܒܠܘܛܐ ܕܢܿܦܠ ܡܢ ܩܥܪܬܗ. ܠܘܩܕܡ ܐܘܒܕ ܐܐܝܪ. ܘܐܬܡܠܝܬ ܙܘܕܬܗܘܢܼ ܘܛܠܼܡ ܡܢ ܟܦܢܐ. ܘܬܘܒ ܢܦܼܠ ܒܝܢܬ ܛܘܪ̈ܐ ܨܗ̈ܝܐ: ܘܛܠܩܼܘ ܡܢ ܨܗܝܐ. ܘܟܕ ܩܪܝܒܝܢ ܠܡܐܒܕ ܗܢܘܢ ܘܩܢܝܢܗܘܢ ܡܢ ܨܝܐܼ. ܘܕܠܐ ܣܝܦܐ ܐܘ ܚܪܒܐ ܕܫܡܝܛܐ ܢܐܒܕܘܢܼ. ܢܚܼܬ ܘܐܫܟܚ ܡܪܓܐ ܚܕ ܕܪܓܐܼ. ܚܦܪܘܢ ܒܪ̈ܘܡܚܝܗܘܢܼ ܘܐܫܟܚ ܒܗ ܡܝ̈ܐ ܒܩܘܪܒܐ. ܘܐܫܬܝܘ ܘܐܬܪܘܚ ܡܢ ܡܘܬܐ ܕܒܝܕ ܨܗܝܐܼ. ܗܼܢܘܢ ܘܩܢܝܢܗܘܢ. ܘܡܛ ܕܣܓܝ ܥܠܼܘ ܘܐܬܓܘܝܘܼ. ܠܘ ܠܬܪܝܨܘܬܐ ܕܝܬܼܒܐ. ܐܠܐ ܒܐܪܥܐ ܚܪܒܬܐ ܘܫܗܝܬܐ ܕܒܝܬ ܠܗܢ ܠܪ̈ܗܘܡܝܐ ܘܠܐܪܥܐ ܕܐܪ̈ܡܢܝܐ. ܘܟܕ ܣܓܝ ܝܘ̈ܡܬܐ ܟܪܟܘܢ ܒܛܘܪ̈ܐ܆ ܬܪܨܘܢ ܠܘܩܒܠ ܩܣܪܝܐ. ܘܐܫܟܚܘܢ ܐܪܥ ܟܗܝܢܬܐ ܘܠܥܡܐ ܟܠܗ ܕܒܩܘܪ̈ܝܣ. ܟܕ ܡܕܪܟܝܢ ܘܝܬܝܒܝܢܼ ܘܠܝܬ ܕܡܗܪ ܗܠܘܢ. ܘܡܢ ܫܠܝ ܢܦܼܠ ܥܠܝܗܘܢܼ. ܘܠܐ ܐܬܟܝܢ ܐܢܫ ܕܩܡ ܣܟ ܩܕܡܝܗܘܢ. ܥܼܠ ܕܝܢ ܣܓܝ ܠܓܘ ܡܢ ܩܣܪܝܐ: ܘܟܠܗܿ ܪܓܬܗܘܢ ܫܡܠܝܘ ܒܗܿ ܒܐܪܥܐ ܗܿܝ. ܟܕ ܫܒܘ ܘܒܙܘ ܘܐܚܪܒܘܗܿ ܠܐܪܥܐ. ܘܐܦ ܠܥܡܘܪ̈ܝܗܿ ܐܦܩ ܐܢܘܢ ܒܫܒܝܐ. ܘܩܢܝܢܐ ܟܠܗܼ ܐܦܩ ܩܕܡܝܗܘܢܼ ܘܕܒܪ ܕܒܪܬܐ ܪܒܬܐ ܘܥܫܝܢܬܐ ܕܒܢܝ̈ܢܫܐ ܘܕܩܢܝܢܐ

Page 235

ܘܕܨܒ̈ܬܐ ܘܡ̈ܐܢܐ. ܐܦ ܕܗܒܐ ܘܣܐܡܐ ܣܘܓܐܐ ܕܛܒ܀ ܐܠܐ ܠܐ ܣܠܩܼܬ ܚܕܘܬܗܘܢ ܠܪܝܫ. ܒܟܝܠܬܐ ܐܝܕܐ ܕܐܟܝܠܘ ܐܬܬܟܝܠ ܠܗܘܢ: ܘܓܡܘܨܐ ܕܚܦܪܘ ܒܩܘ̈ܡܬܗܘܢ ܡܠܝܘ. ܘܡܨܝܕܬܐ ܕܦܪܣܘܼ ܠܗܘܢ ܨܕܬ. ܘܦܪܥ ܐܢܘܢ ܡܪܝܐ ܐܝܟ ܥܒܕ̈ܝܗܘܢ. ܚܠܦ ܕܫܒܼܘ ܐܫܬܒܝܘ. ܘܚܠܦ ܕܒܙܘ ܐܬܒܼܙܙܘ. ܘܚܠܦ ܕܨܒܘ ܠܡܩܢܐ ܥܒ̈ܕܐ ܘܐܡ̈ܗܬܐܼ. ܗܘܼܘ ܕܝܢ ܗܼܢܘܢ ܥܒ̈ܕܐ. ܘܚܠܦ ܕܨܒܘ ܕܢܚܪܒܘܢ ܐܪ̈ܥܬܐܼ. ܐܬܚܪܒܘ ܗܼܢܘܢ ܘܐܪܘܝܗܿ ܠܐܪܥܐ ܗܿܝ ܡܢ ܕܡܗܘܢ. ܓܕܫܬ ܠܗܘܢ ܥܠܬܐ ܕܐܝܟ ܗܕܐ. ܟܕ ܕܝܢ ܢܦܼܠ ܒܐܪܥܐ ܗܿܝ ܡܛܠ ܕܒܟܗܝܢܘܬܐ ܪܒܬܐ ܐܝܬܝܗܿ ܗܘܬܼ. ܕܠܐ ܚܘܣܢ ܘܕܠܐ ܪ̈ܚܡܐ ܒܙܘ ܘܫܒܘ ܘܐܣܪܘ ܠܥܡܘܪ̈ܝܗܿ. ܘܨܒܘ ܠܡܦܩ ܠܣܘܪܝܐ ܒܫܒܝܬܐ ܪܒܬܐ ܘܥܫܝܢܬܐܿ. ܥܡ ܫܒܡܐ ܪܒܐ ܘܢܨܚܢܐ ܚܝܠܬܢܐ. ܘܐܝܟ ܨܒܝܢܗܘܢ ܗܐ ܡܢ ܟܕܘ ܩܢܼܘ ܥܘܬܪܐ ܪܒܐ ܥܡ ܥܒ̈ܕܐ ܘܐܡܗ̈ܬܐ. ܘܠܐ ܝܼܕܥ ܕܘ̈ܝܐ ܕܒܚܫܘܟܐ ܪܕܝܢ ܗܘܘ. ܕܥܕ ܩܠܝܠ ܘܥܒܝܕܝܢ ܗܢܘܢ ܫܒ̈ܝܐ. ܫܪܝܪܐܝܬ ܗܪܟܐ ܐܝܬ ܠܡܙܡܪܘ ܘܠܡܐܡܪ܆ ܕܦܨܝ ܡܪܝܐ ܠܡܣܟܢܐ ܘܠܒܝܫܐ ܡܢ ܡܿܢ ܕܚܿܛܦ ܠܗ ܩܛܝܪܐܝܬ. ܥܡ ܗܷܿ ܕܡܢ ܒܝܬ ܫ̈ܢܐ ܐܦܩ. ܘܐܗܦܟ ܡܢ ܥܘ̈ܡܩܘܗܝ ܕܝܡܐ.. ܟܕ ܣܒܼܪ ܠܗܘܢ ܦܘܪ̈ܣܝܐ ܕܡܢܥܘ ܡܟܝܠ ܘܢܦܩ ܠܐܪܥܐ ܕܣܘܪܝܐ. ܘܗܘܼܘ ܡܟܝܠ ܕܠܐ ܕܚܠܐܼ. ܡܛܪ ܠܡܪܓܐ ܕܣܘܪܝܐ. ܘܗܘܼܘ ܡܟܝܠ ܕܠܐ ܕܚܠܐܼ. ܡܛܘ ܠܡܪܓܐ ܚܕ ܪܒܐܼ݂ ܘܨܒܘ ܕܢܫܪܘܢ ܘܢܬܢܝܚܘܢ ܒܗ. ܡܪܓܐ ܗܢܐܼ ܬܪܥܐ ܐܝܬ ܠܗ ܐܠܝܨܐ. ܘܡܢ ܟܠ ܦ̈ܢܝܐ ܪܓܠܬܐ ܐܝܬ ܕܫܕܝܐ ܠܓܘܗ. ܘܕ ܫܪܘ ܘܐܬܬܢܝܚ ܩܠܝܠ ܘܫܕܪ ܩܢܝܢܗܘܢ: ܘܬܘܒܕܠܐ ܝܕܥܝܢ ܗܘܘ ܠܗܘܦܟܗܿ ܕܐܪܥܐܪ. ܨܒܘ ܕܢܬܢܝܚܘܢ ܬܡܢ. ܗܝܕܝܢ ܐܠܗܐ ܗܿܘ ܕܠܐ ܡܗܡܐ ܡܢ ܐܝܠܝܢ ܕܩܿܪܝܢ ܠܗܼ. ܨܿܝܒܘ ܘܐܝܬܝ ܪܝܫܢܐ ܚܕ ܕܪ̈ܗܘܡܝܐܼ. ܟܕ ܐܝܬ ܥܡܗ ܬܪ̈ܥܣܪ

Page 236

ܐܠܦ̈ܝܢ ܦܪ̈ܫܝܢ. ܗܢܐ ܕܝܢ ܚܝܠܐ ܕܪ̈ܗܘܡܝܐܼ ܡܢ ܕܘܟܬܐ ܐܚܪܝܬܐ ܕܩܪܒܐ ܐܚܪܢܐ ܐܬܿܐ ܗܘܐ. ܟܕ ܒܙܟܘܬܐ ܪܒܬܐ ܐܝܬܝ ܗܘܐ. ܘܟܕ ܡܢܥܘ ܠܡܪܓܐ ܗܿܘ: ܕܐܝܬ ܗܘܐ ܠܒܪ ܡܢ ܬܪܥ ܗܿܘ ܕܒܗ ܦܪ̈ܣܝܐ ܫܪܝܢ ܗܘܘܼ. ܨܒܘ ܐܦ ܗܼܢܘܢ ܕܢܫܪܘܢ ܘܢܬܢܝܚܘܢ ܒܗ. ܟܕ ܐܦܠܐ ܥܠ ܒܝܫܬܐ ܗܿܝ ܕܠܓܘ ܡܢܗܘܢ ܒܠܝܩܝܢ܇ ܐܘ ܝܕܥܘ ܡܘܢ ܓܕܫ ܒܐܪܥܗܘܢ ܘܒܥܡܗܘܢ. ܡܛܠ ܕܡܢ ܪܘܚܩܐ ܪܒܐ ܐܬܿܝܢ ܗܘܘ. ܘܟܕ ܫܪܘ ܘܣܠܼܩ ܡܢܗܘܢ ܠܪܝܫ ܪܡܬܐ܆ ܘܚܙܘ ܠܚܝܠܐ ܪܒܐ ܘܠܫܒܝܬܐ ܘܠܒܙܬܐ ܪܒܬܐ ܕܐܪܥܗܘܢܼ ܟܕ ܫܪܝܢ ܠܓܘ ܡܢܗܘܢܼ. ܙܥ ܘܐܬܒܗܝܘ. ܘܢܚܼܬ ܩܠܝܠܐܝܬ ܘܐܘܕܥ ܠܚܒܪ̈ܝܗܘܢ. ܪܝܫܢܐ ܕܝܢ ܠܐ ܐܗܡܝ ܡܢ ܗܿܝ ܕܫܡܼܥ. ܐܠܐ ܫܕܪ ܐܚܪ̈ܢܐ ܐܝܟ ܬܠܬܡ̈ܐ ܦܪ̈ܫܝܢ ܐܚܪ̈ܢܝܢ܆ ܟܕ ܡܙܝܢܝܢ ܕܢܚܙܘܢ ܫܪܪܐ܆ ܐܢ ܫܪܝܪ ܐܘ ܕܠܡܐ ܦܢܣܝܐ ܡܕܡ ܒܝܕ ܫܪܓܪ̈ܓܝܬܐ ܠܗܠܝܢ ܐܬܚܙܝܘ. ܘܟܕ ܐܝܠܝܢ ܕܐܫܬܕܪܘ ܣܠܼܩܘ ܘܚܝܠܬܢܐܝܬ ܚܼܙܘ܆ ܐܘܕܥ ܠܡܫܕܪܢܗܘܢ. ܘܣܠܼܩ ܐܦ ܗܼܘ ܒܐܪ̈ܒܥܐ ܐܠܦ̈ܝܐ ܐܘ ܒܚܡ̈ܫܐ. ܦܘܪ̈ܣܝܐ ܕܝܢ ܟܕ ܠܗܘܢ ܚܙܘ܆ ܕܒܬܪܥ ܐܝܢܐ ܕܒܗ ܨܿܒܝܢ ܠܡܦܼܩ ܩܝܡܝܢ܆ ܘܐܝܟ ܕܒܒܬ ܐܣܝܪ̈ܐ ܚܒܝܫܝܢܼ. ܙܥܘ ܠܒܗܘܢ ܘܐܬܡܣܝܘ ܒܓܘܗܘܢ. ܘܐܬܪܫܠܘ ܐܝܕ̈ܝܗܘܢܼ ܘܙܥ ܘܢܕܘ ܐܝܟ ܐܪ̈ܘܝܐ. ܘܟܠܗܿ ܚܟܡܬܗܘܢ ܐܒܕܬ. ܘܫܕܪ ܐܝܙܓܕ̈ܐ ܗܼܢܘܢ ܦܘܪ̈ܣܝܐ ܕܢܚܙܘܢ ܟܡܐ ܚܝܠܐ ܗܿܘܝܢ. ܘܐܢ ܠܩܪܒܐ ܡܛܝܒܝܢ. ܡܛܠ ܕܪܘܡܐ ܪܒܐ ܐܝܬ ܗܘܐ ܒܝܢܬܗܘܢܼ ܘܬܪܥܐ ܐܠܝܨܐ. ܘܟܕ ܐܬܼܐ ܪܣܘܠܐ ܘܐܘܕܥ ܐܢܘܢ ܫܪܪܐܼ. ܕܚܝܠܐ ܪܒܐ ܗܿܘܝܢ ܘܐܝܟ ܕܠܩܪܒܐ ܡܛܝܒܝܢ܆ ܨܒܼܘ ܦܘܪ̈ܣܝܐ ܕܒܡ̈ܠܐ ܒܣܝ̈ܡܬܐ ܢܡܠܠܘܢ ܥܡܗܘܢ ܫܠܡܐ. ܘܠܘܩܕܡ ܫܪܘ ܠܫܒܝܬܐ ܟܠܗܿ ܕܕܒܪܘ. ܘܠܩܢܝܢܐ ܘܠܒܙܬܐ

Page 237

ܟܠܗܿ ܕܒܼܙܘ ܟܕ ܐܡܪܝܢ ܕܒܠܚܘܕ ܚܝ̈ܝܢ ܢܬܠܘܢ ܠܢ: ܘܐܝܟ ܡܐ ܕܥܠܼܢ ܗܟܢܐ ܢܦܘܩ ܕܠܐ ܬܘܣܦܬܐ ܕܡܕܡ. ܪ̈ܗܘܡܝܐܕܝܢ ܠܗܕܐ ܠܐ ܟܬܪ: ܐܠܐ ܫܕܪ ܩܠܝܠܐܝܬ ܐܘܕܥ ܒܡܕܝ̈ܢܬܐ ܘܠܪ̈ܝܫܝ ܚܝ̈ܠܘܬܐ ܐܚܪ̈ܢܐ. ܘܨܝܒ ܥܠܝܗܘܢ ܚܝܠܐ ܪܒܐܼ. ܘܦܠܓܘܗܝ ܠܐܪ̈ܒܥ ܡܢܘ̈ܬܐ. ܘܢܚܬܼ ܥܠܝܗܘܢ ܘܡܢ ܩܕܡܝܗܘܢ ܘܡܢ ܒܣܬܪܗܘܢ ܘܡܢ ܗܢܐ ܓܒܐ ܘܡܢ ܗܿܘ. ܘܡܛܠ ܕܠܝܠܝܐ ܗܘܐ ܥܕܟܝܠ. ܝܗܼܒ ܐܬܐ ܠܚ̈ܕܕܐ܆ ܕܟܕ ܢܗܘܘܢ ܢܚܬܝܢ ܘܡܛܝܒܝܢ܆ ܢܗܘܘܢ ܡܝܒܝܒܝܢ ܒܩܪ̈ܢܬܐ. ܘܐܦ ܥܡܐ ܟܠܗ ܢܩܥܘܢ ܫܘܝܐܝܬ ܩܘܪܝܠܣܘܢ. ܘܟܕ ܢܚܼܬ ܘܐܬܛܝܒܘ ܘܝܗܒܒܘ ܩܪ̈ܢܬܐ: ܘܐܦ ܩܥܼܐ ܥܡܐ ܐܝܟ ܪܥܡ ܩܘܪܝܠܝܣܢ. ܘܫܡܼܥ ܦܪ̈ܣܝܐ ܩܠܗܘܢܼ. ܙܥܘ ܘܗܘܘ ܐܝܟ ܡ̈ܝܬܐܼ ܘܐܝܟ ܩܛܝ̈ܠܐ ܕܫܟ̈ܝܒܝܢ ܒܩܒܪ̈ܐ. ܘܚܫܟܘ ܥܝܢ̈ܝܗܘܢܼ ܘܠܐ ܐܫܟܚ ܠܡܚܙܐ. ܘܐܬܪܫܠܘ ܐܝܕ̈ܝܗܘܢ: ܘܒܕ ܟܠܗ ܣܒܪܐ ܕܚܝ̈ܝܗܘܢ. ܘܩܕܡ ܡܚܘܬܐ ܕܣܝܦܐ ܡܝ̈ܬܐ ܚܫܒ ܢܦܫܗܘܢ. ܘܒܥܘ ܕܢܥܪܩܘܢ ܘܠܐ ܐܬܡܨܝܘ ܚܝܠܐ. ܒܝܕ ܕܚܕܪܘܢ ܐܢܘܢ ܪ̈ܘܡܝܐ ܐܝܟ ܥܙܩܬܐ. ܘܪܥܡ ܥܠܝܗܘܢ ܡܪܝܐ ܡܢ ܫܡܝܐܼ. ܘܕܠܚ ܐܢܘܢ ܩܕܡ ܪ̈ܗܘܡܝܐ. ܗܪܟܐ ܐܝܬ ܠܡܚܙܐ. ܕܩܡ ܡܪܝܐܼ. ܘܐܦ ܥܒܕ ܦܘܪܩܢܐ ܓܠܝܐܝܬ. ܘܐܬܬܒܪ ܠܗ ܦܚܐܼ. ܘܐܬܦܠܛ ܐܝܠܝܢ ܕܢܦܼܠ ܒܗ: ܘܦ ܨܕܘ ܠܐܝܠܝܢ ܕܨܠܘܗܝ. ܘܗܿܢܘܢ ܕܡܢ ܩܕܡ ܫܥܬܐܼ ܡܪ̈ܐ ܥܼܒ̈ܕܐ ܚܫܼܒܘܢ ܢܦܫܗܘܢܼ. ܐܬܚܼܙܝܘ ܗܢܘܢ ܐܣܝܪ̈ܐ ܘܥܼܒ̈ܕܐ. ܘܗܼܘܬ ܚܪܬܗܘܢ ܒܝܫܐ. ܥܠ ܕܠܐ ܥܗܕܘ ܗܼܢܘܢ ܠܡܥܒܕ ܛܒܬܐ. ܘܪܕܦ ܠܡ̈ܣܟܢܐ ܘܠܒܝ̈ܫܐ ܘܠܕܡܐܟܒ ܠܒܗ ܠܡܘܬܐ. ܘܗܟܢܐ ܐܩܪܒ ܝܘܡܐ ܟܠܗ. ܐܬܒܪܘܢ ܦܘܪ̈ܣܝܐ ܩܕܡ ܪ̈ܗܘܡܝܐ. ܘܡܚܘ ܒܗܘܢ ܡܚܘܬܐ ܪܒܬܐ ܘܥܫܝܢܬܐ ܕܛܒ. ܐܝܟܢܐ ܕܐܦ ܗܼܢܘܢ ܦܘܪ̈ܣܝܐ ܡܣܗܕܝܢ ܗܘܘ

Page 238

ܩܕܡܝܢܼ ܥܡ ܡܘ̈ܡܬܐ ܪܘܪ̈ܒܬܐܼ. ܗܢܘܢ ܕܡܢܗ ܕܝܠܗ ܕܩܪܒܐ ܐܫܬܘܙܒ ܟܕ ܡܚܝܢ: ܕܠܐ ܡܢ ܡܬܘܡ ܚܙܘ ܐܘ ܫܡܥ ܕܡܐ ܒܚܕܐ ܕܘܟܬܐ ܐܝܟ ܕܬܡܘܢ. ܟܕ ܐܡܪܘܢܼ. ܕܥܕܡܐ ܠܟܪܣܐ ܕܣܘܣܝܐ ܩܡ ܕܡܐ ܘܫ̈ܠܕܐ ܒܡܪܓܐܿ ܗܿܘ. ܗܼܘ ܕܝܢ ܡܪܓܐ ܗܢܐ ܒܝܕ ܗܿܝ ܕܡܝ̈ܐ ܐܝܬ ܗܘܐ ܒܗ ܣܓܝ̈ܐܐܼ. ܠܐ ܐܬܒܼܠܥܘ ܒܗ ܕܡܐ ܗܿܘ. ܫܪܝܪܐܝܬ ܗܪܟܐ ܙܕܩܼ ܗܘ ܠܡܐܡܪ ܥܡ ܢܒܝܐ: ܕܢܦܠܬ ܢܦܠܬ ܒܒܝܠ. ܘܟܠܗܘܢ ܐܠܗܝ̈ܗܿ ܓܠܝ̈ܦܐ ܐܬܬܒܪ. ܘܠܐ ܥܕܪ ܠܣܓܘ̈ܕܝܗܘܢ. ܘܢܐܡܪ: ܕܕܚܠܬܐ ܘܓܘܡܨܐ ܘܦܚܐ ܘܚܪܒܐ ܥܠܝܟ ܐܬܘܪܝܐ. ܡܿܢ ܕܢܥܪܘܩ ܡܢ ܩܠܐ ܕܕܚܠܬܐܼ ܢܦܠ ܒܓܘܡܨܐ. ܘܡܿܢ ܕܢܣܼܩ ܡܢ ܓܘ ܓܘܡܨܐ ܢܬܬܚܕ ܒܦܚܐ. ܘܡܿܢ ܕܡܢ ܦܚܐ ܢܦܠܛ. ܬܟܠܝܘܗܝ ܚܪܒܐ. ܘܟܕ ܩܪܒ ܝܘܡܐ ܠܡܪܟܢܼ ܠܐ ܐܫܬܚܪ ܡܢܗܘܢ ܐܠܐ ܩܠܝܠ. ܡܢܗܘܢ ܨܕܘ ܡܢ ܐܝܕܐܼ ܘܕܫܪܟܐ ܐܟܠܬ ܚܪܒܐ. ܪܕܕ ܪܝܫ ܚܝܠܐ ܥܪܩ ܡܫܠܚܐ ܥܡ ܣܘܣܝܗ. ܟܕ ܟܠܗܿ ܐܝܩܪܬܗ ܫܒܼܩ ܒܐܝܕ̈ܝ ܪ̈ܗܘܡܝܐ. ܘܠܐ ܐܬܦܠܛ ܥܡܗ ܐܠܐ ܐܝܟ ܐܠܦܐ ܚܕ܆ ܘܐܦ ܗܠܝܢ ܟܕ ܡܡܚܝܢ. ܘܗܟܢܐ ܐܫܬܘܙܒ ܠܡܠܛܝܢܐ. ܟܕ ܐܦ ܡܢ ܩܪܒܐ ܐܚܪܢܐ ܕܦܓܥ ܒܗ܆ ܗܿܘ ܕܐܦ ܪܕܕ ܒܗ ܒܼܠܥ ܣܝ̈ܦܐ ܬܠ̈ܬܐ ܐܠܐ ܠܐ ܡܝܬ. ܫܬܩܢܐ܀ ܡܠܝܟ ܕܝܢ ܒܪ ܛܘܦ ܪܝܫ ܚܝܠܐ ܐܚܪܢܐ ܥܪܩ ܠܘܩܒܠ ܩܠܝܢܩܠܐܼ ܒܚܡ̈ܫܐ ܐܠܦ̈ܝܢ. ܘܗܟܢܐ ܗܦܼܟ ܨܝܕ ܡܫܕܪܢܗܘܢ ܥܡ ܒܗܬܬܐ ܘܟܘܘܪܐ ܪܒܐ. ܟܕ ܐܦ ܟܠܗܿ ܝܩܪܬܗܘܢ ܐܘܒܕ: ܘܐܠܐ ܒܠܚܘܕ ܡܫܠܚܐܼ ܠܐ ܢܦܼܩ ܗܿܘ ܡܘܢ ܕܡܢܗܘܢ ܐܫܬܘܙܒ܀

ܢܚܘܐ ܬܘܒܼ ܡܘܢ ܓܕܫ ܐܦ ܡܢ ܗܠܝܢ ܕܚܣܢܐܿ ܐܝܟܢܐ ܣܥܪܘ ܘܐܝܟܢܐ ܕܝܢ ܐܫܬܪܝܘ ܘܢܦܼܩ ܒܚܣܕܐ ܘܒܗܬܬܐ ܝܬܝܪ ܡܢ ܚܒܪ̈ܝܗܘܢ.. ܩܘܪ̈ܝܝܐ

Page 239

ܕܝܢ ܐܝܠܝܢ ܕܓܪܫܝܢ ܗܘܘ ܠܗܘܢ ܚ̈ܛܐ ܘܩܡܚܐ ܡܢ ܣܘܪܝܐ܆ ܟܕ ܚܙܘ ܕܚܘܣܪܝܐ ܪܒܐ ܢܒܥ ܠܗܘܢ ܡܢ ܗܕܐ ܐܘܪܚܐܼ ܘܝܘܬܪܢܐ ܐܦܠܐ ܩܠܝܠ: ܡܛܼܠ ܕܐܝܟܢܐ ܕܡܢ ܠܥܠ ܐܡܪܢܢ܆ ܕܟܠܗܿ ܗܕܐ ܐܘܪܚܐ ܬܘ̈ܟܐ ܘܚܘܣܪ̈ܢܐ ܡܠܝܐ ܘܘܬ܆ ܘܝܬܝܪܐܝܬ ܒܗܿܝ ܕܟܠܗ ܩܢܝܢܐ ܐܒܼܕ: ܘܒܝܕ ܗܕܐ ܟܠܼܘ ܘܠܐ ܐܥܠ ܠܗܘܢ ܚܛ̈ܐ ܐܘ ܩܡܚܐ܆ ܘܗܘܐ ܥܠܝܗܘܢ ܟܦܢܐ ܪܒܐܼ. ܥܕܡܐ ܕܩܪܝܒܢ ܗܘܘ ܟܠܗܘܢ ܕܢܣܝܦܘܢ ܡܢ ܒܠܝ ܚܝܝܬܐ. ܩܡ ܕܩܢ ܩܦܝܙܐ ܒܬܠ̈ܬܐ ܙܘ̈ܙܐ ܘܦܠܓܗ ܘܠܝܬ ܗܘܐ. ܘܗܘܼܘ ܗܟܢܐ ܐܝܟ ܥܣܪ̈ܝܢ ܝܘ̈ܡܐ. ܘܗܝܕܝܢ ܫܠܼܚ ܥܒܣ ܠܣܘܪܝܐ܆ ܘܥܼܠ ܫܘܩܐ ܪܒܐ. ܘܐܦ ܗܼܢܘܢ ܩܘܪ̈ܝܝܐܿ ܒܝܕ ܕܦܘܠܚܢܐ ܕܡܕܡ ܠܝܬ ܗܘܐ. ܟܕ ܕܝܢ ܫܡܼܥܘ ܫܚܼܪ ܥܡܐ ܟܠܗ ܕܓܙܝܪܬܐ ܘܕܡܥܪܒܐܼ. ܘܐܦ ܐܪܥܐ ܕܐܪܡܢܝ ܓܘܝܬܐ ܬܪܨܬ ܠܬܡܘܢ. ܘܟܠ ܐܢܫ ܡܢܘܢ ܕܐܬܡܨܝ ܐܥܠ: ܥܕܡܐ ܕܗܘܼܬ ܬܡܢ ܫܘܝܬܐ ܕܟܠܡܕܡ. ܬܓܪ̈ܐ ܘܚܢܘ̈ܝܐ ܘܒ̈ܙܙܐ ܘܐܝܠܝܢ ܕܐܟܘܬܗܘܢ܆ ܙܒܢ ܚ̈ܛܐ ܘܣܥܪ̈ܐ ܘܩܡܚܐ ܘܥ̈ܠܠܬܐ ܐܝܠܝܢ ܡܬܒ̈ܥܝܢ ܬܘܒ ܠܚܝ̈ܐ ܕܒܢܝ̈ܢܫܐ. ܘܟܫܼܘ ܐܝܟ ܬ̈ܠܐ ܕܠܐ ܚܘܣܢ. ܟܕ ܣܒܪܝܢ ܕܢܟܢܫܘܢ ܠܗܘܢ ܥܘܬܪܐ ܪܒܐ. ܘܠܐ ܝܼܕܥ ܕܘ̈ܝܐܼ. ܡܛܠ ܕܡܥܘܪ ܗܘܐ ܥܼܝ̈ܢܝܢ ܡܕܥܗܘܢ ܒܪܚܡܬ ܟܣܦܐ. ܕܩܠܝܠܐܝܬ ܐܦ ܗܿܘ ܕܩܢܘ ܡܘܒܕܝܢ܆ ܘܐܘܪܚܐ ܗܕܐ ܟܠܗ ܚܘܣܪ̈ܢܐ ܡܠܼܝܐ ܘܝܘܬܪܢܐ ܐܦܠܐ ܩܠܝܠ܀ ܘܟܕ ܕܝܢ ܒܦܘܪ̈ܣܐ ܣܓܝ̈ܐܐ ܕܩܪܒܐܼ. ܠܝܠܝ ܐܝܡܡ ܥܠ ܚܣܢܐ ܡܩܪܒܝܢ ܗܘܘ: ܘܐܠܐ ܐܢ ܐܒܕܢܐ ܠܩܢܘܡܗܘܢ ܟܠܝܘܡ ܠܐ ܡܬܬܓܪܝܢ ܗܘܘ. ܟܕ ܡܢܕܢܝܩܢ ܕܪ̈ܗܘܡܝܐ܆ ܣܓܝ̈ܐܐ ܡܢܗܘܢ ܟܠܝܘܡ ܡܩܛܠܐ ܗܘܬ. ܥܒܨ ܕܝܢ ܒܝܕ ܕܓܒܪܐ ܐܝܬܘܗܝ ܡܪܚܡܢܐ܆ ܥܒܕ ܐܦ ܛܝܒܘܬܐ ܥܡ ܗܠܝܢ ܡܣܟ̈ܢܐ ܕܥܠܝܠܝܢ ܗܘܼܘ ܒܩܠܓܪܘܬܐ: ܘܟܕ ܚܙܐ ܕܡܢܗܘܢ ܐܒܕܝܢ ܗܘܼܘ ܒܟ̈ܐܦܐ ܕܡܢܕܢܝܩܢ܆ ܗܿܝ

Page 240

ܕܫܕܝܐ ܗܘܬ ܡܢ ܠܓܘ ܕܪ̈ܗܘܡܝܐܼ. ܟܢܫ ܠܪ̈ܒܝ ܚܝ̈ܠܐ ܕܝܠܗ ܘܦܩܼܕ ܠܗܘܢ ܕܟܠܝܘܡ ܢܩܝܡ ܚܕ ܡܢܗܘܢ ܓܒܪ̈ܐ ܕܫܕܝܢ ܒܟ̈ܐܦܐ ܕܡܢܕܢܝܩܢ܆ ܘܩܘܪ̈ܝܝܐ ܢܗܘܘܢ ܠܥܒܝܕ̈ܬܐ ܐܚܪ̈ܢܝܬܐ ܕܪ̈ܚܝܩܢ ܡܢ ܡܘܬܐ. ܘܟܕ ܢܓܪ ܠܗܘܢ ܬܡܢ ܙܒܢܐ ܣܓܝܐܐ: ܘܐܦ ܐܡܼܪ ܥܒܣ܆ ܕܐܢ ܐܗܿܘܐ ܗܪܟܐ ܥܣܪ̈ ܫܢܝ̈ܢ܆ ܠܐ ܢܦܿܩ ܐܢܐ ܡܢ ܗܪܟܐ ܘܟܿܒܫ ܐܢܐ ܠܗܿ. ܫܚܪܘܢ ܒܢ̈ܝܢܫܐ ܡܢ ܟܠ ܐܬܪ̈ܘܢ ܘܥܼܠ ܠܬܡܢ. ܘܟܕ ܒܟܠ ܥ̈ܠܠܢ ܕܩܪܒܐ ܐܬܟܬܫ ܘܡܕܡ ܠܐ ܣܥܼܪ: ܐܬܘ ܠܓܙܡ̈ܐ. ܟܕ ܐܡܪܝܢ܆ ܕܟܒܪ ܢܙܥܘܢ ܘܢܦܬܚܘܢ ܠܢ܆ ܗܼܢܘܢ ܕܝܢ ܒܕܡܘܬ ܢܫܪܐ ܕܡܬܦܪܦܥ ܒܐܐܪ ܒܐܒܪ̈ܘܗܝ ܩܠܝ̈ܠܐܼ. ܟܕ ܡܢ ܡܕܡ ܐܪܥܢܝܐ ܠܐ ܡܬܙܝܥ: ܗܟܢܐ ܐܦܠܐ ܗܠܝܢ܀ ܠܚܪܬܐ ܕܝܢ ܐܬܘ ܠܗܘܢ ܒܫܘ̈ܓܫܐ ܘܒܦܝ̈ܣܬܐܼ. ܐܝܟܢܐ ܕܢܫܒܩܘܢ ܠܚܣܢܐ ܘܢܫܢܘܢ ܡܢܗ ܒܫܠܡܐ. ܟܕ ܘܐܦܠܐ ܗܕܐ ܐܬܼܬ ܠܫܘܠܡܐ. ܐܠܐ ܩܡܘ ܟܕ ܡܗܠܝܢ ܒܗܘܢ. ܘܟܕ ܕܝܢ ܡܢ ܟܕܘ ܡܢܥ ܠܗ ܣܬܘܐܼ ܘܫܪܝ ܩܘܪܐ ܠܡܗܼܘܐ ܒܐܪܥܐ ܗܿܝ: ܘܕܚܠܝܘܢ ܕܕܠܡܐ ܢܟܒܘܫ ܐܢܘܢ ܬܠܓܐ܆ ܘܢܬܩܛܥ̈ܢ ܥܠܝܗܘܢ ܐܘܪ̈ܚܬܐ: ܘܢܐܒܕܘܢ ܬܡܢ ܡܢ ܟܦܢܐ ܘܡܢ ܩܘܪܐ. ܘܬܘܒ ܕܚܼܠ ܕܕܠܡܐ ܢܬܟܢܫܘܢ ܥܠܝܗܘܢ ܚܝ̈ܠܘܬܐ ܘܢܣܩܘܢ ܐܢܘܢ ܡܢ ܐܪܥܐ: ܘܢܐܒܫ ܠܗܘܢ ܝܬܝܪ ܡܢ ܚܒܪܗܝܗܘܢܼ. ܕܡܢ ܚܡ̈ܫܝܢ ܐܠܦܝ̈ܢ ܕܥܠܼܘ ܠܐ ܢܦܩ ܚܡ̈ܫܐ ܐܠܦ̈ܝܐ ܐܘ ܫ̈ܬܐܼ. ܘܐܦ ܗܠܝܢ ܟܕ ܡܡܚܝܢ. ܘܬܘܒ ܕܡܕܡ ܠܐ ܡܫܟܚܝܢ ܠܡܣܥܪ: ܩܩܪܐ ܟܪܘܙܐ ܡܢ ܫܠܝ܆ ܕܢܪܟܒܘܢ ܘܢܦܩܘܢ. ܘܬܓܪ̈ܐ ܘܚܢܘ̈ܝܐ ܘܙܒܘ̈ܢܐ ܘܡܙܒ̈ܢܐ ܐܘܒܕ ܩܠܝܠܐܝܬܼ ܠܟܠܗ ܡܠܘܐ ܕܬܓܪܬܗܘܢ. ܡܛܠ ܕܕܠܐ ܒܚܘܣܢܐ ܙܒܼܢ ܘܟܼܫܘ ܚ̈ܛܐ ܘܣܥܪ̈ܐ ܘܩܡܚܐ ܘܩܢܝܢܐ ܠܐ ܐܫܬܟܚ ܠܗܘܢ ܕܢܓܪܘܢ ܘܢܛܥܢܘܢ ܥܠܝܗܘܢ ܥܒܿܕܗܘܢ.

Page 241

ܡܛܠ ܕܐܪܥܐ ܩܫܝܬܐ ܗܼ ܠܗܠܟܬܐ ܕܩܢܝܢܐ܆ ܡܥܿܠܝܢ ܗܘܼܘ ܩܘܪ̈ܝܝܐ ܛܥܘܢܬܗܘܢ܆ ܥܕܡܐ ܠܥܒܼܪܐ ܕܢܗܪܐ ܐܝܢܐ ܕܡܬܩܪܐ ܣܠܩܼܛ: ܘܗܦܟܝܢ ܡܢ ܬܡܢ. ܘܐܠܐ ܐܢ ܚܕ ܐܘ ܬܪ̈ܝܢ ܩܢܝ̈ܢܐܼ. ܡܢ ܡ̈ܐܐ ܠܐ ܡܥܒܪܝܢ ܗܘܘ ܠܓܪܒܝܐ ܡܢ ܥܒܼܪܐ. ܘܓܕܫ ܟܡܐ ܙܒ̈ܢܝܢ ܕܐܓܪܝܢ ܗܘܘ ܩܢܝܢܐ. ܘܕܝܠܗܘܢ ܠܐ ܡܥܒܪܝܢ ܗܘܘ. ܘܥܠ ܗܕܐ ܚܣܪ ܩܢܝܢܐ ܬܡܢ. ܘܟܕ ܩܼܪܐ ܟܪܘܙܐ ܒܚܝܠܐ ܢܛܥܢܘܢܼ. ܘܚܙܘ ܦܘܪ̈ܣܝܐ ܕܦܝܫ ܥܿܒܕܐ ܟܠܗ ܕܬܓܪ̈ܐ܆ ܢܦܼܩܘ ܘܐܫܕܘ ܒܗ ܢܘܪܐ ܘܐܘܩܕܘܗܝ܆ ܕܕܠܡܐ ܢܦܘܫ ܘܢܚܬܘܢ ܪ̈ܗܘܡܝܐܿ ܘܢܬܪܘܢ ܡܢܗ. ܐܠܐ ܘܟܕ ܗܠܝܢ ܥܒܼܕ܆ ܣܓܝ ܦܼܫ܀ ܘܬܘܒ ܢܦܼܩ ܚܝܠܐ ܐܚܪܢܐ ܠܘܩܒܠ ܩܠܝܢܩܠܐ. ܘܠܟܠܗܘܢ ܐܝܠܝܢ ܕܛܥܝܢܝܢ ܗܘܘ ܘܡܝܬܝܢ ܓܒܬܐ ܘܡܫܚܐ ܘܕܒܫܐ ܘܡ̈ܐܢܐ ܘܥ̈ܠܠܬܐ ܐܚܪ̈ܢܝܬܐ ܠܥܣܟܪ܆ ܟܠ ܐܝܟܐ ܕܦܓܥܝܢ ܗܘܼܘ ܒܗܘܢ܆ ܫܕܝܢ ܗܘܘ ܠܛܥܘ̈ܢܬܗܘܢܼ. ܘܩܿܠܥܝܢ ܗܘܘ ܠܓܒܪ̈ܐ ܘܠܚܡܪ̈ܐ ܡܫ̈ܠܚܐ ܩܕܡܝܗܘܢ. ܘܗܟܢܐ ܡܘܒܕܝܢ ܗܘܘ ܒܢܝ̈ܢܫܐ ܡܣ̈ܟܢܐܼ ܠܟܠ ܡܕܡ ܕܩܼܢܝܢ ܗܘܘܼ ܒܚܕܐ ܫܥܐ. ܐܝܟܢܐ ܕܟܠܢܫ ܚܘܣܪ̈ܢܐ ܘܬܘ̈ܟܐ ܐܬܬܓܪ ܡܢ ܗܕܐ ܐܘܪܚܐ. ܘܐܦ ܗܼܢܘܢ ܩܠܓܪ̈ܐܿ ܒܬܪ ܕܢܦܩ ܥܒܣܼ. ܦܩܼܕ ܠܟܠܗܘܢ ܥܡ̈ܠܐ ܕܬܚܝܬ ܐܝܕܗ: ܘܐܫܬܩܠ ܡܢܗܘܢ ܐܓܪܐ ܗܿܘ ܕܢܣܒܼܘ ܟܕ ܥܿܠܝܢ ܘܡܢ ܚܡܪ̈ܐ܀ ܘܗܟܢܐ ܐܫܬܪܝܘ ܘܢܦܼܩ ܥܒܣ. ܘܢܚܼܬ ܒܐܘܪܚܐ ܗܿܝ ܕܐܬܼܐ ܒܗܿ. ܥܡ ܒܗܬܬܐ ܘܟܘܘܪܐ ܘܚܘܣܪ̈ܢܐ ܣܓܝ̈ܐܐ ܕܠܐ ܣܟܐ. ܚܝ̈ܠܘܬܐ ܕܝܢ ܐܚܪ̈ܢܐ ܢܚܼܬ ܥܠ ܐܡܕ ܘܥܠ ܕܩܠܬ. ܘܐܙܠ ܠܒܝܬ ܦܘܪ̈ܣܝܐ܆ ܟܕ ܚܣܝܪ̈ܝܢ ܘܟ̈ܦܢܝܢ ܘܥܝܝ̈ܦܝܢ. ܟܕ ܘܠܐ ܦܠܓܗܘܢ ܢܦܼܩ. ܝܬܝܪܐܝܬ ܩܢܝܢܗܘܢ ܘܥܼܒ̈ܕܝܗܘܢ ܕܥܪܩܘ ܘܥܼܠܘ ܠܒܝܬ ܪ̈ܗܘܡܝܐ. ܘܐܝܬ ܗܼܘܐ ܠܡܚܙܐ ܐܢܘܢܼ ܕܟܡܐ ܕܪܡܝܢ ܗܘܘ ܘܫܒܗܪܝܢ ܗܘܼܘ ܒܡܥܠܬܗܘܢܼ. ܡܟܝܟܝܢ ܘܫܝܛܝܢ ܒܡܦܩܬܗܘܢܼ

Page 242

ܘܡܪܟܢܝܢ ܪ̈ܝܫܗܘܢ ܘܡܕܘܝܢ܆ ܘܠܐ ܩܢܼܝܢ ܡܕܡ ܣܟ. ܝܘܬܪܢܐ ܗܘܼܐ ܕܝܢ ܪܒܐ ܠܟܠܗܿ ܓܪܒܝܐ ܒܝܕ ܡܣܩܬܐ ܕܝܠܗ ܕܗܢܐ ܚܝܠܐ. ܒܝܕ ܕܫܕܘ ܒܗܿ ܙܘ̈ܙܐ. ܘܝܬܝܪܐܝܬ ܕܐܝܬܝܗܘܢ ܗܘܼܘ ܚܕ̈ܬܐ. ܘܡܢ ܗܫܐ ܟܠ ܡܿܢ ܕܨܿܒܐ ܗܘܐ ܠܡܥܼܒܕ ܙܘ̈ܙܐܼ. ܕܠܐ ܕܚܠܐ ܥܿܒܕ ܗܘܐ. ܘܣܓܘ ܙܘ̈ܙܐ ܚܕ̈ܬܐ ܘܝܬܝܪܐܝܬ ܡܚ̈ܒܠܐ. ܘܐܒܼܕܘܢ ܒܢܝ̈ܢܫܐ ܡܢܗܘܢ. ܐܪܥܐ ܕܝܢ ܟܠܗܿ ܕܓܙܝܪܬܐ ܗܕܝܪܐ ܗܘܬ ܒܟܪ̈ܡܐ ܘܒܚܩ̈ܠܬܐ ܘܒܩܢܝܢܐ ܪܒܐ. ܕܠܝܬ ܗܼܘܐ ܐܦܠܐ ܚܕ ܡܣܟܢܐ ܫܝܛܐ ܒܩܪܝܬܐ ܕܠܐ ܩܢܐ ܗܘܐ ܦܕܢܐܼ ܘܚܡܪ̈ܐ ܘܥ̈ܙܐ. ܘܠܝܬ ܗܘܐ ܕܘܟܬܐ ܕܡܨܝܐ ܗܘܬ ܬܕܒܪ ܩܠܝܠ ܡܢ ܣܿܓܝܿ. ܕܠܐ ܙܪܝܥܐ ܗܘܬ ܐܘ ܟܪܡܐ ܡܬܚܙܝܐ. ܗܟܢܐ ܘܐܦ ܛܘܪܐ ܟܠܗ. ܟܠ ܕܘܟܬܐ ܕܡܨܝܐ ܗܘܬ ܬܥܒܪ ܒܗܿ ܦܕܢܐܼ ܢܨܝܒܐ ܗܘܼܬ ܟܪ̈ܡܐ. ܘܣܓܬ ܥܠܝܗܘܢ ܝܥܢܘܬܐܼ. ܥܕܡܐ ܕܚܛܦܝܢ ܗܘܘ ܡܕܡ ܕܡܢ ܩܕ̈ܡܝܐ ܐܬܝܗܒ ܠܥܕ̈ܬܐ ܘܠܕܝܪ̈ܬܐ. ܘܣܓܐܝܢ ܚ̈ܛܐ ܘܚܡܪܐ. ܡܢ ܣܓܝܐܘܬ ܥ̈ܠܠܬܐܼ ܩܪ̈ܒܐ ܘܚܪ̈ܝܢܐ ܘܡܨܘ̈ܬܐ ܣܓܝ̈ܐܬܐ ܗܘ̈ܝܢ ܡܛܠ ܬܚܘ̈ܡܐ. ܘܥܕܡܐ ܠܩܛܠܐ ܟܡܐ ܙܒܢܝ̈ܢ ܐܿܬܝܢ ܡܛܠ ܬܚܘ̈ܡܐ. ܘܥܕܡܐ ܠܩܛܠܐ ܟܡܐ ܙܒܢܝ̈ܢ ܐܿܬܝܢ ܗܘܘ. ܘܐܦ ܗܢܼܘܢ ܥܡ̈ܠܐ ܕܡܕ̈ܝܢܬܐܼ ܩܡ ܡܢ ܐܝܕܐ ܡܢ ܕܝܢܝ̈ܗܘܢ ܕܥܡ ܚ̈ܕܕܐ. ܐܦ ܪ̈ܥܝܝ ܩܢܝܢܐܼ ܡܠܬ ܡܢܗܘܢ ܐܪܥܐܼ. ܡܢ ܣܓܝܐܘܬܐ ܕܡܪ̈ܥܝܬܗܘܢ. ܗܠܝܢ ܕܟܬܒܢ ܗܫܐ܆ ܥܠ ܕܨܒܝܢܢ ܕܢܘܕܥ ܠܐܝܢܐ ܐܘܠܨܢܐ ܥܠܬ ܐܪܥܐ܆ ܘܥܡܐ ܗܢܐ ܕܫܡܢ ܘܒܥܼܛܘ. ܘܛܥܼܐ ܠܐܠܗܐ ܕܥܒܼܕܗ. ܘܐܦ ܨܿܚܝ ܠܐܠܗܐ ܗܿܘ ܘܝܗܼܒ ܠܗܘܢ. ܘܡܢ ܐܝܕܐ ܪܒܘܬܐ ܘܥܘܬܪܐ ܘܩܢܝܢܐ ܘܦܕ̈ܢܐܼ. ܘܡܪ̈ܐ ܥܒ̈ܕܐ ܘܐܡܗ̈ܬܐܼ. ܠܐܝܕܐ ܫܝܛܘܬܐ ܐܬܼܘ. ܕܓܒܪܐ ܕܐܝܬ ܗܘܐ ܠܗ ܐܠܦܐ ܕܥ̈ܙܐ ܘܐܠܦܐ ܕܥ̈ܢܐܼ ܘܦܕ̈ܢܐ ܘܓܡ̈ܠܐ ܘܪ̈ܟܫܬܐ ܘܥܒ̈ܕܐ ܘܐܡܗ̈ܬܐܼ. ܘܪܟܒ ܗܘܐ ܥܠ ܪ̈ܟܫܐ ܛܝܝ̈ܐܼ.

Page 243

ܘܐܙܠܝܢ ܗܘܘ ܥܼܒ̈ܕܐ ܟܕ ܪܟܝܒܝܢ ܥܠ ܒܓ̈ܠܐ ܘܬܩܠܼ ܒܕܡܘܬ ܚܢܦ̈ܐ ܩܕܡܘܗܝ: ܡܬܚܙܝܢ ܗܠܝܢ ܘܕܐܟܘܬܗܘܢ ܟܕ ܛܥܝܢܝܢ ܒܢܝ̈ܗܘܢ ܥܠ ܟܬܦ̈ܬܗܘܢܼ. ܘܟܦ̈ܝܦܝܢ ܘܫ̈ܠܝܚܝܢ: ܘܟܦܢܝܢ ܘܨܗܝܢ ܘܚܕܪ̈ܝܢ ܡܢ ܬܪܥ ܠܬܪܥܐ ܦܕܬܐ ܕܠܚܡܐ. ܘܐܦ ܡܫܬܕܝܢ ܡܢ ܐܬܪܐ ܠܚܒܪܗܼ ܘܡܢ ܕܘܟܐ ܠܕܘܟܐ. ܘܢܫ̈ܐ ܩܝ̈ܛܘܢܐܼ. ܟܕ ܫܠ̈ܝܚܢ ܘܡܫܩܦ̈ܢ ܘܛܥܝ̈ܢܢ ܠܝܠܘܕ̈ܝܗܝܢ ܒܩܕ̈ܠܝܗܝܢܼ. ܘܡܬܛܪ̈ܦܢ ܡܢ ܐܪܬܐ ܠܐܬܪܐ ܘܡܢ ܡܕܝܢܐ ܠܡܕܝܢܐ. ܚ̈ܛܐ ܕܝܢ ܒܗܕܐ ܫܢܬܐܼ. ܡܢ ܟܕ ܢܚܬ ܚܝܠܐܼ. ܐܙ̈ܠܢ ܗܘ̈ܝ ܥܣܪ̈ܝܢ ܘܚ̈ܡܫܐ ܓܪ̈ܝܒܐ ܒܕܝܢܪܐ. ܘܐܦ ܥܕܡܐ ܠܬܠ̈ܬܝܢ. ܚܡܪܐܼ ܐܪ̈ܒܥܝܢ ܟܝ̈ܠܬܐ ܒܕܝܢܪܐܼ ܘܐܪ̈ܒܥܝܢ ܘܚ̈ܡܫ. ܗܟܘܬ ܘܟܠܡܕܡ ܫܘܘܐ ܗܘܐܼ. ܡܛܠ ܕܒܟܗܝܢܘܬܐ ܪܒܬܐ ܐܝܬܝܗܿ ܗܘܬ ܐܪܥܐ ܒܗܢܐ ܙܒܢܐ. ܘܐܦ ܫܪܝܘ ܬܘܒ ܒܿܢܝܢ ܗܝ̈ܟܠܐ ܘܡܚܕܬܝܢ ܥ̈ܕܬܐ.

ܥܠ ܥ̈ܠܠܬܐ ܘܚܪ̈ܝܢܐ ܘܫܓܘ̈ܫܝܐ ܕܗܘܼܘ ܒܥܕܬܐ ܩܕܝܫܬܐܿ ܘܒܪ̈ܥܘܬܐ ܕܝܠܗܿ ܒܗܕܐ ܫܢܬܐܿ. ܕܫܬ ܐܠܦܐ ܘܫܒ̈ܥܝܢ ܘܬܡ̈ܢܐ. ܘܝܬܝܪܐܝܬ ܒܓܝܘܪܓܝ ܦܛܪܝܪܟܐ ܕܟܘܪܣܝܐ ܫܠܝܚܝܐ ܕܐܢܛܝܟܝܐ. ܟܕ ܕܝܢ ܡܝܬ ܗܘܼܐ ܢܟܦܐ ܝܘܚܢܢ: ܗܿܘ ܕܥܒܼܕ ܐܦܝ̈ܣܩܦܐ ܕܙܝܪܬܐ ܦܛܪܝܪܟܐ: ܡܛܠ ܕܣܕܩܘ ܘܦܪܫ ܡܢ ܓܝܘܪܓܝ ܘܡܢ ܒܢ̈ܝ ܡܥܪܒܐ. ܐܝܟ ܡܐ ܕܡܢ ܠܥܠ ܐܘܕܥܢܢ. ܨܒܘ ܐܦܝܣܩ̈ܦܐ ܢܟ̈ܦܐ ܘܕܚ̈ܠܝ ܡܢ ܐܠܗܐܼ. ܕܢܫܕܘܢ ܠܟܠܗܘܢ ܐܢ̈ܫܐ ܫܓܘ̈ܫܐ ܡܢ ܒܝܢܬܗܘܢ ܘܕܢܗܘܘܢ ܚܕ ܥܡܐܼ. ܘܕܢܫܬܥܒܕܘܢ ܠܚܕ ܪܝܫܐ: ܐܝܟ ܢܡܘܣܐ ܕܣܡ ܘܚܿܬܼܡ ܐܒܗ̈ܬܐ ܩܕܝ̈ܫܐ. ܘܬܘܒ ܕܕܚܠ ܕܠܡܐ ܣܕܩܐ ܡܕܡ ܐܘ ܫܓܘܫܝܐ ܢܗܘܐ ܒܗܝܡܢܘܬܐ ܩܕܝܫܬܐ. ܘܬܘܒ ܕܡܕܝ̈ܢܬܐ ܟܠܗܝܢ ܠܓܝܘܪܓܝ ܢܼܩܝ̈ܦܢ܇ ܘܠܗ ܡܟܪ̈ܙܢ ܗܘ̈ܝܼ ܘܠܗ ܪ̈ܚܡܢ. ܘܨܒܘ ܘܐܬܟܢܫ ܟܠܗܘܢ ܓܙܝܪ̈ܝܐ ܘܟܠܗܘܢ ܒܢ̈ܝ ܡܥܪܒܐ ܒܐܪܥܐ ܕܣܪܘܓ. ܘܐܦ ܗܼܘ ܢܟܦܐ ܓܝܘܪܓܝ

Page 244

ܥܡܗܘܢܼ. ܒܫܢܬ ܐܠܦܐ ܘܫܒܥܝ̈ܢ ܘܫ̈ܬ ܕܐܠܟܣܢܕܪܘܣ. ܘܟܕ ܣܓܝ̈ܐܬܐ ܐܬܡܠܠܘ ܡܢ ܬܪ̈ܝܗܘܢ ܓܒ̈ܐ: ܡܛܠ ܥ̈ܠܠܬܐ ܕܙܛܝ̈ܡܐ ܡܕܡ ܡܕܡ ܕܠܘܬ ܚ̈ܕܕܐ. ܢܟܦܐ ܕܝܢ ܓܝܘܪܓܝ ܦܛܪܝܪܟܐ ܕܪܚܡ ܫܝܢܐ ܛܒ ܡܢ ܣܕܩܐ ܘܦܠܓܘܬܐ܆ ܘܕܠܐ ܒܝ̈ܘܡܬܗ ܢܫܬܚܠܦܘܢ ܛܟ̈ܣܐ ܘܢܡܘ̈ܣܐ: ܐܝܠܝܢ ܕܡܢ ܐܒܗ̈ܬܐ ܚܣ̈ܝܐ ܡ̈ܐܐ ܘܚ̈ܡܫܝܢ܆ ܗܢܿܘܢ ܕܐܬܚܟܢܫܘ ܥܡ ܪܘܚܐ ܩܕܝܫܐ ܒܩܘܣܛܢܝܛܝܢܐ ܦܘܠܝܣ܆ ܕܬܚܿܡ ܘܣܡ ܦܛܪܝܪܟܘܬܐ܆ ܠܢܩܛܪ ܕܩܘܣܛܢܛܢ ܒܬܪ ܗܿܘ ܕܪܘܡܐ: ܠܛܝܡܬܐܘܣ ܕܐܠܟܣܢܕܪܝܐ ܘܕܡܨܪܝܢ ܕܐܓܦܛܘܣ܇ ܙܐܦ ܕܟܠܗܘܢ ܐܬܪ̈ܘܬܐ ܡܥܪ̈ܒܝܐ: ܠܡܠܝܛܣ ܕܐܢܛܝܟܝܐ ܘܕܟܠܗܿ ܡܕܢܚܐ: ܡܢ ܗܿܝ ܕܬܗܘܐ ܦܠܝܛܘܬܐ ܒܝ̈ܘܡܬܗ܆ ܒܟܘܪܣܝܐ ܗܿܘ ܕܐܢܛܝܟܝܐ ܕܚܼܠ܇ ܘܠܟܠܗܘܢ ܥ̈ܠܠܬܐ ܕܐܬܬܒܼܥ ܡܢ ܐܦܝܣܩ̈ܘܦܐ ܓܙܝܪ̈ܝܐ ܩܿܒܼܠ ܘܫܠܡܼ. ܥܕܡܐ ܠܗܿܝ ܕܐܦܝܣܩ̈ܘܦܐ ܐܝܠܝܢ ܕܐܬܥܒܼܕ ܡܢ ܝܘܚܢܢ܆ ܗܿܘ ܕܥܒܼܕ ܦܛܪܝܪܟܐ ܕܡܢ ܕܝܪܐ ܕܩܪܩܦܬܐ܆ ܠܐ ܫܠܼܡ ܠܗܕܐ ܐܦܠܐ ܩܒܠܼ. ܐܠܐ ܘܨܼܒܠ ܕܠܒܪ ܡܢ ܟܠܗ ܬܓܡܐ ܟܗܢܝܐ ܢܣܝܡ ܐܢܘܢ. ܘܥܠ ܗܕܐ ܐܬܪܥܡ ܐܦܝ̈ܣܩܦܐ ܓܙܝܪ̈ܝܐ܇ ܡܛܠ ܕܣܓܝ̈ܐܐ ܡܢܗܘܢ ܡܢ ܥܘܡܪ̈ܐ ܝܕ̈ܝܥܐ ܐܝܬܝܗܘܢ ܗܘܘ. ܘܐܦ ܠܐ ܒܗܕܐ ܗܼܘܐ ܥܨܝܝܐ ܗܼܘ ܢܟܦܐ: ܐܠܐ ܐܡܼܪ ܕܟܗܢܘܬܐ ܬܬܝܗܒܼ. ܘܐܦ ܐܦܝܣܩܦܘܬܐܼ ܠܗܿܘ ܕܨܒܿܐ ܘܐܙܿܠ ܠܐܬܪ̈ܘܬܐ ܬܚ̈ܬܝܐ ܕܣܓܣܛܢ ܘܕܗܪܒ. ܘܐܦ ܗܕܐ ܣܿܓܝ ܫܦܼܪܬ ܠܐܦܝ̈ܣܩܦܐ. ܐܡܼܪ ܓܝܪ ܗܘ ܚܣܝܐܼ. ܕܐܝܟܢܐ ܡܨܝܐܿ. ܐܦܩ ܐܦܝܣܩܘܦܐ ܡܢ ܡܕܝܢܬܗ ܕܛܒ ܡܢܝܿ. ܘܐܦ ܠܐ ܠܝ ܥܒܝܕ: ܘܐܥܠ ܗܠܝܢ. ܟܕ ܒܟܘܠܗܘܢ ܕܘܒܪ̈ܐ ܫܒ̈ܝܚܐ ܕܡܝܬܪܘܬܐܼ ܪܥܝܐ ܠܗ ܡܪܥܝܬܐ ܗܿܝ ܕܐܬܓܥܠܬ ܠܗ: ܘܐܦ ܥܒܝܪ ܠܬܠ̈ܬܝܢ ܫܢ̈ܝܢ ܒܐܦܝܣܩܦܘܐ. ܘܐܦܠܐ ܐܝܬ

Page 245

ܡܕ̈ܝܢܬܐ ܕܒ̈ܥܝܢ ܠܚܕ ܡܢܗܘܢ ܐܘ ܕܡܩ̈ܒܠܢ ܠܗ. ܐܠܐ ܟܠ ܡܿܢ ܕܨܒܿܐ ܒܗܘܢ ܘܕܚܿܠܐ ܠܐܠܗܐܼ. ܢܐܙܠ ܠܐܬܪ̈ܘܬܐ ܬܚ̈ܬܝܐ. ܘܐܝܠܝܢ ܕܩܒܼܠܘ ܦܩܼܕ ܕܢܬܥܕܪܘܢ ܡܢ ܟܠܢܫܼ ܘܢܙܠܘܢ܀ ܒܫܪܪܐ ܐܚ̈ܝܼ. ܕܐܦܠܐ ܐܢ ܨܼܒܐ ܗܼܘ ܢܟܦܐ ܓܝܘܪܓܝ ܕܢܩܒܠ ܐܢܘܢ܇ ܐܝܬ ܗܘܐ ܒܗܘܢ ܕܫܿܘܐ ܗܘܐ ܠܕܪܓܐ ܕܐܦܝܣܩܦܘܬܐ. ܡܛܠ ܕܐܢ̈ܫܐ ܐܝܬܗܘܢ ܗܘܼܘ ܪ̈ܡܐ. ܫܒܗܪ̈ܢܐ. ܫܓܘ̈ܫܐ. ܚܪ̈ܝܢܝܐ. ܨܢܝ̈ܥܐ. ܣܦܝܪ̈ܐ. ܡܡ̈ܠܠܝ ܡܥ̈ܩܡܬܐ. ܕܠܐ ܣܝܡ ܗܼܘܐ ܕܝܢܼܐ ܕܐܠܗܐ ܩܕܡ ܥܝ̈ܢܝܗܘܢ. ܘܥܠܝܗܘܢ ܫܿܠܡܐ ܡܠܬܐ ܫܠܝܚܝܬܐ܆ ܕܐܢܐ ܠܡ ܝܿܕܥ ܐܢܐܼ ܕܡܢ ܒܬܪ ܕܐܙܿܠ ܐܢܐ: ܢܥܼܠܘܢ ܥܡܟܘܢ ܕܐܒ̈ܐ ܬܩܝ̈ܦܐ ܕܠܐ ܚܝܣܝܢ ܥܠ ܡܪܥܝܬܐ. ܘܐܦ ܡܢܟܘܢ ܕܝܠܟܘܢܼ ܢܩܘܡܘܢ ܓܒܪ̈ܐ ܡܡ̈ܠܠܝ ܡܥܩ̈ܡܬܐܼ. ܐܝܟ ܕܢܗܦܟܘܢ ܠܬܠܡܝܕ̈ܐ ܕܢܙܠܘܢ ܒܬܪܗܘܢ. ܘܐܦ ܗܼܘ ܡܪܢ ܐܡܿܪ ܥܠ ܗܠܝܢܼ ܟܕ ܐܦ ܡܣܿܗܕ ܗܘܐ ܠܬܠܡܝܕ̈ܘܗܝܼ. ܕܐܙܕܗܪܘ ܡܢ ܢܒܝ̈ܐ ܕܓ̈ܠܐܼ ܕܐܬܿܝܢ ܠܘܬܟܘܢ ܒܠܒܘ̈ܫܐ ܕܐܡܪ̈ܐܿ. ܡܢ ܠܓܘ ܕܝܢ ܐܝܬܝܗܘܢ ܕ̈ܐܒܐ ܚܛܘ̈ܦܐ. ܡܢ ܦܐܪ̈ܝܗܘܢ ܕܝܢ ܬܕܥܘܢ ܐܢܘܢ. ܠܡܐ ܐܡܿܪ ܠܩܿܛܝܢ ܡܢ ܟܘ̈ܒܐ ܥܢ̈ܒܐܿ. ܐܘ ܡܢ ܩܘܪ̈ܛܒܐ ܬܐܢ̈ܐܼ. ܗܟܢܐ ܟܠ ܐܝܠܢܐ ܛܒܐ ܦܐܪ̈ܐ ܛܒ̈ܐ ܥܿܒܕ. ܐܝܠܢܐ ܕܝܢ ܒܝܫܐ ܦܐܪ̈ܐ ܒܝ̈ܫܐ ܥܿܒܕ. ܠܐ ܡܫܟܚ ܐܝܠܢܐ ܒܝܫܐ ܦܐܪ̈ܐ ܛܒ̈ܐ ܠܡܥܒܕ. ܡܢ ܦܐܪ̈ܝܗܘܢ ܐܡܿܪ ܬܕܥܘܢ ܐܢܘܢ܀ ܒܫܪܪܐ ܕܗܠܝܢ ܐܝ̈ܠܢܐ ܒܝ̈ܫܐ ܗܘܼܘ. ܘܦܐܪ̈ܐ ܡܪ̈ܝܪܐ ܐܛܥܡܘܗܿ ܠܥܕܬܐ ܘܠܥܡܗ ܕܐܠܗܐ. ܘܡܢ ܗܪܟܐ ܡܚܘܐ ܐܢܐ: ܠܐܝܕܐ ܡܫܘܚܬܐ ܪܒܬܐ ܐܬܬ ܐܪܥܐ. ܐܠܐܼ ܠܐ ܐܢܫ ܢܥܕܘܠ ܠܚܣܝܐ ܓܝܘܪܓܝ ܘܐܦܝ̈ܣܩܦܐܿ. ܡܛܠ ܕܕܚܩ ܐܢܘܢ ܡܢ ܥܕܬܐ. ܐܢܐ ܐܚ̈ܝܼ ܡܬܕܡܪܢܐ

Page 246

ܒܢܟܦܐ ܝܘܚܢܢ: ܕܟܕ ܒܝܕ ܥܡ̈ܠܐ ܢܟܦ̈ܐ ܕܕܘܒܪ̈ܐ ܕܕܝܪܝܘܬܐܿ. ܘܢܙܝܪܐ ܐܝܬܘܗܝ ܗܘܐܿ. ܘܡܢ ܟܠܢܫ ܡܫܬܒܚ ܗܘܐ: ܐܝܟܢ ܠܐܢ̈ܫܐ ܕܐܝܟ ܗܠܝܢ ܢܩܿܪܒ ܠܣܿܝܡ ܐܝܼܕܐ ܘܐܦܢ ܕܟܗܢܘܬܐ. ܘܐܦܠܐ ܡܕܝܢܬܐ ܐܝܬ ܗܘܐ ܕܒܥܝܐ ܗܘܬ ܠܗܘܢ. ܐܡܕ ܡܕܝܢܬܐ ܕܐܝܬ ܗܐ ܠܗܿ ܬܪ̈ܝܢ ܐܦ̈ܝܣܩܦܐ ܘܬܠ̈ܬܐ: ܝܬܝܪ ܡܢ ܬܠ̈ܬܐ ܘܐܪ̈ܒܥܐ ܥܒܼܕ ܐܝܟ ܕܠܗܿ. ܟܕ ܛܒ ܡܝܬܪܝܢ ܗܘܘ ܐܦܝ̈ܣܩܦܐ ܕܝܠܿܗ ܡܢ ܗܠܝܢ ܕܥܒܼܕ. ܕܚܕ ܡܢܗܘܢ ܐܝܬܘܗܝ ܡܪܝ ܣܐܘܪܝܐ ܡܢ ܕܝܪܐ ܩܕܝܫܬܐ ܕܙܘܩܢܝܢ. ܓܒܪܐ ܪܒܐ ܘܕܚܿܠ ܠܐܠܗܐ. ܗܢܐ ܡܛܠ ܕܐܬܡܚܠ ܢܘܗܪܗܼ. ܐܫܬܼܐܠ ܡܢ ܡܕܒܪܢܘܬܐ ܕܡܕܝܢܬܐ. ܘܒܕܝܪܗ ܥܡܼܪ ܥܕܡܐ ܠܫܘܠܡܐ ܕܚܝ̈ܘܗܝ. ܘܗܼܘܐ ܒܕܘܟܬܗܼ ܡܪܝܐ ܐܒܝ ܡܢ ܕܝܪܐ ܕܡܪܝ ܚܒܝܒ ܐܪܙܘܢ܆ ܓܒܪܐ ܒܣܝܡܐ ܘܡܝܟܝܐܿ ܘܕܡܨܒܬ ܒܟܘܠܗܘܢ ܫܘܦܪ̈ܐ ܐܠܗ̈ܝܐ. ܘܒܬܠܒܫܡܝ ܐܝܬ ܗܘܼܐ ܣܪܓܘܢܐܼ. ܓܒܪܐ ܐܠܗܝܐ ܡܢ ܕܝܪܐ ܕܡܪܝ ܐܬܢܣ. ܟܠܗܘܢ ܣܒ̈ܐ ܡܝܩܪ̈ܐ ܘܩܕ̈ܝܫܐ. ܘܟܕ ܗܠܝܢ ܐܝܬ ܗܘܐ ܠܗܿ ܠܡܕܝܢܬܐܼ. ܥܼܒܕ ܐܦ ܗܼܘ ܐܚܪ̈ܢܐ. ܕܚܕ ܡܗܘܢܼ ܡܢ ܕܝܪܐ ܕܚܪܒܙ.܀ ܟܬܒܿܬ ܗܠܝܢ ܐܚ̈ܝܼ ܐܝܟ ܡܿܢ ܕܨܿܒܢܐ ܕܐܘܕܥ ܐܝܠܝܢ ܒܝ̈ܫܬܐ ܣܡܼܟ ܥܠܝܢ ܡܢ ܒܬܪܟܢ܆ ܐܠܐܼ ܠܐ ܐܢܫ ܢܥܕܘܠ ܠܡܟܬܒܢܐ: ܥܕܡܐ ܕܚܿܙܐ ܐܦ ܦܐܪ̈ܝܗܘܢ ܕܗܠܝܢ ܐܝ̈ܠܢܐ ܒܝ̈ܫܐ. ܘܚܙܘܗ ܠܡ ܕܓܒܪܐ ܡܚܘܐ ܥ̈ܒܿܕܘܗܝ: ܘܦܣ̈ܥܬܗܼ ܡܣ̈ܗܕܢ ܥܠܘܗܝ. ܘܗܐ ܓܒܪ̈ܐ ܘܥܒ̈ܕܝܗܘܢ ܩܕܡܝܗܘܢ. ܟܕ ܕܝܢ ܗܼܝ ܗܿ ܣܘܢܕܘܣ ܐܫܬܪܝܬܼ. ܘܐܙܠ ܟܠܢܫ ܠܐܬܪܗ. ܘܦ ܢܟܦܐ ܓܝܘܪܓܝ ܢܚܼܬ ܠܥܘܡܪܗ. ܘܐܦ ܗܠܝܢ ܕ̈ܘܝܐ ܐܙܠ ܒܟܘܘܪܐ ܪܒܐ ܥܡ ܒܗܬܬܐ ܪܒܬܐ: ܠܘ ܐܝܟ ܐܢ̈ܫܐ ܕܟܣܝܘ ܨܥܪܗܘܢ ܘܝܬܼܒܘ ܒܥܘܡܪ̈ܝܗܘܢܼ. ܐܠܐܼ ܠܟܠ ܟܐܦ ܡܙܝܥܝܢ ܗܘܼܘ ܘܕܠܚܝܿܢ ܘܫܓܫܿܝܢ ܠܣ̈ܓܝܐܐ.

Page 247

ܘܐܦ ܒܿܥܝܢ ܗܘܘ: ܕܐܝܟܢܐ ܬܗܘܐ ܠܗܘܢ ܢܩܡܬܐܡܢ ܓܝܘܪܓܝ ܘܡܢ ܐܝܠܝܢ ܕܥܡܗ. ܓܝܘܪܓܝ ܒܝܕ ܕܫܩܼܠ ܢܣܝܢܗܿ ܕܨܒܘܬܐ: ܘܐܦ ܕܚܠ ܡܢ ܗܿܝ ܕܩܕܡܬ ܓܕܫܬܼ. ܐܙܼܠ ܠܕܝܪܗ. ܟܕ ܐܦ ܣܡ ܒܪܥܝܢܗܼ ܕܠܐ ܢܥܘܠ ܠܡܕܝܢܬܐ ܐܘ ܠܩܪܝܬܐ ܐܘ ܠܕܝܪܐ: ܐܠܐ ܐܢ ܠܘܩܕܡ ܐܬܘ ܡܪ̈ܝܗܿ ܕܝܠܗܿ ܕܕܘܟܬܐ ܗܿܝ܆ ܘܕܒܿܪܝܢ ܗܘܘ ܠܗ.

ܘܒܗܿ ܒܗܕܐ ܫܢܬܐ ܓܕܫܼ. ܕܐܬܼܘ ܒܢ̈ܝ ܚܪܢ ܘܐܝܬܝܘܗܝܼ. ܡܛܠ ܥܠܬܐ ܡܕܡ ܕܕܠܘܚܝܐ ܕܐܝܬ ܗܘܐ ܒܝܬ ܠܗܘܢ ܘܠܐܦܣܩܦܗܘܢ. ܘܟܕ ܕܝܢ ܫܡܠܝ ܥܠܼܬܐ ܗܿܝ ܕܒܗܿ ܐܬܼܐܼ. ܢܚܼܬ ܐܡܕ̈ܝܐ ܥܡ ܡܪܝ ܐܒܝ ܐܦܝܣܩܦܗܘܢ ܒܬܪܗܼ. ܐܝܟ ܡܿܢ ܕܠܐ ܢܡܼܢ ܠܗ ܕܢܐܬܐ ܘܢܣܥܘܪ ܐܢܘܢ. ܗܼܘ ܕܝܢ ܐܝܟ ܡܿܢ ܕܠܐ ܢܡܼܢ ܠܗ ܕܢܐܬܐ ܘܢܥܣܘܪ ܐܢܘܢ. ܗܼܘ ܕܝܢ ܐܝܟ ܪܥܿܝܐ ܒܣܝܡܿܐܼ. ܩܒܠ ܫܐܠܬܗܘܢܼ ܘܐܦ ܣܠܼܩ ܥܡܗܘܢ. ܘܟܕ ܥܒܪ ܥܠ ܩܪ̈ܝܣ ܘܡܕ̈ܝܢܬܐ ܕܥܠ ܐܘܪܚܗ : ܘܡܢ ܟܠܢܫ ܫܒܝܚܐܝܬ ܐܬܩܒܠܼ. ܘܐܦ ܗܼܢܘܢ ܐܡܕ̈ܝܐ ܢܦܩܼܘ ܘܩܒܼܠܘܗܝܼ ܒܙܘܚܐ ܪܒܐ. ܐܝܟܢ ܕܙܿܕܩ ܠܓܒܪܐ ܕܐܟܘܬܗ. ܘܟܕ ܢܓܪ ܠܗ ܬܡܢ ܝܘ̈ܡܬܐܼ ܐܬܼܘ ܒܢ̈ܝ ܕܝܪܐ ܕܙܘܩܢܝܢ: ܟܠܗܘܢ ܣܒ̈ܐ ܡܝܩܪ̈ܐ ܕܝܠܗ ܕܥܘܡܪܐܿ. ܥܡ ܢܟܦܐ ܡܪܝ ܐܘܬܠ ܝܪܝܫܕܝܪܗܘܢ: ܘܕܝܢܘܣܝܘܣ ܣܥܘܪܗܘܢ: ܗܿܘ ܕܒܬܪܟܝܢ ܐܦ ܐܦܝܣܩܦܐ ܗܘܼܐ ܒܚܪܢ. ܘܕܒܪܘܗܝ ܠܕܝܪܗܘܢ. ܡܛܠ ܕܡܢ ܙܒܢܐ ܣܓܝܐܐ ܪܓܝܓ ܗܘܼܐ ܠܗܿ ܠܗܕܐ ܗܼܘ ܢܟܦܐ ܓܝܘܪܓܝ܇ ܠܡܚܙܝܗ ܠܗܢܐ ܥܘܡܪܐ ܘܢܨܠܐ ܒܗ. ܘܟܕ ܫܡܠܝ ܪܓܬܐ: ܘܐܬܒܣܡ ܒܚܘܒܐ ܕܒܢ̈ܝ ܥܘܡܪܐ ܗܿܘ: ܥܒܼܪ ܠܚܚ܆ ܘܥܼܠ ܠܬܠܐ ܕܟܘܡ܀ ܟܕ ܨܒܿܐ ܕܢܥܒܕ ܡܪܕܝܬܐ ܠܕܝܪܗܼ. ܣܛܢܐ ܗܿ، ܕܡܢ ܫܘܪܝܐ ܣܢܐ ܫܦܝܪ̈ܬܐ ܐܝܬܘ ܗܘܐܼ. ܐܒܥܕ ܠܬܠܡܝܕ̈ܐ ܕܝܠܗ܆

Page 248

ܗܠܝܢ ܕܐܝܬܝܗܘܢ ܡ̈ܐܢܐ ܕܝܠܗ܆ ܕܓܡܝܪܝܢ ܠܐܒܕܢܐ: ܡܛܠ ܕܐܦ ܚܼܙܐ ܕܡܢ ܟܠܢܫ ܐܬܩܒܠ܆ ܘܝܼܕܥ ܕܩܪܝܒ ܕܢܡܠܟ ܫܝܢܐ ܒܥܕܬܐ ܘܢܥܒܪ ܫܓܘܫܝܐ ܘܚܪܝܢܐ ܡܢ ܓܘܗܿ. ܘܢܚܼܬܘ ܐܢ̈ܫܐ ܡܢ ܗܠܝܢ ܕܐܬܥܗܕܢܢ ܡܢ ܠܥܠ ܠܘܬ ܡܿܠܟܐ. ܘܐܦ ܐܡܼܪ ܒܗ ܒܢܟܦܐ ܓܝܘܪܓܝ: ܘܒܟܠܗܘܢ ܐܦܝܣܩ̈ܦܐ ܡ̈ܠܐ ܒܝ̈ܫܬܐ. ܘܐܦ ܐܡܿܪ. ܕܗܼܘ ܐܝܬܘܗܝ ܗܘܐ ܡܿܠܟܐܼ ܘܠܘ ܐܢܬ. ܛܒ ܟܐܢܐܝܬ ܐܡܼܪ ܢܒܝܐ ܥܠ ܗܠܝܢ: ܪܘܪ̈ܒܢܝܟ ܡܪܘܕܝܢ. ܘܫܘ̈ܬܦܐ ܐܢܘܢ ܕܓܢ̈ܒܐ. ܟܠܗܘܢ ܪܚܡܝܢ ܫܘܚܕܐܼ. ܘܡܣܬܪܗܒܝܢ ܠܡܦܪܥ ܚܘ̈ܒܠܐ. ܗܐ ܪܕܘܕܦܢܐ ܕܢܩܼܫ ܥܩܪܗܿ. ܘܚܘܝ ܦܩܚܐܿ. ܘܥܒܼܕ ܦܐܪ̈ܐ ܩܛܘ̈ܠܐ. ܬܘ ܚܙܘ ܠܐܝ̈ܠܢܐ: ܘܡܢ ܦܐܪ̈ܝܗܘܢ ܐܫܬܘܕܥܘ ܐܢܘܢ. ܗܼܘ ܕܝܢ ܡܿܠܟܐܼ ܟܕ ܗܠܝܢܿ ܫܡܼܥ: ܣܠܩ ܪܘܓܙܗ ܐܝܟ ܬܢܢܐ. ܘܢܗܼܡ ܐܝܟ ܐܪܝܐ ܠܬܒܪܐ. ܘܫܕܪ ܐܝ̈ܙܓܕܐ ܩ̈ܠܝܠܐ ܕܢܫܡܝܢ ܢܘܪܐ. ܒܬܪܗ ܘܒܬܪ ܟܠܗܘܢ ܐܦܝܣܩܦ̈ܐ ܓܙܝܪ̈ܝܐ. ܘܟܕ ܥܕܟܝܠ ܒܬܠܐ ܕܟܘܡ ܐܝܬܘܗܝܼ. ܫܩܠܘܗܝ ܡܢ ܬܡܢ ܠܚܪܢܼ. ܟܕ ܐܦܠܐ ܠܕܝܪܗ ܝܗܒܘܢ ܠܗ ܕܢܥܘܠ. ܘܬܡܢܼ ܐܬܟܢܣܘ ܟܠܗܘܢ ܐܦܝ̈ܣܩܦܐ: ܘܡܢ ܬܡܢ ܢܚܼܬܘ ܠܘܬ ܡܿܠܟܐ ܠܒܓܕܕ. ܐܝܟܐ ܕܬܡܘܢ ܥܿܡܪ ܒܗ ܒܗܢܐ ܙܒܢܐ. ܗܼܘ ܕܝܢ ܡܿܠܟܐ ܗܢܐܼ ܠܐ ܡܨܝܐ ܗܘܼܬ ܠܗ܆ ܟܕ ܢܫܼܡܥ ܥܠ ܒܪܢܫ ܕܡܪܝܡ ܐܝܕܗ ܐܘ ܪܓܠܗܿ ܒܟܠܗܿ ܐܪܥܐ ܕܬܚܘܬܘܗܝ. ܠܐ ܐܢ ܦܘܪܣܝܐ ܠܐܘ ܐܢ ܛܝܝܐ ܐܘ ܣܘܪܝܝܐ: ܕܢܫܠܐ ܐܘ ܢܫܟܬ ܥܕܡܐ ܕܡܘܒܕ ܗܘܐ ܠܗ. ܘܗܿܘ ܡܿܢ ܕܐܬܿܐ ܗܘܐ ܨܝܕܘܗܝ: ܐܦ ܡܘܕܥ ܠܗ ܥܠ ܐܢܫ ܕܩܼܢܐܿ ܡܕܡܼ. ܪܚܿܡܐ ܪܒܐ ܠܗ ܚܫܿܒ ܗܘܐ. ܟܕ ܕܝܢ ܡܢܥܘ ܠܘܬܗ ܘܥܠܼܘ ܩܕܡܘܗܝ ܘܚܙܐ ܐܢܘܢܼ. ܢܗܡ ܠܘܩܒܠܗܘܢ ܐܝܟ ܕܒܐ ܕܨܿܒܝܐ ܠܡܬܒܪ. ܘܟܕ ܒܡ̈ܠܐ ܩܫ̈ܝܬܐ ܡܠܠ ܥܡܗܘܢܼ ܫܼܕܐ ܐܢܘܢ ܡܢ ܩܕܡܘܗܝ. ܠܗ ܕܝܢ ܠܢܟܦܐ ܓܝܘܪܓܝܼ.

Page 249

ܐܣܪܗ ܒܝܬ ܐܣܝܪ̈ܐ. ܘܐܪܡܝ ܒܗ ܦܪ̈ܙܠܐ. ܘܟܕ ܢܓܪ ܠܗܘܢ ܝܘ̈ܡܬܐ ܣܓܝ̈ܐܐ ܬܡܢ܆ ܦܩܼܕ ܠܗܘܢܼ. ܕܥܒܼܕ ܠܟܘܢ ܗܿܘ ܡܿܢ ܕܟܝܝܢ ܒܟܘܢ ܪܝܫܐܼ ܘܣܩܼܘ. ܟܕ ܠܡ ܡܬܚܫܚ ܠܘܬܗܘܢ ܒܪ̈ܚܼܡܐ. ܘܨܼܒܘ ܟܠܗܘܢ ܕܢܥܒܕܘܢ ܠܕܘܝܕ ܕܕܪܐ. ܟܕ ܐܡܿܪܝܢܼ ܕܗܠܝܢ ܟܠܗܝܢ ܡܢ ܕܝܠܗ. ܬܘܒ ܕܓܒܪܐ ܐܝܬܘܗܝ ܥܬܝܩܐ. ܘܐܡܿܪܝܢ ܕܐܦܠܐ ܐܢ ܢܗܐ ܐܚܪܢܐ ܢܫܠܼܡ ܠܗ. ܘܐܠܦܐ ܚܿܝܐ ܣܓܝ: ܘܢܦܩ ܗܢܐ ܠܕܘܟܬܗ. ܟܕ ܐܦܠܐ ܡܢܗ ܐܬܟܿܣܝ ܗܠܝܢ. ܘܟܕ ܨܒܿܐ ܘܟܕ ܠܐ ܨܒܿܐ ܗܘܼܐ ܘܐܬܼܐ. ܟܕ ܐܦ ܝܗܼܒ ܠܗ ܡܿܠܟܐ ܣܓܠܝܢ܇ ܕܢܚܒܘܫ ܘܕܢܡܚܐ ܘܕܢܘܒܕ ܠܟܠ ܡܿܢ ܕܡܬܚܙܐ ܘܠܐ ܫܿܠܡ ܠܗ. ܘܓܝܘܪܓܝ ܦܫ ܟܕ ܐܣܝܪ ܒܝܬ ܐܣܝܪ̈ܐ܀ ܗܐ ܡܢ ܗܪܟܐ ܗܘܼܐ ܚܪܝܢܐ ܒܥܕܬܐ ܘܒܥܡܗ ܕܐܠܗܐ: ܘܫܩܼܠ ܨܥܪ̈ܐ ܘܒܙܚ̈ܐ ܥܠ ܕܝܪ̈ܝܐ ܘܥܠ ܐܦܝ̈ܣܩܦܐ: ܥܕܡܐ ܕܠܐ ܡܫܟܚ ܗܘܐ ܚܕ ܡܢܗܘܢ ܢܥܼܒܪ ܒܫܘ̈ܩܐ ܕܡܕܝܢܬܐܿ. ܡܢ ܨܥܪ̈ܐ ܘܒܙܚ̈ܐ. ܟܕ ܐܦ ܩ̈ܛܘܠܐ ܘܐܫܕ̈ܝ ܕܡܐ ܠܗܘܢ ܩܿܪܝܢ ܗܘܘ. ܘܐܦ ܐܬܼܘ ܥܕܡܐ ܕܐܦܠܐ ܡܢ ܩܘܪܒܢܐ ܕܡܬܩܪܒ ܗܘܐ ܕܡܢ ܚܕ ܡܢܗܘܢ ܨܿܒܝܢ ܠܡܫܩܠ. ܟܕ ܐܡܿܪܝܢܼ ܕܫܡܐ ܕܕܘܝܕ ܡܬܕܟܪ ܠ ܟܥܠܘܗܝ. ܗܐ ܙܪ̈ܥܐ ܒܝ̈ܫܐ ܕܙܝ̈ܙܢܐ ܕܙܪܥ ܒܝܫܐ ܒܝܕ ܬܠܡܝ̈ܕܘܗܝ܀ ܟܕ ܕܝܢ ܣܿܠܼܩ ܗܼܘ ܚܣܝܐ ܕܘܝܕ: ܘܐܦ ܐܦܝܣܩ̈ܦܐ ܕܥܡܗ: ܥܠ ܡܘܨܠ ܘܥ ܬܓܪܝܬܼ. ܚܠܦ ܩܘܒܠܐ ܕܦܛܪܝܪܟܐܼ. ܒܨܥܪ̈ܐ ܘܒܒ̈ܙܚܐ ܢܦܿܩܝܢ ܗܘܘ ܠܩܘܒܠܗ. ܘܐܦ ܩܛܘܠܐ ܘܐܫܕ ܕܡܐܼ ܠܗ ܩܿܪܝܢ ܗܘܘ. ܗܼܘ ܕܝܢ ܐܦܠܐ ܒܚܕ ܡܢܗܘܢ ܡܬܬܛܦܝܪ ܗܘܐܼ ܐܦܠܐ ܡܬܪܥܡ ܗܘܐ. ܐܠܐ ܐܦ ܟܕ ܠܐܠܗܐ ܝܗܿܒ ܗܘܐ ܟܠܡܕܡ: ܐܦ ܩܿܪܝܐ ܠܐܠܗܐ ܣܗܕܐ ܥܠ ܐܝܠܝܢ ܕܡܬܥܨܘ ܒܗ̈ܝܢ ܟܕ ܐܡܿܪ: ܕܐܢ ܡܫܬܘܬܦ ܐܢܐ ܒܥܠܬܗ ܕܓܝܘܪܓܝܼ ܢܐܬܐ ܥܠܝ ܡܣܡ ܒܪܝܫܐ ܒܝܫܐ. ܘܟܕ ܥܡ ܡܘ̈ܡܬܐ ܣܓܝ̈ܐܬܐ ܘܚܪ̈ܡܐ܆ ܥܿܒܕ ܗܘܼܐ

Page 250

ܬܘܪ̈ܓܡܐ ܒܥ̈ܕܬܐܼ. ܠܐ ܐܢܫ ܡܗܝܡܢ ܗܘܐ ܠܗ. ܡܛܠ ܕܐܡܿܪܝܢ ܗܘܘܼ. ܕܒܡܠܬܗ ܐܼܙܠ ܗܠܝܢ. ܘܗܟܐ ܠܐ ܐܬܩܒܠ ܐܦܠܐ ܥܠ ܚܕ ܐܢܫ: ܒܝܕ ܥܠܬܐ ܕܚܣܝܐ ܓܝܘܪܓܝ܀ ܘܐܦܠܐ ܗܼܘ ܬܒܼܥ ܠܐܢܫ ܨܥܪܐ ܕܝܠܗ. ܘܠܐ ܐܠܨ ܐܦܠܐ ܠܒܪܢܫ ܕܢܟܪܙܝܘܗܝ. ܐܠܐ ܐܡܼܪ: ܕܗܿܘ ܕܨܒܿܐ ܕܢܟܪܙ ܢܟܪܙ. ܘܗܿܘ ܕܠܐ ܨܒܿܐ ܕܢܟܪܙ ܠܝܬ ܠܝ ܥܡܗ. ܘܒܝܕ ܗܕܐ ܚܘܝ ܕܕܓܠܐܝܬ ܐܬܥܫܼܩ. ܡܛܠ ܕܟܕ ܦܘܩܕܢܐ ܪܒܐ ܐܚܝܕ ܗܘܐ. ܗܼܘ ܠܐܢܫ ܠܐ ܐܠܨ܆ ܟܕ ܐܦ ܒܐܦ̈ܘܗܝ ܫܡܿܥ ܗܘܐ ܨܥܪ̈ܐ ܘܒܙܚ̈ܐ. ܘܐܢ ܓܕܫ ܘܡܫܕܪ ܗܘܐ ܐܦܝܣܩܦܐ ܡܢ ܕܝܠܗ ܠܚܕܐ ܡܢ ܡܕ̈ܝܢܬܐܼ. ܥܕܡܐ ܕܢܦܠܘܢ ܥܠܘܗܝ ܐܬܿܝܢ ܗܘܘ. ܘܐܢ ܓܕܫ ܘܡܿܩܪܒ ܗܘܐ ܩܘܪܒܢܐܼ. ܠܐ ܫܩܠܝܢ ܗܘܼܘ ܡܢܗ: ܐܠܐ ܠܗ ܕܠܩܘܪܒܢܗ ܫܝܿܛܝܢ ܗܘܘ. ܘܐܢ ܓܕܫ ܘܡܬܟܿܝܢ ܗܘܐ ܐܢܫ ܕܚܠ ܠܐܠܗܐ: ܕܡܪܬܐ ܘܐܡܿܪ ܠܗܘܢ: ܕܗܢܐ ܥܒܿܕܐ ܪܘܓܙܐ ܐܬܿܐ ܥܠܝܟܘܢ ܒܥܠܬܗܼ. ܒܿܫܝܢ ܗܘܘ ܠܗ ܡܢ ܗܿܘ. ܘܐܦ ܐܙܠܝܢ ܗܘܘ ܡܢ ܗܝܟܠܐ ܠܗܝܟܠܐ: ܟܕ ܐܡܿܪܝܢܼ ܕܠܐ ܫܩܿܠܝܢ ܚܢܢ ܡܢ ܩܘܪܒܢܗ ܕܦܠܢ. ܡܛܠ ܕܕܘܝܕ ܡܟܪܙ. ܝܬܝܪܐܝܬ ܐܣܟܝܡܐ ܝܩܝܪܐ ܕܕܝܪ̈ܝܐ ܘܐܦܝܣܩܦܐ ܫܝܛ ܗܘܐ ܒܥܝ̈ܢܝܗܘܢ. ܘܐܢ ܓܕܫ ܘܡܬܟܝܢ ܕܝܪܝܪܐ ܕܠܐ ܕܘܝܕ ܚܼܙܐ ܗܘܐ ܠܗ܆ ܘܐܦ ܠܐ ܓܝܘܪܓܝ܇ ܡܒܙܚܝܢ ܗܘܘ ܠܗ܆ ܥܕܡܐ ܕܠܬܪ̈ܝܗܘܢ ܘܐܦ ܠܗܘܢ ܢܚܪܡ ܘܢܠܘܛ. ܠܚܪܬܐ ܐܫܬܐܠ ܐܢ̈ܫܐܼ. ܕܠܐ ܠܗܿܘ ܐܦܠܐ ܠܗܿܘ ܢܟܪܙܘܢ. ܘܗܟܢܐ ܦܫ ܚܪܝܢܐ ܗܢܐ ܥܕܡܐ ܠܡܘܬܗ ܕܝܠܗ ܕܚܣܝܐ ܕܘܝܕ ܒܥܕ̈ܬܐ ܟܕ ܡܚܒܠ. ܗܐ ܡܘܢ ܦܐܪ̈ܐ ܒܝ̈ܫܐ ܥܒܼܕ ܗܠܝܢ ܐܝ̈ܠܢܐ ܒܝ̈ܫܐ܀ ܩܘܐ ܘܫܡܗ ܐܝܢܐ ܪܘܓܙܐ ܐܬܿܐ ܥܠܝܢ ܒܬܪ ܗܠܝܢ. ܕܥ ܐܚ̈ܝ ܐܡܬܝ ܕܡܫܬܓܫܐ ܥܕܬܐ. ܐܦ ܕܘܒܪ̈ܐ ܕܕܘܡܣܝܢ ܡܫܬܓܫܝܢ. ܘܓܕܫ ܕܗܿܝ ܐܫܬܓܫܬܼ ܩܕܡܐܝܬ܆ ܘܒܬܪܟܝܢ ܗܿܝ.

Page 251

ܫܢܬ ܐܠܦܐ ܘܫܒ̈ܥܝܢ ܘܬܫ̈ܥܼ. ܐܬܒܢܝ ܚܣܢܐ ܗܿܘ ܕܐܪܫܡܝܫܛܼ. ܕܥܠ ܐܪܣܝܢܣ ܢܗܪܐ. ܘܟܕ ܒܢܝ̈ܐ ܘܩܠܓܪ̈ܐ ܫܪܝܘ ܒܒܢܝܢܗ: ܘܐܦ ܣܠܼܩ ܐܝܟ ܚܕܐ ܩܘܡܬܐܼ. ܐܬܼܐ ܚܝܠܐ ܪܒܐ ܕܪ̈ܗܘܡܝܐ ܘܢܩܼܫ ܥܠ ܩܕܠܗ ܕܢܗܪܐ ܥܠ ܓܢܒܗ ܕܝܠܗ ܕܚܣܢܐ. ܡܥܒܪ ܕܝܢ ܠܐ ܥܒܪ. ܡܛܠ ܕܝܘܡܐ ܩܕܝܫܐ ܕܚܕܒܫܒܐ ܐܝܬܘܗܝ ܗܘܐ. ܘܐܦܠܐ ܦܩܝܕܝܢ ܗܘܘ ܕܢܩܪܒܘܢܼ ܟܕ ܕܝܢ ܫܪܘ ܘܩܪܒ ܩܘܪܒܢܐܿ ܘܐܦ ܐܟܠ ܠܚܡܐܼ. ܫܒܼܩ ܥܡܐ ܟܠܗ ܕܝܠܗ ܕܚܣܢܐ ܟܠܡܕܡ ܘܥܪܩ. ܘܗܟܢ ܥܒܼܪ ܪ̈ܗܘܡܝܐ ܘܢܣܒ ܟܠܡܕܡ ܘܥܪܩ. ܘܗܟܢܐ ܥܒܼܪ ܪ̈ܗܘܡܝܐ ܘܢܣܒ ܟܠܡܕܡ. ܘܐܦ ܐܘܩܕ ܠܫܪܟܐܿ ܘܠܗ ܠܒܢܝܢܐ ܥܩܼܪ. ܘܢܣܼܒ ܟܠܡܕܡ ܕܐܫܟܚܼ. ܘܐܿܙܠ ܠܐܬܪܗܘܢ. ܘܬܘܒ ܐܬܟܢܫ ܛܝ̈ܝܐ ܘܐܪ̈ܕܝܟܠܐ ܘܩܠܓܪ̈ܐܼ ܘܒܢܝܘܗܝ܀ ܘܫܕܪ ܥܒܣ ܐܝܓܪ̈ܬܐ ܠܟܠܗܝܢ ܡܕ̈ܝܢܬܐܼ. ܕܢܚܬܘܢ ܟܠܗܘܢ ܛܝ̈ܝܐ ܕܓܙܪܝܬܐ ܠܚܪܢ܇ ܪܘܪ̈ܒܐ ܥܡ ܙܥܘܪ̈ܐ. ܘܟܕ ܐܬܟܢܫܘ ܘܢܚܬ: ܘܐܦ ܫܒܩ ܠܙܪܥܗܘܢ ܟܕ ܠܐ ܚܨܝܕ: ܡܛܠ ܕܐܠܝܨܝܢ ܗܘܘ ܡܢ ܥܠܬܐ ܕܙܘ̈ܙܐ: ܫܚܪ ܥܡܐ ܟܠܗ ܘܢܚܼܬܼ. ܪܘܪ̈ܒܐ ܘܙܥܘܪ̈ܐ. ܘܡܕܡ ܠܐ ܐܝܬܪ ܐܠܐ ܚܘܣܪܢܐ. ܡܛܠ ܕܥܛܠܐ ܗܝ ܠܒܝܫܐ ܕܛܒܐ ܢܗܘܐ. ܐܠܐ ܢܓܼܪ ܠܗܘܢ ܬܡܢ ܝܘ̈ܡܬܐ ܣܓܝ̈ܐܐܼ. ܥܕܡܐ ܕܐܦ ܙܪܥܗܘܢ ܐܒܕ ܘܐܬܚܒܠܘ. ܘܟܕ ܟܬܒ ܡܢܗܘܢ ܐܝܟ ܫ̈ܬܐܡܐܐ ܓܒܪ̈ܝܢ ܒܗܠܝܢ ܚ̈ܣܢܐܼ. ܫܼܪܐ ܠܫܪܟܐ: ܟܕ ܛܥܝܢܝܢ ܠܒ̈ܬܝܗܘܢ ܬܓܘܪܬܐ ܕܚܘܣܪܢܐ.܀ ܘܒܗܿ ܒܫܢܬܐܼ. ܡܝܬ ܕܝܢܘܣܝܣ ܐܦܝܣܩܦܐ ܕܚܪܢ. ܘܗܘܼܐ ܚܠܦܘܗܝ ܕܝܢܘܣܝܣ ܐܚܪܢܐ ܡܢ ܕܝܪܐ ܕܙܘܩܢܝܢ. ܘܬܘܒ ܒܗܿ ܒܫܢܬܐܼ. ܡܝܬ ܣܛܦܢܐ ܕܚܒܘܪܐ. ܘܗܘܼܐ ܒܕܘܟܬܗ

ܫܢܬ ܐܠܦܐ ܘܬܡܢܝܢ܆ ܢܦܩ ܙܟܪܝܐ ܐܦܝܣܩܦܐ ܡܢ

Page 252

ܐܘܪܗܝ. ܘܝܢܝ ܡܢ ܬܠܐ. ܗܘܼܐ ܕܝܢ ܚܠܦ ܙܟܪܝܐ ܒܐܘܪܗܝܼ ܐܠܝܐ ܡܢ ܕܝܪܐ ܕܩܪܬܡܝܢ. ܓܒܪܐ ܬܒܝܪ ܠܒܐ ܘܥܢܬܐ. ܘܕܠܝܬ ܗܘܐ ܐܠܗܐ ܒܟ̈ܠܗܝܢ ܬܪ̈ܥܝܬܗ. ܘܠܘ ܥܠ ܕܫܿܘܐ ܗܘܐ ܠܕܪܓܐ ܕܐܦܝܣܩܦܘܬܐ ܗܘܼܐܼ. ܐܠܐ ܡܛܠ ܕܫܿܘܝܢ ܗܘܘ ܠܗ ܐܘܪ̈ܗܝܐ. ܐܠܐ ܠܐ ܐܬܩܒܠ ܘܠܐ ܫܠܼܡ ܠܗ. ܐܠܐ ܕܢܓܕ ܒܬܪܗ ܥ̈ܠܠܬܐ ܕܫ̈ܡܗܐܼ. ܐܝܠܝܢ ܕܠܐ ܐܠܝܨܐ ܕܢܟܬܘܒ ܐܢ̈ܝܢ. ܘܗܟܢܐ ܦܫܬܼ ܐܘܪܗܝ ܕܠܐ ܐܦܝܣܩܦܐ.. ܒܬܠܐ ܗܘܼܐ ܚܠܦ ܝܢܝܼ ܣܒܝܢܐ.܀ ܒܗܢܐ ܙܒܢܐ ܡܬܝܕܥ ܣܪܓܘܢܐ ܕܡܪܕܐ. ܘܕܘܝܕ ܦܛܪܝܪܟܐ. ܡܪܝ ܐܒܝ ܕܐܡܕ. ܩܘܣܛܢܛܝܢܐ ܕܫܡܝܫܛ. ܦܘܠܘܣ ܕܬܓܪܝܬ܀ ܫܘܝܬܐ ܪܒܬܐ ܕܟܠܡܕܡ ܐܝܬ ܗܘܐ: ܚ̈ܛܐ ܬܠ̈ܬܝܢ ܩܦ̈ܝܙܐܼ. ܚܡܪܐ ܐܪ̈ܒܥܝܢ ܣ̈ܦܕܐ ܒܙܘܙܐ. ܡܫܚܐ ܬܡ̈ܢܐ ܠܝܛܪ̈ܐ. ܐܪܥܐ ܗܕܝܪܐ ܗܘܬ ܒܟܪ̈ܡܐ ܘܒܚ̈ܩܠܬܐ. ܩܢܝܢܐ ܐܝܬ ܗܘܐ ܐܝܟ ܚܿܠܐ܀ ܥܠ ܣܩ̈ܛܐ ܐܬܼܐ ܙܝܕ. ܘܦܠܓܘܢ ܠܗ ܙܘܙܐ ܠܕܝܢܪܐ. ܘܫܩܼܠ ܘܐܙܠ ܘܠܐ ܐܚܣܪ ܡܕܡ ܠܒܪ ܡܢ ܗܠܝܢ܀܀ ܬܘܒ ܒܗܿ ܒܫܢܬܐܼ. ܢܚܼܬ ܟܐܦ̈ܐ ܡܢ ܫܡܝܐ. ܟܐܦ̈ܐ ܐܘܟ̈ܡܬܐ. ܘܐܬܚܙܝ ܘܠܒܟ ܐܢ̈ܝܢ ܣܓܝ̈ܐܐ. ܘܐܦ ܩܝ̈ܡܢ ܥܕܡܐ ܠܝܘܡܢܐ. ܠܐ ܐܢ ܒܥܢܢܐ ܣܠܝܩ ܗܘܐ ܠܗ̈ܝܢ܆ ܘܠܐ ܐܢ ܡܢ ܐܝܟܐ ܕܗܼܘ ܐܬ̈ܝܢ: ܐܠܗܐ ܒܠܚܘܕ ܒܠܝܩ. ܐܠܐ ܘܬܘܒ ܐܪܥܐ ܗܷܿܝ ܕܢܚܼܬ ܒܗܼܿ. ܠܝܬ ܗܘܐ ܒܗܿ ܣܟ ܟܐܦܐ ܐܘܟܡܐ. ܐܠܐ ܐܫܪ ܩܪܘܝܐܼ ܕܟܠ ܕܨܒܿܐ ܡܪܝܐ ܥܒܿܕ ܒܫܡܝܐ ܘܒܐܪܥܐ.

ܫܢܬ ܐܠܦܐ ܘܬܡܢ̈ܝܢ ܘܚܕܐܼ. ܗܘܼܐ ܥܡܠܐ ܥܠ ܡܘܨܠ: ܓܒܪܐ ܒܝܫܐ ܘܡܪܝܪܐ. ܫܡܗ ܕܝܢ ܐܝܬܘܗܝ ܡܘܣܐ ܒܪ ܡܘܨܥܒ. ܥܠ ܗܢܐ ܐܬܢܒܝ ܢܒܝܐ ܟܕ ܐܡܿܪ: ܕܐܚܪܒ ܐܪܥܐ ܒܡܠܝܗܿ. ܘܐܨܕܝ ܬܐܝܒܝܠ ܐܝܟ ܡܕܒܪܐ. ܠܐ ܒܡ̈ܠܟܐ ܚܢ̈ܦܐܼ. ܐܦ ܠܐ ܒܡܓܘ̈ܫܐ ܐܘ ܒܡܢܝ̈ܢܝܐܼ. ܐܫܟܚ ܠܗ ܗܢܐ ܚܒܪܐ. ܐܥܠܗܿ

Page 253

ܠܐܪܥܐ ܠܐܘܠܨܢܐ ܪܒܐ: ܕܡܢ ܟܕ ܐܬܒܪܝ ܥܠܡܐ ܘܠܝܘܡܢܐ ܠܐ ܚܙܬ ܐܘܠܨܢܐ ܐܝܟ ܕܚܙܬ ܡܢ ܗܢܐ. ܐܢ ܐܢܫ ܨܿܒܐ ܕܢܫܡܗ ܠܗܢܐ ܐܢܛܝܟܪܣܛܘܣ ܘܠܥܡ̈ܠܘܗܝ ܐܝܙ̈ܓܕܐ ܕܒܪ ܐܒܕܢܐܼ. ܠܐ ܡܘܒܕ. ܐܠܐ ܘܒܫܡܗ ܡܫܡܗ ܠܗ. ܡܠܟܐ ܠܡ ܥܿܘܠܐܼ. ܟܠܗܘܢ ܦܠ̈ܚܘܗܝ ܥܘ̈ܠܐ ܐܢܘܢ܀ ܐܝܟܢܐ ܕܡܢ ܠܥܠ ܐܡܼܪܢܢ: ܕܐܝܟܢ ܐܬܫܝܛ ܐܣܟܝܡܐ ܝܩܝܪܐ ܕܕܝܪܝܘܬܐܼ. ܘܡܬܒܙܚܝܢ ܗܘܘ ܐܦܝܣܩ̈ܦܐ ܘܕܝܪ̈ܝܐܿ. ܘܣܥܼܘ ܐܦ ܥܠ ܩܘܪܒܢܐܿ. ܥܕܡܐܕܙܝܥܝܢ ܗܘܼܘ ܕܢܥܠܘܢ ܕܝܪ̈ܝܐ ܠܫܘܩܐ ܡܢ ܨܘܚ̈ܝܬܐܿ. ܘܝܬܝܪܐܝܬ ܡܢ ܥܡܐ ܬܓܪܝܬܢܝܐ ܘܐܪܣܝܕܘܝܐ ܘܡܘܨܠܝܐ. ܘܠܘܩܕܡ ܒܗܘܢ ܬܩܼܦ ܪܘܓܙܐ ܗܢܐ. ܘܐܦ ܢܦܼܩ ܒܬܪܗܘܢ ܕܢܒܥܪ ܐܢܘܢ ܒܐܬܪ̈ܘܬܐ ܪ̈ܚܝܩܐ. ܠܐ ܗܘܼܐ ܠܗ ܠܗܢܐ ܡܿܠܟܐܿ. ܓܒܪܐ ܐܝܟ ܠܒܗ ܠܒܪ ܡܢ ܗܢܐ. ܠܗܠ ܟܬܝܒܼ ܕܐܫܟܿܚܬ ܠܐܝܫܝ ܒܪܐ ܐܝܟ ܠܒܝ. ܥܒܠܕܗ ܒܪ ܡܚܡܕ ܐܫܟܚ ܠܡܘܣܐ ܓܒܪܐ ܐܝܟ ܠܒܗ: ܘܢܗܠܟ ܩܕܡܘܗܝ ܥܘܿܠ ܟܠܗܘܢ ܝܘܡ̈ܬܐ. ܟܕ ܕܝܢ ܗܘܼܐ ܪܝܫܐ ܥܠ ܡܘܨܠ܆ ܢܗܡ ܐܝܟ ܐܪܝܐ ܠܬܒܪܐ. ܟܕ ܐܡܿܪ: ܕܐܪܕܘܦ ܒܥܠܕܒ̈ܒܝ ܘܐܕܪܟ ܐܢܘܢ. ܘܠܐ ܐܗܦܘܟ ܥܕܡܐ ܕܐܓܡܪ ܐܢܘܢ. ܐܡܚܐ ܐܢܘܢ ܘܠܐ ܢܫܟܚܘܢ ܠܡܩܡ. ܢܦܠܘܢ ܬܚܝܬ ܪ̈ܓܠܝ. ܢܓܥܘܢ ܘܠܐ ܢܗܘܐ ܠܗܘܢ ܦܪܘܩܐ. ܢܒܥܘܢ ܡܢ ܡܪܝܐܼ ܘܠܐ ܢܥܢܐ ܐܢܘܢ. ܐܫܚܘܩ ܐܢܘܢܼ ܐܝܟ ܥܦܪܐ ܥܠ ܐܦ̈ܝ ܪܘܚܐ. ܘܐܝܟ ܣܝܢܐ ܕܫܘ̈ܩܐܼ ܐܕܘܫ ܐܢܘܢ.. ܪܕܦܗܿ ܠܐܪܥܐ. ܓܿܡܪ ܠܒܢܝ̈ܢܫܐ ܕܥܠ ܐܦ̈ܝ ܬܐܒܝܠ. ܡܚܼܐ ܐܢܘܢ ܘܠܐ ܐܫܟܚ ܠܡܩܡ ܩܕܡܘܗܝ. ܢܦܼܠ ܬܚܝܬ ܪ̈ܓܠܘܗܝܼ: ܘܕܫ ܐܢܘܢ ܒܣܝܢܐ ܕܫܘ̈ܩܐ ܕܡܕܝ̈ܢܬܐ. ܥܒܼܕ ܐܢܘܢ ܐܝܟ ܥܘܪܐ ܩܕܡ ܟܘܟܝܬܐ. ܟܕ ܥܪܩܝܢ ܡܢ ܐܬܪܐ ܠܐܬܪܐ. ܓܥܘ ܠܘܬ ܡܪܝܐܼ ܘܠܐ ܦܪܩ ܐܢܘܢ ܡܢ ܐܝܕ̈ܘܗܝ: ܘܡܢ ܐܘ̈ܠܨܢܗܘܢ ܠܐ ܦܪܩ ܐܢܘܢ. ܓܼܙ ܥܝ̈ܢܝܗܘܢܼ ܟܕ ܡܣܟܝܢ ܠܡܦܨܝܢܐ. ܒܼܥܐܼ ܕܝܢ ܡܢ ܡܿܠܟܐܼ ܕܢܬܠ ܠܗ ܕܢܫܕܪ ܢܝܬܐ ܥܡܐ

Page 254

ܥܪܝܩܝ ܕܡܘܨܠ ܡܢ ܟܠܗܘܢ ܐܬܪ̈ܘܬܐ. ܐܝܟ ܠܡ ܒܿܥܐ ܕܢܫܿܝܢ ܐܪܥܐ. ܘܟܬܼܒ ܠܟܘܠܗܿ ܐܪܥܐܼ ܕܠܐ ܢܗܘܐ ܒܪܢܫܐ ܕܩܐܡ ܩܘܕܡܘܗܝܼ ܐܘ ܩܕܡ ܥܡܠܐ ܡܢ ܕܝܠܗ. ܘܫܕܪ ܠܟܠ ܬܠ̈ܬ ܡܢ ܡܕ̈ܝܢܬܐ ܕܓܙܝܪܬܐ ܓܒܪܐ ܚܕ. ܟܕ ܐܝܬ ܥܡܗ ܥܡܐ ܣܓܝܐܐ. ܐܬܐ ܕܝܢ ܥܠ ܐܡܕ ܘܥܠ ܐܪܙܘܢ ܘܥܠ  ܡܝܦܪܩܛܐܼ. ܓܒܪܐ ܒܝܫܐܼ. ܐܝܟ ܡܫܕܪܢܗ. ܕܫܡܗ ܐܕܡ ܒܪ ܝܙܝܕ. ܓܒܪܐ ܝܥܢܐ ܘܕܠܝܬ ܗܘܐ ܐܠܗܐ ܩܕܡ ܥܝ̈ܢܘܗܝ܀ ܥܡܐ ܕܝܢ ܗܢܐ ܕܡܘ̈ܨܠܝܐ ܕܥܡܿܪ ܗܘܐ ܒܐܪܥܐ ܗܕܐ ܕܓܙܝܪܬܐܼ ܥܬܝܪ ܗܘܐ ܒܗܢܐ ܙܒܢܐ ܛܒ ܛܒ. ܐܝܟܢܐ ܕܟܠܗ ܦܘܠܚܢܐ ܕܥܡܐ ܓܙܝܪܝܐܼ. ܗܢܼܘܢ ܐܟܿܠܝܢ ܗܘܘ ܠܗ ܒܝܕ ܦܘܪ̈ܩܐ ܘܪ̈ܒܝܢܬܐ. ܘܟܕ ܡܪܝܐ ܐܡܼܪ ܕܠܐ ܬܪܒܐ ܥܠ ܐܚܘܟ: ܘܟܣܦܟ ܒܪܒܝܬܐ ܠܐ ܬܬܼܠ: ܗܼܢܘܢ ܒܕܠܩܘܒܠܐ ܕܗܠܝܢ ܣܥܼܪܘ܆ ܘܪܒܝܘ ܘܝܗܼܒ ܒܦܘܪ̈ܩܐ ܘܒܩ̈ܨܨܐ. ܘܗܘܼܘ ܡܪ̈ܝ ܥܼܒ̈ܕܐ ܘܐܡܗ̈ܬܐ. ܘܩܢܘ ܡܪ̈ܛܐ ܘܟܪ̈ܡܐ ܘܐܪ̈ܥܬܐ܆ ܥܕܡܐ ܕܥܕ ܩܠܝܠ ܩܪܝܒܝܢ ܗܘܘ ܕܪܬܘܢ ܠܟܠܗܿ ܐܪܥ ܕܠܫܢܐ ܗܢܐ ܕܒܢ̈ܝ ܐܪܡ. ܘܩܪܝܒܐ ܗܘܼܬ ܐܦ ܕܬܗܐܘ ܟܠܗܿ ܓܙܝܪܬܐ ܕܢܪ̈ܣܝܒܕܝܐ. ܘܐܦ ܒܫܘ̈ܩܐ ܐܝܬܒܘ ܐܝܟ ܦ̈ܩܘܕܐ ܘܡܪ̈ܝ ܐܪܥܐ. ܘܐܦ ܐܚܕܝܢ ܗܘܘ ܐܝܟ ܪ̈ܝܫܢܐ ܠܥܕ̈ܬܐ. ܘܗܼܢܘܢ ܡܦܪܢܣܝܢ ܗܼܘܘ ܠܗ̈ܝܢ ܠܡ. ܘܠܐ ܐܬܕܟܪ ܕܓܝܘܪ̈ܐ ܘܐܟܣܢܝ̈ܐ ܘܬܘ̈ܬܒܐ ܐܢܘܢ ܒܐܪܥܐ ܗܕܐ. ܘܐܢ ܐܪܥܗܘܢ ܐܚܪܒܘ ܕܚܒܪ̈ܝܗܘܢ ܐܝܟܢܐ ܡܥܡܪܝܢ. ܫܠܡܬ ܥܠܝܗܘܢ ܡܠܬܐ ܢܒܝܝܬܐ: ܠܐ ܬܚܣܡ ܒܪ̈ܫܝܥܐܼ ܘܠܐ ܬܛܢ ܒܥܒ̈ܕܝ ܥܘܼܠܐ. ܡܛܠ ܕܐܝܟ ܓܗܠܐ ܒܥܓܠ ܝܒܫܝܢ܆ ܘܐܝܟ ܝܘܪܒܩܐ ܕܥܣܒܐ ܚܡܿܝܢ܆ ܕܒܨܦܪܐ ܝܥܿܐ ܘܡܚܠܦܼ ܘܒܪܡܫܐ ܚܿܡܐ ܐܦ ܝܒܿܫ. ܒܫܪܪܐ ܕܠܒܪ ܡܢ ܡܫܘܚܬܐ ܫܒܗܪܢܝܢ ܗܘܼܘ ܘܪܡܿܝܢ. ܒܝܬܐ ܠܡ ܕܫܒܗܪ̈ܢܐ ܥܿܩܪ ܡܪܝܐ. ܐܬܡܟܟ. ܐܬܥܩܪ. ܐܒܕ.

Page 255

ܗܘܼܘ ܐܝܟ ܗܒܒܐ ܩܕܡ ܫܡܫܐ܀ ܟܕ ܕܝܢ ܐܬܼܐ ܗܢܐ ܕܡܢ ܠܥܠ ܐܬܥܗܕܢܢ: ܘܥܼܠ ܘܠܒܟܢܝ̈ܢܢ ܠܡܕܝ̈ܢܬܐ ܗܠܝܢ܆ ܟܠܗܘܢ ܥܪܩ ܡܢ ܩܕܡܘܗܝ. ܡܛܠ ܕܟܠܗܘܢ ܚܢܘ̈ܝ ܘܒ̈ܙܙܐ ܐܝܬܝܗܘܢ ܗܘܘ. ܩܢܝܢܐ ܠܘ ܣܓܝ ܩܢܝܢ ܗܘܼܘ. ܛܫܝܘ ܥܒܿܕܗܘܢ܆ ܘܛܥܼܢܘ ܒܢܝ̈ܗܘܢ ܥܠ ܟܬܦ̈ܬܗܘܢ܆ ܘܥܪܩܘ. ܘܐܝܬ ܗܘܼܐ ܠܡܒܟܐ ܥܠܝܗܘܢܼ. ܟܕ ܡܫܩܦܝܢ ܗܘܘ ܒܝܢܬ ܛܘܪ̈ܐ: ܘܫܠܝܚ̈ܝܢ ܘܟܦ̈ܢܝܢ ܘܥܝܦ̈ܝܢ ܗܘܘܐܝܟ ܓܠܐ ܩܕܡ ܥܠܥܠܐ. ܐܚܪ̈ܢܐ ܥܠܼܘ ܬܐܘܢ ܒܓܘ ܬܐܘܢܼ. ܘܐܝܟ ܡܝ̈ܬܐ ܐܬܚܒܫܘ ܒܒ̈ܬܐ ܓܘ̈ܝܐ ܘܚܫܘ̈ܟܐ. ܘܪܗܠܘ ܘܐܫܬܩܠ ܓܘܢܗܘܢ ܡܢ ܕܒܢܝ̈ܢܫܐ: ܘܗܘܼܘ ܐܝܟ ܓܘܢܐ ܕܡܝ̈ܬܐ ܕܒܓܘ ܩܒܪ̈ܐ. ܩܝܛܐ ܗܘܐܼ. ܘܥܠ ܗܿܝ ܐܬܩܫܝ ܥܠܝܗܘܢ ܣܓܝ. ܗܠܝܢ ܕܥܼܪܩ ܡܝܼܬ ܗܢܘܢ ܘܒܢܝ̈ܗܘܢ ܡܢ ܟܦܢܐ. ܒܛܘܪ̈ܐ ܘܒܡܥܪ̈ܐ. ܟܕ ܛܥܿܝܢ ܡܢ ܛܘܪܐ ܠܚܒܪܗ. ܘܗܠܝܢ ܕܛܫܘ ܒܒ̈ܬܐ ܛܠܼܩ ܡܢ ܐܫܬܐ. ܐܦ ܡܢ ܕܚܠܐ ܘܡܢ ܟܐܝܪܘܬܐ ܘܡܢ ܚܡܝܡܘܬܐ. ܘܐܦ ܐܝܠܝܢ ܕܛܫܝܢ ܗܘܘ ܨܝܕܝܗܘܢ ܝܬܝܪ ܡܢܗܘܢ ܕܚܠܝܢ ܗܘܼܘ. ܡܛܠ ܕܟܠ ܐܝܟܐ ܕܡܫܬܟܚ ܗܘܼܐ ܐܚܕ ܡܢܗܘܢ: ܐܘ̈ܠܨܢܐ ܪܘܪ̈ܒܐ ܠܗܘܢ ܡܣܒܠܝܢ ܗܘܘܼ. ܘܐܦ ܠܒܝܬܐ ܕܡܫܬܟܚ ܒܗ. ܟܕ ܐܦ ܩܪܐ ܟܪܘܙܐ: ܕܟܠ ܕܡܛܫܐ ܓܒܪܐ ܡܘܨܠܝܐܼ. ܢܙܕܒܢ ܟܠ ܕܩܿܢܐ܆ ܘܢܓܪܡ ܙܦܠܢ. ܘܡܢ ܗܕܐ ܕܚܠܘܢ ܒܢܝ̈ܢܫܐ. ܘܟܠ ܕܐܝܬ ܐܦܼܩ ܠܡܿܢ ܕܐܝܬ ܗܘܼܐ ܨܐܝܕܘܗܝ. ܘܬܘܒ ܐܡܼܪ: ܕܗܿܘ ܕܨܕ ܓܒܪܐ ܢܣܒ ܫܘܥܠܗ ܐܪ̈ܒܥܝܢ ܙܘ̈ܙܐ. ܘܟܕ ܗܕܐ ܫܡܼܥ ܥܡܐ ܚܪܒܐ ܘܕܠܐ ܐܠܗܐ ܕܓܪ̈ܝܥܐ ܕܛܝ̈ܝܐ ܪ̈ܘܝܐܼ. ܗܘܬܼ ܠܗܘܢ ܬܓܘܪܬܐܼ ܘܪܗܿܝܢ ܗܘܘ ܐܝܟ ܕܡܬܛܦܫ ܗܘܐ ܚܕ ܡܢܗܘܢ. ܘܐܦܢ ܒܠܠܝܐ ܢܦܘܩ ܚܕ ܡܢܗܘܢ ܨܝܿܕܝܢ ܗܘܘ ܠܗ ܘܕܠܐ ܒܪ̈ܚܡܐ ܬܒܿܥܝܢ ܗܘܘ ܠܗ܆ ܟܕ

Page 256

ܐܡܪܝܢ: ܕܐܘ ܗܒ ܠܢܼ ܐܘ ܡܘܒܠܝܢܢ ܠܟ܆ ܘܫܩܿܠܝܢܢ ܫܘܥܠܐ ܐܪ̈ܒܥܝܢ ܙܘ̈ܙܐ. ܘܟܕ ܒܿܥܐ ܗܘܐ ܘܟܕ ܠܐ ܒܥܿܐ ܗܘܐܼ. ܫܩܿܠܝܢ ܗܘܘ ܡܢܗ. ܘܗܝܕܝܢ ܡܫܕܪܝܢ ܗܘܘ ܠܗ. ܘܓܕܫ ܕܐܦ ܒܐܼܝܕ̈ܝ ܐܚܪ̈ܢܐ ܕܒܝ̈ܫܝܢ ܡܢ ܩܕܡܝ̈ܐ ܢܿܦܠ ܗܘܐ. ܘܡܛܠ ܕܓܒܪܐ ܗܘܼܐ ܗܢܐ ܡܕܪܡܐ ܘܨܢܝܥܐܼ. ܐܦܠܐ ܐܝܟܐ ܕܐܝܬ ܗܘܼܐ ܠܗ ܠܐܢܫ ܡܢܗܘܢ ܡܕܡܼ ܐܬܛܫܝ ܡܢܗ. ܐܠܐ ܐܝܟ ܗܿܘ ܕܗܼܘ ܥܒܿܕܐ ܩܿܪܐ ܗܿܘܐ ܠܗܼ. ܕܗܪܟܐ ܐܝܬܝ ܘܕܦܠܢ ܐܢܐ. ܘܐܝܟ ܗܿܘ ܕܠܗ ܡܛܫܝ ܗܘܐ ܘܣܝܡ. ܗܟܢܐ ܩܠܝܠܐܝܬ ܥܠ ܟܠܡܕܡ ܩܐܡ ܗܘܐ. ܘܟܠ ܡܬܓܠܐ ܗܘܐ ܠܗ. ܐܝܟ ܡܐ ܕܥܠ ܒܪ ܐܒܕܢܐ ܟܬܝܒ. ܘܐܢ̈ܫܐ ܐܝܠܝܢ ܕܢܣܒ ܢܫ̈ܐ ܘܐܘܠܕ ܒܢܝ̈ܐ ܣܘܪ̈ܝܝܐ ܘܐܬܚܠܛ ܒܣܘܪ̈ܝܝܐ: ܘܐܦܠܐ ܐܝܕܝܥܝܢ ܗܘܼܘ ܡܢ ܐܪ̈ܡܝܐܼ. ܗܼܘ ܕܝܢ ܩܠܝܠܐܝܬ ܥܠܝܗܘܢ ܩܐܡ ܗܘܐ. ܘܠܒܟ ܠܪ̈ܝܫܢܐ ܕܩܪܝܬܐ ܗܿܝ ܕܒܗܿ ܥܿܡܪܝܢ ܗܘܘ. ܘܡܚ̈ܘܬܐ ܪܘܪ̈ܒܬܐ ܥܠ ܦܓܪ̈ܝܗܘܢ ܡܿܚܬ ܗܘܐܼ. ܥܕܡܐ ܕܡܩܪܒܝܢ ܗܘܘ ܥܪ̈ܒܐ ܕܡܝܬܝܢ ܠܗ. ܘܟܕ ܗܟܢܐ ܨܕ ܐܢܘܢ ܟܠܗܘܢ܆ ܘܥܿܪܒ ܐܢܘܢ ܚܕ ܒܚܕ܇ ܐܦ ܙܒܼܿܢ ܥܒܿܕܗܘܢ ܟܠܡܐ ܕܩܢܝܢ ܗܘܘ܆ ܘܫܩܠܗ ܐܝܟ ܕܝܠܗ. ܘܗܟܢܐ ܣܪܩ ܐܢܘܢ ܟܠܗܘܢ ܐܝܟ ܨܒܥܐ. ܘܕܒܪ ܐܢܘܢ ܘܐܘܒܠ ܐܢܘܢ ܠܐܬܪܗܘܢ. ܟܕ ܚܒܼܫ ܐܢܘܢ ܬܡܢ. ܘܫܠܼܛ ܒܗܘܢ ܟܦܢܐ ܘܟܘܪ̈ܗܢܐ ܡܫܚ̈ܠܦܐ ܘܡܘܘܬܢܐ܇ ܘܐܠܐ ܐܢ ܕܠ̈ܝܠܐ ܡܢܗܘܢ ܠܐ ܦܫܼ ܒܚܝ̈ܐ. ܥܬܝܪ̈ܢܐ ܘܪܘܪ̈ܒܢܐ ܕܒܗܘܢܼ ܙܒܼܿܢ ܟܠܡܕܡ ܕܩܢܼܝܢ ܗܘܘ ܘܝܗܒܘ ܠܗ܇ ܘܦܼܫ ܡܫ̈ܠܚܐܼ. ܟܕ ܐܦ ܠܐ ܡܕܡ ܦܼܫ ܠܚܕ ܡܢܗܘܢ܀ ܗܢܐ ܕܝܢ ܥܘܿܠܐܼ. ܡܛܠ ܕܒܡܘ̈ܡܬܐ ܡܩܒܠ ܗܘܐ ܠܗ: ܕܠܐ ܢܣܒ ܡܢ ܚܕ ܡܢܗܘܢ ܙܘܙܐ ܐܘ ܦܘܠܣܐ܆ ܬܒܿܥ ܗܘܼܐ ܕܝܢܪ̈ܐ. ܕܕܗܒܐ. ܟܕ ܐܦ ܡܙܒܢ ܗܘܐ ܚܕ ܡܢܗܘܢ ܟܠܡܕܡ ܕܩܢܐ ܗܘܐܼ. ܘܠܡܚܼܣܢ ܡܩܝܡ ܗܘܐ ܗܿܘ ܡܘܢ ܕܬܒܿܥ ܠܗ.

Page 257

ܥܠ ܐܬܿܐ ܕܒܕܡܘܬܐ ܕܡܟܢܝܫܬܐܿ. ܕܐܬܚܙܝܬ ܒܫܡܝܐ܀ ܒܫܢܬ ܐܠܦܐ ܘܬܡܢ̈ܝܢ܆ ܒܐܝܪܚ ܐܝܪ ܐܬܚܙܝܬ ܒܕܡܘܬ ܕܡܟܢܝܫܬܐܼ ܒܓܪܒܝ ܡܕܢܚ. ܟܕ ܡܬܚܙܝܐ ܒܗܿ ܒܓܘܢܝܐ ܗܕܐ. ܟܕ ܣܿܠܩܐ ܘܚܫܘܟܐ. ܐܝܟ ܗܿܘ ܕܚܠܐ ܡܕܡ ܕܒܝܬܐ ܟܿܢܫܐ ܗܘܬ. ܥܡ ܨܦܪܐ ܕܝܢ ܡܬܚܙܝܐ ܕܡܪܟܢܐ ܨܘܨܝܬܗܿ ܠܐܦ̈ܝ ܐܪܥܐ. ܟܕ ܪܕܝܐ ܗܘܬ ܩܠܝܠ ܩܠܝܠ ܠܩܕܡܝܗܿ܆ ܥܕܡܐ ܕܥܠܬܼ ܒܣܪܢܐ ܗܿܘ ܕܓܝܓܠܐ ܗܿܝ ܕܒܫܡܝܐ. ܘܒܗܿ ܐܬܒܠܥܬܼ ܘܐܒܕܬܼ. ܕܡܘܬܗܿ ܕܝܢ ܗܕܐ ܐܝܬܝܗܿ ܗܕܐ ܕܡܢ ܠܥܠ ܪܝܫܡܐ. ܛܒܐܝܬ ܘܐܦ ܙܕܩܐܝܬ ܐܬܩܪܝܬ ܡܟܢܝܫܬܐ. ܡܛܠ ܕܐܝܟܢܐ ܕܥܐܠ ܓܪܘܦܐ ܐܦ ܡܟܢܝܫܬܐ ܠܒܝܬܐ ܘܓܪܦܝܢ ܘܟܢܫܝܢ ܠܗܼ. ܗܟܢܐ ܐܦ ܗܕܐ ܟܢܫܬܗ ܠܥܠܡܐ. ܘܐܒܕܬܼ ܠܟܘܠ ܕܒܗ.܀ ܠܘܩܕܡ ܒܗܿ ܒܗܕܐ ܫܢܬܐܼ. ܐܒܕ ܟܠܗ ܩܢܝܢܐ: ܝܬܝܪܐܝܬ ܩܛܝܢܬܐ. ܗܘܬܼ ܕܝܢ ܬܠܓܐ ܪܒܐ ܘܩܫܝܐܼ. ܘܐܬܚܦܝܬ ܐܪܥܐ. ܘܩܼܡ ܝܘ̈ܡܬܐ ܣܓܝ̈ܐܐ ܥܕܡܐ ܕܣܦܬ ܒܥܝܪܐ ܡܢ ܟܦܢܐ ܘܐܦ ܗܘܬ ܢܫܝܛܬܐ ܣܓܝܐܬܐ. ܘܓܕܫ ܒܕܘ̈ܟܝܢ ܕܘ̈ܟܝܢ܆ ܕܢܚܼܬ ܬܠܓܐ ܘܟܒܼܫ ܠܥܢܐ ܘܠܪ̈ܥܘܬܐܼ ܘܣܦܬ ܗܼܝ ܘܪ̈ܥܘܬܗܿ. ܘܬܘܒ ܢܫܒܬܼ ܠܥܢܐ ܘܠܪ̈ܥܘܬܐܼ ܘܣܦܬ ܗܼܝ ܘܪ̈ܥܘܬܗܿ. ܘܬܘܒ ܢܫܒܬܼ ܪܘܚܐ ܬܝܡܢܐ ܘܡܕܢܚܐܼ ܬܠ̈ܬܐ ܝܘ̈ܡܝܢ ܘܬܠ̈ܬܐ ܠܝ̈ܠܘܢ. ܥܡ ܬܠܓܐ ܪܒܐ. ܗܕܐ ܐܘܒܕܬܼ ܒܢܝ̈ܢܫܐ ܣܓܝ̈ܐܐ ܘܒܥܝܪܐ. ܘܝܬܝܪܐܝܬ ܩܛܝܢܬܐ. ܘܐܦ ܒܢܝ̈ܢܫܐ ܣܓܝ̈ܐܐܼ ܕܐܕܪܟܬܼ ܐܢܘܢ ܒܐܘܪ̈ܚܬܐܼ ܢܦܼܠ ܡܝܬܘ ܗܼܢܘܢ ܘܚܡܪ̈ܝܗܘܢ.

ܥܠ ܥܡܐ ܕܣܠܼܩ ܡܢ ܐܪܥܐ ܬܚܬܝܬܐܼ: ܕܡܬܩܪܐ ܓܢܒܪ̈ܐ ܒܠܫܢܐ ܩܕܡܢܝܐ: ܒܫܢܬ ܐܠܦܐ ܘܫܒ̈ܥܝܢ ܘܬܡ̈ܢܐ܀ ܒܗܢܐ ܕܝܢ ܙܒܢܐ ܫܕܪ ܡܠܟܐ ܥܡܐ ܚܕ ܡܢ ܐܪܥܐ ܕܦܪܣܼ. ܘܐܣܼܩ ܘܐܘܬܒ ܐܢܘܢ ܒܬܚܘ̈ܡܐ ܕܪ̈ܗܘܡܝܐ. ܥܡܐ ܕܝܢ ܗܢܐ ܫܠܝ̈ܚܝܐ ܘܫܡܝ̈ܛܝܐ ܐܝܬܝܗܘܢ ܗܘܘ: ܗܼܢܘܢ ܘܢܫܝ̈ܗܘܢ ܘܒܢܝ̈ܗܘܢ. ܘܡܛܠ

Page 258

ܕܐܘܡܢܘܬܐ ܕܡܕܡ ܠܐ ܦܿܠܚܝܢ ܗܘܘ ܐܘ ܡܿܠܦܢ ܠܒܢܝ̈ܗܘܢ܆ ܘܐܦܠܐ ܢܫܝ̈ܗܘܢ ܝܕܗܥܢ ܗܘ̈ ܠܡܥܒܕ ܥܡܪܐ. ܐܠܐ ܗܕܐ ܗܘܬܼ ܐܘܡܢܘܬܗܘܢ ܕܒܠܠܝܐ ܐܦ ܒܐܝܡܡܐ ܥܠ ܐܘܪ̇ܬܐܟܡܢܝܢ ܗܘܘܼ. ܘܩܛܠܝܢ ܘܡܫܠܚܝܢ ܘܦܣܩܝܢ ܐܘܪ̈ܚܬܐ. ܘܡܛܠ ܕܒܛܘܪ̈ܐ ܡܪ̈ܝܪܐ ܥܡܪܝܢ ܗܘܘ ܠܐ ܐܢܫ ܡܿܨܐ ܗܘܼܐ ܚܝܠܗܘܢ. ܣܥܼܘ ܐܦ ܥܕܡ ܕܥܠܘܗܝ ܕܝܠܗ ܕܡܪܟܐ ܢܪܡܘܢ ܘܢܩܛܥܘܢ ܐܘܪܚܐ ܥܠ ܓܙܐ ܕܐܡܝܪܐ ܕܡܗ̈ܝܡܢܐ. ܘܟܕ ܗܕܐ ܥܒܕܘ ܘܐܦ ܟܠܗܿ ܐܪܥܐ ܗܿܝ ܩܡܬ ܡܢ ܐܝܕܐ ܡܢܗܘܢ: ܫܕܪ ܡܠܟܐ ܥܠܝܗܘܢ ܚܝܠܐ ܪܒܐ. ܘܫܒܼܐ ܘܒܼܙ ܘܐܣܪ ܐܢܘܢ: ܘܟܢܿܫ ܠܟܠܗܘܢܼ ܟܕ ܨܿܒܐ ܕܢܘܒܕ ܐܢܘܢ ܒܦܘܡܐ ܕܚܪܒܐ ܠܟܠܗܘܢ܆ ܟܕ ܠܪ̈ܝܫܢܝܗܘܢ ܙܩܦ. ܘܟܕ ܗܕܐ ܨܼܒܐ ܠܡܣܥܪܘ܆ ܐܬܡܠܟܘ ܡܢ ܐܢ̈ܫܐ ܕܚ̈ܠܝ ܐܠܗܐܼ ܕܢܫܕܪ ܐܢܘܢ ܠܒܝܬ ܬܚܘ̈ܡܐ ܠܘܩܒܠ ܒܥ̈ܠܕܒܒܐ: ܕܬܡܢ ܐܘ ܡܫܬܒܝܢ܆ ܐܘ ܡܬܩܛܠܝܢ ܡܢ ܐܝܕ̈ܝ ܪ̈ܗܘܡܝܐ. ܘܐܝܟ ܡܐ ܕܐܬܡܠܟܼ ܩܠܝܠܐܝܬ ܐܦ ܣܥܼܪܘ. ܫܕܪ ܘܐܣܩ ܘܐܘܬܒ ܐܢܘܢ ܒܐܪܥܐ ܕܠܓܘ ܡܢ ܫܝܢܐܼ ܠܘܩܒܠ ܩܡܚ. ܗܿܘܝܢ ܗܘܘ ܐܝܟ ܬܠ̈ܬܡܐܐ ܐܠܦ̈ܐܐ. ܐܠܐܥܼܪܩ ܘܐܬܒܕܪ ܒܟܠܗܿ ܐܪܥܐ. ܘܐܠܐ ܐܢ ܕܠ̈ܝܠܐ ܠܐ ܦܫ ܡܢܗܘܢ. ܘܒܝܕ ܕܐܪܥ ܗܕܐ ܩܪܝܒܬܐ ܐܝܬܝܗܿ ܘܗܼܢܘܢ ܫܠܝܚ̈ܝܐ ܐܝܬܝܗܘܢ ܗܘܘܼ. ܡܝܬ ܣܘܓܗܘܢ ܒܣܬܘܐ ܩܕܡܝܐ ܕܐܕܪܟ ܐܢܘܢ. ܟܕ ܐܦܠܐ ܗܢܘܢ ܕܦܫ ܥܒܼܪ ܡܢ ܒܝ̈ܫܬܗܘܢ ܩܕܡܝ̈ܬܐ.

ܥܠ ܬܘܩܢܐ ܕܥܕܬܐ ܪܒܬܐ ܕܐܡܕ܀ ܒܗ ܕܝܢ ܒܗܢܐ ܙܒܢܐܼ. ܥܒܕܘܢ ܐܡ̈ܕܝܐ ܚܘܕܬܐ ܪܒܐ ܘܬܡܝܗܐܼ ܠܥܕܬܐ ܪܒܬܐܼ ܕܝܠܗܘܢ: ܗܿܝ ܕܡܢ ܕܚܠ ܐܠܗܐ ܡܿܠܟܐ ܡܗܝܡܢܐ ܗܪܩܠܐ ܐܬܒܢܝܬ. ܡܛܠ ܕܡܢ ܬܘܩܢܐ ܩܕܡܝܐ ܠܐ ܐܬܚܕܬ ܥܕܬܐ ܗܕܐ. ܥܒܼܕ ܕܝܢ ܝܨܦܘܬܐ

Page 259

ܥܠ ܬܘܩܢܗܼܿ. ܡܛܠ ܕܡܚܒܠܐ ܗܘܬ ܘܩܒܝܒܐ ܗܘܬ ܠܡܦܠ: ܐܒܘܣ ܡܪܝ ܐܒܝ ܐܦܝܣܩܦܐ ܕܝܠܗܿ ܕܡܕܝܢܬܐ. ܘܡܝܩܪܐ ܡܪܝ ܓܝܘܪܓܝܣ ܣܥܘܪܐ. ܘܬܘܡܐܼ ܐܪܟܝܕܝܩܘܢ. ܥܼܒܕ ܕܝܢ ܥܠܝܗܿ ܝܨܦܘܬܐ ܪܒܬܐ ܥܡ ܚܘܣܪ̈ܢܐ ܣܓܝ̈ܐܐ. ܘܚܿܠܦ ܠܟܠܗܿ ܬܡܣܘܬܐ ܕܒܗܿ. ܘܐܥܠ ܚܠܦܝܗܿ ܚܕܬܐ. ܘܗܕܪܘܗܿ ܐܝܟ ܬܘܩܢܗܿ ܩܕܡܝܐ.

ܬܘܒ ܥܠ ܦܘܩܕܢܐ ܕܐܬܼܐ ܡܢ ܡܿܠܟܐܼ. ܕܢܟܬܒ ܥܿܒܕܐ ܕܥܕ̈ܬܐ ܘܕܕܝܪ̈ܬܐ܀ ܣܛܢܐ ܗܿܘ ܕܒܟܠܙܒܢ ܣܢܐ ܫܦܝܪ̈ܬܐ ܐܝܬܘܗܝܼ. ܐܦ ܠܐ ܗܫܐ ܫܼܠܐ ܡܢ ܕܕܠܚ ܣܕ̈ܩܐ ܘܫܓܘ̈ܫܝܐ ܒܥܕ̈ܬܐ ܘܒܕܝܪ̈ܬܐ. ܐܦܠܘܓ ܠܡ ܓܒܪܐ ܥܠ ܐܒܘܗܝܼ. ܐܦ ܠܐ ܗܫܐ ܫܼܠܐ ܡܢ ܕܕܠܚ ܣܕ̈ܩܐ ܘܫܓܘ̈ܫܝܐ ܒܥܕ̈ܬܐ ܘܒܕܝܪ̈ܬܐ. ܐܦܠܘܓ ܠܡ ܓܒܪܐ ܥܠ ܐܒܘܗܝܼ. ܘܒܪܬܐ ܥܠ ܐܡܗܿ. ܘܟܠܬܐ ܥܠ ܚܡܬܗܿ. ܘܣܢܘ̈ܗܝ ܕܓܒܪܐ ܒܢ̈ܝ ܒܝܬܗ. ܒܗܢܐ ܕܝܢ ܙܒܢܐ ܐܬܼܐ ܦܘܩܕܢܐ ܡܢ ܡܿܠܟܐܼ. ܕܢܬܠܒܟܘܢ ܪ̈ܝܫܝ ܕܝܪ̈ܬܐܼ ܘܪ̈ܝܫܝ ܥܕ̈ܬܐ. ܘܢܟܬܼܒܘܢ ܥܒܿܕܐ ܕܕܝܪ̈ܬܗܘܢ ܘܕܥܕ̈ܬܗܘܢ ܘܕܗܝ̈ܟܠܐ. ܗܘܬܼ ܕܝܢ ܥܠܬܐ ܕܐܝܟ ܗܕܐ. ܣܛܝܢܐ ܗܿܘ ܕܓܒܼܐ ܠܗ ܬܠܡܝܕܐ ܡܢ ܗܿܘ ܟܢܫܐ ܫܦܝܐ ܕܫܠܝ̈ܚܬܐ ܠܝܗܘܕܐ ܐܣܪܝܘܬܐܼ. ܓܒܼܐ ܐܦ ܗܫܐ ܓܒܪܐ ܚܕ ܡܢ ܥܘܡܪܐ ܩܕܝܫܐ ܘܫܦܝܐ ܕܡܪܝ ܡܬܝ ܕܒܐܪܥܐ ܕܡܘܨܠ܆ ܕܫܡܗ ܙܥܘܪܐ. ܗܢܐ ܡܛܠ ܥܠܬܐ ܡܕܡ ܕܗܘܬܼ ܠܗܼ. ܒܝܬ ܠܗ ܘܠܪܝܫܐ ܕܝܠܗ ܕܥܘܡܪܐ: ܐܝܟ ܡܐ ܕܐܦ ܨܝܕ ܪܒܗ ܝܗܘܕܐ ܓܕܫ ܕܢܫܠܡܘܗܝ ܠܡܪܢ ܠܛܠܐ݂ܿ ܘܐܦܠܐ ܗܢܐ ܒܨܪ ܡܕܡ ܡܢ ܗܿܘ. ܐܪܡܝ ܣܛܢܐ ܒܠܒܗ ܕܠܐ ܗܘܐ ܐܝܟ ܗܿܘ ܢܣܥܘܪܼ. ܐܠܐ ܘܒܥ̈ܦܐ ܣܓܝ̈ܐܐ. ܘܠܐ ܗܘܐ ܚܕ ܩܛܠܐ ܢܪܡܐܼ. ܐܠܐ ܣܓܝ̈ܐܐ. ܘܠܐ ܚܕܐ ܕܘܟܬܐ ܢܘܒܕܼ. ܐܠܐ ܣܓܝ̈ܐܬܐ. ܐܦܠܐ ܚܕ ܥܘܡܪܐ ܨܼܒܐ ܠܡܥܩܪܼ. ܐܠܐ ܣܓܝ̈ܐܐ. ܗܢܐ ܦܼܪܫ ܐܝܟ ܕܐܒܐ ܡܢ ܒܝܢܬ ܐܡܪ̈ܐܼ. ܘܢܚܬ ܨܝܕ ܫܥܦܪ ܒܪܗ

Page 260

ܕܡܿܠܟܐ. ܘܐܡܼܪ ܠܗܼ. ܕܟܠܗ ܕܗܒܐ ܕܒܝܬ ܗܝܫܡ ܘܕܒܝܬ ܡܪܘܢܼ ܗܐ ܒܥܘܡܪܐ ܦܠܢ. ܟܕ ܐܦܠܐ ܡܕܡ ܫܒܼܩ ܒܗ ܒܥܘܡܪܐ ܕܠܐ ܓܠܼܐ ܠܗ. ܘܫܕܪ ܗܿܘ ܓܒܪ̈ܐ ܡܪܝܪ̈ܝ ܢܦܫܐ ܠܗ ܠܥܘܡܪܐ ܗܢܐܼ. ܘܢܣܼܒ ܟܠܡܕܡ ܕܒܗܼ. ܘܟܠܗܘܢ ܡ̈ܐܢܝ ܬܫܡܫܬܗܘܢ. ܘܠܕܝܪ̈ܝܐ ܟܠܗܘܢ ܐܣܪ ܒܣܘ̈ܛܐ ܩܫܝ̈ܐܼ. ܘܐܘܒܠ ܐܢܘܢ ܨܝܕ ܫܥܦܪ. ܘܐܠܼܨ ܘܚܒܼܫ ܐܢܘܢ ܪܘܪܒܐܝܬܼ. ܟܕ ܬܒܿܥ ܠܗܘܢ ܐܝܠܝܢ ܕܐܬܐܡܪ ܠܗ ܡܢ ܗܿܘ ܝܗܘܕܐ ܬܪܝܢܐ. ܘܡܢ ܥܠܬܐ ܗܕܐ ܢܦܼܩ ܦܘܩܕܢܐ ܠܟܠܗܿ ܐܪܥܐܼ. ܕܢܟܬܘܒ ܟܠܢܫ ܥܒܿܕܐ ܕܕܝܪ̈ܬܗܘܢܼ. ܐܠܐ ܟܕ ܟܠܢܫ ܣܒܪ ܕܡܫܩܠ ܫܩܠܝܢ ܠܗ ܐܝܟ ܕܠܗܘ܆ ܐܠܐ ܠܐ ܐܬܒܨܪ ܡܕܡ ܡܢ ܫܥܦܪ ܡܢ ܗܿܝ ܕܨܝܕ ܒܠܛܫܨܪ ܓܕܫܬܼ. ܡܛܠ ܕܐܫܝܛ ܗܢܐ ܠܡܐܢ̈ܐ ܕܐܪ̈ܙܐ ܐܠܗ̈ܝܐ܆ ܘܨܒܼܐ ܕܕܝܠܗ ܢܗܘܘܢ ܘܕܕܪ̈ܘܟܬܗܼ. ܐܦܠܐ ܗܟܢܐܐܗܡܝ ܐܠܗܐ ܡܢ ܥܕܬܗ ܘܡܢ ܥܡܗ. ܐܠܐ ܫܕܪ ܐܠܗܐ ܪܘܚܐ ܒܝܫܬܐ ܥܠ ܫܥܦܪ ܕܚܢܩܐ ܗܘܬ ܠܗ. ܘܐܦܩ ܠܗܠܝܢ ܕܝܪ̈ܝܐܼ ܘܫܩܼܠ ܥܒܿܕܗܘܢ ܘܗܦܼܟ ܠܥܘܡܪܗܘܢ. ܘܗܟܢܐ ܒܛܠܬܼ ܥܠܬܐ ܗܕܐ: ܘܠܐ ܐܬܒܩܪܬ ܬܘܒܼ ܡܛܠ ܕܗܿܝ ܪܘܚܐ ܒܝܫܬܐ ܐܘܒܕܬܗ.

ܥܠ ܟܗܝܢܘܬܐ ܕܐܪܥܐܼ ܘܥܠ ܒܝ̈ܫܬܐ ܕܡܣܬܥܪ̈ܢ ܗܘ̈ܝ ܒܗܿ܀ ܡܛܠ ܕܨܒܿܝܢܢ ܕܢܘܕܥ ܥܠ ܐܘ̈ܠܨܢܐ ܕܣܒܼܠܬ ܐܪܥܐܼ. ܢܘܕܥ ܡܕܝܢ ܐܦ ܟܗܝܢܘܬܐ. ܘܢܘܕܥ ܡܢ ܐܝܟܐ ܠܐܝܟܐ ܢܚܬܬܼ ܥܬܝܪܬܐ ܘܡܫܒܚܬܐ܀ ܒܗܢܐ ܕܝܢ ܙܒܢܐܼ ܟܗܝܢܐ ܗܘܬܼ ܐܪܥܐ. ܝܬܝܪܐܝܬ ܓܙܝܪܬܐ ܘܐܪܥܐ ܟܠܗܿ ܓܪܒܝܬܐ. ܘܗܕܝܪܐ ܗܘܬ ܒܙܪܥܐ ܘܒܟܪ̈ܡܐ ܘܒܩܢܝܢܐ ܣܓܝܐܐ. ܘܡܠܬ ܟܠܗܿ ܐܪܥܐܼ. ܩܘ̈ܛܐ ܕܪ̈ܟܫܐ ܘܡܢܕܪ̈ܐ ܕܥܙ̈ܐ. ܘܩܢܼܘ ܒܢܝ̈ܢܫܐ ܣܘܓܐܐ ܕܥܒܘܪܐ. ܐܝܟܢܐ ܕܢܥܒܪ ܚܡܪܐ ܠܚܡܐ ܘܚ̈ܛܐ ܠܚ̈ܛܐ. ܫܪܝܪܐܝܬ ܫܡܢ ܐܝܣܪܐܝܠܼ ܘܒܥܛ. ܘܠܐ ܐܡܼܪ ܒܪܝܟ ܗܼܘ ܡܪܝܐ ܕܐܥܬܪܢ. ܐܠܐ ܣܼܥܘ

Page 261

ܥܠ ܥܿܒܕܐ ܕܥܘܡܪ̈ܐ ܘܕܥܕ̈ܬܐ. ܟܕ ܐܡܿܪܝܢ܆ ܕܥܕܬܐ ܡܘܢ ܐܙܠ ܠܗܿ. ܚܢܢ ܒܿܥܝܢ ܕܝܿܗܒܝܢܢ ܓܙܝܬܐܿ. ܘܐܝܬ ܠܢ ܒܢܝ̈ܐ. ܡܛܠ ܕܩܢܼܘ ܒܢܝ̈ܐ ܣܘܓܐܐܿ ܘܐܦ ܥܬܪ ܛܒ ܛܒ. ܘܗ̈ܘܝ ܠܗܘܢ ܟܠܗܝܢ ܛܒ̈ܬܐ. ܘܐܦ ܗܘܼܘ ܪ̈ܡܐ ܫܒܗܪ̈ܢܐ ܚܣ̈ܡܐ. ܓܝܪ̈ܐ ܙܢܝ̈ܐ. ܪ̈ܘܝܐ ܚܛܘ̈ܦܐ. ܣܗ̈ܕܝ ܫܘܩܪܐ. ܐܝܟܢܐ ܕܩܪܝܒܝܢ ܗܘܘ ܠܡܐܦܠ ܒܣܘܓܐܐ ܕܟܠܗܝܢ ܒܝ̈ܫܬܐ: ܐܠܘ ܠܐ ܫܕܪ ܥܠܝܗܘܢ ܗܘ ܡܠܐܟܐ ܒܝܫܐ: ܘܬܪܥ ܒܗܘܢ ܫܒ̈ܝܥܐ ܒܝ̈ܫܐ. ܐܢ ܐܢܫ ܐܝܬ ܗܘܐ ܠܗ ܕܝܢܼܐ ܥܡ ܚܒܪܗ܆ ܘܡܬܒܥ ܗܘܐ ܣܗܕ̈ܐ ܡܢ ܕܝܿܢܐܼ. ܐܙܿܠ ܗܘܐ ܠܫܘܩܐ ܘܦܓܥ ܒܚܒܪܗܼ. ܘܐܡܪ ܗܘܐ ܠܗ: ܕܦܠܢ ܣܗܕܬ ܠܝ. ܗܼܘ ܕܝܢ ܗܢ ܩܠܝܠܐܝܬ ܥܿܢܐ ܗܘܐ ܘܐܡܿܪ: ܥܠ ܡܠܬܗ ܕܐܠܗܐ. ܥܠ ܡܘܢ. ܡܘܡ̈ܬܐ ܝܗܿܒ ܗܘܐ ܩܕܡ ܝܕܥܬܐ. ܘܡܘܢ ܙܕܿܩ ܗܘ ܠܥܡܐ ܕܐܝܟ ܗܟܢ. ܐܠܐ ܐܢ ܗܿܝ ܕܗܘܼܬ. ܬܥܫܢ ܠܡ ܥܒܝܕܐ ܥܠ ܓܒܪ̈ܐ ܘܢܪܢܘܢ ܒܗܿ. ܘܠܐ ܢܪܢܘܢ ܒܡ̈ܠܐ ܣܪ̈ܝܩܬܐ. ܥܡ ܗܿܝ ܕܠܐ ܬܘܒ ܢܗܐܘ ܦܘܫܐ ܠܡ̈ܠܝ. ܥܠ ܬܚ̈ܘܡܐ ܕܚܩ̈ܠܬܐ ܥܒܕܝܢ ܗܘܘ ܕ̈ܝܢܼܐ ܟܠܝܘܡ ܒܢܿܝ ܩܪܝܬܐ ܚܕܐ ܒܚ̈ܕܕܐ. ܘܩܪܝܬܐ ܥܡ ܩܪܝܬܐ. ܘܠܐ ܝܿܕܥܝܢ ܗܘܘ ܕ̈ܘܝܐ ܕܥܕ ܩܠܝܠ ܘܐܬܿܐ ܥܠܝܗܘܢ ܪܘܓܙܐ: ܕܐܦܠܐ ܗܼܢܘܢ ܟܪ̈ܡܝܗܘܢ ܘܒ̈ܬܝܗܘܢ ܥܡ ܚܩ̈ܠܬܗܘܢ ܠܒܟܝܢ. ܐܠܐ ܕܦܝܫܝܢ ܚܪ̈ܒܐ ܡܢ ܒܠܝ ܕܥܿܒܪ ܐܘ ܕܥܿܡܪ. ܘܐܦ ܐܣܟܝܡܐ ܝܩܝܪܐ ܕܕܝܪܝܘܬܐ ܥܒܼܪ ܐܦ ܗܢܘܢ ܠܒܪ ܡܢ ܙܕܩܗܿ ܕܘܠܝܬܐ. ܘܚܠܦ ܗܿܝ ܕܣܒ ܙܩܝܦܟܼ ܘܬܐܼ ܒܬܪܝ. ܩܢܼܘ ܪ̈ܟܫܐ ܘܒܩܪ̈ܐ ܕܬܘܪ̈ܐ ܘܩܘ̈ܛܐ ܕܥ̈ܙܐ ܘܕܥܢܐ. ܘܩܢܼܘ ܐܫܟܪ̈ܝܬܐ ܚܕ ܚܕ ܡܢܗܘܢ ܕܩܫܐ ܡܢ ܐܫܟܪܐ ܕܓܘܐ. ܘܢܦܩ ܠܒܪ̈ܝܬܐ ܕܢܩܢܼܘܢ ܟܪ̈ܡܐ ܘܒ̈ܬܐ ܒܩܪ̈ܢܣ: ܘܕܢܪܟܒܘܢ ܪ̈ܟܫܐ ܐܝܟ ܚܢ̈ܦܐ ܒܣܪ̈ܓܐ. ܘܕܢܗܘܘܢ ܡܗܠܟܝܢ ܒܨܒܝ̈ܢܝ ܢܦܫܗܘܢܼ. ܟܕ ܠܐ ܡܫܬܥܒܕܝܢ

Page 262

ܠܪܝܫܐ ܗܿܘ ܕܡܢ ܐܠܗ ܥܠܝܗܘܢ ܦܩܝܕ ܗܘܼܐ܀ ܠܐ ܬܣܒܪ ܐܘ ܦܪܘܫܐܿ. ܕܥܠ ܕܪܚܡܐ ܐܢܐ ܐܩܛܪܓ ܠܒܢܝ̈ܢܫܐܼ ܗܠܝܢ ܬܢܿܢܐ. ܐܠܐ ܛܒܘܬܗ ܘܡܪܚܡܢܘܬܗ ܘܒܣܝܡܘܬܗ ܘܢܓܝܪܘܬ ܪܘܚܗ ܕܐܠܗܐܼ ܨܒܿܐ ܐܢܐ ܐܚܘܐ. ܒܬܪܗ ܗܠܝܢ ܟܠܗܝܢܼ ܩܘܐ ܘܫܡܥ ܠܐܝܢܐ ܥܘܡܩܐ ܐܫܬܪܓܠܢ ܚܢܢ܆ ܘܐܝܠܝܢ ܐܘ̈ܠܨܢܐ ܡܛܝܘܢܢ.

ܥܠ ܥܼܒ̈ܕܐ ܐܦܬܢܘ ܒܚܪܢ ܡܕܝܢܬܐ ܕܒܝܬ ܢܗܪ̈ܝܢ܀ ܒܗܢܐ ܕܝܢ ܙܒܢܐܼ. ܩܛܼܪ ܐܪܙܐ ܥܼܒ̈ܕܐ ܣܓܝ̈ܐܐܼ. ܘܐܬܟܢܫܘ ܐܝܟ ܚܡܫ̈ܡܐ ܓܒܪ̈ܝܢ ܡܘܪ̈ܝܐ ܘܣܕ̈ܝܐ ܘܟܙܪ̈ܝܐܼ. ܘܙܝܢ ܢܦܫܗܘܢ. ܘܥܼܠ ܒܦܠܓܗ ܕܝܘܡܐ ܠܚܪܢ ܡܕܝܢܬܐ. ܘܬܪܨܘ ܠܘܩܒܠ ܒܝܬ ܓܙܐ. ܟܕ ܠܟܠ ܕܦܓܥܼ ܒܗܘܢ ܒܦܘܡ ܚܪܒܐ ܩܿܛܠܝܢ ܗܘܘ. ܟܕ ܨܿܒܝܢ ܕܢܦܠܫܘܢ ܠܒܝܬ ܓܙܐܼ. ܘܢܣܒܘܢ ܡܠܗܿ. ܥܒܣ ܕܝܢ ܟܕ ܫܡܼܥ ܗܕܐ ܐܬܪܗܒ. ܘܟܢܼܫ ܚܝܠܐ ܣܓܝܐܐܼ ܘܐܪܥ ܐܢܘܢ ܒܩܪܒܐ. ܘܟܕ ܒܩܪܒܐ ܣܓܝܐܐ ܕܡܚܘܼ. ܐܬܩܛܠ ܡܢ ܬܪ̈ܝܗܘܢ ܓܒܝ̈ܢ܆ ܠܚܪܬܐ ܙܥܘ ܥܼܒ̈ܕܐ ܘܥܪܩ. ܘܣܓܝ̈ܐܐ ܡܢܗܘܢ ܐܬܩܛܠ. ܘܡܢܗܘܢ ܨܕ: ܘܕܫܪܟܐ ܥܪܩ. ܘܠܒܼܟ ܐܦ ܠܡܪ̈ܝܗܘܢ. ܘܡܚܼܘ ܘܐܘܒܕ ܡܢܗܘܢ ܠܣܓܝ̈ܐܐ.

ܥܠ ܡܣܩܬܐ ܕܡܿܠܟܐ ܕܠܐܪܥܐ ܓܪܒܝܝܬܐ. ܘܥܠ ܒܢܝܢ ܕܩܠܢܝܩܣ. ܘܕܡܢ ܗܪܟ ܟܠܗ̈ܝܢ ܒܝ̈ܫܬܐ ܐܬ̈ܝ ܥܠ ܐܪܥܐ܀ ܡܛܠ ܕܚܘܝܢܢ ܥܠ ܟܗܝܢܘܬܐ ܘܗܕܝܪܘܬܐ ܕܐܪܥܐܼ. ܘܥܠ ܟܠܗܝܢ ܛܒ̈ܬܐܼ. ܘܥܠ ܥܡܐ ܬܘܒ ܡܪܡܪܢܐܼ. ܢܿܚܘܐ ܡܢ ܐܝܟܐ ܗܘܼܐ ܫܘܪܝܐ ܠܒܝ̈ܫܬܐ. ܟܬܝܒ ܒܢܒܝܐ: ܕܗܐ ܐܬܘܪܝܐܼ ܫܒܛܐ ܗܼܘ ܕܪܘܓܙܝ. ܘܚܘܛܪܐ ܗܼܘ ܕܒܐܝܕܗܘܢ ܕܡܚܘܬܝ. ܥܠ ܥܡܐ ܚܠܦܐ ܐܫܕܪܝܘܗܝ. ܘܥܠ ܥܡܐ ܐܟܬܢܐ ܐܦܩܕܝܘܗܝ. ܕܢܒܘܙ ܒܙܬܐ ܘܢܫܒܐ ܫܒܝܬܐ.

Page 263

ܘܢܥܒܕܝܘܗܝ ܐܝܟ ܣܝܢܐ ܕܫܘ̈ܩܐ. ܘܬܘܒ. ܡܛܠ ܕܐܡܼܪ܆ ܕܗܐ ܪܘܪ̈ܒܢܐ ܐܝܟ ܚܕܐ ܡܠܟ̈ܐ ܐܢܘܢ. ܡܛܠܗܢܐ ܠܐ ܚܕܐ ܡܪܝܐ ܥܠ ܥܠܝܡܝ̈ܗܘܢܼ ܘܥܠ ܝܬܡ̈ܝܗܘܢܼ ܘܥܠ ܐܪ̈ܡܠܬܗܘܢ ܠܐ ܢܪܚܦ. ܡܛܠ ܕܟܠܗܘܢ ܚܠܦܝ̈ܢ ܘܒܝ̈ܫܝܢ. ܘܟܠ ܦܘܡ ܡܠܠ ܫܛܝܘܬܐ. ܘܠܐ ܢܗܘܐܼ ܐܡܿܪ܆ ܕܡܪܝܡ ܓܦ̈ܐ ܘܦܿܬܚ ܦܘܡܗ ܘܢܨܪ ܩܕܡܘܗܝ. ܐܬܼܐ ܠܡ ܠܥܢܬ. ܘܒܡܟܡܣ ܣܼܡ ܡܐܢ̈ܘܗܝ. ܥܒܼܪ ܠܡܥܒܪܐ ܕܓܒܥ ܠܒܝܬ ܒܝܬܢ. ܕܚܠܬܼ ܪܡܬܐܼ݂ ܘܓܒܥܬ ܫܐܘܠ ܥܪܩܼܬ. ܐܢܝܦ ܐܝܕܝܗ ܥܠ ܛܘܪ̈ܝ ܨܗܝܘܢ ܘܥܠ ܪ̈ܡܬܐ ܕܐܘܪܫܠܡ. ܫܦܝܪ ܐܡܼܪ ܢܒܝܐ: ܟܕ ܚܼܙܐ ܒܥܝܢ ܕܢܒܝܬܘܐܿ. ܠܗܢܐ ܚܘܝܐ ܚܪܡܢܐ ܟܕ ܡܬܗܦܟ.܀ ܒܗܕܐ ܫܢܬܐܼ ܥܪܩ ܡܿܠܟܐ ܡܢ ܐܝܟܐ ܕܥܡܿܪ ܗܘܐܼ. ܥܡ ܟܠܗܘܢ ܪܘܪ̈ܒܢܘܗܝܼ. ܘܣܡܟ ܥܠ ܐܪܥܐ ܕܓܪܒܝܐܼ ܒܚܝ̈ܠܘܬܐ ܣܓܝ̈ܐܐ ܕܠܐ ܡܢܝܢ. ܐܬܼܐ ܠܡܘܨܠ. ܘܐܬܟܢܫܘ ܪܘܪ̈ܒܐ ܥܡ ܙܥܘܪ̈ܐ ܕܟܠܗܿ ܡܘܨܠ. ܘܐܝܠܠܘ ܩܕܡܘܗܝ ܥܠ ܒܝ̈ܫܬܐ ܘܫܒܝ̈ܐ ܘܐܘ̈ܠܨܢܐ ܘܚܪܒܐ ܕܐܥܠܘ ܥܠܝܗܘܢ ܡܘܣܐ ܒܪ ܡܘܨܥܒ. ܘܗܼܘ ܡܛܠ ܕܚܕܐ ܒܚܪܒܐ ܝܬܝܪ ܡܢ ܕܒܫܝܢܐܼ. ܠܟܘܠܗܘܢ ܕܚܼܩ ܡܢ ܩܕܡܘܗܝ. ܟܕ ܘܐܦ ܒܝ̈ܫܬܐ ܪܘܪ̈ܒܬܐܐܣܩ ܒܪܘܪ̈ܒܢܝܗܢ. ܘܒܡܘܣܐ ܚܕܐ ܘܐܪܘܙ ܒܗ. ܐܝܟ ܡܿܢ ܕܐܫܟܚ ܠܗ ܐܝܟ ܠܒܗ. ܘܐܡܼܪ ܕܐܫܟܚܬ ܓܒܪܐ ܐܝܟ ܠܒܝ܆ ܕܗܼܘ ܢܥܒܼܕ ܟܠܗܘܢ ܨܒܝ̈ܢܝ: ܘܟܠ ܕܒܠܒܝ ܢܥܒܼܕ. ܘܢܗܠܟ ܩܕܡܝ ܡܟܝܠ ܒܥܘܼܠܐ ܟܠܗܢ ܝܘ̈ܡܬܝ܀ ܟܕ ܣܒܼܟ ܕܢܥܘܠ ܠܓܙܝܪܬܐ. ܘܫܡܼܥ ܒܗ ܥܒܣܼ ܕܐܝܬܘܗܝ ܐܚܘܗܝ܆ ܘܐܦ ܐܡܝܪܐ ܥܠ ܓܙܝܪܬܐ: ܒܗܿܝ ܕܝܿܕܥ ܠܗ ܠܓܒܪܐ ܕܒܚܪܒܐ ܨܒ̈ܝܢ ܐܦܘ̈ܗܝ ܝܬܝܪ ܡܢ ܕܒܫܝܢܐ: ܘܒܝܕ ܕܗܕܝܪܐ ܗܘܬܼ ܐܪܥ ܕܓܙܝܪܬܐ ܒܟܪ̈ܡܐ ܘܒܙܪܥܐ ܘܒܝܬܒܐ ܒܝܘ̈ܡܝ ܥܒܣ. ܡܛܠ ܕܓܒܪܐ ܐܝܬܘܗܝ ܡܪܚܡܢܐ ܘܨܿܒܐ ܒܫܝܢܐܼ. ܫܠܼܚ ܩܠܝܠܐܝܬ ܠܟܠܗܘܢ

Page 264

ܐܬܪ̈ܘܬܐܼ݂ ܕܥܪܘܩܘܢ ܘܐܪܦܘ ܩܘܪ̈ܝܣ ܕܠܐ ܐܢ̈ܫܐ ܩܕܡܘܗܝ. ܗܼܢܘܢ ܕܝܢ ܒܢ̈ܝ ܩܘܪ̈ܝܣ ܠܐ ܐܬܒܢܝܘܼ. ܘܠܐ ܐܣܬܟܠ ܠܗܿܝ ܕܐܬܟܪܬ ܠܗܘܢ: ܐܠܐ ܝܬܒܼܘ ܘܫܠܼܘ. ܟܕ ܕܝܢ ܥܼܠ ܘܚܙܗܿ ܠܐܪܥܐ ܕܟܗܝܢܐ ܘܗܕܝܪܐ ܘܫܦܝܪ ܘܡܠܝܐ ܟܠܗܝܢ ܛܒ̈ܬܐ: ܡܛܠ ܕܝܘ̈ܡܬܐ ܐܝܬܝܗܘܢ ܗܘܼܘ ܕܐܝܪ: ܘܒܗܿ ܥܕܟܝܠ ܗܘ̈ܝ ܟܠܗܝܢ ܥ̈ܠܠܬܗܿ. ܟܕ ܕܝܢ ܗܠܝܢ ܚܼܙܐ ܘܐܬܒܩܝ ܒܗܿ ܒܐܪܥ ܕܗܕܝܪܐ ܒܝܬܒܐ ܣܓܝܐܐܼ. ܠܘ ܐܝܟ ܗܿܝ ܕܙܕܩܐ ܥܒܼܕ ܠܘܬ ܐܚܘܗܝܼ. ܟܕ ܚܼܙܐ ܠܫܝܢܐ ܗܢܐ ܕܒܫܘܠܛܢܗ. ܐܠܐ ܚܠܦ ܛܝܒܘܬܐ ܕܥܠ ܗܕܐܼ: ܢܗܼܡ ܥܠܘܗܝ ܐܝܟ ܐܪܝܐܼ ܡܐ ܕܨܒܿܐ ܕܢܬܒܪ. ܘܟܕ ܐܬܼܐ ܠܘܩܒܠܗ ܕܢܩܒܠܗ ܒܙܘܚܐ ܐܝܟ ܕܙܕܩ ܠܡ̈ܠܟܐܼ. ܕܚܩܗ ܡܢ ܩܕܡܘܗܝ. ܘܫܼܕܝܗܝ ܐܝܟ ܕܠܢܘܪܒܐ ܡܣܠܝܐ. ܘܐܦܠܐ ܕܢܬܚܙܐ ܩܕܡܘܗܝ ܝܗܼܒ ܠܗ. ܟܕ ܐܡܿܪ ܕܐܝܟܘ ܕܐܡܼܪܬ ܕܚܪܘܒܐ ܓܙܝܪܬܐ. ܘܫܕܝܗܝ ܡܢ ܫܘܠܛܢܗ. ܘܢܣܒ ܡܠܗ. ܘܐܦ ܐܬܚܫܚ ܠܘܬܗ ܒܟܠܗܝܢ ܒܝ̈ܫܬܐ. ܘܟܕ ܗܠܝܢ ܥܼܒܕ ܒܐܚܘܗܝܼ. ܐܬܼܐ ܥܠ ܢܨܒܝܢ ܘܥܠ ܟܦܠܬܘܬܐ. ܘܦܫܼܛ ܠܩܠܢܝܩܣ.

ܥܠ ܒܢܝܢܐ ܕܩܠܢܝܩܣ ܕܬܪ̈ܬܝܢ܀ ܡܛܠ ܕܓܒܪܐ ܗܢܐ ܒܬܪ ܚܪ̈ܫܐ ܘܩܨ̈ܘܡܐܼ ܨܠܝܬ ܗܘܬܼ ܢܦܫܗ. ܘܟܠ ܡܐ ܕܐܡܪܝܢ ܗܘܘ ܠܗ ܢܩܿܦ ܗܘܐ ܘܠܗ ܥܒܿܕ ܗܘܐ. ܟܕ ܕܝܢ ܐܡܼܪ ܠܗܘܢ ܥܠ ܙܒ̈ܢܐ ܘܥܠ ܡ̈ܠܟܘܬܐܼ. ܩܪܫ ܗܼܢܘܢ ܡ̈ܠܐ ܫܛܘܪ̈ܬܐ ܘܦܟܝ̈ܗܬܐܼ ܘܐܘܫܼܛ ܝܗܼܒ ܠܗ. ܐܝܟ ܡܐ ܕܐܝܬ ܥܝܕܐ ܠܫܐܕ̈ܐ ܕܢܛܥܘܢ ܠܐܝܠܝܢ ܕܡܬܕܢܝܢ ܠܗܘܢ. ܘܐܡܼܪ ܠܗܼ. ܕܗܘܿܐ ܓܒܪܐ ܡܠܟܐܼ ܘܒܢܐ ܡܕܝܢܬܐ ܥܠ ܓܢܒ ܩܠܢܝܩܣ. ܘܐܦ ܐܙܠ ܠܐܘܪܫܡ ܘܒܢܐ ܡܣܓܕܐ ܬܡܢ. ܗܢܐ ܡܡܠܟ ܐܪ̈ܒܥܝܢ ܫܢܝ̈ܢ. ܗܼܘ ܕܝܢ ܕܘܝܐ ܐܡܼܪ ܕܐܢܐ ܐܝܬܝ. ܘܫܕܪ ܐܝܬܝ ܩܠܓܪ̈ܐ ܡܢ ܟܠܗܼܿ ܓܙܝܪܬܐ. ܘܦܩܼܕ ܠܗܘܢ ܕܢܡܚܘܢ ܠܒܢ̈ܐܼ. ܘܢܒܢܘܢ ܐܪ̈ܕܝܟܠܐ ܫܘܪܐ.

Page 265

ܥܠ ܥܪܘܩܝܐ ܕܐܪ̈ܡܢܝܐ ܡܢ ܒܝܬ ܪ̈ܗܘܡܝܐ: ܘܥܠ ܚܪܒܐ ܕܥܒܼܕ ܛܝ̈ܝܐ ܒܪ̈ܗܘܡܝܐ. ܟܕ ܕܝܢ ܗܼܘ ܡܠܿܟܐ ܐܝܬܘܗܝ ܒܩܠܢܝܩܣ: ܢܦܩܘ ܐܪ̈ܡܢܝܐ ܡܢ ܒܝܬ ܗܿܘ ܥܠ ܚܣ̈ܢܐ ܓܘܝ̈ܐ. ܘܒܥܼܘ ܡܢܗܼ ܕܢܐܙܠ ܠܘܩܒܠܗܘܢ. ܕܒܿܥܝܢ ܠܡ ܕܢܦܩܘܢ ܠܓܙܝܪܬܐ. ܗܠܝܢ ܕܝܢ ܐܝܬܝܗܘܢ ܗܘܼܘ ܡܢ ܗܠܝܢ ܕܥܼܠ ܥܡ ܟܘܣܢ. ܟܕ ܕܝܢ ܥܠܼܘ ܘܕܒܪ ܐܢܫܘܬܗܘܢ ܘܢܦܼܩ܆ ܘܐܦ ܐܬܼܘ ܛܝ̈ܝܐ ܠܘܩܒܠܗܘܢ. ܫܡܼܥ ܪܝܫܢܐ ܗܿܘ ܕܩܡܚܼ. ܘܕܒܪ ܚܝܠܐ ܘܕܪܦ ܒܬܪܗܘܢ. ܘܐܕܪܟ ܗܢܘܢ ܠܗܘܢ ܘܠܢܫܘܬܗܘܢܼ ܟܕ ܫܪܝܢ ܒܡܪܓܐ ܚܕ. ܐܪ̈ܡܢܝܐ ܕܝܢ ܡܛܠ ܕܡܢ ܒܪܝܫܝܬ ܢܟ̈ܝܠܐܐܢܘܢܼ ܘܒܢܟܠܐ ܡܗܠܟܝܢ܆ ܥܪܩܘ ܡܢܗܘܢ ܐܢ̈ܫܐܼ ܘܐܬܘ ܐܘܕܥ ܠܛܝܝ̈ܐ ܐܝܟܐ ܕܫܪܝܢ ܗܘܘ. ܡܛܠ ܕܠܘ ܣܓܝ ܪ̈ܚܝܩܝܢ ܗܘܘ. ܘܟܕ ܫܪܝܢ ܗܠܝܢ ܪ̈ܗܘܡܝܐ ܘܕܡܝܟܝܢ ܕܠܐ ܪܢܝܐܼ. ܥܼܠ ܥܠܝܗܘܢ ܛܝ̈ܝܐܿ ܒܡܛܪܬܐ ܕܬܪ̈ܬܝܢ ܕܠܠܝܐ. ܘܡܢ ܫܠܝ ܢܦܼܠ ܥܠܝܗܘܢܼ. ܘܚܪܒܘ ܐܢܘܢ ܒܦܘܡܐ ܕܣܝܦܐ. ܘܣܓ̈ܝܐܐ ܡܢܗܘܢ ܨܕ. ܘܐܚܬ ܐܢܘܢ ܠܗܠܝܢ ܕܨܕ ܒܐܝܕܐܼ. ܘܠܪ̈ܝܫܝܗܘܢ ܕܐܝܠܝܢ ܕܩܛܠ ܠܘܬ ܡܠܟܐ ܠܩܠܢܝܩܣ. ܟܕ ܨܿܒܝܢ ܕܢܣܒܘܢ ܡܢܗ ܡܘܗܒܬܐ ܥܡ ܫܡܐ ܘܢܨܚܢܐ ܗܼܘ ܕܝܢ ܚܠܦ ܡܘܗܒܬܐ ܩܘܒܠܐ ܒܝܫܐ ܩܒܠ ܐܢܘܢ. ܟܕ ܐܡܿܪܝܢ ܕܐܦ ܥܒܿܕܗܘܢ ܢܣܼܒ.

ܥܠ ܡܥܕܠܢܐ ܕܫܕܪ ܥܠ ܐܪܥܐ܀ ܬܘܒ ܟܕ ܚܙܗܿ ܠܐܪܥܐ ܕܟܗܝܢܐ ܒܥܡܘܪ̈ܐ: ܨܒܼܐ ܕܢܥܒܕ ܬܥܕܝܠܐ. ܠܘ ܟܕ ܨܿܒܐ ܒܪ̈ܚܡܐ ܐܘ ܒܝܬܒܐ ܐܘ ܒܫܝܢܐܼ. ܐܠܐ ܕܢܘܣܦ ܐܢܫ̈ܐ ܣܓܝ̈ܐܐ ܒܟܣܦ  ܪܝܫܐܼ. ܘܕܢܘܣܦ ܠܗܿ ܠܐܪܥܐ ܡܕܬܐ ܘܥܩ̈ܬܐ. ܘܫܕܪ ܐܝܬܝ ܠܗ ܐܢ̈ܫ ܡܕܪ̈ܡܐ ܘܡ̈ܨܢܥܐܼ. ܘܥܒܼܕ ܐܢܘܢ ܥܡ̈ܠܐ. ܘܫܕܪ ܐܢܘܢ ܠܐܬܪ̈ܘܬܐܼ. ܕܢܟܬܒܘܢ ܠܟܠܗܘܢ ܒܢ̈ܝ ܐܢ̈ܫܐ

Page 266

ܥܠ ܨܘܦܿܝ ܘܡܥܣܪ̈ܢܐ ܬܘܒ ܕܫܕܪ ܥܠ ܐܪܥܐ܀ ܬܘܒ ܥܒܼܕ ܐܢܫ̈ܐ ܡܪܝܪ̈ܝ ܢܦܫܐ ܥܠ ܨܘܦܿܝ ܘܥܠ ܥܘܣܪܐ. ܘܡܛܠ ܕܥܡܠܐ ܗܢܐ ܕܥܼܒܕ ܥܠ ܨܘܦܝ ܡܓܘܫܐܐܝܬܘܗܝ ܘܕܠܐ ܐܠܗܼ ܐܦ ܕܠܐ ܪ̈ܚܡܐܼ. ܥܒܼܪ ܒܡܕ̈ܝܢܬܐ ܟܠܗܝܢ ܕܓܙܝܪܬܐ܆ ܘܟܬܒ ܫܘ̈ܩܐ ܘܟܠ ܕܘܟܬܐ ܕܡܙܕܒܢ ܒܗܿ ܡܕܡ. ܘܚܢܘ̈ܬܐ ܕܫܘ̈ܩܐ ܟܠ ܕܠܐ ܥܝܠܐ ܗܘܬ ܒܬܥܕܝܠ ܢܣܒܗܿ ܐܝܟ ܕܠܡܿܠܟܐ. ܘܪܚܝܐܼ ܗܟܘܬ. ܘܡܫܚܗ ܠܫܘܩܐ ܒܚܒܠܐ܆ ܡܢ ܬܪܥ ܠܬܪܥܐ ܕܡܕܝܢܬܐܼ ܡܢ ܡܕܢܚܐ ܠܡܥܪܒܐܼ ܘܡܢ ܓܪܒܝܐ ܗܟܘܬ ܠܬܝܡܢܐ. ܘܠܒܪ ܡܢ ܫܘܩܐ ܡܫܚ ܐܪ̈ܒܥܝܢ ܐܡ̈ܐ ܠܟܐ ܘܠܟܐ: ܘܐܢ ܒ̈ܬܐ ܘܐܢ ܚܢܘ̈ܬܐ: ܟܒܫ ܒܗܠܝܢ ܐܪ̈ܒܥܝܢ ܐܡ̈ܐ ܘܟܬܼܒ ܐܢܘܢ. ܘܟܠ ܕܘܟܬܐܕܠܐ ܟܬܼܝܒܐ ܗܘܬ ܒܬܥܕܝܠܼ. ܐܢ ܓܢܬܐ ܘܐܢ ܪܚܝܐ ܘܐܢ ܙܪܥܬܐܼ. ܟܬܒܗܿ ܒܨܘܦܝܿ. ܐܝܟ ܕܠܡܠܟܐ ܘܐܦ ܠܫܘܪܐ ܟܕ ܚܕܪ ܘܠܦܪ̈ܩܣܘܗܝ ܟܬܒ ܐܢܘܢ. ܘܥܠ ܐܪ̈ܒܥܝܢ ܐܡܝ̈ܢ ܡܢܗ ܟܬܼܒ ܟܕ ܚܕܪ. ܘܗܟܢܐ ܥܒܼܕ ܠܟܠܗܝܢ ܡܕܝ̈ܢܬܐ ܕܓܙܝܪܬܐ ܘܕܡܥܪܒܐ. ܡܛܠ ܕܗܼܘ ܥܒܼܪ ܥܠ ܓܙܝܪܬܐ ܘܥܠ ܡܥܪܒܐܼ. ܘܐܦ ܥܠ ܐܪܡܢܝ ܕܐܪ̈ܒܥ. ܘܩܒܠ ܐܢܝ̈ܢ ܡܢܗ ܐܢܫ̈ܐ ܐܚܪ̈ܢܐ ܠܕ̈ܘܟܝܬܐ ܗܠܝܢ ܒܩܛܝܥܬܐ. ܘܗܼܘ ܢܚܼܬ ܠܚܪܢ. ܘܡܟܝܠ ܠܝܬ ܡܕܡ ܐܠܐ ܓܝܣܐ ܘܚܘܦܝܐ: ܕܐܙܠ ܠܒܝܟ ܘܕܐܬܐ ܬܘܒ ܠܒܼܝܟ. ܘܡܪܝܛ ܘܫܩܝܠ ܟܠ ܕܐܝܬ ܥܡܗ. ܐܢ ܙܒܿܢ ܘܐܢ ܠܐ ܡܿܙܒܢ: ܟܠ ܡܿܢ ܕܐܝܬ ܗܘܼܐ ܥܡܗ ܡܕܡ ܠܒܟܘܗܝ ܘܫܩܼܠܘ ܥܒܿܕܗ. ܘܢܦܩܝܢ ܗܘܘ ܐܦ ܠܚܩ̈ܠܬܐ ܘܠܐܘܪ̈ܚܬܐ: ܘܠܒܟܝܢ ܟܠ ܥܒܪ̈ܝ ܐܘܪܚܐ.

ܥܠ ܡܥܣܪ̈ܢܐ܀ ܥܼܒܕ ܕܝܢ ܐܦ ܥܡܠܐ ܐܚܪܢ ܥܠ ܥܘܣܪܐܼ݂ ܘܫܕܪܗ ܥܠ ܚܪܒܐ ܕܐܪܥܐ. ܗܢܐ ܕܝܢ ܟܕ ܐܬܼܐ ܘܥܼܠ ܠܡ̈ܕܝܢܬܐܼ. ܥܼܠ ܠܫܘ̈ܩܐ ܘܥܼܒܪ ܠ ܚܢ̈ܘܬܐ. ܘܟܬܿܒ ܗܘܐ ܥܿܒܕܐ ܕܒܓܘܗܿ. ܘܐܢ ܕܝܢ ܐܝܬ ܗܘܐ ܒܡܐܐ ܙܘ̈ܙܐܼ. ܟܬܿܒ ܗܘܐ ܗܼܘ ܒܡ̈ܬܝܢ. ܘܫܩܿܠ

Page 267

ܗܘܐ ܥܘܣܪܐ ܟܠ ܡܐܐ ܙܘ̈ܙܐܼ ܚܡ̈ܫܐ. ܘܐܢ ܡܫܟܚ ܗܘܐ ܟܘܠ ܡ̈ܐܐ ܥܣܪ̈ܐ. ܘܬܘܒ ܢܿܦܩܝܢ ܠܐܘܪ̈ܚܬܐ. ܘܕܥܒܪ ܘܕܐܙܿܠ ܥܡ ܕܐܬܿܐ ܫܠܚܘܗܝ. ܘܢܿܦܝܢ ܐܦ ܕ̈ܘܝܐ ܕܒܡܕ̈ܝܢܬܐ. ܘܛܦܿܫܝܢ ܗܘܘ ܒܐܘܪ̈ܚܬܐ ܒܠ̈ܝܠܘܬܼܐ. ܘܥܿܠܝܢ ܘܣܦܚܝܢ ܗܘܘ ܒܟܪ̈ܡܐ ܐܝܠܝܢ ܕܥܒܿܪܐ ܥܠܝܗܘܢ ܐܘܪܚ ܡܿܠܟܐ. ܘܟܕ ܥܒܿܪܝܢ ܐܢ̈ܫܐ ܬܓܪ̈ܐ ܡܣܟ̈ܢܐܿ. ܘܐܝܠܝܢ ܕܥܿܠܢ ܒܬܪ ܦܘܬܐܼ ܠܒܟܝܢ ܗܘܘ ܠܗܘܢ ܩܫܝܐܝܬ. ܘܐܡܿܪܝܢ܆ ܕܐܘ ܗܒ ܠܢ ܙܦܠܢ܆ ܐܘ ܩܿܪܘܒܘܢ ܨܝܕ ܐܡܝܪܐ. ܘܗܟܢܐ ܟܡܐ ܕܨܒܿܝܢ ܗܘܘ ܫܿܩܠܝܢ ܡܢܗܘܢ. ܘܠܡܚܣܢ ܡܫܕܪܝܢ ܗܘܘ ܠܗܘܢ. ܐܢ̈ܫܐ ܡܣܟ̈ܢܐ ܕܥܿܠܝܢ ܗܘܘ ܒܬܪ ܦܘܬܐܼ. ܠܿܒܟܝܢ ܗܘܘ ܠܗܘܢܼ ܘܫܿܩܠܝܢ ܟܠܡܕܡ ܕܐܝܬ ܥܡܗܘܢ. ܘܟܕ ܡܦܝܣܝܢ ܗܘܘ ܠܗܘܢ ܕܢܬܠܟܘܢ ܠܗܘܢ ܕܢܥܪܩܢܼ ܐܡܿܪܝܢܼ ܙܠܘ ܥܩܘܪ ܬܠ̈ܬܐ ܝܘ̈ܡܬܐ ܒܙܘܙܐ ܐܘ ܐܪ̈ܒܥܐ. ܐܝܟ ܗܿܘ ܕܒܓܢܬܗ ܥܩܿܪ ܗܘܐܼ ܡܚܫܒ ܗܘܐ ܥܡܗܘܢ. ܘܗܟܢܐ ܒܟܠܕܘܟ ܡܫܠܚܝܢ ܗܘܘ ܒܢܝ̈ܢܫܐ ܠܡ̈ܣܟܢܐ. ܘܐܦ ܗܢܘܢ ܓܢܒ̈ܐܼ ܟܠ ܐܝܟܐ ܕܡܫܿܟܚܝܢ ܗܘܘ ܐܢ̈ܫܐ ܡܣ̈ܟܝܢܐ ܥܒܪ̈ܝ ܐܘܪܚܐܼ ܥܒܼܕ ܢܦܫܗܘܢ ܐܝܟ ܠܡ ܡܥܣܪ̈ܢܐܼ ܘܫܠܼܚ ܐܢܘܢ. ܘܡܛܝܠ ܠܐ ܣܢܝܩܝܢ ܗܘܘ ܕܢܟܡܢܘܢ ܒܐܘܪ̈ܚܬܐ ܒܠܠܝܐܼ. ܕܒܦܠܓܗ ܕܝܘܡܐ ܣܥܿܪܝܢ ܗܘܘ ܨܒܝܢܗܘܢ ܘܢܝܚܗܘܢ܀ ܟܬܒܘܢ ܕܝܢ ܐܦ ܥܒܘܪܐ ܕܒܢܝ̈ܢܫܐ. ܘܟܕ ܐܝܬ ܗܘܐ ܠܐܢܫ ܚܡ̈ܫܝܢ ܓܪ̈ܝܒܐܼ. ܟܬܒܘܢ ܗܼܢܘܢܼ ܐܠܦܐ. ܟܡܐ ܕܨܒܿܐ ܗܘܐ ܨܒܝܢܗܘܢ ܟܬܒܿܝܢ ܗܘܘ. ܐܠܐ ܒܗܿ ܒܗܕܐ ܫܢܬܐ ܠܐ ܐܚܣܪ ܡܕܡ.

Page 268

ܥܠ ܡܟܪܟܕܢܐܼ ܘܥܠ ܛܒ̈ܥܐ܀ ܥܒܼܕ ܕܝܢ ܥܡܠܐ ܐܚܪ̈ܢܐ ܕܢܟܪܟܕܘܢܛܒܘܥ ܐܢܘܢ ܠܒܢܝ̈ܢܫܐ ܒܩܕܠܗܘܢ ܐܝܟ ܥܼܒ̈ܕܐ. ܘܟܠ ܐܡܿܪ ܢܒܝܐܼ ܕܠܐ ܫܩܝܠ ܠܪܘܡܗܿ ܕܚܝܘܬܐ ܗܿܝ ܒܝܬ ܥܝ̈ܢܘܗܝ. ܗܪܟܐ ܕܝܢ ܠܘ ܒܠܚܘܕ ܒܝܬ ܥܝ̈ܢܐ ܛܥܢܝܢ ܗܘܘܼ. ܐܠܐ ܥܠ ܬܪ̈ܬܝܗܝܢ ܐܝܕ̈ܘܗܝܼ ܘܥܠ ܚܕܝܗ ܘܐܦ ܥܠ ܚܨܗ. ܗܢܐ ܟܕ ܐܬܼܐ ܝܬܝܪ ܡܢ ܟܠܗܘܢ ܗܠܝܢ ܕܩܕܡܘܗܝ ܐܙܝܥܗܿ ܠܐܪܥܐ ܒܡܬܝܬܗ. ܡܛܠ ܗܿܝ ܕܦܩܝܕ ܗܘܐ ܢܛܒܥ ܐܢܘܢ ܥܠ ܐܝܕ̈ܝܗܘܢܼ ܛܒܥܐ ܕܠܐ ܥܿܒܪ ܗܘܐ ܐܘ ܡܬܠܚܐܡܢ ܕܘܟܬܗ ܟܠ ܝܘ̈ܡܝ ܚܝ̈ܝ ܒܪܢܫܐ. ܟܕ ܥܼܠ ܕܝܢ ܠܡܕ̈ܝܢܬܐܼ ܐܫܬܓܫܘ ܟܠܗܘܢ ܒܢܝ̈ܢܫܐܼ. ܘܥܪܩ ܡܢ ܩܕ=ܡܘܗܝ. ܘܐܬܚܕܘ ܚܢ̈ܘܬܐܼ. ܘܒܼܛܠܘ ܫܘ̈ܩܐ ܡܢ ܙܒܢܐ ܘܙܘܒܢܐ. ܘܒܛܠ ܐܦ ܐܘܪ̇ܗܬܐ ܡܢ ܥ̈ܠܘܠܐ ܘܡܢ ܢܦܘ̈ܩܐ. ܥܠܘ̈ܠܐ ܟܠܘ ܒܝܕ ܕܕܚܠܘ ܡܢ ܒܝܫ̈ܬܐ. ܢܦܘ̈ܩܐ ܕܝܢ ܬܘܒ ܟܠܘܼ. ܒܝܕ ܕܠܒܼܟ ܬܪ̈ܥܐ ܘܠܐ ܝܗܼܒ ܠܐܢܫ ܢܦܘܩ ܡܢ ܡܕܝܢܬܐ. ܘܟܕ ܗܟܢܐ ܥܒܕ ܐܝܟ ܝܘ̈ܡܬܐ ܕܫܒܬܐ ܚܕܐ: ܘܠܐ ܦܫ ܐܢܫ ܒܫܘܩܐܼ. ܘܠܐ ܡܢ ܐܬܪܐ ܐܢܫ ܬܘܒ ܥܐܠ ܠܡܕܝܢܬܐܼ݂ ܫܕܪ ܥܡ̈ܠܐ ܕܓܙܝܬܐ: ܨܕܝ ܗܿܘ ܕܐܬܣܝܡ ܚܠܦ ܥܒܣܼ ܕܢܥܩܘܪ ܓܙܝܬܐ. ܟܕ ܐܡܪܝܢ ܕܥܡܐ ܥܪܝܩ ܡܢ ܗܢܐ: ܘܐܢ ܠܐ ܐܙܿܠ ܡܢ ܗܪܟܐܼ. ܬܬܒܼܥ ܓܙܝܬܐ ܠܐ ܡܼܨܝܬ. ܗܼܘ ܕܝܢ ܟܕ ܗܠܝܢ ܫܡܼܥܼ. ܫܕܪ ܟܬܒܐ ܒܬܪܗܼ ܘܢܚܼܬ. ܘܗܘܼܐ ܪܘܚܬܐ ܩܠܝܠ ܙܒܢܐ ܥܠ ܒܢ̈ܝܢܫܐ ܡܢ ܗܢܐ. ܡܛܠ ܕܒܗܕܐ ܫܢܬܐ ܒܛܼܠ.

ܥܠ ܓܠܘ̈ܬܐ܀ ܥܗܒܼܕ ܕܝܢ ܐܦ ܥܡܠܐ ܐܚܪܢܐܼ ܕܢܓܠܐ ܟܠ ܐܢܫ ܠܐܬܪܗ ܘܠܒܝܬ ܐܒܘܗܝ. ܐܦ ܗܢܐ ܬܘܒ ܥܼܒܕ ܐܦ ܗܼܘ ܥܡ̈ܠܐܼ݂ ܘܫܕܪ ܠܡܕ̈ܝܢܬܐ. ܠܘ ܠܟܠ ܡܕܝܢܬܐ ܚܕ ܥܡܠܐ: ܐܠܐ ܕܟܠ ܡܕܝܢܬܐ ܥܡܠܐ ܡܫܕܪ ܗܘܼܐ ܠܗ ܥܠ ܡܕܝܢܬܐ ܐܚܪܝܬܐ. ܐܝܟܢܐ ܕܒܚܕܐ ܡܕܝܢܬܐ ܢܬܟܢܫܘܢ ܥܡ̈ܠܐܼ. ܐܝܟ ܟܘܠ ܡܕܝܢܬܐ ܕܒܓܙܝܪܬܐ ܥܡܠܐ ܚܕ ܥܠ ܓ̈ܠܘܬܐ.

Page 269

ܘܡܝܠ ܠܝܬ ܗܘ ܦܘܠܛܐ ܠܚܕ ܡܢ ܓܒ̈ܝܢ: ܐܠܐ ܒܙܘܙܝܐ ܘܒܝܫܬܐ܆ ܘܥܘܼܠܐ ܘܪܘܫܥܐ ܘܟܠܗܘܢ ܗܘܦܟ̈ܐ ܒܝ̈ܫܐܼ. ܘܡܣܘܪܝܐ ܥܡ ܛܠܘܡܝܐ. ܘܦܘܪܥܢܐ ܕܒ̈ܢܝܢܫܐ ܚܕ ܡܢ ܚܕ. ܠܘ ܒܠܚܘܕ ܡܢ ܒܪ̈ܝܐܼ ܐܠܐ ܡܢ ܓܘܝ̈ܐ. ܘܐܚܐ ܥܠ ܐܚܘܗܝ ܡܬܢܟܠ ܗܘܐ: ܘܗܼܘ ܠܗܿܘ ܡܿܣܪ ܗܘܐ.. ܥܒܼܕ ܕܝܢ ܥܠ ܡܪܕܐ ܓܒܪܐ ܦܘܪܣܝܐ ܕܢܘܒܠ ܓܠܘܬܗܿ ܘܢܥܩܘܪ ܓܙܝܬܗ܇ ܡܛܠ ܕܝܬܝܪ ܡܢ ܟܠ ܕܘܟ ܥܪܝܩ ܗܘܐ ܥܡܗܿ. ܘܥܒܝܕܐ ܗܘܬܼ ܟܠܗܿ ܐܪܥܐ ܕܛܝ̈ܝܐ. ܘܣܘܪ̈ܝܝܐ ܥܪܩܼ ܟܠܗܘܢ ܡܢ ܒܝܢܬܗܘܢ. ܫܡܗ ܕܝܢ ܐܝܬܘܗܝ ܟܠܝܠ ܒܪ ܙܕܢ. ܗܢܐ ܒܝ̈ܫܬܐ ܣܓ̈ܝܬܐ ܐܣܒܠ ܐܢܘܢ ܠܛ̈ܝܝܐ. ܠܐ ܡܢܩܕܡܘܗܝ ܐܦܠܐ ܡܢ ܒܬܪܗ ܐܫܬܟܚ ܠܗ ܚܒܪܐ ܒܒܥܠܕܒܒܘܬܐ ܕܠܘܩܒܠ ܛܝ̈ܝܐ. ܫܕܪ ܐܡܝܪ̈ܢܐ ܡܢ ܕܝܠܗ ܠܡܕ̈ܝܢܬܐ ܟܠܗܝܢ: ܘܟܠܢܫ ܕܡܫܬܡܥܐ ܗܘܬܼ ܥܠܘܗܝ ܕܗܘܼܐ ܗܘܐ ܠܗ ܐܘ ܠܐܒܘܗܝ ܐܘ ܠܐܒܘܗܝ ܕܐܒܘܗܝ ܡܢ ܡܪܕܐ܆ ܡܢ ܐܪ̈ܒܥܝܢ ܐܘ ܚ̈ܡܫܝܢ ܫ̈ܢܝܢ܆ ܥܿܩܪ ܗܘܐ ܠܗ ܡܢ ܒܝܬܗ ܘܡܢ ܩܪܝܬܗ ܘܡܢ ܐܪܬܗ܆ ܘܡܚܬ ܗܘܐ ܠܗ. ܨܝܕ ܗܢܐ ܠܐ ܫܘܚܕܐ ܡܫܬܩܠ ܗܘܐ: ܘܐܦܠܐ ܦܝܣܬܐ ܡܬܩܒܠܐ ܗܘܬܼ. ܘܐܦܠܐ ܣܓܝ ܡܬܡܪܛܝܢ ܗܘܘ. ܘܗܟܢܐ ܟܢܼܫ ܥܡܐ ܠܗ ܠܐܬܪܐ ܗܿܘ: ܥܕܡܐ ܕܠܝܬ ܗܘܐ ܕܘܟܬܐ ܐܘ ܩܪܝܬܐ ܐܘ ܚܪܒܬܐܼ ܕܠܐ ܡܠܗܿ ܘܣܦܢܗܿ ܒܒܢܝ̈ܢܫܐ. ܛܝ̈ܝܐ ܕܝܢ ܐܥܒܼܪ ܐܢܘܢ ܐܬܪܐ ܥܠ ܐܬܪܐ. ܟܕ ܟܘܠ ܕܐܝܬ ܗܘܐ ܠܗܘܢ ܢܣܒܗ. ܟܕ ܐܦ ܙܪ̈ܥܬܗܘܢ ܘܒ̈ܬܝܗܘܢ ܡܠܼܐ ܐܢ̈ܝܢ ܣܘܪ̈ܝܝܐ: ܘܚ̈ܛܝܗܘܢ ܐܙܪܥ ܐܢܝ̈ܢ ܠܣܘܪ̈ܝܝܐ. ܘܐܦ ܐܝܠܝܢ ܕܥܬܝܪ̈ܝܢ ܒܗܘܢܼ. ܠܒܟܼ ܐܢܘܢ: ܘܒܫܢܕ̈ܐ ܕܠܐ ܪ̈ܚܡܐ ܐܬܚܫܚ ܥܡܗܘܢ܇ ܒܝܕ ܫܢ̈ܕܐ ܘܡܚ̈ܘܬܐ ܕܒܟܘܠ ܫܘܚ̈ܠܦܝܢ. ܘܟܕ ܕܝܢ ܡܝܬܐ ܗܘܐ ܠܚܕ ܡܢܗܘܢ ܘܡܥܒܪ ܗܘܐ ܡܓܪܥܬܐ ܥܠ ܪܝܫܗ ܘܥܠ ܕܩܢܗ. ܘܥܿܒܕ ܗܘܐ ܠܗ ܟܠܝܠܐ ܕܠܝܫܐ ܘܣܝܡ ܒܪܝܫܗ. ܘܡܘܬܒ ܗܘܐ

Page 270

ܠܘܩܒܠ ܫܡܫܐ܆ ܘܪܡܿܐ ܗܘܐ ܡܫܚܐ ܥܠ ܪܝܫܗ: ܐܝܟܐ ܕܢܚܘܬ ܩܠܝܠ ܩܠܝܠ ܥܠ ܥܝ̈ܢܘܗܝ܇ ܘܐܦ ܪܝܫܗ ܡܬܦܪܬܚ ܗܘܐ ܘܡܨܕܪ. ܥܡ ܨܦܘ̈ܦܐ ܕܫ̈ܩܐ ܘܕܨܒ̈ܥܬܐ ܘܕܕܪ̈ܥܐ. ܘܓܘ̈ܙܐ ܕܦܪܙܠܐ ܕܣܐܡ ܗܘܐ ܥܠ ܥܝܢܝ̈ܗܘܢ. ܘܗܟܢܐ ܒܫ̈ܢܕܐ ܕܠܐ ܪ̈ܚܡܐ ܡܬܗܦܟ ܗܘܐ ܥܡܗܘܢ܆ ܘܠܣܓܝ̈ܐܐ ܡܢܗܘܢ ܐܘܒܕ. ܘܕܫܪܟܐ ܥܼܪܩ ܘܥܒܼܪ ܐܬܪܐ ܥܠ ܐܬܪܐ܀ ܥܠ ܒܝ̈ܫܬܐ ܐܚܪ̈ܢܝܬܐ ܕܗ̈ܘܝ ܒܡܕ̈ܝܢܬܐ ܟܠܗܝܢ܆ ܢܩܪܐ ܠܪܒܐ ܝܘܐܝܠ: ܕܗܼܘ ܩܕܡܝܐ ܚܼܙܐ ܐܢ̈ܝܢ܇ ܘܗܼܘ ܢܫܬܥܐ ܐܢ̈ܝܢ ܠܟܘܢ. ܫܡܥ ܗܕܐ ܩܫܝ̈ܫܐ܆ ܘܨܘܬ ܟܠ ܥܡܘܪ̈ܝܗܿ ܕܐܪܥܐ: ܐܢ ܗܘܬܼ ܐܝܟ ܗܕܐ ܒܝܘܡܝ̈ܟܘܢ ܐܘ ܒܝܘܡ̈ܝ ܐܒܗ̈ܝܟܘܢ. ܐܫܬܥܘ ܥܠܝܗܿ ܠܒܢܝ̈ܟܘܢ: ܘܒܢܝ̈ܟܘܢ ܠܒܢܝ̈ܗܘܢ܆ ܘܒܢܝ̈ܗܘܢ ܠܕܪܐ ܐܚܪܢܐ. ܕܡܕܡ ܕܐܘܬܪ ܩܡܨܐ ܦܪܚܐܼ ܐܟܠ ܩܡܨܐ ܙܚܠܐ. ܘܡܕܡ ܕܐܘܬܪ ܩܡܨܐ ܙܚܠܐܼ ܐܟܠ ܨܪܨܘܪܐ.. ܟܕ ܚܙܐ ܢܒܝܐ ܠܙܒܢܐ ܗܢܐܼ. ܘܠܒܝ̈ܫܬܐ ܗܠܝܢ ܕܒܗ ܥܬܝܕ̈ܢ ܕܢܐܝ̈ܬܝܢ ܥܠ ܒܢܝ̈ܢܫܐܼ ܗܠܝܢ ܐܡܼܪ. ܗܟܢܐ ܐܦ ܒܥܒܕܐ ܫܩܠܘ ܫܘܠܡܐ ܡܠܘ̈ܗܝ. ܕܡܿܢ ܕܡܼܢ ܨܘܦܝ ܡܬܦܠܛ ܗܘܐܼ ܡܩܒܠ ܗܘܐ ܠܗ ܡܥܣܪܝܢܐ. ܘܡܿܢ ܕܡܢ ܡܥܣܪܢܐ ܦܼܠܛܼ ܩܒܠܗ ܓܠܘܝܐ. ܘܡܿܢ ܕܡܼܢ ܓܠܘܬܐ ܥܼܪܩܼ ܩܒܠܘܗܝ ܡܫܠܚ̈ܢܐ. ܟܕ ܝܬܝܪ ܡܢ ܟܠܗܘܢܼ ܩܘܪ̈ܝܝܐ ܒܝ̈ܫܝܢ ܗܘܘ ܠܗܘܢ. ܕܡܫܠܚܝܢ ܗܘܘ ܠܗܘܢܼ ܒܥ̈ܠܼܢ ܥ̈ܠܼܢ ܕܙܢ̈ܝܢ ܙܢ̈ܝܢ. ܘܒܝܕ ܕܥܡ̈ܠܐ ܕܓ̈ܠܘܬܐ ܕܡܠܝܐ ܗܘܬ ܟܠܗܿ ܐܪܥܐܼ. ܚܠܝܢ ܗܘܘ ܕܢܬܚܙܘܢ ܩܕܡ ܫܘܠܛܢܐ: ܐܦ ܗܼܢܘܢ ܥܡ̈ܠܐ ܥܘ̈ܠܐ ܕܓܠ̈ܘܬܐܼ. ܟܠ ܕܚܙܝܢ ܗܘܘܼ ܨܝܕܝܢ ܗܘܘ. ܐܘ ܡܪܛܝܢܗܘܘ ܠܗ ܘܫܩܠܝܢ ܥܒܕܗ܇ ܐܘ ܕܒܪܝܢ ܗܘܘ ܘܡܫܠܡܝܢ ܠܗ ܠܗܿܘ ܥܡܠܐ ܕܓܠܘܬܐ ܕܐܪܥܗ. ܐܝܟܢ ܕܐܢܫ ܠܐ ܢܐܡܪ ܡܢ ܒܝܫܬܐ ܚܕܐ. ܡܛܠ ܕܚܕ ܠܚܕ ܡܨܕܝܢ ܗܘܘ ܠܗܘܢ. ܘܥܠ ܡܙܠܬܗܘܢ ܠܘ ܣܓܝ ܝܿܨܦܝܢ

Page 271

ܗܘܘ. ܐܠܐ ܕܡܿܫܠܚܝܢ ܗܘܘ ܠܗ ܐܝܟ ܨܒܥܐܼ. ܘܐܗܡܝܘ ܡܢܗ ܩܠܝܠ. ܐܝܟ ܕܢܥܪܘܩ ܡܢܗܘܢ ܘܠܐ ܢܐܙܠ ܥܡܗܘܢ ܘܢܟܣ ܐܢܘܢܼ ܕܚܛܦܘ ܥܒܕܗ. ܘܬܘܒ ܘܢ ܓܕܫ ܘܨܕܘܗܝ ܒܫܝܢ ܗܘܘ ܠܗ ܡܢ ܩܕܡܝܬܐ. ܘܗܟܢܐ ܒܟܠܗܘܢ ܐܬܪ̈ܘܬܐ ܕܓܙܝܪܬܐ ܫܿܘܐ ܗܘܐ ܪܘܓܙܐ ܗܢܐ܀ ܬܘܒ ܦܼܩܕ ܕܠܐ ܐܢܫ ܢܚܨܘܕ: ܠܐ ܛܝܝܐ ܐܦܠܐ ܣܘܪܝܝܐ.. ܦܘܩܕܢܐ ܗܢܐ ܩܕܡ ܕܢܥܘܠ ܠܓܙܝܪܬܐ ܐܬܦܼܩܕ܆ ܕܠܐ ܐܢܫ ܢܚܨܘܕ ܐܘ ܢܕܪܟ. ܡܛܠ ܗܿ ܝܕܨܒܿܐ ܗܘܐ ܕܢܚܙܐ ܟܠܗܿ ܥܠܠܬܐ. ܘܒܗܿ ܒܫܢܬܐ ܡܠܝܐܝܬ ܥܠ ܥܒܘܪܐ ܒܟܠܕܘܟ. ܘܟܕ ܕܝܢ ܐܬܼܐ ܘܚܼܙܐ ܟܠܡܕܡ܇ ܘܥܼܒܕ ܟܠ ܒܝܫܬܐ ܒܥܒܣܼ. ܥܒܼܕ ܥ̈ܡܠܐ ܐܚܪ̈ܢܐ ܥܠ ܙܟܝ ܕܗܘܼ ܙܕܩ ܐܠܡܠ. ܘܫܕܪ ܥܠ ܐܬܪ̈ܘܬܐ. ܗܠܝܢ ܟܕ ܫܩܠ ܦܘܩܕܢܐ: ܕܠܐ ܪ̈ܚܡܐ ܡܬܚܫܚܝܢ ܗܘܘ. ܟܕ ܥܿܠܝܢ ܗܘܘ ܠܐܘܓܪܣܐ ܕܛܝ̈ܝܐ: ܘܟܠ ܕܐܝܬ ܒܗ܇ ܐܢ ܕܣܘܪ̈ܝܝܐܼ ܘܐܢ ܕܛܝ̈ܝܐ ܐܝܬܘܗܝ ܗܘܐܼ ܟܬܒܝܢ ܗܘܘ ܠܗ. ܠܐ ܗܘܐ ܐܝܟ ܕܐܝܬܘܗܝ ܗܘܐ ܒܠܚܘܕ܇ ܚܙܘܪ̈ܐ ܘܥܪ̈ܡܬܐ ܘܓܕ̈ܝܫܐ ܕܚ̈ܛܐ ܐܘ ܕܣܥܪ̈ܐ. ܐܢ ܐܝܬܘܗܝ ܚܕ ܡܢܗܘܢ ܒܪ ܡܐܐ ܓܪ̈ܝܒܐ. ܥܒܿܕܝܢ ܗܘܘ ܠܗ ܗܢܘܢ ܒܪ ܬܠ̈ܬܡܐܐ. ܘܗܟܢܐ ܠܐ ܐܢ ܕܣܘܪ̈ܝܝܐ ܐܝܬܘܗܝ ܡܕܡ ܘܠܐ ܕܛܝ̈ܝܐ܆ ܠܐ ܦܫ ܡܕܡ ܕܠܐ ܟܬܒܘܗܝ܇ ܟܠ ܕܒܘܓܪܣܐ ܕܛܝ̈ܝܐ ܐܝܬܘܗܝ. ܐܢ ܓܢܬܐ ܘܐܢ ܙܪܥܐ ܘܐܢ ܩܢܝܢܐ. ܘܥܠܝܢ ܗܘܘ ܘܬܒܥܝܢ ܠܗ ܡܢܗܘܢ ܙܘܙ̈ܐ ܒܡܕܝܢܬܐ. ܐܝܟܢܐ ܕܣܓܝ̈ܐܐ ܡܢܗܘܢ ܟܕ ܡܙܕܒܢ ܗܘܐ ܥܒܘܪ̈ܐ ܘܦ̈ܕܢܐ ܘܚܿܡܪܐ ܐܢ ܐܝܬ ܗܘܼܐ܆ ܠܐ ܡܩܝܡ ܗܘܐ ܗܿܘ ܡܕܡ ܕܬܒܿܥܝܢ ܗܘܘ ܠܗ. ܡܛܠ ܕܟܬܒܝܢ ܗܘܘ ܠܓܒܪܐ ܦܕ̈ܢܐ ܙܦܠܢ. ܘܙܪܝܥ ܠܗܝܢ ܙܦܠܢ ܓܪ̈ܝܒܐ. ܘܐܢ ܠܐ ܙܪܝܥ ܗܘܐ ܠܗ ܠܥܠ ܡܢ ܚܡ̈ܫܐ ܓܪ̈ܝܒܐܼ܆ ܗܼܢܘܢ ܠܦܕܢܐ ܡܫܡܠܝܬܐ ܣܡܝܢ ܗܘܘ ܠܗ. ܘܗܟܢ ܛܝ̈ܝܐ ܝܬܝܪ ܡܢ ܣܘܪ̈ܝܝܐ ܣܒܠܝܢ ܗܘܘ ܐܘ̈ܠܨܢܐ ܘܡܪܪ̈ܐ. ܥܠ ܣܘܪ̈ܝܝܐ ܕܝܢ ܦܩܕ ܥܡܠܐ

Page 272

ܕܓܙܝܬܐ ܘܐܬܟܢܫܘ܆ ܘܟܠ ܩܪܝܬܐ ܒܥܐ ܡܢܗܘܢ ܥܪ̈ܒܐܼ. ܘܫܕܪ ܐܢܘܢ ܕܢܕܪܟܘܢܼ.

ܥܠ ܐܡܝܪ̈ܢܐ ܘܟܬܘ̈ܒܐ ܘܣܓܣܛܪ̈ܐ ܘܪ̈ܝܫܝ ܩ̈ܠܝܡܐ ܘܫ̈ܠܝܛܢܐ܀ ܟܕ ܕܝܢ ܠܐ ܥܕܟܝܠ ܥܒܝܪ ܡܢ ܢܨܒܝܢ܆ ܦܼܩܕ ܕܟܠ ܐܡܝܪܐ ܐܘ ܟܬܘܒܐ ܐܘ ܣܓܣܛܪܐ ܐܘ ܪܝܫ ܩܠܝܡܐ ܐܘ ܫܠܝܛܐܼ ܕܗܘܼܐ ܠܗ ܒܝܘ̈ܡܝ ܥܒܣܼ. ܢܚܬܘܢ ܨܕܝܘܗܝܼ ܥܡ ܛܪ̈ܘܩܢܐ ܬܘܒ ܕܐܬܪܐ. ܘܐܠܘ ܐܝܬ ܗܘܐ ܒܩܪܝܬܐ ܥܣܪ̈ܝܢ ܫ̈ܠܝܛܢܐܼ܆ ܟܠܗܘܢ ܢܚܬܝܢ ܗܘܘ ܥܠ ܟܬܒܝ̈ܗܘܢ. ܘܗܟܢܐ ܢܚܼܬ ܨܝܕܘܗܝ ܠܢܨܒܝܢܼ ܥܡ̈ܠܐ ܐܝܠܝܢ ܕܐܬܡܣܪܘ ܨܝܕܘܗܝ. ܘܫܕܐ ܒܗܘܢ ܦܪ̈ܙܠܐ ܘܥܒܼܪ ܥܡܗ. ܟܬܘܒ̈ܐ ܕܝܢ ܘܣܓܣܛܪ̈ܐܼ ܐܦ ܗܢܘܢ ܥܒܪ ܥܡܗ. ܟܕ ܝܗܒܘܢ ܘܚܣܪܘܢ ܥܕܡܐ ܕܐܟܠܘ ܒܣܗܘܢ܆ ܘܠܐ ܦܠܛܘ. ܐܬܪܐ ܕܝܢ ܟܕ ܙܒܢܐ ܣܓܝܐܐ ܩܘܝ ܨܝܕܘܗܝ. ܘܠܐ ܒܩܪ ܐܢܘܢ ܒܥܠܬܐ ܕܡܕܡ܆ ܒܗܿܝ ܕܣܠܩܘ ܗܢܘܢ ܕܠܐ ܦܘܩܗܕܢܐ. ܘܗܟܢܐ ܠܐ ܐܬܒܩܪܘܢ. ܘܠܐ ܒܬܪ ܕܣܠܼܩ. ܘܟܕ ܗܠܝܢ ܟܠܗܝܢ ܥܒܼܕ ܒܓܙܝܪܬܐܼ܆ ܣܼܡ ܥܒܕܗ ܒܩܠܢܝܩܣ܀ ܐܝܟ ܡܐ ܕܐܦ ܐܫܥܝܐ ܐܡܼܪ ܥܠܘܗܝ: ܣܼܡ ܡ̈ܐܢܘܗܝ ܒܡܟܡܣܼ. ܥܒܼܪ ܠܒܝܬ ܒܝܬܢ. ܕܚܠܬܼ ܪܡܬܐ: ܘܓܒܥܬ ܫܐܘܠ ܥܪܩܬ. ܣܼܡ ܗܢܐ ܥܒܕܗ ܒܩܠܢܝܩܣܼ ܘܥܼܒܪ ܠܡܥܪܒܐ ܕܢܐܙܠ ܠܐܘܪܫܠܡ. ܐܙܝܥܗܿ ܐܥܩܪܩܗܿ ܐܪܗܒܗܿ ܐܚܪܒܗܿ ܝܬܝܪ ܡܢ ܓܙܝܪܬܐ. ܥܒܼܕ ܕܝܢ ܐܝܟ ܡܐ ܕܕܢܝܐܝܠ ܡܬܢܒܐ ܥܠ ܐܢܛܪܣܛܘܣ. ܒܢܼܐ ܠܡ ܗܝܟܠܐ ܠܒܝܬ ܡܣܓܕܐ܆ ܡܛܠ ܕܗܘܿ ܡܘܢ ܕܐܝܬ ܩܠܝܠ ܡܢ ܗܿܘ ܕܫܠܡܘܢܘܼ. ܒܝܬ ܡܣܓܕܐ ܕܛܝ̈ܝܐ ܐܝܬܘܗܝ. ܫܩܠ ܐܢܬܬܐ ܠܡ ܚܬܐܝܬܐ. ܒܢܝ ܠܡ ܡܣܚ̈ܦܬܗܿ ܥܒܿܕܗܘܢ ܘܩܢܝܢܗܘܢ. ܝܬܝܪܐܝܬ ܬܘܪ̈ܬܐ ܕܓܡܫܼ. ܚܕܐ

Page 273

ܒܨܒܝܢܗ ܠܐ ܫܒܼܩ ܠܐܢܫ. ܘܟܕ ܟܠܗܝܢ ܒܝ̈ܫܬܐ ܥܒܕ ܒܗܿ ܐܝܟ ܡܐ ܕܒܓܙܝܪܬܐܼ. ܥܒܼܪ ܐܬܼܐ ܠܐܘܪܥ ܣܬܘܐ.

ܢܥܛܘܦ ܠܢ ܠܘܬ ܓܙܝܪܬܐܼ ܘܢܚܘܐ ܡܢܐ ܓܕܫ. ܩܕܡ ܡܬܝܬܗ ܡܢ ܡܥܪܒܐܼ ܥܒܼܕ ܓܒܪܐ ܦܘܪܣܝܐ ܕܢܥܩܘܒ ܓܙܝܬܐܼ. ܕܡܬܩܪܐ ܐܒܘ ܥܘܢ: ܘܥܡ̈ܠܐ ܐܚܪ̈ܢܐ ܕܥ̈ܠܬܐ ܐܚܪ̈ܢܝܬܐ. ܘܡܢ ܗܪܟܐ ܫܩܼܠ ܒܝ̈ܫܬܐ. ܐܝܟ ܚܝܘ̈ܬܐ ܚܒ̈ܠܬܐ ܕܟܠܚܕܐ ܚܕܐ ܡܢܗܝܢ ܠܓܒܗܿ ܡܬܠܝܐ ܒܫܠܕܐ . ܗܟܢܐ ܐܦ ܗܠܝܢܼ ܟܕ ܥܿܠܝܢ ܗܘܘ ܠܚܕܐ ܩܪܝܬܐܼ܆ ܚܡ̈ܫܐ ܥܡ̈ܠܐ ܒܚܕ ܝܘܡܐ. ܕܫܐ ܘܐܫ̈ܬܐ ܘܫܒܥ̈ܐܼ ܘܐܝܬ ܐܡܬܝ ܘܥܕܡܐ ܠܥܣܪܐ. ܟܕ ܟܠ ܕܐܝܬ ܗܘܐ ܒܗ8ܘܢ ܠܓܒܗ ܡܢܬܦ ܗܘܼܐ ܠܗܢ ܠܥܡܘܪ̈ܐ ܕܩܪܝܬܐ ܗܿܝ. ܘܐܢ ܐܝܬ ܗܘܐ ܠܗܘܢ ܐܝܕܐ ܘܐܠܐܼ ܕܢܦܩܘܢ ܡܢ ܬܡܘܢ ܘܡܛܥܡܝܢ ܠܗܘܢ ܡܘܬܐ ܠܐ ܡܝܐ ܥܡ ܚܘܣܪ̈ܢܐ ܣܓܝ̈ܐܐ. ܟܕ ܢܗܘܐ ܘܓܕܫ ܘܪܟܒܝܢ܆ ܫܪܘ ܬܘܒ ܬܡܘܢ ܐܚܪ̈ܢܐ. ܘܡܟܝܠ ܘܠܐ ܠܠܚܡܗܘܢ ܡܕܝܢ ܗܘܘ. ܘܡܢܐ ܡܟܝܠ ܐܿܡܪ܆ ܐܠܐ ܐܢ ܡܠܬܗ ܕܢܒܝܐ. ܗܘܝܿܬ ܠܗܘܢ ܠܡ ܐܝܟ ܐܪܝܐ. ܘܐܝܟ ܕܒܐ ܕܬܒܪܐ. ܗܘܝܿܬ ܠܗܘܢ ܠܡ ܐܝܟ ܐܪܝܐ. ܘܐܝܟ ܕܒܐ ܕܬܒܪܐ. ܘܐܝܟ ܢܐܡܪ ܒܐܘܪܚܐ ܕܐܬܘܪ. ܘܢܟܘܠ ܐܢܘܢ ܬܡܢ ܐܪܝܐ: ܘܚܝܘܬ ܒܐܪܐ ܬܦܪܬ ܐܢܘܢ. ܐܢ ܐܢܫ ܡܫܡܗ ܠܗܠܝܢ ܚܝܘܬ ܒܪܐܼ. ܠܐ ܡܘܒܕ. ܡܛܠ ܕܝܬܝܪ ܡܢ ܛܝܪܐ ܘܡܢ ܚܝܘܬ ܒܪܐ ܒܝܫܝܢ ܗܘܘ.. ܘܬܘܒ ܗܼܘ ܢܒܝܐ ܐܼܡܪ܆ ܘܣܬܩ ܘܬܚܪܒ ܡ̈ܥܝܢܘ ܗܝ. ܘܬܘܒܫ ܡܒܘ̈ܥܘܗܝ. ܘܗܼܘ ܢܒܘܙܓܙܐܼ ܕܟܠ ܡ̈ܐܢܐ ܕܪܓܬܐ. ܬܬܚܝܒ ܠܡ ܫܡܪܝܢ ܥܠ ܕܡܪܡܪܬ ܠܐܠܗܗܿ܀ ܘܐܚܪܢܐ ܢܒܝܐ ܐܡܼܪ: ܐܬܥܝܪܘ ܪ̈ܘܝܐܼ܆ . ܘܐܝܠܠܘ ܟܠ ܫ̈ܬܝܝ ܚܡܪܐ܆ ܥܠ ܚܡܪܐ

Page 274

ܕܥܒܪ ܡܢ ܦܘܡܟܘܢ. ܡܛܠ ܕܥܡܐ ܣܠܩ ܠܐܪܥܝ. ܥܫܝܢ ܘܠܝܬ ܠܗ ܡܢܝܢ. ܫܢ̈ܘܗܝ ܐܝܟ ܫܢ̈ܐ ܕܐܪܝܐ: ܘܢܐܒ̈ܘܗܝ ܐܝܟ ܢܐܒ̈ܐ ܕܓܘܪܝܐ ܕܐܪܝܐ. ܚܙܿܐ ܐܢܬ ܐܝܟܢܐ ܢܒܝ̈ܐ ܩܿܪܝܢ ܠܗ ܠܥܡܐ ܗܢܐ ܒܝܫܐܼ. ܚܝܘܬ ܒܪܐ. ܥܒܼܕ ܓܦܬܝ ܠܡ ܠܚܘܪܒܐ: ܘܬܬܝ ܠܦܘܫܚܐ. ܦܫܚܗܿ ܘܫܕܗܿ ܘܚܘܪ ܣܘܟ̈ܝܗܿ. ܫܪܝܪܐܝܬ ܥܒܼܪ ܚܡܪܐ ܡܢ ܦ̇ܠܚܝ ܟܪܡܐ. ܘܐܦ ܫܪܝܘ ܥܪܩܝܢ ܡܢ ܩܪܝܬܐ ܠܩܪܝܬܐ.. ܟܕ ܐܦܠܐ ܗܟܢܐ ܡܬܦܠܛܝܢ ܗܘܘ. ܐܠܐ ܡܐ ܕܦܠܼܛ ܡܢ ܗܢܐܼ ܩܒܠ ܐܢܘܢܐ ܚܪܢܐ ܘܫܠܚ ܐܢܘܢ. ܘܐܦܢ ܡܢ ܥܡ̈ܠܐ ܓܢ̈ܒܐ ܦܿܠܛܝܢ ܗܘܘܼ܆ ܗܿܝ ܩܪܬܐ ܕܥܿܠܝܢ ܠܗܿ܆ ܡܪ̈ܝܗܿ ܡܡܫܠܝܢ ܗܘܘ ܕܘܟܬ ܓܢ̈ܒܐ ܘܠܣܛܝ̈ܐ. ܘܗܿܘ ܡܿܢ ܕܡܫܬܡܗ ܗܘܐ ܒܗܿ ܐܘ ܡܬܝܕܥ ܪܝܫܐ ܘܡܕܒܪܢܐܼ݂ ܗܼܘ ܐܝܬܘܗܝ ܪܝܫܐ ܕܡܥܪܬܐ ܕܠܣܛܝ̈ܐ. ܘܟܕ ܐܙܿܠܝܢ ܗܘܘ ܡܣܟ̈ܢܐ ܕܢܬܛܦܘܢ ܒܗܼ. ܗܼܘ ܚܦܿܪ ܗܘܐ ܠܗܘܢ ܓܡܘܣܐ ܕܟܠ ܙܢ̈ܝܢ. ܘܟܠܗ̈ܝܢ ܒܝ̈ܫܬܐܼ. ܡܢܗ ܢܒ̈ܥܢ ܗܘ̈ܝ ܠܪ̈ܚܝܩܐ ܘܠܩܪ̈ܝܒܐܼ ܠܓܘ̈ܝܐ ܘܠܒܪ̈ܝܐ. ܗܟܢܐ ܒܗܕܐ ܫܘܝܢ ܗܘܘ ܟܠܗܘܢ ܪ̈ܝܫܝ ܕ̈ܘܟܝܬܐ. ܪܘܪ̈ܒܢܝܗܿ ܠܡ ܡܪܘܕܝܢ: ܘܚܒܪ̈ܐ ܐܢܘܢ ܕܓܢܒ̈ܐ. ܟܠܗܘܢ ܪܚܡܝܢ ܫܘܚܕܐ. ܘܡܣܬܪܗܒܝܢ ܠܡܦܪܥ ܚܘܒ̈ܠܐ. ܠܝܬܡ̈ܐ ܠܐ ܕܝܢܿܝܢ. ܘܥܠ ܐܪ̈ܡܠܬܐ ܠܐ ܡܪܚܡܝܢ. ܘܐܦܠܐ ܕܝܢܼܐ ܕܐܠܗܐ ܐܝܬ ܗܘܐ ܩܕܡ ܥܝܢ̈ܝܗܘܢ. ܘܐܢ ܢܒܝܐ ܗܠܝܢ ܡܣܗܕܼ ܚܢܢ ܕܚܼܙܝܢܢ ܘܓܫܼܢ ܒܐܝܕ̈ܝܢ܆ ܡܘܢ ܥܕܠܝܐ ܐܝܬ ܠܢܼ ܡܢ ܪ̈ܚܡܝ ܐܠܗܐ ܕܣܝܡܝܢܢ ܠܗ̈ܝܢ ܒܟܬܒܐ: ܕܢܬܝ̈ܕܥܢ ܠܕܪ̈ܐ ܕܡܢ ܒܬܪܢ. ܟܬܝܒܼ ܕܫܐܠ ܠܐܒܘܟܼ. ܘܢܚܘܝܟ. ܘܦܩܕ ܠܡ ܠܒܢܝ̈ܟܘܢܼ ܘܒܢܝ̈ܗܘܢ ܠܕܪܐ ܐܚܪܢܐ.

ܥܠ ܗܿܝ ܕܫܪܝܘ ܒܢ̈ܝܢܫܐ ܕܢܚܠܨܘܢ ܩܒܪ̈ܐ܀ ܟܕ ܕܝܢ ܣܓܝ̈ܐܢ ܗܘܼ̈ܝ ܒܝ̈ܫܬܐ: ܘܢܩܫ ܚܕܐ ܠܚܕܐ܆ ܘܓܦܐ ܠܓܦܐ ܛܪ̈ܦܝܢ: ܘܐܘܫ̈ܛܝܢ ܐܝܕܐ ܠܐܝܕܐ: ܘܡܢ ܟܠ

Page 275

ܓܒ̈ܝܢ ܩܠܐ ܕܘܝܐ ܡܫܬܡܥ ܗܘܐ: ܘܐܢܫ ܡܢ ܚ̈ܝܐ ܠܐ ܐܡܿܢ ܠܡܬܦܠܛܘ ܡܢ ܐܘܠܨܢܐ ܗܢܐܼ. ܣܓܐ ܥܠ ܒܢܝ̈ܢܫܐ ܕܐܝܬܝܗܘܢ ܒܚ̈ܝܐ ܦܓܪ̈ܢܝܐ ܥܕܡܐ ܕܐܦ ܥܠ ܫܟ̈ܝܒܝ ܥܦܪܐ ܢܦܩܘܢ ܒܓܝܣܐ: ܘܐܝܠܝܢ ܕܪܓܬܐ ܕܓܢܒܘܬܐ ܘܕܡܚ̈ܠܨܝ ܚܒܪ̈ܐ ܐܝܬ ܗܘܐ ܠܗܘܢ܇ ܘܐܬܓܠܝ ܗܿܘ ܡܢܐ ܕܚܛܝܬܐܼ݂ ܗܿܘ ܒܪܗ ܕܐܒܕܢܐ: ܗܿܘ ܣܢܝܓܪܐ ܕܐܟܠܩܪܨܐ: ܗܿܘ ܕܡܬܪܝܡ ܥܠ ܟܠ ܐܠܗܝܿ ܘܕܚܠܐ: ܗܿܘ ܕܡܢ ܒܝܬܐ ܗܿܘ ܡܪܡܪܢܐ ܐܝܬܘܗܝ ܥܩܪܗ ܘܡܘܥܝܬܗ: ܗܿܘ ܕܡܢ ܥܡܐ ܗܿܘ ܕܨܼܒܐ ܠܡܪܓܡܗ ܠܡܘܫܐ: ܢܒܥܼܬ ܠܢ ܡܘܥܝܬܐ ܒܝܫܬܐ ܒܙܒܢܐ ܗܢܐ: ܥܠ ܕܚܛܝܢ: ܗܢܘܿ ܕܝܢ ܡܘܣܐ ܒܪ ܡܘܨܥܒ. ܠܐ ܥܕܟܝܠ ܣܓܝ ܐܬܠܼܨܘ ܒܢܝ̈ܢܫܐ. ܐܠܐ ܒܠܚܘܕ ܡ̈ܣܟܢ ܬܚ̈ܬܝܐ. ܘܥܡܐ ܓܝܘܪܐ ܕܐܝܬ ܗܘܐ ܒܗܿ ܒܐܪܥܐ. ܗܠܝܢ ܐܬܠܨܘ ܘܚܪܒܘܼ ܘܐܒܕ ܫܢܬܐ ܗܕܐ. ܘܫܪܝܘ ܛܥܝܢܝܢ ܒܢ̈ܝܗܘܢ ܒܩܕ̈ܠܝܗܘܢܼ ܘܥܒܪܝܢ ܡܢ ܩܪ̈ܐ ܠܩܪ̈ܐ. ܒܗܕܐ ܫܢܬܐ ܐܬܘ ܠܢ ܛܒ̈ܐ ܓܢܝ̈ܚܐ ܡܢ ܐܬܪ̈ܘܬܐ ܪ̈ܚܝܩܐ. ܕܒܦܠܢ ܐܬܪܐ ܩܒܪ̈ܐ ܡܥܝܪܝܢ ܒܢܝ̈ܢܫܐ. ܘܡܦܩܢ ܠܡ ܡܢܗܘܢ ܣܐܡܐ ܘܕܗܒܐ. ܟܕ ܠܐ ܡܬܫܪܐ ܗܘܬܼ ܗܕܐ ܠܡܫܡܥܬܢ܆ ܡܛܠ ܓܢܝܚܘܬܗܿ ܕܨܒܘܬܐ: ܕܡܨܝܐ ܕܢܥܒܕܘܢ ܒܢܝ̈ܢܫܐ ܗܕܐ ܠܡܝ̈ܬܐ. ܘܟܕ ܟܠܢܫ ܕܐܿܬܐ ܗܕܐ ܐܡܿܪ ܗܘܐ܆ ܘܕܡܦܩܝܢ ܡܢܗܘܢ ܠܡ ܕܗܒܐܼ. ܚܢܢ ܠܗܕܐ ܕܢܫܪܪ ܠܐ ܡܬܪܡܝܢܢ ܕܡܨܝܐ ܕܗܕܐ ܬܗܘܐ. ܐܠܐ ܠܐ ܣܓܝ ܐܘܚܪܬ ܗܼܝ ܨܒܘܬܐܼ ܘܐܬܚܙܝܬ ܠܢ ܒܥܝ̈ܢܝܢ܇ ܒܐܪ̈ܥܬܢ ܘܒܐܒܗ̈ܝܢ ܘܒܐܚܗܝܢ܆ ܗܠܝܢ ܕܩܕܡ ܫܟܼܒܘ. ܗܿܝ ܕܒܙܒܢܗܿ ܐܦ ܠܗܼܿ. ܐܝܟ ܡܐ ܕܐܝܬܝܗܿ ܣܝܡܝܢܢ ܠܗܿ ܗܪܟܐܼ. ܐܝܟ ܡܐ ܕܗܘܬܼ.

ܥܠ ܩܫܬܐ ܕܡܪܢ ܕܐܬܚܙܝܬ ܒܗܕܐ ܫܢܬܐܼ ܟܕ ܗܦܟܝܐܼ. ܘܥܠ ܫܒܛܐ ܚܘܪܐ ܕܐܬܚܙܝ ܒܡܨܥܬܐ ܕܫܡܝܐܿ.

Page 276

ܕܬܪܨ ܗܘܐ ܠܘܩܒܠ ܟܦܦܐ ܕܝܠܗܿ ܕܩܫܬܐ ܒܕܡܘܬ ܓܐܪܐ܀ ܬܘܒ ܕܝܢ ܐܦ ܒܗܿ ܒܗܕܐ ܫܢܬܐܼ. ܒܐܪܚ ܐܝܪ ܐܬܚܙܝܬ ܩܫܬܐ ܗܕܐ ܕܒܥܢ̈ܢܐ ܐܡܝܢܐܝܬ ܡܬܚܙܝܐܼ. ܟܕ ܟܦܬܗܿ ܠܬܚܬ ܘܕܪ̈ܥܝܗܿ ܠܐܦ̈ܝ ܠܥܠ. ܘܡܬܕܡܝܐ ܠܩܫܬܐ ܕܡܬܝܚܐ ܒܐܝܕܐ ܕܓܒܪܐ ܠܩܪܒܐ. ܟܕ ܐܦ ܡܚܘܝܐ ܠܘܚܡܐ ܘܓܙܡܐ ܥܠ ܥܡܘܪ̈ܝܗܿ ܕܐܪܥܐ. ܐܬܚܙܝܬ ܕܝܢ ܒܝܘܡ ܚܕܒܫܒܐ ܩܕܝܫܐ ܒܬܠ̈ܬ ܫܥ̈ܝܢ ܕܐܝܡܡܐ: ܐܝܟ ܡܐ ܕܣܗܕܘ ܣܒ̈ܐ ܡܝܩܪ̈ܐ ܗܠܝܢ ܕܚܼܙܘ ܩܕܡܝܢ. ܘܐܢ ܐܢܫ ܠܐ ܨܿܒܐ ܠܡܗܝܡܢܘ ܠܗܕܐܼ ܢܒܩܘܪ ܒܩܦ̈ܠܐ ܩܕ̈ܡܝܐܼ ܘܡܫܟܚ ܐܟܘܬܗܿ ܕܗܕܐ. ܟܕ ܐܦ ܣܗܕ̈ܢ ܐܝܠܝܢ ܕܗܘܼ̈ܝ ܒܬܪܟܝܢ. ܬܘ ܒܐܬܚܙܝ ܒܕܡܘܬ ܫܒܛܐ ܚܘܪܐܼ. ܟܕ ܡܬܝܚ ܡܢ ܣܘܦܗܿ ܡܥܪܒܝܐ ܕܫܡܝܐ܆ ܘܐܬܿܐ ܥܕܡܐ ܕܢܝܿܦ ܪܝܫܗ ܠܡܕܢܚܐ ܒܡܨܥܬܗܿ ܕܫܡܝܐ. ܥܒܝܢܗ ܕܝܢ ܐܝܟ ܚܒܠܐ. ܘܠܐ ܬܘܒ ܗܢܐ ܠܣܓܝ̈ܐܐ ܐܬܚܙܝ. ܡܛܠ ܕܝܘܡ̈ܬܐ ܣܓܝ̈ܐܐ ܗܘܼܐ ܟܕ ܣܠܩܿ. ܘܣܓܗܝܐܐ ܣܓܝ̈ܐܬܐ ܐܡܪܘ ܥܠܘܗܝ. ܟܕ ܡܢܗܘܢ ܐܡܪܝܢ ܕܫܒܛܐ ܐܝܬܘܗܝ ܕܪܘܓܙܐܼ. ܐܚܪ̈ܢܐ ܐܡܪܝܢ ܕܣܪܘܩܐ ܚܕ ܡܢ ܗܠܝܢ ܕܣܠܩܝܢ ܒܫܡܝܐ ܐܝܬܘܗܝ. ܠܘ ܡܕܡ ܗܼܘ. ܦܪ̈ܘܫܐ ܕܝܢ ܘܕܚ̈ܠܝ ܐܠܗܐܼ. ܟܕ ܐܬܼܐ ܗܕܐ ܚܙܘܼ. ܕܚܠܬܐ ܪܒܬܐ ܐܬܡܠܝܘ. ܒܗܿܝ ܕܝܕܥܘ ܕܥܠܼܬܐ ܕܚ̈ܛܗܐ ܐܝܬܝܗܿ ܗܕܐܼ. ܘܠܘܚܡܐ ܕܪܘܓܙܐ ܡܠܝܐ. ܫ̈ܛܝܐ ܐܦܠܐ ܥܠ ܒܠܗܘܢ ܐܝܬܝܘ ܠܗܕܐ. ܚܟܝܡܐ ܠܡ ܠܛܘܚܐ ܚܐܪ: ܣܟܠܐܼ ܘܠܐ ܩܕܡ ܥܝܢ̈ܘܗܝ. ܚܟܝܡܐ ܠܡܼ ܥܝܢ̈ܘܝ ܒܪܝܫܗ: ܘܣܟܠܐ ܒܚܫܘܟܐ ܪܕܿܐ. ܬܪܨܝܗ ܕܝܢ ܕܫܒܛܐ ܗܢܐܼ ܠܘܩܒܠ ܡܨܥܬܗܿ ܕܩܫܬܐ ܕܡܬܝܚܐ ܐܬܿܐ ܗܘܐ. ܘܚܘܝ ܣܥܪܘܬܗܼ ܘܠܐ ܣܓܝ ܐܘܚܪ. ܘܣܥܼܪ ܡܥܒܕܢܘܬܐ ܗܿܝ ܕܒܗܿ ܐܫܬܕܪ ܡܢ

Page 277

ܐܠܗܐ. ܐܟܒܪ ܐܡܪ ܐܢܫܼ ܕܠܘ ܩܫܬܐ ܘܓܪ̈ܐ ܐܝܬ ܠܗ ܠܐܠܗܐ. ܘܗܿܘ ܕܗܠܝܢ ܨܒܿܐ ܠܡܐܡܪ: ܢܫܡܥ ܠܡܙܡܪܢܐ ܡܢܐ ܐܡܪ. ܢܬܬܪܝܡ ܠܡ ܐܠܗܐܼ ܘܢܫܕܐ ܒܗܘܢ ܓܐܪܐ ܡܢ ܫܠܝܐ. ܘܢܬܟܪܗܘܢ ܠܫܢ̈ܝܗܘܢ. ܘܢܬܚܠܘܢ ܟܠ ܕܚܿܙܝܢܼ ܠܗܘܢܼ ܘܢܚܠܘܢ ܟܠ ܒܢ̈ܝܢܫܐ. ܘܬܘܒ ܐܡܪ: ܕܫܕܪ ܓܐܪ̈ܘܗܝܼܘ ܒܕܪ ܐܢܘܢ. ܐܬܒܕܪܘ ܒܢ̈ܝܢܫܐ. ܗܘܘ ܓܝܘܪ̈ܐ ܒܟܠ ܐܬܪ̈ܘܢ܆ ܚܪܒ ܐܪ̈ܥܬܐ ܨܕܝ ܩܘܪ̈ܝܣ. ܐܙܼܠ ܥܡܐ ܐܬܪܐ ܥܠ ܐܬܪܐ.

ܥܠ ܐܬܿܐ ܐܚܪܝܬܐ ܕܐܬܚܙܝܬ ܬܘܒ ܒܦܢܝܬܐ ܓܪܒܝܝܬܐܼ ܒܗܿ ܒܫܢܬܐ܀ ܐܬܿܐ ܕܝܢ ܐܚܪܝܬܐ ܐܬܚܙܝܬ ܒܣܘܦܐ ܓܪܒܝܝܐ. ܟܕ ܗܼܘ ܚܙܘܗܿ ܡܿܣܗܕ ܗܘܐ ܥܠ ܠܘܚܡܗ ܘܓܙܡܗ ܕܐܠܗܐ ܕܥܠܝܢ. ܐܬܼܚܙܝܬ ܕܝܢ ܒܝܘܡ̈ܬܐ ܕܚܨܕܐ: ܟܕ ܠܒܟܐ ܗܘܬ ܠܟܠܗ ܓܒܐ ܓܪܒܝܝܐܼ. ܡܢ ܩܪܢܐ ܡܕܢܚܝܬܐ ܘܥܕܡܐ ܠܩܪܢܐ ܡܥܪܒܝܬܐ. ܕܡܘܬܗܿ ܕܝܢ ܗܟܢܐ ܐܝܬܝܗܿ: ܚܕ ܫܒܛܐ ܣܘܡܩܐܼ. ܘܚܕ ܩܝܘܪܩܐ. ܘܚܕ ܐܘܟܡܐ. ܘܚܕ ܟܘܪܟܡܢܐ. ܣܿܠܩܐ ܗܘܬ ܕܝܢ ܡܢ ܠܬܚܬ ܘܥܕܡܐ ܠܥܠ. ܟܕ ܚܕ ܫܒܛܐ ܕܥܿܟܼ. ܘܐܚܪܢܐ ܣܿܠܩ. ܘܟܕ ܐܢܫ ܚܐܪ ܒܗܿ ܡܫܬܚܠܦܐ ܗܘܬ ܠܫܒ̈ܥܝܢ ܫܘ̈ܚܠܦܐ. ܘܠܦܪ̈ܘܫܐ ܐܬܿܐ ܕܓܙܡܐ ܡܘܕܥܐ ܗܘܬ. ܘܥܠ ܗܕܐ ܣ̈ܓܝܐܐ ܣܓ̈ܝܬܐ ܐܡܼܪ. ܟܕ ܐܡܪܝܢܼ ܕܕܡܐ ܡܿܘܕܥܐ. ܐܚܪ̈ܢܐ ܐܚܪ̈ܢܝܬܐ ܐܡܼܪ. ܐܠܐ ܡܢܼܘ ܝܿܕܥ ܥܒܿܕ̈ܘܗܝ ܕܡܪܝܐ. ܐܬܠ ܠܡ ܐܬܘ̈ܬܐ ܒܫܡܝܐܼ. ܘܓܒܪ̈ܘܬܐ ܥܠ ܐܪܥܐ.

ܥܠ ܗܿܝ ܕܐܝܟܢܐ ܐܬܚܪܬ ܓܙܝܬܐ. ܘܥܠ ܚܒܘܫܝܐ ܕܒܥ̈ܕܬܐ܀ ܟܕ ܕܝܢ ܬܒܥܘܢ ܡܢ ܟܠܢܫ܆ ܘܠܐ ܐܬܡܨܝܘ ܚܝܠܐ ܕܚܪܘܢ ܠܟܠܗܼܿ. ܠܒܼܟ ܐܢܘܢ ܐܡܝܪܐ ܠܗܠܝܢ ܥܪ̈ܒܐܼ. ܘܦܠܼܓ ܥܠܝܗܘܢ ܟܡܐ ܕܐܫܟܚ. ܠܟܠܢܫ

Page 278

ܒܚܕܐ ܫܘܝܘܬܐ. ܘܗܢܼܘܢ ܦܠܓܘ ܥܠ ܩܘܪ̈ܝܣ ܕܝܠܗܘܢ ܘܡܛܠ ܕܠܐ ܥܕܟܝܠ ܫܼܪܝܢ ܗܘܘ ܥܡ̈ܠܐ ܗܠܝܢ ܕܥܒܣ: ܘܠܐ ܥܩܪܐ ܕܟܠܗܝܢ ܒܝ̈ܫܬܐ ܥܕܟܝܠ ܐܬܼܐ܆ ܠܐ ܢܦܼܩ ܒܛܠܘܡܝܐ ܐܘ ܠܒܪ ܡܢ ܙܕܩܗܿ ܕܘܿܠܝܬܐ. ܐܠܐ ܡܢ ܕܘܟܝ̈ܬܗ ܬܒܿܥܝܢ ܗܘܘ ܠܗ ܠܡܠܐ. ܟܕ ܕܝܢ ܐܦܠܐ ܗܟܢܐ ܩܼܡ. ܬܘܒ ܥܼܿܛܦ ܦܠܓ ܥܠܝܗܘܢ ܟܕ ܥܠܝܗܘܢ ܕܥܪ̈ܒܐ. ܘܟ ܐܦܠܐ ܗܟܢܐ ܩܡܼ. ܟܕ ܐܦ ܒܙܘ ܗܼܢܘܢ ܥܪ̈ܒܐ ܠܡ̈ܣܟܢܐ ܘܠܝܬܡ̈ܐ ܘܠܐܪ̈ܡܠܬܐ ܕܐܝܬ ܒܕܘܟ̈ܝܬܗܘܢ܆ ܘܠܐ ܚܼܣ ܥܠ ܝܬܡ̈ܐ ܘܥܠ ܐܪ̈ܡܠܬܐܼ ܠܐ ܪܚܡ. ܠܘ ܡܢ ܡܠܬܐ ܕܫܘܠܛܢܐ ܗܕܐ ܥܒܕ. ܐܠܐ ܡܢ ܕܝܠܗܘܢ. ܡܟܘܠܬܐ ܠܡ ܕܐܪܝܐ ܥܪ̈ܕܐ ܕܒܡܕܒܪܐܼ. ܘܕܥܬܝܪ̈ܐܼ ܡܣܟ̈ܢܐ. ܘܕܗܠܝܢ ܗܟܢ. ܐܠܐ ܘܣܓܝ̈ܐܐ ܡܢܗܘܢܼ ܚܿܕܝܢ ܗܘܘ ܒܗܢܐ ܟܡܘܢܐ ܘܚܫܘܟܐ ܕܩܼܛ ܒܐܪܥܐ. ܘܠܐ ܝܿܕܥܝܢ ܗܘܘ ܕ̈ܘܝܐ ܕܥܕ ܩܠܝܠܼ. ܘܣܦܿܝܚ ܐܦ ܠܗܘܢ ܪܘܓܙܐ. ܐܠܐ ܪܗܼܛ ܘܙܒܼܢ ܡ̈ܐܢܐ ܘܩܢܝܢܐ ܘܨ̈ܒܘܬܐ ܕܐܢ̈ܫܐ ܡܣܟ̈ܢܐ ܕܒܩܪܝܬܗܘܢܼ. ܘܚܼܡܠ ܒܒܬܝ̈ܗܘܢ. ܘܐܝܟ ܨܒܝܢܗܘܢ ܗܐ ܡܟܝܠ ܗܘܼܘ ܠܗܘܢ ܥܬܝܪ̈ܐ. ܟܕ ܝܗܿܒܝܢ ܒܦܪ̈ܘܩܐ ܘܒܪ̈ܒܝܬܐ ܕܠܐ ܚܘܣܢ. ܐܝܟܢܐ ܕܩܪܝܒܝܢ ܗܘܘ ܐܝܟ ܨܒܝܢܗܘܢܼ. ܕܐܦ ܒܢ̈ܝ ܡܣܟ̈ܢܐ ܢܩܼܢܘܢ ܥܒܼܕ̈ܐ ܐܦ ܐܡ̈ܗܬܐ. ܘܠܐ ܝܕܥܝܢ ܕ̈ܘܝܐܼ. ܕܚܪܬܐ ܕܪ̈ܫܝܥܐ ܠܐܒܕܢܐ ܗܘܿܝܐ. ܝܗܼܒ ܒܚ̈ܛܐܿ ܕܝܢܪܐ ܒܚܡ̈ܫܝܢ ܓܪ̈ܝܒܐ. ܘܐܝܬ ܒܫ̈ܬܝܢ. ܐܚܪ̈ܢܐ ܒܫܒ̈ܥܝܢ. ܟܠ ܡܿܢ ܕܙܘܙܐ ܡܚܘܐ ܗܘܐܿ ܟܡܐ ܕܨܿܒܐ ܟܬܒܝܢ ܗܘܘ ܠܗ. ܘܒܚܼܡܪܐ ܝܼܗܒ ܕܝܢܪܐ ܒܚܡ̈ܫܢ ܟܝ̈ܠܬܐ. ܐܚܪ̈ܢܐ ܒܫ̈ܬܝܢ ܘܒܫ̈ܒܥܝܢܼ ܘܥܕܡܐ ܠܬܡܢ̈ܝܢ. ܚ̈ܛܐ ܐܙܠܢ ܗܘ̈ܝ ܒܫܘܩܐ ܬܠܬܝ̈ܢ ܟܪ̈ܝܒܐ ܒܕܝܢܪܐܼ. ܘܬܠ̈ܬܝܢ ܘܚ̈ܡܫܐ. ܘܥܕܡܐ ܠܐܪ̈ܒܥܝܢ ܣܠܼܩ. ܘܚܼܡܪܐ ܗܟܘܬ. ܥܪܒܐܼ ܒܙܘܙܐ. ܥܙܐܼ ܒܙܘܙܐ. ܬܘܪܐܼ ܒܚܡ̈ܫܐ ܙܘ̈ܙܐ. ܘܚܿܡܪܐܼ ܒܐܪ̈ܒܥܐ ܙܘ̈ܙܐ. ܘܫܘܝܬܐ ܕܟܠ ܡܕܡ

Page 279

ܐܝܬ ܗܘܐ. ܘܟܕ ܦܫ ܥܒܿܕܐ ܘܠܐ ܣܠܼܩ: ܟܢܫ ܐܢܘܢ ܐܡܝܪܐ ܠܒܢ̈ܝ ܐܬܪܐ. ܗܼ، ܕܝܢ ܐܡܝܪܐ ܗܢܐܼ ܓܒܪܐ ܐܝܬܘܗܝ ܕܣܿܢܐ ܛܠܘܡܝܐ ܘܥܘܠܐ. ܘܐܦܠܐ ܐܝܩܪܐ ܡܢ ܐܢܫ ܩܿܒܠ. ܘܐܦܠܐ ܫܪܛܐ ܠܩܠܝܡܐܡܫܕܪ ܗܘܐ. ܗܢܐ ܟܢܼܫ ܐܢܘܢ ܠܒܢ̈ܝ ܐܬܪܐܼ. ܘܚܒܫ ܐܢܘܢ ܒܥܕܬܐ ܪܒܬܐ.

ܥܠ ܚܒܘܫܝܐ ܕܒܥܕܬܐ܀ ܟܕ ܕܝܢ ܩܼܪܐ ܟܪܘܙܐ ܢܬܟܢܫܘܢ ܒܥܕܬܐ: ܘܢܦܩ ܐܦ ܫܪ̈ܛܐ ܕܢܫܡܝܢ ܢܘܪܐ: ܘܟܠ ܡܢ ܕܐܝܬ ܗܘܼܐ ܥܠܘܗܝ ܫܡܐ ܩܠܝܠ ܕܙܘ̈ܙܐ ܟܢܫܘܗܝ. ܡܢܐ ܡܟܝܠ ܐܿܡܪ ܐܠܐ ܐܢ ܡܠܬܗ ܕܢܒܝܐ. ܕܐܠܗܐܼ ܥܠܼ ܥܡ̈ܡܐ ܠܝܪܬܘܬܟ. ܘܛܡܘܗܝ ܠܗܝܟܠܟ ܩܕܝܫܐ. ܥܒܕܘܗܝ ܠܗܝܟܠܟ ܩܕܝܫܐ ܒܝܬ ܡܚܪܝܐ. ܝܗܼܒ ܫܠܕ̈ܐ ܕܥܒܕ̈ܝܟ ܠܡܚ̈ܘܬܐ ܘܠܫܢܕ̈ܐܼ. ܘܒܣܪܐ ܕܙܕ̈ܝܩܝܟܼ ܠܒܘܣܒܣܐ ܕܡ̈ܓܠܒܐ ܘܕܚܘܛܪܐ. ܘܪ̈ܓܠܝܗܘܢ ܠܨܦ̈ܘܦܐܼ. ܘܐܝܕ̈ܝܗܘܢ ܠܬܠܿܝܐܼ. ܘܨܒ̈ܥܬܗܘܢ ܠܙܢ̈ܕܐ. ܐܬܟܢܫܘ ܓܝܪ ܒܢ̈ܝ ܚܐܪ̈ܐ ܟܠܗܘܢ: ܘܐܦ ܢܫ̈ܐ ܚܐܪ̈ܬܐܼ. ܐܝܠܝܢ ܕܪ̈ܚܝܩܝܢ ܗܘܘ ܓܒܪ̈ܝܗܘܢ܆ ܐܘ ܒܪܝܘ ܩܠܝܠ ܡܢ ܥܠܬ ܒܝܫܬܐ ܗܕܐ. ܘܐܦܩ ܐܢ̈ܝܢ ܡܢ ܒ̈ܬܝܗܝܢ. ܘܓܪܓܪ ܐܢ̈ܝܢ ܒܫܘܩܐ. ܘܐܚܬ ܚܒܫ ܐܢ̈ܝܢ ܒܗܿ ܒܥܕܬܐ. ܢ̈ܫܐ ܕܠܐ ܡܬܘܡ ܐܬܚ̈ܙܝܝܢ ܒܫܘܩܐ܆ ܢܼܚܬ ܗܘܼ̈ܝ ܙܘܠܠܐ ܒܝܢܬ ܓܒܪ̈ܐ. ܘܐܦ ܗܟܢܐܼ ܘܠܢ̈ܫܐ ܛܝ̈ܝܬܐ ܥܒܕ. ܘܐܦ ܛܝ̈ܝܐ ܟܠܗܘܢܼ ܒܚܐܕ ܫܘܝܘܬܐ ܢܚܼܬ. ܘܐܢ ܗܼܘ ܠܝܬ ܗܘܐ ܓܪܓܪ ܢܫ̈ܘܗܝ ܐܘ ܒܢ̈ܬܗ. ܘܟܕ ܒܐܝܕܐ ܐܝܕܐ ܠܒܟܝܢ ܗܘܘ ܩܪܝܬܐ ܩܪܝܬܐ: ܐܘ ܝܙܦܝܢ ܗܘܘ ܘܡܝܬܝܢ܆ ܐܘ ܩܛܠܝܢ ܗܘܘ ܠܗܘܢ ܒܡܚ̈ܘܬܐ ܘܒܨܦ̈ܘܦܐ ܕܪ̈ܓܠܐ ܘܕܨܒ̈ܥܬܐ. ܡ̈ܓܙܡܢܐ ܥܘ̈ܠܐ ܥܠ ܡܘܬܒܐ ܥܠܝܐ ܕܩܕܡ ܦܬܘܪܐ ܕܕܒܚܬܐ ܐܠܗܝܬܐ ܣܠܼܩ ܝܬܒܘ. ܘܥܕܡܐ ܠܗܕܐ ܐܡܪܚܼ. ܕܣܓܕܬܐ ܗܿܝ ܕܨܠܘܬܗܘܢ ܡܪܓܙܢܝܬܐ ܕܐܠܗܐܼ. ܥܠܘܗܝ ܕܦܬܘܪܐ

Page 280

ܩܕܝܫܐ ܣܿܠܩܝܢ ܗܘܘ ܠܡܨܿܠܝܘ. ܘܒܪ̈ܓܠܐ ܛ̈ܡܬܐܼ ܠܦܬܘܪܐ ܗܿܘ ܩܕܝܫܐ ܕܝܫܝܢ ܗܘܘ. ܘܐܦ ܒܗ ܒܡܕܒܚܐ ܡܫܝܓܝܢ ܗܘܘ ܠܫܝܓܬܐ ܗܿܝ ܛܡܐܬܐ ܕܗܕ̈ܡܝܗܘܢ: ܥܡ ܛܢ̈ܦܘܬܐ ܐܚܪ̈ܢܝܬܐ ܕܣܥܪܝܢ ܗܘܘ ܒܗ. ܘܐܦ ܥܡܐ ܟܠܗ ܓܒܪ̈ܐ ܘܢ̈ܫܐ ܚܐܪ̈ܬܐܼ. ܒܓܘܗܿ ܫܕܝܢ ܗܘܘ ܬܒܬܗܘܢܼ. ܩܕܡ ܚܕܕ̈ܐܼ ܕܠܐ ܟܘܚܕܐ. ܘܟܗܢܐ ܗܘܘ ܒܗܿ ̈ܘܡܬܐ ܬ̈ܠܬܐ ܘܠܝ̈ܠܘܬܗܘܢ. ܘܣܠܼܩܬܿ ܡܢܗܿ ܓܥܬܐ ܡܪܝܪܬܐ. ܘܚܠܦ ܥܛܪܐ ܒܣܝܡܐ ܕܥܩܪ̈ܐ ܓܒ̈ܝܐܼ ܣܠܩܼܬ ܡܢܗܿ ܪܝܚ ܣܪܝܘܬܐ ܥܡ ܓܥܬܐ ܡܪܝܪܬܐ ܕܐܝܠܝܢ ܕܡܬܕܝܢܝܢ ܗܘܘ ܒܗܿ. ܘܡܢ ܥܠܬ ܐܘܠܨܢܐܼ ܣܥܼܘ ܥܠ ܥܒܿܕܐ ܕܥ̈ܕܬܐ ܘܕܕܝܪ̈ܬܐ. ܐܝܟܢ ܕܢܪ̈ܓܫܢ ܐܦ ܥܕ̈ܬܐ ܪ̈ܚܝܩܬܐ ܒܫܝܛܘܬܐ ܗܿܝ ܕܗܿܘܝܐ ܗܘܬ ܠܥܕܬܐ ܡܗܕܪܬܐ ܕܡܝܕܢܬܐ. ܘܐܦ ܪܝܫܐ ܕܟܠܗܝܢ ܗܠܝܢ ܕܒܐܬܪܐ ܐܝܬ. ܘܐܦܢ ܒܙܦܪܘܬܐ ܣܪܝܬܐ ܠܐ ܥܛܪܬ ܒܗܝܢ: ܐܠܐ ܥܒܕܗܝܢ ܘܡܐܢ̈ܝܗܝܢ ܘܡܕ̈ܒܚܝܗܝܢ ܐܫܬܠܚ ܡܢ ܥܡܘܪ̈ܝܗܝܢ܆ ܘܐܬܡܫܟܢ ܒܐܝܕ̈ܝܐ ܕܚ̈ܢܦܐ. ܡܢ ܒܝܬܝ ܠܡ ܐܫܪܐ. ܡܛܠ ܕܟܗ̈ܢܐ ܛܘܫ ܡܕܒܚ ܘܚܛܦ ܢܡܘܣܐ. ܠܡܢܐ ܠܡ ܗܿܘܝܢ ܠܝ ܣܘܓܐܐ ܕܕܒܚ̈ܝܟܘܢܼ. ܣܒܿܥܬ ܥ̈ܠܘܬܐ ܕܕܟܪ̈ܐ. ܘܬܪܒܐ ܕܡܦ̈ܛܡܐܼ. ܘܕܡܐ ܕܬܘܪ̈ܐ ܘܕܐܡܪ̈ܐ ܘܕܓܕ̈ܝܐܼ ܠܐ ܨܒܿܝܬ. ܟܕ ܬܐܬܘܢ ܠܡܚܙܐ ܐܦ̈ܝܼ. ܡܢܼܘ ܒܥܼܐ ܗܠܝܢ ܡܢ ܐܝܕ̈ܝܟܘܢ ܠܡܕܫ ܕܪ̈ܝ. ܠܐ ܬܘܣܦܘܢ ܠܡܝܬܝܘ ܠܝ ܩܘܪ̈ܒܢܐ ܣܪ̈ܝܩܐ. ܣܘܬܐ ܡܣܠܝܐ ܗܝ ܠܝ. ܒܪܝܫ ܝܪܚܐ ܘܒܫܒܬܐܼ ܟܿܢܫܝܬܘܢ ܟܢܘܫܝܐ. ܠܐ ܐܟܿܠ ܐܢܐ ܕܥܬܐ ܘܕܚܒܘܫܝܐ. ܪܝܫ ܝܪ̈ܚܝܟܘܢ ܘܥܕ̈ܥܕܝܟܘܢܼ. ܣܢܬ ܢܦܫܝ ܗܘܼܘ ܥܠܝܼ ܠܐܝܩܪܬܐ. ܠܐܝܬ ܠܡܫܩܠ. ܟܕ ܬܦܪܣܘܢ ܐܝܕ̈ܝܟܘܢ܆ ܐܗܡܐ ܥܝ̈ܢܝ ܡܢܟܘܢ. ܘܐܦܢ ܬܣܓܘܢ ܨ̈ܠܘܬܐܼ ܠܐ ܫܡܿܥ ܐܢܐ. ܐܝܕ̈ܝܟܘܢ ܡ̈ܠܝܢ ܕܡܐ. ܘܟܕ ܒܟܠܗܝܢ ܒܝ̈ܫܬܐ ܕܚܛܗ̈ܝܢ ܣܓܝ̈ܐܐܿ.

Page 281

ܡܬܒܩܐ ܢܒܝܐ ܒܥܝܢܐ ܕܪܘܚܐܼ. ܗܠܝܢ ܐܡܼܪ: ܡܟܝܠ ܠܡ ܠܐ ܢܗܘܐ ܦܘܫܐ ܠܡ̈ܠܝ ܐܡܿܪ ܡܪܝܐ. ܐܡܿܪܬܼ ܘܥܒܿܕܢܐ. ܘܟܕ ܒܟܘܠ ܫܢ̈ܕܐ ܕܐܘ̈ܠܨܢܐ ܐܬܗܦܟ ܥܡܗܘܢ ܥܿܡܠܐܼ. ܐܠܨ ܠܟܠܢܫ ܕܢܪܡܐ ܟܠܚ ܚܕ ܡܢܗܘܢܼ ܐܝܟ ܕܚܪܐ ܒܗ ܨܒܘܬܐ. ܛܝ̈ܝܐ ܘܣܘܪ̈ܝܝܐ. ܘܬܓܪ̈ܐ ܥܡ ܚܢ̈ܘܝܐ ܕܝܠܗ ܕܫܘܩܐ. ܡܛܠ ܕܒܛܠ ܒܗܠܝܢ ܝܘܡ̈ܬܐ ܙܒܢܼܐ ܥܡ ܙܘܒܢܐ ܡܢ ܫܘܩܐ. ܘܐܘܪ̈ܚܬܐ ܡܢ ܥ̈ܠܘܠܐ ܘܡܢ ܢܦ̈ܘܩܐ. ܡܛܠ ܕܐܬܬܚܕ ܬܪ̈ܥܐ ܕܡܕܝܢܬܐ. ܘܟܕ ܚܙܘ ܐܢ̈ܫܐ ܕܚ̈ܠܝ ܐܠܗܐ. ܠܟܘܠܗܿ ܛܢܦܘܬܐ ܕܦܿܠܚܝܢ ܗܠܝܢ ܛܡ̈ܡܐ ܒܓܘ ܡܕܒܚܐ ܩܕܝܫܐܼ. ܠܒܼܫ ܚܫܐ ܣܓܝܐܐ ܘܐܦ ܓܥܘ ܠܘܬ ܡܪܝܐܼ ܘܐܡܼܪ: ܥܠ ܡܢܐ ܡܪܝܐ ܗܟܢܐ ܛܥܝܬܢܝ. ܘܐܬܥܫܢܘ ܪܘܓܙܟ ܒܥܢܐ ܕܡܪܥܝܬܟ ܐܬܕܟܪ ܡܪܝܐ ܥܕܬܟ ܗܿܝ ܕܩܢܼܝܬ ܒܕܡܐ ܝܩܝܪܐ ܕܝܚܝܕܝܐ ܕܝܠܟܿ. ܘܦܪܩܬܗܿ ܒܚܫ̈ܝܟ ܡܚܝܢ̈ܐ. ܐܫܬܒܗܪ ܒܥܠܕܒܒ̈ܝܟ ܒܓܘ ܥܕܬܟ. ܐܝܟ ܥܒܐ ܕܩܝܣ̈ܐܼ ܒܢܓܪ̈ܓܐ ܨܠܚܘ ܬܪ̈ܥܝܗܿ. ܥܡ ܩܝܣ̈ܝܗܿ. ܘܛܘܼܫ ܒܐܪܥܐ ܡܫܟܢܐ ܕܫܡܟ. ܟܕ ܐܡܪܝܢ ܕܢܘܒܕ ܐܢܘܢ ܐܝܟ ܚܕܐ. ܘܢܘܒܕ ܟܠܗܘܢ ܥܕ̈ܥܝܕܘܗܝ ܕܐܠܗܐ ܡܢ ܐܪܥܐ. ܥܕܡܐ ܠܐܡܬܝ ܐܠܝܗܐܼ ܡܚܣܕ ܒܥܠܕܒܒܐܼ. ܘܡܪܓܙ ܠܫܡܟ ܠܥܠܡ. ܠܡܢܐ ܐܗܦܼܟܬ ܐܝܕܟ ܘܝܡܝܢܟ ܡܢ ܓܘ ܥܕܬܟ. ܥܠ ܡܢܐ ܡܪܝܐ ܐܬܚܡܬ ܪܘܓܙܟ ܥܠ ܥܡܟܿ. ܘܐܣܠܝܟ ܠܝܪܬܘܬܟܿ. ܘܐܫܠܡܬ ܠܢ ܒܐܝܕ̈ܝܐ ܕܥ̈ܡܡܐܼ. ܘܐܫܬܠܛ ܒܢ ܣܐܢܝ̈ܢ. ܘܫܥܼܒܕ ܠܢ ܒ̈ܥܠܕܒܒܝܢ: ܘܐܫܬܥܒܕܢ ܬܚܝܬ ܐܝܕ̈ܝܗܘܢ. ܘܗܼܘ ܡܪܝܐ ܠܘܬ ܗܠܝܢ ܐܡܿܪ: ܡܛܠ ܕܙܒܢ̈ܬܐ ܣܓܝ̈ܐܬܐ ܦܨܝܿܬܟܘܢ܇ ܐܢܬܘܢ ܕܝܢ ܡܪܡܪܬܘܢܝ ܒܝܕ ܥܒܿܕ̈ܝܟܘܢ. ܘܟܕ ܐܠܨܘܢ ܠܟܠܢܫܼ ܐܬܟܢܫ ܡܠܐ. ܟܕ ܐܦ ܐܝܠܝܢ ܕܐܘܙܦ܆ ܥܕܡܐ ܠܕܝܢܪܐ ܚܒܪܗ ܐܘܙܦ ܠܩܘܪ̈ܝܝܐܼ. ܘܠܐ ܚܣ. ܥܠ ܕܢܦܩܝܢ ܘܬܒܥܝܢ

Page 282

ܠܗ ܡܢ ܩܘܪܝܣ. ܘܗܟܢܐ ܫܩܠܗ ܥܡܠܐ ܠܐܬܪܐ ܘܢܚܬ ܠܘܩܒܠ ܥܡܝܪܐ ܕܡܗܝܡܢ̈ܐ ܠܢܨܒܝܢܿ. ܟܕ ܥܼܛܦ ܡܥܪܒܐ. ܒܟܠܗܝܢ ܥܕ̈ܬܐ ܕܡܕ̈ܝܢܬܐ ܗܘܼܐ ܥܛܘܦܝܐ ܗܢܐ. ܘܝܬܝܪ ܡܢ ܟܠܗܝܢ ܥܕܬܐ ܕܐܘܪܗܝ ܐܬܒܙܬ ܘܐܙܠ  ܥܒܿܕܗܿ. ܘܢܐܡܪ ܐܦ ܚܢܢ ܥܡ ܢܒܝܐܼ. ܕܒܗܠܝܢ ܟܠܗܝܢ ܠܐ ܬܟܬܝ ܚܡܬܗ ܕܡܪܝܐ ܡܢܢ. ܐܠܐ ܘܬܘܒ ܐܝܕܗ ܪܡܐ.

ܥܠ ܡܛܥܝܢܐ ܚܕ ܐܬܚܙܝ ܒܓܙܝܪܬܐܿ. ܒܫܢܬ ܐܠܦܐܐ ܘܬܡ̈ܢܝܢ ܘܚܕܐ܀ ܡܛܠ ܕܥܠ ܟܠܡܕܡ ܗܘܐ ܠܢ ܨܒܝܢܐ ܕܢܫܬܥܐ ܘܕܢܫܒܘܩ ܥܘܗܕܢܐ ܠܐܝܠܝܢ ܕܡܢ ܒܬܪܢ ܐܬܝܢ ܠܥܠܡܐ܆ ܕܟܕ ܚܙܝܢ ܐܬܿܐ ܕܣܝܡܐ܇ ܕܡܬܬܩܠܗܘܢ ܠܩܕ̈ܡܝܐ ܒܗܼܿ. ܢܙܕܗܪܘܢ ܕܠܐ ܐܦ ܐܢܘܢ ܢܬܬܩܠܘܢ ܒܗܿ. ܣܟܠܐ ܠܡ ܒܠܥܼ ܘܚܟܝܡܐ ܡܬܕܪܐ. ܢܚܙܘܢ ܬܘܩ̈ܠܬܐ ܐܝܠܝܢ ܕܐܬܩܠ ܩܕ̈ܡܝܐ ܒܗ̈ܝܢ. ܘܢܣܛܘܢ ܗܼܢܘܢ ܡܢܗܝܢ. ܡܛܠ ܕܟܠܝܘܡ ܫܝܬܗܼ ܥܡܗ ܢܒܥܐ. ܦܩܼܕ ܕܝܢ ܡܪܢ ܠܬܝܡܝܕ̈ܘܗܝܼ. ܕܐܙܕܗܪ ܡܢ ܢܒ̈ܝܐ ܕ̈ܓܠܐ. ܐܝܠܝܢ ܕܐܬܝܢ ܠܘܬܟܘܢ ܒܠܒܘܫܐ ܕܐܡܪ̈ܐ. ܠܣܓܝ̈ܐܐ ܐܡܿܪ ܢܛܥܘܢ܆ ܘܐܢ ܡܫܟܚܐ ܐܦ ܠܓܒ̈ܝܐ. ܘܬܘܒܼ ܚܙܘ ܠܐ ܐܢܫ ܢܛܥܟܘܢ. ܣܓ̈ܝܐܐ ܢܐܬܘܢ ܒܫܡܝ. ܐܢ ܐܢܫ ܢܐܡܪ ܠܟܘܢ ܕܗܐ ܗܪܟܐ ܐܝܬܘܗܝ ܡܫܝܚܐ܆ ܐܘ ܗܪܬܡܢ ܗܘܼ. ܠܐ ܬܐܙܠܘܢ. ܥܬܝܕܝܢ ܐܢܘܢ ܣܓ̈ܝܐܐ ܕܢܛܥܘܢ. ܐܢ ܢܐܡܪ ܠܟܘܢ ܕܒܕܒܪܐ ܗܼܘ ܠܐ ܬܦܩܘܢ. ܘܐܢ ܢܐܡܪܘܢ ܠܟܘܢ ܕܒܬܘܢܐ ܗܘܼ ܠܐ ܬܥܠܘܢ. ܘܟܕ ܗܼܘ ܡܫܝܚܐ ܓܠܼܐ ܠܢ ܟܠܗܝܢ ܬܘܩ̈ܠܬܐ. ܘܢܒ̈ܝܐ ܬܘܒ ܩܕܡ ܐܟܪܙܘ ܠܢ܆ ܫܠܝܚ̈ܐ ܩܪܘ ܒܐܕ̈ܢܝ ܐܝܟ ܫܦܘܪ̈ܐ: ܥܠ ܡܬܝܬܗ ܕܝܗ ܕܡܛܥܝܢܐ ܘܕܢܒ̈ܝܐ ܕܓ̈ܠܐ ܕܐܬܝܢ ܩܕܡܘܗܝ. ܚܢܢ ܕܝܢ ܠܐ ܠܢܒ̈ܝܐܼ ܐܦܠܐ ܠܡܪ ܐܘ ܠܫ̈ܠܝܚܐ ܫܡܼܥܢ. ܐܠܐ ܥܝ̈ܢܝܢ ܥܡܼܨܢ܆ ܘܐܕ̈ܢܝܢ ܣܟܼܪܢ

Page 283

ܘܠܒܢ ܛܡܪܢ ܒܓܡܘܨܐ ܕܛܘܥܝܝ. ܕܠܐ ܢܚܙܐ ܒܥܝ̈ܢܝܢ ܘܢܫܡܥ ܒܐܕܢ̈ܝܢ ܘܢܣܬܟܠ ܒܠܒܢ ܡ̈ܠܐ ܕܟ̈ܬܒܐ ܩܕ̈ܝܫܐ. ܐܠܐ ܠܟܠܗܝܢ ܛܥܝܼܢ. ܘܒܬܪ ܨܒܝܢ ܢܦܫܝܢ ܐܙܠܢ. ܗܿܘ ܕܩܪܝܗܝ ܕܢܝܐܝܠ ܐܬܿܐ ܕܚܘܪܒܐܼ: ܘܡܫܝܚܐܼ ܡܫܝܚܐ ܕܓܠܐ: ܘܫܠܝܚܐܼ ܒܪܗ ܕܐܒܪܢܐ: ܚܢܢ ܠܐܢܛܟܪܣܛܣ. ܠܒܼܟܢ ܒܐܝܕ̈ܝܢ ܘܓܼܫܢ. ܠܗܿܘ ܕܒܚܪܬܐ ܟܬܝܒ ܥܠܘܗܝ ܕܐܬܿܐܼ. ܒܝܘ̈ܡܬܢ ܕܝܠܢ ܐܬܓܠܝ ܚܕ ܡܢ ܐܝ̈ܙܓܕܘܗܝ. ܘܟܠܗܝܢ ܐܝܠܝܢ ܕܗܘܿ ܥܿܒܕ ܡܐ ܕܐܬܿܐܼ. ܚܘܝ ܠܢ ܬܠܡܝܕܗܼ ܒܝܕ ܥܒܿܕܐ ܘܠܘ ܒܫܡܥܐ ܡܟܝܠ. ܟܠ ܕܘܟܬܐ ܕܚܝܠܬܐܼ ܘܙܝܥܬܐ ܘܕܡܿܩܛܠ ܒܗܿ ܩܛܠܐ: ܐܬܿܐ ܡܕܡ ܣܝܡܝܢ ܦܪ̈ܘܫܐܼ. ܕܟܕ ܢܐܬܘܢ ܠܐ ܝܕ̈ܢܥܐ ܘܢܚܙܘܢ ܠܐܬܿܐ ܗܿܝܼ. ܢܣܬܟܠܘܢ ܒܠܒܗܘܢܼ ܕܥܠ ܙܘܗܪܐ ܡܟܪܙܐ ܐܿܬܐ ܗܿܝ. ܘܡܟܝܠ ܗܼܝ ܗܿܘܝܐ ܠܗܘܢ ܡܠܦܢܝܬܐ ܥܠ ܐܝܠܝܢ ܕܡܢ ܩܕܝܡ ܓܕܫ ܒܕܘܟܬܐ ܗܿܝ. ܘܐܦ ܚܢܢ ܗܠܝܢ ܕܗܘܼ̈ܝ ܒܙܒܢܐ ܗܢܐܼ݂ ܗܪܟܐ ܣܝܡܝܢܢ ܠܗܝܢ. ܕܐܢ ܓܕܫ ܘܐܦ ܟܠܘܢ ܬܓܕܫܼ. ܐܙܕܗܪ ܡܢܗ ܕܗܿܘ ܡܪܝܪܐ. ܕܒܝܕ ܕܒܫܐ ܚܿܠܛ ܠܡܪܝܪܘܬܐ ܕܝܠܗ. ܓܕܫ ܕܝܢ ܒܙܒܢܐ ܗܢܐܼ. ܢܐܬܐ ܓܒܪܐ ܚܕ ܡܢ ܐܪܥܐ ܕܬܓܪܝܬܼ ܡܢ ܒܝܬ ܪܡܐ ܩܪܝܬܐ. ܗܢܐ ܟܕ ܡܢ ܐܒܗ̈ܘܗܝ ܦܫ ܒܥܠܝܡܘܬܐ. ܪܓ ܠܚܝ̈ܐ ܢܟܦ̈ܐ ܕܕܝܪܝܘܬܐ ܘܢܦܼܩ ܘܥܼܠ ܠܕܝܪܐ ܩܕܝܫܬܐ ܕܡܪܝ ܡܬܝ ܕܒܐܪܥܐ ܕܡܘܨܠ. ܘܟܕ ܗܘܼܐ ܒܗܿ ܫܢܝ̈ܐ ܬܪ̈ܬܝܢ ܐܘ ܬܠ̈ܬܼ. ܬܘܒ ܢܬܦܗ ܒܝܫܐ ܢܗܦܘܟ ܥܠ ܬܝܘܒܗ ܩܕܡܝܐ. ܡܛܠ ܕܠܐ ܥܕܟܝܠ ܒܕܪܗ ܠܗܿܘ ܡܕܡ ܕܡܢ ܐܒܗ̈ܘܗܝ ܦܫ ܠܗ. ܘܐܝܟ ܕܠܝܗܘܕܐ ܓܪܓܗ ܒܝܕ ܪܚܡܬ ܟܣܦܐܼ. ܗܟܢ ܘܐܦ ܠܗܢܐ. ܟܕ ܐܦ ܪ̈ܘܪܒܬܐ ܣܝܡ ܩܕܡܘܗܝ܇ ܒܝܕ ܪܚܡܬ ܡܣܟܢ̈ܐ ܘܐܟܣܢ̈ܝܐ. ܘܡܛܪ̈ܦܐ ܘܥܝܩ̈ܝ ܪܘܚܐ: ܥܡ ܣܓܝ̈ܐܬܐ ܐܚܪ̈ܢܝܬܐ. ܗܼܘ ܕܝܢ ܚܠܦ ܫܘܘܕ̈ܝܘܗܝ ܡܝܬܪ̈ܐ ܐܘܫܛ ܝܗܼܒ ܠܗ ܡܚܢܘܝܩܬܐ. ܐܝܟ ܡܐ ܕܐܦ ܠܗܿܘ. ܟܕ ܕܝܢ

Page 284

ܢܦܼܩ ܠܒܝܬܗ: ܚܠܦ ܕܘܒܪ̈ܐ ܕܕܝܪܝܘܬܐ ܘܪܚܡܬ ܡܣܟ̈ܢܐ ܘܕܡܛܪ̈ܦܐܼ. ܕܒܼܩ ܠܛܠܝ̈ܐ ܒܢܿܝ ܫܢܗܼ ܘܒܟܠܗܝܢ ܐܝܠܝܢ ܕܡܬܗܦܟܝܢ ܗܘܘܼ ܐܬܗܦܟ ܥܡܗܘܢ. ܘܚܠܦ ܗܿܝ ܕܢܒܕܪ ܠܡ ܥܒܿܕܗ ܥܠ ܐܝܨ̈ܐܼ ܒܕܪܗ ܥܠ ܪܘܝܘܬܐ. ܘܟܕ ܚܿܝܐ ܦܪܚܐܝܬ ܒܝܕ ܕܘܒܪ̈ܐ ܡܫܟܪ̈ܐ. ܘܠܚܪܬܐ ܐܬܼܐ ܐܦ ܠܘܬ ܚܢܦܘܬܐ ܘܐܦ ܐܚܢܦ. ܘܟܕ ܗܟܢܐ ܡܬܗܦܟ ܗܘܐ ܦܪܚܐܝܬ: ܘܡܠܐ ܟܠܗ ܐܬܒܕܪ: ܘܡܟܝܠ ܡܕܡ ܠܐ ܦܫ ܠܗ ܕܠܐ ܐܬܒܕܪ. ܒܝܕ ܕܘܒܪ̈ܐ ܣ̈ܢܝܐܿ ܐܠܐ ܐܢ ܚܿܒܠܐܼ. ܐܬܼܐ ܠܘܬ ܢܦܫܗ ܘܐܡܼܪ: ܕܘܝ ܠܝܼ ܡܢܐ ܥܒܿܕܬ ܠܢܦܫܝ ܘܢܦܼܩ ܘܥܼܠ ܠܡܕܒܪܐ ܗܿܘ ܕܫܝܓܪ: ܠܘܬ ܐܝܚܝ̈ܕܝܐ ܡܝܬܪ̈ܐ ܕܬܡܢ. ܘܟܕ ܩܒܠܘܗܝ܆ ܓܒܼܐ ܠܗ ܥܡ̈ܠܐ ܪܘܪ̈ܒܐ ܘܩܫܝ̈ܐ. ܘܣܡ ܥܠ ܦܓܪܗ ܨܘܡܐܼ ܥܡ ܨܠܘ̈ܬܐ ܣܓܝ̈ܐܬܐ. ܘܟܕ ܒܕܘܒܪ̈ܐ ܗܠܝܢ ܐܝܟ ܙܒܢܐ ܕܫ̈ܢܝܐ ܚܡ̈ܫ ܗܘܼܐܼ. ܥܕܡܐ ܕܐܣܬܝܛ ܦܓܪܗ ܘܗܘܼܐ ܐܝܟ ܗܢܕܘܝܐ: ܘܐܫܬܚܠܦ ܦܪܨܘܦܗ ܡܢ ܥܙܝܙܘܬܗ ܕܫܡܝܐܼ. ܘܐܦ ܠܐ ܗܫܐ ܒܼܛܠ ܐܟܠܩܪܨܐ ܡܢܗ. ܐܠܐ ܫܪܝ ܡܬܚܙܐ ܠܗ ܠܡ ܐܝܟ ܡܠܐܟ̈ܐܼ݂ ܘܡܩܠܣܢ ܠܥܡ̈ܠܘܗܝ. ܘܐܦ ܐܡܿܪܝܢ ܠܗ ܠܡ ܥܬܝܕ̈ܬܐ. ܩܕܝܫܐ ܕܝܢ ܡܪܝ ܙܥܘܪܐܼ ܟܕ ܠܗܠܝܢ ܫܡܼܥ ܐܡܼܪ ܠܗܼ. ܒܪܝ ܐܙܕܗܪ ܡܢ ܢܟܝܠܘܬܗ ܕܡܛܥܝܢܐ. ܗܠܝܢ ܟܠܗܝܢ ܕܒܝܫܐ ܐܢܝܢ. ܡܛܠ ܕܗܼܘ ܗܢܐ ܢܟܦܐ ܙܥܘܪܐ ܐܝܬܘܗܝ ܒܗܿܘ ܙܒܢܐ ܪܝܫܐ ܕܐܒ̈ܝܠܐ ܕܬܡܢ. ܘܟܕ ܟܘܠܝܘܡ ܗܿܘ ܢܟܦܐ ܡܣܿܗܕ ܗܘܐ ܠܗ: ܕܠܚܕܐ ܡܢ ܗܠܝܢ ܠܐ ܢܬܪܡܐܼ. ܐܠܐ ܠܟܠܗܝܢ ܢܫܘܛ: ܒܝܕ ܗܿܝ ܕܡܢ ܒܝܼܫܐ ܐܝܬܝܗܝܢ: ܗܼܘ ܕܝܢ ܠܐ ܐܩܝܡ. ܐܠܐ ܝܗܼܒ ܠܗܘܢ ܢܦܫܗ. ܘܐܠ ܢܓܕ ܐܢܘܢ ܒܢܝ̈ܢܫܐ ܒܬܪܗܼ. ܟܕ ܐܡܿܪ ܕܙܦܠܢ ܘܙܦܠܢ ܗܘܿܐ. ܘܐܦ ܦܠܢ ܙܦܠܢ ܥܒܝܕ ܠܗ. ܘܝܘܡܢܐ ܐܢ̈ܫܐ ܐܬܝܢ ܠܘܬܝ ܡܢ ܕܘܟܬܐ ܦܠܢܝܬ. ܘܝܕܝܥܐ ܗܕܐ ܠܦܪ̈ܘܫܐܼ ܕܠܐ ܥܣܩܐ ܗܕܐ ܥܠ ܫܐܕܐ ܟܕ ܢܫܪܥ ܠܐܢܫ ܕܢܥܒܕ

Page 285

ܡܕܡܿ. ܘܢܥܒܕ ܕܢܓܠܐ ܠܒܪ ܡܠܼܟܗ ܥܠܘܗܝ. ܠܘ ܡܕܡ ܕܠܐ ܗܿܘܼܝ ܐܡܿܪ: ܐܠܐ ܡܕܡ ܕܒܡܠܼܟܗ ܗܿܘܼܝ. ܘܡܛܠ ܗܟܢܐ ܡܬܩܪܐ ܐܟܠܩܪܨܐ ܥܠ ܕܓܿܠܐ ܪ̈ܐܙܐ. ܟܬܝܒ ܕܐܟܠܩܪܨܐ ܓܿܠܐ ܪ̈ܐܙܐ. ܘܠܐ ܐܢ ܬܘܒ ܢܦܝܩ ܐܢܫ ܒܐܘܪܚܐ: ܘܐܬܿܐ ܐܝܙܓܕܐ ܩܠܝܠܐܼ ܘܐܡܿܪ ܕܦܠܢ ܐܬܿܐ ܝܘܡܢܐ ܠܗܪܟܐ܆ ܠܘ ܡܕܡ ܕܠܐ ܗܿܘܼܝ ܐܡܼܪ. ܐܠܐ ܡܕܡ ܕܐܬܝ ܠܫܘܡܠܝܐ. ܗܟܢܐ ܘܗܢܐ ܕܘܝܐ ܛܥܼܐ. ܘܫܓܼܐܼ ܘܢܦܼܩ ܠܒܪ ܡܢ ܙܕܩܐ. ܒܝܕ ܚܙܘܢ̈ܐ ܚܠܡ̈ܝܐ ܕܫ̈ܐܕܐ. ܘܫܪܝ ܡܛܐ ܥܡܐ ܣܓܝܐܐ ܒܬܪܗܼ ܒܝܕ ܕܛܥܼܐ ܗܼܘ ܘܢܦܼܩ ܠܒܪ ܡܢ ܗܘܢܗ. ܛܘܒܢܐ ܕܝܢ ܡܪܝ ܙܥܘܪܐ ܟܕ ܗܠܝܢ ܫܡܼܥ: ܘܚܙܝܘܗܝ ܕܠܐ ܡܬܬܦܝܣ ܠܡܼܠܟܗܘܢܼ. ܐܠܐ ܘܕܫܪܝ ܣܿܩܪ ܠܗܘܢܼ ܟܕ ܐܡܿܪ ܕܡܚܣܡ ܚܣܿܡܝܢ ܒܝܼ. ܠܒܟܗ ܘܚܝܗܝܼ ܘܛܪܕܘܗܝ ܡܢ ܬܡܘܢ. ܘܐܚܪܡܘܗܝܼ ܕܐܦܠܐ ܒܟܠܗܿ ܡܘܨܠ ܢܩܘܐ܀ ܗܼܘ ܕܝܢ ܢܦܩ ܐܬܼܐ ܠܓܙܝܪܬܐ ܠܐ ܪܥܐ ܕܕܪܐ. ܒܐܪܥܐ ܕܝܢ ܕܕܪܐ ܐܝܬ ܩܪܝܬܐ ܚܕܐ ܪܒܬܐ ܘܥܫܝܢܬܐܼ. ܘܥܡܐ ܪܒܐ ܐܝܬ ܒܗܿ. ܘܗܼܢܘܢ ܥܡܘܪ̈ܝܗܿ ܐܢ̈ܫܐ ܐܝܬܝܗܘܢ ܦܫܝ̈ܛܐ ܘܦ̈ܠܚܐ ܪܘܪ̈ܒܐܼ ܝܬܝܪ ܡܢ ܟܠܗܘܢ ܚܕܪ̈ܝܗܘܢ. ܘܐܦ ܡܗܝܡ̈ܢܐ ܐܝܬܝܗܘܢܼ ܝܬܝܪ ܡܢ ܟܠܗܘܢ ܗܢܿܘܢ ܕܒܐܬܪܗܘܢܼ. ܘܐܦ ܐܚܝܕܝܢ ܒܕܝܪ̈ܝܐ ܣܓܝ. ܘܡܿܝܩܪܝܢ ܠܟܗ̈ܢܝܗܘܢܼ ܐܝܟ ܡܐ ܕܠܡܠܐܟ̈ܐ. ܡܛܠ ܗܷܿ ܕܪܚܝܩܝܢ ܡܢ ܟܠܗܿ ܨܢܝܥܘܬܐ ܥܠܡܢܝܬܐܼ. ܘܥܢܝܢ ܒܠܚܘܕ ܒܦܘܠܚܢܗܘܢ. ܠܘܬ ܥܡܐ ܡܗܝܡܢܐ ܕܐܝܟ ܗܢܐܿ. ܢܓܕܗ ܐܟܠܩܪܨܐ ܠܦܠܚܗ. ܟܕ ܕܝܢ ܥܼܠ ܠܗܿ ܠܩܪܝܬܐ: ܘܚܙܘܗܝ ܒܠܒܘܫܐ ܒܣܝܐ ܘܕܡܣܝܛ ܥܘܫܡܗ ܘܫܘܚܪ: ܩܒܠܘܗܝ ܐܝܟ ܡܐ ܕܠܡܠܐܟܐ. ܘܫܿܪܝ ܐܡܿܪ ܠܗܘܢܼ ܕܡܢ ܐܠܗܐ ܐܫܬܕܪ ܕܢܟܪܙ ܠܗܘܢܼ. ܕܩܪܝܒܐ ܗܼܝ ܩܪܝܬܗܘܢ ܬܬܗܦܟ ܘܬܛܒܥ ܒܐܪܥܐ: ܘܬܥܒܪ ܐܠܥܐ ܠܥܠ ܡܢܗܿ ܘܠܐ ܬܘܒ ܬܬܒ ܠܥܠܡ. ܗܼܢܘܢ ܕܝܢ ܒܝܕ ܦܫܝܛܘܬܗܘܢ

Page 286

ܩܒܠܘܗܝܼ. ܘܒܒܪܝܪܘܬܐ ܕܠܒܗܘܢ ܫܡܥܝܢ ܗܘܘ ܠܗ ܟܠܡܕܡ ܕܐܡܿܪ ܗܘܐ ܠܗܘܢ. ܫܡܗܿ ܕܝܢ ܕܩܪܝܬܐ ܗܿܝ ܐܝܬܘܗܝ ܚܚ ܕܒܛܘܪ ܥܒ̈ܕܝܢ. ܘܟܕ ܟܠܝܘܡ ܡܟܪܙ ܗܘܐ: ܕܬܒܘܢ ܘܨܠܘ ܘܨܡܘܢܼ ܥܕ ܠܐ ܦܬܚܐ ܐܪܥܐ ܦܘܡܗܿ ܘܒܠܥܐ ܠܟܘܢ. ܡܛܠ ܕܐܡܬܠܝܬ ܟܝܠܬܐ ܕܚܛܗ̈ܝܟܘܢ: ܘܥܼܫܢ ܥܘܠܟܘܢ ܡܢ ܕܣܕܘܡ ܘܡܢ ܕܥܡܘܪܐ: ܘܡܟܝܠ ܠܝܬ ܐܠܐ ܐܢ ܓܙܪ ܕܝܢܐ ܕܠܐ ܪ̈ܚܡܐ. ܥܡܐ ܕܝܢ ܒܪܝܪܐ ܟܕ ܗܠܝܢ ܫܡܼܥܼ ܘܚܼܙܐ ܠܕܒܫܐ ܕܚܠܝܛ ܒܗ ܣܡܐ: ܒܝܕ ܚܠܝܡܘܬܗ ܕܕܒܫܐ ܠܐ ܝܼܕܥ ܠܡܪܝܪܘܬܗ ܕܣܡܐ ܩܛܘܠܐ. ܘܐܦܠܐ ܠܡܪܢ ܐܘ ܠܢܒ̈ܝܐ ܐܘ ܠܫܠܝܚ̈ܐܐܘ ܠܗܘܢ ܠܐܦܝܣܩ̈ܦܐ ܕܝܠܗܘܢ ܫܡܼܥ. ܒܝܕ ܗܿܝ ܕܨܡܘܢ ܘܨܠܘ: ܠܐ ܝܼܕܥ ܠܢܟܠܗ ܕܒܝܫܐ. ܐܠܐ ܟܠ ܕܐܡܿܪ ܗܘܐܿ. ܕܕܚܠܘܢ ܡܢ ܐܠܗܐ: ܗܢܐ ܡܛܥܝܢܐ ܐܝܬܘܗܝ. ܡܦܢܝܢ ܗܘܘܼ ܕܡܢܐ ܕܒܝܫ ܐܡܿܪ. ܕܨܡܘܢ ܘܨܠܘ ܒܠܚܘܕ ܐܡܿܪ. ܘܡܢ ܐܫܢ ܡܕܡ ܠܐ ܫܡܥܝܢ ܗܘܘ: ܐܠܐ ܛܥܘ ܘܛܥܝܘܢ ܠܟܠܗܿ ܐܪܥܐ ܒܬܪܗ. ܘܠܒܼܫ ܚܫܐ ܘܕ̈ܡܥܐ. ܘܫܒܼܩ ܦܘܠܚܢܗܘܢ ܘܙܪܥܗܘܢ ܘܟܪ̈ܡܝܗܘܢ ܕܠܐ ܦܘܠܚܢܐ: ܘܐܬܡܢܘ ܒܒ̈ܥܘܬܐ. ܘܡܢ ܗܝܕܝܢ ܫܪܝܘ ܐܡܪܝܢ ܥܠܘܗܝܼ ܕܟܠܗܝܢ ܬܕܡܪ̈ܬܐ ܣܥܿܪ ܐܝܟ ܡܪܢ. ܘܢܦܼܩ ܗܢܘܢ ܐܝܙ̈ܓܕܘܗܝܼ. ܗܢܘܿ ܕܝܢ ܫܐܕ̈ܐܼ. ܘܐܛܒܘܗܝ ܒܟܠܗܿ ܐܪܥ ܕܓܙܝܪܬܐ. ܘܓܚܬ ܐܪܥ ܕܓܪܒܝܐ ܘܕܬܝܡܢܐܿ ܥܡ ܡܕܢܚܐ ܘܡܥܪܒܐ ܥܠܘܗܝܼ. ܟܕ ܛܥܝܢ ܟܠܢܫ ܠܫܘܠܡܗ. ܟܕ ܕܝܢ ܐܬܝܐ ܗܘܬܼ ܣܝܥܬܐ ܡܢ ܚܕ ܡܢ ܓܒ̈ܝܢ܆ ܘܦܓܥܐ ܗܘܬ ܠܗܿ ܐܚܪܝܬܐ ܒܗܿ ܕܐܙܠܐ ܗܘܬ ܡܢ ܨܝܕܘܗܝ ܠܡܼ. ܡܫܐܠܝܢ ܗܘܘ ܗܠܝܢ ܕܐܬܝܢ ܠܗܠܝܢ ܕܐܙܿܠܝܢ. ܕܐܝܟܢܐ ܚܙܝܬܘܢܝܗܝ ܠܓܒܪܐ. ܘܗܿܢܘܢ ܐܡܪܝܢ ܗܘܘܼ. ܕܠܐ ܡܫܬܡܥ ܠܗ ܐܝܟ ܡܐ ܕܗܿܘ ܥܿܒܕ ܒܥܠܡܐ ܟܠܗ. ܟܕ ܐܦ ܡܚܘܝܢ ܗܘܘ ܗܼܢܘܢ ܗܕ̈ܡܝܗܘܢ ܘܐܡܪܝܢ܆ ܕܗܢܐ

Page 287

ܡܫܪܝܐ ܗܘܐ. ܘܗܢܐܼ ܕܪܥܗ ܝܒܝܫ ܗܘܐ. ܘܗܢܐܼ ܓܪܒܢܐ ܗܘܐ. ܘܗܢܐܼ ܣܡܝܐ. ܘܗܫܐ ܗܐ ܐܝܟ ܡܐ ܕܚܿܙܝܬܘܢ ܐܝܬܝܢ ܚܢܢ ܕܠܐ ܡܘܡܐ ܐܘ ܟܐܒܐ ܕܡܕܡ. ܚܘܪܘ ܒܥ̈ܝܢܝܢ ܕܦܬܝ̈ܚܢ ܘܒܐܝܕ̈ܝܢ ܕܦܫ̈ܝܛܢ ܘܒܪ̈ܓܠܝܢ ܕܚ̈ܠܝܡܢ. ܘܠܐ ܬܬܫܐܠܘܢ ܠܢ. ܐܠܐ ܐܫܬܪܪܘ ܒܝܕ ܗܝܡܢܘܬܐܼ ܘܙܠܘܢ ܨܝܕܘܗܝ. ܘܟܠܗܝܢ ܐܝܠܝܢ ܕܫܐܠܝܬܘܢ ܢܣܒܝܬܘܢ ܡܢܗ. ܘܗܟܢܐ ܪܕܝܢ ܗܘܘ ܐܙܠܝܢ ܨܝܕܘܗܝ. ܘܐܟܙܢܐ ܕܗܿܠܝܢ܆ ܐܦ ܒܟܠܗܝܢ ܫܝܪ̈ܬܐ ܕܐܬܝ̈ܢ ܨܝܕܘܗܝ ܦܓܿܥܝܢ܆ ܡܦܩ ܕܝ̈ܘܐܼ ܘܡܦܬܚ ܣܡ̈ܝܐ. ܘܡܫܡܼܥ ܕܘܓ̈ܐܼ. ܘܥܿܒܕ ܠܡܫܪ̈ܝܐ ܕܢܗܠܟܘܢ. ܘܦܐ ܠܐܚܪ̈ܢܐ ܐܡܪܝܢ ܗܘܘܼ. ܕܠܢ ܚܼ؛ܐ ܠܢ ܟܕ ܡܩܝܡ ܡܝܬܐ. ܘܟܠܗܝܢ ܬܕܡܪ̈ܬܐ ܣܥܪܘ ܩܕܡܝܢ. ܐܫܪ ܩܪܘܝܐ ܘܫܡܘܥܐ ܕܗܠܝܢ ܕܡܬܚܙܝܢ ܗܘܘ ܠܐܢ̈ܫܐ ܟܕ ܐܙܠܝܢ ܠܬܡܢ ܘܦܓܥܝܢ ܒܗܘܢ ܒܝܕ ܚܡܪ̈ܐ ܘܒ̈ܓܠܐ ܘܪ̈ܟܫܐ ܘܥܡܐ ܣܓܝܐܐ: ܘܐܦ ܡܚܘܝܢ ܗܘܘ ܠܡ ܗܕ̈ܡܝܗܘܢ ܕܗܘܼ ܠܡ ܐܣܝ ܐܢܘܢ: ܠܐ ܗܘܐ ܒܢܝ̈ܢܫܐ ܐܝܬܝܗܘܢ܆ ܐܠܐ ܐܢ ܫܐܕ̈ܐ. ܘܢܕܥ ܡܢ ܗܿܝ ܕܐܦܠܐ ܚܕ ܒܪܫܢܐ ܐܬܚܙܝ ܒܚܘܠܡܢܐ ܡܢ ܠܘܬܗ ܣܟ. ܠܐܚܪ̈ܢܐ ܡܬܚܙܝܢ ܗܘܘܼ ܘܐܡܪܝܢ ܠܗܘܢ܆ ܕܡܠܐܟ̈ܐ ܚܢܢܼ ܐܣܝܪܝܢܢ ܠܨܠܘܬܗ ܕܡܪܝ ܡܪܘܬܐ: ܡܪܘܬܐ ܓܝܪ ܩܪܝܢ ܗܘܘ ܠܗ: ܕܐܢ ܫܒܩ ܠܢ ܡܿܝܬܝܢ ܚܢܢ ܟܠܒܘܬܐ ܥܡ ܩܡܨܐ. ܠܐܚܪ̈ܢܐ ܡܬܚܙܝܢ ܗܘܘ ܐܡܪܝܢ܆ ܕܚܘ̈ܘܬܐ ܦܪ̈ܘܚܐ ܐܬܝܿܢ ܥܠ ܐܪܥܐܼ ܘܠܐ ܫܒܩܝܢ ܠܐܢܫ ܕܢܐܚܐ: ܐܢ ܫܿܒܩ ܠܢ ܡܪܝ ܡܪܘܬܐ. ܘܐܟܙܢܐ ܕܗܠܝܢ ܒܢ̈ܬ ܩ̈ܠܐ ܡܫ̈ܬܡܥܢ ܗܘ̈ܝ ܒܟܠܗܘܢ ܐܬܪ̈ܘܬܐ ܕܓܙܝܪܬܐ: ܡܢ ܫܐܕ̈ܐ ܡܪ̈ܘܕܐ. ܘܡܢ ܗܫܐ ܠܝܬ ܗܘܐ ܩܛܘܥܐ ܠܐܘܪ̈ܚܬܐ ܕܫܕܝܢ ܠܬܡܘܢ. ܐܣܬܟܠ ܦܪܘܫܐܼ. ܕܐܦ ܠܐ ܡܐ ܕܐܿܬܐ ܗܼܘ ܒܪܗ ܕܐܒܕܢܐ ܣܿܥܪ ܐܠܐ ܗܟܢܐ. ܟܕ ܢܦܩܝܢ ܫܡܫܘ̈ܗܝ

Page 288

ܘܡܛܒܒܝܢ ܠܗܼ ܒܟܠܗܿ ܐܪܥܐ. ܘܡܚܿܘܝܢ ܢܦܫܗܘܢ ܓܘܫܡܢܐܝܬ ܠܟܠܢܫ. ܟܕ ܐܡܪܝܢ܆ ܕܗܢܐ ܡܫܪܝܐ ܗܘܐܼ ܘܗܢܐܼ ܣܡܝܐ. ܘܗܢܐܼ ܓܪܒܢܐ. ܘܗܼܘ ܐܣܝ ܐܢܘܢ. ܘܐܦ ܥܒܕܝܢ ܠܚܕ̈ܕܐ ܡܝ̈ܬܐ ܘܡܫܪ̈ܝܐ ܘܓܪ̈ܒܢܐ ܘܣܡ̈ܝܐ ܘܟܠܗܝܢ ܚܒܪ̈ܬܐܼ ܘܡܩܪܒܝܢ ܩܕܡܘܗܝ. ܘܡܐ ܕܦܿܩܕ ܠܡܫܪܝܐ ܕܢܗܠܟܼ ܡܗܠܟ. ܘܗܐ ܐܝܟ ܗܿܘ ܕܒܫܪܪܐ ܡܫܪܝܐ: ܘܗܫܐ ܗܐ ܡܗܠܟ. ܘܠܐ ܝܿܕܥܝܢ ܕ̈ܘܝܐ ܕܫܒܩܝܢ ܠܟܬܒ̈ܐ ܩܕ̈ܝܫܐ ܘܐܦ ܐܙܠܝܢ ܒܬܪܗܼ. ܕܗܠܝܢ ܫܐܕ̈ܐ ܐܢܘܢ. ܘܐܢܫ ܕܡܬܩܪܒ ܠܐ ܡܬܐܣܐ ܡܢܗܼ. ܐܠܐ ܐܢ ܐܝܬܝܗܿ ܡܚܘܬܗ ܕܝܠܗ ܕܒܝܫܐ. ܘܟܕ ܗܼܘ ܫܐܕܐ ܫܒܿܩ ܠܗܼ ܡܬܚܙܐ ܗܼ ܚܠܝܡܐ.. ܟܕ ܐܡܪ ܕܥܠ ܕܠܝܬ ܒܟ ܗܝܡܢܘܬܐ ܠܐ ܡܬܐܣܐ ܐܢܬ. ܠܢ ܕܝܠܢ ܠܝܢ ܚܙܝܢܢ. ܘܗܠܝܢ ܡܣܿܗܕܝܢܢ. ܕܟܠܢܫ ܕܚܙܝܢܢ ܕܐܙܠܝܢ ܨܝܕܘܗܝ ܘܐܬܝܢ܆ ܟܕ ܡܫܬܝܠ ܗܘܐ ܚܕ ܡܢܗܘܢ ܕܚܠܝܡܬ. ܐܡܿܪ ܗܘܐܼ ܚܠܝܡ ܐܢܐ. ܟܕ ܠܐ ܣܟ ܐܬܝܬܪ ܡܕܡ ܡܢ ܠܘܬܗ. ܐܡܿܪ ܗܐܘ: ܕܐܢ ܡܗܝܡܢܬܼ ܠܐܪ̈ܒܥܝܢ ܝܘ̈ܡܬܐ ܫܩܠܬ ܚܘܠܡܢܐ. ܘܒܗܕܐ ܬܢܘܝ ܕܠܫܘܠܡܐ ܕ.ܡ. ܝܘܡ̈ܬܐ ܫܩܠܬ ܚܘܠܡܢܐܿ. ܫܿܪܐ ܗܘܐ ܠܗܘܢ. ܘܗܟܢܐ ܓܼܚܘܢ ܟܠܗܘܢ ܐܬܪ̈ܘܬܐܼ ܘܐܙܠܘܢ ܨܝܕܘܗܝ. ܘܐܦ ܐܫܛܪ̈ܐ ܣܓ̈ܝܐܐ ܡܝܬܝܢ ܗܘܘ ܠܗܼ. ܥܡ ܕܗܒܐ ܘܣܐܡܐ ܘܡ̈ܐܢܐ ܡܦܪ̈ܓܐ. ܘܥܿܒܕ ܗܘܐ ܠܡ ܙܕܩ̈ܬܐ ܘܒܥܘ̈ܬܐ ܣܓܝ̈ܬܐ. ܘܦ ܩܐܡ ܗܘܐ ܘܡܿܠܚ ܠܥܡܐ ܒܩܛܡܐ. ܟܕ ܐܡܿܪ ܕܡܬܪܥܐ ܐܠܗܐ. ܩܿܐܝܡ ܗܘܼܐ ܕܝܢ ܥܠ ܒܐܡܐ ܪܡܬܐ ܐܝܟ ܐܦܝܣܩܘܦܐܼ. ܟܕ ܒܕܪܓܐ ܕܡܫܡܫܢܘܬܐ ܡܛܟܼܣ ܗܘܐ. ܟܕ ܦܩܝܕ ܒܝܕ ܩܢܘ̈ܢܐ ܫ̈ܠܝܚܝܐ ܕܩܫܝܫܐ ܠܐ ܢܬܒܪܟ. ܐܠܐ ܐܢ ܡܢ ܩܫܝܫܐ ܟܢܬܗܼ ܘܡܢ ܐܝܣܩܦܐܼ. ܘܐܦܠܐ ܢܩܒܠ ܒܪܘܟܬܐܿ. ܐܠܐ ܐܢ ܡܢ ܗܠܝܢ: ܗܢܐ ܡܪܚܐ ܠܘ ܒܠܘܕ ܠܟܗ̈ܢܐ ܡܒܪܟ ܗܘܐܿ. ܐܠܐ ܐܦ ܨܠܝܒܐ ܠܡ ܘܐܝܕܐ ܡܥܒܪ ܗܘܐ ܥܠ

Page 289

ܪܝܫܐ ܕܟܗ̈ܢܐ. ܘܐܦ ܡܫܚܐ ܕܨܠܘܬܐ ܥܿܒܕ ܗܘܐܼ. ܟܕ ܣܓ̈ܝܐܐ ܟܗ̈ܢܐ ܟܢܝܫܝܢ ܠܘܬܗ. ܘܝܿܗܒ ܠܗܘܢ. ܡܫܚܐ ܕܝܢ ܗܟܢܐ ܥܿܒܕ ܗܘܐ. ܨܠܘܬܐ ܠܡ ܬܿܢܐ ܗܘܐ ܠܥܘܗܝ. ܘܒܬܪܟܝܢ ܪܝܩ ܗܘܐ ܒܗ. ܘܒܝܕ ܪ̈ܘܩܘܗܝ ܡܫܡܠܐ ܗܘܐ. ܐܦܝܣܩܦܐ ܕܢܥܘܠ ܠܬܡܢ ܐܘ ܕܝܪܝܐܼ ܘܢܐܡܪ ܡܕܡ ܒܗܼ. ܠܐ ܡܨܝܐ: ܕܠܐ ܩܛܿܠܝܢ ܗܘܘ ܠܗ ܗܼܢܘܢ ܒܢܗܝ ܩܪܝܬܐ ܗܿܝ. ܟܕ ܐܡܪܝܢ ܕܡܚܣܡ ܚܣܡܝܢ ܐܢܬܘܢ ܒܗ. ܩܕܝܫܐ ܕܝܢ ܡܪܝ ܩܘܪܝܩܐ ܐܦܝܣܩܦܐ ܕܝܠܗ ܕܐܬܪܐܼ. ܟܕ ܚܼܙܐ ܠܥܢܗ ܕܐܫܬܒܝܬ ܡܢ ܒܝܫܐ: ܘܕܢܐܡܪ ܠܗܘܢ ܠܐ ܫܡܿܥܝܢ ܠܗ. ܐܠܐ ܘܐܦ ܡܣܡ ܒܪܝܫܐ ܡܢܗܘܢܿ ܡܩܒܠ ܗܘܐܼ. ܪܗܼܛ ܨܝܕ ܚܣܝܐ ܕܘܝܕ ܦܛܪܝܪܟܐܼ ܘܥܠ ܟܠܗ̈ܝܢ ܐܘܕܥܗ. ܗܼܘ ܕܝܢ ܚܣܝܐ ܕܘܝܕ ܟܕ ܗܠܝܢ ܫܡܼܥܼ ܫܩܠܼܗ ܘܚܒܫܗ ܒܝܬ ܐܣܝܪ̈ܐ ܕܚܪܢ. ܟܕ ܐܦܠܐ ܗܟܢܐ ܬܟܘ ܡܢ ܛܥܝܘܬܗ. ܟܕ ܐܦ ܐܿܬܝܢ ܗܘܘ ܠܗ ܠܒܝܬ ܐܣܝܪ̈ܐ ܨܝܕܘܗܝ ܣܓܝ̈ܐܐ. ܘܥܒܿܕ ܠܡ ܡܫܚܐ ܘܝܿܗܒ ܠܗܘܢ. ܘܟܕ ܐܦ ܒܪ̈ܘܩܘܗܝ ܡܫܡܠܐ ܗܘܐ ܠܡ ܗܼܘ ܛܢܦܐ. ܘܟܕ ܠܣܓܝ̈ܐܬܐ ܥܒܿܪܝܢܢ ܡܫܢܝܢܢ ܠܘܬ ܐܚܪ̈ܢܝܬܐ. ܟܕ ܨܒܿܝܢܢ ܕܢܘܕܥ ܥܠ ܫܢܝ̈ܐ ܕܐܘܠܨܢܐ ܕܣܒܼܠܬ ܐܪܥܐ.

ܥܠ ܫܢܬܐ ܩܕܡܝܬܐ ܕܐܠܘܨܢܐܼ. ܕܗܘܼܬ ܫܢܬ ܐܠܦܐܐ ܘܬܡܢ̈ܝܢ ܘܐܪ̈ܒܥ. ܠܘܩܕܡ ܥܠ ܟ̈ܬܘܒܐ ܘܥܡ̈ܠܐ ܘܣܓܛܪ̈ܐ܀ ܟܕ ܕܝܢ ܥܛܦܼ ܡܿܠܟܐ ܡܢ ܐܪܥ ܕܐܘܪܫܠܡ: ܠܒܟܗ ܠܥܒܣ ܘܐܚܣܪܗ ܒܟܡܕܡ ܕܩܼܢܐ ܗܘܐ. ܘܥܼܒܕ ܚܠܦܘܗܝ ܠܡܘܣܐ ܟܕ ܡܘܨܥܒ. ܐܝܢܐ ܕܡܢ ܠܥܠ ܐܬܕܟܪܢܢ. ܘܝܗܼܒ ܒܐܝܕ̈ܘܗܝ ܠܥܡ̈ܠܐ ܘܠܟܬܘ̈ܒܐ ܘܣܓܛܪ̈ܐ܇ ܐܝܠܝܢ ܕܗܼܘܘ ܒܝܘ̈ܡܝ ܥܒܨ. ܕܢܚܫܒ ܐܢܘܢ. ܘܢܚܬ ܗܼܘ ܠܒܓܕܕ. ܗܢܐ ܕܝܢ ܛܪܘܢܐ ܟܕ ܩܒܠ ܦܘܩܕܢܐ: ܫܕܪ ܐܝܬܝ ܟܠ ܕܗܘܼܐ ܗܘܼܐ ܠܗ ܥܡܠܐ ܐܘ ܣܓܛܪܐ ܐܘ ܟܬܘܒܐ ܒܝ̈ܘܡܝ ܥܒܣ.

Page 290

ܘܡܛܠ ܗܿܝ ܕܐܦܠܐ ܡܢ ܡܘܨܠ ܐܫܬܪܝܼ. ܐܚܬ ܐܢܘܢ ܠܒܠܕ ܘܚܒܫ ܐܢܘܢ ܒܗܼܿ. ܥܡ ܝܘܩܪܐ ܪܒܐ ܕܦܪ̈ܙܠܐ. ܘܟܕ ܠܐ ܚܫܒ ܐܢܘܢ ܐܘ ܬܒܥ ܠܐܬܪ̈ܬܐ: ܐܝܟ ܡܿܢ ܕܢܚܘܘܢ ܡܘܢ ܫܩܠ ܠܗܘܢ. ܫܕܪ ܐܝܬܝ ܠܗ ܗܼܘ ܗܢܐ ܨܢܝܥ ܠܒܝ̈ܫܬܐܼ. ܡܢ ܟܠ ܚܕܚܕܐ ܡܢ ܡܕ̈ܝܢܬܐ ܐܢ̈ܫܐ ܡܣܘܪ̈ܐ ܘܝ̈ܥܢܐ: ܘܕܠܝܬ ܗܘܼܐ ܐܠܗܐ ܒܚܕܐ ܡܢ ܬܪ̈ܥܝܬܗܘܢ. ܠܐܢܿܫܐ ܕܐܝܟ ܗܠܝܢ ܓܒܼܐ ܠܗ ܒܪ ܕܐܒܕܢܐܼ. ܠܐܟܠܝܩܪ̈ܨܐ ܕܐܟܘܬܗ. ܘܡܝܩܪ ܗܘܐ ܠܗܘܢ ܒܡܠܬܐ ܘܒܥܒܕܐ. ܟܕ ܐܦ ܡܫܕܘܕܐ ܗܘܐ ܠܗܘܢ ܪܘܪ̈ܒܬܐ: ܐܝܟ ܣܛܢܐ ܠܐܝܠܝܢ ܕܐܙܠܝܢ ܒܬܪܗ. ܘܒܬܪ ܟܠܗܝܢ ܦܿܪܥ ܠܗܘܢ ܫܘܠܡܐ ܒܝܫܐ ܥܡ ܓܗܢܐ. ܘܒܗܠܝܢ ܡ̈ܠܐ ܓܢܿܒ ܗܘܐ ܠܚܕ ܚܕ ܡܢܗܘܢܼ. ܘܓܿܠܐ ܗܘܐ ܥܠ ܗܠܝܢ ܕܡܢ ܡܕܝܢܬܗ ܐܢ ܟܬܘܒܐ ܘܐܢ ܥܡܠܐ ܘܐܢ ܣܓܛܪܐ܇ ܘܡܘܢ ܐܝܬ ܠܗܼ ܐܘ ܡܘܢ ܠܐ܇ ܘܐܝܟܢܐ ܐܝܬܘܗܝ ܒܥܘܬܪܐܼ ܐܘ ܒܒܝܬܐ ܐ ܒܡܪ̈ܗܛܐ. ܘܟܕ ܥܠ ܟܠܢܫ ܝܠܼܦܼ. ܘܐܦ ܐܬܢܗܪ ܥܠ ܥܒܕܗܘܢ.. ܟܕ ܐܦܠܐ ܗܼܢܘܢ ܡܣܘܪ̈ܐ ܫܩܼܠ ܫܘܠܡܐ ܫܦܝܪܐ ܡܢ ܠܘܬܗ. ܐܠܐ ܡܣܼܪ ܐܢܘܢ ܐܠܗܐ ܒܐܝ̈ܕܝ ܪܫܝܥܐ ܗܿܘ ܕܪܚܼܡܼ. ܘܝܬܝܪ ܡܢ ܟܠ ܐܒܫܘ ܠܗܘܢ. ܫܒܼܫܘ ܕܝܢ ܠܗܠܝܢ ܕܗܘܘ ܒܫܘܠܛܢܐ ܕܥܒܣܼ. ܐܝܟ ܚܡ̈ܫܐ ܫ̈ܬܐ ܝܪ̈ܚܐܼ. ܥܕܡܐ ܕܟܠܗܘܢ ܕܘܒܪ̈ܝܗܘܢ ܝܠܼܦܼ. ܡܢ ܪ̈ܫܝܥܐ ܗܠܝܢ ܕܓܒܼܐ ܗܢܐ ܛܪܘܢܐ ܡܢ ܡܕܝܢ̈ܬܗܘܢ. ܟܕ ܡܣܘܪܝܐ ܡܢ ܚܕ ܡܢ ܐܬܪ̈ܘܬܐ ܠܐ ܩܒܠܼ. ܟܠ ܚܕ ܡܢܗܘܢ ܐܦܩ ܐܢܘܢ ܚܕ ܚܕ: ܘܐܝܟ ܡܐ ܕܡܢ ܡܣܘܪ̈ܐ ܝܠܼܦ ܥܠ ܟܠܢܫܼ. ܦܿܣܩ ܗܘܐ ܥܠܝܗܘܢ ܕܗܒܐܼ ܕܢܬܠܘܢ ܠܗܼ ܕܠܐ ܪ̈ܚܡܐܼ. ܐܝܬ ܕܬܪ̈ܝܢ ܐܠܦ̈ܝܐܼ ܘܐܝܬ ܕܐܪ̈ܒܥܐܼ ܘܐܝܬ ܕܥܣܪ̈ܐܼ ܘܐܝܬ ܕܚ̈ܡܫܬܥܣܪ ܘܐܝܬ ܕܥܣܪ̈ܝܢܼ ܘܐܝܬ ܕܬܐܠܬܝ̈ܢܼ ܘܐܝܬ ܕܐܪ̈ܒܥܝܢ. ܐܝܟ ܡܐ ܕܩܕܡܢܢ ܐܡܪܢܢ ܕܝܠܼܦ ܡܢ ܡܣܘܪ̈ܐ: ܗܟܢܐ ܦܣܿܩ ܗܐܘ ܥܠܝܗܘܢ. ܠܘ ܥܠ

Page 291

ܕܚܝܒܝܢ ܗܘܘܼ. ܐܠܐ ܕܢܡܠܐ ܗܼܘ ܠܝܥܢܘܬܗ ܘܦܪܘܬܗ. ܘܗܟܢܐ ܕܢܿܩ ܗܘܐ ܪ̈ܓܠܘܗܝ ܥܡ ܐܝܕ̈ܘܗܝ ܕܚܕ ܚܕ ܡܢܗܘܢܼ. ܥܕܡܐ ܕܡܩܒܠ ܗܘܐ ܗܿܘ ܡܕܡ ܕܡܢܗ ܡܬܦܣܩ ܗܘܐ ܥܠܘܗܝ. ܘܟܕ ܢܗܘܐ ܘܢܩܒܠ ܒܦܪ̈ܙܠܐ ܡܫܕܪ ܗܘܐ ܠܗ ܠܡܕܝܢܬܗܼ ܥܡ ܦܪ̈ܫܐ ܘܥܪ̈ܒܐ ܕܢܝܬܘܢ ܡܢܗ ܠܡܠܐ ܗܿܘ. ܬܘܒ ܦܼܩܕ ܠܡܥܕ̈ܠܢܐ ܕܢܐܬܘܢ ܢܟܬܒܘܢ ܟܠ ܡܕܡ ܕܦܫ ܠܗܘܢ܀ ܗܼܘ ܕܝܢ ܗܢܐ ܨܢܝܥ ܠܒܝ̈ܫܬܐܼ ܟܕ ܚܼܙܐ ܕܐܘܪܒܗ ܡܠܟܐ ܘܐܘܣܦ ܠܗ ܥܠ ܐܝܩܪܗ ܩܕܡܝܐܼ. ܘܐܦ ܝܿܕܥ ܕܗܼܘ ܡܠܟܐ ܒܥܩܘܪܝܐ ܚܿܕܐ ܝܬܝܪ ܡܢ ܕܒܝܫܢܐ: ܢܗܼܡ ܐܝܟ ܐܪܝܐ ܠܬܒܪܐܼ. ܘܫܪܝ ܡܨܛܢܥ ܠܐܪܥܐܼ. ܐܝܟ ܡܐ ܕܐܦ ܦܪܥܘܢ ܠܒܢ̈ܝ ܐܣܝܪܐܝܠ. ܘܦܩܕ ܠܘܩܕܡ ܠܡܥܕ̈ܠܢܐܼ ܕܢܥܕܠܘܢ ܠܐܬܪ̈ܘܬܗܘܢ. ܟܕ ܐܦ ܗܼܢܘܢ ܡ̈ܥܕܠܢܐ ܠܒܼܫ ܡܢ ܨܝܕܘܗܝ ܠܟܠܗܿ ܝܥܢܘܬܐ: ܟܕ ܘܐܦܠܐ ܗܼܘ ܐܝܟ ܨܒܿܐ ܒܛܒܬܐܼ ܦܩܼܕ ܠܗܘܢ ܢܕܠܘܢ ܐܪܥܐܿ. ܐܠܐ ܠܥܝ̈ܢܐ. ܘܕܢܦܘܩ ܡܫܐ ܕܥܠ ܬܥܕܝܠ ܚܕܬܐ ܓܿܒܐ. ܘܝܕܝܥܐ ܡܢ ܗܿܝ ܕܒܫܘܠܡܐ ܓܕܫܬ: ܕܗܿܘ ܕܣܡ ܥܠܘܗܝ ܡ̈ܥܕܠܡܐ ܝܬܝܪܐܼ ܥܠ ܚܕܬܬܐ ܫܩܼܠ: ܘܗܿܘ ܕܒܨܪ ܠܗ ܫܩܼܠ ܥܠ ܥܬܝܩܬܐ. ܐܦ ܗܼܢܘܢ ܡܥܕ̈ܠܢܐ ܓܠܝܐܝܬ ܬܒܥܝܢ ܗܘܘ ܡܘܗ̈ܒܬܐܼ ܘܫܘ̈ܥܕܐܼ ܕܠܐ ܒܗܬܬ ܐܦ̈ܐ ܐܘ ܕܚܠܐ ܕܡܕܡ. ܘܗܟܢܐܥܕܠܘܗܿ ܠܐܪܥܐ: ܟܕ ܡܕܡ ܠܐ ܐܘܬܪ ܐܠܐ ܐܢ ܚܘܣܪ̈ܢܐ ܣܓ̈ܝܐܐ ܕܓܢܒܘܬܗܘܢ ܘܝܥܢܘܬܗܘܢ.

ܥܠ ܡܟܪ̈ܟܕܢܐ ܘܛܒ̈ܥܐ܀ ܥܡ ܗܠܝܢ ܬܘܒ ܫܕܪ ܡܟܪ̈ܟܕܢܐ ܘܛܒ̈ܥܐ ܕܐܢܟܐ. ܟܕ ܐܦ ܦܩܕܝܢ ܗܘܘܼ ܕܟܠ ܕܨܝܕܝܢ܆ ܫܡܐ ܕܐܬܪܗ ܘܡܕܝܢܬܗ ܢܟܪܟܕܘܢܝܗܝ. ܗܝܕܝܢ ܢܬܓܠܐ ܠܐܬܪܗ ܘܠܕܘܟܬܗ. ܐܠܐ ܗܼܢܘܢ ܠܗܕܐ ܠܐ ܐܬܪܡܝܘܗܝ. ܐܠܐ ܪܗܼܛ ܠܗܘܢ ܕܢܡܠܘܢ ܝܥܢܘܬܗܘܢ. ܘܬܘܒܼ ܕܒܥܒܝܥܬܐ ܡܩܒܥܝܢ ܗܘܘ ܠܗܘܢ ܗܠܝܢ

Page 292

ܛܒ̈ܥܐ: ܟܕ ܐܦ ܗܢܘܢ ܡܢ ܕܝܠܗܘܢܼ ܣܓ̈ܝܐܐ ܡܘܨܦܝܢ ܗܘܘ ܥܠܝܗܘܢ. ܘܠܘܩܕܡ ܠܒܟ ܐܢܘܢ ܠܪ̈ܝܫܢܐ ܕܝܠܗ ܕܐܬܪܐܼ. ܟܕ ܐܡܪ: ܕܟܠܢܫ ܢܝܬܐ ܕܝܠܗ ܠܡܕܝܢܬܐܼ. ܕܠܐ ܢܦܘܩ ܠܒܪ ܘܢܗܘܐ ܥܠܝܟܘܢ ܝܘܩܪܐ. ܘܟܕ ܟܠܢܫ ܐܥܠ ܕܝܠܗ ܘܟܪܟܕ ܐܢܘܢܼ. ܟܕ ܥܠ ܝܡܝܢܗ ܟܿܬܒ ܗܘܐܼ ܫܡܐ ܕܡܕܝܢܬܗܼ ܘܥܠ ܣܡܠܗ ܓܙܝܪܬܐ. ܘܒܩܕܠܗ ܬܿܠܐ ܗܘܐ ܬܪ̈ܝܢ ܛܒ̈ܥܐܼ. ܚܕ ܕܛܒܝܥ ܫܡܐ ܕܡܕܝܢܬܗܼ ܘܐܚܪܢܐ ܫܡܐ ܕܩܝܡܗ. ܘܐܦ ܫܩܿܠ ܗܘܐ ܡܢ ܟܠ ܬܠ̈ܬܐ ܓܒܪ̈ܐ ܙܘܙܐ ܒܫܘܪܝܐ. ܘܐܦ ܟܿܬܒ ܗܘܐ ܫܡܗ ܕܓܒܪܐ ܘܕ̈ܡܘܬܗ ܘܨܘܪ̈ܬܗ. ܘܡܢ ܐܝܕܐ ܩܪܝܬܐ ܐܝܬܘܗܝ ܘܩܠܝܡܐ. ܗܕܐ ܣܓܝ ܐܙܝܥܬܼ ܐܢܘܢ ܠܒܢܝ̈ܢܫܐ. ܡܛܠ ܕܣܓܝ ܒܢܝ̈ܢܫܐ ܢܘܟܪ̈ܝܐ ܨܝܿܕ ܗܘܼܐ. ܘܡܢ ܐܝܟܐ ܕܐܡܼܪ ܕܐܝܬܘܗܝ ܟܪܟܕܗ ܥܠܝܗܿ ܕܕܘܟܬܐ. ܟܕ ܓܕܫܬܼ ܘܐܦ ܠܐ ܡܡܬܘܡ ܥܝܠ ܗܐܘ ܠܗ ܠܩܪܝܬܐ ܗܿܝ. ܟܕ ܐܠܘ ܓܕܫܬ ܘܐܬܬܝ ܗܼܝ ܗܕܐ ܡܟܬܒܢܘܬܐ ܠܘܫܠܡܐܼ. ܝܬܝܪ ܡܢ ܟܠ ܕܗ̈ܘܼܝ ܥܠ ܐܪܥ ܐܒܫܬ ܠܥܠܡܐ. ܘܟܕ ܚܼܙܐ ܕܠܐ ܐܬܡܠܝ ܥܒܕܗܼ. ܢܦܼܩ ܥܠ ܐܬܪܐ: ܘܟܠ ܕܐܿܙܠ ܘܕܐܿܬܐ ܨܕܘܗܝ. ܘܟܕ ܝܬܝܪ ܡܢ ܥܣܪ̈ܝܢ ܙܒ̈ܢܝܢ ܒܗܒ ܒܐܬܪܐ ܥܒܼܪ. ܠܐ ܣܦܩܬ ܠܗ. ܥܕܡܐ ܕܐܘܦܝ ܒܢܝ̈ܢܫܐ. ܘܐܢܫ ܠܐ ܐܬܦܠܛ ܡܢܗ. ܘܡܟܝ ܐܝܟ ܡܐ ܕܢܒܝܐ ܕܢܝܐܝܠ ܘܫܠܚܐ ܝܘܚܢܢ ܐܡܼܪ: ܫܩܠܘܢ ܟܠܗܘܢ ܒܢܝ̈ܢܫܐ. ܘܐܢܫ ܠܐ ܐܬܦܠܛ ܡܢܗ. ܘܡܟܝܠ ܐܝܟ ܡܐ ܕܢܒܝܐ ܕܢܝܐܝܠ ܘܫܠܝܚܐ ܝܘܚܢܢ ܐܡܼܪ: ܫܩܠܘܢ ܟܠܗܘܢ ܒܢܝ̈ܢܫܐ ܪܘܫܡܗܿ ܕܚܝܘܬܐ ܗܿܝ ܥܠ ܐܝܕܝ̈ܗܘܢ ܘܚܕ̈ܝܝܗܘܢ ܘܚܨ̈ܝܗܘܢ.

ܥܠ ܡܥܣܪ̈ܢܐ܀ ܫܼܕܪ ܕܝܢ ܥܡ̈ܠܐ ܐܚܪ̈ܢܐ ܥܠ ܥܘܣܪܐ. ܘܗܠܝܢ ܬܘܒ ܐܙܝܥܘܗܿ ܠܐܪܥܐ. ܟܕ ܥܼܠ ܠܡܕ̈ܝܢܬܐܼ ܘܥܒܼܪ ܥܠ ܼ. ܘܐܦ ܚܿܘܐ ܗܘܐ ܡܘܢ ܐܝܬ ܒܗܿ. ܘܐܢ ܐܝܬ ܗܘܐ ܠܗ ܠܓܒܪܐ ܡܣܟܢܐ ܒܗܿ ܒܡܐ ܙܘ̈ܙܐ܆ ܟܬܒܘ ܗܼܢܘܢ ܒܚ̈ܡܫܡܐܐ. ܘܐܢ ܒܐܠܦܐܐܼ. ܟܬܒܘ ܗܼܢܘܢ ܒܚ̈ܡܫܐ ܐܠܦܝ̈ܐ. ܘܥܒܼܪ ܥܠ ܒ̈ܬܐ ܕܣܘܪ̈ܝܝܐ ܘܕܛܝ̈ܝܐ. ܟܠ ܐܝܟܐ ܕܐܝܬ ܗܘܐ

Page 293

ܚ̈ܛܐ ܐܘ ܣܥܪ̈ܐܼ ܐܘ ܡܕܡ ܕܐܝܟ ܗܠܝܢ ܕܣܝܡܼ ܛܒܥܘܗܝ. ܘܟܕ ܐܦܠ ܒܓܘܗ ܚܝܪܝܢ ܗܘܘܼ. ܟܬܒܝܢ ܗܘܘ ܙܦܠܢ ܐܠܦ̈ܐܐ ܥܠ ܦܠܢ: ܟܕ ܐܦ ܬܒܿܥܝܢ ܗܘܘ ܠܗܼ ܟܠ ܥܣܪ̈ܐ ܓܪ̈ܝܒܐ ܓܪܝܒܐ. ܘܢܫܠܼܡ ܐܢܘܢ ܠܡ ܠܗܘܢ ܒܒܓܕܕ. ܟܕ ܐܦ ܐܠܘ ܐܬܬ ܠܫܘܠܡܐ ܐܚܪܒܬܗܿ ܠܐܪܥܐ. ܡܛܠ ܕܣܓܝ̈ܐܐ ܡܢܗܘܢ ܐܝܬ ܗܘܐܼ. ܕܟܬܝܒܝܢ ܗܘܘ ܥܠܘܗܝ ܥܣܪ̈ܐ ܐܠܦ̈ܝܐܼ. ܕܥܣܪ̈ܝܢ ܓܪ̈ܝܒܐ ܠܐ ܩܢܐ ܗܘܼܐ. ܡܛܠ ܕܗܼܢܘܢ ܡܣܘܪ̈ܐ ܥܘ̈ܠܐ ܗܘܼܘ ܠܗܘܢ ܡܠܦ̈ܢܐ ܠܘܬ ܒܝ̈ܫܬܐܼ. ܐܝܠܝܢ ܕܡܢ ܠܥܠܥ ܥܗܕܢܢ. ܘܐܦ ܗܼܘ ܡܘܣܐܼ ܐܡܝܢܐܝܬ ܡܫܕܪ ܗܘܼܐ ܒܬܪܗܘܢܼ. ܘܢܚܬܝܢ ܨܝܕܘܗܝ: ܐܝܟ ܕܢܐܠܦ ܟܠ ܕܐܝܬ ܒܡܕܝܢܬܗ ܕܚܕ ܡܢܗܘܢ. ܘܡܟܝܠ ܠܗ ܕܝܠܗ ܫܚܕܝܢ ܘܡܝܩܪܝܢ ܗܘܘ ܒܢܝ̈ܢܫܐܼ. ܡܛܠ ܗܿܝ ܕܢܟܘܪ ܠܦܘܡܗ ܡܢܗܘܢ. ܘܟܕ ܗܠܝܢ ܥܒܼܕ ܡܥܣܪ̈ܢܐܼ. ܚܣܪܘ ܒܢܝ̈ܢܫܐ ܡܣܟ̈ܢܐ ܨܕܝܗܘܢ. ܘܠܬܚܬ ܘܨܝܕ ܡܣܘܪ̈ܐ ܒܣܓܝܘܬܐ. ܘܠܡܚܣܢ ܟܠܘܗܿ ܠܒܝܫܬܐ ܗܕܐ ܡܢܗܘܢ. ܘܡܢ ܗܝܕܝܢ ܢܦܼܩ ܠܐܘܪ̈ܚܬܐ ܘܠܡܥܒܪ̈ܬܐܼ. ܘܟܠ ܕܐܙܿܠ ܘܐܬܿܐ ܫܠܚܘܗܝ. ܐܦ ܟܡܢܝܢ ܗܘܘ ܒܠܝܠܘ̈ܬܐ ܥܠ ܐܘܪ̈ܚܬܐܼ. ܘܫܩܠܝܢ ܥܒܕܗܘܢ ܒܢܝ̈ܢܫܐܼ. ܐܝܟ ܓܢܿܒܐ܆ ܕܐܝܠܝܢ ܕܥܪܩܝܢ ܡܢ ܥܘܣܪܐ ܘܡܢ ܨܘܦܝ. ܟܕ ܐܡܪܝܢ ܕܡܥܣܪ̈ܢܐ ܚܢܢ. ܘܟܕ ܒܝܫܬܐ ܕܠܐ ܣܟ ܫܪܝܬ ܡܚܪܒܐ ܠܐܪܥܐܼ. ܘܡܬܩ̈ܛܥܢ ܐܘܪ̈ܚܬܐ ܡܢ ܐܙܘ̈ܠܐ ܘܡܢ ܐܬܘ̈ܝܐܼ. ܢܚܼܬ ܘܐܝܠܠܘ ܩܕܡܘܗܝ ܕܡܘܣܐ. ܘܦܩܕ ܕܠܒܪ ܡܢ ܫܘܩܐ ܠܐ ܢܠܒܘܛ ܠܐܢܫ. ܘܗܝܕܝܢ ܠܡܚܣܢ ܬܟܘ ܡܢ ܒܝ̈ܫܬܗܘܢ.

ܥܠ ܨܘܦܝ܀ ܟܠ ܡܘܥܝܬܐ ܐܝܕܐ ܕܫܘܚܬ ܒܬܪ ܚܒܪܬܗܼܿ. ܗܼܝ ܒܝܫܐ ܗܘܼܬ ܡܢ ܕܩܕܡܝܗܿ. ܡܛܠ ܕܡܢ ܥܩܪܐ ܒܝܫܐ ܘܡܪܝܪܐ ܘܕܪܘܓܙܐ ܣܠܩ̈ܢ ܗܘ̈ܝ ܡܘ̈ܥܝܬܐ ܗ̈ܠܝܢ. ܟܬܝܒܼ ܕܡܢ ܢܨܒܬܐ ܒܝܫܬܐ ܢܨܒ̈ܬܗܘܢܼ. ܘܬܘܒܼ

Page 294

ܕܥܩܪܐ ܕܟܠ̈ܝܢ ܒܝܫ̈ܬܐ ܪܚܡܬ ܟܣܦܐ. ܐܦܠܐ ܐܝܬ ܠܗ ܠܝܥܢܐ ܠܡܣܒܥ ܠܥܠܡ. ܐܦܢ ܟܠܗ ܥܠܡܐ ܢܩܢܐܼ. ܡܬܪܓܪܓ ܠܡܩܢܐ ܗܿܘ ܡܕܡ ܬܘܒ ܕܠܐ ܚܿܙܐ ܠܗ. ܘܐܟܙܢܐ ܕܫܝܘܠ ܘܐܒܕܢܐܼ ܠܐ ܣܒܥܝܢ: ܐܦܠܐ ܗܢܐ ܕܐܝܬܘܗܝ ܒܪܗܿ ܕܫܝܘܠ ܘܒܪ ܐܒܕܢܐܼ. ܠܐ ܣܒܿܥ ܡܢ ܟܠܗܘܢ ܒܢܝ̈ܢܫܐܼ ܘܟܪ̈ܡܝܗܘܢ ܘܩܢܝܢܗܘܢ ܘܐܪ̈ܥܬܗܘܢ. ܠܗ ܦܠܚܝܢ ܗܘܘ. ܘܠܐ ܣܦܩܝܢ ܠܗ. ܐܠܐ ܬܘܒ ܦܪܣܗܿ ܠܝܥܢܘܬܗ ܥܠ ܐܘܪ̈ܚܬܐ ܘܥܠ ܛܘܪ̈ܐ ܘܥܠ ܡܝ̈ܐ ܕܪܕܝܢ ܒܢܗܪ̈ܘܬܐ. ܘܥܕܡܐ ܠܡ̈ܝܬܐܼ ܐܝܠܝܢ ܕܒܩܒܪ̈ܐ ܐܢܘܢܼ ܡܢ ܬܪ̈ܝܢ ܘܬܠ̈ܬܐ ܐܠܦ̈ܝܢ ܕܫܢܝ̈ܝܐܼ. ܢܼܙܥ ܐܢܘܢ ܠܓܪ̈ܡܝܗܘܢ ܡܢ ܕܘܟ̈ܝܬܗܘܢ ܘܙܼܪܩ ܐܢܘܢ ܥܠ ܐܦ̈ܝ ܐܪܥܐܼ ܐܝܟ ܙܒܠܐ. ܐܝ ܠܟܝ ܫܝܘܠܿ. ܐܝܟܢܐ ܠܐ ܣܒܥܼܬܿ ܡܢ ܫܠܕ̈ܐ ܕܟܠܝܘܡ ܟܫܝܬ ܒܓܘܟܝ. ܗܟܢܐ ܘܐܦܠܐ ܒܢܝ̈ܐ ܕܝܠܕܬ ܘܩܢܝܬ ܠܐ ܣܒܥܝܢ܆ ܥܕܡܐ ܕܗܼܘ ܡܘܬܐ ܣܟܪ ܠܗ ܠܚܟܗܘܢ ܝܥܢܐ. ܟܕ ܕܝܢ ܐܬܘ ܐܝܠܝܢ ܕܥܠ ܨܘܦܝ ܐܬܬܣܝܡܼ. ܠܒܼܟ ܫܘܩ̈ܐ ܘܐܦ ܐܘܪ̈ܚܬܐ. ܘܫܒܘ ܠܟܠ ܥܒܘܪ̈ܐ. ܘܠܢܗܪ̈ܘܬܐ ܠܒܼܫ ܠܥܒܪ̈ܐ ܕܠܐ ܢܥܒܪܘܢ. ܘܠܨܝܕ̈ܐ ܕܢܨܕܘܢ ܡܢܗܘܢ ܢܘ̈ܢܐ. ܫܘ̈ܩܐ ܡܫܼܚ ܐܢܼܘܢ ܒܚܒܠܐܼ ܡܢ ܓܪܒܝܐ ܠܬܝܡܢܐ ܘܡܢ ܡܕܢܚܐ ܠܡܥܪܒܐ. ܘܠܗܢܐ ܓܒܐ ܐܪ̈ܒܥܝܢ ܐܡ̈ܐܼ. ܘܠܗܢܐ ܬܘܒ ܐܚܪܢܐ ܐܪ̈ܒܥܝܢ ܐܡ̈ܐ. ܘܟܒܼܫ ܒ̈ܬܐ ܘܚܢ̈ܘܬܐ ܘܕܪ̈ܬܐ ܣܓܝ̈ܐܬܐ. ܘܟܠ ܚܢܘܬܐ ܕܒܬܥܕܝܠ ܥܬܝܩܬܐ ܠܐ ܐܫܟܚܘܗܿ ܫܩܠܘܗܝ܆ ܘܠܒ̈ܬܐ ܐܠܨܘ ܠܥܡܘܪ̈ܝܗܘܢܼ ܕܢܦܩܘܢ ܡܢܗܘܢ. ܘܟܕ ܚܣܼܪ ܗܪܟܐ ܨܝܕ ܗܢܐܼ ܘܨܝܕ ܗܿܘ ܪܝܫܐ ܕܟܠܗܝܢ ܒܫ̈ܬܐ ܣܓܝܼ. ܠܡܚܣܢ ܒܛܠܬ ܡܢܗܘܢ ܒܝܫܬܐ ܗܕܐ. ܘܐܦ ܠܗ ܠܫܘܪܐ ܕܡܕܝܢܬܐ ܡܫܚܼ܆ ܘܠܒܼܟ ܠܦܪ̈ܟܣܐ ܘܠܚܕܘܗܝ: ܐܝܟܢ ܕܒܟܠܦܘܪܣܝܢ ܢܡܠܘܢ ܝܥܘܬܗܘܢ ܕܒܪܚܡܬ ܟܣܦܐ. ܘܐܦܩܼ ܟܪܘܙܐ ܕܢܩܪܐܼ. ܕܟܠ ܕܒܿܥܐ ܚܢܘܬܐܐܘ ܦܘܪܟܣܐ ܢܓܘܪܼ. ܢܐܙܠ

Page 295

ܨܝܕ ܥܡܝܪܐ ܕܨܘܦܝ. ܘܐܦ ܗܠܝܢ ܥܒܕ ܚܘܣܪܢܐ ܪܒܐ ܠܡܪ̈ܝܗܝܢ: ܘܠܡܚܣܢ ܗܦܼܟ ܥܠ ܐܢܫ ܡܕܡ ܡܕܡ ܡܢ ܥܒܕܗ. ܕܘܟ̈ܝܬܐ ܕܝܢ ܐܝܠܝܢ ܕܗ̈ܘܝܢ ܗܘܘ ܒܗܘܢ ܙܒܢܐ ܐܚܕܘ. ܘܡܛܠ ܕܒܢܝ̈ܢܫܐ ܣܓܝ̈ܐܐ ܡܢ ܨܝܕܐ ܕܢܘ̈ܢܐ ܕܒܢܗܪ̈ܘܬܐ ܚܝܿܝܢ ܗܘܘܼ. ܘܡܙܒܿܢܝܢ ܘܝܿܗܒܝܢ ܠܡܕܬܐ ܕܥܩ̈ܬܐ ܕܐܬܝ̈ܢ ܥܠܝܗܘܢ: ܐܦܩܼ ܟܪܘܙܐܿ. ܕܟܠ ܕܢܨܘܕ ܢܘܢܐ ܡܢ ܢܗܪܐܼ ܐܘ ܢܥܒܕ ܒܗ ܣܬܪܬܐ ܐܘ ܨܘܒܐܼ. ܠܒܪ ܡܢ ܡܠܬܐ ܕܨܘܦܝܼ ܡܘܬܐ ܚܝܒ. ܘܗܟܢܐ ܐܬܟܝܠܝܘ ܐܢ̈ܫܐ ܡܢ ܨܝܕܐ. ܘܐܢ ܓܕܫܐ ܘܨܝܕܝܢ ܗܘܘ ܠܐܢܫ ܕܡܥܠ ܢܘܢܐܼ. ܐܘ ܫܿܕܐ ܡܨܝܕܬܐܼ ܡܚܝܢ ܗܘܘ ܠܗ ܡܚ̈ܘܬܐ ܠܡܘܬܐܼ. ܘܫܩܠܝܢ ܗܘܘ ܥܒܿܕܗ. ܟܕ ܐܦ ܬܒܥܝܢ ܗܘܘ ܠܗܿܘ ܕܨܒܼܐ ܕܢܨܘܕ ܦܠܓܗ ܕܨܝܕܐܼ ܕܢܓܕܫ ܘܢܨܘܕ. ܘܟܕ ܐܬܟܠܝܘ ܨܝܕ̈ܐ ܡܢ ܟܠܕܘܟܐܼ. ܐܬܘ ܐܢܫ̈ܐ ܡܢܗܘܢ ܘܒܗܘܢ. ܘܩܒܼܠ ܥܠܝܗܘܢ ܕܢܬܠܘܢ ܠܗ ܡܿܠܐ ܗܿܘ ܕܦܣܼܩ ܗܘܐ ܥܠܝܗܘܢ. ܘܗܢܘܢ ܦܣܼܩ ܥܠ ܩܘܪ̈ܝܣ ܕܬܝ̈ܒܢ ܥܠ ܢܗܪܐ. ܘܗܟܢܐ ܥܒܼܕ ܠܗܘܢ ܠܟܠܗܘܢ ܢܗܪ̈ܘܬܐ. ܟܕ ܡܘܕܥ ܗܘܐܡܢ ܐܝܟܐ ܠܐܝܟܐ ܡܩܒܠ ܗܘܐ ܟܠܢܫܼ ܘܒܟܡܐ ܡܐܠܐ. ܟܕ ܐܦ ܠܩܪܩܘܪ̈ܐ ܕܥܒܪܐ ܠܒܿܟܝܢ ܗܘܘ. ܘܦܠܓܐ ܬܘܒ ܕܥܠܠܬܐܼ ܗܟܘܬ ܫܩܿܠ ܗܘܐ. ܘܡܟܝܠ ܐܘܠܨܢܐ ܠܟܠܢܫ ܡܢ ܟܠܓܒܝܢ. ܕܡܿܢ ܕܡܼܢ ܥܘܣܪܐ ܢܦܠܛܼ ܢܩܒܠܗ ܨܘܦܝ. ܘܓܕܫ ܕܬܪ̈ܝܗܘܢ ܢܠܒܟܘܢܝܗܝ ܒܚܐ ܫܥܐܼ. ܥܡ ܫܪܟܐ ܕܓܠܘ̈ܝܐ ܕܡܕܡ ܥܠ ܐܢܫ ܠܐ ܡܪܦܝܢ ܗܘܘ.

ܥܠ ܓܠܘܝ̈ܐ. ܘܥܠ ܒܝ̈ܫܬܐ ܕܣܥܪܢ ܗܘܘ܀ ܐܣܩ ܗܢܐ ܥܩܪܐ ܕܪܘܕܕܦܢܐܼ. ܡܘܥܝܬܐ ܕܝܬܝܪ ܡܢ ܟܠܗܝܢ ܕܩܕܡܝܗܿ ܐܝܬ ܗܘܐ ܒܗܿ ܣܡܐ ܩܛܘܠܐ ܘܡܘܒܕܢܐ ܥܒܼܕ ܕܝܢ ܥܡܠܐ ܚܕ ܥܠ ܟܠܗܿ ܓܙܝܪܬܐܼ ܕܢܓܠܐ ܟܠܢܫ ܠܐܬܪܗ. ܗܢܐ ܟܕ ܩܒܠ ܦܘܠܕܢܐ ܗܢܐܼ. ܣܡܼ ܐܦ̈ܘܗܝ

Page 296

ܠܘܩܒܠ ܟܠܗܝܢ ܒܝܫ̈ܬܐ. ܘܓܒܼܐ ܠܗ ܐܢ̈ܫܐ ܥܘ̈ܠܐ. ܗܢܘܢ ܕܝܢ ܐܢ ܐܢܫ ܡܫܡܗ ܠܗܘܢ ܚܝܘܬ ܒܪܐ ܥܡ ܛܝܪܐܼ. ܠܐ ܡܘܒܕ. ܠܗܢܘܢ ܓܒܼܐ ܗܢܐ ܘܫܕܪ ܐܢܘܢ ܠܡܕ̈ܝܢܬܐ. ܟܕ ܐܦ ܦܣܼܩ ܥܠ ܟܠܚܕ ܚܕ ܡܢܗܘܢ ܟܡܐ ܕܗܒܠܐ ܡܝܬܐ ܠܗ. ܠܡܕܝܢܬܐ ܚܕܐ ܥܡ̈ܠܐ ܣܓܝ̈ܐܐ ܥܿܒܕ ܗܘܐ ܘܡܫܕܪ܆ ܠܟܠ ܡܕܝܢܬܐ ܕܒܓܙܝܪܬܐ. ܗܟܢܐ ܘܠܟܠ ܚܕܐ ܚܕܐ ܡܢ ܡܕ̈ܝܢܬܐ ܥܒܼܕ ܗܘܐ. ܐܝܟܢܐ ܕܢܥܠܘܢ ܒܚܕ ܝܘܡܐ ܗܐܘ ܫܒܬܐ ܥܣܪ̈ܐ ܥܡ̈ܠܐ ܠܡܕܝܢܬܐ ܥܠ ܓܠܘ̈ܬܐ. ܘܗܟܢܐ ܢܦܩܝܢ ܗܘܘ ܥܠ ܒܢܝ̈ܢܫܐܼ ܐܝܟ ܚܝܘ̈ܬܐ ܚܒ̈ܠܬܐ. ܟܕ ܐܦ ܡܢܬܫܝܢ ܗܘܘ ܠܗܘܢܼ ܕܠܐ ܪ̈ܚܡܐ. ܟܕ ܟܠܡܕܡ ܕܩܢܐ ܗܐܘ ܚܕ ܡܢܗܘܢ ܡܙܒܿܢܝܢ ܗܘܘ ܠܗܼ ܘܫܩܠܝܢ ܗܘܘ ܠܗ ܒܐܓܪܗܘܢ ܠܡ. ܘܡܥܠܝܢ ܗܘܘ ܠܗܘܢܼ ܘܚܒܫܝܢ ܠܗܘܢ ܒܒ̈ܬܐܼ ܥܕܡܐ ܕܛܠܩܝܢ ܗܘܘ ܡܢ ܟܦܢܐ. ܘܐܦ ܣܓܝ̈ܐܐ ܡܢܗܘܢ ܡܝܿܬܝܢ ܗܘܘ ܡܢ ܟܦܢܐ ܘܡܢ ܩܘܪܐ ܘܡܢ ܡܚܘ̈ܬܐ ܕܡܫܬܢܕܝܢ ܗܘܘ ܒܗܘܢ܇ ܐܝܟ ܡܿܢ ܕܢܝܬܘܢ ܠܗܘܢ ܙܘ̈ܙܐ. ܒܗܿܝ ܕܟܠ ܡܐ ܕܩܢܝܢ ܗܘܘ ܗܠܝܢ ܡܣܟ̈ܢܐܼ݂ ܠܐ ܣܿܦܩ ܗܘܐ ܕܢܣܒܥ ܠܝܥܢܘܬܐ ܕܛܝܪܐ ܗܿܝ ܕܥܠܝܗܘܢ ܟܢܫܬ. ܘܒܗܿܝ ܕܗܠܝܢ ܠܐ ܣܦܼܩ ܠܗܘܢܼ. ܢܦܩܼ ܥܠ ܒܢ̈ܝ ܐܬܪܐ: ܟܕ ܡܓܪܓܝܢ ܥܠܝܗܘܢ ܥ̈ܠܠܬܐܼ. ܕܐܢܫܐ ܠܡ ܐܝܬ ܠܢ ܨܝܕܝܟܘܢ ܘܡܬܩܫܝܢ ܗܘܘ ܥܠ ܒܢܝ̈ܢܫܐ ܝܬܝܪ ܡܢ ܓܙܝܬܗܘܢ ܘܬܒ̈ܥܬܗܘܢܼ ܒܝܕ ܢܦܩ̈ܬܗܘܢ ܘܬܒ̈ܥܬܗܘܢ. ܐܝܟܢܐ ܕܠܩܪܝܬܐ ܐܘ ܠܐܓܘܪܣܐ ܕܢܥܠܘ ܐܢܫܼ. ܝܬܝܪ ܡܢ ܐܪ̈ܒܥܐ ܘܚ̈ܡܫܐ ܥܡ̈ܠܐ ܡܫܟܚ ܗܘܼܐ. ܘܐܢ ܡܢ ܩܪܝܬܐ ܢܥܪܘܩ ܒܪܢܫܐ ܠܡܐܙܠ ܠܐܚܪܝܬܐ ܠܡܬܦܠܛܘ: ܟܕ ܒܐܘܪܚܐ ܢܗܘܐ ܕܐܙܠܼ. ܢܦܠܝܢ ܗܘܘ ܥܠܘܗܝܼ ܐܘ ܡܢ ܓܠܘ̈ܝܐ ܐܘ ܡܢ ܗܠܝܢ ܕܓܙܝܬܐ ܐܘ ܡܢ ܓܢ̈ܒܐ. ܡܛܠ ܕܗܫܐ ܓܠܝܐܝܬ ܫܩܠܝܢ ܗܘܘܼ ܕܠܐ ܫܗܪܐ ܕܠܝ̈ܠܘܬܐ. ܘܐܢ ܓܕܫܐ ܘܡܢ ܗܠܝܢ ܢܦܠܛ ܗܼܢܘܢ ܩܘܪ̈ܝܐ ܡܫܡܠܝܢ ܗܘܘ ܕܘܟܬ ܟܠܗܝܢ ܒܝܫ̈ܬܐ

Page 297

ܕܠܐ ܕܚܠܬ ܐܠܗܐ. ܘܡܟܝܠ ܙܒܢܐ ܗܼܘ ܗܫܐ ܠܡܐܡܪ ܥܡ ܢܒܝܐ ܡܘܫܐ: ܕܢܘܪܐ ܩܕܚܐ ܒܪܘܓܙܝ܆ ܘܡܘܩܕܐ ܥܕܡܐ ܠܫܝܘܠ ܬܚܬܝܬܐ. ܬܟܘܠ ܐܪܥܐܼ ܘܥ̈ܠܠܬܗܿ. ܘܬܘܩܕ ܐܦ ܫ̈ܬܐܣܐ ܕܛܘܪܐ. ܐܟܢܫ ܥܠܝܗܘܢ ܒܝ̈ܫܬܐ. ܘܚܝܘܬ ܫܢܐ ܐܓܪܐ ܒܗܘܢ. ܥܡ ܚܡܬܐ ܕܚܘܘ̈ܬܐ ܕܚܿܠܕܝܢ ܒܥܦܪܐ. ܡܢ ܠܒܪ ܬܓܝܙ ܚܪܒܐܼ ܘܡܢ ܬܐܘ̈ܢܐ ܕܚܠܬܐ. ܕܠܡܐ ܬܣܬܒܪ ܠܟܼ ܕܚܝܘܬ ܫܢܐ ܐܘ ܚܘܘ̈ܬܐ ܠܗܠܝܢ ܕܡܢ ܟܝܢܗܘܢ ܚܘܘ̈ܬܐ ܘܦܪ̈ܚܬܐ ܩܿܪܐ ܢܒܝܐܼ. . ܐܠܐ ܠܗܠܝܢ ܕܒܠܚܘܕ ܕܡܘܬܐ ܕܒܢܝ̈ܢܫܐ ܩܢܝܢ܇ ܟܕ ܟܠܗܝܢ ܒܝܫ̈ܬܐ ܕܬܢܝ̈ܢܐ ܘܕܚܝܘܬ ܒܪܐ ܘܕܟܝܪܐܼ ܒܗܘܦ̈ܟܝܗܘܢ ܫܟ̈ܝܚܢ. ܐܝܟܢܐ ܕܐܦ ܦܝܠܣܘܦܐ ܬܘܒ ܐܡܼܪ: ܕܒܪܢܫܐ ܠܡ ܚܿܙܐ ܐܢܐܼ. ܐܢܫܘܬܐ ܠܐ ܚܿܙܐ ܐܢܐ. ܝܘܩܢܐ ܠܡ ܕܒܪܢܫܐ ܚܿܙܐ ܗܘܐ. ܟܕ ܐܦ ܗܘܦܟܐ ܕܒܢܝ̈ܢܫܐ ܠܐ ܚܿܙܐ ܗܘܐܼ. ܐܠܐ ܕܚܝܘܬܐ ܘܕܛܝܪܐ. ܘܡܘܣܦ ܢܒܝܐ ܘܐܡܿܪ. ܚܡܬܐ ܕܚܘ̈ܘܬܐ. ܕܥܦ ܦܪܘܫܐ ܕܟܠܗܝܢ ܗܠܝܢ ܫܚܝܟ̈ܢ ܗܘܼ̈ܝ ܒܗܘܢ. ܝܬܝܪܐܝܬ ܚܡܬܐ. ܕܠܐ ܦܝܣܐ ܡܩܒܠܝܢ ܗܘܘܼ. ܐܠܐ ܐܝܟ ܢܘܪܐ. ܘܐܦܠܐ ܪ̈ܚܡܐ ܐܝܬ ܗܘܐ ܒܗܘܢܼ. ܐܠܐ ܒܕܡܘܬ ܕܐܒ̈ܐ ܚܒ̈ܠܐ ܡܐ ܕܢܦܠܠܝܢ ܒܓܙܪܐ. ܘܐܦ ܗܼܢܘܢ ܥܡ̈ܠܐ ܕܝܠܗ ܕܐܬܪܐ ܗܘܼܘ ܠܗܘܢ ܟ̈ܠܒܐ ܦܐܩ̈ܐܼ. ܕܠܐ ܡܫܟܚܝܢ ܠܡܒܚ. ܐܠܐܐܫܬܘܝܘ ܐܦ ܗܼܢܘܢ ܥܡܗܘܢ ܕܓܢܒ̈ܐܼ. ܘܝܗܼܒ ܠܗܘܢ ܐܝܕܐ ܠܘܬ ܟܠܗܝܢ ܒܝ̈ܫܬܐ ܘܥܘ̈ܠܐ. ܘܟܕ ܢܗܘܐ ܠܡܐܬܐ ܡܣܟܢܐ ܕܚܛܝܦ ܥܒܿܕܗ ܠܩܕܡܝܗܘܢܼ݂ ܠܐ ܡܬܗܢܐ ܗܘܐ ܡܕܡ ܡܢ ܠܘܬܗܘܢ. ܡܛܠ ܕܚܪܫܬ ܐܢܘܢ ܝܥܢܘܬܐܼ. ܘܠܐ ܡܫܟܚܝܢ ܗܘܘ ܢܐܡܪܘܢ ܬܪܝܨܬܐ. ܒܗܿܝ ܕܢܦܼܩ ܗܼܢܘܢ ܡܢ ܐܪܘܚܐ ܕܟܐܢܘܬܐ. ܘܗܿܘ ܡܕܡ ܕܒܠܩܝܢ ܗܘܘ ܥܠܝܘܗܝܼ. ܟܠܡܕܡ ܠܗܘܢ ܡܬܦܪܣܝܢ ܗܘܘ ܘܚܛܝܦܝܢ ܠܗ ܠܗܿܘ ܡܕܡ ܕܡܢ

Page 298

ܡܣܟ̈ܢܐ ܐܬܒܙܙܘ.܀ ܢܘܕܥ ܐܦ ܥܠ ܒܝ̈ܫܬܐ ܕܣܼܠܩ ܒܛܝܝ̈ܐ. ܡܛܠ ܕܐܦ ܠܐ ܚܕ ܐܢܫ ܐܫܬܘܙܒ ܡܢ ܪܘܓܙܐ ܗܢܐܿ ܕܐܬܼܐ ܒܙܒܢܐ ܗܢܐܼ. ܒܝܕ ܥܠܬ ܚ̈ܛܗܝܢ ܣܓܝ̈ܐܐ.

ܥܠ ܥܡܠܐ ܬܘܒ ܕܙܕܩ ܐܠܡܠ ܕܛܝ̈ܝܐ܀ ܕܐܒܐ ܕܝܢ ܚܒܠܐܼ ܟܠܗ ܕܘܒܪܗ ܪܘܓܙܐ ܡܠܐ. ܗܟܢܐ ܘܐܦ ܗܢܐܼ. ܟܠܗܝܢ ܦܣ̈ܥܬܗ ܘܗܦܟ̈ܬܗܼ ܐܘܠܨܢܐ ܘܪܘܓܙܐ ܡ̈ܠܝܢ. ܥܒܼܕ ܕܝܢ ܐܦܠ ܥܡܠܐ ܐܚܪܢܐ ܥܠ ܙܕܩ ܐܠܡܠ ܕܛܝ̈ܝܐ. ܗܢܐ ܐܝܟ ܬܥܕܝܠ ܡܕܡ ܕܗܿܘܝܐ ܥܠ ܣܘܪ̈ܝܝܐ ܥܒܼܪܕ ܕܝܢ ܐܦ ܥܡܠܐ ܐܚܪܢܐ ܥܠ ܙܕܩ ܐܠܡܠ ܕܛܝ̈ܝܐ. ܗܢܐ ܐܝܟ ܬܥܕܝܠ ܡܕܡ ܕܗܿܘܝܐ ܥܠ ܣܘܪ̈ܝܝܐ ܥܒܼܪ ܥܠܝܗܘܢ ܘܥܠ ܐܘܓܪ̈ܣܝܗܘܢ. ܘܟܬܼܒ ܦܕ̈ܢܝܗܘܢ ܘܩܢܝܢܗܘܢ ܟܠܗ ܘܥ̈ܠܠܬܐ ܕܟܠܡܕܡ ܕܐܝܬ ܗܘܐ ܠܚܕ ܡܢܗܘܢܼ. ܘܐܢ ܓܢܬܐ ܕܝܪܩܐ ܘܕܟܬܢܐܼ ܘܐܦܢ ܕܩܘܪ̈ܝܝܐ ܗܼܝ ܟܿܬܒ ܗܘܼܐ ܠܗܿ. ܗܼܢܘܢ ܕܝܢܼ ܒܕܠܐ ܒܢܡܘ̈ܣܝܗܘܢܼ. ܐܘ ܡܢ ܚܕ ܡܢ ܡܿܠܟ̈ܐ ܩܕܡ̈ܝܐ ܗܘـܼ ܥܠܬܐ ܕܐܝܟ ܗܕܐܼ. ܐܬܒܣܪܬ ܒܥܝ̈ܢܝܗܘܢܼ݂ ܘܠܐ ܐܣܛܢܥܘ ܠܗܿ. ܘܟܕ ܕܝܢ ܟܬܼܒ ܘܫܡܠܝ ܟܠܗ ܥܒܕܗܘܢܼ݂ ܝܬܼܒ ܘܚܫܼܒ ܟܠܡܕܡ ܘܥܒܕܗ ܡܐܠܐ. ܘܥܒܼܕ ܠܦܕܢܐܼ ܥܣܪ̈ܝܢ ܘܐܪ̈ܒܥܐ ܙܘ̈ܙܐ. ܘܥܘܣܪܐ ܗܿܝ ܕܡܿܛܐ ܗܘܐ ܠܗ ܡܢ ܥ̈ܙܐ ܘܥܢܐ ܘܬܘܪ̈ܐ ܘܥ̈ܠܠܬܐ ܐܚܪ̈ܢܝܬܐܼ. ܥܒܼܕ ܠܗܘܢ ܛܝ̈ܡܐܼ ܟܡܐ ܕܪܚܡ ܗܼܘ: ܘܠܚ̈ܛܐ ܗܟܢܐ. ܡܛܠ ܕܠܐ ܫܒܼܩ ܠܗܘܢ ܡܕܡ ܕܠܐ ܟܬܒܗܼ. ܥܕܡܐ ܠܟܘܪ̈ܐ ܘܠܝܘܢ̈ܐ ܘܠܬܪ̈ܢܓܠܐ. ܘܐܦܢ ܢܗܘܐ ܕܙܪܝܥ ܗܘܼܐ ܠܗ ܠܩܘܪܝܝܐ ܒܐܓܘܪܣܗ ܕܚܕ ܡܢܗܘܢ ܫܟܪܐ ܕܚ̈ܛܐ ܐܘ ܕܣܥܪ̈ܐ ܐܘ ܓܢܬܐܼ ܟܬܒܘܗܝ ܥܠܘܗܝ ܕܝܠܗ ܕܛܝܝܐ. ܘܟܕ ܚܫܒܘܗܝ ܠܟܠܗ ܡܐܠܐܼ. ܘܣܡܘ ܠܟܠܢܫ ܠܘܩܒܠ ܥܒܕܗܼ. ܐܬܘ ܥܠܝܗܘܢ ܐܢ̈ܫܐ ܥܩ̈ܘܠܝܐ ܘܒܘܨܪ̈ܐ ܕܒܫܝܢ ܡܢ ܝܠܕܐ ܕܐܟ̈ܕܢܐ. ܐܟ̈ܬܢܐ ܘܥܘ̈ܠܐ ܘܠܐ ܡܪܚܡܢܝܢ܆ ܘܕܝܼܢܐ ܕܐܠܗܐ ܠܝܬ ܗܘܐ ܩܕܡ ܥܝ̈ܢܝܗܘܢܼ. ܘܡܢ ܣܒ̈ܐ ܠܐ

Page 299

ܒܗܿܬܝܢ ܗܘܘܼ ܘܥܠ ܐܪ̈ܡܠܬܐ ܠܐ ܡܪܚܡܝܢܼ ܘܠܝܬܡ̈ܐ ܒܿܙܝܢ. ܐܢܫ̈ܐ ܕܐܝܟ ܗܠܝܢ ܐܬܘ ܠܡܬܒܥ ܐܢܘܢ. ܘܡܢ ܗܫܐ ܠܝܬ ܗܘܐ ܠܡܚܙܐ ܐܠܐ ܓܘܪܓܪܐ ܘܢܘܬܦܐ ܕܐܢܫ̈ܐ ܝܩܝܪ̈ܐ ܘܣ̈ܒܐ ܟܕ ܐܦ ܡܚܘ̈ܬܐ ܘܢܓܕ̈ܐ ܕܟܠܓܢܣܝܢܼ ܥܠܝܗܘܢ ܡܥܒܪܝܢ ܗܘܘ. ܘܒܝܕ ܚܒܠܐ ܡܬܠܝܢ ܗܘ ܡܢܗܘܢܼ ܒܕܪܥܗ ܕܚܕ ܡܢܗܘܢܼ. ܐܢ̈ܫܐ ܝܩܝܪ̈ܐ ܘܛܥ̈ܝܢܝ ܒܣܕ̈ܐܼ. ܥܕܡܐ ܕܐܦ ܩܪܝܒܝܢ ܠܡܦܩ ܡܢ ܥܠܡܐ ܗܢܐ. ܠܫܡܐ ܠܡܼ ܚܕ ܡܢ ܥܣܪ̈ܐ ܫܩܠܝܢ ܗܘܘ. ܟܕ ܐܦ ܡܙܒܿܢܝܢ ܗܘܘ ܗܢܘܢ ܛܝ̈ܝܐ ܟܠ ܡܐ ܕܩܢܝܢ ܗܘܘܼ. ܘܠܐ ܣܦܿܩ ܗܘܐ ܠܗܿ، ܡܐ ܕܡܬܬܒܥܝܢ ܗܘܘ. ܘܐܦ ܡܦܝܣܝܢ ܗܘܘ ܠܗܘܢ ܕܢܣܒܘܢ ܐܝܟ ܢܡܘܣܐܼ ܕܣܝܡ ܗܘܐ ܠܡܚܡܕ ܡܗܕܝܢܗܘܢ ܘܣܿܐܡ ܢܡܘܣܝ̈ܗܘܢܼ. ܘܐܦ ܠܡܠ̈ܟܐ ܩܕ̈ܡܝܐ: ܕܢܣܒܘܢ ܡܢ ܗܿ، ܡܐ ܕܐܝܬ ܠܚܕ ܚܕ ܡܢܗܘܢܼ ܐܢ ܡܢ ܚ̈ܛܐ ܚ̈ܛܐܼ ܘܐܢ ܡܢ ܩܢܝܢܐ ܗܟܘܬ ܩܢܝܢܐܼ. ܘܠܐ ܫܠܡܝܢ. ܟܕ ܐܡܪܝܢ ܠܗܘܢܼ݂ ܕܙܠ ܐܢܬܘܢ ܘܙܒܿܢ ܥܒܕܟܘܢܼ ܐܝܟܢܐ ܕܪܚܡܝܢ ܐܢܬܘܢܼ. ܘܗܒܘܢ ܠܢ ܕܝܠܢ ܕܗܒܐ. ܫܪܝܪܐܝܬ ܗܪܟܐ ܐܬܢܨܡ ܒܝܫܐ ܡܢ ܒܝܫܐ. ܘܐܦ ܗܿܝ ܡܠܬܐ ܒܪܝܬܐ ܕܐܡܪܐ: ܕܚܪ̈ܫܐ ܠܚܪ̈ܫܐ ܙܟܝܢ܇ ܘܐܦ ܬܘܪ̈ܝܩܐ ܡܙܕܟܝܢ ܡܢ ܬܪ̈ܝܩܐ ܐܚܪ̈ܢܐ ܕܗܿܘܝܢ ܡܢ ܐܟܕ̈ܢ ܡܪܝܪ̈ܬܐ ܘܒܝܫ̈ܬܐ. ܘܐܦ ܗܼܢܘܢ ܛܝ̈ܝܐ ܚܠܕܝܢ ܗܘܘ ܐܝܟ ܒܠܛܝܬܐ ܒܩܝܣܐ. ܒܝܢܬ ܗܠܝܢ ܕ̈ܘܝܐ ܕܩܘܪ̈ܝܝܐ. ܘܫܩܼܠ ܐܪ̈ܥܬܗܘܢ ܘܒ̈ܬܝܗܘܢ ܙܘ̈ܥܬܗܘܢ ܥܡ ܩܢܝܢܗܘܢܼ. ܥܕܡܐ ܕܐܦ ܩܪܝܒܝܢ ܗܘܘ ܠܡܩܢܐ ܐܢܘܢ ܠܗܘܢ ܘܠܒܢܝ̈ܗܘܢ ܥܒܼܕ̈ܐ. ܘܐܦ ܟܠ ܡܐ ܕܩܢܝܢ ܗܘܘܼ ܗܼܢܘܢ ܦܠܚܝܢ ܗܘܘ ܠܗܘܢ ܒܕܡܘܬ ܥܒܕ̈ܐ. ܐܠܐ ܠܘܬ ܚܘܝܐ ܥܩܠܩܠܐ ܠܐ ܩܡܬ ܠܗܘܢܼ. ܗܢܘܿ ܕܝܢ ܠܘܬ ܡܘܫܐ ܒܪ ܡܘܨܥܒ. ܐܠܐ ܟܠܗܝܢ ܨܢ̈ܥܬܗܘܢ ܐܒܕ ܠܗ̈ܝܢ. ܘܐܠܐ ܡܚ̈ܬܐ ܘܢ̈ܓܕܐ ܩܫ̈ܝܐܼ ܠܐ ܡܫܬܡܥܝܢ ܗܘܘ ܡܢ ܟܠ ܓܒ̈ܝܢ. ܥܡ ܗܿܝ

Page 300

ܕܐܝܬ ܐܝܟܐ ܕܐܦ ܗܼܢܘܢ ܬܘܒ ܛܝ̈ܝܐ ܐܛܥܼܡ ܡܘܬܐ ܠܐܢܫ̈ܐ ܩܘܪ̈ܝܝܐ ܕܝܬܒܝܢ ܗܘܘ ܒܐܘܓܪ̈ܣܝܗܘܢ. ܒܗܿܝ ܕܦܠܓܝܢ ܗܘܘ ܐܦ ܗܼ̤ܘܢ ܥܠܝܗܘܢ ܕܢܬܠܘܢ ܥܡܗܘܢܼ. ܥܕܡܐ ܕܥܩܼܪ ܐܢܘܢܼ ܘܫܩܼܠ ܟܠ ܡܐ ܕܩܢܝܢ ܗܘ. ܘܐܦ ܥܪܩ ܡܢ ܬܘܬܒܘܬܗܘܢ. ܘܡܛܠ ܕܪܝܫܐ ܗܘܼܬ ܕܒܝܫܬܐ: ܘܐܦ ܪܝܫܐ ܐܝܬܘܗܝ ܗܘܐ ܕܓܪܘܦܝܐ: ܘܐܝܬ ܗܘܼܐ ܥܕܟܝ ܐܝܕܐ ܕܟܠܡܕܡܼ. ܠܐ ܐܬܠܨܘ ܣܓܝ ܠܓܡܪܘ. ܐܠܐ ܘܐܦܠܐ ܗܼܢܘܢ ܥܡ̈ܠܐ ܥܘ̈ܠܐ ܣܒܼܥ ܡܢܗܘܢ. ܥܒܼܕ ܠܦܕܢܐ ܥܣܪ̈ܝܢ ܘܐܪ̈ܒܥܐ ܙܘ̈ܙܐ. ܘܟܠ ܬܠ̈ܬܝܢ ܬܘܪ̈ܐܼ ܐܪܘܢܝܬܐ ܒܪܬ ܢܝܪܐ. ܘܠܗܿ ܠܐܪܘܢܝܬܐ ܥܒܼܕ ܠܗܿ ܙܘ̈ܙܐ ܬܪ̈ܥܣܪ. ܘܠܐܪ̈ܒܥܝܢ ܬܘܒ ܬܘܪ̈ܐܼ ܬܘܪܬܐ: ܘܠܗܿ ܠܬܘܪܬܐ ܥܒܼܕ ܠܗܿ ܙܘ̈ܙܐ ܥܣܪ̈ܝܢ ܘܐܪ̈ܒܥܐܼ. ܟܕ ܘܠܐ ܐܪ̈ܒܥܐ ܛܒܿܐ ܗܘܬ ܒܫܘܩܐ. ܘܠܟܘܪܐ ܕܕܒܘܪ̈ܝܬܐ ܥܒܕܘܢ ܙܘܙܐ. ܟܕ ܐܦܠܐ ܗܟܢܐ ܩܘܝܘ ܐܘ ܬܟܘ ܡܢ ܒܝ̈ܫܬܗܘܢ. ܥܠ ܥ̈ܠܠܬܐ ܕܝܢ ܐܚܪ̈ܢܝܬܐܼ. ܐܝܟ ܡܐ ܕܗܼ̤ܘܢ ܪ̈ܚܡܝܢ ܗܘܘܼ ܦܣܩܝܢ ܗܘܘ ܥܠ ܟܠܚܕ ܚܕ ܡܢܗܘܢ. ܘܟܕ ܕܝܢ ܕܠܐ ܒܪ̈ܚܡܐ ܡܬܚܫܚܝܢ ܗܘܘ ܥܡܗܘܢ: ܟܕ ܠܐ ܒܗܬܝܢ ܡܢ ܐܦ̈ܝ ܣ̈ܒܐ ܘܡܢ ܐܢ̈ܫܐ ܝܩܝܪ̈ܐ ܕܒܗܘܢܼ݂ ܢܦܩܘܢ ܡܢܗܘܢ ܘܢܚܼـ ܨܝܕ ܡܘܣܐܼ ܘܐܝܠܠܘ ܩܕܡܘܗܝ. ܘܩܒܠܘܗܝ ܗܢܼܘܢ. ܘܐܦ ܫܒܼܩ ܠܗܘܢ ܬܪܥܣܪ̈ ܐܠܦ̈ܝܐ ܡܢܗ. ܐܠܐ ܐܝܟ ܕܟܬܝܒ ܕܒܝܼܫܐ ܠܐ ܡܛܒܼ. ܘܐܢ ܓܕܫܬ ܘܐܛܐܒ ܡܛܥܐ ܛܥܼܐ: ܗܟܢܐ ܘܐܦ ܗܢܐ ܡܛܥܐ ܛܥܼܐ ܟܕ ܐܛܒ. ܐܠܐ ܐܬܥܗܕ ܘܥܛܦ ܬܒܼܥ ܐܢܘܢ ܠܗܠܝܢ ܬܪ̈ܥܣܪ ܐܠ̈ܦܝܐ ܡܢܗܘܢܼ. ܘܠܐ ܫܒܼܩ ܐܢܘܢ ܒܗܘܢ. ܡܕܝܢ ܥܛܠܐ ܗܿܝ ܠܡܪܝܪܐ ܕܢܗܘܐ ܚܠܝܐ: ܘܐܦ ܠܗܛܛܐ ܕܿܢܥܒܕ ܬܡܪ̈ܐ. ܘܡܛܠ ܕܟܠܗ ܬܛܪܐ ܗܿܘ ܕܪܘܓܙܐ ܕܢܒܥ ܥܠ ܒܢܝ̈ܢܫܐܼ ܒܬܒܥܬܐ ܕܓܙܝܬܐ ܦܫܼ. ܠܐ ܐܢܫ ܐܚ̈ܝ ܢܥܕܘܠ ܠܡܟܬܒܢܐ ܡܛܠ ܕܡܒܨܪ ܠܗ ܬܘܢܝܐܼ ܡܢ ܣܘܓܐܐ ܕܒܝܫ̈ܬܐ ܕܐܝܠܝܢ ܕܢܒ̈ܥܢ ܥܠܝܢ. ܡܛܠ ܕܐܢ ܗܼ، ܕܗܘܼܘ ܒܢܝ̈ܢܫܐ ܟܠܗܘܢ

Page 301

ܡܟ̈ܬܒܢܐܼ. ܘܩܝܣ̈ܐ ܟܠܗܘܢ ܩ̈ܢܝܐܼ ܘܚܡܪܐ ܟܠܗ ܕܝܘܬܐܼ. ܠܟܐ ܡܢ ܣܟܐ ܕܒܝܫ̈ܬܐ ܕܩܛܪ ܒܐܪܥܐ ܦܝܫܝܢܼ ܘܠܐ ܣܦܩܝܢ ܗܘܘ ܠܡܬܟܬܒ ܘܠܡܬܢܝܘ ܡܕܡ ܕܓܕܫ ܒܗܿ ܒܐܪܥܐ. ܢܐܬܐ ܠܢ ܡܕܝܢ ܐܦ ܠܘܬ ܐܚܪ̈ܢܝܬܐܼ. ܘܢܫܒܘܩ ܥܘܗܕܢܐ ܩܠܝܠ ܠܐܝܠܝܢ ܕܡܢ ܒܬܪܢ ܐܬܿܝܢ ܠܥܠܡܐ.

ܥܠ ܐܿܬܐ ܗܿܝ ܩܕܡܝܬܐ ܕܐܬܚܙܝܬ ܗܘܬ ܒܦܢܝܬܐ ܓܪܒܝܝܬܐ. ܘܐܬܚܙܝܬ ܐܦ ܒܗܕܐ ܫܢܬܐ܀ ܐܠܗܐ ܡܢ ܩܕܝܡ ܒܢܒܝ̈ܐ ܡܠܠ ܗܘܐ ܠܘܬ ܗܿܘ ܒܝܬܐ ܡܪܡܪܢܐ. ܠܚܪܬܐ ܕܝܢ ܡܠܠ ܒܕ ܒܪܗ ܚܒܝܒܐܼ. ܥܡ ܟܠܗ ܝܠܕܗ ܕܐܕܡ. ܘܗܫܐ ܠܢ ܕܝܢ ܒܢܝ̈ܐ ܡܪ̈ܓܙܢܐ܆ ܕܐܝܬ ܠܢ ܡܠܝ̈ܗܘܢ ܕܢܒܝ̈ܐܼ. ܘܫܘܘܕ̈ܝܐ ܗܠܝܢ ܕܝܗܼܒ ܦܪܘܩܐ ܠܥܕܬܗܼ ܘܟܪܙܘܬܐ ܕܫܠܝ̈ܚܐ: ܘܥܒܝܢ ܠܒ̈ܝܢܼ ܘܥܡ̈ܨܢ ܥܝܢܝ̈ܢܼ ܘܫܝ̈ܥܢ ܐܕ̈ܢܝܢ܆ ܕܠܐ ܢܚܙܐ ܒܥܝ̈ܢܝܢ ܘܢܫܡܥ ܒܐܕ̈ܢܝܢ ܘܢܣܬܟܠ ܒܠܒܢܼ ܠܡܠ̈ܘܗܝ ܚܝ̈ܬܐ ܕܦܪܘܩܢ܆ ܘܢܬܘܒ ܡܢ ܒܝܫܬܢ ܘܢܐܚܐ. ܐܬܚܙܝ ܠܢ ܐܬܘ̈ܬܐ ܒܫܡܝܐ ܕܡܚܘܝܢ ܓܙ̈ܡܐܼ. ܐܝܟ ܕܠܘܬ ܥܡܐ ܠܐ ܡܬܦܝܣܢܐ. ܕܗܼ، ܚܙܘܗܝܢ ܡܣܗܕ ܗܘܐ ܠܦܪ̈ܘܫܐ ܥܠ ܣܘܓܐܐ ܕܒܝܫܬܢ ܘܥܠ ܪܘܓܙܐ ܗܿܘ ܕܥܠܝܢ ܠܚܝܡ ܗܘܐܼ ܡܢ ܠܘܬ ܟܐܢܘܬܐ ܐܬܿܐ ܗܿܝ ܕܡܢ ܩܕܡ ܫܢܬܐ ܐܬܚܙܝܬ ܗܘܬܼ ܒܦܢܝܬܐ ܓܪܒܝܬܐܼ݂ ܐܬܚܙܝܬܼ ܗܘܬܼ ܐܦ ܒܗܕܐ ܫܢܬܐܼ. ܒܐܝܪܚ ܚܙܝܪܢܼ ܒܝܘܡ ܥܪܘܒܬܐ. ܟܕ ܐܦ ܗܠܝܢ ܬܠ̈ܬ ܫܢܝ̈ܢ ܕܐܬܚܙܝܬܼ ܚܕܐ ܒܬܪ ܚܕܐܼ݂ ܒܝܘܡ ܥܪܘܒܬܐ ܡܬܚܙܝܐ ܗܘܬ. ܟܕ ܐܦ ܡܬܚܐ ܗܘܬ ܢܦܫܗ ܡܢ ܓܒܐ ܡܕܢܚܝܐ ܥܕܡܐ ܠܓܒܐ ܡܥܪܒܝܐ. ܘܟܕ ܩܿܐܡ ܐܢܫ ܠܡܚܪ ܒܗܿ ܡܬܚܠܦܐ ܗܘܬ ܠܫܘܚ̈ܠܦܐ ܣܓܝ̈ܐܐ: ܐܝܟܢܐ ܕܡܐ ܕܕܥܟܘ ܙܠܝܩܐ ܣܘܡܩܐܼ. ܣܠܿܩ ܝܘܪܩܐ. ܘܡܐ ܕܕܥܼܟ ܝܘܪܩܐܼ ܣܠܿܩ ܟܘܪܟܡܢܐ. ܘܡܐ ܕܗܢܐ ܕܥܼܟ ܣܠܿܩ ܐܘܟܡܐ. ܟܕ ܡܘܕܥܐܼ ܕܠܘ ܒܠܚܘܕ ܚܕ ܐܘܠܨܢܐ

Page 302

ܣܒܠܐ ܐܪܥܐܼ. ܐܠܐ ܘܕܡܫܚܿܠܦܝܢ ܡܢ ܚܕ̈ܕܐ. ܐܝܟ ܡܐ ܕܓܼܕܫ ܠܢ ܒܥܠܕܐ. ܕܡܘܬܗܿ ܕܝܢ ܕܐܿܬܐ ܗܕܐ: ܗܿܝ ܕܪܫܝܡܐ ܡܢ ܠܥܠ.

ܥܠ ܬܒܥܬܐ ܕܝܠܗܿ ܕܫܢܬܐ ܩܕܡܝܬܐ ܕܐܘܠܨܢܐܼ ܕܗܘܬܼ ܒܓܙܝܬܐ܀ ܥܡܝ ܠܡܿ ܥܘܠ ܠܬܘܢ̈ܝܟܼ ܘܐܚܘܕ ܬܪܥܟ ܒܐܦ̈ܝܟ ܒܢ̈ܝܟ. ܘܐܬܢܝܚ ܩܠܝܠ ܙܥܘܪ ܥܕ ܥܿܒܪ ܪܘܓܙܝ. ܘܬܘܒ ܐܡܿܪ ܗܼܘ ܢܒܝܐܼ. ܕܠܐ ܕܕܚܠ ܥܡܝ ܡܢ ܐܬܘܪܝܐ ܕܡܚܐ ܠܟ ܒܫܒܛܗ܇ ܡܛܠ ܕܥܕ ܩܠܝܠ ܙܥܘܪ ܘܢܫܬܡܠܐ ܪܘܓܙܝ. ܘܬܘܒ ܢܒܝܐ ܐܚܪܢܐ ܐܡܼܪܼ ܟܕ ܚܿܙܐ ܗܘܐ ܠܗ ܠܙܒܢܐ ܗܢܐ ܒܝܫܐ ܒܥܝܢܐ ܕܢܒܝܘܬܐܼ ܘܠܚܘܒܠܐ ܒܝܫܐ ܕܗܼܘܐ ܒܥܡܐ ܘܒܟܗ̈ܢܐ ܘܒܗ̈ܝܟܠܐ ܩܕ̈ܝܫܐܼ. ܘܕܥܒܪܐ ܚܕܘܬܐ ܡܢ ܒܢܝ̈ܢܫܐܼ. ܐܙܥܩ ܐܡܼܪ. ܕܟܗ̈ܢܐܼ ܐܬܟܒܢܘ ܣܩ̈ܐ. ܘܐܪܩܕܘ ܘܐܝܠܠܘ ܡܫܡܫ̈ܢܝ ܡܕܒܚܐ. ܥܘܠ ܒܘܬ ܒܣܩ̈ܐ ܡܫ̈ܡܫܢܘܗܝ ܕܐܠܗܝ. ܡܛܠ ܕܐܬܟܠܝ ܡܢ ܒܝܬ ܕܐܠܗܟܘܢ ܣܡܝܕܐ ܘܢܘܩܝܐ. ܩܕܫ ܨܘܡܐ. ܩܪܝ ܟܢܘܫܝ. ܐܬܟܢܫܘ ܩܫܝܫ̈ܐ ܘܟܠܗܘܢ ܥܡܘܪ̈ܝܗܿ ܕܐܪܥܐ ܠܒܝܬܗ ܕܡܪܝܐ ܐܠܗܟܘܢ. ܓܥܘ ܠܘܬܗ ܘܐܡܪܘ܇ ܐܘܗ ܐܘܗ ܠܝܘܡܐ. ܕܩܪܝܒ ܗܼܘ ܝܘܡܗ ܕܡܪܝܐ ܘܒܙܬܐ ܡܢ ܐܠܗܐ ܬܐܬܐ. ܗܐ ܠܘܩܒܠ ܥܝܢܝ̈ܢ ܥܒܼܪ ܡܐܟ̈ܠܬܐܡܢ ܒܝܬܗ ܕܐܠܗܢܼ ܘܚܕܘܬܐ ܘܕܝܨܐ.. ܥܒܪܬܼ ܚܕܘܬܐ ܘܕܝܨܐ ܡܢ ܒܢܝ̈ܢܫܐ: ܐܬܒܛܠ ܐܦ ܚܕ̈ܒܫܒܐ ܘܥܕܥܝܕ̈ܐ. ܐܬܟܠܝ ܩܘܪܒܢܐ ܘܢܘܩܝܐ ܡܢ ܡܕ̈ܒܚܐ ܩܕ̈ܝܫܐ. ܐܬܗܦܟ ܥܕܥܝܕ̈ܝܢ ܠܐܒܠܐ. ܘܚܕܘܬܢ ܠܡܪܩܘܕܬܐܼ ܘܕܝܨܢ ܠܐܘ̈ܠܨܢܐ. ܒܗܿ، ܝܘܡܐ ܐܡܼܪ ܐܫܥܝܐܼ. ܢܡܟܟ ܡܪܝܐ ܪ̈ܝܫܝܬܐ ܕܒܢ̈ܬ ܨܗܝܘܢ. ܘܡܪܝܐ ܐܣܟܝܡܝ̈ܗܝܢ ܢܦܪܣܐ.. ܒܗ ܕܝܢ ܒܝܘܡܐ ܗܢܐ ܕܪܫܝܡܼ. ܐܥܼܒܪ ܡܪܝܐ ܫܘܒܚܐ ܕܒܢ̈ܬ ܥܕܬܐ ܩܕܝܫܬܐ ܘܒܢـ̈ܬ ܚܐܪ̈ܐ. ܕܢܚ̈ܬܝܗܝܢ ܘܕܬܨܒ̈ܝܬܗܝܢ ܘܕܓܕ̈ܘܠܝܗܝܢ. ܘܐܣܦܝܪ̈ܐ ܕܣܥܪ̈ܝܗܝܢ.

Page 303

ܘܨܕ̈ܥܝܗܝܢ ܘܨܒܬܐ ܕܐܦ̈ܝܗܝܢܼ ܘܩܕ̈ܫܝܗܝܢ ܘܥܩ̈ܝܗܝܢ ܘܩܠܢܝ̈ܗܝܢ ܘܩܘܒܠܒܝ̈ܢܼ ܘܫܝܪ̈ܝܗܝܢ ܘܟܬܝܢ̈ܝܬܗܝܢ ܘܡܫܠܡܢܝ̈ܬܗܝܢܼ ܘܒܘܨܗܝܢ. ܘܐܪ̈ܓܘܢܝܗܝܢܼ ܘܢܚ̈ܬܝܗܝܢ ܘܬܟ̈ܠܝܬܗܝܢ ܘܙܚܘܪ̈ܝܬܗܝܢܼ ܘܨܒܬܐ ܟܠܗ ܕܨܒܬܗܝܢ. ܘܗܘܼܐ ܠܗ ܠܗܘܢ ܚܠܐ ܚܠܦ ܪܝܚܗܝܢ ܒܣܝܡܐܼ. ܘܚܠܦ ܐܣܝܪ ܚܨܝ̈ܗܝܢ ܡܝܙܪ̈ܢܐ ܐܣܪ. ܘܚܠܦ ܒܠܘܪ̈ܐ ܩܘܕ̈ܚܬܐ. ܘܚܠܦ ܬܟܠ̈ܝܬܗܝܢܼ ܣܩ̈ܐ ܘܪ̈ܘܩܥܐ ܐܬܟܣܝܘ. ܟܕ ܡܬܟܪ̈ܟܢ ܗܼܢ̈ܝܢ ܘܒܢܝ̈ܗܝܢ ܡܢ ܕܘܟܐ ܠܕܘܟܐ ܘܡܢ ܒܝܬܐ ܠܒܝܬܐܼ. ܟܕ ܟܦܢ̈ܢ ܘܫܠܝܚ̈ܢ ܘܥܝܝܦ̈ܢ.

ܢܐܬܐ ܠܢ ܠܘܬ ܙܒܢܐܼ ܘܢܚܘ ܡܢܐ ܓܼܕܫ ܒܗ܀ ܠܘܩܕܡ ܐܬܼܐ ܥܡܠܐ ܕܢܬܒܥ ܓܙܝܬܐ. ܟܕ ܡܟܪܙ ܥܠ ܫܝܢܐ ܘܐܡܿܪ: ܕܬܒܘܢܼ ܘܥܡܪ ܘܠܐ ܬܙܥܘܢ. ܡܛܠ ܕܥܠ ܬܥܕܝܠ ܚܕܬܐ ܬܿܒܿܥ ܐܢܐ. ܘܠܐ ܠܒܟ ܐܢܐ ܠܩܠܝܡܐ ܒܩܠܝܡܐܼ. ܘܠܐ ܠܩܪܝܬܐ ܒܩܪܝܒܬܐܼ ܐܦ ܠܐ ܠܓܒܪܐ ܒܓܒܪܐ. ܘܟܕ ܣܒܼܪ ܠܗܘܢ ܕܫܪܪܐ ܐܝܬ ܒܠܫܢܗܼ. ܣܝܒܪܘ ܘܝܬܒܘ. ܚ̈ܠܝܢ ܠܡ ܡ̈ܠܘܗܝ ܡܢ ܕܒܫܐܼ ܘܗܼܢܝܢ ܠ̈ܘܠܝܬܐ.. ܘܟܕ ܩܒܠ ܠܓܙܝܬܐܼ ܘܢܦܩ ܕܢܬܒܥܘܢ ܟܠܢܫ ܡܢ ܕܘܟܬܗܼ. ܫܕܪ ܥܠܝܗܘܢ ܥܡ̈ܠܐ ܣܓܝ̈ܐܐ. ܘܥܒܼܕ ܠܟܠ ܩܪܝܬܐ ܬܪ̈ܝܢ ܘܬܠ̈ܬܐ ܫܠܝܛܢ̈ܐ. ܘܗܼܢܘܢ ܫܠܝܛܢ̈ܐ ܥܒܼܕ ܟܠ ܥܣܪܐ ܓܒܪ̈ܝܢ ܚܕ܆ ܘܪ̈ܝܫܝ ܩ̈ܠܝܡܐ ܥܒܼܕ ܟܠ ܩܠܝܡܐ ܬܪ̈ܝܢ ܥܡ ܬܥܕܝܪ̈ܐ ܐܚܪ̈ܢܐ. ܘܗܟܢܐ ܢܦܼܩ ܒܕܡܘܬܐ ܕܕ̈ܐܒܐ ܚܒ̈ܠܐܼ݂ ܡܐ ܕܢܦܠܝܢ ܒܓܙܪܐ ܕܥܢܐ: ܘܐܦ ܪ̈ܗܛܐ ܕܥܠܝܢ ܘܕܢܦܩܝܢ ܐܝܟ ܒܪ̈ܩܐ ܕܢܘܪܐܼ. ܕܡ̈ܠܝܢ ܐܘܪ̈ܚܬܐ ܘܩܘܪ̈ܝܣ ܡܢܗܘܢ: ܐܝܟܢܐ ܕܐܢ ܢܗܘܘܢ ܒܩܪܝܬܐ ܚܕܐ ܬܒܘ̈ܥܐ ܥܣܪܐ ܘܥܣܪ̈ܝܢ܆ ܠܘ ܡܕܡ ܗܘ. ܟܕ ܐܦ ܗܿܘ ܡܕܡ ܕܬܒܿܥܝܢ ܗܘܘܼ. ܠܗܘܢ ܡܬܦܪܣܝܢ ܗܘܘ ܠܗ. ܟܕ ܐܦ ܟܝܣ̈ܐ ܩܛܥܝܢ ܗܘܘ ܘܫܩܠܝܢ ܐܝܟ ܨܒܝܢܗܘܢܼ. ܘܠܝܬ ܕܬܒܥ ܒܝܬ ܐܝܕ̈ܝܗܘܢ. ܘܟܕ ܕܝܢ ܒܙܘ

Page 304

ܘܫܒܘ ܠܐܪ̈ܡܠܬܐ ܘܠܝܬܡ̈ܐܼ ܘܐܥܠܘܗܝ ܠܩܢܝܢܐ ܣܟܗ ܘܙܒܢܘܗܝ܇ ܘܥܼܒܕ ܒܝܫ̈ܬܐ ܗܼ̤ܘܢ ܩܘܪ̈ܝܝܐ ܒܡܣܟ̈ܢܐ ܕܒܝܢܬܗܘܢܼ. ܚܪܪ ܠܬܘܠܬܐ ܚܕ܆ ܟܕ ܠܐ ܥܕܟܝܠ ܐܬܚܪܪ ܛܒܐܝܬ. ܘܐܬܼܐ ܥܡܠܐ ܐܚܪܢܐ ܕܢܫܪܐ ܠܩܕܡܝܐܼ ܘܢܬܒܥ ܬܘܠܬܐ ܡܨܥܝܐ. ܘܟܕ ܬܒܼܥ ܩܕܡܝܐ ܘܚܼܪܪ ܠܬܘܠܬܐ. ܒܿܥܐ ܓܘܡܕܢܐܝܬ ܕܠܐ ܒܗܬܬ ܐܦ̈ܐ܆ ܢܩܛܥܘܢ ܠܗ ܕܝܠܗ ܡܠܐ ܠܢܦ̈ܩܬܗ ܥܠ ܐܬܪܐ ܟܠܗ. ܘܗܟܢܐ ܫܩܼܠ ܘܐܙܠܼ. ܒܕܡܘܬ ܪܘܚܐ ܕܐܙܿܠܐ ܘܠܐ ܗܿܦܟܐܼ. ܟܕ ܐܦ ܡܣܒܪ ܠܗܘܢ ܕܬܘܒ ܗܿܦܟ. ܐܝܟܢܐ ܕܐܢ ܢܐܡܪ ܐܢܫܼ ܕܫܩܠ ܒܗ ܒܗܢܐ ܬܘܠܬܐ ܩ̈ܕܡܝܐ ܪ̈ܗܛܐ ܚܕ ܬܘܠܬܐ ܠܐ ܡܘܒܕ. ܕܠܐ ܓܢܒܘܬܐ ܕܥܡ̈ܠܐ ܘܕܪ̈ܝܫܝ ܩ̈ܠܝܡܐ ܘܫ̈ܠܝܛܢܐ܀ ܥܠ ܥܡܠܐ ܕܬܪܝܢ܀ ܗܢܐ ܓܒܪܐ ܐܝܬܘܗܝ ܨܢܝܥܐ ܘܡܕܪܡܐܼ ܘܐܟܘܠܐ ܘܝܥܢܐܼ ܘܚܒܪܐ ܕܓܢ̈ܒܐ. ܐܝܟܢܐ ܕܓܠܝܐܝܬ ܘܕܠܐ ܒܗܬܬ ܐܦ̈ܐ ܡܬܝܥܢ ܗܘܐ ܠܡܣܒ ܥܒܕܗܘܢ ܕܒܢܝ̈ܢܫܐ. ܘܐܦ ܐܝܠܝܢ ܕܐܬܿܝܢ ܗܘܘ ܠܘܬܗ ܠܕܝܢܐ: ܗܿܘ ܡܕܡ ܕܡܥܕܐ ܗܘܐ ܡܢ ܐܝܕ̈ܝ ܓܢܒܐܼ. ܠܗ ܕܝܠܗ ܡܬܦܪܣ ܘܫܩܿܠ. ܐܠܐ ܠܚܟܘܫ̈ܢ ܗܘ̈ܝ ܡ̈ܠܘܗܝܼ ܐܝܟ ܕܒܫܐ܆ ܟܕ ܚܪܬܗܝܢ ܒܝܫܐ ܗܘܬܼ ܡܢ ܓ̈ܕܐ ܘܡܪܝܪܐ ܗܘܬ. ܗܢܐ ܓܒܝ ܠܗ ܐܢ̈ܫܐܼ ܕܓܠܝܐ ܗܘܬ ܕܚܠܬ ܐܠܗܐ ܡܢ ܩܕܡ ܥܝܢܝ̈ܗܘܢ: ܘܥܼܒܕ ܐܢܘܢ ܕܢܪܗܛܘܢ ܩܕܡܘܗܝ. ܘܫܕܪ ܐܢܘܢ ܐܝܟ ܕܐܒ̈ܐ ܠܐܬܪܐ. ܘܦܣܼܩ ܥܠ ܫܠܝܛܢ̈ܐܼ. ܕܡܐ ܕܬܒܥܝܢܼ ܢܬܒܥܘܢ ܠܡ ܩܕܡܝܐܝܬ ܫܘܥܠܐ ܕܥܡܝܪܐ. ܘܡܐ ܕܥܠܝܢ ܗܘܘ ܪ̈ܝܫܝ ܩ̈ܠܝܡܐ ܘܥܡ̈ܠܐ ܠܩܪܝܬܐܼ. ܘܠܒܟܝܢ ܗܘܘ ܠܫܠܝܛܐ ܕܝܠܗܿ ܕܩܪܝܬܐ: ܕܢܝܬܐ ܡܐܠܐ ܗܿܘ ܕܬܒܝܥ ܠܗܼ. ܦܪܛܘܗܝ ܠܟܝܣܐܼ ܘܫܩܼܠ ܡܢܗ ܟܡܐ ܕܒܥܘܗܝ. ܟܕ ܐܡܪܝܢܼ ܕܗܢܐ ܫܘܥܼܠܐ ܕܐܡܝܪܐ ܐܝܬܘܗܝ. ܟܕ ܐܦ ܡܚܝܢ ܗܘܘ ܠܐܢ̈ܫܐ ܡܝܩܪ̈ܐ ܘܣܒ̈ܐ ܝܩܝܪ̈ܝ ܣܝ̈ܒܬܐ ܕܠܐ ܪ̈ܚܡܐ. ܘܡܢ ܗܫܐ ܡܢ ܟܠ

Page 305

ܓܒܝ̈ܢ ܩܠܐ ܕܘܝܐ ܡܫܬܡܥ ܗܘܐ. ܘܐܦ ܝܗܼܒ ܐܝܕܐ ܠܟܠܗܘܢ ܥܡ̈ܠܐ ܕܓܠܘ̈ܬܐ. ܒܝܕ ܗܿܝ ܕܗܘܐ ܫܘܬܦܐ ܠܓܢܒܘܬܗܘܢܼ ܘܐܦܩ ܐܢܘܢ ܠܬܪ̈ܥܐ ܒܪ̈ܝܐ ܡܢ ܕܘܟܬܗܘܢܼ ܘܦܣܼܩ ܥܠܝܗܘܢ ܓܙܝܬܐ ܒܬܠ̈ܬܐ ܥܦ̈ܐ ܘܒܐܪ̈ܒܥܐ. ܘܐܨܛܢܥܘ ܠܥܡܗ ܕܐܠܗܐܼ ܒܟܠܗܝܢ ܒܝܫ̈ܬܐ ܡܪܝܪ̈ܬܐ. ܘܐܦ ܗܼܢܘܢ ܪܘܪ̈ܒܢܐ ܕܝܠܗܿ ܕܡܕܝܢܬܐ ܝܗܼܒ ܠܗ ܐܝܕܐ: ܒܕ ܕܡܫܬܘܕܐ ܗܘܐ ܠܗܘܢ ܪܘܪ̈ܒܬܐ. ܗܢܐ ܕܝܢ ܒܟܠܗܘܢ ܗܘܦ̈ܟܘܗܝ ܠܼܗ ܬܒܿܥ ܗܘܐ ܡܕܬܐܼ. ܠܘ ܠܒܝܬ ܡܿܠܟܐ܀ ܘܟܕ ܟܠܗܝܢ ܒܝܫ̈ܬܐ ܣܓ̈ܝ ܥܠ ܐܪܥܐ܆ ܕܓܠܘ̈ܬܐ ܘܕܣ̈ܩܛܐ ܥ̈ܬܝܩܐ܆ ܕܬܒܿܥܝܢ ܗܘܼܘ ܠܗܿܘ ܕܝܡܬ ܡܢ ܥܣܪ̈ܝܢ ܫܢܝ̈ܢ ܘܐܦ ܒܥܦܦ̈ܐ ܣܓܝ̈ܐܐ ܫܩܠܝܢ ܗܘܘ ܠܗܿ ܕܠܐ ܒܪ̈ܚܡܐܼ. ܥܡ ܒܝܫ̈ܬܐ ܣܓܝ̈ܐܬܐ: ܘܕܬܒܥܬܐ ܕܝܬܝܪ̈ܐ: ܘܕܐܝܠܝܢ ܕܠܐ ܡܬܡܢܝܢ ܡܢ ܣܘܓܐܐ ܕܣܓܝܘܬܗܝܢ. ܗܢܐ ܕܝܢ ܨܢܝܥ ܠܒܝܫ̈ܬܐܼ. ܟܕ ܠܐ ܥܕܟܝܠ ܐܬܬܒܥ ܬܘܠܬܐ ܗܿܘ ܩܕܡܝܐ ܘܡܨܥܝܐܼ. ܥܒܼܕ ܕܝܢ ܗܼܘܗܢܐ ܨܢܝܥܐ ܟܬܒܐ ܕܫܠܡܘܬܐ ܕܟܠܗ ܐܬܪܐܼ ܕܛܝ̈ܝܐ ܘܕܣܘܪ̈ܝܝܐ. ܟܕ ܠܐ ܐܢܫ ܐܪܓܫ ܒܗ ܒܟܬܒܐܼ. ܐܠܐ ܐܢ ܕܠܝ̈ܠܐ ܗܿܢܘܢ ܕܐܝܬܝܗܘܢ ܗܘܘ ܨܢܝܥ̈ܝ ܠܒܝ̈ܫܬܐ ܐܟܘܬܗܼ ܘܐܟ̈ܘܠܐ ܥܡܗ. ܘܗܟܢܐ ܟܬܼܒ ܒܗ ܒܟܬܒܐ ܕܫܠܡܘܬܗܘܢܼ. ܕܡܩܒܠ ܠܢ ܒܨܒܝܢܢ ܛܒܐ ܡܐܐ ܘܥܣܪ̈ܝܢ ܐܠܦ̈ܝܐܼ. ܘܠܐ ܢܐܬܐ ܥܠܝܢ ܣܩ̈ܛܐ ܐܘ ܒܪ̈ܝܬܐܼ݂ ܠܐ ܥܠܝܢ ܐܦܠܐ ܥܠ ܝܬܝܪ̈ܝܢ. ܟܬܼܒ ܒܗ ܕܝܢ ܒܗ ܒܟܬܒܐ ܐܦ ܫܡܗ̈ܝܗܘܢ ܥܡ ܫܠܡܘܬܗܘܢܼ ܕܟܠܗܘܢ ܪ̈ܝܫܢܐ ܕܝܠܗ ܕܐܬܪܐ. ܘܫܕܪܗ ܠܗ ܠܟܬܒܐ ܠܗܿܘ ܥܩܪܐ ܕܟܠܗܝܢ ܒܝܫ̈ܬܐ ܒܪ ܡܘܨܥܒ. ܘܠܝ ܡܣܬܒܪܐ ܠܝ ܕܡܢܗ ܕܝܠܗ ܕܥܩܪܐ ܢܒܥܬܼ ܒܝܫܬܐ ܗܕܐ. ܡܛܠ ܕܗܟܢܐ ܟܠܗܘܢ ܥܡ̈ܠܐ ܕܝܠܗ ܥܒܕܝܢ ܗܘܘ. ܘܡܛܠ ܕܟܬܒܐ ܐܬܼܐ ܕܢܚܬܘܢ ܗܘܘ ܪ̈ܝܫܢܐ ܕܐܬܪ̈ܘܬܐ ܨܝܕܘܗܝ ܕܝܠܗ ܡܘܣܐ. ܟܢܫ ܐܢܘܢ

Page 306

ܠܟܠܗܘܢܼ ܘܫܼܕܪ ܐܢܘܢ ܠܘܬܗ. ܟܕ ܐܦ ܥܒܼܕ ܪ̈ܐܙܐ ܥܡ ܗܠܝܢ ܕܢܚܼܬ ܡܢ ܡܕܝܢܬܐ. ܟܕ ܡܫܬܘܕܐ ܠܗܘܢ ܪܘܪ̈ܒܬܐ ܕܢܥܒܕ ܠܗܘܢܼ ܐܢ ܗܼ، ܕܢܚܬܘܢ ܘܢܫܒܚܘܢܝܗܝ ܩܕܡ ܒܪ ܡܘܨܥܒ. ܟܕ ܐܦ ܢܦܩ̈ܬܐ ܝܗܼܒ ܠܗܘܢ ܡܢ ܕܝܠܗ ܒܐܝܕܐ ܪܘܝܚܬܐ. ܟܕ ܠܐ ܐܬܟܣܝܬ ܐܦܠܐ ܗܕܐ ܡܢ ܒܢ̈ܝ ܐܬܪܐ. ܘܡܟܝܠ ܗܼܢܘܢ ܗܘܘ ܠܚܕܕ̈ܐ ܣܩܘܒܠ̈ܝܐ ܘܚܪ̈ܝܝܐ. ܘܗܟܢܐ ܟܠܗܿ ܐܘܪܚܐ ܒܚܪܝܝܘܬܐ ܗܘܘ ܠܘܬ ܚܕܕ̈ܐ. ܟܕ ܒܢ̈ܝ ܡܕܝܢܬܐ ܠܗ ܪܚܡܝܢܼ ܘܒܢ̈ܝ ܐܬܪܐ ܐܚܪܢܐ ܬܒܥܝܢ. ܘܗܟܢܐ ܥܠܼܒ ܓܒܐ ܕܒܢ̈ܝ ܐܬܪܐ ܠܗܠܝܢ ܕܡܕܝܢܬܐܼ. ܘܝܬܝܪܐܝܬ ܡܢ ܟܕ ܝܠܼܦ ܒܢ̈ܝ ܡܕܝܢܬܐ ܒܒܝܫܬܐ ܐܝܕܐ ܕܓܕܫܬ ܒܟܬܒܐ ܗܿ، ܕܨܘܠܚܐܼ ܕܥܒܼܕ ܘܫܼܕܪ ܠܒܪ ܡܘܨܥܒ. ܘܐܡܢ ܘܠܐ ܬܒܥܘܗܝ. ܘܐܝܬܝܘ ܠܗܘܢ ܐܚܪܢܐ. ܘܐܦ ܥܼܒܕ ܥܡܗܘܢ ܨܘܠܚܐ ܥܠ ܫܒ̈ܥܝܢ ܐܠܦ̈ܝܐܼ. ܘܣܠܼܩ.

ܥܠ ܡܠܐ ܬܘܒ ܕܬܠܬܐ܀ ܐܦ ܗܢܐ ܕܐܝܬܘܗܝ ܫܘܡܠܝܐ ܕܬܠܝܬܝܘܬܐ ܕܪܘܓܙܐܼ. ܐܒܫ ܝܬܝܪ ܡܢ ܚܒܪ̈ܘܗܝ: ܡܛܠ ܕܡܼܢ ܥܩܪܐ ܗܿܘ ܡܐܒܫܢܐ ܫܘܼܚ ܘܡܢܗ ܩܒܼܠ ܚܝܠܐ ܘܡ̈ܘܠܟܢܐ ܕܟܠܗܝܢ ܒܝ̈ܫܬܐ. ܘܐܢ ܥܠ ܗܠܝܢ ܕܩܕܡܘܗܝ ܠܐ ܐܘܣܦ ܒܝܫ̈ܬܗܼ ܡܢܗܝܢ ܠܐ ܒܨܪ. ܐܠܐ ܘܗܘܼܐ ܐܝܟ ܚܒܪ̈ܘܗܝ ܓܢܒܐܼ ܘܚܒܪܐ ܕܓܢܒ̈ܐ. ܘܟܠܗܝܢ ܒܝܫ̈ܬܐ ܘܐܘܠܨܢ̈ܐ ܐܣܒܠ ܐܢܘܢ ܠܒܢܝ̈ܢܫܐ ܡܣܟܢ̈ܐ. ܘܥܩܼܪ ܩܢܝܢܗܘܢܼ ܘܙܒܿܢ ܟܠ ܕܩܢܘ. ܘܐܫܕܝ ܛܠܘ̈ܡܝܐ ܥܠ ܒܢܝܢܫ̈ܐ ܣܓܝ̈ܐܐ: ܒܗܿܝ ܕܠܒܟܝܢ ܗܘܘ ܠܐܢܫ ܡܣܟܢܐܼ ܘܩܛܠܝܢ ܗܘܘ ܠܗ ܒܫܢܕ̈ܐ ܡܫܚ̈ܠܦܐ. ܘܟܕ ܕܝܢ ܝܿܕܥܝܢ ܗܘܘ ܠܗܘܢ ܕܓܪܡܬ ܠܗܿ ܕܠܐ ܡܨܝܐ ܕܢܝܬܐ ܡܕܡܼ. ܒܗܿܝ ܕܠܐ ܩܿܢܐ ܡܕܡ ܒܐܪܥܐܼ. ܡܠܦܝܢ ܗܘܘ ܠܗ ܗܼܢܘܢ ܥܡ̈ܠܐ. ܕܗܢܘܢ ܐܝܬܝܗܘܢ ܕ̈ܝܿܢܐ ܕܥܘܠܐ: ܕܦܘܩ ܠܫܘܩܐܼ ܘܚܙܝ ܗܿܘ ܡܢ ܕܝܕܥܬ ܕܐܝܬ ܠܗ. ܐܡܪ. ܕܥܒܿܕܐ ܣܝܡ ܠܝ ܨܝܕܘܗܝܼ ܐܘ ܚܿܝܒ ܠܝ. ܘܟܕ ܕܝܢ ܗܢܐ ܕܘܝܐ ܡܬܐܠܨ ܗܘܐ ܡܢ

Page 307

ܝܡܝܢܗ ܘܡܢ ܣܡܠܗܼ ܘܡܢ ܩܕܡܘܗܝ ܐܦ ܡܢ ܒܣܬܪܗܼ ܘܡܢ ܠܥܠ ܐܦ ܠܬܚܬܼ. ܕܢܣܗܕ ܥܠ ܐܢܫ ܥܘܼܠܐܼ ܙܝܥ ܡܢ ܡܪܝܐܿ. ܘܕܠܐ ܢܣܗܕ ܒܫܢ̈ܕܐ ܡܬܒܠܐ ܗܘܐ ܡܢܗܘܢ ܕܕ̈ܝܿܢܐ ܥܘ̈ܠܐ. ܘܡܟܝܠ ܠܐܠܗܐ ܩܿܪܐ ܗܘܐ ܣܗܕܐ ܥܠ ܐܝܠܝܢ ܕܡܠܨ ܗܐ ܠܡܥܒܕܼ. ܕܕܠܐ ܒܨܒܝܢܗ ܡܬܕܒܪ ܗܘܐ ܠܡܣܗܕܘ ܥܘܠܐ ܥܠ ܐܝܠܝܢ ܕܠܐ ܚܼ؛ܝܢ ܠܗ ܐܘ ܝܿܕܥ ܠܗܘܢ. ܘܥܠ ܗܠܝܢ ܐܝܿܠܝܢ ܐܝܬ ܠܡܐܡܪܼ. ܐܠܐ ܕܪܚܼܡ ܒܝ̈ܫܬܐ ܝܬܝܪ ܡܢ ܛܒ̈ܬܐ. ܘܕ̈ܓܠܬܐ ܝܬܝܪ ܡܢ ܡܡܠܠܐ ܕܙܕܝܩܘܬܐ. ܘܒܫܪܪܐ ܕܪܚܼܡ ܗܢܘܢ ܕ̈ܝܿܢܐ ܠܟܠ ܕܡܡܠܠܝܢ ܫܘܩܪܐ. ܘܠܫܢ̈ܐ ܕ̈ܓܠܐ ܝܬܝܪ ܡܢ ܫܪܝܪ̈ܐܼ ܐܬܪܚܡ ܥܠܝܗܘܢ. ܘܟܠܗܘܢ ܥܘܼܠܐ ܡܠܠ. ܘܒܥܿܒ̈ܕܐ ܕܥܘܼܠܐ ܐܬܥܪܙܠ ܐܝܕ̈ܝܗܘܢ. ܘܐܢ ܕܝܢ ܐܝܬ ܗܘܐ ܐܢܫ ܕܠܐ ܝܿ݊ܥ ܗܘܼܐ܆ ܐܘ ܕܠܐ ܡܕܪܫ ܗܘܐ ܒܥܒ̈ܕܐ ܣܢ̈ܝܐܼ. ܗܢܘܢ ܡܠܦܝܢ ܗܘܘ ܠܗܼ ܟܠܗܘܢ ܬܪ̈ܥܐ ܣܢ̈ܝܐ. ܘܗܟܢܐ ܢܦܼܩ ܗܢܐ ܥܘܼܠܐ ܒܟܠܗܝܢ ܡܕ̈ܝܢܬܐ. ܟܕ ܡܣܗܕ ܗܼ، ܥܘܼܠܐܼ ܕܡܢܗ ܕܡܘܣܐ ܫܘܚ. ܘܐܥܠ ܥ̈ܙܐ ܘܥܪ̈ܒܐ ܘܬܘܪ̈ܐ ܘܟܠܗ ܥܒܿܕܐ ܕܐܢ̈ܫܐ ܡܣܟ̈ܢܐ. ܘܙܒܢܘܗܝܼ. ܬܪ̈ܬܝܢ ܥ̈ܙܐ ܒܛܢ̈ܬܐ ܒܙܘܙܐ. ܚܡܪܐ ܒܬܪ̈ܝܢ ܙܘ̈ܙܐ. ܘܬܘܪܐ ܕܦܕܢܐ ܒܬܠ̈ܬܐ ܙܘ̈ܙܐ. ܬܘܪܬܐ ܥܫܝܢܬܐ ܘܕܒܛܢܐܼ ܒܬܠ̈ܬܐ ܘܒܐܪ̈ܒܥܐ ܙܘ̈ܙܐ. ܚ̈ܛܐ ܢܼܚ̈ܬܝܢ ܘܛܦ̈ܝܢ ܒܐܪܥܐܼ ܒܝܕ ܨܗܘܢܐ ܕܗܘܐ: ܗܿܘ ܕܐܦ ܥܠܘܗܝ ܫܒܿܩܝܢܢ ܥܘܗܕܢܐ ܩܠܝܠ. ܗܘܘ ܠܗܘܢ ܒܢܝ̈ܢܫܐ ܢܟ̈ܝܠܐ ܥܠ ܚܕܕ̈ܐ: ܘܐܬܡܠܝ ܠܫܢܐ ܕܟܠܢܫ ܕܓܠܘܬܐ. ܘܒܫܘܩܪܐ ܗܠܟܘ. ܒܗܠܝܢ ܡܬܒܩܐ ܗܘܐ ܐܪܡܝܐ ܒܝܕ ܥܝܢܐ ܢܒܝܝܬܐܼ ܟܕ ܐܡܿܪ: ܕܓܒܪ ܡܢ ܚܒܪܗ ܐܙܕܗܪ. ܘܥܠ ܟܠ ܐܚܼ ܠܐ ܬܬܟܠܘܢ. ܡܛ ܕܟܠ ܐܚ ܡܟܝܠ ܢܟܝܠ. ܘܟܠ ܪܚܡܐܼ ܒܢܟܠܐ ܡܗܠܟ. ܘܓܒܪܐ ܒܚܒܪܗ ܡܕܓܠܝܢ. ܘܩܘܫܬܐ ܠܐ ܡܡܠܝܢ. ܐܠܼܦ ܠܫܢܗܘܢ

Page 308

ܠܡܡܠܠܘ ܫܘܩܪܐ. ܘܡܛܠܗܢܐ ܐܬܛܪܦܘ ܘܠܐܝܘ. ܒܗܿ ܕܥܠ ܢܟܠܐ ܡܬܟܢܫܝܢ ܗܘܘ ܘܝܬܒܝܢ. ܘܒܝܕ ܢܟܠܗܘܢܼ ܠܐ ܝܕܥ ܠܡܪܝܐ. ܐܠܐ ܟܠܒܪܢܫ ܕܓܠ. ܟܠ ܡܠܼܐ ܥܘܠܼܐ. ܟܠܗܘܢ ܪ̈ܗܛܢ ܪ̈ܓܠܝܗܘܢ ܠܘܬ ܒܝܫܬܐ. ܠܐ ܐܝܬ ܕܥܿܒܕ ܛܒܬܐ. ܟܠܗܘܢ ܣܛܘ ܐܟܚܕܐܼ ܐܦ ܐܣܬܠܝܘ. ܡܛܠ ܕܡܢ ܒܝܫܬܐ ܠܒܝܫܬܐ ܐܿܬܝܢ ܗܘܘ. ܘܡܢ ܥܘܼܠܐ ܠܥܘܼܠܐ ܪܗܿܛܝܢ ܗܘܘ ܪ̈ܝܫܢܐ. ܘܐܝܟ ܐܡܪ̈ܐ ܕܢܦܠܝܢ ܒܝܢܬ ܕ̈ܐܒܐܼ. ܗܟܢܐ ܘܡܣܟܢ̈ܐ ܕܒܝܢܬܗܘܢܼ ܫܠܼܚ ܘܒܙܘ ܐܢܘܢ. ܘܟܕ ܟܠܗܝܢ ܒܝܫ̈ܬܐ ܐܣܒܠ ܐܢܘܢܼ. ܘܙܒܼܿܢ ܟܠ ܡܐ ܕܩܢܘܼ. ܠܡܚܣܢ ܐܬܚܪܬ ܓܙܝܬܐ. ܕܠܐ ܒܝܫ̈ܬܐ ܐܚܪ̈ܢܝܬܐ ܕܣܒܠ ܡܢ ܓܠܘ̈ܝܐ ܘܡܢ ܡܪ̈ܒܛܐ ܘܡܢ ܥܘܣܪܐ ܘܨܘܦܝ ܘܕܡ̈ܥܕܠܢܐ. ܘܟܠ ܡܢ ܕܐܘܣܦ ܠܗ ܡ̈ܥܕܠܢܐ ܒܬܥܕܝܠ ܚܕܬܐܼ ܬܒܥܘܗܝ ܒܚܕܬܐ. ܘܕܐܬܒܨܪ ܠܗ ܡܢ ܥܬܝܩܬܐ ܐܬܬܒܥ ܒܥܬܝܩܬܐ. ܐܝܟܢܐ ܕܡܢ ܟܠ ܓܒ̈ܝܢ ܐܘܠܨܢܐ ܘܡܪܪܐ.

ܥܠ ܨܠܘܚܐ ܕܝܠܗܿ ܕܫܢܬܐ܀ ܢܐܬܘܢ ܠܡ ܡܢ ܒܝܫܬܐ ܠܒܝܫܬܐ. ܟܕ ܕܝܢ ܦܠܼܛ ܡܢ ܚܕܐܼ ܐܕܪܟܬ ܐܢܘܢ ܐܚܪܬܐܼ ܕܒܝܫܐ ܡܢ ܩܕܡܝܬܐ. ܘܐܦ ܗܢܘܢ ܪ̈ܝܫܢܐܼ ܒܝܕ ܕܬܛܿܠܝܢ ܗܘܘ ܕܠܝܬ ܐܢܫ ܕܬܒܥ ܒܝܬ ܐܝܕ̈ܝܗܘܢܼ. ܕܠܐ ܪ̈ܚܡܐܘܕܠܐ ܒܚܘܣܢܐܼ ܩܛܥܝܢ ܗܘܘ ܘܫܕܝܢ ܥܠ ܒܢܝ̈ܢܫܐ. ܘܐܦ ܗܼ̤ܘܢ ܪ̈ܝܫܢܐ ܕܐܬܪ̈ܘܬܐ ܗܘܼܘ ܠܗܘܢ ܚܒܪ̈ܐ ܘܓܢܒ̈ܐ ܝܬܝܪ ܡܢܗܘܢ. ܘܟܕ ܫܒܥ̈ܝܢ ܐܠܦ̈ܝܢ ܐܬܘ ܠܗܘܢܼ. ܬܒܼܥܗܼܢܘܢ ܬܠ̈ܬܐ ܐܟܘܬܗܘܢܼ. ܘܠܐ ܚܼܣ. ܟܕ ܐܡܪܝܢ ܕܩܪܒܝܬܐ ܦܠܢܝܬ ܬܒܝܪܬܐ ܘܠܐ ܛܥܿܢܐ. ܘܗܿܘ ܡܕܡ ܕܩܛܥܝܢ ܗܘܘ ܡܢܗܼܿ ܬܒܥܘܗܝ ܗܢܘܢ ܘܫܠܝܛܢ̈ܐܼ ܘܐܟܘܠܗܝ. ܟܕ ܕܝܢ ܦܣܩ ܥܠ ܟܠ ܐܢܫ ܗܿܘ ܡܕܡ ܕܡܛܝܗܝܼ ܘܢܦܼܩ ܠܬܒܥܬܐܼ. ܩܛܪ ܫܒܝܐ ܒܟܠܗܘܢ ܒܢ̈ܝܢܫܐ ܡܣܟܢ̈ܐ. ܘܫܩܼܠ ܥܒܿܕܗܘܢ ܕܝܬܝܪ̈ܐ ܕܒܩܘܪܝܣ ܕܝܠܗܘܢ. ܘܠܐ ܠܚܕ ܡܢܗܘܢ ܦܼܫ

Page 309

ܡܕܡ ܣܟ. ܘܐܢ ܓܼܕܫ ܘܐܬ ܗܘܐ ܐܢܫ ܕܩܿܢܐ ܩܢܝܢܐܼ. ܘܐܝܬܘܗܝ ܡܢ ܐܬܪܐ ܐܚܪܢܐܼ݂ ܠܐ ܫܒܼܩ ܠܗ ܡܕܡ ܕܠܐ ܫܒܘܗܝ ܘܙܒܿܢܘܗܝ. ܘܐܪܡܝܘ ܕܝܢ ܐܦ ܥܒܪ̈ܝ ܐܘܪܚܐ. ܘܟܠ ܕܐܙܿܠ ܘܐܿܬܐ ܠܒܟܘܗܝܼ. ܘܫܩܼܠ ܩܢܝܢܗ ܘܥܿܒܕܗܼ ܙܒܿܢܘܗܝ. ܢܦܼܩ ܬܘܒ ܐܦ ܫܒܒ̈ܐ ܓܢܒ̈ܐܼ ܘܗܘܼܘ ܣܝ̈ܥܬܐܼ. ܒܕܡܘܬ ܐܡܝܪܐ ܠܡ. ܘܟܠ ܕܡܫܟܚܝܢ ܗܘܘ ܠܗܼ. ܫܩܼܠ ܥܒܿܕܗ ܓܠܝܐܝܬ. ܟܕ ܐܡܪܝܢ܆ ܕܨܘܠܚܐ ܒܿܥܝܢܢ ܡܢܟ. ܘܡܢ ܗܫܐ ܩܠܐ ܕܝܠܠܬܐ ܡܢ ܟܠ ܕܘܟܐ ܡܫܬܡܥ ܗܘܐ. ܘܐܢ ܐܢܫ ܢܥܪܘܩ ܡܢ ܩܪܝܬܐ ܗܕܐܼ. ܒܐܘܪܚܐ ܡܫܠܝܚܢ ܗܘܘ ܠܗ. ܘܐܢ ܡܢ ܐܘܪܚܐ ܢܦܠܛ ܘܠܐ ܡܫܬܠܚ ܗܘܐܼ. ܠܩܪܝܬܐ ܕܪܗܿܛ ܗܘܐ ܕܢܬܓܘܣ ܒܗܼܿ. ܗܿܝ ܕܡܡܠܝܐ ܗܘܬ ܠܗ ܕܘܟܬ ܠܣ̈ܛܝܐ ܘܩܛܘ̈ܠܐ ܘܩܛܥ̈ܝ ܐܘܪ̈ܚܬܐ. ܐܢ ܢܦܩ ܐܢܫ ܕܒܪܐܼ ܦܓܥܼ ܒܗ ܓܢ̈ܒܐ ܒܕܡܘܬ ܐܪܝܐ. ܘܐܢ ܢܬܟܪܟ ܠܫܝܢܐܼ ܦܓܼܥ ܒܗ ܐܚܪ̈ܢܐ ܒܕܡܘܬ ܕܒܐ. ܘܢ ܢܥܘܠ ܠܩܪܝܬܐܼ ܢܟܬܘܗܝ ܗܼܢܘܢ ܩܘܪ̈ܝܝܐ ܒܕܡܘܬ ܚܘ̈ܘܬܐ. ܘܐܢ ܢܐܙܠ ܠܘܬ ܛܪ̈ܩܢܐ ܢܣܬܡܟ ܥܠܝܗܘܢܼ. ܫܡܠܝܘ ܠܗ ܕܘܟܬ ܥܩܪܒܐ ܘܫܠܚܘܗܝ . ܘܐܦ ܒܬܠ̈ܬܐ ܥܦ̈ܐܼ ܐܒܫܘ ܫ̈ܠܝܛܢܐ ܡܢ ܥܡ̈ܠܐ ܘܡܢ ܠܣ̈ܛܝܐ. ܡܛܠ ܕܐܢ ܫܩܝܠ ܗܘܐ ܠܗܘܢ ܡܢ ܐܢܫ ܬܠ̈ܬܐ ܥܦ̈ܐܼ ܥܠ ܗܿܘ ܡܘܢ ܕܚܝܒ ܗܘܐܼ. ܘܐܡܪܝܢ ܗܘܘ ܠܗ ܠܫܘܝܛܢܐܼ ܕܗܢܐ ܙܠܦܢ ܚܿܐܒ. ܩܛܠܝܢ ܗܘܘ ܠܗ ܒܡܚܘ̈ܬܐ܆ ܟܕ ܐܡܪܝܢ ܕܐܪܡܐ ܘܠܐ ܬܒܥܝܢ ܗܘܘ ܒܐܝܕ̈ܝ ܫܠܝܛܐ ܓܢܒܘܬܗ. ܢܦܼܩ ܕܝܢ ܐܦ ܛܠܝ̈ܐ ܕ̈ܘܝܐ ܛܝ̈ܝܐ ܘܣܘܪ̈ܝܝܐ ܒܚܕܪ̈ܝ ܡܕܝܢܬܐܼ. ܘܥܠ ܐܘܪ̈ܚܬܐ ܘܒܐܪ̈ܚܘܬܐܼ. ܘܠܒܟܝܢ ܗܘܘ ܠܐܢ̈ܫܐ ܡܣܟܢ̈ܐ. ܘܐܡܪܝܢ ܠܗܘܢܼ݂ ܕܬܘ ܚܙܘ ܠܡ ܥܡܝܪܐ ܒܥܿܐ ܠܟܘܢ. ܬܘ ܗܒܘܢ ܨܠܘܚܐ. ܘܗܟܢܐ ܠܐ ܫܒܩܝܢ ܗܘܘ ܠܐܢܫ ܡܕܡܼ ܕܠܐ ܡܫܠܚܝܢ ܗܘܘ ܠܗ ܘܫܩܿܠܝܢ. ܘܟܢܫ ܐܝܟ ܕܡܢ ܟܦܬܐ ܕܡܠܝܐ ܟܘܪ̈ܦܐ ܥܪܩܝܢ ܗܘܘ

Page 310

ܡܢ ܚܕܪ̈ܝ ܡܕܝܢܬܐ܀ ܗܘܬܼ ܕܝܢ ܒܝܫܬܐ ܐܚܪܬܐ ܒܐܢܫ̈ܐ ܡܣܟ̈ܢܐ: ܕܟܕ ܐܬܘ ܗܠܝܢ ܛܒ̈ܥܐ ܪܗܛܼܘ ܘܐܚܼܕ ܓܘܣܐ ܒܫܠ̈ܝܛܢܐ ܘܒܪ̈ܝܫ ܩ̈ܠܝܡܐ. ܘܡܛܠ ܕܕܚܼܠ ܡܢ ܓܠܘܝ̈ܐ ܘܡܢ ܣܩ̈ܛܐܼ. ܒܥܘ ܡܢܗܘܢ ܘܛܒܥ ܐܢܘܢ. ܘܟܕ ܐܬܼܐ ܨܘܠܚܐ ܐܚܼܕ ܐܢܘܢ ܗܼܢܘܢ ܫܠܝܛܢ̈ܐܼ ܘܡܠܝܘ ܠܗܘܢ ܕܘܟܬ ܓ̈ܠܘܝܐ ܘܣܩ̈ܛܐ. ܘܟܕ ܠܩܪܝܬܗ ܠܐ ܥܠܝܠ ܠܗܼ. ܦܣܼܩ ܥܠܘܗܝ ܐܢ ܬܠ̈ܬܝܢ ܘܐܢ ܐܪ̈ܒܥܝܢ܀ ܐܘܪܗܝ ܕܝܢ ܝܬܝܕ ܡܢ ܟܠܗܝܢ ܡܕ̈ܝܢܬܐ ܣܒܠܘ ܪ̈ܝܫܢܐܐܘܠܨܢܐ ܒܗ ܒܗܢܐ ܨܘܠܚܐ. ܐܬܼܐ ܕܝܢ ܥܠܝܗܘܢ ܓܒܪܐ ܡܪܝܪ ܢܦܫܐܼ ܕܫܡܗ ܪܙܝܢ. ܘܟܕ ܐܚܿܕ ܗܘܐ ܠܐܢܫ ܡܣܟܢܐ ܘܕܝܿܢ ܗܘܐ ܠܗ܆ ܘܝܿܕܥ ܕܠܝܬ ܡܕܡܼ. ܛܦܼܝ ܠܗ ܬܪ̈ܝܢ ܫܪ̈ܛܐ. ܘܐܠܦܗܼ ܕܦܘܩ ܠܫܘܩܐܼ. ܘܚܙܝ ܐܢܫ. ܐܡܪ ܠܗܼ ܕܥܪܘܒ ܒܝ. ܘܫܒܘܩ ܐܢܬ ܘܥܪܘܩ. ܗܿܘ ܕܝܢ ܗܠܝܢ ܡܩܒܠ ܗܘܼܐ. ܘܢܿܦܩ ܠܫܘܩܐܼ. ܘܚܙܝ ܐܢܫ. ܐܡܪ ܠܗܼ ܕܥܪܘܩ ܒܝ. ܘܫܒܘܩ ܐܢܬ ܘܥܪܘܩ. ܗܿܘ ܕܝܢ ܗܠܝܢ ܡܩܒܠ ܗܘܼܐ. ܘܢܿܦܩ ܠܫܘܩܐ. ܘܠܿܒܟ ܗܘܐ ܠܐܢܫ. ܘܐܥܪܩܘܗܝ ܗܢܘܢܼ ܘܐܚܼܕ ܠܗܿܘ. ܘܟܕ ܐܦܠܐ ܡܠܬܐ ܡܠܠ ܗܼܘ ܥܡ ܗܿܘ.: ܓܪܘܗܝ ܨܝܕ ܐܡܝܪܐ. ܟܕ ܐܡܿܪܝܢ ܕܐܢܬ ܐܢܬ ܗܿܘ ܕܥܪܒܬ ܒܗ. ܐܘ ܐܝܬܝܗܝ ܠܢܼ ܐܘ ܐܝܬܐ ܡܘܢ ܕܚܐܒ. ܘܟܕ ܗܼܘ ܝܿܡܐܼ ܕܠܐ ܥܪܝܒ ܐܢܐ ܒܗܼ. ܐܦܠܐ ܝܿܕܥ ܐܢܐ ܠܗ. ܫܕܘܗܝ ܘܐܪܡܝܘ ܒܪ̈ܓܠܘܗܝ ܨܦ̈ܘܦܐܼ. ܥܕܡܐ ܕܡܬܒܪܝܢ ܗܘܘ ܫܩ̈ܘܗܝ. ܟܕ ܠܐ ܫܒܩܝܢ ܗܘܘ ܠܗ ܥܕܡܐ ܕܝܡܬܐ ܗܘܐܼ ܗܿܘ ܡܕܡ ܕܦܣܩܝܢ ܗܘܘ ܥܠܘܗܝ. ܘܢܗܘܐ ܒܝܘܡܐ ܗܿܘ ܕܕܒܚܗ ܕܡܪܝܐܼ. ܐܦܩܘܕ ܥܠ ܪܘܪ̈ܒܢܐ ܘܥܠ ܒܢ̈ܝ ܡ̈ܠܟܐܼ ܘܥܠ ܟܠ ܕܠܒܝܫܝܢ ܗܘܘ ܠܒܘ̈ܫܐ ܢܘܟܪ̈ܝܐ. ܘܐܦܩܘܕ ܥܠ ܟܠܗܘܢ ܒܙܘ̈ܙܐ ܘܚܛܘ̈ܦܐ ܒܝܘܡܐ ܗܿܘ. ܕܡܠܝܢ ܗܘܘ ܒܝܬ ܡܕ̈ܢܝܗܘܢܼ ܚܛܘܦܝܐ ܘܢܟܠܐ. ܗܠܝܢ ܕܐܘܕܥ ܠܢ ܨܦܢܝܐ ܢܒܝܐ ܕܐܡܼܪ: ܕܒܝܘܡܐ ܕܕܒܚܗ ܕܡܪܝܐ. ܐܝܢܘܿ ܘܝܡܐ ܕܕܒܚܗ ܕܡܪܝܐܼ.  ܐܠܐ ܗܿܘ ܕܚܫܐ ܩܕܝܫܐ ܕܦܪܘܩܢܿ. ܕܒܗ ܒܗܢܐ ܙܒܢܐ ܟܠܗܝܢ ܫܢܝ̈ܐ ܕܐܘܠܨܢܐ

Page 311

ܣܡܟ̈ܢ ܗܘܼ̈ܝ ܥܠܼܝܢ ܒܝܫ̈ܬܐܿ. ܥܕܡܐ ܕܐܦ ܥܕܥܝܕ̈ܐ ܠܐܒܠܐ ܡܬܗܦܟܝܢ ܗܘܘ. ܘܐܝܠܝܢ ܪܘܪ̈ܒܢܐ ܘܒܢ̈ܝ ܡ̈ܠܟܐܼ ܘܚܛܘܦ̈ܐ ܘܒܙܘ̈ܙܐܼ ܘܕܡܠܝܢ ܗܘܘ ܒ̈ܬܝܗܘܢ ܚܛܘܦܝܐ ܘܢܟܝܠ ܕܡܣܟ̈ܢܐ ܘܕܝܬܡ̈ܐ ܘܐܪ̈ܡܠܬܐܼ ܝܬܝܪ ܡܢ ܐܘܪ̈ܗܝܐ. ܘܗܫܐܼ ܫܠܼܡ ܕܟܬܝܒ̈ܢ. ܟܕ ܐܦ ܚܟܡܬܗܘܢ ܘܣܟܠܘܬܢܗܘܢ ܐܒܕܬ. ܘܒܥܘ ܚܕܐ ܡܢ ܚܟܡܬܗܘܢܼ ܘܠܐ ܐܫܟܚ. ܐܘܒܕ ܠܡ ܚܟܡܬܐ ܕܚܟ̈ܝܡܐ ܘܣܟܠܘܢܬܗܘܢ ܐܓܠܘܙ. ܘܢܗܘܐ ܠܡ ܩܢܝܢܗܘܢ ܠܒܙܬܐܼ ܘܒ̈ܬܝܗܘܢ ܠܚܒܠܐ. ܘܢܒܢܘܢ ܒ̈ܬܐ. ܘܠܐ ܢܬܒܘܢ ܒܗܘܢ. ܘܢܨܒܘܢ ܟܪ̈ܡܐܼ. ܘܠܐ ܢܫܬܘܢ ܚܡܪܐ. ܩܪܝܒ ܗܼܘ ܝܘܡܗ ܠܡ ܕܡܪܝܐܼ ܘܛܒ ܡܣܪܗܒ. ܡܪܝܪ ܘܩܫܐ ܝܘܡܐ ܕܐܟܬܐ ܘܕܥܩܬܐܼ ܘܕܐܘܠܨܢܐ ܘܕܕܘܘܕܐ ܘܕܚܒܠܐܼ ܕܚܫܘܟܐ ܘܕܥܡܛܢܐܼ. ܥܠ ܡܕ̈ܝܢܬܐ ܥܫܝ̈ܢܬܐ ܘܥܠ ܙܘ̈ܝܬܐ ܪ̈ܡܬܐ. ܟܕ ܐܠܨܝܢ ܠܒܢܝ̈ܢܫܐ ܕܢܗܠܟܘܢ ܐܟܝ ܥܘܝܪ̈ܐ: ܥܠ ܕܚܛܘ ܠܡܪܝܐ. ܗܕܐ ܠܡ ܬܗܘܐ ܠܗܘܢ ܚܠܦ ܓܐܝܘܬܗܘܢ. ܟܠܗܝܢ ܗܠܝܢ ܣܠܼܩ ܒܢ. ܟܕ ܠܐ ܐܬܒܨܪ ܡܕܡ ܡܢܗܝܢ.. ܘܟܕ ܒܝܫ̈ܬܐ ܣܓܝ̈ܐܬܐܼ ܐܝܠܝܢ ܕܥܠܡܐ ܟܠܗ ܠܐ ܣܿܦܩ ܠܡܟܬܒ ܐܢ̈ܝܢ܆ ܣܒܠ ܐܢܫ̈ܐ ܡܣܟ̈ܢܐ: ܘܠܐ ܫܘܪܝܐ ܐܦܠܐ ܫܘܠܡܐ ܕܬܒܥܬܗܘܢ ܐܬܝܕܥ: ܘܠܐ ܣܒܼܥ ܡܢ ܒܙܬܬܐ ܕܒܙܘ: ܦܩܕ ܘܐܬܟܢܫ ܘܐܬܚܒܫ ܒܥܕ̈ܬܐ ܕܡܕܝܢܬܐ ܥܡܐ ܟܠܗ.

ܬܘܒ ܥܠ ܚܒܘܫܝܐ ܕܒܥܕܬܐ ܕܗܘܼܐ ܐܦ ܒܫܢܬܐ ܗܕܐ܀ ܚܛܗܐ ܚܛܬܼ ܐܘܪܫܠܡܼ ܡܛܠܗܢܐ ܗܘܬ ܢܕܬܐ. ܟܠܗܘܢ ܡܝܩܪ̈ܢܝܗܿ ܨܥܪܘܗܿ. ܡܛܠ ܕܚܙܘ ܦܘܪܣܝܗܿ. ܐܦ ܗܼܝ ܐܬܬܢܚܬ ܘܗܦܟܬ ܠܒܣܬܪܗܿ. ܐܝܕ̈ܘܗܝ ܦܪܣ ܐܠܘܨܐ ܥܠ ܟܠܗܝܢ ܪ̈ܓܝܓܬܗܿ. ܘܚܿܙܝܬ ܥܡܡ̈ܐ ܕܥܠܘ ܠܡܩܕܫܟܼ ܕܦܩܼܕܬ ܕܠܐ ܢܥܠܘܢ ܠܟܢܘܫܬܐ. ܛܥܼܐ ܡܪܝܐ ܡܩܕܫܗ ܘܐܣܠܝ ܡܕܒܚܗ.

Page 312

ܘܐܫܠܡ ܒܐܕܐ ܕܒ̈ܥܠܕܒܒܐ ܫܘܪ̈ܐ ܕܣܚܪ̈ܬܗܿ. ܩܠܐ ܝܗܼܒ ܒܒܝܬܗ ܕܡܪܝܐܼ ܐܝܟ ܕܒܝܘܡܐ ܕܥܕܥܕܐ ܥܩܼܪ ܐܝܟ ܓܿܢܬܐ ܡܛܠܬܗܿ ܘܚܒܠ ܥܕܥܕ̈ܝܗܿ. ܘܐܛܥܝ ܡܪܝܐ ܡܢ ܨܗܝܘܢ ܥܕܥܕܐ ܐܦ ܚܕܒ̈ܫܒܐ: ܘܐܣܠܝ ܒܝܘܡܐ ܕܪܘܓܙܗ ܡ̈ܠܟܐ ܘܟܗ̈ܢܐ. ܢܐܬܐ ܗܫܐ ܢܒܝܐ ܐܪܡܝܐܼ. ܘܢܚܐ ܒܥܝ̈ܢܘܗܝ ܟܠܗܝܢ ܐܝܠܝܢ ܕܐܬܢܒܝܼ ܕܫܼܩ ܫܘܠܡܐ ܘܗܘܼ̈ܝ ܒܥܒܿܕܐ. ܟܕ ܕܝܢ ܦܩܼܕ ܥܡܠܐ ܥܘܠܐ ܕܢܬܟܢܫܘܢܼ. ܘܗܿܘ ܡܿܢ ܕܢܛܫܐ ܓܒܪܐ ܡܘܬܐ ܚܐܝܒ: ܢܦܼܩ ܫܪ̈ܛܐ ܘܟܢܫܘܗܿ ܠܟܠܗܿ ܡܕܝܢܬܐ ܡܢ ܣܟܗܿ. ܘܐܦ ܒܨܝܘܢ ܒ̈ܬܐ. ܘܠܐ ܫܒܼܩ ܐܢܫ ܕܠܐ ܐܠܥܘܝ ܠܥܕܬܐܼ. ܠܐ ܥܬܝܪܐܼ ܐܦܠܐ ܡܣܟܢܐ. ܘܐܢ ܪܚܝܩ ܗܘܐ ܡܪܐ ܒܝܬܐܼ. ܐܚܼܬ ܐܢܫܘܬܗ. ܘܐܢ ܐܫܟܚ ܐܢܫ ܕܛܫܐܼ. ܩܛܠܘܗܝ ܒܡܚܘ̈ܬܐܼ. ܘܠܡܪܐ ܒܝܬܐ ܕܛܫܐ ܗܘܼܐ ܒܗܼ. ܘܙܒܿܢ ܟܠ ܡܐ ܕܩܿܢܐ. ܘܗܢܐ ܐܬܚܒܫܘ ܡܢ ܙܥܘܪܐ ܘܥܕܡܐ ܠܪܒܐܼ. ܛܝ̈ܝܐ ܘܣܘܪ̈ܝܝܐ. ܘܣܠܼܩ ܗܢܘܢ ܥܘ̈ܠܐ ܘܝܬܼܒ ܒܓܘ ܡܕܒܚܐ. ܘܠܒܼܟ ܠܟܠ ܡܿܢ ܕܐܝܬ ܗܐܘ ܥܠܘܗܝ ܫܡܐ ܕܚܕ ܦܘܠܣܐܼ ܘܫܩܠܘܗܝ. ܟܕ ܐܦ ܡܫܟܢܘܢ ܥܒܿܕܗܘܢ ܘܕܢܫܝ̈ܗܘܢܼ ܘܝܗܼܒ ܗܿܘ ܡܕܡ ܕܠܐ ܚܝܒܝܢ ܗܘܘ. ܟܕ ܐܡܿܪܝܢ ܕܥܠ ܩܪܝܬܐ ܦܠܢܝܬ ܪܡܿܝܬ. ܥܘܿܠܐ ܬܠܐ ܪܝܫܗܼ. ܒܝܕ ܗܿܝ ܕܐܒܼܕ ܫܪܪܐ. ܕܓܠܘܬܐ ܐܬܗܦܟܬ ܓܠܝܐܝܬܼ. ܡܛܠ ܕܟܐܢܘܬܐ ܠܝܬܝܗܿ. ܘܟܕ ܟܠܗܝܢ ܒܝܫ̈ܬܐ ܣܥܼܪ ܒܒܢܝ̈ܢܫܐ: ܘܙܒܿܢ ܟܠ ܡܐ ܕܩܿܢܝܢܼ ܘܫܩܠܘܗܝܼ. ܘܐܦ ܛܡܐܘܗܝ ܠܓܘ ܥܕܬܐܼ ܒܗܿܝ ܕܒܗܿ ܢܦܩܝܢ ܗܘܘ ܬܒܬܗܘܢ ܓܒܪ̈ܐ ܘܢܫ̈ܐܿ. ܡܛܠ ܕܗܘܼܘ ܒܗܿ ܬܠ̈ܬܐ ܝܘܡ̈ܝܢ ܘܬܠ̈ܬܐ ܠ̈ܝܠܘܢ. ܘܚܒܠܘܗܿ ܘܣܠܼܩ ܡܢܗܿ ܪܝܫܐ ܣܪܝܐ ܚܠܦ ܪܝܚܐ ܒܫܝܡܐ. ܗܪܟܐ ܥܠܘ ܥܡܡ̈ܐ ܠܝܪܬܘܬܗ ܕܐܠܗܐܼ. ܘܛܡܝܘܗܝ ܠܗܝܟܠܗ ܩܕܝܫܐ. ܥܒܕܘܗܿ ܠܥܕܬܐ ܩܕܝܫܬܐ ܒܝܬ ܡܚܪܝܐ. ܘܟܕ ܕܝܢ ܒܥܼܘ ܬܓܪܼ̈ܐ ܘܐܝܠܝܢ ܕܐܫܬܩܠ ܡܢܗܘܢ ܡܐܠܐ: ܕܢܟܬܒܘܢ ܠܗܘܢ ܩܛܓܪܦܐ ܩܘܪ̈ܝܝܐܼ. ܠܐ

Page 313

ܐܪܝܡ ܒܗܘܢ ܪܝܫܐ ܡܕܡ. ܘܟܕ ܒܣܓܝܘܬܐ ܒܟܝܘ ܥܠܘܗܝ ܕܝܠܗ ܕܥܡܠܐ ܥܘܿܠܐܼ. ܐܡܼܪ ܠܗܘܢ ܠܩܘܪ̈ܝܝܐ. ܕܐܢ ܒܿܥܝܬܗܘܢܼ ܟܬܘܒ ܠܗܘܢ. ܘܐܝܠܝܢ ܕܨܒܘܼ ܟܬܼܒ: ܘܐܝܠܝܢ ܕܠܐ ܒܥܘܼ ܠܐ ܟܬܼܒ. ܐܦ ܗܠܝܢ ܟܬܒܘ ܠܐ ܝܬܪܘ ܡܕܡ. ܒܝܕ ܕܐܬܪܐ ܦܘܩܕܢܐ ܘܩܼܪܐ ܟܪܘܙܐ܆ ܕܠܐ ܐܢܫ ܢܦܪܘܥ ܚܘܒܬܐ ܥܬܝܩܬܐ ܐܦܠܐ ܚܕܬܐ. ܘܠܐ ܐܢܫ ܢܬܒܥ. ܘܗܟܢܐ ܐܬܟܢܫܘܢ ܟܠܗܘܢ ܬܓܪ̈ܐ ܘܒܢ̈ܝ ܡܕܝܢܬܐ ܕܐܬܛܠܡܘܼ. ܘܢܚܼܬ ܨܝܕܘܗܝ ܕܡܘܣܐ ܒܪ ܡܘܨܥܒ. ܕܢܒܟܘܢ ܥܠ ܛܠܝܡܘܬܗܘܢ. ܐܠܐ ܛܥܼܘ ܘܢܦܼܩ ܡܢ ܗܘܢܗܘܢܼ. ܒܗܿܝ ܕܒܥܼܘ ܟܐܢܘܬܐ ܨܕܝ ܓܒܪܐ ܥܘܿܠܐ: ܘܐܦ ܣܒܼܪ ܕܗܠܝܢ ܠܘ ܡܢܗ ܐܼܬ̈ܝ ܥܠܝܗܘܬܢ. ܗܼܘ ܕܝܢ ܠܘ ܒܠܚܘܕ ܕܝܠܗܘܢ ܠܐ ܝܗܼܒ ܠܗܘܢܼ. ܐܠܐ ܐܦ ܪܓܙ ܥܠ ܥܡܠܐ ܗܿܘ: ܥܠ ܕܠܐ ܫܩܼܠ ܡܢܗܘܢ ܬܘܒ ܒܬ̈ܠܬܐ ܥܦ̈ܐ. ܘܗܼܘ ܕܝܢ ܒܪ ܡܘܨܥܒ ܢܚܼܬ ܨܝܕ ܡܿܠܟܐ ܠܒܓܕܕ. ܘܫܚܪ ܥܡܐ ܟܠܗ ܕܐܪܥ ܕܡܘܨܠ ܘܕܓܙܝܪܬܐ. ܘܢܚܼܬ ܒܬܪܗ ܨܝܕ ܡܿܠܟܐ. ܘܗܟܢ ܗܘܼܘ ܬܡܢ ܐܠܦ̈ܐ ܣܓܝ̈ܐܐ ܥܡ ܪ̈ܒܘܬܐ ܕܠܐ ܡܢܝܢ. ܟܕ ܡܝܠܝܢ ܘܒܟܝܢ ܩܕܡ ܡܿܠܟܐܼ. ܥܠ ܛܠܘܡܝܗܘܢ ܕܡܢ ܒܪ ܡܘܨܥܒܼ. ܝܬܝܪ ܡܢ ܚܡ̈ܫܐ ܘܫ̈ܬܐ ܝܪ̈ܚܝܢ. ܘܠܚܕ ܡܢܗܘܢ ܠܐ ܐܪܝܡ ܪܝܫܐ. ܐܠܐ ܢܦܼܠ ܒܗܘܢ ܟܐܒ ܟܪܣܐܼ݂ ܐܦ ܟܘ̈ܗܢܐ ܡܫܚ̈ܠܦܐܼ. ܘܠܐ ܣܠܼܩ ܦܠܓܗܘܢ ܡܢ ܬܡܢ. ܘܗܟܢܐ ܣܠܼܩ ܡܢ ܬܡܢ܆ ܟܕ ܠܐ ܣܥܼ ܡܕܡ܆ ܐܠܐ ܐܢ ܒܝܬܫܐ ܠܩܢܘܡܗܘܢ ܘܠܐܬܪ̈ܘܬܗܘܢ. ܡܿܠܟܐ ܥܘܿܠܐܼ. ܟܠܗܘܢ ܦܠܚܘ̈ܝ ܥܘ̈ܠܝܢ ܐܢܘܢ.

ܥܠ ܕܝܼܢ̈ܐ ܡܫܚ̈ܠܦܐ ܕܐܬܚܙܝ܆ ܘܣܒܠ ܒܢܝ̈ܢܫܐ ܒܗܢܐ ܙܡܢܐ܀ ܐܦܠܐ ܗܕܐ ܫܟܝܪܐ ܕܢܣܝܡܝܗܿ ܒܣܕܪܐ ܗܢܐ ܡܪܝܪܐ. ܟܒܪ ܢܚܙܘܢ ܒܢܝ̈ܢܫܐ ܕܐܿܬܝܢ ܒܬܪܢ. ܡܪܕܘܬܢ ܕܝܠܢ ܘܢܙܘܥܘܢ ܗܢܼܘܢ ܡܢ ܡܪܝܐ. ܟܬܝܒܼ. ܕܣܟܠܐ ܒܿܠܥ ܘܚܟܝܡܐ ܡܬܪܕܐ. ܗܐ ܡܘܟܠ ܐܢܐ

Page 314

ܠܥ ܠܗܡܐ ܗܢܐܼ ܡܪܪܐ. ܘܐܫܩܐ ܐܢܘܢ ܡܝ̈ܐ ܡܪ̈ܝܪܐ. ܘܐܒܕܪ ܐܢܘܢ ܒܥܡ̈ܡܐ ܕܠܐ ܝܼܕܥ ܐܢܘܢ. ܫܪܝܪܐܝܬ ܣܡ ܐܘܠܨܢܐ ܥܠ ܚ̈ܨܝܢ. ܒܝܕ ܫܒ̈ܛܐ ܕܡܚܘ̈ܬܐ ܣܓܝ̈ܐܬܐ ܘܕܛܥ̈ܝܢܢ ܡܘܬܐ. ܐܪܟܒ ܒܪܢܫܐ ܥܠ ܪܝܫܢ. ܥܠ ܚܨ̈ܝܢ ܢܓܕ ܢܓܕ̈ ܘܢܓܪ ܥܠܝܢ. ܐܬܼܘ ܥܠܝܢ ܐܬܘܪ̈ܝܐ ܫ̈ܒܛܐ ܕܪܘܓܙܐ: ܟܕ ܛܥܝܢܝܢ ܒܐܝܕ̈ܝܗܘܢܼ. ܘܚܘܛܪ̈ܐ ܩܫܝ̈ܐ ܕܡܚܘܬܗ ܕܡܪܝܐ ܒܐܝܕ̈ܝܗܘܢ. ܢܒ̈ܝܐܼ ܡܠܬܐ ܩܕܡܘ ܐܟܪܙܘ ܘܥܒܼܪ. ܚܢܢ ܚܼܙܝܢܢ ܒܥܝ̈ܢܝܢ. ܘܠܒܟܢ ܒܐܝܕ̈ܝܢ ܘܣܒܠܢ ܥܠ ܓܘܣܡܢ. ܘܡܢ ܗܫܐ ܠܘ ܫܡܥܐܼ ܐܠܐ ܓܫܬܐ܀ ܠܘܩܕܡ ܥܒܕ ܠܗܘܢ ܩܝ̈ܣܐ ܕܦܬܝܢ ܐܝܟ ܐܪ̈ܒܥ ܨܒ̈ܥܬܐ. ܘܕܫܦܝܢ ܡܢ ܬܪ̈ܝܢ ܓܒ̈ܘܗܝ. ܘܫܕܝܢ ܗܘܘ ܠܐܢܫ ܥܠ ܐܦ̈ܘܗܝ. ܘܝܬܒ ܚܕ ܥܠ ܪܝܫܗ ܘܚܕ ܥܠ ܪ̈ܓܘܗܝ. ܘܐܚܪܢܐ ܚܒܛ ܗܘܐ ܠܗ ܥܠ ܚܪ̈ܘܝܬܗ ܕܠܐ ܒܪ̈ܚܡܐ ܐܝܟ ܕܠܫ̈ܠܚܐ. ܘܫܠܡܬ ܗܿܝ ܕܣܼ ܡ ܐܘܠܨܢܐ ܥܠ ܚܨ̈ܝܢ. ܘܥܡ ܗܿܝ ܕܐܪܟܒܬ ܒܪܢܫܐ ܥܠ ܪܝܫܢ.. ܘܬܘܒ ܕܬܪ̈ܝܢ. ܡܝܬܝܢ ܗܘܘ ܚܘܛܪ̈ܐ ܬܪ̈ܝܢ܆ ܡܢ ܚܕ ܓܒܐ ܡܩܪܣܝܢ ܗܘܘ ܠܗܘܢ ܒܦܪ̈ܙܠܐܼ. ܘܪܡܝܢ ܗܘܘ ܠܗܘܢ ܥܠ ܫܩ̈ܘܗܝ ܕܐܢ̈ܫܐ. ܚܕ ܡܢ ܠܥܠܼ ܘܚܕ ܡܢ ܠܬܚܬ. ܘܥܠ ܗܿܘ ܪܝܫܐ ܐܚܪܝܢܐ ܩܿܐܡ ܓܒܪܐܼ. ܥܕܡܐ ܕܡܬܛܒܚ̈ܢ ܗܘ̈ܝ ܫܩ̈ܘܗܝ. ܘܫܠܡܬ ܗܿܝܼ ܕܣܡ ܒܣܕܐ ܪ̈ܓܠܝ.. ܘܕܬܠ̈ܬܐܼ. ܬܠܝܢ ܗܘܘ ܠܗܘܢ ܒܕܪ̈ܥܝܗܘܢ ܥܕܡܐ ܕܡܬܦܫܚܝܢ ܗܘܘ ܗܕ̈ܡܝܗܘܢܼ. ܘܐܦ ܠܢܫ̈ܐ ܒܒܙܝ̈ܗܝܢ: ܥܕܡܐ ܕܡܬܩܛܥܝܢ ܗܘܘ.. ܕܐܪ̈ܒܥܐܼ. ܡܫܠܚܝܢ ܗܘܘ ܠܗܘܢ ܘܡܛܥܢܝܢ ܗܘܘ ܠܗܘܢ ܟ̈ܐܦܐܼ ܟܕ ܓܗܢܝܢ. ܘܡܩܝܡܝܢ ܗܘܘ ܠܗܘܢ ܒܬܠܓܐ ܘܒܓܠܝܕܐ. ܘܐܦ ܪܡܝܢ ܗܘܘ ܥܠܝܗܘܢ ܡܝ̈ܐ ܩܪܝܪ̈ܐܼ. ܥܕܡܐ ܕܥܓܕܝܢ ܗܘܘ ܘܢܿܦܠܝܢ ܥܠ ܐܦ̈ܝܗܘܢ.. ܕܚܡ̈ܫܐܼ. ܥܒܼܕ ܠܗܘܢ ܩܝܣ̈ܐ ܚܡܫ̈ܐ. ܘܡܢ ܚܕ ܓܒܐ ܨܪܒܝܢ

Page 315

ܗܘܘ ܠܗܘܢ ܒܫܘܝܬܐܼ. ܘܡܥܠܝܢ ܗܘܘ ܨܒܥ̈ܬܗܘܢ ܕܒܢܝ̈ܢܫܼܐ ܒܝܢܬܗܘܢ. ܘܡܢ ܓܒܐ ܐܚܪܢܐܼ ܟܒܫܝܢ ܗܘܘ ܥܠܝܗܘܢܼ ܥܕܡܐ ܕܕܒܩܝܢ ܒܚܕܕ̈ܐ ܘܡܬܬܒܪ̈ܢ ܗܘ̈ܝ ܨܒܥ̈ܬܗܘܢ ܕܒܢܝ̈ܢܫܐ. ܘܥܒܕܝܢ ܐܦ ܕ̈ܦܐ ܬܪ̈ܝܢ܆ ܘܡܢ ܚܕ ܓܒܐ ܥܒܕܝܢ ܗܘܘ ܐܣܪܐ. ܘܡܬܣܡܝܢ ܗܘܘ ܚܕ ܠܬܚܬ ܡܢ ܚܨܗܼ ܘܚܕ ܥܠ ܚܕ̈ܝܗ. ܘܥܠ ܗܿܘ ܓܒܐܐܚܪܢ ܩܐܡ ܗܘܐ ܓܒܪܐܼ. ܥܕܡܐ ܕܬܬܒܪ̈ܢ ܗܘ̈ܝ ܐܠܥ̈ܘܗܝܼ ܘܩܪܒܝܢ ܗܘܘ ܡܥܘ̈ܬܗ ܠܡܦܩ. ܥܒܕܝܢ ܗܘܘ ܓܘ̈ܙܐܼ ܘܣܝܡܝܢ ܥܠ ܩܘܩ̈ܝܬܐ ܕܥܝܢܘ̈ܗܝܼ ܥܕܡܐ ܕܩܪ̈ܒܢ ܗܘ̈ܝ ܥܝܢ̈ܘܗܝ ܠܡܦܩ. ܡܩܝܡܝܢ ܗܘܘ ܠܗܘܢܼ ܟܕ ܫܡܝܛܝܢ ܘܫܠܝܚܝܢܼ ܒܬܠܓܐ ܘܒܡܝ̈ܐܼ. ܥܕܡܐ ܕܩܢܥܝܢ ܗܘܘ ܐܝܟ ܡܝܠܐ. ܥܒܕܝܢ ܗܘܘ ܚܘܛܪ̈ܐ ܥܒ̈ܝܐܼ. ܘܡܚܝܢ ܗܘܘ ܠܗܘܢ ܕܠܐ ܒܚܘܣܢܐ. ܟܕ ܫܕܝܢ ܥܠ ܐܦ̈ܝܗܘܢ. ܡܓ̈ܠܒܐ ܒܛܝ̈ܠܐ ܗܘܘ ܨܝܕܝܗܘܢ. ܐܦ ܚܒܘܫܝܐ ܠܐ ܐܬܒܥܝ. ܪܘܪ̈ܒܐ ܒܐܝܕ̈ܝܗܘܢ ܠܡ ܐܬܬܠܝܘܼ ܐܡܼܪ ܢܒܝܐ. ܢܐܬܐ ܢܚܘܐ ܗܪܟܐ ܠܪܘܪ̈ܒܢܐ ܟܕ ܬܠܼܝܢ. ܘܠܘ ܗܕܐ ܒܠܚܘܕ. ܐܠܐ ܬܠܝܢ ܒܝܬ ܐܪܥܐ ܠܫܡܝܐ. ܘܐܚܪ̈ܢܐ ܡܚܝܢ ܗܘܘ ܠܗܘܢ ܒܚܘܛܪ̈ܐ ܥܒ̈ܝܐ. ܘܐܚܪ̈ܢܐ ܪܡܝܢ ܨܦ̈ܘܦܐ ܒܪ̈ܓܠܝܗܘܢ. ܘܠܐ ܡܩܘܝܢ ܗܘܘ ܠܗܘܢ ܢܣܒܠܘܢ ܚܕ ܫܢܕܐܼ ܘܗܝܕܝܢ ܢܐܬܐ ܠܘܬ ܚܒܪܗ: ܐܠܐ ܟܕ ܡܚܪܩܝܢ ܗܘܘ ܫܢܝ̈ܗܘܢ ܘܛܪܦܝܢ ܐܝܕ̈ܝܗܘܢ ܥܠܝܗܘܢܼ. ܨܿܒܝܢ ܗܘܘ ܕܟܠܗܘܢ ܫܢܕ̈ܐ ܒܚܕܐ ܢܣܝܡܘܢ ܥܠ ܓܘܫܡ̈ܝܗܘܢ. ܫܕܝܢ ܗܘܘ ܠܗܘܢ ܟܕ ܫܠܝܚܝܢ ܥܠ ܬܠܓܐ. ܘܡܥܓܠܝܢ ܗܘܘ ܟܐܦ̈ܐ ܪܘܪ̈ܒܬܐܼ ܘܣܡܝܢ ܥܠ ܚܨ̈ܝܗܘܢܼ. ܥܕܡܐ ܕܦܩܥ̈ܢ ܟܪ̈ܣܬܗܘܢ ܘܡܬܬܒܪ̈ܢ ܐܠܥܝ̈ܗܘܢ ܘܚܘܡܪ̈ܐ

Page 316

ܕܨ̈ܝܗܘܢ. ܫܓܝܪ ܗܘܘ ܒܠܢܐܼ ܥܕܡܐ ܕܗܘܝܐ ܗܘܬ ܐܝܟ ܢܘܪܐܼ. ܘܡܠܝܢ ܗܘܘ ܠܗܿ ܬܢܢܐ: ܘܚܒܫܝܢ ܗܘܘ ܠܗܘܢ ܒܗܿ ܟܕ ܫܠܝܚܝܢ. ܘܐܦ ܡܝܬܝܢ ܗܘܘ ܬܘܒ ܩܛܘ̈ܢܐ ܘܫܕܝܢ ܒܝܢܬܝܗܘܢܼ. ܘܟܕ ܚܝܿܡ ܗܘܐ ܠܗܘܢ ܠܗܠܝܢ ܩܛܘ̈ܢܐܼ. ܡܣܒܟܝܢ ܗܘܘ ܥܠܝܗܘܢܼ ܘܡܦܝܕܝܢ ܗܘܘ ܓܘܫܡܝ̈ܗܘܢ ܒܛܦܪ̈ܝܗܘܢ. ܚܿܒܫܝܢ ܗܘܘ ܠܗܘܢ ܒܒ̈ܬܐ ܚܫܘܟ̈ܐܼ. ܕܠܐ ܥܿܐܠ ܗܘܐ ܙܗܪܐ ܕܢܘܗܪܐ ܣܟ ܠܚܕ ܡܢܗܘܢ. ܟܬܝܒ ܒܟܬܒܐܼ. ܕܐܦ ܡܚܘ̈ܬܐ ܐܝܠܝܢ ܕܠܐ ܟܬܝܒ̈ܢ ܒܟܬܒܐ ܗܢܐܼ ܐܝܬܐ ܐܢܝ̈ܢ ܥܠܝܟ. ܗܠܝܢ ܟܠܗܘܢ ܢܓܕ̈ܐ ܘܫܢܕ̈ܐ ܥܠ ܐܦ̈ܝ ܡܕܬܐ ܡܥܒܪܝܢ ܗܘܘ ܥܠ ܒܢܝ̈ܢܫܐ ܚܠܫ̈ܐ. ܘܐܠܘ ܚܒܝܟܐ ܠܐ ܐܝܬܘܗܝ ܪܕܘܦܝܐ ܗܢܐܼ ܕܚܠܝܛܝܢ ܗܘܘ ܒܗ ܟܪ̈ܛܣܝܢܐ ܘܚܢܦ̈ܐܼ ܝܗܘܕ̈ܝܐ ܘܫܡܪ̈ܝܐܼ ܣܓܕ̈ܝ ܠܢܘܪܐ ܘܠܫܡܫܐܼ ܡܓܘܫ̈ܐ ܥܡ ܡ̈ܫܠܡܢܐܼ ܚܪ̈ܢܝܐ ܘܡܢܝ̈ܢܝܐ: ܠܐ ܐܠܗ̈ܐ ܐܦܠܐ ܐܠܗ̈ܬܐ ܐܙܕܝܚ ܒܪܕܘܦܝܐ ܗܢܐ ܡܪܝܪܐ. ܐܦܠܐ ܥܠ ܗܝܡܢܘܬܐ ܐܝܬ ܗܘܐ ܕܡܿܚܼܐ ܫܡܐ ܕܣܓܕܬ ܬܝܡܢܐ ܥܡ ܕܓܪܒܝܐ ܒܛܠ. ܐܠܘ ܐܬܦܪܫܘ ܟܪ̈ܣܛܝܢܐ ܒܠܚܘܕ̈ܝܗܘܢ ܒܪܕܘܦܝܐ ܗܢܐܼ. ܣܓܝ ܐܝܬ ܗܘܐ ܠܝ ܐܩܠܣ ܠܣܗܕ̈ܘܬܐ ܕܒܝܘܡ̈ܝܢ܆ ܡܢ ܟܠܗܝܢ ܣܗܕ̈ܘܬܐ ܩܕ̈ܡܝܬܐ. ܡܛܠ ܕܢܝܚ ܡܘܬܐ ܩܠܝܠܐ ܕܣܝܦܐܼ ܡܢ ܫܢܕ̈ܐ ܢܓܝܪ̈ܐ ܕܠܐ ܡܘܦܝܢ. ܠܐ ܐܢܫ ܚܿܙܝܬܼ ܐܡܼܪ ܩܕܝܫܐ ܒܣܠܝܘܣܼ. ܕܡܬܕܒ ܪܠܒܝܬ ܐܣܝܪ̈ܐ ܡܛܠ ܡܣܟܢܘܬܗ ܐܘ ܠܢ̈ܓܕܐ. ܢܐܬܐ ܗܫܐ ܘܢܚܘܐ ܐܠܦ̈ܐ ܥܡ ܪ̈ܒܘܬܐ ܕܠܐ ܡܢܝܢܼ ܕܛܝ̈ܝܐ ܘܕܣܘܪ̈ܝܝܐܼ. ܕܚܝܒܝܢ ܘܕܠܐ ܚܝܒܝܢ܆ ܕܡܣܟ̈ܢܐ ܘܕܥܬܝܪ̈ܐܼ ܠܟܠܗܘܢ ܚܒܝܟܐܝܬ. ܟܣܐ ܕܪܪܐ ܘܡܟܘܠܬܐ ܕܡܪܪ̈ܐ ܠܟܠܢܫܐ ܒܚܕܐ ܫܘܝܘܬܐ ܡܙܝܓܐ ܗܘܬܼ. ܠܪܘܪ̈ܒܐ ܘܠܙܥܘܪ̈ܐܼ ܠܥܬܝܪ̈ܐ ܘܠܡܣܟܢ̈ܐܼ ܐܝܟ ܡܐ ܕܐܡܼܪ ܢܒܝܐ. ܥܬܝܪܐ ܐܟܿܠ ܗܘܐ ܡܪܪܐ ܟܠܝܘܡ. ܥܠ ܕܫܩܠܝܢ ܗܘܘ ܟܠ ܕܩܢܐ ܒܛܠܘܡܝܐ. ܘܡܬܒܪܝܢ

Page 317

ܗܘܘ ܓܪ̈ܡܘܗܝ ܒܡܚ̈ܘܬܐ. ܡܣܟܢܐܼ. ܥܠ ܕܬܒܥܝܢ ܗܘܘ ܠܗ ܡܕܡ ܕܠܐ ܩܢܐ. ܘܕܡܘܙܦ ܠܝܬ ܗܘܐܼ. ܐܦܠܐ ܕܬܒܥ ܦܥܠܐ ܠܚܩܠܗ ܐܘ ܠܟܪܡܗ. ܥܠ ܗܠܝܢ ܐܟܼܠ ܡܪܪܐܼ ܐܦ ܐܫܬܝ ܡܝ̈ܐ ܡܪ̈ܝܪܐ. ܘܝܗܼܒ ܠܡ ܒܡܟܘܠܬܐ ܡܪܪܐ.. ܠܐ ܐܢܫ ܐܚ̈ܝ ܢܣܒܪ ܥܠܝ ܕܝܬܝܪ̈ܬܐ ܣܝܡ ܠܝ ܗܪܟܐ. ܐܠܐ ܢܕܥ ܕܟܠܗܘܢ ܩܠܦ̈ܐܼ ܘܟܪ̈ܣܛܝܢܐ ܕܥܠܡܐܿ ܠܐ ܡܘܦܝܢ ܗܘܘ ܕܢܬܟ̈ܬܒܢ ܥܠܝܗܘܢ ܒܝܫ̈ܬܐ ܕܒܙܒܢܢ ܗܘ̈ܝ ܥܠ ܒܢܝ̈ܢܫܐ. ܐܦܠܐ ܢܥܕܘܠ ܥܠ ܚܣܝܪܘܬܐ: ܕܠܐ ܣܿܦܩܝܢܢ ܕܟܠܡܕܡ ܢܫܚܘܒܼ܆ ܘܐܦܠܐ ܗܢܘܢ ܢܓܕ̈ܐ ܒܚܕܐܡܕܝܢܬܐ ܐܬܚܙܝܘ.

ܥܠ ܨܗܘܢܐ ܘܟܦܢܐ ܕܗܘܼܐ ܒܗܿ ܒܫܢܬܐ ܗܕܐ. ܘܥܠ ܡܣܩܬܐ ܕܥܡܐ ܬܝܡܢܝܐ ܘܡܕܢܚܝܐ ܕܠܐܪܥܐ ܓܪܒܝܝܬܐ܀ ܢܒܝ̈ܐ ܒܟܠܙܢ ܩܪܝܢ ܠܢ ܐܝܟ ܫܦܘܪ̈ܐܼ ܘܡܟܪܙܝܢ ܒܐܕ̈ܢܝܢ ܒܕܡܘܬ ܩܪ̈ܢܬܐܼ. ܕܒܟܠܙܒܢ ܠܘܬ ܡܪܝܐ ܢܬܦܢܐ ܘܠܗ ܢܒܥܐ. ܘܚܢܢ ܒܕܡܘܬܐ ܕܟܐܦ̈ܐ ܝܩܪ ܠܒܢ ܥܠܝܢ ܘܥܡܨܢ ܥܝ̤̈ܝܢ. ܘܣܒܟܪܢ ܫܡ̈ܥܝܢ ܡܢ ܐܘܪ̈ܚܬܗ ܕܡܪܝܐ. ܟܕ ܡܗܠܟܝܢܢ ܒܨܒܝܢ ܢܦܫܢ܆ ܘܟܠܚܕ ܚܕܡܢܢ ܨܒܝ̈ܢܝ ܠܒܗ ܪܚܼܡ. ܘܠܐ ܗܘ ܢܝ̈ܚܘܗܝ ܕܡܪܝܐ. ܟܬܝܒ ܒܢܒܝܐܼ. ܕܗܟܢܐ ܐܡܿܪ ܡܪܝܐܼ. ܥܠ ܒܝܬܝ ܕܚܪܒ܆ ܘܐܢܬܘܢ ܪܗܛܝܢ ܐܢܬܘܢ ܐܢܫ ܠܒܝܬܗ: ܡܛܠܬܟܘܢ ܐܬܟܠܝܘ ܫܡܝܐ ܡܢ ܛܠܐ. ܘܐܪܥܐ ܟܠܬܼ ܦܐܪ̈ܝܗܿ. ܘܩܪܝܬ ܚܪܒܐ ܥܠ ܐܪܥܐܼ ܘܥܠ ܛܘܪ̈ܐܼ ܘܥܠ ܥܒܘܪܐܼ ܘܥܠ ܚܡܪܐܼ ܘܥܠ ܡܫܚܐܼ ܘܥܠ ܟܠܡܕܡ ܕܡܦܩܐ ܐܪܥܐ: ܘܥܠ ܒܢܝ̈ܢܫܐܼ ܘܥܠ ܒܥܝܪܐܼ ܘܥܠ ܟܠܗܿ ܠܐܘܬܐ ܕܐܝܕ̈ܝܟܘܢ. ܚܝܪܝܢ ܐܢܬܘܢ ܠܡ ܒܣܘܓܐܐܼ ܘܗܘܿܐ ܩܠܝܠ. ܡܥܠܝܬܘܢ ܠܓܘ ܒܝܬܐܼ. ܘܢܿܦܚ ܐܢܐ ܒܗ. ܙܪܥܿܝܬܘܢܼ. ܘܠܐ ܚܨܕܝܢ ܐܢܬܘܢ. ܗܠܝܢ ܟܠܗܝܢ ܐܬ̈ܝ ܥܠܝܢܼ ܒܗ ܒܗܿܘ ܙܒܢܐ ܡܪܝܪܐ. ܡܛܪܐ ܗܿܘ ܕܐܝܟ ܥܝܕܐ ܒܣܬܘܐ ܢܚܿܬ ܗܘܐܼ. ܐܬܟܠܝ ܡܢ ܫܡܝܐ. ܛܠܐ ܠܐ ܗܼܘܐ. ܘܙܪܥܐ

Page 318

ܟܠܗ ܠܐ ܝܥܼܐ. ܘܗܿܘ ܝܥܼܐ ܝܒܼܫܼ. ܝܬܝܪܐܝܬ ܒܐܪܥܐ ܬܝܡܢܝܬܐ ܘܡܕܢܚܝܬܐ ܘܒܟܠܗ ܡܕܒܪܐ. ܗܘܼܐ ܕܝܢ ܩܠܝܠ ܒܫܦܘ̈ܠܝ ܛܘܪܐ. ܘܗܟܢܐܢܦܩܝܢ ܗܘܘ ܟܠܗܘܢ ܥܡ̈ܡܐ ܠܒ̈ܥܘܬܐ: ܟܠ ܠܫܢܐ ܘܥܡܐ ܠܚܕ ܓܒܐܼ ܡܓܥܝܢ ܗܘܘ ܒܐܘܠܨܢܐ ܪܒܐ. ܡܛܠ ܕܟܕ ܚܼܙܘ ܒܢܝ̈ܢܫܐ ܕܐܬܚܣܟܘ ܡܛܪܐܼ. ܐܚܼܪ ܪ̈ܚܡܝܗܢܼ ܘܐܦܠܐ ܒܙܒܢܐ ܨܒܘ ܕܢܦܩܘܢ ܚ̈ܛܐ ܡܢ ܙܒܢܐ ܣܓܝܐܐܼ ܚܕܘ ܘܕܨ. ܗܠܝܢ ܕܠܘܬܗܘܢ ܡܙܥܩ ܢܒܝܐܼ ܟܕ ܐܡܿܪ: ܫܡܥܘ ܗܠܝܢ ܕܫܿܝܛܝܢ ܠܡܣ̈ܟܢܐ. ܘܡܒܛܠܝܢ ܠܒ̈ܝܫܝܗܿ ܕܐܪܥܐ. ܘܐܡܿܪܝܢܼ ܐܡܬܝ ܢܥܒܪ ܝܪܚܐܿ. ܘܢܙܒܢ ܥܒܘܪܐ. ܘܬܥܒܪ ܫܒܬܐܼ ܘܢܦܬܚ ܐܘܨܪ̈ܐ ܘܢܙܥܪ ܟܝ̈ܠܬܐ ܘܢܘܪܒ ܡܬܩ̈ܠܐ. ܘܢܙܒܢ ܠܡܣ̈ܟܢܐ ܘܠܒܝ̈ܫܐ ܚܠܦ ܡܫ̈ܝܐ. ܐܝܡܐ ܡܪܝܐ ܬܩܝܦܗ ܕܝܥܘܒܼ ܕܠܐ ܐܛܿܥܐ ܠܥܠܡ ܥܒܿܕ̈ܝܗܘܢ. ܘܬܘܒܼ ܐܗܦܟ ܥܕܥܕ̈ܝܗܘܢ ܠܐܒܠܐܼ. ܘܟܠܗܝܢ ܙܡܝܪ̈ܬܗܘܢ ܠܐܘ̈ܠܝܬܐ.. ܟܕ ܕܝܢ ܝܼܕܥ ܡܪ̈ܝ ܥܒܘܪܐ ܕܠܒܟܬ ܫܡܝܐܼ. ܚܼܨ ܐܝܕ̈ܝܗܘܢܼ. ܘܠܐ ܙܒܿܢ ܚ̈ܛܐ. ܟܕ ܡܣܟܝܢ ܕܢܚܬܢܼ. ܘܐܬܠܨܘܢ ܒܢܝ̈ܢܫܐ. ܘܦܩܼܕ ܫܘܠܛܢܐܼ. ܕܟܠ ܥܡܐ ܐܘ ܠܫܢܐ ܢܦܘܩ ܒܒܥܘܬܐ. ܟܒܪ ܨܒܿܐ ܡܪܝܐ ܘܡܪܚܡ ܥܠܝܢܼ ܘܦܿܬܚ ܠܢ ܬܪܥܐ ܕܪ̈ܚܡܘܗܝ. ܘܗܟܢܐ ܢܦܿܩܝܢ ܗܘܘ ܟܪ̈ܣܛܝܢܐܼ ܟܕ ܐܦܝܣܩܦܝ̈ܗܘܢ ܒܪ̈ܝܫܝܗܘܢ. ܘܝܗܘܕ̈ܝܐ ܒܫܝܦܘܪ̈ܝܗܘܢ. ܘܛܝ̈ܝܐ ܗܟܢܐ. ܘܨܒܼܐ ܡܪܝܐܼ ܘܐܬܪܚܡ ܥܠܝܢ. ܘܗܼܘܐ ܒܕܘ̈ܟܝܢ ܕ̈ܘܟܝܢ ܡܛܪܐ ܘܙܪܥܐ. ܐܝܟܢܐ ܕܐܐܡܼܪ ܢܒܝܐ ܥܡܘܣܼ. ܐܦ ܐܢܐ ܟܿܠܝܬ ܡܢܟܘܢ

Page 319

ܡܛܪܐ ܩܕܡ ܬܠ̈ܬܐ ܝܪ̈ܚܝܢ ܕܚܨܕܐ. ܐܦ ܐܚܬ ܥܠ ܡܕܝܢܬܐ ܚܕܐܼ ܘܥܠ ܚܕܐ ܠܐ. ܘܥܠ ܦܠܓܘܬܐ ܚܕܐ ܢܚܘܬ ܥܠܝܗܿ ܡܛܪܐ. ܘܡܢܬܐ ܕܠܐ ܢܚܘܬ ܥܠܝܗܿ ܡܛܪܐ ܕܬܒܫ. ܘܢܬܟܢ̈ܫܢ ܬܪ̈ܬܝܢ ܬܠ̈ܬܝ ܡܕ̈ܝܢܢ ܠܡܕܝܢܬܐ ܚܕܐ܀ ܒܡܘܨܠ ܕܝܢ ܟܕ ܪܘܓܙܐܗܢܐ ܐܕܪܟܗܿ: ܘܙܪܥܗܿ ܟܠܗ ܝܒܫ: ܘܡܕܢܚܐ ܘܬܝܡܢܐ. ܘܒܝܕ ܬܘܒ ܕܚܪܘܒܝܢ ܗܘܘ ܡܢ ܥܠܼܬ ܒܝܫܬܗ ܕܒܪ ܡܘܨܥܒܼ. ܫܚܪܘܢ ܟܠܗܘܢ ܐܬܪ̈ܘܬܐ ܗܠܝܢ ܘܣܡܟܘ ܥܠ ܐܪܥܐ ܗܕܐ ܕܓܪܒܝܐ. ܘܣܠܩܘܢ ܟܠܗܘܢ ܬܓܠ̈ܒܝܐ ܘܡܥܕ̈ܝܐܼ. ܒܥܢܗܘܢ ܘܒܓܡ̈ܠܝܗܘܢ ܘܒܢܫܘܬܗܘܢܼ ܥܡ ܟܠܗܿ ܐܝܩܪܬܗܘܢ. ܘܡܠܘܗܿ ܠܐܪܥܼܐ ܘܐܚܪܒܗܿ ܥܕܡܐ ܕܠܐ ܐܫܬܚܪ ܡܕܡ ܠܪܥܝܐ ܕܩܢܝܢܐܼ. ܐܠܐܐܝܟ ܡܐ ܕܟܢܝܫܐ ܗܘܬܼ ܗܼܝ ܐܪܥܐ ܒܡܟܢܝܫܬܐ. ܘܡܢ ܥܠܼܬܐ ܗܕܐܼ ܣܦܘ ܩܢܝܢܐ ܟܠܗ ܕܓܪܒܝܐ ܒܣܬܘܐ ܕܗܘܼܐ ܒܬܪܟܢ. ܚܪ̈ܒܢ ܐܪ̈ܥܬܐ ܘܡܕ̈ܝܢܬܐ܀ ܒܡܘܨܠ ܗܠܝܢ. ܒܝܬ ܓܪ̈ܡܝ ܘܚܙܐ ܐܪ̈ܥܬܐ ܘܡܕ̈ܝܢܬܐ܀ ܒܡܘܨܠ ܗܠܝܢ. ܒܝܬ ܓܪ̈ܡܝ ܘܚܙܐ ܘܡܪܓܐ ܘܟܢܝܫܒܘܪ ܘܕܣܝܢ ܘܩܘܡ ܘܣܠܚܼ ܥܡ ܐܚܪ̈ܢܝܬܐ ܣܓܝ̈ܐܬܐ: ܕܫܚܪ ܟܠܗ ܥܡܗܘܢ ܝ̈ܬܒܝ ܩܘܪ̈ܝܣ ܘܣܠܼܩܘ ܠܐܬܪ̈ܘܬܐ ܓܪ̈ܒܝܝܐܼ. ܥܕܡܐ ܕܠܝܬ ܗܘܐ ܐܬܪܐ ܠܒܢܝ̈ܢܫܐ ܢܗܠܟܘܢ ܒܡܕ̈ܝܢܬܐ ܘܒܩܘܪ̈ܝܣ ܡܢܗܘܢ. ܐܦ ܩܪܝܒ ܗܘܐ ܕܢܥܒܕܘܢ ܟܦܢܐ ܡܢ ܣܓܝܘܬܗܘܢ. ܟܕ ܐܦ ܫܠܡܬܼ ܥܠܝܗܘܢ ܗܝܿ ܕܟܬܝܒܐ: ܕܐܫܕܪ ܒܬܪܗܘܢ ܟܦܢܐ ܘܫܒܝܐ ܘܡܘܬܢܐ. ܟܠܗܝܢ ܗܠܝܢ ܐ̈ܬܝ ܥܡܗܘܢ ܘܒܬܪܗܘܢ. ܗܿܝ ܕܒܙܒܢܗܿ ܐܦ ܠܗܿ ܡܫܬܥܝܢܢ ܥܠܝܗܿ ܕܒܝܫܬܐ ܕܐܕܪܟܬ ܐܢܘܢ ܒܝܕ ܟܘܗܪܢܐ ܘܫܒܝܐ ܘܕܡܘܬܢܐ ܕܐܬܼܐ ܥܠܝܗܘܢ.

ܫܢܬ ܐܠܦܐ ܘܬܡܢܝܢ ܘܐܪܒܥ: ܡܝܬ ܩܕܝܫܐ ܦܘܠܘܣ ܐܦܝܣܩܦܐ ܕܬܓܪܝܬ. ܘܙܟܝ ܕܟܪܡܐܼ ܘܝܘܢܢ ܕܒܝܢܘܗܕܪܐ. ܘܡܛܠ ܫܚܩܐ ܗܿܘ ܕܠܘܬ ܕܘܝܕ: ܠܐ

Page 320

ܩܒܠܘ ܡܢܗ ܕܢܗܘܘܢ ܚܠܦܝܗܘܢ. ܘܗܟܢܐ ܦܼܫ ܕܠܐ ܐܦܝܣܩܦܐ. ܟܕ ܡܣܟܝܢ ܗܘܘ ܠܡܦܩܬܗ ܕܓܝܘܪܓܝ ܕܡܢ ܒܝܬ ܐܣܝܪ̈ܐ܀ ܘܒܗܿ ܒܫܢܬܐܼ. ܦܩܼܕ ܡܠܟܐܼ ܕܢܗܘܐ ܫܘܪܐ ܠܥܩܘܠܐ. ܗܢܐ ܕܝܢ ܨܢܝܥ ܠܒܝܫ̈ܬܐ ܢܦܠ ܒܪܚܡܬܐ ܕܕܗܒܐ. ܥܩܪܐ ܠܡ ܕܟܠܗܝܢ ܒܝ̈ܫܬܐ ܪܚܡܬ ܟܣܦܐ. ܗܢܐ ܠܐ ܣܦܼܩ ܠܗ ܒܢܝ̈ܢܫܐ ܘܟܪ̈ܡܐ ܘܐܪ̈ܥܬܐ ܘܚܝܘܬܐ ܘܒܥܝܪܐ: ܘܛܘܪ̈ܐ ܕܢܿܣܟܝܢ ܕܗܒܐ ܘܣܐܡܐ ܘܝܗܒܝܢ ܠܗ. ܐܠܐ ܒܟܠܙܒܢ ܒܨܢܥ̈ܬܐ ܡܗܠܟ ܗܘܐ ܠܘܬ ܟܠܗܘܢ ܒܢܝ̈ܢܫܐܼ. ܝܬܝܪܐܝܬ ܕܠܐ ܢܦܘܩ ܙܘܙܐܿ ܡܢ ܨܝܕܘܗܝ. ܟܕ ܦܩܼܕ ܕܢܬܒܢܐ ܫܘܪܐ ܕܥܩܘܠܐܼ. ܐܨܛܢܥ ܠ̈ܝܬܒܝ ܥܩܘܠܐ. ܘܫܕܪ ܓܒܪ̈ܐ ܡܢ ܕܝܠܗܼ. ܘܦܩܼܕ ܐܢܘܢ ܕܢܡܫܚܘܢ ܒܝܬܐ ܕܟܠܚܕ ܚܕ ܡܢܗܘܢܼ݂ ܐܘܪܟܗ ܘܦܬܝܗ ܘܐܦ ܪܘܡܗ: ܘܗܟܢܐ ܢܦܘܩ ܡܪܗ ܕܒܝܬܐܼ ܘܢܒܢܐ ܒܫܘܪܐܿ ܐܘܪܚܐ ܘܦܬܝܐ ܘܐܦ ܪܘܡܐ. ܟܕ ܟܠܗܿ ܢܦܩܬܐ ܡܢܗ ܕܡܪܐ ܒܝܬܐ ܬܗܘܐ. ܘܗܟܢܐ ܐܟܪܟ ܫܘܪܐ ܪܒܐ ܘܥܫܝܢܐܼ ܠܟܠܗܿ ܥܩܘܠܐܼ. ܟܕ ܠܐ ܝܗܼܒ ܗܼܘܐ ܒܗ ܦܘܠܣܐ ܚܕ

ܥܠ ܒܝ̈ܫܬܐ ܕܣܥܼ ܒܢܝ̈ܢܫܐ ܒܩܒܪ̈ܐ: ܘܗܼܦܟ ܘܕܪܘ ܓܪ̈ܡܝܗܘܢ ܥܠ ܐܦ̈ܝ ܐܪܥܐ܀ ܟܕ ܕܝܢ ܣ̈ܓܼܝ ܒܝ̈ܫܬܐܼ ܘܢܩܼ ܚܐܕ ܠܚܕܐ܆ ܘܐܦ ܓܦܐ ܠܓܦܐ ܛܪ̈ܦܝܢ ܘܝܗ̈ܒܝܢ ܐܝܕܐ ܠܐܝܕܐ: ܘܥܼܫܢ ܐܘܠܨܢܐ ܥܠ ܒܢܝ̈ܢܫܐ ܠܐ ܡܫܘܚܬܐ: ܘܐܙܕܒܿܢ ܡܐ ܕܩܼܢܝܢ ܒܢܝ̈ܢܫܐ ܠܐ ܡܫܘܚܬܐ: ܘܐܙܕܒܿܢ ܡܐ ܕܩܼܢܝܢ ܒܢܝ̈ܢܫܐ ܘܐܫܬܩܠ. ܘܠܐ ܝܼ݊ܥ ܡܢܐ ܢܥܒܕܗܘܢ: ܒܝܕ ܗܿܘ ܕܪܕܦܝܢ ܗܘܘ ܠܗܘܢ ܕܐܦ ܡܕܡ ܕܠܐ ܩܢܼܘ ܐܒܗܝ̈ܗܘܢ ܐܘ ܗܼܢܘܢ ܢܐܝܬܘܢ ܘܢܬܠܘܢ ܠܗܘܢ. ܘܟܕ ܗܢܐ ܐܘܠܨܢܐ ܡܬܼܚ ܢܦܫܗ ܥܠ ܟܠܗܘܢܝ ܝܠܝܕ̈ܐ: ܘܦ ܚܝܘ̈ܬܐ ܘܦܪ̈ܚܬܐ ܘܢ̈ܘܢܐ ܕܒܝܡܐܼ. ܣܥܼܘ ܒܢܝ̈ܢܫܐ ܡܢ ܣܓܝܘܬ ܥܘܼܠܐ ܕܪ̈ܝܫܢܐܼ ܕܐܦ ܗܼܢܘܢ ܢܐܬܘܢ ܠܘܬ

Page 321

ܪܘܫܥܐ ܪܒܐ ܘܩܫܝܐ. ܘܢܦܼܠ ܒܩܒܪ̈ܐ ܐܝܠܝܢ ܕܡܢ ܙܒܢܐ ܣܓܝܐܐ ܐܝܬ ܠܗܘܢ ܕܫܟܝܒܝܢ. ܘܗܦܼܟ ܐܢܘܢ. ܘܐܙܝܥ ܘܐܦܩ ܐܢܘܢ ܠܓܪ̈ܡܝܗܘܢ ܡܢ ܕܘܟܬܗܘܢܼ. ܘܕܪܘ ܐܢܘܢ ܐܝܟ ܙܒܠܐ ܥܠ ܐܦ̈ܝ ܐܪܥܐ.. ܘܗܿܘ ܡܕܡ ܕܡܢ ܪܘܚܩܐ ܫܡܿܥܝܢ ܗܘܿܝܢ ܥܠܘܗܝܼ. ܡܼܛܐ ܥܕܡܐ ܠܘܬܢ. ܒܥ̈ܝܢܝܢ ܗܫܐ ܚܿܙܝܢܢܼ ܘܠܘ ܒܫܼܡܥܐ. ܕܐܝܠܝܢ ܕܡܢ ܩܕܡ ܡܬܝܬܗ ܕܡܫܝܚܐ ܠܗܘܢ ܕܫܟܝܒܼܝܢ ܒܓܘ ܩܒܪ̈ܐ ܘܡܢܝܚܝܢ: ܙܪܩܼ ܐܢܘܢ ܒܢܝ̈ܢܫܐ ܥܠ ܐܦ̈ܝ ܐܪܥܐ. ܟܕ ܪܗܛܝܢ ܕܢܣܒܘܢ ܡܢܗܘܢ ܕܗܒܐ ܐܦ ܣܐܡܐ. ܘܗܟܢܐܗܿܦܟܝܢ ܗܘܘ ܩܒܪ̈ܐ: ܕܐܝܬ ܗܘܐ ܒܚܕ ܚܕ ܡܢܗܘܢ ܝܬܝܪ ܡܢ ܚܡܫ̈ܡܐܐ ܫܠ̈ܕܐܼ ܘܫܿܕܝܢ ܗܘܘ ܓܝܪ̈ܡܝܗܘܢ ܠܒܪ. ܘܐܦ ܕܘܟܝ̈ܬܐ ܣܓܝ̈ܐܬܐ ܕܐܝܬ ܗܘܐ ܒܗܝܢ. ܩܒܪ̈ܐ ܕܩܕ̈ܡܝܐܼ. ܘܥܒܝܪܐ ܗܘܬ ܥܠܝܗܘܢ ܐܪܥܐܼ ܘܠܐ ܝܕܝܥܝܢ ܗܘܘ: ܒܼܿܕܩ ܐܢܘܢ ܠܗܘܢ ܣܛܢܐ. ܘܗܟܢܐ ܚܦܼܪ ܘܐܣܩ ܘܕܪܘ ܓܪ̈ܡܝܗܘܢ ܡܢ ܕܘܟܝ̈ܬܗܘܢ. ܟܕ ܐܦ ܐܢܫ̈ܐ ܣܒ̈ܐ ܕܐܬܝܠܕ ܒܗܠܝܢ ܕܘܟܝ̈ܬܐ ܐܡܪܝܢ ܗܘܘ ܥܡ ܡܘ̈ܡܬܐ: ܕܠܐ ܡܢ ܐܒܗ̈ܝܢ ܐܦ ܠܐ ܚܢܢ ܫܡܥܢ ܐܘ ܝܕܥܢ ܕܐܝܬ ܩܒܪ̈ܐ ܒܗܠܝܢ ܕܘܟܝ̈ܬܐ ܐܡܪܝܢ ܗܘܘ ܥܡ ܡܘ̈ܡܬܐ: ܕܠܐ ܡܢ ܐܒܗ̈ܝܢ ܐܦ ܠܐ ܚܢܢ ܫܡܥܢ ܐܘ ܝܕܥܢ ܕܐܝܬ ܩܒܪ̈ܐ ܒܗܠܝܢ ܕܘܟܝ̈ܬܐ. ܟܕ ܡܘܕܥܐ ܗܘܬ ܗܕܐ ܠܦܪ̈ܘܫܐ ܕܣܛܢܐ ܢܓܿܕ ܗܘܐ ܠܒܢܝ̈ܢܫܐܼ. ܘܡܩܿܝܡ ܗܘܐ ܠܗܘܢ ܠܒܢܝ̈ܢܫܐ ܥܠܝܗܘܢ. ܘܐܦ ܗܼܘ ܣܛܢܐ ܙܪܥ ܡܠܬܐ ܒܟܠܕܘܟܼ݂ ܕܦܠܢܝܬ ܩܪܝܬܐ ܒܙܦܠܢ ܐܠܦܝ̈ܐ ܡܿܠܐ ܡܣܩ ܠܗܘܢ ܕܗܒܐ ܐܦ ܣܐܡܐܼ. ܘܦܠܢ ܙܦܠܢ ܐܫܟܚ ܚܫ̈ܠܬܐ. ܐܝܟ ܡܢ ܕܢܪܗܛ ܐܢܘܢ ܠܟܠܗܘܢ ܥܠ ܫܘܪܥܐ ܗܢܐ. ܗܕܐ ܠܐ ܛܥܝܐ ܠܚܟܝ̈ܡܐܼ ܕܩܒܪܐ ܕܐܝܬ ܒܗ ܐܠܦ ܒܢܝ̈ܢܫܐܼ. ܕܠܐ ܢܫܬܟܚ ܕܥܠܝܠ ܠܗ ܥܡ ܚܕ ܚܕ ܡܢܗܘܢܼ. ܐܘ ܡܢ ܥܠܬ ܡܘܬܢܐ ܣܓܝܐܐܼ ܐܘ ܡܢ ܠܐ ܝܕܥܬܐ ܕܩܒܘܪ̈ܐܼ ܩܠܒܐ ܐܘ ܩܕܫܐ ܐܘ ܙܘ̈ܙܐ ܒܚ̈ܨܝ ܓܒܪܐ. ܡܢ ܐܠܦܐ ܩܠܝܠ ܡܢ ܣܓܿܝ ܡܫܬܟܚܘ ܡܫܬܟܚ. ܟܕ ܐܦ ܓܕܫܐܼ. ܘܡܫܬܟܚ ܩܠܒܐ

Page 322

ܕܢܚܫܐܼ ܥܒܕܗ ܣܛܝܢܐ ܕܕܗܒܐ. ܘܠܘ ܙܥܘܪܐܼ ܐܠܐ ܪܒܐ ܘܕܬܕܡܪ̈ܬܐܼ ܘܐܟܪܙܗ ܒܐܪܥܐ. ܘܗܟܢܐ ܘܐܢ ܕܦܪܙܠܐܼ ܕܣܐܡܐ. ܐܝܟ ܡܢ ܕܟܠܢܫ ܢܚܒܘܨ ܥܠ ܗܦܘܟܝܐ ܕܩܒܪ̈ܐ.. ܘܒܗܠܝܢ ܟܠܗܘܢ ܐܘ̈ܠܨܢܐ ܐܠܝܢ ܕܣܒܼܠ ܒܢܝ̈ܢܫܐܼ. ܘܚܝ̈ܘܬܐ ܕܕܒܪܐܼ ܘܦܪ̈ܚܬܐ ܕܫܡܝܐܼ ܘܢܘ̈ܢܐ ܕܒܝܡܐܼ ܘܐܝ̈ܠܢܐ ܘܟܠ ܕܥܠ ܐܪܥܐܼ݂ ܘܐܦ ܐܝܠܝܢ ܕܠܬܚܬ ܡܢ ܐܪܥܐܼ. ܠܐ ܦܼܟ ܪܘܓܙܗ ܕܡܪܝܐ ܡܢܢ. ܐܠܐ ܘܬܘܒܼ ܐܝܕܗ ܪܡܐ.܀ ܒܗܿ ܒܗܕܐ ܫܢܬܐܼ. ܗܘܼܐ ܥܠܘܗܝ ܢܼܟܠܐ ܥܠ ܦܛܪܝܩ ܕܐܪܡܢܝ ܪܒܬܐܼ ܘܩܛܠܘܗܝ ܒܚܪܒܐ. ܥܠ ܗܢܐ ܐܡܿܪܐ ܡܠܬܐ: ܕܝܬܝܪ ܡܢ ܡ̈ܐܐ ܐܠܦܝ̈ܐ ܐܝܬ ܗܘܼܐ ܠܗ ܥܼܒ̈ܕܐ. ܘܗܟܢܐ ܐܫܬܩܠ ܟܠܗ ܥܒܿܕܗܼ ܘܐܚܬܘܗܝ ܠܘܬ ܡܿܠܟܐ.

ܥܠ ܒܝ̈ܫܬܐ ܕܣ̈ܓܝ ܒܥܠܡܐ ܒܝܕ ܣܗܕܘ̈ܬܐ ܕܫܘܩܪܐ. ܘܥܠ ܕܓܠܘܬܐ. ܘܥܠ ܝܙܘ̈ܦܐ ܘܡܘ̈ܙܦܢܐ. ܘܥܠ ܡܟܠܩܪܨܐ. ܘܥܠ ܡܪܚܡܢܘܬܗ ܕܐܠܗܐ ܕܛܥܝܢܐ ܘܡܣܝܒܪܐ ܥܝ̈ܛܝܢ܀ ܠܐ ܡ̈ܣܠܝܢ ܐܦ ܗܠܝܢ ܕܢܣܝܡ ܐܢܝ̈ܢ ܒܣܕܪܐ ܗܢܐ ܡܪܝܪܐ. ܟܕ ܚܿܙܝܢ ܗܠܝܢ ܕܡܢ ܒܬܪܢ ܬܘܩ̈ܠܬܐ ܣܓܝ̈ܐܬܐܼ ܕܡܬܬܩܠ ܠܢ ܒܗܝܢ܆ ܘܐܦ ܐܝܠܝܢ ܐܘ̈ܠܨܢܐ ܣܒܠܢ ܡܢ ܥܠܬ ܒܝܫܘܬܢܼ. ܟܒܪ ܡܣܛܝܢ ܗܢܘܢ ܡܢܗܝܢ ܘܠܐ ܐܙܠܝܢ ܒܬܘܫܐ ܕܠܐ ܕܪܝܫ ܐܟܘܬܢ܇ ܘܟܪ̈ܟܢ ܠܗܘܢ ܚܝ̈ܘܬܐ ܚܒ̈ܠܬܐ ܐܝܟ ܡܐ ܕܠܢ. ܠܐ ܗܘܼܐ ܥܠ ܕܣܢܝܩ ܗܘܐ ܐܠܗܐ ܥܠ ܡܪܚܡܢܘܬܐ ܕܡܢ ܐܒܪܗܡܼ. ܥܼܠܐ ܠܗ ܥܠ ܚܛܗ̈ܐ ܗܠܝܢ ܕܦܠܚܿܝܢ ܗܘܘ ܣܕܘ̈ܡܝܐ ܒܐܟܣ̈ܢܝܐ ܥܒܪ̈ܝ ܐܘܪܚܐ: ܐܠܐ ܕܢܚܘܐ ܠܒܢ̈ܘܗܝ ܥ̈ܠܠܬܐ ܒܝ̈ܫܬܐ ܗܠܝܢ ܕܡܪ̈ܓܙܢ ܠܐܠܗܐ. ܘܡܝ̈ܬܝܢ ܪܘܓܙܐ ܥܠ ܥܒܘܕ̈ܝܗܝܢ. ܟܬܝܒܼ ܒܟܬܒܐ ܕܐܘܪܝܬܐ: ܕܡܟܣܐ ܐܢܐ ܡܢ ܥܒܼܕܝ ܐܒܪܗܡ: ܡܕܡ ܕܥܿܒܕ ܐܢܐ. ܘܬܘܒܼ ܡܛܠ ܕܝܿܕܥ ܐܢܐ ܠܗܼ ܕܡܦܩܕ ܠܒܢ̈ܘܗܝ ܘܠܒܢ̈ܝ ܒܢ̈ܘܗܝ

Page 323

ܕܢܛܪܘܢ ܐܘܪ̈ܚܬܗ ܕܡܪܝܐ ܡܢ ܒܬܪܗ: ܘܢܥܒܕܘܢ ܕܝܢܼܐ ܘܙܕܝܩܘܬܐ. ܓܥܬܐ ܠܡ ܕܣܕܘܡ ܘܕܥܡܘܪܐ ܥܠܬ ܩܕܡܝ: ܘܚܛܗ̈ܝܗܘܢ ܛܒ ܥܫܼܢ. ܕܠܡܐ ܥܠ ܕܢܥܒܕ ܪ̈ܚܡܐ ܐܒܪܗܡ ܥܠ ܣܕܘܡ܆ ܚܘܝ ܠܗ ܐܠܗܐ ܚܛܗ̈ܝܗܘܢܼ. ܐܠܐ ܕܢܣܝܡ ܐܢܘܢ ܩܕܡ ܒܢܘ̈ܗܝ ܐܡܝܢܐܝܬ ܟܕ ܐܡܿܪ ܕܡܢ ܗܠܝܢ ܒܪܘ. ܐܝܟܢܐ ܕܐܦ ܕܘܝܕ ܐܡܼܪ ܠܘܬ ܒܪܗ: ܕܥ ܠܐܠܗܐ ܕܐܒܗ̈ܝܟ ܘܦܠܘܚ ܠܗ ܥܒܕܘܬܐ. ܘܐܢ ܫܒܼܩܬ ܠܗ ܢܫܒܩܟ ܠܓܡܪ.. ܗܿܝ ܕܠܘܬܢ ܓܕܫܬ. ܕܟܕ ܢܦܩܢܢ ܡܢܐܘܪܚܐ ܕܟܐܢܘܬܐܼ ܠܐ ܐܢܫ ܐܪܓܫ. ܟܕ ܕܝܢ ܐܪܦܝ ܐܠܗܐ ܐܝܕܐ ܒܢ ܐܪܓܫܝܢ ܥܡܢ ܟܠܗܝܢ ܒܪ̈ܝܬܐ: ܘܚܝܘܬܐ ܘܒܥܝܪܐܼ ܘܢܘ̈ܢܐ ܕܒܝܡܐ ܘܦܪܚܬܐ ܕܫܡܝܐܼ. ܘܐܦ ܡܝ̈ܬܐ ܕܒܩܒܪ̈ܐ. ܘܐܦ ܟܐܦ̈ܐ ܘܩܝ̈ܣܐ ܚܫܘ ܥܡܢ܀ ܟܬܝܒܼ ܕܪܚܡ ܠܡܪܝܐ ܐܠܗܐ ܡܢ ܟܠܗ ܠܒܟ ܘܡܢ ܟܠܗܿ ܢܦܫܟ: ܘܠܩܪܝܒܐ ܐܝܟ ܢܦܫܟ. ܒܗܠܝܢ ܬܪ̈ܝܢ ܦܘܩ̈ܕܢܐ܆ ܗܠܝܢ ܕܬܠܝܐ ܒܗܘܢ ܐܘܪܝܬܐ ܘܢܒܝ̈ܐܼ. ܥܡ ܟܠܗ ܚܝܠܐ ܕܩܢܝܐ ܚܕܬܐ: ܚܢܢ ܠܩܘܒܠܗܘܢ ܗܘܼܢ ܒܟܠܗܘܢ ܗܘ̈ܦܟܝܢ. ܘܬܘܒܼ. ܠܐ ܬܩܛܘܠ.. ܠܐ ܬܓܢܘܒ.. ܠܐ ܬܣܗܕ ܣܗܕܘܬܐ ܕܫܘܩܪܐ.. ܝܩܪ ܠܐܒܘܟ ܘܠܐܡܟ.. ܠܐ ܬܪܓ ܡܕܡ ܡܢ ܕܚܒܪܟ.. ܠܐ ܬܬܠ ܟܣܦܟ ܒܪܒܝܬܐ.. ܠܐ ܬܣܒ ܫܘܚܕܐ ܕܡܥܘܪ ܥܝܢ̈ܝܗܘܢ ܕܚܟܝ̈ܡܐ.. ܠܐ ܬܘܫܛ ܐܝܕܟ ܥܡ ܚܝܒܐ ܠܡܗܘܐ ܠܗ ܣܗܕܐ ܟܕܒܐ.. ܠܐ ܬܨܠܐ ܕܝܢܼܐ ܕܡܣܟܢܐ.. ܠܐ ܬܓܘܪ.. ܗܠܝܢ ܟܠܗܝܢ ܠܘ ܒܠܚܘܕ ܡܫܡܥ ܐܕܢܐ ܐܼܬ̈ܝ ܠܢ: ܐܠܐ ܚܢܢ ܒܩܢܘܡܢ ܡܫܡܠܝܐܝܬ ܣܥܪܢ ܐܢܝ̈ܢ. ܘܡܛܠ ܕܠܐ ܢܬܥܕܠܘܢ ܒܢܝ̈ܢܫܐ ܥܠ ܐܠܗܐܼ. ܡܛܠ ܗܠܝܢ ܐܘܠܨ̈ܢܐ ܕܐܘ ܥܠܝܢ: ܢܕܥ ܕܐܦ ܠܐ ܐܝܟ ܚܛܗ̈ܝܢ ܥܒܼܕ ܠܢ܇ ܘܢܩܿܠܣ ܠܪ̈ܚܡܘܗܝ ܗܠܝܢ ܕܠܐ ܡܬܡܫܚܝܢ ܐܘ ܡܬܬܟܠܝܢ܆ ܕܛܥܝܢ ܘܡܣܝܒܪ ܥܝ̈ܛܢ ܘܼܒܝ̈ܫܬܐ ܕܥܒܼܕ ܐܝܕ̈ܝܢ܆ ܗܠܝܢ ܕܡܛܘܬܠܗܘܢ ܐܬܿܐ ܪܘܓܙܐ ܥܠ ܒܢ̈ܝܐ ܗܠܝܢ ܕܠܐ

Page 324

ܡܬܬܦܝܣܝܢ.. ܐܝܠܝܢ ܚܛܗ̈ܐ ܗܘܼܘ ܒܥܠܡܐ: ܕܠܐ ܗܘܐ ܨܝܕܝܢ ܐܫܬܟܚ. ܐܢ ܕܪܪܐ ܕܒܝܬ ܩܐܝܢ܆ ܗܐ ܨܝܕܝܢ. ܣܕܘܡܝܘܬܐ ܠܘܬܢ ܟܠܗܿ.. ܕܓܘܠܬܐ. ܣܐܢܬܐ. ܪܛܢܐ ܕܐܝܣܪ̈ܠܝܐ ܘܛܪܘܢܘܬܗܘܢ: ܗܐ ܒܝܢܬܢ. ܚܛܘܦܝܐ ܘܒܙܘܙܝܐ ܘܩ̈ܛܠܐ ܘܣܗܕ̈ܘܬܐ ܕܫܘܩܪܐܼ. ܘܟܠܗܝܢ ܒܝ̈ܫܬܐ ܕܒܝܬ ܠܘܠܝܢܣ: ܗܐ ܥܡܢ.. ܥܠ ܗܠܝܢ ܟܠܗܝܢ ܕܢܚܘܐ ܐܢܝ̈ܢ ܚܕܐ ܕ ܨܒܝܢ: ܕܢܚܙܘܢ ܒܢܝ̈ܢ ܡܪܕܘܬܢܼ݂ ܘܠܐ ܢܥܒܕܘܢ ܐܝܟ ܥܿܒܕ̈ܝܢ. ܕܠܐ ܐܦ ܠܗܘܢ ܢܡܛܐ ܫܒܛܐ ܗܢܐ ܡܪܝܪܐ.

ܠܘܩܕܡ ܥܠ ܣܗܕܘܬܐ ܕܫܘܩܪܐ ܕܗܘܬ ܒܝܢܬܢ܀ ܟܬܝܒܼ ܕܠܐ ܥܒܼܪ ܥܠ ܦܘܡܝ ܥܒܿܕ̈ܐ ܕܒܢܝ̈ܢܫܐ. ܘܬܘܒܼ ܠܡܿܢ ܕܐܟܠ ܩܪܨܐ ܕܚܒܪܗ ܒܣܬܪܐܼ ܡܘܒܕܐ ܗܿܘܝܬ. ܐܦ ܠܐ ܚܢܢ ܥܠ ܒܘܙ̈ܚܐ ܕܥܿܒ̈ܕܐ ܕܒܢܝ̈ܢܫܐ ܐܘ ܡܟܠܩܪܨܗܘܢ ܨܒܝܢܢ ܕܢܬܿܢܐ ܠܟܘܢ ܐܚ̈ܝ. ܐܠܐܥܠ ܥ̈ܠܠܬܐ ܕܗܘ̈ܝ ܠܐܘܠܨܢܐ ܗܢܐ ܨܒܿܝܢܢ ܠܡܚܘܝܘ ܠܟܘܢ. ܕܐܦ ܐܢܬܘܢ ܬܥܒܪܘܢ ܢܡܗܝܢ. ܡܛܠ ܕܒܼܛܠܬ ܗܝܡܢܘܬܐ ܡܢ ܐܪܥܐ. ܘܓܒܪܐ ܥܡܚܒܪܗ ܡܠܠ ܒܣܦܘ̈ܬܐ ܡܦܠܓ̈ܬܐ. ܘܟܕ ܗܿܘܐ ܗܘܐ ܕܝܢܼܐ ܠܓܒܪܐ ܥܡ ܚܒܪܗܼ. ܥܐܿܠ ܗܘܐ ܠܫܘܩܐܼ. ܘܩܿܪܐ ܗܘܐ ܠܐܢܫܐ: ܕܐܘ ܡܪܝ ܦܠܢܼ ܣܗܕܬ ܠܝ. ܘܗܿܘ ܥܿܢܐ ܚܝܠܬܢܐܝܬ ܥܡܗܿ ܕܡܠܬܗܼ ܘܐܡܿܪ: ܥܠ ܡܠܬܗ ܕܐܠܗܼܐ. ܘܫܿܠܡܐ ܥܡܟ. ܥܠ ܡܘܢ. ܘܡܘ̈ܡܬܐ ܝܗܿܒ ܗܘܐ ܩܕܡ ܝܕܥܬܐ.. ܗܠܝܢ ܠܘ ܒܠܚܘܕ ܚܢܦ̈ܐ ܥܒܿܕܝܢ ܗܘܘܼ. ܐܠܐ ܘܟܪ̈ܣܛܝܢܐܼ ܘܓܒܪ̈ܐ ܣܒ̈ܐ. ܕܟܠ ܥܠܼܬܐ ܐܝܕܐ ܕܗܼܝ܆ ܐܢ ܢܨܒܐ ܐܢܫ ܒܙܘܙܐ ܐܓܪ ܣܗ̈ܕܐ ܕܫܘܩܪܐܼ ܟܡܐ ܕܢܨܒܐ. ܟܕ ܠܐ ܣܝܡ ܕܝܢܼܐ ܕܐܠܗܐ ܩܕܡ ܥܝܢܝ̈ܗܘܢܼ ܐܠܐ ܡܘܒܕܝܢ ܗܘܘ ܒܚܕܐ ܫܥܐ ܠܐܢܫ ܡܣܟܢܐ ܡܢ ܐܪܥܐ.

ܬܘܒܼ ܥܠ ܝܙܘ̈ܦܐ ܐܦ ܡܘܙ̈ܦܢܐ. ܘܥܠ ܕܓܠܘܬܐ܀ ܗܐ ܠܡ ܟܠܗܘܢ ܥܘܼܠܐ ܡܡܠܠܝܬܘܢܼ ܘܒܥܼܘܠܐ ܡܥܪ̈ܙܠܢ

Page 325

ܐܝܕ̈ܝܟܘܢ. ܒܝܫܬܐ ܡܠܼܐ ܦܘܡܗܘܢܼ. ܬܘܟܐ ܘܢܟܠܐ ܬܚܝܬ ܠܫܢܗܼ ܥܼܘܠܐ ܘܥܬܐ.. ܟܣܦܟ ܠܡ ܒܪܒܝܬܐ ܠܐ ܬܬܠ. ܘܐܦܠܐ ܬܪܒܐ ܥܠ ܩܪܝܒܟ. ܘܐܢ ܟܣܦܐ ܬܘܙܦ ܒܥܡܝ ܠܡܣܟܢܐ ܕܥܡܟܼ. ܠܐ ܬܗܘܐ ܠܗ ܐܝܟ ܡܪܐ ܚܘܒܐ. ܘܠܐ ܬܣܒ ܡܢܗ ܪܒܝܬܐ.. ܘܕܘܝܕ ܬܘܒ ܐܡܼܪ. ܕܟܣܦܗ ܒܪܒܝܬܐ ܠܐ ܝܗܼܒ. ܟܕ ܝܡܿܐ ܠܚܒܪܗ ܘܠܐ ܡܕܓܠ.. ܗܠܝܢ ܨܝܕܝܢ ܒܛܝ̈ܠܬܐ ܗܘ̈ܝ.. ܐܢ̈ܫܐ ܩܘܪ̈ܝܝܐ ܟܕ ܡܬܐܠܨܝܢ ܗܘܘ ܡܢ ܥܠܬ ܬܒ̈ܥܬܐ ܡܪܝܪ̈ܬܐ: ܥܿܠܝܢ ܗܘܘ ܠܡܕ̈ܝܢܬܐ ܟܕ ܛܥܝܢܝܢ ܐܝܩܪ̈ܐ ܨܝܕ ܒܢܝ̈ܢܫܐ ܕܡ̈ܘܙܦܝܢ. ܘܟܕ ܚܿܙܝܢ ܗܘܘ ܠܗܘܢ ܗܠܝܢ ܐܡܿܪܝܢ܆ ܬܘ ܒܫܠܡ. ܘܥܡ ܡ̈ܠܐ ܒܣܝ̈ܡܬܐ ܐܡܪܝܢ ܠܗܘܢ܆ ܕܝܗܿܒ ܐܢܐ ܠܟ ܟܡܐ ܕܡܬܒܥܐ ܠܟ. ܘܠܐ ܢܗܘܐ ܠܟ ܪܢܝܐ: ܕܟܕ ܚܝ ܐܢܐ ܝܿܗܒ ܐܢܐ ܠܟ. ܬܣܬܢܩ ܥܠ ܐܢܫ. ܘܠܐ ܣܗܕ̈ܐ ܒܿܥܐ ܐܢܐ ܥܠܝܟܼ ܐܦܠܐ ܥܪ̈ܒܐ ܐܘ ܡܫܟܼܢܐ. ܘܠܐ ܒܥܼܐ ܐܢܐ ܪܒܝܬܐܼ ܘܦܠܐ ܦܘܪܩܐ. ܐܠܐ ܣܒ ܘܡܚܕܗܿ ܕܥܿܠܐ ܥܠܠܬܐܼ ܐܝܬܐ ܠܝ ܕܝܠܝ. ܐܘ ܗܒ ܠܝ ܚ̈ܛܐܐܘ ܚܡܪܐܼ ܐܝܟ ܕܐܙ̈ܠܢ ܒܗ ܒܙܒܢܐ. ܙܠ ܗܫܐ. ܘܡܢ ܗܪܟܐ ܠܝܘ̈ܡܬܐ ܩܠܝܠܼ ܬܐ. ܗܼܘ ܕܝܢ ܗܢܐ ܡܥܩܐ: ܟܕ ܡ̈ܠܐ ܚ̈ܠܝܬܐ ܫܡܿܥ ܗܘܐ܆ ܒܚܕܘܬܐ ܪܒܬܐ ܐܙܠܿ ܗܘܐ ܠܒܝܬܗܼ ܕ ܚܿܕܐ. ܟܕ ܠܐ ܝܿܕܥ ܗܘܐ ܕܠܐ ܝܗܿܒ ܗܘܐ ܠܗ ܣܛܢܐ ܠܗܿܘ ܕܢܫܠܡ ܡܕܡ ܕܢܦܼܩ ܡܢ ܦܘܡܗ. ܚܠ̈ܝܢ ܠܡ ܡ̈ܠܘܗ ܡܢ ܕܒܫܐܼ ܘܗܼܢܘܢ ܠܘ̈ܠܝܬܐ. ܚܪܬܗܝܢ ܕܝܢ ܡܪ̈ܐ ܡܪܝܪ̈ܬܐ. ܗܿܘ ܕܝܢ ܡܥܩܐܼ ܟܕ ܥܠ ܡ̈ܠܐ ܗܠܝܢ ܕܪܘܚܐ ܕܐܬܟܠܗ ܡܘܙܦܢܐ ܐܬܟܠܘ: ܠܐ ܐܠܨܘ ܢܦܫܗ ܘܪܗܼܛ ܘܟܢܼܫ ܙܘ̈ܙܐ ܕܓܙܝܬܗ: ܐܠܐ ܟܕ ܝܿܬܒ ܒܒܝܬܗ ܘܡܢܚ ܗܘܐ܆ ܥܕܡܐ ܕܐܿܬܝܢ ܗܠܝܢ ܕܬܒܿܥܝܢ. ܡܐ ܕܝܢ ܕܠܒܟܘܗܝ ܐܡܼܪ ܠܗܘܢ: ܕܐܓܪܘ ܠܝ ܩܠܝܠ ܐܥܘܠ

Page 326

ܐܝܬܐ ܠܟܘܢ. ܘܟܕ ܕܝܢ ܥܐܠ ܗܘܐ ܒܪܗܡܝܒܘܬܐ ܨܝܕ ܗܿܘ ܕܐܬܟܠܗ ܕܝܗܿܒ ܠܗܼ. ܐܡܿܪ ܠܗ: ܕܦܩܘܕ ܡܪܝܼ ܘܗܒ ܠܝ ܗܿܘ ܡܘܢ ܕܒܥܿܝܬ ܠܟܼ ܕܠܐܡܫܝܛܝܢ ܠܝ. ܗܼܘ ܕܝܢ ܐܡܿܪ܆ ܕܩܘܐ ܠܝ ܩܠܝܠ. ܐܘ ܫܒܩܗ ܘܥܪܩ. ܐܘ ܪܛܿܐ ܗܘܐ ܠܗ ܒܡ̈ܠܐܼ ܟܕ ܐܡܿܪܼ ܕܙܠ ܝܘܡܢܼ ܬܐ ܠܨܦܪܐ. ܗܕܐ ܫܥܬܐ ܠܐ ܣܦܝܩ ܐܢܐ ܠܟ. ܘܗܟܢܐ ܝܘ̈ܡܬܐ ܣܓܝ̈ܐܐ ܥܒܕ ܗܘܼܐ ܠܗ. ܘܟܕ ܕܝܢ ܗܼܘ ܡܬܐܠܨ ܗܿܘܐ ܥܕܡܐ ܠܡܘܬܐ: ܟܕ ܐܦ ܡܦܝ̈ܣܢܐ ܣܓܝ̈ܐܐ ܡܝܬܐ ܗܘܐ ܥܠܘܗܝ: ܐܘ ܦܿܣܩ ܠܗ ܕܠܐ ܝܗܿܒ ܐܢܐ ܠܟ ܕܠܝܬ ܠܝ ܐܬܠ ܠܟܼ. ܐܘ ܐܡܼܪ ܠܗ ܕܟܬܒܐ ܒܥܿܐ ܐܢܐ ܥܠܝܟ. ܘܗܿ، ܐܡܿܪ ܕܥܿܒܕ ܐܢܐ. ܘܗܟܢܐ ܟܕ ܥܒܿܕ ܗܘܐ ܥܠܘܗܝ ܟܬܒܐܼ ܫܪܝܗܝ ܒܡ̈ܠܐ. ܟܕ ܐܡܿܪ ܕܙܠ ܡܢ ܪܡܫܐ ܘܬܐ ܠܨܦܪܐ. ܘܟܕ ܕܝܢ ܩܿܕܡ ܗܠܝܢ ܐܬܘܼ ܐܡܪ ܠܗܘܢ: ܕܠܐ ܝܗܿܒ ܐܢܐ ܐܠܐ ܝܗܒܝܬܘܢ ܠܝ ܡܫܟܼܢܐ. ܘܝܟܕ ܬܘܒ ܝܗܒܘ ܠܗ ܡܫܟܼܢܐܼ. ܬܘܒ ܐܡܪ: ܕܟܡܐ ܝܗܒܝܬܘܢ ܠܝ ܐܝܩܪ̈ܗܘܢ ܕܗܠܝܢ ܙܘ̈ܙܐ: ܘܦܪܩܘܢ ܠܝ ܐܝܟܢܐ ܚ̈ܛܐ ܝܗܒܝܬܘܢ. ܡܛܠ ܕܠܐ ܫܿܩܠ ܐܢܐ ܐܝܟ ܕܐܙܠ̈ܢ. ܘܡܢ ܐܠܝܨܘܬܗܘܢ܆ ܟܡܐ ܕܦܿܬܚ ܦܘܡܗ ܘܒܿܥܐܼ ܝܗܒܝܢ ܗܘܘ ܠܗ. ܘܐܦ ܟܿܬܒܝܢ ܠܗ. ܘܗܝܕܝܢ ܬܘܒ ܒܥܐ ܠܗܘܢ ܥܪ̈ܒܐ.. ܘܗܟܢܐ ܟܕ ܒܟܠܗܝܢ ܡܠܘ̈ܗܝ ܩܕ̈ܡܝܬܐ ܕܓܠܘܼ ܫܩܼܠ ܡܢܗܘܢ ܡܫܟܼܢܐ. ܘܥܼܒܕ ܟܬܒܐܼ ܘܟܼܬܒ ܪܒܝܬܐ. ܘܒܼܥܐ ܦܘܪ̈ܩܐ. ܘܬܒܼܥ ܥܠܝܗܘܢ ܥܪ̈ܒܐ. ܘܠܡܚܣܢ ܐܪܘܚ ܘܝܗܼܒ ܠܗܘܢ. ܟܕ ܠܘ ܒܠܚܘܕ ܐܝܕ̈ܘܗܝ ܡܢܫܩܝܢ܆ ܐܠܐ ܘܬܚܬܝܐ ܕܪ̈ܓܠܘܗܝ ܡܠܟܚܝܢ: ܟܕ ܐܡܿܪܝܢ: ܕܐܢ ܡܟܐ ܠܙܦܠܢ ܝܘ̈ܡܬܐ ܠܐ ܡܝܬܝܢܢ ܠܟ ܕܝܠܟܼ. ܚܝܿܒܝܢܢ ܟܠ ܡܐ ܕܟܬܝܒ ܒܟܬܒܐ ܥܒܿܕܗܘܢ܆ ܘܡܟܢܫܝܢ ܗܘܘ ܠܗ ܙܘ̈ܙܐ. ܘܡܐ ܕܝܢ ܕܫܩܼܠ ܐܢܘܢ܆ ܘܥܼܠ ܕܢܦܪܘܩ ܒܚܐܪܘܬܐ ܫܦܝܪܬܐܼ. ܐܬܼܐ

Page 327

ܗܿܘ ܣܿܢܐ ܕܟܠܗܝܢ ܫܦܝܪ̈ܬܐ ܣܛܢܐܼ. ܘܩܡ ܩܫܝܐܝܬ ܟܕ ܡܩܪܒ ܥܡ ܚܘܫ̈ܒܘܗܝܼ ܘܐܿܡܪ: ܕܐܝܟܢܐ ܝܿܗܒܬ ܗܠܢ ܗܫܐ: ܘܬܒܥܝܢ ܠܟܼ ܘܗܐ ܠܝܬ ܠܟ ܕܬܬܠ ܠܗܘܢ܆ ܒܗܿܝ ܕܥܒܿܕܟ ܟܠܗ ܐܙܕܒܢ. ܗܿܘ ܠܐ ܚܣܝܪ. ܘܒܝܫܬܐ ܠܐ ܡܫܟܚ ܕܢܥܒܼܕ ܠܟ. ܘܐܦ ܡܫܟܼܢܟ ܢܛܝܪ ܨܝܕܘܗܝ. ܘܐܦܢ ܬܫܩܠܝܘܗܝ ܡܢܗܼ. ܨܝܕ ܐܚܪܢܐ ܣܝܡ ܐܢܬ ܠܗ. ܡܕܝܢ ܦܩܚ ܨܝܕܘܗܝ. ܗܐ ܗܠܝܢ ܡܘ̈ܠܟܢܐ ܕܪܘܓܙܐ ܡܼܠܟ ܒܝܫܐ ܠܝܙܘ̈ܦܐܼ. ܕܠܐ ܢܩܒܡܘܢ ܒܡܠܝ̈ܗܘܢ: ܘܬܬܢܝܚ ܪܘܚܗ ܕܡܘܙܦܢܐܼ. ܘܒܬܪܟܝܢ ܢܪܘܚ ܠܗܘܢ܆ ܘܐܦ ܢܦܪܥܘܢ ܠܗ ܗܼܢܘܢ ܕܓܠܘܬܐ ܗܿܝ ܕܦܠܼܚ ܒܗܘܢ ܗܼܘ. ܘܐܦ ܗܠܝܢ ܡܘ̈ܠܟܢܐ ܕܥܘܠܐܼ ܒܝܕ ܡܠܘܟܬܐ ܒܪܬܗܿ ܕܗܝܿ ܕܐܕܡ ܐܬܝܿܢ ܗܘܼܘ. ܗܝܕܝܢ ܫܠܡܐ ܒܗܢܐ ܙܒܢܐܼ. ܕܢܫ̈ܐ ܐܫܬܠ̈ܛ ܒܢ. ܗܼܢܝ̈ܢ ܡܦܪ̈ܢܣܢ ܗܘ̈ܝ ܠܓܒܪ̈ܐܼ. ܘܗ̈ܢܼܝܢ ܡܠܟ̈ܢ ܕܙܦܠܢ ܘܙܦܠܢ ܥܒܿܕ. ܗܼܘ ܕܝܢ ܐܡܿܪ: ܕܛܒܐܝܬ ܡܠܟܬܢܝܢܝ. ܟܕ ܠܐ ܗܠܝܢ ܩܝ̈ܡܐ ܘܡܘ̈ܡܬܐ ܕܐܠܗܐ ܣܿܐܡ ܗܘܼܐ ܩܕܡ ܥܝ̈ܢܘܗܝ. ܘܐܦܠܐ ܗܿܝ ܕܥܒܿܕܝܢ ܢܦܫܗܘܢ܇ ܕܬܘܒ ܒܿܥܝܢ ܘܠܐ ܡܬܝܗܒ ܠܗܘܢ. ܐܠܐ ܝܬܝܪ ܡܢ ܟܠ ܡܘܠܟܢܐ ܕܣܛܢܐ ܘܕܐܢܬܬܗ ܒܣܿܡ ܠܗܘܢ. ܘܐܦ ܐܝܬ ܐܡܬܝ ܕܛܥܝܢ ܗܘܐ ܚܕ ܡܢܗܘܢ ܗܼܢܘܢ ܗܠܝܢ ܙܘ̈ܙܐܒܐܝܕܗܼ. ܘܐܠܼܨ ܠܗ ܡܪܐ ܚܘܒܐ ܕܗܒ ܠܝ ܕܝܠܝ: ܘܣܿܪܒ ܩܫܝܐܝܬܼ ܟܕ ܩܝܡ ܣܛܢܐ ܥܠ ܠܒܗܼ ܕܠܝܬ ܠܝ. ܘܐܦ ܡܬܚܒܫ ܘܡܬܫܝܛ ܘܠܐ ܦܪܥ. ܕܠܘܬܗܘܢ ܕܗܠܝܢ ܡܙܥܩ ܡܙܡܪܢܐ ܟܕ ܐܡܿܪ. ܕܝܙܦܿ ܪܫܝܥܐܼ ܘܠܐ ܦܿܪܥ.. ܘܟܕ ܝܬܝܪ ܡܢ ܕܐܙܿܠ ܝܙܘܦܐ ܠܬܪܥܗ ܕܡܘܙܦܢܐܿ ܐܙܠ ܘܐܬܐ ܡܘܙܦܢܐ ܠܬܪܥܗ ܕܝܠܗܼ ܘܡܦܝܣ ܠܗ. ܟܕ ܐܢ ܓܕܫ ܘܐܬܦܪܥ ܦܠܓܐ: ܡܣܒܪ ܕܡܫܟܚܘ ܐܫܟܚܗ.. ܘܗܟܢܐ ܒܟܠܢܫ ܕܓܠܘܬܐ ܡܫܠܛܐ ܗܘܬܼ ܡܫܡܠܝܐܝܬ..

ܥܠ ܡܟܠܩܪܨܐ ܘܛܠܘܡܝܐ: ܐܦ ܒܙܘܙܝܐ ܕܚܕ̈ܕܐܿ. ܥܡ ܣܗܕ̈ܘܬܐ ܕܫܘܩܪܐ܀ ܟܕ ܕܝܢ ܬܘܒ ܥܿܠܝܢ ܗܘܘ ܒܢ̈ܝ

Page 328

ܐܬܪܐ ܕܢܪܡܘܢ ܓܙܝܬܐܼ. ܥܒܕܝܢ ܗܘܘ ܓܘ̈ܕܐ ܒܕܡܘܬ ܗܠܝܢ ܕܒܝܬ ܩܝܦܐ: ܘܟܪܟܝܢ ܗܘܘ ܒܡܕܝ̈ܢܬܐ. ܘܡܫܠܿܝܢ ܐܝܟܐ ܐܝܬ ܐܢܫ ܕܣܝܡ ܠܗ ܡܕܡ: ܐܢ ܚܛ̈ܐ ܘܐܢ ܚܡܪܐ ܘܐܢ ܡ̈ܐܢܐ. ܘܐܙܿܠܝܢ ܨܝܕ ܐܡܝܪܐܼ ܟܕ ܐܡܪܝܢ܆ ܕܦܠܢ ܒܪ ܓܙܝܬܢ ܗܼܘ. ܘܗܐ ܙܦܠܢ ܨܝܕ ܦܠܢ ܐܝܬ ܠܗ. ܘܗܐ ܙܦܢ ܫܢ̈ܝܐ ܓܙܝܬܐ ܠܐ ܝܗܝܒ ܠܗ. ܗܼܘ ܕܝܢ ܦܩܿܕ ܗܘܐ: ܕܙܠܘܢ ܙܒܿܢ ܥܒܿܕܗ. ܐܢܕܢ ܢܣܬܩܒܠ ܗܘܼ ܐܘ ܐܢܫ ܕܢܟܠܐ ܐܢܘܢ܆ ܦܩܿܕ ܠܗܘܢ ܫܘܠܛܢܐ: ܕܐܝܬ ܠܟܘܢ ܣܗܕ̈ܐ ܥܠܘܗܝ. ܘܥܠܿܝܢ ܡܢܗܘܢ ܒܗܘܢ ܕܝܠܗܿ ܕܩܪܝܬܗܘܢܼ ܘܣܗܕܝܢ ܥܠܘܗܝܼ. ܟܕ ܐܦܠܐ ܡܢ ܡܬܘܡ ܚܙܐ ܠܗܘܢ. ܘܗܟܢܐ ܟܕ ܡܝܠܠܼ ܡܙܒܿܢܝܢ ܗܘܘ ܟܠ ܡܐ ܕܩܼܢܐ. ܟܕ ܐܦܠܐ ܠܚܕܪ ܥܒܿܕܗ ܝܗܿܒܝܢ ܗܘܘ ܠܗ ܢܩܪܘܒ.. ܐܚܪ̈ܢܐ ܐܡܿܪܝܢ ܒܓܒܪܐܼ ܥܪܒܬ ܠܢ. ܐܚܪ̈ܢܐ ܐܡܿܪܝܢ܆ ܟܪܡܐ ܐܘ ܓܢܬܐ ܐܘ ܙܝܬܐ ܐܝܬ ܠܟ ܒܩܪܝܬܢ܆ ܘܙܦܠܢ ܫܢ̈ܝܐ ܠܐ ܝܗܝܒ ܠܟ ܓܙܝܬܗ. ܘܟܕ ܗܠܝܢ ܝܿܡܝܢ܆ ܕܠܐ ܠܩܪܝܬܟܘܢ ܥܝܠ ܠܝ܆ ܐܦܠܐ ܓܢܬܐ ܐܝܬ ܠܝ ܠܘܬܟܘܢ: ܗܢܘܢ ܒܚܕ ܡܢ ܦܘܪ̈ܣܝܢ ܠܐ ܡܪܦܝܢ ܗܘܘ ܠܗܼ ܥܕܡܐ ܕܡܙܒܿܢܝܢ ܗܘܘ ܟܠ ܕܩܼܢܐ. ܘܐܦ ܗܼܘ ܫܘܠܛܢܐ ܬܪܨܿ ܗܘܐ ܠܗܘܢ ܥܠ ܗܠܝܢ ܥ̈ܠܬܐ. ܘܡܢ ܥܠܬܐ ܗܕܐܼ ܕܚܿܠܝܢ ܗܘܘ ܒܢܝ̈ܢܫܐ ܕܢܬܚܙܘܢ ܒܫܘ̈ܩܐ. ܟܕ ܐܦܠܐ ܗܟܢܐ ܦܠܛܝܢ ܗܘܘ ܡܢ ܗܠܝܢ ܥܘ̈ܠܐ. ܐܠܐ ܡܫܿܠܝܢ ܗܘܘ ܒܬܪܗܘܢܼ. ܘܡܐ ܕܨܕܘܗܝ ܚܕ ܡܢܗܘܢ ܠܐܢܫ ܐܡܿܪ ܠܗܼ. ܕܐܘ ܗܒ ܠܝ ܙܦܠܢ܆ ܐܘ ܡܘܒܠ ܐܢܐ ܠܟ ܨܝܕ ܐܡܝܪܐ. ܐܝܢܐ ܕܐܢܫ̈ܐ ܣܓܝ̈ܐܐ ܡܢ ܡܕܝܢܬܐܼ ܬܓܘܪܬܐ ܪܒܬܐ ܗܘܬ ܠܗܘܢ ܥܠܬܐ ܗܕܐ. ܐܦ ܡܠܼܘ ܒܬܝ̈ܗܘܢ ܚܛܘܦܝܐ ܘܢܟܝܠܐ. ܕܥܠܝܗܘܢ ܢܒܝܐ ܡܝܟܐ ܐܡܿܪܼ ܗܼܘ ܕܡܟܣ ܗܘܐ ܠܡ̈ܠܟܐ ܥܠ ܐܦܝ̈ܗܘܢ܇ ܒܕ ܠܡ ܚܣܝܐ ܡܢ ܐܪܥܐܼ. ܘܠܝܬ ܕܬܪܝܨ ܒܒܢܝ̈ܢܫܐ. ܟܠܗܘܢܼ ܟܡܝ̈ܢܐ ܟܡܢܝܢ. ܘܓܒܪ ܠܐܚܘܗܝ ܨܝܕܝܢ ܠܐܒܕܢܐ.. ܐܝܕ̈ܝܗܘܢ ܡܛܝ̈ܒܢ ܠܘܬ ܒܝܫܬܐܼ. ܘܠܐ

Page 329

ܡܛܒܝܢ. ܫܠܝܛܐ ܫܐܠܼ ܕܗܒ: ܘܕܝܿܢܐ ܐܡܿܪܼ ܚܫܘܕ. ܘܪܒܐ ܡܠܠ ܨܒܝ̈ܢܝ ܢܦܫܗ. ܘܐܣܠܝܘ ܛܒܬܗܘܢ ܐܝܟ ܐܘܪܩܥܬܐ ܕܐܟܠܘ ܣܣܐ.. ܘܬܘܒܼ ܠܐ ܬܬܟܠܘܢ ܥܠ ܩܪ̈ܝܒܝܟܘܢ܆ ܐܦܠܐ ܬܗܝܡܢܘܢ ܠܪ̈ܚܡܝܟܘܢ.. ܘܕܘܝܕ ܬܘܒ ܐܡܼܪ: ܕܠܛܫ ܠܫܢܗܘܢ ܐܝܟ ܣܝܦܐܼ ܘܡܠܬܗܘܢ ܐܝܟ ܓܪܐܼ ܠܡܫܕܐ ܒܛܘܫܝܐ ܒܬܡܝܡܐ. ܘܡܢ ܫܠܝܐ ܢܫܕܘܢ ܒܗܼ ܘܠܐ ܢܬܚܙܘܢ. ܘܐܬܚܫܒܘ ܘܐܦ ܛܡܪܘ ܦܚ̈ܐ: ܟܕ ܣܒܪܝܢ ܕܠܐ ܚܿܙܐ ܡܪܝܐ.. ܘܬܘܒ ܐܡܼܪ ܥܠܝܗܘܢܼ. ܕܢܗܦܟܘܢ ܒܪܡܫܐܼ݂ ܘܢܥܘܘܢ ܐܝܟ ܟܠܒ̈ܐ. ܘܢܬܟܪܟܘܢ ܒܡܕܝܢܬܐ.. ܪܚܡܘ ܠܘ̈ܛܬܐܼ ܝܬܝܪ ܡܢ ܒܘܪ̈ܟܬܐ. ܘܠܒܫܘ ܠܘ̈ܛܬܐ ܙܝܢܐ. ܘܥܠܘ ܒܗܘܢܼ ܐܝܟ ܡܝ̈ܐ ܘܐܝܟ ܗܘܐ ܒܡܕܝܢܬܐܼ. ܡܢ ܟܠ̈ܒܐ ܦܩܪ̈ܐ ܩܘܪ̈ܝܝܐ ܘܡܕ̈ܝܢܝܐ. ܘܦܬܝܚ ܗܘܐ ܠܗܘܢ ܦܘܡܗܘܢ ܐܝܟ ܩܒܪ̈ܐ ܣܪ̈ܝܐ: ܐܝܟܢܐ ܕܐܦ ܠܒܟܝܢ ܗܘܘ ܠܚܕ ܡܢ ܗܠܝܢ ܡܣܟ̈ܢܐ. ܘܡܐ ܕܦܠܼܛ ܡܢ ܗܠܝܢ ܨܕܘܗܝ ܐܚܪ̈ܢܐ: ܘܡܢ ܗܠܝܢ ܐܚܪ̈ܢܐ. ܥܠ ܗܠܝܢ ܐܡܼܪ ܐܫܝܥܐܼ. ܕܐܝܟܢܐ ܗܘܼܬ ܙܢܝܬܐܼ ܡܕܝܢܬܐ ܡܗܝܡܢܬܐ: ܕܡܠܼܝܐ ܗܘܬ ܕܝܢܼܐ ܘܙܕܝܩܘܬܐ. ܘܗܫܐ ܩܛܘ̈ܠܐ. ܟܣܦܟܣ ܐܣܬܠܝ. ܚܢܘ̈ܝܝܟ ܚܠܛܝܢ ܡܝ̈ܐ. ܪܘܪ̈ܒܢܝܟ ܡܪܘܕܝܢ. ܘܟܠܗܘܢܼ ܫܘ̈ܬܦܐ ܐܢܘܢ ܕܓܢ̈ܒܐ.. ܘܬܘܒ ܐܡܼܪ: ܘܡ̈ܒܙܚܢܐܼ ܢܫܬܠܛܘܢ ܒܗܘܢ. ܘܢܼܦܠ ܥܡܐ ܓܒܪ ܒܓܒܪ. ܘܓܒܪܐ ܒܚܒܪܗ. ܘܢܬܓܪܘܢ ܥܠܝ̈ܡܐ ܥܠ ܣܒ̈ܐܼ. ܘܡܨܥܪ̈ܐ ܥܠ ܡܝܩܪ̈ܐ.. ܪܘܪ̈ܒܢܝܗܿ ܒܓܘܗܿ ܐܝܟ ܐܪ̈ܝܘܬܐ ܢܗܿܡܝܢ: ܘܕ̈ܝܢܝܗܿ ܐܝܟ ܕܐ̈ܒܐ ܕܪܡܫܐ. ܢܒܝ̈ܝܗܿ ܦܚܙܝܢ.. ܘܿܝ ܠܐܝܠܝܢ ܕܡܬܚܫܒܝܢ ܥܬܐܼ ܘܥܿܒܕܝܢ ܒܝܫܬܐ ܥܠ ܡܫܟܒܗܘܢ. ܘܐܦ ܡܩܕܡܝܢ ܒܨܦܪܐ ܘܥܒܿܕܝܢ ܡܕܡ ܕܐܬܚܫܒܘ. ܘܫܩܿܠܝܢ ܐܝܕ̈ܝܗܘܢ

Page 330

ܠܘܬ ܐܠܗ. ܘܪܓܝܢ ܚܩ̈ܠܬܐ ܘܒ̈ܬܐܼ. ܘܢܣܒܝܢ ܠܗ̈ܝܢ ܒܩܛܝܪܐ. ܘܛܠܿܡܝܢ ܠܗܘܢ ܠܒܢܝ̈ܢܫܐ. ܗܠܝܢ ܐܡܼܪ ܡܝܟܐ ܥܠܝܗܘܢ ܕܒܙܘ̈ܙܐ ܘܥܘܠܐ. ܘܬܘܒ ܐܡܪ܆ ܕܥܬܝܪ̈ܝܗܿ ܡܠܼܝܢ ܥܬܐ. ܘܥܡܘܪ̈ܝܗܿ ܡܠܼܝܢ ܕܓܠܘܬܐ. ܘܠܫܢܗܘܢ ܢܟܝܠ ܒܦܘܡܗܘܢ. ܐܦ ܐܢܐ ܐܫܪܐ ܠܡܡܚܝܟ. ܘܐܚܒܠܟܼ ܡܛܠ ܚܛܗ̈ܝܟ. ܘܬܟܘܠܼ ܘܠܐ ܬܣܒܥ. ܘܥܒܪܬܐ ܬܗܘܐ ܒܓܘܟ. ܘܬܕܪܟܼ ܘܠܐ ܬܦܨܐ. ܘܡܕܡ ܕܬܦܨܐܼ ܠܚܪܒܐ ܐܫܠܡ. ܐܢܬ ܬܙܪܘܥܼ ܘܠܐ ܬܚܨܘܕ. ܐܢܬ ܬܥܨܘܪ ܙܝ̈ܬܐܼ ܘܠܐ ܬܡܫܘܚ ܡܫܚܐ. ܐܢܬ ܬܥܨܘܪ ܘܚܡܪܐܼ ܕܐܬܢܝܚܘܢ ܦܠ̈ܚܐ ܡܢܗܘܢ. ܘܐܦ ܠܗܘܢ ܠܙܘ̈ܙܐܼ ܪܘܓܙܐ ܡܼܛܐ ܕܒܝܫ ܡܢ ܕܟܠܢܫ܀ ܒܫܢܬܐ ܩܕܡܝܬܐ ܐܒܼܕ ܡܣܟ̈ܢܐ ܬܚ̈ܬܝܐ ܘܐܟܣ̈ܢܝܐܼ݂ ܐܝܟ ܕܡܢ ܠܥܠ ܪܫܡܢ. ܘܒܗܝܿ ܕܬܪܬܝܢܼ ܗܠܝܢ ܕܠܥܠ ܡܢܗܘܢ. ܘܒܕܬܠܬܼ ܗܠܝܢ ܕܠܥܠ ܡܢ ܗܠܝܢ. ܘܒܗܿܝ ܕܐܪܒܥܼ ܗܢܘܢ ܐܟܘ̈ܠܐ ܘܒܙܘ̈ܙܐ ܐܒܼܕܘ. ܘܠܐ ܕܝܠܗܘܢܼ ܘܐܦܠܐ ܡܕܡ ܕܒܙܘ ܘܚܡܠ ܦܫ ܠܗܘܢ. ܗܠܝܢ ܘܕܐܝܟ ܗܠܝܢ ܘܕܪ̈ܘܪܒܢ ܡܢ ܗܠܝܢ ܕܩܕܡ ܐܟܪܙܘ ܢܒܝ̈ܐ: ܥܒܼܕ ܘܫܡܠܝܘ ܒܢܝ̈ܢܫܐ ܒܚ̈ܕܕܐ. ܝܬܝܪܐܝܬ ܩܘܪ̈ܝܝܐ ܐܣܓܝܘ. ܟܕ ܠܘܩܕܡ ܡܕ̈ܝܢܬܝܐ ܘܬܓܪ̈ܐ ܫܪܝܘ ܒܒܝܫܬܐ: ܟܕ ܪܗܛܝܢ ܙܒܿܢܝܢ ܠܥܒܿܕܐ ܕܩܘܪ̈ܝܝܐ܆ ܠܟܪ̈ܡܝܗܘܢ ܘܠܚ̈ܩܠܬܗܘܢ ܘܠܟܠܗ ܦܘܠܚܢܗܘܢ. ܐܠܐ ܠܐ ܚܕܘ ܒܗ. ܒܗܿܝ ܕܗܦܼܟ ܗܢܘܢ ܩܘܪ̈ܝܝܐ ܥܠܝܗܘܢ. ܘܐܢ ܚܡܪܐ ܘܐܢ ܚ̈ܛܐ ܐܝܬ ܗܘܼܐ ܠܐܢܫ ܒܩܪܝܬܐ ܕܚܕ ܚܕ ܡܗܘܢܼ. ܐܦܩܼܘ ܐܢܘܢܿ ܘܙܒܢܘܗܝܼ ܐܘ ܐܟܠܘܗܝ. ܟܕ ܫܘܠܛܢܐ ܝܗܿܒ ܐܝܕܐܬ ܠܟܠܗ̈ܝܢ ܒܝ̈ܫܬܐܼ ܘܠܐ ܬܒܿܥ ܒܐܝܕ̈ܝ ܐܢܫ. ܘܐܦ ܗܢܘܢ ܬܓܪ̈ܐܼ ܠܐ ܣܦܼܩ ܠܗܘܢ ܕܐܬܒܙܙܙ ܘܐܙܠ ܥܒܕܗܘܢ: ܐܠܐ ܠܒܿܟܝܢ ܗܘܘ ܠܗܼ ܘܡܩܪܒܝܢ ܠܗ ܠܘܬ ܫܘܠܛܢܐ. ܟܕ ܐܡܿܪܝܢ: ܕܟܠܗ

Page 331

ܦܘܠܚܢܢ ܠܗܢܐ ܫܩܼܝܠܼ. ܐܠܐ ܦܩܘܕ ܠܗ ܪܡܐ ܥܠ ܩܪܝܬܐ. ܘܗܟܢܐ ܐܿܠܩ ܗܘܐ ܠܗ ܫܘܠܛܢܐ ܥܕܡܐ ܕܡܘܒܕ ܗܘܐ ܠܗ ܡܢ ܐܪܥܐ. ܘܫܩܠ ܟܠܡܕܡ ܕܩܼܢܐ. ܘܕܒܼܙܘ ܘܕܠܐ ܒܼܙܘ ܫܩܠܘܗܝ. ܘܐܦ ܥܪܩܝܢ ܗܘܘ ܥܬܝܪ̈ܢܐ ܡܢ ܩܕܡ ܩܘܪ̈ܝܝܐܼ ܐܝܟ ܥ̈ܙܐ ܡܢ ܩܕܡ ܕܐܒ̈ܐܼ ܘܛܦܿܫܝܢ. ܟܕ ܐܦ ܟܦܪܝܢ ܒܟܪ̈ܡܐ ܘܒܟܠܡܕܡ ܕܢܣܼܒܘ ܡܢܗܘܢ. ܘܐܦ ܓܕܫ ܬܘ ܒܘܢܦܿܩܝܢ ܗܘܘ ܒܢܝ̈ܢܫܐ ܚܐܪܝܬ܆ ܘܙܒܿܢܝܢ ܡܢܗܘܢ ܚܡܪܐ ܡܢ ܡܥܨܪܬܐܼ݂ ܥܠܝܢ ܗܘܘ ܘܩܒܠܝܢ ܠܐܡܝܪܐ. ܘܐܢ ܕܝܢ ܒܩܪܝܬܗܘܢ ܣܝܡ ܗܘܐܼ. ܫܕܪ ܫܘܠܛܢܐ ܘܒܛܥܗ. ܐܢ ܕܝܢ ܥܝܠ ܗܘܐ ܠܡܕܝܢܬܐܼ. ܗܟܘܬ ܫܩܠܗ ܫܘܠܛܢܐ. ܘܢܦܩ ܡܢ ܚܡܪܐܼ ܡܢ ܛܝ̈ܡܘܗܝ. ܟܡܐ ܕܝܢ ܕܢܣܓܐ ܘܕܢܐܡܪ ܒܝ̈ܫܬܐ ܐܝܠܝܢ ܕܗܘ̈ܝ܆ ܘܐܦ ܥܒܼܕ ܗܢܘܢ ܒܢܝ̈ܢܫܐ ܒܚ̈ܕܕܐܼ. ܠܟܐ ܡܢ ܣܟܐ ܕܒܝ̈ܫܬܐ ܦܝܫܝܢܢ. ܟܕ ܠܝܬ ܐܢܫ ܕܡܫܟܚ ܠܡܟܬܒ ܐܢܝ̈ܢ ܡܢ ܣܓܝܘܬܗܝ. ܐܠܐ ܗܠܝܢ ܩܠܝܠ ܢܣܦܩ̈ܢ ܠܦܪ̈ܘܫܐ ܢܐܡܪ ܥܠ ܗܠܝܢ ܥܡ ܢܒܝܐ ܐܪܡܝܐ: ܕܫܛܘ ܥܡܝܼ. ܘܠܝ ܠܐ ܝܕܥܼ ܐܡܿܪ ܡܪܝܐ. ܒܢܝ̈ܐ ܐܢܘܢ ܣܟ̈ܠܐܘܠܐ ܗܘ ܚܟܝ̈ܡܐ. ܒܗܿܝ ܕܚܟܝܡܝܢ ܠܒܝ̈ܫܬܐ ܘܛܒܬܐ ܠܐ ܝܿܕܥܝܢ. ܚܿܙܝܬ ܒܐܪܥܐ ܘܗܐ ܬܘܗ ܘܒܘܗ. ܘܫܪܝܪܐܝܬ ܟܠܗܘܢ ܐܟܚܕܐ ܬܒܪܘ ܢܝܪܐ ܘܦܣܼܩ ܚܢ̈ܩܐ. ܡܛܠܗܢܐܐܪܝܐ ܢܬܒܪ ܐܢܘܢ. ܘܕܐܒ̈ܝ ܪܡܫܐ ܢܒܙܥܘܢ ܐܢܘܢ. ܢܡܪܐ ܢܟܡܢ ܥܠ ܩܘܪ̈ܝܗܘܢ. ܟܠ ܕܢܦܘܩ ܡܢܗܘܢ ܢܬܬܒܪ. ܡܛܠ ܕܥܼܫܢ ܚܘܒܝ̈ܗܘܢܼ ܘܣܓܝܼܘ ܐܦ ܚܛܗ̈ܝܗܘܢܼ ܘܚܘܝܘ ܒܝܫܘܬܗܘܢܼ ܐܝܟ ܣܕ̈ܘܡܝܐ.

ܥܠ ܫܢܬܐ ܕܬܪܬܝܢ ܕܐܘܠܨܢܐܼ ܕܐܝܬܝܗܿ ܫܢܬ ܐܠܦܐ ܘܬܡ̈ܢܝܢ ܘܚ̈ܡܫ܀ ܡܛܠ ܕܝܢ ܕܟܬܒܢܢ ܘܐܦܿ ܐܘܕܥܢܢ ܡܢ ܠܥܠ ܥܠ ܐܘ̈ܠܨܢܐ ܡܪ̈ܝܪܐ ܘܥܠ ܓܢܒܘܬܐ ܕܠܐ ܪ̈ܚܡܐܼ ܕܗܘܬ ܒܒܢܝ̈ܢܫܐ ܡܢ ܥܠܼܬ ܥܡ̈ܠܐ ܕܗܘܼܘ

Page 332

ܒܗܝܢ: ܗܢܘ ܕܝܢ ܕܙܕܩ ܐܠܡܠܝ ܕܛܝ̈ܢܐ. ܘܕܨܘܦܝ. ܘܕܥܘܣܪܐ ܘܕܓܠܘ̈ܬܐ. ܥܡ ܐܚܪ̈ܢܝܬܐ ܣܓܝ̈ܐܬܐ ܐܝܠܝܢ ܕܡܢ ܠܥܠ ܪ̈ܫܝܡܢ ܠܢ: ܠܐ ܐܠܨܐ ܨܒܘܬܐ ܕܬܘܒ ܢܘܕܥ ܐܢ̈ܝܢ ܠܦܘܪ̈ܘܫܐ. ܒܝܕ ܗܿܝ ܕܡܣܬܟܠܝܢ܆ ܕܒܥ̈ܦܐ ܣܓܝ̈ܐܬܐ ܐܘܣܦܬ ܫܢܬܐ ܗܕܐ ܥܠ ܩ̈ܕܡܝܬܐ ܘܥܠ ܐܚܪ̈ܝܬܐ ܒܝ̈ܫܬܗܿ. ܘܠܘ ܒܠܚܘܕ ܡܢ ܐܪܥܐ ܘܡܢ ܒܢܝ̈ܢܫܐܼ. ܐܠܐ ܘܡܢ ܫܡܝܐ ܐܦ ܡܢ ܡܪܝܐ.. ܨܘܦܝ ܚܕ ܬܪ̈ܝܢ ܬܒܿܥܼ ܕܠܐ ܒܪ̈ܚܡܐ.. ܡܥܣܪܢܐ ܢܿܦܩ ܥܠ ܥܒܪܗܝ ܐܘܪ̈ܚܬܐܼ ܐܝܟ ܟܠܒܐ ܦܩܪܐ. ܘܠܟܠ ܐܙܿܠ ܘܐܬܿܐ ܫܠܚܘܗܝ ܕܠܐ ܚܘܣܢ. ܓܠܘ̈ܝܐ ܕܝܢ ܝܬܝܪ ܡܢ ܟܘܕܪ̈ܐ ܕܠܗܝܩܝܢ ܠܡܦܘܠܬܐ ܕܫܠܕ̈ܐ܆ ܠܗܝܩܝܢ ܗܘܘ ܠܡܦܠ ܒܐܝܕ̈ܝܗܘܢ ܐܢܫ ܡܣܟܢܐ. ܘܐܝܟ ܟܘܕܪ̈ܐ ܠܚܕܪ ܫܠܕܐ: ܗܟܢܐ ܡܢܬܦܝܢ ܗܘܘ ܠܐܢ̈ܫܐ ܡܣ̈ܟܢܐ.. ܥܠ ܗܦܘܟܝܐ ܕܝܢ ܕܩܒܪ̈ܐ ܡܢܐ ܐܿܡܪܼ ܐܠܐ ܐܝܟ ܐܪܡܝܐ: ܕܗܼܘ ܒܿܕܩ ܠܢ ܥܠ ܗܦܘܟܝܐ ܕܩܒܪ̈ܐ ܘܒܘܕܪܐ ܕܓܪ̈ܡܝܗܘܢܿ ܐܝܟ ܙܒܠܐ ܥܠ ܐܦ̈ܝ ܐܪܥܐ ܘܠܝܬ ܡܟܢܫܢܐ. ܟܬܝܒܼ ܕܒܙܒܢܐ ܗܿܘ ܐܡܿܪ ܡܪܝܐܼ. ܢܦܩܘܢ ܓܪ̈ܡܐ ܕܡܠ̈ܟܐ ܕܝܗܘܕܐ ܘܓܪ̈ܡܐ ܕܢܒ̈ܝܐ ܘܓܪ̈ܡܐ ܕܥܡܘܪ̈ܝܗܿ ܕܐܘܪܫܠܡ ܡܢ ܩܒܪ̈ܝܗܘܢܼ. ܘܢܫܛܚܘܢ ܐܢܘܢ ܠܫܡܫܐ ܘܠܣܗܪܐ ܘܠܟܠ ܚܝ̈ܠܘܬܐ ܕܫܡܝܐ. ܕܪܚܡܘ ܐܢܘܢ ܘܦܠܚܼܘ ܐܢܘܢ ܘܐܙܠ ܒܬܪܗܘܢ܇ ܘܫܐܠܘ ܒܗܘܢ ܣܘܓܕܘ ܠܗܘܢ. ܘܠܐ ܢܬܟܢܫܘܢ ܘܠܐ ܢܬܩܪܘܢ: ܐܠܐ ܐܝܟ ܙܒܠܐ ܥܠ ܐܦ̈ܝ ܐܪܥܐ ܢܗܘܘܢ܀

ܗܠܝܢ ܒܙܒܢܢ ܗܘ̈ܝ. ܘܐܦ ܪܫܝܡ ܗܼܘ ܠܢ ܥܠܝܗܝܢ ܡܢ ܠܥܠ. ܐܠܐ ܒܪܡܿ ܫܢܬܐ ܗܕܐ ܐܘܣܦܬ ܒܝ̈ܫܬܐ ܥܠ ܟܠܗܝܢ ܕܩܕܡܝܗܿ ܘܕܒܬܪܗܿ: ܝܬܝܪܐܝܬ ܗܦܘܟܝܐ ܕܩܒܪ̈ܐ.. ܘܬܘܒ ܐܡܼܪ ܐܪܡܝܐܼ ܥܠ ܐܝܠܝܢ ܕܚܝ̈ܝܢ ܒܗ ܒܙܒܢܐܼ.

Page 333

ܘܢܓܒܘܢ ܠܗܘܢ ܡܘܬܐ ܡܢ ܚܝ̈ܐ: ܟܠ ܕܐܫܬܚܪ ܒܫܪܒܬܐܗܕܐ ܒܝܫܬܐܿ. ܒܟܠ ܐܬܪ̈ܘܬܐ ܕܒܿܕܪܬ ܐܢܘܢ ܠܬܡܢ.. ܘܬܘܒ ܗܼܘ ܐܪܡܝܐ ܐܡܼܪܼ. ܘܢܗܘ̈ܝܢ ܫܠܕ̈ܝܗܘܢ ܕܥܡܐ ܗܢܐܼ ܡܟܠܘܬܐ ܠܚܝܘܬܐ ܕܕܒܪܐ ܘܠܦܪܚܬܐ ܕܫܡܝܐ. ܘܠܝܬ ܡܦܨܝܢܐ. ܘܐܒܛܠ ܡܢ ܩܘܪ̈ܝܐ ܕܝܗܘܕܐ ܘܡܢ ܫܘܩ̈ܝܗܿ ܕܐܘܪܫܠܡܼ. ܩܠܐ ܕܕܝܨܐ ܘܩܠܐ ܕܚܕܘܬܐܼ. ܩܠܐ ܕܚܬܢܐ ܘܩܠܐ ܕܟܠܬܐ. ܡܛܠ ܕܠܚܘܪܒܐ ܬܗܘܐ ܟܠܗܿ ܐܥܪܐ. ܗܠܝܢ ܫܩ̈ܠ ܫܘܠܡܐ. ܟܕ ܐܬܝܗܒ ܫܠܕ̈ܐ ܕܒܢܝ̈ܢܫܐ ܡܟܘܠܬܐ ܠܚܝ̈ܘܬܐ ܕܕܒܪܐ ܘܠܦܪ̈ܚܬܐ ܕܫܡܝܐ. ܟܕ ܠܚܝܘܬܐ ܘܠܦܪܚܬܐ ܛܡܐܬܐܼ ܠܥܡܐ ܗܢܐ ܕܠܐ ܐܠܗܝ ܡܕܡܿܐ. ܩܠܐ ܕܝܢ ܕܚܕܘܬܐ ܘܕܚܬܢܐ ܘܕܟܠܬܐ ܒܼܛܠܼ. ܟܕ ܐܦ ܗܠܝܢ ܕܐܙܕܘܓ ܦܿܣܪܘ ܢܫܝ̈ܗܘܢ܇ ܘܥܒܕ ܠܗܝܢ ܟܬܒ̈ܐ ܕܕܘ̈ܠܠܐܼ ܡܢ ܣܓܝܘܬܐ ܒܝ̈ܫܬܐ. ܡܢ ܣܓܝܘܬ ܠܡ ܥܘܠܐܼ. ܢܦܘܓ ܚܘܒܐ ܕܣܓܝ̈ܐܐ.. ܗܠܝܢ ܠܐ ܐܠܨܐ ܠܢ ܠܡܪܫܡ ܐܢ̈ܝܢ ܬܘܒ. ܐܠܐ ܒܪܓܠܐ ܩܠܝܠܬܐ ܥܒܪܝܢܢ ܡܢܗܝܢ. ܟܕ ܡܫܢܝܢܢ ܠܘܬ ܬܘܣ̈ܦܬܐ ܘܒܝ̈ܫܬܐܕܩܒܠܬ ܫܢܬܐ ܗܕܐ ܝܬܝܪ ܡܢ ܚܒܪ̈ܬܗܿ. ܥܠ ܣܬܘܐ ܩܫܝܐ. ܘܥܠ ܩܘܪܐ ܥܙܝܙܐ. ܘܥܠ ܚܣܝܪܘܬܐ ܕܪܥܝܐ. ܘܐܘܠܨܢܐ ܕܚܝܝܬܐ ܕܩܢܝܢܐ ܕܐܘܪܝܐ. ܘܥܠ ܣܘܦܢܐ ܕܩܢܝܢܐ ܟܠܗ. ܥܠ ܟܦܢܐ. ܘܥܠ ܟܘܪܗܢܐ ܡܪܝܪܐ. ܘܥܠ ܡܘܬܢܐܼ ܕܣܝܦܝܢ ܗܘܘ ܒܗ ܐܝܟ ܩܡ̈ܨܐ ܒܢܝ̈ܢܫܐ ܘܒܥܝܪܐ. ܥܠ ܫܒܝܐ ܕܒܢ̈ܝ ܕܫܒܝܢ ܗܘܘ ܒܢ̈ܝ ܩܘܪ̈ܝܣ ܠܚܕ̈ܕܐ. ܘܥܠ ܒܙܘܙܝܐ ܕܒܢܝ̈ܢܫܐ. ܘܕܩܛܗܠܐ ܕܗܘܘ ܡܢ ܚܣܝܪܘܬܐ ܕܠܚܡܐ. ܘܥܠ ܩܛܘܥܘܬܐ ܕܐܘܪ̈ܚܬܐ. ܘܥܠ ܗܿܝܕ ܐܟܠܼ ܟܪ̈ܣܛܝܢܐ ܒܣܪܐ ܒܨܘܡܐܿ. ܘܐܦ ܐܟܠܼ ܫܠܕ̈ܐ ܕܡܝ̈ܬܐ ܡܢ ܒܠܝ ܠܚܡܐ. ܘܥܠ ܗܠܝܢ ܐܿܡܪ. ܥܠ ܗܠܝܢ ܐܿܬܢܐ ܘܐܟܬܒ ܐܢܝܢ ܠܕܒܬܪܢ. ܠܘܩܕܡ ܥܠ ܣܬܘܐ ܩܫܝܐ. ܘܥܠ ܣܘܦܢܐ ܕܒܥܝܪܐ

Page 334

ܘܕܚܝ̈ܘܬܐ ܘܕܦܪ̈ܚܬܐ. ܘܕܪ̈ܘܚܐ ܥܙܝ̈ܙܬܐ ܕܗܘ̈ܝ ܒܗ܀ ܟܬܝܒܼ ܕܐܥܿܒܕ ܩܝ̈ܛܝܟܘܢ ܣ̈ܬܘܐ. ܗܕܐ ܕܒܫܢܬܐ ܗܕܐ ܓܕܫܬ ܥܠ ܥܠܡܐ. ܒܗܿ ܕܝܢ ܒܫܢܬܐ ܗܕܐܼ. ܣܓܬ ܥܠܠܬܐ ܕܚܿܡܪܐ. ܒܗܿܝ ܕܢܥܒܕ ܐܠܗܐ ܢܦܝܫܐ ܠܡܣܟ̈ܢܐܼ. ܕܢܣܟܪܘܢ ܠܝܥܢܘܬܗܘܢ ܕܗܠܝܢ ܕ̈ܝܿܢܐܼ ܕܦܥܝܪ ܗܘܐ ܦܘܡܗܘܢ. ܐܝܟ ܩܒܪ̈ܐ ܦܬܝ̈ܚܐ ܕܠܐ ܣܒܿܥܝܢ ܡܢ ܫ̈ܠܕܐ ܕܟܠܝܘܡ ܣܒܠܝܢ ܗܠܘܢ: ܗܟܢܐܼ ܘܐܦܠܐ ܗܢܘܢ ܪ̈ܝܫܢܘܗܝ ܕܙܒܢܐ ܗܢܐ ܣܒܼܥܘ ܡܢ ܥܠ̈ܠܬܐ ܕܟܠܗܿ ܐܪܥܐ ܕܣܒܠܐ ܠܗܘܢ. ܝܗܼܒ ܕܝܢ ܐܠܗܐ ܡܢ ܒܝܬ ܓܙܗ ܥܬܝܪܐ ܥܠ̈ܠܬܐ ܫܦܝ̈ܥܬܐܼ. ܕܡܢܗܝܢ ܢܣܟܪܘܢ ܚܟܗܘܢ ܣܪܝܐ: ܘܢܪܦܘܢ ܠܒܢܝ̈ܢܫܐ ܡܣܟ̈ܢܐܿ. ܥܕ ܗܘܿܐ ܠܗܘܢ ܝܘܡܐ ܕܬܒܥܬܐܿ. ܘܫܠܡܝܢ ܚܘܒܝ̈ܗܘܢ ܘܡܠܝܐ ܟܝܠܬܐ ܕܚܛܗ̈ܝܗܘܢ. ܘܩܼܕܡ ܕܝܢ ܣܬܘܐ ܡܢ ܬܫܪܝܢ ܩܕܡ: ܘܟܒܼܫ ܐܢܘܢ ܠܟܪ̈ܡܐ ܘܠܥܢܒ̈ܝܗܘܢ ܒܗܘܢ ܬܠܓܐ ܪܒܐ. ܘܩܡ ܝܘ̈ܡܬܐ. ܘܗܟܢܐ ܟܕ ܬܠܓܐ ܟܫܑܼ ܥܠܝܗܘܢ܆ ܥܠܝܢ ܗܘܼܘ ܘܡܠܩܛܝܢ ܠܗܘܢ ܒܠ̈ܓܝܐ. ܘܡܛܠ ܥܙܝܙܘܬܐ ܕܩܘܪܐ ܪܒܐ ܕܐܕܪܟܗܿ ܠܐܪܥܐܼ ܢܬܪ̈ܢ ܗܘ̈ܝ ܟܠܗܝܢ ܘܐܒܕ̈ܢ ܒܬܓܠܡܐ. ܘܗܟܢܐ ܐܬܝܒܠ ܩܘܪܐ ܘܬܠܓܐܼ. ܕܠܐ ܡܛܪܐ ܗܘܿ ܕܐܝܟ ܥܝܕܐ ܢܚܼܬ ܡܢ ܬܫܪܝܢ ܩܕܡ ܥܕܡܐ ܕܩܪܒ ܚܙܝܪܢ ܕܢܥܘܠ. ܟܕ ܕ ܝܘܡ ܐܬܿܐ ܗܘܐ ܬܠܓܡܐܼ ܘܐܚܪܢܐ ܗܘ̈ܝܢ ܗܘ̈ܝ ܪ̈ܘܚܐܼ ܕܡܦܪ̈ܩܢ ܛܘܪ̈ܐܼ. ܘܓܠܝܕܐ ܘܩܘܪܐ ܥܙܝܙܐ. ܗܟܢܐ ܨܒܼܐ ܐܠܗܐ ܕܢܗܼܘܐ ܪܘܓܙܐ ܥܠ ܐܪܥܐ ܒܫܢܐ ܗܕܐܼ ܡܢ ܟܠ ܓܒܝ̈ܢ: ܡܢ ܫܡܝܐ ܘܡܢ ܐܪܥܐܼ ܐܦ ܡܢ ܐܪ̈ܒܥܬ ܪ̈ܘܚܝ ܫܡܝܐ. ܫܡܝܐ ܒܬܠܓܐ ܘܒܓܠܝܕܐ ܥܙܝܙܐ. ܘܐܪܥܐ ܡܢ ܠܬܚܬܼ ܒܩܘܪܐ ܕܡܦܩܥ ܫܘ̈ܥܐ. ܐܦ ܦ̈ܢܝܬܐܼ ܒܒ̈ܝܫܬܐ ܪܘܪ̈ܒܬܐ ܕܣܥܪܘ ܒܢܝ̈ܢܫܐ ܒܚ̈ܕܕܐ: ܗܠܝܢ ܕܠܐ ܡܬܡܢܝܢ ܡܢ ܣܓܝܘܬܗܝܢ.

ܥܠ ܣܘܦܢܐ ܕܩܢܝܢܐ ܘܕܒܥܝܪܐܼ ܕܗܼܘܐ ܒܫܢܬܐ ܗܕܐ.

Page 335

ܘܥܢ ܚܣܪܝܘܬܐ ܕܚܝܝܬܐ ܕܬܘܪܣܝܬܐ ܕܩܢܝܢܐ܀ ܟܕ ܕܝܢ ܗܘܼܐ ܨܗܘܢܐ ܐܝܟ ܡܐ ܕܩܕܡܢܢ ܥܗܕܢܢ ܡܢ ܠܥܠ: ܫܚܼܪ ܥܡܐ ܕܬܓ̈ܠܒܝܐ ܘܕܡ̈ܥܕܝܐܼ. ܒܥ̈ܢܘܬܐ ܘܒܓܡ̈ܠܝܗܘܢ ܘܒܢܫܘܬܗܘܢ. ܘܣܠܩܘ ܥܠ ܐܪܐ ܗܕܐ ܓܪܒܝܐ. ܘܐܦ ܥܪܝܒܐ ܟܠܗ ܕܬܝܡܢܐܼ ܣܼܠܩ ܘܐܚܪܒܘܗܿ. ܘܐܦ ܙܒܼܢܘ ܟܠܗ ܥܒܘܪܐ ܕܐܚܬܘܗܝ ܠܬܚܬ. ܘܐܬܡܠܝ ܟܠܗ ܪܥܝܐ ܡܢ ܠܒܪ. ܘܐܦ ܗܘܼܬ ܟܠܗܿ ܐܪܥܐ ܟܢܝܫܐ ܐܝܟ ܕܒܡܟܢܝܫܬܐ. ܘܐܦ ܬܒܢܐ ܘܡܝܟܠܐܼ ܩܠܝܠ ܗܘܼܐ. ܘܡܢ ܥܠܬܐ ܗܕܐܼ ܕܠܝܬ ܗܘܐ ܪܥܝܐ ܠܒܪ܆ ܘܐܦ ܠܓܘ ܙܥܘܪܐ ܗܘܬܼ ܥܠܠܬܐ: ܐܒܕ ܩܢܝܢܐ ܟܠܗ ܕܪܥܝܐ ܘܕܐܘܪܝܐ܆ ܥ̈ܙܐ ܘܥܢܐ ܘܒܥܝܪܐ. ܡܛܠ ܕܟܕ ܢܓܕܫ ܗܘܐ ܡܕܡ ܕܢܟܘܠ: ܒܝܕ ܗܿܝ ܕܠܝܬ ܗܘܐ ܣܟ ܡܕܡ ܐܠܐ ܥܦܪܐ. ܘܐܦܠܐ ܛܪܦܐ ܒܐܝܠܢܐ ܕܠܐ ܐܬܐܟܠܘ ܡܢ ܩܝܛܐ. ܘܐܟܼܠ ܩܢܝܢܐ ܕܠܒܪ ܡܕܡ ܕܚܡܠ ܡܛܠ ܩܢܝܢܐ ܕܠܓܘ: ܘܗܝܕܝܢ ܣܦܼ ܕܠܒܪ ܘܐܦ ܕܠܓܘ. ܡܛܠ ܕܢܓܪ ܣܬܘܐ ܘܐܪܝܟ. ܘܩܘܪܐ ܐܬܥܙܥܙ. ܡܢ ܠܒܪ ܩܘܪܐܼ ܘܡܢ ܠܓܘ ܟܦܢܐ. ܘܥܠ ܗܿܝ ܡܝܬ ܩܢܝܢܐ ܟܠܗ ܕܓܪܒܝܐܼ. ܥܢܐ ܘܬܘܪ̈ܐ ܘܪ̈ܟܫܐ ܘܚܡܪ̈ܐ: ܐܝܟܢܐ ܕܣܪ̈ܝ ܩܘܪ̈ܝܣ ܡܢ ܓܘܫܪ̈ܐܼ. ܥܕܡܐ ܕܒܝܫ̈ܢ ܗܢܝ̈ܢ ܩܘܪ̈ܝܣ ܒܣܪܝܘܬܐ ܡܢ ܩܒܪ̈ܐ.

ܥܠ ܪܘܚ ܥܙܝܙܬܐܕܗܘܼܬ ܒܗܿ ܒܫܢܬܐ܀ ܐܘܣܦܬܼ ܐܦ ܗܕܐ. ܘܢܦܩܬ ܪܘܚܐ ܩܫܝܬܐ ܘܥܙܝܙܬܐܼ. ܐܝܕܐ ܕܠܐ ܒܝܘ̈ܡܝܢ ܕܝܠܢܼ ܐܦܠܐ ܒܝܘ̈ܡܝ ܐܒܗ̈ܝܢܼ ܐܬܚܙܝܬ ܐܟܘܬܗܿ. ܗܿܝ ܕܐܒܼܕܘ ܒܗܿ ܒܢܝ̈ܢܫܐ ܣܓܝ̈ܐܐ. ܘܩܛܝܢܬܐ ܘܒܥܝܪܐ ܘܦܪܚܬܐ ܟܠܗܿ ܐܒܼܕ ܒܗܿ. ܘܐܦ ܙܪܥܐܣܓܗ ܐܬܥܩܪ. ܘܐܦ ܠܗ ܠܥܦܪܐ ܕܐܪܥܐ ܥܒܕܬܗ ܢܫܒܝ̈ܬܐܼ ܐܝܟ ܗܠܝܢ ܕܗܘ̈ܝܢ ܡܢ ܬܠܓܐ. ܗܘܼܬ ܕܝܢ ܬܪ̈ܝܢ ܝܘ̈ܡܬܐ

Page 336

ܚܕ ܒܬܪ ܚܕ: ܒܝܬ ܝܠܕܐ ܠܒܝܬ ܕܢܚܐ: ܘܬܘܒ ܒܐܪ̈ܒܬܥܣܪ ܒܫܒܛܼ ܒܝܘܡ ܚܕ ܒܫܒܐ ܩܕܡܝܐ ܕܨܘܡܐ܆ ܘܒܬܪ̈ܝܢ ܕܪܝܫ ܨܘܡܐ. ܘܡܛܠ ܕܡܪܦܚܐ ܗܘܬ ܐܪܥܐ ܡܢ ܓܠܝܕܐܼ ܘܪܘܛܒܢܐ ܠܝܬ ܗܘܐܼ. ܐܬܥܩܪ ܙܪܥܐ ܟܠܗ ܕܐܝܬ ܒܡܟܪ̈ܐ ܘܒܐܪ̈ܥܬܐ ܪ̈ܟܝܟܬܐܼ ܘܝܼܒܫ. ܐܩܛܪܬ ܐܦ ܚܫܘܟܐ ܘܥܡܛܢܐ ܡܢ ܚܠܐ ܕܝܠܗ ܕܥܦܪܐ. ܐܦ ܦܪܚܬܐ ܟܠܗܿ ܐܒܕܬܼ ܝܬܝܪܐܝܬ ܝܘ̈ܢܐ. ܟܕ ܠܐ ܐܬܝܕܥ ܐܝܕܐ ܥܠܬܐ ܓܕܫܬ ܠܗܘܢܼ ܠܐ ܐܢ ܩܕܡܝܗܿ ܐܙܠܼ. ܘܠܐ ܐܢ ܒܕܒܪܐ ܢܦܼܠ ܘܣܦ ܡܢ ܩܘܪܐ. ܐܝܟܢ ܕܒܒܝܒܪ̈ܝܢ ܕܠܐ ܣܟܐ ܚܼܪܒ. ܘܐܠܐ ܩܠܝܠ ܩܠܝܠ ܠܐ ܦܫ ܒܗ̈ܝܢ. ܘܐܝܟ ܡܐ ܕܐܒܕ ܗܠܝܢ ܕܫܝܢܐܼ. ܗܟܢܐ ܐܦ ܗܠܝܢ ܕܚܘܪܒܐ ܡܝܼܬ.

ܥܠ ܒܪܕܐ ܕܢܚܬ ܬܘܒ ܒܗܿ ܒܫܢܬܐ ܗܕܐ܀ ܢܚܬ ܬܘܒ ܐܦ ܒܪܕܐ ܒܗ ܒܫܢܬܐ ܗܕܐܼ. ܐܝܢܐ ܕܠܐ ܐܬܚܙܝ ܒܝܘ̈ܡܬܢ ܐܟܘܬܗ. ܪܒ ܗܘܐ ܓܝܪ ܒܕܡܘܬ ܒܘܓܪ̈ܐ. ܐܦ ܝܘ̈ܩܢܐ ܕܟܠ ܓܢܣ ܐܝܬ ܗܘܐ ܒܗ. ܟܕ ܐܦ ܓܢܣܦܪ̈ܐ ܐܝܬ ܗܘܐ ܕܚܪܝܦܝܢ ܐܝܟ ܣܝܦܐ: ܐܝܬ ܕܬܪ̈ܝܢ ܘܐܝܬ ܕܬܠ̈ܬܐ ܘܐܝܬ ܕܐܪ̈ܒܥܐ. ܘܬܒܪ ܐܝ̈ܠܢܐ ܘܟܪ̈ܡܐ. ܘܥܩܪ ܐܦ ܙܪܥܐ. ܘܟܠܗܘܢ ܒ̈ܬܐ ܣܘܪ̈ܚܢܐ ܣܓܝ̈ܐܐ ܥܒܪܕ ܡܢ ܥܠܬ ܫܓܡ̈ܐ ܪܘܪ̈ܒܐ ܕܗܘܘ ܒܗ. ܪܘܚܐ ܕܝܢ ܐܝܕܐ ܕܒܗܿ ܒܥܢܢܐ ܢܫܒܿܐ ܗܘܬܼ ܫܿܩܠܐ ܗܘܬ ܠܡܝ̈ܐ ܗܠܝܢ ܕܢܚܝܬܢ ܥܠ ܐܪܥܐܼ. ܘܡܿܣܩܐ ܠܘܩܒܠ ܗܢܝܢ ܕܢܚܬܝܢ ܡܢ ܠܥܠ: ܐܝܟܢܐ ܕܢܣܬܒܪܘܢ ܠܚ̈ܙܝܐ ܕܗܪܝ ܐܪܥܐ ܡܣܩܐ ܘܫܕܝܐ ܠܗܘܢ ܬܪܝܨܐܝܬ ܠܐܦ̈ܝ ܫܡܝܐ.

ܥܠ ܗܦܘܟܝܐ ܕܡܘܣܐ ܒܪ ܡܘܥܒ ܠܐܪܥܐ: ܘܥܠ ܥܡ̈ܠܐ ܕܥܼܒܕ܆ ܘܥܠ ܐܘܠܨܢ̈ܐ ܕܣܒܼܠܘ ܒܢܝ̈ܢܫܐ ܡܢܗܘܢ܀ ܐܝܟ ܡܐ ܕܡܢ ܠܥܠ ܐܬܥܗܕܢܢ ܕܟܕ ܡܠܬܼ ܫܢܬܐ ܕܩܡܕ ܡܗܕܐ ܕܝܠܗ ܕܥܘܿܠܐ: ܫܚܪܘܢ

Page 337

ܟܠܗܘܢ ܐܬܪ̈ܘܬܐ ܕܓܙܝܪܬܐ ܘܕܡܘܨܠ܆ ܘܢܚܼܬ ܢܡܣܪܘܢܝܗܝ ܥܠ ܒܝ̈ܫܬܐ ܕܣܼܥܪ ܒܗܘܢ. ܐܠܐ ܛܥܘ ܕܠܘܬ ܓܒܪܐ ܡܦܬܠܐ ܘܪܚܡܐ ܕܓܢ̈ܒܐ ܡܫܟܚܝܢ ܬܪܝܨܘܬܐ: ܗܿܝ ܕܚܠܦ ܛܒܬܐ ܕܐܣܒܪ ܕܡܫܟܚܝܢ܇ ܠܒܝܫܬܐ ܓܘܙܠܘ ܥܠܝܗܘܢ. ܟܕ ܠܘ ܒܠܚܘܕ ܡ̈ܠܝܗܘܢ ܠܐ ܩܒܠ: ܐܠܐ ܟܢܫ ܐܢܘܢ ܠܦ̈ܨܐ ܟܠܗܘܢ: ܕܐܥܠܘ ܠܗ ܒܢܝ̈ܢܫܐ ܡܣܟ̈ܢܐ ܡܛܠ ܐܘܠܨܢܗܘܢܼ. ܘܫܠܡ ܐܢܘܢ ܠܗ. ܘܐܦ ܐܘܣܦ ܠܗ ܥܠ ܐܝܩܪܗ. ܘܣܡܗ ܠܥܐ ܡܢ ܟܠܗܘܢ ܪܘܪ̈ܒܢܘܗܝ. ܘܐܦ ܦܩܕܗ ܕܢܥܒܕ ܥܡ̈ܠܐ ܡܢܗܘܢ ܘܒܗܘܢ ܕܡ̈ܕܝܢܬܐ: ܟܠ ܡܕܝܢܬܐ ܥܡܠܗܿ ܡܢܗܿ ܘܒܗܿ. ܗܼܘ ܕܝܢ ܟܕ ܦܘܩܕܢܐ ܗܢܐ ܢܣܒ ܘܗܦܟ ܒܙܘܟܬܐ ܪܒܬܐܼ ܢܗܡ ܐܝܟ ܐܪܝܐ ܠܬܒܪܐ. ܘܐܝܟ ܡܐ ܕܚܝܘܬܐ ܚܒܠܬܐܐܡܬܝ ܕܬܦܠ ܒܚܒܪܐ ܘܬܦܠܛ܇ ܥܠ ܒܝ̈ܫܬܐ ܕܩܡܝ̈ܬܐ ܡܘܣܦܐ. ܗܟܢܐܼ ܘܐܦ ܗܢܐܐܘܣܦ ܥܠ ܒܝ̈ܫܬܐ ܩܕ̈ܡܝܬܐ ܒܥܐܦ̈ܐ ܣ̈ܓܝܐܐܼ. ܟܕ ܡܿܠܟܐ ܣܡܟܗ ܒܡܠܬܐ܀ ܘܐܦ ܗܼܘ ܐܠܗܐ ܐܘܫܛ ܠܗ ܐܝܕܐ. ܐܝܟܢܐ ܕܐܦ ܐܡܪܝܐ ܐܡܼܕ: ܕܣܒ ܟܣܐ ܕܚܡܪܐ ܕܚܡܬܐ ܗܕܐ ܡܢ ܐܝܕܝܼ. ܘܐܫܩܝܗܝ ܠܟܠܗܘܢ ܥܡ̈ܡܐ ܐܝܠܝܢ ܕܡܫܕܪ ܐܢܐ ܠܟ ܥܠܝܗܘܢ. ܘܢܫܬܘܢ ܘܢܬܘܪܘܢ. ܘܢܬܛܪܦܘܢ ܡܢ ܩܕܡ ܚܪܒܐ ܕܡܕܫܪ ܐܢܐ ܒܝܢܬܗܘܢ. ܘܢܣܒܿܬ ܟܣܐ ܡܢ ܐܝܕܗ ܕܡܪܝܐܼ. ܘܐܫܩܝܬ ܠܟܠܗܘܢ ܥܡ̈ܡܐ ܕܫܕܪܢܝ ܡܪܝܐ ܥܠܝܗܘܢ܀ ܘܬܘܒ ܐܡܼܪ: ܐܫܬܘ ܘܐܪܘܘ ܘܐܛܪܦܘ ܘܦܠܘܼ ܘܠܐ ܬܩܘܡܘܢ ܡܢ ܩܕܡ ܚܪܒܐ ܕܡܫܕܪ ܐܢܐ ܒܝܢܬܟܘܢ.. ܘܬܘܒ ܐܡܼܪ: ܘܐܢܬܘܢ ܡܟܪܐ ܬܙܟܘܢܼ ܠܐ ܬܙܟܘܢ. ܡܛܠ ܕܚܪܒܐ ܩܿܪܐ ܐܢܐ ܥܠ ܟܠܗܘܢ ܥܡܘܪ̈ܝܗܿ ܕܐܠܥܐ ܐܡܿܪ ܡܪܝܐ. ܡܪܝܐ ܡܢ ܡܪܘܡܐ

Page 338

ܢܢܗܡܼ. ܘܡܢ ܡܥܡܪܐ ܕܩܘܕܫܗ ܢܬܠ ܩܠܗ. ܡܢܗܡ ܢܢܗܡ ܥܠ ܕܝܪܗ. ܝܗܝܿ ܝܗܝܿ ܐܝܟ ܥܨܘܪܐ ܢܥܢܐܼ ܥܠ ܟܠܗܘܢ ܥܡ̈ܡܐ ܕܐܪܥܐ. ܡܼܛܐ ܪܓܘܫܝܐ ܥܕܡܐ ܠܣܘ̈ܦܝܗܿ ܕܐܪܥܐ. ܡܛܠ ܕܕܝܢܐ ܠܡܪܝܐ ܥܡ ܟܠܗܘܢ ܥܡܘܪ̈ܝܗܿ ܕܐܪܥܐ.. ܫܪܝܪܐܝܬ ܕܕܝܢܐ ܗܘܼܐ ܠܡܪܝܐܼ ܥܡ ܟܠܗܘܢ ܥܡܘܪ̈ܝܗܿ ܕܐܪܥܐ ܒܫܢܬܐ ܗܕܐ: ܡܛܠ ܕܠܐ ܗܘܼܐ ܚܕ ܥܡܐ ܐܘ ܡܠܟܘܬܐ ܕܗܘܼ، ܒܢܝܚܐ. ܐܠܐ ܟܠܗܘܢ ܒܚܕܐ ܫܘܝܘܬܐ ܐܘܠܨܢܐ ܬܟܒܘ ܥܠܝܗܘܢ܇ ܡܛܠ ܕܟܘܠܗܘܢ ܐܫܬܝܘ ܡܢ ܟܣܐ ܕܐܝܕܗ ܕܡܪܝܐ. ܘܬܘܪܼ. ܘܐܬܛܪܦܘ ܦܘܪ̈ܣܐ ܒܗܿܝ ܕܠܐ ܐܬܝܗܒܘ ܠܗܘܢ ܥܿܛܐ. ܛܝ̈ܝܐ ܒܬܒ̈ܥܬܐ܆ ܘܝܗܘܕܝ̈ܐ ܘܟܪ̈ܣܛܝܢܐ ܥܡܗܘܢ. ܘܡܨܪ̈ܝܐ ܘܐܪ̈ܡܢܝܐ ܘܣ̈ܢܕܝܐ ܘܟܠܗܘܢ ܥܡ̈ܡܐ ܐܬܪܕܦ ܒܡܕܬܐ ܩܫܝܬܐ. ܘܡܟܝܠ ܡܘܕܥܐ ܗܕܐܼ ܕܡܢ ܟܣܐ ܗܢܐ ܐܫܬܝܘ. ܚܘܝܬ ܐܢܘܢ ܠܡ ܠܥܡܟ ܩܫ̈ܝܬܐ ܘܐܦ ܐܫܩܝܬ ܐܢܘܢ ܚܡܪܐ ܕܠܝܚܐ. ܟܕ ܐܦܠܐ ܐܪܥܐ ܕܪ̈ܗܘܡܝܐ ܐܫܬܘܙܒܬ ܡܢ ܐܘܠܨܢܐ ܗܢܐ ܡܪܝܪܐ. ܐܠܐ ܒܚܕܐ ܫܘܝܘܬܐ ܕܪܚܡܬ ܟܣܦܐ ܢܦܼܠ ܪ̈ܝܫܢܝܗܘܢ ܕܥܡ̈ܡܐܼ. ܕܝܠܢ ܐܦ ܕܝܠܗܘܢ: ܡܛܠ ܕܡܙܓܐ ܕܒܟܣܐ ܚܕ ܗܼܘ ܠܟܠܗܘܢ ܥܡ̈ܡܐ.. ܣܒܿܥܬ ܠܡ ܨܥܪܐ ܡܢ ܐܝܩܪܐ.. ܐܡܪ ܐܦ ܚܒܩܘܩܼ. ܐܫܬܝ ܐܦ ܐܢܬ ܘܐܬܛܪܦ܆ܛ ܘܢܗܦܘܟ ܥܠܝܟ ܟܣܐ ܕܝܡܝܢܗ ܕܡܪܝܐ. ܘܨܥܪܐ ܥܠ ܐܝܩܪܟ. ܡܛܠ ܕܚܛܘܦܝܐ ܕܠܢܢ ܢܟܣܝܟ. ܘܒܙܬܐ ܕܚܝܘܬܐܼ ܬܕܠܚܟ ܡܢ ܕܡܐ ܕܒܪܢܫܐ܆ ܘܚܘܦܝܐ ܕܐܪܥܐ ܘܕܡܕܝܢܬܐ ܘܕܟܠܗܘܢ ܥܡܘܪ̈ܝܗܿ.. ܗܐ ܚܘܝ ܢܒܝܐ ܗܢܐܼ. ܕܟܣܐ ܩܕܡܝܐ ܕܐܫܬܝܬ ܐܪܥܐ ܘܥܡܘܪ̈ܝܗܿ ܒܫܢܬܐ ܕܩܕܡ ܗܕܐܼ. ܡܢ ܐܝ̈ܕܝ ܡܪܝܐ ܢܦܼܩ. ܟܕ ܡܘܕܥ ܘܐܡܿܪܼ. ܕܢܗܦܘܟ ܥܠܝܟ ܟܣܐ ܕܝܡܝܢܐ ܕܡܪܝܐ. ܘܨܥܪܐ ܥܠ ܐܝܩܪܟ܀

Page 339

ܗܐ ܠܡ ܣܿܐܡ ܐܢܐ ܒܨܗܝܘܢ ܟܐܦܐ ܕܬܘܩܠܬܐܼ ܘܐܒܢܐ ܕܟܫܠܐ. ܘܟܠ ܡܿܢ ܕܢܿܦܠ ܥܠܝܗܿ ܬܕܪܝܘܗܝ. ܘܟܠ ܕܬܦܠ ܥܠܘܗܝܼ ܢܬܪܥܥ. ܗܠܝܢ ܒܡܘܣܐ ܗܘܼ̈ܝ: ܕܐܢ ܩܒܿܠܝܢ ܗܘܘܼ. ܪܘܓܙܐ ܡܿܝܬܝܢ ܥܠܝܗܘܢ. ܘܐܢ ܠܐܼ ܚܪܒܐ. ܘܡܢ ܟܠ ܓܒܝܼܗܢ ܝܒܫܬܐ. ܟܕ ܐܦ ܗܦܟ ܐܝܟ ܡܐ ܕܐܡܼܪܢܢ ܡܢ ܠܥܠ: ܘܡܪܝܐ ܝܗܼܒ ܬܘܩܠܬܐ ܠܟܠܗܘܢ ܥܡ̈ܡܐ ܩܕܡܘܗܝ. ܘܫܿܦܼܠ ܐܢܘܢ. ܒܥܪܝܐ ܘܒܩܘܪܐ. ܘܒܬܠܓܐ ܘܒܓܠܝܕܐ. ܐܝܟܢܐ ܕܠܐ ܡܫܟܚܝܢ ܗܘܘ ܠܡܦܩ ܘܠܥܪܩ ܡܢ ܩܕܡܘܗܝ܇ ܡܢ ܩܫܝܘܬܐ ܪܒܬܐ ܕܝܠܗ ܕܩܘܪܐ. ܘܐܢ ܕܝܢ ܢܓܕܫ ܘܢܥܪܘܩ ܚܕ ܡܢܗܘܢܼ. ܕܠܐ ܬܘܗܝܐ ܥܿܛܦ ܗܘܐܼ. ܟܕ ܠܝܬ ܗܘܐ ܒܪ ܐܢܫܐ ܕܢܐܙܠ ܒܬܪܗ. ܘܡܕܡܐܼ. ܕܐܝܟ ܗܿܘ ܕܒܐܣܘܪ̈ܐ ܩܠܝܠܐܝܬ ܡܢ ܪ̈ܕܘܦܐ ܡܬܬܚܕ ܘܐܬܿܐ ܠܒܝܬܗ. ܟܕ ܐܦ ܠܐܟܣܝܗܿ ܗܕܐ ܡܢܢ ܢܒܝܐ. ܐܠܐ ܐܡܿܪ: ܕܐܢ ܬܩܝܡ ܒܡܪܘܡܐ ܩܢܟܼ ܡܢ ܬܡܘܢ ܐܚܬܟܼ. ܘܐܢ ܬܚܘܬ ܐܦ ܠܫܝܘܠܼ ܡܢ ܬܡܢ ܐܣܩܟ. ܘܐܫܠܡܟ ܒܐܕܝܐ ܕܐܝܠܝܢ ܕܒܥܝܢ ܢܦܫܟ.. ܘܬܘܒ: ܘܢܕܘܫܝܘܗܝ ܐܝܟ ܣܝܢܐ ܕܫܘ̈ܩܐ. ܘܐܝܟ ܙܒܢܐ ܥܠ ܐܦ̈ܝ ܐܪܥܐܼ. ܘܠܝܬ ܕܡܦܨܐ܀ ܟܕ ܡܘܕܥܐ ܗܕܐܼ ܕܡܢ ܩܕܡ ܡܪܝܐ ܐܬܬ ܥܠܝܢ. ܟܕ ܥܛܦ ܗܢܐ ܢܗܡܼ ܐܝܟ ܐܪܝܐ ܠܬܒܪܐ.. ܘܫܐܠܼ ܘܐܦ ܝܠܦ ܥܠ ܐܢ̈ܫܐ ܥܢ̈ܬܐ ܘܕܠܐ ܪ̈ܚܡܐ: ܘܥܼܒܕ ܐܢܘܢ ܥܡ̈ܠܐ ܒܡ̈ܕܝܢܬܗܘܢ ܗܕܐ ܕܝܬܝܪ ܡܢ ܟܠܗ̈ܝܢ ܒܫܬܼ ܠܒܢܝ̈ܢܫܐ ܡܣ̈ܟܢܐ. ܡܛܠ ܕܠܐ ܢܡܣܪܘܢܝܗܝ ܐܫܟܚܼ. ܒܗܿܝ ܕܐܝܬܘܗܝ ܒܪ ܐܬܪܐܼ. ܘܐܦܠܐ ܡܕܡ ܛܼܫܐ ܗܘܐ ܡܢ ܩܕܡܘܗܝ. ܓܒܝ ܠܗ ܕܝܢ ܐܦ ܗܼܘ ܪܘܪ̈ܒܢܐ ܕܡܕܝܢܬܐ ܘܕܐܬܪܐ. ܘܥܒܕ ܐܢܘܢ ܠܗ ܚܒܪ̈ܐ. ܘܓܢܒܝܢ ܗܘܘ ܡܟܝ ܓܠܝܐܝܬܼ. ܗܼܢܘܢ ܘܥܡ̈ܠܐ. ܘܠܝܬ ܕܬܒܥ ܒܐܝܕ̈ܝܗܘܢ. ܘܐܦ ܗܼܢܘܢ ܡ̈ܣܟܢܐ ܗܘܼܘ ܒܐܘܠܨܢܐ ܪܒܐܼ. ܘܐܬܪܫܠ

Page 340

ܐܝܕ̈ܝܗܘܢ ܘܬܘܪ ܠܒܗܘܢ. ܘܐܬܦܣܩ ܚܨܗܘܢ ܡܢ ܫܼܡܥܐ ܕܬܝܬܗ ܕܪܫܝܥܐ. ܘܐܒܼܕ ܣܒܗܘܢ. ܡܛܠ ܕܕܚܠܬܐ ܐܝܕܐ ܕܕܚܠ ܡܢܗܿ. ܐܬܬܼ ܥܠܝܗܘܢ. ܘܡܢ ܡܕܡ ܕܙܥܘܢ ܡܼܛܐ ܥܠܝܗܘܢ. ܠܐ ܫܠܘ ܘܠܐ ܫܟܬ ܐܦܠܐ ܢܚܘ܆ ܘܐܬܐ ܪܘܓܙܐ. ܐܝܟ ܕܐܡܼܪ ܐܝܘܒ܀ ܥܼܒܕ ܗܢܘܢ ܥܡ̈ܠܐ ܠܟܠ ܩܪܝܬܐ ܚܕ:ܟܕ ܐܦ ܐܝܬ ܥܡܗ ܐܚܪ̈ܢܐ ܣ̈ܓܝܐܐ. ܟܕ ܐܦ ܩ̈ܫܝܢ ܗ̈ܘܼܝ ܬܒ̈ܥܬܗܘܢ ܕܝܠܗܘܢܼ ܓܙܝܬܐ ܕܬܒܿܥܝܢ ܗܘܘ. ܒܗܿܝ ܕܓ̈ܢܒܐ ܘܠܣ̈ܛܝܐ ܘܦ̈ܣܩܝ ܐܘܪ̈ܚܬܐ ܐܝܬܝܗܘܢ. ܘܗܠܝܢ ܓܒܘ ܘܣܡܘ ܐܢܘܢ ܕ̈ܝܢܐ. ܟܬܝܒ ܕܡ̈ܠܟܐ ܥܘ̈ܠܐܼ ܟܠܗܘܢ ܦܠܚܝ̈ܗܘܢ ܥܘ̈ܠܐ ܐܢܘܢ. ܘܗܟܢܐ ܒܐܘܠܨܢܐ ܒܫܝܐ ܘܒܡ̈ܚܘܬܐ ܘܒܢ̈ܓܕܐ ܡܪܝܪ̈ܐ: ܬܒܿܥܝܢ ܗܘܘ ܠܒܢ̈ܝܢܫܐ ܡܣܗܟܢܐ. ܟܕ ܐܦ ܝܬܝܪ ܡܢ ܦܠܓܐ ܕܬܒܥܬܗܘܢܼ ܗܢܘܢ ܫܿܩܠܝܢ ܗܘܘ ܒܐܓܪܗܘܢ. ܘܗܝܕܝܢ ܥܛܦܝܢ ܬܘܒ: ܒܬܪ ܕܢܣܒܝܢ ܗܘܘ ܡܢܗܘܢ ܙܘ̈ܙܐ ܒܐܓܪܗܘܢܼ. ܐܠܨ ܐܢܘܢ ܙܒܿܢ ܠܥܒܕܗܘܢ ܒܬܒܪܐܼ ܘܙܒܼܢܘܝܗ ܗܼܢܘܢ ܡܢ ܐܪܓܐ ܗܿܘ ܕܡܢܗܘܢ ܢܣܒ. ܘܗܟܢ ܡܠܘ ܒ̈ܬܝܗܘܢ ܥܒܕܐ ܕܝ̈ܬܡܐ ܘܕܐܪ̈ܡܠܬܐ. ܘܐܦ ܙܒܼܢ ܥܙܝ̈ܗܘܢ ܘܬܘܪ̈ܝܗܘܢ ܘܟܠ ܕܩܢܼܝܢ. ܕܟܕ ܢܓܫ ܘܢܦܘܩ ܚܕ ܡܢܗܘܢ ܠܐܬܪܐܼ ܠܐ ܩܼܢܐ ܡܕܡ. ܘܒܫܘܪܝܐܼ ܐܓܪܐ ܕܝܠܗ ܬܒܥ ܘܒܬܪܟܝܢ ܐܠܨ ܐܢܘܢܼ ܘܙܒܼܢ ܥܒܕܗܘܢ ܗܼܘ. ܘܐܝܿܢܐ ܥܘܠܐ ܢܗܘܐ ܕܒܝܫ ܡܢ ܗܢܐ. ܟܕ ܐܦ ܪ̈ܝܫܝ ܩ̈ܠܝܡܐ ܘܫ̈ܠܝܛܢܐܼ ܫܘ̈ܬܦܐ ܐܝܬܝܗܘܢ ܗܘܘܼ ܒܪܘܫܥܐ ܗܢܐ. ܕܝܬܝܪ ܡܢ ܟܠ ܫܟܝܚܐ ܗܘܬܼ ܠܘܬܗܘܢ ܓܢܒܘܬܐ. ܪܘܪ̈ܒܢܝܟ ܠܡ ܡܪܘܕܝܢܼ ܘܫܘ̈ܬܦܐ ܐܢܘܢ ܕܓܢܒ̈ܐ. ܟܕ ܒܗܠܝܢ ܡܪ̈ܪܐ ܬܒܥ ܬܘܠܬܐ ܘܬܪ̈ܝܢ: ܟܕ ܠܐ ܫܘܪܝܐ ܐܬܝܕܥ ܐܦܠܐ ܫܘܠܡܐ.ܘܠܐ ܡܘܢ ܫܩܠܝܢ ܡܘܕܥܝܢ ܐܦܠܐ

Page 341

ܡܘܢ ܕܩܛܥܝܢ ܘܫܿܕܝܢ ܐܕܕܥ: ܡܛܠ ܕܟܠܗܘܢ ̈ܗܘܦܟܝܗܘܢ ܕܓܢܒ̈ܐ ܘܕܠܣ̈ܛܝܐ ܘܕܦܣܩ̈ܝ ܐܘܪ̈ܚܬܐ ܐܝܬܝܗܘܢ. ܠܒܟ ܠܐܢ̈ܫܐ ܝܕ̈ܝܥܐ ܘܒ̈ܢܝ ܚܐܪ̈ܐ ܕܝܠܗ ܕܐܬܪܐ: ܘܙܒܼܿܢ ܟܠܗ ܩܢܝܢܗܘܢܼ ܥܡ ܟܠ ܕܩܢܼܝܢ܆ ܘܐܚܪܒ ܘܐܘܒܕ ܐܢܘܢ ܡܢ ܐܦ̈ܝ ܐܪܥܐ. ܘܠܐ ܣܦܩܬ ܠܗܘܢ ܗܕܐܼ. ܕܢܣܼܒ ܟܠ ܕܩܢܼܝܢ. ܐܠܐ ܕܐܦ ܬܒܥܝܢ ܗܘܘ ܠܗܘܢ ܡܕܡ ܕܠܐ ܩܢܘ. ܥܒܕ ܕܝܢ ܥܡ̈ܠܐ ܕܥ̈ܠܬܐ ܣ̈ܓܝܐܬܐ. ܕܙܿܕܩ ܐܠܡܠ ܕܛܝ̈ܝܐ. ܘܬܒܥ ܐܢܘܢ ܒܥ̈ܦܐ ܣ̈ܓܝܐܐ. ܥܒܕ ܠܣܩ̈ܛܐ ܥܬܝ̈ܩܐ. ܘܟܠ ܕܥܣܪ̈ܐ ܙܘ̈ܙܐ ܣܝܡܼ. ܬܒܥܘܝܗܼ ܬܠ̈ܬܝܢ܇ ܘܓܼܕܫ ܐܪ̈ܒܥܝܢ. ܘܥܒܿܕܝܢ ܗܘܘ ܒܪ̈ܝܬܐ ܡܢܗܘܢ ܘܒܗܘܢܼ. ܘܢܿܦܩܝܢ ܫܿܕܝܢ ܒܐܬܪܐ ܥܠ ܥܒܪ̈ܝ ܐܘܪܚܐ. ܘܓܕܫ ܕܥܠ ܒܘ̈ܟܢܐ ܕܝܠܗ ܕܐܬܪܐ ܥܒܿܕܝܢ ܗܘܘ ܘܫܿܕܝܢ ܒܪ̈ܝܬܐ. ܘܥܠ ܡܗܓܪ̈ܐܼ ܘܫܿܕܝܢ ܠܗ̈ܝܢ ܥܠ ܟܪ̈ܣܛܝܢܐ. ܟܕ ܠܘ ܥܠ ܒܛܝܠܘܬܐ ܕܡܫܠܡܢܘܬܐ ܟܪܟܝܢ܆ ܐܠܐ ܕܢܣܟܪܘܢ ܠܝܥܢܘܬܗܘܢ ܒܪܚܡܬ ܟܣܦܐ. ܦܣܩܝܢ ܗܘܘ ܘܫܿܕܝܢ ܩ̈ܛܝܥܝܬܐ ܕܠܐ ܒܪ̈ܚܡܐܿ. ܥܠ ܐܬܪܐ ܘܥܠ ܐܘܓܪ̈ܣܐ ܕܛܝ̈ܝܐܼ. ܟܕ ܠܐ ܝܕܝܥ̈ܢ ܥ̈ܠܠܬܗܝܢ. ܟܕ ܗܼܝ ܫ̈ܬܐܣܐ ܕܒܝܗܫܬܐ ܡܢ ܠܬܚܬ ܗܿܘܝܐ. ܘܥܡ̈ܠܐ ܬܘܒ ܡܘܣܦܝܢ ܗܘܘ ܐܟܘܬܗܿ. ܘܪ̈ܝܫܝ ܩ̈ܠܝܡܐ ܘܪ̈ܗܛܐ ܘܫ̈ܠܝܛܢܐ ܐܘܣܦ ܥܠܝܗܝܢ ܬܘܒ. ܘܗܟܢܐ ܒܟܠܗܘܢ ܡܫܠܛܐ ܗܘܬ ܓܢܒܘܬܐ ܕܠܐ ܒܪ̈ܡܐܼ. ܘܥܥܠܒܘܬܐ ܘܥܘܼܠܐ܀

ܕܠܘܬ ܗܠܝܢ ܡܙܥܩ ܢܒܝܐ ܐܫܥܐܝ ܟܕ ܐܡܿܪ܇ ܐܘܝ ܠܝ ܥܘ̈ܠܐ ܐܥܠܝܘ: ܥܘ̈ܠܐ ܥܘܼܐܐܥܠܝܘ. ܕܚܠܬܐ ܘܓܡܘܨܐ ܘܦܚܐ ܥܠܝܟ܆ ܥܡܘܪܐ ܕܐܪܥܐ. ܘܡܿܢ

Page 342

ܕܢܥܪܘܩ ܡܢ ܩܠܐ ܕܕܚܠܬܐ ܢܦܠ ܒܓܡܘܨܐ. ܘܡܿܢ ܕܢܣܩ ܡܢ ܓܘ ܓܡܘܨܐ ܢܬܬܚܕ ܒܦܚܐ. ܡܛܠ ܕܡܘܣܟ̈ܐ ܡܢ ܡܪ̈ܘܡܐ ܐܬܦܬܚܘ. ܘܙܥܼ ܫܬܐܣ̈ܝܗܿ ܕܐܪܥܐ. ܡܕܠ ܬܕܘܠ ܐܪܥܐ. ܘܡܡܘܛ ܬܡܘܛ ܐܪܥܐ. ܘܡܙܥ ܬܙܘܥ ܐܪܥܐ ܐܝܟ ܪܘܝܐܼ. ܘܬܢܘܕ ܐܝܟ ܥܪܙܠܐ. ܘܢܥܫܢ ܥܠܝܗܿ ܥܘܼܠܗܿ. ܘܬܦܠܼ ܘܠܐ ܬܘܣܦ ܠܡܩܡ. ܐܥܠܝܘ ܥܘ̈ܠܐ ܕܠܐ ܒܗܬܬ ܐܦ̈ܐ. ܘܙܥܬ ܐܪܥܐ ܘܡܛܬ. ܘܐܙܠܘ ܒܢ̈ܝܢܫܐ ܡܢ ܩܪܐ ܠܩܪܐܼ ܘܡܢ ܐܬܪܐ ܠܚܒܪܗ. ܘܥܼܫܢ ܥܘܠܗܘܢ ܕܒܢ̈ܝܢܫܐ. ܐܬܚܒܠܬܼ ܐܪܥ ܘܐܣܬܚܦ ܐܦ̈ܝܗܿ. ܘܐܒܕ ܢܡܘܣܐ. ܒܗܿ ܝܕܗܘܼܐ ܥܒܼܕܐ ܐܝܟ ܡܪܗ. ܘܟܗܢܐܼ ܐܝܟ ܥܡܐ. ܘܝܙܘܦܐܼ ܩܫܐ ܡܢ ܡܘܙܦܢܐ. ܘܝܬܝܪ ܡܢ ܡܪܐ ܚܘܒܐܼ ܡܿܢ ܕܚܐܒ ܠܗ.. ܘܐܦ ܐܫܥܝܐ ܐܡܼܪ ܥܠ ܗܠܝܢ: ܕܗܐ ܡܪܝܐ ܡܚܒܠ ܐܪܥܐܼ ܘܡܬܪܥ ܠܗܿ. ܘܣܿܚܦ ܐܦ̈ܝܗܿ. ܘܡܒܕܪ ܥܡܘܪ̈ܝܗܿ. ܘܢܗܘܐ ܥܡܐ ܐܝܟ ܟܗܢܐ. ܘܥܼܒܕܐ ܐܝܟ ܡܪܗ. ܘܐܡܬܐܼ ܐܝܟ ܡܪܬܐܿ. ܝܙܘܦܐ ܐܝܟ ܡܘܙܦܢܐ. ܩܿܢܝܐܼ ܐܝܟ ܡܙܒܢܢܐ. ܐܝܟ ܡܪܐ ܚܘܒܐ ܕܚܐܒ ܠܗ.. ܡܬܚܒܠܘ ܠܡ ܬܬܚܒܠ ܐܪܥܐ. ܘܡܬܒܙܙܘ ܬܒܙܙ. ܡܛܠ ܕܡܪܝܐ ܡܠܠ. ܐܠܬܼ ܘܝܬܒܬ ܘܐܬܐܒܠܬ ܬܒܝܠ. ܘܐܪܐ ܐܬܕܡܝܬ ܠܥܡܘܪ̈ܝܗܿ.. ܒܛܠ ܢܡܘܣܐ. ܐܬܚܠܦܘܢ ܦܘܩܕ̈ܢܐ ܛܒ̈ܐ ܠܒܝ̈ܫܐ. ܒܛܠܘܢ ܩܝ̈ܡܐ ܬܪ̈ܝܨܐ ܕܥܠܡ. ܘܚܠܦܝܗܘܢ ܥܠ ܥܘܼܠܐ ܘܪܘܫܥܐ ܥܡ ܓܢܒܘܬܐ. ܐܡܼܪ ܣܛܢܐ ܠܘܬ ܒܝ̈ܫܐܼ. ܕܗܐܐܗܐ ܚܘܬ ܒܗܘܢ ܥܝܢܝ. ܐܡܼܪ ܠܘܬ ܦܠܚ̈ܘܗܝܼ ܕܪܕܦܘܗܝ ܘܐܕܪܟܘܗܝ. ܠܐ ܢܡܪܕ ܐܢܫ. ܠܐ ܐܢܫ ܢܬܦܠܛ ܡܢ ܪܘܫܥܐ ܩܠܝܠ ܡܢ ܣܓܝ.. ܦܪܣ ܡܨܝܕܬܗ ܘܐܬܨܝܕ ܒܗܿ ܟܠܗܘܢ ܝܠܕ̈ܘܝ ܕܐܕܡ: ܐܫܟܚܬ ܐܝܕܗ ܐܝܟ ܩܼܢܐ ܠܟܢܫܐ ܕܥܡ̈ܡܐ. ܘܐܢܫ ܠܐ ܐܬܫܬܘܙܒ ܡܢ ܚܛܝܬܐ. ܐܦܠܐ ܐܦܝ̈ܣܩܦܐ ܐܘ ܟܗ̈ܢܐ ܐܘ ܕܝ̈ܢܐ. ܐܘ ܡܢ

Page 343

ܡܣܘܪܝܐ ܐܘ ܡܢ ܚܛܘܦܝܐ ܚܕ ܕܚܕ. ܐܘ ܡܢ ܡܟܠܩܪ̈ܨܐ ܘܨܘ̈ܚܝܬܐ ܘܓܘ̈ܕܦܐܼ. ܘܣܢܐܬܐ ܘܪܛܢܐܼ. ܐܘ ܓܢܒܘܬܐ ܐܘ ܓܘܪܐܼ ܐܘ ܗܦܘܟܝܐ ܕܒܩܒܪ̈ܐ. ܟܠܗܘܢ ܙܪ̈ܥܘܗܝ ܕܐܟܠܩܪܨܐ ܗܫܐ ܐܙܕܪܥ ܨܝܕ ܟܠܢܫ: ܐܝܟ ܕܪܓܗ ܘܐܝܟ ܚܝܠܗ ܚܿܒܨ ܗܘܐ ܟܠܢܗ: ܐܝܟ ܕܪܓܗ ܘܐܝܟ ܚܝܠܗ ܚܿܒܨ ܗܘܐ ܟܠܢܫ ܥܠ ܒܝ̈ܫܬܐ. ܠܗܠܝܢ ܟܕ ܚܙܐ ܗܼܘ ܢܒܝܐ ܐܡܿܪ: ܡܛܠ ܗܠܝܢ ܬܬܒܠ ܒܐܠܝܐ ܐܪܥܐ. ܘܢܬܚܝܒܘܢ ܟܠܗܘܢ ܥܡܘܪ̈ܝܗܿ. ܝܬܼܒ ܒܐܒܠܐ ܥܒܘܪܐ. ܘܐܠ̈ܝ ܓܘܦ̈ܢܐ܆ ܘܬܬܢܚܘ ܟܠ ܚܕ̈ܝܝ ܠܒܐ. ܒܛܠܬܼ ܚܕܘܬܐ ܘܦ̈ܠܓܐ. ܘܫܠܝ ܩܠܐ ܕܕܝܨܐ. ܘܒܛܠܬܼ ܚܕܘܬܐ ܘܟܢܪ̈ܐ ܘܙܡܪܐ. ܠܐ ܢܫܬܘܢ ܚܡܪܐ. ܢܐܡܪ ܫܟܪܐ ܠܫܬܝ̈ܗܘܝ܆ ܐܬܬܒܙܬܼ ܩܪܝܬܐ. ܘܐܬܬܚܕܘ ܟܠ ܒܝܬ ܡܕ̈ܢܐ. ܐܝܠܠܬܐ ܥܠ ܚܡܪܐ ܒܫ̈ܘܩܐ. ܒܛܬܼ ܟܠܗܿ ܚܕܘܬܐ ܘܥܼܒܪ ܕܝܨܐ. ܘܥܠ ܚܦܠܝܗܘܢ ܚܒܿܠܐ ܘܕܘܘܢܐ ܘܡܪܪܐ. ܗܠܝܢ ܠܘ ܡܢ ܫܡܥܐ ܐܬܼܝ ܠܢ: ܐܠܐ ܩܕܡ ܥ̈ܝܢܝܢ ܚܙܝܢ ܐܢܝ̈ܢ.. ܥܒܕܘ ܒܢ̈ܝܢܫܐ ܒܚܕ̈ܕܐ ܟܠܗ̈ܝܢ ܒܝ̈ܫܬܐ. ܘܣܼܥܘ ܥܠ ܝܚܝܕ̈ܝܐ ܘܚܒ̈ܝܫܐ ܘܐܣܛܘ̈ܢܝܐ: ܘܐܚܬܘ ܠܣܓܝ̈ܐܐ ܡܢ ܐܣ̈ܛܘܢܐܼ. ܘܐܦܩ ܠܚܒܝ̈ܫܐ ܡܢ ܒܝܬ ܚܒܘ̈ܫܝܐ. ܕܝܪ̈ܝܐ ܗܿܢܘܢ ܕܒܟ̈ܢܘܫܝܐ ܩܕ̈ܝܫܐ ܕܒܥܘܡܪ̈ܐ ܕܕܝܪ̈ܬܐ ܟܢܝܟܐܝܬ ܘܩܕܝܫܐܝܬ ܟܢܫܝܢ܆ ܝܬܝܪ ܡܢ ܟܠ ܣܒܼܠܘ ܐܘ̈ܠܨܢܐ ܘܪ̈ܕܘܦܝܐ ܘܢܓܕ̈ܐ ܡܪܝܪ̈ܐܼ ܡܢ ܥܠܬ ܬܒ̈ܥܬܐ ܕܕܝ̈ܢܐ. ܢܕܥ ܐܦ ܢܣܬܟܠ ܗܿܘ ܕܩܿܪܐܼ. ܕܠܐ ܡܡܬܘܡ ܐܬܚܙܝ ܒܥܠܡܐ ܪܕܘܦܝܐ ܕܩܫܐ ܡܢ ܕܫܢܬܐ ܗܕܐ. ܘܐܠܘ ܚܒܝܟܐ ܠܐ ܐܝܬܘܗܝ ܪܕܘܦܝܐ ܗܢܐ܆ ܒܝܕ ܗܿܝ ܕܟܠܗܘܢ ܥܡ̈ܡܐ ܐܠܝܨܝܢ ܗܘܘ ܒܗ܆ ܘܕܪܝܦܝܢܼ ܝܬܝܪ ܡܢ ܟܠ ܕܩܕܡܝܗܿ: ܐܝܬ ܗܘܐ ܠܝ ܠܡܫܒܚܘ ܠܣܗܕ̈ܘܬܐ ܕܝܘܡܢ. ܐܦܠܐ ܐܢ ܐܢܫ ܩܢܼܐ ܗܘܐ ܡܕܡ ܘܨܿܒܐ ܗܐ ܠܡܥܪܩ܆ ܐܝܟ ܡܐ ܕܒܐܣܘܪ̈ܐ ܡܬܣܪ ܗܘܐ܆ ܥܕܡܐ ܕܡܬܫܠܚܼ. ܘܠܐ

Page 344

ܦܫ ܗܘܐ ܡܕܡ. ܘܗܝܕܝܢ ܡܫܬܪܐ ܡܐ ܕܐܣܬܪܩ ܡܢ ܟܠܡܕܡ ܘܥܼܪܩ. ܟܕ ܐܝܬ ܗܘܐ ܡܕܡ ܠܚܕ ܡܢܗܘܢܼ. ܕܢܥܪܘܩ ܠܐ ܡܨܝܐ ܘܐܢ ܢܥܪܘܩ ܗܼܝ ܗܝܿ ܐܘܪܚܐ ܡܫܠܚܐ ܗܘܬܼ ܠܗ: ܘܐܢ ܢܗܐܘ ܘܢܣܝܡ ܥܒܿܕܗ ܒܐܪܥܐܼ. ܗܼܝ ܗܿܝ ܕܘܟܬܐ ܩܪܝܐ ܗܘܬ ܥܠܘܗܝܼ. ܕܗܐ ܥܒܿܕܗ ܕܦܠܢܼ ܬܘ ܣܒܘܢܝܗܝ. ܘܐܢ ܠܘܬ ܐܢ̈ܫܐ ܢܣܝܡܼ. ܗܼܘ ܗܿܘ ܕܥܒܿܕ ܠܗ ܣܬܪܐܼ ܗܼܘ ܡܫܡܠܐ ܗܘܐ ܠܗ ܕܘܟܬ ܓܢܒ̈ܐ ܘܠܣ̈ܛܝܐ܀ ܥܠ ܗܠܝܢ ܐܡܿܪ ܢܒܝܐ ܥܘܒܕܝܐܼ. ܕܐܢ ܬܬܪܝܡ ܐܝܟ ܢܫܪܐ܆ ܘܐܢ ܒܝܢܬ ܟܘ̈ܟܒܐ ܬܣܝܡ ܩܢܟܼ. ܡܢ ܬܡܢ ܐܚܬܟ܇ ܐܡܿܪ ܡܪܝܐ. ܘܬܘܒ ܐܡܪ: ܕܐܝܟܢ ܐܬܒܨܝ ܥܝܣܘ ܘܢܒ̈ܥ ܡܛܫ̈ܝܬܗ. ܗܪܟܐ ܐܝܬ ܗܘܼܐ ܠܡܚܙܐܼ. ܕܟܕ ܡܬܛܫܐ ܡܢܐܢܫ ܡܕܡ ܘܩܠܝܠܐܝܬ ܡܬܓܠܐ… ܘܗܘܫܥ ܬܘܒ ܐܡܼܪ: ܕܡܢ ܣܘܓܐܐ ܕܥܘܠܐܐܬܝܬܪܬ ܫܪܝܚܘܬܐ. ܘܬܘܒܼ ܘܫܪܝܚܘܬܐ ܒܒܝܬܗ ܕܐܠܗܐ. ܣܓܬܼ ܫܪܝܚܘܬܐ ܒܟܠܢܫܼ. ܘܥܘܠܐ ܘܓܕܠܬܐ ܘܡܣܒ ܒܐܦ̈ܐ.. ܫܛܘ ܥܡܝܼ ܠܝ ܠܐ ܝܼܕܥ. ܒܢ̈ܝܐ ܐܢܘܢ ܣܟ̈ܠܐ: ܚܟܝܡܝܢ ܠܒܝܫܬܐܼ ܘܛܒܬܐ ܠܐ ܝܕܥܝܢ. ܚܿܪܬ ܠܡ ܒܐܪܥܐ ܘܗܐ ܬܘܗ ܘܒܘܗ܇ ܐܡܪ ܩܕܝܫܐ ܐܪܡܝܐ.. ܗܘܬܼ ܐܪܥܐ ܟܠܗܿ ܬܘܗ ܘܒܘܗ: ܘܩܛܪ ܚܫܘܟܐ ܕܚܛܝܬܐ ܘܕܥܘܠܐܥܠ ܐܦ̈ܝܗܿ.

ܐܙܕܒܢ ܟܠܗ ܩܢܝܢܗܿ ܕܐܪܥܐ. ܘܣܓܘ ܬܓܪ̈ܝܗܿ ܝܬܝܪ ܡܢ ܟܘ̈ܟܒܝ ܫܡܝܐܼ. ܐܝܟ ܡܐ ܕܒܕܩ ܠܢ ܐܦ ܢܚܘܡ. ܥܙ̈ܐ ܒ̈ܛܢܬܐ ܬܪ̈ܬܝܢ ܘܬܠ̈ܬܐ ܒܙܘܙܼܐ. ܘܢܩ̈ܘܬܐ ܗܟܘܬ. ܬܘܪܐ ܒܙܘܙܐ. ܚܿܡܪܐ ܒܙܘܙܐ. ܒܓܠܐ ܒܥܣܪ̈ܐ ܙܘ̈ܙܐ. ܗܿܘ ܡܕܡ ܕܦܼܫ ܡܢ ܣܘܦܢܐܼ ܐܙܠ ܒܘܪܚܐ. ܡܐܢܝܗܗܘܢ ܡܦܪ̈ܓܐ ܘܪ̈ܓܝܓܐܼ. ܡܐ ܕܒܙܘ ܪ̈ܝܢܐܼ ܒܙ. ܘܗܠܝܢ ܐܙܕܒܢ ܕܡܓܢ. ܗܢܘ ܕܝܢ ܡܐܢܐ ܕܥܒܝܕ ܒܥܣܪ̈ܝܢ ܘܒ̈ܬܠܬܝܢ ܙܘ̈ܙܐܼ. ܐܙܠ ܒܬܪ̈ܝܢ ܬܠ̈ܬܐ ܙܘ̈ܙܐ܀ ܘܟܕ ܐܫܬܠܚܬܼ ܐܪܥܐ ܘܩܪܒ ܝܘܡ̈ܬܐ ܩܕ̈ܝܫܐ ܕܨܘܡܐ

Page 345

ܘܥܿܠܝܢ ܫ̈ܒܐ ܗܠܝܢ ܕܡܬܩܪܝܢ ܕܒܣܡܐܼ. ܐܠܐ ܚܢܢ ܠܘ ܕܒܣܡܐ ܡܟܢܝܢܢ ܠܗܝܢ܆ ܐܠܐ ܕܡܪܪܐ ܘܕܥܩ̈ܬܐ ܟܠܗܿܫ ܢܬܐ. ܘܗܟܢܐ ܐܬܝܒܠ ܐܘܠܨܢܐ ܗܢܐ ܟܠܗ ܨܘܡܼܐ ܩܕܝܫܐ܆ ܘܥܕܡܐ ܕܥܒܪ ܚܕܒܫܒܐ ܚܕܬܐ. ܘܒܛܠ ܥܕ̈ܥܝܕܐ ܘܚ̈ܕܒܝܫܒܐ. ܒܛܠ ܒܥܘ̈ܬܐ ܗܠܝܢ ܕܐܝܟ ܥܝܕܐ ܥܒܕ ܒܝܘܡ̈ܝ ܨܘܡܐ ܘܐܘ̈ܫܥܢܐ ܘܚ̈ܕܒܫܒܐ. ܟܪ̈ܣܛܝܢܐ ܥܩܪܘܢ ܟܠܗܝܢ ܨܒܘ̈ܬܐ ܕܦܪܙܠܐ ܘܕܩܝܣܐ ܡܢ ܒܬܝ̈ܗܘܢ ܘܙܒܢ. ܘܥܩܪ ܬܪ̈ܥܝܗܘܢ ܙܒܢ. ܟܕ ܡܣܟܝܢ ܠܛܒܬܐ. ܠܚܪܬܐ ܐܦ ܩܪ̈ܝܬܐ ܕܒܒ̈ܬܝܗܘܢ ܥܩܪ ܘܙܒܢܘ. ܘܗܝܕܝܢ ܫܒܼܩ ܠܚܪ̈ܒܬܐ ܕܒ̈ܬܝܗܘܢ: ܘܥܼܪܩ ܡܫ̈ܠܚܐ. ܟܕ ܛܥܝܢ ܡܢ ܩܪܐ ܠܩܪܐ ܘܡܢ ܐܬܪܐ ܠܚܒܪܗ܀ ܗܪܟܐ ܐܝܬ ܠܡܐܡܪ ܥܡ ܢܒܝܐ ܐܪܡܝܐ: ܕܐܟܠ ܥܡܐ ܡܪܪ̈ܐ ܘܐܫܬܝܘ ܡ̈ܝܐ ܡܪܝܪ̈ܐ. ܘܐܬܒܕܪ ܒܝܢܬ ܥܡ̈ܡܐ ܕܠܐ ܝܕܥܼ ܐܢܘܢ ܗܢܘܢ ܘܐܒܗ̈ܝܗܘܢ. ܘܐܫܬܕܪ ܒܬܪܗܘܢ ܚܪܒܐ ܥܕܡܐ ܕܐܬܓܡܪ܀ ܘܐܫܝܥܐ ܬܘܒ ܐܡܼܪ: ܕܢܗܘܘܢ ܐܝܟ ܛܒ̈ܝܐ ܕܥܪܩܝܢܼ ܘܐܝܟ ܥܢܐ ܕܠܝܬ ܠܗܿ ܡܟܢܫܢܐ. ܐܢܫ ܠܥܡܗ ܢܬܦܢܘܢ. ܘܓܒܪ ܠܐܪܥܗ ܢܥܪܩܘܢ. ܘܬܘܒܼ ܢܬܡܠܘܢ ܒܬܝ̈ܗܘܢ ܒܢ̈ܬ ܩ̈ܠܐܼ. ܘܫܐܕ̈ܐ ܢܪܩܕܘܢ ܬܡܢ. ܘܢܫܪ̈ܝܢ ܬܡܢ ܒܢ̈ܬ ܢܥܡ̈ܐ. ܘܢܥ̈ܢܝܢ ܣܪ̈ܝܢܣ ܒܣܚܪ̈ܬܗܘܢ. ܘܝܪܘܪ̈ܐ ܒܗܝܟ̈ܠܐ ܕܦܘܢܩ̈ܝܗܘܢ. ܠܘ ܒܠܚܘܕ ܐܝܬ ܠܢ ܠܡܐܡܪ ܕܥܒܪ ܣܡܝܕܐ ܘܢܘܩܝܐ ܡܢ ܒܝܬܗ ܕܐܠܗܐܼ. ܐܠܐ ܕܐܬܥܩܪ ܩܝܣܝ̈ܗܝܢ ܕܥܕ̈ܬܐ ܘܐܙܕܒܢ. ܘܕܫܪܟܐ ܝܩܕ ܒܢܘܐܪ. ܘܥܒܕܗܝܢ ܕܬܫܡܫܬܐ ܐܒܕܘ. ܚܪܒ ܟܪ̈ܡܐ: ܐܠ̈ܝ ܓܘܦ̈ܢܐ. ܚܩܠ̈ܬܐ ܐܘ̈ܥܝܢ ܟܘܒ̈ܐ ܘܕܪܕܪ̈ܐ. ܝܒܫܬ ܬܬܐܼ. ܘܐܐܦ ܙܝܬܐ ܐܬܚܒܼܠ. ܪ̈ܘܡܢܐ ܘܕܩ̈ܠܐ ܘܚܙܘܪ̈ܐ ܘܟܠܗܘܢ ܐܝܠܢ̈ܐ ܚܪܒ. ܒܝܕ ܗܿܝ ܕܒܛܠܬܼ ܚܕܘܬܐ ܡܢ ܒܢܝ̈ܢܫܐ. ܘܥܪܩܘܢ ܦܠ̈ܚܐ. ܘܗܘܼܘ ܒ̈ܬܝܗܘܢ ܡܥܡܪܐ ܠܚܝ̈ܘܬܐ܀

Page 346

ܥܠ ܐܘܠܨܢܐ ܕܗܘܼܐ ܒܝܕ ܬܒܪܐ ܘܒܝܫܬܐ ܕܒ̈ܢܝ ܩܘܪܝܣ ܡܢܗܘܢ ܘܒܗܘܢ ܕܩܘܪ̈ܝܝܐ܀ ܐܦ ܠܐ ܗܕܐ ܐܬܚܙܝܬ ܠܢ ܕܢܫܒܩܝܗܿ ܡܢ ܣܕܪܐ ܗܢܐ ܕܘ̈ܝܐ ܘܕܬܢ̈ܚܬܐ ܘܕܚܫܐ ܡܪܝܪܐ. ܩܕܡܿܬ ܪܫܡܿܬ ܡܢ ܠܥܠܼ. ܕܒܫܼܬ ܥܠܬܐ ܕܗܘܼܘ ܥܡ̈ܠܐ ܡܢ ܐܬܪܐܼ݂ ܝܬܝܪ ܡܢ ܟܠܗ̈ܝܢ ܒܝܫ̈ܬܐ ܩܕ̈ܡܝܬܐ ܘܐܚܪ̈ܝܬܐ. ܡܛܠ ܕܠܐ ܣܿܦܩܐ ܗܘܬܼ ܠܗ ܡܟܘܠܬܗ ܕܝܠܗ ܠܚܘܕ. ܐܠܐ ܐܦ ܥܕܡܐ ܠܫܝ̈ܛܐ ܐܦ ܠܒܨܝܪ̈ܐ ܪ̈ܗܛܐ ܥܒܕ ܐܢܘܢ ܩܕܡܘܗܝ. ܘܠܐ ܫܒܼܩ ܐܦܠܐ ܣܟܬܐ ܒܐܣܬܐ ܕܠܐ ܫܩܠܘܗܝܼ. ܡܛܠ ܕܓܢܘܒܝܢ ܗܘܘ ܐܝܟ ܕܐܒ̈ܝ ܪܡܫܐ. ܘܠܐ ܩܢܼܝܢ ܗܘܘ ܐܦ ܠܐ ܡܕܡ. ܘܗܪܟܐ ܗܘܼܘ ܠܗܘܢ ܥܬܝܪ̈ܢܐ ܒܝܕ ܓܢܒܘܬܗܘܢ ܘܕܥܡܗܠܘܢ. ܗܠܝܢ ܕܥܕܡܐ ܠܝܘܡܢܐ ܩܛܘ̈ܠܐ ܘܩ̈ܛܥܝ ܐܘܪ̈ܚܬܐ: ܘܪ̈ܘܝܐ ܘܙܢ̈ܝܐ ܘܟܡ̈ܢܝ ܒܠܝܠ̈ܘܬܐܼ ܘܦܠܫ̈ܝ ܒ̈ܬܐ ܐܝܬܝܗܘܢܼ. ܝܘܡܢܐ ܕܝ̈ܢܐ. ܚܙܘ ܐܚ̈ܝܼ. ܣܥܪܘܬ ܚ̈ܛܗܐ: ܒܐܝܕ̈ܝ ܡܿܢ ܫܿܕܝܐ ܠܥܒܘܕ̈ܝܗܘܢ.. ܐܝܟ ܡܐ ܕܐܡܿܪ܆ ܕܒܝܫܐ ܡܢ ܒܝܫܐ ܡܬܢܩܡ: ܗܐ ܚܛܗ̈ܝܢ ܐܝܟܐ ܘܒܐܝܕ̈ܝ ܡܿܢ ܫܕܘ ܠܢܼ ܘܡܿܢ ܗܘܘ ܠܢ ܬܒܘ̈ܥܐ ܐܢܫ̈ܐ ܥܢ̈ܬܐܘܠܐ ܡܪ̈ܚܡܢܐ܀ ܟܕ ܕܝܢ ܬܒܥ ܓܙܝܬܐ ܘܥ̈ܠܠܬܐ ܣܓܝ̈ܐܬܐ ܒܥܦ̈ܐ ܣܓܝ̈ܐܐ: ܘܐܦ ܐܙܕܒܢ ܟܠ ܡܐ ܕܩܢܝܢ ܒܢ̈ܝܢܫܐ ܘܫܩܠܘܗܝ. ܘܠܘ ܒܠܚܘܕ ܡܕܬܐ ܕܕܘܟܬܐ ܬܒܥܘܢ ܡܢܗܿ. ܐܠܐܼ ܘܒܥܦ̈ܐ ܣܓܝ̈ܐܐ. ܘܠܐ ܪܝܫܐ ܐܬܝܕܥ ܐܦܠܐ ܡܨܥܬܐ ܐܘ ܫܘܠܡܐ. ܩܛܥܝܢ ܘܫܕܝܢ ܥܠ ܕܘܟܝ̈ܬܐ ܟܕ ܐܡܪܝܢ: ܕܬܒܪܐ ܐܝܬܘܗܝ ܕܕܘܟܬܐ ܦܠܢܝܬ. ܘܙܦܠܢ ܐܠܦ̈ܝ ܦܝܫܝܢ. ܘܡܐ ܕܐܥܠ ܗܢܐܼ. ܦܣܩ ܬܘܒ. ܘܡܐ ܕܐܬܠܨ ܘܐܩܝܡܘܗܝ ܐܦ ܠܗ ܠܗܢܐܼ. ܫܕܐ ܬܘܒ. ܘܐܢܫ ܕܢܡܠܠ ܠܐ ܡܫܟܚ. ܒܗܿܝ ܕܟܠܢܫ ܕܚܿܠ ܗܘܐ ܡܢ ܦܩܘܬܗ ܕܝܠܗ ܕܕܝܢܐ. ܘܬܘܒ ܠܒܟ ܠܐܢ̈ܫܐ ܪܘܪ̈ܒܢܐܼ ܘܩܛܥ ܕܠܐ ܒܪ̈ܚܡܐܥܠܝܗܘܢ: ܥܕܡܐ ܕܠܣܓܝ̈ܐܐ ܐܘܒܕ

Page 347

ܘܐܚܪܒ ܐܢܘܢ. ܝܼܗܒ ܐܝܕܐ ܠܥܒܕ̈ܝ ܒܝ̈ܫܬܐ ܩܘܪ̈ܝܝܐ: ܘܣܒܟܝܢ ܗܘܘ ܥܠ ܐܢ̈ܫܐܼ ܘܫܩܠܝܢ ܗܘܘ ܘܡܙܒܢܝܢ ܟܠ ܡܐ ܕܩܢܝܢ  ܒܛܠܘܡܝܐ. ܟܕ ܐܡܪܝܢ܆ ܕܟܪܡܐ ܐܝܬ ܠܟ ܒܩܪܝܬܢ ܐܘ ܓܢܬܐ ܐܘ ܥܒܐ ܐܘ ܙܝܬܐܼ. ܐܘ ܥܪܝܒܬ ܠܢ ܒܓܒܪܐ: ܐܘ ܐܝܬܝܟ ܒܪ ܓܙܝܬܢܿ. ܘܙܦܠܢ ܫ̈ܢܝܐ ܠܐ ܝܗܝܒ ܠܟ ܠܢ: ܗܫܐ ܐܝܬܐ ܠܢ ܕܐܠܝܨܝܢܢ. ܒܗܠܝܢ ܘܕܐܝܟ ܗܠܝܢ ܥ̈ܠܬܐܼ. ܠܒܟܝܢ ܗܘܘ ܠܗܘܢ ܩܘܪ̈ܝܝܐ ܠܐܢ̈ܫܐ ܡ̈ܣܟܢܐ ܘܡܚܪܒܝܢ ܠܗܘܢ. ܘܐܦ ܗܼܘ ܕܝܿܢܐ ܡܠܦ ܗܘܐ ܠܗܘܢ ܗܟܢܐ ܘܝܿܗܒ ܐܝܕܐܼ. ܘܠܐ ܬܒܥ ܒܝܬ ܐܝܕ̈ܝܗܘܢ ܡܕܡ ܕܥܒܿܕܝܢ. ܘܐܦ ܥܠ ܥܒܪ ܐܘܪ̈ܚܬܐ ܣܒܟܘ. ܟܕ ܠܒܟܝܢ ܘܡܩܝܡܝܢ ܥܠܘܗܝ ܣܗܕ̈ܐ ܕܫܘܩܪܐ: ܕܒܪ ܓܙܝܬܢ ܗܘ. ܘܗܼܘ ܕܝܢ ܝܿܡܐܼ. ܕܐܦܠܐ ܡܢ ܡܬܘܡ ܚܼܙܝܢ ܠܝ ܗܠܝܢ ܐܢ̈ܫܐܿ. ܘܠܐ ܗܼܢܘܢ ܠܝ. ܘܗܼܢܘܢ ܐܡܪܝܢ ܕܒܪ ܓܙܝܬܢ ܗܘ. ܘܐܦ ܐܝܬܝܘ ܡܢܗܘܢ ܘܒܗܘܢ ܣܗܕ̈ܐ ܕܫܘܩܪܐ ܘܐܩܝܡ ܥܘܗܝ. ܘܗܟܢܐ ܡܙܒܿܢܝܢ ܗܘܘ ܠܩܢܝܢܗ ܘܠܥܒܿܕܗ ܘܠܟܠ ܕܩܢܐ. ܘܡܬܟܕܟܝܢ ܗܘܘ ܒܡܕ̈ܝܢܬܐ ܐܝܟ ܟܠܒ̈ܐ ܕܡܪܚܪܝܢ ܒܐܪܥܐ ܒܕܘܪ̈ܟܬܐ ܕܡܪ̈ܝܗܘܢܼ ܐܘ ܕܚܝܘܬܐ ܐܘ ܕܥܢܐ. ܘܡܫܐܠܝܢ ܠܡܢ ܐܝܬ ܡܕܡ ܕܣܝܡܼ. ܐܢ ܚ̈ܛܐ ܐܘ ܦܪܙܠܐ ܐܘ ܡܕܡ ܕܬܓܪܘܬܐ: ܘܫܩܠܘܗܝ. ܘܐܝܬ ܗܘܐ ܠܡܚܙܐ ܐܢܘܢܼ ܟܕ ܡܬܢܟܪ̈ܟܝܢ ܓܘܕ̈ܝܢ ܓܘܕ̈ܝܢ ܒܡܕ̈ܝܢܬܐܼ. ܘܐܦ ܡܬܚܪܝܝܢ ܥܠ ܐܢ̈ܫܐܼ ܟܕ ܐܡܪܝܢ ܕܦܠܢ ܕܝܠܢ ܗܘ. ܘܡܐ ܕܦܠܛ ܡܢ ܗܢܐ ܩܒܠܘܗܝ ܐܚܪ̈ܢܐ: ܘܡܢ ܗܠܝܢܼ ܠܘܬ ܐܚܪ̈ܢܐ ܐܬܝܒܠ. ܘܐܦܢ ܓܕܫ ܘܛܫܝ ܡܕܡ ܐܘ ܒܐܪܥܐ ܐܘ ܨܝܕ ܐܢܫܼ. ܗܝܼ ܗܿܝ ܕܘܟܬܐ ܡܝܠܐ ܗܘܬ ܥܠܘܗܝܼ ܒܕܡܘܬ ܒܛܢܬܐ ܕܚܒܿܠܐ ܠܡܐܠܕ. ܗܠܝܢ ܘܕܐܝܟ ܗܠܝܢ ܘܒܝܕ ܗܠܝܢ ܕܕ̈ܡܝܢ ܠܗܠܝܢܼ ܡܬܗܦܟܝܢ ܗܘܘ ܐܢܫ̈ܐ ܒܝܘܡ̈ܬܐ ܩܕ̈ܝܫܐ ܕܨܘܡܐ܀ ܡܟܝܠ ܢܫܢܐ ܠܘܬ ܒܝ̈ܫܬܐ ܐܚܪ̈ܢܝܬܐ. ܐܝܠܝܢ ܕܥܼܒܕ ܐܦ ܗܢܼܘܢ ܩܘܪ̈ܝܝܐ ܒܚܕܕ̈ܐ.

Page 348

ܢܐܙܠܘܢ ܠܡ ܡܢ ܚܝܠܐ ܠܚܝܠܐ. ܐܦ ܚܢܢ ܡܢ ܒܝܫܬܐ ܠܒܝܫܬܐ. ܡܛܠ ܕܬܐܒܬܐ ܥܠ ܬܒܬܐ ܘܬܝܘܒܐ ܥܠ ܬܝܘܒܐ. ܘܒܥܩܒܗ ܠܡ ܕܛܒܐܼ ܢܐܬܐ ܛܒܐ ܐܚܪܢܐ.

ܥܠ ܡܪܪܐ ܕܚܙܘ ܒܢܝ̈ܢܫܐ ܒܨܘܠܚܐ. ܘܥܠ ܫܒܝܐ ܕܥܒܼܕ ܒܢ̈ܝ ܩܘܪ̈ܝܣ ܒܚܕܕ̈ܐ܀ ܡܛܠ ܕܓܡܘܪܝܐ ܘܦܝܣ̈ܩܬܐ ܥܿܒܕ ܡܪܝܐ ܥܠ ܟܠܗܿ ܐܪܥܐ: ܗܪܟܐ ܐܝܬ ܠܡܚܙܐ ܓܡܘܪܝܐ ܕܗܘܼܐ ܠܟܠܡܕ.. ܘܐܦܠܐ ܥܕܟܝܠ ܬܟܬ ܚܡܬܗ ܕܡܪܝܐ ܡܢܢ܆ ܒܝܕ ܗܿܝ ܕܐܦܠܐ ܚܢܢ ܒܛܠܢܢ ܡܢ ܒܝ̈ܫܬܢ ܘܥܼܘ̈ܠܼܝܢ ܣܓܝ̈ܐܐ. ܐܠܐ ܝܘܡܝ ܡܢ ܝܘܡܝܼ ܥܠܝܗܘܢ ܡܘܣܦܝܢ ܗܿܘܝܢ. ܐܝܟ ܐܢܫ ܕܢܫܩܘܠ ܡܘܒܠܐ ܝܩܝܪܬܐ: ܘܚܠܦ ܗܿܝ ܕܢܒܨܘܪ ܡܢܗܿ. ܐܠܐ ܥܠܝܗܿ ܝܘܣܦ. ܡܪܝܐ ܪܓܙ ܩܠܝܠܼ. ܘܚܢܢ ܥܕܪܢ ܠܒܝ̈ܫܬܐ܀ ܘܥܠ ܗܿܝ ܡܙܥܩ ܠܘܬܢ ܐܦܠ ܐܪܡܝܐ ܟܕ ܐܡܿܪ: ܕܗܟܢܐ ܐܡܿܪ ܡܪܝܐ܆ ܕܐܢ ܢܩܘܡ ܡܘܫܐ ܘܫܡܘܐܝܠ ܩܕܡܝܼ. ܠܐ ܨܒܝܐ ܢܦܫܝ ܒܥܡܐ ܗܢܐ. ܐܦܩ ܐܢܘܢ ܡܢ ܩܕܡ ܐ̈ܦܝ ܢܫܩܘܢ. ܘܐܢ ܢܐܡܪܘܢ ܠܟ ܠܐܝܟܐ ܢܦܘܩܼ. ܐܡܪ ܠܗܘܢ: ܗܟܢܐ ܐܡܿܪ ܡܪܝܐ. ܕܠܡܘܬܐ ܠܡܘܬܐ. ܘܕܠܚܪܒܐ ܠܚܪܒܐ. ܘܕܠܟܦܢܐ ܠܟܦܢܐ. ܘܕܠܫܒܝܐ ܠܫܒܝܐ. ܘܐܦܩܘܕ ܥܠܝܗܘܢ ܐܪܒܥ ܡܚ̈ܘܢ ܐܡܿܪ ܡܪܝܐ. ܚܪܒܐ ܠܡܩܛܠ. ܘܟ̈ܠܒܐ ܠܡܓܪ ܘܦܪ̈ܚܬܐ ܕܫܡܝܐ ܘܚܝܘ̈ܬܐ ܕܐܪܥܐ ܠܡܟܠܘ ܘܠܡܚܒܪܘ. ܗܪܟܐ ܐܦܩ ܠܢ ܡܪܝܐ ܡܢ ܩܕܡ ܐܦ̈ܘܗܝ: ܘܠܐ ܩܘܕܫܐ ܘܠܐ ܚ̈ܘܣܝܐ ܐܦܠܐ ܐܢ̈ܫܐ ܟ̈ܐܢܐ ܕܒܝܢܬܢ ܪܥܝܘ ܠܡܪܝܐ ܥܠܝܢ. ܐܠܐ ܚܪܒ ܐܬܪ̈ܘܬܐ ܘܢܦܼܩ ܐܢ̈ܫܐ ܡܢ ܒܬܝ̈ܗܘܢ. ܘܢܦܼܠ ܥܠܝܗܘܢ ܟ̈ܠܒܐ ܕܓܪܝܢ ܘܕܢܬܫܝܢ ܠܗܘܢ. ܘܦܪ̈ܚܬܐ ܠܡܚܒܠܘ ܐܢܘܢ ܕܠܐ ܚܘܣܢ. ܐܠܐ ܘܒܝܫܝܢ ܡܢ ܟ̈ܠܒܐ ܘܦܪ̈ܚܬܐ. ܡܛܠ ܕܗܠܝܢ ܟܕ ܢܟܠܘܢ ܘܢܣܒܥܘܢ ܬܝܟܝܢ ܡܢ ܢܘܬܫܐ ܕܫܠܕܐ. ܐܠܐ ܗܠܝܢ ܠܐ. ܐܟܠܐ ܠܡ ܘܡܕܩܐ.

Page 349

ܘܡܕܡ ܕܡܘܬܪܐ ܒܪ̈ܓܠܝܗܿ ܕܝܫܐ. ܗܠܝܢ ܚܝ̈ܘܬܐ ܚ̈ܒܠܬܐ ܐܟܠܘ ܘܣܒܥ ܘܕܫܪܟܐ ܣܼܡ ܒܒܬܝ̈ܗܘܢ܀ ܘܠܐ ܣܦܼܩ ܠܗܘܢ ܒܝ̈ܫܬܐ ܟܠܗܝܢ ܕܬܢܝܢ܆ ܐܠܐ ܐܘܣܦ ܐܦ ܥܠܝܗܝܢ ܗܠܝܢ. ܟܕ ܩܪܝܒ ܕܐܬܚܪܪ ܓܙܝܬܐ ܟܠܗܿ. ܐܫܬܕܪ ܓܒܪܐ ܡܪܝܪܐ ܥܠ ܐܪܥܐ ܕܢܫܕܐ ܠܨܘܠܚܐܼ. ܕܫܡܗ ܪܙܝܢܼ ܗܿܘ ܕܡܢ ܠܥܠ ܐܬܥܗܕܢܢ. ܗܢܐ ܐܬܼܐ ܥܠ ܐܡܕ ܘܐܪܙܝܢ ܘܡܝܦܪܩܛܐ. ܐܡܝܕܼ ܒܝܕ ܕܐܝܬ ܒܗܿ ܐܢ̈ܫܐ ܝܥܢ̈ܐ ܘܫܝ̈ܛܐ ܒܢ̈ܝ ܐܬܪܐ ܕܠܐ ܐܡܿܪ ܚܕ ܡܢܗܘܢ ܒܥܡܠܗܿ. ܘܐܠܐܐܢ ܨܒܐ ܠܡܩܿܛܠܗ ܒܝܫܬܐܼ. ܩܿܒܼܠ ܗܢܼܘܢ ܪܘܪ̈ܒܢܐ ܝ̈ܥܢܐ ܘܥܡ̈ܠܐ ܓܢܘ̈ܒܐ ܫܒ̈ܥܝܢ ܐܠܦ̈ܝܐ ܨܘܠܚܐ. ܘܫܠܚ ܠܒܪ ܡܘܨܥܒ ܕܠܐ ܢܥܘܠ ܪܙܝܢ ܥܠܝܗܘܢ. ܐܝܟ ܡܢ ܕܢܥܒܕܘܢ ܗܢܘܢ ܪܓܬܗܢ ܦܩܪܬܐ ܒܒܢ̈ܝ ܐܬܪܐ. ܗܿ ܝܕܐܦ ܥܒܼܕ ܘܫܩܠ ܒܥ̈ܦܐ ܣ̈ܓܝܐܐ: ܘܠܘ ܒܠܚܘܕ ܫܒ̈ܥܝܢ ܐܠܦ̈ܝܐ ܬܒܥܼ ܐܠܐ ܘܬܠ̈ܬܐ ܥܦ̈ܐ ܥܠܝܗܘܢ. ܘܦܣܩ ܘܫܕܘ ܥܠ ܟܠܢܫ ܐܝܟ ܡܐ ܕܡܛܝܗܝ. ܘܟܕ ܟܠܚܕ ܙܒܼܿܢ ܟܠ ܡܐ ܕܩܢܐ. ܘܐܠܨ ܐܦ ܠܡܣ̈ܟܢܐ ܘܐܟܣܢܝ̈ܐ: ܘܐܦ ܠܥܒܪ̈ܝ ܐܘܪ̈ܚܬܐ . . . ܘܐܦ ܥܠ ܬܓܪ̈ܐ. ܘܐܢ̈ܫܐ ܕܒܡܕܝܢܬܐ ܫܠܚ ܒܛܠܘܡܝܐ. ܟܕ ܐܡܪܝܢ܆ ܘܕܒܕܘܦܛܝܟܝܢ ܐܢܬ. ܘܥܡܠܐ ܝܗܿܒ ܗܘܐ ܐܝܕܐ ܥܠ ܗܠܝܢ. ܘܟܠ ܡܢ ܕܡܫܟܚܝܢ ܗܘܘ ܕܐܝܬ ܗܘܼܐ ܠܗ ܚܕ ܦܘܠܣܐܼ. ܫܕܘ ܥܠܘܗܝ ܦܘܡܐ ܘܫܠܚܘܗ܆ ܐܘ ܚ̈ܛܐ ܐܘ ܣܥܪ̈ܐ ܐܘ ܥ̈ܠܠܬܐ ܐܚܪ̈ܢܝܬܐ ܕܬܓܘܪܬܐ: ܘܗܝܕܝܢ ܠܡܚܣܢ ܐܩܝܡܘܗܝ ܠܗܿ، ܡܕܡ ܕܫܕܘ ܥܠܝܗܘܢ. ܘܟܕ ܟܠܢܫ ܐܫܬܠܚ܆ ܘܡܼܢ ܠܟ ܓܒܝ̈ܢ ܩ̈ܠܐ ܕ̈ܘܝܐ ܡܫܬܡܥܝܢ ܗܘܼܘ. ܘܐܦ ܚܙܘ ܥܡ̈ܠܐ ܟܠ ܕܘܟܬܐ ܕܦܝܫ ܒܗܿ ܩܠܝܠ ܩܠܝܠܼ. ܦܣܩ ܘܫܕܘ ܥܠܝܗܝܢܼ ܟܕ ܐܡܪܝܢܼ ܕܩܠܝܡܐ ܦܠܢ ܥܪܝܩܼ ܘܠܝܬ ܒܗ ܐܢܫ. ܘܐܦ

Page 350

ܠܗܿܘ ܝܼܗܒ. ܘܬܘܒ ܦܣܩ ܘܫܕܘ. ܘܐܦ ܠܗܢܐ ܝܼܗܒܘ.. ܘܟܕ ܚܙܘ ܐܢ̈ܫܐ ܡܣܟܢ̈ܐ ܕܓܢܒܘܬܐ ܗܕܐ ܓܠܝܬܐ ܠܐ ܒܛܠܐܼ. ܘܐܦܝ̈ܗܘܢ ܠܐ ܒ̈ܬܢܼ. ܘܡܢ ܐܠܗܐ ܠܐ ܕܚܠܝܢ܇ ܘܐܦܠܐ ܗܿܘ ܪܝܫܐ ܕܟܠܗܝܢ ܒܝ̈ܫܬܐ ܬܒܼܥ ܒܝܬ ܐܝܕ̈ܝܗܘܢ ܠܥܼܘ̈ܠܐ ܕܟܠܝܘܡܐ ܣܥܪܝܢ ܒܐܬܪ̈ܘܬܐܼ. ܐܩܝܡ ܓܒܐ܇ ܟܕ ܐܡܪܝܢܼ ܕܬ. . ܬܢ ܝܗܝܒ ܠܢܼ ܘܬܒܼܪܐ ܣܓܝܐܐ ܕܚܒܪ̈ܝܢ. ܘܨܘܠܚܐ ܕܝܠܢ ܘܕܝܠܐ ܕܝܠܢ. ܥܕܡܐ ܠܐܡܬܝ ܠܐ ܣܒܥܝܢ ܡܢ ܒܣܪܢ. ܬܘܒ ܠܐ ܝܿܗܒܝܢܢ. ܕܠܐ ܝܿܕܥܝܢܢ ܡܢ ܐܝܟܐ ܢܝܬܐ ܠܗܘܢ܀ ܥܡ̈ܠܐ ܕܝܢ ܟܕ ܗܠܝܢ ܫܼܡܥ܆ ܛܼܪܦ ܐܝܕ̈ܝܗܘܢ ܘܚܪܩ ܫܢܝ̈ܗܘܢ ܐܝܟ ܕܐܒ̈ܐ ܠܗ̈ܝܩܝ ܠܕܡܐ: ܘܟܢܫܘ ܥܠܝܗܘܢ ܠܟܠܗܘܢ ܓܢ̈ܒܐ ܘܩܛܘ̈ܠܐ ܕܡܕܝܢܬܗܘܢ. ܘܐܦ ܫܕܪ ܚܠܝܦܬܗܼ ܘܥܡܗ ܐܢ̈ܫܐ ܓܢܒ̈ܐ ܘܐܫܕܗܝ ܕܡܐܼ. ܪܘܪ̈ܒܢܐ ܡܢ ܐܬܪܐ ܕܩܘܪ̈ܝܝܐ. ܐܢ̈ܫܐ ܥܢ̈ܬܐ ܘܠܐ ܡܪ̈ܚܡܢܐ. ܘܟܿܢܼܫ ܡܢ ܩܘܪܝܣ ܛܠܝ̈ܐܼ. ܚܝܠܐ ܣܓܝܐܐ ܒܩܢܘܛܪ̈ܐ ܘܒܩ̈ܠܥܐܼ. ܘܥܼܠ ܐܙܠܼ ܥܠܝܗܘܢܼ ܟܕ ܐܦ ܗܢܼܘܢ ܩܘܪ̈ܝܝܐ ܥܼܒܪ ܒܝ̈ܫܬܗܘܢ ܠܟܠܗܘܢ ܩ̈ܛܘܠܐ ܘܓܢ̈ܒܐ ܕܒܝܢܬܗܢ. ܘܥܒܼܕ ܒܝ̈ܫܬܐ ܪܘܪ̈ܒܬܐ ܒܐܚܝ̈ܗܘܢܼ. ܐܝܠܝܢ ܕܙܥܘܪ ܗܼܘ ܠܫܢܐ ܕܢܬܢܐ ܐܢܝ̈ܢ܀ ܘܡܛܠ ܕܕܘܟܬܐ ܗܕܐ ܕܐܩܝܡܬ ܓܒܐ ܐܝܬܝܗܿ ܒܝܢܬ ܛܘܪ̈ܐ: ܘܒܦܢܝܬܐ ܓܪܒܝܝܬܐ ܕܝܠܗ ܕܐܬܪܐ: ܡܬܩܪܝܐ ܕܝܢ ܬܘܬܝܣܼ. ܘܐܦ ܗܼܘ ܥܡܗ ܚܒܝܟܐ ܐܝܬܘܗܝ ܣܘܪܝܝܐ ܘܐܘܪܛܝܐ: ܒܝܕ ܗܿܝ ܕܥܡ ܐܘܪ̈ܛܝܐ ܦܠܓܝܢ. ܗܢܘܿ ܕܝܢ ܕܐܪܡܢܝ ܕܐܪ̈ܒܥ. ܘܐܝܬ ܒܗ ܕܝܢ ܒܐܪܬܐ ܗܢܐ ܕܘܟܬܐܚܕܐ ܕܡܦܩܐ ܐܒܪܐ ܘܣܐܡܐ ܥܡ ܐܚܪ̈ܢܝܬܐ ܕܢܣ̈ܟܢ ܦܪܙܠܐ. ܘܡܢ ܐܘܠܨܢܐ ܪܒܐ ܕܣܥܼܐ ܥܠ ܟܠܗܿ ܐܪܥܐ:

Page 351

ܐܬܟܢܫܘܢ ܒܢܝ̈ܢܫܐ ܒܕܘܟܬܐܗܕܐ ܕܐܒܪܐ ܣܓܝ̈ܐܐ ܐܝܟܢܐ ܕܬܗܘܐ ܬܡܢ ܡܫܪܝܬܐ ܪܒܬܐ. ܘܐܦ ܥܡܠܐ ܢܗܘܐ ܠܗܿ ܡܢ ܡܠܟܐ. ܘܡܢ ܟܠܗܘܢ ܐܬܪ̈ܘܬܐ ܐܨܛܝܒܘ ܠܕܘܟܬܐ ܗܕܐܼ. ܘܚܓܘܪ̈ܐ ܪܘܪ̈ܒܐ ܘܥܡ̈ܝܩܐ ܚܦܪܝܢ ܒܗܿ ܡܢ ܥܠܬܐ ܕܝܠܗ ܕܐܒܪܐ܀ ܠܗ ܕܝܢܢ ܠܕܘܟܬܐ ܗܕܐ ܕܫܼܡܗܢܢ ܬܪܨܘ ܚܝܠܐ ܗܼܘ ܕܥܠܘ ܕܩܘܪ̈ܝܝܐ. ܟܕ ܨܒܝܢ ܠܡ ܕܢܫܕܘܢ ܥܠܝܗܘܢ ܨܘܠܚܐ. ܦܪ̈ܣܐ ܕܝܢ ܥܡ̈ܠܝܗܘܢ ܠܐ ܨܒܘ ܠܡܩܒܠܘ ܡܢܗܘܢ. ܟܕ ܐܡܪܝܢܼ ܕܣܓܝ̈ܐܐ ܡܢܗܘܢ ܡܢ ܐܬܪܟܘܢ ܐܝܬܝܗܘܢ ܐܢܘܢܼ ܘܓܙܝܬܐ ܘܥܩ̈ܬܐ ܝܿܗܒܝܢ. ܘܗܢܘܢ ܠܐ ܐܬܦܝܣ. ܐܠܐ ܙܼܿܝܢ ܢܦܫܗܘܢ ܠܩܪܒܐ ܩܫܝܐܝܬܼ. ܘܕܢܫܒܘܢ ܠܟܠܡܕܡ ܕܐܝܬ ܠܗܘܢ. ܘܦܘܪ̈ܣܝܐ ܦܩܕ ܠܡܫܪܝܬܗܘܢ ܕܢܩܡܘܢܼ ܘܢܛܪܕܘܢ ܐܢܘܢܼ ܕܠܐ ܢܥܠܘܢ ܥܠܝܗܘܢ. ܠܘ ܟܕ ܨܿܒܝܢ ܒܩ̈ܛܠܐ. ܘܟܕ ܕܝܢ ܥܠܘܢ ܥܠܝܗܘܢ ܗܠܝܢ ܕܠܐ ܒܚܘܣܢܐܼ. ܘܐܦ ܫܪܝܘ ܡܩܛܠܝܢ ܠܗܘܢ: ܥܩܪܘ ܗܠܝܢ ܕܐܒܪܐ ܡܢ ܩܕܡ ܚܪܒܐ. ܘܒܝܕ ܗܿܝ ܕܥܕܟܝܠ ܣܬܘܐ ܗܘܐܼ ܘܬܠܓܐ ܪܒܐ ܐܝܬ ܗܘܐ ܒܐܪܥܐ ܗܿܝܼ. ܘܐܦ ܩܛܝܪ ܗܘܼܐ ܓܠܝܕܐ ܥܠ ܦܘܡܝ̈ܗܝܢ ܕܗܠܝܢ ܓܘܒ̈ܐܼ. ܘܛܡܪ̈ܢ ܬܘܒ ܒܬܠܓܐܼ ܘܐܦ ܡ̈ܠܝܢ ܗܘ̈ܝ ܡܝ̈ܐܼ. ܘܠܼܐ ܝܕܝܥ̈ܢ: ܟܕ ܥܪܩܝܢ ܗܘܘܼ ܢܦܠܘ ܒܓܘܒ̈ܐ ܗܠܝܢ ܒܢܝ̈ܢܫܐ: ܘܡܢܗܘܢ ܣܓܝ̈ܐܐ ܐܬܚܢܩܘ ܘܐܒܕ. ܘܛܒܥ ܒܓܘܗܝܢ܇ ܬܚܝܬ ܓܠܝܕܐ ܘܦܬܘܗ ܕܝܠܗ ܕܓܘܒܐ. ܘܐܦ ܠܓܣܝ̈ܐܐ ܡܢܗܘܢ ܩܛܠ ܒܣܝܦܐܼ. ܘܠܐ ܚܣ. ܘܫܠܚ ܐܦ ܫܒܘܗܿ ܠܟܠܗܿ ܡܫܪܝܬܐ ܗܿܝ܀ ܥܠ ܗܠܝܢ ܢܐܠܐ ܒܕܡܘܬ ܐܪܡܝܐ ܢܒܝܐܼ ܘܢܐܡܪ: ܕܦܬܚ ܥܠܝ ܦܘܡܝ̈ܗܘܢ ܟܠܗܘܢ ܒܥܠܕ̈ܒܒܝܢ. ܕܚܠܬܐ ܘܙܘܥܬܐ ܗܘܬܼ ܠܢ. ܓܡܘܨܐ ܘܬܒܪܐ. ܬܦ̈ܐ ܕܡܝ̈ܐ ܐܪ̈ܕܝܝ ܥܝܢ̈ܝ ܥܠ ܬܒܪܗܿ ܕܒܪܬ ܥܡܝ. ܡܨܕ ܨܕܘܢܝ ܐܝܟ ܨܦܪܐ ܒܥ̈ܠܕܒܒܝ ܡܓܢ. ܫܿܬܼܩ

Page 352

ܒܓܘܒܐ ܚ̈ܝܝ. ܫܕܘ ܒܝ ܟ̈ܐܦܐ. ܛܦܘ ܡܝ̈ܐ ܠܥܠ ܡܢ ܪܝܫܝ.. ܘܢܘܣܦ ܐܦ ܗܿܝ ܕܡܢ ܐܚܪܢܐ ܐܬܡܪܬܼ. ܕܡܿܢ ܕܢܥܪܘܩ ܡܢ ܩܠܐ ܕܕܚܠܬܐܼ ܢܦܠ ܒܓܡܘܨܐ. ܘܡܿܢ ܕܡܢ ܓܡܘܨܐ ܢܦܠܛܼ ܢܦܠ ܒܚܪܒܐ. ܘܡܢ ܕܡܢ ܚܪܒܐ ܢܦܘܫܼ ܢܦܠ ܒܫܒܝܐ܀ ܗܪܟܐ ܠܐ ܐܬܒܨܪ ܡܕܡ ܡܢ ܗܠܝܢ. ܟܕ ܐܦܠܐ ܗܠܝܢ ܕܐܬܚܢܩ ܐܘ ܐܬܩܛܠܼ ܚܼܣ ܥܠܝܗܘܢ ܟܪ̈ܣܛܝܢܐ ܚܒܪ̈ܝܗܘܢ ܘܐܣܩ ܘܩܒܪ ܐܢܘܢ: ܐܠܐ ܘܐܢ ܓܕܫ ܘܐܣܩܘܗܝ ܠܚܕ ܡܢܗܘܢܼ ܫܠܚ ܡܢ̈ܘܗܝ ܡܢܗܼ ܘܫܒܩܘܗܝ ܥܠ ܦܘܡܗ ܕܓܘܒܐ ܥܪܛܠܐܝܬ܀ ܥܠ ܒܝ̈ܫܬܐ ܐܝܠܝܢ ܕܣܥܼܪ ܒܐܪܥ ܗܿܝܼ ܠܐ ܐܠܨܐ ܗܘܬ ܠܡܬܢܝܘ ܐܢ̈ܝܢ. ܚܕܐ ܡܛܠ ܕܐܟܒܪ ܠܐ ܡܬܗܝܡ̈ܢܢ ܡܢ ܐܢܫ ܡܛܠ ܒܝܘܬܗܝܢ: ܘܐܚܪܝܬܐܼ ܕܠܐ ܢܬܚܙܝܢ ܩܕܡ ܚܢ̈ܦܐܿ. ܘܢܐܡܪܘܢ ܕܠܝܬ ܕܚܠܬܐ ܕܐܠܗܐ ܒܥܝ̈ܢܝ ܟܪ̈ܣܛܝܢܐܿ ܡܛܠ ܕܒܝܫܝܢ ܥܒܕ̈ܝܗܘܢ ܡܢ ܕܡ̈ܓܘܫܐ . ܐܠܐ ܒܝܕ ܗܿܝ ܕܢܘܕܥ ܕܗܢܝܢ ܥܠ̈ܠܬܐ ܗܘ̈ ܝܡܥܠܬܐ ܠܐܘܠܨܢܐ ܗܢܐ ܠܡܐܬܐ ܥܠܝܢ. ܕܐܝܠܝܢ ܕܚܿܙܝܢ ܥܒܿܕ̈ܝܢܼ ܢܛܪܘܢ ܢܦܫܗܘܢ. ܘܬܘܒ ܕܢܚܙܐ ܠܪ̈ܚܡܘܗܝ ܕܐܠܗܐܿ. ܕܛܥܝܢ ܘܡܣܝܒܪ ܥܝ̈ܛܝܢ ܘܣܘܓܐܐ ܕܒܝ̈ܫܬܢܼ. ܫܒܩܝܢܢ ܩܠܝܠ ܪܘܫܡܐ ܕܝܠܗܝܢ܀ ܥܼܠ ܕܝܢ ܥܠܝܗܘܢ: ܘܒܝܕ ܕܬܠܓܐ ܪܒܐ ܕܐܝܬ ܗܘܐ ܒܐܪܥܐ ܗܿܝܼ. ܠܐ ܐܬܥܪܩ ܠܗܘܢ. ܘܐܢ ܓܕܫ ܘܥܪܩܘ ܐܙܠܝܢ ܗܘܘ ܒܕܪܟܗܘܢ. ܘܟܕ ܡܫܟܚܝܢ ܠܗܘܢܼ ܟܕ ܫܕܝܢ ܒܬܠܓܐܼ. ܗܢܘܢ ܘܥܒܕܗܘܢ ܘܢܫ̈ܝܗܘܢ ܘܒܢܝ̈ܗܘܢ. ܘܪܬܝܬܝܢ ܘܩܢܥܝܢ ܐܝܟ ܡܠܚܐܼ ܡܢ ܩܫܝܘܬܗ ܕܝܠܗ ܕܩܘܪܐ. ܘܚܠܦ ܕܢܥܒܕܘܢ ܥܠܝܗܘܢ ܪ̈ܚܡܐܿ. ܡܫܠܚܝܢ ܗܘܘ ܠܗܘܢ ܠܟܠܗܘܢ ܠܓܒܪ̈ܐ ܘܠܢܫ̈ܐ ܘܠܝܠܘܕ̈ܐ. ܘܫܒܩ ܐܢܘܢ ܥܪܛܠܝܐܝܬ ܕܠܐ ܓܠܐ ܐܘ ܡܘܩܐ. ܘܐܦ ܥܕܡܐ ܠܫܪ̈ܒܠܝܗܘܢ ܫܩܠܝܢ ܗܘܘ ܡܢܗܘܢ. ܟܕ ܐܦܠܐ ܡܬܟܚܕܝܢܝ ܗܘܘ ܡܢ ܦܘܪܣܝܗ

Page 353

ܕܟܝܢܐ. ܘܐܦ ܛܢ̈ܦܘܬܐ ܥܒܕܝܢ ܗܘܘ ܒܢܫܝ̈ܗܘܢ ܘܒܒܢ̈ܬܗܘܢ ܩܕܡ ܚܕܕ̈ܐܼ ܕܠܐ ܟܘܚܕ. ܦܩܕ ܕܝܢ ܪܫܝܥܐ ܗܿܘ ܕܥܠ ܥܠܝܗܘܢܼ. ܕܟܠܢܫ ܡܘܢ ܕܡܕܪܟܼ ܕܝܠܗ ܢܗܘܐ. ܐܝܟ ܡܢ ܕܢܫܡܠܐ ܗܼܘ ܘܓܢܒ̈ܐ ܗܠܝܢ ܕܕܒܩܘܗܝ ܘܥܠ ܥܡܗ ܡܢ ܐܬܪܐܿ. ܠܪܓܬܗܘܢ ܦܩܪܬܐ. ܗܿܝ ܕܐܦ ܥܒܕ ܘܫܡܠܝ. ܟܕ ܐܦ ܒܝܫܝܢ ܗܘܘ ܩܘܪ̈ܝܝܐ ܘܪ̈ܝܫܢܝܗܘܢܼ ܝܬܝܪ ܡܢ ܚܢ̈ܦܐ. ܘܠܐ ܚܣ ܥܠ ܐܚܝ̈ܗܘܢܼ ܐܦ ܠܐ ܩܠܝܠ. ܐܠܐ ܥܼܒܪ ܒܝ̈ܫܬܗܘܢ ܠܗܠܝܢ ܕܡܫܬܡܗܝܢ ܗܘܘ ܩܕܡ ܟܠܢܫ ܩ̈ܛܥܝ ܐܘܪܚܐ. ܨܒܘ̈ܬܐ ܐܝ̈ܠܝܢ ܕܐܝܬܝܗܢ ܬܫܡܫܬܐ ܕܒܢܝ̈ܢܫܐܼ. ܟܠܗܝܢ ܚܒܠ ܐܢ̈ܝܢ: ܕܩܝܣܐܼ ܐܘܒܕ ܒܢܘܪܐܼ. ܘܕܦܚܪܐܼ ܬܒܪܼ. ܘܕܢܚܫܐ ܘܕܦܪܙܠܐ ܢܣܒܘ ܐܢ̈ܝܢ ܠܗܘܢ. ܡܢ ܥܪ̈ܣܐ ܘܬܪ̈ܥܐ ܘܥܪ̈ܒܐ ܘܠܓ̈ܐܼ. ܠܐ ܫܒܩ ܡܕܡ ܕܠܐ ܐܘܒܕܘܗܝ ܒܢܘܪܐ. ܩܘܩ̈ܐ ܘܩ̈ܠܐ ܘܩܕܪ̈ܐ ܘܚܨ̈ܒܐ ܬܿܒܼܪ. ܘܠܚܡܪܐ ܕܒܗܘܢ ܐܫܬܝܘ ܟܡܐ ܕܐܫܟܚܼ. ܘܕܫܪܟܐ ܐܒܕܘܗ  ܘܐܬܐܫܕ ܥܠ ܐܦ̈ܝ ܐܪܥܐ. ܘܐܢ ܓܕܫ ܘܡܛܒܥ ܗܘܐ ܒܐܪܥܐܼ. ܘܠܝܬ ܗܘܐ ܠܗܘܢ ܥܠܘܗܝ ܐܬܪܐ ܕܢܬܒܪܘܢܝܗܝ: ܐܘܫܛ ܒܗ ܚܕ ܡܢܗܘܢ ܩܘܢܛܪܗܼ ܘܦܠܫܗ ܠܬܚܬ. ܘܐܙܠ ܚܡܪܗ ܒܓܘ ܐܪܥܐ. ܘܒܕܒܫܐ ܗܟܘܬ ܥܒܕܘ. ܟܡܐ ܕܐܫܟܚ ܐܟܠܼ. ܘܕܫܪܟܐ ܐܫܕ ܒܐܪܥܐ. ܟܘܪ̈ܐ ܕܝܢ ܟܠܗܝܢ ܕܕܒܘܪ̈ܝܬܐܼ ܬܒܪ ܐܢܝ̈ܢ. ܘܐܦ ܛܡܫ ܐܢܝ̈ܢ ܒܡ̈ܝܐܼ ܘܡܝܬܝܢ ܟܠܗܝܢ. ܐܦ ܥܕܡܐ ܠܗܕܐ ܣܥܘ ܠܡܥܒܕܼ ܒܝܕ ܡܠܟܗ ܕܣܛܢܐ: ܗܼܘ ܕܕܪܫ ܠܗܘܢ ܐܘܪܚܐ ܠܬܡܘܢ. ܕܝܬܝܪ ܡܢ ܗܠܝܢ ܚܢ̈ܦܐ ܕܒܝܢܬܗܘܢܼ ܣܥܘ ܥܠ ܒܣܪܐ ܘܓܒܬܐ ܠܡܐܟܠ ܒܝܘ̈ܡܬܐ ܩܕ̈ܝܫܐ ܕܝܠܗ ܕܨܘܡܐܼ. ܥܡ ܣܘܥܪ̈ܢܐ ܡܚܒ̈ܠܐ ܕܣܼܥܪ. ܐܝܟܢܐ ܕܟܕ ܡܼܛܐ ܛܒܐ ܠܘܬܢܼ. ܡܘܢ ܣܥܪܘ ܒܐܚܝ̈ܗܘܢ: ܒܚܫܐ ܪܒܐ ܘܒܥܩܬܐ ܘܬܢ̈ܚܬܐ ܩܫ̈ܝܬܐ ܗܼܘܝܢܢܼ ܘܐܦ ܐܬܕܡܪܢܢ ܕܟܡܐ ܢܫܬܥܐ ܒܝܫܐ ܒܒܢܝ̈ܢܫܐ. ܣܥܘ ܕܝܢ ܐܦ ܥܠ ܥܕ̈ܬܐܼ.

Page 354

ܘܚܠܨ ܘܫܩܠ ܠܟܬܒܝ̈ܗܝܢ ܘܠܟܠܗܘܢ ܡ̈ܐܢܝ ܬܫܡܫܬܐ ܕܪ̈ܐܙܐ ܩܕ̈ܝܫܐ. ܘܡܛܠ ܕܒܗ̈ܝܢ ܒܥܼܕ̈ܬܐ ܚܒܫ ܗܘܘ ܠܢܫܘܬܗܘܢ: ܥܠܝܢ ܗܘܘ ܐܦ ܚܢ̈ܦܐܼ ܘܡܣܬܚܦܝܢ ܗܘܘ ܥܡܗܼܝܢ ܒܓܘܗܝܢ܀ ܗܪܟܐ ܐܝܬ ܗܘܐ ܠܡܒܟܐܥܡ ܐܪܡܝܐ ܘܠܡܐܡܪ: ܕܢܦܩ ܡܢ ܨܗܝܘܢ ܟܠܗ ܗܕܪܗܿ: ܗܢܘܿ ܕܝܢ ܡܢ ܥܕܬܐ ܩܕܝܫܬܐ. ܟܗܢ̈ܝܗܿ ܡܡܟܟܝܢ. ܘܗܼܝ ܡܪܝܪܐ ܠܗܿ. ܐܬܬܪܝܡ ܒܥܠܕܒܒܐ. ܐܝܕ̈ܘܗܝ ܦܪܣ ܐܠܘܨܐ ܥܠ ܟܠܗܝܢ ܪ̈ܓܝܓܬܗܿ: ܘܚܙܝܬ ܥܡ̈ܡܐ ܕܥܠܘ ܠܡܩܕܫܟܿ. ܕܦܩܕܬܟ ܕܠܐ ܢܥܠܘܢ ܒܟܢܫܘܬܐ. ܥܡ ܗܿܝܼ ܕܢ̈ܫܐ ܒܨܗܝܘܢ ܨܥܪܘ܀ ܗܠܝܢ ܒܝ̈ܫܬܐܐܣܬܥܪ ܒܐܪܥܐ ܗܿܝ. ܟܕ ܐܦ ܓܒܪ̈ܐ ܐܝܬܝܘ ܟܕ ܦܩܪ̈ܝܢ ܐܝܟ ܩ̈ܛܘܠܐܼ. ܘܩܢܝܢܗܘܢ ܟܠܗ ܫܚܪܘܗܝ ܘܐܦܩܘܗܝ ܥܡܗܘܢ. ܟܕ ܐܦ ܠܩܘܪ̈ܝܣ ܣܓܝ̈ܐܬܐ ܗܟܢܐ ܥܒܕܘ: ܕܡܦܩܝܢ ܗܘܘ ܠܩܘܪ̈ܝܝܐܼ ܘܫܒܝܢ ܘܡܓܪܓܝܢ ܠܥܡܘܪ̈ܝܗܝܢ܀

ܒܐܪܙܝܢ ܕܝܢ ܘܒܡܝܦܪܩܛܐ ܥܒܼܪ ܒܗܝܢ ܪܙܝܢ. ܘܟܕ ܐܫܟܚ ܠܓܢܒܘܬܐ ܕܥܡ̈ܠܝܗܝܢ܆ ܕܢ ܐܢܘܢ ܒܢܕ̈ܐ ܪܘܪ̈ܒܐ ܘܒܡ̈ܚܘܬܐ ܩ̈ܫܝܘܬܐ܆ ܥܕܡܐ ܕܪܦܼܬ ܒܬܘ̈ܠܥܐ ܘܡܝܼܬ. ܘܬܒܪ ܐܝܕ̈ܗܝܘܢ ܐܦ ܪ̈ܓܠܝܗܘܢ ܒܨܦܘܦ̈ܐ. ܘܐܦܩܗ ܠܡܠܐ ܗܿܘ ܕܓܢܒ ܡܢܗܘܢ. ܐܫܠܡ ܐܢܘܢ ܡܪܝܐ ܒܐܝܕܗ ܕܥܘܠܐ ܒܝܫܐ. ܘܟܠܗܝܢ ܛܢ̈ܦܘܬܐ ܕܣܥܪܝܢ ܗܘܘ ܣܼܠܩ ܒܩܢܘܡܗܘܢ. ܐܡܪܝܢ ܗܘܘ ܥܠܝܗܘܢ ܕܨܝܕܝܢ ܗܘܘ ܣܼܠܩ ܒܩܢܘܡܗܘܢ. ܐܡܪܝܢ ܗܘܘ ܥܠܝܗܘܢ ܕܨܝܕܝܢ ܗܘܘ ܓܪ̈ܝܥܐ ܡܢ ܫܘ̈ܩܐ: ܘܡܚܒܠܝܢ ܗܘܘ ܠܗܘܢ. ܘܐܦ ܗܢܘܢ ܟܬܘ̈ܒܐ ܘܣܓܣܛܪ̈ܐ ܥܘ̈ܠܐܼ ܕܐܝܬܝܗܘܢ ܗܘܘ ܟܪ̈ܣܛܝܢܐܿ. ܕܠܐ ܒܗܬܬ ܐܦ̈ܐ ܡܫܕܪܝܢ ܗܘܘ ܘܡܝܬܝܢ ܒܬܘ̈ܠܬܐ ܒ̈ܢܬ ܩܝܡܐܼ ܘܡܚܒܠܝܢ ܠܗܝܢ ܥܡ ܒܬܘ̈ܠܬܐ ܒܢ̈ܬܐ ܚܐܪ̈ܐ ܘܢ̈ܫܝ ܓܒܪ̈ܐ܀ ܫܪܝܪܐܝܬ ܕܒ̈ܝܬܐ ܠܐ ܒܗܬܝܢ ܘܠܡܬܦܣܘ ܠܐ ܝܕܥܝܢ܇ ܗܠܝܢ ܕܣܥܘ ܥܠ ܡܟܪ̈ܬܗ ܕܡܫܝܚܐ. ܐܫܠܡ ܐܢܘܢ ܐܠܗܐ ܒܐܝܕ̈ܘܗܝ ܕܒܝܫ ܡܢܗܘܢ. ܒܝܫܐ ܠܡ

Page 355

ܡܢ ܒܝܫܐ ܡܬܢܩܡ: ܘܡܪܝܐ ܡܢ ܬܪ̈ܝܗܘܢ܀ ܗܢܐ ܕܝܢ ܟܕ ܚܙܐ ܠܥܒܕ̈ܝܗܘܢ ܒܝܫ̈ܐ܆ ܐܝܬܝ ܘܢܩܒ ܐܢܘܢ ܠܢܚܝܪ̈ܝܗܘܢ ܘܐܪܡܝ ܒܗܘܢ ܙܡܡܐ ܐܝܟ ܕܒܓܡ̈ܠܐ: ܘܒܒܝܬ ܥܝܢ̈ܝܗܘܢ ܢܩܒ ܘܬܠܐ ܡܘܢܝܬܐ. ܘܥܒܕ ܠܗܘܢ ܫܝ̈ܫܠܬܐ ܕܢܓܕܝܢ ܗܘܘ ܠܗܘܢ ܒܗܝܢ. ܘܡܐ ܕܕܢܘܗܝ ܝܗܒܗ ܠܓܪ̈ܝܥܘܢܐ ܕܢܫܬܥܘܢ ܒܗ ܒܫܘܩܐ. ܘܗܝܕܝܢ ܫܕܐ ܐܢܘܢ ܒܝܬ ܐܣܝܪ̈ܐ. ܟܕ ܐܦܠܐ ܠܚܡܐ ܝܿܗܒܐ ܗܘܐ ܠܗܘܢܼ. ܐܠܐ ܡܛܪ ܢܦܫ. ܒܝܬܐ ܕܒܗ ܚܒܝܫܝܢ ܗܘܘ ܝܬܝܪ ܡܢ ܩܒܪܐ ܢܦܿܩ ܗܘܐ ܡܢܗ ܪܝܚ ܣܪܝܘܬܐ ܠܟܠ ܓܒܝ̈ܢ܀ ܗܠܝܢ ܪܫܿܡܬ ܩܠܝܠܼ ܕܟܕ ܚܙܝܢ ܪ̈ܝܫܢܐ ܢܣܝܡܘܢ ܐܠܗܐ ܩܕܡ ܬܪܥܝܬܗܘܢܼ. ܘܠܐ ܢܬܕܒܪܘܢ ܣܢܝܐܝܬ ܘܠܒܪ ܡܢ ܙܕܩܗܿ ܕܘܠܝܬܐ. ܐܦ ܢܕܥܘܢ ܕܐܦ ܠܗ ܠܣܝܡ ܢܡܘܣܐ ܢܡܣܘܐ ܐܝܬ: ܘܢܣܬܟܠܘܢ ܕܪܝܫܐ ܕܡܬܕܒܪ ܠܐ ܢܡܘܣܐܝܬܼ ܒܥܓܠ ܘܩܠܝܠܐܝܬ ܡܬܓܠܓܠ ܡܢܗ ܫܡܐ ܕܪܝܫܢܘܬܐܼ ܕܗܼܘ ܡܘܪܒ ܠܗ܆ ܘܥܐܠ ܚܠܦܘܗܝ ܫܡܐ ܕܛܪܢܘܬܐܼ ܕܡܠܼܐ ܟܠ ܟܘܪ̈ܝܢ. ܗܢܘ ܕܝܢ ܫܢܝܐ ܕܢܦܝܩ ܡܢ ܗܘܢܗ܀ ܥܠ ܟܦܢܐ ܕܗܘܼܐ ܥܠ ܒܢܝ̈ܢܫܐ. ܘܥܠ ܟܘܪܗܢܐ ܥܙܝܙܐܼ. ܘܥܠ ܡܘܬܢܐ ܣܓܝܐܐ ܕܗܘܼܐ ܒܗܿ ܒܫܢܬܐ܀ ܟܬܝܒ ܒܢܒܝܐ܆ ܕܗܐ ܡܘܟܠ ܐܢܐ ܠܗ ܠܥܡܐ ܗܢܐ ܡܪܪܐ. ܘܐܫܩܝܘܗܝ ܡܝ̈ܐ ܡܪ̈ܝܪܐ. ܘܐܒܕܪܝܘܗܝ ܒܝܢܬ ܥܡܡ̈ܐ ܕܠܐ ܝܼܕܥ ܐܢܘܢ. ܘܐܫܕܪ ܒܬܪܗܘܢ ܟܦܢܐ ܘܡܘܬܢܐ ܘܫܒܝܐ ܘܚܪܒܐ. ܓܕܫ ܕܝܢ ܐܝܠܝܢ ܕܐܡܪ ܢܒܝܐ. ܟܕ ܠܐ ܐܬܒܨܪ ܡܕܡܼ ܐܠܐ ܘܝܬܝܪܐ ܗܘܼܐ. ܗܼܘܐ ܕܝܢ ܗܐܠܨܢܐ ܪܒܐ ܒܐܬܪ̈ܘܬܐ ܬܝܡܢ̈ܝܐܼ. ܡܢ ܥܠܬ ܣܗܘܢܐ ܗܿܘ ܕܡܢ ܠܥܠ ܐܬܥܗܕܢܢ. ܘܡܢ ܡܪܝܪܘܬܐ ܘܪܕܝܦܘܬܐ ܕܡܘܣܐ ܒܪ ܡܘܨܥܒܼ ܓܠܝܬ ܐܪܥ ܟܠܗܿ ܬܝܡܢܝܬܐ ܘܡܕܢܚܝܬܐ. ܘܣܠܩ ܥܠ ܐܪܥܐ ܕܒܝܬ ܢܗܪ̈ܝܢ. ܘܐܬܡ̈ܠܝܢ ܩܘܪ̈ܝܣ ܘܡܕܗܝܢܬܐ ܘܒ̈ܬܐ ܘܐܓܘܪ̈ܣܐ ܡܢܗܘܢ: ܥܕܡܐ ܕܠܐ

Page 356

ܐܝܬ ܗܘܐ ܐܬܪܐ ܠܐܢܫ ܠܡܗܠܟܘ ܘܠܡܬܒ ܡܢܗܘܢ. ܘܡܢ ܥܠܝܬܗܘܢ ܣܓܼܐ ܐܘܠܨܢܐ ܪܒܐ ܥܠ ܡܣܟܢ̈ܐ ܘܦܠܚ̈ܐ ܕܒܝܬ ܢܗܪ̈ܝܢ܆ ܒܝܕ ܗܿܝ ܕܠܬ ܕܝܗܿ ܐܓܪܐ ܘܐܓܪ ܠܚܕ ܡܢܗܘܢ: ܡܛܠ ܕܐܢ ܢܨܒܐ ܗܘܐ ܒܪܢܫܐ ܕܢܦܠܘܚ ܥܒܿܕܐܼ ܒܠܚܡܐ ܕܦܘܡܗ ܕܚܕ ܚܕ ܡܢܗܘܢ܇ ܡܝܬܐ ܓܒܪܐ ܟܡܐ ܕܨܿܒܐ ܘܦܠܿܚ. ܟܕ ܐܦܠܐ ܗܼܘ ܠܚܡܐ ܡܘܟܠ ܗܘܼܐ ܠܗܘܢ ܚܒܐ. ܘܚܕܪ̈ܝܢ ܒܒ̈ܬܐ ܓܒܪ̈ܐ ܘܢܫ̈ܐ ܛܠܝ̈ܐ ܘܣܒ̈ܐ܆ ܟܠܗ ܝܘܡܐܼ ܘܠܐ ܒܛܠܝܢ. ܐܝܟܢܐ ܕܟܕ ܚܿܙܝܢ ܗܘܘ ܬܪܥܐ ܒܕܘܟ ܕܦܬܝܚܼ ܢܩܡܘܢ ܥܠܘܗܝ ܬܠܬ̈ܝܢ ܘܐܪ̈ܒܥܝܢ ܡܢܗܘܢ ܐܝܟ ܚܕܐ. ܘܡܢ ܫܘܪܝܐ ܦܫܝܛܐ ܗܘܬܼ ܐܝܕܐ ܕܟܠܗܘܢ ܒܢܝ̈ܢܫܐ ܠܡܘܗܒܬܐ. ܘܟܕ ܣܓܘܗܝ ܠܒܪ ܡܢ ܡܫܘܚܬܐ ܗܢܘܢ ܡ̈ܣܟܢܐ ܘܐܟܣ̈ܢܝܐ ܘܡܛܪ̈ܦܐܼ݂ ܬܟܣܘ ܒܢܝ̈ܢܫܐ ܐܝܕ̈ܝܗܘܢ ܡܢ ܡܘܗܒܬܐ. ܡܛܠ ܕܕܚܠ ܕܕܠܡܐ ܐܦ ܠܗܘܢ ܢܚܣܪ ܘܬܒܫ ܠܗܘܢ ܡܢܗܘܢ. ܘܬܘܒ ܕܡܪ̈ܝ ܥܒܘܪܐܼ ܫܩܠܗ ܥܡܠܐ ܠܥܒܘܪܗܘܢ ܟܠܗܼ ܘܙܒܼܿܢܗ ܒܛܠܘܡܝܐ ܘܒܓܢܒܘܬܗ. ܟܕ ܐܦܠܐ ܗܢܘܢ ܡܣܟ̈ܢܐ ܦܠܛ ܡܢ ܚܛܝܬܐ. ܥܒܕ ܠܗܘܢ ܟܘ̈ܣܝܬܐ ܐܝܟ ܐܪ̈ܝܢܐ ܘܡܚ̈ܒܠܐ ܘܣܡ̈ܝܐܼ ܛܠܝ̈ܐ ܚܝܠ̈ܬܢܐ ܕܒܗܘܢܼ. ܘܐܦ ܟܪܘܡܐ ܕܪܚܝܩ ܡܢ ܒܗܬܬ ܐܦ̈ܐ. ܘܚܕܪܝܢ ܗܘܘܼ ܟܕ ܟܦܦܝܢ ܐܝܟ ܡܚܝ̈ܐ. ܘܟܠ ܡܿܢ ܕܠܐ ܝܿܗܒ ܗܘܐ ܠܗܘܢ܆ ܫܪܝܘ ܥܠܘܗܝ ܒܡ̈ܘܡܬܐ. ܘܢ ܬܪܥܐ ܗܿܘ ܠܐ ܡܫܢܐ ܗܘܐܼ. ܥܕܡܐ ܕܫܩܠ ܗܿܘ ܡܘܢ ܕܒܿܥܐ ܗܘܐ. ܘܡܢ ܥܠܬ ܡ̈ܘܡܬܐܼ ܕܚܿܠܝܢ ܗܘܘ ܒܢܝ̈ܢܫܐ ܢܦܬܚܘܢ ܠܬܪ̈ܥܝܗܘܢ. ܘܗܼܢܘܢ ܗܠܝܢ ܕ̈ܘܝܐ ܕܣܥܪܝܢ ܗܘܘ ܗܟܢܐܼ. ܢܚܬܝܢ ܗܘܘ ܠܫܘܩܐܼ ܘܡܙܒܿܢܝܢ ܗܘܘ ܠܗ ܠܠܚܡܐ ܗܿܘ ܕܚܕܪܝܢ ܗܘܘ. ܘܙܒܿܢܝܢ ܠܗܘܢ ܒܣܪܐ ܘܚܡܪܐ. ܐܝܟܢܐ ܕܟܕ ܗܠܝܢ ܬܘܒ ܚܙܘ ܒܢܝ̈ܢܫܐܼ. ܬܘܒ ܬܟܣ ܐܝܕ̈ܝܗܘܢ ܡܢ ܡܣܟܢ̈ܐ: ܘܥܠܘ ܠܐܘܠܨܢܐ ܪܒܐ

Page 357

ܗܢܘܢ ܒܢܝ̈ܢܫܐ. ܡܛܠ ܕܗܠܝܢ ܕ̈ܘܝܐ ܕܦܿܠܚܝܢ ܗܘܘ ܗܠܝܢ ܕܠܐ ܐܢܫܘܬܐ ܡܫܬܟܚܝܢ ܗܘܘ. ܘܐܝܟ ܬܓܘܪܬܐ ܚܫܒܘܗܿ ܠܗܕܐ. ܟܕ ܢܦܩܝܢ ܥܠ ܒ̈ܬܐ ܘܪ̈ܚܘܬܐ ܘܒܟܠܕܘܟ. ܫܚܪ ܕܝܢ ܐܦ ܒܢ̈ܝ ܐܬܪ̈ܘܬܐ ܕܒܝܬ ܢܗܪ̈ܝܢܼ ܘܥܠܘ ܬܘܒ ܠܡܕ̈ܝܢܬܐ ܡܢ ܟܦܢܐ. ܐܙܕܒܿܢ ܓܝܪ ܟܠܗ ܥܒܿܕܗܘܢ܆ ܘܕܡܘܙܦ ܠܗܘܢܼ ܠܝܬ. ܘܐܟܠ ܒܣܪܐ ܘܚܠܒܐ ܟܠܗ ܨܘܡܐ. ܒܝܕ ܕܗܘܬܼ ܫܛܝܬܐ ܕܩܢܝܢܐܼ. ܟܠ ܐܝܟܐ ܕܒܥܝܢ ܗܘܘܼ ܝܿܗܒܝܢ ܗܘܘ ܠܗܘܢ ܒܣܪܐ. ܐܬܩܫܝ ܒܕ̈ܘܟܝܢ ܕܘ̈ܟܝܢ ܗܼܘ ܟܦܢܐ ܥܠ ܒ̈ܢܝ ܐܬܪܐܼ ܡܢ ܣܓܝܘܬܐ ܕܢܘܟܪ̈ܝܐ: ܥܕܡܐ ܕܣܥܘ ܥܠ ܓܘܫܪܼ̈ܐ ܕܡܝ̈ܬܐ.. ܢܘܟܪ̈ܝܐ ܕܝܢ ܟܕ ܡܢ ܟܦܢܐ ܕܐܬܪܗܘܢܼ ܥܪܩ ܕܠܐ ܢܐܒܕܘܢ ܒܗ. ܩܕܡܝܗܘܢ ܘܥܡܗܘܢ ܘܒܬܪܗܘܢ ܐܬܼܐ ܠܟܠ ܐܝܟܐ ܕܐܙܠܝܢ ܘܐܬܝܢܼ ܘܐܦ ܚܪܒܐ ܘܡܘܬܢܐ. ܘܐܟܼܠ ܡܪܪܐ. ܘܐܫܬܝ ܡܪܪܐ. ܘܐܬܒܕܪ ܒܝܢܬ ܥܡ̈ܡܐ ܕܠܐ ܝܼܕܥ ܐܢܘܢ. ܘܐܦ ܫܕܪ ܒܬܗܘܢ ܚܪܒܐ ܘܫܒܝܐ ܘܟܦܢܐ ܐܦ ܡܘܬܢܐܼ. ܥܕܡܐ ܕܐܬܓܡܪ. ܗܘܼܘ ܕܝܢ ܒܐܘܠܨܢܐ ܗܢܐ ܟܠܗ ܙܒܢܐ ܕܣܬܘܐ. ܟܕ ܕܝܢ ܡܢܥ ܠܗܘܢ ܝܘܡ̈ܬܐ ܕܫܚܢܝܢ ܩܠܝܠܼ ܘܫܪ ܡܬܚܙܐ ܬܐܕܐ: ܪܗܛܘ ܥܠ ܝܪ̈ܩܘܢܐ ܕܒܪ̈ܝܐܼ ܘܪܥܝܢ ܗܘܘ ܒܗܘܢ ܕܒܕܡܘܬܐ ܕܩܢܝܢܐ ܿ ܘܐܦ ܡܠܩܛܝܢ ܗܘܘ ܡܢܗܘܢܼ. ܘܡܥܠܝܢ ܠܫܘܩܐ. ܘܡܙܒܿܢܝܢܼ ܘܙܒܿܢܝܢ ܠܗܘܢ ܒܗܘܢ ܠܚܡܐ. ܡܬܚܙܐ ܗܘܐ ܕܝܢ ܐܦ ܗܼܘ ܓܘܢܗܘܢ ܒܕܡܘܬ ܝܪܩܐ: ܘܐܦܠܐ ܡܣܒܥܬܐ ܗܘܬܼ ܠܗܘܢܼ ܐܠܐ ܐܝܟ ܩܢܝܢܐ.. ܟܕ ܫܠܡܬ ܕܝܢ ܠܘܬܗܘܢ ܗܿܝ ܕܡܢ ܢܒܝܐ ܐܬܡܪܬܼ. ܕܬܟܘܠ ܠܡܼ ܘܠܐ ܬܣܒܥ. ܡܛܠ ܕܥܒܪܬܐ ܬܗܘܐ ܒܓܘܟ. ܗܢܐ ܓܕܫ ܗܫܐܼ ܕܐܟܠܝܢ ܗܘܘܼ ܘܠܐ ܣܒܥܝܢ ܗܘܘ ܐܦܠܐ ܗܠܝܢ. ܘܢܦܠ ܟܠܗܘܢ ܒܟܘܪܗܢܐ ܕܟܪܣܐ. ܘܐܬܡܠܝܘ ܡܢܗܘܢ ܐܣܛܘ̈ܐ ܘܫܘܩ̈ܐܼ. ܘܩܕܡ ܚܢܘ̈ܬܐ ܘܒܘܪ̈ܓܐ ܘܗܝ̈ܟܠܐ ܘܟܠܕܘܟ. ܘܗܝܕܝܢ ܫܪܝܘ ܬܘܒ ܟܘܪ̈ܗܢܐ ܡܫܚ̈ܠܦܐ ܘܣܓܝ̈ܐܐ ܢܒܥܝܢ ܒܗܘܢ: ܫܚܛܐ ܘܚܡܛܐܼ. ܘܟܐܒ ܟܪܣܐ.

Page 358

ܘܟܐܒܐ ܕܥܝܢ̈ܐ. ܘܐܫܬܐ. ܕܠܐ ܟܐܒ̈ܐ ܐܚܪ̈ܢܐ. ܘܬܪܡܣܐ ܕܗܼܘ ܦܪܕܝܢ. ܘܒܪܣܡܼ ܥܡ ܟ̈ܐܒܐ ܐܚܪ̈ܢܐ ܣܓܝ̈ܐܐ ܕܠܐ ܝܕܝܥܝܢ. ܣܓܐ ܕܝܢ ܐܦ ܟܐܒܐ ܕܒܣܘܪ ܘܟܢܫ ܡܝ̈ܐ܀

ܐܬܼܐ ܠܘܬܢ ܛܒܐ ܕܐܝܬ ܟܐܒܐ ܒܡܘܨܠܼ. ܕܥܿܒܝܢ ܪ̈ܝܫܝܗܘܢܼ ܘܩܠܝܠܐܝܬ ܢܦܠܝܢ ܘܡܝܬܝܢ. ܟܕ ܐܦܠܐ ܡܡܕܝܢ ܕܢܩܒܪܘܢ. ܘܠܢ ܗܕܐ ܫܘܥܝܬܐ ܡܕܡ ܚܫܝܒܐ ܗܘܬ ܠܢ. ܐܠܐ ܠܐ ܫܘܚܪ ܣܿܓܝ ܘܡܛܐ ܨܝܕܝܢ. ܟܕ ܒܩܠܝܠ ܩܠܝܠ ܗܠܟ ܒܡܕ̈ܝܢܬܐ ܬܚܬܝ̈ܬܐܼ ܥܕܡܐ ܕܡܛܐ ܨܝܕܝܢ. ܘܗܟܢܐ ܐܝܬܘܗܝ. ܟܕ ܠܘܩܕܡ ܒܐܡܐ ܕܪܝܫܗ ܕܐܢܫ ܠܒܿܟ ܗܘܐ. ܘܡܗܠܟ ܩܠܝܠ ܩܠܝܠ ܘܢܚܿܬ ܗܘܐܼ ܥܕܡܐ ܕܡܼܛܐ ܗܘܐ ܠܗܿܘ ܠܒܐ ܘܠܿܒܟ ܒܗ. ܘܗܝܕܝܢ ܐܬܕܘܕ ܗܘܢܐ. ܘܐܙܠ ܢܘܗܪܐ ܕܥܝ̈ܢܐ. ܘܐܒܕܬ ܟܠܗܿ ܝܕܥܬܗ ܕܒܪܢܫܐ. ܘܡܬܛܒܥ ܗܘܐ ܐܝܟ ܡܝܬܐܼ. ܘܗܟܢܐ ܝܘ̈ܡܬܐ ܣܓܗܝܐܐ ܗܘܿܐ ܗܘܐ: ܟܕ ܡܢ ܟܠܗܿ ܝܕܥܬܐ ܐܢܫܝܬܐ ܪܚܝܩ ܗܘܐ. ܘܐܢ ܗܼܘ ܕܟܕ ܒܠܿܥ ܗܘܐ ܓܒܪܐܼ. ܘܒܗ ܒܝܘܡܐ ܩܕܡܝܐ ܐܘ ܒܗܿܘ ܕܬܪ̈ܝܢ ܠܐ ܥܿܒܕ ܗܘܐ ܕܝܬܝܩܐܼ. ܠܐ ܡܨܝܐ ܗܘܬܼ ܠܗ ܬܘܒ ܕܢܕܥ. ܘܐܢ ܕܝܢ ܓܼܕܫ ܘܒܬܪ ܝܘܡ̈ܬܐ ܬܩܿܢ ܗܘܐ ܗܘܢܗ ܘܡܣܬܘܕ܇ ܡܬܛܥܝܪ ܗܘܐ ܐܝܟ ܕܡܢ ܫܢܬܐ ܥܡܝܩܬܐܼ. ܟܕ ܠܐ ܝܿܕܥ ܐܦ ܠܐ ܕܟܐܝܒ ܠܗ ܡܕܡ. ܘܐܢ ܡܚܝܠܘܬܐ ܕܦܓܪܐ ܝܗܒܐ ܗܘܬܼ ܩܝܡ ܗܘܐ. ܗܿܦܟ ܗܘܼܐ ܕܝܢ ܥܠ ܒܪܢܫܐ ܝܬܝܪ ܡܢ ܚܡ̈ܫ ܘܫ̈ܬ ܙܒܢܝ̈ܢ. ܟܕ ܡܢܗܘܢ ܩܕܡܝܬܐ ܐܙܠܝܢ. ܘܐܝܬ ܕܒܬܪ̈ܬܝܢ. ܘܐܝܬ ܕܟܕ ܒܓܝܪ ܠܗ ܝܬܝܪ ܡܢ ܚ̈ܡܫܐ ܙܒ̈ܢܝܢ܆ ܗܿܦܟ ܗܘܐ ܘܫܩܠܗ. ܐܢ̈ܫܝܢ ܕܝܢ ܡܢܗܘܢ ܣܓܝ̈ܐܐܼ ܢܦܩܿ ܗܘܐ ܒܚܕ ܡܢܗܘܢ ܫܚܛܐ ܚܘܪܐ. ܘܟܕ ܚܕ ܝܘܡܐ ܐܘ ܬܪ̈ܝܢ ܗܿܘܐ ܗܘܐܼ ܚܿܡܐ ܗܘܐ. ܘܢܦܼܩ ܬܘܒ ܒܗ ܣܘܡܩܐ. ܘܐܦ ܗܢܐ ܚܿܡܐ ܗܘܼܐ. ܘܢܦܼܩ ܬܘܒ ܩܘܢܥܐ.. ܘܟܕ ܟܠܗ ܗܢܐ

Page 359

ܐܘܠܨܢܐ ܝܘܡ̈ܬܐ ܣܓ̈ܝܐܐ ܣܒܠ ܗܘܐ ܘܡܣܒܪ ܕܗܐ ܡܟܝܠ ܩܒܠ ܚܘܠܡܢܐܼ: ܒܓܪ ܡܢ ܟܪܣܗ. ܘܟܕ ܬܘܒ ܡܢ ܗܢܐ ܦܠܼܛܼ ܩܒܠܗ ܚܡܛܐ ܘܦܪܕܝܢ. ܟܕ ܡܫܬܟܚܝܢ ܗܘܘ ܐܪ̈ܒܥܐ ܘܚܡ̈ܫܐ ܕܫܕܝܢ ܒܚܕܐ ܕܘܟܐ. ܘܟܠܚܕ ܚܕ ܡܢܗܘܢ ܒܓܝܪ ܗܘܐ ܡܢ ܚܕ ܟܐܒܐܼ. ܟܕ ܠܐ ܕܡܿܝܢ ܗܘܘ ܟܐܒܝ̈ܗܘܢ ܠܚܕ̈ܕܐ܀ ܐܚܪ̈ܢܐ ܬܘܒ ܡܫܬܟܚܝܢ ܗܘܘ ܕܒܓܪܝܢ ܡܢ ܚܡܛܐܼ ܡܢ ܟܪܣܐܼ ܘܡܢ ܫܚܛܐܼ ܘܡܢ ܒܣܘܪ ܘܡܢ ܗܿܝ ܟܐܒܐ ܡܕܘܕܐ ܕܠܒܐ. ܗܠܝܢ ܟܠܗܘܢ ܟ̈ܐܒܐ ܒܚܕܐ ܫܘܝܘܬܐ ܡܫܬܟܚܝܢ ܗܘܘ ܥܠ ܚܕܐ ܦܓܪܐ.. ܘܟܕ ܟܠܗܝܢ ܗܠܝܢ ܣܒܠ ܗܘܐܼ. ܫܿܕܐ ܗܘܐ ܡܝܬܐ. ܟܕ ܐܦ ܟܦܢܐ ܐܦ ܨܗܝܐ ܡܢܘܠ ܗܘܐ ܠܗ ܝܬܝܪ ܡܢ ܗܠܝܢ. ܘܗܟܢܐ ܫܕܝܢ ܗܘܘ  ܒܐܣ̈ܛܘܐܼ ܘܒܗܝ̈ܟܠܐ ܘܒܥܕ̈ܬܐ ܘܒܒܘܪ̈ܓܐ ܘܒܫܘ̈ܩܐ. ܘܛܡܪܝܢ ܒܙܒܠܐ ܘܡܢܘܠܝܢ ܒܟܘܪ̈ܗܢܐ ܡܫܚ̈ܠܦܐ. ܐܚܪ̈ܢܐ ܡܬܟܪܟܝܢ ܗܘܘܼ ܡܢ ܐܘܠܨܢܐ ܕܟܦܢܐ ܒܡܕ̈ܝܢܬܐ. ܟܕ ܐܦ ܩܝܡܝܢ ܗܘܘ ܥܠ ܬܪܥܐ ܒܚܕܐ ܫܘܝܘܬܐܼ ܝܬܝܪ ܡܢ ܥܣܪ̈ܐ ܘܥܣܪ̈ܝܢ ܘܬܠܬ̈ܝܢ: ܟܕ ܡܢܗܘܢ ܡ̈ܠܝܢ ܚܡܛܐܼ. ܘܡܢܗܘܢ ܫܚܛܐܼ ܘܡܢܗܘܢ ܡܢ ܟܪܣܐ. ܐܚܪ̈ܢܐ ܡܢ ܟܘܪ̈ܗܢܐ ܡܫܚ̈ܠܦܐ. ܘܟܕ ܐܘ̈ܠܢܐ ܗܠܝܢ ܫܪܝܢ ܗܘܘ ܥܠ ܦܓܪ̈ܝܗܘܢܼ. ܡܥܒܕ ܗܘܐ ܠܗܘܢ ܐܦ ܐܘܠܨܢܐ ܥܙܝܙܐ ܕܟܦܢܐ ܘܕܨܗܝܐܼ. ܕܢܐܙܠܘܢ ܥܠ ܐܝܕ̈ܗܝܘܢ ܘܪ̈ܓܠܝܗܘܢܼ ܘܢܒܥܘܢ ܠܗܘܢ ܠܚܡܐ ܡܢ ܟܠܕܘܟ. ܟܕ ܐܦܠܐ ܐܝܠܝܢ ܕܨܒܿܝܢ ܗܘܘ ܕܢܥܒܕܘܢ ܙܕ̈ܩܬܐܼ ܡܡܕܝܢ ܗܘܘ ܕܢܬܠܘܢ ܠܗܠܝܢ ܕܐܬܝܢ ܠܬܪ̈ܥܝܗܘܢ. ܘܡܢ ܣܓܝܘܬܐ ܕܗܠܝܢ ܕܐܬܝܢ ܗܘܘ ܠܒ̈ܬܐܼ. ܐܠܨܝܢ ܗܘܘ ܗܠܝܢ ܕܫܕܝܢ ܒܫܘ̈ܩܐ ܡܢ ܟܦܢܐ ܘܡܢ ܨܗܝܐ܀ ܢܗܘܘܢ ܡܠ ܪܡܼܝܢ ܒܫܘ̈ܩܝܗܿ ܕܐܘܪܫܠܡ ܡܢ ܩܕܡ ܚܪܒܐ ܘܟܦܢܐ ܘܡܘܬܢܐܼ. ܘܠܝܬ ܠܗܘܢ ܩܒܘܪ: ܗܢܘܢ ܘܢܫܝ̈ܗܘܢ ܘܒܢܝ̈ܗܘܢ. ܘܐܫܘܕ ܥܠܝܗܘܢ ܒܫܝܘܬܗܘܢ. ܐܢ ܬܦܘܩ ܠܕܒܪܐܼ ܗܐ ܩܛܝ̈ܠܝ ܚܪܒܐ. ܘܐܢ ܬܥܘܠ ܠܓܘ ܩܪܝܬܐܼ ܗܐ ܡܛܪ̈ܦܝ

Page 360

ܟܦܢܐ܀ ܟܕ ܕܝܢ ܢܦܠ ܗܢܐ ܟܘܪܗܢܐ ܒܡܕܗܝܢܬܐܼ ܘܫܪܝܘ ܕܢܣܘܦܘܢ ܐܝܟ ܩ̈ܡܨܐ܆ ܕܚܠ ܒܢܝ̈ܢܫܐ ܕܢܥܠܘܢ ܠܡܕ̈ܝܢܬܐܿ ܡܢ ܥܠܬ ܫܘܠܛܢܐ ܘܡܢ ܟܘܪ̈ܗܢܐ ܘܡܘܬܢܐ. ܘܫܪܝܢ ܢܦܠܝܢ ܥܠ ܒܢܝ̈ܢܫܐ. ܘܩܛܥܝܢ ܐܘܪ̈ܚܬܐ ܘܒܙܝܢ ܠܒܢ̈ܝܢܫܐ ܥܒܪ̈ܝ ܐܘܪܚܐ. ܟܕ ܢܦܠܝܢ ܘܒܿܙܝܢ ܘܡܫܠܚܝܢ ܘܩܿܛܠܝܢ. ܠܐ ܡܒܨܝܢ ܗܘܘ ܘܪܗܛܝܢ ܒܬܪ ܕܗܒܐ ܘܣܐܡܐܿ. ܐܝܟ ܡܐ ܕܡܬܟܪܟܝܢ ܗܘܘ ܘܡܒܨܝܢ ܒܬܪ ܠܚܡܐ. ܐܝܟܢ ܕܩ̈ܛܠܐ ܣܓܝ̈ܐܐ ܗܼܘܘ ܡܢ ܥܠܬ ܩܡܚܐ ܐܘ ܚ̈ܛܐ ܕܛܥܼܝܢ ܗܘܐ ܚܕ ܡܢܗܘܢ ܘܐܙܠ ܢܘܒܠ ܨܝܕ ܐܢܫܘܬܗ. ܟܕ ܠܐ ܚܣܝܢ ܗܘܘ ܡܛܠ ܚܕ ܩܦܝܙܐ ܐܘ ܚܡ̈ܫܐ ܢܫܕܘܢ ܕܡܗ ܕܐܢܫ܀

ܣܥܘ ܐܦ ܐܬܪ̈ܘܬܐ ܕܢܥܒܪܘܢ ܘܢܫܒܘܢ ܩܘܪ̈ܝܣ ܡܢ ܐܬܪ̈ܘܬܐ ܐܚܪ̈ܢܐܼ. ܘܕܢܩܛܥܘܢ ܐܘܪ̈ܚܬܐ ܥܠ ܥܒܪܗܐ ܐܘܪܚܐ܀ ܥܠܝܢ ܗܘܘ ܕܝܢ ܡܢ ܐܬܪܐ: ܟܕ ܡܬܚܙܐ ܓܘܢܗ ܕܚܕ ܡܢܗܘܢ ܐܝܟ ܝܪܩܐ. ܘܟܕ ܕܝܢ ܥܐܠ ܘܡܙܒܼܿܢ ܦܘܠܚܢܐ ܕܐܝܕ̈ܘܗܝ܇ ܘܙܒܢ ܠܗ ܠܚܡܐ: ܐܟܿܠ ܗܘܐ ܡܢܗ ܕܠܐ ܡܫܘܚܬܐ. ܘܩܠܝܠܐܝܬ ܢܦܿܠ ܗܘܐ ܒܬܪܥ ܡܘܬܐ.ܘܐܝܬ ܗܘܐ ܡܢܗܘܢ ܕܟܕ ܠܒܝܟ ܗܘܐ ܠܗ ܠܠܚܡܐ ܒܐܝܕܗ ܘܐܟܿܠ ܗܘܐܼ. ܫܚܪ ܓܘܢܐ ܐܝܟ ܣܩܐܼ. ܘܥܼܦ ܠܒܣܬܪܗ ܘܢܦܠܼ ܘܦܠܛܬ ܢܦܫܗ. ܟܕ ܒܣܓ̈ܝܐܐ ܓܕܫܬ ܗܕܐ.. ܟܕ ܕܝܢ ܫܪܝ ܡܝܬܝܢ ܡܢܗܘܢ ܣܓ̈ܝܐܐܼ. ܟܕ ܠܐ ܡܡܕܝܢ ܗܘܘ ܒܢܝ̈ܢܫܐ ܕܢܩܒܪܘܢ ܟܠܗ ܝܘܡܐ. ܐܦܠܐ ܗܟܢܐ ܐܗܡܝ ܐܠܗܐ ܡܢ ܡܣܟܢ̈ܐ. ܟܕ ܐܓܢܬ ܛܝܒܘܬܗ ܘܡܪܚܡܢܘܬܗ ܥܠܝܗܘܢ. ܘܠܘܩܕܡ ܗܢܘܢ ܒܓܼ ܘܢܦܼܠ ܒܟܘܪܗܢܐ ܗܢܐܼ ܥܕܡܐ ܕܣܼܝܢ ܗܘܘ ܫܘ̈ܩܐ ܘܟܠܕܘܟ ܡܢܗܘܢ. ܘܗܟܢܐ ܐܝܟ ܙܒܢܐܼ. ܘܠܘܩܒܠ ܗܿܘ ܡܕܡ ܩܠܝܠ ܕܩܢܝܢ ܗܘܘ ܒܢܝ̈ܢܫܐ: ܟܠܚܕ ܚܕ ܡܢܗܘܢ ܐܝܟ ܚܝܠܗ ܝܨܿܦ ܗܘܐ ܠܗܘܢ. ܟܕ ܐܦ ܠܗܢܘܢ ܕܡܝܬܝܢ ܗܘܘ ܡܢܗܘܢ܇ ܡܢ ܟܠܢܫ ܒܐܝܩܪܐ ܪܒܐ ܡܬܥܦܝܢ ܗܘܘ. ܟܕ ܡܝܬܝܢ ܥܪ̈ܣܬܐ ܘܡܐܢ̈ܐܼ

Page 361

ܠܒܫܝܢ ܠܗܘܢ: ܘܢܦܩܝܢ ܣܝܡܝܢ ܠܗܘܢ ܒܝܬ ܩܒܘܪ̈ܐ ܫܦܝܪ̈ܐ ܕܝܠܗܘܢܼ ܒܬܫܡܫܬܐ ܘܒܡܙܡܘܪ̈ܐܼ݂ ܐܝܟ ܡܪܐ ܕܙܿܕܩ ܠܟܪ̈ܣܛܝܢܐ ܕܢܥܒܕܘܢ܀ ܟܢܼܫ ܐܢܘܢ ܬܘܒ ܠܗܠܝܢ ܕܡܚܝܢ ܘܫܕܝܢ ܒܫܘܩ̈ܐ ܘܡܬܢܘܠܝܢܡܢ ܟܘܪ̈ܗܢܐ ܘܟܦܢܐ ܘܡܢ ܨܗܝܐ: ܘܐܘܒܠ ܐܢܘܢ ܠܗܝܟܐ ܚܕ. ܘܣܡ ܠܗܘܢ ܐܢ̈ܫܐ ܕܢܫܡܫܘܢ ܐܢܘܢ. ܘܟܠܢܫ ܐܝܟ ܚܝܠܗܼ ܫܩܠ ܘܡܘܒܠ ܐܗܘܐ ܠܗܘܢ܀ ܘܡܛܠ ܐܘܠܨܢܐ ܕܡܛܐ ܥܠ ܐܪܥܗܘܢܼ ܫܘܝܢ ܗܘܘ ܒܣܢܝܩܘܬܐ ܟܠܗܘܢ. ܗܢܘܢ ܕܗܘܼܘ ܡܪ̈ܝ ܢܟܣ̈ܣܐܿ ܗܐ ܚܕܘܪ̈ܐ. ܗܢܘܢ ܠܡ ܕܐܟܠܝܢ ܗܘܘ ܦܘܢܩ̈ܐܼ. ܗܐ ܣܝܡܝܢ ܒܫܘܩ̈ܐ. ܕܐܬܪܒܝܘ ܥܠ ܙܚܘܪ̈ܝܬܐܼ. ܗܐ ܕܡܟܝܠ ܒܩܝܩ̈ܠܬܐ܀ ܘܬܘ ܡܿܝܬܐ ܗܘܐܼ ܢܒܝܐ ܐܪܡܝܐ ܘܐܡܿܪ: ܚܫܟܘ ܠܡ ܡܢ ܫܘܚܪ̈ܐ ܚܙܘܗܘܢܼ ܘܠܐ ܐܬܝܕܥ ܒܫܘܩ̈ܐ. ܕܐܬܪܒܝܘ ܥܠ ܙܚܘܪ̈ܝܬܐܼ݂ ܗܐ ܕܡܟܝܢ ܒܩܝܩ̈ܠܬܐ܀ ܘܬܘܒ ܡܿܝܬܐ ܗܘܼ ܢܒܝܐ ܐܪܡܝܐ ܘܐܡܿܪ: ܚܫܟܘ ܠܡ ܡܢ ܫܘܚܪ̈ܐ ܚܙܘܗܘܢܼ ܘܠܐ ܐܬܝܕܥ ܒܫܘܩ̈ܐ. ܩܦܕ ܡܫܟܗܘܢ ܥܠ ܓܪ̈ܡܝܗܘܢܼ. ܝܒܼܫ ܘܗܘܼܐ ܐܝܟ ܩܝܣܐ. ܛܒܝܢ ܗܘܘ ܩܛܝ̈ܠܝ ܚܪܒܐܼ ܡܢ ܩܛܝ̈ܠܝ ܟܦܢܐ: ܕܕܒܘ ܐܝܟ ܗܢܘܢ ܕܡܡܚܝܢ ܘܕܫܝܢ ܒܚܩܠܐ܀ ܗܢܐ ܐܦ ܗܠܝܢ ܕܟܝܒܝܢ ܗܘܘܼ ܘܐܦ ܡܢܘܠܝܢ. ܘܟܕ ܫܪܝܘܢ ܡܬܢܓܠܝܢ ܡܢ ܫܘܩ̈ܐ ܘܡܬܩܒܪܝܢ܀ ܩܕܚܘ ܗܼܘ ܪܘܓܐ ܒܒܢ̈ܝ ܡܕ̈ܝܢܬܐ: ܘܢܦܠܘ ܟܠܗܘܢ ܒܚܓܐ ܫܘܝܘܬܐܼ. ܪܘܪ̈ܒܐ ܘܙܥܘܪ̈ܐܼ ܛܠ̈ܝܐ ܘܣ̈ܒܐܼ ܓܕ̈ܘܕܐ ܘܒܬܘ̈ܠܬܐ. ܐܝܢܐ ܕܟܕ ܬܥܘܠ ܠܥܣܪ̈ܝܢ ܒ̈ܬܐ ܠܡܚܣܢ ܢܣܬܟܚ ܒܚ ܕܡܢܗܘܢ ܐܢܫ ܕܡܫܟܚ ܢܡܛܐ ܡܝ̈ܐ ܠܚܒܪܗ. ܐܠܐ ܟܠܗܘܢ ܫܕܝܢ ܗܘܘ ܐܝܟ ܡܝ̈ܬܐܼ. ܟܕ ܠܐ ܝܿܕܥ ܚܕ ܡܢܗܘܢ ܢܐܢܫ ܕܡܫܟܚ ܢܡܛܐ ܡܝ̈ܐ ܠܚܒܪܗ. ܐܠܐ ܟܠܗܘܢ ܫܕܝܢ ܗܘܘ ܐܝܟ ܡܝ̈ܬܐܼ. ܟܕ ܠܐ ܝܿܕܥ ܚܕ ܡܢܗܘܢ ܒܝܬ ܛܒ ܠܒܝܫ. ܘܐܝܟ ܡܐ ܕܠܗܠ ܐܡܿܪ܆ ܕܠܐ ܗܘܼܐ ܒܝܬܐ ܕܠܝܬ ܗܘܐ ܒܗ ܡܝ̈ܬܐ: ܗܟܢܐ ܐܦ ܗܪܟܐܐܝܬ ܗܘܐ ܠܡܐܡܪܼ ܕܠܝܬ ܗܐܘ ܒܝܬܐܼ ܐܦܠܐ ܚܕܼ ܕܠܝܬ ܗܘܐ ܒܗ ܟܪ̈ܝܗܐ. ܥܡ ܗܿܝ ܬܘܒ ܕܡܢ ܐܪܡܝܐ ܐܬܡܪܬܼ . ܕܕܒܩ ܠܫܢܗ ܕܝܠܘܕܐ ܠܫܡܗܝ ܚܟܗ ܒܨܗܦܐ. ܛܠ̈ܝܐ ܫܐܠ ܠܚܡܐܼ. ܘܠܝܬ ܕܩܿܨܐ ܝܿܗܒ ܠܗܘܢ܀ ܟܕ ܐܦܢ ܚܕ ܐܘ ܬܪ̈ܝܢ ܡܢ ܒܝܬܐ ܦܝܫܝܢ ܘܠܐ

Page 362

ܒܓܪܝܢ܆ ܫܕܝܢ ܡܢ ܟܦܢܐ. ܘܐܦ ܗܢܘܢ ܐܠܝܨܝܢ ܝܬܝܪ ܡܢ ܕܒܟܘܪܗܢܐ܆ ܒܗܿܝ ܕܠܝܬ ܗܘܐ ܐܢܫ ܕܐܿܦܐ ܘܥܒܕ ܠܗܘܢ ܠܚܡܐ. ܘܗܠܝܢ ܬܘܒ ܕܫܕܝܢ ܒܟܘܪ̈ܗܢܐ ܡܫ̈ܚܠܦܐܼ ܐܠܝܨܝܢ ܗܘܘ ܒܟܦܢܐ ܘܒܨܗܝܐ: ܡܛܠ ܕܙܥܘܪܝܢ ܘܘ ܒܢܝ̈ܢܫܐܼ ܕܡܨܝܢ ܗܘܘ ܢܩܘܡܘܢ ܘܢܬܠܘܢ ܡܝ̈ܐ ܠܚܕܕ̈ܐ. ܬܩܦ ܒܗܘܢ ܪܘܓܙܐ ܩܫܝܐܝܬ. ܘܫܪܝܘ ܒܗܘܢ ܡܘܬܢܐܼ. ܐܝܟܢܐ ܕܢܦܩܘܢ ܬܪ̈ܝܢ ܘܬܠܬ̈ܐ ܒܝܘܡܐܼ ܡܢ ܒܝܬܐ ܚܕ. ܘܐܦ ܢܦܩܘܢ ܒܚܕܐ ܥܪܨܐ ܐܡܐ ܘܒܪܬܗܿ܆ ܘܐܒܐ ܘܒܪܗܼ. ܘܬܪܗܝܢ ܐܚ̈ܐ ܐܝܟ ܚܕܐ. ܘܐܦ ܢܦܩܘܢ ܐܚ̈ܐ ܬܪ̈ܝܢ܆ ܚܕ ܡܢ ܗܢܐ ܓܒܐ ܕܡܕܝܢܬܐܼ ܘܚܕ ܡܢ ܗܢܐ ܓܒܐ: ܘܢܐܬܝ̈ܢ ܥܪ̈ܣܬܗܘܢ ܘܢܦ̈ܓܥܢ ܒܚܕܕ̈ܐܼ ܘܢܬܘ̈ܥܢܕ ܨܝܕ ܩܒܪܐ ܫܘܝܐܝܬܿ. ܘܐܦ ܢܬܣܝܡܘܢ ܚܕ ܥܠ ܚܕ. ܗܕܐ ܒܣ̈ܓܝܐܐ ܓܕܫܬܼ ܕܠܗ ܠܣܘܩܐ ܐܚܪܝܐ ܒܚܕ ܥܕܢܐ ܢܬܠܘܢ ܠܒܪܘܝܗܘܢ܀ ܬܩܦ ܕܝܢ ܒܝܕ̈ܥܝܐ ܘܒܪ̈ܝܫܝ ܒ̈ܬܐ. ܘܐܦ ܟܗ̈ܢܐ ܟܠܗܘܢ ܕܥܕܬܐ ܕܐܡܪ ܣܦܘ ܒܗ ܒܡܘܬܢܐ ܗܢܐ܀

ܘܫܪܝ ܪܥܐ ܩܠܝܠ ܩܠܝܠܼ. ܘܢܦܩ ܡܢ ܡܕ̈ܝܢܬܐ ܠܐܬܪ̈ܘܬܗܘܢ. ܘܢܦܠ ܒܩܘܪ̈ܝܣ. ܘܐܟܙܢܐ ܕܒܡܕܗܝܢܬܐ ܣܥܼܪ܆ ܗܟܢܐ ܐܦ ܠܒܪ܀ ܫܠܡܬ ܕܝܢ ܗܪܟܐ ܐܦ ܡܠܬܐ ܕܐܫܥܝܐ. ܐܫܬܝܬܝ ܡܢ ܐܝܕܗ ܕܡܪܐ ܟܣܐ ܕܪܘܓܙܗ. ܘܐܫܬܝܬ ܘܐܡܨܝܬ ܟܣܐ ܕܪܥܠܐ. ܘܠܝܬ ܕܡܒܝܐ ܠܟܝ ܡܢ ܟܠܗܘܢ ܒܢܝ̈ܟ ܕܝܠܕܬ. ܘܠܝܬ ܕܐܚܿܕ ܒܐܝܕ̈ܝܗܿ ܡܢ ܟܠܗܘܢ ܒܢܝ̈ܐ ܕܪܒܝܬ. ܬܪ̈ܬܝܢ ܐܝ̈ܝܢ ܡܛܝܟܝ܆ ܠܡܿܢ ܬܟܪܐ ܥܠܝܟ. ܒܙܬܐ ܘܬܒܪܐ ܘܟܦܢܐ ܚܪܒܐ܇ ܡܿܢ ܢܒܝܐ ܠܟ. ܒܢܝ̈ܝܟ ܬܘܝܪܝܢ. ܘܕܡܟܝܢ ܒܪܝܫ ܟܠܗܘܢ ܫܘܩ̈ܐܼ. ܐܝܟ ܣܠܩܐ ܕܟܡܝܕ. ܘܡܠܝܢ ܪܘܓܗ ܕܡܪܝܐ ܘܟܐܬܗ ܕܐܗܟܝ܀ ܒܕܡܘܬܐ ܕܣܠܩܐ ܕܟܡܝܕ ܒܓܠܝܕܐ: ܗܟܢܐ ܗܘܼܐ ܓܘܢܗܘܢ ܕܟܠܗܘܢ ܒܢܝ̈ܢܫܐ ܕܦܠܛܘ ܡܢ ܟܘܪܗܢܐ ܗܢܐ. ܟܕ ܐܦ ܗܘܼܘ ܓܪ̈ܝܥܐ

Page 363

ܟܠܗܘܢ. ܐܝܟܢܐ ܕܐܢ ܡܢ ܡܐܢ̈ܝܗܘܢ ܠܐܡܬܦܪܫܝܢ ܗܘܼܘ ܕܝܪܝܪܐ ܐܘ ܟܗܢܐܼ. ܠܐ ܐܢܫ ܡܫܟܚ ܗܘܼܐܠ ܡܦܪܫ ܠܟܗܢܐ ܡܢ ܥܠܡܝܐ: ܡܛܠ ܕܠܗܘ ܡܣܦܪ̈ܐ ܗܘܘ. ܟܕ ܐܦ ܢܘܗܪܐ ܕܥܝܢܝ̈ܗܘܢ ܐܙܠ. ܘܫܡܥܐ ܬܘܒ ܕܐܕ̈ܢܝܗܘܢ. ܘܐܦܠܐ ܬܘܒ ܚܝܠܗܘܢ ܐܫܬܪܪܘ ܥܠܝܗܘܢ ܒܙܒܢܐ ܣܓܝܐܐ. ܘܟܡܐ ܕܝܢ ܕܫܢܬܐ ܫܚܢܐ ܗܘܬܼ: ܗܟܢܐ ܡܬܥܙܙ ܗܘܐ ܟܘܪܗܢܐ܀ ܟܕ ܩܪܒܘ ܡܿܢ ܝܘܡ̈ܬܐ ܕܚܨܕܐ ܕܒܝܬ ܥܪ̈ܒܝܐ ܫܚܼܪ ܥܡܐ ܟܠܗ ܓܪܒܝܝܐܼ. ܐܦ ܢܘܟܪ̈ܝܐ: ܘܢܚܬܘ ܟܠܗܘܢ ܠܚܨܕܐ. ܐܝܟܢܐ ܕܒܠܚܘܕ ܠܚܡܐ ܢܣܒܥܘܢ. ܘܢܚܼܬ ܐܦ ܢܫ̈ܐ ܘܓܪ̈ܝܥܐ. ܡܛܠ ܕܗܟܢܐ ܐܝܬ ܥܝܕܐ ܠܥܡܐ ܓܪܒܝܝܐ ܕܢܚܬܘܢ ܛܠܝܝ̈ܗܘܢ ܠܚܨܕܐ. ܗܫܐ ܕܝܢ ܢܚܬܘ ܣܒ̈ܐ ܘܛܠܝ̈ܐܼ. ܘܢܫ̈ܐ ܘܓܪ̈ܝܥܐ: ܡܢ ܐܘܠܨܢܐ ܣܓܝܐܐ ܕܣܡܟ ܥܠܝܗܘܢ ܒܙܒܢܐ ܗܢܐ. ܟܕ ܕܝܢ ܢܚܬܘ ܘܐܦ ܐܟܠܘ ܠܚܡܐ ܚܒܗܘܢ: ܢܦܠܘ ܟܠܗܘܢ ܬܘܒ ܒܟܘܪ̈ܗܢܐ ܡܫܚ̈ܠܦܐ. ܐܝܟܢܐ ܕܐܘܪ̈ܚܬܐ ܘܫܒܝ̈ܠܐ ܘܪ̈ܘܡܐ ܘܥܘ̈ܡܩܐܼ ܡܢܗܘܢ ܡܠܝܢ ܗܘܘܼ: ܘܩܘܪ̈ܝܣ ܘܡܕ̈ܝܢܬܐ ܘܟܠܕܘܟ. ܟܕ ܐܦ ܣܝܦܝܢ ܗܘܘ ܐܝܟ ܩܡܨܐ. ܐܓܪܐ ܕܝܢ ܠܝܬ ܗܘܼܐ: ܐܠܐ ܒܠܚܘܕ ܠܚܡܐ ܕܦܘܡܗ ܕܚܕ ܡܢܗܘܢ. ܣܓܝ̈ܐܐ ܕܝܢ ܐܡܪܝܢ ܗܘܘ ܕܢܦܩܝܢ ܗܘܘ ܠܚܩܠܐ ܡܢܗܘܢ: ܘܡܐ ܕܐܟܠܝܢ ܗܘܘ ܘܣܒܥܝܢ܆ ܢܦܠܘ ܘܡܝܬܘ. ܐܝܟܢܐ ܕܢܦܩܘܢ ܥܣܪ̈ܝܢ ܘܢܥܠܘܢ ܚ̈ܡܫܐ. ܘܟܕ ܐܝܕܥܘ ܗܕܐ ܡܪ̈ܝ ܚܨܕܐܼ. ܠܐ ܝܗܒܝܢ ܗܘܘ ܠܚܕ ܡܢܗܘܢ ܢܥܘܠ ܠܚܩܠܗ: ܐܠܐ ܠܐܝܢܐ ܕܫܦܝܪ ܓܘܢܗ ܘܫܡܝܢ ܒܣܪܗ. ܟܕ ܐܦ ܝܗܒܝܢ ܗܘܘ ܠܗܘܢ ܐܓܪܐܼ ܚܡ̈ܫܐ ܦܘ̈ܠܣ ܒܝܘܡܐܼ. ܘܟܕ ܣܓܝ ܥܣܪܐ. ܘܗܟܢܐ ܚܨܕܘܢ ܒܢܝ̈ܢܫܐ ܚܨܕܗܘܢ ܕܡܠܐ. ܟܕ ܠܐ ܚܝܣܝܢ ܗܘܘ ܥܠ ܚܝܠܗܘܢ ܕܡܣܟ̈ܢܐ. ܘܐܦܠܐ ܠܚܡܐ ܝܒܝܫܐ ܡܘܟܠܝܢ ܗܘܘ ܠܗܘܢ ܚܒܗܘܢ: ܠܘ ܡܢ ܚܣܝܪܘܬܐ. ܐܠܐ ܡܢ ܨܒܝܢܐ ܒܝܫܐ ܕܩܢܝܢ ܗܘܘ܀ ܢܚܘܐ

Page 364

ܕܝܢ ܐܦ ܐܝܠܝܢ ܒܝܫ̈ܬܐ ܥܒܕܝܢ ܗܘܘ ܒܢܝ̈ܢܫܐܼ. ܒܕܠܘܚܐ ܕܩܒܪ̈ܐ ܕܥܢܝܕ̈ܐ.

ܥܠ ܬܚܠܘܨܬܐ ܕܩܒܪ̈ܐ. ܘܥܠ ܡܫܠܚܢܘܬܐ ܕܥܢܝܕ̈ܐ܀ ܥܠ ܗܦܘܟܝܐ ܕܝܢ ܕܩܒܪ̈ܐ ܐܪܡܝܐ ܢܒܝܐ ܒܼܿܕܩ ܠܢܼ ܟܕ ܐܡܼܪ ܥܠܝܗܘܢ ܗܟܢܐ. ܘܐܦ ܥܠ ܒܘܕܪܐ ܕܓܪ̈ܡܝܗܘܢܼ. ܘܠܝܬ ܠܗܘܢ ܡܟܢܫܢܐܿ. ܐܠܐ ܐܝܟ ܙܒܠܐ ܥܠ ܐܦܝ ܐܪܥܐ ܢܗܘܘܢ. ܢܗܘܐ ܠܡ ܒܙܒܢܐ ܗܿ، ܐܡܿܪ ܡܪܝܐ: ܢܦܩܘܢ ܓܪ̈ܡܐ ܕܡܠܟ̈ܐ ܕܝܗܘܕܐܼ ܘܓܪ̈ܡܐ ܕܪܘܪ̈ܒܢܝܗܘܢ ܘܓܪ̈ܡܐ ܕܡܠܟ̈ܐ ܕܝܗܘܕܐܼ ܘܓܪ̈ܡܐ ܕܪܘܪ̈ܒܢܝܗܘܢ ܘܓܪ̈ܡܐ ܕܟܗܢ̈ܝܗܘܢܼ ܘܓܪ̈ܡܐ ܕܢܒ̈ܝܐ ܘܓܪ̈ܡܐ ܕܥܡܘܪ̈ܝܗܿ ܕܐܘܪܫܠܡ ܡܢ ܩܘܒܪ̈ܝܗܘܢ. ܘܢܫܛܚܘܢ ܐܢܘܢ ܠܫܡܫܐ ܘܠܣܗܪܐ ܘܠܟܠ ܚܝ̈ܠܘܬܐ ܕܫܡܝܐܼ. ܕܪܚܡܘ ܐܢܘܢ ܘܦܠܚܘ ܠܗܘܢ ܘܐܙܠܘ ܒܬܪܗܘܢ ܘܫܐܠܘ ܒܗܘܢ ܘܣܓܕܘ ܠܗܘܢ. ܘܠܐ ܢܬܟܢܫܘܢ ܘܠܐ ܢܬܩܒܪܘܢܼ. ܐܠܐ ܐܝܟ ܙܒܠܐ ܥܠ ܐܦ̈ܝ ܐܪܥܐ ܢܗܘܘܢ܀ ܠܢ ܕܝܠܢ ܥܙ ܘܕܪ ܣܛܢܐܼ ܡܢ ܥܠܬ ܚܛܗ̈ܝܢ ܣܓ̈ܝܐܐܼ ܡܢ ܕܪ̈ܐ ܘܙܒ̈ܢܐ ܘܡܢ̈ܝܢܐ ܣܓ̈ܝܐܐܼ. ܕܥܒܕ ܕܢܣܝܒܪܝܗܿ ܠܗܕܐ܀ ܟܕ ܗܦܟܘܢ ܒܢܝ̈ܢܫܐ ܘܕܪܘܢ ܠܓܪ̈ܡܝܗܘܢ ܠܒܪ ܡܢ ܩܒܪ̈ܝܗܘܢܼ ܕܠܐ ܚܘܣܢ. ܘܐܟܙܢܐ ܕܐܢܫ ܢܿܦܩ ܙܒܠܐ ܡܢ ܓܘ ܒܝܬܐ ܘܢܕܪܐ ܠܒܪ: ܗܟܢܐ ܡܿܦܩܝܢ ܗܘܘ ܠܗܘܢܼ ܘܫܕܝܢ ܓܪ̈ܡܝܗܘܢ ܠܒܪ ܡܢ ܩܒܪ̈ܝܗܘܢ. ܟܕ ܐܦܠܐ ܚܝܣܝܢ ܗܘܘ ܥܠܝܗܘܢܼ ܕܢܗܦܟܘܢ ܐܢܘܢ ܠܕܘ̈ܟܝܬܗܘܢ: ܡܐ ܕܣܥܪܘ ܨܒܝܢܗܘܢ ܦܩܪܐ ܘܥܢܬܐ ܒܗܘܢ. ܟܕ ܐܦ ܐܢ ܡܬܟܝܢܝܢ ܗܘܘ ܐܢ̈ܫܐ ܛܢ̈ܢܐ ܘܕܚܠܝ ܡܢ ܐܠܗܐ ܕܟܿܐܝܢ ܗܘܘ ܒܗܘܢܼ. ܡܛܠ ܒܝܫܢܐ ܗܕܐ ܘܥܘܠܐ ܘܪܘܫܟܐ ܗܢܐ: ܐܡܪܝܢ ܗܘܘ ܠܗܘܢܼ. ܕܡܘܢ ܥܒܕܝܢܢ ܠܗܿ ܠܒܝܫܬܐܗܕܐ. ܘܡܢ ܐܝܟܐ ܢܐܝܬܐ ܘܢܬܠ.. ܟܕ ܐܦ ܡܫܬܐܠܝܢ ܗܘܘ ܬܘܒܼ ܕܡܫܟܚܝܢܬܘܢ ܡܕܡ ܛܘܣ: ܘܗܢܘܢ ܦܩܪ̈ܐ ܕܒܼܿܩܘ

Page 365

ܡ̈ܠܐ ܕܣܛܢܐ ܐܒܘܗܘܢ ܘܪܒܗܘܢܼ ܘܐܡܪܘܼ ܕܡܫܟܚܝܢܢ. ܡܐ ܕܝܢ ܕܐܬܬܒܥܘܼ ܕܠܐ ܕܝܠܟ ܡܘܢ ܡܫܟܚ ܠܟ: ܐܡܪ ܕܠܝ ܥܕܟܝܠ ܠܐ ܡܫܟܚ ܠܝ ܡܕܡ. ܐܠܐ ܦܠܢ ܙܦܢ ܘܙܦܠܢ ܥܙ̈ܩܬܐ ܘܩ̈ܕܫܐ ܘܥܩ̈ܐ ܕܕܗܒܐ ܐܫܟܚ. ܘܦܠܢܝܬ ܩܪܝܬܐܼ ܒܙܦܠܢ ܐܠܦܝ̈ܐ ܡܣܩ ܠܗܿ ܕܗܒܐ ܐܦ ܣܐܡܐ܀ ܗܠܝܢ ܕܝܢ ܡ̈ܠܐ ܦܚܝܚ̈ܬܐ ܡܠܦ ܗܘܐ ܠܗܘܢ ܣܛܢܐܼ ܕܢܐܡܪܘܢ ܚܠܦ ܟܘܘܪܗܘܢ. ܘܟܕ ܕܝܢ ܓܼܕܫ ܘܐܬܬܒܥ ܗܿܘ ܕܐܬܐܡܪ ܥܠܘܗܝ ܕܐܫܟܚ: ܐܘ ܓܼܕܫ ܕܗܘܬܼ ܫܟܚܬܗ ܩܕܝܫܬܐ ܕܢܚܫܐܼ ܐܘ ܥܙܩܬܐ ܕܦܪܙܠܐ ܗܼܘ. ܗܠܝܢ ܗܘ̈ܝ ܫܟܚ̈ܬܗܘܢ: ܘܣܛܢܐ ܡܟܪܙ ܗܘܐ ܠܗ̈ܝܢ ܒܝܕ ܦ̈ܠܚܘܗܝ ܠܬܕܡܪ̈ܬܐ ܘܠܐܠܦ̈ܐ ܘܠܪ̈ܒܘܬܐ. ܐܝܟܢܐ ܕܟܠܢܫ ܢܦܠܘܚ ܥܡܗ ܒܪܘܫܥܐ ܗܢܐ. ܟܕ ܐܓܪܗܘܢ ܝܼܗܒ ܠܗܘܢ ܫܓܪܐ ܕܓܗܢܐ܀ ܘܒܝܕ ܕܡܪܕܘ ܡܢܗ ܕܪ̈ܐ ܡܗ̈ܝܡܢܐ ܘܩܕ̈ܡܝܐܼ. ܘܠܐ ܣܥܼܪ ܒܗܘܢ ܨܒܝܢܗ ܒܚܝ̈ܝܗܘܢ: ܐܬܬܢܝܚ ܗܫܐܼ ܘܫܠܡܝܘ ܠܪܓܬܗ ܦܠܚܘ̈ܗܝ ܒܒܘܕܪܐ ܕܓܪ̈ܡܝܗܘܢ. ܗܪܟܐ ܐܗܠ ܣܢܐ ܕܟܠܗ̈ܝܢ ܫܦܝܪ̈ܬܐ ܒܢ ܘܒܗܘܢ: ܒܗܘܢ ܕܐܬܒܕܪܘ ܓܪ̈ܡܝܗܘܢ܇ ܘܒܢ ܕܝܠܢ ܕܣܥܼܪܢܗܿ ܠܗܕܐ ܒܐܝܕ̈ܝܢ܀ ܘܐܝܟ ܙܢܐ ܕܗܠܝܢ ܟܠܗܘܢ ܒܡܘ̈ܬܢܐ ܡܫܚ̈ܠܦܐ ܡܝܬܘ: ܗܟܢܐ ܐܦ ܟܘܪ̈ܗܢܐ ܡܫܚ̈ܠܦܐ ܢܦܠܘ ܒܒܢ̈ܝܢܫܐ. ܘܫܠܡܬܼ ܡܠܬܐ ܟܬܒܐܝܬܐ ܕܐܡܪܐܼ ܕܐܡܬܝ ܕܡܬܦܬܚܝܢ ܩܒܪ̈ܐܼ. ܡ̈ܘܬܢܐ ܣܓܝ̈ܐܐ ܡܥܠܝܢ ܥܠ ܡܕ̈ܝܢܬܐ܀ ܘܡܢ ܥܠܬ ܦܪܪܣܝܐ ܪܒܬܐ ܕܫܩܠܘ ܒܢܝ̈ܢܫܐ ܕܢܗܦܟܘܢ ܩܒܪ̈ܐ: ܐܡܪܚܘ ܐܦ ܥܠ ܥܢܝܕ̈ܐ ܕܡܬܩܒܪܝܢ ܒܗܘܢ ܒܝܘܡ̈ܬܐܼ ܕܢܫܠܚܘܢ ܐܢܘܢ. ܥܕܡܐ ܕܢܬܥܦܐ ܡܝܬܐ ܡܢ ܩܒܘܪ̈ܐ. ܘܢܗܦܟܘܢ ܕܢܐܝܬܘܢ ܚܒܪܗܼ. ܘܥܠ ܕܐܬܝܢܼ ܡܫܠܚ ܩܕܡܝܐ. ܗܦܟܝܢ ܗܘܘ ܐܦ ܠܚܦܪ̈ܐ ܕܛܝ̈ܝܐ ܘܕܝܗܘܕ̈ܝܐ. ܘܡܫܠܚܝܢ ܠܗ ܘܗܦܟܝܢ ܫܕܝܪܢ ܠܗ ܘܛܡܪܘܗܝ܆ ܡܛܠ ܕܠܐ ܢܪܓܫܘܢ

Page 366

ܒܗܘܢ: ܐܘ ܫܒܩܘܗܝ ܟܕ ܫܕܐ ܥܠ ܐܦܘ̈ܗܝ ܡܫܠܚܐܿ. ܘܐܙܠܘ ܐܝܟܢܐ ܕܟܕ ܐܪܓܫܘ ܒܢܝ̈ܢܫܐ ܐܦ ܒܗܕܐܼ. ܘܐܦ ܨܕܘ ܡܢܗܘܢ ܕܝܠܗܘܢ ܕܡܚܠܨ̈ܝ ܩܒܪ̈ܐܼ. ܘܐܦ ܐܫܟܚܘ ܠܡܐܢ̈ܝܗܘܢ ܕܥܢܝܕ̈ܐ ܥܡܗܘܢ: ܠܐ ܫܒܩܝܢ ܗܘܘ ܠܡܝܬܐ ܐܡܬܝ ܕܗܼܘ ܕܡܬܥܦܐ ܕܠܐ ܢܛܘܪ̈ܐܼ ܠܐ ܐܝܡܡܐ ܐܼܦܠܐ ܒܠܠܝܐܼ ܥܕܡܐ ܕܡܣܬܪܚ. ܟܕ ܐܦ ܠܗܘܢ ܠܡ̈ܐܢܐ ܡܦܪ̈ܓܐ ܕܣܝܡܝܢ ܗܘܘ ܥܡܗܼ ܡܣܝܕܝܢ ܗܘܘ ܠܗܘܢܼ ܩܕܡ ܡܬܝܬܗ ܕܣܣܐ: ܘܡܨܒܥܝܢ ܗܘܘ ܠܗܘܢ ܒܥܝܛܪܢܐ. ܐܝܟܢܐ ܕܢܗܘ̈ܝܢ ܡܛܠ ܥܠܬܐ ܗܕܐ ܡܛܪ̈ܬܐ ܣ̈ܓܝܐܬܐ ܒܝܬ ܩܒܘܪ̈ܐ ܕܣܘܪ̈ܝܝܐ ܘܕܛܝ̈ܝܐ ܘܕܝܗܘܕ̈ܝܐ. ܘܥܕܡܐ ܕܡܣܬܪܚܝܢ ܘܐܦ ܡܪܗܠܝܢ܆ ܠܐ ܫܒܩܝܢ ܗܘܘ ܠܗ ܕܠܐ ܢܛܘܪ̈ܐ. ܟܕ ܐܦ ܠܐ ܚܝܣܝܢ ܗܘܘ ܗܼܢܘܢ ܠܣ̈ܛܝܐ ܘܓܢ̈ܒܐܼ ܕܢܫܠܚܘܢ ܠܡܣܟܢܐ ܕܣܝܡܐ ܥܡܗ ܡܢܕܝܠܐ ܩܘܪܝܝܬܐ ܐܘ ܩܛܥܐ ܕܓܠܐ܀ ܥܠ ܗܦܘܟܝܐ ܕܝܢ ܕܩܒܪ̈ܐ ܐܫܟܚܢܢ ܒܢܒܝܐ: ܥܠ ܫܘܠܚܐ ܕܡܝ̈ܬܐ ܠܐ ܐܫܟܚܢܢ. ܐܠܐ ܚܢܢ ܠܟܠܗܝܢ ܒܝܫ̈ܬܐ ܥܒܪܢܢܼ ܒܝܕ ܪ̈ܘܫܥܢ ܘܥܘ̈ܠܝܢ܆ ܕܝܡ̈ܢ ܒܟ̈ܬܒܐ ܘܕܠܐ ܣܝܡ̈ܢ. ܐܠܐ ܢܘܕܐ ܠܡܪܝܐ ܥܠ ܛܝܒܘܬܗܼ ܕܠܐ ܡܬܡܫܚܐ ܐܘ ܡܬܕܪܟܐ ܡܢ ܝܠܝܕ̈ܐܼ ܕܛܥܝܢ ܘܡܣܝܒܪ ܥܝ̈ܛܝܢ ܘܣܘܓܐܐ ܕܒܝܫ̈ܬܢ.

ܥܠ ܣܘܦܢܐ ܕܝܠܗ ܕܡܘܬܢܐ. ܘܥ ܠܚܝܘܬܐ ܚܒܠܬܐ ܕܢܦܼܩ ܒܬܪ ܡܘܬܢܐ܀ ܘܟܕ ܒܟܠܗ ܗܢܐ ܪܘܫܥܐ ܘܥܘܠܐ ܕܟܠܗܝܢ ܣܢ̈ܝܬܐ ܢܦܠܢ ܚܢܢ: ܒܕܓܠܘܬܐ ܘܒܚܛܘܦܐ ܘܒܒܙܘܙܝܐ ܕܚܕ̈ܕܐ ܒܡܟܠܩܪܨܐ ܒܨܘ̈ܚܝܬܐ ܒܓܘ̈ܢܦܐ ܒܓܘܪܐ ܒܓܢܒܘܬܐ ܒܣܗ̈ܕܘܬܐ ܕܫܘܩܪܐ ܒܩ̈ܛܠܐ ܘܒܡܣܘܪܝܐ ܕܚܕܕ̈ܐܼ. ܘܫܪ̈ܝܢ ܒܝܫ̈ܬܐ ܟܪ̈ܟܢ ܠܢ ܡܢ ܟܠ ܓܒ̈ܝܢ: ܕܢܬܘܒ ܘܢܬܦܢܐ ܠܘܬ ܡܪܝܐ ܒܚܕ ܡܢ ܦܘܪ̈ܣܝܢ ܠܐ ܐܫܟܚܢܢ܆ ܐܠܐ ܕܐܦ ܠܡܝ̈ܬܐ ܕܫܟܒ ܢܙܝܥ ܐܢܘܢ

Page 367

ܡܢ ܕܘܟ̈ܝܬܗܘܢ. ܗܝܕܝܢ ܦܢܝ ܠܢ ܡܪܝܐ ܠܘܩܒܠ ܥܒܿܕܝܢ. ܘܥܒܕ ܡܢ ܐܠܗܐ ܡܫܬܒܩܢܘܬܐܼ ܘܨܒܘ ܥܠܝܢ ܟܠܗܝܢ ܒܝܫ̈ܬܐ. ܐܝܟ ܡܐ ܕܐܡܪ ܢܒܐܿ. ܕܐܟܢܫ ܥܠܝܗܘܢ ܒܝܫ̈ܬܐܼ ܘܓܐܪ̈ܝ ܐܘܟܠ ܒܗܘܢ. ܢܬܛܪܦܘܢ ܒܟܦܢܐ. ܘܢܫܬܠܡܢ ܠـ[ـܗܘܢ ܪ̈ܘܚܐ] ܒܝ̈ܫܬܐ. ܘܠܛܝܪܐ ܐܫܠܡ ܐܢܘܢܼ. ܘܚܝܘܬ ܫܢܐ ܐܓܪ ܒܗܘܢ. ܡܢ ܠܒܪ ܬܓܙ ܚܪܒܐܼ ܘܡܢ ܬܘܘ̈ܢܐ ܕܚܠܬܐ܀ ܐܫܥܝܐ ܕܝܢ ܐܡܼܪ: ܕܢܫܬܒܩܘܢ ܐܟܚܕܐ ܠܛܝܪܐ ܕܛܘܪ̈ܐ ܘܠܚܝܘܬܐ ܕܐܪܥܐ. ܘܬܟܢܫ ܥܠܘܗܝ ܛܝܪܐ: ܘܚܝܘܬܐ ܕܐܪܥܐ ܥܠܘܗܝ ܬܪܓܙ܀ ܚܒܩܘܩ ܕܝܢ ܐܡܼܪ: ܕܣܒܥܬ ܨܥܪܐ ܡܢ ܐܝܩܪܐ. ܐܫܬܝ ܐܩ ܐܢܬ ܘܐܬܛܪܦ. ܢܗܦܘܟ ܥܠܝܟ ܟܣܐ ܕܝܡܢܗ ܕܡܪܝܐ. ܘܨܥܪܐ ܥܠ ܐܝܩܪܟ ܡܛܠ ܕܚܛܘܦܝܐ ܕܠܒܢܢ ܢܟܣܝܟ. ܘܒܙܬܐ ܕܚܝܘܬܐ ܬܕܠܚܝܟܼ. ܡܢ ܕܡܐ ܕܒܪܢܫܐ ܘܚܛܘܦܝܐ ܕܐܪܥ ܘܕܡܕܝܢܬܐ ܘܕܟܠܗܘܢ ܥܡܘܪ̈ܝܗܿ܀ ܐܡܼܪ ܕܝܢ ܐܦ ܩܕܝܫܐ ܐܪܡܝܐ: ܕܐܦ ܐܢܘܢ ܡܢ ܩܕܡ ܐܦ̈ܝ ܘܢܦܩܘܢ. ܘܐܢ ܢܐܡܪܘܢ ܠܟ ܠܐܝܟܐ ܢܦܘܩ. ܐܡܪ ܠܗܘܢ: ܗܟܢܐ ܐܡܿܪ ܡܪܝܐܼ. ܕܠܡܘܬܐ ܠܡܘܬܐܼ ܘܕܠܚܪܒܐ ܠܚܪܒܐܼ ܘܕܠܟܦܢܐ ܠܟܦܢܐܼ ܘܕܠܫܒܝܐ ܠܫܒܝܐ. ܘܐܦܩܘܕ ܥܠܝܗܘܢ ܐܪ̈ܒܥ ܡܚ̈ܘܢܼ ܐܡܿܪ ܡܪܝܐ: ܚܪܒܐ ܠܡܩܛܠ ܘܟ̈ܠܒܐ ܠܡܓܪ ܘܦܪܚܘܬܐ ܕܫܡܝܐ ܘܚܝܘܬܐ ܕܐܪܥܐ ܠܡܐܟܠ ܘܠܡܚܒܠܘ. ܘܐܬܠ ܐܢܘܢ ܠܙܘܥܬܐ܀ ܘܬܘܒ ܐܡܼܪ: ܕܐܢ ܬܦܘܩ ܠܕܒܪܐ܆ ܗܐ ܩܛܝ̈ܠܝ ܚܪܒܐ. ܘܐܢ ܬܥܘܠ ܠܓܘ ܩܪܝܬܐܼ ܡܛܪ̈ܦܝ ܟܦܢܐ܀ ܟܕ ܓܝܪ ܣܓܝ̈ܐܢ ܒܝܫ̈ܬܐ ܕܥܡ̈ܠܐ ܘܕܚܣܝܪܘܬܐ ܘܟܦܢܐ ܘܡܘܬܢܐ ܘܟܘܪ̈ܗܢܐ ܡܫ̈ܚܠܦܐ ܥܠ ܒܢܝ̈ܢܫܐ ܫܒܩܘܢ ܒܬܝ̈ܗܘܢ ܘܣܠܩ ܝܬܒܘ ܒܢܛܘܪ̈ܐ ܘܒܪ̈ܓܘܠܐ. ܘܬܡܢ ܣܝܦܝܢ ܗܘܘ ܐܝܟ ܩ̈ܡܨܐܼ. ܡܢ ܟܦܢܐ ܘܡܢ

Page 368

ܡܘܬܢܐ ܡܢ ܩܘܪܐ. ܘܡܬܟܠܝܢ ܡܢ ܚܝܘܬܐ ܘܦܪܚܬܐܼ ܘܠܝܬ ܕܩܒܪ.

ܥܫܼܢ ܕܝܢ ܗܘ ܡܘܬܢܐ ܒܐܬܪ̈ܘܬܐ ܬܚ̈ܬܝܐܼ. ܘܐܚܪܒܗܿ ܠܐܪܥܐ ܗܿܝ. ܐܝܟܢܐ ܕܕܪ̈ܬܐ ܣܓܝ̈ܐܬܐ ܕܡܦܩܐ ܗܘܬ ܐܪ̈ܒܥܝܢ ܘܚܡܫ̈ܝܢ܆ ܦܫ ܕܠܐ ܚܕܐ ܢܦܩܝܢ ܗܘܘ ܒܝܘܡܐ ܚܕ ܡܢ ܡܘܨܠ ܝܬܝܪ ܡܢ ܐܠܦܐ ܕܥܪ̈ܣܬܐ. ܘܟܕ ܐܦ ܢܨܝ̈ܒܢܝܢ ܩܪ̈ܝܬܐ ܡܕܡ ܥܒܕܝܢ ܗܘܘ ܪܘܪ̈ܒܬܐ: ܘܣܚܦܝܢ ܗܘܘ ܠܗܘܢ ܒܗܘܢ. ܡܼܝܬ ܕܝܢ ܪ̈ܘܪܒܢܐ ܟܠܗܘܢ ܕܐܪܥܐ. ܘܝܬܝܪܐܝܬ ܚܒܠ ܡܘܬܢܐ ܗܢܐ ܟܗ̈ܢܐ ܕܡܕ̈ܝܢܬܐ ܘܕܩܪ̈ܝܣ. ܡܝܬ ܕܝܢ ܡܢ ܕܝܪܐ ܕܩܪܬܡܢ ܒܡܘܬܢܐ ܗܢܐܼ ܬܫ̈ܥܝܢ ܘܚ̈ܡܫܐ ܒܢܝ̈ܢܫܐ܆ ܝܬܝܪܐܝܬ ܝܕ̈ܝܥܐ. ܘܡܢ ܕܝܪܐܬܘܒ ܕܡܪܝ ܨܠܝܒܐ ܟܠܗܘܢ ܪ̈ܝܫܢܝܗܿ ܦܫܘ ܕܝܢ ܐܘܓܪ̈ܣܐ ܘܩܘܪ̈ܝܣ ܘܕܪ̈ܬܐ ܪܘܪ̈ܒܬܐ ܕܡܕ̈ܝܢܬܐ ܟܕ ܨܕܝܢ܀ ܥܡ ܗܠܝܢ ܬܘܒ [ܐܬܚܙܝ ܡܢ] ܒܬܪܗ ܕܝܠܗ ܕܡܘܬܢܐ ܗܢܐ܆ ܚܝ̈ܘܬܐ ܡܕܡ ܙܝܥ̈ܬܐ ܘܕܚܝ̈ܠܬܐ ܘܠܐ ܡܢ ܡܕܡ ܙܝܥ̈ܢ ܗܘ̈ܝ. ܘܐܦܠܐ ܡܢ ܒܢ̈ܝܢܫܐ ܥܪ̈ܩܢ ܗܘ̈ܝ ܐܘ ܙܝܥ̈ܢ. ܘܒܢܝ̈ܢܫܐ ܕܠܐ ܡܢܝܢ ܚܒܠܘ. ܘܕܡܘܬܐ ܡܕܡ ܐܝܬ ܗܘܐ ܠܗܘܢ ܕܕܐܒܐ. ܟܕ ܐܦ ܡܫܚܠܦ̈ܢ ܗܘ̈ܝ ܩܠܝܠ ܡܢ ܕܐܒܐܼ. ܒܗܿܝ ܕܡܩܘܪ̈ܐ ܕܚܕ ܡܢܗܘܢ ܩܛܝ̈ܢܐ ܘܐܪ̈ܝܟܐ ܐܝܬܝܗܘܢ ܗܘܼܘ. ܐܕ̈ܢܐ ܕܝܢ ܪܘܪ̈ܒܬܐ ܩܢܝܢ ܗܘܘܐܝܟ ܕܣܘܣܝܐ. ܐܦ ܣܥܪܐ ܐܝܢܐ ܕܥܠ ܡܬܢܐ ܕܚܨܝܗܝܢ ܐܝܬ ܗܘܐ ܒܕܡܘܬ ܙܦ̈ܐ ܡܕܡ ܕܚܙܝܪܐ: ܐܪܝܟܐ ܐܝܬ ܗܘܼܐ ܘܙܩܝܦܐ ܠܐܦ̈ܝ ܫܡܝܐ. ܥܒܼܕ ܕܝܢ ܚܘ̈ܒܠܐ ܪܘܪ̈ܒܐ ܒܒܢܝ̈ܢܫܐ ܒܛܘܪܥܒܝܕܢ. ܟܕ ܐܡܪܝܢ ܗܘܘ ܒܢܝ̈ܢܫܐ ܕܐܟܠ ܡܢ ܩܪܝܬܐ ܚܕܐ ܝܬܝܪ ܡܢ ܡܐܐ ܒܢܝ̈ܢܫܐ ܕܐܟܠ ܡܢ ܩܪܝܬܐ ܚܕܐ ܝܬܝܪ ܡܢ ܡܐܐ ܒܢܝ̈ܢܫܐ: ܘܡܢ ܣܓܝ̈ܐܬܐ ܐܝܬ ܕܥܣܪ̈ܝܢ ܘܐܝܬ ܕܐܪ̈ܒܥܝܢ ܘܐܝܬ ܕܚܡ̈ܫܝܢ. ܟܕ ܠܐ ܡܫܟܚܝܢ ܗܘܘ ܒܢ̈ܝܢܫܐ ܠܡܗܪܘ ܠܚܕܐ ܡܢܗܝܢ ܡܕܡ.

Page 369

ܘܐܦܠܐ ܥܪ̈ܩܢ ܗܘܼ̈ܝ ܡܢ ܐܢܫ̈ܐ. ܟܕ ܐܠܘ ܗܘܝܢ [ܗܘܘ] ܒܢܝ̈ܢܫܐ ܕܢܦܩܝܢ ܗܘܘ ܒܬܪ ܚܕܐ ܡܢܗܝܢܼ ܟܕ ܡܙܝܢܝܢ܆ ܠܐ ܡܗܪܝܢ ܗܘܘ ܠܗܿ ܡܕܡ. ܘܐܦܠܐ ܗܝ ܥܪܩܐ ܗܘܬ ܡܢ ܩܕܡܝܗܘܢ: ܐܠܐ ܘܡܬܦܢܝܐ ܗܘܬ ܥܠܝܗܘܢ. ܘܡܬܪ̈ܫܠܢ ܗܘ̈ܝ ܐܝܕ̈ܝܗܘܢ ܡܢ ܙܝܢܗܘܢܼ. ܘܫܘܪܐ ܥܠܝܗܘܢ ܘܡܦܪܬܐ ܠܗܘܢ. ܥܠܝܢ ܗܘܘ ܠܒ̈ܬܐ ܘܠܕܪ̈ܬܐܼ ܘܫܩܠܝܢ ܗܘܘ ܓܪ̈ܝܥܐ ܘܢܦܩܝܢ: ܘܠܝܬ ܕܡܥܙܐ. ܘܣܠܩܝܢ ܗܘܘ ܕܝܢ ܡܢܗܘܢ ܒܠܝܠ̈ܠܘܬܐ ܠܐܓܪ̈ܐ ܪ̈ܡܐܼ ܘܫܩܠܝܢ ܓܪ̈ܝܥܐ ܡܢ ܒܝܬܗܘܢ ܘܢܚܬܝܢ: ܘܠܝܬ ܕܡܥܙܐ. ܟܕ ܐܦܠܐ ܟ̈ܠܒܐ ܢܒܚܝܢ ܗܘܘ ܒܚܕ ܡܢܗܘܢ. ܐܝܟܢ ܕܡܢ ܥܠܬܐ ܗܕܐ܆ ܥܠܬܼ ܐܪܥܐ ܗܿܝ ܠܐܘܠܨܐ ܡܪܝܪܐ ܘܩܫܝܐ ܝܬܝܪ ܡܢ ܟܠܗܘܢ ܕܥܒܼܪ ܥܠܝܗܿ. ܟܕ ܠܐ ܡܫܟܚܝܢ ܗܘܘ ܬܪ̈ܝܢ ܘܬܠ̈ܬܐ ܕܢܗܠܟܘܢ ܐܝܟ ܚܕܐ. ܩܢܝܢܐ ܕܝܢ ܐܦܠܐ ܒܕܘܟ ܐܬܚܙܝ: ܕܐܬܟܠܘ ܡܢ ܚܕ ܡܢܗܢ. ܟܕ ܐܢ ܥܿܝܠ ܗܘܼܐ ܚܕ ܡܢܗܘܢ ܠܥܙ̈ܐ ܐܘܠ ܥܢܐ ܐܢܫ ܫܩܿܠ ܗܘܐ܀ ܘܐܝܟܢܐ ܐܝܬ ܠܢ ܠܡܐܡܪ܆ ܡܛܠ ܫܒܛܐ ܗܢܐ ܡܪܝܪܐ: ܐܠܐ ܕܡܢ ܐܠܗܐ ܐܫܬܕܪܘ ܥܠܝܢ. ܟܕ ܐܦ ܠܟܠܢܫ ܓܠܝܐ ܗܿܝ ܕܡܢ ܐܠܗܐ ܢܣܒܘ ܫܘܠܛܢܐ ܗܢܐ: ܒܗܿܝ ܕܠܐ ܟ̈ܠܒܐ ܘܐܦܠܐ ܐܢ̈ܫܐ ܡܫܟܚܝܢ ܗܘ ܠܡܗܪܘ ܠܚܕ ܡܢܗܘܢ܀ ܐܡܼܪ ܕܝܢ܆ ܐܟܢܫ ܥܠܝܗܘܢ ܒܝ̈ܫܬܐ. ܗܐ ܡܪ̈ܕܘܬܐ ܕܡܕܢܬܐ ܕܠܐ ܒܪ̈ܚܡܐܼ. ܥܪܘܩܝܐ ܕܡܢ ܕܘܟܐ ܠܕܘܟܐ. ܘܗܐ ܬܘܒ ܟܦܢܐ ܘܡܘܬܢܐ ܘܟܘܪ̈ܗܢܐ ܡܫ̈ܚܠܦܐ. ܗܐ ܒܙܘܙܝܐ ܘܫܒܝܐ ܕܚܕܕ̈ܐ ܘܕܐܬܪܐ ܕܒܚܪܗ. ܟܕ ܐܦܠܐ ܩܢܝܢܐ ܟܠܗ ܕܐܪܥܐ ܐܒܕ ܒܫܢܬܐ ܗܕܐ: ܘܗܐ ܛܝܪ̈ܐ ܕܒܟܠܕܘܟ ܫܠܕ̈ܐ ܕܒܢܝ̈ܢܫܐ ܕܠܐ ܩܒܝܪ̈ܢ ܡܢܬܫ̈ܢ ܗܘ̈ܝ. ܥܡ ܗܠܝܢ ܬܘܒܼ ܗܐ ܚܝܘ̈ܬܐ ܡܚܒ̈ܠܬܐ܀ ܥܒܼܪ ܕܝܢ ܗܢܝܢ ܚܝ̈ܘܬܐ ܠܐܪܥܐ ܕܐܪܙܝܢ܆ ܘܚܘ̈ܒܠܐ ܪܘܪ̈ܒܐ ܥܒܼܕ

Page 370

ܒܩܪܝܬܐ ܚܕܐ: ܘܐܦ ܒܐܪܥܐ ܕܡܝܦܪܩܛ. ܘܐܦ ܒܛܘܪܐ ܨܗܝܐ. ܘܐܡܝܕ ܚܒܠ ܩܠܝܠ܀ ܘܒܗܠܝܢ ܟܠܗܝܢ ܠܐ ܗܦܼܛ ܪܘܓܙܗ ܕܡܪܝܐ ܡܢܢ: ܐܠܐ ܘܬܘܒ ܐܝܕ̈ܝܗ ܪܡܐ. ܒܪܡ ܠܘ ܗܼܘ ܠܐ ܗܦܼܟ ܡܢܢ ܫܒܛܗ: ܐܠܐ ܚܢܢ ܠܐ ܗܦܼܟܢ ܡܢ ܥܒܕ̈ܝܢ ܣܢܝ̈ܐܼ. ܐܠܐ ܘܬܘܒ ܐܘܣܦܢ ܥܠܝܗܘܢ ܒܥܦ̈ܐ ܣܓܝ̈ܐܐ. ܐܟܝܢܐ ܕܐܦ ܥܠܝܢ ܐܬܚܕܬܘ ܒܝ̈ܫܬܐ ܥܠ ܒܝܫ̈ܬܐ: ܘܐܘܣܦ ܡܪܝܐ ܬܢܝܐ ܕܐܝܕܗ ܥܠܝܢ ܒܡܪܕܘܬܐ܀

[aliquot folia in codice desiderantur]

. . . [ܠܐ] ܡܫܟܚܝܢ ܗܘܘ ܒܢܝ̈ܢܫܐ ܢܒܥܪܘܢ ܐܘ ܢܡܛܘܢ ܠܚܕܪ ܒܝܬܐ ܗܿܘ ܡܢ ܪܝܚܐ ܩܫܝܐ ܕܣܪܝܘܬܐ ܕܢܿܦܩ ܗܘܐ ܡܢ ܒܝܬܐ ܗܿܘ. ܐܙܠ ܗܘܐ ܕܝܢ ܐܦ ܠܪܘܚܩܐ ܣܓܝܐܐ. ܟܕ ܕܝܢ ܐܢ ܐܠܨܐ ܗܘܬ ܥܠܬܐ ܠܐܢܫ ܕܢܡܛܐ ܠܒܝܬܐ ܗܿܘܼ. ܡܛܠ ܐܢܫ ܕܐܝܬ ܗܘܐ ܠܗ ܬܡܢ܆ ܗܘܿܐ ܗܘܐ ܟܕ ܡܕܘܕ ܡܢ ܪܝܚܐ ܗܘܿ ܝܘܡܐ ܘܬܪ̈ܝܢ܀ ܗܪܟܐ ܐܝܬ ܗܘܐ ܠܢ ܠܡܐܡܪ ܥܡ ܢܒܝܐ ܐܫܥܝܐ܆ ܕܐܝܟܢܐ ܕܡܬܟܢܫ̈ܢ ܒܢ̈ܬܐ ܕܫܒ̈ܝܩܢ: ܟܢܫܘܗܿ ܠܟܠܗܿ ܐܪܥܐ. ܘܠܐ ܗܘܼܐ ܕܡܪܝܡ ܓܦ̈ܐ ܘܦܬܚ ܦܘܡܗ ܘܢܨܪ܀ ܐܬܟܢܫܘ ܛܝ̈ܝܐ ܘܣܘܪ̈ܝܝܐܼ. ܪܘܪ̈ܒܢܐܘܩܘܛܢܐܼ. ܡܪ̈ܝ ܐܬܪܐ ܘܢܘܟܪ̈ܝܐ: ܘܠܐ ܗܘܼܐ ܐܢܫ ܕܡܪܝܪܡ ܓܠܐ ܐܦ ܦܬܚ ܦܘܡܗ ܘܡܡܠ܀ ܢܐܬܐ ܐܦ ܢܒܝܐ ܕܘܝܕ ܘܢܚܐܿ. ܟܕ ܡܬܛܡܝ ܗܝܟܠܐ ܩܕܝܫܐܼ ܘܥܒܝܕ ܒܝܬ ܡܚܪܝܐ ܒܕܡܘܬ ܒܝܬ ܒܥܠܐܿ. ܗܿܘ ܕܢܕܘܒܥܝܠ. ܘܢܐܡܪ: ܕܐܠܗܐ ܥܠܘ ܥܡ̈ܡܐ ܠܝܪܬܘܬܟ܆ ܘܡܐܘܗܝ ܠܗܝܟܠܟ ܩܕܝܫܐ. ܥܒܕܘܗܿ ܠܥܕܬܟ ܩܕܝܫܬܐ ܒܝܬ ܡܚܪܝܐ.. ܘܣܠܼܩ ܪܝܚܐ ܣܪܝܐ ܡܢܗܿ ܚܠܦ ܪܝܚܐ

Page 371

ܒܣܝܡܐ܀ ܐܡܪ ܓܝܪ ܗܼܘ ܐܫܝܥܐ: ܕܡܛܠ ܗܠܝܢ ܬܬܒ ܒܐܒܠܐ ܐܪܥܐܿ. ܘܢܬܚܝܒܘܢ ܟܠܗܘܢ ܥܡܘܪ̈ܝܗܿ. ܐܠܬܼ ܘܝܬܒܬܼ ܒܐܒܠܐ ܐܪܥܐ. ܐܠܬܼ ܘܝܬܒܬܼ ܘܐܬܒܠܬܼ ܬܒܝܠ. ܡܛܠ ܕܟܠܗܘܢ ܦܬܘܪ̈ܐ ܐܬܡܠܝܘ ܬܝܘܒܐ ܘܬܐܒܬܐ ܡܢ ܒܠܝ ܐܬܪܐ. ܐܡܼܪ ܓܝܪ ܠܘܬܗܘܢ ܗܼܘ ܢܒܝܐܼ. ܐܝܟ ܕܡܢ ܦܘܡܗ ܕܡܪܝܐ: ܕܐܡܿܪܬ ܠܗܘܢ ܕܗܕܐ ܗܼܝ ܢܝܚܬܝܼ ܐܢܚܝ ܠܡܛܪ̈ܦܐ܆ ܘܗܢܘ ܫܠܝܐ. ܘܠܐ ܨܒܘ ܠܡܫܡܥܢܝ. ܘܗܘܬܼ ܠܗܘܢ ܡܠܬܗ ܕܡܪܝܐ: ܬܒܬܐ ܥܠ ܬܒܬܐܼ ܘܬܒܬܐ ܥܠ ܬܒܬܐܼ. ܘܬܝܘܒܐ ܥܠ ܬܝܘܒܐܼ ܘܬܝܘܒܐ ܥܠ ܬܝܘܒܐ܀ ܗܪܟܐ ܐܝܬ ܗܘܼܐ ܠܡܚܙܐ ܠܬܝܒܬܗܘܢ ܥܠ ܬܝܒܗܘܢ: ܘܟܠ ܦܬܘܪ̈ܝܗܘܢ ܡܠܼܝܢ ܡܢ ܬܒܬܗܘܢ ܡܢ ܒܠܝ ܐܬܪܐ. ܐܝܠܝܢ ܕ̈ܡܥܐܼ ܐܝܢܐ ܚܫܐ ܐܝܬ ܗܘܐ ܕܣܿܦܩ: ܟܕ ܡܬܚܙܝܢ ܐܢܫ̈ܐ ܒܢ̈ܝ ܚܐܪ̈ܐ ܘܢܩܕ̈ܐ ܟܕ ܠܒܝܟܝܢ ܠܚܡܗܘܢ ܒܐܝܕ̈ܝܗܘܢ ܘܐܟܠܝܢ܇ ܘܩܕܡܝܗܘܢ ܟܫܼܐ ܙܒܠܐ ܥܠ ܙܒܠܐ. ܘܐܦ ܐܚܪ̈ܢܐ ܕܢܦܩܝܢ ܩܕܡܝܗܘܢ ܡܛܠ ܐܠܝܨܘܬܗܿ ܕܕܘܟܬܐ ܗܿܝ܀ ܥܠ ܗܠܝܢ ܡܙܥܩ ܢܒܝܐ ܝܘܐܝܠܼ ܘܐܡܿܪ܆ ܕܟܗ̈ܢܐ ܐܬܟܒܘ ܣܩ̈ܐ: ܘܐܪܩܕܘ ܘܐܝܠܠܘ ܡܫܡܫ̈ܢܝ ܡܕܒܚܐ: ܥܘܠܘ ܒܘܬܘ ܒܣܩ̈ܐܼ ܡܫܡܫ̈ܢܘܗܝ ܕܐܠܗܝ. ܠܘ ܡܛܠ ܕܐܬܟܠܝ ܢܘܩܝܐ ܘܣܡܝܕܐ ܡܢܗܿ. ܐܠܐ ܡܛܠ ܕܗܘܬܼ ܥܕܬܐ ܐܦ ܡܣܠܝܬܐ ܘܫܒܝܩܬܐ ܡܢ ܡܪܝܐ ܒܐܝܕ̈ܝ ܢܘܟܪ̈ܝܐ܀

ܘܟܕ ܒܟܠܗ ܗܢܐ ܐܘܠܨܢܐ ܪܒܐ ܪܡܝܢ ܗܘܘ ܒܢܝ̈ܢܫܐܼ. ܠܒܼܟ ܗܼܘ ܥܿܘܠܐ ܠܟܬܒܐ ܗܿ، ܕܟܬܒܘܢ ܒܪܝܫ ܫܢܬܐܼ. ܒܕܡܘܬ ܬܥܕܝܠ ܡܕܡ ܠܡ. ܘܟܠ ܡܿܢ ܕܠܝܬ ܫܡܗܼ ܐܘ ܡܟܪܟܕ ܗܘܐ ܥܠ ܐܝܕ̈ܘܗܝܼ. ܫܼܕܐ ܒܪܝܬܐ ܥܠܘܗܝܼ ܒܪܬ ܐܪ̈ܒܥܝܢ ܘܬܡ̈ܢܝܐ. ܕܩܝܡܐܗܘܬ ܫܬܝ̈ܢ ܙܘ̈ܙܐ. ܘܒܪܬ ܬܠ̈ܬܝܢ ܘܚܡ̈ܫܐ܆ ܘܒܪܬ ܥܣܪ̈ܝܢ ܘܚ̈ܡܫܐ܆ ܘܒܪܬ .ܝܗ.: ܘܗܟܢܐ ܐܦܩ ܠܣܓܝ̈ܐܐ ܡܢܗܘܢ. ܟܕ ܡܣܟ̈ܢܐ ܘܨܪ̈ܝܟܐ ܦܫܘ ܒܗ ܒܚܒܘܫܝܐ. ܟܕ ܡܬܢܘܠܝܢ ܒܟܦܢܐ ܘܒܪܝܚܐ

Page 372

ܣܪܝܐ. ܠܒܼܟ ܕܝܢ ܠܪܘܪ̈ܒܢܐܼ. ܡܛܠ ܒܢ̈ܝܗܘܢ ܘܐܚ̈ܝܗܘܢ ܘܒܢ̈ܝ ܒܝܬܗܘܢ: ܗܠܝܢ ܕܠܐ ܟܬܝܒܝܢ ܒܟܬܒܐ ܕܬܦܨܝܠ. ܘܫܿܕܐ ܗܘ ܥܠܝܗܘܢ ܒܪ̈ܝܬܐ. ܠܒܼܟ ܐܦ ܠܐܝܠܝܢ ܕܟܬܝܒܝܢ. ܘܒܚܘܣܪ̈ܢܐ ܣܓܝ̈ܐܐ ܡܬܚܫܚ ܗܘܐ ܥܡܗܘܢ. ܓܒܝ ܠܗ ܕܝܢ ܐܢ̈ܫܐ ܦܚ̈ܙܐ ܘܪ̈ܘܝܐܼ. ܘܥܼܒܕ ܐܢܘܢ ܠܗ ܚܒܪ̈ܐ. ܡܣܪܝܢ ܗܘܘ ܠܣܩܘ̈ܛܐ ܘܠܪܘܪ̈ܒܐ. ܘܗܢܘܢ ܨܝܕܝܢ ܗܘܘ ܘܡܝܬܝܢ ܠܗ. ܘܒܗܕܐܼ. ܠܐ ܐܬܦܠܛ ܐܢܫ ܣܟ ܕܠܐ ܐܚܣܪܘܗܝ ܐܘ ܡܛܠܬܗܼ ܐܘ ܡܛܠ ܒܢ̈ܝ ܒܝܬܗ. ܐܘ ܓܪܓ ܥܠܘܗܝ ܥܠܬܐ. ܠܒܼܟ ܬܘ ܠܒܢ̈ܝ ܐܬܪܐ ܘܐܠܼܨ ܐܢܘܢ ܕܢܨܠܚܘܢ ܥܡܗ. ܘܥܠ ܗܕܐ ܐܬܚܪܝܘ ܣܓܝ. ܘܡܚܐ ܠܪ̈ܝܫܢܝܗܘܢ ܡܚܘ̈ܬܐܼ ܥܕܡܐ ܠܡܘܬܐ. ܘܩܼܛܥ ܘܫܼܕܝ ܥܠ ܟܠܢܫ ܐܝܟ ܕܨܼܒܐ. ܘܠܝܬ ܕܟܐܝܐ ܒܗ ܐܘ ܐܡܿܪ ܠܗܼ. ܡܢܐ ܥܒܼܕܬ܀ ܡܠܬܐ ܐܘ ܫܪܪܐ ܨܝܕ ܚܕ ܡܢܗܘܢ ܠܝܬ ܗܘܼܐ. ܡܛܠ ܕܠܒܟܘܢ ܐܢܘܢ ܠܒܢ̈ܝ ܡܼܕܝܢܬܐ ܘܠܨܚܘ ܥܡܗܘܢ ܥܠ ܒܢ̈ܝܗܘܢ ܘܥܠ ܐܚܝ̈ܗܘܢܼ ܥܠ ܬܪ̈ܝܢ ܐܠܦ̈ܝܢ. ܘܟܕ ܫܩܼܠܼ. ܠܐ ܬܟܘܢ ܡܢ ܒܝܫܬܗ. ܐܠܐ ܢܦܼܩ ܠܒܪ̈ܝܬܐ. ܟܕ ܡܓܪܓ ܥܠܝܗܘܢܼ ܥܠ̈ܬܐ ܕܙܢ̈ܝܢ ܙܢ̈ܝܢ. ܢܦܩܝܢ ܗܘܘ ܥܠ ܐܘܪ̇ܬܐ ܘܫܒܝ̈ܠܐܼ ܟܕ ܨܝܕܝܢ ܗܢܘܢ ܕܐܝܬܝܗܘܢ ܣܩ̈ܛܐ. ܘܗܢܘܢ ܕܠܐ ܐܝܬܝܗܘܢܼ ܐܦ ܡܫܠܚܝܢ ܘܫܿܩܠܝܢ ܟܠܡܕܡ ܕܐܝܬ ܗܘܼܐ ܥܠ ܐܢܫܼ܀ ܥܒܼܕ ܕܝܢ ܐܠܗܐ ܐܝܟ ܪ̈ܚܡܘܗܝ ܕܗܘܼܐ ܐܘܠܨܢܐ ܗܢܐ ܒܐܝܪ. ܘܡܟܝܠ ܟܠܗܘܢ ܒܢ̈ܝܢܫܐ ܒܛܘܪ̈ܐ ܛܫܼܝܢ ܗܘܘܼ. ܐܝܟ ܝܘܢ̈ܐ ܒܦܓܕܢ̈ܦܐ. ܐܬܟ̈ܠܝܢ ܟܠܗܝܢ ܐܘܪ̈ܚܬܐ ܡܢ ܐܙܘ̈ܠܐ ܘܡܢ ܕܐܬܿܝܢ: ܡܛܠ ܕܟܠܗܘܢ ܐܬܪ̈ܘܬܐܼ. ܪܘܓܙܐ ܗܢܐ ܣܡܟ ܥܠܝܗܘܢ.. ܣܦܘܢ ܒܢܝ̈ܢܫܐ ܡܢ ܟܦܢܐܼ. ܘܕܚܠܝܢ ܗܘܘ ܕܢܡܛܘܢ ܠܡܕܝܢܬܐܐܘ ܠܩܪܝܬܐ. ܓܼܕܫ ܕܝܢܼ ܘܐܢ ܐܝܬ ܗܘܼܐ ܠܗ ܠܚܕ ܡܢܗܘܢ ܨܒܘܬܐ ܡܕܡ ܕܢܙܒܢ ܒܡܕܝܢܬܐ ܘܢܼܙܒܢ ܠܗ ܠܚܡܐ: ܡܐ ܕܝܢ ܕܐܬܿܐ ܘܩܼܪܒ ܨܝܕ ܟܪܟܐ ܕܡܕܝܢܬܐܼ. ܡܝܿܬܝܢ ܗܘܘ

Page 373

ܥܡܗܘܢ ܢܫ̈ܐܼ. ܘܡܫܕܪܝܢ ܗܘܘ ܠܗܝܢ ܕܗܢܼܝܢ ܢܥܠܢ. ܘܗܢܼܘܢ ܛܦܫܝܢ ܗܘܘ ܒܙܪ̈ܥܐܼ. ܥܕܡܐ ܕܣܝܦܝܢ ܗܘܘ ܡܢ ܟܦܢܐܿ. ܟܕ ܚܝܪܝܢ ܠܗܠܝܢ ܕܫܕܪܘ. ܟܕ ܐܦ ܗܿܘܐ ܗܘܐ ܚܕ ܡܢܗܘܢܼ ܬܪ̈ܝܢ ܘܬܠ̈ܬܐܘܐܪ̈ܒܥܐܼ. ܘܐܦ ܡܢ ܚܕܒܫܒܐ ܠܚܕܒܫܒܐ. ܟܕ ܡܬܛܦܫ ܒܝܬ ܩܒܘܪ̈ܐ ܘܒܙܪ̈ܥܐ ܐܝܟ ܕܝܘܢ̈ܐ: ܘܐܦ ܡܬܢܘܠ ܡܢ ܟܦܢܐ. ܘܟܕ ܢܦܩܬܼ ܓܕܫ ܕܕܡܓܢ ܡܙܒܿܢ ܗܘܐ ܠܗܿ ܙܒܝܢܬܗ. ܘܡܛܝܠ ܙܒܢܐ ܗܘܼ ܠܢ ܠܡܐܡܪ: ܕܡܢ ܠܒܪ ܬܓܝܙ ܚܪܒܐ ܕܟܦܢܐܼ ܘܡܢ ܬܘ̈ܢܐ ܕܚܠܬܐ܀

ܘܐܦ ܥܠ ܒܝܬ ܬܠܝ̈ܐ ܘܒܝܬ ܐܘܪ̈ܗܝܐ ܘܒܝܬ ܚܪ̈ܢܝܐܼ. ܐܬܩܫܝ ܪܘܓܙܐ ܗܢܐ. ܐܡܼܪ ܓܝܪ ܢܒܝܐ: ܕܗܕܐ ܗܝ ܠܘܛܬܐ ܕܢܿܦܩܐ ܥܠ ܐܦ̈ܝ ܟܠܗܿ ܐܪܥܐ܀ ܢܨܝܒܢ̈ܝܐ ܕܝܢܼ ܟܕ ܡܼܛܐ ܫܒܛܐ ܗܢܐ ܡܪܝܪܐܿ ܠܘܬܗܘܢܼ: ܘܕܠܐ ܒܪ̈ܚܡܐ ܦܣܩܝܢ ܥܠܝܗܘܢ܆ ܘܠܟܠ ܕܐـܿܐ ܘܐܙܿܠ ܠܒܟܘܗܼ. ܘܥܠ ܩܘܪ̈ܝܣ ܫܿܕܝܢ ܗܘܘ ܡܕܡ ܕܠܐ ܒܪ̈ܚܡܐ.. ܐܬܟܢܫܘ ܟܠܗܘܢ ܪܘܪ̈ܒܢܗܝ ܐܬܪܐܼ. ܘܢܚܬܘ ܠܘܬ ܡܘܣܐ. ܘܐܦܝܣܘܗܝ ܕܢܨܠܚ ܥܡܗܘܢܼ. ܘܠܐ ܨܒܐ. ܘܬܘܒ ܐܦܝܣܘܗܝ ܕܢܙܒܢ ܐܢ̈ܝܢ ܠܗܘܢ ܠܒܪ̈ܝܬܐ ܗܠܝܢ ܕܫܕܪ܆ ܘܒܠܚܘܕ ܒܐܪܥܗܘܢ ܗܠܝܢ ܟ̈ܠܒܐ ܝܥ̈ܢܐ ܕܫܕܪ ܠܐ ܢܗܠܟܘܢ. ܐܦܠܐ ܠܗܕܐ ܐܬܪܡܝܼ. ܐܠܐ ܫܩܼܠ ܐܢܘܢ ܘܫܼܕܐ ܐܢܘܢ ܒܒܝܬ ܐܣܝܪ̈ܐ ܒܡܘܨܠ. ܘܐܘܩܪ ܠܗܘܢ ܦܪ̈ܙܠܐ. ܘܐܚܪܡ ܥܠ ܢܦܫܗܼ. ܕܟܡܐ ܕܐܝܬ ܠܗ ܫܘܠܛܢܐܼ ܠܐ ܡܫܬܪܝܢ ܡܢ ܬܡܘܢ. ܘܟܕ ܣܓ̈ܝܐܐ ܐܦܝܣܘܗܝ ܡܛܠܬܗܘܢܼ ܠܐ ܐܬܪܡܝ ܠܗܘܢ. ܘܗܟܢܐ ܦܫܘ ܒܝܬ ܐܣܝܪ̈ܐܼ ܥܕܡܐ ܕܥܒܕ ܡܪܝܐ ܦܘܪܩܢܐ. ܘܩܒܼܠ ܐܦ ܛܪܘܐ ܡܣܡ ܒܪܝܫܐܼ. ܐܓܪܐ ܗܿܘ ܕܫܘܿܐ ܠܗ܀ ܙܒܢܐ ܗܼܘ ܗܫܐ ܕܢܫܢܐ ܡܢ ܒܝܫܬܐ ܠܘܬ ܒܝܫܬܐ܀

ܫܪܒܐ ܕܥܣܪܐ: ܥܠ ܐܡܝܪ̈ܢܐ ܕܥܘܣܪܐ. ܘܥܠ ܐܡܝܪ̈ܢܐ ܕܨܘܦܝ܀ ܐܡܝܪ ܓܝܪ ܕܡܢ ܥܩܪܐ ܕܐܟܕܢܐܼ

Page 374

ܢܦܼܩ ܠܢ ܓܪܣܐ. ܘܦܐܪ̈ܘܗܝ ܚܪ̈ܡܢܐ ܕܦܪܚܝܢ. ܗܢܐ ܐܟܕܢܐܼ. ܝܬܝܪ ܡܢ ܓܪ̈ܣܐ ܒܝܫܝܢ ܗܘܘ ܐܝܠܝܢ ܕܡܢܗ ܡܫܬܕܪܝܢ ܥܠ ܐܪܥܐ. ܗܠܝܢ ܕܝܢ ܟܕ ܐܬܘ ܘܥܠ ܠܡܕܝܢܬܐܼ. ܫܕܪܘ ܟܬܒܘ ܡܕܡ ܥܠ ܒܢܝ̈ܢܫܐܼ ܕܠܐ ܒܪ̈ܚܡܐ. ܘܓܒܪܐ ܕܠܐ ܩܼܢܐ ܗܘܐ ܚܛܬܐܐܘ ܣܥܪܬܐܼ. ܘܡܢ ܫܘܩܐ ܙܒܿܢ ܘܐܟܿܠ: ܟܬܒܘ ܥܠܘܗܝ ܐܠܦܐ ܕܓܪ̈ܝܒܐ. ܐܚܪ̈ܢܐ ܬܪ̈ܝܢ ܐܠܦܝ̈ܢܼ ܘܐܝܬ ܚܡ̈ܫܐ ܘܐܝܬ ܥܣܪܐ. ܘܥܠ ܥܠܝܐܼ ܘܥܥܕܡܐ ܠܐܪ̈ܒܥܝܢ ܐܘ ܚܡ̈ܫܝܢ ܐܠܦܝ̈ܢ ܓܝܪ̈ܝܒܐ. ܘܟܕ ܠܐ ܐܠܒܬܗ ܕܚܕ ܡܢܗܘܢ ܥܿܐܠ ܗܘܐܼ ܘܡܘܢ ܐܝܬ ܠܗܢܐܼ ܝܿܕܥܼ ܟܬܼܒ ܥܠܘܗܝ ܗܿܘ ܡܕܡ ܕܡܢ ܣܛܢܐ ܡܬܨܚ ܗܘܐ܀ ܥܠ ܚܢ̈ܘܝܐ ܘܒ̈ܙܙܐ . . . . ܐ ܘܬܓܪ̈ܐ ܕܟܠܗ ܫܘܩܐܼ ܗܟܢܐ ܥܒܼܕ: ܘܕܠܐ ܒܪ̈ܚܡܐ . . . . ܥܠܝܗܘܢ ܘܬܒܼܥ ܐܢܘܢ. ܐܝܟܢܐ ܕܟܕ ܡܙܕܒܢ ܗܘܐ ܟܠ ܡܐ ܕܐܝܬ ܒܚܢܘܬܐ ܗܿܝ܇ ܠܐ ܡܥܠ ܦܠܓܐ ܕܗܿܘ ܡܘܢ ܕܒܿܥܝܢ ܗܘܘ ܠܗ܀ ܘܟܕ ܒܐܘܠܨܢܐ ܗܢܐ ܪܒܐܼ ܪܡܝܢ ܗܘܘ ܟܠܗܘܢ ܒܢ̈ܝܢܫܐ: ܡܢ ܣܩܛܐ ܘܡܢ ܥܘܣܪܐ ܘܡܢ ܓܙܝܬܐܼ.. ܨܘܦܝ ܕܝܢ ܐܦ ܐܒܫܘ ܐܝܟ ܚܝܠܗܼ. ܟܕ ܫܒܿܐ ܘܒܐܝܿܙ ܠܥܠܘ̈ܠܐ ܘܠܢܦܘ̈ܩܐ܀ ܗܪܟܐ ܐܝܬ ܗܘܐ ܠܢ ܠܡܐܡܪ: ܕܡܕܡ ܕܐܬܘܪ ܩܡܨܐ ܦܪܚܐܼ: ܐܟܼܠ ܙܚܠܐ. ܘܗܿܘ ܡܕܡ ܕܡܢ ܗܢܐ ܦܠܼܛ ܐܟܼܠܨܪܨܘܪܐ. ܘܕܦܼܫ ܡܢ ܗܢܐ ܐܟܠܗ ܡܫܘܛܐ. ܗܟܢܐ ܡܕܡ ܕܡܢ ܓܙܝܬܐ ܦܫܿ. ܫܩܼܠܘ ܣܩ̈ܛܐ. ܘܕܦܫܼ ܡܢ ܣ̈ܩܛܐ ܫܩܼܠܘ ܡܥܣܪ̈ܢܐ. ܘܕܡܢ ܗܢܐ ܦܠܛܼ ܫܩܼܠ ܨܘܦܝ. ܡܿܢ ܠܡ ܕܡܢ ܩܠܐ ܕܕܚܠܬܐ ܢܥܪܘܩܼ ܢܦܠ ܒܓܡܘܨܐ. ܘܡܿܢ ܕܡܢ ܓܡܘܨܐ ܢܣܩܼ ܢܦܠ ܒܦܚܐ. ܘܡܿܢ ܕܡܢ ܦܚܐ ܢܫܬܘܙܒܼ ܬܟܠܝܘܗܝ ܚܝܘܬ ܫܢܐ.

ܥܠ ܐܡܝܪܐ ܕܬܪ̈ܝܢ ܕܡܪ̈ܒܛܐ܀ ܟܕ ܕܝܢ ܡܝܼܬ ܟܝܠܝ ܒܙ ܙܕܝܢܼ ܐܡܝܪܐ ܕܡܪ̈ܒܛܐܼ. ܗܿܘ ܕܡܢ ܠܥܠ ܐܬܥܗܕܝܢ ܒܟܬܒܐܼ. ܘܐܬܼܐ ܐܒܘ ܥܘܢ ܠܕܘܟܬܗ. ܥܒܼܕ ܥܡ

Page 375

ܥܡ̈ܠܘܗܝ ܕܒܪ ܡܘܨܥܒ ܩܪܒܐ ܘܛܪܩܼ ܐܢܘܢ ܡܢ ܡܕܝܢܬܐ. ܐܬܼܐ ܡܢ ܡܠܟܐ ܓܒܪܐ ܦܘܪܣܝܐܼ. ܓܒܪܐ ܩܫܝܐ ܐܦ ܥܙܝܙܐ ܘܐܫܕ ܕܡܐ. ܗܢܐܕܝܢ ܐܙܝܥܗܿ ܠܐܪܥܐ. ܘܥܠܘ[ܒܝܐ ܚܫܘ] ܟܠܗܘܢ ܛܝ̈ܝܐ ܡܢܗ ܒܐܪܥܐ. ܡܛܠ ܕܥ̈ܠܬܐ ܐܝܠܝܢ ܕܠܐ ܡܥܕܝܢ ܦܘܪ̈ܣܝܐ ܠܡܥܒܕܿ ܫܪܝ ܕܢܥܒܕ. ܢܡܘܣܐ ܓܝܪ ܕܦܘܪ̈ܣܝܐ ܡܢ ܒܪܫܝܬ ܗܟܢܐ ܐܝܬܘܗܝ: ܚܒܘܫܝܐ ܢܓܝܪܐ ܕܠܐ ܒܪ̈ܚܡܐ. ܗܢܐ ܫܪܝ ܕܢܩܛܘܠ ܒܡܚܘ̈ܬܐܼ ܘܐܦ ܢܙܩܘܦ. ܘܐܥܠ ܐܘܠܨܢܐ ܠܟܠ ܐܝܟܐ ܕܡܛܐܼ. ܥܠ ܣܘܪ̈ܝܝܐ. ܒܝܕ ܣܘܟܪܐ ܕܩܢܝܢܐ ܘܢܦܩ̈ܬܐܕܚܝܠܗ. ܒܗܿܝ ܕܫܪܝܢ ܗܘܘ ܥܠ ܒܢܝ̈ܢܫܐܼ. ܘܡܢܗܘܢ ܗܘܿܐ ܟܠܗ ܬܘܪܣܝܗܘܢ ܕܝܠܗܘܢ ܘܕܩܢܝܢܗܘܢ܀ ܐܡܼܪ ܓܝܪ ܢܒܝܐ: ܕܟܠܗܘܢ ܠܚܛܘܦܝܐ ܐܬܿܝܢ܀ ܗܢܐ ܩܕܡ ܕܢܥܩܘܪ ܡܢ ܡܕܝܢܬܐܼ ܡܫܕܪ ܗܘܐ ܩܕܡܘܗܝ ܩܕܡܐ ܕܝܠܗܼ ܕܢܬܩܢ ܠܗ ܕܘܟܬܐ ܘܢܠܒܘܟ ܠܗ ܩܢܝܢܐ ܒܣܘܟܪܐ. ܗܢܐ ܟܕ ܐܬܿܐ ܗܘܐ ܩܕܡ ܥܣܪ̈ܝܢ ܝܘܡ̈ܝܢ ܠܡܕܝܢܬܐܼ. ܠܟܠܗܝܢ ܒܝܫ̈ܬܐ ܘܚ̈ܛܘܦܝܐ ܡܬܪܡܐ ܗܘܐ. ܟܕ ܢܦܿܩܝܢ ܗܘܘ ܥܠ ܐܘܪ̈ܚܬܐܿ ܐܘ ܥܠ ܩܘܪ̈ܝܣܼ. ܘܠܒܿܟܝܢ ܠܒ̈ܓܠܐ ܘܠܪ̈ܟܫܐ܆ ܘܐܦ ܥܕܡܐ ܠܩ̈ܘܠܘܢܐܼ ܘܡܬܓܪܝܢ ܗܘܘ ܒܗܘܢ. ܘܚܒܫܝܢ ܗܘܘ ܠܗܘܢ ܒܒ̈ܬܐ ܘܒܕܪ̈ܬܐ: ܘܟܠ ܡܿܢ ܕܝܿܗܒ ܗܘܐ ܠܗܘܢ ܬܪ̈ܝܢ ܙܘ̈ܙܐܼ ܠܒܓܠܐ ܐܘ ܠܪܫܟܫܐ ܐܦܩ ܘܕܫܪܘܗܝܼ. ܘܨܕܘ ܠܚܒܪܗ. ܢܦܿܩܝܢ ܗܘܘ ܐܦ ܠܐܘܪ̈ܚܬܐ ܘܥܠ ܦܘ̈ܬܩܐ ܕܠܒܪ ܡܢ ܡܕܝܢܬܐ. ܘܝܨܕܝܢ ܚܡܪ̈ܐ ܕܡ̈ܣܟܼܢܐܼ. ܘܫܩܿܠܝܢ ܗܘܘ ܡܢܗܘܢ ܕܟܠ ܚܡܪܐ ܙܘܙܐܼ ܘܫܕܪܘܗܝ. ܢܦܩܘ ܐܦ ܠܐܬܪܐ ܘܬܒܥܝܢ ܗܘܘ ܕܢܝܬܘܢ ܠܗܘܢ ܩܢܝܢܐ: ܘܡܐ ܕܐܝܬܘܗܝ܆ ܥܛܦܘ ܬܒܼܥܘ ܐܢܘܢ ܕܢܬܠܘܢ ܠܗܘܢ ܙܘ̈ܙܐ: ܟܠ ܒܓܠܐ ܬܪ̈ܝܢ ܙܘ̈ܙܐܼ ܘܕܚܡܪܐ ܙܘܙܐ. ܘܟܠ ܕܠܐ ܝܿܗܒ ܗܘܐ ܠܗܘܢ ܐܠܥܘܗܝ. ܘܗܟܐܢ ܐܥܠܘ

Page 376

ܩܢܝܢܐ ܣܓܝܐܐ ܡܢ ܐܬܪܐ ܘܡܢ ܐܘܪ̈ܚܬܐܼ ܘܡܢ ܫܘ̈ܩܐ: ܘܚܒܫܘ ܒܕܪ̈ܬܐ܀ ܟܕ ܐܦ ܐܬܠܨܘܢ ܒܢܝ̈ܢܫܐ ܩܫܝܐܝܬ ܒܢ̈ܦܩܬܐ ܕܝܠܗܘܢ ܘܕܩܢܝܢܗܘܢ. ܘܗܘܘ ܟܕ . . . . ܝܘ̈ܡܬܐ ܣܓ̈ܝܐܐ. ܘܗܝܕܝܢ ܐܬܼܐ. ܟܕ ܐܦ ܕܒܝܪ ܗܘܐ ܩܢܝܢܐ ܕܬܓܪ̈ܐ ܘܕܥܒܪ̈ܝ ܐܘܪܚܐ. ܘܗܟܢܐ ܠܒܼܟ ܩܢܝܢܐ ܣܓܝܐܐ ܕܐܢ̈ܫܐ ܡܣܟ̈ܢܐܼ. ܝܘ̈ܡܬܐ ܘܝܪ̈ܚܐ ܣܓܝ̈ܐܐ. ܘܠܐ ܫܼܪܐ ܐܢܘܢ ܥܕܡܐ ܕܙܿܒܢܘ ܗܢܘܢ ܟܠ ܡܐ ܕܩܢܝܢ ܥܠ ܢܦܩ̈ܬܗܘܢ. ܟܕ ܠܐ ܨܼܒܐ ܕܢܫܪܐ ܘܐܦܠܐ ܕܢܬܠ ܠܗܘܢ ܡܕܡ܀ ܐܡܿܪ ܟܬܒܐܼ. ܕܚܪܝܦܝܢ ܡܢ ܕܐ̈ܒܐ ܕܪܡܫܐ. ܘܢܛܘܣܘܢ ܐܝܟ ܢܫܪܐ ܕܟܦܢ ܠܡܟܘܠܬܐ.. ܘܬܘܒ ܐܡܿܪܼ. ܕܟܠܗܘܢ ܠܚܛܘܦܝܐ ܐܬܿܝܢ܀ ܢܐܡܪ ܕܝܢ ܥܠܘܗܝ ܕܝܠܗ ܩܠܝܠ܀ ܟܕ ܕܝܢ ܢܦܼܩ ܛܒܗ ܒܐܬܪ̈ܘܬܐ: ܘܙܘܥܬܐ ܘܐܪܬܝܬܐ ܐܚܕ ܠܟܠܢܫ ܡܢܗ. ܘܫܪܝ ܕܢܡܚܐ ܕܠܐ ܒܪ̈ܚܡܝܢܼ ܘܕܢܩܛܘܠ ܘܐܦ ܢܙܩܘܦ: ܘܟܠ ܡܕܝܢܬܐ ܕܥܐܠ ܗܘܐ ܠܗܿ. ܬܪ̈ܝܢ ܘܬܠܬ̈ܐ ܘܚܡ̈ܫܐ ܢܙܩܘܦ [ܟܬ]ܒ. ܘܙܥܘ ܒܢܝ̈ܢܫܐ ܡܢ ܩܕܡܘܗܝ܀ ܐܡܪܝܢ ܗܘܘ ܕܝܢܼ ܥܠܘܗܝ ܕܓܢܘ̈ܒܐ ܘܩ̈ܛܘܠܐ ܘܩ̈ܛܥܝ ܐܘܪ̈ܚܬܐ ܡܘܒܕ. ܘܚܢܢ ܝܠܦܢܢ ܕܠܐ ܩܛܠ ܐܝܟ ܕܒܣܘܓܐܐܿ. ܐܠܐ ܐܢܗܫܐ ܡܨ̈ܠܝܢܐ ܗܠܝܢ ܕܡܬܩܪܝܢ ܛܢ̈ܢܐ ܚܕܘܪ̈ܐ ܘܡܨ̈ܠܝܢܐ. ܥܒܼܪ ܕܝܢ ܒܡܕ̈ܝܢܬܐ ܟܠܗܝܢ ܬܚ̈ܬܝܬܐ ܕܓܙܝܪܬܐܼ. ܟܕ ܡܿܚܐ ܘܩܿܛܠ ܘܙܩܿܦ. ܘܡܼܛܐ ܠܐܡܕ. ܘܟܕ ܝܘ̈ܡܬܐ ܣܓܝ̈ܐܐ ܩܼܡ ܒܗܿ. ܘܐܦ ܙܩܿܦ ܒܗܿ ܐܪ̈ܒܥܐ ܓܒܪ̈ܝܢ܆ ܥܒܼܪ ܠܡܝܦܪܩܛ. ܘܡܢ ܬܡܢ ܦܢܼܐ ܠܗܿ ܠܐܡܕ ܘܝܬܒ ܒܗܿ. ܟܕ . . . . . . . . . . . . . . . . . . . .

[aliquot folia desiderantur]

. . . . . . . . . . . . . ܟܕ ܐܦ ܠܒܿܟܝܢ ܠܛܝ̈ܝܐ ܘܠܣܘܪ̈ܝܝܐ܇ ܥܠ ܐܦ̈ܝ ܝܪ̈ܬܘܬܐ: [ܘܡܚܣܪܝܢ ܗܘܘ] ܠܗܘܢ ܩܫܝܐܝܬ

Page 377

ܘܡܪܝܪܐܝܬ. ܟܕ ܠܐ ܝܗܒܝܢ ܗܘܘ [ܠܒܪܢܫܐ ܩܪܝܒ] ܒܣܪܗ ܕܐܢܫ. ܐܝܟ ܡܐ ܕܟܬܝܒ ܒܢܡܘܣܐ ܕܡ̈ܠܟܐܼ ܕ[ܢܪܬܝܘܣ] ܠܒܪ ܡܢ ܒܪܐ ܠܐܒܐ ܘܐܒܐ ܠܒܪܐ. ܘܕܕܐ ܠܒܪ ܐܚܐ ܐܘ (ܒܪ) ܐܚܐ ܠܕܕܗ܀ ܐܦ ܗܠܝܢ ܒܐܘܠܨܢܐ ܦܠܛܝܢ ܗܘܘ ܡܢܗܝܢ ܕܚܝ̈ܘܬܐ . . . . ܐܡܼܪ ܓܝܪ ܢܒܝܐ ܝܘܐܝܠ: ܕܫܢ̈ܘܝ ܐܝܟ ܫܢ̈ܐ ܕܐܪܝܐ [ܘܢ̈ܐܒܘܗܝ] ܐܝܟ ܢ̈ܐܒܐ ܕܓܘܪܝܐ ܕܐܪܝܐ. ܥܒܼܕ ܓܦܬܝ ܠܚܘܪܒܐܼ. ܘܬܬܝ [ܠܦܘܫܚܐ.] ܦܫܚܗܿ ܘܫܕܗܿ ܘܚܘܪ ܣܘܟ̈ܝܗܿ܀ ܗܪܟܐ ܕܝܢ ܓܕܫ ܕܡܘܢ ܕܦܫ ܬܒ̈ܥܝ ܓܙܝܬܐ ܫܩܠܘ. ܘܕܦܫܼ ܬܒܥ ܐܡܝܪܐ ܕܝܪ̈ܬܘܬܐ. ܫܠܚ ܐܢܘܢ ܠܒܢ̈ܝܢܫܐ. ܘܚܘܪ ܣܘ̈ܟܝܗܘܢ ܡܢ ܒܠܝ ܡܕܡ܀

ܫܪܒܐ ܕܫ̈ܬܐ: ܥܠ [ܡܘܬܗ] ܕܐܡܝܪܐ ܕܐܡܝܕ. ܘܥܠ ܟܬܒܐ ܕܥܒܝܕ ܗܘܐ. ܘܥܠ ܪܘܚܬܐ ܕܗܘܬܼ ܒܪܘܪ̈ܒܢܝ ܐܪܬܐܼ ܗܠܝܢ ܕܚܒܝܫܝܢ ܗܘܘ܀ ܥܠ ܐܡܝܕ ܕܝܢܼ ܙܥܘܪ ܗܼܘ ܠܢ ܙܒܢܐ ܕܢܫܬܥܐ ܥܠ ܒܝܫ̈ܬܐ ܐܝܠܝܢ ܕܗܘܗܝ ܒܗܿ܆ ܒܫܢܬܐ ܗܕܐ. ܡܛܠ ܕܝܬܝܪ ܡܢ ܟܠܗܝܢ ܡܕܗܝܢܬܐ ܣܒܠܬܼ ܐܘ̈ܠܨܢܐ ܒܫܢܬܐ ܗܕܐ. ܐܠܐ ܡܛܠ ܕܥܕܟܝܠ ܪܝܫܐ ܐܝܬܘܗܝ ܕܚܒܠܐ ܘܠܐ ܫܩܠ ܫܘܠܡܐ: ܐܿܡܪ ܥܠ ܫܘܪܝܗܿ ܕܝܠܗܿ ܕܒܝܫܬܐ. ܟܕ ܐܦ ܠܩܕܝܫܐ ܐܫܝܥܐ ܡܿܝܬܐܼ ܡܛܠ ܕܗܼܘ ܚܼܙܐ ܐܢ̈ܝܢ ܩܕܡܝܐ ܠܒܝ̈ܫܬܐ ܗܠܝܢ܆ ܘܗܼܘ ܡܦܣ ܒܗܿܝ ܝܬܝܪ ܡܢܢ. ܟܕ ܐܦ ܡܿܝܬܐ ܥܡܗ ܠܟܢܬܗ ܐܪܡܝܐ܆ ܕܥܠ ܦܘܡ ܬܪ̈ܝܢ ܣܗܕ̈ܝܢ ܬܬܩܝܡ ܟܠ ܡܠܐ.. ܕܘܠܚܝܐ ܐܬܡܠܝܬ ܩܪܝܬܐ܆ ܩܠܐ ܐܬܡܠܝܬ ܩܪܝܬܐ ܥܫܝܢܬܐ. ܩܛܝ̈ܠܝܟ ܠܐ ܗܘܘ ܩܛܝ̈ܠܐ ܕܣܝܦܐ. ܐܦܠܐ ܡܝ̈ܬܐ ܕܩܪܒܐ. ܟܠܗܘܢ ܫܠܝܛܢ̈ܝܟ ܢܕܘ ܐܟܚܕܐܼ [ܡܢ ܗܢܐ] ܪܘܓܙܐ.

Page 378

ܘܐܬܣܪܘ ܕܐܫܬܚܪܘ ܒܟܝ. ܐܟܚܕܐ ܐܬܐܣܪܘ. ܘܕܫܪܟܐ ܠܪܘܚܩܐ ܥܪܩܘ. ܡܛܠܗܢܐ ܐܡܿܪܬ. ܫܒܩܘܢܝܼ ܐܬܡܪܡܪ ܒܒܟܬܐ ܥܠ ܬܒܪܗܿ ܕܒܪܬ ܥܡܝ. ܡܛܠ ܕܝܘܡܐ ܕܕܠܘܚܝܐ ܘܕܕܝܫܐ ܘܕܒܟܬܐ. ܩܪܐ ܡܪܝܐ ܚܝܠܬܢܐ ܒܝܘܡܐ ܗܢܐ ܠܒܟܬܐ ܘܡܠܪ̈ܩܕܬܐ ܘܠܩܘܕ̈ܚܬܐ ܘܠܟܒܢܐ ܕܣܩ̈ܐ. ܥܠܝܗܿ ܢܐܬܐ ܐܦ ܢܒܝܐ ܐܪܡܝܐܼ ܘܢܐܠܐ܆ ܟܕ ܗܼܘ ܝܬܝܪ ܡܦܣ ܒܒܟܬܐ ܘܒܐܘ̈ܠܝܬܐ. ܒܿܠܝܬܝ ܒܥܩܬܝ ܘ[ܠܒܝ ܕܘܼܐ] ܥܠܝ. ܗܐ ܩ̈ܠܝ ܓܥܬܗܿ ܕܒܪܬ ܥܡܝ ܡܢ ܐܪܥܐ ܪܚܝܩܬܐ. [ܥܠ] ܬܒܪܗܿ ܕܒܪܬ ܥܡܝ ܐܬܟܿܡܪܬ ܘܬܡܗܐ ܐܚܕܢܝ. ܥܠ ܕܠܐ ܣܠܩܬ ܐܣܝܘܬܗܿ ܕܒܪܬ ܥܡܝ. ܡܿܢ ܕܝܢ ܝܗܒ ܪ̈ܝܫܝ ܡܝ̈ܐܼ. ܘܥܝ̈ܢܝ ܡܒܘ̈ܥܐ ܕܕܡܥܬܐ. ܘܒܟܿܝܬ ܒܐܝܡܡܐ ܘܒܠܠܝܐ ܥܠ ܬܒܪܗܿ ܕܒܪܬ ܥܡܝ. [ܡܿܢ] ܕܝܢ ܫܒܩܢܝ ܒܡܕܒܪܐ ܒܝܬ ܒܘܬܐ ܕܥܒܪ̈ܝ ܐܘܪܚܐ. ܘ[ܫܒܩܬ] ܠܥܡܝܼ ܘܐܙܠܬ ܠܝ ܡܢ ܠܘܬܗܢ. ܡܛܠ ܕܟܠܗܘܢ ܓܝܪܝܢ܆ ܘܟܢܘܫܬܐ [ܐܢܘܢ] ܕܕ̈ܓܠܐ. ܘܫܕܘ ܠܫܢܗܘܢ ܐܝܟ ܕܒܩܫܬܗܘܢ. ܒܫܘܩܪܐ ܘܠܐ ܒܗܝܡܢܘܬܐ. ܥܫܢܘ ܒܐܪܥܐ: ܡܛܠ ܕܡܢ ܒܝܫܬܐ ܠܒܝܫܬܐ ܢܦܩܼܘ ܘܠܡܪܝܐ ܠܐ ܝܕܥܘ܀ ܗܠܝܢ ܘܕܝܬܝܪ̈ܢ ܡܢ ܗܠܝܢ ܒܝܫ̈ܬܐܼ ܣܓ̈ܝ ܒܐܡܕ ܡܕܝܢܬܐ [ܕܓܙܝܪܬܐ] ܒܫܢܬܐ ܗܕܐ: ܒܐܝܕ̈ܝ ܥܡܠܐ ܥܘܠܐ ܘܛܪܘܢܐ ܕܐܬܼܐ ܠܗܿ. [ܓܼܕܫ ܕܝܢ] ܕܢܐܬܐ ܠܗܿ ܓܒܪܐ ܥܡܠܐܼ ܡܢ ܩܠܢܝܩܣ. ܕܫܡܗ ܡܒܕܘܠ. [ܓܒܪܐ] ܪܫܝܥܐ ܘܥܢܬܐ. ܘܕܠܐ ܐܝܬ ܗܘܼܐ ܐܠܗܐ ܒܟܠܗܝܢ ܬܪ̈ܥܝܬܗ.

Page 379

. . . . . . . . . . . . . . . . . . ܣܘܥܪܢܐ ܘ . . . . . . . . . . . . . . . . . . . . . . . . . . . . . . . . . . . . . . . . ܕܩܕܡ ܐܠܗܐ ܘ . .  . . . . . . . . . . . . . . . . . . . . . . . . . . . . . . . . . . . . . . . . . ـܗܿ ܕܐܡܕ. ܓܫ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ܒܩܠܝ . . . ܐܘܩܕ̈ ܒܢܘܪܐ. ܕܠܐ . . . . . . . . . . . . . . . . . . . . . . . . . . . . . . . . ܕܓܠܘܬܐ ܘܡܪܘܕܘܬܐ ܘܒܝܕ . . ـܓܝܐ . . . . . . . . . . . . . . . . . . . . . . . . . . . . . . . . . . . . . . . . . . . . ܕܗܟܢܐ ܐܫܬܥܝ ܣܛܝܢܐ . . . . . ܒܒܢ̈ܝܢܫܐ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ܠܥܒܕ̈ܝ ܒܝܫܬܐ ܠܘ . . . . . . . . . . . . . . . . . . . . . . . . . . . . . . . . . .ܒـ . . . . . . . . . . . . . . . . . . . . . . . . . . . .ـܓܪܗܘܢ.

. . . . . . . . . . . . . . . . . . . . . . . . . . . . . . . . . . . . ـܗܿ ܕܓܙܝܪܬܐ . . . . ـܗܿ . . . . . . . . . . . . . . . . . . . . . . . . . . ܐܪܒܥܐ. ܘܬܒܥ . . . . . . . . ܠܗܘܢ ܪ̈ܝܫܝ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ܐܡܪ ܓܝܪ ܢܒܝܐ ܗܢܐ . . . . . . . . . ـܗ. ܓܒܝ ܠܗ ܕܝܢ ܡܢܗܘܢ ܐܢ̈ܫܐ ܥܢ̈ܬܬܐ ܕܟܘܬܗ [ܕܢܫܠܡ] ܒܗܘܢ ܨܒܝܢܗ ܘܕܣܛܢܐ ܐܒܘܗܝ. ܘܥܒܕ ܐܢܘܢ ܪ̈ܝܫܝ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ܗܘ ܡܟܝܠ . . . . . . . . . . . . . . . . . . . . . . . . . . . . . . . . . ܕܠܐ ܗܘܘ ܒܥܠܬܐ ܐܚܪܢܝܬܐ . . . . . . . . . . . . ܥܠܬܐ . . . . . . . . . . . . . . . . . . . . . . . . . . . . ܙܒܢܢ: [. . . . ܠܝ̈ـ]ـܬܡܐ ܘܠܐܪ̈ܡܠܬܐ. ܘܡܫܠܚܝܢ ܘܫܒܝܢ ܥܒܪ̈ܝ ܐܘܪܚܐ . . . . . . . . . . ܕܝܢ ܣ̈ܓܝܐܐ ܘܥܒܪܝܢ ܥܠ ܒܢܝ̈ܢܫܐ ܕܩܪܝܢ ܐܚܪܢܝܬܐ . . . . . ܘܐܙܠܝܢ ܟܕ ܪܗܛܝܢ . . . . . . . .  . ܥܝܢ܀ ܣܓܝܬ ܒܝܫܬܐ . . . . ܩܘܪܝܣ ܥܕܡܐ ܕ . . . . . . ܒܓܒܪܐ ܕܪܥܿܐ ܥ̈ܙܝ . ܐܘ . . . . . . . . ܢܥܪܘܩ ܠܒܪ ܡܢ ܩܪܝܬܐ ܟܕ ܐܬܝܢ ܗܘܘ ܐܚܪ̈ܢܐ. . . . . . . . . . . . . . . . . . . . ܠܗ . . . . . . . . . . . . . . . . . . . . . . . . ܓܕܫ . . . . ܠܗܿ ܫܒܝܐ. ܘܥܒܪܝܢ ܥܠ ܬܚܘܡܐ ܕܩܘܪܝܣ ܐܚܪܢܝܬܐ . . . . . . . . . . .  . . . . ـܒܝܐ ܒܙܘܝܕܐ . ܘܐܙܠܘ ܙܒܢܘܗܝ . . . . ܗܘܢ ܘܠܐ . . . . . ܐܘܢ܀ ܓܢ̈ܒܐ ܕܝܢ ܗܠܝܢ ܕܐܝܬܝܗܘܢ . . . . ܥܠܝܢ ܗܘܘ ܠܐܪܡܢܝ . . . . . . . . . . . ܐ ܘܬܠܗ ܒܪܝܫ . . . [ܒܬܪ]ܟܝܢ ܥܒܪܝܢ . . . . . . . . . . . . . . . ـܝܗܘܢ ܗܼܢܘ ܥܠ . . . . . . . . . . . . . . ـܫܐ: ܬܘܒ. ܥܠ . . . . ܠܒܪ ܡܢ ܐܪܥܐ ܕܐܪܙܢ . . . . . . . ـܘܡܐ . .ـܕܐ. ܘـܗܢܘܢ . . . . . . . . ܥܠ ܦܪܪܝܢ . . . . . . . . . . . . . . . . . . . ܣܓܝܐܐ ܡܢ ܐܪܥ ܕܫܡܫܛ. . . . . . . . . . ܙܩܦܘ ܘ . . . . . . . . . . . . . . ـܩܝܢ ܬܗܘܘܢ . . . . . . . . . . . . . . . ܪܘܓܙܐ . . . . . . . .  . . ܘܗܘ . . . . . . . . . . . . . . . ܘܥܠ ܘܗܘܐ . . . . . . . . . . . ܀ ܒܬܪ ܟ̈ܫܛܐ ܚܪ̈ܡܢܐ . . . . . ܕܢܕܡܘܢ ܩܐܡܠܘ . . . . . . . ܓܕܫ ܠܗܘܢ . . . . . . . . . . . . ܥܠܢܝܬ ܪܓـ . . .ܐ ܒܪܝܫܗ ܥܒܕܘ . . . . . . . . . . . . . .

Page 380

[Cod. Mus. Britann. add. 14665]

ܟܕ ܫܒܐ[ܒ̈ـ]ـܬܐ ܘܓܢܣ . . . . . ܘܟܠ . . ܡܢܚ̈ܙܝܢ ܗܘ̈ܝ ܒܗ ܥܪ̈ܡـ[ـܬܐ] . ܡـ . . ܐ ܡܠـ . . . ܕܒܢܝ̈ܢܫܐ. ܟܕ ܐܙ̈ܠܢ ܒܗ[ܢܐ ܫـ]ـܘ ܦܥܐ ܐ . . . . ܟܕ ܡܬܩ . . . . ܟܕ . . . ܚܘܪ̈ܐ ܒܓܘ ܚܕܐ ܚܕܐ ܡܢܗܝܢ ܟـ . . . . . ܘܠܐ ܪܓܝܫ ܒـ . . . . ܐ . . .  . . . . . . ܙܪܢܐ ܕܢܙܠ ܐ. ܘ̈. ܓܠܐ ܛܠܝܫܐ ܕܢܗܪܐ ܘܐܬܚܢܩܘ. ܘܥܒܕܝܢ ܗܘܘ . . . ܕܥܢܝܕ̈ܐ ܥܠ ܣܦܪ̈ܝ ܢܗܪܐ. ܥܠ ܛܠܝܘܬܐ ܕܛܠܝ̈ܐ ܘܛܠܝ̈ܬܐ ܦ̈ܐܝܬܐ. [ܘܣܒ̈ـ]ـܐ ܘܣܒ̈ܬܐܼ ܘܟܠ ܩܘܡܢ ܕܕܒܪ ܐܢܘܢ ܫܦܥܐ ܕܡܡܘܠܐ ܡܢ ܫܢܬܐ ܕܕܡܟܝܢ ܗܘܘ ܠܘܬ ܡܘܬܐ ܡܛܪܦܐ ܕܚܢܘܩܝܐ ܕܡܝ̈ܐܼ. ܐܝܟ ܕܠܗܘ ܥܡܐ ܕܒܝܬ ܩܐܝܢ. . ܛ. . ܚ̈ܫܚܬܐ ܕܬܓܪ̈ܐ ܘܕܚܢ̈ܘܝܐ ܕܟܠܗܘܢ ܫܘ̈ܩܐ. ܟܕ ܕܒܪ ܠܗܘܢ ܫܦܥܐ ܕܢܗܪܐ ܒܩܫܝܐ. ܟܕ ܐܢ ܗܼܘ ܕܩܪܝܒܬ ܗܘ ܡܪܗܿ ܕܚܢܘܬܐ ܥܡ ܥܒܿܕܗ ܓ. . . ܡܬܕܒܪ ܗܘܼܐ. ܗܪܟܐ ܐܝܬ ܗܘܐ ܠܢ ܘܠܡܐܡܪ ܥܡ ܢܒܝܐ ܕܘܝܕ. ܕܛܒܥܬ ܢܦܫܝ ܒܗܘܬܐ ܥܡܝܩܬܐܼ ܘܠܝܬ ܒܝܬ ܩܝܡܐ. ܥܠܘܢ ܠܥܘܡܩܐ ܕܡܝ̈ܐ ܘܨܡܪ̈ܬܐ ܘܟܪ̈ܘܟܝܬܐ ܛܒ̈ܥܝ ܐܢܘܢ. ܡܛܘ ܡܝ̈ܥ ܥܕܡܐ ܠܢܦܫܗܘܢ. ܓܙ[ܝ ܥܝܢـ]ـܝ̈ܘܢ ܕ[ܡـ]ـܣـ[ـܟـ]ـܝܢ ܕܢܚܘܢ ܒܢܘܗܪܐ ܕܨܦܪܐ.܀ ܥܡ ܗܿܝ ܬܘܒ ܕܡܢ ܢܒܝܐ ܝܘܢܢ ܐܬ[ܡܪܬ]. ܐܪܡܝܬܢܝ ܠܡ ܒܥܘܡܩܐ ܒܠܒܗ ܕܝܡܐ. ܘܢܗܪܐ ܚܕܪܢܝ. ܟܠܗܘܢ ܡܚ̈ܫܘܠܝܟ ܘܓܠ̈ܝܟ ܥܠܝ ܥܒܪ. ܚܕܪܘܢܝ ܡ̈ܝܐ ܥܕܡܐ ܠܢܦܫܐ. ܘܬܗܘܡܐ ܟܪܟܢܝ ܘܐܫܬܬܗ ܕܝܡܐ ܐܬܚܒܫ

Page 381

ܪܝܫܝ. ܘܠܐܫܬܬܗܘܢ ܕܛܘܪ̈ܐ ܢܚܿܬܬ. ܘܐܦ ܐܪܥܐ ܐܚܕܬ ܣܘܟܪܗܿ [ܒܐܦ̈ܝ] ܠܥܠܡ܀ ܥܠ ܗܠܝܢ ܐܦ ܗܟܢ ܐܝܬ ܠܡܐܡܪ ܕܒܫܬܬܗܘܢ ܕܡ̈ܝܐ ܢܚܬܘܼ ܘܐܦ ܐܪܥ ܐܚܕܬ ܣܘܟܪܗܿ ܒܐܦܝ̈ܗܘܢ ܠܥܠܡ. ܘܚܝ̈ܝܗܘܢ ܠܫܝܘܠ ܡܛܘ ܒܗܿܝ ܕܐܬܚܫܒ ܥܡ ܢܚ̈ܬܝ ܓܘܒܐ. ܘܗܘܘ ܐܝܟ ܓܒܪܐ ܕܠܝܬ ܠܗ ܥܘܕܪܢܐ ܒܝܬ ܡܝ̈ܬܐ ܒ̈ܢܝ ܚܐܪ̈ܐ ܘܗܘܘ ܐܝܟ ܩܛܝ̈ܠܐ ܕܫܟܝܒܝܢ ܒܩܒܪ̈ܐ.

ܫܢܬ ܐܠܦܐ ܘܬܡܢܝܢ ܘܚܕܐ. ܐܣܗܕ ܩܕܝܫܐ ܘܣܗܕܐ ܩܘܪܝܣ ܚܪܢܝܐ. ܟܕ ܕܝܢ ܐܡܠܟܬ ܐܦ ܐܫܬܠܛܬ ܡܠܟܘܬܐ ܗܕܐ ܪܫܝܥܬܐ ܘܐܦ ܕܠܐ ܐܠܗܝ . . . . . ܬܒ̈ܥܬܐ ܡܪܼܝܪ̈ܬܐ ܘܩܫ̈ܝܬܐ ܘܕܠܐ ܒܪ̈ܚܡܐ. ܘܫܪܝܘ ܐܠܨܝܢ ܠܒܢ̈ܝܢܫܐ ܟܪ̈ܣܛܝܢܐ ܕܠܐ ܚܘܣܢ. ܘܦܘܠܚܢܐ ܕܡܕܡ ܒܛܠ ܡܢ ܟܠ ܕܘܟ ܒܗܿܝ ܕܬܟܣܘ ܗܼܢܘܢ ܛܪ̈ܘܢܐ ܡܢ ܗܿܝ ܕܢܬܠܘܢ ܠܛܝܝ̈ܐܼ ܐܝܟ ܥܝܕܐܼ ܚܛܐ ܘܪܘܙܝܩܐ. ܘܥܠ ܗܕܐ ܙܥܪ ܙܘܙܐ ܡܢ ܥܠܡܐ. . ܘܐܦ ܗܢܘܢ ܛܝܝ̈ܐ ܙܒܢ ܠܗܘܢ ܐܪ̈ܥܬܐ ܘܟܪ̈ܡܐ ܘܦܕ̈ܢܐ. ܘܗܘܼܘ ܗܼܢܘܢ ܦ̈ܠܚܐ܀ ܘܬܒ̈ܥܬܐ ܘܓܙܝܬܐ ܥܫܢܬ ܥܠ ܒܢܝ̈ܢܫܐ ܟܪ̈ܣܛܝܢܐܼ ܠܒܪ ܡܢ ܡܫܘܚܬܐ. ܘܫܪܝܘ ܡܥܠܝܢ ܥܠ ܐܪܥܐ ܚܪܒܐ. ܘܥܠ ܗܠܝܢ ܩܕܡ ܐܡܪ ܢܒܝܐ ܝܘܐܝܠܼ. ܕܩܕܡܘܗܝ ܐܟܿܠܐ ܢܘܪܐ. ܘܒܬܪܗ ܡܘܩܕܐ ܫܠܗܒܝܬܐ. ܐܦܟ ܦܪܕܝܣܐ  ܕܥܕܝܢ ܐܪܥ ܩܕܡܘܗܝ. ܘܒܬܪܗ ܡܕܒܪܐ ܚܪܒܐ. ܟܪ̈ܛܣܝܢܐ ܕܝܢܼ ܒܝܕ ܗܿܝ ܕܠܐ ܐܬܩܫܝܬ ܥܠܝܗܘܢ ܡܕܬܐ ܕܠܒܪ ܡܢ ܚܝܠܗܘܢܼ ܒܝܘ̈ܡܝ ܛܝܝ̈ܐ. ܘܡܢ [ܫـ]ـܠܝ ܩܕܝܚ̈ܢ ܥܠܝܗܘܢ ܒܝ̈ܫܬܐ ܕܬܒ̈ܥܬܐ ܡܪܝܪ̈ܬܐܼ. ܘܕܢܥܪܩܘܢ ܡܢ [ܐ]ܬܪܐ ܠܚܒܪܗܼ ܠܐ ܥܕܟܝܠ ܝܠܦ. ܘܬܘܒ ܐܬܦܬܚܘ ܠܗܘܢ ܬܪܥܐ [ܠܘ]ܬ ܚܢܦܘܬܐ. ܩܠܝܠܐܝܬ ܟܠܗܘܢ ܓܗ̈ܝܠܐ ܘܪ̈ܦܝܐ ܐܫܬܪܓܠܘ ܠܘܬ [ܓܡـ]ـܘܨܐ ܘܦܚܬܐ ܕܐܒܕܢܐ. ܘܐܘܒܕ

Page 382

ܢܦ̈ܫܬܗܘܢ ܥܡ ܦܓܪ̈ܝܗܘܢ [ܗܢܘ ܕ]ܝܢ ܟܠܡܕܡ ܕܩܢܝܢ܀ ܗܢܘ ܕܝܢ ܗܝܡܢܘܬܗܘܢ ܕܒܡܪܢ ܝܫܘܥ ܡܫܝܚܐ [ܘܡـ]ـܥܡܘܕܝܬܐܼ ܘܛܒܥܐ ܩܕܝܫܐ ܕܡܘܪܘܢܼ. ܥܡ ܦܓܪܐ ܚܝܐ ܘܕܡܐ ܡܚܣܝܢܐ. [ܘܐܙ]ܠܘ ܙܒܢ ܠܗܘܢ ܚܠܦ ܗܠܝܢ ܢܘܪܐ ܕܠܐ ܕܥܿܟܐ. ܬܘܠܥܐ ܕܠܐ ܡܝܬܐ. ܓܢܒܐ [ܩܪܒـ]ـܬܢܐ. ܚܠܦ ܡܫܝܚܐܼ ܣܛܢܐ. ܚܠܦ ܓܢܘܢܐܢܼ ܚܫܘܟܐ܀ . . . . . . . . [ܘܛܒ ܐܣܬܟܠܘ. ܘܚܙܘ] ܐܢ ܗܘܬ ܐܝܟ ܕܐ. ܐܢ ܡܚܠܦܝܢ ܥܡ̈ܡܐ [ܐܠܗ̈ܝܗܘܢܼ ܐܝܠܝܢ ܕܠܐ] ܗܘܘ ܐܠܗ̈ܐ. ܘܥܡܝ ܚܼܿܠܦ ܐܝܩܪܗ ܒܕܠܐ ܝܘܬܪܢ. ܬܡܗܘ ܫ̈ܡܝܐܼ ܥܠ ܗܕܐ ܙܘܥܘ ܘܕܚܠܘ ܛܒ. ܐܡܿܪ ܡܪܝܐ. ܡܛܠ ܕܬܪ̈ܬܝܢ ܒܝ̈ܫܢ ܥܒܕ ܥܡܝ. ܠܝ ܫܒܩܘ ܡܒܘܥܐ ܕܡ̈ܝܐ ܚܝ̈ܐ. ܘܐܙܠ ܚܦܪܘ ܠܗܘܢ ܓܘܒ̈ܐܼ. ܓܘܒ̈ܐ ܐܪ̈ܥܝܥܐܼ ܕܠܐ ܡܫܚܟܚܝܢ ܠܡܩܒܐ ܒܗܘܢ ܡܝ̈ܐ܀ ܡܛܠ ܡܢܐ ܠܡ ܗܘܐ ܠܒܙܬܐ. ܥܠܘܗܝ ܢܢܗܡܘܢ ܐܪ̈ܝܘܬܐܼ ܘܢܪܝܡܘܢ ܩܠܗܘܢ. ܘܢܥܒܕܘܢ ܐܪܥܗ ܠܚܘܪܒܐ. ܘܩܘܪ̈ܝܗ ܢܨܕ̈ܝܢ ܡܢ ܒܠܝ ܕܝܿܬܒ. ܗܟܢܐ ܠܡ ܢܬܥܒܕ ܠܟܝ. ܥܠ ܕܫܒܩܬ ܠܡܪܝܐܼ ܐܠܗܟܝ. ܗܫܐ ܡܐ ܠܟܝ ܠܡܐܙܠ ܠܐܘܪܚܐ ܕܡܨܪܝܢ. ܠܡܫܬܐ ܡܝ̈ܐ ܕܫܝܚܘܪ. ܘܡܐ ܠܟܝ ܠܡܐܙܠ ܠܐܘܪܚܐ ܕܐܬܘܪ. ܠܡܫܬܐ ܡܝ̈ܐ ܕܢܗܪܐ. ܬܪܕܝܟܝ ܒܝܬܟܝ ܘܬܝܒܘܬܟܝ ܬܟܣܝܟܝ. ܘܕܥܝ ܘܚܙܝܼ ܕܒܝܫ ܘܡܪܝܪ. ܥܠ ܕܫܒܩܬ ܠܡܪܝܐ ܐܠܗܟܝ. ܐܫܝܥܐ ܐܡܪ ܥܠܝܗܘܢ: ܕܒܢ̈ܝܐ ܪܒܝܿܬ ܘܪܿܡܪܡܬ. ܘܗܼܢܘܢ ܐܥܠܝܘ ܒܝ. ܝܿܕܥ ܬܘܪܐ ܩܿܢܝܗܼ ܘܚܡܪܐ ܐܘܪܝܐ ܕܡܪܗ. ܐܝܣܪܐܝܠ ܠܐ ܝܕܥ ܘܥܡܝ ܠܐ ܐܣܬܟܠܘ. ܘܝ ܠܥܡܐ ܚܛܝܐܼ݂ ܥܡܐܼ

Page 383

ܥܫܝܢ ܥܘܠܐ. ܙܪܥܐ ܡܒܐܫܐܼ. ܒܢܝ̈ܐ ܡܚ̈ܒܠܐ. ܫܒܩܬܘܢ ܠܡܪܝܐܼ. ܘܐܪܓܙܬܘܢ ܠܕܝܫܐ ܕܐܝܣܪܐܝܠ. ܘܗܦܟܬܘܢ ܠܒܣܬܪܟܘܢ. ܥܠ ܡܢܐ ܬܘܒ ܬܒܠܥܘܢ ܘܬܘܣܦܘܢ ܬܘܒ ܠܡܪܕܝܘ. ܟܠ ܪܝܫܼ ܠܟܐܒܐ. ܘܟܠ ܠܒܐ ܠܟܪܝܘܬܐ. ܡܢ ܦܣܬܐ ܕܪܓܠܗܘܢ ܠܡ ܘܥܕܡܐ ܠܡܘܚܗܘܢܼ ܠܝܬ ܒܗܘܢ ܕܘܟܬܐ ܕܫܪܝܪܐ܀ ܗܢܘ ܕܝܢ ܗܝܡܘܬܐ. ܨܘܠܦ̈ܬܐ ܘܫܘܡ̈ܬܐ ܘܚܒܪ̈ܬܐ . . . . . ܘܡܛܠ ܗܕܐ ܕܪܘܚܐ ܩܕܝܫܐ ܡܫܢܝ ܠܗܘܢ ܡܢܗܘܢ. ܘܪܘܚܐ [ܛܢܦܐ ܡـ]ـܫܠܛ ܒܗܘܢ. ܠܐ ܠܡܨܡܕ. ܐܦܠܐ ܠܡܥܨܒ. ܐܦܠܐ ܠܡܪܟܟܘ ܒܡܫܚܐ ܩܕܝܫܐ  . . . . . . ܛܝܒܘܬܐ ܐܠܗܝܬܐ ܐܫܬܠـ[ـܡ. ܐܪܥܗ]ܘܢ ܘܩܘܪ̈ܝܗܘܢ ܗܘ̈ܝ ܚܪܒܐ. ܘܢܦܫܗܬܗܘܢ ܝܩܕ ܒܢܘܪܐ ܕܓܝܗܢܐ. ܡܟܝܠ ܐܪܥܟܘܢ. ܗܢܘ ܕܝܢ ܦܓܪܟܘܢ ܐܿܟܠܝܢ ܠܗ ܫܐܕ̈ܐܼ. ܕܗܼܢܘܢ ܢܘܟܪ̈ܝܐ. ܟܕ ܬܗܘܘܢ ܬܦܪܣܘܢ ܐܝܕ̈ܝܟܘܢ ܐܿܗܡܐ ܥܝ̈ܢܝ ܡܢܟܘܢ. ܘܐܦܢ ܬܣܓܘܢ ܨܠܘ̈ܬܐܼ ܠܐ ܫܡܥ ܐܢܐ. ܐܝ̈ܕܝܟܘܢ ܡ̈ܠܝܢ ܡܐ. ܘܟܕ ܗܟܢܐ ܦܣܩܘܢ ܣܒܗܘܢ ܡܢ [ܥـ]ـܘ[ܕܪ]ܢܗ ܕܡܫܝܚܐܼ ܘܬܘܒ ܕܚܝ̈ܝܗܘܢ. ܘܝܬܝܪ ܡܢ ܕܪܗܛܐ ܥܢܐ ܠܫܩܝܐܼ. [ܡܣـ]ـܛܝܢ ܗܘܘ ܠܘܬ ܚܢܦܘܬܐ. ܘܠܐ ܠܪ̈ܥܘܬܗܘܢ ܘܐܦܠܐ ܠܐܢܫ ܕܡܟܣ ܗܘܐ ܠܗܘܢܼ ܫܡܥܝܢ ܗܘܘ. ܘܐܦܠܐ ܠܟܬܒܐ ܩܕܝܫܐ ܡـ[ـܨܝـ]ـܬܝܢ ܗܘܘ. ܐܡܪ ܓܝܪ ܗܼܘ ܩܕܝܫܐ ܐܫܝܥܐ ܠܘܬܗܘܢ ܕܪ̈ܦܝܐ ܗܢܘܢ. ܘܗܟܢܐܐܡܪ ܡܪܝܐ ܚܝܠܬܢܐ. ܠܐ ܬܕܚܠ ܥܡܝ ܡܢ ܐܬܘܪܝܐܼ ܕܡܚܐ ܠܟ ܒܨܒܛܗ. ܘܚܘܛܪܗ ܡܪܝܡ ܥܠܝܟ ܒܐܘܪܚܐ ܕܡܨܪܝܢ. ܗܢܘ ܕܝܢ ܒܐܘܪܚܐ ܕܡܨܪܝܢܼ ܩܪܐ ܠܚܢܦܘܬܐ ܘܡـ . . . . ܢܘܬܐ . . ܥܕ ܩܠܝܠ ܠܡ ܘܢܫܬܡܠܐ ܪܘܓܙܝ. ܘܬܘܒ ܐܡܪܼ. ܕܥܡܝܼ ܥܘܠ ܠܬܘ̈ܢܝܟܼ ܘܐܚܘܕ ܬܪܥܐ ܒܐܦ̈ܝܟ. ܘܐܬܛܫܐ ܩܠܝܠ ܙܥܘܪ ܥܕ ܥܒܪ ܪܘܓܙܝ. .

Page 384

ܘܐܚܪܢܐ ܐܡܿܪܼ ܕܪܚܡ ܠܗ ܡܪܝܐܼ ܕܪܐ ܠܗ. ܐܝܟ ܐܒܐ ܕܪܕܐ ܠܒܪܗ.. ܘܕܘܝܕ ܐܡܪܼ ܕܡܪܕܐ ܪܕܢܝ ܡܪܐ. ܠܡܘܬܐ ܠܐ ܐܫܠܡ ܠܢ. ܘܫܠܝܚܐ ܟܪܙ ܘܩܪܐ ܐܝܟ ܫܝܦܘܪܐܼ. ܕܐܢ ܕܠܐ ܡܪܕܘܬܐ ܐܝܬܝܢ ܗܘܝܢ ܠܢ ܢܘܪ̈ܝܐ ܘܠܐ ܒܢܝ̈ܐ. ܠܗܠܝܢ ܒܢ̈ܬ ܩ̈ܠܐ ܩ̈ܕܝܫܬܐ ܕܡܟܪܙܝܢ ܟ̈ܬܒܐ ܩ̈ܕܝܫܐܼ. ܠܐ ܨܒܬܘ ܘܠܐ ܫܡܥ ܐܦܠܐ ܐܣܬ[ܟܠܘ.] ܐܠܐ ܨܠܘ ܟܠܗܘܢ. ܟܕ ܠܐ ܝܕܥ ܐܦܠܐ ܐܣܬܟܠܘ ܡܘܢ ܥܒܕ [ܡܪܝܐ]

[folia desiderantur]

ܒܡـ[ . . ]ܗܘܢ ܒܝܕ ܗܿܝ ܕܒܚܫܘܟܐ ܕܪܝܢ ܘܛـ[ܥܝܢܗܘܘ ܡܢ ܐܘܪܚܐ] ܕܫܪܪܐ. ܘܗܠܟܘ ܒܬܘܫܐ ܕܠܐ ܕܪܝܫ ܟܕ ܢܘ[ܗܪܐ ܕܙܕܝܩܘܬܐ] ܠܐ ܢܗܪ ܠܗܘܢ. ܐܡܪ ܓܝܪ ܕܛܥܝܢ ܐܝܟ ܥܢܐܼ ܘܐ[ܢܫ ܠܣܛܪܗ ܦܢܝܢ]. ܠܗܠܝܢ ܟܠܗܝܢ ܚܙܐ ܩܕܝܫܐ ܗܘܫܥܼ. ܘܐܙܥܩ [ܠܘܬܗܘܢܼ ܐܝܟ ܕܡܢ] ܦܘܡ ܡܪܝܐ: ܕܗܢܘܢ ܠܡ ܢܗܘܘܢ ܠܐ ܥܡܝ. ܘܐܢـ[ـܐ ܠܐ ܐܗܘܐ ܠܗܘܢ.] ܟܕ ܕܝܢ ܒܗ ܒܥܡܐ ܗܢܐ ܒܝܫܐ ܡܬܒܩܐ ܗ[ . . . . . ܢܒܝܐ] ܝܘܐܝܠ ܘܒܐܝܠܝܢ ܕܣܿܥܪܝܢ ܒܥܡܗ ܕܐܠܗܐ ܐܦ ܗܼܘ [ . . . . . . . ] ܚܒܪ̈ܘܗܝ. ܘܐܡܼܪ ܐܝܟ ܕܡܢ ܦܘܡܗ ܕܡܪܝܐܼ. ܕܥܡܐ [ܣܠܩ ܠܐܪܥܝ] ܥܿܫܝܢ. ܘܠܝܬ ܠܗ ܡܢܝܢ. ܫܢ̈ܘܗܝ ܐܝܟ ܫܢ̈ܐ ܕܐܪܝܐ[. ܘܢܝܒܘ̈ܗܝ] ܐܝܟ ܢܝ̈ܒܐ ܕܓܘܪܝܐ ܕܐܪܝܐ. ܥܒܼܕ ܓܦܝܬܝ ܠܚܘܪܒܐ [ܘܬܬܝ ܠܦܘܫܚܐ]. ܦܫܚܗܿ ܘܕܫܗܿ ܘܚܘܪ ܣ̈ܘܟܝܗܿ. ܠܗܠܝܢ ܩܕܡ ܚܙܐ [ . . . ܢܒܝܐ] ܩܕܝܫܬܐ. ܘܐܠܘ ܚܕ ܐܘ ܡܐܐ ܐܘ ܐܠܦܐܐ ܐܝܬܝܗܘܢ ܼܐܘ [ . . . . . . . . . . . ] ܐܝܠܝܢ ܕܣܥܪܝܢ ܗܘܘ ܕܐܝܟ ܗܕܐ

Page 385

ܥܒܝܕܬܐ ܒܫܬܩܐ ܗܘܝܬ. ܐܠܐ ܡܛܠ ܕܠܐ ܙܕ[ܩ ܕܬܗܘܐ] ܥܠܬܐ ܗܿܝ ܡܚܒܠܬܐ ܕܠܐ ܥܘܗܕܢܐ ܩܠܝܠ ܘܢܚܘ ܠܡܪܝܪܘܬܐ ܕ[ . . . . . ] ܘܡܫܝܡܢܘܬܐ ܕܟܘ̈ܒܐ ܘܕܙܝ̈ܙܢܐ. ܘܐܦ ܠܢܘܪܒܐ ܚܠܝܐ. ܘܠܢܗܝـ[ـܪܐ . . . . . ] ܕܕܢܚ ܠܢ ܡܢ ܒܝܢܬܗܘܢ. ܡܛܠ ܕܕܠܐ ܡ̈ܚܘܬܐ ܘܣܪ̈ܩܐ ܠܘܬ [ܟܦܘܪܘܬܐ] [ܠܚـ]ـܐܦܐ ܡܕܡ ܪܒܐ ܡܫܬܪܓܠܝܢ ܗܘܘ. ܟܕ ܥܿܒܕܝܢ ܗܘܘ ܓܘܕ̈ܐ ܕ[ܓܒܪ̈ܐ] ܥܣܪ̈ܝܢ ܘܬܠܬܝܢ ܘܡܐܐ ܘܡܬܝܢ ܘܬܠܬܡܐܐ ܕܠܐ ܩܛܝܪܐ ܕܡܕܡ ܕ[ . . . . . ] ܥܠ ܗܕܐ. ܘܢܚܬܝܢ ܠܚܪܢ ܘܨܝܕ ܥܡ̈ܠܐ ܘܗܓܪܝܢ. ܘܐܦ ܡܬ[ . . . . . ] ܗܘܘ ܥܠܝܢ. ܟܕ ܐܡܿܪܝܢ ܠܢ܆ ܕܐܢܬܘܢ ܐܝܬܝܟܘܢ ܕܠܐ ܐܠܗܝ. ܘܠܒـ[ . . . . ] ܕܘܼܓܝ. ܘܡܫܬܒܗܪܝܢ ܘܐܦ ܡܬܪܝܡܝܢ ܠܘܩܒܠ ܫܪܪܐ. ܥـ[ـܒـ]ـܕ ܕܝܢ [ . . . . ] ܥܡܐ ܣܓܝܐܐ ܡܢ ܐܬܪ̈ܘܬܐ ܕܐܘܪܗ ܕܚܪܢ. ܘܕܬܠܐ ܘܕܪܝܫܥܝܢܐ. [ . . . ] ܘܕܪܐ ܘܢܨܝܒܝܢ ܘܫܝܓܪ ܘܩܠܢܝܩܘܣ. ܡܢ ܗܠܝܢ ܐܬܪ̈ܘܬܐ ܠܒܪ ܡܢ ܡܫܘܚܬܐ ܐܬܥܠܙܙܬ ܒܗܘܢ ܛܘܥܝܝ ܘܐܟܠܩܪܨܐ. ܟܕ ܗܘܘܼ ܒܩܪܝܬܐ ܐܝܬ ܕܚ̈ܡܫܝܢ ܘܐܝܬ ܕܡܐܐ. ܘܐܝܬ ܕܦܠܓܗܿ ܘܐܝܬ ܬܘܠܬܗܿ. ܟܕ ܐܦ ܒܩܢܘܡܗܘܢ ܘܒܟܘܢܝܗܘܢ ܦܪܝܫܝܢ ܗܘܘ ܡܢ ܥܡܐ ܡܗܝܡܢܐ. ܒܝܕ ܩܢܘܡܗܘܢ ܕܝܢܼ ܟܕ ܡܫܟܪܐ ܗܼܝ ܕܡܘܬܐ ܦܨܚܬܐ ܕܩܢ̈ܘܡܝܗܘܢ. ܐܝܟܢܐ ܕܡܢ ܩܢܘܡܗ ܘܡܢ ܪܝܚܢܗ ܘܚܘܪܐ ܕܚܙܝܐ ܕܥܝ̤ܘܗܝ ܡܬܝܕܥܝܢ ܗܘܘ ܠܦܪ̈ܘܫܐ. ܘܐ[ܝܟـ]ـܢܐ ܕܨܝܕ ܝܗܘܕܐ ܡܫܠܡܢܐ ܘܐܒܗܗܘܢ ܩܕܡܝܐ ܓܕܫܬ. ܒܗܿܝ ܕܐܬܦܪܣܝܬ ܚܙܬܗ ܘܫܡܗ. ܟܕ ܢܦܩ ܡܢ ܣܕܪܐ ܘܫܢܝܬ ܡܢ ܨܝܕܘܗܝ ܪܘܚܐ ܩܕܝܫܐ ܘܥܡܪܬ ܒܗ ܪܘܚܐ ܛܢܦܐ ܗܝ. ܐܡܪ ܓܝܪ ܗܘ ܟܬܒܐ ܟܗܢܝܐܼ ܥܠ ܐܟܠܩܪܨܐ ܘܥ ܠܐܝܠܝܢ ܕܡܫܬ[ܠܛ] ܥܠܝܗܘܢ ܗܟܢܐ: ܕܬܚܒܬ ܬܠܬ ܙܝܥܐ ܐܪܥܐ ܘܬܚܝܬ ܐܪܒܥ ܠܐ ܡܫܟܚܐ ܠܡܣܝܒܪܐ ܐܪܥܐܼ. ܠܦܓܪ̈ܐ

Page 386

ܕܒܢܝ̈ܢܫܐ ܪ̈ܫܝܥܐ [ܙܙܝܥܐ ܬܚܝܬ] ܥܒܕܐܼ ܣܛܢܐܼ ܟܕ ܢܡܠܟܼ. ܘܬܚܝܬ ܐܟܠܩܪܨܐ ܟܕ ܢܣܒܥ [ܠܚܡܐ] ܘܬܚܝܬ ܪܘܚܐ ܛܢܦܐܼ ܐܡܬܐܼ ܟܕ ܡܦܩܐ [ܠܪ]ܘܚܐ ܩـ[ـܕܝܫܐܼ ܡܪܬܐܼ.] ܥܡ ܣـ[ـܐ]ܢܘܬܐ ܗܿܝ ܕܗܘܬ ܠܗ ܠܣܛܢܐ ܨܕܝܗܘܢ [ . . . . . . . . . ] ܘܬܘܒ ܐܡܪ ܕܐܟܠ ܠܚܡܝܼ ܝܗܘܕܐ ܩܕܡܝـ[ـܐܼ. ܕܬܟܿܠܬ ܥܠܘܗܝ. ܟܕ] ܕܝܢ ܣ̈ܓܝܐܐ ܐܬܢܟܠܘ ܥܠܝ. ܘܪ̈ܚܡܝ ܘܚܒܪ̈[ܝ ܠܘܩܒܠ ܟܐܒܝ ܩܘܡܘ]. [ܘܩܪ̈]ܝܒܝ ܒܪܘܚܩܐ ܩܿܝܡܝܢ ܗܘܘ. . . ـܛܥܐ ܠܡܓܕ ܐܢܘܢ ܠܓܝܗܢܐܼ ܘܡܫܬ[ܒܗ]ܪܝܢ . . . ܬܐ ܘܚܕܝܢ. ܫܕܝܢ ܡܢ ܡܠܟܘܬܐ ܫܡܝܢܝܬܐ. [ܚܠܦ] ܐܝܩܪܗܘܢ ܒܕܠܐ ܝܘܬܪܢ ܘܥܬܝܪܝܢ܆ ܐܬܦܫܚܘ [ܚܘ]ܪ ܣܘ̈ܟܝܗܘܢܼ. ܥܒܝܕܐ ܬܬܗܘܢ ܠܚܘܪܒܐ. ܘܐܦ ܩܕܝܫܐ ܡܝܟܐ ܘܐܡܪ. ܕܥܠ ܗܠܝܼܢ ܪܩܕܘ ܘܐܝܠܠܘ [ܘܗܠܟܘ ܚܦܝ̈ܝ ܘܥܪ̈]ܛܠܝ ܘܥܒ̈ܕܝ ܡܪܩܘܕܬܐܐܝܟ ܕܝܪܘܪܐ. ܘܐܒܠܐ ܐܝܟ [ܕܒܪܬ ܝܪܘܪܐ. ܡܛـ]ـܠ ܕܟܝܒܐ ܗܼܝ ܡܚܘܬܟܝ܀ ܘܬܘܒ ܐܿܡܪ. ܒ̈ܟܬܐ ܠܡ [ܕܥܘܦܪܐ ܐܬܦܠܦܠـ]ـܘ ܒܥܦܪܐ. ܥܒܕ ܠܟܝ ܥܡܘܪܬܐ ܕܫܦܝܪ܀ ܒܗܝ . . ܐ ܡܢ ܡܥܡܘܕܝܬܐ ܘܥܕܬܐ. ܘܠܐ ܒܗܕܐ ܥܡܘܪܬܐ ܗܼܘ ܝܘܐܝܠ ܒܗܿ ܒܕܡܘܬܐ ܩܥܐ ܠܗܘܢܼ ܘܠܐ ܫܡܥ. [ܫܡܥܘ ܗܕܐ] ܩܫܝ̈ܫܐ ܘܨܘܬܘ ܟܠ ܥܡܘܪ̈ܝܗ ܕܐܪܥܐ. ܐܢ ܗܘܬ ܐܝܟ [ܗܕܐ ܒܝܘ̈ܡܝܟـ]ـܘܢ ܐܘ ܒܝ̈ܘܡܝ ܐܒܗ̈ܝܟܘܢ. ܐܫܬܥܘ ܥܠܝܗܿ ܠܒܢ̈ܝܟܘܢ [ܘܒܢ̈ܝܟܘܢ ܠܒ̈ܢܝـ]ـܗܘܢ. ܘܒܢ̈ܝܗܘܢ ܠܕܪܐ ܐܚܪܢܐ. ܘܒܬܪ ܩܠܝܠ ܐܡܪ: ܐܬܬܥܝܪ [ܪ̈ܘܝܐ.

Page 387

ܘܐܫܥܝܐ] ܐܡܪ ܕܪܘܝܢ ܠܐ ܡܢ ܚܡܪܐ ܘܕܛܥܿܝܢ ܠܐ ܡܢ ܫܟܪܐ܀ [ܘܐܝܠܠܘ ܟܠ ܫـ]ܬܝ̈ܝ ܚܡܪܐܼ. ܥܠ ܚܡܪܐ ܩܕܝܫܐ ܕܥܒܪ ܡܢ ܦܘܡܟܘܢ. [ܢܒܝܐ] ܕܝܢ ܓܠܝܐܝܬ ܐܡܪܗܿ ܠܡܫܬܒܩܢܘܬܐ ܕܡܢ ܐܠܗܐ ܕܠܘܬܗܘܢ. [ܒܝܘܡܐ] ܗܿܘ ܢܥܒܪ ܡܢ ܦܘܡܟܘܢ. [ܢܒܝܐ] ܕܝܢ ܓܠܝܐܝܬ ܐܡܪܗܿ ܠܡܫܬܒܩܢܘܬܐ ܕܡܢ ܐܠܗܐ ܕܠܘܬܗܘܢ. [ܒܝܘܡܐ] ܗܿ، ܢܥܒܪ ܡܪܝܐ ܫܘܒܚܐ ܕܢܚ̈ܬܝܗܝܢ ܘܕܨܒ̈ܬܝܗܝܢ [ܘܕܓܕ̈ܘܠـ]ـܝܗܝܢ. ܘܐܣܦܝܪ̈ܐ ܕܣܥܪ̈ܝܗܝܢ ܘܒܪ̈ܘܠܝܗܝܢ ܘܨܕ̈ܥܝܗܝܢ [ܘܨܒܬܐ] ܟܠܗ ܕܐܦ̈ܝܗܝܢܼ ܘܕܫܪܟܐ. ܘܒܬܪ ܩܠܝܠ ܐܡܪ. ܘܢܗܘܐ ܚܠܐ [ܚܠܦ ܪܝܚـ]ـܗܝܢ ܒܣܝܡܐ. ܘܚܠܦ ܐܣܪ ܚ̈ܨܝܗܝܢܼ ܡܝܙܪ̈ܢܐ ܢܐܣܪܘܢ. ܘܚܠܦ [ܒܠܘܪ̈ܐܼ] ܩܘ̈ܕܚܬܐ. ܘܚܠܦ ܬܟܝܠܝܬܗܝܢܼ ܣܩ̈ܐ ܢܬܟ̈ܣܝܢ. ܡܛܠ ܕܢܬܚܒܠ ܫܘܦܪܗܝܢ܀ ܐܦܢ ܠܝ ܐܟܒܪ. ܥܛܠ. ܠܟ ܬܫܪ ܕܡܚܒܠ ܗܘܐ. ܘܫܩܝܠ ܓܘܢܐ ܕܐܦܝ̈ܗܝܢ ܕܢܦ̈ܫܬܐ ܕܫܒܩ ܠܡܪܝܐ. ܘܚܠܦ ܪܝܚܐ ܒܣܝܡܐ ܕܡܘܪܢ ܩܕܝܫܐܼ. ܥܛܪ ܡܢܗܝܢ ܪܝܚܐ ܙܗܘܡܐ ܘܣܪܝܐ. ܠܢ̈ܒܝܐ ܩܕ̈ܝܫܐ ܕܩܕܡ ܚܙܘ ܘܐܟܪܙܘ ܐܫܪ܀ ܥܡ ܓܘܢܗܘܢ ܐܦ ܟܘܢܝܐ ܕܫܡܐ ܟܪܣܛܝܢܝܐ. ܘܐܦ ܕܡܫܠܡܢܐ ܐܫܬܩܠ ܡܢܗܘܢ. ܕܡܢ ܚܕ ܕܡܫܝܚܐ ܐܒܕܘ. ܘܠܗܿܘ ܕܡܚܡܕ  ܠܐ ܨܕܘ. ܐܠܐ ܥܡ ܟܦܘܪܝܗܘܢ ܐܦ ܫܡܐ ܕܒܫܥܝܢܼ ܠܗ ܐܫܟܚܘ. ܕܡܬܩܪܝܢ ܐܝܕܘܠܝ. ܐܝܟܢܐ ܕܡܢ ܫܡܗܗܘܢ ܢܬܦܪܫܘܢ ܡܢ ܥܡ̈ܡܝܢ ܘܗܝܡܢܘܬܐ. ܘܐܟܡܐ ܕܐܒܗܗܘܢ ܣܛܢܐܼ ܐܫܟܚ ܒܝܕ ܡܣܛܝܢܘܬܗ ܫܡܐ ܕܣܛܢܐܼ ܐܟܠܩܪܨܐ. ܗܟܢܐ ܘܐܦ ܗܢܘܢ. ܣܛܢܐ ܣܩܘܒܠـ[ـܝܐ] ܡܬܦܫܩ. [ܡܛܠ ܕܠܐ] ܙܕܩܐ ܕܬܚܝܬ ܬܚܦܝܬܐ ܬܘܒ ܢܫܒܘܩ ܠܡ̈ܠܝܗܘܢ [ܕܢ̈ܒܝܐ] ܩܕ̈ܝܫܐܼ. ܗܠܝܢ ܕܐܡܪ ܚܕ ܕܥܪܩܛܠ ܢܦܿܩܬ ܘܐܚܪܢܐܼ [ܐܿܡܪ ܕ]ܢܥܒܪ ܡܪܝܐ ܫܘܒܚܐ ܕܢ̈ܚܬܝܗܝܢ. ܘܥܠ ܡܘܢ ܩܪܘ܀ ܡܬܒܥܐ ܗܘܐ ܠܢ ܕܝܢ

Page 388

ܕܠܐ ܢܥܒܪ ܐܢܝܢ ܠܗܠܝܢ [ܢܣܝـ]ـܡ ܐܢܝܢ ܬܚܝܬ ܐܪܥܐ ܘܠܐ ܢܬ̈ܓܠܝܢ. ܘܠܐ ܘܢܗܘܐ ܠܗܘܢ ܓܘܚܓܐ ܘܡܬܠܐ ܘܬܘܢܝܐ .. ]ـܐ ܕܗܒܐ ܛܒܐ ܡܢ ܒܝܢܬ ܒܙܩ̈ܐ. ̱[ܡ̈ܠܝـ]ـܗܘܢ ܕܢܒ̈ܝܐ ܘܠـ[ـܐ ܬ]ܘܒ ܢܗ[ܘ̈ܝܢ] ܬܚܝܬ ܬܚܦܝܬܐ܀ ܘܐܬܘܒ ܕܢܗܘܝܢ ܣܝܡ̈ܢ [ܐܝܟ ܡܚـ]ـܙܝܬܐ ܠܐ̈ܢܫܐ.. ܥܐܼ. ܘܠܐ ܢܬܬܩܠܘܢ ܒܗܝܢ܀ ܚܕ ܐܡܼܪ. ܕܠܝ (ܫܒܩܘ) ܡܒܘܥܐ ܕܡ̈ܝܐ ܚܝ̈ܐ ܘܐܙܠ ܚܦܪ ܠܗܘܢ ܓܘ̈ܒܐ ܪ̈ܥܝܥܐ ܕܠܐ ܡܫܟܚܝܢ ܠܡܩܒܐ ܒܗܘܢ ܡ̈ܝܐ܀ ܐܚܪܢܐ ܐܡܼܪ. ܕܥܪܛܠ ܢܦܿܩܬܼ ܘܠܐ ܒܗܿܬܬ܀ ܐܚܪܢܐ ܐܡܪ. ܕܒܗܿܘ ܝܘܡܐ ܢܥܒܪ ܫܘܒܚܐ ܕܢܚ̈ܬܝܗܝܢܼ ܕܢܦ̈ܫܬܐ ܕܫܒܩ ܠܡܪܝܐ܀ ܐܚܪܢܐ ܐܡܪ. ܕܫܕܪ ܠܩܕܪ ܘܠܓܙܪ̈ܬܐ ܕܟܝ̈ܬܝܐ. ܘܛܒ ܐܣܬܟܠ ܘܚܙܘܼ ܐܢ ܡܚܠܦܝܢ ܥܡܡ̈ܐ ܐܠܗ̈ܝܗܘܢ ܐܝܠܝܢ ܕܠܐ ܗܘܼܘ ܐܠܗ̈ܐܼ. ܐܝܟܢܐ ܕܚܼܿܠܦ ܥܡܝ ܐܩܪܗ ܒܕܠܐ ܝܘܬܪܢ܀ ܘܐܚܪܢܐ ܐܡܼܪ: ܕܗܼܢܘܢ ܐܛܢܘܢܝ ܒܠܐ ܐܠܗܝ. ܘܐܦ ܐܢܐ ܐܛܢ ܐܢܿܘܢ ܒܠܐ ܥܡܝܼ. ܘܒܥܡܐ ܣܟܠܐ ܐܪܓܙ ܐܢܿܘܢ܀ ܟܬܒܬ ܠܟ ܗܠܝܢ ܣܗ̈ܕܐ ܡܛܠ ܕܢܗܐܘ ܫܪܝܪ ܠܟ ܗܿܘ ܡܕܡ ܕܡܢܝ ܡܬܟܬܒܼ. ܘܢܬܗܝܡܢ ܠܟ ܕܠܐ ܐܝܬܘܗܝ ܠܒܪ ܫܪܪܐ. ܟܬܝܒ ܕܥܠ ܦܘܡ ܬܪ̈ܝܢ ܘܬܠ̈ܬ ܣܗ̈ܕܐ ܬܩܘܡ ܟܠ ܡܠܐ܀ ܓܿܕܫ ܐܝܟ ܡܐ ܕܐܡܪܢܢ ܠܟܼ ܕܐܬܗܦܟܘܢ ܥܡ̈ܐ ܣܓ̈ܝܐܐ ܠܘܬ ܚܢܦܘܬܐ ܘܟܦܪܘܢ ܒܡܫܝܚܐ ܘܒܡܥܡܘܕܝܬܐ ܘܒܘܪܒܢܐܼ ܘܒܨܠܝܒܐܼ ܗܿܘ ܕܒܗ ܗܘܐ ܦܘܪܩܢܐ ܠܟܠܒܣܪ. ܘܟܦܪܝܢ ܒܟܠܗܝܢ ܗܠܝܢ ܕܡܕܒܪܢܘܬܗ ܕܡܫܝܚܐ. ܘܒܠܚܘܕ ܗܘܘ ܠܡ ܡܘܕܝܢ ܕܡܠܬܗ ܘܪܘܚܗ ܕܐܠܗܐ ܐܝܬܘܗܝ ܡܫܝܚܐ. ܟܕ ܐܦ ܠܐ ܠܗܿ ܠܗܕܐ ܬܘܕܝܬܐ ܡܘܕܝܢ ܬܪܝܨܐܝܬ. ܐܘ ܡܣܬܟܠܝܢ ܡܢܐ ܐܝܬܝܗܿ ܗܿ ܕܩܕܡ ܐܡܼܪ ܡܘܫܐܼ. ܕܒܪܫܝܬ ܒܪܐ ܐܠܗܐ܀

Page 389

ܘܦܫܩ ܒܪ ܪܥܡܐ ܘܐܡܪ. ܕܒܪܫܝܬ ܐܝܬܘܗܝ ܡܠܬܐ. ܘܗܼܘ ܡܠܬܐ ܐܝܬܘܗܝ ܗܘܐ ܠܘܬ ܐܠܗܐ. ܘܐܠܗܐ ܐܝܬܘܗܝ ܗܘ ܡܠܬܐ. ܗܢܐ ܐܝܬܘܗܝ ܗܘܐ ܒܪܫܝܬ ܠܘܬ ܐܠܗܐ. ܟܠ ܒܐܝܕܗ ܗܼܘܐ. ܘܒܥܠܘܕܝܼ ܐܦܠܐ ܚܕ ܗܘܼܬ ܡܕܡ ܕܗܘܼܐ܀ ܠܗܠܝܢ ܠܐ ܐܣܬܟܠܘ ܘܠܐ ܝܕܥܘܼ ܒܗܝ ܕܒܚܫܘܟܐܼ ܪܕܝܢ ܗܘܘ܀ ܡܐ ܕܝܢ ܕܫܐܠ ܐܢܘܢ ܐܢܫܼ. ܕܗܕܐ ܡܠܬܗ ܘܪܘܚܗ ܕܐܠܗܐ ܕܠܘܬ ܥܣܐܼ ܡܢܐ ܐܝܬܝܗܿ. ܓܕܦ ܘܐܡܼܪ. ܕܐܝܟ ܡܿܢ ܡܘܫܐ ܘܐܠܝܐ ܘܡܚܡܕ ܢܒܝܗܘܢܼ ܗܼܘ ܕܗܼܘ ܣܡ ܠܗܘܢ ܗܝܟܢܘܬܐ. ܢܒܝܐ ܠܡ ܐܝܟ ܚܕ ܡܢ ܢܒ̈ܝܐܼ ܒܪܢܫܐ ܐܟܘܬܝ ܘܐܟܘܬܟ܀ ܐܠܐ ܘܬܘܒ ܡܘܕܝܢ ܕܠܘ ܡܢ ܙܪܥܐ ܐܢܫܝܐ ܐܬܝܠܕ ܐܝܟ ܟܠ ܐܢܫ. ܐܠܐ ܕ[ܚܩـ]ـܝܢ ܠܗ ܡܢ ܟܠܗܿ ܐܝܬܘܬܐ ܐܠܗܝܬܐ. [ܘ]ܒܠܚܘܕ ܡܠܬܗ ܘܪܘܚܗ ܕܐܠܗܐܼ ܐܡܿܪܝܢ ܠܗܼ ܘܢܒܝܐ. ܘܕܠܐ ܐܬܝܠܕ ܡܢ ܙܪܥܐ ܕܓܒܪܐ. ܐܠܐ ܕܦܩܕ ܐܠܗܐ ܠܡܪܝܡܼ ܘܒܛܢܬܗܼ. ܐܝܟܼ ܕܒܿܛܢܝܢ ܐ . . ܘܥܩ . . ܐܪ̈ܐ ܕܠܐ ܕܟܪܐ. ܟܕ ܡܢ ܪܘܚܐ ܒܛܢܝܢ. ܠܗܝܡܢܘܬܐ ܡܚܝܠܬܐ ܕܐܝܟ ܗܕܐ ܩܪܐܢܒܝܐ ܐܪܡܝܐܼ. ܓܘܒܐ ܪܥܝܥܐ܀ ܥܒܕ ܕܝܢ ܗܕܐ ܠܘ ܒܠܚܘܕ ܛܠ̈ܝܐܼ. ܐܠܐ ܘܐܢ̈ܫܐ ܣܒ̈ܐ ܘܩܫ̈ܝܫܝ ܒܝܘ̈ܡܬܐ. ܘܕܪܒ ܡܢ ܟܠܗܝܢܼ ܐܦ ܐܢܫ̈ܐ ܟܗ̈ܢܐ ܩܫܝ̈ܫܐ ܘܫܡܫ̈ܐ ܣܓܝ̈ܐܐ ܘܕܠܐ ܡܢܝܢ. ܐܝܟܢܐ ܕܥܠܬܐ ܚܕܐ ܐܘ ܬܪ̈ܬܝܢ ܕܗܘܬ ܒܗܘܢܼ ܗܝ ܕܗܼܢܘܢ ܡܬܢܝܢ ܗܘܘ ܘܡܣܗ[ܕܝܢ] ܥܠܝܗܿ ܩܕܡ ܟܠܢܫ. ܒܟܪܝܘܬܐ ܪܒܬܐ ܐܡܪ ܘܐܣܝܛ ܡܠܬܝ ܡܢ ܨܕܝܗ[ܘܢ܀]

ܓܕܫ ܕܝܢ [ܕܒܙܒـ]ـܐ ܗܿܘ ܒܐܘܪܗܝ ܐܝܬ ܗܘܝܬ. ܡܛܠ ܥܠܬܐ ܡܕܡ ܕܐܝܬ ܗܘܐ ܬܡܢ. ܘܟܕ ܐܝܬܝ ܗܘܿܝܬ ܬܡܢ. ܐܬܘ ܐܢܫ̈ܐ. ܘܐܡܪܘܢ ܩܕܡܝܢ. ܘܐܦ ܩܕܡ ܟܠܢܫ ܡܬܢܝܢ ܗܘܘܼ ܕܓܒܪܐ ܚܕ ܫܡܫܐ ܡܢ

Page 390

ܦܩܥܬܐ ܕܝܠܗܿ ܕܐܘܪܗܝ. ܐܫܬܪܓܠܘ ܠܘܬ ܦܚܬܐ ܘܓܡܘܨܐ ܗܢܐ ܕܐܒܕܢܐ. ܘܟܕ ܗܘܐ ܠܗ ܚܘܫܒܐ ܕܢܟܦܘܪ ܠܒܟܘܗܝ ܟܠܗܘܢ ܪܘܪ̈ܒܢܐ ܘܩܫܝ̈ܫܐ ܕܩܪܝܬܐ. ܘܒܦ̈ܝܣܬܐ ܣܓܝ̈ܐܬܐ ܐܬܚܫܚܘ ܠܘܬܗ ܘܠܐ ܐܬܛܦܝܣ. ܘܟܕ ܒܥܘ ܡܢܗ ܕܢܗܦܘܟ ܡܢ ܨܒܝܢܐ ܒܝܫܐ ܗܿܘ ܕܒܗ ܩܐܡܼ. ܒܝܕ ܕܡ̈ܥܐ ܚ̈ܢܝܓܬܐܼ ܘܐܦ ܒܝܕ ܡܘܗ̈ܒܬܐ. ܘܝܬܝܪܐܝܬ ܡܛܠ ܕܪܓܐ ܕܟܗܢܘܬܐ ܩܕܝܫܬܐ ܕܥܠܘܗܝ. ܘܠܐ ܐܬܪܡܝ ܠܗܘܢܼ ܫܒܩܘܗܝ. ܗܘ ܕܝܢ ܐܙܠ ܐܚܕ ܓܘܣܐ ܒܓܒܪܐ ܚܕ ܡܢ ܛܝܝ̈ܐ ܕܬܡܢ. ܘܒܥܐ ܡܗ ܕܢܗܓܪ ܥܠ ܐܝܕ̈ܘܗܝ. ܗܿܘ ܕܝܢ ܠܐ ܥܨܝܗܝ. ܐܠܐ ܘܐܦܝܣܗ ܕܠܐ ܢܥܒܕ ܗܕܐ. ܕܕܠܡܐ ܝܘܡܢܐ ܐܘ ܠܡܚܪܼ ܢܬܘܐ ܘܢܗܦܘܟ ܠܗܝܡܢܘܬܗ. ܘܢܥܒܪܘܢ ܥܠܘܗܝ ܫܢ̈ܕܐ ܪܘܪ̈ܒܐ. ܗܼܘ ܕܝܢ ܐܡܼܪ. ܕܐܢ ܢܗܘܐ ܠܝ ܠܡܬܘ. ܠܐܐܗܦܘܟ ܡܢ ܗܝܡܢܘܬܟ. ܡܛܠ ܕܐܠܗܐ ܚܘܝ ܠܝ ܐܬܐ ܠܗܿ܀ ܗܼܘ ܕܝܢ ܐܡܪ ܠܗ. ܟܦܪܬ ܒܡܫܝܚܐ. ܘܐܡܼܪ ܐܝܢ܀ ܘܬܘܒ ܐܡܪ ܠܗ. ܘܟܦܪܬ ܒܡܥܡܘܕܝܬܐ܀ ܘܐܡܪ ܗܼܘ ܟܿܦܪ ܐܢܐ܀ ܘܬܘܒ ܐܡܼܪ ܠܗ. ܕܟܦܼܪܬ ܒܨܠܝܒܐ ܘܒܩܘܪܒܢܐܼ ܘܒܟܠܡܕܡ ܕܡܘܕܝܢ ܒܗ ܟܪ̈ܣܝܛܢܐ܀ ܘܐܡܼܪ ܕܟܿܦܪ ܐܢܐ. ܘܐܦ ܥܡ ܗܠܝܢ . ܘܡ̈ܠܐ ܕܨܥܪܐ ܐܡܪ ܗܼ، ܒܪܗ ܕܐܟܠܩܪܨܐ ܕܠܐ ܬܒ̈ܥܬܐ ܕܡܢ ܛܝܝ̈ܐ܀ ܘܟܕ ܗܟܢܐ ܐܟܦܪܗ. ܬܘܒ ܦܩܕ ܠܗܼ ܕܡܘܕܐ ܐܢܬ ܒܡܚܡܕ ܕܪܣܘܠܗ ܕܐܠܗܐ ܐܝܬܘܗܝ. ܘܠܟܬܒܐ ܕܡܢ ܫܡܝܐ ܢܚܼܬ ܥܠܘܗܝ܀ ܘܗܼܘ ܐܡܪ. ܡܘܕܐ ܐܢܐ܀ ܘܬܘܒ ܐܡܪ ܠܗܼ ܕܡܘܕܐ ܐܢܬ ܕܥܣܐ ܡܠܬܗ ܘܪܘܚܗ ܕܐܠܗܐ ܗܼܘ. ܘܢܒܝܐ ܗܼܘ. ܘܠܘ ܐܠܗܐ ܗܼܘ. ܘܥܢܐ ܘܐܡܪܼ ܐܝܢ܀ ܘܟܕ ܗܟܢܐ ܒܟܠܗܝܢ ܐܟܦܪܗ ܒܨܒܝܢܗ ܛܒܐ. ܡܛܠ ܕܠܐ ܡܬܕܒܪ ܗܘܐ ܚܕ ܡܢܗܘܢ ܩܛܝܪܐܝܬ ܠܡܟܦܪ ܒܗܝܡܢܘܬܗ ܡܢ ܐܢܫ. ܐܠܐ ܐܢ ܡܢ ܐܟܠܩܪܨܐ ܐܒܘܗܘܢ. ܟܕ ܣܓܝ̈ܐܐ

Page 391

ܡܢܗܘܢ ܕܠܐ ܥܠܬܐ ܕܡܕܡ ܟܦܪ. ܗܝܕܝܢ ܦܩܕ ܠܗܼ ܕܩܛܘܥ ܚ̈ܨܝܟܼ ܘܨܠܐ ܠܬܝܡܢܐ܀ ܐܠܗܐ ܕܝܢܼ ܗܿܘ ܕܠܐ ܡܢܬ ܠܗ ܡܢ ܡܫܠܡܢܐ ܕܢܫܝܓ ܠܗ ܪ̈ܓܠܘܗܝ. ܘܐܦ ܕܢܫܬܘܦܗ ܒܝܕ ܚܫܡܝܬܐ ܕܐܙ̈ܢܝܬܐ. ܐܠܐ ܘܝܬܝܪܐ ܠܒܪ ܡܢ ܫ̈ܠܝܚܐ ܝܗܒ ܠܗ ܠܚܡܐ ܨܒܝܥܐ ܘܫܪܝܐ. ܘܚܘܝܗ ܒܝܕ ܨܒܥܐ ܕܗܢܘ ܡܫܠܡܢܐ. ܗܟܢܐ ܘܐܦ ܠܗܢܐ ܕܘܝܐ ܥܒܕ ܐܠܗܐ. ܘܬܝܪ ܡܢ ܕܐܬܒܣܪܬ ܡܢܗ ܪܘܚܐ ܕܠܒܫ ܡܢ ܡܥܡܘܕܝܬܐ. ܐܬܒܣܪ ܗܼܘ ܡܢ ܪܘܚܐ ܩܕܝܫܐ ܘܥܒܕ ܕܘܚܠܐ ܠܚܪ̈ܢܐ. ܐܝܟܢܐ ܕܐܦ ܚܢܢ ܒܗܿ ܒܕܡܘܬܐ ܠܗ ܡܚܙܝܬܐ ܣܝܡܝܢܢ ܠܕܪ̈ܐ ܕܡܢ ܒܬܪܢܼ ܕܟܠܗܘܢ ܡܗ̈ܝܡܢܐ ܕܩܪܝܢ ܒܟܬܒܐ ܗܢܐܼ ܢܚܙܘܢ ܡܘܢ ܓܕܫܗ ܠܕܘܝܐ. ܘܢܙܗܪܘܢ ܒܡܘܗܒܬܐ ܕܢܣܒܘܼ ܕܕܠܐ ܐܦ ܠܘܬܗܘܢ ܗܟܢܐ ܬܓܕܫ. ܟܕ ܩܛܥ ܚ̈ܨܘܗܝ ܘܒܪܓ ܕܢܨܐܼ ܐܫܬܓܫ ܦܓܪܗ ܘܥܡ ܓܗܢܬܗ ܢܦܩܬ ܡܢ ܦܘܡܗ ܒܕܡܘܬ ܝܘܢܐ ܚܘܪܬܐ ܡܕܡ ܫܦܝܪܬܐܼ ܘܐܬܥܠܝܬ ܠܡܫܝܐ. ܗܼܘ ܕܝܢ ܗܢܐ ܕܘܝܐܼ ܟܕ ܚܙܐ ܠܗܕܐ ܐܝܠܝܠ ܒܕܡܘܬ ܐܢܬܬܐ ܩܫܝܐܝܬ ܘܐܙܥ ܐܢܘܢ ܠܟܠܗܘܢ ܗܢܘܢ ܕܬܡܢ: ܟܕ ܐܡܪ: ܘܝ ܠܝ. ܘܝ ܠܝ. ܘܝ ܠܝ. ܡܘܢ ܓܕܫ ܒܝ. ܘܟܕ ܫܠܝܘܗܝ ܡܢ ܓܥܬܗܼ. ܐܡܼܪ ܩܕܡ ܟܠܢܫ ܡܕܡ ܕܚܙܐ ܘܓܕܫܗ. ܘܐܦ ܩܕܡ ܟܠܢܫ ܡܬܢܐ ܗܘܐ ܓܠܝܐܝܬ ܥܡ ܕܡ̈ܥܐ ܣܓܝ̈ܐܬܐ. ܠܝ ܕܝܢ ܡܿܢ ܗܠܝܢ ܕܫܡܥ ܡܢ ܦܘܡܗܼ ܬܢܝܘ ܠܝ. ܘܡܛܠ ܕܠܘ ܣܓܝ ܐܝܬܝ ܗܘܬܝ ܒܨܦܬܗܿ ܕܥܠܬܐ ܗܕܐܼ ܒܙܒܢܐ ܗܿܘܼ. ܛܥܿܝܬ ܫܡܗ ܕܓܒܐܼ ܘܕܒܪ ܡܢܘ ܘܐܦ ܕܩܪܝܬܗ܀ ܥܠ ܗܢܐ ܕܘܝܐ ܘܕܐܝܠܝܢ ܕܐܟܘܬܗ ܥܒܕ ܐܡܪ ܟܬܒܐ ܕܐܝܠܠܘ ܘܐܪܩܕܘ ܘܥܒܕ ܡܪܘܕܬܐ ܐܝܟ ܕܒܪܬ ܝܪܘܪܐ. ܒܗܿ ܝܕܢܦܩܬ ܪܘܚܐ ܩܕܝܫܐܼ ܡܪܬܐܼ ܘܥܠܼܬ ܪܘܞܚܐ ܛܢܦܐܼ ܐܡܬܐ. ܐܝܟ ܕܐܡܪ ܟܬܒܐ܀ ܬܘܒ ܕܝܢ ܘܡܛܠ ܩܫܝܫܐ ܚܕ ܡܢ ܐܪܥ ܕܚܪܢܼ ܐܡܪܝܢ ܕܟܕ ܩܛܥ ܚ̈ܨܘܗܝܼ ܘܨܒܐ

Page 392

ܕܢܨܠܐܼ ܚܙܐ ܓܒܪ̈ܐ ܬܪ̈ܝܢ ܠܘܬ ܒܠܒܘܫܐ ܡܦܪܓܐܼ. ܚܕ ܡܢ ܗܢܐ ܓܒܐ ܘܚܕ ܡܢ ܗܢܐ. ܘܐܡܪ ܕܐܬܓܗܢ ܬܪ̈ܝܗܘܢ ܫܘܐܝܬ. ܘܚܙܐ ܕܐܝܟ ܗܘ ܕܠܒܘܫܐ ܡܕܡ ܡܦܪܓܐ ܐܫܠܚܘܗܝ ܡܢ ܫܠܝ ܘܐܬܥܠܝܘ ܠܡܫܝܐ. ܗܟܢܐ ܐܦ ܗܢܐ ܐܝܠܠ ܥܡ ܢܒܝܐ ܐܫܥܝܐܼ. ܕܡܫܠܚ ܐܢܐܼ ܘܫܩܝܠ ܡܢܝ ܟܠܗ ܫܘܒܚܐ ܕܠܒܿܫܬ ܡܢ ܓܘ ܡܝ̈ܐ. ܐܡܪ ܕܝܢ ܩܕܝܫܐ ܐܫܥܝܐܼ. ܕܒܗ ܒܝܘܡܐ ܗܿܘ ܕܟܦܪ ܚܕ ܡܢܗܘܢܼ ܢܥܒܪ ܡܪܝܐ ܡܢܗ ܫܒܘܚܐ ܕܢܚܬܗܼ ܘܢܣܝܡܘܢ ܡܢܬܗ ܥܡ ܒܝ̈ܫܐ܀ ܚܙܝ ܐܘ ܡܗܝܡܢܐܼ ܟܕ ܒܝܕ ܕܚܠܐ ܪܒܐ ܗܘܐ ܐܢܬ ܐܫܪ ܠܡܕܡ ܕܟܬܝܒ. ܘܗܝܢܡ ܐܦܢ ܠܢܒ̈ܝܐ. ܘܐܦ ܐܣܬܟܠ ܕܥܒܼܕܐ ܠܐ ܡܫܟܚ ܠܬܪ̈ܝܢ ܡܪ̈ܘܢ ܠܡܦܠܚ.. ܗܢܘ ܕܝܢ ܠܘܪܚܐ ܩܕܝܫܐܼ ܘܪܘܚܐ ܛܢܦܐ. ܘܠܐ ܡܨܝܐ ܕܢܥܡܪܼ ܡܿܠܟܐ ܘܥܒܼܕܐ ܒܚܕ ܒܝܬܐ. ܘܐܠܐ ܠܐ ܥܡܪ ܒܢܦܫܐ ܕܟܦܪܐ ܒܗܼ ܘܡܘܕܝܐ ܒܣܛܢܐ܀ ܘܡܛܠ ܗܿܝ ܕܐܝܟܢܐ ܬܘܒ ܩܢܘ ܫܡܐ ܕܐܝܕܘܠܝ ܙܕܩ ܐܡܪܼ. ܘܗܝܕܝܢ ܐܫܢܐ. ܟܕ ܕܝܢ ܢܚܬܝܢ ܓܘܕ̈ܐ ܓܘܕ̈ܐ ܪܘܪ̈ܒܬܐ ܘܬܡ̈ܝܗܬܐ ܠܘܬ ܟܦܪܘܬܐܼ ܘܟܬܒܝܢ ܗܘܘ ܠܫܡܗ̈ܝܗܘܢ ܒܕܝܦܛܘܟܢ. ܘܒܬܪܟܝܢ ܨܒܝܢ ܗܘܘ ܕܢܥܕܪܘܢ ܐܢܘܢ. ܘܩܪܝܢ ܗܘܘ: ܐܝܢ ܦܠܢ ܐܒܢܝ ܦܠܢܝ. ܘܗܢܘܢ ܕܝܢ ܒܝܕ ܕܓܠܙܝܢ ܗܘܘ ܡܢ ܝܕܥܬܐ ܕܠܫܢܿܐ ܗܢܐ ܛܝܝܐ. ܥܢܝܢ ܗܘܘ ܘܐܡܪܝܢܼ ܗܢܐ ܐܝ ܕܘܠܝ ܡܪܝ ܗܕܘܠܝ. ܘܡܢ ܥܠܬܐ ܗܕܐ ܐܫܟܚܘ ܠܗܘܢ ܫܡܐ ܕܙܕܩ ܠܗܘܢ ܘܦܪܫ ܠܗܘܢ ܡܢ ܟܠ ܥܡ̈ܡܝܢ ܠܟܘܦܪ̈ܐ. ܫܠܡ ܫܪܒܐ ܕܥܠ ܟܦܘܪ̈ܐ.

ܬܘܒ ܕܥܠ ܣܗܕܐ ܩܘܪܝܣ ܗܿܘ ܕܗܘ ܥܠܬܐ ܠܫܪܒܐ ܗܢܐ܀ ܟܕ ܕܝܢ ܐܫܬܠܛܬ ܛܘܥܝܝ ܕܚܢܦܘܬܐ ܥܠ ܐܪܥܐ ܘܩܛܪ ܚܫܘܟܐ ܘܥܡܛܢܐ ܕܐܟܠܩܪܨܐ ܥܠ ܟܠܗ ܓܒܐ ܕܡ̈ܗܝܡܢܐ. ܘܗܘ[ܝܢ] ܡـ[ـܘܝܩܐ] ܘܒܘܙܚܐ

Page 393

ܠܟܠܗܘܢ ܚܢ̈ܦܐ. ܘܒܥܠܕܒـ[ـܒܐ ܐ . . . . ] ܡـ[ . . ] ܒܢ ܐܟܠܩܪܨܐ ܪܦܣ ܒܪ̈ܓܠܘܗܝ ܘܐܦܛܪ ܒܣـ[ܦ̈ܘܬܗ.] ܥـ[ـܘܠܐ] ܐܢܝܕ ܒܪܝܫܗ. ܘܐܡܪ ܠܗ ܐܠܗܐܼ ܚܙܬ ܒܗܘܢ ܥܝܢܝ. ܡـ[ـܛܠ] ܕܐ[ܫܟܚܬ] ܐܝܕܝ ܐܝܟ ܩـ[ـܢܐ] ܠـ[ـܚܝܠـ]ـܐ ܕܥܡ̈ܡܐ. ܘܐܡܪ ܠܟܠܗ ܓܒܐ ܕܣܡܠܐ ܕܒ̈ܢܝ ܚܘܫܟܐ ܕܚܒܪ̈ܘܗܝ. ܕܗܢܘ ܝܘܡܐ ܕܗܘܐ ܠܢ ܠܕܝܨܐ ܘܠܪܘܙܐ ܘܠܚܕܘܬܐ. ܐܠܐ ܪܕܘܦ ܐܢܘܢ ܘܐܕܪܟ ܐܢܘܢ. ܘܐܢܫ ܡܢܗܘܢ ܠܐ ܢܬܦܠܛ. ܡܛܠ ܕܐܪܦܝ ܒܗܘܢ ܐܠܗܗܘܢ ܐܝܕܐ. ܘܐܠܐܼ ܐܝܢܘ ܢܫܘܙܒ ܐܢܘܢ ܡܢ ܐܝ̈ܕܝ. ܕܗܐ ܥܕ ܩܠܝܠ ܕܠܐ ܩܛܝܪܐ ܕܕܝ̈ܢܐ ܐܘ ܫܢ̈ܕܐ ܘܡ̈ܚܘܬܐ ܘܦܘܣܩܐ ܕܗܕ̈ܡܐ. ܘܕܘܚܠܐ ܕܢܘܪܐ. ܘܕܠܐ ܒܘܣܒܣܐ ܕܡܢ ܚܝ̈ܘܬܐܼ. ܐܬܝܢ ܟܠܗܘܢ ܠܨܒܝܢܝ ܘܠܣܓܕܬܝ. ܘܟܦܝܪ ܠܗܘܢ ܒܗܿܘ ܕܡܢ ܩܕܝܡ ܪܕܦ ܠܢ ܒܝܕ ܦܫܛ ܐܝ̈ܕܘܗܝ ܕܒܙܩܝܦܐ. ܘܩܪܝܒ ܕܢܗܘܐ ܠܢ ܐܝܩܪܐ ܒܥܠܡܐܼ ܐܝܟ ܡܐ ܕܡܢ ܩܕܝܡ ܐܝܬܝܢ ܩܕܡ ܡܬܝܬܗ ܕܒܪ ܡܪܝܡ ܕܠܥܠܡܐ܀ ܘܟܕ ܒܗܢܐ ܫܘܒܗܕܐ ܘܦܘܩܩܐ ܣܓܝܐܐ ܡܬܢܒܪܫ ܗܐܘ ܐܟܠܩܪܨܐ ܒܨܒܝܢܗ ܟܕ ܡܣܒܪ ܕܥܠ ܩܠܝܠ ܡܥܠ ܠܥܡܐ ܐܦ ܣܓܕܬ ܦܬܟܪ̈ܐ܀ ܐܠܗܐ ܕܝܢ ܗܿܘ ܕܒܟܙܠܢ ܒܛܝܠ ܠܗ ܥܠ ܓܢܣܐ ܐܢܫܝܐܼ ܘܠܐ ܡܡܬܘܡ ܐܗܡܝ ܡܢ ܐܕܡ ܘܝܕܠܗ. ܟܕ ܡܢ ܫܘܪܝܐ ܓܒܠ ܠܒܪܢܫܐ ܩܕܡܝܐ ܡܢ ܐܕܡܬܐܼ ܘܢܨܼܿܒ ܠܗ ܦܪܕܝܣܐ ܠܒܘܣܡܗ. ܘܫܠܝܛܐ ܥܠ ܟܠܗܿ ܒܪܝܬܐ ܐܩܣܡܗ. ܘܟܕ ܫܪܥ ܘܥܒܪ ܦܘܩܕܢܐ ܠܐ ܫܒܩܗܼ. ܐܠܐ ܐܝܟ ܐܒܐ ܫܦܝܪ ܪ̈ܚܡܐܼ ܪܕܝܗܝ ܘܩܪܝܗܝ ܒܝܕ ܢܡܘܣܐ. ܘܐܪܬܝܗ ܒܝܕ ܢ̈ܒܝܐ ܘܐܒ̈ܗܬܐ. ܘܠܚܪܬܐ ܠܗ ܠܝܚܕܝܗ ܫܕܪ ܠܦܘܪܩܢܗ ܕܐܕܡ. ܕܠܨܠܡܐ ܕܝܠܗ ܢܚܬ ܘܢܣܒ ܕܡܘܬܐ ܕܥܒܕܐ. ܘܗܘܐ ܐܟܘܬܢ

Page 394

ܡܢܢ ܡܛܠܬܢ: ܘܒܟܠܡܕܡ ܐܬܕܡܝ ܠܢܼ ܣܛܪ ܡܢ ܚܛܝܬܐ. ܘܬܪܥ ܣܝܓܐ ܕܒܥܠܕܒܒܘܬܐ ܥܬܝܩܬܐ. ܘܪܝܚ ܡܨܘܬܐ ܒܝܫܬܐܼ. ܗܿܝ ܕܐܪܡܝ ܚܘܝܐ ܒܓܢܬܐ ܘܐܪܓܙ ܠܒܢܝ̈ܢܫܐ ܡܢ ܐܠܗܐ. ܘܚܝܕ ܐܢܘܢ ܠܢܒ̈ܢܫܐ ܠܐܠܗܐ. ܘܝܗܒ ܚܨܗ ܠܡܚ̈ܘܬܐ ܘܠܢܓܕ̈ܐ. ܘܐܦܘ̈ܗܝ ܠܫܘ̈ܩܦܐ. ܘܦܪܨܘܦܗ ܬܩܢ ܠܘܬ ܒܙܚܐ ܕܡܢ ܪ̈ܘܩܐ. ܘܣܝܒܪ ܟܠܗܝܢ ܡܢ ܝܗܘ̈ܕܝܐ ܘܪ̈ܗܘܡܝܐܼ ܐܝܟ ܥܿܒܕ ܒܝ̈ܫܬܐ. ܘܐܬܡܢܝ ܥܡ ܥܘ̈ܠܐ. ܘܐܬܕܒܪ ܠܘܬ ܙܩܝܦܐܿ ܐܝܟ ܩܛܘܠܐ ܘܥܒܕ ܒܝ̈ܫܬܐ. ܘܣܡ ܠܗ ܟܠܝܠܐ ܕܓܕܝܠ ܡܢ ܟܘܒ̈ܐܼ ܕܢܥܩܘܪ ܠܟܠܗܘܢ ܟܘܒ̈ܐ ܕܐܘܥܝܬ ܠܘܛܬܐ ܗܿܝ ܕܠܘܬ ܐܕܡ. ܐܠܒܟܘܗ ܩܢܝܐܼ. ܡܛܠ ܗܿܝ ܕܢܟܬܘܒ ܠܐܕܡ ܚܘܪܪܐ ܕܐܫܛܪ ܚܘ̈ܒܬܗ. ܐܫܩܘܗܝ ܡܪܪܐܼ. ܕܢܚܠܐ ܐܢܘܢ ܠܡܪ̈ܪܐ ܕܡܙܓ ܒܥܠܕܒܒܐ ܠܒܢܝ̈ܢܫܐ ܡܢ ܫܘܪܝܐ. ܘܒܙܥ ܐܝܕ̈ܘܗܝ ܘܪ̈ܓܠܘܗܝ. ܘܬܪܥ ܣܛܪܗ ܒܪܘܡܚܐܼ. ܘܪܕܘ ܡܢ ܕܡܐ ܘܡ̈ܝܐ. ܡܛܠ ܫܝܓܬܐ ܕܐܕܡ ܘܝܠܕܘܗܝ ܕܡܢ ܚܛܗ̈ܐ. ܘܐܦܢܝ ܠܟܠܗܿ ܫܒܝܬܐ ܕܕܒܪ ܒܝܫܐ ܒܚܣܡܗ. ܘܝܗܒ ܠܗܘܢ ܦܓܪܗ ܠܡܐܟܠ ܘܕܡܗ ܠܡܫܬܐ ܕܒܗ ܐܡܝܢܐܝܬ

[folia desiderantur]