ܬܘܒ ܟܬܒܝܢܢ ܟܬܒܐ
ܕܢܒܝܘܬܗ ܕܝܘܢܢ
ܦܪܘܡܝܘܢ
ܗ̇ܢܐ ܡ̣ܢ ܓܕܺܝܦܳܪ ܕܩܰܪܺܝܒܐ ܠܥܐܙܐ ܘܠܐܱܫܩܠܘܢ ܐܝ̣ܬܘܗܝ. ܘܟܕ ܠܐ ܩܳܡܰܬ݀ ܢܒܺܝܘܬܶܗ ܒܰܥܒܳܕܐ. ܕܚܶܠ ܡ̣ܢ ܚܶܣܕܐ ܕܝܗܘ̈ܕܝܶܐ ܘܕܰܒܪܗ̇ ܠܐܡܗ ܘܶܐܙܰܠ ܥܡܰܪ ܒܨܽܘܪ. ܘܡܪܝ ܐܰܦܪܝܡ ܐܡ̇ܪ: ܕܗܽܘܝܘ ܒܪܗ̇ ܕܰܐܪܡܰܠܬܐ ܕܡ̣ܢ ܨܪܦܰܬ ܕܐܚܝܶܗ ܐܶܠܝܐ. ܘܰܦܢܐ ܬܘܒ ܠܺܝܗܘܕ ܘܬܰܡܢ ܡܺܝܬ ܘܶܐܬܩܒܰܪ ܒܰܡܥܰܪܬܐ ܕܩܰܢܳܐ. ܘܰܒܛܽܘܦܣܐ ܕܺܝܰܬܺܝܩܺܝ ܚܕܰܬܐ: ܒܥܰܡܡ̈ܐ ܘܠܰܘ ܒܥܰܡܐ ܐܰܟܫܪܰܬ݀ ܢܒܺܝܘܬܗ܀ ܝܰܘܢܢ ܗ̄ ܒܥܽܘܬܐ܀
ܩܦܠܐܘܢ ܩܕܡܝܐ
2- ܙܶܠ ܠܢܺܝܢܘܶܐ ܗ̄ ܒܰܫܢܰܬ ܬܰܪܬܶܝܢ ܕܥܽܘܙܝܐ ܐܶܙܰܠ܀
3- ܘܩܳܡ ܝܰܘܢܢ ܠܡܶܥܪܰܩ ܠܬܰܪܫܺܝܫ ܗ̄ ܠܛܰܪܣܽܘܣ. ܠܘ ܟܕ ܠܐ ܝܳܕܥ ܕܰܒܟܠ ܕܽܘܟ ܐܝ̣ܬܰܘܗܝ ܐܰܠܗܐ ܥܪܰܩ ܡ̣ܢ ܩܕܳܡܰܘܗܝ: ܐܠܐ ܟܕ ܐܰܪܓܶܫ ܕܛܰܝܒܘܬܐ ܡ̣ܢ ܥܰܡܐ ܠܘܬ ܥܰܡܡ̈ܐ ܥܳܒܪܐ܀ ܠܐ ܨܒܳܐ ܕܒܺܐܝ̈ܕܰܘܗܝ ܢܗܶܐ ܫܽܘܢܝܐ ܕܐܝܟ ܗ̇ܢܐ܀ ܕܢܰܩܠܘܢ ܡܢܗܘܢ ܗ̄ ܠܝܽܘܩܪܐ܀
5- ܝܰܘܢܢ ܕܝܢ ܢܚܶܬ ܠܗ ܠܐܶܫܬܗ̇ ܕܶܐܠܦܐ ܒܩܽܘܫܳܝ ܬܰܘ. ܘܰܕܡܶܟ܀
ܩܦܠܐܘܢ ܕܬܪܝܢ
10- ܘܰܦܩܰܕ ܡܪܝܐ ܠܢܽܘܢܐ: ܘܦܰܠܛܶܗ ܠܝܰܘܢܢ ܠܝܰܒܫܐ ܗ̄ ܐܰܝܟܐ ܕܒܰܠܥܶܗ ܬܰܡܢ ܓܣܳܝܗܝ ܘܠܰܘ ܒܩܰܪܺܝܒܘܬܐ ܕܐܳܬܘܪ ܒܕܶܩܠܰܬ ܐܝܟ ܕܐܡܪܝܢ ܐܢܳܫ̈ܝܢ. ܘܝܺܕܝܥܐ ܗܳܕܐ ܡ̣ܢ ܗ̇ܝ: ܕܩܽܘܡ ܙܶܠ ܠܢܺܝܢܘܶܐ ܐܡ̣ܪ ܠܗ ܐܠܗܐ܀
ܩܦܠܐܘܢ ܬܠܝܬܝܐ
3- ܘܢܺܝܢܘܶܐ ܡܕܺܝܢ̱ܬܐ ܗܘܳܬ ܪܰܒܬܐ ܠܐܠܗܐ: ܡܰܪܕܐ ܬܠܳܬܐ ܝܰܘܡ̈ܝܢ ܟܕ ܚܳܕܰܪ ܐܢܳܫ܀ ܒܟܠ ܕܳܪܬܐ ܕܪ̈ܺܝܫܢܐ ܕܰܬܚܶܝܬ ܪܺܝܫܐ ܐܰܫܡܥܗ̇ ܠܟܳܪܘܙܽܘܬܐ܀
4- ܘܫܰܪܺܝ ܝܰܘܢܢ ܠܡܶܥܰܠ ܠܢܺܝܢܘܶܐ ܡܰܪܕܶܐ ܝܰܘܡܐ ܚܕ ܗ̄ ܡ̣ܢ ܕܽܘܟܬܐ ܕܚܰܕ ܝܰܘܡܐ ܦܳܫ ܠܗ ܕܢܶܥܽܘܠ ܫܰܪܺܝ ܠܡܰܟܪܙܽܘ܀ ܘܰܐܟܪܶܙ ܘܶܐܡ̣ܪ: ܡܶܟܐ ܠܐܰܪܒܥܺܝܢ ܝܰܘܡ̈ܝܢ ܢܺܝܢܘܶܐ ܡܶܬܗܰܦܟܐ܀ ܝܰܘܢܝܐ: ܬܘܒ ܬܠܳܬܐ ܝܰܘܡ̈ܝܢ ܘܢܺܝܢܘܶܐ ܡܶܬܗܰܦܟܐ ܐܡ̇ܪ. ܘܐܡܪܺܝܢܢ: ܬܰܪ̈ܬܰܝܗܶܝܢ ܫܰܪܺܝܪ̈ܢ: ܡܶܟܐ ܠܡ ܠܐܰܪܒܥܺܝܢ ܝܰܘܡ̈ܝܢ ܐܡ̣ܪ: ܥܰܡܗ̇ ܕܗ̇ܝ ܕܶܐܬܓܣܺܝ ܡ̣ܢ ܢܽܘܢܐ ܘܫܰܪܝ ܠܡܶܪܕܐ ܒܐܘܪܚܳܐ. ܘܡܶܟܐ ܠܰܬܠܬܐ ܝܰܘܡ̈ܝܢ ܐܡ̣ܪ: ܒܗ ܒܝܰܘܡܐ ܕܥܠ ܠܗ̇܀
5- ܘܗܰܝܡܶܢܘ ܐܢܳܫܝ̈ܗ̇ ܕܢܺܝܢܘܶܐ ܒܰܐܠܗܐ ܗ̄ ܐܦ ܐܳܬܘ̈ܬܐ ܬܗܺܝܪ̈ܬܐ ܕܒܰܪ̈ܩܶܐ ܘܪ̈ܰܥܡܐ ܘܥܰܡܛܳܢܐ ܘܢܝܳܕܐ ܕܰܐܪܥܐ ܢܩܶܦ̈ܝ ܠܟܪܽܘܙܽܘܬܶܗ: ܕܗܳܟܢܐ ܩܰܫܝܐܝܬ ܢܶܦܠܰܬ݀ ܕܶܚܠܬܐ ܥܠܰܝܗܘܢ܀
ܩܦܠܐܘܢ ܪܒܝܥܝܐ
7- ܠܰܫܪܽܘܪܐ ܕܩܰܪܐܐ ܒܰܫܠܝ ܫܺܝܢ ܗ̄ ܢܶܒܓܐ ܪܰܥܕܐ܀ ܒܡܰܣܳܩ̈ܝ ܫܰܦܪܐ ܒܰܙܩܦ ܣܶܡܟܰܬ܀
8- ܘܨܶܚܰܬ݀ ܫܶܡܫܐ ܒܰܪܒܨ ܨܳܕܶܐ܀ ܘܩܰܛܡܬܶܗ ܗ̄ ܐܝܟ ܩܶܛܡܐ܀
11- ܕܠܐ ܝܕܥܺܝܢ ܒܶܝܬ ܝܰܡܝ̣ܢܗܘܢ ܠܣܶܡܠܗܘܢ ܗ̄ ܠܐ ܝܶܗܒܶܬ ܠܗܘܢ ܢܳܡܘܣܐ ܡܗܰܕܝܢܐ ܐܝܟ ܕܰܠܥܶܒܪ̈ܝܐ܀
ܫܠܡܬ݀ ܢܒܝܘܬܗ ܕܝܘܢܢ ܢܒܝܐ