9- طقس رسامة الرهبان

ܛܶܟ̊ܣܳܐ 

ܕ̥ܣܽܘ̣ܦܳܪ ܕ̊ܰܝܪ̈ܳܝܶܐ 

ܢܽܘ̣ܗܳܪܳܐ:

ܫܰܪܘܳܝܳܐ ܕ̥ܡܶܬ̊ܛܰܝܰܒ ܕܰ̊ܢܩܰܒ̊ܶܠ ܠܶܐܣܟ̊ܺܝܡܳܐ ܕ̥ܕܰܝܪܳܝܽܘ̣ܬ̥ܳܐ܆ ܒܫܽܘ̣ܪܳܝ ܩܽܘ̣ܪܳܒܳܐ ܐܰܠܳܗܳܝܳܐ܆ ܪܺܝܫܕ̊ܰܝܪܶܗ ܐܰܘ ܡܫܰܒܠܳܢܶܗ ܪܽܘ̣ܚܳܢܳܝܳܐ ܐܳܚܶܕ̥ ܒܺܐܝܕ̥ܶܗ ܕ̊ܝܰܡܺܝ̣ܢܳܐ ܠܡܶܣܰܒ ܒܽܘ̣ܪܟ̊ܬ̥ܳܐ ܡܶܢ ܝܰܡܺܝ̣ܢܶܗ ܕ̊ܪܺܝܫ ܟ̊ܳܗ̈ܢܶܐ ܘܡܰܚܶܬ̥ ܠܶܗ ܠܰܡܩܳܡ ܩܕ̥ܳܡ ܕܰܪܓ̥ܳܐ ܕ̥ܡܰܕ̥ܒ̊ܚܳܐ ܩܰܕ̊ܺܝ̣ܫܳܐ܆ ܟ̊ܰܕ̥ ܓ̊ܗܺܝ̣ܢ ܘܰܓ̥ܠܶܐ ܪܺܝܫܶܗ. ܘܰܠܒܽܘܫܰܘܗ̈ܝ ܚܰܕ̥̈ܬ̥ܶܐ ܕ̥ܰܥܬ̥ܺܝܕ̥ܽ ܗ̱ܘ ܠܡܶܥܛܰܦ ܐܶܢܽܘ̇ܢ ܒܙܰܒܢܳܐ ܕ̥ܣܽܘ̣ܦܳܪܳܐ ܡܶܬ̊ܬ̊ܣܺܝ̣ܡܺܝ̣ܢ ܠܬ̥ܰܚܬ̊ ܡܶܢ ܓ̊ܳܓ̥ܽܘ̣ܠܬ̊ܳܐ ܕ̥ܶܐܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ. ܟ̊ܰܕ̥ ܚܳܐܰܪ ܥܕ̥ܰܡܳܐ ܕ̥ܢܶܣܬ̊ܰܦܰܪ. ܘܗܽܘ ܗܳܢܳܐ ܛܶܟ̊ܣܳܐ ܡܶܫܬ̊ܰܡܠܶܐ ܗ̱ܘܳܐ ܒܙܰܒ̈ܢܶܐ ܩܰܕ̥ܡܶـ̈ܐ ܐܳܦ ܒܝܰܕ̥ ܪ̈ܺܝܫܰܝ ܕܰܝܪ̈ܳܬ̥ܳܐ܆ ܐܶܠܳܐ ܝܰܘܡܳܢܳܐ ܒܝܰܕ̥ ܪܺܝܫ ܟ̊ܳܗ̈ܢܶܐ ܡܶܫܬ̊ܰܡܠܶܐ ܠܶܗ ܒܥܺܕ̊ܬ̊ܳܐ܆ ܟ̊ܰܕ̥ ܠܒܺܝ̣ܫ ܟ̊ܽܠܶܗ ܛܶܟ̊ܣܶܗ܀

ܪܺܝܫܟܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܘܰܥܠܰܝܢ ܡܚܺܝ̣̈ܠܶܐ ܘܚܰܛܳܝ̈ܐ܆ ܪ̈ܰܚܡܶܐ ܘܰܚܢܳܢܳܐ ܢܶܫܬ̊ܰܦܥܽܘ̣ܢ ܒܰܬ̥ܪ̈ܰܝܗܽܘ̇ܢ ܥܳܠ̈ܡܶܐ ܠܥܳܠܰܡ ܥܳܠܡܺܝܢ ܐܰܡܺܝܢ.

 

ܨܠܽܘ̇ܬ̥ܳܐ ܕ̥ܫܽܘ̣ܪܳܝܳܐ

 

ܩܰܕ̊ܺܝ̣ܫܳܐ ܘܪܳܚܶܡ ܩܰܕ̊ܺܝ̣̈ܫܶܐ ܘܡܶܬ̊ܬ̊ܢܺܝ̣ܚ ܒܩܰܕ̊ܺܝ̣̈ܫܶܐ. ܐܰܠܳܗܳܐ ܩܰܕ̊ܺܝ̣ܫ ܒܟ̥ܽܠ܆ ܩܰܒܶܠ ܠܥܰܒ̥ܕ̊ܳܟ̥ ܗܳܢܳܐ ܕ̥ܶܐܬ̥ܦܪܶܫ ܠܩܰܕ̊ܺܝ̣ܫܽܘ̣ܬ̥ܳܐ ܕ̥ܰܠܘܳܬ̥ܳܟ̥. ܘܗܰܒ ܠܶܗ ܕܰ̊ܒܚܰܝ̈ܶܐ ܝܺܚܺܝ̈ܕ̥ܳܝܶܐ ܘܠܳܐ ܡܛܰܘ̈ܫܶܐ܆ ܢܶܫܬ̊ܘܶܐ ܕ̥ܢܶܗܘܶܐ ܩܰܪܺܝ̣ܒܳܐ ܠܰܐܠܳܗܽܘ̣ܬ̥ܳܟ̥܆ ܒܝܰܕ̥ ܥܒ̥ܳܕ̥ܰܘܗ̈ܝ ܫܰܦܺܝ̣ܪ̈ܶܐ. ܐܰܝܟ̥ ܕ̊ܫܳܦܰܪ ܠܨܶܒܝܳܢܳܐ ܕ̥ܰܐܠܳܗܽܘܬ̥ܳܟ. ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܘ̈ܗ̱ܝ. ܐܰܝܟ̥ ܫܡܽܘܐܶܝܠ ܕ̊ܶܐܫܬ̊ܘܺܝ ܕ̥ܢܶܗܘܶܐ ܒܕ̥ܽܘ̣ܝܳܪܳܐ ܕ̥ܡܰܫܟ̊ܢܳܟ̥ ܩܰܕ̊ܺܝ̣ܫܳܐ. ܒܰܬ̥ܪܺܝ̣ܨܽܘ̣ܬ̥ܳܐ ܘܰܒܕ̥ܰܟ̥ܝܽܘ̣ܬ̥ܳܐ ܕ̥ܠܶܒܳܐ. ܘܢܶܫܬ̊ܰܒܰܚ ܫܡܳܐ ܣܓ̥ܺܝ̣ܕ̥ܳܐ ܕ̥ܰܐܠܳܗܽܘ̣ܬ̥ܳܟ̥ ܡܶܛܽܠܳܬ̥ܶܗ. ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܩܰܕ̊ܺܝ̣ܫܳܐ ܠܥܳܠܰܡ ܥܳܠܡܺܝ̣ܢ ܐܰܡܺܝ̣ܢ܀

اَيّها القدوس ومحِبُّ القديسين والمبتهج بالقديسين، اللهمَّ الكليّ القداسة، اقبلْ عبدَكَ هذا الذي انتمى اليك رغبةً في القداسة التي من لَدُنِك. وأعطِهِ أن يحيا حياةً روحيةً صالحةً فيستحقَّ أن يكونَ كلَّ أيام حياته بأعماله الحميدة مجاوراّ لألوهيتك لكي يحظى برضاك ويعملَ بمشيئتك الألهيًة على مثال صموئيل الذي أستحق أن يسكنَ هيكلَكَ المقدَّسَ بالأستقامة ونقاوة القلب. كي يتمجد بسببه إسم الوهيتك المسجود له. أيُها الآب والابن والروح القدس الى الأبد܀

 

ܥܶܢܝܳܢܳܐ ܕ̥ܪܰܚܶܡܥܠܰܝ [ܒܪܶܟ̥ܢܳܐ ܕ̥ܚܽܘ̣ܣܳܝܳܐ ܗܘܺܝ ܠܺܝ]

 

ܪܺܝܫܟ̊ܳܗ̈ܢܶܐ:

ܪܰܚܶܡܥܠܰܝ ܐܰܠܳܗܳܐ ܐܰܝܟ̥ ܛܰܝܒ̊ܽܘ̣ܬ̥ܳܟ̥܀

ܡܫܰܡ̈ܫܳܢܶܐ:

ܚܽܘ̣ܣܳܝܳܐ ܗܘܺܝ ܠܺܝ܆ ܐܰܢ̱ܬ̊ ܠܚܽܘ̇ܕ̥ܰܝܟ̊ ܣܰܓ̊ܺܝ ܪ̈ܰܚܡܶܐ ܐܰܠܳܗܳܐ. ܘܩܰܒܶܠܰܝܢܝ ܐܰܝܟ̥ ܕ̊ܰܠܗܰܘ ܒ̊ܪܳܐ ܐܳܣܽܘܛܳܐ ܘܪܰܚܶܡܥܠܰܝ܀

ܪܺܝܫܟ̊ܳܗ̈ܢܶܐ:

ܐܰܣܓ̊ܳܐ ܐܰܫܺܝܓ̥ܰܝܢܝ ܡܶܢ ܥܰܘܠܝ܀

ܡܫܰܡ̈ܫܳܢܶܐ:

ܐܰܒ̥ܳܐ ܩܰܕ̊ܺܝ̣ܫܳܐ܆ ܘܝܳܗܽܘܒܳܐ ܕ̥ܩܰܕ̊ܺܝ̣ܫܽܘ̣ܬ̥ܳܐ ܐܰܠܳܗܳܐ. ܩܰܕ̊ܶܫ ܒܛܰܝܒ̊ܽܘ̣ܬ̥ܳܟ̥܆ ܠܥܰܒ̥ܕ̊ܳܟ̥ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܡܰܘܗܰܒܬ̥ܳܟ̥ ܕ̊ܒܳܗ̇ ܢܶܬ̥ܩܰܕ̊ܰܫ [ܢܶܬ̥ܩܰܕ̊ܫܽܘ̣ܢ]܀

ܪܺܝܫܟ̊ܳܗ̈ܢܶܐ:

ܠܳܟ̥ ܒܰܠܚܽܘ̇ܕ̥ܰܝܟ̊ ܚܛܺܝܬ̥܀

ܡܫܰܡ̈ܫܳܢܶܐ:

ܒܪܳܐ ܕ̥ܰܒܡܰܘܗܰܒܬ̥ܶܗ܆ ܠܰܫܠܺܝ̣̈ܚܶܐ ܕ̥ܺܝܠܶܗ ܚܰܟ̊ܶܡ ܐܰܠܳܗܳܐ. ܚܰܟ̊ܶܡ ܒܡܰܘܗܰܒܬ̥ܳܟ̥܆ ܠܥܰܒ̥ܕ̊ܳܟ̥ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܪܽܘ̣ܚܳܟ̥ ܕ̊ܒܳܗ̇ ܢܶܬ̥ܚܰܟ̊ܰܡ [ܢܶܬ̥ܚܰܟ̊ܡܽܘ̣ܢ]܀

ܪܺܝܫܟ̊ܳܗ̈ܢܶܐ:

ܐܰܢ̱ܬ̊ ܕܶܝܢ ܒܩܽܘ̣ܫܬ̊ܳܐ ܨܒܰܝܬ̊܀

ܡܫܰܡ̈ܫܳܢܶܐ:

ܪܽܘ̣ܚܳܐ ܕ̥ܠܰܫܠܺܝ̈ܚܶܐ܆ ܒܠܶܫܳܢ̈ܐ ܕ̥ܢܽܘ̣ܪܳܐ ܚܰܟ̊ܶܡ ܐܰܠܳܗܳܐ. ܩܰܕ̊ܶܫ ܒܡܰܘܗܰܒܬ̥ܳܟ̥܆ ܠܥܰܒ̥ܕ̊ܳܟ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܪܽܘ̣ܚܳܟ̥ ܕ̊ܒܳܗ̇ ܢܶܬ̥ܩܰܕ̊ܰܫ [ܢܶܬ̥ܩܰܕ̊ܫܽܘ̣ܢ]܀

ܪܺܝܫܟ̊ܳܗ̈ܢܶܐ:

ܐܰܣܒܰܥܰܝܢܝ ܒܽܘ̣ܣܳܡܳܟ̥ ܘܚܰܕ̥ܽܘܬ̥ܳܟ̥܀

ܡܫܰܡ̈ܫܳܢܶܐ:

ܠܬ̥ܰܪ̈ܥܶܐ ܕ̥ܰܫܡܰܝ̈ܳܐ܆ ܬ̊ܶܦܬ̊ܰܚܝ ܛܰܝܒ̊ܽܘ̣ܬ̥ܳܟ̥ ܩܕ̥ܳܡܰܝܢ ܐܰܠܳܗܳܐ. ܘܰܐܓ̊ܶܢ ܝܰܡܺܝ̣ܢܳܟ̥܆ ܥܰܠ ܥܰܒ̥ܕ̊ܳܟ̥ ܕ̊ܰܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܳܗ̇ ܕ̊ܒܳܗ̇ ܢܶܬ̥ܒ̊ܰܪܰܟ̥ [ܢܶܬ̥ܒܰܪܟ̥ܽܘ̣ܢ]܀

ܪܺܝܫܟ̊ܳܗ̈ܢܶܐ:

ܠܶܒܳܐ ܕ̥ܰܟ̥ܝܳܐ ܒܪܺܝ ܒܺܝ ܐܰܠܳܗܳܐ܀

ܡܫܰܡ̈ܫܳܢܶܐ:

ܒܶܐܣܛܠܳܟ̥ ܢܶܨܛܰܒܰܬ̥܆ ܨܰܘܪܳܐ ܕ̥ܰܩܕ̥ܳܡܰܝܟ̊ ܪܟ̥ܺܝ̣ܢܽ ܗ̱ܘ ܐܰܠܳܗܳܐ. ܘܚܳܐܰܪ ܠܡܰܘܗܰܒܬ̥ܳܟ̥܆ ܕ̊ܒܳܗ̇ ܢܶܨܛܰܒܰܬ̥ ܒܨܶܒ̈ܬ̊ܶܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ܀

ܪܺܝܫܟ̊ܳܗ̈ܢܶܐ:

ܐܶܠܳܐ ܐܰܗܦܶܟ̥ ܠܺܝ ܒܽܘ̣ܣܳܡܳܟ̥ ܘܦܽܘ̣ܪܩܳܢܳܟ̥܀

ܡܫܰܡ̈ܫܳܢܶܐ:

ܟ̊ܶܢ̈ܫܶܐ ܫܡܰܝܳܢ̈ܶܐ܆ ܡܶܬ̥ܦܰܨܚܺܝ̣ܢ ܒܫܽܘ̣ܡܠܳܝ ܥܰܒ̥ܕ̊ܳܟ̥ [ܥܰܒ̥ܕ̊ܰܝ̈ܟ̊] ܐܰܠܳܗܳܐ. ܘܙܳܡܪܺܝ̣ܢ ܬ̊ܰܚ̈ܬ̊ܳܝܶܐ܆ ܬ̊ܶܫܒ̊ܽܘ̇ܚܬ̊ܳܐ ܠܰܕ̥ܚܰܠܛܶܗ [ܠܕ̥ܰܚܠܰܛ ܐܶܢܽܘ̇ܢ] ܒܶܝܬ̥ ܟ̊ܶܢܫܰܝ̈ܗܽܘ̇ܢ܀

ܪܺܝܫܟ̊ܳܗ̈ܢܶܐ:

ܦܰܨܳܢܝ ܡܶܢ ܕ̊ܡܳܐ ܐܰܠܳܗܝ ܐܰܠܳܗܳܐ ܕܦܽܘ̣ܪܩܳܢܝ܀

ܡܫܰܡ̈ܫܳܢܶܐ:

ܬ̊ܳܡܗܺܝ̣ܢ ܢܽܘ̣ܪ̈ܳܢܶܐ܆ ܟ̊ܰܕ̥ ܨܳܪܶܐ ܠܪܰܘܡܳܐ ܪܽܘ̣ܚܳܐ ܩܰܕ̊ܺܝ̣ܫܳܐ ܐܰܠܳܗܳܐ. ܘܢܳܚܶܬ̊ ܕܰ̊ܢܫܰܟ̊ܶܢ܆ ܡܰܘܗܰܒܬ̥ܳܐ ܒܺܐܝܕ̥ܰܝ̈ ܪܺܝܫܟ̊ܳܗ̈ܢܶܐ ܠܰܕ̥ܫܳܐܠܺܝ̣ܢ ܠܳܗ̇܀

ܪܺܝܫܟ̊ܳܗ̈ܢܶܐ:

ܡܶܛܽܠ ܕܠܳܐ ܨܒܰܝܬ̊ ܒܕܶܒ̈ܚܶܐ ܘܳܐܦܠܳܐ ܒܝܰܩ̈ܕܶܐ ܫܰܠ̈ܡܶܐ ܐܶܬ̥ܪܰܥܺܝܬ̊܀

ܡܫܰܡ̈ܫܳܢܶܐ:

ܠܳܐ ܡܶܣܬ̊ܰܝܟ̥ܳܢܳܐ܆ ܒܺܐܝܕ̥ܰܝ̈ܳܐ ܕ̥ܕܰܟ̥ܝ̈ܳܢ ܡܶܬ̊ܬ̊ܚܶܕ̥ ܪܽܘ̣ܚܳܐ ܐܰܠܳܗܳܐ. ܘܢܳܚܶܬ̊ ܕܰ̊ܢܫܰܟ̊ܶܢ܆ ܡܰܘܗܰܒܬ̥ܳܐ ܠܪܺܝܫܳܐ ܕ̥ܟ̥ܳܗ̈ܢܶܐ ܒܰܕ̥ܡܽܘ̣ܬ̥ ܐܰܗܪܽܘ̇ܢ܀

ܪܺܝܫܟ̊ܳܗ̈ܢܶܐ:

ܐܰܛܐܶܒ ܒܨܶܒܝܳܢܳܟ̥ ܠܨܶܗܝܽܘ̇ܢ ܘܰܒܢܺܝ ܫܽܘܪ̈ܶܝܗ̇ ܕܽܐܘ̇ܪܺܫܠܶܡ܀

ܡܫܰܡ̈ܫܳܢܶܐ:

ܡܕ̥ܰܟ̊ܝܳܢܳܐ ܕ̥ܚܰܘ̈ܒܶܐ܆ ܒܝܰܕ̥ ܡܰܓ̊ܢܳܢܽܘ̣ܬ̥ܶܗ ܕ̊ܪܽܘ̣ܚܳܐ ܐܰܠܳܗܳܐ܆ ܕ̊ܰܟ̊ܳܐ ܒܪܽܘ̣ܚܳܦܳܟ̥܆ ܠܥܰܒ̥ܕ̊ܳܟ̥ ܕܰ̊ܡܣܰܟ̊ܶܐ [ܠܥܰܒ̥ܕ̊ܰܝ̈ܟ̊ ܕܰܡܣܰܟ̊ܶܝܢ] ܠܫܽܘ̣ܡܠܳܝܳܟ̥܆ ܕ̊ܒܶܗ ܢܶܬ̊ܕ̊ܰܟ̊ܶܐ [ܢܶܬ̊ܕ̊ܰܟ̊ܽܘ̇ܢ]܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܫܽܘ̣ܒ̥̈ܚܶܐ ܬ̥ܠܺܝ̈ܬ̥ܳܝܶܐ܆ ܠܗܰܘ ܚܰܕ̊ ܕܰ̊ܬ̥ܠܳܬ̥ܰܐ ܗ̱ܘ ܘܚܰܕ̥ܽ ܗ̱ܘ ܐܰܠܳܗܳܐ܆ ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܩܽܘ̣ܕ̥ܫܳܐ܆ ܚܰܕ̥ ܐܰܠܳܗܳܐ ܫܰܪܺܝ̣ܪܳܐ ܕ̥ܠܶܗ ܣܳܓ̥ܕ̊ܺܝ̣ܢܰܢ܀

ܡܫܰܡ̈ܫܳܢܶܐ:

ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀

 

ܨܠܽܘ̇ܬ̥ܳܐ ܕ̥ܒܳܬ̥ܰܪ ܪܰܚܶܡܥܠܰܝ

 

ܐܰܠܳܗܳܐ ܕ̥ܰܒܨܶܒܝܳܢܳܐ ܛܳܒ̥ܳܐ ܘܰܒܪܶܬ̥ܚܳܐ ܕ̥ܚܽܘ̣ܒܶܗ ܐܶܬ̥ܢܰܩܰܦܬ̊ ܠܰܩܝܳܡܶܗ ܩܰܕ̊ܺܝ̣ܫܳܐ܆ ܢܰܫܘܶܝܟ̥ ܕ̊ܰܒܪܶܗܛܳܐ ܦܰܐܝܳܐ ܕ̥ܙܰܕܺܝ̣ܩܽܘ̣ܬ̥ܳܐ ܐܳܦ ܒܦܽܘ̣ܠܚܳܢܳܐ ܕ̥ܰܡܝܰܬ̊ܪ̈ܳܬ̥ܳܐ ܘܰܒܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܰܬ̥ ܫܽܘ̣ܒ̥ܚܳܐ ܘܰܒܕ̥ܽܘ̣ܒܳܪ̈ܶܐ ܕ̥ܫܳܦܪܺܝ̣ܢ ܠܶܗ܆ ܬ̊ܰܣܶܩ ܠܶܗ ܫܽܘ̣ܒ̥ܚܳܐ ܘܬ̥ܰܘܕܺܝܬ̥ܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

الإله الذي لزمت عهده المقدس بإرادة صالحة وبحرارة محبته هوَ، يؤهِلُك لتُمجده بسعي البرارة البهيّ وبممارسة الفضائل، وبالإيمان القويم المعتقد وبسلوكٍ يريضيه فترفع إليه التسبيحَ والشكر. الآن وكل أوان والى أبد الآبدين܀

 

ܥܶܢܝܳܢܳܐ ܕ̥ܰܐܠܳܗܝ ܐܰܠܳܗܝ [ܒܪܶܟ̥ܢܳܐ ܕ̥ܰܐܠܳܗܳܐ ܥܰܕ̊ܰܪܰܝܢܝ]

 

ܪܺܝܫܟ̊ܳܗ̈ܢܶܐ:

ܐܰܠܳܗܝ ܐܰܠܳܗܝ ܐܰܢ̱ܬ̊ ܐܶ݀ܣܰܟ̊ܶܐ ܠܳܟ̥܀

ܡܫܰܡ̈ܫܳܢܶܐ:

ܐܰܠܳܗܳܐ ܥܰܕ̊ܰܪܰܝܢܝ܆ ܕ̊ܟ̥ܺܐܡܽܘ̈ܢܶܐ ܘܡܰܚ̈ܫܽܘܠܶܐ ܕ̥ܰܚ̈ܛܳܗܶܐ ܕ̥ܣܶܥܪܶܬ̥ ܐܶܬ̥ܟ̊ܰܪܟ̥ܽܘ̣ܢܝ܆ ܠܡܺܐܢܳܐ ܕ̥ܫܰܝܢܳܐ ܗܘܺܝ ܠܺܝ ܡܳܪܝ ܕ̊ܠܳܐ ܐܶܛܒܰܥ ܒܝܰܡܳܐ ܕ̥ܰܚ̈ܛܳܗܶܐ. ܐܶܠܳܐ ܡܣܰܟ̊ܶܐ ܐ̱ܢܳܐ ܠܰܬ̥ܝܳܒܽܘ̣ܬ̥ܳܐ܆ ܐܰܘܫܶܛ ܠܺܝ ܡܳܪܝ ܐܺܝ̣ܕ̥ܳܟ̥ ܐܰܝܟ̥ ܕ̊ܰܠܦܶܛܪܽܘ̇ܣ ܘܶܐܬܪܰܚܰܡ ܥܠܰܝ܀

ܪܺܝܫܟ̊ܳܗ̈ܢܶܐ:

ܨܰܗܝܳܐ ܗ̱ܝ ܠܳܟ̥ ܢܰܦ̥ܫܝ ܘܰܡܣܰܟ̊ܶܐ ܠܳܟ̥ ܒܶܣܪܝ܀

ܡܫܰܡ̈ܫܳܢܶܐ:

ܠܓ̥ܰܢ̱ܒܪ̈ܶܐ ܐܰܢ̱ܬ̊ ܫܰܦܶܠܬ̊܆ ܘܠܰܡܚܺܝ̣̈ܠܶܐ ܕ̥ܰܩܪܰܐܽܘ̇ܟ̥ ܣܽܘ̣ܝܳܥܳܐ ܗܘܳܬ̥ ܠܗܽܘ̇ܢ ܝܰܡܺܝ̣ܢܳܟ܆ ܘܠܺܝ ܕ̥ܰܣܓ̥ܺܝ̣ܦ ܘܰܡܡܰܚܰܝ ܒܰܚ̈ܛܳܗܶܐ ܕ̥ܰܠܳܢܝ ܒܛܰܝܒ̊ܽܘ̣ܬ̥ܳܟ̥܆ ܕܰܐܢ̱ܬ̊ ܐܺܝ̣ܬ̥ܰܝܟ̊ ܣܰܒܪܳܐ ܠܰܕ̥ܠܳܐ ܣܰܒ̥ܪܳܐ ܒܒܳܥܽܘ ܚܰܢܳܢܳܐ ܐܶܬ̥ܦܰܢ ܥܠܰܝ܆ ܘܶܐܬ̥ܪܰܚܰܡ ܥܠܰܝ܀

ܪܺܝܫܟ̊ܳܗ̈ܢܶܐ:

ܗܳܟ̥ܰܢ ܚܳܪܬ̊ܳܟ̥ ܒ̊ܩܽܘܫܬ̊ܳܐ ܕ̥ܶܐ݀ܚܙܶܐ ܥܽܘܫܢܳܟ̥ ܘܺܐܝܩܳܪܳܟ̥܀

ܡܫܰܡ̈ܫܳܢܶܐ:

ܪ̈ܰܚܡܰܝܟ̊ ܡܳܪܝ ܐܰܦܺܝܣܽܘ̣ܟ̥܆ ܘܰܒܪܰܝܬ̊ܳܢܝ ܡܶܢ ܥܰܦܪܳܐ ܘܰܕ̥ܡܽܘ̣ܬ̥ܳܟ ܘܨܰܠܡܳܟ̥ ܐܰܠܒܶܫܬ̊ܳܢܝ܆ ܘܰܒܦܰܪܕܰܝܣܳܐ ܕ̥ܛܽܘ̈ܒܶܐ ܐܰܫܠܶܛܬ̊ܳܢܝ ܕ̊ܶܐܟ̥ܽܘ̇ܠ ܘܶܐܬ̥ܒܰܣܰܡ܆ ܘܰܒܨܶܒܝܳܢܝ ܢܶܦܠܶܬ̥ ܡܶܢ ܗܰܘ ܪܰܘܡܳܐ ܒܪ̈ܰܚܡܰܝܟ̊ ܐܰܩܺܝ̣ܡܰܝܢܝ ܘܶܐܬ̥ܦܰܢ ܥܠܰܝ܆ ܘܶܐܬ̥ܪܰܚܰܡ ܥܠܰܝ܀

ܪܺܝܫܟ̊ܳܗ̈ܢܶܐ:

ܡܶܛܽܠ ܕ̊ܛ݀ܳܒ̥ܺܝܢ ܪ̈ܰܚܡܰܝܟ̊ ܡܶܢ ܚܰܝ̈ܶܐ܀

ܡܫܰܡ̈ܫܳܢܶܐ:

ܡܶܢ ܪܰܘܡܶܗ ܕ̊ܦܰܪܕܰܝܣܳܐ܆ ܢܟ̥ܰܠ ܐܰܚܬ̥ܰܢܝ ܒܥܶܠܕ̊ܰܪܳܐ ܒܝܰܕ̥ ܚܣܳܡܶܗ ܒܺܝ̣ܫܳܐ ܡܰܪܺܝ̣ܪܳܐ܆ ܘܒܰܓ̥ܙܳܪ ܕ̊ܺܝ̣ܢܳܐ ܐܶܬ̥ܚܰܝܒܶܬ̥ ܥܰܠ ܕ̊ܶܐܫܬ̊ܰܡܥܶܬ̥ ܠܶܗ ܚܽܘ̣ܣ ܡܳܪܝ ܥܰܠ ܨܰܠܡܳܟ̥܆ ܕ̊ܒܺܝ̣ܫܳܐ ܫܒܳܝܗ̱ܝ ܘܰܐܦܢܳܢܝ ܠܰܛܝܳܪܳܟ̥ ܘܶܐܬ̥ܦܰܢ ܥܠܰܝ܆ ܘܶܐܬ̥ܪܰܚܰܡܥܠܰܝ܀

ܪܺܝܫܟ̊ܳܗ̈ܢܶܐ:

ܗܳܟ̥ܰܢ ܐܶܒ̊ܰܪܟ̥ܳܟ̥ ܒ̊ܚܰܝ̈ܰܝ܀

ܡܫܰܡ̈ܫܳܢܶܐ:

ܠܚܰܛܳܝ̈ܐ ܐܰܢ̱ܬ̊ ܙܰܕܶܩܬ̊܆ ܘܰܠܥܰܡ̈ܡܶܐ ܛܰܡ̈ܐܶܐ ܩܰܕ̊ܶܫܬ̊ ܒܰܚܢܳܢܳܟ̥ ܡܳܪܝܳܐ ܐܰܠܳܗܳܐ܆ ܘܠܰܡܡܰܚܰܝܬ̊ܳܐ ܕ̥ܩܶܪܒܰܬ̥ ܠܳܟ̥ ܚܽܘ̣ܠܡܳܢܳܐ ܫܰܟ̊ܶܢܬ̊ ܒܛܰܝܒ̊ܽܘ̣ܬ̥ܳܟ܆ ܘܠܺܝ ܕ̥ܳܘܝܳܐ ܘܣܰܓ̊ܺܝ ܡܽܘ̈ܡܶܐ ܚܰܘܰܪܰܝܢܝ ܒܙܽܘ̣ܦܳܟ̥ ܡܚܰܘܰܪ ܟ̊ܽܠ܆ ܕܰܐܢ̱ܬ̊ܽ ܗ̱ܘ ܡܚܰܣܶܐ ܠܚܰܛܳܝ̈ܐ ܡܶܢ ܚܰܘܒܰܝ̈ܗܽܘ̇ܢ ܚܽܘ̇ܢܰܝܢܝ ܒܝܰܕ̥ ܪ̈ܰܚܡܰܝܟ̊ ܘܶܐܬ̥ܦܰܢ ܥܠܰܝ܆ ܘܶܐܬܪܰܚܰܡܥܠܰܝ܀

ܪܺܝܫܟ̊ܳܗ̈ܢܶܐ:

ܐܰܝܟ̥ ܫܽܘ̣ܡܢܳܐ ܘܰܐܝܟ̥ ܬ̊ܰܪܒ̊ܳܐ ܬ̥ܶܕ̥ܗܰܢ ܢܰܦ̥ܫܝ܀

ܡܫܰܡ̈ܫܳܢܶܐ:

ܐܰܠܳܗܳܐ ܚܰܢܳܢܳܐ܆ ܕ̊ܰܠܳܗ̇ ܠܛܰܒܺܝ̣ܥܽܘ̣ܬ̥ܝ ܡܶܢ ܝܰܡܳܐ ܕ̥ܚܰܘ̈ܒܶܐ ܘܕ̥ܰܚ̈ܛܳܗܶܐ. ܘܰܐܩܺܝ̣ܡܰܝܢܝ ܒܰܚܢܳܢܳܟ̥ ܕ̊ܠܳܐ ܐܶܦܶܠ ܒܥܽܘ̣ܡܩܳܐ ܕ̥ܰܚ̈ܛܳܗܶܐ܆ ܐܶܠܳܐ ܡܣܰܟ̊ܶܐ ܐ̱ܢܳܐ ܠܦܽܘ̣ܪܩܳܢܳܟ̥ ܐܳܘ̃ ܚܰܢܳܢܳܐ ܡܳܪܰܢ ܡܪܰܚܡܳܢܳܐ ܐܶܬ̥ܦܰܢ ܥܠܰܝ܆ ܘܶܐܬ̥ܪܰܚܡܥܠܰܝ܀

ܪܺܝܫܟ̊ܳܗ̈ܢܶܐ:

ܐܶܬ̊ܕ̊ܟ̥ܰܪܬ̊ܳܟ̥ ܥܰܠ ܬ̊ܶܫܘܺܝܬ̥ܝ܀

ܡܫܰܡ̈ܫܳܢܶܐ:

ܐܰܠܳܗܳܐ ܚܽܘ̣ܣ ܥܠܰܝ܆ ܕܰ̊ܫܒܳܢܝ ܒܥܶܠܕܰܪܳܐ ܒܰܚܣܳܡܶܗ ܒܺܝ̣ܫܳܐ ܘܡܰܪܺܝ̣ܪܳܐ܆ ܘܰܒܦܰܚܶܗ ܘܫܽܘ̣ܕ̊ܳܠܶܗ ܗܳܐ ܨܳܕܰܢܝ ܦܰܨܳܢܝ ܡܳܪܝ ܡܶܢܶܗ܆ ܘܰܒܪ̈ܰܚܡܶܐ ܕ̥ܡܶܢܳܟ̥ ܐܳܘ̃ ܚܰܢܳܢܳܐ ܙܰܕ̊ܶܩ ܘܰܦܪܽܘ̇ܩܰܝܢܝ ܐܰܝܟ̥ ܡܳܟ̥ܣܳܐ܆ ܘܶܐܬܪܰܚܰܡܥܠܰܝ܀

ܪܺܝܫܟ̊ܳܗ̈ܢܶܐ:

ܡܶܛܽܠ ܕ̊ܰܗܘܰܝܬ̊ܝ ܠܺܝ ܡܥܰܕ̊ܪܳܢܳܐ܀

ܡܫܰܡ̈ܫܳܢܶܐ:

ܒܰܚܣܳܡܶܗ ܫܒܳܢܝ ܒܺܝ̣ܫܳܐ܆ ܘܚܰܒ̊ܶܠ ܚܺܐܪܽܘ̣ܬ̥ܝ ܘܰܐܘܒܶܕ̥ ܕܰܟ̥ܝܽܘ̣ܬ̥ܳܐ ܗܳܝ ܕ̊ܶܐܬ̥ܝܰܗܒܰܬ̥ ܠܺܝ܆ ܘܰܒܛܰܡܐܽܘ̣ܬ̥ܳܐ ܕ̥ܥܳܠܡܳܐ ܐܶܬ̥ܚܰܒܠܶܬ̥ ܘܰܗܘܺܝܬ̥ ܙܺܝܙܳܢܳܐ܆ ܐܶܠܳܐ ܒܪ̈ܰܚܡܶܐ ܕ̥ܛܰܝܒ̊ܽܘ̣ܬ̥ܳܟ ܐܰܦܢܳܢܝ ܦܳܪܽܘ̣ܩܝ ܠܽܐܘ̣ܪܚܳܐ ܕ̥ܦܽܘ̣ܩܕ̊ܳܢܰܝ̈ܟ̊ ܘܶܐܚܙܶܐ ܚܢܳܢܳܟ̥܆ ܘܶܐܬܪܰܚܡܥܠܰܝ܀

ܪܺܝܫܟ̊ܳܗ̈ܢܶܐ:

ܢܶܦ̥ܩܰܬ̥݀ ܢܰܦ̥ܫܝ ܒ̊ܳܬ̥ܪܳܟ̥܀

ܡܫܰܡ̈ܫܳܢܶܐ:

ܠܰܡܫܰܪܝܳܐ ܐܰܢ̱ܬ̊ ܐܰܚܠܶܡܬ̊܆ ܘܰܠܡܳܟ̥ܣܳܐ ܙܰܟ̊ܺܝ̣ܬ̊ ܒܰܚܢܳܢܳܟ̥ ܡܳܪܝܳܐ ܐܰܠܳܗܳܐ܆ ܘܰܠܓ̥ܰܝܳܣܳܐ ܕ̥ܗܰܝܡܶܢ ܒܳܟ̥ ܦܰܪܕܰܝܣܳܐ ܡܠܰܟ̥ܬ̊ ܠܶܗ ܒܛܰܝܒ̊ܽܘ̣ܬ̥ܳܟ̥܆ ܕܰ̊ܐܢ̱ܬ̊ܽ ܗ̱ܘ ܒܶܝܬ̥ ܓ̊ܰܘܣܳܐ ܕ̥ܟ̥ܽܠ ܬ̊ܰܝܳܒܶـ̈ܐ ܒܒܳܥܽܘ ܚܰܢܳܢܳܐ ܚܽܘ̇ܢܰܝܢܝ ܒܪ̈ܰܚܡܰܝܟ̊ ܘܶܐܬ̥ܪܰܚܡܥܠܰܝ܀

ܪܺܝܫܟ̊ܳܗ̈ܢܶܐ:

ܗܶܢܽܘ̇ܢ ܒ̊ܥܰܘ ܕ̊ܢ̣ܰܘܒ̊ܕ̥ܽܘ̣ܢ ܠܢܰܦ̥ܫܝ܀

ܡܫܰܡ̈ܫܳܢܶܐ:

ܥܰܬ̊ܺܝ̣ܪܳܐ ܕܠܳܐ ܓ̥ܳܐܶܙ܆ ܡܰܒܽܘܥܳܐ ܕ̥ܪ̈ܰܚܡܰܘܗ̱ܝ ܡܶܢ ܥܰܒ̥ܕ̊ܰܘܗ̱̈ܝ܆ ܠܳܐ ܡܳܪܝ ܬ̊ܶܪܓ̊ܰܙ ܥܰܠ ܫܽܘ̣ܥܠܳܝܶܗ ܕܥܰܒ̥ܕ̊ܳܟ̥ ܫܺܝ̣ܛܳܐ܆ ܕ̊ܰܐܢ̱ܬ̊ܽ ܗ̱ܘ ܒܰܠܚܽܘ̇ܕ̥ ܚܰܢܳܢܳܐ܆ ܘܚܳܐܶܢ ܠܚܰܛܳܝ̈ܶܐ܀

ܪܺܝܫܟ̊ܳܗ̈ܢܶܐ:

ܢ̣ܶܫܬ̊ܰܠܡܽܘ̣ܢ ܠܚܰܪܒ̊ܳܐ ܘܡܶܐܟ̥ܽܘܠܬ̊ܳܐ ܠܬ̥ܰܥ̈ܠܶܐ ܢܶܗܘܽܘ̇ܢ܀

ܡܫܰܡ̈ܫܳܢܶܐ:

ܥܰܠ ܬ̊ܰܪܥܳܐ ܕܛܰܝܒ̊ܽܘ̣ܬ̥ܳܟ̥ ܩܳܪܶܐ ܐܢܳܐ ܪܳܚܶܡ ܬ̊ܰܝܳܒ̈ܐ܆ ܘܡܶܢ ܒܶܝܬ̥ ܓ̊ܰܙܳܟ̥ ܗܳܐ ܫܳܐܶܠ ܐܢܳܐ ܚܢܳܢܳܐ ܘܪ̈ܰܚܡܶܐ܆ ܚܽܘ̇ܢܰܝܢܝ ܘܰܐܚܳܢܝ ܒܛܰܝܒ̊ܽܘ̣ܬ̥ܳܟ̥ ܡܳܪܝܳܐ ܡܪܰܚܡܳܢܳܐ܀

ܪܺܝܫܟ̊ܳܗ̈ܢܶܐ:

ܘܢ̣ܶܫܬ̊ܰܒ̥ܗܰܪ ܟܽ̊ܠ ܕ̊ܝܳܡܶܐ ܒ̥ܶܗ܀

ܡܫܰܡ̈ܫܳܢܶܐ:

ܦܳܪܽܘܩܰܢ ܐܶܫܬ̊ܰܘܕ̊ܺܝ܆ ܒܰܣܒܰܪܬ̥ܶܗ ܣܰܒ̥ܪܳܐ ܠܬ̥ܰܝܳܒ̈ܶܐ܆ ܚܽܘ̇ܢ ܒܰܚܢܳܢܳܟ̥ ܠܰܐܒ̊ܺܝ̣ܕ̥ܽܘ̣ܬ̥ܶܗ ܕ̊ܥܰܒ̥ܕ̊ܳܟ̥ ܗܳܢܳܐ܆ ܘܦܰܢܳܐ ܒܪ̈ܰܚܡܰܝܟ̊ ܫܶܐܠ̈ܬ̥ܰܢ܆ ܛܳܒ̥ܳܐ ܡܠܶܐ ܪ̈ܰܚܡܶܐ܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܬ̊ܶܫܒ̊ܽܘ̇ܚܬ̊ܳܐ ܠܺܐܝ̣ܬ̥ܽܘ̣ܬ̥ܳܟ̥܆ ܘܬ̥ܰܘܕܺܝ̣ܬ̥ܳܐ ܠܡܳܪܽܘ̣ܬ̥ܳܟ̥ ܘܪܽܘ̣ܡܪܳܡܳܐ ܡܳܪܝܳܐ ܠܰܐܠܳܗܽܘ̣ܬ̥ܳܟ̥܆ ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܩܽܘ̣ܕ̥ܫܳܐ܆ ܚܰܕ̥ ܐܺܝܬ̥ܝܳܐ ܚܕ̥ܳܐ ܐܰܠܳܗܽܘ̣ܬ̥ܳܐ܆ ܕ̊ܒܰܬ̥ܠܳܬ̥ܳܐ ܩܢܽܘ̈ܡܶܐ ܚܰܕ̥ ܡܶܬ̊ܬ̊ܰܘܕ̊ܶܐ܆ ܚܽܘ̇ܢ ܠܰܢ ܒܛܰܝܒ̊ܽܘ̣ܬ̥ܳܟ̥܆ ܘܶܐܬ̥ܪܰܚܰܡܥܠܰܝܢ܀

 

ܥܶܢܝܳܢܳܐ ܐܚܪܺܢܳܐ [ܒܪܶܟ̥ܢܳܐ ܕ̥ܰܫܡܰܝܳܢܶـ̈ܐ ܫܽܘ̣ܒ̥ܚܳܐ]

 

ܪܺܝܫܟ̊ܳܗ̈ܢܶܐ: 

ܡܳܐ ܚܰܒܺܝܒܺܝܢ ܡܰܫܟ̊ܢܰܝ̈ܟ̊ ܡܳܪܝܳܐ ܚܰܝܠܬ̥ܳܢܳܐ܆ ܣܰܟ̊ܝܰܬ̥ ܢܰܦܫܝ ܘܶܐܬ̥ܪܰܓ̥ܪܓ̥ܰܬ̥ ܠܕ̥ܳܪ̈ܰܘܗ̱ܝ ܕܡܳܪܝܳܐ܆ ܠܶܒܝ ܘܒܶܣܪܝ ܫܰܒܰܚܘ ܠܰܐܠܳܗܳܐ ܚܰܝܳܐ܆ ܐܳܦ ܨܶܦܪܳܐ ܐܶܫܟܚܰܬ̥ ܠܳܗ̇ ܒܰܝܬ̊ܳܐ ܘܫܽܘܦܢܺܝܢܳܐ ܩܶܢܳܐ܀

ܡܫܰܡ̈ܫܳܢܶܐ:

ܕܰܝܪܳܐ ܕ̥ܠܳܗ̇ܽ ܗ̱ܘ ܐܶܬ̥ܘܰܥܕ̥ܶܬ̥܆ ܘܰܟ̥ܢܽܘ̣ܫܝܳܐ ܕ̥ܠܶܗܽ ܗ̱ܘ ܪܶܚܡܶܬ̥. ܒܚܽܘ̣ܒܳܐ ܩܰܒܶܠܘ ܠܰܒܨܺܝ̣ܪܽܘ̣ܬ̥ܝ. ܕ̊ܒܰܨܠ̈ܘܳܬ̥ܟ̥ܽܘ̇ܢ ܐܶܬ̥ܓ̊ܰܘܣܶܬ̥܀

ܪܺܝܫܟ̊ܳܗ̈ܢܶܐ:

ܪܰܒܺܝܘ ܦܰܪ̈ܽܘܓ̥ܶܐ ܥܰܠ ܓ̊ܶܢ̱ܒ ܡܰܕ̥ܒ̊ܚܳܟ̥ ܡܳܪܝܳܐ ܚܰܝܠܬ̥ܳܢܳܐ܆ ܡܰܠܟ̊ܝ ܘܰܐܠܳܗܝ ܛܽܘ̣ܒ̥ܰܝܗܽܘ̇ܢ ܠܰܕܥܳܡܪܺܝܢ ܒܒܰܝܬ̊ܳܟ̥܀

ܡܫܰܡ̈ܫܳܢܶܐ:

ܐܰܠܳܗܳܐ ܕ̥ܰܦܬ̥ܺܝ̣ܚ ܬ̊ܰܪܥܶܗ܆ ܠܛܳܒ̥̈ܶܐ ܘܒܺܝ̈ܫܶܐ ܫܰܘܝܳܐܺܝ̣ܬ̥. ܦ̊ܬ̥ܰܚ ܠܺܝ ܬ̥ܰܪܥܶܗ ܕ̊ܰܚܢܳܢܳܟ̥܆ ܘܩܰܒܶܠܰܝܢܝ ܒܰܬ̥ܝܳܒܽܘ̣ܬ̥ܳܐ܀

ܪܺܝܫܟ̊ܳܗ̈ܢܶܐ:

ܢܫܰܒܚܽܘ̣ܢܳܟ̥ ܠܥܳܠܰܡ܆ ܛܽܘ̣ܒ̥ܰܘܗ̱ܝ ܠܒܰܪܢܳܫܳܐ ܕܰܐܢ̱ܬ̊ܽ ܗ̱ܘ ܡܣܰܝܥܳܢܶܗ ܘܰܫܒܺܝ̣ܠܰܝ̈ܟ̊ ܒܠܶܒܶܗ܀

ܡܫܰܡ̈ܫܳܢܶܐ:

ܒܢܶܫܒܰܝ̈ ܒܺܝ̣ܫܳܐ ܐܶܬ̥ܥܰܪܩܠܶܬ̥܆ ܘܥܳܠܡܳܐ ܫܒܳܢܝ ܒܰܪ̈ܓ̥ܺܝ̣ܓ̥ܳܬ̥ܶܗ. ܗܳܫܳܐ ܕ̥ܰܦܢܺܝܬ̥ ܨܶܝܕ̥ ܪ̈ܰܚܡܰܝܟ̊܆ ܠܳܐ ܐܶܗܦ̊ܽܘ̇ܟ̥ ܟ̊ܰܕ̥ ܟ̊ܳܪܝܳܐ ܠܺܝ܀

ܪܺܝܫܟ̊ܳܗ̈ܢܶܐ:

ܥܒ̥ܰܪܘ ܒܥܽܘ̣ܡܩܳܐ ܕܰܒܟ̥ܳܬ̥ܳܐ ܘܥܰܒ̥ܕ̊ܽܘ̣ܗ̱ܝ ܒܶܝܬ̥ ܡܰܥܡܪܳܐ ܘܳܐܦ ܒܽܘ̣ܪܟ̊ܬ̥ܳܐ ܢܶܬ̥ܥܰܛܰܦ ܣܳܐܶܡ ܢܳܡܽܘ̇ܣܳܐ܆ ܢܺܐܙܽܠ̱ܘ̣ܢ ܡܶܢ ܚܰܝܠܳܐ ܠܚܰܝܠܳܐ܆ ܘܢܶܬ̥ܚܙܶܐ ܐܰܠܳܗ ܐܰܠܳܗܺܝ̈ܢ ܒܨܶܗܝܽܘ̇ܢ܀

ܡܫܰܡ̈ܫܳܢܶܐ:

ܐܰܚܽܘ̣ܬ̥ܳܐ ܘܟ̥ܽܠܶܗ ܩܝܳܡܳܐ܆ ܘܰܐܒ̈ܗܶܐ ܕ̥ܰܒܟ̥ܽܘ̇ܢ ܛܶܦܣܶܬ̥. ܩܰܪܶܒܘ ܚܠܳܦܰܝ ܒܳܥܽܘ̣ܬ̥ܳܐ܆ ܠܰܐܠܳܗܳܐ ܢܪܰܚܶܡ ܥܠܰܝ܀

ܪܺܝܫܟ̊ܳܗ̈ܢܶܐ:

ܡܳܪܝܳܐ ܐܰܠܳܗܳܐ ܚܰܝܠܬ̥ܳܢܳܐ ܫܡܰܥ ܨܠܽܘ̇ܬ̥ܝ ܘܨܽܘ̣ܬ̥ ܐܰܠܳܗܶܗ ܕ̊ܝܰܥܩܽܘ̇ܒ܆ ܘܰܚܙܺܝ ܐܰܢ̱ܬ̊ ܐܰܠܳܗܳܐ ܡܣܰܝܥܳܢܰܢ ܘܚܽܘ̣ܪ ܒܰܐܦܰܝ̈ ܡܫܺܝ̣ܚܳܟ̥܀

ܡܫܰܡ̈ܫܳܢܶܐ:

ܡܫܺܝ̣ܚܳܐ ܕ̥ܡܶܛܽܠ ܚܰܛܳܝ̈ܶܐ܆ ܥܰܠ ܩܰܝܣܳܐ ܕ̥ܒܰܚ ܠܰܩܢܽܘ̇ܡܶܗ. ܒܰܨܠܺܝ̣ܒ̥ܳܟ̥ ܡܳܪܝ ܢܰܛܰܪܰܝܢܝ܆ ܕ̊ܗܳܐ ܪܟ̥ܺܝ̣ܢ ܐ̱ܢܳܐ ܩܕ̥ܳܡ ܪܰܒ̊ܽܘ̣ܬ̥ܳܟ̥܀

ܪܺܝܫܟ̊ܳܗ̈ܢܶܐ:

ܡܶܛܽܠ ܕܛܳܒܽ ܗ̱ܘ ܚܰܕ̥ ܝܽܘ̇ܡ ܒܕ̥ܰܝܪܳܟ̥ ܡܶܢ ܐܳܠܶܦ܆ ܨܒܺܝܬ̥ ܠܡܶܥܡܰܪ ܒܒܰܝܬ̊ܶܗ ܕ̊ܰܐܠܳܗܳܐ܆ ܛܳܒ ܡܶܢ ܕ̊ܰܠܡܶܥܡܰܪ ܒܡܰܫܟ̊ܢܳܐ ܕܪ̈ܰܫܺܝ̣ܥܶܐ܀

ܡܫܰܡ̈ܫܳܢܶܐ:

ܕܫܶܒ̥ܩܶܬ̥ ܢܝܳܚ̈ܶܐ ܥܳܒܽܘܪ̈ܶܐ܆ ܘܰܕ̥ܡܽܘ̣ܬ̥ܳܐ ܕ̥ܚܰܫܳܟ̥ ܠܶܒܫܶܬ̥܆ ܗܰܒ ܠܺܝ ܒܝܰܘܡܳܐ ܕ̥ܕ̥ܳܢܰܚ ܐܰܢ̱ܬ̊܆ ܡܢܳܬ̥ܳܐ ܒܦܶܣܳܐ ܕ̥ܩܰܕ̊ܺܝ̈ܫܰܝܟ̊܀

ܪܺܝܫܟ̊ܳܗ̈ܢܶܐ:

ܡܶܛܽܠ ܕܰܡܬ̥ܰܪܣܝܳܢܰܢ ܘܥܳܕ̥ܽܘܪܰܢ ܡܳܪܝܰܐ ܗ̱ܘ ܐܰܠܳܗܳܐ܆ ܪ̈ܰܚܡܶܐ ܘܺܐܝܩܳܪܳܐ ܢܶܬ̊ܶܠ ܠܳܟ̥ ܡܳܪܝܳܐ ܘܠܳܐ ܢܶܟ̥ܠܶܐ ܛܳܒ̈ܳܬ̥ܶܗ܆ ܡܶܢ ܐܰܝܠܶܝܢ ܕ̊ܰܡܗܰܠܟ̥ܺܝܢ ܒܬ̥ܰܡܺܝ̣ܡܽܘ̣ܬ̥ܳܐ܀

ܡܫܰܡ̈ܫܳܢܶܐ:

ܝܳܠܕ̊ܰܬ̥ ܐܰܠܳܗܳܐ ܡܰܪܝܰܡ܆ ܘܰܢ̈ܒܺܝܶܐ ܫܠܺܝ̣̈ܚܶܐ ܘܣܳܗ̈ܕܶܐ. ܢܶܗܘܽܘ̇ܢ ܠܳܟ̥ ܫܽܘ̣ܪܳܐ ܪܳܡܳܐ܆ ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܝ̈ܟ̊܀

ܪܺܝܫܟ̊ܳܗ̈ܢܶܐ:

ܡܳܪܝܳܐ ܐܰܠܳܗܳܐ ܚܰܝܠܬ̥ܳܢܳܐ܆ ܛܽܘ̣ܒ̥ܰܘܗ̱ܝ ܠܒܰܪܢܳܫܳܐ ܕܰܡܣܰܒܰܪ ܒܳܟ̥܀

ܡܫܰܡ̈ܫܳܢܶܐ:

ܣܰܢ̈ܝܳܬ̥ܝ ܒܙܽܘܦܳܟ̥ ܢܶܬ̥ܚܰܘܪ̈ܳܢ܆ ܟ̊ܽܘ̣ܬ̥ܡ̈ܳܬ̥ܝ ܒܰܕ̥ܡܳܟ̥ ܢܶܬ̥ܠܰܚ̈ܝܳܢ. ܘܰܒܝܰܕ̥ ܦܰܓ̥ܪܳܟ̥ ܢܶܬ̥ܩܰܕ̊ܫܽܘ̣̇ܢ܆ ܙܰܘ̈ܥܶܐ ܟ̥ܣܰܝ̈ܳܐ ܕ̥ܰܒܡܰܚܫ̈ܒܳܬ̥ܝ܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܶܗ ܠܚܰܕ̥ ܕܰܬ̥ܠܳܬ̥ܰܐ ܗ̱ܘ܆ ܘܰܬ̥ܠܳܬ̥ܳܐ ܚܰܕ̥ ܐܺܝ̣ܬ̥ܰܝܗܽܘ̇ܢ. ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܩܽܘ̣ܕ̥ܫܳܐ܆ ܚܰܕ̥ ܐܰܠܳܗܳܐ ܫܰܪܺܝ̣ܪܳܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ: ܣܓ̥ܺܝܕ̥ ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ܆ ܐ̱ܪܳܙܳܐ ܕ̥ܰܬ̥ܠܺܝܬ̥ܳܝܽܘ̣ܬ̥ܳܐ. ܕ̊ܡܶܢ ܥܶܠܳܝ̈ܶܐ ܘܬ̥ܰܚ̈ܬܳ̊ܝܶܐ܆ ܡܶܣܬ̊ܓ̥ܶܕ̥ ܐܳܦ ܡܶܫܬ̊ܰܒ̊ܰܚ܀

 

ܕ̊ܫܰܒܰܚܘ ܠܡܳܪܝܳܐ [ܒܪܶܟ̥ܢܳܐ ܕ̥ܰܠܗܰܘ ܕ̊ܰܛܥܺܝܢܳܐ ܡܰܪܟ̊ܰܒ̥ܬ̥ܳܐ]

 

ܡܫܰܡ̈ܫܳܢܶܐ:

ܫܽܘ̣ܒ̥ܩܳܢܳܐ ܡܳܪܝ ܫܳܐܶܠ ܐ̱ܢܳܐ. ܕܰܚ̈ܛܳܗܶܐ ܕ̥ܰܣܥܺܝ̣ܪܺܝ̣ܢ ܠܺܝ. ܚܰܣܳܐ ܐܶܢܽܘ̇ܢ ܒܰܚܢܳܢܳܟ̥. ܕܰܐܢ̱ܬ̊ܽ ܗ̱ܘ ܡܕ̥ܰܟ̥ܶܐ ܠܚܰܝܳܒܶـ̈ܐ ܗ̄ܘܗ̄܀ ܚܰܝܽܘܣܬ̥ܳܢܳܐ ܗܘܺܝ ܠܥܰܒ̥ܕ̊ܳܟ܆ ܡܳܪܝܳܐ ܕ̥ܟ̥ܽܠܶܗ ܪ̈ܰܚܡܶܐ ܡܠܶܐ. ܕ̊ܰܒܚܽܘ̣ܒܳܟ̥ ܠܰܐܪܥܳܐ ܐܶܬ̥ܰܝܬ̊. ܚܠܳܦ ܦܽܘ̣ܪܩܳܢܳܗ̇ ܕܰܓ̥ܒ̥ܺܝ̣ܠܬ̊ܳܟ̥ ܗ̄ܘܗ̄܀ ܐܰܚܰܝ̈ ܟ̊ܽܠܟ̥ܽܘ̇ܢ ܘܰܐܒܳܗܰܝ̈܆ ܘܰܟ̥ܢܽܘ̣ܫܝܳܐ ܕ̥ܠܶܗܽ ܗ̱ܘ ܐܰܚܒܶܬ̥܆ ܒܥܰܘ ܪ̈ܰܚܡܶܐ ܚܠܳܦ ܚܰܠܳܫܽܘ̣ܬ̥ܝ܆ ܕ̊ܒܰܨܠ̈ܰܘܳܬ̥ܟ̥ܽܘ̇ܢ ܐܶܬ̥ܓܰ̊ܘܣܶܬ̥ ܗ̄ܘܗ̄܀ ܥܰܒ̥ܕ̊ܳܐ ܟ̥ܰܫܺܝ̣ܪܳܐ ܗܘܺܝܬ̥ ܠܺܝ ܕ̥ܰܚ̈ܛܳܗܶܐ ܘܕ̥ܰܫܟ̥ܺܝ̣ܪ̈ܳܬ̥ܳܐ. ܘܗܳܐ ܡܶܬ̊ܕ̊ܟ̥ܰܪ ܐ̱ܢܳܐ ܠܗܳܝ ܒܶܗܬ̊ܬ̥ܳܐ܆ ܕ̊ܰܢܛܺܝ̣ܪܳܐ ܠܺܝ ܘܰܠܕ̥ܰܐܟ̥ܘܳܬ̥ܝ ܗ̄ܘܗ̄܀ ܗܳܐ ܡܦܺܝ̣ܣ ܐ̱ܢܳܐ ܥܰܠ ܫܽܘ̣ܒ̥ܩܳܢܳܐ܆ ܦܰܢܳܐ ܫܶܐܠ̈ܳܬ̥ܝ ܒܰܚܢܳܢܳܟ̥. ܕܰܐܢ̱ܬ̊ܽ ܗ̱ܘ ܒܰܠܚܽܘ̇ܕ̥ ܙܰܟ̊ܳܝܳܐ܆ ܡܚܰܣܶܐ ܚܰܘ̈ܒܶܐ ܕ̥ܚܰܛܳܝ̈ܶܐ ܗ̄ܘܗ̄܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܡܶܢܥܳܠܰܡ܀ ܚܢܺܝ̣ܓ̥ܳܐܺܝ̣ܬ̥ ܡܶܬ̥ܟ̊ܰܫܰܦ ܐ̱ܢܳܐ܆ ܠܗܰܘ ܛܳܒ̥ܳܐ ܘܰܡܠܶܐ ܪ̈ܰܚܡܶܐ܆ ܚܰܣܳܐ ܚܰܘܒܰܝ̈ ܒܰܚܢܳܢܳܟ̥. ܕܰܐܢ̱ܬ̊ܽ ܗ̱ܘ ܡܚܰܣܶܐ ܠܚܰܛܳܝ̈ܶܐ ܗ̄ܘܗ̄܀

ܡܫܰܡܫܳܢܳܐ:

ܣܛܳܘ ܡܶܢ ܩܰܐܠܽܘ̇ܣ ܩܽܘ̣ܪܝܶܠܶܝܣܽܘ̇ܢ܀

ܪܺܝܫܟܳܗ̈ܢܶܐ:

ܢܨܰܠܶܐ ܟ̥ܽܠܰܢ܆ ܘܪ̈ܰܚܡܶܐ ܘܰܚܢܳܢܳܐ ܡܶܢ ܡܳܪܝܳܐ ܢܶܒܥܶܐ ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀ ܬ̊ܶܫܒܽܘܚܬ̊ܳܐ ܘܬ̥ܰܘܕܺܝ̣ܬ̥ܳܐ ܘܗܶܕ̥ܪܳܐ ܘܩܽܘ̣ܠܳܣܳܐ ܘܪܽܘ̣ܡܪܳܡܳܐ ܛܳܒ̥ܳܐ ܕ̥ܠܳܐ ܒܳܛܶܠ ܐܰܡܺܝ̣ܢܳܐܺܝ̣ܬ̥ ܒܟ̥ܽܠܙܒܰܢ ܘܰܒܟ̥ܽܠܥܶܕܳܢ ܢܶܫܬ̊ܘܶܐ ܕ̥ܢܰܣܶܩ܀

 

ܦ̊ܪܽܘ̇ܡܺܝ̣ܽܘ̇ܢ

 

ܠܗܰܘ ܡܚܰܣܝܳܢܳܐ ܕ̥ܚܰܘ̈ܒܶܐ ܘܫܳܒܽܘܩܳܐ ܕ̥ܰܚ̈ܛܳܗܶܐ. ܠܗܰܘ ܡܫܺܝ̣ܓ̥ܳܢܳܐ ܕ̥ܚܰܘ̈ܒܳܬ̥ܳܐ ܘܰܡܚܰܘܪܳܢܳܐ ܕ̥ܨܳܐܽܘ̣ܬ̥ܳܐ. ܠܗܰܘ ܕ̊ܪܰܚܺܝ̣ܩ ܘܡܰܒܥܰܕ̥ ܡܶܢ ܟ̊ܽܠܗܶܝܢ ܬ̊ܰܪ̈ܥܝܳܬ̥ܳܐ ܐ̱ܢܳܫܳܝ̈ܬ̥ܳܐ. ܠܗܰܘ ܚܶܟ̥ܡܬ̥ܳܐ ܘܨܶܡܚܳܐ ܕ̥ܝܳܠܽܘܕ̥ܶܗ. ܠܗܰܘ ܪܳܥܝܳܐ ܛܳܒ̥ܳܐ ܕ̥ܰܢܦܰܩ ܒܰܒܥܳܬ̥ܳܐ ܕ̥ܰܐܒ̊ܺܝ̈ܕ̥ܶܐ. ܘܶܐܫܟܰܚ ܐܶܢܽܘ̇ܢ ܠܚܰܝ̈ܶܐ ܕ̥ܰܠܥܳܠܰܡ. ܠܗܰܘ ܕ̊ܣܰܪܶܩ ܢܰܦܫܶܗ ܡܶܛܽܠ ܦܽܘ̣ܪܩܳܢܰܢ܆ ܘܰܗܘܳܐ ܐ̱ܢܳܫܳܐ ܡܶܢ ܒܢܰܝ̈ܢܳܫܳܐ܆ ܘܚܰܝܶܕ̥ ܐܰܠܳܗܽܘ̣ܬ̥ܶܗ ܒܐ̱ܢܳܫܽܘ̣ܬ̥ܰܢ. ܒܰܪ ܐܺܝ̣ܬ̥ܽܘ̣ܬ̥ܶܗ ܕܰ̊ܐܒܳܐ ܕ̥ܛܰܗܶܡ ܝܳܬ̥ܶܗ ܒܰܓ̥ܒܺܝ̣ܠܬ̊ܰܢ܆ ܘܰܗܘܳܐ ܐ̱ܢܳܫܳܐ ܡܶܢ ܒܬ̥ܽܘ̣ܠܬ̊ܳܐ܆ ܟ̊ܰܕ̥ ܠܳܐ ܐܶܫܬ̊ܰܚܠܰܦ ܡܶܢ ܗܳܝ ܕ̊ܺܐܝܬ̥ܰܘܗ̱ܝ ܐܰܠܳܗܳܐ. ܒܳܪܽܘܝܳܐ ܕ̥ܰܒܡܶܠܬ̥ܶܗ ܥܒ̥ܰܕ̥ ܫܡܰܝܳܐ ܒܚܶܟ̥ܡܬ̥ܶܗ܆ ܘܰܒܪܽܘ̣ܚܳܐ ܕ̥ܦܽܘ̣ܡܶܗ ܟ̊ܽܠܗܽܘ̇ܢ ܚܰܝ̈ܠܰܘܳܬ̥ܳܐ. ܠܶܗ ܬ̊ܶܫܒ̈ܚܳܢ ܘܒܽܘ̣ܪ̈ܟ̊ܳܢ ܡܶܢ ܟ̊ܽܠܗܶܝܢ ܒܶܪ̈ܝܳܬ̥ܶܗ. ܒܗܳܢܳܐ ܥܶܕ̊ܳܢܳܐ. ܘܰܒܟ̥ܽܠܗܽܘ̇ܢ ܥܺܐܕ̥̈ܶܐ ܘܥܶܕ̈ܢܶܐ ܘܫܳܥ̈ܐ ܘܙܰܒ̈ܢܶܐ ܘܟ̥ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܝ̈ܢ ܠܥܳܠܡܺܝ̣ܢ܀

لغافر الذنوب وماحي الخطايا، لراحض الآثام ومبيّض الأدران، المنزه والبعيد عن كل الأفكار البشرية لحكمة والده وضيائه. الراعي الصالح الذي خرج في طلب الضالّين ووجدهم للحياة الأبدية. الذي أخلى نفسه من أجل خلاصنا. وتأنس كأحد البشر. ووحّد لاهوتَهُ بناسوتنا. المساوي للآب في الجوهر الذي تنسّب الى جبلتنا وصار إنسانا من البتول ولم يتحول عن كونه إلهاً. الخالق الذي صنع السماء بكلماته وأبدع الأجناد السماوية كلها بنسمة فمه. له التسابيح والإكرامات من خلائقه كافة في هذا الوقت وفي كل الأعياد والأوقات والساعات والأزمان أيام حياتنا كلّها والى الأبد܀

 

ܣܶܕ̥ܪܳܐ

 

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ ܗܰܘ ܪܰܒ ܒܡܰܘܗ̈ܒܳܬ̥ܳܐ ܘܰܫܦܺܝ̣ܥ ܒܫܽܘ̣ܟ̊ܳܢ̈ܶܐ. ܘܚܰܝܽܘܣܬ̥ܳܢ ܒܪ̈ܰܚܡܶܐ. ܗܰܘ ܕ̊ܢܰܓ̊ܺܝ̣ܪܳܐ ܪܽܘ̣ܚܶܗ܆ ܘܣܰܓ̊ܺܝ̣ܐܳܐ ܛܰܝܒ̊ܽܘ̣ܬ̥ܶܗ. ܘܰܡܪܰܚܡܳܢܽܘ̣ܬ̥ܶܗ ܫܦܺܝ̣ܥܳܐ ܥܰܠ ܕ̊ܳܚ̈ܠܰܘܗ̱ܝ܆ ܘܥܰܠ ܐܰܝܠܶܝܢ ܕ̊ܰܠܘܳܬ̥ܶܗ ܡܶܬ̥ܦܢܶܝܢ܀

ܗܰܘ ܕ̊ܠܳܐ ܨܳܒܶܐ ܒܡܰܘܬ̊ܶܗ ܕ̊ܚܰܛܳܝܳܐ܆ ܐܰܝܟ̥ ܗܳܝ ܕ̊ܢܶܬ̥ܦܢܶܐ ܠܘܳܬ̥ܶܗ ܘܢܺܚܶܐ. ܝܺܚܺܝܕ̥ܳܝܶܗ ܕܰ̊ܐܒܳܐ ܕ̥ܥܰܠ ܬ̊ܰܠܡܺܝ̣ܕ̥ܰܝ̈ܟ̊ ܩܰܕ̊ܺܝ̣̈ܫܶܐ܆ ܟ̊ܽܠ ܫܽܘ̣ܟ̊ܳܢܶـ̈ܐ ܕ̥ܡܰܘܗ̈ܒܳܬ̥ܳܐ ܛܳܒ̈ܬ̥ܳܐ ܐܶܫܰܕ̊ܬ̊. ܗܰܘ ܕ̊ܰܫܒܰܩܬ̊ ܠܥܰܡܳܐ ܣܰܟ̥ܠܽܘ̣ܬ̥ܶܗ܆ ܒܝܰܕ̥ ܒ̊ܳܥ̈ܘܳܬ̥ܳܐ ܕ̥ܰܡܢܺܝ̣ܚܳܢܰܝ̈ܟ̊. ܗܰܘ ܕ̊ܩܰܒܶܠܬ̊ ܒܳܥܽܘ̣ܬ̥ܶܗ ܕ̊ܡܽܘ̣ܫܶܐ܆ ܘܰܠܡܰܪܝܰܡ ܚܳܬ̥ܶܗ ܡܶܢ ܓ̊ܰܪܒܳܗ̇ ܕ̊ܰܟ̊ܺܝܬ̊. ܘܦܰܨܺܝܬ̊ ܠܪܳܚܳܒ. ܘܰܫܒܰܩܬ̊ ܠܕܰܘܺܝܕ̥ ܣܰܟ̥ܠܽܘ̣ܬ̥ܶܗ܆ ܡܶܛܽܠ ܒܳܥܽܘ̣ܬ̥ܳܐ ܡܶܬ̥ܚܰܢܳܢܺܝ̣ܬ̥ܳܐ ܕ̥ܩܰܪܶܒ ܩܕ̥ܳܡܰܝܟ̊. ܘܰܦܪܰܩܬ̊ ܠܝܰܘܢܳܢ. ܘܫܰܘܙܶܒܬ̊ ܠܰܡܢܰܫܶܐ. ܩܰܒܶܠ ܐܳܦ ܗܳܫܳܐ ܒܳܥ̈ܘܳܬ̥ܳܐ ܘܬ̥ܰܟ̥ܫ̈ܦܳܬ̥ܳܐ ܕ̥ܥܰܒ̥ܕ̊ܳܟ̥܆ ܗܳܢܳܐ [ܕܥܰܒܕ̊ܰܝ̈ܟ̊ ܗܳܠܶܝܢ] ܕ̥ܰܒܕܶܚܠܬ̥ܳܐ ܘܒܰܪܬ̥ܺܝܬ̥ܳܐ ܡܶܬ̥ܓ̊ܰܪܓ̊ܰܚ [ܡܶܬ̥ܓ̊ܰܪܓ̊ܚܺܝ̣ܢ] ܩܕ̥ܳܡ ܡܳܪܽܘ̣ܬ̥ܳܟ̥. ܘܫܰܕ̊ܰܪ ܥܠܰܘܗ̱ܝ [ܥܠܰܝܗܽܘ̇ܢ] ܡܰܘܗܰܒܬ̥ܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ. ܐܺܝܢ ܡܳܪܝܳܐ ܐܰܠܳܗܳܐ ܕ̥ܺܝܠܰܢ܆ ܗܰܘ ܕ̊ܡܶܛܽܠ ܦܽܘ̣ܪܩܳܢܰܢ ܥܰܠ ܩܰܝܣܳܐ ܕ̥ܰܨܠܺܝ̣ܒ̥ܳܐ ܐܶܬ̊ܬ̊ܠܺܝܬ̊. ܘܠܳܐܐܰܪ ܩܰܕ̊ܶܫܬ̊. ܘܰܠܬ̥ܰܚ̈ܬ̊ܳܝܳܬ̥ܳܗ̇ ܕ̊ܰܐܪܥܳܐ ܒܝܰܕ̥ ܗܳܝ ܕ̊ܶܐܬ̥ܥܰܪܙܰܠܬ̊ ܥܰܡ ܡܰܘܬ̊ܳܐ ܢܚܶܬ̊ܬ̊. ܘܠܰܟ̥ܝܳܢܳܐ ܐ̱ܢܳܫܝܳܐ ܕ̥ܰܒܚܰܫ̈ܶܐ ܕ̥ܰܚܛܺܝ̣ܬ̥ܳܐ ܛܡܺܝ̣ܪ ܗ̱ܘܳܐ ܐܰܣܶܩܬ̊. ܘܥܰܠ ܟ̊ܰܬ̥ܦ̈ܬ̥ܳܟ̥ ܪ̈ܳܚܡܳܬ̥ ܒܢܰܝ̈ܳܐ ܠܶܗ ܫܩܰܠܬ̊. ܘܰܠܚܰܕ̥ܽܘ̣ܬ̥ܳܐ ܘܰܪܘܳܙܳܐ ܕ̥ܡܶܛܽܠܳܬ̥ܶܗ܆ ܠܟ̥ܽܠܗܽܘ̇ܢ ܚܰܝ̈ܠܰܘܳܬ̥ܳܐ ܫܡܰܝܳܢܶـ̈ܐ ܙܰܡܶܢܬ̊. ܪܳܥܝܳܐ ܛܳܒ̥ܳܐ ܕ̥ܶܐܬ̥ܳܐ ܕ̥ܢܶܩܪܶܐ ܠܚܰܛܳܝ̈ܶܐ܆ ܐܰܦܢܳܐ ܐܶܢܽܘ̇ܢ ܠܘܳܬ̥ܳܟ̥. ܠܬ̥ܰܝܳܒ̈ܐ ܩܰܒ̊ܶܠ ܒܒܰܣܺܝ̣ܡܽܘ̣ܬ̥ܳܟ̥. ܠܙܰܕ̊ܺܝ̣̈ܩܶܐ ܢܰܛܰܪ ܒܰܡܪܰܚܡܳܢܽܘ̣ܬ̥ܳܟ̥. ܠܰܕ̥ܢܰܦܺܝ̣ܠܺܝ̣ܢ ܐܰܩܺܝ̣ܡ. ܠܰܕ̥ܩܳܝܡܺܝ̣ܢ ܫܰܪܰܪ. ܠܰܕ̥ܛܳܥܶܝܢ ܐܰܦܢܳܐ. ܠܕ̥ܰܡܒܰܕ̊ܪܺܝ̣ܢ ܟ̊ܰܢܶܫ. ܠܟ̥ܽܠܢܳܫ ܗܳܝ ܕ̊ܥܳܕ̥ܪܳܐ ܘܦܳܩܚܳܐ ܣܥܽܘ̇ܪ ܒܪܶܚܡܰܬ̥ ܐ̱ܢܳܫܽܘ̣ܬ̥ܳܟ̥. ܘܰܠܥܰܒ̥ܕܳ̊ܟ ܗܳܢܳܐ ܕ̥ܶܐܬ̥ܦܪܶܫ [ܘܰܠܥܰܒ̥ܕ̊ܰܝ̈ܟ̊ ܗܳܠܶܝܢ ܕ̊ܶܐܬ̥ܦܪܶܫܘ] ܡܶܢ ܥܳܠܡܳܐ܆ ܠܩܰܪܺܝ̣ܒܽܘ̣ܬ̥ܳܐ ܕ̥ܰܠܘܳܬ̥ܳܟ̥. ܐܰܫܘܳܝܗ̱ܝ [ܐܰܫܘܳܐ ܐܶܢܽܘ̇ܢ] ܠܪ̈ܰܚܡܶܐ ܘܰܠܫܽܘ̣ܒ̥ܩܳܢܳܐ ܕ̥ܰܚ̈ܛܳܗܶܐ. ܘܰܠܓ̥ܰܠܝܽܘ̣ܬ̥ ܐܰܦ̈ܐ ܕ̥ܰܩܕ̥ܳܡܰܝܟ̊. ܦܰܨܳܝܗ̱ܝ [ܦܰܨܳܐ ܐܶܢܽܘ̇ܢ] ܡܶܢ ܦܰܚ̈ܶܐ ܘܬ̥ܽܘܩ̈ܠܳܬ̥ܳܐ ܘܡܶܢ ܢܶܣ̈ܝܽܘܢܶܐ ܕ̥ܰܚܛܺܝ̣ܬ̥ܳܐ. ܘܡܶܢ ܟ̊ܽܠ ܡܰܥܒܕ̥ܳܢܽܘ̣ܬ̥ܳܐ ܕ̥ܳܐܟ̥ܶܠܩܰܪܨܳܐ ܘܰܕ̥ܫܺܐܕ̥̈ܶܐ ܘܕ̥ܰܒܢܰܝ̈ܢܳܫܳܐ ܒܺܝ̣̈ܫܶܐ. ܘܰܦܪܽܘ̇ܩܳܝܗ̱ܝ [ܘܰܦܪܽܘ̇ܩ ܐܶܢܽܘ̇ܢ] ܡܶܢ ܚܰܫ̈ܶܐ ܫܟ̥ܺܝ̣ܪ̈ܶܐ. ܘܡܶܢ ܟ̊ܽܠ ܚܽܘ̣ܫܳܒܶـ̈ܐ ܨ̈ܳܐܶܐ. ܘܰܐܪܚܶܩ ܡܶܢܶܗ [ܡܢܗܽܘ̇ܢ] ܟ̊ܽܠܗܶܝܢ ܡܰܚܫ̈ܒܳܬ̥ܳܐ ܐܰܝܠܶܝܢ ܕ̊ܠܳܟ̥ ܠܳܐ ܫܳܦܪ̈ܳܢ. ܘܢܰܛܰܪܳܝܗ̱ܝ [ܢܰܛܰܪ ܐܶܢܽܘ̇ܢ] ܒܕ̥ܰܟ̥ܝܽܘ̣ܬ̥ܳܐ ܘܩܰܕ̊ܺܝ̣ܫܽܘ̣ܬ̥ܳܐ ܘܢܰܟ̥ܦܽܘܬ̥ܳܐ. ܘܰܒܟ̥ܽܠܗܶܝܢ ܐܰܝܠܶܝܢ ܕ̊ܰܡܢܺܝ̈ܚܳܢ ܠܨܶܒܝܳܢܳܟ̥. ܘܰܦܪܽܘ̇ܩܳܝܗ̱ܝ [ܘܰܦܪܽܘ̇ܩ ܐܶܢܽܘ̇ܢ] ܡܳܪܝܳܐ ܡܶܢ ܗܳܝ ܕ̊ܢܶܗܘܶܐ [ܕ̊ܢܶܗܘܽܘ̇ܢ] ܥܶܠܬ̥ܳܐ ܕ̥ܟ̥ܶܫܠܳܐ ܐܰܘ ܕ̊ܬ̥ܽܘܩܰܠܬ̥ܳܐ ܐܰܘ ܕ̊ܣܽܘ̣ܓ̥ܦܳܢܳܐ ܐܰܘ ܕ̊ܚܽܘ̣ܣܪܳܢܳܐ ܐܰܘ ܕ̊ܟ̥ܽܠ ܙܢܳܐ ܐܰܝܢܳܐ ܕ̥ܗܽܘ ܕ̥ܰܚܛܺܝ̣ܬ̥ܳܐ܆ ܠܢܰܦܫܶܗ ܐܰܘ ܠܚܰܒܪ̈ܰܘܗ̱ܝ܆ [ܠܢܰܦ̈ܫܳܬ̥ܗܽܘ̇ܢ ܐܰܘ ܠܚܰܒܪ̈ܰܝܗܽܘ̇ܢ] ܠܒܰܪ̈ܳܝܶܐ ܐܰܘ ܠܓ̥ܰܘܳܝ̈ܶܐ. ܐܶܠܳܐ ܚܰܝܶܠܳܝܗ̱ܝ [ܚܰܝܶܠ ܐܶܢܽܘ̇ܢ] ܒܛܰܝܒ̊ܽܘ̣ܬ̥ܳܟ ܠܳܐ ܡܶܬ̥ܡܰܠܠܳܢܺܝ̣ܬ̥ܳܐ ܗܳܝ ܕ̊ܨܳܒܝܳܐ ܒܚܰܝ̈ܶܐ ܕ̥ܰܒܢܰܝ̈ܢܳܫܳܐ܆ ܘܰܕ̥ܢܶܗܘܶܐ [ܘܰܕ̥ܢܶܗܘܽܘ̇ܢ] ܥܶܠܬ̥ܳܐ ܕ̥ܬ̥ܶܫܒܽܘ̇ܚܬ̊ܳܐ ܠܰܫܡܳܟ̥ ܩܰܕ̊ܺܝ̣ܫܳܐ. ܚܽܘ̇ܢ ܡܳܪܝܳܐ ܠܥܰܡܳܐ ܗܳܢܳܐ ܕ̥ܒܰܫܡܳܟ̥ ܩܰܕ̊ܺܝ̣ܫܳܐ ܟ̥ܢܺܝ̣ܫ܆ ܟ̊ܰܕ̥ ܥܰܡܶܗ ܐܳܦ̥ ܚܢܰܢ ܠܶܒ̈ܘܳܬ̥ܰܢ ܩܕ̥ܳܡܰܝܟ̊ ܐܳܫܕ̊ܺܝ̣ܢܰܢ. ܠܳܐ ܡܳܪܝ ܢܶܣܩܽܘ̣ܢ ܚܛܳܗ̈ܶܐ ܘܒܺܝ̈ܫܳܬ̥ܳܐ ܕ̥ܺܝܠܰܢ ܥܰܠ ܠܶܒܳܟ̥ ܗܰܘ ܩܰܕ̊ܺܝ̣ܫܳܐ ܘܠܳܐ ܡܶܬ̥ܥܰܗܕ̊ܳܢܳܐ ܕ̥ܒܺܝ̈ܫܳܬ̥ܳܐ. ܚܛܰܝܢܰܢ ܓ̊ܶܝܪ ܐܰܝܟ̥ ܒܢܰܝ̈ܢܳܫܳܐ܆ ܐܰܪܫܰܥܢܰܢ ܐܰܝܟ̥ ܥܰܦܪ̈ܳܢܶܐ܆ ܐܰܣܟ̊ܶܠܢܰܢ ܐܰܝܟ̥ ܥܰܒ̥̈ܕ̊ܶܐ ܒܺܝ̈ܫܶܐ. ܐܰܢ̱ܬ̊ ܕܶܝܢ ܡܳܪܝ܆ ܫܒܽܘ̇ܩ ܐܰܝܟ̥ ܐܰܠܳܗܳܐ. ܚܰܣܳܐ ܐܰܝܟ̥ ܡܪܰܚܡܳܢܳܐ܆ ܚܰܪܰܪ ܐܰܝܟ̥ ܛܳܒ̥ܳܐ. ܠܳܐ ܡܳܪܝ ܬ̊ܶܟ̥ܦ̊ܽܘ̇ܪ ܒܰܢ ܠܥܳܠܰܡ. ܠܳܐ ܡܳܪܝ ܬ̊ܰܗܦܶܟ̥ ܐܰܦܰܝ̈ܟ̊ ܡܶܢܰܢ. ܘܠܳܐ ܬ̥ܰܪܟ̊ܶܢ ܪܺܝܫܰܢ ܒܰܐܪܥܳܐ ܡܶܛܽܠ ܒܺܝ̣̈ܫܳܬ̥ܳܐ ܐܰܝܠܶܝܢ ܕ̊ܰܣܥܰܪܢܰܢ. ܠܳܐ ܡܳܪܝ ܢܶܗܘܶܐ ܠܚܶܣܕ̊ܳܐ ܘܰܠܒܶܟ̥ܝܳܐ ܘܰܠܡܽܘ̣ܝܳܩܳܐ ܩܕ̥ܳܡ ܟ̊ܶܢܫܳܐ ܗܰܘ ܕ̊ܡܰܠܰܐܟ̥̈ܶܐ ܘܕ̥ܰܒܢܰܝ̈ܢܳܫܳܐ. ܠܳܐ ܡܳܪܝ ܬ̊ܰܒܗܶܬ̥ ܠܰܢ ܒܒܶܗܬ̊ܬ̥ܳܐ ܗܳܝ ܕ̊ܰܠܥܳܠܰܡ. ܐܶܠܳܐ ܗܰܒ ܠܰܢ ܦܰܪܶܗܣܺܝܰܐ ܘܩܰܘܡܳܐ ܕ̥ܡܶܢ ܝܰܡܺܝ̣ܢܳܟ̥. ܘܡܳܐ ܕ̥ܢܽܘ̣ܪܳܐ ܢܳܗܡܳܐ ܥܰܠ ܪ̈ܰܫܺܝ̣ܥܶܐ܆ ܬ̊ܶܦܪܽܘ̇ܣܝ ܟ̊ܶܢܦܶܝ̈ܗ̇ ܛܰܝܒ̊ܽܘ̣ܬ̥ܳܟ ܘܰܬ̥ܣܰܬ̊ܰܪܝ ܠܰܢ ܡܶܢ ܠܽܘ̈ܚܳܡܶܐ ܕ̥ܟ̥ܺܐܢܽܘ̣ܬ̥ܳܐ. ܘܰܚܢܰܢ ܦܪ̈ܺܝ̣ܩܰܝ ܒܰܫܡܳܟ̥ ܩܰܕ̊ܺܝ̣ܫܳܐ܆ ܟ̊ܰܕ̥ ܠܦܽܘ̣ܪܩܳܢܳܐ ܗܳܢܳܐ ܡܶܫܬ̊ܘܶܝܢܰܢ܆ ܬ̊ܶܫܒ̈ܚܳܬ̥ܳܐ ܕ̥ܙܳܟ̥ܽܘ̣ܬ̥ܳܐ ܢܶܫܬ̊ܘܶܐ ܕ̥ܰܢܩܰܪܶܒ ܠܣܰܓ̊ܺܝ̣ܐܽܘ̣ܬ̥ ܪ̈ܰܚܡܰܝܟ̊ ܠܳܐ ܡܶܬ̥ܡܰܫ̈ܚܳܢܶܐ ܡܳܪܝܳܐ܆ ܘܠܰܐܒܽܘ̣ܟ̥ ܡܒܰܪܟ̥ܳܐ ܘܛܽܘ̣ܒ̥ܬ̥ܳܢܳܐ ܕ̥ܫܰܠܚܳܟ̥ ܠܦܽܘ̣ܪܩܳܢܰܢ. ܘܰܠܪܽܘ̣ܚܳܟ̥ ܩܰܕ̊ܺܝ̣ܫ ܒܟ̥ܽܠ ܘܛܳܒ̥ܳܐ ܘܰܣܓ̥ܺܝ̣ܕ̥ܳܐ ܘܡܰܥܒܶܕ̥ ܚܰܝܶـ̈ܐ ܘܰܫܘܶܐ ܠܳܟ̥ ܒܽܐܘ̣ܣܺܝܰܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

أيها المسيح إلهنا العظيم بالمواهب والفائض بالمِنَح والشفوق بالمراحم، الطويل الأناة وكثير النعمة، الفائضة رحمته على خائفيه وعلى العائدين إليه܀

مَنْ لا يشاء موت الخاطئ حتّى يعودَ إليه فيحيا. يا وحيدَ الآب الذي سكبتَ على تلاميذك القديسين كافةً المواهبَ والمِنَح الصالحة. يا من غفرت للشعب جهالته بدعاء اصفيائك. يا من قبلت طلباتِ موسى النبي وطهّرتَ مريم أختَه من بَرصها وأنقذتَ راحاب وتجاوزت عن جريمة داوود من أجل الطلبة الاستغفارية التي قربها امامك. وخلصت يونان. ونجيت منسّى. فاقبَلْ الآن أيضاً طلبات عبدك وتضرّعاته وهو يتخشع [عبيدك وتضرعاتهم و هم يتخشعون] أمام ربوبيتك بخوف ورعدة. وأرسل اليه [إليهم] موهبة الروح القدس. أجل أيها الرب إلهنا يا من عُلِّقتَ على عود الصليب من أجل خطايانا. وقدّست الفضاء ونزلت إلى أسافل الأرض. لأنك اشتبكت مع الموت وأصعدت الطبع البشري الذي كان مطموراَ في دنس الخطيئة. وحملته على كَتيفَيكَ العطوفتين ودعوت كل القوات السماوية ليفرحوا من أجله ويبتهجوا. يا أيّها الراعي الصالح الذي أتى ليدعوَ الخطأَة. أعِدهم إليك. واقبل التائبين بنعمتك. وصُن الأبرارَ برحمتك وأقِم الساقطين. وثبِّتْ القائمين أَعِد الضالين واجمَع المبدّدين. تعهد برأفتك كل واحد بما يساعده ويفيده. وأهِّل عبدَك هذا الذي انقطع (عبيدك هؤلاء الذين انقطعوا) عن العالم ليكونَ (ليكونوا) في جوارك للرحمة ومغفرة الخطايا وإسفار الوجه أمامك. أنقذه (أنقذهم) من فخاخ الخطيئة وعثراتها وتجاربها.ومن كل إثارات الثالبين والأبالسة والناس الأشرار. ونجِّه (ونجّهم) من الأهواء السمجة. ومن كل الأفكار التي لا تروقك واحفظه (واحفظهم) بالطهر والعفاف والقداسة وبكل ما يسرّ مشيئتك. لا تدعه (تدعهم) يا رب أن يكون (يكونوا) لنفسه (لانفسهم) او لرفقائه (لرفقائهم) أو البعيدين او القريبين سببَ عثرةٍ أو شكٍّ أو خسارةٍ أو ضررٍ ومشابَه ذلك من ضروب الخطيئة أياً كان. بل قَوِّه (قوهم) بنعمتك غير الموصوفة الراغبة في خلاص البشر ليكون (ليكونوا) مدعاةً إلى تمجيد اسمك القدوس. وارأف يارب بهذا الشعب المحتشد باسمك القدوس الذي نسكب نحن أيضاً معه أمامك قلوبَنا ملتمسين منك، أن لا تخطر خطايانا ومساوئنا ببالك المقدس المتناسي الشرور. فنحن قد خطئنا لأنّنا بشر وأثمنا لكوننا ترابيّين، أذنبنا مثل أشرار، أما أنت أيا ربّاه فاغفر لنا شأن الاله. اصفح عنّا شأن الرحيم وأعتقنا شأن الكريم. لا تنكرنا يا رب إلى الأبد. لا تصرف يا رب وجهك عنا، لا تنكس رأسنا إلى الأرض من جراء ما ارتكبنا من المساوئ، ولا نكونّن يا رب عرضةً للاستهزاء والبكاء والازدراء أمام محفل الملائكة والبشر، لا تُخزِنا يا ربُّ خِزْياً أبدياً، بل جُدْ علينا بالدالّة والقيام عن يمينك. وعندما تشبّ النار على المنافقين، فلتبسط نعمتك أكنافها وتحمِنا من زواجر العدل. فإذا ما استحققنا يا رب نحن المفتدين باسمك القدوس هذه النجاة نُؤهل لأن نُقِّرب تسابيح الانتصار لمراحمك الجزيلة التي لا قياس لها يا رب ولأبيك المبارك المغبوط الذي أرسلك لأجل خلاصنا ولروحك القدوس الصالح المسجود له والمحيي والمساوي لك في الجوهر الآن وكل أوان وإلى أبد الآبدين܀

 

ܪܺܝܫܟ̊ܳܗ̈ܢܶܐ:

ܡܶܢ ܐܰܠܳܗܳܐ ܢܩܰܒ̊ܶܠ ܚܽܘ̣ܣܳܝܳܐ ܕ̥ܚܰܘ̈ܒܶܐ ܘܫܽܘ̣ܒ̥ܩܳܢܳܐ ܕ̥ܰܚ̈ܛܳܗܶܐ ܒܰܬ̥ܪ̈ܰܝܗܽܘ̇ܢ ܥܳܠ̈ܡܶܐ ܠܥܳܠܰܡ ܥܳܠܡܺܝܢ܀

 

ܩܳܠܳܐ ܕ̥ܩܽܘ̇ܩܳܝܳܐ [ܒܪܶܟ̥ܢܳܐ ܫܒ̥ܺܝ̣ܥܳܝܳܐ]

 

ܡܫܰܡ̈ܫܳܢܶܐ:

ܥܶܪܒܳܐ ܕ̥ܶܐܬ̥ܳܐ ܠܰܛܝܳܪܳܟ̥ ܒܰܪ ܐܰܠܳܗܳܐ܆ ܘܰܒܬ̥ܰܪܥܳܐ ܕ̥ܪ̈ܰܚܡܰܝܟ̊ ܢܳܩܶܫ ܒܰܕ̥ܡܽܘ̣ܬ̥ ܚܰܛܳܝܬ̊ܳܐ܆ ܩܰܒܶܠܳܝܗ̱ܝ ܡܳܪܝ ܒܪ̈ܰܚܡܶܐ ܕ̥ܛܰܝܒ̊ܽܘ̣ܬ̥ܳܟ̥܆ ܘܣܺܝܡ ܬ̊ܽܘܒ̥ ܥܠܰܘܗ̱ܝ܆ ܪܽܘ̣ܫܡܶܗ ܕ̊ܰܨܠܺܝ̣ܒ̥ܳܟ̥. ܢܶܛܥܰܢ ܢܺܝ̣ܪܳܟ̥ ܒܰܣܺܝ̣ܡܳܐ܆ ܘܡܰܘܒ̊ܠܳܟ̥ ܩܰܠܺܝ̣ܠܬ̊ܳܐ܆ ܘܥܰܡ ܗܳܠܶܝܢ ܚܰܟ̊ܺܝ̈ܡܳܬ̥ܳܐ܆ ܠܰܓ̥ܢܽܘ̇ܢܳܟ̥ ܢܶܫܬ̊ܘܶܐ ܗ̄ܘܗ̄܀ ܚܰܬ̥ܢܳܐ ܡܫܺܝ̣ܚܳܐ ܕ̥ܰܡܟ̥ܰܪ ܠܶܗ܆ ܢܰܦܫܳܐ ܕ̥ܐ̱ܢܳܫܳܐ. ܘܒܰܕ̥ܡܳܐ ܕ̥ܰܩܢܽܘ̇ܡܶܗ ܦܰܪܩܳܗ̇܆ ܘܒܰܨܠܺܝ̣ܒܶܗ ܚܰܪܪܳܗ̇. ܨܰܒ̊ܶܬ̥ ܫܽܘ̣ܦܪ̈ܶܝܗ̇܆ ܒܣܽܘ̇ܓ̥ܐܳܐ ܕ̥ܢܳܡܽܘ̇ܣܰܝ̈ܟ̊. ܘܶܐܫܬ̊ܰܘܕܳܐ ܠܳܗ̇܆ ܚܰܝ̈ܶܐ ܕ̥ܰܠܥܳܠܰܡ. ܢܰܦܫܳܐ ܗܳܕ̥ܶܐ ܕ̥ܶܐܬ̥ܡܰܟ̥ܪܰܬ̥ ܠܰܙܩܺܝ̣ܦܽܘ̣ܬ̥ܳܟ̥. ܗܰܒ ܠܳܗ̇ ܕ̊ܬ̥ܶܦܠܽܘ̇ܚܝ ܛܳܒ̈ܬ̥ܳܐ ܘܠܰܓ̥ܢܽܘ̇ܢܳܟ̥ ܬ̊ܶܫܬ̊ܘܶܐ ܗ̄ܘܗ̄܀

ܡܫܰܡ̈ܫܳܢܶܐ:

ܒܰܪܶܟ̥ܡܳܪܝ܀

ܪܺܝܫܟܳܗ̈ܢܶܐ:

ܫܽܘ̣ܒ̥ܚܳܐ ܠܰܐܒ̥ܳܐ ܘܠܰܒ̥ܪܳܐ ܘܰܠܪܽܘ̣ܚܳܐ ܩܰܕ̊ܺܝ̣ܫܳܐ܀

ܡܫܰܡ̈ܫܳܢܶܐ:

ܗܰܠܶܠܽܘܝܰܗ܆ ܐܰܠܳܗܳܐ ܕ̥ܰܦܬ̥ܺܝ̣ܚ ܬ̊ܰܪܥܶܗ܆ ܠܰܕ̥ܢܳܩܶܫ ܒܶܗ. ܦ̊ܬ̥ܰܚ ܠܺܝ ܬ̥ܰܪܥܶܗ ܕ̊ܰܚܢܳܢܳܟ̥܆ ܕ̊ܰܪܟ̥ܺܝ̣ܢ ܐ̱ܢܳܐ ܩܕ̥ܳܡܰܝܟ̊. ܐܰܢ̱ܬ̊ ܢܰܛܰܪܰܝܢܝ܆ ܐܰܝܟ̥ ܒܳܒܬ̥ܳܐ ܕ̥ܥܰܝܢܳܐ. ܘܰܐܢ̱ܬ̊ ܣܰܬ̊ܰܪܰܝܢܝ܆ ܕ̊ܠܳܐ ܢܰܟ̊ܶܝܢܝ ܒܺܝ̣ܫܳܐ. ܚܢܳܢܳܟ̥ ܡܳܪܝ ܢܶܦܘ̇ܩ ܒܰܒܥܳܬ̥ܝ܆ ܘܪ̈ܰܚܡܰܝܟ̊ ܢܢܰܛܪܽܘ̣ܢܳܢܝ. ܘܶܐܗܘܶܐ ܙܡܺܝ̣ܢܳܐ ܒܡܶܫܬ̊ܽܘ̣ܬ̥ܳܐ ܕ̥ܰܡܛܰܝܒܳܐ ܠܪ̈ܳܚܡܰܝܟ̊ ܗ̄ܘܗ̄܀

ܡܶܢܥܳܠܰܡ܆ ܗܰܠܶܠܽܘܝܰܗ܆ ܓ̊ܙܳܪܳܐ ܕ̥ܥܶܪ̈ܒܶܐ ܪ̈ܽܘ̣ܚܳܢܶܐ܆ ܕ̊ܠܰܛܝܳܪܶܗ ܟ̊ܰܢܫܰܢܝ. ܒܥܰܘ ܪ̈ܰܚܡܶܐ ܚܠܳܦ ܚܰܠܳܫܽܘ̣ܬ̥ܝ܆ ܕ̊ܪܶܚܡܶܬ̥ ܥܶܢܝܳܢܟ̥ܽܘ̇ܢ. ܢܗܶܐ ܠܳܟ̥ ܡܳܪܝܳܐ܆ ܫܽܘ̣ܪܳܐ ܚܰܣܺܝ̣ܢܳܐ. ܘܒܶܗ ܬ̊ܶܬ̥ܦܰܨܶܐ܆ ܡܶܢ ܟ̊ܽܠ ܢܶܟ̥ܝܳܢܺܝ̈ܢ. ܢܰܫܘܶܝܟ̥ ܡܳܪܰܢ ܕ̊ܥܰܡ ܟ̊ܽܠܗܽܘ̇ܢ ܕ̊ܰܥܒ̥ܰܕ̥ܘ ܨܶܒܝܳܢܶܗ. ܢܶܚܕ̊ܶܐ ܒܳܟ̥ ܘܰܐܢ̱ܬ̊ ܬ̊ܶܚܕ̊ܶܐ ܒܶܗ܆ ܒܚܰܝ̈ܶܐ ܕ̥ܠܳܐ ܥܳܒܪܺܝ̣ܢ ܗ̄ܘܗ̄܀

ܡܫܰܡ̈ܫܳܢܶܐ:

ܡܳܪܝܳܐ ܡܪܰܚܡܳܢܳܐ ܪܰܚܶܡܥܠܰܝܢ ܘܥܰܕ̊ܰܪܰܝܢ܀

 

ܥܶܛܪܳܐ

 

ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܣܰܒ̥ܪܳܐ ܫܰܪܺܝ̣ܪܳܐ ܕ̥ܥܺܕ̊ܬ̊ܶܗ. ܘܬ̥ܽܘ̣ܟ̥ܠܳܢܳܐ ܕ̥ܰܡܗܰܝܡ̈ܢܰܘܗ̱ܝ. ܡܰܢ ܕ̊ܰܦܬ̥ܺܝ̣ܚ ܬ̊ܰܪܥܶܗ ܠܬ̥ܰܝܳܒ̈ܶܐ. ܘܰܡܩܰܒ̊ܶܠ ܠܚܰܛܳܝ̈ܐ ܕ̥ܰܠܘܳܬܶܗ ܡܶܬ̥ܦܢܶܝܢ. ܦ̊ܬ̥ܰܚ ܡܳܪܝܳܐ܆ ܬ̊ܰܪܥܳܐ ܕ̥ܪ̈ܰܚܡܰܝܟ̊ ܠܥܰܒ̥ܕ̊ܳܟ̥ ܗܳܢܳܐ ܘܩܰܒܶܠܳܝܗ̱ܝ ܕ̊ܗܳܐ ܐܰܪܟ̊ܶܢ ܨܰܘܪܶܗ [ܠܥܰܒ̥ܕ̊ܰܝ̈ܟ̊ ܗܳܠܶܝܢ ܘܩܰܒܶܠ ܐܶܢܽܘ̇ܢ ܕ̊ܗܳܐ ܐܰܪܟ̊ܶܢܘ ܨܰܘܪ̈ܰܝܗܽܘ̇ܢ] ܠܰܡܩܰܒܳܠܽܘ̣ ܠܢܺܝ̣ܪܳܟ̥ ܒܰܣܺܝ̣ܡܳܐ ܘܢܺܐܬ̥ܶܐ ܪܽܘ̣ܚܳܟ̥ ܩܰܕ̊ܺܝ̣ܫܳܐ ܘܢܰܓ̊ܶܢ ܥܠܰܘܗ̱ܝ [ܥܠܰܝܗܽܘ̇ܢ]. ܘܢܶܬ̥ܚܰܣܽܘ̇ܢ ܒܰܚܢܳܢܳܟ̥ ܟ̊ܽܠܗܽܘ̇ܢ ܒܽܘ̣ܨܳܪ̈ܰܘܗܝ [ܒܽܘ̣ܨܳܪ̈ܰܝܗܽܘ̇ܢ]. ܘܰܡܢܺܝܘܗ̱ܝ [ܘܰܡܢܺܝ ܐܶܢܽܘ̇ܢ] ܡܳܪܝ ܒܰܓ̥ܙܳܪܳܟ̥. ܘܢܶܗܘܶܐ ܐܶܡܪܳܐ [ܘܢܶܗܘܽܘ̇ܢ ܐܶܡܪ̈ܶܐ] ܒܡܰܪܥܺܝ̣ܬ̥ܳܟ̥. ܘܥܰܡ ܟ̊ܽܠܗܽܘ̇ܢ ܒܢܶܝ̈ܗ̇ ܕ̥ܥܺܕ̊ܬ̊ܳܐ ܬ̥ܰܠܡܺܝ̈ܕ̥ܶܐ ܩܰܕ̊ܺܝ̣̈ܫܶܐ ܒܓ̥ܰܠܝܽܘ̣ܬ̥ ܐܰܦ̈ܶܐ ܢܫܰܒܚܳܟ̥ [ܢܫܰܒܚܽܘ̣ܢܳܟ̥]. ܘܠܰܐܒܽܘ̣ܟ̥ ܘܰܠܪܽܘ̣ܚܳܟ̥ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ربنا يسوع المسيح يا رجاء بيعتك الوطيد ومتّكل المؤمنين به. يا من بابُهُ مفتوحٌ للتائبين ويقبلُ الخطأةَ العائدين إليه. افتحْ يارب بابَ مراحمك لعبدك هذا واقبله. (لعبيدك هؤلاء واقبلهم) فها إنه قد حنى عنقه ليحمل (إنهم قد حنوا أعناقهم ليحملوا) نيرك الطيب. وليأت روحُك القدوس ويحلَّ عليه (عليهم) اغفر بحنوّك كلَّ نقائصه (نقائصهم). واحْصِه (واحْصِم) يارب في قطيعك واجعله حَمَلاً (واجعلهم حملاناً) في قطيعك ويسبحك (ويسبحوك) بوجهٍ مكشوف مع التلاميذ القديسين أبناء البيعة. ويسبح (ويسبحون) أباك وروحك القدوس الآن وكل أوان وإلى أبد الآبدين܀

 

ܙܽܘ̣ܡܳܪܳܐ

 

ܡܫܰܡ̈ܫܳܢܶܐ:

ܩܳܠܳܐ ܕ̥ܫܽܘ̣ܒ̥ܚܳܐ ܘܰܕ̥ܦܽܘ̣ܪܩܳܢܳܐ ܒܡܰܫܟ̊ܢܳܐ ܕ̥ܙܰܕܺܝ̈ܩܶܐ ܪܽܘ̣ܚܩܽܘ̣ܕ̥ܫܳܐ ܒܕܰܘܺܝܕ̥ ܙܶܡܪܰܬ̥܀

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܣܶܦܪܳܐ ܕ̥ܰܒܪܺܝܬ̥ܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܳܗ̇ ܕܽܐܘܪܳܝܬ̊ܳܐ ܘܰܥܠܰܝܢ ܪ̈ܰܚܡܰܘܗ̱ܝ ܠܥܳܠܡܺܝ̣ܢ܀

 

 


ܘܶܐܡܰܪ ܡܳܪܝܳܐ ܠܰܐܒܪܳܗܳܡ: ܙܶܠ ܠܳܟ̥ ܡܶܢ ܐܰܪܥܳܟ̥ ܘܡܶܢ ܐܰܝܡܶܟ̊ܳܐ ܕ̥ܶܐܬ̥ܺܝܠܶܕ̊ܬ̊܆ ܘܡܶܢ ܒܶܝܬ̥ ܐܰܒܽܘ̣ܟ̥܆ ܠܰܐܪܥܳܐ ܕ̥ܶܐܚܰܘܶܝܟ̥. ܘܶܐܥܒ̊ܕ̥ܳܟ̥ ܠܥܰܡܳܐ ܪܰܒܳܐ. ܘܶܐܒܰܪܟ̥ܳܟ̥ ܘܰܐܘܪܶܒ ܫܡܳܟ̥. ܘܰܗܘܺܝ ܒܪܺܝ̣ܟ̥. ܘܶܐܒܰܪܶܟ̥ ܡܒܰܪ̈ܟ̥ܳܢܰܝܟ̊܆ ܘܰܡܠܺܝ̣ܛܳܢܰܝ̈ܟ̊ ܐܶܠܽܘ̣ܛ. ܘܢܶܬ̥ܒܰܪ̈ܟ̥ܳܢ ܒܳܟ̥ ܟ̊ܽܠܗܶܝܢ ܫܰܪ̈ܒܳܬ̥ܳܐ ܕ̥ܰܐܪܥܳܐ܆ ܘܰܒܙܰܪܥܳܟ̥. ܘܥܒ̥ܰܕ̥ ܐܰܒܪܳܡ ܐܰܝܟ̥ ܕ̊ܶܐܡܰܪ ܠܶܗ ܡܳܪܝܳܐ. ܘܰܐܒܪܳܡ ܒܰܪ ܫܰܒܥܺܝ̣ܢ ܗ̱ܘܳܐ ܘܚܰܡܶܫ ܫܢܺܝ̈ܢ ܟ̊ܰܕ̥ ܢܦܰܩ ܡܶܢ ܚܳܪܳܢ. ܘܰܕ̥ܒ̥ܰܪ ܠܶܗ ܐܰܒܪܳܡ ܠܣܰܪܰܝ ܐܰܢ̱ܬ̊ܬ̥ܶܗ܆ ܘܰܠܠܽܘ̇ܛ ܒܰܪ ܐܰܚܽܘ̣ܗ̱ܝ܆ ܘܰܠܟ̥ܽܠܶܗ ܩܶܢܝܳܢܗܽܘ̇ܢ ܕ̊ܰܩܢܰܘ܆ ܘܢܰܦ̈ܫܳܬ̥ܳܐ ܕ̥ܰܥܒ̥ܰܕ̥ܘ ܒܚܳܪܳܢ܆ ܘܰܢܦܰܩܘ ܠܡܺܐܙܰܠ ܠܰܐܪܥܳܐ ܕ̥ܰܟ̥ܢܰܥܰܢ. ܘܶܐܬ̥ܰܘ ܠܰܐܪܥܳܐ ܕ̥ܰܟ̥ܢܰܥܰܢ. ܘܰܥܒܰܪ ܐܰܒܪܳܡ ܒܰܐܪܥܳܐ܆ ܥܕ̥ܰܡܳܐ ܠܰܐܬ̥ܪܳܐ ܕ̥ܰܫܟ̥ܺܝܡ. ܘܰܥܕ̥ܰܡܳܐ ܠܒܰܠܽܘܛܳܐ ܕ̥ܡܰܡܪܶܐ. ܘܰܟ̥ܢܰܥ̈ܢܳܝܶܐ ܥܕ̥ܰܟ̊ܺܝܠ ܝܳܬ̥ܒ̊ܺܝ̣ܢ ܒܰܐܪܥܳܐ. ܘܶܐܬ̥ܓ̊ܠܺܝ ܡܳܪܝܳܐ ܥܰܠ ܐܰܒܪܳܗܳܡ܆ ܘܶܐܡܰܪ ܠܶܗ: ܠܙܰܪܥܳܟ̥ ܐܶܬ̊ܠܺܝܗ̇ ܐܰܪܥܳܐ ܗܳܕ̥ܶܐ. ܘܰܒܢܳܐ ܬ̥ܰܡܳܢ ܡܰܕ̥ܒ̊ܚܳܐ ܠܡܳܪܝܳܐ ܕ̥ܶܐܬ̥ܓ̊ܠܺܝ ܥܠܰܘܗ̱ܝ. ܘܫܰܢܺܝ ܡܶܢ ܬ̊ܰܡܳܢ ܠܛܽܘ̣ܪܳܐ܆ ܡܶܢ ܡܰܕ̥ܢܚܳܐ ܠܒܶܝܬ̥ ܐܺܝ̣ܠ܆ ܘܰܢܩܰܫ ܡܰܫܟ̊ܢܶܗ ܒܶܝܬ̥ ܐܺܝ̣ܠ ܡܶܢ ܡܰܥܪܒܳܐ܆ ܘܥܳܝ ܡܶܢ ܡܰܕ̥ܢܚܳܐ܆ ܘܰܒܢܳܐ ܬ̥ܰܡܳܢ ܡܰܕ̥ܒ̊ܚܳܐ ܠܡܳܪܝܳܐ܆ ܘܰܩܪܳܐ ܒܰܫܡܶܗ ܕ̊ܡܳܪܝܳܐ. ܘܰܫܩܰܠ ܐܰܒܪܳܡ ܘܶܐܙܰܠ܆ ܘܡܰܫܩܠܳܢܶܗ ܠܬ̥ܰܝܡܢܳܐ[1]܀

وَقَالَ الرَّبُّ لأَبْرَامَ: «اذْهَبْ مِنْ أَرْضِكَ وَمِنْ عَشِيرَتِكَ وَمِنْ بَيْتِ أَبِيكَ إِلَى الأَرْضِ الَّتِي أُرِيكَ. فَأَجْعَلَكَ أُمَّةً عَظِيمَةً وَأُبَارِكَكَ وَأُعَظِّمَ اسْمَكَ وَتَكُونَ بَرَكَةً. وَأُبَارِكُ مُبَارِكِيكَ وَلاَعِنَكَ أَلْعَنُهُ. وَتَتَبَارَكُ فِيكَ جَمِيعُ قَبَائِلِ الأَرْضِ». فَذَهَبَ أَبْرَامُ كَمَا قَالَ لَهُ الرَّبُّ وَذَهَبَ مَعَهُ لُوطٌ. وَكَانَ أَبْرَامُ ابْنَ خَمْسٍ وَسَبْعِينَ سَنَةً لَمَّا خَرَجَ مِنْ حَارَانَ. فَأَخَذَ أَبْرَامُ سَارَايَ امْرَأَتَهُ وَلُوطاً ابْنَ أَخِيهِ وَكُلَّ مُقْتَنَيَاتِهِمَا الَّتِي اقْتَنَيَا وَالنُّفُوسَ الَّتِي امْتَلَكَا فِي حَارَانَ. وَخَرَجُوا لِيَذْهَبُوا إِلَى أَرْضِ كَنْعَانَ. فَأَتُوا إِلَى أَرْضِ كَنْعَانَ. وَاجْتَازَ أَبْرَامُ فِي الأَرْضِ إِلَى مَكَانِ شَكِيمَ إِلَى بَلُّوطَةِ مُورَةَ. وَكَانَ الْكَنْعَانِيُّونَ حِينَئِذٍ فِي الأَرْضِ. وَظَهَرَ الرَّبُّ لأَبْرَامَ وَقَالَ: «لِنَسْلِكَ أُعْطِي هَذِهِ الأَرْضَ». فَبَنَى هُنَاكَ مَذْبَحاً لِلرَّبِّ الَّذِي ظَهَرَ لَهُ. ثُمَّ نَقَلَ مِنْ هُنَاكَ إِلَى الْجَبَلِ شَرْقِيَّ بَيْتِ إِيلٍ وَنَصَبَ خَيْمَتَهُ. وَلَهُ بَيْتُ إِيلَ مِنَ الْمَغْرِبِ وَعَايُ مِنَ الْمَشْرِقِ. فَبَنَى هُنَاكَ مَذْبَحاً لِلرَّبِّ وَدَعَا بِاسْمِ الرَّبِّ. ثُمَّ ارْتَحَلَ أَبْرَامُ ارْتِحَالاً مُتَوَالِياً نَحْوَ الْجَنُوبِ܀

 

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܣܶܦܪܳܐ ܕ̥ܡܶܢܝܳܢܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܳܗ̇ ܕܽܐܘܪܳܝܬ̊ܳܐ ܘܰܥܠܰܝܢ ܪ̈ܰܚܡܰܘܗ̱ܝ ܠܥܳܠܡܺܝ̣ܢ܀

 

ܘܡܰܠܶܠ ܡܳܪܝܳܐ ܥܰܡ ܡܽܘܫܶܐ ܘܶܐܡܰܪ ܠܶܗ: ܡܰܠܶܠ ܥܰܡ ܒܢܰܝ̈ ܝܺܣܪܳܐܶܝܠ ܘܶܐܡܰܪ ܠܗܽܘ̇ܢ: ܓ̊ܰܒܪܳܐ ܐܰܘ ܐܰܢ̱ܬ̊ܬ̥ܳܐ ܕ̥ܢܶܦܪܽܘ̇ܫ ܘܢܶܕ̊ܽܘ̇ܪ ܢܶܕ̥ܪܳܐ ܕ̥ܰܢܙܺܝ̣ܪܽܘ̣ܬ̥ܳܐ ܘܢܶܬ̥ܢܙܰܪ ܠܡܳܪܝܳܐ܆ ܡܶܢ ܚܰܡܪܳܐ ܘܡܶܢ ܫܰܟ̥ܪܳܐ ܠܳܐ ܢܶܫܬ̊ܶܐ. ܘܡܶܢ ܟ̊ܽܠ ܬ̊ܶܪܝܳܢܳܐ ܕ̥ܥܶܢ̈ܒܶܐ ܘܰܐܦ̈ܫܳܬ̥ܳܐ ܠܳܐ ܢܶܐܟ̥ܽܘ̇ܠ. ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܰܢܙܺܝ̣ܪܽܘ̣ܬ̥ܶܗ ܟ̊ܽܠܡܶܕ̊ܶܡ ܕ̊ܡܶܬ̥ܥܒ̥ܶܕ̥ ܡܶܢ ܓ̊ܦܶܬ̊ܳܐ ܕ̥ܚܰܡܪܳܐ܆ ܡܶܢ ܥܽܘ̣ܨܳܪ̈ܶܐ ܘܰܥܕ̥ܰܡܳܐ ܠܟ̥ܰܡ̈ܫܽܘܢܶܐ܆ ܠܳܐ ܢܶܐܟ̥ܽܘ̇ܠ. ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܢܶܕ̥ܪܳܐ ܕ̥ܰܢܙܺܝ̣ܪܽܘ̣ܬ̥ܶܗ܆ ܘܰܡܕ̥ܰܟ̊ܝܳܐ ܠܳܐ ܢܶܣܰܩ ܥܰܠ ܪܺܝܫܶܗ܆ ܥܕ̥ܰܡܳܐ ܕ̥ܢܶܫܠܡܽܘ̣ܢ ܝܰܘ̈ܡܳܬ̥ܳܐ ܕ̥ܶܐܬ̥ܢܙܰܪ ܠܡܳܪܝܳܐ. ܩܰܕ̊ܺܝ̣ܫ ܢܶܗܘܶܐ܆ ܘܰܢܪܰܒܶܐ ܣܰܥܪܳܐ ܕ̥ܪܺܝܫܶܗ܆ ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܶܐܬ̥ܢܙܰܪ ܠܡܳܪܝܳܐ܆ ܘܥܰܠ ܢܰܦܫܳܐ ܕ̥ܡܺܝܬ̥ܳܐ ܠܳܐ ܢܶܥܽܘ̇ܠ. ܘܒܰܐܒܽܘ̣ܗ̱ܝ ܘܒܶܐܡܶܗ ܘܒܰܐܚܽܘ̣ܗ̱ܝ ܘܰܒܚܳܬ̥ܶܗ ܠܳܐ ܢܶܬ̊ܛܰܡܰܐ ܒܗܽܘ̇ܢ ܒܡܰܘܬ̊ܗܽܘ̇ܢ. ܡܶܛܽܠ ܕܰܟ̥ܠܺܝ̣ܠܳܐ ܕ̥ܰܐܠܳܗܶܗ ܥܰܠ ܪܺܝܫܶܗ. ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܰܢܙܺܝ̣ܪܽܘ̣ܬ̥ܶܗ ܩܰܕ̊ܺܝ̣ܫܽ ܗ̱ܘ ܠܡܳܪܝܳܐ[2]܀

وَأَمَرَ الرَّبُّ مُوسَى: «قُل لِبَنِي إِسْرَائِيل: إِذَا انْفَرَزَ رَجُلٌ أَوِ امْرَأَةٌ لِيَنْذُرَ نَذْرَ النَّذِيرِ لِيَنْتَذِرَ لِلرَّبِّ فَعَنِ الخَمْرِ وَالمُسْكِرِ يَفْتَرِزُ وَلا يَشْرَبْ خَل الخَمْرِ وَلا خَل المُسْكِرِ وَلا يَشْرَبْ مِنْ نَقِيعِ العِنَبِ وَلا يَأْكُل عِنَباً رَطْباً وَلا يَابِساً. كُل أَيَّامِ نَذْرِهِ لا يَأْكُل مِنْ كُلِّ مَا يُعْمَلُ مِنْ جَفْنَةِ الخَمْرِ مِنَ العَجَمِ حَتَّى القِشْرِ. كُل أَيَّامِ نَذْرِ افْتِرَازِهِ لا يَمُرُّ مُوسَى عَلى رَأْسِهِ. إِلى كَمَالِ الأَيَّامِ التِي انْتَذَرَ فِيهَا لِلرَّبِّ يَكُونُ مُقَدَّساً وَيُرَبِّي خُصَل شَعْرِ رَأْسِهِ. كُل أَيَّامِ انْتِذَارِهِ لِلرَّبِّ لا يَأْتِي إِلى جَسَدِ مَيِّتٍ. أَبُوهُ وَأُمُّهُ وَأَخُوهُ وَأُخْتُهُ لا يَتَنَجَّسْ مِنْ أَجْلِهِمْ عِنْدَ مَوْتِهِمْ لأَنَّ انْتِذَارَ إِلهِهِ عَلى رَأْسِهِ. إِنَّهُ كُل أَيَّامِ انْتِذَارِهِ مُقَدَّسٌ لِلرَّبِّ܀

 

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܣܶܦܪܳܐ ܕ̥ܬ̥ܶܢܝܳܢ ܢܳܡܽܘ̇ܣܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܳܗ̇ ܕܽܐܘܪܳܝܬ̊ܳܐ ܘܰܥܠܰܝܢ ܪ̈ܰܚܡܰܘܗ̱ܝ ܠܥܳܠܡܺܝ̣ܢ܀

 

ܗܳܟ̥ܰܢܳܐ ܐܳܡܰܪ ܡܳܪܝܳܐ: ܚܙܺܝ܆ ܕ̊ܝܶܗܒ̊ܶܬ̥ ܩܕ̥ܳܡܰܝܟ̊ ܝܰܘܡܳܢܳܐ ܚܰܝ̈ܶܐ ܘܛܳܒ̈ܬ̥ܳܐ܆ ܘܡܰܘܬ̊ܳܐ ܘܒܺܝ̈ܫܳܬ̥ܳܐ. ܕ̊ܰܡܦܰܩܶܕ̥ ܐ̱ܢܳܐ ܠܳܟ̥ ܝܰܘܡܳܢܳܐ܆ ܕ̊ܬ̥ܶܪܚܰܡ ܠܡܳܪܝܳܐ ܐܰܠܳܗܳܟ̥܆ ܘܰܬ̥ܗܰܠܶܟ̥ ܒܽܐܘ̣ܪ̈ܚܳܬ̥ܶܗ܆ ܘܬ̥ܶܛܰܪ ܦܽܘ̣ܩܕ̊ܳܢܰܘ̈ܗ̱ܝ ܘܢܳܡܽܘ̇ܣܰܘ̈ܗ̱ܝ ܘܕ̥ܺܝ̈ܢܰܘܗ̱ܝ܆ ܘܬ̥ܺܚܶܐ ܘܬ̥ܶܣܓ̊ܶܐ ܛܳܒ. ܘܰܢܒܰܪܟ̥ܳܟ̥ ܡܳܪܝܳܐ ܐܰܠܳܗܳܟ̥ ܒܰܐܪܥܳܐ ܕ̥ܥܳܐܶܠ ܐܰܢ̱ܬ̊ ܠܬ̥ܰܡܳܢ ܠܡܺܐܪܬ̊ܳܗ̇܀ ܘܶܐܢ ܢܶܣܛܶܐ ܠܶܒܳܟ̥ ܘܠܳܐ ܬ̥ܶܫܡܰܥ܆ ܘܬ̥ܶܛܥܶܐ ܘܬ̥ܶܣܓ̊ܽܘ̇ܕ̥ ܠܰܐܠ̈ܗܶܐ ܐ̱ܚܪ̈ܳܢܶܐ܆ ܘܬ̥ܶܦܠܽܘ̇ܚ ܐܶܢܘܢ܆ ܚܰܘܺܝܬ̥ܟ̥ܽܘ̇ܢ ܝܰܘܡܳܢܳܐ ܕ̥ܡܺܐܒܰܕ̥ ܐܳܒ̥ܕ̊ܺܝܬ̊ܽܘ̇ܢ. ܘܠܳܐ ܬ̥ܰܓ̊ܪܽܘ̣ܢ ܝܰܘ̈ܡܳܬ̥ܳܐ ܒܰܐܪܥܳܐ ܕ̥ܥܳܒܪܺܝܬ̊ܽܘ̇ܢ ܝܽܘ̇ܪܕܢܳܢ܆ ܠܡܶܥܰܠ ܬ̊ܰܡܳܢ ܠܡܺܐܪܬ̊ܳܗ̇܀ ܣܰܗܕ̊ܶܬ̥ ܒܟ̥ܽܘ̇ܢ ܝܰܘܡܳܢܳܐ ܫܡܰܝܳܐ ܘܰܐܪܥܳܐ܆ ܕ̊ܚܰܝܶـ̈ܐ ܘܡܰܘܬ̊ܳܐ ܝܶܗܒ̊ܶܬ̥ ܩܕ̥ܳܡܰܝܟ̊ܽܘ̇ܢ܆ ܒܽܘ̣ܪ̈ܟ̊ܳܬ̥ܳܐ ܘܠܰܘ̈ܛܳܬ̥ܳܐ. ܓ̊ܒܺܝ ܠܳܟ̥ ܚܰܝ̈ܐ܆ ܕ̊ܬ̥ܺܚܶܐ ܐܰܢ̱ܬ̊ ܘܙܰܪܥܳܟ̥܀ ܟ̊ܰܕ̊ ܬ̊ܶܪܚܰܡ ܠܡܳܪܝܳܐ ܐܰܠܳܗܳܟ̥܆ ܘܬ̥ܶܫܡܰܥ ܒܩܳܠܶܗ ܘܬ̥ܶܬ̥ܢܰܩܰܦ ܠܶܗ. ܡܶܛܽܠ ܕ̊ܗܽܘܝܽܘ ܚܰܝܰܝ̈ܟ̊ ܘܢܽܘܓ̥ܪܳܐ ܕ̥ܝܰܘ̈ܡܳܬ̥ܳܟ̥[3]܀

هكذا يقول الرب: «اُنْظُرْ. قَدْ جَعَلتُ اليَوْمَ قُدَّامَكَ الحَيَاةَ وَالخَيْرَ وَالمَوْتَ وَالشَّرَّ بِمَا أَنِّي أَوْصَيْتُكَ اليَوْمَ أَنْ تُحِبَّ الرَّبَّ إِلهَكَ وَتَسْلُكَ فِي طُرُقِهِ وَتَحْفَظَ وَصَايَاهُ وَفَرَائِضَهُ وَأَحْكَامَهُ لِتَحْيَا وَتَنْمُوَ وَيُبَارِكَكَ الرَّبُّ إِلهُكَ فِي الأَرْضِ التِي أَنْتَ دَاخِلٌ إِليْهَا لِتَمْتَلِكَهَا. فَإِنِ انْصَرَفَ قَلبُكَ وَلمْ تَسْمَعْ بَل غَوَيْتَ وَسَجَدْتَ لآِلِهَةٍ أُخْرَى وَعَبَدْتَهَا فَإِنِّي أُنْبِئُكُمُ اليَوْمَ أَنَّكُمْ لا مَحَالةَ تَهْلِكُونَ. لا تُطِيلُ الأَيَّامَ عَلى الأَرْضِ التِي أَنْتَ عَابِرٌ الأُرْدُنَّ لِتَدْخُلهَا وَتَمْتَلِكَهَا. أُشْهِدُ عَليْكُمُ اليَوْمَ السَّمَاءَ وَالأَرْضَ. قَدْ جَعَلتُ قُدَّامَكَ الحَيَاةَ وَالمَوْتَ. البَرَكَةَ وَاللعْنَةَ. فَاخْتَرِ الحَيَاةَ لِتَحْيَا أَنْتَ وَنَسْلُكَ إِذْ تُحِبُّ الرَّبَّ إِلهَكَ وَتَسْمَعُ لِصَوْتِهِ وَتَلتَصِقُ بِهِ لأَنَّهُ هُوَ حَيَاتُكَ وَالذِي يُطِيلُ أَيَّامَكَ܀

 

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܣܶܦܪܳܐ ܩܰܕ̥ܡܳܝܳܐ ܕ̥ܰܫܡܽܘܐܶܝܠ ܢܒܺܝܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܢܒܺܝܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

 

ܘܰܣܠܶܩ ܓܰܒ̥ܪܳܐ ܗܰܠܩܳܢܳܐ ܘܟ̥ܽܠܶܗ ܒܰܝܬ̊ܶܗ. ܠܰܡܕ̥ܰܟ̊ܳܝܽܘ̣ ܠܡܳܪܝܳܐ ܕ̥ܶܒ̈ܚܶܐ ܕ̥ܝܰܘ̈ܡܳܬ̥ܳܐ ܕ̥ܢܶܕ̥ܪܶܗ. ܘܚܰܢܰܐ ܠܳܐ ܣܶܠܩܰܬ̥ ܡܶܛܽܠ ܕ̊ܶܐܡܪܰܬ̥ ܠܒܰܥܠܳܗ̇. ܥܕ̥ܰܡܳܐ ܕ̥ܢܶܬ̥ܚܣܶܠ ܛܰܠܝܳܐ. ܘܰܐܝܬ̊ܶܝܘܗ̱ܝ ܘܢܶܬ̥ܚܙܶܐ ܩܕ̥ܳܡ ܡܳܪܝܳܐ. ܘܢܶܬ̊ܶܒ ܬ̊ܰܡܳܢ ܠܥܳܠܰܡ. ܘܶܐܡܰܪ ܠܳܗ̇ ܗܰܠܩܳܢܳܐ ܒܰܥܠܳܗ̇: ܥܒܶܕ̥ܝ ܐܰܝܟ̥ ܕ̊ܫܰܦܺܝ̣ܪ ܒܥܰܝ̈ܢܰܝܟ̊ܝ. ܬ̊ܶܒܝ ܥܕ̥ܰܡܳܐ ܕ̥ܬ̥ܶܚܣܠܺܝܢܶܗ. ܒܪܰܡ ܢܰܫܰܪ ܡܳܪܝܳܐ ܡܶܠܬ̥ܶܟ̥ܝ. ܘܝܶܬ̥ܒ̊ܰܬ̥ ܐܰܢ̱ܬ̊ܬ̥ܳܐ ܐܰܝܢܩܰܬ̥ ܒܪܳܗ̇. ܥܕ̥ܰܡܳܐ ܕ̥ܰܚܣܰܠܬ̥ܶܗ. ܘܰܐܣܶܩܬ̥ܶܗ ܥܰܡܳܗ̇ ܟ̊ܰܕ̥ ܚܣܰܠܬ̥ܶܗ. ܒܬ̥ܰܘܪܳܐ ܬ̥ܽܘܠܬ̥ܳܐ. ܘܣܰܐܬ̥ܳܐ ܚܕ̥ܳܐ ܕ̥ܩܰܡܚܳܐ. ܘܰܓ̥ܪܳܒܳܐ ܚܰܕ̥ ܕ̊ܚܰܡܪܳܐ. ܘܰܐܝܬ̊ܝܰܬ̥ܶܗ ܠܒܰܝܬ̊ܶܗ ܕ̊ܡܳܪܝܳܐ ܠܫܺܝܠܽܘ̇. ܘܛܰܠܝܳܐ ܛܠܶܐ ܗ̱ܘܳܐ ܘܰܢܟ̥ܰܣܘ ܬ̊ܰܘܪܳܐ ܘܰܐܝܬ̊ܝܽܘ̣ܗ̱ܝ ܠܛܰܠܝܳܐ ܠܥܺܝܠܺܝ. ܘܶܐܡܪܰܬ̥ ܚܰܢܰܐ ܠܥܺܝܠܺܝ: ܒܳܥܝܳܐ ܐ̱ܢܳܐ ܡܶܢܳܟ̥ ܡܳܪܝ܆ ܚܰܝܳܐ ܗ̱ܝ ܢܰܦܫܳܟ̥ ܡܳܪܝ. ܐܶܢܳܐ ܗܺܝ ܗܳܝ ܐܰܢ̱ܬ̊ܬ̥ܳܐ ܕ̥ܩܳܝܡܳܐ ܗ̱ܘܺܝܬ̥ ܥܰܡܳܟ̥ ܗܳܪܟ̊ܳܐ܆ ܠܰܡܨܰܠܳܝܽܘ̣ ܩܕ̥ܳܡ ܡܳܪܝܳܐ ܥܰܠ ܛܰܠܝܳܐ ܗܳܢܳܐ. ܘܨܰܠܺܝܬ̥ ܘܝܰܗ̱ܒ̥ ܠܺܝ ܡܳܪܝܳܐ ܫܶܐܠܰܬ̥ܝ ܕ̊ܫܶܐܠܶܬ̥ ܡܶܢܶܗ. ܘܳܐܦ̥ ܐܶܢܳܐ ܐܰܫܐܶܠܬ̊ܶܗ ܠܡܳܪܝܳܐ܆ ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܗܽܘ ܚܰܝ. ܕ̊ܰܫܐܺܝ̣ܠ ܠܺܝ ܡܶܢ ܡܳܪܝܳܐ. ܘܰܣܓ̥ܶܕ̥ܘ ܬ̊ܰܡܳܢ ܠܡܳܪܝܳܐ[4]܀

وَصَعِدَ أَلْقَانَةُ وَجَمِيعُ بَيْتِهِ لِيَذْبَحَ لِلرَّبِّ الذَّبِيحَةَ السَّنَوِيَّةَ, وَنَذْرَهُ. وَلَكِنَّ حَنَّةَ لَمْ تَصْعَدْ لأَنَّهَا قَالَتْ لِرَجُلِهَا: «مَتَى فُطِمَ الصَّبِيُّ آتِي بِهِ لِيَتَرَاءَى أَمَامَ الرَّبِّ وَيُقِيمَ هُنَاكَ إِلَى الأَبَدِ». فَقَالَ لَهَا أَلْقَانَةُ رَجُلُهَا: «اعْمَلِي مَا يَحْسُنُ فِي عَيْنَيْكِ. امْكُثِي حَتَّى تَفْطِمِيهِ. إِنَّمَا الرَّبُّ يُقِيمُ كَلاَمَهُ». فَمَكَثَتِ الْمَرْأَةُ وَأَرْضَعَتِ ابْنَهَا حَتَّى فَطَمَتْهُ. ثُمَّ حِينَ فَطَمَتْهُ أَصْعَدَتْهُ مَعَهَا بِثَلاَثَةِ ثِيرَانٍ وَإِيفَةِ دَقِيقٍ وَزِقِّ خَمْرٍ, وَأَتَتْ بِهِ إِلَى الرَّبِّ فِي شِيلُوهَ وَالصَّبِيُّ صَغِيرٌ. فَذَبَحُوا الثَّوْرَ وَجَاءُوا بِالصَّبِيِّ إِلَى عَالِي. وَقَالَتْ: «أَسْأَلُكَ يَا سَيِّدِي. حَيَّةٌ هِيَ نَفْسُكَ يَا سَيِّدِي, أَنَا الْمَرْأَةُ الَّتِي وَقَفَتْ لَدَيْكَ هُنَا تُصَلِّي إِلَى الرَّبِّ. لأَجْلِ هَذَا الصَّبِيِّ صَلَّيْتُ فَأَعْطَانِيَ الرَّبُّ سُؤْلِيَ الَّذِي سَأَلْتُهُ مِنْ لَدُنْهُ. وَأَنَا أَيْضاً قَدْ أَعَرْتُهُ لِلرَّبِّ. جَمِيعَ أَيَّامِ حَيَاتِهِ هُوَ مُعَارٌ لِلرَّبِّ». وَسَجَدُوا هُنَاكَ لِلرَّبِّ܀

 

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܣܶܦܪܳܐ ܕ̥ܺܐܝܽܘܒ ܢܒܺܝܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܢܒܺܝܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

 

ܩܰܒܶܠ ܡܶܢ ܦܽܘ̣ܡܶܗ ܢܳܡܽܘ̇ܣܳܐ. ܘܰܢܣܺܝ̣ܡ ܡܶܠܰܘ̈ܗ̱ܝ ܒܠܶܒܳܟ̥. ܐܶܢ ܬ̊ܬ̥ܽܘ̣ܒ ܠܘܳܬ̥ ܐܰܠܳܗܳܐ܆ ܬ̊ܶܬ̥ܒܢܶܐ. ܘܶܐܢ ܬ̊ܰܪܚܶܩ ܥܰܘܠܳܐ ܡܶܢ ܡܰܫܟ̊ܢܳܟ̥܆ ܘܰܬ̥ܟ̊ܰܢܶܫ ܟ̊ܶܣܦܳܐ ܐܰܝܟ̥ ܥܰܦܪܳܐ܆ ܘܰܐܝܟ̥ ܚܳܠܳܐ ܕ̥ܢܰܚܠܳܐ܆ ܕ̊ܰܗܒܳܐ ܕ̥ܰܐܘܦܺܝܪ܆ ܢܶܗܘܶܐ ܐܰܠܳܗܳܐ ܒܥܶܕ̥ܪܳܟ̥. ܘܰܟ̥ܣܶܦ ܚܽܘ̣ܫܒܳܢܰܝ̈ܟ̊ ܢܶܗܘܶܐ ܠܳܟ. ܘܰܬ̥ܪܺܝܡ ܠܘܳܬ̥ ܐܰܠܳܗܳܐ ܐܰܦܰܝ̈ܟ̊. ܘܰܬ̥ܨܰܠܶܐ ܩܕ̥ܳܡܰܘܗ̱ܝ ܘܢܶܫܡܥܳܟ̥. ܘܢܶܕ̥ܪ̈ܰܝܟ̊ ܬ̊ܫܰܠܶܡ. ܘܬ̥ܺܐܡܰܪ ܡܶܠܬ̥ܳܐ ܘܰܢܩܺܝ̣ܡ ܠܳܟ̥. ܘܥܰܠ ܐܽܘ̣ܪ̈ܚܳܬܳܟ̥ ܢܰܓ̊ܰܗ ܢܽܘ̣ܗܪܳܐ[5] ܀

اقْبَلِ الشَّرِيعَةَ مِنْ فَمِهِ وَضَعْ كَلاَمَهُ فِي قَلْبِكَ. إِنْ رَجَعْتَ إِلَى الْقَدِيرِ تُبْنَى. إِنْ أَبْعَدْتَ ظُلْماً مِنْ خَيْمَتِكَ وَأَلْقَيْتَ التِّبْرَ عَلَى التُّرَابِ وَذَهَبَ أُوفِيرَ بَيْنَ حَصَا الأَوْدِيَةِ. يَكُونُ الْقَدِيرُ تِبْرَكَ وَفِضَّةَ أَتْعَابٍ لَكَ. لأَنَّكَ حِينَئِذٍ تَتَلَذَّذُ بِالْقَدِيرِ وَتَرْفَعُ إِلَى اللهِ وَجْهَكَ. تُصَلِّي لَهُ فَيَسْتَمِعُ لَكَ وَنُذُورُكَ تُوفِيهَا. وَتَجْزِمُ أَمْراً فَيُثَبَّتُ لَكَ وَعَلَى طُرُقِكَ يُضِيءُ نُورٌ܀

 

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܢܒܺܝܽܘܬ̥ܶܗ ܕܶܐܫܰܥܝܳܐ ܢܒܺܝܳܐ ܡܫܰܒ̊ܚܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܢܒܝܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

 

ܘܳܝ ܠܰܐܪܥܳܐ ܕ̥ܛܶܠܳܠܳܐ ܕ̥ܟ̥ܶܢ̈ܦܶܐ܆ ܕ̊ܒܰܥܒܳܪ ܢܰܗܪ̈ܰܘܳܬ̥ܳܐ ܕ̥ܟ̥ܽܘܫ. ܕ̊ܰܡܫܰܕ̊ܰܪ ܗܡܰܝܪ̈ܶܐ ܒܝܰܡܳܐ. ܘܰܒܡܳܐܢ̈ܶܐ ܕ̥ܦܰܦܺܝܪܳܢ ܥܰܠ ܐܰܦܰܝ̈ ܡܰܝ̈ܳܐ. ܐܶܙܰܠܘ ܐܺܝ̣ܙܓ̊ܰܕ̊̈ܶܐ ܩܰܠܺܝ̣̈ܠܶܐ܆ ܠܘܳܬ̥ ܥܰܡܳܐ ܕ̥ܰܡܠܺܝ̣ܓ̥ ܘܰܥܩܺܝ̣ܪ܆ ܠܘܳܬ̥ ܥܰܡܳܐ ܕ̥ܚܰܝܠܳܐ ܡܶܢܶܗ ܘܰܠܗܰܠ܆ ܥܰܡܳܐ ܕ̥ܰܡܫܰܟ̊ܰܪ ܘܕ̥ܺܝ̣ܫ܆ ܕ̊ܒܰܙܘ ܢܰܗܪ̈ܰܘܳܬ̥ܳܐ ܐܰܪܥܶܗ. ܟ̊ܽܠܗܽܘ̇ܢ ܥܳܡܽܘܪ̈ܶܝܗ̇ ܕܬ̥ܺܒܶܝܠ ܕܰ̊ܫܪܶܝܢ ܒܰܐܪܥܳܐ. ܘܡܳܐ ܕ̥ܰܫܩܰܠܘ ܐܳܬ̥ܳܐ܆ ܛܽܘ̣ܪ̈ܶܐ ܬ̥ܶܚܙܽܘ̇ܢ. ܘܡܳܐ ܕ̥ܩܳܪܶܐ ܫܺܝܦܽܘܪܳܐ܆ ܬ̊ܶܫܡܥܽܘ̣ܢ. ܡܶܛܽܠ ܕ̊ܗܳܟ̥ܰܢܳܐ ܐܶܡܰܪ ܠܺܝ ܡܳܪܝܳܐ: ܐܰܫܠܳܐ ܘܚܽܘ̣ܪ ܒܛܽܘ̣ܝܳܒܝ܆ ܐܰܝܟ̥ ܚܽܘ̣ܡܳܐ ܨܰܚܺܝ̣ܚܳܐ ܕ̥ܥܰܠ ܢܰܗܪܳܐ܆ ܘܰܐܝܟ̥ ܥܢܳܢܳܐ ܕ̥ܛܰܠܳܐ ܒܝܰܘܡܳܐ ܕ̥ܰܚܨܳܕ̥ܳܐ. ܡܶܛܽܠ ܕ̊ܡܶܢ ܩܕ̥ܳܡ ܚܨܳܕ̥ܳܐ ܓ̥ܡܰܪ ܦܶܪܥܳܐ܆ ܘܗܰܒܳܒܳܐ ܚܣܰܠ. ܘܢܶܗܘܶܐ ܥܽܘ̣ܦܝܳܐ ܘܢܶܦܣܽܘ̇ܩ ܙܰܠܺܝ̣ܠܳܐ ܒܡܰܓ̊ܠܳܐ. ܘܫܰܒܽܘ̣ܩܳܐ ܢܶܥܒܰܪ ܘܢܶܦܶܨ. ܘܢܶܫܬ̊ܰܒܩܽܘ̣ܢ ܐܰܟ̥ܚܕ̥ܳܐ ܠܛܰܝܪ̈ܳܐ ܕ̥ܛܽܘ̣ܪ̈ܶܐ. ܘܰܠܚܰܝܽܘ̣ܬ̥ܳܐ ܕ̥ܰܐܪܥܳܐ. ܘܬ̥ܶܟ̥ܢܰܫܝ ܥܠܰܘܗ̱ܝ ܛܰܝܪ̈ܳܐ. ܘܟ̥ܽܠܳܗ̇ ܚܰܝܽܘ̣ܬ̥ܳܐ ܕ̥ܰܐܪܥܳܐ ܥܠܰܘܗ̱ܝ ܬ̊ܶܪܓ̊ܰܙܝ. ܒܶܗ ܒܝܰܘܡܳܐ ܗܰܘ܆ ܢܰܘܒ̊ܶܠ ܩܽܘ̣ܪ̈ܒܳܢܶܐ ܠܡܳܪܝܳܐ ܚܰܝܠܬ̥ܳܢܳܐ܆ ܥܰܡܳܐ ܡܠܺܝ̣ܓ̥ܳܐ ܘܰܥܩܺܝ̣ܪܳܐ. ܥܰܡܳܐ ܕ̥ܚܰܝܠܳܐ ܡܶܢܶܗ ܘܰܠܗܰܠ. ܥܰܡܳܐ ܕ̥ܰܡܫܰܟ̊ܰܪ ܘܕ̥ܺܝܫ. ܕ̊ܒܰܙܘ ܢܰܗܪ̈ܰܘܳܬ̥ܳܐ ܐܰܪܥܶܗ. ܠܰܐܬ̥ܪܳܐ ܕ̥ܰܫܡܶܗ ܕ̊ܡܳܪܝܳܐ ܚܰܝܠܬ̥ܳܢܳܐ܆ ܠܛܽܘ̣ܪܳܐ ܕ̥ܨܶܗܝܽܘ̇ܢ[6]܀

 

يَا أَرْضَ حَفِيفِ الأَجْنِحَةِ الَّتِي فِي عَبْرِ أَنْهَارِ كُوشَ الْمُرْسِلَةَ رُسُلاً فِي الْبَحْرِ وَفِي قَوَارِبَ مِنَ الْبَرْدِيِّ عَلَى وَجْهِ الْمِيَاهِ. اذْهَبُوا أَيُّهَا الرُّسُلُ السَّرِيعُونَ إِلَى أُمَّةٍ طَوِيلَةٍ وَجَرْدَاءَ إِلَى شَعْبٍ مَخُوفٍ مُنْذُ كَانَ فَصَاعِداً أُمَّةِ قُوَّةٍ وَشِدَّةٍ وَدَوْسٍ قَدْ خَرَقَتِ الأَنْهَارُ أَرْضَهَا. يَا جَمِيعَ سُكَّانِ الْمَسْكُونَةِ وَقَاطِنِي الأَرْضِ عَُِنْدَمَا تَرْتَفِعُ الرَّايَةُ عَلَى الْجِبَالِ تَنْظُرُونَ وَعِنْدَمَا يُضْرَبُ بِالْبُوقِ تَسْمَعُونَ. لأَنَّهُ هَكَذَا قَالَ لِي الرَّبُّ: «إِنِّي أَهْدَأُ وَأَنْظُرُ فِي مَسْكَنِي كَالْحَرِّ الصَّافِي عَلَى الْبَقْلِ كَغَيْمِ النَّدَى فِي حَرِّ الْحَصَادِ». فَإِنَّهُ قَبْلَ الْحَصَادِ عِنْدَ تَمَامِ الزَّهْرِ وَعِنْدَمَا يَصِيرُ الزَّهْرُ حِصْرِماً نَضِيجاً يَقْطَعُ الْقُضْبَانَ بِالْمَنَاجِلِ وَيَنْزِعُ الأَفْنَانَ وَيَطْرَحُهَا. تُتْرَكُ مَعاً لِجَوَارِحِ الْجِبَالِ وَلِوُحُوشِ الأَرْضِ فَتُصَيِّفُ عَلَيْهَا الْجَوَارِحُ وَتُشَتِّي عَلَيْهَا جَمِيعُ وُحُوشِ الأَرْضِ. فِي ذَلِكَ الْيَوْمِ تُقَدَّمُ هَدِيَّةٌ لِرَبِّ الْجُنُودِ مِنْ شَعْبٍ طَوِيلٍ وَأَجْرَدَ وَمِنْ شَعْبٍ مَخُوفٍ مُنْذُ كَانَ فَصَاعِداً مِنْ أُمَّةٍ ذَاتِ قُوَّةٍ وَشِدَّةٍ وَدَوْسٍ قَدْ خَرَقَتِ الأَنْهَارُ أَرْضَهَا إِلَى مَوْضِعِ اسْمِ رَبِّ الْجُنُودِ جَبَلِ صِهْيَوْنَ܀

 

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܐܽܘܠ̈ܝܳܬ̥ܶܗ ܕܶܐܪܰܡܝܳܐ ܢܒܺܝܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܢܒܺܝܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

 

ܒܶܪܝ܆ ܛܳܒܽ ܗ̱ܘ ܡܳܪܝܳܐ ܠܡܰܢ ܕ̊ܰܡܣܰܟ̊ܶܐ ܠܶܗ. ܘܰܠܢܰܦܫܳܐ ܕ̥ܒܳܥܝܳܐ ܠܶܗ. ܛܳܒ ܠܡܰܢ ܕ̊ܰܡܣܰܒܰܪ ܒܩܽܘ̣ܫܬ̊ܳܐ ܠܦܽܘ̣ܪܩܳܢܶܗ ܕ̊ܡܳܪܝܳܐ. ܛܳܒ ܠܓ̥ܰܒܪܳܐ ܟ̥ܰܕ̥ ܢܶܫܩܽܘ̇ܠ ܢܺܝ̣ܪܳܟ̥ ܒܛܰܠܝܽܘ̣ܬ̥ܶܗ. ܘܢܶܬ̊ܶܒ ܒܰܠܚܽܘ̇ܕ̥ܰܘܗ̱ܝ ܘܢܶܫܬ̊ܽܘ̇ܩ܆ ܡܶܛܽܠ ܕ̊ܩܰܒ̊ܶܠ ܥܠܰܘܗ̱ܝ ܢܺܝ̣ܪܳܟ̥. ܢܶܬ̊ܶܠ ܒܥܰܦܪܳܐ ܦܽܘ̣ܡܶܗ ܡܶܛܽܠ ܕ̊ܺܐܝܬ̥ ܣܰܒ̥ܪܳܐ. ܢܶܬ̊ܶܠ ܦܰܟ̊ܶܗ ܠܡܰܢ ܕ̊ܡܳܚܶܐ ܠܶܗ܆ ܘܢܶܣܒܰܥ ܚܶܣܕ̊ܳܐ. ܡܶܛܽܠ ܕ̊ܠܳܐ ܛܳܥܶܐ ܡܳܪܝܳܐ ܠܥܳܠܰܡ. ܐܶܠܳܐ ܡܡܰܟ̊ܶܟ̥ ܘܰܡܪܰܚܶܡ܆ ܐܰܝܟ̥ ܣܽܘ̇ܓ̥ܐܳܐ ܕ̥ܪ̈ܰܚܡܰܘܗ̱ܝ. ܡܶܛܽܠ ܕ̊ܠܳܐ ܥܳܢܶܐ ܡܶܢ ܠܶܒܶܗ܆ ܘܰܡܡܰܟ̊ܶܟ̥ ܒܢܰܝ̈ ܓ̊ܰܢ̱ܒܳܪ̈ܶܐ. ܠܰܡܟ̊ܰܒܳܫܽܘ̣ ܬ̥ܚܶܝܬ̥ ܪ̈ܶܓ̥ܠܰܘܗ̱ܝ ܟ̊ܽܠܗܽܘ̇ܢ ܐܰܣܺܝ̣ܪ̈ܶܐ ܕ̥ܰܐܪܥܳܐ. ܠܡܶܨܠܳܐ ܕ̥ܺܝ̣ܢܳܐ ܓܰ̊ܒܪܳܐ ܠܽܘ̣ܩܒ̥ܰܠ ܐܰܦܰܝ̈ ܥܶܠܳܝܳܐ. ܠܰܡܚܰܝܳܒܽܘ̣ ܒܰܪܢܳܫܳܐ ܒܕ̥ܺܝ̣ܢܶܗ܆ ܡܳܪܝܳܐ ܠܳܐ ܚܳܙܶܐ[7]܀

طَيِّبٌ هُوَ الرَّبُّ لِلَّذِينَ يَتَرَجُّونَهُ لِلنَّفْسِ الَّتِي تَطْلُبُهُ. جَيِّدٌ أَنْ يَنْتَظِرَ الإِنْسَانُ وَيَتَوَقَّعَ بِسُكُوتٍ خَلاَصَ الرَّبِّ. جَيِّدٌ لِلرَّجُلِ أَنْ يَحْمِلَ النِّيرَ فِي صِبَاهُ. يَجْلِسُ وَحْدَهُ وَيَسْكُتُ لأَنَّهُ قَدْ وَضَعَهُ عَلَيْهِ. يَجْعَلُ فِي التُّرَابِ فَمَهُ لَعَلَّهُ يُوجَدُ رَجَاءٌ. يُعْطِي خَدَّهُ لِضَارِبِهِ. يَشْبَعُ عَاراً. لأَنَّ السَّيِّدَ لاَ يَرْفُضُ إِلَى الأَبَدِ. فَإِنَّهُ وَلَوْ أَحْزَنَ يَرْحَمُ حَسَبَ كَثْرَةِ مَرَاحِمِهِ. لأَنَّهُ لاَ يُذِلُّ مِنْ قَلْبِهِ وَلاَ يُحْزِنُ بَنِي الإِنْسَانِ. أَنْ يَدُوسَ أَحَدٌ تَحْتَ رِجْلَيْهِ كُلَّ أَسْرَى الأَرْضِ أَنْ يُحَرِّفَ حَقَّ الرَّجُلِ أَمَامَ وَجْهِ الْعَلِيِّ܀

 

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܚܶܟ̥ܡܬ̥ܶܗ ܕܝܶܫܽܘ̇ܥ ܒܰܪ ܐܰܣܺܝܪܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܳܗ̇ ܕܚܶܟ̥ܡܬ̥ܳܐ ܘܰܥܠܰܝܢ ܪ̈ܰܚܡܰܘܗ̱ܝ ܠܥܳܠܡܺܝ̣ܢ܀

 

ܒܶܪܝ܆ ܐܶܢ ܩܪܶܒܬ̊ ܠܕ̥ܶܚܠܬ̥ܶܗ ܕ̊ܰܐܠܳܗܳܐ܆ ܐܰܫܠܶܡܬ̊ ܢܰܦܫܳܟ̥ ܠܟ̥ܽܠ ܢܶܣܝܽܘ̇ܢܺܝ̈ܢ. ܐܶܬ̊ܕ̊ܰܒܩ ܒܳܗ̇܆ ܘܠܳܐ ܬ̥ܰܪܦܶܝܗ̇. ܡܶܛܽܠ ܕ̊ܬ̥ܶܬ̥ܚܰܟ̊ܰܡ ܒܽܐܘ̣ܪ̈ܚܳܬ̥ܳܟ. ܟ̊ܽܠ ܕ̊ܳܐܬ̥ܶܐ ܥܠܰܝܟ̊܆ ܩܰܒ̊ܶܠ. ܘܰܒܡܰܪܥܳܐ ܘܰܒܡܶܣܟ̊ܺܢܽܘ̣ܬ̥ܳܐ ܐܰܓ̊ܰܪ ܪܽܘ̣ܚܳܟ̥. ܡܶܛܽܠ ܕ̊ܰܒܢܽܘ̣ܪܳܐ ܡܶܬ̥ܒܩܶܐ ܕ̥ܰܗܒܳܐ. ܘܒܰܪܢܳܫܳܐ ܒܟ̥ܽܘ̣ܪܳܐ ܕ̥ܡܶܣܟ̊ܺܢܽܘ̣ܬ̥ܳܐ. ܕܳܚ̈ܠܰܘܗ̱ܝ ܕ̊ܡܳܪܝܳܐ ܣܰܒܰܪܘ ܠܛܽܘ̣ܒ̥ܶܗ. ܘܠܳܐ ܬ̥ܶܫܬ̊ܰܘܚܪܽܘ̣ܢ ܡܶܢ ܒܳܬ̥ܪܶܗ܆ ܕ̊ܰܠܡܳܐ ܬ̥ܶܦܠܽܘ̣ܢ. ܕ̊ܳܚ̈ܠܰܘܗ̱ܝ ܕ̊ܡܳܪܝܳܐ ܗܰܝܡܶܢܘ ܒܶܗ. ܘܗܽܘ ܠܳܐ ܡܒ̥ܺܝܬ̥ ܐܰܓ̥ܪܟ̥ܽܘ̇ܢ. ܕ̊ܳܚ̈ܠܰܘܗ̱ܝ ܕ̊ܡܳܪܝܳܐ ܣܰܒܰܪܘ ܠܛܽܘ̣ܒ̥ܶܗ. ܠܚܰܕ̥ܽܘ̣ܬ̥ܳܐ ܕ̥ܰܠܥܳܠܰܡ ܘܰܠܦܽܘ̣ܪܩܳܢܳܐ. ܐܶܣܬ̊ܰܟ̊ܠܘ ܠܡܶܕ̊ܶܡ ܕ̊ܡܶܢ ܠܩܽܘ̣ܕ̥ܡܺܝܢ ܗܘܳܐ. ܘܠܰܕ̥ܡܶܢ ܕ̊ܳܪ̈ܰܝ ܥܳܠܡܳܐ ܐܶܬ̥ܒܰܝܢܘ ܘܰܚܙܰܘ. ܡܰܢܽܘ ܗܰܝܡܶܢ ܒܶܗ ܘܫܰܒܩܶܗ. ܐܰܘ ܡܰܢܽܘ ܐܶܬ̊ܬ̊ܟ̥ܶܠ ܥܠܰܘܗ̱ܝ ܘܰܐܪܡܝܶܗ. ܐܰܘ ܡܰܢܽܘ ܩܪܳܝܗ̱ܝ ܘܠܳܐ ܥܢܳܝܗ̱ܝ. ܡܶܛܽܠ ܕ̊ܚܰܢܳܢܰܐ ܗ̱ܘ ܘܪܰܚܡܬ̥ܳܢܳܐ ܡܳܪܝܳܐ. ܘܫܳܡܰܥ ܘܦܳܪܶܩ ܒܟ̥ܽܠܥܶܕܳܢ ܕ̊ܥܳܩܳـ̈ܬ̥ܳܐ[8]܀

يا بني إن أقبلت لخدمة الرب الإله فاثبت على البر والتقوى واعدد نفسك للتجربة. ارشد قلبك واحتمل أمل اذنك واقبل أقوال العقل ولا تعجل وقت النوائب܀ مهما نابك فاقبله وكن صابرا على صروف اتضاعك. فان الذهب يمحص في النار والمرضيين من الناس يمحصون في أتون الاتضاع آمن به فينصرك قوم طرقك وأملّه احفظ مخافته وأَبق عليها في شيخوختك. أيها المتقون للرب انتظروا رحمته ولا تحيدوا لئلا تسقطوا. أيها المتقون للرب آمنوا به فلا يضيع أجركم. أيها المتقون للرب أملوا الخيرات والسرور الأبدي والرحمة. انظروا الى الأجيال القديمة وتأملوا هل توكّل أحد على الرب فخزي؟ أو ثبت على مخافته فخذل او دعاه فأهمل فإن الرب راوف رحيم يغفر الخطايا ويخلص في يوم الضيق܀

 

ܙܽܘ̣ܡܳܪܳܐ

 

ܡܫܰܡ̈ܫܳܢܶܐ:

ܫܠܺܝ̣̈ܚܶܐ ܓ̥ܒܰܝ̈ܳܐ ܕ̥ܶܐܫܬܰ̊ܕ̊ܰܪܘ ܡܶܢ ܐܰܠܳܗܳܐ ܠܥܳܠܡܳܐ ܟ̥ܽܠܶܗ܆ ܘܰܢܦܰܩܘ ܐܰܟ̥ܪܶܙܘ ܣܒܰܪܬ̥ܶܗ ܕܰܒܪܳܐ ܒܶܝܬ̥ ܥܰܡ̈ܡܶܐ܆ ܠܥܶܒܪ̈ܶܝܗ̇ ܕܰܐܪܥܳܐ܆ ܣܰܒܰܪܘ ܗ̱ܘܰܘ ܡܰܠܟ̊ܽܘ̣ܬ̥ܳܐ ܕ̥ܰܫܡܰܝܳܐ ܟ̥ܰܕ̥ ܐܳܡܪܺܝ̣ܢ ܛܽܘ̣ܒ̥ܳܐ ܠܰܡܗܰܝܡ̈ܢܶܐ܀

ܡܫܰܡܫܳܢܳܐ:

ܦܪܰܟ̊ܣܺܝܣ܆ ܡܶܢ ܐܶܓ̊ܰܪܬ̥ܳܐ ܩܰܕ̥ܡܳܝܬ̊ܳܐ ܕ̥ܦܶܛܪܽܘ̇ܣ ܫܠܺܝ̣ܚܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܫܠܺܝ̣ܚܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

 

ܡܶܛܽܠ ܗܳܢܳܐ܆ ܚܙܽܘ̇ܩܘ ܚܰـ̈ܨܶܐ ܕ̥ܬ̥ܰܪ̈ܥܝܳܬ̥ܟ̥ܽܘ̇ܢ ܘܶܐܬ̊ܬ̊ܥܺܝ̣ܪܘ ܓ̊ܡܺܝ̣ܪܳܐܺܝ̣ܬ̥ ܘܣܰܒ̊ܰܪܘ ܥܰܠ ܚܰܕ̥ܽܘ̣ܬ̥ܳܐ ܕ̥ܳܐܬ̥ܝܳܐ ܠܟ̥ܽܘ̇ܢ ܒ̊ܓ̥ܶܠܝܳܢܶܗ ܕ̊ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ. ܐܰܝܟ̥ ܒ̊ܢܰܝܳـ̈ܐ ܡܶܫܬ̊ܰܡ̈ܥܳܢܶܐ. ܘܠܳܐ ܬ̥ܶܫܬ̊ܰܘܬ̊ܦ̥ܽܘ̣ܢ ܬ̊ܽܘ̣ܒ̥ ܠܰܪ̈ܓ̥ܺܝ̣ܓ̥ܳܬ̥ܟ̥ܽܘ̇ܢ ܩܰܕ̥̈ܡܳܝܳܬ̥ܳܐ ܐܰܝܠܶܝܢ ܕ̊ܪܳܓ̊ܺܝ̣ܢ ܗ̱ܘܰܝܬ̊ܽܘ̇ܢ ܕ̊ܠܳܐ ܒ̥ܺܝܕ̥ܰܥܬ̥ܳܐ. ܐܶܠܳܐ ܗܘܰܘ ܩܰܕ̊ܺܝ̣ܫܺܝ̣̈ܢ ܒ̊ܟ̥ܽܠܗܽܘ̇ܢ ܗܽܘ̣ܦ̊ܳܟ̥ܰܝ̈ܟ̊ܽܘ̇ܢ ܐܰܝܟ̥ ܕ̊ܩܰܕ̊ܺܝ̣ܫ ܗܰܘ ܡܰܢ ܕ̊ܰܩܪܳܟ̥ܽܘ̇ܢ. ܡܶܛܽܠ ܕ̊ܰܟ̥ܬ̥ܺܝ̣ܒ̥: ܕ̊ܰܗܘܰܝܬ̊ܽܘ̇ܢ ܩܰܕ̊ܺܝ̣ܫܺܝ̣̈ܢ ܐܰܝܟ̊ܰܢܳܐ ܕ̥ܳܐܦ̥ ܐܶܢܳܐ ܩܰܕ̊ܺܝ̣ܫ ܐ̱ܢܳܐ. ܘܶܐܢ ܗܽܘ ܕ̥ܰܐܒ̥ܳܐ ܩܳܪܶܝܬ̊ܽܘ̇ܢ ܗܰܘ ܕ̊ܠܰܝܬ̊ ܩܕ̥ܳܡܰܘܗ̱ܝ ܡܰܣܰܒ̥ ܒ̊ܰܐܦ̊ܶـ̈ܐ ܘܕ̥ܳܐܶܢ ܠܟ̥ܽܠܢܳܫ ܐܰܝܟ̥ ܥܒ̥ܳܕ̥ܰܘܗ̱̈ܝ܆ ܒ̊ܕ̥ܶܚܠܬ̥ܳܐ ܐܶܬ̊ܕ̊ܰܒ̊ܪܘ ܒ̊ܙܰܒ̥ܢܳܐ ܗܳܢܳܐ ܕ̥ܬ̥ܰܘܬ̊ܳܒ̥ܽܘ̣ܬ̥ܟ̥ܽܘ̇ܢ. ܟ̊ܰܕ̥ ܝܳܕ̥ܥܺܝ̣ܬ̊ܽܘ̇ܢ܆ ܕ̊ܠܳܐ ܒ̥ܟ̥ܶܣܦ̊ܳܐ ܕ̥ܒ̥ܳܠܶܐ ܘܠܳܐ ܒ̥ܕ̥ܰܗܒ̥ܳܐ ܐܶܬ̥ܦ̊ܪܶܩܬ̊ܽܘ̇ܢ ܡܶܢ ܥܒ̥ܳܕ̥ܰܝ̈ܟ̊ܽܘ̇ܢ ܣܪ̈ܺܝ̣ܩܶܐ ܗܳܢܽܘ̇ܢ ܕ̊ܩܰܒ̊ܶܠܬ̊ܽܘ̇ܢ ܡܶܢ ܐܰܒ̥ܳܗܰܝ̈ܟ̊ܽܘ̇ܢ. ܐܶܠܳܐ ܒ̥ܰܕ̥ܡܳܐ ܝܰܩܺܝ̣ܪܳܐ ܕ̥ܶܐܡܪܳܐ ܕ̥ܡܽܘ̣ܡܳܐ ܘܛܽܘ̣ܠܫܳܐ ܠܰܝܬ̊ ܒ̊ܶܗ ܕ̊ܺܐܝܬ̥ܰܘܗ̱ܝ ܡܫܺܝ̣ܚܳܐ. ܗܰܘ ܕ̊ܰܡܩܰܕ̊ܰܡ ܗ̱ܘܳܐ ܦ̥ܪܺܝ̣ܫ ܠܗܳܕ̥ܶܐ ܡܶܢ ܩܕ̥ܳܡ ܬ̊ܰܪ̈ܡܝܳܬ̥ܶܗ ܕ̊ܥܳܠܡܳܐ ܘܶܐܬ̥ܓ̊ܠܺܝ ܒ̊ܰܐ̱ܚܪܳܝܬ̊ܗܽܘ̇ܢ ܕ̊ܙܰܒ̥̈ܢܶܐ ܡܶܛܽܠܳܬ̥ܟ̥ܽܘ̇ܢ. ܐܰܝܠܶܝܢ ܕ̊ܒ̥ܺܐܝܕ̥ܶܗ ܗܰܝܡܶܢܬ̊ܽܘ̇ܢ ܒ̊ܰܐܠܳܗܳܐ ܗܰܘ ܕ̊ܰܐܩܺܝ̣ܡܶܗ ܡܶܢ ܒ̊ܶܝܬ̥ ܡܺܝ̣̈ܬ̥ܶܐ ܘܝܰܗ̱ܒ̥ ܠܶܗ ܫܽܘ̣ܒ̥ܚܳܐ ܕ̥ܗܰܝܡܳܢܽܘ̣ܬ̥ܟ̥ܽܘ̇ܢ ܘܣܰܒ̥ܪܟ̥ܽܘ̇ܢ ܢܶܗܘܶܐ ܥܰܠ ܐܰܠܳܗܳܐ. ܟ̊ܰܕ̥ ܢܶܗܘ̈ܝܳܢ ܩܰܕ̊ܺܝ̣̈ܫܳܢ ܢܰܦ̥̈ܫܳܬ̥ܟ̥ܽܘ̇ܢ ܒ̊ܡܶܫܬ̊ܰܡܥܳܢܽܘ̣ܬ̥ܶܗ ܕ̊ܰܫܪܳܪܳܐ ܘܢܶܗܘ̈ܝܳܢ ܡܰܠ̈ܝܳܢ ܚܽܘ̣ܒ̊ܳܐ ܕ̥ܠܳܐ ܡܰܣܰܒ̥ ܒ̊ܰܐܦ̊ܶـ̈ܐ ܕ̥ܡܶܢ ܠܶܒ̊ܳܐ ܕ̥ܰܟ̥ܝܳܐ ܘܰܓ̥ܡܺܝ̣ܪܳܐ܆ ܬ̊ܶܗܘܽܘ̇ܢ ܡܰܚܒ̥ܺܝ̣ܢ ܚܰܕ̥ ܠܚܰܕ̥. ܐܰܝܟ̥ ܐ̱ܢܳܫܳܐ ܕ̥ܡܶܢ ܕ̊ܪܺܝܫ ܐܶܬ̥ܺܝܠܶܕ̊ܬ̊ܽܘ̇ܢ ܠܳܐ ܡܶܢ ܙܰܪܥܳܐ ܕ̥ܒ̥ܳܠܶܐ܆ ܐܶܠܳܐ ܡܶܢ ܐܰܝܢܳܐ ܕ̥ܠܳܐ ܒ̥ܳܠܶܐ ܒ̥ܡܶܠܬ̥ܳܐ ܚܰܝܬ̥ܳܐ ܕ̥ܰܐܠܳܗܳܐ ܕ̥ܩܰܝܳܡܳܐ ܠܥܳܠܰܡ. ܡܶܛܽܠ ܕ̊ܟ̥ܽܠ ܒ̊ܣܰܪ ܥܡܺܝ̣ܪܳܐ ܘܟ̥ܽܠܳܗ̇ ܝܳܐܝܽܘ̣ܬ̥ܶܗ ܐܰܝܟ̥ ܥܽܘ̣ܦ̥ܝܳܐ ܕ̥ܚܰܩܠܳܐ. ܝܳܒ̥ܶܫ ܥܡܺܝ̣ܪܳܐ ܘܚܳܡܶܐ ܥܽܘ̣ܦ̥ܝܳܐ. ܘܡܶܠܬ̥ܶܗ ܕ̊ܰܐܠܳܗܰܢ ܩܰܝܳܡܳܐ ܠܥܳܠܡܺܝ̣ܢ. ܘܗܳܕ̥ܳܐ ܗ̱ܝ ܡܶܠܬ̥ܳܐ ܗܳܝ ܕ̊ܶܐܣܬ̊ܰܒ̊ܰܪܬ̊ܽܘ̇ܢ[9]܀

لِذَلِكَ مَنْطِقُوا أَحْقَاءَ ذِهْنِكُمْ صَاحِينَ، فَأَلْقُوا رَجَاءَكُمْ بِالتَّمَامِ عَلَى النِّعْمَةِ الَّتِي يُؤْتَى بِهَا إِلَيْكُمْ عِنْدَ اسْتِعْلاَنِ يَسُوعَ الْمَسِيحِ. كَأَوْلاَدِ الطَّاعَةِ لاَ تُشَاكِلُوا شَهَوَاتِكُمُ السَّابِقَةَ فِي جَهَالَتِكُمْ، بَلْ نَظِيرَ الْقُدُّوسِ الَّذِي دَعَاكُمْ، كُونُوا أَنْتُمْ أَيْضاً قِدِّيسِينَ فِي كُلِّ سِيرَةٍ. لأَنَّهُ مَكْتُوبٌ: «كُونُوا قِدِّيسِينَ لأَنِّي أَنَا قُدُّوسٌ». وَإِنْ كُنْتُمْ تَدْعُونَ أَباً الَّذِي يَحْكُمُ بِغَيْرِ مُحَابَاةٍ حَسَبَ عَمَلِ كُلِّ وَاحِدٍ، فَسِيرُوا زَمَانَ غُرْبَتِكُمْ بِخَوْفٍ، عَالِمِينَ أَنَّكُمُ افْتُدِيتُمْ لاَ بِأَشْيَاءَ تَفْنَى، بِفِضَّةٍ أَوْ ذَهَبٍ، مِنْ سِيرَتِكُمُ الْبَاطِلَةِ الَّتِي تَقَلَّدْتُمُوهَا مِنَ الآبَاءِ، بَلْ بِدَمٍ كَرِيمٍ، كَمَا مِنْ حَمَلٍ بِلاَ عَيْبٍ وَلاَ دَنَسٍ، دَمِ الْمَسِيحِ، مَعْرُوفاً سَابِقاً قَبْلَ تَأْسِيسِ الْعَالَمِ، وَلَكِنْ قَدْ أُظْهِرَ فِي الأَزْمِنَةِ الأَخِيرَةِ مِنْ أَجْلِكُمْ، أَنْتُمُ الَّذِينَ بِهِ تُؤْمِنُونَ بِاللهِ الَّذِي أَقَامَهُ مِنَ الأَمْوَاتِ وَأَعْطَاهُ مَجْداً، حَتَّى إِنَّ إِيمَانَكُمْ وَرَجَاءَكُمْ هُمَا فِي اللهِ. طَهِّرُوا نُفُوسَكُمْ فِي طَاعَةِ الْحَقِّ بِالرُّوحِ لِلْمَحَبَّةِ الأَخَوِيَّةِ الْعَدِيمَةِ الرِّيَاءِ، فَأَحِبُّوا بَعْضُكُمْ بَعْضاً مِنْ قَلْبٍ طَاهِرٍ بِشِدَّةٍ. مَوْلُودِينَ ثَانِيَةً، لاَ مِنْ زَرْعٍ يَفْنَى، بَلْ مِمَّا لاَ يَفْنَى، بِكَلِمَةِ اللهِ الْحَيَّةِ الْبَاقِيَةِ إِلَى الأَبَدِ. لأَنَّ كُلَّ جَسَدٍ كَعُشْبٍ، وَكُلَّ مَجْدِ إِنْسَانٍ كَزَهْرِ عُشْبٍ. الْعُشْبُ يَبِسَ وَزَهْرُهُ سَقَطَ، وَأَمَّا كَلِمَةُ الرَّبِّ فَتَثْبُتُ إِلَى الأَبَدِ. وَهَذِهِ هِيَ الْكَلِمَةُ الَّتِي بُشِّرْتُمْ بِهَا܀

 

ܙܽܘ̣ܡܳܪܳܐ

 

ܡܫܰܡ̈ܫܳܢܶܐ:

ܦܰܘܠܽܘ̇ܣ ܫܠܺܝ̣ܚܳܐ ܛܽܘ̣ܒ̥ܳܢܳܐ ܫܶܡܥܶܬ̥ ܕܳܐܡܰܪ ܕ̊ܶܐܢ ܐܢܳܫ ܢܺܐܬ̥ܶܐ ܢܣܰܒܰܪܟ̥ܽܘ̇ܢ ܠܒܰܪ ܡܶܢ ܡܳܐ ܕ̥ܣܰܒܰܪܢܳܟ̥ܽܘ̇ܢ ܘܶܐܢ ܡܰܠܰܐܟ̥ܰܐ ܗ̱ܘ ܡܶܢ ܪܰܘܡܳܐ ܢܶܗܘܶܐ ܡܰܚܪܰܡ ܡܶܢ ܥܺܕ̊ܬ̊ܳܐ܆ ܕܗܳܐ ܢܳܒܥܺܝ̣ܢ ܠܰܡ ܝܽܘܠ̈ܦܳܢܶܐ ܡܫܰܚܠ̈ܦܶܐ ܡܶܢ ܟ̊ܽܠ ܓ̊ܰܒܺܝ̈ܢ ܛܽܘܒ ܠܰܐܝܢܳܐ ܕ̥ܰܒܝܽܘܠܦܳܢܶܗ ܕ̊ܰܐܠܳܗܳܐ ܫܰܪܺܝ ܘܫܰܠܶܡ܀

 

ܡܫܰܡܫܳܢܳܐ:

ܡܶܢ ܐܶܓ̊ܰܪܬ̥ܳܐ ܕ̥ܦܰܘܠܽܘ̇ܣ ܫܠܺܝ̣ܚܳܐ ܕ̥ܰܠܘܳܬ̥ ܩܽܘܠ̈ܣܳܝܶܐ ܐܰܡܺܝ̣ܢ ܒܰܪܶܟ̥ܡܳܪܝ܀

 

ܡܫܰܡ̈ܫܳܢܶܐ:

ܫܽܘ̣ܒ̥ܚܳܐ ܠܡܳܪܶܗ ܕ̊ܰܫܠܺܝ̣ܚܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

 

ܐܶܢ ܗܳܟ̥ܺܝܠ ܩܳܡܬ̊ܽܘ̇ܢ ܥܰܡ ܡܫܺܝ̣ܚܳܐ܆ ܕ̊ܰܠܥܶܠ ܒ̊ܥܰܘ ܐܰܬ̥ܰܪ ܕ̊ܰܡܫܺܝ̣ܚܳܐ ܝܳܬ̥ܶܒ̥ ܥܰܠ ܝܰܡܺܝ̣ܢܳܐ ܕ̥ܰܐܠܳܗܳܐ. ܕ̊ܰܠܥܶܠ ܐܶܬ̥ܪܰܥܰܘ ܘܠܳܐ ܕ̥ܒ̥ܰܐܪܥܳܐ. ܡܺܝܬ̊ܬ̊ܽܘ̇ܢ ܠܟ̥ܽܘ̇ܢ ܓ̊ܶܝܪ ܘܚܰܝܰܝ̈ܟ̊ܽܘ̇ܢ ܟ̊ܣܶܝܢ ܥܰܡ ܡܫܺܝ̣ܚܳܐ ܒ̥ܰܐܠܳܗܳܐ. ܘܶܐܡܰܬ̊ܝ ܕ̊ܰܡܫܺܝ̣ܚܳܐ ܡܶܬ̥ܓ̊ܠܶܐ܆ ܕ̊ܗܽܘܝܽܘ ܚܰܝܰܝ̈ܢ܆ ܗܳܝܕ̊ܶܝܢ ܐܳܦ̥ ܐܰܢ̱ܬ̊ܽܘ̇ܢ ܬ̊ܶܬ̥ܓ̊ܠܽܘ̇ܢ ܥܰܡܶܗ ܒ̊ܫܽܘ̣ܒ̥ܚܳܐ. ܐܰܡܺܝܬ̥ܘ ܗܳܟ̥ܺܝܠ ܗܰܕ̊ܳܡܰܝ̈ܟ̊ܽܘ̇ܢ ܕ̊ܒ̥ܰܐܪܥܳܐ: ܙܳܢܝܽܘ̣ܬ̥ܳܐ ܘܛܰܢܦ̊ܽܘ̣ܬ̥ܳܐ ܘܟ̥ܺܐܒ̥ܶـ̈ܐ ܘܪܶܓ̊ܬ̥ܳܐ ܒ̥ܺܝ̣ܫܬ̊ܳܐ ܘܥܳܠܽܘܒ̥ܽܘܬ̥ܳܐ ܕ̥ܗܺܝ ܗ̱ܝ ܕ̥ܶܚܠܰܬ̥ ܦ̊ܬ̥ܰܟ̥ܪ̈ܶܐ. ܡܶܛܽܠ ܗܳܠܶܝܢ ܓ̊ܶܝܪ ܐܳܬ̥ܶܐ ܪܽܘ̣ܓ̥ܙܶܗ ܕ̊ܰܐܠܳܗܳܐ ܥܰܠ ܒ̊ܢܶܝ̈ܗ̇ ܕ̊ܠܳܐ ܡܶܬ̊ܛܦ̊ܺܝ̣ܣܳܢܽܘ̣ܬ̥ܳܐ. ܘܰܒ̥ܗܳܠܶܝܢ ܐܳܦ̥ ܐܰܢ̱ܬ̊ܽܘ̇ܢ ܗܰܠܶܟ̥ܬ̊ܽܘ̇ܢ ܡܶܢ ܩܕ̥ܺܝ̣ܡ ܟ̊ܰܕ̥ ܡܶܬ̥ܗܰܦ̊ܟ̥ܺܝ̣ܢ ܗ̱ܘܰܝܬ̊ܽܘ̇ܢ ܒ̊ܗܶܝܢ. ܗܳܫܳܐ ܕ̥ܶܝܢ ܐܰܢܺܝ̣ܚܘ ܡܶܢܟ̥ܽܘ̇ܢ ܟ̊ܽܠܗܶܝܢ ܗܳܠܶܝܢ: ܪܽܘ̣ܓ̥ܙܳܐ܆ ܚܶܡܬ̥ܳܐ܆ ܒ̊ܺܝ̣ܫܽܘ̣ܬ̥ܳܐ܆ ܓ̊ܽܘ̣ܕ̊ܳܦ̥ܳܐ܆ ܡܰܡܠ̱ܠܳܐ ܛܰܢܦ̥ܳܐ. ܘܠܳܐ ܬ̥ܶܗܘܽܘ̇ܢ ܡܕ̥ܰܓ̊ܠܺܝ̣ܢ ܚܰܕ̥ ܒ̊ܚܰܕ̥ ܐܶܠܳܐ ܫܽܘ̇ܠܚܽܘ̣ܗ̱ܝ ܠܒ̥ܰܪܢܳܫܳܐ ܥܰܬ̊ܺܝ̣ܩܳܐ ܥܰܡ ܟ̊ܽܠܗܽܘ̇ܢ ܗܽܘ̣ܦ̊ܳܟ̥ܰܘܗ̱̈ܝ. ܘܰܠܒ̥ܰܫܘ ܚܰܕ̥ܬ̥ܳܐ ܕ̥ܡܶܬ̥ܚܰܕ̊ܰܬ̥ ܒ̊ܺܝܕ̥ܰܥܬ̥ܳܐ ܒ̥ܰܕ̥ܡܽܘ̣ܬ̥ܳܐ ܕ̥ܒ̥ܳܪܝܶܗ. ܟ̊ܰܪ ܕ̊ܠܰܝܬ̊ ܝܽܗ̱ܘܕ̥ܳܝܳܐ ܘܰܐܪܡܳܝܳܐ ܘܠܳܐ ܓ̥ܙܽܘ̣ܪܬ̊ܳܐ ܘܥܽܘ̣ܪܠܽܘ̣ܬ̥ܳܐ ܘܠܳܐ ܝܰܘܢܳܝܳܐ ܘܒ̥ܰܪܒ̊ܪܳܝܳܐ ܘܠܳܐ ܥܰܒ̥ܕ̊ܳܐ ܘܒ̥ܰܪ ܚܺܐܪ̈ܶܐ. ܐܶܠܳܐ ܟ̥ܽܠ ܘܰܒ̥ܟ̥ܽܠܢܳܫ ܡܫܺܝ̣ܚܰܐ ܗ̱ܘ. ܠܒ̥ܰܫܘ ܗܳܟ̥ܺܝܠ ܐܰܝܟ̥ ܓ̊ܒ̥ܰܝ̈ܳܐ ܕ̥ܰܐܠܳܗܳܐ ܩܰܕ̊ܺܝ̣̈ܫܶܐ ܘܚܰܒ̊ܺܝ̣̈ܒ̥ܶܐ܆ ܪ̈ܰܚܡܶܐ ܘܪܽܘ̣ܚܳܦ̥ܳܐ ܘܒ̥ܰܣܺܝ̣ܡܽܘ̣ܬ̥ܳܐ ܘܡܰܟ̊ܺܝ̣ܟ̥ܽܘ̣ܬ̥ ܪܶܥܝܳܢܳܐ ܘܢܺܝ̣ܚܽܘ̣ܬ̥ܳܐ ܘܢܰܓ̊ܺܝ̣ܪܽܘ̣ܬ̥ ܪܽܘ̣ܚܳܐ. ܘܰܗܘܰܝܬ̊ܽܘ̇ܢ ܡܣܰܝܒ̊ܪܺܝ̣ܢ ܚܰܕ̥ ܠܚܰܕ̥ ܘܫܳܒ̥ܩܺܝ̣ܢ ܚܰܕ̥ ܠܚܰܕ̥. ܘܶܐܢ ܐܺܝ̣ܬ̥ ܠܐ̱ܢܳܫ ܥܰܠ ܚܰܒ̥ܪܶܗ ܪܽܘ̣ܥܳܡܳܐ ܐܰܝܟ̊ܰܢܳܐ ܕ̥ܰܡܫܺܝ̣ܚܳܐ ܫܒ̥ܰܩ ܠܟ̥ܽܘ̇ܢ܆ ܗܳܟ̥ܰܢܳܐ ܐܳܦ̥ ܐܰܢ̱ܬ̊ܽܘ̇ܢ ܫܒ̥ܽܘ̇ܩܘ. ܘܥܰܡ ܗܳܠܶܝܢ ܟ̊ܽܠܗܶܝܢ܆ ܚܽܘ̣ܒ̊ܳܐ ܕ̥ܗܽܘܝܽܘ ܚܙܳܩܳܐ ܕ̥ܰܓ̥ܡܺܝ̣ܪܽܘ̣ܬ̥ܳܐ. ܘܰܫܠܳܡܶܗ ܕ̊ܰܡܫܺܝ̣ܚܳܐ ܢܕ̥ܰܒ̊ܰܪ ܠܶܒ̊ܰـ̈ܘܳܬ̥ܟ̥ܽܘ̇ܢ ܕ̊ܠܶܗ ܐܶܬ̥ܩܪܺܝܬ̊ܽܘ̇ܢ ܒ̊ܚܰܕ̥ ܦ̊ܓ̥ܰܪ. ܘܰܗܘܰܝܬ̊ܽܘ̇ܢ ܡܰܘܕ̊ܶܝܢ ܠܰܡܫܺܝ̣ܚܳܐ܆ ܕ̊ܡܶܠܬ̥ܶܗ ܬ̊ܶܥܡܰܪܝ ܒ̊ܟ̥ܽܘ̇ܢ ܥܰܬ̊ܺܝ̣ܪܳܐܺܝ̣ܬ̥ ܒ̊ܟ̥ܽܠ ܚܶܟ̥ܡܳܐ. ܘܰܗܘܰܝܬ̊ܽܘ̇ܢ ܡܰܠܦ̥ܺܝ̣ܢ ܘܪܳܕ̥ܶܝܢ ܢܰܦ̥ܫܟ̥ܽܘ̇ܢ ܒ̊ܡܰܙܡܽܘ̇ܪ̈ܶܐ ܘܰܒ̥ܬ̥ܶܫܒ̊̈ܚܳܬ̥ܳܐ ܘܒ̥ܰܙܡܺܝ̣ܪ̈ܳܬ̥ܳܐ ܕ̥ܪܽܘ̣ܚܳܐ. ܘܰܒ̥ܛܰܝܒ̊ܽܘ̣ܬ̥ܳܐ ܗܘܰܝܬ̊ܽܘ̇ܢ ܙܳܡܪܺܝ̣ܢ ܒ̊ܠܶܒ̊ܰـ̈ܘܳܬ̥ܟ̥ܽܘ̇ܢ ܠܰܐܠܳܗܳܐ. ܘܟ̥ܽܠ ܡܶܕ̊ܶܡ ܕ̊ܣܳܥܪܺܝ̣ܬ̊ܽܘ̇ܢ ܒ̊ܡܶܠܬ̥ܳܐ ܘܒ̥ܰܥܒ̥ܳܕ̥ܳܐ ܒ̥ܰܫܡܶܗ ܕ̊ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܗܘܰܝܬ̊ܽܘ̇ܢ ܥܳܒ̥ܕ̊ܺܝ̣ܢ. ܘܰܗܘܰܝܬ̊ܽܘ̇ܢ ܡܰܘܕ̊ܶܝܢ ܒ̊ܺܐܝܕ̥ܶܗ ܠܰܐܠܳܗܳܐ ܐܰܒ̥ܳܐ[10]܀

فَإِنْ كُنْتُمْ قَدْ قُمْتُمْ مَعَ الْمَسِيحِ فَاطْلُبُوا مَا فَوْقُ، حَيْثُ الْمَسِيحُ جَالِسٌ عَنْ يَمِينِ اللهِ. اهْتَمُّوا بِمَا فَوْقُ لاَ بِمَا عَلَى الأَرْضِ، لأَنَّكُمْ قَدْ مُتُّمْ وَحَيَاتُكُمْ مُسْتَتِرَةٌ مَعَ الْمَسِيحِ فِي اللهِ. مَتَى أظْهِرَ الْمَسِيحُ حَيَاتَنَا، فَحِينَئِذٍ تُظْهَرُونَ أنْتُمْ أيْضاً مَعَهُ فِي الْمَجْدِ. فَأَمِيتُوا أعْضَاءَكُمُ الَّتِي عَلَى الأَرْضِ: الزِّنَا، النَّجَاسَةَ، الْهَوَى، الشَّهْوَةَ الرَّدِيَّةَ، الطَّمَعَ الَّذِي هُوَ عِبَادَةُ الأَوْثَانِ، الأُمُورَ الَّتِي مِنْ أجْلِهَا يَأْتِي غَضَبُ اللهِ عَلَى أبْنَاءِ الْمَعْصِيَةِ، الَّذِينَ بَيْنَهُمْ أنْتُمْ أيْضاً سَلَكْتُمْ قَبْلاً، حِينَ كُنْتُمْ تَعِيشُونَ فِيهَا. وَأَمَّا الآنَ فَاطْرَحُوا عَنْكُمْ أنْتُمْ أيْضاً الْكُلَّ: الْغَضَبَ، السَّخَطَ، الْخُبْثَ، التَّجْدِيفَ، الْكَلاَمَ الْقَبِيحَ مِنْ أفْوَاهِكُمْ. لاَ تَكْذِبُوا بَعْضُكُمْ عَلَى بَعْضٍ، إذْ خَلَعْتُمُ الإِنْسَانَ الْعَتِيقَ مَعَ أعْمَالِهِ، وَلَبِسْتُمُ الْجَدِيدَ الَّذِي يَتَجَدَّدُ لِلْمَعْرِفَةِ حَسَبَ صُورَةِ خَالِقِهِ، حَيْثُ لَيْسَ يُونَانِيٌّ وَيَهُودِيٌّ، خِتَانٌ وَغُرْلَةٌ، بَرْبَرِيٌّ سِكِّيثِيٌّ، عَبْدٌ حُرٌّ، بَلِ الْمَسِيحُ الْكُلُّ وَفِي الْكُلِّ. فَالْبَسُوا كَمُخْتَارِي اللهِ الْقِدِّيسِينَ الْمَحْبُوبِينَ أحْشَاءَ رَأْفَاتٍ، وَلُطْفاً، وَتَوَاضُعاً، وَوَدَاعَةً، وَطُولَ انَاةٍ، مُحْتَمِلِينَ بَعْضُكُمْ بَعْضاً، وَمُسَامِحِينَ بَعْضُكُمْ بَعْضاً انْ كَانَ لأَحَدٍ عَلَى احَدٍ شَكْوَى. كَمَا غَفَرَ لَكُمُ الْمَسِيحُ هَكَذَا انْتُمْ ايْضاً. وَعَلَى جَمِيعِ هَذِهِ الْبَسُوا الْمَحَبَّةَ الَّتِي هِيَ رِبَاطُ الْكَمَالِ. وَلْيَمْلِكْ فِي قُلُوبِكُمْ سَلاَمُ اللهِ الَّذِي الَيْهِ دُعِيتُمْ فِي جَسَدٍ وَاحِدٍ، وَكُونُوا شَاكِرِينَ. لِتَسْكُنْ فِيكُمْ كَلِمَةُ الْمَسِيحِ بِغِنىً، وَأَنْتُمْ بِكُلِّ حِكْمَةٍ مُعَلِّمُونَ وَمُنْذِرُونَ بَعْضُكُمْ بَعْضاً، بِمَزَامِيرَ وَتَسَابِيحَ وَأَغَانِيَّ رُوحِيَّةٍ، بِنِعْمَةٍ، مُتَرَنِّمِينَ فِي قُلُوبِكُمْ لِلرَّبِّ. وَكُلُّ مَا عَمِلْتُمْ بِقَوْلٍ أوْ فِعْلٍ، فَاعْمَلُوا الْكُلَّ بِاسْمِ الرَّبِّ يَسُوعَ، شَاكِرِينَ اللهَ وَالآبَ بِهِ܀

 

ܗܽܘ̣ܠܳܠܳܐ

 

ܡܫܰܡ̈ܫܳܢܶܐ:

ܛܽܘ̣ܒ̥ܰܘܗ̱ܝ ܠܡܰܢ ܕ̊ܨܳܒܶܐ ܐܰܢ̱ܬ̊ ܒܶܗ܆ ܘܰܡܩܰܪܶܒ ܐܰܢ̱ܬ̊ ܠܶܗ ܕ̊ܢܶܥܡܰܪ ܒܕܰܝܪܳܟ̥ ܗܰܠܶܠܽܘܝܰܗ܀

ܢܽܘ̣ܗܳܪܳܐ:

ܘܩܳܐܶܡ ܪܺܝܫܟ̊ܳܗ̈ܢܶܐ ܡܶܢ ܬܪܽܘ̇ܢܺܝܽܘ̇ܢ܆ ܘܳܐܬ̥ܶܐ ܠܰܩܕ̥ܳܡ ܦܳܬ̥ܽܘܪ ܚܰܝ̈ܐ܆ ܘܟ̥ܰܕ̥ ܐܰܦܰܘܗ̱̈ܝ ܠܡܰܥܪܒܳܐ ܩܳܪܶܐ ܠܶܐܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܡܶܢ ܠܽܘ̣ܩܳܐ ܡܣܰܒܪܳܢܳܐ܀

 

ܡܫܰܡܫܳܢܳܐ:

ܒܰܪܶܟ̥ܡܳܪܝ܆ ܥܰܡ ܫܶܠܝܳܐ ܘܕ̥ܶܚܠܬ̥ܳܐ ܘܢܰܟ̥ܦܽܘ̣ܬ̥ܳܐ ܢܨܽܘ̣ܬ̥ ܘܢܶܫܡܰܥ ܠܰܣܒܰܪܬ̥ܳܐ ܕ̥ܡܶܠ̈ܐ ܚܰܝ̈ܬ̥ܳܐ ܕ̥ܶܐܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܕ̥ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܕ̥ܡܶܬ̥ܩܪܶܐ ܥܠܰܝܢ܀

 

ܪܺܝܫܟ̊ܳܗ̈ܢܶܐ:

ܫܠܳܡܳܐ ܠܟ̥ܽܠܟ̥ܽܘ̇ܢ܀

 

ܡܫܰܡܫܳܢܳܐ:

ܘܥܰܡ ܪܽܘ̣ܚܳܐ ܕ̥ܺܝܠܳܟ̥܀

 

ܪܺܝܫܟ̊ܳܗ̈ܢܶܐ:

ܐܶܘܰܢܓܶܠܺܝܽܘ̇ܢ ܩܰܕ̊ܺܝ̣ܫܳܐ ܕ̥ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ܆ ܣܒܰܪܬ̥ܳܐ ܡܰܚܝܳܢܺܝ̣ܬ̥ܳܐ ܡܶܢ ܠܽܘ̣ܩܳܐ ܡܣܰܒܪܳܢܳܐ ܕ̥ܰܡܣܰܒܰܪ ܚܰܝ̈ܶܐ ܘܦܽܘ̣ܪܩܳܢܳܐ ܠܥܳܠܡܳܐ܀

 

ܡܫܰܡܫܳܢܳܐ:

ܒܪܺܝ̣ܟ̥ ܕ̊ܶܐܬ̥ܳܐ ܘܰܥܬ̥ܺܝ̣ܕ̥ ܕܢܺܐܬ̥ܶܐ܆ ܘܬ̥ܶܫܒ̈ܚܳܢ ܠܫܳܠܽܘܚܳܐ ܕ̥ܫܰܠܚܶܗ ܠܦܽܘ̣ܪܩܳܢܰܢ܆ ܘܥܰܠ ܟ̊ܽܠܰܢ ܪ̈ܰܚܡܰܘܗ̱ܝ ܠܥܳܠܡܺܝ̣ܢ܀

 

ܪܺܝܫܟ̊ܳܗ̈ܢܶܐ:

ܒܙܰܒܢܳܐ ܗܳܟ̥ܺܝܠ ܕ̥ܰܡܕ̥ܰܒܪܳܢܽܘ̣ܬ̥ܶܗ ܕ̊ܡܳܪܰܢ ܘܰܐܠܳܗܰܢ ܘܦܳܪܽܘܩܳܐ ܕ̥ܺܝܠܰܢ ܝܶܫܽܘ̇ܥ ܡܫܺܝ̣ܚܳܐ܆ ܡܶܠܬ̥ܳܐ ܕ̥ܚܰܝ̈ܶܐ ܐܰܠܳܗܳܐ ܕ̥ܶܐܬ̥ܒܰܣܰܪ ܡܶܢ ܒܬ̥ܽܘ̣ܠܬ̊ܳܐ ܩܰܕ̊ܺܝ̣ܫܬ̊ܳܐ ܡܰܪܝܰܡ܆ ܗܳܠܶܝܢ ܕ̊ܶܝܢ ܗܳܟ̥ܰܢܳܐ ܗܘܰܝ̈܀

 

ܥܰܡܳܐ:

ܡܗܰܝܡܢܺܝ̣ܢܰܢ ܘܡܰܘܕܶܝܢܰܢ܀

 

 

ܘܟ̥ܰܕ̥ ܐܳܙܺܠ̱ܝ̣ܢ ܗ̱ܘܰܘ ܥܰܡܶܗ ܟ̊ܶܢ̈ܫܶܐ ܣܰܓ̊ܺܝ̣̈ܐܶܐ܆ ܐܶܬ̥ܦ̊ܢܺܝ ܘܶܐܡܰܪ ܠܗܽܘ̇ܢ: ܡܰܢ ܕ̊ܳܐܬ̥ܶܐ ܠܘܳܬ̥ܝ ܘܠܳܐ ܣܳܢܶܐ ܠܰܐܒ̥ܽܘܗ̱ܝ ܘܠܶܐܡܶܗ ܘܠܰܐܚܰܘܗ̱̈ܝ ܘܠܰܐܚ̈ܘܳܬ̥ܶܗ ܘܠܰܐܢ̱ܬ̊ܬ̥ܶܗ ܘܠܰܒ̥ܢܰܘܗ̱̈ܝ ܘܳܐܦ̥ ܠܢܰܦ̥ܫܶܗ܆ ܬ̊ܰܠܡܺܝ̣ܕ̥ܳܐ ܠܳܐ ܡܶܫܟ̊ܰܚ ܕ̊ܢܶܗܘܶܐ ܠܺܝ. ܘܡܰܢ ܕ̊ܠܳܐ ܫܳܩܶܠ ܨܠܺܝ̣ܒ̥ܶܗ ܘܳܐܬ̥ܶܐ ܒ̥ܳܬ̥ܰܪܝ܆ ܬ̊ܰܠܡܺܝ̣ܕ̥ܳܐ ܠܳܐ ܡܶܫܟ̊ܰܚ ܕ̊ܢܶܗܘܶܐ ܠܺܝ. ܡܰܢܽܘ ܓ̥ܶܝܪ ܡܶܢܟ̥ܽܘ̇ܢ ܕ̊ܨܳܒ̥ܶܐ ܕ̥ܢܶܒ̥ܢܶܐ ܡܰܓ̥ܕ̊ܠܳܐ ܘܠܳܐ ܠܽܘ̣ܩܕ̥ܰܡ ܝܳܬ̥ܶܒ̥ ܚܳܫܶܒ̥ ܢܰܦ̥̈ܩܳܬ̥ܶܗ ܐܶܢ ܐܺܝ̣ܬ̥ ܠܶܗ ܠܰܡܫܰܠܳܡܽܘ̣ܬ̥ܶܗ. ܕ̊ܠܳܐ ܟ̥ܰܕ̥ ܢܣܺܝ̣ܡ ܫܶܬ̥ܐܶܣܬ̊ܳܐ܆ ܘܠܳܐ ܢܶܫܟ̊ܰܚ ܠܰܡܫܰܠܳܡܽܘ̣. ܟ̊ܽܠ ܕ̊ܚܳܙܶܝܢ܆ ܢܶܗܘܽܘ̇ܢ ܡܒ̥ܰܙܚܺܝ̣ܢ ܒ̊ܶܗ ܘܳܐܡܪܺܝ̣ܢ: ܕ̊ܗܳܢܳܐ ܓ̥ܰܒ̥ܪܳܐ ܫܰܪܺܝ ܠܡܶܒ̥ܢܳܐ ܘܠܳܐ ܐܶܫܟ̊ܰܚ ܠܰܡܫܰܠܳܡܽܘ̣. ܐܰܘ ܡܰܢܽܘ ܡܰܠܟ̊ܳܐ ܕ̥ܳܐܙܶܠ ܠܰܩܪܳܒ̥ܳܐ ܠܡܶܬ̥ܟ̊ܰܬ̊ܳܫܽܘ̣ ܥܰܡ ܡܰܠܟ̊ܳܐ ܚܰܒ̥ܪܶܗ܆ ܘܠܳܐ ܠܽܘ̣ܩܕ̥ܰܡ ܡܶܬ̥ܪܰܥܶܐ ܕ̥ܶܐܢ ܡܶܫܟ̊ܰܚ ܒ̊ܥܶܣܪܳܐ ܐܰܠܦ̥ܺܝ̈ܢ ܠܡܶܐܪܰܥ ܠܗܰܘ ܕ̊ܳܐܬ̥ܶܐ ܥܠܰܘܗ̱ܝ ܒ̊ܥܶܣܪܺܝ̣ܢ ܐܰܠܦ̥ܺܝ̈ܢ. ܘܶܐܢ ܕ̊ܶܝܢ ܠܳܐ܆ ܥܰܕ̥ ܗܽܘ ܪܰܚܺܝ̣ܩ ܡܶܢܶܗ܆ ܡܫܰܕ̊ܰܪ ܐܺܝ̣ܙ̈ܓ̊ܰܕ̊ܶܐ ܘܒ̥ܳܥܶܐ ܥܰܠ ܫܠܳܡܳܐ. ܗܳܟ̥ܰܢܳܐ ܟ̥ܽܠܢܳܫ ܡܶܢܟ̥ܽܘ̇ܢ ܕ̊ܠܳܐ ܫܳܒ̥ܶܩ ܟ̊ܽܠܶܗ ܩܶܢܝܳܢܶܗ܆ ܠܳܐ ܡܶܫܟ̊ܰܚ ܕ̊ܢܶܗܘܶܐ ܠܺܝ ܬ̊ܰܠܡܺܝ̣ܕ̥ܳܐ. ܫܰܦ̊ܺܝ̣ܪܳܐ ܗ̱ܝ ܡܶܠܚܳܐ܆ ܐܶܢ ܕ̊ܶܝܢ ܐܳܦ̥ ܡܶܠܚܳܐ ܬ̥ܶܦ̥ܟ̊ܰܗ܆ ܒ̊ܡܳܢܳܐ ܬ̥ܶܬ̥ܡܠܰܚ. ܠܳܐ ܠܰܐܪܥܳܐ ܘܠܳܐ ܠܙܶܒ̥ܠܳܐ ܐܳܙܠܳܐ܆ ܠܒ̥ܰܪ ܫܳܕ̥ܶܝܢ ܠܳܗ̇. ܡܰܢ ܕ̊ܺܐܝܬ̥ ܠܶܗ ܐܶܕ̥̈ܢܶܐ ܕ̥ܢܶܫܡܰܥ ܢܶܫܡܰܥ[11]܀

ܡܶܬ̥ܩܰܪܒ̥ܺܝ̣ܢ ܗ̱ܘܰܘ ܕ̊ܶܝܢ ܠܘܳܬ̥ܶܗ ܡܳܟ̥̈ܣܶܐ ܘܚܰܛܳܝ̈ܶܐ ܕ̥ܢܶܫܡܥܽܘ̣ܢܳܝܗ̱ܝ. ܘܣܳܦ̥ܪ̈ܶܐ ܘܰܦ̥ܪ̈ܺܝ̣ܫܶܐ ܪܳܛܢܺܝ̣ܢ ܗ̱ܘܰܘ ܘܳܐܡܪܺܝ̣ܢ: ܗܳܢܳܐ ܠܚܰܛܳܝ̈ܶܐ ܡܩܰܒ̊ܶܠ ܘܳܐܟ̥ܶܠ ܥܰܡܗܽܘ̇ܢ. ܘܶܐܡܰܪ ܠܗܽܘ̇ܢ ܝܶܫܽܘ̇ܥ ܡܰܬ̥ܠܳܐ ܗܳܢܳܐ: ܡܰܢܽܘ ܡܶܢܟ̥ܽܘ̇ܢ ܓ̊ܰܒ̥ܪܳܐ ܕ̥ܺܐܝܬ̥ ܠܶܗ ܡܳܐܐ ܥܶܪ̈ܒ̊ܺܝ̣ܢ܆ ܘܶܐܢ ܢܺܐܒ̥ܰܕ̥ ܚܰܕ̥ ܡܶܢܗܽܘ̇ܢ܆ ܠܳܐ ܫܳܒ̥ܶܩ ܬ̊ܶܫܥܺܝ̣ܢ ܘܬ̥ܶܫܥܳܐ ܒ̥ܕ̥ܰܒ̥ܪܳܐ ܘܳܐܙܶܠ ܒ̊ܳܥܶܐ ܠܗܰܘ ܕ̊ܶܐܒ̥ܰܕ̥ ܥܕ̥ܰܡܳܐ ܕ̥ܢܶܫܟ̊ܚܺܝ̣ܘܗ̱ܝ. ܘܡܳܐ ܕ̥ܶܐܫܟ̊ܚܶܗ܆ ܚܳܕ̥ܶܐ ܘܫܳܩܶܠ ܠܶܗ ܥܰܠ ܟ̊ܰܬ̥̈ܦ̊ܳܬ̥ܶܗ. ܘܳܐܬ̥ܶܐ ܠܒ̥ܰܝܬ̊ܶܗ ܘܩܳܪܶܐ ܠܪ̈ܳܚܡܰܘܗ̱ܝ ܘܠܰܫ̈ܒ̥ܳܒ̥ܰܘܗ̱ܝ ܘܳܐܡܰܪ ܠܗܽܘ̇ܢ: ܚܕ̥ܰܘ ܥܰܡܝ ܕ̊ܶܐܫܟ̊ܚܶܬ̥ ܥܶܪܒ̊ܝ ܕ̊ܰܐܒ̊ܺܝ̣ܕ̥ ܗ̱ܘܳܐ. ܐܳܡܰܪ ܐ̱ܢܳܐ ܠܟ̥ܽܘ̇ܢ: ܕ̊ܗܳܟ̥ܰܢܳܐ ܬ̥ܶܗܘܶܐ ܚܰܕ̥ܽܘ̣ܬ̥ܳܐ ܒ̥ܰܫܡܰܝܳܐ ܥܰܠ ܚܰܕ̥ ܚܰܛܳܝܳܐ ܕ̥ܬ̥ܳܐܶܒ̥܆ ܐܰܘ ܥܰܠ ܬ̊ܶܫܥܺܝ̣ܢ ܘܬ̥ܶܫܥܳܐ ܙܰܕ̊ܺܝܩܺܝ̈ܢ ܕ̊ܠܳܐ ܡܶܬ̥ܒ̊ܰܥܝܳܐ ܠܗܽܘ̇ܢ ܬ̊ܝܳܒ̊ܽܘ̣ܬ̥ܳܐ܀

ܐܰܘ ܐܰܝܕ̥ܳܐ ܗ̱ܝ ܐܰܢ̱ܬ̊ܬ̥ܳܐ ܕ̥ܺܐܝܬ̥ ܠܳܗ̇ ܥܶܣܪܳܐ ܙܽܘܙܺܝ̈ܢ ܘܬ̥ܰܘܒ̊ܶܕ̥ܝ ܚܰܕ̥ ܡܶܢܗܽܘ̇ܢ܆ ܘܠܳܐ ܡܰܢܗܪܳܐ ܫܪܳܓ̥ܳܐ܆ ܘܚܳܡܳܐ ܒ̥ܰܝܬ̊ܳܐ܆ ܘܒ̥ܳܥܝܳܐ ܠܶܗ ܒ̊ܛܺܝ̣ܠܳܐܺܝ̣ܬ̥ ܥܕ̥ܰܡܳܐ ܕ̥ܬ̥ܶܫܟ̊ܚܺܝ̣ܘܗ̱ܝ. ܘܡܳܐ ܕ̥ܶܐܫܟ̊ܰܚܬ̥ܶܗ܆ ܩܳܪܝܳܐ ܠܪ̈ܳܚܡܳܬ̥ܳܗ̇ ܘܠܰܫ̈ܒ̥ܳܒ̥ܳܬ̥ܳܗ̇ ܘܳܐܡܪܳܐ ܠܗܶܝܢ: ܚܕ̥ܳܝܶܝ̈ܢ ܥܰܡܝ ܕ̊ܶܐܫܟ̊ܚܶܬ̥ ܙܽܘܙܝ ܕ̊ܰܐܒ̊ܺܝ̣ܕ̥ ܗ̱ܘܳܐ. ܐܳܡܰܪ ܐ̱ܢܳܐ ܠܟ̥ܽܘ̇ܢ: ܕ̊ܗܳܟ̥ܰܢܳܐ ܬ̥ܶܗܘܶܐ ܚܰܕ̥ܽܘ̣ܬ̥ܳܐ ܩܕ̥ܳܡ ܡܰܠܰܐܟ̥ܰܘܗ̱̈ܝ ܕ̊ܰܐܠܳܗܳܐ ܥܰܠ ܚܰܕ̥ ܚܰܛܳܝܳܐ ܕ̥ܬ̥ܳܐܶܒ̥[12]܀

وَكَانَ جُمُوعٌ كَثِيرَةٌ سَائِرِينَ مَعَهُ فَالْتَفَتَ وَقَالَ لَهُمْ: «إِنْ كَانَ أَحَدٌ يَأْتِي إِلَيَّ وَلاَ يُبْغِضُ أَبَاهُ وَأُمَّهُ وَامْرَأَتَهُ وَأَوْلاَدَهُ وَإِخْوَتَهُ وَأَخَوَاتِهِ حَتَّى نَفْسَهُ أَيْضاً فَلاَ يَقْدِرُ أَنْ يَكُونَ لِي تِلْمِيذاً. وَمَنْ لاَ يَحْمِلُ صَلِيبَهُ وَيَأْتِي وَرَائِي فَلاَ يَقْدِرُ أَنْ يَكُونَ لِي تِلْمِيذاً. وَمَنْ مِنْكُمْ وَهُوَ يُرِيدُ أَنْ يَبْنِيَ بُرْجاً لاَ يَجْلِسُ أَوَّلاً وَيَحْسِبُ النَّفَقَةَ هَلْ عِنْدَهُ مَا يَلْزَمُ لِكَمَالِهِ؟ لِئَلاَّ يَضَعَ الأَسَاسَ وَلاَ يَقْدِرَ أَنْ يُكَمِّلَ فَيَبْتَدِئَ جَمِيعُ النَّاظِرِينَ يَهْزَأُونَ بِهِ قَائِلِينَ: هَذَا الإِنْسَانُ ابْتَدَأَ يَبْنِي وَلَمْ يَقْدِرْ أَنْ يُكَمِّلَ. وَأَيُّ مَلِكٍ إِنْ ذَهَبَ لِمُقَاتَلَةِ مَلِكٍ آخَرَ فِي حَرْبٍ لاَ يَجْلِسُ أَوَّلاً وَيَتَشَاوَرُ: هَلْ يَسْتَطِيعُ أَنْ يُلاَقِيَ بِعَشَرَةِ آلاَفٍ الَّذِي يَأْتِي عَلَيْهِ بِعِشْرِينَ أَلْفاً؟ وَإِلاَّ فَمَا دَامَ ذَلِكَ بَعِيداً يُرْسِلُ سَفَارَةً وَيَسْأَلُ مَا هُوَ لِلصُّلْحِ. فَكَذَلِكَ كُلُّ وَاحِدٍ مِنْكُمْ لاَ يَتْرُكُ جَمِيعَ أَمْوَالِهِ لاَ يَقْدِرُ أَنْ يَكُونَ لِي تِلْمِيذاً. اَلْمِلْحُ جَيِّدٌ. وَلَكِنْ إِذَا فَسَدَ الْمِلْحُ فَبِمَاذَا يُصْلَحُ؟ لاَ يَصْلُحُ لأَرْضٍ وَلاَ لِمَزْبَلَةٍ فَيَطْرَحُونَهُ خَارِجاً. مَنْ لَهُ أُذُنَانِ لِلسَّمْعِ فَلْيَسْمَعْ!»܀


وَكَانَ جَمِيعُ الْعَشَّارِينَ وَالْخُطَاةِ يَدْنُونَ مِنْهُ لِيَسْمَعُوهُ. فَتَذَمَّرَ الْفَرِّيسِيُّونَ وَالْكَتَبَةُ قَائِلِينَ: «هَذَا يَقْبَلُ خُطَاةً وَيَأْكُلُ مَعَهُمْ». فَكَلَّمَهُمْ بِهَذَا الْمَثَلِ: «أَيُّ إِنْسَانٍ مِنْكُمْ لَهُ مِئَةُ خَرُوفٍ وَأَضَاعَ وَاحِداً مِنْهَا أَلاَ يَتْرُكُ التِّسْعَةَ وَالتِّسْعِينَ فِي الْبَرِّيَّةِ وَيَذْهَبَ لأَجْلِ الضَّالِّ حَتَّى يَجِدَهُ؟ وَإِذَا وَجَدَهُ يَضَعُهُ عَلَى مَنْكِبَيْهِ فَرِحاً وَيَأْتِي إِلَى بَيْتِهِ وَيَدْعُو الأَصْدِقَاءَ وَالْجِيرَانَ قَائِلاً لَهُمُ: افْرَحُوا مَعِي لأَنِّي وَجَدْتُ خَرُوفِي الضَّالَّ. أَقُولُ لَكُمْ إِنَّهُ هَكَذَا يَكُونُ فَرَحٌ فِي السَّمَاءِ بِخَاطِئٍ وَاحِدٍ يَتُوبُ أَكْثَرَ مِنْ تِسْعَةٍ وَتِسْعِينَ بَارّاً لاَ يَحْتَاجُونَ إِلَى تَوْبَةٍ»܀

«أَوْ أَيَّةُ امْرَأَةٍ لَهَا عَشْرَةُ دَرَاهِمَ إِنْ أَضَاعَتْ دِرْهَماً وَاحِداً أَلاَ تُوقِدُ سِرَاجاً وَتَكْنِسُ الْبَيْتَ وَتُفَتِّشُ بِاجْتِهَادٍ حَتَّى تَجِدَهُ؟ وَإِذَا وَجَدَتْهُ تَدْعُو الصَّدِيقَاتِ وَالْجَارَاتِ قَائِلَةً: افْرَحْنَ مَعِي لأَنِّي وَجَدْتُ الدِّرْهَمَ الَّذِي أَضَعْتُهُ. هَكَذَا أَقُولُ لَكُمْ يَكُونُ فَرَحٌ قُدَّامَ مَلاَئِكَةِ اللهِ بِخَاطِئٍ وَاحِدٍ يَتُوبُ»܀

 

ܟ̊ܳܪܽܘܙܽܘ̣ܬ̥ܳܐ

 

ܪܺܝܫܡܫܰܡ̄:

ܢܩܽܘ̣ܡ ܫܰܦ̊ܺܝܪ ܟ̊ܽܠܰܢ ܒܰܚܦܺܝ̣ܛܽܘ̣ܬ̥ܳܐ ܘܰܒܠܶܒܳܐ ܫܚܺܝ̣ܩܳܐ ܢܶܓ̥ܥܶܐ ܘܢܺܐܡܰܪ܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܡܫܰܡ̄:

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ ܗܰܘ ܕ̊ܺܐܝܬ̥ܰܝܟ̊ ܬ̊ܗܽܘ̣ܡܳܐ ܠܳܐ ܡܶܬ̊ܬ̊ܓ̥ܺܝ̣ܫܳܢܳܐ ܕ̥ܛܳܒܽܘ̣ܬ̥ܳܐ܆ ܘܝܳܗܽܘܒܳܐ ܕ̥ܫܽܘ̣ܟ̊ܳܢ̈ܶܐ ܪܰܘܪ̈ܒܶܐ ܠܓ̥ܶܢܣܳܐ ܬ̥ܰܚܽܘܒܳܐ ܕ̥ܡܶܢ ܥܽܘ̈ܒܶܐ ܕ̥ܺܝܠܳܟ̥ ܣܪܺܝ̣ܩ܆ ܘܰܒܚܶܙ̈ܐ ܠܳܐ ܡܶܬ̊ܬ̊ܰܨܡ̈ܚܳܢܶܐ ܕ̥ܢܶܬ̊ܬ̊ܰܚܫܰܟ̥ ܒܝܰܕ̥ ܪ̈ܓ̥ܺܝ̣ܓ̥ܳܬ̥ܳܐ ܒܶܣܪ̈ܳܢܳܝܳܬ̥ܳܐ ܪܟ̥ܺܝ̣ܢ. ܬ̊ܽܘ̣ܒ̥ ܒܝܰܕ̥ ܚܽܘ̣ܝܳܕ̥ܳܐ ܕ̥ܥܰܡܳܟ̥ ܒܢܺܝ̣ܪܳܐ ܗܳܢܳܐ ܒܰܣܺܝ̣ܡܳܐ ܕ̥ܢܶܬ̊ܬ̊ܰܠܘܰܬ̥ ܐܰܫܘܺܝܬ̊. ܐܰܫܘܳܐ ܠܰܢ ܕ̊ܠܰܐ̱ܚܪܳܢܳܝܽܘ̣ܬ̥ܳܐ ܡܦܰܠܰܓ̥ܬ̊ܳܐ ܕ̥ܺܝܠܰܢ܆ ܠܘܳܬ̥ ܚܕ̥ܳܐ ܠܚܽܘ̇ܕ̥ܳܝܽܘ̣ܬ̥ܳܐ ܡܣܰܒܗܰܬ̥ ܒܺܐܝ̣ܬ̥ܽܘ̣ܬ̥ܳܟ̥܆ ܒܶܗ ܢܟ̥ܰܢܶܫ ܘܰܢܒܰܝܬ̊ܶܐ. ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܡܫܰܡ̄:

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ ܗܰܘ ܕ̊ܡܶܢ ܬ̊ܶܓ̥̈ܡܶܐ ܕ̥ܢܽܘ̣ܪܳܐ ܘܰܕ̥ܪܽܘ̣ܚܳܐ ܦܰܐܝܽܘ̣ܬ̥ ܐܰܠܳܗܳܐܺܝ̣ܬ̥ ܡܶܫܬ̊ܰܡܰܫ. ܘܡܶܛܽܠ ܥܶܪܒܳܐ ܐܰܒ̊ܺܝ̣ܕ̥ܳܐ ܒܪܶܚܡܰܬ̥ ܐ̱ܢܳܫܽܘ̣ܬ̥ܶܗ ܐܶܬ̊ܬ̊ܰܚܬ̊ܺܝ. ܘܰܠܒܶܣܪܰܢ ܗܽܘ̣ܠܳܢܳܝܳܐ ܩܢܽܘ̇ܡܳܐܺܝ̣ܬ̥ ܐܶܬ̥ܚܰܝܰܕ̥. ܘܟ̥ܰܕ̥ ܥܰܡ ܒܢܰܝ̈ܢܳܫܳܐ ܐܶܬ̥ܗܰܦܰܟ̥܆ ܠܥܶܪܒܳܐ ܕ̥ܰܛܥܳܐ ܥܰܠ ܟ̊ܰܬ̥ܦ̈ܬ̥ܶܗ ܫܩܰܠ. ܘܠܰܛܝܳܪܶܗ ܐܰܗܦܶܟ̥ ܐܰܥܒܰܪ. ܐܰܫܘܳܐ ܐܳܦ ܗܳܫܳܐ ܠܥܰܒ̥ܕ̊ܟ̥ ܗܳܢܳܐ܆ ܕ̊ܰܠܢܺܝ̣ܪܳܟ̥ ܒܰܣܺܝ̣ܡܳܐ ܐܰܚܶܒ܆ ܕ̊ܒܶܗ ܟ̊ܺܝܬ̥ ܘܒܳܟ̥ ܒܚܰܕ̥ ܐܶܣܳܪܳܐ ܕ̥ܪܽܘ̣ܚܳܐ ܩܰܕ̊ܺܝ̣ܫܳܐ ܢܶܬ̥ܐܶܣܰܪ. ܐܰܝܟ̊ܰܢܳܐ ܕ̥ܟ̥ܰܕ̥ ܒܚܰܝ̈ܶܐ ܕ̥ܟ̥ܰܝ̈ܳܐ ܘܠܳܐ ܚܒܺܝ̣̈ܟ̥ܶܐ ܢܶܫܬ̊ܰܘܫܰܛ܆ ܘܕ̥ܰܒܣܶܕ̥ܪ̈ܶܐ ܕ̥ܩܰܕ̊ܺܝ̣ܫܰܝ̈ܟ̊ ܢܶܬ̥ܚܰܠܰܛ. ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ

ܪܺܝܫܡܫܰܡ̄:

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ ܗܰܘ ܕ̊ܰܒܝܰܕ̥ ܐܶܘܰܢ̈ܓ̊ܶܠܳܝܶܐ ܕ̥ܺܝܠܳܟ̥ ܩܰܕ̊ܺܝ̣̈ܫܶܐ ܐܰܠܶܦܬ̊ܳܢ ܟ̊ܰܕ̥ ܐܳܡܰܪ ܐܰܢ̱ܬ̊: ܕ̊ܟ̥ܽܠ ܕ̊ܠܳܐ ܫܳܩܶܠ ܨܠܺܝ̣ܒ̥ܶܗ ܡܛܰܝܒܳܐܺܝ̣ܬ̥ ܥܰܠ ܟ̊ܰܬ̥ܦܶܗ ܘܳܐܬܶܐ ܒܳܬ̥ܰܪܝ܆ ܬ̊ܰܠܡܺܝ̣ܕ̥ܳܐ ܠܳܐ ܫܳܘܶܐ ܕ̥ܢܶܗܘܶܐ ܠܺܝ. ܥܰܠܗܳܕ̥ܶܐ ܟ̥ܰܕ̥ ܒܪܶܬ̥ܚܳܐ ܕ̥ܚܽܘ̣ܒܳܟ̥ ܐܶܬ̥ܢܰܒܪܰܫ ܥܰܒ̥ܕ̊ܳܟ̥ ܗܳܢܳܐ܆ ܚܘܺܝ̣ܚܳܐܺܝ̣ܬ̥ ܠܦܽܘ̣ܩܕ̊ܳܢܳܟ̥ ܢܩܶܦ܆ ܘܠܰܨܠܺܝ̣ܒ̥ܳܟ̥ ܒܚܰܕ̥ܽܘ̣ܬ̥ܳܐ ܠܡܶܛܥܰܢ ܩܪܶܒ. ܚܰܣܶܢܳܝܗ̱ܝ ܒܟ̥ܽܘ̣ܠܳܝܽܘ̣ܬ̥ ܙܰܝܢܳܐ ܕ̥ܪܽܘ̣ܚܳܟ̥ ܩܰܕ̊ܺܝ̣ܫܳܐ. ܐܰܝܟ̊ܰܢܳܐ ܕ̥ܰܠܟ̥ܽܠܗܽܘ̇ܢ ܓ̊ܶܐܪ̈ܶܐ ܡܫܰܠܗ̈ܒܶܐ ܕ̥ܳܐܟ̥ܶܠܩܰܪܨܳܐ ܢܫܰܗܶܐ. ܘܠܳܐ ܡܶܬ̥ܟ̊ܰܒܫܳܢܳܐ ܠܡܰܥܒ̊ܕ̥ܳܢܽܘ̣ܬ̥ܶܗ ܣܰܩܽܘܒܠܳܝܬ̊ܳܐ ܢܶܬ̥ܚܙܶܐ. ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܡܫܰܡ̄:

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ ܗܰܘ ܕ̊ܰܒܝܰܕ̥ ܪܶܚܡܰܬ̥ ܐܢܳܫܽܘ̣ܬ̥ܶܗ ܠܳܐ ܡܶܬ̥ܡܰܠܠܳܢܺܝ̣ܬ̥ܳܐ܆ ܐܽܘ̣ܪܚܳܐ ܡܰܠܟ̊ܳܝܬ̊ܳܐ ܕ̥ܰܠܚܰܝܶـ̈ܐ ܛܽܘ̣ܒ̥ܬ̥ܳܢܶـ̈ܐ ܡܫܰܒܠܳܐ܆ ܒܰܩܢܽܘ̇ܡܶܗ ܕ̊ܪܰܫ ܠܰܢ ܕ̊ܒܳܗ̇ ܟ̊ܺܝܬ̥ ܢܶܪܕ̊ܶܐ ܠܳܐ ܡܶܨܛܰܠܝܳܢܳܐܺܝ̣ܬ̥ ܒܰܣܒܰܪܬ̥ܳܐ ܕ̥ܺܝܠܶܗ ܦܳܪܽܘܩܳܝܬ̊ܳܐ ܐܰܠܶܦ ܠܰܢ. ܐܰܫܘܳܐ ܠܥܰܒ̥ܕ̊ܳܟ̥ ܗܳܢܳܐ ܕ̥ܰܕܠܳܐ ܡܰܘܛܳܐ ܠܡܰܪܕ̊ܺܝܬ̥ܶܗ ܢܫܰܡܠܶܐ ܘܰܒܚܰܝܶـ̈ܐ ܕ̥ܫܳܦܪܺܝ̣ܢ ܠܳܟ̥ ܢܶܫܬ̊ܰܘܫܰܛ. ܒܳܥܶܝܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܡܫܰܡ̄:

ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ. ܗܰܘ ܕ̊ܚܰܒܺܝ̈ܒܳܢ ܠܶܗ ܕ̊ܶܡ̈ܥܶܐ ܕ̥ܬ̥ܰܝܳܒ̈ܐ. ܘܰܪܓ̥ܺܝ̣ܓ̥ ܠܦܽܘ̣ܪܩܳܢܳܐ ܕ̥ܡܰܣܟ̊ܠܳܢ̈ܶܐ. ܛܳܒ̥ܳܐ ܕ̥ܰܦܬ̥ܺܝ̣ܚ ܬ̊ܰܪܥܶܗ ܠܬ̥ܰܝܳܒ̈ܐ. ܘܰܦܫܺܝ̣ܛܳܐ ܐܺܝ̣ܕ̥ܶܗ ܕ̊ܰܬ̊ܕ̊ܰܠܶܐ ܠܛܰܒܺܝ̣̈ܥܶܐ. ܦܬ̥ܰܚ ܬ̊ܰܪܥܳܐ ܕ̥ܪ̈ܰܚܡܰܝܟ̊ ܠܥܰܒ̥ܕ̊ܳܟ̥ ܗܳܢܳܐ ܕ̥ܰܪܟ̥ܺܝ̣ܢ ܩܕ̥ܳܡܰܝܟ̊. ܘܬ̥ܰܦܶܦ ܐܰܪܕ̊ܳܐ ܠܶܗ ܢܳܣ̈ܟ̥ܶܐ ܡܓ̥ܺܝ̣̈ܚܳܢܶܐ ܕ̥ܪ̈ܰܚܡܰܝܟ̊ ܡܬ̥ܽܘ̇ܡܳܝ̈ܶܐ. ܘܰܠܟ̥ܽܠܳܗ̇ ܨܳܐܬ̥ܳܐ ܘܰܚܒܳܪ̈ܳܬ̥ܳܐ ܕ̥ܰܚܛܺܝ̣ܬ̥ܳܐ ܡܪܽܘ̇ܩ ܘܚܰܘܰܪ ܡܶܢܶܗ. ܒܳܥܶܝܢܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܡܫܰܡ̄:

ܚܠܳܦ ܫܰܝܢܳܐ ܘܰܫܠܡܳܐ ܕ̥ܟ̥ܽܠܶܗ ܥܳܠܡܳܐ. ܘܰܚܠܳܦ ܗܳܝ ܕ̊ܢܰܫܪܶܐ ܐܰܠܳܗܳܐ ܫܰܝܢܶܗ ܘܰܫܠܳܡܶܗ ܒܥܰܡܶܗ ܘܰܒܥܺܕ̊ܬ̊ܶܗ ܘܒܰܐܪܒܰܥ ܦܶܢ̈ܝܳܬ̥ܶܗ ܕ̊ܥܳܠܡܳܐ. ܘܰܚܠܳܦ ܗܳܝ ܕ̊ܢܰܥܒܰܪ ܐܰܠܳܗܳܐ ܡܶܢ ܕ̊ܰܝܪܳܐ ܗܳܕ̥ܶܐ ܘܰܐܬ̥ܪܳܐ ܗܳܢܳܐ ܘܥܳܡܽܘܪ̈ܰܘܗ̱ܝ ܟ̊ܽܠܗܶܝܢ ܡܰܚ̈ܘܳܬ̥ܳܐ ܘܫܰܒ̈ܛܶܐ ܕ̥ܪܽܘܓ̥ܙܳܐ. ܒܳܥܶܝܢܰܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܡܫܰܡ̄:

ܘܰܚܠܳܦ ܕܽܘ̣ܟ̥ܪܳܢܳܗ̇ ܕ̊ܗܳܝ ܫܰܘܝܰܬ̥ ܠܛܽܘܒ̈ܶܐ ܘܰܫܒܺܝ̣ܚܰܬ̥ ܡܶܢ ܟ̊ܽܠܗܶܝܢ ܫܰܪ̈ܒܳܬ̥ܳܐ ܕ̥ܰܐܪܥܳܐ. ܩܰܕ̊ܺܝ̣ܫܬ̊ܳܐ ܘܰܡܫܰܒܰܚܬ̊ܳܐ ܘܰܡܒܰܪܰܟ̥ܬ̊ܳܐ ܘܰܒܬ̥ܽܘ̣ܠܰܬ̥ ܒܟ̥ܽܠܙܒܰܢ ܛܽܘ̣ܒ̣ܳܢܺܝ̣ܬ̥ܳܐ ܝܳܠܕ̊ܰܬ̥ ܐܰܠܳܗܳܐ ܡܰܪܝܰܡ. ܘܰܚܠܳܦ ܕܽܘ̣ܟ̥ܪܳܢܳܐ ܕ̥ܰܢܒܺܝ̈ܐ ܘܕ̥ܰܫܠܺܝ̣̈ܚܶܐ ܘܰܕ̥ܣܳܗ̈ܕܶܐ ܘܰܕ̥ܡܰܘܕ̈ܝܳܢܶܐ ܘܕ̥ܰܐܒ̈ܗܳܬ̥ܳܐ ܩܰܕ̊ܺܝ̣̈ܫܶܐ ܘܡܰܠ̈ܦܳܢܶܐ ܬ̥ܪ̈ܺܝܨܰܝ ܫܽܘ̣ܒ̥ܚܳܐ. ܒܳܥܶܝܢܢ ܡܶܢܳܟ̥܀

ܡܫܰܡ̈ܫܳܢܶܐ:

ܫܡܰܥ ܠܰܢ ܡܳܪܝ ܘܶܐܬ̥ܪܰܚܰܡܥܠܰܝܢ܆ ܡܫܺܝ̣ܚܳܐ ܐܰܠܳܗܳܐ ܕ̥ܺܝܠܰܢ܀

ܪܺܝܫܡܫܰܡ̄:

ܚܠܳܦ ܕܽܘ̣ܟ̥ܪܳܢܳܐ ܕ̥ܡܳܪܢ ܡܳܪܝ ܐܺܝ̣ܓ̥ܢܰܛܺܝܽܘ̇ܣ [ܦܠܳܢ] ܦܰܛܪܺܝ̣ܰܪܟ̥ܳܐ ܛܽܘ̣ܒ̥ܬ̥ܳܢܳܐ ܕ̥ܰܐܢܛܺܝܽܘܟ̥ܺܝܰܐ. ܘܕ̥ܰܐܒܽܘ̣ܢ ܡܳܪܝ [ܦܠܢ] ܚܰܣܝܳܐ ܕ̥ܺܝܠܰܢ. ܘܰܚܠܳܦ ܕܽܘ̣ܟ̥ܪܳܢܳܐ ܕ̥ܟ̥ܽܠܗܽܘ̇ܢ ܥܰܢܺܝ̣̈ܕܶܐ ܡܗܰܝܡ̈ܢܶܐ. ܢܰܙܥܶܩ ܘܢܺܐܡܰܪ: ܩܽܘ̣ܪܝܶܠܶܝܣܽܘ̇ܢ܀

ܪܺܝܫܡܫܰܡ̄:

ܐܰܫܘܳܐ ܠܰܢ ܡܫܺܝ̣ܚܳܐ ܐܰܠܳܗܳܐ ܕ̥ܝܠܰܢ܆ ܕ̊ܰܒܬ̥ܺܐܪܬ̊ܳܐ ܕ̥ܟ̥ܺܝܬ̥ܳܐ ܢܶܬ̥ܐܶܡܶܢ ܒܦܽܘ̣ܠܚܳܢܳܐ ܕ̥ܟ̥ܰܪܡܳܟ̥ ܩܰܕ̊ܺܝ̣ܫܳܐ. ܘܥܰܡ ܟ̊ܶܢ̈ܫܶܐ ܚܣܰܝ̈ܳܐ ܕ̥ܩܰܕ̊ܺܝ̣ܫܰܝ̈ܟ̊ ܢܶܦܽܘ̇ܩ ܠܽܐܘ̣ܪܥܳܟ̥ ܒܡܶܐܬ̥ܺܝ̣ܬ̥ܳܟ̥ ܕ̊ܬ̥ܰܪܬ̊ܶܝܢ. ܘܢܰܙܥܶܩ ܘܢܺܐܡܰܪ ܬ̊ܠܺܝ̣ܬ̥ܳܐܺܝ̣ܬ̥ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܆ ܩܽܘ̣ܪܝܶܠܶܝܣܽܘ̇ܢ܀

 

ܢܽܘ̣ܗܳܪܳܐ:

ܘܦܳܢܶܐ ܪܺܝܫܟ̊ܳܗ̈ܢܶܐ ܠܘܳܬ̥ ܗܰܘ ܕܡܶܣܬ̊ܰܦܰܪ ܘܛܳܒܰܥ ܪܺܝܫ ܟ̊ܳܗ̈ܢܶܐ ܠܕ̥ܰܝܪܳܝܳܐ ܒܶܝܬ̥ ܥܰܝܢܰܘܗ̱̈ܝ ܟ̊ܰܕ̥ ܒܟ̥ܽܠ ܩܪܳܝܬ̊ܳܐ ܥܳܒ̥ܶܕ̥ ܨܠܺܝ̣ܒ̥ܳܐ ܘܳܐܡܰܪ:

ܪܺܝܫܟ̊ܳܗ̈ܢܶܐ:

ܡܶܬ̊ܛܒܰܥ [ܦܠܳܢ] ܕ̊ܢܶܗܘܶܐ ܐܶܡܪܳܐ ܩܰܕ̊ܺܝ̣ܫܳܐ ܒܰܛܝܳܪܶܗ ܕ̊ܰܡܫܝܚܳܐ. ܒ̊ܰܫܡܳܐ ܕ̥ܰܐܒ̥ܳܐ܀ ܥܰܡܳܐ: ܐܰܡܺܝ̣ܢ܀ ܪܺܝܫܟܳܗ̈ܢܶܐ: ܘܕ̥ܰܒ̥ܪܳܐ. ܥܰܡܳܐ: ܐܰܡܺܝ̣ܢ܀ ܪܺܝܫܟ̊ܳܗ̈ܢܶܐ: ܘܰܕ̥ܪܽܘ̣ܚܳܐ ܚܰܝܳܐ ܩܰܕ̊ܺܝ̣ܫܳܐ ܠܚܰܝ̈ܶܐ ܕ̥ܰܠܥܳܠܰܡ ܥܳܠܡܺܝ̣ܢ܀ ܥܰܡܳܐ: ܐܰܡܺܝ̣ܢ܀

ܢܽܘ̣ܗܳܪܳܐ:

ܡܨܰܠܶܐ ܪܺܝܫ ܟ̊ܳܗ̈ܢܶܐ ܨܠܽܘ̇ܬ̥ܳܐ ܗܳܕ̥ܶܐ ܟ̥ܰܕ̥ ܦܳܢܶܐ ܐܰܚܳܐ ܠܘܳܬ̥ܶܗ܀

 

ܬ̊ܠܳܝܬ̊ܳܐ

 

ܪܺܝܫܟ̊ܳܗ̈ܢܶܐ:

ܡܶܠܬ̥ܳܐ ܐܰܠܳܗܳܐ ܗܰܘ ܕܺܐܝܬ̥ܰܘ̱ܗܝ ܥܰܡ ܐܰܒܽܘ̣ܗ̱ܝ ܡܛܰܟ̊ܣܳܢܳܐ ܕ̥ܥܳܠ̈ܡܶܐ. ܗܽܘ ܢܶܬ̊ܶܠ ܚܶܟ̥ܡܬ̥ܳܐ ܒܢܰܦܫܳܟ̥ [ܒܢܰܦ̈ܫܳܬ̥ܟ̥ܽܘ̇ܢ]܆ ܘܢܶܡܠܶܐ ܝܺܕ̥ܰܥܬ̥ܳܐ ܠܬ̥ܰܪܥܺܝ̣ܬ̥ܳܟ [ܠܬ̥ܰܪܥܺܝ̣ܬ̥ܟ̥ܽܘ̇ܢ]܆ ܘܢܶܗܘܽܘ̇ܢ ܕ̊ܽܘ̣ܒܳܪ̈ܰܝܟ̊ [ܕܽܘ̣ܒܳܪ̈ܰܝܟ̊ܽܘ̇ܢ] ܠܰܢܝܳܚܳܐ ܕ̥ܰܠܨܶܒܝܳܢܳܐ ܕ̥ܰܐܠܳܗܽܘ̣ܬ̥ܶܗ. ܘܢܶܬ̊ܶܠ ܠܳܟ̥ [ܠܟ̥ܽܘ̇ܢ] ܒܝܰܕ̥ ܚܳܬ̥ܡܳܐ ܗܳܢܳܐ ܕ̥ܪܽܘ̣ܫܡܶܗ܆ ܟ̊ܠܺܝ̣ܠܳܐ ܕ̥ܠܳܐ ܡܶܬ̥ܚܰܒܠܳܢܽܘ̣ܬ̥ܳܐ ܥܰܡ ܟ̊ܽܠܗܽܘ̇ܢ ܩܰܕ̊ܺܝ̣ܫܰܘ̈ܗ̱ܝ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܬ̊ܽܘܒ̥ ܡܨܰܠܶܐ ܪܺܝܫ ܟ̊ܳܗ̈ܢܶܐ ܨܠܽܘ̇ܬ̥ܳܐ ܕ̥ܰܦܝܳܣܳܐ. ܘܡܰܝܬ̊ܶܝܢ ܡܣܰܦܪܳܢܳܐ ܘܣܳܝܡܺܝ̣ܢ ܩܕ̥ܳܡ ܡܰܕ̥ܒ̊ܚܳܐ:

 

ܨܠܽܘ̇ܬ̥ܳܐ ܕ̥ܰܦܝܳܣܳܐ

 

ܪܺܝܫܟ̊ܳܗ̈ܢܶܐ:

 

ܡܳܪܰܢ ܘܰܐܠܳܗܰܢ ܘܦܳܪܽܘܩܰܢ ܝܶܫܽܘ̇ܥ ܡܫܺܝ̣ܚܳܐ. ܗܰܘ ܡܶܠܬܳܐ ܡܬ̥ܽܘ̇ܡܳܝܳܐ܆ ܘܝܰܠܕ̊ܳܐ ܠܳܐ ܗܽܘ̣ܠܳܢܳܝܳܐ ܕ̥ܰܐܒܳܐ ܠܳܐ ܡܶܬ̥ܚܰܙܝܳܢܳܐ. ܗܰܘ ܕ̊ܰܒܪܶܚܡܰܬ̥ ܐ̱ܢܳܫܽܘ̣ܬ̥ܳܟ̥ ܐܶܬ̥ܓ̊ܠܺܝܬ̊ ܐ̱ܢܳܫܳܐܺܝ̣ܬ̥ ܥܰܠ ܐܰܪܥܳܐ܆ ܡܶܛܽܠ ܦܽܘ̣ܪܩܳܢܶܗ ܕܨܰܠܡܳܟ̥. ܘܰܠܗܳܢܳܐ ܚܰܪܰܪܬ̊ܳܝܗ̱ܝ ܡܶܢ ܫܽܘ̣ܥܒ̊ܳܕ̥ܳܐ ܣܳܛܳܢܳܝܳܐ ܕ̥ܒܺܝܫܳܐ ܒܥܶܠܕܰܪܳܐ. ܘܙܰܡܶܢܬ̊ ܠܚܰܝ̈ܠܰܘܳܬ̥ܳܐ ܫܡܰܝܳܢܶـ̈ܐ ܠܚܰܕ̥ܽܘ̣ܬ̥ܳܐ ܕ̥ܥܰܠ ܦܽܘ̣ܢܳܝܳܐ ܕ̥ܥܶܪܒܳܟ̥. ܣܳܓ̥ܕ̊ܺܝ̣ܢܰܢ ܘܡܰܘܕ̊ܶܝܢܰܢ ܠܳܟ̥ ܥܰܠ ܐܰܦܰܝ̈ ܟ̊ܽܠܗܶܝܢ ܛܰܝܒ̈ܘܳܬ̥ܳܟ̥ ܕܰ̊ܠܘܳܬ̥ܰܢ. ܘܫܰܦܺܝ̣ܪܽܘ̣ܬ̥ ܦܽܘ̣ܪ̈ܢܳܣܰܝܟ̊ ܕ̊ܥܰܡ ܓ̥ܶܢܣܰܢ ܬ̊ܰܚܽܘܒܳܐ.

ܘܰܡܦܺܝ̣ܣܺܝ̣ܢܰܢ ܬ̊ܽܘܒ̥ ܠܪܶܚܡܰܬ̥ ܐ̱ܢܳܫܽܘ̣ܬ̥ܳܟ̥ ܠܳܐ ܡܶܬ̥ܡܰܠܠܳܢܺܝ̣ܬ̥ܳܐ܆ ܕ̊ܬ̥ܽܘ̣ܒ̥ ܬ̊ܶܣܥܽܘ̇ܪ ܠܰܢ ܒܰܥܝܳܕ̥ܳܐ ܚܰܝܽܘܣܬ̥ܳܢܳܐ ܕ̥ܪ̈ܰܚܡܰܝܟ ܣܰܓ̊ܺܝ̣̈ܐܶܐ. ܘܰܬ̥ܚܰܘܶܐ ܠܰܢ ܐܳܬ̥ܳܐ ܕ̥ܦܽܘ̣ܪܩܳܢܳܐ ܒܦܽܘ̣ܢܳܝܶܗ ܕ̊ܥܰܒ̥ܕ̊ܳܟ̥ ܗܳܢܳܐ ܕ̥ܰܥܪܰܩ [ܒܦܽܘ̣ܢܳܝܗܽܘ̇ܢ ܕ̊ܥܰܒ̥ܕ̊ܰܝ̈ܟ̊ ܗܳܠܶܝܢ ܕ̊ܰܥܪܰܩܘ] ܡܶܢ ܐܰܣܽܘܪ̈ܰܘܗ̱ܝ ܕ̊ܥܳܠܡܳܐ ܘܒܳܟ̥ ܛܦܰܣ [ܛܦܰܣܘ]. ܗܰܒ ܠܶܗ ܕ̊ܢܶܬ̥ܡܢܶܐ [ܠܗܽܘ̇ܢ ܕ̊ܢܶܬ̥ܡܢܽܘ̇ܢ] ܒܰܙܡܺܝ̣̈ܢܶܐ ܕ̥ܰܓ̥ܢܽܘ̇ܢܳܟ̥. ܘܒܰܩܪ̈ܰܝܳܐ ܕ̥ܡܶܫܬ̊ܽܘܬ̥ܳܟ̥ ܪܽܘ̣ܚܳܢܳܝܬ̊ܳܐ. ܘܢܶܬ̥ܚܰܠܰܛ [ܘܢܶܬ̥ܚܰܠܛܽܘ̣ܢ] ܒܓܽܘܕ̈ܶܐ ܡܫܰܒܚܳܢ̈ܝܳܬ̥ܳܐ ܕ̥ܩܰܕ̊ܺܝ̣ܫܰܝ̈ܟ̊. ܩܰܒܶܠܳܝܗ̱ܝ [ܩܰܒ̊ܶܠ ܐܶܢܽܘ̇ܢ] ܒܪܶܚܡܰܬ̥ ܐ̱ܢܳܫܽܘ̣ܬ̥ܳܟ̥܆ ܐܰܒ̥ܳܐ ܪܳܚܶܡ ܒܢܰܝ̈ܐ. ܘܗܰܒ ܕ̊ܚܰܕ̥ܽܘܬ̥ܳܐ ܓ̥ܰܘܳܢܳܝܬ̊ܳܐ ܬ̥ܶܗܘܶܐ ܥܰܠ ܦܽܘ̣ܢܳܝܶܗ [ܦܽܘ̣ܢܳܝܗܽܘ̇ܢ]. ܐܰܩܢܳܝܗ̱ܝ [ܐܰܩܢܳܐ ܐܶܢܽܘ̇ܢ] ܬ̊ܰܪܥܺܝ̣ܬ̥ܳܐ ܠܳܐ ܡܶܬ̥ܢܰܦܠܳܢܺܝ̣ܬ̥ܳܐ܆ ܘܢܰܦܫܳܐ ܕ̥ܟ̥ܽܠ ܫܳܥ ܡܶܬ̥ܓܰ̊ܢ̱ܒܪܳܐ ܒܙܳܟ̥ܽܘ̣ܬ̥ܳܐ ܠܽܘ̣ܩܒ̥ܰܠ ܫܺܐܕ̥̈ܶܐ ܘܚܰܫ̈ܶܐ ܫܟ̥ܺܝ̣ܪ̈ܶܐ ܘܡܰܘܒܕ̈ܳܢܶܐ. ܙܰܝܶܢ ܚܽܘ̣ܫܳܒܰܘ̈ܗ̱ܝ [ܚܽܘ̣ܫܳܒܰܝܗܽܘ̇ܢ] ܒܰܫܪܳܪܳܟ̥. ܘܟ̥ܽܠܗܽܘ̇ܢ ܙܰܘܥܰܘ̈ܗ̱ܝ [ܙܰܘܥܰܝ̈ܗܽܘ̇ܢ] ܐܰܣܽܘ̇ܪ ܒܚܶܟ̥ܡܬ̥ܳܟ̥. ܥܒܶܕ̥ܳܝܗ̱ܝ [ܥܒ̥ܶܕ̥ ܐܶܢܽܘ̇ܢ] ܐܰܘܳܢܳܐ ܠܰܥܡܽܘ̣ܪܝܳܟ̥܆ ܘܢܰܘܣܳܐ ܕ̥ܰܟ̥ܝܳܐ ܕ̥ܣܳܦܶܩ ܠܡܰܫܪܝܳܐ ܕ̥ܺܐܝܩܳܪܳܟ̥܀

ܛܪܽܘ̇ܕ̥ ܡܶܢܶܗ [ܡܶܢܗܽܘ̇ܢ] ܠܦܰܢܛܰܣܺܝܰܐ ܥܳܠܡܳܢܳܝܬ̊ܳܐ. ܘܰܪܕ̥ܽܘ̇ܦ ܡܶܢ ܠܘܳܬ̥ܶܗ [ܠܘܳܬ̥ܗܽܘ̇ܢ] ܠܟ̥ܽܠܗܶܝܢ ܪ̈ܓ̥ܺܝ̣ܓ̥ܳܬܳܐ ܚܰܫܳܢܳܝ̈ܬ̥ܳܐ. ܗܰܒ ܠܶܗ [ܠܗܽܘ̇ܢ] ܚܰܝܠܳܐ ܡܶܢ ܠܘܳܬ̥ܳܟ̥. ܘܰܫܩܽܘ̇ܠ ܡܶܢ ܩܕ̥ܳܡܰܘܗ̱ܝ [ܩܕ̥ܳܡܰܝܗܽܘ̇ܢ] ܠܙܰܘ̈ܥܶܐ ܬ̥ܰܙܺܝ̣̈ܙܶܐ ܕ̥ܒܶܣܪܳܐ ܡܳܝܽܘܬ̥ܳܐ. ܐܰܓ̊ܶܢ ܥܠܰܘܗ̱ܝ [ܥܠܰܝܗܽܘ̇ܢ] ܒܝܰܘܡܳܐ ܕ̥ܰܩܪܳܒܳܐ܆ ܘܢܺܝ̣ܫܳܐ ܕ̥ܰܨܠܺܝ̣ܒ̥ܳܟ̥ ܢܙܰܟ̊ܶܝܘܗ̱ܝ [ܢܙܰܟ̊ܶܐ ܐܶܢܽܘ̇ܢ] ܠܽܘ̣ܩܒ̥ܰܠ ܟ̊ܽܠܗܽܘ̇ܢ ܟ̊ܡܺܐܢ̈ܐ ܕ̥ܫܺܐܕ̥̈ܶܐ ܡܳܪ̈ܽܘܕ̥ܶܐ. ܐܰܡܺܝܬ̥ ܡܶܢܶܗ [ܡܶܢܗܽܘ̇ܢ] ܠܰܐܣܺܝ̣ܪܽܘ̣ܬ̥ܳܐ ܐܰܪܥܳܢܳܝܬ̊ܳܐ. ܒܰܛܶܠ ܡܶܢܶܗ [ܡܶܢܗܽܘ̇ܢ] ܒܰܚܢܳܢܳܟ̥ ܠܢܰܩܺܝ̣ܦܽܘ̣ܬ̥ܳܐ ܗܳܝ ܕ̊ܙܰܘ̈ܥܶܐ ܡܰܚܫܰܝ̈ ܗܰܘܢܳܐ. ܥܒܶܕ̥ܳܝܗ̱ܝ [ܥܒ̥ܶܕ̥ ܐܶܢܽܘ̇ܢ] ܥܶܪܒܳܟ̥ ܒܰܛܝܳܪܳܐ ܕ̥ܚܰܝܶـ̈ܐ. ܢܰܛܰܪܳܝܗ̱ܝ [ܢܰܛܰܪ ܐܶܢܽܘ̇ܢ] ܡܶܢ ܕ̊ܺܐܒܶـ̈ܐ ܡܶܬ̥ܝܰܕ̈ܥܳܢܶܐ ܘܡܰܘ̈ܒ̊ܕ̥ܳܢܶܐ܆ ܢܶܗܘܶܐ ܪܽܘ̣ܫܡܳܟ̥ ܡܣܰܬ̊ܪܳܢܶܗ [ܡܣܰܬ̊ܪܳܢܗܽܘ̇ܢ]. ܘܳܐܬ̥ܳܐ ܕ̥ܰܨܠܺܝ̣ܒ̥ܳܐ ܬ̥ܰܥܪܶܩܝ ܡܶܢܶܗ [ܡܶܢܗܽܘ̇ܢ] ܠܚܰܝܠܳܐ ܣܰܩܽܘ̣ܒܠܳܝܳܐ. ܐܰܝܟ̊ܰܢܳܐ ܕ̥ܕܰܟ̥ܝܳܐ ܘܠܳܐ ܡܛܰܘܫܳܐ [ܕ̥ܰܕ̥ܟ̥ܰܝ̈ܳܐ ܘܠܳܐ ܡܛܰܘ̈ܫܶܐ]܆ ܐܰܝܟ̥ ܚܰܬ̥ܢܳܐ ܚܰܕ̥ܬ̊ܳܐ ܢܶܥܽܘ̇ܠ [ܚܰܬ̥̈ܢܶܐ ܚܰܕ̥̈ܬ̥ܶܐ ܢܶܥܠܽܘ̣ܢ] ܠܰܓ̥ܢܽܘ̇ܢܳܟ̥ ܗܰܘ ܠܳܐ ܡܶܫܬ̊ܰܪܝܳܢܳܐ. ܘܥܰܡ ܢܰܟ̥̈ܦܳܬ̥ܳܐ ܒܬ̥ܽܘ̈ܠܳܬ̥ܳܐ ܒܠܰܡ̈ܦܺܐܕܶܐ ܢܰܗܺܝ̣ܪ̈ܰܝ ܒܡܶܫܚܳܐ ܕ̥ܰܡܪܰܚܡܳܢܽܘ̣ܬ̥ܳܐ ܢܶܬ̥ܚܙܶܐ [ܢܶܬ̥ܚܙܽܘ̇ܢ] ܩܕ̥ܳܡܰܝܟ̊ ܒܰܣܡܳܟ̥ܳܐ ܗܰܘ ܣܰܓ̊ܺܝ ܚܰܕ̥̈ܘܳܬ̥ܳܐ ܘܰܪܘܳܙܳܐ. ܘܢܰܣܶܩ [ܘܢܰܣܩܽܘ̣ܢ] ܠܳܟ̥ ܬ̊ܶܫܒ̊ܽܘ̇ܚܬ̊ܳܐ ܚܕ̥ܰܬ̊ܳܐ ܘܬ̥ܰܘܕܺܝ̣ܬ̥ܳܐ ܠܳܐ ܡܶܬ̥ܦܰܣܩܳܢܺܝ̣ܬ̥ܳܐ. ܘܠܰܐܠܳܗܳܐ ܐܰܒ̥ܳܐ ܝܳܠܘܕ̥ܳܟ̥ ܘܰܠܪܽܘ̣ܚܳܟ̥ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܘܡܰܝܬ̊ܶܐ ܐܰܪܟ̥ܺܝܕܺܝܰܩܽܘ̇ܢ ܠܗܰܘ ܕܡܶܣܬ̊ܰܦܰܪ ܘܣܳܐܶܡ ܠܶܗ ܩܕ̥ܳܡ ܡܰܕ̥ܒ̊ܚܳܐ ܘܪܺܝܫ ܟ̊ܳܗ̈ܢܶܐ ܐܳܡܰܪ ܥܠܰܘܗܝ ܨܠܽܘ̇ܬ̥ܳܐ ܗܳܕ̥ܶܐ ܟ̥ܰܕ̥ ܐܰܚ̈ܐ ܒܗܺܝ̣ܠܺܝ̣ܢ ܘܰܪܟ̥ܺܝ̣ܢܺܝ̣ܢ ܪ̈ܺܝܫܰܝܗܽܘ̇ܢ ܩܕ̥ܳܡܰܘܗ̱ܝ܀

 

ܨܠܽܘ̇ܬ̥ܳܐ

 

ܪܺܝܫܟ̊ܳܗ̈ܢܶܐ:

ܡܳܪܝܳܐ ܐܰܠܳܗܳܐ ܐܰܚܺܝ̣ܕ̥ ܟ̊ܽܠ ܗܰܘ ܕ̊ܠܺܝܚܺܝܕ̥ܳܝܳܐ ܒܪܳܟ̥܆ ܗܰܘ ܕ̊ܡܶܢ ܚܰܝܠܰܘ̈ܳܬ̥ܳܐ ܕ̥ܒܰܫܡܰܝܳܐ ܡܶܣܬ̊ܓ̥ܶܕ̥܆ ܠܰܐܪܥܳܐ ܫܰܕ̊ܰܪܬ̊܆ ܘܰܠܥܰܒܕ̊ܰܝ̈ܟ̊ ܡܶܢ ܚܛܺܝ̣ܬ̥ܳܐ ܚܰܪܰܪܬ̊. ܘܥܰܠ ܐܰܪܥܳܐ ܠܡܶܬ̊ܕ̊ܰܒܳܪܽܘ̣ ܐܰܝܟ̥ ܡܰܠܰܐܟ̥ܶـ̈ܐ ܦܰܩܶܕ̊ܬ̊܆ ܒܝܰܕ̥ ܥܒ̥ܳܕ̈ܶܐ ܕ̥ܙܰܕܺܝ̣ܩܽܘ̣ܬ̥ܳܐ. ܒܰܪܶܟ̥ ܠܥܰܒ̥ܕ̊ܳܟ̥ ܗܳܢܳܐ [ܠܥܰܒ̥ܕ̊ܰܝܟ̊ ܗܳܠܶܝܢ] ܒܟ̥ܽܠ ܒܽܘ̣ܪ̈ܟ̊ܳܬ̥ܳܐ ܪ̈ܽܘ̣ܚܳܢܳܝܳܬ̥ܳܐ ܘܰܫܡܰܝܳܢ̈ܝܳܬ̥ܳܐ܆ ܘܰܥܒܶܕ̥ܳܝܗ̱ܝ [ܘܰܥܒ̥ܶܕ̥ ܐܶܢܽܘ̇ܢ] ܓ̊ܳܡܽܘܪܳܐ [ܓ̊ܳܡܽܘܪ̈ܶܐ] ܕ̥ܦܽܘ̣ܩܕ̊ܳܢܰܝ̈ܟ̊. ܓ̊ܒܺܝ̣ܘܗ̱ܝ [ܓ̊ܒܺܝ̣ ܐܶܢܽܘ̇ܢ] ܠܛܳܒܬ̥ܳܐ. ܗܰܒ ܠܶܗ [ܠܗܽܘ̇ܢ] ܕ̊ܽܘ̣ܒ̊ܳܪܳܐ ܕ̥ܫܳܘܶܐ ܠܺܐܝܩܳܪܳܟ̥܆ ܘܰܠܫܽܘ̣ܘܕ̊ܳܝܳܐ ܕ̥ܺܝܠܶܗ [ܕ̊ܺܝ̣ܠܗܽܘ̇ܢ] ܠܡܶܓ̥ܡܰܪ. ܐܰܝܟ̊ܰܢܳܐ ܕ̥ܟܰܕ̥ ܐܺܝ̣ܬ̥ ܠܶܗ [ܠܗܽܘ̇ܢ] ܚܦܺܝ̣ܛܽܘ̣ܬ̥ܳܐ ܐܰܡܺܝ̣ܢܬ̊ܳܐ ܘܰܚܘܺܝ̣ܚܽܘ̣ܬ̥ܳܐ ܠܳܐ ܡܶܫܬ̊ܰܚܠܦܳܢܺܝ̣ܬ̥ܳܐ ܕ̥ܰܠܘܳܬ̥ܳܟ̥܆ ܘܗܰܝܡܳܢܽܘ̣ܬ̥ܳܐ ܡܫܰܡܠܰܝܬ̊ܳܐ܆ ܢܶܫܬ̊ܘܶܐ [ܢܶܫܬ̊ܘܽܘ̇ܢ] ܠܛܳܒ̥ܳـ̈ܬ̥ܳܐ ܫܡܰܝܳܢ̈ܝܳܬ̥ܳܐ. ܒܰܡܫܺܝ̣ܚܳܐ ܝܶܫܽܘ̇ܥ ܡܳܪܰܢ. ܕ̊ܥܰܡܶܗ ܠܳܟ̥ ܦܐܶܐ ܫܽܘ̣ܒ̥ܚܳܐ ܘܺܐܝܩܳܪܳܐ ܥܰܡ ܪܽܘ̣ܚܳܐ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܗܳܝܕܶܝܢ ܫܳܩܶܠ ܗܰܘ ܕ̊ܒܳܥܶܐ ܕ̥ܢܶܣܬ̊ܰܦ̊ܰܪ܆ ܡܣܰܦܪܳܢܳܐ ܒܺܐܝ̣ܕ̥ܶܗ ܘܝܳܗܶܒ ܠܪܺܝܫ ܟ̊ܳܗ̈ܢܶܐ܆ ܘܳܐܡܰܪ ܠܶܗ ܪܺܝܫ ܟ̊ܳܗ̈ܢܶܐ ܕ̥ܢܺܐܡܰܪ ܦܶܬ̥ܓ̥ܳܡܳܐ ܗܳܢܳܐ ܙܰܒ̈ܢܳܬ̥ܳܐ ܬ̥ܠܳܬ̥܆ ܟ̊ܰܕ̥ ܗܽܘ ܪܺܝܫ ܟ̊ܳܗ̈ܢܶܐ ܐܰܚܺܝ̣ܕ̥ ܒܺܐܝ̣ܕ̥ܶܗ ܕ̊ܝܰܡܺܝ̣ܢܳܐ ܕ̥ܗܰܘ ܕ̊ܡܶܣܬ̊ܰܦ̊ܰܪ:

ܡܶܣܬ̊ܰܦܪܳܢܳܐ 

ܐܶܢܳܐ ܨܒܺܝܬ̊ ܕܶ̊ܐܬ̥ܩܰܪܰܒ ܠܰܐܠܳܗܳܐ܆ ܛܐܶܒ̥ ܠܺܝ ܫܡܳܟ̥ ܡܳܪܝܳܐ ܬ̥ܽܘ̣ܟ̥ܠܳܢܝ܆ ܕ̊ܶܐܫܬ̊ܰܥܶܐ ܟ̥ܽܠܗܶܝܢ ܬ̊ܶܕ̥ܡܪ̈ܳܬ̥ܳܟ̥܀

ܢܽܘ̣ܗܳܪܳܐ:

ܗܳܝܕܶܝܢ ܗܰܘ ܕ̊ܡܶܣܬ̊ܰܦ̊ܰܪ ܡܳܬ̥ܰܚ ܢܰܦܫܶܗ ܐܰܘܟ̊ܺܝܬ̥ ܐܺܝ̣̈ܕ̥ܰܘܗ̱ܝ ܒܛܽܘ̣ܦ̥ܣܳܐ ܕ̥ܰܨܠܺܝ̣ܒ̥ܳܐ ܘܳܐܡܰܪ ܒܰܪܶܟ̥ܡܳܪܝ܀ ܘܪܺܝܫ ܟܳܗ̈ܢܶܐ ܫܳܩܶܠ ܡܶܢ ܣܰܥܪܶܗ܆ ܡܶܢ ܩܕ̥ܳܡܰܘܗ̱ܝ ܘܡܶܢ ܒܶܣܬ̊ܪܶܗ ܘܡܶܢ ܗܳܢܳܐ ܓ̥ܰܒ̊ܳܐ ܘܡܶܢ ܗܳܢܳܐ ܒܛܽܘ̣ܦ̥ܣܳܐ ܕ̥ܰܨܠܺܝ̣ܒ̥ܳܐ܆ ܟ̊ܰܕ̥ ܐܳܡܰܪ:

ܪܺܝܫܟ̊ܳܗ̈ܢܶܐ:

ܡܶܣܬ̊ܰܦ̊ܰܪ [ܦܠܳܢ] ܟ̊ܰܕ̥ ܫܳܕ̥ܶܐ ܡܶܢܶܗ ܒܝܰܕ̥ ܣܰܥܪܳܐ ܗܳܢܳܐ ܡܺܝܬ̥ܳܐ ܕ̥ܪܺܝ̣ܫܶܗ܆ ܟ̊ܽܠܗܽܘ̇ܢ ܥܝܳـ̈ܕ̥ܶܐ ܕ̥ܺܝܠܶܗ ܚܰܝܽܘܬ̥ܳܢܳܝ̈ܶܐ.

ܪܺܝܫܡܫܡ̄:

ܒܰܪܶܟ̥ܡܳܪܝ܀

ܪܺܝܫܟ̊ܳܗ̈ܢܶܐ:

ܒ̊ܰܫܡܳܐ ܕ̥ܰܐܒ̥ܳܐ܀ ܥܰܡܳܐ: ܐܰܡܺܝ̣ܢ܀ ܪܺܝܫܟܳܗ̈ܢܶܐ: ܘܕ̥ܰܒ̥ܪܳܐ. ܥܰܡܳܐ: ܐܰܡܺܝ̣ܢ܀ ܪܺܝܫܟ̊ܳܗ̈ܢܶܐ: ܘܰܕ̥ܪܽܘ̣ܚܳܐ ܚܰܝܳܐ ܩܰܕ̊ܺܝ̣ܫܳܐ ܠܚܰܝܶـ̈ܐ ܕ̥ܰܠܥܳܠܰܡ ܥܳܠܡܺܝ̣ܢ܀ ܥܰܡܳܐ: ܐܰܡܺܝ̣ܢ܀

 

ܨܠܽܘ̇ܬ̥ܳܐ

 

ܪܺܝܫܟܳ̊ܗ̈ܢܶܐ:

ܪܰܒ̊ܳܐ ܕ̥ܰܫܪܳܪܳܐ ܘܡܰܠܦ̥ܳܢܳܐ ܕ̥ܩܽܘ̣ܫܬ̊ܳܐ. ܣܰܒ̥ܪܳܐ ܕ̥ܥܰܒ̥ܕ̊ܰܘܗ̱̈ܝ ܘܬ̥ܽܘ̣ܟ̥ܠܳܢܳܐ ܕ̥ܣܳܓ̥ܽܘܕ̥ܰܘ̈ܗ̱ܝ. ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ܆ ܗܘܺܝ ܠܶܗ [ܠܗܽܘ̇ܢ] ܡܳܪܝ ܠܥܰܒ̥ܕ̊ܳܟ̥ ܗܳܢܳܐ ܕ̥ܰܥܪܰܩ [ܠܥܰܒ̥ܕ̊ܰܝ̈ܟ̊ ܗܳܠܶܝܢ ܕ̊ܰܥܪܰܩܘ] ܡܶܢ ܬ̊ܽܘ̣ܩ̈ܠܳܬ̥ܳܐ ܕ̥ܥܳܠܡܳܐ ܥܳܒܽܘܪܳܐ܆ ܪܰܒ̊ܳܐ ܘܡܰܠܦ̥ܳܢܳܐ ܘܰܡܕ̥ܰܒܪܳܢܳܐ. ܚܰܟ̊ܶܡܳܝܗ̱ܝ [ܚܰܟ̊ܶܡ ܐܶܢܽܘ̇ܢ] ܒܕ̥ܶܚܠܬ̥ܳܟ̥ ܐܰܠܳܗܳܝܬ̊ܳܐ ܐܰܝܟ̊ܰܢܳܐ ܕ̥ܢܶܬ̥ܡܨܶܐ [ܕ̊ܢܶܬ̥ܡܨܽܘ̣ܢ] ܠܡܶܛܥܰܢ ܥܰܠ ܨܰܘܪܶܗ [ܨܰܘܪ̈ܰܝܗܽܘ̇ܢ] ܠܢܺܝ̣ܫܶܗ ܕ̊ܰܨܠܺܝ̣ܒ̥ܳܟ̥ ܡܝܰܩܪܳܐ. ܘܢܶܣܰܒ [ܘܢܶܣܒܽܘ̣ܢ] ܐܳܬ̥ܳܐ ܕ̥ܡܽܘ̣ܟ̊ܳܟ̥ܳܟ. ܘܢܶܗܘܶܐ [ܘܢܶܗܘܽܘ̇ܢ] ܠܳܟ̥ ܬ̊ܰܠܡܺܝ̣ܕ̥ܳܐ ܫܰܪܺܝ̣ܪܳܐ [ܬ̊ܰܠܡܺܝ̣̈ܕ̥ܶܐ ܫܰܪܺܝ̣ܪ̈ܶܐ] ܟ̥ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܘ̈ܗ̱ܝ [ܕ̥ܚܰܝܰܝ̈ܗܽܘ̇ܢ]. ܐܰܠܶܦܳܝܗ̱ܝ ܕ̊ܢܶܥܒ̊ܶܕ̥ [ܐܰܠܶܦ ܐܶܢܽܘ̇ܢ ܕ̊ܢܶܥܒ̊ܕ̥ܽܘ̣ܢ] ܨܶܒܝܳܢܳܟ̥. ܗܰܒ ܠܶܗ [ܠܗܽܘ̇ܢ] ܪܰܗܒܽܘܢܳܐ ܕ̥ܪܽܘ̣ܚܳܟ̥ ܗܰܘ ܩܰܕ̊ܺܝ̣ܫܳܐ. ܐܰܠܒܶܫܳܝܗ̱ܝ [ܐܰܠܒ̊ܶܫ ܐܶܢܽܘ̇ܢ] ܟ̊ܽܘ̇ܬ̊ܺܝ̣ܢܳܐ ܡܰܠܝܰܬ̥ ܥܒ̥ܳܕ̥̈ܶܐ ܛܳܒ̥ܶـ̈ܐ ܘܰܦܬ̥ܺܝ̣ܟ̥ܰܬ̥ ܒܰܡܝܰܬ̊ܪ̈ܳܬ̥ܳܐ. ܘܢܰܣܶܩ [ܘܢܰܣܩܽܘ̣ܢ] ܠܳܟ̥ ܫܽܘ̣ܒ̥ܚܳܐ ܘܬ̥ܰܘܕܺܝ̣ܬ̥ܳܐ ܘܠܰܐܒܽܘ̣ܟ̥ ܘܰܠܪܽܘ̣ܚܳܟ̥ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝܢ܀

ܢܽܘ̣ܗܳܪܳܐ:

ܗܳܝܕ̊ܶܝܢ ܡܫܰܡ̈ܫܳܢܶܐ ܦܳܪܣܺܝ̣ܢ ܓ̊ܰܠܳܐ ܒܳܬ̥ܰܪ ܗܰܘ ܕܠܳܒ̥ܶܫ ܐܶܣܟ̊ܺܡܳܐ ܩܰܕ̊ܺܝ̣ܫܳܐ. ܘܢܳܣܶܒ̥ ܚܰܕ̥ ܡܶܢ ܡܫܰܡ̈ܫܳܢܶܐ ܠܟ̥ܽܘܬ̊ܺܝܢܳܐ ܘܳܐܡܰܪ ܠܪܺܝܫܟ̊ܳܗ̈ܢܶܐ: ܒܰܪܶܟ̥ܡܳܪܝ܀

ܘܪܺܝܫ ܟ̊ܳܗ̈ܢܶܐ ܡܰܫܠܰܚ ܠܡܳܐܢ̈ܐ ܥܰܬ̊ܺܝ̣̈ܩܶܐ ܕ̥ܰܥܠܰܘܗ̱ܝ ܕ̊ܗܰܘ ܕ̊ܶܐܣܬ̊ܰܦ̊ܰܪ ܟ̊ܰܕ̥ ܐܳܚܶܕ̥ ܠܗܽܘ̇ܢ ܡܶܢ ܒܰܪ ܨܰܘܪܶܗ ܘܳܐܡܰܪ:

ܪܺܝܫܟܳ̊ܗ̈ܢܶܐ:

ܢܰܫܠܚܳܟ̥ ܡܳܪܝܳܐ ܠܒܰܪܢܳܫܳܐ ܥܰܬ̊ܺܝ̣ܩܳܐ ܗܰܘ ܕ̊ܡܶܬ̥ܚܰܒ̊ܰܠ ܒܰܪ̈ܓ̥ܺܝ̣ܓ̥ܳܬ̥ܳܐ ܕ̥ܛܽܘܥܝܰܝ܀

ܢܽܘ̣ܗܳܪܳܐ:

ܘܡܰܠܒܶܫ ܠܶܗ ܪܺܝܫ ܟ̊ܳܗ̈ܢܶܐ ܠܟ̥ܽܘܬ̊ܺܝ̣ܢܳܐ ܚܰܕ̥ܬ̥ܳܐ ܘܳܐܡܰܪ:

ܪܺܝܫܟ̊ܳܗ̈ܢܶܐ:

ܢܰܠܒܫܳܟ̥ ܡܳܪܝܳܐ ܠܒܰܪܢܳܫܳܐ ܚܰܕ̥ܬ̥ܳܐ ܕ̥ܡܶܬ̥ܚܰܕ̊ܰܬ̥ ܒܨܰܠܡܳܐ ܗܰܘ ܕ̊ܰܒܪܳܝܗ̱ܝ܆ ܒܟ̥ܺܐܢܽܘ̣ܬ̥ܳܐ ܘܒܙܰܕ̊ܺܝ̣ܩܽܘ̣ܬ̥ܳܐ ܕ̥ܰܫܪܳܪܳܐ ܠܥܳܠܡܺܝ̣ܢ܀

ܡܫܰܡ̈ܫܳܢܶܐ:

ܐܰܡܺܝ̣ܢ܀

ܢܽܘ̣ܗܳܪܳܐ:

ܘܳܐܣܰܪ ܪܺܝܫ ܟ̊ܳܗ̈ܢܶܐ ܠܚܰܨܰܘ̈ܗ̱ܝ ܕ̊ܗܰܘ ܕ̊ܶܐܣܬ̊ܰܦ̊ܰܪ ܒܰܥܪܰܩܬ̥ܳܐ ܘܳܐܡܰܪ:

ܪܺܝܫܟܳ̊ܗ̈ܢܶܐ:

ܢܚܰܙܩܳܟ̥ ܡܳܪܝܳܐ ܒܙܰܕ̊ܺܝ̣ܩܽܘ̣ܬ̥ܳܐ ܘܰܒܗܰܝܡܳܢܽܘ̣ܬ̥ܳܐ ܕ̥ܰܫܪܳܪܳܐ. ܘܰܒܚܰܝܠܳܐ ܕ̥ܠܳܐ ܡܶܬ̥ܚܰܒܠܳܢܽܘ̣ܬ̥ܳܐ. ܠܽܘ̣ܩܒ̥ܰܠ ܟ̊ܽܠܗܽܘ̇ܢ ܚܰܫܶـ̈ܐ ܨܥܺܝ̣ܪ̈ܶܐ. ܐܰܝܟ̊ܰܢܳܐ ܕ̥ܬ̥ܶܗܘܶܐ ܪܳܕ̥ܶܐ ܒܽܐܘ̣ܪܚܳܐ ܕ̥ܦܽܘ̣ܩ̈ܕ̊ܳܢܰܘܗ̱ܝ ܩܰܕ̊ܺܝ̣̈ܫܶܐ ܠܥܳܠܡܺܝ̣ܢ܀

ܡܫܰܡ̈ܫܳܢܶܐ:

ܐܰܡܺܝ̣ܢ܀

ܢܽܘ̣ܗܳܪܳܐ:

ܘܣܳܐܶܡ ܪܺܝܫܟ̊ܳܗ̈ܢܶܐ ܟ̊ܽܘܣܺܝܬ̥ܳܐ ܒܪܺܝ̣ܫܶܗ ܕ̊ܗܰܘ ܕܶܐܣܬ̊ܰܦܰܪ ܘܳܐܡܰܪ:

ܪܺܝܫܟ̊ܳܗ̈ܢܶܐ:

ܚܰܝܠܳܐ ܬ̥ܰܩܺܝ̣ܦܳܐ ܗܰܘ ܕ̊ܶܐܬ̥ܪܟ̊ܶܢ ܡܶܢ ܡܪ̈ܰܘܡܶܐ ܥܶܠܳܝܶـ̈ܐ. ܘܰܢܣܰܒ̥ ܟ̊ܠܺܝ̣ܠܳܐ ܕ̥ܟ̥ܽܘ̈ܒܶܐ ܠܛܽܘ̣ܦ̥ܣܳܐ ܕ̥ܡܽܘ̣ܟ̊ܳܟ̥ܳܐ. ܗܽܘ ܢܰܠܒܫܳܟ̥ ܡܽܘ̣ܟ̊ܳܟ̥ܐ ܕ̥ܙܰܕܺܝ̣ܩܽܘ̣ܬ̥ܳܐ ܘܕ̥ܰܡܣܰܝܒܪܳܢܽܘ̣ܬ̥ܳܐ. ܘܰܢܣܺܝ̣ܡ ܒܪܺܝ̣ܫܳܟ̥ ܣܰܢܘܰܪܬ̊ܳܐ ܕ̥ܦܽܘ̣ܪܩܳܢܳܐ. ܘܰܟ̥ܠܺܝ̣ܠܳܐ ܕ̥ܚܰܕ̥ܽܘ̣ܬ̥ܳܐ܆ ܘܣܰܟ̊ܪܳܐ ܕ̥ܙܳܟ̥ܽܘ̣ܬ̥ܳܐ ܕ̥ܒܳܗܬ̊ܺܝ̣ܢ ܡܶܢܳܗ̇ ܟ̊ܽܠܗܽܘ̇ܢ ܒܥܶܠ̈ܕ̊ܒ̥ܳܒ̥ܶܐ ܡܰܩܪ̈ܒܳܢܶܐ ܘܕ̥ܰܠܩܽܘܒ̈ܠܳܝܶܐ ܠܥܳܠܡܺܝ̣ܢ܀

ܡܫܰܡ̈ܫܳܢܶܐ:

ܐܰܡܺܝܢ܀

ܢܽܘ̣ܗܳܪܳܐ:

ܘܟ̥ܰܕ̥ ܡܰܥܛܶܦ ܠܶܗ ܓܰܠܳܐ ܐܰܘܟ̊ܺܝܬ̥ ܫܰܕܳܝܳܐ ܐܳܡܰܪ:

ܪܺܝܫܟ̊ܳܗ̈ܢܶܐ:

ܢܰܥܛܦܳܟ̥ ܡܳܪܝܳܐ ܦܪܺܝ̣ܣܳܐ ܕ̥ܫܽܘ̣ܒ̥ܚܳܐ. ܒܝܰܕ̥ ܚܰܝܠܳܐ ܕ̥ܪܽܘ̣ܚܶܗ ܩܰܕ̊ܺܝ̣ܫܳܐ. ܐܰܝܟ̊ܰܢܳܐ ܕ̥ܬ̥ܶܫܦܰܪ ܠܶܗ ܒܝܰܕ̥ ܕܽܘ̣ܒܳܪ̈ܰܝܟ̊ ܡܝܰܬ̊ܪ̈ܶܐ ܘܰܬ̥ܪ̈ܺܝ̣ܨܶܐ. ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܝ̈ܟ̊ ܠܥܳܠܡܺܝ̣ܢ܀

ܡܫܰܡ̈ܫܳܢܶܐ:

ܐܰܡܺܝ̣ܢ܀

 

ܙܽܘ̣ܡܳܪܳܐ

 

ܡܫܰܡ̈ܫܳܢܶܐ:

ܩܳܠܳܐ ܕ̥ܫܽܘ̣ܒ̥ܚܳܐ ܘܰܕ̥ܦܽܘ̣ܪܩܳܢܳܐ ܒܡܰܫܟ̊ܢܳܐ ܕ̥ܙܰܕܺܝ̈ܩܶܐ ܪܽܘ̣ܚܩܽܘ̣ܕ̥ܫܳܐ ܒܕܰܘܺܝܕ̥ ܙܶܡܪܰܬ̥܀

ܡܫܰܡܫܳܢܳܐ:

ܩܶܪܝܳܢܳܐ ܡܶܢ ܢܒܺܝܽܘ̣ܬ̥ܶܗ ܕܰܙܟ̥ܰܪܝܳܐ ܢܒܺܝܳܐ ܡܫܰܒ̊ܚܳܐ ܐܰܡܺܝ̣ܢ ܒܰܪܶܟ̥ܡܳܪܝ܀

 

ܫܽܘ̣ܒ̥ܚܳܐ ܠܡܳܪܶܗ ܕ̊ܰܢܒܺܝܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀

 

ܘܚܰܘܝܰܢܝ ܠܝܶܫܽܘ̇ܥ ܟ̊ܳܗܢܳܐ ܪܰܒ̊ܳܐ܆ ܟ̊ܰܕ̥ ܩܳܐܶܡ ܩܕ̥ܳܡ ܡܰܠܰܐܟ̥ܶܗ ܕ̊ܡܳܪܝܳܐ܆ ܘܣܳܛܳܢܳܐ ܩܳܐܶܡ ܗ̱ܘܳܐ ܡܶܢ ܝܰܡܺܝ̣ܢܳܐ ܕ̥ܢܰܟ̊ܶܝܘܗ̱ܝ܀ ܘܶܐܡܰܪ ܡܰܠܰܐܟ̥ܶܗ ܕ̊ܡܳܪܝܳܐ ܠܣܳܛܳܢܳܐ: ܣܳܛܳܢܳܐ܆ ܢܶܓ̥ܥܽܘ̇ܪ ܒܳܟ̥ ܡܳܪܝܳܐ ܕ̥ܰܓ̥ܒܳܗ̇ ܠܽܐܘ̇ܪܺܫܠܶܡ܆ ܗܳܢܰܘ ܐܽܘܕܳܐ ܕ̥ܶܐܬ̥ܦܰܠܰܛ ܡܶܢ ܢܽܘ̣ܪܳܐ. ܘܝܶܫܽܘ̇ܥ ܠܒܺܝ̣ܫ ܗ̱ܘܳܐ ܡܳܐܢ̈ܶܐ ܨ̈ܳܐܶܐ. ܘܩܳܐܶܡ ܗ̱ܘܳܐ ܩܕ̥ܳܡ ܡܰܠܰܐܟ̥ܶܗ ܕ̊ܡܳܪܝܳܐ. ܘܰܥܢܳܐ ܡܰܠܰܐܟ̥ܳܐ ܘܶܐܡܰܪ ܠܗܳܢܽܘ̇ܢ ܕ̊ܩܳܝܡܺܝ̣ܢ ܩܕ̥ܳܡܰܘܗ̱ܝ: ܐܰܥܒܰܪ ܡܶܢܶܗ ܡܳܐܢ̈ܶܐ ܨ̈ܳܐܶܐ. ܘܶܐܡܰܪ ܠܶܗ: ܚܙܺܝ܆ ܕ̊ܰܐܥܒ̊ܪܶܬ̥ ܡܶܢܳܟ̥ ܥܰܘܠܳܟ̥. ܘܰܐܠܒܶܫܬ̊ܳܟ ̥ܡܳܐܢ̈ܐ ܛܳܒ̈ܐ. ܘܶܐܡܰܪ: ܢܣܺܝ̣ܡܽܘ̣ܢ ܟ̊ܠܺܝ̣ܠܳܐ ܕ̥ܰܟ̥ܝܳܐ ܒܪܺܝܫܶܗ܆ ܘܰܐܠܒܫܽܘ̣ܗ̱ܝ ܡܳܐܢ̈ܶܐ ܛܳܒ̈ܐ܆ ܘܡܰܠܰܐܟ̥ܶܗ ܕ̊ܡܳܪܝܳܐ ܕ̥ܩܳܐܶܡ. ܘܰܐܣܗܶܕ̥ ܡܰܠܰܐܟ̥ܳܐ ܕ̥ܡܳܪܝܳܐ ܒܝܶܫܽܘ̇ܥ ܘܶܐܡܰܪ: ܗܳܟ̥ܰܢܳܐ ܐܳܡܰܪ ܡܳܪܝܳܐ ܚܰܝܠܬ̥ܳܢܳܐ: ܐܶܢ ܒܽܐܘ̣ܪܰܚܝ ܬ̊ܺܐܙܰܠ ܘܦܽܘ̣ܩܕ̊ܳܢܰܝ̈ ܬ̊ܶܛܰܪ܆ ܐܰܢ̱ܬ̊ ܬ̊ܕ̥ܽܘ̣ܢܳܝܗ̱ܝ ܠܒܰܝܬ̊ܝ ܘܬ̥ܶܛܰܪ ܕ̊ܳܪ̈ܳܬ̥ܝ. ܘܶܐܬ̊ܶܠ ܠܳܟ̥ ܕ̊ܰܡܗܰܠܟ̥ܺܝ̣ܢ ܒܰܝܢܳܬ̥ ܗܳܠܶܝܢ ܕ̊ܩܳܝܡܺܝ̣ܢ. ܫܡܰܥ ܝܶܫܽܘ̇ܥ ܟ̊ܳܗܢܳܐ ܪܰܒ̊ܳܐ܆ ܐܰܢ̱ܬ̊ ܘܚܰܒܪ̈ܰܝܟ̊ ܗܳܠܶܝܢ ܕ̊ܩܳܝܡܺܝ̣ܢ ܩܕ̥ܳܡܰܝܟ̊܆ ܡܶܛܽܠ ܕ̊ܓ̥ܰܒܪ̈ܶܐ ܐܰܢ̱ܬ̊ܽܘ̇ܢ ܕ̊ܬ̥ܶܕ̥ܡܽܘ̣ܪܬ̊ܳܐ ܐܰܡܺܝ̣ܢ[13] ܒܰܪܶܟ̥ܡܳܪܝ܀

وَأَرَانِي يَهُوشَعَ الْكَاهِنَ الْعَظِيمَ قَائِماً قُدَّامَ مَلاَكِ الرَّبِّ وَالشَّيْطَانُ قَائِمٌ عَنْ يَمِينِهِ لِيُقَاوِمَهُ. فَقَالَ الرَّبُّ لِلشَّيْطَانِ: [لِيَنْتَهِرْكَ الرَّبُّ يَا شَيْطَانُ. لِيَنْتَهِرْكَ الرَّبُّ الَّذِي اخْتَارَ أُورُشَلِيمَ. أَفَلَيْسَ هَذَا شُعْلَةً مُنْتَشَلَةً مِنَ النَّارِ؟]. وَكَانَ يَهُوشَعُ لاَبِساً ثِيَاباً قَذِرَةً وَوَاقِفاً قُدَّامَ الْمَلاَكِ.فَقَالَ لِلْوَاقِفِينَ قُدَّامَهُ: [انْزِعُوا عَنْهُ الثِّيَابَ الْقَذِرَةَ]. وَقَالَ لَهُ: [انْظُرْ. قَدْ أَذْهَبْتُ عَنْكَ إِثْمَكَ وَأُلْبِسُكَ ثِيَاباً مُزَخْرَفَةً]. فَقُلْتُ: [لِيَضَعُوا عَلَى رَأْسِهِ عِمَامَةً طَاهِرَةً]. فَوَضَعُوا عَلَى رَأْسِهِ الْعِمَامَةَ الطَّاهِرَةَ وَأَلْبَسُوهُ ثِيَاباً وَمَلاَكُ الرَّبِّ وَاقِفٌ. فَأَشْهَدَ مَلاَكُ الرَّبِّ عَلَى يَهُوشَعَ قَائِلاً: [هَكَذَا قَالَ رَبُّ الْجُنُودِ: إِنْ سَلَكْتَ فِي طُرُقِي وَإِنْ حَفِظْتَ شَعَائِرِي فَأَنْتَ أَيْضاً تَدِينُ بَيْتِي وَتُحَافِظُ أَيْضاً عَلَى دِيَارِي وَأُعْطِيكَ مَسَالِكَ بَيْنَ هَؤُلاَءِ الْوَاقِفِينَ. فَاسْمَعْ يَا يَهُوشَعُ الْكَاهِنُ الْعَظِيمُ أَنْتَ وَرُفَقَاؤُكَ الْجَالِسُونَ أَمَامَكَ لأَنَّهُمْ رِجَالُ آيَةٍ܀

 

ܢܽܘ̣ܗܳܪܳܐ:

ܗܳܝܕܶܝܢ ܣܳܝܡܺܝ̣ܢ ܡܫܳܓ̥ܬ̊ܳܐ ܕ̥ܡܰܝ̈ܐ ܡܶܢ ܓ̊ܰܒ̊ܳܐ ܓ̥ܰܪܒܝܳܝܳܐ ܕ̥ܬ̥ܰܪܥܳܐ ܕ̥ܡܰܕ̥ܒ̊ܚܳܐ. ܘܚܰܕ̥ ܡܶܢ ܡܫܰܡ̈ܫܳܢܶܐ ܪܳܡܶܐ ܒܳܗ̇ ܡܰܝ̈ܐ ܘܳܐܡܰܪ ܒܰܪܶܟ̥ܡܳܪܝ܀ ܘܪܺܝܫܟ̊ܳܗ̈ܢܶܐ ܡܨܰܠܶܐ ܨܠܽܘ̇ܬ̥ܳܐ ܗܳܕ̥ܶܐ܀

 

ܨܠܽܘ̇ܬ̥ܳܐ 

 

ܪܺܝܫܟܳܗ̈ܢܶܐ:

ܐܰܠܳܗܳܐ ܗܰܘ ܕ̊ܰܫܪܳܬ̥ ܒܣܳܓ̥ܽܘܕ̈ܰܘܗ̱ܝ ܗܰܝܡܳܢܽܘ̣ܬ̥ܶܗ܆ ܟ̊ܰܕ̥ ܨܒܰܘ ܕ̊ܰܢܩܰܒܠܽܘ̣ܢ ܩܝܳܡܶܗ ܩܰܕ̊ܺܝ̣ܫܳܐ܆ ܗܽܘ ܢܫܰܡܠܶܐ ܥܰܡܳܟ̥ [ܥܰܡܟ̥ܽܘ̇ܢ] ܐ̱ܪܳܙܳܐ ܕ̥ܶܐܬ̥ܚܬ̥ܶܡܬ̊ [ܕ̊ܶܐܬ̥ܚܬ̥ܶܡܬ̊ܽܘ̇ܢ] ܒܶܗ. ܘܰܢܫܺܝ̣ܓ̥ ܡܶܢܳܟ [ܡܶܢܟ̥ܽܘ̇ܢ] ܒܝܰܕ̥ ܡܰܝ̈ܳܐ ܗܳܠܶܝܢ ܠܟ̥ܽܠܳܗ̇ ܨܳܐܬ̥ܳܐ ܕ̥ܰܚܛܺܝ̣ܬ̥ܳܐ. ܘܗܳܢܳܐ ܐܶܣܟ̊ܺܡܳܐ ܕ̥ܩܰܒܶܠܬ̊ [ܕ̊ܩܰܒ̊ܶܠܬ̊ܽܘ̇ܢ]܆ ܢܰܫܘܶܝܟ̥ [ܢܰܫܘܶܝܟ̥ܽܘ̇ܢ] ܟ̊ܺܝܬ̥ ܕ̊ܕ̥ܰܟ̥ܝܳܐܺܝ̣ܬ̥ ܘܩܰܕ̊ܺܝ̣ܫܳܐܺܝ̣ܬ̊ ܬ̊ܶܦܠܽܘ̇ܚ [ܬ̊ܶܦܠܚܽܘ̣ܢ] ܒܶܗ܆ ܘܢܶܛܪܺܝܘܗ̱ܝ ܠܳܟ̥ [ܠܟ̥ܽܘ̇ܢ] ܠܝܰܘܡܳܐ ܕ̥ܦܽܘ̣ܪܥܳܢܳܐ܆ ܘܰܒܕ̥ܰܟ̥ܝܽܘ̣ܬ̥ܳܐ ܘܩܰܕ̊ܺܝ̣ܫܽܘ̣ܬ̥ܳܐ ܬ̊ܶܬ̊ܕ̊ܰܒ̊ܰܪ [ܬ̊ܶܬ̊ܕ̊ܰܒ̊ܪܽܘ̣ܢ] ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝܰܝ̈ܟ̊ [ܕ̊ܚܰܝܰܝ̈ܟ̊ܽܘ̇ܢ]. ܟ̊ܰܕ̥ ܡܰܘܕ̊ܶܐ ܐܰܢ̱ܬ̊ [ܡܰܘܕ̊ܶܝܬ̊ܽܘ̇ܢ] ܠܦܽܘ̣ܪܩܳܢܶܗ ܕ̊ܣܰܥܪܳܟ̥ [ܕ̊ܰܣܥܰܪܟ̥ܽܘ̇ܢ] ܒܰܫܪܳܪܶܗ. ܘܢܶܬ̥ܢܛܰܪ ܠܘܳܬ̥ܳܟ̥ [ܠܘܳܬ̥ܟ̥ܽܘ̇ܢ] ܪܰܗܒܽܘܢܳܐ ܕ̥ܺܝܠܶܗ ܩܰܕ̊ܺܝ̣ܫܳܐ. ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܘܡܰܘܬ̊ܒ̥ܺܝ̣ܢ ܠܗܰܘ ܕ̊ܶܐܣܬ̊ܰܦܰܪ ܥܰܠ ܟ̊ܽܘ̣ܪܣܝܳܐ. ܘܟ̥ܰܕ̥ ܣܳܐܶܡ ܪ̈ܶܓ̥ܠܰܘܗ̱ܝ ܒܡܰܝ̈ܐ ܘܳܐܡܰܪ: ܒܰܪܶܟ̥ܡܳܪܝ. ܘܪܺܝܫ ܟ̊ܳܗ̈ܢܶܐ ܡܫܺܝܓ̥ ܠܶܗ ܪ̈ܶܓ̥ܠܰܘܗ̱ܝ ܟ̊ܰܕ̥ ܐܳܡܰܪ:

ܡܰܝ̈ܐ ܚܰܝ̈ܶܐ ܘܠܳܐ ܡܶܣܬ̊ܰܒ̈ܥܳܢܶܐ. ܗܳܢܰܘ ܕܶܝܢ ܪܽܘ̣ܚܳܐ ܩܰܕ̊ܺܝ̣ܫܳܐ܆ ܢܫܺܝ̣ܓ̥ ܡܶܢܳܟ̥ ܠܟ̥ܽܠܳܗ̇ ܡܶܪܬ̥ܶܗ ܕ̊ܬ̥ܰܢܺܝ̣ܢܳܐ܆ ܘܰܠܟ̥ܽܠܳܗ̇ ܨܳܐܬ̥ܳܐ ܕ̥ܰܚܛܺܝܬ̥ܳܐ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܘܰܡܫܺܝ̣ܓ̥ܺܝ̣ܢ ܠܶܗ ܩܰܫܺܝ̣̈ܫܶܐ ܘܰܡܫܰܡ̈ܫܳܢܶܐ ܘܳܐܡܪܺܝ̣ܢ:

ܡܫܰܡ̈ܫܳܢܶܐ:

ܡܰܥܢܺܝ̣ܬ̥ܳܐ܆ ܦܶܬ̥ܓ̥ܳܡܳܐ: ܐܰܣܓ̊ܳܐ ܐܰܫܺܝܓ̥ܰܝܢܝ ܡܶܢ ܥܰܘܠܝ܀ ܠܰܚܛܺܝܬ̥ܳܐ ܐܰܝܕ̥ܳܐ ܕ̥ܣܶܥܪܶܬ̥. ܠܳܐ ܡܨܶܐ ܚܰܝܠܳܐ ܕ̥ܙܽܘܦܳܐ ܢܕ̥ܰܟ̊ܶܝܗ̇. ܐܳܦܠܳܐ ܡܰܝ̈ܐ ܢܳܡܽܘ̇ܣܳܝ̈ܐ ܢܶܡܪܩܽܘ̣ܢܳܗ̇ ܛܽܘ̣ܦܣܳܢܳܐܺܝ̣ܬ̥. ܐܶܠܳܐ ܪܣܳܣܳܐ ܘܒܽܘ̣ܚܪܳܢܳܐ ܕ̥ܰܣܚܳܬ̥ܳܐ ܐܰܠܳܗܳܝܬ̊ܳܐ. ܘܥܽܘ̣ܬ̥ܪܳܐ ܕ̥ܪ̈ܰܚܡܰܘܗ̱ܝ ܣܰܓ̊ܺܝ̈ܐܶܐ܀

ܢܽܘ̣ܗܳܪܳܐ:

ܘܰܡܟ̥ܰܦܪܺܝ̣ܢ ܪ̈ܶܓ̥ܠܰܘܗ̱ܝ ܒܣܶܕܽܘܢܳܐ ܟ̊ܰܕ̥ ܪܺܝܫܟ̊ܳܗ̈ܢܶܐ ܐܳܡܰܪ:

ܪܺܝܫܟ̊ܳܗ̈ܢܶܐ:

ܢܰܗܪܳܐ ܕ̥ܫܰܝܢܳܐ ܘܰܕ̥ܦܽܘ̣ܪܩܳܢܳܐ ܡܫܺܝ̣ܚܳܐ ܐܰܠܳܗܳܐ. ܢܫܺܝ̣ܓ̥ ܘܰܢܟ̥ܰܦܰܪ ܡܶܢܳܟ̥ ܠܟ̥ܽܠܳܗ̇ ܒܺܝ̣ܫܽܘ̣ܬ̥ܳܐ ܘܡܰܪܺܝ̣ܪܽܘ̣ܬ̥ܳܐ. ܘܰܠܟ̥ܽܠܶܗ ܛܽܘ̣ܠܫܳܐ ܕ̥ܰܚܛܺܝ̣ܬ̥ܳܐ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܘܟ̥ܰܕ̥ ܡܰܣܐܢܺܝ̣ܢ ܠܶܗ ܠܗܰܘ ܕ̊ܶܐܣܬ̊ܰܦܰܪ ܣܐܽܘܢܳܐ ܒܪܶܓ̥ܠܶܗ ܕ̊ܣܶܡܳܠܳܐ܆ ܪܺܝܫܟ̊ܳܗ̈ܢܶܐ ܐܳܡܰܪ:

ܪܺܝܫܟ̊ܳܗ̈ܢܶܐ:

ܢܰܣܐܢܳܟ̥ ܡܳܪܝܳܐ ܐܰܠܳܗܳܐ ܛܽܘ̣ܝܳܒܶܗ ܕ̊ܶܐܘܰܢܓܶܠܺܝܽܘ̇ܢ ܕ̊ܰܫܠܳܡܳܐ ܠܥܳܠܡܺܝ̣ܢ ܐܰܡܺܝ̣ܢ܀

ܢܽܘ̣ܗܳܪܳܐ:

ܘܟ̥ܰܕ̥ ܡܰܣܐܢܺܝ̣ܢ ܠܶܗ ܒܪܶܓ̥ܠܶܗ ܕ̊ܝܰܡܺܝ̣ܢܳܐ ܪܺܝܫܟ̊ܳܗ̈ܢܶܐ ܐܳܡܰܪ:

ܪܺܝܫܟ̊ܳܗ̈ܢܶܐ:

ܢܶܬ̊ܶܠ ܠܳܟ̥ ܡܳܪܝܳܐ ܚܰܝܠܳܐ ܡܶܢ ܪܰܘܡܳܐ. ܐܰܝܟ̊ܰܢܳܐ ܕ̊ܰܬ̊ܕ̊ܽܘ̣ܫ ܚܘܰܘ̈ܳܬ̥ܳܐ ܘܥܶܩܰܪ̈ܒܶܐ܆ ܘܟ̥ܽܠܶܗ ܚܰܝܠܶܗ ܕ̊ܰܒܥܶܠܕ̊ܒ̥ܳܒ̥ܳܐ ܠܥܳܠܡܺܝ̣ܢ ܐܰܡܺܝ̣ܢ܀

ܢܽܘ̣ܗܳܪܳܐ:

ܘܗܳܝܕ̊ܶܝܢ ܣܳܐܶܡ ܒܽܘ̣ܪܟ̊ܳܐ ܗܽܘ ܗܰܘ ܕ̊ܩܰܒ̊ܶܠ ܐܶܣܟ̊ܺܡܳܐ ܩܰܕ̊ܺܝ̣ܫܳܐ܆ ܠܡܰܕ̥ܢܚܳܐ ܘܡܰܥܪܒ̥ܳܐ ܘܓ̥ܰܪܒ̊ܝܳܐ ܘܬ̥ܰܝܡܢܳܐ ܩܕ̥ܳܡ ܐܰܚ̈ܐ ܟ̥ܰܕ̥ ܐܳܡܰܪ:

ܡܶܣܬ̊ܰܦܪܳܢܳܐ 

ܒܰܪܶܟ̥ܡܳܪܝ܀ ܐܰܒܳܗܰܝ̈ ܘܰܐܚܰܝ̈ ܩܰܒܶܠܽܘ̣ܢܳܢܝ܀

ܩܠܺܝܪܽܘ̇ܣ 

ܡܳܪܝܳܐ ܢܩܰܒܠܳܟ̥ ܒܪ̈ܰܚܡܰܘܗ̱ܝ܀

 

ܨܠܽܘ̇ܬ̥ܳܐ

 

ܪܺܝܫܟ̊ܳܗ̈ܢܶܐ:

ܡܳܪܝܳܐ ܡܳܪܰܢ ܐܰܚܺܝ̣ܕ̥ ܟܽ̊ܠ ܗܰܘ ܫܡܰܝܳܢܳܐ܆ ܗܰܘ ܕ̊ܰܒܟ̥ܽܠܗܽܘ̇ܢ ܕ̊ܳܪ̈ܶܐ ܒܢܰܦ̈ܫܳܬ̥ܳܐ ܕ̥ܩܰܕ̊ܺܝ̣̈ܫܶܐ ܥܳܡܰܪ ܐܰܢ̱ܬ̊. ܥܒ̥ܶܕ̥ ܥܰܡ ܥܰܒ̥ܕ̊ܳܟ̥ ܗܳܢܳܐ [ܥܰܒ̥ܕ̊ܰܝ̈ܟ̊ ܗܳܠܶܝܢ] ܐܳܬ̥ܳܐ ܛܳܒ̥ܬ̥ܳܐ. ܘܚܰܝܶܕ̥ܳܝܗ̱ܝ [ܘܚܰܝܶܕ̥ ܐܶܢܽܘ̇ܢ] ܠܗܳܠܶܝܢ ܕ̊ܕܳܚܠܺܝ̣ܢ ܠܳܟ̥. ܠܕ̥ܽܘ̣ܒܳܪܶܗ [ܠܕ̥ܽܘ̣ܒܳܪ̈ܰܝܗܽܘ̇ܢ] ܕ̊ܶܝܢ܆ ܕ̊ܠܳܐ ܛܽܘ̣ܠܫܳܐ ܥܕ̥ܰܡܳܐ ܠܚܰܪܬ̥ܳܐ ܢܰܛܰܪ. ܠܰܡܛܰܝܒ̊ܽܘ̣ܬ̥ ܨܶܒܝܳܢܶܗ [ܨܶܒܝܳܢܗܽܘ̇ܢ] ܫܰܡܠܳܐ܆ ܠܪܶܗܛܶܗ [ܠܪܶܗܛܗܽܘ̇ܢ] ܕ̊ܠܳܐ ܒܶܗܬ̊ܬ̥ܳܐ ܫܰܟ̊ܶܢ. ܘܰܗܘܺܝ ܠܶܗ [ܠܗܽܘ̇ܢ] ܡܥܰܕ̊ܪܳܢܳܐ. ܘܗܰܒ ܠܶܗ [ܠܗܽܘ̇ܢ] ܠܒܺܝ̣ܒܽܘ̣ܬ̥ܳܐ ܘܰܡܣܰܬ̊ܬ̥ܽܘ̣ܬ̥ܳܐ ܕ̥ܰܒܫܰܦܺܝ̣ܪ̈ܳܬ̥ܳܐ. ܘܠܳܐ ܡܶܙܕ̊ܰܟ̥ܝܳܢܳܐ [ܡܶܙܕ̊ܰܟ̥ܝܳܢ̈ܶܐ] ܡܶܢ ܒܥܶܠܕ̊ܒ̥ܳܒ̥ܳܐ ܢܟ̥ܰܬ̊ܰܪ [ܢܟ̥ܰܬ̊ܪܽܘ̣ܢ]. ܬ̊ܰܪܣܳܐ ܢܰܦܫܶܗ [ܢܰܦ̈ܫܳܬ̥ܗܽܘ̇ܢ] ܒܥܰܡ̈ܠܶܐ ܐܰܠܳܗܳܝ̈ܶܐ. ܒܝܽܘ̣ܠ̈ܦܳܢܶܐ ܫܡܰܝܳܢ̈ܶܐ܆ ܒܺܝܕ̥ܰܥܬ̥ܳܐ ܕ̥ܡܶܢܳܟ̥ ܟ̊ܰܕ̥ ܡܚܰܝܶܠ ܐܰܢ̱ܬ̊ ܠܶܗ [ܠܡܶܥܒ̊ܰܕ̥] ܠܡܶܥܒ̊ܰܕ̥ ܨܶܒܝܳܢܳܟ̥. ܘܗܰܒ ܠܶܗ [ܠܗܽܘ̇ܢ] ܪ̈ܰܚܡܶܐ ܘܛܰܝܒ̊ܽܘ̣ܬ̥ܳܐ ܕ̥ܡܶܢܳܟ̥. ܘܡܶܢ ܟ̊ܽܠܰܢ ܬ̊ܶܫܒ̊ܽܘ̇ܚܬ̊ܳܐ ܬ̥ܶܣܰܩܝ ܠܳܟ̥. ܐܰܒ̥ܳܐ ܘܰܒ̥ܪܳܐ ܘܪܽܘ̣ܚܳܐ ܩܰܕ̊ܺܝ̣ܫܳܐ ܠܥܳܠܡܺܝ̣ܢ ܐܰܡܺܝ̣ܢ܀

ܢܽܘ̣ܗܳܪܳܐ:

ܗܳܝܕܶܝܢ ܝܳܗܶܒ̥ ܠܶܗ ܪܺܝܫ ܟ̊ܳܗ̈ܢܶܐ ܠܗܰܘ ܕ̊ܶܐܣܬ̊ܰܦ̊ܰܪ܆ ܨܠܺܝ̣ܒ̥ܳܐ ܘܣܳܐܶܡ ܥܰܠ ܟ̊ܰܬ̥ܦܶܗ ܕ̊ܣܶܡܳܠܳܐ ܘܰܡܩܺܝܡ ܠܶܗ ܒܓ̥ܰܒ̊ܳܐ ܓ̥ܰܪܒܝܳܝܳܐ ܕ̥ܡܰܕ̥ܒ̊ܚܳܐ܆ ܘܝܳܗܶܒ ܠܶܗ ܫܠܳܡܳܐ ܗܽܘ ܪܺܝܫ ܟ̊ܳܗ̈ܢܶܐ ܘܳܐܡܰܪ:

ܪܺܝܫܟܳܗ̈ܢܶܐ:

ܐܰܝܟ̥ ܕ̊ܰܠܫܽܘ̣ܪܳܪܳܐ ܕ̥ܰܩܝܳܡ̈ܶܐ ܗܳܠܶܝܢ ܕ̥ܰܐܩܺܝ̣ܡܬ̊܆ ܘܰܐܘܕ̊ܺܝܬ̊ ܩܕ̥ܳܡ ܐܰܠܳܗܳܐ ܘܡܰܠܰܐܟ̥ܰܘ̈ܗܝ ܩܰܕ̊ܺܝ̣̈ܫܶܐ܆ ܘܟ̥ܽܠܳܗ̇ ܐܰܚܽܘ̣ܬ̥ܳܐ ܗܳܕ̥ܶܐ ܟ̥ܳܗܢܳܝܬ̊ܳܐ܆ ܒܗܰܝܡܳܢܽܘ̣ܬ̥ܳܐ ܕ̥ܶܐܣܳܪܳܐ ܕ̥ܚܽܘ̣ܒܳܐ ܫܰܪܺܝ̣ܪܳܐ܆ ܝܳܗܒ̊ܺܝ̣ܢܰܢ ܠܳܟ̥ ܫܠܳܡܳܐ ܒܡܳܪܝܳܐ܀

ܢܽܘ̣ܗܳܪܳܐ:

ܘܟ̥ܰܕ̥ ܩܳܐܶܡ ܒܓ̥ܰܒܳܐ ܓ̥ܰܪܒܝܳܝܳܐ ܕ̥ܡܰܕ̥ܒ̊ܚܳܐ ܘܛܳܥܶܢ ܨܠܺܝ̣ܒ̥ܳܐ܆ ܝܳܗܒܺܝ̣ܢ ܠܶܗ ܟ̊ܽܠܗܽܘ̇ܢ ܐܰܚ̈ܐ ܫܠܳܡܳܐ ܟ̊ܰܕ̥ ܐܳܡܪܺܝܢ:

 

ܡܰܥܢܺܝ̣ܬ̥ܐ܆ ܦܶܬ̥ܓ̥ܳܡܳܐ: ܦܠܽܘ̇ܚܘ ܠܡܳܪܝܳܐ ܒܚܰܕ̥ܽܘܬ̥ܳܐ.

ܐܰܝܠܶܝܢ ܕ̊ܰܠܢܺܝܪܳܐ ܕ̥ܦܽܘ̣ܩܕ̊ܳܢܰܘ̈ܗ̱ܝ ܕܰܡܫܺܝ̣ܚܳܐ ܠܡܶܫܬ̊ܰܥܒ̊ܳܕ̥ܽܘ ܐܰܪܟ̊ܶܢܬ̊ܽܘ̇ܢ ܨܰܘܪ̈ܰܝܟ̊ܽܘ̇ܢ܆ ܠܰܘ ܟ̊ܰܕ̥ ܒܦܽܘ̣ܢܳܩ̈ܶܐ ܕ̥ܙܰܒܢܳܐ ܥܳܒܽܘܪܳܐ܆ ܘܰܒܒܶܛܠܳܢܳܐ ܕ̥ܰܪ̈ܓ̥ܺܝ̣ܓ̥ܳܬ̥ܳܐ ܦܳܗܶܐ ܘܡܶܬ̥ܦ̊ܰܪܓ̊ܶܐ ܗܰܘܢܟ̥ܽܘ̇ܢ܆ ܠܥܰܡ̈ܠܶܐ ܐܰܝܟ̥ ܝܽܘ̣ܩܪܳܐ ܘܡܰܘܒܠܳܐ ܩܫܺܝ̣ܬ̥ܳܐ ܬ̥ܶܚܫܒܽܘ̣ܢ. ܕܒܰܣܺܝ̣ܡܽ ܗ̱ܘ ܓܶܝܪ ܢܺܝ̣ܪܶܗ ܕ̊ܡܳܪܝܳܐ. ܐܳܦ ܡܰܘܒܠܳܐ ܕ̥ܺܝܠܶܗ ܩܰܠܺܝ̣ܠܬܳ̊ܐ ܐܺܝ̣ܬ̥ܶܝܗ̇. ܡܶܛܽܠ ܣܰܒ̥ܪܳܐ ܕ̥ܛܳܒ̈ܬܳܐ ܐܰܝܠܶܝܢ ܕ̊ܰܥܬ̥ܺܝ̈ܕ̥ܳܢ܆ ܘܰܕܠܳܐ ܫܽܘ̣ܠܳܡ ܐܺܝ̣ܬ̥ܰܝܗܶܝܢ ܘܛܳܒܽ ܗ̱ܘ ܡܳܪܝܳܐ ܐܰܝܟ̥ ܕ̊ܰܟ̥ܬ̥ܺܝ̣ܒ̥ ܠܟ̥ܽܠܗܽܘ̇ܢ ܐܰܝܠܶܝܢ ܕ̊ܰܡܣܰܟ̊ܶܝܢ ܠܶܗ. ܡܳܕ̥ܶܝܢ ܚܢܰܢ ܢܣܰܟ̊ܶܐ ܠܶܗ ܥܕ̥ܰܡܳܐ ܠܚܰܪܬ̥ܳܐ. ܐܰܝܟ̊ܰܢܳܐ ܕ̥ܠܳܐ ܢܰܘܒܶܕ̥ ܘܢܶܚܣܪܺܝܘܗ̱ܝ ܠܡܳܪܝܳܐ ܛܳܒ̥ܳܐ܆ ܗܰܘ ܕ̊ܰܒܪܳܢ ܒܛܰܝܒ̊ܽܘ̣ܬ̥ܶܗ. ܗܰܘ ܕܟ̥ܰܕ̥ ܐܶܒ̥ܰܕ̥ܢܰܢ ܒܝܰܕ̥ ܥܒܳܪ ܦܽܘ̣ܩܕ̊ܳܢܳܐ. ܬ̊ܽܘܒ̥ ܡܶܢ ܕ̊ܪܺܝܫ ܗܦܰܟ̥ ܩܢܳܐ ܠܰܢ ܒܝܰܕ̥ ܕܡܳܐ ܕ̥ܺܝܠܶܗ ܙܰܟ̊ܳܝܳܐ܆ ܕ̊ܶܐܫܰܕ̥ ܚܠܳܦܰܝܢ ܗܰܘ ܡܳܪܝܳܐ ܪܳܚܶܡ ܐ̱ܢܳܫܳܐ܀

ܢܽܘ̣ܗܳܪܳܐ:

ܘܥܳܒܰܪ ܟ̊ܽܠ ܚܰܕ̥ ܒܕ̥ܰܪܓ̥ܶܗ ܘܝܳܗܶܒ̥ ܫܠܳܡܳܐ ܠܗܰܘ ܕ̊ܩܰܒ̊ܶܠ ܠܶܐܣܟ̊ܺܝܡܳܐ܀ ܘܪܺܝܫܟ̊ܳܗ̈ܢܶܐ ܡܰܩܶܦ ܨܠܽܘ̇ܬ̥ܳܐ ܗܳܕ̥ܶܐ܀

ܪܺܝܫܟܳܗ̈ܢܶܐ:

ܡܳܪܰܢ ܝܶܫܽܘ̇ܥ ܡܫܺܝ̣ܚܳܐ ܪܳܚܶܡ ܒܢܰܝ̈ܢܳܫܳܐ. ܣܰܓ̊ܺܝ ܛܰܝܒ̊ܽܘ̣ܬ̥ܳܐ ܘܩܽܘ̣ܫܬ̊ܳܐ. ܠܳܟ̥ ܫܽܘ̣ܒ̥ܚܳܐ ܘܠܳܟ̥ ܬ̊ܰܘܕܺܝ̣ܬ̥ܳܐ ܥܰܠ ܐܰܦܰܝ̈ ܛܰܝ̈ܒܘܳܬ̥ܳܟ ܘܫܰܦܺܝ̣ܪܽܘ̣ܬ̥ ܥܽܘ̣ܕ̥ܪ̈ܳܢܰܝܟ̊ ܕ̊ܰܠܘܳܬ̥ ܓ̥ܶܢܣܰܢ ܡܚܺܝ̣ܠܳܐ ܘܬ̥ܰܚܽܘܒ̥ܳܐ. ܘܰܒܗܳܝ ܕ̊ܟ̥ܰܕ̥ ܠܳܐ ܫܳܘܶܝܢܰܢ܆ ܐܶܫܬ̊ܘܺܝܢܰܢ ܠܬ̥ܰܠܡܺܝ̣ܕ̥ܽܘ̣ܬ̥ܳܐ ܕ̥ܚܽܘ̣ܒܳܟ̥ ܐܰܠܳܗܳܝܳܐ. ܘܟ̥ܰܕ̥ ܢܽܘ̣ܟ̥ܪ̈ܳܝܶܐ ܐܺܝ̣ܬ̥ܰܝܢ ܗ̱ܘܰܝܢ ܒܝܰܕ̥ ܠܳܐ ܢܳܡܽܘ̇ܣܳܝ̈ܘܳܬ̥ܳܐ ܕ̥ܺܝܠܰܢ܆ ܒܢܰܝ̈ܐ ܘܒܰܝ̈ܬ̊ܳܝܶܐ ܠܳܟ̥ ܥܒ̥ܰܕ̊ܬ̊ܳܢ. ܘܰܐܚ̈ܐ ܘܰܒܢܰܝ̈ ܝܳܪܬ̊ܽܘܬ̥ܳܐ ܕ̥ܰܐܒܽܘ̣ܟ̥ ܫܡܰܝܳܢܳܐ ܚܰܘܺܝܬ̊ܳܢ. ܘܟ̥ܰܕ̥ ܒܝܰܕ̥ ܚܛܺܝ̣ܬ̥ܳܐ ܥܰܠ ܐܰܪܥܳܐ ܡܶܢ ܫܡܰܝܳܐ ܢܦܰܠܢܰܢ܆ ܬ̊ܽܘܒ̥ ܒܪܶܚܡܰܬ̥ ܐܢܳܫܽܘ̣ܬ̥ܳܟ̥܆ ܡܶܢ ܐܰܪܥܳܐ ܠܰܫܡܰܝܳܐ ܒܝܰܕ̥ ܚܽܘ̣ܒܳܟ̥ ܐܰܣܶܩܬ̊ܳܢ. ܘܥܰܠ ܟ̊ܰܬ̥ܦ̈ܬ̥ܳܟ ܙܰܝܰܚܬ̊ܳܢܝ. ܘܰܠܘܳܬ̥ ܝܳܪܬ̊ܽܘ̣ܬ̥ܰܢ ܩܰܕ̥ܡܳܝܬ̊ܳܐ ܐܰܦܢܺܝܬ̊ܳܢ. ܘܥܰܡ ܡܰܠܰܐܟ̥ܶـ̈ܐ ܪ̈ܽܘ̣ܚܳܢܶܐ ܠܰܢ ܥܰܦܪ̈ܳܢܶܐ ܚܰܠܶܛܬ̊܀

ܘܕ̥ܰܡܝܰܬ̊ܰܪ ܠܳܟ̥ ܚܰܕ̥ ܚܰܛܳܝܳܐ ܕ̥ܬ̥ܳܐܶܒ̥܆ ܒܚܰܕ̥ܽܘ̣ܬ̥ܳܐ ܕ̥ܨܶܒܝܳܢܳܟ̥ ܓ̊ܒܰܝܬ̊. ܘܰܒܢܶܨ̈ܚܳܢܶܐ ܕ̥ܰܣܒܰܪܬ̥ܳܟ̥ ܟ̊ܬ̥ܰܒ̥ܬ̊. ܘܳܐܦ̥ ܗܳܫܳܐ ܡܶܬ̥ܟ̊ܰܫܦܺܝ̣ܢܰܢ ܠܳܟ̥ ܐܳܘ̃ ܡܳܪܝܳܐ ܣܰܓ̊ܺܝ ܛܰܝܒܽܘ̣ܬ̥ܳܐ܆ ܕ̊ܰܬ̥ܩܰܒ̊ܶܠ ܐܰܝܟ̊ ܕ̊ܰܦܐܶܐ ܠܰܡܫܰܝܢܽܘ̣ܬ̥ܳܐ ܕ̥ܒܰܣܺܝ̣ܡܽܘ̣ܬ̥ܳܟ̥ ܠܥܰܒ̥ܕ̊ܳܟ̥ ܗܳܢܳܐ [ܠܥܰܒ̥ܕ̊ܰܝ̈ܟ̊ ܗܳܠܶܝܢ] ܕ̥ܒܺܐܝܕ̈ܰܝܳܐ ܕ̥ܰܒܨܺܝ̣ܪܽܘ̣ܬ̥ܳܢ ܠܳܟ̥ ܐܶܬ̥ܩܰܪܰܒ ܘܶܐܬ̊ܬ̊ܰܠܡܰܕ̥ [ܐܶܬ̥ܩܰܪܰܒܘ ܘܶܐܬ̊ܬ̊ܰܠܡܰܕ̥ܘ] ܗܰܒ ܠܶܗ [ܠܗܽܘ̇ܢ] ܪܽܘ̣ܫܡܳܐ ܕ̥ܚܰܝܶـ̈ܐ ܪ̈ܽܘ̣ܚܳܢܶܐ. ܘܰܐܫܠܰܚ ܡܶܢܶܗ [ܡܶܢܗܽܘ̇ܢ] ܠܒܰܪܢܳܫܳܐ ܥܰܬ̊ܺܝ̣ܩܳܐ. ܘܰܐܠܒܶܫܳܝܗ̱ܝ [ܘܰܐܠܒܶܫ ܐܶܢܽܘ̇ܢ] ܗܰܘ ܚܰܕ̥ܬ̥ܳܐ ܘܪܽܘ̣ܚܳܢܳܝܳܐ. ܗܰܘ ܕ̊ܒܰܥ̈ܒ̥ܳܕ̥ܶܐ ܕ̥ܙܰܕܺܝ̣ܩܽܘ̣ܬ̥ܳܐ ܡܶܬ̥ܚܰܕ̊ܰܬ̥. ܐܰܢܗܰܪ ܐܰܦܰܘܗ̈ܝ [ܐܰܦܰܝ̈ܗܽܘ̇ܢ] ܒܫܽܘ̣ܒ̥ܩܳܢܳܐ ܕ̥ܰܚܛܳܗ̈ܰܘܗ̱ܝ [ܕ̊ܰܚܛܳܗܰܝ̈ܗܽܘ̇ܢ] ܘܰܐܥܛܶܦܳܝܗ̱ܝ [ܘܰܐܥܛܶܦ ܐܶܢܽܘ̇ܢ] ܦܪܺܝܣ̥ܳܐ ܕ̥ܡܰܙܠܓ̥ܽܘ̣ܬ̥ܳܐ ܢܰܗܺܝ̣ܪܬ̊ܳܐ. ܕܰܥܶܟ̥ ܡܶܢܶܗ [ܡܶܢܗܬܘ̇ܢ] ܠܫܽܘܠ̈ܗܳܒܰܝ ܒܶܣܪܳܐ. ܐܰܣܽܘ̇ܪ ܪܶܥܝܳܢܶܗ [ܪܶܥܝܳܢܗܽܘ̇ܢ] ܒܳܬ̥ܰܪ ܪܶܚܡܬ̥ܳܟ̥. ܐܰܕ̥ܠܶܩ ܒܶܗ [ܒܗܽܘ̇ܢ] ܢܽܘ̣ܪܳܐ ܠܳܐ ܡܶܬ̊ܕ̊ܰܥܟ̥ܳܢܺܝ̣ܬ̥ܳܐ ܕ̥ܚܽܘ̣ܒܳܟ̥ ܠܳܐ ܚܰܫܳܢܳܝܳܐ. ܒܳܟ̥ ܢܺܚܶܐ [ܢܺܚܽܘ̇ܢ] ܚܰܝܶـ̈ܐ ܕ̥ܙܳܕ̥ܩܺܝ̣ܢ. ܘܡܶܢܳܟ̥ ܢܶܣܰܒ [ܢܶܣܒܽܘ̣ܢ] ܥܽܘ̣ܕ̥ܪ̈ܳܢܶܐ ܠܳܐ ܡܶܬ̥ܢܰܦ̈ܠܳܢܶܐ. ܓ̊ܡܽܘ̇ܪܳܝܗ̱ܝ [ܓ̊ܡܽܘ̇ܪ ܐܶܢܽܘ̇ܢ] ܒܰܫܪܳܪܳܟ̥. ܘܰܒܫܽܘ̣ܘܕ̊̈ܝܶܐ ܕ̥ܡܽܘܠ̈ܟ̊ܳܢܰܝ̈ܟ̊ ܐܶܘܰܢ̈ܓܶܠܳܝܶܐ. ܗܰܒ ܠܶܗ [ܠܗܽܘ̇ܢ] ܛܰܝܒ̊ܽܘ̣ܬ̥ܳܐ ܕ̥ܬ̥ܰܘܕܺܝ̣ܬ̥ܳܐ ܐܰܡܺܝ̣ܢܬ̊ܳܐ ܘܛܰܝܶܒܳܝܗ̱ܝ [ܘܛܰܝܶܒ̥ ܐܶܢܽܘ̇ܢ] ܠܫܽܘ̣ܡܠܳܝܳܐ ܕ̥ܦܽܘ̣ܩܕ̊ܳܢܰܝ̈ܟ ܝܳܗ̈ܒܰܝ ܚܰܝܶـ̈ܐ܀

ܡܠܺܝܘܗ̱ܝ [ܡܠܺܝ̣ ܐܶܢܽܘ̇ܢ] ܕܶܚܠܬ̥ܳܐ ܡܶܢܳܟ̥. ܚܰܣܶܢܳܝܗܝ [ܚܰܣܶܢ ܐܶܢܽܘ̇ܢ] ܒܙܰܝ̈ܢܶܐ ܕ̥ܰܒܝܰܡܺܝ̣ܢܳܐ ܘܕܰܒܣܶܡܳܠܳܐ. ܐܰܣܽܘ̇ܪ ܚܰܨܰܘܗ̈ܝ [ܚܰܨܰܝ̈ܗܽܘ̇ܢ] ܒܢܰܟ̥ܦܽܘ̣ܬ̥ܳܐ ܘܰܒܕ̥ܰܟ̥ܝܽܘ̣ܬ̥ܳܐ. ܗܰܒ ܠܶܗ [ܠܗܽܘ̇ܢ] ܕ̊ܰܢܕ̥ܽܘ̣ܫ [ܕ̊ܰܢܕ̥ܽܘ̣ܫܽܘ̣ܢ] ܚܘܰܘ̈ܳܬ̥ܳܐ ܘܥܶܩܰܪ̈ܒܶܐ ܘܟ̥ܽܠܶܗ ܚܰܝܠܳܐ ܕ̥ܰܒܥܶܠܕ̊ܒ̥ܳܒ̥ܳܐ. ܢܰܛܰܪ ܚܰܝܰܘܗ̈ܝ [ܚܰܝܰܝ̈ܗܽܘ̇ܢ] ܒܙܰܕ̊ܺܝ̣ܩܽܘ̣ܬ̥ܳܐ. ܘܟ̥ܽܠܗܽܘ̇ܢ ܪ̈ܶܓ̥ܫܰܘܗ̱ܝ [ܪ̈ܶܓ̥ܫܰܝܗܽܘ̇ܢ] ܒܰܟ̥ܚܺܝ̣ܕ̥ܽܘܬ̥ܳܐ ܘܢܰܟ̥ܦܽܘ̣ܬ̥ܳܐ. ܐܰܥܡܰܪ ܒܶܗ [ܒܗܽܘ̇ܢ] ܪܽܘ̣ܚܳܟ̥ ܩܰܕ̊ܺܝ̣ܫܳܐ. ܘܚܰܝܠܳܟ̥ ܢܚܰܝܶܠ ܡܚܺܝ̣ܠܽܘ̣ܬ̥ܶܗ [ܡܚܺܝ̣ܠܽܘ̣ܬ̥ܗܽܘ̇ܢ] ܠܘܳܬ̥ ܢܳܛܽܘܪܽܘ̣ܬ̥ܳܐ ܕ̥ܦܽܘ̣ܩܕ̊ܳܢܰܝ̈ܟ̊ ܩܰܕ̊ܺܝ̣̈ܫܶܐ ܘܡܰܥܒ̊ܕ̥ܰܝ̈ ܚܰܝܶـ̈ܐ. ܘܗܳܟ̥ܰܢܳܐ ܟ̥ܰܕ̥ ܐܰܝܟ̥ ܕ̊ܰܦܐܶܐ ܠܶܐܣܟ̊ܺܝܡܶܗ [ܠܶܐܣܟ̊ܺܝܡܗܽܘ̇ܢ] ܩܰܕ̊ܺܝ̣ܫܳܐ ܡܶܬ̊ܕ̊ܰܒ̊ܰܪ [ܡܶܬ̊ܕ̊ܰܒܪܺܝ̣ܢ]܆ ܢܶܫܬ̊ܘܶܐ [ܢܶܫܬ̊ܘܽܘ̇ܢ] ܠܪ̈ܰܚܡܶܐ ܒܝܰܘܡܳܐ ܕ̥ܓ̥ܶܠܝܳܢܳܟ̥ ܫܒܺܝ̣ܚܳܐ. ܘܥܰܡ ܩܰܕ̊ܺܝ̣̈ܫܶܐ ܕ̥ܫܦܰܪܘ ܠܳܟ̥܆ ܢܶܥܽܘ̇ܠ [ܢܶܥܠܽܘ̣ܢ] ܠܰܓ̥ܢܽܘ̇ܢܳܟ̥ ܡܠܶܐ ܚܰܕ̥̈ܘܳܬ̥ܳܐ. ܘܰܚܢܰܢ ܘܗܽܘ ܢܶܫܬ̊ܘܶܐ ܕ̥ܰܢܫܰܒܚܳܟ̥ ܒܡܰܠܟ̊ܽܘ̣ܬ̥ܳܟ̥ ܫܡܰܝܳܢܺܝ̣ܬ̥ܳܐ ܘܰܡܬ̥ܽܘ̇ܡܳܝܬ̊ܳܐ ܘܠܰܐܒܽܘ̣ܟ̥ ܘܰܠܪܽܘ̣ܚܳܟ̥ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܢܽܘ̣ܗܳܪܳܐ:

ܗܳܝܕܶܝܢ ܡܨܰܠܶܝܢ ܩܰܕ̊ܺܝ̣ܫܰܬ̊ ܐܰܠܳܗܳܐ ܘܰܐܒܽܘ̣ܢ ܕ̊ܒܰܫܡܰܝܳܐ ܘܰܡܗܰܝܡܢܺܝ̣ܢܰܢ ܒܚܰܕ̥ ܐܰܠܳܗܳܐ. ܘܒܳܬ̥ܰܪܟ̊ܶܢ ܡܨܰܠܶܐ ܪܺܝܫܟ̊ܳܗ̈ܢܶܐ ܨܠܽܘ̇ܬ̥ܳܐ ܗܳܕ̥ܶܐ ܕ̥ܚܽܘ̣ܬ̊ܳܡܳܐ:

ܪܺܝܫܟ̊ܳܗ̈ܢܶܐ:

ܐܺܝܢ ܡܳܪܰܢ ܘܰܐܠܳܗܰܢ܆ ܒܳܥܶܝܢܰܢ ܡܶܢܳܟ̥ ܘܰܡܦܺܝ̣ܣܺܝ̣ܢܰܢ ܠܒܰܣܺܝ̣ܡܽܘ̣ܬ̥ܳܟ̥. ܢܰܛܰܪ ܫܽܘ̣ܘܕ̊ܳܝܳܐ ܕ̥ܥܰܒ̥ܕ̊ܳܟ̥ [ܕ̥ܥܰܒ̥ܕ̊ܰܝ̈ܟ̊] ܕ̊ܰܠܘܳܬ̥ܳܟ̥ ܕ̊ܠܳܐ ܕ̥ܰܓ̊ܳܠܽܘ̣ܬ̥ܳܐ. ܘܠܳܐ ܢܶܬ̥ܦܢܶܐ [ܢܶܬ̥ܦܢܽܘ̇ܢ] ܠܒܶܣܬ̊ܪܳܐ ܒܰܕ̥ܡܽܘ̣ܬ̥ ܐܰܢ̱ܬ̊ܬ̥ܶܗ ܕ̊ܠܽܘܛ. ܐܶܠܳܐ ܠܳܟ̥ ܠܚܽܘ̇ܕ̥ܰܝ̈ܟ̊ ܢܺܚܶܐ [ܢܺܚܽܘ̇ܢ]. ܘܰܠܘܳܬ̥ܳܟ̥ ܢܚܽܘ̣ܪ [ܢܚܽܘ̣ܪܽܘ̣ܢ]. ܘܰܩܕ̥ܳܡܰܝܟ̊ ܢܩܽܘ̣ܡ [ܢܩܽܘ̣ܡܽܘ̣ܢ] ܐܰܡܺܝ̣ܢܳܐܺܝ̣ܬ̊ ܕ̊ܠܳܐ ܒܶܗܬ̊ܬ̥ܳܐ. ܟ̊ܽܠܗܽܘ̇ܢ ܝܰܘ̈ܡܳܬ̥ܳܐ ܕ̥ܚܰܝ̈ܘܗ̱ܝ [ܕ̥ܚܰܝܰܝ̈ܗܽܘ̇ܢ]. ܘܢܶܫܬ̊ܘܶܐ [ܘܢܶܫܬ̊ܘܽܘ̇ܢ] ܠܛܽܘ̈ܒܶܐ ܫܡܰܝܳܢܶـ̈ܐ܆ ܗܳܠܶܝܢ ܕ̊ܰܠܥܳܠܰܡ ܥܳܠܡܺܝ̣ܢ ܠܳܐ ܡܶܫܬ̊ܪܶܝܢ. ܘܠܰܓ̥ܢܽܘ̇ܢܳܐ ܕ̥ܢܽܘ̣ܗܪܳܐ ܕ̥ܠܳܐ ܡܶܬ̥ܚܰܒܠܳܢܽܘ̣ܬ̥ܳܐ. ܒܛܰܝܒ̊ܽܘ̣ܬ̥ܳܐ ܘܰܒܪ̈ܰܚܡܶܐ ܕ̥ܺܝܚܺܝܕܳܝܳܐ ܒܪܳܟ̥ ܘܰܕ̥ܪܽܘ̣ܚܳܟ̥ ܩܰܕ̊ܺܝ̣ܫ ܒܟ̥ܽܠ ܘܛܳܒ̥ܳܐ ܘܰܣܓ̥ܺܝ̣ܕ̥ܳܐ ܘܡܰܥܒ̊ܶܕ̥ ܚܰܝܶـ̈ܐ ܘܰܫܘܶܐ ܠܳܟ̥ ܒܽܐܘ̣ܣܺܝܰܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

 

ܬ̊ܽܘܒ̥ ܨܠܽܘ̇ܬ̥ܳܐ ܐܚܪܺܬ̥ܳܐ ܕ̥ܥܰܠ ܟ̊ܽܠ ܐ̱ܢܳܫ

 

ܪܺܝܫܟ̊ܳܗ̈ܢܶܐ:

ܫܽܘ̣ܒ̥ܚܳܐ ܠܳܟ̥ ܐܶܡܪܶܗ ܕܰܐܠܳܗܳܐ ܚܰܝܳܐ ܕ̥ܰܦܬ̥ܺܝ̣ܚ ܬ̊ܰܪܥܶܗ ܠܬ̥ܰܝܳܒ̈ܶܐ ܒܪ̈ܰܚܡܰܘܗ̱ܝ. ܬ̊ܰܘܕ̊ܺܝܬ̥ܳܐ ܠܳܟ̥ ܝܰܠܕ̊ܶܗ ܕ̊ܰܐܒ̥ܳܐ܆ ܕ̊ܰܐܩܺܝ̣ܡ ܘܪܰܡܪܶܡ ܩܰܪܢܳܗ̇ ܕ̥ܥܺܕ̊ܬ̊ܳܐ ܩܰܕ̊ܺܝ̣ܫܬ̊ܳܐ܆ ܘܣܳܡ ܒܳܗ̇ ܟ̊ܳܗ̈ܢܶܐ ܠܰܡܫܰܡܳܫܽܘ̣ ܠܺܐܝ̣ܬ̥ܽܘ̣ܬ̥ܶܗ܀

 

ܬ̊ܽܘܒ̥ ܨܠܽܘ̇ܬ̥ܳܐ ܐܚܪܺܬ̥ܳܐ ܕ̥ܚܽܘ̣ܬ̊ܳܡܳܐ

 

ܪܺܝܫܟ̊ܳܗ̈ܢܶܐ:

ܥܰܒ̥ܕ̊ܳܟ̥ ܡܳܪܝܳܐ ܕ̥ܰܫܩܰܠ ܐܶܣܟ̊ܺܡܳܐ ܕ̥ܡܽܘ̣ܟ̊ܳܟ̥ܳܐ. ܫܰܪܰܪܳܝܗ̱ܝ ܒܚܰܝܠܳܐ ܕ̥ܡܶܢܳܟ̥. ܐܰܝܟ̊ܰܢܳܐ ܕ̥ܢܶܫܟ̊ܰܚ ܠܡܰܕ̥ܥܳܟ̥ܽܘ̣ ܠܟ̥ܽܠܗܽܘ̇ܢ ܓ̊ܶܐܪ̈ܰܘܗ̱ܝ ܝܳܩܕ̈ܶܐ ܕ̥ܒܺܝ̣ܫܳܐ. ܘܢܶܫܬ̊ܰܒܰܚ ܫܡܳܟ̥ ܩܰܕ̊ܺܝ̣ܫܳܐ ܡܶܛܽܠܳܬ̥ܶܗ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀

ܫܠܶܡ ܛܶܟ̊ܣܳܐ ܕ̥ܣܽܘ̣ܦܳܪ ܕ̊ܰܝܪ̈ܳܝܶܐ


ܡܰܪܬ̊ܝܳܢܽܘ̣ܬ̥ܳܐ ܕ̥ܩܳܪܶܐ ܠܳܗ̇ ܪܺܝܫܟ̊ܳܗ̈ܢܶܐ ܥܰܠ ܗܰܘ ܕ̊ܡܶܣܬ̊ܰܦ̊ܰܪ

ܚܰܒܺܝܒܰܝ̈܆ ܡܳܪܰܢ ܘܰܐܠܳܗܰܢ ܘܦܳܪܽܘܩܰܢ ܝܶܫܽܘ̇ܥ ܡܫܺܝ̣ܚܳܐ܆ ܐܰܠܶܦ ܠܰܢ ܒܶܐܘܰܢܓܶܠܺܝܽܘ̇ܢ ܕ̊ܺܝܠܶܗ ܩܰܕ̊ܺܝ̣ܫܳܐ ܟ̊ܰܕ̥ ܐܳܡܰܪ: ”ܘܠܳܐ ܐ̱ܢܳܫ ܪܳܡܶܐ ܐܺܝ̣ܕ̥ܶܗ ܥܰܠ ܚܰܪܒܳܐ ܕ̥ܦܰܕ̊ܳܢܳܐ܆ ܘܚܳܐܰܪ ܠܒܶܣܬ̊ܪܶܗ܆ ܘܚܳܫܰܚ ܠܡܰܠܟ̊ܽܘ̣ܬ̥ܶܗ ܕ̊ܰܐܠܳܗܳܐ[14]“.

ܗܳܫܳܐ ܐܳܘ̃ ܐܰܚܽܘ̣ܢ܆ ܚܙܺܝ ܩܕ̥ܳܡ ܡܰܢܽܘ ܩܳܐܶܡ ܐܰܢ̱ܬ̊. ܠܰܘ ܓ̊ܶܝܪ ܩܕ̥ܳܡ ܒܰܪܢܳܫܳܐ ܡܳܝܽܘܬ̥ܳܐ ܘܡܶܬ̥ܚܰܒܠܳܢܳܐ ܩܳܐܶܡ ܐܰܢ̱ܬ̊. ܐܶܠܳܐ ܩܕ̥ܳܡܰܘܗ̱ܝ ܕܰܡܫܺܝ̣ܚܳܐ ܐܰܠܳܗܳܐ܆ ܗܰܘ ܕ̊ܒܳܨܶܐ ܠܶܒܰܘ̈ܬ̥ܳܐ ܘܟ̥ܽܘܠ̈ܝܳܬ̥ܳܐ ܕ̥ܰܒܢܰܝ̈ܢܳܫܳܐ ܗܳܕ̥ܶܐ ܥܳܒ̥ܶܕ̥ ܐܰܢ̱ܬ̊. ܟ̊ܰܕ̥ ܣܳܐܶܡ ܐܰܢ̱ܬ̊ ܠܘܳܬ̥ܶܗ ܩܝܳܡ̈ܐ ܘܫܽܘ̣ܘ̈ܕ̊ܳܝܶܐ ܩܕ̥ܳܡ ܡܰܕ̥ܒ̊ܚܳܐ ܩܰܕ̊ܺܝ̣ܫܳܐ. ܒܣܳܗܕ̈ܘܳܬ̥ܳܐ ܕ̥ܡܰܠܰܐ̈ܟ̥ܶܐ ܓ̥ܒܰܝ̈ܐ ܘܩܰܕ̊ܺܝ̣̈ܫܶܐ܆ ܘܰܕܟ̥ܽܠܳܗ̇ ܗܳܕ̥ܶܐ ܐܰܚܽܘ̣ܬ̥ܳܐ ܟ̥ܳܗܢܳܝܬ̊ܳܐ.

ܘܡܶܫܬ̊ܰܘܕ̊ܶܐ ܐܰܢ̱ܬ̊ ܠܡܶܚܳܐ ܘܠܰܡܡܳܬ̥ ܥܰܡܰܢ. ܘܟ̥ܽܠܗܶܝܢ ܐܰܝܠܶܝܢ ܕ̊ܥܳܪ̈ܨܳܢ ܠܰܡܣܰܝܒܳܪܽܘ̣܆ ܐܶܢ ܡܶܢ ܗܶܪ̈ܶܛܺܝܩܽܘ ܡܶܛܽܠ ܗܰܝܡܳܢܽܘ̣ܬ̥ܳܐ ܫܰܪܺܝ̣ܪܬ̊ܳܐ܆ ܘܶܐܢ ܡܶܢ ܢܶܣ̈ܝܽܘܢܶܐ ܕ̥ܥܳܕ̥ܶܝܢ ܥܠܰܝܢ ܡܶܢ ܐܳܟ̥ܶܠܩܰܪܨܳܐ ܒܝܰܕ̥ ܐ̱ܢܳܫ̈ܐ ܒܺܝ̣̈ܫܶܐ. ܠܗܳܠܶܝܢ ܙܳܕ̥ܶܩ ܘܚܰܝܳܒ ܐܰܢ̱ܬ̊ ܠܰܡܫܰܡܠܳܝܽܘ̣܆ ܐܰܟ̥ܡܰܢ ܕ̊ܰܚܕ̥ܳܐ ܙܒܰܢ ܟ̊ܦܰܪܬ̊ ܒܥܳܠܡܳܐ ܘܰܒܢܰܦܫܳܟ̥܆ ܘܰܫܩܰܠܬ̊ ܠܢܺܝ̣ܪܳܐ ܒܰܣܺܝ̣ܡܳܐ ܕ̥ܰܡܫܺܝ̣ܚܳܐ܆ ܕ̊ܰܬ̥ܡܺܝܬ̥ ܗܰܕ̊ܳܡܰܝ̈ܟ̊ ܗܳܠܶܝܢ ܕ̊ܒܰܐܪܥܳܐ. ܟ̊ܰܕ̥ ܥܳܗܶܕ̥ ܐܰܢ̱ܬ̊ ܘܰܪܫܺܝ̣ܡܳܐ ܥܰܠ ܠܽܘ̈ܚܶܐ ܕ̥ܠܶܒܳܟ̥ ܡܶܠܬ̥ܳܐ ܟ̥ܳܗܢܳܝܬ̊ܳܐ ܗܳܝ ܕܡܶܢ ܐ̱ܢܳܫ ܚܰܒܺܝ̣ܒܳܐ ܐܰܡܝܪܳܐ: ”ܒܶܪܝ ܐܶܢ ܡܶܬ̥ܩܰܪܰܒ ܐܰܢ̱ܬ̊ ܠܡܶܦܠܰܚ ܥܰܒ̥ܕ̊ܽܘ̣ܬ̥ܳܐ ܠܡܳܪܝܳܐ܆ ܛܰܝܶܒ ܢܰܦܫܳܟ̥ ܠܟ̥ܽܠ ܢܶܣܝܽܘܢܺܝ̈ܢ ܘܠܳܐ ܬ̥ܶܬ̥ܪܗܶܒ ܒܥܶܕܳܢܳܐ ܕ̥ܡܶܐܬ̥ܺܝܬ̥ܳܐ ܕ̥ܢܶܣ̈ܝܽܘܢܶܐ. ܐܶܬ̊ܕ̊ܰܒܩ ܠܶܗ ܠܡܳܪܝܳܐ ܘܠܳܐ ܬ̥ܰܪܚܶܩ ܡܶܢܶܗ ܐܰܝܟ̊ܰܢܳܐ ܕ̥ܪܰܒ̊ܳܐ ܬ̥ܶܗܘܶܐ ܒܚܰܪܬ̥ܳܐ[15]

ܣܰܟ̊ܳܐ ܗܳܟ̥ܺܝܠ ܠܡܳܪܝܳܐ ܐܰܠܳܗܳܟ̥ ܘܛܰܪ ܐܽܘ̣ܪܚܶܗ܆ ܘܗܽܘ ܢܪܺܝܡܳܟ̥ ܠܡܺܐܪܰܬ̥ ܐܰܪܥܳܐ ܫܡܰܝܳܢܺܝ̣ܬ̥ܳܐ܆ ܟ̊ܰܕ̥ ܡܶܬ̥ܥܰܢܘܶܐ ܐܰܢ̱ܬ̊ ܡܰܟ̊ܺܝ̣ܟ̥ܽܘ̣ܬ̥ܳܐ܆ ܢܰܓ̊ܺܝ̣ܪܽܘ̣ܬ̥ ܪܽܘ̣ܚܳܐ܆ ܢܺܝ̣ܚܽܘ̣ܬ̥ܳܐ܆ ܘܡܶܫܬ̊ܰܡܥܳܢܽܘ̣ܬ̥ܳܐ܆ ܒܰܣܺܝ̣ܡܽܘ̣ܬ̥ܳܐ܆ ܣܰܒ̥ܪܳܐ ܛܳܒ̥ܳܐ. ܘܥܰܡ ܗܳܠܶܝܢ ܕ̊ܪ̈ܳܫܡܳܢ ܐܰܝܟ̥ ܕ̊ܰܒܣܰܡ̈ܡܳܢܶܐ܆ ܨܰܠܡܳܐ ܕ̥ܬ̥ܰܠܡܺܝ̣ܕ̥ܽܘ̣ܬ̥ܶܗ ܕ̊ܰܡܫܺܝ̣ܚܳܐ. ܐܶܠܳܐ ܒܪܰܡ ܗܺܝ ܛܰܝܒ̊ܽܘ̣ܬ̥ܶܗ ܕ̊ܚܽܘ̣ܒܳܐ ܝܰܬ̊ܺܝܪ ܡܶܢ ܟ̊ܽܠ ܡܰܨܝܳܐ ܠܰܡܚܰܘܳܝܽܘ̣ ܢܰܗܺܝ̣ܪܳܐܺܝ̣ܬ̥ ܠܶܗ ܠܝܽܘܩܢܳܐ ܓ̥ܡܺܝ̣ܪܳܐ ܐܰܝܟ̥ ܣܳܗܕܽܘ̣ܬ̥ܶܗ ܕ̊ܡܳܪܰܢ ܕ̊ܶܐܡܰܪ: ”ܒܗܳܕ̥ܶܐ ܢܶܕ̊ܰܥ ܟ̊ܽܠܢܳܫ ܕ̊ܬ̥ܰܠܡܺܝ̣̈ܕ̥ܰܝ ܐܰܢ̱ܬ̊ܽܘ̇ܢ܆ ܐܶܢ ܚܽܘ̣ܒܳܐ ܢܶܗܘܶܐ ܒܟ̥ܽܘ̇ܢ ܚܰܕ̥ ܠܘܳܬ̥ ܚܰܕ̥[16]

ܗܳܟ̥ܰܢܳܐ ܓ̥ܶܝܪ ܟ̊ܰܕ̥ ܫܶܬ̥ܐܶܣܬ̥ܳܐ ܗܳܕ̥ܶܐ ܡܶܫܬ̊ܰܪܪܳܐ ܒܢܰܦܫܳܟ̥܆ ܟ̊ܽܠܗܶܝܢ ܐܰܝܠܶܝܢ ܕ̊ܓ̥ܳܕ̈ܫܳܢ ܡܩܰܒ̊ܶܠ ܐܰܢ̱ܬ̊ ܡܛܰܝܒܳܐܺܝ̣ܬ̥ ܥܰܡ ܐܰܠܳܗܳܐ. ܐܳܦ ܓ̊ܶܝܪ ܫܠܺܝ̣ܚܳܐ ܐܰܠܳܗܳܝܳܐ ܣܳܗܶܕ̥ ܟ̊ܰܕ̥ ܐܳܡܰܪ: ”ܟ̊ܽܠ ܡܶܕ̊ܶܡ ܡܣܰܝܒ̊ܰܪ܆ ܟ̊ܽܠܡܶܕ̊ܶܡ ܡܗܰܝܡܶܢ܆ ܟ̊ܽܠ ܡܣܰܒ̊ܰܪ܆ ܟ̊ܽܠ ܣܳܒ̥ܶܠ. ܚܽܘ̣ܒ̊ܳܐ ܡܶܡܬ̥ܽܘ̇ܡ ܠܳܐ ܢܳܦ̥ܶܠ ܢܒ̥ܺܝܰܘܳ̈ܬ̥ܳܐ ܓ̥ܶܝܪ ܢܶܬ̥ܒ̊ܰܛ̈ܠܳܢ ܘܠܶܫܳܢܶـ̈ܐ ܢܶܫܬ̊ܰܬ̊ܩܽܘ̣ܢ ܘܺܝܕ̥ܰܥܬ̥ܳܐ ܬ̥ܶܬ̥ܒ̊ܰܛܰܠܝ[17]

ܥܰܡ ܗܳܠܶܝܢ ܕ̊ܶܝܢ ܫܽܘ̣ܘܕ̊ܳܝܳܟ̥ ܕ̊ܰܠܘܳܬ̥ ܐܰܠܳܗܳܐ܆ ܡܶܛܽܠ ܗܰܝܡܳܢܽܘ̣ܬ̥ܳܐ ܫܰܪܺܝ̣ܪܬ̊ܳܐ ܛܰܪ ܠܳܐ ܕ̥ܰܓܳܠܳܐܺܝ̣ܬ̥ ܥܕ̥ܰܡܳܐ ܠܚܰܪܬ̥ܳܐ. ܟ̊ܰܕ̥ ܡܰܗܦܶܟ̥ ܐܰܦܰܝ̈ܟ̊ ܡܶܢ ܟ̊ܽܠ ܗܶܪܶܣܺܝܣ܆ ܕ̊ܥܰܡ ܡܫܺܝ̣ܚܳܐ ܡܶܬ̥ܟ̊ܰܬ̊ܫܳܐ. ܟ̊ܰܕ̥ ܡܦܳܣ ܐܰܢ̱ܬ̊ ܕ̊ܰܣܛܰܪ ܡܶܢ ܗܰܝܡܳܢܽܘ̣ܬ̥ܳܐ ܫܰܪܺܝ̣ܪܬ̊ܳܐ ܕ̥ܢܶܫܦܰܪ ܐ̱ܢܳܫ ܠܰܐܠܳܗܳܐ ܠܳܐ ܡܶܫܟܰܚ. ܘܡܶܛܽܠܗܳܕ̥ܶܐ ܬ̥ܳܒܥܺܝ̣ܢܰܢ ܠܳܟ̥܆ ܕ̊ܬ̥ܰܚܪܶܡ ܠܟ̥ܽܠܗܽܘ̇ܢ ܐܰܝܠܶܝܢ ܕ̊ܒܰܐܝܢܳܐ ܕ̥ܗܽܘ ܙܢܳܐ ܗܘܰܘ ܐܰܘ ܗܳܘܶܝܢ ܕ̊ܰܠܩܽܘ̣ܒܠܳܐ ܕ̥ܗܰܝܡܳܢܽܘ̣ܬ̥ܳܐ ܫܰܪܺܝ̣ܪܬ̊ܳܐ.

ܝܺܕ̥ܺܝ̣ܥܳܐܺܝ̣ܬ̥ ܕܶܝܢ ܠܣܺܝܡܽܘ̇ܢ ܚܰܪܳܫܳܐ܆ ܠܡܶܢܰܢܕܪܽܘ̇ܣ܆ ܠܦܰܪܦܽܘ̇ܪܺܝܽܘ̇ܣ܆ ܠܦܽܘ̇ܛܺܝܢܽܘ̇ܣ܆ ܠܡܰܐܢܺܝ܆ ܠܡܰܪܩܺܝܽܘ̇ܢ܆ ܠܽܐܘܠܰܢܛܺܝܢܽܘ̇ܣ܆ ܠܒܰܪܕܰܝܨܳܢ܆ ܠܣܶܒܰܠܺܝܽܘ̇ܣ܆ ܠܰܐܪܺܝܽܘ̇ܣ܆ ܠܰܐܦܽܘ̇ܠܺܝܢܰܐܪܺܝܽܘ̇ܣ܆ ܠܡܰܩܶܕܽܘ̇ܢܺܝܽܘ̇ܣ܆ ܠܽܐܘ̇ܢܽܘ̇ܡܺܝܽܘ̇ܣ܆ ܠܶܐܛܺܝܽܘ̇ܣ܆ ܠܶܐܘܛܽܘ̇ܟ̥ܶܐ܆ ܠܽܐܘ̇ܕܽܘ̇ܟ̊ܣܺܝܽܘ̇ܣ܆ ܠܒܰܐܣܺܝܠܺܝܕܺܝܣ܆ ܠܦܰܘܠܶܐ ܫܡܺܝܫܛܳܝܳܐ܆ ܠܽܐܘ̇ܣܶܒܺܝܽܘ̇ܣ ܕܢܺܝܩܽܘܡܺܝܕܺܝܰܐ܆ ܠܺܐܝܕܺܝܽܘ̇ܓܶܐܢܺܝܣ܆ ܠܡܰܐܪܺܝ ܦܳܪܣܳܝܳܐ܆ ܠܣܽܘ̇ܢܣܺܝܣܛܶܐ܆ ܠܰܐܦܽܘܠܺܝܢܰܐܪܺܝܣܛܶܐ܆ ܠܝܽܘܠܝܰܢܶܐ ܕ̥ܶܐܠܺܝܩܰܪܢܣܽܘ̇ܣ܆ ܠܕܺܝܽܘ̇ܕܽܘ̇ܪܽܘ̇ܣ܆ ܠܬ̥ܶܐܽܘ̇ܕܽܘ̇ܪܽܘ̇ܣ܆ ܠܢܶܣܛܽܘ̇ܪܺܝܽܘ̇ܣ܆ ܠܬ̥ܶܐܽܘ̇ܕܳܪܺܝܛܽܘ̇ܣ܆ ܠܡܰܪܩܶܠܽܘ̇ܣ ܓ̥ܰܠܰܐܛܳܝܳܐ܆ ܠܰܐܠܶܟ̊ܣܰܢܕܪܽܘ̇ܣ ܡܰܒܰܓ̥ܳܝܳܐ܆ ܠܰܐܢܕܪܶܐܶܐ ܕ̥ܰܫܡܺܝܫܰܛ܆ ܠܺܐܝܪܶܝܢܽܘ̇ܣ ܬ̊ܪܰܝܳܢܳܝ ܙܽܘ̣ܘܳܓ̥ܳܐ܆ ܠܩܽܘܪܶܐ ܘܰܠܝܽܘ̇ܚܰܢܢ ܗܳܢܽܘ̇ܢ ܕ̊ܡܶܢ ܐܶܓܶܐܣ܆ ܠܗܺܝܒܳܐ ܕ̥ܽܐܘܪܗܳܝ܆ ܠܒܰܪܨܰܘܡܳܐ ܦܳܪܣܳܝܳܐ ܘܰܠܩܳܢܽܘ̇ܢܰܘ̈ܗ̱ܝ ܡܣܰܝ̈ܒܶܐ. ܥܰܡ ܗܳܠܶܝܢ ܕ̊ܶܝܢ ܘܰܩܕ̥ܳܡ ܗܳܠܶܝܢ܆ ܠܣܽܘ̇ܢܢܳܕܽܘ̇ܣ ܗܳܝ ܕܟ̥ܰܠܩܺܝܕܽܘܢܰܐ ܘܰܠܛܽܘܡܣܳܐ ܪܰܫܺܝ̣ܥܳܐ ܘܰܡܓ̥ܰܕ̊ܦ̥ܳܢܳܐ ܕ̥ܠܶܐܽܘ̇ܢ ܘܠܶܗ ܠܠܶܐܽܘ̇ܢ ܘܰܠܟ̥ܽܠ ܕܰܐܘܕ̊ܺܝܘ ܐܰܘ ܡܰܘܕ̊ܶܝܢ ܒܰܬ̥ܪܶܝܢ ܟ̊ܝܳܢܶـ̈ܐ ܠܰܡܫܺܝ̣ܚܳܐ ܡܶܢ ܒܳܬ̥ܰܪ ܚܕ̥ܳܝܽܘ̣ܬ̥ܳܐ.

ܟ̊ܰܕ̥ ܡܶܫܬ̊ܰܘܕ̊ܶܐ ܐܰܢ̱ܬ̊ ܐܰܝܟ̥ ܕ̊ܙܳܕܶܩ ܩܕ̥ܳܡ ܐܰܠܳܗܳܐ ܘܡܰܠܰܐܟ̥ܰܘ̈ܗ̱ܝ ܓ̊ܒܰܝ̈ܐ܆ ܕ̊ܳܐܚܶܕ̥ ܐܰܢ̱ܬ̊ ܡܫܰܪܪܳܐܺܝ̣ܬ̥ ܘܠܳܐ ܡܶܨܛܰܠܝܳܢܳܐܺܝ̣ܬ̥܆ ܠܗܰܝܡܳܢܽܘ̣ܬ̥ܳܐ ܬ̥ܪܺܝ̣ܨܰܬ̥ ܫܽܘ̣ܒ̥ܚܳܐ܆ ܗܳܝ ܕ̊ܡܶܢ ܫܽܘ̣ܪܳܝܳܐ ܘܡܶܢ ܙܰܒܢܳܐ ܕ̥ܰܫܠܺܝ̣̈ܚܶܐ ܐܰܒܳܗ̈ܬ̥ܳܐ ܩܰܕ̊ܺܝ̣̈ܫܶܐ ܐܶܬ̥ܟ̊ܰܪܙܰܬ̥܆ ܗܳܝ ܕ̊ܡܰܠܶܠܘ ܘܫܰܪܰܪܘ ܬ̊ܠܳܬ̥ܡܳܐܐ ܘܰܬ̥ܡܳܢܬ̊ܰܥܣܰܪ ܐܰܒܳܗ̈ܬ̥ܳܐ ܩܰܕ̊ܺܝ̣̈ܫܶܐ ܕ̥ܰܒܢܺܝܩܺܝܰܐ ܐܶܬ̥ܟ̊ܰܢܰܫܘ ܘܰܐܚܪܶܡܘ ܠܰܐܪܺܝܽܘ̇ܣ. ܘܳܐܦ̥ ܫܰܪܪܰܬ̥ ܣܽܘ̇ܢܳܗܕܽܘ̇ܣ ܩܰܕ̊ܺܝ̣ܫܬ̊ܳܐ ܕ̥ܰܡܳܐܐ ܘܚܰܡܫܺܝܢ ܐܰܒܳܗ̈ܬ̥ܳܐ ܩܰܕ̊ܺܝ̣̈ܫܶܐ ܗܳܢܽܘ̇ܢ ܕ̊ܰܒܩܽܘ̣ܣܛܰܢܛܺܝܢܽܘ̇ܦܽܘ̇ܠܺܝܣ ܐܶܬ̥ܟ̊ܰܢܰܫܘ ܘܰܐܣܠܺܝܘ ܠܡܰܩܶܕܽܘ̇ܢܺܝܽܘ̇ܣ ܢܳܨܶܐ ܥܰܡ ܪܽܘ̣ܚܳܐ ܩܰܕ̊ܺܝ̣ܫܳܐ. ܘܣܽܘ̇ܢܳܗܕܽܘ̇ܣ ܩܰܕ̊ܺܝ̣ܫܬ̊ܳܐ ܗܳܝ ܕܒܶܐܦܶܣܽܘ̇ܣ ܐܶܬ̥ܟ̊ܰܢܫܰܬ̥ ܘܰܐܚܪܡܰܬ̥ ܠܪܰܫܺܝ̣ܥܳܐ ܢܶܣܛܽܘ̇ܪܺܝܽܘ̇ܣ.

ܡܩܰܒ̊ܶܠ ܐܰܢ̱ܬ̊ ܬ̊ܽܘܒ̥ ܥܰܡܰܢ ܠܟ̥ܽܠܗܽܘ̇ܢ ܐܰܒܳܗ̈ܬ̥ܳܐ ܫܠܺܝ̣̈ܚܶܐ ܩܰܕ̊ܺܝ̣̈ܫܶܐ ܘܰܡܣܰܒܪ̈ܳܢܶܐ ܫܰܪܺܝ̣ܪ̈ܶܐ. ܘܰܠܗܳܢܽܘ̇ܢ ܕ̊ܩܳܡܘ ܒܳܬ̥ܰܪܗܽܘ̇ܢ ܘܰܐܠܶܦܘ ܗܰܝܡܳܢܽܘ̣ܬ̥ܗܽܘ̇ܢ ܝܺܕ̥ܺܝ̣ܥܳܐܺܝ̣ܬ̥ ܕܶܝܢ: ܐܺܝ̣ܓ̥ܢܰܛܺܝܽܘ̇ܣ ܢܽܘ̣ܪܳܢܳܐ. ܘܰܩܠܺܝܡܺܝܣ܆ ܘܕ̥ܺܝܽܘ̇ܢܽܘ̇ܣܺܝܽܘ̇ܣ܆ ܐܰܬ̥ܰܢܰܣܺܝܽܘ̇ܣ܆ ܝܽܘ̇ܠܺܝܽܘ̇ܣ܆ ܒܰܣܶܝܠܺܝܽܘ̇ܣ܆ ܓ̥ܪܺܝܓ̥ܽܘ̇ܪܺܝܽܘ̇ܣ܆ ܕܺܝܽܘ̇ܣܩܽܘ̇ܪܽܘ̇ܣ܆ ܐܺܝ̣ܘܰܢܺܝܣ܆ ܩܽܘ̣ܪܺܝܠܽܘ̇ܣ܆ ܛܺܝܡܳܬ̥ܶܐܽܘ̇ܣ܆ ܣܶܘܶܝܪܺܝܽܘ̇ܣ܆ ܐܰܢܬ̥ܺܝܡܽܘ̇ܣ ܘܬ̥ܶܐܽܘ̇ܕܽܘ̇ܣܺܝܽܘ̇ܣ܆ ܦܶܛܪܽܘ̇ܣ܆ ܦܶܛܪܶܐ܆ ܝܽܘܠܝܰܢܶܐ ܦܰܛܪܺܝ̣ܰܪܟ̥ܳܐ܆ ܡܳܪܝ ܝܰܥܩܽܘ̇ܒ ܕܒܰܛܢܳܢ ܕ̊ܰܣܪܽܘ̇ܓ̥܆ ܘܝܰܥܩܽܘ̇ܒ ܕܰܢܨܺܝܒܺܝܢ ܘܡܳܪܝ ܐܰܦܪܶܝܡ ܣܽܘ̣ܪܝܳܝܳܐ ܡܰܠܦ̥ܳܢܳܐ ܪܰܒ̊ܳܐ ܬ̥ܺܒܶܝܠܺܝܳܐ܆ ܘܡܳܪܝ ܐܺܝ̣ܣܚܳܩ ܐܰܢܛܺܝܽܘ̇ܟ̥ܳܝܳܐ ܡܰܠܦ̥ܳܢܳܐ ܪܺܝܫܕܰܝܪܳܐ.

ܐܳܦ̥ ܙܳܕ̥ܶܩ ܕܬ̥ܶܗܘܶܐ ܡܶܫܬ̊ܡܰܥ ܘܡܶܫܬ̥ܰܥܒܰܕ̥ ܠܩܰܕ̊ܺܝ̣ܫܽܘܬ̥ܶܗ ܕ̊ܡܳܪܰܢ ܡܳܪܝ ܐܺܝ̣ܓ̥ܢܰܛܺܝܽܘ̇ܣ [ܦܠܳܢ] ܦܰܛܪܺܝ̣ܰܪܟ̥ܳܐ ܕ̥ܟ̥ܽܘ̣ܪܣܝܳܐ ܫܠܺܝ̣ܚܳܝܳܐ ܕ̥ܰܐܢܛܺܝܽܘ̇ܟ̥ܺܝܰܐ ܕ̥ܝܰܬ̊ܺܝܒ̥ ܓ̊ܰܐܝܳܐܺܝ̣ܬ̥ ܝܰܘܡܳܢܳܐ. ܘܰ[ܦܠܢ] ܕܰܐܠܶܟ̊ܣܰܢܕܪܺܝܰܐ. ܘܰܠܚܰܣܝܳܐ ܕ̥ܺܝܠܰܢ ܡܳܪܝ [ܦܠܢ] ܥܰܡ ܫܰܪܟ̊ܳܐ ܕ̥ܟ̥ܽܠܗܽܘ̇ܢ ܐܶܦܣ̈ܩܽܘܦܶܐ ܐܳܪ̈ܬ̥ܳܕܽܘܟ̊ܣܽܘ ܘܟ̥ܽܠܗܶܝܢ ܡܰܟ̥ܬ̊ܒ̥ܳܢ̈ܘܳܬ̥ܳܐ ܕ̥ܺܝܠܗܽܘ̇ܢ.

ܢܶܬ̊ܶܠ ܠܳܟ̥ ܕ̊ܶܝܢ ܐܰܠܳܗܳܐ܆ ܕ̊ܬ̊ܶܬ̊ܕ̊ܰܒܰܪ ܕ̊ܽܘ̣ܒܳܪ̈ܶܐ ܫܰܦܺܝ̣ܪ̈ܶܐ ܘܬ̥ܰܩ̈ܢܶܐ ܕ̥ܰܡܢܺܝ̣ܚܺܝ̣ܢ ܠܰܐܠܳܗܽܘ̣ܬ̥ܶܗ. ܢܶܬ̊ܶܠ ܠܳܟ̥ ܚܰܝܠܳܐ ܘܰܡܚܰܡܣܢܳܢܽܘ̣ܬ̥ܳܐ ܘܰܡܣܰܝܒܪܳܢܽܘ̣ܬ̥ܳܐ ܥܰܠ ܟ̊ܽܠܗܽܘ̇ܢ ܩܪ̈ܳܒܰܘܗܝ ܕ̊ܒܺܝ̣ܫܳܐ. ܢܶܕ̥ܚܽܘ̇ܩ ܡܶܢܳܟ̥ ܡܳܪܝܳܐ ܐܰܠܳܗܳܐ܆ ܩܽܘ̣ܛܳܥ̈ܶܐ ܡܰܘ̈ܒ̊ܕ̥ܳܢܶܐ ܕ̥ܳܐܟ̥ܶܠܩܰܪܨܳܐ. ܢܶܬ̊ܶܠ ܠܳܟ̥ ܐܰܠܳܗܳܐ ܡܰܟ̊ܺܝܟ̥ܽܘ̣ܬ̥ܳܐ ܥܰܡ ܡܶܫܬ̊ܰܡܥܳܢܽܘ̣ܬ̥ܳܐ ܟ̥ܺܐܢܬ̊ܳܐ܆ ܗܳܝ ܕ̊ܦܰܐܝܳܐ ܠܬ̥ܰܠܡܺܝ̈ܕ̥ܶܐ ܕ̥ܰܡܫܺܝ̣ܚܳܐ. ܢܶܬ̊ܶܠ ܠܳܟ̥ ܡܳܪܝܳܐ ܕ̥ܬ̥ܰܓ̥ܥܠܺܝܘܗ̱ܝ ܠܶܗ ܠܗܳܢܳܐ ܐܶܣܟ̊ܺܡܳܐ ܕ̥ܢܳܣܶܒ ܐܰܢ̱ܬ̊܆ ܒܓ̥ܰܠܝܽܘܬ̥ ܐܰܦ̈ܐ ܕ̥ܠܳܐ ܒܶܗܬ̊ܬ̥ܳܐ܆ ܟ̊ܰܕ̥ ܠܳܐ ܡܰܒܗܶܬ̥ ܐܰܢ̱ܬ̊ ܒܝܰܘܡܳܐ ܕ̥ܕ̥ܺܝ̣ܢܳܐ ܠܗܳܢܽܘ̇ܢ ܕ̊ܩܰܪܒܽܘ̣ܟ̥. ܡܳܪܝܳܐ ܕ̥ܶܝܢ ܪܳܚܶܡ ܐ̱ܢܳܫܳܐ ܢܚܰܣܶܐ ܘܢܶܫܒܽܘ̇ܩ ܒܽܘ̣ܨܳܪ̈ܶܐ ܕ̥ܟ̥ܽܠܰܢ܆ ܒܛܰܝܒ̊ܽܘ̣ܬ̥ܶܗ ܘܰܒܪ̈ܰܚܡܰܘܗ̱ܝ ܣܰܓ̊ܺܝ̈ܐܶܐ. ܘܒܰܨܠ̈ܘܳܬ̥ܳܗ̇ ܕܝܳܠܶܕ̊ܬ̥ܶܗ ܛܽܘ̣ܒ̥ܳܢܺܝ̣ܬ̥ܳܐ ܡܰܪܝܰܡ ܘܰܕܟ̥ܽܠܗܽܘ̇ܢ ܩܰܕ̊ܺܝ̣̈ܫܰܘܗ̱ܝ ܐܰܡܺܝ̣ܢ ܘܰܐܡܺܝ̣ܢ܀


 

 

ܟ̊ܶܢ ܡܰܩܶܦ ܪܺܝܫ ܟ̊ܳܗ̈ܢܶܐ ܨܠܽܘ̇ܬ̥ܳܐ ܗܳܕ̥ܶܐ

 

ܡܳܪܝܳܐ ܐܰܠܳܗܳܐ ܐܰܚܺܝ̣ܕ̥ ܟ̊ܽܠ܆ ܗܰܘ ܕ̊ܡܶܢ ܠܳܐ ܡܶܕ̊ܶܡ ܐܰܝܬ̊ܺܝܬ̊ܳܢ ܠܰܗܘܳܝܳܐ܆ ܕ̊ܢܶܫܬ̊ܰܘܬ̊ܰܦ ܒܛܳܒܳـ̈ܬ̥ܳܟ̥ ܘܕ̥ܰܐܥܬ̊ܶܩܢܰܢ ܒܰܚܛܺܝ̣ܬ̥ܳܐ܆ ܬ̊ܽܘ̣ܒ̥ ܡܶܢܕ̊ܪܺܝܫ ܚܰܕ̊ܶܬ̊ܬ̊ܳܢ ܒܕ̥ܶܢܚܶܗ ܕ̊ܺܝܚܺܝܕ̥ܳܝܳܐ ܒܪܳܟ̥܆ ܗܰܘ ܕ̊ܠܳܐ ܨܳܒܶܐ ܒܡܰܘܬ̊ܶܗ ܕ̊ܚܰܛܳܝܳܐ ܐܰܝܟ̥ ܕ̊ܶܐܡܰܪ: ܗܰܘ ܕ̊ܒܳܥܶܐ ܕ̥ܟ̥ܽܠܗܽܘ̇ܢ ܒܢܰܝ̈ܢܳܫܳܐ ܢܶܬ̥ܦܰܪܩܽܘ̣ܢ. ܘܠܺܝܕ̥ܰܥܬ̥ܳܐ ܕ̥ܰܫܪܳܪܳܐ ܢܺܐܬ̥ܽܘ̇ܢ.

ܩܰܒܶܠܳܝܗ̱ܝ ܠܥܰܒ̥ܕ̊ܳܟ̥ ܗܳܢܳܐ ܕ̥ܰܥܪܰܩ ܡܶܢ ܥܳܠܡܳܐ ܘܡܶܢ ܡܰܚ̈ܫܽܘܠܰܘܗ̱ܝ ܒܺܝ̈ܫܶܐ ܘܒܳܟ̥ ܛܦܰܣ. ܘܰܫܩܰܠ ܢܺܝ̣ܪܶܗ ܢܺܝ̣ܚܳܐ ܘܒܰܣܺܝ̣ܡܳܐ ܘܩܰܠܺܝ̣ܠܳܐ ܕ̥ܺܝܚܺܝܕ̥ܳܝܳܟ̥܆ ܘܰܪܚܶܡ ܦܽܘ̣ܩܕ̊ܳܢܰܝ̈ܟ̊. ܫܒܽܘ̇ܩ ܠܶܗ ܟ̊ܽܠܡܶܕ̊ܶܡ ܕ̊ܰܚܛܳܐ ܩܕ̥ܳܡܰܝܟ̊܆ ܒܺܝܕ̥ܰܥܬ̊ܳܐ ܘܰܕ̥ܠܳܐ ܝܺܕ̥ܰܥܬ̥ܳܐ. ܘܰܐܠܶܦܳܝܗ̱ܝ ܕ̊ܢܶܥܒ̊ܶܕ̥ ܨܶܒܝܳܢܳܟ̥. ܫܰܕ̊ܰܪ ܥܠܰܘܗ̱ܝ ܛܰܝܒ̊ܽܘ̣ܬ̥ܳܟ̥ ܘܒܽܘ̣ܪܟ̊ܬ̥ܳܟ̥. ܐܰܠܒܶܫܳܝܗ̱ܝ ܟ̊ܽܘ̇ܬ̊ܺܝ̣ܢܳܐ ܡܰܠܝܰܬ̥ ܥܒ̥ܳܕ̈ܶܐ ܛܳܒ̈ܐ. ܣܰܢܘܰܪܬ̊ܳܐ ܕ̥ܦܽܘ̣ܪܩܳܢܳܐ. ܣܰܟ̊ܪܳܐ ܕ̥ܗܰܝܡܳܢܽܘ̣ܬ̥ܳܐ ܫܰܪܺܝ̣ܪܬ̊ܳܐ. ܘܒܰܥ̈ܒܳܕ̥ܶܐ ܡܝܰܬ̊ܪ̈ܶܐ ܚܙܽܘ̇ܩ ܚܰܨܰܘ̈ܗ̱ܝ. ܐܰܣܐܶܢܳܝܗ̱ܝ ܛܽܘ̣ܝܳܒܶܗ ܕ̊ܶܐܘܰܢܓܶܠܺܝܽܘ̇ܢ ܕ̊ܰܫܠܳܡܳܐ܆ ܕ̊ܢܶܬ̥ܡܨܶܐ ܠܰܡܩܳܡ ܠܽܘ̣ܩܒ̥ܰܠ ܟ̊ܽܠܶܗ ܚܰܝܠܶܗ ܕ̊ܰܒܥܶܠܕ̊ܒ̥ܳܒ̥ܳܐ. ܨܰܒ̊ܶܬ̥ܳܝܗ̱ܝ ܒܶܐܣܛܠܳܐ ܕ̥ܛܰܝܒ̊ܽܘ̣ܬ̥ܳܟ̥ ܘܰܒ̥ܕ̥ܽܘ̣ܒܳܪ̈ܶܐ ܕ̥ܰܡܝܰܬ̊ܪܽܘ̣ܬ̥ܳܐ. ܢܰܛܰܪ ܠܢܰܦܫܶܗ ܕ̊ܠܳܐ ܛܽܘ̣ܠܫܳܐ. ܘܗܰܒ ܠܶܗ ܬ̊ܰܪܥܺܝ̣ܬ̥ܳܐ ܕ̥ܰܡܣܰܝܒܪܳܢܽܘ̣ܬ̥ܳܐ ܚܘܺܝ̣ܚܬ̊ܳܐ ܘܡܶܫܬ̊ܰܡܥܳܢܽܘ̣ܬ̥ܳܐ ܘܰܦܫܺܝ̣ܛܽܘ̣ܬ̥ܳܐ. ܘܚܰܝܠܳܐ ܠܘܳܬ̥ ܬ̊ܽܘ̣ܪܳܨܳܐ ܕ̥ܦܽܘ̣ܩܕ̊ܳܢܰܝ̈ܟ̊ ܩܰܕ̊ܺܝ̣̈ܫܶܐ. ܟ̊ܽܠ ܚܣܳܡܳܐ ܕ̥ܶܝܢ ܘܟ̥ܽܠ ܢܶܣܝܽܘܢܳܐ ܘܟ̥ܽܠ ܡܰܥܒ̊ܕ̥ܳܢܽܘ̣ܬ̥ܳܐ ܕ̥ܳܐܟ̥ܶܠܩܰܪܨܳܐ ܘܡܰܟ̊ܝܳܢܽܘ̣ܬ̥ܳܐ ܐ̱ܢܳܫܳܝܬ̊ܳܐ ܐܰܗܦܶܟ̥ ܡܶܢܶܗ. ܥܽܘ̣ܕ̥ܪܳܢܳܐ ܠܳܐ ܡܶܙܕ̊ܰܟ̥ܝܢܳܐ ܫܰܟ̊ܶܢ ܠܶܗ ܐܰܝܟ̊ܰܢܳܐ ܕ̥ܟ̥ܰܕ̥ ܦܺܐܪ̈ܶܐ ܕ̥ܙܰܕܺܝ̣ܩܽܘ̣ܬ̥ܳܐ ܢܰܝܬ̊ܶܐ܆ ܢܶܫܬ̊ܘܶܐ ܠܦܶܣܳܐ ܕ̥ܰܒܬ̥ܽܘ̈ܠܳܬ̥ܳܐ ܚܰܟ̊ܺܝ̣̈ܡܳܬ̥ܳܐ ܘܰܡܗܰܝܡ̈ܢܳܬ̥ܳܐ. ܒܦܽܘ̣ܠܳܓ̥ܳܐ ܕ̥ܰܟ̥ܠܺܝ̈ܠܶܐ. ܒܢܰܨܺܝ̣ܚܽܘ̣ܬ̥ܳܐ ܕ̥ܩܰܕ̊ܺܝ̣̈ܫܶܐ. ܘܰܠܟ̥ܽܠܰܢ ܐܰܫܘܳܐ ܥܰܡܶܗ܆ ܕ̊ܦܺܐܪ̈ܶܐ ܕ̥ܙܰܕܺܝ̣ܩܽܘ̣ܬ̥ܳܐ ܘܰܕܕܰܟ̥ܝܽܘ̣ܬ̥ܳܐ ܢܩܰܪܶܒ̥ ܠܳܟ̥. ܘܢܶܫܟ̊ܰܚ ܪ̈ܰܚܡܶܐ ܩܕ̥ܳܡܰܝܟ̊ ܡܶܛܽܠ ܕ̊ܰܐܢ̱ܬ̊ܽ ܗ̱ܘ ܕ̊ܡܰܡܠܶܟ̥ ܐܰܢ̱ܬ̊ ܥܠܰܝܢ ܘܺܝܚܺܝܕ̥ܳܝܳܐ ܒܪܳܟ̥ ܘܪܽܘ̣ܚܳܟ̥ ܩܰܕ̊ܺܝ̣ܫܳܐ. ܗܳܫܳܐ ܘܰܒܟ̥ܽܠܙܒܰܢ ܠܥܳܠܡܺܝ̣ܢ܀


ܬ̊ܽܘܒ̥ ܬ̊ܽܘܪܓ̊ܳܡܳܐ ܕ̥ܰܐܡܺܝܪ ܠܡܽܘ̣ܫܶܐ ܐܶܦܣܩܽܘܦܳܐ ܕ̥ܪܰܐܡܰܢ ܕ̊ܡܶܬ̥ܟ̊ܰܢܶܐ ܒܰܪ ܟ̊ܺܐܦܳܐ.

[ܡܶܬ̥ܩܪܶܐ ܥܰܠ ܐܰܝܠܶܝܢ ܕ̊ܠܳܒܫܺܝ̣ܢ ܐܶܣܟ̊ܺܝܡܳܐ ܩܰܕ̊ܺܝ̣ܫܳܐ ܕ̥ܕܰܝܪܳܝܽܘ̣ܬ̥ܳܐ ܒܳܬ̥ܰܪ ܫܽܘܡܠܳܝ ܬ̊ܶܫܡܶܫܬ̊ܳܐ ܕ̥ܰܠܒܳܫܗܽܘ̇ܢ]

 

ܠܽܘ̣ܩܕ̥ܰܡ܆ ܙܳܕ̥ܶܩ ܠܗܳܢܽܘ̇ܢ ܕ̊ܡܶܛܽܠ ܐܰܠܳܗܳܐ ܠܶܐܣܟ̊ܺܝܡܳܐ ܕ̥ܕܰܝܪܳܝܽܘ̣ܬ̥ܳܐ ܡܶܬ̥ܩܰܪܒܺܝ̣ܢ܆ ܕ̊ܬ̥ܶܗܘܶܐ ܠܗܽܘ̇ܢ ܗܰܝܡܳܢܽܘ̣ܬ̥ܳܐ ܒܰܐܒܳܐ ܘܒܰܒ̥ܪܳܐ ܘܰܒܪܽܘ̣ܚܳܐ ܩܰܕ̊ܺܝ̣ܫܳܐ܆ ܘܠܰܡܗܰܝܡܳܢܽܘ̣ ܠܫܽܘ̣ܘܕ̊ܳܝ̈ܐ ܘܡܽܘ̣ܠ̈ܟ̊ܳܢܶܐ ܕ̥ܺܝܠܶܗ ܕ̊ܰܐܠܳܗܳܐ ܚܰܝܳܐ. ܗܳܠܶܝܢ ܕ̊ܰܡܠܰܟ̥ ܘܶܐܫܬ̊ܰܘܕܺܝ ܠܰܐܝܠܶܝܢ ܕ̊ܡܰܚܒܺܝ̣ܢ ܠܶܗ. ܡܶܕ̊ܶܡ ܕ̊ܥܰܝܢܳܐ ܠܳܐ ܚܙܳܬ̥ ܘܶܐܕ̥ܢܳܐ ܠܳܐ ܫܶܡܥܰܬ̥ ܘܥܰܠ ܠܶܒܳܐ ܕ̥ܒܰܪܢܳܫܳܐ ܠܳܐ ܣܠܶܩ. ܐܰܝܟ̊ܰܢܳܐ ܕ̥ܰܫܠܺܝ̣ܚܳܐ ܐܰܠܳܗܳܝܳܐ ܐܳܡܰܪ[18]. ܡܶܛܽܠ ܕ̊ܶܐܢܗܽܘ ܕ̥ܠܳܐ ܡܰܫܪܺܝ̣ܢ ܠܡܽܘ̣ܠ̈ܟ̊ܳܢܰܘܗ̱ܝ܆ ܥܰܠ ܣܰܒ̥ܪܳܐ ܣܦܺܝ̣ܩܳܐ ܗܳܘܶܐ ܥܰܡܠܗܽܘ̇ܢ. ܟ̊ܽܠ ܓ̊ܶܝܪ ܕ̊ܦܳܠܰܚ܆ ܡܶܛܽܠ ܣܰܒ̥ܪܳܐ ܡܶܕ̊ܶܡ܆ ܡܶܬ̊ܛܰܪܰܦ. ܘܠܳܐ ܐ̱ܢܳܫ ܦܳܠܰܚ ܥܰܡ ܐ̱ܚܪܺܢܳܐ܆ ܐܶܠܳܐ ܥܰܠ ܣܰܒ̥ܪܳܐ ܕ̥ܡܶܬ̊ܺܝܗܶܒ̥ ܠܶܗ ܐܰܓ̥ܪܳܐ ܕ̥ܥܰܡܠܶܗ. ܐܰܘ ܓܶܝܪ ܡܶܛܽܠ ܐܰܓ̥ܪܳܐ ܘܦܽܘ̣ܪܥܳܢܳܐ ܡܶܬ̥ܚܰܙܝܳܢܳܐ ܐܰܘ ܡܶܛܽܠ ܗܰܘ ܠܳܐ ܡܶܬ̥ܚܰܙܝܳܢܳܐ ܘܠܳܐ ܥܳܒܽܘܪܳܐ. ܗܳܟ̥ܘܳܬ ܐܳܦ ܐܰܬ̥ܠܺܝ̈ܛܶܐ ܕ̥ܥܳܐܠܺܝ̣ܢ ܠܰܩܪܳܒ̥ܳܐ ܘܡܶܬ̥ܟ̊ܰܬ̊ܫܺܝ̣ܢ ܒܟ̥ܽܠܶܗ ܚܰܝܠܗܽܘ̇ܢ ܕ̊ܢܶܣܒܽܘ̣ܢ ܙܳܟ̥ܽܘ̣ܬ̥ܳܐ. ܡܶܛܽܠ ܫܽܘ̣ܘ̈ܕ̥ܳܝܶܐ ܕ̥ܦܽܘ̣ܪܥܳܢܳܐ ܗܰܘ ܕܡܶܬ̥ܡܰܠܰܟ̥ ܠܗܽܘ̇ܢ܆ ܡܶܬ̥ܟ̊ܰܬ̊ܫܺܝܢ. ܐܰܝܠܶܝܢ ܕ̊ܶܝܢ ܕ̊ܰܡܣܰܟ̊ܶܝܢ ܠܦܽܘ̣ܪܥܳܢܳܐ ܕ̥ܰܠܗܰܠ ܘܰܠܚܰܝܶـ̈ܐ ܘܒܽܘ̣ܣܳܡ̈ܶܐ ܕ̥ܰܥܬ̥ܺܝܕ̥ܺܝܢ. ܟ̊ܰܕ ܫܰܪܺܝ̣ܪ ܠܗܽܘ̇ܢ ܣܰܒ̥ܪܳܐ ܘܫܽܘ̣ܘܕ̊ܳܝܳܐ ܕ̥ܡܶܕ̊ܶܡ ܕܰܥܬ̥ܺܝ̣ܕ̥ܺܝ̣ܢ ܕ̊ܢܶܬ̥ܦܰܪܥܽܘ̣ܢ ܚܳܒܨܺܝ̣ܢ ܕ̊ܢܶܦܠܚܽܘ̣ܢ ܒܟ̥ܰܪܡܳܐ ܡܶܬ̥ܝܰܕ̥ܥܳܢܳܐ. ܒܰܕ̥ܓ̥ܽܘ̇ܢ܆ ܐܰܝܟ̊ܰܢܳܐ ܕ̥ܩܰܕ̊ܶܡܢܰܢ ܐܶܡܰܪܢܰܢ: ܕ̊ܪܺܝܫܺܝܬ̥ܳܐ ܕ̥ܗܳܢܽܘ̇ܢ ܕ̊ܰܠܘܳܬ̥ ܦܽܘ̣ܠܚܳܢܳܐ ܕ̥ܕܰܝܪܳܝܽܘ̣ܬ̥ܳܐ ܡܶܬ̥ܩܰܪܒܺܝ̣ܢ܆ ܐܺܝ̣ܬ̥ܶܝܗ̇: ܗܰܝܡܳܢܽܘ̣ܬ̥ܳܐ ܕ̥ܰܢܗܰܝܡܢܽܘ̣ܢ ܠܫܽܘܘ̈ܕ̊ܳܝܶܐ ܘܡܽܘ̣ܠ̈ܟ̊ܳܢܶܐ ܕ̥ܰܐܠܳܗܰܢ ܒܰܣܺܝ̣ܡܳܐ. ܐܰܟ̥ܡܰܢ ܕ̊ܛܳܒ ܫܰܪܺܝ̣ܪ̈ܳܢ ܡܶܠܰܘ̈ܗ̱ܝ ܩܰܕ̊ܺܝ̣̈ܫܳܬ̥ܳܐ ܕ̥ܶܐܡܰܪ: ܕ̊ܬ̥ܰܘ ܠܘܳܬ̥ܝ ܐܰܝܠܶܝܢ ܕ̊ܰܠܐܶܝܢ ܡܶܢ ܥܰܡ̈ܠܶܐ ܘܝܽܘ̣ܩܪ̈ܶܐ ܕ̥ܡܰܘܒ̈ܠܶܐ ܝܰܩܺܝ̣ܪ̈ܳܬ̥ܳܐ ܘܶܐܢܳܐ ܐܰܢܺܝܚܟ̥ܽܘ̇ܢ܆ ܣܰܒܝ ܢܺܝ̣ܪܝ ܥܠܰܝܟ̊ܽܘ̇ܢ܆ ܝ̣ܺܠܰܦܘ ܡܶܢܝ ܕ̊ܢܺܝ̣ܚ ܐ̱ܢܳܐ ܘܡܰܟ̊ܺܝ̣ܟ̥ ܐܢܳܐ ܒܠܶܒܝ. ܘܡܶܫܟ̊ܚܺܝ̣ܬ̊ܽܘ̇ܢ ܢܝܳܚܳܐ ܠܢܰܦܫܟ̥ܽܘ̇ܢ[19]. ܠܗܳܕܶܐ ܗܳܟ̥ܺܝܠ ܩܪܳܝܬ̊ܳܐ ܫܡܰܥܘ ܗ̱ܘܰܘ ܬ̊ܰܠܡܺܝ̈ܕ̥ܶܐ ܫܰܪܺܝ̣ܪ̈ܶܐ. ܘܰܫܒܰܩܘ ܠܥܳܠܡܳܐ ܘܟ̥ܽܠ ܕ̊ܒܶܗ ܘܶܐܙܰܠܘ ܒܳܬ̥ܪܶܗ܆ ܘܰܐܓ̥ܗܺܝ̣ܘ ܡܶܢ ܥܳܠܡܳܐ ܘܛܽܘ̣ܪ̈ܳܦܶܐ ܕ̥ܰܚ̈ܛܳܗܶܐ܆ ܘܗܰܝܡܶܢܘ ܬ̊ܽܘܒ̥ ܠܡܶܠܬ̥ܳܐ ܩܰܕ̊ܺܝ̣ܫܬ̊ܳܐ ܗܳܝ ܕܰܐܟ̥ܪܙܰܬ̥: ܕ̊ܡܰܢ ܕ̊ܫܳܒܶܩ ܐܰܒܳܗ̈ܐ ܘܰܐܚ̈ܐ ܘܰܒ̈ܢܰܝܳܐ ܘܒ̈ܬ̊ܶܐ ܘܩܽܘ̣ܪ̈ܝܳܐ ܡܶܛܽܠܳܬܝ܆ ܝܳܪܶܬ̥ ܚܰܝܶـ̈ܐ ܕ̥ܰܠܥܳܠܰܡ[20]. ܡܶܛܽܠ ܡܽܘ̣ܠ̈ܟ̊ܳܢܰܘܗܝ ܫܰܪܺܝ̣ܪ̈ܶܐ ܘܫܽܘ̣ܘܕ̊ܳܝܶܗ ܠܳܐ ܡܶܬ̊ܕ̊ܰܓ̊ܠܳܢܳܐ ܫܒܰܩܘ ܗ̱ܘܰܘ. ܗܳܢܽܘ̇ܢ ܕ̊ܶܐܬ̥ܢܰܗܰܪ ܗܰܘܢܗܽܘ̇ܢ ܘܶܐܬ̥ܥܰܕ̊ܰܪܘ ܡܶܢ ܛܰܝܒ̊ܽܘ̣ܬ̥ܳܐ. ܠܰܐܒܳܗ̈ܐ ܘܰܠܓ̥ܶܢܣܳܐ ܘܛܽܘ̣ܗܡܳܐ܆ ܘܰܢܣܰܒܘ ܨܠܺܝ̣ܒ̥ܳܐ ܘܶܐܙܰܠܘ ܒܳܬ̥ܪܶܗ ܐܰܝܟ̥ ܦܽܘ̣ܩܕ̊ܳܢܶܗ ܕܶܐܡܰܪ: ܕܡܰܢ ܕ̊ܠܳܐ ܫܳܩܶܠ ܨܠܺܝ̣ܒ̥ܶܗ ܘܳܐܬ̥ܶܐ ܒܳܬ̥ܰܪܝ܆ ܠܳܐ ܡܶܫܟܰܚ ܕܢܶܗܘܶܐ ܠܺܝ ܬ̥ܰܠܡܺܝ̣ܕ̥ܳܐ[21]. ܟ̊ܰܕ̥ ܨܠܺܝ̣ܒ̥ܳܐ ܠܡܺܝ̣ܬ̥ܽܘ̣ܬ̥ܳܐ ܕ̥ܡܶܢ ܥܳܠܡܳܐ ܗܳܢܳܐ ܡܫܰܘܕ̊ܰܥ܆ ܘܰܠܚܶܣܕ̊ܳܐ ܘܨܰܥܪܳܐ ܘܩܽܘ̣ܦܳܚܳܐ ܕ̥ܡܶܢ ܒܢܰܝ̈ܢܳܫܳܐ. ܠܗܳܠܶܝܢ ܓ̊ܶܝܪ ܟ̊ܰܕ̥ ܫܡܰܥܘ ܬ̊ܰܠܡܺܝ̈ܕ̥ܶܐ ܘܗܰܝܡܶܢܘ ܕ̊ܫܰܪܺܝ̣ܪ̈ܳܢ܆ ܪܕ̥ܰܘ ܕ̊ܠܳܐ ܩܶܢܛܳܐ ܒܽܐܘ̣ܪܚܳܐ ܗܳܕ̥ܶܐ ܐܰܠܺܝ̣ܨܬ̊ܳܐ ܘܩܰܛܺܝ̣ܢܬ̊ܳܐ. ܘܟ̥ܰܕ̥ ܒܰܣܰܪܘ ܡܶܛܽܠ ܫܡܶܗ ܩܰܕ̊ܺܝ̣ܫܳܐ ܘܡܶܛܽܠ ܦܽܘ̣ܪܥܳܢܳܐ ܛܳܒ̥ܳܐ ܕ̥ܰܡܠܰܟ̥܆ ܥܰܠ ܐܰܒܳܗ̈ܐ ܘܰܐܚ̈ܐ ܘܰܐ̱ܚ̈ܝܳܢܶܐ. ܘܥܰܠ ܥܽܘ̣ܬ̥ܪܳܐ ܘܩܶܢ̈ܝܳܢܶܐ ܥܳܠ̈ܡܳܢܳܝܶܐ ܘܟ̥ܽܠ ܙܢܳܐ ܕ̥ܰܪ̈ܓ̥ܺܝ̣ܓ̥ܳܬ̥ܳܐ ܙܰܒ̈ܢܳܝܳܬ̥ܳܐ. ܘܰܓ̥ܒܰܘ ܠܗܽܘ̇ܢ ܚܠܳܦ ܢܝܳܚܳܐ܆ ܫܚܳܩܳܐ. ܘܰܚܠܳܦ ܐܺܝ̣ܩܳܪܳܐ܆ ܨܰܥܪܳܐ. ܘܰܚܠܳܦ ܩܰܪܺܝ̣ܒܽܘ̣ܬ̥ܳܐ܆ ܪܰܚܺܝ̣ܩܽܘ̣ܬ̥ܳܐ ܕ̥ܡܶܢ ܝܳܕ̥ܽܘ̈ܥܶܐ. ܘܛܽܘ̣ܪܳܦܳܐ ܕ̥ܰܐܟ̥ܣܢܳܝܽܘ̣ܬ̥ܳܐ ܘܩܽܘ̣ܦܳܚܳܐ ܕ̥ܡܶܢ ܓ̊ܰܘܳܝ̈ܐ ܘܒܰܪ̈ܳܝܶܐ. ܘܠܳܐ ܐܶܬ̥ܡܨܺܝ ܕ̥ܢܶܦܪܽܘ̇ܫ ܐܶܢܽܘ̇ܢ ܬ̊ܽܘ̣ܒ̥ ܡܶܢ ܚܽܘ̣ܒܶܗ ܕ̊ܰܡܫܺܝ̣ܚܳܐ. ܠܳܐ ܣܰܝܦܳܐ ܐܶܢ ܦ̊ܓ̥ܰܥ ܒܗܽܘ̇ܢ. ܘܠܳܐ ܢܽܘ̣ܪܳܐ ܘܠܳܐ ܓ̥ܙܳܡ̈ܐ ܘܠܳܐ ܠܽܘ̈ܚܳܡܶܐ. ܘܠܳܐ ܟ̥ܽܠܗܽܘ̇ܢ ܙܢܰܝ̈ܳܐ ܕ̥ܢܶܣ̈ܝܽܘܢܶܐ ܕ̥ܰܦ̥ܓ̥ܰܥܘ ܒܗܽܘ̇ܢ. ܐܶܠܳܐ ܓ̥ܒܰܘ ܠܗܽܘ̇ܢ ܥܡܽܘ̣ܪܝܳܐ ܒܚܽܘ̣ܪ̈ܒܶܐ ܘܰܒܛܽܘ̣ܪ̈ܶܐ ܘܒܰܡܥܰܪ̈ܶܐ܆ ܘܰܐܚܶܒܘ ܐܶܢܽܘ̇ܢ ܝܰܬ̊ܺܝ̣ܪ ܡܶܢ ܡܕ̥ܺܝ̣̈ܢܳܬ̥ܳܐ ܘܳܐܦܰܕ̈ܢܶܐ ܕ̥ܡܰܠ̈ܟ̊ܶܐ. ܟ̊ܰܕ̥ ܥܰܡ ܚܰܝܽܘ̣ܬ̥ܳܐ ܕ̥ܕܰܒܪܳܐ ܪܳܥܶܝܢ ܗ̱ܘܰܘ ܥܶܣܒܳܐ. ܘܡܰܝ̈ܐ ܕ̥ܰܦܨܺܝ̈ܕ̥ܶܐ ܘܰܠܒܽܘܫܳܐ ܒܣܺܝ̣ܪܳܐ ܘܬ̥ܰܟ̥ܣܺܝܬ̥ܳܐ ܡܣܰܡܥܰܠܬ̊ܳܐ. ܘܨܶܕ̥ܝܳܐ ܕ̥ܰܐܟ̥ܣܢܳܝܽܘ̣ܬ̥ܳܐ. ܕ̊ܰܐܝܟ̥ ܗܳܠܶܝܢ ܙܳܕ̥ܶܩ ܕ̊ܢܶܬ̥ܪܰܥܽܘ̣ܢ. ܘܰܒܕ̥ܽܘ̣ܒܳܪ̈ܶܐ ܗܳܠܶܝܢ ܙܳܕ̥ܶܩ ܕ̊ܰܢܡܰܪܽܘ̇ܢ. ܐܰܝܠܶܝܢ ܕ̊ܰܠܡܳܪܝܳܐ ܒܳܥܶܝܢ܆ ܘܡܶܛܽܠ ܡܽܘܠ̈ܟ̊ܳܢܰܘܗ̱ܝ ܡܶܬ̥ܩܰܪܒܺܝܢ ܠܕܰܝܪܳܝܽܘ̣ܬ̥ܳܐ. ܘܠܳܐ ܡܶܬ̥ܩܰܪܒܺܝܢ ܠܕ̥ܶܚܠܰܬ̥ ܐܰܠܳܗܳܐ ܒܪܰܦܝܽܘ̣ܬ̥ܳܐ. ܐܰܘ ܒܶܐܣܟ̊ܺܝܡܳܐ ܢܟ̥ܺܝ̣ܠܳܐ. ܐܶܠܳܐ ܢܩܰܒܠܽܘ̣ܢ ܠܡܶܠܰܬ̥ ܟ̊ܬ̥ܳܒ̥ܳܐ ܕ̥ܶܐܡܰܪ: ܕ̊ܒܶܪܝ܆ ܐܶܢܗܽܘ ܕܶܐܬ̥ܩܰܪܰܒܬ̊ ܘܝܰܗ̱ܒܬ̊ ܐܰܢ̱ܬ̊ ܠܳܟ̥ ܠܕ̥ܶܚܠܰܬ̥ ܐܰܠܳܗܳܐ܆ ܐܰܫܠܶܡ ܢܰܦܫܳܟ̥ ܠܟ̥ܽܠ ܢܶܣ̈ܝܽܘܢܶܐ[22]. ܘܠܳܐ ܬ̥ܶܬ̥ܩܰܪܰܒ ܠܕ̥ܶܚܠܰܬ̥ ܐܰܠܳܗܳܐ ܒܰܬ̥ܪܶܝܢ ܠܶܒܺܝ̈ܢ. ܐܶܠܳܐ ܩܪܽܘ̇ܒ ܠܶܗ ܚܰܝܠܬ̥ܳܢܳܐܺܝ̣ܬ̥. ܐܰܝܟ̥ ܓܰ̊ܒ̥ܪܳܐ ܓ̥ܰܢ̱ܒܳܪܳܐ ܕ̥ܥܳܐܶܠ ܠܰܩܪܳܒ̥ܳܐ ܕ̥ܢܶܩܛܽܘ̇ܠ ܠܰܒܥܶܠܕ̈̊ܒ̥ܳܒ̥ܶܐ ܕ̥ܺܝܠܰܢ. ܐܰܝܟ̥ ܐܰܪܝܳܐ ܢܳܗܶܡ ܐܰܝܟ̥ ܕ̊ܰܟ̥ܬ̥ܺܝ̣ܒ̥. ܘܨܳܒܶܐ ܕ̥ܰܠܡܰܢܽܘ ܢܶܒܠܰܥ[23]. ܩܪܳܒ̥ܳܐ ܗܳܢܳܐ ܚܰܒܺܝ̈ܒܰܝ܆ ܠܳܐ ܐܺܝ̣ܬ̥ܰܘܗ̱ܝ ܥܰܡ ܒܶܣܪܳܐ ܘܰܕܡܳܐ܆ ܐܶܠܳܐ ܥܰܡ ܐܰܪ̈ܟ̥ܰܐܣ ܘܥܰܡ ܫܰܠܺܝ̈ܛܶܐ ܕ̥ܚܶܫܽܘ̇ܟ̥ܳܐ. ܐܰܝܟ̊ܰܢܳܐ ܕ̥ܰܐܠܶܦ ܠܰܢ ܫܠܺܝ̣ܚܳܐ ܐܰܠܳܗܳܝܳܐ[24]. ܘܰܐܟ̥ܙܢܳܐ ܗܳܟ̥ܺܝ̣ܠ ܕܰܐܝܠܶܝܢ ܕ̊ܰܒܕܰܪܳܐ ܕ̥ܰܩܪܳܒ̥ܳܐ ܩܳܝܡܺܝ̣ܢ܆ ܠܳܐ ܫܳܪܶܝܢ ܙܰܝܢܗܽܘ̇ܢ ܡܶܢܗܽܘ̇ܢ ܘܠܳܐ ܝܳܬ̥ܒ̊ܺܝ̣ܢ ܘܠܳܐ ܢܳܝܚܺܝ̣ܢ ܘܠܳܐ ܢܳܝܡܺܝ̣ܢ. ܐܶܠܳܐ ܕ̥ܰܒܥܺܝ̣ܪܽܘ̣ܬ̥ܳܐ ܢܳܛܪܺܝ̣ܢ ܕ̊ܠܳܐ ܢܶܬ̥ܢܰܟ̊ܽܘ̇ܢ ܡܶܢ ܒܥܶܠ̈ܕ̊ܒ̥ܳܒ̥ܰܝ̈ܗܽܘ̇ܢ ܟ̊ܽܠܶܗ ܙܰܒܢܳܐ ܕ̥ܰܣܕ̥ܺܝ̣ܪܺܝ̣ܢ ܠܰܩܪܳܒ̥ܳܐ ܗܳܟ̥ܰܢܐ ܙܳܕ̥ܶܩ ܠܶܗ ܠܕܰܝܪܳܝܳܐ ܕ̥ܰܠܒܺܝ̣ܫ ܟ̊ܽܘ̇ܬ̊ܺܝ̣ܢܳܐ ܕ̥ܺܐܝܬ̥ܶܝܗ̇ ܛܽܘ̣ܦ̥ܣܳܐ ܕ̥ܫܶܪܝܳܢܳܐ ܐܰܘܟ̊ܺܝܬ̥ ܙܰܪܕܳܐ ܕ̥ܠܳܒܶܫ ܦܳܠܚܳܐ ܘܺܐܝܬ̥ ܒܪܺܝܫܶܗ ܟ̊ܽܘܣܺܝܬ̥ܳܐ ܕ̥ܨܳܝܪܳܐ ܠܣܰܢܘܰܪܬ̊ܳܐ. ܘܰܡܥܰܛܰܦ ܫܰܕܳܝܳܐ ܒܰܕ̥ܡܽܘܬ̥ ܣܰܟ̊ܪܳܐ. ܕܶܢܗܘܶܐ ܥܺܝܪ ܪܶܥܝܳܢܶܗ ܕܗܽܘ ܐܺܝ̣ܬ̥ܰܘܗܝ ܣܰܝܦܳܐ ܘܪܽܘܡܚܳܐ ܕ̥ܰܒܗܽܘ̇ܢ ܩܳܛܶܠ ܠܡܰܩܪܒܳܢܳܐ. ܕܠܳܐ ܢܶܬ̥ܪܰܦܶܐ ܘܠܳܐ ܢܰܗܡܶܐ ܘܳܐܦܠܳܐ ܚܰܕ̥ ܥܶܕ̊ܳܢܳܐ ܡܶܛܽܠ ܕ̊ܠܳܐ ܕ̥ܳܡܶܟ̥ ܘܠܳܐ ܫܳܠܶܐ ܡܶܢ ܩܪܳܒ̥ܳܐ. ܘܝܰܬ̊ܺܝ̣ܪ ܡܶܢ ܟ̊ܽܠܗܽܘ̇ܢ ܒܢܰܝ̈ܢܳܫܳܐ ܥܰܡ ܕ̊ܰܝܪ̈ܳܝܶܐ ܐܺܝ̣ܬ̥ܰܘܗ̱ܝ ܩܪܳܒ̥ܶܗ. ܥܰܠ ܕ̊ܰܦܪܰܫܘ ܢܰܦܫܗܽܘ̇ܢ ܠܰܐܠܳܗܳܐ ܘܰܠܒܶܫܘ ܐܶܣܟ̊ܺܝܡܳܐ ܕ̥ܡܰܩܪܒܳܢܳܐ. ܡܰܩܪܒܺܝ̣ܢ ܥܰܡܗܽܘ̇ܢ ܫܺܐܕ̈ܐ ܟ̥ܰܕ̥ ܡܫܰܕ̊ܠܺܝ̣ܢ ܠܗܽܘ̇ܢ ܒܰܪ̈ܓ̥ܺܝܓ̥ܳܬ̥ܳܐ ܕ̥ܒܶܣܪܳܐ ܘܒܰܙ̈ܢܰܝܳܐ ܣܰܓ̊ܺܝ̈ܐܶܐ ܕ̥ܚܰܫ̈ܐ ܫܟ̥ܺܝ̣ܪ̈ܶܐ ܐܰܝܟ̊ܰܢܳܐ ܕ̥ܰܢܨܽܘ̣ܕ̥ܽܘ̣ܢ ܐܶܢܽܘ̇ܢ ܐܰܝܟ̥ ܕ̊ܰܠܦܳܪ̈ܚܳܬ̥ܳܐ ܒܠܶܩܛܳܐ. ܐܶܡܰܬ̊ܝ ܕ̊ܶܝܢ ܕ̊ܚܳܙܶܝܢ ܠܶܗ ܠܕ̥ܰܝܪܳܝܳܐ ܕ̥ܚܺܝ̣ܨ ܘܥܺܝ̣ܪ ܘܰܐܡܺܝ̣ܢ ܒܨܰܘܡܳܐ ܘܒܰܨܠܽܘ̇ܬ̥ܳܐ ܘܰܒܫܰܗܪܳܐ܆ ܘܫܳܐܶܛ ܠܰܪ̈ܓ̥ܺܝܓ̥ܳܬ̥ܳܐ ܘܥܳܪܶܩ ܡܶܢ ܟ̊ܽܠ ܢܝܳܚ̈ܐ ܥܳܠ̈ܡܳܢܳܝܶܐ܆ ܘܰܙܗܺܝ̣ܪ ܘܰܚܦܺܝ̣ܛ ܠܡܶܛܰܪ ܘܠܰܡܫܰܡܠܳܝܽܘ̣ ܟ̥ܽܠܗܽܘ̇ܢ ܦܽܘ̣ܩ̈ܕ̊ܳܢܰܘܗ̱ܝ ܡܰܠ̈ܝܰܝ ܚܰܝܶـ̈ܐ ܕ̥ܰܡܫܺܝ̣ܚܳܐ ܐܰܠܳܗܳܐ܆ ܡܶܙܕ̊ܟ̥ܶܝܢ ܫܺܐܕ̈ܐ ܘܥܳܪܩܺܝ̣ܢ ܡܶܢܶܗ ܘܡܶܬ̊ܛܰܠܩܺܝ̣ܢ. ܐܰܝܟ̥ ܡܶܨܪ̈ܳܝܶܐ ܕ̥ܰܒܝܰܡܐ ܐܶܬ̊ܛܰܒܰܥܘ ܡܶܢ ܩܕ̥ܳܡ ܨܠܽܘ̇ܬ̥ܳܐ ܠܶܒܳܢܳܝܬ̊ܳܐ ܕ̥ܡܽܘ̣ܫܶܐ ܪܰܒ̊ܳܐ ܘܰܕ̥ܥܰܡܳܐ ܗܰܘ ܝܺܣܰܪܠܳܝܳܐ. ܡܶܛܽܠ ܗܳܕ̥ܶܐ ܚܙܺܝ ܚܰܒܺܝ̣ܒܰܢ ܟ̊ܰܕ̥ ܒܨܶܒܝܳܢܳܟ̥ ܝܰܗ̱ܒܬ̊ ܢܰܦܫܳܟ̥ ܘܰܠܒܶܫܬ̊ ܠܗܳܢܳܐ ܐܶܣܟ̊ܺܝܡܳܐ ܩܰܕ̊ܺܝ̣ܫܳܐ܆ ܘܰܟ̥ܕ̥ܰܢܬ̊ ܨܰܘܪܳܟ̥ ܒܗܳܢܳܐ ܢܺܝ̣ܪܳܐ ܚܰܠܝܳܐ ܘܒܰܣܺܝ̣ܡܳܐ ܕ̥ܰܡܫܺܝ̣ܚܳܐ ܐܰܠܳܗܳܐ. ܩܽܘ̣ܡ ܚܦܺܝ̣ܛܳܐܺܝ̣ܬ̥ ܘܛܰܪ ܩܢܽܘ̇ܡܳܟ̥ ܘܰܦܠܽܘ̇ܚ ܦܽܘ̣ܠܚܳܢܳܐ ܕ̥ܰܟ̥ܝܳܐ ܕ̥ܙܰܕܺܝ̣ܩܽܘ̣ܬ̥ܳܐ. ܟ̊ܰܕ̥ ܡܶܣܬ̊ܰܟ̊ܰܠ ܐܰܢ̱ܬ̊ ܘܰܡܗܰܝܡܢܰܬ̊ ܐܰܢ̱ܬ̊܆ ܕ̊ܰܐܠܳܗܳܐ ܐܺܝ̣ܬ̥ܰܘܗ̱ܝ ܦܽܘ̣ܠܚܳܢܳܟ̥܆ ܘܡܶܢܶܗ ܡܶܬ̥ܺܝܗܶܒ̥ ܠܳܟ̥ ܐܰܓ̥ܪܳܐ܆ ܘܦܳܪܰܥ ܠܳܟ̥ ܒܝܰܘܡܳܐ ܗܰܘ ܪܰܒ̊ܳܐ ܕ̥ܕ̥ܺܝ̣ܢܳܐ. ܒܟ̥ܺܐܢܽܘ̣ܬ̥ܳܐ ܕ̥ܺܝܠܶܗ ܐܰܠܳܗܳܝܬ̊ܳܐ. ܐܶܬ̥ܥܰܗܕ̥ ܡܳܕܶܝܢ ܐܰܚܽܘ̣ܢ܆ ܒܟ̥ܽܠܥܶܕܳܢ ܠܩܰܘܡܳܐ ܕ̥ܰܩܕ̥ܳܡ ܗܳܝ ܒܺܐܡܰܐ ܕ̥ܚܺܝ̣ܠܬ̊ܳܐ ܕ̥ܰܐܠܳܗܳܐ. ܠܢܰܗܪܳܐ ܕ̥ܢܽܘ̣ܪܳܐ ܕ̥ܰܢܛܺܝ̣ܪ ܠܪ̈ܰܫܺܝ̣ܥܶܐ ܘܰܠܗܽܘ̇ܢ ܠܫܺܐܕ̈ܶܐ. ܠܚܽܘ̣ܪܳܩ ܫܶܢ̈ܐ܆ ܠܚܶܫܽܘ̇ܟ̥ܳܐ ܒܰܪܳܝܳܐ܆ ܠܰܐܣܽܘܪ̈ܶܐ ܕ̥ܺܐܝ̈ܕ̥ܰܝ̈ܐ ܘܰܕܪ̈ܶܓ̥ܠܶܐ܆ ܠܬ̥ܶܢ̈ܚܳܬ̥ܳܐ ܠܳܐ ܡܰܘܬ̊ܪ̈ܳܢܝܳܬ̥ܳܐ܆ ܘܰܠܥܳܩܬ̥ܳܐ ܗܳܝ ܕ̊ܠܳܐ ܫܽܘ̣ܠܳܡ܆ ܠܒܶܗܬ̊ܬ̥ܳܐ ܠܳܐ ܡܶܣܬ̊ܰܝܒܪܳܢܺܝ̣ܬ̥ܳܐ ܕ̥ܗܳܘܝܳܐ܆ ܟ̊ܰܕ̥ ܡܶܬ̥ܓ̊ܰܠ̈ܝܳܢ ܟ̊ܰܣ̈ܝܳܬ̥ܳܐ ܠܟ̥ܽܠܗܽܘ̇ܢ ܣܳܥܪ̈ܰܝ ܒܺܝ̈ܫܳܬ̥ܳܐ. ܕ̊ܡܶܛܽܠ ܗܳܠܶܝܢ ܟ̊ܽܠܗܶܝܢ ܙܳܕ̥ܶܩ ܠܳܟ̥ ܐܳܘ̃ ܒܰܪܢܳܫܳܐ ܕ̥ܰܦܪܰܫ ܢܰܦܫܶܗ ܠܡܶܦܠܰܚ ܠܰܐܠܳܗܳܐ. ܕ̊ܬ̥ܶܩܢܶܐ ܒܟ̥ܽܠ ܙܢܺܝ̈ܢ ܡܰܟ̊ܺܝ̣ܟ̥ܽܘܬ̥ܳܐ ܫܰܪܺܝ̣ܪܬ̊ܳܐ ܘܝܰܬ̊ܺܝ̣ܪܳܐܺܝ̣ܬ̥ ܒܠܶܒܳܐ. ܐܰܝܟ̊ܰܢܳܐ ܕ̥ܣܳܟ̥ ܠܳܐ ܬ̥ܶܚܫܽܘ̇ܒ ܢܰܦܫܟ̥ ܐܶܠܳܐ ܥܰܦܪܳܐ ܘܩܶܛܡܳܐ ܘܬ̥ܰܘܠܥܳܐ ܐܰܝܟ̥ ܕ̊ܰܟ̥ܬ̥ܺܝ̣ܒ̥. ܘܕܰܒܨܺܝ̣ܪ ܘܫܺܝ̣ܛ ܡܶܢ ܟ̊ܽܠܗܽܘ̇ܢ ܒܢܰܝ̈ܢܳܫܳܐ. ܐܶܬ̥ܗܰܓ̊ܳܐ ܒܟ̥ܽܠܥܶܕܳܢ ܒܬ̥ܰܫܥ̈ܝܳܬ̥ܳܐ ܕ̥ܩܰܕ̊ܺܝ̣̈ܫܶܐ. ܘܰܗܘܺܝ ܡܕ̥ܰܡܶܐ ܒܕ̥ܽܘ̣ܒܳܪ̈ܰܝܗܽܘ̇ܢ܆ ܝܺܠܰܦ ܡܰܟ̊ܺܝ̣ܟ̥ܽܘ̣ܬ̥ܳܐ ܡܶܢ ܡܽܘܫܶܐ. ܗܰܘ ܕ̊ܟ̥ܰܕ̥ ܪܰܒ ܗ̱ܘܳܐ ܘܰܡܥܰܠܰܝ ܡܶܢ ܟ̊ܽܠܶܗ ܥܰܡܳܐ. ܡܰܟ̊ܺܝ̣ܟ̊ ܗ̱ܘܳܐ ܒܠܶܒܶܗ ܝܰܬ̊ܺܝ̣ܪ ܡܶܢ ܟ̊ܽܠܗܽܘ̇ܢ. ܡܰܠܽܘ̇ܢ ܕ̊ܶܝܢ܆ ܫܡܰܥ ܠܰܡܫܺܝ̣ܚܳܐ ܕ̥ܳܐܡܰܪ: ܕܺܝܠܰܦܘ ܡܶܢܝ̱ ܕܢܺܝ̣ܚܳܐ ܐܺܝ̣ܬ̥ܰܝ ܘܡܰܟ̊ܺܝ̣ܟ̥ܳܐ ܒܠܶܒܳܐ. ܘܬ̥ܶܫܟܚܽܘ̣ܢ ܠܢܰܦ̈ܫܳܬ̥ܟ̥ܽܘ̇ܢ ܢܝܳܚܬ̊ܳܐ ܘܰܒܗܺܝ̣ܠܽܘ̣ܬ̥ܳܐ ܡܫܰܡܠܰܝܬ̊ܳܐ[25]. ܝܺܠܰܦ ܕܰܟ̥ܝܽܘ̣ܬ̥ܳܐ ܘܡܶܫܬ̊ܰܡܥܳܢܽܘ̣ܬ̥ܳܐ ܡܶܢ ܝܽܘ̇ܚܰܢܢ܆ ܘܰܬ̥ܪܺܝ̣ܨܽܘ̣ܬ̥ܳܐ ܡܶܢ ܐܶܠܺܝܳܐ. ܘܫܰܪܺܝ̣ܪܽܘ̣ܬ̥ܳܐ ܡܶܢ ܐܶܠܺܝܫܳܥ. ܘܰܡܣܰܪܩܽܘ̣ܬ̥ܳܐ ܡܶܢ ܫܠܺܝ̣̈ܚܶܐ. ܘܰܡܣܰܝܒܪܳܢܽܘ̣ܬ̥ܳܐ ܡܶܢ ܐܺܝ̣ܽܘܒ. ܘܢܰܓ̊ܺܝ̣ܪܽܘ̣ܬ̥ ܪܽܘ̣ܚܳܐ ܡܶܢ ܕ̊ܰܘܺܝܕ̥. ܘܫܰܪܟ̊ܳܐ ܕ̥ܟ̥ܽܠܗܽܘ̇ܢ ܐܰܒܳܗ̈ܬ̥ܳܐ ܩܕ̊ܺܝ̣̈ܫܶܐ. ܝܺܠܰܦ ܬ̊ܽܘ̣ܒ̥ ܘܰܠܦܽܘ̣ܩܕ̊ܳܢܳܐ ܕ̥ܶܐܬ̥ܶܐܡܰܪ ܡܶܢ ܐܰܠܳܗܳܐ ܠܚܰܕ̥ ܡܶܢ ܐܰܒܳܗ̈ܬ̥ܐ ܕ̥ܫܰܐܶܠ ܘܶܐܡܰܪ: ܡܳܢܳܐ ܐܶܥܒ̊ܶܕ̥. ܘܶܐܬ̥ܶܐܡܰܪ ܠܶܗ ܕ̊ܰܥܪܽܘܩ ܡܶܢ ܥܳܠܡܳܐ ܘܶܐܬ̥ܚܰܣܢ ܒܫܶܬ̥ܩܳܐ ܘܰܒܫܶܠܝܐ[26]. ܘܰܣܢܺܝ ܘܰܐܣܠܳܐ ܘܰܕ̥ܚܽܘ̇ܩ ܘܰܐܪܚܶܩ ܘܶܐܙܕ̊ܰܗܪ ܡܶܢ ܡܥܰܩܡܽܘ̣ܬ̥ܳܐ܆ ܘܡܶܢ ܓ̊ܽܘܡܕ̊ܳܢܽܘ̣ܬ̥ܳܐ. ܘܡܶܢ ܛܰܡܐܽܘ̣ܬ̥ܳܐ. ܘܡܶܢ ܐܳܣܽܘ̇ܛܽܘ̣ܬ̥ܳܐ. ܘܡܶܢ ܪܰܘܳܝܽܘ̣ܬ̥ܳܐ. ܘܡܶܢ ܥܳܠ̈ܡܳܢܳܝܳܬ̥ܳܐ. ܡܶܢ ܓ̊ܽܘ̣ܚܟ̊ܳܐ ܠܳܐ ܟ̥ܢܺܝ̣ܟ̥ܳܐ. ܡܶܢ ܡܰܪܡܝܳܢܽܘ̣ܬ̥ܳܐ ܕ̥ܒܶܝܬ̥ ܐܰܚ̈ܐ. ܟ̊ܰܕ̥ ܡܶܬ̥ܥܗܶܕ̥ ܐܰܢ̱ܬ̊ ܘܠܳܐ ܛܳܥܶܐ ܐܰܢ̱ܬ̊. ܕ̊ܚܰܝܳܒ ܒܰܪܢܳܫܳܐ ܕ̥ܢܶܩܢܶܐ ܗܰܝܡܳܢܽܘ̣ܬ̥ܳܐ ܫܰܪܺܝ̣ܪܬ̊ܳܐ ܒܢܰܦܫܗ. ܘܰܫܪܳܪܳܐ ܒܠܶܫܳܢܶܗ ܘܰܒܠܶܒܶܗ. ܘܩܰܕ̊ܺܝ̣ܫܽܘ̣ܬ̥ܳܐ ܒܦܰܓ̥ܪܶܗ. ܘܙܳܕ̥ܶܩ ܠܶܗ ܠܕ̥ܰܝܪܳܝܳܐ ܕ̥ܰܒܟ̥ܽܠܙܒܰܢ ܢܺܝ̣ܚܳܐ ܘܰܡܫܰܝܢܳܐ. ܐܰܝܟ̊ܰܢܳܐ ܕ̥ܢܶܗܘܶܐ ܒܶܝܬ̥ ܡܰܥܡܪܳܐ ܠܶܗ ܠܰܐܠܳܗܳܐ ܕ̥ܳܐܡܰܪ: ܕ̊ܰܒܡܰܢܽܘ ܐܶܚܽܘ̇ܪ ܘܶܐܥܡܰܪ. ܐܶܠܳܐ ܒܢܺܝ̣ܚܳܐ ܘܰܒܡܰܟ̊ܺܝ̣ܟ̥ܳܐ ܘܰܒܒܰܣܺܝ̣ܡܳܐ ܘܰܕܙܳܐܰܥ ܡܶܢ ܡܶܠܰܬ̥ܝ[27]. ܪܶܚܡܬ̥ܶܗ ܓ̊ܶܝܪ ܕ̊ܥܳܠܡܳܐ ܗܳܢܳܐ܆ ܒܥܶܠܕ̊ܒ̥ܳܒ̥ܽܘ̣ܬ̥ܳܐ ܗ̱ܝ ܠܘܳܬ̥ ܐܰܠܳܗܳܐ ܐܰܝܟ̊ܰܢܳܐ ܕ̥ܰܟ̥ܬ̥ܺܝ̣ܒ̥[28]. ܒܝܰܕ̊ ܕ̊ܠܳܐ ܡܶܫܟ̊ܰܚ ܥܰܒ̥ܕ̊ܳܐ ܠܰܡ ܠܡܶܦܠܰܚ ܠܰܬ̥ܪܶܝܢ ܡܳܪ̈ܰܘܳܢ ܐܰܝܟ̊ܰܢܳܐ ܕ̥ܗܽܘ ܡܳܪܝܳܐ ܐܳܡܰܪ ܠܰܢ[29]. ܗܳܝ ܕ̊ܠܳܐ ܡܶܫܟܚܺܝܬ̊ܽܘ̇ܢ ܠܡܶܦܠܰܚ ܠܰܐܠܳܗܳܐ ܘܰܠܡܳܡܽܘ̇ܢܳܐ. ܡܶܛܽܠܗܳܕܶܐ ܙܳܕ̥ܶܩ ܠܳܟ̥ ܐܳܘ̃ ܕ̊ܰܝܪܳܝܳܐ ܕ̥ܬ̥ܶܗܘܶܐ ܡܶܬ̊ܕ̊ܟ̥ܰܪ ܠܗܳܠܶܝܢ ܦܽܘ̣ܩ̈ܕ̊ܳܢܶܐ ܐܰܡܺܝ̣ܢܳܐܺܝ̣ܬ̥. ܘܬ̥ܶܗܘܶܐ ܡܨܰܠܶܐ ܘܒܳܟ̥ܶܐ ܘܡܶܬ̥ܟ̊ܰܫܰܦ ܒܠܺܠܝܳܐ ܘܒܺܐܝܡܳܡܳܐ ܟ̥ܰܕ̥ ܒܳܥܶܐ ܐܰܢ̱ܬ̊ ܡܶܢ ܐܰܠܳܗܳܐ ܕ̥ܢܺܐܬ̥ܶܐ ܠܺܐܝܳܠܳܟ̥ ܘܰܢܥܰܕ̊ܪܳܟ̥ ܒܰܐܓ̥ܽܘܢܳܐ. ܡܶܛܠ ܕ̊ܒܶܠܥܳܕ̥ ܥܽܘ̣ܕ̥ܪܳܢܳܐ ܕ̥ܰܐܠܳܗܳܐ܆ ܠܳܐ ܡܶܬܓ̊ܰܡܪ̈ܳܢ ܡܝܰܬ̊ܪ̈ܳܬ̥ܳܐ. ܩܢܺܝ ܪܶܚܡܰܬ̥ ܐ̱ܢܳܫܽܘ̣ܬ̥ܳܐ ܠܘܳܬ̥ ܟ̊ܽܠ ܐ̱ܢܳܫ. ܘܚܽܘ̣ܒܳܐ ܫܰܪܺܝ̣ܪܳܐ ܘܪ̈ܰܚܡܶܐ ܘܚܰܝܽܘܣܬ̥ܳܢܽܘ̣ܬ̥ܳܐ ܠܘܳܬ̥ ܟ̊ܽܠܗܽܘ̇ܢ ܐܰܚ̈ܐ ܕ̥ܥܳܡܰܪ ܐܰܢ̱ܬ̊ ܠܘܳܬ̥ܗܽܘ̇ܢ. ܟ̊ܰܕ̥ ܢܳܛܰܪ ܐܰܢ̱ܬ̊ ܒܗܰܝܡܳܢܽܘ̣ܬ̥ܳܐ ܠܟ̥ܽܠܗܽܘ̇ܢ ܩܳܢܽܘ̈ܢܶܐ ܘܛܶܟ̊ܣ̈ܶܐ ܩܰܕ̊ܺܝ̣̈ܫܶܐ ܕ̥ܕܰܝܪܳܐ ܕ̥ܒܳܗ̇ ܡܶܬ̊ܬ̊ܰܠܡܰܕ̥ ܐܰܢ̱ܬ̊. ܘܰܐܝܟ̊ܳܐ ܕ̥ܡܶܬ̊ܬ̊ܰܟ̥ܣܢܰܢ ܐܰܢ̱ܬ̊. ܐܰܝܟ̊ܰܢܳܐ ܕ̥ܠܳܐ ܟ̥ܰܕ̥ ܥܶܠܬ̥ܳܐ ܠܰܫܪܳܝܳܐ ܕ̥ܚܰܕ̥ ܡܶܢ ܩܳܢܽܘ̈ܢܶܐ ܕ̥ܰܡܛܰܟ̊ܣܺܝܢ ܠܰܐܒܳܗ̈ܬܐ ܗܳܘܶܐ ܐܰܢ̱ܬ̊. ܠܡܰܪܫܽܘ̣ܬ̥ܳܐ ܬ̥ܶܥܽܘ̇ܠ ܩܕ̥ܳܡ ܒܺܐܡܰܐ ܕ̥ܰܡܫܺܝ̣ܚܳܐ. ܒܝܰܘܡܳܐ ܗܰܘ ܕܚܺܝ̣ܠܳܐ. ܒܟ̥ܽܠ ܥܶܕܳܢ ܗܘܰܝܬ̊ ܪܳܗܶܛ ܠܩܳܠܳܐ ܕ̥ܢܳܩܽܘܫܳܐ ܟ̥ܰܕ̥ ܐܳܡܰܪ ܐܰܢ̱ܬ̊ ܗܳܝ ܕ̊ܡܰܙܡܽܘ̇ܪܳܐ. ܕܰܚܕ̥ܺܝܬ̥ ܟ̊ܰܕ̥ ܐܳܡܪܺܝܢ ܗ̱ܘܰܘ ܠܺܝ ܕ̥ܰܠܒܰܝܬ̊ܶܗ ܕ̊ܡܳܪܝܳܐ ܐܳܙܺܠ̱ܝܢܰܢ[30]. ܘܙܶܠ ܒܚܰܕ̥ܽܘ̣ܬ̥ܳܐ ܘܩܽܘ̣ܡ ܒܬ̥ܶܫܡܶܫܬ̊ܳܐ ܟ̥ܰܕ̥ ܐܰܣܺܝ̣ܪ ܪܶܥܝܳܢܳܟ̥ ܒܰܐܠܳܗܳܐ ܘܰܒܫܶܡܥܳܐ ܕ̥ܰܟ̥ܬ̥ܳܒ̈ܐ. ܘܚܰܘܪܳܐ ܕ̥ܥܰܝܢܰܝ̈ܟ̊ ܢܶܗܘܶܐ ܡܰܩܶܬ̥ ܒܰܐܪܥܳܐ ܢܰܟ̥ܦܳܐܺܝ̣ܬ̥ ܘܰܟ̥ܢܺܝ̣ܟ̥ܳܐܺܝ̣ܬ̥. ܐܰܝܟ̊ܰܢܳܐ ܕ̥ܠܳܐ ܒܝܰܕ̥ ܚܰܘܪܳܐ ܕ̥ܰܠܟ̥ܳܐ ܘܰܠܟ̥ܳܐ ܢܶܦܗܶܐ ܪܶܥܝܳܢܳܐ ܘܠܳܐ ܢܺܐܬ̊ܰܪ ܡܶܕ̊ܶܡ ܡܶܢ ܥܰܡܠܳܐ ܕ̥ܩܰܘܡܳܐ. ܗܘܺܝ ܕ̥ܶܝܢ ܬ̊ܽܘܒ̥ ܕܰܚܘܺܝ̣ܚܳܐܺܝ̣ܬ̥ ܡܶܫܬ̊ܡܰܥ ܐܰܢ̱ܬ̊ ܘܰܡܫܰܡܠܶܐ ܦܽܘ̣ܩܕ̊ܳܢܳܐ ܕ̥ܰܐܒܽܘ̣ܟ̥ ܪܽܘ̣ܚܳܢܳܝܳܐ ܘܣܳܒܳܐ ܕ̥ܓ̥ܳܒܶܐ ܐܰܢ̱ܬ̊ ܕ̊ܢܶܗܘܶܐ ܠܳܟ̥ ܡܗܰܕ̊ܝܳܢܳܐ ܒܽܐܘ̣ܪܚܳܐ ܗܳܕ̥ܶܐ ܩܰܕ̊ܺܝ̣ܫܬ̊ܳܐ. ܘܗܺܝ ܛܰܝܒ̊ܽܘ̣ܬ̥ܳܐ ܐܰܠܳܗܳܝܬ̊ܳܐ ܬ̥ܶܬ̥ܠܰܘܶܐ ܠܳܟ̥ ܘܠܰܢ ܟ̊ܽܠܰܢ. ܕ̊ܳܐܦ ܚܢܰܢ ܚܠܳܦܰܝܟ̊ ܡܨܰܠܶܝܢܰܢ ܘܰܡܣܰܟ̊ܶܝܢܰܢ ܠܰܡܫܺܝ̣ܚܳܐ ܕ̥ܗܽܘ ܢܶܗܘܶܐ ܠܳܟ̥ ܥܳܕ̥ܽܘܪܳܐ ܘܰܡܫܰܘܙܒܳܢܳܐ ܕ̥ܡܶܢ ܒܺܝ̣̈ܫܳܬ̥ܳܐ. ܘܰܡܣܰܝܥܳܢܳܐ ܘܰܡܢܰܛܪܳܢܳܐ ܘܰܡܚܰܝܠܳܢܳܐ. ܘܰܢܒܰܪܶܟ̥ ܕ̊ܰܝܪܳܝܽܘ̣ܬ̥ܳܟ̥. ܘܰܢܫܰܘܙܶܒ ܘܰܢܢܰܛܰܪ ܐܶܣܟ̊ܺܝܡܳܟ̥ ܕ̥ܠܳܐ ܛܽܘ̣ܠܫܳܐ. ܟ̊ܰܕ̥ ܡܦܰܨܶܐ ܠܳܟ̥ ܡܶܢ ܟ̊ܽܠܗܽܘ̇ܢ ܦܰܚܰܘܗ̈ܝ ܒܺܝ̣̈ܫܶܐ ܕ̥ܳܐܟ̥ܶܠܩܰܪܨܳܐ ܘܓ̥ܶܐܪ̈ܰܘܗ̱ܝ ܝܳܩ̈ܕܶܐ. ܘܢܶܬ̊ܶܠ ܠܳܟ̥ ܕ̊ܬ̥ܶܛܰܪ ܦܽܘ̣ܩ̈ܕ̊ܳܢܰܘܗ̱ܝ ܘܰܢܚܰܝܠܳܟ̥ ܕ̊ܬ̥ܶܥܒܶܕ̥ ܨܶܒܝܳܢܶܗ ܐܰܡܺܝܢ[31].

ܐܶܣܬ̊ܰܟ̊ܠ ܕܶܝܢ ܒܶܪܝ܆ ܘܥܰܡܳܟ̥ ܟ̊ܽܠܗܽܘ̇ܢ ܫܳܡܽܘ̈ܥܶܐ ܢܶܫܬ̊ܰܘܕ̊ܥܽܘ̣ܢ ܕ̊ܡܳܢܳܐ ܐܺܝ̣ܬ̥ܶܝܗ̇ ܕ̊ܰܝܪܳܝܽܘ̣ܬ̥ܳܐ ܘܬ̥ܶܐܽܘ̇ܪ̈ܺܝܰܐܣ ܕ̊ܺܝܠܶܗ ܕ̊ܗܳܢܳܐ ܕ̥ܽܘ̣ܒܳܪܳܐ. ܩܰܕ̊ܺܝܡܽ ܗ̱ܘ ܓ̥ܶܝܪ ܦܽܘ̣ܠܚܳܢܳܐ ܕ̥ܕ̥ܰܝܪܳܝܽܘ̣ܬ̥ܳܐ ܡܶܢ ܛܽܘ̣ܟ̊ܳܣܳܐ ܕ̥ܶܐܣܟ̊ܺܡܳܐ ܕ̥ܕܰܝܪܳܝܽܘ̣ܬ̥ܳܐ. ܒܗܳܝ ܕ̊ܩܰܕ̥ܡܳܝ̈ܐ ܠܰܝܬ̊ ܗ̱ܘܳܐ ܒܙܰܒܢܗܽܘ̇ܢ ܥܕ̥ܰܟ̊ܺܝܠ ܗܳܢܳܐ ܐܶܣܟ̊ܺܡܳܐ ܟܰܕ̥ ܒܕ̥ܽܘ̣ܒܳܪ̈ܶܐ ܢܰܟ̥ܦ̈ܶܐ ܕ̥ܕܰܝܪܳܝܽܘ̣ܬ̥ܳܐ ܡܶܬ̊ܕ̊ܰܒܪܺܝܢ ܗ̱ܘܰܘ. ܚܢܽܘ̇ܟ̥܆ ܢܽܘ̇ܚ܆ ܡܰܠܟܺܝܙܕܶܩ܆ ܡܽܘ̣ܫܶܐ܆ ܝܶܫܽܘ̇ܥ ܒܰܪܢܽܘ̇ܢ܆ ܘܶܐܠܺܝܳܐ܆ ܘܶܐܠܺܝܫܳܥ܆ ܘܶܐܪܰܡܝܳܐ܆ ܘܕܳܢܺܝܐܶܝܠ ܘܣܰܓ̊ܺܝ̈ܐܶܐ ܕ̥ܰܐܟ̥ܘܳܬ̥ܗܽܘ̇ܢ. ܕ̊ܳܐܦܶܢ ܐܶܣܟ̊ܺܝܡܳܐ ܗܳܢܳܐ ܠܳܐ ܥܕ̥ܰܟ̊ܺܝܠ ܝܺܗܺܝ̣ܒ ܗ̱ܘܳܐ ܒܗܰܘ ܙܰܒܢܳܐ. ܐܶܠܳܐ ܒܰܢܙܺܝ̣ܪܽܘ̣ܬ̥ܳܐ ܘܥܳܢܘܳܝܽܘ̣ܬ̥ܳܐ ܘܟ̥ܺܐܢܽܘ̣ܬ̥ܳܐ ܘܙܰܕ̊ܺܝ̣ܩܽܘ̣ܬ̥ܳܐ ܘܩܰܕ̊ܺܝ̣ܫܽܘ̣ܬ̥ܳܐ ܡܶܬ̊ܕ̊ܰܒܪܺܝܢ ܗ̱ܘܰܘ. ܘܺܐܝܬ̥ ܡܶܢܗܽܘ̇ܢ ܕ̊ܳܐܦ ܒܬ̥ܽܘ̣ܠܽܘ̣ܬ̥ܳܐ ܢܛܰܪܘ ܒܦܰܓ̥ܪ̈ܰܝܗܽܘ̇ܢ. ܘܟ̥ܰܕ̊ ܕ̊ܢܰܚ ܦܳܪܽܘܩܳܐ ܕ̥ܟ̥ܽܠ ܡܫܺܝ̣ܚܳܐ܆ ܝܽܘ̇ܚܰܢܢ ܡܰܥܡܕ̥ܳܢܳܐ܆ ܘܰܫܠܺܝ̣̈ܚܶܐ ܩܰܕ̊ܺܝ̣̈ܫܶܐ܆ ܘܰܡܣܰܒܪ̈ܳܢܶܐ ܘܬ̥ܰܠܡܺܝ̣ܕ̥ܰܝ̈ܗܽܘ̇ܢ. ܠܶܗ ܠܗܳܢܳܐ ܕ̥ܽܘ̣ܒܳܪܳܐ ܩܰܕ̊ܺܝ̣ܫܳܐ ܕ̥ܕܰܝܪܳܝܽܘ̣ܬ̥ܳܐ ܐܳܚܕ̊ܺܝܢ ܗ̱ܘܰܘ. ܘܒܶܗ ܚܳܐܶܝܢ ܗ̱ܘܰܘ ܠܰܐܠܳܗܳܐ. ܗܳܝܕ̊ܶܝܢ ܗܽܘ ܡܳܪܝܳܐ ܐܰܠܳܗܳܐ ܫܰܟ̊ܶܢ ܥܰܡ ܫܰܪܟ̊ܳܐ ܕ̥ܛܰܝܒ̈ܘܳܬ̥ܳܐ ܘܳܐܦ ܐܶܣܟ̊ܺܝܡܳܐ ܗܳܢܳܐ ܕ̥ܰܠܒܽܘ̣ܫܳܐ ܕ̥ܰܝܪܳܝܳܐ ܒܙܰܒ̥ܢܳܐ ܗܰܘ ܕ̊ܰܐܢܛܽܘ̇ܢܺܝܽܘ̇ܣ ܪܰܒ̊ܳܐ. ܘܡܶܬ̥ܩܪܶܝܢ ܟ̊ܽܠܗܽܘ̇ܢ ܐܰܝܠܶܝܢ ܕ̊ܠܳܒܫܺܝܢ ܠܶܗ ܐܰܘܟ̊ܺܝܬ̥ ܡܶܫܬ̊ܘܶܝܢ ܠܶܗ ܕ̊ܰܝܪ̈ܳܝܶܐ ܘܒܶܝܬ̥ ܡܰܥܡܰܪܗܽܘ̇ܢ ܡܶܬ̥ܟ̊ܰܢܶܝܢ ܕ̊ܰܝܪ̈ܳܬ̥ܳܐ. ܟ̊ܰܕ̥ ܗܶܢܽܘ̇ܢ ܫܡܳܗ̈ܐ ܡܰܢ ܡܰܝܬ̊ܝܽܘ̣ܬ̥ܳܐ ܕ̥ܣܽܘ̣ܥܪ̈ܳܢܶܐ ܢܣܺܝ̣ܒܺܝ̣ܢ. ܕ̊ܰܝܪܳܐ ܓ̥ܶܝܪ ܛܝܳܪܳܐ ܡܶܬ̥ܦܰܫܩܳܐ. ܡܶܛܽܠ ܕ̊ܠܳܐ ܡܕ̥ܺܝܢ̱ܬ̊ܳܐ ܐܺܝ̣ܬ̥ܶܝܗ̇ ܘܠܳܐ ܩܪܺܝܬ̥ܳܐ. ܐܶܠܳܐ ܛܝܳܪܳܐ ܐܺܝ̣ܬ̥ܶܝܗ̇ ܪܽܘ̣ܚܳܢܳܝܳܐ. ܕ̊ܰܐܟ̥ܙܢܳܐ ܕ̥ܰܛܝܳܪܳܐ ܢܳܛܰܪ ܠܥܶܪ̈ܒܶܐ ܡܶܢ ܕ̊ܺܐܒ̈ܐ܆ ܗܳܟ̥ܰܢܳܐ ܕ̥ܰܝܪܳܐ܆ ܢܳܛܪܳܐ ܠܶܐܡܪ̈ܶܐ ܪ̈ܽܘ̣ܚܳܢܳܝܶܐ ܐܰܟ̥ܡܰܢ ܕ̊ܠܳܐ ܒܰܡܕ̥ܺܝܢ̱ܬ̊ܳܐ ܥܳܡܰܪ ܐܳܦܠܳܐ ܒܰܩܪܺܝܬ̥ܳܐ. ܘܡܶܛܽܠܗܳܕ̥ܶܐ ܠܳܐ ܡܕ̥ܺܝ̣ܢܳܝܳܐ ܡܶܬ̥ܟ̊ܰܢܶܐ ܐܳܦܠܳܐ ܩܽܘ̣ܪܝܳܝܳܐ. ܬ̊ܚܽܘ̣ܡܳܐ ܕ̥ܶܝܢ ܕ̊ܕܰܝܪܳܝܽܘ̣ܬ̥ܳܐ ܐܺܝ̣ܬ̥ܰܘܗܝ: ܥܨܳܬ̥ܳܐ ܩܛܺܝ̣ܪܳܝܬ̊ܳܐ ܕ̥ܰܟ̥ܝܳܢܳܐ. ܒܰܐܡܺܝ̣ܢܽܘ̣ ܓ̥ܶܝܪ ܚܰܝܳܒ ܕܰܝܪܳܝܳܐ ܕ̥ܢܶܥܨܶܐ ܠܰܟ̥ܝܳܢܳܐ ܟ̥ܰܕ̥ ܡܰܩܪܶܒ ܘܛܳܪܶܕ̥ ܠܟ̥ܽܠ ܡܶܕ̊ܶܡ ܕ̊ܪܳܐܶܓ̥ ܟ̊ܝܳܢܳܐ ܒܶܣܪܳܢܳܐܺܝ̣ܬ̥. ܘܰܡܥܰܨܰܪ ܠܶܗ ܠܦܰܓ̥ܪܳܐ ܒܨܰܘܡܳܐ ܘܒܰܨܠܽܘ̇ܬ̥ܳܐ ܘܫܰܗܪܳܐ ܘܩܰܘܡܳܐ. ܒܰܫܠܳܚܳܐ ܓ̥ܶܝܪ ܕ̊ܫܳܠܰܚ ܗܰܘ ܕ̊ܡܶܬ̥ܩܰܪܰܒ ܕ̊ܢܶܗܘܶܐ ܕ̥ܰܝܪܳܝܳܐ ܘܫܳܕ̥ܶܐ ܠܬ̥ܰܟ̥ܣܺܝ̣ܬ̥ܗ ܥܰܬ̊ܺܝ̣ܩܬ̊ܳܐ܆ ܫܳܠܰܚ ܘܫܳܕ̥ܶܐ ܡܶܢܶܗ ܠܒܰܪܢܳܫܳܐ ܥܰܬ̊ܺܝ̣ܩܳܐ. ܘܒܰܦܫܳܛܳܐ ܕ̥ܦܳܫܶܛ ܐܺܝ̣ܕ̥ܰܘ̈ܗ̱ܝ ܛܽܘ̣ܦ̥ܣܳܐ ܕ̥ܰܨܠܺܝ̣ܒ̥ܳܐ. ܢܳܩܶܦ ܠܰܡܫܺܝ̣ܚܳܐ ܐܰܠܳܗܳܐ ܕ̥ܰܦܫܰܛ ܐܺܝ̣ܕ̥ܰܘ̈ܗ̱ܝ ܒܰܙܩܺܝ̣ܦܳܐ. ܘܟ̥ܰܕ̥ ܐܳܡܰܪ ܕ̊ܶܐܢܳܐ ܨܒܺܝܬ̥ ܕܶܐܬ̥ܩܰܪܰܒ ܠܰܐܠܳܗܳܐ[32]. ܡܣܰܗܶܕ ܥܰܠ ܢܰܦܫܗ ܕ̊ܰܒܨܶܒܝܳܢܶܗ ܪܳܗܶܛ ܘܳܐܬ̥ܶܐ ܕ̥ܢܶܛܥܰܢ ܠܢܺܝ̣ܪܳܐ ܗܳܢܳܐ ܩܰܕ̊ܺܝ̣ܫܳܐ ܘܠܰܘ ܒܰܩܛܺܝ̣ܪܳܐ. ܘܟ̥ܰܕ̥ ܡܶܬ̥ܚܬ̥ܶܡ ܥܰܠ ܒܶܝܬ̥ ܥܰܝ̈ܢܰܘܗ̱ܝ ܒܺܐܝ̈ܕ̥ܰܝ ܟ̊ܳܗܢܳܐ ܒܪܽܘ̣ܫܡܳܐ ܕ̥ܰܨܠܺܝ̣ܒ̥ܳܐ. ܗܳܘܶܐ ܕ̥ܚܺܝ̣ܠܳܐ ܥܰܠ ܫܺܐܕ̈ܐ ܒܺܝ̣̈ܫܶܐ ܕ̥ܥܳܪܩܺܝܢ ܘܪܳܥܠܺܝܢ ܡܶܢܩܕ̥ܳܡ ܚܰܝܠܶܗ ܕ̊ܰܨܠܺܝ̣ܒ̥ܳܐ ܣܓ̥ܺܝ̣ܕ̥ܳܐ ܘܣܽܘ̣ܦ̊ܳܪܐ ܬ̥ܽܘܒ̥ ܕ̊ܣܰܥܪܳܐ ܡܫܰܘܕ̊ܰܥ: ܕ̊ܫܳܕ̥ܶܐ ܡܶܢܶܗ ܠܡܺܝ̣ܬ̥ܽܘ̣ܬ̥ܳܐ ܕ̥ܰܚܛܺܝ̣ܬ̥ܐ. ܐܶܣܬ̊ܰܟ̊ܠ ܗܳܠܶܝܢ ܐܳܘ̃ ܕܰܝܪܳܝܳܐ ܘܕ̥ܰܥ. ܕ̊ܰܒܝܰܕ̥ ܫܽܘ̣ܚܠܳܦ̥ܳܐ ܕ̥ܰܠܒܽܘ̣ܫܳܟ̥܆ ܕ̊ܗܳܐ ܠܒܺܝ̣ܫ ܐܰܢ̱ܬ̊ ܠܗܳܢܳܐ ܐܶܣܟ̊ܺܝܡܳܐ. ܙܳܕ̥ܶܩ ܠܳܟ̥ ܕ̊ܰܬ̥ܫܰܚܠܶܦ ܕ̊ܽܘ̣ܒܳܪ̈ܰܝܟ̊ ܥܳܠ̈ܡܳܢܳܝܶܐ ܠܘܳܬ̥ ܕܽܘ̣ܒܳܪ̈ܶܐ ܛܳܒ̈ܐ ܘܪ̈ܽܘ̣ܚܳܢܳܝܶܐ. ܒܝܰܕ̥ ܓ̊ܶܝܪ ܡܣܰܡܥܠܳܢܽܘ̣ܬ̥ܳܐ ܕ̥ܬ̥ܰܟ̥ܣܺܝ̣ܬ̥ܳܐ܆ ܐܰܒܺܝ̣ܠܽܘ̣ܬ̥ܳܐ ܐܰܡܺܝ̣ܢܬ̊ܳܐ ܦܩܺܝܕ̥ ܐܰܢ̱ܬ̊ ܕ̊ܬ̥ܶܩܢܶܐ. ܐܰܝܟ̊ܰܢܳܐ ܕ̥ܰܬ̥ܩܰܒܶܠ ܠܛܽܘ̣ܒ̥ܳܐ ܪܰܒ̊ܳܐ ܕ̥ܰܟ̥ܬ̥ܺܝ̣ܒ̥ ܕ̊ܛܽܘ̣ܒ̥ܰܝܗܽܘ̇ܢ ܠܰܐܒܺܝ̣̈ܠܶܐ ܕ̥ܗܶܢܽܘ̇ܢ ܢܶܬ̥ܒܰܝܐܽܘ̇ܢ[33]. ܟ̊ܽܘܣܺܝ̣ܬ̥ܳܐ ܕ̥ܶܝܢ ܐܰܘܟ̊ܺܝܬ̥ ܣܰܢܘܰܪܬ̊ܳܐ ܪܽܘ̣ܚܳܢܳܝܬ̊ܳܐ܆ ܐ̱ܪܳܙܳܐ ܕ̥ܡܽܘ̣ܝܳܩܳܐ ܘܚܶܣܕ̊ܳܐ ܕ̥ܰܥܬ̥ܺܝܕ̥ ܐܰܢ̱ܬ̊ ܕ̊ܬ̥ܶܛܥܰܢ ܡܶܛܽܠ ܡܫܺܝ̣ܚܳܐ ܗܰܘ ܕ̊ܶܐܡܰܪ: ܕ̊ܛܽܘ̣ܒ̥ܰܝܟ̊ܽܘ̇ܢ ܐܶܡܰܬ̥ܝ ܕ̊ܰܡܚܰܣܕ̥ܺܝܢ ܠܟ̥ܽܘ̇ܢ ܘܪܳܕ̥ܦܺܝܢ ܠܟ̥ܽܘ̇ܢ ܡܶܛܽܠܳܬ̥ܝ[34]. ܘܬ̥ܽܘܒ̥ ܟ̊ܽܘܣܺܝ̣ܬ̥ܳܐ ܕ̥ܩܰܛܺܝ̣ܢ ܪܺܝܫܳܗ̇ ܘܰܦܬ̥ܶܐ ܫܽܘ̣ܠܳܡܳܗ̇܆ ܡܰܐܪܶܙ ܠܰܢ ܕ̊ܩܰܛܺܝ̣ܢ ܘܰܡܙܰܩܰܦ ܫܽܘ̣ܪܳܝܶܗ ܕ̊ܬ̥ܽܘ̣ܠܡܳܕ̥ܳܐ. ܡܰܝܬ̊ܶܐ ܕ̥ܶܝܢ ܠܘܳܬ̥ ܪܘܰܚܬ̥ܳܐ ܘܰܢܝܳܚܬ̊ܳܐ ܒܫܽܘ̣ܠܳܡܶܗ. ܥܪܰܩܬ̥ܳܐ ܕ̥ܶܝܢ ܐܰܘܟ̊ܺܝܬ̥ ܐܶܣܳܪ ܚܰܨ̈ܶܐ܆ ܡܰܠܶܦ ܠܳܟ̥ ܕ̊ܬ̥ܶܗܘܶܐ ܡܛܰܝܰܒ ܠܰܩܪܳܒ̥ܳܐ ܕ̥ܥܰܡ ܫܺܐܕ̈ܐ. ܡܶܛܽܠ ܕܰܐܟ̥ܙܢܳܐ ܕ̥ܰܐܝܠܶܝܢ ܕ̊ܩܳܝܡܺܝܢ ܠܡܶܬ̥ܟ̊ܰܬ̊ܳܫܽܘ̣ ܒܰܩܪ̈ܳܒܶܐ ܡܶܬ̥ܪ̈ܰܓ̥ܫܳܢܶܐ ܟ̊ܰܕ̥ ܡܚܰܙܩܺܝܢ ܒܙܰܝܢܳܐ ܙܪܺܝ̣ܙܳܐܺܝ̣ܬ̥ ܩܳܝܡܺܝܢ. ܗܳܟ̥ܰܢܳܐ ܘܡܰܩܪܒܳܢܳܐ ܪܽܘ̣ܚܳܢܳܝܳܐ ܟ̥ܰܕ̥ ܐܰܣܺܝ̣ܪ̈ܳܢ ܚܰܨܰܘ̈ܗ̱ܝ ܒܪܽܘ̣ܚ܆ ܙܳܕ̥ܶܩ ܕ̊ܢܶܗܘܶܐ ܐܰܡܺܝ̣ܢܳܐܺܝ̣ܬ̥ ܐܰܝܟ̊ܰܢܳܐ ܕ̥ܳܐܦ ܗܽܘ ܡܳܪܰܢ ܐܶܡܰܪ: ܕ̊ܢܶܗܘܽܘ̇ܢ ܐܰܣܺܝ̣ܪܺܝ̣ܢ ܚܰܨܰܝ̈ܟ̊ܽܘ̇ܢ ܘܰܫܪ̈ܳܓ̥ܰܝܟ̊ܽܘ̇ܢ ܕ̊ܳܠܩܺܝܢ. ܘܬ̥ܽܘ̣ܒ̥ ܒܝܰܕ̥ ܐܶܣܳܪ ܚܰܨ̈ܶܐ: ܨܳܐܰܪ ܠܦ̥ܽܘܓܳ̊ܕ̥ܳܐ ܕ̥ܚܰܫܳܐ ܕ̥ܙܳܢܝܽܘ̣ܬ̥ܳܐ ܘܙܽܘ̣ܘܳܓ̥ܳܐ ܕ̥ܡܶܢ ܚܰܨܳܐ ܫܳܘܰܚ. ܘܥܰܠܗܳܕ̥ܶܐ ܠܳܐ ܫܳܪܶܐ ܚܰܨܰܘ̈ܗ̱ܝ ܕ̊ܰܝܪܳܝܳܐ. ܠܳܐ ܒܺܐܝܡܳܡܳܐ ܘܳܐܦܠܳܐ ܒܠܺܠܝܳܐ ܟ̥ܰܕ̥ ܕ̊ܳܡܶܟ̥. ܘܰܒܝܰܕ̥ ܣܐܽܘ̇ܢܳܐ ܕ̥ܪ̈ܶܓ̥ܠܰܘܗ̱ܝ܆ ܡܰܣܐܢܺܝܢ ܠܶܗ ܠܕ̥ܰܝܪܳܝܳܐ܆ ܐܰܟ̥ܡܰܢ ܕ̊ܢܶܫܪܶܐ ܚܰܕ̥ܬ̥ܳܐܺܝ̣ܬ̥ ܕ̊ܢܶܪܕ̊ܶܐ ܒܽܐܘ̣ܪܚܳܐ ܕ̥ܩܰܕ̊ܺܝ̣ܫܽܘ̣ܬ̥ܳܐ ܕ̥ܰܢܕ̥ܽܘܫ ܠܟ̥ܽܠܶܗ ܚܰܝܠܶܗ ܕ̊ܳܐܟ̥ܠܩܰܪܨܳܐ ܗܰܘ ܕ̊ܶܐܫܬ̊ܰܡܰܗ ܚܘܰܘ̈ܬ̥ܳܐ ܘܥܶܩܰܪ̈ܒܶܐ. ܒܝܰܕ̥ ܨܠܺܝ̣ܒ̥ܳܐ ܕ̥ܶܝܢ ܕ̊ܛܳܥܶܢ ܥܰܠ ܟ̊ܰܬ̥ܦܶܗ ܡܚܰܘܶܐ܆ ܕ̊ܝܳܗܶܒ ܢܰܦܫܶܗ ܒܨܶܒܝܳܢܶܗ ܠܰܡܫܰܡܠܳܝܽܘ̣ ܦܽܘ̣ܩܕ̊ܳܢܶܗ ܕ̊ܰܡܫܺܝ̣ܚܳܐ ܕ̥ܶܐܡܰܪ: ܕ̊ܣܰܒ ܨܠܺܝ̣ܒ̥ܳܐ ܘܬ̥ܳܐ ܒܳܬ̥ܰܪܝ[35]. ܘܰܐܝܟ̊ܰܢܳܐ ܕ̥ܗܽܘ ܡܫܺܝ̣ܚܳܐ ܛܳܥܶܢ ܨܠܺܝ̣ܒ̥ܳܐ ܟ̥ܰܕ̥ ܢܳܦܶܩ ܗ̱ܘܳܐ ܡܶܢ ܐܽܘܪܺܫܠܶܡ. ܗܳܟ̥ܰܢܳܐ ܛܳܥܶܢ ܨܠܺܝ̣ܒ̥ܳܐ ܕ̥ܚܶܣܕ̊ܳܐ ܠܡܶܦܰܩ ܡܶܢ ܥܳܠܡܳܐ. ܘܰܒܗܳܝ ܬܽܘܒ ܕܶܐܬ̊ܬ̊ܫܺܝ̈ܓ̥ܶܝܢ ܪ̈ܶܓ̥ܠܰܘܗ̱ܝ ܒܡܰܝ̈ܐ. ܐܰܟ̥ܡܰܢ ܕ̊ܶܐܬ̊ܕ̊ܰܟ̊ܺܝ ܡܶܢ ܨܳܐܬ̥ܳܐ ܘܛܽܘ̣ܠܫܳܐ ܕ̥ܰܚܛܺܝ̣ܬ̥ܳܐ ܘܶܐܬ̥ܚܰܪܰܪ ܡܶܢ ܡܶܪܬ̥ܶܗ ܕ̊ܬ̥ܰܢܺܝ̣ܢܳܐ ܡܶܬ̥ܝܰܕ̥ܥܳܢܳܐ. ܘܰܐܝܟ̊ܰܢܳܐ ܕ̥ܰܫܠܺܝ̣̈ܚܶܐ ܩܰܕ̊ܺܝ̣̈ܫܶܐ ܐܶܬ̊ܬ̊ܫܺܝ̈ܓ̥ܶܝܢ ܪ̈ܶܓ̥ܠܰܝܗܽܘ̇ܢ ܒܥܶܠܺܝܬ̥ܳܐ ܕ̥ܐ̱ܪ̈ܳܙܶܐ ܡܶܢ ܦܳܪܽܘܩܰܢ ܟ̊ܰܕ̥ ܡܫܰܕ̊ܰܪ ܗ̱ܘܳܐ ܠܗܽܘ̇ܢ ܠܡܰܟ̥ܪܳܙܽܘ̣ ܣܒܰܪܬ̥ܶܗ ܒܥܳܠܡܳܐ. ܗܳܟ̥ܰܢܳܐ ܘܕ̥ܰܝܪܳܝܳܐ ܐܶܬ̊ܬ̊ܫܺܝ̈ܓܝ ܪ̈ܶܓ̥ܠܰܘܗ̱ܝ ܒܐ̱ܪܳܙܳܐ ܗܳܢܳܐ ܐܰܠܳܗܳܝܳܐ. ܒܝܰܕ̥ ܕ̊ܶܝܢ ܫܠܳܡܐ ܕ̥ܡܶܬ̥ܺܝܗܶܒ ܠܶܗ ܡܶܢ ܟ̊ܽܠܗܽܘ̇ܢ ܐܰܚ̈ܐ. ܡܶܬ̥ܶܐܪܶܙ ܫܠܳܡܳܐ ܕ̥ܗܳܘܶܐ ܠܶܗ ܠܘܳܬ̥ ܚܰܝ̈ܠܰܘܳܬ̥ܳܐ ܥܶܠܳܝ̈ܐ. ܗܳܢܽܘ̇ܢ ܕ̊ܚܰܕ̥ܽܘܬ̥ܳܐ ܗܳܘܝܳܐ ܠܗܽܘ̇ܢ ܥܰܠ ܚܰܛܳܝܐ ܕ̥ܬ̥ܳܐܶܒ[36]. ܠܗܳܠܶܝܢ ܐ̱ܪ̈ܳܙܳܢܳܝܳܬ̥ܳܐ ܟ̥ܰܕ̥ ܡܶܫܬ̊ܰܘܕ̊ܥܺܝܢܰܢ ܟ̊ܽܠܰܢ܆ ܢܫܰܒܰܚ ܠܰܡܫܺܝ̣ܚܳܐ ܐܰܠܳܗܳܐ ܘܠܰܐܒܽܘ̣ܗ̱ܝ ܘܰܠܪܽܘ̣ܚܶܗ ܩܰܕ̊ܺܝ̣ܫܳܐ. ܕ̊ܒܶܗܽ ܗ̱ܘ ܡܶܬ̥ܓ̊ܰܡܪܺܝܢ ܟ̊ܽܠܗܽܘ̇ܢ ܐ̱ܪ̈ܳܙܶܐ ܩܰܕ̊ܺܝ̣̈ܫܶܐ. ܐܰܝܟ̊ܰܢܳܐ ܕ̥ܰܠܣܰܓܺܝ̈ܐܶܐ ܡܶܢ ܐܰܒܳܗ̈ܬ̥ܳܐ ܩܰܕ̊ܺܝ̣̈ܫܶܐ ܘܚܰܙܳܝ̈ܐ ܕ̥ܰܓ̥ܢܺܝ̈ܙܳܬ̥ܳܐ ܐܶܬ̥ܓ̊ܠܺܝܘ. ܘܰܚܙܰܘ ܘܰܣܗܶܕ̥ܘ ܘܶܐܡܰܪܘ: ܕ̊ܪܽܘ̣ܚܳܐ ܩܰܕ̊ܺܝ̣ܫܳܐ ܗܰܘ ܕ̊ܰܚܙܰܘ ܕ̊ܢܳܚܶܬ̥ ܥܰܠ ܒܰܥܡܳܕ̥ܳܐ ܩܰܕ̊ܺܝ̣ܫܳܐ ܥܰܠ ܥܡܺܝ̣̈ܕ̥ܶܐ. ܠܶܗ ܟ̊ܰܕ̥ ܠܶܗ ܚܙܰܘ ܓ̊ܰܠܝܳܐܺܝ̣ܬ̊ ܕ̊ܢܳܚܶܬ̥ ܥܰܠ ܕ̊ܰܝܪ̈ܳܝܶܐ ܒܥܶܕ̊ܳܢܳܐ ܕ̥ܠܳܒܫܺܝܢ ܠܗܳܢܳܐ ܐܶܣܟܺܝܡܳܐ ܩܰܕ̊ܺܝ̣ܫܳܐ. ܒܰܕܓ̥ܽܘ̇ܢ܆ ܬ̊ܶܢܝܳܢܽܘ̣ܬ̥ ܘܰܬ̥ܠܺܝ̣ܬ̥ܳܐܺܝ̣ܬ̥ ܘܰܐܡܺܝ̣ܢܳܐܺܝ̣ܬ̥ ܢܫܰܒܰܚ ܠܰܐܒ̥ܳܐ ܘܠܰܒ̣ܪܳܐ ܘܰܠܪܽܘ̣ܚܳܐ ܩܰܕ̊ܝ̣ܫܳܐ. ܕ̊ܠܶܗ ܫܽܘ̣ܒ̥ܚܳܐ ܘܰܥܠܰܝܢ ܪ̈ܰܚܡܰܘܗ̱ܝ ܠܥܳܠܰܡ ܥܳܠܡܺܝ̣ܢ ܐܰܡܺܝ̣ܢ܀

ܫܠܶܡ ܬ̊ܽܘ̣ܪܓ̊ܳܡܳܐ ܕ̥ܣܽܘ̣ܦܳܪܳܐ ܕ̥ܰܐܡܺܝ̣ܪ ܠܡܽܘ̣ܫܶܐ ܒܰܪ ܟ̊ܺܐܦܳܐ ܨܠܽܘ̇ܬ̥ܶܗ ܥܰܡܰܢ ܐܰܡܺܝ̣ܢ܀



[1] ܒܪܝܬܐ 12: 1-9.

[2] ܡܢܝܢܐ 6: 1-8.

[3] ܬܢܝܢ 30: 15-20.

[4] 1ܫܡܘܐܝܠ 1: 21- 28.

[5] ܐܝܘܒ 22: 22-28.

[6] ܐܫܥܝܐ 18: 1-7.

 

[7] ܐܘܠ̈ܝܬܐ 3: 25- 35.

[8] ܐܣܝܪܐ 2: 1-13.

[9] 1ܦܛܪܘܣ 1: 13-25.

[10] ܩܘܠ̈ܣܝܐ 3: 1-17.

 

[11] ܠܘܩܐ 14: 25-35.

[12] ܠܘܩܐ 15: 1-10.

[13] ܙܟܪܝܐ 3: 1-8.

[14] ܠܘܩܐ 9: 62.

[15] ܐܣܝܪܐ 2: 1܆2.

 

[16] ܝܘܚܢܢ 13: 35.

 

[17] 1ܩܘܪ̈ܝܢܬܝܐ 13: 7-8.

[18] ܐܫܥܝܐ 64: 4. 1ܩܘܪ̈ܝܢܬܝܐ 2: 9.

[19] ܡܬܝ 11: 28-30.

[20] ܡܬܝ 19: 29. ܠܘ̣ܩܐ 14: 33.

[21] ܠܘ̣ܩܐ 14: 27.

[22] ܐܣܝܪܐ 2: 1.

[23] 1 ܦܛܪܘܣ 5: 8.

[24] ܐܦܣ̈ܝܐ 5: 12.

[25] ܡܬܝ 11: 28-30.

[26] ܦܪܕܝܣܐ ܕ̥ܐܒܗ̈ܬ̥ܐ܆ ܕ̄ 442.

[27] ܐܫܥܝܐ 66: 2.

[28] ܝܥܩܘܒ 4: 4.

[29] ܡܬܝ 6: 24. ܠܘ̣ܩܐ 16: 13.

[30] ܡܙܡܘ̇ܪܐ 122: 1.

[31] ܒܢܘܽܣܟ̥ܳܐ ܠܰܡ ܕܐܝܒܪܝܐ܆ ܗܳܢܳܐ ܬ̥ܘ̣ܪܓܳ̊ܡܳܐ ܦܣܺܝ̣ܩ ܠܰܬ̥ܪܶܝܢ. ܩܰܕ̥ܡܳܝܳܐ ܡܰܢ ܗܳܪܟ̊ܳܐ ܫܳܠܶܡ. ܘܳܐܡܰܪ.«ܗܳܢܘ ܦܳܣܘܩܐ ܩܰܕܡܳܝܐ ܕ̥ܬܘܪܓܳܡܐ ܩܕܡܳܝܐ ܗܳܢܐ ܕ̥ܡܶܬܩܪܶܐ ܩܕ̥ܳܡ ܬ̊ܘܠܒܳܫܐ ܕ̥ܐܣܟܝܡܐ ܩܰܕ̊ܺܝ̣ܫܳܐ ܕ̥ܕܰܝܪܳܝܘܬܐ. ܡܶܢ ܗܪܟܐ ܕ̥ܝܢ ܘܰܠܬܰܚܬ܆ ܦܣܘܩܐ ܬ̥ܪܰܝܳܢܐ ܕ̥ܬܘܪܓܳܡܐ ܥܠ ܬ̊ܶܐܘܪ̈ܝܐܣ ܕܝܠܗ ܕ̊ܐܣܟܝܡܐ ܩܰܕ̊ܺܝ̣ܫܳܐ ܕ̥ܕܝܪܝܘܬܐ»ܒܗܳܢܐ ܕ̥ܝܢ ܢܘܣܟܐ. ܚܕ ܩܶܛܥܐ ܐܝܬܘܗܝ. ܐܝܬ ܕ̊ܝܢ ܒܗ ܒܗܘ ܬܫܥܝ̈ܬܐ ܝܰܬܝܪ̈ܬܐ ܥܠ ܗܳܢܳܐ.

[32] ܡܙܡܘܪܐ 73: 28.

[33] ܡܬܝ 5: 4.

[34] ܡܬܝ 5: 11.

[35] ܡܪܩܘܣ 10: 21.

[36] ܠܘܩܐ 15: 7.