1: ܥܰܠ ܢܰܦܫܶܗ܆ ܟܰܕ ܡܶܢ ܫܽܘܪܳܝܳܐ ܩܳܡ ܘܶܐܬܳܐ ܠܪܺܝܫܳܢܽܘܬܳܐ ܘܰܠܟܽܘܪܣܝܳܐ ܫܠܺܝܚܳܝܳܐ ܕܥܺܕܬܳܐ ܕܰܐܢܛܺܝܽܘܟܳܝ̈ܶܐ܆ ܘܰܕܙܳܕܶܩ ܕܠܰܡܫܺܝܚܳܐ ܡܶܢ ܬܪܶܝܢ ܟܝܳܢ̈ܶܐ ܢܰܘܕܶܐ܆ ܚܰܕ ܡܳܪܝܳܐ ܚܰܕ ܒܪܳܐ܆ ܘܠܳܐ ܗ̱ܘܳܐ ܬܪܶܝܢ ܟܝܳܢ̈ܶܐ ܡܶܢ ܒܳܬܰܪ ܚܕܳܝܽܘܬܳܐ ܠܳܐ ܡܶܬܦܰܫܩܳܢܺܝܬܳܐ܆ ܘܠܽܘܩܒܰܠ ܡܰܣܒܪܳܢܽܘܬܳܐ ܕܠܳܐ ܐܰܠܳܗ ܕܶܐܘܛܶܘܟ̥ܶܐ. ܐܶܬܶܐܡܰܪ ܕܶܝܢ ܒܒܶܝܬ ܣܳܗܕ̈ܶܐ ܕܩܰܕܺܝܫܳܐ ܣܳܗܕܳܐ ܪܽܘܡܐܢܽܘܤ.
2: ܟܰܕ ܝܰܥܩܽܘܒ ܗܰܘ ܪܺܝܫ ܐܰܒܳܗ̈ܳܬܳܐ ܘܰܬܡܺܝܗܳܐ ܒܰܡܝܰܬܪܽܘܬܳܐ܆ ܡܰܫܩܶܠ ܗ̱ܘܳܐ ܒܰܙܒܰܢ ܠܘܳܬ ܐܰܬܪܳܐ ܗܰܘ ܕܰܒܡܶܨܥܰܬ ܢܰܗܪ̈ܰܘܳܬܳܐ܆ ܘܰܡܢܳܬܳܐ ܡܶܕܶܡ ܡܶܢ ܐܽܘܪܚܳܐ ܪܕܳܐ ܗ̱ܘܳܐ܆ ܘܰܠܘܳܬ ܫܶܢܬܳܐ ܐܶܬܗܰܦܰܟ܆ ܐܳܦ ܓܶܝܪ ܪܰܡܫܳܐ ܐܺܝܬܰܘܗ̱ܝ ܗ̱ܘܳܐ܆ ܘܰܠܘܳܬ ܗܳܕܶܐ ܩܳܪܝܳܐ ܗ̱ܘܳܬ ܠܶܗ ܝܰܬܺܝܪܳܐܺܝܬ ܠܶܐܘܬ݂ܳܐ ܕܡܰܪܕܺܝܬܳܐ ܕܽܐܘܪܚܳܐ܆ ܐܶܬܚܰܙܝܰܬ ܠܶܗ ܓܰܠܝܳܐܺܝܬ ܘܢܰܗܺܝܪܳܐܺܝܬ ܣܶܒܠܬܳܐ ܕܰܐܪܺܝܟܳܐ ܥܕܰܡܳܐ ܠܰܫܡܰܝܳܐ. ܕܰܩܒܺܝܥܳܐ ܗ̱ܘܳܬ ܡܰܢ ܥܰܠ ܐܰܪܥܳܐ܆ ܡܳܛܝܳܐ ܗ̱ܘܳܬ ܕܶܝܢ ܠܪܰܘܡܳܐ[1]܆ ܘܕܰܠܥܶܠ ܡܶܢܶܗ ܕܺܝܠܶܗ ܕܰܫܡܰܝܳܐ ܡܶܬܬܪܺܝܡܳܐ ܗܘܳܬ. ܣܡܺܝܟ ܗ̱ܘܳܐ ܕܶܝܢ ܥܠܶܝܗ̇………… ܐܰܝܟܰܢܳܐ ܕܳܐܡܰܪ ܟܬܳܒܳܐ………………………………………………………………………………………………………………………………………
6: ܠܰܐܒܳܐ ܘܰܠܢܰܦܫܶܗ ܘܰܠܪܽܘܚܳܐ ܩܰܕܺܝܫܳܐ܆ ܘܠܰܚܕܳܐ ܡܳܪܽܘܬܳܐ ܕܒܰܬܠܺܝܬܳܝܽܘܬܳܐ ܩܰܕܺܝܫܬܳܐ ܗܳܝ ܕܰܣܡܺܝܟܳܐ ܗ̱ܘܳܬ ܥܰܠ ܣܶܒܠܬܳܐ܆ ܗܳܝ ܕܒܺܐܝ̈ܕܶܗ ܐܶܬܬܰܠܘܰܘ ܗܳܠܶܝܢ ܐܰܪ̈ܥܳܢܝܳܬܳܐ ܠܘܳܬ ܗܳܠܶܝܢ ܫܡܰܝܳܢ̈ܝܳܬܳܐ.
7: ܡܶܛܽܠ ܗܳܕܶܐ. ܐܳܦ ܗܽܘ ܒܶܐܘܰܢܓܶܠܺܝ̈ܰܐ ܠܘܳܬ ܢܰܐܬܰܐܢܰܐܶܝܠ ܐܳܡܰܪ ܗ̱ܘܳܐ܆ “ܐܰܡܺܝܢ ܐܰܡܺܝܢ ܐܳܡܰܪ ܐ̱ܢܳܐ ܠܟ̣܆ ܕܬܶܚܙܽܘܢ ܠܰܫܡܰܝ̈ܳܐ ܕܰܦܬܺܝܚܺܢ܆ ܘܰܠ̈ܡܰܠܰܐܟ̣ܶܐ ܕܰܐܠܳܗܳܐ ܟܰܕ ܣܳܠܩܺܝܢ ܘܢܳܚܬ̊ܺܝܢ ܠܘܳܬ̣ ܒ̊ܪܶܗ ܕ̊ܐ̱ܢܳܫܳܐ[2].” ܘܬܽܘܒ ܐܶܢܳܐ ܐܺܝܬܰܝ ܬܰܪܥܳܐ. ܒܺܐܝ̈ܕܰܝ ܐܶܢ ܐ̱ܢܳܫ ܢܶܥܽܘܠ. ܢܶܬܦܪܶܩ. ܘܢܶܥܽܘܠ. ܘܢܶܦܽܘܩ. ܘܪܶܥܝܳܐ ܢܶܫܟܰܚ[3].
8: ܐܳܦ ܐܶܢܳܐ ܗܳܟܺܝܠ ܙܥܽܘܪܳܐ ܘܡܰܣܠܝܳܐ܆ ܠܳܐ ܝܳܕܰܥ ܐ̱ܢܳܐ. ܟܰܕ ܒܰܐܝܠܶܝܢ ܡ̈ܶܠܶܐ ܕܚܶܟܡܬܳܐ ܗܳܝ ܕܥܳܒܪܳܐ ܠܟܽܠ ܗܰܘܢܳܐ܆ ܠܡܰܘܬܒܳܐ ܗܳܢܳܐ ܟܳܗܢܳܝܳܐ ܐܶܬܬܰܝܬܺܝܬ݂܆ ܘܰܠܥܺܕܬܳܐ ܗܳܕܶܐ ܣܰܓܺܝܰܐܬ݂ ܒܢܰܝ̈ܢܳܫܳܐ ܘܕܰܒܪܽܘܚܳܐ ܪܳܬ݂ܚܳܐ ܚܳܙܶܐ ܐ̱ܢܳܐ܆ ܘܕܰܒܙܰܠܺܝ̈ܩܶܐ ܕܢܽܘܗܪܳܐ ܕܰܬܪܺܝܨܽܘܬ ܫܽܘܒܚܳܐ ܡܰܨܡܚܳܐ܆ ܠܡ̈ܶܠܶܐ ܕܝܰܥܩܽܘܒ ܪܺܝܫ ܐܰܒܳܗ̈ܳܬܳܐ ܒܙܰܒܢܗܶܝܢ ܐܶܬܶܥܗܶܕ ܘܺܐܡܰܪ܆ ܗܳܕܳܐ ܗ̱ܝ ܕܽܘܟܬܳܐ ܕܰܐܠܳܗܳܐ. ܘܗܳܢܰܐ ܗ̱ܘ ܬܰܪܥܳܐ ܕܰܫܡܰܝܳܐ[4]. ܗܳܕܶܐ………………………………………………………………………………………………………………………………………..