ܬܘܒ

ܟܬܒܝܢܢ ܟܬܒܐ ܕܨܦܢܝܐ ܢܒܝܐ

ܐܦ ܗ̇ܢܐ ܡ̣ܢ ܫܰܒܛܐ ܗܽܘ ܕܫܶܡܥܘܢ ܘܰܒܙܰܒܢܶܗ ܗܘܐ ܕܶܐܪܰܡܝܐ ܐܦ ܩܰܪܺܝܒ ܠܗ. ܘܟܕ ܡܺܝܬ ܐܶܬܩܒܰܪ ܒܚܰܩܠܗ ܒܰܠܚܽܘܕܰܘܗܝ܀ ܨܶܦܢܝܐ ܗ̄ ܕܰܘܩܐ ܕܡܳܪܝܐ܀

ܩܦܠܐܘܢ ܩܕܡܝܐ

2- ܡܥܒܳܪܘ ܡܰܥܒܰܪ ܐܢ݂ܐ ܟܠ ܡ̣ܢ ܐܰܦ̈ܝܗ̇ ܕܰܐܪܥܐ ܗ̄ ܠܟܠ ܕܫܳܪܶܟ ܡ̣ܢ ܚܰܪܒܐ ܕܐܬܘܪܝܐ ܒܚܰܪܒܐ ܕܒܳܒܠܳܝܐ ܐܰܘܒܕܺܝܘܗܝ܀ ܘܰܒܦܪܰܚܬܐ ܠܡܶܨ̈ܥܝܐ ܕܰܡܺܝ ܘܰܒܢܽܘܢ̈ܐ ܠܕܰܩ̈ܕܩܶܐ ܕܒܳܠܥܺܝܢ ܗܘܰܘ ܠܰܚ̈ܕܕܶܐ܀

4- ܕܟܽܘܡܪ̈ܶܐ ܥܡ ܕܟܗܢ̈ܐ ܗ̄ ܕܰܡܫܰܡܫܺܝܢ ܠܰܦܬܰܟܪ̈ܶܐ܀

8- ܠܒܽܘ̈ܫܶܐ ܢܽܘܟܪ̈ܝܶܐ ܗ̄ ܐܶܣܟܺܡ̈ܐ ܕܥܰܡܡ̈ܐ܀

10- ܡ̣ܢ ܬܰܪܥܐ ܕܨܰܝܕ̈ܐ ܗ̄ ܕܥܐܠܺܝܢ ܒܗ ܒܳܒ̈ܠܝܶܐ ܘܨܳܝܕܺܝܢ ܠܥܶܒܪ̈ܝܶܐ܀ ܘܰܬܒܳܪܐ ܡ̣ܢ ܪܳܡܬܐ ܗ̄ ܩܪܺܝܬܗ ܕܫܐܘܠ܀

11- ܥܡܽܘܪ̈ܝܗ̇ ܕܡܰܟܬܫ ܗ̄ ܕܐܘܪܫܠܶܡ: ܒܝܕ ܬܰܟܬܽܘܫܐ ܕܩܳܡ ܥܠܶܝܗ̇܀ ܡܛܠ ܕܬܘܰܪܘ ܟܠܗ ܥܰܡܐ ܕܰܟܢܥܰܢ ܗ̄ ܥܶܒܪ̈ܝܐ ܐܶܬܕܰܡܝܘ ܠܰܟܢܰܥܢܝ̈ܐ ܒܰܥܒܕܰܝ̈ܗܘܢ܀

17- ܘܒܶܣܪܗܘܢ ܐܝܟ ܟܒܰܝ̈ܐ ܗ̄ ܙܶܒܠܐ܀

ܩܦܠܐܘܢ ܬܪܝܢܐ

5- ܘܳܝ ܠܰܕܥܳܡܪܝܢ ܒܰܚܒܶܠ ܝܰܡܐ ܗ̄ ܦܢܺܝܬܐ ܕܡ̣ܢ ܐܪܥܐ ܕܰܦ̈ܠܶܫܬܝܶܐ ܕܰܗܘܬ ܡܢܳܬܐ ܕܝܐܝܪ ܒܰܪ ܡܢܰܫܶܐ ܒܰܣܦܳܪ ܝܰܡܐ܀

7- ܢܶܪܒܥܘܢ ܒܰܪܒܨ ܢܽܘܢ܀

9- ܡܠܘܚܗܶܝܢ ܗ̄ ܐܳܚܠܐ܀ ܘܠܡܶܕ̈ܝܰܢܝܶܐ ܩܳܪܐ ܟܽܘܫܝ̈ܐ ܒܰܕܫܒܳܒ̈ܝܢ܀

13- ܘܰܢܪܺܝܡ ܐܝ̣ܕܗ ܥܠ ܓܰܪܒܝܳܝܐ ܗ̄ ܒܳܒܠܝܐ ܥܠ ܐܬܘܪܝܐ ܘܢܒܰܛܶܠ ܡܰܠܟܘܬܗ܀

14- ܘܚܰܝܘ̈ܬܐ ܢܢܰܗ̈ܡܢ ܒܰܦܬܚ ܢܽܘܢ܀

15- ܘܒܶܝܬ ܡܰܪܒܳܥܐ ܒܰܙܩܦ ܒܶܝܬ܀

ܩܦܠܐܘܢ ܬܠܝܬܝܐ

4- ܢܒܺܝ̈ܝܗ̇ ܦܳܚܙܺܝܢ ܒܰܙܩܦ ܦܶܐ܀

5- ܒܨܰܦܪܐ ܘܰܒܨܰܦܪܐ ܕܺܝܢܰܘ̈ܗܝ ܗ̄ ܒܣܽܘܪܗܒܐ܀

9- ܣܶܦܬܐ ܓܒܺܝܬܐ ܗ̄ ܦܽܘܡܐ ܕܡܰܘܕܐ܀

15- ܐܱܥܒܰܪܝ ܕܺܝܢܰܝ̈ܟܝ ܒܰܚܒܨ ܕܳܠܰܕ ܗ̄ ܚܛܳܗܰܝ̈ܟܝ܀

ܫܠܡܬ݀ ܢܒܝܘܬܗ ܕܨܦܢܝܐ