ܟܬܒܐ ܕܢܒܝܘܬܗ ܕܡܠܐܟܝ

ܦܪܘܡܝܘܢ

ܗ̇ܢܐ ܒܳܬܪ ܦܽܘܢܝܐ ܐܶܬܝܠܶܕ. ܘܟܕ ܣܰܓܺܝ ܛܠܐܷ ܕܽܘܒܪܐ ܚܰܣܝܐ ܐܶܬܕܰܒܪ ܘܒܰܚܙܬܗ ܗܕܺܝܪ ܗܘܳܐ. ܘܥܰܠܗܕܐ ܒܫܶܡ ܡܰܠܐܟܐ ܐܶܬܟܰܢܝ. ܘܰܒܛܰܠܝܽܘܬܗ ܡܝ̣ܬ ܘܶܐܬܩܒܰܪ ܠܘܬ ܐܰܒܗܘ̈ܗܝ ܒܰܐܓܽܘܪܣܶܗ܀

ܩܦܠܐܘܢ ܩܕܡܝܐ

6- ܐܰܒܶܙܢ ܫܡܟ ܒܰܦܬܚ ܐܴܠܰܦ ܘܰܪܒܨ ܒܶܝܬ܀

7- ܠܰܚܡܐ ܛܰܢܦܐ ܗ̄ ܚܰܡܺܝܥܐ܀

10- ܡܰܢܘ ܐܝ̣ܬ ܒܟܘܢ ܕܢܶܐܚܽܘܕ ܬܰܪܥܝ ܗ̄ ܠܰܝܬ ܒܟܘܢ ܐܢܳܫ ܡ̇ܢ ܕܫܳܘܐ ܠܬܶܫܡܶܫܬܝ܀

13- ܡ̣ܢ ܚܛܽܘܦܝܐ ܗ̄ ܕܢܬܺܝܫ ܠܚܰܝܽܘܬ ܫܶܢܐ܀

ܩܦܠܐܘܢ ܬܪܝܢܐ

3- ܐܶܕܪܶܐ ܦܶܪܬܐ ܥܠ ܐܰܦܝ̈ܟܘܢ ܒܰܪܒܨ ܦܶܐ ܘܩܽܘܫܝ ܬܰܘ ܗ̄ ܙܶܒܠܐ ܕܗܳܘܐ ܒܦܰܣܘܪܐ܀ ܐܱܥܛܦܟܘܢ ܒܶܗܬܬܐ ܒܩܽܘܪ̈ܒܢܝܟܘܢ ܠܐ ܕܟܰܝ̈ܐ܀

7- ܡܛܠ ܕܣܶܦܘ̈ܬܗ ܕܟܳܗܢܐ ܢܶܛܪ̈ܢ ܝ̣ܕܰܥܬܐ ܘܢܳܡܘܣܐ ܫܐܠܺܝܢ ܡ̣ܢ ܦܽܘܡܗ: ܡܛܠ ܕܡܰܠܐܟܗ ܗܽܘ ܕܡܳܪܝܐ ܗ̄ ܥܠ ܪܰܒܽܘܬܐ ܕܟܳܗܢܘܬܐ ܡܰܠܦ܀

10- ܕܰܠܡܐ ܠܐ ܗܘܳܐ ܚܕ ܐܰܒܐ ܠܟܠܰܢ ܗ̄ ܠܐܒܘܢ ܩܰܕܡܝܐ ܐܳܕܳܡ ܕܡ̣ܢܗ ܐܶܬܡܠܝ ܥܳܠܡܐ ܡܰܝܬܶܐ ܬܰܚܘܺܝܬܐ ܒܩܽܘܦܚ ܗ̇ܢܘܢ ܕܟܕ ܡ̣ܢ ܢܶܫ̈ܝ ܛܰܠܝܽܘܬܗܘܢ ܣܒܥܺܝܢ: ܢܶܫ̈ܐ ܐܚܪ̈ܢܝܬܐ ܥܠܰܝܗܶܝܢ ܡܰܥܠܝܢ: ܘܰܒܪܓܬ ܝ̈ܰܠܕܐ ܕܰܓܳܠܐܝܬ ܡܶܬܥܰܠܠܝ̣ܢ܀

15- ܚܰܕ ܒܥܐ ܙܰܪܥܐ ܡ̣ܢ ܐܰܠܗܐ ܗ̄ ܐܰܒܪܗܡ ܐܦܶܢ ܥܰܩܪܐ ܗܘܳܬ ܐܰܢܬܬܗ: ܟܕ ܒܳܥܐ ܙܰܪܥܐ ܡ̣ܢ ܡܳܪܝܐ: ܥܰܒܕܶܗ ܐܰܒܐ ܠܥܰܡܡ̈ܐ܀

ܩܦܠܐܘܢ ܬܠܝܬܝܐ

1- ܗܳܐ ܐܢ̇ܐ ܡܫܰܕܰܪ ܐܢ݂ܐ ܡܰܠܐܟܝ: ܘܰܢܫܰܦܐ ܐܘܪܚܐ ܩܕܳܡܰܝ ܗ̄ ܣܽܘܥܪܢܐܝܬ: ܡܺܝܟܐܝܠ ܡܕܰܒܪܢܶܗ ܕܥܰܡܐ. ܪܘܚܢܐܝܬ: ܝܽܘܚܰܢܢ ܡܰܥܡܕܢܐ܀

2- ܘܐܝܟ ܟܶܒܪܝ̣ܬܐ ܕܡܰܚܘܪܐ ܒܰܦܬܚ ܡܺܝܡ. ܘܒܰܨܚܚܐ ܒܰܦܬܚ ܚܶܐ܀

5- ܘܶܐܗܘܶܐ ܣܳܗܕܐ ܡܣܰܪܗܒܐ ܒܚܰܪ̈ܳܫܶܐ ܒܓܝܳܪܐ ܗ̄ ܒܰܬܒܰܥܬܐ ܪܗܺܝܒܬܐ܀

9- ܒܰܠܽܘ̈ܛܬܐ ܡܶܬܬܠܺܝܛܺܝܢ ܐܰܢܬܘܢ: ܘܠܺܝ ܛܳܠܡܺܝܬܘܢ ܗ̄ ܒܗܶܦܟܐ ܙܳܕܩ ܕܢܶܣܬܰܟܠ ܗ̇ܢܐ ܦܶܬܓܳܡܐ. ܟܶܐܡܰܬ ܠܝ̣ ܛܳܠܡܝ̣ܢ ܐܢܬܘܢ ܒܡܰܥܣܪ̈ܐ ܘܰܒܪ̈ܺܝܫܝܬܐ. ܘܥܠ ܗܳܕܐ ܡܶܬܬܠܺܝܛܝܢ ܐܢܬܘܢ ܘܡܶܬܚܰܒ̈ܠܢ ܥ̈ܠܠܬܟܘܢ܀ ܐܘ ܚܠܳܦ ܘܰܘ ܕܳܠܰܕ. ܙܳܕܶܩ ܬܶܗܘܐ܀

ܩܦܠܐܘܢ ܪܒܝܥܝܐ

2- ܘܶܬܕܢܰܚ ܠܟܘܢ ܠܕܚ̈ܠܝ ܫܶܡܝ ܫܶܡܫܐ ܕܙܰܕܺܝܩܘܬܐ ܘܐܴܣܝܽܘܬܐ ܥܠ ܠܶܫܢܗ ܗ̄ ܡܶܠܬܗ ܕܐܒܐ ܕܡܐܣܐ ܟܺܐܒܰܝ̈ ܢܰܦܫܐ ܘܦܰܓܪܐ܀

5- ܗܳܐ ܐܢ̇ܐ ܡܫܰܕܰܪ ܐܢ̣ܐ ܠܟܘܢ ܠܐܶܠܝܐ ܢܒܺܝܐ ܩܕܳܡ ܕܢܺܐܬܐ ܝܰܘܡܗ ܕܡܳܪܝܐ ܗ̄ ܠܝܽܘܚܰܢܢ ܡܰܥܡܕܢܐ ܐܝܟ ܕܐܡ̣ܪ ܡܰܠܐܟܐ ܠܰܙܟܰܪܝܐ ܐܰܒܘܗܝ: ܗ̇ܢܐ ܠܡ ܢܺܐܙܠ ܒܚܰܝܠܐ ܘܰܒܪܽܘܚܐ ܕܶܐܠܝܐ ܢܒܺܝܐ: ܕܢܰܦܢܶܐ ܠܶܒܐ ܕܰܐܒܗ̈ܐ ܥܠ ܒܢܰܝ̈ܐ. ܘܡܳܪܢ ܐܡ̣ܪ ܠܺܝ̈ܗܘܕܝܶܐ: ܐܢ ܨܳܒܶܝܢ ܐܢܬܘܢ ܕܗܽܘܝܽܘ ܐܶܠܺܝܳܐ ܕܰܥܬܺܝܕ ܠܡܶܐܬܐ܀

ܫܠܡܬ݀

ܢܒܝܘܬܗ ܕܡܠܐܟܝ