ܐܓܪܬܐ ܬܪܝܢܝܬܐ ܕܦܘܠܘܣ ܫܠܝܚܐ ܕܠܘܬ ܛܝܡܬܐܘܣ

ܩܕܡܝܬ ܦܪܘܡܝܘܢ

ܠܗܳܕܐ ܐܶܓܰܪܬܐ ܡ̣ܢ ܪܽܗܘܡܺܝ ܟܰܬܒܗ̇ ܦܰܘܠܘܣ ܒܝܰܕ ܠܘܩܳܐ. ܒܳܬܪ ܕܫܰܢܺܝ ܛܺܝܡܬܐܘܣ ܡ̣ܢ ܐܰܣܝܰܐ ܠܛܪܳܐܘܣ: ܒܰܕܩܰܕܶܡ ܫܠܰܚ ܠܗ ܒܶܐܓܰܪܬܐ ܩܰܕܡܳܝܬܐ: ܕܡܣܰܒܰܪ ܐܢ̣ܐ ܕܒܰܥܓܰܠ ܐܳܬܐ ܐܢ݂ܐ ܠܘܳܬܟ: ܘܠܐ ܐܶܙܰܠ. ܘܩܰܕܝܫܳܐ ܐܺܝܘܢܢܝܣ ܒܡܺܐܡܪ̈ܐ ܥܶܣܪܐ ܣܰܝܟ ܦܽܘܫܩܗ̇܀

ܩܦܠܐܘܢ ܩܕܡܝܐ

4- ܘܰܣܘܐ ܐܢ݂ܐ ܠܡܶܚܙܝܳܟ ܒܰܙܩܳܦ ܝܽܘܕ܀ ܘܡܶܬܕܟܰܪ ܐܢ݂ܐ ܕܶܡܥ̈ܝܟ ܗ̄ ܟܕ ܐܶܬܦܰܪܫܶܬ ܡܶܢܟ ܘܶܐܡܪܬ: ܕܠܐ ܬܽܘܒ ܬܶܚܙܝܢܝ ܒܰܦܓܰܪ܀

5- ܗܳܝ ܕܰܫܪܳܬ݀ ܠܘܩܕܰܡ ܒܐܡܐ ܕܶܐܡܟ ܠܘܐܝܣ ܘܒܶܐܡܟ ܐܶܘܢܝܩܝ ܗ̄ ܗܰܝܡܢܘܬܳܐ܀

6- ܕܰܬܥܝܪ ܡܰܘܗܰܒܬܐ ܕܰܐܠܗܐ ܗ̄ ܒܰܥܒܳܕܐ ܬܚܰܘܝܗ̇܀

7- ܠܐ ܓܝܪ ܝܰܗܒ ܠܢ ܐܰܠܗܐ ܪܘܚܳܐ ܕܕܶܚܠܬܳܐ ܗ̄ ܐܠܐ ܕܟܕ ܠܐ ܩܳܢܛܺܝܢܰܢ ܡ̣ܢ ܡܰܘܬܐ: ܢܰܟܪܶܙ܀

15- ܦܰܘܓܶܠܘܣ ܘܗܪܡܳܓܢܝܣ ܗ̄ ܗܳܠܝܢ ܗܦܰܟܘ ܡ̣ܢ ܗܰܝܡܢܘܬܳܐ܀

16- ܢܶܬܠ ܡܳܪܝܐ ܪ̈ܰܚܡܶܐ ܠܒܰܝܬܗ ܕܐܢܝܣܝܦܘܪܘܣ ܗ̄ ܕܫܰܡܫܶܗ ܒܶܐܦܶܣܽܘܣ ܘܰܒܪܽܗܘܡܺܝ ܟܕ ܐܰܣܺܝܪ܀

ܩܦܠܐܘܢ ܬܪܝܢܐ

3- ܐܝܟ ܦܳܠܚܐ ܛܳܒܐ ܗ̄ ܢܰܚܫܺܝܪܐ܀

17- ܘܡܶܠܰܬܗܘܢ ܐܝܟ ܚܰܠܳܕܺܝܬܐ ܢܽܘܡܺܝ ܬܐܚܘܕܝ ܒܣܰܓܝ̈ܐܐ܀ ܝܘܢܝܐ: ܢܳܘܡܝܢ ܒܢܘܢ܀

18- ܟܕ ܐܳܡܪܝܢ ܕܰܩܝܳܡܬܐ ܕܡܺܝ̈ܬܐ ܗܘܳܬ ܠܗ̇ ܗ̄ ܐܳܡܪܺܝܢ ܛܳܥܰܝ̈ܐ: ܕܰܩܝܳܡܬܐ ܕܳܐܡܪܺܝܢܰܢ ܕܗܳܘܝܳܐ ܠܚܰܪܬܐ: ܠܐ ܫܰܪܝܪܳܐ ܐܶܠܐ ܟܠ ܕܡܳܐܶܬ ܩܳܡܰܬ݀ ܢܰܦܫܶܗ ܡ̣ܢ ܩܰܒܪܐ: ܦܰܓܪܐ. ܐܘ ܕܰܒܟܠ ܝܰܠܘܕܳܐ ܩܝܳܡܬܐ ܕܟܠ ܝܳܠܘܕܐ ܗܳܘܝܐ܀ ܗܰܝܡܢܘܬܐ ܕܐܢܳܫ ܐܢܳܫ ܡܗܰܦܟܝܢ ܒܰܦܬܳܚ ܗܶܐ܀

20- ܒܒܰܝܬܐ ܕܝܢ ܪܰܒܐ: ܠܐ ܗܘܳܐ ܡܳܐܢ̈ܐ ܕܕܰܗܒܳܐ ܒܰܠܚܘܕ ܘܫܰܪܟܳܐ ܗ̄ ܒܥܺܕܬܐ ܩܰܕܝܫܬܳܐ ܕܰܐܠܗܐ ܛܳܒ̈ܐ ܐܺܝܬ ܘܒܺܝܫ̈ܐ܀

ܩܦܠܐܘܢ ܬܠܝܬܝܐ

6- ܕܡܚܠܕܝܢ ܒܶܝܬ ܒ̈ܳܬܐ ܘܫܳܒܝܢ ܢܶܫ̈ܐ ܕܰܛܡܺܝܪ̈ܳܢ ܒܰܚܛܗ̈ܐ܀ ܝܰܘܢܳܝܐ: ܢܫܘܢܝ̈ܬܐ܀

8- ܐܰܝܟܰܢܐ ܕܝܢ ܕܝܰܢܝܣ ܘܝܰܡܒܪܝܣ ܩܳܡܘ ܠܘܩܒܰܠ ܫܪܳܪܐ ܗ̄ ܡܽܘܫܐ܀ ܘܡ̣ܢ ܓܶܠܝܳܢܐ ܐܘ ܡ̣ܢ ܡܰܫܠܡܳܢܘܬܐ ܝܺܠܦܘ ܫܡܳܗܰܝ̈ܗܘܢ ܕܚܪ̈ܫܐ ܗܳܠܝܢ ܒܰܕܠܰܝܬ ܐܢܘܢ ܒܽܐܘܪܳܝܬܐ܀

15- ܕܡ̣ܢ ܛܰܠܝܘܬܳܟ ܣܶܦܪ̈ܐ ܩܰܕܝܫ̈ܐ ܝܰܠܺܝܦ ܐܢܬ܀ ܚܰܪܩܶܠܳܝܐ: ܘܰܕܡ̣ܢ ܥܽܘܠܘܬܐ ܟܬܺܝܒ̈ܬܐ ܟܳܗܢܳܝ̈ܬܐ ܝܳܕܥ ܐܢܬ܀

16- ܟܠ ܟܬܳܒ ܕܰܒܪܘܚܐ ܐܶܬܟܬܒ: ܡܰܘܬܪܳܢܐ ܗܽܘ ܠܝܽܘܠܦܳܢܐ ܗ̄ ܡܚܰܦܶܛ ܠܗ ܥܠ ܩܶܪܝܳܢܐ ܕܰܟܬܳܒ̈ܝ ܩܽܘܕܫܐ܀

ܩܦܠܐܘܢ ܪܒܝܥܝܐ

1- ܗܰܘ ܕܰܥܬܺܝܕ ܠܰܡܕܳܢ ܚܰܝ̈ܐ ܘܡܺܝ̈ܬܐ ܗ̄ ܙܰܕܝܩ̈ܐ ܘܥܰܘ̈ܳܠܐ. ܐܘ ܚܰܝ̈ܐ ܕܝܰܘܡܳܢ ܘܡܺܝ̈ܬܐ ܕܰܥܢܰܕܘ. ܐܘ ܗܳܢܘܢ ܕܡܶܫܬܰܚܪܺܝܢ ܕܚܰܝܺܝܢ ܒܢܽܘܚܳܡܐ ܘܰܕܡܰܝܺܝܬܺܝܢ܀

2- ܐܰܟܪܶܙ ܡܶܠܬܐ ܒܰܚܦܺܝܛܘܬܐ ܒܙܰܒܢܳܐ ܘܰܕܠܐ ܙܰܒܢܐ ܗ̄ ܙܒܰܢ ܘܰܙܒܰܢ ܪܕܽܘܦܝܳܐ܀

6- ܐܢ̇ܐ ܓܝܪ ܡܶܬܢܰܩܐ ܐܢ݂ܐ ܘܙܰܒܢܐ ܕܶܐܫܬܪܐ ܡܛܳܐ ܗ̄ ܡܶܬܐܫܕ ܕܶܡܝ ܒܰܐܓܘܢܳܐ ܕܟܳܪܘܙܘܬܝ܀

10- ܕܺܝܡܰܐ ܓܝܪ ܫܒܩܢܝ ܘܰܐܚܶܒ ܥܳܠܡܐ ܗܳܢܐ ܘܶܐܙܰܠ ܠܗ ܠܬܣܠܘܢܝܩܝ. ܩܪܺܣܦܘܣ ܠܓܠܛܝܐ:ܛܺܝܛܘܣ ܠܕܠܡܰܛܝܰܐ ܗ̄ ܠܕܺܝܡܰܐ ܥܳܕܶܠ ܕܠܰܓܙܽܘܪܬܳܐ ܦܢܳܐ. ܘܰܠܗܳܠܶܝܢ ܠܐ܀

11- ܠܘܩܳܐ ܗܽܘ ܒܰܠܚܘܕܰܘܗܝ ܥܰܡܝ ܗ̄ ܣܰܓܝ ܪܳܚܶܡ ܥܰܡ̈ܠܐ ܗܘܳܐ܀ ܠܡܰܪܩܘܣ ܕܒܰܪ ܘܰܐܝܬܳܝܗܝ ܥܰܡܟ ܗ̄ ܒܫܽܘܪܳܝܐ ܡܶܫܬܐܠ ܗܘܳܐ ܡܶܢܗ. ܘܰܠܚܰܪܬܐ ܟܕ ܐܶܫܬܰܪܰܪ ܕܳܥܗܢ ܠܺܝ ܠܬܶܫܡܶܫܬܐ ܐܡ̇ܪ܀

13- ܒܝܬ ܟܬܳܒ̈ܐ ܕܝܢ ܕܫܶܒܩܶܬ ܒܛܪܘܐܣ ܠܘܳܬ ܩܰܪܦܽܘܣ: ܡܐ ܕܳܐܬܐ ܐܢܬ ܐܰܝܬܳܝܗܝ܀ ܝܰܘܢܳܝܐ: ܚܠܳܦ ܒܶܝܬ ܟܬܳܒ̈ܐ: ܦܐܠܘܢܝܣ ܗ̄ ܦܝܢܳܐ ܐܡ̇ܪ܀ ܝܰܬܝܪܳܐܝܬ ܟܶܪ̈ܟܐ ܕܰܡܓ̈ܠܠܐ܀

14- ܐܰܠܟܣܢܕܪܘܣ ܩܰܝܢܳܝܐ ܒܺܝܫ̈ܬܐ ܣܰܓܝ̈ܐܬܐ ܚܰܘܝܰܢܝ: ܦܳܪܰܥ ܠܗ ܡܳܪܢ ܐܝܟ ܥܒܳܕ̈ܘܗܝ ܗ̄ ܠܘ ܒܰܙܢܳܐ ܕܠܰܘܛܬܳܐ ܐܶܠܐ ܒܰܙܢܐ ܕܰܢܒܺܝܘܬܐ ܥܠ ܡܶܕܡ ܕܰܥܬܺܝܕ ܕܢܶܓܕܫܝܘܗܝ ܐܰܡܪܗ̇ ܠܗܳܕܐ. ܘܡܶܬܐܰܡܪܐ ܕܨܰܠܡܐ ܚܫܰܠ ܒܐܽܘܡܳܢܘܬܶܗ ܘܒܺܐܝܕܶܗ ܐܰܪܙܰܦܬܐ: ܟܕ ܦܳܠܚ ܗܘܳܐ ܒܨܰܠܡܐ ܕܢܩܰܪܢܶܣ. ܘܰܒܚܰܕ ܡ̣ܢ ܝܰܘܡ̈ܝܢ ܟܕ ܕܰܡܺܝܟ ܐܶܬܬܪܺܝܡܰܬ݀ ܐܰܪܙܰܦܬܐ ܘܦܟܬܗ ܠܪܺܝܫܗ ܘܡܺܝܬ܀

17- ܕܶܐܬܦܰܨܺܝܬ ܡ̣ܢ ܦܽܘܡܐ ܕܰܐܪܝܳܐ ܗ̄ ܕܢܺܐܪܘܢ܀ ܘܒܳܬܪ ܬܰܪܬܶܝܢ ܫܢܺܝ̈ܢ ܟܕ ܬܰܠܡܶܕ ܠܫܳܩܝܶܗ ܘܩܰܛܠܶܗ܀

20- ܐܰܪܝܣܛܘܣ܀ ܛܪܘܦܝܡܘܣ܀ ܒܡܝܠܝܛܘܣ ܡܕܺܝܢ̱ܬܳܐ܀ ܐܘܒܘܠܘܣ ܘܦܘܕܝܣ ܘܠܝܢܘܣ ܘܰܩܠܰܘܕܝܐ܀

ܫܠܡܬ݀

ܐܓܪܬܐ ܬܪܝܢܝܬܐ ܕܠܘܬ ܛܝܡܬܐܘܣ