ܦܢ̈ܩܝܬܐ

ܡܚܰܘܝܳܢܳܐ ܕܒܳܥܘ̈ܳܬ̣ܳܐ

ܦܢܩܝ̈ܬܐ ܕܨܠܘ̈ܬܐ ܥܕ̈ܬܢܝܬܐ ܕܠܝܠܝ ܐܝܡܡ ܐܝܟ ܛܟܣܐ ܕܥܕܬܐ ܐܢܛܝܘܟܝܬܐ ܕܣܘܪ̈ܝܝܐ ܬܪܝܨܬ ܫܘܒܚܐ فناقيث كنيسة أنطاكية للسريان الارثوذكس بحسب الطقس السرياني الشرقي، إعداد وتنضيد الأب الربان الدكتور برنابا عيسى الشماني هنا

ܦܢܩܝ̈ܬܐ ܕܨܠܘ̈ܬܐ ܥܕ̈ܬܢܝܬܐ ܕܠܝܠܝ ܐܝܡܡ ܐܝܟ ܛܟܣܐ ܕܥܕܬܐ ܐܢܛܝܘܟܝܬܐ ܕܣܘܪ̈ܝܝܐ فناقيث السريان الكاثوليك (7 أجزاء)، إعداد قليميس يوسف داود، الناشر البطريرك جرجس شلحت، مطبعة الآباء الدومينكان، الموصل 1886-1896.

يمكن تنزيل النص السرياني للأجزاء السبعة هنا وقراءة ترجمتها إلى العربية للأب الدكتور بهنام سوني على صفحتنا:

الجزء الأول: الفنقيث العام، 1886، ܦܠܓܘܬܐ ܓܘܢܝܬܐ܆ ترجمته إلى العربية هنا.

الجزء الثاني: من تشرين الثاني إلى نهاية كانون الأول (من تقديس الكنيسة إلى الأحد الأول بعد عيد الميلاد)، 1886، ܦܠܓܘܬܐ ܕܝܠܢܝܬܐ ܩܕܡܝܬܐ ܕܡܫܪܝܐ ܡܢ ܬܫܪܝܢ ܐܚܪܝ ܘܡܫܡܠܝܐ ܒܟܢܘܢ ܩܕܝܡ، ترجمته إلى العربية هنا.

الجزء الثالث: من كانون الثاني إلى نهاية شباط (من الأحد بعد الختانة إلى أحد الموتى)، 1889، ܦܠܓܘܬܐ ܕܬܪܬܝܢ ܕܝܠܢܝܬܐ ܕܡܫܪܝܐ ܡܢ ܪܝܫܗ ܕܟܢܘܢ ܐܚܪܝ ܘܡܫܠܡܐ ܒܫܒܛ، ترجمته إلى العربية هنا.

الجزء الرابع: شهر آذار (الصوم الأربعيني)، 1891، ܦܠܓܘܬܐ ܕܬܠܬ ܕܝܠܢܝܬܐ ܕܡܫܬܡܠܝܐ ܒܟܠܗ ܨܘܡܐ ܪܒܐ ܕܐܪܒܥܝܢ ܘܒܐܕܪ ܝܪܚܐ، ترجمته إلى العربية هنا.

الجزء الخامس: الأسبوع العظيم أي الآلام المخلصية وأسبوع البياض، 1892، ܦܠܓܘܬܐ ܕܐܪܒܥ ܕܠܢܝܬܐ ܕܡܫܬܡܠܝܐ ܒܫܒܬܐ ܪܒܬܐ ܕܚܫܐ ܦܪܘܩܝܐ ܘܒܫܒܬܐ ܕܚܘܪ̈ܐ، ترجمته إلى العربية هنا.

الجزء السادس: من الأحد الثاني بعد القيامة إلى الأحد السابع بعد العنصرة (من شهر نيسان إلى نهاية شهر تموز) 1895، ܦܠܓܘܬܐ ܕܚܡܫ ܕܝܠܢܝܬܐ ܕܡܫܪܝܐ ܡܢ ܚܕ ܒܫܒܐ ܕܬܪܝܢ ܕܒܬܪ ܩܝܡܬܐ ܘܡܫܠܡܐ ܒܚܕ ܒܫܒܐ ܕ ܙ ܒܬܪ ܦܢܛܩܘܣܛܝ ܘܡܢ ܝܪܚ ܢܝܣܢ ܥܕܡܐ ܠܫܘܠܡ ܝܪܚ ܬܡܘܙ، ترجمته إلى العربية هنا.

الجزء السابع: من الأحد الثامن بعد العنصرة إلى تقديس الكنيسة (من بداية شهر آب إلى نهاية تشرين الأول) 1896، ܦܠܓܘܬܐ ܫܬܝܬܝܬܐ ܕܝܠܢܝܬܐ ܕܡܫܪܝܐ ܡܢ ܚܕ ܒܫܒܐ ܕܬܡܢܝܐ ܕܒܬܪ ܦܢܛܩܘܣܛܝ ܥܕܡܐ ܠܩܘܕܫ ܥܕܬܐ ܘܡܢ ܪܝܫ ܐܒ ܝܪܚܐ ܥܕܡܐ ܠܫܘܠܡ ܬܫܪܝܢ ܩܕܝܡ، ترجمته إلى العربية هنا.

ملاحظة: إن الخط السرياني الذي يستخدمه الأب د. بهنام سوني في كتابة النصوص السريانية على الكمبيوتر لا يظهر بشكل صحيح على متصفح الإنترنت. حدّثنا بعض العناوين والروبريكات إلى الخط السرياني الموافق لصفحة الإنترنت وبقيت أجزاء كثيرة غير معدّلة تظهر بأحرف عربية غير مفهومة، على القارئ تجاوزها عند القراءة إلى الترجمة التي تتبعها. فاقتضى التنويه.

الفناقيث بالسريانية (Word)

تنبيه: نسخة تجريبية تحتاج نصوصها إلى المراجعة والتدقيق

ܡܢ ܚܕ ܒܫܒܐ ܕܩܘܕܫ ܥܕܬܐ ܥܕܡܐ ܠܚܕ ܒܫܒܐ ܕܥܢܝ̈ܕܐ

ܨܘܡܐ ܩܕܝܫܐ ܕܐܪܒܥܝܢ

ܚܫܐ ܦܪܘܩܝܐ

ܡܢ ܚܕ ܒܫܒܐ ܕܩܘܕܫ ܥܕܬܐ ܥܕܡܐ ܠܚܕ ܒܫܒܐ ܕܥܢܝ̈ܕܐܒܝܕ ܥܝܣܐ ܡܘܣܐ ܕܡܝܪ – ܐܘܣܬܪܝܐ – ܦܝܢܢܐ

ܨܘܡܐ ܩܕܝܫܐ ܕܐܪܒܥܝܢܒܝܕ ܥܝܣܐ ܡܘܣܐ ܕܡܝܪ – ܐܘܣܬܪܝܐ – ܦܝܢܢܐ

ܡܢ ܚܕ ܒܫܒܐ ܕܩܝܡܬܐ ܥܕܡܐ ܠܫܘܠܡ ܟܪܘܟܝܐ ܕܫܢܬܒܝܕ ܥܝܣܐ ܡܘܣܐ ܕܡܝܪ – ܐܘܣܬܪܝܐ – ܦܝܢܢܐ

ܥܰܠ ܦܶܢܩܝ̈ܬܳܐ ܕܚܰܕ ܒܫܰܒ̈ܐ ܕܚܘܽܕܪܐ ܕܫܰܢ̱ܬܐ

 

ܡܫܰܪܶܝܢ ܗܳܠܝܢ ܛܶܟܣ̈ܐ ܒܚܰܕ ܒܫܰܒܐ ܕܩܘܕܳܫ ܥܕܬܐ. ܒܰܐܚܪ̈ܳܝܳܬܗ ܕܬܶܫܪܝܢ ܩܕܺܝܡ ܐܰܘ ܒܫܘܽܪܳܝܐ ܕܬܶܫܪܝܢ ܐܚܪܳܝ ܥܕܰܡܐ ܠܚܰܕ ܒܫܰܒܐ ܕܰܩܕܳܡ ܝܰܠܕܐ. ܘܰܬܡܰܢܝܐ ܛܶܟܣ̈ܐ ܐܶܢܘܢ. ܟܶܢ ܐܳܬܶܝܢ ܒܳܬܪܗܘܢ ܗܳܢܘܢ ܚܰܡܫܐ ܐܰܘ ܫܬܳܐ ܚܰܕ ܒܫܰܒ̈ܐ ܕܳܐܬܝܢ ܒܳܬܪ ܥܺܐܕܐ ܕܕܶܢܚܐ: ܘܒܰܝܢܳܬܗܘܢ ܨܠܘܬܐ ܕܚܰܕ ܒܫܰܒܐ ܕܒܳܬܪ ܝܰܠܕܐ ܘܰܬܪܶܝܢ ܚܰܕ ܒܫܰܒ̈ܐ ܕܺܝܕܝܺܥܝܢ ܚܰܕ ܒܫܰܒܐ ܕܟܳܗܢ̈ܐ ܘܚܰܕ ܒܫܰܒܐ ܕܥܰܢܝ̈ܕܐ. ܘܺܐܝܬܰܝܗܘܢ ܚܰܕ ܕܘܒܳܩܐ.

ܘܐܺܝܬ ܒܗ ܒܕܘܒܳܩܐ ܬܪܰܝܳܢܐ ܨܠܰܘ̈ܬܐ ܕܝܰܘܡ̈ܬܐ ܘܚܰܕ ܒܫܰܒ̈ܐ ܕܨܰܘܡܐ ܪܒܐ.

ܘܐܝܬ ܒܕܘܒܳܩܐ ܬܠܝܬܳܝܐ ܨܠܰܘ̈ܬܐ ܕܚܰܕ ܒܫܰܒ̈ܐ ܕܰܩܝܳܡܬܐ ܨܠܰܘ̈ܬܐ ܕܚܰܕ ܒܫܰܒ̈ܐ ܕܰܩܝܳܡܬܐ ܘܺܐܝܬܰܝܗܘܽܢ ܐܰܪܒܥܐ ܘܥܶܣܪܝܢ ܛܶܟܣ̈ܐ. ܕܡܶܬܰܐܡܪܺܝܢ ܡܶܢ ܥܺܐܕܐ ܕܰܩܝܳܡܬܐ ܥܕܰܡܐ ܠܥܺܐܕܐ ܕܰܨܠܝܒܐ. ܕܐܝܬ ܒܪܺܝܫܗܘܽܢ ܫܬܳܐ ܛܶܟܣ̈ܐ ܕܫܰܒܬܐ ܕܚܶܘܳܪ̈ܐ ܠܥܘܽܗܕܳܢܐ ܕܰܩܝܳܡܬܐ.

ܘܺܐܝܬ ܒܗ ܒܕܘܒܳܩܐ ܪܒܝܥܳܝܐ ܬܡܢܝܐ ܛܶܟܣ̈ܐ ܓܰܘܳܢܳܝ̈ܐ ܠܥܘܽܗܕܳܢܐ ܕܰܥܒ̈ܕܐ ܕܡܳܪܰܢ ܡܫܝܚܐ. ܘܩܘܠܳܣܐ ܕܒܬܘܠܬܐ ܕܟܺܝܬܐ ܘܰܕܩܰܕܝܫ̈ܐ ܘܕܘܟܪܳܢܐ ܕܥܰܢܝ̈ܕܐ. ܕܡܶܬܰܐܡܪܝܢ ܒܚܰܕ ܒܫܰܒ̈ܐ ܕܒܳܬܰܪ ܥܐܕܐ ܕܰܨܠܝܒܐ ܥܕܰܡܐ ܠܩܘܕܳܫ ܥܺܕܬܐ.

ܗܰܘ ܕܶܝܢ ܕܟܰܢܶܫ ܗܳܠܝܢ ܦܶܢܩܝ̈ܬܳܐ ܒܰܙܢܐ ܕܺܝܠܳܢܳܝܐ ܘܛܰܟܶܣ ܐܶܢܝܢ ܗܽܘܝܘ ܡܳܪܝ ܝܥܩܘܒ ܕܐܽܘܪܗܳܝ (708) ܘܗܳܝ ܕܫܰܪܝܪܐ ܗܽܘ ܣܳܡ ܛܶܟܣ̈ܐ ܬܡܢܝܐ ܕܚܰܕ ܒܫܰܒ̈ܐ ܕܰܩܝܳܡܬܐ ܕܡܶܬܬܢܶܝܢ ܬܠܝܬܳܐܝܬ. ܘܗܳܕܐ ܓܰܠܝܐ ܡܶܢ ܢܘܣܟ̈ܐ ܥܰܬܝ̈ܩܐ ܣܰܓܝ̈ܐܐ ܕܡܰܛܝܺܘ ܠܐܝ̈ܕܰܝܢ ܘܰܟܬܝܒܝܢ ܥܰܠ ܓܶܠܕܐ ܐܶܣܛܪܰܢܓܶܠܐܳܝܬ ܒܶܝܬ ܕܳܪܐ ܬܫܝܥܳܝܐ ܠܕܳܪܐ ܕܝܓ̄ ܟܶܢ ܐܶܬܬܰܠܘܰܬ ܠܗܘܽܢ ܫܬܰܥܣܰܪ ܛܶܟܣ̈ܐ ܕܐܶܬܓܒܺܝܘ ܡܶܢ ܡܟܰܢܫ̈ܐ ܕܩܝ̈ܢܳܬܐ ܐܰܘ ܕܡܺܐܡܪ̈ܐ ܒܕܳܪܐ ܕܚܰܡܫܰܥܣܰܪ.

ܘܥܳܪܝܐ ܨܠܘܬܐ ܕܚܰܕ ܛܶܟܣܐ ܨܠܰܘ̈ܬܐ ܕܪܰܡܫܐ ܘܕܰܬܪܝܢ ܩܰܘܡ̈ܐ ܕܡܶܙܕܰܡܪܝܢ ܒܗܘܽܢ ܡܰܕܪ̈ܳܫܐ ܕܡܰܓܒܝܢ ܡܶܢ ܙܡܝܪ̈ܬܳܐ ܕܡܳܪܝ ܐܰܦܪܝܡ ܘܰܣܛܰܪ. ܘܥܳܐܠ̈ܢ ܒܗܽܘܢ ܒܰܙܒܰܢ ܬܰܟܫ̈ܦܳܬܐ ܕܡܳܪܝ ܪܰܒܘܠܐܶ ܕܐܽܘܪܗܳܝ (ܘܰܨܠܰܘ̈ܬܐ ܕܨܰܦܪܐ ܘܕܰܬܠܳܬܫܳܥ̈ܝܢ)

ܘܟܰܕ ܬܰܪܬܝܶܢ ܫܰܠܡ̈ܘܬܐ ܝܺܕܝܺܥ̈ܬܐ ܕܛܶܟܣ̈ܐ ܥܺܕܬܳܢܳܝ̈ܐ ܐܝܬ: ܕܺܝܕܺܝܥ ܚܰܕ ܡܶܢܗܘܢ ܛܶܟܣܐ ܡܰܥܪܒܳܝܐ: ܗܰܘ ܕܰܦܪܺܝܣ ܗܘܳܐ ܒܟܠܗܶܝܢ ܡܰܪ̈ܥܝܳܬܐ ܕܰܐܣܝܪ̈ܳܢ ܒܟܘܽܪܣܝܐ ܕܦܰܛܪܝܰܪܟܐ. ܘܐܰܚܪܢܐ ܛܶܟܣܐ ܡܰܕܢܚܳܝܐ ܕܡܶܬܚܰܫܚ̈ܳܢ ܒܗ ܡܰܪ̈ܥܝܳܬܐ ܕܐܰܣܝܪ̈ܳܢ ܒܟܘܽܪܣܝܐ ܕܡܰܦܪܝܳܢܐ ܕܬܰܓܪܝܬ ܘܰܣܝܳܡܐ ܕܩܰܕܡܳܝܐ ܠܫܰܠܡܘܬܐ ܕܐܰܢܛܝܘܟܝ ܘܕܐܽܘܪܗܳܝ. ܘܰܕܕܰܝܪܐ ܛܒܺܝܒܐ ܕܩܶܢܰܫܪ̈ܝܺܢ ܘܰܕܡܺܝܠܺܝܛܺܝܢܺܝ. ܣܝܳܡܐ ܕܶܝܢ ܕܰܬܪܰܝܳܢܐ. ܐܰܣܝܪ ܒܫܰܠܡܘܬܐ ܕܰܡܕܝ̈ܢܳܬܐ (ܣܠܝܩ ܘܩܰܛܝܣܦܘܢ) ܘܬܰܓܪܝܬ. ܘܰܦܪܺܝܫ ܗܰܘ ܡܰܥܪܒܳܝܐ ܒܰܩܦܺܝܣܘܬܐ ܘܒܰܙܡܺܝܪ̈ܳܬܐ ܦܫܝ̈ܛܳܬܐ ܕܡܶܬܝܰܕܥ̈ܳܢ ܩܳܢܘܢ̈ܐ ܝܰܘܢܳܝ̈ܐ ܗܳܢܘܢ ܕܠܐܳ ܣܪܝܩ ܡܶܢܗܽܘܢ ܐܶܠܐܳ ܐܶܢ ܕܰܠܝܠܐܳܝܬ ܟܽܠ ܚܰܕ ܒܫܰܒܐ ܐܰܘ ܥܺܐܕܐ ܘܡܶܙܕܰܡܪܺܝܢ ܥܰܠ ܬܡܳܢܶܐ ܩܝ̈ܢܳܬܐ. ܘܺܐܝܬܰܝܗܘܽܢ ܣܝܳܡܐ ܕܝܰܥܩܘܒ ܕܐܽܘܪܗܳܝ. ܘܕܰܐܢܕܪܐܘܳܣ ܐܦܝܣܩܘܦܐ ܕܰܩܪܝܛܰܫ (700) ܘܩܘܣܡܐ ܘܝܘܚܰܢܢ ܕܰܪܡܘܣܩܳܝܐ (750) ܘܗܳܠܝܢ ܬܠܳܬܐ ܡܶܢ ܝܰܕܘܥܬܳܢ̈ܐ ܕܝܰܘܢܳܝ̈ܐ ܝܰܒܶܠܘ ܣܘܪ̈ܝܳܝܐ ܙܡܝܪ̈ܳܬܗܘܽܢ ܗܳܠܝܢ ܕܚܳܒܫ̈ܢ ܡܰܡܠܠܐ ܕܥܰܠ ܥܒ̈ܳܕܐ ܕܡܳܪܰܢ ܡܫܝܚܐ ܓܰܘܳܢܳܐܝܬ. ܘܠܐ ܐܶܬܥܰܪܙܰܠܘ ܒܕܝ̈ܢܐ ܕܡܶܫܬܰܚܠܦ̈ܳܢ ܒܗܽܘܢ ܬܰܘܕܝ̈ܬܐ ܡܫܝܚܳܝ̈ܬܐ: ܐܰܝܟ ܕܐܰܕܟܰܪ ܠܳܥܳܙܳܪ ܒܰܪ ܣܳܒܬܐ ܐܶܦܝܣܩܘܦܐ ܕܒܳܓܕܳܕ. ܘܡܶܢܗ ܢܣܰܒ ܒܰܪ ܥܶܒܪܝܐ ܡܶܕܶܡ ܕܐܶܡܪ ܒܦܳܣܘܩܐ ܪܒܝܥܳܝܐ ܕܬܰܪܥܳܐ ܚܡܝܫܳܝܐ ܕܰܟܬܳܒܐ ܕܐܺܝܬܺܝܩܘܢ (ܦ663) ܘܰܩܪܰܝܢܰܢ ܒܢܘܣܟܐ ܕܒܶܝܬܓܰܙܐ ܟܘܽܪܟܡܳܢܳܝܐ ܡܶܢܝܳܢ 149 ܕܗܳܢܐ ܝܘܒܳܠܐ ܗܘܳܐ ܕܐܽܘܪܗܝ ܥܰܠܗܳܝ ܐܶܬܟܰܢܺܝ ܐܘܪܗܳܝܐ. ܘܐܰܩܶܦܘ ܠܗ ܐܢܳܫܝ̈ܢ ܡܶܢ ܝܰܕܘܥܬܳܢܝ̈ܢ ܙܡܺܝܪ̈ܬܐ ܐܰܝܟ ܟܰܝܠܐ ܕܗܳܢܘܢ ܕܰܥܗܺܝܕܺܝܢ: ܘܐܶܬܟܰܢ̈ܝ ܙܡܝܪ̈ܳܬܗܘܢ ܩܳܢܘܢ̈ܐ ܣܘܪ̈ܝܳܝܐ ܘܡܶܢ ܗܳܠܝܢ: ܩܳܢܘܢ̈ܐ ܕܐܶܬܬܣܝܡܘ ܠܥܺܐܕܐ ܕܡܳܪܝ ܣܶܘܝܪܝܘܣ ܘܡܶܢܝܳܢܗܘܢ ܐܰܝܟ ܥܝܳܕܐ ܬܡܢܝܳܐ.

ܘܰܦܪܺܝܫ ܛܶܟܣܳܐ ܡܰܕܢܚܳܝܐ ܕܡܶܬܚܰܫܚܺܝܢ ܒܶܗ ܒܡܰܕܢܚܐ ܓܰܘܳܢܳܝܐ ܒܰܐܪܺܝܟܘܬܳܐ ܘܰܒܣܘܓܳܐܐ ܕܡܰܙܡܘܪ̈ܐ ܕܕܰܘܝܕ. ܘܰܒܒ̈ܳܬܐ ܕܩ̈ܳܠܐ ܘܡܰܕܪ̈ܳܫܐ ܘܰܒܡܰܥܢܝ̈ܬܳܐ ܕܡܳܪܝ ܣܶܘܝܪܝܘܣ ܕܰܐܢܛܝܟ ܕܝܠܳܢܳܐܝܬ ܒܰܬܪܶܝܢ ܥܺܐܕ̈ܐ ܕܒܶܝܬ ܝܰܠܕܐ ܘܕܰܩܝܳܡܬܐ. ܘܡܶܬܝܕܰܥ ܠܘܳܬ ܥܳܠܡܳܝ̈ܐ ܟܬܳܒܐ ܕܚܘܽܕܪܐ ܐܰܝܟ ܕܐܶܡܪ ܝܰܥܩܘܒ ܒܰܪܛܠܝܐ. ܘܗܰܘ ܕܰܐܥܶܠ ܒܗ ܡܰܥܢ̈ܝܳܬܐ. ܗܽܘܝܽܘ ܕܰܘܝܕ ܒܰܪ ܦܰܘܠܘܣ ܠܐܰܦܰܝ̈ ܫܢܰܬ (780) ܟܬܺܝܒ ܓܶܝܪ ܒܣܶܦܐ ܕܫܘܪܳܝܐ ܗܳܟܰܢ: ܟܰܕ ܗܦܰܟ ܕܰܘܝܕ ܘܬܰܠܡܝܕܗ ܙܟܰܪܝܐ ܠܕܰܝܪܐ ܕܰܟܢܘܽܫܝܐ ܟܰܕ ܐܳܬܝܢ ܡܶܢ ܐܰܬܪ̈ܘܳܬܐ ܕܡܰܥܪܒܐ (ܕܰܠܡܰܥܪܰܒ ܦܪܳܬ) ܐܺܝܬܰܝ ܥܰܡܗ ܡܰܐܬܝܢ ܘܫܰܒܥܝܢ ܡܰܥܢܝ̈ܬܐ ܥܺܕܬܳܢܝ̈ܬܳܐ ܣܝܳܡܐ ܕܡܳܪܝ ܣܶܘܝܪܶܐ ܕܠܐܳ ܫܟܝ̈ܚܳܢ ܗܘ̈ܝ ܒܰܐܬܪ̈ܘܳܬܐ ܕܡܰܕܢܚܐ: ܘܰܐܥܶܠ ܩܳܢܘܢ̈ܐ ܘܟܘܽܢܳܫ̈ܐ ܣܰܓܝ̈ܐܐ (ܘܣܡ) ܕܢܶܬܰܐܡܪ̈ܳܢ ܡܰܥܢܝ̈ܬܐ ܒܬܶܫܡܫܬܐ ܐܚܪܳܝܬܐ ܕܠܶܠܝܐ ܒܟܽܠܝܽܘܡ ܘܡܰܙܡܘܪܐ ܘܰܨܠܘܬܐ ܡܳܪܳܢܳܝܬܐ ܒܳܬܰܪ ܩܰܕܝܫܰܬ ܐܠܗܐ ܒܠܶܠܝܐ ܘܰܒܨܰܦܪܐ ܘܰܒܛܰܗܪܐ ܘܗܳܠܝܢ ܣܳܡ ܐܶܢܘܢ ܚܰܕܳܬܐܝܬ ܠܐܰܦ̈ܰܝ (ܫܢܬ 1090 ܝܰܘܢܳܝܬܐ) ܗ̄ ܫܢܬ 780 ܡ̄ ܘܰܠܦܽܘܬ ܪܶܥܝܳܢܝ: ܛܶܟܣܐ ܡܰܕܢܚܳܝܐ ܗܰܘ ܕܠܐܳ ܝܳܕܥܝܢܰܢ ܣܳܝܘܡܗ ܐܶܫܬܪܝ ܒܟܽܘܢܳܫܗ ܒܫܘܽܪܳܝܐ ܕܡܰܐܬܐ ܫܒܺܝܥܳܝܬܐ. ܥܕܰܡܐ ܠܡܶܨܥܳܝ̈ܬܗ̇ ܕܡܰܐܬܐ ܕܬܰܪܬܰܥܣܪ̈ܐ. ܘܣܰܓܺܝ̈ܐܐ ܐܶܫܬܰܘܬܰܦܘ ܒܰܣܝܳܡܗ ܥܕܰܡܐ ܕܡܰܛܺܝ ܠܐܰܝܟܰܢܳܝܘܬܐ ܕܝܰܘܡܳܢ. ܝܳܕܥܺܝܢܰܢ ܕܶܝܢ ܡܶܢ ܗܳܢܽܘܢ ܕܐܶܬܥܢܺܝܘ ܒܰܣܝܳܡܗ ܘܰܒܛܘܟܳܣܗ ܗܳܠܝܢ:

ܐ: ܪܰܒܳܢܐ ܣܰܒܪܘܰܝ ܐܰܒܐ ܥܶܠܝܐ ܕܕܰܘܝܕ ܒܰܪ ܦܰܘܠܘܣ ܠܐܰܦ̈ܰܝ ܫܢܰܬ 630 ܘܰܬܪܶܝܢ ܒܢ̈ܘܗܝ ܪܰܡܝܺܫܘܥ ܘܓܰܒܪܐܝܠ. ܗܳܢܘܽܢ ܡܰܢ ܣܳܡܘ ܟܘܪ̈ܣܐ ܕܒܣܠܝܩܐ ܘܥܺܐܕ̈ܐ ܕܐܽܘܫܰܥܢ̈ܐ ܘܫܰܒܘܥܐ ܕܚܰܫܐ ܠܬܰܪ̈ܬܰܝܗܝܶܢ ܓܘܕ̈ܐ. ܘܣܳܡܘ ܕܶܝܢ ܛܶܟܣܐ ܡܕܺܝܢܳܝܐ ܗܰܘ ܕܡܶܬܬܢܶܐ ܗܘܳܐ ܒܰܡܕܺܝ̈ܢܬܐ ܐܰܝܟ ܕܡܶܬܚܙܶܐ: ܡܶܛܠ ܡܘܟܳܟ ܪܳܡܘܬܐ ܕܢܰܣܛܘܪ̈ܝܰܢܘ: ܐܰܝܟ ܕܐܰܕܟܰܪ ܪܰܒܰܢ ܩܢܘܡܗ ܒܶܐܓܰܪܬܗ ܕܰܠܘܳܬ ܐܶܦܝܣܩܘܦܐ ܝܘܚܰܢܢ ܕܥܰܠ ܢܘܽܩܙ̈ܐ (ܦܘܚܳܡ̈ܐ): ܕܗܳܘܝܢ ܒܢܘܽܣܟ̈ܐ ܕܣܶܦܪ̈ܐ ܩܰܕܝ̈ܫܐ.

ܒ : ܕܢܚܐ ܬܠܝܬܳܝܐ ܚܪܳܢܳܝܐ ܡܰܦܪܝܳܢܐ ܕܡܰܕܢܚܐ (912-932)  ܐܶܬܩܰܠܣ ܒܫܘܽܡܠܳܝܐ ܡܰܕܢܚܳܝܐ ܕܰܐܒܳܗ̈ܬܐ: ܒܰܡܛܰܟܣܳܢܐ ܕܩ̈ܠܐ ܘܰܡܦܰܪܫܳܢܳܐ ܕܢܶܥܡ̈ܬܳܐ.

ܓ : ܒܰܣܝܠܝܘܣ ܪܒܝܥܳܝܳܐ ܒܳܪ ܩܘܒܰܐܕ ܬܰܓܪܝܬܳܝܐ (ܫܢܬ 1046-1069) ܕܐܶܬܐܡܰܪ ܥܠܰܘܗܝ ܣܳܝܘܡܳܐ ܕܩ̈ܠܐ ܘܩܳܢܘܢ̈ܐ ܥܺܕܬܢܝ̈ܐ.[1]

 

ܘܰܢܛܰܪܘ ܠܰܢ ܝܰܘܡ̈ܳܬܐ ܢܽܘܣܟ̈ܐ ܣܰܓܝ̈ܐܐ ܕܕܽܘܒܳܩ̈ܐ ܕܛܶܟܣܐ ܕܣܽܘܓܳܐܗܘܢ ܟܬܺܝܒܝܢ ܥܰܠ ܓܶܠܕܐ. ܘܡܶܢܗܘܢ ܥܰܠ ܘܰܪܩܐ ܒܩܰܢܝܐ ܪܺܝܫܳܝܐ ܐܶܣܛܪܰܢܓܶܠܝܐ: ܡܶܢ ܕܳܪܐ ܬܫܺܝܥܝܐ ܥܕܰܡܐ ܠܕܳܪܐ ܕܝܰܓ̄ ܘܰܢܛܺܝܪܝܢ ܒܠܳܘܢܕܳܢ ܘܰܒܦܐܪܝܣ ܘܒܽܘܣܛܳܘܢ ܘܥܺܕܬܐ ܕܐܳܡܝܕ ܘܕܐܰܢܚܠ ܘܥܽܘܪܕܢܳܣ ܘܒܶܝܬ ܣܒܺܝܪܺܝܢܐ ܒܛܽܘܪܥܰܒܕܝ̈ܢ: ܘܰܒܕܰܝܪܐ ܕܟܽܘܪܟܡܐ ܘܰܒܕܰܝܪܐ ܕܡܳܪܝ ܡܰܪܩܘܣ ܘܒܽܐܘܪܗܳܝ ܘܡܽܘܨܰܠ. ܘܡܶܕܶܡ ܡܶܢ ܢܽܘܣܟ̈ܐ ܒܩܰܢܝܐ ܡܰܥܪܒܳܝܐ ܡܶܢ ܫܽܘܪܳܝܐ ܕܕܳܪܳܐ ܕܝܓ̄ ܥܕܰܡܐ ܠܝܰܘܡܢ: ܒܒܳܬܰܝ̈ ܓܰܙ̈ܐ ܕܒܰܪܠܝܢ ܘܡܶܨܪܝܢ ܘܐܳܡܝܕ ܘܕܰܝܪ̈ܳܬܐ ܕܡܳܪܝ ܡܰܬܰܝ ܘܡܳܪܝ ܡܪܩܘܣ ܕܒܐܘܪܶܫܠܡ. ܘܰܒܬܰܪܬܶܝܢ ܥ̈ܕܬܐ ܕܡܰܘܨܰܠ ܘܰܕܩܰܪܰܗܩܘܫ ܘܡܶܪܕܝܢ ܘܚܳܠܒ ܘܕܰܪܡܣܽܘܩ ܘܒܰܝܪܘܬ ܘܚܶܣܢܐ ܕܟܺܐܦܐ ܘܡܺܝܕܘܢ ܘܒܶܝܬ ܣܒܺܝܪܝܢܐ: ܘܒܰܚܡܶܨ ܘܰܒܚܡܬ ܘܰܒܨܰܕܕ: ܘܰܒܒܶܝܬܓܰܙܐ ܕܩܶܠܳܝܬܰܢ ܘܕܰܣܛܰܪ. ܚܙܰܝܢܢ ܠܣܘܽܓܐܗܘܽܢ ܫܢܰܬ 1911 ܡ̄ ܒܕܰܝܪ̈ܬܳܐ ܕܰܒܛܘܽܪܥܰܒܕܝ̈ܢ ܘܥܺܕ̈ܬܗ. ܘܠܐܳ ܝܳܕܥܺܝܢܰܢ ܡܕܡ ܕܐܰܘܒܕܗ ܩܪܳܒܐ ܕܰܥܒܰܪ ܘܡܶܕܶܡ ܕܦܳܫ ܡܶܢܗܽܘܢ.

ܘܒܳܬܰܪ ܦܶܢܩܝܬܐ ܕܣܰܬܘܳܐ. ܦܶܢܩܝܬܐ ܕܨܰܘܡܐ ܕܢܶܝܢܘܶܐ ܬܠܳܬܐ ܝܰܘܡܝ̈ܢ. ܒܰܙܒܰܢ ܚܰܡܫܐ ܝܰܘܡܝ̈ܢ ܗܘܳܐ ܒܰܐܬܪ̈ܘܳܬܐ ܕܡܰܕܢܚܐ: ܐܰܝܟ ܕܐܶܬܚܰܘܺܝ ܒܢܽܘܣܟܐ ܕܰܒܒܶܝܬܓܰܙܐ ܕܰܕܟܝܺܬܐ ܒܡܰܘܨܰܠ: ܟܬܝܺܒܰܬ ܐܝܕܐ ܕܩܰܫܝܫܐ ܝܰܘܣܦ ܟܰܡܝܣ ܫܺܝܓܳܪܳܝܐ ܫܢܰܬ 1269 ܡ̄ ܘܢܽܘܣܟܐ ܕܕܰܝܪܐ ܕܡܳܪܝ ܡܰܬܰܝ: ܕܟܬܝܒ ܒܐܺܝܕܐ ܕܰܐܒܘ ܐܠܰܦܪܰܓ ܒܰܪ ܡܰܢܨܘܪ ܫܢܰܬ 1241 ܡ̄ ܘܺܐܝܬ ܒܗܽܘܢ ܛܶܟܣ̈ܐ ܕܰܥܪܘܒܬܐ ܕܟܳܗܢ̈ܐ ܘܢܘܟܪ̈ܳܝܐ ܘܰܕܥܰܢܝ̈ܕܐ ܒܰܬܠܳܬܐ ܫܰܒܘܥ̈ܐ ܕܩܰܕܺܝܡܺܝܢ ܠܨܰܘܡܐ ܪܰܒܐ: ܕܺܝܠܳܢܝܺܝ̈ܢ ܕܛܶܟܣܐ ܡܰܕܢܚܳܝܐ.

 

ܥܠ ܦܶܢܩܝ̈ܬܳܐ ܕܥܺܐܕ̈ܐ ܡܳܪ̈ܢܳܝܐ ܘܰܕܩܰܕܝܫ̈ܐ

 

ܐܺܝܬ ܒܳܗ̇ ܒܦܰܢܩܺܝܬܐ ܗܳܕܐ ܛܶܟܣ̈ܐ ܕܥܺܐܕ̈ܐ ܡܳܪ̈ܳܢܝܐ ܕܺܐܝܬܰܝܗܘܢ ܕܒܶܝܬ ܝܰܠܕܐ ܘܕܰܓܙܽܘܪܬܐ. ܘܕܰܥܡܳܕܐ. ܘܰܕܡܰܥܠܬܶܗ ܕܰܡܫܺܝܚܐ ܠܗܰܝܟܠܐ ܘܐܘܫܰܥܢ̈ܐ ܘܰܩܝܳܡܬܐ. ܘܣܽܘܠܳܩܐ. ܘܦܰܢܛܝܩܘܣܛܝ ܘܰܡ̈ܛܰܠܠܐ ܘܰܨܠܺܝܒܐ. ܘܫܰܒܥܐ ܥܺܐܕ̈ܐ ܕܰܒܬܽܘܠܬܳܐ ܕܺܐܝܬܰܝܗܽܘܢ: ܕܣܘܒܳܪܐ. ܕܩܽܘܠܳܣ̈ܐ. ܕܥܰܠ ܙܰܪ̈ܥܐ. ܕܥܰܠ ܫܶܒ̈ܠܐ. ܘܰܕܥܺܕܬܐ ܩܰܕܡܳܝܳܬܐ ܕܥܰܠ ܫܡܳܗ̇ ܐܶܬܒܰܢܝܰܬ. ܘܰܕܫܘܢܳܝܐ. ܘܰܕܡܰܘܠܳܕܗ̇. ܘܰܕܡܰܥܠܬܗ̇ ܕܰܠܗܰܝܟܠܐ ܘܰܕܥܺܐܕ̈ܐ ܕܰܫܠܺܝܚ̈ܐ ܘܰܕܩܰܕܺܝ̈ܫܐ. ܘܰܕܣܳܗ̈ܕܐ ܘܣܳܗ̈ܕܬܐ ܘܐܝܺܬܰܝܗܘܢ:

ܕܡܳܪܝ ܐܰܕܝ ܫܠܺܝܚܐ. ܘܡܳܪܝ ܐܰܒܰܝ ܣܳܗܕܐ. ܡܳܪܝ ܣܰܪܓܝܣ ܘܡܳܪܝ ܒܰܟܘܣ ܘܣܳܗ̈ܕܐ ܡܰܩܒܳܝ̈ܐ ܡܳܪܬܝ ܫܡܘܢܝ ܘܰܒܢܶܝ̈ܗ̇. ܘܡܳܪܝ ܐܳܣܝܳܐ ܘܡܳܪܝ ܐܶܫܰܥܝܐ ܥܶܢܘܝ̈ܐ. ܘܡܳܪܝ ܝܰܥܩܽܘܒ ܡܦܰܣܩܐ ܣܳܗܕܐ ܦܳܪܣܳܝܐ. ܘܡܳܪܝ ܝܰܥܩܽܘܒ ܕܰܣܪܘܓ ܡܰܠܦܳܢܐ. ܘܒܰܪܒܰܪܐ ܣܳܗܕܬܳܐ ܘܡܳܪܝ ܢܺܝܩܳܠܐܰܘܳܣ ܙܳܟܶܐ ܐܶܦܝܣܩܘܦܐ ܕܡܘܪܰܐ (ܒܰܐܬܪܐ ܕܝܰܘܢܳܝ̈ܐ) ܘܡܳܪܝ ܒܶܗܢܰܡ ܘܣܰܪܐ ܚܳܬܗ. ܘܚܰܒܪ̈ܘܗܝ ܣܳܗ̈ܕܐ ܐܰܪܒܥܺܝܢ. ܘܡܳܪܝ ܓܰܒܪܐܝܠ ܐܶܦܝܣܩܘܦܐ ܕܩܰܪܛܡܝܢ. ܘܡܳܪܝ ܫܡܘܐܝܠ ܘܡܳܪܝ ܫܶܡܥܘܢ ܥܶܢܘܳܝ̈ܐ. ܘܰܛܠܳܝ̈ܐ ܕܒܶܝܬ ܠܚܶܡ ܘܡܳܪܝ ܝܽܘܚܰܢܢ ܡܰܥܡܕܳܢܐ. ܘܡܳܪܝ ܐܶܣܛܦܰܢܘܣ ܒܽܘܟܪܳܐ ܕܣܳܗ̈ܕܐ ܘܪܝܫܐ ܕܰܡܫܰܡܫܳܢ̈ܶܐ. ܘܥܶܢܘܝ̈ܐ ܡܳܪܝ ܐܰܢܛܘܢܝܘܣ ܘܡܳܪܝ ܒܰܪܨܘܡ ܘܡܳܪܝ ܐܰܗܪܘܢ. ܘܡܳܪܝ ܣܶܘܝܪܝܘܣ ܦܰܛܪܝܰܪܟܐ ܕܐܰܢܛܝܟ. ܘܡܳܪܝ ܐܰܦܪܶܝܡ ܡܰܠܦܳܢܐ. ܘܬܶܐܘܕܘܪܘܣ ܣܳܗܕܳܐ ܕܐܘܟܝܐܝܛܐ. ܘܡܳܪܝ ܚܰܒܝܒ ܡܫܰܡܫܳܢܐ ܘܣܳܗܕܐ. ܘܐܰܒܓܪ ܡܰܠܟܳܐ ܕܐܘܽܪܗܝ. ܘܙܘܝܳܚܗ ܕܰܨܠܺܝܒܐ ܘܐܰܪܒܥܺܝܢ ܣܳܗ̈ܕܐ ܕܣܶܒܰܐܣܛܝܐ. ܘܡܳܪܝ ܓܝܘܪܓܝܣ ܣܳܗܕܐ. ܘܡܳܪܝ ܝܽܘܚܰܢܳܢ ܐܶܘܰܢܓܠܝܣܛܳܐ ܘܡܳܪܝ ܝܰܥܩܽܘܒ ܕܰܢܨܝܒܝܢ. ܘܡܳܪܝ ܐܘܬܠ ܥܶܢܘܳܝܐ. ܘܪ̈ܝܫܳܢܐ ܕܰܫܠܝܚ̈ܐ ܡܳܪܝ ܦܶܛܪܽܘܣ ܘܡܳܪܝ ܦܰܘܠܽܘܣ. ܘܰܫܠܺܝ̈ܚܶܐ ܬܪܶܥܣܰܪ. ܘܡܳܪܝ ܬܐܘܡܐ ܫܠܺܝܚܐ. ܘܐܰܒܳܐ ܟܰܐܪܐܣ ܥܶܢܘܳܝܐ. ܘܡܳܪܝ ܩܽܘܪܝܰܩܘܣ ܘܐܶܡܳܗ ܝܘܠܝܛ̈ܐ ܘܣܳܗ̈ܕܐ ܚܰܒܪ̈ܰܝܗܘܢ. ܘܡܳܪܝ ܡܰܠܟܶܐ ܘܡܳܪܝ ܝܽܘܠܝܰܢܶܐ. ܘܥܶܢܘܳܝ̈ܐ. ܡܳܪܝ ܡܰܬܰܝ ܡܳܪܝ ܡܘܫܶܐ ܟܘܫܳܝܐ. ܘܣܳܗ̈ܕܐ ܩܽܘܙܡܐ ܘܕܘܡܝܰܢܐ. ܘܡܪܝ ܐܰܚܽܘܕܶܐܡܗ ܡܝܛܪܘܦܘܠܝܛܐ ܕܡܰܕܢܚܐ. ܘܰܥܪܘܒܬܐ ܕܕܰܗܒܐ ܠܕܘܟܪܳܢܐ ܕܬܶܕܡܘܽܪܬܐ ܕܰܬܪܝܢ ܫܠܝ̈ܚܐ ܦܶܛܪܘܣ ܘܝܘܚܰܢܢ. ܘܕܳܢܝܐܠ ܥܶܢܘܳܝܐ. ܘܝܘܚܰܢܢ ܒܳܪ ܢܰܓܳܪ̈ܐ ܘܚܳܬܗ ܣܳܗ̈ܕܐ. ܘܡܳܪܝ ܩܰܘܡܶܐ ܐܶܣܛܘܢܳܪܐ ܥܶܢܘܳܝܐ. ܘܰܬܪܝܢ ܐܚ̈ܐ  ܥܶܢܘܳܝ̈ܐ ܡܳܪܝ ܐܳܒܪܗܡ ܘܡܳܪܝ ܡܰܪܘܢ.[2] ܘܦܰܒܪܽܘܢܺܝܐ ܕܰܝܪܳܝܬܐ ܘܣܳܗܕܬܐ. ܘܡܳܪܝ ܫܶܡܥܘܢ ܕܐܶܣܛܘܢܗ. ܘܣܳܗܕܐ ܐܰܓܪܝܦܐܣ ܘܠܝܒܰܪܢܛܝܘܣ ܘܚܰܒܪ̈ܰܝܗܘܽܢ ܘܕܰܝܪ̈ܳܝܐ ܣܳܗ̈ܕܐ ܫܡܘܢܐ ܘܓܘܽܪܝܳܐ. ܪܘܡܰܐܢܘܣ ܣܳܗܕܐ. ܘܥܶܢܘܳܝ̈ܐ ܡܶܨܪ̈ܝܐ. ܘܡܳܪܝ ܕܺܝܡܶܛ ܦܳܪܣܳܝܐ ܡܰܘܕܝܳܢܐ. ܘܡܳܪܝ ܐܰܒܚܰܝ ܐܦܝܣܩܘܦܐ ܘܥܶܢܘܳܝܐ. ܘܰܢܒܝ̈ܐ. ܘܚܰܕ ܩܢܘܡܐ ܕܩܰܕܝ̈ܫܐ. ܘܚܰܕ ܩܢܽܘܡܐ ܕܣܳܗ̈ܕܐ. ܘܚܰܕ ܩܢܽܘܡܐ ܕܥܢܘܝ̈ܐ.

ܘܓܰܠܝܐ ܕܐܢܳܫܝ̈ܢ ܡܶܢ ܗܳܠܝܢ ܩܰܕܝ̈ܫܐ ܡܶܬܥܰܕܥܰܕ ܠܗܽܘܢ ܒܰܐܬܪ̈ܘܳܬܐ ܕܕܺܝܠܳܢܳܝܺܝ̈ܢ ܒܗܽܘܢ ܘܰܒܥܘܡܪ̈ܰܝܗܘܢ.[3]

 

ܥܰܠ ܦܶܢܩܝ̈ܬܳܐ ܕܨܰܘܡܐ ܪܰܒܐ ܘܫܒܘܥܐ ܕܚܰܫܐ

ܐܺܝܬ ܒܳܗ̇ ܒܦܶܢܩܺܝܬܐ ܩܰܕܡܳܝܬܐ ܨܠܰܘ̈ܳܬܐ ܝܰܘܡܳܢܳܝ̈ܳܬܐ ܕܟܽܠܶܗ ܨܰܘܡܐ ܪܰܒܐ: ܡܶܢ ܚܰܕ ܒܫܰܒܳܐ ܩܰܕܡܳܝܐ ܕܐܝܬܰܘܗܝ ܢܳܓܰܗ ܨܰܘܡܐ: ܘܡܶܬܺܝܕܰܥ ܚܰܕ ܒܫܰܒܐ ܕܩܳܛܢܶܐ ܥܕܰܡܐ ܠܚܰܕ ܒܫܰܒܐ ܫܒܺܝܥܳܝܐ ܕܐܺܝܬܰܘܗܝ ܥܺܐܕܐ ܕܐܽܘܫܰܥܢ̈ܐ. ܘܰܒܗܳܠܶܝܢ ܝܰܘܡ̈ܳܬܐ ܬܠܳܬ ܙܰܒܢܺܝ̈ܢ ܡܶܬܬܰܢܝܳܐ ܨܠܽܘܬܐ ܒܝܰܘܡܐ ܒܨܰܦܪܐ: ܘܰܒܦܶܠܓܶܗ ܕܝܰܘܡܐ ܘܰܒܪܰܡܫܳܐ. ܣܛܰܪ ܡܶܢ ܚܰܕ ܒܫܰܒܳܐ ܘܫܰܒܬܐ.

ܘܐܺܝܬ  ܒܦܶܢܩܺܝܬܐ ܬܪܰܝܳܢܝܬܐ ܨܠܽܘܬܐ ܕܫܒܽܘܥܐ ܕܚܰܫܐ: ܟܰܕ ܡܫܰܪܝܐ ܡܶܢ ܢܳܓܰܗ ܬܪܶܝܢ ܒܫܰܒܐ ܥܕܡܐ ܠܫܳܥܬܐ ܬܫܝܺܥܳܝܬܐ ܕܝܰܘܡܐ ܪܰܒܐ ܕܫܰܒܬܐ ܕܰܣܒܪܬܳܐ. ܘܐܺܝܬܝܗ̇ ܦܶܢܩܝܬܐ ܪܰܒܬܐ ܕܥܳܒܪܳܐ ܠܫܰܪܟܐ ܕܦܶܢܩܝ̈ܬܳܐ ܒܦܰܬܝܘܬܐ. ܒܰܙܢܰܝ̈ܐ ܕܡܰܕܪ̈ܳܫܐ. ܕܝܠܢܳܐܝܬ ܕܰܬܪܶܝܢ ܩܽܘ̈ܡܐ ܕܠܶܠܝܐ ܘܒܰܬܪܶܝܢ ܝܰܘܡ̈ܐ ܕܚܰܡܫܳܐ ܒܫܰܒܐ ܕܦܶܨܚܐ ܘܕܰܥܪܘܒܬܐ ܕܙܰܩܝܦܘܬܐ ܗܳܘܝܐ ܨܠܽܘܬܐ ܕܠܶܠܝܐ ܐܰܪܒܥܐ ܐܰܘ ܚܰܡܫܐ ܩܽܘܡ̈ܐ. ܦܪܺܝܫ ܕܶܝܢ ܕܘܒܳܩܐ ܗܳܢܐ ܒܒ̈ܳܬܶܐ ܡܶܬܟܰܫܦܳܢ̈ܐ ܕܣܰܓܺܝ ܪܗܝܛܪܝܢ ܘܣܰܚܝܚܝܢ ܕܡܶܙܕܰܡܪܺܝܢ ܒܩܝ̈ܢܳܬܐ ܚܢܝ̈ܓܳܬܳܐ ܕܺܝܠܳܢܳܐܝܺܬ ܡܰܕܪܳܫܐ ܕܐܶܒܠܐ: ܒܩܝܺܢܬܐ ܕܩܽܘܡ ܦܰܘܠܽܘܣ ܕܙܰܩܪܗ ܡܳܪܝ ܝܰܥܩܽܘܒ ܕܐܘܪܗܳܝ ܕܰܡܕܰܝܶܒ ܟܪ̈ܺܝܟܳܬܐ ܕܠܶܒܰܘ̈ܳܬܐ ܘܡܰܥܒܶܕ ܒܗܽܘܢ ܥܰܡܺܝܩܳܐܝܬ. ܘܡܶܢ ܗܳܢܐ ܙܢܳܐ ܒ̈ܬܐ ܕܰܚܫܠ ܐܶܢܽܘܢ ܩܰܢܝܐ ܨܰܡܘܚܐ ܕܐܘܪܗܳܝܐ.

ܘܡܶܫܟܰܚ ܐܰܢܬ ܒܛܶܟܣܐ ܡܰܕܢܚܳܝܐ ܕܨܰܘܡܐ ܪܰܒܐ ܒܬܪ ܟܽܠ ܩܽܘܡܐ ܕܫܒܘܥ ܚܰܫܐ. ܐܺܝܬ ܡܺܐܡܪܳܐ ܐܰܘ ܟܳܪܘܙܘܬܐ ܕܡܳܪܝ ܐܰܦܪܶܝܡ ܐܰܘ ܕܰܣܪܘܓ ܐܰܘ ܕܦܘܡ ܕܰܗܒܐ. ܕܠܐܳ ܦܘܫܳܟ ܐܶܬܢܣܶܒܘ ܗܳܠܶܝܢ ܡܶܢ  ܡܟܰܢܫܳܐ ܕܬܘܪ̈ܓܡܐ ܫܰܢܬܳܢܝܐ ܕܐܰܒܳܗ̈ܬܐ. ܘܰܒܩܽܘܕܳܫ ܡܘܪܘܢ. ܐܺܝܬ ܡܺܐܡܪܳܐ ܡܡܰܫܚܳܐ ܘܰܪܗܝܺܛܪܐ ܕܠܳܥܙܪ ܒܰܪ ܣܳܒܬܐ ܡܝܛܪܘܦܘܠܝܛܐ ܕܒܰܓܕܳܕ. ܘܰܬܢܳܝܐ ܕܗܳܠܶܝܢ ܡܰܢ ܬܰܘܣܦ̈ܬܐ ܗܰܘ ܘܠܰܘ ܡܶܢ ܛܽܘܟܳܣܳܐ.

ܡܒܥܐ: ܐܝܓܢܐܛܝܘܣ ܐܦܪܝܡ ܩܕܡܝܐ܆ ܒܪ̈ܘܠܐ ܒܕܝܪ̈ܐ ܕܥܠ ܡܪܕܘܬ ܝܘܠܦܢ̈ܐ ܣܘܪ̈ܝܝܐ ܗܕܝܪ̈ܐ܆ ܡܦܫܩ ܠܡܪܝ ܦܝܠܠܘܟܣܝܢܘܣ ܝܘܚܢܢ ܕܘܠܒܐܢܝ܆ ܩܡܫܠܝ 1967܆ ܕܦܐ 97-105.

 

 

 

[1]  ܒܶܝܬܓܰܙܐ ܚܕ ܒܳܐܡܝܕ ܠܘܳܬ ܡܫܰܡܫܳܢܐ ܬܐܘܡܐ ܟܽܘܪܺܝ ܕܰܟܬܝܒ ܒܺܐܝ̈ܕܰܝ ܦܰܛܪܝܰܪܟܐ ܦܺܝܠܛܳܘܣ ܟܰܕ ܕܰܝܪܳܝܐ ܗܘܳܐ ܫܢܰܬ 1566 ܡ̄.

[2]  ܒܚܰܕ ܒܫܰܒܐ ܩܰܕܡܳܝܐ ܕܐܰܝܠܘܠ.

[3]  ܕܰܥ ܠܳܟ ܕܥܺܐܕ̈ܐ ܕܡܫܝܺܚܝ̈ܐ ܬܪܝܶܢ ܙܢܺܝ̈ܢ ܐܶܢܘܢ. ܥܐܺܕܐ ܕܳܐܠܨܳܝ ܒܗ ܛܘܝܳܒܐ ܕܒܰܨܠܘܬܐ: ܘܒܶܛܠܳܢܐ ܕܡܶܢ ܦܘܠܚܳܢܳܐ: ܘܕܺܝܠܳܢܳܝ ܒܥܰܕܥܺܐܕ̈ܐ ܪܰܘܪ̈ܒܐ ܘܺܝܕܝ̈ܥܐ. ܘܕܘܟܪܳܢܐ ܗܰܘ ܕܳܐܠܨܳܝ ܒܗ ܛܘܝܳܒܐ ܕܒܰܨܠܘܬܐ ܠܚܘܽܕ ܣܛܰܪ ܡܶܢ ܒܶܛܠܳܢܐ ܕܡܶܢ ܦܘܠܚܳܢܐ. ܘܗܳܢܐ ܓܰܘܳܢܳܝ ܕܟܠܗܘܽܢ ܥܰܕܥܺܐܕ̈ܐ ܕܩܰܕܝܫ̈ܐ.

%d bloggers like this: